بدايتنا مشكله ونهايتنا زواج / للكاتبة Asola..AL-3sola ، مكتملة

[لامارا]

	بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته نقدم لكم رواية بدايتنا مشكله ونهايتنا زواج للكاتبة / Asola..AL-3sola قراءة ممتعة للجميع......

[لامارا]

البارت الأول......

جلس على الكنبة بتعب وهو يتذكرقبل سنتين اخر مره التقا فيها معاها كسرته وانمحت ثقته برجولته تذكر عيونهآ الحاده وصوتها الجريء اللي يذبح بس للاسف ذبحه هو ( سلطان لو انك ولد ناصر البراق مد ايدك على حرمه ..انا الشموخ وقويت الكسور ...والله والله والله وهاي ثلاث حلوف قدام الكل و اولهم انت ي جد لو احد غصبني على الزواج لاتكون هالمره اخر مره تشوفوا اصغر حفيده للبراق ) وبالفعل كانت هالمره اخر مره ..قطع افكاره صوت اخته فدوى وهي تقول سلطان يلا لانتأخر على جدي ويقلب الدنيا فوق روسنا ..مشو الاثنين لقصر الجد اللي كلمته م تتثنا وتمشي ع الصغير قبل الكبير ..
اعرفكم على عائلة بطلنا :
الاب ، ناصر عمره 65 المدير العا م لشركات ابوه
متزوج من شيخه عمرها 60
( سلطآن ) عمره 25 طويل وجذاب وفيه من ملامح اهل الكويت ..مايبي الزواج ابد بسبب الذكرى الاليمه اللي صارت له ..اليد اليمين للجد حمد
اخته فدوى عمرها 18
وصلو قصر الجد ودخل سلطان بهيبته المعتاده وسلم على الكل اما عن فدوى فدخلت لجناح الحريم ..
في مجلس الرجال كل واحد من الاولاد يفكر في السبب اللي الجد اصر ان الكل يكون اليوم موجود فــ/
نواف كان يفكر ( اكيد انه بيقول يزوجنا جماعي ولا وش حقه جامعنا كل ابونا _وبضحكه هه م اتخيل سلطان معرس من بعد سالفه بنت العم )
ومشعل ( اكيد بيطلع لنا قرار جديد _ عاد قرارات هالشايب حدها معقده _ يالله الله يستر بس )
ونايف ( م في شي يخليه يجمعنا اليوم .. اصراره غريب اكيد السالفه فيها شي قوي ..امكن يبي ينقل الوكاله لعمي متعب او وفجأه تذكر بنت عمه منصور وفي باله ايه اكيد هي ليش لا )
اما حال البنات فهو لا يختلف عن حال الاولاد
نوف ولاول مره هاديه وراكزه وفي بالها ( يارب لاتخلي جدي يزوجني مشعل ) اما مشاعل كالعاده حالها حال نفسها وساكته وفدوى في نفسها تقول ( مستحيل جدي يرضى عن سلطانه او حتى عمي ناصر ي ليل شنو السالفه الخطيره هذي )
اعرفكم ع باقي العوائل :
الجد حمد - الجده حامده متوفيه
عائله متعب عمره 60 عاقل وراكز متزوج من هدى عمرها 58 وعندهم مشعل عمره 23 مغرور شوي ودايم الدوم يحاول انه يكسر عادات اهله . مشاعل 20 غامضه وتكره الجد مره
عائله مصعب عمره 59 متزوج من فاطمة عمرها 55 وعندهم : نواف عمره 25 لعاب وم يهمه احد ونايف عمره 20 حكيم ومتفهم للامور وينظر نظره بعيده واخر شي نوف عمرها 19 تحب تكتب الروايات والخواطر ..
عائله منصور عمره 50 متزوج من شموخ ولكن انفصل عنها بعد م انجب ابنته الوحيده سلطانه وكان عمرها 10 سنوات
ريح افكارهم صوت واثق جهوري وهو يقول اليوم انا جمعتكم واصريت عشان ....
خلينا نتركهم ونروح لمكان اخر مكان يسوده المحبه والالفه ع الرغم من انه قصر ولكنه عامر بالتواضع والعطاء نروح لعائلة ال حمدان ..
في مكتبه الخاص كان منهمك في ترتيب اوراقه عشان يروح الاجتماع وهو خارج قابل بنته وجدان وهي تقوله : يبه كلم عمامي جمعت الاسبوع نبيها في الشاليهات رد عليها وهو يمشي ان شاء الله كلمي منذر يكلم جبر يجهز الشاليهات ..نطت بهبل وراحت عند خواتها تقولهم يأزروها في المهمه اللي كلفها بها ابوها راحو الثلاثه لجناح منذر دخلو ووافق وكلم جبر وراح تكون جمعت الاسبوع بالشاليهات
اعرفكم على العوائل :
بندر متزوج من نوره وعندهم : مشاري عمره 26 اليد اليمين لعمامه هيبه ورزه .اسيل عمرها 20 صوتها عذاب تعشق الممثله شيلاء سبت وصارت تعشق الازياء مثلها
الابنه الثانيه شموخ : انفصلت عن طليقها منصور البراق ..قويه وشامخه رغم الصعاب ربت بنتها احسن تربيه ..
بعدها بدر متزوج من صالحه وعندهم : منذر عمره 27 مدير قسم المحاسبات بالشركه والكادي عمرها 25 عادل عمره 23 نمارق الرسامه المجهوله بلقب(كبرياء مجروحه ) بعدها اخرا عنقود وجدان عمرها 20 دلوعه العائلة وترتاح لسلطانه حيل..
الابنه الاخيره شروق: متزوجه من سامي وهو يشتغل مع اخوانها وعندهم : فيصل عمره 26 يعشق رسمات ( كبرياء مجروحه ) وهو م يعرف انها بنت خاله .. عز عمره 23 م يهمه شي وم يعتمد عليه ..الجازي عمرها 20 نسخة خالتها شموخ ونفس صفاتها .. ملاك عمرها 18
انتهى البارت ...
توقعاتكم ..
*شنو سالفه السر اللي قبل سنتين؟
*اجتماع الجد شنو حيصير فيه ؟
* الشاليهات والجمعه اللي راح تصير فيها ؟
................

[لامارا]

همسسه : سلطانه عايشه مع اهل امها وكل فتره وفتره تروح عند اهل ابوها ..


البارت الثاني ::
الجزء الاول

##
كآنت جالسه تفكر بالرساله اللي وصلتها من ( سلطان الحب ) ي ترى هل هو فعلا بيكون لي الصديق ولا حاله من حال شباب هالايام ..يوه افكاري متشوشه بس مالي الا سلطانه تحلها لي بس خليها ترجع من عند اهل ابوها .. يوووه نسيت اتصل عليها اشوف الوضع

##
في مكان اخر كان للمره الالف يقرأ رسالتها اللي جاته وفي كل مره ينصدم واول ما يوصل لجمله ( ماكانت هقوتي فيك ي ولد العم كذا )يضيق صدره ويكره اليوم اللي عرف فيه خالد على الجازي بس ي نفس الوقت يقول اصلا انا ليش مهتم بامرها خليها تولي والرب وانا عبدالسلام لا اخليها تعرف مقامي بس ي خوفي تقلب الدنيا علي وتفضحني عاد الجازي م ينشره عليها

نرجع للبراق ..
ريح افكارهم صوته الجريء والجهوري : انا جمعتكم اليوم عشان احط حد لسلطانه بنت عمكم منصور واكسر شوكت....قطع كلامه صوت خطواتها وهي تنزل بعبايتها ولثامها وكالعاده اللي يشوف عيونها الحاده م يقدر يقاومها تكلمت وهي ماخذه هيبة امها : ليه ي جد طايحه من عينك ..ترا انا ما انكسسر للمعلوميه وخلها في بالك زين واحفظها عدل وارتفع صوتها زياده شوفوا ي عيال حمد علم يوصلكم ويتعداكم اللي يدوس لي على الطرف والله والله والله لاقلب الدنيا فوق حدر وم تهمني لاسمعة البراق ولا اهلها ونزلت لين م وصلت لحد ابوها وهمست له وقالت والرب لا ارد اعتبار امي وتوجهت للجد وقالت له : اتوقعك عارف اني وصلت لمعلومات لو انشرها بتزل سمعتكم بالحضيض ي جد وانت عارف ان جدي بو فارس م يخيب الظن
ارتجفت عصاه لاول مره قدام عيااله واحفاده وقال وهو يحاول يخفي اثار ارتباكه ( سلطانه اعملي حسابك من بكرا ملكتك على ولد عمك ناصر )
توه سلطان بيتكلم الا قاطعه صوتهآ ( مالك لوا ي جد ) كل الحاضرين شهقو هذي اول مره احد يرد ع اوامر الجد
وبدون شعور منصور تقدم صوبها وعطاها كف وقالها تربي زين ي قليله الحيا سلطانه رفعت راسها وبكل شموخ ردت عليه : هه رميتني وانا بنت العشر سنين ورفعت صوتها الزم حدودك ي منصور ولا تتكلم في تربيه امي ..امي وخوالي ينحطوا تاج على راس كل واحد موجود هناا
محد قدر يعلق على كلامها حتى الجد نفسه وطبعا كان الموقف وسكوت الجد على كلامها محط استغراب للكل ..رجعت تكمل كلامها بجرأه ( ردوني بيت اهل امي اللحين ) رد عليها الجد بعصبيه الزمي بيت ابوك ي بنت
ردت عليه بسخريه : ابوي ؟؟ اكو اب يرمي بنته وحيدته وهي عمرها عشر سنين ولا عشان اهو اولدك حاميت له ؟ الله ي الدنيا ..
ولااول مره الكل يسمع صوت عمهم منصور منكسر : ي ابوك رحمي حالي ودي اسمع منك في يوم كلمه يبه
كانت بترد عليه بس اللي ما احد حسب له حساب صوت سلطان هالمره اهو اللي رد عليها بس كانت ردة فعله تنبيه لغيره ..اجتمعت شياطين الدنيا كلها في سلطانه يوم سمعته يقول ( حشمي حالك ي بنت العم او ع الاقل حشمي هالرجاجيل اللي واقفين قدام وبستهزاء ولا اهل امك وخوالك م علموك الاصول والتربيه ) تقدمت بخطوات جريئة ناحيه سلطان وجاتها قوه وعطته كف اللي الكل شهق منه وقال بشموخ وهي رايحه صوب الدرج ( الا اهل امي ي ولد ناصر الا اهل امي فاهم )

نرجع لاهل ال حمدان في الشاليهات :
ولاول مره الاولاد والبنات جالسين يلعبوا صراحه من دون هواش كلهم ( مشاري – عز – فيصل – عبدالسلام – المنذر – عادل – اسيل – الجازي – ملاك – الكادي – وجدان – نمارق – وخالتهم شموخ وشروق )
الكل كان منصت لجواب خالتهم شموخ يوم سألتها وجدان عن سسب انفصالها عن ابو سلطانه ..
كانت تتكلم وعيونها بالسماء رجعت لوراء قبل 9 سنوات :
( كان الوقت بعد نص ليل كنت استنى منصور يرجع من شغله هالايام صاير يتأخر كثير نومت سلطانه ورحت على غرفتي واصدمه اني كنت اسمعه يتكلم بس يتكلم مع مين مع وحده وهالوحده ابوها منافس ابوه بشركاتهم بالسوق فمنصور كان يستغلها عشان يطيح سمعتهم ..طبعا انا دخلت عليه وقطيت كم كلمة وهو قط كم كلمه قلت له والله لافضحك عند اهلي ضربني واهانني وانا خارجه من باب الغرفه قالي خذ بينت معاك انتي طالق ) رجعت نظرها لعيال اخوانها واختها وحبت تغير الجو فضحكت وقالت شفيكم ضحك البعض والبض فضل انه يكون ساكت اما وجدان فحست بالذنب انها رجعت ذكرى اليمه لخالتها قطع افكار الكل يوم سمعو صوت عادل يقول يلا الجازي دورك تسألي عبدالسلام .......



• انتهى البارت
* توقعآتكم

- سلطانه شنو راح تسوي مع اهل ابوها وهل فعلا بكرا بتكون ملكتهآ ؟
- شنو المعلومات اللي اتوصلت لها ؟
- خالد هل بيمون له دور كبير؟
- شنو اللي بيصير بين عبدالسلام والجازي ؟


لي عوده مع الجزء الثاني من البارت الثآني

[لامارا]

البارت الثاني
الجزء الثاني ...


قطع افكار الكل يوم سمعو صوت عادل يقول يلا الجازي دورك تسألي عبدالسلام .. تردد في البداية بس اللي طمنه هدوء الجازي وهي تقول : اللي يخون عمره ما يصون شرايك بالجملة ؟؟رد عليها وبدء الخوف يتسلل لقلبه خوفآ من انها تفضحه قام قال : هي بنسبة 95% صحيحه بس ممكن تكون خاطئة اذا الطرف الثاني م اعطى مجال للطرف الاول انه يبرر موقفه او يشرح اللي صار ..صفق فيصل وهو يقول الله الله حكيم زمانك ي سلوم اما الجازي فاكتفت انها تعطيه نظرات استحقار ..كملوا لعب الى م طفشو فقالت خالتهم شموخ بطرده : يلا يلاروحوا لجناحكم _ تقصد الاولاد _ وانتو يلا الحقوني _ تقصد البنات _

خلينا نروح لبطلتنآ ( سسلطآنه )
كانت جالسه تكلم امها ع البي بي واللي قطع وناستها صوت طرقات خفيفه ع باب جناحها .. استغربت سلطانه مين اللي اتجرأ ويجي لجناحها _ بحكم ان العلاقه بينها وبين بنات عمها رسميه _ واللي صدمها اكثر دخول مششآعل ..سلمت عليها وجلست وكانت تتفحص نظرات سلطانه لها .. واخيرا تكلمت مشاعل وقالت : ادري ي سلطانه انك مستغربه من جيتي لجناحك بس احنا بنات عم ومهما صار بينك وبين عمامي وجدي احنا بالنهايه مثل الخوات ..سلطانه انا جايه اقولك كلمتين ..صدقيني اللي انتي جالسه تسويه مع عمي منصور وجدي هو غلط ..وادري يمكن يكون رده فعلك من طلاق امك بس ذا والرب غلط .. وان م بغيتي تتزوجي سلطان بكرا _ وبصوت واثق _ انا اتزوجه بدالك ..
ولاول مره سلطانه مو عارفه شلون ترد لانه بجد صدمها كلامها : اااا بس انتي مالك ذنب باللي صار وانا مستحيل اخلي احد يتضرر بسببي ,,مشاعل اللي انا جالسه اسويه هو عشان ادافع عن نفسسي عن حقوقي شفايدة الفلوس والعز والجاه اذا مافي الرابط الاهم وهو الاسره المتكامله ؟.وجدي يوم امر اني اتزوج سلطان عششا ن يبي يكسرني يبي يكسر قوتي بس يهاب ..مششاعل بالله عليك كم وحده فيكم عندها طموح وماقدرت تحققه عشان اسم البراق بس نهاية اسمها ..؟ نوف كم مره تمنت انها تنزل لها روايه من رواياتها في معرض الكتاب ورفض جدي ؟ بأي حق واي عرف يرفض؟ عشان لاتنهز سمعة البراق على قوله ؟ مو هذي فيها سلب حقوق لنا .. عشان كذا انا م ابي اتزوج سلطان لاني ما ابي احد يسلب حقوقي مني .. وبصراحه يعني عشان م ابي يصير مصيري نفس مصيركم انتو يوم انكم م قدرتوا تثبتو وجودكم ..
كان كلام سلطانه يتردد على مسامع مشاعل واكثر جمله كانت ( احد يسلب حقوقي مني ) رد عليها بهدوء : سلطانه انا احيانا يعجبني ردك على جدي احسك اخذتي حقي منه ..صدقيني كلامك صح احنا عشان اسم حمد البراق م قادرين نعيش حالنا حال بنات جيلنا ..يلا ما علينا انتي فكري في كلامي اني اتزوج سلطان بدالك وبيكون هالشي بيني وبينك بس هو مجرد تغيرر اسم الزوجه واوقع وبعدين نحطهم قدام الامر الواقع واطمني صدقيني سلطان راح يفصخ الخطبة وبكذا تكوني انتي عطيتيهم درس _ وغمزة لها _ صح ولا لا ؟؟
وخرجت من الجناح وتركت سلطانه في حيره والجملة اللي قالتها ( ي ترا شوراك ي مششاعل ؟لازم اعرف سرك وغموضك ؟ ) وفي نفسها تقول انها ارتاحت لمشاعل .....وفجأة تذكرت بنات خوالها وخالتها وقالت خليني اكلمهم ..
كانت جالسه قدام المسبح تشرب كوفي وتسمع اغاني وفجأه بدأت اغنية ( يارب تدوم ايامنا سوا ) تذكرت انها الاغنية المفضلة لعبدالسلام ضحكت بسخرية ..واتعاد قدامها شريط ذكراها الاليم قبل سنة بالتمام ..
(ضحكت وهي تقول : طيب حبيبي الساعه كم الحفلة ؟ رد عليها : الساعه 9 .. اقول جوجو شرايك تجي معاي ؟ صدمها كلامه قالت له : هو عبدالسلام الله يهداك شلون اجي وياك .؟ رد عليها ببرود قاتل : عادي اصلا الحفلة كل واحد من اصحابي ومعاها خويته ولاحبيبته ..!! صدمها كلامه اكثر فقالت له بعصبيه : عبدالسلام شهالكلام وان شاء الله انت رايح .. م جاها رد لانه اصلا فقل في وجهها ..قالت بعصبيه هين ي عبدالسلام .. وفي نفس اليوم في الليل جاها اتصال من رقم غريب ردت كان صوت رجولي ( هه تحبين عبد السلام روحي شوفي اهو في الحفله مع مين ) وقفل الخط جن جنونها راحت مع السايق لبيت صاحبه اللي كانت فيه الحفله دخلت وهي تتمنى ان الكلام اللي وصلها يكون غلط لكن محال دخلت وشافته في حضنه ينت شقراء كانت الجمله الوحيده اللي قالتها : حسافه ي عبدالسلام حسافه واعطته نظرات احتقار وخرجت وهي تحاول تكتم دموعها ولكن اللي م حسبت له حساب الولد السكران _ وكان هو خالد صاحب عبدالسلام _ اللي جاي صوبها حاولت انها ما تبين له خوفها ولكنه تقدم صوبها وبحكم ضعف جسمها امامه حاول التحرش فيها ولكن اللي وقفه ضربه من عبدالسلام في وجهه .. اما الجازي فكت نفسها من الاثنين وقالت لعبدالسلام مهما تسوي راح تبقي بعيوني احقر انسان شفته في حياني .. وركبت السياره وراحت ...مع انه انقذها من محاوله الاغتصاب بس في بالها اللي يخون صعب يرجع يوفي ..
قطع شريط ذكرياتها الاليم صوت بنات عماتها وعمها وهم جايين صوبها ويضحكوا ترددت في بالها اشكالهم وقالت ( عسسآ ربي يخليكم لي ولايحرمنا من بعض لولاكم كنت انا من زمان منتحره ) وراحت صوبهم وهي تبغى تعيش احلى ايامها معاها راحت لهم وهي تقول : سسسلطانه متى جايه وحششتيني ..كانوا يكلموا سلطانه ع الاسكايب ..
ويوم قفلوا تنهدت سلطانه بتعب وهي تقول ( اهه يا الجازي تبي اجيكم بكرا وانا متزوجه هالنحيس اللي واقف لي .. يلا بكرا اشوف لهم حل واجيكم وجاء في بالها كلام مشاعل ففكرت لو ........


* انتهى البارت ..
توقعاتكم ورأيكم عن كل شخصيه يهمني ..

* الجازي وعبدالسلام ؟
* مصير سلطانه ؟
* مشششاعل ؟

انتظروني بالبارت الثالث تحيات

[لامارا]

** اليوم راح انزل لكم اول جزء من البارت الثالث

عند سلطانه ..
صحيت من النوم وهي تعبانه حدها من التفكير وجاء في بالها كلام مشاعل ففكرت لو رضيت تسوي هالشي امها شحتقول عنها هي م ربتني كذا والاهم وين راح اروح من عقاب ربي ؟؟يالله ساعدني ..بدلت ملابسها واخذت عبايتها والشيلة وهي عازمة ومقتعه باللي راح تسووية ..
نزلت تحت عششان الفطور وماكان فيه الا ابوها وجدها وولد عمها سلطان دخلت وسلمت وجلست عن يمين الجد وصارت تشرب الكوفي حقها ونظراتها متوزعه مابين جدها وولدعمها سلطان واخيرا اتجرأت وقالت : ي ولد العم ترا م بك نقص ولا عيب عشان ارفض اتزوجك انت رجال كامل والكامل الله لكن اللي مخليني ارفض - وانتقل نظرها للجد - جدي ..انت ي جد تبي الكل يمشي ع كيفك وانا اسمحلي صحيح مالي بد منكم لكن انا م تعودت على كذا م تعودت ان احد يمنعني من اللي نفسي فيه وهو حلال - زي م منعت نوف - لكن كلامي الاخير موجهه لسلطان : سلطان ترضى تفرض وجودك ك زوج على وحده ما تبيك ؟ انا ادري انك تبي تتزوجني عشان جدي امر صح ولا لا ؟ واخيرا بعد مرور خمس دقائق رد سلطان : ايه ي بنت العم واقولها قدام عمي وجدي السموحه منكم انا ابي اتزوجها عشان يرجع الشمل بينها وبينك ي عم ..
كانت كلمات سلطان بالنسبه للجد قوية مما خلاه يستحقر نفسه فحاول انه يرقع الموضوع بجملة : منصور الحقني ع الشركة لانتأخر على الاجتماع وخرج تارك خلفه سلطان وسلطانه وابوها ..
وقبل لا يقوم منصور وقفته كلماتها : اا يبــ قصدي منصور اسمحلي اليوم انا لازم ارد عند اهل امي ووصل لجدي انه م يقدر يجبر احد ع شي م يبيه حتى لو كان هو كبير العيلة تراحتى ربي م قالها لا في كتابه ولا في سنة نبيه ..
لف عنها وعطاها ظهره: حتى كلمة يبه عجزانه تكمليها.. ووجهه كلامه لسلطان: سلطان وصلها انت بنفسك لبيت اهل امها ..
حست نفسها انتصرت وان انزاح من على قلبها هم كبير يوم قال ابوها هالكلام ..قطع تفكيرها صوت سلطان وهو يقول : ي بنت العم انا رايح اكملي كم شغله بالشركه راح ارد المغرب جهزي حالك ومشى
اول م جاء في بالها بنات عمها راحت متوجهه لهم ..
كانو ثلاثتهم نوف ومشاعل وفدوى مجتمعين بالصالة الخاصه بهم .. مجتمعين ولاهم مجتمعين كل وحده لاهيه نوف تتفرج تلفزيون وفدوى تكلم جوال ومشاعل ساكته ..
دخلت عليهم وتحمحمت : السلام عليكم ..جميعهم استغربوا بس اتداركوا الوضع : وعليكم السلام هلا سلطانه ..كانت هذي اول مره يجتمعو فيها بنات العم الاربع ..كانو يتكلمو عن الجامعه والاسواق والموضه ..ويضحكوا على مغامرت بنات خوال سلطانه كانت احلى جلسه بالنسبة لكل وحده فيهم واللي قطع ضحكهم صوت نوف وهي تقول ها سلطانه عسا اليوم الملكه ؟ تردد سلطانه في الرد بسسب وجود اخت سلطان ولكنها قوت نفسها وقالت : بنات عمامي شوفي انا مني رافضه سلطان بسسب عيب ولانقص انا رافضته عشان اسباب خاصه ولكن خلاص اتصافينا ماكو ملكة اليوم ..م قاطعهم الا صوت اذان المغرب ضربت سلطانه جبهتها وهي تقول : يووووه المغرب اذن وانا م جهزت نفسي سلطان اللحين جاي - شافت نظرات بنات عمها موجهه لها بالاستغراب - ضحكت وهي تقول لايروح بالكم بعيد انا رايحه بيت اهل امي وابوي - وقفت كلماتها عند كلمة ابوي حست نفسها ان عندها عزوة عندها سند حست بشعور حلو - ااا ابوي اصر ان سلطان يوديني .. كل البنات اتحلطموا وقالوا : ليش بتروحي خليك ويانا .. اتعذرت منهم وقالت لهم هي كلها اسبوع الاربعاء الجاي انا ناطه عندكم .. وراحت غرفتها تجهز نفسهاا .. ومن يوم م خرجت عم الهدوء ولكنهم خلال الساعات البسيطة اللي جلسوها مع بنت عمهم اكتشفوا انها حيل طيبة وانها مهما سوت مع عمامهم وجدهم بتظل تحب اهلها .. وسلطانه خلال هالساعات اكتشفت شخصية كل وحده منهم واخذت عهد بينها وبين نفسها انها لاتحقق لهم امنياتهم ...
كانت جالسه بغرفتها في الشاليهات تطبع صور شيلاء سبت من النت وتلصقهم على الجدار ..دخلت عليها الجازي وهي تقول : آسوول يلا قومي خالتي شوقه تقول خلينا نسبح قبل لانرد البيت وطاح نظها على الصور المطبوعه توجهت لها وهي تمزح فقالت اسول شرايك اشقها عشان ترتاحي وطبعا اسيل من يوم م سمعتها قالت لااااااااااااااااااا ودفتها اما الجازي فطاحت على حافت طاولة الكمبيوتر ووقعت مغشي عليها ..اسيل يخوف جوجو شفيك وراحت لها تهزها واللي صدمها يوم شافت في يدها دم الجازي عليها .............




آنتهى البارت الثالث الجزء الاول
تآبعوني تحياتي

[لامارا]

همسسه : حدث غلط في اسماء الابطال فــ ( عبدالسلام هو عادل ولد بدر )


الجزء الثاني من البارت الثالث ...


كنت خايف اني افقدها ..ايه كنت خايف انها تروح لتحت التراب وهي شايله بخاطرها علي .. كنت جالسس في امان الله اعزف ع البيانو م وقفني الا صوت اسيل وهي تصرخ الحقوني .. الجازي بتموت ..تمنيت ان الكلمات تكون وهم بس اللي اكد لي صوت صراخ اسيل وهو يعلى .. خرجت من جنآحي ورأسي بالارض خوفآ من ان تكون اسيل مو متغطيه .. ردلي صوتهآ البآكي : آآآ تعال الحقني انا متغطيه وهي بعدها ..رحت اركض صوبهم امرت اسيل تساعدني بحملها وطيران ع المسستشفى وع طول دخلوها العمليات والدكتور يقول انها فقدت دم كثير .. جبنأ كل العائلة كلهم كانوا يبو يتبرعوا لانه بجد الجآزي تستاهل كان باقي اخر شخص انا دخلت والكل يدعي ان لعل وعسسى تتطابق الزمرات ولكن الزمرات بالفعل اتطابقت .. اخذوا م يكفي لها وانا اقول كل فدآ لها عسساني اعوضها عن اللي شافته السنه اللي طافت ..
##
كنت رايحه راده بممر المستشفى خايفه انها تموت .. واكون انا السبب اني فقدت اغلى انسسانه ع قلبي بسبب ممثلة م تدري عن هوا داري ..وبدأت دموعها تنهمر ي رب قومهآ بالسلامهه

الكل كان في حاله يرثى عليها .. الموقف كان صعب ع الكل الجميع في حاله بكآء ودعآء ..وبنتظآر خروج الدكتور .


خلينآ نروح لمكآآن اكثر هدوءاَ وصمتاً .. في سيآره سلطآن المتجهه لشاليهأت اهل ام سلطآنه
كآن الصمت سيد الموقف لين م ضج المكآن نغمة جوآل ( غدآر لمحمد العامر وعبدالله سالم ) استغربت من اتصآل عبدالسلام لها في هالوقت : ردت بشموخ : هلآ آمر ي ولد الخآل.. كآنت كلماتها زي الصاعقه ع رآس سلطانه بدأت دموعها تنهمر خوفآ من فقد بنت خالتها الغأليه .. قفلت من عبدالسلام ووجهت كلامها لسلطآن / م عليك امر ي ولد العم ودني لمستشفى ,,,,,,,,,, وبصوت مخنوق اهلي هنآك
م حب سلطان يناقشها ف الموضوع او يسألها لانه حس انها متضآيقه حيل ففضل الصمت وغير اتجاه طريقه الى ان وصل للمستشفى ,,
ولمآ وصلت السلطآنه لهم خرج الدكتور بجيتهآ كانت هي اول السألين عن حآله الجازي
واللي هدا وضعهم كلمات الدكتور : هي الحمدالله بخير خيطنا لها الشق باكثر من ثلاث غرز بس للاسف المريضه فقدت ذآكرتها ............. وتركهم في الصدمه

* انتهى البارت

توقعاتكم :
- الجازي ؟
- عبدالسلام بيكون لهه هدف يوم عرف ان الجازي فقدت ذاكرتهآ ؟

[لامارا]

البارت الرابع ..

عند البراق : وبالتحديد في جناح مشاعل ..
كانت تكلم تلفون وحدها معصبة : شوف نموت لكن م تموت الكرامة ..دامك نويت الصد فالوعد قدام ..انايوم ولا يومين انا معاك ثلاث سنين ..تجي بارده مبرده تصدق عني اشاعات مم هقيتها منك ي منذر ع كل العموم حولي قلوب كلها حب وهيام واعرف حلال الحب واعرف حرامه كم قلب يتمنى وصالي ولا رام كم قلب ينسج في الخفوق - وبصوت حاد - احترامه ي منذر احترامه ..وقفلت واطلقت العنان لدموعها وهي تقول : تعبت تعبت اكتم .. ليش ي منذر ليش ؟
اما عند نوف ..
كانت جالسه تكمل سابع رواية لها كانت تكتب نهاية الرواية بان البطلة والبطل اتزوجوا تخيلت لو انها عروسه ولابسه نفنوف العرس ابيض طويل وبنات عمامها معها تمنت هالشي كثير كثير ..يلا ربي يوفق ..روراحت عند فدوى ومشاعل تشوفهم ..
اما فدوى كانت نايمة ..
تحت عند الاعمام..
بصوته الجهوري : منصور الحقني المكتب ابيك ..
راح منصور وراه ..
الجد : اسمعني ي منصور سلطانة بنتك مي هينه وشكلها عرفت عن المناقصات والصفقات الاخيرة المشبوهه .. وطبعا ابو فارس راح يوقف معاها .. لازم توقفها عند حدها ولا انا بتصرف ..
رد عليه بأنكسار : تامر ي يبه . انا بكلمها
الجد : تقدر تتفضل ..
نروح لمكان اول مره نزوره نروح لبيت الجد ابو فارس ( هذآ يصير جد ام سلطانة )
وهم يكلم بالتلفون : اقولك انا متأكد من الاوراق ولو رفعتها للشرطة راح تنهدم سمعة البراق وشركاته ..لا لا لا مو حقد الحمدالله من الله مستورة بس هذي السلطانة بنت شموخ الله يهديها الا مصرة تبي الاوراق مدري شناوية عليه .. ايه ايه انت لاتشيل هم اكيد انا معاها وماراح اخليها تسوي شي غلط ..
( الجد ابو فارس عمره (66 ) متزوج من ام فارس متوفيه .. ما عنده اولاد بس كذا يلقبوه بابو فارس ..حكيم ومتفهم للامور من كبار الشخصيات بسوق التجارة )
بعد اسبوع واربع ايام ..
##
بالي مشغول بسالفه الجازي ومو عارفه شنو اسوي كلنا كنا مصدومين من السالفه واكثر وحده فينا اسيل قررنا نجلس بالشاليهات لعل وعسى الجازي تتذكر شي ..بس اللي استنتجته خوف عبدالسلام اللي مو في محله احس فيه أن في الموضوع يلا م علينا اهم شي الجازي تتعافي...خرجت مع سلطانه والبنات للاصطبل لانه الجازي كانت حيل تحب الخيول ..ركبت اسيل معاها ع المهره خيال وحنا كل وحده ركبت خيلها وجلسنا نمشي فيه واللي م حسبنا له حساب الخيل فارس حق مشاري لمن هاج وكسر الباب حق غرفته كان متوجه للمهرة خيال الجميع كان في حالة توتر وثقة خفيفه لان اسيل خياله اللي صدمنا ان المهره حتا هي قامت ترفز وهاجت وقفزت والمصيبة ان الجازي واسيل طاحوا منها طيحة قوية طاحت الجازي وفوقها اسيل ..كنت في حااله يرثى عليها م وعاني الا صوت سلطانة وهي تقول : وجدان روحي ناديهم رحت اركض لهم خوفا من فقد الجازي مرة ثانية ..توجهنا للمستشفى وهناك تلقينا خبر اسعدنا صدمنا الدكتور بجملته : دي اول حاله تمر عليا كده دي نادرة قدن دا هيا استعادة ذكرتها في خلال اسبوع وايام بسبب طيحة من الخيل ..من الفرحة سلطانة ركعت ساجده لرب العالمين .. فرحنا والدنيا مو سايعتنا ..


* انتهى البارت الرابع ..
توقعاتكم

[لامارا]

البارت الخآمس
##
كانت جالسة ع اللاب توب تضيف اخر التعديلات على رسمتها عشان تنزلها بالنت ..
فجأة سمعت تنبيه بوصول رساله لها وكانت من سلطان الحب : ( فيصل )
سلطآن الحب :
هلآ اختي آنتي موجوده ؟ حبيت اخذ منك بعض الاستفسارات ..
تردد نمارق بالبدآيه بس م حست بنفسها الا وهي تكتب :
هلآ آخوي آيه موجوده آمر وش بغيت ؟
سلطآن الحب :
حبيت اسألك عن البرامج اللي تسوي بها تعديلات رسماتك
كبرياء مجروحة :
شوف اخوي فيه : photo ccllage - labelbox - one photo - old photo pro
سلطان الحب :
مشكورة .. مع السلامة
كبرياء مجروحة :
مع السلامة
##
عند فيصل :
(حبيتها من اول يوم شفت فيه رسماتها .. اسمها لفت انتباهي ( كبرياء مجروحة ) حسيتها مكسوره حيل ..بدأت اتابع رسماتها اول بأول لين م اتطور الامر بيننا الى صداقه ..بس هي مأخذه نص تفكيري ..ي ترا حبيتها ؟ مستحيل احب وحده من النت ..قام يبي يبعد الافكار من راسه وقال خليني ابدل واروح للمنذر )

اما عند نمارق :
جالسه تفكر بالانسان المجهول اللي صار شبة يومي يكلمها ..ي ترا هو حاله حال شباب هالايام .. ولابيكون ولد عالم وناس ويخاف ع بنات الناس اكثر من خواته .. يلا الله يعين ..خليني انزل اشوف لي شي اكله .. واخذت معاها لوحتها والالوان كانت بتحط ( توقيعها / كبرياء مجروحة ) ...
طلبت من الخدامه تسوي لها برجر وبطاطس وتجيبه في الحديقه ..راحت هي وبدأت تكتب اسمها بفن .. قطع تفكيرها صوت اختها وجدان وهي تقول : نانا ناانا نمارق يلا قومي رايحين عند اسيل ..نمارق بفهآوه : طيب ليش ؟ آسيل ياربي ي خي يلا بسسسسسرعه م في وقت
قامت نمارق تلبس عبايتها وتركت اللوحه ع الطاولة ..
خرجوا الثلاثة : وجدان ونمارق والكادي .. متوجهين لبيت اسيل ,,
وبعد سسآعهه :
دخل فيصل لبيتهم ومر بالحديقه لفت انتباهه اللوحه والالوان الكثيرة اللي على الطاولة .. ابتسم وجاء في باله ( كبرياء مجروحه ) ىتجرأ وتقدم صوب الطاولة صدمه الاسم اللي مكتوب ع اللوحه وفي باله : مستحيل تكون هي بنت خالي مستحيل .. حاول يبعد هالافكار عن راسه وحاول يقنع نفسه بأن هي اكيد تشابه اسماء او وحده من البنات تحب رسماتها ,, وتوجه لداخل القصر وباله مشغول مع الاسم ..

##
عند البنات في بيت اسيل :
(الجازي - سلطانه - اسيل - نمارق - وجدان - ملاك - الكادي )
كلهم كانوا مجتمعين فجأه .. كانوا ينتظروا اسيل تتكلم وتقول شنو سبب هالاجتماع ..
واخيرا تكلمت وقالت : بنات اليوم اخوي مشاري خطب وحده منكم - وبضحكة - تدرون مين خطب ؟ خطب ميكو
كلهم صفقوا وصراخ فرحوا كلهم لمشاري وملاك ..وبعد صلاة المغرب اجتمعت العائلة كلها عشان الخطوبة الفجائية ..والسبب عشان مشاري يبي يكمل دراسته برا وابوه رافض يقول : خذ الحرمه وروح ..
ملكوا اليوم والزواج بعد ثلاث اسابيع ..ملاك م كانت راضيه بس مع اصرار البنات وافقت ..

##
نروح لاهل البراق شوي ..
عند الاولاد كانوا مجتمعين ولاول مرة بهدوء كل واحد فيهم سرحان ويفكر ..

سلطان : اليوم اربعاء شفيها م جات ؟ هه وانا شحقه مهتم بامرها ؟ انا لي بنفسي وبس ..

نايف : كان مندمج يقرأ الرواية اللي كاتبتها اخته ..

مشعل يفكر بنوف : اليوم لازم ينحط لي هالسالفه حل ..يا اخطبها او تروح مني

نواف كان لاهي بجواله ..
##
نرجع للملكة ..
كانت في البيت عائلية .. بس مع ذلك استانسوا وكان اليوم لايخلو من احراجات اسيل ووجدان لملاك ..وبعدها ناكوا كلهم البنات عند اسيل ,, والاولاد عند مشاري ..

عند الاولاد :
مشاري وعز يلعبوا بلوت

عبدالسلام يفكر بالجازي .. واخيرا قرر انه يخطبها .. بس مو عارف كيف يفتح الموضوع ..

المنذر كان يكلم جوال ..( ي ربي افهميني والله اللي صار من غيرتي عليك .. لا طبعا م صدقت .. بس لو كنتي مكاني شنو راح تسوي ؟؟ .. مشاعل انتي اللحين معصبة اكلمك بعدين .. يلا اخليك )

اماعند فيصل كان يتصفح صفحات كبرياء مجروحه .. واخيرا جاه تنبيه انها نزلت رسمه ..لما شافها جلس يقول : انا شايفه هالرسمه قبل بس وين ؟ وين ؟ وتذكر اللوحه اللي ع الطاوله ببيت منذر .. واللحين اتأكدت شكوكه ان هالارسامه المجهوله اللي اخذت فكره وعقله وياما سهرته ليالي هي من بنات خاله بدر .. بس ليش مخفيه نفسها ..؟؟ انا لازم اعرف الموضوع بنفسسي ...

اما عند البنات :
ملاك والكادي نايمين ..
والباقي يتفرجوا فيلم ..

##
نروح لعند مشاعل ال البراق ..
كانوا نوف و فدوى في جناها يهدوها ..
بس كانت ماهي في وعيها وتبكي بهستيريا : ليش ي منذر ليش ؟ انا اللي حبيتك سنين عمري .. ليش ؟ .. وتوجهت لتسريحتها وصارت تكسر العطور اللي عليها وفجأه طالعت في يدها لقتها تنزف دم .. وصرخوا فدوى ونوف يوم شافوها تطيح من طولها .......!!



* انتهى البارت ..
توقعاتكم ,,

انتظروني .....

[لامارا]

البارت السآدس
##

بعد اربع ايام ..
البنات محتاسين وكل يوم نازلين السوق يبو يخلصوا بسرعه ,, استئذنتهم سلطانة وراحت لبيت ابوها لمآ دقوا عليها وقالوا
لها ان مشاعل تعبانة وتبيهآ ..
##
رحت للمستشفى وكلي خوف من انه ينعاد موقف الجازي علي .. ارتحت يوم قالوا لي انها بخير بس مجرد التعرض لصدمة
ونقلوها لغرفه خاصه ..الكل راح لان وقت الزياره انتهى وماتم عندها لا انا وفدوى ونوف وطبعا في البداية ماوافقوا
المستشفى اكثر من مرافقه وحده بس يوم عرفوا ان احنا احفاد بدر البراق سكتوا وماقالوا شي ..
تكلمت بعد صمت ..
واللحين ي ميشو انتي بصحه وسلامة ممكن اعرف شنو السبب اللي خلاك كذآ؟ وسكتت ثواني ,, ادري انك تعبانة وماودك
تتكلمي بس انا لازم اعرف اللحين وبحضورنا كلنا,,
بعد صمت دام لمده دقائق معدوده تكلمت مشاعل :
حبيته من وانا ثالث ثانوي وهو بثاني جامعه ,,عشنا احلى ايام سوا .. جاء وخطبني لكن جدي رفض والسبب مجهول
وبعدها بفتره انتشرت عني اشاعه في الجامعه ما ادري شنو هي ومنو الفاعل ..خلت منذر يبعد عني سنة او اكثر ..
عشت دونه وتحملت الالم لوحدي ..وكل يوم اشوف جدي قيه احس ان هوا السبب ويزيد كرهي للجد ,,ووجهت كلامها للبنات
عرفتو انا ليش اكره جدي . لانه حرمني من اعز واحد في حياتي ..وبعد السنين اللي مرت جاء منذر يبي يرجع لي وانا
اللي كنت كل يوم اشوق محادثاته واقول : متآ بتعود ؟
بدأ الشك يدب بقلب سلطآنه / اش قلتي لي اسمه .؟
مشاعل بألم / منذر ..منذر بدر حمد ال حمدان
شهقت سلطانه وبصدمةة: ولد خالي ..عشان كذا جدي رفض الزواج وقفت بشموخ : بس والرب ي مشاعل حبكم ماراح يضيع
ودموعك ماراح تروح هدر وقريب بتصيري حرم منذر ..وخرجت من الغرفه متوجه لقصر الجد ..
##
نروح لعند بيت آسيل :
البنات للحين عندها حالفه م تخليهم يروحوا الا بعد الزواج ,,
اللي نزلوا السوق ( الكادي وملاك واسيل ) والجازي ووجدان ونمارق كانوا بالبيت ..
الجازي نزلت عند خالتها <ام اسيل .. وتمت نمارق فوق ع اللاب توب
وفجأه بدأ سلطان الحب يسولف معاها بميانه ..
نمارق م عجبها الموضوع فقالت له :
اخوي سلطان الحب ..انا من عائلة معروفه وان كنت اتكلم معاك بالبداية عشان البرامج والرسم بس غير كذا لا اهلي
بيسمحوا ولا انا بسمح لنفسي .. اتمنى انك م تكلمني الا لشي خاص بمجال الرسم , مع السلامه
هنا حسن على نفسه فيصل :
ايه بس والله نسيت نفسسي آسف ي اختي .. مع السلامه
عند فيصل : ( كبرت بعيني يوم ماخلتني اكمل كلامي ..) ترك اللاب تبعه مفتوح وخرج للمول يلحقهم ..
نزلت نمارق وتوجهت لخالتها باست راسها وسألتها عن وجدان والجازي ردت عليها انهم خرجوا للحديقه ..وهي رايحه لهم جاها
بينق من الجازي وتقول لها / الحقينا لعند جناح الاولاد بنآحذ افلام ..ضحكت وراحت لهم ,
دخلت وشافتهم محتاسين قدام الافلام جذبها لاب توب اسود مفتوح والخلفية رسمه من رسماتها ..نوجهت له وصدمها
الكلام اللي كان مكتوب ,, صدمها انها شافت المحادثه الاخيره اللي بينها وبين سلطان الحب ,,
قطع تفكيرها صوت الاثنين وهم يقول : نانا يلا بسرعه لقينا الفلم ..
خرجوا وكأن شي لم يكن غير ان بال نمارق مشغول مع اللاب توب اللي شافته وقررت تسأل البنات من عند اخوها
لاب توب hp اسود..
##
نرجع لسلطانه ..
وهي بالسياره متوجه للبيت اتصلت بأمها / هلا ماما ..آخبارك .. ايه بغيت رقم منذر ولد خالي .. لالا مافي شي بس بسأله عن
الجامعه اللي كان يدرس فيها , زين ,,ايه ,, ايه .. مشكوره يمه .. ايه اليوم راده او بكرا في الصباح عندي شغله لازم
اخلصها .. يلا بحفظ الرحمن ..
دقت على المنذر ..
كان مع الاولاد ع الطاوله في المطعم ومع الاصوات والحوسه م سمع موبايله مما خلا سلطانه ترجع تدق عليه ,,
نبهه عز يوم قاله / منذر موبايلك يدق
قام منذر من على الطاولة : عن اذنكم شباب وتوجه بعيد عنهم ..
بالبداية استغرب من الصوت الانوثي لكنه تبلم يوم سمعها تقول :
م هقوتي منك ي ولد الخال تصدق الاشاعات عن اول بنت حبيتها ,,تري ليش جدها رفض بالبدايه زواجكم .؟
لانه عرف انك ولد خالي ومايبي يخلي اي علاقه ثانية مع ال حمدان من بعد علاقه امي وابوي .. بس والرب ي ولد
الخال دامك تبي مشاعل لايكون زوجكم على يدي وانا سلطانه بنت منصور وشموخ ..
م عرف شنو يقول لها او شنو يرد :
سلطانه والرب اني حبيتها من كل قلبي ..واللي صار اول ردة فعل .. انا اغار عليها حيل ,,مشكورة سلطانه مدري شلون اشكرك ..
قطعت كلامه :
لاتشكرني ولاشي بس ابيك تجهز نفسك اليوم اول م ارسل لك بنق ابيك تكون عند بيت اهل ابوي عشان الخطوبه وجيب
خالي معك ..
منذر برضوخ :
طيب ان شاء الله ..
قفلت منه ..
ونزلت لداخل القصر
دخلت ولقت الجد مع عمامها وابوها والاولاد..
ردت السلام بكل ادب وهيبه ..وتوجهت للغرفه اللي بينها حاجز عن غرفتهم
قالت بصوتها الجهوري : ما ظنتي ي جد طلاق امي من ابوي له دخل باي علاقه زواج تصصير بالعايله صح .؟
باي حق رفضت زواج منذر من مشاعل ؟ عشان لايكون فيه رابط وياك مع اهل امي .؟ لاخاف هم ماعاد لهم شي
عندك ..وبثقه اسمح لي .. اليوم بيجي منذر ويخطبها واتمنى انك توافق ..
هدوء عم المكان لكن صدمه رد الجد البارد:
صحيح انا غلطت ي بنت منصور ..حياه الله .. اليوم هي له ولو يبيها خذها بماهي عليه ..
ابتسمت ابتسامة نصر وفي بالها ( ادري فيك ي جد م وافقت محبه ..اكيد بتساومني ع شي )
امر الجد ان الكل يكون موجود وبالفعل خلال ساعه الكل جاه ..
وبعدها بدقايق دخل منذر ومعاه ابوه ,,
سلموا واتكلموا في الموضوع ,, وخطب منذر مششاعل ..
وبعد مده تكلم الجد :
ي سلطانه
ردت عليه بهيبه : امر ي جد
رد عليها : مايآمر عليك ظالم ..هاذاني وافقت ع طلبك..وافقي ع طلبي ....
قاطعه مشعل / اني اتزوج نوف
صدمه ,,,صدمه ,,, صدمه,,
كانت بالنسبه لنوف هي ميزت صوته من بين الكل ..
توجهت عيون الجد لمشعل وبعدها لابو نوف ..
تكلم مصعب وقال / ومنو بلقى لبنت احسن منك ي مشعل توكلنا ع الله ..
خطبوا عند الشيخ ,,
وارتاحت سلطانهه لانه ذا اللي كانت تبيه تبي تتطمن ع بنات عمامها وخوالها ,,
واليوم كانت ملكة
نوف & مشعل
مشاعل & منذر
حدد مشعل الزواج بعد شهر اما عن منذر فقرر انه يكون مع زواج مشاري بعد اسوبعين ..
خرج منذر وابوه وراحت سلطانه معاهم بعد م قالت لابوها انها هالاسبوعين ماراح تجي عشان زواج ملاك..
##
عند البنات في بيت اسيل:
كانوا يستنوا سلطانه نوصل عشان يبدأو الفلم ولكن صدمهم يوم امرهم بدر انهم ينزلوا ..
نزلوا البنات كلهم وفتحوا فمهم يوم شافوا سلطانه مع منذر وابوه ..
ضحك بدر وقال : لاتفهموا غلط اليوم انا رحت مع سلطانه وخطبنا لمنذر بنت عمها وحيكون الزواج مع زواج مشاري وملاك ..
كلهم صرخوا ,, واستئذنهم منذر وبدر ,,
طلعوا وهم فرحانين بعد اسبوعين بتكون الفرحه فرحتين ., وجلسوا يسألوا سلطانه عن اسمها ووصفها وووو ..وبالنهايه جلسوا
يتفرجوا الفيلم ..
قطع حماسهم صوت نمارق وهي تقول : بنااااااااااااااااااااااا اااااااااااااات
كلهم التفتوا عليها يستنوها تتكلم قالت : مين اخوها عنده لاب توب اسود hp ؟
طالعوا فيها البنات بمعنى مو وقتك ,, ردت عليها الجازي ان اخوها فيصل عنده ...
ومن حسن حظها ان محد سألها ليش الا السلططانه شكت في الموضوع بس قالت بعد اسألها ..
نمارق في بالها " طلعت انت ي فيصل " وكملت معاهم الفليم ..
وبعد م خلصوا توجهوا للنوم ماعدا نمارق وسلطانه ,,
توجهت سلطانه لنمارق وسألتها عن سبب سؤالها الغريب اليوم ,,
اما نمارق حست انو لازم تقول السالفه حق احد : فبدأت تتكلم من اول م اتعرفت عليه وحتا اخر محادثة بينهم وانها كيف
عرفت انه من العايله وختمت كلامها بجملة / مدري شسوي ي سلطانه .؟
سكتت سلطانه لثواني وقالت / بس ريحي قلبك دام الموضوع صار عندي لاتشيلي هم ..
م ردت نمارق عليها لانها بالفعل عارفه ان سلطانه ماراح تخذلها وراح تساعدها ..
##
بعد اسبوعين .. يوم الزواج ..
في قصر اهل ابو سلطانهه /
مشاعل حدها خايفه ونوف وفدوى حولها يهدوها ..
اما عند البنات في قصر حمد ال حمدان ف الحال لايختلف //
ملاك تبكي خوفا من الزواج وهذي المره الثالثه اللي الكوفيرآ تعيد فيها الميك اب لها ..

في قصر الزوآج ..
كان اول الواصلين طبعا امهات البنات بعدها وصلوا البنات وتمت الكادي مع ملاك فوق ..
كانوا كلهم جمال بمعنى الكلمة بس تترأسهم في الجمال الطبيعي سلطانه وبعدها الجازي ..
وجدان كانت لابسه : فستنا قصير لفوق الركبة بشوي قوشي وتتوسطه شريطه خضرآ وكعب اخضر ومسويه ميك اب خفيف
ونسويه شعرها كيرلي وتركته ع راحته ,, وطلعت كأنها طفله ..,
اما نمارق : كانت لابسه فستنا طويل اسود مديله فرنسي وحاطه ميك اب فوشي ولابسه ع شعرها تاج صغير .
اما عن اسيل اخت المعرس : كانت لابسه فستان مموج موف ودرجات الوردي ومسويه ميك اب ثقيل شوي وتسريحتها
مرفوعه حيل ..
الجازي : لابسه فستنان ناري قصير وسوت شعرها غجري وحطت ميك اب اصفر واورنج خفيف وطلع شكلها ملفت جدن..
الكادي : لابسه فستان اخضر تتوسطه شريطه ذهبيه طويل وله ذيل وحاطه في شعرها فراشه ذهبيه وميك اب ذهبي
ثقيل ..
اما عن بطلتنا سلطانه : كانت لابسه فستان قصير طبقات ملون ولابسه كعب فوشي وسوت شعرها بف وموجته من ورا
وميك اب خفيف بلون وردي وكان شكلها ملفت للنظر ,,
بدؤ تشغيل الاغاني ووصول المعازيم وطبعا البنات في كل اغنية وهم يرقصوا وكل وحده تقول الزين عندي ..
وصلوا بنات عم سلطانه راحت لهم تستقبلهم ..
##
السسسآعه وحده ونص .. موعد زفة مشآعل
دخلت بفستآنها الابيض الطويل والميك اب الوردي الثقيل وتسريحتها الخفيفه ..
نزلت وهي فرحآنه اليوم بتصير عروسسته للمنذر ..
دخل هو ووراه عيال عمامه واخوان مشاعل وابوها ..
رقصوا الاولاد وطلعوا بعد م سلموا ع منذر لانهم بيدخلوا بعد في زفه مششآري ..<<قطهه هههههه
غنت لها سلطانه بصوتها الخيال :
ياقمر روح اختفي ابعد بضوك وانطفي
هالليله في غيرك قمر وجودها مو مكتفي

هي قمر غير عنك ماتشبهك فيها منك
فيها الحسن شي خيالي لو شفتها تنسى اسمك

يا ليل يا ليلي ليلي ليل يا ليلي ليلي ليل
تونه بطاري هالقمر عمره طويل

هذا الجمال المستحيل الوقت في شرحه طويل
احترت مدري وش بقول مهما بقول والله قليل
غنيت فيها ولجلها من نظره انا حبيتها
وشلون لو كلمتني يمكن اموت بقربها

يا ليل يا ليلي ليلي ليل يا ليلي ليلي ليل
تونه بطاري هالقمر عمره

صفقوا لها البنات بحراره اما مشاعل بدأت عيونها تدمع راحت لها سلطانه وضمتهآ
تمو ربع ساعه وبعدها خرجوا عشان تبدأ
زفة مششآري وملآلآلآك :
دخلت عليهم بفستآنها الابيض الطويل ومكياجها الاحمر مع تسريحتها الغريبة بس جميلة
على زفة قمر قمر ..
بعدها دخل مشاري وهو حده فرحان الدنيا مو سايعته اليوم ملاك بتكون له لوحده ملاك الل يحبها بتصير ملاكهه
ووراه ابوه وخواله والاولاد ..
البنات نزلوا من الكوششه عشان الاولاد يأخذوا راحتهم في الرقص ..
ولما سلموا وانتهو برضوا غنت بس هالمرة الجازي :
فرس فرس من حسنها الحسن انخرس
تتزاحم قلوب البشر بقبالها
وقفت فرس مشيت فرس لفتت فرس
من حقها تغتر حيل بحالها ..
كم ساحرا في عيونها النجلا درس
وكم شاعرا من حسنها غنى لها
واحلى الغواني بقربها كلن حرس
كل الحلى مغلوب فيها لحالها ..
كم قلب في درب مشت فيه انغرس
يحلم تمره لو بظل ظلالها
ما تلتفت حتى القوي لين المرس
مترفعه ما كل من جا طالها ..
بس هالمرة مع تصفيق كانت صدمه لهم ع قول وجدان : اليوم انكشفت مواهب ..
وقبل لايطلعوا الاولاد ولما توجهوا جميع المعازيم للبوفيه وما بقي غير الاهل ,, اخذ عبد السلام المايك وقال :
طلبتك ي عمي سآمي وي خالتي شروق آبي بنتكم الجازي على سنة الله ورسوله
وبعده اخذ فيصل المآيك وقال : دآمك بتأخذ اختي انآ بعد بأخذ آختك نمارق على سنىة الله ورسوله ي خالي بدر ..

صدمه ،، صدمه ،، صدمه
جميع الانظآر اتوجهت للجآزي ونمارق ولكن ...............



* انتهى البارت
* توقعاتكم

.. انتظروني ..

[لامارا]

البارت السآبع ..


##
كنت ندمان حيل ع تسرعي باخذ المايك .. بس مدري لهي جآه ع لسسآني اسم نمارق من بد وجدان والجازي يمكن
حسيتهآ هي صج كبرياء مجروحهه ..
الانظار كلها توجهت نحو الجازي ونمارق واولهم سسلطآنه ,,
( الجآزي )
صدمني حيل .. هه وش الفرق دومنه الدوم يصدمني ,, مدري ليش سكت يوم قالت له امي موافقين والبنيه موافقه ,
حسيت لحظتها اني فعلا للحين احب عبدالسلام ..
اما عن ( نمارق )
اول م جآه في بالها سسلطآن الحب ..ابتسمت وهي تقول آحبه ,, تداركت موقفها لمآ سمعت صوت ابوهآ يقول :
البنت لك ي فيصل حلال انت اولى من الغريب ..
شهقوا البنات كلهم .. ولااحوا يحضنوا نمارق والجآزي والجمله الوحيده اللي اترددت في بال سلطآنه ( جوجو وافقت
على عبدالسلام بدون نقاش اكيد فيه موال براسه وتبا تغنية ,, ونمارق اكيد موافقه على فيصل )
خرجوا الاولاد عشان البنات يخذوا راحتهم .. بعدها اتعشوا وخرجوا متوجهين لبيت الجد عشان بعد اسبوعين ملكة
نمارق و الجازي ..
##
كنت تعبان حيل من تسرعي وخايف ماتكون هي كبرياء مجروحه لكني ارتحت يوم سمعت تنبيه بجوالي بوصول رساله
فتحتها والصدمه فرحتني ..
كانت الرساله من سلطانه بنت عمتي شموخ..ومحتواها :
السلام عليكم ي ولد الخال ..م توقعت انك ترضى احد يكلم خواتك او بنات عمامك زي م تكلم انت .
فيصل هالمرة صابت وطلعت اللي كنت تكلمها نمارق بنت عمك بدر بس لو م طلعت هي شبيكون موقفك ..؟ شلون
بتصلح صورتك اللي انتهزت .؟ اتمنى انك م تعيدها ترآ كما تدين تدآن ..
حبيت اقولك .اان نمارق اتعلقت فيك واتنى انك تصونها لاتزوجتوا ترآهآ درة م تتعوض ..
والسلام عليكم ..
( كنت اقرأ كلماتها وانا حاس بتأنيب الضمير لاني كلمت وحده وفي نفس الوقت فرحان لان اللي حبيتها بتصير
زوجتي حلآلآلآلي )

##
بعد اربع ايام في بيت العم بندر ..
اسيل جاله تصرخ ( واخيرااا .. واخيرااا واخيرااا بشششششششوفها )
جاتها امها : هو وش بلاك ي اسيل منو اهي اللي بتشوفيها ؟
اسيل بجنان : يمه يمه يمه شيلاء سبت عندها عرض ازياء اهني عندنا بالكويت يمه تكفين ابي اروح وخلي جدي يكلم
احد من معارفه عشان ابي اسلم عليها .. تكفين يمهههههههه تكفين
آمهآ : خلاص اسيل لاتحني اشوف الموضوع لما يجي ابوك
راحت اسيل تكلم البنات عشان يصروا كلهم على الروحهه ..
كلمتهم كلهم وقالوا تم ماعادا السسلطآنه اللي قالت لهم انها رايحه بيت اهل ابوها عندها شغلات تبي تسويها ,
اسيل بتحطيم : اووووه يعني راح تجي معنا ولا ؟
سلطانه : هو شفيك اسول هو بعد خمس ايام يمديني اروح وارد واجي معاكم ..

##
توجهت لبيت اهل ابوها وهي مقتنعه من اللي بتسويه بعد م سمعت كلام الجد يوم دق عليها وقال : ( انا يوم اني وافقت
ان ولد خالج ياخذ حفيدتي عشان انتي تسكتي عن اللي عرفتيه من المناقصات فاهمتني )
دخلت البيت ولقت الكل مجتمع كالعاده : توجهت صوب مجلس الحريم
سلمت ع اللي موجودين ,,
وبعد ربع شاعه تكلمت بصوتها الواثق الجهوري مثل صوت الجد : ي جد . عمامي سمعتوا عن اللي دخلوه السجن بسبب
المناقصات المشبوها بالحرام ؟
تلعثم الجد وابوهآ لكن رد عليها عمها مصعب : ايه ي بنيتي حسبي الله على كل ظالم وخاين
ردت بثقة اكبر : صح لسانك ي عم لكن صعب تكتشف ان من بين اهلك وناسك يطبق نفس الشي في الحلال ..
محد رد عليها ومن يوم انهت كلامها توجهت لجناحها ومحد شافها واكلها وشربها يوصلها لفوق ..
وبعد اربع ايام من مكوث سلطانه في بيت ابوهآ ..
نزلت في الصباح عشان تفطر وقررت انها تصلح كل شي قبل لاتمشي ..
نزلن ولقت الكل ع طاولة الفطور سلمت وتوجهت لابوها وحبت راسها ..
جميع الحاضرين انصدموا من الموقف تكلمت فدوى بدون وعي : سلطانه انتي بخير .؟
صدمهم صوتها الواثق المدمج ببحه : هه وش فيك ي بنت العم ؟ وحده وسلمت على ابوها فيها شي ؟ سآمحني يبه
سآمحني ي جد سآمحني ي ولد عمي سلطآن سآمحوني كلكم ... ادري انآ غلطت وايد وغلطي م ينغفر بس م انلام ,,
الكل للحين بصدمه قام ابوها وحظنهآ وهي حست بالامان واخيرا اللي م حسته طول عمرها .. صحيح كانوا خوالها
يحضنونها وموب مقصرين بس هذا غير هذا ابوي

فرح الكل بعودة سلطآنه لصوابها ..
وبعد خمس ساعات تكلم نآيف موجهه كلامه لعمامه وابوه : جدي.. يبه ..عمآمي انا بتزوج بنت عمي نآصر على سنة
الله ورسوله ..
انصدمت سلطآنه ونوف والصدمة الكبرى كآنت لفدوى نفسهآ ..
قطع تفكيرهم صوت نآصر وهو يقول / البنت موجوده لو تبيها خذها بماهو عليهآ .. توكل على الله وجب الملاك الليله
ابتسم وقال اجل توكلنا ع الله ..
عند سلطآنه وبنات عمامها بس هالمره ناقصهم مشآعل ..
كانوا جالسين يضحكوا ويسولفوا قطعهم صوت سلطانه وهي تسآل : بنات انتو مرتاحين مع اللي خطبوكم ؟
استغربوا من سؤالها لكنهم جاوبوها بالايجاب ..
سلطآنه ( الحمدالله بنات عمامي واتطمنت عليهم انهم مرتاحين باقي بس بنات خوالي )
بعد ساعات جابوا الشيخ وملكوا وكانت الملكة عاديه بس عند فدوى كانت فرحانه حيل يكفي بنات عمها معاها ..
بعدها سلطانه استئذنتهم عشان ترووح مع البنات لعرض الازياء ..

##

في هوتيل ....... كان اليوم الممثله شيلآء سبت بتعرض ازيائها في معرض الازياء بالكويت ..
راحوا البنات واولهم اسيل كانت الازياء بجد جميلة ومن ضمنهآ

https://vb.tgareed.com/t352312/ <<انصح الجميع بمشاهدة ازياءها

بعد م خلصت دخلو عليها السبعه البنات بما انهم احفاد حمد ال حمدان ف وافقت شيلاء ..

اتصوروا معاها ووقعت لهم اما عن شيلاء فجلست تنصح اسيل انها تهتم لدراستها وان الاعجاب هذا قد يؤدي الى التعظيم
وهذا م يجوز واتعظت اسيل طبعا وخرجوآ ..
وكان هاليوم بالنسبة لاسيل من اجمل ايام عمرها ..

وهم في السيارة جاء اتصال لوجدان وبعدها قالت للسايق اانه يتوجه لبيت الجد طالبهم كلهم ..
دخلوا البنات وسلموا وجلسوآ
بعدها تكلم الجد وقال : ي بنتي ي الكادي اليوم خطبك عز ولد خالتج موافقه ولا ؟
تصنمت م عرفت شنو تقول نقذتها امها وهي تقول : آيه موافقه ..
الجد : اجل على بركة الله بكرا نجيب الشيخ ..

##
في سويسرا عند العشاق منذر ومشاعل ..
منذر : آحبك
مشآعل : وانــآ اعشقك ..حبيبي متآ بنرد عشان زواج نوف وفدوى بحظره ..
منذر : حبيبتي بعدين كل شي لاحقين عليه اهم شي اللحين انا وانت ..

##

ثآني يوم في بيت الجد خطبة الكآدي وعز:
الشيخ :ي بنتي هل انتي موافقه على الزواج من عز سامي ال..؟
الكآدي : آآآآ..ييهه ي شيخ موافقه
صفقوا البنات وضموها
الشيخ : عطوها الدفتر توقع ..
قطعهم صراخ وجدان : استنوا استنوا خليني اصورها وهي توقع
كلهم ضحكوا ع خبال هالبنت اللي مستحيل تعقل .. فرحوا البنات ورقصوا لين م تعبوا وناموا كلهم ببيت الجد ..

##

بعد مرور يوم ..
صحيت في الصباح ع صوت جوالها صدمها المتكلم ..طاح منها الجوال وهي تردد بصدمة :
مات ..ماات



* انتهى البارت ..
توقعاتكم ..

انتظروني بالبارت الاخير ..