أحبك حب يامجنون / للكاتبة وجودك يعنيني ، مكتملة

[لامارا]

تابع.....


المهم بدى اليوم الثاني وتهزءو الشباب عشان جوالاتهم اللي انسرقت والشباب كان اول يوم بدون جوالات لا والعشاء عليهم وبعدها عمي محمد مسوي سهره للبنات و الشباب
بعد المغربرجعوا البنات جوالات الشباب عن طريق عمهم محمد
دخل الخيمه وقال:انتم وين ذابين جوالاتكم؟؟؟
فهد:امس انسرقت
عمي محمد:انسرقت ولا انتم ماتشوفون؟؟؟
خالد:انسرقت
عمي محمد:مو هذي جوالاتكم؟؟؟
نقزوا الشباب وقال زياد:وين لقيتهم؟؟؟
عمي محمد:لقيتها مرميه عند باب المخيم
بعد العشا اللي نصه احترق اجتمعوا البنات والشباب البنات نعهم القيتار والشباب معهم العود جلسوا قدام بعض وكانت وجود قائده البنات وفهد قائد الشباب والعم محمد كان الحكم
قال عمي محمد:بنلعب كم لعبه واللي يفوز يأمر الفريق الثاني وهو ينفذ بدون نقاش الكل وافق وكمل بنلعب كم لعبه بس بنبدا بلعبه الاغاني الفريق يقول اسم المغني والفريق الثاني يغني للمغني أي اغنيه وبنبدا من فريق البنات هم اللي يغنون
قال عمي سلمان:انتم هنا وانا ادور عيلكم
عمي محمد:حياك جالسين نلعب وبنشوف مين اللي بيفوز
عمي سلمان:يله مين يبدا
عمي محمد:البنات
قال زياد:راشد الماجد
غنت وجود:
انا السما واللي يبي يشوفني فوق.......هذا مكاني رغم صعبات الاقدار
اسمس شموخ وفعلي يبين الذوق.......طبعي كسبته من بعد مجد الاحرار
ماني من اللي يشتكي الوقت والعوق.....وان مال حظه كثر القول بأعذار
ما ابيع راسي في مضاريبه السوق.......الدار داري والهوا عندي انار
قالت دلال:تركي
غنى فهد
ماعندي شي اقوله الا اشتقت لك.....لو ثاني تسألني بقول اشتقت لك
لاشفتك انساني واصير اتأملك......أنت الوحيد اللي يخليني بذهول
ومن بدى فهد يغني عزفت وجود على القيتار وفهد كان يقصد بالاغنيه وجود وان شاء الله فهمت
قال عمي محمد:شوفوا محد بيغني غير فهد ووجود لفوا كلهم عليه وقالوا:نعم!! قال عمي محمد:انتم قولوا لهم الاغنيه وهم يغنون
قال زياد:منصور زايد
قالت دلال لوجود الاغنيه وغنت وجود
ياللبي في بالي ياغالي حلالي حلالك......كلي لك حتى عمري فدالك
حب قلبي وخله في بالك.........ترى ماعندي شي يغلى عليك
كل شي بغيته لقيته خذيته .......ياروحي وانا ساكت بجروحي
ولا همي اساي ونوحي......هذا كله عشان اموت فيك
قالت دانه:محمد عبدو
نط مهند عند فهد وقاله الاغنيه
غنى فهد
اميره الورد ليه الورد مفتونك.......ليه بحياته يحاول يشبه الوانك
كمن فراشه تمنت تلمس اغصانك.......والورد ياما تمنى يعيش بأغصانك
[الاغاني اللي من الشباب كان كل واحد يهدي اغنيه للي يحبها اما البنات كانت اغانيهم عاديه بس اللي يعرف بيفهم انها اهداءات]
قال نواف:عبدالمجيد عبدالله
غنت وجود
ياماحاولت الفراق وماقويت......كنت ابي انساك لكن مانسيت
ماعصاني قلبي بعمره ولكن.....الاكيد اني انا اللي ما اشتهيت
قالت اهات:عبدالقادر الهدهود
غنى فهد
بلاني وخلاني بحبه انا اعاني.......حبيبي لاتنساني دخيلك لاتنسى
انا اللي عشق ودك ولا ادري.......متى ودك تهون علي صدك دخيلك وتنسى
طلبتك بلا الزعل اذا بقلبك لي محل.........ولا يسوى اللي حصل على قلبي تقسى
ترى فراقك اتعبني حبيبي ويذبحني.........متى تحن وترحمتني واشوفك وتنسى
عمي فيصل:يوسف العماني
غنت وجود
خلاص اسكت ولا كلمه وش اللي بس تبي تبين
تخون الحب عليك الله عاى بالك امر هين
تخيل لو اسويها تعديها وتسامحني
لواحلف ماتعديها وامام الناس تفضحني
قالت سمر:حمود ناصر
نط زياد عند فهد وقاله الاغنيه
وغنى فهد
في بالي دايم دايم في بالي.....مهما تمر اليالي ياغالي بموتي ما انساك
احبك تدري شمعنى احبك ...يعني رقبتي بذنبك وقربك اخيه على فرقاك
انساك هذا كلام انساك....روحي بعدها معاك ياويل ويلي ويل
بداك قلبي علي بداك.....خلاني راح وياك ياويل ويلي ويل
قال عمي محمد:بس محد فاز متعادلين
عمي سلمان:طيب انت احكم
عمي محمد:طيب انا بقول قصيده واللي يقول اسم الشاعر اول يفوز
الكل :اوكي
عمي محمد:ابعتذر عن كل شي ......الا الهوى ماللهوى عندي عذر
ابعتذر عن كل شي......الا الجراح ماللجراح غير الصبر
قالت وجود وعبدالرحمن :بدر بن عبدالمحسن
عمي محمد:طيب
سمرت بصحبه حروف القوافي.........احملها تناهين خوافي
اشكل بالحروف الوان صوره....احركهامن المعنى بصافي
اشيل الحرف من معنى لمعنى.....واجاري مازهر واظهر بخافي
والى مني عطيت الحرف ونه.......بها الحرف على النجمات طافي
الكل كان ساكت قالت سمر :خالد الفيصل
عمي سلمان:صح البنات فازو
عمي محمد:فيه لعبه ثانيه بناخذ من كل فريق شخصين وبنسئلهم اسئله واذا جاوبوا فازو واذا لا خسروا اختار عمي محمد من البنات مها وسمر ومن الشباب زياد وخالد
وبدأ عمي محمد يسأل خالد:وش الاسم المفضل عند مها من اسماء الشباب؟؟؟؟
خالد:امممم بندر؟؟
لف عمي محمد على مها وقال:صح ولا لا؟؟
مها:ايه صح
قال عمي محمد يله مها الدور لك:وش اكثر شي ينرفز خالد؟؟
مها:انه يكلم احد ومايناظره
عمي محمد :ها ياخالد صح؟؟؟
خالد :صحين
سأل عمي سلمان خالد:من اقرب البنات لمها؟؟؟
خالد:دانه
عمي محمد:هايامها صح؟؟؟
مها:لا
فازت مها على خالد وجا دور زياد وسمر
قال عمي محمد نبدا مع زياد وقال:سمر تسمع شعر بس مين الشاعرها المفضل؟؟؟
زياد:خالد الفيصل ويقولها بكل ثقه
عمي محمد:صح ياسمر؟؟؟
سمر:صحين
عمي سلمان :سمر وشو لون زياد المفضل؟؟؟
سمر:الاسود
ابتسم زياد وسأله عمي سلمان :صح؟؟
زياد:صح
عمي محمد:زياد مين اقرب وحدة لسمر من البنات؟؟؟
زياد:وجود ودلال
عمي سلمان:سمر السؤال لك وشو الشي اللي يضايق زياد في ملاك؟؟؟
سمر:امممم
ودق جوال وجودوخالد وفهد على طول لفوا لان النغمه موغريبه عليهم ردت وجود عادي
جاوبت سمر عشان تمشي الموضوع وقالت:لقافتها ودفاشتها
عمي محمد:صح يازياد؟؟؟
زياد:صح
عمي محمد:ناخذ مسابقه جديده اللي هي ودق جوال وجود فهد وخالد لفو طالعوا بعض شكوا في الموضوع كمل عمي كلامه وقال اللعبه هي ابتكلم مع شخص واحد من كل فريق بلهجه معينه واللي يعدي بيفوز فريقه يله كل فريق يختار واحد
فريق البنات اختاروا وجود والشباب اختاروا فهد بدا عمي مع فهد وصار يتكلم معه بالبحريني وشبه عدى ووجود تكلم معها اماراتي وكانت ماشيه
فهد وخالد من سمعوا وجود تتكلم اماراتي قالوا بصوت عالي:سيف!!!
لف عمي محمد وقال:سيف وشو؟؟؟؟ ووجود مسويه قويه وهي ميته خوف من جوى
قال خالد:سيف نسيناه
فهد:اتوقع انه سافر والكلام كان موجه لوجود وبعدها عرفوا الشباب ان اللي صار كاه موقف من البنات وطبعا البنات فازوا وبعدها تفرقوا والشباب يدورون مقلب يسونه في البنات بس شلون لقوا فكره وقرروا ينفذون على السريع
################
عند زياد كان فاتح الشنطه يدور شي ولقى خاتم استغرب حق مين وصار يقلب باللخاتم جاه مهندوقال:وش فيك؟؟؟
زياد:لقيت هالخاتم !!!
مهند:حق مين؟؟؟؟
زياد:مادري؟؟
مهند:هات اشوف اخذ الخاتم وصار يقلب فيه وشاف مكتوب جوى اسم وقال:زياد شف مكتوب هنا اسم
اخذ زياد الخاتم ولما قرى الاسم انصدم
مهند:حق مين؟؟؟
زياد:سمر!!!!!!
مهند:وش جابه هنا؟؟؟!!!
زياد:مادري ؟؟لحظه اجل هم
مهند:وشو اللي هم؟؟؟؟
زياد:تتذكر لما ضاع جوال عمي محمد ولقاه بشنطتي
مهند:ايه
زياد:البنات هم اللي مسوينها

#######################
وعند البنات كل وحده بعالم اللي يلعبون باصره واونوا وكيرم وبليستيشن ودلال كانت سرحانه ووجود كانت حاطه السماعات تسمع اغاني وتقرى روايه وسمر كانت تدور خاتمها بس مالقته
فجأه سمعوا اصوات وخافوا بس ماسوا شي شوي الا سمعوا صرخه مع ضربه قويه خافوا البنات وطلعوا برى الخيمه كلهم الا وجود كانت منطربه وكمنسجمه مع الروايه كانت منسدحه وفاكه شعرها
فهد كان متفق مع الشباب انه يدخل يخرع البنات ولما دخل الخيمه ما شاف احد ولما لف بيطلع شاف وجود منسدحه وتغني(عسى ربي لعبد المجيد) وقف فهد يناظر وجود وخق عندها وجود حست ان احد يناظرها ولفت وانصدمت لما شافت فهد كل اللي سوته اخذت اقرب شي عندها وذبته عليه(وكان اقرب شي عندها مخده)ذبتها وبعدها ما شاف الا غبارها
طلع فهد وهو مبتسم في عالم ثاني ووجود طلعت عند البنات وهم كانوا ميتين ضحك قالت وجود:طيب اوريكم لو ان مافي احد نايم بس خلوا الصبح يطلع واوريكم
انتهى اليوم حلو على الكل وطبعا الشباب فتنوا على البنات انهم اللي ماخذين الجوال ومخبينه انتهى اسبوع المخيم والكل رجع بيته مع ان ماكان ودهم يرجعون بس حكم القوي على الضعيف
روبي وعبير كانوا يزورون بعض وروبي كانت تزن على راس بندر يتزوج وهو يقول طيب بعدين وروبي كانت تبي عبير لبندر وبندر يبي وجود(تتوقعون ياخذ مين وجود ولا عبير؟؟؟)
#######################3
عدت باقي الاجازه بدون احداث جديده وبدت السنه الدراسيه الجديده
اول يوم بالدراسه الكل كان رايح مواصل وعند البنات بالجامعه لما شافوا بعض صراخ وصاروا يضمون بعض كأنهم ماشافوا بعض طول الاجازه وحتى سعاد كانت معهم وطبعا على طول بدوا دراسه
###########################
وعند الشباب بالجامعه :لما اجتمعوا كان سوالف وضحك وهبال كالعاده ودخلوا محاظراتهم ورائد كان فيه النوم وحط راسه ونام
الدكتور ماجد انتبه له وقال:رائد قوم جاوب على السؤال
فهد ومهندطقوا رائد بنفس الوقت صحى رائد وقال:وش فيه؟؟؟
مهند يبي يضحك بس ماسك نفسه وقال:الدكتور يكلمك
قام رائد وقال:معليش دكتور ماسمعتك
الدكتور ماجد:اكيد مو كنت نايم؟؟
رائد:لا بس كنت حاط راسي على الطاوله فيني صداع
الدكتور ماجد:طيب جاوب على السؤال؟؟ وقاله
تورط رائد بعدين شاف قدامه ورقه مكتوب فيها الاجابه قال رائد بدايه الحل ووقف
قال الدكتور ماجد:كمل
رائد:هذا اللي اعرفه
الدكتور ماجد:تفضل بس انتبه لي
لما جلس رائد قال:ليش خطك مو واضح؟؟؟
مهند:احمد ربك طلعتك من الورطه اللي طحت فيها
رائد:المره الجايه وضح خطك
مهند:طرار ويتشرط لا وبعد فيها مره ثانيه
رائد:ثانيه وثالثه وعاشره
الدكتور ماجد:رائد ومهند ترى بتنطردون سكتوا الشباب وكملوا المحاظره
##################################
خلونا نروح لناس ماتطرقنالهم بالروايه (ريتاج)بمدرسه الثانويه
كانت ريتاج جالسه مع قروبها(اسماء ومنيره واروى ووئام ووعد)
كانوا جالسين سوالف وضحك شوي قالت وئام:بنات قوموا نتمشى
اسماء:انا مافيني
وئام:عجازه جدتي اسماء مين تجي معي؟؟؟
ريتاج :انا وقامت
قالت منيره:كان ودي اجي معكم بس بجلس مع اسماء واروى حرام اخليهم لحالهم
وئام:مالت عليكم وراحت تتمشى هي وريتاج وكانوا يسولفون ويضحكون
فجأه سمعوا وحده صرخت:ريتاج
ريتاج من سمعت الصوت عرفت مين قالت وئام: ياالله صباح خير
جت البنت عند ريتاج وضمتها وقالت:حبي وحشتيني
ريتاج:هلا سحر وانتي اكثر
فكتها سحر وقالت:شخبارك ريتاج؟؟وينك قاطعه لاتسألين ولا شي؟؟؟
ريتاج:انشغلت وصارت لنا ظروف
سحر:اجل معذوره
قالت وئام:يعني السلام بس لريتاج وانا واقفه جدار قدامك
ضحكت ريتاج على كلام وئام لانها ماتحب سحر
قالت سحر:هلا والله سوري ماشفتك من شوقي لريتاج
وئام:اهلين وشوي بعدين راحت سحر قالت وئام:شلون مستحملتها ؟؟؟
ريتاج:عادي عامليها على قد عقلها
وئام:حلوه عجبتني
(قصه سحر مع ريتاج سحر كانت صديقه ريتاج من اولى متوسط ولما صاروا ثالث متوسط قالت لها انها معجبه فيها وتبي تخاويها وريتاج ماتحب هذي السوالف وماعطتها وجه وصارت تعاملها كزميله لااكثر ولا اقل بس سحر الى الان تحاول فيها وهم الحين ثاني ثانوي وباقي الاحداث تعرفونها بعدين)وكملوا البنات يومهم سوالف وش سوو؟؟ووين سافروا؟؟وانتهى حلو
#################
وفي بيت عمي(سالم ابو خالد) كان خالد وعايشه جالسين بالصاله وخالد كان يبي يعرف اخبار دانه بس متردد وصار يحوس بالصاله شوي يلعب بالجوال وشوي يفتح جريده لفت عايشه وقالت:خالد وش فيك تحوس كنك مقروص؟؟؟
خالد:مافيني شي
عايشه:كل هاللي مسويه ومافيك شي؟؟؟
خالد:في وضوع مقلقني شوي
عايشه:موب شوي الا واجد انت شايف نفسك كيف؟؟؟
خالد:عيوش ليش ماتسكتين
عايشه:هذا جزاي قلت يمكن اساعدك
خالد: تساعديني ايه افصد لا
عايشه:براحتك متى مابغيتني انا هنا سكت خالد
####################
وفي بين ابوي(سليمان ابو عبدالرحمن)
كانوا ريناج وبدر ووجود وفيصل وجود كانت تتابع فلم هندي ومتحمسه لأبعد درجه وبدر كان معها وكانوا جالسين قدام التلفزيون على الارض من الحماس
شوي الا قال بدر:ريتاج سكتي جوالك
ريتاج:طيب وحطته سايلنت كانت تسولف مع وئام وسحر شوي تضحك بعدين تسكت راحت عند وجود وسئلتها:وجود عندك رسايل حلوه
وجود:عندك الجوال وشوفي
اخذت ريتاج الجوال ورجعته سألتها وجود :لقيتي اللي تبين؟؟؟
ريتاج:لا مالقيت
وجود:طيب قولي لي وش تبين وانا اعطيك
ريتاج:ابي ارد على هالرساله ومالقيت
وجود:وريني عطتها ريتاج الجوال وقرت وجود الرساله وقالت:هذي صديقتك؟؟؟
ريتاج:زميله بس
وجود:زميله بس وهذي رسايلها؟؟؟
ريتاج:وجود ليش ماتكملين الفلم احسن لك
وجود:بعرف الموضوع منك بعدين
ريتاج:يصير خير
رجعت وجود تتابع الفلم وجابوا اغنيه (Guzarish) من الفلم(Ghajini) وجود كانت الاغنيه تعجبها مره وكلماتها حلوه خلص الفلم الساعه 7:30 وراحت وجود عند ريتاج ودقت الباب
ريتاج:مين؟؟
وجود:انا
ريتاج:تعالي دخلت وجود
وكانت ريتاج تكلم وقالت:لا شدعوى وئام ماتسوي كذا
سحر:الا وئام تبي تفرق بينا
ريتاج:سحر وش هالكلام محدب يفرقنا وبعدين سكري الموضوع واشرت لوجود تصوت نادتها وجود بعدين قالت ريتاج: سحر اختي تناديني عن اذنك وسكرت وقالت مابغت تسكر
وجود:وش فيك؟؟؟
ريتاج :ابسألك انتي لما كنتي في المتوسط والثانويه جوك بنات بيخاونك؟؟؟؟
ابتسمت وجود وقالت:ايه واى الحين ليش؟؟
ريتاج:طيب البنات تعرفينهم ولا لا؟؟؟
وجود:معرفه سطحيه والاغلبيه ما اعرفهم بس ليش؟؟؟؟
ريتاج:اوف وقالت لها عن سحر
وجود:طيب عامليها عادي مثل غيرها وحاولي تستفزينها بعض الاحيان قدر ماتقدرين
ريتاج :ليش؟؟؟
وجود:يمكن تغير اسلوبها معك وعلميني وش يصير معك
ريتاج:لوك
#####################
وفي بيت (ابو حمد)
حمد كان جالس بغرفته يفكر بالبنت اللي اخذت عقله ودقت عبير الباب
حمد:ادخل
دخلت عبير وقالت:شخبارك؟؟
حمد:بخير
عبير:بس اللي اشوفه غير
حمد:ليش وش شايفه؟؟؟
عبير:انت قول لي؟؟؟
حمد:مافي شي بس ضغوطات شغل
عبير:بس شغل؟؟؟
حمد:ليه في شي ثاني؟؟؟؟
عبير:في موضوع بكلمك فيه
حمد:وشو؟؟؟؟
عبير:امي بتخط بلك وش رايك؟؟؟؟
سكت حمد بعدين قال:في وحده في بالها يعني؟؟؟
عبير:بصراحه ايه
حمد:وانتي وش رايك؟؟؟؟
عبير:انا مو موافقه على البنت
حمد:ليش منهي؟؟؟؟
عبير:بنت خالي احمد
حمد:ومن قال لو اني بتزوج باخذ وحده من العايله
عبير:يعني؟؟؟
حمد:من العايله لا بس اذا ن برى ايه
عبير:يس
حمد:انتي في راسك شي صح؟؟؟
عبير:في راسي بنت بس انت وافق؟؟؟
حمد:اذا من برى العايله ايه
عبير:اجل باي وطلعت تقول لأمها وامها وافقت على البنت
###############################
وفي يوم جديد في الجامعه عند البنات
الصبح اهات كانت تذاكر عشان عندها كوز والبنات حولها يسولفون قامت اهات
سئلتها نوف:وين؟؟؟
اهات:أي مكان اهم شي بعيد عن ازعاجكم
ندى:براحتك وراحت اهات وبعد شوي الكل دخل ماظرته الا وجود وعبير ودلال
ودق جوال عبير وكان حمد ولما سكرت قالت:بنات بنخطب لحمد
وجود:ماشاء الله ومنهي سعيده الحظ؟؟؟؟
عبير:بقولكم بس اتقولون لأحد
وجود ودلال:اكيد
عبير:بنخطب له مها
دلال:أي مها؟؟؟؟
عبير:مها اخت وجود وبنت عمك ياذكيه
دلال:حركات بنصير نسايب
عبير: انتي وش دخلك المفروض وجود هي اللي تقول مو انتي
وجود كانت تضحك قالت دلال:اضحكي مو انتي اللي تفشلتي وبعدها كل وحده راحت محاظرتها

،

صباح / مساء الخير حبايبي
اخباركم ؟؟؟هذا تكمله البارت لعيونكم والباقي البارت المره الجايه
ان شاءالله
بس اتمنى اشوف ردوركم وتوقعاتكم

[لامارا]

تابع.......


وبعد مرور اسبوع دقت أم حمد وخطبت مها لحمد قالت أم عبد الرحمن لزوجها وقال :ان الرجال ماعليه كلام كلمي البنت وشوفي رايها
يوم الخميس كانت مها بغرفتها جالسه تلعب باللاب دق الباب
مها:ادخل دخلت امها
مها:هلا والله بأمي وينك ماتنشافين؟؟
أم عبدالرحمن:انا اللي ما انشاف ولا انتي؟؟ومين المفروض يقول هالكلام لثاني؟؟
ابتسمت مها وقالت:تعرفين الشغل وحوسه
قالت أم عبدالرحمن:والله وكبرتي وصرتي عروس
مها تناظر امها واتدري وش السالفه
قالت أم عبدالرحمن:فيه ناس خطبوك وابوك موافق والرجال مافيه شي ينعاب واللي باقي رايك؟؟؟
مها ساكته ووجهها الوان
قالت أم عبدالرحمن:ماتبين تعرفين منهو؟؟
مها:لارد
أم عبدالرحمن:بكيفك وقامت بتطلع
قالت مها :لحظه يمه
أم عبدالرحمن:نعم؟؟
مها:منهو؟؟؟؟
أم عبدالرحمن:اخو صديقتكم عبير حمد وطلعت ومها باقي مصدومه مبعد استوعبت
(نسيت اقول لكم مها توظفت بشركه العايله يعني تعرف حمد والاكثر ان هو نفسه اللي صار لها موقف معه قبل فتره)وافقت مها وتمت الخطبه رسمي ويوم الشوفه
حمد ماكان يدري ان البنت اللي خطبوها له هي نفسها اللي ماخذه عقله
عندمها كانت ميته خوف ووجود ودانه كانوا يهدونها شوي وشوي يهبلون فيها
جت أم عبدالرحمن وقالت:يله يامها انزلي ابوك يستناك تحت
مها:لاخلاص يمه مابي مابي
أم عبدالرحمن:اقول انزلي لايجي ابوك وينزلك
نزلت مها وهي تحاول تهدي نفسها ودانه ووجود ميتين ضحك عليها وهي تتوعد فيهم اخذت العصيروراحت ورى ابوها
فتح ابوها الباب ودخل ودخلت بعده مها وحمد وقف كان يناظرها ومنصدم انها نفس البنت اللي اخذت عقله عطته مها العصير وماشاف الا غبارها ودانه ووجود كانوا يطلون عليهم من شباك المجلس الخارجي وكانوا يضحكون على شكل حمد المتفاجىء
رجعت مها جوى وتحس قلبها شوي ويطلع من مكانه ولما شافت دانه ووجود كانوا ميتين ضحك على شكل مها وصارت تلاحقهم وطلعوا الحوش وملاحق ووصلوا عند المسبح ودانه وهي تركض طاحت في المسبح ووجود ميته ضحك ولما جتها مها انحاشت للغرفه وسكرت الباب وهي تسمع مها تتوعد فيها
###########################
وعند حمد طلع من بين ابو عبدالرحمن وهو طاير من الفرحه وصل البيت وصار يصوت:عبير عبور وينك؟؟
جت عبير تركض وقالت:وش فيك؟؟؟
شالها حمد وصار يدور فيها وعبير تصرخ ولما نزلها سئلته :وش فيك؟؟؟
حمد:انتي احلى اخت بالدنيا احبك
عبير:كل هذا سوته فيك مها
حمد:اهـ يامها
عبير:احلى هذي شوفه وكذا اجل بعد الزواج وش بتسوي؟؟؟
حمد:ماراح يصير فيني عقل
عبير:انت من زمان مافيك عقل
تحددت ملكه مها وحمد بعد شهرين
########################
وفي بيت (عمي عبدالله ابو ناصر)
فهد كان جالس بغرفته ويفكر بوجود وكيف ينفذ وصيه جده ودق باب غرفته
فهد:ادخل
فتح الباب ودخل عمي عبدالله وفهد من شاف ابوه تعدل بجلسته وقال:حياك يبه
عمي عبدالله:الله يحيك وش جالس تسوي؟؟؟
فهد:كنت اذاكر توني مخلص
عمي عبدالله:تذاكر!!!وين كتبك؟؟؟
فهد:ها توني وديها
عمي عبدالله:كيف الشغل؟؟
فهد:الحمدالله وسرح
عمي عبدالله:فهد وهزه
انتبه فهد وقال:هلا
عمي عبدالله:وش رايك؟؟؟
فهد:ها وسكت
قال عمي عبدالله:وش اللي شاغلك؟؟؟
فهد:ضغوطات الدوام والدراسه بس
عمي عبدالله:بس؟؟؟
فهد:ايه بس
عمي عبدالله:ووجود؟؟؟
سكت فهد بعدين قال:وش فيها؟؟؟
عمي عبدالله:مافيها شي بس انت اللي فيك
فهد:انا مافيني شي
عمي عبدالله:براحتك انا كنت بتطمن عليك بس وقام بيطلع
فهد:يبه
عمي عبدالله:نعم؟؟
فهد:ابي اخذ رايك بشي تعال اجلس
جلس عمي عبدالله وقال:وش عندك؟؟؟
فهد:انا وسكت
عمي عبدالله:تكلم وش فيك؟؟؟؟
فهد:انا بتقدم لوجود
عمي عبدالله:هذي الساعه المباركه
فهد:بس انا متردد
عمي عبدالله:دامك تحبها وتبيها توكل على الله
فهد كان مصدوم ان ابوه يعرف انه يحب وجود
عمي عبدالله:وش فيك مصدوم انا ابوك واعرفك وبعدين ترى عيونك فاضحتك
نزل فهد راسه وسكت
قال عمي عبدالله:متى تبي تخطبها؟؟
فهد:متى ماتبي
عمي عبدالله:متى ما ابي انا ولا انت يامعرس
فهد:أي معرس يمكن ماتوافق علي
عمي عبدالله :ويمكن توافق تفائل يافهد وبعدين يمكن هي تحبك مثل ماتحبها وطلع
فهد كلام ابوه ريحه ونام وهو يفكر بوجود
##########################
بدى يوم جديد وكان يوم الاربعاء
في مدرسه الثانويه عند ريتاج وقروبها
وئام واروى وريتاج ومنيره واسماء كانوا فاصلين من الصبح وفي الفسحه نزلوا وهم يضحكون ويستهبلون وكل هذا بسبه اختبار الرياضيات
ريتاج ووئام كانوا مع بعض يتمشون ويضحكون وسحر كانت جالسه تناظرهم وجت وجدان تركض وضمت ريتاج وسحر ماتت قهر
وبعدها وجدان صارت تمشي مع وئام وريتاج وضحك غير طبيعي جت سحر تسلم سلمت على ريتاج وريتاج سلمت عليها ببرود ونادوها البنات وراحت وتمت سحر مع وئام ووجدان سحر كانت مستغربه من ريتاج وكيف تعاملها بهالبرود انتهت الفسحه
في الفصل كانت وئام وريتاج ووعد طول يومهم يضحكون ومن الهستره الزايده صاروا يرقصون بالفصل ويدقون ووناسه وبالطلعه ريتاج كانت جالسه مع قروبها وهبال
جت سحر ونادت ريتاج وقالت لها انها تبي تتمشى معها وريتاج ماعارضت راحت معها
كانوا يتمشون عادي وريتاج كانت ميته من الضحك
قالت سحر:ريتاج وش فيك اكلمك وانتي تضحكين؟؟؟؟
ريتاج كانت تضحك وماتقدر تتكلم والشي اللي يضحك ريتاج ان وئام ورى سحر تسوي حركات
سحر عصبت وقالت:ريتاج خلاص ماصار ضحك ولما جت بترد صوت سواقها فقالت:مع السلامه وراحت بسرعه وهي ميته ضحك
######################3
بعد المغرب الكل اجتمع في بيت(ابو عبدالرحمن)
كان البيت ازعاج ووناسه والبنات كانو ماسكين تعليقات على مها لان مابقى على ملكتها الا اسبوعين والكل كان محيوس لان الملكه بقاعه
###############################
وعند الشباب كان نفس الشي هبال وضحك ماعاد فهد اللي كان يفكر(لأنه قال لابوه يخطب له وجود)
قال مهند:اللي ماخذ عقلك يتهنى فيه
فهد ابتسم وقال:امين
مهند:وش فيك انت مو طبيعي؟؟؟؟
فهد:قلت لبوي يخطب لي وجود
صرخ مهند:قول والله؟؟؟؟
كل اللي بالمجلس لفوا قال عمي محمد:وش فيكم؟؟؟؟
فهد:مافينا شي ياعمي يعني ماتعرف هبال مهند ولف على مهند وقال:فضحتنا الله يفضحك
مهند:ياخي ماني مصدق
فهد:لاصدق
##########################
وعند عمي عبدالله وابوي سليمان
قال عمي عبدالله:سليمان انا بخطب بنتك وجود لولدي فهد
ابوي (سليمان):هذي الساعه المباركه بس اخذ راي البنت وارد لك خبر
عمي عبدالله:خير ان شاءالله
############################
عند البنات كانوا يبون ايسكريم بس مين يجيب لهم
مها:وحده فيكم تكلم اخوها وتقوله
سمر:سلطان بيقول مو فاضي لكم
اهات:حنى نواف وزياد بيذلونك
عايشه:حتى خلود ومهند
دلال:وفهد على حسب المزاج
دانه:حتى بدور وعبدالرحمن يعني لاتفكرون
وجود:نقول لعمي محمد وهو يدبرها
البنات:صح
وجود:بس وحده فيكم تكلمه انا مو مكلمته وبعد هواش دقوا عليه وكلمته سمر وبعد عناء وافق وراح هو وفهد
وهم في محل الايسكريم قال عمي محمد:فهد وش فيك؟؟؟
فهد:مافيني شي بس لاني ماريحت بعد الدوام
اخذوا طلبهم وراحوا وصل للبنات طلبهم ولما كانوا ياكلون كانت متوتره مو عارفه تاكل
سئلتها وجود:وش فيك؟؟؟
روبي:مافيني شي ليش؟؟
وجود:كل هالتوتر ومافيك شي؟؟
روبي:بصراحه من جلسنا وام نواف عيونها علي
وجود:عادي تبيك لنواف
روبي حمر وجهها وطقت وجود وقالت:يا خايسه
انتهت الجمعه الحلوه على الساعه 2:30 الصبح
###########################
يوم الخميس وجود ودانه ودلال وسمر كانوا طالعين السوق يخلصون باقي اغراضهم ومارجعوا الا بعد العشاء واجتمعوا في بيت وجود وكانوا بالغرفه يتناقشون ويعدلون بعض الاغراض دق جوال وجود
وجود:هلا يبه
ابوي(سليمان):انتي وين؟؟
وجود:انا بغرفتي بغيت شي؟؟؟
ابوي(سليمان):ايه تعالي عندي
وجود:اوكي
راحت وجود غرفه ابوها ودقت الباب
قالل ابوها:ادخل
دخلت وجود وسلمت
ابوي:تعالي اجلسي جلست وجود جنبه
قال ابوي:وجود انتي كبرتي ماشاءالله عليك وصرتي عروس وبصراحه ولد عمك فهد خطبك
وجود كانت تناظر في ابوها مصدومه ولما انتبهت نزلت عيونها
قال ابوي:فهد رجال ماينعاب وولد عمك وانتي عارفته وانا ما اقو لك هالكلام لانه ولد اخوي لابس اللي فهمته من عمك ان فهد شاريك وانا موافق والراي بالاخير رايك
وجود كانت ساكته وتسمع كلامه ولما خلص قامت وقالت :عن اذنك
طلعت من عنده ورجعت عند البنات وعقلها مو معها كانوا البنات يكلمونها بس هي مو معهم ابد جتها سمر وطقتها على يدها وقالت وجود:ها هلا وش بغيتي؟؟؟
سمر:وش فيك رحتي بحال وجيتي بحال احد صار له شي؟؟؟؟
وجود:لاماصار شي
دلال:اجل انتي ليش لونك مخطوف كذا
وجود:مافيني شي المهم انتوا خلصتوا من السوق؟؟
دلال:ايه خلاص ماباقي الا الهدايا
وجود:الهدايا يوم الاحد تصير جاهزه وبعدها طلعوا البنات ووجود تحاول تشغل نفسها بضف الغرفه عقب الحوسه اللي قبل شوي ولما خلصت
جوبدر وعبدالرحمن يسولفون معها بس هي مو معهم ابد كل تفكيرها بفهد
انتهى يوم الخميس وفهد خايف من رد وجود ،ووجود مصدومه من خطوه فهد
وفي هاليوم لا وجود نامت ولا فهد


يتبع.......

[لامارا]

تابع.......


يوم الخميس الساعه 9 الصبح نزلت وجود تحت تصلح لها شاهي عشان تصحصح شافتها امها وقالت:وجود وش مصحيك الحين؟؟؟
وجود:مانمت اصلا
امي(أم عبدالرحمن):ليش وش فيك؟؟؟
سكتت وجود قالت امي:عشان موضوع فهد؟؟؟؟
وجود:ايه
امي:ليش انتي ماتبينه؟؟؟
وجود:مو ما ابيه بس متردده احس بدري
امي:انتي خايفه من شي؟؟؟؟
وجود قامت ورجعت جلست ومعها كاس الشاهي وقالت:مدري يمكن خايفه يمكن متردده وابوي فاجئني لما قالي امس
امي:انتي تحبين واحد ثاني؟؟؟
ابتسمت وجود نص ابتسامه وقالت:ولا افكر احب بس مدري احس بدري وبس
امي:انتي استخيري وبترتاحين وخذي راحتك وانتي تفكرين
وفي بيت عمي محمد(ابو سلطان):كانوا سمر هيام طفشانين وجالسين بالصاله جاء سلطان وجلس معهم
قالت سمر:سلطان انت فاضي؟؟؟
سلطان:ايه ليش؟؟؟
سمر:طفشانين نبيك تطلعنا
سلطان:اممم اوكي قوموا اجهزوا طلعوا البنات مع سلطان وتمشوا ومارجعوا الا بعد المغرب
يوم الثلاثاء الكل كان مجتمع في بيت عمي سلمان عشان التجهيز للملكه وكانا ينقشنون وكان ماباقي الا وجود روبي وسمر وشوي طلبوا الرجال قهوه راحا البنات للمطبخ يصلحون القهوه والشاهي طلعت سمر وبقوا وجود وروبي ودخلوا فهد نواف المطبخ وهم يسولفون وروبي من سمعت الصوت تخبت بين الثلاجه والدولاب ووجود كان معها طرحتها تغطت فيها الشباب واقفين
قالت وجود:برى لو سمحتوا واذا بتدخلون استأذنو الشباب طلعوا على طول بدون نقاش
طلعت روبي تاخذ نفس وقالت:ليش قلتي لهم كذا؟؟؟
وجود:وش تبيني اقول لهم المهم شوفي اللي عندك خلص
روبي:ايه وراحوا لصاله وقالوا لأهات :دقي على واحد من اخوانك يجي ياخذ القهوه والشاهي
اهات مدت يديها وقالت:وشلون اكلمهم؟؟؟
اخذت وجود الجوال وقالت:ادق على مين؟؟؟
اهات:زياد دقت وجود قالت اهات:تعال المطبخ وخذ القهوه والشاهي
زياد:طيب وسكر وقال لفهد:تعال وهم يمشون للمطبخ
قال زياد:ماردوا عليك؟؟؟
فهد:لا بس ليش جايبني معك؟؟؟
زياد:عشان تساعدني
خلصوا البنات ولما جت الساعه 1 كل واحد راح لبيته
وفي بيت ابوي(ابوعبدالرحمن)
وجود مانامت نزلت تحت وجلست عند التلفزيون بس عقلها بعيد وماحست ببدر اللي دخل الصاله الا لما حط يده على كتفها لفت وجود بسرعه واستغربت لما شافت بدروقالت:وش اللي مصحيك الحين؟؟
بدر:انتي تدرين كم الساعه؟؟؟؟
شافت وجود الساعه وانصدمت انها 4الفجر وقالت لبدر:عندك اختبار؟؟؟
بدر:ايه بس انتي ليش مانمتي؟؟؟
وجود:ايه نمت وصحيت
بدر:صدقتك قومي ريحي شي قبل الدوام طفت وجود التلفزيون وطلعت فوق وكانت تفكر(هي استخارت وارتاحت بس باقي تفكر كانت بترفض بس تذكرت الوصيه وقالت انها بتقول لهم رايها)ودخلت غرفتها وانسدحت على السرير بترتاح شوي وقفلت جوالها
بكره الصبح الكل راح دوامه وفي الجامعه عند البنات
وجود كانت بالمحاظره ودلال تدق عليها وجوالها مغلق وهي ماشافتها الصبح شافت دانه وسئلتها:وجود داومت اليوم؟؟؟؟
دانه:ايه مداومه ليش؟؟؟
دلال:ادق عليها جوالها مغلق
دانه:يمكن بالمحاظره
وبعد ساعه طلعت وجود من المحاظره ومن شافتها دلال راحت لها ركض
وجود:وش فيك دلول؟؟؟
دلال:ليش قافله جوالك؟؟؟؟
وجود:مالي خلقه
دلال:مالك خلقه وانا اللي اجلس على اعصابي
وجود:معليش وش بغيتي مني؟؟؟
دلال:تعالي ابيك بموضووع
وجود:اللي هو؟؟؟؟ صاروا يتمشون وقالت دلال:ليش ماقلتي لي ان فهد خطبك؟؟؟
وجود:ليش هو ماقال لك؟؟؟
دلال:الحين اسألك تجاوبيني بسؤال لا ماقالي
وجود:اذا هو ماقالك تبيني اقولك
دلال:حتى لو انتي اقرب وحده لي المفروض قلتي لي
وجود:على بالي عندك خبر عشان كذا مافتحت الموضوع
دلال:طيب وش قرارك بتحين اخوي ولا بتذبحينه؟؟؟
وجود:الا قررت بس لحد يدري بقراري
دلال:ليش؟؟
وجود:بقلهم بس بعد ملكه مها
دلال:وشو قرارك؟؟؟
وجود:انا موافقه
صرخت دلال وضمت وجود
قالت وجود:فضحتيني الله يفضحك
دلال:ماني مصدقه وافقتي واخير مبروك يامرت اخوي
وجود:الله يبارك فيك وعقبالك بس لاعاد تقولين مرت اخي مره ثانيه عشان ما اغير رايي
دلال:امين .ان شاءالله
الكل رجع بيته بعد يوم متعب لان اليوم جمعه العايله وبكره ملكه مها وحمد عدى هاليوم باتجهيزات الاخيره
اليوم الخميس اليوم المنتظر بالنسبه لحمد والفرحه مو شايلته <<هذا وهي ملكه اجل لو زواج وش بيسوي المهم
الساعه 10 الصبح وجود كانت صاحيه بس منسدحه على السرير دق الباب قالت وجود وهي مستغربه انه جاي عندها:تعال يبه وعدلت نفسها
دخل ابوي وقال:صباح الخير
وجود:صباح النور
ابوي:غريبه نايمه للحين؟؟؟
وجود:لا صاحيه من بدري بس اريح امر يبه بغيت شي؟؟؟
(كانت عارفه ليش جاي بس كانت تستغبي)
ابوي:وش رايك؟؟؟
وجود:رايي في ايش؟؟؟
ابوي: في خطبه فهد لك انتي موافقه ولا لا؟؟؟ كستت وجود
قال ابوي:وش أرد على عمك؟؟؟
وجود:قول لهم اني وسكتت
ابوي:انك ايش؟؟؟
وجود:موافقه
ابوي:الف مبروك
وجود:الله يبارك فيك
ابوي:انا بروح ابلغ عمك وطلع
ابتسمت وجود وقالت في نفسها(اسفه فهد بعذبك معي )وقامت اخذت شور ونزلت تحت وكان الخبر انتشر راحت للمطبخ وسوت لها شاهي واخذت كاسها وراحت لصاله ومن شافها بدر على طول قام وحضنها وقال:الف مبروك حبي
وجود:شوي شوي بغيت تكب الشاهي الله يبارك بعمرك
بدر:يعني في بيتنا عروسين
عبدالرحمن:طيب وخر خلنا نبارك لها وخر بدر وضم عبدالرحمن وجود وكملوها سوالف وفرحه ابوها واخوانها فرحتها
وفي بيت عمي عبدالله(ابو ناصر)
فهد كان بغرفه دلال جالسين ودق الباب دلال:ادخل
دخل عمي عبدالله الغرفه وقال:ماشاء الله جالسين هنا وانا لحالي تحت
دلال:حياك معنا يبه
عمي عبدالله:لا انا جاي ابارك لفهد وبروح عندي شغل
ابتسمت دلال وقال عمي عبدالله:فهد ترى وجود وافقت
قام فهد ووقف قدام ابوه وقال:من جدك؟؟؟
عمي عبدالله عطاه نظره وقال:مبروك
فهد رد بدون وعي:الله يبارك فيك
طلع عمي فهد واقف مكانه مبعد استوعب قالت دلال:يااخوي تراها وافقت مارفضت
فهد:يعني هي وافقت وصرخ وضم دلالالفرحه مو سايعته
جو ندى ونوف على صرخه قهد وقالو:وش فيه؟؟؟؟؟
دلال:ابد بس فهد خطب وجود وهي وافقت توه ابوي قالنا بس
ندى:والله الف مبروك فهود
فهد:الله يبارك فيك وعقبالكم وطلع من الغرفه وراح غرفته يدق على مهند اللي بسابع نومه ازعجه لين صحى
مهند:الو نعم؟؟؟
فهد:نعامه ترفسك قوم
مهند:وش عندك على هالصبح يافهد؟؟؟
فهد:وافقت علي
مهند:منهي؟؟؟؟
فهد:مهند صحصح معي وجود وافقت
مهند توه يستوعب وقال:قول والله؟؟؟
فهد:انا مو مصدق ان وجود وافقت يعني بتصير لي وصار يصرخ
مهند:ياخي خلاص عرفت بس اذني ابيها والف مبروك
فهد:من حلاتك وحلاه اذنك الشرهه علي اللي ابيك تفرح معي والله يبارك بعمرك وعقبالك
مهند:ان شاء الله يارب
فهد:اقول قوم يله بلا كسل
العصر الكل في المشغل ماعاد وجود ودلال وسمركالعاده وقالت وجود لبدر يجي ياخذهم من البيت ولا ياويله المهم خلصوالبنات بعد المغرب
[وجود كانت لابسه فستان قصير لين الركبه لونه تفاحي ووردي توب وكان فيه شك يس بسيط وكان ماسك على جسمها ولبست شوز كعب ربط على الساق ومسويه تسريحه حلوه بس بسيطه عشان تخفي طول شعرها وحاطه مكياج حلو لاخفيف ولا ثقيل وسط وصايره تطير العقل]
[دلال كانت لابسه فستان طوبل لونه نحاسي على ذهبي كان ماسك من عند الصدر وفيه شك ومن ورى نص الظهر طالع وماسك عند نهايه الظهر وفيه كسره معطيته شكل حلو وحاطه مكياج نحاسي وتسريحتها حلوه وطالعه قمر]
[دانه كانت لابسه فستان لونه ازرق مثل زرقه البحر وكان ماسك من عند الرقبه ومن تحت الصدر كله شك وعند الخصر فيه حزام بس نحيف ومن ورى نص ظهرها طالع وكانت مسويه بوف وباقي الشعر مفكوك ومكياجها كان ثقيل]
[سمر كانت لابسه فستان قصير لونه ابيض وفيه حزام لونه ذهبي ونازل من الحزام زي السلاسل وكان القماش نفسه فيه شك بسيط ومكياجها كان ذهبي خفيف وتريحتها عاديه]
[عبير كانت لابسه فستان اونه احمر توب كان عادي بس ماسك على جسمها وطالع عليه شي وتسريحتها ومكياجها كان شوي ثقيل بس حلو عليها]
[روبي كانت لابسه فستان لونه اصفر ووردي كان سيور وقصير من قدام وطويل من ورى وشوزها كان كان كله ربط على الساق وكانترافعه شعرها بوف والبافي بالفير ومكياجها ناعم]
[هيام وملاك كانو لابسين فستان فصير لونه نيلي ماسك من كتف احد فيه شويه شك ومكياجهم وتسريحتهم ثقيل نوعا ما]
[عايشه وندى كانو لابسين نفس بعض فستان طويل لونه برتقالي وتفاحي سيور وفيه على جنب كسرات معطيه منظر حلو للفستان ]
[نوره كانت لابسه فستان فضي طويل وسيور وكان فيه شك وماسكعلى جسمها ومن عند الخصر فيه زي الزياده معطيه منظر حلو للفستان ومع التسريحه والمكياج طلعت قمر]
[اهات ونوف كانولا بسين نفس الفستان بس بألوان مختلفه كان توب ومن تحت الصدر كله كسرات وعند الخصر فيه حزام عليه ورده والوانهم وحده موف فاتح والثانيه احمر بس فاتح ]
[واخيرا العروسه معا كانت لابسه فستان وردي كان ماسك من كتف واحد ومن عند الصدر كله شك وكان قصير من قدام وطويل من ورى وشوزها كان كعب وتسريحتها حلوه ومكياجها ثقيل صايره تطير العقل<<<الله يعين حمد]
وجود ودانه كانوا ماسكين القاعه وجود كانت رايحه للستيج ونادتها
نهله(أم ناصر):وجود
لفت وجود قالت:لبيه
أم ناصر:لبيتي حاجه ماشاء الله صايره عروس
ابتسمت وجود وقالت:وياك
أم ناصر:قريتي على نفسك؟؟؟؟
وجود:ايه
أم ناصر:الله يحفظك لاهلك لفهد ان شاء الله
وجود قلب جهها لاوان الطيف ابتسمت جت دلال وقالت:وجود انتي هنا وانا ادورك في كل القاعه
وجود:جيت اتأكد من الاضاءه للكوشه
أم ناصر:دلول قريتي على نفسك
دلال:ايه دق جوال أم ناصر وكان فهد لما سكرت قالت:وجود وش رايك تملكون الليله انتي وفهد؟؟؟
وجود:لا ماينفع
دلال:حرام عليك ارحمي فهد ووافقي طقت وجود دلال وقالت :عن اذنكم برح لمها وانحاشت هي تتوعد في دلال
بدت الحفله وكل من شاف وجود بارك له كل ماتناست الموضوع ذكروها
طلعت عند مها ترتاح شوي وجاء ابوها وخلى مها توقع وقال لوجود:ماودك نملك الحين؟؟؟
وجود في نفسها(لهدرجه تبون الفكه)قالت:لا بعدين
طلع ابوي وبعدها جو عمامي واستلما مها واستلموا وجود معها
ووعند الرجال:حمد وفهد كانا طايرين من الفرحه ومهند وزياد طايحين استهبال عليهم وهم جالسين راح عمي فيصل وجلس عند فهد وقال:فهد وش عندك مستانس؟؟
فهد:ليش حرام استانس؟؟!!
عمي فيصل:لاموحرام بس اسأل صح مبرك عقبال ما اشوفكم سوا ان شاءالله
فهد:الله يبارك بعمرك امين الله يسمع منك
وعند البنات جا وقت الزفه كانت مها بسم الله عليها قمر والزفه كانت حلوه بعد الزفه البنات كانوا فالينها ومهبلين في مها شوي وقالوا بيدخل حمد مها كانت ترتجف ومن شافت حمد داخل وبعد ربع ساعه طلعوا فوق عشان التصوير وحمد ماقصر في مها انتهت الملكه
دخلوا عمامي وجلسوا مع البنات ووجود كانت سرحانه جاها عمي فيصل وقال:وجد
وجود:هلا حبي
عمي فيصل:حبي لاخلي هالكلام لفهد انا مابي هالكلام
وجود انقلب وجهها الوان وسكتت قال عمي فيصل:يله تعالا نتصور يابنات
طلعوا البنات معه وصورو ولما خلصوا الكل طلع ولما جت وجود تطلع قال عمي فيصل:لحظه وجود
وجود:وش فيك؟؟؟
عمي فيصل:تعالي اجلسي جلست وجود وسكت عمي فيصل
قالت وجود:بتتكلم ولا اروح
عمي فيصل:افا ليش تكلميني كذا زعلانه؟؟؟
وجود:لا بس حركتك بايخه انا دايم اكلمك كذا
عمي فيصل:خلاص اسف بس لاتزعلين
وجود:مازعلت بس احرجتني قدام الكل لو مافي احد كان اهون بس الكل موجود وسكتت
عمي فيصل:تدرين عاد ياحظ فهد فيك وبقلبك ناوا البنات على وجود وقامت قالت:نكمل الكلام بالبيت وطلعت
لما طلعوا كانوا وجود ودانه ومها بيروحون مع عمي فيصل ركبوا البنات شوي الا جا عمي فيصل عند وجود وفتح الباب وقال:تعالي بسرعه
وجود:وش فيه؟؟؟
عمي فيصل:تعالي وسحبها نزلت وجود معه وهي ماسكه عباتها عشان ماتنفتح لان فستانها قصير
وجود وهي تمشي معه سألت:وش فيك؟؟؟
عمي فيصل:فيصل طاح
وجود:ش فيه ؟؟؟ قبل شوي مكلمني مافيه شي صارت تمشي بسرعه وصلت عنده
كان على الارض الشباب مجتمعين عنده جلست وجود بسرعه ومسكت يده تشوف نبضه وقالت:هو اكل شي؟؟؟؟
نواف:لاما اكل يقول مابي
حاولت وجود تصحيه وشبه صحى قالت:عمي تعال ساعدني لازم نوديه المستشفى
عمي فيصل :طيب يله
فهد:عمي روح انت ود البنات البيت وجا مسك يد فيصل ويده الثانيه مدها على ظهره وبالصدفه صارت يده فوق يد وجود وهي على طول شالت يدها وقالت:بروح معكم
عمي فيصل:وجود وش هالكلام؟؟؟؟
وجود:ماراح اخلي فيصل لحاله
فهد:انا دلال معي خلاص مشينا ركبوا السياره هم بالطريق كانت وجود تحاول في فيصل مايغمى عليه وفهد طول الوقت وعينه عليها وصلوا المستشفى وكشف الدكتور على فيصل
قال الدكتور:سوء تغذيه بنعطيه مغذي وبعدها يقدر يروح
راحت وجود عند فيصل وقالت:حسابك بالبيت وطلعت برى جتها دلال وقالت شلونه؟؟؟
وجود:الحمد الله احسن معليش حبي تعبتكم معي
دلال:لاتعب ولا شي وبعدين في ناس مستانسين انك معنا
طقت وجود دلال وقالت:اسكتي لا اطلع حره فيصل فيك
دلال:لاخلاص
بعد ساعه ونص رجعوا البيت وكانت الساعه 5:30
وجود ودت فيصل غرفته وقالت له:ريح الحين بروح وبعد شوي بجيك راحت وجود غرفتها وبدلت فتحت دفترها وكتبت
[لا اعرف ماهذه الاحاسيس التي تجعلني عاجز عن كل شي امامك
انا لااحبك ولا اكره كانا احترمك فقط لكن لماذا اهديتني شيء لست قادره على حفظه؟؟؟؟ انت تحبني اعرف ذالك ولكنني لاابادلك نفس المشاعر لان قلبي اتعظ من تجربه حب واحده اتنمى ان لا اكون مصدر لتعبك في المستقبل وان اكون مصدر فرحك دائما] وقفلت الدفتر وانسدحت
صباح الجمعه الكل عرف عن فيصل ووجود مانامت كانت عند فيصل ولما جت الساعه 10الصبح ناداها ابوها راحت لمه وهي مالها خلق شي
دخلت عند ابوها بمكتبه وقالت:سم يبه
ابوي:تعالي اجلسي
جلست وجود وقالت:امر
ابوي:فيصل وش فيه؟؟؟
وجود:سوء تغذيه بس
ابوي: زين بس هو راح المستشفى؟؟؟؟
وجود:ايه وديناه البارح
ابوي:وديناه؟؟مع مين؟؟؟
وجود ماتدري وش تقول لابوها وقالت:مع عمي فيصل وبعدها طلعت من عند ابوها وراحت عند عمها فيصل ولما دخلت عنده كان يحط لمساته الاخيره على وحده من لوحاته
قالت وجود:عمي ابي اكلمك شوي
عمي فيصل:قولي وش عندك انا اسمعك
وجود:ابوي سألني من ودى فيصل المستشفى وقلت له انا وانت
عمي فيصل:وليش ماقلتي ان فهد هو اللي موديكم ؟؟؟؟
وجود:عني عن الهباله بس اذا سألك قوله ان انت اللي وديتنا وياليت تقول لفهد بعد
عمي فيصل:فهد كلميه انتي وقوليله
وجود:عمي خلاص عاد وبعدين انت بعقلك تبيني اكلمه
عمي فيصل:ايه عادي خطيبك
وجود:عمي ابرد ماعندك احرماعندي انا اللغلطانه اللي جايه عندك اصلا وكانت بتطلع الا مسكها مع يدها وقال:تعالي خلاص بس كنت بنرفزك شوي
وجود:ابد مو وقتك
سحبها ووقفهاو قال:غمضي عيونك
وجود:ليش؟؟؟
عمي فيصل:غمضي ويس غمضت وجود عيونها وصار يمشيها لين وقفت قدام لوحه وقال:افتحي عيونك
فتحت وجود عيونها وانصدمت باللي قدامها كان راسمها وجود ماعرفت وش تقل ومن غير شعور طاحت دموعها اللي كانت محبوسه من فتره طويله شافها عمي فيصل ووجود مسحتها بسرعه قالت:لهدرجه انا حلوه؟؟؟؟
عمي فيصل:قمر بسم الله عليك من حقهم الناس خاقين عندك
وجود:لامولهدرجه انت مبالغ
عمي فيصل:خلاص نسأل فهد
وجود:لالاتسأله
عمي فيصل:يحق له فهد ميت عليك وجود شوي وتختفي من الحيا وكمل لو اني مو عمك كان تزوجتك
وجود هالوقت مابقى منها شي ضمته وقالت:الله لايحرمني منك وباسته مع خده وطلعت لورى البيت وجلست عند المسبح
كانت ضامه رجولها وحاطه دقنها على ركبها وتفكر:انا الللي سويته صح ولا لا؟؟؟؟حرام اعذبه معي بس انا ماسويت كذا الا عشانهم كلهم
التفكير كان شاغلها وماحست بعمها فيصل يجلس جنبها جلس جنبها ومد يده وحاس شعرها
انتبهت وجود ولفت وقالت:اللحين مالقيت تحوس الا شعري وفكته عشان تعدله ولما فكته انصدم عمي فيصل وقال:ماشاء الله هذا شعرك ولا موصله؟؟؟
وجود:لا هذا شعري
مد يده وسحب شعرها وجود:أي عمي وش تسوي؟؟؟
عمي فيصل:اتأكد اذا شعرك ولا لا؟؟؟ ضحكت وجود على هباله عدلت شعرها وسكتوا شوي
قال عمي فيصل:ليش بكيتي لما شفتي الرسمه؟؟؟ كنت احسب انك بتفرحين موت بكين
وجود:بالعكس فرحت بس من الفرحه سبقتني دموعي قبل كل شي بس تدري احسك مبالغ بالرسم هانا مو لهدرجه حلوه
عمي فيصل:انتي موحلوه انتي قمر ليش منتي مقتنعه بهذا الشي؟؟؟
وجود:انا مقتنع هاني حلوه بس مو لهدرجه ولاتمدح واجد بيكبر راسي ترى
عمي فيصل:نسأل احد عشان نتأكد؟؟
جا بدر وقال:تتأكدون من ايش؟؟؟
عمي فيصل:حلو بدر جا يله قومي قامت وجود وراحوا مع بدر غرفه عمي فبصل
شاف بدر الرسمه قال عمي فيصل:وش رايك؟؟؟
بدر:ابداع بس
عمي فيصل:بس ايش؟؟؟
بدر:مو كنك لاعب بالرسمه شوي وجود احلى من كذا
عمي فيصل لف على وجود وقال:شفتي عاد اختك تقول اني مبالغ بالرسمه انا مو حلوه كذا
بدر:طيب تبون احد يعطيكم الراي الصح
عمي فيصل:ايه
بدر:نوري فهد الرسمه ومامداه يكمل الا وجود قالت:لا فهد لا
بدر:ليه هو بيحكم احسن مني ومن عمي
وجود:قلت لا واذا وريتوه الرسمه ياويلكم انا الغلطانه اللي جالسه معكم
عمي فيصل :روحي اجلسي عند المسبح وفكري بفهد ها
طقته وجود وقالت:اروح لفيصل احسن منكم وطلعت لفيصل
اليوم السبت بدايه يوم دراسي جديد في (مدرسه ريتاج)
في الفصل كانت ريتاج ووئام وارى منطربين شوي وقاموا يلعبون بالفصل واجتمع الفصل كله بعضهم يغني وبعضهم يرقص وبعضهم يدق وكانوا فالينها وفجئاءه انفتح الباب والبنات جمدوا بأماكنهم وصارت وحده من صديقاتهم صرخوا عليها وكملوا وبعد شوي هجدوا
قالت وئام:ريتاج الى الان وسحر ناشبه لك؟؟؟؟
ريتاج :ايه ليش؟؟؟؟
وئام:بالفسحه بتعرفين بس لوسويت لك كذا وسوت حركه بيدها انتبهي
ريناج :اوك
بالفسحه كانت ريتاج ووئام يتمشون جتهم سحر وسلمت وصارت تسولف معهم شوي الا جت بنت قالت:ريتاج
لفت ريتاج وقالت:لبيه
البنت:ممكن شوي
قالت ريتاج:طيب ولفت لوئام ووئام ماقالت شي راحت ريتاج وسحر واقفعه مع وئام دقايق وجت ريتاج
قالت وئام:وش تبي؟؟لايكون قالت لك؟؟؟
ريتاج:ايه قالت لي
وئام:وش قلتي لها؟؟؟شوفي كيف طايره من الفرحه
ريتاج:تبي تخاويني؟؟؟
سحر:وانتي وش قلتي؟؟؟
ريتاج:وافقت
وئام:من جدك انتي؟؟ سحر كانت مصدومه ماقالت شي
ريتاج:ايه ليش؟؟؟؟
سحر:مو انتي ماتخاوين؟؟؟
ريتاج:كنت
وئام:تدرين انها من اول تقول لي قولي لها بس انا رافضه
سحر:يعني انتي تعرفين؟؟؟
وئام:ايه
سحر:ريتاج انتي من صدقك وافقتي تخاوينها؟؟؟؟!!!!!!!
ريتاج:ايه
عصبت سحر وقالت:عن اذنكم وراحت ومن راحت ووئام ميته ضحك وكملوا يومهم حلو

انــــــــــــــتــــــــ ــهــــــــــى الــــــــــجــــــــــــ زء الــــــــخــــــــامــــ ـــس

[لامارا]

الـــــــــــــــــــــــ ـــــــــجـــــــــــــــ ـــــــــزء الــــــــــــســــــــــ ــــادس

،

انتهى الاسبوع وكان متعب للكل واليوم الاربعاء العايله مجتمعه عند البنات
وجود:بنات ابي اروح الملاهي
دلال:من ماسكك روحي
سمر:من جد حتى انا ابي اروح
اهات:ليش مانروح بكره؟؟؟
وجود:من بيوديك؟؟
هيام:نقول لأبوي وعمامي وهم موممانعين
ملاك:ايوه يلا قوموا خلونا نقنع الحريم اول قاموا البنات ونزلوا تحت عند الحريم بالصاله
دخلوا الصاله وسلموا وجلسوا وكل وحده تأشر لثانيه تقول
قالت نوره (أم سلطان): وش عندكم انتم ماتجون تجلسون معنا الا تبون شي؟؟؟
قالت سمر:وجود طفشانه وتبي تروح الملاهي
قالت نهله(أم ناصر):افا زوجت ولدي طفشانه وانا هنا
وجود في نفسهاالحين وش دخل ولدك بالموضوع)وقالت:لامو طفشانه بس كلنا نبي نغير جو ونبيكم تقنعون ابوي عمامي اننا نروح بكره
قالت سميه(أم خالد):وش لكم بالملاهي خلونا نجتمع مع بعض احسن
ملاك:ياخالتي طفشنا من بعض بالبيت وبالجامعه نبي نشوف ناس جدد
قالت فاطمه(أم عبدالرحمن):طيب روحوا وقولوا لهم
قالت منى(أم نواف):قولوا لهم اذا رفضوا احنا نكلمهم حتى انا ابي اغير جو
(أم سلطان):صادقه انا معاكم يله روحوا قولوا لهم
ومن طلعوا البنات من الصاله الا وجود طقت سمر وقالت:الحين انا اللي طفشانه بس ها؟؟؟
سمر:يختي اقرب تصريفه لقيتها
وجود:والله وانا اللي انكب
وبعد العشا جلسوا مع عمامهم
قالت دلال:يبه ابي منك طلب؟؟؟
عمي عبدالله:وش عندك؟؟؟
دلال:بكره نبي نروح الملاهي
عمي عبدالله:ليش؟؟
دلال:طفشانين
عمي عبدالله:اجلسوا ذاكروا احسن
سمر:عمي نبي نغير جو عشان نعرف نذاكر زين
وجود:صح كلام سمر
عمي محمد:وجود انتي هنا مالك حس
وجود:لاهناك قاصره عليه عشان ماتسمعه
عمي محمد:افا ليش؟؟
وجود:وشو اللي ليش؟؟؟
جا وجلس جنبها وقال:ليش قاصره لصوتك؟؟؟
وجود:بس يعني طولنا ولا قصرنا مايعجبكم وش يعجبكم؟؟؟؟
عمي محمد:طيب ليش العصبيه ياعروسه؟؟؟؟
وجود وصلت حدها من هذا الموضوع وقالت:غلطان العروس مها مو انا وقامت وقالت:عن اذنكم وراحت لورى البيت لحقتها دلال
جلست وجود عند المسبح قالت دلال:وش فيك معصبه؟؟؟؟
وجود:مافيني شي
دلال:العبي على غيري
وجود:لارد
دلال:انتي متضايقه من شي؟؟؟
وجود:لا
دلال:الا وهالموضوع موضوعك مع فهد صح؟؟؟
وجود:لارد
دلال:انتي ماتبين فهد؟؟؟؟
وجود:لارد
دلال:وجود ردي علي
وجود:لا
دلال:اجل؟؟
وجود:كل ماسويت شي قالوا لي فهد وفهد بس
دلال:هذا اللي مضايقك؟؟؟
وجود:تقريبا لأنهم يتعمدون يحرجوني وانا ما احب هذا الشي وانتي تدرين
دلال:صح بس حاولي تمسكين اعصابك تراك صايره تعصبين بسرعه وراحت
###########################
وبكره الساعه 3العصر العايله اجتمعت عشان يروحون الملاهي وقالوا الرجال اننا بنروح ملاهي عائليه والبنات ماكانوا متوقعين هذا الشي الكل راح بسيارته ولما وصلوا دخلوا البنات قالو:بنروح نلعب
قال عمي سالم:استنوا روحوا مع الشباب لحالكم لا
بعد عشر دقايق شرفوا الشباب وراحوا مع بعض
وجود وسمر ودلال ودانه وروبي يبوون يركبون الاعصار ولما وصلوا عندها قالت وجود:بنات من بتركب معي؟؟؟
سمر:انا ودانه ولال وروبي
قالت وجود:بدر
لف بدر وقال:هلا
وجود:بنركب الاعصار
بدر:طيب بشوف من من الشباب بيركب
وجود:طيب
عند بدر سأل الشباب:مين يبي يركن الاعصار
واللي بيركبون فهد ومهندوزياد وخالد ونواف
ترتيبهم بالمراكب وجود مع وربي ودلال مع فهد ومهند مع زياد وسمر مع دانه وخالد مع نواف وجود من جلست صارت تعدل طرحتها عشان ماتطير
بدت اللعبه ولما مشت مركبه مهند وزيادصرخوا وسمر ودانه ضحك عليهم ونفس الحاله مع خالد ونواف والبنات ميتين ضحك انتهت العبه والشباب راحت اصواتهم من الصراخ ومن نزلوا كل وحده تعلق على اخوها والشباب مفتشلين
وقفوا الشباب عند لعبه (الصحن الدوار) وسألوا مين بيركب؟؟؟؟
الكل ركب بما انها لعبه عاديه وقبل مايركبون قال زياد للعامل:انه يزيد السرعه العامل وافق بدت العبه البنات عادي عندهم وشوي الا سمعوا صوت صراخ كانوا(سلطان ورائد وعمي فيصل وعبدالرحمن ونواف وزياد)من الشباب ومن البنات(ريتاج واسماء وندى وهيام وملاك)خلصت اللعبه ونزلوا منها وكانوا ميتين ضحك
قال حمد:زياد دامك مو قد اللعبه ليش تقوله يزيد السرعه
زياد:انا ماكنت خايف كنت اصرخ بس لعب
فهد:واضح ماكنت خايف
زياد:تعالوا نلعب غيرها
دخلوا (بيت الرعب) وكان فيه كذا طريق توزعوا ووجود كانت تمشي وعقلها مومعها وهي تمشي كانت بتصقع بجدار قدامها وماحست الا بواحد سحبها وصقعوا في الجدار الثاني وكان ماسكها مع خصرها لما استوعبت وجود اللي صاير كانت بتشوف مين اللي سحبها وانصدمت انه فهد وفهد صقع ظهره بالجدار ووجعه وجود مدت يدها وفكت يدين فهد اللي ماحوطتها
وبعدين قالت:جاك شي؟؟؟
فهد:لارد
وجود:فهد رد علي جاك شي ظهرك يوجعك؟؟؟؟
فهد:لاماصار شي انا بخير
وجود:بس ظهرك؟؟؟
فهد:مافيني شي امشي نطلع تأخرنا الكل طلع ولما طلعوا لفت وجود تناظر فهد تتأكد ان مافيه شي
سحبتها سمر وقالت:ليش تأخرتوا؟؟؟؟
وجود:ماصار شي بس كنت اكلم وفهد كان يستناني
سمر:عاشوا يستناك ها؟؟
جود:سمر ليش ماتمشين وانتي ساكته
سمر كانت تمشي بالمقلوب وصقعت في زياد وبغت تطيح بس مسكها زياد وصار شكلهم كأنهم يرقصون كانت شبه طايحه وهو يد على ظهرها ويد لافها على خصرها ووجود كانت تضحك عليها قامت سمر وهي تتمنى الارض تنشق وتبلعها وزياد مستانس وكملوا مشي ووجود كانت يدها توجعها بس ماعطتها اهتمام
وقفوا عند لعبه وركب من البنات (وجود ودانه وسمر ودلال ومها وملاك ونوف وعبير روبي) والشباب كلهم ركبوا ولما جو يجلسون البنات قال لهم العامل اجلسوا من الجهه الثانيه بس البنات عارصوا وجلسوا مكانهم وكان ترتيب البنات وهم جالسي كذا (وجود بالنص وعلى يمينها دلال وملاك وعبير ودانه ومن يسارها سمر وروبي ونوف ومها )اما الشباب كان ترتيبهم كذا(فهد بالنص وعلى يمينه مهند وسلطان وبندر وخالد وعلى يساره زياد ونواف وعمي فيصل وحمد وباقي الشباب توزعوا عادي)
وجود كانت تعدل طرحتها وقالت للبنات يعدلون طرحهم خلصت كانت تناظر فهد من تحت لتحت ودق جالها ردت:هلا خالتي احنا بالعبه لما نطلع اكلمك باي ودخلت الجوال بالشنطه بسرعه عشان اللعبه بتبدى بدت اللعبه والكل كان مستانس الا وجود اللي اكتشفت ان يدها تنزف وكانت تحاول تخبيها وفهد كان ظهره يوجعه بس يتجاهل وبندر كان يفكر كيف ينسى وجود خلصت اللعبه ولما نزلوا
قالت وجود انها تبي دوره المياه راحت وجود وسمر ودلال والباقين كانوا يستنونهم ولما دخلوا دوره المياه على طول رفعت وجود كم عبايتها بتشوف الجرح وسمر ودلال صرخوا
وجود:اسكتوا فضحتونا
دلال:من ين هالجرح؟؟؟؟
وجود:من بيت الرعب هذا اللي اخرني
سمر:كيف؟؟؟؟
وجود وهي تعقم الجرح قالت لهم اللي صار ولفت على دلال وقالت:ابيك تقنعين فهد يروح المستشفى الضربه قويه
دلال:كيف وحتى لو اقتنع كيف بنطلع من هنا بدون مايدرون؟؟؟؟
وجود:الساعه كم الحين؟؟؟
سمر:5:10
وجود:بيأذن الحين وبعد الصلاه روحي كلميه بس لاتقولين له اني قلت لك اقنعيه وروحوا وانا بغطي عليكم
دلال:بس يدك ؟؟؟
وجود:يدي مافيها شي بس لحد يدري وترى ظهره يوجعه بس يتجاهل
دلال:اوكي يله وطلعوا من دوره المياه وهو يأذن ورجعوا عند اهلهم
وبعد الصلاه فهد كان جالس لحاله راحت له دلال وقالت:فهد
فهد:هلا تعالي
جلست دلال وقالت:وش فيك جالس لحالك؟؟؟
فهد:مافيني شي
دلال:العب على غيري ظهرك يوجعك صح؟؟؟؟
ابتسم فهد قال:انتي ساحره؟؟؟
دلال:يعني يوجعك؟؟؟
فهد:ايه
دلال:طيب قوم نرح المستشفى
فهد:وش بتقولين للباقين؟؟؟
دلال:ماعليك بس يله وقاموا وجود وسمر كانوا يراقبونهم وجود شبه ارتاحت انه اقتنع يروح المستشفى وصلها مس كول من دلال وجلسوا يسولفون وماحسوا بغيابهم
وجود وسمر كانوا ميتين من الخوف يبون يعرفون وش صار جتهم
(أم سلطان) وقالت:وش فيكم؟؟؟
وجود:مافينا شي
(أم سلطان):كل هذا ومافيكم شي
سمر:كنا نبي ناخذ راحتنا بس عمامي الله يهديهم
(أم سلطان):بس هذا اللي مضايقكم؟؟؟ عاد الشباب مستانسين
وجود:اكيد عشان يمسكون على كل وحده شي
(أم سلطان):بالعكس كل واحد مستانس لان حبيبته هنا
انصدموا وجود وسمر قالت سمر:وش هالكلام يمه هاذولا يحبون؟؟؟
(أم سلطان):ايه الا ميتين عليكم واولهم فهد الله يستر من بعده وراحت
#######################
في المستشفى عند فهد دلال:دخلوا عند الدكتور وكشف على فهد وقال:هذي رضه عاديه بس حط عليها ثلج وان شاءالله خير
طلعا من عند الدكتورقال فهد:تطمنتي الحين
دلال:ايه تطمنت ودق جوالها وردت:هلا لاالحمدالله رضه خفيفه ايه جاين اك باي
فهد:وجود؟؟
دلال:ايه
فهد:وش تبي؟؟؟
دلال:تسأل وين احنا ركبوا السياره مع السواق
قال فهد:تسأل وين احنا وتقولين لها رضه خفيفه هي وش دراها؟؟؟؟
سكتت دلال قال فهد:يعني هي اللي قالت لك؟؟؟
دلال:بصراحه ايه كانت خايفه عليك
فهد مبعد استوعب ان وجود خايفه عليه قال:انتي من جدك هي خايفه علي؟؟؟
دلال:ايه وهي اللي قالت لي اقنعيه يروح المستشفى وانا بغطي عليك
فهد:فديتها ياناس خايفه علي الله لايحرمني منها
#####################
وعند البنات بالملاهي:قالت وجود لسمر:قومي معي ولما قاموا
قالت(أم نواف):وين يابنات؟؟
وجود:بنروح المحل اللي هنا وجاين
(أم ناصر):دلال وينها؟؟؟
قالت سمر:راحت مع فهد يتمشون بيجون الحين
دقت وجود على فيصل وقالتله يجي معها ولما قام سئله مهند:وين؟؟
فيصل:بروح مع خالتي ووحده من البنات لسوق
مهند:عادي اجي معك؟؟؟؟
فيصل:حياك تونسني
لما شافتهم جود قالت لسمر:وش عنده مهند الملقوف؟؟
سمر:علمي علمك بس الله يستر وصلوا مهند وفيصل ودخلوا البنات محل واشتروا وطلعوا ودق جوال وجود وردت:هلا ايه شفتي محل الهدايا احنا عنده اوكي باي
سمر:وش صار؟؟
وجود:هذا هم وصلوا راحت دلال على طول عند البنات وعطتها وجود الكيس وقالت لها:هذي انتم شريتوها وقلي لفهد نفس الشي لانهم سألوا عنكم وقلنا لهم انكم تتسوقون
دلال:طيب ونادت فهد
وعند فهد مهند سأله:انتم وين كنتم؟؟؟
فهد:هنا نتمشى ليش؟؟
مهند:فجأءه كذا اختفيت نادت دلال
فهد:عن اذنكم وراح عند دلال وعيونه على وجود
قالت دلال:اول شي نزل عيونك عن البنت لاتخليني اندم اني قلت لك لو درت بتذبحني وثانيا اذا سألوك وينك قل لهم كنا نتسوق
فهد:بس مامعنا شي يثبت؟؟؟
رفعت دلال الكيسه وقالت:الافي هذا
فهد:ويلوموني فيها فديتها
دلال:يله نروح تأخرنا ورجعوا ومحد سأل
راحوا الشباب البنات يكملون لعب وقفوا عند (لعبه المظله)لماركبوا كل واحد مع اللي يبيه جا العامل وقوم نواف
سأله نواف :ليش؟؟
قال :ان اللعبه تحتاج توارن معين
نواف:طيب
كان العامل يناظر المراكب وراح عند مركبه روبي وعايشه وقال لعايشه: لوسمحتي ممكن تروحين هناك نزلت عايشه وروبي ميته خوف وعايشه تناظر في مهند وخالد واشروا لها ان عادي عايشه كانت تمشي وهي ترتجف لأنها بتجلس جنب رائد ونواف جنب روبي وقوم خالد وجلسه جنب دانه سمر جنب زياد ودلال جنب مهند وفهد جنب وجود وحمد جنب مها وعبير جنب بندر والباقين كان توزيعهم عادي
البنات والشباب كانت حالتهم حاله كلهم متوترين بدت اللعبه وهي لازم تميل على جهه يعني الضغط يصير من ناحيه الشباب البنات كل وحده تحاول تمسك نفسها
عند روبي ونواف روبي من كثر التوتر ماقدرت تمسك نفسها ومالت على نواف اللي بحركه سريعه منه مد يده وصار حاضنها من عند كتوفها وهي من مسكها نواف وهي تحاول تعدل نفسها بس مافي امل وكانت تقول في نفسها[توبه اركب هاللعبه ومعي شباب والله ياخذ هالعامل مالقى الا نواف وكانت تتمنى اللعبه تخلص بسرعه]
وعند عايشه ورائد لما ارتفعوا انفكت الحديده اللي تمسكهم وعايشه صرخت ورائد ماكن يعرف وش يسوي وبحركه سريعه مد يده ومسك الحديده بيده وعايشه من الخوف تمسكت فيه وحطت راسها على كتفه ورائد تفاجىء من حركتها بس حاول قد مايقدر ماتفلت يده عشان مايصير لهم شي وكانت تقوول في نفسها[لو اني جالسه مع مهند ولا خالد ابرك الله ياخذ هالهندي متى تخلص اللعبه بس]
وعند دلال ومهند كانت ماسكه نفسها وتتمنى اللعبه تخلص (وتدعي على الهندي)ومهند مستانس
وعند حمد ومها حمد كان يقول لمها:تدرين ان هذي احلى لعبه ركبتها لكن لارد من مها مد حمد يده ومسك يدها
قالت مها:فك يدي
حمد:لا
مها:حمد اخواني وعيال عمي هنا فك يدي
حمد:محد له دخل انا زوجك سكتت مها وكانت بداخلها [تدعي على هذي اللعبه وعلى الهندي]
عند خالد ودانه خالد نوع ما يخاف من المرتفعات ودانه نفس الشي لف خالد على دانه وشافها تلعب بأصابعها قال:انتي بعد تخافين من المرتفعات؟؟؟
دانه:مو مره بس احب اتحدى خوفي خالد عرفها من صوتها
وقال:شي حلو انك تتحدين خوفك بس وش سبب خوفك من المرتفعات؟؟
دانه:صار لي موقف وانا صغيره ومن بعدها صرت اخاف
خالد:ياقلبي والى الحين تعانين
دانه سكتت وخالد لنتبه لنفسه وسكت عشان مايخربها اكثر ودانه تقول في نفسها[وش عنده هذا ياقلبي بعد متى تخلص هاللعبه الله ياخذ هالهندي مالقى يجلسني الا هنا]
وعند بندر وعبير بندرمن ركب قرر انه يسمع كلام خالته واخته ويخطب صديقتها اللي اسمها عبير ولما لف للبنت اللي جنبه كان في يدها سواره مكتوب (عبير بالانجليزي) قال في نفسهسحبان الله توني كنت افكر فيها)رفع عيونه وناظرها كانت في قمه توترها وشوي وتقطع الشنطه من كثر التوتر ابتسم وقال:ترى العبه حلوه انسي توترك واستانسي عبير كانت ساكته ومستغربه انه تكلم معها وكانت تدعي بداخلها(ان شاء الله تخلص هالعبه على خير والله ياخذ هالهندي)
وعند فهد ووجود فهد كان بيطير من الفرحه بعد ماعرف ان وجود خايفه عليه ووجود كانت يدها توجعها قال فهد:وجود انتي وافقتي علي برضاك ولا لا؟؟
وجود:انا محد يجبرني على شي وسكتت
قال فهد:انا موقصدي كذا بس انا ابي اسمع الموافقه منك بس
وجود:ليش ماوصلت لك؟؟؟
فهد:الا بس انا ووقفت اللعبه ونزلت وجود وفهد ماكمل كلامه
ونواف فك روبي على طول وحمد ترك يد مها وعايشه بعدت عن رائد وهي تبي تختفي بعد ما استوعبت اللي سوته
نزلوا من اللعبه اللي كان مستانس اللي كان مستحي بس كانت لعبه لاتنسى للكل
ومن نزلوا وعايشه تحاول ماتقرب من الشباب وكل ماشافت رائد تذكرت نفسها وهي ماسكه يده وحاطه راسها على كتفه
سألتها دانه:وش فيك؟؟؟
عايشه:وشو اللي مو فيني؟؟؟
دانه:قولي وش فيك؟؟؟ قالت عايشه لدانه كل اللي صار
ضحكت دانه وقالت:اشوى اجل اللي صار لي اهون منك
عايشه:وش اللي صار لك؟؟؟ قالت دانه اللي صار لها مع خالد
عايشه:بعد ياقلبي اجل الاخ رايح وطي
دانه:اقول لاتقولين كلام موصح
عايشه:ياحبي هو مايقول هالكلام الا لشي بس خليني اتأكد وارد لك خبر
دانه:اقول امشي بس
وعند نواف وخالد قال نواف:تدري انه الهندي سوى فينا خير
خالد:من جد ياخي انا خربتها
نواف:مو لحالك حتى انا الله يستر بس خلنا نمشي وصاروا يتمشون بالاسواق الموجوده لان مايمديهم يلعبون لان العشا بيأذن
راحت روبي لبندر وقالت:دوم الابتسامه ياخي لي كم ماشفتها
بندر:هذاك شفتيها
روبي:كل هذا عشان عبير جلست بجنبك
بندر:صح ذكرتيني لما نرجع البيت ابيك بموضوع
روبي:اوك بس وش رايك بالعبه؟؟؟
بندر:حلوه بس حسيت ان الج كان متوتر نوعاما
روبي:بالعكس حلو من زمان عن الجمعات والوناسه اللي كذا
بندر:ان شاءالله تكونين دوم مبسوطه
وعند وجود وسمر ودلال شافت دلال سلسال عجبها كان مكتوب فيه(love d&m) قالت :وجود وش رايك؟؟
وجود:حلو ودلال صارت تدور لين لقت اللي تبيه واخذته وراحت عند فهد ونادته وورته السلسال وقالت:وش رايك؟؟؟
فهد:حلو
دلال:اكيد حلو بس شوف وش مكتوب عليه
مسك فهد السلسال وكان مكتوب(فهد ودلالlove ) ابتسم
قالت دلال:عن اذنك ولما لفت
قال فهد:لحظه دلال
لفت دلال وقالت:هلا
فهد:مافي اسمي واسمها؟؟؟
دلال:في اسمك بس اسمها لابس اذا تبي اطلب منهم يسونه لك
فهد:يوافقون يسونها لي الحين؟؟؟
دلال:عادي يسونها بس اللحين ما اتوقع يمديهم رح اسألهم وشف اذا مايمدي نروح لفرعهم اللي برى
فهد:اوكي ووطلعوا من المحل واذا العشا رجعوا عند اهلهم وصلوا وبعدين راحوا يكملون لعبهم
راحوا للعبه(التصادم سيارات)ولعبوا نصهم وطلعوا وهم مستانسين وركبوا (كولومبس السفينه)وكانوا كلهم يصارخون سوو فضيحه الله يهديهم
وفي احد الالعب ركبوا كلهم وفي مركبه وجود دق جوالها وردت:هلا ايه اوكي باي وسكرت وكانت المركبه مرتفعه عن الارض لازم يحطون كرسي صغير عشان تركبين واللعبه كانت بتمشي فكت وجود الحديده ونطت بسرعه ولما بعدت عن المركبه نطت السور وراحت تركض الكل كان مستغرب حركه وجود وبدت اللعبه
وعند وجود رجعت عند اهلها بسرعه وشافتهم مجتمعين راحت بسرعه وجلست على الارض ومسكت يد عمها سالم وبعدين سحبت كاس المويه من يد ابوها بسرعه وراحت وحطت فيه سكر وصارت تشربه وبعد عشر دقايق بدى يصحى عمي سالم وصارت وجود تكلمه ولما حست انه خلاص صحى راحت عند الحريم ومسكتها (أم ناصر) وقالت:وين الباقين؟؟؟
وجود:يلعبون
أم ناصر:طيب ليش ماتروحين معهم؟؟؟
وجود:انا خلاص تعبت ماعاد فيني طاقه
سحبتها أم ناصر مه يدها اليمين المجروحه وقالت:تعالي اجليس معنا
جلست وجود وقالت أم نواف:وجود وشو الابيض اللي بيدك؟؟؟
وجود:مافيها شي
سحبت أم خالد يد وجود ورفعت شوي من كم العبايه بس وجود سحبت يدها بسرعه قالت:هذي ربطه انا احطها صارت تدور في شنطتها على الربطه تتمنى تلقاها لما لقتها طلعتها قالت:هذي
قالت أم ناصر:انا ماقلت لك لاتلبسينها
وجود:تعدت ياخالتي خصوصا بالملاهي لازم البسها
أم ناصر:بكيفك دق جوال وجود قامت وجلست بعيد شوي على الكراسيوردت:هلا دلول
دلال:انتي وينك؟؟؟؟ وليش طلعتي كذا من اللعبه؟؟؟؟
وجود:انا عند عمامي
دلال:فيه شي؟؟؟
وجود:لما اشوفك اقل لك باي وسكرت
######################
وعند دلال قال فهد:وش فيها؟؟؟؟
دلال:ابوي كان يبيها
فهد:ابوي يبيها تستنى لين تخلص اللعبه موتنط كذا العبي على غيري
دلال:لا قبل شوي دقت امي وقالت لها قالت لها وجودرطيب ونست مع اللعب ولما كنا بالعبه دقت امي وقالت لها وينك عمك معصب عشان كذا طلعت من اللعبه بسرعه
فهد:ايه بس المفروض بشويش مو كذا
دلال:عاد انت تعرف وجود تسوي شي بدون تفكير وبعدين ابوي اذا عصب مايشوف قدامه من حقها نقزت
راح فهد عند مهند ورائد وزياد
ورجعت دلال عند سمر وسألتها:وش صار في وجود؟؟؟
دلال:مدري قالت لي انها لما تشوفني بتقولي
سمر:الله يستر
#####################
وعند وجود طلعت الربطه لبستها على الجرح وجتها أم سلطان وجلست معها
قالت أم سلطان:ليش ماتروحين تلعبين مع الباقين؟؟
وجود:ماعاد فيني طاقه صاحيه من بدري
أم سلطان:ان شاءالله كان اليوم حلو؟؟؟
ابتسمت وجود وقالت:حلو بس لوكنا لحالنا بيصير احلى
أم سلطان:يعني ما استانستوا؟؟؟؟
وجود:الا بس مو مره
أم سلطان:بس الشباب مستانسين
وجود:اكيد بيلقون شي يمسكونه علينا
أم سلطان:بالعكس هم مستانسين لانهم مع حبيباتهم
رفعت وجود عيونها مصدومه من الكلام وقالت:حبيباتهم؟؟؟!!!!
أم سلطان:ايه مو كلهم عيونهم فاضحتهم
سكتت وجود وقالت أم سلطان:ماتبين تعرفين منهم العشاق بعايلتنا؟؟؟
وجود:قولي
أم سلطان:نبدا بناصر اللي كان ميت على ساره ودار الزمن واخذها وبعدين مهند ودلال اللي ميتين في بعض ولا تكلموا وزياد اللي يحب سمر وسمر بدت تميل له وخالد اللي طاح بهوى دانه ورائد اللي حب عايشه ويلعب على نفسه ونواف اللي بيموت على روبي بس يكابر ولا بندر اللي حب بس حبه صار لغيره واخيرا فهد اللي ميت عليك وانتي تحبين غيره
سكتت وجود قالت أم سلطان:كلامي صح؟؟؟
وجود:بصراح هانا ما ادري الا عن اخر شي
أم سلطان:اللي هم؟؟؟
وجود:فهد وانا هو صحيح فهد يحبني بس انا ما احب احد
أم سلطان:ووليد؟؟؟
طالعتها وجود بصدمه بعدين قالت:وليد ولد خالتي وكان قريب مني بس
أم سلطان:تذكرين لما تنومتي بالمستشفى شهر وعليها
وجود ترد وهي خايفه من جوى بس من برى تتظاهر القوه:ايه
أم سلطان:انا وقتها زرتك وكنتي تتكلمين وصرت اجرك بالكلام وقلتي انك تحبينه وهو كان يلعب عليك
وجود كانت كلمه مصدومه شوي عليها قالت:انا نسيته صفحه من حياتي وعدت
أم سلطان:يعني بديتي تحبين فهد؟؟؟
وجود:للأسف لا لاني قد حبيت وخذلني الحب وقلبي تقفل خلاص واساسا انا راح اقول لفهد
أم سلطان:من جدك بتقولين لفهد؟؟؟
وجود:ايه
أم سلطان:اجلي الموضوع شوي بس وش فيها يدك؟؟؟
وجود:مافيها شي ليش؟؟؟
سحبت أم سلطان يد وجود اليمنى ورفعت كم العبايه وقالت:هذا وشو؟؟؟لعبتي على الكل بس انا اعرفك
وجود:انجرحت لما كنت العب بس
جا عمي محمد وقال:ماشاء الله جالسين هنا
أم سلطان :ايه جالسه مع وجود ووجود سحبت يدها بسرعه
قال عمي محمد:عادي اجلس معكم؟؟
وجود:حياك
عمي محمد:غريبه جالسه هنا؟؟؟
وجود:ماعاد فيني طاقه وجلسوا يسولفون
ولما جت الساعه11:30 قالوا يله والكل راح بيته الكل كان مستانس بس تعبانين

،

وأنا بانتظار توقعاتكم تهمني

[لامارا]

تابع...........

وفي بيت عمي عبدالله(ابو ناصر)
الكل راح غرفته بعد هاليوم المتعب راحت دلال عند فهد ودقت الباب
فهد:مين؟؟؟
دلال:انا دخلت وكان معها ثلج
قال فهد:اهلين وش عندك؟؟؟؟
دلال:كيف ظهرك؟؟؟؟
فهد:والله ساحب عليه
دلال:طيب انسدح خلني احط عليه ثلج
فهد:مو لازم
دلال:موعلى كيفك يله بروح انام
فهد:روحي نامي مو لازم
دلال:عشان لو درت وجود اني نمت وخليتك تذبحني يله عن الدلع
انسدح فهد ومن حطت دلال الثلج صرخ ودلال تضحك وبعد تقريبا ساعه الا ربع طلعت دلال من عنده وراحت تنام
####################
وفي شقه بندر
من وصلوا كل واحد دخل غرفته روبي اخذ تشور وطلعت راحت عند بندر ودقت الباب
بندر:تعالي روبي
دخلت روبي وقالت:ليش مانمت؟؟؟
بندر:استناك
روبي:امر
بندر:مايامر عليك ظالم اجلسي جلست روبي
وقال بندر:كلمي خالتي بكره وقولي لها اني موافق على عبير
روبي:والله؟؟!!
بندر:ايه
قتمت روبي وضمته وقالت:مبروك مقدما
بندر:مبروك والبنت مبعد وافقت
روبي:وهي يحصلها بندر وترفض
بندر:ترى بيكبر راسي
روبي:يحق لك اجل انا اخليك بروح انام تعبانه بعد هبال اليوم
وباقي العوايل من دخلوا بيوتهم حطوا روسهم وناموا
#####################
يوم السبت الصبح في بيت عمي سلمان(ابو نواف):
الساعه 5:30 زياد كان جالس بالحوش بعد صلاه الفجر سمع صوت انفحجار وقام بسرعه للمعمل وفتح الباب يحسب انه مافي احد وانصدم لما شاف اهات واقفه ومعصبه
قال زياد: انتي ماتتوبين واحد فينا بيموت وانتي السبب
اهات:اف لازم اضبطها وصارت تحط المواد مره ثانيه في الانبوبه
وزياد واقف ومعصب وصرخ:اهات بس اهات ولا عطته وجه
عصب زياد وراح عندها ولفها اهات مصدومه قالت:وش فيك؟؟؟
قال زياد وهو معصب:انا من اليوم اكلمك ليش ماتردين؟؟؟
اهات:لحظه وفكت السماعات وقالت :وش قلت؟؟؟
زياد:وصمخ من اليوم اكلمك وانتي حاطه السماعات
اهات:وش فيك معصب وتنافخ؟؟؟
زياد:انا الغلطان اللي خايف عليك مالت عليك وطلع اهات رجعت السماعات وكملت شغلها
######################
وفي شقه بندر:روبي تصحي رائد وهو مو راضي يصحى طلعت من الغرفه وهي معصبه قال بندر:وش فيك؟؟؟
روبي:اخوك مو راضي يصحى طلع روحي
بندر:طيب وش بتسوين؟؟؟
روبي:استنى وبتعرف راحت المطبخ وجابت كاس مويه بارد
بندر:من جدك انتي؟؟؟
روبي:ايه انا مو فاضيه له بروح اراجع امتحاني المحاظره الاولى
دخات غرفه رائد ومعها بندر
روبي:رائد قوم الساعه 6:45
رائد:طيب خمس دقايق
روبي:رائد اذا ماقمت بكب عليك المويه
رائد:خمس دقايق بس كبت روبي المويه على رائد وقام مفزوع وبندر منسدح ضحك على شكل رائد
رائد:احد يصحي احد كذا؟؟؟
روبي:تدري ان لي نص ساعه جالسه اصحيك يله قوم لف رائد وشاف بندر ميت من الضحك وقال:انت عاجبك الوضع بعدين قال:انا اوريك ياروبي ونقر ل بعدين قال:انا اوريك ياروبي ونقر لرفتها بس الباب كان مقفول قال:طيب انا اوريك وين بتنحاشين مني
وفي باقي البيوت كان الصباح عادي الكل راح لدوامه
####################
وفي جامعه الشباب
كانوا مسوين ازعاج بالجامعه ولما شافواالكتور ماجد قدامهم نقزوا واخذوا اغراضهم وعلى الكلاس ولما وصلوا جلسوا ياخذون نفس قال رائد:نسيت انه اول محاظره عندنا
مهند:خذتنا السوالف ومادرينا الا الوقت عدى
فهد:اسكتوا جاء
دخل الدكتر ماجد ولما خلص المحاظره وزع عليهم اوراق وقال: هذا امتحان في محاظره اليوم وعليه 15مهند ورائد شهقوا
لف الدكتور ماجد وقال:في شي؟؟؟؟
مهند:مو كن 15 درجه كثيره على محاظره يادكتور
الدكنور ماجد:بالعكس قليله كنت بخليها 20 بس يله حلوا
مهند ورائد انكبوا لانهم طول المحاظره يسولفون وفهد كان نص بالمحاظره ونص معهم ولما عطاهم ظهره انواع الغش نص القاعه لانهم ماكانوا منتبهين للمحاظره وبعد نص ساعه اخذ الاوراق
قال رائد:كله منك يامهند لو انك ساكت كان انتبهت للمحاظره
مهند:والله يعني انت اللي ساكت اجل مين اللي كان يعلق معي
رائد:خلاص عن الفضايح نعوضها بالمحاظره الجايه
فهد:دامكم مجتمعين يصير خير ياخوفي تنطردون المحاظره الجايه
مهند:اخس ياللي مسوي عاقل
فهد:اقول قوموا المحاظره خلصت طلعوا وهم يتهاوشون
#########################
وفي مدرسه الثانويه عند ريتاج
كانت ريتاج تتمشى مع البنت اللي بتخاويها وسحر واقفه على جنب وودها تروح وتكفخ البنت اللي مع ريتاج راحت سحر تسلم على ريتاج وريتاج سلمت عادي وسلمت سحر على البنت وهم يسولفون قالت البنت لريتاج:حبي انا بروح اشوفك نهايه الدوام اوكي
ريتاج:اوك قلبي وراحت البنت
قالت سحر:خاويتها خلاص؟؟؟
ريتاج:انا ما اخاوي وانتي عارفه هذا الشي هي صديقه بس
سحر:بس انتي قلتي بتخاوينها؟؟؟
ريتاج:كنت امزح وانتي صدقتي وزعلتي
سحر:انتي من جدك؟؟؟
وجت وئام وقالت:تراضيتوا واخيرا؟؟؟
ريتاج:انا مو زعلانه وبعدين هي اللي كانت فاهمه غلط
سحر:ريتاج مارديتي علي من جدك؟؟؟
ريتاج:ايه من جدي
ضمتها سحر وقالت:فديت قلبك وفكتها وقالت:عن اذنكم وراحت وهي بتطير من الفرح اما وئام وريتاج ماتوا من الضحك على شكل سحر وريتاج كانت تتلذ في تعذيب سحر
#####################
وفي الجامعه عند البنات :وجود ماكن عندها الا محاظره وحده خلصت وكانت بتروح البيت دقت على السواق وقالت له يجي وباقي البنات كل وحده بمحاظرتها
راحت وجود البيت ولما دخلت سلمت وسئلتها امها:هلا حبيبتي وش فيك جايه بدري؟؟؟
وجود:ماعندي الا محاظره وحده وخلصت وجيت
أم عبد الرحمن:طيب دانه وين؟؟؟
وجود:دانه عندها محاظرات بروح ابدل واجيك
بدلت ونزلت وانسدحت على رجل امها قالت امها:متى بتجهزين للملكه؟؟؟
وجود:مبعد حددوها
أم عبدالرحمن:الا حددوها بعد اسبوعين قامت وجود كأن شي قارصها كملت امها:ليش ابوك ماقال لك؟؟؟؟
وجود رجعت وانسدحت وقالت:لاماقال لي شي
أم عبدالرحمن:لا حددوها بعد اسبوعين
سكتت وجود تفكر وكانت تقول في نفسها[لهدرجه مستعجلين] وانتبهت لأمها وهي تقول:متى بتبدين تجهزين؟؟
وجود:مدري بكره ولا بعده بس لازم يعني تكون بقاعه؟؟؟
أم عبدالرحمن:ايه لازم منتي اقل من خواتك انتي الغاليه وجود سكتت وبعدين قامت مع امها للمطبخ عشان يسونا لغدا ولما كانت وجود تقطع السلطه جرحت نفسها وقالت بدون وعي :اهــ
لفت امها وقالت:وجود وش فيك؟؟
وجود:مافيني شي ودخلت اصبعها في فمها وبعدين كملت السلطه ولما خلصت من السلطه طلعت فوق لفت اصبعها ونزلت للمطبخ سوت حلى وكيك للقهوه (كل هذا عشان ماتفكر في فهد)ولما خلصت اخذ تشور وراحت جلست عند التلفزيون
وصارت تقلب بالقنوات وعقلها بعيد حطت على قتاه كان فيها (اغنيه مخنوق لخالد السني)وسرحت وماحست بريتاج وبدر لماجلسوا
قال بدر:وش عندك ياوجود بالبيت؟؟؟؟
وجود بعد مانتبهت قالت:ايه ماعندي اليوم الا محاظره وحده ورجعت بس
ريتاج:طيب ليش مانمتي؟؟؟لو انا منك كان نمت
وجود:مافيني نوم وكانت تقول في نفسها(وين يجيني النوم وانا حالي كذا)وسألت ريتاج شخبار دراستك؟؟؟
ريتاج:الحمدالله
وسألت بدر:وانت كيف الدراسه معك؟؟؟
بدر:ماعليها ماشيه
وجود:صح دحوم وينه؟؟؟
بدر:فوق يذاكر
وجود:ولي شانت ماتذاكر؟؟؟
بدر:بعد شوي اذاكر
#######################
وفي بيت عمي عبدالله:فهد كان مستانس ويبي هالاسبوعين تعدي بسرعه دق باب غرفته قال:مين؟؟؟؟
دلال:انا ودخلت وقالت:صدق اللي سمعته؟؟
فهد:صدق واخيرا
دلال:مبروك مقدما والله يسعدكم
فهد:الله يبارك فيك امين وعقبالك ودق جواله ورد:هلا والله
مهند:هلا فيك شخبارك؟؟؟
فهد:عال العال وانت شخبارك؟؟؟
مهند:تمام بس بسألك صدق ان ملكتك بعد اسبوعين؟؟؟
فهد:لحظه دلول اجلسي جلست دلال ورد فهد على مهند:ايه صح
مهند:عندك هي؟؟؟وانا اقول وش فيه اليوم متقطع من الوناسه
فهد:ايه يحق لي ياخي ولا انا غلطان؟؟؟؟
مهند:الا يحق لك ونص ومبروك
فهد:الله يبارك فيك وعقبالك وكان يناظر دلال
مهند:امين الله يسمع منك وبعده سكر
قال فهد:ايوه دلول وش كنا نقول؟؟؟
دلال:ماقلت شي انت اللي قلت لي اجلسي لما جيت اطلع
فهد:اها اوكي اجل روحي خلاص
انتهى ها اليوم بفرحه فهد اللي لاتوصف لأن حبيبته بتصير له وضيقه وجود اللي ماتدري وش سببها
الفجر الساعه 3 كانت وجود صاحيه تفكر وهذا الحوار اللي كان يدور بينها وبين نفسها
نفسها:ليش متضايقه؟؟
وجود:مدري
نفسها:كل هذا عشانك ماتبين فهد
وجود:لا انا مو ما ابيه بس انا ما ابيه ينظلم معي
نفسها:ينظلم ليش؟؟؟؟
وجود:فهد يحبني وانا ما احبه
نفسها:بتحبينه مع الايام
وجود:بس اهم استعجلوا بالملكه
نفسها:اجل متى تبينها؟؟؟ انتي مو معارضع على الملكه انتي معارضه على فهد
وجود:لا مو معارضه على فهد بس انا ما استاهل حب فهد لان قلبي تقفل بعد وليد وصعب اوثق في احد من بعد اللي صار لي
نفسها:لاتستاهلين حاولي تحبينه بقدر مايحبك ولم ماحبيتيه على الاقل احترمي مشاعره ومو كل واحد مثل وليد اصابعك مو سوى فكري شوي
وبعد هذا الاحوار طلعت من وجود:اهـــ وقالت وليد نسيته ولازم احب فهد فهد هو مستقبلي ونزلت تحت تسوي لها شاهي عشان يخف الصداع
#########################
وفي بيت مبارك (ابو عبدالعزيز)العائله الجديده
كانت فاطمه تصحي بناتها فاطمه:جود امجاد قوموا يله
جود:طيب يمه 5 دقايق
امجاد:لازم نداوم اليوم؟؟؟
فاطمه:يله قوموا عن الكسل
جود:يمه احنا اصلا اليوم عندنا اوف بنام
فاطمه:قولي والله يعني انا ما اعرف جدولكم
امجاد:يمه مانبي نروح
فاطمه:بتقومون ولا انادي امي؟؟
نقزوا جود وامجاد وقالوا:لاخلاص قمنا قاموا وجهزوا انفسهم وفطروا مع جدتهم وامهم
وعند مبارك كان جالس بالمجلس ويفكر دخل عليه عبدالمحسن وقال:صباح الخير يبه
مبارك:صباح النور
عبدالمحسن:وش فيك يبه جالس هنا بالعاده تروح عند جدتي
مبارك:بروح لها الحين انت ليش متأخر؟؟؟
عبدالمحسن:ماتأخرنا محاظرتنا الساعه8:30 مع عمي ماجد
مبارك:خذ اخوك ويله على الجامعه
عبدالمحسن:ان شاءالله
##################
[اعرفكم بعايله مبارك
مبارك شخص طيب وحبوب بس عصبي كثير متزوج وعنده اربع عيال
عبدالعزيز ووليد توأم يشتغلون معه بالشركه 24سنه وبعدين هاني ولد داشر بمعنى الكلمه ماهمه الا وناسته اخر سنه جامعه 23سنه واخرهم عبدالمحسن 3جامعه انسان تبيه رجه رجه تبيه جدي تلقاه وانسان راقي بتعامله وهو كبرومهند ورائد وفهد
فاطمه اخت مبارك عايشه عنده لانها ارمله وحده حبوبه ورجه بس الدنيا غيرتها بعد ماتحملت مسؤليه بناتها لان عمامهم متبرين منهم وسكنت عند مبارك بس برى بنى لها عشان تاخذ راحتها هي وبناتها
وبناتها جود وامجاد تؤام يتشابهون كثير بس شخصياتهم متناقضه جدا امجاد تحب الجنون والمغامرات على عكس جود اللي خوافه سنه اولى جامعه امجاد تخصص طب اما جود تخصص محاسبه
واخيرا ماجد اخوهم اللي هو (الدكتور ماجد بالجامعه)متزوج من 8سنوات بعد ما اخذ الدكتوراه وزواجه كان عن قصه حب زوجته اسمها مها وعندهم عهود 7سنوات وسمر 6سنوات وبسام 8شهور
وصح نسيت امهم عايشه وهي ساكنه عند فاطمه وبناتها]
هذي عايله مبارك بس تتوقعون بيغيررون شي بأحداث ابطالنا ولا ولا؟؟؟
راحو جود وامجاد الجامعه بدون نفس وعبدالمحسن وهاني بعدهم
###########################
وفي الجامعه عند البنات
جود وامجاد كانوا جالسين مع قروبهم وسوالف وضحك وكل بنت تمر يستهبلون عليها مرت وجود من عندهم هي ودلال كانوا يتمشون
وسمر كانت تصوت:وجود وجود لفت وجود ووقفت قدام قروب جود وامجاد
قالت امجاد:اسمها غريب
اماعند وجود ودلال وصلت سمر وقالت:وجود الحين استناك تروحين وتخليني
وجود:سوري ياقلبي ماشفتك وبعدين ليش مادقيتي على جوالي؟؟
سمر:تعيجزت اطلع الجوال من الشنطه ضحكت دلال على خبال سمر ومشوا
قالت امجاد:تصدقون من دخلت الجامع هوانا ابي اتعرف على هذي البنت
قالت وحده من القروب:ليش يعني؟؟؟
امجاد:مدري كذا جذبتني مدري ليش؟؟
جود:اكيد لان اسمها مثل اسمي بس هي زيادة واو في البدايه
امجاد:مدري بس لازم اتعرف عليها طيب غصب لازم
#########################
وفي جامعه عند الشباب
الدكتور ماجد كان متحلف فيهم ولما دخل غير اماكن بعض الطلاب ومنهم مهند قومه وجلسه جنب عبدالمحسن سلم مهند وجلس وقوم رائد وجلسه جنب واحد دافور وفهد بمكانه
بدت المحاظره وبنصها رائد كان طفشان وبدى يسولف على الدافور والدافور لف عليه وقال:ممكن تنطم؟؟؟رائد تفشل وسكت وفهد ميت ضحك على شكل رائد
ومهند كتب في ورقه لعبدالمحسن:وش اسمك؟؟؟<<<ملقوف
ردعبدالمحسن:عبدالمحسن وانت؟؟؟
مهند:هلا والله انا مهند كيف الحال؟؟؟
عبدالمحسن:هلا فيك عاشت الاسامي تمام اخبارك انت؟؟؟
مهند:عاشت ايامك دوم تمام وعطاها عبدالمحسن بس ماأمداه يقراها لان الدكتور ماجد اخذ الدفتر وقال:ماشاء الله وصار يقرى الورقه وقال:وقت تعارف وعطى عبدالمحسن نظره عبدالمحسن سكت وكمل ماجد المحاظره ولما خلص كان باقي ربع ساعه على المحاظره وتنتهي وزع اوراق واختبرهم في محاظره اليوم مهند وعبدالمحسن يغشون من بعض ورائد يغش من الدافور اللي بجنبه
طلعوا من المحاظره وفهد ميت من الضحك على رائد
قال رائد:وش اللي يضحك؟؟؟
فهد:انت
رائد:ليه وش مسوي انا؟؟؟لايكون متخيلني مهرج؟؟؟
فهد:بالله لما كنت تكلم الدافور وش قالك؟؟؟
رائد:وش دخلك؟؟
فهد:طيب خلاص شوي وتقوم تطقني انتهى الدوام وكلن راح لبيته
##########################
وبعد المغرب دق عمي محمد على وجود وقال لها:انا بمر عليك اجهزي
وجود:ليش وش فيك؟؟؟
عمي محمد:مافي شي بس انتي خلك جاهزه و
بعد نص ساعه دق لي عمي مسكول لبست وجود عبايتها وطلعت واستغربت لما شافت أم سلطان وسمر ودلال بالسياره ركبت وسلمت ولماحرك عمي محمد قالت وجود:وين بنروح؟؟؟
عمي محمد:انتي ليش مستعجله سكتت وجود ولما وصلوا لمطعم دخلوا وقبل مايجلسون قال عمي محمد:وجود تعالي معي
راحت وجود معه وجلسوا على طاوله ثانيه قال وجود:ليش ماجلسنا معهم؟؟؟
عمي محمد:ابي اتكلم معك
وجود:تفضل
عمي محمد:اول وش تشربين؟؟؟
وجود:عصير تفاح
وطلب بعدين قال عمي محمد:ممكن اعرف انتي الحين وش فيك؟؟؟
وجود:مافيني شي
عمي محمد:بس انتي متغيره؟؟؟
وجود:من أي ناحيه بالضبط؟؟؟؟؟
عمي محمد:من كذا ناحيه بصراحه انا فقدت وجود اللي كانت موجوده وليتها ترجع
سكتت وجود وجا العصير وقال عمي محمد:طيب هذا الموضوع خليه بعدين الموضوع الثاني
وجود:وشو؟؟؟
عمي محمد:وصلني خبر انك ماتبين تجهزين للملكه؟؟؟
وجود:ومن قال لك هذا الكلام؟؟
عمي محمد:وصلني بس انتي من جدك؟؟؟
وجود:ايه
عمي محمد:انتي ماتبين فهد صح؟؟؟
انصدمت وجود من كلمه عمها وقالت:لا مو صح انا ابيه
عمي محمد:اجل ليش ما احس انك فرحانه احد غاصبك؟؟؟
وجود:لا محد غاصبني بالعكس فرحانه يعني تبيني اطامر من الفرحه مثلا
عمي محمد:لامو قصدي كذا بس اللي يشوفك يقول مغصوبه
وجود:ماعاش اللي يغصبني على شي ما ابيه محمد اخلص وقول اللي عندك بدون مقدمات
عمي محمد:نطلع من المطعم على السوق عشان تبدين تجهزين نفسك الملكه مابقى عليها شي
وجود:مالي خلق السوق اليوم خلها بكره
عمي محمد:وبكره تقولين لي نفس الكلام لا اليوم يعني اليوم
وجود:طيب ورجعوا عند الباقين قال عمي محمد:يله
طلعوا السوق ولما وصلوا السوق ولما دخلوا ومروا من عند المافيه صوت شخص على عمي محمد وقف عمي محمد وسلم عليه وقال له :انتم وش تسون هنا؟؟؟
فهد:مع الشباب انت وش عندك هنا؟؟وليش دلول معك؟؟؟
عمي محمد:جاين نتقضى عشان ملكتك ومعنا وجود تخلص لها كم شغله انا بروح تأخرت عليهم
راح عمي وفهد كان يناظر وجود لانه يعرفها بعبايتها ولما اختفوا رجع لربعه
اما عندهم دخلوا محلين وفي المحل الثاني وجود عجبها فستان اسود قالت لدلال:وش رايك بالفستان الاسود اللي هناك؟؟؟؟
دلال:حلو ليش؟؟؟
وجود:انا باخذه
دلال:نعم؟؟؟انتي رايحه عزا ياحلوه هذي ملكتك وبعدين وش ناويه على اخوي تلبسين له اسود بيوم الملكه؟؟؟
جت سمر وقالت:وش فيكم؟؟؟؟
دلال:الاخت بتاخذ الفستان الاسود اللي هناك للملكه
سمر:من جدك انهبلتي انتي؟؟؟
وجود:خلاص ياكلمه ارجعي مكانك وبعد اللف في كذا محل وجود عجبها فستان لونه احمر راحت تدور ألوان بس مافي الا احمر او اسود اخذ الاحمر
جتها أم سلطان وقالت:عجبك هذا؟؟
سكتت وجود بعدين قالت:ايه اخذته ودلال عجبها فستان لونه تفاحي وموف وسمر اخذت فستان ككاوي وفضي وكانوا بيكملون على الاكسسوارات بس قالت وجود:ابرجع البيت خلوها بكره
عمي محمد:ليش وش عندك كملي الحين وارتاحي؟؟؟
وجود:بروح اذاكر بكره عندي كوز
عمي محمد:اها اجل يله رجعوا البيت

########################

يتبع......

[لامارا]

تابع......


وعدت الاسبوعين واليوم الثلاثاء كانوا البنات متفقين مع النقاشه تجيهم وبدو ينقشون وجود كانت بغرفتها معها دلال وسمر وحرمتين ينقشون خلصت وجود من ايدينها وقالت:بنات انا بكتب اسمي بالحنا على كتفي بتسون معي ولا ؟؟؟
سمر ودلال:الفكره حلوه يله قالت وجود للحرمه انها تكتب اسمها على كتفها الايمن بس الحرمه مافهمت قامت دلال تفهمها وبدت الحرمه شغلها
وعند سمر ودلال:قالت سمر لدلال:والله لوتدري وجود تذبحك
دلال:الله يستر بس ان شاءالله ماتشوفها الا يوم الملكه الكل خلص ووجود كانت نفسيتها زفت جلست تسولف مع البنات
(تتوقعون وش اللي قالته دلال لنقاشه واللي خايفين من رده فعل وجود لما تشوفه؟؟؟)
عدى اليومين بسرعه واليوم يوم الخميس اليوم المنتظر بالنسبه لفهد حبيبته بتصير له على عكس وجود اللي كانت كأنها بعزا وطبعا رفضت تروح المشغل وقال انها بتعدل نفسها بالبيت وجلسوا معها سمر ودلال ودانه والباقين راحو المشغل
بعد صلاه العصر بدت وجود تجهز نفسها اخذ تشور واستشورت شعرها وبدت تسوي فيه تسريحه بسيطه ورفعت جزء منه والباقي خلته عشان يغطي ظهرها ولمل خلصت شعرها بدت بالمكياج اللي تهاوشت مع البنات بخصوصه ولما جت الساعه 7 خلصوا راحت وجود ولبست فستانها ودلال وسمر يستنون وش بيصير لما تشوف النقش اللي بظهرها بس وجود ما انتبهت ولما طلعت
قال سمر:انتي ناويه على الولد ياوجود
رفعت وجود راسها وبكل برائه قالت:ليش؟؟؟
سمر:طالعه قمر بسم الله عليك
جاهم بدر واخذهم للقاعه وطلعوا على طول فوق شوي الا جاها ابوها ومعه الدفتر وجود كانت متردده بس وقعت بارك لها وباسها على راسها وطلع
[وجود كانت لابسه فستان احمر طويل وتوب وكان فيه شك من عند الصدر نازل للخصر بس كان خفيف وبسيط ونص الظهر كان طالع بس كانت مغطيته بشعرها الفستان كان ماسك عليها وطالع رهيب مع المكياج والتسريحه ]
[وسمر فستانها فصير لونه ككاوي وفيه حزام فضي ومن ورى فيه قطعه كريستال وكان سيورومن عند الصدر كان فيه فضي وطالع عليها حلو مع الشوز الفضي والتسريحه والمكياج]
[دلال فستانها كان لونه تفاحي وموف كان الفستان كله موف ومن عند الظهر يجي ماسك على قدام بالتفاحي وطالع على دلولا شي وخصوصا انها اول مره تلبس هالونين مع بعض]
[دانه وهيام وعايشه كان موديلهم واحد بس الالوان مختلفه هيام سماوي ودانه تركوازي وعيشه وردي كان ماسك من كتف واحد وطويل وممسوك على جهه وحد ]
[روبي ومها ونوف كانوا لابسين ساري هندي روبي احمر وازرق ومها وردي وموف ونوف تفاحي واصفر طالعه اشكالهم خيال ]
[ندى وملاك وعبير فستانهم قصير من قدام وطويل من ورى والظهر كله حبال ولونه كان مموج]
[اهات كانت لابسه فستان قصير لونه اسود وذهبي وكان ماسك من الرقبه ولبست عليه اكسسوارات اسود وذهبي]
######################
بدت الحفله وكانوا البنات معدلين الكوشه بنفس لون فستان وجود وكانوا مرتبشين ووناسه
#########################
وعند الرجال فهد بيطير من الفرحه واخيرا وجود صارت له ومو عارف كيف يعبر عن فرحته
جا مهند وقال:الف مبروك فهد
فهد:الله يبارك فيك وعقبالك ان شاءالله
مهند:ان شاءالله بس اركد حركتك واجده
فهد:ياخي من الفرحه ما ادري وش اسوي شوي واقوم ارقص
مهند:يرحم امك خلك مكانك احسن ويحق لك والله يهنيك
فهد:امين
جا عمي محمد وقال:واخيرا صرت رجال
فهد:افا لي شانا مو رجال؟؟؟؟
عمي محمد:الا بس اللي اقصده انك تترك خبالك خلاص
فهد:ان شاء الله يصير خير
ولما جت الساعه 11:30 بدت زفه وجود طفت انوار القاعه وماكان فيه الا اضاءه بسيطه ومسلطه على وجود انفتح الباب وبدت الموسيقى وبدت وجود تنزل وابتسامتها مافارقتها وبيدها ورد الجوري الاحمر كانت تنتاظر الكوشه وانصدمت من شكلها كانت روعه وعلى نفس لون فستانها وصلت الكوشه والكل جا يسلم عليها ورقصوا البنات
ولما جت الساعه 12 دخل فهد مع ابوه وعمامه واخوان وجود وقفت وجود وفهد منصدم من جمال وجود اما وجود كانت لحالها على الكوشه محد عندها ولما كانت تشوف ابوها وعمامها وفهد شافت بعيونهم فرحه
وصل فهد الكوشه وباس وجود مع جبهتها وسلموا الباقبن عليهم وبدر وعبدالرحمن رقصوا بعدين طلعوا وبعدين جو الحريم يسلمون عليهم وفهد كان فرحان شويه عليه اما وجود من دخل فهد وهي في قمه توترها بعد ربع ساعه انزفوا مع بعض لجوى عشان يصورون دخلوا الغرفه ووجود بتحس نفسها بتطيح من كثر التوتر دخلت بعدهم دلال والمصوره ودلال كانت متفقه مع المصوره طلعت دلال على ماتجهز المصوره اغراضها
قال فهد:الف مبروك حياتي
وجود بعد معاناه طلع معها الكلام:الله يبارك بعمرك ومبروك لك
فهد:الله يبارك بعمرك قطعت المصوره عليهم كلامهم ونادتهم وبدوا تصوير بعض الحركات كانت وجود معارضتها بس فهد ماعطاها اهتمام وسواها وبعد كذا صوره دخلت دلال ومعها الشبكه قالت:هذي الشبكه لبسها
فهد:ان شاء الله وكان يأشر لدلال يسألها على شي ورت عليه دلال بنفس الحركه
وفتحت علبه الطقم كانت حلوه ومن الماس
قال فهد:عجبتك؟؟؟
وجود:ايه حلوه ذوقك حلو
دلال:اكيد حلو دامه اختارك وجود رفعت راسها وعطت دلال نظره وطلعت دلال
قال فهد:ممكن تفكين سلسالك عشان البسك؟؟؟
وجود:اوك دقيقه
فهد عطاها ظهره وهي جابت شعرها كله للجهه اليسرى عشان تفك سلسالها وفهد لما لف لمح شي على كتفها بس ما اهتم فكته وجود السلسال وحطته على اقرب طاوله جنبها
فهد كان نوعا ما مرتبك قرب من وجود وقال:ممكن ترفعين شعرك شوي نفذت وجود كلامه بدون أي كلمه شاف فهد مكتوب على كتفها (وجودوما امداه يكمل مد يده ولبسها السلسال وكل هذا طبعا والمصوره تصور
قرب فهد عند اذنها وقال:ان شاءاللع يعجبك بس اتمنى انك ماتفصخينه نزلت وجود راسها وشافت السلسال مكتوب فيه(فهد loveوجود)انصدمت بس قالت:مشكور
فهد كان فيه فضول يشوف وش اللي مكتوب بكتفها كملوا تصوير ولما كانوا واقفين فهد مد يده وبعد شعر وجود عن ظهرها وانصدم من الللي مكتوب كان مكتوب (وجود وفهد)[كان كل تفكيره ليش كاتبه اسمي واسمها اكيد هذي المفاجئه اللي قالت لي دلال عنها اجل هي اللي مسويتها] وبحركه لاشعوريه منه قرب وباسها مكان ماكان مكتوب اسمها ووجود كانت لافه وجهها للجهه اليمنى بتشوف وش فيه بس انصدمت من حركه فهد والمصوره مافوتت هالقطه وصورتهم انتبه فهد لنفسه وللي سواه وبعد يده على طول الجو كان متكهرب بعد اللي صار خلصت المصوره وطلعت جلسوا وفهد عيونه على وجود ووجود من كثر ماهي متوتره صارت تنتف الورده اللي بيدها
مد فهد يده وسحب الورده وقال:ليش؟؟ وجود ساكته
فهد:طيب خلينا نسولف طبيعي
رفعت وجود راسها وناظرته وكانت تقول في نفسها[نسولف طبيعي بعد اللي صار طيب]
قال فهد:وجود في شي كنت بعطيك اياه من 6سنوات واتوقع هذا الوقت المناسب وجود كانت ساكته كمل فهد:انا كنت بعطيك اياه قبل 6سنوات بس وقتها صارت المشكله واساسا انتوا ماكنتوا بالبيت
تذكرت وجود هذا اليوم وابتسمت وقالت:صح كنا في بيت عمي عبدالله
فهد:يعني تذكرين؟؟
وجود:ايه ومثل ماكنت تدور علي كنت انا ادور عليك
فهد:وليش تدورين علي؟؟؟
وجود:كنت بعطيك شي [وجود وفهد لما كانوا صغار ماكانوا يفترقون ابد دايم مع بعض]
فهد:والى الحين تبين تعطيني اياه؟؟؟
وجود:ايه لانه غالي علي
فهد:طيب انا بقولك وين هذا الشي
وجود جاها فضول وقالت:وين؟؟؟
فهد:في حديقه بيتكم عند الشجره الكبيره احفري عندها وبتلقين هناك شي واللي بتعطيني اياه وينه؟؟؟
وجود:في حديقه الورد في بيتكم
فهد:وين بالضبط؟؟؟
وجود:عند الورده 11 اللي كنا دايم نجلس عندها
فهد:وش معنا عند هالورده بالضبط؟؟؟
وجود:مدري
فهد:انا ابيك اليوم تاخذينها لما ترجعين البيت بعد شوي
وجود: انشاء الله وسكتوا
فهد كان يناظر وجود
قالت وجود:فهد
فهد:عيونه
ابتسمت وجود وقالت:تسلم عيونك بس ممكن ماتطالعني كذا
ابتسم فهد وقال:لاتقولين انك الى الان تتوترين لما احد يناظرك؟؟؟
وجود:ايه الى الان سكت فهد وكان يناظرها
وجود:فهد لاتناظرني
ابتسم فهد وتم ساكت ويناظرها وجود وشوي وتقوم وتكفخه قالت:فهد عن العناد
فهد:انا ما اعاند انا مشتاق لك بملي عيني بشوفتك
وجود قلب وجهها احمر ابتسم وتم يناظرها وقال:تدرين لما تستحين تحلوين اكثر
وجود خلاص وجهها الوان الطيف فهد كان مستانس ويناظرها
وجود وصلت لقمه توترها وقالت:فهيدان خلاص عاد
فهد:شكثر اشتقت اسمعك تناديني بهالاسم
ابتسمت وجود كانت بتقول له على موضوع وليد بس لما شافت فرحته غيرت رايها
دخلت دلال وقالت:خلاص ياحلوين الساعه الحين 1:30
قام فهد ووجود بعد قال فهد:حبي لاتنيسن اللي قلت لك لما اكلمك بسألك
وجود:ان شاءالله وقبل مايطلع قرب من وجود وباسها على خدها وطلع ووجود كل الوان الطيف بوجهها ودلال كانت موجوده
طلعوا من القاعه والكل راح بيته وفهد ووجود كل واحد يبي يعرف الثاني وش مخبي له
####################
عند وجود جلست مع اخوانها بفستانها وشوي طلعت للحوش على اساس انها تكلم راحت عند الشجره وصارت تحفر
#########################
وعند فهد كان واقف عند الورد وعد لين وصل للورده 11 وصار يحفر
لقت وجود علبه حجمها متوسط طلعتها وعند فهد لقى كيس كل واحد اخذ الغرض اللي لقاه وطلع غرفته
فتح فهد الكيس ولقى عروسه كانت دايم مع وجود كانت تحبها لانها هديه من جدها ناصر وكان في الكيس ورقه مكتوب فيها(احبك يافهد)وعند وجود دخلت غرفتها وقفلت الباب فتحت الصندوق كان فيه قلب مكتوب عليه(i love you )شالت وجود القلب وكان فيه ورقه فتحت الورقه كان مكتوب[وجود بصراحه ما ادري وش اقولك كنت متردد من زمان بس هذي الفرصه كل اللي ابي اقوله لك اني اجبك موت ]وجود من قرت الرساله طاحت على على ركبها ودموعها صارت تنزل وكانت تقول :ليه يافهد انا ما استاهلك ولا استاهل حبك وصارت تبكي
وعند فهد من قرى الورقه وهو طاير من الفرحه بس مقصد وجود من الورقه(حب طفوله لانه كان دايم معها)بس فهد فهمها شي ثاني ونام وهو في قمه السعاده
اما وجود قامت وحطت كل شي بالصندوق ودخلته بالدرج وراحت اخذ ت شور ولما طلعت من الحمام تذكرت اللي صار مع فهد وراحت بسرعه وقفت قدام المرايه وشافت وش اللي كان مكتوب بكتفها وانصدمت لما قرت المكتوب وشافت السلسال كانت بتفصخه بعدين غيرت رايها وراحت تنام
#######################
صحت وجود الساعه 9 وهي تحس بصداع فظيع وتحس نفسها تعبانه اخت لها شور عشان تتنشط ولما عدلت شعرها فصخت السلسال وحطتها بالدرج وكانت تطالع الدبله ودق الباب وجود:تعالوا
دخلوا بدر وعبدالرحمن وفيصل وقالوا :صباح الخير
ابتسمت وجود وقالت:صباح الورد
بدر:عروستنا شلونها؟؟؟
وجود:دامكم بخير انا بخير وبعدين وش عندكم صاحين؟؟؟؟
عبدالرحمن:مدري كذا
وجود:اجل يله ننزل نفطر ونزلوا تحت واخذوا فطورهم وجلسوا عند المسبح
قالت وجود:عمي فيصل وين؟؟؟
بدر:اتوقع نايم
فيصل:اقول وجود
وجود:لبيه
فيصل:امس بسم الله عليك كنتي قمر
ابتسمت وجود وقالت:تسلم حبي عيونك الحلوه
عبدالرحمن:بصرراحه يحق له فهد امس لما خق عليك
بدر:دام انا خقيت وانا اخوها اجل هو كيف دق جوال وجود زقامت على طول كان رقم ماكانت بترد بس ردت عشان ماترجع لأخوانها
وجود:هلا
المتصل:صباح الخير
وجود وهي مستغربه:صباح النور بس من معي؟؟؟؟ وكانت تشرب شاهي
المتصل:انا فهد شرقت وجود بالشاهي
فهد:بسم الله عليك صحه
وجود:احم على قلبك
فهد:شخبارك؟؟
وجود:تمام اخبارك انت؟؟؟
فهد:دوم دامك تمام انا تمام
وجود:تدوم انفاسك
فهد:وياك حبي اممم اخذتي الغرض؟؟؟
وجود:امس ايه
فهد:عجبك؟؟
وجود:ايه مشكور
فهد:وجود
وجود:لبيه
فهد:لبى قلبك بس وحشتيني
وجود لارد فهد:مابطول عليك بس عادي اكلمك بعدين؟؟؟
وجود:ايه عادي
فهد:وليش مارديتي علي قبل شوي؟؟؟
وجود:فهد بدر يناديني عن اذنك
فهد:طيب هالمره بعديها اجل مع السلامه
وجود:انتبه لنفسك مع السلامه قفلت واخذت نفس ورجعت عند الشباب
###########################
وفي بيت مبارك(ابو عبدالعزيز)
جود وامجاد كانوا نايمين جت الجده (أم مبارك)وطقتهم بالعصا وقاموا مفزوعين ط
الجده:يله قوموا اذن الظهر وانتوا نايمين
امجادتناظر الساعه وقالت :توها 10 ياجده خلينا ننام ورجعوا انسدحوا
الجده:قوموا يامال الوجع وصارت تضربهم بالعصا
جود:ياجده نبي ننام
الجده:اروح انادي مبارك يقومكم
امجاد:لاخلاص قمنا كل شي ولا خالي مبارك قاموا البنات وجلسوا بالصاله مع جدتهم وامهم وهم نص نايمين
قالت فاطمه:امجاد وش صار على البنت اللي قلتي لي عنها؟؟؟
امجاد:ها أي بنت؟؟؟
الجده:احد يقول لمه كذا؟؟؟
امجاد:اسفه وش قلتي يمه أي بنت؟؟؟
فاطمه:اللي قلتي بتتعرفين عليها؟؟؟
امجاد:لاماتعرفت عليها وبعدين هاليومين احس ان فيهم شي بس لازم اتعرف عليها
جود:اذا حجت البقره على قرونها
فاطمه:هي وش اسمها؟؟؟
امجاد:وجود
فاطمه:اسمها غريب بس قد سمعته بس مدري وين؟؟؟
######################
وفي بيت عمي سالم (ابو خالد)
عايشه كانت جالسه مع خالد سأل خالد:كيف الملكه امس؟؟؟
عايشه:تجنن بسم الله عليهم الله يوفقهم وعقبالك
خالد:لاحبي تونا بدري بعدين مافي وحده تستاهلني
عايشه:ايه واضح محد يستاهلك ياقلبي
خالد يناظرها :وش قصدك يعني ؟؟؟؟؟
عايشه:ماقصدي شي الا بسألك
خالد:وشو؟؟؟
عايشه:وتجاوبني عليه بصراحه
خالد:على حسب
عايشه:انت معجب بدانه بنت عمي؟؟؟؟
خالد:لا ليش؟؟؟
عايشه:بس مجرد سؤال طرى على بالي
طلع خالد غرفته وعايشه مبتسمه عرفت اللي براسه وعدى اليوم عادي
###############################
اليوم السبت في جامعه عند البنات بتبدى الاختبارات النهائيه يوم الثلاثاء ولما كانوا يسولفون عن ملكه وجود ووش صار فيها
قالت دلال:وجود الصور ماطلعت؟؟؟؟
وجود:بروح اليوم واخذها ليش؟؟؟
دلال:ابي اشوفها وغمزت لوجود ولما جت وجود بترد دق جوالها وقالت اكلم وارجع لك وقامت رودت بدون ماتشوف مين :هلا
فهد:هلا والله بها الصوت وصاحبته
ابتسمت وجود وقالت:هلا فيك
فهد:كيف رديتي وانتي بالمحاظره؟؟؟؟
وجود استغربت كيف عرف قالت:انا مو بالمحاظره
فهد:اقول قلبي انا اسف سهرتك البارح
وجود:مابينا اسف وبعدين عادي انا متعوده على السهر
فهد:اقول وجود
وجود:لبيه
فهد:ولا شي بس احب اسمعك وانتي تقولين لبيه
وجود:انت ماتخلي حركاتك
فهد:اخليها بس اذا انتي عقلتي
وجود:في الاحلام وصوتت دلال على وجود وقالت وجود:فهد انا بقفل الحين البنات ينادوني
فهد:اوكي اكلمك العصر
وجود:اكيد ولاني بعد ابيك بموضوع
فهد:لوكي باي
وجود:بحفظ الرحمن
قالت دلال:ماصارت مكالمه
وجود:ليش وش بغيتي شي؟؟؟
دلال:لا بس كذا
وجود:شكل هالطبع منتشر بالعايله كلها
وبالجهه الثانيه امجاد تبي تكلم وجود بس متردده
قالت جود:روحي كلميها وفكينا
امجاد:متردده
جود:تدرين انها متزوجه
امجاد:كذابه
جود:شوفي الدبله بيدها
امجاد:امشي اكلمها بعدين وراحوا
انتهى الدوام والعصر طلعت وجود مع عمها فيصل وجابت الصور وهم بالطريق دق فهد وردت وجود:هلا
فهد:هلا فيك عشان ما اطول عليك ادري غثيتك قولي موضوعك؟؟؟
وجود:لا عادي مابينا هالشي انا الحين برى البيت بس اوصل اكلمك
فهد:يالبى اوكي بعد ربع ساعه ادق عليك باي وقفل
عمي فيصل:فهد؟؟
وجود:ايه
عمي فيصل:وش يبي؟؟؟
ناظرته وجود وقالت:وش دخلك؟؟؟
عمي فيصل:بس اسأل
وجود:لا لاعاد تسأل
وصلوا البيت وطلعت غرفتهاا وقفلت الباب وفتحت الالبوم تشوف الصور وانصدمت لما شافت صوره ماكانت متوقعه انها موجوده طلعتها بتشقها بس دق فهد حطت الصوره وردت:هلا
فهد:هلا فيك حبي وشو موضوعك اشغلتيني؟؟؟؟
اخذت وجود نفس وقالت:ادري بجرحك بالكلام اللي بقوله بس ما ابي العب عليك
فهد:قولي انا اسمع
وجود:بصراحه وسكتت
فهد:وجود تكلمي
وجود:انا ما اقدر احبك
فهد:والسبب؟؟؟
بس لارد من وجود فهد:وجود لاتسكتين تكلمي
وجود:انا كنت احب واحد ثاني بس خذلني وبعدها قفلت قلبي ادري جرحتك بكلامي اصلا انا من الاساس ما استاهل حبك اسفه
فهد:انتي مو بس تستاهلين حبي انا افديك بعمري
وجود:فهدالقرار بيدك؟؟؟
فهد:قراري انك بتمين معي لاني بدونك ولا شي
وجود:بس يافهد
فهد:بس ايش انتي ماتبيني؟؟؟
وجود:لا انا ابيك بس ما ابيك تنظلم وتتعذب معي
فهد:لا بس ولا شي انا ما ابيك تحبيني أم شي انك معي وبعدين انتي قلتي كنتي يعني ماضي وانا مابحاسبك على ماضيك ومالي دخل فيه كل اللي اعرفه اني حاضرك ومستقبلك فياليت هاموضوع مايأثر على علاقتنا
وجود كانت مصدومه من رد فهد توقعته يصرخ يسوي أي شي
فهد:وجودي
وجود:لبيه
فهد:لبى قلبك حياتي روحي ارتاحي واكلمك بعدين
#######################


يتبع.......

[لامارا]

تكمله البارت السادس........

بدا الكل يجهز للأختبارات
وفي بيت عمي سلمان(ابو نواف)
زياد واهات كانوا يتهاوشون كالعاده دخل عليهم عمي سلمان وقال:وش هالصراخ؟؟؟
زياد:مافي شي
اهات:كذاب مالقى شغل وجا يحارشني
عمي سلمان:الحين كل واحد اطول مني وتتهاوشون المفروض كل واحد ماسك كتابه
زياد:واللي خلص؟؟؟
عمي سلمان:ماشاءالله اشوفك ماكل الكتاب اكل يله كل واحد على غرفته اهات كانت تضحك على زياد وزياد يتوعد فيها طاعت اهات للمعمل عشان تذاكر وزياد طلع غرفته
###################
اما عند فهد كان يفكر بكلام وجود(اما ما اقدر احبك)هي تحب غيري بس انا ماسألتها مين وليش خذلها؟؟؟؟لما اكلمها اليله بسألها وفتح كتابه يذاكر
############################
وفي بيت ماجد(الدكتور ماجد)
كان جالس مع زوجته مها بس عقله بعيد حطت يدها على يده لف ماجد على طول
قالت مها(أم بسام):وش فيك متضايق؟؟؟؟
ماجد:اشتقت لعمي ناصر
مها(أم بسام):الله يرحمه
ماجد:المفروض اليوم هو عندنا تصدقين يامها انه بعد فتره بيتم سنه متوفي
مه(أم بسام):ماجد حبي ادعي له
ماجد:كان مثل ابوي ونزل راسه
رفعت مها راسه وقالت:ادعي له ياماجد هو مرتاح
ماجد:ودي اشوف محمد مشتاق له هو الوحيد اللي كان معي كنت انا وياه دايم مع بعض وفرقتنا السنسين تصدقين ان عياله كبار ودي اشوفه لو من بعيد
مها(أم بسام):ماجد ان شاءالله بتشوفه بس اهدى خلاص وضمته
[ماجد من النوع الكتوم اللي مايتكلم اذا كان متضايق بس محمد هو الوحيد اللي يخليه يتكلم والحين لهم 20سنه تقريبا]
################################
في الليل دق فهد على وجود وعرف منها السالفه كامله وقفل وبكرى كان على وجود اختبار نهائي راحت وهي مواصله ولما كانت طالعه من الاختبار صقعت بأمجاد
قالت وجود:اسفه
امجاد:عادي
راحت وجود عند البنات وجلست البنات بصوت واحد:بشري؟؟؟
وجود:ماعليه حليت والباقي على ربي وبعدها جت عبير بس ماحلت زين
راحت امجاد عند قروبها وجلست وهي سرحان هجت جود عند اذنها وصرخت:بو
اخترعت امجاد وقالت:ياخايسه
جود:اللي ماخذ عقلك يتهنى فيه
امجاد:تصدقين اني كلمت وجود
جود:من جدك؟؟
امجاد:ايه صقعت فيني قبل شوي
جود:طيب
امجاد:ظفي وجهك
###############################
وعند الشباب بالجامعه كان عندهم عملي مع الدكتور ماجد بس هم وكان مزاجه اوكي ومهند ورائد كانوا يسولفون
قال ماجد:انت وياه وش اسمائكم؟؟؟
مهند:انا وكان يأشر على نفسه
ماجد:انت واللي بجنبك
قال رائد:انا رائد........
قال ماجد:والثاني؟؟؟
قال مهند:مهند سالم ال.....
رفع ماجد راسه بعدين قال في نفسه[شوف الصدف نفس اسم العايله] وقال:يله برى
عبدالمحسن كان مستغرب من اسلوب عمه ومزاجه بس ماقال شي
انتهى الدوام
وجود رجعت البيت ونامت لين الساعه 7 ولما صحت فتحت جوالها وانصدمت بعدد المكالمات من فهد وغيره ودقت عليه رد فهد على طول؟وجود وينك انتي خوفتيني عليك؟؟؟؟
وجود في نفسها[بعد كل اللي عرفته خايف علي]وقالت:سوري بس كنت تعبانه بعد الاختبار وقفلت جوالي ونمت
فهد:سلامتك حبي أي اختبار؟؟؟؟
وجود:كان عندي اختبار نهائي الله يسلمك
فهد:كيف كان؟؟؟؟
وجود:الحمدالله
فهد:بس المره الجايه لاتقفلين الجوال حطيه صامت زين ماجيت عندكم البيت من كثر ماني خايف عليك
وجود:ان شاء الله
فهد:يعني توك صاحيه؟؟؟
وجود:ايه
فهد:اجل اخليك الحين واكلمك بعدين
وجود:اوك وقفلت ونزلت تحت تدور ابوها ولقته بالمكتب دخلت عند وسولفت شوي بعدين قالت:يبه ابي الصندوق جدي اللي عندك؟؟؟؟
ابوي(سليمان):الحين؟؟؟
وجود:ايه
ابوي(ٍسليمان):متأكده؟؟؟؟!!!
وجود:ايه متأكده
ابوي
(سليمان):اجل تعالي معي وطلعوا فوق لغرفته وعطاها صندوق متوسط راحت وجود غرفتها ولما سكرت الباب دق فتحت الباب
فيصل:فاضيه؟؟
وجود:واذا مو فاضيه افضى لك تعال ودخلوا جلسوا
فيصل كان ساكت قالت وجود:وش فيك ليش مبوز؟؟؟
فيصل:بصراحه اشتقت لبوي
وجود:الله يرحمه ادعي له
فيصل:احس اني بدونه ناقص صح جدي مو مقصر معي بس ابوي غير هو ليش راح وخلاني حتى عمامي مايبوني وصار يبكي
ضمته وجود وقالت:انت مو ناقص وابوك دايم معك صح ابوي ماقصر معك بس ماراح يجي مكان ابوك الله يرحمه انت قوم توضى وصلي ركعتين واقرا قران ونام
فيصل:ان شاءالله وطلع راح فيصل غرفته ووجود قفلت الباب بعده اخذت الصندوق وجلست على السرير وفتحت الصندوق لقت فيه سبحه جدها اللي قال انها ضيعها وعلبه دهن عود حقه والباقي اوراق وكان اول شي ظرف مكتوب عليه بنتي وجود اخذت الظرف وفتحته كان مكتوب فيه
[الى ابنتي الغاليه وجود اتمنى انك بخير بعد ما مت وان وفاتي ما اثرت على حياتك وصيتي لك كانت عيالي وفهد ان شاء الله ما اكون ظلمتك مع فهد ان شاءالله تكونين سعيده معه يمكن انتي ماتوافقين عليه الا عشان الوصيه بس فهد يحبك حبيه وحافظي عليه بس فيه شي واحد ابي منك تسوينه لاني ماقدرت اسويه انتوا لكم عمام من الرضاعه وهم مبارك وماجدوفاطمه انا حاولت اجمعهم مع عمامك وابوك بس هم رافضين ابي منك تزورينهم وتجمعينهم مع بعض وكل شي تبين تعرفينه روحي للمحامي يحيى وهذا رقمه........ وبيساعدك(وجود كانت مصدومه منين طلعوا هالعمام بس كملت)تذكرين البيت اللي رحت له انا وياك قبل فتره وغيرتي في تصميمه هذاك بيتك انتي وزوجك فهد ولعمامك وابوك كل واحد منهم عماره ولفيصل البيت اللي كان ساكن فيه بعد بس بأرجع واقول لكلاتوافقين على فهد اذا انتي ماتبينه جدك ناصر]قفلت وجود الرساله وهي مصدومه وطلعت بافي الاوراق وكان فيه ظرف مكتوب عليه فهد حطته على جنب وباقي الاوراق كانت اوراق العمارات وبيت فيصل وبيتها هي وفهد
كانت تفكر كيف تتصرف في موضوع عمامها اللي طلعوا لها فجئه وشلون بتقول لهم هذا كله وشلون بتقابل المحامي لازم احد معها نامت وهي تفكر وصحت على صلاه الفجر وعرفت مين تاخذ معها وطلعت الرساله وسجلت رقم المحامي في جوالها
###########################
صباح الاثنين داومت وجود وماكان عندها الا محاظره وحده ولما طلعت دقت على مكتب المحامي وطلبت تقابله بس قالت لها السكرتيره ماعنده وقت هاليومين وسكرت ودقت على جواله ورد:الو
وجود:السلام عليكم
يحيى:وعليكم السلام
وجود:استاذ يحيى
يحيى:ايه نعم من معي؟؟؟
وجود:انا وجود حفيده ناصر ال.......
يحيى:هلا امري اختي
وجود:مايامر عليك ظالم بس ابي اقابلك اليوم اذا ممكن؟؟؟؟
يحيى:بخصوص أي موضوع؟؟؟
وجود:موضوع عمامي
يحيى:طيب الساعه 6 مناسب
وجود:ايه مناسب بس ممكن طلب؟؟؟؟
يحيى:تفضلي
وجود:زاد فضلك بس ابي معلومات كامله عن عايلتهم
يحيى:ان شاءالله لما بتجين بتلقينها جاهزه
وجود:ان شاءالله مع السلامه
وجاست تفكر جتها عبير وقالت:اللي ماخذ عقلك
ابتسمت وجود وقالت:محد
عبير:ايه واضح قومي خلينا نتمشى اليوم مافي طلعه مثل المره اللي فاتت خليتيني لحالي
وجود:من عيوني
ولما رجعت من الدوام قالت لفيصل انه بيروح معها وفيصل ماعارض استئذنت من ابوها وطلعت
وفي السياره سألها فيصل:وين بنروح؟؟؟
وجود:بتعرف بعدين وصلوا المكتب وعند السكرتيره سألت وجود:المحامي يحيى موجود؟؟؟؟
السكرتيره:ايه تفضلي
دخلت وجود المكتب مع فيصل وسلموا رد يحيى السلام وقال :تفضلوا
وجود:معليش استاذ يحيى جيتك بوقت راحتك
يحيى:احنا بالخدمه يأخت وسكت
وجود:وجود
يحيى:الملف جاهز بكل شي حتى عنوان بيتهم بس ابوك وعمامك يدرون؟؟؟؟
وجود:لا وياريت ماتخبرهم انا بخبرهم بس بعدين بس بخصوص الاشياء الثانيه اللي عندي كلها صور صح؟؟؟
يحيى:كل شي موجود عندي
وجود:انا ماراح اأخرك اكثر رقمي عندك واذا فيه مستجدات عطني خبر ومشكور اخذت الملف وطلعوا
فيصل:وجود:وش السالفه؟؟؟!!!!
وجود:بالبيت اقول لك وصلوا البيت وطلعت غرفتها عشان تقرا الملف وبعد نص ساعه قفلت الملف ونزلت عند عمه فيصل وصارت تسولف معه وسئلته:انت مارسمت شي جديد؟؟؟؟
عمي فيصل:الا
وجود:اجل تعال ورني
قال عمي فيصل:تدرين اني عجزت ابي ارسم ابوي وماقدرت
وجود:عادي احاول؟؟؟!!
عمي فيصل:اكيد اخذت وجود القلم وبدت ترسم وبعد ساعه ونص خلصت رسم وبدت تلون وعمها فيصل جالس يتابع التلفزيون وبعن نص ساعه خلصت وجود ولما شافت الرسمه انصدمت انها هي اللي رسمتها
قال عمي فيصل:خلصتي؟!!
وجود:ايه تعال شوف
جاعمي فيصل ومن شاف الرسمه شهق وجود:وش فيك؟؟؟؟
عمي فيصل:هذا وانتي ماتعرفين ترسمين
وجود:لاتجامل
عمي فيصل:بصراحه سويتي اللي ماقدرت اسويه وجود رسمت جدها بكل دقه لانها مشتاقه له وبدل ماتبكي طلعت حرتها بالرسم
عمي فيصل:بكره بوريها سليمان وهو يحكم
وجود:لا
عمي فيصل:الا
#####################
وبعدها بساعه في مكان ثاني كان فيه واحد طايح بشارع وينزف وقفت سياره ودقت على الاسعاف والرجال اخذ جوال ودق على اخر رقم
ردت وجود:هلا
الرجال:السلام عليكم
خافت وجود:وعليكم السلام
الرجال:انتي تعرفين صاحب هذا الجوال؟؟؟
وجود:ايه ليش هو وش فيه؟؟؟
الرجال:صارله حادث ونقلوه المستفى ال.......
وجود:مسافه الطريق وانا هناك لبست وجود عبايتها وطلعت بسرعه للمستشفى ولما وصلت سألت عنه وقالوا لها انه في عمليات الطوارىء راحت بسرعه وهي خايفه عليه
وشافها الرجال وقال:لو سمحتي اختي
لفت وجود وقالت: نعم؟؟
الرجال:انتي هنا عشان الرجال اللي سوى الحادث؟؟؟
وجود:ايه
الرجال:هذا جواله انا لقيته طايح باشارع وينزف هذا كرتي اذا صحى خليه يكلمني ومد لها الكرت
اخذت وجود الكرت وقالت:مشكور
الرجال:معليش بس انتي وش تصيرين له؟؟؟
وجود:زوجته راح الرجال قرت وجود الكرت كان اسمه عبدالمحسن مبارك ال.....وجود بصدمه ولد عمي ورن جوال فهد بيدها مسج فتحته كان مكتوب(سلام انقذوك هذا كان درس لك عشان تترك وجود)
انصدمت وجود من المسج وردت عليه(ومن انت اساسا؟؟؟)
رد(ادري انك صديقه قول له حسن يقول لك اترك وجود احسن لك)
ردت عليه(ومن حسن؟؟)
رد(حسن صديقها القديم اللي تركتني عشانك)
انصدمت وجود وصلت فيه لهالدرجه كل هذا عشاني طقيته ورفعت راسها لشرطي اللي يكلمها:انتي من اهل المريض؟؟؟
وجود:ايه
الضابط:وش صار؟؟؟
وجود:في ناس معتدين عليه وهذا رقم واحد منهم اخذ الشرطي الجوال وسجل الرقم وقال:يصير خير عن اذنك
وطلع الدكتور وراحت وجود عنده:فهد شلونه؟؟؟
الدكتور:الحمدالله طلعنا الرصاصه اللي برجله بس مايقدر يمشي فتره والباقي رضوض
وجود"طيب اقدر اشوفه؟؟؟
الدكتور:الحين بنقلونه لغرفه وبتشوفينه كانت الساعه 10 لما دخلت وجود الغرفه عنده وهي خايفه مسكت يده وقالت:الحمدالله على السلامه
فهد فتح عيونه وشاف احد عنده بس مايدري مين بس شد على اليد اللي ماسكته
قالت وجود:فهد في شي يعورك؟؟؟
فهد:وجود
وجود:لبيه
فهد:وش صار؟؟؟؟
وجود:بعدين اقولك بس شلونك الحين؟؟؟؟
فهد:الحمدالله بس وين الباقين؟؟؟
وجود:محد يدري بروح ابلغهم بس كنت بتطمن عليك وقامت ومشت بس فهد شد على يدها وقال:لاتروحين
وجود:ما اقدر اجلس انا طلعت من البيت بدون علم احد لما وصلني الخبر بروح لعمي اعطيه خبر وارجع البيت
فهد:لاتروحين لبوي بيهاوشك خلي المستشفى يكلمونه
وجود:لا انا بروح له
فهد:وجود عن العناد بيهاوشك
وجود: بس صحتك اهم كم كلمه ماراح تضرني انت ارتاح شوي لما يجي عمي وخالتي
فهد:بس ياوجود
وجود:لابس ولاشي وسحبت يدها وطلعت راحت لبيت عمها ولما دخلت كانوا عمي وخالتي ودلال بالصاله سلمت عليهم بعدين قالت:عمي ابيك شوي
قام عمي معها للمكتب وقالت له كل شي وطلبت منه مايعطي احد خبر ان هي اللي مبلغته وعطته جوال فهد وطلعت بعدها طلع عمي وراح الصاله وجلس ودق جواله وكلم وقال:بأي مستشفى؟؟؟؟طيب (وكان يكلم وجود)
أم ناصر:من اللي بالمستشفى؟؟؟
عمي عبدالله:فهد صار له حادث
أم ناصر:عسى ماصار فيه شي؟؟؟؟
عمي عبدالله:لااالحمد الله بخير بس يله قومي معي
دلال:بجي معكم
عمي عبدالله:يله قوموا وراحوا المستشفى وسئلوا عنه ولما دخلوا عنده الغرفه
راحت امه عنده على طول وقالت:فهد يمه شلونك الحين؟؟؟
فهد:الحمدالله بخير
دلال:الحمدالله على السلامه
فهد:الله يسلمك
ودخل عمي عبدالله وقال:الحمدالله على السلامه
فهد:الله يسلمك قالتلك و
عمي عبدالله قاطعه بسرعه وقال:ايه قالت لي الممرضه وهذي اغراضك
استغرب فهد وش دخل الممرضه بس سكت ولما طلعوا دق على وجود وتطمن عليها وبعدها دق على مهند عشان يعتذر له عن امتحان بكره
############################
الصبح انتشرالخبر ان فهد بالمستشفى دلال ووجود ماناموا الصبح عند وجود كانت تدور دفتر ولما فتحت احد الادراج شافت السلسال اللي عطاها فهد يوم الملكهطلعته ولبسته وبعد شوي لقت الدفتر اللي كانت تدوره
#######################
وفي الجامعه وجود ودلال كانوا يتمشون وقال دلال:اموت واعرف مين اللي يذبح فهد؟؟؟
وجود:واذت عرفتيه وش بتسوين؟؟
دلال:بذبحه الا صح بتزورينه اليوم؟؟؟
وجود:ماأدري
الا وقفوا جنبهم جود وامجاد وسهام كانوا يتناقشون
قالت جود:انا جود بنت فاطمه ال..... اسوي كذا لا
لفت وجود بسرعه لما سمعت الاسم وقالت:لوسمحتي وش قلتي اسم امك؟؟؟؟؟؟
لفت جود وقالت:فاطمه ال..... ليش؟؟؟
وجود تقول في نفسها[سبحان الله توني بدور عليهم]وقالت:كنت مشبه على الاسم انا وجود
جود ساكته قالت امجاد:هلا والله انا امجاد وهذي اختي جود
وجود:هلا فيك تشرفت بمعرفتك
جود:لنا الشرف بس مين اللي معاك؟؟؟؟
وجود:هذي دلال بنت عمي
امجاد:اهلين
وجود:حياكم معانا
جود:مره ثانيه انا عندي محاظره يله سهام وراحت
وجود:وانتي يا
امجاد:اسمي امجاد
وجود:ماعندك محاظره؟؟؟
امجاد:لا
وجود:اجل تعالي معنا
امجاد:لا انا بروح عند البنات مره ثانيه ان شاءالله وراحت
قالت دلال:انتي من جدك؟؟؟
وجود وهي مبتسمه:ايه ليش فيها شي؟؟؟؟
دلال:بنت توك تعرفينها وعلى طول تعالي اجسلي معنا وبعدين وش تبين بأسم امها؟؟؟
وجود:كنت مشبه على الاسم وعادي اصلاالبنت شكلها حبوبه
دلال:اقول امشي انتي من لبستي هذا السلسال وانتي مو صاحيه
راحوا وجلسوا وسوالف مع البنات والصدف هان مكان روب امجاد قدام قروب وجود
انتبهت وجود لأمجاد جالسه لحالها وباين عليها الطفش قامت وجود
قالت عبير:وين؟؟؟
وجود:شوي وجايه راحت شرت 2ببسي وراحت عند امجاد وقالت :ممكن اجلس معك؟؟؟
رفعت امجاد راسها وانصدمت بوجود قدامها وقالت:اكيد حياك
مدت وجود الببسي لها اخذته امجاد وقالت:مشكوره
وجود:ليش جالسه لحالك؟؟؟
امجاد:لارد
وجود:عندهم محاظرات؟؟؟
امجاد:ايه
وجود:طيب ليش ماجيتي معنا قبل شوي؟؟؟؟؟
امجاد:بصراحه كنت مستحيه
وجود:اها طيب انتي وشو تخصصك؟؟؟
امجاد:طب
وجود:حلو مثلي
امجاد:انتي طب مو باين
وجود:لايغرك الشكل بس كيف ان شاء الله سهل؟؟؟
امجاد:حلو بس يبي كرف
ودق جوال وجود وردت:هلا
فهد:هلا فيك قلبي شخبارك؟؟؟
وجود:بخير اخبارك انت ان شاء الله احسن؟؟؟
فهد:دامك معي انا بخير بس ابي اطلع من المستشفى
وجود:لما تتحسن حالتك بيطلعك الدكتور
فهد:صح نسيت اني اكلم دكتوره وسكت
وجود:وش فيك متضايق؟؟؟
فهد انصدم من كلمتها وقال:وش دراك؟؟؟
وجود:سرالمهنه بس وش اللي مضايقك؟؟؟
فهد:اليوم اختبار ماده الدكتور ماجد وهي اهم ماده في هالسنه يعني وسكت
وجود:اذا عرف ظرفك بيعذرك ان شاءالله خير بس لاتضايق نفسك
فهد:ان شاءالله يصير خير
وجود:طيب حبي انا الحين بسكر تامرني بشي؟؟؟
فهد:عيدي وش قلتي؟؟؟
انتبهت وجود وش قالت وقالت:قلت بسكر تامرني بشي؟؟
فهد:الكلمه اللي قبل هذي؟؟؟
وجود:مع السلامه
فهد:لحظه خلاص لاتقولينها اسمعها بعدين
وجود:انتبه لنفسك
فهد:من عيوني ياعيوني
وجود صار وجهها الوان الطيف وقالت:تسلم عيونك مع السلامه وسكرت وقالت :وش كنا نقول؟؟
امجاد:معليش على القافه بس انتي متزوجه؟؟؟
وجود:متملكه
امجاد:الله يتمم عليكم وكملوا سوالف وكل وحده اخذت رقم الثانيه ورجعت وجود عند دلال وصاروا يقرون روايه مع بعض ولما انتهى الدوام


يتبع..........

[لامارا]

تابع......


وجود كانت فرحانه انها عرفت بنات عمتها وفي البيت كانت بغرفتها تفكر كيف تروح لهم وانفتح الباب نقزت وجود وقالت:وش فيه؟؟؟
بدر:وش اللي مافيه كل شي تحت انتي وش مسويه؟؟؟
وجود خافت قالت:وشو اللي تحت؟؟؟
بدر:ماتدرين وش سويتي؟؟؟؟
وجود خافت ان ابوها عرف وقالت:بدر تكلم لااكفخك
بدر:تعالي تحت وبتعرفين شكل فهد اخذ عقلك ذبت وجود المخده على بدر واخذت جوالها ونزلت الصاله وكانوا كلهم مجتمعين
قال ابوي(سليمان):تعالي ياوجود
وجود تقول في نفسها(الله يستر)وقالت :هلا يبه
ابوي(سليمان):عمك عطاني هذي وقال انك انتي اللي مسويتها قربت وجود ولما شافت اللوحه ارتاحت وقالت:ايه انا
عبدالرحمن:ومن متى ترسمين؟؟؟
وجود:هذي اول واخر مره
فيصل ودانه:بس صراحه ابداع
مها:متأكده انك انتي اللي راسمتها؟؟؟
وجود:ايه رسمتها امس
قال ابوي(سليمان):حلو طلعت مواهبك صح ترى فهد طلع من المستشفى
سكتت وجود وطرى على بالها شي وقالت:يبه انت لك اخوان بالرضاعه؟؟؟
لف ابوي مستغرب السؤال وقال:ليش السؤال؟؟؟
وجود:بس ابي اعرف الجواب؟؟
سكت ابوي والكل كان متحمس يعرف الاجابه قال بدر:الحين اللي عندك مايكفونك
وجود:الله يخليهم بس انا ابي عمه ماجاوبتني يبه؟؟؟
ابوي(سليمان):ما ادري انا ناسي اسألي عمك عبدالله
ودق جوال وجود وردت:هلا لامافي بكره نكلمها سوى لامافي انا جالسه مع اهلي بعدين باي
#########################
وفي بيت(عمي عبدالله ابو ناصر)
عند دلال راحت عند فهد بالمجلس وجلست وهي زعلانه
قال فهد:وش فيك زعلانه؟؟؟؟
دلال:ابي اكمل الروايه ووجود معيه
فهد:وش دخل وجود بالروايه؟؟؟
دلال:احنا بديناها سوى وهي قالت ماتكملينها لحالك يامع بعض يلا
فهد:طيب استني بكره وبتكملينها ووصل مسج لدلال من وجود مكتوب فيه[اسألي عمي عبدالله اذا عنده اخوان بالرضاعه ولا لا وردي لي خبر اوك]
ردت دلال[بسأله بس ليش؟؟؟]
ردت وجود[بعدين اقولك] دلال[اوك]
دخل عمي عبدالله وجلس يسوالف مع فهد قالت دلال:يبه بسألك انت عندك اخوان بالرضاعه؟؟؟
استغرب عمي السؤال بس جاوب وقال:ايه ليش؟؟
دلال:والله وينهم؟؟؟
عمي عبدالله:اول ليش هالسؤال؟؟؟
دلال:ها قريت بالروايه وطرى على بالي وسألتك بس هو وين وكم؟؟؟؟
عمي عبدالله:اها والله مدري فرقتنا السنين ومشاكلها ,هم 3 ولدين وبنت
دلال:وش اسمائهم؟؟؟
عمي عبدالله:مبارك وماجد وفاطمه
دلال:الله عندي عمه وقامت وباست ابوها وارسلت مسج لوجود
#######################
اما في بيت ابوي(سليمان ابو عبدالرحمن)
عند وجود وصل المسج وقالت:يس
عبدالرحمن:وش عندك؟؟؟
لفت وجود على ابوها وقالت:يبه طلع لك اخوان بالرضاعه
لف ابوي متفاجىء وقال:انتي تستهبلين؟؟؟
وجود:لا انت يمكن ماتذكرهم هم 3 مبارك وماجد وفاطمه صح؟؟؟
سكت ابوي وبعدين قال:مين قالك؟؟؟
وجود كانت تناظر ابوها تعابير وجهه تدل انه يعرف بس ينكر قالت:عمي عبدالله
ابوي:ومتى كلمتيه؟؟؟
وجود:قبل شوي انت تذكرهم؟؟؟واخيرا عندي عمه
ابوي:وجود ليش ماتسكتين
ودق جوالها وطلعت من الصاله وردت :الو
فهد:افامين اللي مزعلك؟؟؟
وجود:هلا فهد
فهد:هلا فيك بس وش فيك تردين بدون نفس؟؟؟
وجود:مافيني شي انت شلونك؟؟؟
فهد:بخير,كل هذا ومافيك شي قولي مين مهاوشك؟؟؟
وجود:دوم ضحكت وقالت:هبلت بأبوي وهاوشني
فهد:وانتي ماعقلتي؟؟؟
وجود:انا بعقل بس تدري متى؟؟؟؟
فهد:متى؟؟؟
وجود:اذا عقلت انت
فهد:اجل بدري
ودخلت دلال وقالت:اكيد تكلم وجود وانا ادق عليها وتخليني انتظار
فهد:ايه ليش؟؟؟
دلال:حط سبيكر حط فهد سبيكر وقالت دلال:وجود وش سالفه اخوان بالرضاعه هذي؟؟؟
وجود:مافي سالفه سؤال وطرى على بالي وسألت ابوي وقال مدري اسألي عمك عبدالله
دلال:بس؟؟؟
وجود:ايه بس انتي مصدقه ان لنا عمه؟؟؟
دلال:من جد ماني مصدقه
فهد:انتوا من جدكم منين طلعوا هذولي؟؟؟
وجود:عمامك من الرضاعه
فهد:ايه بس تعرفونهم ؟؟؟
دلال:انت تستهبل اكيد لا بس لازم نعرفهم صح وجود؟؟؟
وجود:صحين يله اخليكم ينادوني على العشا
فهد:لحظه وجود وانتي يله برى وسكر السبيكر وقال:بدري
وجود:بدري من عمرك بروح اتعشى وانام
فهد:بس انتي ماتنامين هذا الوقت؟؟؟
وجود:انا من البارح مانمت بروح انام لاني اذا جلست ساعه زيادة ابنهبل اكثرمن ما انا منهبله
فهد:وليش مانمتي؟؟؟
وجود:ماجاني نوم
بدر:يله وجود عشى
وجود:جيت وقالت لفهد:يلا جبيبي مع السلامه وبعدين انتبهت وش قالت وسكتت
فهد:عيدي وش قلتي؟؟؟
وجود:مع السلامه
فهد:لاقوليها ولا ماراح اسكر
وجود:فهد مع السلامه
فهد:ماراح اسكر لين تقولين اللي قلتيه قبل شوي ولا مافي عشى ولا نوم
وجود:فهد
فهد:عيونه بس مافي فكه قوليها واسكر
وجود:حبيبي قالتها بسرعه وسكرت
فهد كان مستانس ومتأمل انها ممكن تحبه [تتوقعون فهد يطلق وجود ولا بيخليها تحبه؟؟؟؟]
#########################
في شقه بندر كان الوضع عندهم متوتر بعد ماعرفوا ان حسن بالسجن بتهمه محاوله قتل بس مايدرون منهو الشخص
بندر كان جالس بغرفته معصب لان ابوه مسافر وكل شي فوق راسه دقت روبي الباب صرخ بندر:مابي اشوف احد خلوني لحالي
راحت روبي الصاله عند رائد قال:وينه؟؟؟؟
روبي:يقول مايبي يشوف احد
رائد:كل هالعصبيه عشان حسن كنه اول مره يدخل السجن
روبي:بس هو من عرف عن موضوع حسن ما اكل شي وقامت دقت عليه مره ثانيه
قام بندر معصب وفتح الباب وقال:نعم؟؟؟
خافت روبي اول مره تشوف بندر بهالحاله قالت وهي خايفه:غداء
بندر:ما ابي شي كلوا انتم وصك الباب
روبي كانت واقفه مصدومه اول مره بندر يعاملها كذا لو رائد معليش بس بندر لا راحت بسرعه لغرفتها وصارت تبكي
دخل رائد عندها وقال:روبي ليش تبكين؟؟؟؟
بس روبي ماردت عليه
رائد:اذا على حسن ترى مايستاهل ولا نسيتي وش سوى فيك؟؟؟
دق جوال روبي قال رائد:روبي هذي وجود
اخذت روبي الجوال وردت:هلا
وجود حست ان صوتها متغير وقالت:هلا فيك وش فيه صوتك تعبانه؟؟؟؟
روبي:مافيه شي
وجود:عشان حسن؟؟؟
روبي انصدمت وقالت:شلون عرفتي؟؟؟
وجود:لاني انا اللي دخلته
روبي:لاتقولين لي انه هو اللي؟؟؟؟
وجود:ايه هو بس اموت واعرف ليش سوى كذا
روبي ساكته كملت وجود:كل هذا عشاني طقيته طيب اذا بينتقم ينتقم من انا مو من فهد
رائد سمع كل شي ومستغرب ومصدوم قالت وجود:روبي اكلمك بعدين ينادوني بس اتمنى تكونين هاديه اوك
رائد:وش السالفه حسن وصديقتك ها؟؟؟ روبي ماردت عليه وصارت تبكي
طلع رائد ودخل غرفه بندر
قال بندر:نعم؟؟؟
رائد:تدري ان حسن كان بيذبح فهد عبدالله ال....
لف بندر مصدوم وقال:انت وش تقول؟؟؟؟ومين قالك؟؟؟؟
رائد:لان وجود هي اللي دخلته السجن وكانت تقول لروبي اذا حسن بينتقم عشان طقيته ينتقم مني مو من فهد بعدين وش جاب حسن لوجود ووش السالفه بالضبط؟؟؟وبعدين من صرخت بوجهه روبي وهي تبكي قم راضها
قال بندر:انت متأكد من كلامك؟؟؟
رائد:انا كنت عند روبي لما كلمتها وجود
راح بندر عند روبي وراضاها وسكت على موضوع حسن
[وش تتوقعون بندر بيسوي بموضوع حسن؟؟؟]
#######################
اما في بيت مبارك(ابو عبدالعزيز)
جود وامجاد كانوا جالسين يسولفون قالت جود:انتي من جدك جلستي معها؟؟؟
امجاد:ايه ليش؟؟؟
جود:مدري انا ارتحت لها بس مدري ليش سويت كذا
جت فاطمه وقالت:وشو اللي ماتدرين ليش سويتي كذا؟؟(جود وامجاد امهم صايره صديقتهم)
جود:نتكلم عن وجود
فاطمه:انتوا تعرفتوا عليها؟؟؟
امجاد:ايه اليوم بالصدفه وقالت لأمها السالفه
فاطمه:سألتكم عن اسمي؟؟؟غريبه بس اسمها قد مر علي بس مدري وين
وجود:بكره اعرفها اكثر
امجاد:عسوله بسم الله عليها مع انها مملكه
طلعت فاطمه وخلتهم يسولفون وهي تفكر بالبنت الغريبه
############################
ابتدا يوم جديد يوم الاربعاء (في مدرسه الثانويه)
كانت ريتاج ووعد ووئام وبعض البنات مسوين فصلهم قروبات وكانت الطاولات كلها اوراق وكتب وحوسه دخلت عندهم استاذه الفيزياء وطلعوا الملازم وفجئه سمعوا صرخه لفت الاستاذه وقالت:خير وش عندكم تصارخون؟؟؟محد رد عليها وعند ريتاج كانت هي ووئام ووعد ميتين ضحك لان ريتاج هي اللي صرخت لانها جابت ملزمه الرياضيات بدل الفيزيا لانهم نفس اللون
قالت الاستاذه:ريتاج حددي مع البنات
ريتاج:طيب وصارت نفتح الملزمه على اساس انها تحدد مع البنات وهي تسولف مع البنات وبعد هي الحصه بدت حاله الهستيريا عند البنات وفي الفسحه وقفت ريتاج مع قروبها في نص طريق وجلسوا يسولفون ويستهبلون على البنات وبعدها انطربوا وصاروا يمشون ويغنون اللي يشوفهم يقول موب صاحين وكملوا يومهم كذا
############################
اما في الجامعه عند البنات كانوا مجتمعين وفالينها مروا جود وامجاد وصوتت وجود:امجاد وقامت
لفت امجاد ووقفت جت وجود وسلمت عليها وقالت:تعالوا اعرفكم على باقي البنات
جود:يله
امجاد استغربت من اختها المهم عرفتهم وجود على بعض وجلسوا يسولفون ويتعرفون على بعض والمهم انهم اخذوا على بعض على طول
انتهى الدوام وكلن راح لبيته والجمعه اليوم في بيت عمي عبدالله
##########################
وفي بيت عمي سلمان(ابونواف):
كان زياد جالس بغرفته وبيده خاتم سمر وكان يكلم نفسه ويقول:متى بتتحرك وتخطبها ولا منت متحرك الا اذا طارت من يدك
نفسه:بس توني صغير على المسؤليه
زياد:طيب وفهد؟؟
نفسه:فهد غير وانت غير
زياد:اف خلاص لما نخلص من موضوع فهد يصير خير
##########################
العصر في بيت ابوي(ابو عبدالرحمن)
كانت وجود تفكر تاخذ الاوراق ولا لا؟؟دق الباب قالت وجود:نعم يابدر؟؟
بدر:يله مشينا
وجود:يله جيت دخلت الاوراق بشنطتها ونزلت وهي تلبس عباتها وراحوا
ولما جت الساعه 5:30الكل صار مجتمع في بيت عمي عبدالله
وعند البنات سألت سمر البنات:بنات ماشفتوا خاتمي؟؟؟
دلال:أي واحد؟؟؟
سمر:اللي كنت البسه ضاع ومالقيته
نوف:متى اخر مره شفتيه؟؟؟
سمر:لمل كنا في المخيم
هيام:اجل قولي عليه السلام
اهات:بنات خلونا ننزل عند المسبح الكل ماعاد وجود:يله
قاموا البنات الا وجود جالسه صرخت ندلا عند اذنها وقالت:وجود
وجود:نعم؟؟؟
ندى:اللي ماخذ عقلك يتهنى فيه
ملاك:تفكر في فهد من جت ماشافته
وجود:ملاك ليش ماتسكتين وش كنتوا تبون؟؟؟
دانه:بننزل عند المسبح
وجود:انا بجلس هنا
ملاك:بكيفك كلهم طلعوا ولما كانوا على الدرج سألت سمر:دانه وش فيها وجود؟؟
دانه:مدري من يوم الاحد وهي كذا
دلال:الله يستر
#############################
وعند الشباب فهد كان يبي يشوف وجود بس مايدري كيف؟؟؟ومهند يتمنى يلمح دلال وزياد كان يلعب بخاتم سمر
قال فهد:زياد هذا خاتم مين؟؟؟؟؟
زياد:هذا خاتم سمر
فهد:ماعطيتها؟؟؟
زياد:ولا افكر
مهند:وش بتسوي فيه يعني؟؟؟
زياد:ولا شي بس ماراح اعطيها الحين
فهد:متى بتعطيها اجل؟؟؟
زياد:في اليوم اللي بتكون لي؟؟؟
مهند:الله ياخال ابوي حك ظهري
زياد:يعني اضحك
مهند:اللي تبي ولف على فهد وقال ماتدري ليش هذا حسن هجم عليك؟؟؟
فهد:لا واساسا انا ما اعرفه


يتبع........

[لامارا]

تابع......


اما عند البنات كانوا ورى عند المسبح وشوي سمعوا صوت عمهم محمد:شلونكم بنات؟؟
البنات:بخير شلونك انت؟؟؟
عمي محمد:بخير وكان يدور على وجود يبي يحارشها بس مالقاها وسئل:وين وجود؟؟
اهات:فوق
عمي محمد:وش تسوي فوق؟؟؟
نوف:تقول
دلال:راسها يوجعها وهي مريحه فوق
عمي محمد:اها
وجود قررت بعد اذان العشا تكلمهم واللي يصير يصير ناظرت الساعه باقي ربع ساعه على الاذان وعلى مايصلون ويجون يبيلهم ساعه الا ربع وبكره لازم اروح عند عماني بس شلون اقول لهم
دخلوا سمر ودلال قالت دلال:وجود وش فيك هاليومين متغيره؟؟؟
وجود:مافيني شي
سمر:العبي على غيرنا قولي بسرعه؟؟
وجود:جدي قبل لايتوفى خلى لي صندوق
دلال:الله يرحمه ايه وش فيه؟؟؟
وجود:فيه اوراق لعمامي ولي ولفهد ومتردده اعطيهم ولا لا؟؟؟
سمر:وهم مايدرون عنها؟؟؟
وجود:لامحد يدري الا انا وانتم الحين
دلال:طيب هالاوراق فيها شي مو زين؟؟؟
وجود:لا بس اوراق ملكيات ورسالتين لي ولفهد
سمر:وانتي اكيد قريتي رسالتك وش فيها؟؟؟
وجود:فيها وسكتت
قالت دلال:قولي ماراح نتكلم
وجود:اخاف يجيكم شي من الصدمه
سمر:عادي متعودين على الصدمات اهم شي اننا سوى
دلال:صح لسانك
سمر:صح بدنك المهم وش فيها؟؟؟
وجود:طلع لنا اعمام بالرضاعه
دلال:هذا موضوع عارفينه غيره
سمرر:ومن متى عارفينه؟؟؟
دلال:من ابوي يوم الاثنين وسكتت وبعدين قالت:لايكون عشان كذا سألتي؟؟؟
وجود:ايه عشان كذا قريت اللي بالرساله وجبت معلوماتهم كامله من يحيى
سمر ودلال:من يحيى ؟؟وكيف؟؟؟ومتى؟؟؟
وجود:يحيى محامي العايله وكيف رحت لمه ومتى يوم الاثنين وللمعلوميه اللي ساعد فهد يصير ولد عمي وازيدك من الشعر بيت جود وامجاد هم بنات عمتي
دلال:وجود شوي شوي خلينا نستوعب وحده وحده
سمر:الحين جود وامجاد بنات عمتي؟؟؟
دلال:واللي ساعد فهد يصير ولد عمي
وجود:وازيدكم من الشعر بيت عمي الثاني دكتور بالجامعه يدرس فهد ومهند
دلال وسمر:كذابه!!!؟؟؟
وجود:انا بروح لمهم بكرى بشوف جدتي
دلال وسمر:أي جده؟؟؟؟
وجود:امهم عايشه وهي مرضعه ابوي وعمامي
دلال:متى بتروحين ومن بيروح معك؟؟؟
وجود:بروح بكره العصر مع فيصل
سمر:بروح معك
دلال:حتى انا
وجود:لاخلوها مره ثانيه هالمره انا وفيصل
سمر:بس ياوجود
وجود:لابس ولا غيره والموضوع مايطلع
دلال وسمر:اكيد سرك في بير
اخذتهم السوالف ولما انتبهت وجود للوقت شهقت
قالت سمر:وش فيك؟؟
وجود:بقوم اصلي عشان اروح اكلمهم وارتاح
دلال:هذي هينه الثاني هو المصيبه
قامت وجود صلت ودقت على عمها محمد وقالت له يجتمع مع عمامي وابوي وفهد في احد المجالس ابيكم
اجتمعوا كلهم بالمجلس ووجود اخذت شنطتها ونزلت وصلت لين المجلس ومعها سمر ودلال اخذت نفس ودخلت سلمت عليهم كلهم وسلمت على فهد باليد وجلست وبعد السوالف العاديه
قال عمي سالم:وش فيه ياوجود محمد يقول انك تبينا؟؟؟
وجود:ايه انا فتحت الصندوق اللي خلاه لي جدي
عمي عبدالله:طيب وش فيه؟؟
وجود فيه اوراق لكم
عمي محمد:اوراق لنا وش هي؟؟؟
اخذت وجود نفس وقالت:جدي كتب لكل واحد منكم عماره ولعمي فيصل البيت اللي كان ساكن فيه والبيت اللي بناه قبل سنه كتبه بأسمي واسم فهد
سمر ودلال انصدموا من اللي سمعوه
عمي سلمان :وجود لاتمزحين؟؟؟
وجود:انا ما امزح وطلعت الاوراق من الشنطه ومدت لعمها عبدالله الاوراق اللي تخصهم بس وقامت وعطت فهد ورقه وظرف ورجعت مكانها وهي شبه مرتاحه
فتح عمي عبدالله الاوراق وقال:متى فتحتي الصندوق؟؟؟
وجود:يوم الاحد؟؟؟؟
ابوي:طيب مافيه شي غير هذا؟؟؟
وجود:ماكان فيه الا الاوراق وسبحته ودهن العود حقه ورساله لي
عمي سالم:وليش ماقلتي لنا على طول؟؟؟
وجود:انشغلت لان الاثنين والثلاثاء كان عندي اختبارات
بدوا عمامي يطلعون من المجلس واحد ورى الثاني ولما جت وجود بتطلع قال فهد:وجود
لفت وجود وقالت:لبيه
فهد:تعالي شوي
راحت وجلست بالكرسي اللي جنب السرير حقه كانوا الاثنين ساكتين اما سمر ودلال كانوا باقي يسمعون يستنون فهد وش بيقول
قال فهد:وحشتيني رفعت وجود عيونها تناظره ومصدومه ولما جت عينها بعينه نزلت عيونها وابتسمت لاشعوريا
فهد:ايه كذا احلى مو قبل شوي
وجود:وانت باقي على حركاتك ماغيرتها؟؟
فهد:دامها عاجبتك ليش اغيرها دلال وسمر راحوا عند البنات عشان مايحسون بشي
وجود:كيفك الحين ان شاءالله احسن؟؟؟
فهد:دامي شفتك انا بألف خير
وجود:دوم وسكتوا وفهد يناظر وجود
قالت وجود:فهد انا رايحه تامرني بشي؟؟؟ووقفت
مسك فهد يدها وجلسها وقال:خلاص توبه ما عاد اعيدها بس اجلسي معي
وجود:البنات يستنوني
فهد:شويه ماراح يضرهم
وجود:طيب
قال فهد: ليش ايدك بارده؟؟؟
وجود:هي دايم كذا رفع فهد يد وجود وحطها بين يدينه اثنتين وصار يفركها كانت وجود مصدومه ومستحيه من حركته دفت يدها وسحبتها وقالت:مشكور وطلعت
هالمره ماطولوا بالسهره ماجت الساعه12الا كل واحد في بيته
في هاليله كل واحد حالته حاله بندر وروبي متضايقين عشان موضوع حسن واللي سواه ومهند يكر بدلال وزياد مع خاتم سمر وخالد يبي اخبار دانه ورائد بعد الملاهي مايدري عن عايشه وسمر ودلال كل وحده تفكر بحبيبها وبسالفه عمامهم اللي طلعت وفاطمه تفكر في وجود وهاني يكلم خوياته ونواف متضايق لانه ماشاف روبي وفهد يكلم وجود وماناموا الا بعد الفجر
##########################
يوم الخميس على الغدا وجود ودلال وسمر ولا وحده فيهم تغدت خايفين من اللي بيصير
عند وجود استئذنت من ابوها انها بتطلع مشوار ووافق واخذت فيصل وفي السياره
سأل فيصل:وجود هم يعرفونك؟؟؟؟
وجود:لا
فيصل:طيب هم يعرفون جدي؟؟؟؟
وجود:ايه فيصل خلاص اسكت سكت فيصل وبعد ربع ساعه وصلوا اخذت وجود نفس ونزلت ودقت الجرس وبعد دقايق فتحت بنت صغيره الباب
قالت وجود:ياحلوه نادي احد كبير طلع واحد شافته وجود قالت بنفسها(هذا شكله واحد من عيال عمي) الا تسمع البنت تقول بابا وجود بصدمه وتقول بنفسها(معقوله هذا عمي ماجد لاما اتوقع)
قال الرجال:نعم اختي وش بغيتي؟؟؟
وجود:ابي اكلم خالتي أم مبارك موجوده؟؟؟؟
الرجال استغرب وقال:ايه موجوده وكلم فيصل حياك تفضل
بس فيصل كان متردد ويناظر وجود بس وجود اشرت له روح
صوت الرجال وقال:فاطمه في حرمه تبيك
جت فاطمه ووجود تقول بنفسها(هذي عمتي)
قالت فاطمه:هلا والله حياك
وجود:هلا فيك الله يحيك بس انا ابي اكلم خالتي أم مبارك اذا ممكن؟؟؟
فاطمه:اكيد حياك ودخلتها مجلس فاضي وقالت:دقايق وتجي امي
راحت فاطمه تنادي أم مبارك ووجود جالسه على اعصابها
دخلت أم مبارك وقالت:السلام عليكم
قامت وجود وقالت:وعليكم السلام وحبت راسها
أم مبارك:حبيتي الكعبه ان شاءالله هلا والله
وجود:وياك هلا فيك شخبارك خالتي؟؟؟
أم مبارك مستغربه من هذي البنت وقالت:بخير بس يابنيتي انا ماعرفتك؟؟؟
وجود:ادري ياخاله انتي ماتعرفيني بس انا اعرفك
أم مبارك:وشلون؟؟؟
وجود:انا حفيده ناصر ال......الله يرحمه
أم مبارك بصدمه:ناصر ابوعبدالله ماغيره؟؟؟
وجود:ايه هو
أم مبارك:انتي أي وحده ؟؟؟وبنت مين؟؟؟
وجود:انا وجود بنت سليمان وفتشت
ضمتها أم مبارك وقالت:تو مانور البيت
وجود استغربت تصرفها بس ارتاحت نوع ما وقالت:منور بوجودك خالتي
أم مبارك:وشلون ابوك وعمامك؟؟؟
وجود:كلهم بخير بس ياخالتي انا ابي اشوف عمامي
أم مبارك:اكيد هذا حقك وصوتت فاطمه فاطمه
جت فاطمه وقالت:سمي يمه
أم مبارك:تعالي وسكري الباب
سكرت الباب وجت قالت أم مبارك:اتصلي على اخوانك خلهم يجون هنا
فاطمه مستغربه وقالت:بس ال
أم مبارك:لا بس ولاشي اتصلي بسرعه
دقت فاطمه وبعد عشر دقايق جو دقوا الباب وفتحته فاطمه وخلال هالعشر دقايق جوال وجود ماسكت من دلال وسمر بس ماعطتهم وجه وحطته سايلنت ومن دقوا الباب رجع لوجود توترها وماتدري اذا بيقبلونها ولا لا؟؟؟
فتحت فاطمه لهم الباب وقالت:ادخلوا
قال مبارك:والحرمه اللي جوى؟؟؟؟
قالت أم مبارك:تعالوا ياعيال دخلوا وابتسمت وجود من شافت ماجد لانه هو اللي كلمها عند الباب
قال مبارك:سمي يمه
أم مبارك:انتم تذكرون ناصر ال.... الله يرحمه
مبارك وماجد وفاطمه:اكيد الله يرحمه
أم مبارك:هذي البنت تصير حفيدته
مبارك:نعم!!!!؟؟؟؟؟؟
قالت وجود:انا وجود بنت سليمان ناصر ال.......
فاطمه:انتي بنت سليمان؟؟؟
وجود:ايه مدت فاطمه يدها وسلمت على وجود
قالت أم مبارك:منتم مسلمين على بنت اخوكم؟؟؟؟
وجود كانت خايفه من رده فعهلم لكن ارتاحت لما شافت مبارك ابتسم وسلمت عليه باليد ولما وقفت قدام ماجد كانت ماده يدها بس ماجد ماسلم عليها تضايقت وجود ونزلت يدها ولفت حط ماجد يده على كتف وجود وهي على طول لفت طالعها وقال:مافيك شي من ابوك وسحبها وضمها
وجود كانت مستغربه من تصرفه لكنها ارتاحت انهم رحبوا فيها ولما فكها
قال مبارك:ابوك وعمامك شلونهم؟؟؟؟
وجود:بخير الحمدالله
أم مبارك:شلون ناصر وساره؟؟؟
وجود ابتسمت وقالت:بخير الحمدالله
قال ماجد:مين اللي جا معك؟؟؟
وجود:فيصل
ماجد:منهو فيصل اخوك ابوك زوجك ولدك مين يعني؟؟؟
ابتسمت وجود:لاهاذاولد اختي
فاطمه:اختك أي وحده؟؟؟
وجود:ساره
أم مبارك:ماشاءالله
مبارك:انتي تستهبلين الولد كبير شلون ولد ساره وهي توها متزوجه؟؟؟
وجود:ولدها من زوجها الاول
فاطمه:اها
وجود كانت متوتره وقالت:معليش جيتكم بدون موعد بس
قطع ماجد كلامها وقال:مابين الاهل مواعيد ياوجود
وجود من التوتر صارت تلعب بالدبله وقالت:ابي منكم محد يدري بزيارتي لكم
مبارك:ليش اهلك مايدرون انك جايتنا؟؟؟؟
وجود:لا
مبارك:بس كيف؟؟؟
وجود شوي وينكسر اصبعها من كثر التوتر وقالت:انا مابيهم يعرفون الحين هم بيعرفون بالوقت المناسب
وقف ماجد وجا قدام وجود وسحب يدها وقال:الخاتم واصبعك راحوا وطي خلاص
ابتسمت وجود وقال ماجد:انتي متزوجه؟؟؟وكان باين عليه الصدمه
كلهم لفوا يناظرونها قالت:متملكه
فاطمه:ماشاءالله مبروك
وجود:الله يبارك فيك
مبارك:مبروك بس مين اخذتي؟؟؟
وجود:الله يبارك بعمرك اخذت ولد عمي
ماجد:أي عم فيهم؟؟؟
وجود:عمي عبدالله
مبارك:ناصر؟؟؟؟
وجود:لا فهد
فاطمه:لحظه انتي تدرسين؟؟؟
وجود:ايه انا بالجامعه
ماجد:ماشاءالله أي تخصص؟؟؟
وجود:طب ولفت على فاطمه وقالت:مابي جود وامجاد يعرفون بالموضوع
فاطمه:انتي نفسك اللي معهم بالجامعه؟؟؟؟
وجود:ايه ولفت على ماجد وقالت:ممكن يادكتور ماجد فهد ومهند مايعرفون شي
ماجد:وش دراك اني دكتور؟؟؟وهاذولا طلابي؟؟؟
وجود:مهند وفهد عيال عمي وانت دكتورهم في تخصص الفيزيا
ماجد:انتي ساحره
ابتسمت وجود وقالت:انا بروح ما اقدر اتأخر بس راح اكون على تواصل معكم ان شاءالله واخذت ارقامهم واخذوا رقمها
وطلعت وهي عند الباب شافها عبدالمحسن وقال:لو سمحتي اختي؟؟؟
لفت وجود وقالت:نعم؟؟؟
عبدالمحسن:انتي مو اللي كنتي بالمستشفى قبل كم يوم؟؟؟
وجود:ايه
عبدالمحسن:بس انا اول مره اشوفك هنا؟؟؟
وجود:صح ال مره بس مو الاخيره وركبت السياره وتركت عبدالمحسن بحيرته
وسمر ودلال جالسين على اعصابهم بيعرفون وش صار؟؟؟
انـــــــــــــــــتـــــ ـــــــهــــــــــــى الـــــــ(6)ـــجـــــــــز� � الــــــســـــــــادس:
1\تتوقعون وجود بتحب فهد ولا لا؟؟؟
2\بندر وش بيسوي لحسن ؟؟؟؟؟
3\ وش رد فعل ابوي وعمامي في اللي سويته بيعدونه عادي ولا لا؟؟؟؟
4\عمي مبارك وماجد وعمتي فاطمه وجدتي أم مبارك تتوقعون انهم فرحانين انهم بيقابلون اخوانهم بعد تفريبا 20 سنه ولا؟؟؟؟
اما باقي ابطالنا وش بيصير فيهم كل هذا بنعرفه بالجزء الجاي

توقعاتكم تهمني

[لامارا]

وهذا البارت
الـــــــــــــــــــجـــ ــــــــــــــزء الـــــ(7)ـــــــــــــســ� �ــــــــــابـــــــــــ ـــــــــــــع

في بيت عمي محمد(ابوسلطان)
كانت سمر في قمه توترها وخوفها على وجود اللي ماترد عليها وفجئه دق لباب سمر من غير نفس:مين؟؟؟
عمي محمد:انا ابوك
قامت سمر بسرعه وفتحت الباب وقالت:حياك
دخل عمي وقال:الله يحيك وش فيك جالسه لحالك؟؟؟؟
سمر:ها جالسه اقرى روايه
عمي محمد:اها عشان كذا ماجيتي جلستي معنا
سمر:اندمجت مع الروايه وماحسيت بالوقت ودق جوالها وردت بسرعه:هلا
وجود:هلا فيك سوري مادريت عليك كنت عندهم
سمر:مو من عادتك تقولين لي دقي وماتردين طيب اشوفك واوريك
وجود:سمر احد عندك؟؟؟؟
سمر:ايه شفتي يعني تعرفين
وجود:طيب مع السلامه
سمر:باي وسكرت
عمي محمد:مين هذي؟؟؟
سمر:وجود
عمي محمد:اها طيب تعالي اجلسي معنا وخلي هالروايات
سمر:ان شاء الله
#####################
في بيت عمي عبدالله(ابو ناصر)
دلال كانت بالصاله مع ندى ونوف وساره كانوا يسولفون ودلال ابد مو معهم
صوت ناصر:دلال لكن لاحياه لمن تنادي
راحت ساره وقالت :امر
ناصر:هلا والله وغلا
ساره:هلا فيك وش بغيت؟؟؟
ناصر:وين دلول؟؟؟
ساره:جوى تعال مافي احد
دخل ناصر وجلس جنب دلال وقال:شخبارك؟؟؟
دلال انتبهت وقالت:هلا
ناصر:اقول شخبارك؟؟؟؟؟
دلال:بخير شخبارك انت؟؟؟؟
نلصر:دوم بخير شلون دراستك؟؟؟ بس دلال سرحت من جديد طقها ناصرمن يدها
انتبهت دلال وقالت:هلا
ناصر:انتي وش فيك؟؟؟منتي طبيعيه
دلال:مافيني شي سكت ناصر عنها وصار يسولف مع الباقين ودلال عينها على جوالها رن وردت بسرعه بدون لاتشوف الاسم:هلا
فهد:هلا فيك تعالي ابيك
دلال خاب املها على بالها وجود قالت:طيب جايه
وقامت عند فهد قالت:أامر
فهد:طفشان ابي اسولف مع احد
دلال في نفسها(انت طفشان وذيك المجنونه ماترد علي)
فهد:دلول وين وصلتي؟؟؟
دلال:معك
فهد:تعالي اجلسي جلست دلال على طرف السرير
قال فهد:دلال وش فيك؟؟؟
دلال:مافيني شي؟؟؟
فهد:مو علي
دلال:والله مافيني شي ودق جوالها وردت بسرعه:هلا
وجود:هلا فيك سور
دلال:كان تأخرتي بعد وش صار؟؟؟
وجود:سوري لما ارسلتي ودقيتي كنت عندهم ماصار شي
دلال:تستهبلين انتي ايه ولا لا؟؟؟
وفهد مثل الطرش بالزفه مايدري وش السالفه
وجود:ايه الحمدالله بس ما اقدر اطول معك لاني بالسياره
دلال:وانا وش يصبرني؟؟؟
وجود:دبري نفسك لين اوصل البيت
دلال:طيب باي
وجود:صح جهزي نفسك بعد العشا بنروح السوق
دلال:زين باي وقفلت
قال فهد:وش فيك معصبه على المسكينه؟؟؟
دلال ابتسمت وقالت:لاعادي بس الموضوع يستاهل
فهد بدت القافه عنده"طيب وش الموضوع؟؟؟
دلال:الموضوع؟؟؟
فهد:ايه وشو الموضوع اللي بغيتي تاكلين البنت عشانه؟؟؟
دلال:مايخصك وبعدين وش عندك تدافع عنها انت تعرفها؟؟؟وكانت تقول بنفسها(والله لو تدري انها وجود لتكفخني)
فهد:لا بس رحمتها
دلال:احس لك ماتعرفها وسكتت
قال فهد:انا جايبك تسولفين مو تسكتين ادق على وجود اصرف لي
دلال بسرعه:لالاتدق
فهد:ليش فيه شي؟؟؟
دلال:لا بس عندهم ناس ومهي فاضيه
شك فهد بالموضوع وقال:انتي متأكده؟؟؟؟؟
دلال:ايه وصارت تسولف معه تلهيه عشان مايدق على وجود
اما عند وجود بالسياره كانت تفكر قطع تفكيرها
فيصل لما سئل:وش صار؟؟؟
وجود:ماصار شي
فيصل:يعني ماعرفوك؟؟؟؟
وجود:الا عرفوني وعرفتهم
فيصل:شلون عرفوك وانتي قايله انهم مايعرفونك!!!؟؟؟؟
ابتسمت وجود وقالت:افهمك بالبيت بس مابي احد يدري باللي صار كله
وصلت البيت وراحت غرفتها وذبت عبايتها وانسدحت على السرير تفكركيف استقبلوها خصوصا ماجد لما ضمها وقطع تفكيرها صوت(ماجد المهندس كل ما اشوفك ابتسم)عرفت مين وابتسمت لاشعوريا وردت:هلا
فهد:هلا حبي شخبارك؟؟؟
وجود:بخير شخبارك انت؟؟؟
فهد:تعبان
خافت وجود وقالت:سلامتك وش فيك؟؟؟؟
فهد:ليش يهمك؟؟؟
وجود:اكيد
فهد:انا تعبان حيل
خافت وجود والكلام صار يطلع منها لاارادي:فهد لاتخوفني قول وش فيك؟؟؟
ابتسم فهد بس كمل:تعبان احس اني بموت
وجود:سلامتك بسم الله عليك قلبي في عدوينك ان شاءالله
فهد مستانس عرف ان وجود تحمل له بقلبها ولو شويه حب وخوف وتم ساكت
وجود:فهد انت تسمعني؟؟؟رد علي
فهد:اسمعك بس
وجود:بس ايش روح المستشفى؟؟؟؟
فهد:مابي
وجود:فهد مو وقت عنادك ولا جيت انا ووديتك
فهد:بصراحه انا طبي من عرفت انك تخافين علي هذا يكفيني
وجود عصبت وهي اصلا اعصابها تلفانه وهو زادها قالت:من جدك؟؟؟
فهد:ايه
عصبت وجود وقالت:حرام عليك على بالي فيك شي كنت بترك كل شي واجيك وفي الاخر انت تلعب بأعصابي
فهد استغرب عصبيتها وقال:وجود
وجود:مابي اسمع شي انا فقدت غالي ومابي افقد غيره وقفلت لانها ماعاد تقدر تتكلم وارسلت مسج لدلال (ترى اجلنا الطلعه)
#####################
اما عند فهد كان مستغرب من رده فعلهاا ورجع يدق بس مافي رد
وجود قفلت من فهد وقامت وجابت البوم صور وصارت تشوف صور جدها والشامخ(اشتاقت لهم موت)
########################
في بيت مبارك(ابوعبدالعزيز)
بعد ماطلعت وجود رجع ماجد عند امه واخوانه وقال:ماني مصدق ان بنت سليمان كانت عندنا
فاطمه:تدرون انها تعرف بناتي وصايره صديقتهم
مبارك:الا ماجد وش سالفه طلابك؟؟؟
ماجد:عندي بالجامعه عيال اخواني وانا مدري والمصيبه اني ادرسهم بس تدري ان ولدك عبدالمحسن يعرفها
مبارك:نعم؟؟وشلون يعرفها؟؟؟؟
ماجد:قبل كم يوم ساعد واحد صاير له حادث وصار هذا الولد زوج وجود وهي اللي راحت له المستشفى ولما شافها تو عرفها
فاطمه:ياسبحان الله بعد هالسنين كلها بنرجع نجتمع
أم مبارك:بس ماشاءالله عليها ادب وذوق واخلاق
فاطمه:ايه بسم الله عليها حتى انها قمر
ماجد:بهذي صدقتي انا نفسي خقيت عندها لو انها مو بنت اخوي كان ماخليتها تطلع من عندنا
طقه مبارك بالمخده اللي عنده وقالت فاطمه:اعلم مها؟؟؟
ماجد:لا كل شي ولا مها
مبارك:بس ليش ماتبي احد يعرف؟؟؟؟
فاطمه:يمكن ماتبي مشاكل وزين انها جت تزورنا
ماجد:تصدقون انا ارتحت لها على طول مدري ليش؟؟؟
أم مبارك:حتى انا بس حسيتها شايله هموم
فاطمه:بس تتوقعون نجتمع مع اخواني بعد كل هالسنين؟؟؟
ماجد:ان شاءالله احس هالبنت بتسوي شي
مبارك:بعد كل هالسنين ما اتوقع تقدر تسوي اللي غيرها ماقدر يسويه
#########################
نرجع لوجود سكرت البوم الصور وهي مبتسمه وقررت تجمعهم بالمزرعه بس بعد الاختبارات قامت ونزلت تحت ماكان فيه احد بالصاله راحت جابت لها عصير تفاح وجلست بالصاله تدور فلم تتابعه وحطت على (mbc2) كان فيه فلم رعب جلست تتابعه وماحتس بالوقت الا الساعه 2 سكرت التلفزيون وطلعت غرفتها ماكان فيها نوم جلست على السرير واخذت جوالها وكان فيه 30 اتصال من فهد و15 مسج صارت تفتح الرسايل ودق الجوال بيدها بس ماردت ارسل لها مسج[اذا مارديتي ترى بجي عندك]ماعطته أي اهتمام وانسدحت ورجع دق وردت وجود
وجود:هلا
فهد:وينك ليش ماتردين علي
بس لارد من وجود
فهد:وجود ردي علي
بس وجود تمت ساكته
فهد:وجود تكفين ردي علي
وجود:وش بغيت؟؟؟؟
فهد:اسف والله موقصدي اسوي فيك كذا بس كنت بشوف اذا تخافين علي ولا مايهمك؟؟؟
وجود:ليش ماتعرف انك شخص مهم بالنسبه لي بس برضو حركتك بايخه كان عندك أكثر من طريقه واحسن من هذي
فهد:اسف والله ماكان قصدي اضايقك
وجود:فهد انا بنام تبي شي؟؟؟
فهد:انتي باقي زعلانه؟؟؟؟
وجود:مع السلامه
فهد:وجود لحظه
وجود:نعم!!!
فهد:انتي راضيه ولا لا؟؟؟
وجود:تصبح على خير وسكرت
انتهى اليوم وبدى يوم جديد
#########################
في بيت عمي سالم كانوا كلهم مجتمعين في الصاله ويسولفون بس خالد كان سرحان [يبي يسأل عايشه عن دانه بس متردد]
عمي سالم كان يكلمه وهو مو منتبه طقه مهند وقال:ابوي يكلمك
خالد:سم يبه
عمي سالم:الحين من اليوم اكلمك وانت تقول لي سم
خالد:اسف يبه بس راسي مصدع عشان كذا ماانتبهت لك
عمي سالم:طيب قوم ارتاح
خالد:الحين اخذ لي بندول ويخف وبعد الصلاه ارتاح وسكت عمي ورجع خالد لسرحانه
دقه مهند وقال:اللي ماخذ عقلك يتهنى فيه
ابتسم خالد وقال:محد
مهند:العب على غيري ياخلود
خالد:مهند ليش ماتسكت وقام وقال:عن اذنكم وطلع غرفته وانسدح على السرير ويفكر[لو اكلم عايشه يمكن ارتاح بس انا ما ابيها تعرف طيب كيف اعرف اخبارها اف تعبت قلبت حياتي وهي مرتاحه لازم اكلم عايشه]
دق الباب خالد:مين؟؟؟
مهند:انا مهند
خالد:تعال دخل مهند وخالد عدل نفسه وصار جالس على السرير
اما مهند سكر الباب ونط على السرير وتربع وقال:منهي اللي لعبت بحسبتك؟؟؟
خالد لف عليه مستغرب وقال:نعم؟؟؟!!!!
مهند:منهي اللي لعبت بحسبتك وقلبت حالك كذا؟؟؟؟؟
خالد:مهند عن الكلام الفاضي
مهند:شوف خالد خلنا نتكلم بصراحه انت تحب؟؟؟
سكت خالد قال مهند:يعني صح؟؟؟
خالد:لا مو صح
ابتسم مهند وقال:مو صح الا صحين انت تحب
خالد:انا ما احب
مهند:خالد لاتعصب انا وانت مافي احد هنا انت تحب مثل ما انا احب
خالد انصدم من اعتراف مهند وقال:انت تتكلم من جدك انت تحب؟؟؟
مهند:ليش يعني ماعندي قلب؟؟؟
خالد:لا موقصدي كذا بس ماتوقعت
مهند:خلك مني احنا فيك يعني انت تحب؟؟؟
خالد:مدري
مهند:كيف ماتدري؟؟؟
خالد:صاير افكر فبها كثير ودي اعرف اخبارها بس مدري كيف كل ماجيت اسأل عايشه اتردد ما ابيها تعرف اني اهتم بــ وسكت
مهند:منهي؟؟؟من بنات عماني؟؟؟
خالد:دانه
مهند:طيب اسأل عايشه يمكن تريحك واذا عرفت حذرها وهي ماراح تقول
ودق الباب خالد:مين؟؟؟
عايشه:انا
مهند:جت بوقتها عشان تريحك
خالد:اهجد لاافضحك تعالي
دخلت عايشه وقالت:ليش ماريحت؟؟؟
خالد:جالس اسولف مع مهند
عايشه:مو راسك يوجعك؟؟؟
خالد:الا بس اخذت بندول والحين احسن تعالي اجلسي معنا
جلست عايشه وقالت:تسولفون في ايش؟؟؟
لف مهند وناظر خالد اللي اشر له لو تكلم ياويله وقال مهند:نحش فيك
عايشه:والله يعني اخذت حسناتكم
مهند:الا بسألك عيوش بنات عمي سليمان مابقى منهم الا ريتاج صح؟؟؟
خالد كان على اعصابه يستنى ردها
عايشه:لا باقي ريتاج ودانه بس ليش تسأل؟؟؟
ارتاح خالد ووده يقوم ينطط من الفرح
مهند:لا بس اسأل هي اصغر من وجود صح؟؟؟
عايشه:لاهي اكبر ليش بتخطبها؟؟؟
خالد طلعت عيونه وقال مهند:لا بس لقافه
عايشه:اها ولفت على خالد وقالت:وشفيك ساكت ومبتسم
خالد:مافيني شي
عايشه:كل هذا لأنك عرفت اخبارها
خالد ومهند مصدومين يطالعون بعض بعدين طالعوها
عايشه:شوي شوي لاتاكلوني
خالد:مين تقصدين بكلامك؟؟؟
عايشه:انت
خالد:انا ليش؟؟؟
عايشه:خالد لاتلف ولا تدور انت تحب دانه بنت عمي وهذا اللي قالب حالك
خالد:ومين اللي قايل لك؟؟؟؟
عايشه:محد بس عرفت من تصرفاتك اللي من تسمع اسم دانه تتلخبط سواء هي المقصود هاو لا
مهند لف على خالد وهو مبتسم وخالد بادله نفس الابتسامه
قالت عايشه:مهند لاتفرح ترى حتى انت تحب بس مبعد عرفت منهي
مهند:ومن قالك اني احب؟؟؟
عايشه:احساس
مهند:احساسك غلط انا لو حبيت بجي عندك واخذ اخبارها وكل شي عنها
دق جوال عايشه كانت دلال وردت:هلا دلول
زادت ابتسامه مهند طالعه خالد وتم ساكت استئذنت عايشه وطلعت
قال خالد:دلال؟؟؟
مهند:أي دلال؟؟؟
خالد:تحب دلال؟؟؟
مهند انسدح على السرير وقال:اموت فيها
خالد:وليش ماقلت لعايشه؟؟؟
مهند:لان اخبارها توصلني اول بأول
#####################
وفي بيت عمي سلمان
كانوا مجتمعين بالصاله وملاك كانت جالسه تتابع مسلسل كوري
قال زياد:ملاك روحي جيبي لي مويه
ملاك:نعم!!!!
زياد:نعامه اللي سمعتيه
ملاك:تدل المطبخ قوم وجيب لنفسك
زياد:ملاكوه قومي
ملاك:مو قايمه
عمي سلمان:وش عندك انت وياها؟؟؟؟؟
زياد وملاك:سلامتك
عمي سلمان:اشوى على بالي تتهاوشون كالعاده
اما عند نواف واهات
قال نواف:ابسألك انتي ماتملين من اللي تسوينه؟؟؟؟
اهات:لا بالعكس هو تسليه وبنفس الوقت استفيد
نواف:ماعمري سمعت انك سويتي تجربه بالبيت ونجحت ماغير نسمع[بوم]اصوات الانفجار ونلقاك بعدها سوداء
ضحكت اهات وقالت:عادي مره تصيب ومره تخيب وبعدين شي مسلي مو مثلك دم وحوسه مدري وشلون تستحمل
نواف: شكلي ابخليك تحضرين محاظره تشريح عملي احلى شي
اهات:يرحم والديك عندي وجود تكفي الا بسألك انت فيك شي هاليومين؟؟؟
نواف:مافيني شي ليش؟؟؟
اهات:باين عليك تعبان شكلك ماتنام ولا تفكر بأحد؟؟؟
نواف:ابد بس ابي انام تعرفين اختبارات مافي نزم اما من جهه اني افكر بأحد مافي احد افكر فيه
اهات:طيب
عمي سلمان:الحين انا جامعكم عشان كل واحد يمسك وحده ويجلس يسولف معها
ودق جوال اهات وطلعت وردت:هلا نوره
نوره:هلا فيك شخبارك؟؟؟
اهات:تمام اخبارك انتي؟؟
نوره:بخير دامك بخير وش صار على الموضوع؟؟؟
اهات:مبعد قلت لزياد كل شي جاهز بس استلمه بعد العشا بس انتي بتجين؟؟؟
نوره:لا ما اقدر راح أدق عليه
اهات :اوك وقفلت ودقت على زياد اللي استغرب ورد:الو
اهات بسرعه:لاتقول انك تكلمني واطلع ابيك برى بسرعه
طلع لها زياد للمختبر زياد:وش عندك جايبتني لين هنا؟؟؟؟
اهات:اليوم بعد المغرب ابيك تطلعنا السوق ضروري
زياد:سواق ابوك انا ونواف وينه؟؟؟؟
اهات:لا نواف ما ابيه
زياد:قولي لابوي وروحوا معه
اهات:اف ياأهبل بكره ميلاد نواف وانا جهزت كل شي للحفله بس بروح استلمه بعد العشا عشان نسوي الحفله باليل
زياد:من جدك انا ناسي بس شلون جهزتي كل شي وانتي ماطلعتي من البيت؟؟
اهات:انت وش تتكر اصلا جهزت وخلاص باقي بس نجيبها
زياد:انتي مسويتها لحالك؟؟؟؟؟
اهات:لانوره وملاك معي
زياد:وانا اخر من يعلم حتى هديه ماشريت لك
اهات:طيب على طريقنا واحنا راجعين اشتر هديه
زياد:طيب بس ابوي
اهات:ماعليك خل كل شي علي ورجعوا جوا
قالت اهات:يبه ابي اروح اجيب لي بعض الاغراض للمختبر
عمي سلمان:خلاص روحي بكره
اهات:لا يبه انا موصيه عليها ولازم استلمها اليوم بعد المغرب
عمي سلمان:طيب روحي مع واحد من اخوانك
اهات:طيب زياد توديني
زياد:متى؟؟؟
اهات:بعد المغرب
زياد:خلاص بس مو تطولين
اهات:ان شاءالله
نواف كان سرحان نطت عنده ملاك وصرخت بأذنه تخرع نوا وقال:وش فيك؟؟؟
الكل كان يضحك على شكل نواف وقام وصار يلاحق ملاك وتخبت ورى ابوها
وقالت:يبه تكفى بوجهك
نواف:اردها لك بس استني

وان شاء الله متى ماقدرت نزلت الباقي
ولا تحرموني ردوركم وتوقعاتكم