ماني قايلة وش تغير بس تذكر كيف كنت / للكاتبة Darkness ، مكتملة

[لامارا]

	بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته نقدم لكم رواية ماني قايلة وش تغير بس تذكر كيف كنت للكاتبة / Darkness كلمة الكاتبة بسم الله الرحمن الرحيم كيفكم .. أخباركم ! صباح / مساء السعادة و السرور بعد ما انهيت روايتي الاولى لم أبحث عن الحب يوما لكن التقيته في طريقي فعبثت به فضولا وهذا رابطها https://www.rewity.com/vb/t229533.html#post7908654 ، حبيت اني اكتب حاجة تانية و بالفعل كتبت لكن هالرواية غير قصتها خيالية جدا " ماني قايلة وش تغير ؟ بس تذكر كيف كنت ! " اكثر الانتقادات كانت على الاسماء اللي اخترتها انا بس ما عليه ما راح اغيرها هالمرة غيرت اسلوبي مره و طورتو عن روايتي الاولى و اتوقع انو صار احسن و افضل طبعا ارائكم تسعدني توقعاتكم تحمسني انتقاداتكم تساعدني ردودكم تفرحني اتقبل اي انتقادات بصدر رحب و لكن آتمنى * الرقي في الكلام قراءة ممتعة لكم....

[لامارا]

مقتطفات "*

*: ليه ما ترسمي اشخاص
طالعت في ...... و هي مبتسمة : انا ما راح ارسم الا الشخص اللي احبو رفعت عينها للشباك جات عينها عليه نزلتها بسرعه و كملت رسم وهي في حالة توتر

* : كيف هذا مستحيل لا يمكن ان تكون ابنة بندر ال............ مشلولة

*: كافي انك قتلتي امك بيدينك تبغي تموتي اخواتك
و دموعها بدات تسيل : يبه انا ما سويت شي والله تتبلى علي والله



نبذة عنها "*


ظلم .. حزن .. صداقة .. خيانة .. اهتمام .. حب .. كره

تقريبا تجمع مشاعر كثير مع بعض

راح انزل البارتات يومين في الاسبوع

بس بما انو فترة اختبارات دحين راح اوقف في فترة الاختبارات و اكمل بعد الاختبارات

راح انزل البارت كل

" سبت * ثلاثاء "
اتمنى انها تنال اعجابكم

بس ابغى تفاعلكم معايا

و ابغاكم تعيشو مع بطلاتي زي ما انا عشت معاهم مواقفهم

احلى شي حبيتو في نفسي انو لاحظت اني لمن بدأت اكتب روايات شجعت كثير ناس على الكتابة ناس م اتوقعت انهم يكتبو نهائي
كتبتها في 12 / 12 / 1433 هـ
بدأت التزيل في 5 / 2 / 1434 هـ
و راح اكتب تاريخ الانتهاء منها ...

ان شاءالله تعجبكم
آنتظروني
..

[لامارا]

الرموز المستخدمة –
1- ( ) الشخصية تتكلم في قلبها بدون م احد يسمعها
2- : كلام الشخصية
3- "* وقفة – شخصية جديدة – تعليق مني
4- \ من جزئية لجزئية
5- .." " شخص او مكان او شيء مو متوقع

>start<
كالعاده على الشاطئ أتأمل الامواج الكل يمر من جنبي و يقول شوفو بنت البحر كبرت على هالشاطئ و تربيت عليه لعبت على رماله و بنيت منها بيوت اسراري كلها عند البحر حكاياتي كلها عند البحر دموعي و ضحكاتي عندو اشكي لو و افضفض لو لأنو انا " بنت البحر"
"*

كثير قالوا عن البحر غدار .. كثير قالوا يخفي أسرار
كثير قالوا أناني وجبار.. وكثير قالوا وقالوا....
رغم كثر ما قالوا اكتبوا في غدره أشعار
رغم كثر ما قالوا اكشفوا أمامه أسرار
رغم كثر ما قالوا خذوا منه لولو و محار
رغم كل هذا يشكون في طيبته
صاحبي لو حبيت تسأل عن البحر...
أسأل بنت البحار

"*
سيف ] بكسر السين [ " بنت البحر "
كانو يظنوني ولد قالو يا ام سيف مسكينة امي بسبب حالتنا المادية ما كانت تقدر تكشف و تشوف جنس الجنين و سبحان الخالق طلعت بنت
اتنازعو اهل قريتي على اسمي و في النهاية جات العجوز اللي كانو يسموها بنت البحر و قالت سموها سيف ] بكسر السين [ الكل وافق و ما احد رفض رغم انو اسم غريب و مو معروف و اتوقع اني اول وحده اسمي كذا و م احد عرف سبب رغبتها في هالاسم و هي مو راضية تقول ايش معناه ع الاقل و صارت امي ام سيف بعد سنة وحده في السنة اللي تعلمت فيها امشي ماتت بنت البحر
الكل حزن عليها وبكي الدموع خانت الكل و بما فيهم انا رغم اني ما كنت افهم شي من بعد ما تعلمت المشي صرت انا " بنت البحر " ....

"*
هنا راح ابدأ حكايتي معاكم
اليوم 1 / 2 / 1433هـ 6:30 صباحاً
اليوم اللي انولدت فيه و اليوم اللي ماتت فيه بنت البحر ما ادري افرح ولا احزن اليوم بالضبط كملت 20 سنة و كالعاده انا على الشاطئ و الامواج الهادية تلامس اصابعي و احس ببرودة الجو دحين فترة الشتا رفعت عبايتي الطويلة و اتقدمت خطوات اكثر باتجاه البحر
سيف : لو بيدي يالبحر كان صرت بنتك بالحقيقة و مت داخل احضانك
: سيف ايش هالكلام الله يخليك لي
قربت من صديقة عمري الوحيده دآنة و حضنتها بقوا
دانة : كل عام و انتي بخير يا عمري
سيف ابتسمت : و انتي بخير يا روحها
وقفة "*
شخصية رئيسية :
] سيف بنت عادية زي أي بنت عمرها 20 شعرها طويل الين ركبتها تقريبا في حياتها ما قصتو ناعم حرير بس فيه تجعيد بسيط و اسود سواد الليل بشرتها برونزية بسبب قعدتها ع البحر طول الوقت و عندها غمازات واضحة مره لمن تتكلم بس تبان بوضوح عيونها واسعه سودا فيها لمعة غريبة شفايفها صغيرة بس مليانه خشمها صغير و خدودها موردة رموشها كثيفة مره و حواجبها مرسومة من ربي جسمها حلو مو دبة ولا نحيفة و طولها حلو مو مره طويلة و مو مره قصير مدلعة من ربي الكل يشوفها يقول مغرورة حنونة و طيوبة بس انها قوية و ما يهمها شي ابد و لا تخاف من شي كلو عندها عادي تعشق الرسم مره بس ما احد يعرف حقيقتها الكل متوقع انها اخذت صفات البحر الغدر و الكذب و السرقة ..

شخصية شبه رئيسية :
دانة عمرها 20 شعرها الين نهاية ظهرها كيرلي بني غامق و فيه خصل شقرا من ربي عيونها واسعه عسلية و رموشها كثيفة بشرتها برونزية شفايفها عادية خشمها واقف قصيرة شويا و نحيفه طيوبة مره و حنونة الكل يحبها مره مخطوبة من شخص بنتعرف عليه بعدين كل شي حلو في وقتو تعشق شي اسمو سيف طول الوقت معاها رغم انو الكل كانو يحاولو يبعدو دانة و سيف عن بعض [
سيف بأبتسامة حزن : كيف حالها امك و اختك و اخوك ؟
دانة لاحظت ابتسامتها : بخير
سيف : اممم الشمس بدأت تقوا انا بدخل كوخي تعالي معايا
دانة ابتسمت : يلا ندخل
( الكوخ اللي اتكلم عنو هو بيت بنت البحر اللي ماتت كتبت في وصيتها انو هالكوخ خلوه لسيف كان مره قريب من البحر فيه حمام و مطبخ صغير و غرفة نوم و صالة و من صغري وانا متخذتو كوخي )
دخلنا الكوخ كان هادئ كالعاده بعدت الاقمشة المتقطعة و خليت الشمس تدخل للمكان شغلت الراديو و جلست ارسم
دانة : ايش ترسمي ؟
سيف : اممم انا ارسم حاليا بس مناظر
دانة : ليه ما ترسمي اشخاص
سيف طالعت في دانة و هي مبتسمة : انا ما راح ارسم الا الشخص اللي احبو رفعت عينها للشباك جات عينها عليه نزلتها بسرعه و كملت رسم وهي في حالة توتر
"*

في المدينة القريبة من القرية اللي هي ( جدة )
كان يشتغل و يبيع السمك اللي صادو اول ما خلص رجع و اتوجه لبيتو مباشرا
: يمه انا رجعت
:هلا والله بوليدي تعال كل
: لا يمه شبعان بقوم انام
: طيب حبيبي براحتك
و اتوجه لغرفتو و نام وهو يفكر في " دآنة "

"*
في بيت ام سيف
ام سيف تنادي في كل مكان : سسسسسسسسيف سسيف سييييففف
سيف : هلا يمه
ام سيف : تعالي كلي يمه
سيف : لا يمه شبعانه
ام سيف : يلا تعالي و معاكي دانة
سيف : طيب
و اتوجهو لبيت ام سيف عشان يفطرو
\
\
\
\
" كذا عرفتو بطلتي الرئيسية "
اللي هي سيف لا تتوقعو انها الوحيده في غيرها "*..
\
\
\
\
في كندا
] الكلام اللي باللغة العربية الفصحى يعني لغة اجنبية [
مستشفى ال...............
: ماذا تقصد ليس هناك امل ؟؟
الدكتور : انا اسف يا سيدي و لكن فعلنا ما بوسعنا و هذا الشلل سيدوم
: كيف هذا مستحيل لا يمكن ان تكون ابنة بندر ال............ مشلولة
الدكتور : انا فعلت ما بوسعي و الباقي على الله << مسلم
بندر تنهد : حسنا حسنا
و خرج وهو يدف عربيتها و كانت كل كلمة يقولها الدكتور طعنة في قلبها
\
\
\
\
في حي من احياء جدة
: مااااري رتبي غرفة مس اغنار بسرعه اليوم هي ترجع
ماري : هادر مدام
: يوه بسرعه ابوكم لو جا و شاف هالحوسة بيعصب
: طيب ماما ما صارت ترى اللي جاية اغنار ال.. " مشلولة "
الام : ويعني ايش فيها المشلولة ذا شي من ربي روحي رتبي بسرعه و خلصيني
\
\
\
\
" وكذا عرفتو أغنار بطلتي الرئيسية الثانية "
" بس برضوا في غيرها .. "*
\
\
\
\
مشيت على شاطئ البحر و هي تفكر ليه ابوها ظالمها بهالشكل
و بدأت تسترجع قبل ساعتين بالضبط قبل ما تجي للبحر
] : كافي انك قتلتي امك بيدينك تبغي تموتي اخواتك
و دموعها بدات تسيل : يبه انا ما سويت شي والله تتبلى علي والله
: شوفي يا عنان هذولا اخواتك من ابوك بس اعتبريهم اخواتك من امك والله لو ادري انك تعرضتي لهم بوريك شي ما تشوفيه
: بس يبه هي ما سوت شي و انا شاهد
: انت مالك دخل
عنان رخت راسها بحزن و قاطعتهم : حاضر يبه ما بيصير اللا اللي يرضيك
و بعصبية : بسرعه على غرفتك
طلعت على غرفتها و دموعها مو راضية توقف [
\
\
\
\

] كذا عرفتو بطلاتي " سيف " – " اغنار " ــ " عنان " [
هذولا البطلات اساس روآيتي
كل واحدة راح تحكي قصة فتاة مظلومة ما تدري ايش تخبئ لها الاقدار
يمكن الحياة تلعب لعبتها و تلاقيهم ببعض و يمكن كل وحده تظل تجهل وجود شخص مثل حالاتها
تقريبا هم نفس الحالة منبوذين من المجتمع واحدة بسبب عاهة وواحدة بسبب اشاعه وواحدة بسبب شي هي ما سوتو
ما اتسالتو ليه سيف قالو عنها انها بأخلاق البحر !!
و ما اتسالتو ايش سبب كره اخوات اغنار لها !!
و ما تسالتو ليش عنان بهذا الشكل !!
كل شي راح تعرفوه من خلال قصتهم
كل وحده راح تحكي قصتها بنفسها
حياتهم _ شخصياتهم _ يومياتهم _ اسرارهم كل شي ..
راح تعرفوه منهم
بكذا انهي مقدمتي ادري انها قصيرة بس هي مجرد تعريف
انتظروني في البارت الاول بعنوان .." بدآيات خيوط "

[لامارا]

>1<
" بدآيات خيوط "
عندما
أكون وحيدة
أعاني من الألم بسبب الوحدة
اتمنى ان افعل شئ
ولكن الحيرة تجتاحني
كيف استطيع ان اقول لك احبك
كيف اجعلك تهتم بي دون ان اطلب منك ذلك
كيف اجعلك تشعر بهذا الحب
ليس لديك الوقت لتشاركني عالمي
تعد النجوم بصحبتي
ابق معي .....
حتى لو اصبحت الحياة صعبة
لن اترك شي في هذا العالم الا وسأفعلة
لترضى عني
لتعطيني الحب
ماذا افعل لأثبت لك اني احتاج الى الحب
افتح قلبك ودع مشاعرك تظهر
لانني في اعماقي لن ادعك ترحل
وسأفعل اي شي من اجلك
انظر ماذا فعلت بي
لقد سببت لي الألم
واعيش في هذة اللحظات بؤس شديد
وقلبي لم يعد يحتمل المزيد
انظر الي
اقف بالطريق وحيدة ولا اعرف الى اي طريق اسير
بدون ان يناديني احد
ليأخذ بيدي
اتصدق تبدو اقرب انسان لقبي اقرب من الوريد
اقرب من الروح ..... ولكنك في الواقع بعيد ... بعيد جدا عني
انني امشي حول نفسي افكر
واجهل فيما افكر
مجرد لحظات شرود غريبة
في هذا الجزء راح تنكشف الاسرار و تسدل خيوط الحل بس مو كلها
راح تنكشف حياة سيف و حياة اغنار و حياة عنان
"*
الساعه 6:00 الفجر
على ضفاف البحر الاحمر خرجت من كوخي بدون عباية لأنوه الوقت ما احد يخرج جلست كعادتي و معايا اللوحة و الالوان صرت ارسم بعشوائية أي شي تقع عيني عليه و كالعادة تكون رسمة ولا بالخيال و اضمها لمجموعة رسماتي
اتنهدت بتعب و انسدحت على رمال البحر الصافية و اتاملت في السما الصافية و انا افكر في حالي ليه الكل يكرهني لهالدرجة قمت متوجهة للكوخ لانو الشمس بدأت تقوى بس .. "*
\
\
\
\
ما زلت أتأمل السما الصافية من بلكونتي و أتذكر امس لمن وصلت البيت الترحيب البارد من اخواتي ما ادري ليه يكرهوني لهدرجة
( اغنار : وجن وسن وحشتوني
وجن بكل برود : طيب طيب والنهاية متى بتخلصي الدراما
وسن ابتسمت بخفة : لا تبدأيلي مسلسل تركي بليز يرحملي امك
اغنار ابتسامه ممزوجة بصدمة و قهر و مشاعر متلاطمة كونت دمعة يتيمة نزلت على خدها الناعم الايمن و همست : اسفه بس جد اشتقتلكم
و اشرت للخدامة تطلعها لغرفتها بالمصعد )
وقفة "*
شخصية رئيسية "
اغنار
عمرها 20 ملكة جمال شعرها ناعم الين نهاية ظهرها لونو بندقي عيونها العسلية الفاتحة و متداخلة معاها اللون الرمادي بشرتها بيضا و خدودها موردة شفايفها مليانه و خشمها واقف و عيونها واسعة و رموشها كثيفة جسمها حلو بمعنى الكلمة
بس مشكلتها اللي عجز الطب عنها
" شلل " هي بس ما تقدر تمشي بسبب حادث صار لها و لكن نشاطاتها اليومية كلها تقوم بها كاملة

شخصية شبه رئيسية "
وجن عمرها 22 شعرها الين كتوفها اسود ناعم عيونها متوسطة بني غامق خشمها صغير و شفايفها متوسطة جسمها حلو و بشرتها بيضا

شخصية فرعية "
وسن عمرها 18 هي نسخة وجن مره تشبه لها في كل شي بس الفرق عيونها عسلية هي و اغنار طالعين لأمهم بس اصايل عسلية لحالها بدون رمادي شعرها نفس طول وجن و لونو و نفس المواصفات بس شفايفها مليانه شويا و جسمها احلى لانو مرسوم بدقة خصرها و صدرها كل شي في جسمها متناسق

\
\
\
\
نرجع للقرية
جيت بقوم بس شهقت بقوا : انت من متى هنا
ابتسم باستهزاء : من يوم ما ولدتني امي
و راح عني و تركني في انكساري
همست بيني و بين نفسي : لو اعرف ليه يحيى يكرهني

همسة "*
عندما يضع الكره بصمته تسود الدنيا
وقفة "*
شخصية شبه رئيسية :
يحيى عمرو 25 هو خطيب .. " دآنة " يعشقها عشق مو طبيعي و يكره سيف من كل قلبو اسمر جمالو جمال خليجي عيونو سودا صغيرة شعرو ناعم و طايح على وجهو شفايفو متوسطة جسمو معضل كان جميل بمعنى الكلمة جميل جمال سعودي
\
\
\
\
دخلت كوخي في حالة انكسار ما اعرف ليه كل شي ضدي انا عشقت هالانسان بس هو للأسف " يكرهني " و م ادري ليه
ابتسمت بخفة : هذا حالك يا سيف
تنهدت و انسدحت على الارض و غطيت في نوم عميق .........
\
\
\
\
على طاولة الطعام الفخمة
بندر : عموما الدكتور قال انو اغنار ما في لها علاج و مستحيل ترجع تمشي على رجولها
نورة < ام اغنار > : انا لله و انا اليه لراجعون و نزلت راسها بحزن
وجن : يعني بقعد لي اختي معاقة
وسن : يوهه الله يعيننا
بندر بعصبية : وجن وسسسن مهما تكون هاذي اختككككم فاهمين
وجن قامت بعصبية : اختي و لا مو اختي يعني اللي تسرق ازواج الناس اختي انا ما اعتبرها اختي نهائي انا متبرية منها ما اعرف شخص اسمو اغنار
اما انا كنت في حالة صدمة قلت ببكا : ماما فريحة ماما فريحححححةة < مربيتها >
فريحة : هلا حبيبتي شو بدك ؟
اغنار : طلعيني غرفتي بسرعه
فريحة : حادر سواني بس
اغنار : دحين بسرعه
فريحة دفتها و طلعتها للغرفة
نورة بعصبية : يا قليلة التربية كذا تتكلمي قدام اختك هي ايش ذنبها
وجن : هي خرجت قدامو قاصدة قام شافها و عجبتو و راح طلقني و اتقدم لها يعني مو هي السبب هاه بعد ما عرفت اني احبو كذا تسوي فيني
و صارت تبكي بحرارة
اما في غرفتي
احس اني انخنقت انا مو ذنبي
اتذكر قبل سنتين و هي للان ما نسيت الموضوع
كانو وجن و سلمان مملكين خلاص و كان سلمان جاي و انا ما كنت ادري خرجت برا بروح للحديقة و شافني صدفة ما كان ذنبي
تنهدت بتعب و جلست على سرير
بدأت اتلمس رجولي و اتذكر تفاصيل الحادث كنت خارجة من البيت متوجة لسيارة السواق اللي في الطرف الثاني من السكة ما حسيت بنفسي الا في سرير المستشفى و لمن سألت طلعت شاحنة صدمتني و اكتشفت اني قعدت شهر و نص في غيبوبة و اكتشفت اني " مشلولة "
حطيت راسي على المخدة بتعب و نمت بعمق
\
\
\
\
فتحت عيوني على صوتها المبحوح و الشمس اللي تتداخل من بين القماش المتهالك اللي كان يغطي الشباك
: سيف حبيبتي يلا قومي
قمت بتعب و ابتسمت : دانوهه متى تبطلي تصحيني بهالطريقة
دانة بزعل مصطنع : شفيها طريقتي
سيف : يا شيخة الله يعين يحيى لازم تفتحي الستارة يعني لازم عيني تروح فيها
دانة : ههههه اسفه
و باست عيون سيف بنعومة
دانة : يلا حبيبتي البسي عبايتك عشان نروح
سيف : نروح فين ؟
دانة : نروح عشان انا لقيت لنا شغل عند الخالة ام عبدالمحسن
سيف : جد ايش هو ؟
دانة ابتسمت بخفة : تعالي و تشوفي
لبست عبايتي بسرعه و رحت معاها
بعد مسافة طويل قطعناها لأنو بيت الخالة ام عبدالمحسن في اخر القرية وصلنا للبيت دقيت الباب مافي رد دقيت ثاني ما في
شويا سمعت صوت من ورايا
: سيف ايش تبغي ؟
سيف التفت و بابتسامة : عبدالمحسن ابغى امك في موضوع
عبدالمحسن طالع فيها نظرات مبهمه
دانة : عبدالمحسن انا اللي ابغاها فينها
عبدالمحسن ابتسم لدانة و هالشي عور قلبي : تلاقيها في المزرعة اللي خلف البيت
دانة ابتسمت : اوكي شكرا
عبدالمحسن : العفو
راحت دانه و و انا معاها للمزرعة اللي ورا البيت و دقينا الباب و فتحت لنا ام عبدالمحسن
ام عبدالمحسن اول ما شافتنا قامت و سلمت علينا و بوستنا و حوسة
دانة : كيفك خالتي
ام عبدالمحسن : الحمدلله بخير و انتي ؟
دانة : بخير
ام عبدالمحسن : و انتي سيف كيفك ؟
سيف ابتسمت : بخير خالتي و انتي ؟
ام عبدالمحسن : بخير يلا قومو
دانة طالعت فيني و قمنا وراها
ام عبدالمحسن : بس ابيكم كل يوم من الصباح تجو تشتغلو في المزرعة و اعطيكم في الشهر كل وحده 150
سيف شهقت : خالتي مره كثير 150
ام عبدالمحسن ابتسمت : لا ي بنتي مو كثير على تعبكم
دانة : خلاص خالتي تم كل يوم راح نجيك
ام عبدالمحسن : بتبدأو من اليوم ؟
دانة طالعت في سيف : شرآيك ؟
سيف : امم طيب شورانا نبدأ من اليوم
ام عبدالمحسن ابتسمت : يلا اترككم شوفو شغلكم
راحت ام عبدالمحسن و انا احس اني مبسوطة اول مره احد يحن عليا غير دانة و امي كملت شغلي و انا مبسوطة
\
\
\
\
فتحت عيوني على صوت ماما فريحة
فريحة : اغنار قومي حبيبتي يلا قومي امك بتنتضرك تحت
اغنار : يوه بنام
فريحة : يلا بأا حبيبتي قومي
اغنار تنهدت و قامت بتعب و جلست على كرسيها المتحرك : ماما فريحة جهزيلي الحمام و قولي لجولي تجيب لي جوتيم لأنو وحشني مره و قولي لايزابيلا تخرجلي ملابس و انا بنتظركم هنا
فريحة : تكرم عينك حبيبتي
راحت فريحة ولا ثواني و جوتيم جاني
وقفة "*
م اقدر اقول انو شخصية بس مخلوق مهم في روآيتي جوتيم هو بسة ( قطة ) حقت اغنار صغيرة عمرها 3 شهور لونها ابيض مره مره بيضا و عيونها وحده خضرا وحدا زرقا و خشمها افطس مره و شعرها كتير يعني مره مره حلوه

جاني جوتيم و ايزابيلا خرجتلي فستان ناعم لونو عنابي كمو حفر و واسع بطريقة حلوة
دخلت و اخذت شور سريع و خرجت لبست بمساعدة ماما فريحة و ايزابيلا سوتلي شعري و انا دهنت جسمي بلوشن و مرطبات و كريمات و اخذت جوتيم و جلستو على رجولي
اغنار : يلا ماما فريحة نزليني تحت
دفتني فريحة الين ما وصلت لصالة الدور الثاني و جلست مع ماما
\
\
\
\
نزلت جري من الدرج قبل ما يرجعو خواتي من الجامعه لانو لو رجعو و لقيوني برا بتصير مصيبة اتوجهت للمطبخ بسرعه
و سويت لي ساندويتش جبنة و عصير فراولة اكلت بسرعه جيت ابا التفت بس طالعت من شباك المطبخ كان يطل على الشارع
صار حادث و باين انو حادث سيء
انهرت ابكي على الارض اتذكرت كل شي صار لي قبل 15 سنة انا قتلتها بيديني انا انا قتلتها هي كانت بتنقذني و جات فيها السيارة انا السبب
و انهرت ابكي على الارض بحرارة
سمعت صوت الباب كنت ابغى اطلع بسرعه لاني مو ناقصة هواش مع خواتي
اتسحبت شويا شويا بطلع على فوق
سمعت صوت اعشقو هو اللي مخليني عايشة في هالبيت
رحت جريت و حضنتو بقوا
: حيا الله عنون
ابتسمت من القلب يا ناس انا اعشق هالانسان
عنان : غريبة جاي بدري اليوم
: كلو لعيونك يهون يا قلب اخوك
عنان : فصولي ياخي ليه مو زي توأمتك السامجة انت
فيصل : هههه الله يعينني و يعينك و يعين زوجها عليها ههه
عنان : خلي احد يفكر فيها بعدين الله يعينو عليها
فيصل : ههههههه منجد
سمعنا صوت من ورانا
: فيصل يعني لهدرجة وصلت بك الحقارة تستهزئ بتوأمك مع هالسخيفة
فيصل طالع فيها و حرك راسو بقلة حيلة
و باس راسي و همس : يلا حبيبتي بطلع انام تبي شي
هزيت راسي بنعومة : تمسي على خير
فيصل : و انتي من اهلو
طلع على فوق و طلعت وراه
بس وقفني صوتها السم : ترى الموضوع دا بيوصل لماما و شوفي شبيصير فيك ي هه يالخدامه
عنان حست بخوف مو طبيعي : لا لا يرحم امك نضال لا تقوليلها الله يخليك اسفة والله تكفين لا تقوليلها
و بدأت تبكي
نضال : ههههه انا اوريك يالحيوانه اترجيني اترجيني
و طلعت فوق و هي تضحك
اما عنان تحس الدنيا قفلت في وجهها

\
\
وقفة "*
شخصية رئيسية "
عنان عمرها 20 سنة حنونة لأبعد الحدود فيها غرور بس ينكسر قدام زوجة ابوها و خواتها تعشق اخوها فيصل عشق مو طبيعي صوتها و هي تغني شي خيالي مره مره يجنن تلبس نظارة كبيرة ما تشوف لو فصختها نظرها مره ضعيف شعرها بوي بس مدرج يعني طويل شويا و ناعم مره نعومة مو طبيعية لونو بني يميل للحمار يعني كأنو عودي و عيونها خضرا محددة برمادي بشرتها بيضا بياض الثلج خدودها موردة و فيها غمازات واضحة مره لمن تتكلم تبان عيونها واسعه و رموشها كثيفة خشمها صغير و شفايفها صغيرة جسمها حلو بمعنى الكلمة و تميل للقصر شويا زي ما قلنا انو هي امها ماتت في حادث قبل 15 سنة كانت السيارة راح تصدم عنان قامت امها ضحت بنفسها عشانها عشان كدا ابوها صار يكرهها و زوجة ابوها و بناتها يعاملوها زي الخدامة و للمعلومية من قبل ما تموت ام عنان و ابوها كان متزوج اثنين و ام عنان تعتبر الثانية مو الاولى

شخصية شبه رئيسية "
فيصل حنون لأبعد الحدود و مره طيب يعشق شي اسمو عنان كل شي يتمحور عنها عمرو 25 سنة اسمر جمالو جمال خليجي شعرو ناعم اسود يميل للطول شويا عيونو بنية متوسطة رموشو كثيفة و خشمو واقف و شفايفو متوسطة جسمو معضل و طويل مره
امو هي زوجة ابو عنان و هي كانت متزوجة واحد و اتطلقت منو و بعدها تزوجت ابو عنان

شخصية فرعية "
نضال توأم فيصل بس توام غير متماثل عمرها 25 مغرورة و شايفة نفسها تحسب انو هيا احسن وحده في الكون تعتبر الكل حقيرين و مو قدها مشكلجية مره و كذابة درجة اولى تفتري على عنان كثير و تكرهها من كل قلبها و تعاملها زي الخادمة بالضبط بشرتها برونزية و شعرها بني يميل للشقار الين نهاية ظهرها كيرلي عيونها متوسطة الحجم لونها بني رموشها كثيفة خشمها صغير بس واقف و شفايفها صغيرة بس مليانة شويا جسمها حلو بس تميل للطول

\
\
بكذا اختم البارت الاول "..
ان شاءالله يعجبكم و ينآل رضاكم
و تكونو اخذتو فكرة عن روآيتي و فهمتو بداية احداثها
سيف و اغنار و عنان كل وحده فيهم لها حكاية خاصة و لها مشكلة ولها نهاية مختلفة
الشي الوحيد المشترك بينهم هو .. * الظلم
كانو كلهم مظلومين من كافة النواحي
هم الثلاثة بطلاتي
هم اساس روايتي
هم حكايتي
آنتظروني في البارت الثآني
بعنوآن .. " و هكذا يستمر العذآب "

[لامارا]

>2<

نعم !
كُنّت اَحتفِظُ بكِ فِيّ (خزائنِ دمِيّ )
. . . . و كنّتُ اَحتاجُكِ ، ك / دمِيّ !
. . . . . و اَتمسكُ بكِ , ك / دمِيّ !
. . . . . و اليَّومَ :
اَنا على اِستعدادٍ تام !
أنْ أسْفكُ دمِيّ ، على قارِعة الطّريقَ : )

" و هكذا يستمر العذآب "
\
\
صباح يوم مشرق جديد
طالعت من شباك غرفتي و انا اتذكر ليلة امس اتلمست خدي ياما انضرب هالخد و دايما ظلم
( ام فيصل : يا حيوانه ياللي م اتربيتي تقولي عن بنتي كذا
عنان : ................ لا رد
ام فيصل : بس انا اوريك يا حيوانه يا بنت الحيوانه امك ما عرفت تربيك في الخمسة السنين الاولى من عمرك بس انا اربيك انا اوريك
عنان وصلت معاها : سبيني اضربيني بس لا تغلطي على ماما لا امسح بك ازفلت الشارع
ام فيصل طيرت عيونها : نعم نعم نعم عيدي اقول عيدي ما سمعت
عنان بثقة : اللي سمعتيه و اعلى ما بخيلك اركبيه
ام فيصل : شوفي يا بنت الملعونه
سكتت ام فيصل و هي حاطه يدها على خدها : تضربيني ي ملعونة الوالدين ي ******* ي *******
عنان بصراخ : قلتلك كلو الا امي ككككككلو الا هي
و طلعت و هي تبكي
بعد فترة سمعت صوت الجرس و عرفت انو بدرية التبن بتتمسكن عند ابوي عشان يطلع يكسرني بس تعودت ما مرت خمسة دقايق الا و زي ما توقعت ابوي عندي و يضربني بكل ما اعطاه ربي من قوا
حسيت جسمي تكسر من كل الانحاء
ابو عنان : والله لو عاد تعيديها بتاخذي ضعف هالضرب
وانا احس جاني تبلد دمعة وحده ما نزلت قام عني و نزل و انا سميت بالله و قمت صليت لي ركعتين و انسدحت على سريري و نمت و دي نومتي من امس )
\
\
\
\
كنا نشتغل في المزرعة كالعادة عادتنا كل صباح بس اليوم دانة كانت تعبانه شويا فأضطريت اقوم بأغلب شغلها تنهدت بتعب
دانة بتعب : سيف حبيبتي انا بكمل عادي
سيف : لا يا عمري اهم شي راحتك روحي ارتاحي جوا
دانة حست انها مره مره تعبت و شويا حست الدنيا ظلام طاحت و هي مو دارية عن شي
سيف : دااااااااااااااااانهه دددآآآآآآآآآآآآآآآنةة
\
\
عند دكتورة القرية
: انتي السبب ايش سويتي فيها
سيف بهدوء : انا ما سويت شي
يحيى بعصبية الدنيا : والله لو صار لها شي اعرفي نو موتك على يدي
سيف نزلت راسها طنشت كلامو و هي تفكر في دآنة
يحيى : شغل التمسكن و الدموع مو عندي يلا اطلعي برا العيادة ي ال******
سيف : ابغى اتطمن على دانة و ماني قاعدة اتمسكن ولا ابكي
يحيى : ما فيه اصلا انا قلتلها ما تمشي مع اشكالك ما ابغى تخرب و تصير زيك
سيف خرجت بهدوء ووقفت تنتظر برا العيادة في الشمس
\
\
\
\
في جدة ..
عنان جالسة على سريري في غرفتي الصغيرة و قاعده أرسم و أصمم آزياء << هوايتي
سمعت دق الباب استغربت
عنان : ادخل
دخل و طالع فيا انا قمت و ضميتو بقوا
عنان ابتسمت : نورت الغرفة فصول
فيصل طالع فيها و ابتسم : عنون انا داري انك ضربتي امي و هالشي انا م ارضى فيه
عنان نزلت راسها بحزن
فيصل : بس هي استفزتك اصلا و كويس ما صار فيك شي و لا طلع لك ابوي
عنان رفعت راسها و رجعت نزلتو
فيصل طالع فيها باستغراب و رفع كم البلوفر حقها و شاف الكدمات الزرقة منتشرة في انحاء جسمها رفع بلوزتها و بانت بطنها النحيفة اللي عظامها بارزة منها و فيها اجراح و كدمات رفع وجهها و شاف حاجبها مقطوع و رفع شعرها عن جبهتها شاف فيها كدمة زرقا و محوطة بأحمر
فيصل بخوف و عصبية بنفس الوقت : مين سسوا فيكك كذا ليه ما قلتيلي
عنان : .................... لا رد
فصيل قام وهو معصب : اصلا كلو من نضال لو انها ما قالت لأمي ما كان صار اللي صار
عنان مسكتو من ملابسو : فيصل خلاص طنش هي اصلا مو اول مره ما عادت تفرق
فيصل بحنان وهو يمسح على راسها : دموعك غالية يا قلب اخوك
عنان ابتسمت : و اقدر احلف لك انو ما نزلت ولا دمعة
فيصل ضمها بقوا وهو مو عارف ايش يسوي مع اهلو
\
\
\
\
في جدة
الساعه 5:30 في العصر
الجو كان خيآألي
كانت العائلة كلها متجمعة برا في الحديقة الكبيرة اللي يشوفهم يقول انها عائلة متحابة ما يدري انو الكره يتغلغل في بعض افرادها
ام اغنار : الجو اليوم خيالي مره مره حلو ماشاءالله
اغنار : ايوا مره خطير
ابو اغنار : والله ينفع هالجو لسليق صراحة
ام اغنار : تبغى اخليهم يسوولنا ع الغدا سليق ؟
ابو اغنار : يا ريت والله
وجن : لا وع ما احبو
اغنار : قولي الحمدلله ع النعمة م احد يقول وع انتي مو نونو نعلمك ايش تقولي
وجن طنشتها و طالعت في السما
اغنار : ماما بروح المول مع ماما فريحة
ام اغنار : ليه حبيبتي ناقصك شي ؟
اغنار : بروح اغير جو و ابغالي كم تي شيرت
ام اغنار : طيب حبيبتي و روحي خذي من محفظتي فلوس
اغنار : عندي لو احتجت بقولك ( و كملت بصراخ ) ماما فريحححححححححححةة ماما فريحححححةة
فريحة : هلا حبيبتي ؟
اغنار : انا بروح المول ابغاكي تجي معايا
فريحة : حاضر حبيبتي بدك اطلعك لحتى تتجهزي ؟
اغنار : ياريت
طلعتها فريحة لغرفتها لبست سكيني جنز و تي شيرت تفاحي و عليه كرزة عندها عيون و فم و كدا
و اتوجهو للسوق
\
\
\
\
في العيادة الخاصة بالقرية
كانت واقفة في الشمس تنتظر خبر عن رفيقة عمرها انتظرت دقيقة دقيقتين انتظرت و انتظرت ما فيه فايدة
شويا جا عبد المحسن و معاه امو و شكلها تعبانه
عبد المحسن بجفا : فيه احد في العيادة ؟
سيف طالعت فيه و قالت بهدوء و تعب : فيه دانة و خطيبها و امها و اخوها
عبدالمحسن : خطيبها جوا ؟
سيف حست انها انكسرت من كلمة خطيبها قلبها اوجعها و هي تتذكر الايام الحلوة اللي قضتها مع عبد المحسن اتنهدت بقوا و حركت راسها بالايجاب
ام عبد المحسن : محسن هيا ندخل
عبد المحسن : حاضر يمه
و دخلو جوا
] ملحوظة : ام عبد المحسن ما تكلم سيف قدامو لأنو عبدالمحسن دايما يعصب لمن يشوفها تكلمها و عصب عليها لمن دري انها شغلتها عنها [
شويا كدا خرجت دانة و هي تمشي بتعب
سيف راحت لها و ضمتها
سيف : دانة حبيبتي يا روحي انا قوليلي شفيك !
دانة ببرود يقتل الحي و يذوب الحجر : صدق اللي قالو عبدالمحسن لي !
سيف استغرب : ايش قال !
دانة : معقولة تغدري فيني ليه تخونيني مع يحيى انتي تدري اني احبه
سيف كأنو احد كب عليها مويا باردة : انا ما
قاطعتها دانة : روحي عني ما عاد ابي اشوفك لا انتي ولا يحيى
انهارت دموعها و صارت تبكي بحرارة
مشيت و معاها امها و اخوها اما يحيى نفس صدمة سيف
سيف ما اتحملت الوضع دخلت على جوا بسرعه
الدكتور : اخرجي برا ما تشوفي انو فيه مريض
سيف : انت ايش قلت لدانة يا كذاب ايش قلت
عبدالمحسن : نتكلم بعدين
سيف : لا دحين مو بعدين دححححين
عبد المحسن ما قدر يتحمل : يعني مو فاكرة انا شفتك انتي ويحيى بنفسي شفته عندك في الكوخ حقك انا مو اعمى انا مو مصدق اني كنت ( و بحزن و انكسار ) آحبك بس انتي وحده حقيرة كيف استمر في حبك و آنتي مو ( و بغصة ) بنت
سيف انربط لسانها مو عارفة ايش تقول خرجت بهدوء و راحت شافت يحيى واقف
سيف ابتسمت بانكسار : عرفت السبب في تعامل الناس معايا بهالطريقة
يحيى : عارف عارف و كل القرية تدري الا دانة اتفقت مع محسن انو ما يقولها عشان ما ترفضني
سيف : يعني تعرف و ما عدلت لهم
يحيى : ليش اعدل لهم ما بخسر شي
سيف رفعت راسها للسما و نزلت دمعة من دموعها : على فكرة انت خسرت دانة
يحيى : .... خسرتها !!
سيف : ههه محسن قالها
و مشيت عنو و اتجهت لكوخها
\
\
\
\
في جدة
الساعه 12:00 في الليل
نزلت من الدرج و انا خايفة احد يشوفني مو ناقصة ضرب و هوآشات
اتوجهت للمطبخ احس بطني تصوصو من الجوع
رحت للثلاجة فتحتها بس مو راضية تنفتح
شفت ورقة مكتوب فيها
( موتي من الجوع ههههه
نضال و ضلال )
عنان : يوهه الله ياخذهم
رحت عند علاقة العبايات دورت بس ما لقيت عبايتي لقيت ورقة ثاني مكتوب فيها
( ما فيه حل موتي جوع و فكينا
نضال و ضلال )
عنان : يوهه الله ياخذهم اكرههم
جلست في الصالة افكر و افكر في حل
رحت لغرفة تركي و انا ادعي ربي انو ما يذبحني بس لأنو هو اللي ما يكون موجود في البيت في هالوقت
كنت لابسة ليقن اسود و قميص أحمر واسع و طويل الين نص فخذي حمدت ربي مية مره انو شعري بوي لبست بنطلون واسع من بنطلونات تركي و جاكيت كبير فوق القميص جيت بخرج سمعت صوتو وهو داخل انفجعت
قعدت ادور في المكان في النهاية دخلت تحت السرير
عنان في قلبها : هذا كلو عشان اكل انا لله و انا اليه لراجعون
دخل تركي للغرفة ووقتها جاتني ام الركب من الخوف مو عارفة شسوي انسدح تركي على السرير و حسيت انو فغصني يقطع شكلو ثقيل ما يخفف اووف شكلو متخاصم مع زوجتو بس غريبة ما راح بيت ابوه ابوي اكد عليه انو ما يجي هنا عشاني
المهم استنيت الين ما نفسو انتظم حسيت براحة يعني نام
اتسحبت من تحت السرير و اتوجهت عند الباب
تركي : ضلال !!
انا حسيت انو لساني انربط الغرفة ظلام و انا مو شايفة شي
تركي قام : ضلال تعالي بكلمك
انا قلت بما انو مو شايف ملامحي خليني اروح
رحت وقفت جنب السرير
تركي : تعالي اجلسي جنبي
مشيت بشويش و جلست جنبو
تركي : نحفانة يا بت لا تروحي تصيري زي عنان عود اسنان
عنان : ليه انت قد شفتني ءء اقصد شفتها ؟
تركي : هههه ايوا شفتها مرتين اتوقع شفيه صوتك متغير ؟
عنان : لا بس عندي برد
تركي : اها ( و كمل بحزن ) اتضاربت مع رفيف
عنان : ليه ؟
تركي : ما ادري ايش فيها متغيرة علي مره كل ما اقرب منها تبعدني و ما عدت اسمع منها كلام حلو زي اول
عنان : يمكن المشكلة منك
تركي : كيف يعني ؟
عنان : يعني يمكن انت مقصر معاها او هي تفقدك في البيت كدا في فترة الليل
تركي : امم يمكن صح بس انا اقولها بيننا اباء لا نضطر نبعد عن بعض
عنان : وحشتني اباء
تركي ابتسم : غريبة من متى تحبيها اعرفها ترفع ضغطك
عنان : هههه عادي من يومي عموما حاول تتفاهم معاها بالكلام و بالهداوة حتى لو عصبت و رفعت صوتها اتحمل شوي و اكتم عصبيتك عشان توصلو لحل حرام اباء تضطر تعيش مع واحد من اهلها و هي لسى صغيرة
تركي : طيب انا بروح و اتفاهم معاها
عنان : ايوا يكون كويس
شويا انفتح النور
: عناااااااااااااااان يا قليلة التربية شتسوي هنا تركي بعد عنها
تركي : عنان !!!!!!!!!!!!!!!
عنان : لا والله خالتي فاهمتني غلط
مسكتني زوجة ابوي من شعري و خرجتني برا الغرفة و رمتني في الممر اصلا نظارتي طاحت مو قادرة اشوف شي بس سمعت صوت النظارة تتكسر اكيد دعست عليها بدرية التبن
بدرية : والله والله لو عاد تقربي من ولدي بذبحك فاهمه تبي تغويه يا قليلة التربية الشيطان لعب براسك
عنان : لا والله مو قصدي والله اههئ والله فاهمتني غلط والله
تركي خرج و رما عليها شرشف خفيف و نزل لمستواها و همس : تشوفي بدون نظارتك ؟
عنان : لا م اقدر مو قادرة اشوف شي
بدرية : تركككي بعد عنها
تركي : يمه كسرتي نظارتها والبنت ما تشوف شي
بدرية : عساها ما شافت
عنان دموعها نزلت لا اراديها
تركي قومها : تقدري تروحي غرفتك
عنان حركت راسها بالايجاب
تركي : امي افهمي انتي فاهمه الموضوع غلط انا كنت احسبها ضلال و قعدت معاها مع الظلام هي خافت انها تطنشني
بدرية : ايوا ايوا دافع عنها بس هالموضوع بيوصل لأبوها
عنان : لا لا لا خالتي الله يخليك لا اههئ والله ابوي راح يذبحني الله يخليك لا
بدرية : ايوا خليه يذبحك عشان افتكك
قامت عنان حطت الشرشف على راسها و اتوجهت لغرفتها و صارت تتلمس في الجدار عشان توصل
بدرية : انت كمان تجيب لنفسك الشبهه كدا
تركي : يمه والله هي ما سوت شي
بدرية : ادري ادري بس بسوي لها مصيبة وافتك
تركي استغرب مره هو صح عادي مع عنان بس ما يرضى هالشي يصير في اختو عشان تصير في بنت زوج امو
تنهد : طيب انا بروح عند رفيف سلام
بدرية : مع السلامة
\
\
وقفة "*
شخصيات فرعية جديدة :
تركي هو ولد بدرية من زوجها الاول مملوح جمالو جمال سعودي اسمر عيونو بنية و شعرو اسود مجعد و جسمو معضل عمرو 27 متزوج رفيف عمرها 25 حنونة و طيوبة على نياتها بس تجيها حالات مزاجية شعرها بني في خصل شقرا الين نهاية ظهرها نحيفة جسمها حلو مملوحة خشمها واقف و عيونها واسعة و شفايفها صغيرة اباء بنتهم عمرها 5 سنين لزوزة مره شعرها ناعم الين كتوفها دبدوبة شويا بيضا و شعرها بني فيه خصل شقرا طالعة لأمها عيونها واسعة عسلية خدودها موردة و عندها غمازات

شخصية فرعية جديدة :
ضلال عمرها 23 مغرور مره و شايفة نفسها جسمها رويان شعرها الين رقبتها قاصتو فكتوريا صابغتو بندقي و فيه خصل فوشي فسفوري بشرتها بيضا عندها غمازة وحده في خدها اليمين تلبس نظارة كبيرة مجرد زينة بس ما تفصخها نهائي و مركبة بريسز ( تقويم اسنان ) تكره شي اسمو عنان
\
\
\
\
في جدة ..
صباح اليوم الثاني
الساعه 9:30 ص
كانو الكل متجمعين على طاولة الفطور
ام اغنار : عسى ما لقيتي شي في المول امس
اغنار نزلت راسها بحزن و هي تتذكر يوم امس
( كانت ماشية في المول و فريحة تدفها اشترت كدا غرض ووقفها صوت احد من وراها
: اغنار ؟
اغنار بخوف : سلمان
سلمان : الا انتي اغنار
اغنار نزلت راسها بحزن
سلمان : ايش اللي وصلك لهالحالة
اغنار طالعت فيه : أي حالة تقصد ؟
سلمان : معاقة ؟
اغنار بابتسامه : انا مو معاقة
سلمان : بس
قاطعتو : انا مو معاقة اقدر اسوي كل شي و عدم قدرتي على المشي ما يمنعني اني اسوي شي في حياتي
سلمان : ادري بس أسألك عن السبب
اغنار : سلمان يكفي اللي سويتو فينا يكفي انا و ووجن ووسن للأن في خصام كل يوم بسببك
سلمان نزل راسو بحزن : آسف
و راح عنها )
رجعت للواقع
نورة : اغنار ؟؟
اغنار : معاك معاك ايوا اشتريت لي كم تي شيرت
نورة : كويس خلصتي اغراضك ؟
اغنار : ايوا الحمدلله
\
\
\
\
على شاطئ البحر
الساعه 12 في الظهر
انسدحت على رمال البحر و انا افكر كيف اقدر افهم دانة الموضوع انا ما سويت شي
رحت للكوخ و كالعاده جلست ارسم عشان افرغ القهر اللي جواتي الشخص الوحيد اللي يفهمني راح مني مو عارفة ايش اسوي
سمعت دقة الباب
قمت و فتحت كانت .. " دآنةة "
سيف : دانة حبيبتي
و ضميتها بقوا
دانة بعدتني : بس جاية ابي افهم القصة كاملة ليه خنتيني
سيف : انا ما خنتك يا دانة ما خنتك والله
دانة : طيب فسريلي كلام محسن
سيف : هو كان يحيى عندي في الكوخ عشان يقولي ابعد عنك و انك مو من مستواي و شافنا محسن من الشباك دا هو الموضوع مجرد سوء فهم
دانة بتردد : يعني ما صار شي ؟
سيف بارتياح : لا
دانة قامت : طيب
لمحت الدولاب اللي في غرفتي مفتوح راحت و فتحت الدولاب
سيف : دانة ابعدي عنو
دانة اتجولت بنظرها جوت الدولاب كل اللوحات كانت مرسومة لشخص واحد وهو
\
\
انتهى البارت الثاني
أتوقعو أي شي يجي في بآلككم
ايش ممكن يصير في البارت الثالث لأنو دا بيساعدني كثير
بكذا انكشفت لكم اسرار كثير من حكآيتي
بكذا عرفتو تقريبا سر عاهة اغنار قلتلكم تقريبا ما عرفتوه كامل
و عرفتو سبب كره القرية كلها لسيف
و عرفتو عن عائلة عنان
آنتظروني في البآرت الثآلث بعنوآن
" هي مجرد كلمات و لكن لعل و عسى تشفي الغليل "

[لامارا]

>3<
جرحك اللي يشب? الجرح القديم
علم احساسي يصد ويسف?? ،
..
مات حب? الا والل? العظيم
كل ذره? في كياني تكره? ♡̷̷̷̷̷̷

" هي مجرد كلمات و لكن لعل و عسى تشفي الغليل "

دانة اتجولت بنظرها جوت الدولاب كل اللوحات كانت مرسومة لشخص واحد وهو .. " يحيى"
دانة نزلت دموعها : و انا اقول ليه ما تبيني اشوف هالدولاب حرام عليك والله حرام
سيف : دانة حبيبتي انتي فاهمه غلط
دانة : كيف غلط كككيف فهميني كل شي واضح شوفي كل شي
سيف : دانة والله حبه مات
دانة : ما عاد ابي اشوفك ولا اكلمك في حياتي كلها كذابين انتو خاينين كانو كلهم صادقين و انا كذبتهم كلهم عشانك
خرجت و هي تبكي بحرارة
\
\
\
\
في جدة
كانت جالسة في غرفتها
من امس في الليل موقادرة تتحرك بسبب نظرها
شويا كدا اندق الباب
قمت فتحت الباب بعد معاناة
: عنان فين نظارتك ؟
عنان : امس امك كسرتها
فيصل : عنان منجد اللي سمعتو !
عنان : ايش ؟
فيصل : امي تقول انها لقيتك في غرفة تركي في الليل و لابسة ملابسو و كنتو انتي و ايآهه
عنان قاطعتو : لالا والله والله مو كدا
فيصل : هاه اجل ؟
عنان و هي تبكي : والله انا ما كنت ادري انو جاي رحت اخد من ملابسو
فيصل : و ليه ان شاءالله
عنان : عشان نضال و ضلال دسو عبايتي و قفلو باب الثلاجة لأنهم عارفين اني م اتعشيت حتى ما قدرت اشتري شي من برا فكنت ابغى اخد من ملابسو عشان اخرج اشتري شي اكلو
فيصل تنهد : طيب ليه قعدتي عند تركي
عنان : انا كنت مدسوسة تحت السرير استنيتو ينام و خرجت لمن خرجت شكلو صحي و قال ضلال و انا اخاف منو قمت جلست كأني ضلال كان ظلام مره و قعد يكلمني عن رفيف
فيصل : طيب طيب دحين البسي عبايتك و تعالي معايا اشتريلك نظارة
عنان : طيب اخواتك و امك فين ؟
فيصل : ماما عند جارتنا و معاها ضلال و نضال نايمة
عنان : اوكي جبلي عبايتي عشان ما اقدر اشوف انا
فيصل طيب دقايق
نزل و جاب عبايتها و طلع لها و لبسها العباية و مشاها الين ما نزلو تحت و اتوجهو للسيارة و راحو لمحل النظارات
\
\
\
\
في قصر بندر " ابو اغنار"
في مكتبو تحديدا
بندر : يعني فيه امل
: ايوا طال عمرك
بندر : راح ارسلها لك لاني مشغول في الشركة اللي هنا مره اعتمادي ع الله ثم عليك يا علاء
علاء : ولا يهمك طال عمرك انا بستقبلها في المطار انت ارسلها على فرنسا بالطيارة الخاصة و بكلم الاء تجي معاها و خلي الباقي علي ان شاءالله بترجع لك و هي على رجولها تمشي
بندر : الله يعين ان شاءالله
علاء : و كمان جهزنالها الفلة حقتكم اللي في وسط العاصمة و رتبناها و جهزنا غرفة لفريحة
بندر : تمام عليكك الله يخليك لي يا ولدي
علاء ابتسم : آمين و يآأكك و يخليلك اولادك طال عمرك
بندر ابتسم : يلا فمان الله انتبه لنفسك
علاء : فمان الكريم
\
\
\
\
انهرت ابكي على الارض مو عارفة شسوي صديقة عمري راحت والله انها فاهمتني غلط و رب الكون انا ما سويت شي كلو من يحيى لازم اكلمو يعترف و يقولها يوهه
طالعت في ساعتي كانت 5 ونص في العصر لازم اروح عند ام عبدالمحسن
رحت و لبست قميصي الاحمر الطويل و اتوجهت لبيتها و بعد مشي طويل وصلت
دقيت الباب بس ما فيه رد
الدقة الثانية خرجلي محسن
معلومة " عبدالمحسن يقولو محسن "
عبدالمحسن : خير ؟
سيف : فين امك ؟
عبدالمحسن : خلاص ما عاد لك شغل عندنا
سيف رفعت راسها : ليه ؟
عبدالمحسن : ما نشغل قليلات تربية
سيف رفعت راسها بعصبية : محسن تبغى تكرهني اكرهني تبغى تسبني سبني تبغى تموتني موتني بس لا تشكك في تربيتي و اذا مو مصدق اسأل يحيى بنفسك هو عارف كل
قاطعها عبدالمحسن : بس بس يكككفي حرام عليككك انا حبيتك حبيتك من قلبي و اتخيلت حياتي معاك بعد ما خانتني اللي كنت احبها و انا خاطبها تخوننني تخونني ارجع اشوف اللي حبيتها بعيوني مع واحد غيري ليه حرام عليكككككم حرام عليكككم بس لا انا دحين مو زي اول انا دحين آكرهكك
سيف : ......... لا رد
مو عارفة ايش اقول بعد كلامو
رحت بهدوء و اتوجهت للبيت حق ماما
ام سيف : شفيك يا بنتي
سيف ابتسمت ابتسامه باردة : ولا شي ماما لا تشيلي هم
و اتوجهت لغرفتي و دموعي على طرف عيني
\
\
\
\
في جدة
محل النظارات
عنان : فصولي ابغى زي حقتي اللي اول
فبصل : حقتك هديك ما اتوقع انو فيه زيها مره مره كبيرة
عنان : هههه عشان كدا عاجبتني
راعي المحل خاق على عنان : طيب شوفي دي
عنان : هات
اخدتها و جربتها كانت مستطيله و محدده بأحمر و من الجوانب مخططة بأحمر و اسود
عنان : هي حلوه بس مو علي
فيصل : طيب شوفي دي ؟
عنان لبستها طلعت حلوه كانت مره كبيرة زي حقتها الاولى و لونها اخضر فسفوري و من الجوانب مربعات فوشي و اخضر كلو فسفوري
عنان : ابغى هادي
فيصل : اوكي
حاسب و خرجو اتوجهو للبيت
\
\
\
\
في غرفة اغنار
كانت جالسة و معاها ابوها
بندر : يا بنتي علاء قال انو فيه حل
اغنار ببكا : بابا الين متى بنجرب كم عملية سويتها و فشلت كم دكتور كشف علي و قال ما فيه ححل
بندر : يا بنتي بس هالمره اخر مره و وعد مني لو فشلت ما عاد بححاول مره ثاني
اغنار هديت شويا : خلاص اخر مره متى بسافر
بندر : متى ما تبغي
اغنار : ابغى بكرة في الليل
بندر : خلاص حصل انا بكلم علاء و كل شي بيتم بتاخدي معاك الاء و فريحة
اغنار : طيب
\
\
وقفة "*
شخصيات جديدة
شخصية فرعية :
علاء عمرو 29 سنة يشتغل عند بندر من يوم ما كان عمرو 10 سنين اتربى عندو يعني في مثابة ابنو مره طيب و حنون و يعتبر اغنار و وجن و وسن اخواتو شعرو اسود ملفلف و بشرتو بيضا مسوي سكسوكة و يلبس نظارة مستطيلة و جسمو حلو
شخصية فرعية :
الاء اخت علاء عمرها 28 سنة مره طيوبة وحنونة للآن ما اتزوجت تعشق اغنار عشق مو طبيعي مره تحبها شعرها الين كتوفها لونو بندقي و عيونها عسلية واسعه و رموشها كثيفة جسمها ححلو متناسق رويان مو مره نحيفة خشمها واقف و شفايفها متوسطة و مليانه شويا
\
\
عند سيف
كنت مسدوحة على سريري و افكر في وظيفة جديدة بس ما فيه فبالي شي و ما احد من القرية بيرضى يشغلني اممم ليه م اجرب اشتغل في المدينة فكرة والله
رحت لامي
سيف : يمه
ام سيف : هلا يمه امري
سيف : انا بروح اشتغل في المدينة
ام سيف : قصدك جدة ؟
سيف : ايوا
ام سيف : بس يمه جدة بعيده و غير كدا مين بيشغل بنت عندو
سيف : ما يهم انتي بس قوليلي موافقة
ام سيف : يا يمه ما يصلح
قاطعتها سيف : موافقة ؟
ام سيف تنهدت : سوي اللي تبيه بس انتبهي لنفسك
سيف ابتسمت : ان شاءالله
و رحت على غرفتي و لبست قميص سماوي ماما خيطتو لي من فترة و لبست فوقو عبايتي و لفيت الطرحة و لبست البرقع و خرجت
رحت لأخر القرية كانت فيه شاحنات كبيرة تشحن الاشياء من المدينة لبقالة العم نآصر
رحت لهم : لو سمحتو ممكن توصلوني للمدينة ؟
الرجال : طيب يا بنتي اطلعي ورا يلا بنمشي
سيف : شكرا
الرجال : واجبنا يا بنتي
ركبت سيف و انطلقت الشاحنة لجدة
\
\
\
\
في جدة ..
دخل فيصل و معاه عنان
بدرية : فين كنتي يا اخت !!
فيصل يقاطعها : كانت معايا اشتريت لها نظارة
بدرية : و ليه تصرف فلوسك عليها و انت بالقوا تلاقي لقمة عيشك
فيصل : انا طالع
طلع فوق و لحقتو عنان لانها مو ناقصة هواشات
فيصل وقف : عنون اليوم يرجع ابوي من السفر
عنان : ادري اكيد في ضرب اليوم بما انو خالتي ما راح تسكت و بتقول عن سالفة تركي
فيصل تنهد : عموما حاولي ما تطلعي من غرفتك و خلي بابك مقفول
عنان ضمتو : الله يخليك لي ولا يحرمني منك يا روح اختك
فيصل ابتسم و باس راسها بحنان : الله يخليك لي
دخل غرفتو و هي اتوجهت لغرفتها
\
\
نفس البيت تحت في صالة التلفزيون
بدرية تتكلم بالتلفون : والله يا حبيبتي محتاجين شغالة
: خلاص ولا يهمك انا اشوف احسن شغالة عندي و برسلها لك متى تحتاجيها ؟
بدرية : انا بكلم ابو فيصل نروح المزرعة بعد بكرة في الفجر يعني ابغاها بعد بكرة الفجر تكون عندي
: يعني بتخليها لحالها في البيت ؟
بدرية : اولا بخلي معاها عنان اكيد ثانيا جيبيها امينه تكون عاد لااوصيك خليك اسم على مسمى
امينة : من عيوني بعد بكرة الفجر تلاقيها عندك
بدرية : مشكورة يا بعد حيي
امينه : ولو احنا للطيبين
بدرية : يلا فمان الله
امينه : فمان الخالق
و قفلت
\
\
\
\
كنت اتمشى في المول مع فريحة عشان اقضي لنفسي عشان روحة فرنسآ ما باقي عليها شي
اشتريت لي كذا لبس يفيدني يعني و ما ادري كيف الجو فأخذت شتوي و صيفي و بعد ما خلصنا رجعنا للبيت و قعدو
ايزابيلا و فريحة و جولي يرتبو شنطتي و انا قاعده العب مع جوتيم
\
\
\
\
اول ما وصلت جدة قعدت اتأمل في المكان رحت عند صاحب الشاحنة
سيف : يا عم تعرف احد يقدر يشغلني ؟
الرجال : والله يا بنتي ما اظن بس فيه اختي عندها محل اللي يبغو يشتغلو شغالات يروحو عندها و راتبهم كويس مره
سيف : طيب توصلني عندها ؟
الرجال : والله عندي طلبيه شوفي بوصفلك المكان هو مو مره بعيد
سيف : طيب يلا
و طلعت دفتر من شنطتي و قلم
الرجال : امشي طوآلي و رابع لفة ع اليسار ادخلي منها راح تلاقي قدامك محل يبيع مخبوزات خليه على يمينك و امشي راح تلاقي عمارة كبيرة لونها اصفر و ابيض ادخلي الدور الخامس الشقة رقم 250 دقي الباب و قولي ممكن آمينه ؟
سيف : شكرا يا عم الله يوفقك و يجزاك خير
رحت و قعدت امشي و امشي و امشي احس اني اتكسرت رحت عند اللفة الرابعه و دخلت منها شفت محل المخبوزات مشيت من جنبو مشيت مشيت الين ما لقيت عمارتين كلهم صفرا و ابيض
سيف : حقرا بقرا قلي عمي عد العشرة 1 2 3 4 5 6 7 8 9 10
دخلت العمارة الثانية
شفت باب لونو فضي فتحتو كانت فيه زي الغرفة و فيها ازارير
سيف: شهالبلاوي
طنشت و طلعت من الدرج درجهم كان مره مره عالي و يتعب مشيت مشيت مشيت الين ما رجولي اتكسرت وصلت للدور الخامس و الشقة دورت عليها الين ما لقيتها وقفت قدامها عدلت شكلي و سميت بالله و دقيت الباب اول دقة ما احد فتح ثاني دقة انفتح الباب كان فيه ولد باين انو شباب فجأة سمعت اصوات من جوا
: مين فيه برا ؟
الولد : فيه وحده مضيعة الطريق
جو اولاد كتير
الولد 1 : اقول يا حلوة ايش جابك
سيف : اولا احترم نفسك و ثانيا فين امينة ؟
الولد2 : تعالي يا حلوه امينة جوا تنتظرك
سيف ابتسمت و دخلت : فين امينة ؟
الولد 1 :ههههه على نياتها الضعيفه
هنا انا خفت رحت متجهه للباب بس مسكوني
الولد 2: فين رايحة تعالي تعالي
سحبوني و فكولي طرحتي و البرقع شالوه
انا قعدت ابكي و ابكي
الاولاد كلهم تنحو عند جمالها
الولد 1 : والله ما تتفوت
و صارو يقربو مني انا حسيت اني بموت من الخوف قعدت ارجع ارجع على ورا الين ما شفت مزهرية قزاز فيها تراب و زرع طالعت فيها و سميت بربي و شلتها بقوا و كانت ثقيلة رميتها عليهم طاحت على الارض و التراب كلو جا عليهم
انا استغليت الفرصة و خرجت اجري و اجري و اجري وقفت شفتهم يجرو ورايا كملت جري بكل ما اعطاني ربي من قوه
الين ما تعبت وقفت و شفت زبالة " اكرمكم ربي " تنهدت و انا احس بقرف و دخلت فيها
و قعدت اطالع لهم الني ما راحو حسيت برآحه
خرجت من الزبالة و انا قرفانه من نفسي ريحتي تجيب الهم
رجعت للعمارة و دخلت العمارة التانية
رحت و شفت الباب الحديد هذاك نفس اللي في العمارة الاولى شفت عائلة دخلو جوا رحت لوحده حرمة
سيف : لو سمحتي ايش هدا ؟
الحرمة : هذا مصعد
سيف : !!
الحرمة : تعالي اوريك
دخلت العائلة و باين على وجههم علامات القرف من ريحتي
الحرمة : الدور الكم بتروحي ؟
سيف : الخامس
الحرمة : طيب
و ضغطت على رقم خمسة و رقم 7 طلع المصعد و انا احس بخوف مو طبيعي
وقف المصعد
الحرمة : يلا دا دورك اخرجي
سيف : طيب شكرا
الحرمة : العفو
خرجت و رحت للشقة رقم 250 و دقيت الباب
فتحت لي وحده باين انها سعودية و صغيرة بس شكلهم على قد حالهم
سيف : ممكن امينة ؟
البنت : ايوا تعالي
دخلت البنت و انا وراها الين ما وصلنا عند باب فتحتو
: مين ؟
: انا شذا
امينة : ادخلي حبيبتي
شذا : في وحده تبغاكي
امينة : دخليها
دخلت انا و البنت اللي يقالها شذا
امينة : هلا حبيبتي آمري كيف اقدر اساعدك ؟
سيف : انا دلني عليك واحد يقالو اخوك و ابي اشتغل
امينة : اممم طيب انا اجربك اليوم عندي و لو طلعتي تمام ببدأ ارسلك عند الناس
سيف : كيف يعني ما فهمت ؟
امينة : يعني اشووف كيف شغلك تمام او لا و اذا كان تمام راح ارسلك عند الناس اللي يحتاجو شغالات راح تشتغلي عندهم يعطوك راتب و راح اعطيك انا راتب
سيف : طيب كم الراتب ؟
امينة : انا راح اعطيك 800 و العائلة راح تعطيك 1000
سيف انبسطت : طيب موافقة بس ممكن اتروش قبل ما ابدأ لانو صارتلي مشاكل و اضطريت اندس في زبالة الله يكرمك
امينة : ههههه طيب حبيبتي شذا خذيها و دليها على الحمام و اعطيها ملابس
رحت مع شذا عشان اخذ شور
\
\
\
\
في القرية
دانة في بيتهم في غرفتها و هي منهارة من البكا
: دانة حبيبتي فكي الباب مو معقولة كل هذا عشان وحده سافلة
دانة : خولة روحي عني ما ابيك
خولة : يا قلبي انا فكي
دانة : خولة لو ما تروحي عني ترى بتركك لكم البيت
خولة تنهدت : متعب تعال تصرف معاها
متعب : دانة ما صارت فكي الباب
دانة : متعب خولة روحو عني
متعب بصراخ : داااااااااااااااااااااااا ااانههههه فكككككككككككككككي الباب
دانة حست بخوف و قامت فكت الباب
متعب : خخخير شصاير ليه هذا كلهه
دانة مسحت دموعها و ببرود : ولا شي
دخلت و حطت راسها على سريرها و غطت وجهها و نامت
\
\
\
\
في غرفة عنان
كانت مسدوحة على سريرها بتعب ما خرجت من غرفتها من فترة
فجأة كدا انفتح الباب
و بدون سابق انذار انهلت الضربات على جسمها الضعيف
ابو عنان : والله والله يا بنت الكلب انا اربيك رايحة تغوي ولد الناس يا حقيرة يا سافلة يا بنت ال******** بس انا اوريككك يا عاهرة انا اوريكك
و صار يضربها في كل مكان يقدر يوصلو و يشد شعرها لكل جيهه
الين ما فرغ غضبو كلو و ارتاح
خرج من عندها و هو معصب و قفل الباب وراه
اما عنان كالعاده جاها تبلد قامت للحمام و اتوضت و صلت ركعتين لربها و رجعت انسدحت على سريرها و فجأة حست الدنيا ظلام و ما عادت تحس بشي
\
\
\
\
في قصر بندر
كانو كلهم جالسي في صالة الدور الثالث
بندر : المهم زي ما قلتلكم اغنار بتسافر بكرة في الليل
نورة : طيب متى راح ترجع ؟
بندر : ما اعرف وقت ما تخلص
نورة : وبتروح لحالها ؟
بندر : لا معاها الاء و فريحة و علاء
نورة : يوه والله م ابي فرقاها
بندر : يلا ككلو يهون يا روححهه
نورة ابتسمت باحراج
وجن : يعني منجد اغنار رايحة فرنسا ؟
بندر : من اول ايش قاعدين نقول
اغنار : بابا انا كل شي جاهز خليني اروح بكرة الصباح بلاش في الليل
بندر : طيب حبيبتي من عيوني
اغنار ابتسمت : يلا انا رايحة غرفتي فريحححححححححححححةة فريحححةة تعالي وديني الغرفة
فريحة دفتها و ودتها للغرفة
\
\
\
\
في شقة امينة
خلصت سيف الشور و راحت لأمينة دقت الباب
امينة : ادخلي حبيبتي
سيف : ايوا بالمناسبة نسيت اقولك اسمي سيف
امينة ابتسمت : سيف ؟
سيف : ايوا
امينة : غريب اسمك ايش معناه ؟
سيف : امم ما ادري اسمي لو حكاية م احد يعرفها
امينة : ههه طيب كيف طلعت دام م احد يعرفها
سيف : اممم اللي اختارت اسمي ماتت بدون ام تقولنا المعنى
امينة : الله يرحمها المهم راح تكون شذا الورد هي مرشدتك اتفقنا ؟
سيف ابتسمت : طيب
امينة : اليوم حتباتي عندنا ؟
سيف : طيب اكلم ماما اول
امينة : طيب روحي اتصلي عليها
راحت سيف و كلمت امها و كل شي تم
\
\
\
\
في غرفة عنان
دق فيصل الباب مره و مرتين و ثلاثة لا رد
دخل و انصدم بشكل عنان و اول شي اتوقعو انها ماتت
فيصل بخوف : عناااانن عنون عننننونتي قومي
و شالها و حط عليها شرشف و طيران على المستشفى
بعد فترة
خرج الدكتور
فيصل : هاه دكتور ؟
الدكتور نزل راسو :

بكدا خلص البارت الثالث
اتمنى انو عجبكم
و كتير حاجات انكشفت على فكرة و ان شاءالله تكونو لاحظتو
توقعاتكم
عنان !!
اغنار !!
سيف !!
آنتظروني في البارت الرابع بعنوان "*
" انا من كثر ما احبك اردد دوم يا ساتر "
\
\
"*

[لامارا]

"*

>4<
يضيق الكون في عيني واشوفك في خيالي كون
أشوفك كلما أغفى لأنك حلمي الساهر
أحبك في تفاصيلك أحب أسلوبك المجنون
أحبك في طلوع الشمس أحبك يا أمل باكر
أشوفك داخلي أطفال مع ريح الفرح يمشون
أحبك في أبتسامه طفل أذا ناديت يا شاطر
أحبك ياصدى صوتن بحاسيس الهوى مشحون
أحبك ياربيع أخضر أحبك ياشتا ماطر
أحبك لذة السكر أحبك ريحة الليمون
أحبك في قصيدة شوق كتبها في الهوى شاعر
أنا صادق بحبي لك وقلبي أول العربون
أنا لا جيتك الاول بلا ثاني بلا عاشر
حقيقه أسمك الفاتن حقيقه قلبي المفتون
أنا من كثر ما أحبك أردد دوم ياساتر
"*
" انا من كثر ما احبك اردد دوم يا ساتر "
\
\
الدكتور نزل راسو : والله يا استاذ فيصل انا ملاحظ انو فيه عنف اسري البنت جسمها كلو كدمات انت ايش تقربلها ؟
فيصل بحزن : اخوها
الدكتور : انا مضطر ابلغ الشرطة
فيصل : لا لا يا دكتور
الدكتور : مين اللي يسوي فيها كدا
فيصل سكت ..
الدكتور : انا اسف لازم ابلغ هذا شي ما ينسكت عنو
فيصل : طيب اقدر اشووفها ؟
الدكتور : ايوا بس بتلاقيها نايمة
دخل فيصل عندها نزلت دمعتو على اختو و شاف وجهها الشاحب و عيونها الذبلانة و شعرها اللي متناشر حولها جلس جنبها وهو مو عارف ايش يقول لأبو
\
\
\
\
صباح اليوم الثاني
في المطار الخاص بـ .. " بندر "
دفتني فريحة للطيارة و لقينا الاء موجودة من فترة سلمت عليها و باستني و كدا وجلسنا و اعلنو عن الاقلاع بعد خمسة دقايق بالضبط
و اقلعنا الا مدينة النور .. " بآريسس "
\
\
\
\
في شقة امينة
صحيت سيف من بدري و قعدت تنظف البيت كلو و ترتب فيه و كنست و مسحت كل شي من الالف الى الياء حتى المخزن رتبتو و نظفتو و سوت فطور للكل
صحيو الكل و استغربو انو كل شي مرتب
امينة صحيت : ماشاءالله شكلكم صحيتو بدري اليوم
شذا : لا ماما امينة سيف هي اللي سوت كل شي
امينة : ماشاءالله عليك كويس
سيف ابتسمت باحراج : تعالو افطرو
امينة : حتى فطور ؟
سيف ابتسمت و راحو للمطبخ و اكلو و فطرو و رجعت كل وحده شافت شغلها
اما امينة اتوجهت للمكتب
و رن تلفونها
امينة : هلا والله ببدرية
بدرية : هلا امينة بس بقولك لا ترسليلي الشغالة بكرة الفكر خليها الاسبوع الجاي
امينة : طيب يا قلبي ولا يهمك انا لقيت لك وحده اصلا
بدرية : الحمدلله يلا سلام
امينة : سلام
\
\
\
\
في القرية
ام سيف كانت تدور في انحاء القرية تدور على سيف
" ام سيف تنسى كثير معاها زي الزهايمر كل شويا تنسى "
ام سيف : سسسسسسسسسسيف سيييف
عبدالمحسن : تدوري على مين خالتي ؟
ام سيف : انت مين ؟
عبدالمحسن : انا محسن
ام سيف : ايه محسن الله يسعدك شفت سيف ؟
عبدالمحسن : لا خالتي والله ما شفتها اليوم
ام سيف ابتسمت : طيب الله يخليك تعال البيت معاي اباك تشوف الدوا حقي نسيت كيف و كمان ابرة السكر
عبدالمحسن ابتسم : طيب خالتي
مشي معاها و راحو للبيت
اول ما دخلو
عبدالمحسن : فين ادويتك خالتي؟
ام سيف و هي تجلس : شوفها في غرفة سيف م ادري فين تحطها دور لها
عبدالمحسن انحرج شويا : طيب
و راح و فتح الباب حق غرفتها
و بدأ يتذكر ايامهم سوا
كانت ايام حلوه
بس هي خآنتو .. << هذا كان تفكير عبد المحسن
دور للدوا في كل مكان بس كأنو اختفى مالو اثر
جلس على سريرها و فتح الكومدينة و اتمنى انو ما فتحها رجعلتو ايام ملكتهم كان فيه سلسلتها اللي اشتراها لها و صورهم تنهد بقوه و اخذ الدوا و راح لأم سيف
خرج و قفل الباب وراه راح للكنبة شاف ام سيف نايمة
عبدالمحسن : خالتي خاالتي جبت الدوا قومي اعطيك هو يلا
ام سيف : .......... لا رد
عبدالمحسن : خالتي خخخخخخالتي
ام سيف : ...... لا رد
حط يدو على قلبها بس ..
ما فيه نبض
عبد المحسن خرج جري من البيت و اتوجه لعيادة القرية
و رجع للبيت و الدكتور معاه
الدكتور بحزن نزل راسو : الله يرحمها
عبدالمحسن نزلت دموعو لا اراديا
فجأة رن تلفون البيت
اول ما رد عبد المحسن سمع صوتها
سيف بفرحة : ماما رضيو يشغلوني و راتبي 1800 ماما راح نقدر ناكل و ما يحتاج ادور شغل في القرية هم ما يبغونا
عبد المحسن : ........... لا رد
سيف: ماما
عبد المحسن : سيف
سيف استغربت : محسن !
عبدالمحسن : سيف امك ( و بغصة ) ماتت
سيف : لا لا تكذب علي ماما قالت انها ما بتتركني ليه تكذب علي محسن موعشانك تكرهني ليه تسوي فيني كذا كلو الا اممممي كلو الا هههي
اهههئ اهئئ اهههئ
و انهارت تبكي على الارذ
شذا : سيف حبيبتي سسيف يا قلبي شفيك
سيف لا رد مجرد شهقات بكا
شذا رفعت الجوال : ايوا مين
محسن : ممكن توصفيلي المكان اختي عشان اجي اخذ سيف
شذا : اوكي
و بدأت توصفلو المكان ما عدت نص ساعه الا وهو عندها
سيف بصراخ : انت كذذذذاب ماما تنتظرني في البيت لا تكككذب علي
عبد المحسن : يا سيف افهميني تعالي بنفسك و شوفي
سيف ركبت معاه و صوت شهقاتها يتعالى
اما عبد المحسن كل شهقة من شهقاتها طعنة في قلبو
\
\
\
\
في مدينة النور
حطت الطيارة على اراضي مدينة النور
نزلت اغنار و معاها الاء و فريحة
استقبلهم علاء في المطار طبعا كالعاده الاءا راحت و نطت في حضنو و قعدت تسلم عليه
علاء : هلا والله بأختي الححلوة
الاء باحراج : اممم ادري اني ححلوه
علاء : ههه ادوخ ع الثقة كيفك اغنار كيفك فريحة ؟
اغنار ابتسمت : الحمدلله احنا بخير
علاء : يلا نروح البيت
راحو كلهم على الفيلة الكبيرة و قسمو الغرف علاء و الاء في الدور الثاني و اغنار و فريحة في الدور الاول عشان تقدر اغنار تمشي بعربيتها بدون مساعده احد
\
\
\
\
في بيت ابو عنان
كان ابو عنان جالس في الصالة فجأة دق الجرس
قام و فتح الباب
: لو سمحت انت الاستاذ خالد ال.......
ابو عنان : ايوا تأمر بشي اخوي ؟
: انا الشرطي رماح ال............ و انت لازم تجي معانا على القسم
ابو عنان : ليه ؟
رماح : انت تعال
خرج معاهم و اتوجهو للقسم اللي كان فيه عنان و فيصل
اول ما دخلو
ابو عنان : عناااان شتسوي هنا
رماح : والله يا استاذ خالد جانا بلاغ من مستشفى ال......... انو فيه بنت عليها اعتداء اسري الي هي عنان خالد ال............. الاستاذ فيصل ما رضي يتكلم فاحنا جبناك عشان نحقق في هالموضوع
ابو عنان : انتي بأي حق تجي عند الرجال يا قليلة التربية
رماح وهو يقاطعو : ممكن تحترم نفسك و اظن انو احنا عرفنا مين اللي يعتدي عليها انسة عنان مين اللي كان يعتدي عليك ؟
عنان : ........ لا رد
رماح : ترى انك تسكتي مو بصالحك
عنان : ءء اءء ابوي
رماح : خلاص كل شي تم
و نادا على الرجال اللي في القسم
رماح : اسجنو راح يطلع بعد شهر
خالد سكت وهو يطالع في عنان نظرات ما قدرت تفهمها
\
\
\
\
في القرية
سيف كانت منهاره و تبكي بحرارة
و محسن معاها مو قادر يفارقها مهما يكون هي كانت في يوم زوجتو

همسة "*
الحب لا يمكن ان يموت و لكن يمكن ان تدفنه داخل قلبك و لكن اعلم انه سيخرج ذات يوم "
\
\
\
\
في بآريس
الكل كان جالس على طالة الفطور الساعه 7:20 دقيقة بتوقيتهم
اغنار : علاء متى العملية ؟
علاء : العملية اليوم الساعه 8 في الليل
اغنار اتنهدت : طيب الحمدلله سفرة دايمة
الاء : نوري حبي ما اكلتي
اغنار ابتسمت : يا روحهآأ والله شبعت
الاء : الحمدلله بالعافيه
اغنار : يعافيك
و دفت عربيتها لغرفتها
\
\
\
\
في جدة
في بيت ابو عنان تحديدا
دخلو عنان و فيصل و التعب باين على وجههم
بدرية : فين كنتو ؟ و فين ابوكم ما شفتو اليوم ما اتصل ؟
فيصل طالع في عنان : عنون اطلعي غرفتك
عنان ابتسمت و هزت راسسها يعني ايوا و طلعت
بدرية : ليه ما تجابوني فين كنتو و فين ابوكم ؟
فيصل طالع في امو : امي انا و عنان كنا في المستشفى بعدين رحنا على القسم
بدرية : و ليه ان شاءالله ؟
فيصل : عموما بابا في السجن
بدرية : نععععععم !!! ليهه !!!
فيصل : امي انا اخدت عنان ع المستشفى لانو ابوي ضربها و داخت و الدكتر اصر انو يبلغ الشرطة
بدرية : يعني دي الملعونة قتلت امها و دحين سجنت ابوها
فيصل بعصبية مكتومة : يمه هي ما سوت شيه الشي مو بيدها كان اجباري
بدرية : الا بيدها بس انا اوريها
و طلعت على فوق و هي تنادي : عناااااااااااااااااااانن عننننننننننننننااااااااان ن
فيصل : يمه اتركيها بحححالها
فتحت بدرية باب غرفة عنان لقيتها تبكي بحرارة
عنان وقفت و ببكا : انا ما قتلتها و ما سجنته انا ما قتلتها ليه تقولو اني قتلتها طيب ودوني السجن لو جد قتلتها ودوني السجن اصلا انا اكرهكك انتي انتي السبب انتي اللي قتلتيني انتو كلكم انا ما سويت شي اههئ
انهارت على الارض تبكي
بدرية في البداية خافت مو عليها خافت انو تجيها حالة نفسية و بعدين مين يشتغل
ضلال دخلت الغرفة : ايش هالازعاج ( و طلعت في عنان ) لو سمحتي وطي صوتك و ابكي براحتك في ناس يبغو ينامو
فيصل : ضلال اقصري الشر و ع غرفتك
ضلال : يوهه
وراحت ع غرفتها
فيصل : يمه خلاص انزلي تحت ولا روحي على غرفتك
بدرية : كيف تتجرأ تكلمني كدا يا قليل التربية انا برجع اربيك من جديد
فيصل : يمه انتهينها
بدرية جات بتتكلم قاطعها
: شصاير ؟
فيصل : تركي لا تدخلي فيه عنان
تركي : طيب ليه اصواتكم واصلة برا ؟
فيصل : بس ابوي انسجن
تركي : ليه شصار ؟
فيصل : شهر
تركي : ما قلت لك شكثر قلت لك ليِش ؟
فيصل : بتهمة العنف الاسري
تركي باستغراب : على مين
بدرية تقاطعو : تعال تركي نقعد تحت وحشتني شفيك ناحف ؟
تركي عرف انها تضيع الموضوع و عرف انو على عنان : اباء و رفيف تحت
بدرية : طيب انزل و انا بروح انادي ضلال و نضال
تركي : طيب
\
\
\
\
في مدينة النور
الساعه 8
اغنار على سرير غرفة العمليات
اتحصنت و سمت بالله و غمضت عيونها و بدأو يحطولها البنج و فريحة و الاء و علاء ينتظروها برا
\
\
بعد 3 سآعآت بالضبط خرج الدكتور
علاء : ماذا حدث يا دكتور ؟
الدكتور :

انتهى البارت الرآبع
دحين انكشفت كذا حاجة لو انتو ملاحظين
عبد محسن و سيف لهم قصة خفية للآن ما ظهرت بس بدأت خيوطهآ تبآن ..
توقعاتكم كالعاده
أغنآر !!
عنان !!
سيف !!
آنتظروني في البآرت الخامس
اللي متوقعة انو راح يكشف حاجات اكثر و اكثر
بعنوآن
" ي قطرآت المطر "

[لامارا]

>5<
لـيتْ آلمطر يوم آرتكـَى صبـّه على ذيك آلجروحْ..
طهّر بقـآيآ نزفـهـآ وآلآ محـآهآ كلهـآ

وإلاّ تزَهّـل لي بجـرحِكْ حيث جرحك جرح روح
وجروح غيرك ذآخرينْ آلوَقتْ هو كفوٍٍٍ لهــآ

وإلاّ سترني صوته ولآبآن من فينـآ ينوح
وإلاّ سيوف آلبرد بعظآمي رفق مآسلهـآ

وإلاّ سمعني يوم آجر آلصوت وآشكيله وآبوح
وآنآ تموت آلنفس مآشآف آلقريّب قلهـآ

وإلاّ تقآضى لي من آلدنيآ ومن حظٍ شحوح
من بعد مآبيّن على حظي موآري غلهـآ

أو ليت ريحة هـ آلمطر يوم آلمطر ريحه يفوح
عآض آلكفوف آلي بكت من فقد ريحه خلهآ

يآ ذآ آلمطر .. فيني تجمّل قبل لآعني تروح
دوك القوافي مثل ماهي للحبيّب هلهـآ

يآللي توسـدتْ آلغلآ .. عقـبه تلحفت آلطمـوحْ
غَفيتْ وآلفرحه حلم , آصحى نبي نآصل لهآ

آصحى مدآم آن آلآمـل يبني وسـطْ قَلـبي صروح ..!
آصحى مدآمه صآمل بيوت آلعنـآ يشتلهـآ

آصحى وعلم هـ آلحزن .. مآكل آمنآينآ مزوح ..
يبآ يجي يوم ..آنتكآبر.. عن شموسه ظلهـآ

آصحى ولآتظن آلصبر وجهه مثل وجهك سموح
عِـقدة حجآجـهْ من زمـن وآنآ آرتجيـه يفلهـآ ..

" ي قطرآت المطر "

في مدينة النور
علاء : ماذا حدث يا دكتور
الدكتور : انا اسف هي حالة مستعصية لا يمكن علاجها صدقني لا تبحث عن أي دكتور اخر فالفتاة اكتفت من العمليات و فحوصات و هذا واضح عليها و على شجاعتها توقعتها في البداية مجرد شجاعه و لكن عندما رأيت العمليات المتكدسة على ظهرها صدمت لذا ارضوا بما يحصل ولا تحاولو ان تعالجوها
علاء نزل راسو : شكرا يا دكتور
الدكتور : لا شكر على واجب فعلت ما بوسعي تستطيعون رؤيتها بعد ساعه
علاء : حسنا متى ستخرج من المشفى ؟
الدكتور : يجب ان تبقى اسبوعا تحت الملاحظة
علاء : حسنا
و راح لالاء و فريحة يقولهم كلام الدكتور
\
\
مر اسبوع على الاحداث
آهم آحدآثي هي ""
خالد " ابو عنان " ثبتت عليه التهمه و راح ينسجن شهر
محسن كان كل يوم يروح لسيف يشوف اذا ناقصها شي او لا
دانة ما زالت ما تكلم سيف
و يحيى يحاول للآن يراضي دانة بس كذب عليها و قالو انو سيف لعبت عليه
سيف قررت ترجع تشتغل عند امينة عشان تأمن حياتها
اغنار ما زالت في المستشفى و اليوم موعد خروجها
\
\
\
في الشركة الضخمة
شركة بندر ال...........
بندر : كيف يعني لو اسبوع مو مداوم ؟
السكرتير : والله يا استاذ هذا اللي وصلني
بندر : بس هو لازم يسافر الرياض بعد يومين عشان شركة ال....... عرضهم جدا رائع
السكرتير : جاتني اخبار انو في السجن
بندر : السجن ؟
السكرتير وهو يقرأ التقرير : حكم على خالد ال........ بالسجن لمدة شهر بتهمة العنف الاسري على ابنته المدعوة عنان خالد ال........... .... إلخ
بندر : انالله و انا اليه لراجعون عموما هو المفروض يستلم راتبو بعد ما يرجع من الرياض خلي احد يروح بدالو و الراتب ارسلو لاهلو و حتى الراتب حق الشهر دا خليهم يرسلوه لأهلو
شويا اندق الباب
: استاذ في شخص برا يبغى يكلمك
بندر : مين ؟
: يقول انو فيصل خالد ال......... ولد الاستاذ خالد
بندر : دخلوه
دخل فيصل بكل هيبة و رزة : السلام عليكم و رحمة الله وبركاته
بندر : فهد تقدر تخلينا لحالنا
فهد < السكرتير :حاضر
خرج برا و جلس فيصل
بندر : و عليكم السلام و رحمة الله و بركاته وصلتني الاخبار عن ابوك الله يعينكم و يسهلها
فيصل ابتسم : امين بس انا جاي اطلبك طلب
بندر : آمر يا ولدي
فيصل : انا ابي اشتغل مكان الوالد و سفرة الرياض انا بروحهآ
بندر : بس انت صغير على السفر و هالشغل
فيصل : تقدر تعتمد علي
بندر : بس يا فيصل
فيصل يقاطعو : ابوي في السجن و لازم احد يصرف على العائلة الين ما يطلع
بندر : انا قلتلهم يرسلو راتب ابوك حق الشهر دا و الشهر اللي ما راح يداومو
فيصل : انا بداوم هالشهر بدالو ما راح نقبل هالمبلغ على الفاضي
بندر : بس هو مو ع الفاضي ابوك كان انسان مجتهد و يستاهل
فيصل : عموما لو سمحت اسمحلي اني اشتغل مكان ابوي
بندر بتفكير : فهههههههههههههد فههههد
فهد : نعم استاذ
بندر : علم فيصل امور الشركة و خليه مكان ابوه في هالشهر
فهد : حاضر تعال معايا استاذ فيصل
فيصل صافح بندر و قام مع فهد
\
\
\
\
في القرية
الساعه 9:30 في الليل
عبدالمحسن : يلا سيف خلصتي ولا باقي شي ؟
سيف ابتسمت : خلاص خلصت
و ركبت السيارة و اتوجهت لجدة
في الطريق احس اني غفيت فجأة من التعب بس صحيت على صوت البرق و الرعد
عبدالمحسن : اللهم اجعله خير و بركة
سيف في قلبها : يوه انا اخاف من البرق و الرعد يارب ساعدني
رفعت رجلي فوق الكنبة و ضمتيها لصدري و قعدت ابكي بصمت
عبدالمحسن لاحظها : سيف فيك شي ؟
سيف بدأت شهقاتي تعلى
عبدالمحسن خاف و ركن السيارة : سسيف سيف كلميني ايش فيك
سيف ببكا : خخ ... أي...فهه ... خايفهه
عبدالمحسن : طيب دقيقة
مشي مسافة مو مره طويلة
ووقف قدام مسجد باين انو م فيه احد م احد يدخلو و شكلو مهجور
عبدالمحسن : يلا انزلي
سيف طالعت فيه : لا لا لا لا الله يخليك خايفه لا اهههئ اهئ
عبدالمحسن تنهد و خرج من السيارة و حط الجاكيت الاسود الكبير على راسو و راح من جهتي
فك باب السيارة
عبدالمحسن : انزلي ؟
سيف ببكا : لا لا لا لا
عبدالمحسن تنهد و سحبني من يدي و قربني منو و دخلني تحت الجاكيت الكبير
سيف و هي منحرجة قالت بعفوية : و اخيرن وقف الصوت
شويا جا رعد و صوتو كان مره قوي
سيف : ءءءءءءءءءءءءءءءءءءءءءءءءء ءءءءءءءءءءءءءءءءءءء
و نطيت في حضن محسن
محسن انحرج شويا مسكني و مشينا الين ما دخلنا للمسجد
شال الجاكيت شافني للان متمسكة فيه و دموعي مو راضية توقف
محسن : سيف خلاص وقف
سيف و انا ما زلت مغمضة : متأكد ؟
محسن : ايوا
سيف فتحت وحده عين : اكيد ؟
محسن : هههه ايوا
فتحت العينين و اتنهدت براحة
بعدين حسيت اني قريبة منو بعدت شويا و انا منحرجة
عبد المحسن مشي مشي و انا امشي وراه الين ما وصل عند مكتبة صغيرة فيها مصاحف
جلس عندها و فتح مصحف
محسن : سيف تعالي
سيف : ليش ؟
محسن : تعالي
ابتسمت و رحت جلست عندو بس بعيد شويا
محسن طالع في المصحف و قعد يقرأ و يقرأ و يقرأ و يقرأ و ينفخ علي
حسيت اني تعبت شويا ركزت راسي على المكتبة غمضت عيوني الين
ما حسيت اني فقدت الوعي تماما و نمممت
محسن خلص قراءة طالع فيها شافها نايمة ببراءة و طريقة طفولية
شالها بخفة و سدحها على رجولو و غطاها بالجاكيت حقو و ركز راسو على المكتبة و نام و كف يدو على رقبتها و التاني على راسها و همس :
يا قطرآت المطر آغسلي جروحي و امحي من ذاكرتي منظرها و اجعليها ملاكا طاهرا في عيني
يا قطرات المطر ارجوك اظهري الحقيقة
غمض عيونو بتعب
\
\
\
\
في الشركة الكبيرة الخاصة ببندر
فيصل كان جالس في مكتب ابوهه
و جنبو فهد و يعلمو
فهد : ينفع اسألك سؤال ؟
فيصل وهو ما زال يطالع في الاوراق : اسأل ؟
فهد : انت ليش جيت تشتغل بدال ابوك و الاستاذ بندر قالك انو بيعطيكم راتب الشهر اللي ابوك ما راح يداوم فيه ؟
فيصل : لانو لو اعطانا هو من غير شغل بتعتبر صدقة و احنا ما نحتاجها احب اخد كل شي عن جدارة
فهد ابتسم : شرآيك في الاستاذ بندر ؟
فيصل : حسيتو حنون و طيب عندو اولاد ؟
فهد : لا بس عندو ثلاثة بنآت
فيصل : صغار ؟
فهد : لا كبار وحده منهم اتوقع الوسطانية مشلولة
فيصل رفع عيونو : مشلولة !!!
فهد : هي ما تقدر تمشي مو شلل عندها شي في العامود الفقري و مسكينة دايما تسوي عمليات عمليات اكثر من خمسة عمليات و كم دكتور كشفو عليها و دحين هي في باريس بتسوي اخر عملية يقولو انها لو ما نجحت ما عاد بيسو غيرها خلاص
فيصل : الحمدلله على كل حال هذا قضاء و قدر
فهد : الحمدلله اقولك لا تنسى انو انت بتسافر بعد يومين للرياض
فيصل : ايوا صح
شويا رن جوالو
فيصل رد : هلا يا قلبي
: فصولي متى راجع من الشركة ؟
فيصل : والله يا قلب فصولي برجع ع الساعه 11 ليش ؟
عنان : طيب ينفع تجيب لي معاك عشا ما خلوني اتعشى و قفلو الثلاجة
فيصل حزن عليها : طيب ي روح اخوك من عيوني تحملي شوي و حاولي لا تحتكي فيهم
عنان : طيب حبيبي
فيصل : صح نسيت اقولك انا بعد يومين بسافر الرياض
عنان : اما قد ايش بتقعد
فيصل : لحظة فهد قد ايش راح اقعد
فهد : اسبوع
فيصل : اسبوع
عنان : اسسسسسسسسسبوع ؟
فيصل : شفيك ؟
عنان و هي شوي و تبكي : كتير
فيصل : فهد ينفع اخد تذكرة لاختي ؟
فهد : اشوف اكلم الاستاذ بندر
فيصل : مشكور خلاص عنون باخدك معايا كدا تمام ؟
عنان : منجدك انت ؟
فيصل ابتسم : ايوا بس مو اكيد

دعنان : ايوا صح تكفين حاول لانو دحين الرياض فاشون ديز يبدأ بعد يومين الله يخليك بروحح
فيصل : ما يصير الا اللي يطيب خاطرك يا روحي
عنان : يلا ما ابغى اشغلك دحين روح كمل شغلك مع السلامة
فيصل : مع السلامة
و قفل
فهد بابتسامة : يحليلها اختك
فيصل : هههه و الله احس انها توأمي مو اختي من ابوي
فهد : اما اختك من ابوك ؟
فيصل : ايوا
فهد : عشان كدا
فيصل :ايش ؟
فهد ابتسم : ولا شي
فيصل طنش بعادتو ما يحب اللقافه
و كمل شغلو
\
\
\
\
في بآريس مدينة النور
صحيت اغنار بتعب شديد
حاولت تقوم بس للأسف ما فيه فايدة زي كل يوم من الاسبوع الماضي كلو اتنهدت و اتأكدت انو العملية فاشلة
دخل علاء و معاه الاء و فريحة
فريحة : فأتي حبيبتي
اغنار : ايوا
علاء نزل راسو بحزن : العملية
قاطعتو اغنار : ادري ما عليك
علاء : عموما رحلتنا بكرة الصباح
اغنار نزلت راسها و بتفكير : ما ابغى ارجع
علاء : هاه !
اغنار : بقعد هنا ما ابغى ارجع
علاء : كيف يعني ما يصلح
اغنار : قلتلك ما ابغى ارجع انتهينا بقعد هنا
علاء : يا طويلة العمر لازم ترججعي لازم
اغنار ببرود و هدوء : كلمة وحده ما راح تتغير انا بقعد هنا حتى فريحة خدوها معاكم
علاء : يا استاذة كيف نخليك هنا
اغنار : كيفي
علاء : اغنار ما يصلح افهمي عاد مو كيفك بترجعي يعني بترجعي
اغنار بصراخ : علاء لا تنسى نفسك تراك تشتغل عندنا احترم نفسك انا مو اغنار انا طويلة العمر الانسة اغنار
علاء سكت : طيب انا اسف بروح الغي حجزك فريحة الاء روحو جهزو الشنط عشان نرجع
خرجو كلهم و الجو متوتر جدا بينهم
اغنار ببكا و تعب : يوه هذا ليه ما يفهم
\
\
\
\
صباح اليوم الثاني
الساعه 8:00 الصباح
فتحت عيوني باعياء و تعب
طالعت في المكان حولي استغربت بعدين اتذكرت امس وجهي حمر من الحيا قمت و طالعت فيه ملامحو النايمة رفعت الجاكيت و حطيتو على رجولو و قمت عدلت طرحتي و البرقع و خرجت اشم هوا
شويا حسيت بصوت من ورايا
محسن : صباح الخير
سيف بابتسامة : صباح النور
محسن بخبث : نمتي كويس ؟
سيف انحرجت مره : هاه ايو ايلا نكمل طريقنا
محسن : ههه طيب يلا
ركبو السيارة و مسكو الطريق لجدة
\
\
\
\
في شقة أمينة
تحديدا في مكتبها
كانت جالسة على المكتب و توقع اوراق استلام الرواتب
دخلت عليها شذا
شذا : ماما امينة
امينة و عيونها ع الاوراق: هلا حبيبتي
شذا : سيف مو قالت بتجي امس ؟
امينة رفعت راسها : ايوا صح غريبة ما جات
شويا دق الجرس
شذا : دقيقة بروح اشوف
\
\
وقفة "*
شخصيات جديدة :
شصية فرعية
شذا الورد عمرها 16 سنة الكل يقولها شذا اختصار لأسمها هي يتيمه شردت من الميتم و قعدت عند امينة بشرط انها تشتغل عندها فصارت تشتغل عند امينة بس < سر هروبها بنعرفو بعدين > على نياتها و حنونة مره ما تعرف الخيانة و الكدب و النفاق طول عمرها خلوقة مع الكل قصيرة و نحيفة و شعرها مره مره طويل الين ركبتها لونو بندقي بشرتها بيضا خدودها موردة شفايفها صغيرة توتية خشمها وآقف و عيونها واسعه مره عدستها مدموجة باللون الزيتي و الرمادي رموشها كثيفة و حواجبها مرسومة رسم جميلة بمعنى الكلمة

شخصية فرعية
آمينة شخصية جدا جدا حنونة هي تشوف البنات اللي ما يلاقو شغل ولا مكان يقعدو فيهم و تبيتهم في شقتها و تشغلهم عند الناس عشان يكسبو و يعيشو نفسهم
عمرها 30 سنة اتزوجت و طلعت عقيمة فطلقها زوجها و من بعدها عرفت شذا الورد و صارت كأنها بنتها < بنعرف كمان دا الشي بعدين > هي حلوة جسمها رويآن شويا بشرتها قمحية تميل للسمار شعرها اسود طويل الين نهاية خصرها صدرها كبير بس متناسق مع جسمها
\
\
راحت شذا الورد و فتحت الباب
شذا بفرح : سسسسسسسيف
سيف ابتسمت على براءتها و ضمتها : هلا حبيبتي
محسن : احم
شذا انحرجت < شذا تعتبر نفسها صغيرة عشان كدا ما تغطي على الرجال ولا تلبس عباية قدامهم بس لمن تخرج الشارع
شذا ببراءة : كيفك ي
محسن باحراج : عبدالمحسن
شذا بابتسامة طفولية : باختصر و بقول محسن و انتهينا
سيف : ههههه يلا ندخل
و طالعت في محسن و قلت : شكرا على كل شي سلملي على ( بحزن ) دانة و اهل القرية ( و مدت مفتاح ) و هذا مفتاح القفل حق الكوخ حقي خليه معاك و هذا مفتاح البيت لو احتجت أي شي
محسن : و ذي رقمي عشان لو احتجتي أي شي اتصلي عليه
سيف ابتسمت : شكرا
اخذت رقم محسن و دخلت و محسن ركب السيارة و عاد ادراجو للقرية
\
\
\
\
في الليل الساعه 12:30
كنا كلنا جالسين في الصالة في الدور الاول
فجأة سمعنا جرس الباب يدق استغربنا مين بيزورنا في هالوقت
انفتح الباب شكلو احد معاه المفتاح
مع فتحة الباب
قفلت الانوار
سمعنا صوت صرخة قوية : ءءءءءءءءءءءءءءءءءءءءءءءءء ءءءءءءءءءءءءءءء
\
\
انتهى البارت الخامس
م ادري ليه احس فيني نذالة اكشف اسرار و اجيب غيرها
كالعادة
سيف !!
اغنار !!
عنان !!
بس هالمرة بضيف
شذا الورد !!
آنتظروني في البارت السادس بعنوان
" لا توجد منطقة وسطى ما بين الجنة و النار "
بس معلومة ترى العنوآن يعبر عن جزئية من البارت مو بس دا البارت حتى اللي قبلها كلها و اللي بعدها
آنتظروني

[لامارا]

>6<

إني خيرتك فاختاري
ما بين الموت على صدري..
أو فوق دفاتر أشعاري..
إختاري الحب.. أو اللاحب
فجبنٌ ألا تختاري..
لا توجد منطقةٌ وسطى
ما بين الجنة والنار..
إرمي أوراقك كاملةً..
وسأرضى عن أي قرار..
قولي. إنفعلي. إنفجري
لا تقفي مثل المسمار..
لا يمكن أن أبقى أبداً
كالقشة تحت الأمطار
إختاري قدراً بين اثنين
وما أعنفها أقداري..
مرهقةٌ أنت.. وخائفةٌ
وطويلٌ جداً.. مشواري
غوصي في البحر.. أو ابتعدي
لا بحرٌ من غير دوار..
الحب مواجهةٌ كبرى
إبحارٌ ضد التيار
صلبٌ.. وعذابٌ.. ودموعٌ
ورحيلٌ بين الأقمار..
يقتلني جبنك يا امرأةً
تتسلى من خلف ستار..
إني لا أؤمن في حبٍ..
لا يحمل نزق الثوار..
لا يكسر كل الأسوار
لا يضرب مثل الإعصار..
آهٍ.. لو حبك يبلعني
يقلعني.. مثل الإعصار..
إني خيرتك.. فاختاري
ما بين الموت على صدري
أو فوق دفاتر أشعاري
لا توجد منطقةٌ وسطى
ما بين الجنة والنار..

" لا توجد منطقة وسطى ما بين الجنة والنار "
صباح اليوم الثاني
في بيت بدرية كانو الكل في حالة ارهاق و تعب و خوف بسبب ليلة أمس
كانت ليلة سيئة على الكل
نزلت عنان الدور الارضي و جلست في الصالة و شغلت التي في
ضلال : ماما فين ؟
عنان : امك راحت عند امينة
ضلال : يوه كان نفسي اروح المول
عنان طالعت فيها و رجعت وجهت نظرها في التي في
ضلال : اكلمك انا
عنان : ايش اسويلك يعني اوديك انا مثلا
ضلال ابتسمت بخفة : مو فيصل علمك كيف تسوقي ؟
عنان طالعت فيها باستغراب : ايوا
ضلال : طيب يلا قومي البسي ثوب من ثياب تروك و تعالي معايا وديني
عنان طالعت فيها و رجعت دارت وجهها : انتي و امك من أي مخلوقين هي رايحة تزور صديقاتها و ما نزلت ولا دمعة و انتي بتروحي المول
ضلال بعصبية : احترمي نفسك انتي مو شغلك اسوي اللي ابغاه
عنان طنشتها و طلعت على فوق اما ضلال انقهرت و مشيت و هي تتوعد لها
\
\
\
\
في شقة امينة
كانت امينة جالسة و جنبها .. " بدرية "
امينة : لقيت لك وحده ماشاءالله عليها تشتغل شغل محترم
بدرية : اهم شي منو بنته ؟
امينة :لا هادي من قرية و امها متوفية من شي اسبوع
بدرية : اهم شي شغلها كيف ؟
امينة : مره كويس ماشاءالله
بدرية : يلا جيبيها لي بعد المغرب اليوم منا لوقتها يكون تركي و فيصل لقيو نضال
امينة : ليه هي فينها ؟
بدرية بكل برود و لا مبالاة : مخطوفة
امينة : ................ لا تعليق
\
\
\
\
في مكان بعيد شويا
فتحت عيونها و اتفاجئت بالمكان اللي هي فيه
وقفت على حيلها و صار تتأمل في المكان كان اشبه بالمستودع
كلو كرآتين حتى الباب مختفي مو شايفتو
اتنهدت بتعب حست بلفحة هوا على جسمها
نزلت راسها بحزن و همست : انا ضعت
نزلت دموعها بكثرة
حاولت تدور على حاجه تغطي جسمها بيها بس ما فيه فايدة ما تدري مين سوا فيها كدا
رجعت دموعها تنزل اكثر و اكثر و شهقاتها تعلى و تعلى و تعلى
سمعت صوت الباب من وراها
التفت و هي مو عارفة ايش تسوي بتغطي نفسها
قامت و اتوجهت لواحد من الكراتين الكبيرة
فتحتو شافت فيه قطن
فضت الكرتون بس مو كلو شويا بس و دخلت فوسطو و قفلتو
و سمعت صوت خطوات
طالعت من بين فتحات الكرتون
شافت اربعة شباب
اتنين منهم نسخ من بعض
و الاتنين الباقين عادي يعني
سمعت اصواتهم يتكلمو
قربت اذنها من الفتحة
الاول : تتوقع فين راحت بنت اللذين
الثاني : ما شبعت منها ههههه
الاول : يلعن شكلو تركي وقسم اختو شي يعذب
الثالث : بس هي اختو من امو بس مو صح ؟
الرابع : ايوا هو ما عندو اخوات هو الوحيد من نفس الابو و الام و الباقين اخواتو من امو
الثاني : طيب دحين فين راحت البنت ؟
الرابع : مدري دورولها
الثالث : انتشرو طيب و دورولها المستودع كبير مره
الاول ابتسم بخبث : لقيتها
بدأ يقرب يقرب من جهة الكراتين الكبيرة
شآت الكرتون بقوة مو طبيعية
: ءءءءءءءهه
الاول : هههههه قلتلكم
راحو كلهم عند الكرتون و هما مبتسمين ابتسامة خبث
الثاني : يا حلوة انتي ما قلتيلنا ايش اسمك
الثالث : صح ايش اسمها يا سلمان
سلمان : ههه نضال اظن مدري ضلال اسأل سليمان هو يدري
سليمان : لا اسمها نضال اقول عبود
عبد المجيد : امر
سليمان : مين اول انا ولا انت
عبدالمجيد : افا عليك و سلمان و صامد فين راحو !
سليمان : ههههه اختارو بسرعه بس برضو خلوني في البداية مو قادر اصبر
نضال كانت تسمع كلامهم و قلبها يوجعها و تحس سكاكين تطعن في قلبها
انفتح الكرتون
و نضال كانت مدخلة نفسها بين القطن عشان ما يبان شي من جسمها
سلمان : الله الاخت ساترة نفسها
نضال بس تشهق و تبكي و مو عارفة ايش تسوي
صامد قرب منها و حط يدو تحت ذقنها و قعد يتأمل ملامحها : والله حلوة اخت تركي ههههههه
نضال : اههئ اهئ الله يخليكم اتركوني انا ايش سويت لكم حرام عليكم يا ويلكم من ربي اهئ اهئ
عبدالمجيد بعصبية : اسسسسكتي
نضال : تخيلو يصير في اخواتكم كدا ترضوا اههئ اهئ
سلمان : اسسكتي يا مال المرض اوف مزعجة
سحبها من يدها بقوة و رماها برا الكرتون
و نضال تحاول تغطي أي جزء من جسمها بس بدون فايدة
\
\
\
\
في مدينة النور
خرجت و هي تمشي كرسيها
ما تدري ايش احوال اهلها
لها كم يوم ما كلمتهم
ما تدري ايش صار مع علاء و الاء و فريحة
هل هم رجعو او لا ؟
تنهدت بهدوء
ما عاد فيه حتى اتصال من المملكة
دفت عربيتها و مشيت مشيت الين ما وصلت للفلة القريبة من المستشفى بس مو مرة
دخلت و اتوجهت لغرفتها
راحت عند الدولاب و طلعت لها بيجامة و لبستها بالقوة
همست : لازم اتعود اعيش لحالي
اتوجهت للسرير و اتمسكت بالكرسي و قامت و جلست على السرير و انسدحت
اتنهدت بتعب و غمضت عيونها و نامت
\
\
\
\
في الشركة
فيصل دخل وهو في قمة الارهاق و التعب
فهد : مساء الخير
فيصل : فهد ممكن اكلمك في موضوع
فهد : امر
فيصل : كلم المدير يأجل رحلتي لانو اختي انخطفت
فهد : انا لله طيب ابشر و بقولك ترى لقينا حجز لاختك
فيصل ابتسم : مشكور
فهد : ما بيننا شكر
و اتوجه لمكتب المدير
\
\
\
\
في مكتب امينة
أمينة : شذذذذا شوشو شذذذذذذذذذذذذذذذاا
شذا : هلا ماما امينة
امينة : ناديلي سيف اباها شويا
شذا : من عيوني دقايق
راحت شذا و نادت سيف
دقيت باب المكتب و دخلت شفت امينة تطالع في الاوراق و مو منتبه انو احد دخل من اساسو
ابتسمت بنعومة : امينة طلبتيني
امينة : ايوا هلا سيف تعالي اجلسي بكلمك
جلست على الكرسي اللي قدام مكتبها
امينة : انا لقيت لك شغل في وحده حرمة تبغاك تشتغلي عندها اليوم بعد المغرب تروحي لها و هما راح يروحو للمزرعة حقتهم و يخلو بنتهم في البيت معاكي
ابتسمت : طيب راح اروح اجهز بس هم عندهم اولاد ؟
امينة : ايوا ولدين بس واحد متزوج و الثاني في الشركة اغلب وقتو
سيف : طيب شكرا
\
\
\
\
في القرية
جلس على سريرو و هو يتأمل في جوالو ما سمع صوتها من فترة مو عارف ايش يسوي
يحس انو اشتاق لها فتح جوالو و رجع قفلو و فتحو و رجع قفلو في النهاية قرر ينام و لمن يصحى يروح لها
رجع انسدح و غمض عيونو و غط في نوم عميق
\
\
\
\
: يا ولدي منجدك بتسافر يعني ما عاد بترجعلي
: انا مو ولدك لا عاد تقوليلي ولددددي
انهمرت دموعها : انتي ولدي صح ما حملتك بس ربيتك انت ولدي
: انا مو ولدك خخلاص خلااااااااااااصص
: اهئ فين بتروح بلاد الغربة اامن لك من امك يعني اهئ اههئ
: بلاد غربة بلا بلاد غربة راح ادرس هناك و اكون نفسي و ارجع اخذ اسمهان
: ليش على الاقل خلي بنتي عندي
سمعو صوت من وراهم : ماما شصاير
: اسمهان بياخذك مني اخوك بياخذك مني يا بنتي اهئ اهههئ
اسمهان بحزن و تعب : ليش طيب ليش تبعدني عن امي يا وسيم حرام عليك اول ابوي و دحين انت
وسيم : انا رايح
طلع من البيت و ترك الام و اسمهان في حالة حزن وقلق
\
\
انتهى البارت السادس
اممم م اظن انو انكشفت أي من الاسرار في هالبارت بس جبت اسرار جديدة
توقعاتكم
سيف !!
اغنار !!
عنان !!
هالمرة نقول
نضال !!
و وسيم و اسمهان !!
انتظروني في البارت اللي بعدو بعنوآن
" رغم كل هذا تظل ذكريات "

[لامارا]

>7<

في كل مره آقرآ خوآطري
وآسترجع كل ذكريآتي
تذرف عيني دمعة
لآ آعلم دمعة ماذا تلك
ولكن كل م آعلمه
آن تلك الدمعة لم تنزل علىئ لا شيء
لابد من وجود ذكرىئ خلفهآ
ذكرىئ جعلتهآ تنذرف
ربمآ سعيدة و ربمآ حزينة
ربمآ جميلةة و ربمآ قبيحة
ربمآ ممتعة و ربمآ مملة
ؤ مع هذا ستظل ذكرىئ
ذكرىئ لم آستطع نسيآنهآ
فشكلتهآ دمعة حتىئ آحآول آخرآجهآ من تفكيري
سآعيد طقوس تفكيري و رآحتي من جديد
لآرى هل ذهبت تلك
الذكرئ
أم ما زالت تحتاج ان آذرفهآ
بقلمي ..

" رغم كل هذا تظل ذكريات "
في القرية
صحيت بتعب و ارهاق
افتقدت صاحبتها و اغلى انسانة على قلبها
بس ليش تخونها لا و مع خطبيها
اتنهدت بتعب و قالت ( انا ما لازم اشغل بالي فيهم هم خانوني و بعدو عني )
قامت من على سريرها ما لقيت خولة اتوجهت لباب الغرفة و سمعت صوت من برا
: يمه انا بزوجها مو بكيفها كفاية فضايح
: بس يا وليدي يا متعب اختك لسى صغيرة
متعب : وين صغيرة يمه المهم اللي قلتو هو اللي حيصير
تنهدت دانة ( اكيد بيزوجوني ) لفت بترجع تجلس على سريرها سمعت صوت الباب ينفتح التفت كانت خولة
دانة طالعت في خولة باستغراب
خولة بعلامات صامتة و هادئة تدل على طبيعتها الباردة : رآح اتزوج
دانة اكتست علامات الصدمة وجهها : كيف مين بس انتي لسى صغيرة ما يصلح
خولة ابتسمت : اخوك بيزوجني واحد عمرو 56 سنة
دانة و عيونها بدأت تدمع كيف كدا مستحيل مو بعقلو
\
\
وقفة "*
شخصية فرعية "
خولة اخت دانة الصغيرة عمرها 16 سنة باردة بشكل مو طبيعي لا مبالية بكل شي الا اختها و امها هم بالنسبة لها كل شي شعرها الين بداية فخذها بني فاتح ناعم مره بس مجعد بشرتها برونزية عيونها متوسطة عسلي على رمادي جسمها رويان شويآ نظراتها استحقارية كتومة بشكل مو طبيعي طبيعتها صامتة غير عن البنات اللي في سنها نظرها ضعيف المفترض تلبس نظارة بس عشان حالتهم المادية ما فيه امكانية

شخصية فرعية ثانية "
متعب عمرو 24 سنة حقير و اناني اهم شي نفسو و فلوسو عندو يبيع الكل بس ما يتضرر عاق بامو مره اسمر ملامحو خليجية شعرو اسود جسمو معضل مره

\
\
خولة : عموما دا اللي راح يصير
دانة : خولة لا مستحيل ارضا يسوي كدا مستحيل
خولة : انا وافقت انتهينا
دانة : بس خولة
قاطعتها خولة : انتي مالك أي علاقة خلاص
و راحت انسدحت على سريرها
دانة كانت في حالة صدمة و قهر في نفس الوقت صدمة من متعب و قهر من خولة لانها خرجتها من الموضوع بشكل نهائي ما عاد تقدر تتدخل
\
\
\
\
في مكان كبير جدا و فاضي ينسمع الصدى فيه
كانت تبكي بحرارة بس بدون أي فايدة ما تدري هي فين او مع مين او ليش هي هنا
كل اللي تعرفو انو مستقبلها ضاع
بكيت بحرارة شهقاتها بدأت تتعالى
تحس نفسها حقيرة مي لابسة ولا حاجة و في مكان ما تدري هو فين تحس انها بتتجمد
شويا سمعت صوت احد يقرب منها
ما قدرت تشوف مين بسبب الظلام
: نضال
نضال : لا رد مجرد بكا
: اسمعيني انا ما راح اساعدك عشان سواد عيونك بس عشان شي واحد لاني اجبرت على اني اخطفك و انا ما ابغى هالشي خوذي هادي الملابس و العباية راح اخرج و اترك الباب مفتوح انتي البسي و اخرجي
نضال : استنى مين انت ؟
: ءء انا صامد
نضال ببكا : شكرا شككككرا شككرا اههئ شكرا ماراح انسالك هالمعروف
راح صامد و هي تسمع صوت خطواتو تبتعد لبست القميص الاخضر الطويل اللي اعطاها هو و العباية و اتحجبت و غطت وجهها برمية و هي ماشية حست انها دعست على شي
اول ما مسكتها كانت زنوبة << صندل يعني
همست : جيتني من ربك
لبستها و راحت اتوجهت للباب و طالعت يمين و شمال ما فيه احد خرجت جري من المكان و هي خايفة
جريت جريت جريت الين ما حست نفسها بعدت حست برآحة نفسية
وقفت بهدوء ما حست بنفسها الا و هي طايحة على الارض مغمى عليهآ
\
\
\
\
همسة "*
كما تدين تدآن
\
\
\
\
الساعة 6 المغرب
اتجهزت و لبست و رحت عن امينة
سيف : امينة انا جاهزة مين راح يجي ياخدني كيف بروح يعني ؟
امينة : يا قلبي السواق دحين يجيكي
سيف : اوكي لحالي بروح ؟
امينة : لا شذا الورد و رنا بيروحو معاكي
سيف ابتسمت : اوكي عارفين هما
امينة : ايوا عندهم خبر
\
\
\
\
خلتني انظف البيت كلو تقول دحين جاية خدامة يعني من جدها جاية خدامة ليه تخليني انظف احس ظهري اتكسر وقفت شويآ
بدرية : عننننآأننن ليش وقفتي شغل ؟
عنان : اسفة بكمل بكمل
بدرية : عموما انا و ضلال و تركي و اهلو رايحين المزرعة لمن تجي الخدامة افتحي لها الباب ووريها شغلها
عنان بهمس و قهر : ليه بقيتي لها شي ؟
بدرية بعصبية : ايش
عنان ابتسمت : ولا شي ولا شي
و كملت شغلعا
\
\
\
\
الساعه 10 : 8 في الصبآح
في المطار حطت طايرة جاية من السعودية
نزل منها بكل هيبة و رجولة بالثوب السعودي و الشماغ و النظارة
اتنقل بنظرو في ارجاء المكان
راح لمخرج المطار و شاف واحد معاه ورقة كبيرة مكتوب فيها بالفرنسي
.. " السيد وسيم ال...... "
راح عندو و سلم عليه و راحو يتمشو في باريس
\
\
في مدينة النور
كانت جالسة في حديقة جنب النافورة حركت كرسيها و اتوجهت لسوبر ماركت
قعدت تمشي تمشي تدور على موية معدنية
رفعت نظرها للثلاجات و شافت علبة اخيرة موية معدنية
رفعت نفسها بالقوة و اخذتها
ما حست الا بأحد يسحبها من يدها
اغنار : هي لماذا فعلت هذا اخذتها قبلك
: هههههههه انا اسف اخدتها قبلك
اغنار رفعت عينها لو : انت سعودي !!
: انتي سعودية !!
اغنار : اوووف مريض سسري
دفت عربيتها و مشيت
مسك العربية : استني استني انتي هنا لوحدك ؟
اغنار : ليه عندك مانع ي استاذ
: افضل وسيم احلى من استاذ
اغنار : ما سألتك
وسيم : خلاص خودي الموية اسف
اغنار : ما اباها اترك العربية
وسيم : طيب ايش اسمك ؟
اغنار : مو شغلك بعد عني
جات بتمشي مسكها وسيم
اول ما مسكها طاحت شنطتها
اغنار : أوف شوفت ايش سويت
وسيم : اسف و لم الاغراض كلها واعطاها هي
اغنار : شكرا
و مشيت عنو
اغنار ( اوف مريض )
و مشيت
اما وسيم قعد يطالع فيها الين ما اتلاشت من قدامو
جا بيمشي بس انتبه لمحفظة فوشي و عليهآ من قدام رسمة فيل بالتفآحي اخذها و فتحها
كان فيها مبلغ بس مو مرة كتير يعني في حدود 300 ريال سعودي
طلع بطاقة كان فيها صورة اغنار و اسمها
وسيم : اها اغنار بندر ال.......... اممما ككدا هذا هذا اللي قتل ابوي
\
\
\
\
كنا ماشين بالسيارة
بس صدفة شافنا وحده على الارض
كلنا كانت علينا علامات الاستغراب
وقف السواق
و نزلت
هزيتها المرة الاولى لارد و المرة الثانية لا رد
: سيف هي ميتة ؟
سيف : لا حبيبتي مو ميتة تعالو معايا نشيلها
شذا الورد : طيب دقايق
راحت نادت الباقين و رجعت شالوها و ودوها للسيارة
و كملو طريقهم
\
\
\
\
في قصر من قصور جدة
: جهزتي الشنطة خلاص ؟
: ايوا كلو جاهز تكفى لا ترجع الا و بنتك معاك
بندر : لا تخافي يا ام اغنار ما برجع الا و هي معي بإذن الله يلا كلمي الشغالة تنزل شنطتي تحت
ام اغنار : طيب
و نزلو الشنطة تحت و بندر اتوجه للمطار
\
\
\
\
كانت جالسة في مكتبها بس فجأة دق الجرس
قامت : مين ؟
: انا عبد المحسن ؟
: مين تبغا ؟
عبدالمحسن : ابغا سيف
امينة : سيف قبل شويا راحت
عبدالمحسن : فين ؟
امينة : عندها شغل في بيت
عبدالمحسن : طيب متى راح ترجع
امينة : الله اعلم لمن تخلص
عبدالمحسن : طيب ينفع تقوليلها اني جيت
امينة : طيب بس انت ايش تقربلها ؟
عبدالمحسن : ءء انا طليقهآ
امينة : هي كانت متزوجة !!!!!
عبدالمحسن : مو زواج بس ملكة و طلقتها
امينة : ليش شصآر يعني ؟
عبدالمحسن : عموما لا تنسي تقولي لسيف
امينة : اسفة لو اتدخلت
عبدالمحسن : لا عادي
و راح عنها و ترك امينة في حالة من الصدمة و الاستغراب في نفس الوقت
\
\
\
\
في مدينة النور
رجعت البيت ونمت و انا مقروفة من ذاك السامج صحيت و لبست فستآن ناعم لونو رمآدي و فيه حزام بني نحيف على الوسط و جاكيت جنز قصير و بوت بني اخذت شنطة بني كبيرة و نقلت اغراضي من ذيك الشنطة للثانية البنية و خرجت اتمشى
\
\
\
\
في جدة في القصر الكبير من يوم ما راحت اغنار و الحزن حوط البيت من كل النوآحي و الكل ملاحظ هالشي حتى في الشركة
بندر : انا رايح لها خلاص تعبت من زمان انتظر أي اخبار بس بدون فايدة
اول ما جاب يقوم دق تلفون البيت
رد بندر من غير ما يشوف الرقم
بندر : الو
بهمس : اشتقتلك بابا
بندر نزلت دموعو : اغنار اغننننار بابا اغنار فينكك
اغنار : بابا انا بخير لا تخاف
بندر : كيف ما اخاف و بنتي لحالها في بلاد الغربة انا بجيك دحين
اغنار : لا لا لا
بندر : ليش
اغنار : كدا لو شفت احد منكم عندي بنتحر ترا اسسويها انا
بندر : اغنار ليش طيب ايش حادك ليش ما تعيشي مع اهلك و انتهينا
اغنار : خلاص قفل الموضوع بتصل اتطمن عليكم يوميا بس ما ابا اشوف احد عندي
بندر : بس
اغنار : لو سمحت بابا انا مو نونو دي رغبتي خلاص لو شفت احد منكم عندي ما راح اضمن لكم النتايج ابد
بندر : على الاقل ارسلك فريحة
اغنار : لا ما ابا ولا احد
بندر : ليش طيب
اغنار : كدا يلا انا رايحة مع السلامة
قفلت و تركت بندر في حاله ما يعلم بها الا ربي
\
\
\
\
في القرية الصغيرة
تحديدا في بيت دانة
دانة بحزن : خولة انتي متأكدة موافقة ؟
خولة : دانة قفلي الموضوع شرآيك في الفستآن
دانة : مو مصدقة انها ملكتك اليوم
خولة : لا تخافي يلاق وليلي شرآيك
دانة قامت و باست رأس اختها الصغيرة : يجنن شكلك يجنن ي روحي
خولة ابتسمت و ضمت اختها بقوة
دانة بعدتها شويا و قالت : فكري قبل ما تقولي أي شي دي حياتك لا تخلي احد يتحكم فيها فاهمه ؟
خولة : ايوا
\
\
\
\
في بيت دآنة في المجلس
دخلت خولة و جا الشيخ من ورا الباب
: موافقة يا بنتي ؟
خولة بتعب و ارهاق قعدت تفكر ( هي حياتي انا ما راح اسمح لمتعب يتحكم فيها هي حياتي انا حياتي انا لحالي مو لازم اسمع كلام متعب )
قبضت يدينها و نزلت دمعتها و هي تتخيل حياتها بعد جوابها
خولة : .......

\
\
بكدا اختم البارت السابع
توقعاتكم
سيف !!
اغنار !!
عنان !!
نضال !!
خولة !!
هذا البارت حسيت الاحداث فيه كثير و صارت فيه حاجات كتير و فيه كمان اسرار كتير
احب اقولكم ترى كل اللي في الرواية ابطالي مو بس سيف و عنان و اغنار لا بالعكس كلهم خولة نضال امينة شذا وسيم ككلهم ابطالي بس القصص تدور حولين هدولا التلاتة البنات بس
انتظروني في البارت الثامن بعنوآن
" آنآ بقايا شتآت "