آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
13-09-13, 03:45 PM
| #41 | |||||||||
| نجم روايتي ومشرفة سابقة وفراشة متالقة بعالم الازياء  
|  بـــــــــــــــــــارت اربــــــــعــــــــيــــ ـــــنـ .. دانه : تحبني ؟ عبود : انزل ايييب القهوه وايي ماني مطول ونزل بسرعه عبود " لا تسألين يا دانه لا تسألين !! مابي اجرحج ولا ابي اغلط بحقج وادري جوابي بيضايقج اعرفج اكثر من نفسج دانه " انحاش !! لأنه مايبي يجاوب يستحي يقول لا انا احب نور ما احبج بس لو اشوفها بس بعرف شنو فيها عشان اقدر انسيه ياها بس اوعدك انك بتيي تقولي احبج وانا اللي ما اقولها واحرمك منها ---------------------------- شدن : بييه هذيل طولو صار غدا حرام تعبانه على الاكل فيصل : هههههههههههههههههههههه لا والله شمسويه كله زبده و جبن وخبز تعبتي وانتي تطلعينهم من الثلاجه شدن : اي تعبت جرب وبتتعب يعقوب ضحك عليهم : ميانين والله ولا هذا نقاش اثنين متزوجين فيصل لف عليه : لا احلف نقاشك انت ومرتك القوي افراح : يتطنز واهو اخس يعقوب : ماشي ماشي الوعد بليل شوفي هذا ثاني تهديد الثالث ثابت وبطبق العقاب كا اقرب غرفه ببيت فصيل افراح ويها الوان !! حتى شدن استحت من السالفه وقعدت تضحك وفيصل ويعقوب باطينها ضحك على اشكالهم ! --------------------------------------- عبود ركب السياره : حبيبتي بخاطرها شي ثاني دانه : لا حبيبي مابي الا سلامتك عبود حرك السياره واهو يدعي انها ما ترد تسأل هالسؤال دانه : لا ليلحين احبها عبود استغرب وطالعها دانه : مو هذا جوابك على سؤالي عبود تنح " لا يا دانه لا تعذبيني اكثر وتخليني اندم على هالزواج اكثر دانه : السكوت علامه الرضا عبود : لا تألفين وتصدقين تأليفج دانه : عيل ليش ما جاوبت عبود : لاني كنت بنزل مانبي نطول عليهم اكثر دانه : ايي صح واضح عليك عبود صرخ عليها : دانه بس لا تحنين وايد وانتي اكثر وحده عارفه الجواب دانه ابتسمت ومسحت على جتفه : خلاص حبيبي لا تضغط على عمرك وانا رضيت بكل هذا وقلتلك الحب ما اييي بالغصب كافي انك ريلي بالاسم .. احبك وباسته على خده وردت مكانه عبود بس باسته هدا " معقوله ؟هذي ردت فعلها ؟ لا قامت تشككني بروحي صرت ما اعرفها !! شكلها راضيه من كل قلبها بس ليش ؟ دانه " لا تجرحني اكثر والله مو قادره اتحمل اكثر مليت من كثر ما اسوي روحي قويه وما همني شي .. والله احس ولي مشاعري انا انسانه مثلكم ليش انا مالي حظ ولازم بكل مرحله من حياتي انجرح جروح اكثر من اللي قبلها تمرني الذكرى واتألم .. من اللي صار اتعلم.. ماني قادر اتكلم .. من الضيقه تمل روحي .. صباح الخير ياجروحي .. هلا والله في جرحي .. فمان الله يافرحي .. بنيتك وانهدم صرحي .. وصارت دمعي بوحي صباح الخير ياجروحي .. ببـــيت فيـــصل & شدن دخلو عبدالله و دانه مبتسمين =) دانه " من اشوفهم مبتسمين ابتسم غصبا وانسى اللي صار هذيل اخواني وربعي ودنيتني كلها وما استغنى عن ولا واحد فيهم كل واحد منهم له دور بحياتي * كــل مــا اشــــوفـــك ( ابـــتســــم ) مـــن دونــ مــا اشــعــر .. و اقـــولــ فــي ( قلــبــيــ ) عســى الله يحفــظــك لــيــآ .. دانه : صباح الخير الكل : صباح الورد دانه سلمت عالبنات والشباب سلمو على عبود الكل : مبرووك دانه وعبود : يبارك فيكم فيصل : اشوفك تخطط واحنا اخر من يعلم عبود : شسوي بعد واحد مستعيل ما اقدر اشوفها بعيده اكثر من جذي الكل ضحك عليه الا دانه دانه " هالكلام يمشي عليهم مو عليي يمكن لو ما صار اللي بالسياره جان صدقت عبود شافها وابتسم واهي ردت له الابتسامه دانه : فهوودي وقامت خذته وبس قعدته بحظنها قعدت تبوسه وتلعب معاه واهو يضحك لها دانه : فديته اناا وحلاته والله عبود : خير انشالله منو ريلج انا ولا اهو ؟ دانه تستعبط: اثنينكم واحد عبود خزها !! دانه : ههههههه حبيبي انته اتغشمر معاك لا تتضايق عبود : ايي ديربالج ترا مو زين هالحجي يعقوب :عقابك من طقه عقابي ؟ عبود : مادري والله شنو انواع عقابك يعقوب يفكر : امممم عبود : تفكيرك خبيث اعرفه بس لا عقابي انا بسيط بدون عنف مثلك يعقوب : ههههههههههههههههههههههههه هههههههه عبود : مستانس بعد !! افراح شلون صابره عليه ؟ افراح ابتسمت : الله كريم بعد لو ما اخاف منه جان من زمان انحشت منه يعقوب هالمره خزها : خير ؟ افراح : هذا الصج دانه : مو قلتلك اللي تاخذك امها داعيه عليها شدن : حرام والله يعقوب خوش واحد لا تظلمونه افراح : ايي والله يعقوب مافيه منه الله يخليه لي الكل : امين يعقوب : ايي هذا الحجي السنع >> مع ابتسامه كبيره دانه :اخوي ينقص عليه بكلمتين يعقوب : شفتي شلون يعني انا البريئ واهي شيطانه وحط صبعه بحلجه مثل اليهال الكل : هههههههههههههه دانه : لا لا يبيلك صوره عبود على طول طلع فونه يعقوب وخر ايده : ناوي على شنو ؟ برستيجي يروح حتى اسمي ينزل وبعدها لا شغل ولا مشغله مو زين شلون ابني مستقبلي شدن : ايي والله المهندس اللي قبل اسمه زايدته هيبه لي راحت اهو يروح فيها يعقوب : هذي الناس الفاهمه بدون المهندس اروح وطي فيصل : احم احم الرسام احلى يعقوب : شتبي بالرسم فيصل : هذا احساس وفن شعرفك انت افراح : فيصل في معرض بالكويت مادري شسمه بالضبط بس حق الرسم وحده اعرفها بتشارك اقولها تسجل لك ؟ على الاقل تبدي من اول ما توصل فيصل ابتسم : اخبار سنعه من الصبح قوليلها شنو القوانين وشنو نوع الرسمات محددينها ولا لا ومن هالسوالف اهي بتقولج اكيد افراح : خلاص انشالله ------------------------------------------------------------ شدن " ردت الكويت اليوم !! احنا بالطياره فهود بحظن دانو و ميشو بحظني خايفه عليهم بس قاعده احاول اني اهدي عمري وبس صرنا بالجو شدن بخوف: لاااااا فيصل تصرقع !! | |||||||||
|  |
|
13-09-13, 03:46 PM
| #42 | |||||||||
| نجم روايتي ومشرفة سابقة وفراشة متالقة بعالم الازياء
| البـــــارت الــــواحـــــد و الاربـــعـــيـــــــن ... كـــــافـــــــي صـــدمــــــات بحـــيــــــاتـــي .. شدن بخوف: لاااااا فيصل تصرقع !! :شفييييج شدن بخنقه : رجع علي فيصل : خرعتينا حتى الشباب قاعدين يسألون شدن :فصول مو وقته والله ويع وقعدت تمسح بكلنكس رطب ويه ميشو شدن : هاك اخذه بروح انظف هدومي فيصل خذاه واهو يضحك عليها شدن " نرفزني و ابوه يضحك !! دانه : شفيج ؟ شدن : رجع علي دانه : حياتي انتي خلاص مسحيه الحين المشكله وين تبدلين والحمام ماكو اصغر منه شدن: يايبه وياج اي تيشيرت ؟ دانه : ايي خلاص الحين اييبلج الجنطه واخذي اللي تبينه شدن : اوكي مشكوره دانه : العفو شدن " دانه يابت لي جنطتها حاطه فيها جم شغله بدلت ملابسي ولايعه جبدي الحمام بروحه صغير وانا ابدل فعصبت حدي واول ما رديت مكاني فيصل مسك ايدها وباسها : لا تتضايقين شدن قعدت وابتسمت : من عيوني فيصل : فديت عيونج .. تبين تشربين شي شدن: ايي بليز ابي قهوه فيصل : ولا يهمج ----------------------------- دانه : عبود عبود : هلا دانه : سولف معاي لا تنام والله ملل عبود : دانه خلاص قلتلج مالي خلق وبنام دانه فيها البجيه : خلاص حبيبي نوم العوافي عبود " صوتها فيه شي!! انا ليش قلتلها جذي ؟ عبود : نور حياتي لا تتضايقين مو قصدي دانه وقفت : اسمي دانه مو نور وراحت عند يعقوب يعقوب : شفيج دانه :مافيني شي بس روح اقعد عند عبود ابي اسولف مع افراح شوي يعقوب: اوكي وراح ودانه قعدت مكانه دانه : فروح بليز كلمي المضيفه خل تييبلي كفر بتلحف مابي اشوف احد افراح : شفيج ؟ دانه : بليز ؟ افراح: اوكي دانه بعد مايابوه لها فصخت فلاتها ورفعت ريولها عالكرسي وتلحفت وحطت راسها بين ركبها وقعدت تحاول انها ما تبجي !! بس نزلو غصبا عليها افراح " شفيها ؟ معقوله اهي وعبود ؟ بس شكلهم مستانسين !! دانه " مينونه مينونه !! انتي ماتدرين حتى اذا اهو يبيج ولا لا يمكن شفق عليج ليش تحبينه !! ويمكن مغصوب اووه انا شقاعده اقول بس يمكن هذا الصج !! ولا واحد يتزوج وحده يبيها ويكلمها بهالاسلوب ويغلط باسمها واهم توهم مالجين من يومين !!! -------------------------------------------------------------- دانه " وصلنا الكويت انا طلعت قبلهم ومحد تحجى حتى اهوا ما قدر يرفع عينه علي لقيت ابوي وامي سلمت عليهم وبعدها طلعو الباجي كانت شدن حاطتهم اثنينهم بالعربانه وتدزهم والشباب و افراح يدزون الاغراض انا بلغتهم اني ماخذه جم جنطه من جناطهم وكل واحد فيهم سلم على اهله وعبود يالي و لو مو اهلي جان كفخته ومشيت عبود : دانه دانه : هلا حبيبي عبود : دام سلمتي على اهلج تعالي معاي تتعرفين على اهلي اهم ناطرينج دانه : اقدر ارد البيت ابدل وايي ؟ عبود : تقدرين تبدلين هناك دانه بعناد : عبودي اول مره بشوفهم لازم اكشخ انا ما اعرف الا خالتي بليز ؟ عبود : اوكي بروح الحين و بعدها ادق عليج عشان تطلعين وتيين معاي اوكي ؟ دانه : اوكي حبيبي دانه " وسويت اللي براسي ورحت مع اهلي وافراح بالبيت .. شدن " وصلنا بيت عمي احنا جناحنا فوق كانو اهله بالصاله ( امه وابوه خواته ثنتين واخوه الوحيد ما كان موجود ) اخته الصغيره : فصووول وراحت لمته حبيبي اشتقتلك فيصل شالها : شلونها دلوعتي ؟ ريم : تسأل عنك ومشتاقتلك وايد فيصل : انا اكثر باسها ونزلها زينب : لنا الله فيصل : هلاا والله وفتح ايده واهي على طول راحت لمته شدن " صح اغار وابي حظنه بس لي انا !! بس اكيد مشتاقيله وايد بس ما راح اسمحلهم بهالشي !! اغار وغيرتي بزيااده !! فيصل :ما راح تسلمون على مرتي ؟ ريم وزينب : ويي سوري وراحو سلمو عليها شدن : لا عادي بو فيصل : وين عيالي ؟ شدن: نايمين و اشرت عليهم بالعربانه بو فيصل : ايي خلوهم .. يلا روحو ريحو ما بقى على الغدا شي فيصل وشدن : انشالله وصعدو و قالت حق الخدامه تصعد عيالها شدن شالت ميشو وحطته على فراشه وباسته وفيصل شال فهد وسوى نفس الحركه شدن لفت عليه : فصول فيصل : عيوني شدن : بروح مشوار ممكن ؟ فيصل : وين ؟ شدن : بروح بيت خالي فيصل : عند منار ؟ شدن : اذا ممكن؟ فيصل : تبيني ايي معاج ؟ شدن : اذا تعبان نام واذا عادي حياك فيصل: خلاص بيي وياج بس خليني ابدل شدن : اوكي شدن " تسبحنا وبدلنا جيكت على عيالنا وطلعنا وصينا البنات عليهم ورحنا بيت خالي .. شدن " دخلنا وخالي سلم علينا وهبه ومنار نفس الشي منور كبراانه واايد !! تخرجت من الثانوي ومستانسه بالنسبه فديتها شفت طلال و محمد وتنحت!!! شدن " محمد نسخه من حمود اخوي وطلال اينن كبرانين عليي !! بيكملون ال 3 سنين تقريبا منار : خالي توفى شدن رفعت حواجبها : الله يرحمه ويرحمنا كلنا بس اي خال ؟ منار : خالي حمد ولمتها وبجت شدن " حمد بالنسبه لها مو بس خالها !! اهو اخوها وابوها وعادي لو يكون حياتها كلها انا ماقلت لها عن شي مابيها تنصدم فيه دعيناله واهي قالتلي انه اهو يطلب مني اسامحه قلتلها مسموح لاني ابيه يرتاح بقبره مو اكثر !! شدن " الصدمه الثانيه انه محمد مو ولده !!!!!!!!!!!!!!!!!!!!!!!!!!!!!!!!!!!!!!!!!!!!!!!! شدن : شلون يعني مو ولده منار : اهو تزوجها لأنها حامل !! شدن : من؟ منار : هالمحمد نسخه منو ؟ شدن شهقت : حمود ؟ منار ابتسمت : بالضبط كانت متزوجته بالسر ويوم طلقها درت انها حامل قالت حق حمد ونطرها تطلع من العده وتزوجها شدن :وليش طلقها ؟ منار : لأنها كانت تخونه وتكلم مليون واحد !! طلقها بس الولد ولده واحنا مانبي احد يدري !! شدن " غريــــــــــــــــــــــ ــــب هذي دنياااا ؟ هذا حلم اكيد !!!!! هذا مو صج !! انا بحلم والحين بقوم الحين راح اقوم !!!!! شدن قومي هذا موصج !!!! انصدمت بكل هذا !!!!!!!!! محمد ولد اخوي! محد حاس فيني بهاللحظه !! صعبه وايد والله واييد !! انا لو اسمع بهالسالفه اقول جذب ! اشاعه ! فيلم اي شي بس ما راح اقدر اصدق بس اللي نبيه غير والواقع شي ثاني !! هذا ولد اخوي وانا بربيه !!!! منار : يمكن ما تصدقين بس بهالدنياا في اخس من كل هذا بوايد على الاقل هالمحمد بالحلال معروف منو ابوه وامه ناس ولدو وقطو عيالهم لأنهم مايدرون منو ابوه ومفتشلين والذنب ؟ ذنب هاليهال حمدي ربج انه حمود عندنا مو مقطوط بالشارع !! صدقي ولا تجذبين كلامي لأنه نفوس البشر خبيثه و هالدنيا قمنا مانصدق اللي يصير فيها !! مافي شي مستحيل كل شي قاعد يصير و طبيعي ولا في عيب وحرام وجذب وصج !! السالفه تصير و بس .. شدن " عايلتنا مسلسل !! فيلم هندي !! صدق او لا تصدق :/ | |||||||||
|
| |
|
13-09-13, 03:46 PM
| #43 | |||||||||
| نجم روايتي ومشرفة سابقة وفراشة متالقة بعالم الازياء
| البـــــارت الـــثـــــــانـــي و الاربــــعـــيــــــنــ ... بــكيــت وفــي عيــونيــي { دمـ ~.. رضــيـــت انـــا علـــى القســوه ..!! وضــاعـــت .. كــل بــســـمــــاتــــي ~.. تعبــــت / ومــا صـدق حظـــي ..! وفــوق الــهــمــ .. اشــيــل الهــمــ .. ~~ ( صــغـــيـــر ) فـــي العـــمـــر انــــا }} ( وكــبيـــرهــ حيـــل ) مـــأســـاتــــي ..!!~~ محـــد يــدريــ عــنــ اخــبــاريــ ..! محــد فــي دنيــتـــي مهتــمــ .. " " ---------------------- دانـــه " بدلت و نزلت قلتلهم اني بروح مع عبود مرني وطول الطريج ساكته يكلمني احقره ومعطيته طاف وصلنا بيتهم وانا دخلت مبتسمه .. دانه وعبود : السلام عليكم الكل: وعليكم السلام دانه سلمت على امه وخواته ام عبود : حياج حبيبتي دانه : يحييج خالتي وقعدت يم امه عشان مايقولي شي ام عبود : هذي فاطمه اخته الكبيره والصغيره رنا و محمد ومرته فجر .. دانه ابتسمت : فرصه سعيده رنا : تخرجتي ولا ليلحين دانه " واضح عليها نفسيه : لا تخرجت رنا : مبرووك حبيبتي دانه : يبارك فيج عقبالج رنا : بييه تو الناس عليي دانه : ليش شكلج بالجامعه رنا: لا توني متخرجه من الثانوي دانه : مبروك انشالله يقبلونج بالمكان اللي تبينه رنا : ايي وليش ما يقبلوني نسبتي تشرف دانه " وييع !! دانه : حتى لو في وايد ما قبلوهم رنا : اييي اييي لا يكثر حجي عبود : رنا احترمي نفسج رنا :شقلت هذا الصج دانه : ماقالت شي خلها مسكينه وبلعانه وتوها صغيره رنا: انامو صغيره اطول منج وليلحين صغيره دانه :سوري بس الطول ماله شغل يعني انتي اطول من خالتي هذا معناته انج كبيره بالعمر ؟ رنا انقهرت وقامت " انا تسويني بكبر امي اوريج !! بس راحت ام عبود : هم وانزاح دانه :خالتي حرام عليج ام عبود : مالج شغل فيها ياهل وتتدلع ختولي مافي احد مو حاطه دوبها بدوبه دانه ابتسمت :ماعليه توها صغيره دانه " مشوار يديد وجروح يديده بتيي!! عبدالله و رنا ما راح يقصرون معاي بهالشي .. دانه " سولفت مع اخته وامه ومرت اخوه ايننون كلهم الا رنا !! غريبه :/ ------------------------------------------------ شدن : شلون الحين !! بومنار : خلاص قعدي وبنتفاهم .. شدن وفيصل قعدو بومنار : ما راح يصير اي شي محمد بيظل عندنا والكل بيحط براسه انه هذا ولد حمد شدن: انا باخذه انتو عيالكم كبار ومسؤوليتكم اكثر فيصل : انا ماعندي مشكله مستعد اخذه واعده ولدي او اكثر !! لا تنسون انه حمد صاحبي فيصل " صاحبي اللي طعني وابتسم ابتسامه حزينه .. الله يرحمك ويغمد روحك الجنه .. منار : بس حمود اخونا ما راح تاخذينه شدن : منور حبيبي انتي الحين بتدخلين الجامعه وبتلهين ما راح تكونين فاضيه مثل اول هذي جامعه مو لعب وبعدين هذا ولد اخوي وانا اللي بربييه هالشي احسن له انا ما راح امنعكم من شي هبه ( ام منار ) بصراخ : وليش هالولد ما يحق له يعيش مع ام وابو وبجت شدن كسرت خاطرها : انتي تدرين انه حمود متزوج يمكن ما كان يحبها بس حبها بعد الزواج ومادري اذا هالشي بيضرهم ولا لأ مابي هالشي يخرب ويشتت هالعايله منار : بس حرام ليش يعيش بدون ابو وابوه موجود !! فيصل بعصبيه : انا بكون ابوه وما راح نقصر عليه بشي هبه : انتي احق وحده فيه شدن: انا باخذه وانشالله بربيه احسن تربيه وما راح نقصر معاه واللي يبيه بيكون له وعيالي بيكونون اخوانه هبه هزت راسها : على خير فيصل : هالفتره بيكون عندكم بس يخلص بيتنا ناخذه ..اذا ما يضايقكم ؟ هبه : شدعوه !! هذا ولدنا بعد فيصل ابتسم شدن : شلون توفى شلون صار كل هذا !! منار خذت نفس : اول ما رد من بريطانيا يعني من عندكم كان دايما مضايق وكله مع حمود او يصلي و يقرا قرأن وكل ما قال انا ندمان!! خسرت ناس يغلوني بغبائي ما كان يكلم احد غيرنا احنا اللي بهالبيت و ماماعوده وبس !! منار: وبعد فتره كنت بغرفته قالي هالحجي وما انساه منار : خالي حبيبي يلا قوم اليوم اليمعه ببيت ماماعوده بليز تعال هناك ملل حمد بصوت تعبان : منور ما راح اقدر ايي منار : خالوووو بلاا دلع واللي يخليك تعال معاي حمد ابتسم : منوره حبيبتي بوصيج على جم شغله انتي كبيره وطول عمرج تسمعيني وعلى ما اعتقد هذي اخر مره تسمعين اللي بقوله منار : خالي شقصدك !!! حمد : سمعيني اول .. منوور قولي حق شدن ختسامحني انا ظلمتها وايد وتعبتها وماشافت معاي يوم حلو قوليلها خل تكمل حياتها مستانسه ولا تتضايق شافت الضيقه وايد صار الوقت اللي تستانس فيه .. فيصل خوش ريال والكل يمدحه واثنينهم يستاهلون بعض انا غلطت بحقهم خل يسامحوني مابي اروح وانا اتعذب باللي سويته فيهم !! منار : خالي لا تقول جذي وبجت حمد مسح دموعها : دلوعتي ما تبجي و وعديني انج تحاولين ما تبجين وادعيلي وبس انا تعبان يا منار تعبان وايد حسي فيني لا تعبيني اكثر وخذا نفس بتعب .. محمد ولد لولوه منار : ولدك حمد هز راسه : لا لا .. محمد ولد حمود ولد خالي.. كان متزوج لولوه بالسر لأنه يحبها واهله مو موافقين عليها بس تزوجها بالسر وبعدها درا انها تكلم شباب وطلقها بعدين درت انها حامل يت وقالتلي ونطرتها تطلع من العده وتزوجتها حمود زعل وصار ما يكلمني قوليله يسامحني بعد انا ما طعنته انا ماخنته هذا روحي هذا اخويي منوور انا هدمت حياتي وكل احلامي عشانه انا بعت شدن عشان حياته لا تنهدم وغلاتي عندج وصلي هالحجي وشوفي بالدرج اللي يمي في جيس وفيه ظروف لا تفتحينهم اذا رحت عطي كل واحد فيهم اللي عليه اسمه وقولي حق شدن اني احبها وعمري ما فكرت بغيرها وانتي كملي الجامعه ودخلي هندسه مثل ما كنتي حابه و فيصل قوليله انه اهو اخوي انا ادري اني غلطان بس ندماااان واايد والله وايد منوره لا تنسين كل هذا خليهم يسامحوني عشان ارتاح عشان خالج يروح وباله مرتاح منار : خالي ؟؟ حمد : عيوني يالغاليه منار لمته : خالي لا تروح انت حياتي كلها خالوو انت ابوي وامي واخواني وخالي وكل دنيتي لا تخليني بلييز وكملت بجي حمد قعد يمسح على شعرها : منووره قومي ييبلي قلاص ماي منار قامت : انشالله وشافته . خالي انت تبجي ؟ حمد : بس دمعتي نزلت روحي ييبيلي منار : اوكي نرجع حق الواقع منار : رحت يبتله ولما رديت لقيته بدون نبض ينيت !!! بجيت وكسرت كل الاغراض اللي جدامي قعدت اطقه ابيه يقوم لميته وشميت ريحته وظليت متصنمه بمكاني مابيه يروح بس امي يت بعد الازعاج اللي سويته و وخرتني ودقت عالاسعاف منار : غطوووه جدااامي جدااامي اناااا !! دلوعته منار تبجي : منو بيقولي دلوعتي منوره منو اللي كل ما شافني فتح ايده واركض اروح بحظنه ويشيلني حتى وانا هالكبر يشيلني !! وينه اللي بيي حفله تخرجي من الجامعه وبيشوفني مهندسه وينه ؟؟ خالوو راح وانا رحت معاه ابي خالي شدن لمتها : ادعيله وبس منار : الله يرحمه بســمــ اللهـ الرحــمــنــ الــرحيــمــ " ياأيتها النفس المطمئنه ارجعي الى ربك راضيه مرضية فادخلي في عبادي وادخلي جنتي " صـــدق اللــهــ العــظــيـــمــ .. | |||||||||
|
| |
|
13-09-13, 03:48 PM
| #44 | |||||||||
| نجم روايتي ومشرفة سابقة وفراشة متالقة بعالم الازياء
| البـــــــارت الـــثــــــالـــــث و الاربـــعيــــنــ .. و الاخــــيــــــــــر { الفـــصــــل الاولــ } دانــــه " كملنا اسبوع بالكويت وانا رحت بيت اهل عبود مره ثانيه .. و رنا ليلحين على نفسيتها بس انا مومهتمه .. تجرحني وانا اطوف لأني تعودت عالتجريح هذا مو معناته اني ما ارد عليها .. بس حتى لو كنت جدامها بارده ومومهتمه انا من داخل احترق !! شدن " سكنا ببيتنا ويبت حمود عندي ..تحجبت ههههه كلمت فيصل واهو وافق واستانس فطبقت هالقرار على طول والحين فيصل قاعد يقولي انه لازم نقول حق حمود اخوي بس انا مابي مشاكل واهو يقولي اذا خشيتي المشاكل بتزيد وانا قاعده افكر !! افراح " حياتي مع يعقوب من حلوه الى احلى الله يخليه لي يارب .. حمد توني عرفت سالفته بس استغربت شكو شدن ماخذه ولده تربيه بس ياما تحجينا وعطتنا طاف :/ ------------------------------------ فيصل : شدن حبيبتي حطي نفسج مكانه ترضين احد يحرمج من ولدج حتى لو ما تعرفينه ؟ شدن سكتت فيصل : محد يرضى وهذا ولده اكيد ما راح يضره شدون فكري عدل انا ما اقول مابيه او تعبت منه لا بالعكس حمود خوش ولد بس الحق انه يكون عند ابوه شدن : مادري فيصل بس احس هالشي بييبله المشاكل فيصل : لا مشاكل ولا شي هذا ولده واقع وصار مايقدرون ينكرونه شدن هزت راسها: بتكون معاي ؟ فيصل : اكيد انا معاج بكل شي شدن باسته : الله يخليك لي فيصل : ويخليج لي شدن : امين فيصل : دام الغدا عند اهلج خل نقولهم اليوم شدن : مو جنه مستعيلين ؟ فيصل : كل ما قلتي الموضوع بسرعه بيكون احسن للكل ولا انه الولد يكبر مو بين ابوه وبعدها لما يدري احنا اول ناس بياخذ بخاطره علينا شدن : لا لا كلش ولا هالشي فيصل : خلاص عيل بنقولهم اليوم شدن هزت راسها : اوكي فيصل باس يبتها: انا معاج لا تحاتين شدن :ادري وهالشي اللي مهديني ----------------------------------- شدن تكلم منار منار : خبله؟؟ بتهدمين كل شي شلون تقوليلهم شدن : منور خلاص انا قررت حرام محد يرضى يعيش بعيد عن اهله منار : خلاص اوكي وانتي اختي اكيد بكون معاج لا تحاتين صدقيني بيتفهمون الموضوع وبيصكون السالفه عشان هالصغير وحمود اخوج بيستانس صدقيني ماكو احد يتضايق لي درى انه عنده ولد شدن : مثل ماقلتي يلا حبيبي باي انا بروح اجيك على عيالي قبل لا يخلص فيصل منار : اوكي احنا ببيتكم اصلا شدن : صج منو هناك منار : محد بس احنا واهلج شدن : اها اوكي احنا كا يايين ------------------------------- ببــيــت اهــل شــدنــ .. شدن وفيصل : السلام عليكم وسلمت عالكل والخدامه وراها شايله فهود واهي شايله ميشو عطته وحده من الخدم عشان تنومه فوق .. شدن وفيصل بعد ماسلمو قعدو وفيصل قعد يضغط على ايدها واهي قررت انها تبدي .. شدن " ماكو احد اهون يلا تحجي شدن : احم انا بغيت اقولكم شغله الكل :نسمعج منار خايفه !! الكل مستغرب !! شدن متوتره !! شدن : قبل جم سنه لولوه الله يرحمها راحت حق حمد الله يرحمه وبلغته انها حامل وانه ريلها طلقها بدون ذكر السبب بس التحاليل كلها اثبتت هالشي وحمد تزوجها عشان لا يهدم حياة ناس اللي اهو الحين يطلب السماح منهم ويقولهم انه اهو ماطعنهم محمد غمض عيونه وخذا نفس وسألها : حمود يكون ولدي ؟ شدن هزت راسها الكل انصدم !!!!! محمد قام وشاله وقعده بحظنه يلعب معاه ويلمه واهو مستانس !! شدن " ردة فعله طبيعيه .. مستانس بولده بس الباجي ؟ ام شدن : شلون صار كل هذا لا هذي قاعده تبلش ولدي محمد: يمه هذا ولدي ويقولولج التحاليل اثبتت ام شدن : كنت ماخذها من وراي ؟؟ محمد : يمه ام شدن : لو ما كان اكو ولد جان عرفت شلون ارد عليك بس هالولد مو ذنبه وشوف مرتك المسكينه شلون بتتقبل ولد شريجتها مرت محمد ابتسمت : خالتي انا راضيه فيه كافي انه من محمد وحرام شوفيه يكسر الخاطر انا مستعده اربيه مثل ولدي شدن خذت نفس واهي مرتاحه " امي بتتقبل وحمود ومرته الوضع تمام عندهم بس ابوي !! هدوء ما قبل العاصفه ؟ بومحمد : الله يرضالي عليك صلح غلطتك و خل ولدك عندك لا تغلط وتضيعه منك هالشي ماراح اسامحك عليه ترا محمد باس راسه : هذا ولدي واكيد بربيه وبيكون عندي بومحمد ابتسم وبس !! شدن " ماتوقعت المووضوع يمر بهالسرعه !! بس كلام فيصل بمحلها هالشي واقع و صار مايقدرون ينكرونه .. ---------------------------------------------------------- بعد فتـــرهــ دانــــــه & عبــــداللــهــ .. دانه " حدي خايفه فكره اني مطلقه ومسويه عرس مره ثانيه صعبه بس لعيونه كل شي يهون انا من بعد هذيج السالفه ما كلمته واهو ما اعترض بس كلامنا كله عن العرس وانا خايفه شلون بنزل الحين شدن ليلحين مايت افراح : كلوووليييش مبروك حبيبتي دانه : يبارك فيج افراح : شفيج ؟ دانه : خايفه افراح مسكت ايدها : لا تخافين تعوذي من الشيطان وانشالله كل شي بيكون اوكي .. دانه : انشالله شدن" بعرسهم لويه على ما قطيت عيالي عند زينب اخت فيصل ورحت الصالون و رحت القاعه كنت حدي مستعيله ابي اكون معاها المهم وصلت ومثل ما توقعت كانت اكثر من خايفه دانه : شدون زين ييتي كنت بموت من الخوف شدن : اسمله عليج وبعدين ليش خايفه الوضع طبيعي وبعدين لا تحاتين كل شي تمام دانه : شدون خايفه الناس شبتقول مطلقه وتسوي عرس شدن : جب بس جب ريلج هذاك مو كفو وبعدين هذا ريلج بعد ويحق له يشوفج بالابيض دانه خذت نفس : كونو معاي والله قاعده احاتي افراح : سمي وتعوذي من الشيطان واقري على روحج وهالخوف بيروح دانه : انشالله وقعدت تسوي اللي قالته افراح .. ----------------------------------------- بالــفـــنـــدقــ دانه "واخيرا انزفيت والحمدلله كان الوضع تمام والحين انا بالفندق قاعده ابدل وعبود برا قاعد يطلب لنا عشا وانا متصرقعه على طول دقيت على شدن شدن : مينونه داقه روحي حق ريلج دانه : شدون خايفه انا بدلت وخلصت بس مابي اطلع شدن : جب تعوذي من الشيطان وطلعي يلاماكو شي يلاا روحي دانه : اوكي لا تزفين بروح يلا باي شدن : باي شدن " مينونه !! عبود طق الباب عليها : ما خلصتي دانه : هممم وبطلت الباب عبود وقف واهو متنح فيها دانه : فيك شي ؟ عبود باس ايدها :كل مالج وتحلوين اكثر دانه ابتسمت عبود مشى معاها لين الطاوله سحب لها الكرسي وقعدت وراح قعد جبالها وقعدو ياكلون بهدوء بس دانه اللي كلته لقمتين مو قادره تسوي شي من الخوف بعد ما خلصو اكل قعدها عالقنفه وقعد على ركبه واهو ماسك ايدها دانه مستحيه !! عبود : دانه دانه بصوت بالغصب يطلع : هلا عبود : بقولج شي وسمعيني لي النهايه ممكن؟ دانه هزت راسها عبود : انا اسف على كل شي بس ماكنت ادري ولا حاس بهالشي من قبل دانه مستغربه من كلامه ومو فاهمته عبود: ماكنت متوقع انه هالقلب بينفتح مره ثانيه وباس ايدها سامحيني دانه " ظني بمحله ؟ عبود باس ايدها مره ثانيه : احبــــــــــــــــــــــ ـــــــــــــــــــج دانه تنحت " ها ؟ عبود : هذي اللي كنتيي بتسمعينها قلتها دانه غمضت عيونها " لا تبجين لا تبجين هذا اللي تبينه صار عبود قعد يغني لها : لو اقدر امسح صفحاتي .. و ارجع صغير بذكرياتي لا احبج اكثر من ذاتي وتصير صرختج آهاتي .. بعيش عمري الاتي بظل حبج الهادي وابعد عن اذى العيون ويرتاح يومي وسهادي .. بايديج كل الامور ترجعيلي ولا تجافي مابقى فيني سطور والهم هد باسي .. لكن احبج .. احبج .. بكل احساسي احبج ... لكن احبج .. احبج .. بكل احساسي احبج ... دانـه : انا بعد احبك عبود غمض عيونه : مره ثانيه دانه : احبك عبود شالها وبس يبوسها ويقولها احبج واهي مستحيه ومتشققــه .. * يــا عســـى نبــقى انــــا وانـــتـــــه لبعـــضـــنــــــا .. والنـــــجــــــومــ تــــغـــار لمـــا تشـــوفــــــنــــا .. يا حـــلاة الحــــبـــــ يـــا قــلبـــي مــــعـاكـ .. صــرت احـس عمري معـاك حـب وهنا .. | |||||||||
|
| |
|
13-09-13, 03:49 PM
| #45 | |||||||||
| نجم روايتي ومشرفة سابقة وفراشة متالقة بعالم الازياء
| البـــــــارت الـــثــــــالـــــث و الاربـــعيــــنــ .. و الاخــــيــــــــــر { الفـــصــــل الثــانـــي } كنا ~\\ نتزاعل ~\\ وإنتخاصم ~\\ واخليه ~\\ وليا افترقنا مايطول جفانا ~\\ يومين ~\\ والثالث ~\\ يجيني ~\\ واراضيه ~\\ الله محلى خصامنا مع رضانا ~\\ شدن " دانه و عبود من باجر الظهر يو عندنا سلمو علينا كانت يمعتنا ببيتنا تغدو معانا وعالعصر يعقوب و فيصل وصلوهم المطار افراح كملنا سوالف .. دانه " حدي مستانسه ركبنا الطياره وانا ماسكه ايده مابي اخليه !! شدن: وهذي كل السالفه افراح انصدمت : يا حياتي والله يكسر الخاطر هالياهل وحمد كبر بعيني وايد بس هم هذا مو معناته انه اهو ما غلط بحياته شدن بابتسامه صفرا : الله يرحمه افراح : شفيج شدن :ماكو مرات اقول لو سمعته ؟ جان كل هذا تغير افراح استغربت :شقصدج ؟ شدن: فروح انا احس اني حيوانه انا قاعده اشتاق حق حمد !!!!!!! فيصــل " مـا عـاد فيــني روحـ اصبـر عليـكـ اكـثر.. كلــي الـمـ و جــروحـ ياليــتني اقــدر ..!! يعقوب مشى الموضوع :السلام شدن انصدمت " لا يكون سمع لا ياربي لاا افراح وشدن:وعليكم السلام فيصل وجنه ماسمع شي : شلونها وباسها شدن ابتسمت : بخير انت شخبارك فيصل : الحمدلله شدن " الحمدلله ما سمع !! افراح : اييي شصار يعقوب: شنو شصار وصلناهم سلمنا ومشينا افراح : اييي يعقوب فهمها انها بتمشي السالفه معاه وكمل سوالف عشان ينسون.. دانه " بالطياره قعدنا نسولف ونضحك وانا مرتاحه من قلب وحمدت ربي انه رزقني بواحد مثل عبود وبعدها نام وانا حطيت راسي على جتفه ونمت وانا مادري عن روحي ومن هاليوم ابتدت حياتنا عـــــســل X عـــســــل ----------------------------------------------- بنفس اليــومـ بلــيـــل .. فيصل : شدون تعالي ابيج بموضوع شدن " غريبه !! : هلا حبيبي فيصل قاعد واهي قعدت يمه لف عليها ومسك ايدها : حياتي تفهمي اللي بقوله زين؟ شدن خافت : فيصل صار شي ؟ فيصل :مو صاير الا الخير بس انا بسافر شدن تصرقعت : شنوو لا ليش فيصل : اهدي بس بروح بريطانيا بجيك عالحلال وبرد ما راح اطول شدن : شكثر ؟ فيصل : 3 اسابيع او شهر شدن بجت: فيصل من صجك ما اقدر اخذني معاك فيصل :لا حبيبتي واليهال ؟ حرام صغار والطياره مأذيه اذنهم شدن : بس انا فيصل : صدقيني بكلمج كل يوم وبتمر الايام وبتلقيني عندج شدن لمته : فيصل لا تخليني انا ما اعيش بدونك فيصل : ما اشك بهالشي حبيبتي لا تتضايقين وغلاتي عندج شدن مسحت دموعها وابتسمت : انشالله فيصل : ممكن تجهزين جنطتي شدن : هاا شنوو متى طيارتك فيصل : الفير شدن : وانا بقعد بروحي اهني ؟؟ من صجك فصوول وحاجز بدون لا تقولي فيصل :حياتي انتي انا ادري انج ما راح ترفضين هالشي وبعدين لا تحاتين يعقوب وافراح بيون يقعدون اهني انا كلمته واهو وافق وبيون بعد شوي وبهالوقت انطق الجرس فيصل :كاهم يو انا ببطل الباب وانتي حطي جنطتي وبدلي نزلي عشاني يالغاليه شدن هزت راسها : انشالله فيصل نزل لهم واهي قعدت تحط اغراضه يالمــــســــافــــــر .. لا تــسافر ولا تفكر بالرحيل .. الوداع { مــوت و قهـــر } وانــا انتظر طله { القــمـــر ..!!~~ وانتــــه .. ~~ القمـــــر .. ~~ وانا اعشقــك حيــل و الليــل مسافــات و ســهر .. فيــني قهـــر .. جاكــ الخــبــــر شدن تكمل باجي اغراضه واهي تبجي وبعد نص ساعه خلصت وبعد ما تأكدت من كل اللي يحتاجه دخلت غسلت ويها لبست ونزلت .. فيصل مسك ايدها وباسها وقعدها يمه شدن اكتفت بابتسامه : شلونكم افراح: تونا طالعين من عندج شدن:ههههه ماعليه يعقوب" بيسافر ويخليها ودموعها مو قاعده تجف من عينها!! فاهم وضعه اهي السبب باللي يابته حق روحها :/ الفير قام فيصل بدل وشدن لحقته ولمته ربع ساعه واكثر واهي تبجي مسح دموعها وباسها باس عياله وطلع وراح مع اخوه لأنه يعقوب لازم يقعد عندهم فيصل " واثق بيعقوب وادري انه قد الامانه .. شدن لا تخيبين ظني رادلج وابي اشوف اللي يسرني شدن بالبيت قاعده وتبجي شدن " اول مره ابجي وماهمني احد هذاا فيصل !!! افراح :خلاص حبيبتي لا تبجين انشالله بيردلج غمضي وبطلي تلقينه جدامج شدن مسحت دموعها : البيت بيتكم مابينا مستحى اخذو راحتكم عن اذنكم يعقوب وافراح :اذنج معاج افراح : الله يعينها يعقوب: اهي اللي يابته حق نفسها شدن سمعته واهي صاعده و وقفت " انا ؟ شسويت ؟ ونزلت ركض وطاحت على ويها وتقلبت بأخر جم دريه طاحت والدم حواليها !!!!!!!!!!!!!!!!!!!!!! افراح بصراخ : شـــــــــــــــــدن وراحت ركض صوبها يعقوب تصرقع وراح لهم ودق عالاسعاف على طول شدن : يعقوب شقصدك بـ " اهي اللي يابته حق نفسها يعقوب سكت ماتوقعها سمعت شدن : يعقوب جاوبني يعقوب بصراخ : استغفر الله افراح عيالها وين بنوديهم افراح : هاا مادرييي يعقوب : اخت فيصل ؟؟؟؟؟؟؟ افراح : اييي بيت اهله اكيد وراحت حطت اغراض اليهال و ركبت الاسعاف مع شدن ويعقوب خذا اليهال واغراضهم و وداهم بيت اهل فيصل وقعد يدق على فيصل بس مغلق يعقوب : افففف من بدايتها يعقوب قاعد يمشي على راحته لانه وياه يهال وصل بيت بوفيصل وطق الجرس وبعد فتره طلع له بو فيصل : هلا يعقوب تفضل يعقوب سلم عليه وقام يتحجى بسرعه : اسمحلي عمي ياي بهالوقت بس انا يايب عيال فيصل مثل ما تدري اهو بالمطار الحين وانا ومرتي عند مرته واهي طاحت والحين بالمستشفى ماعليك امر بخلي العيال عندك بوفيصل خاف عليها وقام يدق على ولده عشان يبلغ فيصل وما يسافر ويعقوب دخل اليهال الصاله يعقوب : عمي اليهال واغراضهم داخل عن اذنك وراح ركض السياره وطار لي المستشفى بوفيصل يصرخ : قلتلك خل يرد مرته بالمستشفى : يبه قلتلك توه دخل قالي مايبي يقعد برا شسوي يعني بوفيصل : سو اللي تسويه وسده بويها وراح يقعد زينب تجابل عيال فيصل وراح اهو و ام فيصل عند شدن ---------------------------------------------------------- يعقوب واهو ياي ركض : شصار ؟ افراح :دخلوها العمليات مادري ليلحين محد طلع وانا خايفه عليها يعقوب : كله مني لو انا مومتحجي جان ماصار اللي صار افراح : لا تقول جذي هذا المكتوب يعقوب : استغفر الله استغفر الله فصيل تلفونه مغلق و كلم واحد من اللي يعرفهم كان يشتغل بالمطار وقاله والريال قاله انه بيوقفه صوب الكاونترات بالمطار فيصل " اخخ ياشدن كلمتج كبيره بحقي تشتاقيله ؟؟ وانا ؟ صرت نقطه سوده بحياتج ولا شنوو ؟؟ تعبت واايد وانتي مو حاسه فيني رضيت فيج وتزوجتج وانتي ليلحين تحبينه كل هذا لأني احبج وحبيتيني و اهديتني فرحه حياتي كلها والحين ؟ هدمتي كل هذا بشوقج له !!!!! فيصل عند الكاونتر وقفوه: هلا ؟ الريال :ممكن تنطر شوي وكلم احد بالتلفون وشوي الا ريال ياي صوبه فيصل : عفوا اخوي فيه شي ؟ الريال الثاني : فيصل كلم يعقوب يبيك ضروري فيصل : خلاص انشالله بكلمه بس اقدر اطوف ؟ الريال رفيج يعقوب خلاه يطوف وكمل اجراءاته ولما وصل عند بوابه الطياره قعد واهو ينطر البوابه تفتح عشان يركب الطياره بطل تلفونه لقى مكالمات من ابوه و يعقوب واخوه استغرب بس دق على يعقوب مرتين ما رد كان حاطه سايلنت و دق على اخوه كان waiting ما دق على ابوه طفى تلفونه مره ثانيه وقعد شوي وبعدها بطلو البوابه ودخل .. ------------------------------------ يعقوب : فصيل داق علي وانا مادري الحين تلقاه بالطياره اخو فيصل كان waiting لأنه يكلم ابوه : اففف وانا كنت اكلم الوالد الحين شلون ؟؟ بوفيصل : متى ما وصل بيدق يطمنا وبنبلغه بعد ساعتين وشي افراح : يعقوب روح كلمهم طولو بليز يعقوب هز راسه وراح يسأل وقالوله ينطر الدكتور متى ما طلع بعد 4 ساعات بغرفة العمليات طلع الدكتور .. يعقوب : بشرنا دكتور الدكتور: الحمدلله سوينا اللي علينا والباجي على رب العالمين ادعولها اهي الحين بغيبوبه وراح يعقوب هز راسه باسف وقعد يدعيلها بلغ الباجي واهم نفس الشي .. بعد اسبوع ... شدن ليلحين بالغيبوبه كل يوم اييون لها اهلها واهل فيصل ويدعولها واهي ليلحين على حالتها عيال فيصل عند زينب .. فيصل ببريطانيا مجابل شغل ابوه وبس يبطل تلفونه مايقرا المسجات اللي واصلتله ولا يدق على احد بس يدز مسج حق شدن ويطفيه ولما يبطله مايشوف مسج منها فمايبطل الباجي فيصل " لاهيه بشوقج له ؟؟ نرجع حق ورا قبل سفره فيصل.. فيصل " يبه ماني رايح ومخلي مرتي خلاص شوفه وقولي يعقوب : شصاير ؟ فيصل :يبيني اسافر عشان اجابل الحلال شوي وارد قلتله شوف العموم انا ماني مخلي مرتي يعقوب : ايي والله .. يوم السفره فيصل: يعقوب انا حجزت حق اليوم الفير بروح بريطانيا حق شغل ابوي ابيك انت وافراح اتييون تقعدون عن شدن يعقوب :وليش اخوك ما راح ؟ فيصل: اهو كان بيروح بس بعد كلمه شدن قررت اني اروح يمكن تنساه وتذكرني يعقوب: انت تدري انها تحبك فيصل ابتسم : ادري بس تشتاق له وانا محتاج اقعد فتره بروحي يعقوب : على خير و تروح وترد بالسلامه انشالله نروح نييب اغراضنا ونرد فيصل : مشكور بس انت تدري ما اوثق الا فيك يعقوب : حبيب لا تحاتي ساعتين بالكثير واحنا عندها فيصل: مشكور يعقوب : مابينا هالسوالف يلا تامرني على شي فيصل :سلامتك وسده .. ------------------------------------------------------ | |||||||||
|
| |
|
13-09-13, 03:52 PM
| #46 | |||||||||
| نجم روايتي ومشرفة سابقة وفراشة متالقة بعالم الازياء
| البـــــــارت الـــثــــــالـــــث و الاربـــعيــــنــ .. و الاخــــيــــــــــر { الفـــصــــل الاخـــيــــر } كــــمــ مشـــيــــــت اعـــمـــــى وراهـــــمـــ .. ////////////// احنــــا ضعــــنا بعـــد ما انــكشــــفت الحقيـــقــــه .. منـــار قاعده تفكر بشدن وتبجي وفجأه نقزت " امبييييييييييييييه !! منار على طول راحت عند ابوها : يبه يبه بومنار :هلاا منار : بسألك سؤال وجاوبني بومنار : سالي منار بجت :يبه حمود الصغير مو ولد حرام صح بومنار نزل راسه وهزه باسف منار : يبه قولي الصغير مو ولد حرام صح ؟؟ بومنار : ولد حرام منار بجت وقامت تكسر الاغراض اللي جدامها : ليش ليش جذبتو وانا خبله مصدقه توني استوعب انه حرااااااااااااام ------------------------------------------ ام محمد : شدن ما كانت راح تقولنا والحمدلله انه اخوي بلغنا بومحمد : تبينا نقول جدام منار انه ولد حرام ؟ كلنا جذبنا هالجذبه عشانها انتي تدرين انه ياها انهيار عصبي بعد وفاه حمد مانبي نضغط عليها بكل هالمشاكل قبل اليمعه بجم يوم بومنار : هلا فيصل وسلم عليه فيصل: هلا خالي حياك تفضل بومنار دخل وقعد بالصاله وشدن نزلت سلمت عليه شدن : خالي شتحب تشرب بومنار : لا مابي اشرب قعدي ابيكم بموضوع شدن قعدت : تفضل بومنار : انا رحت وقلت حق ابوج وامج واخوج ومرته عن محمد شدن شهقت : خالي بومنار : شدن لي متى بنجذب ؟ انا مابي ايي اليوم وتروحون تقولوله وبعدها يذكرون جدام بنتي انه ولد حرام وبعدها تطيح علينا مره ثانيه شدن : بس يا خالي بومنار : خليها بعماها اهي حسبالها انه حلال !! ماتدري انه حرام انا بقولها بس بمهدلها الموضوع بعد فتره متى ما حسيتها قادره تسمع وتتقبل هالحجي شدن لا تتضايقين انا قلت لمصلحه الكل واليمعه ابيج تقولين السالفه جدام الكل واهم بيمثلون انهم منصدمين وتبلغين منور انج بتقولين هالشي واهي بتوقف معاج .. شدن هالشي حق مصلحه الكل .. شدن : بس انا اللي مستغربته منور تخرجت من الثانوي معقوله ليلحين ماتدري انه هالشي حرام !! بومنار : هذا وانتي اخبر وحده بهالشي بنتي حاطه براسها انه ولد حلال عشان جذي ماتفكر بالموضوع انتي تدريين انه مسمينه باسم حمود اخوج ؟ شدن : صج !!!! شدراه بومنار : توه راح على اساس بيحوله باسمه هذا ولده لا تسأليني بهالمواضيع انا ما افهم فيها بصراحه كبرت وخرفت عالعموم انا بلغتج وكملي التمثيليه شدن هزت راسها : انشالله فيصل : شدن انا مستغرب من كل هذا شدن : من شنو ؟ انه عايلتنا اكبر مسلسل بهالدنيا ؟ فيصل : شدن ليش هالحجي شدن ضحكت : لولوه اخبث من الخبيثه فيصل : واخوج حبها مو ذنبه شدن: يحب هذي ؟على شنوو ؟؟ ولا وحده تاكل حبوب واهي بالسادس عشان تولد ؟ الله ستر انه عاش مسكين قعد بالشيشه مادري جم شهر ؟ تزوجت حمد وسوت انها حامل و انها ولدت بالثامن ويابت اللي كان بالشيشه وقالت ولدي من حمد ؟؟؟ اصلا حمد مادري شلون مثل كل هالتمثيليه !!! فيصل : دنيا غريبه شدن بجت : الناس تغيرو كلهم نفوسهم خبيثه وهالدنيا كل يوم تطلع لنا مفاجآآت اخس من اللي قبلها استغفر الله .. مادري مو قادره استوعب كل هذا !! شلون احنا عايشين احنا بواقع ولا بحلم احنا ويين فيصل قولي شلون كل هذا يصير معقوله في ناس وصلو لهدرجه فيصل : تبينها تقول انه هذا ولد حرام ؟؟ واهي كانت بتنتحر خايفه من اهلها !!! بس حمد نقذها مادري ليش !!!!!!!!! يقول عشان محمد شدن مسكت راسها : راسي قاعد يفتر مو قادره استوعب شي فيصل هالدنيا غريبه .. كل يوم انصدم صدمه اكبر من اللي قبلها شنو الحل قولي !!!!! فيصل لمها : خلاص حبيبتي هذا واقع عيشيه ما نقدر نرفضه او نجذبه هذا الصج وحياتنا قاعده تكمل وما توقف هذا مشوار كلنا بنعيشه وبنمشي فيه شدن هزت راسها وبس.. ---------------------------------------------------- منار بصراخ : كلكم قصيتو عليي كلكم!!!! قلتو انه ولد حلال وانه وانه وانه وطلعت انا الغبيه اللي بينكم شنو سبب كل هذا ؟؟؟ بومنار : مانبيج تتعبين احنا نحبج منار ضحكت : منو اللي يحبني ؟؟ اللي يحبني ما يخليني اعيش يمه وانا غبيه وراحت دارها واهي مكمله بجي .. ---------------------------------------- بعــد شــهــريــــن .. شدن نفس حالتها .. عيالها ليلحين عند زينب وقامو يمشون وضروسهم طلعو فيصل بعد ما شاف انه شدن ما تسأل ولا مهتمه ما قام يبطل تلفونه وشرا خط ثاني يستخدمه ومكمل عيشته ببريطانيا حتى عياله قسى عمره مايبي يسأل عنهم وابوه اذا دق عالشركه او ربعه اللي هناك فيصل يتهرب عشان لا يقولوله كلم ابوك !! منار : مشكورين عالغباء اللي عيشتوني فيه بس انا ماني مكمله بهالعيشه سمحولي !! وسلمت على امها وابوها وكل اهلها وركبت مع السايق راحت المستشفى عند شدن منار تبجي : مو قادره ازعل عليج مع انج مشتركه معاهم بهالسالفه انتي اختي ما اقدر شدون قومي انا احتاجج وللي يخليج قومي انا منوور وكملت بجي واهي ماسكه ايدها حست انه شدن قامت تضغط على ايدها وبدت تبطل عيونها شوي شوي بس الليت ضايقها خصوصا انها كانت بظلمه طول هالفتره منار حست فيها وعلى طول طفت الليت وخلت بس ليت واحد البعيد عنها شدن :م آآآ ي منار على طول قامت صبت لها ماي وشربتها شوي وبعدها نادت الدكتور وبلغت الكل بعد 4 او 5 ساعات شدن قامت بس ليلحين مصدعه ومو قادره تتحجى من راسها اللي تحسه ثقيل عليها وايد .. منار : كلهم بيون الحين شوفي انا بروح قبل لا ايون مابي اشوف ولا احد فيهم واصلا لازم اروح المطار انشالله بسافر نيوزلندا بكمل هندسه مثل ما خالي الله يرحمه كان حاب وترا دريت بسالفه محمد الصغير بس الله كريم ماني مكلمتهم كلهم وانتي ياليت اقدر ازعل عليج عالعموم السايق ينطرني بروح الحين ديربالج على روحج وشدي حيلج عشان عيالج شدن ابتسمت ولمتها شدن : ما راح اوقف بطريجج بس ديربالج على روحج الغربه مو سهله منار ابتسمت : ادري بس واحد من اهلنا ما اتوقع تعرفينه و اخته بيروحون وانا بروح معاهم ابوي وافق على هالاساس يلا قلبي الحين بييون لج ما راح تكونين بروحج يلا سلام وطلعت --------------------------------------------------------- بالمطار منار بعد السالفه اللي سووها فيها صارت اقوى وقد المسؤوليه وبالاخص نسخه يديده من شدن نفسها بكل ما فيها قوتها غرورها ثقتها والاهم من كل هذا اعتمادها على روحها منار دخلت اغراضها الشحن قعدت تشرب قهوه وشافت فيصل واهو ياي وراحت له ركض منار : فصوول فيصل شافها وابتسم : هلا منار : تحتاجك وايد ليش خليتها فيصل : واللي تحتاجني ما ترد على مسجاتي ولا تدق وتسأل ؟ منار : مرتك كانت بغيبوبه فيصل : هاا اهي الحين شلونها ! منار : اهي تمام بس اقدر اقولك كل اللي صار قبل لا اروح وقبل لا انت تروح لها فيصل : اكيد منار وفيصل قعدو بالكافيه مره ثانيه واهي قعدت تقوله كل شي !!!! فيصل : غبي غبي طول عمري غبي منار : كنت اغبى منك بوايد روح لها لا تنطر فيصل :مشكوره ودير بالج على روحج وطلع من المطار ركض وعلى طول عالمستشفى عندها --------------------------------------------------- دانه : عبودو يلاا عاد عبود : شنوو دانه تستعبط : ابي بوظه عبود : من عيوني الحين اروحلج دانه : عبود هههههههههه صح انا قاعده اتنسى بس استعبط مابي بوظه بس كنت اطفرك عبود : اي شي تشتهينه قوليلي دانه : انشالله عبود : ونااسه بتييلي بنيه دانه :هههههه شبتسميها؟ عبود : كيفج دانه : شدن عبود : ههههههههه ولا يهمج من عيوني شدن شدن مو مشكله دانه قعدت تضحك عليه واهو مستانس ببنته .. | |||||||||
|
| |
|
13-09-13, 03:52 PM
| #47 | |||||||||
| نجم روايتي ومشرفة سابقة وفراشة متالقة بعالم الازياء
| يعقوب بعصبيه : خلاص افراح لا تحنين افراح صرخت بويهه ولأول مره : يعقوب انا اللي لازم اقول خلاص انا اللي تحملت كل هالاهانه منك تعبت منك ومن عصبيتك ومن مشاكلك اللي بدون سبب مادري ليش كل هذا والمشكله انه ما اقدر اقول اكرهك { اكرهــك و فــي عــز كـــرهـــي احــس انــــي احبــــك اكــــثـــــر } يعقوب لمها : فروح سامحيني مو بايدي والله مو بايدي افراح تعلقت فيه اكثر : شلون مو باييدك يعقوب : فروح انا ما اييب عيال وكنت ابيج تكرهيني عشان اطلقج وما تتعبين بغيابي افراح شهقت وحطت صبعها على حلجه : لا تقول جذي انا ابيك انت مابي العيال انا حبيتك انت ما حبيت العيال اللي بييبهم منك انا خذيتك لذاتك مو عشان عيالي يكونون نسخه منك انا ابيك انت.. انت اول غاياتي العيال عساهم ما يو مو مهم المهم انت موجود انت فاهم شنو يعني احبك وابيك انت بس ؟ يعقوب لمها اكثر : انا اسف افراح : احبك يعقوب : احبج .. --------------------------------------------------- بالمستشفى ... شدن : هلا فيصل فيصل : حبيبتي انتي ولمها شدن وخرت عنه فيصل : شفيج ؟ شدن : ما سمعت انك ييتلي سافرت ورحت وما رديت لي فيصل : انا اسف شدن : بس قولي شنو ذنبي فيصل : ذنبج انج تشتاقيله شدن : دق على زينب قولها تييب عيالي فيصل: انشالله ودق على اخته وبلغها شدن: فيصل انا صح غلطانه بس كنت تقدر تواجهني بس انت خليتني فيصل : كنت ابي اروح فتره وارد بس شفتج ما دقيتي ولا رديتي على مسجاتي ولا اهتميتي فظليت هناك شدن بجت: خلاص روح كمل حياتك هناك فيصل : شدن ؟ شدن : روووووح -------------------------------------------------------- بعد سنتين .. منار مكمله حياتها بنيوزلندا .. يعقوب وافراح مكملين حياتهم بدون عيال واهو مدلعها واهي مومتضايقه انها ما صارت ام بالعكس بنظرها يعقوب ريلها وعيالها وابوها وامها وكل دنيتها دانه و عبود .. دانه ولدت ويابت بنيه سمتها شدن والحين حامل بــولد .. عبود مستانس فيها ومعيشها بدنيا ثانيه .. محمد ومرته عايشين مع ولد محمد اللي حوله باسمه وسماه حمد والياهل مافرقت معاه لأنه بالحالتين اهو بنظره اسمه حمود وبس .. مرته ولدت ببنتهم الاولى ومع هذا ما تغيرت على حمود الصغير كل واحد حياته ماشيه .. راضين او لا هذا الواقع .. شـــدن & فيصل .. عيالهم كملو الــ 3 سنين وايننون وحلاتهم والله بس شدن عايشه مع فيصل كشكل لا تكلمه الا بشي يخص اليهال واهو مضايقه هالشي بس متحمل واهي متعبها هالشي اكثر .. بلـــيــله مـــن الـــلـــيالـــي .. شدن " تعبت !! ابيه ومو قادره على بعده اكثر تسبحت ولبست وتعدلت وراحت غرفتهم الاساسيه وطقت الباب واهو على طول بطل الباب وتنح فيها ومو مصدق شدن : احبك فيصل لمها حيل لزق فيها لدرجه انهم صارو جسد واحد !! مشتاق لها ومو قادر يوخرها عنه وووووووو ...... النــــهــــايــــــه .. كـــلمـــــــه اخــــيــــــره اول شي حبيت اشكر ابطال روايتي اللي فعلا اخجلوني بكرمهم وانهم كشفو عن حياتهم الشخصيه للنفع طبعا .. اشكر كل من شجعني ان كان بالمنتدى او برا اشكر الاعضاء اللي عذروني على تأخيري و وقفو معاي بدونهم جان ما قدرت اكمل روايتي .. شكرا حق كل شخص مدحني او نقدني لأنه بجم كلمه منهم تخليني اكون احسن من اول روايتي هذا روايه حقيقيه باحداثها بس التفاصيل من خيالي .. يمكن سالفه محمد الصغير ماتدخل العقل بس هذا واقع واحنا عايشينه وياما صارت سوالف اخس من جذي .. هذي الدنيا نفوس البشر غريبه كلن عايش عشان وناسته ونسو ربهم وانه بيي اليوم اللي يتحاسبون عليه طرحت هالروايه لأنها غريبه بنظري بالبدايه كانت شدن اهي اللي ظالمه لولوه بحركتها وانه حمد العاشق اللي خان حبيبته .. بعدها صار حمد الرفيج والاخو اللي هدم حياته ومستقبله عشان توأم روحه وشدن اللي ظلمته وما سمعته .. لولوه اللي كانت بنظر الكل بريئه وما سوت شي طلعت على حقيقتها وطلعت شخصيتها الضعيفه وانها كانت ناويه تنتحر وتذبح روح مالها ذنب وكل هذا لقله ايمانها بربها كل اللي نقدر نسويه انه ندعيلها .. الشيطان ما مات وعمره ما راح يموت.. قص على حمد وخلاه ينحرف واهو ببريطانيا و مثل ما يقولون ما اجتمع اثنان الا والشيطان ثالثهما وهالشي صار بمحمد ولولوه اللي غلطو بس محمد يمكن صلح نص غلطته واعترف بولده .. الكل كان مستغرب شلون حمد تزوج لولوه واهي ما طلعت من العده ألفت حجي عشان لا اوضح النهايه فسوري على اللي سويته بس مابي النهايه تنكشف قبل اوانها .. اخــر شي .. شكرا حق الكل كلمه كل بطل من روايتي : عبود : انا اقول حق الكل اذا مر بتجربه فاشله لا يوقف عندها الحياه بتكمل رضى او ما رضى و اذا كان حبه الاول فاشل يمكن حبه الثاني بيكمل وينجح و مو كل واحد بعد اي تجربه يصكر قلبه لأنه ناس عن ناس تفرق مو كل نجمه بالسما تبرق دانه : انا مثل ما قال عبود ناس عن ناس تفرق مو كل نجمه بالسما تبرق .. وانه الواحد مو لازم من اول طيحه يذبل .. خل يقوم و يكمل حياته ويستغفر ربه ولا يكفر وخل امله بالله دايما موجود الله مثل ما ياخذ يعطي .. يعقوب : انشالله كل واحد يصفي نيته ولا يبدي اي علاقه بــ شــر لأنه بدايتي بأفراح كانت بدايه شرانيه انا يمكن استغفرت ربي وما سويت فيها شي بس غيري يكمل اللي كان ناوي عليه فانا اقول استغفر ربك وتعوذ من الشيطان ولا تأذي احد لأنه الدنيا دواره وما رده بيي اليوم وبيأذيك احد لا تخلي هالشي يصير ومن البدايه طيح الحطب .. افراح : لا تعـــليــــق .. فيصــــل : افتح قلبك ولا تستحي انك تعبر عن مشاعرك ولا تكتم هالشي يتعب الواحد فوق ما اهو متصور.. وبالحب ماكو كرامه يعني اللي يكون موقفه مثل موقفي انا اقوله ابدا حياتك معاها و نسها كل اللي كانت فيه سواء كانت تحب او اي شي المهم راحه قلبك والاهم من هذا انه حلال ومو مسوي شي غلط منار : لحد يحط اباله شي ومايفكر فيه لانه يمكن بعدين ينصدم بالحقيقه ويحس روحه غبي !!هالشي اثر عليي وايد وبس اكتشفت غبائي انحشت بس هالنحشه كانت بدايه حلوه بحياتي و وفاه خالي الله يرحمه اكيد اثرت علي بس انا مكمله حياتي عشان اهو يرتاح بقبره لما يحس اني مرتاحه وقاعده اكمل حياتي مثل ما كان اهو حاب يشوفها .. شدن : حجي وايد بقوله اول شي لا تظلمون احد ولا تحطون اي شي بذمتكم لا تنتقمون لأنه هالشي يخلي الواحد عايش بتأنيب الضمير وضميره بيعذبه وايد و لحد يختار الهروب خل يواجه هالحل يريح الطرفين.. واذا احد قال انه يبي يعبرلك اسمع له لا تنحاش لأنه يمكن يموت بنفس اليوم وما سمعته وحزتها تندم وتتمنى لو يرد يوم بس عشان يقولك اللي كان بيقوله .. شدن : اللي تحب لا تقول احبه من سنين واهو من اهلي واكيد يتزوجني وما راح يلعب علي فتسلمه روحها لأنه حتى لو من اهلج يمكن انتو مو من نصيب بعض والعار بيلحقج انتي مو اهو !! لا توثقين بحبيبج وتسلميله روحج ثقتج خل تكون محدوده ما تتعدى حدود الحبيب اهو مو ريلج عشان تسوين اللي يبيه لأنج واثقه بكلامه !! انا ما كشفت عن حياتي كلها الا اني ابي وايد بنات يتعلمون من اللي صار لي طلعاتي مع حمد لي الحين وانا ام اندم عليها لأني سويت شي حرام وكنت بغرفته وكنت اقول يخاف علي !! حتى لو ترا الشيطان ما مات !! خل كل وحده تديربالها على عفتها وشرفها بدون شرفها ما راح تكون الا بقايا انثى محد قادر يطل بويها من اللوعه وسواد الويه اخر شي كلمتي انا : اتمنى من الكل انه يسامحني اذا ضايقته بيوم او تأخرت بتنزيل البارتات او اي شي .. | |||||||||
|
| |
|
13-09-13, 03:54 PM
| #48 | |||||||||
| نجم روايتي ومشرفة سابقة وفراشة متالقة بعالم الازياء
| بكذا كملت لكم الرواية انتظروني ببقية روايات الكاتبة اليوم بطرح رواياتها الرابعة والخامسة بإذن الله قراءة ممتعة تحيتي لكم اسطورة ! | |||||||||
|
| |
|
| الكلمات الدلالية (Tags) |
| bronz, الناس, الكاتبة, انته, باعـوني, girl, جارية |
| أدوات الموضوع | |
| انواع عرض الموضوع | |
|
|
.png)
العرض العادي
