آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
10-09-13, 02:45 PM
| #1 | ||||||||||||||||||
| نجم روايتي ومشرفة سابقة وفراشة متالقة بعالم الازياء  
|  ياريت كل الناس باعـوني مو انته الكاتبة / BRoNZ GiRL مكتمله
التعديل الأخير تم بواسطة لامارا ; 22-10-13 الساعة 07:42 PM | ||||||||||||||||||
|  |
|
10-09-13, 02:47 PM
| #2 | |||||||||
| نجم روايتي ومشرفة سابقة وفراشة متالقة بعالم الازياء
|  ياريت كل الناس باعوني مو انته .. البــارت الاولـــ بالصـــاله الســــاعه 9:15 شدن : ايي شوفي هذي الخصله وتأشر عليها رفعيها ابي قذلتي اللي نازله بس دينا هزت لها راسها وسوت اللي تبيه بعد 5 دقايق مريم : قووه شدن : يقويج سوري ما اقدر اسلم وريني نفنوفج مريم فصخت شيلتها وعبايتها : هممم شرايج شدن : واااو اتيننين والله مريم : فديتج والله انتي اللي طالعه قمر شدعوه ما خلصتي شدن : لا لبست وخلصت ولا جم خصله نازله قلتلها ترفعهم مريم : بس مشالله مكياجج حلوو شدن : ايي هذي دينا ما اتعامل مع غيرها مكياجها مشالله شحلاته دينا مبتسمه بس : هيك بنكون خلصنا شدن : اوكي حبيبتي مشكوره وبطلت بوكها وحاسبتها دينا شالت اغراضها ومشت شدن لبست عبايتها : يلا قلب مشينا مريم : شدن مو ناويه تشيلين اللي براسج شدن : لا ومستحيل اتنازل عنه يلا مريم : اوكي وراحو ------------------------------------------------ بالقــــاعه الســــاعه 9:30 اميــنه " ام محمد " : منار دقي عليها وينها هذي اللي بتذبحني منار : خالتي تو الناس اكيد تلقينها بالطريج امينه ساسرتها : ان سوت شي يسود ويوهنا اذبحها واوزعها عالفقاره منار : خالتي شفيج شدن مو جذي لا تقعدين تسوينها ذبيحه استهدي بالله بس الحين تلقينها يايه ام محمد : متى بتدخل العروس منار : عالـ 10 تقريبا ام محمد : زين و راحت تسلم عالحريم منار " بيصير اكشن بالحمامات مريم & شدن يفصخون عبيهم مريم : تلفونج يرن شدن : ردي مريم : هلاا منور اي كاهي دقيقه هااج شدن : هلاا منور هممم العروس متى بتدخل منار : شكلهم بيدخلونها الحين شدن : بس تبدي الزفه عطيني رنه اوكي ؟ منار : اوكي شدن :منو عندها منار : بروحها الكل نزل عشان يشوفها واهي نازله شدن رفعت حواجبها : اوكي بس تبدي قوليلي منار : اوكي باي شدن سدته بعد 10 دقايق منار دقت على شدن شدن : مريوم لا تكسرين فيني مريم : مو حابه السالفه بس لعيونج بسويها شدن : فديتج وراحو كل وحده بصوب عند العرووس مريم : حبيبي لولو مبروووك وسلمت عليها لولوه : يبارك فيج ماعليه حبيبتي بس لازم انزل مريم : اوكي حبيبي تبين مساعده لولوه : تسوين فيني خير مريم : ماعليه مالنا الا بعض وقامت تساعدها بذيل نفنوفها بهالوقت طفت الاضاءه الا الليت اللي بيكون على العروس وعلى زفة العروس نزلت شدن بثقتها المعتاده الكل يسمي عليها بس يسأل منو !! شدن" نظراتهم ارضت غروري وكملت الدري بكل جرأه منار سلمت عليها : ههههههههههههههههههههههههه هههههههههه الكل مستغرب وين العروس شدن راحت بسرعه عند العروس شدن : قوه لولو لولوه : هلا يقويج شدن ساسرتها : مبروك ياعروسه بس صدقيني هالليله مو لج لولو مو فاهمه قصدها: عفوا ؟ شدن : انتي مو حاسه بعمرج ! موقعج من الاعراب غلط كافي ياحبيبي اني نزلت على زفتج قبلج وقلبه كان لي قبل ما يكون لج بس صدقيني هالليله لي وبتشوفين لولوه بقهر : الله ياخذج وراحت صوب الدري وقامت تنزل شوي شوي والابتسامه على ويها (( اصعب شعور انك تبتسم وبعينك الف دمعه )) مريم : شوشو حرام عليج شدن : مو حرام علي ولا تبلشين نصايح انتي اختي ومابي اجرحج ونزلت الكل يسأل عن ام احمر ( شدن ) شدن واهي ماره سمعت ثنتين الاولى : العروس حليوه بس ام الاحمر صكت عليها الثانيه : مبين انها حلوه حتى بدون مكياج .. اذا تصيرله ليش ما خذاها الاولى : يمكن مخطوبه شدن " لاا لااا موو مخطوبه بس اهو حقير وكملت طريجها لي منار منار : هلاا بمرت خالي شدن : يا ريت اكون مرته حبيبي شووفي انا قثيتها لأني انزفيت قبلها ولأنه كان يحبني قبل لا يعرفها منار : ههههههههههههههههههههه ليش ماخليتيني اشوف ويها شدن : طيري زين المهم انا بقعد سمعت انه بعد شوي بيزفون المعرس والله لوريج فيها منار : اوكي وغمزتلها الســاعه 11:00 الحريم تغطو وشدن واقفه يم لولو لابسه عبايتها بس مو مصكرتها .. لولوه : ما راح تلبسين شدن : انا ييت جذي وبطلع جذي بس شوفي ياقلبي حمد اول ما يرفع راسه عالكوشه عيونه بتكون علي ركزي ياحلوه ورفعت راسها تنطر حبيبها ...!!! الرياييــل ورا الباب بوسالم : حمد جاهز الحين بندخل ترا حمد مبتسم : اكيد بوخالد : الله يعينا على ريحه البخور ودخل حمد مع ابوه ..عمه و محارم عروسته بنص القاعه حمد رفع راسه وكمل طريجه ومثل ما قالت عيونه على شدن !!!!!!!!!!!!!!!!!!!!!!! لولوه بعصبيه : منو العروس انا ولا انتي شدن : قلتلج هذي ليلتي ابتسمي لولوه ابتسمت بالغصب حمد وصل باس يبهتها مسك ايده و وقف يمها والباجي قعدو يباركون لهم طلعو ما بقى الا حمد وعمامه اللي يو بعد ماغطو لولوه شدن بكل ثقه قامت ترقص والكل مذهووول ..!! حمد عيونه عليها واهو مبتسم شدن " تعبت ما اقدر اتحمل اكثر عمها الصغير قام يرقص معاها شدن : ههههههههههههههههه لا يذوبون البنات عبدالله : هههههههه عاد ضبطيلي مزيونه مثلج شدن : مستحيل تلقى وحده عندها ربع جمالي عبدالله : انا اشهد شدن : ههههههههههه الرياييل سحبو عبدالله وطلعو وبقى حمد و لولوه والكل قام يبارك لهم واللي يصوورون معاهم ------------------------------------------- الســـاعه 11:45 حمد و لولوه بغرفة العروس يصورون شدن : مبروك عليكم لولو " مومخليتنا شدن راحت صوب حمد وطبحت عمرها حمد مسكها من زندها : سلامات شدن : يسلمك حمد وخر ايده واهي يت بتتحرك ولا تطيح مره ثانيه بس هذي ماكانت حاسبتها حمد وقفها : تقدرين تمشين ؟ شدن دمعت واشرت براسها بمعنى لاا حمد بدون وعي شالها وحطها عالقنفه :وين يعورج شدن اشرت صوب العوار حمد حاط عينه بعينها : شلونج شدن : زينه آآآآه حمد : ادري عورتج بس عشان تصيرين اوكي شدن : شكراا وقامت راحت عند لولوه شدن : تبين اثباتات اكثر انه لي ؟؟ لولوه : شتبين مني شدن : صدقيني مابي شي ولا ابي اخرب حياتكم حتى .. بس ابي اطلع قهري بهالليله لأني رايحه بعيد والله يوفقكم بس تذكري انه لي مو لج لي انا .. قلبه كان لي وخذيتيه بس تدرين انا انزفيت قبلج عيونه علي قبل لا تيي عليج لمسني قبلج شتبين اكثر .. مبروك ومشت عنهم ----------------------------------------------- الساعه 1:00 امينه " ام محمد " تصرخ والكل عندها خايف عليها : الكلبه وينها وينها والله لاذبحها محمد : يمه اهدي ماكو شي يسوى شدن نزلت واهي مبدله جنطتها معاها خلتها عالقنفه : هلا يمه امريني ام محمد يت بتعطيها كف بس بومحمد مسكها : ينيتي ام محمد : بتينني هالبنيه شدن مبتسمه بس ام محمد : شوفها ولا هامها شكلي برد اربيها من الاول شدن خذت ايد امها : طقيني يلا لأنج عمرج ما راح تحسين بهالانسانه اللي جدامج اللي ينقال انها بنتج ام محمد : صرت انا اللي ما احس ايي قطيها علي الحين اني انا الغلطانه نسيتي فعايلج بالعرس مع العروس ولا نسيتي انج مبطله العباه جدام حمد وتترقصين شدن بكل قوه : انا لو اتفصخ جدامه حلال عمرج سألتي شفيها بنتج ؟؟ انتي كل اللي همج مركزج وسوالف الحريم عمرج ما فكرتي فيني او حبيتيني بس افتخرتي ببنتج وبجمالها عفيه يمه قوليلي منو اللي جهز لولوه ؟؟ انا اللي رحت معاها السوق وتعبت روحي عشانها تتوقعين كل هذا عشان سبيل راحتها لا يالغاليه كل هذا لأني ابيها تاخذ شي يعجب حمد لأني اعرف ذوقه وادري شنو يحب .. بنتج اللي فشلتج داست على عمرها وجهزت البنيه حق حبيبها انا اللي بتطقيني عشانهم ليش شنو ذنبي؟ لازم دايما انا اللي اضحي عشان الناس وانا مالي حق اني اشوف يوم حلوو .. انا اللي من يوم ما انولدت وحبه انولد فيني كان جدامي 24 ساعه غرقني بحنانه عشت احلى ايام عمري معاه وبعدها مشى ابتعد صرت ما اشوفه ليش انا مادري فجأه بيوم قالو انه خطب وانا ؟ انا اللي بدلني وسبحني وقعدني بحظنه انا اللي نمت على صدره انا اللي كنت ابجي اذا زفوه انا اللي كنت اطق الكل عشانه انا و انا وانا .. انا اللي حجزت القاعه وسويتلهم كل شي ودست على عمري عشانه بس ما قدرت اسوي كل هذا وما اسوي شي يطفي النار اللي بقلبي بتذبحيني ؟ بس حطي ابالج اني ميته من زماان والسبب اهوو.. ضاع كل يوم بعمري والسبه تفكيري فيه واهو حقير خاين خلاني عشانها شنو اللي فيها زود عني؟؟ صدقيني ما رده بيدري انه ما راح يلقى وحده تعطيه ربع اللي عطيته مسحت دموعها باست راس امها وابوها سلمت على اخوانها ومنار خذت جنطتها شدن : انا رايحه بعيد مسافره بكمل دراستي حولت اوراقي من زمان وحجزت الطياره ابوي يدري عن كل هذا انا مو حيوانه اللي ما احس .. بس انتو اللي سويتوني متبلده لأنكم تبون وماتعطون مع السلامه وطلعت ركبت مع السايق رايحه المطار .. الشخصـــيــــات : بومحمد ريال متفهم و واعي متفتح عالعالم يحب النقاش عنده شركاته ويحب يدلع عياله بس وقت الجد جد .. ام محمد "امينه " : كل اهتمامها بنفسها و بمظهرها وبالناس واللي يهمها عيالها الشباب بس شدن ما تفكر فيها حتى .. محمد : 27 سنه مو متزوج مغازلجي يحب الضحك اللي يشوفه ما يقول انه هذا عمره .. طويل معضل حنطاوي عيونه وسيعه رموشه كثيفه والبنات ذايبين عليه .. عبدالرحمن : 24 سنه جدي جماله عادي ما يحب المجمعات وسوالف المغازل ما يرضى على اخته وكل شي تبيه يوصل لها عمر : 21 سنه ما يحب شي اسمه دراسه ساقط سنتين والحين المفروض مع شدن بس اهو ما كمل كليه وقاعد على شهادة الثانوي اهبل يحب الضحك والتطنز على خلق الله ابيض طويل عريض مو متين مزيون واكثر شي يجذب البنات له ابتسامته ..! شدن : 19 سنه طويله جسمها حلو جريئه ثقتها بنفسها زايده مو متحجبه كل من يشوفها يسمي عليها كامله والكامل الله تعشق شي اسمه حمد ..!! ام سالم "فاطمه " اخت بو محمد حنونه تحب عيالها وكله مجابله احفادها بوسالم : عصبي يحب الخير لعياله كلمته تمشي على الكل سالم متزوج من مي وعندهم صبين وبنت محمد متزوج من شروق وعندهم بنت ( مريم ) عمرها 9 اشهر هبه : متزوجه وعندها منار عمرها 15 سنه وتعتبر شدن اختها بو منار يكون اخو ام محمد يعني منار تكون بنت خال شدن وبنت بنت عمتها ..! حمد : 28 سنه ابيض مزيون حبوب مخلص دراسه ويشتغل عند ابوه .. والباجي نعرفهم بالبارتات اليايه -------------------------------------------------- انشالله يعجبــكم لا تحرمونيــ من ردودكمــ | |||||||||
|
| |
|
10-09-13, 02:48 PM
| #3 | |||||||||
| نجم روايتي ومشرفة سابقة وفراشة متالقة بعالم الازياء
| الـــبـــــارت الــــثـــــانـــــي .. شكرا على كل شي قلته كذب عني وانا اللي غير الخير ما جاك شي مني .. شكرا على كل شي قلته كذب عني وانا اللي غير الخير ما جاك شي مني .. واللي علي قلته لا ما توقعته .. يا ريت كل الناس باعوني مو انته .. مو قادر اتصور ان انته تتغير .. طيب انا شسويت وبإيـش انا مقصر ..؟! اهديت لك قلبي واخلصت في حبي .. لكن على كلـ(ن) يسامحك ربي .. بالمطـــار شدن دخلت اغراضها الشحن وقعدت بستاربكس شدن واهي تشرب من قهوتها : حبيبي مريوم لا تتضايقين مريم : شلون ما اتضايق جان قلتي جان لميتج انتي بتطولين شدن : حبيبي لا تتضايقين والله ما يهون علي مريم :متى طيارتج شدن : الساعه 3 الا ربع مريم : باقي ساعه شبتسوين بكل هالوقت شدن : بشرب قهوه وبدخل بعد شوي اتمشى بسوق الحره يمكن اخذلي شي مني مناك مريم : اوكي حبيبي شوشو بليز ديربالج على روحج وطمنيني عليج كل يوم شدن : من عيوني انا ايميلي بخليه 24 ساعه اونلاين كلميني وبدق عليج كل يوم لا تحاتين مريم : اوكي حبيبي والله بشتاقلج شدن : انا اكثر بس صدقيني هالشي احسنلهم اذا قعدت راح اقلب عليهم حياتهم مريم : تقدرين تقعدين وماتسوين شي الا انج تتمنين لهم الخير شدن : مريوم انا بنت خاله يعني كل وقت بشوفه وياها وجدامي ايده بإيد وحده غيري انا مستحيل استحمل هالشي خليني اروح واشوف حياتي واهو يوفقه معاها مريم : الله كريم شدن : مريوم انتي تدرين انه انا اذا عصبت اسوي اشياء مادري عنها ما اقدر اسيطر على روحي عشان جذي انفجرت بويه امي اليوم بس عشان تحس فيني طول عمرها تفكر بنفسها وبأخواني وانا جني نقطه سوده بحياتها مريم : الله يهديها هذي خالتي من عرفتج واهي جذي شدن : هههههههه يلاا مريوم انا بسده تبين شي مريم : لا سلامتج وديربالج على روحج شدن : انشالله وانتي بعد يلا باي مريم : باي من اهني شدن تتكلم بروحها شدن " الله يعيني بروح وما القى احد يمي بكون وحيده شلون بتكون حياتي هناك .. منو اللي يناديني .. حمد !! حمد ياخذ نفس : شدن لا تروحين شدن غمضت عيوني وبطلتها معقوله هذا حمد اللي جدامي بس مستحيل اضعف وبصوت قوي عكس مشاعري : هلا حمد بغيت شي حمد : شدن لا تروحين معقوله بتروحين وتخليني شدن : حمد الله يهديك روح حق مرتك حرام تخليها بروحها بليلتها وحزتها قعدت افكر انا اللي توه وضحكت على نفسي وقمت اشك انه فيني انفصام بالعرس اخرب عليها فرحتها والحين ادافع عنها انا شفيني ينيت حمد : انا مابيها وانتي تدرين اني مابي غيرج شدن : وانا مابيك انت وعلى ما اعتقد انه انت اللي قلت حق عمتي تخطبلك هالبنيه بالذات حمد : ماتدرين عن شي شدن : شكلك غلطت معاها مع السلامه ومشيت وانا اسمعه يقول كلمتين وقامو يترددون بأذني واحاول اني اجذبه حمد : فاهمه غلط شدن " انا قاعده اروح حق الموت بريولي انا بعت اهلي وناسي وكل حبايبي عشان واحد بنيت احلامي معاه بس شسوي هذا اهوو اللي رباني وعاش عشاني مسح على قلبي قبل لا يشتكيله باقي على بدايه الدراسه اسبوعين شبسوي فيهم شلون بنام بالشقه بروحي انا شلون وافقت وبسرعه شلت هالافكار امبله انا لازم اروح عشان اهو يتوفق مع مرته والله يهنيهم قمت اتمشى بسوق الحره بدون هدف ماكو شي افكر فيه كل تفكيري كان بحياتي شلون بتكون شبسوي هناك انا مو رايحه ديره قريبه انا رايحه بعيد بعيد حيل مكان مافي احد يتذكرني فيه .. وبعد ما ركبت الطياره على طول غمضت عيوني مابي اشوف احد مابي اتذكر شي طلبت من المضيفه بندول خذيتها وبعدها نمت وانا مادري عن روحي مع اني ما احب انام بالطياره بس هالمره نمت لأني ابي هالعقل يوقف تفكير ابي امشي حياتي كل يوم بيومه وما افكر الا شنو بلبس وشنو باكل وين اروح و وين ارد وانسى الكويت وكل اللي صارلي فيها من اهلها اللي اهم اقرب الناس لي شدن " ما قمت الا على صوت المضيفه واهي تقولي انه وصلنا معقوله نمت كل هذا فوق الـ 12 ساعه ..!! " حسيت اني مصدعه قمت غسلت ويهي وعدلت شكلي و اول ما خذيت نفس من هوا بريطانيا حسيت نفسي مرتاحه حسيت اني حره كل شي صار بسرعه رحت خذيت جناطي وطلعت من المطار اول تاكسي شفته عطيته عنوان شقتي و وصلني شدن " بعد ماوصلت شقتي ببريطانيا و خصوصا لندن مابي اذكر اسم جامعتي ولا ابي اذكر اي كليه مابي احد يعرف انا منو ولا ابي احد يعرف عن حياتي بالغربه حياتي كانت مجرد كابوس انطر اليوم اللي اصحى منه انا ما انكر انها كانت ايام حلوه بس بدايتها كانت صعبه ونهايتها اصعب المهم قمت اتمشى بالشقه فيها غرفتين وكل غرفه حمامها داخلها وفي حمام يم المطبخ التحضيري كان في غرفه غسيل وبعد قرن تعلمت عالغساله اما بالمطبخ فكنت عجيبه كل اللي اعرفه شغلتين فكنت اقزرها على خبز او توست وجبن والصبح اذا قمت مبجر بيض حوس مع جبن كرفت ثاني يوم الصبح رحت الجامعه وجيكت على اوراقي واستلمت جدولي تعرفت على وحده هناك بدون ذكر اسامي اهي كويتيه امها بريطانيه وعايشين اهني شي غريب انا اتمنى اكمل باقي حياتي اهني وحيده واهي تتمنى ترد الكويت تشوف اهل ابوها !! بصراحه قطيتها بويها تبدلين حياتج بحياتي بكل وناسه قالت ايي بس مسكينه ما درت عن العذااب النفسي اللي بتعيشه قامت تييلي كل يوم من الصبح تمشيني وتعرفني على الاماكن المعروفه بلندن انا كنت زايرتها من قبل بس هالمره كانت غير لأني كنت بروحي بهالاسبوعين صرنا قراب حيل وبيوم عزمتني ببيتهم هناك كانت نقطه تحول بحياتي اهني كانت بدايه ايامي الحلوه اهني حسيت اني بين اهلي واضحك من قلب كان باقي عالدراسه يومين تقريبا وطبعا من اول ما وصلت لندن انا بس ادق على مريوم واسولف مع اللي اعرفهم مسن واهلي دقيت مرتين او ثلاث بس !! اصلا محد مهتم غير حمنو و عمور وابوي | |||||||||
|
| |
|
10-09-13, 02:49 PM
| #4 | |||||||||
| نجم روايتي ومشرفة سابقة وفراشة متالقة بعالم الازياء
| الـــــبـــــارت الــــثــــالـــــث .. يمكن انتهينا ولكن الحب باقي ماهو بإيدينا لا انكتب يوم الفراق شدن " اول يوم دراسه وآآه من اول يوم اهني حسيت بطعم الغربه اهني حسيت اني وحيده وانه اللي سويته مو شي سهل انا مو بس بعدت عن اهلي انا بعدت عن ديرتي بعدت عن كل شي تذكرت كل شي خايس صارلي هناك وانحشت ونسيت ايامي الحلوه مو طبعي الهروب بس هالمره سويته بس بنظري اني سويت شي كبير ضحيت بنفسي عشانهم جامعتنا كانت تضم وايد كليات انا و دانه " مو الاسم الحقيقي " نفس الجدول قعدت توريني الجامعه وبعد ساعه حسيت نفسي بطيح من طولي رحنا ناكل لنا شي طلبت لي كرواسون ساده وقهوه مثل ما احبها بعد ما خلصت قعدنا نسولف واحنا نكمل قهوتنا حسيت انه في وايد عيون نظراتها علي واكدلي هالشي لما سألتني دانه دانه : شوشو تعرفين احد اهني شدن : لا ليش تسألين دانه : مادري وايد ناس عيونهم عليج شدن " اهني بديت اخاف مابي احد يعرفني ليش مادري !! دانه : واحد من اللي كان عيونه عليج ياي صوبنا شدن : شلون شكله وصفيلي شدن"بصراحه شكيت انه حمد وكنت ادعي ربي انه مايكون اهو ودانه مو عارفه توصفلي شكله واول ما صار يمنا خذت نفس براحه شدن : عبوود اهلين عبدالله : شيايبج اهني شدن : هههههههه ادرس بعد شنوو عبدالله سحب الكرسي وقعد : سمحولي بس بعرف شصار بالدنيا شدن : ههههههههههه لا ماكو كلمت ابوي و وافق عبدالله:حمد شلون وافق واهو مايقدر على فرقاج شدن " وين ما اروح اييبون سيرته دانه كانت اكبر علامه استفهام بويها شدن : دندون اقولج السالفه بعدين وعبود انا وحمد انتهينا عبدالله : انتو الاثنين مستحيل تنتهون شدوون نسيتي ايامكم انتو ما كنتو تفترقون دقيقه شلون الحين مفترقين وكل واحد فيكم بديره !! شدن : عبيد انت مو فاهم شي لا تزيدها علي عبدالله :عندج بريك اليوم ؟ لازم نتفاهم شدن : مادري دانه : عندنا محاظره تخلص 11 وبعدها بريك ساعه عبدالله : لا ساعه ما يمدي انزين اليوم بليل لازم اتفاهم معاج شدن : اوكي وين عبدالله : هذا رقمي دقي علي متى ما فضيتي وانا اقولج يلا سلام ومشى شدن " هذا عبدالله غييــــــــــــــــر هذا اخووي اللي مايابته امي دانه : مو تقولين ما تعرفينه ؟ شدن : ماكنت ادري انه اهني دانه : هذا يدرس اهني تدرين !! شدن : مو من صجج دانه : ايي والله عاد البنات يمدحونه شدن : عبوود من يومه الكل يحبه دانه : منو حمد ومنو هذا شعرفج فيه لا تخليني بغبائي شدن : حمد سالفته طويله خليها بعدين .. وعبدالله يكون ولد خالتي كان يدرس برا وبعد ما تخرج الكل قال انه بيكمل حياته برا ليش محد يدري غيري وانا مستحيل افرط بسره بس شنو يسوي اهني توني ادري دانه :امممممم باقي عالمحاظره ساعه شبتسوين ؟ شدن : مادري خلينا نتمشى مليت من القعده دانه : اوكي شدن " وقمنا نتمشى بس جذي واكثر من مره صادفنا عبود واهو بس يبتسم لي قررنا انا و دانو بما انه اول يوم فبنهيت ومانبي نداوم وقلتلها اتيي تناام عندي وتزور اهلها كل يوم لأنه انا مليت من القعده بالبيت بروحي كلمنا امها اللي بالغصب وافقت و ابوها مايردلها طلب رحنا بيتهم وقعدت تحط اغراضها وانا و يعقوب نساعدها يعقوب يكون اخوها بصراحه هالولد اينن مهندس كبير و وسيم وفوق كل هذا حبوب و يحب الضحك عايش حياته يعقوب : مايصير انا ايي معاكم دانه : لا ما يصير شدن : حياك دانه : لا بليز بروحي ابي الفكه شدن : ماعندج سالفه اذا تبين الفكه من يعقوب يعقوب : ماعرفت قيمتي ليلحين شدن : ماردها بتعرف بس صج يعقوب حياك بأي وقت اعتقد انك تدلها يعقوب : كل يوم بيي اسهر عندكم دانه :ورانا دراسه وجامعه من الصبح ما نسهر شدن : دانو حررام عليج خليه دانه : هههههه اتغشمر وصكرت ثاني جنطه خلصت شدن " يعقوب بدا ينزلهم واهي خذت اخر نظره حق غرفتها و يعقوب وصلنا الشقه واتفقنا انه بليل قبل لا انام نحط اغراضها رحنا السوبر ماركت اللي يمنا وخذيتلي بلعه هذا اللي عايشه عليه شدن " كملت حياتي عادي اول سنه كانت حلوه كنت دايما مع عبدالله ودانه اهم اللي عانوني بهالغربه صرت حيل قريبه من دانه ويعقوب قمنا بالويك اند نطلع احنا و معانا عبدالله اللي يفضي عمره عشانا بالعطله اهل دانه لازم يردون الكويت يقضونها هناك انا ماكنت برد اصلا ارد عشان منوو محد كان يدق علي انا اللي ادق واسأل ومحد ياب لي طاري اذا برد ولا لا باليوم اللي سافرو فيه دانه واهلها كنا انا وعبود اللي موصلينهم واحنا رادين عبود قعد يناقشني بهالموضوع عبدالله : ما راح تردين الكويت تزورين الاهل شدن " قلتها بكلمه وحده وعبدالله فهم اني بنهي النقاش : طبعا لا شدن " بس هذا طبع عبود لازم يفهم السالفه ما يرضى بكلمات مختصره عبدالله : ليش لأ انتي لازم تزورين اهلج اكيد مشتاقيلج على الاقل عشانهم شدن : انت اخر واحد تقولي جذي انا وياك نفس السالفه فلا تزيدها علي عبدالله : خلينا نرد انا وياج شدن :شنو!! عبدالله : نروح اسبوعين ونرد شرايج ؟ شدن :مادري عبدالله : شوفي انا من اول ما ييت اهني ما رديت الكويت الا مرتين يعني مني 6 او 7 سنين وهالمره برد معاج فلا تقولين لا شدن : اوكي بس اسبوعين عبدالله : اوكي شدن" وفعلا لف وردينا المطار حجزنا روحه ورده وكانت الرده بس 20 يووم اهني شعوري ما كان مفهوم متضايقه ومستانسه بنفس الوقت !! بشوف كل اللي احبهم بس اهم بيتقبلون وجودي ؟ بصراحه اكثر شي متشوقتله شوفه حمد !!! ما اقدر انسى حب انولد من اول ما نولدت حب من 19 سنه @@ مستحيل اقدر انســــــــــــــااه ..!! | |||||||||
|
| |
|
10-09-13, 02:50 PM
| #5 | |||||||||
| نجم روايتي ومشرفة سابقة وفراشة متالقة بعالم الازياء
| البــــارت الـــــرابــــــع اغـــنــــي فـــراقـــكـــــ بصــــوتــــ الآهـــــاتــــِ شدن" يوم السفره انا كنت مجهزه عمري ومستانسه حدي بس ابين العكس ..!! عبدالله : يلاا شدووون مشينا ولا ما تسمعين شدن : ايي يلا يلا شدن " ركبنا الطياره بس هالمره ماخذيت بندول ولا شي !! عبدالله : بتنامين؟ شدن : ما احب انام بالطياره عبدالله : خلينا نتناقش عيل شدن : اوكي بس بأي موضوع عبدالله : تبين تشربين شي؟ شدن: لا ثانكس وطلعت علج من جنطتها وعطت عبدالله معاها عبدالله : شكراا شدن :عفوااا شدن " بعد ماطرنا عبود لف ويها عليي وسألني عبدالله : شصار بينج وبينه ؟ شدن : ما صار الا الخير عبدالله : مافهمت شدن :مالنا نصيب ببعض عبدالله : لازم يكون اكو شي صار اللي نهى اللي بينكم شدن : ماكو وقلتها بكل بساطه تزوج شدن " عبدالله كان مصدوم وبعد ما استوعب قعد يسألني شلون وليش ومتى عبدالله : متى ليش ما قلتيلي متى عرفها اصلا !! شدن : بعد ما طلعت من عرسه رديت البيت بدلت وخذيت اغراضي وعالمطار عبدالله : هذا مينون !! شدن : يالي بالمطار بس صديته عبدالله : الله يعينج صدقيني اذا لج نصيب فيه بيكون لج غصبا عن الكل شدن : الله يكتب اللي فيه الخير عبدالله: قدرتي تنسينا؟ شدن : انسى روحي ؟ انسى نفسي ؟ يمكن اتناسى بس صدقني بعدها القى نفسي اعشقه اكثر عبدالله : حاس فيج شدن : انت اكثر انسان فاهمني يمكن لأنك عشت اللي انا عايشته عبدالله ابتسم لي ابتسامه لها الف معنى ومعنى بس مو علي انا .. انا اللي اعرفه اكثر من نفسه شدن : مهما حاولت ما اقدر اكون مثلك تحملت كل هذا عشانها عبدالله : تحملت التعب لأجلك وانا تعبي يهد جبال شدن : ايي والله صح لسانك عبدالله : صح بدنج كمليلي طلعي كل اللي فيج شدن : مادري شقول بس بهالسنه تعبت وايد اقص على عمري اذا قلت تعودت انا كل يوم اذبل اكثر واكثر انا انسانه ولي طاقتي مو قادره اتحمل اكثر احس بس ودي اطلع روحي واروح دنيا ثانيه اروح وارتاح من كل هذا عبدالله : لا تقولين جذي لا تتمنين الموت ترا حرام لا تكفرين شدن : استغفر الله عبدالله : اهي شلونها شدن : يوم ييت كانت تمام وحامل عبدالله : الله يوفقها وين ما كانت شدن : قلبك كبير عبدالله : هذي الدنيا مو معقوله بوقف عندها صح احبها بس هذا النصيب افترقنا وكلن راح بطريجه ليش ما اعيش باجي حياتي مرتاح ؟ شدن : وهالقلب تتوقع بيقتنع ؟ عبدالله : دخلي هالشي براسج لين تلقين نفسج مقتنعه بهالشي وبعدها قلبج بيصدق بس بعدها تلقين نفسج تجذبين على روحج بس على الاقل تقدرين تنسين لو لفتره شدن : 19 سنه ما نسيت من هالحب شي مانسيت ايام مراهقتي ولا طفولتي ولا شبابي معاه عبدالله : ماكنت ادري الا عن طفولتج قولي عن مراهقتج شدن " وقعد يضحك علي واهو يتخيل شكلي بس بعدها قعدت اسولف له شدن : يوم كنت بمراهقتي ايام المتوسط كنت اكشخ وحالتي حاله واروح بيت عمتي عشان اشوفه ومرات بنص الاسبوع امي بتروح اروح معاها وكنت دايما اتمنى اني اشوفه خاصة انه هالفتره ما كنت اشوفه وايد على قولتهم كبرتي !! بس اللي مو ممكن تتوقعه اني كنت ادخل غرفته ونكون انا وياه بروحنا عبدالله : لا يكون صار شدن : لا تخاف حمد مستحيل يسويها فيني وبس يتعب يقولي طلعي ما اقدر اشوفج الحين عبدالله: ههههههههههههههههههههههه شدن : ايي والله كنت لما اروح بيتهم اروح غرفته نسولف ونضحك وبعدها ننزل وكل واحد بصوب مره كنت بداره لا تشوف عنده البومات صوري انا وياه بس ايام وانا بالمهاد ولما كنت بالحفاظه واهو شايلني وبالشاليه بالبر بكل مكان لازم مصورين فوق الـ 5 صور يعني تخيل البومين كل واحد اعرض من الثاني بس صوري انا وياه ولا تبطل الدرج اللي يم راسه صورتي وانا بعرس خالي اللي يكون ماخذ اخت حمد اهو شايلني وانا اضحك واللي قاعده ابوسه واللي لامني كنا يهال محد يقولنا شي علقونا ببعض وما درو انه هالشي بيخلينا نعشق بعضنا وانه هالحب بيبقى لين نكبر وتلقى جم اسوار وجم شباصه حتى تيشيرتي اللي امي كانت مخيطته على حرفي وحرفه موجود عنده هالايام كلها موجوده اذا الكل نساها انا وياه مستحيل ننسى عبدالله : انتي وحمد كنتو حديث العايله شدن : بمراهقتي الكل كان يقولي انه بنزوجج حمد بس كنت اسوي روحي معصبه ومو عاجبني بس من داخل بموت من الوناسه ولما كنت اروح بيتهم جدام العايله كلها يقولي احبج تتزوجيني ؟ ما كنت ارد عليه لأني بنيه عيب اعلن هالشي جدام الكل كنت اسكت وانا مستحيه بس الكل يدري اني ابادله هالشعور كان ما يخاف من احد عادي عنده يقول هالشي جدام الكل وليش يخش اصلا ؟ كبرت وكبر هالحب دخلت الثانوي تعلقنا ببعض اكثر خلصت الثانوي خذيت الليسن كنا نطلع مع بعض نروح السينما نستانس ونرد وبعدها دخلت الجامعه شفته اول يوم وبعدها قام يبعد بالاسابيع ما اشوفه ادق عليه يكلمني جم دقيقه ويسده وبعدها ما قدرت اذل نفسي اكثر ما قمت ادق ولا اسأل واذا رحت بيتهم اضحك مع شباب العايله ابيه يغار واشوفه واهو محترق بس مايعلق مثل قبل ما يزفني وبفتره الامتحانات راح خطب و وافقو اهلها الملجه صارت بدايه العطله ما كنت ادري بكل هذا بعد الملجه باسبوع دريت طحت مريضه انهيار عصبي وقمت ما اكل بس ماي يمكن لمده اسبوعين واهني طحت مره ثانيه فيني فقر دم حاد !! وبعد يومين طلعت من المستشفى لما تأكدو اني تمام صرت اكل واهتم بروحي وكل شي صرت اروح مع لولوه عشان تجهز عمرها و رحت معاها الصالون تعدل عمرها بصراحه ماكنت مهتمه بجمالها وايد مومن غيرتي بس هذا الصج بس بعد النيو لوك صارت حلوه بالعرس اهني حبيت اطفي ناري نزلت على زفتها ولما دخل حمد عيونه كانت عليي ورقصت جدامه وانا عبايتي مبطله يوم بصورون طيحت عمري ومسكني من زندي بس الله ما رضى طحت مره ثانيه وشالني مسح على ريلي كلها وجدامها ومثل الكلبه ماقدرت تقول كلمه سلمت عليها وعطيتها جم كلمه تقثها وبالمطار يالي وقالي لا تروحين وقعدت اقوله انه حرام وجذي من هالسوالف بصراحه ضحكت على عمري شكيت فيني انفصام والحين برد ويمكن القاها حامل او عندها ولد بس الله كريم وعسى الله يوفقهم عبدالله : منو اللي قلبه كبير الحين ؟ شدن : الله يعينا شدن " وقعدنا نسولف عني وعن حمد و اهو و حبيبته اللي خذت غيره ..!! | |||||||||
|
| |
|
10-09-13, 02:51 PM
| #6 | |||||||||
| نجم روايتي ومشرفة سابقة وفراشة متالقة بعالم الازياء
| البـــــارت الــــخـــامــــس صعــب انـــســــاكــ حبيــبي { صعــب انــســـاكــ } شــلـــون انـــســـاكــ يــاعيــنـي { شـــلــون انـــســاكــ } اتمــنـــى اعـــيــش العمــــر ويـــاكــ { ويــــاكــ } عبدالله: تبين تاكلين شي شدن :لا حبيبي انته مابي شي بس قولها تييبلي ماي عبدالله : اوكي شدن " يت المضيفه وسألتنا شنو ناكل عبدالله قالها ويابتلي ماي وقعد ياكل ويسولف معاي بين لقمه ولقمه وانا كنت فاصله عالكاكاو كنت تارسه جنطتي من هالخرابيط وبعد ما خلص عبود اكل عطيته كاكاو وحلاو يحلي فيهم كان يضحك علي يقولي جنج ياهل وانا بس اضحك كنت فاصله ماعلي كلافه ..!! شدن " وصلنا الكويت كان المطار زحمه كل الناس بتسافر بعد ما خلصنا كان حمنو اخوي يايلنا ولميته جدام خلق الله ولا همني كنت حيل مستانسه بشوفته واهو يضحك انا ما اشك بغلاتي عنده ادري انه اشتاقلي بس اهو جذي ما يبين مشاعره ما يحب يكون شفاف بس هذي دراستي واعرفه من عيونه سلم على عبدالله حزتها كان يوم الخميس المهم كانت يمعتنا ابيت ابوي بس اليمعه من اهل ابوي !! يعني بشووف حمد وصلنا البيت اهم يقعدون بالسرداب انا صعدت غرفتي تسبحت و نشفت شعري بدلت ونزلت اما عبود فراح غرفه حمنو واتسبح وبدل سلم على الاهل وكان بيمشي بس شلون يخلونه واهم فوق الـ 6 سنين مو شايفينا قعد معاهم لي الغدا وبعد الغدا طلع وراح عند امه واكيد اللقاء كان حلوو بس مادري عنه انا المهم انا نزلت احنا يمعتنا الشباب والبنات الرياييل والحريم كلهم بنفس الصاله نزلت وصوب كعبي خله كل العيون عليي ماكانو يدرون اني راده نزلت بكل ثقه و ماكنت مهزوزه مو انا اللي طبعي جذي وصلت وسلمت على اهلي كلهم والشباب وقعدو يصفقولي طلتي دايما تخليهم يتنحون هههههههه مو غرور بس هذا الصج وبعدها يت امي بست خدها وراسها بس الغريب انها لمتني !!!!!!!!!!!!!!!! قلت يمكن شكليات بس هذيل اهلنا ويعرفون طبعها وماكو احد غريب يعني امي صج بتلمني مو عشان احد ..!! شدن " كنت اتمنى هاللحظه من زمان وما توقعت انها بتصير بهالسرعه يوم لمتني شقول حسيت اني رجعت ياهل بس ارتحت نزلت دمعتي وانا اللي طول عمري عزيزه نفس وماتنزل دمعتي جدام احد غير مريوم !! مريوم توأم روحي اختي اللي ما استغنى عنها اهي بغياب امي كانت تعيني وتحسسني اني انسانه لها الحق انها تعيش مثل ما تبي وخرت عني وسحبتني تبيني اقعد يمها وقعدنا نسولف الكل هد اللي بإيده وقعد يسألني شلون السفره وشسويت وقلتلهم عن دانه وعبدالله بس طبعا تجنبت سالفه يعقوب لأنه بتييبلي سوالف انا مستغنيه عنها وقلتلهم انه عبدالله كل يوم ايي يسأل عني انا و دانه وانه ازور اهل دانه وانهم خوش ناس وطلع ابوي يعرفه بالشغل وهالسوالف وقعدت اقولهم عن الجامعه وشلون تعب وعن مغامراتنا بالويك اند الشي الوحيد اللي كان مونسني انه كل الانظار علي هالشي يرضي غروري هههههههه هذي انا من اول وانا احب الفت النظر بس بطريقه حلوه شدن " وبعدها صعدنا تغدينا وعبدالله يبتسم لي ولما خلصنا اهو مشى وانا كملت سوالف مع البنات ومحد يابلي طاري حمد و لولوه واصلا انا كنت ناسيتهم شفت الفرحه بعيون وايد من اهلي وهالشي ونسني انه ليلحين في قلوب تحبني ومو قادره تستغنى عني بعد صلاه العصر وصل خالي وشفت منار لميتها من قلب اهني حسيت روحي رجعتلي اهي دمعت وانا خنقتني العبره هذي اختي هذي اللي نسخه مصغره مني هذي اللي افتخر فيها واستانس لي شفتها قعدنا سوالف مع بعض لي المغرب واتفقنا انها تنام عندي هاليومين لأنه انا ما ردي برد بريطانيا واهي بتسافر مع خالي وامها .. خالي وعدني انه بعد ما يخلصون من سفرتهم اييون يزوروني بلندن لأنه منور طول عمرها تتمنى تروح لندن وما زارتها ولا مره مع انها راحت وايد دول بليل يمكن عالـ 7 وشي حمد دخل بهيبته وبمشيته اللي تشد الكل حمد : السلام عليكم الكل : وعليكم السلام شدن " راح سلم على عماتي وعمامي واوووه سوري نسيت اقول انه واهو داخل كان شايل ياهل ما كمل سنه كان نسخه من حمود اخوي ينيت عليه ابيض عيونه وسيعه وتختوخ وكان مسميه محمد .. حمد وحمود اخوي يكونون ربع وكل واحد يكمل الثاني وما دخلت وراه لولوه توقعت انها زايره اهلها استانست بهالشي واستانست بالولد بس هذا من غيري !!!! شدن " حمد لف علينا احنا البنات وقام يدور وعلى ما اعتقد انه يدور منور وصح ما شافني وناده منور وقامت سلمت عليه وبعدها لف علي واهو مصدوم حمد بصدمه : شدن ؟ شدن : هلا حمد شخبارك حمد : الحمدلله بخير وانتي شدن :عايشين يتربى بعزك وقمت وبخطوات واثقه مديتله ايدي على اساس باخذ حمودي حمد : تفضلي ومدلي ياه شدن " قعدت وقعدته بحظني وقعدت العب معاه وكنت حدي مستانسه ما سألت عن امه ولا شي اصلا عمرها ما همتني وكنت معطيه الكل طاف وبالي كله مع ولد حبيب الروح بس لفت نظري لما عمتي فاطمه قالت ام سالم: قاعده اقوله بخطبلك واهو مو راضي يقول غلطت مره وانهيت حياتي ما اغلط مره ثانيه شدن " شقصدها بس قعدت العب مع حمود وبالي معاهم امي : وييه وليش عاد خلاص مرته وتوفت والله يرحمها شدن "توفت @@ ما استانست لا بالعكس تضايقت وطلبتلها الرحمه بس ندمت وايد اني غلطت بحقها بيوم عرسها وكسر خاطري هالولد اللي بحظني اللي مايدري عن شي بهالدنيا بس لفيت ويهي وسألت الحريم شدن : شلون توفت وحمود الحين شكبره عمتي فاطمه :توفت واهي تولد حمود يعني من 9 اشهر شدن " منو رضعه حليب المره احسنله من الكراتين وجاوبت على سؤالي امي امينه " ام محمد " : هبه رضعته شدن : واهي ولدت عشان ترضع امي : اي حملت ويابت اخو حق منوور ماتشوفينها مقهوره عمره سنه الا شهر شدن : شسموه ؟ امي : طلال شدن : اها شدن " طلال يكون ولد عمة حمود و اخوه بالرضاعه وابتسمت زين على الاقل عنده ام بتكون حنونه عليه وحتى منور ما راح تنساه وارتحت لما تطمنت عليه وبعدها حمد يه وقعد مع عمتي اهو ساكن ببيته اللي كان ساكن فيه مع لولوه وما رضى يروح عند امه ومنور قعدت تقولي انه اهي كانت ناويه تروح تعيش عند خالها وبيت ابوها بس تزوره اصلا مابينهم الا شارع بس عشان تجابل حمود بس خالي طلب من حمد انه يعيشون عنده خصوصا انه بيته كبير وحمد وافق عشان ولده وانه يكون عند اخته ومنار ولأنه اهو ما يقدر يربي ولد عمره 9اشهر بروحه اصلا انا مستغربه يوم كان عمره جم يوم شلون قدر يجابله ابي اجوبه على هالاسئله بس مابي اسأل احد ويعرفون اني ليلحين اهتم حق حمد حمد : منوور ماعليج امر ييبي ولدي بوري امي شي شدن " معقوله ما يبيني اشيل ولده ! بس قمت بعطيه ولده وخذاه مني وقام يوري عمتي انه بفخوذه كله احمر وفي حبوب وقالتله عمتي يوديه الطبيب لأنها ما تعرف اذا فيه شي و قام واهو شايل ولده حمد : اوديه الطبيب وارد شدن" طول عمره حنون ياحظك حموودي عندك ابو مثل حمد حنون انا شايفه هالحنان وحاسه فيه وبتعرف قيمته لا فقدته عساك ما تذوق طعم الفراق وتكون كل ايامك حلوه شدن " وقعدت هالـ 20 يوم جذي الخميس يمعه اهل ابوي واليمعه اهل امي كنت مستانسه بينهم و السبت اروح عند خالي عشان اشوف طلوول وحمودي كانو ايننون كتاكيت صغار وقبل يومين من سفرتي الكل منصدم كلهم كانو متوقعين اني بقعد طول العطله بس انا صدمتهم ورتبت اغراضي وسلمت على اهل امي وابوي والكل قالي اني اييلهم بكل عطله خذيت جم صوره حق حمودي معاي وشريتله جم بدله هديه مني وحمد ما اقوله الا شلونك وشخبارك واهو نفس الشي يوم سفرتي سلمت على ابوي واخواني وامي وصدمتي الثانيه انه امي بجت وطلبت مني ما اروح بس قسيت قلبي وقلتلها اني بالعطل اليايه برد وقعدت اتعذر اني لازم ارد وجذي ..عبود يه وسلم على امي وابوي واخواني و حمنو وصلنا المطار و بالمطار شفت حمد !! حمد : لا تروحين شدن : لازم اروح حمد : هالمره شنوو سببج شدن : اني ما اقدر اشوفك وانه عندي دراسه تنطرني اكملها هناك حمد : ردي حولي اوراقج اهني شدن : اسفه بس هذا مو لعب مره اهني ومره هناك حمد : وقلبي مو لعبه تاخذينا وتخليني اهني جني ميت شدن ابتسمت بحزن : الله يوفقك و روح كمل حياتك انت عندك ولد الحين بست خد حمودي اللي كان بس يضحك ويطلع لسانه بعبط ورحت عند عبود عبود : روحيله دام ليلحين يبيج شدن : ما اقدر صدقني عبود : وليش ما تقدرين شدن : مادري بس والله ما اقدر صعبه شدن " وعشان ما اسمع ضغط عبود لي خليته ومشيت رايحه صوب البوابات | |||||||||
|
| |
|
10-09-13, 02:52 PM
| #7 | |||||||||
| نجم روايتي ومشرفة سابقة وفراشة متالقة بعالم الازياء
| البــــــارت الــــســـــادس وحــشــنــي صـــوتــكــ يــاغــلاي { يــا فـــرحــي وبــــسمــه شــفــاي } تــوحـــشـــني يــومــ انتــهــ معـــاي .. واتــخـــيـــل انــ غــبـــت وشــ { يصـــيـــر } شدن " دخلت داخل وقمت اتمشى بسوق الحره وبس اشوف شي يعجبني اخذه واكثر شي قمت اخذ العاب ملوت يهال حق طلول وحموود هالاثنين تعلقت فيهم حيل وخذيت حق منور ومانسيت اخذلي بلعه حق الطياره هالشي ما انساه انا ادمان كاكاو وحلاو وبس خلصت رحت قعدت بكوستا وطلبت لي قهوه وقعدت وبعدها يه عبود وقعد يزفني عبود : انتي غلطانه الريال ياي لي عندج وصديتيه شدن : انا مابيه عبود : ونسيتي كل شي ؟ شدن : اهو اللي نسى كل شي وراح تزوجها ولما ماتت يايلي ؟ عشان اربي ولده لأنه يدري محد بيرضى فيه واهو عنده ولد بس انا احبه اكيد برضى شدن " هالحجي ما كان من قلبي بس قلته عشان اخلي عبود يسكت عبود :غبيه والله غبيه شدن " قام طلب له قهوه وقعد يدخن عشان يهدى عبود يعتبرني اخته الـ 3 ومايبيني اتضايق ويتمنالي الخير اكيد بس انا مادري شفيني ما اقدر اردله اهو اللي باعني والحين بيرد يشتريني ..!! شدن " انا عزيزه نفس شسوي ما اقدر والله ما اقدر صعبه عليي اردله جذي بكل سهوله انا يبيلي وقت افكر وحزتها اذا كان ليلحين يبيني انا مستعده اتزوجه بس الحين مستحيل !! عبود : شدون فكري عدل وبعدها قرري انا قلتله يعطيج وقت تفكرين فيه وانه هوا بريطانيا بيخليج تفكرين بهالموضوع وحزتها تقررين واهو موافق شدن : انا بروح لندن اكمل دراستي وبس !! ما راح افكر بأي شي ثاني عبود : ايي خير ادري انج مستانسه لا تخشين عني انا اكثر واحد عارفج يالخبله شدن : ههههههههههههههه عبود : سكتي بس بس شوفي الناس قاعدين يطالعونج شدن :ماهموني عبود: هذي انتي ما تغيرتي كله ما يهمونج الناس شدن : ايي والله خلني جذي عايشه حياتي عبود : ايي واضح شدن "قعدنا ربع ساعه يمكن وبعدها رديت تمشيت بسوق الحره معاه واهو قاعد يشتري اللي يعجبه وانا اضحك عليه واهو مطنشني كملنا وركبنا الطياره اتوقع انه انا وياه اكثر اثنين ركبو الطياره بالعطله !! بالطياره كنت حدي متملله عبود كان تعبان وبس طرنا ناام و انا مبطله الطاوله حاطه جلي ابلع منه وطلعت كتاب وقعدت اقرا اهو عن تخصصي و استمتعت فيه بعد 6 او 7 ساعات عبود قام قالهم اييبون له بندول و ماي و راح الحمام ورد وبعدها قعدنا نسولف عن تخصصي وليش دخلته وهالاشياء وما درينا عن روحنا الا لما قال الكابتن انه بنهبط الحين شدن " بالمطار كانت الزحمه اخف من الروحه خذينا اغراضنا وركبنا التاكسي ورحنا شقتي نزلنا اغراضنا قعد عندي طلبنا مطعم وبعد العشا اهو خذا اغراضه وركب تاكسي ورد شقته وقالي انه الصبح بيكون عندي شدن " من باجر الصبح نزلت مثل العاده وقعدت بالكافيه اللي جدام العماره الريال كان جزائري مهاجر ويعرف انا شنو احب فكل مره يشوفني اييبه ولو شنو ما اغيره !! عبدالله يالي يدري اني هالحزه اكون اهني وقعدنا نسولف وبعدها قررنا نطلع طلعة بحر ويخت بس قلنا لي يو دانه واهلها احلى لو كنا وايد رحنا شارع كان فيه المجمعات كلها ماركات عالميه وتمشينا وخمطنا من كل شي يعجبنا وبعدها دخلت محل نفانيف سهره وعبود اختارلي واحد فوشي كان عاجبني وجربته عجبني وايد واللي خلاني اكثر اخذه انه بس هالقطعه وانه وايد جربوه وما صار قدهم وما يقدرون يضيجونه او يوسعونه لأنه بيخرب الموديل كله خذيته وبعدها قررنا نرد الشقه وحطينا اغراضنا ورحنا مجمع ثاني ودخلنا السينما وبعد ماطلعنا شفت رقم دانه رديت دقيت عليها وبلغتني انهم بيردون اليوم لأنهم ملوو ضحكت !! هذي اللي تتمنى تعيش بالكويت ما قدرت تقعد فتره اقل من شهر المهم رحنا استقبلناهم وطبعا استانست بشوفتهم وعزمونا عالغدا عندهم بس ما وافقنا وبعد حنه رضينا عالغدا كان سؤال واحد وكل واحد فيهم يجاوب بأسلوبه شدن : ليش رديتو مبجر لا تعتبرونها طرده بس مادري غريبه دانه : من صجج انتي ملل يمعتهم من خميس لي خميس باجي الاسبوع كل واحد بصوب ما احب جذي وقلت حق ابوي يردنا كوز جد ما احب هالنظام انا وحده احب اطلع وايي بكل وقت هناك لا كلش ما تقدرين تسوين شي كل ما شافوج يقولون لج شلج بالطلعه والهياته شدن :هههههههههههههههههههههههه� � يعقوب : حتى انا الريال مناشبيني ليش لابس جينز لا يحسسوني انه عيالهم كلهم دشاديش بس حجي لأني عايش بلندن امهم : they only speak arabic i can't understand any thing شدن : خالتي اللي اعرفه انج تفهمين عربي وتتحجين شوي امهم : انا اتهجى اربي بس اهم يقولون كلمات انا ما أرفها الكل ضحك عليها ابوهم : انا ولدهم موو متقبليني المهم قعدنا جم اسبوع وردينا شدن :تغيرون جو واللي عليكم سويتوه عبود : على فكره ناوين انه نطلع بيخت هالمشروع يه على بالنا وقلنا ننطركم تيون عشان نروح كلنا الكل ساكت بس بعدها وافقو ابوهم : خلاص انا ااجر اليخت وانتو عليكم تجهزون عمركم امهم : شاااويييي دانه :ههههههه يمه شوي شوي امهم :yes yes دانه : اوكي نشوي ليش لأ عبود : بس متى ؟ ابوهم : بكلمهم واقرب فرصه نروح الكل وافق على الروحه .. | |||||||||
|
| |
|
10-09-13, 02:59 PM
| #8 | |||||||||
| نجم روايتي ومشرفة سابقة وفراشة متالقة بعالم الازياء
| الـــبـــارت الـــــســـــابـــــع و انـــا نـــاقـــص حـــب ثــــانــــي انـــجـــرح مـــنـــه و اعـــــانـــي ..!! شدن " بعد يومين جهزنا عمرنا و رحنا اليخت يعقوب اللي كان قاعد يسوقه بعد ما وصلنا نص البحر قعدنا نسولف ونلعب جنجفه انا كنت قاعده بمايوهي حفر وشورت لي فوق ركبي وظهري كله طالع المهم كنت لافه السكارف على خصري و دانه مثلي يعقوب وعبود كانو قاعدين بشورت وبدون تيشيرت وأخيـــه من اجسامهم انا و دانه تنحنا بس بعدين احترمنا نفسنا اول ما ثبتنا بنص البحر قررنا نلعب جنجفه ولعبه كوت بو 6 هههههههههه واللي يضحك خالتي لما تطلب وطبعا كله بدليات اخر شي عصبت وقامت تتكلم انجليزي واحنا فاصلين عليها فزنا انا ويعقوب وعمي وبعدها الشباب وعمي قامو يقطون خيطهم ويصيدون وطبعا يعقوب ما صاد الا ثنتين ههههههه وقعدنا نطفره اما عبود لا متعود عالبحر اهو و عمي وبعدها قمنا نشوي طبعا كنا مجهزين كل شي وبماا انه عبود متعود عالبحر نظف السمج ووشواه بس كان طعمه لذيذ بعد ما تغدينا حطينا تان وعمي وخالتي راحو ينسدحون كان في غرفتين تحت انا حطيت سماعه الايبود وقعدت اسمع ولا همني احد ودانو كانت تقرا كتاب والشباب يسولفون بعدها طبينا والوضع من اليخت كان يخرع تسبحنا يمكن ساعتين وطبعا الاستعباط مستحيل يختفي من قعدتنا وبعدين توهقنا لأنه محد منزل السلم الشبك عشان نصعد وقعدنا ساعه ثانيه لين يه عمي وقلناله ومن لعانه عبود انه عليي اناا رفعه وعصبت عليه اخر شي رد نزله لي صعدنا وكل واحد خذاله دش وبدل وبعدها ردينا قعدنا عاليخت وسوالف ومع الغروب ردينا بس كنا وايد مستانسين واحنا رادين كنت انا قاعده اسولف مع يعقوب وقعد يعلمني وانا مو عارفه شي واخر شي قالي انه معجب فيني وانه حاب يتعرف علي اكثر ومفكر يخطبني !!! يعقوب : شدوون بصراحه مادري شقولج بس انا معجب وفيج وبشخصيتج ومفكر اخطبج شرايج شدن " كنت مصدومه ما رديت وحاولت اني استوعب اللي يقوله يعقوب : تقدرين تفكرين وصدقيني حتى لو ما وافقتي بنبقى ربع وهالشي ما راح يأثر اكيد شدن : يعقوب سوري بس انا ما افكر اني ارتبط وخصوصا انت انا اعتبرك اخوي وبس وهالشي مستحيل يتغير اسفه لا تتضايق بس صدقني هالشي مو بإيدي وبصراحه انا ييت اهني هروب من بعد تجربتي الفاشله فبليز لا تضغط عليي وانا ما قلتلك عن سبب وجودي اهني الا عشان تفهمني وتعذرني شدن " اللي ريحني انه يعقوب انسان فاهم وقدر يقلب الموضوع بسرعه يعقوب : انا سألتج وانتي جاوبتي ليش متضايقه هاا تراا اقطج بحر وامشي عنج شدن :هههههههههههههه لا والله شدن " اهني تخصرت والخبل قام قلدني فصلت على حركته شدن" المهم ردينا وقعدنا اسبوع كامل نطلع ونرد و وناسه واللي بالقلب بالقلب !! وهذاك اليوم كانت صدمتي يوم كنت عالبحر قاعده كنت رايحه بروحي لأني متضايقه وقعدت احن حق ايامي مع حمد وكنت اتذكر كل شي !! شدن : حمدد يلاا عاد نزلني حمد : اقطج بحر ؟ شدن :حمدد لاا لااا والله ياويلك حمد : عدي 1 2 3 اوووبه وقطني شدن " حركاته كانت تنرفزني بس احبه والله احبه ما اقدر اعيش بدونه هذااا روووحي منوو بيفهم منو اللي بيحس اني احبه وابيه بس ما اقدر ارضى فيه وخصوصا الحين !! اهو باااعني وبعد ما صار وحيد يبيني قربه انا مستحيل اوافق انا مستعده اعيش طول عمري وحيده ولا اني اخذه بس حمود مسكين انا مادري اذا خذا غيري شبتسوي فيه اذا مو جدام حمد اكيد وراه محد يرضى بولد شريجتها!! كنت متضايقه حيل يمكن قعدت فوق الـ 3 ساعات وانا بس افكر بحمد و ولده حمد : شتسوين بروحج شدن " معقوله انا قمت اتخيله هذا حمد ولاا يتهيألي وغمضت عيوني وبطلتها حمد : شدوون انا حمد وقرص ايدي تأكدتي شدن " كنت لما اسرح يقرصني عشان استوعب واهني تأكدت انه اهوا شدن : هلا حمد حمد : شلونج شدن: تمام وانت حمد : مو بخير مو بخير شدن " وانا خايفه عليه حدي : شفيك حمد : من بعدج صرت سراب شدن : انت اللي حديتني على هالشي حمد : صدقيني مظلوم لا تفهميني غلط شدن : شنو اللي لا تفهميني غلط انت بعت عشرتنا وبعت حبنا وبعد ما توفت ياي تدورني خير انشالله ؟ حمد : وعديني انج تسمعيني لي النهايه ؟ شدن : ما اقدر لا تحاول حمد : بليز عشاني ؟ شدن : ماكو شي نتكلم فيه حمد : طلبتج لا ترديني خلينا نتفاهم !! شدن : قول اللي عندك بس صدقني هالشي ما راح يأثر حمد : خليني اتكلم وحزتها تحجي وحتى لو ما رضيتي انا بكون مرتاح واني بكون مسوي اللي علي بس عشان لا ابقى بنظرج الخاين وبايع العشره !! شدن : تفضل اسمعك شدن " صار يطالع البحر ويتكلم بصوت واطي عرفت انه متضايق حمد : انا يمكن حبيت لولوه شدن : ههههههههههههههههههههههههه هههههههههههههههههههههه منــهي اللــــي فعـــلا حبـــتك تفـــرح مـــعــاكـــ لــفـــرحــتكـ تـــوقـــف مــــعـــاكــ بــشـــدتــكــ حتـــى هــمــومــكــ تــنــتهــي انــا حبــيــبي ولا هـــي ..؟! علــمنــــي مـــن هـــي اللـــي ســهــرت مــن هـــي اللــي شـــافــت و صـــبـــرت و مـــا جــاهــا يـــومــ و تــغـــيــرت ~~ رغــمــ انـهــا تــقــدر لـــــو تــبـــي .. انـــا حـــبـــيــبي و لا هــــي ..؟! مـــن هـــي اللـــي لــــو كـــل مـــن نــســـاكــ تــلــقــاهــا اهــــيا اللـــي مـــعــاكــ ...؟!! ياللــــي انـــتـــه ضيـــعنـــي هــــواكــ .. و شــفــيكـــ ســـاكـــت رد عليـــ .. اثــبـــتلـــي قـــلبـــكـــ لمـــا خـــان انـــه الـــهــــوا مـــالــه امــــان .. | |||||||||
|
| |
|
10-09-13, 03:00 PM
| #9 | |||||||||
| نجم روايتي ومشرفة سابقة وفراشة متالقة بعالم الازياء
| الــــبــــارت الثـــامــــن كـل غيــمه تــنــزف مــطر دور عليـــها الهـــوا .. دور علــــيها الهـــوا { جفــفــ كـــل مطـــرهـــا } و تــقــول بــحور الضيــم شرهـــانه للـــمـــاي تنـــطــر حنـــيـــن الهـــوا يتـــرك جــروح الغيــم تنـــزف كــل مطـــرهــا صـــار الــوفـــا مســتحيـــل بيـــن الهـــوا و الغــيـــمــ و اكـــثــر مــن المــستحيــــل شخصــ(ن) يبــيــلي الــخيــر ..!! و انـــا اللــــذي ذقــت الضمــا و ضــاق الــزمـــن ويـــاي .. شدن " قمت عنه مابي اسمع شي منه معقوله اتحمل جروح اكثر ؟ انا مو ناقصه وتعبت وايد والحين بس ادور اقرب باب انحاش منه ههههههههههه حمد : قعدي خليني اكمل شدن : انت شنو ما تحس !! ياي وبكل جرأه تقولي انا صج حبيتها حمد حس فيني لو مره بحياتك تغيرت وايد والله وايد صرت ما اعرفك انت انسان ثاني غريب مادري منو تكون شدن " وقام وفجأه لمني ... حمد يمسح على راسها : لا تتضايقين يالغاليه بس انتي ما خليتيني اكمل كلامي شدن : لأنه مافي مكان حق جرح يديد حمد : لاتقولين جذي خليني اتكلم وبتعذريني شدن : مابي اسمع شي و وخرت عنه ورحت شدن " ايي انحشت مابي اسمع شي يزيد علي لأني تعبت .. مرات اتمنى انه اتنازل عن كرامتي واكون له وبعدها ترجع عزتي لي بس ما اقدر هذاا طبعي ما اقدر اذل نفسي .. نفسي غاليه وماتهون عليي ركضت واول ما وصلت الشارع شفته واشرت حق اول تاكسي وركبت وعطيته عنوان شقتي رحت واول ما وصلت لميت دانه وانا ابجي شدن : حقييير حقييير بعد كل هالسنين ياي يقولي انا حبيتها صج .. دانوو بليز شسوي انا ما اقدر ارخص نفسي محد حاس فيني انا ابي مريوم وقعدت عالارض وانا ابجي واهز جسمي شدن" كنت مثل المينونه قاعده وابجي واهز جسمي ومو قادره اتكلم صدمة حياتي كنت متوقعه انه تزوجها بس قلبه معاي بس كل شي تغير اهوو مستحيل يكون جذي لاا مستحيل يحبها وانهرت طحت غشانه ومريم خذتني الطبيب بمساعده يعقوب طبعا وبعد اسبوع طلعت من المستشفى وكملت حياتي طبيعي بعيده عنه اصلا بعد هذاك اليوم ما شفته ولا سمعت عنه شي مابي اعرف عنه اي خبر لأنه سيرته صارت تضايقني شدن " بعد مابدينا دوامات كان في رسام محد يدري من وين بس خليجي كان طبعه هادي ما يتكلم محد يعرف شسالفته بس ملفت للنظر دايما يكون قاعد برا ويرسم واي شخص تعجبه وضعيته يقوم يرسمه ويقدمله الرسمه بدون اي كلمه !! طبعه غريب الكل فيه فضول شسالفته كان كل شخص يرسمه مره او مرتين ودانوو يمكن فوق الــ 4 مرات حتى معلقتهم بالشقه واهي مستانسه اما انا كان دايما يرسمني بس ملامح ويهي دايما مو واضحه يعني كل الشغل على قعدتي وطريقه شعري بس ويهي ما ايي صوبه حسيت نفسي بموت من التفكير ورحت له على يوم وسألته ليش مافيني ملامح شدن : عفوا اخووي بس بغيت اسالك ليش انا ترسمني بدون ملامح : لأنج مومفهومه شدن :عفوا ؟ :ملامح الكل شفافه الا انتي غريبه !! مره متضايقه ومره مستانسه وانا ما احب التناقض شدن : انت تستعبط ؟ يعني مرات الواحد يتضايق ومرات يستانس شكو التناقض انت غبي ؟ : ههههههههههههه لاا بس انتي عيونج مرات تدل انج مستانسه و ابتسامتج حزينه ومرات ابتسامه تدل انها من قلب وعيونج فيها الف دمعه وقلتلج انا ما احب التناقض شدن " عصبت ايي عصبت واايد هذا منو يكون اللي يقولي جذي كان ودي اكفخه بأقرب طابوقه يمي بس حسافه ماكان اكو شي شاف العصبيه بويهي تأففت ومشيت عنه بس سمعت ضحكته اللي نرفزتني اكثر ...!! | |||||||||
|
| |
|
| الكلمات الدلالية (Tags) |
| bronz, الناس, الكاتبة, انته, باعـوني, girl, جارية |
| أدوات الموضوع | |
| انواع عرض الموضوع | |
|
|
.png)
العرض العادي
