خلنا نرد روح و جسد طـول العمر احباب الكاتبة / BRoNZ GiRL / مكتمله

[اسطورة !]

	السلام عليكم ورحمة الله وبركاته كيفكم اعضائنا وزوارنا الموقرين تفضلوا الرواية الخامسة للكاتبة / برونز قيرل خلنا نرد روح و جسد طـول العمر احباب الكاتبة / BRoNZ GiRL قراءة ممتعة تحيتي

[اسطورة !]

قــوه ..

احلــى بـــاك حق احــلى قســم ..


امممم الكتاب مبين من عنوانه ..
رديت بروايتي الخامسه روايتي حقيقيه هالمره ..


احم احم حدي اشتقتلكم واشتقت حق هالقسم ..

راح انزل اول بارت الحين واذا اكو تفاعل بكمل



روايــتــي الخـامسـه

{خلـنا نرد روح و جـسـد طـول العـمـر احـبـابـ } روايـه حقيـقيه ~~

[اسطورة !]

البــــارت الاولــــ ...




2004


فطوم : بناات ويين تبونه نروح ؟؟
اماني : شرق اكيد
ساره :ايي شرق اكيد
زينه : روحي شرق شناطره
فطوم : ههههههههههه جبي انتي اختج شتقول ؟؟
فجر : ايي عادي كيفكم
فطوم : اوكي
فجر : ساارون شفتي هذاك اللي اقولج يكتب اشعار و حده مو صج !!
ساره رفعت حواجبها وقعدت تفكر : اييي المزيون
فجر : طع تفكيرج المهم عندي ايميله تبين ؟
ساره : شسوي فيه !
فجر : انتي غبيه ؟؟ اهو بس يكتب شعر يديد يسجله ويدزه هوت ميل !
ساره : امممم ايي اوكي عطيني ياه بعدين
فجر : خلاص ولا يهمج .. ذكريني واحنا رادين
ساره : اوكي

-----------------------------------------

2005 ..

البنات متيمعين بدار ساره

فطوم : هاا شنو شعورج وانتو سكنتو ومأثثين وجذي حركات
ساره ابتسمت ابتسامه غامضه : شي حلو !
اماني : عاد فريجكم كله شباب
ساره: ههههههههه ايي لاحظتي !
اماني : حده بس نيي لازم نمر على شباب انزين مرات انيي واحنا مو كاشخين نتوهق
ساره لفت ويها : محد قالج
فجر : بس ليش بنفسجي انا خابرتج تحبين الفوشي !!
ساره تنرفزت : امبيه من صجج! قلت حق امي ابيها كلها فوشيه بس طوفه ابيها سوده وينرسم عليها بالفوشي تقولي لا ماكو اسود حق الكآبه ولا اقولها انا يا جذي يا بيضه زين ! ولا تعصب اهي تعرفين شنو منو الحين داره بيضه ؟؟ جان تعصب وتصبغها بنفسجي على كيفها
اماني : بالعكس حلو
ساره : ماهمني المهم البلكونه تطل على الحديقه
اماني : وعلى بيت كله شباب وغمزتلها
ساره : اخر همي ..
اماني : ههههههههههههههه
ساره : امبيه هذا اللي يكتب شعر وايد عاجبني !
اماني : انتي ماكو صبي ما عجبج ما خذيتي قلبه هالمره هذا ؟
ساره رفعت حواجبها: اموون من صجج ! انا الباجي كلهم ماهموني بس يعجبوني واستانس اذا شفتهم ميتين علييي بس اظاهر انقلب الوضع! انا يانه عليه ..
زينه : سارووو لا يكون تصيرين خفيفه !
ساره: لا مو طبعي وانتي تدرين اهم شي ثقلي ومن متى انا احب او اقط عمري على واحد
اماني ابتسمت : بالعكس الحب شي حلو
فطوم : سألي مجرب
فجر : ايي والله هههههه
ساره : انتو حبو انا مو مالت حب اصلا ماكو حب الحين ! وبعدين ماكو واحد يستاهل قلبي لأنه كلهم خفاف انا ابي واحد تكانه والحين هالشي مستحيـل !!
زينه : انا مو معاج بهالنقطه ! لا والله انا وحده بحب بس مو الحين
فجر : بكيفج متى تحبين ؟
زينه ضحكت : ايي
ساره : المهم انا بخاطري اكلمه مادري ليش
اماني : عطيه طاف خل يولي ..
ساره : حده !! زين بنات نامو اهني اليوم
اماني : يبيله !!!!!
زينه : ايي والله نبي حق الفصله
فطوم :مو يايبين هدومنا
ساره شافت الساعه : فطوم توها 5 نروح نمر بيت خالتي عايشه واهم ياخذون هدومهم وبعدها بيتكم اخذي هدومج نمر الفرع واحنا اللي يايين بيتنا ! يلا عااد تدرين انتي انه الغرفه الكبيره اللي فوق يم البلكونه العوده امي حاطتها حق سهراتنا !!
فطوم : اوكي نكلم امهاتنا اول
ساره : انا اكلمهم ودقت

ساره : السلام عليكم
ام فطوم ( منى ) : وعليكم السلام هلا سارونه شخبارج وشلون امج ؟
ساره : هلا فيج خالتي احنا كلنا بخير انتي شخبارج من زمان ما شفناج عاش من سمع صوتج
ام فطوم : ههههه عن العياره الزايده
ساره: امممم خالتي تدرين احنا ما صارلنا فتره ساكنين وجذي فحبيت انه البنات ينامون عندي عطله ونبي نستانس دام هالسنه ماكو سفره ( تبي تكسر خاطرها ) عاد خالتي انتي حسي فينا و وافقي انه فطوم تنام عندي
ام فطوم : امممم زين خل تمر تاخذ هدومها على الاقل
ساره: ايي انشالله بنكلم خالتي عايشه وبعدها بنمر وبياخذون البنات هدومهم
ام فطوم : شكثر بتنامون ؟
ساره على طول : اسبوع
ام فطوم : لا وايد اسبوع
ساره: خالتي انا وحيده الحين بالبيت العود على الاقل يونسوني ..
ام فطوم : خلاص زين ..
ساره : مشكووره خالتي نردها لج بالافراح ونوقف بعرس ولدج انشالله
ام فطوم ": انتي ما تيوزين ؟ ليلحين على عيارتج
ساره : هههههههه شفتي شلون خالتي :$
ام فطوم : يلا عن القرقه الزايده وخل اتيي تاخذ هدوم
ساره : انشالله .. تامرينا على شي مني مناك
ام فطوم : لا سلامتج ديربالكم ولا تدوس اللي يمج اعرفها !!
ساره : ههههههههه انشالله من عيوني .. اوامر ثانيه ؟
ام فطوم : لا يلا مع السلامه
ساره : مع السلامه وسدته

ساره: وين راحت زيوون ؟
اماني : راحت تكلم امي عشان نختصر الوقت انتي بتقعدين سنه على ما تتحجين مع كل وحده
ساره :شعرفج انتي ؟ لازم عشان يرضون
زينه يت : امي تقول لي الـ 7 ما وصلتو البيت وخذيتو هدومكم وطلعتو راح انومكم بغرفكم
ساره : ههههههههههههههههه خالتي فصلت علينا يلاا قومو الحين 5 وشي يلا يمدينا
اماني : احنا جاهزين انتي اللي ابجامتج!!
ساره شافت روحها : اووه يلا برا ابدل بسرعه
البنات نزلو بيروحون السياره واهي على طول لبست شورت جينز مع جبنيز وفلاتها لبست تاج عالسريع خذت فونها وبوكها ونزلت ركض بدون ما تستأذن كالعاده ..

بالسياره ساره ركبت بسرعه

ساره : زين انه بيتكم قريب ولا جان رحنا فيها مايمدي
فطوم : ههههههههههه شلون بـ 5 دقايق لبستي ولا مو هلاقه !
ساره : ما بقى انا اطلع بشكل هيلقي لا حبيبي انا اهم شي عندي شكلي ولو شنو ما انزل مستواي الراقي باللبس
زينه : ثقتج راح اعدمها قالتها واهي تضحك
ساره : اللي اكبر منج ما قدر
زينه كفختها على جتفها : انا اكبر منج احترميني
ساره لفت ويها وطالعت الشارع وجاوبتها باختصار: ان خاطبني السفيه فآبى ان اكون له مجيـبا ..!
زينه عصبت ما تحب احد يدقرها وطالعت الشارع اهي بعد
ساره شبكت مسن بفونها وقعدت تسولف تضيع وقت على ما وصلو بيت خالتها

فطوم : نزلو يلا على ما اصفط عدل
فجر و زينه و اماني نزلو
ساره فصلت وقعدت تعدل شعرها وبعدها صفطت فطوم ونزلو

------------------------------------------------


الشـــخصـــيـــااااتــ ~~

فجـر : 23 سنـه .. متخرجه من كليه البنات تخصص تغذيه طولها زين ضعيفه بيضه عيونها وسيعه وهاديه وجديه بس اذا عصبت تخرع ..!

فطوم : 22 سنه تخرجت من معهد و تشتغل بوزاره .. طولها زين متروسه شوي بيضه فصله وتحب الضحك ودايما تفكر بغيرها على حسابها!

اماني : 20 سنه بحقوق قصيره وبيضه هم متروسه شوي بس شكلها يونس و يجذب ! فصله واهي مصدر الضحك بأي قعده ! تكلم شباب بس لازم تذله على ماتاخذ الرقم

زينه : 16 سنه قصيره بيضه ضعيفه هاديه بس اذا فصلت تكون شخصيه ثانيه .. حساسه ودمعتها بسرعه تنزل ..

ساره : 15 سنه .. طويلها وضعيفه بشكل عام جسمها حلو !! برونزيه مزاجيه لأبعد حد .. ثقتها بنفسها الزايده مع نظراتها تبين على انها مغروره بس اللي يعرفها اكثر يكتشف شكثر اهي متواضعه وحبوبه!

[اسطورة !]

البـــارت الــثـــانــــي ..





ساره و فطوم دخلو غرفه اماني لأنها اول غرفه مرو عليها شافوها متوهقه

اماني : ساروو حبيبي حطي المكياج بأي جنطه صغيره
ساره : اوكي وسوت اللي قالتلها عليه وكل شوي تسألها تبين هذا واهي تجاوبها واهي معصبه ما تحب تستعيل بشي لأنها تدري راح تغلط !

فطوم راحت غرفه فجر لقتها خالصه بس قاعده تصكر جنطتها
فجر ابتسمت : لا تحاتيني ! انا بسرعه اخلص
فطوم : قنوعه !
فجر ضحكت : روحي شوفي الثانين ترا الساعه 6
فطوم : امون متوهقه واكيد زيون اخس منها
راحت عند زينه لقتها تصفط جم شغله
فطوم : ماخلصتي ؟
زينه : فوفو حبيبي ما عليج امر بلا حنه هاا !
فطوم ضحكت وقعدت تشوفها

زينه بعد ربع ساعه خذت نفس براحه : واخيرا خلصت !! وهقه !! احنا ندري انه ما راح نقعد بالبيت كله قازين فلازم ناخذ شي سنع
فطوم : ههههههه ايي والله يلا امشي نشووف امون
اماني كانت متربعه عالارض مع ساره وقاعدين ياكلون كاكاو ويضحكون

فطوم : دام خلصتو ليش ما قلتو
اماني :شحقه نقولكم؟ انتو لو خالصين بتيون وراح تشوفونه
فطوم : قومو قومو عالسياره انا بعد بروح اخذ هدومي
اماني: زين يبه و نزلو مره ثانيه السياره

الوضع صار نفس الشي مع فطوم اما ساره قاعده بالحديقه واهي تغني ومندمجه حدها

واحد وراها قعد يكح عشان تحس فيه لفت ويها وشالت السماعات تنحت بويها بس بسرعه ثقلت : هلا؟
: عفوا اختي بس بغيت عمر
ساره رفعت حواجبها" مايعرف يدق عليه او يطق الجرس ؟ : انشالله الحين اناديه لك

ساره دخلت البيت وعند الباب :عمووووور
عمر واهو نازل : هاا ويعه ! انتي شكو يايه اهني ؟

* ساره وعمر 24 ساعه هواش على عبط واهو يحب يطفرها وكل ما شافها عصبت يقولها احبج وانتي معصبه !

ساره تخصرت: خير خير مابقى الا انت تسألني وين اروح و وين ايي !! ماما اناا اروح المكان اللي ابيه ومحد يقول نص حرف !

عمر قعد يدلدغها واهي ميته ضحك
ساره: عموور وخر
عمر ماسكها ومكمل على السالفه شالها و وداها الحديقه
ساره : نزلني ياشقوول ماتفتهم !
عمر شافه : اوووه حسون اهني نزلها بس ليلحين ماسكها سلم عليه
عمر : اعذرني اتفاهم مع النتفه هذي واييلك
حسين : هههههه لا اخذ راحتك
عمر شالها مره ثانيه واهي تطقه
ساره : عمر و ربي لي الـ 3 اذا مانزلتني عند خالتي وانت اخبر بعيارتي
عمر راح بزاويه ونزلها واهو مسند ظهرها عالطوف وعينه بعينه : شقلتي
ساره خافت بس ماتبين : كلام الملوك لا يعاد !
عمر عض شفايفه وهمس بإذنها : احبج وانتي معصبه! ومشى عنها


** عمر اخو فطوم 20 سنه بأداب مزيون وفصله بس يحب يطفر ساره لأنها اخته بالرضاعه واهي تعصب منه !


ساره ردت الحديقه واهي معصبه شافت حسين وحسبالها عمر : عموور شوف اذا قربت مره ثانيه بيصيرلك شي اقوى من كل مره !! انا مو هذيج الياهل اللي تطوف لك لفت ويها وشافت عمر جان تلف ويها الصوب الثاني ولا تستوعب انه رفيجه جان تصرخ من الفشله ودخلت

عمر : اعذرني اختي مينونه
حسين : هههههههههه عمور انا خابر فطوم اختك شكبرها هالنتفه من وين يت ؟
عمر : بنت خالتي واختي بالرضاعه
حسين : ههههههههههه خبله !
عمر : حده يلا مشينا..
حسين : يلا ..


---------------------------------


بعد يومين ..

الفـــير

البنــات كلهم نايمين بالغرفه اللي فوق وساره قاعده بالبلكونه اللي يم الغرفه واهي تبجي

دخلت مسن بفونها بتكلم جنون رفيجتها وبالغلط دخلت على الصبي اللي يكتب اشعار


المحادثه بمعرب ..

ساره : جنون حبيبي اذا قاعده دقي عليي ابيج ضروري حدي متضايقه ومو قادره اكتب من البجي

بالصوب الثاني

رفع حواجبه ! شكلها دخلت بالغلط : اختي شكلج غلطانه ..

ساره استوعبت : سوري بالغلط .. اعذرني

ساره : فشلهه !!! خلصو الناس غلطت بالحجي مع هذاا !!

الريال :ماعليه بس هدي عمرج ماله داعي تبجين لو شنو ما كان السبب

ساره : انت ماتدري عن شي

الريال :صح ما اعرف شي .. بس البجي ما راح يسوي اي شي!

ساره : مايسوي اللي احنا نبيه ولا يرد بالزمن بس يخفف علينا!

الريال : هذا الحجي اللي احنا نقص على عمرنا فيه! احنا اقنعنا عمرنا انه البجي يخفف بس الصج ما منه فايده ..

ساره : يمكن ..

الريال : والحين اقدر اعرف شنو اللي مضايقج ؟ يمكن اقدر اسوي شي يهديج

ساره: ما اقدر اقول لأني ما تعودت اتحجى او اشكي حق احد بس صدقني اللي فيني اكبر من انه وحده بعمري تتحمله

الريال : ليش جم عمرج ؟

ساره : اصغر من ما تتوقع ..

الريال : جم ؟

ساره: جم تتوقع ؟

الريال : 23 .. 22 ؟

ساره : كبرتني واايد !!

الريال : صدميني وقوليلي جم

ساره: 15 !!!

الريال انصدم : تستعبطين ؟

ساره : وشنو اللي يخليني استعبط ؟

الريال : اسلوبج مو اسلوب ياهل !

ساره ضحكت : الدنيا تكبر !

الريال : بصراحه صدمتيني مادري شقولج .. بس هدي عمرج وانشالله مع الايام كل شي بيتعدل


ساره : الله كريمـ هذا كل اللي اقدر اقوله ..

الريال : ايي والله


ساره: عن اذنك بروح اصلي

الريال : تقبل الله مقدما
ساره: منا ومنك ..

الريال : اذا فضيتي كلميني ..
ساره: انشالله خير ..

-------------------------------------------

[اسطورة !]

الـــبـــــارت الـــثـــــالــــث ..




ساره صلت وفصلت من فونها وشبكت من اللاب


الريال: ولكم وتقبل الله
ساره: منا ومنك
الريال : عفوا ماتعرفت على اسمج ..
ساره: اممم معاك ساره .. وانت ؟
الريال : حسين عمري 20 سنه ..
ساره : عاشت الاسامي وفرصه سعيده
حسين : وانا اسعد ..


من هذاك اليوم وساره تكلم حسين كل يوم وتعلقو ببعض ..



---------------------------------------------------


بالمزرعه محتفلين بليله راس السنه ..

اماني : بناات يلا الحين 11ونص الكل برا ناطرين الساعه بيحتفلون ليش انتو قاعدين اهني ؟
فطوم وزينه راحو وراها
فجر : سارون فيج شي ؟
ساره ابتسمت : فطوم انا خايفه من شغله
فجر : من شنو ؟
ساره مسحت دمعتها اللي نزلت : فجور انا خايفه اني احب حسين انتي تدرين انا شكثر تعلقت فيه ! ومو قادره ابعد عنه وما اقدر احبه !! لأنه ماكو حب الا وينتهي ! وانا مابي انكسر وبعدين حسين يعرف عموور !! اهو نفسه اللي تفشلت منه يوم كنتو بتنامون ابيتنا اول مره ..!

فجر لمتها :سارون حطي ابالج الحب موجود بكل مكان ! عمره ما يختفي وحسين ريال وكلنا نعرفه ونعرف اخلاقه ليش خايفه منه ؟ وصدقيني حتى لو ما حبج بيبقى بقلبج غالي ! لا تكتمين مشاعرج خليها تاخذ راحتها بقلبج والحب شي حلو والله ! بس مو مع الكل ! بس حسين يستاهل هالحب ..
ساره ابتسمت : مشينا براا شكلي بدق عليه
فجر : عندج رقمه @@
ساره : ايي رقمني قبل فتره بس انا مابي ادق مابي اخورها مع واحد يعرف اهلي
فجر : انزين اقول استحي على ويهج وامشي برا ترا في حريم من صوب عمات فطوم يايين
ساره قعدت تفكر وصرخت : فجووور
فجر: هاا شفيج بطيتي اذني !
ساره : قلتي الحريم اللي برا يصيرون حق فطوم ؟
فجر : ايي عماتها وحريم عمامها
ساره : يازفت ليش ماقلتي ؟
فجر : شدراني وليش
ساره ابتسمت : يعني اهل حسين برا !
فجر : so ?
ساره : وحسين قايل انه اليوم بيحتفل مع اهله يعني شي اكيد اهم كلهم اهني !
فجر ضحكت : روحي عيل شناطره ؟؟
ساره : لا ويت ودقت عليه

حسين استغرب من الرقم بس رد : هلا !
ساره ابتسمت : قوه
حسين : هلا اختي اي خدمه ؟؟
ساره : امممم ممكن نتعرف مع بدايه السنه يعني
حسين : صج ناس ما تستحي وسده بويها
ساره : ههههههههههه فديته ثقيل :$
فجر : هههههههه بلا خبال وقوليله انه انتي
ساره دزت له مسج "
"bdg 3laik o rd ma ra7 tndm el salfa '9roreya ..

حسين استغرب " شفيها هذي ؟
ساره دقت
حسين رد على طول : الو نعم
ساره : حسين !
حسين : شعرفج فيني
ساره : امممم انا
حسين ابتسم وقام عن اللي يمه : ويت
ساره : اوكي
حسين بعد ما طلع : سارون مو ؟
ساره ابتسمت : ايي
حسين : شلونها ؟
ساره : تمام وانت
حسين : الحمدلله بخير
ساره : حسيين وين بتحتفل اليوم
حسين : بمزرعه عمي اهني اهلنا كلهم و من اهل امه بعد
ساره : اها
حسين : عمور نفسه هذا مزرعتهم
ساره : حسين بشوفك !
حسين رفع حواجبه : سارون صدقيني ودي بس ما اقدر اطلع من المزرعه كلش !
ساره : حسين انا معاهم اهني !! عمك يكون ريل خالتي
حسين ابتسم وتشقق : اي صوب انتي ؟
ساره شافت البنات ينادونها : حسين لازم اروح الكل يناديني
حسين : تغطي ترا برا برد
ساره : انشالله باي
حسين : باي

ساره لبست جاكيتها وسكارفها وطلعت مع فجر

عمر : حسووون يلاا امش

الساعه 11:59

الكل : 3
2
1

HaPpy New YeaR !!!

الشباب بطلو الجراغيات والكل قاعد يصرخ ومستانس وحسين عينه صوب شله البنات ويسأل نفسه اي وحده اهي

ساره كانت متوقعه انه بيتلفت فما اهتمت عشان لا يدري انه اهي !

ساره : واااااااااااااااااااااااا او وناااسه وراحت بخبال ركبت النقازيه وقاعده تستعبط

عمر : نزلييي بلا خبال محد فاضي يوديج المستشفى او نقزي عدل
ساره نقزت وبعدها طلعت : مالك شغل فيني ردت حق البنات وساسرت فجر

ساره : حسون اهني بس مايدري انا اي وحده مابي احد ينادينيي باسمي جدامه ! وبعدين ونااسه اول راس سنه معااااه وصرخنا مع بعض بس بدون لا يدري اهو
فجر : اهو اي واحد
ساره : اللي يم عمور لابس رمادي
فجر : اوكي بعد شوي اشوفه
ساره : فديته :$
فجر : روحي زيين !
ساره : ههههههههههههه

الحريم كلهم ينادون : ساره فجر
ساره وفجر راحو لهم
ساره : الحمدلله نادونا اثنينه ولا جان درى منو ساره !
فجر : ايي اشوه !!
حسين دز لها مسج " labsa a7mer wla bni ?
ساره سمعت صوت المسج بس حقرته لين تدخل
ام حسين : مشالله بناتكم كبرو و شحلاتهم مشالله
ساره : عيونج محليتنا
ام فطوم : لا تطيحين بلسانها ترا عياره وبهالحجي وحده بوحده !
ساره قعدت : والله انا اقول اللي اشوفه وانتي ياخالتي تدرين المجاملات مو من طبعي
ام فطوم : بس العياره تمشي بدمج
ساره : شنسوي بعد هذي الدنيا وهذي خلقتنا الله كريم
ام حسين عجبتها ساره و واضح هالشي عند ساره واستانست بس ما بينت انها اكتشفت هالشي ..
ام حسين : انتي بنت منو فيهم بالضبط
ام ساره : بنتي
ام حسين : والله والنعم مشالله بنتج اتينن سمي عليها ترا كل من يبيها
ساره ابتسمت وقامت مع فجر داخل و قرت المسج وضحكت جان توريه فجر

فجر : هههههه حرام
ساره ردت عليه
" 9a7 ana w7da fehum bs ttw83 ana ay wa7da ..

حسين "

thntenhom 7lwen oo ana ma hmni shklch asaasan! bs abi a3rf

ساره "

sry ma ra7 agoul ana ay wa7da


حسين "

um bnii !

ساره شافت هدومها واستانست "

lesh ?

حسين "

l2na ya '3beeya entay gayltlii ench asmr wa7da mn el bnat oo um a7mer bai'9a

ساره ضحكت : ايي والله غبيه !

ساره "

ma ra7 ajawb bs kaifk 76 ebalk 3la ely tabeha bs 3la fkra 7dk zooo'3a el yom

حسين "

6l3ay bshofch .. ntfaahm b3dain

ساره "

hehehe i don't think so ;p

حسين "
awrech bs tra shaklch kan 7lo lma ngztay bs lesh klhom shafoch ;Pp

ساره "
3yaaaaaaaaaaaaar !!

حسين "

3laiich ya 7lwa
oo tra omi yaytli t7acheni 3nch shofeha ymi ma drt 3n ur age ..!

ساره طلت شافت ام حسين يمه وقاعده تحاجيه واهو مبتسم

ساره "

oo enshallah tgolha enk t3rfni ! 3shan athb7k 3la 6ol

حسين ضحك وحقرها وساره عصبت


حسين : يمه خلينا من هالموضوع مامداج شفتيها وقررتي ! انا قايلج ابي وحده وحاطها ابالي ماله داعي تحاجيني بعد

ام حسين : صح هذيج شكلها حبوبه بس انا ودي بهذي اتينن البنيه وكل من يتمناها

حسين باس راسها : صكري الموضوع

ام حسين : انشالله !!

[اسطورة !]

الـــبـــــارت الـــرابــــــع ...





ساره : فجووور ام حسين قاعده تكلمه عني
فجر كفختها : توج 16 سنه وجذي تفكيرج !!
ساره : روحي زين كيفي احبه
فجر لفت عليها
ساره استوعبت : انا ماقلتها صح ؟
فجر لا تعليق
ساره : فجور انا ماقلتها صح ؟؟
فجر : امبله
ساره قعدت عالارض : لا لا انا ما اتحمل حب وعذاب اكثر !! انا ما احبه
فجر هزتها : انتي حبيتيه واضح عليج من زمان!! انتي شفافه بالنسبه لنا وكلنا درينا انج صرتي له من قبل لا تكلمينه ! اهو تملكج من زماان ياساره انتي اليوم بتنذلين مثل ماذليتي اكثر من صبي وقطيتيهم وراج !
ساره منصدمه !
فجر : كلنا نحبج خصوصا شلتنا ! واحنا نفهمج اكثر من نفسج ! حذرناج وايد بس ثقتج وحبج لنفسج خلاج تتلذذين وانتي تشوفين الشباب ينذلون تحت ريلج يبونج ! وانتي ترفسينهم بدون اي رحمه !! الحين حبيتيه وحسين مو مثل الباجي اللي تقدرين تحببينه فيج !! شوفي ساره انا بكون صريحه معاج وانتي تقبلي كلامي انا احبج والله وانتي تستاهلين كل الخير لأنه ادري رغم كل هذا قلبج ابيض !! بس حسين يستاهل وحده صانت نفسها وما لمت هذا وباست هذاك ! يستاهل وحده قلبها نظيف ! ما عرفت من الحقاره شي ! انتي قلبج نظيف بس فيج نقطه سواد وحسين ما راح يكون لج وهالنقطه موجوده !
فجر خلتها ومشت واهي راضيه عن نفسها !!

ساره قعدت مكانها ما تحركت وكلام فجر يرن بإذنها !!!


بس حسين يستاهل وحده صانت نفسها وما لمت هذا وباست هذاك !
بس حسين يستاهل وحده صانت نفسها وما لمت هذا وباست هذاك !
بس حسين يستاهل وحده صانت نفسها وما لمت هذا وباست هذاك !
بس حسين يستاهل وحده صانت نفسها وما لمت هذا وباست هذاك !
بس حسين يستاهل وحده صانت نفسها وما لمت هذا وباست هذاك !
بس حسين يستاهل وحده صانت نفسها وما لمت هذا وباست هذاك !
بس حسين يستاهل وحده صانت نفسها وما لمت هذا وباست هذاك !


ساره قامت و بثقتها المعتاده طلعت برا الكل يشوفها بس ما يدرون انه فيها شي مرت صوب حسين حب يكلمها بس استحى ! كملت طريجها لين وصلت عند زاويه معزوله محد يشوفها فيها قعدت الارض

ساره ترد تفكر بكل كلمه قالتها لها فجر !

تتذكر ماضيها الوصخ ! اللي توها تستوعبه

نرد لي ورى فتره ..

ساره : هلا فجر
فجر : سارون حبيبتي خلاص هدي هالسوالف ! مستانسه انج تلعبين بقلوب الناس ؟؟ هذاا ثالث واحد تكونين معاه وبعدين تصدمينه انج ما تحبينه! وصل لي عندج و رفستيه ؟؟؟
ساره ابتسمت : فجر انا انسانه حره بتصرفاتي وانتي مو مسؤوله عني اسمحيلي يعني ! وبعدين كيفه انا ما قلتله احبك ولا قلتله حبيبي عشان يصدق !
فجر : بس دلعتيه وكنتي معاه وخرتيها وياه وبعدها تقوليلي مو حبيبي
ساره : طبعا ولفت ويها ودخلت بلكونتها وشافت ولد الييران يخزها واهو مبتسم
ساره عطته نظره ودخلت :هذا بيكون اللي وراه !
فجر : الله يهديج !!

وبعد السالفه بجم شهر صار مثل ماقالت ساره !!

سالم " ولد الييران " : ساروه انا احبج وين كلامج ؟؟ انج ما راح تتخلين عني ؟؟
ساره :في مره قلتلك احبك ؟ او حبيبي ؟ لاا !! قلتلك راح اكون يمك وكا انا يمك بس انت تبيني حب وانا مابي so go away from me !

سالم نزلت دمعته : متبلده !! ومشى
ساره ابتسمت ابتسامتها الغامضه ودخلت بيتهم و البنات ( فطوم - فجر - زينه - اماني ) بصدمه !!


فجر يت و عطتها كف : انتي مستانسه جذي ؟؟ بتعيشين حياتج جذي بهالمستوى الوصخ ؟
ساره مسحت خدها صوب الكف وابتسمت : مشكوره عالكف وبتبقين غاليه ودخلت الحمام توضت وطلعت صلت والبنات ليلحين بصدمتهم ..!

----------------------------------------------------------


ساره ليلحين بمكانها مو قادره تبجي !!

ساره " ابي ابجي !!! انا ليش قاسيه ؟؟ عزتي لنفسي ودمعتي الغاليه مو قادره انزلها وانا ادري يمكن اي احد يمر ويشووفها ! انا محد يشوفني بضعفي غير ربي ! انا قويه وبظل جذي وما راح ابجي وكلام فجور ما راح يهزني ! و حسين بكتم حبه لأنه ما يستاهلني مثل ما قالت .. واللي بيصير راح يصير غصبأ عنا .. قامت من مكانها ابتسمت ابتسامتها الغامضه اللي تعودو عليها ومرت مره ثانيه يم حسين بس هالمره اهي تكلمت

ساره : احلى من الصور بوايد وترا اشتقتلك ومشت
حسين عينه عليها لين قعدت نزل عينه وجابل تلفونه

حسين دز لها مسج

" shay 7lo ench tshtageli ;*

[اسطورة !]

الـــبــــــارت الخـــامـــــس ..




ساره قرت المسج وشافته وابتسمت وما ردت عليه ..

بعد الاحتفال اللي صار الكل مشى وما بقى الا الخالات نفسهم ..

اماني : سارون فطوم نامو عندنا خل نستانس وغمزتلها
ساره ابتسمت : ماعليه قلب انا ما اقدر انام اليايات اكثر وانشالله باجر اييلكم من العصر
اماني : ليش عاد ؟
ساره ساسرتها : بروح اكلم حسون
اماني ضحكت : اوكي حبيبي ديربالج على روحج
ساره : وانتي بعد وسلمت عليهم وراحت السياره

ساره " احسن شي انج ما بينتي انج متضايقه كاابري بعد ما بقى الا شوي على البيت



ساره اول ماوصلت البيت راحت غرفتها على طول بطلت الستريو وبجت من قلب

اي احد يشوفها يستغرب وما يعرف ساره الحقيره اللي كانت قبل شوي بكل قوتها و ثقتها واقفه وماهمها احد ! والحين ؟ اضعف البشر قاعده تبجي وتستغفر ربها بس ما تقدر توقف بجي


بعد نص ساعه ساره صكرت الستريو ودخلت تسبحت وطلعت واهي مبتسمه بدلت وصلت لها ركعتين قرت قرآن شوي لفت سيادتها حطتها مكانها وطفت الليتات وانسدحت مكانها بس مبطله الابجوره

دقت على حسين اللي على طول رد

حسين : الو
ساره ابتسمت : قوه
حسين : يقويج .. معقوله توكم رادين ؟؟ الساعه 6 @@
ساره ضحكت : صلينا الفير ومشينا رديت تسبحت وصليت ركعتين و قريت قرآن ودقيت
حسين : هذا اكثر شي يحليج ! ماتنسين عباده ربج
ساره " ما عرفتني !! :الحمدلله ..
قعد حسين يسولف معاها واهي نست كل همها لين الساعه 7 ونص

حسين : سارون
ساره : همممم
حسين : نمتي ؟
ساره : بناام
حسين : خلاص نامي وانا بعد بنام بس اول ما تقومين قعديني
ساره: انشالله
حسين : تبين شي ؟
ساره: سلامتك بس ديربالك على روحك
حسين : انشالله يلا مع السلامه
ساره : مع السلامه ..

--------------------------------------

الظهر حزت الغدا ساره نزلت و ويها مبين توها قايمه ..


ساره : السلام عليكم باست راس يدتها وامها وابوها وقعدت عالطاوله تشرب عصير
ام ساره : في تبوله مسوينها لج الحين اقولها تييبلج
ساره ابتسمت : لا خلج مرتاحه مابي اكل شي
بوساره : عيل ليش تعبتي روحج ونزلتي ؟
ساره : خفت انك قاعد بروحك قلت انزل عشان ما تاكل بروحك
بوساره ابتسم من قلب
ساره : يبه ما راح نروح الشاليه ؟؟
بوساره : ما تملين من الشاليه ؟
ساره : لا طبعا! الشاليهات اللي يمنا اهلها ايننون والبحر محد يمل منه .. يبه متى نروح؟
بوساره : متى تبين ؟
ساره : لو علي اليوم بس انت متى ما حبيت نروح
بو ساره : جهزي اغراضج بنروح اليوم
يدتها : انا بعد بيي معاكم
ساره باست راس ابوها وباست ايد يدتها : انتي اول وحده تركبين السياره انا ما اروح مكان الا وانتي معاي !!
يدتها ابتسمت
ساره " ابتسامتها نادره ودام ابتسمت لج تأكدي انج شي كبير بالنسبه لها وهذا كاافي !!!
ساره : عن اذنكم وراحت دارها ركض تحط هدومها

دقت على حسين
حسين : امممم
ساره : قوم يلا
حسين : امممم قمت
ساره : عفيه
حسين : امممم الساعه جم ؟
ساره " هالامممـ اذوب عليها !!! : الساعه 2 وشي
حسين : زين قمت
ساره : يلا قوم غسل وصل وبعدها دق علي
حسين : اوكي باي
ساره : باي
سدته وكملت جنطتها

ساره نزلت دمعتها ومسحتها بسرعه
اول ما خلصت نزلت الصاله

ساره : يبه متى بنروح ؟
بوساره : امج راحت تحط اغراضنا والخدامه قاعده تحط اغراض يدتج اول ما يخلصون نمشي
ساره : اخواني ؟
بوساره : مايبون ايون
ساره : بكلم بنات خالاتي يمكن ايون عادي ؟
بوساره : ايي
ساره : مشكور ودقت على اماني
اماني : هلا سارون شلونج ؟
ساره : مو وقتج سمعي كلمي خالتي سأليها عادي تيون معانا الشاليه؟؟
اماني: ليش نيي معاكم ؟ نكلم ابوي ونروح كلنا خوو
ساره : هذا اهوو كلميهم وعطيني خبر عشان اكلم فطوم وتيي تنام بشاليهنا او شاليهكم اللي يريحها
اماني : اوكي دقيقه خلج عالخط
ساره : اوكي
اماني : يمه
امها : هلا
اماني : اممم ما راح نروح الشاليه ؟
امها : ابوج اليوم قال قلتله مادري نسأل البنات اول
اماني : خل نروح اليوم يمه عشاني ! خالتي مريم بيروحون اليوم وماماعوده وياهم خل نستانس كلنا
امها: زين اكلم ابوج روحو حطو اغراضكم
اماني : هياا وراحت تقول حق خواتها
ساره : يلا عيل باي اكلم فطوم
اماني : اوكي باي

ساره سدته وعلى طول دقت على فطوم
فطوم : هلاا
ساره : فطووم بنروح الشاليه احنا وخالتي عايشه وماماعوده بعد كلمي خالتي وقوليلها بتيين معانا
فطوم : صج @@ يلا اكلمها وارد لج خبر مسج
ساره : اوكي باي
فطوم : باي !

---------------

[اسطورة !]

الــــبـــــــارت الــــســـــادس



بالشــاليـــه

ساره وامها وابوها ويدتها و فطوم وصلو حطو جناطهم بغرفهم و فطوم وساره طلعو برا عالبحر

خالتهم عايشه كانت بالطريج يايه وراهم ..


ساره قاعده عالرمل والايبود بإذنها تسمع her favorite song !

بقــــايـــا جــروحــ ..!!


خـــذنــــي بقــــايـــا جروحــ ارجـــوك داويـــنــــي ..

فطوم تتمشى عالبحر وتكلم حبيبها ..

ساره شافت فونها يرن : الو
حسين : قوه
ساره : يقويك
حسين: جنج عالبحر ؟
ساره : بالشاليه
حسين : وليش ما قلتيلي
ساره : حست مع هدومي وجذي نسيت ادق او اطرش مسج
حسين معصب : ساره ممكن ما تعيدينها ؟ على الاقل قولي انج طالعه ..
ساره بكل برود : الحين ياي تزفني ؟ لو كنت داق بعد ما غسلت وصليت جان قلتلك بس بعد مادري جم ساعه ياي؟
حسين : اووه خلاص انسي عالعموم انا بطلع مع طلول وعمور تبين شي ؟
ساره : لا سلامتك وديربالك
حسين : وانتي بعد
ساره ما قدرت تسكت وبصوت اول مره يسمعه حسين : حسين لا تخز عيونك لا تتلفت وايد
حسين : لا بخز
ساره : ما راح تخز
حسين : امبله بخز
ساره : مو كيفك
حسين : عيل كيف منو ؟
ساره : كيفي انا
حسين : ايي خير انشالله
ساره :حسين من صجي !
حسين : وانا من صجي قلتلج خير انشالله
ساره : حسين ماكو
حسين : عيل اشوفج انتي
ساره : اوكي
حسين : اوكي يلا
ساره : اتوقع تدله ماله داعي ادليك
حسين : ايي اكييد يلا ياي
ساره: ايي اوكي
حسين : ساره فيج شي ؟
ساره : لامافيني
حسين : جذابه! قولي شفيج بسرعه ..
ساره :ماكو شي
حسين بصوته الحنون : بتخشين عني ؟
ساره نزلت دمعتها ومسحتها على طول : لا مو عن اخش عنك بس انا جد مافيني
حسين : اذا تضايقتي راح تييلي على طول عدل ؟
ساره : اكيد
حسين : اوكي الحين انا لازم امشي .. باي
ساره : باي ..

فطوم يت واهي حدها مستحيه : ساروه
ساره : هلا حبيبي
فطوم : اممم احمدو بيخطبني قريب
ساره انصدمت : واخيرا !!
فطوم هزت راسها بإييه
ساره : مبروووك ولمتها
فطوم : يبارك فيج
ساره : شصار بالضبط ؟
فطوم : اممم ماكو اهو عنده رقم امي من زمان وكل مره يقولي انه مو ميمع بس الحمدلله الحين قالي انه يمع وكلم امه امس وبتدق على امي اليوم
ساره ابتسمت : بس تعالي اهله ليش ما يساعدونه ؟
فطوم : ههههه لا اهو قصده بيمع عشان نأثث و شهر العسل بس المهر و هالسوالف على اهله ..
ساره : الله يوفقكم
فطوم : آميين
ساره : يلا خل ايون لازم نحتفل بهالمناسبه
فطوم : خو ليلحين ماصار شي
ساره : حتى لو لازم !
فطوم : اوكي



وصلو الباجي و فطوم قالتلهم وحدهم استانسو لها ..



بعد 3 اشهــــر

فطوم : ساروه لازم اتيين تعرفيني ما اعرف حق الصالونات
ساره : حياتي انتي بس شسوي انا احب هالصالون وانتي بتروحين صالون زحمه !!! مالي خلق اصدع
فطوم طالعتها بنظره ترجي
ساره : اوكي حبيبي يايه ولا يهمج
فطوم : شكرا !
ساره : ولو ..
فطوم : ترا عمور بودينا ويقطنا الصاله ييبي اغراضج معاج
ساره : انشالله

ساره جهزت نفنوفها وخذت كعبها واكسسواراتها وكل شي و حطتهم بجيس كبير و نزلت لقت عمور مع فطوم و البنات ركبت

ساره : السلام شلونك عموور
الكل :وعليكم السلام
عمر : تمام وانتي
ساره: بخير ..

بالصـــالون

فطوم على طول دخلوها عشان يباشرونها
البنات نطرو شوي وبعدها دخلو تمكيجو وحده ورا الثانيه

فجر قعدت وسألتها اللبنانيه شنو حابه تسوي بشعرها
فجر اشرت حق ساره
ساره : هلاا ؟
فجر : حاجيها مالي خلق افكر ومو حاطه ابالي شي
ساره بطلت المجله اللي يمها واشرتلها على الصوره بدون ولا كلمه
واللبنانيه هزت راسها وبدت تسويلها شعرها
اماني : ساروه شسوي ؟ جذي ولا جذي
ساره: لا حبيبي رفعيه عشان الشغل اللي على ظهرج يبين
اماني : اوكي
زينه : ياحلات شعري ما يبيله شي
ساره : ايي صج انتي متى قصيتيه ؟
زينه : قبل امس وكا الحين بس تسشورا ويصير شحلاته
ساره : لا بس جد القصير اينن عليج
زينه : تسلمين
ساره : يسلمج

ساره " تعبت !

عالـ 6 وشي خلصو مرهم عمر وقطهم الفندق دخلو السويت اللي حاجزينه بدلو وبعدها يت ام فطوم وقعدت تهديها وتنصحها وهالسوالف

ساره واماني و زينه نزلو لقو امهاتهم سلمو عليهم

عايشه : يمه خل اسمي عليهم والله يعطونهم عين وقعدت تقرا عليهم واهم يضحكون

بعدها بدو يدخلون الناس بدا الدي جي عالـ 8 ونص محد راضي يرقص

ساره قامت ورقصت بروحها وكل الناس عيونها عليها واهي مستانسه

ساره " ارضو غروري ..

وشوي شوي قامو يرقصون المعازيم وساره تحوس كل شوي مطرشينها واهي بدت تسيح من التعب بس كل ما قالت

ساره " هذي الغاليه وتستاهل روحي بعد !!

دخلت فطوم على زفه الجسمــي ..

كانت ناعمه ومستحيه ومتوتره حدها

طالعت الكوشه حست الطريج طويل شافت بنات خالاتها مبتسمين لها
نزلت دمعتها وكملت طريجها وكل شوي توقف تصور ! سلمت على خالتها ام ريلها وعلى يدتها وبعدها كملت الطريج وصلت الكوشه قعدت مكانها وبدو يقومون يسلمون عليها ويصورون معاها


امــا ( فجر - اماني - زينه - ساره )

اول ما شافوها قعدت طلبو اهداء وقامو رقصو عليهــا ..

وفطوم بقلبها " الله يخليكم لي !!

فجر : بنات ببجي خلونا نقعد
ساره : فجور جب وكملي وبعدين لا تبعدين عن عينها فطوم تبي وقفتنا معاها بهاليوم !
فجر خذت نفس : اوكي

اول ما خلصت الاغنيه راحو سلمو عليها وصورو معاها وكلهم نزلت دمعتهم بس مسحوها وكملو تصوير ..

بعدها قطع عليهم صوت الدي جي اللي بلغهم بدخول المعرس

فطوم قلبها طبول البنات لبسو عبيهم وشيلاتهم الا ساره بس لبست عبايتها وقعدت تغطي فطوم لانه بيدخلون الرياييل معاه ..

انزف احمــد ريل فطوم و وراه جيش من الشباب
وقف عند الكوشه وسلمو عليه الرياييل وطلعو اما الشباب يرقصون وعبط والبنات يخزون هذا مزيون وطع هذا يضحك وشوفي ويه هذا !!

بعدها الكل طلع بس بقو عمامها وخوالها واخوانها غير احمد وابوه وابوها ..
ساره فصختها مره ثانيه واهي قامت يه احمد وباس يبهتها

احمد : مبروك
فطوم : يبارك فيك
احمد مسك ايدها و اهو يمها وبعدها يو سلمو عليها محارمها صورو معاها وبعدها طلعو كلهم وقعدت تصور مع احمد .. يو خواته صورو معاهم وامه وام فطوم

الســاعه 12

انزفو لي برا
احمد كان واقف يمها وشاف البنات ايون استغرب !
فجر لمتها بجت وفطوم ماسكه دمعتها !
زينه بجت بعيد عنها وبعدها سلمت عليها ومشت عشان لا تبجييها ..
اماني : مبروك حبيبي الله يوفقكم سلمت عليها مره ثانيه ومسحت دمعتها ومشت مع فجر
ساره شافتها وابتسمت فطوم لمتها
فطوم : ما راح انسى وقفتج معاي بهالايام الصعبه
ساره : انتي اختي واكثر و اللي سويته ولا شي !
فطوم : ديربالج عليهم
ساره : وانتي لا تفكرين فينا وديربالج على نفسج وعلى ريلج
فطوم : انشالله
ساره لفت على احمد : ديربالك على اختي
احمد يعرف البنات فضحك على ساره : ليلحين خبله !
ساره ابتسمت : عالعموم ديربالك وياويلك اذا ضايقتها
احمد : فطوم بعيوني
ساره : الله يوفقكم وراحت واهم صعدو فوق سويتهم ...

[اسطورة !]

الـــبـــــــارت الــــســـــــابـــــع ...




الســاعه 2 وشي الكل راح بقو الخالات

ام فطوم تبجي والكل حواليها

ام فطوم :اليوم بروح البيت وبنام وبنتي وحيدتي مو يمي !!

ساره :خالتي هذي سنه الحياه مو هذا اللي كنتي تقولينه لنا ؟
ام فطوم:ساره انتي ماتعرفين عن غلاة الضنى
ساره : خالتي فطوم ماتوفت بعيد الشر عنها اهي تزوجت وبس راحت بيت ريلها وكل يوم بتكون عندج
ام فطوم خذت نفس وشربت ماي وبعدها صارت اوكي
ساره : يمه دقيت على حمود قال بيمرنا الحين
ام فطوم :دقي على واحد من عيالي
ساره : خالتي حمود يقطج معانا
ام فجر : يلا بنات ابوكم برا سلمت عليهم وطلعت مع بناتها
شوي الا وحمود ياي طلعو وركبو السياره
حمود :مبروك خالتي عقبال ماتشوفين احفادج يركضون يمج
ام فطوم ابتسمت : يوم مناي !
حمود ضحك
حمود وصلها البيت و راح البيت
ساره اول ما وصلت صعدت غرفتها فصخت كعبها وقطت عمرها عالفراش ودقت على حسين

حسين : هلاا والله
ساره : هلا فيك
حسين : شفيه صوتج ؟
ساره : حسين تعبت !! هالفتره كنت وايد احوس وما انام وايد الحين حدي سايحه من التعب
حسين : عيل نامي وانا اكلمج باجر
ساره : لا بقعد معاك تنطرني اروح اتسبح وابدل ؟
حسين : اكيد انطرج جم سارونه عندي ؟
ساره : هههه اوكي اخلص وادق عليك باي
حسين : باي

ساره راحت فصخت نفنوفها وحطته على جنب فصخت اكسسواراتها وفلت شعرها مسحت مكياجها ودخلت تسبحت ..

تسبحت وطلعت بدلت صلت ركعتين وقرت لها قرآن جم صفحه وردت دقت على حسين

حسين : طبعا فصختي ومسحتي مكياجج تسبحتي وبدلتي وصليتي قريتي قرآن ودقيتي
ساره :هههههه ايي
حسين : حافظج !
ساره : فديته
حسين ابتسم : يفدااج يبه
ساره :ههههههههههه
حسين : حسافه اليوم ماشفتج
ساره : احسن
حسين : لا والله
ساره : ايي والله
حسين : اوكي اوريج
ساره : ههههههههههه
حسين : سارون بتروحين مكان باجر؟
ساره : ايي باجر بروح المكتبه
حسين : امممم ايي صج مابقى عالفاينل شي صح ؟
ساره : ايي
حسين: سارون انتي علمي شدي حيلج لا تلعبين وايد
ساره ضحكت : امبيه حسين ما اصدق انه انا السنه اليايه خريجه !!
حسين : هههههههههههههههه خبله والله
ساره : والله مو مصدقه يلا انشالله سهالات
حسين : انشالله واذا تبين اي مساعده قوليلي اوكي ؟
ساره : اوكي وانت شلون الكليه معاك
حسين : الحمدلله ماشي الحال بعد تعرفين احنا صيفي ونتخرج فشاد حيلي
ساره : انشالله
حسين :انومج ؟
ساره : ههههههه ايي :$
حسين : اوكي
ساره : يلا
حسين قعد يقولها قصه وبسرعه نامت ابتسم واهو يسمع صوت نفسها سد التلفون ..

-------------------------------------------------------------

فتره الامتحانات

ساره طبعا ما تطلع من غرفتها كله مجابله كتبها او تكلم حسين ! تاكل وجبه وحده الغدا ! ولقمتين وتقوم ومقزرتها عالعصير !!

حسين : سارون مو قاعده تاكلين انتي بليز اكلي عشاني لا تخليني احاتيج
ساره: حسين ما فيني شي انشالله باجر اخر امتحان وبخلص وبس تطلع النتايج راح ارجع مثل اول
حسين : انشالله بس حتى لو اكلي
ساره : انشالله
حسين : بدق عليج بعد ساعه القاج ماكله وصاعده
ساره : اوكي
حسين : اكلي عدل هاا
ساره : انشالله
حسين :عوافي ويلا باي
ساره : باي

ساره نزلت كلت لها سلطه وشربت عصير برتقال وبعدها كلت برد صعدت ودرست شوي وحسين دق سولفت معاه نص ساعه وسدته وكلمت دراسه ..

من باجر الصبح حسين مقعدها : يلاا قومي وراج امتحان
ساره نايمه والكتاب يمها >> مشروع تاكل كتب ..
قامت غسلت وصلت بدلت وكلمت حسين اللي قعد يهديها بجم كلمه ودعالها واهي نزلت سلمت عليهم شربت عصيرها وقعدت تراجع شوي ..

بالمدرسه ..

ساره تسلم على رفيجاتها وكل شوي تشوف وحده تعرفها تسلم عليها وتكمل سوالف مع اللي يمها اخر شي قعدت مو قادره تمشي اكثر ريحت عمرها شافت البنات بدو يدخلون راحت واهي تدعي ..



بعد جم يوم راحت المدرسه جيكت عالنتايج ابتسمت واهي تشوف نسبتها وطلعت من المدرسه راحت البيت على طول دقت على حسين

حسين : الو
ساره : بااااركلي
حسين : مبروووك بس جم ؟
ساره : جم تتوقع
حسين : شي و 70
ساره : هـ هـ هـ ما تضحك
حسين : هههههههه لا اكيد فوق الـ 92 مصريه انتي
ساره : احم احم 94.4 :$
حسين يصرخ : عدل عدل مبرووك
ساره : يبارك فيك
حسين : لج مني احلى هديه
ساره : مابي هدايا بس ابيك يمي !
حسين : انا يمج ما راح اروح و بييبلج هديه
ساره : ههههههههههه
حسين : ربي ورطني بوحده نتفه
ساره : اول شي انا مو نتفه ثاني شي انا احلى ورطه :$
حسين :فدييــــتها
ساره : هههه تفداك :$
حسين : الله يخليها لي
ساره : ولا يحرمني منك
حسين : آميـن ..!

[اسطورة !]

البـــــارت الــثـــــامــــــــن



ســاره : حسين
حسين : هلا
ساره : امممم متضايق ؟
حسين : ليش تسالين ؟
ساره : صوتك متغير .. متضايق مو ؟
حسين : مو !
ساره : شفيك ؟
حسين : مابي اضايقج معاي
ساره : حسين قول ها !!
حسين : ساره انا احب وحده !
ساره ابتسمت " معقوله انا ؟ : وو ؟
حسين : اممم انا احبها واهي تدري بهالشي بس تكابر او مادري شقولج المهم انها ماتبيني يعني ما تحبني والحب من طرف واحد يتعب !
ساره خذت نفس ونزلت دمعتها وتكملت بكل ثقه : حسين اسألها وكلمها يمكن اهي بعد تحبك يمكن في اشياء تغيرت حاول مره ومرتين
حسين : انا كلمتها 3 مرات ويمكن اكثر بس اهي صدتني وانا ما اقط نفسي اكثر !
ساره : من عايلتكم ؟
حسين : لا معاي بالكليه !
ساره ابتسمت ودموعها تنزل ورا بعض : انا ما اقدر اتكلم اكثر دام انت مكلمها اكثر من 3 مرات واهي رادتك ما تقدر تسوي شي وبعدين انت ريال وموحلوه بحقك تنذل يعني كافي كلمتها .. الله كريم هذا اللي اقدر اقولك ياه وانشالله اذا كانت من نصيبك بتكون لك لا تحاتي ..
حسين خذا نفس : كلماتج بسيطه بس تريح الواحد
ساره : حسين الناس انخلقو نوعين! ناس انخلقو عشان يستانسون وناس عشان يرسمون الابتسامه على ويوه الناس ! انا ما قدرت اكون النوع الاول والحمدلله صرت من النوع الثاني ..

حسين : آآخ لو اقدر اطلعج من حزنج هذا
ساره : انا مو حزينه .. ليش اتضايق حسين انا ماكو وحده مرتاحه كثر راحتي ! خايفه ربي والحمدلله و امي وابوي راضين علي ! مافي شخص يالي بيشكيلي و رديته ! مافي انسان شفته بدموعه وما مسحتهم و رديت الابتسامه بويهه ! انا اعترف اني مرات اكون انسانه حقيره بس صدقني مع هذا انا مثل ما انا قاعده اقولك الحين .. حسين انا شخصيه متنااقضه !!
حسين : وليش تكونين حقيره ؟؟ انا من عرفتج وما شفتج جذي ليش هالحجي
ساره : انا معاك اكون على طبيعتي مو بشخصيتي الغامضه ...
حسين : اممم !
ساره : ساره الـ ... خريجات سنه 2007 / 2008 وناااسه
حسين : ههههههه خبله وين بتدخلين ؟
ساره : مادري
حسين : ليش مومقرره
ساره :انا دخلت علمي وشاده حيلي عشان تكون وايد خيارات جدامي انا مادري شنو ابي حسين
حسين : علم نفس ! انتي تحبين تسمعين الناس وتحلين مشاكلهم تحبين تحللين شخصيات ماكو الا علم نفس
ساره ابتسمت : ودي بس ما اقدر !
حسين: ليش ؟ هذا مستقبلج وانتي علمي ومشالله عليج شاطره و علم نفس يقبلون علمي واهم مغمضين بعد
ساره : انا مابي مو عشان شي ! يعني انا كافيني اني اسوي هالشي بحياتي العاديه بالشغل ابي شي غير ! ابي شي حلو استمتع فيه مو اروح واجابل النكد ! صح انا استانس لما اسمع الناس بس مو معناته تكون شغلتي جذي ..
حسين : عيل ؟ انتي اكيد حاطه ابالج خيارات
ساره : هندسه معمار ! او طب
حسين : اثنينهم حلوين بس بتتحملين طب ؟ جثث وجذي ؟
ساره : مادري حسين والله مادري !! انا من اول كنت ابي اكون مهندسه بس ابوي يقولي دام مو مقرره ليلحين فكري بطب ! وانا متردده بين الاثنين خالي يقولي اذا بتكملين جذي على هالنسبه يقبلونج وايد اماكن فلا تحاتين بس هم انا لازم من الحين احط ابالي
حسين :استخيري واللي ترتاحيله من هالاثنين دخليه
ساره : انشالله ..انا بسده تامرني على شي ؟
حسين : سلامتج بس وين بتروحين ؟
ساره : بروح ابشر امي وابوي وبعدها بدق على البنات اشوف وين الطلعه اليوم
حسين : اممم اوكي وكلميني اذا فضيتي
ساره : انشالله .. ديربالك
حسين : وانتي بعد
ساره : انشالله مع السلامه
حسين :مع السلامه
ساره سدته ودفنت راسها بمخدتها وبجي !!!!!!!!!!!!!!!!!!!


ساره : يحـــــــــــــــــــــــ ـب غيـــــــــــــــــــــــ ــــــــــــــــــــري وانا امــــوت فيـــــــــــــــــــــــ ه !!ساره مسحت دموعها ودقت على فجر

فجر : هلا والله
ساره ابتسمت : هلاا فيج حياتي هاا شلونج
فجر :تمام وانتي
ساره : الحمدلله على كل حال
فجر : فيج شي ؟
ساره ماعطتها مجال تحقق : لاا وين القزاليوم ؟
فجر : مادري سألي فطوم لازم تسأل احمد اول ..
ساره: خلاص اوكي دقي عليها وشوفيها
فجر : اوكي تعالي شلون النسبه ؟
ساره : اتينن
فجر : جم؟
ساره : 94
فجر : مبروووك
ساره : يبارك فيج يلا قلب روحي كلميها وانا بنزل عند امي وابوي
فجر : اوكي باي
ساره : باي
سدته وراحت غسلت ويها عدلت شعرها ونزلت ركض
بوساره بالصاله : شوي شوي لا تطيحين
ساره ابتسمت وباست راسه وحطت ايد ورا ظهرها وصبعها بحلجها مثل اليهال : باباتي وين هديتي؟؟
بوساره ضحك : ليلحيينج ياهل ما كبرتي
ساره : تؤتؤتؤ اكبر بعيون الكل الا بعيونك ابقى دلوعتك
بوساره :تعالي يمي
ساره قعدت يمه
بوساره : على هالـ 94 تستاهلين هديه غييرر عن العاده
ساره : شدراااك
بوساره :تتوقعين بنطرج لين تحنين علي وتنزلين ! من الصبح رايح شايف
ساره : ههههههههه
بوساره بجديه : ما قررتي وين بتدخلين ؟؟ انتي السنه اليايه مثل هالوقت تكونين متخرجه
ساره تخيلت الوضع واستانست
بوساره : لازم تفكرين بالموضوع وتعطينه حقه ! هذا مستقبلج
ساره : انشالله بفكر
بوساره :و وين مادخلتي انا راضي لا تضغطين على عمرج وتدخلين طب عشاني ! انتي وين ترتاحين دخلي هذا مستقبلج وراحتج اهم من كل شي ..
ساره ابتسمت : انشالله
بوساره :و هديتج واصله لا تحاتين
ساره ضحكت : هيااا :$
بوساره : روحيي فوق عند امج بتباركلج ..
ساره : انشالله
صعدت باركت لها امها وعطتها هديتها كانت شاريتلها لاب يديد استانست وشكرتها ودخلت غرفتها شافت مسج من فجر

" bdlay e7na shwy o nmrch bnro7 3al ba7r

ساره دزت لها اوكي وراحت بدلت عالسريع


ساره اول ما خلصت دزت مسج حق حسين " ana 6al3a ..

ساره : يمه يمه
ام ساره : هلاا
ساره : انا طالعه تبين شي ؟
ام ساره : متى راح تتعلمين تستأذنين اول ؟
ساره ابتسمت : يمه يعني انا طالعه مع البنات وانتي ما راح ترديني فعادي اقولج قبل لا اطلع
ام ساره : روحي بس روحي الله يهديج
ساره : ويهدي الجميع مع السلامه
ام ساره : مع السلامه

فجر دقت على ساره : وينج
ساره : كاني نازله
فجر : اوكي باي
ساره : باي !

ساره : قووه شبااب
البنات : يقويج
ساره : بنمر فطوم ولا اهي بتلحقنا بسيارتها ؟
فجر : لا بنمرها بيت خالتي
ساره : اوووكي
اماني :هاا شلون حسون
ساره : هههه تمام .. وفجأه صرخت امبيييييه
فجر بريك على طول !!
كلهم : شفيج !!
ساره لفت على زينه : جم نسبتج ؟ انتي خريييجه !! يقبلونج هندسه ؟؟
فجر : ياحماره خرعتيني لا تعيدينها
ساره ضحكت
فجر كملت طريجها
زينه : احم احم 92 بس انشالله يقبلوني
ساره : انشالله

ساره رن فونها
ساره : الو
فجر قصرت عالاغاني
حسين : وين رايحه !
ساره رفعت حواجبها : عالبحر
حسين : مع ؟
ساره : البنات كالعاده ..
حسين : زينه شلون نسبتها ؟
ساره ابتسمت : تمام
حسين :وين بتدخل ؟
ساره : هندسه معمار
حسين : اممم جم نسبتها ؟
ساره : 92
حسين : بيييييه تدخل واهي مغمضه
ساره : صج ؟
حسين : ايي شفيج القبول الفوري 90 هذا على ايامنا
ساره : على ايامك قبل مليون سنه ..
حسين : اوريج نتفه وتتحرش
ساره :محد نتفه
حسين : ايي خير
ساره : هاهاها ..
حسين : بتنطقين ترا
ساره : ما عاش من يطقني
حسين : الا انا
ساره : لا ماكو فرق
حسين قلب و تكلم بصوته الحنون : يعني انا والناس واحد؟
ساره عضت شفايفها :لا
حسين: خلاص عيل
ساره : امممم اوكي انا بسده ارد واكلمك اوكي ؟
حسين: اوكي
ساره :ديربالك على روحك .. باي
حسين: باي

ساره سدته وشافت البنات وابتسمت
فجر : الله يوفقكم
ساره : شكو مابينا شي
فجر استغربت !
اماني : ما اعترفلج بحبه ؟
ساره : اعترف لي
اماني صرخت : واخييييرا مبروك صج صج الله يوفقكم
ساره ابتسمت : اعترف لي بحبه لغيري
اماني انصدمت!
فجر صفطت ودقت على فطوم : طلعي برا وسدته
فجر : شلون يعني ؟
ساره : ماكو شلون ! اهو يحب وحده من طرف واحد معاه بالكليه .. صكرو الموضوع
فطوم : قوه .. شافت ويوهم واخترعت صاير شي؟
ساره ابتسمت : ماكو شي اهم كبرو السالفه!
فطوم : شالسالفه بالضبط ؟