آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
13-09-13, 10:21 PM
| #1 | ||||||||||||||||||
| نجم روايتي ومشرفة سابقة وفراشة متالقة بعالم الازياء  
|  حياتي بالالم تبدا وهذا اول المشوار الكاتبة / BRoNZ GiRL / مكتمله
التعديل الأخير تم بواسطة لامارا ; 22-10-13 الساعة 07:48 PM | ||||||||||||||||||
|  |
|
13-09-13, 10:25 PM
| #2 | |||||||||
| نجم روايتي ومشرفة سابقة وفراشة متالقة بعالم الازياء
|  ---------------- البــــــارت الاولـــــ مثل كل صيف حار بالكويت ومحد قادر يقعد دقيقه بالشمس جنا واقفة برا المدرسه و ناطرة السايق وتتأفف جنا : اففف وينه هذاا انا اوريه شغله عندي موقفني كل هذا بالحر جمانه : جنو قلبي خليني اوصلكم كاهو سايقنا احسنلج من القعده بهالحر جنا: لا حبيبي روحي وانا بنطره عشان اسفل فيه جمانه : اوكي حبيبتي على راحتج واشوفج اليوم بالمسن جنا: اوكي باي جمانه : باي جنا : انا اوريها هالهبوش تقعدلي داخل بالبراد وطاقتها سوالف مع رفيجاتها وانا اللي اطحس اهني -------------------- Here we Stop خلوني اعرفكم على الشخصيات بيت بوعبدالرحمن : بوعبدالرحمن ( صالح ) عمره 51 سنه ريال منفتح عالعالم وغني ومدلع عياله ام عبدالرحمن ( مريم ) عمرها 45 سنه أم حنون طيبه انسانه بحالها عايشه عشان تربي عيالها وماهمها بالدنيا شي غير سعادتهم ..ام عبدالرحمن ورثة لعيالها هالطيبه وزرعة بداخلهم حب الغير وجعلت منهم اشخاص يستحقون هالمحبه عبدالرحمن الاخو الكبير عمره 25 سنه ماسك حلال ابوه وكل همه شغله مو متزوج ولا يفكر بالزواج ونعرف السبب بعدين واذا على ملامحه فكل البنات ذايبين عليه حنطاوي ومجسم وعيونه وسيعه وسوادها يذبح .. عليه نظرات تخلي الواحد يخضع له اماني اكبر اخت عمرها 23سنه متخرجه تخصص انجليزي متزوجه وصار لها سنه واهي الحين حامل بالشهر الخامس حيل حبوبه وملامحها بريئة غصبن على الواحد يتنح بويها من برائتها وما يقول انه هذا عمرها جنا 17 سنه بـ 12 علمي انثى بكل معنى الكلمه ماكو شي ينقصها بجمالها برونزيه من الله وجسمها جسم عارضات ازياء عيونها مثل اخوها وسيعه بس الفرق انه لونها ياي على العسلي وراثة من ام ابوها .. شخصيتها قويه وكل بنات العايله يشكون لها وياخذون رايها بأي سالفه واهي اللي تحل مشاكلهم .. هبة اخر العنقود ودلوعه ابوها عمرها 15 سنه بعاشر مع اختها بنفس المدرسه وتشابها بكل شي بس الفرق انها ما تحب تسمع حق الناس وعندها كل شي على ضحك Let's Continue -------------------------------------- بيب بيب بيب بيب ( هرن ) جنا : واخيرا ييت وتركب السيارة .. سيتا روحي نادي هبوش من داخل سيتا الخدامه : انشالله ماما جنا : كومار طول عالتكيف ترا حده حر كومار : اوكي داخل المدرسه وبغرفة انتظار الطالبات سيتا: هبة يلا تآآلي عسان نروه بيت ( هبه يلا تعالي عشان نروح البيت ) هبه: اوكي سيتا كاني يايه سبقيني انتي يلا شواقه انا رايحه مع السلامه حبي شوق رفيجتها : اوكي مع السلامه داخل السياره : هبه : قوه جنو سوري تأخرت جنا : لا عادي حبيبي ,, كومار روح الخباز اول ييب خبز حق ماما عوده كومار يهز راسه وكل وحده راح تفكيره بصوب وما صحو الا بصوت سيتا سيتا : يلا هبه جنا هادا في وصل بيت -------------------- بختصر ام عبدالرحمن بـ ام حمني ام حمني : روز نجبي الغدا البنات على وصول ام صالح ( الجده ) : الا اقول يا مريم وين حمني ؟ ما شفته من يومين ام حمني : والله يا يمه هالولد كله بالشركه ما ينشاف وابوه ساكت له الجده : لا مو حاله جذيه انا اكلم وليدي يقوله يعلمه انه لازم يهتم بصحته ام حمني : تسوين فيني خير هبه و جنا : السلام عليكم الجده و امهم : وعليكم السلام ويروحون يسلمون عليهم ويبوسون راسهم ام حمني : يلا يا حبايبي روحو بدلو وتعالو على ما يجهزون الغدا هبه و جنا : انشالله صعدو بالاصنصير هبه لفت يمين و راحت غرفتها تبدل اما جنا كانت بتروح غرفتها بس غيرت اتجاها ------------ بو حمني : ها يامريم وين البناات ؟ ام حمني : راحو يبدلون شوي وينزلون بو حمني : ايي وشلون نور اليوم عسى صارت احسن ام حمني : لا اليوم احسن من امس وباجر بتدااوم لا تخاف انا و امي مبارينها عدل بو حمني : يعطيكم العافيه ------- طق طق طق : حياج جنو جنا : شعرفج انه انا ؟ : وشلون ما اعرفج وانتي توأم روحي واختي جنا : فديتج والله ,, شلونج اليوم ترا والله المدرسه خايسه بدونج وكل البنات يسلمون عليج : انا تماام والله يسلمهم يالله انشالله باجر اداوم جنا : اوكي نور انا بروح ابدل وانتي بعد نزلي تراهم ينطرونا عالغدا نور : اوكي حبيبي ----- STop خل اعرفكم على نور نور تكون بنت اخو بوحمني توفت امها بعد ما ولدتها فرضعتها ام حمني لأنها بنفس عمر جنا ,, و توفى ابوها واهي عمرها 7 سنوات بحادث سياره ,, ويت سكنت عند عمها ويدتها بهالبيت ,, اهي و جنا روح بجسدين فاهمين بعض حيل وبالطبع وبالصفات وبكل شي حتى باكلاتهم المفضله يتشابهون (( ام صالح ما عندها الا ولدين بوحمني وبو نور ,, و ريلها توفى بجلطة من 6 سنين تقريبا )) ---------------------- بمكااان بعيــــــــــــد عن هالبيت شخص يعاني بوسط الغربه ويعد الايام بس عشان يرجع ديرته محمد : يوسف ابوي انت خلااص هانت ترا كلها شهر و ترد الديره شفيك خلاص عاد ركز بأمتحاناتك ولا تفكر يوسف : حمود انا لو شقول ماراح تفهم انا خلاص تعبت 7 سنين بعيد عن اهلي ما صارت ترا محمد : والله محد قالك تدش طب وتتفلسف جان دشيت اي تخصص سهل ودرسته بديرتك يوسف : اخخخخخخ يالقهر بس عشان اكبر بعينها ,, يا ترا شلونها الحين ؟ ماكله شاربه بخير ولا مو بخير ,, عايشه ولا ميته كل هذا انا ما اعرفه ياليتني بس اقدر اردلها اعز ناسها يا ليت اقدر اخذ روحي واعطيهم بس عشان لا تعاني بفراقهم محمد : انت مو عندك رقمها دق وتطمن عليها ولا انك تقعد تحاتي جذي يوسف : لا حبيبي ترا مو حركاتي مغازل وهالطقه ما احب هالحركات انا محمد : بس اهي بنت خالتك واكيد مايمنع انك تسأل عنها وتشوف اذا تحتاج شي يوسف : لا لا مابي مو حلوه الحركه اخاف اطيح من عينها محمد : شفيك يويسف صدقني بتكبر بعينها انك تسأل عنها وتثبتلها انه حتى الغربة ما نستك اهلك و ربعك يوسف : يعني ادق ؟ محمد : ايي دق ولا تخاف يوسف : اوكي ثواني بروح البلكونه اكلمها محمد : خلاص وبعدين قولي شصير معاك يوسف : اوكي -------------------------- عالغدا ماكان اكو ولا صوت الكل لاهي باكله وكل واحد تفكيره بصوب جنا واهي غارقه بتفكيرها : باجر الويك اند ويمعتنا وانا ليلحين ما لقيت حل حق مريووم شسوي واذا سألتني شقولها السالفه مو هينه ويبيلها تفكير واهي ما يتلي الا بعد ما صار وقت على السالفه .. لا لا انا اليوم ما انام الا وانا لاقيتلها حل هذي بنت خالتي ولازم اساعدها ولا جان ما قالو بنت خالتها ايي هذاا الوقت اللي اثبتلها اني مثل اختها واني بكل الحالات معاها ام صالح تفكر شلون تفاتح ولدها بالموضوع بس اخر شي توكلت على الله وتكلمت الجده : يمه وليدي صالح صالح: هلا يمه امريني الجده : يمه اتصل علي حمني وليدي قوله ايي البيت انا صارلي يومين ماشفته ولهاانه عليه ام حمني : ايي والله حتى انا صايره ما اشوفه ولا اقعد معاه تكفى ياصالح كلمه ما صارت شغل بوحمني : خلاص ولا يهمكم انا بعد الغدا اكلمه واقوله يهد الشغل وايي البيت الجده : ما تقصر ياوليدي هبه : يبه عندي طلب عنونو ممكن ؟ بوحمني: امريني عيوني لج جم هبونه عندي انا هبة : تسلملي والله يبه بس بغيت موافقتك عشان اطلع مع رفيجاتي اليوم بوحمني يفكر اممممممممممم وين بتروحون اول ومع منوبتروحين ؟ هبه : يبه بنروح الافنيوو ومع رفيجاتي امي وجنو و نور يشهدون على اخلاقهم .. ممكن ؟ بوحمني : خلاص حبيبتي روحي بس لا تطولين خلج عالـ 10 بالبيت هبه :من عيوني يالغالي وقامت باست راسه ------------------ التعديل الأخير تم بواسطة اسطورة ! ; 13-09-13 الساعة 10:26 PM سبب آخر: تكبير الخط ^^ | |||||||||
|
| |
|
13-09-13, 10:28 PM
| #3 | |||||||||
| نجم روايتي ومشرفة سابقة وفراشة متالقة بعالم الازياء
| البــــارت الـــثـــــانـــــــي .. لكل قصه بدايه ونهايه ولكــن السـؤال كيــف كانت النهايه ..؟! كل شخص يحاسب على افعاله وكل واحد يتحمل نتايج اخطاءه خسـااره وقتي ضيعـته على واحد بدونـ احسـاس عبود : هلا والله بدنيتي مريم: اسكت يالحقير انت اخر واحد تتكلم عبود: احنا ما اتفقنا على جذي يا شتحبين اقول عنج خلاص ولا تزعلين يا محترمه مريم :انا محترمه وغصبن على اشكالك عبود : لا يا حلو هدي عمرج لا تندمين على هالكلام بعدين مريم تبجي وحالتها حاله : خلاص حرام عليك انا شسويتلك شتبي مني عبود : ابيج انتي ولا نسيتي كلامج لما تقوليلي انا كلي لك مريم : هذاك اول لما كنت اشوفك بعيني الحبيب بس انت الحين بعيني حقير عبود : ههههه حلوه منج يا حبيبتي يا مريومه اي حب تتكلمين عنه انتي هالدنيا مافيها حب شالخرابيط ترا هذاا بس بالخيال مريم : لا حبيبي فيه حب بس انت واشكالك ما تعرفونه .. الحب اطهر من انه الحقاره اللي مثلك تلوثه عبود :شوفي حبيبتي انا قلتلج كلامج كله ما راح يفيد عندج لي الخميس الياي اذا ماييتيلي بريولج او طرشتيلي وحده اشبع روحي فيها صورج راح تكون بالكويت كلها شتحبين يكون مصيرج؟ مريم : انا الغلطاانه اللي ماسمعت كلام بنات خالاتي وخنت ثقة اهلي وهذي نتايج افعالي عبود يصفق ويضحك ضحكه خبيثة : عفيه عالشاطره وهالكلام روحي علميه اليهال اللي مثلج عشان لا يكون مصيرهم مثلج * نسيتي ربج وخنتي اهلج والحين ندمتي على كل هذا .. كل واحد يدفع ثمن اغلاطه ------------------- بالافنيو الساعه 6:00 pm هبه : قوه بنــات شوق ومريم : هلاا والله سلمو على بعض وبعد سوالف نص ساعه ( حركات بنات ) هبه : يلا بنات مشينا قبل لا نتأخر عالفيلم شوق : لا نطري اسراء راحت شوي والحين بتيي هبه : ويـــع اي شي هذي يايه ويانا وليش ما قلتيلي مريم ": شدعوه عليج هبوش ترا ما فيها شي البنيه هبه :لا يعني ماتدرين انهاا راعية شباب وانا ما احب هالنظام شوق : وانتي شكو فيها كيفها انتي عليج من نفسج هبه : اوكي اوكي وينها ويت اسراء واهي تتضحك حق الصبي اللي وراها هبه : مشالله من اولها ..!! شوق : والله ما تستحي ماعلينا كا الحين بندش السينما مالنا شغل فيها اسراء : Hello girlz البنات : اهلين هبه : يلا مشينا قبل لا نتأخر و راحو ومع السوالف نسو الصبي اللي لاحقهم دخلو السينما واندمجو بالفلم ونسو عمرهم ـ----------------- تعـال قلبي محتـاجك تكفـى لا تخليـنا .. حمــــــــــــني عـالبحر حمني واهو يكلم روحه : اهـــــ والله تعبت .. تعبت من كل شي مو قادر اصبر اكثر يارب خذ روحي و ريحني . استغفر الله انا شقاع اقول جذي اكفر !! استغفر الله يا رب صبرني عشان اهلي ولا انا مابي هالدنيا .. وينج تيين تشوفين شصار فيني بعدج ماقمت اذوق طعم النوم ولا ذقت طعم الراحه انا من دونج جسد بلا روح تعبت يا اسيل تعبت موقادر اصبر اكثر ------------------ الافنيو الساعه 8:15 pm شوق : ها بنات اي مطعم تبون ؟ هبه: انا اقول شيليز اسراء : ايي انا ويا هبه شيليز شوق: مريوم شرايج ؟ مريم : اممم اوكي ماعندي مشكله شوق : خلاص عيل نتمشى شوي ونروح اسراء : خلاص اوكي اول ما توصلون دقو علي انا اييلكم اهنااك مريم : ليش وين بتروحين ؟ اسراء : ههه مواعده واحد من اللي عندي البنات : الله يهديج بس هبه : يلا عيل احنا نسبقج ------------------------------ نرجع حق اللي ذبحهم نار الشوق حق ديرتهم محمد : انت لي متى بتظل جذي .. الحين ممكن تقولي ليش مادقيت ؟ يوسف : ماقدرت والله مابي اطيح من عينها ابي اكون دايما بعينها كبير محمد : بس هالشي ما راح يضر كله بتسأل عنها يوسف : لا لا والله ما اقدر محمد : انزين دق على بيت عمها واسأل عنها او اذا تستحي قول حق اختك تدق عليها وتطمن عليها وتريحك يوسف : خلاص اوكي باجر بعد الامتحان ادق عليها واسأل عن اللي ماخذه عقلي محمد : هههه خلاص اوكي و ياويلك اذا ما دقيت يوسف : لا لا بدق لا تخااف محمد : اوكي يلا قوم خل نروح نتعشى بأي مطعم يوسف : اوكي صار بس خل ابدل محمد : ناطرك | |||||||||
|
| |
|
13-09-13, 10:29 PM
| #4 | |||||||||
| نجم روايتي ومشرفة سابقة وفراشة متالقة بعالم الازياء
| --------------------- بالبيــت : السلام عليكم .. هلا والله باحلى ثنتين شافتهم عيوني ام حمني : عن العياره الزايده لا تحاول احنا زعلانين عليك حمني : هههه وهذا راسج ابوسه بس رضاج علي يالغاليه ام حمني : ايي شسوي مشتاقتلك لا تقطع عن البيت حبيبي حمني : تامرين امر .. هلاا والله هلاا شالكشخه لا خلاص رحت فيها من جمالج خفي علينا الجده : ايي قص علي بكلامك هذاا وخر عني اوهوو مابي اشووفك وتمد البوز ( حركات العيايز لازم تدلع شوي ) حمني : امريني يالغلا شاللي يرضيج الجده : مابي شي ياوليدي بس ريح عمرك ترا العمر يخلص والشغل ما يخلص حمني : خلاص وعد مني كل يوم تشوفيني عندج الجده : يوم منااي والله حمني :الا اقول يمه وين البنات ماا اسمع حسهم ام حمني : ايي هبه طالعه مع رفيجاتها و نور وجنا فوق يشوفون فلم حمني : اها وشلون امون مع الحمل انشالله كل شي تماام ام حمني : فديتها بنتي صايره عسل مع الحمال الحمدلله اهي بخير الجده : الله يسهل عليها ام حمني : آميين حمني : يلا يمه انا بقوم اريح لي شوي وقت العشا ناديني ام حمني : من عيوني حبيبي --------------- نرجع حق البنات هبه : يلا شوق دقي عليها قوليلها وصلنا شوق : اوكي مريم تكلم القرسون عشان الطاوله شوق : يلا كاهي وصلت بس خندش ويخلص هاليوم ونفتك منها هبه : هههه عيل ليش عزمتيها شوق : منو قالج عزمتها اهي ويها منجب عازمه روحها هبه : هههههههه اسراء : دوم هالضحكه هبه : تسلميين مريم : يلا بسكم ضحك ترا كل خلق الله قاعدين يشوفونكم هبه : ويي سوري بعد ما قعدو هبه : امممم انا طبقي المعتاد ماله داعي منيو شوق : ايي وانا بعد مريم : اممممم انا محتااره شنو اخذ اي ستيك اسراء : شوفي هذا حلو انا متعوده اخذه مريم :اوكي عيل مثلج شوق: خلاص اوكي طلبي لنا انتي انا مالي خلق اتكلم اسراء : خلاص انا اللي بطلب ----------------------------------------- : يلا هبووش باي اشوفج باجر بالمدرسه هبه : اوكي حياتي باي .. كومار يلا حرك شناطر هبه تفكر استغفر الله هذي اسراء خربت الطلعه وجودها شنو يضايقني وكل ما شافت صبي قعدت تضحك وتسوي حركات جنه عمرها ماشافت شباب وين اهلها عنها هبه :كومار طول عالراديو احب هالاغنيه وقعدت تغني مع نوال لقيت روحي بعد مانا لقيتك بعد اللقا ارجوك لا لا تغيبي صعبٍ علي ألقاك وأنا مانسيتك إحساسي كني بين ربعي غريبي كل ماتبي من عمري انا عطيتك كل ماتبي من عمري انا عطيتك حتى الخفوق ينطق بكلمة حبيبي حتى الخفوق ينطق بكلمة حبيبي وما مداها خلصت الاغنيه الا وهي واصله البيت .. ما شافت احد بالصاله راحت غرفتها بدلت وجابلت النت --------------------------- : شنو الحل فكري فكري انا لازم القى حل ماكو مشكله الا ولهاا حل .. انا مستحيل اقعد جذي واشوفها تغرق بروحها وانا مااسوي شي .. لازم يكون اكو شي اقدر اسويه اففف تعبت من التفكير حتى دراسه ما درست صارت 2 الفير وانا بس افكر .. المشكله ما اقدر استعين باحد لا لا انا ما احتااج احد يساعدني انا اعرف شلون احلها .. وقطع تفكيرها صوت نور : جناا جنوو حبيبي جنا صحت من تفكيرها : هلا نورو امريني نور : فيج شي تعبانه مريضة ؟ جنا: لا مافيني شي بس كنت قاعده افكر وانتي خرعتيني نور:اسفه ماكان قصدي جنا: لا عادي ولا يهمج شفيج بغيتي شي ؟ نور: ايي والله مافيني نوم قلت اقعد معاج اذا ما يضايقج جنا: افا نور والله ماتوقعتها منج مابينا هالحركات الا تونسيني وعسل على قلبي نور: فديتج وتقوم تبوسها مـوااااه جنا : ههههه حياتي والله نور : شرايج نشوف *** بدال هالقعده جنا : اوكي انا بقوم اييب البلعه وانتي شغليه واختاري فلم حلو نور: اوكي و روحي شوفي اذا هبوش بتشوف ويانا جنا: اوكي اذا مو نايمه بناديها يلا شوي ويايه نور: اوكي --------------------- ام مساعد : خويلد حبيبي قوم نام باجر وراك مدرسه خالد : يمه ترا انا مو ياهل ريال شكبري ما يضر اذا قعدت ام مساعد : لا يضر قوم يلاا ناام عشان تروح وانت مرتاح خالد : فهود قولها انه تو الناس تسمع كلامك انت فهد : هههه خلااص يمه خليه شوي وبعدين اهو متعود عالسهر ام مساعد : والله كيفك انا مالي شغل فيك انت اللي بتروح تعبان الا اقول اماني شلون الحمل وياج ؟ اماني : الحمدلله خالتي مو متعبني فهد : فديته ولدي عاجل ما يأذي امه ام مساعد : ومتى انشالله يبين اذا ولد ولا بنيه اماني : الاسبوع الياي انشالله خالد بلقافه : اذا ولد اكيد خالد صح امون ؟ فهد :اصغر عيالك امون وبعدين ما بقى اسمي ولدي عليك عشان يصير مينون مثلك لا بالله بينتحر ولدي اماني: فهوووود فهد : ياعيونه امريني اماني واهي مستحيه : تسلملي عيونك .. حرام عليك هذا اخوك وبعدين خالد يمكن بنية فهد : فديتـهاااااا يا نــاس امـاني خلاص ساحت من الحيا خالد : ههههههه عاشت المستحيه لا اذا بنية حلالكم سموها اللي تبون ------------------- | |||||||||
|
| |
|
13-09-13, 10:30 PM
| #5 | |||||||||
| نجم روايتي ومشرفة سابقة وفراشة متالقة بعالم الازياء
| خل اعرفكم عالشخصيات بيت بومساعد بو مساعد : ابو ملتزم له هيبه الكل يقدره ويحترمه اسمه كبير و بكل مكان معروف ام مساعد : حبوبه وماكو مثلها وتعد اماني مثل بنتها لأنه الله ما رزقها ببنت مساعد ولدهم العود ومسافر مع مرته علاج فهد ريل اماني عمره 25 سنه كبر حمني ريال بمعنى الكلمه وابوه وايد يعتمد عليه اذا بنوصفه نقدر نقول عنه يجذب بس كل جماله بعيونه وسيعه وفاتحه ورموشه كثيفه ابيض وشعره فاتح خالد عمره 17 سنه بـ12 ادبي وصايع ماهمته دراسته ولا شي عايش حياته ومحد يكلمه لأنه شركات ابوه موجوده واكيد بيشتغل هناك فماله داعي يدرس ويتعب عمره ------------------ ام مساعد :يلا انا بقوم صارت 2:30 تصبحون على خير الكل :وانتي من اهله فهد : يلا حبيبتي قومي خل انام انتي تعبانه مانمتي عدل اليوم اماني: اوكي حبيبي و راحو ينامون وقعد خالد يكمل الفلم بروحه ---------------- الخميس الساعه 6:00 am ام حمني تدور بالبيت وتقعد عيالها طق طق طق ودخلت ام حمني: يمه جنا حبيبتي قومي جنا: يمه قمت بس تعرفيني ما اقوم من الفراش الا بعد 10 دقايق ام حمني :على راحتج بس لا تطولين على خواتج جنا :انشالله يمه كاني قايمه وتروح عند نور وتلقاها توها طالعه من الحمام ام حمني : يلا حبيبتي صلي و جهزي حق المدرسه نور : انشالله يمه عطيني ساعه واخلص ام حمني : وشحقه ساعه عروس وانا مادري نور : يمه تدرين على ما اسوي شعري سنه ام حمني : والله لوتتحجبون وتفتكون من ازمه الشعر مواحسنلكم نور: يمه احنا قايلين لج انه بس نقتنع راح نقولج ام حمني : كيفكم والله واهي رايحه غرفه هبه قعدت تتحلطم ام حمني : ويييه يينا حق هبو هذي شلون اقومها لو زلزال ما قامت درعمت بدون لا تطق الباب لأنها تدري انها نايمه وما راح ترد ام حمني : قومي هبوووش قومي يلا وهبه ولا عالبال ام حمني : اي اعرفلج هبوش قومي يلاا حبيتي صارت 7 نقزت هبوش وعلى طول عالحمام ام حمني تحاجيها :ها ليش نقزتي عادي شنو يعني اذا صارت 7 هبه :يمه لا لا ما يمديني اكشخ ام حمني : لا يمديج اذا شفتي الساعه راح تحسين بالوقت وتخلصين وطلعت من غرفه هبه واهيا تضحك ----------------------- على طاوله الاكل بو حمني : حمني يبه صبلي جاي حمني : انشالله واهو يصب يسأل يدته يمه اصبلج جاي ولا حليب الجده : لا وانا امك صبلي حليب اشربه مع درابيل حمني : من عيوني ام حمني واهي تقعد : حمني ماعليك امر صبلي ماي حار وحطلي فيه من جياس النسكفيه حمني : انشالله بوحمني: ماقامو ليلحين حمني واهو ميت ضحك : جنا و نور اكيد قايمين بس على ما يبدلون وهبوش ماتقوم الا عال7 ام حمني : ايي والله لما قلتلها صارت 7 ولا تنقز من الفراش بوحمني : ايي من مجابل التلفزيون لي الفير جنا و نور : صباح الخير ويسلمون عليهم جنا : واي حمنوو اشتقتلك من زمااان ما شفتك وتقوم تبوسه حمني: ههههه الا نور مالي بوسه منج نور ويهاا احمر : هااا ام حمني :استح على ويهك ياولد حمني : شكبري وليلحين ولد ! وبعدين عادي ترا اختي ولا نسيتي انج راضعتها ام حمني :حتى لو البنية تستحي حمني :اذا اهي تستحي انا ما استحي ويقوم يبوسها نور ويها لا تعليق صارت طمااطه و ويها قام يقلب الوان قعدو يضحكون عليهاا نور : انا بقوم اشوف هبوش جنا: هههههه لا صدقيني بتنزل بروحهاا خلج لا تنحاشين | |||||||||
|
| |
|
13-09-13, 10:30 PM
| #6 | |||||||||
| نجم روايتي ومشرفة سابقة وفراشة متالقة بعالم الازياء
| البـــــارت الــثـــــالـــــثـــ ... بالمدرسه بالتحديد بصف نور و جنا نور وجنا : صباح الخير البنات : صباح النور وقامو رفيجاتهم يسلمون عليهم ريم : نور حياتي شلونج اليوم نور : الحمدلله بخير انتي شخبارج ريم : انا تماام والله امس مبين مكانج نور : حياتي والله تسلمين وقعدو يسولفون ( سوالف الحريم ما تخلص ) بمــكاان ثاني بالمدرسة : قوليلي شسوي انا اذا مايبتها له بيروح يطلع سوالفي عند ابوي اسماء : بس هذا ولد اخوج ليش يسوي فيج جذي مو طبيعي هالولد : قلتي ولد اخوي ههههه لا حبيبتي هذا مايعرف امه من ابوه عشان يعرفني انا اسماء : والله انتو غريبين شبتسوين الحين : اهو قايلي اخذي كل وقتج المهم بالنهايه تصير له اسماء : انزين انتي شبتسوين ؟ : مادري بس ببدا اكلم هبوش لين تقتنع اسماء : والله انا احس انه حرام يصير فيها جذي : يعني شسوي قوليلي بايدي حل اسماء : انزين ليش ما تقوليلها السالفه واهي بتتفهم وبتسوي اللي تقولينه : لا لا هبوش مو نظامها جذي بس انا لازم اقنعهاا اسماء : الله يعينج -------------------- بالشـركه حمني : ياحسام تعال ابيك شوي حسام : هلا طال عمرك حمني : ياحبيبي وين الملف اللي كان اهني حسام: الملف ماطلع من مكتبك حمني وهو واصل حده : يعني شلون اختفى حسام : هد طال عمرك انا ادوره لك الحين حمني: شوف حسام لك ساعتين اذا ما لقيت الملف عالمكتب اعتبر روحك مطرود حسام بقلبه واهو يدور الملف : الحين اهو اللي يضيعه وانا اذا مالقيته اروح فيها شكو انا مادري .. ناس غريبه بس شكله متضايق يلاا هانت حمني : استغفر الله انا ليش جذي قلتله طول عمره خوش واحد وانا ما اوثق الا فيه خلاص بعدين انا اكلمه حسام : كاهو الملف طال عمرك ,, تامر على شي ثاني حمني : حسام انا اعتذر على اسلوبي بس الملف وايد مهم حسام : لا ولايهمك معذور ,, انا استأذن حمني : اذنك معاك -------------- بالمدرسه ( بالطابور ) صوب صف هبه شوق: الا اقول شفيها الحبيبه اسراء مداومه مبجر هبه:شدراني عنها ماهمتني لا تيبين سيرتهاا تراا تييبلي ضيق تنفس شوق : ههههه شدعوه عاد شسوتلج مسكينه هبه : ما احب نظاامها يستفزني شوق : هههههههههههه الابله :بس يا بناات احترمو تحيه العلم شوق وهبه : انشالله و شوق ماسكه ضحكتها ومامداهم مشو ولا تطلع ضحكتها وبهالضحكه خلت هبوش تعصب اكثر هبه : اففف متى ما خلصتي ضحك تعالي كلميني وتمشي عنها مريم : شفيها هبووش معصبه شوق : لأني قعدت اضحك عليهاا مريم : الله يهدييج بس و يروحون الصف ----------------------------------- بأمريكـا يوسف : ها حمود شلون الامتحاان انشالله قدمت عدل محمد : الحمدلله انا سويت اللي علي يوسف : يلاا هانت ما بقى شي كلهاا 3 امتحانات ونخلص محمد : ايي والله هاانت تعال تعال لا تغير الموضوع يلا دق عالاهل واسأل عن الحب يوسف : يعني لازم محمد :ايي لازم ولاا تبي تقعد طول هالفتره تحااتي يوسف: اوكي الحين ادق يوسف : الو قوه يمه شلونج يالغاليه ام يوسف : هلا والله هلاا حبيبي انا الحمدلله انت شلونك يوسف :انا الحمدلله ناقصتني شوفتج ام يوسف : حبيبي انابعد وتقعد تبجي يوسف : يمه لا تبجين كلها جم اسبوع واييلج واجابلج لين تملين مني ام يوسف : لا حشا والله ما امل منك بس انت تعال يوسف : انشالله يمه قريب ام يوسف : يمه يوسف ناقصك شي تحتااج شي يوسف : لا يمه الوالد مو مقصر معاي انتو شخباركم طمنيني عنكم ام يوسف : احنا كلنا بخير يوسف : ابوي و دانو شلونهم كلكم تماام ام يوسف: ايي يمه كلنا بخير نسأل عنك يوسف : تسأل عنكم العافيه .. الا اقول يمه ام يوسف : امرني يا روح امك يوسف : ما يامر عليج عدو .. الا شلون نور انشالله مرتاحه ام يوسف : شكلك ليلحين موناسيها يوسف: انسى روحي يايمه ولا انساها ام يوسف : يلا بس انت تخرج وانا اخطبلك ياها يوسف : لو علي جان ييت الحيين اخطبها ام يوسف : لا تحاتي نورالحمدلله بخير ما فيها شي بس انت ديربالك على روحك وشد حيلك بدراستك يوسف : انشالله يمه ..يلا يمه انا الحين بسده تامرين على شي ام يوسف : لا حبيبي سلامتك وديربالك على روحك يوسف : من عيوني يلا مع السلامه وسلمي عليهم ام يوسف : يوصل انشالله .. مع السلامه -------------- | |||||||||
|
| |
|
13-09-13, 10:33 PM
| #7 | |||||||||
| نجم روايتي ومشرفة سابقة وفراشة متالقة بعالم الازياء
| خلوني اعرفكم على بيت بـو يوسف بو يوسف : ريـال مايدري عن عيـاله بس عليه انه يصرف عليهم بس ما عمره عطاهم من حنانه او حسسهم بمعنى الابوه و وايد تهمه المظاهر عشان جذي راضي على ولده لأنه بيرد وبيكون دكتور وبيرفع راسه ام يوسف : عكس ابوهم ماهمتها المظاهر متواضعه لأبعد درجه حنونه على عيالها تحاول تعوضهم عن ابوهم متفهمة والكل يحبها يوسف : 24 سنه يدرس طب بأمريكا باقيله شهر ويرد يموت على نور ومن و اهو صغير يعشقها ومايرضى عليها .. طويل وعريض مو ضعيف ولا متين جسمه مشدود ابيض شعره اسود وعيونه وسيعه و سوده ..نقدر نقول انه مملوح دانه : 20 سنه تدرس حقوق ثالث سنه لها .. قصيره وبيضه عيونها وسيعه بس يايه عالبني الفاتح ملامحهاا حلوه وبريئة .. متحجبه وكل همها دراستها ام يوسف تكون خاله نور الكبيره ------------------------- مر اليوم عالبنـات عادي بدون احداث تنذكر بس طبعـا كل البنات طاقينها نوم بالحصص دام ويـك اند نور وجنا قاعدين يدورون كانو ساكتين ويمشون وكل وحده رايحه بالتفكير باللي شاغل بالها جنا تفكر : اممممم شنو الحل مو معقوله ليلحين ما لقيت حل المشكله ما اقدر اسأل نور .. مريوم موصيتني يكون هالشي بيناا عندي اليوم كله لازم افكر واقول حق مريوم الحل واريحها نور : جنا موعاجبتني هالاسبوع من الخميس اللي طاف بعد ماطلعت من الغرفه اهي و مريوم صارت وايد تسرح انا لازم اكلم مريوم واسألها هذي مو حاله ..!!! نور تكلم جنا : جنو ترا هذي مو حاله صايره وايد تسرحين ترا انا ملاحظة هالشي انا موعميه جنا : حبيبتي نور شفييج انا مافيني شي صدقيني بس الواحد يفكر نور : اوكي بشنو تفكرين جنا : بوايد اشيااء ماكو شي معين نور : قمنا نخش على بعض ؟ جنا : نور انا ماعمري خشيت عنج شي الا اذا كاان موعني نور : السالفه فيها مريم صح جنا : منوو قال نور : انا ادري من لما طلعتي من الغرفه وياها وانتي مو على بعضج جنا : اوكي السالفه فيها مريم بس مالي حق اني اقولج اهي موصيتني نور : اوكي فاهمتج وخلااص عذرتج جنا : ايي لقيت الحل جان تستوعب انها كانت تفكر بصوت عالي نور : حل حق شنو جنا : لا ولا شي يلا خل نرد حق البنات نور : اوكي ------------------------------ بالــبيت ام حمني : سيتاا روحي اخذي ورقه الطلبات من الطباخ و روحي مع كومار ييبيهم من الجمعيه و انتو رادين مرو البنات ولا تطولون عليهم اوكي سيتا : اوكي ماما الجده : اييي اليوم يمعه خواتج نسيت انه الخميس ام حمني : ايي يمه اليوم يمعتهم .. يمه يضايقج وجودهم الجده : لا يابنيتي خواتج عسل بس انا متفشله لأني اناام مبجر واخليهم ام حمني : لا يمه اهم عاذرينج انتي بعد العشا تاخذين دواج واكيد تدوخين وتنامين الجده : ايي والله محد ماكل صحتي غير هالدواا ام حمني: ماعليه يمه الله كريم الجده : والنعم بالله ----------------------- بأمريكــا محمد : هاا اشوفك مستانس بعد ماكلمت الوالده يوسف : اكيد استانس كافي سمعت صوت اغلى انسانه وانها طمنتني على روحي محمد : ههههه عسى دوم الحين ما اوصيك شد حيلك بدراستك يوسف : دام انت وياي ما ينخاف علي محمد : حبيب قلبي يوسف : تصدق ما احس اني اعرفك من 7 سنين محمد : ايي والله انا بعد جنه نعرف بعض من زمــااان يوسف : ايي والله .. والله يا حمود انك اخو دنياا محمد : يا حياتي والله مواااااااه يوسف : وييع وييع وخر عني اشايفناا شذووذ محمد :شسوي حبيبي ما اقدر اقاوم خدودك يوسف : حمود يوز عن حركاتك ترا صكيت الــ24 محمد : يويو حبيبي الحب مايعرف صغير وكبير يوسف : حمود اذا ما تعدلت بمشي عنك محمد : حبيبي يوسف شفيك لا تزعل مني انا ما اقواا على زعلك ويدلع اكثر يوسف : ويــع مو لايق وخر وخر بس محمد : هههههههههههههههههه ويعدل صوته خلاص يسووف اتغشمر ويااك يوسف : لا تعييد حركااتك هذي تراا تنرفزني محمد : ولا يهمك تامر امر ------------------------------------------ بالهــده جنا ونور : يلا بناات bye البنــات :Bye جمانه : جنا جنو جنا: هلاا جموون جمانه : قلبي انتي اليوم بمرج بعطيج جم شغله اوكي جنا: خلاص اوكي بس دقي علي قبل لا توصلين جمانه : اوكي حياتي يلا مع السلامه جنا : مع السلامه ويركبون السياره وكل وحده تدور البراد نور: سيتاا روحي شوفي هبوش سيتا : اوكي ماما | |||||||||
|
| |
|
13-09-13, 10:34 PM
| #8 | |||||||||
| نجم روايتي ومشرفة سابقة وفراشة متالقة بعالم الازياء
| داخل المدرسه جمانه : هبوش حبيبتي ترا سايقكم وصل هبه : اوكي انا رايحه يلاا باي بنات البنات : بااي اسراء : هبه ممكن شوي هبه : هلاا ايي ممكن بس بسرعه لأنه السايق براا اسرااء : ما راح اطول بس ممكن تشبكين اليوم ابيج بموضوع انا بكون طول اليوم شابكه هبه : خلاص اوكي متى ما فضيت شبكت يلا باي اسراء : باي داخل السياره جنا تسأل نور : شعندها اسراء تكلم هبه ؟ نور : والله مادري واصلاا مو عوايدهم لأنه هبوو تكرهاا جنا : ايي غريبه يلا كاهي يت الحين نسألها هبه : قوه جنا و نور : يقويج نور : شعندها اسراء ؟ هبه : شدراني تقولي شبكي اليوم ابيج بموضوع جنا : اهاا بس ديربالج ترا هذي سوسه هبه : وانا شكو بدش اشوف شتبي وبطلع نور: ايي احسنلج لا تحتكين فيها وايد --------------------------------------------- بيت بو مسـاعد ام مســاعد : سوما نجبي الغداا سوما : انسالله ماما بومساعد : وين الباجي الا بدخله خالد خالد : السلام عليكم ابوه وامه : وعليكم السلام ام مساعد : يلا حبيبي قوم بدل وتعال تغدا خالد : انشالله ام مساعد : سوما قولي حق اي وحده من الخدم تروح تنادي فهد واماني عالغــدا بو مسـاعد : شلونج يابنيتي اماني اماني : انا بخير الله يسلمك بومساعد : وشلون ولدناا معااج اماني : ههههه لا ولدي عاجل على قوله ابوه مو مأذيني بومساعد : الحمدلله ام مساعد : الله يسهل عليج ولادتج الكـل :اميــن وقعدو يسولفون بمواضيع مختلفه --------------------- بعكـس بيت بو حمني اللي كانو هاديـين حمني: شفيكم ساكتين جنا : الله اعلم نور : ههههه خو كل واحد غارق بتفكيره حمني وحاب يطفرها : وانتي تفكيرج وين راح نور:عادي ولا مكاان حمني : اكييد عندي انا ادري انج عاشقتني بس اللي مخليج تنقهرين انه اخوان نور: وييي ما بقى الا انت حمني: ايي وااضح من ويهج نور بدت تشك بعمرها: ليش شفيه ويهي جنا :ههههههههههه يطفرج يالخبله نور : اففف سخيف والله حمني : كلي فدااج قولي عني اللي تبين نور وبدت تستحي : اقول يوز عني حمني : فديــتها اللي تستحي يـا نااس جنا : هههههههههه حمني : لاحظتو انهم كلش مو معانا وانه بس احنا اللي نضحك جنا و نور: ايي والله مادري شفيهم بوحمني: الحمدلله اكرمكم الله الكل :بالعافيه الجده : وانا بعد الحمدلله بالعافيه عليكم كلكم جنا تقوم : يمه اوصلج الدار الجده : لا حبيبتي كملي غداج انا اروح بروحي جنا :على راحتج ام حمني : لما تخلصون قولو حق وحده من الخدم تشيل الصحون انا صاعده هبه : اخذيني معااج جنا : شفيكم اليوم هبه : مافينا شي بس انا دايخه واليوم اليمعه لا تنسين حمني : هههههه اييي لازم تناام عشان لا يكون ويها متفخ هبه : ها ها ها ماتضحك نور وجنا : ههههههههه لا حلوه هبه : سخافه وتحقرهم وتصعد تناام جنا : امبيييه شفيهم نور : الويك اند مأثرعليهم حمني : يلا ياحبايب ألبي انا صاعد بنــام وحده فيكم تتبرع وتيي تقعدني حق صلاة العصر جنا : اوكي حبيبي من عيوني نور : وانا بعد قعديني معاج جنا : قومي بروحج ولا نامي بعد الصلاه نور : ايي فكره يلا قمنا جنا : اوكي واهم صاعدين نور تحاجي وحده من الخدم : شوفي نظفي البيت اليوم اليمعه وشيلي الصحون وقولي حق الطباخ يسوي حلو بس نبي شي يديد جنا : ايي وقوليله نبي برد اوريو الخدامه : اوكي مدام نور : شالطاري جنا تمثل البرائه : بخاطري نور : حياتي انتي ------------------------------------- | |||||||||
|
| |
|
13-09-13, 10:36 PM
| #9 | |||||||||
| نجم روايتي ومشرفة سابقة وفراشة متالقة بعالم الازياء
| البـــــــارت الــرابـــــعــ ... بيــت بو حمــني السـاعه 8:00 pm طق طق طق : تفضل ام حمني: جنا حبيبتي ما خلصتي جنا : يمه كا بس البس فلاتي وانزل ام حمني : اوكي وبعدين جيكي على خواتج وشوفي حمني خليه ينزل الدوانيه جنا: من عيوني ام حمني : تسلملي عيونج يلا انا بعد بروح اجيك عالخدم جنا : اوكي نزلت ام حمني تجيك على الخدم ومن هالسوالف جنا راحت عند اخوها طق طق حمني : تفضل جنا : زاد فضلك .. امي تقولك يلا انزل الدوانية الناس على وصول حمني : انزين شلون شكلي بعد ما حلقت جنا : اتينن حبيبي محد يصك عليك حمني :فديتج وبعدين شالكشخه لا لا اذووووب سمي على روحج جنا :هههههههه تسلم عيونك الاحلى حمني : ههه يلا بس عطيتج ويه روحي وانا نازل الحين جنا : ههههه اوكي مردوده وراحت عند نور لأنه تدري هذي اسهل درعمت : قوه نورو نور : هههه يقويج جنا : يامليقه محلوه نور : ههه تسلمين انتي الاحلى جنا :اييي حق منو كل هالكشخه نور : لج افا عليج جنا : اييي قصي علي يلا انا بروح اشوف هبووش نور : اوكي يايه وياج راحو عند هبوش وهنااك تلقو صدمتهم طق طق طق هبوش : دشو جنا و نور : هيييييييي انتي من صجج هبوش ببرائة : شنو شسويت نور : لا حلفي ليلحين مو مبدله !! جنا : وربي لو امي تشوفج تذبحج هبة : شسوي مادري شلبس جنا : ويت انا اطلعلج شي تلبسينا هبه : اوكي تسوين فيني خير جنا: شوفي لبسي هالنفنوف حلو بيطلع عليج هبه : لا مابي ماكو شغل اسود ساده شنوو قاعدين بعزة نور : هبووش لبسي اكسسوارتج ملونه يصير حلو والله جنا : اييي انا مع نور هبه : خلاص خلاص اوكي يلاا go out ببدل جنا ونور : والله مو كفوو يايين باي ونزلو يساعدون امهم --------------------------- بيــت بو مساعد اماني : خالتي ما غيرتي رايج تعالي وياي احسنلج من القعده بروحج ام مساعد : مادري وانا امج احسها فشله اماني : افا ياخالتي الحين مو انا بنتج وانتي يايه معاي مافيها شي ام مساعد : خلاص عيل نطريني البس اماني : انشالله خالد : الا اقول امون اماني : هلاا خويلد خالد : الاحد تشوفين اذا ولد ولا بنيه عدل ؟ اماني : اي خالد : طالبج لا ترديني سميه خالد بستانس انه ولد اخوي ومسمينه علي اماني : هههههه لا والله انا وفهد متفقين اذا صبي اهو بيقرر واذا بنيه انا خالد : افاا يعني راحت علينا اماني : ههههه لا كلمه يمكن يرضى خالد : خلاص اكلمه بعدين يلا بااي بطلع مع الربع اماني :بااي ------------------------------ خـل اعرفكم على الشخصيات اللي بتـيي اهـل ام حمني ام راشـد ( وداد ) اختهـا العوده ريــلها و ولـدها راشـد متوفين من 3 سنين .. ولدها سيف عمره 24 سنه اهو اللي داير باله عليهم وماسك مكان ابوه مو متزوج ولا يفكر لأنه حمل خواته وامه كافي عليه بنتها الكبيره جميله عمرها 22 سنه متزوجه وعندها ولد عمره سنه اسمه راشد على اخوها وبنتها الثانيه مريم 15 سنه بو احمد ( ناصر ): هيبه والكل يخاف منه (( هيبته تفرض عليهم هالشي )) مايفكرون يكلمونه بس يسلمون عليه .. دايما ينصح الشبااب ومحد مأدبهم غيره ام احمد( تهاني ) : اللي يشوفها مايقول انها كبيره ويم عيالها جنها اختهم ملامحها بريئه وتحب الضحك و24 ساعه مع البنات ومقالب احمد: 26 سنه متزوج من بنت عمته جميله هند : 22 سنه كبر جميله مرت اخوها واهي صديقتها روح بالروح واهم الثنتين هاديين مو مثل الباجي .. بوعبدالعزيز ( يوسف ) حبوب كل البنـات والشـباب يحبونه يحب الضحك ويتأقلم مع كل الاعمار ام عبدالعزيز ( سميره ) مثل الباجي حنونه وحبوبه ويعتبرونها اختهم و وايد مع البنات يعتبرونها صديقتهم مو مرت خالهم هدى : 13 سنه فصله وعندها كل شي ايزي ما تعرف الجد ابدا والقعده من دونها مو حلوه عبدالعزيز : 10 سنين عصل وهادي عادي لو ينسونه لانه ماله حس -------------------------------- وصلــو الكل والقعده ولا احلى اليهال بالحديقه لعب وضحك ولاهمهم الشباب مع الرياييل بالدوانيه مثل اي دوانيه سوني وجنجفه واللي لاهي بالسوالف والحريم حش بخلق الله عن فلانه وعلانه والبنـاات قاعدين وسوالف وضحكهم واصل لي اخر بيت بالفريــج ..!! | |||||||||
|
| |
|
13-09-13, 10:37 PM
| #10 | |||||||||
| نجم روايتي ومشرفة سابقة وفراشة متالقة بعالم الازياء
| مريم : جنو ممكن شوي اكلمج جنا : ايي اكييد .. بناات عن اذنكم شوي البنات بأصوات متفرقه : اذنج معاج .. اوكي .. ناطرينكم .. من متى صار اسرار بغرفه جنا مريم : جنو ما لقيتيلي حل والله انا تعبت من التفكير ومالي غيرج جنا : شوفي مريوم انا لقيت حل بس شوفي بصراحه انا ابي اقول حق نور لأنه بتكون خطوه كبيره مني مريم : اوكي انا راضيه لأنه نور مثل اختنا بعد بس انا هم لازم اعرف شنو الحل قبل لا تقوليلها جنا : شوفي انا اقولج الحين بس بعد ما اخلص تعلقين اتفقنا ؟ مريم : اتفقنا ---------------------------------- عند البنــات تحــت هبه : شفيهم هذيل صاير شي نور : لا حبيبتي ما اتوقع بس يمكن بتسألها عن شغله او شي هبه : يمكن ماعلينا هدى : هبون قلبي تعالي شوفي هذاا مو صج هبه : شنو وين هدى : ههههه رفيجتي حاطتلي صوره اخوها مادري منو قايلها اني خطابه هبه : مالت عبالي عندج سالفه هدى : تعالي والله مصخره هههههه نور : الله يهديكم .. امشو عند الحريم خل نسمع سوالفهم هناك الضحك الاصلي هبه و هدى :ههههه ايي والله يلا مشينا هدى : ويت اصكر اللاب نور وهبه : اوكي عنــد الحريم الحريم : هلا والله ام راشد : والله زين تنازلتو وشرفتونا نور : هههه شدعوه خالتي بس نتغلى شوي ام راشد : يحقلج ياقلبي انتي نور : هههههه فديتج ام حمني : وين جنا و مريم هبه : شوي ويايين ام حمني : ايي يا وداد كملي شصار على بيت ام صلاح ام راشد : اييي بس قلتلج انه بنتها يوم عرسهاا واهم رايحين الفندق سوو حادث ام احمد : نصيب الله يشافيهم انشالله هبه بلقافه : وييي ما تهنو بليلتهم ام راشد : والله ما تستحين بس حلوه هههههه هبه : توه ما استحي ههههههههه ام حمني : بس يا وداد بدال لا تأدبينها تضحكين معاها ام راشد : اللي ضحكني انه انا وبنت اختي تفكيرنا واحد ام حمني : ايي تفكيركم منحرف ام راشد وهبه : هههههه حراام عليج ------------------------ مريم : مستحيــــــــل انسي هالحل دوري غيره بليــز ترا لي الخميس وتبجــي بجي يقطع القلب جنا : صدقيني ماكو غيره .. اذا انتي عندج قولي انا ماعندي غيره مريم : لا ما راح اخليج تسوين جذي جنا : مالنا غير هالحل مريم : انزين خل نســأل نور يمكن عندها حل غيره جنا : اوكي ويت ادق عليها وانتي روحي غسلي ويهج وتعالي جنا : الو .. نور تعالي غرفتي ولا تيبين احد وياج نور : شنو شصاير جنا : تعالي بدون حجي زايد بليز نور : اوكي يايه ثواني بس جنا : اوكي -------------------------------- بالدوانيــــه بو احمد : اقول بوعبدالرحمن بوحمني : هلاا بو احمد : ولدك مو ناوي يتزوج بوحمني: ولا يفكر حتى كل ما يبنااله هالسيره يصكرها ويطلع من البيت متضايق بواحمد : لاا هذي مو حاله اهو وسيف لازم يتزوجون صكو الـ25 شناطرين بعد بوحمني : حمني ولدي ماله عذر بس سيف لازم تعذره الحمل عليه كبير خواته وامه بو احمد :جميله ومتزوجه واذا على اختي ومريم مو مسؤليه كبيره يتزوج ويعيش بالبيت معاهم بوحمني : الحين بدال لا تقنعني اقنعهم انا مالي شغل .. الشبــاب كانو قاعدين يلعبون هنــد سيف .. حمني .. احمد .. بو عبدالعزيز بو احمد : عبدالرحمن حمني : هلا خالي بواحمد : شلون الشغل وياك انشالله كل شي تمام حمني : الحمدلله خالي كل شي مثل مانبي لا تخاف بو احمد : وانشالله مرتاح حمني : ايي والله مرتااح بس مرات الشغل يزيد فالتعب يكون علينا بس هانت بواحمد :هذا الشغل وانت عارفه حمني : ايي عارفه والله والحمدلله حابه ومابي اغيره بواحمد: الحمدلله .. ودام كل شي ماشي شاللي مخليك عزوبي الحين حمني بقلبه ردينا على هالسالفه : خالي كل واحد متى ما حس انه متهيأ اكيد بيقول حق اهله يخطبوله وانا ليلحين مو متهيأ بو احمد: اذا بخاطرك وحده مانردك والله حمني بقلبه ايي والله القلب يبي وحده بس اهــ يا القهــر : لا ياخالي ماكو وحده بخاطري وانا مو راعي هالحركاات وانت اخبر بو احمد: بس هم انت لازم تتزوج وتيب ولد يشيـل اسمك حمني : لا خالي ماتقصر مابي اتزوج الحيــن بو احمد : ولي متى انشــالله حمني : خالي ترا الزواج موغصب بو احمد: ايي اهو مو غصب بس لازم تقرر بسرعه حمني: ولا يهمك كلهاا فتره وانشالله بييلكم اقولكم خطبولي بو احمد : على راحتك وانت ياسيف مو ناوي سيف : لا ياخالي انا مع بوفهد متى ما تهيأت نفسيتي بتزوج بو احمد: الله يهديكم ويصلح حالكم بس --------------------------------------- بغــرفه جنـــــا نور : هلاا جنوو شنو شصاير قولي خرعتيني جنا : مريم تقولج كل شي .. صح مريم مريم : جنو بليز انتي تحجي انا ما اقدر والله جنا :اوكي انابقولها نور: قولي خرعتيني جنا :سمعي ... مريم كانت تكلم واحد من سنه تقريبا والحلوه طلعت معاه مرتين وبالمره الثانيه ركبت سيارته وتقولج خو ما حركنا يعني عادي بس الحين انصدمت صدمة حياتها انه الحلو مصورها ولاعب بصورها ومهددها اذا مايتله او طرشتله وحده بتلقى صورها بالكويت كلها نور بحاله صدمه مو قادره تتكلم ومريم ردت عالبجي .. مالها غير البجي الله يعينها نور : الحين تبجين شبفيدج فيه هالبجي ؟ بيحمي عرضج وشرفج مريم : حرام عليج انا والله ندمانه نور : بعد شنو بعد ماضيعتي عمرج يامريم انتي مو صغيره مريم : نور واللي يخليج سكتي خلاص اللي فيني مكفيني نور : تبيني اسكت وانا اشوفج تضيعين وانا اشوف شرفج على وشك انه ينهدم تراا انا مو متبلده ! مريم: شسوي شسوي انا غلطت والانسان مو معصوم من الغلط نور : وكل واحد يدفع ثمن اغلاطه وانتي بتدفعين الثمن غالي يامريم غالي .. شرفج وعرضج وبتوطين راس اهلج كلهم جنا: خلااص نور البنيه مو ناقصه نور : تبيني اسكت لهاا جنا : نبيج تفكرين ويانا بحل نور : ماكو حل الحل انه تدورلها وحده بايعه شرفها تدفعلها عشان تغطي على شرفها مريم : بس انتي تدرين مو مستواي اكلم بنات بهالقذاره نور : بس مستواج ينزل وتكلمين شباب عدل ؟ جنا: بس يانور نور : الحين شنو المطلوب مني ليش قايليلي انا جنا : شوفي نور انا قاعده اقولها انه انا اروح واييبلها صورها نور : شنوووو تبيعين شرفج خبله انتي .. تصلحين الغلط بغلط جنا : انتي تدرين اذا اهي راحت ما راح تقدر تسوي شي نور : واذا انتي بتروحين شبتسوين ياماما جنا : شوفي اهو دام يبي هالشي اكيد بيكون سكران وهالشي 100 بالـ 100 انا اقدر بكلمتين اخذهم منه واطلع نور: وتدشين اماكن بهالمستوى وين عقلج جنو جنا :عيل عطينا حل نور : قلتلج دوري وحده متعوده على هالاشياء دفعيلها واهي تستر على شرفها جنا : يبيلنا هذي اللي تتكلمين عنها قبل الخميس نور : شنوووو قبل الخميس تتغشمرين اكيد ..!! جنا : وهالموضوع فيه غشمره نور : لا تجازفيين بحياتج جنا : ماكو حل غيره نور : ومتى بيصير هالشي جنا : السبت مو احنا المفروض نروح حفله ريوم .. اعتذريلها واخذي هديتي معاج وانا اروح حق هالزفت واخذ الصور نور: وشنواللي يضمن انه ماعنده نسخ منها جنا : هههههه لا انا بصور المكان وجذي عشان اذا اكو نسخ انا اهدده باللي عندي نور : اوكي وياليت يصير كل شي مثل مانبي ونفتك من هالموضوع بأسرع وقت وانتي حسابج معاي بعدين وتعطيها نظره حسستها بالندم اكثر هبه واهي ورا البـاب : يلاا بناات عشــا جنا : اوكي يايــين .. يلا مريم غسلي ويهج وعدلي مكياجج ونزلي ورانا مريم : اوكي نور: بنقول انج بالحمام مريم: اوكي --------------------------------- | |||||||||
|
| |
|
| الكلمات الدلالية (Tags) |
| حياتي, bronz, المشوار, الكاتبة, بالامل, تبدا, girl, وهذا |
| أدوات الموضوع | |
| انواع عرض الموضوع | |
|
|
.png)
.gif "Eh S(7)")
العرض العادي
