آخر 10 مشاركات
أحــــ ولن أنطقها ــــــبِك "متميزة" و "مكتملة" (الكاتـب : *my faith* - )           »          صبراً يا غازية (3) *مميزة و مكتملة* .. سلسلة إلياذة العاشقين (الكاتـب : كاردينيا الغوازي - )           »          عذراء في ليلة زفافها (22) للكاتبة: Lynne Graham *كاملة+روابط* (الكاتـب : * فوفو * - )           »          1092 ـ لن أحترق بنارك ـ ميشيل ريد ـ ع.د.ن (كتابة/كاملة **) (الكاتـب : Just Faith - )           »          عندما يعشقون صغاراً (2) *مميزة و مكتملة *.. سلسلة مغتربون في الحب (الكاتـب : bambolina - )           »          جاك...كارا (114) للكاتبة: Lynn Raye Harris (ج5 من سلسلة دماء سيئة) *كاملة* (الكاتـب : Gege86 - )           »          زوجة بالميراث (127) للكاتبة: Sara Craven *كاملة* (الكاتـب : Gege86 - )           »          أُحُبُّكِ مُرْتَعِشَةْ (1) *مميزة & مكتملة * .. سلسلة عِجافُ الهوى (الكاتـب : أمة الله - )           »          وأشرقت في القلب بسمة (2) .. سلسلة قلوب مغتربة *مميزة ومكتملة * (الكاتـب : Shammosah - )           »          شهم الطبايع يا بشر هذا هو الفهد *مميزة و مكتملة* (الكاتـب : Aurora - )


العودة   شبكة روايتي الثقافية > قسم الروايات > منتدى الروايات والقصص المنقولة > منتدى الروايات الطويلة المنقولة الخليجية المكتملة

إضافة رد
 
LinkBack أدوات الموضوع انواع عرض الموضوع
قديم 14-09-13, 01:00 PM   #1

اسطورة !

نجم روايتي ومشرفة سابقة وفراشة متالقة بعالم الازياء

alkap ~
 
الصورة الرمزية اسطورة !

? العضوٌ??? » 120033
?  التسِجيلٌ » May 2010
? مشَارَ?اتْي » 15,367
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » اسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond repute
¬» مشروبك   pepsi
?? ??? ~
My Mms ~
Rewitysmile25 على نغمات الموت الكاتب / غرشوب / مكتمله






السلام عليكم ورحمة الله وبركاته
مساء الخير عليكم اجمعين
كيفكم احبابي
اليوم بطرح لكم الرواية الثانية من مجموعة الروايات

على نغمات الموت الكاتب / غرشوب



ان شاء الله تعجبكم يارب

تفضلوا الاجزاء الاولى

قراءة ممتعة



التعديل الأخير تم بواسطة لامارا ; 22-10-13 الساعة 07:50 PM
اسطورة ! غير متواجد حالياً   رد مع اقتباس
قديم 14-09-13, 01:01 PM   #2

اسطورة !

نجم روايتي ومشرفة سابقة وفراشة متالقة بعالم الازياء

alkap ~
 
الصورة الرمزية اسطورة !

? العضوٌ??? » 120033
?  التسِجيلٌ » May 2010
? مشَارَ?اتْي » 15,367
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » اسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond repute
¬» مشروبك   pepsi
?? ??? ~
My Mms ~
افتراضي

|[ على نغمات الموت ]|




النغمة الأولى:





حست بحد يفتح الباب .. حاولت تحرك جسمها بس كانت كل ذره بجسمها تألمها من الضرب المبرح .. شافته يطالعها عند الباب ويتقدم لها .. انكمشت على روحها .. وغمضت عيونها تستعد للضرب ..


ناداها باشمئزاز من شكلها وثيابها المبهدله: قوومي جبت لج اكل

صدت بوجهها عنه يعني انها ماتبي شي منه وقالت بهدوء : ماابي شي منك..

قطع كلامها بصراااخ: اذا قلتلج قوومي يعني قوووووووومي لا تناقشين ولا تتكلمين حتى .. ولا تدرييين خللج تولييين بجوووعج عساااج تموتييين وافتك مننج


وطلع ورض الباب وراه وسمعت قفل الباب .. قاامت تصيح من خاطرها وتشاهق


قالت بخاطرها: " ليش يااا فاااارس لييييش ؟!! انا شسووويت فيك عشااان تسوي فيني جذي ؟؟ شنووو ذنبي عشااان تبهدلني جذي ؟؟! هل ذنبي لآني كنت ضحية مصالح الأهل .. و تزوجتك وانت تحب وحده ثاااانية !! زين انا شذنبييي شذنبييييي مو بيدي هالشي والله مو بيــــــــــدي !!!!! "




[ فارس 28 سنة ]




///




قعد على طاولة الطعام يتعشى وهو يفكر .. جته الخدامة سريتا : بابا يبي شي بعد ؟!

قال لها بدون نفس: لا ذلفي حجرتج


كشرت الخدامة على المعاملة الخايسه الا يعاملها بها بس تصبرت عشان لقمة عيشها .. راحت عنه غرفتها وهي تتحلطم عليه بداخلها ..


قال بداخله: " أنا لازم انتقم منج ياا جواهر .. لااااازم .. بسقيج من كاس المر .. للحين ما عرفتي منو هو فااارس .. عيل اناااا .. اناااا تستغفليني و تطلعين من وراي لبيت اهلج .. لكن ماعليه .. اذا ما عذبتج وخليتج تندمين على الساعه الا وافقتين فيها علي .. مااكون فاارس ولد امي و ابوي "



[ جواهر 25 سنة ]


كمل أكله بسرعه وطلع من البيت ..




///




نادت على أمها بعالي صوتها: يمـــــــــه .. ياايمـــــــــــــه


أم فارس خافت : خيــــــر يا ســـارة شفيج تصارخين جذي ؟!!


سارة وهي عاقدة حواجبها: ما جاا فارس اليوم البيت ؟!!


أم فارس باستغراب : لا ما جاا .. هو قال بجي على المغرب .. بس مااشوفه جاا .. يمكن انشغل ولا شي .. ليش ؟!!


سارة: اهاا .. لا ولاشي بس اسأل عنه


أم فارس: الحين انتي تصارخين وحالتج حاله .. وبس تسألين عن أخوج .. صج ماعندج ساالفه .. جان اتصلتي له


سارة بهمس : هذا منو الا مايبا عمره يتصل له


أم فارس: شنـــووو ؟!! قلتـــي شي ؟؟!!


سارة وهي تصرفها: لالالاولاشي .. بس أقول مسكينه جواهر ما شفناها من زمان جان يجيبها لنا البيت


تنهدت أم فارس: والله كاسره خاطري هاليتيمة .. على هالشي الا ان فارس حازم وياها .. معنها ما وراها سوء ولا أذيه


سارة: ايه والله .. يالله يمه انا بروح غرفتي اذا جا علميني


أم فارس: انتي شعندج وياه ؟!!


سارة ارتبكت: هااه .. لا ولاشي بس ابي اكلمه يجيب جواهر عندنا .. حرام عليه فوق الشهرين ما نشوفها


أم فارس: ايييييه الله كريم .. ان شاء الله اذا جا بطرش لج زارا تناديج


سارة ببتسامة: اوكيه


حبت راس امها وراحت غرفتها .. وهي بالطريق لغرفتها شافت أخوها يوسف يتكلم فالصالة بـ فونه بزاوية الصالة و بهمس .. عرفت انه يكلم حبيبة القلب ..

راحت وراه وصرخت : بوووووووووووووووووووووووو ووووه


نقز يوسف برعب: بسم الله الرحمن الرحيم .. ساااااااااااروووه ويهد .. جم مرة قلتلج توووووبي عن هالحركااااااات


ضحكت سارة بقوة وحطت ايدها على بطنها ومشت لغرفتها وهي تتجاهل تحلطم يوسف عليها .. دخلت وصكت الباب


رجع يوسف بنفس وضعيته الأولية وهو يقول: هلا حبيبتي .. انا آسف .. تدرين هاي ساروه اختي السخيفه .. ههه وبعد تدافعين عنها .. اييييه معلوم وانا مالي رب .. يااعمري فديتج والله .. فديت الا يستحون اناااا .. لا حرام ما شبعت منج للحين .. " قال وهو مكشر" وهذا وقته تناديج خالتي الحين .. هههه يالله انزين بتصل بج بعدين .. اوكيه حبيبتي تحملي بروحج .. مع السلامه .. الله يحفظج



ظل يتأمل شاشة فونه شوي و حظنه لصدره .. حطاه بجيبه وهو ينزل بس قبل لا ينزل طق الباب على سارة بدفاشة ونزل بسرعه وهو يضحك يوم سمع صرختها المخترعه


طلت من الباب وهي تقول بصوت عالي: مااعليييه .. الأيام جاااايه يا حبيب رغـــدوووه !!!



[ سارة 23 سنة ]

[ يوسف 26 سنة ]




ضحك عليها وراح باس راس أمه وقعد صوبه ..

طالعته بتفحص وقالت وهي رافعه واحد من حجاتها: وانت للحين تكلم رغد بنت خالتك ؟ََ!!


ضحك بإحراج وهو يحط يده ورا رقبته: ايه .. بس انا بـ


قطعته بعصبيه خفيفه : يوووسف سبق وناقشنا هالموضوع وقلت ما بتكلمها وين كلامك راح ؟!!


يوسف بجديه: يمــه .. متى قلت انا ما بكلمها ؟!! انا قلتلج بفكر .. وبعدين انا ناوي اتزوجها قريب .. انا ماالعب عليها .. انا فعلا احبها وناوي اتزوجها .. ومثل ما تدرين تقدمت لها من قبل بس هي رفضت تتزوج الا بعد ماتخلص دراستها الجامعيه .. وما باقي الا هالسنه ذي وتخلص .. وجهزي عمرج قريب عشان اخطبها رسمي


أم فارس براحه: هذي الساعة المباركة .. ما بغت توافق الآنسة ديانا نخطبها رسمي


ضحك يوسف وراح باس راس امه وقال: انا طالع الحين تآمريني بشي ؟!!


طالعته امه وهي معقده حواجبها: الساعه 12 وين بتروح هالحزة ؟!!


يوسف بابتسامة: الشباب عازميني على القهوة .. وبعدين يمه الليلة الجمعه باجر الناس اجازة .. يعني تو الناس على النوم باختصار


طالعته وقالت بابتسامة: انزين تحمل بروحك زين .. لا تسوق بسرعه بالطريق .. ولا تتأخر واااجد بره


يوسف وهو يأشر لها يعني باي : ان شاء الله يمه مع السلامه


أم فارس: الله يحفظك ..



قعدت شوي تطالع التلفزيون بعدين راحت غرفتها تنام ويا رجلها الا ما تجي الساعه 10 ونص الا وهو رايح بسابع نومه ..





///





ظلت تتأمل فونها بعد ما سكرت عن يوسف ولد خالتها


رغد بخاطرها: " أحبه والله أحبه .. ياااربي صبرني متى يخلصون هالشهرين بس عشان نتزوج "


وهي باعماق افكارها واحلامها الورديه طبت عليها اختها أروى بصراخ : رغــــــــدوووووووووووووو ووه


رغد برعب: و صمــخ ان شاء الله .. أسمعج انا موب بلندن


أروى وهي تحرك حجاتها بخبث: هاااه .. سرحانه بالحبيب ؟!!


رمقتها بنظرة ناريه وهي ترمي عليها مخدات السرير : أقووول فجي عنــييي


ضحكت أروى وهي تتفادى رمياتها: ههههههههه انزييين بروح بس أول بقولج ترى أمي تقولج انزلي بيت عمي هوووون عمووووري هوووون .. وحركت لها حجاتها بخبث


زفرت رغد بضيق: وييييييييع ثقيييل الدم ويااهم بعد


أروى وهي تقلد عمّار ولد عمهم: يا بعد عمري والله أحبج فهميني أرجوج


رمتها رغد بالمخده الكبيرة الا صوبها: فجيني بس والله سديتي نفسي


ضحكت أروى و طلعت عنها .. أما هي ظلت تتأمل فونها لثواني آخرى .. وقامت تبدل ثيابها وتسلم على بيت عمها.. ولو انه مالها مزاج لولد عمها السخيف ..



[ رغد 23 سنة ]

[ أروى 19 سنة ]





///





على الساعه 1 و ربع ..


فتحت عيونها ببطئ وهي تحس جسمها متكسر زيادة على ماهو متكسر
لقت روحها نايمة على الأرض ..



قامت قعدت على السرير وهي تفكر : " لمتى بظل فارس حابسني بهالغرفة .. تمللت لاعت جبدي .. خل أقوم أشوف يمكن الباب مفتوح .. أبي أكل شي أحس بطني يعورني من الجوع "


راحت الحمام غسلت وجهها وظلت تتأمل فترة فيه .. أشوه ان الضرب ماكان يجي على وجهها .. بس كان متوزع على باقي جسمها .. ظلت تتأمل وجهها .. عيونها وساع بنيه ورموشها كثاف بس تحيط هالات حوالين عينها من التعب والارهاق .. خشمها طويل .. وشفايفها مليانين بس جافين .. ووجهها بشكل عام كانت باهت من التعب .. جففت وجهها من الماي وتقربت من الباب ..


سمت باسم الله و دارت المقبض .. لقته مقفول .. انقهرت بداخلها .. ورجعت قعدت على السرير بخيبة أمل .. ضمت رجايلها لصدرها وسندت راسها على ركبها ..


شوي و سمعت صوت قفل الباب ينفتح .. بس الباب ماانفتح .. قامت وتقربت شوي شوي من الباب وفتحته شوي شوي ..


ما شافت أحد بس شافت المفتاح من بره .. خذته وحطته بالباب من داخل .. وطلعت راحت المطبخ تشوف لها أكل



بس قبل لا توصل المطبخ .. سمعت صوت أغاني و ناس بغرفة الضيوف .. تقربت الا تشوف شي صدمها .. خلاها تتجمد بمكانها ..



جواهر شهقت وقالت بصوت مكتوم: لا مستحيل .. لا ياارب ماني مصدقة عيوني


كان فارس ووياه اثنين من ربعه .. وبنتين بلبس فاضح .. ويرقصون


انتبه واحد من الشباب عليها وتسرب بدون ما ينتبهون له .. هي خافت وحاولت تبتعد عن انظاره .. بس وين ماتروح هو يلحقها .. راحت المطبخ وتوها بتطلع من الباب الخارجي الا هو يمسكها من معصم يدها: الحلوو وين بيرووح ؟!!


سحبت يدها بقوة منه وقالت بحزم: لا تلمسني .. عيب عليك تتحرش بحرمة صديقك


شافت شيله معلقه سحبتها بسرعه تلبسها وهي تتذكر انها بليا شيله ..


ضحك وقال: ولا شكلها طويلة لسان بعد .. حراام ليش تغطين الجمال ؟!! .. انتي وين كنتي عنا طول هالوقت !!!


رمقته بنظرة احتقار وقالت: مالك خص واذلف عن ويهي لا أنادي لك فاارس


ضحك بقوة أكبر من الا قبلها وقال وهو يسحبها من خصرها: بلا فاارس بلا خيّال .. خلي هالليلة لنا بروحنا بس !!


دفعته بقوة عنها وهي مشمئزة من قربه منها وراحت علطول لغرفة الضيوف بندت المسجل و هي تقول بغضب: شنو حنا فاتحين ديسكوو ببيتناا ؟!! يالله كل واحد يلم أغراضه ويروح على بيته


فارس بغضب أكبر: هــي هي هيييي .. شنــ .. شنــــو ... كــ .. كــــل .. واحد .. يـــ .. ـروح .. بيتـــه .. استجنيتي انتي .. هذا .. بـ .. بيتـــي .. انااااا .. " وهو يأشر على عمره وعليها " وانتي مالج .. د .. دخـــل .. منو .. يدخـــل .. و .. منو يطلــــع !!


فتحت عيونها على وسعها .. رجلها سكرااااااااااااااان ..فااارس سكرااان .. كانت صدمة بالنسبة لها .. صدمة كبيرة بعد ..


راحت وحدة من البنتين وبكل جرآة فتحت المسجل مرة ثانيه وعطتها نظرة استخفاف وردت رجعت لحظن فارس .. اهني هي اشتعلت غيرتها .. قبل لا يكون فارس زوجها كان حبيبها ..


راحت للبنت وسحبتها من حظنه وعطتها كف قوي .. تلاه عدة ضربات متتالية والبنت متفاجآة ومتصنمة .. بس شوي وحست ان احد يسحبها ويحظنها من ورا و مسك اياديها بشكل اكس بحيث ماتقدر تتحرك .. طلع هو نفسه الا من شوي تحرش بها ..


ضحك فارس وقال وهو يالله يطلع منه الكلام: ايييييييــه .. ع .. عندك اياهاا جاسم .. عيــ .. ــل .. تضـــرب عالــيــه .. تعالـــ.. ـــي .. حبيبتي و .. أنااا .. آســـف .. لأن .. هالـ **** .. مــ .. مدت .. يدهـا يعلها .. الكسر .. عليــــييج


انصدمت وبغت تصيح .. رجلها يسبها قدامهم وكله على حساب وحده ماتسوى ظفر منها .. حاولت تتملص من هالجاسم .. بس كان هو أقوى منها وماسكها بالقوة .. مشى بها لين غرفة نومهم هي وفارس سابقاً .. هني هي نزلت دموعها وما تحملت


وقامت تصارخ وترفسه وتحاول تفلت منه .. بس يا جبال لا يهزك ريح .. و لا كأنها تسوي شي .. دخل الغرفة ورماها على السرير وقفل الباب ..


قالت وهي تصيح بقوة : حراااام عليييك والله حرااااام عليييك .. أنت ماااتخاااف الله .. ماعندك خواااات ؟؟!! ما تخااااااااااف اللــــــــــــــه !!!!!


قال وهو يبتسم على جنب: لا افتكيت ماعندي خوات .. ودام فارس راضي بهالشي ليش الصياح ومعورة راسج وراسي ؟!!


تقرب منها بس هي ابتعدت لين ما لصقت بالجدار وهي تذكره بالله وتحاول تحنن قلبه .. بس قلبه من حجر وكان الشيطان عامي عينه وقلبه .. حاول يسحب الشيله من راسها بس هي عيت تفصخها .. سحبها بقوة اكبر ورماها أبعد ما يمكن عنهم .. تقرب منها



هي هني صرخت بأقوى ماعندها: يـــــــــــــــااااااااا ااااااااااااااااااااااارب ســــــــــــــــــــاعــ ـــــــــــــــــدنــــــ ـــــــــــــــــي !!!!!



واغمـــى علييهاااا ..


اسطورة ! غير متواجد حالياً   رد مع اقتباس
قديم 14-09-13, 01:02 PM   #3

اسطورة !

نجم روايتي ومشرفة سابقة وفراشة متالقة بعالم الازياء

alkap ~
 
الصورة الرمزية اسطورة !

? العضوٌ??? » 120033
?  التسِجيلٌ » May 2010
? مشَارَ?اتْي » 15,367
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » اسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond repute
¬» مشروبك   pepsi
?? ??? ~
My Mms ~
افتراضي

بعد مرور ثلاث أسابيع ..




طلعت من بيتها وهي تتحسب على ولدها الا سود وجهها قدام الناس .. وطول الطريق تفكر شنو تسوي وشلون تقابل جواهر اذا قعدت وشنو بتقول لها !!!



تتذكر يوم جاها اتصال من رقم غريب يقولها ان جواهر مرت ولدها البجر مرقدة بالطوارئ وبحالة حرجه .. ومن زود ربكتها سألته في أي مستشفى وسكرته ونست تشكره ..




صرخت على مها ومحمد الا يتهاوشون: انتوا بتسكتون ولا شلوووون ؟!!




مها ومحمد بعد صرخت أمهم كل واحد بلع لسانه ..



افترت لها سارة الا تسوق وهي تقول: ياايمــه هدي عمرج مو زين تسوين بروحج جذي



طالعتها بنظرة يشفق الواحد عليها لو شافها بها وكانت بتقول شي بس سكتت ..

افترت سارة تطالع الطريق وهي تقول: لا حول ولا قوة الا بالله العظيم




وصلوا المستشفى وراحوا صوب القسم الا فيه مرقدة جواهر .. شافوا ابو فارس هناك وابو حميد عم جواهر ..



" جواهر امها وابوها توفوا بحادث بعد ماتزوجت فارس بشهرين .. وهي وحيدتهم "



كان معاهم يوسف وحميد بنفس عمر يوسف ..



تقدمت ام فارس صوبهم وسلمت على ابو حميد وحميد وقالت بقلق : هااه شحال جواهر الحين ؟!!




هز ابو فارس راسه بأسف: للحين بغيبوبتها .. ما تغير شي !!



هزت راسها ام فارس وهي تدعي على ولدها للمرة المليون: حسبي الله عليك يااافااارس .. سودت وجوهنا ياقليل الحيااا .. وحست بدوار راس وطاحت



راحت سارة تركض نادت على ممرضتين الا جو اخذوا ام فارس وودوها غرفة خاصه ترتاح ..



جيكوا على الضغط طلع عندها هبوط فيه وفي السكري .. حطوا لها المغذي وعطوها الأدوية اللازمة وطلعوا عنها عشان ترتاح ..



نزل ابو فارس راسه بأسى من هالحال وقعد على الكرسي حزين ..



جا له ابو حميد يطبطب على كتفه : " قل لن يصيبنا الا ماكتب الله لنا " .. تصبر ياابو فااارس وقوي قلبك مب عشان شي عشان مرتك وعيالك وهالمسجينه الا مب داريه عن الدنيا .. لعله خير لكم ياابو فاارس



ما تحمل ابو فارس وقعد يصيح .. وكأنه يبي أحد يسوي له جذي عشان يطلع الا بخاطره ..



الكل انصدم حزتها ان ابو فارس يصيح .. بس عذروه المصيبه كبيره الا طاحت على راسه .. ولده البجر نزل روسهم بالأرض ..




قعد ابو حميد يواسيه لي ما هدى وقال بغضب : يعلك ما تتوفق يا فارس وين ما كنت .. بس خلني أشوفك .. خلني أشوفك .. والله لأربيك من أول وجديد يا مسود الوجه






في غرفة ام فارس ..





كانت ام فارس نايمة على السرير الطبي .. وجنبها سارة تقرى قرآن .. ومهاا شوي تصيح وشوي تقوم تصلي وتدعي لجواهر وامها .. وشوي تهدى



مرت نص ساعه وقعدت ام فارس وقالت بصوت مبحوح : جوااهر .. يمـه جوااهر !!!



انتبهت لها سارة ، مسكت يدها واليد الثانيه على راسها تمسح عليها: آمري يمــه .. انا سارة .. بغيتي شي ؟!!



ام فارس بعيون مدمعه: وين جواهر ؟!! للحين ما صحت ؟!!



سارة خنقتها العبرة بس جودت روحها عشان امها : لا يمــه .. ادعي لها .. ادعي لهاا



غمضت عيونها ام فارس بحزن .. ودخلت مرة ثانيه لعالم النوم ..



أما سارة هزت راسها بأسى والتفت على اختها لقتها نايمة بحجاب الصلاة على سجادة الصلاة .. ابتسمت بحزن وسندت راسها على ايدها وغمضت هي الثانية عيونها ..






///







كان قاعد ويا ربعه يشرب جاهي " شاي " ومروق ويضحك .. ولا كأن زوجته بالمستشفى بين الحياة والموت ..


التفت على واحد من الشباب وهو يصارخ: حـــــــــي الله هالشـــــــوفه .. وينـــك يا رجـــال ما نشـــــــوفك مختفـــــي ؟!!!



ضحك راشد على رفيقه محمد وقال بحبور : موجود والله .. بس تدري الدنيا ومشاغلها



محمد بابتسامة: اييييه قدييييمه دور لك عذر غير هذا .. اقعد بس اقعد .. بطلب لك ذاك الجاهي الا يعدل لك راسك



قعد و فارس للحين ما شال عينه من عليه .. ووده يجلع راسه من على جسمه .. يكرهه بشكل فظييييييييع .. والسبب بتعرفونه مع أحداث القصه ...



انتبه راشد على نظرات فارس المتفحصه وقال بطريقة استفزازية: أنت هني ؟!! مب كأن زوجتك بين الحياة والموت في المستشفى .. ايييييه شـ هامك انت !! عندك الخايسات معنهم ما يجون ظفر من جوااااااهر " وركز على اسمها "




فارس بعصبيه: مااالك دخل فيني .. انااا حر بتصرفاااتي



راشد وهو يأشر بيده بعدم اهتمام: حتى رده مثل وجهه .. بالله عليكم احد زوجته بالمستشفى وفي حالة خطرة ويقعد بالقهوة ؟!!



قام فارس والا كان يبيها شارة .. وراح لراشد وسحبه من ثوبه صوب صدره .. وقال والشرار يتطاير من عيونه: انت بتسكت وبتكفينا شرك ولا شلون ؟!!



[ راشد يصير ولد عم حميد ولد عم جواهر .. عمره 26 .. وكان يحب جواهر .. بس يوم تزوجت المغرور على قولته .. حاول ينساها .. لانها على ذمة رجال غيره ]





راشد بنظرة اللامبالاة: شبتسوي يعني ؟!!!


ومالحق يكمل جملته الا يجيه بوكس قوي من فارس .. وتلته اثنين وثلاثه .. بعدين قاموا الشباب يحاولون يفاججونهم .. وبالغصب فجوا فارس عن راشد ..



فارس بنرفزة: هدوووني عليييه .. خلوني اعلمه منو فااااااارس !! عشااان يعرف يتحجج فيني مرة ثانيه



رد راشد الا كان جسمه اضعف واقصر شوي من فارس الضخم والمعضل: اييييه خلووه بشوف وش بسوي المغرووووووور !!!



كلمة المغرور استفزت فارس أكثر .. وقام يقاوم اياديهم الا تمنعه عنه بكل ماعنده ..



لين ما حصل ضربه على راسه .. واغمي عليه ..




صرخ راشد بصدمه: سيييييـــــف .. ليييــــش سويييت جـــــذي ؟؟!!





[ سيف أخو راشد اصغر منه بسنة ]





سيف نزل الحديدة وايده ترتجف بالخفيف: لا تبيني اسكت لين مااشوفه يقتلك من الضرب مثلاً ؟!!! خلوه بسيارته الحين شوي وبقوم ما ضربته بقوة انا


هز راشد راسه بمعنى لاحول ولا قوة الا بالله العلي العظيم وحملوا فارس لسيارته وحطوه فيها .. بعدها كل واحد تقفل المزاج عنده و طلع لبيته ..







في سيارة راشد ..




راشد بعصبيه: انت ليش جذي ؟؟ الحين لو طلع صار فيه شي .. شنو بنسوي ؟!!


سيف بلا مبالاة: ما بصير فيه شي أبو سبع ارواح هذا .. وبعدين أحسن على الأقل تفتك جواهر منه .. معذبها على قلة فايدته



اسم جواهر كان مثل اللسعه على قلب راشد المحروق قهر ..



آآآه وينج ياا بعد هالروح والله .. وحشتيني .. ياترى انتي فرحانه وياه ولالا ؟؟!! انتي مرتاحه ولا هو صج مثل ما قال سيف اخوي معذبنج ..

يعله ما يتهنى بحياته اذا كان معذبج .. ياليتني اقدر اسوي شي عشانج .. بس اشوفج فرحانه ومرتاحه .. ياااليييت .. وهالليت ما تفيد شي للأسف ..






انتبه على صوت اخوه: الا ماخذ عقلــــك ... ما يحتاج اكملها !!


راشد وهو يلف لفة بيتهم: سيف بلا سخاااااافه



ضحك سيف و دعم كتف أخوه بحركة شبابية ونزل لبيتهم ولحقه أخوه وهو يقفل سيارته و يضحك على هبالته ..








///







اليوم الثاني


الساعة 12 الظهر ..



في غرفة أم فارس بالمستشفى

كانت سارة قاعدة تعطي امها غداها .. تفاجئوا على مها تدخل بدفاشة وهي تقول بصرااخ: يمــــه .. ســـارة .. جواااهر صحت من غيبوبتهاا !!


شهقوا بمفاجآة وحاولت ام فارس تقوم بس سارة ردتها وقالت لها : انتظري يمه بجيب لج ويل جير " كرسي متحرك "



ام فارس: ما يحتاج انا بخير الحين



فتحت سارة بوزها بتعترض بس قاطعتها امها: بلا هدرة زايدة وسنديني بس


راحت لها وسندتها وراحوا صوب الغرفة الا مرقدين فيها جواهر ..








" بغرفة جواهر "




فتحت عيونها ببطئ وهي تحس بألم فظيييع بكل خلايا جسمها .. هي في وين ؟؟ وشنو صار لها ؟؟ واسئلة وااجد ببالها بس مالها أجوبه !!



استنتجت من ريحة المكان وبياضه ان هي بالمستشفى .. بس ليش ؟!! .. شصار لها ؟!!



حطت يدها على راسها بألم فظييع وماحست الا على دخول الدكتورة ووياها سستر : الحمدلله على سلامتج اخت جواهر .. شدعوه خوفتينا عليج ثلاث اسابيع نايمه !!!



كانت بتتكلم بتقول شي بس جفاف حلقها معارض هالشي ..



قالت السستر: do you want water ؟؟



هزت راسها بايجاب ..



عطتها السستر ماي وردت سندتها بلطف على السرير .. عقدت حواجبها من ألم راسها وبطنها بنفس الوقت : آآآآآآآآآآآخ



الدكتورة بنظرة حنان: ماعليه تحملي .. هاي ألم طبيعي براسج لانج مب ماكله زين وكنتي تحت ضغوط نفسيه عميقة .. وأكيد انج تحسين بألم خفيف ببطنج .. بس شي طبيعي .. الحمدلله ان الجنين ما تأثر وهو بخير وسلامة





بهاللحظة دخلت ام فارس وسارة ومها على آخر كلمتين .. شهقوا منصدمين : جنييين !!!! جوااهر حاااااامـــــل ؟؟!!!!




جواهر بروحها مب اقل صدمة عنهم .. ما توقعت ابداً انها تحمل .. ولا بهالظروف بعد .. نزلت راسها بحزن وهي تفكر ..




بينما قالت الدكتورة ببتسامة: ليش ما تدرون انها حامل باسبوعها الثانــــي ؟!!



[ نهـــاية النـغمــــة الأولـــــى ]




/

\


اسطورة ! غير متواجد حالياً   رد مع اقتباس
قديم 14-09-13, 01:04 PM   #4

اسطورة !

نجم روايتي ومشرفة سابقة وفراشة متالقة بعالم الازياء

alkap ~
 
الصورة الرمزية اسطورة !

? العضوٌ??? » 120033
?  التسِجيلٌ » May 2010
? مشَارَ?اتْي » 15,367
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » اسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond repute
¬» مشروبك   pepsi
?? ??? ~
My Mms ~
افتراضي

|[ على نغمات الموت ]|




النغمة الثانيــة :~




يـوم الجمعه ..



الساعة 7 صباحاً ..



بالمستشفـى ..




فتحت جواهر عيونها وهي تتأمل المكان .. اليوم الرابع لها وهي بالمستشفى من صحيت .. متى بتطلع خلاص لاعت جبدها من ريحة المعقمات والأدويه ..



حطت ايدها على بطنها وهي تفكر بحزن: " يا تـرى .. أنت ياللي ساكن بحشـاي .. وضحكت باستهزاء .. من منو من هالثلاثة ؟!!.. هزت راسها وقالت بيأس .. لا تقصين على روحج يا جواهر .. أكيد انه مو من فارس .. ولا من الا كان وياه .. أكيد من الا تحرش بي أول مرة .. آآآخ بس لو اعرف شصار لي بالضبط "




وهي غارقة بأفكارها الحزينة.. ما انتبهت على الا دخل عليها .. بوجه شاحب .. باين عليه ما نام من كم يوم .. ناداها بصوته الجهوري: جـواهـــر !!





ألتفتت عليه جواهر بصدمـة: أنــــــت !!!!!






///






قامت متخرعه وهي تصيح وتصارخ بنفس الوقت: منووو الخاااااايس الا سوااا هالحرررركــــــة ؟؟؟؟؟؟؟؟؟؟!!!!!!





سمعت ضحك وهمهمة .. بس مافهمت لهم .. التفتت لهم بعيون دامعه بس ما قدرت تشوفهم من دموعها ..

مسحتهم بظهر ايدها بحركة لا اراديه وهي تصارخ يوم عرفتهم : يـوسفـــووووووه يالــــــدب .. تعــــــال انــت والخاااايـــس الا ويـــاك جـــان فيـــكم خيــــــررر !!!




ضحك محمد وهو يركض: الحين بردت حرتي مال أمس




يوسف وهو يمسح دموعه من الضحك: الله يغربل بليسك على هالأفكار .. أنا شلون طاوعتك مادري .. زين ما جتها سكته قلبيه




محمد وهو يحرك ايده بلامبالاة : أحسن تستاهل .. عشان هالمرة ما تحط راسها براسي




ضحك يوسف مرة ثانية وهو يتذكر أمس هواشهم على البلايستيشن .. سارة معاندة تبي تطالع التلفزيون مال الصالة ..

ومحمد معاند أكثر مايبي يبند البلايستيشن .. لين ما فازت هي يوم نادت أبوها وعصب عليه وقاله يقوم يدرس أحسن له من هالخرابيط ..




مروا على غرفة مهاا .. الا محمد يطالع يوسف بنظرات خبث




رفع يوسف ايده بعلامة الاستسلام: أنا مالي دخل بهاا .. مافيني تفلعني بحديدة تكسر وجهي " وهو يتذكر عصبية مها الدائمة "




محمد بابتسامة: كيفك عيل بتفوت عليك ذاك الضحك الزين




اشر له يوسف انه مو مهتم ونزل يشوف امه .. لقاها بالمطبخ تعوبل




راح لها وباسها على راسها: صبحج الله بالخير يمـه




أم فارس: هلا بوليدي .. صبحك الله بالنور والسرور يمـه




يوسف بابتسامة مرح: الحلو شو بيعمل ؟!!




ابتسمت أم فارس: أسوي ريوق لجواهر .. تاكل لها أكل البيت أحسن من أكل المستشفيات و أفضل للجنين " وزادت ابتسامتها عند كلمة الجنين "




يوسف بنفس الابتسامة: ايييه يمـه من قدج بتصيرين جده




تنهدت وقالت: الله يسوي الا فيه الصلاح .. الا بقولك ما شفت أخوك ؟




يوسف باستفهام: أي أخو ؟؟!!




أم فارس: فيه غيره الا متعبني معاه ؟؟! أخوك فارس




يوسف بحنيّه: سلامتج من التعب يمـه .. لا والله من طاحت جواهر بالمستشفى مااشوفه مختفي .. وكأن الأرض انشقت وبلعته .. الا بقولج يمـه هو شصار على جواهر ؟؟!! يعني ليش طاحت بغيبوبه ؟!!




أم فارس بحزن: والله علمي علمك .. بس تقول الدكتورة انها مب ماكله من فترة طويله وفيه أثار ضرب بجسمها .. غير انها حامل هالشي أثر عليها




تفاجأ يوسف: معقووووله فااااارس يضربهاااا ؟؟!!! اذكر علاقتهم ببعض اوكيه بس فجأة صار بينهم نوع من التوتر ..




أم فارس: لالا مااتوقع .. لا تتسرع بالحكم على أخوك .. يمكن من شي ثاني




يوسف مااقتنع توه برد عليها الا توصلهم صرخة مهـــاا خلتهـــم يتصــرقعــون بمكاانهــــم ..






وبعدها نزل محمد يركض بسرعة على الدرج وهو ميت من الضحك ووراه مهـا الا بايدها دبدوبها الكبير وتحاول تضربه به ..




أم فارس بعصبيه خفيفه: حسبي الله عليكم .. خوفتونا عليكم عبالي صاير شي جايد .. وبعدين انتي شلون نازله بهاللبس بسرعه روحي بدلي



ضحكوا يوسف ومحمد وهم يشوفون نظرات مها المنحرجة الا تطالع بجامتها الكت والبرمودا ..


قالت بنرفزة: والله شوفي ولدج .. دخل غرفتي لا احم ولا دستور .. وفوق هذا " قالت وهي تنتفض مشمئزة" رمى عليّ وزغه ميته


اهني ضحك يوسف بقوة ..


عصبت أم فارس طالعت يوسف بنظرات: اسكت انت .. ( ردت تطالع محمد وسحبته من أذونه ) .. وانت مسود الوجه تدخل على اختك جذي لا احم ولا دستور لييش ؟؟!! مب قايلة لك عيييب تدخل على اختك بدون ما تطق الباب


محمد يتألم: آآي آآي آآآآي .. مـــامــي يألـــــم


مها تقلده بقهر : مــامـــي يألـــــــمم !!



اهني يوسف ما قدر يجود عمره ضحك بقوة .. كلهم طالعوه بنظرات يطلع منها شرار .. رفع ايده بمعناة الاستسلام وهرب للمطبخ يتريق ..








///





جمعت الباقي من قوتها وقامت من سريرها وراحت صوبه تطالعه بنظرات لوم وتأنيب .. تبي منه أسباب الا صار .. تبيه يفسر لها الا صار .. وليش سوا جذي !!!!



وهو كان يطالعها بكل قوة عين ولا كأنه مسوي شي: خير ليش تطالعيني جذي ؟!! أول مرة تشوفيني ؟!!!


جواهر باستهزاء: لا سلامتك.. بس وحشني حبيبي صار لي زمان ما شفته


تنرفز شوي من لهجتها الاستفزازية.. و جودها من ذراعها بقوة


توه بيتكلم بس سبقته صبعتها وهي تحطها على شفايفه: اترك ايدي .. ماتدري إني حــااااامــــل ؟؟!! " وركزت على آخر كلمة "


هو تفاجئ .. وبان على وجهه الصدمة وقال بهمس: من متى ؟!!


سحبت يدها بقوة منه وضحكت باستهزاء ..

عطته ظهرها ومشت شوي بعيد عنه وقالت بحزن حاولت ما تبينه: من متى ؟!! من يوم تجيب المنكر بيتي .. وعاد من منو لا تسألني .. مادري هالياهل منك ولا من احد غيرك


فارس فهم تنغيزها .. لا إرادي طبعت يده على خدها .. حطت يدها على خدها متألمة وقالت والدموع بعينها: بعد تضربني ؟ بعد تمد يدك عليّ ؟ ايييه معلوم لآنك ان ما ضربتني ما تكووون فااااارس .. ما تكوون .. "خنقتها العبرة وقامت تصيح بألم "


قعد يطالعها بنظرات مالها أي معنى ..


توه بيتكلم بس قطعته هي: انت ليش تسوي فيني جذي ؟ من أول ما تزوجنا من 5 شهور وانت تعاملني عادي بس بعدين تغيرت كلللش .. حتى ليلة العرس .. حلم كل بنت انها تكون أحلى ليلة بحياتها .. بس أنا كانت أخس ليلة بحياتي .. تركتني فيها وحيدة وطلعت مادري لشنو ؟؟!! .. لييش تسوي جذي فيني ؟؟!! .. أنا شنو سويت فيك ؟ شنو سويت فيك يااافاارس قولي شنو سويت فيك ؟؟!! " شهقت بقوة " .. حتى يوم تجي البيت " ما حبت تقولها الكلمة " ما صدقت عيوني مااا صدقت .. أنا بشنو قصرت معاك قووولي بشنو قصرت معاااااك ؟؟!!!



فارس طالعها بنفس النظرات ما تغيرت ولا حركت فيه شعره وحده .. وكل الا سواه انه اخذ بعمره وطلع من عندها ..



ظلت تصيح وهي منهارة و تقول: حسبي الله ونعم الوكيل فيك ياا فاارس .. حسبي الله ونعم الوكيل فييييك !! تعبت منك تعبببببببت ..


قامت تتمتم بكلمات عتب عليه لحد ما نامت ودموعها على خدها .. دموع يتيم ماله احد سوى ربه يشتكي له ..





///




طلع من عندها وكلامها يرن بإذنه ..


" أنا شنو سويت فيك ؟ شنو سويت فيك يااافاارس قولي شنو سويت فيك ؟؟!! "


شغل سيارته وطار للبحر .. الوحيد الا يفهمه ويقدر يفضفض له بهمومه .. ولا يمل منه ..


" أنا شفيني .. صج ليش تغيرت عليها جذي ؟ .. قبل كنت اتقبل وجودها وكنت بنسى شهد وحبها .. بس "


تذكر مرة كان رايح عند حميد ولد عم جواهر الا كان رفيقه قبل بس الحين ما يطيقون بعض .. وشاف بالصدفة جواهر عندهم ..

وقام يشاكك فيها لأنها ما خبرته أنها بتروح بيت عمها .. وكان شيطان الأنس شاطر ..

رفيقه جاسم حش مخه حش .. لحد ما منعها من روحة بيت عمها بس هي ظلت تروح من وراه لين ما كشفها وحرمها من الطلعه نهائياً لا لبيت عمها ولا لبيت أبوه بعد ..


تذكر كلام جواهر "وعاد من منو لا تسألني.. مادري هالياهل منك ولا من احد غيرك "


انقهر وحس بـ غيره غير طبيعيه .. قام بسرعه وركب سيارته وطيران على المستشفى مرة ثانيه ..



دخل الغرفة شاف امه فيها وهي تحط الأكل بهدوء على الطاولة عشان ما تقعد جواهر و خواته الثنتين سارة ومهاا .. سارة تقرى عليها من كتاب الله ومها صوبها تسمعها ..


سارة من انتبهت له ختمت قرايتها وقالت بهدوء: فارس !!


على طول التفت أمه و اخته مها عليه ..


أم فارس باستخفاف: يا حي الله الشووفه .. من طول الغيبات جاب الغنااااايم


فارس انقهر من اسلوب امه بس قال بخاطره " أستاهل أنا الا جبته لروحي "


تقرب منهم وباس راس امه الا تمت صاده عنه زعلانه على سواياته وسلم على خواته ..

شوي وقعدت جواهر من حست به موجود .. تمت تطالعه بنظرات بس هو مطنش سوا روحه مشغول بأي شي إلا نظراتها ..


جواهر لعمتها: يمـه متى بطلع وبروح بيتي لاعت جبدي من المستشفى ؟!!


أم فارس: قريب يمـه قريب .. وبعدين اذا طلعتي تجين عندي البيت .. " طالعت ولدها بنظرات لها معنى " .. ما أأمن عليج أخليج بروحج ببيت شكبره ومحد معاج وانتي حامل !


فارس تنرفز و كلمة حامل ذكرته باللي جاي عشانه ..



وقف وتقرب منهم وقال بصوت جهوري مخاطب لجواهر: الا ببطنج هذا تنزلينه سامعه ؟؟!!


جواهر شهقت منصدمة و وياها سارة ومها .. وتوها بترد عليه بس سبقتها أمه : شنــــــو ؟!! شقــــلت عيـــــد ما سمعـــــت !!!!


فارس بنظرات باردة وهو للحين يطالع جواهر: الا سمعتينه


أم فارس بعصبيه: لا انت اكيد مب صاحي .. شنو تنزل الا ببطنها خااف ربك هذا روووح


فارس ببرود: للحين ما صار فيه روح بعده بأول أسابيعه " مسك جواهر من معصمها يقومها" .. يالله قوومي الحين بعد



جواهر قامت تصيح أما سارة ومها الصدمة كلت لسانهم وجمدتهم حتى عن الحركة .. سحبت أم فارس ايده بقوة من ايدها وعطته كف يصحيه من الا هو فيه ..


فارس انصدم من حركة امه وما توقع ابداً انها في يوم من الأيام راح تضربه .. ولا قدام خواته ومرته ..

عصب وطلع من الغرفة وبعدها من المستشفى بكبره .. شغل سيارته ومشى إلى المجهول !!


أما جواهر فقعدت تصيح على حظها العاثر دايماا واللي ماانكتب لها بحياتها الا الحزن والشقاا ..

حظنتها أم فارس تهديها وهي تتحسب على ولدها وفعايله .. اللي مهماً كبر دبر .. وبدل لا تقول عقل .. صار أخس عن أول !!!






///







بندت التلفزيون وهي تقول بحنق: سخيييييييييف الا ألّف هالفلم


مسحت دموعها الا نزلوا أثر تأثرها بنهاية الفلم الحزينة وموت البطل الا ضحى بحياته عشان البطله حبيبته ..

هي ولا مرة صاحت على فلم ولا مسلسل ولا روايات .. لآنه عندها الا يصيحون على هالاشياء ماعندهم سالفه ..

بس من حبت يوسف ولد خالتها صارت حساسه بزيادة و اقل شي تتأثر والدمعه على الخد ..


راحت المطبخ سوت لها كوفي لآنها مواصله من أمس ما نامت .. بالأصح ما جاها نوم ..

قالت بتتصل ليوسف تسولف وياه شوي يمكن تتعب وتنام .. بس غيرت رايها على طول قالت يمكن هو مشغول ولا شي ..


طلعت للحديقة وقعدت على الطاولة .. وحطت الآي فون بأذونها وسرحت بعالم أحلامها .. وكان فيه نسمات هوا تمر عليها وتطير شعرها الويفي الطويل ..


فجأة نقزت من مكانها على رنة تلفونها .. علطول عرفت انه يوسف لآنها حاطه له رنه خاصه .. شالت الآي فون من أذونها وردت بصوت باين انه تعبان: ألووو ..


يوسف بمرح: هلا و الله بالورد .. صبآح الخير .. خربنا نوم الحلوين اليوم

ضحكت وقالت برقه: أهلييين فيك .. صبآح الجوري .. أنا متى نمت عشان تخرب نومي !!

يوسف بمفاجأة: موآصله من أمس ؟؟!! ليش ما نمتي ؟؟!!


ردت وهي تهز كتوفها بلامبالاة: مادري .. جاني أرق .. المهم ماعليك مني .. شخبارك انت اليوم ؟؟!!

يوسف بعتب: لا تقولين جذي .. اذا ما عليّ منج عيل عليّ من منو ؟!! .. أنا اليوم مو بخير دام حبيبي مو بخير


قالت وضميرها يأنبها: خلاص آسفه ما بقولها مرة ثانيه اذا تضايقك


يوسف بحنان: أكيد تضايقني .. شفيج حبيبتي ؟!! من شنو ما نمتي للحين .. الساعة 10 الحين

رغد بشفافيه: تبي الصراحه .. أفكر فيك " وسكتت مستحيه ماتدري شتقول .. معنهم صار لهم فترة مو قصيرة يكلمون بعض في الفون بس بعدها تستحي منه "


ابتسم يوسف وقال بنفس نبرة الحنان الا تذوبها: ليش الحلو يفكر فيني ؟ أنا بخير مافيني شي .. وبعدين اذا حبيبي ما نام زين ولا أكل عدل .. أنا هني أصير مو زين


رغد طار منها الكلام وسكتت مستحيه: --------------------


ضحك يوسف بعذوبه: ههههههههه مستحيه مني .. للحين تستحين مني رغد ؟؟!!


ضحكت رغد لضحكته: ههههه أي ..


يوسف: فديت الا يستحون أناااا .. آآآآخ متى يكملون هالشهرين على خير .. و بسوي الملجة والعرس بيوم واحد


احمرت رغد وبقوة وانبلع لسانها: ----------------------


ضحك يوسف وقال بخبث: خااطري أشوف شكلج الحين .. أكيد فيسج أحمررر كأنه طماطية


رغد بحياا: يووووسف


يوسف بحنان: عيونه روحه قلبه حياته





توها بترد عليه الا تسمع صوت زلزل كيانها خلاها ترتجف ويطيح الفون من ايدها ..






|[ نهــــــايـــــة النـغــمـــــة الثانـــــيـــة ]|



اسطورة ! غير متواجد حالياً   رد مع اقتباس
قديم 14-09-13, 01:05 PM   #5

اسطورة !

نجم روايتي ومشرفة سابقة وفراشة متالقة بعالم الازياء

alkap ~
 
الصورة الرمزية اسطورة !

? العضوٌ??? » 120033
?  التسِجيلٌ » May 2010
? مشَارَ?اتْي » 15,367
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » اسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond repute
¬» مشروبك   pepsi
?? ??? ~
My Mms ~
افتراضي

|[ على نغمات الموت ]|




النغمة الثـالثــة :~





توها بترد عليه إلا تسمع صوت زلزل كيانها خلاها ترتجف ويطيح الفون من ايدها ..


صوت مثل فحيح الأفعى في بحته وخبثه ..


يوسف خاف على رغد وقام يناديها: حبيبـــتي .. رغــــد .. عمـــري رغـــــد وييينـــــج ؟؟!!


رغد كانت متصنمة حتى إنها ناسيه أنها بليا شيله .. وبس تطالع في الا قدامها ..


عمَار: شنو شايفه جني ؟ .. الا ولد عمج


يوسف كان يسمعه وهو منصدم بس ما تكلم لان أوردي ما بتسمعه .. قعد يسمع شنو يقول هالعمّار لحبيبته ..


عمّار وهو يمسك يدها بحب: شفيج عمري ؟ ليش تطالعيني جذي كأني غريب عنج .. أنا عمّار ولد عمج شياج عليّ ؟؟ مو كأننا قبل نحب بعض !!!


رغد ارتجفت من لمسة يده ليدها وسحبتها منه بقوة: لو سمحت لا تلمسني وبعدين انا مو ناسيه من تكون عشان تعرفني بك .. ومنو الا قص عليك وقالك إني حبيتك بيوم ؟ أنت الا توهم عمرك هالشي !!


ابتسم على جنب وهو يأشر بيده: لالالا هذي مو رغد بنت عمي الا اعرفها


وتقرب بيحظنها بس هي ابتعدت عنه و سحبت فونها وانصدمت انها ما سكرت عن يوسف الحين أكيد سمع كل شي وزعل .. أوووف يا ربي عليّ غبااااااء ..


سحبها من معصم يدها: وييين بتروووحين أنا ما خلصت كلامي !!


افترت له بعصبيه وسحبت يدها وصرخت: لا تلمسني كم مرة أقولك ؟!! .. وبعدين ما يهمني خلصت ولالا .. أنت من وين طالع لي .. أووووووووووف


دخلت البيت ما شافت أحد استنتجت انه جاي ويا أبوها ما تدري شعندهم هالأيام ويا بعض .. و نست تسكر الخط للمرة الثانيه ..


توها بتركب لغرفتها الا تسمعه يقولها: تراني خطبتج من عمي ...!!!


أنصدمت ووقف الدم بعروقها ..


///



على الطرف الثاني ..


يوسف انصدم من الا سمعه .. خطبها !!!! متـــــى ؟؟؟!!!!


يعني رغـد بتضيع من ايده .. بتروح ؟!! .. بس ما يجوز خطبه على خطبه .. أنا خاطبنها قبلــه ..


بس لو خيروها بيني وبينه .. بذبحها إن اختارته بذبحهاااااا ..


سكر الفون وقدر حالتها أكيد منصدمة ونست تسكره للمرة الثانية ..


نزل تحت مرة ثانيه يقعد مع أمه بعد ما جفاه النوم من إلا سمعه .. لعل وعسى يتونس شوي ويا أمه وينسى همه ..



///



الساعة 3 الظهر ..

بالمستشفى ..


اليوم بتطلع جواهر من المستشفى .. معنهم رافضين هالشي لأنه يبي لها عناية وانتباه لان لو صار الحين اقل شي احتمال ينزل الجنين ويسبب لها نزيف ..

لآن جسمها واايد ضعيف وتعبان وناقصه غذاء .. بس هي ما رضت تتم أكثر على قولتها لاعت جبدها من ريحة المستشفى !!


طبعاً أم فارس حلفت عليها تجي عندها ما ترجع بيتها .. و جواهر خضعت لقرار عمتها بدون نقاش وياها لآنها فعلا تعبانه وتحتاج أحد يهتم فيها ..


في السيارة ..

كانت جواهر قدام ومها وسارة ورا .. ما رضى فارس تقعد جواهر ورا و أصر تقعد قدام جنبه .. معنها كانت مترددة وخايفة بس طمنت روحها إن وياهم سارة ومها أكيد ما بيقدر يسوي فيها شي !!!


طول الطريق كانوا ساكتين .. ويوم وصلوا نزلوا سارة ومها وتوها جواهر بتنزل إلا فارس يمسك يدها بقوة يجبرها إنها ما تتحرك من مكانها ..


ردت قعدت وهي مستغربه وهو أشر لخواته إنهم رايحين مشوار وبردون بعدين ..


هي خافت وبلعت ريقها وقالت بخاطرها: " ليكون بوديني مكان ويتوحد فيني و يضربني !! ايييه يسويها .. الله يستر .. اللهم يا حافظ احفظني و جنيني بعينك التي لا تنام "


وظلت تدعي ربها بخاطرها من قلب .. شوي ووقفوا بمكان مو غريب عليها .. التفتت تطالع المكان من الدريشة .. شافت إنهم عند " مستشفى خاص للنساء "


فتحت عيونها على وسعها وطالعت فارس الا كان يطالعها ينتظر ردة فعلها .. ما صدقت و ردت تقرى اللافته ..


" الا بلى .. مستشفى للنساء .. ليكون يبيني أنزل ولدي ؟ .. يااااربي استر علي "


دمعت عيونها وتوها بتتكلم بس سبقها فارس : أنا جبتج مو عشان تصيحين .. جبتج عشان أفحص إذا هذا ولدي ولا لا !!


جواهر صاحت بقوة وهي تحس بالإهانه وكأنه هالشي صار برضاها .. ضمت شفايفها ببعض بقوة وتوها بتتكلم الا يحط فارس صبعته على شفايفها: اششششش .. ما أبي نقاش .. تقومين وانتي ساكته .. لكن شوفي إذا ما طلع ولدي .. تنزلينه يعني تنزلينه .. أنا ادري انج مالج دخل بهالشي " طالعها بانكسار " ادري إني السبب .. بس كنت سـ " وسكت ماحب يقول الكلمة " .. كنت مو بوعيي يوم أسوي هالشي ..


وبسرعة بدل هالنظرة إلى نظرة كبرياء وشموخ وقال بصوته الجهوري: يالله نزلي


نزلت بتردد معنه ما ودها بس غصب عنها بتسوي هالفحص .. قعدوا شوي ينتظرون ونادت الدكتورة على اسمها .. قاموا ودخلوا عند الدكتورة الا أخذتها غرفة الكشف الخاصة .. وفارس ينتظرها بالغرفة على نار ..


طلعت الدكتورة لفارس بوجه ما يبشر بالخير ..


فارس بلهفه: خير دكتورة !! طمنيني ..


الدكتورة بأسف: للأسف أخوي الولد مب ولدك !!


" للأسف أخوي الولد مب ولـــــدك !! "


" للأسف أخوي الولد مب ولــدك "


" للأسف أخوي الولد مب ولدك "


ظلت تتردد هالجمله بباله مليون مرة وقعد على الكرسي وهو منصدم إن الا بباله صح


" آآآآخ يالحقير .. سويييتهاااا واغتصبت زوجتي .. اكتسبت فرصة إني أكون مو بوعيي و سويت فعلتك .. لكن أنا براويك .. دواك على يدي "


قطع تفكيره دخول جواهر عليه بالغرفة و قعدت على الكرسي جنبه بهدوء .. أما الدكتورة كانت تكتب ملاحظات ..


فارس بهدوء: أنزين دكتورة أنا بغيتكم تسوون عملية إجهاض لزوجتي .. هالولد أنا ما أبيه !!


طالعت الدكتورة جواهر بعدها طالعته: بس المريضة بحالة ضعف و مب زين لها الإجهاض ممكن يسبب لها .....


فارس وهو يقاطعها بصرامه: الحين تسوون لها .. و زوجتي أنا أعرفها قوية وما بصيدها شي إن شاء الله


جواهر بدت تصيح وتتوسل فارس انه ما يخليها تجهضه .. بس هو معاند .. حتى الدكتورة ما نصحته تسويها .. بس ظل على عناده


فارس لجواهر: إذا ما سويتين العملية باجر توصلج ورقة طلاقج


جواهر شهقت بمفاجآة ودموعها تنزل بغزارة .. معقووولة بطلقها وهي الا ما صدقت يتزوجون .. لييش يا فااارس لييش تجودني من الايد الا تعورني ؟؟ .. تدري بي ما أقدر أتخلى عنك بهالسهولة .. آآآه ياااربي ما عندي غيرك استجيره .. ياارب سامحني و اغفر لي فعلتي .. يااارب عيني ..



دخلت تبدل ثيابها ولبست ثياب المستشفى .. ووقع فارس على ورقة العملية ودفع فلوسها ببطاقته .. قعدت على السرير وهي تصيح وتشاهق .. وتذكر الله وتقرى آيات وسور الا حافظتهم ..


الدكتورة كسرت خاطرها جواهر وقالت لها بحنان: لاتخافين ما بيعورج وايد بس تحملي شوي


بدت الدكتورة بشغلها .. ويوم وصلت للجزء المهم .. و هي تنزله


صرخت جواهر بألم شديد: آآآآآآآآآآآآآآآآآآآآآه ..



///



في بيت أبو فارس ..


كانوا أم فارس و أبو فارس و يوسف ومها وسارة قاعدين بالصالة ..

أبو فارس يقرى الجريدة ويشرب جاهي .. وأم فارس وسارة ومها يطالعون مسلسل .. و يوسف يلعب بتلفونه شوي و شوي يشرب جاهي ويا أبوه .. متوتر ويبي أي شي أو أي إشارة من رغد عشان يتصل بها ..


أم فارس بقلق: مب كأنهم تأخروا .. الساعة 6 المغرب الحين .. حشى مشوار ساعتين ؟!!

أبو فارس طالع مرته شوي ورد نزل نظره لجريدته: خليهم يا أم فارس يمكن تصالحوا والحين مستانسين ويا بعض ..

أم فارس وهي ترفع يدها للسما: يااارب الله يسمع منك ويكونون تصالحوا ويوفق بينهم ولا يغير عليهم إن شاء الله .. أقولك عين وما صلت على النبي .. أول شحلاتهم سمن على عسل مافيهم شي .. بس مرة وحدة فارس ولدي مادري شياه .. الله يهديه بس !!

أبو فارس رشف رشفة من الجاهي و صك الجريدة وقام وهو يقول: يالله أنا بقوم أسبح عشان أروح المسجد للصلاة

يوسف وهو يحاول يشغل عمره: تو الناس يبـه .. باقي ساعة تقريباً عن الأذان

أبو فارس: شفيها لو رحت من وقت .. خير وبركه .. وعلى قولتهم زيادة الخير خيرين !!

أم فارس: على راحتك يالغالي ..

راح أبو فارس عنهم .. ويوسف رد رجع غرفته يحاول ينام يقضي وقته لين ما يجي وقت الصلاة ..

أما سارة ومها مثل ما هم ما تغيروا .. ولا فجوا عن التلفزيون ..



///



قالت بضيق: حمييييييييــــــــدوووه ويــــهــــــــــد نــــــزل فــــــوني

حميد وهو يضحك ومعصب بنفس الوقت: لا تقولين حميدوه أصغر عيالج أنا ؟

نوراء وهي شوي وتصيح: مـــامـــــا شوووووفيــــــــــه !!!

أم حميد: حميد الله يهداك أنت ياهل تحط راسك براسها .. عطها تلفونها وفكنا من حشرتها

برطمت نوراء: أنا يااااهل ؟؟!! 18 سنة وبعد يااهل ؟!!

حميد بنذالة: وييييييووووو .. قالوا عنها ياااهل ياليااااهـــــل

نوراء بعصبيه: زين أنا ياهل .. وفوني خله عندك عليك بالعافيه به

و دخلت حجرتها وسكرت الباب وراها بقوة .. حميد قام يضحك على أخته وقعد صوب أمه السرحانه ولا أهتم لأخته .. يدري بها شوي و بترضى بروحها وبتنزل ..


[ نوراء 18 سنة ]

[ حميد 26 سنة ]



حميد: شفيج يمه ؟!!

أم حميد: شفيني يعني مافيني شي .. هذاني بسلامتي قدامك !!

توه بيتكلم إلا يدخل أخوه علي وهو ساحب سعيد من أذونه

سعيد يتألم: آآآآآآآآآآآآآآآآآآآخ هــدنـــي والله ما أعيـــــــدهــا

أم حميد تنافخ: شصاير بعد ؟؟!!

علي وهو للحين ساحب أذون سعيد: ولدج المصون صدته يكلم بنات بالتلفون

حميد بنص عيون: مشكل عليك يا شريـــف مكـــة

علي طالعه بإجرام وقال: مالك شغل فيني أنا غير وهو غير

سعيد اكتسب الفرصة: ايييه يمـه صدته مرة يكلم وحدة ويقولها أحبج ومادري شنو !! ويوم ثاني يقولها ما أبي أكلمج عفتج .. وبعدها كـ ..

علي وهو يصكه بكف: جــآآآآآب .. قلتلك أنا أكبر منك وأسوي إلا أباه

أم حميد وهي تسحب ولدها سعيد عن علي: لا مو على كيفك .. وما احترمت حتى وجودي ووجود أخوك إلا أكبر منك .. يا قليل الأدب ..

علي نافخ بعصبيه وطلع بره ..

هزت أم حميد راسها بأسف وقالت لسعيد بأمر: روح اسبح وبدل ثيابك الحين قريب بيأذن روح المسجد ويا أخوك حميد

سعيد بإنطواعية: إن شاء الله يمـه


[ علي 22 سنة ]

[ سعيد 14 سنة ]


أم حميد التهت ويا التلفزيون و ماردت عليه وراح سعيد يسبح أما حميد راح لـ نوراء أخته وطق عليها الباب ..

جاه صوت أخته الطفولي: منــــو ؟؟!!

حميد بابتسامة: أنا حميد

نوراء: الباب مفتوووح

دخل وصدت هي عنه يعني للحين زعلانة ضحك ولفها له وباسها على خدها بخفة: للحين زعلان الحلووو ؟؟؟!!

نوراء برطمت وما ردت عليه واكتفت إنها تمسح مكان بوسته بقوة بحركة طفولية

ضحك مرة ثانية وحط تلفونها على الكمدينو إلا صوب السرير وقعد على السرير صوبها وهو يقول بحنان: شلون أراضي الزعلان ؟؟!!

نوراء مبرطمة: ولا شي يراضيني

حميد بخبث وهو يحرك حجاته: حتى لو طلعه للمجمع ؟؟!!

نوراء بسرعة ابتسمت ونطت عليه: صــــــــــــدق ؟؟!! آي مجمـــــــع ؟؟!!

ضحك حميد بقوة .. وردت نوراء تذكرت زعلها و ابتعدت عنه وبرطمت

حميد: هاااه .. يعني ما في طلعه ؟؟ ما تبين ؟؟!!

نوراء بسرعة: لالالالا أبي .. متى بتوديني ؟؟!!

حميد: بعد الصلاة أوكيه ..

نوراء بابتسامة: أوكيه


بعد الصلاة راحت نوراء ويا حميد المجمع وقعدوا يفترون وطبعاً نوراء ما خلت شي ما اشترته وندم حميد انه اقترح عليها هالاقتراح لو مقترح عليها الحديقة أهون ..



///



انسدحت على سريرها وهي تلعب بشعرها بتفكير ..

شوي وسمعت طق الباب .. قامت و نادت عند الباب: منوو ؟؟!!

أبو رغد: أنا أبـوج فتحـي الباب

رغد بسرعة فتحت الباب: تفضل يبـه

دخل أبو رغد و قعد على كرسي التسريحة وهي راحت قعدت مقابلتنه على السرير ..

أبو رغد: طبعاً أكيد عرفتين أو بالأصح قالي ولد عمج انه قالج انه تقدم لج

هزت راسها بالإيجاب وهي تبلع ريقها ..

كمل أبو رغد: بس قبل لا يتقدم لج تقدم لج يوسف ولد خالتج .. و أنا ما بغصبج على أحد .. وحبيت أخيرج بينهم .. أنتي فكري زين و استخيري الله قبل لا تردين لي خبر .. عندج يومين بس


ارتاحت رغد أن أبوها من النوع المتفهم وما غصبها على شي .. سكرت الباب وهي تفكر .. صلت ركعتين استخاره وعقدت قرارها .. وان شاء الله قرارها يكون صح وما يخيبها ..




///





قام يمشي بتوتر صوب غرفتها في العناية رايح جاي .. اتصلت به أمه للمرة الألف بس مارد عليها .. اتصل به أبوه بعد مارد عليه وبالأخير اضطر انه يغلق تلفونه عشان يفتك من عوار الراس ..


قعد على الكرسي بتوتر وقلق واضحين على ملامحه " أنت شسويت يا فارس شسويت ؟؟!! قالت لك الدكتورة لا تسوي العملية ليش أصريت ؟؟!! هاي عواقب إصرارك أنت تحملها بروحك "


قام مرة ثانية يروح و يجي قدام الغرفة ليما شاف دكتور طالع من غرفتها


جود الدكتور من كتفه ولفاه له بقوة وهو مب حاس بعمره: دكتووووور .. طمني على حرمتي .. شخبارها الحين ؟؟؟!!


الدكتور هز راسه بأسف ومشى عنه بسرعه ورجع ومعاه اثنين ..


دخل وراهم وراح صوب الدريشة يشوف جواهر و ياريته ما شافها .. تمنى انه يموت ولا يشوفها بالوضع .. تذكر وصاياا عمه وعمته فيها قبل لا يتوفون ..


" تحمل ببنتنا تراها وحيدتنا مالنا غيرها .. حطها بعيونك .. احفظها بقلبك وصونها .. تراها طيبه و ما وراها سوء .. لا ترد لها طلب .. اسعدها قد ما تقدر .. وووو "


نزلت دمعته وهو يشوف جسد جواهر يرتفع أثر الإنعاش الكهربائي ويرد يستقر على السرير ..


وصـرخ بأعلــى صوتـــه وهو يسمع صفيـــر الجهـــــاز : جــــوااهـــــر لا تـــروحــــين و تخلـــينــــــــــــي !!!!














|[ نهـــاية النغمـــــة الثــــالثــــــــــة ]|


اسطورة ! غير متواجد حالياً   رد مع اقتباس
قديم 14-09-13, 01:06 PM   #6

اسطورة !

نجم روايتي ومشرفة سابقة وفراشة متالقة بعالم الازياء

alkap ~
 
الصورة الرمزية اسطورة !

? العضوٌ??? » 120033
?  التسِجيلٌ » May 2010
? مشَارَ?اتْي » 15,367
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » اسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond repute
¬» مشروبك   pepsi
?? ??? ~
My Mms ~
افتراضي

|[ على نغمات الموت ]|







النغمة الرابـعــــة:~




قاعد في الممر عند غرفة جواهر .. يطالع الفراغ وعيونه تدمع .. معقولة راحت بهالسهولة ؟؟!! .. لالا أنا ما أصدق كلامهم لااااا


صرخ بهستيريا: جوااااهــــر ارجعــــي لييي .. لاااا تخليـــنييي برووووحي .. والله ما بعذبج مثل قبببل والله .. اناااا احببببج والله احبببج تعااااااليي




هزه أحد الممرضين وقاله: أخوووي أقعد أنت تحلم


فارس حس لعمره وقال بغباء: وين أناا ؟!!


الممرض: أنت بالمستشفى .. ونادوا الممرض وراح عنه


شاف غرفة جواهر لقاها فاضيه .. خاف إن إلا حلم به صج مو مجرد حلم ..


ركض للرسبشن وسألهم عنها قالوا له إنها بغرفة 109


راح للغرفة و إلا كانت ما تبعد واجد عن الغرفة إلا كانت فيها .. لقاها نايمة بهدوء على السرير .. راح لها مسك يدها بحنان وباسها


فتحت عيونها ببطئ .. شافته .. ابتسمت ابتسامة صفرا وقالت بصوت مبحوح: أخيييراا جيت يا فاارس .. كنت أنتظرك من زماان !!


فارس وهو يطالعها بحنان: جيت .. وما بتركج بروحج من هاللحظة .. وأنا آسف على كل إلا سويته لج قبل .. ونزل عيونه بإنكسار


هزت جواهر راسها وقالت بتعب: لا .. أنت مالك دخل .. إلا صار قدر ومكتوب ياا فارس .. قدر ومكتوب .. أنت إلا سامحني .. و سلم على عمتي و عمي وخواتك واخوانك ..


فارس حسها تودعه .. هز راسه عن هالأفكار وقال: بتشوفينهم بعدين وبتسلمين عليهم وبتقعدين معاهم لين تملينهم


جواهر وهي تاخذ نفس عميق: مستحيل أمّل من أهل حبيبي .. فاارس أنا أحبك لا تنساني ..


شهقت بقوة ..وحولت نظرها لفوق وهي تتشهد ..


دمعت عيون فاارس وقال بصوت عالي: جوااااهر لا تسوووين فيني جذي .. جواااهر لا ترووووحين .. أرجووووج تمااااسكي .. لا تخليييني برووووووحي


ارتخت يدها إلا بيده وطاحت على السرير .. وهو قام يصيح بقوة و راسه بحظنها : والله ندمااان ياا جوااهر إني ضيعت وقتي بعيد عنج .. جواااهر ارجعي ليي والله أوعدج إنج تعيشين مثل الأميرة .. جوااهر أنا أكتشفت إني أحبببج .. جواااااهر قعدييييي ليييييش ما ترديييين علــــــيييّ


و أغمى عليه .. جت سستر كانت بتجيك حالة جواهر ويوم شافت الوضع ركضت لبره وهي تنادي الدكتور و طاقم الممرضين ..


جو ممرضين شالوا فارس وحطوه بغرفة وحطوا عليه المغذي و عطوه ابره مهدئة .. أما جواهر خلاص ما كان بيدهم يقدرون يسوون شي .. غطوا وجهها بالفراش الأبيض بكل أسف على شبابها إلا ما تهنت فيه .. ماتت وهي ما كملت الـ 26 ..


وراحوا حطوها بالثلاجة على ما يصحى فارس ..


عند فارس ..



فتح عيونه شوي شوي وشاف سستر تقيس ضغطه..


فتح بوزه بيتكلم بس ما قدر .. انتبهت له الممرضه وعطته ماي وراحت عنه لأنه يبي له راحة


رفع ايده بتعب إلى تلفونه إلا كان على الكمدينو صوبه فتحه و لقى أكثر من 40 مسكول


20 من أمه و 15 من أبوه و 10 من يوسف أخوه و 11 من مهاا أخته و 19 من ساارة و 4 من صديقة حسين و 1 من جاسم


أتصل على صديقة حسين من أيام الابتدائية ..


حسين: ياا هلااا والله .. من طول الغيباات جااب الغنااايم .. هلا بالقاااطعيين


فارس بتعب: حســـ .. ـــين


حسين خاف على رفيقة: فاارس .. شفييك ؟؟!! شصااااير لك ؟؟!!


فارس: أنا بالمستشفـى .. تعاال لي .. وقام يصيح .. جواااهر رااحت ياا حسييين راااحت


حسين مو فاهم شي: شنووو ؟! ماعليه الحين جاينك بأي مستشفى أنت ؟؟!!


وسكره من عنده بعد ما أخذ إلا يباه ..


دقايق وكان عنده .. طق الباب ودخل بهيبته ووقاره المعروف بهم ..


" حسين صديق فارس من الابتدائية بس يوم فارس تعرف على جاسم بالاعدادي تفرقوا وردوا رجعوا بالثانوي بس علاقتهم مب عميقة مثل قبل .. وحسين كان ينصح فارس يبتعد عن هالجاسم لآنه معروف وسمعته بالأرض .. بس فارس كان عامنه الشيطان "


فارس من شاف حسين حضنه وقعد يصيح من خاطره وحسين مو فاهم شسالفة بالضبط بس إلا دراه إن زوجته ماتت ..


مسح على شعره الناعم بحنان: فارس اذكر الله .. قول لا إله إلا الله .. إلا صار قدر ومكتوب .. قل لن يصيبنا إلا ما كتب الله لنا


فارس وهو يصيح: قالت لي أحبك قبل لا تروح .. وأنا توني أكتشفت إني أحبها .. ليش يوم حبيتها راحت ليييش ؟؟!! .. أنا أدري إني غلطت بحقها وواجد بعد .. بس مو تتركني بهالصورة .. أنا مااتحمل مااتحمل .. قولها ترجع والله بعيشها بسعادة


حسين هدئ فارس وقعد يقرى عليه من إلا حافظنه من كتاب الله .. وهدى فارس شوي شوي وقعد يقوله إلا صار


فارس بحزن: والله إني ندمان ياا حسيين والله ..


حسين ابتسم بمواساة: زين يوم إنك عرفت غلطك و استسمحت منها قبل لا تروح .. و الحمدلله إنها مو شايله عليك .. توب إلى الله ياا فاارس .. صدقني بترتاح .. توب توبة نصوحة .. وادعي الله يرحمها .. الحين هي محتاجة دعائك


قام فارس يصيح مرة ثانية: مو متخيل إنها ما راح تكون موجودة .. ليش يوم حبيتها راحت ؟؟


مسك حسين يده وضغط عليها: منو قالك إنها ما بتكون موجودة .. بالعكس .. هي تسمعك الحين بس أنت ما تسمعها


فارس ارتاح لحسين وقاله: حسين سامحني يوم تركتك .. والله انك نعم الصديق .. بس أنا ما عرفت لك قدر


حسين بعتب: فارس لا تقول جذي .. وبعدين مو وقته هالكلام الحين .. خبرت أهلك ؟!!


فارس توه يتذكر .. قال وهو منزل راسه: لا مالي وجه .. خبرهم أنت


حسين: ما يصير أخبرهم أنا .. أنت خبرهم .. ولا أقولك .. قولهم يجون هني وخبرهم


فارس طالعه شوي و أخذ تلفونه وأتصل لأبوه : هلا يبه


أبو فارس: وينك ياا يبه نتصل بك كله مغلق .. شوف الساعة صكت الـ 12 نص الليل .. وينكم فيه احنا متهوسين عليكم


فارس بتعب وكان برد يصيح لو ما حسين أشر له بـ لا : يبه أنا بمستشفى ***** تعالوا لي بغرفة 101 بالجناح الجديد


وسكره من عنده .. وقام يصيح بحرقه: أناا إلا قتلتها يا حسين أنا .. الحين شلون بخبرهم شلوون !!! أمي .. أمي شلون بقولهاا !!


حسين يصبره: أذكر الله يا فارس .. و أنت لا قتلتها ولا شي .. هذا يومها .. وكلنا سايرين بهالطريق .. أذكر الله .. وتوكل على الله وقولهم إلا صار


فارس يهز راسه بالنفي: لا ماااابي ما بقوولهم إلا صار .. بعدين بكرهووني زياادة .. أناا السبب يا حسيين أنا .. لو ما أصريت عليها تسوي العملية جان هي بخير صوبي


حسين وهو يمسح دموع فارس: وين صبرك وقوتك يا فارس .. أذكر الله وقوي عمرك .. أنت أقوى من جذي .. وحتى لو ما قلتلهم الحقيقة .. بعدين بيكتشفونها وبيكرهونك أكثر .. إذا قلتلهم الحين صح يمكن يعاملونك بجفاف بس مع الأيام وإذا شافوا حالتك تغيرت بينسون


فارس: تنصحني أسوي جذي ؟!!


حسين هز راسه معنى أي ومسك يده بقوة كأنه يمده من طاقته: قوي قلبك .. وأذكر الله وترحم لها .. أنا بكون معاك دايماً .. وابتسم بمودة له .. أنا بروح الحين لآن أهلك على وصول .. وبعدين برجع لك


هز فارس راسه: على خير .. مشكور يا حسين .. تعبتك معاي


حسين بعتب: ما بين الأخوان شكر .. و أنا ما سويت شي .. وأنت عزيز وغالي


ودعه وطلع عنه .. ومن طلع نزل فارس دموعه من أول وجديد .. وقال وكأنه يكلم أحد: سامحيني يا جواهر سامحيني .. صدقيني إني ندمان .. والله إني ندمان .. بس شفايدة الندم الحين .. والله لأنتقم لج من جسوموه الخايس .. والله بأخذ حقج منه


مسح دموعه وقام توضأ صلى ركعتين وتاب فيهم إلى الله فتح القرآن وقام يقرى سورة "يس" .. حس روحه هدأ شوي .. ختم تلاوته وهو يشوف أهله داخلين الغرفة و أهدى ثوابها إلى جواهر بداخله


بعد ما خلص قام بسلم على أمه بس أمه سبقته: أقعد يمه أقعد وحضنته وهي تصيح


فارس بابتسامة صفرا: يمه لا تبجين يعلني ما ..


أم فارس: لا يمـه لا .. وينكم كنت خايفة عليكم وين جواهر ؟؟!!


وكأن سؤالها على العوق .. سكت وهو يطالع أبوه وخواته وأخوانه اثنينهم .. نزل راسه


أهني أمه صاحت أكثر وعادت سؤالها: يمه فارس .. وييين جواااهر ؟!!!


فارس وهو منزل راسه .. طاحت دمعتين من عيونه وقال باختصار: عطتكم عمرها !!!


لطمت أم فارس على خدها وكانت بتطيح لو ما أبو فارس مسكها و قعدها على الكرسي وهي تنوح: ويليي عليج يا جوااهر .. شلون رااااحت ؟؟!! هي ما فيها شي شلووون راااحت ؟؟!!


سارة ومها قاموا يصيحون ويا أمهم .. أما يوسف نزل راسه بألم ومحمد الدمعه بعيونه بس مجود عمره ..


أبو فارس الوحيد إلا كان صامد ولو قلبه منفطر على مرت ولده إلا أفرط فيها ولده .. وقال بصوت جهوري مصحوب ببحه: فاارس .. شلون راحت ؟؟!! شصار لكم ؟؟ قول الصج .. يالله نسمعك


رفع فارس راسه وكانت دموعه تطيح: والله مو أنا .. أنا أحبهااا والله أحبهااا .. مو مني والله مو مني .. وقام يصارخ بهستيريا .. مو مني والله مو منييي


راحت له أخته سارة وحضنته تهديه .. وهي بروحها محتاجه من يهديها


مرت الساعات .. ويوم الكل هدى .. وفارس نام من التعب وهو بحظن أخته .. نزلته أخته بهدوء على السرير وقالت بهمس: يمـه .. يبــه .. لحد يسأله عن شي ليما يهدى .. أنا أول مرة أشوفه جذي .. أكيد الخبر كان صدمة عليه


أبو فارس: ماعليه .. التفت على يوسف .. يوسف خذ أمك وخواتك و أخوك البيت ارتاحوا .. وأنا بعرف السالفة وبجي أقولكم


أم فارس: والله ما أرجع البيت إلا لما أعرف شصار لجواهر حبيبتي .. وقامت تصيح .. أختي كانت موصتني عليها .. بس كله مني إلا ما انتبهت لها عدل وأمنتها على الـ ...


قطعها أبو فارس: إلا صار يأم فارس قدر ومكتوب .. وهذا يومها .. و ولدج صح أذنب بس باين أنه ندمان .. أدعي لها بالرحمه يأم فارس .. كلنا رايحين على هالطريق


قامت تدعي لها أم فارس بخاطرها وهي تصيح .. ويوسف أخذ خواته وأخوه على البيت إلا ما كانوا راضين يرجعون بس سحبهم سحب .. عشان يرتاحون شوي بعد ..


///


قعد وقلبه مقبوض .. معقوله الحلم صج .. لالا إن شاء الله هي بخير وما صارلها شي .. تعوذ من ابليس و طالع الساعة شافها 3 الفجر .. قام يغسل وجهه ويتوضأ للصلاة لأنه قريب بأذن


بدل ثيابه ونزل بروح المسجد .. شاف أبوه وأخوه سيف


راشد: صبحكم الله بالخير


أبو راشد وسيف: صبحك الله بالنور


راح راشد باس راس أبوه: شلونك يبه ؟؟!!


أبو راشد: تحب الكعبه إن شاء الله .. بخير وأنت ؟!!


راشد: بخير دامك بخير


سلم راشد على أخوه وسحبه وياه للسيارة واستأذن من أبوه أنهم بروحون المسجد

بعد ما ركبوا السيارة..


سيف: زيين شوي شوي عليّ شفييك ؟!!


راشد بقلق: أنا خايف عليها


سيف بغباء: منوو ؟!!


راشد بعصبيه خفيفه: منو بعد ؟!! جوااهر


سيف يحرك حجاته: حبيبة القلب


راشد: أوووه سييف من صجي أنا


سيف: انزين ما قلت شي أنا .. ليش خايف عليها ؟!!


راشد بقلق: حلمت بها حلمة شينه .. وقاله الحلم


سيف وهو يفكر: والله الأحلام هالحزة تعتبر رؤيا


راشد بخوف: يعني ؟!!


سيف: يعني يمكن صج


راشد يهز راسه بنفي: لالالا بعيد الشر عنها


سيف: زين اتصل تطمن عليها


راشد باستخفاف: أتصل لمنو ؟!! لها ؟؟ ولا لريلها أحسن !!!


سيف بجديه: لا تستخف بدمك أتكلم من صجي أنا .. وبعدين يالذكي محد قالك اتصل لها ولا لريلها .. اتصل لحميد ولد خالك .. مب هو ولد عمها كأن ؟!!


راشد: لا و يحليلي وأنا أقوله شخبار جواهر ؟!!


سيف بلا مبالاة: كيفك عيل ظل جذي


راشد ضرب قبضة يده بسكان السيارة بقهر وبركن بقوة صوب المسجد ..


///


انسدح على السرير بتعب ..


أخذ تلفونه وتحير يتصل لها ولالا


وحشته .. ووحشه صوتها الناعم


راح لقائمة الأسماء و طلع اسمها


" غلا قلبي "


و قام يطالعه .. شوي وضغط زر الإتصال


وصله صوتها النايم: ألووو


يوسف بحنان: ناايمــه ؟؟! آسف خربت رقادج .. ردي نامي بسكر


رغد صحصحت: لالالا .. لا تسكره .. كنت انتظرك تتصل


ابتسم كأنها تشوفه وقال بصوت أقرب للهمس: شخبارج ؟!!


رغد: بخير .. يوسف فيك شي ؟!! صوتك مب طبيعي !!


يوسف بنفس النبرة: حبيبي أنا أحتاجج


رغد بخوف: يووسف عمري شفيك ؟!!


يوسف: ما أدري شنو أقول لج .. بس تعالوا اليوم بيتنا عزوا أمي وصبروها


رغد انقبض قلبها: نعزيها ؟!! ليش منو متوفي ؟؟!! تحجــى ياا يووسف لا تخوفني


يوسف بأسف: جواهر مرت أخوي فارس .. عطتكم عمرها


شهقت رغد وقالت بصدمه: جوااهر .. ليش ؟!!


قالها يوسف الا صار من يوم يتصل فارس لأبوه ليما رجعوا هو وخواته ومحمد البيت


رغد بحزن: الله يرحمها ويغمد روحها الجنة .. سكتت شوي بعدين قالت تصبره .. إنما الموت حق .. وكلنا رايحين على هالطريق .. ادعي لها بالرحمه


يوسف بأسف: الله يرحمها ان شاء الله .. أنا إلا مستغرب منه شلون ماتت .. كانت بخير وسارة تقول إنهم كانوا رادين وهي شحلاتها تسولف بعدين قال فارس بياخذها مشوار و منها تأخروا ومادري شصار بعدين .. ضروري نعرف منه


رغد: يمكن سوو حادث لا سمح الله ..


قطعها يوسف: بس فارس مو مبين عليه آثار حادث .. فيه شي غير


رغد بحنان: ماعليه .. انتوا لا تكلمونه الحين .. أكيد هو مو مستوعب الخبر .. خلوه بروحه يتكلم


يوسف بصوت مخنوق: أحتــــاجـــــج


رغد تذكرت الا قالته لأبوها وقالت بحياا: قريب بصير حلالك وبقدر أجيك وقت ما تبي وأواسيك وأطبطب عليك


يوسف بمفاجآة: وافقتي أخيراً ؟!!


رغد باستنكار: جي كنت رافضتك ؟!! أصلا أنا موافقة بس على الدراسة والحين خلصتها وتخرجت خلاص وحصلت على شهادة البكالريوس


يوسف تنهد: رغد خلينا نملج بس .. بعدين بنسوي حفلة شكبرها ..


رغد: يوسف حياتي اصبر شوي ما نقدر نملج الحين حررام عليك جواهر للحين حتى ما دفنوها .. خله بعد شهر على الأقل


يوسف: ما بنسوي شي مجرد ملجة حتى ما بنعزم أحد بس عشان اشوفج وتشوفيني براحتنا وهَم يكون حلال ليش انتظر شهر بعد


رغد: براحتك عيوني .. وسكتت شوي .. متى بتنام ؟!!


يوسف: مادري .. ما فيني نوم


رغد: لا لازم تنام لو شوي عشان تريح عمرك و تتجهز للعزا اليوم


يوسف بحنيه: تخافين عليّ ؟!!


رغد استحت سكتت شوي بعدين قالت: إذا ما خفت عليك بخاف على منو يعني ؟!!


ابتسم يوسف وكأنها تشوفه


جاه صوتها بنعومة: يالله حبيبي أخليك تنام الحين عشان تريح .. و ان شاء الله بنكون موجودين اليوم العصر .. و عظم الله أجركم


يوسف: أجرنا وأجرج .. اوكيه حياتي .. تحملي بروحج زين .. تصبحين على خير


رغد: وأنت بعد .. وأنت من أهله


يوسف: باي


رغد: بحفظ الله


/

\


اسطورة ! غير متواجد حالياً   رد مع اقتباس
قديم 14-09-13, 01:07 PM   #7

اسطورة !

نجم روايتي ومشرفة سابقة وفراشة متالقة بعالم الازياء

alkap ~
 
الصورة الرمزية اسطورة !

? العضوٌ??? » 120033
?  التسِجيلٌ » May 2010
? مشَارَ?اتْي » 15,367
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » اسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond repute
¬» مشروبك   pepsi
?? ??? ~
My Mms ~
افتراضي



///


انتشر خبر وفاة جواهر بالعايلة والكل حزن لها وتسائل عن سبب وفاتها بس محد يعرف غير فارس .. فسر أبو فارس السبب أنه موتة فجأة .. وبعضهم صدق والبعض مشاكك ..


مرت أيام العزا كالمعتاد .. بس فارس في ثالث يوم عزا اختفى .. الكل دور عنه ما حصلوه .. وأم فارس انقبض قلبها على ولدها لكن طمنها أبو فارس انه أكيد عند واحد من ربعه ..


بعد شهر من وفاة جواهر ..



قعد من نومه متخرع وهو معرق ويتنفس بسرعة ..


قعد حسين رفيقه الا كان نايم وياه: فاارس .. شفيك .. نفس الحلم ؟!!


هز فاارس راسه بالإيجاب و هو يبلع ريقه بخوف


هز حسين راسه بأسى و صب له ماي وعطاه يشربه .. شربه كله مرة وحده ورجع انسدح بس ما نام ..


من يوم توفت جواهر ثاني يوم من وفاتها يحلم بها .. تجيه مرة تخنقه و مرة تغرقه في ماي عشان يموت وهي تقول له موت مثل ما موتني ..


رفض يخبر أهله عن مكانه معنى حسين مب موافق على تصرفه بس خلاه على راحته ..


طالع رفيقه بحزن وتمنى ان الله يهديه ويخفف عنه مصابه ..



///


حس بأحد يخنقه فتح عيونه لقى جواهر قدامه وبحال يرثى لها .. شكلها مبهدل و شعرها كشه و عيونها حمران .. تحاول تخنقه .. هو ماقدر يتنفس ظل يقاوم بس ماقدر..

سمعها تقوله: مووت .. ذوووق الا كنت تذووقني ايااااه .. موووت مثل ما مووتني وحرمتني من شباااابي الا ما تهنييت فيه معاااااك ...





قعد بسرعة وهو حاط ايده على رقبته وظل ينافخ وهو يطالع الغرفة .. تذكر انه ببيت حسين صديقه وانه كان يحلم


انتبه لحسين الا قعد وسأله إذا كان نفس الحلم وهو هز راسه وهو يبلع ريقه بخوف .. ويوم عطاه الماي شربه مرة وحدة لأنه حس انه ما شرب ماي من زمااان


رد انسدح بس ما نام .. أصلاً النوم جافاه .. وهو يتسآل بداخله: " ليش تسوين فيني جذي يا جواهر ؟! ليش رحتي وخليتيني أتعذب بعدج .. ليييش ؟؟!!! .. شنو تبيني أسوي عشان ترتاحين ؟؟!! شنوووو !!! "


ما صدق تجي الساعة 10 الصبح وقام راح الحمام " الله يكرمكم " اخذ له شاور سريع و تلبس .. طلع شاف حسين توه قاعد ..


حسين وهو يتثاوب: متى قعدت ؟!!


فارس: قول متى نمت ؟!! ما نمت


قام حسين غسل على السريع وطلع وهو يسأله: وين بتروح ؟!!


فارس بضيق: بروح أتمشى على البحر متضايق


حسين: صبرر بقول للوالدة تحط لنا ريووق


فارس: ما أبي منسده نفسي عن كل شي


حسين يتنهد: يا فاارس مو زين الا تسويه بعمرك .. شوف شلون صاير ضعفاان واااجد و وجهك شااحب وأصفر .. مو زييين


فارس بإصرار: قلتلك ما أبي .. أنا بطلع الحين أوكيه


حسين بقلة حيله: على راحتك ..


طلع وراح البحر الا قريب منهم نزل يتمشى والهوا يداعب خصلات شعره الناعم الا طول .. و معطيه منظر حزين مكتمل بصورة البحر وأمواجه المتلاطمة ..


///


شهقت بمفاجآة: يووووسف .. شووف منوو هناااك !!!


يوسف بعتاب: رغد .. كم مرة قلتلج لا .. وسكت يوم شاف أخوه فارس الا مختفي عنهم شهر كاااامل


ما حس بعمره الا يركض صووبه ونسى رغد الا واقفه صوب السيارة ومعاها سارة ومها مصدومين و منشلين عن الحركة ..


يوسف يصارخ: فــااارس .. فــــــــــــــــاااااااا اارس


فارس التفت للي يناديه .. وانصدم يوم شاف أخوه يوسف يركض صوبه .. كان وده تنشق الأرض وتبلعه .. للحين مو جاهز عشان لقائهم .. أكيد الحين بسألونه شلون ماتت .. وشنو بقولهم ؟!!! ما يدري ..


يوسف: تعاال الله يهداك وين بتروح ما صدقنا على الله نشوفك


حضنه وهو يحس انه حاضن جااهل من ضعفه..


يوسف باستغراب: فاارس .. ليش صاير جذي .. واااجد وااااجد ضعفااان .. وين قبل العضلات و ذاك الجسم .. " حط ايده على وجهه " .. ليش وجهك جذي شاحب كأنك مريض !!!


فارس: ------------------------


يوسف خاف على أخوه: فارس تبيني أوديك المستشفى .. أنت وين كنت ؟!! في وين ساكن !!!


شوي وسمع أصوات خواته ورغد .. انتبه لهم .. بندت رغد السيارة وقفلتها وخذت السويج عندها وجت صوبهم هي و سارة ومها


سارة حضنت فارس وهي تصيح: وينك يا أخوي .. ليش اختفيت مرة وحدة .. أمي ولهانة عليك واااجد .. كل يوم تصيح و تسأل عنك وتقول لأبوي واخواني يدورون عليك .. وين رحت !!!!!


مها وهي تحضنه بعد سارة: وحشششتناااااا .. ارجع البيت .. تراك بدونه مو حلووو


يوسف يغير جو لهم: شوف المصلحة .. توكم تقولون لي إني منور البيت


سارة تبتسم وهي تمسح دموعها: كلكم غاليين علينااا وصعب علينا فراقكم


يوسف يطالع فارس الا من جا له ولا تكلم ولا نطق بحرف بس يطالعهم والدمعه بعينه بس مجودنها .. توه بيمشي الا يجوده: وين بترووح !! احنا ما صدقنا على الله نشوفك .. قولنا على الأقل وين ساكن خلنا نتطمن عليك



فارس بصوت مبحوح: لا تطمنوا أنا عند صديقي حسين .. بس ماابي أشوف أحد .. مالي وجه أقابل أحد .. خلوني بروحي هالفترة


يوسف بعتاب: ليش عااد يا فارس ؟!! ليش كل هذا !! حرام عليك تفطر قلب أمي كل يوم عليك .. وأبوي الا يحاتيك .. هذا غير الأهل .. وبعدين انت مالك دخل باللي صار .. الموت حق .. وكلنا رايحين على هالطريق


فارس نزلت دمعته وقال بصوت عالي: أنت مالك خص .. ما تعرف شي .. ما تعرف الا صاار .. أنا سبب موتها أنااااا أنـــــاااااا .. ساااامع .. أنــــاااا الا قتلتهـــاا


يوسف يهديه: فارس اذكر الله .. أنت شكلك للحين ما صحيت من صدمتك .. أنت مالك دخل في موتها .. هذا يومها ..


قطعه فارس وهو ينزل ويقعد على ركبته: بلى أنا سبب موتها .. كانت حامل .. بس أنا قلتلها تجهضه .. لآن .. لآن واحد خسيس أغتصبها .. وحملت منه .. وأنا ماابي ولد مو ولدي .. بس يوم سوت العملية ساءت حالتها ونزفت دم وااجد .. وما حصلوا بسرعة .. ويوم حصلوا فات الأوان


قعد يصيح وهو يضرب الأرض بقبضته اليمنى: أنااا الا قتلتهـــااا أنــــااااا !!


رغد وسارة ومها شهقوا وقاموا يصيحون .. كل هذا صار لجواهر وهم ما يدرون ..


ويوسف بعد انصدم بس نزل وحضن أخوه بحنان وقاله: أنت ما قتلتها .. أذكر الله .. قول لا إله الا الله .. اهدى يا فارس .. الا صار قدر ومكتوب .. اذكر الله .. قول لا إله الا الله .. وخلنا نرد البيت .. ترى أمي تحاتيك ليل ونهار .. ومنقلب حالها من يوم اختفيت


قام بطواعية وركب ويا يوسف قدام وخله سيارته بروحها بعد ما قفلها .. وركبوا البنات ورا ..


وصلوا البيت ونزلوا .. دخل يوسف للصالة وكان أبو فارس وأم فارس قاعدين يطالعون الأخبار بملل ..


أم فارس شهقت يوم شافت فارس ووقفت وهي تصارخ: فـــــــااارس !!! يمــه ولـــدي ...




|[ نهـــايــــــة النغمـــــة الـرابــعـــــــة ]|


اسطورة ! غير متواجد حالياً   رد مع اقتباس
قديم 14-09-13, 01:08 PM   #8

اسطورة !

نجم روايتي ومشرفة سابقة وفراشة متالقة بعالم الازياء

alkap ~
 
الصورة الرمزية اسطورة !

? العضوٌ??? » 120033
?  التسِجيلٌ » May 2010
? مشَارَ?اتْي » 15,367
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » اسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond repute
¬» مشروبك   pepsi
?? ??? ~
My Mms ~
افتراضي

|[ على نغمات الموت ]|





النغـمــة الخـامســـة:~




أم فارس شهقت يوم شافت فارس ووقفت وهي تصارخ: فـــــــااارس !!! يمــه ولـــدي


ركض فارس لها ودموعه على خده وباسها على راسها و حظنها بقوة: يمـه سامحيني .. أرجوج سامحيني .. على كل الا سويته فيج .. يمـه آنااا آآآســــف


شهقت أم فارس وهي تصيح من قلب: لا تبجي يا بعد قلب أمك .. لا تبجي يا عيوني .. أنا مسامحتك والله شاهد علي إني ما أخذت بخاطري منك .. أنت فارس حبيبي .. أنت بجري .. بس يمـه قطعت قلبي


ظل فارس يصيح فترة بحضن أمه والكل متأثر بهالمنظر الحزين .. حتى أبو فارس دمعت عيونه هو فرح برجوع ولده لرشده وهو حزن انه توه صحى من غفلته بس الحمدلله على كل حال ..


بعد فترة مو قصيرة .. قام فارس من حضن أمه وراح لأبوه باس راسه وحضنه و استسمح منه مثل ما سوا مع أمه .. حضنه أبو فارس بحبور و حب وهو ساكت وفي عيونه لمعة فرح ..


قعد فارس بين أمه وأبوه ونسى صديقه حسين .. يحاول يبتسم بس ما يقدر ثواني وتنمحي ابتسامته وهو يتذكر جواهر .. آآآه يا جواهر ليش رحتي و خليتيني !!


فجأة فتح عيونه على وسعها وهو يشوف يوسف ماسك رغد بنت خالته من خصرها .. طالع أمه يبيها تفسر !!!


ابتسمت أمه وقالت: مالجين يمه .. توهم من اسبوع مالجين على بعض .. دورنا عليك ما حصلناك وأخوك يحن فوق راسنا يبي بنت خالته .. تدري به يحبها من يوم هم صغار .. بس ما سوينا شي " طالعته بحزن " لآن المرحومه للحين ما جف تراب قبرها .. مجرد تجمع عائلي


سرح فارس مرة ثانيه و ابتسم وهو يشوف أخوه يوسف يغربل رغد ويعاندها وهي تعصب عليه ..
فجأة قام وقف .. وقفوا معاه أمه وأبوه و الكل سكت مع وقفته



أم فارس وعيونها تلمع: وين بتروح يمه ؟!!


فارس التفت لها وباس راسها وقال بحنان: بروح أجيب أغراضي من بيت صديقي حسين وبيتنا " نزل راسه بحزن " ما أقدر أقعد في مكان جواهر كانت فيه .. " حاول يتصنع المرح " .. برجع لغرفتي الحلوة هووون


ابتسمت أم فارس بأسى لحال ولدها وقالت بحنان الأمومة: على راحتك يا وليدي .. و حياك الله ببيتك .. إذا البيت ما شالك عيوننا تشيلك فديتك


ابتسم لها فارس بامتنان .. توه بيطلع وتذكر سيارته الا خلاها عند البحر ..


التفت ليوسف أخوه: يوسف .. ممكن توصلني عند البحر باخذ سيارتي ؟!!


قال يوسف بمرح وهو يغمز له: أوديك القمر اذا تبي مو بس لسيارتك


ضحك غصبٍ عنه لطريقة يوسف المرحه وقال بابتسامة: لا مشكور بس ودني لسيارتي وبعدها توكل أنت على الله


استانس يوسف انه قدر يضحك أخوه ولو شوي ويغير له جو .. و طلع بره وراه وهو يغمز لرغد ويأشر لها انه شوي وبجيها ..


بعد ما طلعوا ..


تنهدت أم فارس براحه وقالت: يالله .. أنا بقوم أروح أسوي الغدى


أبو فارس: توه الناس يأم فارس .. حتى ما أذن الظهر


أم فارس وهي تطالع الساعه: انزين شباقي عن الأذان غير ربع ساعة .. أجهز الأغراض عشان يستوي بسرعه لولدي


محمد وهو يحرك حجاته لأبوه: هاااه يبــه .. شكلها الوالدة كنسلت عليك خلاااص


أم فارس وهي تفلعه بالكلينكس: هب هباااك الله .. هذا حجي تقووله .. ياااقليل الحيااا


محمد بصوت واطي: عبالي أجاا هاهاهاها


أبو فارس بحده: محمــــــد !!!


انتفض محمد من صوت أبوه: آمر يبـــه


أبو فارس: اترك عنك هالخرابيط و روح البس عشان نروح المسجد


محمد يحاول يغير راي ابوه: بس يبـه الدنيا حر الحين .. إن طلعت بصير عسكريم ذايب


ضحكوا مها وسارة ورغد بصوت منخفض عليه ..


أما أبو فارس فقال بحده قريبة للعصبيه: لا تناقش و روح بدل ثيابك بسرعه


محمد وهو يتأفف: انزييين .. أووف يعني لازم نصير سوووودااان .. يا أخي ما أبي أصير أسوود .. خسارة هالبياض يروووح !!!!


زجر أبو فارس عليه بقوة خلاه يركض ركييييض لغرفته وما شافوا الا غباره


أبو فارس: عيال آخر زمن


سارة وهي تضحك بالخفيف: زين تسوي فيه


أبو فارس طالعها بنظرة: وأنتوا شنو موقفنكم هني .. يالله عالمطبخ ساعدوا أمكم شوي .. باجر لا تزوجتوا شنو نقول لرجالكم ؟ ما يعرفون يطبخون .. يالله قدامي بسرررعه


ركضوا ثلاثتهم بسرعة للمطبخ وهم يتحسبون لسارة و يضحكون على شكلها ووجهها الا كأنه طماطة من الفشيلة



///



في بيت خالتهم زهرة ( أم حسين )



كانت أروى قاعدة تطالع فيديو كليب في التلفزيون ومندمجة مع المغني .. تغني معاه وحالتها حاله


جاها صوت أمها من المطبخ: أروى .. يـا أروووووى


قصرت أروى على صوت التلفزيون وقالت: نعم ماااامي !!


أم حسين: صليتين الا قاعدة تطالعين هالخسف ؟!!


أروى: حرام عليج مامي مو خسف شحلاته هذا تامر حسني .. أي صليت لا تحاتين


أم حسين: انزين قومي سوي السلطة و العصير أنا سوت الغدى بس تعبت


أروى وهي مندمجة: إن شاء الله ماما


أم حسين بضيق: أنا أكره ما عليّ إذا أقولكم شي وما تقومون على طول .. فزي أشوف


أروى بتأفف: انزيييييييين ما قلت لا بس بطالع هالفيديو بعدين بقوم الحين بخلص


أم حسين: حقج العافية يا رغد .. محد كان يساعدني ويعاوني غيرها بهالبيت


توها أروى بتتكلم الا يجيها صوت خشن من وراها: اذا قالتلج أمي بشي .. فقومي سويه على طول ولا تناقشين


قام بند التلفزيون وتخصر: قومي أشوف !!!


أروى وهي رافعه حاجب واحد: عشتووو ... أشووف طلع لك لسااان حسينووه .. و لو سمحت لا تتدخل بأمور الكبار


حسين: أولاً أسمي حسين مو حسينوه .. ثانياً أنا كبير وإذا مو مالي عينج عندج " وهو يأشر على الجدران " 4 جدران طقي راسج باللي يعجبج


[ حسين 16 سنة ]


و طنشها وراح لأمه باس راسها وقال بمرح: شنو أقدر أسوي يمه ؟!


سمع صوت أروى أخته وراه تقلده بقهر: شنو أقدر أسوي يمه ؟!


ضحك عليها وطالع أمه الا تطالعه بحنان : ولا شي يمـه أصلاً الغدى جاهز .. أبوك جا من الشغل ؟!!


حسين: لا للحين يقول بالطريق


أم حسين: و أخوك سالم وينه ؟!!


حسين بملل: وينه بعد .. ويا هالبلايستيشن .. طول وقته وياها



[ سالم 13 سنة ]



تنهدت أم حسين: هي زينه وشينه هاللعبه .. التفتت لحسين .. روح قوله ينزل تحت بنتغدى ولا بشيل عنه هالاختراع للأبد


ضحك حسين بخبث وهو يتخيل شكل أخوه اللي يعشق شي اسمه بلايستيشن: أتوقع ينتحر اذا شلتونها عنه !!


ضحكت أروى وقالت أمه باستنكار: فال الله ولا فالك .. حسين شهالكلام !! وأنا الا أقول أنت أعقل واحد فيهم بعد رغد


حسين يوضح لأمه: لا أماه أقصد أنه بيضايق واجد يعني .. وسكت مو عارف شنو يقول .. أنا بروح أناديه


وراح بسرعة وضحكت أروى عليه ضحكه استفزازيه سمعها هو بس طنشها ..


راح نادى أخوه الا من سمع طاري انه تنشال عنه البلايستيشن نط بسرعة ونزل تحت .. وما صارت دقايق الا كلهم مجتمعين على الغدى .. وبعدها كل واحد تيسر على غرفته يرتاح و يسوي الا يعجبه !!



///



فارس بعد ما وصله أخوه عند البحر .. سلم عليه ومشى لسيارته .. ركبها بسرعه و كأنها جمر من حرارتها ما قدر شغل المكيف وفتح الدريشه بعد .. راح لبيت صديقه حسين .. اتصل له



فارس: ألو هلا حسين


حسين: هلا بو الفوارس وينك يااخي تأخرت ؟!! خفت عليك


فارس: أنا تحت تعال سو لي درب وبقولك السالفة


نزل حسين و سوا له درب و راحوا غرفة حسين وقاله فارس باللي صار له وانه أهله شافوه ..


حسين: والله زين جت من الله كنت بقولهم اليوم


طالعه فارس بإجرام: يالمجرم !!


ضحك حسين: عجل أخليهم أكثر من هالمدة لا خبر ولا شي .. بكون ظالم بهالشي


سرح فارس بس حسين قطع عليه سرحانه .. وكأنه عرف بشنو سرح: حاول تنساها يا فارس.. الحياة ما بتتوقف عندها


فارس بألم: ما أقدر يا حسين ما أقدر غصبٍ عني .. وكل ما جيت بنساها جت لي بأحلامي .. مادري شنو أسوي مااادري !!!!


حسين طبطب على كتفه: تقرب من الله تعالى أكثر و داوم على قراءة القرآن و اهدي ثوابه لها .. هي بحاجة لدعائك لها الحين


فارس: الله يرحمها ويغمد روحها الجنة .. أنا بسوي الا قلتلي عليه .. بس لازم أنتقم لها من جسوموه الـ ***


حسين: استغفر الله .. صل على النبي يا فارس ولا تسوي شي تندم عليه بعدين


فارس ودموعه تطيح قال بصوت مبحوح: صعب يا حسين صعععععب .. أنت ما حسيت باللي حسيته و إن شاء الله ما تحس به أبداً .. لأنه شعور حارق .. صعب وممزوج بألم و كأنه جمر بعذابه .. أنا أدري إن الغلط مني يوم رافقته و أنا بعلم عن أخلاقه الزفته و أطباعه .. بس شسوي شسوي قلت ما بيأثر عليّ .. بس صار العكس ..


سكت شوي ودموعه تطيح .. طبطب حسين على كتفه يهديه بس سكت عشان يطلع فارس الا بقلبه


كمل فارس بقلب محروق: سحبني معاه وشربني الحرام ودخل بيتي واعتدى على زوجتي .. كل هذا ما يكفي .. مو سبب قوي عشان أرد له الصاع صاعين .. عشان أنتقم وأخذ حقي وحق جواهر حبيبتي منه .. لكن موته على يدي .. أنا الا بقتله بايدي مثل ما قتل هو جواهر .. و قتلنــــي !!


هز حسين راسه بيأس من فارس .. صاحبه ويعرفه راسه يابس وما بهون عن قراره .. الله يستر بس



///



قالت بدلع: علاوي حبيبي بليز ودني بيت صديقتي .. ماهو بعيد خطوتين بس


قالها باستهزاء وهو يبعدها عنه بقسوة: جان هو خطوتين بس على قولتج روحي له مشي وفكيني


قعدت نوراء على الأرض شوي وتصيح: أنت شفيك ؟! ليش جذي ؟! ذليت روحي بكل الطرق وبعد مو نافع معاك .. أنا أختك مو عدوتك .. حقك العافيه يا حميد .. أنت أحسن واحد


ابتسم علي ابتسامة جانبية باستهزاء: صيحي بعد صيحي .. لا أنا أبيج أول تصيحين عشان أوديج بعدين .. ولا تدرين خلي هالحميد يفيدج .. كل حين وقالت حميد و حميد


طالعته نوراء بقهر وودها تكفخه على هالبرود والقسوة الغير طبيعية فيه .. من بد أخوانها


طالعها وهو رافع حجاته: خير إن شاء الله أخت نوراء !! ليش تطالعيني جذي ؟!!


توها بترد عليه الا يرن تلفونه: أووووف .. شتبي هاي بعد .. غربلتني .. ما تسوى عليّ هالبطاقة الا أخذتها من عندها .. كل حين تتصل .. انتبه لروحه انه قاعد يفكر بصوت عالي ومسموع


طنش أخته الا فاجه بوزها منصدمة ومشى للمطبخ يكلم هالغثى: خير ؟!!


وصله صوت صياحها على الطرف الثاني وتأفف: أووف شنو شايفتني حلال مشاكل .. يا أختي خلاص فجينا ما أبي أكلمج ما تفهمين أنتي ؟؟!!


سكت شوي وهو عاقد حجاته ورد تكلم: والله عاد هاي مشكلتج .. قالت أحبك قالت .. أصلا جان فيج خير ما كلمتيني ورا أهلج .. روحي ولّي زين .. وسكره بوجهها


وتأفف بقوة و أغلق فونه وشال البطاقه وكسرها نصين ورماها بأقرب زبالة و طلع بطاقته القديمة وركبها ..


و أخته للحين مو مصدقه الا صار قدام عيونها


قالت بعدم تصديق: أنت تكلم بنات ؟!!


قال بجفاف: مالج خص فيني انتي .. روحي روحي اخذي سهايتج لا تصيحين وتقلبينها عزا.. ههههااااي


نوراء ما قدرت تجود روحها من القهر خاصة ضحكته استفزتها وااجد .. أخذت رموت التلفزيون ورمته عليه بكامل قوتها .. وجته الضربه على عيونه ..


صرخ بألم .. بس ما شاف الا غبارها بسرعه ركضت لغرفتها وقفلت عليها الباب قفلتين و تسندت عليه وهي تنافخ ومستانسه باللي سوته ..


شوي وجا علي يطق عليها الباب بقوة حتى هي خافت وحست قلبها بيطلع على طول نطت على سريرها و تخبت تحت لحافها مطنشه أخوها الا يصارخ و يهدد و يتوعد ..


علي بعصبيه : والله إن ما فتحتين الحين يا نوراء ما يصير لج خير .. فتحي يالـ **** .. يالزفته لكن براويج .. ما أكون علي إن ما رديت لج هالحركة و أضعافها بعد


ضحكت نوراء من تحت لحافها وهي تقول بصوت منخفض: أعلى ما بخيلك أركبه ..


أما علي بعد ما يأس من إنها تفتح الباب رفسه بقوة الا يجيه صوت أمه: شوي شوي عن تكسر الباب


التفت لها بعصبيه: بنتج التعبانه خلها تطلع تواجهني أحسن لها .. الجبانه


تقربت أم حميد: شصاير بعد ؟! شسوت نوراء ؟؟!!


ضحك علي على جنب باستهزاء: هه .. شسوت ؟!! قولي شنو ما سوت ؟!! عيل تراددني وفوق هذا تفلعني بالرموت على عيوني .. و أشر على عيونه اليسار الا صايره حمره كأنه أحد عاطنه بوكس


ضحكت أم حميد على حركات بنتها الطفولية وهالشي قهر علي زيادة ورفس باب غرفة نوراء مرة ثانية


سحبته من ذراعه: تعال بس تعال وخل عنك هالحركات .. الحين أنت شكبرك طول بعرض تحط راسك براسها .. تعال بس بقولك بموضوع


زفر علي بعصبيه ومشى ورا أمه وقعد صوبها بالصالة: خير إن شاء الله ؟!!


أم حميد: كل خير يمّـه " سكتت شوي بعدين قالت " أنا ناويه أفرح فيك ..


قطعها علي بعصبيه: أنا قلت بتفتح لي هالسيرة الا تسد النفس .. عندج حميد .. ليش أنا يعني ؟؟!! لازم أنا ؟!!


دخل أبو حميد وقال بعصبيه: لأنك ثور وتاكل تبن ولا تصارخ على أمك جذي


طالعه علي بعصبيه بس سكت ..


كمل أبو حميد: عبالك أنا مادري عن سواد وجهك !! أدري بس ساكت عنك لعل وعسى تتأدب وتتوب عن هالسوالف.. بس ما أشوف شي .. بعدين أنت ما تدري هاي منو الا كلمتها آخر مرة .. وهي الا طولت معاها سنة مادري كم !! هاي بنت نائبنا بالشغل يالتعبان .. تعرف يعني شنو لو درى عنك !!


شهقت أم حميد: علي أنت للحين على سوالفك ما تبت !! وأنا أقول ليش ما يبي يتزوج !!


ضحك أبو حميد على جنب باسهتزاء: هه .. ما يبي يتزوج .. الا بيتزوج وغصبٍ عليه .. و ما بياخذ الا هالبنيه الا مغربلنها ..


على طول علي رفع راسه بصدمه وطالعه بنظرات لها معنى ..


أبو حميد بحزم: ايييه احترمني ولا تطالعني جذي ونزل راسك


علي: زواج أنا ماني متزوج .. وأصلاً لو خلصوا بنات الديرة كلها ما تزوجت هالـ ****


طبعت يد أبو حميد على خد ولده الا انصدم وما استوعب إن أبوه يضربه عشان وحدة ما تسوى عنده


طالعه بعصبيه و أخذ سويجه من على الطاوله وطلع و سكر الباب وراه بقوة


أبو حميد بعصبيه: باللي ما يحفظك ..


أم حميد: هدي روحك يا أبو حميد .. ما تصلح لك العصبيه


أبو حميد: والله محد بجيب لي الضغط غير ولدج هذا .. عيل مغربل بنت الناس معاه .. والله إنها أجوديه و شحلاتها .. راعية بيت .. ما تستاهل ظفر منه .. توقعته يلعب بالبنات الا مثله من طخته .. مو يروح لهذي الا مالها بهالسوالف ولا تفهم لها .. وهااه اذا ما حبته بعد ونبتلش أكثر


أم حميد هزت راسها: لا حول ولا قوة الا بالله .. نفتك من مصيبة و تجينا مصيبة ثانية .. إنا لله وإنا إليه راجعون


أبو حميد: والله محد بيجيب المصايب لهالبيت الا ولدج .. قومي قومي حطي لي غدى تعبان حدي من الشغل


أم حميد: قصدك عشى .. هذا أي غدى الساعة 5 العصر .. يالله على الله


وقامت تحط لرجلها الغدى و بعدها راحوا اثنينهم ينامون شوي ..



///



" عند الشـــباب "

في القهــوة ..


راح حميد طلب له ولربعه كوفي وراح قعد بينهم يسولف ..

وشوي وجا لهم راشد و معاه أخوه سيف ..


راشد وسيف: السلام عليكم

الشباب: وعليكم السلام والرحمة

وسلموا على بعض ..


قعد راشد وسرح وهو يطالع التلفزيون الا هو مقابلهم ..


قال واحد من الشباب واسمه فاضل: أنا أقول أبي أسرح بس كله يعطيني مشغول


ضحكوا الشباب و راشد مفهي ولا يدري عنهم ..


فاضل ضرب راشد بخفه: هيي يالأخو .. عطنا مجال نسرح الشبكه كله مشغوله


ردوا ضحكوا عليه الشباب و راشد انحرج: شنو مشغوله مو مشغوله الله يهداك بس .. اشرب اشرب الكوفي مالك


ضحكوا عليه وهو تم ساكت يفكر شلون حلمه طلع صدق و يتحسف على جواهر انه ضيعها من يده وكان بامكانه يتزوجها قبل لا ياخذها فارس ..


نفض من راسه هالأفكار واستغفر ربه وحاول يندمج ويا الشباب .. بس لا حياة لمن تنادي .. يرد يرجع لسرحانه و يودرهم ..



///



قفل فارس باب بيته و سحب شنطة أغراضه للسيارة .. ركبها وطالع بيته بالأصح فلته المكونه من طابقين لأخر مرة ..


هز راسه و شغل السيارة ومشى لبيت أبوه .. وهو فالطريق شغل له موسيقى كلاسيكية حزينة كانت جواهر تحب تسمعها إذا كانت متضايقة من شي ..


وخطر بباله ينتقم من جاسم اليوم .. ليش يأجل بعد أكثر ؟؟!!


راح بيتهم و رمى أغراضه عند الباب ونادى على خدامتهم تحملهم لغرفته و ركب سيارته وهو يبتسم بخبث ..


أخذ تلفونه وضغط على رقم جاسم واتصل له ..



جاسم بصوت كله نوم : ألووو


فارس بخبث: مرحبااا بهالصوت .. وينك يالغالي ما تبين ؟!! اختفيت من شهرين


جاسم صحصح: فارس ؟


فارس: عيونه


جاسم ارتبك: هااه .. أنا .. اختفيت .. أنا ولا أنت ؟!!


فارس: الله العالم منو اختفى قبل الثاني .. انزين ما علينا .. وين أنت الحين ؟!!


جاسم: أنا بالبيت .. ليش ؟!!


فارس: سلامتك بس حاب أعزمك على العشى .. تدري من زمان على طلعاتنا الأولية .. وأنت صراحه وااحشني " قالها فارس وبغى يرجع من لوعة جبده بس صبر روحه عشان جواهر وانتقامه "


جاسم: اهاا اوكيه .. 10 دقايق وأنا جاهز .. بتمرني البيت ولا أجيك مكان ؟!!


فارس: لا أمرك البيت أفاا عليك الجسمي


جاسم: اوكيه .. جااو


فارس: باي


سكر فارس وهو لايعه جبده بس ابتسم بخبث على نجاح البداية من خطته .. توقعه يرفض بس صار العكس .. والله و جيت لموتك برجولك يا جاسم !!










|[ نهـــاية النـغـمـــة الـخـــامـســـــة ]|


اسطورة ! غير متواجد حالياً   رد مع اقتباس
قديم 14-09-13, 05:37 PM   #9

اسطورة !

نجم روايتي ومشرفة سابقة وفراشة متالقة بعالم الازياء

alkap ~
 
الصورة الرمزية اسطورة !

? العضوٌ??? » 120033
?  التسِجيلٌ » May 2010
? مشَارَ?اتْي » 15,367
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » اسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond repute
¬» مشروبك   pepsi
?? ??? ~
My Mms ~
افتراضي

|[ على نغمات الموت ]|








النغمة الـســــادســـة:~







يوم الأحد ..

الساعة 11 و نص في الليل



مر فارس على جاسم .. صديقه الأولي .. استقبله بسيارته بابتسامة مزيفه .. وعلى طول انطلقوا .. مشوا في طريق مظلم وموحش .. طريق مخيف ..


قال جاسم بخوف: فارس وين أحنا ؟!! وين بتروح ؟!!


ضحك فارس وقال: خايف يا جاسم ؟!! لا تخاف حبيبي .. بوديك مكان وااجد حلوو


بلع جاسم ريقه و هو ساكت وقعد ينتظر المكان الحلو على قولة فارس وقلبه مو مطمئن .. عشان يخفف من وتيرة خوفه .. شغل الراديو وحطه على محطة أغاني .. وكانوا حاطين أغنية يفضلها .. و قعد يغني وياها


انزعج فارس بس سكت قال بخاطره خله يستمتع شوي قبل عذابه ..


وقف فارس السيارة والتفت جاسم حواليه ما شاف غير صحرا جرداء مافيها ولا شي و ظلمة غير صوت الذياب المخيف ..


التفت لفارس برعب: فارس وين جايبني !! بالله هذا المكان الحلووو ؟!!!!


ابتسم فارس ابتسامة جانبية باسهتزاء و بند السيارة و سحب مفاتيحها وطلع بره السيارة وكان فيه نسايم هوى حاره نسبياً ..


طلع جاسم وراه وهو يتلفت بخوف .. خايف يشوف واحد من هالذياب الا يسمع صوتهم ويكون وجبة عشاء لذيذة لهم ..


قال فارس وهو عاطنه ظهره: تسمع صوت الذياب .. تشوف ظلمة الصحرا .. شفت شلون الصحرا جرداء قاحلة مافيها ولا شي .. هاي حياتي بدون جواهر " رفع صوته شوي " هاي حياتي بدون نور عيني ..نور عيني .. الا أنت طفيته .. أنت الا خليتني أنقلب عليها .. أنت السبب في كل شي !!!


التفت له جاسم و ضحك ضحكة صغيرة : فارس الله يهداك شهالحجي ؟!! أنا مو سبب في شي .. مو أنت الا كنت تشتكي لي وتطلب رايي ومشورتي في مشاكلك ؟!! ويوم حليتها لك قلت أنا السبب !! هذا جزاي يا فارس ؟!!


فارس بحقد: أنت ما كنت تحلها لي .. أنت كنت تخربها .. وأنا كنت مثل الأعمى وراك .. أنت خدعتني يا جاسم .. خدعتني .. وفوق هذا سحبتني للحرام .. و دخلت بيتي .. وانتهكت حرمة البيت " وقال بغصه " و اغتصبتها .. اغتصبتها يا جاسم .. شلون قدرت تسوي هالشي .. شلون طاوعت نفسك ؟!!!


سكت جاسم .. الشي الا شجع فارس انه يكمل بصوت عالي: تدري شنو صار بعدين ؟؟! تـــــدري ؟؟!! جواهر حملت منك .. حملت منك يا جاسم .. و يوم دريت أنا .. حسيت الدنيا تدور فيني .. ما كنت أدري إنها حامل منك الا يوم سويت الفحص وتأكدت .. لأن أنا من يوم تزوجتها ما لمستها .. لأن كان عندي أمل أتزوج شهد !!


جاسم باستهزاء ونسى شوي من خوفه بوسط هالنقاش الحاد: هه .. للحين عندك أمل تتزوج هاللي ما تتسمى .. ما تدري إنها من صبي لصبي .. وكانت تخدعك يا فارس .. " ورص على جملته " كـــااانـــت تـــخـــدعـــــك !!


صرخ فارس صرخه أرعبت جاسم وخلته ينتفض: جااااااااااااااب .. ما كانت تخدعني .. أعرفها أنا .. 4 سنوات أكلمها .. مو سنة ولا سنتين .. 4 سنوات .. صح كانت تكلم شباب بس من عرفتني و حبتني تاااابت .. ساامع .. تاااااااابت .. وكنا متفقين نتزوج من 7 شهور .. لكن طلعت سالفة الأهل " ما حب يوضحها لجاسم " وبدل ما أتزوج شهد تزوجت جواهر .. بس جواهر كانت مثال للزوجة المثالية .. ما قصرت معاي بشي " طاحت دمعه حبيسة من عيونه بسرعه مسحها وقال بصوت مبحوح " كانت تحبني ولا زالت .. ماتت وهي تحبني .. بس أناا .. أنااا بدل لا أشكرها أخذت منها حياتها .. وكله بسببك



تقرب فارس من جاسم و عطاه كف قوي .. تلاه كفين وثلاثه ليما أنتهى به الأمر انه يسدحه على الأرض و يطيح فيه ضرب من كل خاطره ..


ويوم حساه بموت بين ايده رفع راسه وصرخ: لا تموووووووت .. مب الحين تمووت .. لا تمووت قبل لا تذووق العذاااب الا ذوقته جواهر !!


و سحب فارس ذراع جاسم بشكل معاكس وكسرها له .. صرخ جاسم صرخة ألم من أعماق قلبه .. بس هيهااات محد يسمعهم


جاسم بتعب بين دمه: فــ .. ــاارس ... لـــيـ .. ــش .. تســـوي .. فينــــي .. جـــ .. ـــذي ؟!!


فارس بقهر: ليش أسوي فيك جذي !! اسأل روحك .. شسويت لي ؟؟!! هذا أقل شي أسويه بحقك .. أنت أخذت مني حياتي .. أخذت مني جواهر .. و فوق هذا خسرتني وظيفتي .. بالله الحين آي شركة بتقبلني وأنت مشوه سمعتي ؟!! نزلتي للقاع يا جاسم .. خسرت كل شي .. وبسببك أنت .. أنـــــــــت .. ولازم تموت الحين .. لأنك ما تستحق الحياة أصلاً !!


قام فارس و طلع المعدات من شنطته في السيارة .. و بدأ يحفر لجاسم قبره .. و جاسم يأن من الألم بكامل جسمه .. و راسه ينزف دم


راح لجاسم الا فاجئه بأنه تقيأ دم على ثيابه .. باعده عنه بسرعه باشمئزاز وظل يتقيأ على الأرض بصورة تخووف .. و يوم خلص حمله ورماه بالقبر


جاسم ما قدر يتكلم لأنه كان واجد تعبان .. غير الدم الا نزفه هلكه و خارت قوته .. و غمض عيونه مستسلم للموت .. دقايق بس وفاضت روحه لبارئها


انتفض فارس يوم سمع شهقت جاسم .. وبعدين صخ .. قام يجيك النبض عنده .. لقاه مات خلاص .. قعد صوب القبر .. وكل القوة الا كانت عنده تبخرت .. قعد يصيح و يصيح و يصيح .. ما تخيل عمره بيوم راح يسوي الأشياء الا سواها الحين


صحى من سرحانه على صوت الذياب القوي .. وقام دفنه .. و وازى قبره مع الأرض عشان ما يبين انه فيه شي .. طالع ساعة ايده المغرقة بدم جاسم .. مسحها ببنطلونه أي كلام .. وشاف إنها 2 ونص الفجر ..


شال المعدات ورماهم بالسيارة من ورا و ركب السيارة .. مشى للبيت بسرعه جنونية .. بركن سيارته داخل وقفلها .. وركب لغرفته بكل هدوء وخفه و بسرعه .. راح الحمام و قعد بالبانيو بثيابه .. وشغل الماي ..


تنهد وهو يشوف الماي يغسل دم جاسم من ثيابه .. ويوم اختفى الدم الا من أثر بسيط كلش ما يبين .. فصخهم وحطاهم بسلة الغسيل .. و أخذ له شاور .. بعد ما خلص ولبس ثيابه .. نزل للمطبخ وأخذ قطعه قماشيه نظيفه .. وراح لسيارته ومسح كل آثار الدم من المعدات و السكان والقير وكل شي ..


دخل البيت مرة ثانية و رمى القطعه بالزبالة .. راح غرفته الا أذان الفجر يأذن .. دخل الحمام و غسل أياديه بالصابون و توضأ .. ثواني الا يدقون باب غرفته


راح فارس فتح الباب .. لقى أبوه وراه وفي وجهه ابتسامة منورة ..


أبو فارس: قاعد يبـه ؟!! يالله على المسجد عجل


انتفض فارس .. من زمان ما راح المسجد يصلي .. كل مرة يصليها بالبيت .. آخر مرة راح المسجد يوم كان توجيهي ( الثانوية العامة )


ابتسم فارس ابتسامة صفرا: دقايق يبه .. ببدل ثيابي وبنزل


لقى فارس إنها الفرصة الوحيدة عشان يتقرب من ربه .. لعل وعسى يغفر له ذنوبه .. و تسامحه جواهر ..


" آآآه يا جواهر .. أتمنى أنج ارتحتين الحين وأنتي بقبرج .. انتقام و انتقمت لج من الا كان السبب بعذابج .. أتمنى ما تجيني كوابيس بج مثل هالأيام الا طافت .. أتمنـــى !! وحشتيني حبيبتي .. سامحيني على كل الا سويته فيج .. أنا ما أستاهلج .. ما أستاهلج !!"



نفض من راسه هالأفكار وطلع له ثوب نظيفه لبسها و تعطر على الخفيف .. انتبه لشعره الا طول واجد ووصل لكتفه وقال بعدين اذا ارتاح بروح يقصره .. طالع لحيته الا توه مخففنها من يومين وطالع شكله كيوت بها ..


أغلق تلفونه و طلع من غرفته ولا أخذ شي معاه .. اليوم ناوي يروح المسجد القريب من بيتهم مشي .. لعل وعسى تتعدل نفسيته


نزل تحت لقى أبوه بانتظاره و أخوانه يوسف و محمد الا شوي وينام عليهم ..


من انتبه له أبوه قال بصوت جهوري: يالله .. مشينا


فارس: روحوا أنتوا يبه .. أنا أبي أروح مشي


ابتسم أبو فارس وقال: كلنا بنروح اليوم مشي .. الجو حلوو اليوم .. بداية الشتا .. وهَم نحصل حسنات


تأفف محمد وقال بضيق: يبه بلييز ما أبي أروح مشي .. تعبان فيني نوووومه


أبو فارس بحده: والله محد ضربك على يدك وقالك أسهر على النت .. تحمل نتايج أفعالك


مشوا عنه واضطر انه يلحقهم على مضض ..


///


كانت قاعدة على الكرسي بملل .. صلت وخلصت و أختها للحين ما قعدت من النوم .. لكن الشرهه مو عليها على هالمحطات الا يخلون هالفيديو و الأغاني ..


تأففت بملل وهي تقعد أختها للمرة الألف: أروى .. أروووى وصمـــخ .. قووومــــي صـــــلااااااة


أروى: ---------------------------


سمعها حسين الا كان طايف بروح غرفته ينام بعد ما صلى هو أبوه بالمسجد ..


طق باب الغرفة بهدوء .. جاه صوت رغد: منوو ؟!!


حسين: أنا حسين


رغد بابتسامة : أدخل حبيبي


حسين بمرح: قلت أنا حسين مو يوسف


أحمرت رغد وقالت وهي تضربه بخفه على كتفه: جزاي أدلعك بعد .. صج ما تنعطى وجه !!


ضحك حسين وقال وهو يطالع أروى النايمة ولا تدري بالدنيا: أكيد ما قعدت كالعادة


هزت رغد راسها بالإيجاب ..


حسين: أمي مسكينة متغربله معاها .. ما تقوم للصلاة الا بطلعة الروح .. ومو بس للصلاة حتى اذا قالت لها شي " طالع صور تامر حسني المعلقه فوق سريرها على الجدار و كبت ثيابها وكل مكان وقال باستنكار" هاي غرفة ولا معرض تصوير ؟!!


ضحكت رغد على تعليقه وقالت: لا غرفة .. ادعي لها الله يهديها إن شاء الله


حسين متنرفز: أنا أبي أعرف هذا شفيه من جمال عشان تحبه جذي وتعلق صوره بكل مكان .. ما أعتقد الحمام " الله يكرمكم " سلم منه بعد


ضحكت رغد مرة ثانية بصوت أعلى شوي .. الشي الا خلى أروى تنزعج و تنقلب الجهة الثانية


غمز حسين لرغد وقال: تبين شي يقعدها بسرعه ؟؟!!


رغد: شنو ؟!! " سكتت شوي بعدين قالت " لا تسوي حركاتك الجنونية عليها هااه ما فينا تصدع راسنا بصراخها


ضحك وقال: لا شي بسيط هو بس بخليها تصحصح عدل وما تعودها وتتأخر على الصلاة


قام و أخذ صور تامر حسني المعلقين كلهم و شققهم .. وحده وحده .. وأروى منزعجه من الصوت ..


ويوم صحصحت كان على آخر صورة شاقنها شهقت بقوة: لااااااااااااااااااااا


ضحكوا حسين ورغد على ردة فعلها ..


طالعتهم أروى بحقد وقالت لحسين: يالحمااااااااار .. شلوون تسوي جذي !! من سمح لك أصلاً .. يالـ ****


رغد تصنمت من الكلمة الا قذفتها أروى على حسين بدون قصد .. أما حسين فكان " نو كومينت " معصب حده و وجهه أحمر من العصبية


ما حس بعمره الا يصفع أخته بقوة .. و طاحت أخته على السرير بصدمة


رغد انصدمت وجودت حسين من كتفه: حسين .. شسويت !! أذكر الله


حسين بعصبية: ما سمعتينها شقالت ؟!! هالكلمة ما يقولونها الا أولاد الشوارع .. تعرفين يعني شنو ؟!! " التفت على أروى و صرخ بعصبية " لكن شوفي .. قنوات أغاني مافيه .. من اليوم بسوي برمجة للتلفزيون .. و بنشوف أنا ولا أنتي !!


طلع وسكر الباب وراه بالقوّة .. يوم سكر الباب أهني أروى استوعبت و بدت تصيح


حضنتها رغد وظلت تهديها ليما نامت بحضنها .. شوي و جا أبوهم يطق الباب


فتحت له رغد الباب : هلا يبه


دخل أبو رغد التفت لأروى النايمة و طالع رغد : شفيكم ؟؟ وليش أخوج طلع من البيت معصب !! هو ما يطلع عادته هالحزة ؟!!! " التفت للغرفة الا صايرة مزبلة من الأوراق المشققه وقال باستنكار " و شنوو هذاااااا ؟!!!!


طالعته رغد بأسى و أشرت له بتتكلم بره عن أروى النايمة ما فيها تقعد تصيح وتفضح حسين بعدين يسوون له سالفة ..


طلعوا هي وأبوها الا قال من أول ما سكرت باب غرفة أروى: شفيج ؟؟!! بسرعه تكلمي


رغد: ما فينا شي سلامتك بابا .. بس صار سوء تفاهم بسيط بين أروى و حسين تدري بهم دوم متخالفين ما يتفقون بشي .. أما عن الأوراق فهاي صور المغني " تامر حسني " ما تبيهم هي فقامت و شققتهم و ساعدتها أنا


أبو حسين ما اقتنع: بس هي تحبه هالمغني !!!


أهني رغد صدق توهقت الا تقول: لا خلاص هذا أول الحين ما تحبه


هز أبو حسين راسه: زين أحسن لها .. يالله روحي نامي الحين فجر شمقعدنج ؟!!


رغد: قعدت للصلاة و جيت أقعد أروى عشان تصلي .. أوكيه يبه يالله تصبح على خير


أبو حسين: قصدج تمسي على خير


أشرت رغد بايدها: الا هي .. نوم العوافي


أبو حسين بابتسامة: الله يعافيج ويسلمج


دخلت رغد حجرتها الا يرن تلفونها رنة طويلة نسبياً ورد سكت .. هي عرفت منو .. مافيه غيره يتأكد إذا هي قاعدة ولا لا .. قامت و اتصلت فيه


رغد: صباح الخير


يوسف: صبآح الورد والجوري لأحلى وردة بالعالم


ضحكت رغد بحيا وسكتت


يوسف ذاب: فديت هالضحكه أنا و صاحبة الضحكه


رغد خلاص مالها حال .. قالت بهمس: يوووسف


يوسف: عيون يوسف أمري يا بعد روح يوسف


رغد بحيا: ترى بسكر هااه


ضحك يوسف برقة ذوبت رغد : ههههه فديت الا يستحون أنا .. أووه أووه آسف .. شخبارج ؟!!


رغد بحبور: بخير الله يسلمك .. أنت شلونك شخبارك ؟!!


يوسف باستهبال: لوني حنطاوي .. أخباري بخير دام قلبي بخير


ضحكت رغد: هههههه يحليلك إذا استهبلت


يوسف: أفاا عليج .. كل يوم استهبل لج اذا تبين


قفطت رغد: لالا مشكور مو كل يوم عاد


ضحك عليها وقال: متى نعرس ؟!!


شهقت رغد بقوّة خوفت يوسف


يوسف بخوف: شفييييييج ؟!!!!


ضحكت رغد عليه وهو مايدري شسالفة !!


يوسف: يــــه .. رغـــد عمـــري شفييج ؟!!


و رغد مسترسلة في الضحك و مو قادره تتكلم: ههههههههههههههههههههههههه هههههههههههههههههههههه


يوسف سكت شوي بعدين ضحك من ضحكها .. ويوم خلصت من نوبة ضحكها قالت له: شفيك خفت ؟!!


يوسف: منو أنا ؟؟!!


رغد: لا الا وراك


يوسف: محد وراي !!!


رغد: لا صج ليش خفت ؟!!


يوسف: اسألي عمرج حبيبتي .. أحد يشهق جذي ؟!!


ضحكت رغد بالخفيف وقالت: عجل تبينا نعرس تونا مالجين ما كملنا اسبوعين حرام عليك " سكتت شوي بعدين قالت " على الأقل سنة .. عشان المرحومة


يوسف برطم: انزين شفيها ؟!! لااا سنة واااجد .. وبعدين الحي أحق من الميت


رغد بحزن: ما توقعتك تقول جذي .. و لا هاي مرت أخوك بعد .. على الأقل راعي مشاعر أخوك


تنهد يوسف بضيق: أبي أغير جو الحزن الا صاير بعائلتنا .. ما أحب الأحزان أنا


رغد: محد يحب الأحزان حبيبي .. بس أصبر كم شهر .. هذا زين بعد رضوا نملج بدون شي .. على الأقل أقدر أشوفك و تشوفني براحتنا


يوسف: بس شفايدة مو وياي طول الوقت !!!


رغد بحب: قول الحمدلله .. خير وبركة .. اصبر حبيبي اصبر .. هالشهور غمض وفتح وراحت .. وبعدين بكون وياك طول العمر حتى تمل مني


يوسف: ما عاش الا يمل منج حبيبتي .. " طالع ساعته وقال" يالله حبي أخليج تنامين و بنام أنا بعد شوي عشان بعدين أقوم للدوام


رغد: أوكيه عمري .. يعطيك ألف عافية .. وتصبح على خير


يوسف: وأنتي من أهله .. والله يعافيج .. مافيه بوسه ؟!!


أحمرت رغد وقالت بحياا: يووسف !!


ضحك يوسف وقال: خلاص أنزين بس خلنا نعرس براويج أنا


ضحكت رغد بحيا وقالت تنهي المكالمة: يالله مع السلامة


ابتسم يوسف براحه: الله يسلمج غناتي


سكرت من عنده وهي مستانسه ومرتاحه .. ما صارت ثواني الا هي تغوص في بحر أحلامها الوردية مع يوسف !!



///



نرجع لـ " حسين " الا طلع معصب من حجرة أخته و راح حجرته أخذ تلفونه و سماعات الهتفون و بوكه وطلع وهو مفول حده ..


ما توقع أبداً إن أخته تكون بهالدرجة الدنيئة و تقول هالألفاظ الوصخه الا ما يقولونها الا أولاد الشوارع ..


صادف بطريقة أبوه ولأول مرة يطالعه ويرد ينزل راسه ويمشي عنه وما يرد عليه .. لأنه كان خايف لو رد عليه يقول شي يندم عليه بعدين ..


ظل يمشي بفريجهم المظلم و الهادئ .. فجآة سمع همس صوت أنثوي يناديه: حســـين .. حسيــــــن !!


وقف و تلفت حواليه ما شاف أحد .. مشى مرة ثانية وهو يقول انه خيال هالصوت بس المفاجأة انه رد سمعها تناديه: حسيـــــن .. حسيـــــــــن !!


وقف وقال وهو ناسي عصبيته: منو أنتي ؟؟ أطلعي أنا ما أشوفج !!!



جاه صوتها الهامس مثل نغمة رومانسيه هادئة: حـسـيــــن .. مـا عرفتنــــي !! .. أنا يـــاسمـــين !!!













|[ نهايــــة النغمــــة الســادســـة ]|


اسطورة ! غير متواجد حالياً   رد مع اقتباس
قديم 14-09-13, 05:39 PM   #10

اسطورة !

نجم روايتي ومشرفة سابقة وفراشة متالقة بعالم الازياء

alkap ~
 
الصورة الرمزية اسطورة !

? العضوٌ??? » 120033
?  التسِجيلٌ » May 2010
? مشَارَ?اتْي » 15,367
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » اسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond repute
¬» مشروبك   pepsi
?? ??? ~
My Mms ~
افتراضي

|[ على نغمات الموت ]|




النغمة الـســــابـعــــة:~





جاه صوتها الهامس مثل نغمة رومانسيه هادئة: حـسـيــــن .. مـا عرفتنــــي !! .. أنا يـــاسمـــين !!!





حسين ظل يتلفت حواليه ليما شاف ظل أنثوي صغير و مع تقرب الظل بانت ملامح البنت .. بيضا مثل بياض الثلج .. عيونها واسعه .. خشمها طويل .. و شفايفها مثل التوت و متناسقين مع تقاسيم وجهها الملائكي .. و خدودها موردين ..





تقربت منه وشعرها الأسود الحريري يتطاير مع كل نسمة هوا: ما عرفتنـي ؟!!



حسين بطل عيونه على وسعها يشوف هالملاك: أنتي أنسيه ولا جنيه ؟!!




ضحكت برقة ذوبته: لا أنا أنسيه لا تخاف




حسين باستغراب: من وين تعرفيني ؟!! أنا عمري كله ما كلمت بنات




ابتسمت وقالت: كبرت واجد .. وصرت أحلى بعد " حطت يدها الصغيرة على شعره البني الناعم " مع إنك تغيرت واجد وصرت وسيم .. بس عرفتك من شعرك الحلو هذا !!





حسين للحين مستغرب .. ولمسة يدها لشعره سببت له نوع من التكهرب .. باعد يدها عنه وقال: السمووحه أختي للحين ما عرفتج !!!





طالعته ياسمين بنظرة أسرته وقالت بهمس: أنا ياسمين يا حسين .. ياسمين !!





قالت هالجمله و أختفت عن عيونه .. ظل دقايق بمكانه متسمر من الا صار





" منو هذي ؟! و شنو تقصد ؟؟!! أنا أول مرة أشوفها .. شلون اختفت بهالسرعه .. لا هذي أكيد جنيه مو معقول أنسيه جذي .. يااااربي بستجن من وين طلعت لي بهالوقت ؟!! "





راح يدور عليها و يناديها بس ما حصل منها جواب .. استغرب أكثر .. شلون اختفت بهالسرعه !!! و من تكون يا ترى ؟!! حاول يتذكر البنات الا كلمهم بحياته .. بس ما توصل لشي !! كلهم بنات خالاته و عمومته ومن أهله .. وما يتذكر وحدة منهم بهالاسم !!





قعد على كرسي شافه عند الحديقة و هو يفكر بها .. قطع سرحانه اتصال أبوه على تلفونه




حسين وبعده ما استوعب الا صار: هلا يبه




أبو حسين متنرفز: وينك أنته ؟!! وين طالع على هالفجر ؟!! أنا عبالي بتقعد بحوش البيت .. وين رحت ؟!!




حسين: أنا في الفريج عند الحديقة الحين برد البيت




أبو حسين: يالله بسرعة تعال




حسين وهو يقوم: انزين مع السلامة




أبو حسين: الله يسلمك





حط حسين سماعات الهتفون بأذونه و قعد يسمع موسيقى وهو راد للبيت .. دخل البيت وكانت الشمس توها تسلل أشعتها الذهبيه على الأرض ..





ما شاف أحد .. راح حجرته على طول و بدل ثيابه و انسدح على السرير وهو يفكر بهالمخلوقة الغريبة الا طلعت له و الا اسمها " ياسمين " .. ونام وهو يفكر بها ..





///






انقلب على الجهة الثانية بانزعاج و هو يحس بحركة صوبه




حس بيد ناعمة تمسح على وجهه و رقبته لكتفه .. فتح عيونه شوي شوي وهو يحاول يعرف منو هالمزعج الا خرب رقاده





يوم ميزها شهق بقوة: جـــواهــــر !!




ابتسمت جواهر بنعومة وكان وجهها يشع نور .. ولابسة أبيض في أبيض




قعد بسرعة وهو يقول: أنا بحلم ولا علم !!




قالت بهمس ناعم: أنت بحلم حبيبي




تقرب منها بيحظنها بس هي ابتعدت عنه و أشرت له بـ لا




طاحت دمعتين من عيونه وهو يقول: جواهر سامحتيني ؟!! تراني انتقمت لج من جسوموه .. وقتلته بايدي .. عشانج يا جواهر عشانج .. ما يهمني شنو بصير لي .. أهم شي تسامحيني





ابتسمت وهي تحط يدها الناعمة على خده برقه: أدري حبيبي .. أدري ولا تخاف ما بصير لك شي .. أعرف بكل شي سويته عشاني يا فارس .. و أنا سامحتك .. بس عشان أرتاح أكثر .. لازم تنولد جواهر من أول وجديد !!





....






قعد فارس من نومه و ما حس بعمره الا يطيح من على السرير .. جود راسه متألم.. وحط يده على خده الا حطت جواهر ايدها عليه و قال باستغراب: يعني شلون لازم تنولدين من أول وجديد يا جواهر ؟!! ما فهمت !!




و ابتسم براحه يوم تذكر انها قالت له انها مسامحته ..




شاف الساعة لقاها 9 الصبح .. قام غسل و بدل ثيابه و نزل تحت




شاف أبوه توه بيطلع للشغل قال له بسرعه: يبـه




راح له وباسه على راسه و صبح عليه




أبو فارس براحه: تحب الكعبة يا ولدي .. صبحك الله بالنور والسرور




فارس بابتسامة: شخبارك يبه ؟!!




أبو فارس: الحمدلله ما نشكي بأس وانت يا ولدي ؟!! شكلك اليوم أحسن




فارس براحه: أي يبه .. أنا بخير دامك بخير .. يبه بغيت من وقتك دقيقة




أبو فارس: كل وقتي لك .. آمر يا ولدي




فارس وهو منحرج شوي: امممم.. نويت أشتغل معاك بالشركة




أبو فارس بحبور: يا هلا و مرحبا بك بالشركة .. بتنورنا .. أنا من زمان أقولك اشتغل معاي بس أنت ما ترضى .. كله تبي بروحك




ابتسم فارس و سكت ما عرف شنو يقول


قاله أبوه بمحبة: يالله عموماً تقدر تداوم من بكرة و تعرف أنت الدوام شلون و القوانين وهالسوالف




باس فارس راس أبوه وقال: أي يبه أعرف .. تسلم لي والله لا يحرمني منك




أبو فارس: ولا منك يا ولدي .. يالله أنا بروح الحين تأخرت .. أنتبه للبيت هااه




فارس: لا توصي حريص .. بحفظ الرحمن يبه




طلع أبوه لشغله و راح هو يشغل التلفزيون و يبدل في قنواته بملل ليما تقعد أمه و تسوي لهم الريوق .. شوي ونزلت أخته سارة




سارة بابتسامة: صبآح الخير




التفت لها بابتسامة عذبة: صبآح النور والسرور




سارة بحيرة: كأنك اليوم متغير ؟!!




ضحك فارس: ههههه أيه يمكن




ابتسمت سارة: إن شاء الله دوم يااارب




فارس بابتسامة بانت ضروسه البيض: جميعاً ياارب




شوي الا يسمعون صوت بطن فارس يزغرد .. ضحكوا اثنينهم مرة وحدة




وقالت سارة: واااعليه جوعان !! قوم وياي نسوي الريوق




قام فارس وياها بمرح وهو يحس لأول مرة براحة غير طبيعية ..




دقايق الا تدخل عليهم أمهم بالمطبخ و معاها محمد




سلموا عليها فارس وسارة وباسوا راسها ..




محمد وهو يطالع بفضول: شتسوووون ريوووق ؟!! جووعاااان أنااا




سارة بسخرية: أنت متى شبعان بالله ؟!! و يالله مناك اتعب على روحك بروحك هذا حقي و حق فارس بسسسسس " وركزت على آخر كلمة "




ضحكوا على تعابير وجه محمد و الا شوي ويصيح




محمد يبي يكسر خاطرها: حراام أنا جوعاااااااااان !!




سارة تتفلسف: مشكلتك والله " و أشرت على فارس بحركة تقهر محمد " يالله فارس نتريق بره




و طلعوا بره في الحديقة يتريقون




ضحكت أم فارس وارتاحت لأن فارس شوي شوي يرد لهم مثل قبل وقالت لمحمد ولدها الا شوي ويصيح: خلاص لا تبجي بسوي لك ريوق ولمها بعد




محمد برطم: خلاص ما ابا نجفت




و راح غرفته بالوقت الا طلعت فيه مها من غرفتها وهي مستغربه شفيه محمد شوي و يصيح !!!




" في الحديقة "




سارة بتساؤل: لالا صج فارس شفيك اليوم ؟؟!!




ابتسم لها فارس و الهوا يلاعب خصلات شعره: ما فيني شي هذاني بسلامتي قدامج




سارة ما اقتنعت بس قالت بخاطرها " يا خبر اليوم بفلوس بكره ببلاش "




توها بتتكلم الا يرن تلفون فارس




فارس بمرح: هلا والله بأبو علي .. هلا بـ حسين الغالي




سارة استغربت انه يكلم رفيقه قدامها .. قبل ما يعرف يتكلم ويا أحد في التلفون و معاه أحد !!




فارس: بخير نسأل عنك .. ههههه شنسوي يالغالي هذا حال الدنيا .. انزين أبو علي أنا أبي أشوفك اليوم .. لالا ما فيني الا العافيه ومو صاير شي .. بس بقولك سالفة .. ههههه لا لاتخاف ما وراي شي تطمن .. انزين ماعليه .. موب مشكله .. سلم لي على الوالد .. حياك الله .. بحفظ الله





سكره من عنده و سرح شوي ..




التفت على سارة الا قطعت عليه سرحانه تبي تفتح وياه أي موضوع: بتطلع اليوم ؟!




فارس: ايه ليش ؟!!




سارة: لا ولا شي بس جذي اسأل .. أنت للحين تروح النادي ؟!!




تنهد فارس: لا ويين !! من و " سكت شوي بعدين تشجع وقال " من وفاة المرحومة ما قمت أروح




سارة لامت نفسها إنها ذكرته بمواجعه بس قالت تغير الموضوع: تلاقي الحين محمد مسوي برجة بغرفته من الصياح




تذكر محمد يوم هم بالمطبخ وتذكر ملامحه وضحك من قلبه عليه .. ابتسمت سارة و فرحت انها قدرت تنسيه و تضحكه








///


اسطورة ! غير متواجد حالياً   رد مع اقتباس
إضافة رد

الكلمات الدلالية (Tags)
الموت, الكاتب, رواية, غرشوب, نغمات

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 06:44 PM



Powered by vBulletin®
Copyright ©2000 - 2024, vBulletin Solutions, Inc.