دموع بلا خطأ / الكاتبه / بسمة خوف / مكتمله

[اسطورة !]

	السلام عليكم ورحمة الله وبركاته مساكم ربي بالخير والرحمة كيفكم حبايبي الليلة بطرح الرواية الثالثة من باقة الروايات لهذا الاسبوع دموع بلا خطأ الرواية قطرية للكاتبة بسمة خوف بطرح لكم البارتات الاولى قراءة ممتعة

[اسطورة !]

~


.. السـلام عليــكم ورحمــة الله وبركـاتـه ..


// دموع بلا خطأ //
روايه قطريه للكاتبه بسمه خوف





؛؛ المقدمـه ؛؛

لن أستسلم

لن أستسلم مهما عانيت
سأمضي في دروب هذه الحياة
لن أستسلم للأحزان والآهات
لن أقف في مكاني
سأمضي قدمآ لأحمل حلمي وأحققه

لن أكون مكتوفة اليدين
سأتناسى جراحي وآلامي
وكل من غدر بي
كل من جحد عطائي
كل من ضرني
كل من جرحني و ألمني
كل من تسبب في حزني وانكساري
لن أستسلم للماضي والذكريات الحزينة
سأعيش الحياة !!
سأتناسى الجراح و الألآم وكل الاحزان
سأعيش كفراشة تحمل أجمل وأرق الألوان وأتنقل بين الأزهار وأنشر الفرح والسرور
في أرجاء الكون الواسع
وأحمل حلمي وأحلق بعيدا عن أرض الواقع

وسوف أبعد قلبي عن الأيدي العابثة سأتركه في مكان لا
يعرفه أحد سواااي
في مأمن عن البشر

!!







الجــزء الأولــ ..(1)

رحت اركض ابي اشرد من يد بروكلس .. وهو كان وراي يصاارخ يناديني .. وشوي الا تطلع لي مس جين .. صرخت ووقفت ويا بروكلس من وراي ومسكني وشلني ..
صرخت : نزللللللللني ..
مس جين : انتي تسكتين ولا تتكلميـن .. لو تدري الاداره باللي سويتيه جان حبستج حبس دائم ..
قلت : انا ما سوييييت شي ماسويـــت شي ..
مس جين : بروكلس .. روح وطبق عليها القاانون ..
قلت : أي قاانون هاااي اللي بيعااقب وحده مالها ذنب ..
بروكلس : يااسلااام .. اللي سويتيه فيني مو ذنب ..
قلت : لاء ..
مس جين تصارخ : قلت لـك ودهااا ..
طالعني بروكلس بخبث ودخلني غرفه صغيــره مظلمه .. مافيها الا مله صغيـره .. ليش مادري ..
بروكلس : انتي بتميـن هنيه ..
قلت : ليـش حراام عليـك .. ما سووويت شي والله ما سويت شي ..
بروكلس : انتي اوووش ولا كلمه .. انتي مكبره راس كل البنات علي انا ومس جين ..
قلت : هذا من سوااد ويهكم .. والا انا ما اقوول شي غلط ..
بروكلس طالعني بنظـره حقد : انززين يا لوتـــس انزين .. انا اوريــج ..
وسكـر الباب وخلاني بروحي في هالبـرد .. رحت عند الباب بسرعه وتميت اطقه واصااارخ عليهم ابيهم يفتحوون لي الباب ..
صرخت : فتحووووو .. فتحووو الباب فتحوووولي .. لو انا مسويه شي بعذركم وبخليكم تسوون فيني اللي تبوووون .. بس انا ما سوووويت شي ما سويييييـت ..فتحوووووووا البااااب ترى بسوي بعمري شي وانتووووو اللي بتخسرووووووون ..
فتحت لي مس حين الباب وصبت علي ماي بارد وطلعت .. وانا تميت في وسط الغرفه .. حسيت بالبرد من ريلي لين راسي .. مسكت لي زاويه وضميت ريلي وحاولت ادفي رووحي ..
وتميت اتنافض .. حسيت بنور.. رفعت راسي لقيت بروكلس فاتح الباب .. صديت اطالع الطوفه ..
بروكلس : اوه .. زعلانه اشووف ..
قلت : برووكلس اطلع وخلني آخذ العقاب على اصوله ..
بروكلس : ههههههه صج انج اصيــله ..
التفت عليه بترجي : بروكلس ارجوك جيب لي شي يدفيني .. ابي كوت شي يدفيني .. بردااااااانه ..
بروكلس فتح يدينه وبابتسامه خبث : تعالي انا بدفيــج ..
طالعته باحتقااار وصديت ..
بروكلس : ما ردج بتجيـني يا لوتـــس .. ماردج بتجيني ..
وطلع ..
البرووده زادت .. وانا مبتله .. كلها ساعات وماحسيت بنفسـي ..

فتحت عيني واشوف نفسي على سريري .. حاولت اقووم بس احس ان راسي ثقيـل ..
انفتح الباب .. وكانت مس جين خلف الباب ..
مس جين : قمتي ..؟
قلت : لا للحيـن .. تعالي عقب ساعه بتلاقيني قااعده ..
مس جين : اوف يا ثقل دمج ..
قلت : شتبيـن انتي الحيـن ؟
مس جين : يايه اتطمن عليـج ..
قلت : هه مو من طيبج .. هااي خوف من الاداره لا تنزل فيكم تقرير ..
بلعت ريجها مس جين : اصلا العقاب اللي عطنااج اياه تستااهلينه ..
قلت : لا ما استااهله .. لاني ما سويت شي غلط ..
مس جين : رفعتـي صوتج على بروكلس وظربتيـه وتقولين ما سويتي شي غلط ..
قلت : انا يوم اني ظربته كنت مو قاصده .. ويوم عليت صوتي عليه لانه كان يهاوشــني ..
مس جين : ما علي من هالكلام .. بتكملين عقاابج ..
شهقت : في الغرفه المعزوووله ؟
مس جين : لاء .. هنيه ..
قلت : شلون ؟
مس جين : بتنظفيـن كل الغرفه ..
شهقت : بــس هاااي كبيــــره .. ومو انا بس اللي فيها .. فيها 19 غيـري ..
مس جين ابتسمت بخبث : هه مو شغلي .. هاي عقابج ..
قلت : اووف .. انزين بس وين البنات ؟!
مس جين : البنات ياكلون في غرفه الطعاام ..
شهقت : واناااااا ؟!
مس جين بخبث : محروومه ..
صرخت : محرووومه من الاكــل يا ظلاااااام ..
مس جين : ايه .. محرومه من الاكـل .. ما بتمووتيـن ..
قلت : الا بموووت من الجووع .. حراام عليـج انتي ..
مس جين : اوووف .. نظفـي الغرفه وانتي سااكته .. وجيبي السطل والماي والصابون من المخزن .. وتعرفين عقب شتسوين ..
تنهدت بقهـر ورحت المخزن وخذت السطل وترسته ماي وصابون وخذت الممسحه وتميت امسح الغرفه ..
من وعيـت على الدنيـا وانا في هالـداار .. يعني صاار لي 17 سنه ..
كنت احب هالدار .. واحسها بيتي .. والمسّـات احسهم امي وابوي اللي انحرمت منهم .. لكن يوم نقلونا لـ هالدار .. وجابوا لنـا مسّـات جداد .. كرهت حيااتي .. كرهتهم كلهم .. محد مصبـرني غيـر روز وصوفي فديــت قلبهم .. هم أعـز اصدقااائـي .. من وانا صغيـره واول ما دخلت الدار كانوا هم في استقبالي .. يعني هم أول ما شفت في دنيتـي ..
والشمس والقـمر والنجوم .. والنهار والليل .. مالي علاقه فيهم ابد .. ما اشوف النهار والليل الا من الشباك .. وما اشوف النجوم والقمـر والشمس الا من الشبااك ونادر .. انا محروومه من اقل حقووقـي ..
شفت بنتين يركضون داخلين الغرفه دققت الا روز وصوفي ..
روز : لووووووتــــــس ! ..
ابتسمت : هااااا ..
صوفي : شتسويـن ..؟
قلت : عقاااب ..
روز : كم مـره ؟
قلت : انا ادري عنهم ..!
صوفي : لوتس لوتس .. شوفي شنو جبت لـج ..
قلت : شنوو ؟
فتحت الكيس وشفت يايبين لي أكل ..
قلت : ياااااااااااي .. فدييييييتكم.. تدروون اني يوعاانه ..
صوفي : ايه فديتج .. وانا اكـل تذكرتج واحط لي شوي واخذ من صحن روز شوي واخذ من صحن اللي حذااي شوي .. هههه .. لين ما صارت لج وجبه ..
قلت :هههههه اموووت فيج انا ..
روز : ايه عاااد اكلي على زاويه السرير .. عشاان ما تحشـرج مس جيـن ..
قلت : ايه زين ..
ورحت على زاويه السرير وتميت اكـل .. وشوي الا البنات يدخلون شوي شوي ..
خلصت اكلي مع سوالف البناات وروز وصوفي ..
شوي الا ينفتح الباب وتدخل علينا مس كاي اخت بروكلس ..
صج فرق بين هالاثنين ..
بروكلس ضخم , يخرع ,شرير , قلبه قااسي ..
اما مس كاي ..
طيبه , حنونه , حجمها صغيـر , وحلوه ..
مس كاي : هاااااي بناااات ..
قلنا : هااااي مس كاااي ..
مس كاي: شخبااركم ؟
قالوا : بخيــر ..
اما عن نفسي سكت ..
مس كاي : ولوتــس ! ؟
قلت : شفيها لوتـــس !؟
مس كاي ابتسمت : شخباارها ..؟
قلت : مب زينه .. من اللي سوااه اخوووج ..
مس كاي نزلت راسها ورفعته وابتسمت لي : شسوى ؟
قلت : صج ان انتي مالج ذنب باللي سواه هو .. بس منبطه جبدي منه .. على كل شي " اقلد صوته " عقاب عقاااب .. ما عنده تفاهم ..
مس كاي : هههههههههه .. ليش شسويتي ..
تنهدت : شوفي .. وانا كنت اراكض ورى مادري من حتى نسوني من اللي العب وياها مالت عليهم .. دعمته لانه مرتز عند ويهي .. وهاوشني وانا صرخت عليه عشان افهمه اني مب قاصده .. هزئني ووداني غرفه العقاااب .. وطبعا مس جين ما عارضت .. هي تبي الاشااره علي ..
مس كاي : انزين لا تقلبينها نكد .. انا يايه اليوم افرحكم بخبـر ..
ابتسمت : خيــــــر ؟
مس كاي وقفت في الوسط وعلت صوتها : يووووم الخميــس في مفاااجأه لكم ..
صرخـنا : شنوووووو ؟
مس كاي : بتروووحووون رحله .. بس للحين ما اعرف وين ..
صرخنا من الونااسه وتمينا نضم بعض ..
مس كاي تمت تطالعنا وضحكت ..
مس كاي : بس على فكـره .. اللي بيضااايق مس جين وبروكلس ومس ماجي ومس كاي اللي هي انا .. ما يرووح ..
قلت : عيل انا من الحين مب راايحه ..
مس كاي : هههههه لا لا لا تقوليـن جي .. انتي حاولي تسمعيـن كلامهم ولا تعلقيـن عليه ..و بترووحيـن صدقيني .. والخميس مو بعيـد ..
تنهدت : بحاول اذا اقدر ..
مس كاي : يلا اخليكم الحيـن .. بتجيـكم مس ماجي وبتعطيكم درووسكم ..
جهزووا اغرااضكم وروحوا غرفه التدريس ..

طلعت مس كاي وخذنا كتبنا .. وتوجهـنا لغرفه التدريـس ..
جات مس ماجي ودرسـتنا وطلعـنا .. صارت الساعه 3 .. وهاي وقت القيلوله عند الدار كلهم ..
انا ما جاني نووم .. تميت قااعده .. طالعت روز لقيتها متسلقيه على السرير ..
قلت : بتنااميـن ؟
روز : عيل شباسوي ؟
قلت: مافيني نووم ..
صوفي نقزت : بعد انا ..
قلت بهمس وانا ابتسم : شرااايكم نطلع برع شوي ..
صوفي : برع الداااار ؟
قلت : لا وين برع الداار .. برع نشم هوى .. في البراااحه يعني ..
روز : ايه بس خلنا نرووح ورى .. عشان نكون بعاااد عن شبابيك الادااره ..
قلت : اووووكي ..
قمنـا .. فتحنا الشباااك نطل برع ..
لقيـنا الثلج مااالي المكـان ..
ياتني قشعريره : برد ..
صوفي : ايه بناااخذ كوووتنا .. يلا ابي اطلع ..
قلت : يلاااا ..
طلعـنا كلنا بشوي شوي .. ورحنا على طووول ورى الداار ..

شفنا الثلووج تغطـى المكـاان .. واللون الاخـضر اللي كنت اتمنى اشوفه في الاشجار والزرع تغطـى باللون الابيـض ..
صوفي : بررررررررررد ..
روز : الا موووت ..
صوفي : خلنا ندخل ..
قلت : لاااا .. خلنا نتم شوي .. انا ما صدقت اشوف السمااا ..
روز : ايه الجو حلو برع .. بس بررررد لوتـس ..
قلت : شااسوي .. انتو شفتو الثلج من الشبااك .. ليش ما خذتوا كوتات عدله ..
صوفي : انزين خلنا نروح عند هالكراسي نقعد ..
قلت : امـشـي ..
ورحـنا صـوب الكراسي وقعدنـا .. وانا في بالي ابي اسوي خطه حق بروكلس ومس جين ..
ابي اخليهم يندمون باللي سووه فيني ..
تميت افكـر وافكـر .. وقطعت افكاااري صرخه صوفي ..
صوفي : بروووووووووووووووكلس ..!
شهقت : ويــن ؟
صوفي : كاااهو يتمشـى .. بسرعه خلنا ندخل بســرعه ..
قمت : يلا امشوو ..
ورحـنا نركض ودخلنا داخل بسـرعه وشلحنـا الكوت وسوينا روحنـا نايميـن ..
شوي الا ينفتح الباب .. وانا ما صديت صوب الباب .. اوني نايمه ..
انفتح الليت وسمعت صرخه بروكلس : مــــــــــــن اللـــي كــاااان بـــرع ؟!
الكل ساااكت ..
بروكلس نفس النبره : مــــن اللي كــااان برع ..؟ انا اسألكم .. لا تسوووون رووكم ناايميــن ..
سااكتيــــن ..
سمعت خطواات متجهه صوووبي .. غمضت عيوني بقوه ..
سحب عني الالحاااف ..
بروكلس يصـرخ : ماااافي غيــرج انتي ..
شهقت : وانـــت ليــش تسحب عني الالحااااف .. صدقني باشتكــي عليــك ..






بروكلس : لا تضيـعيـن السالفه .. ليــش كنتـي بـرع ..
قلت : انا كنت نااايمه .. مب انا اللي كنت برع ..
بروووكلس : ليــــــــــش كنتـــــي برررررررررع ؟!
قلت بأصرار : انا كنـــــــــــت ناااايمــه .. ما تفهممممم ..!
بروكلس : ايه ما افهم .. تعالي انتي وصوفي وروز .. بسـرعه ..
شهقت وطالعتهم ..
هم كانوا يترقبوون الحدث وهم مكانهم .. ويوم نطق بأسمهم قاموا خايفين ..
بروكلس يطالعنا بخبث : لا تحسبووني ما ادري عن اللي تسووونه .. امشووو بسـرعه ..
صوفي : وين بتوديـنا ؟!
بروكلس : بشووفيـن ..
روز : ايـــه انت .. لا تقعد تهدد وتسوي رووحك قوي وتتشطـر عليـنا .. احنا مو قدك ياخي ..
روح وخلناا في حالنا ..
ضحكت على روز .. اول مره اشوفها تهاوش مع صوتها الناااعم الحاد ..
بروكلس تكتف وطالعها : لا صـج ؟!
روز شكلها خافت : اااايـه .. روح وخلنا نولي .. مب احنا اللي طلعنـا .. دور غيـرنا ..
بروكلـس : انزين شرااايج اني شفتكم ثلاثتكم وانتو قاعدين على الكرسي وعقب شفتوني ورحتو تركضـوون .. " ابتسم بخبث وطالعني " بس حبيت انكم تنالون العقااااب جدام المـلاء ..
دخلت مس جين : شصااايـر ؟!
شافتنا احنا الثلاث وجدامنا بروكلس ..
مس جين : وانتــي بعد ..!
قلت : شااسوي .. انتو في كل مشكله بتدخلوووني ..
مس جين : شمسويـن يابروكلس ..
بروكلس : طلعوا برع ..
مس جين طلعتنا .. رفعت حاجبها وراحت ..
بروكلس : يــلا ..
مشينـا ثلاثتنا ..
بروكلس : لا لحظه ..
وقفـنا ..
بروكلس : شيلو القبعاات اللي على راسكم ..

احنا لنا زي موحد بين البنات كلهم .. هو عباره عن ثوب بيج وعليه نفس المريله باللون الزيتي .. وقبعاات للكـل .. وما يرضون نشيله .. بس هالمـره ليـش قال لنا نشيله مادري ..
قلت : لـيس ؟
بروكلس : شيلوووه وبدوون صوت ..
طالعتهم .. طالعوني بخوف وشلو قبعاتهم .. وانا شليتها ..
طالعناه وهو رافع حاجبه : يلا ..
ورحنـا وراه .. شفته متجه صوب برع .. حسيــت بالبرد ..
قلت : انت وين بتوديـنا ؟!
بروكلس تم سااكت ..
طلعنا برع في هالثلج .. وقفنا عن الباب ..
بروكلس : يلا ..
قلت : بنطلع بـــرع البراحه ؟
بوكلس : ايه ..
قلت : ابي كوتي انزين ..
بروكلس : مافي .. يلا جدااامي ..
ودزنا برع وسكـر الباب ..
صـرخنـا : افتـــــــــح البااااب ..
صوفي على طول صااحت .. وروز طالعتها بخووف .. اما انا تميت جااامده .. خذت صوفي وضميتها ويات روز وضمتنا .. صرنا وكنا واحد .. حسيت ان اصاابع يدي ثلجت .. مااعرف شلون ادفيها .. كل مكااان باارد ..
قلت : تعالوا ندور مكان دافي .. والا ندور مدخل ندخل داااخل ..
روز : لا خلنا نطلع من الداار كلها ..
صوفي وهي ترجف : الباب مقفول يالذكيه .. وفيه حراااس ..
قلت : قوومي يلاا ..
صوفي : ما اقدر اقووم .. قومي انتي وشوفي .. انا بمووت من البرد ..
قمت ويات معااي روز ..
رحنا يمين ويساار ندور مكان مفتوح او مكان مسكـر داافي .. ما لقينا .. المكان مكشوف ومفتوح .. رجعـنا ..
صوفي : هاا ؟
روز : مافي شي ..
صوفي : ليــن متـى واحنا بنتم هنيه ..؟ ليــــن متـى ؟
تنهدت وطلع الدخان من حلجي ..
ضمينا بعض .. تميـنا فتـره طويـله .. غاابت الشمس وزاادت البرووده .. روز كانت تصيـح .. وصوفي نامت .. اما انا كنت خايفه وانتظـر حد يفتـح الباب ..
روز : لووتــــس ..!
التفت عليها ..
روز : صوفي ما تتحرك ..
شهقت : شنوووو ؟
مسكت صوفي وضربتها بالخفيف على وجهها : صوووفي .. صوووفي ..!!
روز صاحت : شفيـهاااا ؟
قمت وتميت اطق الباب واصاارخ : فتحوووووووووو البااااااب .. فتحوووو الباااااب فتحوووه .. صوووفي تعبااانه فتحوو الباب ..
سمعت صوت عند الباب .. هو صوت مس كاي ..
مس كاي : شفيـكم .. من برع ؟
قلت : انا لووتس .. ارجووج مس كااي فتحلي لنا البااب .. صوفي ما ترد عليـنا. .
مس كاي : انتو من الي طلعكم برع .. ليش قاعدين برع في هالبـرد ..
قلت : فتحـي لنا الباب وبقوول لج كل شـي ..
مس كاي تحاول تفتحه : مقفوووول ..
روز : بتلاااقيـنه عند الدعله برووكلس .. مس ارجووج لا تتأخريـن ..
سمعنا صوت ركض .. ضميت صوفي ادفيها ..
دقايق وانفتح الباب ..
مس كااي : شفيها صوفي ..
روز : طاااحت .. من هالبـرد .. كـلـه من بروكـلس الظــاالم ..
مس كاي تساعدنا عشان نقومها ..
شليناها ووديناها عند مس جين .. نبي ندخلها على المدير ..
مس جين خايفه : لا ما تدخلوها هنيه .. ودوها سريرها وبنطلب لها الدكتوور ..
قلت : ان صاار فيها شي لاحملكم انتو المسؤوليــه ..
ورحنا الغرفه وغطيناها وشغلنا الدفايه .. وانا وروز تمينا عند الدفايه نتدفى ونتطمن على صوفي ..
وصل الدكتور وكشف عليها وعطاها دوى لها ..
بعد ما طلع الدكتوور رحت انا وروز عند صوفي .. لقيتا قاعده ..
قلت : الحمدلله على سلاااامتج ..
صوفي ابتسمت ..
روز : جي خوفتيـنا عليـج ..
صوفي تبي تتكلم بس صوتها مو طالع ..
باتسي : حبيبتـي انتي ارتااحي الحيـن ..
لمست راسها لقيته حاار ..
قلت : انتي فيـج حمى ..
باتسي : ان شالله بتخف .. هاي لان تمت في البرد مده طويله اكيد ..
روز : اتمنـى انك تمووت يا بروكلس .. انا اقووول ليش يبينا نشلح القبعاات ..
عشان ما في شي يدفينا ..
قلت : بيشوووف .. ما راح اخليه في حاله ..
ياتنا مس كااي ..
مس كااي تمسح على راس صوفي : هاا صوفي .. شخباارج الحيـن ؟
صوفي بصوت مبحوح : زينه ..
مس كاي : يلا قوموا روحوا غرفه الطعام .. العشـا جهـز ..
كلهم قاموا وانا و روز تميـنا ..
مس كاي : يلا ..
قلت : انا بتم مع صوفي .. حرام تتم بروحها ..
مس كاي : لا خلوها ترتااح الحيـن عشان تنام ..
روز : ما كلت شي ..
مس كاي : خذت حبوب منوم .. بتنام وبكـره راح تاكل .. لا تحاتينها ..
التفت على صوفي لقيتها نايمه ..
قمنا انا و روز وتعشيـنا .. طبعا الاكـل نادر يتغيـر كأنا مساجيـن ..

خلصـنا أكل وقمت ابي انام .. من الفجـر انا قااعده ولا نمت .. تعبت تعب اليوم ..
3 عقابات مـره وحده .. احنا خدم عندهم مب ايتام ..!؟
حطيت راسي على المخده ونمت على طووووول ..

وعيت على صراااخ وإزعـــآاااج ..
فتحت عيني لقيـت مس جين تصاارخ على البنات تبيهم ينظفوون الغرفه ..
مس جين : وانتــي آنـسه لوووتـس ليـش ما تقوووميـن ..
ابتسمت .. عجبني اللقب .. آنسـه لوتـس .. رزه ..
مس جين تصارخ : قوووووومي لا تقعدين توزعيـن ابتساماات ..
قلت : انا امـس منظفه الغرفه بروحي .. بعد ينظـفونها مـره ثانيه ليـش .. اللي قااعدين في الغرفه ترى بشـر مو خنازيـر > مكرميين <
مس جين : انتي بالذاات وعلى طووول لسـاانج بتنظفيـن الحوووش ..
قلت : نععععععععععم .. تبون يصيـر فيني مثـل ما صاار في هالمسكيــنه "
وأشـرت على صوفي الناميه "
مس جين : الجو مو باارد واايد .. روحي نظفـيه من أورااق الشجر ..
روز : انا بنظـف وياها ..
مس جين ابتسمت بخبث : يحليلكم.. شفااكريني يعني .. ماعندي مـخ .. يلا قومي خلصيني ..
همست : يعل تخلص رووحج ..
مس جيـن : شنوو ؟
قلت : ما كلمتـج ..
ورحت لبست كوتي وغسلت ويهي .. ولبست قفازي .. وطلعت .. كان الجو احـسن من امـس ..
الثلج قـل .. صارت الارض كلها ماي .. والشمس بانت شوي .. الصيف قـرب ..
احب الصيـف اكثـر من الشـتا ..

خذت لي كيس كبيـر وتميـت اشيل الوسـخ من على الارض .. ما كان ودي ادخل ..
ودي اتم ليـن ما اشبـع ..

شوي الا اسـمع صرااخ بروكلس ..

التفت وانا أتأفف : شتبـــي ؟
بروكلس : دخلي خلاص .. البراحه تنظـفت ..
حذف الكيـس في الوسط الحوش ودخلت .. مسكني من ثياب ..
التفت عليه : آآآآآيه .. شتبـــي ؟
بروكلس : شلي الكـيس اللي حذفتيه وحطيه عند الباب الخاااارجي ..
والمــره الثانـــيه كلميــني بأدب ..
قلت : أنا اتكلم بأدب .. بس انت المب صااحي ..
بروكلس دزني برع : رووحي شلي الكيس وحسااابج معااي بعدين ..









شليت الكيس ورحت عند الباب الخارجي الي فيه 2 حراس واقفيـن ..
قلت : فتحوا الباب ابي احذف الكيـس ..
قال واحد منهم : جيبيه انا بحذفه ..
عطيته : حذفه جدامي ..
فتح الباب وحذفه ..
مسكت يده : قبل لا تسكـره ارجووك خلني اشووف الدنيا برع ..
طالعني وهو مستغرب ..
ابتسمت له ..
خل الباب مفتوح وشوي احس روحي مرتفعه عن الارض .. التفت ورااي لقيت بروكلس شايلني ..

قلت : آآآآيه نزلـــني .. اشووفك استاانست على هالساااالفه ..
نزلني بطريقه دفشي وطحت على الارض ..
طالع الحارس : انت حسابك معااي بعدين ..
الحارس : مابيني وبينك كلام ..
بروكلس : انزين .. ان ما شليتك من هنيه ..
الحارس قال : انا المدير هو اللي حطني ومحد يقدر يشلني غيـره ..
طالعه بروكلس بغضب ودزني عشان امشي .. انا في دااخلي كنت مستاانسه .. اول مـره اشوف حد يسكـت بروكلـس .. يوم السعد عندي ..
دخلت داخل ورحت اركض داخل الغرفه ..
روز تطالعني : شكلج مسويه شي ..
قلت وانا القط انفاسي : ههههههههههه لا مو انا .. الحارس عجبني رده ..
روز : أي حااارس .. وشموديج عنده ؟

قلت لها السالفه لان اذا ما قلت لها بالتفصيـل ما بتخليني بحالي .. بتسال لين ترتااح ..

روز : الحيـن من اللي بيفكج من هالبروكلس ؟
قلت : يــه .. شبيسوي يعني ؟
روز : لا مابيسوي شي .. بس ترقبي العقااب اللي بيعطيج اياه اليوم ..
رحت عند صوفي ..
قلت : شخبااار الحلووو ؟
صوفي : بخيـر ..
قلت : يااريت التعب فيني ولا فيــج ..
صوفي : لا انتي ما تستااهلين ..
قلت : لا مب عشان شي .. عشان ما اشتغل بس ..
صوفي : هههههههههه .. جي عيـل ..
روز : لوتس ترى احـنا ما نظفنا الغرفه .. قعدنا نسوولف .. ويوم جات مس جين وسألتنا .. قلنا لها نظفـنا .. عاد هي الغبيـه راحت ..
قلت : ايه لان انا منظفه هالغرفه كلها ..
يات باتسي وخذتنا انا وروز عند سرير صوفي .. بحيث نكون بعاد شوي عن البنات ..
روز : شفيـج ؟
باتسي : ابي اسولف معااكم ..
ابتسمت لها : سولفي حبيبتـي ..
باتسي : تدروون ان كل اللي هنيه يتامـى ..
قلت : ادري .. مو اهو داار الايـتاام ..
باتسي : بس انا عندي ام وابو ..
شهقنـا : شنوووووو ؟!
باتسي : مثل ما سمعتوا .. انا امي وابوي عايشيـن .. وهم اللي جاابوني هنيه ..
قلت: لـيش !؟ هم مايبووونـج ؟
باتسي : ما اعرف .. بس عمتي امـس جاتني وقالت لي كل السالفه ..
روز : عيل ليـش انتي قااعده ليـن الحيـن .. رووحي عند اهلج ..
باتسي نزلت راسها : ما عرفهم ..
روز : شنوووو ؟ روحي لهم مب لازم تعرفيـنهم .. بتعرفيـنهم عقب ..
باتسي : بس انا تعودت عليكم .. وعلى المكااان .. ما اقدر افااارقه بهالسهوله ..
قلت : انتي روحي عند اهلج واذا ما خذتي عليهم رجعي هنيه ..
باتسي : ههههههه بهالسهوله ..
قلت : شااسوي فيـج .. حد عنده ام وابو .. وتاركهم عايش هنيه .. مجابل ويه مس جين وبرووكلس ..
باتسي : امي وابوي اللي قلتي عنهم .. هم اللي جابوني هنيه ..
قلت : حتى ولو .. روحي شوفي السبب ليـش .. يمكن عمتج تكذب ..
باتسي : ماادري .. انا قلت بقول لكم السالفه عشان تعطوووني حـل ..
صوفي : خلي امج وابوج يجوون هنيه وعرفي منهم كل شي .. ورجعي معااهم.. ترى مالج غيـرهم .. ليـن متى وانتي بتميـن هنيه ؟ روحي شوفي حيااتج وعيشيها برع هالحكـره ..
تمت باتسي محتااره ..
دخلت مس جين : وانتو شعندكم متجمعيـن على صووب ..
قلت : اوووووووف.. ما بتتركنا في حالنا يعني ..
مس جيـن : نعععععم ؟
قلت : ما كلمتج ..
مس جين : مس ماجي تنتظـركم في قاعه التدريـس .. يلا جهزوا اغرااضكم ..
رحنا خذنا كتبنا وسااعدت صوفي عشان تقووم .. ورحـنا ..

طول الدرس وانا سرحااانه في قصه باتسي .. معقووله عندها ام وابو وما تبيهم .. انا لو مكانها شباسوي ؟

مس جين تظـرب الطاوله : لووتــس معاااي ..!
انتبهت على نفسي : ايه ايه ..

خلـص الدرس ورحنا الغرفه ..

تم جو الملل يملي المكااان .. والاواامـر ما تنتهي من بروكلس ومس جين ..
جا وقت الغداء وتغديـنا .. وتميـنا بعدها نحل واجبـاتنا ..
التفت على صوفي ليقتها تصيـح ..
رحت لها ..
قلت : صووفي شفيـج ..
صوفي تمسك راسها : تعبااانه .. لوتس انا تعبااانه ..
ضميـتها : راااح تطيبين حبيبتـي .. لا تخاافيـن.. انتي ناامـي ولا تفكريـن في شي ..ناامي ..
صوفي : مابي انام .. ابي اقعد معااكم ..
ابتسمت لها والعبـره خانقتني .. ابي اصيـح لكن انا طوول عمـري القويه بينهم .. مابي اصيـح مابي ..
قلت : حبيبتـي انتي نامي الحيـن وبعد ما تصحيـن بنقعد معااج .. هههه انتي بتمليـن منـا ..
تمت تطالعني وهي تمسح دموعها ..
صوفي : نامي عندي ..
ابتسمت لها ونمت معاها .. انا ما كنت ناويه انام .. بس انسدحت عندها ونمت ..

وعيـت على هدوء لأول مـره .. التفت ما لقيـت صوفي ..
وي اكيـد ضايقتها ..
قمت ورحت غسلت ويهي وتسبحت مـره وحده ..
مشطت شعـري الاسود الطويـل .. اللي ملمسـه نااعم ..
وطالعت وجهي الصغيـر في المرايـه ..
ابتسمت لنفسـي ..
و طلعت ونفس الشي .. هدووء ومحد في الغرفه ..
طلعت وانا اصـووت ..
انا: ويــنكـــــم ؟
محد يرد ..
صرخت : ويييييييييييييييينكم ؟!
يات مس كاي : شفيـج حبيبتـي ؟
قلت : وين باقي البنات ؟
مس كاي : في غرفه التدريس .. حاولت اقعدج من النوم ما تقوميـن .. خليـتج على راحتج ..
قلت : وصوفي شخباارها ؟
مس كاي نزلت راسها ..




:

:

[اسطورة !]

الجــــزء الثـاني (2)





قلت : شفيـها ؟
ورحت بسـرعه غرفه التدريـس .. لقيت الكل متجمع .. تميـت ادور صوفي بعيوني ما لقيـتها ولا لقيـت رووز ..
مس ماجي : ويـنج آنسـه لوتـس ..!
ما رديـت عليها .. طلعت بسـرعه ورحت عند مس كاي ..
صرخت : ويـــن صووفي ورووووز ؟!
مس كـاي : اهدي حبيبتـي .. صوفي تعبت شوي وودوها المستشفى وراحت معاها روز ..
شهقت : صوووفي تعبـــت ووديتوها المستشفى ولا قلتو لـي ؟
مس كاي : كنتي ناايمه ..
قلت : ايييه انتو متعودين ما تقعدووون حد من نوومه ابد .. تنتظـرونه هو يقوووم ..
مس كاي بلعت ريجها ..
قلت : وديــني عند صووفي بسـرعه ..
مس كاي : لا ما اقدر ..
صرخت : بتوديـني والا ارووووح برووووووحي ..
مس كاي : خلاص بوديـج ..
ورحت اركض سبقـتها برع ..
صرخت على الحراس : افتحوووو الباااااااب ..
تموا يطالعوني ولا كأني اتكلم ..
صرخت : فتحووووووه ..
مس كاي يات من وراي ..
مس كاي : فتحو الباب ..
فتحوه وانا طلعت .. التفت يمين ويسـار .. ماعرفت وين ارووح .. سحبتني مس كاي ودخلتني سياره ..
راحت بسـرعه .. ووصلـنا مبنـى كبيـر ..
قلت : هاي المستشفـى ؟
مس كاي : ايه حبيبتي .. يلا نزلي ..
قلت : انتي مب نازله ؟
مس كاي : بنزل طبعا .. بس بصـف السياره ..
نزلت ودخلت المستشفى .. ما عرفت وين اروح .. وقفت مكاني انتظـر مس كاي ..
مسكت يدها ورحنـا فوق .. هي تمشي وانا وراها ولا اعرف وين رايحين ..!
وقفنـا عند باب غرفه ..
مس كاي : هنيه صوفي ..
بلعت ريجي وفتحت الباب .. لقيت اجهزه عليها ..
صحت ورحت عندها على طول ..
همست : صوووفي .. صوفي تسمعـيني؟! صووفي ..
حسيت بيد وراي .. التفت الا روز ..
قلت : رووووز صوفي ما ترد ..
روز تصيـح : ادري ..
قلت : لـيش ؟
روز : حرارتها عاليه .. وما تنزل ..
طالعت صوفي .. نزلت دمعتي ومسحتها على طول وطلعت برع بسـرعه ادووور بروكلس ..
لقيته واقف مع واحد لابس بالطو ابيـض .. يعني الدكتوور .!
قلت : شفيها صوفي ؟
بروكلس فتح عيوونه مستغرب : انتي من يااابج ..
صديت عنه وكلمت الدكتور : صوفي شفيها ..
مسكني بروكلس ودزني على باب غرفه صوفي ..
بروكلس يكتم صرخته : انتي شفيـــج ؟ من ياااايبج هنيه ؟
قلت : وانـــت شيخصـــك ؟!
بروكلس توه بيتكلم والا اسمع صوت انذار وصفارات ما اعرف من وين .. الدكتور ركض دخل غرفه صوفي .. توني بدخل وبروكلس سحبني وشفت في عيونه نظرات الخووف ..
قلت :شصـاار ؟ ليـش الدكتور والممرضاات يدخلوون غرفه صوفي .. من قاااال لهم .. هدنــي بشوووف صوفي شفيـها .. بتتضااايق منهم .. خلــني ..
بروكلس نزل رااسه .. انا استغربت من تصرفه .. كان ماسكني بقوه ولا يبي يهدني .. قلت هدنننننني ..
يات روز تركض : شفيـها صوفي ..
قلت : شفيها ؟!
روز : مادري ..
طالعنا انا وهي بروكلس بنظـرات اتهااام ..
طالعنا وصد ..
طلع الدكتور وهو منزل راسه الارض ..
قلت : شفيك ؟ ليـش دخلت على البنت جي .. شفيها صوفي ؟
الدكتور : ادعووو لها وطلبو لها الرحمه .. صوفي ماتت ..
روز صرخت وراحت على طول غرفه صوفي ..
انا تميت مكاااني .. نزلت دمعه حاااره من محجر عيوني .. التفت على بروكلس ..
قلت : شقااال ؟ !
بروكلس بلع ريجه : خلاص لوتس .. صوفي مااتت .. مااتت ..
صرخت : لاااااااااااا .. لاا تكذب علي .. لا تكـــذب علـــــي ..
ضربته في سدره بكل قوتي : انت السبب انت السبب .. ياااحقيـــــر يااوااطي .. انتي اللي ذبحتــها .. انت ..
بروكلس صرخ : بـــس .. بس سكتي خلاص .. البنت رااحت في يومها .. لا تسوين فلم ..
دزيته ودخلت الغرفه .. لقيت روز ومس كاي يصيـحوون ..
قلت : ليـش تصيـحوون ؟ ! ..ليــش ؟ سكتوووووو لا تسمعكم صووفي وبعدين تقوووم .. هي قالت لي ابي انااام .. خلوها ترتااح ..
روز ياتني وتهزني : صووووفي مااتت ماتت .. ماتت يا لوتـس رااحت خلاص ..
قلت : لاااا .. ما مااتت .. انتي لا تفااوليـن على البنت ..
مدت يدها وعطتني سطار يصحصحني ..
طالعتها وانا منصدمه ..
روز تصيـح : ماتت صوفي ..
طحت على الارض وانا اصيــح .. ما اصدق اللي صاار .. توها كانت معااي .. كانت تبي تقعد معااانا .. بس انا قلت لها ناامي .. انا السبب انا السبب ..
انا قلت لها نااامـي .. لو ما قلت لها نامي جان ما تعبت وماتت .. اناا السبب ..
وطحت وانا موحاسـه بشـي ..

فتحت عيني بالغصب .. حسيت بنوور على عيني .. بلعت ريجي وتميت انتفس بصعوبه ..
تلفت حولي .. شفت المكان غريب .. هذا مو فراشي .. وين البنات .. انا وين ..؟ شالي صاار ؟
انفتح الباب وشفت روز هلكاانه وحالها حاله ..
قلت : روز انا ويـن ؟ شفيـج جي ..؟ من الي جابنا هنيه ..؟!
روز : انتي ما تتذكرين شي ؟
طالعتها وتميت استرجع كل شي صـار ..
شهقت وقمت من مكاني : وين صووفي ..
دمعت عين روز : خلاااااص لوتس ارحميني ورحمي حالج .. صوفي راحت للي خلقها .. ادعي لها بالرحمه ..
صرخت : يعني كل هذا ما كان حـلـم ..! ما كاااان كاابوووس ؟!
روز : لا .. هاي الحقيقه اللي لازم الكل يتقبلها ..
ضميت ريلي وتميت اصيح بهدوء .. دخلت مس كاي ويات صوبي .. طالعتها بنظـره حزن .. وضمتني ..
صحت بصوت عالي : راااحت .. رااحت صوووفي خلاااص ما بترجع .. رااااحت وخلتنا برووحنـا ..
مس كاي : بس حبيبتـي بس .. انتي اقوى من جي ..
دخل بروكلس : يلا امشو الداار ..
طالعته بنظـره كلها حقد : انت شتبــي ياااي شتبـــي .!؟ مو كفااايه ذبحت صووفي .. تبي تذبح منوو بعد !
مس كاي : شهالكلام لوتس .؟!
قلت : هو مع عقااابه السخيـف .. لو ما طلعتنا بـرع في هالـبرد جان ما مرضت صوفي وماتت ..
بروكلس يا صوبي وعطاني سطار .. من قوته طحت من على السرير ..
يو روز ومس كاي صوبي .. انا تميت مكاني ماسكه صوب السطار واصيـح ..
مس كاي : شفيــــــــــك انت جنيـــت .. اطلع برع والا انادي لك الامن .. اطـــلع ..
بروكلس : انزين .. انا اوريــكم ..
قمت : انا مب راايـحه الداار ..
التفت على روز ..


قلت : وانتي ما ترووحيـن .. انا خسـرت صوفي .. ومو مستعده اخسـرج انتي بعد ..
ضميتها وتميت اصيـح ..
انفتح الباب وقمت من على الارض ..
كان رجال واقف .. طالعته .. هالوجه انا شايفته من قبل ..
اهااا .. المديـر ما غيـره ..
المديـر : الحمدلله على سلامتج لوتس ..
نزلت راسي : شكرا ..
المدير جا صوب السرير : بكـره الصبح بنروح ندفن صوفي .. حاولـنا نجمع اكبـر عدد من اهلها او اي حد يعرفها خارج الدار .. ما لقيـنا غيـر جار أهلها القديم .. وقال بيحظـر الجنازه..
تميت منزله راسي وساكته ..
المديـر: بتجيـن الجنازه ..
قلت : طبعاً
المديـر : وانتي يا روز ..!
روز : ايه باجي ..
المدير : يلا عيل .. انا بروح وبخلي عندج مس كاي ..
قلت : ابي روز معااي بعد ..
المدير ابتسم : وروووز بعد ..
طلع المدير ..
طالعت مس كاي وروز ومسكت صيحتي : ما عندها حد !
نزلوا راسهم كأنهم يقولون ما باليد حيله

كان في سرير فااضي جنبي ..
مس كاي : روز انتي نامي على هالسرير وانا بنام على الكرسي ..
روز : لا انا بنام مع لوتس .. انتي نامي هنيه ..
مس كاي : لا ممنوع .. لوتس مريضه ومن حقها ترتااح في نومها .. انتي نامي على السرير وانا بنام هنيه ..عاادي ..
تسندت و ضميت ريلي وتميت اصيـح بهدوووء ..

بعد فـتره صمـت جات روز عندي ومسكت يدي تخفف عني ..
قلت وانا امسح دموعي: تدريـن روز ..!
روز : شنو ؟!
قلت : انا احس ان صووفي كانت حاسه انها بتمووت ..
روز طالعتني بأستغراب ..
قلت : لانها صااحت .. وقلت لها شفيـج ..! قالت لي تعباانه .. ضميتها وقلت لها تنام .. هي رفضت ..
قامت دموعي تنزل وانا اتكلم ..
بلعت ريجي : رفضت وقالت تبي تشوفكم كلكلم .. تبي تقعد معاكم .. انا قلت لها لا نامي ارتااحي .. ونامت وما قامت ..
وصحنا احنا الثنتين ..
يات مس كاي تهديـنا ..

نمت بعد ما عطوني ابره ..

صحيـت الصبـح لقيت مس كاي وروز نايمين .. طالعت يدي لقيت عليها المغذي .. لمست اصاابعي بارده ..
قمت وسحبت المغذي معاي الحمام ..
اغتسلت وطلعت من الحمام لقيت مس كاي صاحيه ..
مس كاي : صـااابح الخيـر ..
قلت : صـباح النور ..
دخلت الممرضه وشلت الابـره عن يدي ..
قلت : يلا خلنا نروح ..
مس كاي : وين ؟
قلت : الجنازه .. يمكن تأخـرنا ..
مس كاي : لا حبيبتـي .. ما تأخـرنا .. اذا جا المدير بنروح ..
قلت : اوكي ..
مس كاي : بس تسمحون لي اروح شوي وارجع ..!
قلت : اخذي راحتج ..
دخلت الحمام وطلعت وراحت برع ..
رحت عن روز وصحيتها ..
روز : شنو ؟
قلت : قوومي بسـج نووم .. انتي يايه تناميـن ؟!
روز قامت : السااعه كم ؟!
قلت : الساعه 6 الصبـح ..
روز : اوووف .. بقووم بقووم ..
وقامت راحت الحمام ..
دخل الدكتور : صباح الخيـر ..
قلت : صباح النور ..
الدكتور : شخبارج الحيـن ؟
قلت :بخير ..
الدكتور : المدير اتصل وقال ان الساعه 7 بيجي وياخذكم .. وانا بوقع لج ورقه خروجيه ..
قلت : مشكووور دكتور ..
الدكتور : لا تشكريني على واجبي ..
ابتسم وراح ..
رحت صوب المنظـره وتميت اطالع ويهي ..
ما بتصدقون اذا قلت لكم ان توني ملاحظه ملامح ويهي ..
تميت اطالع ويهي واتفحص كل شي فيه ..
لمست شعري الاسود الطويل .. ولاحظت السواد اللي تحت عيوني الكبيـره .. وبشرتي اللي متعوده انها تكون ورديه .. صارت صفرا !
ياتـرى انا اشبه امي والا ابوي ؟!
ياربي انا عندي خوان والا خوات ؟ والا انا وحيـده ؟!
طلعت روز من الحمام وانا التفت عليها ..
روز : انتي من متى قاعده ؟
قلت :توني .. من ربع سااعه .. ياني الدكتور وقال ان المدير بيمر علينا الساعه 7 ..
روز : الا وين مس كاي ؟!
قلت : طلعت ..
روز كأنها خافت : ويـــن راحـــت ؟!
قلت : شفيــج ؟ راحت وبترد ..
روز : شلوون خلتنا بروحنـا .. الحين بيجي بروكلس وبياخذنا ..
قلت : مب على كيفه .. أيه .. هنيه في أمن واذا تهجم عليـنا بنشتكي عليه ..
روز : سكتي ارجووج .. مادري شفاكره رووحج بتشتكيـن ..
ضحكت : ههههههههههه ايه وانتي الصااحه ..

دخلت علينا مس كـاي وفي يدها كيس ..
مس كاي عطتني الكيس : هااي في لبسه حق الجنازه .. واخترتها سوده عشان المقبـره .. لج وحق روز ..
ابتسمنـا : شكـرا ..
مس كاي ابتسمت : يلا رووحو بدلوا ..

بدلنا وتمينا ننتظـر المدير ..

انفتح الباب ودخل المدير ..
المدير : صباح الخير ..
كلنا : صباح النور ..
المدير : يلا جهزتو ؟
قلنا : ايه ..
المدير : يلا ..
رحـنا وراه وركبنا سياره فخمـه .. ومريحه .. حسيت اني رزه .. استانست رغم الحزن الي يملي قلبي ..

وصلنا المقبـره ولبست قبعتي السوده ..
شفت تابوت بني ..
همست حق مس كاي : صوفي داخله ..!
هزت راسها بإجاب ..
بلعت ريجي واخنقتني العبـره ..
صوفي ما شافت الحياة ..
طلعت من مقبره ودخلت في مقبـره ..
ما استانست في حياتهااا .. ما فرحت .!

وصفيت عند المدير وجنبي مس كاي و زور ..

كان في واحد جدامنا يدعي واحنا كنا وراه ..
بعد ما خلص شفت ناس يجون ويحطون ورد على تابوتها .. صحت بصمت وضميت روز ..

خذنا المدير وركبنا السياره .. وانا طول الدرب اطالع الطريج من الشباك .. استانست على الحياه برع .. النااس عايشين .. اما احنا ميـتين بقلوب تنبض ..
تذكرت صوفي اللي ما غابت عن بالي .. مسكيـنه ما شاافت الدنيـا برع .. تمت داخل الميتم ولا طلعت وشافت الدنيـا .. ويوم طلعت راحت لقبـرها .. والقبـر ما فرق عن الميتم بشي ابد ..
مابي اعيش مثـلها .. مابي نهايتي نفسها ..

وقفت السياره ونزلنا .. ما كان ودي ارجع .. بس اذا ما رجعت لهالداار .. وين ارووح ..؟!

مسكت يد روز ودخلـنا الغرفه ..
رحبوا فيـنا البنات وخذنا الدروس اللي فاتتنا ..

باتسي : الحمدلله على سلامتح لوتـس ..
قلت : شكـرا ..
روز :شدرااج انها في المستشفـى ..
باتسي : مس جين قالت لنا ..
قلت : غريـبه .. !
باتسي : لان يوم سألناها عنكم قالت لنا في المستشفـى ..
قلت : اهاا ..



ياتنا مس ماجي وعطتنا دروسـنا ..
دخلت الغرفه بعد الدرس .. اما باقي البنات كانوا متوزعيـن .. اللي في الحديقه واللي عند مس ماجي ..
شلحت قبعتي وفتحت شعـري الطويـل ..
يات روز : شعندج فاله الشعـر ..
قلت : يختي ابي استمتع بشعـري .. طويل ولا اهتميت فيه..
روز : ههههه انتي يا ماما في الميتم ..
قلت : ادري.. شيلي قبعتج وفتحي شعرج .. خليه يتنفس شوي ..
شالت روز القبعه وكان شعرها تقريبا طول شعري .. يوصـل لتحت الظهـر ..
روز : امشي نطلع ..
قلت : يلا ..

طلعنا وكانوا البنات موجودين في الحديقه ..
باتسي ياتنا تركض : يلا تلعبوووون معااانا ..
قلت : شنو تلعبوون ؟!
باتسي : مادري .. نركض واللي تمسك الثانيه خسراانه ..
ضحكت : هههههههه اوكي ..
باتسي :انتو ليش مو لابسين القبعات ..
قلت : ملل .. لا تلبسينها .. تملل ..
شلتها باتسي .. وشوي شوي البنات يشيلوها ..

وتمينا نلعب .. يات مس جين تدخلـنا ..
مس حين تصارخ : انتووو ليـــش مو لابسيــن القبعااات .. من اللي قااال لكــم ..!
الكل سااكت ..
مس جين : نطقووووووووووا ..
انا وروز مع بعض : انــا ..
مس جين : هه ياا سلااام .. يايـن تغطوون على بعـض .. شووفوو التضحيه انتو بـس ..
التفت على روز وهمست : انتي طلعي منها .. انا متعوده على عقاباتهم ..
روز : لا حبيبتـي .. مو كل مره بروحج ..
ابتسمت لها ..
يا بروكلس لان كانت مس جين تصاارخ ..
بروكلس وبصوته الخشن : شصاايـر ؟
مس جين : شوووفهـم ..
طالعنـا بنظـره تخوف ..
بروكلس : لوووووتـس !
ابتسمت : ايه نعم ..
بروكلس : هه .. ومستانسه على فعلتـج ؟
قلت: ايه انا شسويـت .. انا ما لبست القبعه وكلهم شالوها .. انا شنو ذنبي ..
بروكلس : ذنبج انج اول وحده شلحتي القبعه .. وهم ما سوو جي الا بتحفيـز منج طبعا ..
روز : ومنــي انا بعد ..
بروكلس رفع حاجبه : يعني تستعرضوون بشعركم ؟
روز : قول اللي تقووله .. وخلصـنا عطنا عقابنـا ..
بروكلس : ههههه مستعيله آنسـه روز ..
روز : ايه اكثـر من ما تتصـور ..
بروكلس تنهد : اووكي .. امشوو ..
رحنا وراه ..وروز مسكت يدي ..
روز همست لي : احس ان العقاب ما بيعجبني ..
ضحكت : ههههههههه صـج .. انا احسه فله ..
روز : لا تستعبطيـن علي .. انا خايفه ..
قلت : محد قال لج تدقيـن السدر وتجين معااي ..
روز : لا كل مـره انتي تاخذين العقاب .. حتى لو كنا انا وصوفي السبب ..
تنهدت ..
دخلنا غرفه .. انا عن نفسي متعوده اني ادخلها .. بس هي مو الغرفه المنعزله .. وحده غيـرها ..
وقفـنا وسط الغرفه ..
جا بروكلس صوبنا ومسك شعرنا ..
روز طالعتني بخوف .. ابتسمت لها اهديها ..
روز بهمس : شنو بيسوي..
قلت : علمي علمج ..
جر شعري وصرخت ..
بروكلس : يعني تبون يكون ما عندكم شعر ..
قلت : ليـش ؟
بروكلس : ليش فاتحينه ..؟! انتو تدرون شنو عقوبه اللي يفتح شعره ؟
بلعت ريجي وطالعت روز ..
بروكلس وهو يدور حولنا : اهاا .. يعني ما تعرفون ..
روز : لا ما نعرف ..
بروكلس راح وخذ شي ..
بروكلس وفي يده مقص كبير .. يفتحه ويسكـره : هاااي العقااب ..
روز بخوف: شبتسووووووي يعني .. بتقـص لسـانا ؟!
بروكلس : هه .. لو يصـرح لي جان قصيـته بدون تردد .. بس شعركم اللي بينقص ..
اخذت شعري لصدري وشهقت ..
بروكلس : عشـان المـره اليايه ما عندكم شي تستعرضوون فيه جدام البنات ..
قلت : لا ما بتقـص شعرنا .. مو على كيفك ..
بروكلس يتكتف ويبتسم ابتسامته اللي تقـهر : عيل على كيف منو ..؟!
قلت : على كيف .. عــلــى كيــفي انا ..
بروكلس : شوفو انتو الثنتين .. انا ما عندي وقت حق سخافاتكم .. واحمدو ربكم اني عطيتكم فرصه تتكلمون .. ويلا جدامي عند السطل ..
قلت بخووف : ليـش شبتسوي ؟؟
بروكلس : لان لازم ابلل الشعر قبل لا اقصه ..
روز : يعني بتتفنن بقص شعرنا ..!
هز راسه ..
وابتسم ابتساامه كانت بتصيحني .. يقهرني بروده وابتساامته في اوقاات غلط .. مو من زين اسنانه عشـان يروينا اياها كل شوي ..
سحبني انا ودخل راسي كله داخل السطل ..وطلني ..
صرخت وتميت اكح واطلع الماي اللي شربت نصه ..
وخذ روز وسوى فيها نفس اللي سواه معاي ..
صرخت عليه : آآآآآآآآآآيــه .. احنا اواااادم مو حيووواناااااات عندك ..
بروكلس : انتـــي سكـــتي ولا تتكلميــن .. فوق الغلط اللي سويتيه بعد تتكلميـن ..
مسك المقص وجر شعري .. سحبت شعري من يده وركضت عنه بعيـد .. ركض ورااي ومسكني وحط المقص عند رقبتي ..
بروكلس يلهث : شووووفي .. ان شردتي مني المره الثانيه صدقيني تكووون نهااايـتـج على يدي .. وانا راح اقول لهم انتحـرت ..
شي طبيعي يعني ..
دخلت مس جين في هاللحظه ..
مس جين : شفيـــكم ؟
بروكلس : مسكيها وخليني اشووف شغلي ..
قلت : هاااي مب شغــلك .. هاااي تصـرف شخصـي منك انت .. برووح حق المدير واقوول له كل اللي صاار ..
بروكلس : رووحي له .. شنو بيسوي يعني ..
مس جين ضربتني على راسي بيدها : انتي سكتي ..
صرخت عليها : مب ساااااكته ..
راح بروكلس وحط لزقه على فمي .. حاولت افك رووحي من يد مس جين لكن ما قدرت .. يا بروكلس وسحب شعري واسمع صوت المقص .. نزلت عيني شفت شعري طايح على الارض ..
ودزنتي مس جين وطحت على الارض .. شليت اللزقه عن فمي وتميت اطالع شعري الطايح على الارض .. ومسكت راسي وماتم من شعري الا شوي ..
دمعت عيني وطالعت بروكلس وقلت : ليـــش ؟ لـــــــــــــيش ؟
بروكلس : جــب وانجلعي بـــرع .." مسكني من ثيابي ودزني برع" انجللللللللعي ..
وقفت عند الباب وشفتهم ياخذون روز ويقصون شعرها .. روز تمت ساكته بس تصـيح ..
دزوها علي وضميتها ورجعـنا الغرفه ..
وعند باب الغرفه ومسكنا بروكلس من ثيابنا وفتح باب الغرفه .. بحيث البنات كلهم يشوفونا ..
بروكلس بصوت عالي : شووفوووووهم .. اللي بيفكـر يسوووي نفسهم رااح يصيـر له مثل ما صااار لهم ..
هدنا وراح راحت روحه ..

تمينا انا وروز واقفين وسط الغرفه ..
سحبتنا باتسي وقعدتنا على السرير ..
باتسي : ليـش سوى فيكم جــي ؟
قلت : لان تااافه وحقيـــر ..
باتسي نزلت راسها ..
حطيت يدي عليها : طلعي من هنيه يا باتسي ..روحي حق اهلج .. وانا بلحقج ..
التفتت علي روز بصدمه ..
قلت : ايه بلحقها لا تطالعيني جي .. تحسبيني بتم هنيه بعد اللي سواه بروكلس ..
روز : ايه بس هاي مو اول مره تتعاقبين .. لوتس انتي ما تعرفين شي برع .. ما تعرفين شي .. برع يمكن تكون الحياه قاسيه .. اقسـى من هنيه ..
قلت : بس بكوون بحريتي .. ومحد بيتحكم فيني .. راح اعيــش بحريـتي يا روز .. بحريـــتي ..
روز : ومن وين لج فلوس عشان تسكنين وتاكلين وتكمليـن حيااتج ..
قلت : بشتغل ..
روز : ومن بيشغلج يا لوتـس اصحي اصحي ..
بلعت ريجي ونزلت راسي ..
قلت : بس بااتسي انتي لازم تطلعيـن .. لااازم ..
باتسي هزت راسها بالموافقه ..
رحت لسريري وحاولت انام ..

غطيت شوي وحسيت في حد .. التفت لقيت روز تطالعني ..
قلت : شفيـج ؟
روز : مافيني شي .. بس متملله .. والبنات كلهم برع مع مس ماجي ..
قلت : لـيش في درس ؟
روز : لا اليوم إجازه ماعطتهم ..
قلت : انتي روحي انا مالي خلق ..
روز : انزين تمي قااعده .. الحين بينادونا حق العـشا ..
قلت : مالي نفس .. روحي قعدي مع باتسي ..
راحت روز وانا نمت ..

فتحت عيوني وانا ميته من البرد .. شفت البنات كلهم نايمين .. طالعت الساعه كانت 4 الفجر ..
حاولت انام بس ماجاني نوم ..نمت وايد اوف ..
قمت حاسه روحي يوعانه ..
دخلت غرفه الطعام .. اخذت لي تفاحه من الثلاجه .. اكلتها وشربت ماي .. وتميت قاعده .. وسرحت بأفكاار ..
صح كلام روز .. لو بطلع من هنيه ..او بالاحـرى بشـرد .. وين بروح ..! وشلون بعيــش ؟ بس انا ما ابي اعيـش هنيه .. مع عذاااب بروكلس ومس جين ..
قطع افكاري صوت خرخشه مادري من وين ..
قمت بخوف والتفت يمين ويسـار .. ما لقيـت حد .. طلعت من غرفه الطعام بسـرعه وحسيت بيد مسكتني .. خفت ووقفت مكاني .. في هالظلام ما اشووف شي ..
قلت بصوت يرتعش : مــنوو ؟!
..... : ليـش قااعده ليـن الحيـن ..
عرفت هالصـوت ..
قلت : بروووووكلس ..!
بروكلس : ايه .. بخشته .. ههههه
سحبني وانا في الظلام ما اشوف شي ..
دخلنا غرفه وفتح الليت وابتسم بخبث ابتسامته المعتااده ..
خفت وقلت : انا برووح انام ..
جيت بطلع مسكني من يدي ..
بروكلس : لا وين تناميـن ..؟ قعدي معااي .. انا مافيني نووم ..
قلت بخوف : آآآآنا فيني نووم .. شيل يدك ابي ارووح ..
بروكلس ماسك يدي : تدريـن ..؟ .. انتي شكلج جي احلى من الشعر الطويل .. طلعت فنان وانا مااادري ..ههههههه يعني انا سويت فيج خيـر .. هههههههههههههههههههههه ..
أرتجفت وبآن علي : انت شفيــك ..
سحبني وضمني : مافيني شي حبيبتي .. اهدي ..
دزيته وصرخت :آآآيه .. انت شفيــك .. مب صااحي .. عقلك طاار ..
بروكلس : ايه .. مع شعرج ههههههههههههههههههااااي ..
رحت صوب الباب ابي اطلع .. سحبـني وطيحني على الارض وقفل الباب ..
هنيه انا صرخت : مـــــس كاااااااااي .. روووووووووز ..
بروكلس يقرب مني وهو مو متوازن : اوووش .. سكتي لا تطيح حنجرتج .. هههههههههههههههههه ..
قمت وتميت اطق الباب واصااارخ : رووووووز .. بااااتسي .. مــ ....
سحبني وسد فمي .. رفسته وحسيت انه ما تأثر .. لانه ضخم ورفستي تعتبـر نفخه بالنسبه له ..
تميت اضربه واضربه عشان يصحى ..
بروكلس يطالعني باستهزااء : انتي شتسويـن ؟ هههههههههههههه ليكون تضربيني .. هههههههه لا لا تقوليـن ..
طالعته بخوووف .. ابتعدت عنه ولزقت في الطوفه ..
راح بروكلس صوب طاوله .. فيها بطـل ..
شرب منه وغمض عيونه بقوه وفتحها وطالعني ..
بروكلس : آآآآنتي من حذااج ؟!
التفت بخوف جنبي ما لقيت حد .. رديت طالعته ..
بروكلس : منوووو ؟
قلت : انــــــــت شفيــك .. اصحى يخي خلااااص ..
بروكلس : انا صاااحي يا ماما .. ما نمت للحيـن .. ما تشووفيني وااقف جدامج .. للحيـن ما نمت .. " تم يناقز " تشوفيني .. تشوووفيـني ..!

هـذا اكيــد صار مينون .. والا شفيـه جيه ..؟ التفت على الشبااك اللي جنبي .. لقيته مسكـر .. دعيت ربي انه ما يكون مقفول ..
فتحته كله ..
بروكلس : ها ها ها ..! بتشرديـن مني .. تحسبيني انا سكـرااان .. لا انا للحين ما جاتني السكره .. ههههههههه تعالي عندي ليش خايفه .. عاادي حبيبتي عاادي ..

طالعته بشمئزاز بسرعه حاولت اطلع من فتحه الشبااك .. ونجحت قبل لا يوصل لي بروكلس ..
طل من الشبااك وتم يصاارخ : تعاااااااااااالي .. تووو الناااس .. ههههههههه تعاااالي يا حلوه .. هههههههههه ..
رحت اركض ابي اشـرد من الداار كله وانا اصيـح ..
لقيت الحراس واقفيـن ..
قلت : وخروووو عني .. انا ابي اشرررد ..
واحد منهم قال : هههه والله بكل قوات عين تقوليـن ..
قلت وانا اصيـح : ما اقدر اتم هنيــــه ما اقدر .. انت ما تفهـــــــم ..
الحارس : هذي وظيفتي وما اقدر اخالفها ..
قلت : ارجووووك .. انت بتسوي خيـر...
طالعني : آآآسف ..
قعدت عند الباب : انا مب متحركه من هنيه ..
طالعني الحارس وصد عني ..
شفت وحده واقفه من بعيـــد .. شفتها تمشي يايه صوبي ..

وصلت عندي ..
مس كاي : شتسوين هنيه ..؟!
طالعتها .. وحسيت اني اطالع بروكلس .. مديت يدي وصفعتها..
حطت يدها مكان الصفعه وردت طالعتني




:

:

[اسطورة !]

الجــزء الثالث (3)



مس كاي : شفيـج ؟
طالعتها وصحت ..
مس كاي مسكت يدي : شسوى فيـج بروكلس ..
قمت وقلت بصوت عالي: يعــــني انتـي تدريــن ان بروووكلس ورى كل المشــاااكل ..
مس كاي : ادري .. بس شسوى بالضبط .. انا خمنت ..
سكت ..
مس كاي : شســـوى ..؟
قلت : سأليـــه .. اذا كان له عيـن يجااااوب ..
مس كاي طالعتني : انزين انتي روحي داخل وانا بتفااهم ..
قلت : مس كاي .. انتي بتسوين خير اذا قلتي حق هالحرااس يطلعوني ..
مس كاي بأستغراب :وين يطلعووونـج ؟
قلت : ابي اشـــرد من هالمكــان .. مالي قعده هنيه ..
مس كاي : انزين العصـر العصـر ..
قلت : ولا دقيــــــــــقه ..
مس كاي : شوفي .. انتي اهدي وانا بفهمج ..
تنهدت : قولي ..
مس كاي : اليوم الخميس ..
قلت : وانزين ؟
مس كاي : يعني اليوم الرحله ..
قلت : يعني تبيني اروووح الرحله وعقب اشـرد .. ما ابيها الرحله ما ابيـــها ..
مس كااي : لااااا .. في الرحله البنات كلهم بيرووحون .. اما انتي سوي مشكله ولو صغيـره وعلى طول بيشبون عليج .. وطبعا بيحرمونج من الطلعه .. وانا بقول لهم مابي اروح .. وبخلي مس ماجي تروح بدالي .. وفي هالوقت انتي شردي .. بحيث مابيكون بروكلس موجود ..
قلت : بس مس جين بتكون موجوده ..
مس كاي : مس جين ما راح تنتبه .. لانها مشغوله بقرار نقلها من هنيه ..
قلت : ليش وين بتروح .؟
مس كاي : اعتقد مبنى الاولاد .. بس انتي روحي داخل الحين لا يجي حد ويشوفج هنيه ..
قلت : زين ..
ورحت الغرفه وشفت مس جين توها داخله ..
مس جين : وينج انتي ..؟!
صديت عنها ورحت الحمام > مكرمين < ..
غسلت ويهي وطالعت نفسي في المنظـره .. توني اشوف شكلي بشعري القصيـر ..
ما تقبلت شكلي ورتبت شعري وطلعت ..
شفت البنات كلهم قاعدين ..
قعدت على سريري وياتني روز ..
روز : انتــي ويــنج من مسـاااعه ادورج ..!
تنهدت : مب لازم تعرفين انا وين كنت ..
روز شكلها استغربت من ردي .
اعذريني فديتج .. نفسيتي خااايسه .. كله من هالبروكلس الخايس ..
روز : شفيـج ؟!
قلت : مافيني شي .. بس متى رحلتكم ..؟
روز : رحلتنـا ؟!
قلت : اقصد الرحله !
روز صدت : مادري ..
طالعتها وصديت ..
مابي اطلع من هالمكان وروز زعلانه مني .. ابي روز تجي معااي .. بس بتوااافق ؟ّ!
قلت : رووووز ..!
روز التفتت علي : هممم ..!
قلت : تعالي بقول لج شي ..
قربت مني : شنو ؟
قلت : انا اليوم مب رايحه رحلتكم الخايسه ..
روز : ليـــــش ؟
قلت : لاني بشـرد من هنيه .. بمساعدة مس كاي ..
روز : صــــــــــــــــج ؟
قلت : قصـري صوووتج فضحتيني ..
روز : من صجج ؟!!!
قلت : ايه .. انا مالي قعده بعد اللي سواه بروكلس ..
روز : شسووووى ؟
بلعت ريجي : آآآآآ .. يلعوووزني وكل مره عقااب ..
روز : هاي مب اول مره ..
قلت : بس من بعد ما ماتت صوفي وانا كارهته كره العمى ..
روز : ايه وانا كثـرج ..
قلت : تشـردين معاي ؟!
روز : لااا اخااف ما اقدر ..
قلت : تعاااالي روز .. انا ما اقدر اعيش بدونج ..
روز : لوووتـس اسمحيلي اقوول لج انتي غبيه ..
قلت بأستغراب : هااا ؟
روز : ايه غبيه .. يعني اذا شردتي من هنيه وين بتروحيـن ؟ هنيه عندج مكان .. وعندج اكل وعندج ناااس .. وعندج الامااان .. هاي كله ما تلقينه برع ..
تنهدت : بس برع الحريه ..
روز : الحريه يمكن تكرهينها من فعايل الدنيا برع ..
قلت : وانتي ليـش متشاااائمه هالكثـر ..؟!
روز : لاني هنيه حااسه بالاماان .. صدق ان الاواامر معقده .. بس بعد هذا بيتي وما اقدر ابتعد عنه ..
نزلت راسي لبعض دقايق ..
قلت : يعني مب يايه معااي ..؟!
روز طالعتني بأستغراب : يعني اللي في راسج بتسوينه ..!
قلت : ايه .. ما اقدر اقعد هنيه اكثـر من اليوم قلت لج ..
صدت عني : كيفج ..

دخلت مس ماجي ونادتنا على الصف ..
رحنا كلنا وانا كل فكـري في الدنيا برع .. واخيـر بشم هوى نقي .. بس اتمنى محد يخـرب علي حلمي البسيــــــط ..

خلص الدرس وانا ما فهمت ولا كلمه طبعا ..

يات مس جين : سمعوووو يا بنااات .. جهزوووو نفسكم عشان الرحله بعد نص ساااعه ..
قلت : وين ؟
طالعتني وصدت ..
قلت : ما تسمعين .؟
صدت بعصبيه : انتي تسكتيـن ولا تتكلميـن ..
قلت : مب على كيفج تسكتيني .. انا اذا بسكت بسكت من نفسي ..
مس جين : ترى انادي لج بروكلس ..
بلعت ريجي بس كابرت : لاااا يعني بخاااف منه .. ناديه ونادي اهله .. ما يهمني ..
مس جين : انززززززين .. انتي مافي رحله ..
قلت : من زين رحلكم البااايخه .. اتم هنيه احسن لي ..
طالعت روز لقيتها زعلانه .. لانها تدري ان بعد هاليوم ما راح تشوفني ..

راحت مس جين بعصبيه .. شوي الا يجي بروكلس ..
بروكلس يطالعني وكأنه توه قايم من النوم: شمسويه بعد ..؟!
طالعته بأشمئزاز ولفيت ويهي ..
بروكلس : ماتبين تجااوبين ..
قلت : لا ..
بروكلس : زين ..
وحك راسه وراح ..
كل البنات طالعوني بأستغراب .. حتى انا استغربت .. بس سويت روحي اني انا اللي خليته يروح بردي .. =)

طلع بروكلس ودخلت مس جين .. وانا طول هالوقت انتظـر مس كاي تدخل علي ..
مس جين : انتي تعالي لي الغرفه ..
قلت : ليـش ؟
مس جين : تعالي بدون صوت ..
قلت : انا من بهيمه بتمشيني على كيفج وماتبيني اتكلم .. مب يايه شبتسوين ؟
طالعتني بعصبيه وهالنظـره انا ابد ما اخاف منها .. لاني تعودت عليها .. وصارت عندي هاي النظـره الطبيعيه ..
مس جين : انتي شتبينا نسوي فيـج ؟ كل انواع العقاااب تلقيتيهم .. ورحله مب رايحه .. وحبس بنحبسج .. شتبينا نسوي فيج اكثر من جي ..
قلت : عاملوني مثل ما تعاملون الاوادم .. والا انتو جي تعاملون البشـر ؟
مس جين : والله اللي يكلمنا عدل بنكلمه عدل ..
قلت : انا اداافع عن نفسي .. وهالشي مب غلط ..
مس جين : وانتي ما عندج الا اللسان تدافعيـن فيه .؟ّ!
قلت : ليـش انتي تشوفين في شي غيـره اقدر ادافع فيه عن نفسي ..
مس جين يات صوبي ومسكت يدي وودتني غرفتها وانا ما مانعت ..

قعدت على الكرسي اللي مجابل مكتبها ..
قلت : ليش جايبتني هنيه ؟
مس جين : عشان ما تروحين معاهم ..
قلت : انزين ادري اني مب رايحه ..
مس جين : سكتي خليني اشوف شغلي ..
شفتها توقع وتشخبط في اوراق ومادري شتسوي ..
التفت يمين ويسـار ادور مس كاي ..
قلت : الا وين مس كااي ..؟!
مس جين : مادري ..
قلت : يعني هي هنيه ؟؟!
مس جين : لا ..
خفت .. ليـكووون راحت ونستني .. والله تسويها اخت بروكلس ..
قمت وطليت من الشبااك .. لقيت البنات يطلعون شوي شوي ..
شفت روز مع باتسي رايحين .. حسيت ان هالمره آخـر مره راح اشوف فيها روز ..
ناديتها : رووووووووووووووز ..
التفتت متخرعه .. وعقب شافتني من الشبااك وياتني بسـرعه ..
روز : شفيــج ؟!
ابتسمت وهمست لها : ابي اودعج ..
روز نزلت دمعتها : مصــره ؟!
هزيت راسي بنعم ..
روز حضنتني من الشبااك : ديري بالج على نفسج ..
قلت : ما اوصيج عليها باتسي ..
باتسي ابتسمت : من عيوني ..
قلت : بتوحشيني ..
روز : انتي اكثـر ...



سمعنا مس ماجي تصاارخ على روز وباتسي انهم يجون ..
قلت : ديري بالج على نفسج رووز ..
روز تأشـر بيدها تودعني ..
أثـر فيني هالموقف .. بس ما حبيت اصيـح .. لاني اكـره البكـي ..
مس جين تصرخ : شعنــدج ساااعه قااعده عند الشباااك ..
قلت : ممنووع اروح الرحله .. بعد ممنوع اطالع ؟!
مس جين : خلاص روحي غرفتج دامهم رااحو ..
قلت: انزين مس كاي وين ..؟
صرخت : وانا شدراااااااااني ..
اوووووف .. مالت عليـج اقوول ..
رحت الغرفه وضبيت كتبي وكل شي في شنطه صغيـره ..
تميت انتظـر مس كاي .. حسيت انها ما راح تجي ..
رحت الحمام > مكرمين < وتسبحت عشان اخفف من التوتر ..
جيت ابي انشف شعري شفته صغيــر ..
تنهدت : مالت عليك يا بروكلس .. شعري اللي يغطي ظهري كله .. خليته يوصل لين رقبتي بس .. يعني انا والاولاد واحد ..!
لبست وطلعت الا اشوف مس كاااي تدور في الغرفه ..
صرخت : مــــس كـااااااااااي ..!
مس كاي التفتت لي بسرعه : حسبااااالي رحتي معااهم .. كنت بسطرج ..
ضحكت ومن فرحتي ضميتها ..
مس كاي :هههههههه .. يلا حبيبتي .. دام ان مس جين مشغووله .. وبروكلس محد .. شردي ..
قلت : انزين بس شلون ؟!
مس كاي :شوفي .. انا اتفقت مع الحرااس انهم يطلعونج مقابل اعطيهم فلوس شوي .. ورضو على طووول لانهم محتااجين هالفلوس ..
قلت : يعني الحين ارووح ..؟!
مس كاي : ايه .. بس اخذي هالكيس ..
قلت : شنو فيه ؟
مس كاي : هالكيس فيه ملابس حق كم يوم جي لين ما تدبرين امورج ..
وعطتني كيس ثاني : وهالكيس فيه اوراق تهمج .. يعني ورقه ميلادج .. شهاداتج .. متى دخلتي هنيه ومتى طلعتي ..كل شي يعني ..
وعطتني ظرف : وهالظرف فيه فلوس تكفيج ..
وعطتني ورقه : وهالورقه فيها عنوان الفندق اللي بتسكنين فيه .. انا دفعت لج أجار شهر جدام .. يعني بتعيشين شهر مرتااحه ان شالله .. واذا احتجتي اي شي .. اشتريه وخليه على حسابي وعطيهم عنوان الفندق .. وان شالله انا كل فتـره والثانيه بجي بتطمن عليـج ..
ابتسمت لها ابتساامه حب .. وضميتها من قلبي ..
دمعه عيني : مس كااي ..آآآنا ما اعرف شاااقول لج .. " ابتسمت " مشكوووووووره ..
مس كاي ابتسمت : يلا يلا .. مافي وقت .. روحي قبل لا يرجعوون ..
قلت : زين ..
ورحت اركض برع ..
نادتني مس كاي ..
التفت لها ..
مس كاي : بدلي ملابسج اول ..
قلت : هههه .. ايه صح ..
بدلت ملابسي .. لبست بنطلون اسود وبدي احمـر وجاكيت اسود .. كان اللبس وسيع شوي .. بس زين ..
طلعت ..
مس كاي : هههههههه وسيع ..
قلت : مب واايد .. اهم شي دخل ..
مس كااي : تحملي برووحج ..
قلت : لا توصيني ..
رحت اركض برع ويات ورااي ..
وصلت عند البوابه ..
التفت لها شفتها من بعيد تبتسم لي ..
رحت لها ركض وضميتها وقلت لها تسلم على روز .. ورحت طلعت برع الداااار..

تميت اركض واركض لين ما ابتعدت شوي ..
التفت واري شفت الدار شكبـره ورااي ..
قعدت على الارض ودخلت كل الاكياس داخل الشنطه .. وحملت الشنطه على ظهـري وكانت شوي ثقله ..
مشيت ..
كان الجو مليان غيوم ..
شفت كراسي جنبي .. قعدت ارتااح شوي ..
شوي الا المطـر ينزل ..
استانست .. احب المطـر .. مع اني اول مـره احس فيه ينزل على راسي ..
شفت الناس كلهم يركضون يشردون من المطر .. والكل يركب سيارته ويروح ..
انزين ليش انا بس مستانسه على المطـر ..!
أيه هم لاعت جبدهم منه .. انا بس اللي محرومه منه ..
تميت اطالع الغيوم بصعوبه .. لان المطـر قام يزيد .. والهوى يطير شعري الصغيـر ..
قمت وتميت امشي ادور لي على حد يوصلني الفندق ..
ضليت امشي وامشي ..
والتفت صوب الشارع .. بس ما القى سياراات ..
نادر القى سياره .. واذا اشـرت لها ما توقف لي ..

دخلت ممر كله اسواق ..
دخلت مركز وتميت قاعده فيه اتدفى ..
لقيت على يميني طاولات و كراسي ..
رحت وقعدت هناك .. وتميت اطالع الرايح والياي ..
ياني واحد وحط لي كتاب جدامي ..
طالعته وكان عليه وجبات وعصاير وكل شي ..
قلت : حق شنو هاي ؟!
قال : هاي المينيو يا آنسـه .. طلبي اللي تبينه ..
قلت : وبتجيب لي ..
ابتسم : ايه ..
طالعت الوجبات ..
يا صوبي وأشـر على الكتاب : هنيه الاسعاار ..
طالعتها : اهااا .. مشكوور ..
ابتسم لي وتم واقف على راسي ..
طالعت الوجبات واخترت لي كرواسون وكابتشينو ..
تميت انتظـر شوي وجاني الطلب ..

تميت اكل بشراهه ..
خلصت اكلي وياتني ورقه يسميها الفاتوره ..

انصدمت من السعر .. مع اني ما اعرف في الاسعاار .. بس دريت انه غالي ..
لان الفلوس اللي عندي مو وايد ..

دفعت ورحت اتمشـى في المـركز ..
مريت على محلات ملابس نسائيه حلووووه ..

اشياء حلوه في هالمركز ..
بس ما اقدر اشتـري ..
ماعندي فلوس تكفي ..
انا لازم اشتغل .. لااااازم ..
بس ماعرف وين ارووح .. ووين اشتغل .. وشاسوي ..
تنهدت وطلعت من المركز ..
المطر خف .. والشمس طلعت شوي ..
مشيت براحه ..
شفت مجموعه من البنات والشباب مع بعض .. يضحكون ويمشون ..
حسدهم على راحه بالهم ..
هم عندهم بيت يروحون له .. عندهم اهل يسألون عنهم ..
مب انا .. لا اهل ولا بيت ..
مشيت وانا منزله راسي ..
وخبطت شي صلب ..
عورني راسي ورفعت عيني اشوف شالسالفه ..
لقيت واحد طويــــل .. يطالعني بطرف خشمه ..
قلت : ما تشوووف ..!
رفع حاجبه : انتي اللي ما تشوفين .. انا امشي عدل ..
قلت : انا كنت منزله راسي .. يعني المفروض انت اللي تنتبه ..
قال : انا بعد كنت منزل راسي ..
قلت : يعني المفروض تشوفني .. لاني انا تحت وانت فووووق ..
تأفف : انزين قومي عن طريجي ..
قلت : انت اللي قوم ..
قال : انتي الحين اللي يايه في طريجي ..
قلت : بس انت اللي دعمتني ..
قال : اوووهوووو ..
لف وراح ..
مشيت خطوتين وصديت عليه .. لقيت صاد صوبي ..
يوم شافني اطالعه صد ..
رحت له ..
طالعني بأستغراب : شكلج متسببه ..
قلت : لا .. ابي اسألك سؤال ..
قال : سألي بس لا تكثريـن ..
اووف يا ثقل طينتك : زين ..
طلعت ورقه ورويته : تعرف هاي وين ..
طالع الورقه : ايه .. هالفندق مو بعيد من هنيه ..
قلت : وين ..
قال : عندج سياره ..
طالعته باستخفاف : لا ..
قال : امشي معاي ..
قلت : بعطلك عن شغلك ..
قال : لا ماوراي شغل الحين .. لحسن حظج طبعا ..
اووووف .. شايف نفســـــــــه ..
رحت وراه ..
سألني :انتي شسمج ..
قلت : لوتـس .. وانت ؟
قال : اللي تبين ..
بط جبدي .. الحين انا اقول له اسمي الصجي وهو يقول لي اسمه اللي تبين .. شهالسخافه اللي هو عايش فيها ..



تمينا نمشي وهو سابقني ..
قلت : تعاااال ..
التفت وراه : شتبين ؟
قلت : انت وين بتوديني ..؟
قال : الفندق ..
قلت : انزين من اللي بيسكن في الفندق .. انا والا انت ؟
قال : انتي ..
قلت : وليش سابقني عيل..؟!
طالعني ورفع حاجبه : امشي جدامي زين ..
قلت : لا مابي امشي .. ابي اقعد .. تعبت ..
قال : قربنا ..
قلت : هو يبين من هنيه ..؟!
قال : لا ما يبين ..
قلت : انزين وقف لي تاكسي وبكون شاكره لك ..
قال : والله يا آنسه لوتـس هنيه مافي تكاسي ..
تخصـرت : ليـش؟
قال : لان هنيه حي مو شارع عااام ..
قلت : اووووف .. زين خلنا نقعد .. تعبببببببببت ..
قال :ترى انا مو فاضي حق دلعج .. يلا امشي ..
قلت : يـه .. خلاص روح .. وآسفه لاني عطلتك ..
سحبت الورقه من يده ورحت ..
يا وراي ..
قال : انتي من وين ..
بلعت ريجي : ما يخصك ..
قال : يعني انت مب من هنيه ..
التفت عليه : قلت ما يخصك ..
سرعت من مشيتي ..
مسكني من ذراعي : خلاص بوديج .. كسرتي خاطري ..
قلت : مشكووور .. بروح بروحي ..
قال : ليـش تمشين .. ما قلتي انتي الحين تعباانه ؟
التفت على كرسي موجود جنب حديقه صغيـره ..
قعدت وجا قعد جنبي ..

قلت : روح خلاص .. مشكور وما قصـرت ..
قال : كيفي يخي .. انا بقعد هنيه .. كرسيج اهو ؟!
طالعته بنظـره قهر وقمت كملت طريجي ..
طلعت من الحي وما عرفت وين اروح ..
التفت يمين ويسار ..

تنهدت ورحت يمين ..
حسيت في يد سحبتني ..
صديت بسـرعه لقيته هو نفسه ..
قلت : انت ؟!
قال : ايه انا ..
قلت : شتبي ؟
قال : مب من هنيه الطريج ..
طالعت الطريج الثاني : ادري من هناك .. بس انا كيفي ..
قال : ولا من هناك ..
بلعت ريجي : عيل ويـن ؟!
قال : من ورى ..
قلت : عيل ليـش يايبني هنيه ؟
قال : ما قريت عدل ..
طالعته باستغراب : انت كذااااب ..
قال :لا انا ما اكذب .. ولا احب الكذب .. الطريج من ورى .. واذا مو مصدقتني ورحي على كيفج .. واذا وصلتي قولي لي ..
وراح ..
ناديته : تعاااااااااال ..
التفت علي : شتبين ؟
قلت : خلاص مابي شي .. ماقصـرت ..
ورحت ورى نفس ماقال .. التفت وراي ما لقيته ..

تنهدت وسلكت طريجي المجهول ..
شفت سياره تمشي واللي تسوقها وحده ..
رحت عندها ومديت لها الورقه ..
قلت : تدلين هالفندق وين ؟!
طالعت الورقه : ايه قريب من هنيه .. تعالي ركبي ..
ما مانعت ابد .. لاني كنت تعبااانه صج .. والدنيا بدت تظلم وانا اخاف من الظلمه..

في الطريج ..
سألتني : انتي مو من هنيه صـح ..؟!
ابتسمت لها بتوتر : صح ..
قالت : شسمج ؟
قلت : لوتـس .. وانتي ؟
قالت : اماندا ..
ابتسمت لها لانها ذكرتني بصـوفي ..
نفس تشكيله الوجه ونفس الصـوت ..
ارتحت لها ..
وصلت الفندق ونزلت معاي ..

قلت : مشكـوووره حبيبتـي .. ما قصـرتي ..
اماندا : ولووو ..
قلت : انتي ساكنه هنيه ..
اماندا : لا ..
قلت : اهاا .. عيل باااي ..
اماندا : باااي ..
دخلت ولقيته شكثـر فخم .. هاي اكيـد غاالي .. كلفت على مس كااي المسكينه ..
رحت حق وحده كانت قاعده على طاوله كبيـره وفخمه وجنبها واحد ..
قلت : انا بسكن هنيه ..
قالت لي : حااجزه ؟
قلت : انا من طرف كاي ..
قرب صوبنا الريال : اهاا .. اوكي تعالي معاي ..
قلت : ويـن ؟
ابتسم : تفضلي ادليج الغرفه ..
قلت : ايه صح .. اوكي ..
ورحت وراه وعطاني المفتاح ودخلت الغرفه ..
شفتها في قمه الفخااامه ..
رميت شنطتي اللي صار لها ساعه على ظهري .. ورحت اتفحص الشقه ..

بدلت ملابسي .. لبست لي بدله خفيفه من اللي عطتني اياهم مس كاي ..
وحطيت راسي على المخده ونمت ..

فتحت عيني وشفت الثريا الكبيـره الفخمه الموجوده على السقف .. ابتسمت براحه ورحت اغسل ويهي ..
طلعت وتميت على السرير وانا مستااانسه ..
التفت يمين ويسار ..
حزنت ..
لاني ما شفت روز جنبي ..
فتحت عيني في هاليوم وحيده ..
امس عدى علي خيـر ..
ان شالله يمـر هاليوم على خيـر..
طالعت الساعه كانت 6 الصبح ..
اوووف .. شاسوي في يومي بطوووله ..؟
ملل ولا وراي شي ..
رحت لبست بنطلون جينز والبدي الاحمر اللي لبسته امس .. وخذت شال ازرق كان موجود في الكيس ..
طالعت الملابس مرتبه علي .. مو وسيعه نفس امس ..
خذت لي شويه فلوس من الظرف ..

طلعت من الشقه .. ورحت صوب الرسبشن وانا مستانسه على فخامته ..
ابتسمت حق الموجوده .. وطلعت ..
تميت اتمشى في الهوى الحلو .. الشارع هادي .. مافيه الا كم سياره رايحه ويايه .. والشمس توها بتطلع .. ومافي ناس وايد ..
شالسالفه ..! يعني انا قايمه من وقت .. انا نشيطه يحليلي ..
لقيت مطعم قريب .. رحت ..
قعدت على اقرب طاوله ..
وياتني وحده ..
قلت : نعم مدام ..
قلت : ابي .. ابيييييييي ..
حاولت اتذكر الكلمه اللي قالها لي ذاك الريال يوم كنت في الكوفي ..
قلت : ابي .. ايه الميـووو ..
قالت : المنـيوو تقصدين ..
قلت : ايه المنيو اقصد ^^ ..
قالت : على الطاوله ..
طالعته : ايه صح ..
راحت عني ..
وخذت المنيو وقعدت اتصفح ..
ناديتها وقلت لها طلبي ..
وبعد ربع ساعه جا الطلب واكلته ودفعت الحساب وطلعت ..
رحت الحديقه اللي كانت جنب المطعم ..
دخلتها وماكان فيها احد طبعا ..
تميت اتأمل الشجر والعشب والعصافير ..
يات تحتي حمامه تدور لها اكل ..
تمنيت امسكها .. بس عارفه انها بتطيـر قبل لا امسكها ..
تميت اتأملها بحب ..
يات جنبها وحده ثانيه ..
هنيه نزلت صوبهم بالخفيف ومسكت وحده والثانيه طارت ..
تمت تترحك في يدي وايد ..
خليتها تطيـر .. وتتحرر من يدي ..
في هاللحظه صارت
الحمامه مثلي .. وانا مثل بروكلس ..
بروكلس مسكني مانع حريتي ..
وانا ماسكه الحمامه مانعه حريتها ..
بس انا مسكتها شوي .. ما يقارب 5 ثواني .. وطلقتها لحريتها ..

تنهدت وقمت ..
دخلت حي و جذبوني اليهال اللي فيها .. كانوا كلهم واقفين مكان واحد ..
رحت صوبهم ..

وقفت جدامهم ..
قلت : ليش واقفين هنيه ؟
رد علي ياهل يجنن ..
قال : احنا ننتظـر الباص .. انتي ليـش هنيه ؟
قلت : امممم .. انا جيت اشوفكم ..
يات صوبي وحده : انتي ابلتنا الجديده ..
قلت : لا حبيبتـي .. ما أدّرس ..
جا صوبي ياهل ثاني : درسيــنا .. مدرستنا مو حلوه .. ما نحبها ..
كلهم قاموا يقولون نفس الكلام ويوافقوونه رايه ..
ابتسمت لهم ابتساامه عريضه ^ـــــــــــ^ ..
قلت : انتو سمعو كلام الابله .. ولا تخلونها تعصـب عليكم .. ودام وراكم حديقه .. كل واحد ووحده فيكم تقطف ورده وتعطونها الابله وانتو مبتسميـن .. ومن بعد ما تشوفكم ان انتو تحبونها وتسمعون كلامها .. راح تحبكم وتلعبكم
..
طالعوني وابتسمو وراحوا ياخذون لهم ورده ..
جا الباص وركبو كلهم وودعتهم ..

تميت امشي ..
يااليتني ارجع طفله .. لا خوف من بكره .. ولا خوف من المستقبل الجاي ..
وصلت عند ملعب صغيـر لكـره السله كان مفتوح على شارع ..
شفت واحد طويييل يلعب بروحه بأجتهاد ..
وقفت وتميت اطالعه ..
كان يوقف آخـر الملعب ويحاول يرمي الكره داخل السله .. ومره تصيـب ومره تخـيب ..
حذف الكره على السله وطلعت برع ويات الكره صوبي ..
مسكتها وحسيت بصلابتها ..
رفعت راسي ابي احذفها عليه لقيته جدامي ..
قال : لوتــس ..؟!




:


:

[اسطورة !]

الــــجــزء الرابع (4)




طالعته باستغراب ..
قلت : انت ؟
ابتسم على جنب : وصلتي الفندق ؟
طالعته بكبرياء : ايه ..
قال : هه زيــن ..
خذ مني الكره وراح يلعب ..
قلت : انت شاايف نفسك ليـش ؟
قال : انا ؟
قلت : ايه انت ..
قال : انا مو شايف نفسي .. انتي اللي شايفه نفسج ..مادري على شنو ..
رمى الكوره في السله ..
طالعته باحتقار وصديت عنه ومشيت ..
ناداني : لووووووووووووتس ..
صديت له : نعــم !
قال : تعرفين تلعبين سله ..؟!
قلت : لا ..
قال : زين لعبي معاي .. بعلمج .. يمكن نستفيد منج ..
طالعته ورفعت حاجبي : انا شايفه نفسي ؟!
قال : ههههههههههههههههههه .. لا مب شايفه نفسج .. يلا تعااالي لعبي معاي لين ما يجون ربعي ..
قلت : يعني انا تصبيـره ؟
قال : ايه تصبيـره .. شاسوي اليوم مباراتنا وهاذيل ما جو .. انا متفق معااهم هالحزه الكل متواجد هنيه ..
قلت : انت تلعب وتطلع على التلفزيون يعني .. مباراه صجيه يعني ؟
قال بابتسامه عريضه وبفخر : ايه نعم ..
قلت : صــج ..؟!
قال : ايه ..
قلت : انزين شسمك عشان اشجعك ..
قال : ستيف ..
قلت : اوكي الحين بلعب معااك ..
اخذ الكره وحذفها علي .. مسكتها بس عورني صبعي .. لانها وايد صلبه ..
صرخت : آآآآييي .. هااي كوره والا حصى ..
قال : ليـش ؟
قلت : تعور اليد ..
قال : لا عادي ما تعور .. بس يلا وقفي هنيه " وأشر لي على خط " وفري الكرهفي السله ..
وقفت مكان ما أشـر لي ورميت الكره وانتظـرتها تدخل في السله .. لكنها ما وصلت فوق .. راحت وراي ..شلون ماعرف !!
التفت على ستيف لقيته ميت من الضحك ..
طالعته ورفعت حاجبي : ليش تضحك ؟
قال : هههههههههههههه انتي ارمي الكره جدااامج مو وراااج ..
قلت : هههههههههه ياخي ثقيله .. العب انت وانا بطالعك بس ..
خذ مني الكره وتم يلعب ويرميها من بعيد ..
سمعت صوت وراي .. التفت لقيت 2 شباب يمشون ياين صوب الملعب ..
ستيف : توووووووو الناااااااااس .. لا بعد رقدو هنيه شوي ولعبو وانتو مو متدربين ..
واحد قال له : شفيـك يا اخي .. عااادي زين .. كلها ساعه اللي تأخرنا فيها ..
اللي جنبه قال : شوف انا قاعد من الساعه 6 بس هاااي ما مر علي .. لان ما عندي سياره ..
ستيف : يلا تعالوا زين ..
قال الاول : اوه .. ما عرفتنا على اللي عندك ..
طالعت ستيف ..
ستيف : مالكم شغل باللي عندي .. امشو تعالوا ..
قال الثاني : ما يسوى علينا انت الكاابتن ..
ستيف : لان اذا خسرنا هالمره راح يكون املنا ضعيـف للفوز المـره الاخيـره .. يلا تحركو بلا دلع وبلا كلام ماصخ ..
شفتهم كلهم حسيت اني حشـره بينهم ..
كلهم فيهم الطوووول والعرض ..
اما انا .. قصيــره ..
روز وصوفي اطول مني بشوي واحس بالفشيله .. بعد يجون هاذول ويزيدون عقدتي ..
انسحبت لان حسيت مكاني غلط ..
رجعت النفدق وتميت اطالع التلفزيون ..

فريت كل شوي يطلع لي شي جديد علي ..

نمت على الكرسي من الملل ..

فتحت عيني ورحت اغتسلت .. طليت من الشباك لقيت الدنيا بدت تظلم ..
اوووف .. هالكثـر نمت .. مع ان ما كان فيني نوم ..
رتبت ملابسي لاني كنت نايمه فيهم .. وخذت شوي من الفلوس وطلعت ..

تميت اتمشى كالعاده ..
مريت على مطاعم وكوفيهات ومريت على مراكز وبيوت ..
وعلى حدايق ..

حسيـت اني مشيـت وايـد ..
دورت لي كرسي اقعد عليه ما لقيـت ..
مشيت شوي جدام لان كانت في حديقه .. لكنها فاضيه .. كأنها مهجوووره ..
قعدت فيها عشان ارتاح عقب بروح اتعشـى ..
كنت خايفه .. لان الدنيا مظلمه .. والنور في هالحديقه مو وايد ..

شفت ظلال اسود ياي صوبي.. انكمشت على نفسي ..

وضحت عندي الرؤيه وشفت ثلاث شباب ..
الاول : اوه .. العسـل سايح على الكرسي اشووف ..
طالعت حولي في الكرسي ما شفت شي ..
الثاني : ههههههههههههه .. شكلها مالها بالغزل ..
جا صوبي الثالث وقعد جنبي : هاي ..
ابتسمت بخوف : هاي ..
قال : ممكن بوووسه ..
وهو يقـرب ..
دزيته ورحت عنهم ..
جا وسحبني : مب بهالسهوله يا حلوه ..
قلت : شتبي انت .؟
قال : ابيج ..
طالعته بأستغراب ..
دزيته بكل قوتي وطاح على الارض ورحت اركض ..
طلعت من الحديقه وانا اركض .. التفت وراااي لقيتهم يلحقووني للحيـن .. ثلاثتهم ورااي ..!
التفت جدامي وطحت من الحصـا اللي كانت جدامي ..
ياني بسـرعه ومسكني من ثيابي ..
قال وهو يلهث : ليـش شردتي عني ..؟!
حاولت ابتعد عنه ..
يقول : ليـــــش ؟
قلت : شتبي مني الحيـن ..؟ شتــــــــبي ؟
قال : قلت لج ابيـج ..
خفت .. وبلعت ريجي ..

شوي جا واحد ورفسه رفسه طيحه على الارض ..
وشلني وراح يركض .. وانا تميت اصـارخ ..

سد حلجي وتم يركض .. وسمعت ضربات رصاص ..
هنيه اعصابي تخدرت ما قدرت اسوي شي غيـر اني اترك نفسي لهاليد ..

انا كنت مغمضه عيني طول الوقت .. وهو كان شايلني ..
نزلني على الارض ورحت بكمل ركض وبشـرد ..
سحبني من يدي ..
قال : تعااالي شفيـج ..
طالعته وكان يتكلم بس مادري شنو يقول .. وطحت غايبه عن الوعي ..


فتحت عيني لقيتني في السرير .. قمت بسـرعه خاايفه ..
كانت بنت جدامي تطالعني بابتسامه .. هالويه مار علي .. بس وين ما اذكر ..
توني بتكلم ..
قالت : انتي ارتااحي الحين .. وبفهمج كل شي ..
قلت : انا ويـن ..؟
قالت : انتي في بيتنا .. ستيف اخوي يابج وقال لنا اهتمو فيها .. عنده مشوار وجاي الحين ..
بلعت ريجي ..
شدخل ستيف في الموضوع ..؟ يعني ستيف هو اللي يايبني هنيه ؟!
شصاار لي بالضبط ؟

اييييي .. كانوا في 3 شباب ..
انزين وبعدين ..؟
الرصاااااااااص .. !
صرخت : الرصاااااااااااااااص ..
قالت : شنو ؟؟
قلت : ستيف رايح حق الرصاااص ..
قالت : أي رصاص ..
شليت الالحاف عني ورحت و مسكتني ..
قالت : لا ما تروحيـن .. ستيف قال خلها تنتظـرني ..
قلت : بيموووووووووت ..
خافت : شنوووووووو ؟
قلت : هو اكيد رايح حق الرصاااص ..
طالعتني بخوف : انتي ارتاااحي الحيـن واذا جا ستيف بفهم منه السالفه ..
قعدت وضميت ريلي ..
شنو هالي يصيـر فيني ؟؟ ليش انا الوحيده جي يصيـر فيني .. الكل مستقـر بحياته الا انا .. آآه يا عذاابي ..

تميت انتظـر وشوي الا انفتح الباب وجات مره كبيـره شوي ..
قالت بأبتسامه : هااااي ..
رديت لها الابتسامه
قالت : شخباارج الحيـن ؟
قلت : زينه .. بس ستيف وين راح ؟
ابتسمت ابتسامه عريضه : شكلكم تحبون بعض واايد .. ستيف ما قال لي ولا جاب طاري ان له علاقه ..
طالعتها باستغراب وطالعت البنت اللي جنبي .. كانت تطالعني بابتسامه ..
قلت : لا مو جي ...
قاطعتني المـره الكبيـره : ما كلتي شي ؟
قلت : لا انا ماكلت..
قالت : اماااندا ما عطيتيها تاكل .. البنت تعباانه ..
قلت : اماااندا !!!
قالت : ايه انا اماندا .. ليـش ؟
قلت : انتي اللي وصلتيني بسيارتج ؟
تمت تتذكـر ..
قالت : ايييييييي .. انتي اللي وديتج الفندق ..
قلت : ايه ..
قالت : تشرفت بمعرفتج .. لوتـس صـح ؟
قلت : ايه ..
اماندا : هذي امي كرستين ..
طالعتها بابتسامه : تشـرفت ..
الام بابتسامه : انا بروح اجيب لج حليب بالعسـل ..
راحت وجا ستيف ..
قلت بخوف : انت وين رحت ؟
ستيف : ليـش تسأليـن ؟
انحرجت وقمت : لا ولاشي ..
نزلت راسي : شكـراً
قال : على شنو ؟
قلت : لانك خذتني من هالوحووش ..
طالعني بنظـره جامده : المره الثانيه اذا انتي خايفه على عمرج .. ما تروحين اماكن ما تعرفينها .. ولا تطلعيـن في الليل احسن بعد .. هذا عشانج .. وانتي وكيفج ..
قلت : ما راح اطلع مره ثانيه ..
اماندا : ياعيني على هالحب ..
طالعها ستيف بنظـره عصبيه ..
بس اماندا كانت مبتسمه ..
قلت : خلاص انا بروح البيت ..
ستيف : لا تمي هنيه ليـن بكـره .. لين ما يطلع النور على الاقـل ..
قلت : لا بروح البيت .. شكـرا ..
طالعته بنظـره حزن وطلعت من البيت ..

التفت يمين ويسار ما عرفت الطريج وين ..
شفت سياره تاكسي ..
وقفتها ورحت البيت .. او الفندق ..
رحت خذت لي شاور ..
وقعدت على السرير اتذكر اللي صار لي ..
مسكت بطني .. يووعااانه ..
ما اهتميت وايد .. غطيت نفسي بالاحااف ونمت بخووف ..

قمت على الساعه 9 الصبـح ..
بدلت ملابسي وتميت في الشقه اطالع الـ tv

تميت قاعده ليـن الساعه 12 .. تمللت بس خفت اطلع ..

رن الجرس ..
رحت صوب الباب وكانت في عين اطالع فيها اللي برع ..
طالعت لقيت اماند واقفه عند الباب ..
فتحت لها بابتسامه ..
اماندا : هااااي ..
قلت : هاااي .. تعالي ..
دخلت وسكـرت الباب ..
اماندا : لا ستيــف برع ..
قلت : هااا ؟
اماندا : هههههههههههه ستيف ..
قلت : ما شفته ..
رحت فتحت الباب لقيته واقف ورافع حاجبه ..
قلت : آآآسفه ما شفتك ..
دخل : لو تاخـرتي ثلاث ثواني ونص زياده .. جان كسـرت الباب عليـكم ..
رفعت حاجبي واماندا تمت تضـحك ..
قعدنا ..
ستيف : تغديتي ؟
قلت : لا .. وانتو تغديتو؟
اماندا : لا .. انا اصريت انج تتغدين معانا .. قلت اكيـد ما تغديتي ..
قلت : ايه يوعاانه .. واخااف اروح بروحي ..
رفعت عيني شفت ستيف سرحان .. واماندا تطالعني بابتسامه ..
ابتسمت لها ..
اماندا : يلا قومي لبسـي ..
قلت : ليـش ؟
اماندا : عشان ناخذج تتغدين معانا ..
ابتسمت وهمست لها : ستيف راضي ..
اماندا : هههههههههه أي اكيد .. ما يقدر يخلي حبيبته بدون اكل ..
قلت : انا مو حبيبه احد ..
ستيف رفع راسه ..
اماندا : سكتي لا يسمعج وروحي بدلي يلااا .. انا يوعانه ..
قمت ورحت لبست لي تنوره قصيـره حمرا وتحتها ضاغط لين نص ساقي .. اسود .. وبوت احمر وبدي اسود عليه شال احمر ..
والله يا مس كاي تعرفين تكشخيني ..
مشطت شعري لاول مره وهو قصيـر وغسلت ويهي ونشفته وخذت شنطتي وعقب رديتها .. لانها ما كانت لايقه على لبسي ..
خذت بوكي وطلعت ..
اماندا تصفـر : وااااااااااو ..
ابتسمت : انا جهزت ..
ستيف طالعني من فوق لتحت وقام : يلا انا في السياره ..
قلت : شفيه اخوج ماد البوز ؟
اماندا : عادي هو كله جي .. يلا امشـي ..ههههههههههه ..
ابتسمت ..
ابي اعرف السبب اللي يخلي اماندا تضحك هالكثـر .. بسبب وبدون سبب! ..

ركبت انا واماندا السياره ..
وفي الطريج ..
اماندا : الا ما قلتي لي .. انتي من وين ؟
قلت : انا من هنيه ..
قالت : صــج ؟
قلت : ايه .. ليـش ؟
قلت : بس انتي ما تدلين شي .. وباين عليـج ما تعرفيـن شي في البلاد يعني ..
قلت : ايه ما اعرف .. لاني ما اطلع وايد ..
اماندا : ما عندج اهل ..
نزلت راسي : لا ..
اماندا : اوه .. آآسفه ..
ابتسمت : لا عادي ..
سكتنا شوي ..
اماندا : كم عمرج ..؟ باين عليـج صغيـره ..
قلت : عمـري 17 سنه ..
اماندا : اهاا .. يعني صغيـره ..
قلت : مو وايد .. انتي كم عمـرج ؟
اماندا : 22 ..
اماندا : انتي من متى تعرفيـن ستيف ؟
قلت : من كم يوم بس .. وهي مو معرفه يعني .. بس اسمه
اماندا ابتسمت : عليـنا ..
قلت : شنوو ؟
وقفت السياره ونزل ستيف ..
اماندا : يلا ..
نزلت وانا متضايقه من اسلوب ستيف .. هو مو مجبور على شي .. ليش جي كأنه متضايق من وجودي ..

قعدنا على طاوله جدامها نافوره كبيـره ..
عجبني منظـر هالنافوره ..
ياتنا وحده وعطتنا المنــيــووو ^^ ..
اختارو كلهم وانا تميت ..
قلت : انا ابي نفس اماندا ..
ابتسمت لي اماندا وابتسمت لها

تميـنا ساكتيـن ..
قلت : ستيف ..
طالعني ..
ما قلت لي .. فزتو والا خسـرتو في المباراه ؟
ستيف بابتسامه على جنب : خسـرنا طبعا ..
قلت : ليـــــش ؟
ستيف : البركه في هالربع .. لا تدربو ولا اشتطو .. ويات على راسي انا طبعا ..
قلت : اشووفك متضاااايق ..
ستيف : مو عشان هالشي بس انا متضايق ..
قلت : ليش شنو بعد ..
ستيف : تهاوشت مع هارفي ..
قلت : هارفي منو ؟
ستيف : هارفي رفيجي القريب لي ..
قلت : عشان خسرتو ؟
ستيف : ايه .. انا كنت متضايق بسبب الخساره .. وهارفي حط اللوم علي انا .. وانا ما قصـرت فيه .. هاوشته ليـن ما قال بس .. ومن يومها ما كلمته ولا شفته ..
اماندا : لانك ما رحت له وكلمته ...
ستيف : لاني مو انا الغلطان ..
اماندا : انت دووم ما تعترف بخطأك يا ستيف .. اللي يعترف بخطأه هاي شي مو عيب ..
ستيف : اذا اخطيت ساعتها باعترف بخطاي ..
اماندا : انت دوم جي ..
قلت : اوكي خلاص ما حصل الا الخيـر ..
سكتنا كلنا وانا نزلت راسي الارض ..
ياربي شحال روز الحـين .. شمسويه هناك بروحها .. هي الوحيده اللي تعرفها عدل باتسي .. وباتسي بتروح عند اهلها قريب .. بتم روز بروحها ..؟ آآه ياني ولهانه عليـج يا رووووووز ..
رفعت راسي وطاحت عيني على عين ستيف ..
صد عني وصديت انا اشوف المطعم ..
شوي الا يانا الاكـل ..
حطو الاكل واكلـنا ..
بعد ما خلصـنا طلعـنا من المطعم ..
اماندا : وين تبين تروحيـن ؟
قلت : مادري ..
ستيف كان ساكت ويمشي بس .. خلى سيارته عند المطعم وتمينا نمشي ..
قلت : اماندا ..!
اماندا : نعم ..
قلت : ابي اشتغل ..
التفت ستيف علي وعقب صد ..
قلت : في أي مكان ..
اماندا : ليـش تشتغليـن ..؟ توج صغيـره ..
ابتسمت : الظـروف ما تعرف صغيـر والا كبيـر ..
اماندا : انا ما اعرف .. يعني انتي على حسب علمي ما عندج ثانويه عامه ..
قلت : ايه انا طلعت من المدرسه ..
ستيف : ليـش ؟
قلت : لاني جيت هنيه ..
ستيف : طلعتي من مدرستج عشان تشتغليـن ؟ لهالدرجه ظروفج قاسيه ؟
قلت : انا وحيـده في هالعالم .. ماعندي حد ..
اماندا : عيـل وين كنتي ساكنه طول هالمده ؟
نزلت راسي ..
ورحنا قعدنا في بارك ..
ستيف : كنتي عايشه مع منو ؟
قلت : في دار الايتاام ..
طالعوني بنظـره استغراب ..
اماندا : وهناك يدرسونكم ؟
قلت : ايه ..
ستيف : يعني تبين تشتغلين شنو ..؟ شنو تحبين تسوين .. او شنو ميولج ؟
قلت : ولا شي .. يعني انا كنت في الميتم اقوم من النوم اروح الدرس نخلص نقعد شوي نتغدى وناخذ دروس وحياتنا كلها جي .. يعني مافي مجال امارس هوايتي اذا عندي هوايه ..
ستيف : اممم .. انا في بالي شغله لج بس اخاف ما تعجبج ..
قلت : شنوووو قول ..
ستيف : بكـره الصبـح الساعه 8 باجي عندج وباخذج .. واذا يازت لج زين على زين .. واذا ما يازت بنشوف غيـرها ..
قلت : اووكي ..
تميـنا سااكتيـن ..
اماندا : الجو حلو ..
ستيف : ايه ..
اماندا : شراايكم نلعب صياد ..
ستيف فتح عيونه : شنوو ؟
وقفت وانا مشتطه : اييييييييه خلنا نلعب ..
ستيف : من صجكم ..
اماندا: ايه يلا عاااد ..انت متعود على الركض شمعنا الحين مستغرب .. يلا قووووم ..
ستيف قام : اووكي ..
رحنا في زاويه واخترنا ستيف الصياد ..
غمض عيونه وانا واماندا انخشينا ورى شجره كبيـره ..
همست حق اماندا : ويـنه ؟
اماندا : مادري .. بس اذا قرب بيبيـن .. لانه شطووول ..
ضحكت بصـوت واطي : هههههههه ..
تميـنا ننتظـر .. طليـت من تحت الشجـره ابي اشوفه وين وصـل الا هو عند راسي ..
صرخت .. ومسكني واماندا شردت ..
شلني وتم يركض يبي يمسك اماندا .. وانا اصرخ اخاف اطيـح ..
مسكها وشلها من الطرف الثاني .. صرت انا في الشمال وهي في اليمين ..
انا واماندا ميتين من الضحك ..
تم يدور وهو ماسكنا .. صرنا مثل المروحه .. وانا اصااااااارخ ..
وعقب نزلنا ونا حاولت اوازن نفسي وعقب طحت ..
واماندا ميته من الضحك ..
قلت : يدك ما عورتك وانت شايل ثنتين .. والا تسوي روحك بطل ..
ستيف : لا .. كأني شايل كره السله ..
تميـنا نضحك وطلعنا من البارك وكان الكل يشوفـنا .. انحرجت شوي بس عقب ما نحرجت ..

اماندا : شرااايكم نرووح هالمركز ..
محد رد ..
اماندا : هاااا .. يلا ..
ستيف : تروحيـن لوتس ؟
قلت : مادري .. انتو تبون تروحون ؟
اماندا : ايه ابي اروووح .. اكيد هناك بلاقي دانيل وليزي و ساكي ..
قلت : من هاي ؟
اماندا : اصدقاائي ..
قلت : اهااا ..
ستيف : لا روحي انتي ولوتس .. انا بروح ..
اماندا : ويـن ..
ستيف ما جاوبها وراح ..
اماندا : يلا لوتـس ..
قلت: يلا ..




دخلنا المركز واماندا ماسكتني من يدي وتسحبني من مكان لـ مكان ..
قلت : خلاص اماندا تعبت ..
اماندا : لحظه ابي اشوف اصدقائي وين ..
قلت : انزين دوريهم وانا بقعد هنيه .. واذا لقيتيهم تعالي لي ..
اماندا : انزين شوووي بس ..
رحت قعدت على الكرسي اللي مجابل محل اطفال ..
اماندا : زين قعدي بس لا تتحركيـن ..
قلت : اوكي ..
تميت اطالع المحل اللي جدامي .. اشوف ام وولدين كأنهم توأم .. تدور لهم لبسه نفس الشي .. تروح يمين ويسار تبي القياس ..
ابتسمت وصديت ..
لقيت شاب وبنتين معاه جاين صوبي وقعدو على الكرسي اللي انا قعدت فيه ..
الشباب : انتو يالعياااايز .. قلت لكم خلنا نرووح السنما يلااا .. ترى مرت ربع سااعه عن الوقت .. ما بنعرف قصه الفلم ..
قالت وحده : عقب ما خليتنا نلف المركز كله من فووووق لتحت .. عقب قلت نروح السنما .. انطر خلني ارتاااح .. السنما فوق مو هنيه .. يعني بعد مشــي ..
قال : اووووف منكم .. يلا دانيل حبيبتـي .. خلي ليزي قاعده هنيه تولي وانتي تعالي معااي ..
دانيل : انزين انتظر شوووي ..
تأفف ووقف ..
دااااانيــل ؟؟ مو هاي الاسم اللي قالت اماندا ان هاي وحده من صديقاتها ؟؟
سألتها : انتي تعرفيـن اماندا ؟
دانيل : اماندا ؟
قلت : ايه ..
خافت : ايه اعرفها .. ليـــــش فيها شــي ؟
قلت : لا لا مافيها شي .. بس هي يات هنبه تدور عليكم ..
قال الشباب : وليـش ما تتصل ؟
قلت : مادري ..
قالت اللي قاعده جنبي : انتي تعرفينها ؟
قلت : ايه تعرفت عليها امس ..
قالت : اهااااا ..
سلمت علي : انا ليـزي ..
مد يده الشباب : وانا ساكي ..
ابتسمت حق دانيل : وانتــي داااانيـل.. !
قالت : ههههههه ايه ..
ليزي : باين عليـج حبوبه ..
قلت بابتسامه : وانتي بعد ..
ساكي : شراايكم نروح اربعتنا السينما ونخليها تولي ..
قالوا : ايييييه ..
قلت : لاااا حراام عليــكم ..
ساكي : لا مب حرام عليـنا .. يلا يلا امشـو ..
طالعته وكانت وراه اماندا متخصـره ..
ليـزي شافتها وابتسمت : لاااا سااكي .. حراام اماندا بتدورنا ..
ساكي : خلها تدووور .. مب احنا هلكـنا واحنا ندورها ..
دانيل انتبهت لها : لاااا ساكي .. انا مب رايحه .. اذا انت تبي تروح روح ..
ساكي :يــــــه .. شفيـكم قلبتـووووو ..؟
اماندا تضرب ظهره تنبهه انها وراه ..
ساكي التفت وابتسم واونه خايف : هلااااااااااا بأماندا .. تصدقين توني اهاوشهم .. اقول لهم لا تروحون السنما بدون حبيبتـنا بس هم راسهم يااابس ..
اماندا اونها ما تدري بالسالفه: صـج ؟
ساكي : ايه صج ..
اماندا : يلا كلنا السنيما .. انا حجـزت حـق 4 بـس ..يعني انا ولوتس وليزي ودانيل ..
ساكي : شوفوو .. انا حاجز حق 4 زين ..
شهقت اماندا : صــج ؟
ساكي : ايه ..
اماندا : انا اقـص عليـك .. انا حاجزه 5 .. قول الصـج ساكي ..
ساكي : ما اكذب .. حاجز 4 انا ..
اماندا : اتصل حق ستيف خله يحضـر ويانا هو ويجيب 3 معاه ..
ساكي : اتصلي له انتي .. انا ما عند رقمه ..
اماندا : انا خليت جوالي في سياره ستيف .. عطني جوالك ..
مد يده وعطاها الجوال وراحت اماندا تتكلم ..
ليزي : الا ما قلتيلي .. شلون تعرفتي على اماندا ؟
وييي هاي شااقول لها ..
دانيل : يااالقاافتج يا ليزي ..
ليزي : هههههه عادي .. المهم .. بكـره عيـد الام .. شنو بتشترووون حق امهاااتكم ؟
نزلت راسي بحزن ..
دانيل : ايه انا يايه هنيه عشان ادور لها هديه ..
ليزي : انتي شنو بتشترين لوتس .. حاطه شي في بالج ..
قلت بابتسامه حزن : لا
يات اماندا ونقذتني من اسألتهم ..
اماندا : ستيف بيجي بعد شوي مع جاكي وايثان.. متى بيبدأ الفلم ؟
ساكي : بعد ربع سااعه .. " طالع ساعته " لا بدأ الحين ..
اماندا : اووه .. يلا عيل ..
ليزي : وستيـــف ؟
اماندا : حبيب القلب بيجي الحين ..
طالعتني اماندا وحطت يدها على حلجها ..
استغربت من حركتها بس ما عطيتها أي اهميه ..
راحوا ورحت وراهم لاني ما ادل مكان السينما اللي يقولون عنها ..
وقفوا ووقفت معاهم .. عطو الريال تذاكرهم وعطت اماندا تذاكر ستيف وربعه بعد .. عشان يدخلون على طول ..
دخلنا وكان الفلم توه بادي ..
قعدنا ثاني السيـد ..
قعدت امادنا على الطرف وجنبها دانيل وجنبها ساكي وجنبه ليزي وانا في الاخيـر .. بس في جنبي كراسي فاضيه ..
تميت اطالع الفلم والكل مندمج وانا متملله .. ما احب اطالع شي واحد .. احب انتقل من قناه لـ قناه .. شفت جماعه جايـن .. دققت في نظـري الا ستيف و2 معاه .. اكيـد واحد منهم جاكي وواحد ايثان ..
ستيف وصل سيدنا : هااااي ..
قلت : هاااي ..
قعد جنبي وقعدوا اصدقائه جنبه ..
سمعت اللي جنبه يقول : من اللي جنبك ..؟
ستيف : لوتس .. صديقه جديده ..
قال : اهااا ..
طالعني ستيف وابتسمت له وبادلني الابتسامه ..
طالعت الشاشه .. كان فلم كوميدي .. كانوا كلهم يضحكون .. المكان احتشـر من الضحك .. وانا اضحك مع اني مو فاهمه القصه .. لاني كل شوي سرحت ..
سرحت بنظـري لتحت ..
افكر في روز ومس كاي وباقي البنات .. خااطري اعرف اخباارهم ..
ستيف : الفلم مو عاجبـج ؟
قلت : امبلا حلوو ..
ستيف : عيل ليـش ما تطالعيـنه ؟
قلت : اطالع .. بس تمللت ..
ستيف : نروح نجيب فشاار ؟
قلت : أيه يـلاااا ..
قام وقمت معاااه ..
ليزي : ويــن ؟
قلت : بنروح نجيب فشاار .. تجيـن ؟
توها بتتكلم الا يقاطعها ستيف : لا احنا بنروح بسـرعه وما راح نتأخـر ..
وسحبـني..



:


:

[اسطورة !]

الجزء الخامس (5)



صديت على ليزي شفت بعيونها القهـر ..
مادري ليش احس في شي بين ليزي وستيف ..
ما اهتميت ..
طلعنا من السينما وشفت يد ستيف للحيـن في يدي ..
شليت يدي : خلاص طلعنـا ..
ستيف : هههههه .. ليـش ماتبيـني امسك يدج ..؟
قلت : لا مو جي .. بس ...
قاطعني : انزين تعالي ..
قلت وانا أأشـر : هنيه محل الفشاار .. وين رايـح ؟
ستيف : لا هاي مب شي .. واحد هناك احلى ..
وسحبني بعد لان مشيتي مو نفس مشيته .. هو يمشي طبيعي وانا اركض عشان اوصل لنفس مشيته ..
شلون وهو مستعيل بعد ..!
وقفت ووقف : شوي شوي شفيـك ..! ويـن بتوديـني ؟
ستيف : ولا مكان .. بس ابي اسولف معااج ..
طالعته بنظـره تعجب ..
ابتسم : شفيـج ..؟
قلت : فاااضي ؟
ستيف : ايه فاااضي .. شورااي ؟
رحنا كوفي وقعدنا .. طلب قهوة ..
ستيف : انا ابي اسألج كم سؤال اذا ممكن ..
قلت : سؤال مثل شنو ..؟
ستيف : عن حيااتج ..
قلت : يهمك ؟
ستيف : ايه ابي اعرف عنج اكثـر ..
سكت ..
ستيف : ابي اعرف قصـتج ..
قلت :أي قصـه ؟
ستيف : انا حاس ان عندج قصـه .. وقصه كبيـره بعد ..
بلعت ريجي ..
ستيف : هممم ؟
قلت :انت قلت لي فااضي ؟
ستيف ابتسم : ايه ..
قلت : انا بنت يتيمه .. من اول ما فتحت عيني على الدنيا شفت نفسي بين بناات ..
ما كنت اعرف وين انا ومن معاي ..
وما كنت اعرف بشي اسمه ام واب ..
كنت عايشه على ايد المربيات اللي في دار الايتااام ..
كبـرت وكبـروا البنات اللي معاي ..
يوم صار عمـري 6 سنوات .. جات بنت حلوه وكانت تكسـر خاطري ..
كان مالها حس .. واذا حد يهاوشها تسكت .. عكسي انا بالضبط ..
اخذتها على صوب وتميت اسولف معاها كان اسمها صوفي .. وتعرفت على روز .. كنا دوم احنا الثلاث مع بعض ..
ليـن ما كبـرنا مع بعـض ..
يوم كبـرنا شوي .. عرفنا ان احنا ايتام .. لا ام لنا ولا اب ..
انا حزنت لاني حسيـت روحي غيـر عن الناس .. لاني عرفت ان في حياه غيـر هالحـياه الي انا عايشتها .. يعني مو كل الناس عايشيـن نفس ما انا عايشه ..
هذي كانت توقعاااتي قبل ..
كنت احسب ان النااس كلهم جي ..
بس طبعا عرفت ان كل شخص له حياته .. حتى لو هو عايش معاااك بنفس الغرفه ..
وبعد فتـره تعودنا على المربيات .. وهم طيبيـن وحليـويـن ..
تغيـرت الانظمه مادري ليـش .. وتغيـرووا المربيات ..
وانتقلنا لمبنـى جديد ..
كان واحد يشـرف عليـنا اسمه بروكلس ..
من اول ما شفته وشافني ما ارتحت له أبد .. قلبي كرهه من اول نظـره ..
كان شكله مقزز .. ظخم وعرضه عرض جداار ..
البنات كلهم يخاافون منه .. انا كنت اخاف منه بس مو كثـرهم .. لانه اذا غلط علي برد .. اما هم ما يردوون ..
نظـراته لي كلها ما كنت افهمها ..
هي نظـره حقد !.. كـره ..!
ما عرفت نظـرته بالضبط شنو هي ..
كنت دووم اسوي البلاوي واخذ اشد العقووبات منه ..
مره عاقبنا احنا الثلاث .. انا وروز وصوفي .. ومن يوما صوفي تعبت وماتت ..
ستيف منصدم : مـاااااتت ؟؟!
قلت : ايه ..
ستيف : ليـش شسوى فيها ؟
قلت : اخذنا كلنا وطلعنا برع في الثلج .. وكان لبسنـا خفيف .. ما كان يدفي ..
وتعبت وحرارتها ما قامت تنزل ليـن ما ماتت ..
انا من يومها ما قدرت اطالع ويهه .. لان حسيت ان هو اللي قتلها ..
وفي هاليوم قلت بشـرد من الداار .. بس كانت كل الطرق منسده في ويهي ..
ليـن ما جا اليوم اللي كان فيه بروكلس يبي يعتدي علي ..
ونفس اليوم الصبح شردت بمعونه مس كااي ..
ستيف تم يطالعني وكأنه مندمج بالقصـه ..
قلت : و يوم شردت ما كنت اعرف شي عن الحياه برع ..
ليـن ما التقيت مع واحد رزيـــل ..
قلت له تدل هالعنوان ويوديني يمين ويساار ..
ستيف رافع حواجبه : منوو هاي ؟
قلت وانا راافعه حااجبي : ماااتعـــرفه ؟؟
ستيف بأستغراب : انا ؟
قلت : ايه انت .. يوم قلت لك ابي اروح هالعنوان ..
ستيف : اييييييييييييييييه عدل .. هههههههههه .. كنتي باطه جبدي .. لان اسلوبج من البدايه ما كان حلو معاي ..
رفعت حاجبي ..
ستيف : المهم انج الحين هنيه وفي ايدي امينه ..
ابتسمت بطمأنان ..
ستيف : بس ما قلتي لي ..
قلت : شنو ؟
ستيف : صوفي كان مصيـرها الموت .. وانتي الفرار .. وروز ؟
تنهدت بحزن : ما ادري عنها شي ..
ستيف بثقه : بتكون بخـير تطمني ..
قلت : هاي اللي اتمناه ..
ستيف وقف : يلااا ندخل لهم ..
قلت : اوكي ..
رحنا وقعدت مكاني وهو قعد مكانه ..
ليزي بطرف عينها تطالع ستيف : ويــن الفشاار ؟
ستيف يطالعني : اوه .. نسيـنا .. يلا لوتس نجيب ..
ليزي : لا ما نبي .. خلاص قعدوو ..
ستيف يحرها : لا خلنا نرووح نجيب ..
ليزي : لا خلااااص اقعد ..
ستيف ابتسم على صوب وقعد ..
عجبتني ابتسامته ..
تميت اطالع الفلم السخيف .. والحمدلله خلص بسـرعه وطلعنـا ..
ليزي راحت عند ستيف على طول .. لاني كنت اراقبها .. وتمت تون على اذنه بس ما سمعتها شنو كانت تقول .. اما ستيف كان باين من ملامحه انه متملل ..
قلت بصـوت عالي شوي عشـان الكل يسمعـني : انا خـلاص بروح البيـت ..
اماندا : لييييييييييش ؟!
قلت : ابيي ارتااح شوي ..
اماندا : على رااحتـج ..
ستيف : انا بوصـلج ..
قلت : لا ما يحتااي البيت قريب ..
ستيف يطالعني من طرف عيونه : قرييييييب !!
قلت باابتسامه : بركب تاكسي .. مابي اثقل عليك ..
ستيف رفع حواجبه : لا ما بتثقلين .. لاني انا اللي اقترحت عليج مو انتي .. " ابتسم " يـلا ..
ابتسمت ابتسامه مصطنعه : يلا ..

انسحبنا انا وستيف من الجماعه وطلعنا من المـركز ..

ركبنا السياره ..
شغلها وتشغلت اغنيه على طول ..
كانت هاديه ..
سندت راسي على المسند وتميت استنشق الهوى ..
ستيف : انتي من صجج بتروحين البيت ؟؟
قلت : ايه فيها شي ؟
ستيف : عندج حد هناك ؟
قلت : وين ؟
ستيف : البيت ..
قلت اصلح له : الفندق ..!
ستيف : ايه ..
قلت : لا ..
ستيف رفع حاجبه : عيل ليش مستعيله على الروحه هناك ..
قلت : ابي اقعد بروحي يا اخي ..
ستيف باستهزاء: ايي .. صدقت ..
قلت : مب لازم تصدق ..
ستيف : انزين انا قلت صدقت ..
تأففت وتكتفت ..
سكر الشبابيك وفتح المكيف ..
قلت : حراااااام عليــك برررد ..
ستيف طالعني بطرف عينه : انا حران انزين ..
تأففت ولفيت الشال علي عدل ..
تمينا فتره ساكتين ..
قلت : انت بينك وبين ليزي شي ؟؟
ستيف طالعني بطرف عينه نظـرته المعتاده : ليــش ؟
قلت : أسأل ..
ستيف : يعني..
قلت : شلون يعني ؟؟
ستيف : ماعرف افهمج ..
طالعته وصديت اطالع الشارع ..

سكتنا فـتره ..

ستيف : ليـش تسألين ؟
قلت : ولا شي ..
ستيف مبتسم : تغااريـن .. خخخ
رفعت حواجبني : نعععععم .. على شنووو اغااار .. شبيني وبينك عشاان اغااار ..؟
ستيف : هههه .. لازم بتقولين جي .. لان اللي يحب ما يعترف بسـرعه حق اللي يحبه ..
قلت : وييي شاحب فيـك انت .. لا تصدق رووحك يا شيخ ..
ستيف : عيل لييييش تسأليني ؟؟
قلت : لان حركاااتها لك ملحوظه ..
ستيف : دااام انها ملحوظه ليش تسألين ..
قلت : اوووووف .. ابي اعرف شنو السالفه .. بس الحين هونت مابي اعرف ..
نزلت من السياره لان وصلت البيت وهو يضحك .. وكان على المغرب ..
دخلت ولقيت وحده عند الرسبشن ..
جيت ابي اخذ مفتاح الغرفه وانصدممممت باللي شفته ..
صرخت : مـــــــــس كاااااااااااااااااااي ؟؟؟!!
مس كاااي مبتسمه : لووووووتـس ..
وضمتني وانا مسكت صيحتي ..
مس كاي : شخباارج فديتج ..
قلت : بخير ..
مس كاي : كل شي ماشي تمام ؟؟
قلت : ايه كل شي تمام ..
مس كاي : كنت احاااتيـج ..
قلت بابتسامه : انا بخـير .. بس شخبار روز ؟
مس كاي : روز خذوها ناس ..
شهقت : من خذهااااااااا ؟
مس كاي : اهل باتسي مع باتسي ..
قلت : صــج ؟
مس كاي تنهدت : ايه .. المكان بدونكم مو حلو ..
ابتسمت : دوري لج شغل غير هاي ..
مس كاي : وهااي اللي بيصيـر .. لان هالمبنى بيتسكـر كله ..
قلت : ليش ؟
مس كاي : مادري .. مشاكل وايد قامت تصيـر .. ومافيه اداره .. ومن هالسوالف ..ماحبيت اعور راسي بمشاكلهم ..
تنهدت : انزين تعالي فوق الغرفه ..
مس كاي : لا ارتاحي انتي .. شكلج تعبانه ..
ابتسمت : لا تعبانه ولا شي .. تعالي ..
سحبتها ودخلنا الغرفه ..
سويت قـهوه وجبتها الصاله الصغيـره ..
مس كاي : انتي تاكلين زين .. محتاجه شي ..؟
قلت : لا كل شي اووكي .. عندي كل شي ..
مس كاي : ليش جي شكلج غيـر صايـر ..
ابتسمت : شنو الغيـر فيني ؟
مس كاي : ويهج صار صغيـر .. كأنج ضعفتي ..
قلت : ليش انا فيني شي عشان اضعف .. هاي اثـر التعب والسهـر ..
مس كاي: ماتنامين زين ؟
قلت : ما اعرف انام .. ماتعودت انام بروحي ..
مس كاي : انتي ما عندج اهل ..
رفعت حواجبي : شنوو ؟
مس كاي : ايه .. مثل عمج عمتج .. خالج خالتج ..
قلت : وانا شدراني .. ما اعتقد .. لو عندي جان ما خلوني ..
مس كاي : ما سألتي ..
قلت : أسأل من يا مس كاي .. لا تحلمين وتتخيلين خيالات واسعه ..
مس تسندت وطالعت السقف : احيانا الخيال والاحلام ينقلب حقيقه .. ياتكون مـره او حلوه ..
قلت : مابي اهل .. اتم جي احسـن ..
مس كاي : من صجج ..
قلت بتقكيـر : مااادري ..
مس كاي طالعت الساعه وقامت بسـرعه : ااوووه نسيييت ..
قلت : شنو ؟
مس كاي : بزوور بروكلس ..
قلت : وين ؟
مس كاي : في السـجن ..
شهقت وفتحت عيوني على الاخـر : في الســـجـــن ؟؟
مس كاي بلعت ريجها : ايه ..
قلت : ليييش ؟
مس كاي مسكت كتفي : بعدين بعدين اقول لج .. يلا انا الحين استأذن .. ديري بالج على روحج اوكي ..
قلت : لا توصين ..
فتحت لها الباب ..
مس كاي : باي ..
قلت : باااي ..
سكـرت الباب ودخلت اتسبح بمـاي حااار .. وبعدها نمت على طووول ..

قمت من النوم على دق الباب ..
تخرعت ورحت اركض صوووب الباب .. طليت من العين السحـريه شفت ستيف ..
استغربت من وجوده .. فتحت الباب ..
ستيف فتح عيونه مستغرب : شفيـج ..؟
تثاوبت ودخلت : شفيني ؟
ستيف : انتي شفتي شكلج ؟؟
قلت : وانت عطيتني فرصه .. تميت تطق الباب وكأن البيت محترق ..
ستيف : ليش ما نبهتي الساعه او الجوال ..؟؟
قلت : ماعندي جوال ولا ساعه .. وانبههم ليـش ؟
ستيف : مو انتي تبين تشتغليـن ؟
قلت : ايه بس شدخل المنبه في الشغل الحيـن ؟؟
ستيف : ياااابنت انتي روووحي غسلي ويهج وبقول لج شدخل المنبه في الشغل .. رووحي ..
حكيت شعري وانا رايحه الحمام .. مو فاهمه شي من الي يقوله هالولد ..
غسلت ويهي وبللت شعري ..
جابلت المنظـره ونكشت شعـري ومشطته ..
تميت اسحبه لتحت عشان اشوف طوله لين وين ..
طلع قصيـر .. ما يلمس كتوفي .. واصل لين رقبتي بس ..
لحظه ..!







مس كاي حلم والا حقيقه ..
مس كااي امس جااتني ؟؟
لا اكيـد احلم ..
رحت الصاله وشفت كوبين قهوه ..
اهااااا .. يعني امس صج جات مس كاي ..
ابتسمت بفـرح ..
ستيف يتأفف : ما لبستي بعد ..
قلت : انت قلت لي اغسل ويهي بس ..
ستيف : بدلي يلااا ..
قلت : ليييش ووين بتوديني ؟؟
ستيف يمسك رااسه : مب انتي قلتي امس تبين تشتغلين وانا قلت لج بكـره الساعه 8 كوني جاهزه عشان بوديج اشوف لج شغله ..
قلت : اييييييييي صـــــــــح .. اوكي ثوااني ..
رحت بسـرعه وطلعت لي جيـنز لابسته من قبل وبدي اصفـر في كتابه بالاسود ..
وخذت شنطه حطيت فيها الفلوس شويه اغراض لقيتها على التسريحه !

قلت : انا جاهزه .
ستيف : يلا ..
ركبت معاه السياره ..
قلت : ماقلت لي وين بشتغل ..؟
ستيف : انتي تبين اي شغله صـح ؟
قلت : ايه ايه أي شغل .. بس مايكون متعب وايد .. على قدي ..
ستيف : اوكي .. انا لقيت لج شغـل ..
قلت بفـرح : صصصج ..!
ستيف : ايه ..
قلت: وين ؟
ستيف : في مطعم ..
رفعت حواجبي : ما اعرف اطبخ ..
ستيف : هه ما تطبخيـن .. تكونين نادله ..
قلت : يعني شنو ؟
ستيف : شفتي امس يوم كنا في المطعم ويوم كنا في الكوفي .. مو يجينا حد ياخذ الطلبات ..!
قلت : اي ..
ستيف : اي انتي بتكونين نفسهم ..
تميت ساكته افكـر ..
ستيف : همم ؟
قلت : بس انا ماعرف شي في هالشغله ..
ستيف : محد طلع من بطن امه متعلم .. بيعلمونج هناك اصـول الشغـل ..
قلت : اوكي .. ماعندي مانع ..
ستيف ابتسم : اووووكي ..
دقايق ووصلـنا مطعم .. ماكان بعيـد وايد ..
نزلت وحسيت بتوتـر ..
دخلنا وشفته رااقي وفخم ..
خذاني ستيف عند واحد ..
ستيف : صباح الخير..
الشخص : صبااح النور .. أي خدمه ؟
ستيف : حبيت اقابل المديـر ..
بانت على ملامحه الاستغراب ..
قال : لحظه لو سمحت ..
دخل وستيف قعد وأشـر لي اقعد جنبه .. انا ما مانعت .. قعدت وتميت انتظـر بتوتر ..
بعد دقايق طلع الريال وقال لنا ندخل ..
دخلنا وتم ستيف يتفاهم معاه .. حسيت من حوار ستيف والريال انهم يعرفون بعض معرفه قديمه ..
قاموا وانا قمت معاهم ..
ستيف مد يده لـ المدير : اشوفك على خيـر ..
المديـر : على خيـر .. باي ..
ستيف : باي ..
طلعنا ومسكت ذراع ستيف : شتقوولووون انتو من مساعه وانا ما عرفت انتو شقاعدين تخربطون .. ما قلت له عن شغلي .. كأنك تكلمه بالالغاااز ..
ستيف ابتسم على جنب : هه كلمته عن شغلج وبكـره الساعه 7 ونص تكونين في المطعم .. وهو راح يقسمج على قد مهارتج ..
قلت : شلـون ؟
ستيف تنهد : في السياره بقول لج ..
ركبنا السياره ..
قلت: شلون فهمني ..!
ستيف : انتي كل اللي عليـج انج تقومين بكره الصبح وتروحين المطعم .. وهو اللي عليه بيختـبرج وبيعلمج شتسوين .. ويعطيج يا دوام ثابت او زامات ..
قلت : شنو زامات ..
ستيف : يعني مره صبح ومره عصـر ومره ليل ومـره اجازه.. جي يعني ..
قلت : اهااا ..
ستيف : انتي لازم تكونين رايقه ومؤدبه ومو كل ما يقول كلمه تردين عليه بعشـره ..
قلت : ليـش هو بيهاوشني ..!
ستيف : مادري هو شنو بيقول .. بس انتي حاولي تحسنين صـورتج لهم قد ما تقدريـن ..
قلت : يعني شنو شايفني امشي واسطر الناس ..!
ستيف : اووووووووه .. يعني انتي عدلي من اسلوبج وخلاص .. واذا ما تبين بالطقاق .. اللي علي سويته ..
قلت : انت مو مغصـوب انك تدور لي شغل .. مشكـور وماقصـرت .. وقف ..!
ستيف مكمل وماوقف ..
قلت : ووووووووووقف اقول لك .. ابي انزل هنيه ..
وقف بريـك بقوه وطالعني ..
صديت عنه وفتحت الباب .. مسكني من ذراعي ..
ستيف : انتي مب صااحيه ..؟!
قلت : هدني مالك شغل فييينيي ..
نفضت يده عن يدي ونزلت ..
نزلت وطالعته لقيته يطالعني .. صديت عنه ومشيت .. كان يمشي جنبي بالسياره بالبطـيئ .. سرعت من مشيتي ودخلت داخل محـل ..
دخلت واللي في المحل ابتسموا لي ..
سويت عمري ابي اشتـري شي .. وهم يلحقوني يبون يساعدوني في شي .. عرفت ان هم اللي يبيعون في المحل ..
تنهدت وطلعت ..
اول ما طلعت حد سحبني من ذراعي ..
شهقت والتفت على طول ..
....: انتي شفيـــج مب صااحيـه .. انا شقلت الحيـن عشان جي تسـوين ..؟
شليت يدي عنه : قوووم عني ياخي .. مالي خلقك ..
ستيف : شفيـج انزين .. هذا يزااي ......
قاطعته : لا تقووول لي هذا يزاي وزين مني .. انا ما غصبتك ..
ستيف : ادري .. بس حبيت اساعدج ..
قلت : واللي يساعد جي يسـوي ..
ستيف : اي .. انا قلت الصج .. واذا ما يعجبج الصـج بعد هاي مشكله ..
قلت : امبلا يعجبني الصـج .. بس انت طلعتني وقحه ومحد يكلمني الا شبيت عليه ..
ستيف : انا اعطيييج مثااال بس ... لانج احيانا تفقدين اعصابج مثل ما سويتي اليوم ..
تنهدت وتكتفت ..
ستيف : تعالي يلا السـياره من مساعه تشتغـل ..
ركبت السياره معاه ..
ورجعني الفندق وانا طول الوقت ساكته وهو ساكت ..
انسدحت على السرير على ظهـري بلبسي .. وتميت افكـر باللي سويته الحيـن ..
ياربي انا عصبيه ؟ انا ليش اتنرفز بسـرعه .. مسكين هو دور لي شغل ووصى على المدير .. اووف .. اتمنى اشتغل عدل وببيض ويهه ..
تميت ادور في الغرفه متملله .. مابي انام ومابي اطلع .. شااسوي ..
رن الجرس ورحت اركض افتح الباب ..
فتحت الباب واستغربت ..
ستيف : هلوووو ..
قلت باستغراب : هااي ..
ستيف : وحشتج صح .. من زماان ما شفتج انا ..
ابتسمت بدون نفس وخليت الباب مفتوح عشان يدخل ..
قعدت في الصاله ..
ستيف : شفيـج ..؟
قلت : ولا شي .. انت ما وراك شغل .. ما وراك شي ؟
ستيف : اممم لا .. اليوم اووف عندي ..
قمت : قهوه ؟
ستيف سحبني من يدي وقعدني : مابي شي .. ابي اكلمج ..
قلت بخوف : شنوو خيـر ؟
ستيف : لا تخاافيـن .. عادي ابي اسولف معااج ..
طالعته بنظـره شك ..
ستيف : اي اي يايج عشان شي معين ..
قلت : شنو ؟
ستيف : اهلج ؟
فتحت عيوني : وينهم ؟
ستيف : انا اللي بسألج وينهم ؟
قلت : شدراني انا ؟ ماعندي اهل ..
ستيف : لا .. لازم يكون عندج حد .. حتى لو آخـر فـرد في عايلتكم .. ماعندج اخ .. اخت .. عمه .. عم .. جد او جده .. صديق ابوج صديق امج .. أي حد ..
قلت : ما ادري ..
ستيف : امممم .. انزين عندج اوراق ميلادج او اي شي ..
قلت : لاء ..
ستيف : مااايصيـر .. شلون طلعتي عيل من الدار ..
قلت : مس كاي طلعتني ..
ستيف : هي مو من الاداااره ..
قلت : انزين شاسوي ..
ستيف تم يفكـر ..
وانا تميت اتذكـر ايام الداار ..







تذكـرت : اييييييييييييي ..
ستيف : شنو شنو ؟
قلت : تذكـرت ..
ستيف : شنو تذكـرتي ؟
قلت : مس كاي اخبـر عطتني اوراق بس مادري حق شنووو ..
ستيف : جيبيهم وانا بشوف حق شنو ...
رحت الغرفه وتميت ادورهم ..
وين حطيتهم ياربي ..
رحت يمين ويساار وقلبت الدنيا عليهم ..
رجعت الصاله : مالقيتهم ..
ستيف فتح عيونه : شنوووو ؟ وين حطيتيهم ؟؟؟
قلت : مادري .. ما عرفت اهميتهم ..
ستيف : ليكون حذفتيهم في الزباله ؟
قلت : مادري تصدق ..
دخل اصابعه في شعره وهو منزل راسه .. وانا تميت اطالعه ..
ستيف : انتي تبين تلاقين اهلج ؟
قلت : وانت شنو اللي يخليك متأكد ان عندي اهل ؟
ستيف : شوفي .. مو عشان امج وابوج فقدتيهم معناتها ان ما عندج اهل .. امج وابوج اكيد عندهم اهل ..
قلت: عيل ليش رموني في دار الايتام ومحد سأل عني ؟
ستيف : انا مادري عن شي .. ومادري كم كان عمرج يوم حطوج في دار الايتاام .. لان الاوراق حاظرتـج ضيعتيهم .. لو كان في أمل 2 % ان احنا نلاقي اهلج .. الحيـن الامل انفقد ..
تميـنا فتـره طويله ساكتين ..
ستيف قام : انا الحين بروح .. تجين معاي ؟
قلت : لا انا راسي يعورني .. بقعد هنيه ..
طلع وانا رحت الغرفه وبدلت ملابسي .. ونمت مع اني ما كنت ابي انام ..

قمت من النوم التفت يمين ويسـار .. لقيت الغرفه مكركبه شوي ..
غسلت ويهي ورتبتها ..
وانا ارتبها شفت ظرف كبيـر تحت السرير .. سحبته ..
تذكـرت .. هاااااي الاورااااق اللي قااال ستيف عنهم ..
حطيتهم على الطاوله وخذت لي شاور ولبست وطلعت ..
تميت اتمشـى وانا اطالع السمـا .. كانت الشمس تغـيب ..
قعدت على الكراسي اللي مجابله البارك وتميت اطالع الشمس ..
شفت بنتين صغـار واايد يتشابهون ولابسيـن فساتين بيضا ويركضـون ورى بعض ..
وهم يضحكون وانا اضحك معاهم ..
جو عندي وتمو يركضـون ووحده منهم طاحت ..
رحت بسـرعه ومسكتها ..

وفستانها الابيـض توسخ ..
نظفته لها وابتسمت لي رغم الدموع اللي على خدودها ..
ابتسمت لها ابتسامه عريضه ..
يات وحده كبيـره وسحبتها من عندي وطالعتني بنظـرة غضب ..
قمت وطالعتها باستغراب ..
قالت : لا تلمسيـــــنها مـــره ثااانـيه ..
قلت : ليـش شسويــت ؟
قالت : قلت لج لا تلمسينها .. ومالج شغل في بنات الناااس ..
سحبتها ورااحت ..
لاحظت بطنها كبير .. كأنها حااامل ..
استغربت منها .. ليـش جي هاوشتني .. انا ساعدت بنتها ما طيحتها ..
رجعت ابي اقعد على الكرسي ..
جاني واحد ضعيف وطويل شوي ..
رفعت عيني اطالعه .. كان منزل راسه ..
قال : انا اعتذر عن اللي سوته المدااام ..
قلت : أي مدام ؟
قال : اللي كانت عندج توها .. اللي كلمتج بأسلوب مو حلو ..
ابتسمت : لا عادي ..
قال : هي من تحمل يصيـر اسلوبها مو حلو مع الناس .. وانا انحرج اطلعها .. وماترضـى اطلع بروحي او تطلع هي بروحها .. لازم نكون مع بعض ..
قلت : الله يخليكم لبـعض ..
ابتسم : مشكـوره ..
قلت : ولووو ..
راح ومسك بناته وطلعوا من البارك ..
..
التفت يسـار ولقيت عائله حلوه ..
اب ماسك طفل .. وام ماسكه ولد عمـره 8 سنوات تقريبا .. وبنت اصغـر منه ..
وكانوا يتمشـون ويضحكوون ..
والولد يأشـر على لعبه وراحوا لها .. والبنت تضحك ويضحكون معاها ..
عقب قعدوا على الارض وطلعوا من الشنطه اللي عندهم اكل ..
وتجمعـوا كلهم وتموا ياكلون .. وكانوا يتكلمووون ..
حسيت انهم عائله حلوه .. متكامله متماسكه ..
ابتسمت على جنب وقمت ..
حسيت بيوع ورحت اقرب مطعم ..
حطيت يدي في جيوبي ما جبت فلوسي ..
اووووف .. انا يوعاانه ..
والشمس غابت والدنيا بدت تظلم ..
رحت طريج الفندق وخذت فلوسي ورجعت المطعم ..

طلعت بدون شي ورحت كافيتيريا قريبه وخذت لي ساندويج وعصير ..
تميت اتمشـى .. تمللت .. ياربي ما اعرف شنو اسوي في حياتي .. مافي حياه مافي رووح .. رجعت الفندق بملل وفتحت التلفزيون وتميت اطالع في هالقنوات ..
رن تلفون الغرفه ورحت ارد ..
قلت : الووو ..
...: هاااي لوتـس ..
قلت : هاااي .. منو ؟
....: انا ليزي صديقه اماندا ..
قلت : اهاا ..
ليزي : لوتس نزلي لي انا تحت ..
قلت : في الفندق تحت ؟؟
ليزي : اي .. يلا انتظـرج ..
قلت : اوكي ..
نزلت لها على طول ..
سلمت عليها ..
ليزي : شووفي لوتـس .. بكـره عندنا حفله تخرج اخوووي .. وانا عزمت كل اصدقااائي .. وانتي لاااازم بتجيـن ..
ابتسمت : اممم .. والله يا ليزي انا بكـره عندي شغـل .. ما اعرف اذا اقدر اجي والا لا ..
ليزي : لااااا يا لوتـس بليـز تعاااالي والله بتستانسيـن ..
قلت : بحااول ..
ليزي : اوكي بااي ..
قلت : باي ..
رجعت الغرفه فووق .. وانا افكـر ..
شلون عرفت مكاني ..!
يمكن اماندا قالت لها ..
انزين ليش عزمتني وهي ما شافتني الا مـره وحده ..!
يمكن تبي تقوي العلاقه مابيني وبينها ..
آآآه .. بس لين متى انا بتم على هالحال .. انا لازم اجمع فلوس عشان ااجر لي بيت او شقه صغيـره على قدي .. ما يصيـر أتم عاله على النااس .. يمكن يحبون يساعدوني بس لين متـى ..!
وستيف ليـش متأكد ان انا عندي أهل ..
او ليـش يبيني ادور عليهم ..؟
معقوله اللي بيطلع من دار الايتام بيكونون في اهل يستقبلونه ..؟
اذا عندي اهل ليش رموني في دار الايتاام ..!
آآآآآخ ياراسي .. تعبت من هالافكااار والاسأله اللي ما القـى لها حل ..
رن جرس الباب ورحت بسـرعه افتحه ..
كان واحد واقف ولابس اليونيفورم مال الفندق ..
قال : مرحبا لوتـس ..
قلت : مرحبا ..
قال : حبيت ابلغج ان باقي سبوع على انهاء مده الاقامه في الفندق ..
انصدمت ..
قال : انا حبيت ابلغج عشان نتصـرف .. اذا بتمددين المده والا لا ؟؟
قلت : اها شكـرا .. راح ابلغكم قريب ..
قال : اتمنى ..
سكرت الباب وتسندت عليه .. ياااااااااكثـر هالمصـااايب اللي تجيني ..



:

:

[اسطورة !]

الجـزء السادس (6)






بيقبلوووني عندهم والا لا ؟
بعرف اشتغل في هالشغل ولا لا ..؟
بيعجبـني ..؟
كل هالاسأله اجوبتها مكونه من كلمتيـن ..
بس اتخاذ قرارهم صعـب .. بل وصعب جدا ..
نمت وانا افكار تجيبني وتوديني ..

قمت الفجـر .. بعد نومه مزعجه.. كانت الشمس توها طالعه ..
فتحت الشباك على طول وطلعت ع البلكونه وتميت اراااقب الشمس مع الهـوى البارد اللي يفتح النفـس ..
تذكـرت دار الايتااام ..
كنت اتمنى اني اطالع من الشباك ..
كنت اتمنى اني اعيش الحياه برع ..
كنت اتمنى ان محد يأمـرني ..
وهذا انا عشت العيشه اللي تمنيتها ..
ما تفرق عن الداار بشي ..
احس ان الدار كان في متعه اكثـر ..

بوجود صوفي وروووووز ..
آآه وحشتوووني يا بناااات ..

رحت غسلت ويهي ولبست عشان بروح المطعم عشان الشغـل ..
لبست ورحت المطبخ وسويت لي قهوه ساده ..
فتحت التلفزيون وتميت اطالع ..
رن الجرس وقمت بسـرعه .. حسيت ان ستيف ..
فتحت الباب وابتسمت : كنت حاسه ان انت ..
ستيف : وانا بعد كنت حاس ان انتي اللي بتفتحين لي الباب ..
ضحكت : ههههههههه ليش في حد غيري ..
ابتسم : هااا جاهزه ؟
قلت : ايه جاهزه ..
تم يطالعني من فوق لتحت وقال : يلا ..
رفعت حواجبي مستغربه من نظـراته ولحقته ..
ركبنا السياره بهدوء ..
ستيف : خايفه ؟
قلت : مادري ..
طالعني وسكت ..
طالعت الشباك وسرحت ..

ستيف : لوووووووووووتس ..
تخرعت : شفيــك ؟
ستيف : اناديج من مساعه ولا ترديـــــن ..!
قلت : متى ؟
ستيف : انتي في عالم ثاني .. يلا نزلي والا ماتبين ؟
طالعت الشباك وشفت باب المطعم .. بلعت ريجي ونزلت ..
قلت : مب نازل ؟
ستيف : لا انا بروح الدوام ..
قلت : اوكي .. باي ..
ستيف : باي ..

رتبت ملابسي ودخلت ..
التفت يمين ويسار .. ماكان في ناس واايد ..
رحت على طول عند جارسون ..
قلت : وين المديـر ؟
استغرب : ليـش ؟
قلت بابتسامه: انا نادله جديده هنيه ..
ابتسم : تعالي معاي ..
رحت معاه لغرفه المديـر ..
دخلت بابتسامه ..
المديـر كان يتكلم في التلفون وأشـر لي اقعد وراح الجارسون ..
قعدت وانا ضامه يدي واهز ريلي ..
سكر من التلفون ..
المديـر : نعم ..!
استغربت : انا لوتـس الــ ....
المديـر : اي اي اي .. من طرف ستيف ؟
ابتسمت : اي نعم ..
المديـر : اوكي انا بخلي معاج باز .. يعلمج بكل شي .. وبأصول الشغل .. وشنو اللي تسوينه وشنو اللي ما تسوينه .. ولازم تكونين حذره لان أي غلطه تشوه من سمعه المطعم .. وانتي تعرفين ان المطعم ناجح ومشهور .. وماعليه غبار ..
قلت : ان شالله تلاقي اللي يسـرك ..
ابتسم بكبرياء : الحين روحي ..
قلت : وين ..!
طالعني ورفع حاجه : عند باز ..
قلت : اهاا .. اوكي ..
فتحت الباب ورديت سكرته والتفت عليه ..
طالعني باستغراب : خيـر ؟
قلت بابتسامه : منو باز ؟
رفع عينه على فوق كأنه طفران مني : باز اللي جابج هنيه ..
قلت : اي اوكي ..
طلعت وتميت ادوره ..
اووف المطعم كبيـر وين الاقيه الحين ..
شفت نادله ماسكه الصنيه وتدور من طاوله لطاوله ..
رحت لها : وين القى باز ..؟
طالعتني من فوق لتحت : باز فوق ..
حكيت راسي : ليـش في طابق ثاني بعد ..؟
طالعتني باشمئزاز : اي في ..
قلت : شكرا ..
رحت فوق ..
بل شنو هالناااس ..
خبطت حد رفعت عيني الا هو باز ..
قلت : باااااز ..!
استغرب : نعم ؟
قلت : المديـر قال لي ان انت اللي بتعلمني شلون اشتغل ..
ابتسم : اوكي ..
باز : كيــــم ..
جات كيم وهي نفسها اللي سألتها عن باز ..
طالعتها وطالعت باز ..
باز : شوفي حساب الطاوله رقم 9 .. وانا بدرب الآنسه ..
وابتسمت في ويهها ..
طالعتني بتكشيـره وراحت ..
طالعت باز وقال لي : يـلا ..
نزلنا تحت وعطاني اللبس اللي لازم اكون لابسته .. عشان اكون نفسهم .. وهو عباره عن تنوره قصيـره سوده وقميص نص كم ابيض .. ومريله بيضـا .. وقبعه صغيـره ..
وعلمني شلون امسك الصحون وشلون اقدم .. وشلون اتكلم مع الزباين ..
وصارت الساعه 11 ..
تعبت وقعدت على الكرسي ..
باز : تعبتي ؟
قلت : ايي .. الشغله وايد تعب ..
باز : ههههه الشغل للحين ما ابتدأ يا آنسه ..
قلت : لا تناديني آنسه ..
باز : عيل شنو اناديج ؟
قلت : لوتـس ..
ابتسم : اووكي يا لوتـس ..
جا المديـر وكنت بقوم بس قلت مب لازم ..
قام باز لان المديـر أشر له يجي عنده ..
وشفتهم يتكلمون ما اعرف شنو يقولون .. بس كأنهم يتكلمون عني ..
قمت ورحت المطبخ اللي يحضرون فيه الاكـل ..
شميت ريحه الاكل جعت ..
انتظـرت باز ابي اقول له اذا عادي اكل والا لا ..
ما جا .. اووف جعت ..
واحد من الشيفز : نعم ؟
ابتسمت وطلعت بدون كلام ..
واجهت باز ..
باز : شفيـج ؟







قلت : ولا شي .. متى ينتهي الدوام ..
باز : انا ما اعرف متى بنتهي دوام الموظفات الجدد .. تقدرين تسألين المديـر ..
تنهدت ورحت غرفه المديـر بس مالقيته ..
طلعت وواجهت كيم ..
كيم : شتسوين في غرفة المديـر ؟!
قلت : كنت ابيه .. وينه ؟
كيم : طلع .. شتبين فيه ؟
قلت : ابي اسأله متى ينتهي الدوام ؟
كيم : تمللتي ؟
قلت : لا بس تعبت .. متى ينتهي؟
كيم: احنا انجي الصبح ومانطلع الا 4 العصـر ..
شهقت : شنووووووو ؟ اربع العصـر ؟ ليـــش ؟
كيم ابتسمت ورفعت حاجبها : تقدرين تستغنين عن الشغل اذا تبين تتكسيلين من اول المشـوار ..
قلت بابتسامه : لا بكمل حبيبتـي .. وانا ما تكيسلت .. بس سألت عن موعد انتهاء الدوام ..
كيم عطتني ظهرها وراحت ..
لحقتها : متى موعد الاكل ؟
طالعتني من فوق لتحت : الحين ..
قلت : وين ..؟
شافت باز : قولي له يقول لج ..
وراحت ..
رفعت حاجبي اطالعها ..
باز : شنو ؟
قلت : لا بس جعت وابي اتغدى ..
ابتسم : تعالي معاي ..
رحت معاه فوق واكلنا ..
رحت المطبخ اشوف الشيفز وهم يطبخون ..
جات كيم ..
كيم حطت يدها على خصـرها : انتي ليـش ما تشتغليـن ؟
قلت : ماعندي شغل ..
كيم : ومن قال لج ..؟
قلت : انا اقول لج ..
كيم : لا عندج شغـل .. روحي طاوله رقم 4 وشوفي طلبهم ..
قلت : ووينها طاوله رقم 4 ..؟
كيم : اوووف .. يعني باز ما علمج ؟
قلت : لا ..
كيم : امشي وراي ..
رحت وراها وانا كنت متعمده اني اكون هاديه .. لان اليوم اول يوم .. اذا صار لي فتـره برويها السنع ..
وتمت تعلمني ارقام الطاولات ..
خذت ورقه وقلم ورحت عند طاوله رقم 4 ..
ابتسمت ..
كانو فيها 3 .. ولد وبنتين ..
قالوا طلبهم بسـرعه وانا ما لحقت اكتب ..
رديت عدت لهم الطلب .. وصححولي ..
خذت الورقه وحطيتها في مكان الطلبيات ..
وتميت اخذ طلبات الطاولات لين ما حسيت ان جسمي تكسـر ..
قعدت وشفت الساعه 3 ونص ..
رحت غرفه المديـر ولقيته سرحـان ..
طقيت الباب مره ثانيه وانتبه ..
قلت : ممكن ادخل ..؟
كأنه استغرب من شي : تفضـلي ..
قلت : باقي على نهايه الدوام نص ساعه .. عادي اروح الحيـن ؟
المديـر : من قال لج ان الدوام ينتهي 4 ؟
قلت : كيم ..
المديـر : بس انتي دوامج غيـر .. ينتهي 11 ونص ..
شهقت : وانا ليـش قاعده لين الحيـن ..
المديـر : انا قلت حق كيم ان دوامج نص دوام .. لان اليوم تدريب بس ..
قلت : لا هي خلتني اشتغل ..
المديـر ابتسم : انزين خلاص روحي ..
قلت : وين ؟
المديـر : بيتكم بعد وين ..
قلت : اي صح .. شكـرا ..

طلعت وانا معصبه على اللي ما تتسمى .. ليش خلتني لي هالوقت وهي تدري ان دوامي يخلص 11 ونص .. اوف منها ..
خذت ملابسي اللي شلحتهم عندهم ورحت باليونيفورم مال المطعم ..

طلعت وتميت امشي لين ما وصلت الفندق .. لانه قريب ..
دخلت وقطيت نفسي على السرير .. ونمت وماحسيت بنفسي ..

وعيت وشفت الدنيا مظلمه ..
شفت الساعه 8 الليل ..
قمت وتسبحت ولبست بجامتي وقعت عند التلفزيون ..
آآخ هالشغله تعور الراااس ..
وكيم شكلها مو نظيفه .. لازم اخذ حذري منها ..
وباز ريال طيوب .. بس ما تعرفت على الباقي ..
ان شالله بكـره ..
انسدحت ودخلت اصابع يدي بيت شعري .. وانا سرحانه ..
رن الجرس وتخرعت .. من يايني هالحزه ؟
فتحت الباب ..
ستيف : اهليـن ..
قلت : اهلين ستيف .. هذا انت ..
ستيف : اي انا ..
ودخل ..
سكرت الباب ودخلت ..
ستيف : شتسوين ..؟
قلت : ولا شي ..
ستيف : متى خلصتي دوام .. مريت عليج الساعه 12 قالت لي وحده ان الدوام مو الحين ينتهي وانتي ما تبيني امـر عليـج عقب لان في واحد بيوصلج .. انا بصـراحه ما فهمت عليها ..
قلت : شنو انت جيت المطعم ؟
ستيف : اي تسوين عمرج ماتعرفين ..
قلت : والله مااعرف ..
ستيف : يعني ذيك البنت تكذب !
عقدت حواجبي : اوصفلي اياها ..
ستيف : ليش ؟
قلت : عشان اعرفها ..
ستيف : مليانه شوي وطولج تقريبا .. بيضا شعرها احمـر .. " ابتسم " وحلوه ..
قلت : اي عرفتها .. كيم .. مادري ليش احس انها تكرهني ..
ستيف : توووج اول يوم بتسوين مشكله ..
عصبت : ليـش انا قلت بسسسسوي مشكله الحيييييين ..
ستيف : وليش عصبتي .. يعني انتي ما تعرفين نفسج .. ان حد نرفزج كلتيه بقشووره ..
قلت : ستيف لو سمحت لا تغلط ..
قام ستيف وتنهد ..
قلت : وين .؟
ستيف بابتسامه على صوب : بروح ..
قلت بقهر : مع السلامه ..
تم فتره حاط عينه بعيني لين ما كسرها ..
وطلع من الغرفه معصب ..

تنهدت وحذفت الجهاز اللي في يدي ..
هذا يزااه الحين لقى لي شغل ..
اووووف ..
رحت غرفتي وبدلت .. وطلعت بسرعه ابي الحق على ستيف ..
رحت اركض ابي اعتذر له ..
طلعت من الفندق والتفت يمين ويسار ادوره ..
اووووف وين رحت انت بعد ..
رحت اقرب معطم يمكن يكون هناك بعد ..
طليت ما لقيت حد ..
طلعت ودعمت شخص ..
مسكت راسي متعوره ..
رفعت راسي وانصدمــــت ..
قلت بصوت متقطع : اااانــ ..ــت ..!
ابتسم بخبث : انا .. ليش مو متوقعه انج تشوفيني ..
بلعت ريجي و سحبت روحي عنه ..
مسك يدي : ويـن ..
قلت : اترك يدي ..
طالعني من فوق لتحت : ما تغيـرتي ..
رجعت على ورى دخلت المطعم ..
ورحت بسرعه من الباب الخلفي ..
ورحت اركض ابي اشـرد عنه ..
التفت وراي لقيته يركض وراي ..
صرخت وسرعت بركضتي ..
مادري وين اروح ..
دخلت مثل المكان المظلم وانخشيت ورى كراتين ..
نرفزتني الريحه الكريهه اللي في المكان ..
حسيت بظل حد ..
وقلبي تتسرع دقاته ..
رفعت راسي ابي اشوف من اللي فوقي ..
سحبني من شعري قومني ..
قلت : هدنننني يالنذل ..
قال : لا تحسبيني بتركج بسهوله .. انا بسببج دخلت السجن ..
قلت : مو بسببي .. من سواد ويهك ..
ضربني على راسي : انتي تسكتين ولا تتكلمين ..
قلت : هدني والا ابلغ الشرطه عليك ..
ضحك باستهزاء : بلغي .. بشوف شلون بتتحركين وانتي في يدي ..
صرخت : قوووووووووووووووم عننننننننني ..
سمعنا صوت ياي صوبنا ..
انا صرخت : تعااااااااالوووووووا .. من هنااااااااك ..
ضرب حلجي عشان اسكت ..
نزل ورى الكارتون وسحبني معاه وسكر حلجي بيده ..
وانا احاول اصدر صوت لين ما رفست الكارتون ..
شفت الظل وراقف على راسنـا ..
حاولت ادز بروكلس عشان ابي اهرب .. لكنه متمسك فيني ..
الصوت : لوتــــس ..!
صرخت : انا هنييييييييييييه ..من ..؟
الصوت : انا ستيف .. انتي وين ..
رفست الكارتون مره ثانيه ..
سحبني بروكلس خلاني على الزاويه وهو مغطي علي ..
تم ستيف ينثر الكراتين عشان يوصل لي ..
انا ما اشوف شي .. ما اشو الا الجدار اللي انا مجابلته ..
ستيف : انت يالحقيـــــر ..
رفعت راسي الا ستيف ماسك بروكلس الضخم من ثيابه ..
قمت بسرعه ومسكت ستيف : اتركه يا ستيف .. هذا ما واعي على اللي بيسويه ..
ستيف : لوتس طلعي من هالمكان ..
قلت : ستيـــ ...
قاطعني : قلت لج رووووحي ..
بروكلس : ههههههه ياعيني ع الحب .. لوتس يمداج ..
رجعت : انت مااااااااالك خصك ..
ستيف صرخ : روووووووووحي ..
رحت بسرعه ابي ادور شرطي ..
عقب سمعت صوت يخوف ..
رجعت عند ستيف وبروكلس .. لقيتهم يتضاربون ..
صرخت : ستيييييييييف ..
التفت ستيف علي ويعطيه بروكلس بوكس على ويهه ..
مسك ستيف ويهه يتألم ..
شفت عصا من خشب ..
اخذتها من دون تردد ورحت على طول عند بروكلس وضربته على راسه ..
مسك راسه وهو مغمض عيونه ..
مسكت ستيف : قووم يلا ..
ستيف اخذ من عندي العصـا وضرب بروكلس لين ما طاح على الارض ..
رمى العصـا عليه وطلعنا بسرعه ..
كان ستيف ينزف من خشمه ..
قلت : ستيييييف انت تنزف ..
مسح خشمه : مو مهم .. تعالي ..
ركبنا سيارته .. ورحنا بيتهم ..
نزلت ..
قلت : ستيف خلنا نروح المستشفى .. بتتخرع امك اذا دخلت لها جي ..
قال : لا تحاتين ..
دخلنا .. ما لقيت امه موجوده .. يمكن نايمه ..
انسدح على الكرسي وهو ماسك راسه ..
قلت : وين المطبخ ..
قال : روحي سيده بتلاقينه على يسارج ..
رحت واخذت فوطه وحطيت فيها ماي ..
واخذت مله فيها ثلج ..
رحت عند ويهه ومسحت الدم .. وحطيت الثلج على خشمه ..
طالعته ولقيته يطالعني ..
نزلت عيني .. وشفت يده مجروحه ..
شهقت : شوووف بعد شنو مسوي فيك .. الحقيـر الخايس ..
ابتسم ..
اخذت الفوطه المبلوله ومسحت الدم ..
قلت : وين الاقي لزقه الجروح ؟
قال : في المطبخ جنب الثلاجه ..
رحت ولقيت شنطه فيها ادوات الاسعافات الاوليه ..
اخذت شاش ولزقه جروح ..
لفيت الشاش على يده ..
ستيف : شكرا ..
نزلت راسي : انا آسفه .. كل اللي صار بسببي ..
ستيف : لا تهتمين ..
قلت : بس انت لازم تروح تبلغ الشرطه .. ما يصيـر تسكت عن حقك ..
ستيف كأنه بينام: هز راسه ..
قمت : انا بروح ..
فتح عيونه بسرعه : وين ؟
قلت : بروح الفندق بعد وين ..
ستيف : شفيــج انتي ينيتي ..
قلت : ليـش ؟
ستيف : ما كفاج الي صار لج اليوم ..
قلت : بروح بتاكسي لا تخاف ..
ستيف : لا ماتروحين .. بروكلس مثل الاسد الجوعان .. ينتظر فريسته .. واذا لقاها ما بيرحمها .. افهمي ..
خوفني كلامه وقعدت ..
ستيف : روحي نامي في غرفتي انا بنام هنيه ..
قلت : لا انت تعبان روح نام في غرفتك .. انا بنام هنيه عادي ..
ستيف : غرفتي بتلاقينها جنب غرفه اماندا .. روحي ..
عنييييد ..
رحت غرفته .. تميت اطل من الشباك على حديقه ..
تميت قاعده ليـن ما طلع الفجـر ..
سمعت صوت ..
رحت قعدت في السرير ..
دخلت علي ام ستيف ..
امه كرستين طالعتني باستغراب : من ؟
قلت بتوتر : اآأانا ....
دخل ستيف : يمه هذي لوتس اللي كلمتج عنها ..
ابتسمت : مرحبا لوتس .. انتي اللي كنتي تعبانه وجيتي عندنا بعد .. تذكرت ..
ابتسمت : اي ..
كرستين : انا رايحه اسوي الفطور ..
ابتسمت لها وطلعت ..
دخل ستيف : انتي ما نمتي ؟
قلت :امبلا ..
ستيف طالع السرير المرتب وطالعني ..
قلت : ما قدرت انام ..
ستيف : ليـش ؟
قلت : بعد اللي صار .. ما ياني نوم ..
انفتح الباب الا اماندا ..
اماندا : ستيــ ...
شكلها انصدمت من وجودي ..
اماندا : لوتــس ..!
ابتسمت : شخبارج ؟
اماندا : انا بخيـر .. انتي شخبارج ؟
قلت : زينه ..
اماندا : يلا كاهي امي جهزت الفطور ..
قمت : انا مو مشتهيه آكـل .. يلا انا بروح ..
مسكني ستيف من ذراعي : ما راح تروحيـن



:

:

[اسطورة !]

الجــزء السـابـــ ع ( 7 )





التفت عليه : ستيف خلني اروح ارجوك ..
ستيف : لا ماراح تروحين لوتـس .. حياتج مهدده بالخطـر انتي ما تفهميـن ..!
قلت : ما ابي اكووون عاله على احد ..
ستيف : بس انتي مو عاله على احد ..
نزلت راسي : لين متى يعني..؟
ستيف : شنو اللي لين متى ؟
قلت : لين متى بتم عندكم ؟
ستيف : مو مهم ليـن متى .. انتي ارتاحي ..
اماندا : خلاص لوتـس انتي صرتي منا وفينـا ..
قلت : انتو ما راح تفهمووني .. مابتفهمووووني ..
طلعت من الغرفه ورحت حديقتهم ..
كنت بصيـح بس مسكت نفسـي .. مابي اضعف اكثـر مابي ..
سمعت صوت حد جاي صوبي ..
التفت لقيت اماندا ..
اماندا : لوتس شصاير ؟
قلت : ولا شي ..
اماندا : انا سمعت ستيف يقول حياتج مهدده بالخطر ..
قلت : ستيف يبالغ .. صارت هوشه بسيطه بين ستيف وبين واحد حاول يعتدي علي بالضرب .. بس ..
اماندا مفتحه عيونه على وسعها : بـس ..!
قلت : اي ..
اماندا : وهالشي بسيييط عندج ..!
قلت : يااماندا شتبيني اسوي .. انا ما اقدر اتم هنيه ما اقدر ..
اماندا : ليش زين ..؟
قلت : يا اماندا انا ساكنه في الفندق ومو انا اللي ادفع الإجار .. وامس كان اول يوم شغل لي .. عشان اسدد الدين اللي علي واشتري لي بيت واشتغل واكمل دراستي .. انا ابي اعتمد على نفسي اماندا .. مابي حد يحمل مسؤليتي .. انتي ما راح تفهميني لانج مو عايشه نفس العيشه اللي انا عايشتها .. انا ابتسم رغم الألم الي بداخلي .. ( انملت عيوني بدموع ) اماندا انا يتيمه .. انا ابي احقق معجزه .. ان اليتيم يعيش بدون مساعدة احد .. مابي مساعده من احد .. ابي انجح بروحي .. ابي اعيش لذه النجاح والفرح ..
نزلت دمعه حاره من عيوني .. مسحتها على طول .. وماعطيت مجال لباقي الدموع يهبطون على خدي .. ما اسمح لهم ..
ظمتني اماندا وهي تصيح متأثره ..
ابتسمت : لا تصيحين حبيبتـي .. مافي شي يتساهل ..
اماندا : كسرتي خاطري .. انتي صغيره على هالمشاكل .. انتي ما تستاهليــن ..
قلت : القدر ما يعرف صغيـر او كبيـر .. هاي قدري وانا راضيه فيه ..
اماندا : يابخت ستيف فيج ..
قلت : ليش ستيف ..؟
اماندا : هههه فيها ليش بعد ..

شوي الا السيده كرستين يايه مع صينيه الفطور ..

كرستين : انتو هني وانا ادوركم .. يلا الفطور جهز ..
ابتسمت ..
كرستين : يلا لوتـس .. ستيف قال لي انج ما تعشيتي .. لازم تتفطرين عدل ..
ابتسمت ومديت يدي ..
وانا اكل شفت الساعه .. 7 ..
قلت : انا لازم اطلع الحين ..
كرستين : وين ؟
قلت : بروح الدوام ..
كرستين بفرح : آآآآآه تشتغليـــن ..؟
ابتسمت : اي ..
كرستين : وين .؟
قلت : نادله في مطعم قريب من الفندق اللي انا ساكنه فيه ..
كرستين : نادله !!؟
قلت : اي .. ليش ؟
كرستين : لا ولا شي ..
حسيتها كأنها متضايقه .. نزلت الملعقه ..
اماندا : كملي اكلج ..
قلت : شبعت ..
قمت ولحقتني اماندا : لوتـس شفيـج ؟!
قت : مافيني شي اماندا .. تأخـرت على شغلي .. يلا باي ..
فتحت سور البيت بطلع .. الا صوت ستيف يوقفني ..
ستيف : لوتـــــــس ..
التفت عليه : نعم ؟
ستيف : وين بتروحين ..؟
تنهدت ورفعت راسي : بروح المطعم .. عندي شغل ..
ستيف تم يطالعني بغضب ..
قلت : شفيــك ؟ ليش جي تطالعني ..؟
ستيف سحبني على صوب : لا تروحين اليوم ..
قلت : ستيـــف اسمع .. انت نقذت حياتي اي .. بس مو معناتها انك تتحكم فيني وفي حياتي ..
طالعني وهو عاقد حواجبه ..
قلت : انا اللي عطاني امل في الحياه هالشغل .. مابي اخسـره ..
طلعت ووقفت لي تاكسي .. رحت الفندق وبدلت ملابسي بسرعه ورحت المطعم ..
لقيت كيم تنتظـرني عند الباب ..
كيم ماده يدها كأنها مانعتني من الدخول : ليـش تأخرتـي ..
شليت يدها من عند الباب ودخلت : حد حاطج مسؤله عني ..!
كيم : انا اكلـمج ردي علـــي .. ليـش متأخـره ..
قلت : حسابي عن المديـر مو عندج ..
رحت غرفه الملابس وبدلت ملابسي .. طلعت ..
مالقيت حد من الزباين .. تميت انظف معاهم ..
وتعرفت على البنات .. وكانوا حبوبات معاي ..
قلت : كيم هذي ليـش ما تشتغل ..
جولي : هذي الرئيسه ..
قلت : رئيسه على منو ؟
جولي : رئيسه النادلات ..
قلت : المديـر حاطها يعني ؟
جولي : لا .. لان هي اقدم موظفه هنيه واكبرنا بالعمـر .. حطت روحها رئيسه ..

جولي : انتي خذتي جدول شفتاتج ؟
قلت : شفتات ؟
جولي : اي ..
قلت : لا ..
جولي : اخذيه من المديـر .. عشان تعرفين متى تدوامين في الليل ومتى في النهار ..
قلت : اهاا .. باخذه قبل لا ينتهي الدوام ..

عدت 9 ساعات على خير ورجعت الفندق هلكانه ..
لحقني موظف في الفندق قبل لا ادخل اللفت..
قلت : نعم ؟
الموظف : السيد ستيف ينتظرج برع ..
قلت : ستيف ؟!
الموظف : اي نعم ..
قلت : اوكي شكـرا ..
طلعت .. التفت يمين ويسار .. شفت ستيف يأشـر لي من بعيد ..
ابتسمت ورحت له ..
ستيف : ها اخبار ؟
قلت: ماشي الحال ..
ستيف : شكلج متضايقه ..
قلت : لا تعبانه ..
ستيف : زين ركبي السياره ..
نزلت راسي : ستيف انا مقدره خوفك وحرصك علي .. ولك كل الشكر على الاهتمام ..
ستيف يطالعني وحاط يده على خده .. ومبتسم ابتسامه بسيطه ..
بلعت ريجي : بس خلني اعيش باقي حياتي ..
ستيف عقد حواجبه : يعني شلون ؟
قلت : يعني انا عندي اهداف ابي احققها و .....
ستيف: وانا واقف في طريجج صـح ..!
قلت : لا مو جي ستيف .. انـــ ..
ستيف : اوكي اوكي لوتـس .. سوي اللي يريحج .. ماعاد اسألج عن شي مره ثانيه .. وعيشي نفس ما انتي تبين وحققي اهدافج ..
ركب السياره وراح ..
تميت واقفه كأني متجمده ..
جات لفحة هوى صحتني ..
دخلت الفندق ورحت غرفتي ..

آآآآآه ياربي .. شاسوي اناا الحيـن .. مادري تفكيري صح والا غلط ..
ساااااعدني يارب .. ساااااااااعدني ..

تميت واقفه عند الشباكـ ..
وقامت دموعي تنزل .. ماعرف السبب ..
اخاف افترق عن ستيف ..؟
بس فراقه ما يهمني ..!
انا تعلقت فيه .. حبيته ؟!
بس انا مو طالعه من الدار عشـان احــب ..!
انا قاسيه على نفسي .. لازم اعيش حياتي ..
اللي عاشو حياتهم عندهم اهل يراعونهم ويعلمونهم الصح من الخطأ .. بس انا ما عندي ..
شاسوي ..
تميت اراقب الشمس لين ما غابت ..
شفت نفسي في المنظـره ..
ويهي كان يخـرع .. صاير اسود تحت عيني .. من التعب وقلة النوم ..
مسكت شعري القصيـر .. طول شوي ..
ابتسمت رغم الدموع الناشفه اللي على خدي..
بروكلس قص شعري لعند رقبتي .. الحين وصل شعري لأكتافي ..
صرخت وتميت اصيح وانا اكشش في شعري ..
طلعت من الغرفه اركض ووصلت الشارع ..
ما كنت اشوف جدامي من الدموع اللي ملت عيوني ..
انا خلاص برجع الدار .. ما ابي اعيش في هالدنيا الوسخه .. ماابي اتعذب اكثـر .. خلاص برجع ..عذاب بروكلس احسن من هالعذاب اللي انا عايشته ..
سمعت صوت هرن وسياره يايه صوبي ..
ما تحركت .. تجمدت مكاني مثل الصنم ..
وماحسيت بروحي ..

وعيت وشفت نفسي في مكان غريب ..
اول مره اشوفه في حياتي ..

مكان ابيض ..
فراشي ابيض ..
الجدار بيضـا ..
الباب ابيض ..
الستاره بيضـا ..

صرخـــت : انا ويــــــــن ..
حسيت بألم في راسي ..
شصـار ..!
دخل علي واحد لابس ابيض بعد ..
قال : شخبارج الحين ..؟
من يكلم هاي ..








التفت وراي .. التفت جنبي ..
مافي حد في الغرفه غيري ..
قلت : انا ؟
طالعني : اي .. شنو متذكـره الحيـن ..
قلت : شنو ؟
اخذ كرسي وقعد ..
قال : انتي سويتي حادث .. دعمتج سياره وصاحب السياره هو اللي جابج هنيه ..
طالعته باستغراب .. هاي شنو يقول .. من يقصد ؟
قال : انا الدكتور كيفن .. انا اللي بعالجج لين ما تطيبين ..
قلت : ليش انا شنو فيني ..
د. كيفن : انتي مافيج كسور بس رضات خفيفه .. بس بنسوي لج شوية فحوصـات وبتطلعيـن ..
اطلع ..!
وين اروح ؟
د.كيفن : الا ما قلتيلي .. شنو اسمج ؟
قلت : اسمي ..! اسمي انا ..
انا عندي اسم ..شنو ياربـي ..
قلت بدهشه : ما اذكـر ..
الدكتور كأنه اكتشف شي : اهااا .. اوكي اخليج الحين وبرجع ..
تسندت على السرير وطاحت دمعه ..
سمعت الدكتور من ورى الباب يقول : والله يا اخ المريضه حالتها صعبه شوي .. لانها افقدت الذاكـره .. حتى اسمها مو متذكـرته .. بس اتمنى ترجع لها بسـرعه ..

فتحت عيني مندهشه ..
هم يتكلمون عنـــي انا ..!!
انا فاقده الذااكـره ..
مسكت راسي ..
ليــــــش ..
انفتح الباب .. ضميت ريلي ..
شفت واحد .. طبعا ما عرفته ..
قال بابتسامه خوف : الحمدلله على السلامه ..
تميت اطالعه ..
قال : انا .. ااانـا اللي دعمتج بالسياره .. انــا آسـف .. بس انتي اللي طلعتي في ويهي .. ما كنت اقصد ..
ما رمشت عيني ..
قال : انا جورج .. مو من هالمنطقه .. من منطقه ابعد شوي .. واذا ما طبتي بوديج أحسن المستشفيات .. انا بتحمل مسؤوليتج ..وتكاليف علاجج ..
نزل راسه : انا اعتذر ..

كان لطيف معاي ..
ابتسمت ..
قرب مني : انتي ما تتذكرين شنو اسمج ..
حاولت اتذكـر بس ما قدرت ..
هزيت راسي بالنفي ..
جورج : انتي تتذكرين شنو صار في الحادث ؟
هزيت راسي بالنفي ..
جورج : من اهلج .. وين ساكنه .. أي معلومه بس ..
قلت: ما اعرف شي ما اذكـر ..

فجأه انفتح الباب بســرعه ودخل منه واحد ..
ماعرفته بعد ..

قرب مني وهو يلهث: لووووتــس ..!
قلت : من ؟
وقف ..
قال : انا ستيف ..
قلت : ومن ستيف ..
قرب مني ومسكني من وجهي : ما تتذكريني ..؟
قلت وانا متضايقه : لا ..شيل يدك
نزل راسه كأنه حزين ..
جورج : من انت ..؟
ستيف : انت من ؟
جورج : انا اللي دعمتها ..
قام ستيف ومسكه من ثيابه : وتقووولها بكل وقااحه ياحقيـر ..
قلت : ستيييف اتركه ..
جورج : انا اعتذر .. ادري اني غلطت .. بس هي بعد غلطت .. هي اللي طلعت في ويهي ..
ستيف : وانت ما عندك برييييك .. انجلع برع .. انجلللللللع ..
نزل راسه جورج وطلع ..
قلت : حراام عليـك .. الريال طيب معاي ..
ستيف : بس هو اللي وصلج هنيه ..
قلت : وانت من تكون عشان تتصرف في اللي يزوروني .. انت اطلع برع ..
ستيف : انا ستيف يا لوتــس ..
قلت : اي ستيف واي لوتـس انت .. قلت لك اطلع ..
طلع بعصبيه ..
نزلت من السرير وطليت من الباب لـ برع الغرفه ..
لقيـت ابواب وايد نفس الباب اللي انا ماسكته ..
وناس رايحه ويايه ..
ناديت : جوورج ..
مافي حد جاوبني ..
رديت داخل ..
طليت من الشباك ..
شفت الظلام حالك ..
رديت لسريري ..
غطيت نفسي وضميت المخده بحزن ..
انا من ..!
انا كنت وين عايشه ..؟
ليش اهلي ما يسألون عني ..
نمت وجفت دموعي ..

وعيت وانا عطشانه ..
لقيت ستيف يفتح الستايـر ..
قلت : ستيف ..!
جاني بسـرعه : فيج شي ؟
قلت : لا ابي ماي ..
راح صوب الثلاجه وصب لي ماي ..
شربت نصه وحطيته على الطاوله اللي جنبي ..وهو كان يتأملني
ستيف : تذكرتي ..!
قلت : شنو اتذكـر ..
ستيف : تذكرتي انا من ..!؟
قلت : اي .. انت الي امس جيتني ..
ستيف : اي انا امس جيتج بس تتذكرين شي ثااني .. تتذكرين شلون استوى الحادث .. تذكري بليــز ..
طالعته حاوت اتذكر وراسي عورني : ما اتذكر شي ..
دخلت الحمام .. طالعت نفسي ..
تميت اتفحص شكلي ..

طلعت ..
لقيت ستيف يطالع برع الشباك ..
رديت لسـريري ..
والدكتور دخل ..
د.كيفن : شـ اخبارج الحيـن ..
قلت : زينه ..
د.كيفن فحصـني .. سألني كم سؤال وطلع ..

رفع ستيف تلفونه : اماندا .. تعاليلي المستشفـى .... انا ما فيني شي .... تعالي انتي وانا بقول لج ....

اوووف هاي بيجيب اهله عندي ..
قلت : تعال انت من ؟ انا اعرفك .. انت من اهلي ..؟
ستيف : انا ستيف صديقج .. ما تتذكريني .. امس كنا مع بعض ..
حاولت اتذكـر .. احس تجيني لقطات ممكن اتذكرها .. بس تروح بسـرعه ..
ستيف : انتي كنتي تشتغلين نادله .. وتسكنين في فندق .. انتي لووتـس .. ارجووج تذكري ..
تكتفت : هالشي مو بيدي ..
تنهد وطلع ..
دخل وراه على طول جورج ..
جورج : صبـاح الخيـر ..
ابتسمت : صبـاح النور ..
جورج : انا كلمت الدكتور ..
قلت بحماس : اي وشنو قال لك ؟
جورج : ولا شي .. قال مو مبين شي الحين ..
قلت : يعني شنو ؟
جورج : يعني انتي ما تذكرتي شي .. ما يعرف اذا راح تطوليـن والا لا ..
نزلت راسي ..
جورج : انا آسف ..

دخل ستيف ووحده ..
ياتني بسرعه : لوتـس صار فيج شي ..
قلت : من انتي ..؟
طالعت ستيف وطالعتني : انا اماندا ..
قلت : اييي اللي كلمج ستيف على التلفون ..
طالعتني وكأنها مستغربه ..
قلت : تصيرين لي ؟
اماندا : انا اخت ستيف لوتس شفيـج ..

ستيف : اماندا تعالي شوي ..
خذاها وطلعها برع ..

جورج : من هاي ..
طالعته باستغراب : من تقصد ؟
جورج : اللي مع ستيف ..!
قلت : وانا شدرااني ..

جورج : لوتس انا اليوم بسـافر ..
قلت : اوكي روح ..
جورج : لا تزعلين برجع بكره ..
قلت : انا مابزعل .. انت حر في حياتكـ ..
جورج : انا بسـافر لان امي تحاتيني .. لان انا قلت لها برجع في اليوم اللي سويت فيه حادث ..
قلت : لا تبرر لي .. روح انا بخيـر .. ومااعتقد في لزوم لقعدتك ..
جورج : اوكي .." قام " بـاي ..
قلت : باي ..
جورج : اهتمي في نفسـج ..

طلع ..

ودخل ستيف ..
تنهدت وقمت عشان اطالع من الشباك المناظر برع ..
دخلت اماندا ..

التفت على ستيف بسـرعه : انت شدرااك اني في المستشفـى ..
ستيف : يوم تركتج عند الفندق .. حسيت بالذنب .. رحت لج الفندق مره ثانيه وبلغوني انج سويتي حادث جدام الفندق ..ورحت اقرب مستشفـى وسألت عن وحده مسويه حادث سياره .. ودلوني عليـج ..
قلت : انزين انا وين اهلي ؟
شفت ستيف تغيـرت ملامح وجهه ..
طالع اماندا واماندا طالعتني ..
قلت : وينهم ..؟ ليش محد سأل عني .. انت قلت لي انك صديقي .. واماندا اختك .. بس اهلي ويــن ؟
اماندا : لوتـس انتي يتيمه ..
ستيف بعتاب : ااااامااانداااااا ..!
اماندا التفتت عليه وهي حاطه يدها على فمها ..
قلت : يتيمه ..! يعني ما عندي ام وابو ؟ ماعندي اهــل ؟
ستيف : لوتـس افـــ ...
قلت : يعني انا ولا شـــي .. ولاااا شي ..
اماندا : لوووتس ..!
صرخت: لاااا تكذبووووووون علي .. انتو تكذبووووووووون علي .. يمـاااااااااااااااااااه .. يباااااااا .. وينهم ..
مسكت ستيف من ثيابه : ويييييييين ودييييييتهم انطق ..
ستيف مسكني من كتوفي وهزني: لوتـس اصحــي .. اصحححي .. انت يتيمه من وانتي صغيـره ..
هديته : لا تكذذذذذذب ..
انفتح الباب ودخلوا الممرضات و د.كيفن ..
د.كيفن : ستيف اخذ اختك واطلع بليـز ..
طلعوا وتم الدكتور مع الممرضـات ..
د.كيفن : شفيـج لوتـس ..؟
تميت واقفه مكاني وعيوني متجمده صوب الباب .. وتنزف دموع ..
مسك يدي : تعالي ..
قعدت على السرير .. راسي يعورني .. احس اني ابي اتذكـر لكن في شي يمنعني .. اتذكر مقتطفات صغيره تمر ثواني وتروح ..
عطوني ابره ونمت ..



كل يوم كنت اقول حق ستيف موقف من اللي اتذكـره .. وكان يروح حق الدكتور يبلغه .. والدكتور يفحصـني .. ظليــت على هالحال اسبوع ونص ..
في يوم من ايام الاسبوع اللي راح .. الدكتور قال ان رجعتلي الذاكره ..
وفعلا ..
تذكـرت كل شي ..
وتذكـر موقع الحادث ..
وتذكـرت شلون استوى ..
فرحت بس كنت احس ان ستيف فرحان اكثـر مني ..

استانست ..
حسيت بشعور الامان والاستقرار يوم يكون ستيف جنبي ..
وفجأه افقدهم يوم يروح عني ..
كل ما يغيب عني اتخيله جدامي ..
واذا قعد جنبي ورمشت عيوني اشتقت له ..
مادري شنو اسمي هالشعووور ..

ستيف : لووووتس ..
قلت : شنو ؟
ستيف قعد على الكرسي : عندي لج بشـاره ..
قلت : قوووووووول .. انا ابي شي يفرح الحين ..
ستيف : لقيت ظرف بني بين ملابسـج .. امي عطتني اياه يوم كانت تبي تغسلهم .. ترددت وايد قبل لا افتحه .. بس فتحته وقريت الاوراق اللي فيه ..
قلت : انزيــن ..
ستيف : عرفت وين كانوا امج وابوج يعيشون .. واقاربهم وين عايشيـن ..
قلت بفرح : صــــــــــــــــــــــــ ج!
ستيف : اي .. اقرب قريب عندج خالتج .. لان ابوج كان عنده اخو اكبـر منه ومات .. وامج ماعندها الا اخت وحده وعايشه في منطقه بعيده شوي من هالمنطقه .. بساأل عنها وعن المنطقه وبدرسهم وعقب بتبتدي رحلتج لأهلج ..

نزلت راسي وانا حاسه بضيـج ..
ستيف : كأنج مو مستانسه ..
توني بتكلم الا اماندا دخلت ..
اماندا : شخبـااااااركم يا كناري ..
ستيف ابتسم : احنا تمام ..
اماندا : يلا انا معزومه على حفله تجون .. ؟ عندي بطايق زياده ..
ستيف : ها لوتس تجين ؟
قلت : انا مالي خلق .. انت تبي تروح روح ..
ستيف : سمعتي اماندا .. مانبي نروح ..
اماندا : مادري شنو عاجبتكم في المطاعم الرومانسيه عيل ..
دخلت غرفتها ..
ستيف : كنتي بتقولين شي ..
قلت : لا ولاشي ..
ستيف قام : قومي ..
قلت : وين ؟
ستيف : تعالي معاي ..
قلت : انتظر ببدل ملابسـي ..
ستيف انتظـرج في السياره



:


:

[اسطورة !]

الجــزء الثامن (8)




رحت غرفتي .. او بالاحرى غرفة ستيف ..
ولبست لي بنطلون جيشي وبدي كات اسود ..
مشطت شعري وربطته على فوق لانه طول

ركبت السيـاره ..
ستيف : هالكثـر ..
قلت : ما تأخـرت عن العيـاره ..
ستيف : بس انتي تغيبين عني ثواني توحشيني ..
التفت عليه وانا مستغربه ..
اول مره ستيف يقول لي كلام حلو ..
ابتسمت وصديت صوب الدريشه واحس دقات قلبي تنسـمع ..
مسكت قلبي عشان اهديه ..

طول الطريج كنـا ساكتيـن ومافيا لا المسيقــى الهاديه ..

ستيف: وصـلنا ..
قلت : وين هالمكان ..؟ اول مره اشوفه ..؟
ستيف : هاي مطعم على البحـر .. فيه مأكولات بحـريه ..
ابتسمت : بس الحين مو وقت غدا ولا وقت عشـا ..
ستيف : ادري.. بنتمشـى على البـحر ليـن ما نجوع وبعدين بناكل ..
قلت : هههههه اوكي..
مسك يدي .. قلبي دق ..
حركات ستيف اليوم غريبه .. اول مره بعد يمسك يدي بهالطريقه ..
وصلنـا البـحر .. وقعدنا على صخـره كبيـره ..
ستيف : اسمعج ..
قلت : شنو ؟
ستيف : يعني تكلمي .. اسمعج ..
قلت : شنوا قول ؟
ستيف : اللي في قلبج .. يوم كلمتج عن اهلج شفت ملامح ويهج تغيـرت ..
نزلت راسي : مابي افارقكم .. تعودت عليكم .. وانت ياستيف بالذات .. حسيتك مثل اخوي اللي ماولدته امي .. وامك مثل امي .. حسستوني اني من هالعايله ..
ستيف : انا مثـل شنو ؟
ابتسمت : مثل اخوي .. حسيت بشعور غريب .. اول مره احس فيه .. حسيت ان اذا افترقت عنك بموت ..
ستيف ابتسم : وبعد ..
قلت : واحس بالامان لما اكون معاك ..
ستيف : وانا بعد .. لوتـس انتي غيرتي حياتي .. انتي صرتي ملح الحياه بالنسبه لي ..
ابتسمت ..
همس لي : لوتـس انا احبـج ..
طاح قلبي .. وطالعته وانا مذهوله ..
هالكلمه انا ما سمعتها الا بالافلام والمسلسلات ..
عمري ما سمعت حد نطقها جدامي .. ولا بعد لي ..
دمعت عيني ولفيت ويهي ..
مسكني من خصري وقربني صوبـه .,
تمت فتـره صمت .. بس نستنشق الهوا .,

مسك يدي :جعتي ..
قلت : اي جعت ..
ستيف قام : يلا خلنا نتعشـى ..

طلبـنا مأكولات بحريـه غريبه ..

كان ستيف يسولف .. كان يتكلم عن مغامراته وهو صغيـر ..
وانا اقوله عن شطانتي في دار الايتـام ..

خلصـنا وقمـنا ..

ركبـنا السيـاره ..

وفي الطريـج ..
ستيف : لوتـس انا بشوف لج حجز حق بعد سبوع ..
استغربت : حجز وين ؟
ستيف : عشان تروحين حق خالتج ..
قلت : ستيف مابي اروح ..
ستيف : لوتـس لا تستخفيـن .. اهلج هناااك .. هناك بتعرفين معنى الحيـاه .. بتعيشين حياتج ..
قلت : انا هنيه عشـت حياتي .. ما اقدر اروح هناك .. مااعرف هم هناك بيتقبلوني والا لا..
ستيف : بيتقبلووونج غصب .. لانج من اهلهم ..
قلت : انا مرتاحه هنيه ..
ستيف : يمكن هناك ترتاحيـن اكثـر .. يالوتس انا احس بالذنب .. احس اني اخذتج من اهلج وانا مالي حق في هالشي ..
وصلـنا البيت ..
نزلت : انا لو اهلي يبوني جان سألوا عني من 17 سنه .. مو الحيـن يوم سمعوا اني موجوده قالوا يبوني .. انا ما ارضاها على نفسي ..
ستيف : هم يحسبونج متي مع امج وابوج .. لوتس ارجوج لا تعقدين المسائل ..
قلت : انا الحين اعقدهم ..
ستيف : انتي روحي جربي .. واذا ما عجبتج الحياه هناك قولي لي وانا باخذج ..
قلت : اذا رحت هناك بأي حق تقدر تاخذني من اهلي .. ستيف دام اني ماعرفتهم مابي اتعرف عليهم ..
تنهد ستيف ودخل البيت ..
انا طلعت من البيت .. تميت اتمشـى جنب الحديقه ..

انا صار لي 6 شهور من طلعت من الدار ..
حياتي تغيـرت ..
يوم حسيت بالاستقرار مع ستيف يبون يشتتوني بعد ..
آآآه يادنيـا .. مالها أمان ..

دخلت مركز .. رحت على طول صوب الكوفي ..
طلبت قهوه ..
تميت اطالع الجرسون ..
تذكرت اني كنت يوم من الايام نادله في مطعم ..
وستيف طلعني من المطعم لانه تهاوش مع المديـر ..
بس ما اعرف ليش ..

التفت اشوف النـاس شفت اماندا واصدقائها ..
شافتـني دانيـل ..
سحبتهم وجوني ..
قمت لهم بابتسامه وسلمت عليهم ..






دانيـل : ويـنج لوتـس ما نشوفج ..
ابتسمت : موجوده ..
ليزي : شخبارج لوتس ..
قلت : انا بخيـر .. انتي شخبـارج ؟
ليزي : انا بخيـر ..
ساكي : تعالي معانا ..
قلت : لا بروح البيـت ..
اماندا : وين ستيف عنج ؟
قلت : في البيت .. يلا عن اذنكم بروح ..

وانا رايحه سمعت صوت ليزي تقول : شفيها هاي شايفه نفسها ..
ساكي : لا حرام عليـج البنت شكلها حبوبه ..
اماندا : انا ما ارضـى على حبيبة اخووي .. ههههه ..

كان خاطري اشوف تعابيـر ليزي يوم قالت اماندا هالجمله ..
طنشتهم ورحت ..
وصلت البيت ..
كرستين : وينج لوتـس ستيف راح يدور عليـج ..
قعدت وسندت راسي : طلعت شوي اشم هوا ..
كرستين : باتصل له بقول له انج هنيه ..
رحت خذت لي شاور وطلعت ..
لقيت ستيف جدامي ..
قلت : ستيف انا فكـرت في كلامك .. واتخذت القرار ..
ستيف : شنو قرارج ؟
قلت : بروح عند اهلي ..
ابتسم ومسك يدي : صدقيني يالوتـس اللي اسويه عشـانج .. لا تزعليـن .. صدقيني بكره بتشكريني ..
هديت يده ورحت اضب اغراضي ..
ستيف : لوتس ...
قاطعته : ستيف انا مو زعلانه على شي .. انا تعودت عليـك وما اقدر على فرقاك انت تفهم .. ستيف انا احبـك .. مابي شي يبعدني عنك .. بس هذا قدري وهذا نصيبي .. وانا راضيه ..
تم ستيف واقف مكانه كأنه صنم وانا ألملم اغراضي ..

خلصت ..
التفت عليه لقيته يطالعني ..
قلت : متى بروح ؟
ستيف : للحيـن ما حجزت ..
قلت : شوف متى اقرب حجز واحجز ..
ستيف : مستعيلـه ..

سكت ..

ستيف : اوكي انا بروح احجز الحيـن ..

راح وانا قعدت على السرير منهده ..
القرار اللي اتخذته صح والا غلط .. ؟
راح اعرف جوابه اذا عشت هناك ..

تميت متسلقيه على السرير ..
شفت الساعه 7 ونص ..
دخل ستيف ..
قلت : لقيـت حجز ؟
ستيف : لقيت حجز في القطار اليوم ..
قلت منصدمه : اليوووووم ؟
ستيف : اي اليوم وفي بعد سبوع ..
سكت فتره وعقب نطقت : اليوم الساعه كم ؟
ستيف : بعد ساعتيـن .. يلا قرري الحين عشان اتصـل احجز .. انا قلت مو اكيد ..
بلعت ريجي وغمضـت عيني بقوه ابي اتخذ قرار في هاللحظه ..
قلت : خلاص احجز اليوم ..
ستيف كأنه انصدم : اليووم ؟
قلت : اي اليوم ..
ستيف : خليها بعد اسبوع .. يمكن يكون احسـن لج ..
قلت : لا احسن لي اليوم ..
ستيف : على راحتـج ..
قلت : وبلغهم اني راح اوصل اليوم .. ما ابي جيتي عليـهم تكون صدمه ..
ابتسم : اوكي ..
طلع وحسيت روحي طلعت ..
ياربي شنو اللي قاعد يصيـر .. انا شسويت .. كل اللي اسويه واقوله مب من قلبي طالع .. انا مابي اروح هناك ..
بس لازم اروح .. اللي قاعده عندهم انا مو اهلي ولا هم ملزومين فيني .. لازم اروح حق اهلي هناك ..
واذا ما ارتحت للحيـاه هناك ..
برجع هنيه .. ايه برجع ..

ستيف دخل : يلا قومي بنروح ..
قلت : الحيـن ..!
ستيف : اي .. لين ما تخلص الاجراءات .. يبيله وقت ..
قلت : اوكي ..
قمت وخذت شنطتي .. وخذت لي شاال عن البرد ..
سبقت ستيف برع ..
جات كرستين : لووتـس ..
التفت : نعم ؟
كرستين : بتروحيـن ..؟
نزلت راسي : اي بروح ..
كرستين : ولا جيتي تودعيني ..
ابتسمت ورحت سلمت عليها وحضنتها ..
كرستين : ديري بالج على نفسـج حبيبتـي ..
قلت : لا تخافين علي .. انا بكون بخيـر., لا تشيلين هم .
كرستين مسكت كتفي وهي مبتسمه ..
جا ستيف مع شنطه بيده ..
ستيف : يلا يمه انا بروح ..
سلم عليها وانا مستغربه ..
قلت : بتروح ؟
ستيف : اي .. تحسبين انتي بتروحين بروحج ..
ابتسمت براحه ..

ركبـنا السيـاره ومشيـنا ..
قلت : ما شفت اماندا ولا سلمت عليها ..
ستيف : كلميـها ..
قلت : هات جوالك ..
اتصل لها وعطاني ..

كلمـتها وشكلهـا تضايقت اني بروح بدون ما اودعها ..

تنهدت وعطيت ستيف الجوال ..
..
تميـنا ساكتين وانا كنت اترقب الطريق وامسك نفسي ..

وقفت السيـاره ..
التفت على ستيف ..
كان ماسك السكـان ومنزل راااسه ..
قلت : وصلـنا ؟
ستيف تنهد : ايه .. يلا ننزل ..
نزلت واخذت شنطتي ..

خلصـنا الاجـراءاات الممله ..
ستيف : تعالي هنيه مكان الانتظـار ..
قعدت وقعد جنبي ..
طالعته باستغرااب ..
قلت : ليش قعدت ؟
ستيف : تبيني اتم وااقف ..!
قلت : لا بس ابيك تروح ..
ستيف : ارووح .. وين اروح ؟
قلت : تروح بيتك بعد وين ..
ستيف بابتسامه : لا ماراح اخليج تروحيـن بروحج .. بوصلج واتطمن عليـج وعقب برجع ..
قلت : مافي داعي .. انا اقدر اتحمل المسؤوليه بروحي ..
ستيف : اي مسؤوليـه ؟؟ هاي خطوره .. انتي ما تعرفين هناك شنو راح يصيـر في منطقه غيـر .. يعني بلاد غيـر .. اذا ماتبين قربي ما راح اطول .. بنفس اليوم راح اروح ..
قلت : انت دايما تفهمني غلط ..
ستيف : لا انا فاهمج صح ..
قلت : وجي فسـرت تفكيري ..!
ستيف تنهد : اوووف خلاااص انا الغلطااان وانتي الصـح .. بس انا قطعت لي تذكـره وبجي .. فكيـنا ..
قلت : افكك ..!
ستيف سند راسه وغمض عيونه ..
التفت عنه ونادوا على رحلـتنا ..
قمت انا بسرعه ورحت صوب القطـار ..
سحبني ستيف وركب قبلي ..
رفعت حواجبي اطالعه ..
ستيف : ماتعرفين وين كراسيـنا ..
سبقـني ولحقته ..

أشـر لي وقعدت ..
اخذ شنطتي وعطاها ريال كان واقف ..
قعد جنبي وانا صديت صوب الشبـاك ..

تميت فتـره والقطـار للحيـن ما تحـرك ..
مسك يدي .. التفت عليه لقيته صاد عني يطالع الناس الرايحين والجايين ..
شليت يدي من يده ..
ستيف يطالعني : هاتي يدج ..
سحب يدي وتم ماسكها ..
سحبت يدي : ماابي ..
ستيف سحبها : هاتيها ..
قلت : ماابي .. يدي والا يدك ..
ستيف مسكها : انا يوم امسكها احـس بالأمـان والحنـان والحـب ..
طالعته وكأني مستهزئه بكلامه ..
التفت : مو لازم تصدقين ..
شفت شاب طويل جاي صوبـنا .. وجهه مـار علي .. بس وين ما ادري ..
شفت ستيف تصنم وهو يشوفه .. وهو نفس الشي ..
الشـاب : ستيف ؟
ستيف : هارفي ..!
هارفي ..!
نزل راسه هارفي : شخبـارك ؟
ستيف : انا بخـير .. انت شخبارك ؟
هارفي : ماشي الحال ..
قعد جدامـنا ..
نغزت ستيف في خصـره : من هاي ؟
ستيف ولون وجهه اصفـر : صديقي هارفي ..
قلت : ما كلمتني عنه ..
ستيف : لان تهاوشـنا صـار لـنا فتـره ..
تذكرت : اهااا ..

سكتنـا فـتره ..

هارفي : شخبـارج ..
طالعت ستيف وطالعته : ااانا بخـيـر .. انت تعرفني ؟
هارفي ابتسم : شفتج مع ستيف مـره ..
قلت : متــى ؟
هارفي : من زمـــااان ..
ستيف : اي انت ذاكرتك قويه ..
هارفي ابتسم : اي يقولون .. ويقولون بعد ما انسـى .. بس انا صححت لهم الملعومه .. اني انسـى الجروح .. حتى لو كان من اعز اصدقاائي ..
حسيتها نغـزه ..
طالعت ستيف لقيته منزل راسه ..
قلت اغير الجو : انا انسـى اللي صار لي امس .. ههههههههههه ..
هارفي : ههههههه .. احسن لج ترى .. عشان ما تصدعين ..

حسيت ان هارفي انسان طيب وشفاف .. خاطري اعرف سبب سوء تفاهمهم ..
مو معقوله تنهز علاقتهم على سبب خسارتهم في المباراة ..

قلت : هارفي ..!
حسيت ان ستيف طالعني .. بس ما صديت له ..
هارفي : نعم ..!






قلت : للحيـن تلعب كـرة ؟
هارفي طالع ستيف ورد طالعني: ناديـنا توقف ..
استغربت : ليـش ؟
هارفي : بسبب خسـارتـنا اكثـر من مـره .. معطيـنا فرصه عشـان نقـوي لعبـنا ..
قلت : واستغليتو الفرصه والا ..؟ يعني انتو قاعدين تتدربون والا لا ؟
هارفي ابتسم بحزن : لا .. ما نتدرب ..
قلت : لـييييش ؟
هارفي طالع ستيف : الكابتن جي يبي ..
التفت على ستيف اللي كان يقرا المجلة ..
قلت : ليش ستيف ؟
ستيف : شنو ؟
قلت : ليش وقفتو عن اللعب ؟
ستيف : لان احـنا مو مترابطيـن .. لازم اعضـاء كل فريق يكونون على حب مع بعضهم .. واحنا انفقد منـا هالشي ..
هارفي : ومن اللي شتت هالفريـق يا ستيف ..!؟
ستيف : هارفي لو سمحت ..
هارفي : ياستيف انت بعصبيتك هذي تخسـر اللي حولك .. وراح تندم ..
ستيف طالعه باستغراب : هذا تهديد يا هارفي ؟
هارفي ابتسم : لا لا مو تهديد .. مو انا اللي اهدد اعز صديق عندي .. هذي نصيحه ..
ستيف : خل نصايحك للي يحتاجونها ..
هارفي : محد مو محتاج نصيحه ..
ستيف : انا مو محتاج .. لو سمحتوا ابي هدوء عشان اقرا المجله ..
هارفي طالع المجله : ليش انت تعرف تقـرا باللغه الاسبانيه ..؟
ستيف طالع المجله ونزل راسه ..
هارفي : عشان تعرف ان عصبيتك عمتك عن واايد اشـياء .. وابسطهـا هالمجله اللي في يدك ..
ستيف حذف المجله وقام ..
ستيف : لوتس تعالي نغيـر المكـان .. هنيه احس بالضيق ..
توني كنت بتكلم ..
هارفي : لا انت اقعد .. انا بروح اغيـر مكـاني اذا كنت مضايقك .. وآسـف على الازعـاج ..
قعد ستيف .. وحط ريل على ريل
اخذ هارفي شنطته .. رحت لحقته ..
قلت : هااارفي ..
هارفي التفت ..
قلت : انا اعتذر عنه .. هو مزاجه مو رايق ..
هارفي : انا اعرف ستيف .. لا تهتميـن .. انا عمري ما ازعل منه ..
قلت بابتسامه : قلبك طيب .. مشكـور ..
هارفي ابتسم : انتبهي له .. ولا تعصبين اذا عصب عليـج ..
عطاني ظهره ومشـى ..
دخلت عند ستيف وقعدت ..
ستيف باستهزاء : ليـش مارحتي معاه ..؟
طالعته وصديت صوب الشبـاك ..
ستيف : انا اكلمج لا تصدين عني .. تكلمي ..
قلت : انا ما راح اكلمك لانك معصب الحيـن .. اذا هديت بتفاهم معاك ..
ستيف صـرخ : اناااا مو معـــصب تفهميـــن .. مو علــى كيفــج تحدديـن مزااجي ..
قلت : هه انا ما احدده على كيفي .. هذا اللي انا اشوفه ..
ستيف : لووووووتس انتي تنرفزيني ..
سكت وصديت ..

تميـنا ساكتيـن ..

تميت اطالع الندى المتجمد اللي على الشبااك .. والثلوج اللي نمـر عليـها .. الجو برع برد واايد .. حتى ما اقدر المـس الشبـاك من البروده ..
التفت على ستيف لقيته نايم وهو متكتف ..
اخذت الشال اللي على يدي وغطيته فيه ..
ضميت ريلي واخذت المجله اللي كانت عند ستيف ..
تميت اتصفح الصـور ..
تميت طول الطريج وانا اطالع الشباك ..
اما ستيف كان مستغرق في النوم كأنه ما نام من فتـره ..

قام ستيف ..
طالعني : وصـلنـا ؟
قلت : لا للحيـن ..
ستيف يرتب شعـره : من متـى وانا نايم ؟
قلت : حوالي ساعه ..
ستيف : اووف .. ليش ما قعدتيني ؟
قلت : ماكان في داعي .. ابيك ترتاح ..
اخذ ستيف الشال اللي كان عليه وعطاني اياه ..
اخذته وحطيته جنبي ..
حط يده ورى ظهري وقربني منه ..
حطيت راسي على صدره وغمضت عيوني ..
وماحسيت بنفسـي ..

وعيت على صوت ستيف ..
فتحت عيوني منزعجه : هممم ..
ستيف : لوتس وصـلنـا ..
قمت بسـرعه : وصــلـــنـا !!
ستيف : اي .. يلا قومي ..
رتبت شعـري واخذت شالي ..

وعطونـا الشنط .. ونزلـنـا ..

ستيف يدور في جيوبه ..
قلت : شتسوي ؟
ستيف : ادور عنوان بيت خالتج ..
مسك الجاكيت ولقاه في جيوب الجاكيـت ..
قلت : يلا عيل خلـنا نمشـي ..

طـلعـنا من المحطه ..
ولاحظت التطور العمراني في هالمنطقه .. شكـلها ارقـى من المنطقه اللي كـنا فيـها ..
ستيف : مو جوعـانه ؟
قلت : شوي ..
ستيف : كاهو مطعم قريب .. خلـنا نروح لاني ميت من الجوع ..
قلت : يلا ..

دخـلنا المـطعم ..
رحبو فيـنا واختاروا لـنا طاوله فاضيه لان كان المطعم مزدحم ..

اول ما قعـدنا صب لـنا الجارسون الشراب ..
حطه جدامي وجدام ستيف ..
شربه ستيف وانا تميت اطالع الكوب ..
ستيف : ليش ما تشربين ..؟
قلت : بشـرب الحيـن ..
شربته وطعمه ما عجبني ..
صب مـره ثانيه وانا قلت له اني ما ابي ..

شرب ستيف اكثـر من كاس وطلبـنا العشـا ..

أكلت بشراهه لان الاكـل كـان حـلو ..
خلصت وشرب الماي ..
ستيف أشـر عشـان يصبون له هالشراب بعد ..
قلت : يعني عاجبك هاللي تشربه ..
ستيف ابتسم : لو مو عاجبني جان ما طلبته ..

طلبت لي سويت .. اما ستيف تم يشـرب من هالمشروب ..

بعد ما خلصـنا .. حسيت ستيف مو على بعـضـه ..
قلت : فيـك شي ..؟
ستيف وهو يدور بيعيونه : انـا .. لا .. انا زي العـســل ..
طالعته باستغراب ..
قلت : يلا خلـنا نطـلع ..
ستيف : اي اييي .. خلـنا خـلنا نطلـع ..
قام ومشى وانا اطالعه باستغراب .. ودعم الطاوله اللي جدامنـا ..
قلت : ستيــف حااسب ..
ستيف التفت علي : ليــش دعموووني هذووول مع طاولتهم ..
مسكـته من ذراعه وطلعته برع .. حسيت ان فيه شي ..

تميت اسحبه ..
سحب ذرااعه عني : لا تمسكيـني وكأني خرووف ..
قلت : ستيف انت وااعي على نفسـك ..؟
ستيف : لا انا وااعي على نفسـج ههههههههههههههااااااي ..

جا على باااااللي بروكلـس .. كـان بنفـس حاالته ..
قلت : ستيــف شفيــــك ..؟
ستيف مسك ويهي : مافيني شي حياتي ..
مسك يده وسحبته : تعااال ..
تميت امشي .. دخلـنا صووب حي .. ماكان فيه ناس وايد ..
سحبت ستيف معاي كأنه طفـل .. وطاح ..
حطيت الشنـاط بسـرعه ..
نزلت مستواه بخوف : ستيييف ..
ستيف وهو على الارض : تعاالي انا تعبت من المشـي ..
مسكني من كتوفي وضمني ..
ابتعد عنه ودمعت عيني : ستيف شفيــك ؟
قرب منـي : تعالي ..
ابتعدت شوي : شنو ؟
مسك يدي : محد هنيه .. يلا حبيبتـي ..


:

:

[اسطورة !]

الجــزء التـاسـ ع (9)



طالعته باستغراب.. شنو يقصـد ؟

هجم علي مثل الاسد وانا صرخت من الخوف ..
كان يحاول يلمسني ..
وعقب فجأه قاام ..
وانا كنت مغطيه ويهي بيدي ..

شفت هارفي ماسك ستيف..
هارفي منفعل: شفيــك انت .. جي تسوي في صديقتك ؟
ستيف دز هارفي : شتبي انت .. قوووووم ..
هارفي يسحبه : تعال معـااي تعاال ..
ستيف عطـى هارفي بكس ودزه : قلت لك قوووم ..
صرخت : ستييييف ..
طالعني وابتسم , وفتح لي يدينه : تعالي .
رجعت على ورى خايفه .
قرب مني ومسك بلوزتي يحاول يفتحها
دزيته ورحت صوب هارفي .. كأني استنجد فيه
هارفي طالعه وصب عليه الماي اللي كان في يده ..
هارفي :ستيييف اصحـــى ..

اخذت شنطتي وركضت عنهم وتميــت اصيـح .. مو معقوله هاللي يستووي .. مو معقوله .. الانسـان الوحيـد اللي وثقت فيه وحسيت معاه بالامـان طلع جي .. يحاول يتهجم علي ..

سمعت صوت يناديني : لوووتس وقفــي ..
تميت اركض وانا اصيـح ..
مسكني من ذراعي ووقفـني ..
التفت عليه وانا اصيـــ ح ..
هارفي : وين راايحه بروحج .. انتي ماتعرفين شي هنيه ..
صحت وماقدرت اتكلم ..
هارفي طلع ورقة من جيبه : هالورقه طاحت من ستيف في القطـار ..
مسحت دموعي : ورقة شنو ؟
هارفي : عنوان بيت .. اظنها لج ..
قريتها وانا امسح دموعي: اي .. هذا بيت خالتي .. ممكن توصلني ؟
هارفي ابتسم : اكيد ..

مشيـنا وانا لبست شالي لان البرد زااد ..

ركبنا تاكسي ووصـلـنا ..
وقف عند بيت كبـيـر وكأنه قصـر ..
قال : هذا مكـان العنوان ..
هارفي : لحظه انا بنزل بتأكد من الاسم ..

نزل وانا ألعب في اصابعي من التوتـر ..

رد ..
هارفي : يلا نزلي لوتـس .. هذا بيت خالتـج .. السيدة جوليت ..
بلعت ريجي ونزلت ..
طالعت البيت ونزلت دمعه حاره دفت ويهي البارد ..
قلت : كنت اتمنـى ان ستيف يكون معـاي ..
هارفي : باجر اذا صحـى راح يكون عندج ..
التفت عليه بسـرعه : ما راح اسمح له انه يوصـل عند عتبة هالباب ..
هارفي استغرب : ليــش ؟
قلت : هو خسـر الثقة اللي كنت معطتها ايـاه .. كنت احس معاه بالأمـان .. الحيـن وبعد اللي صار ما اعتقد اني راح اقدر اشوفه .. ستيف يا هارفي حط حاجز بيني وبينه باللي سواه اليوم .. وانا لايمكن انسـى ..
هارفي : لا لوتـس انتي ما فهمتـيـه .. هو كـان مو في وعيـه ..
قاطعته : لا ياهارفي .. لا تدااافع عنه .. وانتظـر شنو راح يسوي لك انت بعد ..
هارفي نزل راسه ..
قلت وانا آخذ شنطتي: انا بروح .. مع السلامه ..
هارفي : مع السلامه ..

هارفي تم يراقبني من بعيد .. وانا رنيت جرس الباب ..

طلعت لي وحده : نعم ؟
قلت : موجوده السيده جوليت ؟
قالت : نعم موجوده .. من اقول لها ..
قلت بتردد : لـ .. لـوو .. لـوتس ..
قال : آآآه لوووتس .. تفضـلي ..
قلت : شكـرا ..
التفت على هارفي وابتسم لي يشجعني وراح ..
دخـلت البيت والتفت يمين ويسـار .. البيت كبيـــر .. وكأني نقطه موجوده داخله ..
حطيت شنطتـي ومشيت خطوتين للداخل ..
نزلت بنت اعتقد من نفس عمري وهي تغني وتركض على الدري بمرح ..
شافتني سكتت ..
ابتسمت لها مجامله ..
ابتسمت لي : من ؟
قلت : انا لوتـس ..
جات عندي بسـرعه : صــج .. وانا ألـمـا بنت خالتـج
ابتسمت لها وضمـتني ..
ألما : لحظه بروح انادي ماما ..
راحت تركض : ماااااماااا .. ماااااااااااااامااااااااا ااا ..
ابتسمت وتميت واقفه مكاني ..
جاتني وحده لابسه نفس لبس اللي فتحت لي الباب .. اظن انهم يشتغلون في هالبيت ..
أشـرت لي اقعد وقدمت لي الشـاي ..
شربته لاني كنت محتاجه لشي دافي ..

دخلت علي وحده كـانت لابسه ارقـى الملابـس ..
قمت لها بابتسامه ..
قالت : انتي لوتـس ..
قلت : اي .. انا لوتـس ..
قالت بابتسامه : وانا خالتج جوليت ..

فتحت لي يدها ورحت ضميتها .. خنقتني العبـره .. بس قدرت اتغلب عليها ..

جوليت : من سنين وانا ادور عليـج .. والوقت اللي فيه يأست سمعت عنج .. وشفتج أخيـرا ..
قلت : يعني انتي كنتي تدريـن ان انا عايشه ..؟
جوليت : ما كنت متأكده .. بس كنت حاااسه .. قلبي كـان جي يقولي ..
ابتسمت لها : انتي تشبهيـن امي ؟
نزلت راسها بحزن : انا وامـج ما كنـا نتشـابه .. كل وحدة لها جمالها .. وامج كانت احلى منى .. بس لاني كنت صغيـره ما كنت اقتنع .. وكانوا يراضوني ويقولون لي انتي احـلى .. مع اني كنت اشوف ان امج أحـلى منـي ..
طالعتني : انتي تشبهينها واايد ..
ابتسمت وعيوني غرقت من الدموع ..
قلت : وأبوي ؟
جوليت : امم .. انتي ما تشبهيـن ابوج .. بس ابوج كـان يحب امج حـب جنوني .. كانوا يضربون المثـل في حبهم .. حبو بعض من وهم صغـار .. رغم المشـاكل اللي كانوا يتعرضون لها ..
قلت : أي مشاكل ؟
جوليت سحبتني وقعدنا : كـنا احـنـا من طبقه فقيـره واايد .. وابوج كـان عنده خيـر .. واهل ابوج ماكانوا يرضون بأمج .. لانها كانت فقيـره .. بس حبهم لبعـض خلاهم يحاربون العالم عشـان يستمـر هالحب ويكبـر .. بعد ما شافوا أهل ابوج ان ابوج متعلق في امج وايد .. قررو انهم يوافقون على زواجهم ..
ابتسمت ونزلت دمعتي ..
جوليت : حبيبتـي انا امج .. ما ابيج تزعليـن .. روحي خذيلج دش ساخن وانا بتظـرج هنيه .. نكمل سوالفـنا ..
ابتسمت : اوكي ..
جوليـت : سوزااااااااااان ..
جات اللي فتحت لي الباب بسـرعه : نعم ؟
جوليت : دليها غرفتها وين .. وجهزي لها ملابسها ..
سوزان : حاظـر ..
رحت وراها ودلتني مـكـان غرفتي الجديده ..
كانت في منتهـى الروعه ..
السرير كبيـــر ملـكي ..
لون الفراش احـمـر ..
والدفايه موجوده في نص الغرفه ..
سوزان : هاي غرفتج مدام ..
وأشـرت لي على باب في الغرفه : وهاي الحمام
قلت : اهاا .. شكـرا ..
سوزان : راح احط لج الملابس على السرير اوكي ؟
قلت : مافي داعي .. عندي ملابسي في الشنطه ..
سوزان : هاي اوامـر السيدة جوليـت .. ما اقدر اخالفها ..
ابتسمت لي وراحت ..
جوليت خالتي عايشه وكأنها ملكه .. فرق بين عيشتي وعيشتها .!

دخلت الحمام واخذت لي شاور دافي ..
حسيت ان جسمي دفـى ..
شفت الملابس اللي كانت على سريري ..
كانت تنورة سوده قصيـره صوف .. وجاكيت اسوود وداخله بدي فوشي ..
ولقيت البوت الفوشي عند السرير ..
لبستهم وانا مستغربه ليش ألبس هالملابس .. المفروض البس بيجاما ..
مشطت شعـري اللي وصل لين اكتاافي ,, وخليته نفتوح عشان ينشف

نزلت تحت .. بس ضيعت .. مادري وين كنا قاعديـن ..
شفت وحده من الخادمـات ماره ..
قلت : لوسمحتـي ..
قالت بابتسامه : انا مادلين .. تفضـلي ..
قلت : مادليـن شفتي وين جوليـت ؟
ابتسمت : تعالي معـاي ..
رحت معاها وشفت جوليت قاعده وتشرب شاي وتقـرى الجريده ..
قلت : هه ضعت ..
جوليت : هههههههههههه ..تسبحتي ..؟
قلت : اي خلصت ..
جوليت : ليـش ما نشفتي شعرج ..؟ الحيـن بتاخذين برد ..
قلت: لا عادي انا متعوده جي ..
جوليت : بس الحين بررد .. روحي نشفي شعرج .. وخلي سوزي تنشفه لج ..
قلت : مافي داعي ..
جوليت : امبلا .. يلا ..
جات سوزي ودتني لغرفتي مرة ثانيه .. طلعت المنشف ونشفت شعـري .. وهو يطلع هوى دافي وصوته مزعج .. اخذت شعري مره ثانيه وربطته .. وصار اطول شوي ..
ولاحظت انه نشف عدل ..
رحت الصاله مره ثانيه برفقة سوزي ..
جوليت : تعالي الحين بيجون ألما وجورج ..
قلت : ألما بنتج وجورج من ؟
جوليت : ولدي ..
قلت : اهااا .. بس انا توني شايفه ألما طالعه .. حرام تخلينـها ترجع بسببي ..
جوليت : لا اصلا الوقت تأخـر والدنيـا برد بـرع .. انا قلت لهم اذا كان الجو بارد تجون بسرعه قبل لا ينزل الثلـج ..
رن الجرس ..
جوليت : آه .. كاهم جو ..






راحت سوزان تفتح الباب ..
تميت اطالع الباب اترقب من اللي بيجي ..
وانصدمت ووقفت بسرعه ..
جورج طالعني وطالع امه : لوووتس ؟
جوليت : اوه .. تعرفون بعـض ؟
جورج : ايي .. يمـمممه هااي اللي قلت لــج عنها .. اللي دعمتها ..
جوليت : اوووه لوتس انتي بخيـر الحيـن ..
قلت : اي لا تحاتين .. انا بخـير ..
جورج : رحت المستشفـى وقالوا لي انج طلعتي .. وسألت عنج وقالوا ان ردت لج الذاكـره ..
قلت : اي ..

جوليت تطالعني وتطالعه بابتسامه ..
جوليت : ما سلمتو على بعـض ..
قلت : هههههه .. شايفين بعض قبل .. عادي ..
جورج جدم : لا مو عادي ..
مديت يدي اسلم .. مد يده وسلم علي بالخد ..
طالعت جوليت وكانت نظـرتها عاديه ..
استغربت .. انا ولا مره سلمت على ستيف اللي هو ستيف جي ..
بس اعتقد ان هالمنطقه منفتحه شوي .. والدليل لبسي انا الحين ولبـس ألـما ..
جوليت : فيـج شي لوتـس ؟
قلت : لا مافيني شي ..
جورج : شكلج تعبانه .. روحي نامي عشان ترتاحين ..
قلت : اي .. بروح ..
جوليت : تعشي أول .
قلت : لا تعشيت قبل لا اجي .
رحت ومادري شلون وصلت غرفتـي ..
دخلت وابتسمت : وكل مـره بيتغيـر شكل هالغرفة بنظـري .. مساعه كانت غيـر والحيـن غيـر ..
حذفت روحي على السرير ..
تميت افكـر في ستيف .. آآآآه ياستيف ..
في اليوم اللي قلت لك احبـك افتــرقــنـا ..
ليـش ياربي بعد كلمه احبك فراق ..
عشـت احـلى ايامي معاه بدون هالكلمه ..
هالكلمه تدمـر الحب ما تقويـه ..
انا غلطت غلطه كبيـره يوم اني قلت لك أحبـكـ يا ستيف ..
..
بس اللي سويته اليوم شي ما ينسـي .. وشي من المستحيل اني اسامحك عليـه .. انت دمـرت هالحب .. ودمرت كل شي معـاك ..قطعت حبل الثقه اللي كان مربوط بينا .


غطيت عيوني ونمت ..

فتحت عيوني وشفت جورج مجابلني ..
تخرعت وقمت بسسسرعه ..
قلت : شفيـك ..
جورج : جبتج غرفتج ..
التفت حولي .. عيل انا وين كنت ..
جورج بابتسامه : نمتي في غرفتـي ..
قلت : انزين جان قعدتني عشان اقوم بنفسـي ..
جورج : هههه قعدتج بس ماقمتي .. هاوشتيني هوااش ..
قلت باستغراب : اناا ؟
جورج : هههههههه اي .. يلا ما اعطلج .. نامي ..
طالعت الساعه كانت 1 في الليل ..
حاولت انام بس ماجاني نوم ..
فتحت الشباك الكبيـر .. او بالاصـح البلكونه ..
وهف علـي هوا بااارد ..
شفت لبسي ومازلت بالبس اللي عطتني اياه جوليت ..
رحت فتحت شنطتي وطلعت لي بيجامات من بيجاماتي ..
لبستها ورديت نمت ..

قعت على الساعه 5 الفجر ..
تميت اتقلب على الفراااش ابي انااام لين الساعه 6 ..

نمت وقمت الساعه 8 ..
حاولت انام بعد بس ما قدرت خلاص .. المكان الغريب وما اقدر انام بهالسـرعه ..

اخذت الروب ولبسته ونزلـت ..
شفت جولييت قاعده وفي يدها اوراق وتوقع وتشخبط ..
قلت : صـبـاح الخيـر ..
طالعتني جوليت باستغراب : صباح النور ..
قعدت جنبها ..
قلت : شتسويـن ..
جوليت : اشتغـل ..
قلت : في البيت ..
جوليت : هههههه ألما تتضايق اذا شافتني اشتغل في البيت .. بس شغلـنا ما يوقف .. حتى في اجازه نهايه الاسبوع ..
قلت : الله يكون في عونج ..
طالعتني ..
جوليت : لوتـس ..
قلت : نعم ..
جوليت : ليش نازله بالبيجاما ؟
قلت : ليش لازم شنو ألبس ..؟
جوليت : شوفي انا ضيوفي الباب لهم مفتوح .. ومب عدله يدخلون ويشوفونج بهاللبس .. بيحطون في بالهم انج مو مستعده لأستقبالهم ..
فهمت هي شنو تبي : اهاا .. اوكي بروح ابدل ..
جوليت : افتحي كبتج حبيبتـي واخذي أي لبسه تبين .. كلهم لج ..
قلت : بس انا عندي ملابس في الشنطه ..
جوليت : هاي لا تلبسينهم .. قطيهم في الزباله .. لان هنيه لازم يتغيـر ستايلج شوي ..
قلت : لـيش ؟
جوليت : يا لوتس لا تكثريـن كلام .. انا ابي اشتغل .. نفذي اللي اقوله وبس استغـربت منها بصـراحه .. يوم طيبه ويوم تتأمـر ..! وباجر شنو بتصيـر مادري ..

رحت و فتحت الكبت .. لقيت ملابس واايد ..
احترت أي لبسه ألبـس ..
غمضت عيوني وخذت فستان لين تحت الركبه .. صوف .. لونه رمادي .. وعليه ربطه في الصدر حمـرا .. ومعاه شال أحمـر ..ولبست بوت اسود
مشطت شعري وخليته مفتوح ونزلت ..

قلت : خالتي شدراج بقيـاسي ..؟
جوليت بابتسامه عريضه : من مصادر خاصه ..
عقدت حواجبي : يعني شلون ..
جوليت : لا تحسبين انج جيتي هنيه بالساهل .. احنا سألـنا عنج .. وعن كل شي ..
تسندت وانا مستغربه .. ليش يعني يسألون عني .. انا وحده من أهلهم ..
بس لهم الحق .. وحده بتدخل عليهم وبتعيش معاهم وهم مايعرفون عنها شي ..!

جوليت : لووتس .. فطورج جاهز ..
قلت : لا انا مابي ..
جوليت : ما يصيـر .. انتي شايفة نفسج شلون ضعيفه .. كأنج ما تاكلين كلش ..
قلت : ما اشتهي ..
جوليت : حاولي .. لان الفطور عندنا وجبة رئيسيه ..
ابتسمت ورحت مع مادلين ..
دخلتني على غرفة فيها طاوله كبيـــره وكرااسي وايد ..
حطتلي الفطور على اول الطاوله ..
قلت : انا بروحي بتفطـر ؟
مادليـن : الحين بيجي السيد جورج وبيتفطـر ..
قلت : وألـما ..؟
مادلين : ألمـا تفطرت بدري .. لانها راحت الجامعه ..
قلت : آهااا .. اوكي ..

آآه الجامعه .. انا المفروض اكون في الجامعه ..
وقفت عن الدراسه من غبائي ..

جورج : شفيــه الحلو سرحـان ..
ابتسمت : لا ولاشي ..
سحب الكرسي وقعد ..
جورج : ليش ما أكلتي ..؟
قلت : الحين باكل ..
أخذت العصيـر وتميت اشـرب ..
جورج : لوتس ..!
قلت : نعم ؟
جورج : انتي وين كنتي عايشه ..؟
انسدت نفسي وحطيت العصيـر على الطاوله ..
قلت : ليـش تسأل ..؟
جورج : فضـول ..
قلت : ومصادركم الخاصه ما قالت لكم ؟
جورج : أي مصادر ؟
قلت : امك جي قالت لي ..
جورج : ههههه هاي مصارد امي .. انا مادري بشي ..
قلت : يعني شلون مصادر خاصه ..؟
جورج : يعني امي تعرف ناس هناك .. وسألتهم عنج .. وسووا ابحاث ودراسات عنج .. وين تسكنين .. ومع منو .. وشنو تشتغلين او شنو تدرسين .. وامي احتفظت بالمعلومات حق روحهـا ..
قلت : آهـااا ..
اخذت العصيـر أشرب ..
جورج : شخباار ستيف ..
آآه ياجورج انت مو ناوي تخليني اتفطر مثل العالم والناس ..
قلت : زين ..
جورج : ليش ما جا معاج ..؟
قلت : ليش يجي معاي ؟
جورج : يعني انتي جيتي في هالطريج بروحج ؟
قلت : لا هو كان معاي والحين رجع ..
جورج : آهـاا ..
تم ياكل جورج وانا سرحت ..
ياترى وينك ياستيف ..؟ شتسوي ؟
آآه ياقلبي ..
وانا شدخلني فيه ..!
انا نسيته خلاص ..

جورج : لوووووووووووتس ..
تخرعت : شفيـك ؟!
جورج : من مساعه اناديج .. ليش ما تااكلين ..
قمت : شبعت ..
رحت الغرفه وطليت على العالم من الشباك ..

يات سوزي : آنسه لوتـس ..
التفت ..
سوزي : السيده جوليت تبيج ..
قلت : اوكي يايه ..

نزلت وراها ..

طليت على جوليت .. أشـرت لي اقعد ..
جوليت تتكلم في التلفون : أي أي .. لا راح ننسحب من هالصفقه لاني مو مرتاحه لها .. ادري انها راح تربحـنـا بس خلـنا على هالشغل احـسن .. وانا عندي مشروع ضخم في بالي .. راح اكلمك عنه اذا جيت المكتب .. اوكي خلال ساعه راح اكون هناك .. في انتظـارك ..
قلت : نعم ؟
جوليت : لوتس عرفت انج تركتي المدرسه ..
نزلت راسي ..
جوليت : ادري ان هالشي غصب عنج .. وانا ما راح اخليـج جي .. راح ادخـلـج أحسن المدراس .. واحسن الجامعـات .. وانا سجلتج في مدرسه .. وراح يوديج ويجيبج السواق الخاص فيج ..
قلت : انا عندي سواق ؟
جوليت : أي نعم ..
قلت : بس اللي تسوينه هاي وايد ..
جوليت ابتسمت : مو وايد ولا شي .. يلا انا بروح الحين مابي اتأخـر .. وانتي اطلعي مع جورج اذا تبين .. اخاف تملين في البيت بروحج ..
قلت : لا يمكن يكون مشغول ..
جوليت : لا مو مشغول .. اليوم عطيته اجازه ..







جورج جا من برع : اي صح يا لوتس طلعي معاي .. لانج اذا ما طلعتي راح اروح المكتب معاها .. الاجازه بيدج ..
ابتسمت : اوكي ..
جورج ابتسم : يلا ..
جوليت : لوتس انتظـري ..
التفت : نعم ؟
جوليت : مسكي .. فتحت لج حساب ..
فتحت عيوني : لييييش ؟
جوليت : ههههههه مايصيـر ألما وجورج عندهم وانتي لا .. مو غير عنهم اانتي ..
قلت : والله ما اعرف شلون راح ارد لج هالجميـل ..
جوليت ابتسمت وطلعت ..
رحت اخذت لي شنطه حمرا وحطيت فيها هالبطاقه ..

طلعت برع لقين جورج ينتظـرني داخل السياره ..
ركبت : تاأخـرت ؟
جورج : لا .. وحتى لو تأخـرتي انا راضـي ..
ابتسمت ..

حط جورج موسيقـى هااااديه تملل ..

قلت : وين بنروح ؟
جورج : بتشوفيـن الحيـن ..
قلت : لا قول لي ..
جورج : مفـاااااجأه يالوتـس ..
قلت : انا ما احب المفاجأت ..
جورج : بس انا احب افاجأ الناااس ..
ضحكت : هههههههه .. انزين بنشوف شنو مفاجأتك ..

طولـنا في الطريج ..
قلت : جورج وين رايحين ..
جورج ضحكت : هههههههههه اصبري ياماما شفيـج ..
قلت : مافين صبـر .. الحين قول لي احنا وين بنروح ..
جورج : شوفي شوفي الثـلج ..
التفت ليـقت الثلج مغطي الارضيه ..
واحنا رايحين فوق كأنا رايحين جبل ..
قلت : بتوديني الجبل ..
جورج : تقريبـا ..
قعدت اطالع تلال الثلج والاجبال ..
حسيت بالبرد ..
شفت الشمس متخبيه ورى الغيوم .. والاشعه طالعه بنور خفيف .. حبيت هالمنظـر ..
وقف السياره ونزل ..
شفته ومانزلت ..
فتح لي الباب : يلا ..
نزلت : وين بنروح ..؟
جورج : وصلـنا ..
قلت : هالمكان ؟
جورج : اي .. بنتزلج ..
نقزت بفرح : صصصصصصصصج ..!
جورج : ههههههه اي ..
قلت : بس انا ما اعرف ..
جورج : ولا انا .. بس بنتعلم ..
مسك يدي وسحبـني ..
دخلـنا مبني وعطونـا ملابس لـ التزلج ..
واأدوات التزلج ..

ساعدني جورج في لبس الالواح ..
كان لبسـنا عباره عن بنطلون سميك وجاكيت نفس الشي ..
وقبعه صوفيه .. ونظـاره عن الثلج لا يدخل في عيونا ..
ولوحتين نلبسهم في الرجلين .. وعصاتين عشان ندفع فيهم انفسـنا ..
وركبنا قمه الجبل ..
ماكان عالي وايد .. لان احنا مانعرف نتزلج ..
غرزت العصـا في الثلج وغمضت عيني ..
جورج كان جنبي بس ماعرف شنو يسوي ..
جورج : هههههههههه لوتس فتحي عينج ..
فتحتها : ما اعرف اتزلج ..
جورج : شوفي سوي نفسـي ..
غرز عصـاته جدام شوي .. ودفع نفس لجدام .. وتم يمشي لين نهاية الجبل وطاح ..
حطيت يدي على بطني وتميت اضحك ..
أشـر لي اني انزل ..
سويت مثـل ما سوى هو ..
حطيت عصاتي جدام ودفعت نفسي ..
واندعست في الثلج ..
نفضت ثيابي وقمت ..
رديت سويت نفس الحركه وطحت على صوب ..
تميت اضحك وبعدين تعبت وتميت قاعده ع الثلج ..
وصل لي جورج وهو ميت من الضحك ..
جورج : وتضحكين علي هااا .. انا على الاقل وصلت لين النهايه .. انتي متـر ما مشيتي ..
قلت وانا اضحك : ههههههههههههه حرام عليك جورج .. انا مشيت واايد ..
جورج : هههههههههههه ماشفت شي انا.. يلا قومي خلـنا نركب مره ثانيه ..
قلت : خلاص انا تعبت ..
جورج : مافي .. الا توصلين النهايه ..
ركبنا بدايه الجبل ..
جورج : سوي نفسي .. صدقيني مابتطيحيـن ..
قلت : بنشوف ..
سويت كل خطوه نفسه ..
انا مشيت وصرخت : وصصصصصصصصصصصلت ..
جورج كان وراي : هههههههه للحين .. جدمي عصاتج واسرعـــي ..
كنت اسوي مثل ما يقولي جورج ..
ووصلت وماطحت ..
استااانست ..
وصل جورج : مبرووووووووك ..
ضحكت : هههههههههههههه .. يلا خلاص انا تعبت ..
جورج : يلا تعالي نقعد في الكوفي وعقب نكمل مشوارنـا ..
قلت : اوكي ..

رحـنا وشربـنا لـنا قهوه دافيه .. وزادتنا نشـاط ..
بعد ما خلصـنا ..
جورج : يلا بوديج مكان حـلو ..
قلت : يلا ..
رحـنا صوب كراسي معلقين في الهوى ..
قلت : شنو هااااي ؟
جورج : تعالي يلا ركبي ..
قلت : لااا بطيــح ..
جورج : مابتطيحين .. في حزااام .. يلا ..
شافني متردده سحبني من يدي وقعدت على الكرسي ..
وقعد جنبي ..
مسك يدي : مابيصيـر شي ..
قلت : اصلا انا مو خايفه ..
جورج : هههههههه واضح ..
بدى يمشي وانا اشوف الثلج اللي تحتي والناس .. ما كنـا بعاد وايد عن الارض .. بس بعد حسيت بخوف ..
جورج : لوتس طحتي طحتي ..
وكان يقولها بشكل سريع ..
ضحكت : هههههههههه مو لهالدرجه ناقصـه عقـل .. انا اعرف اذا طحت ..
جورج : هههههههه ابي اخرعج .. بس بصـراحه طلعتي شجاعه ..
ابتسمت بخفـر .. عقب حسيت نفسي طفله ..
يلا خلني اتدلع دام اني ما تدلعت وانا صغيره ..

درنـا مناطق الثلج كلها ..
استانست واايد بهالطلعه ..

طول الطريـج واحـنا نسولف ونضحك ..
جورج : ها نتغدى برع ..؟
قلت : لا مافي داعي .. خلـنا نرجع البيت ..
جورج : على راحتج ..

كمل طريجه وكملـنا سوالف ..

وقف السياره عند البيت ونزلت من السيـاره وانا ماسكه بطني من الضحك ..
قلت : ههههههههههههههههه جوورج حـرام عليـــك اسكــــت ..
جورج : ههههههههههه وعقب ما انصدت حرمت اطلع بدون شور ..
قلت : ههههههههه تستاااهل .. عيل هاي طريقه يشردون من البيت .. ههههههههههه ..

دعمت حد وانا كنت منزله راسي من الضحك ..
رفعت راسي وفجأه ذابت البسمه من شفاتي ..
كأن انصب علي ماي حااار حرق ويهي وصار أحمـر وحـار ..


قلت منصدمه : ستيف ..!



:

: