آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
17-09-13, 11:43 AM
| #1 | |||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  تسلط إمرأة ! / الكاتبة : فتاة بلا ألم ، مكتملة
التعديل الأخير تم بواسطة لامارا ; 23-10-13 الساعة 07:28 AM | |||||||||||||
|  |
|
18-09-13, 10:45 AM
| #2 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  تـسلط امراءه وقـــــفــــــــــــه قال الرسول صلى الله وعليه آله وصحبه وسلم ( مافلح قوم ولوا عليهم أمراءه) ____ الجزء الأول ____ من هنا البداية...... دينا بصوت يكاد ينسمع وعيناه على الارض : نعم ناصر ام ناصر : وين راح الصوت ولا يوم شفتي الموت راح الصوت ناصر -يمه خليني اتكلم- اقسم بالله اني ما اتاخرت اخذت الدفتر وطلعت مرام : كذابه جلستي اكثر من ساعه وماندري يمكن قابلتي" قيسك" ونساك عمرك دينا : والله انتي الكذابه .............. سكت دينا ورفعت عينها الى ناصرويدها على خدها بس مرام ......... اسكتي ولا اعطيتك كف ثاني (ناصر) ام ناصر : مرام انا ربيتها ومن يتكلم عليها يتكلم علي ونتي و"وهي تمد باصبعها من فوق الى تحت " امك ماكان عندها وقت تربيك وقتها ضاع بملاحقة الرجال دينا :......الله يرحمها ناصر : اطلعي غرفتك والا علمتك كيف تكلمي من له فضل عليك طلعت دينا الى غرفتها حاولت ان تمسك دموعها لا تريدها ان تسقط امامهم وتضعف ولكنها لم تفلح كل شيء ضدها حتى دموعها اغلقت باب غرفتها وقفت عليه واسعادت نفسها تنفست بقوة ثم قالت رجل غبيي وامراءه متسلطه لا فرق بينه وبين امه مايعرف يظهر شطارته الا علي......... هو عارف ان ماحد يوقفه عند حده آه يا ياسر ليه تركتني ورحت اغمضت عينيها وتذكرت ذلك اليوم ياسر الله يخليك لا تتركني اسفه يادينا ماعاد صرت اصبر تعبت وانا اقول راح تتغير بس مافي فايده انت ياياسر مااستحملت امك كيف انا "الله يهديها " اه يادنيا متى ارتاح ............ ابتسمت دينا على كلمتها ارتاح وأنافي هذا البيت لااظن امسكت دفترها ربما حتى انت مللت من كثر ماشكي لك "دنيا الحرمان" اه يا موت ما تكسب جميل وتأخذ أنفاسي انا مليــــــــــت من دنـــيا والله مابــــيها حياتي مالها قيمه ولا معنى ولا ساس مــــــــــدام الحزن انكتب ينعاف تاليها انا عشت العمر ماســــاة في ماســـــــاة واحســــــــــاس يـــــــقول اني خلاص اصبحت نبته جف واديها اغلقت دينا دفترها واسلمت للنو "اما عند ام ناصر ومرام" مرام يمه الله يخليك والله ماراح اطول ام ناصر قلت لا يعني لا مرام يمه الله لا يحرمني منك بكره كل صديقاتي مجتمعات ام ناصر وش دخلني بصديقاتك مرام انتي ما تثقي في خلاص اذا شاكه بترباتك ماني رايحه ام ناصر انتي وش تقولين اسغفري ربك وخلاص روحي بس لاطولي "اشفيكم صوتكم طالع لشارع"ناصر مرام: ولا حاجه بس كنا نسولف انا وامي ام ناصر: تعرف دلع البنات مرام عزمينها صديقاتها على مطعم وانا وافقت ناصر: ايش مطعم لا ياحلوه هذه الحركات ماهي عندنا مرام: بس امي وافقت ناصر: وانا اقول لا ام ناصر :اظن ان الكلمه ماهي لك وبعدين محد يكسر كلمتي مليون مره اقولها ناصر: يمه بس ام ناصر: لا بس ولا حاجه بنتي وانا مربتها وبعدين قفل على الموضوع مرام: الله لايحرمني منك " وتقوم وتحب راس امها حاول ناصر ان يتمالك نفسه امام امه التي دائما تكسر كلمته ولاتعيره ايى اهتمام ولاكنه رجل مسؤل عنهم....... مرام وهي تضحك "وين رحت يا اخ ليكون خربت عليك الجو وانا مدري " ناصر: يمه شوفي ترباتك اقسم بالله لو ماسكتت لاعلمها مين ناصر ام ناصر وش فيها ترباتي الحمد لله ربيتكم احسن ترباه انت ومريم ومرام صح اني ماعرفت اربي ياسر بس خلي الدنيا تنفعه الله يهديه ويرجع عقله براسه وبعدين وين طالع الساعه "12" ونص مافي سهر يمه ماراح اطول "وحده "وانا في البيت ام ناصر : قلت مافيه سهر يعنيي مافيي سهر ويلا اطلع على غرفتك ناصر: يمه انا ماني صغير علشان تعامليني كذا الحين انا ولا ياسر الي طول وقته يتسكع بالشوارع ام ناصر : اقول من متى هاالكلام يلا على غرفتك ولا ناوي تسوي مثل العاق اخوك .................................................. ........ .................................................. ......... | ||||
|
| |
|
18-09-13, 10:45 AM
| #3 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ____ الجزء الثاني ____ لنرجع الى البدايه ام ناصر— نوره تزوجت ابو ناصر عاشت معه احلى ايامها وانجبت ناصر وياسر ومريم ومرام الا ان جاء ذلك اليوم الذي توفى فيه ابو دينا فقررابو ناصرالزواج من ام دينا ليحافظ على بنت اخيه " كما يزعم " وبهذا الزواج فقدت ام ناصر اجمل لحظات عمرها وضاع الزوج تمنت انتسمع صوته ان تراه ولو مرة في الشهر ولاكن لاحياة لمن تنادي تراكمت المسؤليات عليها حاولت ان تثبت لجميع انها لم تخصر شيئا بفقدانه الى ان جاء ذلك اليوم ""الذي مات فيه ابوناصر هو وزوجته في حادث """" ضاع املها تمنت ان يكون موجودا لا تريده ان يرجع لها ولكنا تريده على قيد الحياه باعت كل ماتملك من اجل ان تطعم صغارها كانت تخيط وتبيع لنساء وبذلك كونت لها مبلغ من المال اشترت لها بعض الاغراض كي تبيعها على الناس اصبحت تمر من بيت لبيت تعرض بضاعتها على النساء حتى كونت لها راس مال وفتحت لها دكانا وهكذا الى ان صارت اشهر من علم على نار "الم اقل لكم انها امراءه" ناصر : عمره 26ليس لديه ثقه بنفسه ضعيف الشخصيه اعتادت امه على حمل المسوليه وحدها دون ان تحمله أي مسؤليه ولكنه جبان لا يظهر شجاعته الا على ابنة عمه" دينا" ياسر:عمره 24شاب طيب ولكنه عصبي لم يستحمل تصرفات امه وخرج ليعيش لوحده مريم :عمرها22 طيبه وحبوبه قريبه من ياسر متزوجه من ابراهيم ابن عمتها ولديها "شهد" مرام :عمرها18 دلوعة أمها عاديه ولكنها تميل لجمال تدرس ثانويه عامه تكره شيء في الوجود اسمه دينا دينا : عمرها 18جميله والكل يشهد بذلك تدرس ثانويه عامه تعيش عند زوجه عمها بعد وفاة امها ولا ولي لها سوى ناصر .................................................. .......... ............................................ في المدرسه دينا : وهذا كل الي صار وفاء: ولله ان حالتك حاله في هذا البيت دينا: الحين المهم كيف اذاكر درس الانجليزي الي غبت فيه وفاء: تعالي عندي وانا اشرح لك الدرس دينا: لايعيوني بعدين يذبحوني وبعدين انتي حاولي تزوريني وفاء: احاول في السلطه العليا وبعدين مرام معزومه على مطعم هي وصديقاتها وانتي ماهم قادرين يسمحولك تزوريني واحنا جيران دينا: اصلا مرام ماتخاف من احد واللي تبيه تسويه واللي يقفها عند حدها ياسر وياسر ترك البيت وفاء :على قولك شخبار ياسر دينا : ماادري عنه اتصل قبل يومين ويسال وفاء وبضحكة تكتمها ويسال عن مين دينا :صدق انك ماتستحي الرجال ماتبيه يسال عن امه واخواته وفاء :وبس امه واخواته دينا وهي طقه مع راسه اقول انتي فاضيه خلينا نمشي ........................................... ............................... ياسر: وهو يقترب من ريم وبصوت عالي بووووو مريم : بسم الله علي وش جابك انت ياسر: خلاص ماتبغيني اروح مريم :ماهو قصدي بس يارجال ادخل وسلم ياسر: شفت الباب مفتوح قلت اسوي لك مفاجئه مريم : طيرت قلبي وتقول مفاجئه الله يعطيك العقل ياسر: شخبار شهوده مريم : البنت كبرت وصارت عروس وانت تقول شهوده ياسر: اجل نبي عريس حلو وكشخه مثل خاله مريم :لايعيوني الحين الدور عليكم انت وناصر ياسر: لا الدور على ناصر مريم :اقول ناصر محنا مقصرين معاه مابقينا بنت الاوخطبناها له وانت عروستك جاهزه وتستناك ياسر: ومين العروسه هذي مريم :دينا بنت عمي وين راحت ياسر " اطلق ضحكه اهتز له البيت بكامله : انت ايش قاعده تقولي انا اخذا دينا حرام عليك من يوم ماطلعت على الدنيا وهي بوجهي دوري لي عروسه ماعمري شفتها مريم :ياسر حرام عليك بنت عمي رايدتك وانت عارف اهلي ماهم مقصرين معاها ياسر: طيب انا ايش بيدي اكثر من ادعي لها بزوج الصالح مريم : ياسر ........ " خلاص مريم انا كل ما ازورك وأنتي تفتحي معي ها لموضوع ويقوم ياسر ويطلع مريم: ياسر ياسر ولله ماكان قصدي ازعللك وخلاص لكانت دينا مكتوبه لك راح تاخذا غصب عن الكل ياسر: طيب تامرين شيء مريم :امي تسال عنك ياسر: خلاص قولي لها امرها الخميس .............................. ................................ على الغداء في بيت ام ناصر مرام : دينا ابيك تشرحين لي درس الانجليزي الي ماحضرته دينا وهي تبلع ريقها وهي عارفه بطبع مرام التي تحاول ان تخلق لها المشاكل : بس انا مثلك غبت عن الدرس وماني فاهمه مرام: لايعيوني قولي من اول انك ماتبغي تشرحي لي الدرس ام ناصر: دينا وجع وليه ماتشرحين لها الدرس دينا :طيب انا مثلها ماني فاهمه الدرس مرام: طيب انا شفتك اليوم رحتي لمدرسة الانجليزي علشان تشرح لك الدرس دينا: اصلا مدرسة الانجليزي غايبه اليوم مرام :يعني انا كذابه دينا: انا ماقلت شيء واذا تبي تفهمي الدرس وفاء يمكن تجيني وتشرح لي الدرس ام ناصر: ومين وفاء هذي مرام : يمه هذي بنت جارنا ابو احمد ناصر: اخت احمد دينا :ا يه اخت احمد مرام: وانتي وش دراك عن احمد دينا "وهي تقوم وهي عارفه لوكملت الجلسه راح تقوم بكف من ناصر" "الحمد لله انا طالعه غرفتي تبون شيء" ناصر: ايه روحي خذي جزماتي " وانتم بكرامه" ولمعيها دينا وهي تسك على اسنانها : ابشر يا ناصر طلعت دينا وهي تمتم بكلماتها المعهوده ناصر وهو يلتفت على امه : يمه وش صار على موضوع الخطبه ام ناصر : والله مادري صار لهم اسبوعبن ومااحد رد علي ناصر: دقي عليهم واساليهم ام ناصر: ماهو وقته الحين ................................................ نهى: يمه زمان ما زرنا بيت عمتي ام ناصر ام نايف :ومن متى عمتك تطر على بالك نهى: يمه حرام عليك والله اشتقنا للبنات ندى :وهي تقرب من اذنها وكمان ناصر نهى: وع مالقيتي غير الخبل هذا ام نايف :وش فيكم ومين الخبل هذا ندى : لايمه سلامتك مافي شيء ام نايف: انارايحه انام ولا تطولون بالسهرالاختبارات على الابواب البنات انشاء الله .................... ................................ فهد: قولي ياناصر ايش فيك من يوم ماكلمتك وانت مانت على بعضك ناصر ياخوي طفشت من نفسي ومن الدنيا الي انا فيها احس اني مالي قيمه ولا وجود كلمتي بيد امي وين مارحت وماجيت نفسي تعاماني على اني رجال صاحب مسؤليه "ثم اخذ نفس عميق" اليوم سمعت امي تكلم ام حامد وقالت لها مالكم نصيب عندنا فهد: هونها وتهون واذا على البنت بتلقى عشره بدالها ناصر: يافهد مانت فاهمني هذي سادس بنت يخطبوها لي وانرد وانا عارف السبب فهد :طيب وش السبب ناصر: السبب اني رجال ضعيف الشخصيه مهما حاولت ابدى قوي قدام الكل احس نفسي مهزوم من داخل ضعيف واكمل ناصر طريقه دون ان ينتظر فهد .................................... .................................................. .. ام ناصر: انا وش قلت لك ماقلت ساعه وانتي في البيت مرام: يمه حرام عليك وش ساعه على بال اجتمعناا لبنات صارت ساعة ام ناصر: هذي اخر مره تقولي ودي اروح سامعه مرام:انشاء الله يمه ومايصير خاطرك الاطيب ام ناصر : يللا قومي وذاكري وجيبي نسبه ترفع الراس شوفي دينا ماغير قافله على نفسها وتذاكر مرام :يا هالدينا تجيب لي المرض وفي هذي الحظه دخل ناصرالسلام عليكم ام ناصر:وعليك السلام وينك ادق على جولك وماترد ناصر كنت مشغول تامري شيي يالغاليه ام ناصر كنت ابيك تمر المحلات وتاخذ الاجارات ناصر: انشاء الله يمه بكره امرهم عن اذنك انا طالع غرفتي مرام :يمه وش فيه ناصر ام ناصر وانا وش دراني وبسرعه اطلعي غرفتك .................................................. .............. يوم الخميس دينا : مرام وفاء اتصلت وتقول راح تجي تشرح لنا الدرس وانتي تبي تروحين مع عمتي مرام :اسكتي لاتسمعك امي وبعدين لفهمتي الدرس فهميني ام ناصر: بسرعه مرام الناس ينظرونا طلعت ام ناصر ومرام ودينا تتبعهم بعيوناها وتقول يارب متى تطلعون من حياتي رمت دينا نفسها على اقرب مقعد الحمدلله خلي الواحد ياخذ راحته وتقوم تكشف نقابها وللمعلومه " دينا من يوم عمرها اربع عشر وهي تتنقب عن ابناء عمها على طلب من ام ناصر" جلست دينا تتامل حالها وتقول من يوم دخلت هذا البيت وانا لم اذق طعم لسعاده ومن وين تجيني السعاده وانا عند هذي المراءه المتسلطه ومرام التي تففن في إيقاعي في المشاكل لك احصل على هديتي المعتاده من ناصر ولم يقطع تفكيرها الا صوت الجرس قامت دينا بخطوات متثاقله وهي تحمل هموم الدنيا وآلامها وفاء: ساعه وانا على الباب دينا: اولا قولي السلام عليك ولا ماراح ادخلك وفاء وبضحكه طفوليه خلاص السلام عليكم هاادخل دينا :اححم لا ماراح ادخلك وفاء وهي تدفعها وتدخل اشوفك ماتنعطي وجهه .................................................. . هيا: اقول مرام دينا ليه ماجئت معاك مرام :قلت لها بس تعرفيها ماتحب تجي عندكم هيا وهي كاتمه غيضها :ايييييييه صادقه ام ابراهيم: وشلون العيال معاك يام ناصر عساهم ماهم متعبينك ام ناصر الحمدلله ماتعبوني وهم صغار تبيهم يتعبوني وهم كبار بس ياسر الله يرد عقله براسه ماشفته من اسبوع مريم : يمه ياسر كان عندي قبل يومين وقال انه يجيك اليوم ام ناصر وليه ماقولتي من بدري مريم :نسيت يمه .................................... ..................... وعند وفاء ودينا وفاء: اقول دينا وشخبار حبيب القلب دينا: مين ياسر وفاء: لا ناصر .......اجل مين دينا: على اتصاله ذاك اليوم بس وبعدين.......... وفاء:خلاص اسكتي لاتقعدي سوي لي مناحه ماني ناقصه وجع راس دينا: انا الحين قاعده اسوي لك مناحه طيب ارويك بسرعه انزلي وجيبي لنا شيء نشربه وفاء لايعيوني انا الضيفه وانتي الي تخدميني دينا بلا حكي فاضي وبسرعه انزلي ترى البيت مافيه احد وفاء: طيب انزلي معاي دينا: خليني احل التمرين هذا على بال ماتجي وفاء : حاضر يادينا طلباتك اوامر وتقوم وتضربها بالمخده نزلت وفاء بدون أي حجاب بحكم ان البيت مافي أي احد ودخلت المطبخ في لحظه كان ياسر داخل البيت ياسر وينهم ماشوف احد في البيت لتكون مريم ماقالتها لا اسمع صوت في المطبخ دخل ياسر المطبخ في هذا الوقت كانت وفاء واقفه وظهرها على الباب وهي تسب وتسخط على دينا ياسر وهو يضع يديه على رقبتها كشفتك وش تسوين .................................. يتبع | ||||
|
| |
|
18-09-13, 10:50 AM
| #4 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ____ الجزء الثالث ____ وفاء وهي منصدمه وتحاول دافع عن نفسها: ....... ولله دينا...... انا ماسوي ..........بس....... وخانتها دموعها وركضت لدينا وفاء وترمي نفسها بحضن دينا والله ماسويت حاجه هو الي دخل وماقدرت تكمل وقامت تصيح دينا انتي ايش فيك وش صار وفاء :انا كنت في المطبخ ومدري مدري خلاص دينا اتركيني ودخلت بنوة بكاء دينا انا نازله واشوف ايش فيه وقامت ولبست حجابها ونزلت دخلت دينا المطبخ وشافت ياسر" ياسر الي كان بمكانه ماتغير وهو سرحان من ها الملاك الي شافه وما هو قادر يركز هو بحلم ولا بعلم " دينا : ياسر ايش فيك وايش فيها وفاء ياسر : وفاء وقام يردد اسمها بداخله دينا: ياسر اكلمك انا ياسر وخاف يفتضح فدام دينا : هـا مين وفاء وايش تقولين دينا وبحسن نيه :وفاء بنت جارنا ابو احمد كانت هنا بالمطبخ وبعدين وش صار ياسر ويكلم نفسه بنت ابو احمد :هــا قصدك البنت الي كانت بالمطبخ مدري دخلت المطبخ وشفت وحده حسبته مرام وهي خافت وطلعت تبكي دينا : الله يهديك طيرت قلب البنت ياسر والله ماكان قصدي واعتذري لها بالنيابه عني وطلع ياسر طلع وقلبه معلق بالملاك الي شافها وهو يقول معقوله هذي اخت احمد دينا وهي تمسح على راس وفاء : خلاص وفاء يعتذرك ياسر ويقول ماهو قاصد وفاء وهي تمسح دموعها يللا دينا انا طالعه دينا تو الناس والله ماجلست معاك زين وفاء اسفه ولله مااقدر اجلس اكثر عن اذنك ........................................ في مجلس ام ابراهيم ام ابراهيم : اقول ام ناصر وش سوى ناصر بخطبته ام ناصر : والله كاسر قلبي وليدي مابقينا بنت الاخطبناه له ومافي نصيب ام ابراهيم : يمكن عين في وليدك مريم : وش عين الله يهديك ياعمه مافي نصيب مرام وتبي تحرج هيا : اقول هيا وش رايك في ناصر التفت الأنظار كلها لهيا وهم ينتظرون اجابتها هيا : ...............ان ............... ويدق التليفون هيا : عن إذنكم ارد على التليفون هيا : الو مين نهى : هلا هيا هيا اهلين نهى زين انقذتبن نهى : من ايش انقذتك هيا : عندنا عمتي ام ناصر وانتي عارفه مرام وحركاتها نهى يعني جمعه وماتخبرينا هيا : هاانا خبرتك تعالي نهى :بعد ايش يللا مردوده لك انشاء الله هيا : اقول نهى بلا دلع واخلصي ليش داقه نهى طيب خلاص ابي اقفل بس بعض الناس يسالون عنك هيا وجهه تلون من الخجل: مين نهى : يعني مين بلا دلع هيا وهي تناظر على امها : طيب بكره اشوفك بالكليه نهى يعني تصريفه خلاص بقفل مع السلامه هيا : مع السلامه ام ناصر :يللا عن اذنك ام ابراهيم ام ابراهيم : تو الناس ام ناصر الليل راح وانتي تقولي تو الناس عن اذنكم ....................................... ..................... ياسر وهو يكلم نفسه انا من يوم ماشفتها وانا امشيي بدون هدف مابقيت شارع الا جيته معقوله بنت تسوي فيني كذا بس يا ليتها ما هي صديقة دينا الحين دينا وش راح تقول عني سامحيني يادينا انا ماقدر اكون لك انا الحين بدنياي وفاء وبس اه يا وفاء ........................................... ....................... فهد: اقول ناصر عندي لك عروسه مافي مثلها الكل يخطبها وهي ترفض وتقول انا مااخذ غير ناصر ناصرويعدل جلسته : ومين هذي وكيف عرفتها وهو يكتم ضحكته : هذي ياطويل العمر وحده مافي مثلها في الزين يتيمه مالها احد وطفشت من الجلسه لحالها وتبي رجال يونسها ويحميها وقبل مااقولك عن اسمها مثل ماانا اتعب وادور لك عروس لازم تزوجني وانت ماشاء الله عندك اخوات ناصر: وانا اقول وش عنده فهد يدور لي عروسه يعني كل شيء مقابل فهد انت عارف الدنيا كل شيء اخذ وعطى ناصر طيب مين هذي العروسه فهد : هذي ياطويل العمروحده................. لا خلاص اول اوعدني انك زوجني وبعدين اقولك مين هيه ناصر الله يطولك ياروح خلاص انت مين تبي وانا ابشر فهد: عادي أي وحده مرام ولا دينا ناصر : خلاص ابشر ازوجك بنت عمي دينا فهد: على وعدك ناصر: اخلص تراك حرقتني فهد : هذي وحده عزيزه على قلبي واحس الدنيا مالها طعم من دونها ناصر : تقول ولا اقوم فهد: لاخلاص اقول هذي" سلمى" جدتي الله يطول بعمرها ناصر وهو يقوم ويضرب فهد : انت ساعه وتلعب بأعصابي واخر شيء تقول جدتك سلمى فهد وهو ميت ضحك : وش فيه جدتي ناصر ياخي اذا جدتك طفشتك ودك تبلاني فيها فهد تراك على وعدك ناصر : يااخي اذا ودعك تخطب ماهو تلف ودور تكلم على طول فهد يعني موافق ناصر: لا افكر وارد عليك فهد : ناصــــــــــــــــر ................................................. ............................... الساعه ثلاث في الليل كان هناك عينان لم تذق لنوم طعما عينان أسهرهما الطارق الجديد الذي طرق على باب قلوبهم انها عينا ياسر ووفاء وفاء معقوله هذا ياسر الي تحبه دينا ويحبها ايييييييييه يادينا والله انك تستاهلي كل خير "ولله انها صدفه حلو جمعتنا انا وياه" وفاء انتي وش قاعده تقولي هذا امل دينا الوحيد في الحياه وانتي من يوم جيتي وانتي تفكري فيه بس نظراته كانت لي غريبه وشكلي اعجبته وفاء وجع انتي سامعه هذا امل دينا في الحياة وانتي تبي تخونيها وبعدين هو يحب دينا سامعه يحب دينا ............................................ .......................... يوم السبت الظهر في الكليه هيا : الله يقطع ابليسك امس افتكيت من مرام طلعتينا أنتي نهى: حرام اني اقول نايف يسلم عليك هيا اسكتي لاتفضحينا نهى: ارتاحي مافي احد وبعدين يللا خلينا نشوف السواق جاء ولا هيا: اقول نهى سواقكم هذا عمره ماجاء على الموعد نهى لا ما تعرفينه هندي وحاسدا على البياض ويبي يحرقنا بالشمس في هذا الوقت كانت في سيارة تدور حول البنات خالد : اقول عمر وقف وخلينا نرقم البنات الي هنالك عمر بس اخاف الهيئة ورآنا خالد لا ماعليك انت وقف وانا انزل ويوقف عمر وينزل خالد هيا شوفي هذا قرب عندنا نهى ماعليك منه و لا تعطيه وجه "خالد شاب مغرور بعمره جماله خياااااااااااال وفوق هذا كله ولد اسره غنيه ومعروفه " خالد وهو يقترب من هيا ويمد رقمه هذا لتعارف " الاخ واثق حتى مايرمي الرقم " نهى : بلا قلت حياء وضف وجهك خالد اظن اني ماكلمتك ولا زعلتي اني مااعطيتك رقم نهى وهي تغلي من الحقير الي قدامها : ايييييييييه زعلت ابي رقم علشان اعطيه اقرب هيئة امر بالمعروف ونهي عن المنكر خالد وهو يضحك وليه لك سوابق فيها هيا : اقول نهى اتركينا من التافه هذا والسواق جاء خالد عاشت الاسامي اسمك ماهو غريب علي يمكن مكلمه واحد من الشباب الاخت احست نهى ان هذا الحقير بدا يتهمها بشرفها وكانت ممسكه كولا وقبل ان تركب السياره التفت اليه وقالت طيب خذ رقمي وتقوم وتنشر الكولا على ملابسه وركبت السياره وتحركت هيا انتي مجنونه وش سويتي نهى انتي سامعه كلامه وش يقول عني وبعدين ماقدرتي تنطقي اسمي غير قدامه في سيارة عمر خالد : عمر بسرعه الحق وراء السياره هذي عمر وهو يحرك السياره وش فيك وملابسك وش جاءها خالد "ألحيوانه" ((أسفه على اللفظ )) خلتني مسخره للبنات عمر افا مين هذي خالد يكلم نفسه طيب يانهى ماكنت خالد اذامخليتك فضيحه على كل لسان .............................................. ................................ مريم وصوتها بدا يرتفع : قلت لا يعني لا ياسر: مريم حرام والله البنت اخذت قلبي وعاجبتني مريم انت الحرام عليك مالقيت غير صديقة دينا تبي تحرق قلب البنت ياسر طيب وش اسوي هذا حظي مريم: اسفه يا ياسرانا ماقدر اقضي على قلب ادميه عاشت طول عمرها حاطه املها فيك ياسر ويطلع برا خلاص اكلم مرام تنفعني اكثر منك مريم : ياسر مرام لا لا وطلع ياسر ..................................... يتبع | ||||
|
| |
|
18-09-13, 10:51 AM
| #5 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الجزء الرابع ندى : انتي الغلطانه وبعدين ماتعرفي تسكتي نهى لايعيوني انتي ماسمعتي كلامه يقول لك سوابق بالهيئه ندى بس حتى ولو ماهو تكبي عليه كولا حرام خربتي كشخته نهى اسكتي لو انتي يمكن سويتي اكبر من كذا وبعدين خلاص افتكينا منه ندى انت ايش دراك انك افتكيتي منه نهى اقول لاتكبرالسالفه وجيبي لي كولا من الثلاجه ندى اشوفك حبيتي الكولا نهى أييييييييييه حبيته لانه انقذني من الحقيييييييييييير ........................................... ....................... في بيت ام ناصر كانت العائله كلها مجتمعه ناصر وياسر ومرام ودينا ام ناصر: وينك ياسرلان اكثر من اسبوع ماشفناك ياسر : اعذريني الغاليه اشغال ومريتك يوم الخميس وملاقيتك دينا :صحيح ياعمه جاء يوم الخميس وانتي عند ام ابراهيم مرام :وانتي من حطاك محامي دافعي عنه ياسر : مرام احترمي نفسك واطلعي على غرفتك مرام : طيب انا ماقلت شيى ياسر : قلت اطلعي على غرفتك بسرعه ام ناصر اترك البنت براحتها مرام : والله توبه مراح اتكلم بس ابي اجلس عندكم ياسر قلت اطلعي يعني اطلعي وبعدين ابكلمك بموضوع دينا بضحكتها المعتاده : قول من الاول كذا مرام وهي طالعه انتي ايش دخلك لاتكوني غيررررررررررانه انحرجت دينا من كلمة مرام وتقول بنفسها "مالت عليها بس غريبه ياسر يكلم مرام بموضوع وش هالموضوع " ياسر :عن اذنك يمه انا طالع اكلم مرام ما بقى بالمجلس غير ام ناصر وناصر ناصر وهو يلتفت لدينا : دينا انتي متى تخلصي الثانوية دينا وهي مستغربه سؤاله : باقي اسبوع على الاختبارات اختبر واتخرج ناصر: اجل هدية التخرج علي ام ناصر :غريبه ناصر ماهو من طبعك تهدي لاحد ناصر باتسامه : لايمه هدية دينا غير وراح تفرحك طالعت دينا ناصر :مشكووور ناصر انا طالعه اذاكر طلعت دينا وهي تفكر بهدية ناصر" يا ويلي منك يا ناصر وش مخبي لي" ارادت ان تدخل غرفتها ولكنها سمعت صوت خارج من غرفة مرام "ومن حسن الحظ غرفة دينا ومرام متجاروتان" مرام : يعني ماحبيت غير وفاء هذي ياسر: حرام عليك والله انها حرمتني النوم واخذت قلبي وابيك تسادعيني مرام : اساعدك بس بغير وفاء ياسر بس انا ابي وفاء لو اقعد طول عمري ما زوجت .................................................. ....... احست دينا ان الدنيا تدور حولها وان كل ما امامها خطوط سوداء متشابكه بعضها مع البعض تمنت ان لاتسمع ان تصاب بالصصم على ان تسمع كلمه من هذا الكلام حاولت ان تهرب لكن رجلا لم تطاوعها اردت ان تصرخ صرخه يسمعها اهل الكون جميعا لكن لسانها عجزان ينطق شيء ضغطت على يديها بقوه ارادت ان تقول نذل جبان حقير لكنها تراجعت في النهايه سحبت نفسها بقوه ودخلت غرفتها اغلقت الباب خلفها بقوة رمت نفسها على السرير بقوه بكت بكاء مرا حتى جف معها الدمع وهي تقول "حرام عليك ياوفاء ليه تسوي فيني كذا انا ايش سويت لك علشان تخونيني" يارب ارحمني يارب ألهمني الصبر ياسر ليه تعلق قلبي فيك وتتركني انا وش سويت لك وش سويت ودفنت وجهه بالمخدة وهي تصيح .................................. ..................... في احد شقق العزاب عمر: الحين ايش ناوي تسوي خالد : البيت وعرفته واسمها باكامل اخذته عمر والله انك منت هين خالد : راح اجيها بالطيب وان ماجت اجيها بالغصب ونشوف مين يضحك بالأخر عمر: خالد بالله اترك البنت بحالها وريحنا منها خالد: لا.... ماهو خالد الي يكون مصخره للبنات عمر : تصدق ياخالد تمنيت اني اصورك امس بالجوال وارسلها لشباب علشان يستانسون خالد : تنكت انت وجهك بدر وهو داخل بالعرض: وش السالفه وخلو البنت علي خالد : لا البنت انا الي اربيها ................................. .................. ثاني يوم في المدرسه في الفسحة دينا جالسه تكلم نفسها وهي تشوف مرام تاخذ وفاء وتكلمها "اه يالخاينه ولله خذيه واشبعي فيه القلب انجرح وخلاص" ولله يادينا حتى الصداقه فشلت فيها قطعت تفكيرها وفاء وهي دقها مع كتفها وين الاخت دينا ها معاك وفاء واضح انك معاي ولامع حبيب القلب دينا وهي تكتم نفسها وتقول في نفسها وتعرفي تلعبي الدور ياوفاء وفاء ايش فيك يادينا من يوم ماجيتي المدرسه وانتي منت على بعظك وتكمل وفاء وهي تغمز بعينه لاتكون هذي مفعول الزيارة الأمس ودينا بنفسها وكمان قالها انه جاء امس وفاء: دينا والله ماتكلمتي لاقوم عنك دينا .....يكون احسن وفاء دينا انتي ايش فيك .........ناصر زعلك .........ولا مرام .........ولا ... قطعت دينا كلامها ........لا تسوي نفسك مانتي عارفه انا خلاص انخدعت في اقرب الناس لي انت وياسر ليه تلعبي علي كان قلتي لي من الاول علشان اريح قلبيي ..........وماقدرت دينا تكمل وخنقتها العبره وفاء وهي مصدومه من الكلام الي قالته دينا ...... دينا ايش تقولي ماهو انا العب عليك واذا كنتي تبي تعرفي انا ايش قلت لمرام اقولك دينا خلاص مابي اسمع اتركيني لوحدي وفاء : وهي تجلس مقابل دينا : دينا ريحي قلبك انا وياسرعمر ماكان بينا شيء يمكن الصدفه الى جمعتنا وكانت عابره وكل واحد راح لسبيله وتقوم وفاء دينا تعرفين ايش قلت لمرام قلت "اهلي ما سموني وفـــــــــــاء عبث" وتمشي وفاء تاركه دينا منصدمه دينا وهي تتبعها وتقول بنفسها خليني اخسرالكل الا انتي ياوفاء ................................... ..................... الساعه وحده ونصف ظهرا في الكليه هيا : بسرعة نهى اركبي نهى: طيب وتركب و تقفل باب السياره هيا : نهى ايش فيك تاخرتي نهى : حرام عليك هي دقيقة كلمت نوره وطلعت وبعدين... .... هيا :..... نهى اسكتي شوفي وش هذا نهى بصوت منخفض : عيب يمكن هذي الرساله لسواق هيا : خلينا نضحك ونشوف المدام وش كاتبه له هيا وهي تقرا و منصدمه: نهى هذي الرساله لك نهى : ايش تقولي ومن مين هيا : اقري وش مكتوب نهى تاخذها وتقرا "بسم الله الرحمن الرحيم " "اختي : نهى" "السلام عليكم ورحمة الله وبركاته" " لن اطيل معاك " "فقط اعتذر لك عما بدر مني" "واشكرك من اعماق قلبي " "فلقد اصحيتيني من غفوتي " اخوك نهى تتامل الرساله و تفكر معقوله يكون هو هيا : نهى مين هذا ليكون الي كبيتي عليه الكولا نهى وهي تقفل الرساله وتحطها في شنطتها : يمكن ليش لا الله هداه.......... ويمكن يلعب علينا هيا : ماهو معقوله يلعب لو يلعب ماقال اختي وقال حبيبتي وكان حط رقمه او على الاقل اسمه نهى وهي سرحانه كل شيى جايز .................................. ................... في السياره الثانيه عمر : تظنك شافوا الرسالة خالد : انا حطيتها بمكان واضح الأعمى يشوفها عمر : والحين وش ناوي تسوي خالد : كل شي بوقته حلو ............................................ ............................ في بيت ام ناصر كانت دينا جالسه تابع اخر الأخبار مرام وهي تجلس جنبها وتاخذ الريموت منها مرام شخبارك دينا دينا: وعينها على التلفزيون الحمدلله ماهو بالعاده تسالين مرام: بس اليوم غير وعندي لك خبر يفرحك دينا خير انشاء مرام : امس ياسر كلمني ويقول وده يخطب وفاء ويبغى يعرف رأيها دينا : وهي كانت متوقعه هذا الكلام من مرام وعينها لسع على التلفزيون وتسوي نفسها الموضوع ماهو هامها وبعدين مرام وحست بقهر اقولك وده يخطب وفاء صديقتك وتقولي وبعدين دينا : الله يوفقهم هذا الي اقدر اقوله وتكمل متابعة الاخبار مرام وحست بخيبة امل وتروح وتغير على قناة الاغاني وتقوم دينا وتطلع غرفتها ......................................... ...................... ام احمد وش فيك وفاء من يوم وانتي جيتي من المدرسه وانتي ماانت على بعضك احد زعلك دينا صار لها شيء وفاء : لا يمه الله يطول بعمرك بس شوي مصدعه احمد وهو يطلع من جيبه حبوب بندول طيب خذي وروقي خلينا نشوف وفاء الخبله وفاء بابتسامه باهته : الله يسامحك يااحمد ويدق التليفون ويقوم احمد ويكلم دينا : الو....... السلام عليكم ...........وفاء موجوده احمد وعليك السلام " وحب يتلقف عليها ايه من اقول لها دينا وحده من صاحباتها احمد طيب انا عارف انك وحده من صاحباتها بس شو اسمك دينا تعطيني وفاء ولا اقفل احمد: طيب..... طيب وينادي على وفاء .... وفاء تعالي كلمي وفاء: مين احمد وش درأني وحده رأسها يابس وفاء ...الو ....مين دينا : الله يسامحك ماعرفتيني وفاء وتضحك هلا دينا ........بس احمد يقول وحده راسها يابس وماتوقعتها انتي دينا ..هذا احمد الى كلمني ...والله انه خبل مثل اخته وفاء ......حاسبي كلششششششششش ولا احمد دينا : بلا دلع ..بس حبيت اعتذر عن اليوم الي صار وفاء: ولو ما صار الا كل خير دينا خلاص اكلمك بعدين ناصر جاء...... مع السلامه وفاء مع السلامه احمد : يمه راسي يوجعني وتعبانه ومدري ايش واخرتها ياوفاء مشتاقه حق الدينا هذي وفاء : ايييييييييه عندك مانع ......................................... يتبع ....... | ||||
|
| |
|
18-09-13, 10:51 AM
| #6 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الجزء الخامس ناصر وهو ماسك يدا دينا و يضغط عليها بقوة : قولي بسرعه كنتي تكلمي مين وليه لما جيت قفلتي دينا: والله كنت اكلم وفاء بنت جارنا ناصر : كذابه .. ويضغط اكثر على يدها دينا ناصر الله يخليك انت تعورني اتركني والله انها وفاء ناصر : والله اكبر سعاده لي لما اشوفك تتالمي تعرفي ليه دينا وهي تصيح : لييييييييييه ناصر : لان امك حرمتي ابوي خلتني اعيش ناقص ما تهنيت بطفولتي مثل خلق الله صار الكل يشفق علي الكل يرحمني الكل يدافع عني لييييييين ما صرت ماقدر اطالب باي حق دينا وهي تمسح دموعها : انت قلت امك يعني انا مالي دخل وبعدين انت الله حرمك من ابوك وعوضك با امك واخواتك واخوانك ولا انا انحرمت من الكل انحرمت من ابوي وامي انحرمت حتى من الاخوه وفوق هذا كله حرمتوني من السعاده حرمتوني اني اعيش مثل خلق الله وحملتوني ذنب انا ماسويته وسحبت يدها من ناصر وركضت لغرفتها ........................................... .................................. ياسر وهو يكلم مرام بالجوال ياسر : طيب وش قالت مرام : مدري ماعندها سالفه تقول كلام مدري وش قصدها فيه ياسر : مثل ايش يعني مرام : مااذكره بس الله الي حفضته "ان اهلي ما سموني وفاء عبث " ياسر وهو يضرب يده على الجدار اخخخخخخخخخخ مرام ياسر وش فيك وبعدين دينا حرشتها عليك ياسر خلاص اقفل الحين وبعدين اكلمك وراح ياسر لعند الشباب في القهوه احمد : ياسر انت ايش فيك من يوم ماجيت وانت ماانت على بعضك ياسر تعبان يخوي ومصدع من ريحة الدخان والشيشه احمد: طيب اعطيك بندول ياسر: ياليت لو عندك احمد ويدخل يده في جيبه ..........اعذرني ياياسر اخر حبه اعطيتها وفاء ياسر وحس قلبه عوره: خير وش فيها وفاء احمد وهواستغرب ردة فعل ياسر: مافيه غيرالدلع كل هذا علشان ماسمعت صوت هالدينا ياسر: وهو يقول في نفسه معقولة لهدرجه علاقتهم قويه ......................................... ...................... وتمر الأيام والأسابيع وتخلص الامتحانات نهى : وهي تنزل من الدرج وبسررررررعه مبرررررررروك ياندى نجحتي ندى وهي تركض لها انت وش دراك نهى: قريت اسمك بالانترنت انتي ودينا ومرام طيب كم نسبتي نهى لالالالاماراح اقول لك اولا اعطيني البشاره ندى خلاص لك الي تبيه بس بسرعه قولي لي نهى جبتي ياحلووووووووووه (88) ندى الحمدلله طيب ودينا ومرام نهى دينا ماشاء الله غطت على الكل ام مرام نسبته يعني ندى قولي بسرعه لاتحرقينا نهى ياعيوني المصريه دينا جابت (93) والدلوعه مرام جابت (84) ندى :طيب خليني ابشرهم نهى: لا انا ابشرهم وركضوا البنات على التلفون .................................... ................. يوم الخميس بالليل مرام : يمه ابي جوال مثل ما وعدتني ام ناصر خلاص انا عند وعدي مرام : وكمان ابي اسوي حفله اعزم صديقاتي عليها ام ناصر :ابشري ومايصير خاطرك الا طيب ناصر : وش الدلع يمه جوال وحفله ماصارت مرام : ليييييييه غيران ناصر: عاد من زين ها لنسبه لو جبتي مثل المصريه هذي ويشر على دينا كان ام ناصر: صح ناصر انت وعدت دينا بهديه لتخرجت وش هي ولا نسيت "دينا وتمنت ان ام ناصر ما اذكرت ناصر بالهديه" لامشكوووور ناصر ماابي شيء مرام : ياسلام ومن متى ناصر يهدي هدايا ناصر : لا مانسيت يمه وهديتي ماهي مثل هديتك بس ابي رايها في الهديه قبل كل شيء تمام يادينا دينا وهي تبلع ريقها : طيب ناصر: هديتي لدينا عريس راح يريحها ويسعدها مرام في هذا ألحضه انقهرت وطلعت غرفتها ام ناصر: ومين هذا العريس ناصر : صاحبي فهد كل يوم داق وغثني الرجال وينتظر الرد ويلتفت لدينا ها وش رايك بالهديه دينا وهي منصدمه وماهي مستوعبه الكلام الي سمعته الهديه ........ها......بس ..........انا .......... ناصر بسرعه قولي رايك دينا ..........انا ..........لا........... .. .... ....... سوي الى تبيييييييييييه وخافت تفضحها دموعها وركضت لغرفته ام ناصر جالسه في الصاله هي وبنتها مريم : يمه طيب ودينا وش رايها ام ناصر ماادري عن خيبتها ولو انه ماهو فهد كان رفضته مريم : يمه لا تقطي نصيب البنت ام ناصر : ويهون عليك تزوج دينا قدام اختك مريم : كل شيء قسمه ونصيب ام ناصر : والله البنت مقطعه قلبي من يوم درت ان دينا انخطبت وهي قافله على نفسها ودموعها ما كفت .......................................... ......................... ندى وهي تدخل غرفة نهى بدون استذان كنت متوقعه انك جالسه تقري هالرساله نهى : بسم الله طيرت قلبي ..............وبعدين وش دخلك ندى : أنتي ما مليت من ها لرسالة ابصم بالمائة انك قريتها فوق مليون مره نهى : ماني مستوعبه المكتوب ونفسي افهم مغزى هالرساله ندى : يابنت الرساله واضحه مثل وضوح الشمس وبعدين انتي قلتي انك بعد الرساله عمرك ماشفتيه عند الكليه نهى : خلاص اتركينا من الرساله وقولي لي انتي رايحه يوم الاثنين بيت عمتي ام ناصر ندى : اكيد اروح وبعدين مرام قالت انها عازمه وفاء نهى: ومين وفاء هذي ندى : هذي صديقة دينا وسمعت من مصدر غير موثوق فيه ان ياسر يموت على التراب الي تمشي عليه نهى وهي تضحك ومين هذا المصدر الغير موثوق فيه ندى : ومين غيرها ....مرام .......... ........................................ ......................... في الاستراحه عند الشباب ناصر : مبروك فهد العروس وافقت والباقي عليك فهد الله يبارك فيك ...... وعقبالك ناصر : وانتبه ترى البنت يتيمه ومالها حد الله الله فيها فهد : ابشر وانشاء الله ماراح اقصر عليها بشيء ناصر : الحمد لله افتكينا من دينا وبقى غير مرام فهد : ولييييييييه عاله قلبك البنت ناصر : وماهي عالته وبس وباطته فهد وهو يضحك : وانا اقول ليه الاخ سوى جميل وزوجني طلعت تبي الفكه منها ناصر: اييييييييييييه ابى الفكه منها ومنك ههههههههههه __نبذه مختصره عن فهد __ فهد شاب عمره (25) سنه اسمر ملامحه حلوه عاش حياته مشتت بين امه وابوه الي فرق بينهم الطلاق وفي النهايه استقر عند جدته الي ربته لا يؤمن بشيء في الوجود اسمه حب بس له قلببببببب كبيرررر .................................................. .......................... وفاء وهي منسدحه على السرير وتكلم نفسها اه يا ياسر وش سويت فيني والله اني مشتاقه لك ولشوفتك انتي جتك الفرصه بس انتي الي رفضتيها بس كيف اخون دينا وهي اعز صديقاتي طيب هو مايحب دينا يحبك ويبغي يزوجك لا مستحيييييييييييل اخذه انتي تكذبي على نفسك انتي تموتي فيه وسعادتك معاه والله احبك يا ياسر وتنهدت تنهيده لا يعرفها غير المحرومييييييييين يارب مافي احد مرتاح وسمعت صوت امها تنادي عليها وقامت وراحت لها ............................................. ........................ مريم : هيا تدري ان دينا انخطبت هيا وتقوم وتجلس جنبها : احلفي مريم: والله صحيح ابراهيم وهو يتصفح الجريدة : ومين الي خطبها هيا : صح مين هو مريم : مااعرفه بس اسمه فهد صاحب ناصر ابراهيم : ايييييييه اعرفه خوششششششش رجال هيا : ياعمري يادينا راح تزوجي وترتاحي ابراهيم وهو يبتسم ابتسامه خبيثة وليييييييييه انتي مانتي مرتاحه هيا وتوها تستوعب كلمتها : هــــــــــا الا مرتاحة ونص وخافت تنكشف وقامت وطلعت ................................................ يتبع.......... | ||||
|
| |
|
18-09-13, 10:59 AM
| #7 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| - الجزء السادس - ابو نايف : اقول نايف متى تفرحنا ونشوف عيالك نايف : انشاء الله قريب ام نايف : انت تختار يا نايف ولا انا ادور لك احسن عروس ندى وهي داخله ومعها دلة القهوه : لايمه خليه هو يختار نايف وهو عارف باختيار ندى: لاابيك انتي الي تختاري لي ندى وهي تكتم ضحتها وطالع بنهى : طيب واثق باختياري نايف : ايه مليون بالمائه ندى : طيب ما تتراجع نايف : لالالالالالالالالال نهى طيب انا اختار.......... امممم انت متاكدا انك ماراح تتراجع ام نايف : الله يطولك ياروح انتي العتب ماهو عليك العتب على الي اعطاك وجه نايف : خلصينا وقولي بسررررررعه ندى : انا اختار مرام بنت عمتي ام ناصر نهى : حررررررام عليك انتي صاحيه ولا مجنونه ندى : هو قال اختاري وهو وعدني انه مايتراجع صح يا نايف نايف منقهر من حركتها : اقول روحي دوري لك عيل والعبي معاه ندى والله امزح معاكم ام نايف وش فيها مرام مشاء الله عليه نايف : إحنا ما قلنا في البنت حاجه بس انا ما أبيه نهى : طيب وش رايك في بنت خالتي هي ندى وهي تبي تقهر نايف : وع من زينه نايف : انا ما اقول دوري لك عيل والعبي معاه يللا ضفي وجهك نهى : هـــــــــا نايف وش قلت نايف : الشورى لأبوي وأمي ابو نايف اذا البنت عاجبتك من بكره اخطبها لك والله يوفقك ايييييييييه عاجبتني وابيهههههههههه ويقوم نايف ويحب راس ابوه وامه ............................................. ................ على العشاء الكل مجتمع ام ناصر ناصر ياسر ومريم ومرام ماغير دين ام ناصر : طيب هو خطب دينا بذاتها ولا انت الي قلت له ناصر : لا هو قال أي وحده وانا قلت ازوجك دين ام ناصر : حسبي الله عليك وش فيها اختك هي بايره تقطع نصيبه مرام وهي غاصت بالأكل :احمممم انارايحه اشرب موي ناصر : لايمه ماقصدي كذا بس قلت هم ونرتاح منه ياسر: الله يسامح يا ناصر من متى وبنت عمي هم ام ناصر : انت طول عمرك ما تفهم الحين وش يقولوا الناس عنا بنتهم بايره ومااحد ياخذه ناصر : طيب انا وش اسوي ام ناصر مين بكره تروح وتقول له انا دينا ما تصلح وماهي قد المسئولية مريم : حرام عليك يمه تقطعي نصيب البنت ناصر وهو عصب من امه طيب يمه انا قلت انا البنت موافقه ام ناصر : انت طول عمرك وانت ماتعرف تتصرف دبرها بحالك وقامت ام ناصر لغرفته مابقى في المجلس غير ناصر ومريم وياسر الي لزم الصمت وهو عارف طبع امه الي تبغاه غير يصير بقى الثلاثه وكل راح يطالع في الثاني وماهو عارف وش يقول في الاخير ناصر ماقدر يستحمل وطلع برى مريم : هـــــا ياسر وش رأيك با لصار ياسر بعد ماتنهد : ماادري وش اقول بس تمنيت ان دينا تزوج وارتاح منه مريم وهي تعبس وجها : ولييييه هي مهي مريحتك ياسر : ماهو قصدي ..........بس وفاء مستحيل ترضى في مدام دينا تزن فوق راسه مريم وهي معصبه وتقوم : انت قول من الاول ان هذي البنت ماهي هامتك قول ان همك نفسك وبعدين حرام عليك عمر دينا مااذت احد ليييييييييه تقول عنها كذ والله صدمتني ياياسر اخر واحد توقعته انت تقول هالكلام وطلعت مريم وهي دق باب غرفة دين و تمسح دمعته دينا .....ادخلي.........مريم مريم بضحكه اصطنعتها : وش دراك اني مريم دينا .ما يبغاها ذكاء....ماحد يدق غرفتي غيرك مريم ............ ايش تسوي دينا ... ولاشيء .....اقر كتاب ..أهـدته لي وفاء مريم: وش اسم هــاالكتاب دينا ... "اسعد أمراءه بالعالم" .........لشيخ عائض القرني مريم ..........حلوووو دينا : وش اخبار شهههههود وينها ماجئت معاك مريم : تركتها عند عمتي دينا : الله يسامحك ......كان خلتينا نعلب عليه مريم ....هادينا كيف النفسيه ... دينا ......... مافي تغير ......... مريم .........لا اقصد مع الخطبه ......... دينا ........عادي ما فرقت معاي ........ويمكن ارتاح مريم .....طيب استخرتي ....... دينا: ......... ايييييييييه مريم : ليه تقوليه بدون نفس دينا .....ايش تبني اقول ....اقول ان ناصر ماعطاني فرصه عالشان افكر ولا اقول ان ياسر حطم حلمي بختياره ..........بس صدق عرف يختار ولا اقول ايش ولا ايش مريم اسفه دينا ماكنت ابي اضايقك .... وان كان فهد فيه خير ربي ييسر دينا ......انشاء مريم يللا دينا عن اذنك دينا لا تو الناس مريم : حرام شهد تركته وبكره حفلة مرام وراح تشبعي مني ........................................... .................... عمر : خالد انت لك شهر وانت ما سويت حاجه خالد : لا تخاف اليوم مخطط اسوي شيء عمر: وش تسوي خالد راح تشوف ........................................... ......................... | ||||
|
| |
|
18-09-13, 11:00 AM
| #8 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| - الجزء السابع - ثاني يوم العصر في بيت ابو احمد وفاء الله بخليك ياحمد .........والله اخر مره شفتها فيها في المدرسه احمد: ياسلام كل هذا شوق لها ... اجل كيف لو زوجة ... راح جنني زوجه وفاء : انت قلت لو زوجة احمد ..طيب ولي يقولك انها انخطبت وملكتها قريب وفاء منصدمه هي وشوي تبكي : انت كذاب ...... والله كذاب احمد : ايش فيك وليييه وجهك تغير لونه كل هذي فرحه وفاء وهي ماسكه نفسها : احمد الله يخليك انت صادق احمد: ايييييييه هذا كلام ياسر لي وفاء وخلاص ماهي قادره تستوعب الي يقوله : طيب اروح له احمد : روحي بس لا تسهري وفاء وهي رايحه غرفتها : طييييييييييب دخلت غرفتها وسكرت الباب وراها وقفت عليه ونزلت دمعته والله انك تستاهلي يا دينا كل خير وياسر خلاص راح انساه بس انتي كذابه مراح تنسيه بسهوله هذي بس حرام أخون دينا وأفكر بزوجه ماحد قالك ترفستي النعمة برجلك لو مارفست النعمه برجلى كان مازوجها ياسر ايييييييييييه يادينا الله يسعدك ويصبرني ..................................... ......................... في السيارة ابو نايف ندى الحين هذا الرجال ماهو شايفنا في السياره ويقف ابوي ويساله قلت رجال في الشارع ام نايف : بنت عيب وش هالكلام نهى الي كانت بعالم ثانيه ومهي قادره تفهم الي يصير معقوله يقول لابوي لا هو مايعرفني بس قال انه تاب وترك الحركات هذي ياويلللللللي لو قال لابوي نهى ماصحت من تفكيرها الابصوت تسكير الباب ندى ها يبببه وش عنده الرجال "نهى الي قلبها طار وتمنت نهى ماسالت ابوه" انتي وش دخلك وانتي وش الحارقك خليني اتلقف ام نايف : اييييه ابونايف وش عنده الرجال ابونايف : ما عنده شي الرجال يصلي عندي في المسجد وفقدني اليوم ويسال "ابو نايف امام مسجد" ندى ويقفنا علشان يسلم والله انه فاضي ابو نايف : عيب تقولي عنه كذا وبعدين تعرقي هذا ولد مين نهى وندى بصوت واحد : ولد ميييييييين ابو نايف " اشفيكم بسم الله ...... وترى هذا ولد حامد صاحب اكبرشركه في السعوديه نهى وهي تبلع ريقها " معقوووووووووله ندى : وليييييييييه ماهي معقووووووووله نهى : هــــــــا ولا شي ................................................ ................. في الحفله عند ام ناصر البنات كلهم مجتمعات في الصاله وبين سوالف و ضحك ومزح ندى : اقول مرام لييييييه ماجئت وفاء مرام كلمتها تقول تتاخر شوي هيا : مبررررررررروك يادينا مقدم دينا : الله يبارك فيك نهى على ايش تباركي القبول بالكليه او شي ثاني مرام وبدون نفس .....لا ...دينا انخطبت ندى وبلاقفاتها المعهوده تقوم وتمسك دينا مع اذنها : احنا وش اتفقنا انك ماتزوجي قبلي ... اه يالخاينه وضحك البنات كلهم ويقطع ضحكهم دقة الجرس دينا اكيد وفاء هذي انا رايحه اشوفه دينا : اهلين وفاء وتمسكها وضمها على صدره وفاء : اه يالقاطعه .... ولا تسالين دينا : والله غصب طروفي ماتسمح..... وفاء أي ظروف .......ايه نسيت مبررررروك دينا : الله يبارك فيك وتاخذها دينا ودخلها عند البنات في ألحظه كان ياسر في عالم ثاني ماهو مصدق الي شافه اييييه يا وفاء الله يسامحك خليتني مثل ألحرامي أترصد لشوفتك بس لا تلوميني انا ماقدر اعيش بدونك بس ايييييييييه لقيت الحل وراح والدنيا ماهي واسعته ............................................. | ||||
|
| |
|
18-09-13, 11:01 AM
| #9 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| - الجزء الثامن - دخلت وفاء عند البنات والكل انبسط بوفاء وبطيبته ندى : اقول وفاء ايش راح تدخلي تخصص وفاء : مدري على حسب النسبه ويمكن ماادخل الكليه دينا : لا تكوني ودك تعرسي وحنا ماندري وفاء: اييييييييييه والعريس اتكسرت يدينه وهو يدق قلنا حرام نفتح الباب البنات ماتو ضحك على كلام وفاء مرام وهي تبي تحرج وفاء : اذ ودك ترحمي الناس ارحمي اخوي قبل كل شيء التفتن البنات على وفاء وبيشوفن ردة فعله وفاء وجها صار مثل الطماطم ومنقهره من اسلوب مرام وتقول بنفسها ايش هذي ماترحم هييييييه عارفه انا ياسر خاطب دينا وتبي تحرجه حست دينا بحالة وفاء وحبت تلطف الجو: اقول بنا ت مين تروح معي السوق بكره ابي اشتري اغراض للملكة هيا : خلاص انا اروح معاك وكمان ناقصني اغراض ندى : وايش معنى انتي تروحي ليكوووووووون الباب حقكم وده ينفتح قريب هيا: اييييييييه وده ينفتح قريب ........بس ريحي راسك مافي احد يدخل هههههههههههههههه نهى : وانا كمان ابي اروح معاكم .......وراح امركم بكره بأسواق مرام ميته غيره من دينا : مادري يادينا احسها صعبه انك تاخذي فهد وانتي لسع متعلقه بياسر الكل انصدم من كلمة مرام وماحد توقع وقاحتها لهدرجه دينا انقهرت من كلمة مرام : اظن انك عارفه راي بالموضوع هذا وياسر مثل اخوي .........فاهمه ....... وبعدييييييين اذا انتي ميته على فهد خذيييييه واشبعي فيييييييييه في المقابل وفاء الي ماهي مستوعبه الي قدامه معقوووووووووله دينا تاخذ غير ياسر وفاء: اقول دينا خلينا نطلع نشوف اخر خواطرك دينا : .......يللا.......عن اذنكم بنات .................................................. . ........................... ناصر : والله مادري ياخوي وش اقولك فهد خير ياخوي لايكون الاهل صار لهم شيئ ناصر لا الاهل بخير الحمدالله ............بس ..........مالك نصيب عندن فهد وهو اخر شيء توقعه : ليش ياخوي لايكون سامعين شيء اوخافين على البنت ترى من الحين اقولك انا البنت والله غير احطها بعيوني ناصر لاوالله ياخوك والكل عارف انك ماراح تقصر في البنت بس البنت ماهي قد المسؤليه ومعدين هي تبي تكمل دراسته فهد : ياخوي الاعذار هذي مااحد يقبلها قول من الاول ان البنت رافضتني ناصر : ........والله ياخوك مدري وش اقولك بس الله يرزقك بخير منه فهد .......امين ...... ناصر وحب يضيع الموضوع : ولااقول وشلون الخطيبه عساها ماهي مشتاقه فهد وبمزحه المعتاد ......ياخوي طفشتنا كل يوم حاطه كيلو مكياج وتتظرك ناصر : الله يقطع إبليسك فهد : اقول ناصر صحيح ...... انت قلت ان مرام عالتكم خليني اريحكم منه ناصر : هههههه والله ماتترك طبعك بس خلاص فهمتها اشاورها وارد عليك فهد : هذا ناصر الي اخبره ........ بس من الحين ادراستها تكملها لو في المريخ ............................................. ................ وفاء : طيب لييييييييييه وافقتي دينا : خليني ارتاح وبعدين فهد عاش الحرمان ويمكن يحس فيني ويعوضني وفاء : طيب وياسر وين راح دينا : .........ياسر ..........خلاص ماعاد ياسر الي احببببببه ياسر الحين مثل اخوي وتنهدت تنهيده ..........وان شاء الله انساه وفاء : حرام عليك الي تسويه بنفسك ....... وبعدين هذا ناصر الخبل ملاقى غير فهد دينا وهي تضحك : هييييييييييه حاسبي ترى مااسمحلك تكلمي على فهد وفاء: مالت عليك انتي وفهد خليني انزل عند البنات احسن لي .................................................. .. ............................ الساعه وحده في الليل مابقى احد من البنات جالس الكل روح ام ناصر : ها مرام انبسطي مرام اييييييييه يمه والله جمعة البنات مايمل الواحد منه ناصر : طيب مافيه عروسه تناسبني مرام : ........ لا مااظن ...... ام ناصر .......لييييييه اخوك ناقصه شيء......... وبعدين بنت ابو احمد عاجبتني مرام : ميييييييييين وفاء ......... لا حرام ناصر : حرمت ابليسك ........لييييه اعور انا ولا اعرج مرام لا ماقصدت ...... بس ياسر يبغاه ام ناصر ........ وش هالكلام .......... وانا اخر وحده تدري مرام ...... لايمه ماصار شيء بس هو حاطها باله ناصر : والبنت ...... وش رايها .......... مرام : مدري بس احسها مترددة ام ناصر : ياويلي ياوليدي اخوك الضغير وده يزوج وانت مالقيت لك عروس ناصر وهو متضايق من كلام امه : الله كريم يمه وبعدين ياسر يستاهل كل خير دينا وتوها تنزل : اقول ناصر انا بكره ابي اروح السوق مع نهى علشان اشتري اغراض للملكة ناصر : ملكة مين ......... مرام : ويييييين الاخ ...... ملكته ناصر وهو يضحك بصووووووووت عالي والكل استغرب منه ناصر : ههههههههههههههه صح نسييت فهد هون عن دينا وخطب مرام .................................................. ......... ................................... | ||||
|
| |
|
18-09-13, 11:12 AM
| #10 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| - الجزء التاسع - ثاني يوم العصر نهى : ايش فيك تاخرتي ساعه وانا انتظرك هيا وهي تركب السياره : الله يسامحك دقيقه صارت ساعه ........ نهى : اقول خلصينا وبعديييييين دينا ماهي رايحه هيا : ليييييييييه وهي الي عازمتن نهى : مدري بس يمكن ظروف او السيد ناصر مانعه دينا : قلت لك ماتثرت الوضع عادي وفاء كيف عادي .....وبعدين مرام كيف توافق هالمجنونه دينا : اصلا هي ميته عليه وخليها تشبع فيه وفاء : هييييييه احسن وانتي الف واحد يتمناك دينا : مااشوف الواحد علشان اشوف الف وفاء : انتي وش تقولي ......وش دراك يمكن تاخذي ياسر دينا : لو مايبقى في هالكون غير ياسر مااخذته وفاء ليييييييييه حرام عليك دينا : اقول اسكتي ولا تفتحي لي محاضره خليني اقفل لايجي ناصر ويفضحني يللا مع السلامه مع السلامه ............................................... ...................... خالد فاهم وش تسوي عمر ان شاء الله بس يخوك اخاف اضحك خالد اقول ماهو ادرسك يوم كامل معدين تفضحني عمر : اهم شيء لاتضرب من قلب خالد : اف عليك هو انا لاقي هالفرصه واتركها ماابرد حرتي فيك عمر:يخوك ذليتنا تراك ........واخاف ينكب علي كول ههههههههههه خالد : اصبر علي وبعدين راح ناخذ حقنا منها ونرميها رمي كلاب في الجهة الثانيه هيا اقول نهى ماتشوفي هذا الرجال يلاحقن نهى ايييييييييه حسافه لو معي كولا كان كبيته عليه هيا : اقولا اسكتي ولا تفضحين ندى : طيب ماتشوفي في كل مكان يلاحقن هيا : خلييييييه علي هيا : اقول اخوي انت مضيع حد او مشبه اشوفك بس تلاحقن عمر : بصراحه عاجباتني ......ودي اكحل عيوني منكن نهى : صدق انك ماتستحي ....ماعندك اخوات وتخاف عليهن عمر : ايييييييييييه عندي اخوات بس ماهن مثلكن حلوات هيا : اقول اخوي ابعد عن طريقنا لانفضحك قدام خلق الله عمر ههههههههههه ضحكتني ولايقول انه ماراح يتركم غير يشوف وجهكم نهى: يخسا هالاشكال تشوفن عمر : عاد كنت ابي ارحمكم بس راح توروني وجهكم واولهم انتي ...............سامعه............ نهى وهي دزه اقول ابعد عن طريقن عمر وهو يلوي ايدها ويرميها على الارض: مابقى غير بنت تمد ايده هيا وهي تصيح: حرام عليك احنا وش سوينا لك في هذا الحظه يجي خالد خالد: اقول يالاخ : اش فيك تمد ايدك على البنت عمر : وش دخلك وبعدين هي من اهلي نهى وهي تقوم : كذاب والله انك كذاب خالد : ماصار غير كل خير اختي وانا اعرف كيف اتعامل مع هالحقيييييييير هذ ويقوم خالد ويضرب عمر كف عمر: ماهو انا الي انضرب سامع ويدخلو في مضاربه والناس تحاول تفك من بينهم وعمر بعد الضرب الي جاءه حط ارجوله وهرب هيا : يللا بسرعه يانهى خلينا نطلع نهى : لا قبل مانشكر هالرجال هيا : والله الرجال ماقصر بس احنا جبنا له المشاكل نهى : اقول اخوي مشكووووور على الي سويته وتعبناك معان خالد : لا تعب ولا حاجه بس حبيت اقولك الغلط عليكم قبل كل شيء هيا ونهى بصوت واحد: عـــــــليـــــن خالد : ايييييييه عليكم كان المفروض ماتروحن السواق من غير محرم يحميكم من هالشباب الضايع.......... ويللا عن اذنكم ويروح خالد تارك نهى يحيره مالها اول وتالي نهى معقوووووووووله هذا خالد هيا : ميييين خالد وش عرفك فيه نهى : لايروح فكرك بعيد هذا خالد الي كبينا عليه الكول هيا : معقووووووووووووله وكيف عرفتي اسمه نهى اييييييييييه وخلينا نروح وافهمك السالفه في الطريق .............................................. ......................... ياسر وهو يدخل البيت السلام عليكم ام ناصر وعليكم السلام ياسر شخبارك يالغاليه ام ناصر : بخييييييييير ياسر : وش فيك يالغاليه تقوليها من دون نفس ام ناصر : كيف تبني اقولها بنفس وانت ودك تخطب وانا اخر وحده ادري ياسر وهو يضحك : لا يالغاليه ماصار شيء بس ادعيلي بالتوفيق ام ناصر: الله يوفقك يا وليدي وافرح فيك انت وناصر ومرام ياسر : امييييييييييين ......... اقول يمه وين دين دينا وهي طالعه من المطبخ : هلا ياسر ياسر : شخبارك دين دينا : الحمد الله بغيت شيء ياسر : اييييييييه بغيتك بموضوع ام ناصر : اذ كان على موضوع الخطبه ترى فهد هون عن دينا وخطب مرام ياسر وهو فاقد اعصابه : ايش تقولي ........ على كيفه هو وبعدييييييين احنا مهو لعبه له ام ناصر : كيفه هو.......... ومرام تصلح له ياسر : لتكون مرام موافقه ام ناصر : اييييييييييه وكل شيى تحدد الخميس الجاي عندك مانع ياسر : وانا اخر من يعلم ام ناصر : وانت ويييييييين تنشاف ياسر : طيب فيييييييه اختراع اسمه جوال دينا : خلاص ياسر ادعي ان الله يوفقه ياسر : .........بس يادينا ........ دينا: ياسرخلاص...... ايش الموضوع الي تبغاني فيه ياسر : كنت ابكلمك بموضوع .......بس ماله داعي اكلمك الحين دينا : ......ليه ماله داعي واذا كنت تبي تكلمني عن موضوع وفاء انا جاهزه ياسر ارتبك وماعرف ايش يقول : اييييييييييه بس خلينا نروح لغرفتي ................................................. ..................... خالد: ماتوقعتك تعرف تمثل الدور عمر : ماعليك تلميذك انا ......بس ابي تعويض عن الضرب خالد : انت تبشر بس ماهو الحين لين نشوف مين يضحك في الاخر عمر : انت متعب نفسك على بنت ماتسوى خلك منه خالد : هذي الي تسوى على الاقل جديده عمر : طيب الي معاه مين خالد ليييييه عسى اعحبتك عمر اييييييييه ودي العب عليها مثلك خالد وهويضربه على كتفه : ماظنك تصلح عمر ليييييييييييه خالد لأنك تضعف لما تشوف الدمعه عمر وهويضحك: كاشفني .........و انت لما ........ خالد يللا انا طالع الوالد بنتظرني عمر ايش فيه الرجال ماتركني حتى اكمل كلامي لايكون زعل .................................................. .... ................................ | ||||
|
| |
|
| الكلمات الدلالية (Tags) |
| مكتملة, الكاتبة, تسلط, فتاة, إمرأة |
| أدوات الموضوع | |
| انواع عرض الموضوع | |
|
|
العرض العادي
