رجع بعد الندم يسأل عن جروحي ضحكت وقلت له طابت / الكاتبة طيف الروح. مكتملة .

[درة الاحساء]

	بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته نقدم لم رواية رجع بعد الندم يسأل عن جروحي ضحكت وقلت له طابت الكاتبة طيف الروح كلمة الكاتبة السلاااام عليكم ورحمة الله وبركاته من فتره وبراسي اكتب راويه لكن قبل اكتبها واجهت نقد تحطمت بس القسم هنا شجعني من جديد .. وشخصيه ظريفه جدا شجعتني على المواصله لها كل التقدير مني .. احب منكم النقد البنااااء .. وان شاء الله تتابعووونــي بكل رحابة صدر واستمتااع قراءة ممتعة ....

[درة الاحساء]

بسم الله نبدأ ..


محمد + حمد + عبدالله = اخوان

بيت ابو سلطان ( عبد الله ) زوج فايزه وعندها
سلطان عمره 28 متزوج ياسمين بنت عمه وعنده بنت وولد
عبد الرحمن عمره 24 ويشتغل محاسب ..
سحر عمرها 16 سنه


بيت ابو حمزه ( محمد ) زوجته ليلى طيبه وحنوونه على عيالها مرررره
وعندها حمزه 25 يشتغل في شركه.. وياسمين عمرهها 23 سنه وعندها بنت وولد
دلال عمرها 18 سنه مخلصه ثانويه وجالسه بالبيت
ريهام 16 سنه بالثانويه االعامه وهي بطلة قصتنا ..

** **

بيت ابو نايف اخو محمد ( حمد ) وزوجته نوره وهي انسانه متسلطه وتحب المظاهر
عندها نايف 22 سنه وباقي له سنه ونص حتى يتخرج من كليته
تهاني : عمرها 15 سنه وتدرس بالاعدادي .. وحمدان عمره 19 سنه اولى بالجامعه



بيت ابوطلال وزوجته هي اخت ليلى اسمها مريم وعندها
طلال عمره 20 سنه خلص دراسه وظل عطالي بطالي
جمانه 16 سنه ( اكبر من ريهام بشهرين ) وايد متعلقين في بعض
ريمه : 15 سنه لازالت بالمتوسط لانها تعيد سنوات مالها خلق للدراسه
محمود : 11 سنه بالابتدائي

بيت ابو حسام : فهد اخو نوره زوج سعاد وسعاد اخت مريم وليلى وعندها
حسام 22 سنه طلع من الثانويه واشتغل في الحفريات
زهير عمره 20 سنه ويدرس بثاني سنه جامعه
سلمى 16 سنه .. هدى 13 سنه

** **
بيت ابو علي ( خال نوره ومريم ) زوجته فضه >>> ياذا الغبار الي طلع هع
عندها علي متزوج وعنده ولدين
هشام عمره 27 متزوج وعنده بنتين وهو طبيب عيون .. نعيم وعمره 23 يدرس بالجامعه
جواهر عمرها 24 وهي متزوجه وعندها ولد

باقي الشخصيات راح تعرفوها بالقصه . لما يظهر دورهم

@@@@

البارت الاوول ..


جالسه تراقب اختها وهي تكلم تلفون ومن داخلها شاكه انها تكلم رفيقتها صار لها فتره على هالحال
قالت لها بعد ما طفح الكيل معها انتي تكلمي من
دلال : ابتسمت .. هي تبي تكلمك تعالي كلميها
ريهام : ما اكلم حد ماعرفه من هي
دلال : براحتك بس لاتزعجيني وذلفي عني
ريهام وهي تمشي لغرفتها من هاللي تكلمها تبي تكلمني ماخبري رفيقاتها لاني ماحتك بهن
تركت هالتفكير وقامت تتصفح كتابها بملل
لين وقت العصر تركت الكتاب وجلست انتظر بنات خالتي كل يوووم لازم يزوروناا
( ايام الاختبارات تكون زيارتهم ثقيله والنفسيه لها دوور ) >> نفسيه هالبنت هع
جمانه : هااا وين العقل شارد
ريهام هاا هنا وين يشرد بعد
ريمه : ودلال وين
ريهام : وفي خاطرها تقول انتي اصغر مني ومنها وماتجلسي الا معها مع ان اسلوبكم مختلف تماااماً مدري كيف قراب من بعض مع اني اقرب لها بالعمر
ريمه : رهاموا ماتسمعي انتي
ريهام : هااا .. اي دلال تنظف غرفتهاا قوموا نسير لها
توجهوا لها وكانت دلال لازالت ع التلفون
ريهام : هلانسانه بتجلطني من هاللي مو قادره تستغني عنها ساعتين على بعض ياخووفي
لا يكون ماهي لالا شيلي هالشكووك من راسك هذي اختك ومبين انها تكلم بنت
لاحظت على ريمه تكلم دلال وكانها تكلم الي بالخط لكن عن طريق دلال استغربت كثير لكن ماعطيتهم اهميه
دلال : ريهام تقول الي تكلمني انها تحبك
ريهام : ؟؟ من هي طيب
دلال : ابتسامه عريضه
والانظار كلها حول ريهام وهي اكبر علامة تعجب
بعد ماطلعن بنات خالتي وبعد صلاة المغرب شرفت اختي الكبيره ياسمين مع بنتها القموووره شهد
ياسمين : قوه يمه شخبارك
الام : هلا يمه شخبارك واخبار العسل شهووده
ياسمين : بخير عساك كل الخير .. اجل وين البنات
الام : بغرفهن
ياسمين : اشتقت لبوي متى بيجي ؟
الام : بعد بكره بيوصل على خير
ياسمين : على خير .. شوي يسمعون ريهام ودلال اصواتهم مرتفعه
الام : خير وش صاير اصواتكم للشارع
ياسمين : وش عندكم
ريهام : قالت لهم سالفة التلفون >> اللي براسها تطلعه
الام : دلال كنتي تكلمي من ؟
دلال ــــــــــــــــ
ياسمين : تكلمي من هي او .. ( وبخاطرها : يارب مو اللس شاكه فيه )
الام : اسمعك يادلال تكلمي
دلال : نعيم
ريهام : ؟؟؟؟ ولد خالي ..








>> اتمنى تستمتعون بالجزء ...

لي عوده بالتكمله

[درة الاحساء]

البارت الثاااني

الام : دلال كنتي تكلمي من ؟
دلال ــــــــــــــــ
ياسمين : تكلمي من هي او .. ( وبخاطرها تقول ياربي لاتقولي انها مو بنت )
الام : اسمعك يادلال تكلمي
دلال : نعيم
ريهام : ؟؟؟؟ ولد خالي ..
الام وياسمين مايقلون عن ريهام بالاستغراااب وكل الي يفكرون فيه ان هالولد الهادي الي بالموت ينطق كلمتين على بعض يكلم دلال
ريهام بخاطرها : شلون تقول انه يحبني وتكلمه واضح انه يلعب ع الحبلين .. صحيح كل سويكت تحته بلوى
الام : وهي تتدارك الموقف وماتبي تعالج الخطا بالخطاء .. دلال يابنتي تعرفين ان اللي سويتيه خطا
البنت لو حد تكلم عليها بالغلط تنتهي .. مايفيدها لا حلا ولا جاه وانتي بنت عاقل
محد بيقول انه هو الي اتصل وهو الغلطان حتى اختك .. لازم انتي تحافظي على نفسك وطلعت من الغرفه
دلال : صمت .. ندم ..
ريهام وياسمين بعد كلام الام مالهم مكان تركوا الجو لدلال حتى تفكر اكثر
ريهام بغرفتها : ريمه شكلها تعرف والدليل كلامها اليوم معها وهو ع الخط

بيت ابو علي وبغرفة نعيم ....

من جاه اتصال من دلال تخبره انها ماراح تكلمه لان امها درت مع خواتها وانها تندمت على غلطتها وسمحت لنفسها تكلمه بالتلفون
وهو رايح جاي الحين ريهام عرفت اني اكلم اختها بس انا احبها هي ياربي بتكرهني الحين
بس انا كنت محترم وماغلطت عليها بكلمه .. ومن الطفش خذا مفتاح سيارته وطلع يفرفر بالشوارع يبي ينسى

بيت ابو نايف
نوره : تهاني رتبي المجلس الحين صديقاتي على وصول
تهاني : بكل برود انزين يمه
ينزل نايف بكشخته : يمه انا طالع
الام : على وين العزم
نايف . . لو تدرين بروح اشوف شوقي بتربطيني هذا الكلام بخاطره .. الشباب عازميني ع الغدا يمه

في بيت ابو حمزه ..

ريهام بعد المدرسه كل يوم كالعاده ترجع تبدل وتصلي تروح لمها تساعدها وتطفرها احيانا
ريهام : امي متى بيجي ابوي
الام : المفروض اليوم لاكنه اتصل يقول بكره
ريهام : وهـ بس اشتقت الابو عقال الزين
الام : تراه ابوك مو زوجك
ريهام : ها الوالده تغار ( وهي تغمز لها )
الام : اقولك فارقي ولا اخليك تغسلين المطبخ
ريهام : لالا فديتك برووح وتبوسها على راسها وركض برا المطبخ
حمزه : نازل من على الدرج ويصرخ جوعااان ياعالم بموووت
ريهام : اقول الشيخ عندي كم كتاب شرايك تاكلهن
حمزه وهو فاهم ان اخته تنغز له ع الدراسه لانه ماكمل: روحي لا اهفك الحين اغير معالم وجهك
ريهام : افا يابو حميد حبيبتك رهامك تهفها ماهقيتها منك يالشيخ
حمزه وهو صاد عنها لانه مايقدر عليها من بد خواته : رهومي وش رايك تصلحين لي برتقاله لين يحطون الغدى
ريهام : ابشر طال عمرك بس تراك قلت برتقاله هب تقول قشري ثانيه
حمزه : طيب قومي جيبيه وقشريها عندي ابنسى الجووع
ريهام وهي تروح المطبخ تغني : رجعت بصحن فيه 4 برتقالات لانها عارفه انه بيكرفها باكل البرتقال
وهي داخله الصاله مكان ماحمزه موجود وتغني يااي سحرو عيونوا نظراتووو لما تلائينا عين بعين ياااي
نايف عند باب الصاله الرئيسي : يافديت هالصووت والله تخبل
احم احم
حمزه : قومي البسي على راسك شيئ
ريهام تحط الشيله على راسها وتعدل حجابها : حد يجي وقت غدا
حمزه : انطمي .. تفضل يابن العم حيااك
نايف : السلام عليكم
حمزه وريهام وعليكم السلام
نايف اشحالكم
حمزه يسرك الحال غير ان الجوع كافر
ريهام : تمد البرتقاله لحمزه .. وحمزه يمدها لنايف تفضل
نايف لا هي صلحتها لك اباها تصلح لي غيرها :: يصير يابنت العم
ريها ومن داخلها مغتاضه : فالك طيب
نايف مبسوط من الخاطر : فالك مايخيب
قشرت البرتقاله وحطتها بصحن صقير ثمن حطتها قدامه
نايف : شدعوه ماتمديها لي باكل يدك انا ( ماصار الي بخاطره هع هع )
ريهام كانت بتقشر لها برتقال بس انسدت نفسها .. بروح اشوف الغدى خلص لو لا
نايف : بخاطره تتهربين لكن مصيرك عندي يابنت عمي
حمزه : لو ماتبي البرتقاله جيبها باكلها
نايف وهو يطالع البرتقاله الي على شكل ورده : استريح هاي حقي اكو عندك قشر لك
دلال : توها تصحى من النووم وتسمع ريهام تتحلطم .. رهيم شفيك
ريهام : ماترد
دلال : اكلمك انا
ريهام : من انا
دلال : تطالع الغرفه ماشوف حد غيرك هنا
ريهام : سمعتك تقولين رهيم .. وانا ريهام ماجاوبتك
دلال : اقوم اصلي احسن لي وقامت تتوضى
ريهام وهي تشل عدساتها الرماديه طاحت من يدها للارض وظلت تدورها وماشافتها ولان لون الفرشه اخضر مزرق يعني قريب من لون العدسه
قامت معصبه : ياربي الحين تنشف واخسرها اوووف
دلال خلصت صلاه وهي بعدها تدور بالارض : شتدورين
ريهام وهي متغصصه عدستي طاحت ماشوفها
دلال ظلت تدور لها وماشافتها ملت وتركتها ونزلت تحت
ابو حمزه يدخل البيت ويسمع حشرة ريهام : يدخل البيت شفيها دلوعة ابوها
ريهام ناسيه ان ابوها جاي من السفر : راحت وضمت ابوها وهي تصيح
ابو حمزه : شفيك يابابا ليش الصياح
ريهام : عدستي طاحت وماشوفها دورتها وماشفتها
ابو حمزه يهديها ويروح معه للغرفه يدور معها بعد ماسلم ع الام ودلال وحمزه ونايف هو جالس يدور وهي واقفه وتتطالع بعيونها
ابو حمزه شافها لكن ماعرف انها العدسه لانها جفت وتكفست على بعضها يرفعها لها ويقول وش ذي
ريهام تاخذها : وهي مشككه انها عدستها استعجلت وفتحتها بيدها وتنكسر ويوم انكسرت استوعبت انها العدسه
ابو حمزه : خلاص يابنتي تفداك اشتري لك غيرها
ريهام وهي تصيح : خلاص يبى مابي غيرها بلبس نظاره
( ريهام تكره النظاره وماتحب تلبسها عشان كذا تستخدم عدسات طبيه لكن ملونه )
ابو حمزه : تعالي تغدي وخلي عنك العدسات
ريهام ماودها لكن ابوها ماتقدر ترده : ان شاء الله يبى بغسل وبلحقك اسبقني
ابو حمزه وهو في الصاله .. ام حمزه تغديت
ابو حمزه حد يجي بيت ام حمزه وقت الغدى ويتغدى .. منقوود عند العرب
دلال .. ما روووم انا
ام حمزه مبتسمه ... بنشب الغدى قومي ساعديني وعن الهذره الزايده >> اموت في الخجوله
نايف : اخبارك مع الشغل عمي
ابو حمزه : بخير ماشي حاله .. اخبارك مع الدراسه انت
نايف والله ياعمي افكر اطلع من الكليه واشتغل
ابو حمزه : وشهادتك ياولدي
نايف : ياعمي الي خذوا شهاده للحين جالسين ولو توظفوا مايتوظون زي ماحلموا ودرسوا وانا ابي اتزوج لازم اشتغل
ابو حمزه : انت ادرى بمصلحتك
على الغدى الكل على مجتمع ع السفره الا رهام .. ابو حمزه ماننزلت ريهام
دلال : تتدلع للحين مانزلت
حمزه : ياتسكتي عنها ولا تقومي تناديها
ريهام : مايحتاج كاني جيت
ابو حمزه : تعالي حد ابوك تعالي
ريهام انشرح صدرها متولها على ابووها : فديتك ابووويه وتحب راسه وتجلس جنبه
(على راس السفره ابو حمزه ومن يمينه ام حمزه .. وريهام من يساره وحمزه جنب امه وجنبه نايف وجنب ريهام دلال
نايف يكون مقابل ريهام )
نايف : يطالع ريهام وبخاطره يقول ليش هالصياح على عدسه تفداج ياقلبي ولاتدمع هالعيون
ريهام ترفع راسها وجات عينها على نايف وشافته يطالع فيها وشكله سرحاان .. هذا شفيه كني صوره يبحلق فيني
والله لوما ابوي هنا فشلته بس اعرف ابوي مابيرضى عليه
دلال لاحظت نايف انه سرحان .. تكلم ريهام باذنها بالهمس .. ولد عمج راح بعيد مدري بلاه
ريهام : تهمس لدلال حاكرني مو عارفه اكل منه
دلال تضحك وتهمس لها خزريه
ريهام تهمس لها اعلمك فيه الحين .. خذي كاس اللبن وحطيه وراه شوي ثمن كبيه
دلال وهي بتموت من الضحك بس متماسكه حطت اللبن على جنب ماحد يشوفه الا ريهام شوي تسوي حالها بتاخذه وتكبه
نايف توه يحس بالبروده التفت شاف دلال تجفف اللي عالفرشه وتعتدذر له وهي منجرجه منه
قام مغتاض لانه حس انه مقلب من ريهام
حمزه ياريال رح غرفتي وخذ لك ثوب
نايف يطالع ريهام وهي مبتسمه بانتصار : لا مابي بيتنا قريب بروح ابدل وانام .. فمان الله وطلع قبل يردون عليه
حمزه يكلم دلال : انتي ماتعرفين وين تحطين كاس اللبن
دلال : ماحبيت اضايق السفره بالكاس خفت ينكب على السلطه
ام حمزه : السلطه موجوده بس ولد عمك شكله زعل
ريهام : عادي هو شكله مايبي غدى ليش شايلين همه
ابو حمزه : وهو يخز بناته خلاهن ينزلون روسهم .. تراه ولدي حاله حالكم ملزومين تحترمونه
ريهام : ودلال : ان شاء الله يبى

نايف وهو بطريقه للبيت يكلم حاله : مالت عليك وع الي يحبك >> يسب روحه هع
شافه عبد الرحمن ولد عمه عبدالله : الرجال تخبل يمشي ويكلم حاله
عبد الرحمن : السلام عليكم نايف توك صاحي من النووم
نايف : وعليكم السلام .. لا مانمت بس ليش تسال
عبد الرحمن وهو يطالع ثوب نايف : لابس قلت يمكن
نايف : شقصدك .. شايفني بزر يالووح
عبد الرحن : خلك فري يابن العم ياما صحيت من نومي حالتي مثل حالتك
نايف : شووووووووو .. انهبلت انته
عبد الرحمن : ايه لما ينام معي ولد سلطان ^_^ ( لؤي بن سلطان عمره 3 سنوات ويحب عمووه مووت )
نايف ومزاجه تغير عن قبل : هههههههههههه الله يقطع سوالفك .. بس تراه لبن انا محد ينام معي مثلك
عبد الرحمن : اجل تمشي تهاذي تكلم من
نايف : كنت اغني ( عارف اني لو قلت لك مابسلم من تعليقاتك )
عبد الرحمن : اهاا .. انا رايح البيت حياك
نايف : الله يبقيك .. بسبح وبريح شوي السموحه منك
عبد الرحمن .. خذ راحتك

بيت ابو سلطاان

دخل عبد الرحمن وهو يصارخ يمه
ام سلطان اخترعت وطلعت له من المطبخ وبيدها طحين : شصاير
عبد الرحمن : يمه قرصتني عقربه وهو يرقص
ام سلطان تمسح على وجهه بيده جلعك مانيب قايله خرعتني حسبي الله عليك من ولد
عبد الرحمن اكره ماعنده كشخته بس امه مايروم عليها : يمه عاد خيستيني بطحينك
ام سلطان : تستاهل .. بدل ماتخرعني
سحر : هلا والله دحوومي هلا وغلا باجمل اخو بالدنيا
عبد الرحمن : ماعندي فلوووس
سحر : افاااا تراي اسلم عليك ما افتش جيوبك
عبد الرحمن اجل امري تدللي يالرضيعه
سحر : ابي اروح السوق بشتري لي كم شغله للكليه
عبد الرحمن : مارحنا بعيد اوديك ثمن تقولين لي ماعندي فلوس ولا برجع خاليه ادفع عني دحووم
سحر : لالا كاهم فلوس بحطهم بالشنطه
عبد الرحمن : لا عطيني اياهم انا احاسب عنك تبين تفشليني ادور معك السوق وانتي تدفعي ليش انا خيخه هع هع
سحر : اي عشان نصهم في مخباك لا ياقلبي انا بحاسب
عبد الرحمن : اجل شوفي لك هنديه تتتسوق معك
سحر : افا يالشنب وانت موجوود محد يروح معي .. يلا عاد دحوووم
عبد الرحمن : خلاص خلاص بوديك بس تعشيني على حسااابك
سحر بخاطرها مايفشل هالزطي : صار .. نعشيك

صباح يوم الاثنين

في بيت ابو نايف

ابو نايف يصحي نايف حتى يروح كليته : قوم يانايف تاخرت ياولدي
ام نايف : ماهوب رايح لا اليوم ولا بعده
ابو نايف : خير ... صاير شيئ
ام نايف : ايه انه مكلمه اخوي يشوف له وظيفه ويوم السبت ان شاء الله بيداوم
ابو نايف : وانا اخر من يعلم بهالبيت .. يمشي معصب بيروح لشغله
نايف : يمه ليش ماقلتي لبوي
ام نايف : ماعليك مابيزعل منك لما يجي من عمله بيكون هادي وبكلمه بهداي
نايف ..بخاطره ماينقدر عليك يمه حتى لو رافض بيرضى : طيب وش هي وظيفتي يمه
ام نايف : مدري عن خالك المهم هي بشركه وراتبها حلو .. يلا قوم لاتتعود ع النومه الصبح وطلعت
نايف فرحان حده لانه بيشتغل : كلها سنه اضبط وضعي واعرس على رهومي هالدلوعه

بيت ابو حسام

ام حسام تبخر البيت ومبسوطه ع الاخر لان بكرها اليوم بيوصل وهي ماتشبع من شوفه من اشتغل في الحفريات
زهير : يمه حشرتينا بهالدخون خلااااص
ام حسام : انت شفهمك بدخون الطيبه بعدين كلها شويات ويخف الدخان وتبقى الريحه الزينه
زهير : ترى ولدك بيجي مخيس حده يجي تروووش مايجلس يشووف هالزين يمه
ام حسام : قووم سو لك شغله تنفعك احسن من الهذره الزايده
سلمى : يمه ترى حسام على وصول بيتعشى هنا
ام حسام : فديته دومي احسبه بكل وجبه حتى لو كان معزوم
هدى : اشتقت له هالدووب
حسام وصل من الحلاق راح البيت على طول ودخل من جهة المجلس وترووش وتعطر وطلع يدق الباب الرئسي ( يزعم توه واصل )
زهير يفتح الباب : هلا وغلا بدلوع امه هلا
حسام : هلا وغلا بالحسووود ويضمه .. يدق خشم ويقوله خلها تدلعني اسبووع والباقي لك لاتصير حسود
زهير يهمس باذن حسام : هذا بس عشان لماتروح شغلك تزيد جرعة الدلع لي
حسام : ماتنحال ماكل حقك وحق غيرك
زهير انت الحين متكشخ وين ياي .. لايكون عندك حرمه من ورانا
حسام : هههههههههه حرمت عيشتك بس هاي سر مابعلمك
ام حسام : هلا بوليدي الحمد لله ع السلامه تضمه وتشتغل سمفونية كل مره صياح وترحيب مدري منين يجي
بعد ماسلم على امه وخواته يجي ابوه ويسلم عليه سلام معتبر ( تحسهم شيوووخ )
على العشا والكل مبسووط بوجود حسام
سلمى : وش رايكم نطلع الزراعه كم يوم نغير جوو
زهير : مو منك من بنت خالتك الي تعلمك استغلال الفرص >> يقصد ريهام هع
ام حسام : خل عنك بنت اختي كل تعلومها سنع فديتها واختي دومها تسال عن حسام من 6 شهور ماشافته ولدي الله يهديه من يجي ياربعه يالبيت مايزوها
حسام كان يتهرب يروح بيت خالته ام حمزه عن لايشوف ريهام ..
هدى : اييه يبى خلونا نروح الزراعه رباعه مع بيت خالاتي
ابو حسام : خلاص يام حسام اعزميهم خواتك يوم الخميس ع الزراعه ولاتنسين تعزمي نوره اختي مع عيالها
ام حسام وهي مبسوطه : ابشر طال عمرك

البنات متفقين يروحواعند ياسمين بشقتها اللي في بيت ابو سلطان
( دلال وريهام وبنات خالتهم جمانه وريمه .. وتهاني وسحر طبعا )
دلال وريهام مع جمانه وريمه سايريين رباعه لبيت بو سلطان
قلطتهم سحر وقبل يصعدون لياسمين .. ريهام : صبري بنسلم على مرت عمي وينها
سحر : امي بالصاله حياكن ..
ريمه : لويش بعد هالسلام والترزز
ريهام : خليت الترزز لك هذا سنع اذا ماتعرفيه تعلميه احسن لك عبالك السنع بالكنس والطبخ بس
ريمه انقهرت بس واكتفت بالسكوت
في الصاله : دلال والبنات سلمن على ام سلطان
ام سلطان جلسوا شوي يمي عاد الا طايرين فوق على طول
دلال : ايه جلسوا شوي لين تجي تهاني ونصعد رباعه
ريهام : اي والله نجلس عند هالغرشوبه لين تجي تهين
ام سلطان : ماهنا غرشوب الا انتي يام لسان طويل
الكل .. هههههههههههههه
ريهام تنادي حريم عمانها عموه تقلد على اهل الامارات
ريهام : فديتك طلعت غرشوبه علييييك
سحر : منين يالخبله تراها امي تورث عيالها ماتورث عيا حميانها يالذكيه
ريهاام .. لالا امي يوم اني ببطنها رفستها شان تطالع عموه وطلعت نفس الحلا
الكل يضحك على ريهام وصواريخها
عبد الرحمن نازل من غرفته .. احم احم
البنات عدلوا شيلهم .. ام سلطان حياك ياولدي
عبد الرحمن : السلام عليكم
الكل وعليكم السلام
عبد الرحمن العصابه مجتمعه اليووم خير اللهم جعله خير
ريهام : الله ياولد العم متكشخ رايح عرس
عبد الرحمن : احم لا انا دووم ازقرت حتى البنات يلاحقني هع
دلال : صدقتك
ريمه : لا الولد انيق
عبد الرحمن مايطيق ريمه ولايحب حتى يطالعها مع انها جميله لكن مايطيقها يمكن لان الشر واضح بملامحها هع هع
: طنش ريمه ولاكانها مدحته وقال لمه يمه تامرين بشيئ طالع مع العيال
ريمه منقهرا بس مابيدها شيئ وام سلطان موجوجوده
ام سلطان : سلامتك ياولدي
ريهام : دحووومي انا ابي
عبد الرحمن : اي ادري تبين اجل دحومي ببلاش
ريهام : تعجبني هالجمجمه .. ابي محلول عدسات
عبد الرحمن : هماك كسرتيها وشوله بعد المحلول
ريهام : ومنوه قالك اني كسرتها
عبد الرحمن بخاطره من الي يموت فيك وانتي بو لابااس : اي من حمزه اخووك
ريهام وهي عرفت من لانها تعرف حمزه مثل ماتعرف نفسها مايقول : خلاص لاتجيب محلوول لاني نسيت اني كسرتها
عبد الرحمن فهم ريهام انها كاشفته : طيب وش تبين غيره
ريهام وتغير مزاجها ع الاخر بهالعرض : ابا كرتووون تـــاااموووت
عبد الرحمن : هههههههههههه استغلاليه .. ابشري
سحر : كني الا قوطي ماسالتني وش ابي
عبد الرحمن : ترى الهندي برا .. اناديه لكم تكرفوونه بااااي
الكل هههههههههههههههههههههه
شوي وتوصل تهاني وتسلم عليهم ثمن يروحون لشقة ياسمين
بعد السلام والتراحيب
دلال : وين شمعاتك الحلووين ( لؤي 3 سنوات وشهد 5 سنوات )
الا وشهد جايه مع لعبتها ( عروسه ) الاكبر منها
سحر: بالله لو طاريه لنا مليووون مو احسن من سالي هذي هع هع
ريهاام : فديتها وفديت سالي انا
جمانه : حد يتفدى فلم كرتوني غير هالمفهيه
ريمه ولؤي وين .. ياسمين : نايم
قضوا الوقت سوالف وضحك وع المغرب سارت كل وحده على بيتها

في بيت ام حمزه
ام حمزه .. اتصلت خالتكم سعاد عازمتنا ع المزرعه يوم الخميس
دلال : الله بنغير جوووو
ريهام : من بيروح يمه
الام : كل خالاتك وعيالهم وبيت عمك حمد
ريهام : خساره مو حلوه الطلعه الا ببيت عمي عبد الله
الام : الا عزمتهم مع ياسمين لكن ام سلطان شكلها مشغوله مدري اذا بتروح
دلال : يمه كم بنظل هناك
الام يومين عشان المدارس ياحلوه
يدخل ابو حمزه :السلام عليكم
الكل وعليكم السلام
ريهام تبوس راسه قوووه باباتي كيف امسيت
محمد : بقمر ضاووي
دلال تسلم على ابوها : وانا وشووو دامها هي القمر
محمد انتي شمس دافيه
حمزه : يابووي هذوول يكبر راسهن
محمد : لا رسوسهم مرفوعه ماتتكبر
ريهام تطالع دلال بنظرة عتاب .. دلال تنزل راسها مستائه من ريهام للحين مانست سالفة نعيم
ام حمزه : قالت لبو حمزه عن العزيمه وافق يروحوون
ريهام ياااي بروح احضر شنطتي
حمزه : خير بتسافرين
ريهام : ياولدي بنقضي يومين يعني لايقل عن خمس لبسات هذا اذا مو اكثر تعرفني اموت بالسباحه غير عطوراتي وكريماتي وستشواري و
حمزه .. بس بس بس روحي حطي الي تبي ولا مابنخلص
ريهام : تبوسه على خده وطيران على غرفتها تجهز الشنطه .. الي مانست شيئ حتى لابتوبها خذته معاها

بعد يومين موعد الرحله في الاستراحه

بيت ابو حسام في سيارة فهد الرنج الاسوود وفيها العائله الكريمه
بيت ابو حمزه بسيارته لاندروزر الفضي محمد فيها الام ودلال وريهام .. وعشان سيارة بيت خالتها ماتكفي خذت معها جمانه
في سيارت ابو سلطان الكامري البيضا فيها الام وعبد وسحر
وسلطان في سيارته كامري لونها عودي فيها ياسمين مع الشمعات شهد ولؤي
في سيارت ابو طلال هونداي وفيها الام مع محمود وريمه
في سيارت ابو نايف الكورلا فيها الام وتهاني وحمدان
اما نايف اخذ معه حمزه وعبد الرحمن وطلال في الشبح وطعس يامطعس ^_^
>> اشكال وارناق السيارات .. على قدي ماافهم لهم هـا هع

وسارن الصبح الساعه 9 وربع >> والتخطيط كان الساعه سبع ونص بس الجماعه وماتسووي
وعلى الساعه عشر وثلث وصلن بالسلامه المزرعه اللي هيا عباره عن
فله اول ماتدخل تواجه الصاله اللي تطل على غرفة الطعام اللي يطل ع المطبخ المفتووح
وغرفه لها باب يطل ع المطبخ وباب ثاني يطل على ارض من الزراعه مزروع فيها ورووود وارض خضا تشرح الصدر وفيها مراجيح والباب زجاااجي يبان منه المنظر الخلاب
وهالغرفه مخصصه للبلياردو والسوني يعني للفلللله هع هع
وباب ثاني يطل للحديقه يوصل للمطبخ على طول
وعلى زاوية الصاله درج فيه 5 غرف وحمامين وانتم بكرامه
وعلى جنب الفله ملحق فيه 3 حمامات وانتم بكرامه ومطبخ تحضيري و4 غرف
مواجه الفله والملحق بووابه كبيره اول ماندخل منها ع اليمين مبنى للمسبح اللي مجهز من مجاميعوو
باقي المساحه مقسمه جه اشجار ونباتات ارضيه وجزءاكبر للنخيل .. وع الزااويه فييه حضيرة حيوانات

البنات مع الحريم في الفله حتى ياخذون راحتهم للحريم غرفتين وحده فيها ام حسام وام حمزه وام حسام ام نايف
والثانيه فيها ام طلال وام سلطان وياسمين
دلال وريمه ( متلزقه كالعاده ) وسلمى بغرفه وهدى .. ريهام وجمانه وسحر بغرفه .. كنهم تووم نفس العمر هع ومعهم تهاني
الغرفه الخامسه خصصت للاغراض حتى محد يزعج حد بالنووومه >> تكتييك
اما في الملحق الشبااب مكيفيين ع الاخر وكانهم بشقه عزابيه
ابو حمزه مع ابو حسام بغرفه .. وابو سلطان وابو نايف مع ابو طلال بغرفه
عبد الرحمن وحمزه مع حسام بغرفه .. وطلال مع نايف وسلطان بغرفه

الساعه 11 ونص
بعد مارتبوا انفسهم وشناطهم اجتمعوا على عصير بااارد يروقهم بس عشان الغدا ماباقي عليه شيئ هع
بعدها الكل قام لـصلاة الظهر ..

ريهام .. وهي تشيل مصلاها اوف ماني قادره ابي اطب بالبركه
جمانه : انتظري محد بيخليك الحين بعد الغدى طبي
ريهام : بموووت مو متحمله وبعد الغدى بيقولون توك ماكله مايصلح تسبحين
سحر : نطب انا وانتي وماراح يدرون تعالي
سلمى : مساكين انتم المسبح مقفل امي موصيه ابووي مايفته الا بعد الغدى بساعه
ريهام : عاااااد لاتقوولي حرام عليها خالتي
سلمى : اي والله هي عارفتك ماتنتظري حد تطبين حتى لو بروحك
ريهام : ابد هاي مو سوايا خالتي هذا اخوك زهير
سلمى : هههههههههههههه هو وز امي تقول لبوي يقفله عنك
ريهام : هو يبا يطب قبل البنات لكن حريمته انا اول من يطب
ريمه : ريهام تراها زراعتهم هب زراعتك حتى تتحكمين
ريهام : انتي لو تظلي ساكته وايد احسن لك ومشت لعند الحريم اللي يجهزوون للغدى
( الغدى من المطعم .. لكن الحريم عليهم ترتيبات لابد من السلطات والعصير واللبن واللي يبي ببسي وبما انهم بزراعه رطب اخلاص ^_^ .. وكم صينية حلا
دخلت المطبخ وكل وحده تشتغل بشيئ وشكلهم كنهم يجهزون غدى عرس هع
ريهام : شحال الغراشيب
ام حسام : محد غرشوب غيرك فديتك حنا راحت علينا
ريهام : فديت قالبش خالوا المسبح مقفل وراه
ام حمزه : ريهام روحي عند البنات ماشي مسبح الحين
ام نايف : اركدي يابنت ماهوب طاير المسبح
ريهام : اخاف يخلص الماي اشوف الزراعه ناشفه اكيد بسقووونها
الكل هههههههههههههههههههه
ام طلال : اشغلي روحك بشيئ ينسيك بركه مافي زهير متوعد مابتسبحين الا بالليل هم بياخذوونها العصر
ريهام بخاطرها دا على قتتي
ام حسام : بحنيه حبيبتي بتسبحين بس اصبري
ريهام وعجبها سالفة ام حسام انها خايفه تزعل : اهئ هئ الكل يقول انتظري اصبري استني اركدي محد واقف معي
ام حسام صدقت انها تصيح : لا يابنتي الحين اكلم لك عمك بو حسام ( ريهام تعده مثل عمها وتناديه عمي )
ريهام راحت وضمة ام حسااام : فديتك خاالووه امزح معك بنتظر لين يسبح زهير
ام نايف : اجل تعالي شغلي يدك حتى تنسين
ام سلطان .. مافي الا الطماطم والليمون تقطعينه ماشي صعب
ريهام : فالكم طيب .. ودخلت خذت الطماطم تتفنن بتقطيعه .. تسوي شكل ورود واشكال مشرشره >> تحس انها لها خلق هع
وهي تقطع تغني .. غنية ماجد المهندس
محتاجك محتاج اشوف عيونك ..محتاجك محتاج اشم هدومك
محتاج اشوفك ياضوى عيووني .. قلبي وروحي عنك يسألوني
مثلي تبكي لونسيت مثلي تسهر لو غفيت ..
وشولوون انام الليل من دونك وشلون اغفى وانا من دونك

حسام توه بيدخل المطبخ من باب الحديقه وسمع صوت الغنا وقف يستمع وهو مبهوت من هاي الي صوتها غاووي
دق باب المطبخ ودخل ورمى السلام للكل ولتفت لمصدر الصور ( ريهام ولاتدري عن هاللي دخل وسلم مندمجه بشغلها وغناها ^_^ )
حسام وهو يطالع ريهام كيف تغني من خاطرها ويحدث نفسه يالله ليش كل ما اشوفك اضعف ما اقدر امنع نفسي من التفكير فيك اوف ..

[درة الاحساء]

البارت الثالــث




حسام توه بيدخل المطبخ من باب الحديقه وسمع صوت الغنا وقف يستمع وهو مبهوت من هاي الي صوتها غاووي
دق باب المطبخ ودخل ورمى السلام للكل ولتفت لمصدر الصور ( ريهام ولاتدري عن هاللي دخل وسلم مندمجه بشغلها وغناها ^_^ )
حسام وهو يطالع ريهام كيف تغني من خاطرها ويحدث نفسه يالله ليش كل ما اشوفك اضعف ما اقدر امنع نفسي من التفكير فيك اوف ..



[COLOR="Blackحسام انتبه لنفسه وحمد ربه الكل مشغول ولا انتبه له : شحالش بنت الخاله
ريهام ترفع راسها متفاجئه بهالصوت : يسرك الحال ومن صوبك
حسام : بخير يالغاليه
وفي الحقيقه كانت عيون ام نايف هي مراقبه لهم
ام حمزه : شكلكم جايعين وياولدي
حسام : اي خالتي تدري فاطرين بدري وطريق بنموت من الجوع .. وانتم الا تعابلون بالمطبخ ولا الغدى وصل
ام حسام : محد قال انه وصل .. خلاص حط بساط يكفيكم كلكم وتعال خذ لكم السلطات وجيب معك حد يعاونك يشل الكاسات للبن
حسام : ان شاء الله .. ومشى يحط لهم البساط
ام نايف : ها ريهام شفيك .. ( ريهام كانت تطالع الطماطه الي بيدها وفكرها مو معها )
ام سلطان : يابنتي السلطه تنتظرك تزينيها بالاحمر ( :
ريهام : اي خلصت خالتي .. بروح اشوف البنات مايخالف تحطيها عني
ام طلال : ههههههه زين منك قطعتيها والبنات هنا روحي انا بحطها
ريهام : مشكوره خالتي .. وطلعت ودخلت غرفت امها وطت راسها على سرير امها وهي تتذكر
عيد ميلاد حسام قبل 6 شهور وصادف انه توظف بنفس الاسبوع وسوا له حفله عائليه
ريهام كانت مبسوطه له حيل لكن غامضنها انه بيغيب عن الشرقيه اكثر من شهر بالذات اول مايشتغل طبيعة شغلهم مايعطونه اوف بالبدايه
راحت جهة المجلس بتبارك له لكنها سمعته يتكلم مع حد لكن ماتعرف منوه لانه ماسمعت الا حسام وهو يقوله للي يكلمه ريهام تستاهل وانت تستاهلها وانا اول من بيبارك لك
وانا صحيح اشتغلت لكن مافكرت بحد ابدا
مشت داخل عند جمعة البنات وخالاتها وهي متماسكه قد ماتقدر ..
ام سلطان لاحظت ان لونها مخطوف وسالتها .. رهوم حبيبتي شفيك يابنتي تعبانه
ريهام : لامافيني شيئ بس راسي يعورني شوي
دلال تعرف ريهام من تتضايق تتعب ويبان على وجهها : شفيك رهوم
رهام : ولا شيئ بس حمزه جاي معه واحد من ربعه وشافني وعصب علي لان شيلتي ماكانت عدله
دلال مو مقتنعه بس ماحبت تجادلها طيب انسي حبيبتي مافي شيئ يستاهل
ام طلال : ياختي نادي حسام نبارك له حشى كلا عند الرجال
ام حسام ابشري : اتصلت عليه وجى ومعااه عبد الرحمن >> دائما حاشر روحه دحوم هع
حسام السلام عليكم
الكل وعليكم السلااام
قامن الخالات يباركون له وهو يبوس راسهم
باركن له البنات ومن ضمنهم ريهام
عبد الرحمن : يعني لازم يصير معي مناسبه حتى تعطوني فيس
دلال : مالك غرض هالساعه سير برا
ام حسام : ههههههههه تعال ياولدي ان شاء الله نبارك لك معرس
عبد الرحمن .. لالا ياخالتي اكو عندك ضيف الحفل بكره خليه يختار من هالشيوون ثنتين ولا ثلاث يادووب يكمل نتفة حلا فيهم
الكل ماعدا ثنين: هههههههههههههههههههههههه
سلمى : ها الشيخ هذول شيووون وهي تاشر ع البنات
عبد الرحمن : اي مافيهن حلا
حسام .. مزاايين كلهن .. بس محد منهم جاب راسي .. شلكي بضوي براس امريكيه
الكل هههههههههههههههههههه
عبد الرحمن استغرب هدوء ريهام وهو عارفها محامي عام وخاص وكل شيئ : ريهامي .. رب ماشر
ريهام : ماشي شر بس مصدعه
دحوووم مو مقتنع : طيب قومي بيتكم ريحي عن الحشره هنا
ريهام ماصدقت تطلع من البيت وقفت على طول : خلاص عليك توصلني
دحوم : ابشري ..

وبجهه ثانيه حسام بعد ماقال للشباب يجهزون جلس على العشب يتذكر
دامك اشتغلت ياولد الخال قريب بتعرس .. حسام اي اكيد بعرس بعد ما اضبط روحي عاد
نايف وكانه يدافع عن حقووقه : انا بعد بطلع من الكليه وبشتغل وبعرس على حبيبت قلبي ريهام
نايف تعمد يخصصها لانه خايف حد يفكر فيها وتروح منه << تفكير ساذج
حسام مصدوم : طيب انت شعرفك انك بتعرس عليها يمكن ترفضك
نايف : لاهي تحبني قالت لتهاني
حسام والدنيا ضايقه به فهم من نايف يعني لاتفكر بريهام : ريهام تستاهلك وانت تستاهلها وانا اول من بيبارك لك
وانا صحيح اشتغلت لكن مافكرت بحد ابدا لاتشغل بالك
انتبه على صوت حمزه .. بيقضون الغدى وانت هنا قم ياريال
حسام يلا

الحريم جهزوا غداهم بعد الرجال
ام حمزه دلال اختك وينها ماتبي غدى
دلال : هي مو وياكم
ريهام .. هذاني يمه
جلسوا يتغدوون وسوالفهم غيرت جو ريهام وانبسطت معاهم
بعد الغدى ظربها حفوز تبي تسبح بس زهير متوعد الا يسبح قبلهم وهي الا تبي قبله
ريهام .. بنات شرايكم نطلع الحديقه نشرب الشاي هناك
ام حمزه .. اي والله خلونا نشم الطبيعه بدل هالمكيفات
طلعوا وبسطوا لهم فرشه وجلسوا مع برادات الشاهي والقهووه والرجال من الصوب الثاني وعاطين الحريم ظهورهم حتى ياخذون راحتهم
مع السوالف والضحك .. ريهام .تهمس لسحر ابي اسبح قبل لعيال شلووون
سحر شغلي هاللي براسك لايصدي
ريهام تضربها على كتفها سباله لمصدي راسك
ريمه شفيكم انتم .. جمانه اكيد ع .. كتمت فمها ريهام لاحد ينتبه او بالاحرى ماتبي زهير يسمع
زهير شاف ريهام محتشره مع البنات وفهم ان السالفه ع البركه : اقوول انسي
ريهام مقهوره حدها : ان شاء الله الشيخ انتم قبل اصلا بلعب بلياردوا لين الليل
زهير : اي شغلي حالك محد حولك
ريهام ضاربها حفووز الا تبي تسبح قبل وخطر براسها فكره
رسلت رساله لعبد الرحمن : تكفى دحومي صرف زهير خله يبعد عن هالبقعه عشر دقايق بس
عبد الرحمن .. بكــــــــــــــم
ريهام .. بسوي لك الي تبي بس صرفه
عبد الرحمن : لو وديتكم السوق انتي وسحر العشا عليك
ريهام : امبونك بطيني خلاص صار بس نفذ الحيييييين
عبد الرحمن يضحك .. وطلال يقوله ضحكنا معك
زهير اكيد وراه داهيه
عبد الرحمن قاري نكته بلاكن انتم تفكيركم خربان هههههههههههه
نايف .. اي صدقناك
عبد الرحمن اقول زهير ماعليك امر يالغال انت اقرب للغرفه سير شوف محفظتي يمكن عند طاولة البلياردو
زهير : ظروري تبيها الحين
عبد الرحمن : ايه بوريك فاتوره ياخي فيها العجب
زهير مو مقتنع : شو يخصني بفواتيرك انا
عبد الرحمن افا الغالي قل ماتروم تجيبها انا اجيبها
زهير انحرج لان الكبار يسمعونه يناقش عن لايجيبها : لا استريح اجيبها لك .. وراح الغرفه
ريهام كانت تراقب يوم راح زهير .. ابتسمت برضا
ريهام قربت صوب الرجال شووي شافت عقال ع الارض خذته ونادت .. عمي فهد
ابو حسام : سمــــــــي
ريهام : سلمت .. طلبتك ( وتوطي العقال ع الارض قدام فهد ) قول تم
الكل ههههههههههههههههههههه
عبد الرحمن لو عليك برقع كان قلت لك نزليه بس حسافه العقال مايلووق هههههههههههههه
ابو حسام : تم يابنتي تدللي
ريهام مبسوطه ع الاخر .. بغيت مفتاح البركه ياعم
ابو حسام : ماطلبتي غالي راسك سالم ويمده لها
ريهام : خذته وهي تقوله ومن قال سالم ياجعل عمرك طوويل .. محمود قم حب راس عمك عني
محمود بدون تردد قام وباس راس ابو حسام والكل يضحك
زهير جاي : خير على شو هالضحك
ريهام : ويييي مادريت .. فازت الفراشه ع الخروف
زهير مب فاهم : شلوون يعني
ريهام : اي كذا يعني وترفع له مفتاح البركه
زهير انقهر من الخاطر : عبد الرحمن وين محفظتك
عبد الرحمن : اي شفتها ياريال اتصلت لك بقولك لكن جوالك هنا ( طبعا دحووم ماتفوته بعد ماراح زهير بدقيقه عطاه مسكول *_^
زهير بعدم تصديق : انت وياها من طينه يالسبال
الكل ههههههههههههههههههههههههه هههههه
اما البنات راحن بدلن لبسن ثياب السباحه وطب في المسبح
زهير يسمع حشرتهن ومنغاض حده عليهم : يبى ليش تعطيها اياه وانا متفق معاك ان حنا بنسبح قبل
ابو حسام وهو يضحك : اسال الشباب كيف طلبته تالي سال ليش عطيتها
طلال علم زهير السالفه .. وتغير جوه على خبال رهيم بسالفة العقال
نايف .. خونا نلعب بلياردوا طيب بدل هالجلسه
حمزه : قــدااام
قامن يلعبن بلياروا على شكل فرق .. وجزء منهم يلعب بلووت
الا حسام اللي راح سيارته وجلس يسمع نفس الاغنيه الي كانت تغنيها ريهام
عبد الرحمن : يدق نافذت السياره على حسام
حسام : يفتح النافذه خير دحوم آمر
عبد الرحمن : شفيك حابس حالك بالسياره وحالتك حاله .. ترى الرحله كلها على شرفك
حسام : يوطي على المسجل حبيت اجلس لحالي فيها شيئ
عبد الرحمن ركب السياره جبنه : قولي ياخوك وش مكدرك هاللوون
حسام : تنهـــد بالم
عبد الرحمن : من هي اللي سوت لك كذا
حسام استغرب : شنو
عبد الرحمن : انت تحب وان ماخاب ضني فهي من هالبنات الي هنا
حسام : ـــــــــ
عبد الرحمن : طيب اخطبها وريح بالك
حسام : صعب اتقدم لوحده اعرف انها تحب حد ثاني .. دومي اتناساها لكن موراضيه تغيب عني
عبد الرحمن : هد بالك ياخوي البنت مهما حبت تراه كله كلام وطيش حبها الحقيقي لزوجها
حسام : هو يحبها بعد وقالي انه بس يشتغل بيتزوجها
عبد الرحمن مستغرب كيف يعرف ان البنت تحب غيره لا ويعرف ان الريال بعد يحبها وناوي يعرس عليها
: حسام وش عرفك انت هي قالت لك ..
حسام : لا هو الي قالي
عبد الرحمن مستغرب اكثر وماحب يسال عن البنت لانه مو من حقه : طيب من هذا الي يحبها اعرفه انا
حسام : ولد عمك نايف
عبد الرحمن : ههههههههههههههههههههههههه ههههه
حسام مستغرب : قايلك نكته انا
عبد الرحمن مو قادر يمسك حاله : اي انت هههههههههههههههه اكبر نكته هههههههههههههههههههه
حسام وصلت عنده الف : الشرهه علي اللي قاعد اشكي لك ولا انت ماتنعطى وجهه جا بينزل من السياره
عبد الرحمن ... مسكه وهو بعده يضحك
حسام : هدني انا بحالتي وانت تضحك
عبد الرحمن .. خلاص خلاص بقوولك شفيني ههههههه
حسام : اسمعك
عبد الرحمن : نايف يحب ريهام
حسام مندهش ان دحوم يعرف
عبد الرحمن : يعني انت تحب ريهام
حسام : تستظرف حضرتك هماني قلت لك قبل شووي لاتسوي ابو العريف خوز عني
عبد الرحمن مسكه لايطلع : اللي ماتعرفه ان ريهام ماتدري عن هوى داره
حسام عدل جلسته : شلوون
عبد الرحمن : انا دوم اسمعها تقول لسحر تتشكى منه وكلا تقوول عنه سخييييف وماتواطنه من عيشت الله
ونايف يقولي عن مواقفه وياها ساعات .. وانا دوم اطنز عليه وااضحك عليه حتى صار مايقولي شفيه من زود ما اضحك عليه
حسام : بس هو قالي انها خبرت تهاني اخته انها تحبه
عبد الرحمن : يمكن خدعه حتى ماتفكر تتقدم لها ..
حساام استاااانس من الخاطر بعد كلامه مع عبد الرحمن ومن وناسته قاام حبه على راااسه : فددديت قلبك ريحتني
عبد الرحمن : دام شيه عليك كابتشينو ودوونااات
حسام : لك كرسبي كله ياروحي هع
عبد الرحمن : هههههههههههههه عجب اهل الغرام .. لكن بتخبرك هي تحبك ؟
حسام : مدري بس احيان احسها تحبني
عبد الرحمن : اشك ان رهام تحب ... بس لاتتامل ياخووي
حسام : ياريال لاتهدمني بعد مابنيتني
عبد الرحمن : ما ابيك تعيش صدمه اكبر من الي عشتها طول هالفتره فهمتني يابو الشباب
حسام وتفائله قبل شوي تلاشى لكنه يحس براحه : طيب قووم نصلي المغرب
راحوا تجددوا للصلاه وصلوووا

البنات ع المغرب طلعن من المسبح بامر من حمزه اللي عصب على ريهام حتى يطلعون يصلون وبالمره بيفضي المسبح لان دورهم يسبحون
طلعت جمانه وريمه وسلمى طيران فووق ع الحمامات وانتم بكرامه يسبحن ويتجددن للصلاه
سحر ودلال تقدموا على الحمامات الي تحت وانتم بكرامه
ريهام وهدى مالهم مجال بقوا ينتظرييييين حد منهم يخلص حتى يسبحون ويتجددوون
تهاني طلعت قبل كل البنات بامر من امها وخلصت قبلهم واحليلهاا
طلعت سلمى .. والثنتين حراب يبوون الحمام .. وسلمى واقفه عند الباب بالنص : بــــــــــــاااااس
وخروا عني امشي ثمن تهاوشوا
هدى : خلاص الي يدخل قبل انتي هنا وانا هنا >>> مهبل صار سباق
ريهام : طيب يلا راحت ع اليمين وهدى ع اليسار .. مشت سلمى وطيران ثنتيناهم
هدى استحلت الحمام لان ريهام تكرفست رجلهاا
نزلت تحت تنتظر لكن البنات مروقين والبرد ذبحها : اووف
ام حمزه : رهيم مكيف شغال بتموتين روحي بدلي
يــمه كلهم نذووول مخليني مثلجه وهو نايمين بالحماام .. وترجف من البرد
ام حمزه : اتصلي على حمزه يوديك الملحق لعيال كلهم بالمسبح عن تمرضين
ريهام : اتصلي يمه انا حدي بموووت من البرد
ام حمزه تتصل محد يرد .. تعالي انا بوديك
راحت الملحق ودخلت تسبح وامها تنتظرها
ام حمزه : يابنتي استعجلي شوي عن يجي حد من عمانك وانا هني فشله
ريهااام : يلا يمه البس دقيقتين
شويه وفتحت ريهام الباب ... وبيدها كيس ملابسها المبلله .. وعلى راسها الفوطه الا يدخل حسام بهمجيه
ريهام ارتبكت من طريقة دخول هالادمي يوم شافته حسام دخلت الحمام وسكرت الباب ثانيه
ام حمزه : شفيك ياولدي مدرعم خرعتنا
حسام : اسف ياخاله جيت مسرع نسيت فوطتي ماعرفت انكم هنا السموحه منكم
ام حمزه : مسموح ياولدي البنات شغلن كل الحمامات وبقت بنت خالتك بردانه جبتها هنا تسبح دامكم تسبحون
حسام وهو يطلع : خذو راحتكم انا بطلع
ام حمزه .. وي تعال خذ فوطتك انتظر
حساام راح المسيح مره ثانيه ولا انتبه لخالته
ام حمزه : اطلعي يابنتي خلينا نطلع قبل لاحد يجي
ريهام طلعت مع امها وراحن للفله .. صعدت تصلي
ريمه بعد ماخلصت ريهام صلاه : وين رحتي رهيم وهي تضحك
ريهام مقهوره منها اكثر من الباقين لكن ماتبي تبين لريمه هالشيئ : ابتسمت رحت حمام الملحق
ريمه انقهرت لان ريهام هاديه وماعصبت : يوووه ماتفشلي انتي
ياسمين انقهرت من تصرف ريمه : هي انتي امي راحت وياها وبعدين لعيال يسبحون كلهم والرجال بغرفة البلياردوا
دلال ماتبي المشكله تكبر : قوموا ننزل عند الحريم نسووي سواااالف
سلمى : اي والله يلا ننزل .. قامن البنات وحدرن تحت جلسوا عند الحريم اللي معابلين بالمطبخ
>> بعد ماكو مطاعم كل وقت
ياسمين جاها اتصال من سلطان وقال لها تطلع له بيتمشون بالزراعه
ياسمين : دلال خلي لعال معك انا بطلع شوي
دلال : ها ويا الحبيب ( ترفع حواجبها وتنزلهم )
البنات كلهم يضحكوون وريهام تصفر
ياسمين انحرجت منهم : عن المسخره بتاخذيهم ولا شلوون
سلمى : اصلا لومك عارفه انها بتاخذهم وبتخاف عليهم اكثر منك ماقلتي لها هع
ياسمين : فديتها تخاف على عيالي
سحر : روحي لاتتاخري عن سلطانك .. قامت ياسمين تعدلت وتعطرت ثمن نزلت
البنات يصفقووون ويتصاففرن ههههههههه
ياسمين .. ماتنعطوا وجه انتم سبالات وطلعت عنهم
.. جلسوا يسولفوون والبعض منهم اشترك مع الحريم يساعدونهم ع العشا

عند الشباب .. طلعن من المسبح بالتدريج حتى يبدلووون .. ماساكين مالهم الا حمامين الملحق وحمام المسبح
بعد ماطلعوا كلهم اجتموا عند الحديقه .. وفتحوا النافذه الكبيره المطله ع الغرفه تبه البلياردوا وشغلوا الاستريو ع الاغاني
حمدان يرقص وشاد حيله ... والبنات يسترقون النظر ..
زهير قام مع ولد عمته يتراقص .. والشباب يشجعوون
عبد الرحمن ما استحمل وقام يزرف معاهم >> يزرف كلمه ايمارتيه يعني يرقص
وسحب معاه نايف وطلال
ريهام تصفر وسحر وسلمى يصفرووون هع هع
لعيال من سمعن تصفير ارتبشن وشدوا الحيل بالرقص هههههههههههه
حتى الحريم طلعوا يتفرجوا عليهم
بعد نص ساعه تعبوا لعيال وجلسوا يناهتوون من التعب ..
ابو حمزه : هههههههههه ماكو لياقه بسرعه تعبتوو
زهير : اهـ انت تطالع بس ياخال وماتدري وش قد نصرف طاااقه
ابو حمزه : وش بقيت للشواب قوووم يول .. شغلو له مصري خله يتعلم
الكل ههههههههههههههههههههههه
سحر عندها شريط ميوزك مصري يربش ماااره راحت طيران جابته من فوق وشغلته
زهير استجاااب لها وكانها توجه بريموت كنترووول *_^ وقعد يرقص لين خلااااص تعب حده مايشووف من التعب
جلس على طلال .. وحليله طلال عفسه زهير
الكل هههههههههههههههههه
ام طلال قم عن الولد بتذبحه كل ثقلك عليييه
زهير توه يستوعب يوووه : ويوخر عنه بدون لايقوم >> بالفصحى يتدحرج بالعامي ـــــــــــــــ هع
ابو حمزه : ياجماعه جعناا نبي ناكل انامقدر انتظر كثير ( ابو حمزه عنده السكر ولازم ياخذ الدوا )
ام حمزه : فالك طيب الحين نزهبه ع السفره
الحريم والبنات رباعه ومرتبشين ناس يرتبون السفره وناس يغرفون واجواء حلوووه بتعاونهم

بعد العشـــا .. عاده سيئه عندهم بعد الوجبه لازم شااااي ..
اجتمعن بالحديقه على الشاهي والنعناع
مع السوالف والضحك
سلمى : نبي نلعب زهقنا
سحر : وش رايكم نلعب طقيقه هع
ام حسام : توكم متعشييين عن تتعبون خلكم جالسين
دلال : نلعب لعبة الصراااحه شرايكم
عبد الرحمن نبي نلعب معكم
حسام وعجبته الفكره وبراسه شيئ .. ايه صح نبي نلعب
ريمه : مايخالف انتم جنب بعض وحنا جنب بعض ونسوي حلقه
سلمى : رزة الفيس من طبايع التيس
زهير : اوووول مره اسمعك تقولين هالمثال .. اعترفي من علمك اياااه
ريهام : تراني ماقلت لها شيئ
الكل ههههههههههههه
زهير : وش قولك اجل ان حنا بنلعب معكم ماسمعنا رايك غريبه هاي
ريهام وبخاطرها وش هالوهقه ذي : انت تبي تلعب يعني
زهير : ايه لاتضيعي السالفه كلنا بنلعب معكم
ريهام : خلاص الشيخ كل شيئ ولا زهير بعد بس كل واحد يجلس جنب اخته حتى مايصير تحيز وتتعاونوا علينا
عبد الرحمن انا بصفكم احم احممم .. الشواااب من بيلعب منكم
ابو سلطان : شابوا اركبك يالسبال
عبد الرحمن : افااااا ابووويه انا ماعنيك اعني العجايز السود << قصده الحريم والسود هي العباايات هع
الحريم كلهم بصووت واحد : نعــــــــــــــم
عبد الرحمن توهق حده : اقوول تحبوا الكيك
الكل هههههههههههههههههههه
عبد الرحمن : فديتكم اسوي سوالف بس ^_^
ابو حمزه : انا بلعب معاكم
لعيال تصفيــر والبنات تصفيق ههههههههههه تحمس ابو سلطان وقال انه بيلعب هو بعد
عبد الرحمن : محموود قم جب قرشة مااي من المطبخ
محمود : راح يجيب القرشه ودحووم يرتب الحلقه كالتااالي
سحر جنبها ابو سلطان وجنبه دلال بعدها حمزه بعده ريهام وجنبها ابوها محمد
جنب محمد طلال وجنبه ريمه بعدها سلمى جنبها حسام وعبد االرحمن وزهير ونايف
سحر : لازم حد يفرق امبينكم انتم
ريهام : اي اتفاقنا كذا ولا شو يازهير
زهير : خلاااص هدى تجي جنبي
وصارت هدى بين عبد الرحمن وزهير >>> لو انا منها مارضيت اصير احتياط هع

ابو حمزه : هدى تفر الغرشه
فرت هدى الغرشه وطلع طلال يسال دلال ..
طلال : وش رايك فيني
دلال صريحه مره : ماعليك كلام رجال كفو .. بس يبي لك تتسنع تشتغل
طلال انحرج بس مابين هالشيئ وقال لها يبين لها انه يبي الشغل : على يدك ياشيخه
فر الغرشه .. حسام يسأل سحر .. حسام وده يسأل وحده ثانيه تعرفوها اكيد *_^
حسام : من هي الغرشووبه من هذول يأشر ع البنات
سحر : اشوى ماقلت غرشووب هع : كلهن بسم الله عليهم
عبد الرحمن : قالك غرشوبه هب غراشيب يعني وحده ياعزيزتي
سحر : أنـــا .. وماعندي جواب ثاني
ريهام : تعجبني هالجمجمـــه كفك ويضربون كفوفهن هع
فرت سحر الغرشه وابو حمزه يسأل عبد الرحمن
ابو حمزه : كم رصيدك بالبنك
الكل : ههههههههههههههههههههه
عبد الرحمن : لا ياعم هاي تعدي ع الخصوصياات
حمزه : هماك دقيت الصدر بتلعب .. كون صريح فديتك
عبد الرحمن : اجل اذكروا الله .. الجميع لااله الا الله
عبد الرحمن بشكل سريع قال 120 الف وصلو ع النبــي
الكل يضحك عليه ويصلي على محمد وال محمد
فر الغرشه : وريمه تسأل ريهام
ريمه تبتسم لريهام : تحبي من من هالمزاايــين
الكل انصدم من السؤال ويطالعون ريهام اللي تطالع ريمه بنظره مش مفهومه
حمزه : سؤال سخيف وماله داعي يابنت الخاله
طلال : غيري سؤالك
ريهام وهي عارفه قصد ريمه تبي تعرف اذا تحب نعيم او حد من الموجودين : انا بجااوب عليها

[درة الاحساء]

البااارت الرابـــع ..


فر الغرشه : وريمه تسأل ريهام
ريمه تبتسم لريهام : تحبي من من هالمزاايــين
الكل انصدم من السؤال ويطالعون ريهام اللي تطالع ريمه بنظره مش مفهومه
حمزه : سؤال سخيف وماله داعي يابنت الخاله
طلال : غيري سؤالك
ريهام وهي عارفه قصد ريمه تبي تعرف اذا تحب نعيم او حد من الموجودين : انا بجااوب عليها

**
الكل يترقب بصمت للجواب على سؤال جريئ اشبه باعتراف
ريهام متغصصه لكن مبتسمه بشموخ : كلهم احبهم لكن الحب اللي تقصدينه انتي للحين بعلم الغيب ولا ادري يصير لواحد من هنا او لا
الكل يصفق لهاا و ابو حمزه : يبوس جبين بنته وهو مبسوط من الخاطر منها
ريهام : تبوس يده وهي تحس براحه كبيره لرضا ابوها
حسام : حس بنوع من الخيبه لكن ردها كبرت بعينه اكثر
ريمه مقهوره لانها ماحرجت رهام ولا عرفت تحب منهم او لا
ريهام فرت الغرشه .. زهير يسأل ابو سلطان
زهير : مافكرت تعرس مره ثاانيه على الخااااله
ام سلطان سمعته وانصتت حتى تسمع راي حمد >> الزوجه الثانيه تفقد المرا ه ثقتا بنفسها هع
ابو سلطان : الله يخسك وش هالسؤال ناوي على زوالنــا انت
الكل ماعدا ام سلطان هههههههههههههههههه
ام سلطان : جاااوبه
ابو سلطان : وحد عنده دااانه ويدور غيرها
ريهام تصفر : صدقت ياعمي من يعوف هالغااوويه هع هع
ام سلطان تضبط حالها عقب ما ارتاااحت هههههههه >> حتى لو فكر يعني بيقوول ههههههههههههه
ابو سلطان يفر الغرشه ونايف يسأل ريمه
نايف تعمد يحرج ريمه وكانه ينتقم لريهام : كم سنه سقطي بالمدرسه
ريمه بعدم اهتمااام : سنتين
عبد الرحمن قاام يضحك يبي يقهرها لانها واضح انها ماهتمت للسؤال والدليل جوابها البارد
ريمه توو تحس يالاحراج : مايضحك
عبد الرحمن : لا بس تخيلت هدى تصير معك بصف هههههههههههه
ريمه قامت
ام حمزه : دلال يمه قومي نومي عيال اختك لاينامون هنا
دلال : فديتهن الحين يمه ..

الكل قام متوجه لغرفته يرتاح بعد هاليوم الحااافل باللعب والوناسه وتعب الطريق
حتى ياسمين وسلطان رجعوا حتى ينامون

الفجر الساعه 4
ابو حمزه بعد ماصلى الفجر .. يقرأ قرآن بترتيل جميل يحب الانسان يستمع له
ريهام بعد ماصلت نزلت المطبخ سوت لها كافي وراحت الحديقه اللي جوها مع النخيل والازهار مه هبوووب نسمات بارده جوه خيالي
جلست على مرجوحه تشرب الكافي وشدها صوت القران مو اي صووت صوت ابوها
ريهام : فديت ذا الصووت وراعيه .. راحت الملحق دخلت أحم حتى ماتخرع ابوها وجلست تستمع له
ابو حمزه بعد ماخلص .. ريهام : غفر الله لك
ابو حمزه بابتسامه : لكِ ولوالديك .. يعني ترجع لي (:
ريهام : تستااهل فديت رووحك .. ربي يسلم لي هالصووت يجنن
ابو حمزه : فداك الكون ياقلب ابووك انتي
طلع من الغرفه حسام مفتح عين وومسكر عين و كان لابس برمودا مقلم ابيض واخضر وتي شرت اخضر
شعره لانه كثيف طالع مكشكش والبرمودا رجل عدله ورجل لفوق الركبه
حسام : صباح الخير
ابو حمزه وريهام صباح النور
ريهام بعد ماصبحت رفعت راسها تشوفه : شافته حاولت تتماسك لكن ماقدرت ههههههههههههههههههههههه
حسام بابتسامه لكن عليه اكبر علامة تعجب : ضحكينا معك
ابو حمزه : شف وش حالتك ثمن اسال ههههههه
حسام يطالع بنفسه .. شاف حاله وعدل البرمودالكن ريهام لازالت تسكت ثواني وترجع تضحك
حسام شك بحاله : وشفيه بعد .. ريهام : طالع المرايا هههههه ابويه بسوي لك فطور حتى تاخذ دواك
ابو حمزه : عفيه على بنيتي .. ريهام وهي طالعه .. صوت حسام احسبيني معك ..ريهام : ابشر
دخل دورة المياه وانتم بكرامه وخذ له دش وتجدد ثمن صلى الفجر وتعدل
وهو يمشط شعره : تضحكي علي عاد اللي يسمع تصحين وشعرك حلو الا منكوش ويغطي الشمس
هههههههههههه شقاعد اخربط انا بس يااازين ضحكتها
حمزه .. شو استخفيت تكلم حالك
حسام : من زماااان مستخف
عبد الرحمن شو هالصدعه هااي الواحد ماينام منكم
حسام : قوم لاتفوتك صلاة الفجر
حمزه : يتثاااوب وين رايح على هالصبح كاشخ
حسام : ابد العم بو حمزه بيفطر قلت بفطر معاه
عبد الرحمن انتظرني بجي معك
حسام : رب ماشر .. والصلااااه
عبد الرحمن : الا ركعتين مابتاخر ويتثاااوب وهو فاتح فمه
حمزه رجع نام ولا على باااااااااااااله
حسام طلع لبو حمزه اللي قاله انهم بيفطرون بالحديقه .. وراحوا هنااك
ريهام جابت الفطور .. مسويه بيض مسلووق .. وطماطم وزيتووون وجبنة بيضا وخيار
وحليب بااارد مسخنته وجلسوا يفطرووون وحسام كل شوي يوزع ابتسامه اربك ريهام
عبد الرحمن : ورى ماتنتظروووني
ابو حمزه : حياااك ياولدي
عبد الرحمن : لا الله يدووم النعمه ماحب ذا انا
ريهام : الحين اسوي لك كورن فلكس
عبد الرحمن : كفووو بنت محمد
حسام : ماتستحي على وجهك انت
عبد الرحمن يغايضه : ليييش هي حابه تفطر دحوومها ^_^
حسام والغيره بتاكله بس وجود باو حمزه ماسكنه
اما ريهام ماصدقت تجيها فرصه تقووم عن انظار حسام .. جابت لعبد الرحمن الكورن فلكس واستئذنت تصحي البنات
ونايف وزهير مقبلين ..
زهير : وحنا مالنا رب
ريهام : وانا خلفتكم ونسيتكم
نايف : افا يابنت العم حنا جووواعه
ريهام : الحين اكيد حد صحى من الحريم وبيسون فطوور
زهير : انا واحد مابفطر الا معك
حسام : زهير لاتعب البنت من الفجر تكرف في المطبخ
عبد الرحمن يهمس لحسام : اي خايف على القلب يتعب وتجيه ضربه بكوع حسام
نايف والغيره ذابحته : يلا ريهام فطرينا عشان خاطري
ريهام ودها تعطيه قنور بس ابوها بيعاتبها لانه مايرضى عليه : فالك طيب
نايف مبسووط حده : فالك مايخيب
حسام وده يقوم ويكفخه .. : عشان خاطري قال
عبد الرحمن : اركد لاتفضحنا
حضرت لهم نواشف ( جبنه وزبدة الفول السوداني وزيتنون وطماطم ) وبراد شاااهي
حطته قدامهم بدون لاتتكلم ومشت
نايف بصوت عالي تسلم يدك يابنت العم
ريهام ماردت وهذا اللي ريح حسااام انها سوت صمخه هع
راحت غرفت دلال بتصحيها اول مافتحت الباب شافت ريمه بوجها شينت وجها وطلعت
اوف نفسيتي زفت وش اسووي الكل ناايم
راحت غرفتها : شغلت الانوار وطفت المكيف وفتحت النافذه
سحر : هييي ياخبله شتسوووي
ريهاام : بسكن رقاااااااد قووموووا خلونا نسبح
سحر : شو هالعله هاااي ابي انام
ريهام راحت عندها : سحوره حبيبتي قومي والله طفشت بروحي
سحر : صحي بنت خالتك اللي ولا حست على هالحفله
ريهام : انتي قوومي وبوريك فيهااا
قامت سحر وهي تتأفف الشرهه ع اللي يشاركك بغرفه .. مهبله اني يوم صرت معك
ريهام : هههههههه ودك بس ماتفارقيني .. التفتت على جمانه اللي غطت راسها وكملت رقاد >> نوم ثقييييل
ريهام شالت عن راسها اللحاف : جمانوه قومي بطيب ازين لك
جمانه ـــــــــــــــــ
ريهام متعوده على جمانه مو بسهوله تصحى .. خذت كاس المااي وكبته على البطانيه من جهة بطنهااا
وطلعت من الغرفه ^_^
سحر تصلي .. جمانه على ماتسرب لها الماااي وحست بالرطووبه قامت بسرعه
سحر التفتت لها .. جمانه اللي كانت لابسه بجامه اورنج سااااده قالت لها سحر وش ذاااا !
جمانه منحرجه حدهااا ومصدوومه ومو عارفه تتكلم بس تطالع بملابسهااا
اللي تكونت عليها بقعه كبيره
سحر استحت لانها حرجتها : روحي اسبحي لاحد يشوفك
>>> مساكين عبالهم صدق وشسمى ^_*
راحت جمانه تتسبح وهي متضايقه حدهاا
ريهام تدخل الغرفه : اوووف ابي حد يشغل العين ابي اسبح
سحر مركزه النظر على مكان وقفة جمانه ـــــــــ
ريهام : شفيك سحور
سحر ولازالت تناظر نفس النقطه : ولا شيئ
ريهام : تطالع نفس المكان .. خير وش تشوفي هنااا ( تاشر ع المكان )
سحر : تعالي ننزل تحت
ريهام باخذ لي ملابس لاني بسبح .. توجهت للدولاب شافت سرير جمانه محد ابتسمت
ريهام : غريبه جمانه قاامت
سحر : يمكن حلمانه حلم مزعج
ريهام كانها استنتجت : ليش مزعج يعني >>> ام التنااحه
سحر : مدري .. يلا خلينا ننزل
ريهام حبت تكمل المسرحيه ,, جلست على سرير جمانه اصبري تخلص جمانه و تجي معنا
شوي وقاامت يوووه وش ذااااااا >> يزعم ماتعرف
سحر ماعرفت وش تسووي .. اشششش اسكتي لاتسمعك هي متضايقه من نفسها شكلها انحرجت مني
ريهام كاتمه الضحكه بقوه : لاتقوووولـــي
طلعت جمانه من الحمام ولونها مخطوووف
ريهام : ههههههههههههههههههههههههه ههههه
جمانه دمعتها بعينها لكنها ماتكلمت
سحر بهمس : رهاموا سكتي لاتحرجين البنت حرام عليك
ريهام : هههههههههههههه جمانوه يالخبله هذاا ماي اني كبيته عليك هههههههههههههه
جمانه لازالت تستوعب الكلام
سحر يوه وانا عبالي وشسمى هههههههههههههههههههههههه
جمانه توها تفهم كلامها : ياسبااااله وتلحق ريهام اللي كانت تركض لتحت وهي تضحك وصحت كل النايمين
ياسمين تدخل غرفة دلال : دلال وين عيالي
دلال بصوت كله نوووم : هذاهم نايمين
ياسمين : سمعت تطارد وضحك عبالي شهد تلعب مع حد
ريمه : هاي اختك الخبله منو غيرها بعد
ياسمين قامت : لخبال بعيد عنها ياعزيزتي .. وطلعت
ريمه : اختك ذي دمها ثقيييل
دلال : انتي حاولي تكون ظريفه مع ريهام وبلا هالتصرفات
ريمه : انا كذا مع الكل مو مستعده اتغير على حساب خواتك. طلعت تغسل فيسها

جمانه تلاحق ريهام .. وريهام تناهت من التعب : حرام عليك روحي صلي وخليني اريح شووي
جمانه : اول اعضك اطلع حرتي
ريهام : شووووووو بتفطرين عليا
جمانه تركض لها ... وريهام تطلع من باب المطبخ .. وطراااااااااااااخ
رفعت راسها وحمدت ربها انه حمزه : دخيلك ياخويه احميني منها
حمزه رفع راسه وشاف جمانه مبلمه
جمانه وقفت منحرجه لانها طلعت بدون العبايه وزين الفوطه على راسها
حمزه : وده يضحك عليها بس متماسك .. سلامااات
جمانه توها تستوعب : طيران داخل الفله
حمزه شفيييك انتي وياها
ريهام : واااه تعبت تبي تعضني خاطرها تفطر عليا
نايف سمعها وهو مار بيروح للمطبخ آآهـ معذوره
حمزه مارد عليها وراح عند العيال ( زهير وعبد الرحمن نايف وحمدان ) محمود لازال نااايم
ريهام : لحقته .. السلام عليكم
الكل : وعليكم السلام
ريهام : كيف اصبحتم
زهير كانك تتميلحين لانك شفتينا قبل ساعه ونص
ريهام : لاياولد الخاله الحين شفتكم رباااعه مايصير اسلم
عبد الرحمن : ياخي خلهااا خاطرها تحرك لسانها
حمدان : يمكن تسوي له رياضه حت يخف من طوله
ريهام : هيهي تستظرف حضرتك ..
حمزه : شتبين الحين
ريهام : امممم ياليت يتكرم الاخ الفاضل زهير يشغل لنا العين نبي نسبح
زهير : انتي من جدك بتسبحين على هالصبح .. بــرد والعين مايها بارد
ريهام : لا ياولد الخاله ترى ماباقي الا 5 دقايق والشمس تغطي الارض بشعاعها
زهير : لاتحلمي نسيتي امس وش سويتي
ريهام : ياولد خالتي ترى حنا عيال اليووووم
زهير : لاتحاولين المفتاح ومعي يعني لاتعبي حالك تروحي لبوي هالمره لو ترمي الشماغ مايفيدك
نايف : ياريال عطهااا اليوم مفطرتك
زهير : قل خيرا او اصمت هع
ريهام مشت عنه وهي ماده البوز شبرين ومقهوووره حدهاا تبي تسبح
حسام و طلال .. رايحين للشباب صادفوا ريهام
طلال يهمس : وي ماده البوز اول مره يهزموها
حسام : شفيها بنت الخاله زعلانه
رهام ناسه روحهااا وتتكلم كنها بتصييح دلاعه يعني هع : اقول لزهير يشغل العين مو راضي
حتى مفتاح المسبح معه .. قهر والله اليوم العصر بنرجع متى اسبح يعني مو حاله هذي حاقد علي من امس سبحت قبله
حسام مندمج على التشكي وطريقتها بالكلااام
طلال هههههههههههههههههه .. راديو ماسكتت ثانيه من تكلمت ول ول
ريهام تخزه : ياريت تسكت احسسسن لك مب متفيجه لك انت بعد
حسام : انا عندي مفتاح المسبح تبينه
ريهام كنه عارض عليها المليووون : اييييييييييـــه ابيه والابتسامه من الاذن للاذن
طلال : سبحان مغير الاحوال هههههههه
حسام : طيب انا اعطيك ايااه واشغل لك العين لكن وش لي
ريهام : ولد الخاله يعرف يستغل المواقف
حسام بابتسامه عريضه : من بعض ماعندكم
ريهام : طيب وش تامر فييه
حسام : امممم تعطيني لابتوبك لمدة اسبووع
ريهام : ليش انت ماعندك لاب >> على نياتها هههههههه
حسام توهق : الا عندي بس اخترب بالعمل ابي استخدم لابتوبك وبرجعه لك قبل ارجع العمل
ريهام : خلاص بعطيك اياه لما نرجع بس تشغل لي العين وتخبر زهير اني بدون عقال او شماغ خذيت المفتاح والعين اشتغلت
واحرص بانه مايدري الا لين تتعبى البركه
طلال : هههههههههههه مايفوتها شيئ

طبعا هناك عيون تراقبهم اكيد عرفتوووا منووو
حسام : تــــم .. انتي روحي تجهزي مع البنات عند باب الفله وجايكم بالمفتاح
ريهام متونسه من الخاطر : راااعيهااا ابو مهنــد
طلال : شو انت عندك ولد من الهنديه
حسام : الهنديه مرتك .. تعالي من وين طلعتي لي بمهند هااي
ريهام
بعفويه : هذا جزاااي بعد ارفع من شانك هماك انت الحسااام والمهند من نفس الفصيله
بكره ينادون ولدك بالمدرسه المهند حسام الـ....
حسام هههههههههههههههههه خلااااص بسمي ولدي مهند

جاتهم العيوون المراقبه ..
شعنكم واقفين نص سااعه .. اقلطوا معناا
ريهام بدون نفس : بروح للبناات .. سي يوووووو
نايف انقهر من حركتها ومن ضحك حسام وطلال معها .. وش تبي منكم
حسام متعمد يقهره : قالت لنا نكته بنت عمك هاي سوووالف ههههههههههههه
نايف شوي ويكفخ حساام وقفتكم معها مالها داعي
طلال : وش هالكلام مثل ماهي بنت عمك بنت خالتنا .. وحنا ماتعدينا الحدود
حسام لازال مبسوط وده يقهر نايف .. لا طلال هو خايف عليها من حقه ابتسم ومشى للعامل ياخذ منه المفتااح

ريهام دخلت الفله وكل الحريم مع البنات يتفطرن : يلا بنات الي يبي يسبح
ام نايف : انتي هذا همك وشكلك جايه عشان البركه بس
ريهام : لو ماتبيني اسبح تامرين امر ...
ام نايف : اي لاتسبحي الحين العصر بنمشي ونبي نرتب غريضاتنا ونرتب الفله بعد نبي نخلص بوقت
ام حسام : خليها يام نايف حنا بنرتب الاغراض والفله العمال يرتبوهاا .. روحي يابنتي
ريهام : فديتك خالوووه .. وتحب راسها وطيران فووق تجهز حالها .. اول مادخلت الغرفه تمسكها جمااانه
جمانه : يالسباله مسكتك اخيراً
ريهام : فديتك اممممطخ >> يعني تبوسها هع
جمانه : لا والله .. عقب اللي سويتيه تبوسيني مابتشفع لك
ريهام : والله انا ابي اصحيك وانتي مشوار على ماتصحين ومافكرتك بتظنين كذا انتي وسحر هع هع
جمانه اول اعضك ولا ما اساامحك
ريهام : تمد يدهاا عضي وخلصيناا
جمانه ماطاوعها قلبها تركتها بجيك يوووم هين
ريهام .. ياقلبي الي يخاف علي .. يلا بنسبح تجهزي

بعد ربع ساعه البنات ( سحر وسلمى وجمانه وريمه دلال ) .. باقي الشله مالهم خاطر يتسبحن
طلعن عند باب الفله اللي كان حسام ينتظرهم بمسااافه بعيده شوي
ريهام : سلمى روحي جيبي المفتاح منه
سلمى : لا ياشيخه دامه قال لك روحي انتي
ريهام : وانتي تخافييين تروحي .. يلا رووحي وبلا هذره
سلمى : مب رايحه
ريهام : ان رحت انا مابتسبحين بقفل الباب علينا
ريمه : على حلالي واطق ههههه
ريهام : ريموووه روحي جيبيييه
ريمه : اوكيك .. راحت لعند حسام اللي لاهي بتلفووونه وعين علجوال وعين ع البنااات
ريمه : صباحك الخير حسام
حسام بدون لايرفع راسه صباحك النور
ريمه : وين المفتاح
حسام رفع راسه لها وهو موعاجبه الوضع ان ريمه الي جايه تاخذه : اي مفتااح
ريمه : البركه بعد اي مفتاح
حسام : اسف ماعندي
ريمه فكرت ان ريهام تكذب وانها استخدمتها وسيله حتى تجيب المفتاح راحت لهم : انتي يالكذااابه ماعنده يقول
قاعده تطرشينا من مساعه عشان تفشلينا ونجيبه لك
ريهام : هي لاتخربطي هو قال عنده مفتاح وبيعطينا اياه
ريمه باستهزاء ههههه روحي جيبيه اشوف
ريهام راحت له والشرار يتطار منها : حسااام صدق ماعندك مفتاح
حسام مبتسم لان اللي خطط له صار : الا معي هماني قلت لك بجيب لك اياه
ريهام لازالت معصبه : وشوله ماعطيته ريموه السباله تفكرني اكذب
حسام : اي المفتاح لها مافي لك انتي فيه
ريهام ارتبكت من طريقته بالكلام : ممكن تعطيني المفتاح
حسام مبسوووط : سمي
خذت منه المفتاح وراحت تفتح مبنى المسبح بدون لاتقول للبنات انه عطاها المفتاح
دخلت والمسبح لسى ما متلى والعين شغاله .. دخلت المسبح وقفت عند الماااي يصب عليها
ريهام : وش معنات لها مافي لي انا فيه .. والله ماينعرف للانسان هذا اوف انا ليش افكر فيه وانا سمعه يقول مافكر فيني
البنات شافن ريهام تروح جهة المسبح .. ولارجعت .. لحقوووهااا
دخلوا شافوها تحت الماااي
سحر : رهيييييم .. ورى ماتقولين لنااا انك هناا
ريهام مالها خلق حد : يوه الشيخه نسيت ان اذونك مسكره بقطن >> متعمده تقوول اذونها هع
سلمى : مادرينا انك خذيتي المفتاح
ريهام تطالع ريمه : عطاني اياااه بنت خالتك قال لها ماعنده يمزح معها وجت تطب فيني
نزلن البنات معها وارتبشن بالسباحه
ريهام فكرها مشغوول بحسام ر..رطلعت ودخلت حمام البركه وانتم بكرامه تتتسبح
البنات استغربوا انها طلعت بالعاده هي اخر وحده
ريهام بعد ماطلعت من الحمام كانت لابسه بنطلون بني وبلوزه بيج مطعمه بنقشه بنيه من جهة الظهر
توجهت للشماعه ولبست عباتها الكتتافي ولفت راسها بالفوطه الورديـه
والبنات يناظروها باستغراب وهي ولا داريه عنهم : توجهت للباب بتطلع
سحر : ريهااام وش فيييك حبيبتي
ريهام تلتفت لها : سلامتك بس مصدعه شوي .. قفلوا الباب لايجيكم زهير يقطعكم >> حتى وهي مصدعه تحارب^_^
طلعت تتمشى بملل لين وصلت الحضيره وتغير مزاجها مع البط لانها تحب البط
شافت حضيره مقفله ومافيها نافذه والفضول يقطعها تبي تعرف وش داخلهاا حطت اذنها علها تسمع ماكوو
اووف مافي صووت : ياااي لو يكون خيل ونااااسه .. بس ماله صوووت >> تكذب الكذبه وتصدقها هههههه
..... : شتسووين هنا ؟

تتوقعوون منوووه اللي شاف ريهااام ؟؟

[درة الاحساء]

البارت الخامــس ...



طلعت تتمشى بملل لين وصلت الحضيره وتغير مزاجها مع البط لانها تحب البط
شافت حضيره مقفله ومافيها نافذه والفضول يقطعها تبي تعرف وش داخلهاا حطت اذنها علها تسمع ماكوو
اووف مافي صووت : ياااي لو يكون خيل ونااااسه .. بس ماله صوووت >> تكذب الكذبه وتصدقها هههههه
..... : شتسووين هنا ؟

ريهام مفزووعه من الصوت القوي والي طلع فجاه : ارقص . . يعني وش اسووي اتفرج
.. : ماتعرفي ان العامل يجي هنا يرعى البهايم لو جا وشافك
ريهام : وانا شو دراني بعد .. ومشت بتطلع من جهة الحضيره
مسكها من ذراعها لحظه
ريهام تشل ايدها بقووه : باي حق تمسك يدي
نايف : اسف ماكان قصدي .. بس خفت تروحي وانا بقولك
ريهام : خير
نايف : انتي ليش تعامليني بجفاء واحس انك حاقده علي
ريهام : انا ماحقد على حد و شلون تبيني اعاملك يعني
نايف : انتي تعامليني غير عن الباقين لما اشوفك تضحكين مع عبد الرحمن وتسولفي معه وزهير وحسام حتى طلال
وانا ع الهامش لو ما اكلمك ماتلتفتي لي
ريهام : والمطلوب
نايف عصب : رهام حسي فيني انا احبك
ريهام كانت تبعد هالفكره من راسها : تجاوزت حدودك معي والافضل ماتفكر بهالحب لاني اعتبرك مثل اخوي .. ودارت بتمشي
نايف مسك ذراعها بقوه : بس انا تركت الكليه وتوظفت حتى اتقدم لك
ريهام تتلقى الصدمه الثانيه وتتالم منه : اتركني
نايف لازل ماسك يدها لانها تحاول تمشي : ابا اعرف رايك
ريهام والعبرا خانقتها : اتركني ..
نايف : مابي اضغط عليك اكثر بس فكري بالموضوع عدل ترك يدها
ريهام دارت على طول مشت وعيونها ماتحملت الدموع .. سمعت صوت لعيال وقفت مسحت دموعها ومشت متجهه للفله
حمزه لمحها ... حمزه ريهام تعالي
ريهام سمعت لكن مادارت له كملت طريقها دخلت الفله وتواجهت مع حسام اللي كان طالع وبيده سلة فواكه
حسام : شفيك عيونك كانك مصيحه ؟
ريهام : مافيني شيئ بس من السباحه عيوني كذا
حسام ماصدق : ريهام هذا دموع وللحين عينك فيها دموع زهير عصب عليك
ريهام : لاماشفته اصلا ومشت عنه
حسام راح للشواب بالفواكه وشاف نايف معاهم وشكله مضايق
حسام : خير نايف بلاك عاقد النونه
نايف : سلامتك
عبد الرحمن : الا فيك كانك ذابح ديايه ويتمت فريخاتها
نايف مبتسم بدون نفس : قول هي ذبحتني
عبد الرحمن وكانه فهم من يقصد : ياولد الحلال الدنيا ارزاق
زهير مب فاهم شيئ : شتخربطون انتم دياي وذبحتني وارزاق .. مابينهم وجه شبه
نايف : قوله هالكلام
حمزه اتصل لياسمين وقال لها تشوف ريهام شفيها ورجع جلس عن الشواب والعيال

من جهه ثانيه البنات خلصن سباحه وطلعن ربااعه لجهة الفله
زهير من وين طالعين انتم .. >> مابعد درى هههههه
سلمى : كنا نتمشى
زهير بشك لانه شاف فوطه عند سحر : اجل وين المعزبه عنكم
سلمى بدون لاتنتبه : طلعت قبلنا
زهير : انتم شاقين الارض وطالعين منها من وين لكم المفتاح
البنات يطالعون حسام وكانهم يبونه ينقذهم من حشرة زهير
حسام معاهم جسد بس ولايدري عنهم وكل فكره ريهام ليش تصيح
سلمى : شفناها مفتوحه ولعين تصب فيها
طلال يهمس لحسام : اصحى وهقت البنات المحقق زهير بيبلشهن
حسام توه ينتبه : زهير انا شغلتها شفتهن يبوها تركتها مفتوحه لهم
زهير :
نروح عند ياسمين اللي تكلم ريهام بغرفتها
ياسمين : ياقلبي انا اختك الكبيره قولي شفيك لاتخوفيني عليك
ريهام : مافيني شيئ بس نايف شافني عند الحضيره وصارخ علي لاني بروحي هناك
ياسمين خافت : رهووم بس صارخ عليك وتصيحين مايصير .. لاتخوفيني
ريهام وعيونها تدمع وحاطه يدها على ذراعها اليسار : لا .. سالني ليش اعامله غير عيال خالتي وقال انه يبي يتقدم لي
ياسمين : طيب شفيها يدك ..
ريهام : طحت واناراجعه
ياسمين شيلي العبايه بشوفها ..
ريهام : مافيها شيئ بس تالمني
ياسمين شيليها طيب بشوفها
ريهام شلت العبايه .. ياسمين شافت ذراعها لونه احمر وبدا يقلب على الازرق : على شنو طحتي انتي
ريهام وهي تطالع ذراعها الي بين فيه صبعين من يد نايف .. : مادري مانتبهت
ياسمين اتصلت على دلال وقالت لها تصعد معها ثلج
ياسمين : ريهام وش قلتي لنايف لما قال بيتقدم لك
ريهام : قلت له ينسى لاني اعده مثل اخوي
ياسمين : وهذا السبب الي يخليك ترفضينه .. ليه ماتفكري فيه كزوج صدقيني راح تغيري فكرت انه مثل اخوك
ريهام : لا .. نايف ماراح يتقدم لي امه ماراح تخليه لانها ماتستلطفني وحتى لو اقنعها وخطبني شلون بتعاملني
لاتستبعدي انها تتحكم متى يجلس معي ومتى ياكل معي وغير كذا انا مابي نايف شخصيته عكسي تماما
دلال وبيدها صحن فيه ثلج شافت ام نايف تتصنت على باب غرفة ريهام وقفت
سلمى من وراها .. دلال اصبري بقولك شيئ
ام نايف مشت بسرعه لغرفتها ترتب اغراضها
دلال : شتبين انتي بعد..
سلمى : شفيك معصبه
دلال : لابس شفت صرصور وعصبت >> تقصد ام نايف هع
سلمى : مالاحظتي ان طلال يخزك بنظراته لك
دلال ملاحظه : مانتبهت له خليه عنك بروح اودي الثلج لياسمين تعالي معي
دخلوا الغرفه .. سلمى : شفيك رهووم مصيحه
ياسمين : تعبانه شوي ..
دلال نست ام نايف : وش صار لك طلعتي من البركه صاحيه
ياسمين : خذت الثلج وحطته على ذراع ريهام
سلمى : رهامي تكلمي شفيك حبيبتي
ريهام : بس طحت وتعورت يدي تعرفين بنت خالتك حسااسه ( :
سلمى : اي بس ماشي حد يروم لج (:

ام نايف بغرفتها : اجل ماتبين نايف عشان انا بسيطر عليه هين يابنت محمد
بس ماكذبتي انا ماتمنيتك زوجه له بس هالدثوي شلون قال بيتقدم وماقال لي .. يصير خير

بعد الغدى الكل راح يرتب اغراضه
وعلى الساعه 3 العصر شدوا الرحال راجعين لبيوتهم

الساعه اربع ونص الكل في بيته

ريهام ترتب دروسها وتذاكر ودلال توها تحل واجباتها

جمانه تحل الواجبات وريمه ايزي عندهاا حتى بالفصل قبل تجي المس تحله >> الله والشطاره

وبعد العشا الكل ناام من التعب

يوم ثاني ..
حسام بغرفته يتذكر شوووقه يوم تغني .. ويردد نفس المقطع
محتاج اشوفك ياضوى عيووني .. قلبي وروحي عنك يسألوني
مثلي تبكي لونسيت مثلي تسهر لو غفيت ..
وشولوون انام الليل من دونك وشلون اغفى وانا من دونك

اهـ ياحلات منطوقها .. ولا شكلها عذاااب .. وتكر شكلها يوم دخل الملحق وهي طالعه من الحمام
كانت لابسه بجامه برمودا اصفر مخطط بابيض بالعرض وتي شرت كت اصفر بالوسط غيوم
والفوطه الورديه اللي خففت من حدة اللون الاصفر طالعه كيوووت
حسام : بس ليه امس مصيحه .. من زعلها اووف .. اقوم عن هالغرفه لا استخف >> وهو لسى ماستخفيت
الكل بغرفة الطعام يفطرون ابو حسام وام حسام وزهير وسلمى وهدى
حسام : السلام عليكم .. وحب راس ابوه وامه
الكل وعليكم السلام
زهير : حد يصحى وهو ماوراه دوام .. ماعندك سالفه
حسام : ههههه احب اشوفك رايح جامعتك احس بمتعه ياخي
سلمى : اي ايي يديه بالنار مو مثل اللي بالماي
زهير : انتي من رابعتي بنت خالتك كل شويه ترمين لنا مثل ولا حكمه ..
سلمى توها تتذكر ريهام : يوه ما اتصلت بها اسال عنها
ام حسام : خير شفيها .. زهير : يمه هذووول مهبل ماكنها امس كله معها
سلمى : انت شحارك عليهااا .. لانها كلا تغلبك هههههههه
زهير : انطمي تغلبني لانها تشوف مساعدين لهااا ويطالع حساام
ابو حسام : لاتنغز لي ترى البنت تستاهل اعاونها عليها اسلوووب يلين الحديد
زهير : يابووي ما انغز لك بس هالبنت عفريته
سلمى : اثاريك ناضلها مسكينه امس مدري شفيها طلعت من المسبح قبلنا وبعدين شفنتها تصيح ويدها من الطيحه غدت زرقه
حسام .. كنت عارف انها صايحه بس وش السالفه مدري
هدى : يلا تاخرنا عن المدرسه
ابو حسام : يلا يابووي وصل خواتك لايتاخرن
زهير : ان شاء الله يبى حب راس ابوه وطلع لسياره ولحقوه البنات
ابو حسام راح شغله
حسام : انا بعد بطلع يمه تامريني بشيئ
ام حسام : سلامتك ياولدي انتبه لنفسك
حسام : يحب راس امه ويمشي يتجهز ..

عند بيت ام ام طلااال

ام طلال : قومي روحي مدرستك لايسكرون الباب
ريمه وهي مسكره عيونها عن لايطير النوم : يمه مابروح ماحليت واجباتي
ام طلال: انا تعبت معك راسي عورني منك .. وطلعت من الغرفه
طلال نايم وتلفوونه يرن .. وهو ولاداري
ام طلال سمعت تلفونه دخلت له : اخذت الجوال بتطفيه بس شافت المتصل حسام وردت عليه
حسام : قوه خاله شحالج
ام طلال : بخير يعلك بخير وعافيه
حسام : اكيد طلال نايم لاني اتصلت مرتين مارد
ام طلال : ايه يمه الحين اصحيه لك اقلط ..
حسام : تسلمين يالغاليه .. بغسل سيارتي وبمره خليه يجهز
ام طلال : ان شاء الله .. في حفظ الله
ام طلال تصحي ولدها ويالله قاام .. بعد ثلث ساعه جا حسام .. سلم على خالته وطلع مع طلال
حسام : شفيك كنك معصب للحين فيك نوم
طلال : لا نايم من البارح ..
حسام : شفيك طيب قلي ياخوك ترى اعين واعاون
طلال يتنهـد : مليت من جلسة البيت وشهادتي ماتوكل خبز هالايام ( طلال مخلص ثاني ثانويه )
حسام يحط يده على كتف طلال : هونها وتهون ياخووك الاماتحصل مكان فيه رزقك لاتيئس
طلال : مافي شيئ يهوون علي بالمره
حسام : طلال انت تتمنى تشتغل صحيح لكن مو من طبعك تتضجر من وضعك لابشغل ولا غيره
طلال : ــــــــــــــــــ
حسام : انت تحبها
طلال اكبر علامة تعجب : من الي احبها
حسام : دلال
طلال مصدووم كيف عرف شعوره ناحيتها : شدخلها الحين وبعدين اشمعنى هي ماقلت غيرها
حسام .. لاني احب مثلك : لانها هي لمحت لك ان ناقصك شغل .. ونظراتك لها تدل انك تحبها
طلال : ـــــــــــــــ
حسام : ابي كلامها يزيدك عزيمه حتى تحصل على شغل لاتفكره انه عيب وذكرته فيك
طلال وعلامات الضيق تنجلي منه : تسلم ياخوك .. والله يكتب لي واشتغل باقرب فرصه
حسام : قدها وقدوود .. خشمك .. ويدقوون خشم >> وهــ بس ^_^

يت ام نايف .. الساعه عشر
ام نايف توها صاحيه من النووم .. فريده سووي لي فطور
فريده زين مدام >> لو تقول ماما تقصبهاا ههههههههههه
جلست عند التلفزيوون تتفرج .. لين وصل فطورها قعدت تاكل وتفرفر بالتلفزيوون >> ولاتدري عن البيت
لين الساعه 11 .. رن تلفون البيت
ام نايف بدون نفس : ايوا
.. : السلام عليكم
ام نايف : وعليكم السلام .. من معي
... : معك مرشدة مدرسة المتوسطه .... موجوده ام تهاني
ام نايف : معك ام نايف خير
المرشده : خير ان شاء الله .. لكن حبيت استفسر عن غياب تهاني .. ومن الصبح نتصل ماكو رد
ام نايف ماتدري اذا غايبه او لا : ايه كنت مع تهاني بالمستشفى حرارتها مرتفعه >> ام الصواريخ عن لاتقول مدري هع
المرشده : ماعليها شر ان شاء الله ياليت لما تداوم تجيب عذر من المشفى حتى مانحسب لها غياب
ام نايف : ان شاء الله ..
بعد ماسكرت منها .. فـــــريـــــــــــــــــ ــــــده فريده ويهد
فريده مشغوله بالمطبخ ومن صوتها ارتعبت وجت طايره : نعم ماما
ام نايف مانتبهت لماما ولا كان ذبحتها : وين تهاني
فريده : تهاني روح مدرسه
ام نايف مسكت فريده من شعرها المغطى بالحجاب : المدرسه يقولون غايبه انتي شفتيها قامت ولبست مريولها
فريده تتالم : والله ماما انا اصهيها وهيا لبس مريول واخذ شنطه بعدين انا في روح اشيل الفطور
>> ما اعرف اتكلم شراتهن انتم حوره كلام شغالات ^_^
ام نايف روحي عن وجهي
ظلت تروح وتجي متوتره وين راحت هالبنت ياربي
نتركها تحاتي ونرووح لعند الثنائي طلال وحسام اللي ماخولوا مكان ماراحن له
بعد ماطلعوا من الكوفي توجهوا لنخل ابو طلال اللي قريب منهم >> اي نخل غير زراعه لاحظووو
حسام : اقولك طلووول بروح بيت خالتي ام حمزه
طلال : شعندك توك امس شايف الخاله
حسام : لالا باخذ لابتوب ريهاام ..
طلال : تعال صدق انت لابتوبك خربان
حسام : لا اصلا ماجبته معي .. قلت اطقطق على جهازها
طلال : خلاص بعد يطلعون من المدارس نسير

عند عبد الرحمن بشغله : اووه تعبت من هالارقام خايف اخبصها بس
خالد زميله بالعمل : خذ لك بريك ريح فيه انا قمت 4 مرات ورجعت وانت عادك ساجد على هالورق
عبد الرحمن : ابي اخلص حتى ارجع بدري البيت
خالد قام : انا بروح اسوي شاهي تبي
عبد الرحمن .. اذا ماعليك تعب
خالد : تامر امر ومشى يسووي شااي
عبد الرحمن ايييه خل اتصل على الغرشووبه على قولت رهامووه خذا جواله واتصل على البيت
ام سلطان : الوو
عبد الرحمن والله امي صوتها حلوو : ـــــ
ام سلطان : الوووو
عبد الرحمن غير صوته : الوو السلام عليكم
ام سلطان : وعليكم السلام
عبد الرحمن : لو سمحتي ياخاله هذا بيت ابو سلطان الـ .....
ام سلطان : وصلت خير .. امر ياولدي
عبد الرحمن وعجبه الدور : طيب ممكن اكلم الاخت ام سلطان
ام سلطان : معك ام سلطان ياولدي
عبد الرحمن : الله يحفظك ياخاله فكرتك الجده عذرا .. واصطنع ضحكه غير ضحكته
ام سلطان عصبت : انت بتقول شتبي ولا اسكر مو فاضيه لك
عبد الرحمن وكاتم ضحكه : لا ياخاله ابقولك .. حنا ياطويلة العمر مسويين عروضات لاواني المنزل وحبيت اخبرك لايفوتك العرض حتى مايفوتك
ام سلطان نست سالفة الجده : عمرك طويل ياولدي .. بس وشعرفكم اني بشتري مواعين >> الله يهديك هو حدددك بالاسم
عبد الرحمن : لا ياخاله حنا مانعرف بس انا حبيت اخبرك احتياط حتى لو تبين تشاركينا بالعرض >> يبيها تساله منو انت وهي بالها بالاواني
ام سلطان : زين ماتقصر ياولدي بس وين محلكم
عبد الرحمن : لايهمك ياخاله انتي تعالي وانا بسوي لك خصم زياده .. شكرا لاتصالك طوط طوط
ام سلطان : الحين هو المتصل .. بس ماقال لي وين معرضهم
عبد الرحمن : ههههههههههههههههههههههههه ههه
خالد دخل المكتب : شو انهبل تضحك بروحك
عبد الرحمن : ههههههههههه بلاك ماتدري شصار .. وعلمه بالسالفه
خالد : هههههههههههه .. ماتيوز من سوالفك

عند ام نايف صارت 12 وبنتها للحين ماكو خبر عنها
ابو نايف : السلام عليكم
ام نايف متوتره : وعليكم السلام
ابو نايف : شفيك كنك معصبه
ام نايف اي لو بقولك شيفكناا : ايه معصبه على فريده
ابو نايف : اخرتها بتشرد على يدك .. ومشى لغرفته لانه الساعه 3 يداوم
ام نايف : اوووف وين راحت هالبنت
صارت 12.30
ابو نايف مستغرب من حالها : انتي للحين هنا ..
ام نايف : تبي شيئ
ابو نايف : ابي غدى قبل لا انام
ام نايف بتوتر واضح : الحين فريده تحطه ومشت للمطبخ
على السفره ام نايف وابو نايف
ابو نايف : وين لعيال
ام نايف : نايف بشغله اليوم دااووم ..
ابو نايف : وتهاني .. المفروض انها وصلت
ام نايف متوتره : ايه تهاني نامت تعباانه >> ياخي تراه ابوها ورى ماتخبريه يدورها
ابو نايف : خير انتي اليوم حالك مو عاجبني وشفيها البنت
ام نايف : لا مافيها شيئ بس حرارتها مرتفعه .. بقوم اشوفها وقامت تتهرب من اسئلته وراحت غرفة تهاني
ام نايف : شغلت النور وشافت تهاني نايمه وعليها المريول .. ارتاحت وحمدت ربها انها بالبيت

خارج النص : من منكم فكر غلط باختفاء تهاني ^_^

تهااني تهاني قومي يعلك اللي مانيب قايله >> يعني الشغاله مالها رب تدعين عليها وبنتك لا
تهاني بثقل : هممممم
ام نايف : قومي قولي لي ليش مارحتي المدرسه
تهاني : راح الباص عني ونايف مشى بدري جيت ونمت
ام نايف تحمد ربها : قومي ابوك يسال عنك انا قلت له اك تعبانه لاتخرين قدامه >> خوش تربيه

عند طلال وحسام
حسام : قووم الحين الساعه 1 الا خمس اكيد طلعن اهل المدارس سوالفك ماتخلص
طلال : يلا قداااام

بيت ابو حمزه

دلال تقطع السلطه ..
دخل حمزه ولاحست فييه وحب يسوي فيها مقلب << الا نذاله
حمزه بصوت عالي : دلال قوومي تحتك صرصوور قوومي
دلال خافت من ربكتها جرحت صبعها بالسكين بسرعه قامت ولاحست بصبعها: وينه
حمزه يمكن تعلق في بجامتك روحي غيري
دلال يمه وطارت فوق
حمزه بعد ماراحت ههههههههههههههههه
ابو حمزه توه جاي : السلام عليكم
حمزه : وعليكم السلااام هلا بويه ويحب راسه
ابو حمزه : شفيك تضحك بروحك
حمزه : ههههههههههه مسوي مقلب في دلال قلت لها صرصور في ملابسك ههههههههه
ابو حمزه : الحين تجي وتسوي حشره معها تحمل مايجيك ولاتتكلم انت الي بديت
حمزه : هههههههه لابويه مابتزعل ان شاء الله
ريهام بعد ماخذت شور ع السريع صلت .. ونزلت .. تحت شافت ابوها واخوها ودلال
دلال : تلعب علي تخوفني وتخليني اجرح صبعي وانت تخرط علي
حمزه : يابنت الحلال انا شفت صرصور متاكد شوفي وين راح
ريهام : والـــدي العزيز قد اتــى .. وتحب راسه
ابو حمزه : اتى منذو دقائق ولم يراكِ ايتها الجميله
ريهام : بل وصلني شعاع نورك وشذى عطرك ولكن الصلات قد قامت
ابو حمزه : فالعذر مقبول ياصغيرتـي
حمزه يكلم دلال : اخذي .. الوالد مع اختك يمثلون مسلسل تاريخي
دلال : اي رايقين ..
ام حمزه : دلال قومي زيني السلطه .. وقامت دلال مع امها
رن الجرس راح حمزه للباب ورجع قال لريهام ودلال يتحجبن ويلبسن عبيهن لان حسام وطلال هنا
طلال مع حسام : السلام عليكم
ابو حمزه : وعليكم السلااام .. حياكم اقلطــووو
حسام : الله يبقيك .. جلسوا يسولفووون .. وابو حمزه ماخلاهم يمشون الا يتغدوون
على السفره .. دلال مرتبكه لوجود طلال .. اما ريهام مسووويه قويه ولاعليها من حد >> بعدي
ام حمزه : كلوا ياعيال لاتستحون كلكم عيالي
ابو حمزه : البيت بيتهم مايحتاج يستحون بعد
حسام : تسلم ياعم هذا حنا ناكل غدى خالتي مافي منه
طلال فكره بصبع دلال الملفووف بس خجلان يسالها >> خجول هالادمي
ريهام لاحظت هدوء طلال اللي كانه يفكر بشيئ وربكة دلال الي موعارفه تاكل ولا تقوم وحبتت تخفف من توترها
ريهام : طلااااااال >> تمدها

[درة الاحساء]

البارت السادس ..

طلال فكره بصبع دلال الملفووف بس خجلان يسالها >> خجول هالادمي
ريهام لاحظت هدوء طلال اللي كانه يفكر بشيئ وربكة دلال الي موعارفه تاكل ولا تقوم وحبتت تخفف من توترها
ريهام : طلااااااال >> تمدها

طلال : سمي
ريهام : سلمت .. وش اكلت قبل تجي بيتنا
طلال : ابد من فطوري ماشربت الا كوفي مع حسام ورطب بالنخل ..
ريهام متعمده : طيب ماكليت سلطه بعدين دلال تبطل تسوي لناسلطه >> عبالها كحلتها
طلال يطالع دلال ياحي هالطاري : الا باكلها بس لاتراقبيني
دلال بخاطرها هين يارهيم انا اوريك بس يجي نايف >> انتقاميه البنت

بعد الغدى .. وبعد ماشربوا الشاهي
استئذن ابو حمزه وام حمزه وراحن غرفتهم
حسام: ها ريهام على الوعد
ريهام ناسيه : اي وعــد
طلال : ههههههههههههههه ولاكنها سبحت ومشت كلامها كالعاده على زهير
ريهام تذكرت : اقول خلك ساكت الحين طلع لك لسان وع الغدى صم بكم بس عميا لا لانك شاق لعيوون
حمزه : رهاموووه بلعي لسانك كليتي الولد
طلال ودلال وحسام : هههههههههههههههههه
ريهام تحب راس حمزه : فديتك يابو محمد ببلع لساني واذا تبيني اقوم برايك بقووم وقامت
حسام : هيييه يابنت لاتتهربين اللاب اول ثمن سيري
ريهام : افا ولد الخاله ما اتهرب يفداك اللاب كله
طلال : لاتصدقها مصلحجيه هذي الحين تقولك تبي شيئ
ريهام : خلك طافي .. اوووه سوري اخ طلال .. حسام ممكن تنتظر لين يقضي ثمن تتفضل تتكلم
حسام طاير من الفرحه طاير .. ياحلات اسمي على لسانك يعلني افداج
حمزه : حسام شلك بلابتوبها تراه كلك .. بتقولك صلحه الحيين
ريهام : افا بو محمد اليوم شفيك علي تراني اختك حبيبتك الصقيروونه
دلال : بدت موال الدلع
حمزه : اووه دلال تكلمت .. فكرتك نايمه >> مشكله اذا الاثنين مرتبكين هههههههههه
دلال : انتم ماتخلون مجال لحد يتكلم
حسام : الحين شلوون بتعطيني اللاب ولا امشي
ريهام : لا الشيخ بروح اجيبه لك تستاهله ولوو .. صعدت غرفتهاا جابت شنطة اللاب سم ياطويل العمر
حسام : سلمتي .. اربع ايام وارجعه لك
ريهام : خذ راحتك .. يلا انا استئذن
دلال قامت : انا بعد استئذن
طلال : انتي ماتداومين شعندك
حمزه : ليش تبي منها شيئ
طلال يصرف حاله : ايه ابي عصير مانجوو
حمزه : البوفيه على الشارع الثاني لاهنت
حسام : ياولد الحلال خليها تسوي له
حمزه : ماعندنا مانجوو رح جب كرتوون وتسوي لك منه
دلال : حلفوا بس انتم
حسام : شو الشيخه مابتسووين بنسير البوفيه

طلال مصر ان دلال تسويه : انا مابي من البوفيه شغل هنود
دلال : انا عصير مانجو مابسوويه تبون فيمتو بسووي غيره لاتحلموون
طلال : اها هو ولا القله اهم شيئ بارد
دلال راحت المطبخ وسوت لهم الفيمتو وحطته قدام حمزه ثمن صعدت فوووق لغرفتها واخذت نفس عميق
ريهام : ههههههههههه كاتمين نفسك من مساعه
دلال : بسم الله منين طلعتي انتي
ريهام : بعد صرتي ماتشوفين .. حالتك صعبه ياختي
دلال : شقصدك ياالسباله
ريهام : اقصد طلوول ولا تلفي وتدوري معي لاني ملاحظه كل شيئ
دلال : انا مايخصني فيه بس هو كلا يطالعني
ريهام : طيب ليه تتوتري لما تكون موجود
دلال : مدري نظراته تربكني .. يعني انتي لما حد يراغبك تكوني مرتاحه
ريهام : لا .. طيب قولي له لاتناظرن هههههه
دلال : انتي شتسوي هنا روحي غرفتك
ريهام : لا ياماما هاي غرفتي .. وهذيك حق ياسمين
دلال : خلاص انا اخذ غرفة ياسمين وانتي ظلي هنا
ريهام : رووحــي ززين هذي الغرفه غرفتنا انا وانتي وهذيك غرفتي انا وياسمين >> مهبل هالبنت

نتركهم يتهاوشوون براحتهم
ونروح لبيت يمكن نسيتووه : ) .. بيت ابو علي ..
ام علي : قوم ياولدي بسك نوم
نعيم والنوم ذابحه : يمه توني نايم ليش اقووم
ام علي : قوم شوف ابوك للحين ماجا من النخل
نعيم بملل : طيب طيب وقام غسل وخذ مفتاحه وراح النخل
وهو يدخل النخل ينادي ابووه .. حصل العامل المصري.. انور كيف حالك
انور : بخير ولله الحمد .. عامل ايه ياراقل
نعيم : تمام .. تدري اشغال الدنيا ياعم انور .. الوالد وينه
انور : والله ياباشا هو تعب شويه وبالزور رضي يريح هنا
نعيم : خير ان شاء الله .. وراح لابوه اللي كان نايم بالغرفه .. سلامات ابويه
ابو علي : الله يسلمك ياولدي زين انك جيت ابرجع البيت معك مو قادر اسوق
نعيم : اوديك المستشفى افضل يلا قوم
ابو علي : لايابوك مافيني على المستشفيات ودني البيت بس
نعيم عارف ابوه راسه اقسى من الحديد : بوديك لكن لو ماتحسنت نروح المشفى
ابو علي : قوم ياولدي قوم .. نعيم وصل ابوه لعند البيت وراح غرفته وعلى طول للتلفون !

في بيت ابو سلطان وقت العصر
ياسمين : غريبه سحر جالسه هنا بالعاده مع رهام ع الماسنجر
سحر : اختك دفعت لابتوبها ثمن سبوووحه هههههههههه
ياسمين : ههههههههه خليها بتحس بملل هالايام والسبه ساعه سباحه
سلطان : هاي السمكه لو تروح ثانيه تدفع كل ماتملك عشان تسبح ولايهما وش تدفع
عبد الرحمن جاي من غرفته : سلم عليهم ها الشيوخ تامرون بشيئ انا طالع
ام سلطان : ياولدي بغيتك توديني محل للاواني مسوين عروضات وخصم يمكن يعجبني شيئ
عبد الرحمن يوه مانست هالغرشوبه : امي مافي عروض انتهت
ام سلطان : لا اليوم متصل علي موظف وقال ان معهم عروض وبيخصم لنا لو شرينا
عبد الرحمن يبي يطلع منها : طيب وينه فيه هالمحل يمه
ام سلطان : سالته وماقال وين
عبد الرحمن : طيب كيف بعرف يالغاليه
سلطان : لحظة اشوف الكاشف واتصل عليهم يدلوونك
عبد الرحمن توهق :
سلطان : يمه اخر من اتصل عليك هو رقم عبد الرحمن
ام سلطان : بس هو ماتصل .. طالعت في عبد الرحمن بشك : انت لاعب علي ياسبال
عبد الرحمن : الشرده نص المريله ويرفع ثوبه وماتشوف الا غباره ههههههههه

عند حسام .. من راح بيتهم مكيف بغرفته ع اللاب
حسام : نظيف هاللاب مافيه الاكم ملف .. توقعته مليان ربشه مثلها هههههههه فديتها
يمكن اشوف ايميلها مخزن .. فتح الماسن شافه خالي ؟
ذيبـــه بعد قلبي
امممم بسوي ملف اهداء يمكن تحس فيني ^_^

بعد اربعه ايام .. في بيت ابو حمزه
ابو حمزه .. : ها ياولدي انت كبرت وانا ابي اشوف عيالك
ام حمزه : هو ماعليه قاصر ياشر بس
حمزه كانه ينتظر الضوء الاخضر : ان شاء الله قريب يبى وحب راس امه وابوه
ابو حمزه : الله يرضى عليك
دلال : من بتخطب الغالي
حمزه محتار : اممم بعدين اقولك
ريهام : امووت ع الخجوول انااا
ام حمزه : خلي اخوك بحاله لاتطفرينه .. ويرن تلفون البيت
رهام : الو .. السلام عليكم .. شكرا لاتصالك بيت محمد ال... ولكننا الان مشغولين بخدمة حمزه ونتطلع في خدمتك في وقت لاحق
.... اوووب وشو هااي متصل على خدمة العملاء ههههههههههههههههه
ريهام منحرجه حدهاااا : مرحبا الف شحالك الشيخ
حسام : مرحبا بااقي .. يسرك الحال ومن صوبك
ريهام تغير الجوو : بخير مشتاقه حق لابتوبي
حسام بدون قصد : وااال وانا ماتشتاقين لي كلها اربع اياام .. وبعد عندك مدرسه تشغلك .. انا بجيبه الحين
ريهام منحرجه : لا افا عليك بس سوالف اذا محتاجه خله عندك
حسام : لا انا متصل عشان اجي اجيبه
ريهام : حيااك .. في امان الله

بعد ربع ساعه وصل حسام بيت خالته ام حمزه ..
فتحت له الباب الشغاله
حسام : سلم على خالته
ام حمزه : تفضل ياولدي .. وقامت بتضيفه
حسام : خلك ياخاله انا مستعجل بطلع بس بعطي ريهام لابتوبها
ام حمزه : الا كاس عصير مابأخرك .. جابت له العصير وعطاها اللاب ومشى
حسام : ودي شفتها بس يمكن نايمه .. والله بشتاق لك .. اهـ وش سويتي فيني يابنت .. حرك سيارته ومشى
راح بيتهم سلم على كل بيتهم ورجع لشغله

في بيت ابو نايف ..
ام نايف : شخبار الشغل معاك رايح بدري اليوم
نايف : الحمد لله .. ايه تدري اول يوم مو حلوه اتاخر
ام نايف : وعسى كل يوم تروح بدري ؟
نايف : لا اليوم لانه اول يوم وتقديم اوراق بكره بروح الساعه 8.30
ام نايف : اجل وصل اختك المدرسه عن الباص .. اليوم راح عنها
نايف وانا اقول غريبه تسال عني : ان شاء الله

في بيت ابو سلطان
سحر تتصل بريهام
سحر : انتي يالسباله لمتى بتبقين بدون لاب
ريهام تتثاووب : .. اليوم بيجيبه قال
سحر : يمكن جابه وانتي مخيمه في الرقاد قومي شوفي
ريهام : زين يالعله بغسل وبنزل تحت طوط طوط طوط
سحر تطالع السماعه : سباله سكرت هين اوريها ..

ريهام بعد ماغسلت نزلت تحت وشافت لابتوبها ع الكنب خذته وراحت غرفتها
شغلت اللاب ع الماسن على طول وسجلت دخوول

هبالي هبال راقي ( سحر ) : يرسل اشارة تنبيه
عمر الصقر ماعذبه عصفور ( ريهام ) : فيس مطلع لسانه .. علامك صاجه الدنيا
هبالي هبال راقي : هذا ترحيب لك من زمان ماشفتك بالماسن
عمر الصقر ماعذبه عصفور : احــم ادري ماترومي على فراقي يوم واحد الله يعين رجلك يوم بتعرسين بيغار مني
هبالي هبال راقي : اقول الشيخه امي تنادي بشوف شفيها وراجعه
عمر الصقر ماعذبه عصفور : سيري ياقلبي .. وسلمي عليها
ريهام : اها العب على ماتجي هالهبله .. وظلت تلعب لعبة زومـا لين سمعت صوت الماسن
سكرت اللعبه وانتبهت لملف موجود على سطح المكتب عنوانه أهــــــــــداااءr
هبالي هبال راقي : شتسوووين انتي اكلمك انا
عمر الصقر ماهذبه عصغور : دقايق سحوره انتظرني
ريهام قامت قفلت الباب ورجعت للجهاز فتحت الملف اللي كان يحتوي على ملفات صوتيه شغلت اول واحد
.. حـــظ عيني لو تشوفك كل يووم .. حظها وانت تناظر هالضيا
نام فيها نام وانعس لاتقوم ..بالسعاده ياتباشير الحيا
ريهـــااام : !!!!!!! .. لا يمكن صدفه .. شلون صدفه هو اهداء بحرفي بعد .لالا مابي اتعلق باوهام
شغلت الملف الثاني .. نسيت الناس لــ تركي
تركت باقي الاهدءات وطلعت بدون لاتسلم على سحر >> من هول الصدمه

مر اسبوعين بهدوووء على جميع العائلات

يوم الاربعاء العصر في بيت ابو نايف

تهاني : يمه ابي اروح بيت عمي ملل بالبيت
ام نايف : مالك داعي تروحين .. عندك تلفزون ونت وكل اللي تتمنيه هنا
تهانـي : طفشت من الالكترونيات ابي اتكلم مع بنات مثلي يمه عفيه خليني اروح
ام نايف : مالك روحه تسمعين .. وقامت عنها

تهاني : شو هالحاله هاي اووووف
نايف نازل من غرفته : علامك تهاذين
تهاني : ابي اطلع بيت عمي وامي مو راضيه .. مليت بمووت من هالبيت
نايف : طيب اتصلي عليهم يجون لك
تهاني : والله فكره .. اتصلت بيت ابو سلطان
عبد الرحمن : الووو
تهاني : السلام عليكم .. ممكن اكلم سحر
عبد الرحمن : اي سحر اختي شكلك غلطانه
تهاني شككت : مو هذا بيت ابو سلطان
عبد الرحمن حب يطفرها : ايه نعم بيت بو سلطان امري الشيخه
تهاني : اجل وين سحر
عبد الرحمن : اختي اذا تبين سحر دقي بيتهم بس هذا بيت بو سلطان
تهاني سدت السماعه : نايف هذا اللي يتكلم خبل خذ تفاهم معاه
نايف : الووو
عبد الرحمن : مرحبا الغالي شحالك
نايف : بخير .. يسرك الحال .. وين سحر
عبد الرحمن يبي يكمل المسرحيه : اي سحر
نايف : اقول خل عنك الهياط وناد سحر تهاني بتكلمها
عبد الرحمن : شكلك داق بالغلط ياخووي ماعندنا سحر
نايف عصب : اجل من عندكم
عبد الرحمن : انــا ما اصلح
نايف : الشرهه ع اللي يرمسك وسكر بوجهه
عبد الرحمن : هههههههههههه
ام سلطان شفيييك

نايف : ولد عمك مستهبل اتصلي بيت عمي محمد
تهاني تتصل بيت ابو حمزه
ام حمزه : الوو
تهاني : قوه خالتي .. شخبارك
ام حمزه : بخير يابنتي .. الله يقويك .. شخبارك واخبار امك والاهل
تهاني : كلهم بخير الله يسلمك .. رهام صاحيه ولا نايمه
ام حمزه : الا صاحيه اتصلي ثانيه ترد عليك يمه
تهاني : ان شاء الله .. واتصلت مره ثانيه وردت ريهام : ايوا
تهاني : مرحبا مليوووون ولايسدن
ريهااام : المرحب لاهااان .. شحالك فديتك
تهاني : بخير بس طفشاااااانه >> تمد اخر كلمه من الحره ^_^
ريهام : افاا .. سلامات خير ان شاء الله
تهاني : مليت من البيت والدراسه .. رهامي طلبتك
ريهام : تم يابنت حمد
تهاني برجاء : تعالي بيتنـا انتي والبنات نتسلى
ريهام : فالك طيب يالغلا .. اخبرهن ونجيك الليله .. لان الحين بعضهم نايماات .. وجهزي حالك سوي لنا كيكه
تهاني : اللي تبين بس تعالي
ريهام : ودي استغل الموقف واتشرط بس هالمره ببطل عادتي عشانك يالدوبه
تهاني : تامرين امر فديييت رووحك
>>> نايف جالس هااااااادي ويسترق السمع
ريهام : خلاص بعد المغرب حنا عندك .. سلمي ع الاهل .. سلام

نايف : انتي تعرفين تسوين كيك
تهاني : لا الشغاله تسويه
نايف : امممم وش رايك اجيب لك من برا شعلات تنبسطون بها
تهاني : تسوووي خييير هم نادر يجون هنا
نايف : خلاص بطلع اجيب لك احلى ضيافه
تهاني مبسوطه ان اخوها اليوم مهتم بها : الله يحفظك الغالي >>> ماتدري لمن واحليلهااا

بعيد عن الشرقيه في مقر عمله
حسام : مدري حسيتي فين يابنت الخاله ولا ماراح تعطين الموضوع اهميه
اول مره استعجل الاجازه حتى اشوف ردت فعلك من بعد الاهداءات .. الله يصبرني اسبوعين زياده
اخاف استعجلت بتصرفي .. بس ماعندي طريقه ثانيه اوصل لها شعوري
نترك حسام يحاتــي ونروح عند بيت ام ابو طلال

بيت ابو طلال
ابو طلال : وينه طلال ماشفته يومين
ام طلال : جا الظهر حالته حاله ونام
ابو طلال : بلاااه
ام طلال مضايقه على ولدها : على هالشغل .. وناس يواعدونه ويتابعهم ثمن يقولون مافي وظايف
ابو طلال : انا لله هذا حال اللي مايكمل دراسه .. انا بشوف حد يوظفه
ام طلال : ياليت يابو طلال تريح باله لانه هالايام حيل متضايق مل ن جلسة البيت
>> فديت الامهاات الحنونات انــاااا


سحر : دحوومــي
عبد الرحمن : الله يستـــر
سحر : ودني بيت عمي حمد .. انا جاهزه
عبد الرحمن : ماقلت لك اجهزي الشيخه .. انتظري ساعه افكر
سحر : شو ساعه الشيخ الحين البنات وصلن هناك
ام سلطان : ودها ياولدي
عبد الرحمن يحب راس امه : بس عشااان هالغرشوبه بوديك

في بيت ابو نايف : تهاني مرتبشه ومبسوطه ..
ام نايف : تهاني شفيك بتطلعين
تهاني : لا البنات بيجون هنا
ابو نايف : حياهم الله .. انا من الزراعه ماشفتهم
ام نايف مو مرتاحه : كان قلتي لي نسوي لهم عشاا
تهاني : مايحتاج يمه .. نايف شرا لنا تسالي وكيك وايسكريم >> وهـ خاطري بآيس ذلحين ^_*
ام نايف ماتدرين يالهبله انه لها مو لك مالت و على هالمخدي : حياهم الله
دقاايق وصلن البنات .. ريهام ودلال وسحر وسلمى وهدى .. وسلموا على ابو نايف وزوجته
حمدان : غريبه الشله هنــا اليووم
سلمى : اي حبينا نجي هنا نغير جوو
حمدان : ترى مامعنا مطر ولا ثلج تغيرين جوك
دلال : اقول حمداني ترى فيه واحد برى ينتظرك رح له
حمدان قام وطلع
تهاني حياكم .. وبسطوا سوالف
حمدان طلع وماشاف حد ينتظره رجع للبنات .. انتم شله تعبانه مامره خذنا منكم خير الشرهه ع اللي يصدقكم
ريهام : اووب ولد العم لاتعصب تعال تذوق هالكاكاوو وتروووق ا حياك
نايف يطلع من وراه : وانا مالي قطعه
ريهام من يوم الزراعه ماشافته : الخير وايد ماتحتاج عزام
حمدان : بعد بيتهم وهو جايب هالبياعه
دلال : امبونك بخيل ماتدفع ريال مدري على منوه طالع
ام نايف : عيالي مافي منهم بس ماتعرفوون لهم انتم
حمدان نافخ صدره : اي والله انتم ماعندكم ذووق ماتشوفون البنات يلاحقني
سحر : وانت اكيد ماتعطيهم فيس ومسووي ثقييل
حمدان : افااا عليك مايهموووني
تهاني : نايف خذ حمداني وطلعوا .. الليله الخميس تونسوو
ام نايف : ليش البنات متضايقين من وجودهم
سلمى : لا عمتوو عادي .. دلال : البيت بيتهم شدعوى
ام نايف كانت تتكلم معاهم ورافعه خشمها : اي تهاني دوم تملل بالجلسه لحالها هنا
ان شاء الله تجيها من تسليها قريب >> الله يستر منك
نايف يناظر ريهام : يلا انا استئذن .. قوم حمدان
حمدان : ياخي انت رح وانا ببقى هنا
هدى : حنا بنات قوم روح لربعك
ريهام : فديتك هداوي ياحلات منطوقك والله
حمدان : رهيم تراك انتي قلطتيني وضيفتيني مسرع قلبتي
ريهام : الشيخ تراني اشجع تفكيرها .. بلاك معصب
نايف : يلا فمان الله .. وطلع
ام نايف تطالع ريهام وتبتسم : انا بعد طالعه مع ابو نايف .. حمدان
حمدان : نعم امي
ام نايف بصيغة : خلك هنــا بالبيت يمكن البنات يحتاجون شيئ مشت
حمدان : يووه لو طلعت مع نايف احسن لي من حراسة هالعصابه
سلمى : ترانا عطيناك وجه عشان امك هنا قوم رح غرفتك ولا عند الباب لو احتجناك بنصفر لك
ريهام : هههههههههههه حلوووه يابنت الخاله
سحر : جاني النوووم
دلال : عندي اللي يصحيك بس نفتك من هالحشره
حمدان : شووو انا امي ححطتني لكم حارس مانيب قايم
تهاني : قووم ع النت او اقولك اعزم ربعك واجلسوا بالمجلس بس قوووم عاد ابا اجلس مع البنات
حمدان : بقوم بقوم بقوم لانكم بتذلووونا ولا بتسكتووون بل بل بل رديوات ماتسكتن ثانيه وطلع
البنات : هههههههههههههههه
بعد ماطلع شغلووو الاغانـــي وفلووووهـــــــاااا ^_^

بعد مرور اسبووع

بيت ابو طلال
ام طلال : صدق الحمد لله رب العالمين .. مبروك ياولدي
طلال طاير من الوناسه : الله يبارك فيك يمه ويحب راسها
جماانه : الف مبرووك الشيخ تستااهل
ريمه قبل لاينطق طلال : كم راتبك
طلال : الله يبارك فيك .. وانتي باركي اوول تالي اسالي كم الراتب
ابو طلال يجي من برا على هالحشره : السلام عليكم
ام طلال تهلي وترحب
ابو طلال كنه ليلة عيد في بيتنا .. من بشركم قبلي
طلال يحب راس ابوه : اتصلوا فيني حتى اسلم اوراقي بكره
ابو طلال : الله يوفقك ياولدي ..
جمانه : يلا طلوول العشى عليك الليله .. طلال : ابشري

في بيت ابو نايف :
نايف في غرفته جالس ع النت
ام نايف تدخل الغرفه : شخبارك مع الشغل
نايف : بخير يمه
ام نايف : منت ناوي تخطب
نايف اللي ابيها تقول انا مثل اخوها : تو الناس يمه
ام نايف : بس انا بخطب لك ريهام
نايف وشعور مختلط فرحه على على خيبة من رد ريهام في الزراعه: ريهام
ام نايف مبتسمه : ايه يمه انا حاسه انك تحبهاا .. وبكلم امها الليله
نايف غريبه شلون حسيتي فيني : ايه انا ابيها بس
ام نايف : لا بس ولا شيئ انا بكلم امهااا الليله .. وابوك عطيته خبر وهوو مبسوط .. يلا كمل شغلك وطلعت عنه
نايف : اهـ يايمه ليتها تحس فيني هي وماترفضني

بيت ام حمزه ...

ام حمزه تتفرج ع التلفزيوون ودلال تتصفح مجله .. رن التلفون وردت دلال
ام نايف : سلمت .. وطلبت تكلم ام حمزه
ام حمزه : هلا ومرحبا
ام نايف : مرحبا الف بوخيتي .. شحالج
ام حمزه يسرك الحال .. ومن صوبك
ام نايف : بخير الغاليه .. طالبتك
ام حمزه : امري ..
ام نايف : بنخطب لنايف .. ومابنحصل له احسن من ريهاام ياختي
ام حمزه : والله يام نايف نايف رجال والنعم .. لكن الشور للبنت انا بشاورها وبرد لك خبر
دلال فاتحه عيونها ع الاخر .. وطارت فووق فتحت الباب بقووه على ريهام اللي كانت تكلم سحر وسلمى في محادثه جماعيه
ريهام : بسم الله .. انهبلتي انتي ليش هاجمه هالشكل
دلال : ريهامووو بتعرسين قبلي
ريهام : شتخربطين انتي انقلعي عني مو فاضيه لك
دلال : والله ان مرت عمي خطبتك حق نايف
ريهام مفهيه تطالع دلال : شقلتي .. دلال عادت الكلام وعلمتها بسالفة التلفون
ريهام : ولد عمك سخيف انا قايله له اعتبره مثل اخوي

انتهى البارت

[درة الاحساء]

البارت الســابـــع ..

دلال : ريهامووو بتعرسين قبلي
ريهام : شتخربطين انتي انقلعي عني مو فاضيه لك
دلال : والله ان مرت عمي خطبتك حق نايف
ريهام مفهيه تطالع دلال : شقلتي .. دلال عادت الكلام وعلمتها بسالفة التلفون
ريهام : ولد عمك سخيف انا قايله له اعتبره مثل اخوي

دلال : شلون قلتي له وش دراك انه بيتقدم ؟؟ !
ريهام : يوم احنا بالزراعه بعد ماطلعت من البركه ماشفتيني اصيح يوم تجيبين الثلج
دلال وتسترجع ذاكرتها وكنها تذكرت : اي صدق قبل ادخل وش كنتوا تقولون
ريهام : انتي فاضيه هذا اللي شاغلك الحين
دلال : لا لاني شفت مرت عمي نوره تتسمع عليكم
ريهام : شووو .. تتسمع متــى وليش توك تقولين
دلال : ايه شفتها بس هي ماتدري انا كنت اراقبها.. بس يوم جات سلمى نادتني مشت بسرعه يعني قبل لا ادخل لكم بدقايق
ريهام : يعني سمعتني شقلت لياسمين وتدري اني ما ابي ولدها يالله كيف هالانساانه .. وش ناويه عليه
دلال : انتي شقلتي لياسمين
ريهام مشتت فكرها : مادري مادري .. بتصل بياسمين .. واتصلت وقالت لياسمين
ياسمين : اهدي ياقلبي يمكن ماسمعت كل الكلام .. لاتستعجلين بالحكم يعني لو سمعتك تقولين ماتبينه بتطلبك له
ريهام : مادري مرت عمك هاي مو مطمنه لها
ياسمين : خلك منها ولاتشغلي حالك بها واذا كلمتك امي لاتبينين لها شيئ
ريهام : طيب .. يلا مع السلامه

بيت ابو سلطان :

سحر بغرفتها تكلم سلمى مايك : هالخبله هاي مدري بلاها ظلت سايلنت واكلمها ماترد بعدها طلعت
عبد الرحمن كان بالغرفه وماحست به من سوالفهاا : من هاي الخبله
سحر : بسم الله من وين طلعت لي انت
عبد الرحمن : من مصباح علاء الدين .. منو الخبله
سحر : شلك فيها جاي تتسمع سوالفي ..
عبد الرحمن : بتقولين منوه ولا شلووون
سحر : ريهام ريهام ريهام
عبد الرحمن : ليش شو سوت
سحر طفرانه بس تسوي صابره : يهمك يعني
عبد الرحمن : لا بس نسولف ماقلتي لي شو سوت
سحر : الو سلمى اكلمك بعدين لين اخلص من اللي هنا .. اوكيه باي
عبد الرحمن يبي يطفرها زود : عن شو تتكلمون عن ريهام بغيابها وتقولون عنها خبله عيب يابابا
سحر : لانها كانت معنا بالماسن وفجأه سكتت نكلمها وماترد تالي طلعت
عبد الرحمن : طيب اتصلي بها يمكن انفقع جهازها ولا النت انفصل تصير باحسن العائلات
سحر وصلت حدها : خلك هنا اا انا نازله
عبد الرحمن : هههههههههه

في شقة عصافير الحب
ياسمن من كلمتها ريهام تحاتي اختها : لو ام نايف سمعتك تقولين ماتبينه وامه السبب ليه تتقدم مايندى وش براسها
سلطان : علامه قمري سرحاان
ياسمين : سلامتك ..
سلطان : تعلميني فيك .. الا اذا ماتبين اشاركك باللي شاغلك هذا شيئ ثاني
ياسمين تحط يها على يده : افاا عليك انا ماستغني عنك بحياتي .. السالفه هي .....
سلطان وماتطمن : طيب ريهام ماتبيه بترفض يعني ماتقدر تسوي شيئ
ياسمين : انت تعرف ابوي وعلاقته بعمامي .. واكيد انه بيتمنى بناته ماتطلع برا
سلطان : بس يبقى الشور للبنت مهما كان عمي يتمنى .. يعني انتي حد فرضك علي
ياسمين : لا بالعكس انا برضاي خذيتك
سلطان : ليش وافقتي
ياسمين : توك تتسائل ليش ههههههههه
سلطان عارف بس مسوي فيها : طيب طمنيني اخاف عمي قالك مالك الا ولد عمك
ياسمين وتغير مزاجها : لالا ابويه مافرض رايه انا قبلت بنفسي لاني احبك
سلطان وصل للي يبيه : يااالبــى قلبك فديـ ...
... ماما سوفي
سلطان : مب وقتك ياولدي
ياسمين تشوف ملابس ه كلها كاكاوو : هههههههههه تعال ياماماا .. من عطااك كاكاووو
لؤي : أأأأ.. حر >> يعني سحر
سلطان : هههههه لو تسمعك تذبحك قل عمه يابابا عيب

في بيت ابو طلال
طلال يكلم حسااام : الله يبارك فيك ياغالي هاي من دعواتك
حسام : تستاااهل الخير فديتــك .. اكيد خالتي طايره من الفرحه
طلال : اي حيل تدري بكرهااا احم احم
حسام : اجل يوم اكون عندكم نخطب لك الحبيبه
طلال : والله ودي بس اخاف يقولون ماصدق اشتغل
حسام : ياريااال خير البر عاجله
طلال : لما تجي يصير خيــر

في بيت ابو حمزه
ريهام جالسه مع دلال وجمانه وريمه بغرفة دلال
جمانه : شفيك انتي اليووووم شكلك مانمتي وفكرك مو معك
ريهام : لابس مانمت عدل .. مافيني شيئ
ام حمزه تدخل الغرفه : ريهام يمه ابوك يبيك
ريهام متوتره : ان شاء الله جايه يمه
ريمه : انتي ليش خايفه شو بلاك مسويه شيئ
ريهام : انا لما اسوي شيئ ماخاف منه ..
ريمه : اجل ليش عيونك فيهم خووف
دلال : ريمه خليهااا بحالها .. قومي روحي لبوي لاتتاخري ... قامت وطلعت لغرفة ابوها
ابو حمــزه ك ادخلي يابنتي
ريهام : آمر الغالي طلبتني
ابو حمزه مبتسم ويناظرها وتر ريهام اكثر : ما يامر عليك ظالم .. بس غديتي حرمه والخطاب ع الباب
ريهام حمدت ربها انه ماصرح م هالخاطب : ابويه انا مابي شيئ يشغلني عن دراستي توني صقيره
ابو حمزه : يابنتي كلها خطبه بعدين ماسالتي من هو العريس
ريهام : ـــــــــــــ
ابو حمزه : نايف ولد عمك يبيك امه كلمت امك وابو نايف كلمني اليوم عند عمانك
ريهام قلبها ناغزها وقفت : يبى انا مابي نايف اعتبره مثل اخوويه
ابو حمزه بحزم: يابنتي انا مابغصبك على شيئ لكن مايصير ترفضين كذا بهالسرعه ع الاقل فكري لاتتخذي قرارك بلحظات نايف ولد عمك ومافي منه فكري هالاسبوع كله تالي قرري
ريهام تعبت من هالموضوع : ان شاء الله يبى بفكر .. اسمح لي
ابو حمزه : مسموحه يابنتي .. تفضلي .. طلعت ريهام وراحت عند البنات تبي تنسى
جمانه شفيك ياقلبي .. ليش مضايقه
ريمه : وش قال لك ابووك ..
ريهام كاتمه العبرا : ولا شيئ .. بس شكلي موقادره اتحمل التعب اكثر استاذن .. سلام وطلعت لغرفتها
جمانه : صاير شيئ لها
دلال : لا بس تعبانه مانامت زين
ريمه بشك : الخبر اليوم بفلوس بكره ببلاش

بعد اربعه ايام والكل عرف بان نايف تقدم لخطبة ريهام

في غرفة ريهاام .. جالسه ع اللاب فتحت الاهداء : مافي تفسير لهالملف الا واحد وهو انك .. طيب واللي سمعته ايش
اووف .. حذفت الملف وسكرت اللاب .. ونزلت تحت
حمزه : اووه عروستنا هنا
ريهام لاعت كبدها : عروسه مرتك انا توني صقيره مانيب معرسه
ابو حمزه : اتركها ياولدي مابعد تفكر زين
ريهام لازال عندك امل يابوي : ــــــ
ام حمزه : تعالي ياحبيبتي عندي .. رهام تروح وتضم امها : فديتك انا وتحب راسها
دلال: بشويش على امي لاتذبحينها
ابو حمزه : خلها تتدلع على امها .. ويرن التلفون
حمزه : الو مرحبا
.. مرحبا زود .. الوالده موجوده
حمزه : ايه لحظه .. ويمد التلفون لامــه
ام حمزه : ياهلا ومرحبا شحالج
.. : بخير الله يسلمك .. يام حمزه عذريني ع اللي بقوله بس هذي كتبت ربك
ام حمزه حست بنغزه بقلبها : خير ان شاء الله ياوخيتي
.. : والله ياختي منحرجه منك مدري وش اقول
ام حمزه : مابينا حراج .. قولي اللي بخاطرك وتوكلي على الله
... : ياوخيتي انا طلبت منك ريهام لنايف والحين هو يقول مايفكر بالزواج ولاتعلقون البنت على حسابي
ام حمزه وكان حد كب عليها ماي بارد : خير ان شاء الله .. مافي نصيب
ام نايف بانتصار : تعذري من ريهام ولاتاخذ بخاطرها
ام حمزه : هي للحين ماتخذت قرارها وماصار الا الخير
ام نايف : الخير بوجهك .. يلا انا استئذن .. مع السلامه
حمزه : خير يامــي كنك تضايقتي من هالمكالمه
ام حمزه : ام نايف تقول ولدها مايفكر بالعرس الحين ولاتعلقون البنت على حسابه
ابو حمزه مصـــدوووم :
حمزه : لعب عيال هووو مره ابي مره لا .. وعقب ما انتشر الخبر يقول مايبي
ريهام ودلال يسمعون وماهم مصدقين اللي يسمعونه
ابو حمزه يناظر ريهام : انتي قلتي لحد انك رافظه الولد
ريهام بضيق : لا محد يدري اني رافضه حتى دلال ماتدري
ابو حمزه متضايق حـــده قام وطلع

في بيت ابو سلطان

ابو سلطان : حياك ياخوووك تفضل
ابو حمزه : زاد فضلك ..
ابو سلطان ملاحظ انه متضايق : خير ياخوك بيعنا بالسوق
ابو حمزه : نشتريك بغالي .. وعلمه السالفه
ابو سلطان : شو السالفه لعبه الناس مابتقول الولد مايبي يعرس بتقص في البنت بقولون فيها شيئ وعافها الولد
ابو حمزه هذا اللي قاهرني : ياخوي البنت كانت رافضه وانا اصريت عليها تفكر ع الاقل اسبوع مادريت انه ماهو كفو ياليت رديته من البدايه
ابو سلطان يحط يده على كتف اخوه : لاتفكر بانك انت السبب الغلط ماهو منك الغلط من اخوك وولده .. لكن ربك اراد لاتشيل هم ياخوي
والبنت ماهي بايره توها صقيره وبتلاقي نصيبها اللي بينسيها هالسالفه
ابو حمزه : الله كريم .. اسمح لي ياخوي ضايفتك معي
ابو سلطان : افا يامحمد مابيننا هالكلام .. قوم تجدد نروح المسجد نصلي المغرب
ابو حمزه قام وماقدر يتوازن وطاح فاقد الوعي

[درة الاحساء]

البارت الثامــن ..

ابو حمزه : الله كريم .. اسمح لي ياخوي ضايفتك معي
ابو سلطان : افا يامحمد مابيننا هالكلام .. قوم تجدد نروح المسجد نصلي المغرب
ابو حمزه قام وماقدر يتوازن وطاح فاقد الوعي
ابو حمزه حتاس موعارف شيسوي نادى عبد الرحمن

في بيت ابو نايف :

ام نايف تبتسم بانتصار : اللي براسي وصار وبشوف يارهيم منوو بتاخذين عقب مارفضك ولد عمك
راحت لغرفة نايف ..
نايف : حياك يمه تفضلي
ام نايف بدون مقدمات : انت في الزراعه قايل لريهام انك بتتقدم لها وانك تحبها وقالت لك انها تعتبرك مثل اخوها يعني ماتبيك
نايف كاهنه مب ام : ليش الحين هي رفضتني
ام نايف : هههههههههههه لا ياحبيبي .. انت رفضتها
نايف مب فاهم : شلون يعني
ام نايف : اتصلت لمها وفهمتها انك ماتفكر بالزواج حاليا وانك ماتبي تعلق البنت تنتظرك
نايف مصدوم : ليش يايمه تقولين كذا حرام عليك تكسرين البنت
ام نايف : هي رافضه رافضه وقبل لاترفضك رفضتها انت
نايف : يمه انا ولد لو رفضتني محد بيقول عني شيئ بس هي ليش يمه
ام نايف : اسمعني البنت ماتبيك ومع ذلك انت فرحت يوم طلبتها لك تفكر انها لو صارت خطبه رسميه بترضى فيك اصحى ياولد هي ماتبيك
نايف محطم من جهتين من امه وتصرفها ومن حبه اللي من طرف واحد : ابوي يدري عن اللي سويتيه
ام نايف بعدم اهتمام : لا طبعا لما يجي بقوله البنت رفضتك ولاتزيد كلام وطلعت عنه
نايف : اخذ مفاتيحه وطلع يدور بالشوارع .لين وصل البحر . اهـ يايمه الحين ريهام مستحيل تفكر فيني عقب اللي سويتيه .. هذا غير العداوه اللي بتصير لي
بس شو اقدر اسوي اقول امي كذابه انا ابي البنت اكيد بيستصغروني وبيقولون تكذب امك عشان بنت تبيها
وظلت الافكار تودي وتجيب عند نايف ..

حمزه طلع من بيتهم متوجه لبيت عمه بونايف وطلال وعبد الرحمن تلاقوا وياه
طلال : وين رايح الشيخ
حمزه معصب : رايح لنويف الكمخه
عبد الرحمن : اهدى ياحمزه ابوك تعبان لاتزيد عليه همه
حمزه خاف : شفيه ابوي
عبد الرحمن : السكر نزل معه وفقد الوعي وزين ابوي عنده
حمزه : والحين وينه
عبد الرحمن : تطمن عطيناه ماي فيه سكر والحمد لله صار احسن
طلال : مشينا له
حمزه : ابي اشوف هالنذل قبل
عبد الرحمن : ياريال هد بالك ذلحين نجيه وقت ثاني احسن تعال نشوف ابوك

عند ريهام بغرفتها :
ريهام : انا لو عرف انها سمعت كلامي مع ياسمين بالزراعه ماكان سمحت لها بالحركه السخيفه هي ولدها كان من البدايه رفضت وصلت الرفض لها شخصيا بلساني
دلال : انا والله نسيت سالفتها والله انها قليلة خاتمه هي ولدها
ريهام : والهبل ولدها عارف اني مابيه وتقدم عباله بالحركه بيرد اعتباره ويكسرني لكن ذا بعده انا اظل ببيت ابوي ولا اخذه
ام حمزه تدخل الغرفه : بس انتي وياها وسكروا هالموضوع اللي مامن وراه خير اتصلي على ابوك طلع مغتاض ولادي وين راح
دلال اتصلت على جوال ابوها ورد عليها ابو سلطان : عمي وين ابوي
ابو سلطان : سلمي اول يابنت
دلال انحرجت : اسفه عمي السلام عليكم .. شحالك
ابو سلطان : وعليكم السلام .. بخير .. وابوك بخير بس هو يصلي
دلال خايفه : الصلاه صارت من وقت عمي ابوي مايتاخر عنها صاير شيئ
ابو سلطان : لا يابنتي بس نزل السكر معاه وقت الصلاه وتاخر شوي .. تطمني اذا خلص بخليه يدق عليكم
دلال : ان شاء الله عمي .. مع السلامه
ام حمزه جلست ع الارض : اكيد نزل معه السكر
ريهام تصيح وحاسه انها السبب بتعب ابوها وحال بيتهم
دلال : يمه عمي يقول انه بخير هدي وبيتصل بعد شوي .. وجابت لها كاس ماي
دقايق واتصل ابو حمزه طمنهم عليه

في بيت ابو نايف

ام نايف : ترى بنت اخوك رفضت ولدك
ابو نايف : متى ردوا عليكم ابو حمزه ماقالي غريبه
ام نايف : يمكن منحرج منك انا اتصلت بام حمزه اليوم وقالت لي >> داهيه هالانسانه
ابو نايف تمنى تكون ريهام لولده : خير ان شاء الله >> مسكين يابو نايف قاصين عليك

مرن يومين وريهام حابسه حالها بغرفتها موزعلانه على حالها من اللي سواه نايف لا
هي خجلانه من ابوها بالذات بعد ماتعب من الخبر

ابو حمزه : ليش ماشوف ريهام للحين زعلانه
ام حمزه : بنتك ماهي زعلانه على ولد عمها بس مستحيه منك
ابو حمزه : والله اللي صار ماهو هين ياليلى وانا خايف تسمع كلام من حد عليها
ام حمزه تبي تهديه : ريهام تعرف تدافع عن نفسها وهي اقوى من تتاثر بكلام باطل عليها بس انت انتبه لنفسك
دلال طالعه من المطبخ وسمعت كلام امها وابوها اللي كانو بالصاله .. وراحت لريهام
دلال : ريهام ابوي تحت وش رايك تروحين له
ريهام مشتاقه لبوها : مستحيه منه صديقني
دلال : هو بعد كلا يسأل عنك ويفكرك زعلانه ع السالفه وهو متلوم منك ويقول ياليت ردهم قبل هالحركه اللي سواها قومي طيبي خاطره ولا تبينه يجي لعندك
ريهام : لا محشوم ابويه انا اروح له .. قامت غسلت وجهها ونزلت تحت
ابو حمزه من شافها مبتسمه استبشر وقف على طوله : هلا بدلوعة ابووها
ريهام هرولت بمشيتها وضمت ابوها : اشتقت لك يالغالي
ابو حمزه : وانا اكثر يابنتي بس خليتك براحتك .. عذريني يابنيتي كاني ضغطت عليك حتى تفكرين
ريهام رفعت راسها لبوها : يبى انت ماتعلم الغيب والله كاتب يصير معنا كذا وعسى ان تكرهو شيئا وهو خير لكم ماتدري شالخيره فيه فديتك
ابو حمزه ارتاح وحس بقوه لصمود بنته : الله يكملك بعقلك يابنتي
حمزه يدخل البيت ويصفق : الحين اكتمل نور البيت
ريهام تبتسم له : اشوفك اشتقت وجيت تسلم علي
حمزه : ماروووم ع الدلع اني .. ياقلبي جيتك وكنتي نايمه
ياسمين تدخل مع عيالها : اشوف كل الدلع لريهام وانتي ودلال طلعنا بلوشي
دلال : انتي اعرستي عليك مني انا اللي معها ومتحمله هالدلال
ابو حمزه : هلا بنتي حياك والله كلكن قطعه من قلبي واحبكم
ياسمين تحب راسه : سلامة قلبك يالغالي .. شخبارك الحين
ابو حمزه : بوجودكم تمام التماام
ياسمين تسلم على امها .. اما دلال لهت مع العيال لؤي وشهد
ريهام : شرايكم نطلع .. مليت من جلست البيت
حمزه : وين تروحين يعني
ريهام : اممم حديقه نغير جو .. تكفى بويه نبي نطلع
ابو حمزه : واليوم يومك يابنت محمد تجهزي
ريهام : هيــــــــــااااا وطيران لدلال تخبرها
ياسمين اتصلت بسلطان اللي عجبته الفكره وقرر يجي ويغير جو مع عياله

في بيت ابو نايف :
ابو نايف : ـــــــــــــ >> سرحان
ام نايف : علامك شايل الدنيا على اكتافك
ابو نايف : اخواني لي يومين ماشفتهم .. غريبه واتصل مايردون علي
ام نايف خافت تنفضح : اكيد انشغلوا بحاجه .. لاتشيل هم
ابو نايف : مع بعض مشغولين وانا مب معاهم اول مره تصير
يدخل نايف ويرمي السلام ويطلع لغرفته اللي صار له يومين على هالحالهه
ابو نايف : شفيه نايف مايجلس معنا ولا ياكل معنا وشكله تعبان
ام نايف وطلعت بفكره : متضايق من رفضته بنت اخوك .. الا وش رايك نسافر نغير جو
ابو نايف : لا بالله منتي صاحيه الاختبارات ع الابواب وانتي تقولين نسافر ولدك تو مشتغل مايعطونه اجازه
ام نايف : ايه باقي ع الاختبارات شهر .. ناخذ لنا اسبوع نغير نفسيت لعيال حتى لو نطلع الطائف .. وتهاني ناخذ لها اجازه مرضيه >> كل شيئ معها سهل
ابو نايف : يصير خير

في بيت ام طلال ..

جمانه : يمه خليني اروح بيت خالتي مليت
ام طلال ترتب الملابس .. مافي روحه ماهم فاضين لك ولزياراتك
ريمه : يمه يعني وش فاضين له هم السالفه خلصت
طلال : ريحوا بالكم هم طالعين اتصلت على حمزه وقال انه برا مع الاهل
ريمه : اوووووف

في بيت ابو حسام ..

سلمى جالسه قبال التلفزيوون طفرانه حدها
زهير جاي مرووق : سلومه صلحي لي كيكه وقهوه من يدينك الحلوه
سلمى ناظرته بصمت ورجعت تناظر التلفزيون
زهير : الوووو ...
سلمى : في شغاله قول لها تصلح لك اللي تبي
زهير : افا الغاليه انتي اختي وبعدين انتي تصلحين احلى منها >> يصبغهاا
سلمى : كني خلفتك ونسيتك
زهير : اووووب من فتره ماسمهت منك هالرمسات اكيد كلمتي ريهام .. شخبارهاا
سلمى انفجرت : اي كلمتها والسباله رايحه حديقه تتونس وانا هنا محبوسه والله زهق بموت من القهر
زهير : ههههههههههههههههه هذا اللي حارق دمك
سلمى : شرايك انت يعني
زهير : ياشيخه البنت محتاجه تغير جوو لاتنكدي عليها يكفي اللي جاها من ولد عمتك >> اموت في الحنوون ياناس
سلمى هدت : اي والله ماتستاهل بنت خالتي فديتها مافي شراتها .. بس تصدق احس ان عمتي لها يد بالموضوع
زهير : شلون يعني
سلمى : مادري بس انت تعرف طبع عمتي متسلطه وانا اشوفها ماتستلطف ريهام حتى يوم سمعت انه طلبها لولدها استغربت
زهير : لاتحشي راسك بهالافكار وقومي صلحي لنا كيك وقهوه
ام حسام تدخل الصاله : اسمعي كلام اخوك
سلمى : ان شاء الله يمه وقامت للمطبخ
زهير : هلا بالغاليه ام الغالي (:
ام حسام مبتسمه : اي غالي تقصد
زهير : الاغلى فديتك
ام حسام : كلكم غوالي عندي والله يالغيوور
زهير : اي بعد بكره يجي المدلل ونشوف
ام حسام تضربه بالخفيف : انت ماتجوز عن سوالفك هو مايجي الا اسبووع وانت هنا عندي طول الوقت
زهير : ابشرك هالمره بيحي اسبوعين 15 يووم
ام حسام طايره من الفرحه : صدق ماقالي بعد عمري
زهير نسى تذكر ان زهير موصيه لايعلم : اوووه امي امزح معك
ام حسام : ايه قالك لاتقوولي اعرفكم انااا
ابو حسام ينضم لهم : صادقه يام حسام
زهير : انا ماقلت لكم لاتبلشوني

في الحديقه ...

فارشين فرشه وجالسن ومبسطين على الشاهي والقهوه والتسالي والحلا >> الكشته ماتحلا الا بالعيشه ^_^
ولؤي وشهد يلعبووون كوره >> يتعلموون فديتهم
ريهام بخاطرها : معقوله يانايف توصل معك لهنا .. وامك تعاونك بهالشيئ ولا عمي
ياسمين حست باختها : ريهام قومي العبي مع لعيال لايبعدون
ريهام انتبهت انها سرحانه سوت حالها طبيعيه : ايييه بنروح جهة المراجيح << انا ماعرفه الا دروفه (:
سلطان : لاترفعين لعيال فوق تراهم صغار
ريهام : لا ابشرك بفرعهن لين السمااا .. وراحت مع شهد ولؤي حطت شهد ع الدروفه وبتدت تدفهااا لفوق وشهد مبسوطه حدها
ولؤي صقيرون يطالع ويصيح وده يتمرجح
ريهام تعبت : ها خويله خلااااص ... شهد : بعد بعد
ريهام : عطيتك فيس خليها لين توقف لحالهاا .. التفت ماشافت لؤي
ريهام : وي وين راح هالنزقه .. قربت من جهة اهلها طالعت ماعندهم الولد : بسم الله وين اختفى .. وي لو اقول مدري عنه بيقتلوني ال سلطان
قامت تمشي بعيد عنهم تدور لؤي ماشافته : اويلي الولد مدري وين راح من الزيقه تدور وعيونها تدمع

في بيت ابو سلطان
ابو سلطان مع ام سلطاان يتقهووون ..
عبد الرحمن جاي برى : السلام عليكم
امه وابوه : وعليكم السلام .. هلا ودي
عبد الرحمن : هدوووء وين الاذاعات اللي هنا
ام سلطان : سحر بغرفتها وعيال اخوك رايحين حديقه مع بيت عمك
عبد الرحمن : زين بعد يغيرون جوو
سحر تنزل : وانا من يغير جوووي
عبد الرحمن : الحوووش الله لايهينك حطي لك شمسيه وانا برشك بماي الحوووض ^_^
سحر : هذا بدال ماتقول قومي امشيك
عبد الرحمن : خلااص يوم ريهام طلعت من الحبس الانفرادي بوديكم السووق
سحر : ماتودينا لله اكيد فيه ان
ابو سلطان : يوم بيوديك تقولين له كذا ولو ماوداك ماعجبك ماينعرف لك
عبد الرحمن فرحان ابوه صاف وياه : صادق يابو سلطان خشمك .. ويدقون خشووم
سحر : يابووي هاي انا خابزته ساله وشوف شيقول لك
ابو سلطان : ها عبد الرحمن متبرع توديهم ولا عندك شيئ
عبد الرحمن يحك شعره : هو انا ابي اوديهم اغير جوهم بس بعد عشان ريهام واعدتني بتعشيني >> لو تذكروون بالزراعه يوم صرف زهير
سحر تصفر : ها الوالد ماقلت لك
ام سلطان وابو سلطان : ههههههههههه
ام سلطان : ياولدي عشهم على حسابك لو ماعندك اعطيك
عبد الرحمن : لا امي ابي من عندهممممم

في الحديقه عند عائلة بو حمزه عائلة سلطان الصغننه

شهد رجعت لهم ..
حمزه : تعالي حبيبت خالوووو عطيني بوسه.. شهد راحت له وباسته
ام حمزه : وين خالتك يمه .. شهد تاشر هناك مكان المراجيح
ابو حمزه .. ماشوفها .. قم حمزه شوفها لاتبعد
حمزه : ان شاء الله .. وراح جهة المراجيح
اما ريهام اللي بتعدت عن الالعاب وصارت تمشي وتدور لؤي : ياربي وين راح .. سمعت لؤي يضحك
ريهام : لؤي لؤي ..
... : هالولد تبعكم ..
ريهام : شجيبك عند هالمخلووق : ايه ولد سلطان .. تعال خويله لؤي راح لها وريهام ضمته وين رحت ياقلبي خوفتني
نعيم ياحلات هالصدفه : شخبارك واخبار عمتي
ريهام : بخير الحمد لله .. عن اذنك .. ودارت بتمشي وقفها صوته
نعيم : الاهل هنا .. ودي اسلم ع الوالده
ريهام للحين عاطيته ظهرها اللهم طولك ياروح : ايه هناا .. روح لهم جهة الالعاب ومشت
حمزه شاف ريهام جايه : وين كنتي يابنت ادورك من مساعه
ريهام : ابد لؤي ضاع وجيت ادوره طلع مع ولد خالك يلعب وكاني راجعه
حمزه يلتفت لنعيم : انتي روحي ابوي يسال عنك .. وراح يسلم على نعيم
ريهام عند العائله : هاكم ولدكم ضاع علياا
ياسمين : شوووووو .. ريهام : ايه ضاع بالاخير شفته مع ويقاطعها حمزه : حياك نعيم
نعيم يسلم على ابو حمزه وسلطان تالي سلم على سلطان وام حمزه
دلال تهمس لريهام : يوه وش جابه ذيه هنا
ريهام تهمس لها : شفت ولد اختك معه وسلم علي لا وينادي امي عمتي ههههههههه
دلال : اسهل من يقول بنت عمتي
ريهام : يختي ماعرف اجامل ودي ارشه برمل يدخل عيونه >> هذا ماسوى لك شيئ لو ام نايف بتقتليها هههههههه
ابو حمزه : تفضل ياولدي حياك
نعيم ماصدق يعزموه : الله يبقيك .. وجلس جنب حمزه .. وقباله ام حمزه اللي جنبها دلال وريهام ع التوالي (:
ريهام ماعجبها الوضع وجوده منرفزها نادت اختها بصوت واطي: ياسمين قومي نتمشى شوي
ياسمين فهمت على ريهام ماتبي تجلس هنا : ان شاء الله .. سلطان ..
سلطان : جاي معاكم لاتضيعون انتم هالمره
نعيم حس بخيبه امل لو ادري ماجلست ..
ام حمزه تقرب منه الحلا : تفضل ياولدي لاتستحي

يوم ثاني .. الاثنين الصباح الساعه 6
في بيت ابو نايف
في غرفة نايف اللي كان يستعد لدوامه بملل سمع الباب يدق : ادخل
تهاني : صباحك الخير .. نايف : صباح النور
تهاني : اممم تعال افطر معي
نايف : مالي نفس انتي روحي فطري لاتتاخري شوي وبطلع اوصلك المدرسه
تهاني : عشان خاطري ولا مالي خاطر معك صار لي 3 ايام افطر لحالي حمدان دوامه بعد الساعه 8 ومايصحى الا لين اطلع وانت كلش ماصرت تاكل معنا
نايف ومن له نفس ياختي : خلاص عشان خاطرك بس روحي وبلحقك
تهاني عطته بوسه نزلت تنتظره تحت
بعد دقايق نزل نايف وتهاني استلمته تأكله بيدها وهو يحاول يردها لكن البنت كنها حد موصيها عليه ^_^\
بعد ماوصلها المدرسه راح شغله

بيت ابو سلطان ..
ام سلطان .. اخوك ماقام يمكنه سهران روحي شوفيه
سحر من الكسل والنووم : شيصعدني له هالحين
ابو سلطان يتاظرها : بنت اسمعي كلام امك
سحر : ان شاء الله الغالي وراحت لغرفة عبد الرحمن اللي مو داري عن الدنيا ولاكنه عنده دواام
سحر : عبد الرحمن قوم تاخرت .. عبد الرحمن :لا من مجيب
سحر بصراخ : عبد الرحمن قوووم
عبد الرحمن منزعج منها : هادمة اللذات شتبين
سحر تلعب باعصابه: من هذي اللي تحبهاا وقاعد تحلم بها
عبد الرحمن باهتمام : احلم واحبها !!
سحر : ايه سمعتك تقول احبك ياعمري وعطيتها بوسه بعد
عبد الرحمن شك بعمره : انااا .. ماذكر اني شفت حلم والله
سحر : ايه اجل تهاذي بمنووو وناسي داومك
عبد الرحمن : اوووه تاخرت وانتي تسولفين خوزي عن طريقي وقام يغسل وهو يفكر اذا حلم او لا


وقت الظهر .. سحر وسلمى قررن يروحون مع ريهام بيتهم على قولها مشتاقه لها واتصلت بامهاتهم من بيت ابو حمزه >> ماصارن يومين

ام حمزه تهلي وترحب بهن .. والبنات فرحانين على ترحيبها
ريهام : من الحين اقول لكم ماعندي لكم ملابس ظلن بالمريوول
سلمى : لما انتي تبقى بالمريول انتي نبقى حنا وتصعد فوق قبلها وسحر وريهام وراهاا
ريهام : سلموووه خذي من ملابس دلال يقدونك
سلمى : ابد مانيب ماخذه الا من عندك .. وخذت لها ملابس وراحت تبدل
ريهام تطالع سحر : نعم تبين شيئ
سحر تسوي زعلانه : خلاص ببقى بالمريول عادي
ريهام بشك : امممم عندي ملابس برميها تبين منها
سحر لازالت تمثل : لا الشيخه حتى الجديده مابيها مريولي اكرم لي
ريهام صدقت سحر : افااا انا امزح معاك كاهو الدولاب كله لك وفتحته لهااا
سحر : شكرا .. وخذت لها بنطلون ابيض وبلوزه حمرا كات مكتوب عليها lov بالابيض
ريهام : اووه ذويقه بعد
سحر : انتي تعلمتي مني تراااك
ريهام : عطيتك وجهه ماباقي الا ذي يلا روحي قبل لا اخذهم
سحر طيراااان لغرفة دلال تبدل فيها
بعد ماتغدوا واتبشن الرباعي << الرابعه دلال .. ناموا من التعب

في بيت ام حسااام وقت العصر ..

ام حسام كالعاده تنتظر وصول ولدهااا بالسلامه
زهير : يمه تكفين لاتبينين لحسام اني علمتك عن اجازه سوي نفسك تووك تعرفين لو قالك
ام حسام : انا ماعرف امثل بس بحاول
زهير يحب راسها : فديتك الغاليه مافينا على حشرة ولدك
حسام كالعاده بعد مايوصل ويزين حاله يروح لحنان الكون امه يسلم عليها
بعد موال السلام والترحيب
زهير : حياك ياشيخ حيااك
حسام : تراه بيتنا وراك تقلطني كني الا خويك
زهير : لا انت ضيف كم يوم ثمن تسير بلادك هناااااك
حسام : شوو سواق عندك اناا
ام حساام : محشووم ياولدي تعرف اخوك يسوي سوالف
هدى تبوس حسام على راسه : هلااا وغلا الحمد لله ع السلامه
حسام : هلا بك زوود ربي يسلمك لغواليك .. ماشفت سلمى وابووي
ام حسام : ابوك نايم .. واختك بيت عمك محمد من جات من المدرسه راحت مع بنات عمهاا
زهير : ايه يمه يومين ماشافنها الحين بيعيدووون .. وبنت اختك بتعلم سلمى الامثال وطوالة اللسان
ام حسام بزعل: ياولدي خل البنت فحالها كافيها الي فيها الحين اكيد بتتغير عقب السالفه
زهير : امممم ماتوقع يمه هي قويه
ام حسام : قل لا اله الا الله لاتصكها بعين حسبي الله عليك ومشت عنهم
حسام مب فاهم شيئ : عن شنو تتكلمون مافهمت شيئ
زهير : هذا ياخوك نايف خطب رهام
حسام من قال خطب وريهام انقبض قلبه وقطب حواجبه
زهير لاحظ تغير ملامح اخوه بس كمل : وبعد ما تسرب خبر انه تقدم لها بكم يوم تسرب خبر يقول بان نايف مايفكر بالزواج الحين .. ومايبي ريهام تنتظره يعني بالمختصر مايبيهاا

انتهـــى البااارت

[درة الاحساء]

البارت التـاســع ..


زهير : هذا ياخوك نايف خطب رهام
حسام من قال خطب وريهام انقبض قلبه وقطب حواجبه
زهير لاحظ تغير ملامح اخوه بس كمل : وبعد ما تسرب خبر انه تقدم لها بكم يوم تسرب خبر يقول بان نايف مايفكر بالزواج الحين .. ومايبي ريهام تنتظره يعني بالمختصر مايبيهاا
حسام وقف : شووو بعد مايخطبها يردهااا خبل ذيه يلعب في بنت عمه
زهير : اي والله ياخووي البنت هي الضحيه
حسام وبخيبة امل : يعني بعد موافقتها رد بكلامه النذل
زهير : لا ياخووك خالتي تقول انها رافضه لكن ابوها اقنعها تفكر .. و .. و .. >> علمه السالفه هذا اذا ماحط اضافاات (:
حسام : وزوج عمتك حمد ماله رااي بالموضوع
زهير : والله مادري اذا قابل اخوه ماعندي علم
حسام متاثر على حال ريهام بالذات من قال له انها انعزلت يومين >> مع اني اشوفها قليله يومين (:

في بيت ابو نايف ..

ابو نايف انا لازم امر على اخوي مايصير كذا وقام بيطلع
ام نايف : وين رايح >> عسكري
ابو نايف : الربع بيجتمعون بالديوانيه بجلس شوي معاهم
ام نايف زين تلهى عن اخوك : الله وياك
حمدان جاي من برا معصب وتوجه لفوق وقفته امه
ام نايف : شفيك داخل لااحم ولادستور
حمدان ناظرها بحده وصعد فوق
ام نايف : والله انك ماتستحي وتوجهت تلحقه لكن صوت التلفون خلاها تتراجع
نايف يفتح لباب لحمدان : خير
حمدان بعصبيه : انت ماتستحي على وجهك
نايف ببرود : شصاير بعد
حمدان باستهزاء : شصاير .. انا معك بالبيت وماعرفت سالفتك مع بنت عمك الا من برا
نايف : اذا هذا موضوعك اسمح لي ماعندي شيئ اقوله
حمدان عصب اكثر : ايه وش بتقول عقب اللي سويته بالبنت لو انك رجال
نايف قاطعه ومسكه من ثوبه : شوف داخل علي معصب وتصارخ وسكتت لك لكن تهيني بدون لاتعرف وش القصه ماسمح لك
حمدان يخلص روحه من نايف بقووه : القصه سمعتها من برا من الغرب انت اخوي وماعرف عنك الا منهم
نايف وصل حده : لازم تسمع من اخوك لاتظلمني مثل الباقين .. شوفني من دوامي لغرفتي ماصرت اطلع مكان ولافكرت تجي تسال شفيك ياخوي
ولا طبع امي غالب عليكم كلكم .. يكون بعلمك انا البنت مارفضتها امك هي اللي دبست هالسالفه فيني وانا ما اقدر اكذبها لاتصير انت والدنيا عليي واخذ مفتاحه وطلع
حمدان واقف مبهوت من اللي سمعه مصدوم مو مصدق ان امه السبب

( صعب جدا واصعب من الصعب لما تكتشف بان امك او ابوك خذلتك وسببت لك مواقف محرجه لاقرب الناس لك )

نبه حمدان صوت تهاني اللي سمعت وش قالوا : روح شوفه لايصير له شيئ طلع زعلان
حمدان طلع لاحق اخوه وهو مار بالصاله شاف امه تضحك بالتلفون وهز راسه بأسى وطلع

في بيت ابو حمزه
حمزه يفتح الباب : هلاا عمي كيف حالك .. تفضل
ابو نايف : هلا ياولدي بخير .. زاد فضلك .. ودخل المجلس .. ابوك نايم ؟
حمزه : لا يتابع اخبار الحين اناديه لك .. وطلع لبوه وخبره بوجود عمه
ابو حمزه يدخل : السلام عليكم
ابو نايف يقوم لخوه : وعليكم السلام ورحمة الله .. كيف حالك ياخوي وتواجهوا بالخشوووم
ابو حمزه بخير : حيااك تفضل
ابو نايف : ياخوي لي فتره ماشفتك لا انت ولا اخوي عبد لله اذا بخاطركم شيئ عليي قولوا لي وانا من عيوني اطيب خاطركم
ابو حمزه حس ان اخوه مايدري عن السالفه وماعرف شيقول
ابو نايف : ياخوي اذا لعيال ماصار بينهم نصيب تقطعوني انا مالي غناة عنكم >> طيووب متزوج شرسه ^_^
ابو حمزه ماحب يحرج اخوه بزوجته : لا ياخووك حنا اخوان ولعيال مايغيرون علينا شيئ بس الدنيا لهتنا شوي

حمدان يتصل باخوه ولا يرد عليه وخاف عليه بقوه : ياليتني ماعاتبته انا غبي زدت همه .. مسكين ياخوي بس ليش امي تسوي كذا وانت تبي البنت
صار وقت الصلاه وتوجه للمسجد يصلي واستبشر يوم شاف سيارة نايف قريبه منه عرف انه هناك

ليلة الخميس الويك اند للكل .. اجمعوا الشباب في بيت ابو حسااام عشان حسام
طلال : صار لنا فتره ماطلعنا مع بعض
زهير : والله ودنا نطلع كشته لحالنا بدون هالبنات
عبد الرحمن : انسى الحين الاختبارات ماباقي لها الا كم اسبوع والشواب مايخلونك تطلع
زهير : وفي الاجازه بيقولون نطلع رباعه عاد كله ولا بنات عايلتنا
حمزه يفره بعلبة لكلنكس : اعرف تقصد منوووه يالسبااال حارقه دمك لانها اذكى منك
زهير : قول لانها داهيه فديتك ..
حسام يبي يغير موضوعها : وش رايكم نطلع مطعم
عبد الرحمن : على حسااااااااااابك قداااام
حسام : ياريال ماكو فرق قم بس قم .. وقاموا الشباااب

في شقة ياسمين
ياسمين جالسه ونفسها في خشمها
سلطان : الحلووه زعلاااانه الحلوه زعلانه
ياسمين قامت بتمشي عنه .. سلطان مسها : انا اراضيهااا
ياسمين : انت مروق وانا كلش مالي خلق
سلطان : ياحبيبي شرايك نطلع نغير جوو
ياسمين ماله خلق وتدور اعذار : والعيال ..
سلطان : سحر هنا مابتطلع خليهم معاها يلا ياغناتي نغير جوو
ياسمين مالها نفس بس كسر خاطرها : اوكيه .. وراحت تجهز

من جهه ثانيه سحر ترتب غرفتها
سلطان : سحووووره
سحر : خير اللهم اجعله خير .. امر الشيخ
سلطان لوماحاجتي معك بس شو بنقول : بخلي لعيال عندك لاني طالع
سحر تحط يدينها على خصرها : ليش بالله ماتمشوون هالصغار معاكم ولا بس انتم وهو لا
سلطان : لا حبيبي انا اليوم موديهم مدينة العاب
سحر : بل بل وانا ماتاخذني معاكم رح دور غيري تاخذ عيالك
ياسمين : خلاص سلطان اوديهم عند خواتي اذا فاضين
سحر شفيها صارت زعول : لا فديتك خليهم معي يونسوني .. بس حبيت اطفر سلطان شفيك تبين تزعلين
ياسمين : اهاا
سلطان : يلا مشينا .. وطلعوا

ام طلال تكلم اختها ام حسام ويتفقون على عزيمة غدا لبكره بمناسبة توظيف طلال
اللي بتصير في بيت ام حسام لانه اكبر من بيت ام طلال

في المطعم عندسلطان وياسمين
سلطان يحط يدم على يد ياسمين : قولي لي شفيك متضايقه لك يومين
ياسمين ببرد: سلامتك
سلطان يناظر عيونها : اسمعك ياقلبي
ياسمين : يمكن اكون حامل
سلطان : ههههههههههههههههههه هذا الي مزعلك وخلي نفسك بخشمك
ياسمين انحرجت منه : انا مابي الحين لؤي توه صقير
سلطان : ربك اراد ياروحي بعدين موزين عليك تتضايقين والبيبي يزعل عليك بعدين
ياسمين وكانها طفله قدامه : طيب ودي في ليموون ^_^

في بيت ابو حمزه
دلال بغرفتها مع ريمه وجمانه .. اما ريهام كانت تصلح لهم ورق عنب ^_^
ريهام تكلم الشغاله : ميري انا يروح فوق انت شوف كل شويه هذا .. لايحترق
ميري : ان شاء الله مامااااااا
ريهام صعدت فووق وتوجهت لغرفة دلال وسمعت اصواتهم عاليه شووي
ريهام وقفت تسمع الكلام اللي تقوله ريمه .. مومصدقه محتاره موعارفه شتسووي نزلت مره ثانيه للمطبخ
ام حمزه : شفيك يمه
ريهام : سلامتك يمه بس خفت ميري تنشغل ويحترق الورق
ام حمزه : انتي روحي انا بنتبه له
ريهام .. : ان شاء الله

على الساعه 12.30 عند الشباااب الكل تعبان وانسحب حتى يرتاح من دوام الاربعا
ماعدا طلال وحسام بقوا مع بعض ..

حسام : ها الشيخ شلون العمل معاك
طلال : والله لو يكرفوني كرف اهووون من جلسة البيت ..
حسام : الله يوفقك .. متى نويت تخطب
طلال : اجمعين .. قلت بقول لبوي وامي بكره بس بينشغلوون بالغدى ان شاء الله اكلمهم يوم الجمعه
حسام : على بركة الله ..
طلال : وانت مو ناووي المفروض خطبت من زمااان لمتى تنتظر
حسام : قلت انتظرك اخطب معك بس الحين بنتظر شويه
طلال : ليش تنتظر انت تقولي خير البر عاجله وانت تاخره
حسام الحين اكيد تعبانه من السالفه اكيد مابتحاول حتى تفكر : ـــــ
طلال : شفيك ياخووي بشنو تفكر
حسام : سلامتك .. بس خلنا نفرح فيك اول ولاحقين علي انا
طلال : انا ودي نكون مع بعض .. لكن براحتك
حسام : قوم خلنا ننام نستعد للشواب بكره

صباح يوم الخميس الساعه 10.30
ام حسام تصحي سلمى وهدى : قوموا يابنات بسكم رقاااد
سلمى : يووه يمه اجازه نبي نام طفي النور
ام حسام : خلاص قومي ساعديني ونامي بالليل
سلمى : والشغاله اللي هنا ماتت ولا بيدينها حناا حللي راتبها
زهير يطل الغرفه : يمه نسيتي التكيف شغال اذا تبين ماي حار ابشري اجيبه لك
ام حسام : طفت المكيف : لا خلاص بتقوم الحين هداووي وصمخ قومي
هدى ترفع راسه : الناس تصحى على عصافير موسيقى كلاسك حنا على حشرة امي والسيد زهير
زهير : احم من وين طلعتي لي بالسيد هاي بس عجبتني
سلمى : صدق متفيج وقامت تغسل >>> متفيج = رايق

في بيت ابو طلال
ام طلال صحت كل العيال وفطرن مع بعض .. ثمن طلع ابو طلال مع طلال يجهزووون مع المطعم للغدى ويقضون فاكهه والعصاير وهالشغلات
ام طلال : يلا يابنات جهزوا نفسكم نروح نساعد خالتكم

في بيت ابو نايف ..
ابو نايف : تجهزي مع لعيال مانبي نتاخر ع الجماعه
ام نايف تشرب الشااي : توها الساعه 11.30 مابنروح الا الساعه 1
ابو نايف : يمكن يحتاجون مساعده ولا شيئ
ام نايف : لا مابيحتاجون العزيمه اصلا لام طلال وبيصير معاهم البنات والشغالات وانا تعبانه زين مني بروح
نايف نازل من غرفته رمى عليهم السلام : توجه بيطلع
ابو نايف : وين رايح ياولدي
نايف : ماباقي شيئ على صلاة الظهر بصلي ثمن بطلع مع رفيقي
ابو نايف : وغدى بيت خالتك منت رايح
نايف : تعذروا لي باي شيئ
ابو نايف يمسك كتف نايف : ياولدي هذول اهلك يعني بتقطعهم عشان بنت رفضتك مايصير ياولدي تقطع اهلك عشان فرد منهم
نايف يناظر امه باسى : لا ان شاء الله مافي قطع ارحام يبى بس مالي مزاج اروح هناك
ابو نايف : لا ياولدي انا ابيك معي هناك انت ولدي الكبير .. ولاتشيل هم عمك محمد تراني رحت له وقلبه صافي ماهو زعلان
نايف فرح ان ابوه راح لعمه وماحب يكسر كلمة ابوه : ابشر .. بعد الصلاه برجع ونروح رباعه
ابو نايف : الله يرضى عليك

بعد صلاة الظهــر
في بيت ابو حمزه
دلال : يمه تاخر ابوي متى بنرووح
حمزه : اركدي يابنت مابيتغدوون عنك
ام حمزه : ياليتها تحاتي الغدى هاي تحاتي جمعة البنااات بس
ريهااام تنزل من غرفتها : انا جهزت وتبرم برمه تــارتــااتــااااااا
حمزه : الحد لله والشكر : الله يخلف عليك يامي على هالبناات
ريهام : اقول الشيخ ثوبك مشقووق كيف بتروح فيه عند العربان تبا فشلنااا
حمزه وقف يناظر ثوبه : وين ماشوفه مشقووق وين تطالعي انتي
ريهام : من اذوني اناظر ههههههههه
ابو حمزه يدخل الصاله : السلام عليكم
الكل : وعليكم السلاااام والرحمه .. الله يتقبل
ابو حمزه : منا ومنكم صالح الاعماااال .. ها نمـشـــي
ام حمزه : حنا جاهزين ..
في بيت ابو حسام
اول الواصلين طبعا هي عائلة ابو طلال
حسام جاي من المجلس بعد مابخره بامر من امه هاكم هالدخوون حشرناا
ريمه قامت تاخذه : شخبارك .. الحمد لله ع السلامه
حسام : بخير الله يسلمك .. اخبارك يابنت الخاله
ريمه مبتسمه ابتسامه عريضه كبيره : بخير دامك بخير
بيت ابو حمزه في الصاله على ابتسامة ريمه .. الكل يسلم ع الموجودين اللي هم ام حسام وام طلال وريمه وهدى
ريهام اوف شلون بتعامل مع ريموه الحين مالي خلقها : السلام عليكم
حسام يسلم على خالته وباله مشغول باللي سلمت بدوون نفس : شبخارك ياخله
ام حمزه : بخير ياولدي .. ياجعلك سالم
دلال : الحمد لله ع السلامه .. حسام الله يسلمك دلووله
ريهام : الحمد لله ع السلامه .. حسام يناظرها بتمعن : الله يسلمك
ريهام ما ارتاحت لنظراته : بروح اساعد البنات استئذن .. ومشت عنهم
حسام شفيها ذي الحين مالها نفس لايكون للحين متاثره باللي صار !! اوف شلون بفهم ردت فعلها بالاهداء
ام حسام : ياولدي رح المجلس لزوج خالتك ولد خالتك
حسام ينتبه لمه : ان شاء الله
دقايق وتوصل ام سلطان وعائلتها الجميله مع سحر وياسمين والعياال لؤي وشهد والرجال بالمجلس طبعا
ريهام تغير جوها مع سلمى وسحر وجمانه ونست سالفة ريمه >> ادري متحيرين في هالسالفه قريب بتعرفون وش سمعت ريهام ^_^
ام طلال : اتصلي ياخي على حماتك اذا مابتجي نحط الغدى لايبرد
ام حسام تاخذ التلفون وتدق على جوال ام نايف : السلام عليكم
ام نايف : وعليكم السلام .. لا هذاني بالطريق مابتاخر ... ان شاء الله .. سلام
ام حسام تسكر السماعه : اي جهزوا السفره هي على وصووول
ام سلطان : يلا يابنات قوموا .. ام طلال : لا حنا نجهز السفر خليهم براحتهم
ام نايف وتهاني : السلام عليكم
الكل وعليكم السلام
ام نايف لمحت ريهام وتعمدت تصافح على كل وحده بالحضور
رهام فاهمه حركتك بس انا اعرف كيف تتشمتين ..
ام نايف وصلت لريهاام مدت يدها : قوه ريهام شخبارك يابنتي >> حيه
ريهام قامت يزعم توجبها وابتسمت ابتسامه جميله طلعت غميزاتهاا وتكلمت بشكل مرح : مرحبا مليوون ياخاله اخبارك واخبار عمي والعيال
ام نايف اكبر علامة تعجب توقعتك اقل شيئ تتهربي مني : بخير
سحر فاهمه على ريهام .. رهامي تعالي بقيتك شوووي
ريهام حياك ياخاله عند اذنكم ياجماعه وتروح لسحر اللي راحت مدخل التهويه : فديتك فاهمتني امممطخ >> يعني بوسه ^_^
ريمه تلحقهم : شعندكم
ريهام توجهت للمطبخ ولاكانها سمعتها .. سحر : سلامتك ومشت عنهااا
بعد ربع ساعه جهز الغدا والكل مبسوط لطلال

في مجلس الرجال
عبد الرحمن يهمس لزهير : وش رايك نحفل في طلال
زهير يبتسم : قداااام
عبد الرحمن : اقول طلال يقولون انك بتتزوج بنت مديركم
طلال كح كح >> شرق مسكين
ابو حسام : صحه صحه .. عطووه ماي
حمدان يعطي طلال ماي
طلال : من وين تجيب هالصوايخ انت
زهير : حنا سمعناا ان معزبكم فرحان فيك حتى السكن بيقدمه لك هديه
حمدان : ياريااال شو تبا احسن من هالعرض ماعليك الا المهر وحفل الزواج
عبد الرحمن : لا بعد حتى الحفله هديه من ام العروووس .. اقولك ماعندها اخت لي بشتغل معك كود يعرض علي هالعرض بجوائز قيمه حتى المهر عليه
طلال الله يقطع شركم بتفشلوني شلون بخطب :
ابو سلطان فاهم ولده وحب يجاريهم: اذا صدق ياولدي مايخالف المساعده زينه وانت رجال تنشرى
ابو طلال : ياولد انا ابوك ماتعلمني بهالعرض لوما العيال ماعرفت
طلال : والله يابويه يشلخون ماصار من هالقصه شيئ وهالنعمه
ابو حمزه : صاادق ياولدي مايحتاج تحلف
حمزه : هههههههه وانت شفيك انخطف لونك
حسام : شك في روحه الريال
عبد الرحمن لاحظ نايف صامت ولاكانه معاهم : اقول نايف
نايف : سم
عبد الرحمن : سلمت .. شاركنا بالرمسه يارياال اشتقنا لك من زمان شفناك ولاسمعنى صوتك
حسام ناظره بجفاء : ليش كان مسافر
نايف : لاهي مع الشغل لاسفر ولا شيئ
حمزه يناظره بتامل ودي احرجك بس ابوي موصيني للاسف بس مادري ليش احسك شايل هم مثل الجبل

عند الحريم
سوالف وضحك ع الغدى .. وام نايف كانت تراغب ريهام
ريهام متوتره منها لكن مابينت لها هالشيئ ولاحد لاحظ لانها تشغل حالها بالسوالف والضحك وتنسى عيون حاده تراغبها

بعد الغدى وبعد ماشربوا الشاهـي ..
طلعوا البنات ع التهوئه اللي فيها احواض مزروعه ورود .. وريحاان
سحر : وش رايكم نلعب اونـووو
تهاني : نلعب طقيقه
ريمه : اي طقيقه احلا
دلال نسوي تصويت
جمانه : كوره
سلمى : عشان الصراخ والضحك ويطلعون لنا العيال بعقال
ريهام : اونووو اريح لكم .. وقاموا يعبو اونوو

الساعه 4 العصر
الامهات طلعوا للبنات مع القهووه والحلاااا ^_* وهـ
ام طلال اتصلت بابو طلال : وعزمتهم ع القهوه برا في الهواء الطلق
في مجلس الرجال
ابو طلال : الغراشيب جهزوا القهوا برا .. تفضلوو
سلطان : يبي لنا نسوووي حميه
ابو نايف : انت تحتاج حميه من اعرست زاد وزنك
سلطان : ياعمي تركنا سندويتشات المطاعم والبوفيات والاهل عليهم طباخ فــن
عبد الرحمن : طيب الحين خلونا نطلع قبل لاياكلوون الحلا البنااات
زهير : يمديك تاكل صحنين .. وتقولك ياااي انا صحن للحين ماخلصته >> يتكلم بمياعه
حمدان يكمل على زهير : ولما تفتح فهمك تاكل قالت لك بشووويش تراه كله لك محد بيشاركك فيه
عبد الرحمن وقف : يلا ياجماااعه
حمزه : نفسي اعرف وظائف الجهاز الهظمي معك على اي سستم يشتغل تاكل ومايبين فيك ابد
عبد الرحمن : اذكر الله لاتحسدني
قاموا الجماعه ..
نايف يهمس لابوه : يبى انا بطلع لربعي
ابو نايف بهمس : كمل جميلك ياولدي وتغلب احساسك لمتى تهرب من المواجهه
راحوا الشواب مع العيال عند الحريم : السلاااام عليكم
الكل : وعليكم السلااااام
ام حسام : حياكم اقلطووو
ام سلطان تصب لهم قهووه
وياسمين تقدم لهم الحلا
البنات باركوا لطلال >> توهم يشوفونه وحليلهم
طلال مبسوط من الخاطر بالذات لما باركت له شووقه : ها دلال الحين وش ناقصني
دلال وااال شايلها بخاطره للحين : سلامتك انت الحين تووووب
طلال : باقي شيئ واحد
حسام : باقي يعرس
ريهام وسحر : تصفير >> مهبل هالبنتين
دلال كانها حست انهم يقصدونهاا لكن ربشة ريهام نساهااا
حمزه : انكتموا فشلتونا الحين الجيران سمعاكم
ريهام : اوووه سوري سوري بو محمد ماعيدها
ام طلال فرحت بقوه لفكرت زواج ولدها : الله يبلغني فيك ياولدي وفي العيال كلهم
حسام : ايه خالتي تكفين كلنااااا ويناظر نااايف
نايف كان يتحاشى النظر لريهام لكن يسمعها بكل تمعن .. :

انتهــى البااارت ..