آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
26-09-13, 08:50 AM
| #1 | |||||||||||||||||
| مراقبة عامة ومشرفة منتدى الروايات المنقولة  
|  عيني بعينه والقلوب بعاد / للكاتبة : قطرات الندى ..( مكتمله )
التعديل الأخير تم بواسطة لامارا ; 22-10-13 الساعة 10:27 PM | |||||||||||||||||
|  |
|
26-09-13, 09:34 AM
| #2 | ||||||||
| مراقبة عامة ومشرفة منتدى الروايات المنقولة
|  الجزء الأول كانت في غرفتها سرحانة قطع أفكارها صوت رنت الجوال أخذته شافت رقم بنت عمها سلوى منى :هلا سلوى: سلام عليكم منى :وعليكم السلام سلوى: كيفك منى:الحمد لله كيفك أنتي وكيف اهلك سلوى: الحمد لله كلنا تمام بغيت أسالك بتداومين بكره منى: إن شاء الله ليه أنتي ما بتداومين سلوى: أحس مالي نفس بعدين مافي عندنا محاضرات ليش بتداومين منى:ليش ما أداوم أن شاء الله من زين جلست البيت خلي أداوم أحسن لي على أقل اسلي نفسي بدال ضيقت الخلق ذي سلوى:شو مرة أبوك مره ثانيه منى: ليه كان فيه مره أخيره عشان تكون مره ثانيه سلوى: وش السبب المرة ذي بعد منى: ابد تبي أكون خدامة عندها بنت أمها قال ايش أنا اشغل لان البنات عليهم اختبارات ما كأني إنا بعد ادرس سلوى: شو سويتي طيب أنتي منى: ابد خليتها تولي وحلفت لها ما اشتغل إلا شغلي وذا ماعجبها تصقع رأسها بجدار سلوى: هههههههههههههههههه عاد انتي من يقدر عليك منى:لا بالله عليك اصير خدامة عندها هي وبناتها سلوى: بناتها خواتك منى: عارفه أنهم خواتي بس مو معناها أشيل البيت على راسي وهم مرتاحين سلوى: الله يعينك عسى تتزوجين وتفكين من مرة أبوك ذي منى: ما تدرين يمكن أتزوج واحد أخس عن لطيفوه سلوى: انتي ليش متشائمة كذا منى: مو متشائمة بس محد يدري ايش يصير بكره سلوى: ما علينا من ذا الكلام خلي نرجع لموضوعنا الأساسي الله يخليك لا تداومين بكره أبي أغيب منى: غيبي أحد مسكك انا ابي اداوم سلوى: ما ابيك تداومين وحدك منى: لا عادي غيبي محد بياكلني هدى تقول بتداوم بجالس معها سلوى: يعني مارح تضايقين اذا ما داومت منى: لا اش دعوه ازعل انتي حره سلوى:اوكي مع السلامة خسرتيني ما عندي رصيد منى: مالت عليك بدل ما تقولي رصيدي فدوة عيونك سلوى: اقول ضفي خسريني بلا فدوة عيونك انا ما احب اكذب منى: اوكي وانتي ضفي وجهك بعد صجيتيني سلوى: يالله باي منى: باي سكرت منى الجوال علي دخلت اختها نهى غرفتها نهى: من كنتي تكلمين منى: سلوى نهى:كيفها منى: تمام ما عليها نهى: شو كانت تبغي منى: تقول تبي تغيب وتبيني اغيب معاها بس انا رفضت نهى: وليش ما تغيبين مدري اش شايفه في ذي الكليه ما قد مره شفتك غبتي سلوى: اسلي نفسي احسن من طفش البيت نهى: ما علينا سمعتي اخر خبر وتوه طازج منى: شو نهى: احمد ولد خالي سالم خطب عهود منى بصدمه: عهود اختي نهى: لا بنت الجيران منى بضيق بس حاولت ما تبينه: وليش ما قلتوا لي ولا على بالكم زي امكم اني بحسدكم نهى: منى اش ذا الكلام اصلا امي توها تقول لعهود وانا جيت اقلك منى لسه متضايقه : طيب ردة عليهم نهى: اش فيك اقولك تو امي تقول لعهود تقولي ردت اش فيك شكل عقلك فاصل منى: ما فيني شي بس على بالي قالت رأيها المبدئي لامك نهى: هي قالت لامي انها مبدأين موافقة بس لسه تستخير وتفكر وتشوف منى: الله يوفقها راحت منى الين كرسيها ونسدحت واعطت نهى ظهرها نهى: شو بتنامين منى: ايه ابي انام طفي الكهربة اذا بتطلعي نهى: لسه بدري قومي سولفي معي شوي طفشانه منى: ابي انام عندي كليه بكره نهى: بس لسه بدري توها الساعة 11 منى: الساعة 11 مفروض قد نمت من بدري تعرفين اني اصحى من الساعة 4 يعني يالله يمدي اشبع نوم نهى: افففففف ما منك فأيده اطلع احسن من مقابل وجهك طلعت نهى وسكرة الباب بقوه ابتسمت منى بحزن على غضب اختها الصغيره جلست تفكر في احمد الي بيصير زوج اختها عهود كانت تحبه من وهي صغيره أو نقول معجبة به اصح بس هذا ما يعني انها ما كانت تبني احلامها معه بس انهدمت احلامها الحين لأنه خطب اختها ومافيا أمل يفكر فيها أو بل اصح عمره ما فكر بس هي لي أوهمت روحها أن امه كانت معجبة فيها وتبيها لولدها ولا فكرت انها مستحيل تاخذ بنت ضرة اختها لولدها كيف نسيت كرههم لامي أو تناسيت امها الي تركتها عند ابوها عشان تتزوج وتهيش حياتها زي أي وحده بعمرها وما همها بنتها الي تتعذب في بعدها صح ابوي ما قصر معي وما يسمح لحد يتعدى حدوده أو يتطاول علي بس إلام غير وجود إلام في حياة أولادها مهم بس من يعرف هذا أشي في ذا الدنيا الواحد همه نفسه بس حتى لو على حساب أولادهم خلونا من ذا الكلام بقولكم نبذه عن منى امها وابوها متطلقين من عمرها 5سنوات وهي الحين عمرها 20 ثاني كليه قسم تاريخ عندي ثلاث اخوات من ابوي نهى عمرها17 ثالث ثانوي وعهود 23متخرجه من الكليه قسم عربي وحنان 19 في الصحية تمريض عام واخو واحد كمان من ابوي عبدالله عمره 25 موظف في الشرطة امها كانت الزوجة الثانية عشان كذا لطيفه زوجت ابوها تكرهها بس هي ما تقدر تسوي لها شي لان ابوها ما يرضى عليها دايم ما يخلي احد يضايقها لأنه ايحس أن ما عندها غيره حالتهم المادية كويسه يعني من الطبقة الوسط مو فقراء ولا أغنياء نرجع القصة .. منى لسه تفكر في احمد ابتسمت بسخرية وتقول سلوى لا اشائم كيف ما اتشائم وأول شخص ابني معه أحلامي خطب غيري لا ومين اختي لو وحده غريبة ممكن بس اختي ااااااااه انا لازم أنساه ولا عد أفكر فيه لأنه يمكن يصير زوج اختي لازم أشيله من بالي غمضت عيونها لمحاوله منها انها تنام وتنسى أفكارها وتبدى من بكره حياه جديدة بعيد عن احلامها مع احمد وبعد محاولات نامت الجزء الثاني صحت منى على صوت منبه الجوال مدت يدها وسكرت المنبه طالعت جنبها شافت نهى نايمة جلست منسدحة شوي بعدين قامت راحت الحمام استحمت وتوضت طلعت من الحمام راحت تسمع الاذن سمعته توه يأذن راح صلت وصحت نهى منى:نهى قومي صلي الفجر اذن نهى:ااااممممممم منى :قومي صلي نهى: طيب بقوم منى:بسرعة لا يطلع وقت الصلاة وصحي عهود وحنان راحت منى تتجهز شافت نهى رجعت نامت صرخة عليها منى:ننننههههى اش فيك اقولك قومي صلي ترجعين تنامين قومي يالله نهى بطفش:قمت خلاص اووففف منك منى: اسمعي اذا صليتي صحي عهود و حنان معك نهى:طيب راحت نهى تصلي وتصحي خواتها ومنى رجعت تتجهز عشان الكلية مع ان مالها نفس تداوم من دون سلوى بس ما لها خلق صجت مرة أبوها دخلت نهى بقوه وراحت كرسيها عشان ترجع تنام منى: اش فيك داخله كذا كن احد لاحقك نهى: ابي انام شوي منى: ليش منتي رايحه المدرسة نهى: إلا بروح بس بنام لين تجي الساعة 6 منى: شكلك نايمة متأخر صح نهى: أي والله ما نمت الا الساعة 2 ونص منى: ووش مسهرك ان شاء الله نهى: ابد جلست مع عهود نتابع مسلسل منى:عهود ما عندها مدرسه وعادي تسهر بس انتي و ورآك دوام ليس تسهري بعدين وش ذا المسلسل الي ما ينعرض الا نص أليل نهى:ما جاني نوم بعدين المسلسل ما شفته العصر وما يعيدوه الا ثنتين منى: وش ذا المسلسل علي انه من المسلسلات الفاضية الي محد يتابعها غيرك نهى:مسلسل خليجي اكيد ما بيعجبك منى: كل المسلسلات ما تعجبني مو بس الخليجيه نهى طيب اسكتي ابي انام وانتي صجه منى: نامي نامي نامت عليك طوفه نهى: ههههههههههه سكري الباب اذا طلعتي وطفي الكهربة طلعت منى وخلت الباب مفتوح ضحكت لما سمعت صراخ نهى شافت حنان طلع من غرفها منى: شو خلصتي حنان:ايه شو فيها نهى تصارخ منى: ههههههههههه قالت اطفي الكهربة واسكر الباب عشان تنام ففتحت الباب وولعت كل كهرب الغرفة وطلعت حنان: هههههههههه لا يسمعها أبوي يعصب منى: ليت يسمعها تستاهل خليها ما عد تصارخ على الصباح لا وسهرانة مع عهود على التلفزيون لو شافها أبوي كان علمها كيف اسهر في وقت المدرسة صح قالت أخر كلمه وهي داخله المطبخ لطيفه مرة أبوها:وانتي ان شاء الله بتروحي تقولي له منى: احد قايل لك اني فتانه وأي كلمه أروح أقول لأبوي لطيفه: والله انتي أدرى بروحك منى: والله ولو كنت أقول لأبوي كل شي زي ما تقولي كان ما تكلمتي معي كذا لطيفه: تتهدديني بابوك حنان: خلاص يمه خلاص منى الواحد يقول يالله صباح الخير وانتووا مناقر على الصباح لطيفه: علمي اختك كيف تحترم واحده قد امها منى ما ردت عليها لان مالها نفس مشاكل من الصباح ففضلت أسكوت لان لو ردت مارح تخلص أبدا أفطرت هي وحنان وجلسوا ينتظروا الباص يجي يأخذهم خرجت لطيفه من المطبخ وبقي منى وحنان سكتات منى: حنان زعلتي عشان أمك حنان:صح امي ما أرضى عليها بس لو بزعل على كل مشكله بينك انتي وامي بقعد زعلانه طول عمري منى:هههههههههه لدرجه ذي انا وامك دايم نسوي مشاكل حنان: رحم الله امراء عرف قدر نفسه منى: ههههههههههههههههههههههههه ههههههههههههه وش دخل ذي بذي حنان: ههههههههههههههههههههههه هذا الي طلع معي منى: الا قولي قريتي من مكان وجاي تثقفي علي يعني اني اعرف حكم أقول خلك في أتمريض وخلي الحكم لصحابها مثل عهود حنان: مالت عليك تحطمي الواحد كانت منى بترد بس سمعت صوت هرن الباص منى:قومي خلي الكلام الفاضي الباص جاء حنان:متاكده ما سمعته منى: ليه متأكدة أصلا مدري كيف ما سمعتيه حنان: يا ويلك لو البس عبايتي وتكوني كذابه زي دايم سمعوا صوت هرن الباص بس اقوى من قبل وشكل صاحب الباص بدئ يعصب على تأخرهم منى: هاه صدقتي يالله بسرعة لا يروح علينا ما بنلقى احد يودينا حنان كانت توها تلبس العبايه حنان: طيب دام انك خلصتي اطلعي قبل يعصب وانا بجي منى: اوكي بس لا تأخري طلعت منى وركبت الباص شوي ولحقتها حنان وجلست جنبها وجلست تذاكر ومنى أطالع في الشارع الين وصلوا كلية منى نزلت منى والبنات الي معها للكلية دخلت منى وفسخت عبايتها وجلست تطالع يمكن تشوف هدى بس ما شافتها أخذت جوالها تدق تسألها عن مكانها ما حست الا بأحد ينغزها بخصرها بعدت بسرعة ولفت شافت هدى قفلت جوالها منى: مالت عليك خوفتيني هدى: هههههههههههههههههههههه وش درأني انك مخفه منى: مخفه في عينك تبين تجيني على غفلة وانا مو منتبهة وما تبيني اخاف ليش قالوا لك قلبي حديد ما يحس هدى:بسم الله علي كليتيني ما باقي الا تضربيني منى:ههههههههههه فكره حلوه شكلي بجربها هدى: جربي وتشوفين يا النتفه والله لأشلك واحطك في الزبالة منى: عمى بعينك زباله مره وحده قولي أحطك بقلبي مع اني عارفه اني فيه هدى: مدري متى بتخففي من الثقة الزايده ذي منى: حلوه الثقة بعدين ليش تقولي كذا لتكوني تكرهيني وانا مدري هدى: أخيرا ربي رحمني وعرفتي منى:سبحان الله حتى انا أبادلك الشعور صقعت هدى منى على رأسها هدى: مالت عليك محد يقدر لك يا النتفه منى: هي انتي مو عشاني صغيره تجلسين تمدي يدك وتسبيني بعدين حلاته جسمي يجنن كني لسه بثانوي مو زيك يا الزرافة هدى:الطول عز بس انتي وش درأك منى: ما علينا انتي علك محاضرات اليوم هدى: علي وحده والثانية الدكتورة اعتذرت ليش انتي كم عندك منى: ما عندي محاضرات اليوم ما تشوفي سلوى غايبة هدى: ايه صح وانا اقول ما شفتها اليوم طيب انتي ليش ما غبتي احد يفوت ها الفرصة الذهبية منى: مالي خلق البيت هدى: خلاص ولا يهمك بسحب على محاضرتي اليوم منى: لا مابيك تأخذي غياب عشاني هدى:لا عادي أصلا مالي نفس احضر وانتي جيتي لي من السماء منى:متأكدة ولا بس عشاني هدى: لا والله جد مالي خلق ابي أعطي نفسي أوف اليوم جلسوا منى وهدى سوالف وراحوا عند مجموعة بنات سولفوا معهم وعلى الساعة 1 دقت حنان عليها منى: هلا حنان: سلام عليك منى: وعليكم السلام حنان: خلاصتي منى: من أول ما جيت مخلصه ليش حنان: عبدالله يقول اذا كنا خلصنا يمر يأخذنا منى:خلاص بنتظركم دقي علي اذا قربتوا عشان أجهز وما أخركم حنان: اوكي باي منى:باي هدى:شو بتروحين منى:ايه اخوي بيمر يأخذني وانتي هدى: كويس البنات يقولوا الباص جئ وكنت شايله همك ما ابي أروح وانتي لسه منى: ياعمري انتي لا تشيلي هم اخوي دايم يجي في وقت المناسب بعدين حتى لو ما جئ عادي لو رحتي شوفي البنات معي ما بضيع هدى: لا ما ابي اخليك وحدك بعدين انتي مو منتبهة لنظرات البنت الي هناك منى تطلع وين ما تناظر هدى: أي وحده هدى: هذيك الي لابسه وردي منى: طيب وش فيها نظراتها هدى: معقولة ما لاحظيها من زمان وهي تناظرك ما شالة عينها منك منى: يمكن مشبهه هدى: ما اعتقد نظراتها غريبة منى: تلقينها مشبهه بس انتي مكبره السالفة هدى: يمكن سكتوا شوي وسمعوا نغمت جوال رفعت منى جوالها شافت حنان قامت بسرعة تلبس عبايتها وغطاها هدى: خلاص بتروحي منى: ايه حنان قلت لها اذا قربوا تنغم لي وانتي متى تمشي هدى: الحين بعد ما تروحي بروح البس عبايتي واطلع لما خلصت منى سلمت على هدى وطلعت وما انتبهت للي تتابعها من أول ما لبست وطلعت معها وجلست تراقبها الين وصلت سيارتها وركبت منى طلعت من الكلية جلست تتلفت تدور لا سيارات أخوها يوم شافتها راحت لها فتحت الباب الخلفي وركبت منى:السلام عليكم عبدالله وحنان: وعليكم السلام منى: غريبة وش طرى لك تمرنى اليوم عبدالله: ابد طلعت بدري وقلت أشوف اذا كنتوا خلصتوا أرحمكم واخذكم منى: ليت ها الرحمة كل يوم حنان: صادقه نبي نفتك من الباص عبدالله: لا يا حلوات لا تدخلوا ذي الفكرة بروسكم مالكم الا الباص وانا اذا جاني رحمه زي اليوم جيت خذتكم بعدين منتم احسن من عهود جلست معا الباص الا وتخرجت وما شكت ولا شي حنان: وانا من قهرني غير عهود اذا قلنا شي قلتوا عهود ما قالت شي حضك منى باقي لك شوي وتتخرجي انا باقي أربع سنوات يعني باقي مشوار منى: وش باقي لي شوي ولي يرحم والديك باقي سنتين مو شوي عبدالله: ترى صجيتوني لا تخلوني اندم اني جيت خذتكم منى: لا يابوي كله ولا ندمك حنان: صادقه كله ولا تندم حنا نبيك تكثر منها ونت بتندم عبدالله: تصدقون حزنتوني بس مالكم الا الباص لو توصلوا لسابع سماء وترجعوا حنان: ماقول الا الله يعينى ويحنن قلوبكم علينا منى: أمين يا رب العالمين جلسوا يسولفوا لين وصلوا البيت انتهى الجزء الثاني *************** الجزء الثالث دخلوا البيت شافوا الكل في الصالة ينتظروهم عبدالله ومنى وحنان:السلام عليكم الكل:وعليكم السلام لطيفه:يالله روحوا غيروا وغسلوا وتعالوا تغدوا راحوا كلهم غرفهم منى دخلت غرفتها تغير ملابسها وتغسل وتنزل نزلت لقت الكل ينتظرها لطيفه:أخيرا ما بغيتي تنزلين والله لو أميرة ما نطرناك كذا أبو عبدالله: لطيفه وبعدين خلي البنت تتغداء بهدوء منى ابتسمت على خفيف ورقصت عواجبها للطيفه من دون ما يشوفها احد بس لطيفه شافتها وانقهرت مرررره جلسوا تغدوا وبعد ما خلصوا يوم خلصت منى وغسلت مرة عليهم من الصالة عشان تروح غرفتها لطيفه:وين رايحه من يغسل صحون الغداء منى:والله مو فيه اذا صار ادور فيه مرح انتظر احد يقولي نهى: ادور فيه يمه وشوي وبغسلها راحت منى وقبل توصل غرفتها سمعت ابوها يقول أبوعبدالله: انتي اش فيك على البنت ما تعدي ساعة ما تسمي بدنها بكلامك تري بنتي وما ارضى عليها لطيفه: وانا وش قلت بعدين انت ما تشوفها لما ما تكون هنا لسانها اش طوله علي ما تقول انها ذي الساكتة قدامك ابوعبدالله:والله انا اتكلم عن الي يشوفه بعيني بعدين ما اتوقع بطول لسانها عليك من الباب الطاقه اكيد انتي تتحركشي بها قبل ما ترد لطيفه وتكبر السالفة قاطعها عبدالله عبدالله:بيه يسلم عليك جارنا قبل صالح محمد ابومحمد ابوعبدالله: الله يسلمه وين شفته عبدالله: جان اليوم في القسم ابوعبدالله:ليه عسى ما شر عبدالله:واحد شراء من عنده ارض وفات موعد سداده وما سدد ويقول ان الرجال رافض يسدد له الحين ابو عبدالله:وليش رافض مو بينهم عقد عبدالله:ايه بينهم بس الرجال يقول ما عنده وقاله يصبر عليه بس شكل ابو محمد مل منه ابوعبدالله:صادق والله حقه نرجع لمنى منى دخلت غرفتها بعد ما قطع عبدالله حوار بين ابوها ولطيفه منى انسدحت على كرسيها وهي تطلع السقف شوي دخلت عليها نهى نهى: غريبة ما قد نمتي منى:شوي وبنام انتي كيف يومك اليوم بعد سهرت امس نهى:واي الله لا يوريك راسي حسيته بينفجر بس نمت في حصة الانجليزي منى:ما شاء الله عليك وبتجلسي تسهري وتنامي في الحصص نهى: اقول مناك لا تجلسي تسويلي محاضره تراء راسي قاعد يلف فيني وابي اناااااااااااام بدون ازعاج فيا ليت حولي نفسك على الصامت منى تقلدها : يا ليت تحولي نفسك على الصامت اقول نامي بلا فلسفه مالت عليك نهى: احسن لفت نهى بظهرها لمنى ونامت منى جلست تتقلب حتى نامت صحت على صوت عهود تصحيها عهود:منى منى قومي صلي العصر قد أقام منى:طيب عهود وهي خارجه: لا ترجعي تنامي وقومي صلي لأني معد بأجي اقومك منى: اصلا انا قايمه قامت منى وراح الحمام توضأت وصلت وطلعت راحت الصالة لقيت اخواتها كلهم موجودات بس لطيفه مو معهم جلست معهم منى: ليش ما قومتيني يوم قمتي نهى: قومتك عهود خلاص ولا لازم انا اقومك منى: انتي اش فيك اليوم دمك ثقيل نهى:طالعه على اختي منى طنشتها وقالت العهود منى:مبروك سمعت انك اخطبتي عهود:لسه ما وافقت عشان تباركي منى: ليش ممكن ما توافقي عهود:مدري لسه محتاره حنان: طيب صلي لاستخاره وشوفي عهود: استخرت نهى: طيب اش قال لك عبدالله كلمك عهود:ايه كلمني يقول هو كويس واخلاقه ما عليها كلام ومحافظ على صلاته منى:طيب وليش مترددة دامه زين عهود: خايفة من الحياة الجديده خايفة من المستقبل منى: اقول وافقي وتوكلي على الله والخوف شي طبيعي في حياة الإنسان عهود: قولك كذا منى: ايه حنان:صلي الاستخارة مره ثانيه وردي عليهم منى: وانا رائي كذا نهى:وانا كزالك رائي كزا عهود: شوركم وهداية الله حنان:ههههههههههههههههههه حسستيني اني مسلسل خليجي عهود: وليه من وين انتي مو خليجيه حنان:لا افغانستانيه ههههههههههههههههههه منى: عهود وش فيهم خواتك اليوم يستخفون دمهم عهود:يبون يسون رجيم ههههههههههههههههه منى:جايه بشتكي لك طلعتي اخس عنهم حنان ونهى وعهود:هههههههههههههههههه منى:الله يخلف على عقولكم الا وين امكم حنان:شكلك اشتقتي المناقر منى:لا جد وينها مالها حس عهود:عند ام خطيبك المستقبلي منى عقدة حواجبها:مين ذي حنان: علينا ما تعرفين ام خطيبك منى انقهرت : من تقصدون نهى:ههههههههههههههههههههه� �ههههههه ههههههههههههههههههههههههه هه يقصدون ام جابر جارتنا منى لفت تدور شي ترميهم به بس ما لقت فقامت تضربهم هربوا كلهم الا عهود ما امداها تهرب فمسكتها منى وجلست تضربها منى: مالت عليكم ما نسيتوا ذا السالفه ولا ما لقيتوا الا جويبر العربجي عشان يموتني طق عهود:تتفادى ضربها وهي تضحك : ههههههههههههههههههههههههه ههههههههههههههه هو الي قال انك خطيبته مو انا رجعوا جلسوا وهم يضحكوا على منى جلسوا يسولفوا لين جاء المغرب سمعوا الاذان قام بصلوا الا على دخلت لطيفه جايه من عند ام جابر سلمت وردوا السلام وراحوا يصلوا ( نقولكم قصت جابر مع منى يوم كانوا صغار كانوا منى وعهود يطلعوا يلعبوا في الشارع فكان جابر دايم اذا شاف مع منى شي يأخذه ويضربها لان حجمها صغير وما تقدر تدافع عن نفسها فمره شافه ابوها يوم قاله ليش تضربها قال عادي هي خطيبتي فعادي اضربها كان وقتها حتى جابر صغير بس مسكوها عليها ان جابر خطيبها ) انتهى الجزء الثالث ************* الجزء الرابع ننتقل من عائلة منى الى عائله جديدة وهي عائلة عبدالعزيز خالد مكونه من : ام خالد ارملة من خمس سنين وخالد الولد الكبير عمره 31 سنه رجل أعمال وفاطمه عمرها 27 متزوجة واحد من معارفهم عندها (عبدالعزيز9 سنوات وليان7 سنوات فهد 4 ويزيد2 ) و محمد عمره 23 يدرس في بريطانيا واحلام21 سنه تدرس في الكلية قسم اقتصاد واسامه اخر العنقود 12 سنة في الليل في بيت ابوخالد احلام نزلت الصالة تحت شافت امها جالسه وحدها احلام:السلام عليك ام يكيفك اليوم ام خالد: وعليكم السلام الحمدالله وينك انتي من يوم جيتي من الكلية معد شفتك احلام:كنت نايمه وبعدين جلست اراجع كم ماده ويوم خلصت نزلت ام خالد:الله يوفقك احلام: تدرين امي من شفت اليوم ام خالد: من احلام قربت من امها وبصوت واطي قالت احلام:شفت بنت خالتي سعاد منى ام خالد:من جدك شفتيها احلام:يعني بمزح ايه شفتها حتى تدرس بقسم تاريخ زي ما قالت لنا سهام حتى اسمها تأكد منه منى سلطان عبدالله ال.... مو اسمها بالكامل ام خالد: ايه اسمها كويس انك لقيتيها بسرعه خلي ابشر خالتك اكيد بتفرح المسكينه من زمان تتمنى تسمع عنها أي شي احلام:طيب يمه كيف ام ما تدري وين بنتها ام خالد: ذي سالفة طويلة مالك شغل فيها احلام: اوه ولمتى بتجلسوا تخبوا عنا ذي السالفة ام خالد: اقول لا تتليقفي بشي ما يخصك واعطيني التلفون اكلم خالتك اقولها احلام:ايه خلاص يوم انتهى دوري ولقيت لكم الانسه منى لا عد اتلقف طيب باقي قولوا لي سوي كذا ولا كذا واعطت امها التلفون ام خالد: بتسوين الي نقوله غصب عنك مو بشورك واخذت الجوال تدق على اختها احلام جلست جمب امها وقربت اذنها من امها عشان تسمع اش بتقول خالتها ام خالد وهي تنتظر اختها ترد بعدت بنتها عنها وهي تدزها من كتفها: بعدي عني اش فيك احلام:يمه الله يخليك ابي اسمع ردت فعلها ام خالد طنشتها لانها سمعت رد على الطرف الثاني ام خالد: السلام عليكم علي:هلا وعليكم السلام ام خالد: من علي ولا نايف علي:لا علي كيفك خالتي ام خالد: الحمدلله كيفك وكيف اخوانك علي:الحمدلله نسال عنكم ام خالد: تسال عنك العافية وين امك علي: لحظه شوي انادي لك اياه راح علي ينادي امه شوي وسمعت ام خالد صوت اختها ام علي:هلا ام خالد سلام عليكم ام خالد:وعليكم السلام كيفك وخيتي ام علي:الحمدلله كيفك انتي وكيف عيالك ام خالد:والله كلهم ماعليهم الحمدلله بغيت ابشرك ام علي: تبشرين بالخير ان شاء الله ام خالد: خير يا وخيتي خير ابشرك احلام قول شافت منى بنتك في الكلية اليوم ام علي ما استوعبت :شو شو قلتي ام خالد: اقول احلام شافت بنتك منى في الكلية ام علي من الفرحه ما عرفت وش تقول :كيفها كيف صارت ووين بيتها خلي نروح نشوفها ام خالد:شوي شوي يا سعاد بعدين كيف بتروحي لها نسيتي كلام سلطان قبل خمس طعش سنه ام علي والدموع تجمعت في عيونها: ما نسيت كيف تبيني انسى حرمانه لي من بيتي والله لسه حرقتها في قلبي ام خالد: خلاص اصبري شوي نعرف عنها اكثر وبعدين ما يصير الا الي تبينه وتشوفيها عندك كل ما تبين ام علي: متى يجي اليوم متى والله صرت اخاف ربي يقبض روحي وما شفتها ام خالد: استهدى بالله يا سعاد وان شاء الله ما يصير الا الي ربك رايده ام علي: ونعم بالله ام خالد:يالله يا و اختي استذن بس بغيت ابشرك يوم قالت لي احلام ام علي: الله يبشرك بكل خير والله انك فرحتيني ام خالد: اجل اخليك الحين مع السلامه دخل عليكم خالد سلم وجلس ام خالد: خالد تعال في غرفتي شوي خالد:خير يمه ام خالد: الخير بوجهك تعال وتعرف احلام: وليش ما تتكلموا هنا انا مراح اسمع اوعدكم ام خالد: انتي مالك دخل يا الملقوفه خالد:يالله يمه خليك منها اذا بتردين عليها ما بتخلص ام خالد راحت غرفتها مع ولدها الكبير سمعوا احلام تصيح من تحت احلام: ايه يا ام خالد روحي مع ولدك بس مردك لي ابتسمت ام خالد على بنتها ودخلت ودخل خالد وراها خالد: هاه يمه صرنا لحالنا وش بغيتي ام خالد: احلام اليوم شافت بنت خالتك منى خالد: بالله حلوى طيب قلتوا لخالتي ولا تبين اوديك عندها تقولي لها ام خالد:لا توني مسكره عنها خالد: اكيد فرحانه مسكينة 15 سنه ما شافت بنتها ام خالد: الا بتطير من الفرحه بس المشكلة كيف بتشوف بنتها خالد:كيف كيف بتشوفها تروح لها البيت وتشوفها ام خالد: انت تعرف ابو منى يمكن يسوي لها مشكله وهي مالها خلق مشاكل غير ان ابو علي قال ما يبي أي مشاكل مع سلطان خالد: بس هذا حقها حقها تشوف بنتها بعد ما انحرمت منها طول هذي السنين ام خالد: ما عليه اذا وقفت معي بتصير تشوفها دايم بدون مشاكل خالد: اكيد بوقف معك اهم شي خالي ما تتعذب ام خالد: ما علين المهم مو انت قلت لي اخطب لك خالد بستغراب: ايه وش دخل ذي السالفه بعدين خلاص انتي خطبتي لي ام خالد: لا لسه مابعد كلمت جارتنا ام حاتم خالد:طيب متى بتكلميها ام خالد بهدوء: خلاص ما فيه داعي اكلمها وانا لقيت لك وحده غيرها خالد بصدمه:ليش يمه شفتي من البنت شي ام خالد: لا والله اشاهد ما شفت عليها الا كل خير خالد بنرفزه: اجل ليش غيرتي رايك فيها ام خالد:وليش انت متنزفز كذا انت قلت اخطب لك لي وحده يعني ليش معصب الحين خالد وهو يحاول يهدي نفسه: لاني مقتنع فيها وابي هي الي ارتبط فيها ام خالد: امداك تقتنع فيها ومالي يومين مرشحتها لك خالد يحاول قد ما يقدر ما يرفع صوته على امه: طيب هذا انتي قلتيها مرشحتها لي ليش الحين بذات غيرتي رايك ام خالد: لقيت لك الي احسن منها خالد بسخريه: ومن ذي الي نزلت من السماء مره وحده وصارت احسن من هند ام خالد بهدوء:منى بنت خالتك خالد بصدمه:منى شلون يمه بتزوجيني وحده عمرك ما شفتيها ولا عمرك اعرفتي اخلاقها افترضي ان اخلاقها زفت وتطلع زي ابوها راعية مشاكل كيف بتحملها بالله ام خالد:دامها بنت خالتك فاكيد مافي زيها خالد بحده:وش بنت خالتي الي ما عمر احد شافها حتى امها ما تعرفها ام خالد بدت تعصب:مو ذنبها ان ابوها حرمها من امها خالد بعصبيه:ومو ذنبي عشان امها تشوفها ابتلي بها انا ام خالد بعصبيه: هي اخرتها يا خالد ترفع صوتك علي بعد كل ذا العمر خالد وهو يحاول يهدي نفسه:حقك علي يمه بس انتي نرفزيني ام خالد: المهم انا ما بعيد كلامي وجهز نفسك أول ما تعرف احلام وين ساكنه بنروح نخطبها خالد وهو طالع قال ببرود: مرح اتزوجها لا تتعبوا نفسكم وتسالوا عنها ام خالد: والله لو ما تزوجتها لا اغضب عليك ليوم الدين خالد بصدمه: لها ادرجه يمه تغضبين علي عشان وحده سمعتي عنها حتى مقد شفتيها ام خالد بحزن: عشان اختي ام علي اسوي أي شي انت ما ترضى تشوف واحد من اخوانك يتعذب عشان شي وما تحقق له اياه وانا زيك مابي اشوف اختي تتعذب وانا اقدر اساعدها وما اساعدها اليوم يوم سمعت صوتها يوم قلت لها ان احلام شافت منى تمنيت اني اسوي أي شي بس اجيب لها بنتها حتى لو اروح لسلطان واترجاه يخليه يشوفها بس اختي ما تنضام وفرح بلي بقى لها من عمرها خالد بهدوء بعد كلام امه: الي تشوفيه يمه سويه ام خالد بفرحه: ان شاء الله ما تندم يمه وانك تكون سعيد مع منى خالد بضيق وهو يبي يخرج من الغرفه ومن البيت كله : ان شاء الله يمه ان شاء الله اهم شي رضاك عني ام خالد: راضيه عليك يمه دنيا واخره خرج خالد من عند امه بضيق نزل تحت وطلع من البيت ركب سيارته وطلع من البيت ومو داري وين يروح انتهى الجزء الرابع ************** | ||||||||
|
| |
|
26-09-13, 09:54 AM
| #3 | ||||||||
| مراقبة عامة ومشرفة منتدى الروايات المنقولة
| الجزء الخامس احلام كانت في الصالة لما طلع خالد احلام مستغربة:بسم الله الرحمن الرحيم وش فيه ذا طاير كذا شوي ونزلت ام خالد الصالة شافت احلام تتابع برنامج في Mbc1 احلام يوم شافت امها قالت احلام:يمه اش فيه خالد طلع بسرعة كذا صاير شي ام خالد بحزن انها تجبر ولدها على شي ما يبيه وهي ما تعودت تعامل أي احد من اولادها بذا الأسلوب:مافيه شي انتي تقدري تعرفي وين بيت ابو منى في ذا اليومين احلام: ذا اليومين يمه اش فيك مستعجلة كذا ام خالد: لا تطولي السالفة بكثر الاسئله تقدري ولا لا خالتك مستعجلة احلام:خلاص يمه بحاول ما يجي الثلاثاء الا والعنوان عندك ام خالد: يصير خير / مر يومين منى مافي جديد في حياتها في اليومين الي فاتت الا انها قررت انها تنسى احمد نهائيا بعد ما ردت عهود بالموافقه واليوم بيجوا يخطبوها رسمي اما بنسبه لأحلام والمهمة الي كلفتها امها فيها كملتها بمساعده مع سلوى بنت عم منى بعد ما تعرفت عليها منى في الأيام الي فاتت وشرحت لها كل شي عن ام منى وكيف ان ابو منى حرمها من بنتها طول هذي السنين تعاطفت سلوى مع ام منى واعطت احلام العنوان بس شرطت عليها محد يدري انها هي أعطتها اياه ام خالد فرحت كثير وخبرت اختها ام علي وقالت لها عن خطبتها لبنتها بس ام علي قالت ما تبي خالد يتزوج بنتها بس عشان تشوفها لانها تبي الي يتزوج بنتها يكون على قناعه بها هي مو عشان مساعدة احد بس ام خالد قالت ان لهم الشرف يزوجون خالد بنتها وان خالد مقتنع وهو الي قال لها تخطب له اياها ام علي ارتاحت بس لسه في قلبها خوف من هذا الموضوع ما تدري ليش (ما تدري ان قلب إلام دليلها وإحساسها في أبنائها دايم صح) ام خالد فعايش في دوامه ما يدري كيف يخرج منها خصوصا بعد اخر مكالمة بينه وبين هند نرجع لقبل يومين عند خالد لما خرج من البيت ركب سيارته وصاير يدور في الشوارع وهو سارح بأفكاره مع بنت خالته الي خرجت له فجاءه وهدمة كل مخططاته صحا من أفكاره على صوت جواله شاله وشاف من المتصل كانت حب حياتي تنهد ورجع الجوال جنبه بدون ما يرد عليها سكت الجوال شوي ورجع يدق عرف انها هي واكيد انها بتجلس تدق الين يرد رد عليها بهدوء:الو هند:السلام عليكم خالد:وعليكم السلام هند:اش فيك ما ترد علي حبيبي خالد: كنت مشغول شوي هند بدلع: وش ذا الشغل الي اهم مني حبيبي تنهد خالد بضيق:هند اخلصي علي ترى حدي قافله معي اليوم هند:وش فيك خلودي من مضيق خلقك خالد بضيق:محد مضيقني انتي وش بغيتي هند بضيق من أسلوبه معها اليوم: بس كنت بسالك انت قلت ان امك بتتصل بامي تخطبني ذا اليومين وما اشوف صار شي خالد بضيق يزيد عليه: حبيبتي انتي تعرفين اني احبك صح واني كنت صادق مع وما كنت العب عليك ابد هند بهدوء وهي حاسة ان ورى كلام خالد ذا شي كايد هند بهدوء: ايه اعرف وش مناسبة ذا الكلام خالد: بس بغيتك تعرفي ان مهما يصير ان ما بحب غيرك وان عمري ما كذبت عليك هند: طيب الزبده من ذي المقدمات خالد: امي خطبت لي بنت خالتي هند مو مستوعبة :وش قصدك خطبت لك بنت خالتك وانا (وتغيرت نبرة صوتها الى عصبيه وبحده قالت: بعدين من بنت خالتك ذي انا اعرف ان ما عندك بنات خاله كبار ولا ذي تصريفه عشان ما تجي تخطبني تقول امي خطبت لي خالد برجى:هند ارجوك اسمعيني هند بحده اكبر: وش اسمع بالله عليك وش اسمع اسمع اني كنت مغفلة طول هذي السنوات وانت تضحك علي وتوهمني بحبك وبعد ما تعلقني بك تقول امي خطبت لي خالد:هند انتي اسمعيني صدقيني انا مالي ذنب الين اليوم وامي كانت بخطبك لي بس مدري من وين طلعت لي بنت خالتي سعاد فامي اصرت الا اتزوجها عشان تكون قريبه من خالتي بعد ما حرمها زوجها الأول منها هند وبدئت بكي: وانت وش عليك منها هي وبنتها ليه تدخل نفسك بينهم وليش ما رفضت خالد بضيق وهو يسمع صوت بكيها: حبيبي لا تبكي دموعك غالية عليه ارجوك لا تبكي بعدين انا والله ما ادري من وين طلعت واصلا ما دريت عنها الا اليوم ويوم امي قالت لي اخطبها رفضت وبقوه بس هي قالت ان اذا ما خطبتها بتغضب علي هند وهي تبكي: ليش انت بذات ليش ما تزوجها محمد اخوك خالد: امي مستعجلة عشان خالتي بعدين محمد لسه يدرس كيف يتزوج هند وهي تبكي: ولحين يعني خلاص بتأخذك مني خلاص انتهى كل شي بينا خالد بضيق: لا ما انتهى شي انا احبك وما بحب غيرك ومو اذا تزوجتها معناها معد بحبك بعدين الشرع حلل أربع هند بحزن:هه يعني تبي تبقى علاقنا حتى بعد زواجك خالد بضيق:هند انا ما اقدر استغني عنك وصدقيني بعد ما يعدي فتره على زواجنا بتقدم لك وخطبك هند بعبره: تبيني أصير الثانية بعد ما كنت الأول خالد بحنان: انتي الأول وانتي الي بقلب ومحد بيأخذ مكانك في قلبي هند: متأكد خالد: عندك شك في كلامي هند: يا خوفي بعد ما تتزوجها تنساني خالد: اف قلبي هذا ظنك فيه هند: بكره نشوف خالد: بتشوفي وهذا هو مر يومين على هذي المكالمة وخالد كل مره يدق على هند ويكثر من اتصالاته عشان يثبت لها انه عند كلمته وانه مراح يستغني عنها ابد خالد بدت علاقته مع هند قبل سنه لما شافها في البيت وأعجبته مره بس في ذيك الوقت كان ما يفكر في الزواج ابد لان كان اهم شي عنده شغله وكان ما عنده وقت يفكر في ذا الامور بس بعد الموقف ذا بفتره مو طويلة صار في وحده دايم تزعجه على الجوال كل يوم تدق عليه بس هو يطنش لأنه ما كان يحب ذا الحركات ومو فاضي لها بس مع الوقت صار يتجاوب معاها وتطورت العلاقة بينهم بس ما كان يعرف من هي ويوم صارحته من هي كان بيقطع علاقته فيها احتراما لابوها الي هو جارهم بس هي رفضت وجلست تتصل عليه الين يرد عليها بعدين تطورت علاقتهم لحب ويوم فكر خالد يتزوج أهي أول وحده جت بباله لأنه يحبها بس ما صرح لامه عنها عشان ما تستغرب اش عرفه فيها بس كان يدري ان امه معجبة فيها وأكثر من كانت امه تلمح له انها تخطبها له عشان كذا قال اخطبي لي وما حدد وحده معينه لأنه واثق ان امه بترشحها له وهاذي قصت خالد مع هند / نروح لبيت ابو عبدالله واليوم خطوبة عهود واحمد عهود في غرفتها تتجهز ومتوترة مرررررررره كان أول مره يجون عائلة خالها سالم عندهم بس هي تدري ان جيتهم اليوم غير عن كل مره دخلت عليها حنان :شو عهود لسه ما خلصتي ترى شوي ويجون وانتي لسه عهود:حنان خايفة مرره احس اني ما بقدر اطلع لهم دخلت منى زي الصاروخ عليهم:اااااووووووه لسه ما خلصتي يا عروسة الغفلة ترى شوي ويجون واذا ما شافوك في استقبالهم يمكن يغيروا رايهم ويفركشوا الخطبة عشان خطيبة ولدهم ما تعرف السنع حنان تساند منى في قهر عهود: ايه صادقه بعدين يقولوا لامي نبي بنتك هب الريح حنان الحلوة اصلا إحنا كنا بنخطبها بس خفنا اختها الكبيرة تعنس منى تمثل بحزن: وبكذا عنستي انتي حنان: مو قبلك حبيبتي عهود بقهر:اش رايكم تضفوا وجهك انتي وهي منى: اوكي سنيورتى اذا خلصتي نزلي ترى خالتي لطيفه تقول أنهم على وصول تجهزت عهود ونزلت شوي وجوا كانوا زوجت خالهم وبنتها أمل بس جلسوا معا بعض سولفوا بعدين دخل احمد لبس عهود الدبل وجلس معها شوي وطلع ومرت خالها كمان ما طولت عشان اليوم الثاني مدارس وبكذا انتهى الخطوبة في بيت ابو خالد خالد بصوت عالي : يمه انتي من جدك ام خالد بهدوء :ايه من جدي انتهى الجزء الخامس *************‘ الجزء السادس خالد بصوت عالي: من جدك يمه ام خالد: ايه من جدي بكره نروح نخطبها خالد بضيق من كلام امه: كيف نخطبها بكره لسه ما أقلمت نفسي على الوضع وبعدين للحين ما عرفنا وين ساكنين ام خالد: ام عن سالفة تأقلم نفسك فبسيطة زي ما أقنعت نفسك بهند بسرعة اقلم نفسك مع منى بسرعه اما عن عنوان البيت صار عندي وما علينا الا أنروح نخطب خالد بستهزاء: اشوف مستعجله بقوه في ذا الموضوع ام خالد بحزم: ايه مرررره مستعجله وابي ما يمر شهرين الا ومنى في بيتي بعد كلام ام خالد طلعت وخلت ولدها مصدوم من كلامها في بيت ابو عبدالله عهود جالسه عند منى ويسولفوا في الملكه الي تحددت تكون في شهر 8 يعني بعد 3 شهور منى: طيب ما قالوا كيف بتكون الملكه يعني كبيره ولا عائليه عهود: لا شكل ابوي يباها كبيره منى :كويس طيب حددوا الزواج متى عهود:ايه في العيد الأضحى منى بتفكير:امممممممم كويس باقي وقت عهود بغموض: منى ابي أسالك سؤال صح يمكن متأخر بس مدري حسيت أول ما كان عندي شجاعة اقول لك بس يوم حددوا الملكه اضطريت أسالك لأني ما ابي ابدا شي وان في قلبي ذا الشك منى: اوف وش ذا المقدمة كلها اسألي خيتو الي بدك اياه عهود بتوتر: بس تجاوبي بصراحة منى:اكيد ياالله قولي عهود بتوتر اكبر من ردت فعل منى: انتي تحبي احمد ابو عبدالله كان قاعد مع لطيفه في عرفتهم لما دق جواله أخذه شاف ان الرقم غريب ومو مسيف عنده في الجوال رد ابو عبدالله: الو الطرف الثاني:******* ابو عبدالله:هلا وعليكم السلام الطرف الثاني********* ابو عبدالله:الحمدالله كانت لطيفه جنبه وجلست تسمع المكالمة بتركيز ابو عبدالله: ايه وصلت معك بو عبدالله بس من انت ما عرفتك الطرف الثاني:******************* ابو عبدالله: يا هلا والله كيفك وكيف العيال ان شاء الله بخير الطرف الثاني:***************** ابو عبدالله: الله يديم عليكم الخير الطرف الثاني:************ ابو عبدالله:حياكم الله في أي وقت الطرف الثاني:************ ابو عبدالله: والله ما يبيلها أذن يا ابو مشعل البيت بيتكم الطرف الثاني:********* ابو عبدالله:اجل احنا في انتظاركم بكره على العشاء الطرف الثاني:******** ابو عبدالله: لا كلافه ولا شي وهذا واجبنا الطرف الثاني:********* ابو عبدالله: ان شاء الله مع السلامه قفل ابو عبدالله من المتصل وسألته لطيفه بسرعة لطيفه: من الي كلمك ابو عبدالله: هذا ابو مشعل لطيفه: ايه سمعتك يوم قلت ابو مشعل من ذا ابو عبدالله:اخو ابو خالد زوج اخت ام منى في مجلس ابو مشعل خالد ببرود: هاه عمي اش قال لك ابو مشعل: بكره ان شاء الله عشانا عنده خالد: ما كان له لازم العشاء كنا كلمناه عن موضوعنا ومشينا ابو مشعل: قلت له بس هو اصر خالد بضيق: تعتقد يوافق ابو مشغل: والله يا ولدي ابو عبدالله رجال طيب بس المشاكل الي كانت بينه هو وخالتك خلته يسوي الي سواه بس تراه رجال ينشرا نسبه وانا اشهد له\ خالد : الله يجيب الي في الخير يالله عمي استأذن بروح اقول لامي نرجع للطيفه لطيفه: طيب وش يبي منك ابو عبدالله: يقول يبي يجيني بكره هو وولد المرحوم اخوه لطيفه: ما قال لك اش يبي ابو عبدالله :بكره بعرف وش يبي لطيفه: ليكون يبي يجي يتوسط بينك انت وام منى ابو عبدالله : ما ظنتي لطيفه: طيب لو كان ذا فرضه ويبي يتوسط لام منى علشان تشوف بنتها بتخليها تشوفها غرفة منى منى بضيق: عهود وش ذا الكلام كيف بأحب خطيب اختي انتي كيف تفكري عهود:انا اقصد قبل منى: لا قبل ولا بعدين هذا بيكون زوجك بعد 3 شهور يعني ماله داعي ذا الكلام عهود: يعني ما تحبينه منى بعصبيه : انتي من وين جبتي ذا الكلام بعدي كيف تفكرين فيه ذا التفكير عهود: ما جبته من مكان بس ذا إحساسي من زمان احس انك تحبي احمد بس يوم خطبني كنت مترددة ومحتارة ويوم قلت لكم انتي جلستي تقولي لي أوافق ففكرة اني أتوهم لم شفت ردك بس يوم قال لي ابوي موعد الملكة تذكرتك فحسية من واجبي أتأكد منك منى: شوفي عهود انا ما افكر في احمد ابدا ولا أحبه وزي ما قلتي انتي تتوهمين شيلي ذي الأفكار من بالك وفكري في تجهيزات ملكتك والزواج خالد دخل البيت شاف احلام وامه في الصالة خالد:السلام عليكم ام خالد واحلام : وعليكم السلام دخل خالد الجلسة الي هم فيها سلم على امه وجلس وهو متضايق ام خالد بحنان: تعبان يمه خالد بضيق: لا يمه ما فيني الا العافية ام خالد: هاه وش سويت مع عمك خالد لم سمع ذي السالفه قام بيروح غرفته ورد على امه خالد:كلم ابو عبدالله وبكره بنروح لهم ام خالد بفرحه: صدق خالد بضيق كبير: ايه يالله استأذن بروح أنام وهو طالع دق جواله شاف مين لقيها هند دخل غرفته ورد عليها خالد: هلا هنوده هند بدلع: هلابك حبيبي كيفك خالد: تمام دامي اسمع ها الصوت هند بمياعه:تسلم حبيبي خالد:هنوده ابي اقول لك شي هند بدلع: شو حبيبي خالد: بكره بروح اخطب منى غرفة ابو عبدالله لطيفه: طيب لو فرضن يبي يتوسط لام منى عشان تشوف بنتها بتخليها تشوفها ابو عبدالله سكت لحظات ولطيفه تنتظر رده عبدالله بحزم: اكيد************* انتهى الجزء السادس ***************** الجزء السابع في غرفة ابو عبدالله ابو عبدالله لحظات ولطيفه تنتظر رده ابو عبدالله بحزم: اكيد ما بحرمها من بنتها كفاية كل السنين الي فاتت وحتى منى من حقها تشوف امها ويكون معها ام زي اخواتها والله ان كل ما شفتها احس اني ظالمها يوم أبعدها عن امها لطيفه: خلاص أنسى ذا شي بعدين انت ما قصرت عليها ابو عبدالله بحزن:كيف انسى نظرات الحزن اذا شافت اخواتها حولك وهي مفكره ان امها تخلت عنها لو قلت لها اني انا منعت امها تشوفها يمكن كان أهون عليها لطيفه:ما ادري اش اقول لك أصراحة اليوم الثاني اليوم الموعود مر النهار زي أي يوم مافي تغيير جاء أليل وابو عبدالله وعبدالله ينتظروا الضيوف في المجلس بعد ما بلغ ابو عبدالله ولده عن أضيوف بس نبه على لطيفه ما تقول أي شي لمنى لان ما يبي يعطيها أمل على ألفاضي وهو ما يدري ليش بيجون ام خالد: قايمه مع خالد تبخره خالد: خلاص يمه بختنق ام خالد:خلني يمه أبخرك وفرح فيك كم مره بتتزوج انت الحمدلله ربي أحياني لذا اليوم خالد بينه وبين روحه (ان شاء الله تبخريني صدق يوم اروح اخطب هنوده قلبي آه متى يجي ذا اليوم) خالد: الله يديمك لنا يمه ويطول بعمرك وباس رأسها وخرج من البيت متجه لبيت عمه ابو مشعل في مجلس ابو عبدالله عبدالله: وش يبون منك يبه ما قالوا لك ابو عبدالله: لا ما قالي قال بيجي يبيني في موضوع بس ما سألته عبدالله: ان شاء الله خير سكتوا وبعد فتره سمعوا صوت سيارات عرفوا أنهم جوا طلعوا لهم يستقبلوهم ابو عبدالله: يا حي الله من جان أرحبوا أرحبوا زارتنا البركة ابو مشعل: الله يخليك ويبقيك يا ابو عبدالله ابو عبدالله : وش علومكم ابو مشعل: والله علومنا تسرك ومن عندكم ابو عبدالله: الحمدلله ما شكي شر هذا مشعل ابو مشعل:لا والله هذا خالد ولد عبدالعزيز ابو عبدالله: ونعم بابو عبدالعزيز وش علوم خالد خالد: الحمدالله ما علينا خلاف نسال عنك ابو عبدالله: تسال عنك العافية والله وكبرت وانا أبوك أذكرك وانت توك ما أخذت المتوسطة خالد: ما شي يبق على حاله يا عمي ابو عبدالله: صادق وانا بوك ابعد أسوالف وأخذا الأخبار ابو عبدالله: اقلطوا على العشاء ابو مشعل:كان ما كلفت على نفسك احنا أهل ما بينا ذي الامور ابوعبدالله: لا كلافه ولاشي داخل بيت بو عبدالله في الصالة منى: حنو ما تدرين مين الي عند ابوي حنان: وش درأني قالوا لك كنت جالسه معهم منى: واي منك خلاص لا تدفي حنان كشرت بوجهها ولفت عنها منى: حنو عاد تصدقي أتوقع خطاب حنان لفت عليها:وش درأك منى:شفتهم من الشباك شايب وشاب حنان بشهقة:قاعدة تراقبي الرجال من الشباك والله لو يدري عبدالله انك تقولي على رقبتك السلام منى بصوت واطي: انتي لو وطيت صوتك وقضبتي لسانك مارح يدري بعدين انا ما راقبتهم اصلا ما كنت ادري ان احد بيجي كنت أطالع من الشباك فشفتهم حنان لفت لفه كاملة لمنى: وكيف كان شكل وتقلد صوت منى الشاب منى: مو علا أساس وشهقة زي حنان قاعدة تراقبي الرجال الحين تبين اوصفلك اياه حنان :منى بلا ثقاله دم قولي منى تنهدت: ووووواااااي شو أقولك رزة جسم زي جسم محمد الرفاعي الي ببيت عرسان شي رزة مره بس الشكل شكله عادي اسمراني بس حنان كشت عليها ولفت : مالت عليك وووووواااااااي وش أقولك بعدين صار شكله عادي منى: اقول لك رزة حنان: رزة عشان جسمه على قولتك زي الرفاعي مدرك كيف يعجبك الي جسمه كذا منى: واي يهبل اذا تزوجت بتزوج واحد نفس جسمه حنان:روحي تزوجي الي بمجلس بس احذري اذا مشى يطى عليك عاد كيف بيشوف وحده بطولك انا يالله أشوفك كيف هو انا مستغربه كيف لسه عايشه للحين محد وطأك ههههههههههههههههههههههههه ههههههههههههههههههههههههه ههههههههههههههههههههههههه ههههههههه منى بقهر: ضفي وجهك ادري غيرانة مني حنان: ارحميني على شو بغار يا النملة رمتها منى بخدادت الكنب: غيران عشان محد يصدقك اذا قلتي انك اكبر مني دايم يقولون كنك اكبر مني بعشر سنين حنان:لا وانتي الصادقة دايم يقولوا اني امك كذا تصير الكذبة أحلا في المجلس بعد العشاء جلسوا يشربوا الشاهي ابو مشعل: نزل فنجاله وتكلم: اليوم جيناك وطالبينك ابو عبدالله: ابشر بعزك يابو مشعل انت تأمر وتطاع ما تطلب ابو مشعل: سلمت يابو عبدالله وانا ما طلبتك الا وداري انك رجال كفو وما ترد طلابك ابو عبدالله: ما عليك زود يابو مشعل وانا قلتها انت امر ابو مشعل: والله اليوم جينا طالبينك القرب من بنتك منى لولدي خالد سكت ابو عبدالله وعبدالله متفاجئين ام خالد مع ام علي في بيت ام علي ام علي: ضنك ابو عبدالله يوافق ام خالد: علمي علمك ام علي: والله اني خايفة يقضي على باقي الأمل الي بقلبي اني أشوفها واحضنها بعد كل ذي السنين ام خالد: تفائلي بخير يا اختي وما بيصير الا الي كاتبه ربك لك ام علي: ونعم بالله متفائلة بس خايفة من رد سلطان ام خالد:ان شاء الله تشوفينها وتملي عينك منها ام علي: امييييين راحوا الضيوف ودخل ابو عبدالله بملامح غامضة شاف بناته ولطيفه كلهم في الصالة سلام عليهم وردوا عليه طالع في منى ابو عبدالله: منى يبه تعالي شوي غرفتي راح وقامت منى تلحقه حنان قالت لها : ليكون صدق خطبك محمد الرفاعي منى:ههههههههههههههه تخيلي الرفاعي يخطبني عهود قاطعتهم: روحي بسرعه لا تخلي ابوي ينتظرك كثير راحت منى لغرفة ابوها لما قربت حست بتوتر يا ترى اش يبي ابوها معقولة صادقه حنان ويكونوا خطاب لم وصل تفكيرها كذا توترت كثير وصلت لغرفة ابوها دقت الباب سمعت صوت ابوها ابو عبدالله: ادخلي منى ام خالد رجعت مع السواق لبيتها شافت احلام واسامه في الصالة يلعبوا بلاستيشن ام خالد: سلام عليكم احلام واسامه مركزين على الشاشة على الأخر لأنهم يلعبوا سباق سيارات وخايفين لو لف احد منهم يفوز الثاني ردوا وعيونهم علي التلفزيون: وعليكم السلام ام خالد: ليه لسه مقابلين ذي العبه متى تناموا نسيتوا ان عليكم مدرسه احلام: شوي يمه ونروح ننام بس نكمل ذي الجولة ام خالد:جئ اخوك احلام :لا لسه جلست ام خالد تشوفهم يوم خلصوا طفوا وراح أسامه ينام عشان المدرسة احلام وقفت بتروح غرفتها هي بعد رجعت لامها احلام: يمه فاطمة دقت تسلم عليك ام خالد: الله يسلمك وسلمها كيفها احلام: تمام بس زعلانه تقول معد كلمتيها واذا دقت ما تردي ام خالد: وش اسوي انشغلت بسالفة بنت خالتك احلام: ايه على طاري بنت خالتي وش سويتوا ام خالد: راح خالد يخطبها اليوم احلام : من صدقك يمه ليش ما قلتي لي و بعدين مو خالد خاطب هند ام خالد: ما صار شي عشان نقول بعدين محنى متأكدين يوافق ابوها أو لا عشان كذا خليناها بينا حتى أختك فاطمة ما قلت لها وهند انا ما كلمت أهلها وكويس اني ما كلمتها عشان ما ننحرج منهم دخل عليهم خالد خالد بضيق: سلام عليكم احلام وام خالد: وعليكم السلام ام خالد: تعال يمه قول وش سويت دخل خالد سلم على امه بتعب وضيق وجلس جنبها ام خالد لفت على احلام:احلام يمه روحي نامي احلام": اعرف انها طرده بس بقبلها بروح رياضيه مشت عنهم رايحه لفت ام خالد على ولدها: هاه اش سويت في غرفة ابو عبدالله دخلت منى شافت ابوها جالس علي كرسيه لما شافها ابو عبدالله اشر لها تجي تجلس جنبه ابو عبدالله:منى تعرفي من كان عندنا اليوم منى: لا يبه ابو عبدالله: ولد خالتك وعمه انتهى الجزء السابع ******************** الجزء الثامن في غرفة ابو عبدالله دخلت منى شافت ابوها جالس على كرسيه لما شافها ابو عبدالله اشر لها تجي تجلس جنبه ابو عبدالله : كيف الدراسة معك منى:الحمدالله يبه كل شي تمام ابو عبدالله: عندك اختبارات الحين منى مستغربه من أسئلة ابوها: لا قد اختبرنا باقي بس الاختبارات النهائية ابو عبدالله : ان شاء الله ربي يوفقك منى: آمين دعواتك يبه ابو عبدالله: دايم ادعي لك انتي وخواتك ان ربي يوفقكم ويرزقكم وأشوف كل وحده في بيت زوجها منى توترت لما طرا الزواج: الله يديمك لنا يبه ويطول لنا بعمرك احنا من بعدك ولا شي ابو عبدالله:ويخليك انتي وخوانك لبعض سكت ابو عبدالله شوي وباين ان عنده موضوع بس متردد ابو عبدالله بعد تردد: منى تعرفي من كان عندنا اليوم منى بحيرة من سؤال ابوها: لا يبه ابو عبدالله: ولد خالتك وعمه منى بصدمه : ولد خالتي ابو عبدالله: ايه منى: غريبة وش يبون بعد كل ذي السنين ابو عبدالله بتردد: يبون تقدموا لك في بيت جديد وعائله جديدة في القصة بيت العم ابو سالم اخو ابو عبدالله في غرفة سالم كان جالس يقرى كتاب كعادته من يوم صار له الحادث وصار جليس الكرسي المتحرك ما صار يطلع من البيت كثير الا لدوامه لأنه يشتغل محاسب في شركة خاله ما يحب يشوف نظرات الشفقة في عيون الناس على وضعه سمع دق على الباب سالم بهدوء: تفضل دخلت مريم:ممكن اجلس معك شوي ولا مشغول نزل سالم الكتاب ولف بكرسي وتقدم منها سالم:لا تعالي اصلا ان كنت طفشان مريم: ودام انك طفشان ليش ما تجي لنا ولا محنا قد المقام سالم:لا مو كذا بس متكاسل أجي مريم: الا قول كتابك بس حادك ضحك سالم بخفه: هذا انتي عارفتني مريم: اكيد بعرفك مو اخوي طيب بداوم بكره سالم : اكيد مريم: يعني بداوم صباح والعصر سالم: لا بس الصباح ليش مريم: بس أبيك توديني لمراجعتي سالم: خلاص ان شاء الله اوديك مريم: أسف سالم ما كنت ابي أتعبك بس ناصر ويوسف يقولوا مشغولين ومو فاضين لي سالم بجديه: لا تعب ولا شي وماله داعي الاعتذار انا اخوك ومن واجبي أساعدك اذا تبين ومن اليوم ورايح اذا تبوا شي قولوا لي مريم: الله يخليك لنا يالله اخليك مع كتابك خرجت من غرفته رجع اخذ كتابه يقراه تذكر بحزن ماضيه وكيف كان قبل الحادث وكيف صار وحمد ربه على كل شي تعريف عن عائلة ابو سالم ابو سالم الأخ الوحيد لابو عبدالله اسمه عامر ام سالم اسمها فاطمة سالم اكبر عيالهم عمره 29 صار له 6 سنين مقعد وبعده ويوسف عمره 28 يشتغل عسكري في الرياض وبعده ناصر 25 صديق عبدالله وشرطي زيه مريم 23 متخرجة الكلية التقنية وسلوى 20 مع منى ويدرسوا سوى وهاجر 16 أول ثانوي وعماد 14 ثاني متوسط في بيت ام خالد ام خالد:ها اش سويت خالد: ولا شي ام خالد بستغراب: كيف ولا شي رفض خالد: لا قال بيفكروا ويردوا علينا ام خالد: طيب انت ما عرفت كيف رده يعني كان عادي ولا حسيته ممكن يرفض خالد بغروره المعتاد: حلو يرفض ذي الا يحمد ربه ام خالد: مدري متى بتبطل ذا الغرور الي فيك خالد: مو غرور هذي ثقة ام خالد: ما علينا من ذا الكلام اذا رد عليك بموافقة أبيك تحدد كل شي بسرعه عقد خالد حواجبه بستغراب : كيف يعني ام خالد: شو كيف ابي تحدد معهم الملكه بعد أسبوع والزواج بأخر شهر 8 عشان يمدي البنت تتجهز عندها 3شهور ونص خالد بصدمه: يمه اش فيك قاعدة تخططي كل شي بنفسك ام خالد: ليش انت ناوي تغير رايك خالد: لا ما بغير ام خالد: خلاص اجل ليش رافض تنهد بقوه وقام يطلع فوق: خلاص سوي الي تبينه عند عبدالله ناصر: وش فيك انت من لم جيت ساكت عبدالله: لا ولا شي بس ما عندي شي أقوله ناصر: ليش تأخرت اليوم العادة تجينا بعد العشاء على طول عبدالله : ابد بس كان عندنا ضيوف ناصر: ضيوف من عبدالله: ولد خالة منى اختي وعمه ناصر بستغراب: ليش اش يبغوا عبدالله :جايين يخطبوا منى ناصر: امممممم وأبوك اش سوى عبدالله: ولا شي قال بنشاور البنت ويرد عليهم ناصر:طيب انت وش فيك ما عجبك الرجال عبدالله بضيق: ما ارتحت له ابد أحسه شايف نفسه مدري كيف المهم ما ارتحت له ناصر: طيب أسئل عنه وشوف عبدالله بحزم:اكيد بسال اختي مو رخيصة عشان نعطيها لأي احد غرفت ابو عبدالله ابو عبدالله : انتي فكري بعدين ردي علي منى بقهر: وهم وش ذكرهم فيني الحين لا وجايين يخطبوا بعد ابو عبدالله: لا تستعجلي يا منى وفكري خرجت منى من غرفة ابوها مقهورة بقوه دخلت غرفتها ما لقت نهى موجود منى بقهر:ايه توها تذكر ان عندها بنت فأرسلت لي ولد اختها يخطبني قال اني بطير من الفرحه رمت نفسها على الكرسي بقوه (بس يا منى هذي فرصه تشوفي امك وتتعرفي عليها اكثر وتصيري زيك زي غيرك عندك ام تروحي وترجعي معها بس هي تخلت عني وقت حاجتي لها صح ابوي ما قصر بس الأم غير في حياة بنتها احسن شي استخير والله يجيب الي فيه الخير) صلت لاستخارة ورجعت انسدحت على الكرسي وجلست تفكر في امها منى( أخيرا يا منى بتشوفي امك انقلبت على جنبها بس انا لسه ما وافقت عشان أشوفها معقولة يا منى تفوتي ذي الفرصة ان تقابلي امك اذا على الزواج عادي مافي فرق اذا تزوجت ذا أو غيره بس الفرق ان ذا لو وافقت عليه بشوف امي بس غيره لا جلست منى تفكر حتى نامت انتهى الجزء الثامن ********************** الجزء التاسع مرت الأيام بدون أي جديد غير ان منى ردت على ابوها بموافقة بعد تفكير طولي لان كل ما فكرت انها بزواجها ممكن تشوف امها تصر على انها توافق لان يمكن لو ما وافقت يمكن ما عادت تشوفها ابد واصلا هي مقرره ما تسامحها بسهوله على تخليها عنها ام عبدالله تضايق لما عرف رد منى لأنه لسه مو مرتاح لخالد ويحسه مرح يسعد أخته وجلس يسال عنه في كل مكان عشان يلقى عليه زلة عشان ما يتم ذا الزواج بس الكل شهد له بالخلاق الزينة ام في بيت ام خالد بعد ما قال لها خالد ردهم اصرت ان الملكه بعد أسبوعين واكيد بشرت اختها سعاد الي طارت من الفرحه لقرب شوفتها لبنتها اما عند خالد فهو يمشي أموره ببرود شديد ولما قالت له امه على موعد الملكة ما عارض ولا بين أي ردت فعل لأنه يحس خلاص مافي فأيده من الكلام في الموضوع لان الزواج بيتم بيتم بعد أسبوعين يوم الملكه في غرفة منى منى متوترة مررررره وخايفه من الحياة الجديده الي بتدخلها وهي ما تعرف شي عن خالد ولا عن اهله ولا تعرف شي حتى عن امها الي مفروض تكون اقرب وحده لها في ها اليوم دخلت نهى الغرفه شافت منى منسدحه على كرسيها وسرحانة بعالم ثاني قربت منها نهى ببطى شافت ان منى سرحانة وما حست فيها فصرخت بصوت عالي نهى:ممممممممممممممننننننن� �ننننننننننىىىىىىىىى فزت منى بقوه من الخوف ولفت شافت نهى ميتة ضحك عليها منى بعصبيه: اش السخافة الي فيك ذي نهى بضحكه:هههههههه ماشفتي نفسك وانتي وانتي فاتحه فمك في السقف حتى شكيت ان خطيبك الموقر متعلق بسقف منى: مالت عليك قومي ضفي برى الغرفه نهى: حلوه ذي أضف ترى الغرفه غرفتي كمان سكتت شوي تصدقي منى منى بقهر: خير نهى: كنت منقهره مرررره يوم انخطبت عهود لان بعد ما تروح بتصير لحنان غرفه لوحدها بس الحمدالله ربي يحبني وانخطبتي تدرين كويس انك بتتزوجي فبل عهود عشان ما تجلس حنان تقهرني منى شلت المخدة ورمت نهى بقوه فجت في وجهها منى: احسن تستاهلي عشان التفكير الغبي تبطليه نهى: والله ما تفكيره غبي غيرك ما علينا متى قالت لك بتجي الكوفيره منى: تقول العصر نهى: صح ما بيجي احد غريب منى: ايه ابوي يقول بس حنا وأهل خالد وعمي عامر نهى: جد بيجون أهل عمي عامر منى: اكيد بيجون ليش احد قالك أنهم ما بيجوا نهى: ايه امي قالت يمكن ما يجي الا عمي وأولاده منى: متى قالته نهى:امس في أليل منى: لا بيجون اليوم الصبح ابوي قاله نهى: كويس عشان ننبسط وانتي كيف أعصابك منى: احس متوترة مرررره نهى: متوترة من شوفت زوج الغفلة منى:صح متوترة من شوفت خالد بس مو مثل شوفت امي بيت ام علي أو نقول ام منى ام علي تجهز كل شي عشان اذا مرت عليها اختها ام خالد تكون جاهزة علي: يمه عادي ندخل مع خالد اذا دخل عشان نشوف منى ام علي:ايه يمه عادي علي: طيب هي لي ما كانت تزورنا قبل ام علي بحزن وما عرفت كيف ترد على ولدها ام علي:كان عندها ظروف ما خلتها تجينا علي: وشهي ظروفها ام علي تنهي النقاش: ما عليك من الامور ذي انت روح البس الحين بتمرنا خالتك قام علي بيروح: حاضر يمه ام علي: وستعجل نايف شفه لسه نايم قوله بسرعه يقوم يتسبح ويلبس مافيه وقت خالد كان يجهز نفسه قدام المرايه باليه وبرود شديد دق جواله أخذه وشاف مين لقيها هند خالد: هلا هند هند بحزن: شو رايح تملك ولا لسه خالد: لسه انا في البيت هند: خالد لا تنسى الي وعدني به اني أبقى الوحيدة في حياتك سمع خالد امه تنادي عليه رد على هند بسرعه خالد: مرح انسى ابد يالله اخليك الحين تأخرت على أهلي ينتظروني قفل من دون يسمع ردها لأنه كان خارج من غرفته نزل لأهله شافهم جاهزين ينتظرونه ام خالد وقفت: هاه خلصت خالد: ايه يالله مشينى اما عند هند رمت جوالها بقهر هند بعصبيه: انا تسكر الجوال بوجهي طيب يا خالد كلها من منى ذي ما خرجت لي الا يوم خلاص بغى يخطبني بس وين تروح والله ما خليته لها لو تموت حتى لو ما تزوجته مرح اقطع علاقتي به ابد دخلت حنان عند منى الي كانت تحط لها الكوفيره لمساتها الاخيره حنان: منى جوا الضيوف منى الرتبكة: من جاء حنان:ام خالد وأخته اسمها احلام وأمك من لما قالت حنان امك دق قلبها بسرعه معقولة بشوف امي معقولة ما يفصل بيني وبينها الا الباب وأصير عندها أشوفها واحضنها دمعت عيون منى شافتها حنان: منى لا تبكي الله يخليك لا تخربي مكياجك منى بعبره: حنان بشوف امي امي الي تمنيت أشوفها من زمان أخيرا بيتحقق حلمي حنان وهي تعطي منى منديل: ايه بتشوفيها بس لا تخربي مكياجك مافي وقت شوي وبتطلعين لهم تبينهم يشوفونك كذا منى تمسح دموعها قبل تنزل عشان ما تخرب المكياج حنان للكوفيرا: ولي يعافيك شوفي لها وعدليه اذا كان خرب الكوفيرا: ما يهمك هلا بزبط لها دخلت عليم عهود عهود: منى جهزتي عشان تطلعي ينتظرونك حنان: يبيلها شوي عهود: اوكي بقول لامي بس حاولي ما تتأخري طلعت عهود شوي وخلصت منى وصار وقت خروجها طلعت على الضيوف بس قبل توصل مكان الضيوف مسكت حنان لفت حنان لها منى: اش لابسه امي حنان: جلبيه سماوي منى: بس هي الي لابسه سماوي حنان: ايه بس لفت ودخلوا مع بعض بس عيون منى كانت تدور لوحده لابسه سماوي لما طاحت عينها عليها شافتها تتقرب منها عشان تسلم عليها في مجلس بو عبدالله تمت الملكه والكل بارك لخالد ناصر يساسر عبدالله: صدقت ذا شايف نفسه بقوه وكنه محد يسواه في المجلس عبدالله: هم كذا أهل النعمة على بالهم بس هم الي يسوون كل شي والباقي ولا شي عندهم ناصر: مو كلهم بس الي زي زوج أختك كذا شوف كيف جالس كن حد غاصبه على الجيه عبدالله:الي مثل ذا محد يغصبه على شي الي مثله يحسب كل الناس على شوره بعدين هو يطول بنت سلطان يحمد ربه انها وافقت عليه ناصر: خلاص خلنا منه سمعوا ابوعبدالله يوم قال لخالد ابو عبدالله: تفضل يا خالد المقلط عبدالله وان أبوك روح معه راح خالد مع عبدالله وراح معهم علي ونايف بعد ما استأذنوا من ابو عبدالله انتهى الجزء التاسع ***************** الجزء العاشر ام علي تقرب من منى عشان تسلم عليها ام علي بحزن وعيونها تدمع: كيفك يمه منى تقرب بدورها عشان تسلم: الحمدلله ضمتها ام علي بقوه تعوض حرمان السنين الي فاتت كلها منى حضنتها بدورها بس كانت باردة في عواطفها شوي لانها مو ناسيه انها تخلت عنها في يوم منى: كيفك انتي ما كانت تقدر تقول يمه لانها ما تعودت عليها ام علي: الحمدلله بشوفتك بخير مسكتها بيدها ام علي: تعالي اجلسي يمه جلستها على الكنب وجلست جنبها وجت ام خالد تسلم عليها ام خالد: كيفك منى منى تطلع في الحرمة الغريبة عنها ام علي: هذي خالتك ام خالد وام خالد زوجك منى:الحمدلله خالتي ما نشكي باس ومن صوبكم ام خالد: الحمدلله بخير منى: دوم الخير ام خالد: علينا وعليك بعدين سلمت عليها أحلام بعد ما عرفت بنفسها وسلموا عليها بنات عمها ومرت عمها وباركوا لها جلسوا وشغلوا الأغاني ورقصوا البنات الين دخلت لطيفه وقالت لمنى تروح المجلس عشان خالد يشوفها بدت منى تتوتر ودقات قلبها تعلى قامت معها امها ام علي: يالله يا بنتي بروح معك انا وخالتك مسكت منى فيد امها وهم يتوجهوا للمجلس كل ما قربوا كل ما شدت منى على يد امها ام علي: لا تخافي يمه خالد طيب وبيسعدك دخلت أم خالد بعدين ام علي ومنى ورى امها عبدالله يوم قاله ابوه يدخل خالد المجلس راح معه ودخلوا عبدالله ببرود: تفضل وشوي وتجي منى انا بروح لان اكيد اهلك بيدخلوا معها خالد ببرود شديد: خذ راحتك جلس خالد وجلس جنبه علي ونايف عبدالله تضايق من أسلوب خالد المتعالي وكأنه احسن منهم أو متفضل عليهم بزواجه من أخته خرج من المجلس ودق على امه يقول لها تخلي منى تروح المجلس امت عند خالد جالس خالد بملل ينتظر منى وأهله شوي وسمع أصوات عند الباب ودخلت امه وخالته مكان يشوف منى لانها متخبيه ورى خالته قربت منه امه سلم عليها وباركت له وكمان خالته سلمت عليه وباركت له طلع وراها شاف منى مد يده لها خالد: كيفك منى شافت منى يده وهي منزله رأسها مدت يدها وبصوت هامس: الحمدلله جلس ومسكت ام علي منى وجلستها بجنبه قرب على ونايف وهم منحرجين يسلمون على اختهم الي هم فرحانين فيها ويتمنوا يشوفونها من أول ما قالت لهم أمهم عنها ام علي: يمه منى هذولي اخوانك يبغوا يسلموا عليك تقدم علي لها وسلم عليها ام علي : هذا علي وهذا نايف كمان نايف راح يسلم عليها منى فرحت كثير لما شافت علي ونايف منى: كيفكم علي ونايف مع بعض: الحمدلله قامت ام خالد: يالله يا ام علي خلي خالد ومنى لوحدهم ام علي قامت معها: علي نايف يالله كمان انتوا روحوا عند الرجال قاموا علي ونايف وهم يبون يجلسوا مع منى اكثر حتى منى تمنت يجلسوا اكثر وكان نفسها تقول لامها تخليهم بس استحت وعرفت ان امها اكيد بترفض لما طلعت ام خالد وام علي وأولادها عم الهدوء في المجلس خالد مكان عارف اش يقول ومنى كانت مرررره منحرجه وهي لحد الحين ما رفعت رأسها له وشافته خالد بتوتر أول مره يحس فيه قال عشان يقطع الصمت خالد: انتي كم تدرسي كان عارف ان السؤال غبي بس هو ما عنده شي يقوله منى استغربت من سؤاله وبغت تضحك عليه بس مسكت نفسها منى ولأول مره ترفع رأسها عليه قالت:انا ادرس ثاني كليه خالد رفع حواجبه بصدمه وقال:جد على بالي باثنويه أو المتوسط منى انقهرت:مو عاد لذا الدرجة انا صغيره خالد: جد ولله انتي كم عمرك بضبط منى:20 خالد:ما شاء الله مو باين عليك سكتوا شوي مو عارفين اش يقولون خالد مل من أسكوت فوقف بيطلع انا بطلع ممكن تعطيني رقمك ملته رقمها خزنه عنده خالد: انا أعطتك رنه خزني رقمي وقفت منى : طيب طالع فيها خالد وشاف الفرق في الطول بينه وبينها خالد يتأملها : يالله استأذن منى: مع السلامه طالع فيها خالد شوي بعدين لف وراح طلعت بعده بشوي وراحت الصالة عند البنات تجمعوا البنات حولها يسألوها اش صار بينهم وهي منحرجه منى: ما صار شي عادي سلوى: لا يا حلوه لازم تقولي بتفصيل قالت له منى كل شي حنان: بس كذا منى: ليش وش تبين حنان: لا بس قلنا ان قل شي خطير منى حمر وجهها: صدق ما تستحين احلام الي أخذت عليهم بقوه قالت: يا بعد عمري يا اخوي يستحي عهود: الا يا احلام ما عندك صوره له منى: وانتي وش تبين فيه تراك مخطوبه عهود:مالك خص بعدين بشوفه ما بأكله احلام: ايه عندي صوره في الجوال حنان: بسرعه ورينا قامت سلوى بسرعه وجلست بجنب احلام سلوى: يالله وريني صورة زوج الهبله منى: ما الهبله غيرك مالت عليكم قامت منى وراحت عند امها وخالتها حنان: شوفوا شوفوا قامت تتمصلح من الحين مع ام خالد سلوى: منى داهية ينخاف منها احلام: حرام عليكم شوفوها راحت عند خالتي ام علي بعدين لو بتتمصلح كان تمصلحت معي مو أخته دق خالد على امه عشان يطلعوا سلم على ابو عبدالله والرجال الموجودين وأستاذان عشان عنده شغل بكره طلع برى ينتظرهم في السيارة جت على باله منى تذكر شكلها وصار يقارن بينها وبين هند اانتهى الجزء العاشر | ||||||||
|
| |
|
26-09-13, 09:59 AM
| #4 | ||||||||
| مراقبة عامة ومشرفة منتدى الروايات المنقولة
| الجزء الحادي عشر طلع خالد من بيت ابو عبدالله وهو في السيارة ينتظر اهله يطلعوا جت على باله منى تذكرا شكلها وصار يقارن بينها وبين هند صح منى أحلا من هند يحس ان منى مرررره ناعمة ورقيقه عكس هند الي يحس فيها قوة وحده بس ما ينكر ان منى أحلا بكثير من هند بس حتى مع جمالها ما حس بأي مشاعر تجذبه نحوها زي ما يحس ناحية هند قطع عليه سرحانة امه يوم فتحت الباب وركبت ركبت خالته وأخته احلام وأولاد خالته حرك خالد سيارته وهو ساكت في غرفة منى بعد ما راحوا عمانهم كانوا كل اخواتها معها في الغرفه منى كانت تمسح ماكياجها عهود: غريب ما طولوا خالتك وأمك أحسهم ما طولوا منى: مدري بس امي قالت ان كان نفسهم يجلسوا اكثر بس خالد عنده شغل بكره نهى: الا خالد اش يشتغل منى:تقول امي عنده شركت ابوه يشتغل فيها عهود: يعني امك قالت لك كل شي منى:ايه تقول لازم اعرف كل شي عنه وقالت اذا ابي اسأل عن شي أدق عليها حنان بلقافه: طيب اش قالت لك عنه منى: وش دخلك يا الملقوفه نهى: جد منى قولي وش قالت لك منى: امممممممم قالت ان يشتغل زي ما قلت لكم في شركه وانه اكبر أخوانه وانه هو متحمل مسئولية اهله امممممممم وش بعد عهود: طيب هو كم عمره منى: 31 نهى فاتحة عيونها على الأخر: ما كنه كبير عليك بينكم كم جت بتحسب قاطعتها حنان: بينهم 11 سنه من طالعت في حنان بنرفزه بس حنان طنشتها حنان: ما قالوا متى يبون الزواج منى: يبونه بشهر 8 عهود: يعني مع ملكتي بس ان شاء الله يخلو ملكتي قبل نهى: وش معنى عهود: عشان يا فالحة هي اكيد بتسافر شهر العسل قطع عليهم سولفهم دخلت لطيفه لطيفه: انتوا وش تسوون للحين ما نمتوا حنان:يمه شوي نبي نسولف بكره الجمعة أجازه لطيفه: هذاك قلتيها بكره الجمعة وتعرفي أبوك لازم كل البيت يصح بدري يوم الجمعة والحين الساعة 2 ونص متى تبون تنامون يعني الفجر وأبوكم يحط الحق علي بعدين اذا ما صحيتوا عهود: خلاص يمه الحين بروح غرفتنا لطيفه وهي طالعه: يالله ما ابي ارجع أشوفكم لسه صاحين حنان بنفخه: افففف ام على ابوي قوانين يعني وش يفرق يوم الجمعة عن باقي الأيام منى: نسيتي ان بكره صلاة الجمعة نهى: واذا يعني حنا بروح نصلي معهم عهود وهي طالعه: ابوي يحب يشوفنى صاحين بدري كل جمعه ومتجمعين مع بعض بعدين كل مره نفس الكلام مقد طفشتوا ابوي مرح تتغير قوانينه لفت على حنان: شو ما بتقومي ولا تبي امي تجي تقومك غصب حنان قامت: لا قايمه يالله بنات تصبحوا على خير طلعت حنان وعهود في غرفة خالد يدق جواله بس هو في الحمام خرج سمع جواله راح يأخذه شاف انه هند هي الي داقه ابتسم عرف انها على نار من روحته اليوم رجع دق عليها دق ملى طول ردت هند: اشوف من الحين ماعاد مترد علي شو به السرعة أثرت عليك وبتنساني خالد يضحك: شوي شوي علي شو فيك انتي هند بحده: اجل ليش ما ترد علي ولا بعد قاعد تضحك خالد ولسه يضحك على عصبيتها: كنت في الحمام وطلعت على اخر رنه هند هدت شوي وقالت بسخرية: وكيف شوفتك اليوم خالد يبي ينزفزه:شي طلعت البنت مزيونه مرره هند بعصبيه: خخخخخخخخااااالللد خالد مات ضحك عليها: والله امزح هند بعصبيه: طيب قول بدون مصخره خالد وقف ضحك : عادي ملكنا ودخلت شفتها ورجعت البيت باقي شي تبين تعرفيه هند بهدوء: حلوه خالد وهو يتذكر منى: عاديه هند: من أحلا انا ولا هي خالد: في نظري انتي أحلا بنت هند: وانت اش فيك فرحان كذا خالد بضحكه: لاني أول مره ادري انك تغاري علي كذا مرت ثلاثة شهور على منى بين دراسة وتجهيز لزواجها خالد كلمها كذا مره بس مكالماتهم كانت مختصره ومافيها لا السلام وسوال عن أحوالها وعن أهلها وبس وما زارها ابد كان دايم يعتذر انه مشغول في الشركة عشان كذا ما يفضى مره منى عذرته مع انها كانت تتضايق من قلت سؤاله عنها اما امها فزارها كذا مره وبينهم مكالمات منى تعلقت في امها مره بس لسه في خاطرها عليها شوي من تركها لها وهي صغيره طبعا منى ما تعرف الحقيقة وان ابوها هو السبب ام ملكت عهود تحددت بعد ما ترجع منى من شهر العسل ام عند خالد كان مره مشغول في تجهيز جناحه في بيتهم وبين الشركة عشان اذا سافر يكون متطمن ان أمور الشركة في غيابه لسه علاقته بهند مستمرة وجاء اليوم الزواج كانت منى متوترة مره الكوفيره تمكيجها دخلت عليها عهود : شو لسه ما خلصتي منى: ليش باقي بدري عهود: شو بدري شوي ولازم تطلعي منى: خلاص لا توتريني اكثر عهود تكلم الكوفيره: تقدري تخلصي قبل بسرعه عشان بعد نص ساعة بتكون الزفة الكوفيره:ان شاء الله بخلص قبل اصلا ما باقي الا ألمسات الخيرة على المكياج ونخلص ام بقاعة الرجال كان خالد جالس وجنبه على اليسار عمه ابو مشعل وعلى يمينه ابو عبدالله كان جالس بهيبته بينهم وقف لما جاء عبدالرحمن صديق عمره سلم عليه بحرارة لأنه كان مرابط بشغله له شهر ما شافه عبدالرحمن: مبروك يا خالد خالد: الله يبارك فيك متى جيت عبدالرحمن: اليوم الصبح خالد: وليش تعبت روحك كان كلمت يكفي من دق ذا مشوار عبدالرحمن: افا عليك يا خالد اذا ما تعنيت لزواجك من اتعنى له انت اخوي خالد: تسلم والله ما قصرت عبدالرحمن: الله يسلمك وعقبال ما أبارك لك زواج عيالك ان شاء الله خالد: ان شاء الله هاه وانت متى ناوي عبدالرحمن: قريب ان شاء الله من بعد ما تزوجت ما عادني بقاعد عزوبي بقول لمي تدور لي بنيه من بكره خالد: يا شين الغيره يا اخي بدت زفت منى أنزفت وجلست شوي طلعت لها امها على النصه تقول لها تطلع عشان خالد مستعجل لان وراهم سفر (طبعا احنا عندنا الرجال ما ينزف عند الحريم) قالت ام منى لصاحبة الديج تحط أغنيه زفة الروحة عشان منى بتروح قامت منى وكانت امها تمسكها وطلعتها من القاعة الغرفة التصوير دخل خالد وسلم على امه وخواته فاطمة واحلام وخالته ام منى وسلم على منى كان مكياجها مره بسيط من ما خلاها اكثر نعومه ورقه قرب منها خالد وسلم على رأسها وهي منزله رأسها ألانها مره منحرجه ومتوترة وتصوروا معهم بعدين طلعوا وتصوروا منى وخالد بروحهم لما خلصوا تصوير خالد: انا بطلع عشان تسلمي على اهلك طلع ودخلوا اخوات منى وأمها سلموا عليها بعدين طلعت لخالد عند السيارة شافت ابوها وعبدالله حست بعبره وبدت عيونها تدمع يوم سلم عليها ابوها منى مرررره متعلقة بابوها ابوها لخالد: ما وصيك على منى يا خالد تراها غالية بالحيل عندي وما ارضى عليها خالد: في عيوني يا عمي عبدالله سلم على أخته بحنان عبدالله: خلاص منى لا تبكي منى: مابي ابعد عنكم عبدالله: خلاص اجل ارجعي معي ضحكت منى بخفه عبدالله: ايه كذا اضحكي سلمت عليهم ودخلت السيارة لما ركبت حرك خالد متجهين للفندق (سوري ما وصفت الزواج مره بس انا ما بحب أوصف ها الامور كثير) انتهى الجزء الحادي عشر ***************** الجزء الثاني عشر في الفندق دخل خالد الجناح الي حجزه ودخلت بعده منى منى كنت أطالع الجناح الي حجزه خالد كان مرررره روعه سمت بالله تحس انها بتبكي من الضيقه الي تحسها في صدرها وما تدري اش سببها شافت خالد داخل الغرفه جلست على الكنبه في الصالة بعد ما نزلت عبايتي جلست انتظر خالد أحسه طول داخل مدري اش يسوي هالكثر داخل يمكن يتسبح طيب الحين انا اش اسوي اجلس هنا مثل الهبله ابي أغير ملابسي ومستحيه ادخل يمكن يلبس ما فيني أحط نفسي معه بموقف محرج انتظرت شوي ما طلع شو فيه هذا ما طلع ليكون نسي اني موجودة ما أمداني أكمل أفكاري الا ولي خرج علي ما شاء الله عليه تقولي برج العرب من طوله خخخخخخ قويه برج العرب بس ما شاء الله عليه طول يمكن أجي لبطنه يالله طالعت فيه شفته يناظرني بستغراب خالد: اش فيك ليش ما غيرتي ورد بمزح ولا عاجبك الفستان ما تبي تغيريه انحرجت منه مرررره قمت بسرعة ورديت عليه بصوت واطي منى: لا بس كنت انتظرك تخلص خالد:آه طيب كنتي استعملتي الغرفه الثانية منى شو هذا بيطولها وهي صغيره منى:اوكي المرة الثانية ضحك خالد بقوه:هههههههههههه شو المرة الثانية ذي شو ناويه تتزوجي مره ثانيه انحررررجت مرررره منه ومريت بسرعه من جنبه ودخل الغرفه وسكرت الباب منى: شو هذا من جده ولا يستهبل شو ها لأسلوب الهبل ولا على باله يمزح الاخو طالعت وجهي في المرايه واي مره احمر من يلموني مستلمني الأخ ومطيح الميانه كني اعرفه من زمان رحت لشنطتي دورت لي لبس يناسب وضعيتي معه لقيت قميص نوم لونه بنفسج حلو وأحسه استر شي دخلت الحمام مسحت المكياج طولت مره وانا اغسل فيه مدري هاي الكوفيرا كم حاطه طبقت أساس في وجهي طالعت وجهي بالمرايه اوه كويس راح باقي الأصعب باقي التسريحة الحين يدي بتتكسر على ما اخلص اوف الله يعين جلست عشر دقايق أفك في التسريحة اوه أخيرا خلصت تسبحت ولبست طلعت من الحمام وانا أجفف شعري رحت عند التسريحة طالعت في المرايه اشوف باقي فيه أثار المكياج بس الحمدلله راح أخذت لوشن ابي أحط على يدي ورجلي جلست على كرسي التسريحة ومسحت يدي بلوشن رفعت القميص الين فوق ركبي عشان امسح رجلي كمان وانا امسح لفيت اخذ من الوشن عشان رجلي الثانية لمحت في المرايه شي خلا ادم يتجمد في عروقي لفيت بسرعه اتاكد من الي شفته شفت خالد منسدح على الكنبه في طرف الغرفه ويطالع فيه نزلت القميص بسرعة شفت عيونه وهي تراقب القميص يوم نزلته خالد بتريقه: اوه توك تنبهي عادي كملي شفتك خلاص نزلت وجهي من الخجل شو هذا متى دخل بعدين لش ما نبهني انه موجود ولا خذاها حلا كل شوي يحرجني خالد: شو خلصتي ما بتكملي نزلت راسي اكتر احس شوي وتنكسر رقبتي منى: لا خلاص خلصت خالد بضحكه يكتمها وهو متجه ناحيها أعجبه شكلها وهي خجلانه قرب منها الين وصل عندها وجلس عند رجليها خالد: امممم لسه رجلك هذي ما مسحتيها بلوشن منى برتباك:اها لا خالص خلصت خالد يمسك رجلها: تبين انا امسح لك وقفت منى بسرعه شو من جده هذا ولا يستهبل منى: لا شكرا ما فيه داعي وقف خالد : اوك كيفك يالله ما بتنامي منى مرتبكة مره وتقرك يديها بقوه : اوكي نام انا شو وبنام لسه ما فيني نوم شفته يطالع فيه بعدين توجه الى الكرسي خالد: كيفك متى تبي تنامي نامي انا حدي ميت نوم شفته انسدح وتغطى بالحاف وأعطاني ظهره حطيت يدي على قلبي اوه كيف دقات قلبي سريعه ما يلام موقف لا أنحسد عليه خرجت الصالة كويس بينام ويفكني من الحراجات احس ان خالد مره عادي عنده ومو مقدر ان انا بنت استحي وبعدين انا لحد الحين ما اعرفه ولا اعرف شخصيته كثير هو الحق عليه ما عودني عليه أيام الملكه والحين يبي أتعامل معه وكأني اعرفه من سنين حشا لو انا مطيحة معه أيام الملكه على التلفون أربعه وعشرين ساعة كنت بنحرج من تصرفاته جلست أتابع التلفزيون حست عيوني تتسكر لحالهم معقولة تنام رحت الغرفه اتاكد فتحت الباب بهدوء شفته نايم وشكله بسابع نومه قربت من الكرسي بهدوء ورفعت الحاف انسدحت على طرف السرير ما حسيت بنفسي الا وانا نايمه اليوم الثاني في الصباح في بيت ابو سالم طلعت سلوى عند أهلها في الصالة شافت أهلها جالسين يفطرون ام سالم: تعالي يمه سلوى افطري معنى جلست سلوى تفطر سالم:شو كيف نمتي امس اكيد رجولك بتتكسر من التعب الي تعبتوه امس سلوى: اوه لا تذكرني والله اني يالله اقدر امشي احس ان عضلات رجولي مشدودة ام سالم: من الكعب الي لابسته عساك من الحال وردى انتي وأخواتك مريم: يمه اش تبين نلبس فساتين ونلبس عليها شبشب يعني سلوى: لا وانتي الصادقة تبينا نمشي حافين سالم: طيب عادي لو مشيتي حفيه وش بيصير يعني مريم: لا والله تخيل اشكالنا سلوى: بس ما شاء الله الزواج امس كان يجنن سالم وهو رايح: انا بروح الدوام تبون شي معي ام سالم: الله معك يا ولدي سالم: اجل في أمان الله مريم يوم طلع سالم لفت تكمل كلامها مع سلوى مريم: شفتي القاعة الي اختاروها واااو ما شاء الله عليهم باين أنهم من الناس الراهيه سلوى: ايه ما شاء الله عليهم حتى فساتين أخواته وامه باين عليهم النعمة مريم: الله يهنيها منى تستاهل سلوى : منى طيبه وتستاهل كل خير في الفندق فتحت عيوني وأحس اني لسه ابي ارجع أنام بس أول ما دارت عيوني في المكان تذكرت اني في الفندق قامت بسرعة لفيت على مكان خالد بس ما لقيته قمت رحت للحمام غسلت وبدلت ملابسي طلعت من الغرفه لصالة بس ما لقيت خالد جلست على الكنبه مستغربه وين راح هذا طالعت الساعة 11 الصباح تذكرت اني ما صليت الفجر افففف استغفر الله رحت بسرعة أصلي وانا استغفر أول مره أسويها وأنام عن الصلاة بس من تعب امس ما عاد حسيت بنفسي من الإرهاق بعد ما خلصت الصلاة رحت الصالة وشغلت التلفزيون جلست أتابع وانتظر هذا متى يجي اندمجت ما حسيت الا وباب الجناح ينفتح ويدخل خالد طالعت فيه مستغربه وين كان بس استحيت اسأله قرب خالد وجلس جنبي خالد: سوري بس صحيت حصلتك نايمه فطلعت شوي أتمشى منى: عادي اصلا توي صحيت خالد: آه طيب تري بنمشي على مكة العصر جهزي نفسك منى بإحراج: كم بنجلس في مكة خالد: امممم يمكن يومين بعدين نروح جده أسبوع وبعدها نروح المدينه كنت ابي اوديك برى المملكة بس تعرفي ظروف عملي مقدر أطول في السفر منى: لا عادي اصلا مكة احسن مكان يروحله أي إنسان خالد: اكيد مافيه احسن من بيت الله نزلت راسي مدري وش اقول بس حسيته لسه يطالع فيني رفعت عيوني تلقت نظراتنا بس حسيت نظراته غريبة و مو مفهومه مسك أطراف شعري بيده وجلس يلفه على أصبعه جلس يتأملني وقال: تدرين منى انتي مرره حلوه ما توقعت شكلك كذا ابد انحرجت مره نزلت راسي ووجهي احمر مرره من الإحراج رفع راسي بيده ومررا أصبعه على خدودي خالد: لمتى وبتجلسي تستحي مني انا رجلك بلعت ريقي بتوتر: اااا لسه ما تعود عليك خالد: اعرف اني انا السبب ما كان بيننا تواصل في أيام الملكه وما تعرفي أطباعي بس عادي العمر قدامنا وبتعرفيني على راحتك ريحني كثير تفهمه الوضع كنت برد عليه بس رنت جواله قطعت علي شفته يوم طلع جواله أول ما شاف الرقم قام خالد: هذا واحد من الربع بكلمه في البلكونه جهزي بعد ما تصلي بنطلع ونتغدى ونتمشى شوي قبل نسافر طالعت فيه يوم فتح باب البلكونه بس استغربت ليش قفله ورآه بس ما اهتميت اكيد يتكلموا في الشغل انتهى الجزء الثاني عشر ***************** الجزء الثالث عشر دخلت توضيت شفت الساعة وان باقي وقت على الصلاة فرحت لبست وجهزت لي عبايتي رحت اشوف خالد في البلكونه قربت من باب البلكونه كان زجاج يعني اشوف خالد من داخل شفته يكلم ويضحك بقوه طالعت الساعة مر له ربع ساعة وهو يكلم سمعت يأذن جلست اردد ورأى المؤذن ورحت صليت طلعت لفيت على البلكونه شفت خالد لسه يكلم شوفيه ذا ما صار صاحب يكلمه كل ها الوقت بعدين ما سمع الاذان يعني لا يكون من النوع الي ما يصلي الا العيد والجمعة لا ياربي رحت له اقول له انه إذن يمكن ما سمعه مع الاندماج مسكت مقبض الباب بفتحه شفته مقفل استغربت ليش مقفل الباب لها الدرجة المكالمة مهمة ما يبي احد يسمعها شفته يدور وشكله ما انتبه علي والضحكة شاقه فمه تقول يسوي إعلان معجون جلست واقفة على وعسى ينتبه علي ويفتح الباب بس الأخ ولا على باله مأخذ راحته على الأخر ولا هو بدنيا انقهرت منه ودقيت الباب بقوه عشان يسمع يمكن ما يسمع زي الاذان الي ما سمعه شفته التفت علي ما ادري يتهيآ لي ولا جد انه ارتبك بس شفته أنهى المكالمة بسرعة وقفل جاء وفتح الباب خالد: هاه خلصتي منى: ايه من زمان وصليت كمان شو ما سمعته خالد: ايه سمعت بس كنت انتظر الاقامه منى: ترى شوي ويقيم اذا تبي تلحق على الصلاة بالمسجد خالد: الحين رايح راح يتوضآ شوي وطلع خالد: انا الحين بروح أصلي وبرجع لك منى: طيب شفته يوم طلع من الجناح مدري من كان يكلم طول الوقت اصلا يوم كنت عند الباب حاولت اسمع بس ما سمعت شي شكل زجاج البلكونه عازل لصوت عشان كذا ما سمعت جلست انتظره طول مره رحت عند التلفزيون جلست اقلب القنوات عشان الهي نفسي بس مرره تأخر صار الساعة 2 والأخ لسه ما جاء افففف ما صارت هذي حاله يكلم ويالله يسكر واذا خرج يالله يرجع اش فيه هذا شوي وسمعت صوت المفتاح في الباب عرفة انه اهو دخل شافني قاعدة نفس المكان الي كنت انتظره فيه الصباح هوا انا من الحين بس اجلس انتظره يشرف مدري بعد فتره يمكن ما عاد يجي خلقه خالد: تأخرت عليك من جد يقهر رديت ببرود: ابد لا تأخير ولا شي بس ساعتين بسيطة انا على بالي بتجلس لليل شفته يطالع فيه كأنه أول مره يشوفني خالد: اوه خرج لسانك تصدقي على بالي خرسا من امس وانا اتكلم وانتي ساكتة وعلى تأخيره طلع لسانك لو ادري من امس متأخر انقهرت منه مره هذا الي فالح فيه التريقه منى ببرود: أظنك قلت لي انتظرك عشان نطلع فماكن له داعي تلطعني كذا وتبي اسكت خالد: خلاص خلاص آسفين ما قصدنا نلطعك على قولتك بس كان عندي التزامات في الشغل رحت خلصتها على السريع منى: طيب ليه ما تدق تقول خالد بتنهيده: خلاص قلنا آسفين بعدين ما كنت ادري بطول كذا ويوم رحت مع الشغل ما عاد حسيت بالوقت لفيت عنه وانا لسه احس اني مقهورة منه قرب مني ومسك وجهي بيدينه وخلاني أطالع فيه خالد: هاه بقي زعلانه صدقيني ما كان قصدي اتاخر ما عرفت اش اقول كل ما تقرب مني احس ان لساني يربط وما اعرف أرد عليه خالد:منى ما أبيك تزعلين مني في أول أيام لنا مع بعض بعدين نبغي ننبسط خلي عنك الحساسية عشان نكون متفاهمين وما نزعل بعض قربني منه اكثر خالد: هاه بقي زعلانه ما قدرت أرد وانا أشوفه من هذا القرب بس هزيت راسي ميل برأسه جهتي وباسني بعدين بعد شوي خالد بضحكه: شو رجعتي انخرستي مره ثانيه شوفي أبيك زي قبل شوي عبري عن رايك بدون خجل انا الحين زوجك ماله داعي الخجل يالله الحين نروح نجهز عشان نمشي مافيه وقت منى: يعني ما بنمشي بعد العصر خالد: لا الحين عشان بنروح بر ما ابي يجي المغرب الا وحنا في مكة رحت جهزت أغراضي ما احتجت وقت كثير لان الأغراض كلها مرتبه معد الي استعملتها لبست عبايتي وطلعت الصالة لقيته جالس ينتظرني خالد: خلاصتي منى: ايه قرب وأخذا شنطتي منى: وين شنطتك انت خالد:خلاص قدني نزلتها من زمان انتي تأكدي ما نسيتي شي منى: لا ما نسيت شي خالد: اجل توكلنا على الله نزلنا تحت راح خالد لرسبشن واقفت انتظره لين ما يخلص لما خلص جاني خالد: يالله مشينى مشيت ورآه الين السيارة ركبت حركنا من الموقف متجهين لمكة اطهر بقعة على وجه الأرض احس اني امشي في طريق جديد في حياتي ما ادري كيف بيكون هل بكون سعيدة ولا بندم في يوم وبتمنى ارجع عند ابوي وأرضى مرته لطيفه مدري ليش افكر كذا بس الي اعرفه اني خايفة من المستقبل وخايفه اكثر من خالد خالد للحين ما اعرفه ما اعرف طباعه كيف ولا شخصيته وغير عن كذا الفروق الي بينا سواء اجتماعي أو بالعمر معقولة بقدر أتعدى كل شي وانجح بحياتي ان شاء الله يارب يارب ابعد عني شرور العباد يارب تفتح لي باب الخير وتدلني على طريق الصواب لا اله الا انت سبحانك اني كنت من الظالمين حسيت ان الوساوس كثرت في راسي ومو قادرة أتنفس من الضيق جلست استغفر اعرف ان هذي وساوس شيطان استغفرت الين حسيت نفسي ارتاح لفيت على خالد لقيته مركز على الطريق منى: تبي مويه خالد: اوكي أعطيني أعطيته شرب ورجعها لي سكرتها رجعتها في الكيس خالد: منى سولفي علي خلي نختصر الطريق منى: اش اقول ما عندي شي أقوله خالد: قولي أي شي خلي نغتنم الطريق ونتعرف على بعض اكثر منى: امممم شو اقول خالد: قولي كل شي عنك من يوم انتي صغيره للحين منى: اسمي منى خالد قطعها:هههههههه قولي قسم توني ادري منى:هههههههه هه انت قلت كل شي عنك خالد: طيب خلاص كملي منى:عمري 20 سنه ادرس كليه قسم تاريخ خالد: وش معنى ها القسم منى: أحب التاريخ موووت خالد: ما علينا من حبيبك التاريخ كملي منى:عندي ثلاث خوات واخو خالد:ثلاثة أخوان شو نسيتي علي ونايف منى:لسه مو متعودة عليهم خالد: طيب كيف علاقتك مع اخوانك من أبوك منى بستغرب: عادي كيف بتكون علاقتي زي أي أخوان خالد: لا ما اقصد شي بس انا اعرف الأخوان من لابو علاقتهم مو ذاك الزود منى: لا انا علاقتي مره قويه باخواني ما يرضوا علي وما ارضى على أي احد منهم وما في فرق بينا كنا من ام وابو واحد خالد: حلو نادر تلقي علاقة أخوان من ابو قويه كذا منى:لا حنا ما شاء الله علينا غير خالد:طيب علاقتك مع مرة أبوك قويه كذا منى:اكيد هي الي ربتني ومثل امي كنت اقول في نفسي والله لو تشوفنا اذا تقابلنا بس مستحيل اقول له علاقتي بأهلي انا لسه ما عرفت خيره من شره وبعدين علاقتي بأهلي لازم ما احد يعرفها حتى زوجي خالد: طيب كيف شخصيتك وطبعك منى: عادي بس ما أحب احد يغلط علي وأحب اخذ حقي بيدي خالد: أوب طلعت مرتي مو هينة نسيت روحي واندمجت منى:هههههههه أعجبك ترى طيب دورك تكلم انت خالد: انا خالد قالها بضحكه وهو يطالع فيه عمري 31 اكبر واحد في أخواني تحملت المسؤليه وانا في الثانوي بعد وفاة ابوي الله يرحمه منى: الله يرحمه خالد: وقتها عمي مسك شركت ابوي الين تخرجت واشتغلت معه كان يعلمني كيف اشتغل عشان امسك الشركة كنت ادرس واشتغل الين تخرجت ومسكت الشركة بس هذا كل شي منى: طيب الحين محد يساعدك بشغل خالد: الحين لا بس انتظر محمد اخوي يجي عشان نتساعد ويخفف علي الحمل شوي منى: الله يعينك ويقويك جلسنا نسولف ما حسيت بالوقت احس عرفت من كلام خالد شوي عن شخصيته على المغرب وصلنا مكة لان خالد ما كان مسرع مره نزلنا في فندق قريب من الحرم انتهى الجزء الثالث عشر ***************** الجزء الرابع عشر نزلنا الفندق واستأذن ينزل يجيب لنا عشاء قبل ننزل الحرم تعشينا وأول ما سمعنا الاذان نزلنا الحرم نصلي ونعتمر بعد ما صلينا جاني خالد خالد:تبين نعتمر الحين ولا بعد صلاة العشاء منى:لا الحين احسن خالد:طيب يالله نطوف طفنا وانا كنت ادعي من قلبي لدرجة ما حسيت الا و احنا مخلصين الطواف بعدين زرنا مقام إبراهيم عليه السلام وسلمنا على الحجر شربنا من زمزم ورحنا المسعى تعبت كثير وانا اسعي ما عد حسيت برجولي من التعب لما خلصنا رحنا نقص شعرنا جلسنا نقرا قران الين أقام لصلاه صلينا ورجعنا الفندق دخلت الحمام تسبحت وبدلت ملابسي طلعت لقيت خالد جالس ينتظرني خالد: كنت انتظرك بدخل أتسبح على ما يجي العشاء منى: خلاص بنتظرك دخل خالد وانا رحت انسدحت على السرير انتظره ما حسيت بنفسي الا وانا في سابع نومه في بيت ابو عبدالله عهود: حنان كلمتي منى حنان: توي دقيت لها ما رد عهود: غريبة ما دقت قالت لنا اذا وصلت ولا لا نهى توها تجي من غرفتها تجلس معهم نهى: دقت على المغرب قالت لي انها وصلت حنان: ليش ما قلتي لنا نهى: ما شفتكم بعدين دخلت داري أذاكر وتوي اطلع حنان: ما علينا ذكرتيها تدعيلي نهى: ايه ذكرتها اصلا تقول ما نسيت دعت لنا كلنا عهود: طفش البيت من دون منى كانت تسوي لنا جوا في البيت حنان: الله يوفقها نهى: احسن شي سوته من زواجها انها فضت لي غرفه لوحدي بس والله لها وحش حنان: انتي ما همك الا ذا الغرفه نهى:اكيد ابي استقل بروحي عهود: الله ولاستقلال سكتي بس نهى: خلاص سكت وين الريموت حنان: عندي نهى: حطي على دبي الحين بتجي لعب النجوم في بيت ابو سالم كانوا مجتمعين في الصالة كلهم ما غير ابو سالم ويوسف ما كانوا موجودين ام سالم: مدري ليش أبوكم تأخر ناصر: تلقينه مندمج مع الشيبان ونسى نفسه هاجر:غريبة انت اليوم هنا مو معا عبدالله ناصر: وانتي وش دخلك مريم:جد ناصر غريبة اليوم ما طلعت ناصر: ما فيني بعدين بكره عندي دوام بدري أبى أنام من وقت فتكفي يمه لا تنسي صحيني من الساعه5 الفجر هاجر: ليش ترد اذا سألتك مريم وانا ما ترد علي ناصر:كيفي مزاج أرد على الي ابي لك شي عندي هاجر: ايه لي عندك ميه ريال ناصر بتكشيره: يا ثقاله دم البزارين لفت عنه هاجر تعرف انه يبي يقهرها دق جوال سلوى بنغمة رسالة قرت الرسالة ولفت على امها سلوى: يمه هذي عايشه بنت خالتي شريفه تقول جواهر ولدت ام سالم:جد خلاص بتصل بهم عقب أبارك لهم ما قالت اش جابت سلوى: ولد انتبهت سلوى على سالم الي تبدل حاله ولف الكرسي رايح لغرفته لما دخل الغرفه وسكر الباب لفت مريم على سلوى بعصبيه مريم: ما قدرتي تنتظري ليما يروح سالم بعدين تزفي الخبر الحلو هذا أعجبك يوم ضايقتيه سلوى: والله ما كان قصدي وانا كنت مفكره خلاص نسي هذا الموضوع لان مر عليه سنين ما توقعته بياثر عليه مريم بحده: تدرين ان دايم نتجنب ذكر جواهر قدامه عشان ما يضايق تجين انتي تقولي ولدت ناصر بهدوء: سلوى ما غلطة لمتى بيجلس كذا خلاص سالفة وانتهت من سنين ليش لسه مو راضي يتجاوزها ام سالم بحزن: أخوكم شايل بقلبه هم كبير ومحد حاس فيه ناصر: انا اقول يمه دوري له عروس يمكن تنسيه الي هو فيه هو دام بيحط يبنه وبين الناس حاجز ما بيتغير شوفي له الحين ست سنين نفسيته ما تغيرت لأنه حابس نفسه ومن البيت الى الشغل والعكس حتى حنا نادر نشوفه بس مسكر عليه الغرفه يمكن اذا تزوج زوجته تغير الي ما قدرنا حنا نغيره فيه ام سالم: وانا رفضت يا ما قلت له خلني أزوجك مو راضي ناصر: انا من رأيي اخطبي له وفاجئه اكيد بعدها بيتقبل ويوافق مريم بضيق: اش ها الأسلوب تعرف ان سالم ما يمشي معه الأسلوب هذا ناصر: نجرب ونشوف سلوى: لا والله وبنت الناس الي امي بتخطبها نقولها اذا ما وافق آسفين اختي بس كنا نجرب اخوي يوافق نجبره يتزوج ولا لا ناصر: يا ما أذكاك يا اختي امي تقول له انها خطبت له بنت وخلاص كلمت أهلها وانه اذا رفض بيحرجها قدام الناس واذا وافق تدور له عروس صدق ام سالم أعجبتها الفكرة:يصير خير في الفندق صحيت وانا احس راسي بينفجر طالعت الساعة شفتها 9 الصبح طالعت مكان خالد كمان مو موجود شكله قام بدري لأنه قومني صلاة الفجر بعد ما رجع من المسجد ورجع نام طلعت أشوفه فصاله ما لقيته بس شفت باب الغرفه الثانية مفتوح قربت اتاكد اذا هو موجود بس سمعت صوته يتكلم شكله يكلم احد في التلفون سمعته يقول: والله ان لسه على وعدي ليه مو راضيه تصدقيني من يكلم هذا على الصباح قربت فتحت الباب بس كان لاف وظهره لباب شكله ما حس بوجودي سمعت يقول خالد: يا بنت الناس والله ما نسيت خلاص اذا جيت نتفاهم شفته يلف علي طاحت عيني بعينه انتهى الجزء الرابع عشر ************** الجزء الخامس عشر في الفندق صحيت وانا احس راسي بينفجر طالعت الساعة شفتها 9 الصبح طالعت مكان خالد كمان مو موجود شكله قام بدري لأنه قومني صلاة الفجر بعد ما رجع من المسجد ورجع نام طلعت أشوفه فصاله ما لقيته بس شفت باب الغرفه الثانية مفتوح قربت اتاكد اذا هو موجود بس سمعت صوته يتكلم شكله يكلم احد في التلفون سمعته يقول: والله ان لسه على وعدي ليه مو راضيه تصدقيني من يكلم هذا على الصباح قربت فتحت الباب بس كان لاف وظهره لباب شكله ما حس بوجودي سمعت يقول خالد: يا بنت الناس والله ما نسيت خلاص اذا جيت نتفاهم شفته يلف علي طاحت عيني بعينه مدري حسيته تغير كنه ما توقع يشوفني خالد:طيب مع السلامه الحين سكر وطالع فيه خالد:اححم احم انتي متى صحيتي منى:توني صاحية عسى ما شر في اهلك شي خالد:هاه ايه هذي فاطمه اختي عندها مشكله شوي وتبي أحلها لها قلت تنتظر الين ارجع بس لا تقولي لأحد حتى هي لانها ما تبغي احد يعرف منى:طيب بننزل الحرم قبل نروح خالد: ايه بننزل لين صلاة الظهر نصلي وننزل جده على طول رحت غسلت وبدلت ملابسي ولبست عبايتي ونزلنا الحرم جلسنا نقرا قران ونستغفر الين الصلاة سبحان الله الي يروح الحرم يحس ان الوقت يمشي بسرعه ما حسيت بعمره الا ويقيم لصلاة الظهر قمت صليت مع الإمام بعد الصلاة جلسنا شوي وجاني خالد قال نمشي مشيت معه الفندق نزلنا إغراضنا ونزلنا جده وصلنا بسرعه جدة ونزلنا الفندق كالعادة بعدين خالد اقتراح ننزل البحر نزلنا وتمشينا ما رجعنا الين في ألليل مرت أيامنا حلوه خالد:مره قال لي ببسطك بخليك تنسي نفسك في ها الأسبوع ما كذب صدق عشت حياه ثانيه تمنيت أعيش طول عمري مع خالد كذا احس في هذا الأسبوع عرفته صح تقربنا كثير من بعض بس الي كان يقهرني دايم يكلم في التلفون حتى احس انه ينسى نفسه معه اذا سألته قالي شغل شكل اشغل متعطل يوم سافر عشان كذا كثرت اتصالاتهم من الشركة مره كنا مع بعض دق جواله وانا تأففت عرف خالد اني تضايقت خالد:خلاص ولا تزعلين هاه شوفي بطفيه ارتحتي الحين منى لفيت عليه مبسوطة : اكيد ارتحت أبيك تكون لي وحدي ضحك خالد علي كنت اكلم خواتي دايم حتى سلوى كلمتني كذا مره وامي كانت يومين تكلمني احس انها تبي تحسن علاقتها معي صح اني مشتاقة لها وما ابي أفرط فيها بعد ما لقيتها ما أبيها تبعد بعد ما قربة ومع هذا احس باقي شي في قلبي عليها من الي سوته بس مستحيل أبين لها اني شايله عليها كنا في طريق عودتنا من المدينه لديارنا كان طريق الرجعة نفس يوم رحنا مكة سوالف وضحك ولا حسينا في الطريق الا وحنا قريبين من بيت أهل خالد وببتدي حياه جديدة مع ناس أول مره اعرفهم الا يوم انخطبت مع ان المفروض يكونوا اقرب الناس لي الحين انا ما اعرف طباعهم ولا اعرف أي شي عنهم احس ان حياتي اكيد بتتغير 180 درجه في بيت ابو سالم دخلت ام سالم على سالم في غرفته كان سالم كالعادة يقرا كتاب يوم شاف امه داخله سالم:هلا والله بأم سالم والله لو اقدر أقوم كان قمت لك ام سالم:ما تقصر يا وليدي سالم:كيفك يمه اليوم يوم جيت من الدوام ما شفتك ام سالم:الحمدلله لو تبي تشوفني كان جيت تغديت معنا سالم: والله ما كنت مشتهي يمه ام سالم:ليش يمه لتكون تعبان ومخبي عنا سالم: وليش اخبي عنكم يمه لو فيه شي بقول بس الحمدلله ما فيه الا العافية ام سالم: لمتى يمك بتجلس كذا سالم: ليش يمه اش فيه ام سالم: عاجبك حالك سالم: ليش اش فيه حالي بسم الله علي ما فيه شي ام سالم: قافل على نفسك بدارك لا تجلس معنا ولا تطلع من البيت تشوف الناس سالم:يمه انا كذا مرتاح انتو ما تبون راحتي ام سالم: والله يا يمه ما نبي الا نشوفك مرتاح ومتهني سالم: اجل خلوني على راحتي ام سالم:لا متى يا ولدي سالم:لين ربك يأخذ أمانته ام سالم: بسم الله عليك يمه بعد عمر طويل يمه انا ودي اشوف عيالك وأشوفك مع مره تداريك وتهتم فيك سالم:يمه وبعدين من ها الكلام قلت لك قبل انا ما ابي أتزوج ابد ما ابي أعذب بنت الناس معي ام سالم: واذا كانت بنت الناس راضيه سالم:يمه انتي اش تبين في الأخير ام سالم: ابك تزوج وتعيش حالك حال غيرك سالم: اذا كذا الموضوع ريحي روحك لاني ما رح أتزوج ام سالم:بس يا ولدي انا خطبت لك وأهل البنت ردوا علينا بالموافقه انتهى الجزء الخامس عشر | ||||||||
|
| |
|
26-09-13, 10:01 AM
| #5 | ||||||||
| مراقبة عامة ومشرفة منتدى الروايات المنقولة
| الجزء السادس عشر ام سالم:بس يا ولدي انا خطبت لك وأهل البنت وردوا علينا بالموافقة سالم:شو يمه ترى ما أحب المزح في مواضيع مثل هذي ام سالم:ومن قال لك اني امزح انا اتكلم جد سالم:يمه الله يخليك قفلي على الموضوع ما ابي اتكلم فيه ام سالم بحزم:انا قد كلمت أهل البنت وردوا علي يعني ما عليك الا انك تروح تخطب سالم بعصبيه: مراح اروح لأي مكان ام سالم:تبي تحرجني قدام الناس على اخر عمري سالم:والله مو انا الي بحرجك انتي احرجتي نفسك يوم خطبتي لي بدون علمي ام سالم:ابي اشوف عيالك سالم بعصبيه وبصوت عالي على امه وهذي أول مره يسويها سالم:يمه انا ما ابي أتزوج متى بتفهموني ما ابي أتزوج خلاص خلوني بحالي ام سالم:هذي اخرتها ترفع صوتك على امك وكنك تكلم بزر عندك سالم: آسف يمه ما قصد بس انتوا ما تبون تفهموني ام سالم: وش تبي نفهم انعزالك وبعدك عن الناس انت ليش ما تحس فيه انا وأبوك يوم تشوف ولدنا الكبير لوحده ما يروح لحد وما يخلي احد يجيه حتى احنا ما تجلس معنا يا ولدي احمد ربك انت احسن من غيرك غيرك فقدوا حاجات كثير مع هذا ما عملوا الي انت عملته بالعكس عايشين حياتهم وتزوجوا وخلفوا ما كن شي صار سالم:لف بكرسيه ناحية الشباك وقعد يطالع منه ومارد على امه ام سالم تحاول تستعطفه اكثر ام سالم:كيفك يا يمه اذا تبيني أحرج نفسي معا الناس الي كلمتهم خلاص أدق عليهم وأقول لهم انك مو موافق بدق انتظرت يرد عليها بس كان زي ما هو لاف لشباك يطالع ولا رد ام سالم:فكر يمه فكر وانا بأخذ الرد منك بعدين بس اهم شي تفكر في نفسك زين ولا تهدم حياتك عشان ناس ما اهتموا لك وعايشين حياتهم على اتمم حال يا ولدي محنا دايمين لك انا وأبوك خرجت ام سالم بعدها وخلت سالم في دوامه من الذكريات حياته أو من اسواء ذكريات قبل شهرين من حادثه مريم تدخل علي فرحانه حتى نست تدق الباب مريم:سالم خالتي ردت على امي بالموافقه وافقت جواهر ويقولوا بتروحوا تخطبوها رسمي يوم الأربعاء الجاي رديت عليها بفرح في هذاك الوقت وكأنهم قالوا لي ربحت مليون ريال ما دريت ان فرحي بينقلب حزن في اقل من سنه وبيطبع في قلبي اسواء ذكرى في حياتي رديت بفرح: صدق قولي والله وافقوا أهلها مريم:ايه ايه وافقوا سالم:الحمدلله يارب يالله بروح اشوف امي طلعت من غرفتي طاير لغرفة امي دخلت دار امي بسرعة كانت تصلي جلست متحرقص الين خلصت أول ما سلمت رحت عندها وبست أيدها سالم: صدق يمه وافقوا اني نتزوج انا وجواهر ام سالم:ايه يمه وافق ابوها بس يقول ما تتزوجوا الحين بس خطوبه واذا خلصت دراسة يكون الزواج سالم:يمه باقي عليها سنتين كثير ام سالم بمزح: خلاص بدق على خالتك وبقول لها انك تبي الزواج الحين خلهم يبطلون مره واحده سالم: لا يمه خلاص بعد سنتين بعد سنتين ننتظر وش ورآنا اهم شي تكون مخطوبه لي حسيت في ذيك الأيام اني عايش أجمل لحظات حياتي وحسية اني في حلم جمييييل وصدق كنت في حلم صحيت منه على اسواء كابوس صحيت وأحس اني خسرت كل عزيز علي صديقي وخطيبتي في بيت أهل خالد منى وصلنا بيت أهل خالد ما شاء الله مرررره كبير وحلو الا يجنن صح كنت اعرف ان بيتهم فله كبيره بس ما توقعته كبير كذا وقف خالد السيارة في الموقف خالد:يالله منوي انزلي بيتك شكل خالد حس اني متوترة عشان كذا قالي بيتك عشان تخفف علي شوي ويوضح ان الموضوع عادي وان هذا بيتي زي ما بيت ابوي بيتي منى: يالله دخلت مع خالد يوم دخلنا شفتهم متجمعين في الصالة وقفوا متفاجئين شكل خالد ما قال لهم موعد وصولنا ام خالد:خالد خالد بضحكه: ايه خالد اش فيك ما تبيني يعني نرجع ام خالد: هلا يمه هلا قربت منه ضمته بقوه انا اصراحه حسيت بإحراج شفت احلام يجايتني مسرعه وسلمت علي بقوه احلام: أخيرا جيتي يعني ما عد بصير لوحدي في وحده تسليني خالد سحب احلام مني بقوه وسلم عليها خالد: ليه حد قالك ان مرتي مهرج احلام: من طلعت فاطمة من البيت وانا لوحدي تستكثر علي منى تسليني كانت خالتي تسلم علي بحرارة ام خالد: كيفك يمه عسى ارتحتوا في سفرتكم رديت عليها وحنا متوجهين الصالة منى: الحمدلله خالتي شفت خالد يسلم على اخوه الصغير اصراحه مدري وش اسمه اذكر احلام قد قالت لي عنه بس نسيت اش اسمه شفته يتقدم مني باين عليه مستحي مني مد لي يده يسلم علي وانا بدوري صافحته منى: كيفك وسكت اصراحه استحيت اش اقول له رجع بسرعه مكانه وهو يرد بصوت خافت الحمدلله انتهى الجزء السادس عشر *********************** الجزء السابع عشر جلسنا نسولف وانا مع الوقت صرت احس اني انسجمت معهم وشوي ووقف خالد خالد: يالله استأذن بروح عند الشباب اسلم عليهم ام خالد : اجلس يمه ما بعد شبعت منك بعدين ارتاح ولاحق على الشباب بكره تشوفهم خالد: بتملين مني بعدين ما ني تعبان عشان ارتاح وما بطول عندهم شوي وراجع بس بسلم ابي اشوف عبدالرحمن جاء من ألدوره وانا تزوجت وما أمداني اجلس معه منى : بطول يعني ابتسم خالد وغمز لي بعينه : لا مو مطول لا تخافي شوي وراجع لك حمر وجهي بس فرحة من كلامه جلست مع خالتي شوي ام خالد: اطلعي يا بنتي ارتاحي اكيد في أليل بتجي امك تشوفك ارتاحي لين تجي منى : تسلمي يا خالتي مرتاحة معكم احلام: امشي معي اوديك جناحك بلا مرتاحة بلا كذب واذا ارتحتي دقي علي اجيك ام خالد: خلي البنت ترتاح لا تزعجيها منى : لا يا خالتي ما فيه ازعاج بعدين تسليني احلام: هاه شفتي هي راضيه يعني عادي اروح لها متى تبي راحت مع احلام ودخلنا الجناح كان كلمت روعه قليله عليه مررررره حلو وفخم حتى أثاثه روعه منى من الي ماثث الجناح احلام:عسى بس عجبك منى: ايه ما شاء الله مرررره حلو احلام: خالد أثثه على ذوقه منى : ما شاء الله عليه ذويق احلام: ههههههههههه اكيد تمدحيه زوجك وكل شي منه في عيونك حلو منى:هههههههه لا جد وقه روعه احلام: ما علينا يالله اخليك ترتاحي منى: اجلسي معي ماني تعبانه احلام: لا يا ماما تبيت امي تجي تسحبني بكشتي تطلعني برا اطلع بكرامتي احسن يالله مع السلامه أشوفك في الليل ابتسمت لها : مع السلامه أول ما طلع رجعت أطالع في الجناح رحت غرفتي شفت الغرفه أحلى من كل شي أثاثها روعه وفخم كثير وبدلت ورحت على السرير انسدحت يالله معقولة تبقى حياتي مع خالد حلوه كذا تنهد من قلب آاااااااااااااه اوففففف نسيت اكلم خواتي اقول لهم اني وصلت أخذت جوالي دقيت على عهود ما ردت اصلا لو ردت كنت تفاجئت مدري ليه مأخذه جوال وما ترد عليه رجعت دقيت على حنان شوي وردت حنان:هلا والله بالعروس منى : هههههههه هلا بك حنان: كيفك وكيف الأجواء عندك منى: تمام وأجوائي زيي أجواكم لاني صرت في البيت حنان: في ذمتك انك هنا وليش ما قلتي انك جايه منى:كنت ابي أسويها مفاجئه لا تقولي لحد اني جايه احلام:اوكي خلاص ما بقول بس متى بتجينا منى:يمكن بكره بقول لخالد يجيبني العصر ان شاء الله حنان: وليش ما تجين اليوم منى: اليوم يمكن امي تجي وبعدين لازم اجلس عند خالتي اليوم اش بتقول لا جيت عندكم من أول يوم حنان: كيفك بس حاولي تجين بكره بدري منى:ان شاء الله اكلم خالد وشوف الا أقولك عبدالله عندك ابي اكلمه حنان:لا والله طالع دقي على جواله منى: أدق ما يرد شكله مشغول ولا ادري متى يكون فاضي طيب ابوي موجود جنان:حتى ابوي طالع عند عمي منى:اجل اكلمه اذا رجع دقي علي وقولي لي حنان: ان شاء الله منى: يالله مع السلامه بدق على عبدالله يمكن يكون فاضي حنان:مع السلامه دقيت على عبدالله لقيته مشغول رجعت الجوال على الكمديانه وتعدلت بنام شوي الا وجوالي يدق خذته اشوف من طلع عبدالله منى: الوو هلا عبدالله: السلام عليكم منى: وعليكم السلام عبدالله: كيفك منى: الحمدالله بخير كيفك انت عبدالله:دوم الخير يا رب انا الحمدلله ما علي منى: دقيت عليك كان مشغول عبدالله: ايه كنت اكلم واحد من الربع منى: ليكون انت في الشغل واشغلتك عبدالله: ايه في الشغل بس ما عندي شغل انتي كيفك كيف خالد وياك منى:الحمدلله وخالد مو مقصر علي بشي الحمدلله عبدالله: منى اذا سواء لك خالد شي على طول قولي لي مو تخبين ترى أعرفك ما تشكي لحد منى: ان شاء الله ما يجي بينا الا كل خير بعدين انت تعرفني ما اسكت عن حقي ابد لو على قص رقبتي عبدالله: الله يهنيك ان شاء الله يالله اخليك عندي شغل الحين أكلمك بعدين منى: الله معك ولا تقطعي عبدالله: انتي اختي كيف أقطعك لا تخافي منى: اجل ما أخرك على شغلك في أمان الله عبدالله: في أمانة الكريم على دخلت خالد كنت اقفل الجوال شفت خالد يطالع فيها بنظرات غريبة خالد: من كنتي تكلمي منى عبدالله اخوي جلس يطالع فيه بنفس النظرات مدري ليه حسيت ما صدق و انقهرت منه شو قصده هذا من نظراته هذي من بكلم يعني خالد : طيب روحي جيبي لي مويه منى: ان شاء الله رحت المطبخ وانا حدي مقهورره يوم رجعت له و اشوف جوالي في يده وشكله يفتشه نهاية الجزء السابع عشر ************** | ||||||||
|
| |
|
26-09-13, 10:03 AM
| #6 | ||||||||
| مراقبة عامة ومشرفة منتدى الروايات المنقولة
| الجزء الثامن عشر في بيت ابو سالم وفي غرفة سالم بخصوص كان سالم في غرفته يفكر في كلام امه له يحس انه مو قادر يتخذ قرار يحس ان أفكاره مشتته " طيب يا سالم لمتى رح تبقى كذا وحدك مالك احد حتى اهلك ابتعد عنهم بس انا ما ابي اظلم بنت الناس معي بس هي راضيه وقالت امي ان هي وأهلها موافقين علي يعني هي عارفه بظروفي ومع هذا راضيه اااااااااااه وش ها الحيرة الي انا فيها وش اسوي أوافق ولا لا المشكلة اني مصلي لاستخاره اكثر من مرره وحسية براحه بس خايف الي صالي من جواهر مو شوي وينك يا احمد محد يفهمني كثرك اااه يا رب وش ها الحال ما فيه الا أصلي الاستخارة مره ثانيه واذا حسيت اني باقي مرتاح توكلت على الله وقلت لامي تكلمهم واخلي امي تفرح مسكينة من يوم الحادث ونظرات الحزن ما فارقت عيونها علي وأحسها شايله همي خلني أريحها من همي والله يعين بنت الناس علي \\\\\\\\\\\\\\\\ في جناح خالد ومنى رحت المطبخ وانا حدي مقهورة يوم رجعت له ولا جوالي بيده شكله يفتشه عاد انا هنا جد جد انقهرت وش فيه ذا وش شايفني ان شاء الله منى: هاه عسى صدقت اني اكلم عبدالله حسيته ارتبك ورجع جوالي مكانه خالد: ها لا انا كنت اشوف جوالك مو قصدي شي طنشت الموضوع حسيت ماله داعي أطول السالفه يمكن صدق فهمته غلط منى: على العموم عادي بكره اروح لأهلي خالد: عادي ان شاء الله بكره اوديك منى: ابي اروح بدري خالد:أيصير خير دق جواله شفته يطالع في الرقم شوي بعدين أخذا جواله وطلع مدري وش سالفته مع ها المكالمات نفسي أسائله بس احس في حواجز بينا ولسه بدري أحاسبه على هذي الأشياء لسه ما كملنا أسبوعين من تزوجنا صعبه أقوله من تكلم رحت على السرير ما حسيت بنفسي لا وصوت خالد يصحيني خالد : منى يالله قومي صلي المغرب وجهزي شوي امك وتجي تسلم عليك منى: خلاص الحين بقوم اصلا مدري متى نمت ما حسيت على نفسي خالد: اسمعي احسبي حسابك ترى جيرانا بيجون منى: جد خالتي قالت لك بيجون خالد: هاه ايه امي قالت لي يعني انا وش درأني منى:ليش ما قالت لي من لما طلعت الحين احس ما يمديني أجهز خالد: لا يمديك ما بيجون بعد صلاة العشاء منى: والله يعني خالتي قالت لك أنهم بيجون بعد العشاء ولا انت تقوله كذا خالد: لا امي خبرتني منى: كويس اجل خلني اروح أصلي أجهز دخلت الحمام بس تذكرت شي رجعت شفت خالد يصك رأسه بيده وكنه يسب روحه اشفيه هذا انهبل هههههههه يضحك ليش يسوي كذا منى: ههههههههههههههه اش فيك انهبلت ليش تسوي كذا لف على بسرعه شكله ما توقع اني شفته خخخخخخ خالد: انتي من متى وانتي هنا مو دخلتي الحمام تتوضي منى: ههههههههههههههههههه من يوم تضرب راسك خالد: بغيتي شي منى: ايه بغيت أسالك بتطلع من الحين خالد: لا بنتظر خالتي ابي اسلم عليها واتعشاء واطلع منى: آه طيب بطول أسهره اليوم خالد: ما ادري على حسب المزاج منى: طيب لا تنزل الا واخلص وننزل سواء خلاص خالد: طيب يالله بسرعه منى: اوك رحت اتوضى وطلعت صليت وتجهزت من قلب لما عرفت ان فيه ناس بيجون غير امي لما خلصت طلعت شفت خالد في صالة يطالع برنامج في التلفزيون منى: يالله خالد انا خلصت خالد: يالله لف وجلس يطالعني فتره وأتقدم منى انتهى الجزء الثامن عشر ***************** الجزء التاسع عشر لما خلصت طلعت شفت خالد في صالة يطالع برنامج في التلفزيون منى: يالله خالد انا خلصت خالد: يالله لف وجلس يطالعني فتره وأتقدم منى خالد: اوف وش ها الشياكه كلها منى:هههه لا بس يوم عرفت ان في ناس غرب بيجوا قلت لازم اطلع حلوه قدامهم خالد بصوت خافت: انتي حلوه بدون شي انا على بالي ها الشياكه لي طلعت لضيوف منى: يا نصاب ان دايم أتشيك لك من يوم تزوجنا خالد:ايه بس اليوم انتي غير مره طالعه حلوه منى:عيونك الحلوة خلودي خالد:اوه اوه ايوه كذا من أول وبطلي خجل قرصني بخدودي :حبيبتي انتي صدق أحرجني ها لمرة نزلت راسي خالد: رجعنا نستحي توك خلودي يالله امشي ننزل ما ابي أخرك على الضيوف نزلنا تحت لقيت بس خالتي في الصالة ام خالد: هلا من هاه عسى ارتحتي منى: ايه ما حسيت على روحي ونمت توي صاحية ام خالد: ايه يمه من يلومك الطريق السفر يتعب منى: خالتي من الضيوف الي بيجون عندهم بنات من سني انا واحلام ام خالد: الله قد امداها احلام تقولك عنهم منى: لا خالتي مو احلام خالد قالي ام خالد: خالد وش دراه خالد بسرعه قبل اتكلم: انا سمعتكم يوم كنت طالع فوق ام خالد: آه ايه يمه عندها بنت واحده زيكم اسمها هند الباقي صغار كنت أطالع خالد مدري اش فيه أحسه غريب و مو قادر افهمه منى: كويس خلينا نتعرف عليها الا وين احلام ام خالد: احلام على ما تجهز يبي لها سنه يالله تخلص منى: هههههه كل البنات كذا خالتي خالد: لا انا زي احلام ما قد شفت يالله تطلع اذا جينا بنطلع محل هي اخر وحده تخرج و دايم تأخرنا ام خالد: والله يمه دايم اكلمها واستعجلها بس ما فيه فأيده سمعنا صوت احلام من ورانى احلام: ايه قاعدين تسبون فيني نفسي مره أجي عليكم ما ألاقيكم تتكلمون فيه ام خالد: ليه ما تردي على فاطمة أختك اذا دقت عليك احلام: ما فيه شي بس الجوال اذا دقت ما يكون عندي ام خالد: مو أول مره يصير كذا اصلا من بعد زواج اخوك وانتوي ما تكلمينها خالد بجديه: ليش ايش صار بينكم احلام: ما صار شي سواء تفاهم بس خالد : كيف سوء تفاهم اذا من زواجي ما تكلميها ام خالد: صار بينهم مشكله بعد زواجك حتى يوم سافرت فاطمة ما وادعتها خالد بحده: اش الكلام هذا انتي صاحية ليش كذا احلام: ما فيه شي أقولك سوء تفاهم خالد بعصبيه: سوء تفاهم سوء تفاهم وشهوا ذا السوء الي يخليك تزعلي على أختك كذا احلام بخوف: شي خاص بينا خالد بتهديد: شوفي انا ما بتدخل في الي صار بينكم يا ويلك لو يجي بكره ما قد صالحتيها هذي أختك الكبيرة احلام بزعل: خلاص بكلمها اذا راحوا الضيوف ام خالد: وليش ما تكلمينها الحين كل يوم تكلمني تسال عنك وانتي ولا على بالك احلام: خلاص يمه قلت بعدين خالد: لا الحين دامها دايم تدق عليك يعني تبي تراضيك وانتي تدلعي عليها لو وحده غيرها ما عطتك وجه يالله قومي دقي عليها احلام: طيب خلاص خلاص بقوم طلعت احلام جلسنا ساكتين انا اصراحه حسيت بإحراج من الموقف كنت بقوم اروح بس ما قدرت وش كنت بقول اذا سألوني وين رايحه شوي وسمعنا جرس الباب راحت الخدامة تفتح الباب دخلت امي سلمت علينا اصراحه انا اشتقت لها مرره ما توقعت ابدا قبل ما اشوف امي اني بتعلق بها كذا رحت جلست جنبها جلست تسألني عن أحوالي واش سويت في السفر وكيف كان السفرة منى: يمه ما جاء علي ونايف معك ام علي :لا يمه راحوا مع أبوهم لواحد من معارفنا عزمهم على عشاء منى: سلمي عليهم اجل ام علي: الله يسلمك ام خالد: سعاد ترى جارتني ام حمزة بتجي بعد شوي هي وبنتها هند ام علي: الله يحيهم جلسنا سوالف شوي وجتنى احلام جلست جنبي وابتدينا نسولف انا وهي عن الكلية ومواقف الكلية منى: احلام كيف هند هذي طيبه احلام: ما عليها طيوبه ما احتك فيها مره بس اذا جت عندنا نسولف منى: هي كم عمرها هي زينا احلام:لا هي اكبر منا مفروض مخلصه كليه بس ما كملت بعد الثانوي منى: آه على بالي زينا سمعت صوت الجرس منى: اكيد همه جوا احلام : اكيد راحت الخدامة فتحت استقبلتهم خالتي وامي وبدت السلامات وسوال عن الاحوال شوي ورحنا انا واحلام جلسنا جنب هند احلام: هلا هند كيفك هند: الحمدالله كيفك منى منى: الحمدالله كيفك انتي هند: تمام ما توقعتك كذا اصراحه انتهى الجزء التاسع عشر **************** | ||||||||
|
| |
|
26-09-13, 10:05 AM
| #7 | ||||||||
| مراقبة عامة ومشرفة منتدى الروايات المنقولة
| الجزء العشرون لسه السهرة في بيت ام خالد مستمرة هند: الحمدالله كيفك منى منى: الحمدالله كيفك انتي هند: تمام ما توقعتك كذا اصراحه منى: ليش كيف توقعيني هند: اصراحه بدون زعل توقعتك أحلى انا ما جيت زواجك عشان كذا ما شفتك بصراحة انا العداد وصل عندي اخر حد شو شايفه نفسها هذي من زينها هي عاد تخيلوا انتو وحده أول مره تشوفوها وعلى طول تقول توقعتك حلوه وش شعركم آه نفسي أقوم انتف لها شعرها شعره شعره طنشتها وما رديت عليها بس احلام بردت حرتي احلام: بالعكس منى مرره حلوه حظ خالد فيها هند: لا مو قصدي شي والله منى سوري لا تزعلين مو قصدي ازعلك منى: لا ما زعلت وجهة نظرك ونحترمها هند بدلع: اوه سوري بس ترى انا كذا ما اعرف اعبر عن رأيي تنهد بضيق بس بطريقه مو مسموعة وابتسمت : عادي قلت لك ما زعلت سمعت خالتي تقول قوموا على العشاء ما صدقت عشان أقوم من عند هذي الغثة مسويه لي دلوعة مالت على قد ما كنت انتظر جيتها أتعرف عليها على قد ما ودي تفارق اصراحه أسلوبها مره ينرفزء لما رحت اغسل يديني كانت احلام ورأي احلام: منو لا تزعلي هذا هو أسلوبها على بالها ما فيه أحلى منها بشرق الأوسط بس تري طيوبه لا تزعلين منى: ما زعلت بس مو على طول كذا تنتقد عيني عينك وما بعد عرفتني توها تسلم وتقول وانا أقلدها بصراحة توقعتك أحلا من كذا احلام: ما عليك منها هي اصلا كانت حاطه عينها على خالد و منقهره ليش تزوجك وخلاها منى: آه جد يعني غيرانة الأخت والله اجل لقهرها زيادة سمعنا صوت خالتي ام خالد: منى احلام تعالوا تعشوا احلام : طيب يمه جايين يالله نروح نتعشى وانتي طنشيها لا تعطيها وجه اذا زودتها منى: اكيد لا توصي حريص جلسنا نتعشى وبعد العشى رحنا الصالة وسولفنا لين الساعة 12 لا وصوت خالد ينادي احلام خالد بصوت عالي: احلام احلام تعالي راحت احلام انا بسرعه طالعت في هند اشوف ردت فعلها شفتها تطالعني ومبتسمة طنشتها عارفه انها ميتة قهر أخذت الجوال تدق هند بدلع: الو الطرف الثاني:......... هند: كيفك حياتي الطرف الثاني:........ هند بدلع اكثر: لا بس اشتقت لك قلت أكلمك الطرف الثاني:......... هند: شو مشغولة خلود الطرف الثاني:......... هند:هههههه اجل أكلمك بعدين اذا فضيتي الطرف الثاني:........ هند: بأي حبي قفلت اصراحه تقهر بأسلوبها مدري كيف صديقتها الي مكلمتها محتملتها هند بابتسامه تقهر ودلع: هذي خلود توائم روحي أحبها مره وهي مره تحبني وحنا دايم مع بعض دايم اكلمها وتكلمني على طول منى: الله يديم المحبة بينكم هند: آمين أصل في ناس بغوا يفرقونا بس ما قدروا منى: اذا جد صداقتكم لبعض محد بيقدر يفرقكم هند بابتسامه: اكيد محد بيفرقنا واصلا احنا ما لنا غير بعض شوي وان احلام جايه وجلست جنبنا منى: اش كان يبي خالد احلام: يبيني اقول لخدامه تسوي شاي وقهوة وأعطيها له في يوديها المجلس منى: طيب هو لسه في الصالة الثانية احلام: لا جاه اتصال وطلع منى: آه عنده احد في المجلس احلام: ايه يقول صاحبه لفيت على هند لقيتها لسه مبتسمة هذي اليوم شكل فمها بيتقطع على طول مبتسمة من لما جت يالله الابتسامة صدقه \\\\\\\\\\\\\\\\\\\\\\\\\\\\\\\\\\\\\\\\\\\\ في بيت بو سالم كان ام سالم وبناتها وسالم مجتمعين في الصالة يتابعوا مسلسل كان سالم سرحان ويطالع في امه ما يدري يخبرها عن قراره الحين ولا ياجله يوم ثاني شاف المسلسل خلص وبدوا يسولفون ام سالم: سالم يمه وش فيك منت معنا سالم: لا يمه أسمعكم ام سالم: يمه ليكون يوجعك شي أشوفك ساكت من يوم طلعت وانت مو على بعضك تنهد سالم : لا يمه ما فيني شي بس تعالي بداري أبيك بموضوع راح سالم غرفته وجت امه ورآه ام سالم: اش فيك يمه سالم: سكري الباب وتعالي اجلسي سكرت ام سالم الباب وجلست جنبه ام سالم: هاه يمه اش عندك سالم مو عارف اش يقول: اااا يمه ابي أكلمك في قاطعته ام سالم يوم شافته متردد كذا ام سالم: عن موضوع الزواج صح سالم: ايه ام سالم: ها يمه عسى فكرت زين سالم: ايه يمه فكرت زين ام سالم : وش قررت سالم: يمه اذا رفضت بتضايقي انتهى الجزء العشرون **************** | ||||||||
|
| |
|
26-09-13, 10:07 AM
| #8 | ||||||||
| مراقبة عامة ومشرفة منتدى الروايات المنقولة
| الجزء الواحد والعشرون في غرفة سالم باقي الحديث مستمر بين سالم وامه ام سالم: ها يمه عسى فكرت زين سالم: ايه يمه فكرت زين ام سالم : وش قررت سالم: يمه اذا رفضت بتضايقي ام سالم:لا يمه ما بضايق بس ودي أشوفك مرتاح ومتهني سالم: طيب يمه البنت تعرف ظروفي وراضيه ما ابي اظلمها ام سالم: ايه داريه وموافقة عليك سالم: خلاص يمه الي تشوفيه ام سالم بفرح: صدق يمه خلاص اكلم الجماعة ابتسم سالم لفرح امه: ايه يمه قولي لهم ام سالم: الله يوفقك وأشوفك مع مرتك مرتاح وعيالك حولك سالم: ان شاء لله يمه بتشوفيهم قولي لهم اني مستعجل ام سالم: ليه العجلة يمه سالم : يمه انا مالي في لصدعه وروحه والجيه خلي كل شي يتم بسرعه ماله داعي التأخير اذا هم موافقين ام سالم: خلاص يمه الي تشوفه انا ما صدقت أشوفك قامت امه : يالله يمه بروح اشوف أبوك اذا كان جاء وابشره ابتسم سالم يوم طلعت امه ما توقع بتكون فرحت امه كذا توقعها تفرح بس مو كذا \\\\\\\\\\\\\\\\\\\\\\\\\\\\\\\\\ بعد ما راحت امي وام حمزة طلعت فوق دخلت غرفتي شفت خالد لسه ما قد جاء شكله لسه سهران مع صاحبه جلست في الصالة أتفرج على التلفزيون قلبت في المحطات ما شفت شي حلو بعدين خليت على فلم عجبني واندمجت معه انتهى الفلم وخالد لسه ما جاء طالعت الساعة شفتها 2 ونص اوففففف متى بيجي تأخر مره شوي وان الباب ينفتح ويدخل خالد خالد: لسه صاحية على بالي نمتي منى: كنت انتظرك خالد: كنتي نمتي منى: ما حبيت أنام وانت مقد جيت خالد : كيف كانت سهرتكم منى: حلوه خالد: وضيوفكم كيف كانوا منى: كويسين ما بهم شي انت العادة تسهر لهذا الوقت خالد: لا اصلا بعد بكره بروح الدوام و بتشوفيني من الساعة 12 في البيت نايم منى: ما طولت في أجازتك خالد: لا ما فيه اخلي اشغل اكثر من كذا لازم اشوف اش صار في غيابي انسدحت بنام منى: شكلك مرره تحب الشغل خالد: هذا حلالنا ابوي كبره وخله كذا ولازم انا أكون زيه وما أخيب ظنه فيه ابدا عشان كذا انا أحب شغلي منى: الله يوفقك خالد: يوفقنا أجمعين اليوم الثاني صحيت الساعة 11 لقيت خالد مو موجود تسبحت ولبست نزلت لقيت خالتي بس جالسه بصالة منى: صباح الخير خالتي ام خالد: هلا بنتي صباح النور منى: خالتي وينه خالد صحيت ما لقيته ام خالد: طلع يقول عنده شغل منى: طلع من بدري ام خالد: له ساعة من طلع سكتنا شوي ام خالد: بتروحي لهلك اليوم منى: ايه قلت لخالد يوديني العصر ام خالد: آه سلمي على عليهم منى:الله يسلمك ام خالد: منى يمه بغيت أسالك بس خايفة تضايقين منى: اش ها الكلام يا خالتي انتي بحسبة امي وغلاك من غلاتها ام خالد: الله يخليك بس ابي أسالك كيف كانت تعاملك لطيفه منى: خالتي انا ما كان بيني وبين عمتي لطيفه احتكاك يعني هي بحالها وانا بحالي ام خالد: ريحتيني يمه والله انا وأمك كنا شايلين همك كيف بتكون لطيفه تعاملك لان كان بينها هي وأمك مشاكل كثيرة منى: لا يا خالتي ابوي ما كان يرضى علي احد يقول لي كلمه ام خالد: الله يخليك لكم ان شاء الله منى: آمين يا رب انتهى الجزء الواحد وعشرون ************** | ||||||||
|
| |
|
26-09-13, 10:09 AM
| #9 | ||||||||
| مراقبة عامة ومشرفة منتدى الروايات المنقولة
| الجزء الثاني والعشرون في السيارة بعد ما رجعت من الناس الي خطبونا عندهم وشفت البنت الشوفه الشرعية ما شاء الله عليها حلوه وباين عليها ملتزمة اسمها مها .. كنت متخوف مرره أول ما جيت بس لما شفتها ارتحت مدري بس حسيت وجهها بث فيه راحة غريبة تذكرت لما رحت اخطب جواهر كان شعوري عكس كذا كنت فرحان لدرجه كني ملكت الدنيا بين يديني كن ذاك اليوم أحلى أيام حياتي بس بعدها بشهرين كنت انا وصديقي احمد في السيارة كنا راجعين من جده وفي أليل كنت انا الي أسوق وكنت مرره مسرع احمد: سالم هد شوي اش فيك لحقين على أديره سالم: أقولك جواهر منومه في المستشفى مدري وش فيها انا لازم أشوفها مقدر اتاخر احس بنجن احمد:مو اهلك مطمنينك عليها ان شاء الله ما عليها شر مسح سالم بيده على رأسه بتوتر سالم: صح يا احمد بس مدري ليش حاس أنهم يخبون علي حاس ان فيها شي كبير ولا ليش منومه احمد: يا رجال لا تفاؤل على بنت الناس سالم : اما تفاؤل عليها ان شاء الله ما فيها شي يارب يارب ما يكون فيها شي كنت سرحان وما انتبهت لسيارة كانت قدامنا الا لما سمعت صراخ احمد لفيت أتجاوز السيارة تجاوزتها بس صدمنا في حاجز انقلبت السيارة اكثر من قلبه كنت اسمع احمد يتشهد بعدها ما عد حسيت بشي الا يوم صحيت في المستشفى بعد 3 شهور كنت في غيبوبة الأطباء ما توقعوا أقوم بعد هذا الحادث حتى أهلي حستهم كانوا فاقدين الأمل مني لما صحيت كانت مفاجئه لي اني معد بمشي ابد لان جتني ضربتين في ها الحادث وحده براسي الي سببت لي الغيبوبة ووحده في ظهري أدت لكسر اخر فقرتين من العامود الفقري و علشان تأخروا في إسعافنا اثرت على الحبل الشوكي جلست في المستشفى شهر كامل وعرفة بوفاة احمد الله يرحمه حسيت انا اسبب استغفر الله بس ما قدرت ما احس بذنب من وفاة احمد عشت حياة صعبه في المستشفى كانت نفسيتي زفت وكل يوم حالتي النفسية تسوء كثر و اكثر الين ما حسيت اني بموت كان ناصر اخوي دايم معي ويحاول يخليني اطلع من الحالة الي انا فيها حتى أول ما طلعت من المستشفى وداني ناصر العمرة عشان ارتاح وترتاح نفسيتي رجعت من العمرة وكنت دايم في الغرفه ما اطلع منها ابد ما انسى كيف كانت حالت امي ذيك الأيام حتى اني كنت اسمع بكيها في الصالة اذا طلعت من عندي لان ما كنت أتقبل من احد أي مساعده وكنت اصرخ على كل احد يحاول يساعدني كنت أحسهم يشفقون علي تحسنت حالتي وكلهم لاحظوا هذا الين مره كنت في الغرفه طفشت وقلت اطلع عندهم في الصالة شويه اسلي نفسي بس سمعت مريم واحلام يخاصمون ويتكلموا عن جواهر .. جلست اسمع كلامهم من غير ما يشوفوني ام سالم: يا بنات خلاص احنا مالنا دخل وش تبون اقول لهم ليش تزوجوا بنتكم مريم بعصبيه: ايه قولي لهم مو هم كانوا موافقين على سالم طيب على الأقل يقولوا لنا مو نسمع معا الناس ان الست جواهر تزوجت سلوى : لا ومسويه لي انها تحب سالم وما تقدر تستغني عنه ليش استغنت الحين ام سالم بحزن: يا بنات وش نسوي نقول الحين ليه هم حتى ما قالوا لنا عن الملكه سمعت صوت ناصر ويوسف داخلين من برى يوسف: وش فيها أصواتكم واصله لبرى خير عسى ما شر سلوى: تعالوا شوفوا أهل خالتي شريفه اش مسوين ناصر: اش مسوين مريم بعصبيه: الانسه جواهر متملكه لها أسبوع وحنا تونا اليوم ندري ناصر: كيف يتملكون وما يقولوا لنا اكيد غلطانين انتوا من قال لكم سلوى بعصبيه: جارتنا ام صالح يوسف: يمكن غلطانه أو إشاعات سلوى بعصبيه: لا مو غلطانه ولا إشاعات امي دقت على خالتي وطلع الكلام صح ناصر بعصبيه: وكيف يسوأ كذا ليش ما يقولوا سالم بهدوء من وراهم: وش تبون نهم يقولوا لكم ما نبي ولدكم خلاص ولدكم صار نص إنسان ما نبيه لبنتنا نبي لبنتنا واحد يقوم فيها مو يكون عاله عليها وين الي أهون عندكم يقولوا كذا ولا تملك وانتوا ما تدرون مريم: بس يا سالم قاطعها سالم وهو رايح لغرفته: بس خلاص ما عد ابي اسمع هذا الموضوع ابد الله يوفقها هي اختارت حياتها وهي أدرى بمصلحتها راح سالم غرفته لما اختلى بنفسه نزلت دمعه وحيده على خده حس انه خسر كل شي وحس انه خسر احمد عشان يلحق يشوف جواهر لا شاف جواهر ولا عاد بيشوف احمد اااه هذي هي مكانتي عندك يا جواهر بعد كل الحب الي حبيتك مو حب سنه ولا سنتين حب سنين حب طفولة هذا اخرتها يمكن يا سالم أهلها غاصبيها وهي ما كانت تبي تتزوج كان عندي أمل بسيط ان جواهر كانت مغصوبة الين سمعت سلوى تقول ان يوم راحت عند جواهر وقالت لها لي سوت فيني كذا قالت جواهر: ماني ملزومة أتزوج وهو هذا حاله انا ابي واحد يشيلني ودايريني مو واحد انا أشيل همه بعدها رجعت للوحدة وانعزلة عن الناس حتى أهلي صرت نادر ما أشوفهم فمره اصر علي ابوي نسافر برى نشوف لي علاج سافرنا ورجعنا بدون أي نتيجة لان حالتي مالها علاج مرت الأيام ودبر احمد لي وظيفة تناسب حالتي بعد ما اشتغلت صرت احسن بس الجرح الي في قلبي ما طاب ومرت سنين وجروحي لسه تنزف فهل بتكون مها الي بداويها بعد كل هذي السنين ولا بتكون جرح جديد في حياتي انتهى الجزء الثاني والعشرون **************** | ||||||||
|
| |
|
26-09-13, 10:11 AM
| #10 | ||||||||
| مراقبة عامة ومشرفة منتدى الروايات المنقولة
| الجزء الثالث والعشرون منى مروا شهرين بسرعة في الشهرين هاذي كانت ملكة عهود اختي كانت مرره حلوه الملكه الله يوفقها عهود تستاهل كل خير وسالم ولد عمي تزوج قبل أسبوعين ما شاء الله عليه صبر ونال بعد جواهر تزوج وحده مشاء الله ملتزمة وحلوه الله يهنيه عنى كثير في حياته سلوى تقول مرره مبسوط من الزواج تقول ما توقعت سالم يتغير كذا بعد الزواج ما شاء الله ما لها أسبوعين متزوج وقدرت مها تغيره الأحسن اما انا فحياتي معا خالد ماشيه تمام زي أي اثنين متزوجين أحيان أحسه بارد معي مدري ليش و أحيان أحسه عادي سالفة المكالمات ما قلت ابد الا زادت والصراحة صرت اشك فيه مره شفته ناسي جواله كنت بأخذه أفتشه بس غيرت رأيي وتعوذ من الشيطان يمكن وساوس المشكلة انه أحيان يكلم ربعه قدامي وحيان بس يشوف الرقم يهرب ما كنت ابي ادخل ها الوساوس براسي وهل ما جت ها الأفكار براسي أحاول انفضها منه بس حركاته تشكك لدرجه اني خبرت عهود لاني ابي شور احد بس عهود قالت لي لا ادخل ها الأفكار براسي ويمكن الاتصالات من الشغل وهو ما يبي يكلم قدامي اقتنعت جزئين بكلام عهود ونسيت السالفه كنت جالسه في الظهر في صالة الجناح لما دخل علي خالد توه راجع من الشغل خالد: السلام عليكم منى: وعليكم السلام رحت معه شفته داخل الحمام رحت طلعت له ملابسه رحت اجيب له مويه حطيتها على التسريحة شفت خالد خارج من الحمام اخذ ملابسه ودخل غرفت الملابس عشان يلبس منى: خالد اجيب الغداء هنا ولا ننزل نتغداء تحت طلع خالد واخذ المويه مني خالد: امي قد تغدت ولا لسه منى: خالتي راحت عند امي اليوم واتغدت معها واحلام تقول واسامه متغدين خالد: وانتي منى: لا قلت انتظرك أعرفك ما تأكل بروحك خالد: بعد قلبي الي ما تأكل وزوجها ما أكل خلاص روحي جبيه هنا ابتسمت له: اوك ثواني ويكون جاهز رحت اجيب له الغداء احس نفسي ميتة تعب ما بصدق اتغداء وأنام امس ما نمت الا متأخر وصحيت رحت الكلية رجعت ولحد الحين صاحية عشان انتظر خالد من تزوجت تعود ما أنام الا يجي سواء في أليل ولا النهار اكيد تسالون غريبة لحد الحين ما حملت انا اقترحت على خالد اخذ موانع عشان ابي أكمل دراستي وصعبه الحمل الحين وانا ادرس وهو وافق بسرعه استغربه أصراحة على بالي بتعب لين أقنعه بس طلع حبيب ومقدر ظروفي قال انه عارف ان تعب علي احمل وانا لسه ادرس وهو مو مستعجل وانا ما باقي لي الا هذي السنة يعني بسيطة تهون رجعت ولقيته جالس في الصالة حطيت الغداء على الطاولة منى: يالله خلودي تعال تغداء خالد وهو جاي: متى بنبطل خلودي قولي حبيبي حياتي غيري غثيتيني بخلودي ذي كني بزر منى:ما بقول الا هي ولا اش رايك بخويلد ههههههههههههه خالد:ههههايي تستخفي دمك منى: لا اتظيرف خالد:لا تبديت ترى ابي أكل منى:ههههههههههه خلاص بسكت ماني ابد خالد: احسن بعد سكتنا وكنا نأكل تذكرت شي منى:خالد خالد: شو ما قلتي ما عدي بتتكلمي منى:خلودي الله يخليك ابي اروح لامي اليوم خالد: وليش ما رحتي مع امي منى:اش فيك كيف اروح وانا في الكلية خالد: ايه صح نسيت بس انا مشغول في أليل ما اقدر منى: ودني من العصر عادي من زمان مقد زرتها الله يخليك خالد:خلاص لا بوديك بس على 5 تكوني جاهزة ولا بروح وخليك اتفقنا منى:خلاص اوك خمسه أكون بسيارة قام خالد : الحمدلله بروح أنام منى: حتى انا بنام مقد نمت تعبانه لميت الأكل ورجعته تحت رجعت الغرفه لقيت خالد مطفي ألمبات شكله نام رحت الجهة الثانية نمت صحيت على صوت نغمة جوال جمبي مديت يدي اشوف من الا هو جوال خالد قبل ما كنت بشوف من ما دريت الا بيد خطفت الجوال مني انتهى الجزء الثالث والعشرون ********************* | ||||||||
|
| |
|
| الكلمات الدلالية (Tags) |
| مارلين, ثانية, بدنيا, بقلم, سمومك, شربتني, عيشتني, وبكيتني, ضحكتني |
| أدوات الموضوع | |
| انواع عرض الموضوع | |
|
|
.png)
العرض العادي
