هايم في بحر الشوق ولذة هيامك الكاتبة / ضحية حبيبي / مكتمله

[اسطورة !]

البارت الـ 47
جالس بحالي و لحالي هزني الشوق و ذكرتك
يعني معقولة يا غالي كل هذا و ما وحشتك
غيبتك طالت ليالي يا عسى خير و عذرتك
خوفي و كل انشغالي دون ما اقصد جرحتك
يعلم الله و قلبي شاهد ان عيني من املها
بس تشوفك عندي قاعد روحي ترجع في محلها
تدري يوم احنا نتباعد كل هالدنيا و اهلها
يفقدون انسان واحد و افقد انا الدنيا كلها
كان قلبك يا فتوني طاوعك تنسى حبيبك
انا ببقى مع شجوني و انت روح الله حسيبك
بس تاكد يا عيوني لو غدا غيري نصيبك
انت وياي او بدوني ما ابي مكروه يصيبك

اميه : مهاري حبيبتي . ." تمسح ع راسي " امييه . .
اانا امسك ايدها وابوسها : هلا امييه . .
اميه : صبحج الله بالخيير والسرور . .
انا ابتسم : صبحج الله بالنور والعافيه يالغاليه . .
اميه : يالله اميه نششي تزهبي بيروحون بعد شويه . .
انا اشوف الوقت : بعدها الساعه 8 الصبح . .
اميه : يتريون الجو الحلو عشان يروحون البر زين هالمره نوعو وقالو البحر . .

ابتسم : يالله ان شاء الله احين بقوم . .
الجو من يومين غيوم وبراد . . احلى شي يوم يتغير الجو فالصيف وتينا هاييج الامطار . .
اليوم السبت . . كملت فترررررره طوييييييله تامه ف بيت امي . . الكل عرف ان انا و وليد مضاربين واني انا هجييت وطلعت . . ماخليت اي حد يدخل بينا وقلتلهم الي بينا خلاف كبير ومحتاجيين احنا الاثنيين نبعد عن بعض فترره وغيير الاعمام ويدوه محد ادخل . . لكن مع الايام خلونا ع راحتنا . . ممممم دخلت الشهر الثامن ويوم الاربعاء بديت اجازه فالكليه عشان امتحانات الفاينل . . الاشياء اليديده الي صارت بخبركم اياها عقب . .
نشيت اتزهبت وطلعت لـ حمود ملابس وحطيتهم فالشنطه . . قمت بعدها و واعيته وتريقت وريقته وعلى بين ما خلصنا ريوق الكل زاهب وجاهزيين حق الطلعه . . من اضاربت ويا وليد ماظهرررت ابببببد . . يادوب من الكليه للبيت ومن البيت للكليه واقضي مشاوير جدا بسيطه . . لكن قلت بطلع اليوم عشان انفه عن نفسي قبل الامتحانات وعسب اقدر اركز بنفسيه مرتاحه . .

اول ما وصلنا نزلو الكل وانا تميت ف سياره شهاب احس ب عوق بظهري ماقدرت انزل . . تميت اتالم واتاالم ماقدرت اتحمل العوق . . كنت مبطله باب السياره بس وقاعده ومغمضه عيني واتنفس ب شهيق وزفييير ب قوه عشان ارتاح . .
وليد : شفيج . . شو صاير . . شو يعورج
فتحت عيني وتميت اطالعه . . اكثر عن شهر محرومه من هالشوفه ومن هالحس . . تميت اطالعه بدون ما احرك عينيي ولا اسوي اي شي . .
وليد : ردي عليّه ! ليش تامه اهني روحج تتويعين
انا بتعب غمضت عيني ورديت ع وضعيتي . .
وليد : بوديج المستشفى . .
انا : مابا اروح مكان . . انا كل يوم اعاني جي مش شي يديد . .
وليد : بس
انا اقاطعه : بس انت الي ماتعرف . . يعني تعودت ع هالشي . . شوي وبيخوز وبرتاح . .
وليد : اييبلج شي . .
انا : ماي بس . .
خاز عني وبعدها رجع لي وهو يايب ماي بارد . . بطله لي وغصبني ماخلاني اشرب روحي هو شربني . .
انا : روح . .
وليد : يوم بيروح العوق بروح . .
انا اطالعه . . : روح
وليد : قلتلج يوم بيروح العوق بروح ..
انا يايه اتكلم
وليد بنبره صارمه : بلا عناد خلاص . . قلتلج بروح من يخف عليج . .
تميت جي فترره ماعرف كم . . مغمضه بس وشهيق زفيير لين خف شوي العوار . .
بطلت عيني شفته يطالعني ولا وخر عينه عني . .
اطالعته بنفس النظره لين يا حمودي
حمودي : مااااااما يالله تعاااااالي
انا : ان شاء الله حبيبي . .
نزلت من السياره وابتعد وليد . . بطني فالشهر بارز . . مش بارز وايد وايد لكن برز يبين اني حامل . . لاحظت ان وليد عينه ع بطني وابتسم . .
حمودي حظن ريول ابوه : بابا تعال نسبح . .
وليد : بعدين عقب الغدا
حمودي : الحين الحيييين . . عمي عبدالله يلعب صقوري فالماااي
انا : يالله روح عند عمي عبدالله العب وياهم بيتحمل منك
وليد : لالا . . انا بروح معاه . .
وسحب ايده وسارو يسبحون . . قعدت ع كرسي يايبتنه وياي لاني ماقدر اقعد تحت . .
تميت اطالعهم وهم يلعبون ويا بعض ويسبحون . . ياااربي كيف الشبه بين حمودي و وليد بشكل فظيييع ما ينوصف . .
شهاب : خلاص ارضي
انا: هاه
شهاب : نظراتج فاضحتنج . . ارضي عليه بسج عناد .
انا اطالعه : منو قالك اني مش راضيه عليه . . راضيه " ابتسم " بس قلبي شايل عليه
رقوي : ياويل قلبي . . اعرف اعرف شعورج
شهاب : اعوذ بالله
رقوي : انت بتملج عليّه عقب فتررررره وجييييزززه وتقولي اعوذ بالله
شهاب : يوم بتطلع النتيجه
رقوي : ذليت امـن يااااااابتني . . حسسستني بصصصصصفها لكم 99.9
شهاب : ادريبج غبيه
رقوي : محد غيرك غبيي . .
شهاب : افف . .
رقوي : مهور انتي الشاهده من احين يتافف علي . .
انا ابتسم . .
رقوي : بنت عمي متى بترضين ع وليد . . شوفي عيونه يسبح وعينه ويانا ع الخط هههههههههههههههه . .
شهاب : هب هب هب . . كيف شفتي عيونه وهو هالبعد !!
رقوي : والللللله باين . .
انا ابتسم : ماشاء الله . .
رقوي : تتحروني اجذذذذب شووووو . . خل يرد بنواجهه . .
شهاب يطالعني : خلاص ي بنت بلا عناد طاوعي كلام اخوج . .
انا اطالعه : ان شاء الله ماعليك انت لا تشيل هم . . .
رقوي : شهاب ما بتتسبح . . كلهم سارو يسبحون . .
شهاب : لا
رقوي : ليش " تبتسم " تبا اتم معاي ؟؟؟ واي استحي . .
شهاب يطالعها باشمئزاز
رقوي : اييييه لا تطالعني جييييه . .
عنود : بس بس وانتو تتجاتلون . . " تمد ايدها تعطيني بنتها " شليها شوي بروح اصور صقوري وابوه . .
شيخه تي عندنا : ابا ميرووووووو . .
انا : هيه والله مكانها خالي . .
>
<
>
ميره : انت وين ياااااااييبني متى بتقول
مايد بعصيبه : ممكن ماتفجيين حلجج ب حرف ولا تعللين صوتج . .
بركن السياره . .
مايد نزل ونزل الشنطه . . وسار صوبها وبطل الباب
مايد : شو تترييين . . نزززلي . .
نزلت ميره ودشو الفندق . .
ميره : ليش يايبنا اهني . .
مايد يتصدد : قصري حسج . .
ميره بصوت عالي : يالسه اسال مااااقلت ششششي اا
مايد يطالعها بتهديد . .
ميره : سككككتنا اف . . الله ياخذ الساعه الي تزوجتك فيها . .
مايد تم يطالعها بعدها صد عينه وكلم الرسبشن . . شوي وخذا كرت وصعدو فوق و ولا واحد فيهم يرمس لين وصلو الغرفه . .
ميره حطت خلودي ع السرير لانه كان راقد وصدت تطالعه . .
ميره : ليش يبتنا اهنننني . .
مايد يطالعها : عشان ها املي الوحيد اني اغيرج . .
ميره : تغيرني ؟ منو قالك اني محتاجه حد يغيرني اصلا !!!!!!
مايد : اذا ماتغيرتي بعد ما نطلع من اهني . . ماعتقد ان انا وانتي نصلح نكمل مع بعض
ميره تمت تطالعه بذهول . .
مايد : تغيري عشان ما تخسريني . .
ميره تكابر : تتحراني بموت لو خسرتك ؟ نفاااااد مايهمني . .
مايد يطالعها : الله يغربل الساعه الي عرفتيني فيها ؟ " يبتسم بحسره " معقوله ميره . .
ميره ارتبكت وتمت تتصدد ..
مايد يتقرب منها : لهالدرجه انا ثجيل عليج . . شلي قصرته معاج ؟ شلي تبينه مني وما حصلتيه ؟ ليش تعامليني كني عدوج مش ريلج و ولد عمج وشخص حبيتيه . .
ميره : ما احس اني حبيتك . .
مايد بصدمه : ما حبيتيني ؟
ميره : لا
مايد : الي كان قبل الزواج شوو . .
ميره : مادري اعجاب
مايد : والحين . . تامه ويايه وانتي ماتحبيني . . ؟
ميره : هيه
مايد : شو جابرنج . .
ميره : خلودي
مايد : يعني انتي تبينا ننفصل . .
ميره : ماتفرق معاي
مايد بصدمه : معقوله . .
ميره : كل شي توقعه مني . .
مايد : ماهقيتج جيه . . توقعتج غير
ميره : حتى انا ماتوقعتك جي
مايد : ليش شو الي كسر توقعاتج . . ف شو كسرت نظرتج لي
ميره : تبا تعدم شخصيتي !! " تطالعه وتعلي صوتها " تبا تفرض علي كلامك . . تبا تفرض عيل شسوي وشو ما اسوي . . تبا تعق علي المسؤوليه وتخليني انا الي اربي ولدك واهتم وانت تطلع ويا عيال عمي ولعب وسهر وخرابيط وع كيفك وانا بس اجاااابل هالولد واجابل بيتي ؟ مابا جي . .
مايد تم يطالعها بذهول . . بعدها طلع من الفندق . .
هاي غلطه مايد . . ميره محتاجه حد يعطيها كلام قوي ويريحها ان الي ف بالها غلط . . هي مش من النوع الي ماتفهم بالافعال . . محتاااجه تسمع كلاااام مؤؤؤثر و واقعي يخليها تقتنع ان الي ف بالها غلط . . وهاي غلطه مايد ان للحين ماقالها هالكلام . .
تمت بعدها ميره تصيح وتصيح واتصلت فيني خبرتني الي صار . . ونصحتها ان تهدا وتسمعه وما تنفعل وتسوي مشاكل وتعطي نفسها فرصه تعيش مرتاحه وياه . .
على الليل . . تقريبا 2 ولا 3 . . يا مايد . . حست فيه ميره وقامت . .
ميره : توا الناس جان ما ييت . .
مايد يطالعها : رديلي ميره الجديمه الي حبيتها . .
ميره تمت تطالعه . .
مايد : انا ماحبيتج جي . . وبافعالج بتعوفيني منج . .
ميره : شـسويت ؟ شغلطتي ؟ انا مابا حياتي تنعدم ب بيت ومسؤوليات
مايد يبتسم باستهزاء : جان رفضتي الزواج وتميتي ف بيت اهلج عيل . .
وطلع من الحجره وسار يرقد فالصاله . . !
وعلى هالمواااال تمو اسسسبوع . . هو يودرها يروح الدوام الصبح ويرد يشوفها ع نفس المود وع نفس الكلام كل يوووووم . .
لين مره نشت الصبح وشافته بعده راقد فالصاله ماراح الدوام . .
ميره : الساعه 9 وانت للحين ماسرت الدوام . .
مايد مايرد عليها . .
ميره لاحظت انه ويهه معرق ويتنفس بصوت مسموع . .
تقربت منه وحطت ايدها ع راسه شافته مسخن . .
ميره تضربه ع ويهه بخفيف : مايد . .
مايد يفتح عينه وتم يطالعها . .
ميره بخوف : انت مريض . .
مايد مسك ايدها الي ع ويهها : مريض وايد . . لكن الي يعورني " يحط ايده الثانيه ع قلبه " اكثر اهني . . " يطالع عيونها " ليش تغيرتي وايد عقب الزواج . .
ميره : مش وقت هالكلام قوم روح المستشفى . .
مايد : بتتغييرين عشاني . .
ميره : مااايد بلا عناد نش . .
مايد : قوليلي انج بتتغييرين عشاني . . وانج مابتتخلين عن علاقتنا . .
ميره تطالعه . .
مايد يبتسم بتعب : اصلا انتي ماحبيتيني . .
ميره تقوم عنه جان يمسكها من ايدها : لا تروحين . .
ميره : بتصل ف حد يشلك يوديك المستشفى
مايد : والله مابروح مكان . .
ميره تطالعه : أنت مينووون . . شوف روحك كيف تعبان وتهااااذي . .
مايد : قعدي قريب مني . .
ميره قلبها انعصر . .
مايد يرص ع ايدها بقوه : قربي . .
ميره هدت ايده وراحت تسويله كماادات بارده وطلعت له كم دوا من شنطتها . . بس تذكرت انه مش ماكل ف سارت تسويله شي خفيف ياكله . . لما ردتله شافته راقد ودمعه نازله من عينه . . ياويلي عليك يا مايد . . قلبه شايل هم . .
ميره تدقق ع ويهه : قوم حبيبي . . قوم بتاكل وبتاخذ دوااك . .
مايد يطالعها : من قلبج . .
ميره تطالعه وتبتسم : لو ما يهمني جان خليتك تموت من المرض جدام عيني . .
مايد يبتسم ب تعب : تسوينها . .

ميره تمت توكله شوي شوي وبعدها عطته الدوا . . تم خلودي يصيح ف نشت تسويله حليب وتسكته وردت ل مايد تمت تحطله كمادات بايد وحده لان الايد الثانيه شابكتنها بايده . .
تمت ع هالحاال ساعه كامله وهي بس تبدل كمادات لين ما ايدها عورتها وشافته تعمق فالنوم . .
تمت تمسح ع راسه وتقرا عليه وتدعي ربها يقوم بالسلامه . . اول مره تحس بهالشعور . . اول مره تحس انا مسؤوله عليه . . قامت بعدها ورتبت الصاله وبدلت بجامتها لبست لها مخور وبدلت ثياب خلودي وشغلت له التفلزيون ف الغرفه بصوت واطي وقعدت معاه شوي وعقب طلعت لمايد كان واعي وقاعد . .
ميره : شو قومك . . بعدها الساعه 11 . . ارتاح لين اذان الظهر . .
مايد يطالعها بتعب ويبتسم : احين احسن . .
تقربت صوبه وحطت ايدها ع راسه كانت الحراره خافه لكن جسمه بعده دافي . .
مايد ابتسم من حطت ايدها . .
ميره : ليش تبتسم . .
مايد : متى اخر مره اهتميتي فيني ؟
ميره قلبها عورها . .
مايد يبتسم وكشكش شعرها وقام . .
ميره : وين رايح . .
مايد : طفران من روحي وايد عرقت من الحراره ابا اسبح . .
ميره : تبيني اسبحك ؟
مايد تم يطالعها بصدمه . . مول ماتوقع انها تقول جي . . تمت يطالعها بذهول . .
ميره : لانك ماتقدر وعن اطيح ولا شي . .
مايد : وين هالحنيه من زمان .؟
ميره : كنت مقصره وايد صح . .
مايد ابتسم وما علق وراح الغرفه ولحقته . . ساعدته يتسبح وخلودي تحمس وبغا يتسبح ودخلتهم كلهم ف البانيو وتمت تعجج راسهم بضضمير وتحطلهم بلسم وهم يضحكون ومستانسين . .
بعد صلاه الظهر . . وبعد ما صلو . .
مايد : تبين تطلعين نتغدا برع بدال لا نروح البوفيه كل يوم ؟
ميره : لا مش وقته اليوم انت بعدك مريض
مايد : انا بخير الحين مافيني شي . .
ميره تحط ايدها ع راسه وهو ابتسم . . : بعده جسمك دافي . .
سحب ايدها وغمض عينه وباسها من قلب . .
مايد يطالعها : هاي الحياه الي اانا اباها بس ميره . . تشوفينها وايد ؟
ميره : . .
مايد : مابا منج اكثر عن جي . . اهتمام بسيط ومسؤوليه بسيطه مثل الي سويتيها اليوم واصلا ما احتاجها كل يوم لاني انا ما بمرض كل يوم . . انا ماباج تكرسين حياتج لي ولـ خالد . . انا ابيج تستمعين معانا . . تحسين بلذه وانتي تسوين لنا هالامور . . تحسين انج انتي من خااااطرج تبين . . مابا احرمج من حياتج وهوااياتج والامور الي كل يوم تقوليلي عنها . . بالعكس انا مش متزوجنج عشان احرمج من الدنيا . . انا متزوجنج عشان نعيش سعيدين مرتاااحين حابين بعض وحابين حياتنا مع بعض . . وانا ما حرمتج من شي . . المسؤوليه الي تعيشينها انا ما احسسج انها كبيره لاني شايل عنج الحمل وايد . .
ميره : اعرف . .
مايد : عيل ليش هالخوف . .
ميره : احس بينتهي فيني الحال بس اداريكم وانسى نفسي . .
مايد : تنسين نفسج ف شو حبيبي . . " يبتسم " قربي اهني قعدي يمي . . " يمد ايده "
تقربت منه وحطت راسها ع صدره وحظنها . .
مايد : انا بس ها الي اباه مابا شي كبير . . والله بس ها الي اباه . . واذا انتي تحسين ان كثره اليهال بتخليج تنسين روحج ترا خلودي مكفي و وموفي وراضي بس فيه اذا يرضيج . .
ميره تبتسم . .
مايد : كل الي تبينه بنسويه بس خلينا نتناااقش نتفاهم لا تاخذين الامور بعصبيه وتحكمين عليها من نفسج . . ناقشينيي انا متفهم وايد . .
ميره نزلت دموعها : انا اسفه . . . تعبتك معايه وايد . .
مايد يرفع راسها : تحبيني . .
ميره تطالعه وبحيا تنزل راسها . .
مايد يبتسم : تحبيييني ميروه . .
ميره : جب . .

مايد : هههههههههههه
ميره تبتسم : احبك والله . .
“cut”
ومن بعدها هالاثنيين طلعو من هالفندق بسيبت المصاريف كثرت وأجر شقه واستقر فيها وقال ان محتااج وقت ويا ميره بس وبعدهاا بيردون بيت عمي . .
عنود يتني وشلت بنتها . . : مهور روحي خلصو سبوح . . ودي فوطه حق ريلج و ولدج . .
انا اطالعها . .
عنود : شووو . . فوطه ريلج اهني شليها بس و وديها ما بيطيح نصج . .
شهاب يطالعني : يالله ي وخيتي قومي . .
انا : ان شاء الله . .
ونشيت شليت الفوطتين ورحت صوب البحر نجدمت . .
سيف يزاعق : بنت عمي انا بعد دخيلج الفزعه هاتيلي الفوطه . .
مروان : انا بعد انا بعد . .
انا : جب جب . . ماروم . .
مروان : افااا . .
سيف : ناس وناس هااااه . .
وليد يا صوبي وشل الفوطه وهو يطالعني . . : مشكوره . .
انا :العفو . .
وربع صوبي حمودي وحظني . .
انا : خيستنننننني ي حمممممود . .
حمودي مستانس . .
انا ابتسم : لعبت وايد . .
حمودي : هييييه . . بسبح بعديييين بعد انزييين
انا : انزين
ابتسمت له وقعدت انشف شعره وجسمه . .
خلود يت صوبي : بنت عمي هاتي حمودي انا بروح ألبسه . .
انا : لا عادي حبيبتي انا ببدله ..
خلود : حمودي بتي عندي ؟ انا بلبسك انته و صقوري
حمودي مستانس : هييييه هيييه . .
انا ابتسمت : روح يالله . . " اطالعها" مشكوره . .
خلود شلته وراحت . .
كنت يايه امشي وراها لكنه مسكني . .
انا صديت اطالعه . .
وليد : بديتي تمشين ؟ دخلتي الشهر الثامن ولازم هالفتره كله تمشين . .
عمي سعيد كان بيدش يسبح هو وعمي حمد وعمي خالد وسمعو وليد . .
عمي سعيد : اسحبها من ايدها ومشهااا لا تشاورها . .
عمي حمد : هيييه ما يباله مشاور الحريم بيقولون لك لا ومانروم ومانقدر . .
عمي خالد يضحك : هههههههههههههه خلوهم ع راحتهم
عمي حمد : لالا ها لصحتهااا . . لازم تجبرها وليد تمشي تراها من متى مجابله البيت وماتطلع ولا تروح ولا ترد . .
وليد يطالعني . .
عمي سعيد دخل البحر : يالله انته بعدك تطالع لها . .
وليد : بتمشين شوي . .
انا : عشان الكبار بس . .
ومشيت ومشى وياي . . تمينا ساكتين . . كان لابس شورت لين الركب وحااط الفوطه ع ظهره . .
جان يعطس . .
وليد : الحمدلله
انا : يرحمك الله . . " اطالعته " بتمرض والجو براد روح بمشي شوي وبرد . .
وليد : ماشتقتيلي . .
رجفت من نبره صوته وحنيته لكن ما تكلمت وكملت مشي من دون ما اطالعه . .
وليد يجابلني ويمشي ع ورا . .
كنت اطالع ريولي وهي تدخل فالرمله وماطالعه ابد . .
وليد : مش كافي عليج البعد . .
وقفت وتنهدت وبعدها عطيته ظهري برد جان يمسكني من ايدي . .
وليد : لاترجعين . .
انا : هدني وليد . .

[اسطورة !]

وليد : متى ناوييه تكلميني . .
انا : تراني اكلمك الحين
وليد جابلني : متى بترضين عليّه وقلبج بيسامحني . .
بقوه قدرت ارفع راسي واطالعه . .
وليد : انا ميت شوق . . اشقتتلج موت وربي
صديت راسي الصوب الثاني . .
وليد : شلي يرضيج ؟ شتبيني اسوي عشان ترضين . .
انا ما طالعته . . جان يعطس مره ثانيه وثالثه . .
انا اطالعه : خلنا نروح بتمرض . .
وليد : بعدج وفراقج الي يمرّضني . .
تم يعطس . .
انا تقربت وعدلت الفوطه لانه بس حاط الفوطه ع ظهره جان اعدلها عشان تغطي صدره بعد وتميت ماسكه الفوطه عشان اتم مسكره ع صدره . .
انا :امسك اهني . .
وليد يبتسم : تخافين عليّه بعدج . .
انا : وليد
وليد يطالعني : والله تخافين عليّه . . باين خوفج حتى لو تعمدتي ما تبينين . .
ارتبكت . . طول الفتره محكوره ف البيت مابا اطلع مابا اجوفه . . لاني اعرف قلبي يحن بسرعه من صوته من نبرته من حنانه من كلامه من كل شي . . اضعف جدامه وايد اضعف . . كنت اتهرب بس عشان اقدر ابعد واعلمه درس ب فراقي . . لكن قاعد يذبحني اليوم ويخرب كل التعب الي تعبته . . اوكيهه انا ادري كنت برضا لكن ماعرف كيف كنت برضا وماحس ابا ارضى الحين مع اني طولت وانا هاادتنه فتره طويله لكن بعدني . .
قطع افكاري وهو يحظني بقوه . .
من قوه حظنته تميت ارجف بقوه . . مادري ارجف من الارتباك ولا المستحى ولا ارجف من البرد هههههههههه المهم كنت ارررررررجف . .
عميمه : ههههههههههههههه احيد اخواني قالولكم امشووووو . .
انا من الاحراج بغيت اقوم عنه بس ماخلاني . . تجاهل كلام عميمه ولا جنها قالت شي . .
انا حاطه ايدي ع صدره وادقه بخفيف : وخر . .
وليد : مابوخر . .
عميمه : ماتسمعوني حتى هااااااه ههههههههههههههههههههههههه هه
انا : وخخخخخر . .
وابتعدت من الاحراج . .
عميمه : تراضيتو واخيييييرا !!!
وليد يطالع عميمه : من بين كل الاوقات اخترتي هالوقت يالظالمه ليش . .
عميمه : ههههههههههههههههههههههههه ههه . . خلاص خلاص بروح
انا : بروح معاج . .
وليد يطالعني : شو تروحين معاها . . انتي بتمين معايه . .
عميمه : خلاص خلاص بروح بروحي اصلا انا . . ماصدقت اخلي عيالي يسبحون واتمشى شوي برااااحتي . .
ومشت عنا . .
انا مشيت شوي جان يلحقني بهدوء . . كنت احس بخطواته ورايه وابتسم . . تم يمشي ورايه فترره لين قربنا صوب الاهل جان يتجدم ويمسك ايدي . .
انا اطالعه . .
وليد : اشش ولا حرف . .
انا انتبهت ان ميره موجوده . . استااانسسسسست وايد وابتسمت من قلب . . وليد الاهبل يتحراني ابتسم عشانه
وليد : فديت هالابتسامه . .
انا اطالعه : حد قالك اني ابتسم لك . .
وليد يجابلني : عيل ترومين تبتسمين لغيري وتصدييني . .
انا : اروم ليش لا . .
وليد يقرص خدي بخفيف : ادريبج ترومين تتجاهليني جني مش موجود . .
انا : بروح عند بنات عمي . .
وليد : بتيني عقب ؟
انا : مادري . .
وليد : عقب الغدا بشلج عنهم . . زين؟
انا اطالعه : يصير خير . .
خزت عنه بعدين ومشيت صوب ميره . .
انا : ميييييروووووو . .
ميره تي صوبي وتحظني : حيااااااتي
انا : عمممممممممممممممممممري . . وربي فقدتج مووووووت . . ي حيوااااااااانه ي حيوااااانه
ميره : وربي انا اشتقتلج مووووت بعد . .
انا اطالعها : وااااي مع اني اكلمج كل يوم فون لكن شوفتج غيييير . .
ميره : هههههههههههههه حبيييييييبتي والله " تطالع وليد " شو ترااااضيتو ؟
انا : مادري بعدني . . قدرت اسكت اليوم وما اقوله شي لاني مشتاقتله من متى ماشفته . . لكن ماعرف جان خلاص ولا . .
رقوي تي صوبنا تركض : اييييه اقولكككككم الحقو الححححقو
انا : شوووو فيج . .
رقوي : عمي حمد فاتح عمي خالد ب موضوع سيف وشيخه ..
ميره : ححححلفي . . وشصااار . . !!
عنود تي : مهور . .
انا : هلا . .
عنود : هاي سياره شهاب ولا وليد " تاشر " ماشوف عدل . .
انا : وليد
عنود : روحي السياره داخل عند شيخه . .
انا : ليش ؟
عنود : روحي . .
انا : انزين . .
ومشيت عنهم ورحت السياره بطلتها ما تتبطل . . وايجت من الجامه شفت شيخه . .
دقيت الجامه : فجي شواخ . .
شوي وفتحت الباب الوراني وركبت السياره بس ما سكرت الباب . .
انا : شفيج . ." بصدمه " ليش تصيحين . .
شيخه : مهور مابا اتزوج سيف مابا . .
انا انصدمت : انزين ليش . .
شيخه تطالعني وتصيح : ماااااااباه . . قوليلهم اني مابا . . انا ماقدر اقول مااااااقدر . . ليتك يا يدي عاااايش جان قلتله وحل لي المووووضوع
انا : ممكن تقوليلي انزين ليش بس عطيني سبب واحد . . !
شيخه تمسح دموعها . .
>
<
>
سيف : بنت عمي . .
شيخه تصد : هلا سيف . .
سيف : ممكن تين شوي اهناك . . " ياشر ع مكان مافيه حد "
شيخه : ليييش ؟
سيف : بغيتج ف موضوع
شيخه : اوكي . .
ومشت وراه وسارو . .
سيف : اليوم ابوي ناوي يفاتح ابوج ب موضوع زواجنا . .
شيخه ارتكبت : شو . .
سيف : ادري انج ماتفكرين فيني . . وانا بعد مافكر فيج نهائياً ولا ابي ارتبط في حد حاليآ . .
شيخه تمت تطالعه . .
سيف : اذا انا رفضت بس ابوي بيحن ع الموضوع ما بيسكت . . لكن لو انتي رفضتي بعد بيسكرون السالفه كلها . .
شيخه : بس انا عمري ما رفضت ولا قلت لا حق الكبار . .
سيف : عيل تبين تتزوجيني ؟
شيخه تطالعه . .
سيف : انا ماباج ولا ابا ارتبط فيج . .
شيخه : وانا بعد ماقلت اني اباك
سيف : خلاص عيل انا برفض وانتي رفضي والسالفه كلها بتتسكر . . تمام ؟
شيخه : زين . .
وراحت عنه بسرعه . .
>
<
>
شيخه : انا ماباه مهور والله مابباااااه . . مستحيل اتزوجه وانا اعرف الي سواه فيج وعقب عشره عمر اهااااانج وايد وحرق قلبج ب نوره وسوا وايد اشياء انا مابا واحد نفسسه لكتنننننن
انا : لكن شو . .
شيخه : لكن جرحني يوم قالي ماباااج ولا ابا ارتبط فيج وانتي تصرفي . .
انا : سيف جييه . . طبعه جيه . كلامه جي ماعنده اسلوب احيانا بالذات لو ما يبا شي بيتم يجرح بدون ما يقصد . .
شيخه : انا مابا اتصرف بروحي ماعرف اخاف استحي . .
انا : خلاص خلي الموضوع علي انا بحله . .
شيخه تطالعني : صدق . .
انا ابتسمت : صدق
شيخه تحظني : والله حبيبتي مهور احححححبج . . الله عوضنا فيييج . .
انا : حبيبتي والله خلاص اهدي . .
بعدها قمت من عندها وانا ماعرف اتصرف لكن قلتلها جي عشان تهدا . . وما يا ف بالي الا شي واحد . .
انا : عمي سعيد . .
عمي سعيد : ها ابوي . . هلا بالغاليه امري
انا : عميييه تعال شويه اباك ف موضوع . .
سيف لاحظ وتم يطالعنا .
عمي سعيد: ان شاء الله ابويه
وقام ويايه وابتعدنا عنهم تمينا نمشي . . وهو حاط ايده ع ظهري بحنيه . .
عمي سعيد : شو فيج ابوي ؟ وليد ضايقج ب شي بعد ؟
انا : لا عمي الموضوع ما يخص وليد . . يخص شيخه و سيف . .
عمي سعيد عاقد حياته : بلاهم ؟
انا : شيخه كانت تصيح فالسياره لانها ما تبا تتزوج سيف . .
عمي سعيد باستغراب : وليش تصيح . . خلاص ماتباه محد بيغصبها . .
انا : ترا هي عمرها ماردت ابوها وتخاف عمي حمد يصر ع الموضوع وعمي خالد يوافق
عمي سعيد : لالالا تخاف ولا شي خلاص انا بحل الموضوع الحينه يالله مشينا
انا : صدق . . شو بتسوي
عمي سعيد : ماعليج خلاص الموضوع عندي . .
اول مارجعت شافني وليد
وليد : شو تسوي ويا حرمتي ابويه
عمي سعيد : ماشي والله كنت خاطفنها واحين رديتها لاحظانك
انا : ههههههههههههههههههههه
وليد يطالعني وابتسم . .
عمي سعيد ييضربه ع جتفه : يوم انك ماتروم ع فراقها حق شو تزعلها يالهرم . .
وليد يطالع عمي : حيوان . . غبي
عمي سعيد : والنعم فييك وف من رباك . .
وليد : ههههههههههههههههههههههه
سار عمي سعيد عنا وانا طنشت وليد عمداااا ورحت . .
لما قعدت عالكرسي جان يبتسم لي ابتسامه عريضه . . بعدها نزل الكاب ع ويهه وحطا ايدينه ف جيبه وتم يمشي . .
شهود تبتسم : ماروم ماروم . .
انا اطالعها وابتسم . .
شهود : والله وايد لايقين ع بعض . . الله لا يفرقكم
ابتسمت وقلت ف قلبي امييييين . .
عنود : عبدالله حبيبي تعال ألبس جاكيت . .
عبدالله : مابااا ياعنود الجو مش براد لهالدرجه . .
عنود : عببببببدالله تعاااال بسرعه
عبدالله : مااااباا ماااباا . .
عنود : لاتستويلي صقوري الثاني وتخليني ايييييك ألبسك غصب
انا وشهود وميروه متنا من الضحك : ههههههههههههههههههههههههه ههههههههههههههههه
عبدالله يطالعنا : زين جي . . ضحكتي العذااااال . .
عنود : يوم ماتباهن يضحكن تعال ألبس . .
عبدالله : افففففف . .
يا صوبهاا وخذا عنها الجاكيت ولبسه . . وعقبها باس راسها وراح . .
انا صديت شفت خلود تطالعهم وتبتسم عقب نزلت راسها . .
انا اطالع خلود : شفتج . .
خلود : بسم الله رادار ؟
انا ابتسم : اعترفي شو دار ف بالج . .
خلود : ولا شي والله مستانسه ع اختي وحبيبتي وبنت عمي عنود . . دوم اباها جي مستانسه . . ماتفرحين لميروه انتي ؟ انا افرحلها بعد ..
ميره : يالمنكككككككر
انا : هييييه اساليني انا عن المنكر ههههههههههههههه
وضحكنا كلنا . .
شهاب : مهره !!!
انا : بسم الله شو . . خوفتني
شهاب : شلي هالياهل . .فشلتني والله وهي تتلصق فيني . . حتى ابوها قام يشوفها ما بقولها شي
انا والبنات : ههههههههههههههههههههههههه هههههههههههههههههه
رقوي تحط ايدها ع خصرها : اصلا والللللللله يحمد ربه وحده تسويله سااالفه مثلي ولا هو ما يستتتتااااهل . .
شهاب بعصبيه : دام ما استاهل ليش تلحقيني من مكان لمكان . . " يطالعني " بروح اغرق والله ترى
انا : ههههههههههههههههههههههههه هههههههههههههههه
خلود : ههههههههههههههههههههههههه ههه حسبي الله عليج من اخت فضحتينا . .
رقوي : انزين خلاصصص خلااااااص بيلسسسس والله ما بلحقك . .
شهاب : احححححسن . .
ومشى راح . .
انا : اثقلي حسبي الله ع عدوج مش جي عاد
رقوي : شو ابا فالثقل . . جريب بنملج والله ما اثقل
ميره : خليها خليها خبله هاي . .
انا : وين ريلج ؟
ميره : ويالرياييل اهناك
انا : شو الوضع اوكيه ؟
ميره تبتسم : عال العال . .
شماني : متى بترديين ميييره . . نستفقدج فالجمعات والله
ميره : يمكن هالاسبووع . . تبين الصدق ؟ ع كثر ما اشتقتلكم مابا ارد . . متونسه
انا : ههههههه حبيبتي واالله ي عسى دوم ..
ميره : اتنتي بعد ماوصيج خلاص . . بسج دلع ودلال
يدوه تصارخ من بعيد . .
انا : وابويه . .
خلود : نشو نشو خل نساعد الحريم عن تجتلنا يدوه . .
ونشو البنات يساعدون يدوه ع الغدا وطبعا انا ع راسي ريشه ههههههههه بما اني حامل الحمدلله يدوه مول محد يطلب مني شي . .
مروان : بنت عمي وين حرمتي . .
انا : عند يدوه يساعدونها عشان يحطون الغدا . .
مروان : بروحلها عشان تاخذ دواها اكيد نست تاخذه ع الوقت . .
ابتسمت له وراح بعدها . .
وليد ياب الكرسي الي شوي بعييد عني ولصقه فيني وقعد . .
وليد : بتغدا وياج اهني . .
انا : عادي تعودت اكل بروحي . .
وليد : ماعليه بما اني شفتج ما بخليج تاكلين روحج . . وخبرت يدوه بعد . .
سكت ما قلتله شي . . بعدها تم يعطس . .
انا اطالعه : شفت انك مرضت . . ليش لابس جي . . ليش مش يايبلك شي ثجيل
كان لابس برمود جينز وقميص اسود كت . .
وليد : ماتوقعت الجو بهالبروده . . " يطالعني " بعدين ماعندي حد يهتم ويخاف عليّه ف حق شو . .
انا : ايواه . . زين زين . .
عنود يايه صوبنا ويايبه صينيه الاكل . .
قام وليد وشلها عنها : مشكوره بنت عمي ماقصرتي . .
عنود تبتسم : افاعليك . . مهور ترا انا بوكل حمودي
وليد : هااتييه اهني انا بأكله لا اتعبين روحج بنت عمي . .
عنود : جب جب انت تم ويا حرمتك اهني وتراضو مصختوها . .
وليد يبتسم . .
وراحت عنود . .
قعد وليد ع الكرسي وحطا الصينيه ع ريوله . .
وليد : بوكلج . .
انا : مشكور اعرف اكل بروحي . .
وليد يزهب اللقمه ويمد الخاشوقه . . : بطلي حلجج . .
انا اطالعه : مسلسل تركي ؟
وليد : بطلي يالللله قالت مسلسل قالت . .
كلت اللقمه . . تم بوكلني بعدها سلطه ولقمه ورا لقمه وفجاه لاحظت انه اصلا ما ياكل . .
انا : ليش ما تاكل . .
وليد : مش يوعان . .
انا : خلاص لا تعطيني كل . .
وليد : شبعان والله . .
انا : ماباكل شي . .
وليد تم ياكل : ها كلت ارتحتي ؟
انا : انزين منو قالك اني ماكلت عشانك ؟
وليد يبتسم : هيه ادري . . مول ماعرفج . . يالله اخر لقمه . .
كلت اللقمه عنه وبعدها نزل الصينيه و وداها شوي بعيد . .
وليد تم يعطس . .
انا : بيقعدون اهني لين جريب المغرب . . بتم انته جي فهالبراد وتعاطس جدامي
وليد : انزين شسوي مش يايب شي
انا : روح جوف حد من عيال عمي يمكن ياييبين . . ولا قوم رد البيت هاتلك جاكيت خفيف ع الاقل . .
وليد : بتردين ويايه ؟
انا اطالعه . .
وليد : اذا بتردين ويايه نيب جاكيت بروح . .
انا :ماقدر اخلي حمودي بروحه . .
وليد : ماعليه خوف شوفي الكل مهتم فيه . . وانا بوصيهم
انا : روح انت بسرعه وارجع . .
وليد : ما بتين يعني ؟ مش رايح . .
انا : كيفك انت الي بتمرض مش انا . .
وليد : حسبالج تفرق معايه يعني ؟ ماتفرق . .
انا بنرفزه : قوم روح شو بيستوي عليك . .
وليد : بتين وياي ؟
انا تميت اطالعه . .
وليد : بنيب بس جاكيت وبنرجع . . ما بنطول . .
انا قمت : قوم بسرعه فكني . .
وليد ابتسم ب انتصار . . : بقولهم ان بنروح وبنرجع وبرد . .
انا : زين . .
سبقته السياره . . شوي ويا وشغل الدفايه . . الجو فجاااه برررد حيييل . . ياربي شكثر احب الشتتتتتا . . حررك وليد وتم يمشي ع البططططططططططططططططططيء
انا : متى بتوصل ع هالسواقه . .
وليد يطالعني ويبتسم : تبين كرك ؟
انا اطالعه وابتسمت غصب . .
وليد : اوكيه اوكيه نسكافيه . . تبين؟
انا : بشرب . .
رحنا بعدها وخذالنا نسكافيه . . بدت فطرات المطر اطيح . . كان الجو غرآآآآآآآم . .
انا : وقف ف مكان لا تسوق والمطر يطيح . .
وليد : من عيوني . .
بركن السياره وليد ف مكان وكان الجو عجيب عجييييييب والمطر يزيييد بقوه . .
وليد : هههههههههههه . .
انا اطالعه : ع شو تضحك . .
وليد : ع حال الاهل الي ف البحر شو ترتيبهم . .
انا : لا تحاتي شهاب يايب كم خيمه بييلسون داخلها . . يعني يعرفون الجو حلو ويمكن يطير مطر ف حاسبين حسابهم . .
رن تلفوني ونقزت جان ينجب علي النسكافيه وانا اشرب . .
انا اشهق . .
وليد ياب كلينكس بسرعه وتم يمسح ع رقبتي : احتررررررقتي ؟؟؟
انا : لا . . دافي الحمدلله ماحترقت . .
وليد تم يمسح : صدق والله
انا : هيه . .
وليد : منو الحمار متصل احين . .
شفت المتصل كان عمي سعيد . .
وليد : شت . .
ابتسمت ورديت اتصلت ف عمي . . : الو . .
عمي سعيد : وينكم ابويه ؟
انا : فالشارع عمي موقفين لا تحاتي ماخليته يسوق . .

[اسطورة !]

عمي : امانه عمي امانه ماتحركون لين يخف المطر لا تسوقون بهالجو . .

انا : ان شاء الله لا تحاتي . .

عمي : خلي التلفون صوبكم كل ساعه بتصل . .

انا : ان شاء الله عميه . .

عمي : هذي امج تحاتيج اندوج كلميها . .

انا : ها اميه . .

اميه : مهره اميه وينكم . . ليكون وليد يسوق

انا : لا اميه والله موقفين السياره لا تحاتين . .

اميه : شو طلعكم والجو جذه الله يهديييكم . .

عمي سعيد : خليهم خليهم يتراضون ما تبينهم يتراضون ؟ ودامهم موقفين السياره ماعليهم خوف لا تحاتين . .

اميه : زين اميه مش مشكله خلاص بس مثل ما قال عمج لا تحركون خلكم لين يوقف المطر . .

انا : ان شاء الله فديتج . . ان شاء الله . .

سكرت وبعده وليد قاعد كل شوي يمسح ف مكان فيني . .

انا مسكت ايده : خلاص بس . .

وليد تم يطالع ايدي وايده . .

ييت بوخر ايدي جان يمسكني بايده الثانيه بعد ويرص ع ايدي بقوه . .

انا اطالعه . .

وليد : انا غلطت ف حقج . . واعترف ب غلطتي . . للحين كلامج ف اذني ايام قبل يوم كنتي تقوليلي انا ما الومك عاذرتنك لو شكيت فيني وكنتي دوم تسامحيني ع شكي وتحطيلي ألف عذر و عذر والله كلامج كله ذكرته . . ادري اني مصختها واايد وجرحتج وايد هالمره . . اي ريال ف مكاني بيسوي نفس الي سويته حزتها الواحد خلاص مخه طاير ما يفكر ب شي . . لكن والله ع هالتجارب كلها ترا احنا نتقرب من بعض اكثر وعلاقتنا ف بعض تكبر اكثر واكثر " يطالعني عين بعين " ترا انا مابا اخسرج بنت عمي . .والله اموت ولا اني اخسرج . .

انا : بعيد الشر عنك . . ولد عمي انا دوم احطلك اعذار ودوم اسامح وما الومك لانك تحملتني وايد وف امور وايد . . ولاني مابا هالعلاقه الي بينا تنتهي ابدا . . ليتك تعرف شكثثر " بصوت هادي " شكثر احبك . . وشكثر انا عميانه عن غيرك وماشوف غيرك . . شكثر انت بس الي تغنيني عن الدنيا كلها . . لو تفهم هالشي بس بيخوز كل الي فيك وما بيتكرر

وليد يقاطعني : والله ما بيتكرر . . اوعدج ما يتكرر . . خلاص . . توبه توبه والله توبه حرمت . . بجتل عمري ولا اني اشك فيج مره ثانيه . .

انا : ماوعدك اني ابقى معاك لو تكرر الي صار

وليد : ما بيتكرر يالغاليه . . اوعدج انه ما يتكرر طول ما احنا عايشين . .

ابتسمت . .

وليد يحط ايده ع ويهي : اشتقتلج حيل والله . . والله اشتقت لج حيل . .

انا انزل راسي : وانا بعد . . وايد خفت ان الي بينا بينتهي واني ماقدر اسامحك . .

وليد : لكن .؟ سامحتيني . .

انا اطالعه : سامحتك والله . . ولو ان قلبي شايل عليك شوي لكن بشوفتك وقربك يرضى بسرعه . .

وليد بنظرات حنيه : احبج . .

ابتسمت بحيا : وانا احبك . .

“cut”

[اسطورة !]

البارت الـ 48
اليوم كان اخر يوم امتحاناتي الفاينل . . اليوم خلصت من شي اسمه كليه وافتكيييييييييييييييييييي يييت . . بعدني ماشفت النتيجه بس ان شاء الله ظااااامنة النجااااااح احس حلييييت زيييين و وايد زييين بعد . . من تعب الامتحااااانات رقدت بعد صلاه العشا ع طول . . كنت ميته تعبببببببببب حدي . . خليت وليد يهتم ف حمووودي ومايدخلون علي مابا اسمع حسسسس من كثر التعب . .
فجججججاه !!
قمت على عووووووووووق فظييييييع . . احس ب ثجل وألم ما ينوصصصصصصف . . قعدت اصااااارخ وازقر باسم وليد . . ماقدرت اتحمل العووووق قعدت اضرب السرير بقوه وانا اصيح واصارخ . .
وليد يركض : شفييييج . .
انا : ألمممممممم . . احس اني بربي . .
وليد : هااا . . شووو . . تررررربيييييييين
انا اصارخ : اتصصصصصل ف عنووووود وامي الحيييين
وليد يا صوبي وشفت الوقت كان 3 الفير . .
انا : لالا تتصل ف حححححد . . بيخافون . . " اغمض عيني بألم " ودني المستشفى الحييييييين . . وشل هالشنطه الي اهناك معاك . .
قعدت اصارخ ماقادره اتحمل . . بقوه قدرت انش وأبدل وألبس عباتي . .
انا : روووووح عند الخدامه قولها ترقد فوق عند حمووودي . .
وليد يطالعني : بتصل فيها
انا اصارخ : روووووح الحيييييين خل تروحله
راح عني بسرعه وردلي بسرعه . . قعدت اسغفر شوي واصارخ شوي ف السياره مش قادره اقبض عمري . . ماحسيت بعمري الا وانا فالمستشفى من سرعه وليد . .
دخلوني على طول وفحصتني الدكتوره وقالتلي انتي واااصله خلاص بتربيييين . . على طول سوولي الاجراءات عشان يدخلوني غرفه العمليات . .
وليد دخل عندي الغرفه وكانت نظراته صارمه حيل . . قعد ع السرير ومسك ايدي . .
وليد : الله يسهل عليج حبيبي . . الله يسهل عليج يارب . .
تنزل دموعي : انا وايد تعبانه . .
وليد قرب راسه مني وباس يبهتي ومسح دموعي . . : تحملي شوي بس . . " يبتسم " شوي وبنفرح بشوفة ولدنا . .
رصيت ع ايده بقوه وغمضت عيني . .
وليد : تبيني ادخل معاج . .
انا اهز راسي ب لا . .
وليد : ليش
انا : بحس بالضعف لو كنت مووجود . .
وليد : بكون ماسك ايدج بس . .
انا اهز راسي بالرفض . .
دخلو بعدها النيرسات و دخلوني غرفه الولاده عقب فحوصات ودنيا وعفسسه . . .
آآآآآآآآآآآآآآخخخخخ الشي الي حسيت فيه كان فظييييييييييييييييييييييي يع . . فتره الولاده كانت اقوى ألمممممممم حسيييييييته ف حياتي . . حسييييييت بالمووووت من قوه الالام الي احس فيها . . كنت بس اسمع كلام الدكتوررره واسوي الي تقوله . . اصارخ أتألم اقوووولهم خلاصصصصصص ارحموني . . كرهت الي ف بطني من كثر الالم الي يالسه اعيششششششه . . على هالحاااااااال مرت فيييينا 40 دقيقه وبعدها طلع . . . طلع ولدي . . .
من سمع صوت ياهل يصيح جان اهدى . . جان اطيح وغمضت عيني ولا شلته ولا حطيته ع صدري . . مع انهم يابوه صوبي لكن ماقدرت . . التعب الي احسه فظيع ماقدر اسوي اي شي . . تمنيت امي ولا تمنيت اختي ولا بنات عمي يكونون موجودات . . تمنيتهم يشوفون ولدي اذا كان بخير ولا لاء . . اختفى صوته يمكن ودوه عند وليد ولا مادري وين ودوه ماعرف ماعرف . .
عقبها تميت نص ساعه زياده وبعدها طلعت . . كنت مغمضه عيني لين وصلت الغرفه ومن فتحتها شفته جدام عيني ماسك ايدي ومبتسم . .
وليد : الحمدلله ع السلامه . .
صديت ويهي الصوب الثاني مادري ليش مابا اشوفه ولا ابا اكلمه . . تميت صاده ويهي فترره لين دخلو علي . .
اميه : اميييييه مهررره
عنود : مهاااااااااري حبيبتييييييييي . .
شهاب : السلام عليكم . .
يو صوبي امي واختي ويصيحوووون . .
عنود : انتي حماره !!!!!!! لييييييييش ما اتصصصصصصصلتي فينا ليييييش
اميه تمسح ع راسي : شو تحسين . .
انا : تعب .. ألم ماقدر اوصفه . .
شهاب : تستاهلين ماياج الغاليه . . تستاهل ماياك بو حمود . .
وليد مايرد عليه ويطالعني . .
اميه : شفته وليد ؟ اذنت ف اذنه ؟
وليد : هيه اميه . .
دخلو النيرسات ويابوه صوبي . .
كنت احس برجفه فظيعه وخوف . . شلته عنود وهي تصلي ع النبي وتسمي . .
قربوه مني وحطوه بين ايدي وحطيت عيني ب عينه وحسيت ب احساس خيالي . . احساسسسس ماعرف ماعرف كيف اوصفه . . الالم؟ التعب ؟ كل الي احس فيه لوهله توقف وانا شاله ولدي بين ايدي . . قعدت اشوفه واحط ايدي ع ويهه . . حبيبي . . هذا ولدي انا . . ابتسمت لا ارادي وانا اشوفه وامسح ع راسه . .
كانت هاللحظات كلها لحظات يديده علي . . لحظات غريبه . . احساسيس يديده واشياء عمري ما حسيت فيها من انولدت . . . !
على العصر يوني بنات عمي زياره سريعه . . نسيت اقولكم ان اليوم ملجه شهاااااب ورقوي . . هههههههههه طبعا انا ربيت ف الوقت الغلط لكن رقوي كانت بتنهار لو اجلت المجله ف انا ابد ما حطيت ف خاطري وكنت اول المشجعين انهم يكملون ملجتهم خاصه طلبات البوفيه والصوالين . . صعب يكنسلونها . . شهاب كان وايد مضايج واضارب ويا رقوي بسبتي لانها ماطاعت تاجل لكن عقب حنه واصرار مني وافق انهم يسوون الملجه . . الملجه راح تكون فالبيت ويا اهاليتنا الي من بعيد بعد والربع . . للعلم ان ماشي عرس عسبت يدي الله يرحمه ملجه وخلاص . . شكلها وراثه فالعايله اغلبنا طلعنا من بيت اهاليتنا بعد الملجه . .
اميه بس الي كانت وياي وما فارقتني . . كنت اصر عليها تروح لكن ماراحت ولا خلتني دقيقه . .
وليد دخل . . : السلام عليكم . .
انا واميه : وعليكم السلام . .
وليد : ابوي واعمامي بيدشون . .
اميه عدلت شيلتها عدل : حياهم حيااااهم . .
عمي حمد : السلام عليكم . .
عمي خالد + عمي سعيد : السلام عليكم . .
انا ابتسمت بفرحتي فيهم: وعليكم السلام
اميه : وعليكم السلام ورحمه الله . . حي الله من يانا . .
عمي حمد قرب صوبي وباس راسي : الحمدلله ع سلامتج ابوي . .
انا ابتسمت : الله يسلمك عمي . .
عمي خذى ايدي ومسكها بقوه حسيت قلبي توقف . . قبضه ايده القويه تشبه المرحوم . . بلعت ريجي بقوه وحاولت ما ابين لكن كان الشي قوي ححييييل . .
من الصوب الثاني يا عمي خالد وباس راسي وتحمدلي بالسلامه . . وبعدها عمي سعيد . .
عمي سعيد : تستاهلين السلامه ابويه
انا : الله يسلمك عمي . .
عمي سعيد : وينه ولدنا عيل ما شفناه . .
وليد يبتسم : توه رقد طول الوقت يصيح . .
عمي سعيد سار صوب السرير الصغير وقعد يشوفه ويضحك . .
قام بعدها عمي خالد وسار وقف صوبه : شو يضحكك . .
عمي سعيد : ما يشبه وليد يوم صغير . . اول ما انولد . . فعصوووص هههههههههههه
عمي خالد : هههههههههههههه والله ماحيد . . انت ادرى . .
وليد : احين انا كنت فعصوصصص ابويه . . والله شفت صوري كنت جميل
اميه : توه الولد مولود مسكين مافيه ملامح اصبرو عليه وين شبهتوه من احين . .
ابتسمت . .
عمي حمد : يتربى بعزكم يارب . . " يبتسم لي " ابوي لو موجود الفرحه ما بتوسعه اليوم . .
الكل : الله يرحمه . .
انا : الله يرحمه ويغفر له يارب . .
وليد يطالعني وابتسم . .
قام بعدها عمي حمد وسار صوب ولدي وتمو يلاعبونه هم الثلاث لين قوموه !! وشلوه واستانسو عليه وضحك وسوالف
عمي سعيد : سميته وليد ولا بعدك . . .
وليد يطالعني : الشور عندها ابويه هي بتسميه . .
عمي خالد : شو ناويه مهره . .
انا ابتسم : كان خاطري ف حمد . . لكن دام عندنا حمد الحين بسميه حميد . .
ولييد ابتسم . .
عمي حمد : حمد وحميييد . . الله يخليهم لكم يارب . .
انا : اميين ان شاء الله . .
عمي خالد : يالله طولنا عليهم البنت تعبانه خل ترتاح . .
انا : لا عمي والله منورين . . خلكم شوفتكم تشل التعب كله . .
عمي سعيد : بني باجر ان شاء الله . . انتي ارتاحي اليوم . .
بعدها طلع عمي حمد : ألفيين وحطهم تحت مخده ولدي . . وطلع عمي خالد بعد ألفين وحطهم تحت المخده . .
عمي سعيد : يالله ابوي انا شال الولد ويا مخدته وبنروح عندنا شغله
الكل : ههههههههههههههههههههههههه ههههههههههههههههههههه
طلع بعدها عمي سعيد اربعت الاف : ها حفيدي . . نظر عيني ماتكفيه فلوس الدنيا كلها . .
وحطهم بعد تحت المخده وويو صوبي سلمو علي وراحو . .
انا : وليد وصل اميه خل تروح ترتاح . .
اميه : لالا انا مرتاحه اهني . .
انا : ماعليه اماايا روحي بدلي ثيابج وصلي وتعشي
اميه : الحمدلله ثيابي نظيفه وصليت فرضي والعشا بناكله انا وانتي سوى . .
وليد : انا بروح اسميه . .
اميه : روح فديتك . .
راح بعدها وليد يسميه . . ورد قعد معاي لين فليل على صياح حميد الي بدااا من اول يوم ماشاء الله عليه ولا خلاني اقدر ارقد . . وليد ما خلوه يتم اكثر وانطرد وراح . . تمت معاي اميه بس . . كان فيني فضووول اعرف شصار واقرا فالقروب لكن من التعب ماقدرت افتح شي ومن حصلت فجه رقدت !!
بعد يومين فالمستشفى طلعت . .
كنت ف يبت اميه والكل حوالي . . .
انا : يالله خبرووني دام صرنا رواحنا الحييين . .!!
رقوي كانت لابسه فستان تركواز مرتب ع جسمها مع مكياج وايد سمبل وبارز ملامحها . . كانو طول الوقت مرتبشين ويضحكون لين ما قالو ان شهاب بيدخل . .
رقوي ترجف : احلفو انه بيدش الحين . .
شيخه : ههههههههههههههههههههههههه ههههههههههههه
رقوي : ماقدر بموت . .
ميره تمسكها من جتووفها : هدي روحج . . خل يشوفج واثقه ما يقول ياهل وترجف . .
رقوي تبلع ريجها بخوف : شكلي زين
ميره : قمممر تجننين !!!
بدت الزغاريط ودخل شهاب . .
كان منزل راسه ومسسسسسسسسستتتتتتتتحي . . عنود كانت تمشي وياه لين ماوصلو صوب رقوي . .
شهاب يطالع عنود : شسوي . .
عنود : بوس راسها . .
تقرب شهاب وباس راسها . .
كانت طول الوقت منززللللله راسسسسها وماتكلمه ولا تطاااااالعه . . تمت المصوره تصورررهم وكل ساعه يدخل بينهم ويتصصصور . . وللحين رقوي ساكته ومالها اي حس . .
شهاب يطالعها : مبروك . .
رقوي ماترد ولا تصد صوبه . .
شهاب : شدعوه الطاف . .
رقوي ماردت عليه . .
بعدها يت عميمه ونثرت عليهم فلوووووس . . وعفد ولد عميمه فوق رقوي كان بيطيحها ههههههههههههههههه . .
شهاب بعصبيه : شوي شوي بغيت اتموتها . .
رقوي اطالعته كيف عصب واستانست بس ارتباكها خلاها ماتبين اي شي . .
عميمه : نشو نشو خلاص سيرو تصورو . .
قامو بعدها وسارو صوب الميلس بحيث الات التصوير وكل شي اهناك . .
تمت المصوره تقولهم الحركاات الي يسووونها وكانت رقوي ترجف حيييل بشكل ملحوظ . .
شهاب : شفيج . . ماباكلج . .
كل ماكانت المصوره تقولهم يتقربون هي ترجع ع ورا . .
شهاب : شو موضوعج ؟
رقوي كانت ما تطالعه . .
شهاب : قربي . .
رقوي : خلاص بسنا تصوير . .
شهاب انصدم : من صدقج . .
المصوره : شوي شوي بسسسس مداااااااااااام . .
ويت صوبهم تقربهم غصب . .
الصوره كانت انها تحط راسها ع صدره وهو حاظننها من ورى بايدينه . .
شهاب : دقات قلبج واصله لين مخي . .
رقوي : ممكن تسكت . .
شهاب : هههههههههههههههههه . .
وعلى حركات بسيطه خلصو التصوير . .
دشو البنات عقبها ويايييبن لهم عشا . . يلسو يغلسون عليهم وبعدها طلعو . .
شهاب : بتقعدين بعيده ؟
رقوي : . .
شهاب : ههههههههههههههه
رقوي تطالعه : شو الي يضحكك هالكثر . .
شهاب مبتسم : اول مره اشوفج مستحيه . .
رقوي : . . .
شهاب نش وتقرب وقعد حذالها وايد . . وهي اطالعته . .
شهاب : شفيج بتعشا يوعان . .
تمت ساكته ما تتكلم . .
شهاب ابتسم وقعد يطالعها : الحين تاكدت انج ياهل . . وين طواله اللسان الي اطول عن برج خليفه ؟
رقوي صدت ويهها الصوب الثاني . .
شهاب مسك ايدها وبعده مبتسم : وين متى نملج عشان احظنك . .
رقوي تطالعه وارتجفت اكثر من ابتسامته ومن قربه منها ومن لمسه ايده . .
شهاب : مبروك . .
رقوي تنزل راسها ب حيا : الله يبارك فيك . .
شهاب : مستانسه ؟
رقوي : مادري . .
شهاب : شوووو . . " يرفع ويهها بايده " شو قلتي . .
رقوي : هيه مستانسه " تبتسم "
شهاب يبتسم : زين ابتسمتي لنا . . شهالحلاه شهالزين . . وين هالحلا كله كان مخباي ؟
رقوي : انت عينك مخبقه . .
شهاب : شقلتي . .
رقوي : عيني معمااايه معماايه ماتشوفني . .
شهاب يبتسم : عيني تلاحظ الزين بس
رقوي : شقصدك ان شاء الله
شهاب ابتسم : هيه جيه . . طلعي الرجوله الي فيج . .
رقوي فاجه عينها ع وسعهن . .
شهاب : هههههههههه " يبتسم " لا جد جد مبرووك . .
رقوي : انزين الله يبارك فيك خلاص " تبتسم " وانت بعد مبروك . .
شهاب يبتسم : جاوبيني بصراحه . .
رقوي تطالعه . .
شهاب : مستانسه . . ؟!
رقوي : وايد . .
شهاب : ما بتندمين ع هالقرار . .
رقوي تطالعه : اندم ع شو . . انت مينون . .
شهاب : انج تزوجتي واحد اكبر عنج ب وايد . .
رقوي : هالاكبر عني طلع لي عيوني لو حبيت واحد قدي شو بيسووي فيني
شهاب : منو بيتقبلج غيري اصلا " يبتسم " . .
رقوي : وايد انزين
شهاب عاقد حياته : شو . . من ان شاء الله حطا عينه عليج . .
رقوي : ولد خالوووو مثلا . .
شهاب : ابوا . . ترا في مجال تقدرين تغيرين يعني . .
رقوي : لا ماشي خلاص طاح الفاس بالراس . .
شهاب كان ياي يقوم . .
رقوي مسكت ايده : ايييييه اسولف . .
شهاب : وخري
رقوي : واللللللله اسسسسسولف بلاك
شهاب : وخخخخري ايدج اقولج . .
وقفت رقوي بسرعه ومن وقفت تقرب منها شهاب وحظنها . .
رقوي ؟ كانت خلاصصصص . . جثثثثثثه !!! لا دقات قلب لا ملامح لا شي . . اتوقف نبضضضضضضضضها . .

شهاب يحظنها بقوه . . . : ان قلتي ان واحد حطا عينه عليج مره ثانيه لا تلومين الا نفسج . .
رقوي بعدها ميته ميته ما تتكلم . .
شهاب بحنان : شكثر كنتي متلهفة علي وتتريين هاليوم ؟
رقوي : . . .
شهاب يرص عليها اكثر : ترا انا ب كل لحظه كنتي تقوليلي اياها تبين تحظنيني اموت اكثر واحس بالضعف . .
رقوي : . . .
شهاب : هههه شفيج ؟ توفيتي ؟ ماسمع لج حس . .
رقوي ماتتكلم بعدها . .
شهاب كان ياي يوخر عنها يشوفها لكن قبضتها له كانت اقوى . . ماكانت تبيه يبعد . . تمت حاظنته باقوى ماعندها وهي مرسومه ع ويهها ابتسامه مع دموع الفرح بقرب شخص شكثر تمنت يكون لها وتكون قريبه منه ..
انا : ياويل حالي عليك ياااا اخوووووي . .
شيخه : تخيلي تمو سسسسوى لين 5 الفييير . .
ميره : ههههههههههههههههههههه واحنا داشين طالعين عليهم . .
خلود : حميير اقولهم خلوهم ف حالهم لكن لا حياه لمن تنادي . .
انا : هههههههههههههه انزيييين وعقب شصاااار . .
شهود : بس ها الي خبرتنا اياه وعقبها راحو دبي . . وللحين مانعرف عنها شي . .
شماني تبتسم : الله يهنينهم يارب . .
حمد يركض : مااااااماااااه . .
انا : عيون ماماااه . .
حمد : ابا اسسسسسكرييييم . .
صقوري ييني : مممحااااااري
انا : فديت مححححاري انا . . ها حبيبي شو تبا . .
صقوري : اسسسسكريم . .
انا : سيرو ويالشغاله الدكان . .
صقوري : هاتي فلوسسسسسس
انا : ههههههههههه استويلك فلوووسسسس . . " اطالع شهود " اسمحيلي شهود بتامر عليج بس طلعيلهم فلوس من حجرتي وعطيهم
شهود : تعاااالو يالله بعطيييكم فلوسسسس وايد . .
وراحو حجرتي . .
انا ابتسم : صححح شمااني مبروووووك ع الحمال حبيبتي . . احلى خبر سمعته من عقب ما ربيت . .
شماني تبتسم : الله يبارك فيج . .
انا : خبريني شو كانت رده فعل مروان . . !!!
شماني ركبت السياره : السلام عليكم . .
مروان : وعليكم السلام . . شفيج حبي ؟ ليش يايتني السياره فيج شي . .
شماني : ماقدرت اترياك لين تنزل وتدخل داخل . .
مروان : شو فيج خوفتيني . .شي صاير فالبيت . . حد قالج شي . . ؟؟
شماني تبتسم : لا . .
مروان : عيل . .
شماني : مروان انا حامل . . .
مروان فتح عينه ع وسعهن : انتي حامل . .
شماني تهز راسها ب هيه وفرحانه . .
مروان ابتسم : الحمممممممدلله يارب الحمممممدلله . .
شماني تطالعه . .
مروان ابتسم : اللهم لك الحمد . . هاي نتيجه صبرنا . .
شماني : ماحسيت بفرحتك نفس المره الاولى . .
مروان يطالعها . . .
شماني : ليش ما فرحت . .
مروان : فرررحت . . والله اني فرحت وربي عالم بالشي لكن ماكنت ابيج انتي تيني وتقوليلي اياها بهالطريقه المتردده . . انا عارف انتي للحين فيج خوف اني ممكن اتخلى عنج لانج ما حملتي . . لكن لا . . والله حتى لو ما حملتي طول العمر انا راضي . . تكفيني انتي عن الف ياهل وياهل . . ابي اشيل هالخوف منج . . ابيج تردين توثقين فيني نفس قبل واكثرررر . . نفس قبل لما تكونين ظامنه ان مروان ما يهدج لو شو ماصار . .
شماني تنزل دمعتها . .
مروان : انا عارف اني خيبت ظنج وايد . .
شماني : بس قاعد تعوضني وايد . . .
مروان : ماراح اعوض ربع الالم الي عيشتج اياه . . بتم طول عمري اعوضج وانسيج ذيج اللحظات ان كنا سوى روحنا ولا مع " يبتسم " عيالنا . .
ميره ابتسمت : الحمدلله . .
انا ابتسم : وانتي ؟ خبريني شو يديدج . .شو تطوراتج . .
عنود : هاي خليها هي العروس شكلها الحين مش رقوي . . كل يومين فندق مطيييحين . .
ميره : الله اكبببببببر . . عين الحسود فيها دووووود
خلود : ههههههههه عنود ما تحسدج انزييين . .
ميره تبتسم : احين بديت احب المسؤوليه بس لانه هو فييها . .
انا : هههههههههههه لالا جي ماقدر . .
حميد يصيح . .
انا : ياربيه ما مداااه توووووه رقد .
اميه تينا فوق : مهره . .
انا : ها اميه . .
اميه : ريلج اهني يبا ييج . .
ميره : يالله قومو بننزل تحت عقب بنصعد لج . .
انا : هيه ما تشردين لازم اعرف جديدج
ميره : هههههههه انزين انزين . .
ونزلو تحت وقبل لا ينزلون مسكت ايد شهد . .
شهود : امري حبيبتي . .
انا : وانتي متى ناويه تحملين . .
شهود : جب جب انا مستانسه جي واهم شي رشود مستانس . . لاحقين . .
تعطيني بوسه ع الهوا وتروح . .
دخل بعدها وليد وهو يسمع صوت حميد يصيح . .
وليد : مشتاق مشتاق حق ابوه عشان جي يصيح . .
انا ابتسم : ما يحتاي . .
وليد : يمكن امه المشتاقه عيل ؟
انا : ولا فيني من الشوق ذره . .
وليد : يالظالمه . . وانا ميت من الشوق عيل . .
انا : ساعدني دخلني الحجره . .

[اسطورة !]

قومني وليد وشل عني حميد لين الحجره . .
قعدت بعدها ع السرير وقعدنا نلاعب حميد ونلاكشه . .
تقرب وليد بعدها مني وحطا راسه ع ريولي وغمض عينه . .
قعدت أكشش شعره : شعندك . .
وليد يمسك ايدي الي ع شعره : يوزززي

تميت اكشش شعره اكثر . .
وليد : شوفي ترا ماقدر اضربج وانتي جي ف يوزي احسن لج . .
انا ابتسمت : قصورك تمد ايدك علي . .
وليد : حميد تسمع امك شتقول . . تهددني اونه . . " فتح عينه وقعد يطالعني " . .
ابتسمت . . : قوم بروحي احس ب ثجل لا تثجل علي اكثر . .
قام وليد وتساند ع السرير وقعد حذالي . . سحب راسي وحطاه ع جتفه . . بعدها مسك ايدي وتم يمسح عليها ب حنان . .
وليد : انتي نامي ارتاحي الحين . . صايره ماترقدين شوفي الهالات ف عيونج . .
صاح حميد . .
انا : ااااااااه كييييف ارقد انا كييييف . .
وليد يبتسم : خل يعذبج شويه هاي هديه تخرجج . .
انا اطالعه : سبحان الله راقده بدري ابا اريح من صدعه الامتحانات . . ياني صدعه ولدك
وليد : تقارنيييين امتحاااناتج ف ولدي ي حيوااانه . .
صاح حميد اكثر . .
انا : لا تسبني شوف ولدك ما يرضى . .
شليت حمييد وحطيته ف حظني : شو ماااما ..شو حبيبي شو فيك . .
وليد : مكاارر . . يبا يخرب على ابوه الجو بس . . من شلتيه سكت . .
انا اابتسمت . .
وليد : قوليلي جدام ولدج انج تحبيني بسرعه . .
انا اطالعه : وليش انت ما تقول جدام ولدك انك تحبني . .
وليد يطالعني وسكت . .
انا : شفييك تبحلق . .
وليد يبتسم : احبج . .
استحيت فجاه جان اضحك هههههههههههههه . .
وليد : لا والله . . احين صارت احبج تضحكج مهرو . .
انا ابتسم : حميد شوف ابوك . .
وليد شل عني حميد ونزله حطاه ع ريوله . . .
وليد : طالعيني بسرعه . .
اانا ابتسم : شفيك . .
صاح حميد . .
وليد : اطاااعينييي . .
انا : هات ولدي انزين . .
وليد : والله ما ايييبه طالعيني اول . .
ابتسمت لا ارادي واطالعته : هاه . .
وليد : احبج . .
انا : هههههههههههههههههه
وليد : لا والله . . تضحكييييين . . صارت وايد اتضحك الكلمه . .
انا كنت ابتسم ب احراج ما ابتسم مال مصخره بس مادري بلاه وليد ما لقطها حسيب الله شره . .
انا : هااااااااات ولدي . . " سحبته وشليته " . .
وليد : انزين مش مشكله مش مشكله . .
وانسدح وتلحف وعطاني ظهره . . قعدت اسكت حميد وعطيته حليب لين رقد ونشيت حطيته ف سريره . . لاحظت ان وليد ما تحرك ولا حركه شكله رقد بعد . .
بطلت الباب بشويش وطلعت من الحجره وبطلعتي شفت الخدامه مصعده العشا فوق . .
انا : انا مابا شبعانه . . حمود وين ؟
عنود تزاعق من تحت : حمود هكو اهني ويا صقور . .
انا اطالعها من فوق : بنات عمي راحو ؟
عنود : هيه . .
انا : انزين عنود حمود خلاص مسطل بس دخيلج غسليه وبدلي له ملابسه وخل يروح يرقد عند امي . .
عنود : روحي روحي ماعليج لا تحااتين . .
انا : يمكن ارقد انا . .
عنود : رووووحي شو فيج لا تحاتين . .
ابتسمتلها ورديت دخلت الغرفه . . كنت احس ب عوق . . كل ما اتذكر الولاده اموت من الالم اكثر واتعب اكثر . . بصعوبه لين قدرت انسدح . .
كنت بواعي وليد يروح يبدل فالبيت لانه رقد وهو لابس جينز لكن ماهان علي ف خليته . .
تميت اطالع ظهره بما انه عاطني ظهره واذكر كل شي عشنااه انا و وليد من البدايه لين هاللحظه . . كل ذكرياااتنا وكل آلامنا وكل شي عشناااه سوى . . الي خلا علاقتي مع وليد تستمر رغم كل شي شيئين . . التسااامح والتفهم . . كان وليد وايد متفهم و وايد تفهمني ف امور كثييييره وانا وايد سامحت عشان تفهمه الي عطاني اياه . . لولا هالاثنين ماكنت اظن ان انا و وليد بنقدر نكمل سوى ..
وليد : بتمين تمسحين ع ظهري . .
جابلني . .
انا :بسم الله . . انت ما رقدت . .
وليد : لا . .
ابتسمت . . :روح البيت بدل وارقد . .
وليد : ماتبيني ارقد اهني بعد
انا ابتسم : اهناك اريحلك . .
وليد بنبره حنونه : تبين الفكه مني . .
انا : هيه . .
وليد يبتسم : قربي مني . .
انا : انت قرب انا ماروم اتحرك . .
تقرب وليد مني وخلاني احط راسي ع ايده . .
وليد يطالع عيوني : لو قلتلج احبج بعد بتضحكين . .
انا ابتسم : هيه
وليد يمسح ع ويهي ويوخر شعري الي ع ويهي : احبج . .
ابتسمت وغمضت عيني ما قلتله شي . .
تقرب مني وباس يبهتي وطول فيها . . : والله اني احبج . . وانا هايم في بحر شوقج ولذه هيامج . .
ابتسمت له وبعدها غطيييت فالنوم وماحسيت بروحي . . !
== بعد اسبوع ==
طلعت نتايجي والحمدلله مثل ماتوقعت كنت ناااجحه . . فرحت وايد و وليد سوا عزيمه . . طبعا العزيمه لكل العايله ف بيتنا بحكم اني ماقدر اطلع من البيت . . اكتملت فرحتنا ب نسبه رقوي . . يابت 84% . . ف صارت العزيمه عزيييمتين والفرحه فرحتيييين . . فرحه تخرجي ب امتياز وفرحه نسبه رقوي . .
عنود : عبدالله حبيبي انا ابا عزيمه بعد . .
عبدالله :شو المناسبه . .
عنود : اي مناسبه عادي طلع اي شي المهم عزيمه باسمي يعني ولا بس هالاثنين . .
انا : الله يالحسسسسد . .
سيف يبتسم : بالبركه بنت عمي تستاهلين كل خير . .
انا ابتسم : تسلم . .
يدوه : العزيمه الياي في بيتنا انا ماروم اطلع عاده . .
رقوي : انت بعد شهاب سولي عزيمه . .
شهاب يعطيها نظره : وهاي العزيمه ؟
رقوي : هالعزيمه وليد متكفل فيها
شهاب : انا متكفل وياه النص بالنص . .
رقوي : انزين انزين شوي وبيصفعناا . .
انا : ههههههههه شهاب شفيك عليها . .
رقوي : عشان تعرفين كيف اخوج ميت مشاعر . .
شهاب يطالعها : منو الميت مشاعر ؟
رقوي : انا !!
شهاب نش عنها . .
رقوي : اعوذ بالله . .
انا : اكيد مزعلتنه . .
رقوي تبتسم : ههههههههههههههههههههه
شهاب : تغشي اقولج . .
رقوي : ما بتغششششششا ليش اتغشا ف اللفت . .
شهاب : انتي حيوانه . .!!!!! ترا بتنزلين تحت فالاستقبال بيشوفونج . .
رقوي : مابتغشششششا . .
شهاب بعصبيه : دشي داخل مابنروح راك . .
رقوي يايه ترجع تدخل : اوكيه . .
ودخلت والامور طيبه عندها وفصخت عباتها وشيلتها . .
شهاب بعصبيه : شو بيستوي عليج لو تغشيتيي . .
رقوي : ماااابا اتغششا ليش اتغشا انا مش حاطه شي ع ويهي شوف هاا
شهاب : استغفر الله . . انتي ليش ماتسمعين كلامي . . ليش تعانديني . ؟
رقوي : ليش تبيني اتغشا " تبتسم " تغار علي . .
شهاب يطالعها بعصبيه : لو واحد من ربعي كان موجود وشافني . . اخليه يشششوفج . . انتي بقره ما تفهمييين . .
رقوي : خل يشوف عشان يقول يا حظه شهاب ماخذ غزال . .
شهاب تقرب منها بعصبيه . .
رقوي : اسسسسسولف اسولف . . وابويه بتضربني شووووووو . .
شهاب : تمي روحج اهني انا برد راك . .
رقوي : ترا بروح عنك جامعه الامارات . .
شهاب صد عطاها نظره . .
رقوي: صدق خلاص قبلوني اهناك . !!!
شهاب تنهد بغيض وغمض عينه يقبض اصابعه . .
رقوي تغشت : خلاص خلاص يالله خل نروح ويصيير خير ع موضوع الجامعه . .
انا : وااااي شكثر انتي مستفززززززززززززه . .
رقوي : هههههههههههههههههههه . . انزيين العب وياه مهور
انا : ياهل انتي صدق ياهل واي واي الله يعينك يا شهاب . .
رن تلفوني . . الرقم غريب ف مارديت . . رن مره ثانيه وبعد مارديت بعدها وصلني مسج . .
" مهره ممكن تردين "
ف قلت اكيد حد يعرفني جان اتصل . .
انا : الوو . .
: مرحبا . .
انا : اهلين . . من معايه ؟
: ماعرفتيني . .
انا : لا. .
: انا نوره . .
انا : نوره ؟ اي نوره . . ؟!!
نوره : طليقه سيف . .
انا : هلا . . بغيتي شي . .
نوره : بغيت شي واحد بس . .
انا : الي هو
نوره : تسامحيني . .
انا سكت . .
نوره : مهره من الي سويته فيج قبل الله رواني . . وف كل ليله احلم فيج وافزز . . لما فسرت الحلم قالولي ان لازم استسمح منج لاني اذيتج قبل . . سامحيني مهره انا مابا شي ثاني . . . ترا انا جد حبيت سيف وكل الي سويته من حبي له كنت ابا اكسبه لكن تصرفت تصرفات غلط وماكنت المفروض اتصرفها . . وعقيت كلام كبير جرحتج فيه . . وعقيتج ب مشاكل مع ابو سيف مالها نهايه . . وايد ضريتج سامحيني . .
على طول تذكرت حلم يدي . . قبل ما اربي حلمت فيه . . حلمت اني كنت ف غرفته وماسكه ايده نفس قبل وقالي ( مهره سامحي . . خلي ف حياتج التسامح شي اساسي . . كل الي يضرج سامحيه . . كل شخص تحبينه او ما تحبينه سامحيه . . كل ما سامحتي كل مايكبر قلبج اكثر . . كل مايحترمونج الناس اكثر . . انتي تعرفين توازنين بين الناس الصدق تبا السماح وبتتغير وبين الناس الي يقصون عليج وبس يبونج تسامحينهم . . انتي سامحي الاثنين عشان قلبج يكون مرتاح . . تاكدي انج بسماحج بتعيشين سعيده ومرتاحه ابوي )
انا : مسامحتنج دنيا واخره نوره . . وقلبي مش شايل عليج ذره وحده . .
سمعت شهق . . شكلها كانت تصيح . .
انا : لاتصيحين يا نوره . . كلنا غلطنا وكلنا عشنا تجارب خطا . . اهم شي نعدل اغلاطنا ونمشي فالطريق الصح . . انا بخليج الحين . . بس تاكدي اني مسامحتنج . .
سكرت عنها ولما صديت شفته وراي . .
سيف : نوره ماغيرها . .
انا اطالعه : هيه . . .
سيف : هه تطلب السماح . .
انا : اتصلت فيك . .
سيف : اتصلت وشرات ما طلبت منج تسامحينها طلبت مني . .
انا : وشقلتلها . .
سيف : بندت فويهها ماعطيتها مجال . .
انا : مممم . . بقولك شي واحد بس وانت حر بعدها . .
سيف يطالعني . .
خبرته عن حلم يدي وبالحرف الي ياني . .
سيف تم يطالعني وحسيته ارتجف . . : الله يرحمك ي يدي . .
انا : امين يارب . .
سيف : بتصل فيها الحين . .
ومشى كان بيطلع بس زقرته . .
سيف يطالعني : هلا بنت عمي . .
انا : سيف خل علاقتنا تكون جذيه . . علاقه بنت عم مع ولد عم مش اكثر . .اقدملك نصيحه وتشكيلي لو كنت مهموم . . مابي العلاقه تكون اكبر عن جي . .
سيف : انا عارف انج سعيده ف حياتج وايد . . وصدقيني ع كثر ما خربت حياتج قبل انا ما اتمنالج الا السعاده الحيين . . " يبتسم " كل الي صار مكتوب . . وانتي مش نصيبي . . مع ان عشرين سنه كنتي محيره لي وع اساس تكونين حرمتي لكن . . . الله ماكتب هالشي . . وانا من اشوفج مرتاحه ومستانسه مع وليد اعرف اني كنت غلطه ف حياتج . . " يبتسم اكثر " وانا اشوفج بنت عم ماشوفج شي ثاني ولا اطمح لشي ثاني ابدا . .
انا ابتسمت له وبعدها رحت عنه . . ارتحت لكلامه وحسيت بالصدق فيه . .
اول مارجعت من مكاني بقعد لاحظت نظرات وليد علي . . كنت بقعد حذال البنات جان اسير اقعد حذاله . . حسيته استغرب لانه كان قاعد صوب الرياييل ماتوقع اني اييه ولا مره سويتها بهالجرأه . .
وليد : شو فيج
انا ابتسم : مافيني شي انت شو فيك . .
وليد يطالعني باستغراب ويحط ايده ع يبهتي : فيج حراره . .
عمي سعيد : بتغازل حرمتك غازلها بعيد عن الشياب . .
عمي حمد : ههههههههههههههه
انا ابتسمت باحراج . . ونزلت ايده عن يبهتي . .
وليد : جد شفيج . .
انا : ولا شي شفتك تطالعني جان ايييك . . كفرت؟ سويت شي حرام . .
وليد ابتسم وبصوت واطي : تحبيني . .
انا : ههههههه جب جب تستغل كل وقت انت وتسال هالسؤال . .
مايد : هيه ولد عمي احبك وايد والله العظيم . . فديتك انا
وليد : فديت خشمك انا
انا فريت المخده ع مايد . .
مايد : ههههههههههههههههههههههههه ههههههههههههههه
انا بصوت واطي : انت حيوان كلهم سمعو . .
وليد : محد سمع بس مايد عنده اذن ولا اذن خفااااااش . .
مايد : هبببببب عليك
وليد : شفتي . . هو وين قاعد واحنا وين ويسمع
انا : ههههههههههههههههههههههههه هههههههههههههههه
وليد يبتسم : فديت هالضحكه انا . .
عنود : مهور ولدج يصيح
وليد : يوم اقولج انه حالف يخرب علي الجو ما صدقتيني . .
انا : هههههههههههههههه حرام عليك . .
وليد : والله شكله بينشب لي ولدج . .
انا : مش انت مشتط وتبا يهال . . تحمل . .
وليد : اتحمل لعيون امه بس . .
ابتسمت : يالله بروح . . تعشا عدل يوم بيحطون العشا . .
عنود : عبدالله حبيبي تعال اتعشا عندي ادريبك ما بتاكل
وليد : يا لبيييه . . انتي ليش ما تسوين شرات عنود . . " يعلي صوته " اطاعي اطاعي بس راس عبود شكبره ما يصدق يدلعونه . .
عبدالله : انت شفيك حاسد شو تبااااا . . خلك ف الي عدالك . .
انا ابتسم . .
وليد : اففف هنيا له صراحه . .
انا : لهالدرجه بتموت يعني . .
وليد : ياخي احساس حلو . .
انا : مابتحس فيه انزييين . . ماتعرف تحمد ربك ع النعمه الي عندك بس وبعد تطمع وكله تبا اكثر واكثر
تنرفزت كنت بقوم بس مسكني من ايدي وقعدني . .
تقرب مني بيبوس خدي جان ادزه . .
انا : ايييييه قوم
عمي سعيد : وليد يالهررررم . .
وليد : والله لابوسها ابويه ترضى انها تروح زعلانه . .
جان يمسكني بقوه ويبوس خدي . .
عمي خالد : انا بتزوج بو وليد خلاص . . يبالي حرمه ثانيه
عمي حمد : مايد ابويه قوم ازقر امك
ضحكو . .
وليد : امزح معاج وربي . .
هديت ايده ونشيت رحت بشل ولدي بس جفته عند اميه كانت تسكته وسكت . .
زهب البوفيييه بعدها وكلنا طلعنا الحوش . . كانو حاطين طاولات ومرتبين كل شي . . قعدنا نتعشششا ونسولف ونضحك
انا ابتسم : من وين يايه . .
ميره : من عند الحب . .
انا : ياويلي ياويلي . .
ميره : اححححححبه مهور . . احبه اكثر من فتره الملجه !!
انا : لانج عقب العرس عفتيه والحين حنيتي له وعرفتي قيمته
ميره : جنه هالمايد والله جنننننننه . . شالني بكفوف الراحه بنت عمي مش مخلي علي قاصر بـ أي شي . .
انا ابتسم : الله يديم الحال الحلو يارب . .
رقوي : ايييه تعالو يالله يدوه تبانا كلنا . .
نشينا بعدها واجتمعنا صوب طاوله يدوه . . طبعا كانت الكراسي فل ع طاولتها ف انا وقفت وكنا نسمع . .
يدوه : انا ترددت اخبركم ولا . . بس قلت بخبركم دام ان يدكم وصاني الله يرحمه . .
انا من سمعت اسم يدي رجف قلبي . . صد وليد و سيف صوبي وتمو يطاعوني . .
يدوه : ترا يدكم . . عمره ما نسى شي . . يدكم مافيه زهايمر . . ولا ينسى وكل شي كان يتم في باله
الكل قام يرمس ويشهق وحشره . .
يدوه تكمل : هو سوا روحه ينسى عشان تلجئوون له دوم وما تلجئون لحد غريب برع . . بغا هو الي يحل مشاكلكم ويواسيكم ويخفف عنكم . . سوا روحه ينسى عشان يبين لكم انه ما راح يمل ع كثر ما تشكون ع كثر ما تعيدون بيكون القلب المستمع والمفتوح لكم . . كل الي كنتو تقولونه ليدكم تراه كان مايرقد فليل ويحاتي ويفكر لكم بحلول ويساعدكم من دون ماتعرفون شي . .
غمضت عيني ونزلت دمعتي . . حبيبي يا يدي . . حبيبي يا يديييي . . الله يرحمك ويغفر لك يارب . . الله يرحممممك ويغفررررر لك يارب . .
مسك ايدي بقوه ومسح دمعتي . .
وليد : لاتصيحين . .
انا : اااه . . شكثر اشتقتله واشتقت لريحته " ابتسمت بعذاب " واشتقت لـ لمسه ايده . .
وليد : بنلتقي معاه فالجنه ان شاء الله . . قولي يارب . .
انا : يارب ان شاء الله يارب . .
يدوه تكمل : وصيه يدكم الاخيره ان محد يطلع من هالفريج . . ان هالعايله مهما كبرت توسعونها وتسكنون فيها انتو وعيالكم وعيال عيالكم . . ولو قصر عليكم البيت ترا بيت يدكم خالي يسد عيالكم وعيال عيالكم . . هاي وصيته انه محد يطلع من هالمكان ولا تفترقون ولا يغير عليكم شي . . يدكم مقتنع ان البعيد عن العين بعيد عن القلب . . وهو يبا قلوبكم دايما مع بعض متشابكه وتحاتون وتكونون يم بعض ف كل اوقات فرحكم وزعلكم ومشاكلكم . . ما يباكم تلجئوون الا لبعض . . لان محد بيخاف عليكم كثر بعض . .
ابتسمت ورفعت ايدي للسما ادعي ل يدي ودموعي تنزل بهدوء . .
وليد يحظني من ورى : الله يرحمه ويغفر له يارب . .
انا : اميين ان شاء الله . .
وليد : والله يخليج لي طول العمر ولا يغير علي وعليج ولا يفرقنا ف يوم . .
ابتسمت : اميين . .
وليد : ترا انا ماصبر بدونج ولا اعيش بدونج ولا اتخيل اعيش ف دنيا انتي مش فيها . . الله يخليج لي طول العمر ولا يفرقنا . . قولي امين . .
انا من قلب : اميييين يارب . . امييييين . .
على هالحال تمينا انا وعايلتي . . المشاكل لا بد تمرنا لكن نتغلب عليها ما دامنا سوى . . اماني زوجه وليد تشافت بفضل الله وقامت تزورنا وتشوف ولدها لكن ما تشله . . قلت لـ وليد يدورلها ع شغل وحصلالها ومع الايام زارتني وخبرتني انها بتتزوج وفرحتلها وايد . . هالبنت عانت وكنت اتمنى انها تعيش بسعاده . . الشي الي كنت خايفه منه دوم انها تشل عني حمد لاني اعتبرته قطعه مني وفيني لكنها قالتلي انه افضل لـ حمد يعيش مع ابوه ومع اسره كبيره بدال لا يتعذب ويعيش بوحده . . وخاصه انه كان وحيد وبصعوبه قدر يطلع من الي فيه ويتاقلم مع الكل وسعادته زادت بشوفه امه الي تزوره بين فتره وفتره . . مهما كان محد يعوض مكان الام ! . .
عرفت شي واحد بس فهالدنيا . . ان كل غالي لازم بفقده في يوم . . وفقدت اغلى غالي ف حياتي الي هو يدي الله يرحمه . . وفقدت ابوي الله يرحمه . . كل شخص فينا مهما وصلت سعادته لازم تكون فرحته ناقصه بغياب اشخاص مهمين . .
مايد وميره استقرو عقب مشاكل طويله عاشوها . . كان ينقصهم الثقه والنقاش بينهم وبين بعض . . شخص يخاف من المسؤوليه وشخص زين ويتحمل لكنه يفتقر لاسلوب النقاش والقوه والتصرف السليم مثل مايد . . لكن اهم شي انه اتصرف وعرف لميره وماكان الوقت متاخر انه يعوضون عن المشاكل الي عاشوها مع بعض . .!
شماني ومروان من بعد الحمال ماتغيرت حالتهم . . لان مروان بالفعل اثبت لشماني انه شاريها حتى لو ماحملت . . صح فرح وايد لكن بنفس الوقت كان عقب خيانته له بعوض بكل الي يقدر عليه . . وشماني بطيبه قلبها قدرت تسترد قلب مروان وماتفقده . .
عنود وعبدالله , الرومانسسسسين الي الكل لما يشوفهم يحب بس يبتسم ويذكر الله . . منو قال ان عبدالله ف يوم بيحب عنود ؟ منو قال ان عبدالله الي كان يعاملها بجفا وقسوه وعنف يلين قلبه ؟ لكن كله بفضل الحررررمه !! الي تعرف تيود ريلها وتعرف تصبر عليه وتكسبه بطريقتها . . والحين مااشاء الله عليهم . . الكل يتمنى العلاقه الحلوه الي بينهم . . واولهم ريلي مالت عليه . .
شهد وراشد . . مع ان بدايتهم كانت غلط لكن اهم شي صححوها بالزواج . . ولو انه الزواج كان مستحيل وصصصصعب لكن بارادتهم هم الاثنين وصبرهم قدرو يخلونه معقول . . واثنينهم اتنازلو عن وايد اشياء بس عشان يبقون سوى . . ومثل ماقالت شهود ! هي ماصدقت اتزوجت راشد وتبا تعيش معاه مستاااانسه ماتبا يهال الحين ف مايندرابهم متى بنسمع منهم خبر حلو ؟!
رقوي وشهآب . . نكهة العايله هالاثنين . . الحب الممزوج ما بين الثقل والطفوله ههههههه . . جميل حبهم . . مشاكلهم جميله وحياتهم جميله وكل شي فيهم جميل . . ع كثر ما اطلع رقوي عيون شهاب لكنه مايقدر بدونها وبسرعه تروم تخليه يهدا ويبتسم بطياشتها وعفويتها . . وبالمثل شهاب . . ع كثر ماهو جاف وقاسي شوي وثجيل لكنه يقدر يلعب باعصابها بدقيقه ويخليها تجلب انثى وتستحي وتتأدب . . حياتهم حلوه وانا متاكده بتم حلوه باذن الله . . .
بنات العايله الي ماتزوجو للحين حياتهم نفس ماهي . . نتلاقى ونقرقر ونسولف لبعض . . مايندرا فالمستقبل منو بيتزوجون ؟
واما سيف امه شكلها ناويه تفاجئه وتخطب له وحده من عيال خواتها بس مايندرا سيف بيسوي شرات ما سوى ف شيخه ؟ ولا ناوي يكمل حياته . . لكن الي احسه ! ان سيف ماراح يفكر بالزواج حاليا . . يمكن لما يدخل الثلاثين يفكر . . مادري . .الله يعلم . .
بالنسبه لاعمامي وعميمه ويدوه واميه . . حالهم مثل ماهوو . . السند والظهر الموجودين لنا دوم والي يحاولون يعوضون مكان يدي قد مايقدرون . . الله يديييمهم لنا ولا يغير الحال . . وو بالنسبه صح لام وليد ! قامت تعدل علاقتها ب وليد وتتواصل معاه وتسال دوم عن حمد وحميد . . كنت قدر ما اقدر ألين قلب وليد وما اخليه يقسى على امه . . عشان ربي يوفقنا ف حياتنا وما يخلي دعوتها ف يوم تضرنا نحن الاثنين . . ومهما كان برغم كل الي فيها تبقى امه والجنه تحت ريولها . . وكل الي اقوله ف قلبي على وعسى ف يوم ترجع تحبني وتتقبلني !
انا و وليد وعيالي . . عايشين ب حياه تخليني احمد ربي ف كل صلاه . . يمكن انا ماكنت احلم ف يوم اعيش ب علاقه مثل هالعلاقه الي عايشتنها الحين . . احمد ربي ع هالزوج وع هالعايله الي انا فيها ! وماقولكم انا ووليد صارت علاقتنا مثاليه . . لا كنا نضارب لكن بعدنا مانصبر عن بعض وبعدني ب رغم كل شششي اهيم في بحر شوقه ولذه هيامه . . !
== النهاية ==
كانت وياكم ضحيه حبيبي . . من بعد روايه وربي لادمر حبهم و روايه وطت رجلي على دربه ولا ادري وش نوى فيني و قصه له منزلن بالحيل مرموق وسط الحشا باقصى الضمايا , عدت بهالروايه المختلفه نهاآئيا عن روتين كتآبآتي . . اتمنى انها فاقت ع اعجاب الجمييع . . اشكر كل قرآئي الي ساندوني بهالفتره الي بحدود السنه وشوي و وقفو معاي وشجعوني وخلوني اكمل واوصل لـ نجااح كبير افتخر فيه ولله الحمد . . !
حبيت اقول ان هالروايه من وحي الخيال . . ولا لها اي صله بالواقع تخصني ابدا ابدا . . في شي واحد مشترررك فقط . . الي هو يدي الله يرحمه . . صفاته مرضه وقربي له . . بعض المواقف ( فقط بعضضض ) كانت حقيقه الي دارت بيني وبينه . . نصايحه وكلامه بعد كان مقاربه للي كان يقوله لي . . بـ كتابتي هذي كنت اهم شي ابي اوصله حبي وعشقي لـ يدي وحزني الكبير لفقدانه . . وشوقي لين اليوم عليه . . لشخص كنت اشوفه كل يووووووووم كل يوم . . ف كل لحظه ومتى ما يدق ف بالي . . شخص لمسة ايده كانت ترد لي الروح والقوه الي فيه تخليني انسى كل الامي وكل حزني . . نصايح يدي للحين ف بالي وللحين ما انساها . . ما انسى حبه للحياه ولا تفائله مع انه كان بعز مرضه وباسوء الحالات ولكن ثقته بالله كبيره وتفائله خلاني احب الدنيا واشوفها من ناحيه ثانيه . . فقدت يدي وللحين عيني تدمع ع فراقه . . فقدت ييدي وللحين ذكراه قبل ما انام تمر ع بالي . . وماقول غيير الله يرحمه ويغفر له يارب ويجمعني فيه بالجنااات العلياا يارب . .
الشي الثاني المشترك وجود صقوري حبيب قلبي . . ولفظه لكلمه ( كاكام + محاري ) هالشي الوحيد فقط الصح الي يخصه . . حبيت ادخله بحكم اني اموت عليه لما يقول كاكام ولما يقول محاري . .
روايه وربي لادمر حبهم كانت بدايه وطلوع بالنسبه لي . . كانت الروايه الاولى الي انشرها والي دخلتني عالم الكتاااابه بقوه . . برغم ان الافكار فيها والسرد والاحداث كانت مش بالشي الكبير لكن احبها وقريبه من قلبي لاني بديت فيها بعمر صغير 17 ولانها هي الي طلعتني اول طلوع جميل . .
بالنسبه لروايه وطت رجلي على دربه ولا ادري وش نوى فيني . . كانت الروايه الي اسميها فخـر لي . . لانها ولله الحمد وصلت لمليون قارىء + حصلت فيها لقب كاتبه الامارات الاولى + فزت ب كذا جايزه بسبت هالروايه . . ومن بعد هالروايه حسيت اني اقدر اعيش قرائي اجواء جميله واجواء حزينه وتكون عندي القدره احببهم واكرهم ف اشخاص . .
قصه له منزلن بالحيل مرموق وسط الحشا باقصى الضمايا . . مممممم كانت تجربه لي بكتابه القصص . . اول مره اكتب فيها قصه ! كان مثل التحدي بالنسبه لي اني ادخل مجال كتابه القصص بحكم اني ماعرف اكتب الا روايات طويله فقط ماعرف اختصر ولا اعرف انهي . . حبيت القصه لما قدرت افوز ب مسابقه وفزت فيها بالمركز الاول بعد وعرفت اني قد التحدي وفرحت لهالشي ولله الحمد . .
بالنسبه لروايتي الاخيره هايم في بحر الشوق ولذه هيامك . . خل نقول هاي الروايه كانت اكبر انجاز لي . . لاني كنت لازم اوصف واعبر عن كل الشخصياااات بالرغم ان المتحدث شخص واااحد فقط ! لكن الحمدلله قدررررت اوصل للي ابيه وانهيها بالشكل الي ابيه وما اقصر بأي حق من الشخصيات . . هالروايه الوحيده الي دخلت فيها شي من الواقع والي هو يدي الله يرحمه . . كنت ابي افتخر فيه واقول للعالم كيف انا احبه وكيف انا افتخر ان كان شخص مثله موجود ف حياتي ف يوم . . واتمنى من كل قلبي ان هالروايه تحقق النجاااح الكبير الي حققته باقي الروايات والاخص روايه وطت رجلي على دربه ولا ادري وش نوى فيني . .
رسالتي الاخيره لكل الي يقرا كلامي بالتسامح . . ترا الي يسامح شخصيته مش ضعيفه ابدا . . الي يسامح شخص ما يبا يخسر الناس الي يحبونه . . ويبا قلبه يكون مرتااااح ولا شايل على حد . . ترا صعب الواحد يكون قلبه مرتاح . . وصدقوني بترتاحون مع التسامحان كان لاشخاص اتحبونهم او لا . .
وفالختام . . اشكر كل قرائي الي شجعوني وصبرو علي . . قرائي الي وقفو معاي فالسراء والضراء وحتى ف مرضي . . كنت احصل دعاوي جميله وكلام جميل وتشجيع مستمر . .
لولا فضل الله ومن ثم كلامكم جان انا ماتشجعت ووصلت للي انا فيه . . اتمنى اني كنت شخص خفيف عليكم ب روايه خفيفه وسعيده وجميله وعطيتكم وقت جميل وقراءه ممتعه . . .
وبالنسبه اني ارجع اكتب . . خل نخليها للمستقبل . . ماعندي خلفيه للحين لكن مافكر اكتب ف وقت دراستي ابدا . . يعني ناويه اخلي كل اهتمامي ف دراستي ولا اشغلها بالكتابه لانها تاخذ جزء كيبر من وقتي . .
وسامحوني على التنقيعات اذا كانت مووجوده فالروايه هههههههه لاني ما اراجع البارت صراحه ولا اقراه بعد ما اكتبه . . ووو سامحوني لو شي اخطاء بسيطه فالاسامي او اي اخطاء بدون قصد ! ان شاء الله تكون الروايه مفهومه كامله . .
وللي حاب يتم ع تواصل معاي ف انا موجوده دوم ع تويتر . .
@katbt_uae
هذا حسابي

اشوفكم على خير باذن الله . .
مع السلامه . .

[لامارا]

	السلام عليكم ورحمة الله وبركاته كيف حالكم إن شاء الله دائما بخير ؟ عندنا إليكم بباقة روايات منتصف الاسبوع قراءة ممتعة لكم جميعاً...... شـكــ وبارك الله فيك ـــرا لك ... لك مني أجمل تحية . موفق بإذن الله ... لك مني أجمل تحية .

[شاريهان]

حلوووووووووووووووة كتير شكرااااااااااااا

[@يكفي وجودك@]

شـكــ وبارك الله فيك ـــرا لك ... لك مني أجمل تحية .

[@يكفي وجودك@]

موفق بإذن الله ... لك مني أجمل تحية .

[hidaya 2]

موفق بإذن الله ... لك مني أجمل تحية .