هايم في بحر الشوق ولذة هيامك الكاتبة / ضحية حبيبي / مكتمله

[اسطورة !]

سيف بنظرات نار يتقرب مني : انا من عرفتج للحين ايدج ما لمستها . . مع اني انا راح اصير زوجج . . لكن حشمتج وحطيت لج قدر ومافكرت امسك ايدج . . انا حتى كلمه احبج اتجنب اقولها لين تصيرين حلالي . . واخرتها تخلين واحد مثل وليد يمسكج وبكل برود ما تسوين شي . . انتي شو .؟ سهله ؟ وخري عن طريجي انا مابا وحده شراتج . . جد انا الحين حمدت ربي اني ما ابتلشت فيج . . الحين احمد ربي انه ابوي عارضني . .انه ابوي خطبلي وحده شرات بنت خالي . .

انا تميت مذهوله من كلامه . . ماقدرت ارد عليه ولاقدرت اقوله اي حرف . . كلامه كان شرات الصفعه بالنسبه لي . .

سيف : لاتطيحين من عيني اكثر وتلحقيني . . روحي داخل . . وليد يترياج . .

مديت ايدي وصفعته كفففففففففففففففففففف يبرد خاطري . . مع ان خاطري ما برد عقب ما عطيته الكف . .

انا : خسيس

تم سيف يطالعني من غير ما يتكلم . .

انا : قسم بالله انك خسيس . . وتعرف . . صح كلامك . . انا سهله . . سهله لاني من البدايه سمحت لنفسي احب واحد شراتك . .

سيف : روحي حبي وليد . . من مسستواج ترى . .

رفعت ايدي بعطيه كف ثاني لكنه مسك ايدي بكل قوة . .

سيف نزل ايدي وبعنف ورص عليها بقوه لدرجه اني تالمت ولاحظ اني تالمت بس تم قابض ايدي بقوه

سيف : خل يبقى لج شويه كرامه . .

فرر ايدي . .

سيف : لا وكاشخه بعد ؟ حق منو بالضبط . . تبين تضبطيني انا وهو بنفس الوقت . .

احترق قلبي قسم بالله احترق قلبي . . شب فيني الدنيا بكلامه . . ابتسمت بحسره . . ابتسمت بعذاب . . ابتسمت وانا مكسسسووره حيل . . ليش قاعد تسوي فيني جذي وانت تعرف اني انا مينونه فيك وماحب حد غيرك . . ليش وانت من داخلك تعرف اني انا ممكن احارب الكل عشانك . . ممكن اوقف ضد الكككل واتحمل اهانات الكل وانجرح من كل صوب بس عشان اكون بقربك وعلشان رضاك . .ليش يا سيف تسوي فيني كل هذا . .

ميره تركض : مهووووووور . .

ابتسمت بحسره وقفيت عنه ومشيت . . وما زقرني . . ولا رجع جابلني وراضاني وجبر بخاطري . . سمعت خطواته وهي تبتعد اكثر واكثر عني . . جرحني هالمره قو . . كسسر قلبي . .

لما وصلنا عند باب البيت ودخلنا . .

ميره : شصار . .

وليد يطالعني : ارتحتي الحين . .

تميت اطالعه بنظرات مكسوره . . ليتني سمعت كلامك ومارحت وجنبت روحي اسمع هالرمسه . .

ميره : وليد خلها ف حالها لا تزيدها . . والله سيف ما فيه قلب . .

وليد : سيف فيه قلب . . بس غلطتها انها ماعندها كرامه وذاله روحها . .

انا بكل غيض متجنبه صراخي وارمس بنار : لا تقولي ماعندي كرامه . .

وليد : ماعندج كرامه . .

ميره : وليييييييييييد

وليد عاقد حياته : قوليلها الصدق . . لاتجاملينها . . حتى انتي تعرفين انها ذاله روحها ليش ماتمنعينها ؟ ولا لانه اخوج ؟

ميره : وليد عن هالكلام . . صح انه اخوي . . بس مهور غاليه عندي وهي شرات اختي . .

عنود يت عندنا : مهور . .

انا صديتلها : بلاج . . ليش ويهج مصفر . .

عنود تمسك راسها : احس اني بطيح . . ومابي اخوفهم علي . .

وليد : شفيج بنت عمي . . اوديج المستشفى ؟

عنود : هييه .. احس اني بطيح بـ أي لحظه . .

وليد : يالله تزهبي بوديج . .

ميره : انا بي وياج . .

انا : انا بييب عباتج وبلبس عباتي وبلحقج . .

وليد : اترياكم فالسياره . .

وركضت الحجره وشليت العباه وشفت يدوه ف ويهي . .

يدوه : انتي المستخفه وين سايره . . كله شارده بعباتج تتحرين محد يشوفج . .

انا بصوت واطي : يدوه اسكتي لا تفضحينا . .

يدوه بصوت عالي : هاااااااااه . . انا ما افضحج ليش شو مسويه

الكل صد صوبي . .

اميه : شو مستوي مهره . .

عميمه نوره : شوفيج امايا تصارخين عليها ؟

يدوه : مادريبها شو مسويه مسوده الويه شاله عباتها بتظهر وتقولي لا تفضحيني . .

انا غمضت عيني بقوه : يدوه الله يهديج . .

شيخه :مهوور خوفتينا شو السالفه . .

انا : آآآ . .

ميره يت : انا بروح المستشفى . . بطني وايد يعورني . . وبسير اشوف شو السالفه . . ماقادره اتحمل عوار البطن " تسوي روحها تعبانه وماسكه بطنها وتتلوى من العوق "

تقربت منها عميمه نوره وحرمت عمي . .

عميمه نوره : شو ياج بسم الله . .

حرمت عمي حمد " امها " : شوه فيج امايا من شوه ؟

ميره : لا تخافين امايا بيودينا وليد هكو زهب السياره . . مهره وعنود بيودوني . .

حرمت عمي حمد : انا بي

انا : ما يحتاي لا تتعبين روحج عمووه . .انا بوديها خلاص دامني زاهبه . . وبتصل فيكم بطمنكم . . ماترومين ع الزحمه . .

عميمه نوره لاحظت اني انا وميروه نجذب فـ سايرتنا . .

عميمه نوره : هيه خليهم كبار هي وعنود بيدارونها . . بس اتصلو فينا اول ما توصلون . .

انا وميره : ان شاء الله

حرمت عمي حمد : لاتخلوني احاتي

ميره : ان شاء الله امايا . .

لحقتنا عميمه نوره لين الباب . . : شوه السالفه يالجذاباات ؟

انا : عنود تعبانه . .

عميمه نوره حاطه ايدها ع قلبها : شفيها . . .

انا : مادري عميمه لا تاخرينا . .امسكي البي بي وانا بخبرج كل شي بالتفصيل يوم بعرف . .

عميمه : قلبي معاكم . .خلوني اي

انا : لا بعدين شو بيصبر امايا والباقي بيحاتون . . خلينا نشوف شو بيصير . .

وطلعنا بسرعه وركبنا السياره . . شفت ميروه الهرمه قعدت ورى . . ومن فتحت الباب بقعد ورى شفت عنود انسدحت ع ريل ميروه وماشي مكان اقعد . . اضطريت اقعد جدام . .

حرك وليد بسرعه وكنا نسمع صوت عنود تتلوى من الالم وقلبنا معصور عليها . .

كنت وايد خايفه على عنود وكل شوي اصد ورى . . احس بتعب من كل شي يصير . . قلبي اليوم وايد يعورني من وايد امور . .

نزلت دمعتي والحيوان وليد للمره الثانيه شافها . .

مسحت دمعتي بسرعه وصديت الصوب الثاني سمعته يهمس : ماعليها شر . .

ميره كانت تتصل ف عبدالله مره ومرتين وثلاث ومايرد عليها . .

وصلنا المستشفى ودخلوها على طول وماخلونا ندخل . . وتمو يكشفونها . . قعدنا نتريا حوالي نص ساعه وعقبها اتصل عبدالله . .

ميره : عبدالله وينك ليش ما ترد

عبدالله : شو تبين . .

ميره : عنود فالمستشفى تعبت علينا . . تعال الحين بس لا تخبر حد . .

عبدالله : منو معاها . .

ميره : انا ومهور و وليد يابنا . .

عبدالله : زين بس انتو تسدون . .

ميره تطالعني : عبدالله لا تستهبل . .

عبدالله : مافيها شي . . يوم بيطمنونكم خبروني . . واذا فيها شي جايد بي . .

طلعت الدكتوره : انا اسفه . . بس الجنين ميت ف بطنها . .

انا بصدمه : شوووووووووو . . بس امس ماكان فيها شي . .

الدكتوره : طبيعي ما يبين ترى على طول . .

عبدالله : طاح الجنين ؟

ميره : هيييييييه . .

عبدالله : انا الحين ياي . .

وبندت . .

انا : دكتوره نقدر نشوفها . .

الدكتوره : هيه تقدرون تشوفونها . . بس يفضل انكم تخلونها راقده لان باين عليها الاجهاد والتعب . . وانا حاطتلها مغذي الحين . .

انا : دكتوره كيف طاح وليش . . هي ماطاحت ولا صار فيها شي

الدكتوره تبتسم بحسافه : صار عندها بكتيريا ف بطنها . .

ميره : يعني شو

الدكتوره : يعني صعب تحمل . . ولو حملت راح يصير للطفل تشوهات واعاقه . .

انا شهقت : ليش دكتوره ليش

الدكتوره : حكمت ربج بدون سبب . .

انا :بس هي عندها طفل قبل وما صار فيها شي

الدكتوره : البكتيريا هذي لها علاج بالادويه ولازم تتجنب اي حمل طول فتره 6 إلى 8 شهور لين تتعالج . . لان اي حمل ممكن يضر الجنين . .

وليد : لاحول ولا قوه إلا بالله . .

الدكتوره : انت زوجها ؟

وليد : لالا . .

الدكتوره : لازم تبلغون زوجها هالكلام بالحرف . .

انا بصوت واطي : يباها من الله . .

وراحت الدكتوره . .

ييت بدخل عند عنود بس وليد جابلني . .

وليد : ماسمعتي شـ قالت . . قالت خليها ترتاح . .

انا : بطمن عليها بس . .

وليد : اذا دخلتي عليها بتقوم . . دامها راقده الحين خليها . .

انا : ماقدر لازم اجوفها . .

وليد : بترتاحين لو سويتي الي فراسج يعني ؟ ضميرج بيرتاح لو خليتيها وهي تعبانه تقوم وتعرف انها طيحت الياهل وتنهار وهي تعبانه ؟ ع الاقل خليها ترقد ترتاح ويوم تنش تقدر تستوعب الصدمه . .

انا اقتنعت بكلامه بس تميت اطالعه . .

وليد : عقب ما فيج عافان الله . .

انا : بتم اهني ما بروح . .

ميره : انا بتصل البيت بخبرهم . .

وليد : لا تخبرين حد الحين . . بيون اهني بيسوون بارتي والبنت توها راقده . .

ميره : عيل شسوي

وليد : تمي ع جذبتج انج تعبانه وقوليلهم حاطيلج مغذي متى ما يخلص بتردين . .وقوليلها كلنا حواليج ومايحتاج حد يي . .

ميره :أنزين . .

سارت ميره بعيد عسب ترمس فالفون . . وانا تميت قاعده فالانتظار ومنزله راسي . .

وليد بكل جراءه قعد ع الكرسي الي لاصق فيني وبالمثل نزل راسه . .

استحيت من هالقرب لكن ماقدرت اسوي شي تميت قاعده لين يا عبدالله والمصيبه وراه سيف . .

غمضت عيني بقوه . . سيف ما بيسكت عن الموقف . . ليش اليوم كل ما اكون ويا وليد سيف يجوف . . طول الوقت كنت بعيده عنه اشمعنى من قعد حذالي سيف يا . . وليش يا بالاساس مع عبدالله . .

عبدالله يطالعني : وينها . .

قمت وخبرته الي صار والي قالته الدكتوره بالتفصيل . .

لاحظت ان رده فعل عبدالله جدا جدا جدا عاديه . . لافيها صدمه ولا فيها حزن . .

كان ياي بيدخل بس منعته وخبرته إلي قالته الدكتوره . .

سيف : معوض يا اخوي . .

عبدالله : كل شي مكتوب . .

[اسطورة !]

يت ميره كانت سايره تشتري عصاير . .

عبدالله يطالعني : روحو انتو انا وميره بنقعد معااها . .

ميره : انتي سيري البيت وخبريهم باسلوبج عشان ما يحاتون . . بس لا تخبرينهم على طول . .اتريي لين ساعتين وقوليلهم ..

انا : لا ماقدر بتم ويا اختي . .

ميره : مهور روحي انتي خبريهم تعرفيني انا ماقدر اقولهم خبر مثل هذا . . بييبها بطريقه تزيغ وما بقدر اهديهم . .

عبدالله : صح كلامها . . روحي بتقدرين تلينين راسهم وترمسين باسلوب هادي ما يطمن . . ميروه ماتعرف ترمس . .

ميره اطالعته بنظره . .

انا : انزين . .

ابتعدو عنا عبدالله وميره بيقعدون فالانتظار الي قريب من غرفه عنود على طول

سيف : ويا منو بتردين ؟

وليد : بترد مع الي يابها . .

سيف يطالعني : بعد ؟ وكلتي لج محامي يرد عنج . .

وليد : هه . .

سيف ياي يعطيه بكس . .

وليد : احنا ف مكان عام . . ماتعرف تتفاهم الا بايدك

سيف يطالعني : أسألج انا ؟ ويا منو بتردين؟

تميت زايغه وماعرفت ارد . .

سيف عاقد حياته : معاي ولا معاه ؟

وليد يبتسم باستهزاء . .

سيف بعده يطالعني عين بعين . .

انا : معاك . .

سيف يطالع وليد : سمعت ؟ تقدر تفارج يعني " يبتسم باسلوب كره "

حسيت وليد انصدم وايد . . وماتوقعها مني . . تجنب يطالعني وتجنب نظراتي له . . اكتفى بـ ابتسامه بارده وحطا ايده الهنتين ف جيب بنطلونه الجينز ونزل الكاب ع ويهه وراح . .

اتلومت منه واااااااااااااااااااااااا ااااااااااااااايد . . لكن ماتيني الجراه اقول اسم غير سيف وسيف موجود . .

مشى سيف عني وتميت امشي وراه . . ركبنا اللفت و ولا واحد فينا يطالع الثاني . .

ألا يانور عينـي ومهجتـي وشلـون تهجرني

وانا اطلب إله الكون يجعل جيتك لي دوم

وصالـك هـو حياتـي ومنيتـي والبعـد يقهرني

دخيلك لا تخليني احس اني معك مظلـوم

أنـا كــل امنياتـي يـا حبيـب القلـب تذكرنـــي

لأن العمر ما يقوى فراقك ياحبيبـي يوم

أنـا نظـرة عيونـك يا حبيـب الـروح تأسرنــي

تغير كل شي فيني أشوف اني كبير القوم

كلامك صورتك مشيك وفيك الصمت يبهـرنـي

خدودك مبسمك رمشك حلاتك وسطك المقسوم

أشوف السحر في عيونك وفيها الشوق يجبرني

أعيش الحب في همسك وعيني قد جفاها النوم

أعيـش لاجلـك ومـن أجلك وفيك الحب حيرني

أحب العشق في عشقك وعشقك غاية المحروم

حبيبـي يا نظـر عينــي طلبتــك ليـت تعذرنـــي

إذا طـال الغـلا حده وجيـت أعاتبـك والــوم

لأن الغيـرة يا عمـري عليـك ومنـك تجبرنـي

أحارب حتى لو نفسي إذا مست شعورك يوم

أنا خايف عليك تعشق حبيب غيري وتخسرني

يكون اللي تمنيته ضميره في الهوى معدوم

وتتعـذب بنـار العشــق وتتألـم وتذكرنـــي

وتعرف قيمتي لانك تحـس بحرقة المهمـوم

وتذكـر يوم كنـت أبكـي وضحكاتك توترنــي

بدل ما تمسح دموعي تسقيني الهموم سموم

يجيلـك يـوم يـا قاسـي بتتمنـى تسامرنـــي

ولكن الزمن يرفض سبايب قلبي المرحوم

ركبنا السياره وكل واحد فينا ساكت . . ليش وانت اقرب الناس لي تحسسني بهالشعور . . ليش وانت اقرب من نصخ قلبي احس معاك بالغربه . . ليش هالجفا كله وليش هالقسسا . . ليش احس اني ماعدت اعرفك وانك شخص يديد علي . .

سيف : مستانسه على عمرج ؟

انا اغمض عيني : دخيلك كفايا تجريح . . اذا تبا تجرح لا تتكلم . .

سيف يطالعني : تجريح؟ كلام الصدق لازم يجرح . .

انا اطالعه : شـ تبي مني . .

سيف : تودريني . . تنسيني . . تمحيني من حياتج

انصدمت من كلامه . . : ترمس جد . .

سيف يأشر على وليد كان طالع من المستشفى ويمشي بيركب سيارته

سيف : انزلي وجدام عيني روحي له . .

انصعقت من كلامه . . انشليت . .

سيف : يالله . . روحيله . . " تقرب مني وبطل لي باب السيياره " انزلي . .

مارديت عليه . .

سيف يصارخ : شتبين فيني . . انززززززززززززززززززززززز زززلي . .

انا قلبي انكسر . . وعاجزه ارد عليه بحرف واحد . .

سيف يصارخ : مخلتني طرطوووور .؟؟؟؟؟ داخل يمسك ايدج وراد قاعد حذالج . . داخل يسولف معاج وراد لاصق فيج . . تبيني سااااااااااكت وانا اشوفج بين ريااال . .

نزلت راسي مارديت عليه

سيف : انا باخذ بنت خالي . .

صديت اطالعه : اعرف . .

سيف : هه ومستانسه صح ؟ الي في بالج بيصير وبيسهل عليج الجو . .

انا ابتسمت بحرقه قلب . .

سيف : قلتلج لا تركبين معاه لانج بتندمين . .وعاندتيني ورحتي ركبتي معاه . . اتحملي عناد راسج . . ونزلي من السياره . . ولا تخليني اشوفج من اليوم ورايح . . " يطالعني عين بعين " واذا جفتيني سوي روحج ماتعرفيني . . انزلي . .

انا بابتسامه هاديه : لو نزلت . . ماراح تجوفني ولا راح تكون لي علاقه فيك للأبد . .

سيف : نفاد . . انتي الي اخترتي هالشي . .

انا : انا شو اخترت ؟

سيف يصارخ : قلتلج يوم تعب يدي لا تروحين لا تركبين معااااااااااااااااااااااا اااه . . اتحملي الي يااااااااج . . انا بنت خالي ماخذنها ماخذنها . . ووافقت ابوي من رحتي . .

انا : تعرف سيف بقولك شي . .

سيف يصد يطالعني باهتمام . . : ماباج تقولين شي وانزلي من السياره

انا : بنزل . . لكن بعد ما اقولك الي ابيه . . " حطيت عيني في عينه بكل قوه مع ان قلبي مكسور " انت كنت تتريا الزله علي . . كنت تتريا الزله علشان تحرق قلبي . . انت كنت عارف وانا متاكده من زمان ان وليد يحبني . . مع انه نكر هالشي بس انا الحين من تصرفاتك تاكدت . . " ابتسمت " انت عاقبتني على حبه مع اني مالي ذنب . . عاقبتني بهدف غيرتك مع ان ابد انا مالي اي علاقه وانت من دااااخلك عارف اني طاهره طهور الثلج . . واني ماحب وليد ومحد فقلبي غيرك علشان جذي " ابتسمت اكثر " قاعد تتمادى اكثر واكثر . . قاعد تحطمني اكثر واكثر . . لانك عااااااارف من داخلك لو شو ما سويت راح ارجعلك وراح ارضى فيك . . لانه دوم حبي اكبر عن حبك . . وهذا اكبر اتطيح فيه البنت . . " اطالعته بنظره جديه " انت كنت تبا تكسرني لدرجه مافي اي حد يعشق ممكن يسويها لكن انت سويتها . . انت حتى ما سعيت عشان تنفذ تهديدك بارتياح وتتبع وتشوف لو انا صدق ركبت ويا وليد يوم هددتي ولا لاء.. " ابتسمت " على فكره . . انا ماركبت وياه . . اصلا مارحنا المستشفى لان يدي قام . . حتى ف تهديدك كنت تتريا الزله من دون لا تتاكد منها . . جفت اكيد انت انسان حقير . . جفت مستوى انحطاطك ؟

ييت بنزل من السياره لكنه لاول مره في حياته يقبض ايدي . .

اااااااااااااااه . .شكثثثثثثثثر تمنيت هالقققبضضضه . . شكثر تمنيت هاللحظه . . شكثثثثثثثثر كنت احلم فهاليوم . . 4 ثواني مرت وسحبت ايدي بقوه . . 4 ثواني بس لكنها قطعت قلبي نصيييييييين . . ماهقيت انك تقبضني ف حزت فراق . . ماظنيت قسم بالله . .

سيف : لحظظظظظظظظظظظظظظه . .

صديت له : لاتلمسني . .

سيف : لحظه . .

انا مادري ليش عطيته الفرصه وقعدت . . المفروض اني ماعطيه المجال واقوم واسد الباب فويهه لكن ماقدرت . . انجبرت اقعد اسمعه . .

سيف : ماركبتي معاه فذمتج ذااك الوقت . .

ابتسمت باستهزاء : هه . .ماتصدقني بعد ؟ وبعدني غبيه واتريا شي ثاني منك . .

بطلت باب السياره بكل قوه ونزلت . . كنت اسمعه يزقرني ويزقرني . . نزل من السياره ويا صوبي وهو طاير . .

سيف : ردي اركبي . . ماخلصت كلامي . .

انا بدون ما اطالعه : قبل لا انزل قلتلك لو نزلت ماراح ارجع طول عمري . .

سيف : ردي اركبي اقولج . .

انا : خوز عن طريجي . .

سيف : حطي عينج بعيني وقوليها . . قولي انج ماتبيني وانج ماراح تين عندي قوليها . .

ماقدرت . . حيوان يعرف كيف يسكتني . .

سيف :ماترومين . . انتي مش قدها وانا مش قدها . .

اطالعته عين بعين : فل نفرض اني رديت ركبت معاك . . شـ راح يتغير ؟ راح اكون صعبه بدال كلمه سهله الي قلتلي اياها اليوم ؟

سيف يتنهد : ماكنت اقصدها . . ردي اركبي خلينا نتفاهم فالسياره

اطالعه باهتمام : جاوبني . .ش راح يتغير ؟ بتقول لابوك انك تبيني وماتبي بنت خالك . . بترفض بنت خالك سيف ؟

سيف يطالعني : هالموضوع . . . تعرفين اني . . . اني مجبـ

قطعته : مجبور فيه . . ابوي وماقدر ارده . .

سيف : لكن بندور حل . .

انا : شو الحل وانت بتشاركني ف حرمه ؟ شو الحل ؟

سيف : راح يكون لها بيت وراح اصرف عليها ماراح يصير بينا اكثر عن جي

انا : ابوك ما كفاه يلعب ف بنات اخوه يبا يلعب على بنات اخوان حرمته . . شو من قلب فيه ليش يسوي جي . . البنت مالها ذنب تنظظظظظظظظظظلم

سيف : انتي شعليج فالبنت . .

انا : اذا هانت عليك بنت الناس تظلمها راح تظلممممممممني . .

سيف : ماراح اظلمج . . هي تعرف الزواج ليش . .

انا : راح تتحسبب على هالزواج . . راح تتحاسب على عدلك ..

سيف : راح اعدل

ابتسمت باستهزاء : متناقض . . كل شوي لك كلمه . . انا مش مستعده يكون عندك زوجه ثانيه غيري . .

سيف : وتهدمين الي بينا . .

اطالعته : انت اصلا هدمت كل شي اليوم . .هدمت كل شي حلو كان بيني وبينك على مدار هالسنين كلها . .

سيف :الي بيني وبينج ما ينهدم

انا : واثق لاني احبك اكثر ماتحبني . .

سيف سكت . .

انا : انا ماقدر ارضى . .لا انك تظلمني ولا انك تظلمها . . ماقدر ف يوم اتورط فالموضوع وعقب تقولي ابوي يباها تحمل . . شـ بيصبرني . . انا مابا اعيش ها كله . . مافي اي شي يجبرني اعيشه

سيف : عشاني راح ترومين . . عشان سواف ..

انا : سواف ؟ سواف الي كل ما ياه ويخذلني ويخذلني . . الي حتى جدام اهله ما يدافع عني ؟

سيف : يعني شو . . الي بينا خلاص . .

انا : خلاص . .

سيف : انتي قد هالكلام . . ترومين تقولينها فويهي . . ترومين تقولينها وانتي حاطه عينج فعيني ؟

انا : هيه اروم . .

سيف : سويها اشوف . . راويني

انا بكل جرائئئه وبكل تعب من كل شي عانيته . . من عمي حمد وظيمه وحرحه وكلامه ومن خوف سيف ومن جبننننه ومن اسلوبه وكلامه الجارح . . : الي بيني وبينك انتهى . . من هاللحظه . .

سيف : هالكلام مافيه تراجع . .

ابتسمت وقلبي مجروح . . كنت اتمنى اشوفه يصارخ . . يمسك ايدي يقولي لا . . ما اسمح لج . . ما اسمح لج تتركيني . . كنت اتمنى اشوف شرات الافلام . . يصارخ باسمي ويحظني ويركبني السياره غصب ويخطفننني ويخلينا نتزوج غصب . . كنت اتمنى اقل شي اشوفه يترجاني . . يقنعني . . لكن سيف راواني العكس . . العكس تماما . .

سيف : لو رحت انا بعد ما راح ارجع . . بترياج فالسياره دقيقه . . لو ما يييتي فيها . . انتي بعد خسرتيني ..

انا : وفر هالدقيقه سيف . . وفرها . . ما ابيها . . لا تضيع دقيقه من وقتك عشاني . . " ابتسمت بعذاب "

مشيت عنه . . حب سنييييين يا سيف .. حب 21 سنه . . تجمعه بدقيقه ؟ دقييييقه !!!

[اسطورة !]

مشيت سايره المستشفى وفـ لحظه وقفت تخيلت الحياه بدون سيف . . بدون حبه بدون وجوده بدون ما انطره كل يوم . . بدون ما اكل فوااااده كل ما اشوفه واقوله يالله متى بتاخذني متى بنعرسسس . . لفييييييييت راسي ابي اصارخ واقوله انا ما ستغني عنك سيف . . راح تحمل ضيمك وراح اتحمل واطوف كل الي قلته وراح ندور حل مع بعض . . راح افكر بامور وايده معاك لكن لا تخليني . .

لكن شفته حرك السياره بكل طيش . .

ابتسمت باستهزاء : حتى دقيقه ما رمت تتحملها فانتظار . . مارمت تحط امل فرجعتي لو دقيقه . . رغم كل شي كنت بتنازل عن كرامتي وبرجعلك . . رغم كل شي كنت بكسر راسي وبرضا بلي تبيه لكنك كسرتني . . كسرتني حيل . .

حزتها اذن المغرب . . ومع الاذان مشيت رايحه المستشفى ودموعي تنزل ببغزاره . . ما اهتميت مثل كل مره من يشوف ومنو ما يشوف . . خليت دموعي تنزل والناس تصد وتأشر وتتكلم . . خليت دموعي تنزل يمكن تبين الحرقه الي فيني ولو شويه . . خليت دموعي اليي تحرررررررررررق يوووفي تطلع وتريحني من الي احس فيه . . احس بقهههر . . احس بعذاب وبشعور محدن حسه في يوم . .

وليد قبض صبع ايدي الصغير ومشى معايه لـ وين مادري . . كنت بس امشي فـ شارع باركنات المستشفى . . حسيت بقبضته ولمسته . . حسيت ان صبعه الصغير ف صبعي الصغير لكن مااجادلت ولا سويت اي شي . . كان همي كبييييييييييييييييير . . همي كبيررر حيل . .

وليد يجابلني : بس . . ماتعبتي . .

كان بعده ماسك صبعي . . شفت اصابعنا ووخرت ايدي . .

وليد : كافي . .

الوقح تقرب مني ومسح دموعي بكل جراءه . . جنه حاس اني ماراح اعارضه بشي . . انا وسيف تجنبنا نمسك ايادي بعض مع ان عشقانين من 21 سنه . .. وهذا بكل برود يمسك صبعي ويمسح دموعي

وليد : هيه هيه . . أدري شو يدور ف بالج . . واحمدي ربج ما سويت شي اكبر . .

اطالعته بنظرة هاديه مليانه دموع . .

سحبني وضمني لصدره بكل قوه . . قعد يمسح ع ظهري وهو يقولي : بس بابا . . كافي بابا . .

انغرقت عيوني بالدموع .. الي فيني كبير محد حسه الي فيني كبير اكبر من اني اشكيه . . الي فيني يمكن بس محتاج يطلع بالدموع يمكن ارتااااح . . قعد بس يمسح على ظهري ويقولي بس بابا . . كافي بابا . . تعبتي بابا . . عذبتي روحج بابا

كلماته كانت تثلج صدري . . اسلوبه وطريقته جد خلاني اشتاق لـ ابوي . . ابوي لو حي والله مارضى بلي يسوونه فينا عمي انا وعنود من ظيم . . شو الشي الكبير الي بين عمي وابوي خلت عداوه عمي لهالدرجه شوو . .

وليد يجابلني ويبتسم : اشوفج صخيتي . . حبيتي حظني صح . .

وخرت ايده الي كانت ماسكه ايدي وضربته ع جتفه : انت ملاحظ انت شقاعد تسوي . .

وليد : ملاحظ . .

تنهدت بضيج . .

وليد : روحي الحين المسيد الي فالمستشفى . . وتوضي . . وصلي فرضج . . وخلينا نطمن على عنود اختج . . وبعدين بنتكلم ف كل شي بهداوه . .

انا : لا . . خلنا نرجع البيت . . ونصلي فالبيت . , وبعدين خلني اخبرهم علشان كلهم يون مره وحده يشوفون عنود . .ألوقت تاخر واكيد بدون يشكون . .

وليد : بشرط ..

انا اطالعه : شو . .

وليد ياشر ع خده . .

انا : نعمممممممممممم . . انت مينون شو تتحراني . .

وليد : شوووووو . . شو قلت انا . . ؟ " يحجج خده " شفيج . .

انا تشككت ف امره . . هل انا فهمت غلط ولا هو قاعد بستهبل علي

وليد : بلاج . . ليكون تتحريني بقولج بوسيني هههههههههههههههههههههه

انا : اقولك فكنننننننني يالله خل نروح . .

وليد : بععدني ما قلت شرطي انزين . .

انا : مابا اسمعه بتوديني غصب عنك . .

وليد : عيل استريحي . . يا حلو هالجو لا وف باركنات . . جو صياعه . .

انا : اييييييييييييه عن الطفاسه . .

وليد يبتسم : عيل اسمعي شرطي .

انا حاطه ايدي ع خصري : شو خلصني . .

طلع سويجه من جيبه : انتي سوقي . .

تميت اطالعه : ليش يعني . .

وليد : هذا شرطي . .

انا : اففففففف .. . هات . .

عطاني السويج ..

وليد : مهور تعرفين تسوقين ؟

انا : هيه بعد شو . . بديت اتخاف هاه . . .

وليد : والله ارمس جد ما تمصخر . .

انا : هههههههه صدق خيفان . .

وليد : بعدني شاب ف عمر الزهور . . لا تدمرين مستقبلي . .متى خذتي الليسن ؟ قبل 10 سنين ؟

انا : لا تستهبل علي . . كملت سنه انزين . .

وليد : يعني صدقني . .

انا : واللللللللللله . .

وليد : انزين يالله اركبي اركبي . .

وركبنا السياره . .

وليد : عدلي الجامه . .

انا : انزين لحظه خل اقعد عدل اول . .

وليد : يلا . . وعدلي السيت حسب مقاسج . .

انا اطالعه : اعرف بس لا تيلس تعطيني نصايح . .

وليد : يلا خلصصصصصصصينا . . " ياشر" تجدمي لين ها المسيد .. مابناخر الصلاه . . عقبها بنرجع البيت

انا : اوكي . .

عدلت السيت والجامه وعدلت كل شي وكنت ابا البس حزام الامان بس خفت يضحك علي لكن يوم شفته لبس حزام الامان تشجعت ولبسته . .

وليد : ههههههههههههههههههههههههه ههههههههههههههههههههههههه ههههه من صدقج

انا بفشله : هيه اخاف على عمري انزين . .

وليد يبتسم : امزح امزح . . شاطره . . عمرج لا تسوقين بدون حزام سمعتي

انا : انزين ماسوق بدونه ع فكره . .

وليد يبتسم : يالله حركي حركي خـ نشوف . .

طلعت السياره من الباركن .

وليد : يالله اكسري يمين . .

انا :اسكت اعررررررررف . .

وليد : حاسبي لحظه خل تخطف السياره . .

انا : وليد بنزل ترا . .

وليد : خلاص خلاص بسكت " يحط ايده ع حلجه . .

وحركت السياره بهدوء وانطلقنا . . حسيت اني اسوق بثقه وسواقتي فنانه . .ويوم شفت ان وليد صخ وما تم يعلق ارتحت جزئيا . . وصلنا المسيد الي اشرلي عليه . . كان قريب من المستشفى . .

انا : اخلي السويج عندي ولا عندك . .

وليد : عندج طبعا . . تخلصين تركبين السياره وانتظرينيي . .

انا : اوكي . .

وافترقنا وكل واحد فينا سار يصلي . .

بعد الصلاه . . خلصت وشفته يترياني عند باب السياره ومنزل راسه .. ماشفت ملامحه لانه منزل الكاب ع ويهه . .

حسيت اني تاخرت عليه . . لان حمام الحريم كان زحمه واترييت لين فضا علشان اروم افصخ عباتي ع راحتي واتوضى . . وعقبها صليت وتسننت ودعيت وايد وتميت استغفر وقريت اذكار المساء !

انا : تاخرت صح . .

وليد يرفع راسه : لو تراويح جان خلصو . .

ابتسمت : الواحد ما يتعبد يعني . .

وليد ابتسم : امزح . . انا بروحي توني ياي . . وبعدين هاتي السويج حسبالج بخليج تسوقين لين البيت . . مينونه انتي ولا مش صاحيه . .ابا عمري ابويه . . يلا يلا ركبي فالدبه

اناا : الله يخليك خلني اسوق

وليد : ماشي . . الدبه الدبه يلا . .

انا : وليد عاد . .

وليد : لاتترجين روحيي يلا . .

انا : ههههههه من صدقك بتخليني فالدبه . . بختنق بموت . .

وليد : مابتموتين . . يالله . .

انا :خلني اسوق خلاص تحمست . .

وماسويت له سالفه وركبت وسكرت الباب علي . . ركب جدام وصدلي . .

وليد : انزين اوكي سوقي . .بس تحملي التصرفات الي بسويها . . وفففففففففجاه بمسك ايدج . . وفففففففجاه بصارخ ف اذنج . . وفففففففجاه يمكن اسوي شي اكبر . .

يييت بنزل من السياره علشان اخليه يركب لكنه ضحك . .

وليد : ههههههههههههههههههه امزح امزح . . خلج ابوي خلج . . يالله عن تصيحين علينا . . توكلنا على الله . . سمي بالرحمن وقولي دعاء الركوب . . وخليني انا اتشهد . .

ابتسمت وماعلقت ع كلامه وسقت بهدوء . .

تم وليد مندمج بالشارع ويدندن ويدندن . . عقبها حسيت انه يطالعني بطرف عينه ويبتسم . . صديت طالعته لكن ماشفته يطالعني .! تميت احس بهالشعور بس . .يا انه هو يطالعني جد لكن ما يبين لي يا انه انا تخبلت .!!!

وليد يبتسم ويغني : الله عليك الله عليك مجنون انا . . والله فيك مجنون اانا والله فيك . . كلي لعينك يالغلا تامر حبيبي . . وش عليك تامر حبيبي وش عليك . . دامك ملكت العقل كله . . قلبي معك هذا محله . . لك قدر محدن وصله مفنود وانا اموت فيك . .

ابتسمت : تعيسه حظ .

وليد يبتسم : يا الجلللبه . .

انا : ههههههههههههههه . .

وليد يبتسم : لا طلعتي تعرفين تسوقين صراحه . .

انا : ادري . .

وليد : تروحين الكليه مع الدريول ولا بروحج . .

انا : الدريول مسافر وقال بي . . وعلى قولتهم ذهب ولم يعد . .

وليد : من مشاويرج . . منو بيتحملج . .

انا : والله ماظهر وايد

وليد : خلللللللللللل عنج . . هاك الجمعه يوم كنتو في بيتنا شفت ميروه ميته متيبسه شرا الصنم لا تضحك لا تتكلم . . عاد هي بروحها هبله ويوم شفتها جي شكيت هل هي فحالتها الطبيعيه ولا الهبل زايد عليها رمستها طلعت لسانها وتمت تنفخ ويهها وتفتح عينها شرا الحمار . . ويوم تخبرت قالولي ظهرت وياج وخيستيها ف محل ساعتين وربع . .

انا تميت اضحك بحاله هستيريه على المبالغه فالكلام . .

عقب هدوء بسيط . .

انا : ليش من عقب ما روحت انا وياسيف مارجعت على طول . . ليش كنت تتريا ؟

وليد : شفت سيارته واقفه قلت يمكن عطلانه ولا شي . . خفت على السياره وايد . .

انا اطالعه : تخاف ع السياره ؟

وليد : هيه بعد شو . . كفايا انتي بتركبينها الله ييعينها السياره مادري كيف تحملتج . . علشان جي نزلتي صح . .

ابتسمت : . .

وليد : مهما كان الشي الي بينج وبينه كبير . . فـ انتي كبش الفدا دوم . . خلي سيف يعاني شرات ما تعانين ولو لمره ف حياته . .

تنهدت ما قلت شي . . بركنت السياره البيت وصديت له : مشكور . .

يبتسم : ولو ماسويت شي . .

انا : ما بتنزل . .

وليد يتصدد : ماتشوفين ماشي سياايير . .الكل راح . . بالعاده المغرب تنتهي الجمعه . .

انا : اكيد عميمه داخل انزين . .

وليد : تبيني انزل " ليكون انعجبتي بشخصيتي البراقه "

انا : ااااااااااه على الغرور كيف اكرهه . . روح روح . .

وليد ينزل : لا بنزل . .ادري تبين حد يساعدج فالرمسه عشان عنود صح . .

انا ابتسمت لانه صح لكن ما قلتله . .

ودخلنا البيت مع بعض لكن ماكان اي حد موجود بالمره ! والشغاله قالت ان كلهم طلعو مره وحده وكانو يصارخون ويصيحون وماتعرف شسالفه .!

[اسطورة !]

البارت الـ خامس

انا : شو بيكون صاير ليش محد يرد على التلفون . .

وليد : انزين انتي اهدي يمكن عرفو عن عنود . .

رن التلفون . .

وليد : الو . . هلا مروان . . شوووووووووووووو . . شوووووووووو صار فييييه . . حاااااااااااادث . .!!!!!!!!!!!! متعممممممممممممد .. استغفررررررر الله . .

انا حطيت ايدي ع قلبي وانا عرفت المتعمد منو . . مارمت انطق بـ ولا كلمه . . كنت ارجف حيييل . . ارجف خوف وارتباك وارجف من كل احساسيسي

وليد يطالعني : كان واقف عند الاشاره الحمرا فجاااه حرررررك . .

انا اطالعه بعين مليانه دموع : شصار فيه . .

وليد : مادري . . امشي خلينا نروح المستشفى . .

ريولي ماقدرت تشلني تميت واقفه مكاني من الصدمه لكن وليد سحبني من ايدي لين برع وركبني السياره وسرنا المستشفى . . نزل قبلي وبطل لي الباب . .

وليد : ياللللللللله . .

ماقدرت انزل ريولي ماتشيلني . . نفس المكان . . نفس الطواري . . الفرق ان الوقت كان متاخر اكثر عن جي . .

انا اصارخ : ابوي ما مااااااااااااااات مااااااااا ماااااااااات . .

سيف ينزل ع الارض يكلمني بدمعه : حرام الي تسوينه فنفسج . . الله ما يرضى . .

ميره تصيح : مهور قومي دخيلج خلينا نرد البيت

انا : مابرجع بدوووووووووووون ابوووووووووي . . مابرجع بدونه

سيف بهدوء : عشان خاطري انا . . لو لي خاطر قومي . . الي تسوينه يتعب ابوج . . ابوج ما بيرضى لو شافج جيه

ميره تطالع سيف : اباها تصيح . . اباها اطلع الي فيها . . بس تصارخ ماقاعده تنزل دمعه وها الي بيتعبها اكثثثثثر . .

سيف : مهور . . يالله بسج قومي فديتج

وماحسيت بروحي الا وانا غشيانه . .

وليد زعق باسمي بصوت عالي يوم شافني سرحانه . . : مهـرررررررررررره . .

انا اطالعه : ماقدر انزل . . ماقدر

وليد : ماتبين تطمنين على سيف ماتبين تعرف شصاارله ؟؟؟

انا : هالمكان مشؤوم . . ماقدر . .

وليد مسك ايدي ونزلني غصب . . كنت اقاومه لكنه هزبني .

وليد مجابلني : لووو مات بترتااااااحين ؟؟؟ جاوبيني . . لو مات من غير ما تشوفينه حتى بترتااااااحين ؟

سكت مارمت ارد عليه . .

وهديت ايده ومشيت عنه بسرعه . .لا سيف ما راح يموت . . سيف راح يعيش وراح نضارب اانا وهو كل يوم واكثر ومصيرنا بنرجع لبعض . . الي بيني وبين سيف ما انتهىىىىىىىى ما انتهى حتى لو قلته بلساني . . حتى لو هو قال بلسسسسانه ما انتههههههههى . .

دخلنا المستشفى وكنا ندور عليه . . كنا نسال كل حد وندور ف كل مكان لكن ما شفنا حد . . تخبل وليد وانا تخبلت لين سألنا الي فالرسبشن وقالولنا ان مافي اي مريض دخل اليوم باسم سيف وماصار حادث الا من 4 ساعات وكانت لحرمه وماصار فيها شي . .

اتصل وليد على طول لـ مروان ورد عليه مروان من اول رنه وهو يضحك . .

مروان : ههههههههههههههههههههههه شرايك فالمقلب . . اكيد انتو فالمستشفى صح . .

وليد بصدمه : مقلب ؟

على طول قعدت ع الكر وغمضت عيني . .

مروان : ههههههههههههههههههه خبرني شو كان رده فعلكم . .

وليد : مروان لا تستهبل شو مستوي الشغاله قالت ان الكل طالع يصيح ويصرخ . .

مروان : انا قايل حق الشغاله تقولكم جي . .

وليد : والله لو انت حذالي ما سلمت . .

مروان : ول ول ول ول ليش . . اجتعمنا ف ميلس يدي وسيف كان معتفس وقال ان مهره ودرته . . قلنا له بنخليها تردلك اصبر بس . . يالله ضبط الامور عندك علشان مهره تردله لا تخرب الي بديناه . . عطها من الكلام ان شفتي ماترومين تعيشين بدونه ووو

مع الاسف الصوت كان واصلني حيل . . واسمع كل حرف . . سكرت اذوني مابي اسمع شي . . طلعت من المستشفى وانا ابصم اليوم اني ماعرفت سيف عدل . . سيف معقوله بيهون عليه انا اتم بهالحال . . . بيهون عليه انهار لـ مقلب ؟؟

ركبنا السياره و وليد صاخ ماتكلم وياي ولا قال لي اي شي . . حرك السياره وكل الي قاله . .

وليد : ترا الحريم عرفو عن عنود وكلهم عندها . . تبين تروحين لها ؟

انا : هيه . .

وليد : اوكي . . بروح مكان قبل وبعدها بنروح عند عنود . .

مارمت اساله وين ولا كان لي خاطر ابد . . عقب دقايق بسيطه وصلنا بيت يدي . .

وليد : انزلي . .

ما عارضته وبطلت الباب نزلت . .

مشينا رايحين صوب الميلس الخارجي . .

وليد : صبري لا تحدرين بتاكد اذا شي ريال غريب . .

دخل الميلس لـ ثواني ورد طلع راسه : احدري . .

مشيت بهدوء وتميت واقفه عند الباب وجفت سيف قاعد ويا عيال عمي يلعبون ورقه . .

ابتسمت بعذاب . . تلعب وانا الي محترق قلبي يا سيف . .

وليد مسك مروان اول شي من رقبته : انت بذمتك ريال على هالحركه . .

مروان يطالعه باستغراب : وليد بلاك ما يستاهل الموضوع

مايد يا ووخر وليد عن مروان : يا ريال بسس . . بلاك

سيف يوقف ويجابل وليد : شعندك ؟ اذا ياي تضارب ضاااربني انا . .

وليد رفع ايده بيعطيه بكس لكن سيف ضرب وليد قبل . . واشتعلت الضرابه بكسات وتكفخ بينهم . .

انا حطيت ايدي ع حلجي مارمت اسوي شي . . شكلهم للحين ما لاحظو وجودي خاصه وان ليل وانا على طرف الباب اوايج . .

سيف : حطيت عينك عليها يتك الجررررررررراه الحين عقب سنين

مايد : سيف لا ترمس عن بنت عمي بشين .. لاتطريها . .

وليد : هه . . هذا وين فيه ادب . .

سيف يتقرب ويزغده : هاي حرممممممممتي انا سمعت ولا لاء . . اتكلم عنها بصفتي ريلها . . انت ابتعد عن الموووووووضوع . .

وليد كان شاب نار . . اول مره فحياتي اشوف وليد بهالانفعال . . كان يضارب وما يكترث وفداخله حرقه باينه عليه . .

وليد : اسمعني . . بنت عمي من اليوم انت مالك اي علاقه فيها . . راح تبني حياتك مع حرمه ثانيه رووووووووح . . لاتجرح بنت عمي . . بنت عمي ما بياااااااخذها الا واحد يصونها وما يشوف غيرها ويحارب الكل عشششششانها . . مايسويلها مقلب تاااااااااااافه علشان ترجع له . . لو عندك ذره قلب ما سويت فيها الي سويته وخليتها مثل المينونه فالمستشفى تدور عليك غرفه غرفه . .

مروان : مافكرت فيها . . الغلط مني الفكره فكرتي . .

وليد يحط صبعه على صدر سيف بقوه : لكن هالخسيس رضا فيها . . يبا اي طريقه سهله ترجعله فيها . . يعرف انها بترضى فيه الوصخ بكل شي يسويه . .

سيف : الحرمه حرمتي . . ولو ادوس على راسها لا تدخل . . انا بعدني بذلها ذذذذذذذذذذذذذذذذذذل اكثر من الي شفته وبخليها ترجع لي تززززززززززززززحف عشان اكسسسسسسسر راسك

دخلت عقب هالكلام وعقب هالمذله الي اسمعها من سيف . . صرخت باقوى ما عندي من غير ما احشم حد موجود . .

انا : بسسسسسسسسسسسسس . . بسسسسسسسسسك وانت تطيح من عيني اكثر واكثر بسسسسسسسسسسس . .

سيف انصدم يوم شافني . .

انا : انااااا بدوس على راسي ؟ انا ؟ انا بتذلني ياحقير . . انا تبيني ارجعلك بس عشان تكسر راسه مش عشانك تبيني . . اي قلب فيك انت اي قلب فيك . . ليت المقلب كان صدق

سيف مات من كلامي . .

انا : ليتك مت اليوم وتعبت على فرقاك وانت زين ولا اني شوفك بهالانحطااااااط . .

مايد ولد عمي خالد " اخو شما وخلود " : بنت عمي اهدي ماصار شي . . الغلط غلطنا لان سكتنا عن المقلب . . خذناها بطرافه محد فكر بشعورج . .

مروان يي صوبي : سامحيني بنت عمي . . والله انا الغلطان بكل شي . .

وليد يطالعني : اطلعي برع . .

تميت اطالع وليد . .

وليد : سمعتيني . .؟ اطللللللللعي برا . .

بلعت ريجي وطلعت وتميت على جنب الباب متسانده عاليدار الي برع واصيح . . اصيح على اشياء وايده صارتلي اليوم كسرتني . . على امور وايده كشفتها وهدت حيلي . . على شخصيه كنت معاها 21 سنه وهاليوم تبخرو وصرت ماعرفهه ابد . .

سمعت وليد يتكلم بتهديد : مهره بتكون من نصيبي انا يا سيف . .انا بنسيها انت منو . . انا بنسها الانتظار الي انتظرتك فيه . . انا بخليها تضحك معاي وهي تطالع عيونك واخلي قلبك يحترق . . انا انا الي بذلك وادوس على راسك . .

ومشى وليد وسمعت خطواته ووقفه مروان : غلط الي تسويه . . احنا مهما كان اهل . . احنا غلطنا بهالمقلب وانا اعترف لكن

وليد طنشه وطلع برع وجافني متسانده ع يدار الميلس :ليش ماركبتي السياره . .

تميت اطالعه بكل اسى . . بكل عذاب . .

طلع سيف عقبها كان بيتكلم بيقول شي لكن من شافنا سوى سكت . .

سيف : شو تسوين معاه فـ انصاص الليالي . . الحين بياذن العشا وانتي بعدج معاه ؟؟

تميت اطالعه باستغراب . . بعد قوي عين يكلمني كنه ما صار شي . .!!!

سيف عاقد حياته ويتقرب مني : تسمعيني ولا صرتي ماتسمعين الا الي يقوله ؟

مارديت عليه وتميت اطالعه بنظرات خسيسه ..

سيف انقهر وايد ولاحظت هالشي من قبضت ايده الي كانت متوتره ويدقها كل شويه بايده الثانيه

سيف : شرات ما قلتلج . . انتي سهله . . في يوم واحد افترقنا فيه ضبطتي امورج مع واحد ثاني . . طلعتي مستعيله على العرس مش مستعيله علي . .

تقرب وليد وضربه بكس مره ثانيه ومارحمه . . طاح سيف ع الارض وتم وليد يضربه ويضربه ويضربه . . طلعو عيال عمي من الميلس ومن شفتهم طلعو انسحبت ودخلت عند يدي . . كنت واقفه عند باب الصاله اشوف يدي وهو يشرب شاي ومشغل التلفزيون ويسمع الصوت ويطالع مكان التلفزيون . . كنه يشوف صدق ولا جنه فاقد بصر . . تميت اطالعه ودموعي تنزل بغزره . . بس شوفتك يا يدي تنزل لي دموعي كيف لو كلمتني . .كيف لو شكيتلك . .

يدي : منو اهني . .

بلعت ريجي ما اتكلمت . . لكن شفته يتصدد ويسمع بتمعن يبا يتاكد ما هان علي . .

انا : انا مهره . .

يدي : مهره . . جي واقفه بعيد . . تعالي ابوي . .

تقربت منه وانا امشي مشيه مكسوره . . تقربت عند رويلاته وحظنتهم وحطيت راسي وتميت اصيح بهدوووووووووووووووء . . اصيح ع اليوم المتعب . . تميت اصيح واصيح واصييييييييييح واطلع كل تعب فيني بصياح . .

انا : تعبت . . ماعاد فيني حيل لـ شي . . ماعاد فيني حيل اتحمل شي . .

يدي يربت ع ظهري : تهون يا بنتي تهون . .

انا خانقتني العبره واصيح : ماتهون يدي ما تهووووووووون . . كله تقولي تهون بس ماتهون . . انا تعبت ماعرف شو اسسسسسسوي ماعرف . . تعبت من كل شي يدييييييييه

يدي : اتركي كل شي مثل ما هو . .

تميت اطالعه . .

يدي : خلي الامور تمشي مثل ما هي . . لا تغيرين شي . . والي ربج كاتبه بيصير . .

يدوه دشت : وليد جيه واقف عند الباب ؟؟

صديت شفت ان وليد واقف عند الباب . .

وليد : مهور يالله خلينا نروح عند عنود . .

يدوه : انتو اليوم بلاكم لاصقين في بعض هااااه ؟ وليدوه يالهرم . . هاي بنت عمك ترى . .

وليد : بسم الله عليج يدوه . . ادريبها بنت عمي شو بسويبها انا . . بنسير بنزور بنت عمي بعد

يدوه : تعال انزين احدر تعشا عندي " تبتسم " خخليت الشغاله تسويلك معكرونا الي تحبها . .

انا : يدوه انا احبها اكثر . .

يدوه : انتي محد عزمج . .

وليد يبتسم : قسم بالله جي خاطري يدوه اشلج وادور فيج وادور وادور

يدوه : تبا تموتني مسود الويه . . تبا قلبي يوقف . .

وليد : بسم الله على قلبج دلوعتي . .

انا تميت اطالع يدوه بتمعن . . سبحان الله كيف لها اسلوب خاااااااااااص مع وليد . .

وليد يطالعني : اكيد غيرانه . .

يدوه : خلها لاصقه في خشم يدك . . كلهم يحبون يدك ما يدانوني . .

انا : حرام عليج يدوه . . كلنا نحبج . .

يدوه بصوت واطي : اسمع الخرط . .

وليد : هههههههههههههههههه . .

يدي يبتسم : دلوعه هاي يدتكم من صغيره دلوعه

يدوه تطالع وليد : من دلعي وانا صغيره حتى ما خذا علي ولا حرمه . . مع ان كل اخوانه ماخذين 4 . . " تحط الشيله على عينها بدلع "

وليد : ياويلاه ماروووووووووم ماروم . . لا تغريني . . لبى هالعيون . .

انا : هههههههههههههههههه

[اسطورة !]

يدووه : وانتي ليش شاقتلي حلجج ؟ امرره عيوني غاويه وطبيعيه وحلوه بجحال مش بألوانكم الي تحطونها

انا : انزين يدوه ما قلت شي انا " ابتسمت " اصلا اناعيوني حلوه لاني طالعه عليج .

يدوه : انتي تشبهين امج ماخذتي شي مني

وليد : ههههههههههههههههههه امايا بسج تجريح فيها . .

يدوه : هااه اغرفلك العشا . . ترا توه مخلص وحار

وليد : لا بودي بنت عمي تشوف اختها . .

بدوه : عنود ما بتطييييييييير . . كل وبعدين ودها " تطالعني " ارمسي قولي شي

انا : هيه هيه . . كل بعدين بنروح . .

وليد : انزين قوليلهم يحطونه . .

يدوه تقوم : انا بسير احطلك . . ماخلي البشاكير يهبشون اكلك . .

يدي : يا ليت تعاملني شرات ماتعاملينه

يدوه : انته بعد شيبه دلوع اشوفك استويت . .

انا ابتسمت . .

وليد بصوت يادوب انا اسمعه : تسلملي الابتسامه الحلوه . .

فجيت عييني ع وسعهن . .

وليد : بسمت يدوه غاويه ترى . .

انا : هيييييه اتحرا ..

وليد : الله يخليهم لنا . . حلاوه الدنيا يدي ويدوه

انا : هيه والله . . الله لا يذوقنا حزنهم ف يوم

يدي : ولا حزنكم في يوم يارب . .

وتقربنا من يدي وسرنا نقعد صوبه ونسولف لين يدتي يابت العشا وانا نشيت عاونتها وتمينا نترتب الصفره وكلنا . .

شوي ودخلت الشغاله وشاله معاها صقوري ومن شافني ربع صوبي يصييح . . ودرت الاكل وشليته . .

انا : حبييييييييبي انا شوه فيك . . ليش تصيييييييح . . " ارمس الشغاله " بلاااااه

الخدامه : مافي احد داكل بيت . . هو يسيح يسيح يدور ماما يدور بابا يدو بابا كبير يدور ماما كبير يدور

وليد يقاطعها : انزين انزين اسكتي . . بتيلس تعدد لنا افراد العايله

الخدامه : يدور كلو نفر مافي داخل بعدين هوا ما يريد نومييي مع انا . .

انا : الله ياخذننننننننني كله مني كيف نسيت

يدي : مهرررررررررره

وليد يضربني ع راسي : انتي خبله تدعين ع روحج . .

يدي : كم مره قايلج شلي هالدعاء . . كم مره قايلج لا تدعين ع عمرج

انا : نسيته نساااني الموت

وليد : هههههههههه توا تدعي ع عمرها والحين نساني الموت

انا : صقوري حبيبي . .

صقور كان متعلق فحظني ومدخل ايده داخل الشيله وماسك رقبتي بقوه ومغمض عينه . .

انا : وفديييييتك وفديتك . .

وليد يبتسم ويمثل انه مستحي : بس عاد مش جدام الناس . .

يدوه تفلعه بشوكه . .

وليد : اااه بلاج . .

يدي : مهره خليه معاج . .

انا : هيه هيه اكيد . . بسير بشل له ثياب وبرقده عندي . . " ارمس الشغاله " خلاص انتي روحي نامي انا بخليه ينام عندي . .

الشغاله : سوي كلام بابا عبدالله تلفون قولي حق هوا . .

انا : اوكي . .

وسارت

وليد : وعنود . .

يدوه : برايه لا تروحين عند عنود الكل معاها محد بيقصر . .

يدي : هيه صدقها . .

انا : هيه ماقدر اخلي الولد بروحه . .

يدوه : قولي اسمممممممممه . . انتي ماتفهمين . . بيلصق ف لسانج لين يكبر . .

انا :انزين يدوه خل يلصق انا ما اسسسسسبه ..

يدوه : انا في يوم من الايام بمرغج بنعال على طول الللسان وعلى المرادد . . يوم حد كبير بيرمس انطبي واسمعي . . لا تراددين . . ما استعجب يوم بغا يصفعج عمج .. من لسانج الي يباله قص . . ماترومين تسمعين وتصخين . .

انا : ماروم ماروم . . ماتحمل احس اني بموت

وليد : ههههههههه . .

يدوه : قومي قومي ماتبين عشا . .

انا : هههههههه حرام عليج يدوه بعدني يوعانه . .

قعدت اسد يوعي بكمن لقمه والولد فحظني . . وبعدها نشيت . .

وليد : وين سايره . .

انا : بسير بيت عمي حمد بشل له ثياب . .

وليد : يالله بي معاج . .

يدوه: انت ليش لاصق ف ظهرها اليوم . .

يدي : عيل تبينها تروح ف هالليل بروحها ..

يدوه : بيت عمها مجابل بيتها وبعدين كلنا اهاليه فالفريج مافي غريب

يدي : انزين مهره روحي روحج

يدوه : لالالا شو تروح روحها فليل يمكن يخطف رغيد ولا بنقالي يتحرش بها

يدي : عيل انتي الي انطبي من البدايه

يدوه : عجيييييييييييب امرك . . انا الي انطب الحين يالشيبه

يدي : قومي قومي شلي العشا الريحه تامه فخشمي ودخني البيت خلينا نرقد بريحه زينه

وليد يبتسم ويرمسني بصوت واطي : خل نشرد قبل لا نزيد الطين بله . .

يدي : وليد

وليد : امرني يدي

يدي : وصلها بيت عمك . . وادخل معاها شلو ثياب وعقب تم فالبيت لين تي امها . .لاتودر البيت محد فيه الا هي سمعتني . .

وليد : اكيد يدي لا توصي . .

يدي : واتصل فـ امها بعد خبرها انك فالبيت . .لأا تستفرد مع البنت ومحد عنده خبر . .

وليد : ان شاء الله وانا رايح الحين بتصل . .

يدوه : عيال نوره راقدين من وقت ولا جان خليتهم يباتون في بيتكم . .

وليد : تخافون مني ؟ ولو انا محشم بنت عمي وصايننها . .

يدوه : محد قاااااال ولا شك فيك . . تربيتي واعرفك . .

يدي : انا اوصيك ابوي . . شوفها اختك لا تشوفها حد ثاني . .

وليد عاقد حياته : اختي . .

انا اطالعه : هيه اختك بعد شو

وليد : هيه خير ان شاء الله . . أمشي امشي اختي

انا ابتسم : انزين اخوي

وليد : عيديها مره ثانيه انا الي بمرغج بنعال مش يدوه . .

سلمنا على يدي ويدوه وطلعنا من البيت وانا شاله الولد بحظني . .

وليد : هاتيه عنج اختيه

انا : مشكور اخويه لو شليته انته بيقوم

طلعنا من الباب الجدامي . . لانه لو دخلنا الباب الوراني بنخطف صوب الميلس الي قاعدين فيه عيال عمي . .

وليد : صبري اترييني اهني بجدم السياره . .

انا :اوكي

وليد : ولا اقولج تعالي تعالي ويايه . .

انا : انزين بتجدمك بيت عمي الا هذا هو . .

وليد : لالالا . . ماسمعتي يدي ويدوه كيف يوصون . . انتي اامانه الحين اختيه

انا ابتسم : هههههههههه . . انزين .

ومشينا سوى لين ورى البيت وركبنا السياره وسرنا بيت عمي حمد . .

دخلنا وكان البيت صخه . . دخلت غرفه عنود وحطيت الولد ع السرير . . شليت له كم غرض ووسمعت صوته . .

سيف : انت شـ تسوي اهني . .

وليد مارد عليه . .

اتنهدت بضيج وشليت الولد والشنطه الصغيره الي فيها الاغراض وطلعت وسكرت الباب . . انصدم سيف يوم جافني . .

وليد شل عني الشنطه : يالله خلينا نروح . .

مشيت وراه متجاهلة سيف لكن . .

مسكني سيف من جتفي : انتي من صدقج الي يالسه تسوينه . .

مسك وليد ايد سيف بقوه ونزلها : ما اسمحلك . .

سيف عاقد حياته : انته منو عشان ما تسمح لي . . مهره بعدها محيره لي ودامني ما حللتها ما تقدر ترررررررررررررتبط بواحد غيري . .

وليد يبتسم : هه انت روح اقنع ابوك اول . .

سيف : قنعته ولا ماقنعته مهره محد يستجرأ ياخذها غيري . . لا انت ولا عشره من امثالك . .

انا : بختار الموت ولا اني ارتبط فيك . . محيت 21 سنه من حياتي اليوم . .

سيف : عشان واحد مثل هذا . .

انا : بسك استخفاف فالناس . . لا عشان هذا ولا عشان غيره . .

سيف : عيل ؟

انا : يكفيني اني اكتشفتك ع حقيقتك . . وبعدين اذا ع قولتك مابتحللني لحد . . ماراح ارضى فيك حتى لو ما حللتني . .

سيف يبتسم باستهزاء : ولا وحده من بنات العايله تزوجت برضاها . . شرات ما خذو اختج غصب راح تاخذيني غصب . .

وليد : دام راسي يشم الهوا . . محد بياخذها غصب . .

واااااااااااااااااااااااا اااااايد ارتحت . . ارتحت بشكل فظيع لما قال وليد هالجمله . . تميت اطالعه بعيون براقه وبقلب يخفق امل وراحه . . ريحني وايد وايد بشكل ما يوصف . . لوو ابوي حي جان قال نفس هالجمله . . .

ابتسمت براحه فظيعه . . ومشيت عن سيف وانا متجاهله كل نظراته ولحقني عقبها وليد . .

وليد : يعني ليش لازم نتلاقى فيه وين ما نروح

انا : بروحي مادري . .

وليد يبتسم : ايدج ماعورتج وانتي شالتنه . .

انا اتقرب من الولد وابوس ويهه واشم ريحته : ابد . . ما اتعب وانا لامتنه فحظني ابد ابد ابد . .

وليد يبتسم : ياويل حالي . . ليتني هالكبر عيل . .

انا : ههههههههه وع . .

وليد : ههههههههههههه . .

تمينا نمشي رايحين بيتنا . .

انا اطالعه : مشكور . .

وليد يمشي بدون لا يطالعني : على شو . .

انا : على كل شي سويته لي اليوم . . وقفتك . . كلامك . .

وليد يبتسم ويطالعني : افا عليج اختيه . . حاظر لج " يدق ع صدره " اي وقت فالخدمه

وصلنا البيت ووقفت عند الباب : الجمله الي قلتها قبل شوي . . ذكرتني بـ ابوي . . لو كان حي جان قال نفس الشي . .

وليد يحط ايده ع راسي : فديت بنيتي . .

انا ابتسم : ههههههههه

وليد ينزل ايده : ماتلاحظين اليوم كله تقوليلي شرات ابوي شرات ابوي . .

اانا ابتسم : اخرتها بزقرك باباه . .

وليد تغيرت ملامحه 180 درجه . . تم يطالعني بانهبار . .

وليد : شو بتزقريني . .

انا بعفويه : بااااباه . .

وليد يعض ع شفاته بقوه ويمسك قلبه : اخخخخخ . .

[اسطورة !]

انا : شفيك . .

وليد : احين عرفت ليش الشباب يستانسون ع هالكلمه

انا عاقده حياتي :اي كلمه . .

وليد يبتسم : سلامتج . . ازقريني دوم باباه انزين

انا ابتسمت : يالله سير خلص امورك .. وايد عطلتك اليوم . .

وليد : اي امور . .أليوم الجمعه ماعندي شي . .

انا : اول اسبوع تقرر فيه .. ضاري بكل جمعاتنا تتغدى ومانشوف ويهك . . حتى مرات ما نشوفك اذا ييت او مايييت . .

وليد : انا اصلا ما ابا اي لكن افك روحي من حشره يدوه . . ادريبها بتاكلني اكال . .

انا : والله احمد ربك عايلتنا بعدها ملتزمه بهالجمعات . . احين وين تحصل عايلات جيه . . الكل ما يدري عن هوا داره . .

وليد : تبين الصدق انا دوم افكر بهالرمسه . . يدي ويدوه سوو هالشي من كنا صغار . . لين كبرو ابهاتنا وكل واحد صارله بيت . . وبعدهم يسوونه . . وحتى الي ما يي يدي ويدوه يلعنون اسلاف اسلافهم . . الله لا يبعدهم عنا . . اخاف يي اليوم الي نخسرهم فيه وتتششتت العايلات كلها . .

انا :فال الله ولا فالك شو هالكلام . .

وليد : ليش تتحرين الكل يحبون بعض . . نصهم مجامل لكن بحكم ان اوامر عليا يجاملون . .

انا اتنهد : اعرف . . ام سيف ما تحب امي . .

" مشينا ودخلنا البيت "

وليد : وسيف ما يواطني . .

انا : انت ماتداني شيخو . .

وليد : وووووووووع . . لا تيبين لي طاريها . .

انا ابتسم : عبدالله ما يحب عنود

وليد صدلي . . : شو . .

انا : عبدالله يحب خلود . .

وليد منصدم . .

انا : وعنود تحب عبدالله . .

وليد : . .

انا : وخلود تحب عبدالله . . بس ماتبا تجرح عنود

وليد بعده مندمج يطالعني . . دخلنا الصاله وحطيت الولد على الغنفه . . وقعدنا على الغنفات هو على غنفه وانا فالغنفه الي مجابلتنه

انا : ابوك ما يحب ابوي الله يرحمه . .

وليد : الله يرحمه . .

انا : امي ماتحب عمي حمد . .

تنهدت . . : عمي حمد ما يدانيني . .

انا : عميمه نوره ماتحب ابوك . .

وليد بصوت خفيف : لانه طلقها من ريلها . .

انا : مروان يبا شما . .

وليد : . .

انا : وشما ماتعرفه . .

وليد : . .

انا : انا احب سيف . .

وليد رفع عينه يطالعني عين بعين . .

انا : وسيف بياخذ بنت خاله . .

وليد يتنهد . .

انا : ميره تحبك وتموت فيك . .

وليد : وانا احبج انتي . .

انصب الدم كله فويهي وتميت اطالعه عين بعين . .

وليد : لكن مع ذلك . . كلنا عايله . . وقلبنا على قلب بعض . . رغم ما ان في نفاق ومجامل . . رغم اني مشاكل وامور مخفيه مانعرفها . . بعدنا اهل . . وهالجمعات على مدار السنين تذوب الحطب الي بينا . . تفرق وتجمع . . تجمع وتفررق . . لكن . . تبقى رابطتنا قوية . . وكله بفضل ربي وثم يدي ويدوه

انا بعدني مركزه على قبل هالكلام . . معقوله وليد يقصدها . . متى حبني وليد . . وليش حبني . . انا قريبه ولله الحمد من كل بنات العايله وكل شباب العايله . . والكل يعرف اني انا احب سيف ومحد استجرأ يكلمني بحنيه شرات ما يكلمني وليد . . كلهم يعرفون ان سيف الي لازم يسوي هالشي لانه هو الي بيني وبينه حب وعشره وبيصير زواج فـ كله كانو يطيحون فيني ويلعوزوني . . حتى يوم يشوفوني ضايجه ما يسالوني شفيني . . يسالون البنات الي معاي بس مايتعنون يسالوني . . عمي حمد وايد يكره الكل فيني وكله يقولي انتي مش متربيه مش متادبه . . صح انهم ما يرضون ويعصبون من كلامه بس ما يدافعون عني . . . ليش وليد يته الجرأه مع انه يعرف ان قلبي مملوك لـ سيف . .ليش وليد اليوم وايد اشوفه وكني اشوفه اول مره . . تصرفات غريبه . . وحنيه واهتمام زايد . . صراحه . . جرآءه . .

وليد : حفرتي ويهي .

انا : هاه

وليد : حفرتي ويهي من كثر ما تطالعيني وتفكرين . .

انا صديت الصوب الثاني : ماكنت اطالعك . .

وليد : شاركيني الي تفكرين فيه . .

انا : ماكنت افكر بشي . .

وليد : ودري عنج . .

انا : صدقني . .

وليد : متى عرفتي كل الي عرفتيه عن العايله . .

انا : من هالجمعات . .

وليد يبتسم . . : في شي ماعرفتيه . .

انا : الي هو . .

وليد : اني على كثر ما اكره شيخه . . على كثر ما كنت عاشقنها في يوم . .

انا انصدمت : شو . .

وليد : شيخه كانت اول حب في حياتي . . " يبتسم "

انا : وليش .. اقصد كيف ومتى وليش كرهتها

وليد : مابا اتكلم فالموضوع . . الله يستر عليها . .

انا : قول لي والله ما بخبر حد . ..

وليد : ادريبج ما بتخبرين حد بس ماريد ارمس فالموضوع . . شرات ما قلتلج . .الله يستر عليها . .

انا انصدمت . .

وليد: وعلى فكره . . تعرفين ليش ميره تموت فيني ؟

انا : ليش؟

وليد : لانها تعرف وشافت كل شي . .

انا بصدمه : ميروه . .

وليد : هيه . .

انا : مستحيل ميروه ماتخبي عني شي . .

وليد يبتسم : لاني وصيتها ما تخبر ولا تيب طاري لـ أي حد . . ولو انتشر الموضوع بعرف ان منها . . فـ كتمت سري . .

انا : علشان جي كانت ترفضك يوم تخطبها

وليد : لان تعرف اني كنت عاشق . .

انا : وكيف نسيت الحب . .

وليد : الايام نستني . . وكنت اشوفها واستحقرها واسبها ف داخلي لين كرهتها . .

اناا بعدني مصدومه

وليد : ع فكره ما اكرهها . . حتى الكره اختفى .. صرت اشوفها بنت عاديه حالها حال اي حد . .لكن اتعمد ابينلها اني اكرهها . .

انا : ااااه . .ع كثر ما اعرف اكتشفت اني ماعرف شي . .

وليد يبتسم . .

انا : خبرني شو الي بينك وبينها عاد وليش

وليد يقاطعني : حرام روحي وديه يرقد ع سرير بتعوره رقبته . . يالله روحي واانا بتصل لامج بخبرها اني اهني . .

تبطل الباب ودشت اميه و وراها ميره وعنود وعميمه . .

اميه تطالع وليد وتطالعني . .

وليد يقوم ويبتسم : عمرج طويل توني بتصل فيج بستاذنج اني كنت بقعد لين توصلون . . يدي وصاني ما اخلي بنت عمي روحها فالبيت . .

عميمه تطالعنا بصدمه . .

وليد : بلاكم . .

عنود تدخل : السلام عليكم . .

انا سرت صوبها : ليش طلعتوها من المستشفى . .

اميه : هيه ما بغت اتم الله يهديها . .

انا : عنودي ليش ماتميتي . .

اميه : خلاص لاتحنون ع راسها ساعديها وديها الحجره . . " تطالع الولد " فديت صقر ليش مرقدتنه اهني

انا : توني يايببه اغراضه من بيت عمي . .

اميه : وديه الحجره خل يرقد . .

عنود : هاتيه حجرتي . .

انا : لا بترقدون عندي انتو الاثنين . . يمكن تتعبين قلبي ما بيطاعوني . . ميروه وديها حجرتي وانا بييب الولد

وليد : عيل انا اترخص . .

اميه : مرخوص ابويه . . مشكور ما قصرت " تبتسم " مهره اميه هاتي الولد وانتي وصلي ولد عمج ..

عميمه نورة : وصلوني انا بعد . .

وليد : يالله . .

انا : امايا بوصل عميمه نوره البيت وبسلم ع يدي ويدوه وبقولهم يصبحون ع خير وبرد

اميه : يا اميه احين بتي الساعه 11 وين تروحين لهم فهالليل . .

وليد : انا بووصللها عموه لين باب البيت وبدزها داخل وبسكر الباب لا تحاتين

اميه حسيتها مش مرتاحه من نظراتها : انزين ابويه . .

وطلعنا . .

عميمه نوره كانت فالنص وعلى يمينها وليد وانا على يسارها . .

عميمه : شسالفتكم انتو . . اليوم كل ما رفعت عيني شفتكم سوى . .

وليد : قولي ماشاء الله عميممممه . .

عميمه عاقده حياتها : ماشاء الله على شو ؟

وليد : هههههههههههههه على ماشي بسم الله كلتنا . .

عميمه نوره تجابلنا : عن المشاكل انتو الاثنين . . لا تخبلون فـ سيف تراه غالي ومايهون علي

انا اتنهد بضيج : اثرج ماتعرفين شي عميمه . . وبعدين لا تحاتين . . مابيني وبين وليد اي شي . . هو اخوي وانا اخته . .

وليد : قصدها انا ابوها وهي بنتي . .

عميمه : اخو ولا يد ولا عم . .المهم مابا اعرف ان بينكم شي .

.عميمه كانت يايه تدخل بس وليد زقرها . .

وليد : عميمه ؟

عميمه صدت . .

وليد : ولو صار بيني وبينها علاقه شـ راح يصير ؟

عميمه تمت تطالعني وتطالعه . .

وليد : ماظن اني بجرح بنت عمي ولا اني بقص عليها وبخدعها . .

عميمه : انت مش قد الي بيصير . . ولا قد الي بيسويه سيف . .

وليد : انا ما اخاف الا من ربي . . وسيف لو يقدر يسوي شي جان سوا وخذا مهره من سنين . .

عميمه : محد راح يرضى بـ أي شي ناويين عليه انتو الاثنين

وليد : وانا عكس سيف . . بحارب وبسوي كل شي علشان إلي ابيها . .

انا صديت له باهتمام : وليد . . مابيني وبينك شي علشان تقول هالكلام . .

وليد يطالعني . .

انا اطالع عميمه : مابيصير بيني وبينه اي شي في يوم لا تحاتين . .

ابتسمت عميمه ودشت . .

انا كنت يايه الحقها بسلم ع يدي ويدوه لكنه جابلني ومسك جتفي بايدينه الهنتين . .

وليد : ليش ؟ ليش من شو خايفه ؟

انا نزلت ايده : لا تللللمسني بسك وقاحه ..

[اسطورة !]

وليد يرد يمسك جتفي بايدينه الهنتين : حطي عينج بعيني يوم ترمسييني لا تتهربين بنظراتج

انا نزلت ايده بقوه : قلتلك لا تلمممممممسني . .

وليد : مش بس سيف جبان . . انتي بعد جبانه . .

انا اطالعه : انا مش جبانه . .

وليد : جبانه

انا : مش جبانه

وليد : جباااااااانه

انا اعلي صوتي : قلتلك مش جباااااااانه

وليد : اثبتيلي . .

انا بلعت ريجي ..

وليد : جفتي . .

انا : جبانه لانج تحسين انج ماترومين تطلعين من حب سيف وسيطرته . . جباانه لانج ما تبين تودرين هالعلاقه الفاشله الي بينج وبينه . . جبااااااااانه لانج ماترومين تواجهينه بحب ثاني . . جبانه لانج ماتقدرين تجرحينه شرات ما يجرحج . . جباااانه لانج تعرفين ان من داخلج مذلوله له ومستعده تسوين كل شي لرضاه لكن ما تسلمين قلبج لحد ثاني . . جباااااااااانه لان

وسكت لان شاف دموعي تنزل وبلعت ريجي بحسره . . شاف احباطي وتعبني وعذابي . .شاف دموعي بكل سهوله . . رابع مادري خامس مره يجوف دموعي اليوم . . انا الي اتجنبت دموعي حتى بوفاه ابوي صرت اصيح جدام هالوليد . .

وليد تقرب مني وبجـرائته مسك ويهي ومسح دموعي : انا اسف . . ماقصدت انزل دمعتج . .

غمضت عيني ومسكت ايدينه ونزلتها من ع ويهي وعطيته ظهري ومشيت . . حسيته يلحقني بهدوء . . لكن ما صديت . . اكتفيت اني امشي وامشي لين وصلت البيت وسديت الباب بخفه

البارت الـ سادس

سكرت الباب وتميت افكر . . كان عندي احساس كبير ان وليد بيكون ورى البيت . . وتاكدت من احساسي لما رن تلفونه . . لكن ما تجرأت افتحت الباب واشوفه . . أحس الي صار معاه اليوم اكثر عن غريب . . وايد كنا قراب ووايد شافني بحالات مختلفه . .

دخلت البيت وشفت اميه ف ويهي . .

اميه : شو فراسج انتي ؟

انا باستغراب : شفيج امايا . .

اميه تزاعق : شو فراسج . . منو تبين . ؟

انا : امايا بلاكم كلكم عليّه من كل صوب . . من كل صوب واقفين ضدي . . انتي ماتعرفين كيف انذليت اليوم ماتعرفين شي . .

وانهرررت . .قعدت اقولها كل شيي صار بالضضضضضضضبط . . بكل حذافيره . . مع عمي مع سيف ما خليت شي . .

اميه تصيح : حسبي الله ونعم الوكيل فيك يا حمد . . حسبي الله ونعم الوكيل فيك . .

انا : عممممممممممي ليش ما يدانيني . . ليش ما يدانينا ولا يداني ابوي . .

اميه تمسح دموعها وتقوم . .

انا : امايا لاتروحين خبريني . .

اميه : انا باجر بتصل في مرت عمج بقولها ان مانباه سيف . .

انا بصدمه : شو ..

اميه تصارخ : شو بعد شو . . بروحج تتشكين منه ومن الي يسويه وماتبينه . . حق شو اخليج معلقه والناس ترمس عليج لا شافتج مع وليد . .

انا : مابيني وبين وليد شي . .

اميه : تبين سيف ؟ بتصبرين على ضيمه وعلى كل شي يسويه ؟

انا بتردد تميت ساكته

اميه : يوم بيكون عندج جواب خبريني

انا : ماباه . . خبريهم . .

شافتني اميه نظره وراحت بعدها . .

تنهدت وصعدت فوق وجفت ميره واقفه ع الدري فوق ..

ميره تطالعني : شو بينج وبين وليد . .

انا باستغراب : ولاشي . . ذبحتوني بهالسؤال . .

ميره تمسك ايدي وتنزل دمعتها : مهور تعرفين اني احبه واموت فيه صح . .

انا ابتسم : اعرف . . وتطمني ما بسوي شي يجرحج . . وليد مجرد اخو مش اكثر . .

ميره : متاكده

انا : متاكده . .

ميره : عيل ليش بتودرين سيف . . انتي وايد عانيتي لكن ماقلتي بتودرينه

انا : لاني تعبت ميره . . تعبت . . محد حاس بلي انا امر فيه . .

ميره : لكن

انا : دخيلج ميره . . مريت بيوم وايد صعب ما احس اني قادره اتكلم اكثر . . اعفيني من الرمسه اليوم . .

ميره : عنود من وصلت وهي تصيح . . " تنزل راسها " روحي جوفيها .. شكلها هي بعد بتطلق

انا بصدمه : شووووووووو . .

ميره : مادري ليش اخواني الاولاد معذبينكم . .

اانا : شصار خبريني . .

ميره : برجع البيت الحين . . عنود بتخبرج . .

انا : شو يردج هالوقت باتي عندنا . .

ميره : بيتنا الا دقه حصااا . .

انا : بوصلج

ميره : لا توصليني مهور سيري جوفي عنود

انا : لا شو بوصلج . .

ونزلت معاها مره ثانيه لين الباب وطلعنا سوى . . وانصدمت يوم شفت وليد . .

ميره تطالعه : انت شو تسوي اهني

وليد يطالعني : ماخلصت رمستي معاج عشان تقفين وتسدين فويهي . . ومابروح من اهني لين اكمل الي عندي . .

ميره تطالعني : قلتيلي مافي شي بينكم . .

ومشت بعصبيه بسرعه .. .

انا : ميرووووووو . . والله مابينا ششششششي تعاالي . .

وليد مسكني من جتفي : ليش تقولين للعالم كله ما بينا شي . .

انا : بسسسسسسسك لا تقعد تمسكني كل ما حلا لك . .

وليد يجابلني : ليش ما قلتي لها اني قلتلج احبج ليش . .

انا :هدنننني . .

وليد : خليها تعرف . . ليش تخلينها تزرع امل وتعيش ف وهم . .

انا : لان عمره ما راح يصير شي بيني وبينك . . وهدددددددني عاااد خلاص ..

وفجيت ايدي بقوه . .

وليد يطالعني عين بعين : جبانه . .

اطالعته ثواني وبعدها قفيت ومشيت . .

وليد : لحظه . .

وقفت وبعدني عاطتنه الظهر . .

وليد : اذا قفيتي ورحتي . . انسي كل حرف قلته لج اليوم . . لا تذكرينه ابد . . واوعدج بالباجر او الجمعه الي اليايه او اي وقت اشوفج اعاملج شرات ما كنت اعاملج قبل . . لكن بتم فكره انج جبانه في بالي طول ما انا حي . . ولو صديتي . . بعرف انج تبين امل ثاني . . وبصبر وبترياج وبحاول اكسب قلبج وانسيج كل مر . . وبتبتيلي انج مش جبانه ..

كلامه كان قوي . . تاثرت بلي قاله . . ماعطيت نفسي المجال افكر بكلامه وو قفيت عنه ودخلت من غير ما اصد له . .

دخلت وسديت الباب وماعطيت نفسي المجال افكر بشي . . صعدت عند عنود بسرعه ودخلت عليها جفتها متكوره على الولد وتصيح ..

سرت صوبها وحظنتها وانا قلبي يعورني على حالها . . تميت اهديها وامسح على راسها . .

.

.

.

عبدالله بجمود : الحمدلله على السلامه . .

عنود تدمع : عبدالله انا فيني مرض صعب احمل مره ثانية صعب . .

عبدالله : ماعليه " يقعد ع السرير " مش لازم تحملين . . اصلا انا ماباج تحملين . .

عنود تطالعه وتمسحه دموعها . .

عبدالله : عندنا واحد والحمدلله مش محتاجين غيره . .

عنود : في ريال يقول هالكلام . . استغرب منك . .

عبدالله يصد الصوب الثاني : لاتستغربين من شي

عنود تمسك ايده : لو عايفني هالكثر ودرني . .

عبدالله يهد ايدها : بينا ولد . .

عنود فاجه عينها ع وسعهن وتنزل دموعها : عشان بينا ولد بس . .

عبدالله : خلج حرمه عاجل وودري عنج هالرمسه

عنود : عبدالله منو إلي تحبها . .

عبدالله يطالعها : . .

عنود : خبرني منو الي تحبها وانا حرمتك منها . .

عبدالله : ماحب حد . .

عنود : منو الي معذبتنك هالكثر . . بروحلها لين ريلها وبحبها وبترجاها ماتعذبك . . عرس علي . .انا راضيه والله لكن مابيك تجفيني بهالطريقه وجني السبب في دمار كل شي . . انا حالي حالك ضحيه مالي راي ولا شور .

عبدالله ساكت ويطالعها . .

عنود تطالعه : ماحس بيوم ممكن تحبني . . لا تبقى معايه على الفاضي . .

عبدالله : انا ماتام معاج ع الفاضي . . خبرتج بينا ولد . .

عنود تصارخ : لا اتم معاي عشان ياهل بسس . . " تضربه " روح مابا اشوفك روووووووووح . .

عبدالله يمسك ايدها : بسس . .

عنود توخر ايدها : اطللللللللللع برع . .

ميره تدخل : عنود شفيييييييييج . .

عنود تصيح : خل يطلللللللللللع برع مابييييييييييي اشوفه

ميره : عبدالله شو تسوي فيها بعد . . حرام عليكم الي تسوونه في بنات عمي والله حرام ماتخااااااااااافون مافيكم قلب عندكم خواااااااااات شرات ما تعذبون عيال الناس بيعذبووونا

عنود : ميره منو الي يحبها اخوج . . " تمسح دموعها " انا ادري انها وحده من الاهل . . منو هي خبريني . .

ميره تطالع عبدالله . .

عبدالله : شو بيأثر لو عرفتي منووووووووووو شو بيأثر . .

ميره تروح صوب عبدالله : اطلع برع خلها خلاص البنت مش ناقصصصصصصصصصصه . .

عبدالله : ولا انا ناقص اي هم . . ما تباني خل ننهي الي بينا الحين . .

ميره : استغفر الله شو هالكلااااااام . . تعوذ من الشيطان . .

عنود تصيح : قاسي . .

عبدالله يطالعها : أنا مش قاااسي . . والله مش قاسي . . " تبرق عينه " انا ماحبيتج بس وهذا مش ذنبي . . مش ذنبي اني ماحبيتج عنود افهميني . .

عنود تطالعه : وانا مش ذنبي اني ابتلي بواحد شراتك . . انا بعد مش ذنبي . .

ميره : دخييييييييييييلك عبدالله روح الحين روووووووووح . .

عنود تنوح : لين متى بصبر . . لين متى بتم على زواج بدون حب ولا اهتمام ولا مراعاه مشاعر . . حتى ما يقدرني ولا يحطلي اعتبار . . " تطالعني" ما يشاورني ولا اعرف اخباره ولا اي شي عنه . . تبين تنصدمين اكثر . .

تميت اطالعها بعذاب

عنود : ما لمسني الا لما حملت فـ صقر وهجرني . . هاجرررررررررني من فتره طويله هاجرني . . ما يباني . . كله مبتعد مبتعد مبتعد . . انا ماعرف هو شو يحب وشو ما يحب . . شو الي يستانس عليه وشو الي يضايقه . .

انا : تحبينه . .

عنود : احبببببببه . .والله احبه . . مجرد ما خطبوني له وانا احبه وارسم فيه احلام . . مارمسني فالملجه وحطيت له عذررررر . . كل البنات كانو يتخبلون على فتره الملجه والدلع الي يصير فيه . . انا حتى هو ما كان يتعنى يزورني ..كنت اشوفه من جمعه لين جمعه لا وبعد ما يسلم علي وانا احط له اعذااااااااااااار وخلود تقول لي اكيد يستحي لا تلومينه . . اعذريه . . وانا كله احطله اعذار وربي . .

انا : خلود . .

عنود : خلود اكثر انسانه مخلتني اتحمل واتصبر . . هو كان رااافض الحمل بالاساس هي الي خلتني اقنعه واقوله ابا ياهل . . هيه الي قالتلي ان كل شي بينا ممكن يتصلح . . لكن ما اتصلح شي ابد ما تصلح شي . .

تنهدت بضيج وغمضت عيني . .حتى انتي يا خلود ضحيه . . تنصحين ربيعتج لـ حبيبج . . ياكبرها . . ليش اهلنا جيه ليش . . ليش ما يكبرون على هالزواج . . ليش للحين في عايلات تغصصب . . يرضيهم يجوفنا متعذبات .. يرضيهم يجوفنا نعاااااااني . . يرضيهم في يوم يجوفونا مطلقققققققات . . حتى الرياييل ما سلمو . . حتى الرياييل يرضون يسوون شي ما يبونه والضحيه منو . . منو غيرنا ضحايا . .

هديتها وخليتها تتكلم وتتكلم لين اذن الفجر . . وبعدها صلينا و نامت . . همتني وايد . . دعيتلها من قلبي . . الله يفرج همج يا اختي . . الله يكتبلج الي فيه الخير ياااااااااااااارب . . وبعدها سويت للولد حليب لانه كان يفتح عينه وشوي وبيصيح و انسدحت حذالها وشليت الولد صوبي وحطيته على ايدي وحطيت المرضعه ف حلجه لين رقد مره ثانيه وخلصها وبعدها رقدت .

[اسطورة !]

على ظهيرة يوم السبت . . نشيت على رنة تلفون . . صديت يمين ويسار ما لقيت الولد ولا لقيت عنود . . سحبت التلفون صوبي وانصدمت ان المتصل سيف . . مارديت عليه وعقبها بشوي وصلني مسج منه

" انزلي انا تحت . . الشغالات عيزن وهن يدقن عليج ماتفجين "

اتخبلت ماعرفت شسوي . . نشيت بسرعه رحت تغسلت ولبست لي جلابيه خفيفه وصليت الظهر وبعدها ترتبت شوي ونزلت . .

تحجبت عدل وانا انزل ورحت صوبه شفته يشرب قهوه . .

سيف يطالعني : ماتعرفين تسلمين . .

انا بصوت خافت : السلام عليكم . .

سيف : وعليكم السلام . . قعدي . .

انا تصددت يمين ويسار : وين الي في البيت . .

سيف : امج فالعزبه ويا الحريم ويدوه واختج شلها عبدالله . .

انا : شو . .

سيف : ماعلينا . . " حطا فنيال القهوه على الطاوله وقام "

سيف : امشي معاي . .

انا : وين . .

سيف : بيت يدي . .

انا : ليش . .

سيف : عندي رمسه وابا اقولج اياها . . وماحب ارمس وانا مستفرد فيج والبيت خالي . . نشي يدي فالبيت يتريا . .

حزتها يا في بالي وليد . . شتان ما بينه وبين سيف . . قعد معاي طول اليوم وبعدها ياني البيت وتم لين فليل معايه داخل . .

ماعلقت ولا قلت شي قمت وطلعت معاه . . كنا ساكتين طول ما نمشي لين تخرطفت بحصاه وصرخت

انا : اآآآآآآآآآآآآآآآآآآآآآآآآ آه . .

سيف يطالعني : بسم الله عليج الرحمن الرحيم ..

انا اعض ع شفاتي بقوه وارص ع عيني : ااااااخخخخ . .

سيف يتقرب مني : تعورتي . .

انا صاده الصوب الثاني : لا . .

سيف : كيف لا . . تبيني اوديج المستشفى

انا اطالعه : انت على كل شي بتوديني المستشفى . .

سيف يطالعني باهتمام وينزل لين ريلي وانصصصصصصصصصصصصصصصصصصدمت من حركته

سيف يطالع صبع ريلي : طلع دم . . تعالي . .

مشى بسرعه صوب سيارته الي كانت مبركنه في بيت يدي . . وطلع علبه الكلينكس كلها . .

كان ياي ينزل لـ ريلي يمسحها بس على طول سحبت عنه الكلينكس . .

انا : محشوم ولد عمي . .

سيف يطالعني ويرد يسحب كرتون الكلينكس : خليني بمسحه ..

انا رديت اسحبه : محشششوم . .

سيف يطالعها : مافيها شي هاااتي . .

انا طلعت حبه من الكرتون ونزلت مسحت صبعي ولفيت عليه الكلينكس : مايحتاي خلاص . . مش بالشي الكبير . .

سيف يطالعني : مايعورج . .

انا : لا مايعورني . .

سيف : اكيد . . " يطالعني باهتمام "

انا احاول اتجاهل نظراته . . ماقدر اشوفه وهو يعاملني بهالاهتمام وايد ياثر فيني . .

مشيت عنه وتم يمشي وراي . .

سيف : حاسبي . . امشي شوي شوي ليش طايره . .

مارديت عليه وكملت مشي لين دخلنا بيت يدي . . سلمت على يدي وحظنته وبست ايده وراسه وصدره وجتفه وحتى ركبببه . .

يدي ييبتسم : شخبارج . .

انا : الحمدلله يديه زينه . . يعل ويهك دوم مبتسم ومنشرح . .

يدي : يا الغاليه الدنيا ما تسوى الواحد يزعل عليها ويكدر خاطره . .

انا : ليتني بالتفاؤل الي انت فيه . .

يدي يبتسم : شو احلى من التفاؤل . . عيل انا في يوم من الايام بإذن الله بسوي العمليه وبقدر اشوفكم واكحل عيني بشوفتكم . . وبسوي عمليه ثانيه بركب ريول ثانية وبمشي وانا بييكم بدون لا تسحبوني . .

انا ابتسمت : باذن الله يا ييدي باذن الله . .

ترى يدي عنده ريل مبتوره . . فيه الغرغرينا بسبة الدواخه وبترو ريله اليمين . .

دخل سيف وسلم على يدي . . وبعدها قعد مجابلني . .

سيف : شو الي سمعته اليوم ؟

انا اطالعه وكنت وايد مرتبكه والعب باصابعي بخوف ووشوي اطالع يدي : شو . .

سيف : خبرتي امج تتصل في امي وتقولها انج ماتبيني ..

انا بلعت ريجي . .

سيف بنبره تسحر : كيف استجرئتي . .

انا : انا تعبت

سيف يقاطعني : تعبتي من شوووووووووو خبريني تعبتي من شووو . . تعبتي تنتظريني ؟ تعبتي لانج متخيله اني باخذ غيرج .. أنتي تعرفين عن شعوري ؟ تعرفين بلي احس فيه ؟ تعرفين كيف انا اعاني؟ ماتعرفين صح .. ماتعرفين كيف شعوري وانا مش مترقع من كل صوب . . ماتعرفين ان هي صعبه علي كـ ريال شكبري للحين ابويه مش مخلني اخذ كلمه على شوري ولا مخلني اخطي خطوه بدون رضاه . . بتقولين لي مالي كللللمه والمفروض اثبت شخصيتي . . ماقدر . . انا ابوي رباني من صغير ما اقوله لاااااااااا ولا اعارضه بـ ولا حرف . . . و ولا واحد فينا عصاه في يوم وماتعودنا نعصيه وانا ما استجرأ اطلع عن شوره لان لا ربي بيوفقني ولا بترقع في حياتي . . حاسه بشعوري وانا عندي مليووووووووون قرض . . عندي قرض بـ 300 ألف حق سياره شراها ومبركننها فالبيت بدون لا يستخدمها وانا اعرف ليش سواها بس لانه يبا يعرقل موضوعنا وما يبانا نعرس بسرعه .. عندي قرض ثاني بقيمه 600 ألف حق صيانه العززززززززبه وحق ارض شراها ماعرف شـ السبب . . والحين يباني اخذ قرض ثالث لكن من حسن الحظ البنك رفضضضضضضض لاني بوصل مليوووووووووووون دييييييييين . . انتي حاسه بهالشعور . . تتحريني ارقد مرتاح وانا ع ظهري كل هالامور؟ فوق هذا كله اتحطم واسمع كلامممممم منج واسكت ماقول شي اقول بنت ما تنلام وتحبني وتباني ببقربها بالحلال وانا شرات ما تحسين احس . . انا قلبي يعورنننننننننني ع الكلام الي يقوله لج ابوي كل يوووووم . . مش كفايا علي اسمع الشخص الي اباه يحبج ويدعيلج يسبج كل ما يشوفني . . هذا بحد ذاته يعور قلبي قسم بالله . . تنسبين جدامي ولا اقدر اقول شي ووابلغ الغصصصصه اهني " ياشر ع قلبه " . . " يتنهد ويطالعني بعيون ضيجه " فوق ماتتعذبين اتعذب . . "يرفع صوته " اتعذب لاني احاول كل يوووووووووم في ابوي اني اباج ابا اخذج وما يسويلي سالفه . . اتعذب كل يوم ماروم ارقد افكر كيف اخلي ابوي يحبج وكيف اخليه يستعيل العرس . . اتعذب كل يوم لاني افكر مع هالديون كلها كم يبالي لين اسددها ولين اقدر اجمع مره ثانيه عشان اروم اوفر لج احسن عيشه تبينها . . اففككككككككر لو خلصت هالقروض كلها شـ راح يصير بقدر اجتمع فيج ولا بتروحين عني بأي لحظه ولا ابوي بيورطني مره ثانيه بسوالف قروض . . اخاف امووووووووووووووت

انا بصوت واطي : بعيد الشر

عميمه نوره وقفت ورى سيف كانت يايه من برع . .

سيف : اخاف اموت وانا للحين ايدج ما لمممممممستها . . تتحريني مرتاح . . تتحريني عايش متهني . . تتحريني مستانس لان ابوي بيغصبني ع وحده ماباها . . تتحريني مستانس لاني بنزل دموع وحده اموت ولا اشوف دمعتها تنزل . . تتحريني مستانس لاني بحرق قلبج بوحده ثانيه غصبن عني ومابيدي شي اسويه . . تتحريني مستانس لاني ببتلش ف حرمه ماقدر اعطيها حقوقها وا اقدر اسعدها وقلبي لحد ثاني . . تتحريني مستانس لاني مافكر احط ايدي غير في ايدج وبظلمها وما بعدل وربي بيعذبني وبياخذ حقها . . تتحريني مستانس على الي يصير .؟ كل هذا كاتمنه بقلبي ما قلت شي قلت بتقدرين بتفهمين بتحسين . . لكن شو . . اشوفج مطيحه ويا وليدو . . اشوفج مطيحه وياهالخايس الي ما ادنيه بعيشه الله ولاصقه فيه طول الوقت . . انا احاتي مليون شغله وانتي عالبراد تحوطين وياه كل مكان وماتبيني اجرحج بعد . . ماتبيني اعق عليج كلام أزعلج فيه . . ماتبيني احسسج ولو شويه كيف انا تعباااااااان واعاني . . ما تبيني احسسج ولو شويه كيف انا مخنوق ومتلعوز من كل صوووب . .

عميمه نوره : حبيبي يا سيف . . حبيبي ياولد اخوي . .

سيف صد يطالعها . .

عميمه نوره : ماتحسين يا مهره . . مول ماتحسين . .

يدي : لاتعقون الذنب ع مهره . . مثل ماهو يعاني . . هي تعاني

سيف : صح وانا اعرف انها تعاني والله اعرف انها تعاني . . وانا مابا منها شي . .مابا تحس فيني ولا ابا اكسر خاااااااطرها ولا قلت هالكلام كله عشان ابرر موقفي . . لا حششى . . انا ريال ومتحمل وصابر كل هذا . . انا يييت اتكلم علشان ماتهدمين كل شي . . علشان تعرفين اني شارنج وبعدني اباج ومابا غيرج . . واذا تبيني باجر اخذج انا اباج الحين لو بايدي . . انتي تعرفين انج غاليه وانه ماشي بحياتي بنت غيرج . . وانا ماكنت بتكلم ولا بقول كل ها لاني توقعتج بتهدين وبتفكرين وبتعرفين ان الي بينا كبير ما ينهدم لكني انش على خبر مثل هذا . . تيني امايا تقولي مهره ردتك . . ماتباك . . فوق الي انا متحملنه تزيدني يا بنت عمي . .

تنهدت بحرقه قلب . . على كل شي يصير حولي . .كل شي حوالي متبعثر ومتخربط . . صرت ماعرف شو الي يصير صرت ماعرف اصدق شو ولا امشي على شو ولا اختار شو . . تعبت من هالبعثره كلها والتشويش . . احس اني تخربطت من فوقي لـ تحتي . . احس اني مشوشه حيل من كل صوب وربي . . .

قومت روحي ماقدرت انطق بـ ولا حرف . .

طلعت من بيت يدي وسمعت عميمه تقوله

عميمه : ودرررها بسك وانت تعاني بسبتها . . خذ بنت خالك وامش على شور ابوك . . ألحياه ماتنتهي على بنت . . لا تعذب روحك فديتك اكثر عن جي . .

ابتسمت بعذاب وكملت مشيتي وشفته بويهي وعلامات مش مفهومه مرسومه عليه . .

وليد يبتسم باستهزاء : عرفت انج جبانه . . ماعندج كرامه وينقص عليج بكلمتين

انا اغمض عيني :الي فيني كافيني اطلع من حياتي . .

وليد : بطلع من حياتج . . " يربت ع جتفي " خليه هو الي يدخل حياتج . . عمرج ما بتتغيرين . . بتمين ذليل . . " يبتسم " بتمين سهله . . حاولت اغيرج واثر عليج لكن ما قدرت . . " يبتسم اكثر " لاتندمين على نصيحتي لج فـ يوم . .

وعطاني ظهره ومشى . .

البارت السابع

ابتسمت بحسره وكملت مشي . . نزلت دمعتي على حالي الي ماعرف لـ وين . . احس خلاص مابا ريال في حياتي . . ابا اعيش حياتي ويا امايا و مع يدي ويدتي وبس . . مابي زوج ولا ابا حب ولا ابا حد . . خل اتم عانس اخير لي . .

وليد : ايه ..

صديت يمين جفته ومسحت دمعتي . . ليش هالمخلوق دموع يجوف دموعي . .

وليد يطالعني : تصيحين هاه . .

انا : لا . .

وليد يطالعني : مالي حق اجرحج . .ومالي حق بالكلام الي قلته . .اعذريني وحقج علي

انا : ادري انك تقصد حرف حرف . .

وليد : أقصد ولا ماقصد . .ماكان لي حق اجرحج . . " يبتسم " ييت اقولج هالكلام بس . . وان كانت دمعتج بسبتي ترا بدعي ع روحي . .

وراح . .

دخلت بيتنا وشفت امايا ترمسني باستعيال : مهور وين كنتي . . قومي زهبي الغرف الي تحت . .

اانا : ليش . .

اميه : عيال عمج خالد بيون عندنا بيرقدون اهني . .

انا : ليييش يون . .

اميه تطالعني : محد يعرف لاتخبرين حد . .

انا : شو خبريني تعرفيني ما اخبر حد . .

اميه : حرمت عمج خالد احتمال فيها ورم

انا بصدمه : شووووووووو . .

اميه : ع طول عمج حجز لـ تاييلند وبيسيرون يسوون فحوصات ومايبون حد يعرف . . وقالو حق عيال عمج انهم بيفحصون فحص كامل بدون سبب . .

انا : حليلها حرمت عمي خالد ان شاء الله ماعليها شر . .

اميه : زهبي غرفه حق شما وشيخه وخلود . . وغرفه حق مايد وراشد . .

انا : بالعاده لو حد بيسافر يسيرون بيت يدي ليش هالمره بيون بيتنا . .

اميه تبتسم : الاولاد ما يبون

انا : هههههههههههه عشان يدوه . .

اميه : هيه

انا : بتقومهم من 5 الفير وما بتخليهم برع ع كيفهم هههههههههه . .

اميه تبتسم : وعشان شما . . تعرفينها تتلوم وماتكشف وماتاخذ راحتها لان بيت يدج عيال عمج كله يتيمعون فالليالي فالميلس وفجاه يدشون ويطلعون ع راحتهم . . يالله بسج ضحك سيري رتبي ويالبشاكير بيون ع الغدا . .

انا : ان شاء الله

ورحت عنها قعدت اعاون وارتب وعقبها بخرت الغرف . . اميه قالتلي زهبي غرفتين بس انا زهبت 3 غرف احتياط يمكن حد فيهم يبا غرفه روحه . . ومن خلصت صعدت فوق سبحت ولبست وكشخت ووصلني مسج . .

مسكت تلفوني وشفته مطرش " ترا انا مالي غيرج فالدنيا . . لاتتخلين عني "

تنهدت بضيج ومسحت المسج . . ولا انا يا سيف لي غيرك فالدنيا . .

الباب يندق بطريقه هاديه . . على طول عرفت هالدقه منو وابتسمت وبطلت لها الباب . .

شما : السلام عليكم . .

ابتسمت : وعليكم السلام ورحمه الله وبركاته . . دشي حبيبتي . .

دخلت شما وفصخت النقاب والغشوه . .

انا قعدت اتجحل واطالعها من الجامه : تعرفين اني عرفت انج انتي الي داقه

شما بصوت هادي : كيف . .

انا : اعرف . . الرقه هاي كلها تطلع منج انتي بس وهالدقه الخفيفه . . وماتقولين " اعيب على ميروه " فجي البااااااااب ياسوووووووووودا . .

شما : هههههههههههه . . ميروه

انا : هيه ههههههه . .

[اسطورة !]

شما تبتسم : بنكلف عليكم . .

انا اطالعها : اي تكليييييييف . . والله بتملون علي البيت . . مسكينه انا وحيده . . اميه مجابله العزبه وانا كله فالبيت روحي ماتتصورين كيف اضيج والله . .

شما : ماتينا . . مع ان بيوتنا كلها لاصقه في بعض . .

انا: اتلوم . . انتو المفروض توني بيتنا خالي مافيه حد . .

شما تبتسم : مهور ابا ارقد عندج مابا ارقد ويا خلود تحت . .

انا اطالعتها : افا عليج حبيبتي . . الحجره حجرتج ارقدي اهني ولو تبين انا بنزل تحت

شما : لالالا . . انا اقصد ابا اشاركج الغرفه واسهر معاج " تبتسم بحيا " ابا اتونس وياج اذا ما يضايقج

انا ابتسم : والله تحسسيني ترمسين ماهر مش مهره . . خذي راحتج بنت عمي مابينا ولو . . وارقدي معايه لي الششرف ارقد ويا الشيخه شما . .

شما تبتسم . .

يندق الباب مره ثانيه . .

انا : دشششي خلود . .

ميره : بتبطلين الباب ولا شو يالسوووووووووووووودا . .

انا : الباب مفتووووووح هههههههههههههه دشي دشي اعنبوه . . ابيض عنها وتزقرني بالسودا

ميره تدخل : شممووووووووووه " وتتحاظن وياها . "

انا :الله يالمكر مش جنه امس جايفتنها . .

ميره تبتسم : جب اوكي . .المفروض انا مارمسج . .

انا فجيت عيني ع وسعهن عسبت ماتخربها بالرمسه وتقول شي جدام شما . .

ميره تفتح كبتي : ابا شيله بيت . .

انا : تفتح وتدور وعقب تسألني . .

فصخت ميره عباتها وشيلتها وفرتهم ع سريري وطلعت لها شيله . .

شما تبتسم : اشمعنى انتو استويتي ويا بعض وايد ..

ميره : والله انا ابركن عندها متى مادق فراسي اييها انتي تستحين ماتين صوبنا . . مع ان خلود اختج قبل لا تعرس عنود بعد كانت مطيحه اهني . .

شما تنزل راسها : وايد استحي ماعرف ليش . .

انا عقب ما خلصت كشخه وتعطرت يبت لي كرسي وجابلتها وشما مستغربه . .

شما : شفيج

انا : في ناس متخبلين على هالحيا

شما بخوف : ناس منو . .

ميره : بلاج قلنا ناس ما قلنا شبح عشان تخافين . .

انا : ميروه انطبي . .

شما : شو السالفه . .

انا : تذكرين مروان ولد عمي . .

شما تغطي ويهها بايديها : لا ترمسسسسسسين لاتكملين

انا : ههههههههههههههه بو الدعمات الي كله يدعمج

شما تطالعني : مهور يتعمد ؟

انا : لا حليله مايتعمد بس ربج عاد . .

شما : والله هاك اليوم تميت اصيح يوم كااااامل ..

ميره : هههههههههههه والخيبه . .

انا : ألمهم اسمعي . . تراه يباج وشارنج . .

شما تطالعني وتبلع ريجها : انا ماعرف . .

ميره تطالعها : شو ماتعرفين . . قولي هي ولا لاء . .

شما : انا اصلا ماجفته في حياتي

ميره : ندري يابوج انتي ماتحطين عينج فعين حد . .

شما تطالعها : أستحي ترى ..

انا : تراه متخبل عليج وجد يباج . .

شما : بس ماجافني

انا : جاف سترج وقالي هاي الي ادش وتطلع ومحد يدريبها كيف شكلها وكيف صوتها اباها . .

شما تطالع ميروه : اوافق يعني

انا ابتسم : مروان خوووووش ريال . .

ميره :صح يرفع الضغط مرات بس احسه فنان وله اسلوب خاص معاج . .

شما تبتسم : صدق . .

انا : هيه صدق . .

شما : انزين يوم بيردون امايا وابويه خل يخطبني " تبتسم بحيا وتخش ويهها فالمخده "

انا وميره نصفق : رووووووووووووووووح . . ههههههههههههههههههههههه

شما تستحي : ايه بس عاد اسكتو . .

ميره : خلود روحها تحت يالله خلونا ننزل . .

شما : مهور بسير ارتب اغراضي فالحجره تحت لكن بشاركج الغرفه انزين

ميره : بديت اغار . .لا تخلوني اي اهني

انا بحماس : هييييييييييه ميروه تعالي الله يخليج . .

ميره : يعني انا طول الوقت وياج بس فليل اروح ارقد . .

انا : بعد غييير . . تمي عندي الله يخليج . .

ميره تمد ايدها : بوسي ايدي . .

انا : سيري ولي انزين . .

ميره : هههههههههههه بجوف بجوف . .

شما تبتسم : يالله بسبقكم . . " تصد "مهور ماشي ريال صح اطلع جي عادي

انا : هيه حبيبتي خذي راحتج حتى لو بدون شيله ماشي حد اهني

شما :لا ماقدر ما ظمن . .

وطلعت . .

ميره تطالعني : ها مسوده الويه ام الرياييل . .

انا اطالعها وفاجه عيني : يالخايسه يالوفحه ماتقصدين . .

ميره : جب صوتج مابا وماتنزل اسمعه . .

انا ابتسم : من صدقج زعلتي مني البارحه

ميره : هيه . . بس يوم نشيت نسيت الزعل وقلت ادري انج مينونه ف سيفوه ومستحيل وليدوه يشل قلبج جان اقتنع . . وبالذات يوم جفت سيفوه من الصبح طالع ويوم سالته قالي بيرمسج . . خبريني شو صار . .

وخبرتها الي صار بالتفصيل بس ما خبرتها كلام وليد . .

ميره : والله ماعرف شقولج يامهور . . بس هو جد يعاني من ابوي وايد . . وعلى فكره حالج اهون عن اختج . . ع الاقل سيف كلنا نعرف انه يحبج ويباج وشارنج لكن عبدالله معذب عنود صدق والله وكلنا نعرف انه ما يباها وانها ثجيله ع قلبه . .

انا مبوزه : فديت اختيه والله . .

ميره : والله انا دوم ادافع عنها حتى عبود كم مره بغا يفلعني . .

انا اتنهد . . : الله يعدل الحال يارب

ميره : أمين . .

انا : انزين ميروه اباج تخبريني شي . .

ميره تطالعني : شـوه اخبرج . .

انا : اخاف ماتقوليلي . .

ميره : بقولج قولي بس انتي . .

انا : شسالفه وليد و شيخه

ميره بصدمه : انتي شدراج . .

انا : امس يوم كان عندنا خبرني بس ماخبرني شوه الي بينهم . .

ميره : ماقدر اقولج مهور بعد هو موصني ماخبر حد

انا : الله يخليج خبريني بموت من الفضول . .

ميره عاقده حياتها : اجوفج بديتي تهتمين وتبين تعرفين . .

انا : ماييييييخصه لااااااه . . بس فضول . . يالله عاد خبريني ما بطري شي انا . .

ميره : انزيييييين انزين . . هممم . .

.

.

.

وليد : يالله عاد شواخ

شيخه : مااااااابا . .

وليد : يالله عاد مستكثره علي كلمه احبك . . " يبتسم " يعني باين حبج ياخي اعترفي وقوليلي . .

شيخه تدلع : انزين انت تعرف حق شو اقول

وليد : تحرميني منها انزين ابا اسمعها منج . .

شيخه تصد : هذا مروان ياي ازقره . .

وليد : احين انا اكلمج وتقوليلي مروان . .

مروان : انتو شو تسوون اهني " يصد يمين يسار " ببدون محرم يالهروم . .

شيخه تبتسم وتقوم : مانسوي شي . . تعال اقعد معانا . .

مروان يبتسم : قاعد حد قالج بقوم . .

شيخه تبتسم وتصب له شاي وتمدله . .

مروان : مابا مشكوره . .

شيخه : احين انا تعنيت صبيت لك وتقول لي مابي . .

وليد : يالله دام مدتلك خذه عنها . .

شيخه عطته وانجب الشاي بدون قصد على ثياب مروان . .

شيخه تشهق : اسسسسسسسفه . .

مروان يصارخ : اخخخخخخ حااار . .

كان يتالم صدق . .

قامت شيخه تربع ويابتله ماي بارد وقعدت تنظف وتنظف ملابسه

مروان بعصبيه : وخري عنيييييي

وليد : انت بلاك ترمسها جيه احمد ربك بعد

مروان يرجف ويغمض عينه بقوه : ايدي . .

وليد قام بروعه وشاف ايدي محمره بشكل كبير . .

شيخه سارت ويابتله عسل وحطته على ايده وهي تصيح وتنزل دمعه دمعه . .

.

.

.

ميره : وليد كان يطالع الموقف وبيموت . . يحس ان في شي غريب بس ما علق وسكت عن الموقف يتحرا انه مجرد تانيب ضمير لانها حرقته . . وعلى فكره مروان للحين ايده فيها علامه الحرق . . وودوه المستشفى عقب . . لان الشاي كان حار وتوا مسواي . . المهم وليد عدا الموقف ها وماعاتبها عليه مع ان ع قولته قلبه كان محروق على اهتمامها الزايد وعلى مسكتها لايده ولاصابعه ولدموعها الي كانت اطيح جدام عينه . . المهم كثرت المواقف بين شيخه ووليد وكانو وايد يحاول يشوفها وكان مثل ماتقولين عاق عمره عليها بالقو . . مع انه يشوف مواقفها واهتمامها لمروان الزايد . . وتقربها لـ وليد كان بس بسبت مروان . . مثل ماتعرفين ايام قبل كانو يدرسون بنفس الكليه وكله ويابعض ومروان كان صعب لقت وليد فرفوش وسهل لها اكثر عشان تتقرب لمروان . .

ميره وهي تقول الكلام ذكرتني بعمري كيف انا لو شو ما يسويلي سيف عاقه عمري عليه . . وفهمت وعرفت نغزات وليد كانت لـ شو تلمح . . على طول عرفت انه ما كان يقولي الكلام عبث الا لانه عاش نفس الشعور . .

ميره : يوم كان مروان يظهر فالصوره كنت انا اي مثلا صوبهم بدافع الفضول وكنت جد استغرب من جلسات شيخه ووليد لكن ماكنت اعلق وشكيت وكلمت وليد فالموضوع . . وقلتله لا تستفرد فيها لو حد عرف بيسوون لك سالفه لكنه كان عميان مهور .. حسيته ميته فيها ماكان يحس ولا يستوعب الكلام الي حد يقولها ااياه . . مع انها كريهة ع فكره مادري شو حب فيها . . فرق بينها وبين خلود وشما وايد غير عنهم . . المهم مررررررره يدوه طرشتلي للميلس الي كانو قاعدين فيه عشان اييبلها الريموت وانصدمت يوم سمعت مروان كشفهم . .

مروان : انتو بعد منخشين اهني . . والله لو اخبر يدوه بتلعنكم قسم بالله ههههههه . . لحظه . .انتو ليكون تحبون بعض .

ميره تدخل : لا شوووو يحبون بعض انت الثاني . .

شيخه توقف : خسسسي . . انا ماتنزل احب واحد شرات وليد . . هههههه اصلا مش ستايلي ولا احب واحد شراته لاتحط هالافكار فراسك . . مول مول مول مافكر فيه كـ ريال اصلا هههههههههههه احنا بس نقعد نسولف لا تفهم غلط مروان . . وليد مجرد واحد اقضي وقت معاه من الملل وجيه

مروان يطالعها باهتمام : بل بل " يطالع وليد " عقب ها كله ليش قاعد وياها انته . .

وليد يطالعها : تمزحين , .؟

شيخه : اويه وليد ليكون حاط في بالك اني احبك ولا شي . . ترا انت شرات اخويه انا مول مافكر فيك " تطالع مروان وتبتسم " صدق عمرررره وايد هههههه

مروان يطالعها بنص عين : فارجي فارجي . .

شيخه : مروان ليش انت ترمسني دون بهالاسلوب " مبوزه " ترا ازعل . .

مروان يطالع وليد : ابن عمي بتظهر ولا . .

وليد يطالع شيخه : خرا على الساعه الي كنتي فيها بنت عمي . .

وطلع . .

[اسطورة !]

ره : عور قلبي يامهور قسم بالله عور قلبي . . يمكن انا اقولها لج باسلوب عادي لكن حزتها كان الموقف حااار ويعور القلب . . ماشفتي نظره عيونه وصدمته وهي تقول انه ولا شي وانه ماتعتبره ريال وواحد تقضي وقت وياه . . جرررررحته جرحت كبرياءه . .

انا بصدمه : مستحيل ماصدق . .

ميره : صدقي انا بروحي ماكنت بصدق لكني جفت الموقف بعيوني . . وعقبها لحقته وليتني مالحقته . .

انا : ليش . .

ميره تركض : وليد لحظه ..

وليد يصد : شو تبين ليش تلحقيني كل شوي شو تبييييييين " يصارخ " وخري عني مالي ويه اشوف حد . . خلتني تراب عندها وداااااااست علي . . تقربت مني عشان مرواااان بس " تنزل دمعته " انزين لو تحبينه لمحي لي من زمان . . وضحي لي لاتخليني غبي . . " يحط ايده ع عينه ويمسح دموعه " عشمتني وقصت علي . . " يبتسم باستهزاء " صح ما قالتلي بلسانها احبك بس كانت توهمني بالحب وتبين لي انها تحبني الحقيره . .

ميره تسير صوبه : ماتسوى دموعك ياوليد . . والله ما تسوا دموعك خلها تولي

وليد : خل تولي . . خل تولي

وركب السياره وخلا الباب مبطل وكان يدق ايده ع السكان الف مرره بكل قوه ويصارخ

وليد : حقييييييييييييييييييره . . قسم بالله حقيره . .

ميره : ع فكره هالسالفه من زمان اكثر من 3 مادري 4 سنين . . وعقبها بكمن سنه شيخوه تأسفت له وقالت انها كانت طايشه وعطته من هالكلام . .

انا اطالعتها بتمعن : مسكين ياوليد . .

ميره : حتى عقب قالي يمكن هذا حب طيش وملل لانه شرا ماتعرفين وحيد لا اخوان ولا شي . .

انا :يحليله .. همني . .

ميره : اااااااااه وتلوميني يوم احبه .. شفت مشاعره الحقيقه مهور كلها . . حبيت كل مشاعره والله

انا ابتسم : تعرفين احنا مساكين . .

ميره : ليش . .

انا : كل واحد فينا له قصه وله هم كبير وكل واحد فينا يحس ان همه اكبر شي فالدنيا

ميره : طبيعي ها حال الانسان . .

انا : لو تقدملج المره الثالثه بوافقين

ميره : اكيد بوافق انا ميته فيه واتريا يخطبني . . وشرات ما يقولون الثالثه ثابته . . انا رفضته لانه خطبني عقب ما فنقشت السالفه ويا شيخوه وحسيت انه يبا يتهرب بالزواج ما بغيت اظلم نفسي بعد . . والمره الثانيه رد خطبني بعد تهرب ويمكن كان خايف اني اخبر حد وعقبها يوم وعدته اني ما بطري لحد شي سكت عن موضوع الخطبه " بوزت " يييقهر هالوليد ..

انا مبتسمه: هالكثر عايبنج . .

ميره تبتسم : فوق ماتتصورين . .احب طوووله وعرضه وابتسامته . . واحب الغمازه الي على اليمين واي يوم يبتسم وتطلع ماتدرين شو يصير فيني . .احب ستايل شعره واحلى شي احبه " توقف وتقلده " يوم يحط ايده الهنتين في جيبه ومنزل الكاب ع ويهه ومنزل راسه . . انا من بعيد اغني يا نظرتن قنصت قلبي

انا : ههههههههههههههههههههه . .

ميره مبتسمه : ااااااااااه عليه . . " بجديه " بعدين مهور لا تلومينه على حبه . . يمكن تشوفين حبه لـ شيخه طفولي او ماله معنى . .انا فكرت نفس تفكيرج قبل لكن . .

انا اطالعها باهتمام : لكن شو

ميره : وليد عاش وحيد . تعرفين عمي وحرمته روحهم كبار فـ كان كله بس يقعد معاهم ماكانت له طلعات وروحات ويييات . . انتي شوفي حالج من عرست عنود كيف صرتي . . مع انج عشتي معاها تقريبا فوق الـ 15 سنه وانا كنت معاج وماليه عليج البيت وبعد بنات عمي لكن شوفي يوم عرست مع اني انا بعدني اييج وبنات عمي يونج مره لكنج تحسين بوحده وتموتين ضيج وتحسين بكآبه وكله مضايجه صح ولا لاء . . هذا حال وليد من 25 سنه . . هالشي وايد معورني . . وانتي تعرفينه ماكان يحتك في حد وتعرفينه عمي " ابوه " ايام قبل كان متعقد ما كان يخلي شباب العايله يرابعون حد غريب . . كان كله يقول انتو اخوان وعيال عم وسركم واحد لا يطلع عند غريب وكان يضارب لو شافهم ما يطلعون ويا بعض وو وليد كان يضايق ويتفشل مايقدر يقول حق ربعه هالرمسه وكان كله يقعد فالبيت ما يطلع مول . . وطلعت شيخه في حياته حتى لو كانت نزوه لكن طلعته من الي فيه شوي خلته يحب يعصب يحصل شي يشغل باله . . مع انه فرفوش ويالكل لكن قلبه وحيد ماعليج مننه . .

انا اتنهد بضيج : بس اسكتي مابا اسمع زياده

ميره مبوزه : يغمضني . .

انا :أخافج تشفقين عليج ماتحبينه

ميره تطالعني : لا مهور انا اشرحلج وضعه بس عشان ما تظنين فيه غلط . . إلي مريحني ان عمي " ابوه " فج راسه وقام يخليه يطلع ويحوط ويرد ع كيف كيفه . . قولي شي احسن من لاشي . . شي يهون عليه بعد . .

خلود ادق الباب : ادش ؟

ميره : دششي

انا : حجرتج ولا حجرتي . .

خلود تدخل : السلام عليكم . .

انا قمت وسلمت عليها وعقبها ميره . .

خلود : شفتج مانزلتي تستقبلين ضيوفج قلنا بنيج . .

انا : اسمحيلي والله " ابتسم" تعرفينها ميرو ماتصخ . . وبعدين انتو مش ضيوف البيت بيتكم . .

خلود تبتسم : ليش متعنيه ومزهبتلنا غرف كنا بنشاركم الغرف عادي . .

انا : حبيبتي والله تعرفيني اموت واشاركم الحجر . . احب الولفه وبرايه خلي الاغراض اهناك وخلنا كلنا نرقد فمكان وااحد . . بس انا ابا راحتكم . .

ميره تطالع خلود : اونها عاد حرمه بيت وحركات . .

خلود : هيه حسيت هههههههههههههههه

انا : مالت عليكم مسوتلكم قدر . .

خلود : يالله نزلو بنتغدا . . الحين حطوه . .

انا : يالله . .

وخذتلي شيله وتحجبت ونزلنا كلنا . .

مايد : ها العرووس . .

انا ابتسم : هيه عروس من 21 سنه وللحين ماعرست . .

راشد : من كثر ماتبين العرس وين بتعرسين . .

خلود : ههههههههه كل وحده ماتبا العرس تعرس اول وحده ..

وضحكنا وقعدنا كلنا ناكل سوى . .كانت اللمه وايد حلوه وانا بصراحه كنت محتاجه هاللمه لاني مابي افكر بـ ولا شي . . محتاجه حشره وجو يشغلني عن التفكير . .

عقب ما خلصنا غدا تيمعنا كلنا فالصاله وقعدنا نشوف مسلسل اجنبي رعب وجد اندمجنا وكنا نصرخ سوى ونضحك سوى ونخوف بعض ومستانسين . .

على المغرب خلص الفلم وبدينا نتشتت . . جزء منا راحو بيت يدي وجزء الحجر . . ميروه راحت بيتهم الزفته وانا تميت قاعده ويا ميود نبدل فالقنوات . .

رن تلفوني وكان صوب مايد وانا كنت سرحانه ومطنشه . .

مايد : ميـره السودا .؟ هاي ميروه بنت عمي ولا ربيعتج . .

انا : ميروه بنت عمي هات التلفون . .

مايد : صبري صبري بنسويلها مقلب . .

ويشل رقمها ويسجله ف تلفونه . .

انا : ميوووووود الله يخس ابليسك . .

مايد : صبري خل نستهبل عليها . .

انا : شو بتسوي . .

مايد يبتسم ويتصل فيها ويغير صوته يخليه صوت وحده وانا منصدمه من قدرته .. كيف قدر يغير صوته . . حطاها سبيكر . .

مايد : الووو ..

ميره : منو انتي . .

مايد : اناا . . اناا احلام ..

ميره : احلام ؟ اي احلام ؟ ماعرفج باي

مايد بدلع : صبببببري . .

ميره : شووووووووووه . .

مايد يسوي روحه يصيح :

ميره : بلاج بسم الله شو فيج . .

مايد : امي امي . . ماتت

ميره : مااااااااتت . . حبيبتي والله . . الله يرحمها يارب . . كيف ماتت

مايد : حادث سياره " يسوي روحه يصيح ويشهق وانا مبطله عيني "

ميره : لا تصيحين عورتي قلبي والله بصيح وياج " وميره الهبله تصيح "

مايد بيموت ضحك وفر التلفون بعيد وخش ويهه بالمخده وتم يضحك ويضحك بصوت مش مسموع . .

ميره : الوو الوو . .

مايد : الووو . .

ميره : بسج صياح حبيبتي لا تصيحين هاي حكمه ربج . .

مايد : انتي فاطمه ؟

ميره : لا مش فاطمه انتي مخربطه فالرقم

مايد : اويه سوووري اتحرا فاطمه ربيعتي . .

ميره : لا عادي فديتج . .

مايد: انا وحيده امي وابوي ماعندي حد . . ابوي ماخذ على امي وامي يوم عرفت طلعت من البيت ومسرعه ودعمت وماتت .. وانا كل ما اذكر قلبي يعورني واتصل ف ربيعتي فاطمه " صوته استوا رجولي شويه "

ميره : اويه بلاج

مايد يحط الفون سايلنت ويضحك : ههههههههههههههههههههههههه شت بتزخني

ورد اتميع : بلعوني يعورني . .

ميره : فديتج ها حال الدنيا . . ترحمي لها وعليج بالصدقه . .

مايد : ان شاء الله . . مشكوره ارتحت يوم كلمتج . .

ميره : افا علييج حبيبتي . .

مايد : عادي نكون ربع .. لو يضايقج قولي

ميره : لا لا عادي فديتج افا عليج . .

مايد : محتاج حد يكون وياي

ميره : محتاج

مايد : محتااجه محتاااجه . . ماتسمعيني صوتي ترا مبحوح . .

ميره : ماعندج بنات عم ولا حد . .

مايد : لا ماعندي . .

ميره :متى ماتحسين روحج ضايقه كلميني افا عليج . .

مايد : مشششششكوره . .

ميره تدخل بيتنا : يالله فديتج بخليج . .

انا فاجه عيني ومصدومه واطالع مايد الي على طول بند فويهها وسوا عمره طبيعي . .

ميره : الو ؟ الوو ؟ وين سارت . .

انا اطالع ميره : بلاج . .

ميره : مسكينه طحت على وحده عورت قلبي يا مهور . . متصله فيني تنوح ذاكره امها متوفيه . .

انا : وحليلها . .

مايد :عطيني رقمها برمسها بهون عليها . .

ميره : استح ع ويهك يا قليل الادب . .

مايد : عيل لاتودرينها حرام . .

انا فاجه عيني اطالع مايد . .

مايد : صدق مهور بلاج تطالعيني . . يعني حرام واكيد البنت مالها حد ولا مابتتصل فيج ميره

ميره : هيه صح . . قالتلي ماعندها حد ومادري شو . . وصوتها بروحه يعور القلب مبحوح وجي تغمض

مايد : اذا بتودرينها عطيني رقمها انا برمسها . .

ميره : بلاك انت مشتط ع رقمها قلتلك برمسها خلاص

مايد : هيه هوني عليها . . مسكينه تمي طرشيلها مسجات واسالي عنها . .

ميره تطالعني : بلاه متحمس اكثر عني . .

انا : هاه . . مادري . .

مايد : ترا غمضتني . . يعني تخيلو اماكنكن بدالها . .

انا وميره : الله يحففففففففففظ امهاتنا . .

مايد : امين بس انا اقول يعني . .

ميره بطرشلها مسج . . " عسى ماشر ليش بندتي فجاه "

وصل المسج لتلفون مايد الي مات . . لكن من حسن حظه ان ميروه ما انتبهت وانا الي انتبهت . .

حول فونه سايلنت وطرشلها . .

ميره : هكي طرشت . .

" سوري ابوي دش علي ومايخليني ارمس فالفون . . خلينا نتواصل بمسجات عادي ؟"