11-11-13, 03:03 PM
| #11 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  برد برد برد الدنيا برد والكل يبحت عن دفا حضن اب حنون ام محبة زوج مخلص قد تكون هذه الاشياء امرا طبيعيا حق لاي انسان في هذه الحياة لكنها مجرد حلم صعب المنال للكثير وكأن الظالم ينسى دائما ان الدنيا دوارا وكما تدين تدان لاشيء يعجبه ولا شيء يرضيه جالس على التليفزيون يقلب من قناة لاخرى رويدا وهي تجلس بجانبه:غير غير ها مسلسل ما نحباش بكل علي:تفرجي وانت ساكته بعدين ترى ادني شوية ما انحبش من يلصق فيا رويدا (وهي تحاول عدما اظهار حزنها):سوري ازعجتك علي:مش كان بنتك تاخرت رويدا: قالت انها حاتتاخر عندها بحت تبي اتكمله علي: انت كيف تفكري ما نيش فاهم كيف اتخلي بنتك تقعد برى لها الوقت كلميها شوفيها وين وقوليلها اني حانروح بيها الحقيقة انه معجب بها كتيرا لكن في كل مرة يفكرها كزوجة يعلم مدى استحالة ذلك لذلك عدة اسباب اهمها رفض امه استحالة ان توافق عليها وهو لا يستطيع فعل اي شيء لا يرضيها وليد من النوع الذي يعرف تماما الفرق يبن الاعجاب والحب jasmain لا تصلح له سهى (ام وليد): وليد(بصراخ ) وليد:ها نعم سهى:وين الحلو سرحان وليد(بابتسامة مرتبكة):ولا مكان بس عندي مشكلة في الشغل سهى :الله يعينك قراية وشغل في نفس الوقت وليد:خلاص هانت هذا اخر سيمستر سهى :وبعدها ما عندكش عذر حانزوجك يعني حانزوجك العروسة موجودة وبصراحة انخاف تنخطب وتريح اعليك وليد:لها الدرجة عاجباتك سهى :واكثر ملاك يمشي على الارض وليد:هاهاها ملاك يعيش في بريطانيا مستحيل ****** ولان الجو برد الكل سجناء في بيوتهم وبعض الناس زي الزيت والنار لما يجتمعوا يعني حريقة نرمين وهي تركض خلف اخوها سراج(عمره 13 سنة ):غير انشدك بس والله لا انكسرها ايدك الي اتمدها اعليا ام نرمين (بصراخ):خلاص نرمين شن ها لهبال اكبري راهوا عمرك عشرين كانك ناسية اعتقي خوك لوجه الله نرمين:هو الي لبدي الاول ام نرمين :العيب اعلي زايد العقل نرمين:باهي ماله ماله لين خلاص لا طلعة لا خشة يرحم ايام القراية اعلي كل الهم الي فيها لكن عالاقل في حاجة انديرها ام نرمين: لما ايجي بوك قوليله ابنطلع اماني(تكلم في نفسها) : اف موبايلها مسكر انكلم عا لحوش وخلاص ام ام لالالا تو انكلمها غضوة شن ايصبرني لا غضوة باش نعرف شن صار بسرعة البرق دقت على حوش سارة قبل ما تغير رايها اماني:الو | ||||
|  |
|
11-11-13, 03:04 PM
| #12 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  ام احمد: وعليم السلام اماني:كيف حالك خالتي ام احمد: الحمد لله كيف حالك انت وكيف حال ماما اماني :الحمدلله ام احمد: اكيد تبي سارة شوية بس اناديلك اعليها من يوم انخطبت وهي تتدلع اعلينا حابسة روحها في دارها ++++ في السيارة علي:مرة تانية لما تبي تتاخري كلميني اني انروح بيك زهرة:بابا وين اتاخرت كلها الساعة 6 علي:حتى ولو الدنيا اهني مش امان هذا هو علي بقدر ما هو اناني وسيء التعامل مع زوجته الا انه حنون الى ابعد حد مع ابنته ازدواجية غريبة في التعامل غير مفهومة في كثير من الاحيان +++++ اماني:وينك يا القاطعة سارة:عايشة علي سطح الكرة الارضية اماني:شن هالنفسية الي انت فيهاهذا بدل ما تكوني فرحانة قريبا انشاء الله بتدخلي القفص الذهبي اعلي قولتهم سارة:هالموضوع بالذات امسببلي حالة اكتائب مش طبيعية اماني:هاهاهاهاها خلاص شن رايك اتجي عندي اليوم باش نتفاهم معاك ++++++ اخيرا وافقت مشاعره مختلطة بين الرضا و الفرح مع كثير من الترقب شن الخطوة الجاية لازم اتكون مش عارف المهم ان كل شيء ينتهي على خير شيء ما يشعره بالخوف متلا لو الموضوع يفشل لو لسبب ما انتهى كل شيء سيف لم تعجبه هذه الافكار ابدا استعاد من الشيطان وهو يهز راسه ليبعد عنه هذه الافكار السلبية ++++++ سهى : مبروك انشاء الله عقبال الدكتوراه وليد:واخيرا هم ونزاح سهى:ها شن فكرت في القتلك اعليه وليد:شن الي قلتيليه اعليه سهى:شوف بلاش لف ودوران البنت لقطة يعني اذا ما اتلحلحتش شوية اعتبرها راحت اعليك الا اذا كان في راسك موال تاني طبعا هذاكا حاجة تانية وليد: اي موال اي خرابيط وحنا نقدر نستغنى عن رايك وذوقك يا جميل انت فصلي واني نلبس سهى: خلاص معناته انقولوا توكلنا على الله وليد: عندي شرط مانبيش انشوفها لا تشوفني ليوم العرس سهى: انت اكيد انجنيت من ما زال يتزوج بهذي الطريقة وليد: هذا شرطي يوبو باهي ما يبوش جت منك ياجامع يا الله انشوفك مدام سهى عندي موعد مع الشباب | ||||
|
| |
|
11-11-13, 03:05 PM
| #13 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| نرمين:نمشي لليبيا لا لا لا ليا تلات سنين ما مشيتش وبعدين نمشي ابروحي مستحيل ابو نرمين:مش تقولي مالة وتبي تمشي هوليدي وبعدين من قال بتمشي بروحك سراج حايمشي معاك نرمين:ختمت اذا سراج بيمشي معاي خلاص ما نبيش نمشي اي مكان ابو نرمين: عمتك كلمتني تبينا انجوا تعرفي عرسها قريب وتجهز في روحها بري سعديها نرمين:واو معناته دوران في السوق طول اليوم اوكي نمشي لكن مالياش اي علاقة بسراج اصلا اني هاربة من وجهه ابو نرمين:ماشي ديري الي تبيه ******** بعد اسبوع نرمين في ليبيا كل دقيقة من وقتها كانت تمضيها مع عمتها نجاة(27 عام) والتي كانت مشغولة بالتجهيز لزوجها الذي سيكون بعد شهر بدا وكان كل شيء يسير على ما يرام سهر وهدرزة وطلعات الى السوق ما تنتهيش نرمين:على وين العزم اليوم نجاة:اليوم بنمشو لظهرة فيها محلات حلوة نرمين:من بيرفعنا ما تقوليش عمي عادل نجاة :اه هو وبعدين خيرك خايفة منه والله انه حنون وطيب نرمين:من قالك خايفة تقدري تقولي متحشمة ****** في بريطانيا وبتحديد بيت عليا سهى: بصراحة نبي نخطب لوليد ولدي وحدة من ابناتك للحظة كانت سماح متوقعتها تقول ياسمين لكن سهى اكملت بهدوء وتقة وهي تتبادل نظراتها بين عليا وامها :ويسعدني ويشرقني ان عليا توافق اعليه وهذا وعد مني ياسماح ان نعاملها زي بنتي بزبط دقائق من الهدوء مرت على تلاتتهم سهى تحاول تستشف من تعابير وجه سماح ردت فعلها عليا ولا كان الموضوع متعلق فيها كل المهم عندها ان رد امها ما يكونش فيه اهانة ليها سماح اترت فيها كلمة سهى الاخيرة (وعد مني ياسماح ان نعاملها زي بنتي بزبط) كل شيء مر على بالها في هذي الدقائق الماضي بكل عذابه عليا وتعاملها معاها وكان مشاعر الامومة انفجرة في لحظة لذلك ردت بحزم زفي داخلها تردد مش عليا السبب لا مش عليا السبب :والله ياسهى ولدك ما يتردش ولو علي وافقت على طول لكن صاحبت القرار في الاول والاخير هي عليا الي اكيد تبي وقت تقكر فيه وجهة بنظرها لعليا وهي تكمل كلامها :صح عليا حبيبتي عليا هزت راسها بنعم وهي منصدمة توقعت كل الردود الي في العالم الا هذا الرد سماح بابتسامة:معناته اني انراجي في ردك يا عليا على احر من الجمر **** نرمين : خلاص رجليا اتكسروا امتى بيجي عمي عادل نجاة:خلاص اعلي جاية اتحملي شوية اني ما امدره كبدي غير هالملحقنا من امبكري وهو يعاكس نرمين : احقريه ما اسمعتيش المتل الي يقول الحقران يقطع المسران نجاة: ههههه انتي من اتجيبي في ها الكلام بزبط نرمين:اني بروحي مش عارفة استمروافي المشي من محل الى اخر لكن المعاكسات زادت عن الحد ونرمين بدات فعلا تنغاض اما نجاة فكانت مرعوبة تقول كان ايشوفنا حد نرمين التفت على الولد وهي حاتنفجر من الغيض: انت مش حا ترفع بلاك من اعلينا راك زودتها وكان هذي الكلمات هي الاشارة الخضراء والتي تعني استمر في المعاكسات لو سمحت الولد على طول اقترب اكتر وبدا يوزع في الكلمات يمين يسار نرمين انفلت عندها عرق الصبر وبدات توزع في الشتائم الي تعرفها اي كانت بالعربي او بالانجليزي الولد صار يضحك بهسترية نجاة حاولت تسحب نرمين عدات مرات لكن من غير فايدة ومن غير اي سابق اندار تقدم احدهم للولد بدات بينهم معركة بالكلام وبعض الاحيان الضرب المهم ان الولد اختفى بعدها نرمين لم تفهم اي شيء مما حدث او من هذا الشخص خصوصا بعد ان تحول لون وجه نجاة ازرق من الخوف لم تصبر كتيرا لانه التفت عليها وتكلم وهو يرص على اسنانه من الغيض: قدامي على السيارة انت وياها | ||||
|
| |
|
11-11-13, 03:05 PM
| #14 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| دخلتا السيارة كلمة واحدة على لسان نجاة : خلاص امشينا فيها نرمين:ممكن اتفهميني مني هذا نجاة: واضح الذاكرة امتاعك صايرلها خلل ... هذا يوسف مباشرة تذكرت نرمين كل مايقال عنه .. وكيف ان الكل البنات في العائلة يخافون منه يوسف هو ابن عم نرمين .. لم تراه من خمس سنوات لذالك لم تعرفه .. ملتزم وخلوق ولكنه في نفس الوقت عصبي لدرجة كبيرة عمره 28 اغلق باب السيارة بقوة حتي كاد ان يقتلعه من مكانه هدوء لعدة دقايق نرمين ونجاة في الخلف تجلسان في ان انتظار ان يتكلم ان يصرخ اي شيء لان هذا السكوت لا يطمئن ابدا نرمين ( مع انها خائفة الا انها مثلت دور الواثقة بكل مهارة ) : مادرت شيء .. هوا زودها يوسف ( بعصبية واضحة ) : انتي اص ولا كلمة .. مزال عندك عين تتكلمي نرمين : ماتحطنيش كاني غالطة يوسف ( باستهزاء ) : لا ابدا براءة .. هوا اللي زيك يغلط نرمرين ( بصراخ ) : اصلا انت من حطك مسؤول عليا .. اندير اللي نبيه ونجاة ( بهمس حتي لا يسمعها يوسف ) : خلاص نرمين .. خلي اليوم يمشي علي خير يوسف : خليها خليها تقول اللي تبيه .. حتي لو ماكنتش مسؤول عليك .. تسمعي كلامي حرف حرف وياويلك تطلعي من الحوش مرة تانية الا يوم ماشية للمطار نرمين ( وهيا تلتفت لنجاة ) : اني طالعة غدوة اساعة سبعة الصبح اذا عندك نية تبي تمشي معاي وخلي بعض الناس يوروني شن ممكن يديرو يوسف ( يوقف السيارة بكل قوة ويلتفت علي نرمين وبكل برود ) : لا وطلعتي نشيطة وتنوظي اساعة سبعة .. انتي بس جربي تفوتي عتبت الباب غدوة نرمين :ياي خوفتني .. واضح انك مش عارف من هيا نرمين يوسف : انتي اللي واضح مش عارفة من هو يوسف ++++ في مساء ذلك اليوم اخد يدور في غرفته غير قادرا حتى على الخلود للنوم لم يتخيل حتي مجرد التخيل ان احدهم يتكلم معه بهذه الطريقة .. الكل في العائلة يحسب له الف حساب .. كل ماتذكر ماجري يزداد غيضا.. كان يفكر في ماسيفعله ان تجرأة علي الخروج غدا من جهة اخرى نرمين كانت نائمة متانسية كل ما حدث و في اليوم التالي .. استيقضت علي الساعة تاسعة صباحا وبدات استعدادها للخروج من وجهة نظرها كل تهديدات يوسف تافهة فهو لا يستطيع فعل شيء نجاة كانت تحاول اقناعه ابعدم الذهاب لكن دون جدوى نجاة : انت بس خليك اليوم وغضوة نوعدك نطلعوا نرمين:اني مش فاهمة كيف انت عمته وتخافي منه نجاة: هذا مش خوف احترام واعتقد انه يستحقه نرمين (وهي طالعة):خلاص خليك محترمتيه ....... باي ***** في بريطانيا عليا وافقت على وليد بعد اقناع والدتها لها وصل الخبر الى ام وليد كانت فرحتها لا توصف اما بالنسبة لوليد فكان الموضع عادي وافقت اولا مش مهم ومازال على رأيه بانه لا يريد رؤيتها قبل الزواج انتشر الخبر بين البنات الي اكيد فرحوا لعليا وباركولها الاكترفرحا كانت سارة **** واخد اجازة لمدة اسبوع لذلك جالس في البيت دايرة راسه وراس النت من موقع لتاني لكنه سمع كلام اخته حرف حرف صدمة خوف ندم يسترجع في كلماتها مرة بعد مرة (سارة : واخيرا مش اني بروحي المخطوبة حتى صاحبتي انخطبت) والسلام اتحداك | ||||
|
| |
|
11-11-13, 03:06 PM
| #15 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| لم تفهم ما يحدث لما يصرخ هكذا احمد:من هي الي انخطبت
احمد :هو سؤال وجاوبي اعليه من هي الي انخطبت سارة: صاحبتي عليا صمت مئات الافكار خطرت مرت على باله الى متى سينتظر الى ان يسمع خبر خطبتها في المرة القادمة لما هدا التردد احمد : سارة وين موبايلك سارة : ليش احمد بصراخ:سارة سارة: خلاص خلاص هذا هو الموبايل احمد: كلمي اماني وقليلها جاينكم غضوة اني وامي ===== كانت تنزل درجات السلم غير مهتمة لترك عمتها غاضبة هي لا يمكن ان تخسر التحدي هكدا وبسهولة سمعت شجار في الاسفل وعندما اقتربت ادركة انه مجرد نقاش حاد بين جدها وشخص لا تعرفه اخدت تنزل ببط شديد كي لا يشعر بها احد الجد:اكيد انك اتبالغ الشخص التاني:يعني مش مصدقني هدي وحدة متربية في ابريطانيا توسعت عيناها من الصدمة شن قصده هذا يوسف اكيد هو لم ترد ان تسمع المزيد لانها وصلت قمت غضبها نزلت الدرج بسرعة نرمين وهي تحاول ان تتصنع البرود لايمكن ان تشعره بالانتصار عليها صباح الخير جدي مفجائة للاتنين يوسف التفت بسرعة وكانه يهرب من فضيحة ارتكبها بينما قال جدها محاولا اخفاء ارتباكه:صباح النور اهلين نونو كيف هالك اليوم نرمين : الحمد لله بعدين please معادش تقولي نونو مش حلو الجد: هاهاها بلعكس طالع اعليك لين خلاص نرمين : خلاص زي ما تبي المهم اني طالعة توا تبي حاجة الجد بجدية : شن رايك اليوم تقعدي معاي مهدرزتش معاك كويس من يوم جيتي كانت تعلم جيدا لما قال ذلك لا يريدها ان تذهب تحقيقا لرغبة يوسف التفت ليوسف كان يدير وجهه الى الجهة الاخر وكان الامر لا يعنيه بينما يسترق النظر لكي يرى رد فعلها نرمين ببتسامة واسعة : واني عندي اهم من جدي وهدي قعدة الجد براحة :الشاي قبل اي حاجة نرمين:هاهاها دقيقة اندير الشاهي ونجي توجهت مباشرة الى المطبخ الجد: احسبي يوسف معانا يوسف:لالا اني ماشي عندي شغل ضروري خرج من بيت جده وهو محتار ردت فعلها كانت غريبة لما لم تصر على الخروج استسلمت بهدي البساطة حسنا الم يحقق ما ارده لما هو منزعج هكذا اف لما يشعر بضيق تم تذكر ماقاله لجده اتكون سمعت ذلك لا مستحيل لم تكن تبدو غاضة اوقف السيارة بكل قوة على جانب الطريق اخد يتنفس بسرعة وهو يلعن نفسه الف مرة لما يفكر فيها طوال الوقت يتبع اتحداك | ||||
|
| |
|
11-11-13, 03:07 PM
| #16 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ========= جالسة وهي في قمت الغضب هناك امر ما وهي لا تعلمه منذ متى احمد يعرف اماني وكيف تعرف عليها سارة :ياابتشرحلي شن صاير من وراي يا منيش امكلمه احمد (وهو يبتسم بخبت):ابدا مفيش حاجة صايرة انت عقلك يتخيل في اشياء مش موجودة تحسبي كل الناس رومنسيين زي خطيبك المحترم سارة :تو ما اضيعش الموضوع يعني شن احلمت في الليل انك تبي تخطب وحدة اسمها اماني وهالوحدة تكون صاحبتي ام احمد :خلاص سارة النقاش هذا خليه بعدين نوضي توا كلمي البنت وما تقوليلهاش ليش جايين ام احمد فكرت في الموضع بعقلانية ليس مهما عندها لما اختار احمد اماني بدات المهم انها لن تجد من هي افضل منها وفرصة كهذه يجب استغلالها لطلما كانت تخشى ان يكرر احمد خطا والده احمد:وكلمي احلام باش اتجي حتى هي تو تزعل كان ما قلنلهاش سارة:احلام لا اصلا اني ما اكلمش فيها عابيا اعليها اخت نلقاها وقت الحاجة لكن الشكوا لله انخطبت وما كلفتش روحها اتكلمني حتى بتليفون احلام هي في الحقيقة ابنت خالة سارة واختها من الرضاعة والعائلة تعتبرها احد افرادها خصوصا انها بعيده عن اهلها الحقيقين الذين يعيشون في ليبيا من جهة اخرى رغم ان عليا لم ترتح ابدا لشروط وليد الغريبة الا ان سعادتها بتغير امها المفاجيء جعلها توافق على كل شروطه من غير تفكير العرس سيكون بعد اربعة اشهر مع بداية الربيع ما عليها سوى التجهيز لذلك ولتترك امر هذا العريس الغريب الى حينه ياسمين مستمرة في ابتعادها عن كل ما يمت للعادات والتقاليد بصلة بل واحيانا حتى الامور الدينية لا تسلم من تمردها والمعاصي يتبع بعضها بعضا علاقة والدا زهرة ما زالت كما هي اذا ان امها مغلوب على امرها تحاول ارضاء زوجها بكل الطرق دون اي فائدة وهذا الزوج يصبحها ويمسيها بتعديد ميزات الزواج من سورية ويعاملها بكل قسوة لكنه في الوقت نفسه حنون جدا على ابنته لهذا فان زهرة لا تستطيع ان تكرهه فتصب كل غصبها على كل ما هو سوري الجنسية في ليبيا الحرب انتهت لصالح يوسف اذا ان نرمين لم تخرج منذ ذلك اليوم من البيت حتى انها اخدت تتحاشى الجيع في انتظار عودتها الى مانشستر الكل لاحظ ذلك و اخد الجميع يتكلم عن الاسباب الجد كان منزعجا جدا لانه يخشى ان يكره احفاده العودة لبلادهم لذلك اعتبر الموضوع هام جدا يوسف اخد يسمع لكلام الكل عن الموضوع دون ان يشارك في الحديث الجد: اني كنت نبي نقنع حسن (والد نرمين )يقعد خلاص في ليبيا يعني لامتى بعيش بره بعيد اعلي اماليه والبنت كانها مش مرتاحة اهناية معناته مشكلة اشرف (احد الاعمام )البنت سيورها حتتزوج في يوم من الايام وجايتها العيشة في ليبيا جايتها معندناش ابنات ما يتزوجوش ليبيين الجد : انت شن قاعد اتخرف اني نبيها تاخد واحد من ولاد عمها تقولي مش ليبي يوسف كان يتابع في تسارع الحديث وخوفه يزداد من سيختارون بتاكيد سيكون مقاربا لها في العمر اما هو فيكبرها بتماني سنوات ان تتزوج رجل لا يعرفه ارحم الف مرة من ان تكون زوجة احد اولاد عمه او ربما احد اخوانه ويطر لرؤيتها دائما عادل : مني من اولاد عمها اللحظة الحاسمة بالنسبة يوسف الذي صعق عندما سمع الجد يقول لا والله ما في حد متزوج قبل يوسف ها شن رايك يوسف تخطب بنت عمك يتبع اتحداك | ||||
|
| |
|
11-11-13, 03:09 PM
| #17 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| امينة :جايبتيني اعلي ها لصبح ليش تكلمي اتحداك اماني ويبدوا عليها القلق:مصيبة مصيبة يا امينة ودوريلي ليها حل امينة :خير انشاء الله خوفتيني اماني : سارة وامها جونا امس وتخيلي ليش امينة :ليش اماني : خطبوني لاحمد امينة وهي مصدومة :مفهمتش وين المصيبة في الموضوع اماني : يعني شن تتوقعي رد سارة لما انقول مش موافقة اكيد حتزعل مني صح احمد :صدقني يا سيف اني ما عنديش مشكلة في الموضوع حتى بوي لكن سارة مصرة ان الفاتحة تكون يوم العرس سيف :خلاص اني نكلمها ونقنعها احمد :ياسلام ماعندناش بنات يكلموا قبل الفاتحة سيف : يعني الحل برايك شنو احمد:خلاص اني انكلمها اليوم وانشاء الله تقتنع في جهة اخرى زهرة كانت جالسة في الباص راجعة من الجامعة تفكيرها كان في عالم تاني مشاجرة امها وابوها اليوم الصبح ما تزال تتردد في ادنيها رغم انهما يحاولان اخفاء مشاكلهما عنها الانها تعلم كل شيء ولهذا السبب بدات تعتبر جميع الرجال خونة وناكيري للمعروف ويتسقاطون كاوراق الشجر امام الوجه الحسن وهي على هذا الحال لم تلاحظ الشخص الذي صعد الباص وجلس بجانبها في ليبيا استدارت كل الوجه اليه في انتظار رده اذا يريدون منه خطبتها لا يعلمون انها لن توافق ابدا لكن ليس يوسف من يستسلم بسهولة يوسف وهو يوجه نظراته الى جده : مش حنلاقي احسن من بنت عمي لو لفيت ادنيا و بعدين مافيش راي بعد رايك ياجدي في مكان ليس بالبعيد كانت نرمين تغلق الباب عليها في غرفة عمتها لا تريد ان ترى احدا كانت تشعر بالكتئاب كلام يوسف اثر فيها كثيرا فسر الموضوع كما يشاء بل وزاد عليه من عنده لكم تكره هذا المتعجرف من يعتقد نفسه لكي يتحكم في الجميع هكذا حسنا في الغد سياتي والدها اسبوع وسيعودون بعده الى بريطانيا لن تاتي في المرة القادمة حتى تتاكد انه في صحراء حيت يعمل يتبع | ||||
|
| |
|
11-11-13, 03:10 PM
| #18 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| امينة :وممكن نعرف اسباب الرفض يعني احمد معروف في مانشستر كلها ادب واخلاق ودكتور اد الدنيا اماني :كملي اقنين والمعجابات بيه ما ينعدوش والبنات ديما في جرته واني مش مستعدة ناخد راجل هكي امينة:والله شن ذنبه كان البنات التقولي اعليهم لا دين ولا حشمة هو فاش اغلط اماني :افهميني اني مش مستعدة نقعد خايفة والله هذي كلماته هذي تجري في جرته هذي مش عارفة خيرها امينة :اطمني بمجرد ما يعرفوا انه اتزوج اماني اعلي سن ورمح حايحرموا يكلموه لانه حيعرفوا ما فيش فايدة اماني : اه غير اعبي هذوا لصقة صعب تتخلصي منها امينة :هاهاها وانت الصادقة لكن مع ذلك هذا مش سبب فكري اكتر الولد الكل يشهد له انه مؤدب اماني :مش عارفة انحس اني قررت وخلاص مش حنغير راي لما نتزوج حنختار واحد مايشوفش في دنيا كلها غيري اني وبس امينة :اماني الاحلام سهلة لكن الواقع شيء تاني ======= ما ان التفتت حتى علا وجهها الخوف والدهشة من هذا الجالس بجانبها رائحة نتنة شكل مخيف ومقزز في ان واحد وعيناه تكاد تقطر دما من شدة الاحمرار يكاد يلتهمها بنظراته التاقبة زهرة فاتت مرحلت الخوف بمراحل كل ما تريده هو الهرب من هذا الوحش البشري نهظت مسرعة لكن يدا امسكتها وصوت اشبه بفحيح الافعى اخد يلموها على نهوضها المفاجئ بانجليزية لا تكاد تفهم زاد خوفها واخذت تنظر في الموجدين علها ترى اي نجدة لكن الموقف بدا عاديا جدا للجميع او انه لا يوجد من اراد ان يحشر نفسه في ما لا يعنيه بعنيين متوسلتين اخدت تنظر الى هذا الرجل الغريب عله يترك يدها لتذهب لكن دون جدوى لابد انه مجنون او شيء من هذا القبيل Why are you holding the lady’s hand {لماذا تمسك بيدي السيدة} صوت واتق تكلم اخيرا ليقطع ذلك الصمت المزعج لكن الرجل الغريب رد ووجهه يزداد احمرارا ورائحة الشرب تنبعت في الهواء مع كل حرف يردده It is none of your business go away {ليس هذا من شأنك اذهب من هنا} صاحب الصوت الواتق تكلم هذه المرة وهو يسحب يدها من يد الرجل الغريب It is my business when you are holding my sister’s hands and she does not like it انه شاني عندما تمسك بيد اختي وهي لا تحب ذلك} تم لم يترك له اي مجال لنقاش اذا سحب الفثاة وخرج من الباص مع اول محطة وقوف غير ابه بالكم الهائل من السباب الذي تفوه به ذلك الرجل الغريب التفت الى الفتاة ودون ان يرفع عينيه فيها تكلم بجدية Do not worry he is only a crazy drunk man he can not harm you any way but be careful next time {لا تقلقي مجرد رجل مجنون وسكران لن يضرك على ايت حال لكن كوني حذرة في المرة القادمة} زهرة من الخوف تكلمت دون انتباه:والله ما انتبهتله لين قعمز بحداي في هذه المرة رفع الرجل عينيه فيها لتواني معدودة وكانه دهش لكلامها لكن سرعان ما انتبه لنفسه وقال وهو يلتفت ذاهبا لحال سبيله: خلاص الموضوع انتهى وانتبهي لروحك مرة تانية هذه المرة جاء دور زهرة ليعلوا وجهه الدهشة اذا كان هذا الشاب ليبي لكن ما ادهشها اكتر هو قمت الرجولة التي يتمتع بها اذا لم ينظر اليها مباشرة ابدا سألت زهرة نفسها في ذلك الوقت هل من المعقول ان الرجال ليسوا سواسية و انه يوجد في هذا العصر من يتمتع بهذه الاخلاق | ||||
|
| |
|
11-11-13, 03:11 PM
| #19 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| اخذت تتكلم بتلعتم لا تعرف كيف تشرح او تفسر كل ما تريده هو الا تفقد صديقتها المقربة سؤال كان يتردد مع كل كلمة تقولها هل ستفهمها سارة ياترى ام انها تحفر قبر صداقتهما بيدها في الجهة الاخرى سارة لم تعرف بما ترد اماني تتكلم بمنطقية لكنها لا تعرف احمد كما تعرفه هي اخر همه هو مثل هذه الامور يجب ان تتصرف بروية وحكمة والا سينتهي كل شيء وهذا ما لا تريده الا يتزوج احمد من اماني خسارة ما بعدها خسارة سارة: قلتي لامك ردك والا ما زال اماني : لا مازال قلت انكلمك اول سارة :اوكي اصبر اعلي شوية اني توا مشغولة انكلمك بعدين اقفلت التليفون دون ان تنتظر من اماني اي رد وتوجهت مباشرة الى غرفة احمد في ليبيا نرمين جالسة على احدى الكراسي في قاعة الافراح اليوم هو يوم زفاف عمتها كانت سعيدة جدا وذلك لسببين الاول من اجل عمتها التي تحبها كتيرا و التاني لانها ستعود في الغد الى بريطنيا ولن ترى وجه المتعجرف مرة اخرى جاءت جدتها لتجلس بجانبها الجدة :عقبال ما نشوفوك عروسة قول امين نرمين وهي تبتسم لجدتها بمرح :امين نذر اعلي انديرهولك عرس مطنطن سبع ايام وسبع ليالي امالا شنوا هذا عرس الغالي يوسف والبنيتي نرمين نرمين بدت مصدومة وعاجزة عن الفهم لا بد انها لم تسمع جيدا ما دخل يوسف في الموضع او ان جدتها من الفرحة لم تعرف ما تقول واخذت تخربط في الكلام لكن لسبب ما احست بالاختناق مجرد ذكر اسم هذا المتعجرف يزعجها نرمين: اميمة شكلك ابديتي تخربطي شن دخل يوسف في الموضوع ابتسمت الجدة واقتربت من اذن نرنين وكانها ستخبرها بسر خطير مش يوسف ناوي يخطبك هو جدك قالي ما نقولكش مازال لكن من فرحتي مقدرتش اندس اعليك نرمين اخدت تضحك بهسترية يوسف هههههههه شكله جدي ياخد ويخربط من عنده والله لويسمع المسكين لينجلط يعني ما اخترتولاش الا اني الي مش متربية اعلي قولته الجدة :يا كافي انت شن اتقولي اصلا يوسف هو الي قال يبيك في بريطانيا و في غرفة احمد كانت تعرف بانه سينزعج مما قالته لكن ليس لهذه الدرجة ا تغير لون وجهه تماما وبدى غاضبا لابعد حد احمد خلاص تو انحل الموضوع اني في بيت اماني كانت المسكينة تعبر غرفتها ذهابا وايابا تمسك بهاتفها منتظرة لمكالمة سارة عشرات الافكار مرت عليها لكنها لا تملك الا ان تدعو الله ان ينتهي هذا الموضوع على خير رن الهاتف بعد انتظار طويل واسم سارة على الشاشة صرخت في داخلها واخيرا ردت مباشرة اماني: الو سارة وينك ليا ساعة انراجي فيك صوت غريب رد عليها وهو يقول السلام عليكم اني احمد خو سارة يتبع اتحداك | ||||
|
| |
|
11-11-13, 03:12 PM
| #20 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| لاتزيد على ناري حطب خلي الجمر بردان والجرح غافي من التعب سيب الجرح غفيان كانت تقف في منتصف البيت في انتظار ان ياتي كل غضب الدنيا تجمع عندها من يعتقد نفسه لما فعل هذا لابد ان عقله المريض صور له انه بامكانه السيطرة عليها بهذه الطريقة اهو انتقام جديد والا ما ذا يعني ان يتهمها بقلة التربية تم يخطبها نرمين اقنعت نفسها ان يوسف صاحب الشخصية السادية له مراد ما من هذه الخطبة وبينما هي في عالم اخر من التفكير يوسف : الهام تقول انك تبيني في شي ضروري نرمين اخذت تنظر اليه دون ان تتكلم لايوجد كلمات في هذا العالم تعبر عن حقدها عليه يوسف : نرمين شن في وجهك متغير تقول مصيبة صايرة نرمين :هو اني من يوم شفتك شفت غير المصايب ممكن تفهمني ليش اخطبتني اكيد مش اعجابا بادبي لاني على قولتك مش متربية يوسف صدم من اين عرفت رغم انه وصى الكل بكتمان الامر هو غير مستعد للمواجهة بعد يوسف:انت شن رايك ليش اخطبتك ترمين بحقد كبير: لانك انسان سادي تحب الكل يمشي على مزاجك يوسف: والانسان السادي تعرفي شن اسوء حاجة عنده اني نقولك ان شخص يقوله لا نرمين:تتوقع اني حانخاف منك ونوافق يوسف : اكيد لا بس انتي جربي ترفضيني وشوفي المشكلة الي حتصير في العيلة وانت حتكوني المسئولة في نظر الكل وماتنسيش اني يوسف حبيب الكل نرمين فكرت فيما سيحدث لورفضت خصوصا لو اراد يوسف تاجيج المشكلة نرمين :حنوافق ونمشيهالك بمزاجي لكن انقولهالك مرة تانية انت متعرفش نرمين اذا ماخليتكش تقول حقي برقبتي اني الغلطان اذا ما كرهتكش في عمرك ما نكونش بنت امي وابوي يوسف وهويضحك ببرود:هههههه نشوف شن ممكن اديري كان من الاسهل جدا ان يقول لها انه اخطا في حقها وانه معجب بها لذلك ارد الزواج منها لكن الكرامة الزائفة الخوف من الرفض عدم القدرة على الاعتذار جعلت يوسف يتخد هذا الطريق المهم عنده ان توافق الان وبعد ان يتزوجا سيشرح لها الامر واقفة ترمش بعينيها غير مصدقة لما تسمع اتحداكاحمد: انا سمحت لنفسي اني انكلمك لان الموضوع مهم سارة قالتلي قبل شوي عن وجهة نظرك تبي رايي الي يبي يدير الحرام مفيش شيء حيمنعه الا رحمة ربي والي خوف ربي قدامه ربي يحفضه من الحرام اماني اتمنى انك تعرفي قداش موافقتك مهمة بالنسبالي وتاكد اني مش ابتاع كلام فاضي تقي فيا صمت لعدة تواني من الطرفين لم يقطعه سوى تنهيدة من احمد وهويقول بعدها مع السلامة اماني ضلت ممسكة بالنقال لمدة من الزمن حتى بعد انتهاء المكالمة تفكر في كل كلمة قالها يتبع | ||||
|
| |
 |
| مواقع النشر (المفضلة) |
| الكلمات الدلالية (Tags) |
| للكاتبة, أتحداك, مكتملة, البواب |
| أدوات الموضوع | |
| انواع عرض الموضوع | |
|
|
العرض العادي
