آخر 10 مشاركات
أُحُبُّكِ مُرْتَعِشَةْ (1) *مميزة & مكتملة * .. سلسلة عِجافُ الهوى (الكاتـب : أمة الله - )           »          وأشرقت في القلب بسمة (2) .. سلسلة قلوب مغتربة *مميزة ومكتملة * (الكاتـب : Shammosah - )           »          شهم الطبايع يا بشر هذا هو الفهد *مميزة و مكتملة* (الكاتـب : Aurora - )           »          زهر جبينها المكلل- قلوب أحلام غربية (118) [حصريا] للكاتبة Hya Ssin *مميزة ومكتملة* (الكاتـب : Hya ssin - )           »          وابتسم القدر(وعندما اقتربت النهاية...ابتسم القدر) *مميزة ومكتملة* (الكاتـب : فاتن عبدالعظيم - )           »          غمد السحاب *مكتملة* (الكاتـب : Aurora - )           »          1011 - ها قد اتت المتاعب - ديبى ماكومبر - د.نـــ (عدد جديد) (الكاتـب : Dalyia - )           »          [تحميل] نار الغيرة تحرق رجل واطيها،للكاتبة/ black widow (جميع الصيغ) (الكاتـب : فيتامين سي - )           »          110 قل..متى ستحبني - اليكس ستيفال ع.ج (كتابة /كاملة )** (الكاتـب : Just Faith - )           »          حَــربْ معَ الــرّاء ! (1) *مميزة و مكتملة*.. سلسلة حـــ"ر"ــــب (الكاتـب : moshtaqa - )


العودة   شبكة روايتي الثقافية > قسم الروايات > منتدى الروايات والقصص المنقولة > منتدى الروايات العربية المنقولة المكتملة

إضافة رد
 
LinkBack أدوات الموضوع انواع عرض الموضوع
قديم 11-11-13, 10:20 AM   #1

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
Rewitysmile25 هم البنات / للكاتبة أتحداك ، ليبية (مكتملة)







بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
السلام عليكم ورحمة الله وبركاته

نقدم لكم رواية ليبية بعنوان
هــــــــــم البنات
للكاتبة / أتحداك



قراءة ممتعة لكم جميعاً........

[/CELL][/TABLE1]






التعديل الأخير تم بواسطة Topaz. ; 31-07-23 الساعة 01:04 PM
لامارا غير متواجد حالياً   رد مع اقتباس
قديم 11-11-13, 10:23 AM   #2

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
Rewitysmile25

هم البنـــــــــــات

تأليف : اتحداك

واخيرا سمع بكاء المولود الجديد شعور بالفرح علا وجوه الكل .
اما هو فلم يدري بما احس وقتها خليط غريب من السعادة و الخوف و الرضا
لكن ما ان علم الجميع ان المولود بنت حتى ضاعت كل مشاعر الفرح
والدته اخدت تقول وكانها تواسيه
المهم سلامة امها


يهون عذاب الجسم والروح سالم فكيف وروح المستهام جروح
وليس الذي يشكو الصبابة عاشقا و ما كل باك في الغرام طريح
يقولون لي غني وفي القلب لــوعة اغني بهـا في خلوتي وانوح

***
الجزء الاول

المكان:manchester University
الزمان : يوم الخميس .. الساعة الواحدة ونصف ضهرا


الكلام لا ينتهي عن كل شيء ولاشيء مجرد احلام طموحات اهتمامات مشاكل اراء و افكار باختصار هموم البنات وان كان الامر لايخلو من المزاح و الضحك و حتى السخرية .
سارة : كلكم معزومات الاسبوع الجاي.
نرمين: بمناسبة !!؟؟
سارة : اختي احلام امديرة اسبوع ولدها ابراهيم .حفلة كبيرة و الكل جاي.
زهرة :لا هذي تبي تفكير طويل. اسبوع واحد مايسدنيش باش انوتي روحي.
سارة : حتى اني ما عنديش حاجة نلبسها. شن رايك نطلعوا مع بعض لسوق بعد الجامعة
نرمين : و الله اني سروال جينز و اي توب و السلام
سارة : خاطري نشوفك مرة مش لابسة سروال
نرمين: سوري ,هذا من المستحيلات
اماني : راجي عرسها حتلبس قفطان غصب
نرمين ( وهي تحط رجل علي رجل ) : لا في عرسي حنلبس بدلة باكستانية
امينة : ههه مسكين ها العريس .
نرمين : ما تخافيش لان حتى هو حايكون باكستاني .
زهرة :غير احلمي وبس
الكل : ههههههههه
امينة وبكل جدية : شوفو كل وحدة لازم تطلع غير في الحفلة لعلى وعسى وحدة فيكم تنخطب .
نرمين : ⨪⨪⨪⨪⨪⨪⨪⨪⨪⨪⨪⨪⨪⨪⨪⨪⨪⨪⨪⨪⨪⨪⨪⨪⨪⨪⨪⨪⨪⨪⨪⨪⨪⨪⨪⨪⨪ .. والله شكلنا حنقعمزو اتقعميزة هادي بعد عشر سنين وكلنا عوانس .
اماني وبكل ثقة : لا حبيبتي احكي اعلي روحك .. اني خطيبي موجود .
هذا كان كافيا ليثير فضول الكل
سارة : ماتقوليهاش ! مني ؟؟
اماني وهي شادة ضحكتها : لالالالا واني اللي حطاتك حماتي , ماعرفتيش مني !!!
سارة ( وهي تفكر بصوت عالي ): قصدك احمد
اماني (وكل علامات الخجل بادية عليها): شن احمد ابتاعك ., خطيبي دودي حبيبي ( دودي اخو سارة عمره سنتين )
الكل بأحباط : دودييي !!!!!!
نرمين :ههه لا بصراحة بنبدا انغار
سارة : وان شاء الله حتراجيه لين يكبر ؟؟
اماني ( وهي تحاول ان لا تنفجر من الضحك ): معليش انراجيه ليش لا , واني شن وراي !
نرمين : بصراحة حلو وفرق العمر مش هلبة ... 18 السنة بس ههه
اماني (تحاول اصطناع الجدية): لا ياحبيبتي فرق العمر مش مهم .. المهم هو الحب والتفاهم , وبعدين كانك غايرة موتي قهر .. دودي يحبني ومعجب فيا.
عليا : ههههه الصراحة مناسبين لبعض .
سارة (وبكل جدية ) : معناتها بنبدا شغل الحموات من توا .

يتبع ...

***

هذة الرواية من وحي خيالي و ان كانت تحاول محاكات الواقع
تدور حول بنات في الجامعة مقيمين في مانشستر .
سارة : بنت من عائلة معروفة. عاشت كل عمرها في بريطانيا .قمة النعومة والانوثة وتدرس كمبيوتر .
زهرة : حوريه بشريه.. جمال ورقه واخلاق .. وحيدة امها وابوها. وتخصصها لغات.
نرمين : رقيقة ان كانت تغطي هذه الرقة بقناع من الخشونة . تدرس في كلية القانون .
اماني : جمالها صاخب و ملامحها حادة , تعتبر جادة الي حد ما ! وتدرس علم نفس .
عليا : رقيقة وشاعرية , رومانسية الي حد كبير . من عائلة غنية جدا و وتدرس طب.
امينة : حنونة وتهتم كثيرا بمشاعر الاخرين الي الحد الذي تنسي فيه نفسها احيانا , وتدرس هندسة ديكور.


تستطيعون القول انها رواية رومانسية وجدية في نفس الوقت . الالتزام سيكون طابع لها.
لو رأيت تشجيع وردود حلوة من الاعضاء سأستمر في عرض الاجزاء .
والسلام عليكم


لامارا غير متواجد حالياً   رد مع اقتباس
قديم 11-11-13, 10:31 AM   #3

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
Rewitysmile25

تابع الجزء الاول


حتي في صمتي عيوني تحكي

اهدي هذا الجزء لاختي اميمة شاكرة لها مساعدتها لي


لا شَيْءَ فِي الدُّنْيـا أَحَـبُّ لِنَاظِـرِي

مِـنْ مَنْظَـرِ الخِـلاَّنِ والأَصْحَـابِ

وأَلَـذُّ مُوسِيقَـى تَسُـرُّ مَسَامِعِـي

صَوْتُ البَشِيـرِ بِعَـوْدَةِ الأَحْبَـابِ




بدا وكأن ****ب الساعة تسير ببطيء . الكل في البيت يبدو مشغولا ووجودها لا معنى له ابدا . هي لم تكن لتأتي لولا مكلمات سارة المتكررة والملحة هذا الصباح طالبة منها الحضور.


دخلت سارة غرفة الضيوب وهيا تبتسم .

اماني : يعني اختك ماتحتاجش اي مساعدة ؟؟ متأكدة؟؟
سارة : متأكدة ولا يهمك .. الصالة اعليها كل شيء.
اماني :امالة ليش امنادية اعليا ؟؟؟!
سارة (بكل برود): باش انجهزو روحنا امعا بعض
اماني : اوكي .. من بيرفعنا لي الصالة ؟؟
سارة( وهي تخرج لسانها ) : اكيد احمد اخوي
اماني : وتقول فيها بكل بساطة ( اماني وهي تقلد سارة ) اكيد احمد خوي
لا حبيبتي .. انا بنروح لي الحوش , وبنلبس براحتي ويرفعني بوي
سارة : مادريش مشكلة من لا شيء ,, صاحبتي وطالبة مساعدتك .. اترديني ؟؟!
اماني : اوكي .. بس عندي شرط
سارة : شني الشرط
اماني ( بخبث ) : اتجيبيلي خطيبي دودي .. والله استحشته ..

دودي يعني خالد .. صغير وامور بختصار so cute . يحب اماني بشكل رهيب طبعا لذلك اسبابه . اولا لانها خفيفة ظل و تنحب . ثانيا لانها لا تفوت فرصة تراه فيها الا وتلعابه هذا ماعدا الهدايا و الحلويات التي تغمره بها .

سارة : يلا .. احمد برا يراجي فينا
اماني : يعني ضروري من هالموقف البايخ اللي حطيتيني فيه !
سارة : نقطينا بسكوتك

في السيارة .. سارة جالسة بجنب احمد في الامام واماني في الخلف و لسبب ما كانت تحس بخجل كبير.

احمد (بصوت هامس) : مش كأنك اتأخرتي اعلي اختك .. بلكشي تبيك اديري امعاها حاجة
سارة : متخافش , مزال نص ساعة باش يجو الناس .. اصلا هدا وين اعطوها الصالة وكل شيء جاهز .

خيم الهدوء بعد ذالك الي ان وصلو لي المكان المطلوب.
المبني كان فخم وكبير من الخارج . عبارة عن مطعم في الدور الاول و الدور الثاني مقسم لعدة صالات للمناسبات .
سارة نزلت مباشرة وهمت بدخول المبني . وعندما ارادت اماني الخروج ابى الباب الا ان يفتح . حاولات لمرات عدة وبدون جدوا , كانت تري سارة وهي تبتعد وبدت عاجزة حتي عن مناداتتها
اماني ( في نفسها ) : ياربي شن هالورطة !
احمد : اه ! انسيت , الباب فيه child lock. دقيقة بس
خرج بسرعة وفتح لها الباب وهو يتأسف . كادت اماني ان تموت خجلا وحمدت الله علي لبسها النقاب لكي لا يرا احمرار وجهها وللحضة احست برغبة في البكاء

التفتت سارة مستغربة تأخر اماني في الخروج ثم انفجرت بالضحك بعدما رأت ما حدث .
اماني : ياحمارة ! شفتي شن صار
سارة ( وهي ميتة ضحك ) : هههههههههه ماكنتش نعرف انه امسكر .. وبعدين شن فيها افتحلك الباب وبس
اماني : لا مافيها شيء .. اصلا هدا كله من الغبية اللي ركبت امعاك

ومن دون ان انتنتضر رد سارة , دخلت مسرعة

سارة ( وهي تحاول ان تلحق بها ) : خلاص ماتزعليش .. وبعدين انسيتي هذا سلفك يعني مافيها شيء
اماني (وهي تكاد ان تنفجر من القهر): اص ولا كلمة .. وبعدين خلاص ماصارليش ماعاش نبيه خوك

علي الساعة سبعة بدأت الامكان تمتليء شيئا فشيأ واماني تنتظر قدوم الشلة . سمعت صوت الموبايل فردت مسرعة لكنها لم تسمع اي كلمة بسبب الضجة . رأت ان المتصل هي امينة وادركت مباشرة انها لا تعرف العنوان. وبدون تردد لبست العباءة والشيلة وخرجت عند الباب الصالة واتصلت عليها مرة اخرى وفعلا كانت لا تعرف العنوان , وما ان اغلقت الموبايل وهمت بدخول حتي رأت احدهم يصعد الدرج . ارادت الدخول بسرعة ولكنه التفت اليها !!
احمد : ممكن تانديلي علي سارة ؟؟
اماني ( بدون ان تلتفت ) : اوكي دقيقة
دخلت الحمامات مباشرة ورأت نفسها في المرأة لم تكن بكامل زينيتها فقط بل نصف شعرها خرج من تحت الحجاب . لكنها لم تكمل سوي الغضب والعصبية فما حدت قد حدث الان !
احمد كان يقف منتضرا خروجها لكنها تأخرت كثيرا
احمد اووووف .. وين امشت هادي

واخيرا خرجت سارة وعرفت من هيئته انه كان ينتضر منذ زمن طويل .

احمد ( بكل عصابية ) : كنتي راجيتي لين تكمل الحفلة باش تطلعي ؟
سارة (وهي خائفة ) : اماني من شوية بس قاليتلي
احمد ( لم يدري لما كان لاسمها رنة خاصة في قلبه قبل عقله لكنه حاول جاهدا عدم اظهار تاثره ) : باهي خلاص خلاص .. جبتلكم السوابيت
علي الساعة السابعة ونص كل البنات موجودات ماعادا زهرة ,
جمال اصيل و قلوب حالمة وعيون لها لمعان غريب كلها ثقة وتحدي
سارة : وينها البنت اختفت
نرمين : يعني ماتعرفيش زهرة .. لازم تكون اخر من يجي

و السلام عليكم
اتحداك


لامارا غير متواجد حالياً   رد مع اقتباس
قديم 11-11-13, 10:34 AM   #4

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي



جزء الثاني

ما ان دخلت حتى توجهت كل العيون لها كانت تمشي بكل ثقة و كانها تقول
يا ارض اشتدي ما حدا اقدي ,
زهرة لم تكن من النوع العادي جمال اخاد و ذوق رفيع

زهرة : السلام عليكم
سارة :و عليكم السلام, اهلا بالطش والرش
نرمين وهي تضحك : كان ماجتيش احسن
زهرة :ليش ؟ احرام اعليك
اماني : لسبب بسيط .. سرقتي الاضواء ! شوفي اعيون النسواين كلها اعليك
نرمين : ديري الاذكار . تو ياخدوك بالعين
زهرة : هاها ضحكتوني . راهو انصدق روحي

الحفلة كانت حلوة ومرتبة .. قام جميع الحضور لرقص علي اصوات الزمازمات , قد يكون هذا غريبا , لكن الانسان عندما يغترب عن بلاده , يتمسك بكل شيء يمت لها بصلة . لذالك كانت حفلات الليبين في مانشستر ليبية اكثر من الازم احيانا . طلبت سارة مرارا الرقص من زهرة واماني ولكنها رفضاتا . اما عليا وامينة فلا امل فيهما لانها لا يعرفان. نرمين تسخر دائما من شيء اسمه رقص وتعتبره حركات مجانين علي حد قولها !!! لذالك جلس البنات الخمسة يتجاذبن اطراف الحديث وبينما تأتي من حين الي اخر احد المدعوات للسلام عليهن .

امينة : انعرفكم يابنات .. هادي صاحبتي شدا من سوريا

سلمت البنت علي الكل ولما وصلت لي زهرة
شدا : اهلين زهرة حبيبتي .. كيفك وكيف اخبارك . والله محلوة وصايرة عروس
زهرة (وبكل برودة) : حبيبتي انا طول عمري حلوة ... ومنراجيش في رايك
شدا ( منصدمة ) : اكيد طبعا .. بس انا قصدي اليوم صايرة غير
لوت زهرة فمها بطريقة تدل علي الاستهزاء . الكل كان مستغرب من حركتها.
اما نرمين فكانت تمسك نفسها لكي لا تنفجر ضاحكة
امينة ( وهي تحاول تغيير الموضوع) شذى كيف حال اختك مي
شذى :الحمد لله اجت معي اليوم
زهرة(بصوت هامس لم يسمعه سوى نرمين) :يا حبيبي ختمت
شذى وهي تلتفت للبنات :يا الله اشوفكم على خير
وما ان ابتعدت قليلا حتى صرخت امينة في وجه زهرة :
خيرك علي البنت هذا و انت ما تعرفيهاش
زهرة :من قالك ما نعرفهاش
امينة :قولي و الله
زهرة :شن نكذب عليك اختها كانت تقرا معاي في المدرسة
امينة :مي ؟
زهرة :و الله اني انسمي فيها المغرورة مي
امينة :بعد الكلام الي قلتيه لاختها واضح مني المغرور
نرمين : الباين ان بينك و بين البنت عداوة, لا شن عدوة ثارات و حروب

....

عجبتُ لأمر الحب كيف يسحرنا
و يبدو سحره
جلياً واضحا فينــــا
فإنا عندما نهوى
يذوب قناع قسوتنا
لنصبح حملاناً مساكينـــا
و يزهِر قلبنا
من بعد قحطٍ
بِفلٍّ و جوريٍ و يسمينـــا
لأجل الحب نقبل
أن تبقى القلوبُ هائمةً
ببحر الحب
لا مرسى و لا مينــــا
بل يصبح الابحار للمجهول
يسعدنا و يغرينـــا
عجيبٌ كيف نسلِّم أمرنا للحب
تلامذةً مطيعيـنـــا
في الحب لا شكوى لغير الله
كان الله في عون
المحبينـــا

في :
saint mary's hospital

رائحت القهوة الذي يعشقها كانت تملئ المكان . جلس بأسترخاء علي احدى الكراسي , نظرا الي ساعته , بقي نصف ساعة علي خروج صديقه عادل . لقد وعده بالعودة معا الي البيت اليوم .لكم يحس بالتعب والارهاق ولا يدري لماذا ! ربما لانه لم ينم جيدا البارحة . اغمض عينيه ولسبب او لاخر ضهرت صورتها مباشرة امامه استعاذ من الشيطان وهو يهز ر|أسه , لا يريد التفكير بها بتاتا .
اخذت تلتفت هنا وهنك وابتسمت بخبث حينما رأته . توجهت مباشرة الي حيث يجلس . جلست مقابلة له.

( الكلام بالانجليزي)
فكتوريا : هااي دكتور احمد
احمد باندهاش :فكتوريا!
فكتوريا: كيف حالك واضح انك تعبان
احمد بستهزاء: لا اني كويس
فكتوريا: عزيزي انا متاكدة انك متعب (وهنا وضعت يدها على يده)
احمد قام بسحب يده بسرعة و كل علامات الغضب على وجهه:قتلك مش تعبان
فكتوريا وهي تمثل الزعل :اردت فقط الاطمئنان عليك دكتور احمد
احمد (ما هذه الورطة استغفر الله لا اعرف متى ساتخلص منها):يجب ان اذهب الان عادل في انتظاري
وهي تقف معه حسنا لكن متى ساراك تانية
احمد: لا ادري انا مشغول جدا هذه الايام

اتصل على موبايل عادل
احمد: الو السلام عليكم
عادل: وعليكم السلام
احمد: وينك يا راجل
عادل : واقف في الباب انراجي فيك
احمد : خمس دقائق واني عندك


دكتور احمد يبلغ من العمر 29 عاما , جاد الي حد كبير , اجتماعي , الابن الاكبر لدكتور ليبي مشهور جدا في بريطانيا .


عند الباب

عادل : خيرك شكلك طايرتلك لين خلاص
احمد : من غيرها فكتوريا ما تشوفنيش امقعمز الا و هي لاصقه فيا
عادل : وهو يضحك مش جديد هي ديما لاصقه فيك




احمد : ماندريش ليش بديت انحس فيها دمها ثقيل وماتنطاقش !
عادل : انت اكيد فيك شيء !!! فكتوريا دمها ثقيل ؟؟؟!!! والله انها احلي ممرضة في المستشفي كله
احمد : والله انك بايخ .. يااخي خاف ربك شوي
عادل : هاهاهاهاهاها ! خلاص وجهك مش وجه نعمة
احمد ( وهو امعصب ) : اوكي اوكي افهمنا



والسلام عليكم
اتحـــــداك





لامارا غير متواجد حالياً   رد مع اقتباس
قديم 11-11-13, 10:35 AM   #5

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

الجزء التاني



أقول أمام الناس … لست حبيبتي وأعرف في الأعماق كم كنت كاذبا



دخل البيت وهو بالكاد يفتح عينيه كل ما يريده الان هو النوم والنوم فقط

احمد : السلام عليكم

ام احمد : وعليكم اسلام .. اهلين حمودي .. شن اخبارك ؟

احمد ( وهو يضحك ) : هههه حمودي !!! خلاص كبرنا عليها

ام احمد : والله انت في عيني قاعد حمودي الصغيرون

احمد :حمودي الصغيروووون .. بروحك قلتيها .. خلاص اماله معادش كل شوية تفتحيلي محاضرة تزوج تزوج !

ام احمد ( وهي امعصبة ) : اني نبي مصلحتك وانت حر

احمد : خلينا من هالموضوع .. وين ساارة ؟ ليا اسبوع مشفتهاش

ام احمد : في المطبخ .. اناديلك اعليها ؟

احمد : خليها تو اني نمشيلها



في المطبخ سارة كانت تغني بصوت عالي مع المسجل



احمد ( وهو يغلق المسجل ) :مش حتبطلي الهبال ابتاعك هذا ؟

سارة ( بكل خجل ) : ها ؟؟ احمد !!!

احمد : ايه احمد...ز ممكن يا حلوه تحطليلي حاجة ناكلها .. ميت جوع

سارة : خلاص ولا يهمك برا ارتاح .. ادقيقة وانجيبلك اعشاك

احمد (يسحب كرسي من علي طاولة الاكل و يجلس): لالا نبي انهدرز امعاك .. طبعا الا اذا كنتي ماتبيش

سارة : احرام اعليك .... ماتقوليش هكي

احمد: اوكي شن اخبارك .. وشن اخبار قرايتك

سارة : ماشي الحال



احمد (بتردد): كيف كانت الحفلة هداك اليوم ؟؟

سارة : حلوة ع الاخر .. كل شيء كان امرتب ... الحمدالله

احمد : شكله اختك مش امخليه حد الا وعزماته

سارة : اكيييد طبعا

احمد ( دقايق من الصمت و كانه يفكر ) : وانتي اعزمتي صاحبتك طبعا

سارة ( بكل طيبة ) : اكيد .. اصلا حفلة بلا شلتي ماتكونش حفلة

احمد : وصاحباتك من وين متعرفة اعليهم .. يعني قصدي من الجامعة والا family friends

سارة : لا اغلبهم يقرو امعاي لكن امي تعرف امهاتهم

احمد : امي تقول تبي تخطبلي .. امم شن رايك

سارة ( وهي مستغربة انه ياخد في رايها ): والله حسب الي بتخطبهالك

احمد : ها ؟ يعني ماتبيش تختاري امعاها

سارة : اني رايي تختار بروحك .. المهم تكون ليبية

احمد ( وهو يضحك ) : ليش لازم ليبية يعني

سارة : لانك لو ماخديتش ليبية .. امي حتدفنك وانت حي

احمد ( وهو ميت ضحك ) : لالا خلاص الثوبة

سارة : ايوا خليك هكي شاطر

احمد ( بابتسامة فيها كثير من الطيبة وقليل من الخبث ): بصراحة اني نبيك انتي تخطبيلي .. ها شن قلتي ؟

سارة (بتعجب): اني !!!!!

احمد : اي انتي .. مش قلتي عندك صاحبات .. خلاص اخطبيلي وحدة منهم

سارة (اعجبت بالفكرة ) : يعني انت تبي وحدة معينة منهم ولا اي وحدة

احمد (للحظة اراد التهور واخبارها بكل شيء لكنه سرعان ما تراجع عن ذلك ) : واني شن عرفني فيهم

سارة ( وهي تتكلم بجدية ) : شوف شلتي تتكون من زهرة محمد ال .... امم اضني مضربة عن الزواج يعني متصلحلكش .. و اماني عصام ال... تعرف just perfect for you او ممكن امينة بنت عمي سالم صاحب بابا اكيد تعرفه

احمد وهو يقاطعها : خلاص انتي شكلك ماصدقتي ..

سارة ( بخيبة امل ) : قصدك تمشي فيا !!؟؟؟؟ وانا نحسابك حق

احمد وهو ياخد اعشاه وطالع من المطبخ : ماتدريش .. كل شيء ممكن

سارة : اصلا تحسابة صحباتي يراجو فيك ! بعد حفلة امس كلها كم شهر وكل وحدة منهم تلقاها انخطبت












في مكان اخر

زهرة : امانييييي .. شدي روحك شوية .. كل هدا نوووم

اماني : احررام اعليكم نبي نرقد .. ساهرة امس لساعة خمسة

امينة : شون امسهرك لساعة خمسة ؟؟؟؟؟

اماني (لم تعرف ما تقولالتفتت لسرة والتي كانت تلعب بالموبايل ) : دودي حبيبي امسهرني

الكل ضحك من القلب...لا احد توقع هذه الاجاية

سارة وهي تظحك : مش قلتي معادش تبيه خوي ولا غيرتي رايك

اماني بحالمية : قلت لكن القلب ومايهوي

زهرة : اسمعتو اخر خبر ؟؟

نرمين بفضول : شنوووو؟

زهرة : معزومة انا لعرس الشهر الجاي

نرمين بخيبة امل : واذا يعني .. اول مرة تمشي لي عرس ؟؟

زهرة وهي تضحك بخبث : لا حبيبتي .. هدا يفرق .. عرس سوري (باستهزاء) يعني العروسة سورية والعريس سوري وحتي المعازيم سورين

الكل بدا عليه علامات التعجب !

امينة : ماتقوليش بتبدي الهبال امتاعك

زهرة : اذا ماقلبتش العرس علي راسهم مانكونش زهرة بنت امي (وبغصة ) وبوي

نرمين : يعني بجديات ليش هالكره لي السورين ..(وبمزح) اعترفي ! قاتلينلك حد من عايلتك

زهرة ( وبكل الم وهي تقف تريد الذهاب) :
Non of your business

و السلام

اتحداك


لامارا غير متواجد حالياً   رد مع اقتباس
قديم 11-11-13, 10:46 AM   #6

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
Rewitysmile25

شوارع تعج بالدكاكين القديمة ذات البظاعة مكومة وبيوت متراصة ومتشابهة .. شوارع غير نظيفة علي غيرة عادة المدن البريطانية الاخري .. قد تكون هذه وجهة نظر الكثرين في مانشستر .. لكن هذه الصورة تخفي خلفها اماكن اخري ذات رفاهية عالية وبيوت رائعة الجمال .. ماان تدخلها حتي تدرك مدي غنى اصحبها .. فاحدى هذه البيوت كانت تسكن عليا مع والدتها سماح و اختها الكبري ياسمين او جاسمين كما تحب

ياسمين: Hi mum….How are you
؟؟

سماح: Ok …where have u been all day

ياسمين : I went to Jud’s house and than we went shopping together

سماح: Please dear call me next time u going to be late….I was so worried about u

ياسمين: Don’t worry mum I am not the little girl any more and we are not in Libya so I have to tell u about every step I do



عليا : But don’t forget we are Libyan want it or not

التفت ياسمين لي عليا والشرر بعيونها وكأن احد قام بسبها وبصراخ : I am not Libyan I am British and no one ask for your opinion

وخرجت بسرعة متجهة لغرفتها ..

عليا وهي تخاطب والدتها : لا خلاص هالبنت هادي معاش ينفع امعاها اي شيء

سماح: ليش؟ شن شايفتيها دارت

عليا : يعني عاجبك طلعاتها واللبس اللي تلبس فيه ؟؟؟!!

ام ياسمين : متكونيش امعقدة .. بلعكس ياسمين ماشية مع الحياة .. وانتي اللي ينخاف اعليك

عليا بصدمة : اني ؟؟؟

سماح: ايوا انتي .. متخافيش تطلعي بحجابك ولبسك هدا حد يكلمك ولا يديرلك حاجة .. حتي لو ماقالوش .. نضرات الاشمئزاز تكفي وانتي صغيرة والحياة قدامك





عليا حزنت كثر في داخلها .. ماتقوله والدتها في غاية التفاهة و بدل توقف ياسمين علي حدها تقف في وجهها هي




( لكل من يعتقد ان الدين يقيد حياته وينقص من سعادته .. انت مخطيء .. فاعد التفكير .. الدين وحده هو سبب كل السعادة والرضي و الطمأنينة ).




في الجامعة

دخلت ياسمين قاعة المحظرات ولم يستطع الجميع الا ان الالتفات اليها .. كانت رائعة في كل شيء .. الملابس الذي اضهرت جسمها الرشيق وملامحها الجذابة وهذا بالاضافة الي العطر الذي ملئ ارجاء المكان .. ابتسمت بمكر عندما رأته جالس في الخلف وبجانبه كرسي فارغ .. تقدمت بكل هدوء وجلست بجانبه بدون ان تلتفت اليه .. كانت تعلم ماذا تأثير سحرها علي كل الرجال ..

لم يستطع وليد الا النظر اليها .. ارتبك من وجودها بجانبه ولكن المحاظر دخل وضاعت فرصة تغير المكان .. حاول التركيز علي كلام الدكتور ولكن بدون فائدة ! .. شيء ما يشده لها .. كانت في كل شيء مختلفة .. جمالها , ثقتها بنفسها , ومن ضيقه اخذ ينظر الي الساعة من حين الي اخر يريد لهذه المحاظرة ان تنتهي .. ولكن كل شيء بدا ضده لانه استلم ورقة من الدكتور فيها عدة اسئلة وفي اعلها كتب تناقش مع من في جانبك

التفت ياسمين وبدلع غير عادي : So what do u think

رد وليد بكل برود وجفاء كانت محاولة يائسة منه لعدم اضهار ثأتيرها عليه



في بيت عليا



عليا كانت متظايقة جدا .. كانت تحس بالاختناق في البيت .. تعليقات امها لاذاعة واستهزاء ياسمين المتكرر والذي تمادى كثيرا هذه الايام .. اصبحت تحس كأنها غريبة في هذا البيت .. علي اي حال هذا الشعور ليس بالجديد بنسبة لها حتي انها عندما كانت صغيرة كانت تعتقد بأن سماح ليست امها الحقيقية .. لتسبح بخيالها بقصة هي تكون بطلتها .. كانت تنسج من احلامها الصغيرة صورا مختلفة لأمها الحقيقية وكيف انها ستكتشف السر الذي يخفيه عنها الجميع . لطالما اشرعتها هذه الاحلام بالراحة .. حتي الالم يصبح له طعم اخر عندما نحيطها بسياج من الخيال .. عليا اقتعنت فعلا بهذه الاحلام وجلعت منها واقعا , حتي انها في لحظة من حياتها بدأت تكتب مذكرات لامها الحقيقية كما تعتقد .. تتكلم فيها علي مشاعرها ولكن السنوات مرت ولم تصدق الاحلام وتأكدت الكوابيس سماح كانت فعلا امها الحقيقية ولا مجال لحقيقة اخري .. مع مرور الزمن تحسنت معاملة امها لها او ربما تأقلمت عليا علي فكرة العيش مع طعنات تأتيك من كل جانب .. كما يقال " رب ضارة نافعة" لعل كل هذا كان السبب في التزام عليا وتقربها لربها فالايمان كان الملاذ الامان لها .

خرجت من غرفتها وهي تجر قدميها جر متجهة للاسفل .. وسمعت اصوات دردشة وضحك لم يثر ذالك اهتمامها وتوجهت للمطبخ لتشرب بعض الماء وماان مدت يدها لتأخد الكأس حتي سمعت صوت من خلفها يقول : اكيد انتي عليا

،

أرفض واقعي الحالي بشدة لأننى لا أعيش فيه حقيقتي.. لذا أوجدت لنفسى عالمًا افتراضيًا بديلاً كى أعيش فيه كما أردت دومًا ، أحاول أن أصنع به أحلامًا ثم واقعًا مستقبليًا يليق بما أطمح إليه ..

وسلام عليكم
أتحداك


لامارا غير متواجد حالياً   رد مع اقتباس
قديم 11-11-13, 11:55 AM   #7

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
Rewitysmile25

الجزء الثالث



كلمات



زهرة : لااااا


رويدا ( ام زهرة ) : وليش لا ؟؟؟ والله الولد مافيشي شيء ينعاب والعائلة ماشاء الله عليها


زهرة : ماما الله يخليك .. خلاااص لا يعني لا ومش حنغير رأي


رويدا : ماشي خلاص بس قوليلي ليش لا ؟؟؟


زهرة : اعطيني فائدة وحدة من الزواج وانا موافقة نتزوج اليوم قبل غدوة !


رويدا ( وهي تجلس بجانب ابنتها ) : امنين جايبة هالفكرة السئة عن الزاوج


زهرة بداخلها ( منك انتي وبابا ومن الحزن اللي انتي عايشة فيه )


رويدا : ياماما يا حبيبتي مصير الطبيعي لكل بنت واللي في عمرك مافروض مايفكروش الا بزاوج وفارس الاحلام !

زهرة : يعني باش انكون بنت طبيعية لازم يكون همي الزواج و فارس الاحلام ؟؟ !!!!!!



رويدا: شوفي حنخليك علي راحتك لكن انا متاكدة حيجي يوم اللي يكون فيه زواج اكبر همك



خرجت من غرفتها والتفكير يتملكها لكنها مقتعنة تماما بعدم اجبار ابنتها علي اي شيء



ـــــــــــــــــــــــــ ــــــــــــــــــــــ


حوار بين زهرة وأمينة علي الهاتف


زهرة في هذه الاثناء اخدت النقال واتصلت علي امينة


امينة : اهلين زهرة .. كيف حالك


زهرة :الحمدالله .. باين حفلة سارة دارت مفعولها .. هدا ثالث عريس في شهر


امينة ( بأهتمام ) : قولي والله ؟؟؟ وكيف العريس هدا؟؟في امل تفكري فيه ؟؟


زهرة : انتي انجنيتي ؟؟ علي طول قلت لا, قبل حتي نعرف اسمه


امينة ( بكل لوم ) : والله مافيش مجنون غيرك .. رفضتيه حتي لقبل ماتعرفيه عليه اي حاجة


زهرة : طبعا لاني امكنسلة فكرة الزواج من راسي


امينة : 3 عرسااااان ياضالمة واني ولا واحد فكر مجرد التفكير انه يخطبني .. شهالحظ اللي زي الزفت !!!!


زهرة : هههههه انتي تبي خطاب باش تتزوجي ولا باش ترفضيهم ؟؟؟؟


امينة : اكيدة باش نرفضهم .. انتي عندك شك ههه


زهرة : لا ابدااااااا


ـــــــــــــــــــــــــ ـــــــــــــــــــــــــ ـــــــــ



سهى : حاولي تذكري من انكون !!!


عليا ( وهي تدقق النظر محاولة تذكر ) : مش عارفة .. حاسة اني شفتك من قبل لكن مش متذكرة من تكوني


سهى ( ضحكت وجلس علي اقرب كرسي ) : تعالي قعمزي جنبي


عليا ( تفجاءة من الطلب ولكنها لم تمانع )


سهى : اني عاذراتك انك ماتتفكريش فيا .. اصلا ماشفتنيش من لما كان عمرك خمس سنين كنت انا وامك صحبات ومرة خلاتك عندي شهر يعني بسبب ضروف مرة فيها


عليا ( وهي تبتسم بكل رقة ) : ع العموم فرصة سعيدة وشكرا لانك خليتيني عندك


فهذه اللحظة دخلت ام عليا المطبخ ولفت انتباهه وجود عليا وسهى مع بعض


سماح : سهي انتي اهني وانا ادور فيك وانتي عليا شن امنزلك من دارك ( بنضرة متفحصة من فوق لي تحت ) وشن هاللبس اللي لابستيه ..


طلعت عليا علي طول بأستسلام متوجهة لي غرفتها


ام عليا توجهت لضيوفها بينما اسرعت سهى خلف عليا

سهى: عليا دقيقة


عليا ( توقفت في مكانها بدون ان تلتفت )


سهى : تعرفي انك احلى و ارق بنت شفتها بحياتي .. ربي يحفظك يابنتي


عندما نفقد الامان داخل بيوتنا فأن اولادنا يبحثون عن الامان في كل مكان .. وعندما يعجز كل من الام والاب عن اعطاء الحب لابنائهم فأن الابناء يبحثون عنه في قلوب الاخرين وهنا يلعب القدر في تحدد المصير .. الشباب التائه اما ان يقع ضحية حب وامان زائف و تتفاوت العواقب بين الضياع الكامل او تجربة خاسرة عابرة وبين حب وامان حقيقي يفتح ابواب انواع السعادة.



وكما يقال ( الولد مايعباشي شيء ) فأن الضحية في كل مرة تكون بنت !







يتبع ...





اتحداك


لامارا غير متواجد حالياً   رد مع اقتباس
قديم 11-11-13, 12:42 PM   #8

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
Elk

سارة : امااااااااااااااااااني لازم لازم لازم لازم اتجي راهو نزعل منك
اماني : ازعلي .. مش حنجي .. يعني شن تبي فيا
سارة : باهي من بيختار معاي شن نلبس .. هكي تتخلي اعليا في وقت الازمات
اماني : مش انتي قلتي مش حانوافق.. مش مهم شن تلبسي
سارة : حتي لومش حانوافق .. نطلع قدامه شينة ؟؟؟؟
اماني : ههه هادي هيا الحقيقة ليش ادسي فيها !!! هذا يعتبر خداع
سارة : انا شينة ؟؟؟؟!!!! ياللي متتحشميش .. اصلا امه داعيتله لو وافقت
اماني : هههههههه قصدك داعية عليه
سارة : كلمة ثانية ونطلعلك من التليفون .. اصلا خلاص منبيكش اتجي .. قعمزي
اماني : ازعلللللتي !!!!!!
سارة : شن رايك انتي ؟؟ جاي واحد بيخطبني وصاحبتي الوحيدة المعتمدة عليها متجيش حتي تدعمني معنويا .. عارفتيني ماعنديش اخوات .. باهي خلاص مع السلامة
اماني : لا وين ماشية .. كل شيء الا زعل ساااارة .. خلاص انجي وامري لله
علاقة اماني وسارة كانت قوية للغاية لم يكن امام اماني خيار الا الذهاب فهي لن تجازف بهذه الصداقة مهما كانت الاسباب لذلك اخدت الاذن من امها وخرجت مباشرة
اماني : البسيييي هذي .. لون القهوي يطلع اعليك
سارة : لالا بنلبس اكحل
اماني : اكحــــل ؟!!!! تو يقول جاية لعزي .. البسي قهوي زي لون عيونك
سارة (وهي ترفع قطعة ملابس اخرى): شن رايييك بهدا ؟؟ لون السماوي نحبه
اماني : مش عارفة .. ترا قيسي باش انقولك
سارة : لاززم يعني !
اماني : اي لازم ... لكن انا مفهمتش .. اذا انتي مش اموافقة ليش اتشوفي فيه
سارة : اممم انا مش مش موافقة .. تقدري تقولي متردده
اماني : وليش متردده ؟؟
سارة : اممم انحس بروحي قاعدة اصغيرة لكن امي تقول هدا السن المناسب
هيا تزوجت وعمرها 17 وجابتني ع طول .. يعني عمرها يمكن 18
اماني ( باستغراب ) : مفهمتش ؟؟ تزوجت 17 وجباتك وهيا 18 !! وخوك احمد ؟؟
سارة : قصدك متعرفيش انه خوي من بوي بس
اماني ( مصدومة ): قولي والله ؟؟؟
سارة : بوي لقبل يتزوج امي كان متزوج انجليزية اللي هيا ام احمد .. قعدو يمكن متزوجين سنة وحدة بس
اماني : يعني احمد مايشوفش فيها .. مايعرفهاش ؟؟
سارة : هيا لما اطلقو خلاته عند بوي .. قال شو متبيشي يعقيلها حياتها وبعدين لما ولا عمره 4 سنين ولت مرة ثانية تبيه وقعدو في محاكم هما الاثنين لين في الاخير حكمت المحكمة يعطوه لي بوي واتجي هيا تشوفه يومين في الاسبوع ..هداك يوم وهدا يوم معاش دوراته بكل...... على العموم امي ما خلاتاش يحتاج شيء اعتبرته ولدها ومصره ان ينادوا اعليها ام احمد
احسست اماني بزعل على احمد مؤكد انه يعلم بان امه لاتريده ,لابد انه يتمنى رؤيتها, هل يلومها على عدم السؤال عنه ام يلوم والده على اختياره السيء
على بعد خطوات كان جالسا في غرفته يعلم انها في الغرفة الاخرى مع اخته من جهه يحاول نسيانها لكن في نفس الوقت يتمنى ان يجمعهم القدر ليرها ولو للحظات قصيرة لو كان يعلم انها تفكر فيه في هذه الحظات لجن جنونه من الفرح


وعدتكي أن
لا أكون ضعيفاً
وكنت
وان لا
أقول بعينيك شعرا
ً
وقلت
وعدت بالا وألا وألا
وحين
اكتشفت غبائي
ضحكت
وعدتكي أن
لا اوجه أي رسالة
حب اليكي
ولكنني رغم انفي
كتبت
وعدتكي أن
لا أكون في أي مكان
ًتكونين فيه
وحين عرفت
انك مدعوة للعشاء
ذهبت
وعدتكي ألا
احبك
كيف .. وأين .. وفي أي يوم
وعدت


مع تحياتي
اتحداك


لامارا غير متواجد حالياً   رد مع اقتباس
قديم 11-11-13, 03:01 PM   #9

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

اماني : مشاء الله عليك لو ماعجبتيشي يعني يا احول يا اعور يا اعمي

سارة ( مرتبكة ) : متاكدة مايجيش الاكحل ؟؟

اماني : اييي اعليا ليا ساعتين وانا نقنع فيك وانتي قاعدة تقولي الاكحل !!!

سارة : خلاص خلاص اقتنعت

اماني : معناته انا بنمشي انروح توا

سارة : امي قالت مش حتمشي الا لما تتعشي

اماني : لا خلاص بنمشي .. ممكن تشوفيلي الطريق ياحلوة

******

كل الكلام الذي اعده ضاع كل الموصفات التي كان يريدها تلاشت من عقله لاشي لايستطيع التفكير في اي شيء, سؤال واحد كان يتردد في داخل سيف وقتها كيف ساعرف انها هي

بالنسبة لسارة تحول التردد عندها الى قرار اكيد برفض الموضوع من اساسه كل شيء بدا منافيا لما كانت تحلم به قصة اسطوريا وحب كبير يتوج بالزواج ولشدة سرحانها لم تسمع صوت احمد وهو يدخل

احمد : يلا قدامي .. عريس الغفلة يستني فيك

سارة : خلاص غيرت راي .. قولوله برا روح مش نازلة

احمد : في قدامك خيارين .. ياتنزلي علي رجليك يا اما اني انزلك

سارة : مافيش خيار ثالث ؟؟؟؟َََ!!!!

احمد( بمزح) : اي في .. ليش لا .. انخليه هو يجيك فوق وماحلاها لو يشوف الحوسة اللي امديرتيها

سارة : لالالا خلاص تو ننزل

احمد : قدامي يلا ما نقدرش انخلي صديقي العزيز ايراجي اكتر من هكي

*****

رفع عينيه الى جهة الباب ليراها لاول مرة دخلت ممسكة بيد اخوها بدا وكانها تستمد منه القوة هذا عدا الخجل واضح جدا عليها

احمد : شوف قدامك ربع ساعة بس و 15 ونص كلمة مش اكثر

سيف :هههه اي اوامر ثانية ؟؟

احمد : امممم للان مافيش

سيف :ما فيش واسطة بما انك محسوب صاحبي

احمد: sorry no way

بعد صمت لعدة دقائق

سيف : انتي سارة ؟؟!

سارة ( في نفسها : لا بنت عمها ) :

احمد : هههههههه اسكتت اسكتت وبعدين اطلعت بهالجوهرة ( يقلد سيف ) انتي سارة !!؟

سيف(بمزح) : مش ناوي تطلع انت .. مدامك فوق راسي شن متوقعني بنقول

احمد : اوكي صار تبيني نطلع ؟؟!! يلا سارة نوضي توكلنا علي الله !!

سيف : وين رافع البنت امعاك .. مسمعتش حتي صوتها

احمد : مش انت قتلي اطلع ؟؟!!

سيف (بمجاملة واضحة ) : لالا خلاص .. واحني نقدرو نستغنو اعليك

احمد : ايوا خليك هكي

سيف ( محاولة اخري) : كيف حالك سارة ؟

سارة ( بصوت لا يكاد يسمع ): الحمدالله

سيف : شن تخصصك ؟

سارة : كمبيوتر

احمد : مالحظتش ان 15 الكلمة كملو من بكري واني ساكت

سيف : مزال النص كلمة

احمد : ههه يلا قول اس

سيف : شن اس ؟؟

احمد: هههه نص اسلام اعليكم

خرجت سارة مباشرة بعد هذه الكلمات

سيف التفت لاحمد: قول امين

احمد : امييييين .. ليش ؟؟

سيف : يوم تجي تخطب تلقي واحد يوقفلك زي ماوقفتلي



لامارا غير متواجد حالياً   رد مع اقتباس
قديم 11-11-13, 03:02 PM   #10

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي


يا اهــــل هالبيت بشــــكي بنتـــكم
تعـــــبت روحــــي والله بصــدهـا
اقسمـــت قلـــــبي اهـي لقسمتـــين

نصف عندي ونصف باقي عندهـا
البـــشر تســــهر كـم ليــلة وتنـــام

وانـــا كل عمري سهر من بعدهـا

سيف بأبتسامة عريضة : تصدقو ماعنديش نية في الشغل اليوم بكل

عمر: ياجماعة الشمس اليوم من وين طالعة !!؟؟ سيف خاش يغني ومعنداش نية في الشغل !!!

حسام : شوف حرارته شوف

سيف: مزاجي حلو ومنبيش من يعكرهولي بتعليقات ماليهاش داعي

عمر:باهي خلي عينك علي apple متوقعله انه يركب

سيف: اساعة كم جيت اليوم ؟؟

عمر: الواحد

سيف: وجاي تعطي في نصايحك .. لازم تكون اهناية من اساعة 8

عمر: ههه خلاص تأكدت انك سيف .. كنت شاك فيك اول ماخشيت

سيف: اني طالع .. يلا سلاااام

عمر: علي وين ؟؟

سيف ( وهو يفتح الباب): ايجازة 3 ايام

دقائق من الصمت والكل ينظر الي الباب الذي خرج منه قطعها صوت حسام وهو يقول : ليكون فعلا مريض .. عمره في حياته ماتأخر ثانية علي الشغل .. اول واحد يجي واخر واحد يطلع

سيف رجل اعمال ناجح بدأ منذ سنوات المتاجرة في سوق الاسهم الامريكية وبعد نجاحه في ذالك قام بفتح مكتب لتدريب شباب اخرين . الحياة عنده عمل وعمل وعمل ... طبعا كل شيء اختلف من بعد ليلة البارحة .

في الجامعة

جالسة في الوسط تماما لو كانت في جلسة تحقيق

سارة : شن تبو تعرفو ؟؟واللهي ماصار شيء

زهرة :شن اسمه ؟ كيف شكله ؟؟؟

اماني : شن كان شعورك لما خشيتي ؟؟

نرمين : حلو ولا مش حلو ؟؟ شن لابس ؟؟

عليا : كم عمره ؟؟ شن يشتغل ؟

امينة : انقولك .. احكي كل شيء بالتفصيل .. حرف حرف

سارة : بشوية بشوية اعليا .. اممم اسمه سيف وعمره 31 و صاحب خوي احمد حسب ماقال بزنس مان

زهرة : وشكله ؟؟

سارة : متسألونيش .. مشفتاش بكل .. اصلا مارفعتش اعيوني بكل

نرمين : علينا هالكلام ؟؟؟!!! ماشفتيشي بكل !!

امينة : اهم حاجة بتوافقي ولا مش موافقة

سارة : امممممممممم يمكن هو يكون غير رايه

اماني : شن قالك ؟؟ باش نقدرو نحللو شعوره

سارة : ههه قعد يتعارك هو واحمد وخلاص

اماني : ومقال شيء ؟؟

سارة : اسأل كم سؤال وبس

اماني : اي وبعدين .. شن كان شعورك ؟؟

سارة : امممم كنت متلخبطة .. ماتوقعتش انه بيسأل

زهرة: شن سألك

سارة : هههه سألني انتي سارة ؟؟ ههه

نرمين : قولتيله مافيش خيارات

للمرة العاشرة يتصل علي احمد وفي كل المرة مشغول ...

سيف :يلا رد .. هدا وقت اتصالاتك

واخيرا رد احمد

احمد : الو

سيف: اعترف ... مين كنت تكلم .. ليا ساعة نتصل بيك

احمد : هو انت اللي تتكلم من بكري .. واني انقول من هالمزعج

سيف : حنمشيهالك .. بس لاني محتاجك .. ها وافقت ؟؟

احمد (بمزح) : امصدق روحك انت .. بتوافق عليك من ثاني يوم .. يبيلها شهر تفكير علي الاقل

سيف : تبصر ؟؟ عندها مهلة اسبوع بس والاجابة تكون اموافقة تبي ولا ماتبيش

احمد : اوكي تو انقوللها

سيف : لالا شن بتقولها .. واني نبيك تقعنها توافق

احمد : شن المقابل

سيف: اللي تبيه






اتحــــــــــداك


لامارا غير متواجد حالياً   رد مع اقتباس
إضافة رد

مواقع النشر (المفضلة)

الكلمات الدلالية (Tags)
للكاتبة, أتحداك, مكتملة, البواب

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 05:28 PM



Powered by vBulletin®
Copyright ©2000 - 2024, vBulletin Solutions, Inc.