آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
20-11-13, 09:44 PM
| #1 | ||||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  يوميات رهف وريمان / للكاتبة عندما تعشق الشوكولاته ، مكتملة
التعديل الأخير تم بواسطة لامارا ; 21-11-13 الساعة 11:30 PM | ||||||||||||||
|  |
|
20-11-13, 09:45 PM
| #2 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  والبارت الاول اهوه يا رب يعجبكم بسم الله الرحمن الرحيم يا رب الحلقه الاولي تعجبكم شجعوني اولا اهم الشخصيات : رهف : بنوته مثاليه تملك العشرون عام من عمرها تتمتع بجمال هادئ كلية هندسه ريمان : بنوته تبلغ الثانيه والعشرون من عمرها ندي : ام رهف مروه : ام ريمان احمد : اخو ريمان 24 عام وهنعرف شخصيات كتير اثناء اليوميات البارت الاول في تلك الغرفه الغامضه المظلمه تجلس فتاه وحيده حزينه دامعة العينين تدعي رهف تلك الفتاه الجميله تراودها افكارها ويحزنها حالها تردي ما تلك الافكارالتي تبكيها ذهبت لتغسل وجهها كي تزول اثار البكاء تنظر الي نفسها في المراّّه وتقول : مالك ؟ فيكي ايه ؟!! هتفضلي علي طول لوحدك كده ولا اخ ولا اخت ولاصديقه ولا حبيب طبعا حابه امك وابوكي بس في حاجات جواكي بتحتاجي حد تاني تخرجيها قدامه عايزه حد يقرب مني بس هو فين ؟وخرجت تلك الفتاه الغامضه والانطوائيه لتجلس مع والدتها ندي : ايه يا حبيبتي مالك ؟ رهف : مفيش يا ماما ندي : هتفضلي كده لحد امتي يا رهف لحد امتي الحزن والغموض اللي فيكي ومعرفش سببه ده هينتهي امتي رهف : مين اللي قال لحضرتك اني حزينه ولا غامضه انا علي طبيعتي اهو يا ماما ندي :من ساعة ما اعز صديقه ليكي باعتك وانتي كده بقالك 3 سنين عالحال ده رهف بدموع : ماما لو سمحتي مش كل ما اقعد معاكي تفكريني ؟ ارجوكي !! ندي : طيب يا بنتي يلا نحضر العشا عشان بابا زمانه جاااايقامت رهف وندي لتحضير العشاء للاب حسن حسن : أب مثالي بيحب بنته ومراته جدااااااا وبيعمل وبيجتهد في شغله عشانيعيش اهله باحسن حال وفي تلك الغرفه الهادئه تسمع تلك الفتاه الموسيقي المفضه لها وتجلس وحدها هادئه صامته كعادتها يدخل عليها ذلك الفتي ذو الوجه البشوش تلك الفتاه هيبطلتنا ريمان وذلك الفتي هو احمد يتمتع بخفة الدم ولكنه رغم حبه للضحك فهويتعامل مع عمله بجديه تامه لان مهنة الطبيب تطلب تركيز تام احمد : رورو هنا ريمان : لا مش هنااحمد : يووووووووه بطلي رخامه يلا قومي البسي ريمان : ليه ؟ احمد : هنخرج يا باشمهندسه ريمان : فين احمد : هوديكي اساديكي النادي مع الواد نادر واخته ريمان : اساديكي ؟ فيه دكتور محترم يقول كده عموما انا كنت عايزه اخرج بس طلاما مع الواد نادر ده يبقي لأ احمد : يلا بقي تبقيش رخمه عشان خاطري والنبي والنبي والنبي ريمان : اووووووووووووووووف احمد : يلا بقي ريمان : طيب وراحوا الناااااااااادي ونشووووووووووف ايه اللي هيحصل في السكه ريمان : احمد انت عارفه الواد نادر ده انا مش بطيقه احمد : متقوليش عليه كده يا بنتي ده صحبي وحبيبي انتوا اللي مافيش كميابينكم ريمان : ممممممممم اووووووووف وصلوا النادي نادر : اهلا ب عم الشباب احمد : ايه يا معلم عامل ايه نادر : تمااااااام ........ ازيك يا ريمان ريمان : كويسه شذي اخت نادر : ريمو عامله ايه انتهي السلام وقعدوااا نادر : وانتي عامله ايه يا ريمان في هندسه ريمان : كويسه نادر : هو انتي علي طول كويسه مش ناويه تتعبي شويه هههههههههههه ريمان : نعم ؟ انت ازاي تتكلم معايا كده نادر : اتكلمت ازاي يعني ريمان : والله مش عرفه اسال نفسك نادر : انتي كمان تكلميني كويس ريمان : والله انا بتكلم كويس شذي : بس بقي اهدوا مش كل ما نبقي مع بعض تعملوا فرح كده احمد : انا مش عارف بصراحه اهدوا الناس هتتفرج علينا وهدأ كل من الطرفين ثم ذهبوا من المكان الي منزلهم وفي غرفة رهف تعبث رهف بصورها مع صديقتها تلك التي لم نعرف حكايتها بعد وتبكي رهف وتلعوا شهقاتها لتذكرها لمن كانت اقرب لها من نفسها فهي صديقتها منذ الطفوله كانت تتقاسم معاها الحزن والفرح واللعب والسكون وكل شئ ولكن هل دامت صداقتهم ؟ هنعرف باقي الحكايه البارت التاني لو عجبتكم الحلقه شجعوني وقيموني عشان اكمل مــــريم معلش الخط صغير اصل عندي مشكله في المتصفح | ||||
|
| |
|
20-11-13, 09:46 PM
| #3 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت التاني (ذكريات مؤلمه ) رهف : ليه يا نغم تعملي فيا كده وانا عمري ما فكرت اني احب ولد او اتعلق باي ولد عشان انا كنت بحبك انتي كنتي بتعوضيني الاخوه والحنان ليه سبتيني تتذكر رهف صديقتها واخر مره تحدثت معها رهف : الو يا نغم عامله ايه وحشتيني نغم بملل : كويسه رهف : مالك يا نغم صوتك مش عاجبني نغم : انتي عايزه ايه يا رهف رهف : ايه اللي بتقوليه ده نغم :بقول ايه !! بقولك عايزه ايه رهف : لا ولا حاجه يا نغم سلام رهف تحدث نفسها باستغراب : انا مش عرفه مالها ديه انا هروح لمامتها اسأل عليها ف بيت نغم رهف : عامله ايه يا طنط سعاد : الحمد لله ياحبيبتي انتي عامله ايه رهف : تمام سعاد : بصي يا رهف دلوقتي نغم مش موجوده خرجت مع ياسر وزمانها جايه استنيها عقبال ما اعملك حاجه تشربيها رهف : لحظه يا طنط ......... مين ياسر ؟ سعاد تضحك : مين ياسر ؟!! ايه يا رهوفه الزهايمر جاي في السكه ولا ايه ده خطيب نغم يا حبيبتي رهف بعدم فهم :خطيب نغم ؟! ازاي يا طنط انا مش مصدقه حضرتك بتهزري ولا ايه سعاد : هي نغم ما قلتلكيش اخس عليها ازاي متقولكيش ديه كانت بتقولك كل حاجه دانا قيلالها تعزمك انتي ومامتك عالخطوبه اصل ياسر قاري فتحتها رهف سرحانه ومش فهمه اي حاجه ومصدومه وسلمت علي سعاد ومشيت في الشارع زي التايهه مش عارفه رايحه فين وفجأه .......... ندي : رهف يا رهف انتي يا بنتي رهف : نعم يا ماما ندي : بقالي ساعه بنادي عليكي رهف : معلش يا ماما سرحت شويه ندي : طب بقولم خالتك جايه تبات معانا اصل ابنها سافر قومي بقي نحضر العشا رهف : حاضر يا ماما وف بيت ريمان بعد ما رجعوا من النادي كل واحد دخل غرفته ( عالمه الخاص ) ريمان : ليه عمري ما حبيت غير اخويا وماما وبابا ليه مش ليا صديقه تبقي اسم علي مسمي صديقه تعاملني بصدق مش عشان مصلحه ولا اي كلام تاني اديني مستنياها ونامت ريمان لان الدراسه تاااااااني يوم وبكده الحلقه ديه خلصت لو شجعتوني كمان بقي هنزلكم التالته وف التالته هنعرف باقي ذكريات رهف وهنعرف ايه اللي هيحصل ف اول يوم في السنه الجديده | ||||
|
| |
|
20-11-13, 09:50 PM
| #4 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت التاااااالت ( حزن كانت ممحاه الصداقه ) استيقظت رهف للذهاب للجامعه فهو اول يوم في السنه الدراسيه وهي اعتادت ان تذهب حتي تنشغل وتنسي الامها قامت وارتدت ملابسها ثم ذهبت لتناول الافطار مع امها فوالدها في سفر من اجل العمل ندي : صباح الخير يا رورو رهف : صباح النور يا ماما ندي : جاهزه رهف : اه تمام فطرت رهف اشياء بسيطه كعادتها وركب سيارتها واتجهت حيث الجامعه وفي غرفة ريمان يرن جرس المنبه ف تستيقظ ريمان وترتدي ملابسها في نشاط ملحوظ وتذهب لتفطر مع اخيها وامها ووالدها احمد : صباح الفل ريمان : صباح النور مروه : ايه يا ريمو جاهزه للجامعه ريمان : أه يا ماما باسم : ريمو عايزك تجتهدي زي كل سنه ريمان : ادعيلي يا بابا واخدت ريمان شنطتها وعربيتها وراحت كليتها وملحوظه : هي نفس كلية رهف رهف تدخل الجمعه برهبه وتتفحصها بعيونها لانها محوله من جامعة الاسكندريه فهم نقلوا معيشتهم الي القاهره فا رهف لم تعرف احد في الجامعه دخلت لتأخذ جدول محضارتها وذهبت لتتعرف علي الدكاتره ودخلت ريمان الجامعه فذهبت لتسلم علي زميلاتها فهي ليست مستجده مثل رهف رهف : الحمد لله النهارده مفيش محاضرات تعارف وبس اروح اقعد في الكافيه شويه تسير رهف نحو الكافيه وتنظر في الموبايل فقد وصلتها رساله ثم اتصدمت بشخص ما رهف ترفع نظرها لتجد فتاه البنت : مش تحاسبي يا انسه رهف : اسفه مكنتش اقصد ريمان بابتسامة رضا : ولا يهمك .... شكلك مرتبكه شويه انتي جديده هنا رهف : أه انا كنت في هندسه اسكندريه وحولت ريمان : نورتينا انا ريمان وانتي ؟ رهف : انا رهف ريمان : اسم جميل اوي ورقيق رهف :ميرسي انتي احلي ريمان : مش هنفضل واقفين كده تعالي نقعد في الكافيه رهف : اتفضلي ريمان : انتي سنه كام رهف : تانيه ريمان : انا رابعه رهف : ربنا يوفقك ريمان : ميرسي ربنا يخليكي انا عندي استعداد اساعدك لحد ما تتعودي عالجامعه انتي ليكي صحاب هنا رهف : بجد ميرسي اوي لا انا ماليش صحاب ولا هنا ولا في اي مكان ريمان لا تفهم : ممممم اكيد هساعدك ان شاء الله وذهبت كل منهم لمنزلها لتقص علي اهلها ما حدث معها دخلت رهف غرفتها بعد ان حكت لوالدتها ما حدث لها فبدلت ملابسها وجلست علي سريرها تفكر وخطرت علي بالها سريعا ريماان فابتسمت ابتسامه هادئه تنم عن شيئا ما رهف / من تكوني انتي اشهر بارتياح تجاهك اود ان احادثك يا الهي لا اعرف ما بي ثم خلدت للنوم وفي غرفة ريمان جلست علي الاب توب لتفتح بريدها من باب التسالي قليلا ثم خطرت علي بالها رهف ريمان : رهف مممممممم من تكوني انتي صاحبة الاسم الرقيق وفي اليوم التالي في الجامعه ذهبت رهف لتبحث عن ريمان وهي تشعر باشتياق فتستغرب نفسها رهف : لماذا اشعر بهذا الاشتياق لرؤيتها فانا اعرفها منذ امس فقط ثم رأتها من بعيد رهف : ريمان يا ريماان ريمان : رهوووووفه عامله ايه رهف : الحمد لله انتي ازيك ريمان : اانا تمام هاتي رقمك رهف : اتفضلي ..................... ريمان : وده رقمي ................. رهف : ميرسي اوي يا ريمان ريمان : لا يا رورو علي ايه انا من هنا ورايح صحبتك رهف بارتياح : وانا كمان ريمان : هسيبك بقي ونتقابل بعد المحاضره رهف : تمام بعد انتهاء المحاضرات تحاورت الفتاتان وظلت علاقتهما تكبر وتعلوا وفات ثلاثة شهور وهم يسألان علي بعضهم لا ينامان الا بالاطمئنان علي بعضهما ويضحكان ويغنيان وفي يوم جلس رهف مع نفسها رهف : ريمان تلك الفتاه التي اقتحمت حياتي فجأه اشعر بأني ارتاح تجاهها انا قصصت عليها كل ما يخصني كلمتها عن عائلتي وعن نفسي وهي ايضا حدثتني اشعر وكأني احبها لا يا رهف لالا نسيتي نسيتي ما حدث لكي من نغم لقد نسيتي فانتي اعطيتيها حبك بأسمعي معانيه لاتفعلي ذلك لا تنجرحي ثانية وفي غرفة ريمان ريمان : يالكي من فتاه جميله رقيقه مؤدبه صفاتك مثل صفاتي اشعر بارتياح شديد تجاهك حقا احبك واشعر بانكي احببتيني ولكن لما اشعر انني كلما اقترب منك تبعتدي واشعر احيانا من كلامك بانك مجروحه بحبي وصداقتي لكي سأزيل هذا الجرح اتصلت ريمان برهف ريمان : رهوف عامله ايه وحشاني رهف : كويسه يا ريمو انتي كمان وحشاني ريمان : بما ان النهارده الجمعه تيجي نخرج عايزه اتكلم معاكي شويه رهف : اوكيه هلبس واجيلك في كافيه ......... اللي علي البحر ريمان : اوكيه ذهبتا الصديقتان وجلستا عالبحر وهما يأكلان الايس كريم ريمان بعد صمت : رهف رهف : نعم ريمان : انا عمري ما كان عندي صديقه احس ناحيتها بارتياح احس انها بتوحشني بجد .... كل اللي معايا زميلاتي بس لكن عمري ما صحبت بنت احسها انا وانا حسيتك انتي صحبتي اوووي حسيت انك بتوحشيني حسيت انك بتاعتي لوحدي بصي يا رهف من الاخر انتي صديقتي بجد وانا حبيتك جداا رهف بدموع : حبتيني ؟!!! ريمان : ايوه ......... انتي اتضايقتي رهف : لا طبعا انتي كلامك جميل اوي بجد بس انا ؟ ريمان : انتي ايه ؟ رهف : انا هحكيلك علي كل حاجه وتسمعيني ريمان : طبعا رهف : حكتلها حكاية نغم .......... وبعد ما نزلت من عند مامتها تكمل رهف ببكاء ............. كنت مش شايفه قدامي 100 سؤال بيتردد في عقلي وفجأه لقيتها جايه من بعيد ومعاها ولد وبيضحكوا وقفت قدامها نغم : رهف انتي ايه اللي جابك هنا رهف : جيت عشانك نغم : اعرفك يا رهف ياسر خطيبي ياسر : ازيك يا انسه رهف صامته ياسر : طب انا ماشي بقي يا نغم سلام نغم : باي رهف : انا مش قادره اصدق بجد انتي عملتي فيا كده ليه هو انا عملتلك حاجه وحشه نغم : انا زهقت منك بقي انتي محسساني اني بتاعتك لوحدك !! لا يا هانم انا مش بتاعتك لوحدك انا هتخطب وهحب وهعيش حياتي ومش عيزاكي معايا تاني نغم : انا مش قادره اصدق اللي انا بسمعه نغم : لا صدقي كويس اووي رهف : ليه كده ؟ دانا طول عمري بحبك عمري ما ضايقتك في حاجه لما بتخانق معاكي بيبقي عشانك مش عشاني ليه كده انتي مفكره انك لما تقوليلي انك هتتخطبس انا هحسدك ولا هفرق بينك وبين خطيبك تبقي اتجننتي دانا اكتر واحده بفرحلك في الدنيا ياااااه مش قادره اوصف احساسي بجد مش قادره نغم : رهف كفايه بقي انا زهقت انا كل اللي عيزاه منك انك تبعدي عني وتنسيني زي مانا نسيتك سلااام رجعت رهف منزلها منكسره مريضه مخنوقه ومن ذات الوقت وهي لا تصاحب لا تتكلم لا تحب رهف بدموع : شوفتي بقي انا حصلي ايه عشان كده انا ....انا ريمان بدمع علي صديقتها : انتي ايه رهف : انا فعلا حبيتك وحبيتك اوي كمان وارتاحتلك بس كنت خايفه وبكدب قلبي عشان خايفه يتكرر جرحي واتصدم تاني ريمان : طب انا اوعدك اني هفضل صحبتك وعمري ما هضايقك ابدا ولا هزعلك رهف : متأكده ريمان : طبعا وبعدين مش كل الناس زي بعضها رهف : عندك حق ريمان : بس اوعديني اننا نبقي صحاب جامدين اوي بقي رهف : اوعدك واحتضنت رهف ريمان بشده كأنها تتنفس من جديد وتعيش من جديد وبذلك اصبحت رهف وريمان صديقتان وسنعيش معهم مغامرات كثيييييييييييره وسنعرف ماذا تخطط افكاري لهم قصدي المستقبل لهم | ||||
|
| |
|
20-11-13, 09:51 PM
| #5 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| السلام عليكم ورحمة الله وبركاته الحلقه الرابعه ( تعارف ) استيقظت رهف ولأول يوم منذ اربع سنوات نشيطه ناسيه همومها وكلما يحادثها عقلها بأنها سوف تنجرح مجددا تحاول الا تسمع له فهي تعبت كثيرا وتمنت ان تجد صديقه مثل ريمان وها هي وجدتها ايعقل ان تتركها ثم ارتدت ملابسها ونزلت لكي تفطر مع والدتها ووالدها ندي : صباح الخير .. وشك منور النهارده حسن : اه والله هي طول عمرها كده رهف : ربنا يخليك يا بابا ندي : ايه يا رهوفه مش هتحكيلي صاحبتي مين وعملتي ايه رهف : تمام يا ماما كنت كلمتك عن ريمان ندي : اه اللي كنتي بتخرجي معاها رهف : اه يا ماما ديه بقي صحبتي اوي يعني ندي بسعاده : الحمد لله انك لقيتي صديقه من تاني رهف :اها يا ماما انا ماشيه بقي حسن : مع السلامه رهف بوجه مشرق : باي ذهبت رهف الي الجامعه رهف : ريمو عامله ايه ريمان : كويسه الحمد لله ... بقولك يا رهف رهف : قولي ريمان : بما ان النهارده الخميس تيجي اجيب ماما واخويا وانتي تجيبي مامتك ونروح النادي رهف : والله فكره حلوه اوي اوكيه هسأل ماما وارد عليكي ريمان : اوكيه بس ردي عليا بدري عشان ننزل علي 7 كده رهف : اوكيه وانتهي اليوم ورهف وريمان عادوا الي المنزل ندي : حمد الله عالسلامه .. غيري هدومك ويلا عشان تتغدي رهف : حاضر يا ماما فيجلس الجميع علي الطعام وتتحدث رهف قائله !! رهف : ماما ندي : نعم رهف : النهارده الخميس ايه رأيك نروح النادي انا وانتي حسن : والله فكره حلوه يا رهف حتي تغيروا جو ندي : ممممممم .... طيب ماشي رهف : هنقابل هناك ريمان ومامتها يا ماما عيزاكي تتعرفي عليهم ندي : ماشي يا رهوفه وفي منزل ريمان بعد تناول الغداء تجلس هي ووالدتها واحمد ريمان : ماما ايه رأيك اخدك انتي وحماده واوديكوا النادي مروه : اشمعنا ؟!! ريمان : نروح النادي يعني وبالمره نتعرف علي رهف صحبتي ومامتها احمد : انا موافق !! وانتي يا ماما مروه : خلاص ماشي وقد حل المساء وذهبت كل من الفتاتان واسرتهما الي النادي ووصلت رهف وندي اولا رهف : ماما هقوم اجيب شوية اكسسوارات كده من هناك ندي : ماشي بس متتأخريش واثناء سيرها كان يوجد علي الارض ما يعرقل السير فوقعت رهف وجري عليها شابا كي يرفعها رهف : متشكره معلش انا اسفه الشاب : لا ولا يهمك وذهب كلا منهم الي ما كان يريد الذهاب اليه تليفون رهف يرن !! رهف : ريمو انتي فين ريمان : انا في ( ......) رهف : المكان ده جمب التربيزه اللي انا وماما قاعدين عليها ريمان : اه شوفتك وشاورت كل منهما للاخري ثم جاءت ريمان ووالدتها واحمد وبدأ التعارف بين مروه وندي ولاحظت رهف وريمان الاندماج الكامل بين مروه وندي والاتفاق في معظم الحوار ثم قالت ريمان ريمان : احمد زمانه جاي هو جه معانا بس خرج من النادي تاني عشان صاحبه كان عايزه بره ... زمانه جاي انا عرفته المكان ندي : يشرفنا نتعرف عليكم يا ريمو ريمان : ميرسي يا طنط الشرف لينا احنا ثم جاء احمد نظر الي رهف بعمق نعم !! فهو يعرفها يا للصدفه هي من وقعت منذ قليل وهو ساعدها علي الوقوف كان فرحا جدا بداخله ولا يعرف لماذا ؟!! فأخجلت نظراته رهف واحمرت وجنتيها وبالطبع عرفته ريمان : احمد يا احمد احمد : ايوه يا ريمان ريمان : طنط ندي مامة رهف احمد : اه اهلا يا طنط ندي : اهلا يا حبيبي اتفضل اقعد انتهي التعارف بأكمله واندمجت الاسرتين احمد : وانتي يا رهف مبسوطه في هندسه رهف : اه طبعا انا كان نفسي فيها من زمان احمد : كويس اوي رهف : بس دراستك صعبه مش كده احمد : لو انتي عايزه تبقي حاجه وتحققي هدفك مش هيبقي في صعب قدامك رهف وقد اعجبها كلامه المنطقي : صح ريمان : عرفه يا رورو اخويا ده مع انه بيدرس طب بس مجنون احمد : يا سلام وانتي عاقله يعني ريمان : طبعا يابني رهف : ههههههه بحب اشوف اوي اخوات بيتخانقوا احمد : ليه هو انتي معندكيش اخوات يا رهف رهف : ريمان اختي ريمان : طبعا يا رورو احمد : ربنا يهني سعيد بسعيده ريمان ورهف يضحكان ندي ومروه مندمجين في الكلام يتحدثان عن البيت والتنظيف الشاق وتجهيز الطعام ووصلا في النهايه الي انهم اخذوا ارقام التليفونات بسبب الارتياح الذي حدث بينهما ورجعت كل من الاسرتين الي بيتهم وفي منزل ريمان احمد يجلس في غرفته ويتحدث احمد لنفسه : من تلك الفتاه ؟!! اشعر تجاهها بشئ غريب عينتاها تشعان ببريق الهدوء والرقه فا مقابلتنا كانت صدفه من انتي يا رهف !!! ثم خلد الي النوم وهو يفكر برهف ! وفي منزل صديقتنا رهف وهي ووالدتها يجلسان ويتناولان كوبين من الشاي ندي : انتي عرفه يا رورو رهف : نعم يا ماما ندي : انا اندمجت مع مامة ريمان اكتر ما كنت بندمج مع ام نغم بحس ان عقل ام ريمان زي عقلي وحاسه اني ارتحتلها وصحبتك ريمان لذيذه اوي وبرضو بحس ناحيته غير ما بحس ناحية نغم رهف : ايه يا ماما ده بس كل حاجه هتقارنيهم بنغم وعيلتها انسيها يا ماما زي مانا نسيتها ندي : حاضر يا ستي انا اتفقت معاهم عزمتهم عندنا عالغدا رهف : ماشي يا ماما تصبحي علي خير دخلت رهف غرفتها سرحت وخطر علي بالها صحاب الوجه البشوش ياله من غريب حقا لم اعرفه عندما ساعدني علي النهوض من علي الارض وبعدها فقط بربع ساعه كنت اعرف عنه اشياء كثيره انه حقا غريب ونامت تلك الملاك علي هذا الحال مستنيه تشجيعااااااتكم | ||||
|
| |
|
20-11-13, 09:53 PM
| #6 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الحلقه الخامسه (فقدان وحزن) احمد: تسلم ايدك يا طنط والله الاكل كله جميل مروه: ايوه كله حلو يا ندي تسلم ايدك ندي: ربنا يخليكو بالهنا والشفا ريمان: ايه يا رورو ساكته ليه رهف: لا عادي احمد: ايه اكل طنط مش عاجبك لو مش عاجبك تعالي نبدل ضحك الجميع وانتهي الغذاء وجلسوا في حديقه البيت واحمد تليفونه يرن احمد: ايه يا نادر عامل ايه نادر:كويس يا معلم بقولك احمد: قول نادر: تيجي نخرج انا وانت وهجيب شذي معايا وانت هات البت اختك دي اللي اسمها ريمان علشان شذي مش عشاني انت عارف احمد: ما تحترم نفسك يلا انت بتتكلم علي اختي ريمان: لا والله بيقول ايه بقي احمد: لو سمعتك هتموتك طيب يا معلم جايين سلام ريمان: بيقول ايه الرخم ده احمد: عايزنا نخرج معاه ايه رأيك ناخد رهف ونروحله ريمان: اوكيه طلاما رورو هتيجي لو مروحتيش يا رهف انا مش هروح رهف: روحي يا ريمو بس دول صحابكم انا هاجي اعمل ايه ريمان:اصلا انا مبحبش نادر ده وبعدين انتي كمان صاحبتنا احمد: خلاص بقي يا رهف تعالي رهف:ماشي ندي: روحوا يا ولاد وانا و مروه هنقعد هنا مروه: ماشي وارجعوا بدري علشان هروح معاكوا بقي احمد: طيب يلا سلام وذهبوا الي النادي وانتهي التعارف اثناء الكلام وبعد خناقات عديده بين ريمان ونادر جاء اتصال لريمان فذهبت خارج النادي لوجود الشبكه ظلت تتحدث حتي انتهت المكالمه ثم رأت سياره قادمه نحوها ينزل منها اربعة رجال ويخطفونها ويضعونها داخل السياره ثم اعطوها ما يجعلها تنام ساعات طويله وغطت ريمان في نوم عميق وفي النادي رهف: هي ريمان اتأخرت ليه كده انا حاسه احساس غريب شذي: هي فعلا اتأخرت بس تلاقيها بتجيب حاجه ايه الاحساس الغريب يا رهف رهف: حاسه ان قلبي مقبوض من نحيتها هي احمد: انا كده ابتديت اقلق نادر: يا عم ريمان دي زي القرده رهف: لا بجد متقولش عليها كده ثم همت بالوقوف وهي تقول رهف:لا بقي انا قلقانه قوي انا هطلع ابص عليها احمد: واحنا معاكي وذهبوا وبحثوا عن ريمان في كل مكان خارج وداخل النادي واخبروا الامن عن مواصفاتها قالوا لهم انها كانت واقفه امامهم ثم بعدت قليلا لم تتحمل رهف الخبر وايضا بعد ما علمت ان تليفون ريمان مغلق فجلست تبكي وتبكي بشده واحمد قلق و شذي تهدئ رهف ولاول مره يشعر نادر بالقلق و الخوف تجاه ريمان لم يستطيع احد منهم ان يفكر وقف عقلهم عن التفكير ورهف قاربت حالتها للاغماء فضياع ريمان سوف تضيع كل احلامها وامالها وامنها وكل شئ احمد لا يستطيع ان يفكر ما الذي سوف يقوله لامه وابيه يا له من شعور صعب ولك يجب لن يذهبوا للتفكير في الامر ذهبوا جميعا لبيت رهف رأتهم ندي و مروه بتلك الحاله السيئه وسمعت مروه الحدث ثم فقدت الوعي بعد فتره فاقت مروه وحولها ندي واحمد ورهف الباكيه وشذي الشارده ونادر الذي بحاله لا يرثي لها وجاء الابوين الذين عرفوا بعض منذ اللحظه الاولي فقد كان بينهما اعمال كثيره فهما رجال اعمال مشهورين صعدوا للغرفه التي بها مروي واستغرب الجميه بمعرفة حسن وباسم ولكن هم الان بموضوع ريمان لا يوجد مجال لمعرفة اي شئ اخر غير معرفة مكان ريمان جلس باسم والد ريمان يفكر بحزن وعمق لانه رجل اعمال مشعور فبالتالي له اعداء كثيرون وتذكر باسم تهديد محمود الشاذلي له بأنه سيفعل اي شئ ليقضي علي باسم فبينهم مشاكل كثيره وحكي لهم باسم عن هذا الذي يدعي محمود الشاذلي حسن : يبقي اكيد هو ده طول عمره شراني وبرضو كان بيهددني بس اانا عرفت ابعد عنه .. ده فظيع احمد : طب وبعدين بقي هنعمل ايه مروه : انا عايزه بنتي عايزه بنتي ندي : اهدي بس يا مروه ان شاء الله هترجع رهف بدموع مستمره : مش قادره هموت لو هي مارجعتش نادر : احمد انا ليا واحد صاحبي ظابط وليه علاقه بالحاجات ديه تعالي نروحله ونحكيله حتي عشان تبقي كل حاجه قانونيه احمد : عندك حق يا نادر يلا بينا باسم : استنوا بس التليفون بيرن باسم : الو المتصل : ايوه بقولك ايه يا استاذ احنا عندنا القموره بتاعتك باسم يهم بالوقوف : عندكوا مين اوعوا تعملوا فيها حاجه انتوا فاهمين المتصل : احنا مش هنعمل حاجه لو جبت اللي هنطلبه منك خلال 48 ساعه بعد كده لو اللي طلبناه موصلش هتعرف اخبار مش كويسه عن بنتك باسم : وايه اللي انتوا عايزينه المتصل : احنا عايزين ال 10 مليون جنيه اللي اخدتهم من المندوب الاجنبي عشان الصفقه بصراحه احنا شايفين ان الصفقه ديه كانت من حقنا وهتجيلنا لوحدك هنديك ورقه فيها بيع شركتك لينا من غير مقابل تمضيهالنا ومن غير اي اعتراض احنا بنعرفك بس عشان تبقي عامل حسابك باسم : انتوا بتعملوا كده ليه ؟ المتصل : هتعرف لما تيجي واحذرك من انك تبلغ البوليس وانهي الاتصال جلس الاب حزينا منزلا رأسه لاسفل وحكا للعائله ما حدث نادر : مفيش حل غير اننا نعمل اللي قولتلكم عليه باسم : ازاي بس دول شكلهم مراقبينا ولو بلغنا البوليس هيعرفوا نادر : احنا نروح لخالد بس وهو هيحلهالنا باسم : خلاص نروح ونشوف ايه النظام ظلت مروه مريضه حزينه في منزل رهف لتعتني بها ندي وذلك بأصرار من ندي ورهف ورجعت شذي الي بيتها بشرط انهم اذا وصلوا لشئ يخبرونها وذهب باسم واحمد وحسن ونادر للضابط خالد خالد : ايه الموضوع يا نادر نادر : الموضوع كبير اوي وحكا له نادر ما حدث باسم : احنا مش عارفين نتصرف ازاي ؟!! خالد : ممكن تديني الرقم الي كلموا حضرتك منه باسم : اتفضل اجري خالد عدة اتصالات وعرف ان الرقم الظاهر عندهم ليس له فائده فالمتصل بعد انهاء المكالمه مؤكدا تخلص من الرقم خالد : افتكر انكم ممكن تعرفوا مين اللي عمل كده احمد : احنا شاكين في حد كده خالد : مين هو باسم رجل الاعمال محمود الشاذلي ده اكتر واحد عدو ليا وكمان الانسان اللي بينافسني في شغلي ومن كام يوم جيه وهددني انه هيأذيني في اعز ما املك خالد : طيب احنا هنبحث عنه ونعرف هل هو مختفي ولا بيمارس حياته العاديه باسم : طيب ارجوك يا بني يا ريت الكلام ده يبقي بسرعه قبل 48 ساعه خالد : فاهم طبعا نادر : متشكر اوي يا خالد خالد : علي ايه ده شغلي تقدروا حضارتكوا تتفضلوا وانا معاكوا بالتليفون علي طول باسم : متشكرين اوي ثم عادوا الي بيت رهف الام مروه بقلق وخوف ورعب مروه : طمنوني ايه اللي حصل قالوا لها ما حدث معهم عند الظابط خالد مروه بانهيار : يا رب رهف : انا مش عارفه هي راحت فين بجد مش قادره استحمل احمد : اهدوا يا جماعه ان شاء الله خير (خالد يتصل بنادر ) خالد : نادر انا عرفت ان محمود الشاذلي بقاله يوم غايب عن شغله وقدرت اعرف الاماكن اللي بيروحها نادر : بجد يا خالد طيب ايه الاماكن ديه وفين ؟!! خالد : بيته والمكان اللي بيسهر فيه ومكان بيروحه قليل اوي وده اكتر مكان انا شاكك فيه لاني عرفت انه مريب اوي في حته مقطوعه وعرفت احدد المكان ده فين نادر : يبقي ممكن يكون هو لازم نروح خالد : استني بس مينفعش الكلام في التليفون اديني العنوان وانا جايلك وبالفعل وصل خالد وجلس مع نادر وباسم واحمد وحسن حسن : طمنا يا خالد هنعمل ايه خالد : انا دلوقتي عرفت المكان اللي قولتلكوا عليه ان محمود بيروحه قليل اوي وانه مكان مريب جدا بس لما نروح طبعا مش هنروح كلنا ولازم يبقي المكان محاصر من بعيد عشان لو عملوا اي حاجه خطر القوه تهجم وانا حطيت خطه كده قبل ما جيلكم زي ما قولتلكم مش هنروح كلنا احمد : اومال هنروح ازاي خالد : انا لازم اكون موجود طبعا اتفقوا مع بعض مين يجي معايا انا اعتقد ان احمد ونادر هما اللي يكونوا معايا يا جماعه عشان طبعا هما هيقدروا يتعاملوا مع اي حركات عنف باسم : ايوه بس انا هبقي قلقان اوي خالد : حاولوا بس تصبروا نفسكم ومحدش يتصل علينا باسم : يابني ده الاتصال الوسيله الوحيده عشان نطمن خالد : ارجوك يا حج انا عارف انا بعمل ايه احنا عايزين ننقذ ريمان مش اكتر حسن : خلاص يا باسم استاذ خالد عارف هو هيعمل ايه نادر : وانا مستعد احمد : وانا كمان جاهز وانتهت بذلك تلك الحلقه انتظروووووووني | ||||
|
| |
|
20-11-13, 09:54 PM
| #7 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الحلقه السادسه ( اكتشاف الحب ) نادر : انا ليه حاسس ناحيتها بقلق كده حاسس اني نفسي اطمنها نفسي اقولها انا جايلك مع اني مكنتش بحبها ودايما كان بيني وبينها مشاكل واول ما دورنا عليها وملقينهاش حسيت ان قلبي واجعني يا تري في ايه وعند ريمان بعدما وصلت هذا المكان الغامض مازالت نائمه تلك الفتاه ربطوا يديها وتركوها في مكان بالكاد مظلم وبعد ساعه فاقت ريمان : استمرت بالصراخ بعد ان تذكرت ما حدث لها وجاء احدهم الشخص : اوعي تصرخي تاني عشان لو صرختي من هنا لبكره محدش هيسمعك ريمان : انتوا عايزين ايه مني الشخص : ماتخافيش يا حلوه احنا عايزين من ابوكي مش منك ريمان : اوعوا تفكروا انكوا هتقدروا تعملوا حاجه انتوا اجبن مما يمكن ضحك هذا الشخص وتركها ورحل ظلت ريمان وحيده شاعره بالحزن ... لا تعلم لماذا جاء علي بالها نادر شعرت شعور غريب تجاهه كأنها تريد ان تقول له انقذني وقلقت علي والدتها ورهف ووالدها الحبيب واخوها ريمان : يا ربي اعمل ايه بس انا تعبانه اووووي وتبكي ريمان بحرقه شديده وفي السياره كل منهم صامت تحدث خالد خالد : يا جماعه لازم نكون مع بعض كلنا انا معايا الاسلحه اللي هتساعدنا علي الدفاع ما تتعملوش بتهور وركزوا احمد : ربنا معانا نادر : يا رب وصلوا اخيرا المكان وتركوا السياره بعيدا وظلوا يتحركوا تجاه المكان من الداخل ببطء وبهدوء تام حتي شاهدوا اثنان من الرجال كبار الحجم خالد : اكيد الاثنين دول واقفين قدام مكان ريمان عند الباب المقفول ده وطبعا اكيد ده محمود الشاذلي قاعد هو وجماعته دلوقتي انت يا نادر هتروح تضرب الاتنين اللي واقفين دول و انا واحمد هنتصرف تمام ولازم تاخد بالك يعني توجه الضربه علي غفله عشان ميحصلكش حاجه يلا نادر : انا جاهز ذهب نادر حيث الرجلان ثم احدث صوتا بزجاجه علي الارض كي يلفت انتباههم ثم ذهب احدهم ليعرف مصدر الصوت فضربه نادر علي رأسه وجاء الثاني من خلف نادر فمسكه بقوه لم يستطع نادر الافلات منه فهو اكبر من نادر بمقدار الضعف فطعنه نادر بقدمه ردله الرجل الضربه في وجهه فتألم نادر كثيرااا واخذ العصا من علي الارض وضرب هذا الرجل علي رأسه مرات عديده وجري نادر نحو غرفة ريمان ليجدها نائمه ظل يوقظ بها نادر : ريمان يا ريمان فوقي ريمان : نادر انت نادر : ايوه ساعديني عشان نخرج من هنا ثم سمعوا اصوات طلقات ناريه فقبض قلب ريمان نادر بقلق : يا رب خير يا رب ظلت تعلوا اصوات الطلقات وريمان تتسأل ونادر يخلصها من ربطها واخيرا تحررت ريمان واخذها نادر بيده وذهبا بهدوء الي خارج الغرفه لم يعرف نادر ان احد من ضربهم قد فاق فأخذ يضرب نادر بقوه وريمان تصرخ وتبكي وتعلوا اصوات طلقات النار ونادر ينزف دما فلا يستطيع المقاومه فقد ضعفت قوته تماما وقارب للاغماء وريمان تنظر بعيدا لتجد قوه قادمه لانقاذهم فتأخذ تلك القوه محمود الشاذلي ورجاله لمحاسبتهم وجاءت سيارة الاسعاف واخدت نادر واحمد وخالد وريمان وظلت ريمان تفيق بنادر داخل سيارة الاسعاف ووجدت اخيها احمد قد اصيب بذراعه والظابط خالد برأسه ولكن اصابة احمد وخالد سطحيه اما نادر ينزف كثيرا من كل مكان بجسده لم تعرف ريمان اتفرح لعودتها لاهلها ام تحزن علي حال نادر......وبعدها بقليل صعقوا من الخبر ان نادر سوف يدخل غرفة العمليات ولكن احمد وخالد قد تطرت جروحهم وجلسوا ليرتاحوا قليلا وتبكي ريمان علي نادر الذي ضحي بحياته من اجلها ظلت تبكي بحرقه شديده لا تستطيع ان تفكر ولا تتكلم صامته باكيه وقد اخبر احمد الاهل جميعا بما حدث وجاءت والدة ريمان ووالدها والجميع جاءوا حتي والد نادر جاء فوالدته متوفيه وجاءت شذي اخته ورهف التي تهلل وجهها برؤية ريمان ثم احتضنا بعضهما بشوق ووالدة ريمان احتضنتها بقوه ورحبوا بها ورجع الحزن يسود المكان علي نادر الذي افتدي نفسه من اجل ريمان فتحدث ريمان نفسها ريمان : ضحي من اجلي من كنت اعامله اسوأ معامله من كنت اعطيه كلمات سامه لم اعرف اني احبه هكذا حقا انا احبه فانا لم اعطيه فرصه ابدا ليعاملني برفق والان سوف تتغير معاملتي معك يا نااادر انتهت الحلقه انتظرووووني | ||||
|
| |
|
20-11-13, 09:56 PM
| #8 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الحلقه السابعه ( الرجوع ) طال وجود نادر بغرفة العمليات لمدة 3 ساعات خرج الطبيب لتجري ريمان عليه والجميع خلفها الطبيب : الحمد لله قدرنا نوقف النزيف وحمد الله علي سلامته هيفوق كمان ساعتين اول ما يفوق هبلغكم حمد الجميع ربهم وشكروووه وشعرت ريمان بانها تلتقط انفاسها من جديد وظلت تنتظر فهي تريد ان تري حبيبها وتطمأن عليه بقلبها جاء الطبيب قائلا : المريض بيردد لازم انقذها لازم يا ريت يا جماعه اللي قصده عليها تدخله ريمان بلهفه : انا يا دكتور الطبيب : طيب يا ريت تدخليله انتي الاول ده عشان نفسيته ريمان : اكيد طبعا تدخل ريمان الغرفه بهدوء وتجلس بجانب نادر صامته لانها وجدته شبه نائم ثم بكت علي حاله ف وجهه شاحب والجروح تملأ جسده شعرت تجاهه ولأول مره بالحنان فوضعت يدها حيث تلامس يده فانهمرت دموعها وانتابتها القشعريره ورأت عينا حبيبتها تفتح لتري الحياه ثانية نادر : ريمان ريمان : ايوه يا نادر نادر : انتي كويسه ريمان : المهم انت نادر باستغراب مصطنع: انتي متأكده انك ريمان تضحك ريمان لفهمها لما يرمي اليه نادر ريمان: ايوه انا ريمان نظر نادر في عينيها قائلا بتعب : كنت هموت لو كان حصلك حاجه ريمان : انا اللي كنت هموت لما قالوا انك هتدخل العمليات كل ده جرالك بسببي نادر : اوعي تقولي كده ريمان تضحك : انا مش مصدقه انك انت نادر اللي كنت لسه متخانقه معاه من يوم بس نادر : هههههه عندك حق ريمان : ما محبه الا بعد عداوه ضحك الطرفين بسعاده ثم نظر نادر الي ريمان نظرة حب اخجلتها واظهرت حمار وجنتيها ثم قالت ريمان : انا هروح اناديهم بقي كلهم نفسهم يطمنوا عليك نادر : خليكي شويه ريمان : خلاص كفايه عليك كده ولا ارجع ريمان بتاعةامبارح يضحك نادر ويقول : لا والنبي اعوذ بالله ضحكت ريمان وقامت لتنادي علي الاسرتين ليدخلوا جميعا ويرحبوا بنادر وتشكر مروه نادر وايضا باسم يشكره علي ما فعله لانقاذ ابنتهم واخيرا ذهب كل منهم لبيته بعد تفرق لمدة 3 ايام وسيناموا جميعا هادئين بعد نوم متقطع وقلق كبير وفي الصباح التالي في غرفة ريمان احمد : يا ريموو اصحي بقي ريمان : ايه يا احمد انا بقالي يومين منمتش احمد : اصل الواد نادر عازمنا بره احتفالا برجوعك يعني ريمان بفرحه : بجد ؟!! ....... أأأأ ... ممم ماشي موافقه احمد بنظره ذات معني : ايه مش كنتي عايزه تنامي ريمان : خلاص بقي يا احمد اصلي كنت زهقانه احمد : طيب قومي يلا عشان كمان ماما كلمت مامة رهف وهما جايين ريمان : وااو ده هيبقي يوم جامد احمد : طيب قومي بقي وفي غرفة رهف ندي : رورو يا رهف رهف : نعم يا ماما ندي : قومي يلا احمد عازمنا بره بمناسبة رجوع ريمان وبابا جاي معانا كلنا هنروح رهف : ماشي يا ماما هقوم البس ندي : اوكيه ارتدت كلا من رهف وريمان ملابسهم وذهبوا حيث النادي وانتهي الترحيب بين الثلاث عائلات وزاد الحوار والتألف بينهم ونظرات الحب التي تخطف بين نادر وريمان واحمد ورهف ولكن رهف تخجل كثيرااا وكلما تكلمت ريمان ونادر تهلل وجه الجميع فالاثنان دائا بينهما مشاكل وعلاقتهما متوتره اما الان فالاوضاع هادئه جدا وكل من حسن وباسم وعلي والد نادر استأذنوا ورجعوا لعملهم فالصدف كشفت انهم يعرفون بعض ومروه وندي طلبا الذهاب الي البيت فكل منهما متعب فظل احمد ورهف ونادر وريمان اما شذي فقررت ان تذهب مع والدها فشعرت بشئ ما غير مريح لها واحمد ورهف ونادر وريمان ذهبوا للمشي علي البحر قليلا ولاول مره يتكلم احمد مع رهف بمفردهم احمد : رهف رهف : نعم احمد : انتي عمرك حبيتي قبل كده رهف بخجل : بتسأل ليه احمد : عادي سؤال يعني رهف : مممممم لأ عمري ما حبيت احمد : ممكن اعرف السبب رهف : انا طول عمري مقتنعه بأن الحب في الثانويه ولا الاعداديه ولا اي سن صغير بيبقي غلط ولما دخلت الجامعه كنت متعلقه ببنوته كانت اخده حبي كله بيها مكنتش بفكر في اني احب ولد لانها كانت معوضاني عن كل حاجه كانت صحبتي من طفولتي بس لااسف مفيش حب بيدوم احمد : لا متقوليش كده الناس مش زي بعضها رهف : عرفت كده لما قابلت ريمان وعرفتها هي بجد الصديقه الصح يعني نغم اللي كانت صحبتي ديه كانت بتعمل حاجات غريبه واحنا صحاب وانا كنت بعدي وبفوت عشان بحبها لكن ريمان عمرها ما عملت حاجه زي كده معايا احمد : يااه انتي بتحبي ريمان اوي كده رهف : اكتر مما تتوقع احمد : انا اتأكدت من كده لما تعبتي وقت ما ريمان اتخطفت رهف بابتسامه : اصلها عوضتني عن كل حاجه وحشه عشتها احمد : يعني عمرك ما حبيتي ولد يعني !! رهف : لأ احمد ممازحا : ومش بتفكري تحبي رهف :هههههه الحاجات ديه مينفعش تفكر فيها بتجيلك غصب عنك احمد : عندك حق رهف : طب وانت احمد : انا ايه رهف : يعني عمرك حبيت احمد : حبيت مره واحده بس رهف : ولسه بتحبها احمد : لا ما خلاص بقي الخاين مينفعش يتحب رهف : اكيد من وقتها وانت قافل قلبك احمد : انا كنت قافله بس هو اتفتح لوحده رهف : يعني حبيت تاني احمد : مممممم شكلي كده رهف : وهي تعرف ؟ احمد : لسه مقولتلهاش اصل هي خجوله اوي وخجلها بيمنعني اتكلم بس بحسها بتحبني رهف : لو انتي بتحبها بجد هتعرف هي بتحبك ولا لأ من عنيها احمد : تفتكري رهف : اكيد ونسيب الحبيبين دول شويه نادر بعد صمت وهما يجلسا علي البحر والهواء يلاعب وجنتيهم: ساكته ليه ريمان : هقول ايه نادر : طب اقول انا ريمان بابتسامه : قول نادر : عرفه يا ريمان لما دورنا عليكي وخلاص فقدنا الامل اننا نلاقيكي حسيت انقلبي واجعني اوي حسيت اني عايزك وقولت الواحد لما بتبقي الحاجه في ايده ومعاه مبيحسش بيها غير لما بتروح منه ولما انا واحمد وخالد كنا في العربيه ورايحين المكان اللي كنتي فيه كنت حاسس اني عايز اكلمك واقولك انا جايلك ريمان بخجل : مين يصدق نادر : حتي انا مكنتش مصدق نفسي ريمان : طيب انت عارف ان انا لما فوقت اول واحد جه في بالي هو انت حتي انا استغربت المفروض يجي علي بالي ماما او رهف لكن نادر ازاي وحسيت اني عايزه اكلمك واقولك علي حالي واحكيلك عاللي انا فيه وبرضو مكنتش مصدقه نفسي لما كنت في العمليات وانا تعبانه عشانك كده طب ازاي نادر : مش عارف طب تفتكري ده أخره ايه ريمان : مش عرفه أخره ايه طيب نادر : انا اللي بسألك ريمان : مش عارفه بجد نادر : مممممم طيب بما ان السنه الدراسيه قربت تخلص وداخلين عالصيف ايه رأيك نروح كلنا مصيف ريمان بفرح : فكره جامده نادر : خلاص تعالي نروح لرهف واحمد ونعرض عليهم الفكره ريمان : انا حاسه بحاجه كده نادر : ايه هي ريمان : رهف صحبتي وبفهمها من عنيها واحمد اخويا وبرضو بفهمه نادر : وانا كمان بفهم احمد ريمان : يعني انت عارف انا حاسه بأيه نادر : ايوه ريمان : ممممممم حاسه انهم في توافق بينهم كده نادر : اه وانا كمان حاسس كده ريمان : طب يلا نروح احمد ورهف يضحكان نادر : ضحكونا معاكوا احمد : دانت حشري اوي ياخي فيضحك الجميع نادر : بقولك ايه يا احمد بما ان الصيف داخل ايه رأيك نروح كلنا نصيف احمد: والله فكره جامده رهف : ناخد رأي الكبار الاول منعرفش ظروفهم ريمان : صح يا رورو نادر : لو عايزين نقنعهم هنقنعهم ورجع كل منهم لمنزله وانهي كل منهم الامتحانات وحاولوا اقناع الكبار بموضوع المصيف فوافق الجميع بعد الحاح شديد وجاء موعد الرحله والجميع مستعدون بفرح وعندما وصلوا كل اسره لها شاليه والثلاث عائلات بجوار بعضهم علي البحر مباشرة بمكان هادئ قطعه من الجنه لا يوجد احد غيرهم فهذه الرحله مخصوصه لهم فقط وعند وصولهم راحت رهف وريمان يجرون ويضحكون ويلعبون بالرمال حتي بدون تبديل ملابسهم فسيقضون اسبوعين بهذا المكان الرائع وكل من الامهات دخلوا لترتيب الملابس والطعام والرجال ذهبوا لاحضار اشياء بسيطه مثل الجبن واللبن والشاي ورهف وريمان يتمتعان باللعب والجري فحقا المكان جميل ليس به الا الشاليهات والرمال والبحر والهواء والمكان واسع ومريح رهف وهي تجري : احنا اتجننا وفجأه اتصدمت بأحدهم احمد بنظره ظابط قبض علي لصوص : انتوا فعلا اتجننتوا رهف بخجل : يا خبر احمد يضحك من شكل رهف هذا : هههههه ايه يا رهف شوفتي عفريت رهف صامته قد احرجت كثيرا ريمان : ايه البواخه اللي انت فيها ديه احمد : انتي مالك يا قرده فضحك الجميع والرجال الثلاثه يجلسون ويتكلمون في العمل ويستمتعون باللعب ببعض العاب الذكاء والتركيز مثل الشطرنج والامهات يستمتعان بالجلوس والنظر الي البحر في هدوء اما الاحباء الاربعه يضحكون ويلعبون وجلس الجميع عالرمال وقد حل الليل ونسائمه الهادئه التي تلاعب وجوه الاحبه لتطفي علي عيونهم لمعان الحب ماما يزيدهم جمالا وحبا نادر : تيجو نلعب الصراحه احمد : يلا ريمان : واحنا ملناش رأي رهف : عندك حق يا ريمو احمد : كده كده هتلعبوا وانتهت الحلقه انتظرووووووووني يا رب البارت يعجبكم بس بما انكم متابعيني عايزه اسألكم شوية اسأله 1 _ ايه رأيكم في طريقتي في التعبير ؟!! 2_ مين اكتر شخصيه عجبتك ؟ 3 _ القصه انا كاتبه منها جزئين وقربت اخلص الجزء الثاني عجباكم اكملها لاخر حلقه ؟ ولا انزل كام حلقه وخلاص ؟!! 4 _ ازاي تخيلتوا ابطال الروايه ؟!! منتظره اجابتكم عشان هي مهمه اوي بالنسبالي | ||||
|
| |
|
20-11-13, 09:58 PM
| #9 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الثامن ( حب بعد عداوه ) احمد : دورك يا نادر تسأل رهف رهف : نادر بلاش اسئله محرجه نادر : من عونياا بصي بقي يا ستي احنا عارفين انك مش مرتبطه معني كده انك مش بتحبي طب دلوقتي بتحبي ولا لسه الحبيب مجاش رهف : كده برضو ؟!! نادر : هههههه بصي هو بالنسبالي مش محرج جاوبي بصراحه بقي رهف : مش عرفه نادر : يعني ايه ؟ قصدك ان فيه حد وانتي لسه مش عرفه رهف : ممممم ممكن نادر : برضو ماخدتش منك اجابه سليمه بس ما علينا دروك يا احمد تسألني احمد : والله ووقعت يا معلم في ايد اللي مبيرحمش نادر : اسأل يا عم اسأل ان شاء الله معاك اسد احمد : انا عارف انك عيل فقري وعمرك ما حبيت هل انت لسه فقري ولا ربنا فتحها عليك نادر : اه الحمد لله ربنا فتحها عليا احمد : لا انا عايز اجابه مطوله مفهومه نادر : لا انت عطتني اختيارات وقولتلك ربنا فتحها عليا اهمد بقي احمد : ماشي مسيرك تجيلي تاني ريمان : كفايه كده بقي عشان زهقت رهف : وانا كمان احمد : انتوا بتهربوا ولا ايه ريمان : خلينا نقوم نتمشي في المكان الجميل ده لعب ايه بس احنا هنلعب كتير اما المكان ده بنجيله مره في السنه رهف : صح يا ريمو نادر : طبعا مين يشهد للعروسه وبالفعل ذهبوا للجلوس مع الاهل فقد شاهدوهم يتحدثون ويضحكون فقد جلس الاباء مع الامهات والاحاديث تعددت معهم حتي وصلت للضحك والقاء النكت فبين الثلاث عائلات موده وحب وشذي اخت نادر لم تحضر بسبب امتحاناتها وايضا شئ ما في داخلها يمنعها من الاجتماع معهم وذلك الشئ سنعرفه قريبا نادر : بتضحكوا علي ايييه حسن : تعالوا اضحكوا معانا احمد : ايه يا ماما مش هاكل من ايدك لمدة اسبوعين هنقضيها مطاعم كده مروه : طبعا سيبوني بقي اريح شويه واستجم احمد يضحك : ماما بتقول استجم يا رجاله فيضحك الجميع ويقوم كل منهم للذهاب الي النوم لتأخر الوقت عدت الساعه الثالثه فجرا فقامت رهف من سريرها رهف : هو انا جايه عشان انام دلوقتي اكيد كلهم ناموا اخرج اقعد عالبحر شويه بنجيه كام مره المكان ده يعني عشان ننام وبالفعل خرجت رهف بهدوء تام حتي لا تويقظ والديها خرجت لتجد المكان هادئ جدا والجو بارد قليلا والمكان كلما يزداد هدوء" تزداد حلاوته رهف تلف وتدور علي الرمال بخفه ورشاقه فهي تشعر بسعاده كبيره فهذا المكان تأثيره ايجابيا علي الانسان ظلت تلف والابتسامه لا تفارق وجهها لم تشعر بأن شخصا" ما يراقب تلك الجميله ذات الابتسامه والافعال الطفوليه وهذا هو بطلنا احمد فقد قال لنفسه مثلما قالت رهف ( هو انا جاي هنا عشان انام ) وخرج ليري تلك الملاك الطائر ذلك الطفل السعيد بأول خروج له الي مكان عجيب مثل هذا ظل يراقبها وابتسامة الحب لا تفارق وجهه كل يوم تزداد غلاوتها في قلبه احمد : يا لك من جميله اتمني ان اقول كل ما في قلبي ولكن فقط في الوقت المناسب وقفت رهف عن تلك الافعال الطفوليه وظلت تخرج انفاسها فقد تعبت كثيرا رهف تضحك : انا شكلي اتجننت والله وقفت امام البحر تنظر له وتسرح بامواجه وجمالها واللون الاسود الذي يحتلها فتكلم رهف البحر وتخرج ما في قلبها له تلك عادتها رهف : ليه احمد شاغل بالي كده ويا تري ايه اللي هيحصل وايه اللي جاي يا رب اهديني للصح تجلس رهف عالرمال امام البحر وتسرح في عالم اخر ويجلس بجوارها احمد وهي لا تشعر به واحمد ينظر امامه وعندما القي نظره عليها شعرت به ونظرت له في خجل رهف : احمد احمد : اه احمد رهف وقد همت بالوقوف : ايه اللي مسهرك لحد دلوقتي احمد : نفس اللي مسهرك انتي كمان رهف بشك : انت صحيت من امتي احمد بنظرة ذات معني : اقولك بس توعديني انك متتكسفيش رهف بقلق : لييييييييه احمد : احم احم مش لازم اقولك رهف :لا عشان خاطري قول احمد : طيب عشان خاطرك بس رهف وقد قاربت للاغماء : هاا ؟ احمد : شوفتك وانتي بتلفي وتدوري زي الطفل الصغير .... زي العصفوره ......... زي الملاك اللي كان جناحه مكسور واتخفف جرح ورجع تاني وفضل يطير فرحان بجناحه رهف وقد احمرت وجنتيها : يا خبر !! احمد : ايه بس ليه تتكسفي هو انا غريب يا رهف دانا اقرب ليكي من نفسك رهف صامته فقد اخجلها كثيرا جعلها لا تستطيع ان تتكلم احمد : ساكته ليه يا رهف لو في حاجه في قلبك قوليها رهف : هقول ايه بس احمد : خلاص متقوليش حاجه تيجي نقعد شويه رهف : ماشي وجلسا الحبيبان احمد : رهف انا كنت عايز اسألك علي حاجه رهف : ايه هي احمد: انا حكيتلك اني بحب بنت صح رهف :ايوه احمد : انا جاي علي بالي دلوقتي اتصل بيها واقولها اني بحبها رهف : لا يا احمد بلاش تهور في مواضيع زي ديه احمد : عندك حق خلاص هبقي اقولها بعدين بقي رهف : مش يلا ننام بقي احمد : خلينا شويه رهف : بجد عايزه انام احمد : طب يلا تصبحي علي خير رهف : وانت من اهله وذهبت رهف امام احمد ينظر ودخلت الشاليه ثم دخل هو كي ينام ويفكر بتلك الحبيبه الخجوله رهف وهي علي سريرها رهف : يادي الاحراج انا لازم ابطل جنان بقي وفي الصباح ذهب الجميع للمطعم خلف الشاليهات لتناول الافطار تناولوا الافطار في جو من السعاده والضحك وذهبوا جميعا ليجلسوا قليلا امام البحر لان الان الساعه عاشره صباحا فسينتظرون حتي يسمح الوقت لنزول البحر ريمان ورهف يلعبان بالرمال مثل الاطفال واحمد ونادر يشاهدوهما والاباء جميعا يجلسون ويتحاورون بقرب من البحر علي الشاطئ رهف : شوفي القصر يا ريمو ريمان : جامد اانا عملت شجره احمد : رهف هو القصر ده بأسم مين لاهف : هكتبه باسمي طبعا مش تعبت فيه نادر : حقك ريمان : ومسئلتونيش عن شجرتي نادر : من غير ما نسألأ طبعا ديه شجرة العيله يضحك الجميع ريمان تضحك : اه صح نادر : تيجوا ننزل البحر بقي احمد : يلا بينا عشان الجو بقي حر اوي وينزل الجميع البحر وبألحاح من الابناء نزل معهم الاباء وايضا مروه وندي فكانوا جميعا سعداء وفي نفس كل من الابناء حب كبير للاخر لا يستطيع احدهم ان يعترف به فمتي سيخرجون هذا الحب وخرجوا من البحر بسعاده ودخلت كل اسره الشاليه المخصص لها وذهب كل فرد للاستحمام فخرجت رهف بعد ان استجمت واخذت قسطا من الراحه تجلس الان بتلك نظارة الشمس الانيقه تتمتع بالنظر لهذا المكان فهو حقا مريح للعين لون البحر ولون الرمال ولون السماء كلها الوان مريحه للعين وتسرح رهف كثيرا ويعدي بها الوقت فهي تفكر في حبها الجديد التي لم تعترف لنفسها به حتي الان بذلك الحب وتتذكر تلك الفتاه ( نغم ) فتدمع عينها قليلا ليس اشتياقا لنغم بل حزنا علي ما كانت عليه لقد ضاع من عمرها 4 سنوات في حزن وتعب وتمنت لو كانت تعرف ريمان فهي الان حقا سعيده مع تلك العائلات فالان اصبحوا عائله واحده احمد : رهف ........ يا رهف رهف : ايوه يا احمد احمد : يلا علشان ميعاد الغدا كلهم راحوا وانا بقالي كتير بنده عليكي رهف : اه سوري يا احمد احمد : ولا يهمك وفي الطريق الي المطعم احمد : كنتي سرحانه في ايه بقي رهف : عادي اصل المكان جميل اوي يستاهل انك تسرح فيه احمد : بجد رهف : اه احمد : ماشي وصلوا الي المطعم وجلسوا لتناول الغداء في جو من المرح وانتهوا وخرجوا للرجوع لمكان الشاليهات فا في المساء سوف يذهبون الي الملاهي هذا ما قرروه حتي لا يملون سريعا ورجعت رهف تجلس في مكانها المفضل تشاهد الغروب مع حبيبتها ريمان ريمان : الله يا رورو المنظر تحفه رهف : تحفه ديه قليله عليه رائع بجد ريمان : انا بحبك اوي يا رهف كل حاجه معاكي بيبقي ليها طعم تاني رهف : انا كمان والله يا ريمو بحبك اوي بجد واحتضنت الصديقتان بعضهما عن حب وسعاده بأحوالهم التي تحسنت كثيرا ريمان :هنروح باليل الملاهي رهف : روحوا انتوا يا ريمو بليز سيبوني هنا ريمان : لا هزعل منك بجد لو مجتيش انا كمان مش هروح رهف : مش هاخد راحتي يا ريمو ريمان : يا حبيبتي انتي هتخرجي مع اختك واخوكي رهف : احنا هنبقي تلاته بس ولا ايه ريمان : لا هنبقي احنا الاربعه انا وانتي ونادر واحمد وحاولنا نقنع الكبار قالوا اخرجوا انتوا رهف : يعني احنا الاربعه يبقي تقولي انتي مع اخواتك الثلاثه مش الاتنين كمان مش بتعرفي تحسبي يا هبله ريمان : والله انتي اللي هبله لما قولتلك احنا الاتنين كان قصدي عليا انا ونادر اما احمد شم اخوكي رهف : ليه يعني اخويا الكبير طبعا ريمان : يابت لا مينفعش احمد بالذات يكون اخوكي رهف : ليه ريمان : لما يجي اليوم اللي في بالي هبقي اقولك اسكتي بقي وفي مكان اخر حسن : الولاد حلوين اوي مع بعض الحمد لله انا كنت قلقان عليها وعلي نفسيتها اخيرا بقالها اخوات باسم : لا طبعا متقلقش عليها وهي وسط اهلها اكيد هتبقي نفسيتها تمام علي : بس انا كانت علاقتي بحسن سطحيه وباسم عشان الشغل لكن دلوقتي عرفتكم اكتر ندي : اتشرفنا بمعرفتكم علي : الشرف لينا وفي المساء ريمان : يلا يا رهف رهف : اوكيه تمام انا جاهزه خرجت رهف سعيده بالذهاب الي مكان اخر كانت مثل القمر ملامحها هادئه مع نسمات اليل الجميل تعطي لها جمالا من نوع خاص وكذلك ريمان ذهبوا جميعا الملاهي لتقضية اوقات سعيده وهناك احمد : يا بنتي لازم تركبي مش هتقفي لوحدك كده رهف : لا ديه انا بخاف منها اوي احمد : احنا معاكي متخافيش نادر : يلا يا جماعه اللعبه هتتحرك وهم يشدوا يهرف تجاه اللعبه ريمان : يلا بقي يا رهف قد قال احمد لريمان علي شئ في اذنها لكي تفعله فقد جلس احمد ونادر وظلت ريمان تقنع برهف ريمان : بصي يا رهم يت حبيبتي لازم تفهميني واثناء ذلك الحوار الذي يعتبر الهاء كي تجعلها لا تركز فظلت ريمان تحرك رهف للخلف باتجاه كرسي اللعبه ثم جلست رهف وباقصي سرعه اغلقت ريمان عليها حزام الكرسي رهف : كده برضو يا ريمان فكيييني ريمان : بس يا بت بقي ناس متجيش غير بالعين الصفرا انا هروح اقعد هناك وراكي اهو واوعي تتهوري اللعبه هتشتغل رهف بخوف : اقعدي جنبي طيب ريمان : فيه حد قاعد جمبك ثم فرت ريمان هاربه من امام رهف وتستدير رهف لتجد احمد يبتسم لها ويقول : متخافيش يا رهف ديه لعبه انتهت الحلقه انتظرررررررررروني يا ريت تقولوا رايكم باتفصيل في كل بارت واللي ماجوبتش عالاسئله ديه تجاوب والا هتشوفوا العين الصفرا بتاعة ريمان 1 _ ايه رأيكم في طريقتي في التعبير ؟!! 2_ مين اكتر شخصيه عجبتك ؟ 3 _ القصه انا كاتبه منها جزئين وقربت اخلص الجزء الثاني عجباكم اكملها لاخر حلقه ؟ ولا انزل كام حلقه وخلاص ؟!! 4 _ ازاي تخيلتوا ابطال الروايه ؟!! منتظره اجابتكم عشان هي مهمه اوي بالنسبالي عندي مشكله مع لاالوان معلش | ||||
|
| |
|
20-11-13, 10:00 PM
| #10 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت التاسع ( اعراض الحب ) رهف في سرها : يادي الاحراج احمد: كل ما اكلمك تتكسفي انتي كده رهف : ايه اللي انتوا عملتوه ده لو سمحت يا احمد انا عايزه انزل وبتكلم جد ولم تنتهي رهف من كلامها حتي تحركت اللعبه وتحرك معها قلب رهف فتلك اللعبه دائما تنزل منها رهف وهي في حاله تشابه الاغماء رهف تضع يدها علي رأسها وتكتم صرختها احمد : انتي بتخافي بجد ولا ايه رهف وقد دمعت عيناها : لا بهزر وبدأت تعلوا سرعة اللعبه ويد رهف ترتعد وتعرق ولاحظ هذا عليها احمد ولام نفسه كثيرا فانها حقا خائفه احمد : رهف طيب بصي انا عندي حل عشان متدوخيش رهف وقد ساءت حالتها : ايه هو احمد : بصيلي رهف : ايه احمد : بصيلي يعني انتي طول ما بتبصي في الارض هتدوخي اكتر عشان كده بصيلي انا رهف احرك رأسها بصعوبه عاقده حاجبيها وتنظر في وجه احمد احمد : ايوه كده بس اضحكي بقي وركزي معايا وانتي هتنسي انك دايخه اصلا رهف : الخوف مخليني مش عارفه اضحك احمد : طب بصيلي وانا هضحكك رهف تنظر في عين احمد فرسم احمد علي وجهه ابتسامه رائعه مشرقه تجعل من ينظر له بتلك الابتسامه الجذابه يبتسم ايضا فهذا ما فعله مع رهف فا بالفعل ابتسمت رهف لا اراديا وتنظر لاحمد احمد: صدقتيني بقي رهف : اه اااااااااااااااااااااه ( وتلك بالطبع صرخه ) فضحك احمد : والله ديه لعبة لذيذه اوي رهف : لا احمد : خلاص بقي مش كنتي بتضحكي من شويه اضحكي تاني وفي الطرف الاخر نادر : انا نفسي يكون بينهم حب ريمان : وانا كمان نادر : اصلهم لايقين علي بعض اوي ريمان : انا خايفه رهف تنزل تقطع علاقتها بيا اصلا وفي جهه اخري في مكتب احمد الشاذلي اخو محمود الشاذلي المتهم في خطف ريمان احمد الشاذلي : انا لازم اخرج اخويا ولو مخرجش يبقي لازم انتقمله ادهم ( مدير اعماله ) : ازاي يا باشا بس احمد : الحاجات ديه عايزه تفكير كويس اوي في الملاهي ريمان : هي رهوفه مش بتكلمني ليه رهف : اسألي نفسك ريمان : ليه يا رهوفتي انا كنت عايزه ابسطك رهف : مممممم ماشي مردودالك برضو ريمان : وهقبلها عشان رورو حبيبتي فردت رهف عليها بابتسامه هادئه وركبوا باقي الالعاب سعداء ضاحكين ورجع كل منهم الي مكانهم الذين يقيمون فيه الان جلسوا مع الاباء كي يقصوا عليهم ما حدث وقام كل منهم لفعل شئ وذهبت رهف وريمان للجلوس بمكانهم المحبب ريمان : مامتك يا رورو كانت بتقول انك كل ما تركبيها لازم يغمي عليكي رهف : اه يا ريمان ريمان : ماخدتيش بالك من حاجه رهف : حاجة ايه ريمان : اول مره يعني متنزليش مغمي عليكي رهف باستغراب : صح عندك حق ريمان : بركاتك ياللي في بالي رهف : ممممم مين ده اللي في بالك ريمان : عيب يا رورو مش عليا انا دانا عارفه كل حاجه بس مدكنه رهف : طب قومي من جنبي بقي بدل مما ارميكي في البحر ريمان : انا هروح اعمل نيسكافيه واجيلك اوعي تتحركي رهف : ماشي تجلس رهف الان وحدها وقد نسيت موبايلها مع ريمان فخرجت ريمان لتقف علي باب الشاليه المخصص لها وتبحث عن رهف بعينها ثم شاهدت نادر فنادت عليه ريمان : نادر ........ يا نادر رهف : ايوه يا ريمو ريمان : لو سمحت يا نادر خد ادي التليفون ده لرهف عشان عمال يرن نادر : طب مافيش وحشتني ريمان : بس التليفون عالنار واللبن هيفور سلام وفرت ريمان هاربه ويضحك نادر علي ما قالته نادر في سره : ايه علاقة اللبن بالموبايل ثم ذهب يبحث عن رهف فشاهدها من بعيد نادر :يا رهف رهف : ايوه نادر : ريمان بتقولك التليفون بيرن وحطيته عالنار واللبن هيفور رهف ضاحكه : اه اصلها بتعمل نسكافيه نادر : كده مش تقولولي اشرب معاكم رهف : معلش طيب روح قولها نادر : لا والنبي لاحسن تقولي الصلصه عايزها سخنه ولا بارده فتضحك رهف فاحدهم شاهد رهف وهي تضحك كذلك مع نادر وهو بطلنا احمد الذي خرج ليتنفس الهواء وشاهدهم وهمك يضحكون فتملكه الغيظ الشديد وبدأت عنده اعراض الحب وهي الغيره فيذهب لهما نادر : حماده شرفت احمد بنظره : الله يخليك نادر باستغراب : مالك احمد ينظر لرهف : مفيش رهف تستغرب فيرحل نادر رهف : مالك يا احمد انت متضايق من حاجه احمد : لا طبعا هو انتي عملتي حاجه تضايق رهف : انا ؟!! احمد : بعد اذنك تستغرب رهف ما الذي يحدث جاءت لها ريمان بكوبين من النيسكافيه وتجلسا الفتاتان علي الرمال في هدوء اليل ريمان : مالك يا رورو رهف :مفيش ريمان : لا فيه رهف : مش عارفه حاسه ان احمد زعلان مني ريمان : زعلان منك انتي ليه رهف : مش عارفه ريمان : طب احكيلي اي حاجه عملتيها ممكن اتضايقه حكت رهف لريمان ما حدث ريمان تضحك : مممممممممم فهمت رهف : فهمتي ايه ريمان : ديه اعراض الغيره يا رورو يا عسل رهف باستغراب : غيره ؟!! ريمان : هتفضلي عبيطه كده علي طول يا بنتي احمد بيحبك اوي يا رهف تسارعت ضقات قلب رهف : مين قالك يعني ريمان : باين اوي حتي انتي كمان بتحبيه رهف : انا ؟!! ريمان : والله ؟!! قال يعني مش عارفه ... اه يا ستي بيحبك انتي دانا بعرف لمعة عينيه ديه علي طول رهف بابتسامه : انا حاسه ان في حاجه زي كده ريمان تحتضن رهف : يا حبيبتي يا رورو اخيرا هتبقي عروسة اخويا رهف : عروسة ايه يا بنتي دانتي جوزتينا كمان ريمان : طبعا فتضحك الفتاتان رهف : طب وبعدين بقي هو زعلان مني وانا مش في ايدي حاجه ريمان : اتصرفي بقي رهف : كده يا ريمو ريمان: صدقيني الحاجات ديه لما بتبقي من تفكيرك بتبقي احلي رهف : اممممممممممم واليوم احبت الامهات ان يحضرون الطعام من المطعم ويضعونه امام البحر حتي يكون الجو ظريفا اثناء العشاء وجلست الثلاث عائلات واحمد مازال يخطف لرهف نظرات لوم ومعاتبه ونادر يخطف لحبيبته نظرات معناها الحب اثناء تناول العشاء جاء لرهف اتصال فتنظر به لتجده رقم غريب فترد رهف : الو مين المتصل : نسيتي صوتي رهف : مين معايا المتصل : انا نغم يا رهف قامت رهف من مقعدها بصدمه ودموع نزلت مسرعه كالشلال وينظر الجميع لها باستغراب وتذهب رهف بالهاتف بعيدا رهف : انتي ايه اللي فكرك بيا انا عيزاكي تنسيني بقي نغم : انا عمري ما نسيتك والله انا محتجاكي اوي رهف : وانتي خلاص مبقاش ليكي مكان في قلبي بعد اللي عملتيه نغم : رهف ارجوكي انا محتجاكي وعايزه ارجعلك وتحضنيني لما اكون متضايقه زي زمان رهف بدموع وقاربت للانهيار فهي حقا تحبها وتحبلها الخير وتكرهلها الحزن ولكن نغم من جرحت قلبها : رهف : انا مش لعبه في اودتك يا نغم تروحيلها تلعبي بيها وقت ما تعوزي وترميها لما تجيلك اجدد منها نغم ببكاء : ارجوكي يا رهف انا عايزه اشوفك كلامك بيدبحني رهف : اسفه مش هقدر نغم : عشان خاطري رهف ببكاء هستيري : ممكن تسيبيني دلوقتي نغم : ماشي انا هسيبك تهدي وانهت رهف الاتصال جلست رهف علي ركبتيها تبكي وجري عليها احمد الذي تتبعها بنظراته منذ ان ذهبت عن الطعام ورفعها احمد من علي الرمال وضعها علي كرسي وظل يهدئ فيها ويشربها مياه وهي تنظر له في عينيه كي تطمئن فهي عرفت منذ وقت الملاهي ان النظر وحده في عين احمد يجعلها تشعر بالامان احمد : رهف رهف فوقي واهدي شويه رهف : ليه ؟ رجعتلي ليه ها ليه رجعتلي احمد لا يفهم : رهف عشان خاطري تهدي بس ...... بس فتهدأ رهف قليلا وتأتي ريمان لتحتضنها وتسمح رهف لدموعها بالنزول ثانية في حضن ريمان وينظر لها احمد وايضا نادر وهما لا يفهمان شيئا والاباء لم يشعران بشئ والمسئوله عن ذلك هي ريمان ظلت تطمأنهم حتي لا يقلقوا ونادر واحمد وريمان يهدئان برهف التي تهدأ بالتدريج حتي يزداد الهواء فتنام في حضن ريمان بوجه ملائكي حزين احمد يجلس علي ركبتيه امام رهف ينظر في عينيها النائمه بحزن علي حال حبيبته ااحمد : هي مالها يا ريمان ريمان : والله ما اعرف يا احمد احمد : طيب انا عارف انها هتحكيلك بس عشان خاطري تحكيلي وطمنيني عليها ريمان : حاضر ويغادر كل من احمد ونادر وتبقي رهف نائمه بين احضان ريمان وبعد قليل تستيقظ رهف رهف : سوري يا ريمان لو كنت ضايقتك ريمان : اوعي تقولي كده هزعلي منك اوي رهف : حاضر ريمان : رهف حبيبتي مالك ؟ ممكن تحكيلي عالي فيكي خرجي اللي جواكي رهف : انا تعبانه اوي مش قادره احكي انا تليفوني بيسجل المكالمات خدي اسمعي وافهمي وبعد انتهاء ريمان من الاستماع ريمان : وهتعملي ايه يا رهف رهف : مش هعمل حاجه مش هاقبلها ولا عايزه اعرفها تاني ابدا ريمان : مش عارفه اللي انتي بتعمليه ده صح ولا غلط اخاف اقولك عندك حق وتطلع البنت محتجاكي بجد واخاف اقولك روحلها ويتجدد جرحك من تاني بجد القرار صعب رهف : وانا مش هروحلها هي قد ايه جرحتني وعيزاني ارجعلها بتليفون واحد بس اومال فين شخصيتي وكرامتي وجرح قلبي اللي لسه بيبدأ ينشف ويختفي ترجع هي تكلمني وتكشف جرح قلبي تاني ريمان : بصي يا رورو انتي لازم تحكي لاحمد وتاخدي رأيه اكتر واحد عارف هو احمد لان قصتك مع نغم شبه قصته مع واحد صاحبه كان بيحبه اوي وكان بيحب نادر كمان بس صاحبه خانه عشان كده اتأكد ان نادر بس هو اللي بيحبه رهف : ان شاء الله هحكيله ....... بس هو زعلانه مني ريمان : زعلان ايه يا بنتي ده كان هيموت عشانك لما شافك منهاره كده رهف : ممممممممم ريمان : عمو حسن بينادي عليكي رهف : اه طيب هقوم اشوفه ريمان : اتفضلي تذهب رهف لوالدها حسن : ايه يا رورو عامله ايه رهف : الحمد لله يا بابا حسن : بقولك كنت عايزك في موضوع كده رهف : اتفضل حسن : من غير لف ولا دوران انتي متقدملك عريس رهف بصدمه : عريس ؟!! حسن : ايوه ابن ناس وجدع ومجتهد وكل حاجه فيع كويسه رهف : وبعدين يا بابا حسن : هسيبك تفكري لحد ما نرجع وتديني رأيك وهو جاي بكره يقعد شويه ويمشي لانه بالصدفه بيصيف هنا رهف : ان شاء الله وتتجه رهف تجاه البحر باكيه فانها حقا تحب احمد ولاول مره تعترف لنفسها ولا تستطيع ان تبقي مع اخد غير فتتحدث لنفسها رهف : ليه كل ما ابقي مبسوطه تجيلي الجراح من كل ناحيه صديقة عمري السابقه وحبيبي ايوه حبيبي وبحبه اوي ومقدرش اسيبع يا ربي اعمل ايه بس احمد وقد جاء من خلف رهف : مالك يا رهف رهف : مفيش يا احمد احمد : ريمان قالتلي انك عايزه تحكيلي علي موضوع ليكي جلست رهف واحمد علي الرمال وحكت رهف لاحمد الحكايه والاتصال وهي دامعه احمد : طيب اهدي بس يا رهف رهف :............. ماشي احمد : اعتقد ان لو هي عايزه ترجعلك هتجيلك بنفسها رهف : عندك حق انا مش هروحلها احمد: لو هي فعلا عيزاكي يبقي هتجيلك وتعتذر وتعمل كل حاجه رهف : طب وساعتها هعمل ايه ؟ هقبل ارجعلها بعد اربع سنين جراح ودموع وقلق احمد : موضوعك عايز تفكير هفكر وارد عليكي وبعدين محدش يستاهل دمعه وحده من عنيكي رهف ردت بابتسامه وبعد صمت احمد : ليه يا رهف مبتتكلميش وتقولي اللي جواكي رهف : عادي احمد : طيب اقول انا رهف بخوف : اتفضل احمد : رهف انا عمري ما حبيت بجد حتي المره اللي حبيت فيها كنت بضحك علي نفسي واول ما حبيت بجد حبيت بنت اموره اوي في كل حاجه اخلاقها وشكلها بس كنت كل ما اروح اقولها اني بحبها خجلها بيخليني مش عايز اقولها عشان محرجهاش بس انا لازم اقولك رهف بقلق: تقولي ايه احمد : رهف انا بحبك من اول مره بجد شوفتك وبصيت في عنيكي وانا بحبك كل موقف بيحصل بيأكدلي اني بجد بحبك رهف بدموعوهي تهم بالوقوق : كلامك متأخر اوي يا احمد احمد : ليه يا رهف ؟ ليه ؟ هو انتي مش بتحبيني رهف بسرعه : لا طبعا بحبك فابتسم احمد ويوم ان يطير من فرحته فهو يعلم انها تحبه ولكنه فعل ذلك من اجل ان يتأكد رهف بخجل : احم احم احمد : طيب ليه متأخر بقي رهف : عشان انا جايلي عريس وكمان بابا قالي انه جاي بكره يقعد معانا احمدوقد قضب حاجبيه لما سمعه وظهر علي الوجه الخنقه الشديده : بعد اذنك رهف : احمد فيرحل احمد من امامها وهي صامته دامعة العينين ورهف تبكي بشده وتهدأ قليلا فتتذكر كلام احمد وتبتسم وتعاود البكاء وانتهي ذلك اليوم وفي اليوم التالي بعد الافطار والجلوس اخذت ريمان رهف ودخلت معها غرفتها رهف : بقولك من الصبح احمد فين ريمان : تعبان شويه ونايم رهف : ايوه ريمان : ايوه ؟!! انتي تعرفي هو تعبان ليه رهف : اه ريمان : طيب مافيش وقت لازم البسك واحطلك ميك اب عشان العريس جاي ولما يمشي تحكيلي ايه اللي مضايق احمد رهف : برضو مصممه اني البس واحط ميك اب ريمان : طبعا وارتدت رهف ما هو مناسب ووضعت ميك اب هادئ مما اضاف لوجهها بريق الجمال واصبحت مثل الملاك الرشيق الطائر ولكن ما في داخلها حزن وارتباك وحل المساء وحان وقت وصول العريس ووصل لرهف خبر في غرفتها بان العريس قد وصل خرجت رهف لتقابله وهي تنظر في الارض ثم رفعت نظرها لتراه مستدير فيشعر بها فيستدير نحوها وينظر لها بحب رهف بصدمه سعيده : احمد احمد : ايوه انا العريس فتضحك رهف بدموع لشدة فرحتها احمد : ها يا رهف تقبليني اكون مرتبط بقلبك اولا فتهز رهف رأسها موافقه فقد اخجلها كثيرا امام الثلاث عائلات جميعاااااا وصفق لهما الجميع وقرأوا الفاتحه لكي تشهد علي حب اثنان احمد ورهف انتظروا البقيه ( مريم ) بس فيه سؤال كده ؟! كنتوا متوقعين ان العريس يكون احمد ؟!! ولا عرفت اضحك عليكم | ||||
|
| |
|
| الكلمات الدلالية (Tags) |
| للكاتبة, مكتملة, الشوكولاته, تعشق, يوميات, عندما, وريمان |
| أدوات الموضوع | |
| انواع عرض الموضوع | |
|
|
1Likes
العرض العادي
