26-11-13, 09:19 AM
| #11 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  (( الجزء العاشر )) ( ايام من حياتي ) خالد : وش فيكي غلا ؟ الغلا : لا ولا شي .. وين خالتي والبنات ؟ خالد : روحي للباب اللي على اليمين تلقينهم كلهم داخل , انا وناصر بندخل عند للرجال الغلا تكلم خالد بصوت واطي : خالد .. البس العبايه والا لأ ؟ خالد مبتسم : انتي تبغي تلبسيها ؟ الغلا بابتسامه ذوبت خالد : لأ خالد : اوكي بس اذا بغيتي تتمشي مع البنات البسيها دخلت الغلا عند الحريم شافتها نوف وصرخت جنه اول مره تشوفها : هلا والله بالغاليه مرت الغالي الغلا وهي تضحك : هلا فيج يا قلبي شلونج شخبارج من زمان ما شفتج شهالقطاعه يا نوف على الأقل دقي تليفون الكل : ههههههههههههههههههههههههه الغلا سلمت على الجده وخالتها وعمة خالد وكل البنات نوف : شو هالكشخه واللبس الحلو الغلا : عيونك الحلوه يا قلبي اذن الظهر وراح الكل يصلي نوف : الغلا وش رايك نطلع اوريكي المزرعه ام عيسى : مو بلحين ورا الغدا روحوا نوف : يما تو الناس عالغدا ام عيسى : ابوكي يبغي هالحين عنده رجال بيظهر مبكر ما يبغي يتأخر حطوا الغدا .. وطبعا الغلا ما تاكل عيش (رز) ومو أي لحم تاكله .. قالت للخدامه تسوي لها سندويش جبن ام عيسى : يلا يا بنتي ليه ما تاكلي الغلا منحرجه : خالتي ما احب عيش ولحم ام عيسى : يمي فيه ورق عنب وسلطه تعالي اذا مستحيه انا احطلك الغلا : لا خالتي عساج سالمه مو مستحيه .. خلاص انا احط لي ياتها نوف حاطه لها صحنين واحد فيه عيش لحم وواحد سلطه وملفوف الغلا : شكرا حبيبتي تسلم ايدج بعد الغدا الجده راحت غرفتها ترتاح وام عيسى قعدت مع عمة خالد والبنات قاعدين بالصاله يطالعون تلفزيون نوف : الغلا تعالي معي غرفتي دلال : وشمعنى الغلا وحنا لأ نوف : ما نبغي متزوجات دلال : احلفي .. وانتي وياها وشو ! نوف : احنا املكين بس دلال : خذوا معكم عمر نوموه نوف : ما نبغي ولدك المزعج الغلا : حرام عليج هالعسل مزعج دلال : بعد عمري مرت اخوي ..هذا الكلام الزين , اتعلمي يا العنز نوف : العنز انتي ورجلك الغلا : عطيني عمر ما عليج منها انا انومه بغرفة نوف , الغلا قعدت على السرير وحطت عمر بحضنها وتمسح على راسه الغلا : نوف بسألج سؤال وابييج تجاوبيني بصراحه نوف : قولي الغلا : ليش بنت عمتج جواهر تطالعني بنظرات غريبه نوف : سرقتي فارس احلامها الغلا وهي فاتحه عيونها : خالد يبيها نوف : لا والله ولا يدري عنها هي اللي تبغاه الغلا : وليش ما خذاها نوف : لأنه ما يبغاها الغلا : ليش .. اشفيها ؟ نوف : حقوده ودلوعه واسلوبها مو بحلو بالكلام , بعدين هي بزر شيبغي فيها الغلا : بزر هالكبر !! نوف : لا يغرك طولها وعرضها تراها كبر انوار عمرها 17 سنه الغلا : ما شاالله مو مبين عليها انوار تطلع عندها عصفوره نوف تضحك : ايه وهي النسره عمر نعس بحضن الغلا , شالته وحطته على المخده وانسدحت يمه نوف : بتنامي ؟ الغلا : لا بنوم عموري 10 دقايق والغلا نايمه يم عمر , والساعه 4 نوف تقعدها : الغلا اصحي الغلا : هلا نوف .. وين عمر ؟ نوف : صحى ووديته عند امه , شكلك تعبانه نمتي بسرعه الغلا : البارحه نمت بعد صلاة الفجر وما شبعت نوم الساعه 4.30 نوف تمشي مع الغلا والبنات ونوره ودلال وانوار وجواهر وخوات فهد جود ونجود .. الغلا تكلم انوار : انوار انتي علمي ولا ادبي ؟ انوار : علمي الغلا : ما شاالله الله يوفقج دلال : اتصدقي الغلا ما توقعت تجي المزرعه الغلا : ولا انا بس خالد لزم على اخوي وانا رضيت علشانه جواهر وبنظرة كره واسلوب استهزاء : وانتي عادي عندك تروحي مع رجلك وانتي ليلحين ما اعرستي ! الغلا تطالع نوف ونوف غمزت لها : انا ما رحت عند رجلي , انا قاعده معاكم وانتي قلتيها رجلي يعني مو خطيبي اروح معاه أي مكان مو مشكله جواهر وفاتحه عيونها : صدق ما فيه حيا نوره : جواهر وش هالكلام استحي على وجهك الغلا تكلم جواهر : ليش حبيبتي شايفتني قاعده بحضنه جدامكم علشان ما فيه حيا جواهر وهي معصبه : ليه وانتي ناويه تقعدي بحضنه قدامنا الغلا ببرود : عااااااااااادي ما فيه مشكله البنات يضحكون على الغلا جود : تصدقي الغلا طريقتكم حلوه وموبحلوه الغلا تطالع جود ومبتسمه : هذا لغز جود تضحك : ما فهمتيني .. حلو انك تتعرفي على زوجك واسلوبه واطباعه وميوله وش يحب وش يكره , وبعد عشان تكسري حاجز الحيا بينك وبينه وما هي بحلوه اذا اخذ منك اللي يبغي بعدين يقول ما ابغاها .. وتبدي المشاكل الغلا : جود حبيبتي خواتي ثنتينهم متزوجات ومن ملجوا كل يوم يطلعون مع رياييلهم , واختي الكبيره كانت تجهز وياه شقتهم وثنتينهم ما دخلوا عليهم رياييلهم الا بالعرس .. يعني الذكيه هي اللي تحافظ على نفسها حتى لو كانت هي وياه بغرفه وحده , وبعدين اللي ياخذ زوجته بالملجه بعدين يقول ما ابيها هذا مو ريال هذا نذل وحقير * وتلتفت على جواهر * وتراوالي خالد مو من هالنوعيه جواهر بكل حقد وغيره : انتي وش دراكي عنه , وش دراكي انك الأولى بحياته الغلا بكل ثقه : حتى لو ما كنت الأولى بس صدقيني بكون الأخيره كل البنات صفقوا للغلا نجود : يا عيني وش هالإجابه الدبلوماسيه سولفوا البنات واستأذنت دلال بتروح لولدها وراحت معاها نوره جواهر : انتي ما تستحى تمشي كذا من غير عبايه الغلا : ما فيه احد غريب جواهر : فيه رجال بالمزرعه الغلا ووصل حدها من اسلوبها معاها : حياهم الله .. بعدين انتي مالج شغل فيني عندي زوج يحاسبني نوف : خلاص جواهر تراكي ازعجتينا جواهر : الحين ازعجتك .. ما كنت مزعجه بلول الحين صرت مزعجه يوم جت هاذي الغلا : هاذي لها اسم لو سمحتي راحت جواهر وهي معصبه ولحقتها انوار جواهر : شفتيها وش تقول انوار : ما عليكي منها جواهر : انا اللي قاهرني كلهم معها انوار : لا تخافي انا معاكي جواهر : ودي اسوي لها شي يوقفها عند حدها هالمغروره انوار : وش ناويه تسوي جواهر : فكري معي انوار : خذي علبه بيبسي ورجيها وافتحيها بوجهها جواهر : لا موبحلوه الفكرة ابغي شي كايد انوار : وش الكايد يعني تبغي تحرقيها مثلا جواهر بفرحه : جبتيها انوار : انتي مجنونه والله يذبحونك جواهر : اليوم بنشوي للعشا صح انوار : ايه .. ليه تسألي وش ناويه تعملي جواهر : اقول لك بعدين الشباب لعبوا كرة سله وخالد وناصر وفهد ركبوا خيل وداروا حول المزرعه والبنات استهبلوا بالرقص ( ما جنهم راقصين امس بالحفله هههههه ) البنات عند الشوايات يشوون دياي ام عيسى متبلته .. قعدت نوف يم الغلا وانوار وجواهر مقابلينهم , وبالشوايه الثانيه قعدت دلال ونوره ومقابلهم جود ونجود .. , وهم لاهين بالشوي والسوالف اخذت جواهر المنقاش تقلب فيه الجمر وبطريقه سريعه اخذت جمره وقطتها على قميص الغلا الغلا كانت ملتفته تكلم دلال وما حست الا لما صرخت انوار : الغلا انتبهي الغلا مخترعه وهي بتقوم دزت جواهر عليها الشوايه لكن نوف امسكتها الغلا وقميصها فيه النار وهي خايفه وتحاول تبعده عن بطنها .. ركضت نجود وصبت عليها ماي من بطل كان بايدها , البنات بصوت واحد : الغلا صابك شي الغلا من الخرعه ما قدرت تتكلم بس دموعها تنزل , اخذتها نوف وراحت معاها غرفتها : الغلا حبيبتي صابك شي احترقتي الغلا تبجي نوف : الغلا كلميني .. ادق على خالد الغلا : لأ نوف : طيب ليه تبكي احترقتي الغلا : خفت شكل النار يخوف نوف وهي تلمها : سلامتك يا قلبي البنات كلهم راحوا للغلا الا جواهر وانوار انوار : انت انجنيتي هاذي سواة تسويها جواهر بخباثه : مو انتي اللي قلتيلي انوار وهي تشهق : انا ! انا قلت لك احرقيها .. ليه الكذب يا جواهر جواهر : وانتي ليه خايفه محد عرف انوار : من قال لك محد عرف حركتك بانت وانتي ترمي عليها الجمر جواهر : محد شاف وانتي اسكتي لا تفضحينا .. مصيبه تصيبها ليتها لو جايه بوجهها انوار وكاسره خاطرها الغلا : حرام عليكي جواهر معصبه : اشوف صرتي معها انوار : هي ما سوت شي غلط انتي اللي من جات وانتي مو بطايقتها جواهر : كأنك نسيتي انها سارقه حبيبي انوار : هي ما سرقته هو اللي راح وخطبها .. وبعدين انتي معاه وبنفس البلاد لو كان يبغاك كان خطبك , نصيحه يا جواهر انسيه وابعدي عن المشاكل جواهر : اقول اسكتي بس .. ساحرتكم هالغلا من زينها عاد انوار : الا النار يا جواهر لأ .. لأ حرام جواهر : تستاهل ما جاها اكرهها البنات كلهم عند الغلا دخلت عليهم ام عيسى وشافتهم متيمعين وشافت الغلا ويهها احمر : وش فيكم وش فيها الغلا الغلا منزله راسها : سلامتج خالتي ما فيني شي دلال : لا يما فيها .. يما جواهر كانت بتحرقها بالجمر بس لحقنا عليها شافت ام عيسى قميص الغلا وشهقت : حسبي الله ونعم الوكيل عليها دخلت نجود ومعاها كريم للحروق الغلا وتمسح دموعها : نجود حبيبتي ما يحتاج بس قميصي احترق دلال : وانتي وش دراكي , روحي ادخلي الحمام وشوفي جسمك دخلت الغلا الحمام وكان في اجزاء من بطنها احمر, حطت كريم وغيرت ملابسها ولبست عبايه .. طلعت من الحمام وشافت نوف بروحها بالغرفه خالد يدق على نوف : يا ويلي .. الغلا خالد يدق عليّ الغلا : ردي بس لا تبينين ان فيه شي نوف : هلا خالد خالد : هلا , وين الغلا اخوها يدق عليها ليه ما ترد نوف : بالحمام .. اذا طلعت اقول لها ..... وسكرت الخط خالد يكلم ناصر : الله يهداك خوفتني اختك بالحمام ناصر بنفسه ( انا حاس ان فيها شي مستحيل ادق عليها ما ترد ) فهد : وش فيكم طلعتوا كذا فجأه خالد يضحك : يا اخي هالتوائم غريبين .. يقولك حاس ان اخته بها شي فهد : دق عليها ناصر : دقيت ما ترد خالد : قالوا لك بالحمام ناصر وهو خايف : تكفه خالد روح شوفها خالد دخل على الحريم بعد ما استأذن وشاف عمته تمسح دموعها بعد السلام : عسى ما شر وشفيكم ! ام عيسى : سلامتك يا ولدي خالد : يما وين الغلا ام عيسى : مع نوف بغرفتها خالد : ولا عليكي امر يما احد يناديها اخوها بيكلمها دخلت دلال عليهم : الغلا اخوكي يبغاك بره الغلا وهي تبجي : ما قلت لج نوف انه راح يحس .. ان اعرفه اعرفه نوف : اذكري الله انتي كذا راح تخوفيه .. روحي اغسلي وجهك واطلعي له الغلا : قولوا له نايمه دلال : ما راح يصدق انا اقول دقي كلميه احسن طلعت دلال وقالت لخالد ان الغلا بتكلم اخوها بالجوال .. حس خالد ان فيه شي صاير بس ما تكلم دقت الغلا على ناصر وبصوت متغير : هلا ناصر ناصر وهو يبعد عن الشباب : بدام هلا ناصر اميه بالاميه فيج شي الغلا ودموعها تنزل : سلامتك ما فيني شي ناصر وبكل هدوء : تبين تروحين ؟ الغلا وبصوت باكي : ايه الله يخليك ناصر : روحي غسلي ويهج وشربي لج شي بارد واذا خلصتي دقي ناصر قال لخالد انهم بيروحون خالد : تو الناس يا الغالي الساعه 10 ورانا سهره ناصر : اسمحلي خالد الغلا تعبانه وتبي تروح خالد : تعبانه !! ما قالوا لي خالد يبعد ويدق على نوف وهو معصب : انتي وين ؟ نوف مخترعه : بغرفتي خالد : معك حد من البنات ؟ نوف : لأ خالد : دقيقتين وانا جاي اطلعي خليني مع الغلا لحالنا انتهى الجزء العاشر اتمنى يكون عجبكم لا تحرموني من ردودكم دمتم بخير ( اختكم غفران* ) | ||||
|  |
|
26-11-13, 09:19 AM
| #12 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| (( الجزء الحادي عشر )) ( ايام من حياتي ) دخل خالد ويوم شافته الغلا وقفت ونزلت راسها علشان لا يشوف عيونها : وش فيكي يا قلبي الغلا : سلامتك ما فيني شي خالد قرب يمها ومسك ايدها : اخوكي يقول انك تعبانه وتبغي تروحي الغلا بارتباك : ايه .. بطني يعورني خالد : من ايش ؟ من شوي كنتي مع البنات تتمشون الغلا : ............................. خالد : غلاي فيه احد ضايقك من البنات ؟ الغلا : لأ خالد : انا حاس ان فيه شي وراح اعرفه حتى لو مو منك من غيرك الغلا بنفسها ( الله يستر لا تصير مشكله خالتي حصه ما تستاهل ) خالد : غلاي ابوي راح يتضايق اذا رحتوا وما تعشيتوا , اقعدوا للعشا بعدين روحوا .. وش قلتي الغلا : ......................... خالد : علشان اخوكي وابوي الغلا : اوكي خالد : دقي على ناصر وقوليله تمت الغلا قاعده بالغرفه ما طلعت , يابت لها نوف عشا وما كلت , وناصر كان ياكل من غير نفس كان باله مع الغلا .. دق عليها علشان يرجعون . راحت الغلا عند الحريم تسلم عليهم حصه : امسحيها بوجهي يا بنتي السموحه منك الغلا وهي تلم العمه حصه : لا خالتي افا عليج شهالكلام عزيزه وغاليه ما صار شي الحمد لله العمه حصه : هذا من طيب اصلك .. بس صدقيني بنتي راح تاخذ جزاها جواهر وبكل وقاحه : وانا وش سويت حصه : انتي اسكتي ولا كلمه الظاهر دلعناك بزياده , وحسابك اذا رجعنا البيت جواهر : كل ذا علشان ذي الدخيله الجده فاطمه : اقطعي يا قليلة الحيا صدق انك ما تربيتي جواهر وهي تبجي : جده وش هالكلام انا بنت بنتك الجده : بنت بنتي ما تقص وجيهنا قدام العرب , ومن طيب اصل الغلا ما قالت لأحد باللي عملتيه والبنات كلهم شايفينك . راحت الغلا تحب راس الجده : ما صار الا الخير يما واسفه اذا ازعجتكم ام عيسى : ما به ازعاج يا بنتي حنا اللي منحرجين منك ومن اخوكي الغلا : لا خالتي ما فيه احراج انا قلت له بروح لأن بطني يعورني سلمت عليهم وطلعت شافت ناصر وخالد وعمها واقفين عند السياره سلمت الغلا على عمها وحبته على راسه ابو عيسى : هلا ببنتي الغاليه .. ليه العجله يابوكي تو الناس باتوا الليله هنا الغلا : تسلم عمي عساه دايم ما أبي أأخر ناصر اكثر من جذيه حس ابو عيسى ان الغلا فيها شي كان ويهها وصوتها متغير بالسياره خالد يسوق وفهد يمه وناصر والغلا ورا خالد : ان شاالله استانستوا ناصر : ايه الحمد لله انعم الله عليكم خالد : الغلا شفتي المزرعه .. عجبتك الغلا : ايه ما شاالله وايد حلوه الله يهنيكم فيها طول الطريج والغلا ساكته , رن موبايلها نغمة ماسيج (من نوف) نوف : وشلونك الحين يا قلبي والله احاتيكي الغلا ارسلت : الحمد لله انا بخير لا تحاتيني حبيبتي نوف : اذا وصلتي دقي عليّ ابغي اكلمك الغلا : ان شاالله كم نوف السعوديه عندنا نوف : يا بعد عمري يا احلى مرت اخو بالدنيا الغلا : ههههههه شكرا يا احلى حماة في الدنيا ناصر : من منه هالمسجات ؟ الغلا : من حماتي وصلوا الفندق ونزل خالد مع ناصر والغلا خالد : ناصر بكره ان شاالله راح تلقاني منتظرك اوصلك للمطار ولا تعترض لأني موصلك يعني موصلك ناصر يضحك : ما تقصر يا الغالي الغلا كانت واقفه يمهم ومنزله عيونها ناصر : يلا يا الحبيب اشوفك على خير رفعت الغلا راسها والتقت عينها بعين خالد وتقول بنفسها ( معقوله جواهر تسوي فيني جذيه علشان خالد ) خالد : تبغي شي غلا ؟ الغلا تطالعه وسرحانه وتكلم نفسها ( لو يدري شسوت فيني جواهر شراح يسوي ) خالد : الغلا مضيعه شي بوجهي ناصر يلوح بايده جدام ويهها : هيييييييه وين رحتي الغلا : شفيكم ! ناصر : خالد يكلمج ما تردين عليه الغلا : ما سمعته ناصر يلطف الجو : كنتي سرحانه بمنو اعترفي الغلا : فيك خالد : افا .. يعني مو فيني ضحكوا .. وصعد ناصروالغلا للفندق , وبالسياره خالد : احلف لك ان شي صاير بس ما هي راضيه تتكلم فهد : سألت نوف خالد : تقول تعبانه وبطنها يوجعها .. بس انا شفت عمتي حصه تبكي وامي وجدتي متضايقات فهد : اتهقى عمتي حصه قايله لها شي خالد : لأ انا اشك بجواهر فهد : وشمعنى جواهر ! خالد : لأنها حسوده وما تحترم احد وتدري بها شلون كانت تلاحقني. بالفندق الغلا قالت لناصر اللي صار لها ناصر مخترع : عسى بس ما احترق جسمك ؟ الغلا وعيونها تدمع : لأ شي خفيف الحمد لله بس كان منظر قميصي والنار فيه خوفني ناصر يمسح على شعرها : اسم الله عليج والحمد لله على سلامتج الحمد لله الله عداج الشر .. توأم روحي تعشت والا لأ ؟ الغلا : تبي الصج لأ بس مالي نفس آكل بروح انام تعبانه ناصر : على راحتج تصبحين على خير بالمزرعه وبغرفة الجده خالد بصراخ : ليه ما قلتولي ام عيسى : هدي بالك يا ولدي ما صار شي خالد : ما صار شي والبنت محترقه!! ام عيسى : من قال لك انها محترقه , الحمد لله الله عداها الشر ملابسها بس هي اللي احترقت خالد يصرخ على نوف اللي كانت تبجي : وانتي ليه ما قلتيلي نوف : الغلا قالت لي لا تقولين ما تبغي تسوي مشاكل لعمتي حصه حصه : من اصلها الطيب الله يجزاها خير فهد : خالد هدي بالك خالد معصب : شهدي بالي يا فهد .. انت مستوعب اللي صاير هاذي نار يا فهد نار الجده : اذكر الله يمي الكل : لا اله الا الله محمد رسول الله الجده فاطمه : صدقني ان مرتك ما طلعت الا وهي تضحك وما بها الا العافيه , وانا ما ارتحت الا لما شفت حصه عطت بنتها كف خالد : والكف الثاني مني بس خليني اشوفها البنات كانوا قاعدين بالصاله وسمعوا خالد وهو يصارخ , دخلت جواهر بكل وقاحه وقلة ادب مو جنها توها ماخذه طراق من امها : وانا الحين وش مسويه .. بعدين فكرة النار ذي من انوار مو مني انا خالد مبطل عيونه : انوار ! انوار رمت عليها النار ؟ ام عيسى : اقطعي .. انوار ما تسوي كذا جواهر : اسأليها صرخ خالد ينادي انوار اللي ياتهم مخترعه , واول ما شافها خالد عطاها كف , شهقت انوار وحطت ايدها على خدها ودموعها تنزل فهد ويمسك خالد : اذكر الله يا خالد ام عيسى وهي لامه بنتها : ليه كذا يا ولدي كنت تسألها بلول انوار منهاره : ليه كذا يا خالد اول مره تمد يدك عليّ خالد معصب : وش سويتي للغلا انوار تشاهق : ما سويت بها شي خالد : جواهر تقول انك رميتيها بالنار انوار بصراخ : تكذب .. تكذب دخل عليهم بو عيسى : وش فيكم صوتكم واصل بره قالت له امه اللي صار للغلا ابو عيسى : حسبي الله ونعم الوكيل عليكم فشلتونا مع العرب انوار وهي لامه امها وتبجي : والله يبه ما سويت شي والله واسأل نوف نوف : صدق يبه انوار ما سوت شي اصلا لو هي ما نادت الغلا ونبهتها كان الغلا احترقت .. انا شفت جواهر يوم قامت كانت بتقلب عليها الشوايه بس انا مسكتها . افتشلت حصه من الكلام اللي سمعته عن بنتها ودقت على زوجها علشان تروح البيت الجده : وانتي علامك اقعدي .. حد يروح بهالوقت .. باتي ومن اصبح افلح حصه : سودت وجهي جواهر يما فشلتني الجده : خذت جزاها منك ومن خالها خليها تحس بغلطتها حصه : الله يخليكي يما خليني على راحتي ابو تركي ناطرني بره , وانت يا خوي السموحه ابو عيسى : مسموحه يا لغاليه بس ماله داعي تظهري هالوقت حصه : خلني على راحتي كفايه ما جاكم منا ابو عيسى : ما جانا منك الا كل خير , وبنتك غلطت وخذت جزاها بس نصيحه يا خوكي ديري بالك عليها و شدي عليها شوي اذن الفجر وقام الكل للصلاة , انوار منسدحه على سريرها وتصيح نوف : انوار قومي صلي انوار : ما عليّ صلاة نوف : بسك من البكي عيونك ورمت دخلت ام عيسى عليهم : ها صحيتوا نوف : ايه يما صحينا بس بنتك طول الليل تصيح لا نامت ولا نومتني ام عيسى وهي تمسح على راس انوار : وش فيها نواري الحلوه انوار : يـ..مـ..ـه ا..و..ل.. مـ..ر..ه خـ..الـ..د يـ..ضـ..ربـ..نـ..ي ام عيسى : والله يما انه متضايق وتو سألني عنك .. قومي يما اتعوذي من الشيطان وغسلي وجهك ادخلت انوار الحمام , طق خالد الباب وفتحت له نوف : صحيتوا ام عيسى : وش بغيت يمي خالد : وين انوار ؟ نوف : بالحمام طلعت انوار من الحمام وشافت خالد ونزلت راسها قرب منها خالد ولمها وباسها على راسها : السموحه نواري تنقص يدي ولا امدها عليكي مره ثانيه انوار بصياح : والله خالد مو انا والله خالد وهو يمسح على خدها : ادري اختي الغاليه ما تسوي كذا .. انا كنت معصب وجات فيكي سامحيني انوار : مسموح يا خوي خالد : يلا تعالي معي نفطر ادري انك مو متعشيه البارح انوار : مالي نفس خالد : ما راح آكل الا لما تاكلي معي .. ها وش قلتي ام عيسى : يلا روحوا لجدتكم الحين بجيب لها الفطور . وصل خالد الفندق الساعه 12 الظهر دق على ناصر وناصر قاله انزل احنا باللوبي تحت عند الكافيه خالد : شلونك غلا الحين ؟ الغلا : الحمد لله بخير خالد : ناصر اسمحلي على اللي صار امس ناصر : مسموح يا الغالي ما صار شي لا تحط في بالك وتتضايق الغلا منزله راسها وتفر بكوب الكوفي اللي على الطاوله خالد : الغلا ابوي يستسمحك وتضايق يوم درى ناصر : مسموح ما قصر الوالد دق عليّ البارح وكلمني وكان بيكلم الغلا بس كانت نايمه الغلا : ما له داعي يعتذر عمي وانا توني قبل لا توصل مكلمته وصل خالد ناصر والغلا المطار وبالطريج يكلم نفسه ( انا ليه عصبت يوم دريت ان جواهر سوت لغلا كذا .. المفروض اني افرح لأني ابغى أأدبها واوقفها عند حدها.. بس لأ .. لأ.. الا النار الله يكافينا شرها ) ,,,,,,,,,,,,,,,,,,, بالكويت ,,,,,,,,, الغلا واميره زايرين مريم في شقتها مريم : حي الله من يانا الغلا + اميره : الله يحييج الغلا : ميمي ابي شاي وحطي معاه نعناع مريم : وانتي اميره ؟ اميره : انا ابي عصير منجا ,, غلوي المفروض تشربين شي بارد ما تعقدتي من الشي الحار عقب الحرق اللي ياج ! الغلا : ههههههه شدعوه .. الحمد لله الله لا يعقدني بشي مريم : والله انها جريئه وما تستحي اميره : شنو جريئه !! الا قليلة ادب ويبيلها تربيه الغلا : اللي عرفته ان امها وعمي طقوها طراق مريم : بس طراق !! ما يكفي اميره : ايه والله ما يكفي حلاته قاطين عليها يمره بوييها نفس ما حرقتج الغلا : لاااااااا شدعوه ! الله يكافينا شر النار ,, بعدين شحقه يايبين طاريها خلوها تولي اميره : ميمي وين الحمام ؟ مريم : امشي بالممر وخطري المطبخ الحمام على ايدج الشمال ,,,,,,,,,,,,,,,,,,,,, مريم : غلوي شرايج اخطب اميره حق حماي محمد الغلا : ياكل تبن هالخايس ياخذ اميره مريم : ليش اشفيه ؟ الغلا : محد قال لي انه عينه زايغه وكل ما تم سافر تايلند الا انتي ! مريم : يمكن لي تزوج يعقل الغلا : حرام عليج ميمي ,, اميره ما عندها احد اتحامى فيه ,, هي اكبر وحده وابوها متوفي وهي شايله مسئوليه البيت تبينها تشتقى مع حماج , خل يروح ياخذ له تايلنديه احسن له مريم : هههههههه اشفيج هبيتي عالريال الغلا : لأنه باط جبدي .. ما انسى نظراته البايخه لما كنت اييج فبيت حمولتج ويكون موجود يا عل عينه البط مريم : كان يبيج بس صادج السعودي الغلا تضحك : ليش سمجه !! بس غيري الموضوع لا تسمعنا اميره (( نتشرف بدعوتكم لحضور حفل زفاف الغلا وخالد وذلك بالجزء الثاني عشر من أيام من حياتي .. وبحضوركم يتم الفرح والسرور الدعوه شخصيه )) * الداعيه : غفران* | ||||
|
| |
|
26-11-13, 09:20 AM
| #13 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| (( الجزء الثاني عشر )) ( ايام من حياتي ) يوم الفرحه الكبيره , اليوم عرس الغلا .. حضروا اهل خالد كلهم للكويت علشان هاليوم .... الغلا راحت مع اختها ساره للفندق الساعه 2 الظهر سوت مكياجها وتسريحة شعرها وخلصت هي واختها الساعه 8.30 مرهم ناصر ووداهم فندق ....... اللي راح تصير فيه حفلة العرس , صعد ت الغلا للغرفه المخصصه لها ترتاح ويشوفونها امها وخواتها .. دخلوا عليها اعز صاحباتها مريم وأميره باركوا لها و صورتهم المصوره جم لقطه مع صديقاتها وخواتها ,,, تمت الغلا بالغرفه مع ميمي واميره .. رقصت ميمي جدام الغلا الغلا : ميمي حبيبتي شوي شوي لا تولدين علينا الحين اميره : ههههههههه ميمي عن الهز حدج سامري ميمي : اكلو تبن هذا بدال ما تصفقولي وترقصون وياي يا لشيف الغلا : الشيفه ريلج ميمي : وليييييييييه رديتي على ريلي ,, ما شيفه الا ريلج ,,, راحت ميمي للغلا وسحبتها من ايدها ميمي : يلا غلوي ما شاء الله صوت الأغاني واصل للغرفه قومي رقصي وياي الغلا : قوليلهم يحطون شرقي اميره : هههههههه الحين انا اعقل ميمي تيين انتي ؟! ميمي : خليها تستانس اليوم يومها الغلا : يلا ميمي ماني رادتج رقصت الغلا مع ميمي واميره تصفق لهم ميمي : عاشت عاشت العروس .. كوووللووووووووووش اميره : الف الصلاة والسلام عليك يا حبيب الله محمد الغلا وميمي : كوللووووووووووووش اميره : اول مره اشوف عروس اتيبب حق روحها ضحكوا الغلا وميمي واميره ,, لموا الغلا ودعوا لها بحياة حلوه مع خالد الساعه 9.30 نزلت الغلا للصاله على اغنيه هب السعد .. نزلت كأنها اميره في الف ليله وليله بفستانها الكوكتيل الناعم منفوش من تحت وفيه كرستالات صغيره منثوره على الصدر والطرحه ناعمه من الحرير والجيبير مشغوله بكرستالات نفس اللي بالفستان , قعد ت على الكرسي المخصص لها داخل كوشه راقيه وفخمه . يوها اهل خالد من الجده فاطمه الى اصغرهم ( عمر ) باركوا لها وصوروا معاها رقصوا البنات جدام العروس وكل وحده الفرحه بعيونها . الساعه 11 دخل خالد على يمينه ابوه وعيسى وفهد وعلى شماله ابو وليد وحمد وناصر والشباب كلهم يمشون ورا المعرس من اهل الغلا وخالد .. دخل خالد على زفة يا معيريس عين الله تراك ومع فرقة ......... اللي بدعوا بالغنى والرقص طلع الكل من الصاله ( من الرجال طبعا ) وتم المعرس مع حمد وناصر وابوعيسى , فصخت الغلا الوشاح وصعد خالد للكوشه وباسها على جبهتها : مبروك يا قلب خالد الغلا بابتسامه : الله يبارك فيك خالد بهمس : يا ويل حالي ,, انتي الغلا اكيد ؟ الغلا مبتسمه وبهمس: يا ويل حالي ,, انت خالد اكيد ؟ ابتسم خالد على كلمتها صعد ابوعيسى باسها وبارك لها ووراه اخوها حمد باسها وبارك لها ......... لكن توأم روحها غير فتح ادينه وقربت لمته باسها على خدينها وراسها : مبروك يا توأم روحي الغلا بصوت واطي : الله يبارك فيك يا روحي وقلبي وعقلي وكلي الفال لك ناصر مبتسم : ان شاالله الغلا : ادور لك على وحده من القاعه ناصر : ههههههه مو وقته يصير خير بعدين خالد : ناصر مو كأنك سرقت زوجتي ناصر : هههههههههه لا بس اوصيها عليك خالد : ايه تكفى وصها عليّ لأني من شفتها ضاعت علومي ضحك ناصر والغلا نزلت راسها منحرجه صورت الغلا مع عمها واخوانها ........... رقصوا خوات خالد جدامه والغلا فرحانه والابتسامه ما فارقت شفايفها . نوف تساسر الغلا : وش رايك نحط لك شرقي وتقومي ترقصي الغلا وهي تضحك : يا ويلي من صجج الناس بتقول شهالعروس الهيلق نوف : انزلي ارقصي على اغنيه ليله لعبد الرب ادريس الغلا : لاااااااا مابي استحي خالد : وش فيكم ؟ نوف : الغلا تبغي ترقص وانا اقول لها عيب اقعدي الغلا فتحت عينها وقرصت نوف على ايدها نوف : آآآآآآآآآآآآي الغلا : تستاهلين يا الجذابه خالد يضحك : نوف مرتي ما ترقص قدام الناس ترقص لي انا وبس نوف : انت لو تدري هي وش تبغي ترقص عليه خالد : وشو؟ نوف وهي تبعد عن الغلا وتروح صوب خالد : نفس الرقص اللي شفته بجوالي الغلا فتحت عينها وافتشلت ( الله ياخذ عدوك يا نوف ) : لو انج مره وقد كلمتج جان ما رحتي صوب اخوج يا الجبانه نوف تروح للغلا وتبوس خدها : حبيبتي انتي بس قبصتك توجع يابوا الكيكه ونزل خالد مع الغلا وايده بايدها ووصلوا عند طاوله الكيكه قصوها ووكلوا بعض والمصوره تاخذ لهم لقطات . طلعوا المعاريس الساعه 12 من الفندق لأن طيارتهم لألمانيا الساعه 2 بالليل الغلا ركبت مع خالد وناصر يسوق واخته ساره يمه , وزوج ساره لاحقهم بسيارته ومعاه فهد ولد عم خالد ناصر : الغلا بتروحين المطار بهالبدله ؟ الغلا تضحك : ليش مصريه .. لا حبيبي ودني البيت اول ابدل ساره : زين انكم وديتوا جناطكم الصبح عن الزحمه واللويه ناصر يضحك : وانت خالد بتروح بالبشت المطار خالد : على قولة الغلا ليه مصري ههههههههه الغلا تضحك : المصري ما يلبس بشت خالد : اكيد بغير ما يصلح اروح المانيا بثوب ناصر : حياك تعال عندي الدار وبدل دخلت الغلا غرفتها ومعاها اختها , شالت الطرحه وفكت تسريحتها ومسحت مكياجها .. دخلت الحمام اخذت شاور ولبست بنطلون وقميص واسع مريح .. لفت عينها على غرفتها وقعدت على السرير ودمعت عينها ساره شافتها بتبجي : اشفيج ؟ الغلا : خايفه وقلبي مقبوض ساره: تعوذي من ابليس خالد خوش ريال وباين عليه حبوب وطيب الغلا تبجي : راح اخلي امي وناصر .. راح اخليكم كلكم .. انا مو متعوده ما اشوفكم كل يوم ساره : التليفون يقرب البعيد والأنترنت موجود بكل مكان الغلا : راح اشتاق لكل شي ( نزلت دموعها) ساره انا تنازلت عن اشياء وايد ساره : وان شاالله خالد يستاهل هالتنازلات , وبعدين مو وقته هالكلام باقي اقل من ساعه على الطياره يلا يالله يمديكم توصلون المطار دخل ناصر عليهم .. رفعت عينها الغلا وشافته يطالعها ومبتسم وفاتح ادينه لها .. ياته الغلا ولمها ومسح على راسها : هاذي دموع الفرح اللي يقولون عنها ؟ الغلا ( تبجي ) .. ناصر : الحين يشوفج خالد ويخترع الغلا : ناصر خل نقعد بالكويت مابي اسافر ناصر : هذا كلام ينقال وباقي على الطياره اقل من ساعه .. جان قلتي مابي اسافر قبل لا خالد يحجز الغلا وهي تشاهق : مو مشكله يكنسل ناصر : وانا ما ارضى على توأم روحي ما تروح شهر عسل مثل كل العرايس الغلا منزله راسها ودموعها ما وقفت ناصر : يلا خالد تحت بالصاله نزلت الغلا وايدها بايد ناصر شافها خالد وابتسم : وش هالدموع دموع الوداع الغلا : حرام عليك ليش عاد وداع جنك ماخذني ما تبي تردني اشوف اهلي ناصر : هههههههه من قال مو رادج يتغشمر معاج ( ويغمز لخالد ) صح خالد خالد : اكيد .. متى ما اشتاقت لكم تجيكم .. أنا ما راح امنعها طلعوا بره عند السياره وشافت الغلا زوج ساره وفهد .. باركوا لها وراحوا السيارتين المطار . الغلا لامه ناصر وهي تصيح خالد : يلا الغلا ما بقى شي على الرحله الغلا : تو الناس خالد : وش تو الناس اعلنوا عن الرحله .. يمكن حنا آخر اثنين نركب الطياره ناصر ويبوس الغلا : يلا اشوفج على خير مبروك وعسى الله يسعدج .. ويلتفت لخالد : خالد ما اوصيك ترى الغلا نصي الثاني دير بالك عليها خالد : لا توصي حريص الغلا بعيوني ناصر : ما ابيها بس بعيونك ابيها بعيونك وقلبك سلمت الغلا على ساره وخالد سلم على الشباب ولمه فهد وبارك له ووصاه على الغلا ... مسك خالد ايدها ومشوا صوب البوابه والغلا كل شوي تلتفت تشوف اختها واخوها ,,,,,,,, ركبوا الطياره .. الغلا قعدت يم الدريشه وخالد يمها الغلا وهي تمسح دموعها خالد : بس خلاص ما خلصت دموعك , وفي نفسه ( ليلحين ما شفتي الدموع من هاللحظه بدأ وقت التأديب ) طول الرحله وخالد ساكت ما يكلم الغلا الا من كلمات قليله .. وبعد عدة ساعات متعبه وصلوا المانيا , اخذ خالد تاكسي وعطاه عنوان وهذا العنوان كان لفيلا ما كان لفندق! (( الفيلا لأبو عيسى شاريها لهم لما يسافرون لألمانيا لعمل او لسياحه ,ولما درى ان خالد بيروح المانيا لشهر العسل جدد الفيلا وغير صبغها والأثاث )) وصلوا الفيلا والتعب مبين عليهم وخصوصا الغلا اللي طول الرحله ما غفت عينها كانت مرتبكه وتحاتي خالد : وش فيكي واقفه ادخلي دخلت الغلا وشافت وحده استقبلتهم سحر : يا اهلا وسهلا الحمد لله على السلامه خالد : الله يسلمك كيفك سحر سحر : بخير استاز خالد انت كيفك وكيف الأهل خالد : الحمد لله كلنا بخير .. اقدم لك المدام سحر : يا اهلا وسهلا فيها .. كيفك مدام الغلا : بخير الله يسلمج سحر : معك سحر مديرة المنزل الغلا : هلا حياج الله سحر تكلم خالد : شو استاز خالد كأنوا مش زي حكيكم ! خالد : الغلا كويتيه سحر : الغلا ,, اسمك كتير حلو يا اهلا وسهلا فيكي الغلا والتعب بصوتها : هلا فيج خالد : الغلا انتي ما نمتي طول الرحله ا صعدي فوق نامي صعدت الغلا ومعاها سحر تدليها على الغرف , دخلت غرفه معاها حمام حلوه وكبيره راقيه من ناحية الأثاث والسجاد والستاير .. دخلت الحمام خذت شاور وصلت وانسدحت على السرير ونامت على طول سحر : المدام مبين كتير تعبانه خالد سرحان وما انتبه لها سحر : استاز خالد بدك شي اعمله خالد : لا سحر شكرا .. بس كأن التليفون ما يشتغل ؟ سحر : ايه استاز صارلن هيك شي يومين عم يشتغلوا بالخطوط وبدن كمان شي اسبوع لأن كل المنطقه عم يشتغلوا فيها خالد يكلم نفسه وبويهه ابتسامه ( حلو عشان الخطه تمشي صح ) سحر : بدك شي عالعشا استاز خالد خالد : لا شكرا تقدري تروحي الحين سحر : شكرا استاز ان شاالله بكره الصبح عالساعه 9 بكون هون قعد خالد تحت بالصاله ساعتين يفكر بخطته علشان ينتقم من الغلا .. .. دخل عليها الغرفه لقاها نايمه , التفت صوب القنفه لقى جنطتها .. فتحها واخذ موبايلها وسكره وحطه بجيبه ... راح للغرفه الثانيه اخذ شور ولبس ملابسه ونام . قعد خالد من النوم الساعه 7 بدل ملابسه واخذ موبايله وموبايل الغلا ومفتاح الفيلا وطلع . الساعه 9.30 قعدت الغلا خذت لها شاور والبست برمودا وتي شيرت رفعت شعرها بمشبك ونزلت تحت سحر : يسعد لي هالصباح الغلا بابتسامه حلوه : صباح النور سحر : كيفها العروس ؟ الغلا : منيحه ههههههههه سحر : يلا قولي للاستاز خالد الفطور عالطاوله الغلا : خالد مو بالغرفه سحر : شو ! يمكن بالغرفه التانيه صعدت الغلا ولفت على كل الغرف وما لقته الغلا : مو موجود سحر : كمان بالجنينه مش موجود .. يمكن طلع عالسوبر ماركت سكتت الغلا وحست بخوف شوي سحر : اتفضلي مدام افطري وشك اصفر مبين مش ماكله شي من امبارح الغلا : ايه مو ماكله شي سحر : اتفضلي حبيبة ألبي الغلا تشرب قهوه وتاكل من غير نفس وتكلم نفسها ( وين راح معقوله يطلع ويخليني بروحي جان قعدني اروح معاه ولا جذيه اقعد احاتي الله يستر ) خلصت الغلا اكل وصعدت غرفتها .. فتحت جنطتها بتاخذ الموبايل بتكلم خالد دورت ما لقته : وين موبايلي انا متأكده حاطته بالجنطه . فتحت جنطه الملابس ودورت بكل مكان وما لقته : الله يستر لا يكون صاير شي وخالد ما يبي يقول لي . صار وقت الظهر ... ويا الليل والغلا على اعصابها وتحاتي سحر : بدك شي مداد انا ماشيه الغلا : وين ماشيه ومخليتني بروحي !! سحر : مدام انا ما بابات هون انا بجي عالساعه 9 وبروح الساعه 9 بالليل الغلا : بس خالد ما رجع اصبري لما يرجع سحر : سوري مدام جوزي ناطرني ما بأدر اتأخر ولا تخافي انا راح أأفل الباب بالمفتاح واستاز خالد عنده مفتاح ... الا انتي ما اتصلتي عليه الغلا وعيونها تدمع : موبليلي ما ادري وينه دورته ما لقيته مدت سحر موبايلها لغلا : خدي كلميه .. ليه ما ألتي ان ما معك موبايل الغلا : الجهاز مسكر !!! سحر : ما بتخافي يمكن راح لأصحابو أو لأصحاب أبوه الغلا وقلبها مقبوض : الله يستر طلعت سحر وقفلت الباب .. صعدت الغلا الغرفه وقفلت عليها الباب وقعدت على السرير تصيح .. ما تدري شكثر بجت ومتى نامت ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, سحر : مدام صحيتي ؟ الغلا : ايه سحر شوي وانزل سحر : يلا الفطور خلص نزلت الغلا وويهها تعبان : صباح الخير سحر : صباح النور .. مدام استاز خالد اتصل عاموبايلي ويأول عنده شغل وما راح يرجع هاليومين الغلا وهي منصدمه : شغل ؟!! شنو هالشغل ؟؟!! سحر : والله ما بعرف مدام الغلا : لو سمحتي سحر عطيني موبايلك اتصلت عليه وجهازه مسكر.. وبنفسها ( ليش ما يبي يكلمني .. اكيد صاير شي , مو معقوله يخليني بروحي ويروح وكل ما ادق مسكر جهازه ) . مروا هاليومين على الغلا كأنهم سنتين الدموع ما فارقت عيونها , اكلها خفيف ما تشتهي تاكل ونومها كله خوف وقلق وكوابيس كانت تفكر بخالد والشغل اللي يقول عنه .. تدري ان تليفون البيت خربان وكانت تقدر تاخذ موبايل سحر وتكلم اهلها لكنها استحت : شقول لهم ... اقول خالد من وصلنا خلاني وراح !! . ,,,,,,,,,,,,,,,,,,,,,,,,,,,,,,,,,,,,,,,,, اليوم الثالث الساعه 12 بالليل سمعت الغلا صوت بالفيلا ,, خافت وقامت شيكت على مفتاح الغرفه انه مقفول .. سمعت خطوات تمشي صوب الغرفه .. الغلا حست الدم نشف بعروقها وريجها ناشف من الخوف .. شافت يدة الباب تتحرك .. الغلا حطت ايدها على حلجها تكتم خوفها .. سمعت دق على الباب لكنها ما ردت .. دق الباب مره ثانية : الغلا انتي نايمه ؟ فتحت الغلا الباب ودموعها ترس ويهها والخوف بعيونها وهي تبجي : خااااااااااااالد خالد لما شافها انصدم وعوره قلبه لكنه تماسك : ايه خالد ليه قافله الباب ؟ الغلا منهاره : حرام عليك اهيء اهيء ليش تسوي فيني جذيه خرعتني وين كنت ؟ خالد ساكت ما رد عليها الغلا وهي تبجي : انا اكلمك شفيك ساكت ! صاير شي ؟ احد من اهلنا فيه شي خالد يطالعها وساكت الغلا بصراخ : خالد رد شفيك!!!!!! خالد بكل برود : ما فيني شي , وانتي وش فيكي كذا حالتك حاله الغلا من بين دموعها ومستغربه من بروده : خالد شفيك انت شارب شي شهالكلام .. هادني 3 أيام ما تدري عني بروحي بالبيت ولا حتى كلمتني تطمني وتقول شفي حالتي جذيه !!!!!!!! خالد : كان عندي شغل الغلا وهي تبجي : شغل ؟!!!!!!!!!! شغلك اهم مني ؟ خالد : اكيد اهم منك والا ما غبت 3 أيام الغلا : وين فيه شغلك هذا ؟ وليش ما كلمتني وقلت لي ان عندك شغل ؟ خالد : وين فيه شغلي انتي ما دخلك تسألي هذا شغل خاص الغلا بصوت عالي : وانا بعرف هالشغل الخاص هذا شنو ومع منو .... طرااااااااااااااااااااااا ااااااااااااااااااااااااا اااااخ انتهى الجزء الثاني عشر شراح يصير للغلا مع خالد ؟ بانتظار ردودكم دمتم بخير ( اختكم غفران* ) | ||||
|
| |
|
26-11-13, 09:21 AM
| #14 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| (( الجزء الثالث عشر )) ( ايام من حياتي ) *********************************** • فرحه اغتالتها الصدمات ... جروح تنبض ولا تندمل ... احلام تنصدم بواقع مرير جبروت انتقام ولحظات فرح مسروقه ,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,, ,,,,,,,,,,,,,,,,, ,,,,,,,,,, ,,,, , طرااااااااااااااااااااااا ااااااااااااااااااااااااا ااااااااااااااااااااااااا اااااااخ , , , , , , , , , , , , , , , , صوت كف قوي على خد الغلا .. كف ما توقعته ان بيوم من الأيام بييها من خالد .. كف خلاها تنشل ما قدرت تتحرك من مكانها من الصدمه الغلا وايدها على خدها : ليش .. ليش انا شسويت !!!!!!!!!!! خالد : لا تعلي صوتك عليّ .. هذا الكف كنتي لازم تاخذيه من زمان الغلا ايدها على خدها ودموعها تنزل خالد : تتذكري السياره اللي كانت مسكره على سيارتك واللي فرغتي الكفر وقلتي للسواق انت يبغالك كف انت ومعزبك الغلا ما زالت على وضعها واقفه وايدها على خدها ومصدومه خالد : تعرفي من هو المعزب ؟ .........انا الغلا تذكرت هالموقف اللي صار لها من جم شهر .. وهي تبجي : انت !! ..... واذا .. انا ما سويت شي غلط علشان تسوي فيني جذيه خالد بصوت عالي : رفع صوتك بوجهي قدام ولد عمي وتخريب سيارتي وتقولي اني يبغالي كف كل ذا وما سويتي شي ! الغلا وقلبها يعتصر من الألم : وانت اللي سويته فيني من اول ما وصلنا تبي تعاقبني ؟! خالد يبتسم : عليكي نور .. من شفتك قلت لازم أأدبك والكف اللي كنتي بتعطيني اياه حلفت اني انا اللي اعطيكي اياه الغلا وهي تبجي : انا ما غلطت انت الغلطان .. بعدين هذا موقف صار وخلصنا منه .. حتى انت خربت سيارتي وعطلتني عن شغلي خالد بكل برود : تستاهلي الغلا : استاهل !! .. على هالموقف اللي صار !!!! والأشياء الكثيره اللي تنازلت عنها ما شفعت لي عندك .. (الغلا تكمل وتمسح دموعها) بعدي عن اهلي ورفيجاتي وديرتي وتضحيتي للوظيفه بعد ما خلصت جامعه ما شفع لي عندك !! خالد : لأ ولا هزني الغلا وهي تشاهق : وكلامك وغزلك لي ومسجاتك وخوفك عليّ لما بنت عمتك قطت علي الجمر شنو كان هذا ؟ تمثيل ؟؟؟!!! خالد : قلتيها تمثيل ... لازم امثل عليكي عشان تثقي فيني الغلا بألم : بقت (سرقت) موبايلي وخربت تليفون البيت علشان تكمل خطتك خالد : ايه جوالك اخذته لكن تليفون البيت جات من الله هو خربان لحاله الغلا : الله ما يرضى باللي سويته فيني .. ما كنت اتوقع ان قلبك اسود وتفكيرك منحط خالد يطالعها من فوق لتحت الغلا : اذا باقي فيك ذرة رجوله رجعني لأهلي خالد يوقف معصب : انا رجال غصبن عنك الغلا تبجي وبصراخ : الريال ما يمد ايده على مره ويجذب عليها ويبوقها .. الريال ما يخلي عرضه 3 أيام ما يدري عنه شيصير فيه.. كلمه ريال مو لك انت خلها لأهلها خالد مد ايده وسحبها من شعرها : رجال غصبن عليكي وعلى اهلك الغلا بكل الم وقلب مجروح : لا تييب طاري اهلي .. اهلي اشرف منك ,, وصدقني الكف اللي عطيتني اياه راح ادفعك ثمنه غالي .. مو الغلا اللي تنمد الإيد عليها . خالد باستهزاء : وش بتسوي يعني ؟ الغلا بثقه لكن بقلب مجروح : ما راح اييك الكف على خدك بس صدقني لدفعك ثمنه اضعاف وقول الغلا ما قالت خالد يطالعها من فوق لتحت بنظرة استهزاء وابتسامه الغلا : انت الظاهر مو عارف منو ماخذ ,, ولا عرفت الغلا زين خالد : لا اعرفك زين ,, وحدة ما هي متربيه ولسانها متبري منها الغلا بصوت عالي : قص لسانك .. متربيه غصبن عليك خالد بغضب : الظاهر تبغي كف ثاني يربيكي , اهلك ما علموكي ما ترفعين صوتك على رجلك الغلا : اهلي علموني احترم الناس المحترمه مو الناس الحقوده .. وانت كنت ريلي والحين ما يشرفني اسمي يرتبط باسمك ,, واذا باقي فيك ذرة رجوله رجعني لأهلي لأني ماني طايقه اشوفك ولا حتى اسمع صوتك خالد بصوت عالي : رجال غصبن عنك الغلا : لو انت صج ريال جان عاقبتني عند اهلي , مو توديني ديره ما اعرف فيها احد وتفرد عضلاتك .. هالشي ما يسويه الا الجبان ,,, قبل لا نتفاهم ابي منك ترمي عقالك ترى لا إنت وجه للرجوله ولا إنت قدها وعينك هاذي تنزلها لا وقفت أنا قبالك ولا تقاطع في كلامي وإلزم ألفاظك حدها لا تساهل في كلامي واحفظه وخله في بالك أنا بنت ورثت العزه من ابوها لجدها ما يهزها مجرد وجودك .. كبرياها ما يكسره امثالك والكرامه قبل تعرفك راضعته بدمها غلطان ان كنت تحسبني شي تبعك ومن حلالك أنا اكبر من طموحك وشف يدك لا بغيت تمدها اللي مثلك شخص خاين يستحي منك ظلالك اللي مثلك ما مشى دروب الرجوله وما وصل لمجدها عزتي عيت تنازل لجل أعاتبك على فعايلك خلنا من قصة خيانه وقلي كرامتك وش عندها ؟ وين الرجوله اللي تقول ؟ كيف ترضى يكون حالك ؟ لم أعذارك معك يشرفني اني بكل بساطه اصدها مستحيل اقبل عذر أنا اعلنت عن حياتي اعتزالك والهدايا اللي وصلتني عفوا .. أنا بردها لحظه قبل تقفي لا تنسى تنحني وتاخذ عقالك(منقول) خالد مسكها من ايدها ويرها صوبه وهو معصب : عيدي عيدي وش قلتي ؟ .. وخر ايدك عني .. هدني .. فعايلك فعايل واحد حقود قلبه ما فيه رحمه ( وبصراخ ) هدني انت عارف نفسك زين .. وخر عني يا كلب خالد بغضب : ما اهدك الا لما أأدبك واعلمك خالد كيف يستحى منه ظلاله واوريكي وجه الرجوله اللي انا ما ني بقدها ,,, دزها على السرير وسكر الباب .. شافته وهو يفصخ ملابسه , قامت من السرير وركضت صوب الباب .. مسكها من ايدها وقفل الباب الغلا بصراخ : افتح الباب .. افتح الباب خالد : قلت لك لما اعلمك اذا انا رجال ولا لأ الغلا منهاره : انت مو ريال انت حيوان وحقير ياها من وراها ولف ايدها وشالها وهي ترافس بريلها : هدني .. هدني وخر عني يا حيوان قطها خالد على السرير والغلا بكل خوف : وخرعني ان لمستني يا ويلك خالد : هههههه وش بتسوي .. بتذبحيني الغلا بصراخ وهي تحاول تبعد خالد عنها : وخر يا حيوان يا حقير ياكلب خالد : الظاهر الكف اللي اخذتيه ما رباكي الغلا : وخر عني .. اكرهك اكرهك وبصراخ وخر عني لاااااااالااااااااااا باءت كل محاولات الغلا بالفشل .. جسمها الصغير وتعبها النفسي طول هالأيام اللي مرت عليها ضعف مقاومتها عن صد جسم خالد عنها .. انهارت قواها وانهارت معاه نفسيتها وكرامتها........................ * * * * مشهد تدمع له العيون وتألم له القلوب ,, مشهد تبعثرت فيه الكرامه مشهد زحفت اليه خيوط الكره والحقد مشهد نحر الحب بأبشع صوره * * * * طلع عنها وتركها محطمه جريحه قلبها ينزف الم وخوف , اخذت الشرشف وغطت نفسها تستر وحشية خالد لها تستر همجيته وحقده عليها ... ما تدري شكثر مر عليها من وقت وهي قاعده بزاوية الغرفه وعيونها ما نشفت من الدموع ,,,,,,,,,,,, الساعه 10 الصبح دخل خالد عليها .. شافها لامه نفسها وقاعده بزاوية الغرفه ومتغطيه بللحاف , لف عينه على السرير اللي شهد وحشيته عليها .. حز بخاطره يوم شافها تبجي ( وعلشان هو ريااااال !!) صد عنها وقال : انا طالع واليوم سحر ما هي هنا عندها اجازه وانا يومين ماني راجع عندي شغل عندك المطبخ تحت فيه كل شي الغلا بنفسها ودموعها تنزل (عساك ما ترد .. عساك ما ترد .. اكرهك) سمعت الغلا صوت باب الفيلا يتسكر قامت وقفلت الباب عليها وطاحت يم الباب تبجي بصوت عالي وتنادي امها ويدتها ,,,, آآآآآآآآآآآآه وينج يما تعالي .. تعالي شوفي بنتج شصار فيها .. ليتني ما شفتك .. ليتني ما وافقت عليك .. يماااااااااااا .. اديده .. تعالوااااااااااا تعالوااااااااااااا اخذوني ... يما خالد ذبحني ذبحني ذبحني طول اليوم الغلا بغرفتها ما طلعت .. مر عليها اليوم وهي بزاويتها تبجي. اليوم الثاني الساعه 9.30 الصبح سحر تطق الباب على الغلا سحر : مدام الساعه 9.30 الغلا : .............................. سحر تطق الباب : مدام الغلا : .......................... سحر : مدام انتي هون حركت سحر يدة الباب ولقته مقفول : يمكن طلعوا .. خليني ادق على استاز خالد وبشوف . ( الجهاز مغلق طبعا) سحر : ييييه شو بدي اعمل انا هلأ ... ايه بأعد لحد الساعه 9 زي كل يوم وازا بدن شي استاز خالد بيتصل عليّ . الغلا تمت قاعده مكانها ما تحركت .. دموعها ما نشفت من عيونها تحس جسمها يعورها لكن الم قلبها اكبر من أي الم جسدي تحس فيه . باليوم الثالث رجع خالد البيت الساعه 7 بالليل وشاف سحر بالمطبخ سحر : اهلين استاز خالد الحمد لله عالسلامه خالد : الله يسلمك سحر تتلفت تدور الغلا : شو وين هي المدام ؟ خالد مستغرب : المدام هنا سحر وفاتحه عيونها : من امتى ؟! خالد ونقزه قلبه : من متى ؟ ليه انتي ما كنتي هنا ؟ سحر : بلى .. من يومين دقيت الباب ما حدا بيرد .. وانت منك هون قلت يمكن طلعتوا سوا ودقيت عاموبايلك ما بترد . خاف خالد وصعد الدري بسرعه وراح لغرفة الغلا فتح الباب لقاه مقفول .. خالد يطق الباب وينادي : غلا افتحي الباب الغلا :.................................. خالد يطق الباب وبصوت عالي : غلا .. غلا .. افتحي الباب ياته سحر ومعاها مفاتيح الغرف (السبيرات) اخذ خالد المفتاح وحاول يفتح الباب بس ما قدر .. الغلا كانت حاطه المفتاح من داخل ومو شايلته خالد يصرخ على سحر : جيبي أي شي اكسر به الباب بسرعه راحت سحر ويابت له مطرقه (شاكوش) .. حاول خالد يكسر الباب ضرب القفل بكل اتجاه وقلبه مقبوض .. ويدعي ربه ان الغلا ما صابها شي انفتح الباب ودخل خالد وانصدم من اللي شافه . شنو شاف خالد ؟ شراح يصير للغلا ؟ وشلون بتصير حياتها ويا خالد ؟ توقعاتكم قرائي الأعزاء بانتظار ردودكم دمتم بخير ( اختكم غفران* ) | ||||
|
| |
|
26-11-13, 09:22 AM
| #15 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| (( الجزء الرابع عشر)) ( أيام من حياتي ) الغرفه كانت معفوسه فوق تحت .. الملابس بكل مكان بالأرض .. والعطورات طايحه ومنها اللي مكسور , وجام التسريحه مكسور وجزاز منثور بكل مكان .. شهق خالد يوم شاف الغلا طايحه عند باب الحمام .. خالد صرخ على سحر : سحر اتصلي على الأسعاف بسرعه ركض خالد شال الغلا وحطها على السرير حاول يصحيها بس ما فيه استجابه .. ياب ماي ورش على ويهها ما تحرك فيها شي ): ......... خالد بخوف وألم : الغلا حبيبتي ردي عليّ .. غلا انا آسف سامحيني .. غلا الله يخليكي لا تتركيني انا احبك والله العظيم احبك .. غلا سوي فيني اللي تبغي بس لا تتركيني .. (نزلت دموعه) .. غلا ..غلا اصحي .. سمع خالد صوت سيارة الأسعاف اخذ لفه وحطها على راسها وشالها ونزل فيها الدري .. شافوه المسعفين اخذوها وحطوها على السرير واصعدوا السيارة وخالد معاهم .... وصلوا المستشفى دخلوا الغلا وتم خالد بره نص ساعه يمشي بالممر يحاتي وقلبه مقبوض ويدعي ربه ان الغلا تقوم بالسلامه . طلع الدكتور وراح له خالد يركض : (بالإنجليزي) شفيها زوجتي الدكتور : دقات قلبها مضطربه , جسمها ضعيف جدا وحالتها النفسيه سيئه .. يبدوا انها لم تأكل من كم يوم ! خالد : كيف هي الحين ؟ الدكتور : اعطيناها مغذي ولا نعلم ان كانت بغيبوبه او نائمه لأنها لا تستجيب للنداء .. غدا سوف يتضح لنا الأمر اذا قوى جسمها من المغذي والفيتامينات .. عروقها ناشفه وجسمها مرهق يبدوا انها لم تنم ايضا .. سوف تنام هنا يومين او ثلاثه او ربما اكثر حسب حالتها النفسيه والجسديه. انهار خالد من كلام الدكتور حط ايده على ويهه ويعاتب نفسه ( كله مني انا السبب .. ايش فادك غرورك فيه يا خالد ..يعني خلاص الغلا راحت مني .. انا ذبحتها ؟ ..ايه ذبحتها .. ذبحتها وانا ما ادري .. اللهم اني لا اسالك رد القضاء ولكن اسألك اللطف فيه ) دمعت عين خالد وطلب من الدكتور ان يشوفها , سمح له الدكتور ودخل عليها واول ما شافها غمض عيونه وانعصر قلبه الم .. الغلا كان ويهها أصفر وعيونها مورمه وويهها متغير , ضعفانه .. شاف المغذي بايدها وواير الأكسجين بخشمها ويمها جهاز نبضات القلب .. خالد وهو يبجي : كل هذا انا سويته .. ليته فيني ولا فيكي .. ليته فيني ولا فيكي يا غلا روحي .... مسك خالد ايدها لقاها بارده .. حضن ايدها بايده الثنتين وقربهم من حلجه ينفخ عليهم علشان يدفون .. باس ايدها وباس اصابعها اصبع اصبع وهو يبجي : سامحيني يا الغلا انا اخطيت بحقك اذا صار فيكي شي ما راح اسامح نفسي .. الغلا لا تتركيني انا ما اقدر اعيش من دونك ... يا رب ارحمني يا رب شافي الغلا ورجعها لي سالمه يا رب .. يا رب . الغلا يومين بالمستشفى نايمه وخالد بهاليومين قاعد عندها ويقرى عليها وباليوم الثالث الفجر الغلا فتحت عينها وبصوت واطي : يما .. يما .. النيرس : مدام .. مدام هل تسمعيني ؟ الغلا : يما .. يما النيرس نادت الدكتور : مدام هل تسمعيني ؟ الغلا فتحت عينها وشافت الدكتور والنيرس واقفين يمها : انا وين ؟ الدكتور : مدام هل تسمعيني ؟ الغلا تكلمه بالإنجليزي : نعم اسمعك .. انا وين ؟ الدكتور : انتي بالمستشفى الغلا غمضت عيونها : عطشانه ابي ماي يابت لها السستر ماي وشربتها بالعود , حاولت الغلا ترفع نفسها بس ما قدرت جسمها كله يعورها : جسمي يعورني ما اقدر اتحرك الدكتور : لأنك لم تأكلي من 4 أو 5 أيام الغلا : انا ما أكلت من 5 أيام ؟ ليش ! انا شفيني دكتور ؟! الدكتور : الظاهر انك كنتي تتبعين ريجيم .. ولكنه ريجيم قاسي .. زوجك سوف يفرح عندما يعلم انك استرديتي وعيك لقد كان خائفا جدا ,, استوعبت الغلا المكان اللي هي فيه .. استوعبت انها عاشت صراع مع نفسها .. طاحت كل حصونها لما خدعها خالد .. استوعبت انها نايمه بالمستشفى من حقد وغرور خالد .. غمضت عيونها ورجعت نامت . الساعه 7 وصل خالد المستشفى وراح على طول عند الدكتوريسأل عنها .. الدكتور : لقد صحت الساعه 5 صباحا وشربت ماء ثم نامت مره اخرى , توه خالد بيتكلم سمع صراخ وميز الصوت وعرف انه صوت الغلا ,..... خالد بخوف : دكتور هذا صوت زوجتي .. تصرخ طلع الدكتور يركض وخالد وراه دخل الغرفه وشاف الغلا تصرخ تبي تسحب المغذي , وهي تبجي : شيليه .. شيليه ما أحبه ما أحب أشوفه انا ما أحب الأبر ما أحبها .. ( وتبجي بصوت عالي) الدكتور يحاول يهديها : هذا لمصلحتك جسمك يحتاج الى غذاء وفيتامينات ولا نستطيع اعطاءها لك إلا عن طريق المغذي الغلا بصياح : شيله ما أبيه ما أحب أشوفه أخاف .. أخاف خالد شاف الدكتور وهو ماسك ايدها اللي فيها المغذي : غلا هدي هدي التفتت الغلا وشافته وبصرخه قويه : اطلع برااااااااااااااااااااااا .. اطلع برااااا ما أبي اشوفك يا حيوان يا حقير اطلع برا .. اطلعوا كلكم ما أبي اشوف احد ........ , الغلا وتسحب ايدها من ايد الدكتور وتصرخ وبالأيد الثانيه سحبت واير المغذي وطشر الدم عليها وعلى الدكتور .. كلم الدكتور النيرس ويابت ابره مهدئه , مسكتها النيرس بكل قوتها وعطاها الدكتور الإبره .. الغلا وقبل لا يبدي مفعول الإبره ما على لسانها إلا اطلع برا أكرهك . نامت الغلا والنيرس حطت لها المغذي بمكان ثاني وربطت ايدها بالسرير بأمر من الدكتور ....., بعد عدة ساعات صحت وشافت النيرس قاعده يمها ودكتور واقف يقرا الملف .. الدكتور : اهلا يا عسل .. إنتي صحيتي الغلا : راسي يعورني الدكتور : أوليلي بيوجعك فين ؟ الغلا : كله يعورني .. حاولت الغلا تسحب ايدها ما قدرت الغلا : دكتور ما أقدر أحرك إيدي ! الدكتور : لأنها مربوطه , خافوا عليكي لأنك بتتحركي كتير التفتت الغلا وشافت المغذي وقالت بصوت باكي : بليز دكتور الله يخليك شيل الدرب ما ابيه الدكتور : ليه يا بنتي ده كويس عشانك , انتي جسمك ضعيف ومحتاج غزا الغلا : ما أحبه ولا أحب أشوفه الله يخليك شيله الدكتور : طيب أشيلهولك لكن بشرط ..توعديني انك تكوني هاديه والأكل اللي اجيبهولك تاكليه الغلا : اوكي بس شيله الله يخليك شال الدكتور إبرة المغذي وحط بإيدها بلاستر الدكتور : ها ازاي عروستنا دلوأتي الغلا : انا مو إسمي عروسه انا إسمي الغلا الدكتور : طيب يا ست الغلا ازيك دلوأتي الغلا : الحمد لله الدكتور : يلا أوليلي نفسك في ايه أجيبهولك الغلا : صج دكتور اللي اقول لك عليه تييبه لي الدكتور : انتي تأمري الغلا وهي تبجي : ابي اروح لأمي الدكتور : وماما فين .. هنا ؟ الغلا وتمسح دموعها : لأ بالكويت وانا بروح لها وألحين الدكتور : دلوأتي يا الغلا ما بينفعش .. انتي دايخه وحتى لو أومتي مش حتأدري تصلبي طولك الغلا من بين دموعها : اقدر صدقني اقدر اقدر الدكتور : ليه الدموع دي يا بنتي ؟ الغلا : دكتور متضايقه أحس اني مخنوقه الدكتور : بعد الشر عليكي إستهدي بالله يا بنتي وأولي يا رب الغلا : دكتور بليز مابي اطلع من المستشفى الا على المطار .. مابي ارجع للبيت اللي كنت فيه الدكتور : ليه يا بنتي ..ده جوزك بره حالته تأطع الألب الغلا : لا يغرك دكتور لأنه هو أصلا ما عنده قلب الدكتور : شوفي يا بنتي كل اتنين ببداية جوازهم بتحصل بينهم مشاكل والزكي هو اللي يحل مشاكله بينه وبين شريك حياته وما يخليش حد يتدخل مهما كان الحد ده الغلا منزله راسها وتبجي الدكتور : إدي لجوزك فرصه.. اسمعيلوا يمكن تقتنعي بكلامه الغلا : مستحيل .. تعرف شنو يعني مستحيل .. اموت ولا اشوفه او حتى اسمع صوته الدكتور : ليه كده بس يا بنتي الغلا ودموعها تنزل : لأني اكرهه .. اكرهه من كل قلبي وعقلي بعد.. مو متقبلته .. نفسي كرهته خلاص .. (وبجت بصوت عالي) مد لها الدكتور كوب ماي , وطلب لها اكل الدكتور : يلا بئا يا غوغا عاوزك تاكلي الأكل ده كله الغلا ابتسمت (غوغا) .. ارتجفت شفايفها ونزلت دموعها : ذكرتني بمدرستي كانت دايما تناديني غوغا الدكتور : ليه الموع دي .. خليكي مبتسمه ده وشك بئا زي الأمر لما ابتسمتي وطلعت غمازتين بسم الله ما شاء الله الماص الغلا : خلاص دكتور انا نسيت الضحك من وصلنا المانيا .. دموعي هي صديقتي ما تفارقني الدكتور : يبئا انتي خاصميها الغلا : من هي ؟ الدكتور : الدموع اللي عملاها زميلتك دي .. هو انتي ما سمعتيش فريد بيأول ايه الغلا رفعت راسها : فريد منو ؟! الدكتور بابتسامه : حد ما يعرفش فريد مين ! فريد الأطرش ابتسمت الغلا وكمل الدكتور : بيأول الحياه حلوه محلا انغامها ارقصوا وغنوا وانسوا همومها الغلا : وعبد الحليم قال جبار خدعتني ضحكته .. واللي معاي كان جبار وفعلا خدعتني ضحكته . بالكويت .. ناصر قام من النوم متأخر الصبح .. مو من عوايده كل مره يقوم الساعه 5.30 .. لبس لبسه ونزل تحت لأمه : صباح الخير ام حمد : صبحك الله بالنور .. شفيك يما متأخر اليوم .. دقيت عليك الباب ما رديت عليّ ناصر : نايم متأخر البارحه ام حمد : يما الغلا ما دقت عليك ؟ ناصر : لا يما .. ليش ما دقت عليكم ؟ ام حمد : لا يما ما دقت .. صار لها 10 أيام من سافرت ما سمعنا صوتها ناصر وقلبه مقبوض من الحلم اللي شافه بس ما بين لأمه : يما معاريس ما يبون احد يضايقهم بشهر العسل ام حمد : عيل انت لي عرست ورحت شهر العسل منت داق عليّ ناصر يضحك : اصلا انتي راح تركبين الطيارة قبلي انا ومرتي ام حمد تضحك : لا عيل مرتك كرهتني من الحين ناصر : تخسى ,, امي امي امي امي بعدين مرتي ام حمد : عساك سالم يما الله يرزقك ابنت الحلال اللي تسعدك ناصر ويحب راس امه : آمين .. يلا انا تأخرت مع السلامه ام حمد : حافظك الله .. الله يسهل دربك ناصر بالسياره : شهالحلم اللي حلمته .. انا حاس ان الغلا فيها شي مو معقوله موبايلها هي وخالد مغلق.. مو معقوله تقعد 10 أيام ما تكلمني انا متأكد ان فيها شي .. افكر ادق على فهد بس شقول له , اقول له خالد دق عليكم وإلا لأ .. والله فشله وبجذيه راح يحس ان حتى الغلا ما دقت علينا وانا ما بي اخرع احد عليهم ... آآآآآآه يا اختي عسى المانع خير صراخج بالحلم وانتي تناديني ليلحين باذني .. الله يستر . بالمانيا .. يومين وخالد ما شاف الغلا عقب آخر مره انهارت فيها لما شافته دخل على الدكتور وبعد السلام : بشر دكتور كيف هي زوجتي الحين الدكتور : زي الفل .. الحمد لله بدت تاكل خالد : ولمتى ما اقدر اشوفها دكتور انا تعبت الدكتور : لازم تصبر يا ابني .. هي لما تشوفك حتنهار وحنرجع من أول ما بدينا , الحمد لله هي بتتكلم معايا وانا النهارده أولت لبنتي تيجي تشوفها وتتعرف عليها يمكن تأدر تطلعها من القوقعه اللي هيا عايشه فيها والخوف اللي بعنيها , دي حتى مش عايزه تطلع بره الأوضه ! دخل الدكتور على الغلا لقاها توها مخلصه أكل : انا زعلان منك يا غوغا الغلا ابتسمت : عسى ما شر دكتور .. ليش زعلان مني ؟ الدكتور : تفطري أبلي وانا اللي مستني تصحى عشان افطر معاكي الغلا تضحك : مو مشكله افطر مره ثانيه انطق الباب ودخلت بنت سلمت وراحت سيدا واحضنت الدكتور : ازيك يا احلى جوزيف بالمانيا دكتور يوسف يضحك على بنته : اهلا يا احلى منى بالمانيا منى : واللهي .. ايه البكش ده يا بابا ما فيش حد بيسمي منى بالمانيا على الأأل أول يا احلى منى بمصر ضحك دكتور يوسف وبنته والغلا تطالعهم مبتسمه منى : ازيك يا غلا الغلا : الحمد لله بخير انتي شلونج منى : شلونك يعني ازيك .. صح ؟ الغلا مبتسمه : ايه صح منى : انا بعرف كويتي كويس .. انا كنت دارسه بالكويت وماما كانت تيشر انجليش بالكويت الغلا : يا هلا تشرفنا طلع دكتور يوسف وتمت منى مع الغلا تسولف معاها عن حياتهم بالكويت ومتى سافروا المانيا الغلا : الله ! صار لكم 4 سنوات وانتوا بالمانيا منى : تعودنا خلاص .. بابا مرتاح من شغلو هنا واخويا كمان الغلا : وامك ؟ منى : ماما سابت التدريس لما بابا قرر انه يهاجر لألمانيا وهي خلاص تاقلمت مع الوضع وبالبيت معاها بنت اخويا مسلياها الغلا : مرت اخوج معاكم بالبيت ؟ منى : لأ ساكنين لوحدهم بس بتجيب بنتها لماما الصبح لأنها بتشتغل فنون جميله الغلا : الله حلو مجالها .. انا احب الرسم والألوان منى : طب كويس نروح سوا نشوف مكانهم وبالمره تطلعي من الأوضه دي اللي كلها ادويه .. ايه رايك نخرج دلوأتي بالمستفى تحت فيه محلات انما ايه ضحكت الغلا منى : بتضحكي ليه ! انا بتكلم جد ... أومي أوأفي ؟ الغلا فاتحه عينها وتطالعها منى : ايه مالك ما تبصليش كده أومي وقفت الغلا ومسكتها منى من ايدها وتلف فيها الغلا تضحك : شنو عرض ازياء منى تضحك : ايوه , عايزه اجيب لك لبس عشان تنزلي بيه تحت معايا نعمل شوبنج ونشرب كوفي ... ايه رايك ؟ الغلا بنفسها (آآآه يا منى .. لو تدرين ان هالغرفه اللي انا فيها تحسسني بالأمان .. صرت اخاف اطلع واقابل الناس ) منى : يلا يا بت الغلا : اوكي بس مو اليوم منى : خلاص نخليها بكره عشان بالمره اجيب لك معايا حاجه تلبسيها هو انتي مش جايبه معاكي ملابس الغلا : ما بيهم .. ولا ابي اشوف المكان اللي طلعت منه حتى اغراضي كلها كرهتها منى : طب خلاص ما تدايئيش انا اجيب لك على زوئي الغلا : شكرا منى ما قصرتي الي ما تعرفه الغلا ان منى كانت على اتصال مع خالد تبلغه عن احوال الغلا وعن حالتها النفسيه وصحتها بشكل عام .., عرف خالد ان الغلا راح تنزل مع منى تحت للمحلات وعرف ان الغلا مستحيل ترجع للفيلا مرة ثانيه ولا تاخذ أي شي من اغراضها .., خالد عطى منى فلوس وقال لها أي شي تبيه الغلا تاخذه حتى لو بغت تشتري موبايل . نزلت الغلا مع منى اللي طول الوقت وهي ماسكه ايدها ومنى تسولف معاها وتضحك : يا لهوي يا لهوي الغلا : شفيج ؟! منى : بصي على الشاب الحليوه ابو بدله رمادي ده الغلا ببراءه : تعرفينه ؟ منى : يا ريت .. اعرفه منين .. يا لهوي عليه جوز عينين انما ايه الغلا : اذكري الله لا تنظلين الريال منى : يا ربي الرجاله عندهم حاجه تانيه طول وحلاوه وشياكه الغلا تضحك عليها : اللي يسمعج يقول اول مره تشوفين ريال منى : مش كل راجل راجل ياختي دخلوا محل ملابس نسائيه , منى وفاتحه عيونها : شوفي شوفي الغلا : شنو بعد ! منى : شوفي الراجل اللي واقف مع الست دي الغلا بالمصري : ماله ؟ منى : ياختي هو اعمى ما بيشوفش , الست اللي معاه عفشه ووشها يأطع الخميره من البيت وهو باسم الله ما شاء الله تأولي الان ديلون الغلا وهي تطالع منى : لا انا اقول يشبه عماد حمدي ههههههههه منى : بتتريئي حضرتك .. بعدين تلائي زي عماد فين والا زي فرقة شعره فين الغلا ضحكت : لا والله ما بتريئش عماد ده حبيبي تقريبا كل افلامه شايفتها كل محل يدخلون له منى تسوي لها قصه مع الزباين منى : شفتي الراجل اللي اخد الجزمه السوده مقاس 42 ! الغلا : أي راجل ؟ منى : ايه يا بت هو انتي بتمشي مغمضه الراجل اللي بمحل الشوز اللي عامل شعره على ورا وحاطط جل الغلا مبتسمه : ما شاء الله عليج انتي ما خليتي واحد ما حطيتي عينج عليه ! .. اشفيه بعد هالراجل ؟ منى : يا ختي كل حاجه فيهم حلوه .. اخد إياس الشوز 42 مش زي اللي عندنا مآساتهم 47 و 49 تئولي دايناصورات الغلا ضحكت بصوت عالي .. ماتدري بالعين اللي تلاحقها طول ما هي ماشيه مع منى.. خالد ( يا جعل ما انحرم من شوف هالضحكه يا رب .. اشتقت لك غلاي والله اشتقت لك ) الغلا : ليش عصام جم مقاسه ؟ منى : عصام حبيبي مش ديناصور أوي تئدري تأولي سيد إشطه الغلا ضحكت : حرام عليج سيد قشطه عاد رن موبايل منى وكان خطيبها عصام منى : جيبنا سيرت القط سيد إشطه عالموبايل الغلا تضحك : ردي عليه لا يقلب ديناصور منى بكل دلع : اهلا حبيبي عصام : اهلا حبيبتي ازيك منى : كويسه .. ازيك انت وازاي العيال وامهم عصام يضحك : ربنا يجيب العيال ويخلي ليا امهم , ازاي اللي سرآكي مني منى : الحمد لله ... حتتعشى عندنا النهارده ؟ عصام : ايوه باباكي لسه مكلمني, انتوا خلصتوا والا لسه ؟ منى : لسه شويه .. أعدين بالكوفي عصام : طيب اشوفك بالبيت .. سلام يا عسل منى : سلام يا سـ... يا إشطه سكرت منى وهي تضحك : كنت حأول سيد إشطه الغلا صار لها اسبوع بالمستشفى والحمد لله صحتها تحسنت ونفسيتها ارتاحت شوي لأن منى ما خلتها بروحها , خالد مو متقبله انها تشوفه او حتى تسمع صوته . دكتور يوسف : أولتي إيه يا بنتي الغلا تبجي : لأ يعني لأ انتهى الجزء الرابع عشر توقعاتكم قرائي الأعزاء , شبيصير بين الغلا وخالد بانتظار ردودكم دمتم بخير ........( اختكم غفران*) ا | ||||
|
| |
|
26-11-13, 09:23 AM
| #16 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| (( الجزء الخامس عشر ))( أيام من حياتي ) د. يوسف : انتي عاجبك حالك كده يا بنتي ؟ الغلا : .......................................... د. يوسف : مش ممكن حتأعدي بالمستشفى وانتي ما فكيش حاجه الغلا نزلت دموعها وما قدرت ترد على دكتور يوسف د. يوسف : انا ما بأولكيش كده عشان تعيطي , انا عاوز اساعدك أد ماأدر مش عاوز اسبيك كده وانتي مش راضيه ترجعي لجوزك وتسوء حالتك وترجعي تاني المستشفى . بعيد عن المانيا وبالتحديد في السعوديه //////////////////////////////////////////////// فهد : والله لو انت جنبي كان علمتك الحين خالد : هههههههه وش هالأستقبال ! فهد : تضحك بعد انت ووجهك .. اسبوعين يا الظالم لا تدق ولا ترد خالد : معرس يا اخي معرس .. افهم فهد : والمعرس ما يكلم اهله .. نوف كل يوم تدق عليّ تقول خالد كلمك والا لأ خالد يضحك فهد : شلونك يا معرس وشلونها العروس ؟ خالد : بخير الحمد لله مبسوطين فهد : عساه دوم ما هو بيوم خالد : تسلم يا الغالي .. وشلون اللي عندك ؟ فهد : الحمد لله ما نسأل الا عنك .. شلونها مرتك معك ؟ خالد تنهد : بخير .. تنحط على الجرح يبرى فهد سمع خالد وهو يتنهد : خير خالد وش فيك تعبان ؟ خالد : لا يا خوي ما فيني الا العافيه .. الحين صاحي من النوم وبعدي ما افطرت فهد يضحك : وين هي العروس ما فطرتك خالد بنفسه ( آآآآه لو تدري يا فهد وين هي .. لو تدري عن حالي واللي سويته ) خالد : العروس نايمه فهد : نوم العوافي .., دقيت على أهلك ؟ خالد : لأ انت أول واحد أدق عليه .. ما أدري اشتقت لك وحبيت اسمع صوتك حس فهد ان خالد فيه شي بس ما حب انه يضغط عليه : دق على أهلك نوف جننتني خالد : هههههه ان شاء الله .. أخليك يا الغالي سلم عالأهل .. فمان الله فهد : الله يسلمك يوصل ان شاء الله فمان الكريم قعد خالد يفكر بحاله هو والغلا اللي اصرت إنها ما ترجع معاه الفيلا : يا رب سترك .. وش السواة الحين .. وش هالمصيبه اللي طيحت نفسي بها .. اذا الغلا ما رجعت معي السعوديه راح انفضح اكيد . بالمستشفى منى : ايه رأيك تيجي معايا البيت الغلا سرحانه مني : اللي واخد عئلك يتهنابه الغلا تبتسم : انتي اللي ماخذه عقلي منى : عيني بعينك كده .. يا شيخه أولي غير الكلام ده .. يلا أولتي ايه ؟ الغلا : أولت ايه فإيه ! منى : تيجي معايا البيت ماما عازماكي عالعشا الغلا : سيد قشطه بيكون موجود ؟ منى : هههههه لأ انا وانتي وبابا بس راحت الغلا مع منى والدكتور يوسف لبيته ولما شافت ام منى شهقت : ابله آمال أمال تطالع الغلا : اهلا حبيبتي اتفضلي شكلك عارفاني الغلا وهي تسلم على آمال : ومنو ما يعرف ابله آمال تيشر الأنجليش في ثانوية..... ابله آمال ما تذكريني انا الغلا ال ............ انتي الوحيده اللي كنتي تناديني وقبل لا تكمل الغلا كلامها قالت آمال : غوغا الغلا وهي تضحك : ايوه لمت آمال الغلا اللي ادمعت عينها .. لاحظتها آمال : ليه الدموع دلوأتي يا غوغا الغلا : تذكرت الثانويه وايامها ... آآآآآه يا ليتها ترجع منى : اللي بيروح ما بيرجعش .. ولا ايه يا بابا د. يوسف : انا بئول ناكل احسن الضيفه اكيد جعانه منى : بابا هي دي بتجوع ! قول انت اللي جعان يا جوزيف تغدوا ودخلت الغلا مع منى غرفتها ,,,,,,,,,,,,,,,,,,,,,,,,,,,,,,,,,,,,,,,,, آمال : حتعمل ايه دلوأتي يا يوسف د. يوسف : لازم اكلمها تاني جوزها كل يوم يكلمني وهي مش عايزه تشوفو ولا تكلمو آمال : سيبها عندنا كم يوم نفسيتها ترتاح ونئدر نكلمها د. يوسف : تفتكري جوزها حيوافأ ان مراته تبات بره آمال : يعني هي بايته بالشارع , ما انت بتأول انها مش عاوزه ترجع له .. والمستشفى خلاص انت عملت لها خروج .. يبئى حتبات فين ؟ د. يوسف : معاكي حأ .. انا حكلم جوزها وأأول له تمت الغلا نايمه اسبوع في بيت الدكتور يوسف .. وخالد حالته ما يعلم فيها الا الله في هالأسبوع الغلا شرت موبايل وكلمت امها وناصر وخواتها ويدتها وصديقاتها ميمي واميره .... وراتاحت نفسيتها بهالأسبوع وهي مع منى وبعيده عن خالد ,,,,, نادى الدكتور يوسف الغلا علشان يكلمها بموضوع خالد د : اتفضلي يا بنتي الغلا : مساء الخير دكتور د : مساء النور .. أهلا يا بنتي ازيك الغلا : بخير ولله الحمد والفضل لله ثم لك دكتور وخالتي ومنى د : احنا ما عملناش حاجه وانتي يا غوغا زي منى بنتي الغلا : مشكور دكتور ما قصرت د : انا عايز اتكلم معاكي بموضوع ومش عايزك تتدايئي مني الغلا : تفضل دكتور د : خالد .. فيه كلام عاوز يئولهولك ولازم تسمعيه الغلا غمضت عيونها وعقدت حواجبها ونزلت راسها : ما أقدر دكتور د : يا بنتي جوزك تعبان أوي الأسبوعين اللي فاتوا ما كانش بينام ولا بياكل كويس الغلا : يمثل عليك دكتور د : حرام عليكي ما تضلمهوش ده حتى مره وهو بيسأل عنك نزلت دموعه الغلا : دموع تماسيح لا تصدقه دكتور يوسف بنفسه ( اقنعها ازاي دي .. دماغها ناشفه .. ما فيش غير أأول لآمال تكلمها ) الغلا : دكتور يوسف لو سمحت اذا تقدر قول لخالد اني ابي اسافر لأهلي د : ايه رأيك انتي اللي تأوليلو دخلت آمال عليهم : أأدر أدخل ولا فيه موضوع خاص د : تعالي يا آمال احضرينا آمال تكلم الغلا : خير ماله الحلو مكشر الغلا : سلامتج خالتي د: اتصل خالد عايز يكلم مراته بموضوع مهم وهي مش راضيه تتكلم وياه آمال : ممكن بعد ازنك يا يوسف حاخد منك غوغا شويه د : وترجعيها زي ما هيه دي امانه عندي ماشوفهاش ناقصه ايد والا رجل آمال : هههههههه ما تخافش دي في عنيه آمال راحت الحديقه مع الغلا ويابت لها عصير ليمون آمال : ليه يا غوغا مش عايزه تأبلي جوزك ؟ الغلا : ما ني طايقه اشوف ويهه آمال : لحد إمتى ؟ الغلا : لحد ما أموت آمال : بعد الشر عليكي بعد عمر طويل .. اسمعي يا بنتي احنا ستات ونفهم بعض مهما عمل الراجل لازم نتحمل ونصبر , مش من اول مشكله نسيب البيت ونروح لبيت ماما وبابا وخلاص انا مش عايزاك طلئني .. لا يا حبيبتي الحياه مش كده زي ما فيها المر فيها الحلو برضه الغلا : وانا ما شفت فيها إلا المر آمال : إديلو فرصه وحتشوفي منه الحلو الغلا تبجي : ما اقدر خالتي اقعد معاه ولا اقدر حتى اطالعه آمال : انا عندي فكره .. تآبليه في مكان عام الغلا : ................................... آمال : غوغا حبيبتي لازم تأبليه لازم تتكلموا مع بعض الغلا : بروحي مستحيل آمال : خلاص خودي منى معاكي , اسمعي منو ويسمع منك واتفئوا على حل يرضيكو انتوا الأتنين ..... ها أولتي ايه ؟ الغلا : ........................... آمال : انا بكلمك علشان مصلحتك .. أهاليكو مستنينكو ما تكسروش فرحتهم بيكم الغلا وتمسح دموعها : صدقيني خالتي طول هالأسبوع وانا ما أفكر الا في أهلي وأهله , انا عارفه ان مالهم ذنب في اللي صار لي بس انا مو متقبله اني اشوفه آمال : حاولي واضغطي على نفسك حبه وسبيه هو يأول كل اللي عنده .. عجبك خير وبركه ما عجبكيش أولي انتي الكلام اللي عندك . يوم اللقاء 7 7 7 7 7 7 7 7 7 7 دقت منى على خالد واتفقت معاه على مكان يقابل فيه الغلا .. قعدت منى مع الغلا يشربون كوفي .. دخل خالد وشافته منى واشرت له منى : يلا جوزك جاي الغلا بخوف : منى الله يخليج لا تبعدين خلج يمي منى : ما تخافيش انا بالطاوله اللي ابالك خالد يقرب منهم : السلام عليكم منى : وعليكم السلام اهلا استاز خالد تفضل قعد خالد وعيونه على الغلا اللي من سمعت صوته نزلت راسها منى : اسيبكو تاخدو راحتكو رفعت الغلا راسها لمنى وبعيونها خوف .. غمزت لها منى واشرت لها على الطاوله اللي ورا خالد خالد : شلونك غلا الغلا منزله راسها وما ردت عليه خالد : غلا قبل لا اقول الكلام اللي عندي حبيت اني اعتذر منك الغلا منزله راسها ومغمضه عيونها خالد : غلا انا ........بهاللحظه رن موبايل الغلا الغلا : الو ناصر : هلا والله بأحلى الو شلونها توأم روحي الغلا بصوت هادي : بخير الله يسلمك .. انت شلونك وشلون امي ناصر : اشفيج ؟ صوتج متغير الغلا : سلامتك يمكن داشني برد احس بلعومي يعورني ناصر : انتي وينج بالفندق ؟ الغلا : لأ .. قاعده بكوفي ناصر : خالد وياج الغلا بكل ألم : ايه ناصر : عطيني اكلمه الغلا كل ما فيها يرجف شفايفها وايدينها .. حطت الموبايل على الطاوله ودزته صوب خالد وهي منزله راسها ما تبي تشوفه عرف خالد ان اخوها يبي يكلمه ولقاها فرصه علشان يقطع أي شك يفكرون فيه خالد : الو ناصر : هلا والله بالنسيب شلونك خالد خالد : هلا بك بخير الله يسلمك انت شلونك وشلون الأهل ناصر : بخير ولله الحمد ما نسأل الا عنكم , شلون عروستنا وياك خالد يطالع الغلا : الحمد لله بخير ناصر : عساكم دوم بخير .. امي تسأل عنكم دوم وتسلم عليك خالد : الله يسلمك ويسلمها ,, سلم عليها ناصر : الله يسلمك يوصل ان شاء الله ,, عطني الغلا ما عليك أمر خالد مد الموبايل لغلا : اخوكي يبغى يكلمك الغلا نطرته لما حط الموبايل على الطاوله خذته وغمضت عيونها شمت ريحة عطره بالموبايل : هلا ناصر : غلا ناقصج شي تبين ادز لج فلوس بعد ؟ الغلا : بعدين ادق عليك ناصر : ههههههه كل هذا حيا ليلحين مستحيه تطلبين منه فلوس؟ الغلا :....................... ناصر : اذا بغيتي شي دقي .. اوكي الغلا : اوكي ناصر : يلا مع السلامه الغلا : الله يسلمك ,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,, ,,,,,,,,,,,,, خالد : مطوله وانتي منزله راسك الغلا وهي منزله راسها وبأسلوب جاف : قول اللي عندك بلا مقدمات ما لها داعي خالد تنهد : باقي اسبوع وينتهي الشهر .. وش قررتي الغلا وهي صاده : ارجع لأهلي خالد بكل هدوء : وما فكرتي وش بيقولوا أهلك لما يشوفوكي راجعه لهم بعد شهر الغلا : ما اتفقنا وكل واحد يشوف حياته خالد وبكل صدق : وانتي كل حياتي الغلا بعصبيه : وغير هالكلام خالد : غلا انا ادري اني غلطت عليكي وانا نادم على اللي سويته واطلب منك السموحه .. غلا لا تعاقبيني بأهلي هم مالهم ذنب .. انا من اسبوع مكلمهم .. نوف تبكي تقول اكيد الغلا زعلانه ما تبغي تكلمني الغلا بنفسها (بعد عمري يا نوف , حسافه خالد اخوج ) خالد : غلا انا عندي راي وارجوكي اسمعيني للآخر عشان نقطع كلام الناس اللي اكيد راح يطلع لما ارجع لحالي وانتي ترجعي لأهلك .. انا اقول انك لازم ترجعي معي للسعوديه الغلا وهي منزله راسها : مستحيل .. مستحيل خالد : غلا امي عامله ترتيبات لرجعتنا وناويه تعمل لنا حفله اذا رجعنا ومعزمه كل اهلنا وقرايبنا الغلا منزله راسها ودموعها ماليه عينها ( يا رب ساعدني يا رب ساعدني ) خالد : غلا تكلمي قولي شي لا تسكتي الغلا بعد تفكير بالكلام اللي قالته لها ابله آمال والتفكير بأهلها وأهله الغلا : وين بكون اذا رجعنا خالد : في بيتنا .. في جناحي الغلا : فيه شروط لرجعتي للسعوديه خالد : آمري حبيبتي الغلا : لا تقول حبيبتي لأنها مو حلوه بلسان المنافقين .. تحط في بالك انك راح تطلقني , واذا رجعت معاك انت بغرفه وانا بغرفه لا تكلمني ولا اكلمك , وبعد شهر راح ارجع لأهلي وورقة طلاقي معاي خالد غمض عيونه وحط ايده على راسه ( لازم اوافق ما بيدي شي ) : اللي تامرين فيه يصير طلعت الغلا ورقه وقلم وكتبت شروطها ومدت له الورقه وهي صاده عنه : وقع خالد فتح عينه منصدم : على وشو ؟!!! الغلا : على انك راح تنفذ شروطي خالد بكل الم : غلا .. هذا حكم عليّ بالإعدام !!!!!!! الغلا بانفعال : انت ذبحتني وآثار ذبحك ليلحين مأثره فيني ولا راح تروح خالد : طيب كل شروطك مجابه بس امسحي كلمه الطلاق الغلا : هاذي اهم ورقه لازم احصل عليها واحلف لك انها اهم من شهادة تخرجي من الجامعه .. هالورقه راح تطلعني من جحيمك .. وبصراخ : توقع والا امشي وقع خالد الورقه خذتها الغلا وحطتها بالجنطه وتوها بتقوم خالد تكلم : لحظه غلا ... غلا لي متى وانتي قاعده في بيت الدكتور يوسف ذا مهما كان رجال غريب . الغلا بينها وبين نفسها تدري ان وضعها عندهم غلط لكن ما بيدها شي تسويه والدكتور يوسف كان منقذها الوحيد كان حبل النجاة لها خالد : غلا اذا ما تبغي ترجعي الفيلا نسكن في فندق انا ما عندي مانع الغلا : ما تجمعني معاك غرفه خلاص .. والغريب اللي تقول عنه حسيت معاه بالأمان اللي ما حسيته معاك , وانا طلعه من بيت الدكتور يوسف ماني طالعه الا على المطار خالد : ليه قسى قلبك كذا الغلا : البركه فيك .. انت استاذ من يعلم القساوه قامت عنه وخالد ناداها : غلا نسيتي جوالك اخذت الغلا الموبايل وحطته داخل كوب النسكافيه !! الغلا وهي صاده : ما احتاجه يوم انك لمسته لأن أي شي تلمسه يقرفني قامت وهي تمسح دموعها ومشت بسرعه صوب الباب , التفت خالد على منى واشر لها تلحقها . خالد منصدم من الغلا ومن كلامها معاه ,, ما توقع ان كل هالقساوه والكره في قلبها ( هاذي اول الصفعات اللي قالت لي عنها ؟!!!! ) ,,,,,,,,,,,,,,,,,,,و منى : غلا .. غلا استني يا بت .. ايه انستيني الغلا : آسفه منى .. كنت مخنوقه وابي اشم هوا منى : طيب أتفأتوا على ايه ؟ الغلا مبتسمه : باركيلي .. شهر واكون حره (وكملت وهي تغني) وأطير أطير زي العصافير منى : عصافير ايه وغربان ايه ما تتكلمي عدل يا بت الغلا : يعني خالد راح يطلقني .. وهذا شرطي علشان ارجع معاه شهقت منى وفتحت عيونها : انتي اكيد مجنونه , فيه حد يخرب بيته بايده الغلا: يا هبله انا مش بخربه انا بابنيه منى : ؟؟؟؟؟!!!!!!!!!!! الغلا : منى باجر ان شاء الله نروح نشتري موبايل منى : ليه ؟ هو موبايلك فين ؟ الغلا : ضاع منى : امتى ؟!! انا لسه شايفاه معاكي الغلا : موديله قديم وبشتري غيره فيه مانع ؟ منى : طبعا لأ بس ما تكشريش كده بالمطار خالد قاعد يم الدكتور يوسف والغلا يم منى , الغلا ما معاها الا جنطه ايدها وهاندباج صغيره فيها اغراضها الشخصيه , كل شي يابته معاها لألمانيا ماخذته كرهت كل شي حتى ملابسها . اعلنوا عن الرحله .. ودعت الغلا منى بالأحضان والدموع الغلا : شكرا منى على كل شي سويتيه لي ما راح انسى وقفتج معاي في الظروف اللي مريت فيها منى : ما تأوليش كده ده احنا خوات الغلا : ونعم الأخت والله منى : ابئي طمنيني عليكي وما تأطعيش .. اوعي تنسيني الغلا بابتسامه من بين دموعها وبصوت واطي تغني : انساك ده كلام .. اهو ده اللي مش ممكن ابدا ولا افكر فيه ابدا مش ممكن منى تضحك : حتوحشيني .. تعودت اشوفك كل يوم الغلا : رقمج عندي راح نتكلم مع بعض كل يوم منى : اكيد الغلا : منى امانه .. عندي هديه ابييج توصلينها لأحلى قلوب قابلتها بألمانيا فتحت الغلا جنطتها وطلعت منها كيس فيه 3 علب وعطته منى منى : لمين ؟! الغلا : اذا وصلتي البيت افتحيه كل علبه عليها اسم ياهم الدكتور يوسف : يلا يا بنتي جوزك مستنيكي الغلا : اشوف وشك بخير دكتور يوسف فعلا كنت لي نعم الأب د. يوسف : ده واجبي يا بنتي .. وربنا يهدي سرك انتي وجوزك , سدأيني يا بنتي خالد بيحبك .. اديلو فرصه خليه يفهمك وانتي افهميه علشان تمشي حياتكو زي ما انتم عايزين واحسن كمان .. اوعديني يا غوغا الغلا بابتسامه : ان شاء الله .. دكتور يوسف شكرا على مساعدتك لي واهتمامك فيني واستضافتي في بيتك .. ما راح انسى فضلك عليّ د. يوسف : انا ما عملتش حاجه استاهل عليها الشكر ده كله .. ربنا العالم انك دخلتي ألبي زي منى بالزبط الغلا : تسلم دكتور من طيب اصلك د. يوسف : يلا بئى جوزك يستنى .. دلوأتي حيدبحني الغلا : اذبحه قبل لا يذبحك دكتور يوسف يضحك : يا ساتر وصلنا للدبح يلا امشي بسرعه يلا مشى خالد وهي وراه وكل شوي تلتفت وتلوح بايدها لمنى وابوها ,, دخلت الطيارة واضطرت تقعد يم خالد وطول الرحله وهي ساكته وصاده عنه (عورتها رقبتها المسكينه) ما عطته مجال يكلمها .. كانت ماسكه كتاب تقرا فيه حتى الأكل ما كلت ولا حتى شربت ! وصلت الطيارة للسعوديه , الغلا تحس انها راح تطيح من التعب , خلص خالد الإجراءات واخذ تاكسي وراح للبيت . (( شراح يصير لبطلتنا في بيت اول مره تعيش فيه وشلون راح يتصرف خالد معاها ....... تابعوني )) دمتم بخير .........(اختكم غفران*) | ||||
|
| |
|
26-11-13, 09:24 AM
| #17 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| (( الجزء السادس عشر )) ( أيام من حياتي ) \\\\\\\\\\\\\\\\\\\\\\\\\\\\\\\\\\\\\\\\\\\\\\\\\\ \\\\\\ وصل خالد والغلا الساعه 3 قبل الفجر .. كل اهل البيت نايمين , صعد خالد فوق لجناحه والغلا وراه فتح الباب : تفضلي تو ما نور المكان بوجودك . دخلت الغلا وما ردت عليه.. وقفت تطالع المكان ,, الجناح كان وايد فخم .. اثاث راقي وستاير فخمه وطوف منقوشه بورق الجدران ..لكن ,,, كل هذا ما حست فيه الغلا ولا بهرها لأنها ما دخلته كأي عروس سعيده يايه فرحانه من شهر العسل ..... ولأنها تعبانه راحت تمشي وتفتح البيبان ,,, اول باب فتحته كانت غرفه مكتب .. الغلا بنفسها (اكيد مالته شين الحلايا) الباب الثاني كان الحمام , فتحت الباب الثالث لقت مطبخ تحضيري , والباب الرابع غرفه داخلها حمام .. فتحت الباب اللي يمه وسكرته بسرعه لأنها كانت غرفه النوم ,,اخذت الهاند باج وراحت للغرفه اللي فيها حمام , حمدت ربها ان فيها مفتاح قفلت عليها الباب ووقفت تتأمل الغرفه .. كانت مفروشه فرش ناعم .. سجاد وبالزاويه كرسيين وبينهم طاوله صغيره , وبالزاويه الثانيه قطعه زل ماخذه شكل دائري ودار مدارها كوشيات ملونه,,,,,,,,, قعدت الغلا على الأرض وتسندت عالطوفه .. ولفت بعينها على الغرفه وعلى كل زاويه فيها ,, أخذت وحده من الكوشيات ولمتها وبجت : وينج يما .. تعالي شوفي بنتج والمكان اللي بتنام فيه !! يما .. اشتقت لغرفتي .. لسريري .. لمخدتي يما .. اشتقت لحيطانها وشباكها ولمكتبي يما ضميني .. ارجوج اخذيني لغرفتي ولهت عليج وعليها .... ولشهادتي اللي أصريتي تحطين يمها ورقة ملجتي ما تدرين يما ان بعد شهر بتنحط يمها ورقه حريتي ( بقلمي) وينج يما ,, وينج اديده .. تعالوا اخذوني انا تعبانه ,, احس اني مخنوقه ,, احس قلبي يعورني ,, احس اني ضعيفه .. مكسوره .. مقهوره .. ابي حضن يلمني ويدفيني .. ابي قلب يحس فيني .. ابي قوه جباره ترجع كرامتي من اللي عذبني واهاني ,,,,,,,, بجت الغلا ونامت وهي لامه الكوشيه ,, نامت على الأرض من غير لحاف . دق خالد عليها الباب لكنها ما ردت عليه ,, كان بيقول لها تنام بالغرفه بس ما عطته فرصه حتى ان يعطيها لحاف ومخده . الساعه 10 الصبح نزل خالد تحت وشاف امه ويدته وبعد السلام ... ام عيسى : ها يمي ان شاء الله استانستوا خالد : ايه الحمد لله الجده : اجل وين هي العروس ؟ خالد : نايمه جده ,, حنا واصلين الفجر قعدوا يسولفون وعلى الساعه 11 دخلت نوف : خاااااااااااالد !! هلا والله بالمعرس الحمد لله على السلامه وينك يا خوي طولت خالد يضحك ويسلم على اخته نوف : وين الغلا ؟ لا يكون أكلتها والا نسيتها بألمانيا الغلا وبصوت هادي : التفتي تلقيني نوف بصرخه قويه : الغلاااااااااا هلا حبيبتي نورت السعوديه .. نور بيتنا هلا بأحلى كويتيه هلا بالغاليه مرت الغالي الحمد لله على السلامه الغلا مبتسمه : الله يسلمج ... سلمت الغلا على الجده وخالتها وصدت عن خالد وقعدت يم نوف ,, اخذت نوف ايد الغلا وشبكتها بايدها .. الغلا مبتسمه نوف : خالد انتو رايحين ألمانيا والا أفريقيا ! خالد يضحك : ليه ؟ نوف : ما تشوف زوجتك ! صارت جلد على عظم الغلا تطالع نوف وبصوت واطي : عظم بعينج نوف تضحك : لا تزعين عظم على جلد ام عيسى : ايه صدق يمي ضعفانه واجد الغلا : لا خالتي يتراوالج انا زايده كيلوين نوف : وين زايدتهم برموشك والا بحواجبك !! الجده : ان شاء الله استانستوا يمي الغلا غمضت عينها وتنهدت ونوف تطالعها (وطبعا خالد من دخلت ما شال عينه من عليها مع انها صاده عنه) نوف : هييييه لا يكون تبغي ترجعي ثاني .. مستحيل رجلي على رجلك ما هو كفايه شهر كامل ما كلمتيني (وتسوي نفسها تبجي) حرام عليكي اهيء ام عيسى تضحك : بس يا بنت اعقلي جننتيها دخل ابو عيسى قام خالد سلم عليه ووراه الغلا ابو عيسى : كيف العرسان ان شاء الله طيبين نوف : الحمد لله عمي بخير الله يسلمك وانت شلونك بشرنا عنك ابو عيسى يضحك على بنته ويلتفت لأم عيسى : اقول فاطمه .. انتي متأكده ان بنتك ذي عرسها بعد 4 شهور الكل ضحك ونوف برطمت وقامت وهي تير الغلا معاها : خلاص انا زعلت ام عيسى : انتي زعلانه عرفنا .. ليه جاره غلا معاكي نوف : عشان تواسيني وتخفف عني, وتلتفت للغلا : مو بصح الغلا مبتسمه وتلمها : صح ونص .. والغلا تغمز لخالتها : خلاص خالتي حتى انا زعلانه ,, وانا ونوف مسوين اضراب اليوم ,, نوف تساسرها : اضراب على وشو ؟! الغلا : اقول لك بعدين الغلا بابتسامه ذوبت خالد : عن اذنكم خالد ( اه يا الغلا ياحلوك لي ابتسمتي وجهك يزداد حلاه .. آآآآه يا خوفي تقولي لنوف عن اللي صار بينا وتفضحيني ,, ) << افا عليك يا خالد ما عرفت الغلا عدل ,,,, غفران >> بغرفة نوف .. : والله يا الغلا اشتقت لك واجد ليه ما كنتي تكلميني ؟ الغلا مرتبكه : ها .. موبايلي طاح وانكسر وعلى ما شريت واحد ثاني دقيت عليج بس ما جمع وياي الخط ( استغفر الله كله منك ياخالد .. الظاهر راح اجذب وايد من دخلت البيت ) ,, قعدوا يسولفون والغلا قالت لنوف تروح معاها السوق لأنها تبي تشتري لها جم غرض . الساعه 2 نزلت نوف والغلا للغدا , شافت الغلا عيسى وزوجته وعيالهم وحماتها انوار سلمت عليهم ,, الغلا حمدت ربها ان نوف سحبتها تقعد يمها بطاوله الطعام ام عيسى : بس يا نوف جننتيها اتركيها تقعد جنب زوجها نوف : شهر وهي مجابلته لاعت كبدها .. صح الغلا الغلا بابتسامه وهي تطالع نوف : صحين نوف وهي تطالع امها : شفتي .. اووووه نسيت (وهي تطالع الغلا) موحنا مسويات اضراب ؟ الغلا مبتسمه : بس خلاص اضربنا 3 ساعات نوف : يعني مو بضاربه عن الأكل ؟ خالد : نوف خلي زوجتي تاكل من امس موبماكله شي الغلا من سمعت خالد نزلت راسها وغمضت عينها وهدت القفشه من ايدها .. خذت قلاص ماي وشربت منه شويه وقامت : عن اذنكم ام عيسى : وين يمي ما اكلتي الغلا : شبعت خالتي عساه دايم الغلا وهي تصعد فوق وبنفسها (اكرهك حتى صوتك ماني طايقه اسمعه اوريك يا خالد الأيام السوده اللي عشتها بألمانيا لعيشك ايام اسود منها.. واكسر غرورك وانزل راسك .. والكف اللي عطيتني اياه راح اعطيك اياه عشر وراح تشوف الكويتيه شراح تسوي وهذا واحد من الكفوف ) ابو عيسى : علامها مرتك يا خالد كنها زعلت ! خالد بارتباك : لا يبا على وش تزعل ,, بس هي من امس موب نايمه .. وتدري تعب السفر وهي اذا تعبانه ما تشتهي تاكل ابو عيسى سكت وحس ان فيهم شي خلصوا غدا وكل راح لغرفته ,, صعد خالد لجناحه وراح للغرفه اللي نامت فيها الغلا فتحها لقاها مقفوله .. طق الباب مرتين بس ماردت عليه خالد ( هذا اول الغيث ,,,, سترك يا رب .. انا اذا ما اتفقت مع الغلا على عيشتنا وعلاقتنا مع بعض قدام اهلي راح انفضح اكيد ,, آآآآآآآآآآآآآآآآآآآه .. الغلا موب معطيتني فرصه اتكلم معها ولا اشوفها .. وش اسوي .. شلون اتصرف معها .. شلون اكلمها .؟. صدعت من كثر التفكير ,, من امس والغلا شاغلة بالي حتى النوم ما نمت زين ,, الله يعدي هالايام على خير ) الساعه 5 الغلا تكلم نوف : ها زاهبه نوف : بنروح مع خالد ؟ الغلا بنفسها (ياكل تبن) : لا مع السايق نوف : لحالنا !!! الغلا : لا ناخذ معانا خالتي وامي فاطمه وانوار والخدم ونمر على اختك دلال وناخذ عمر ويانا ومره وحده ناخذ الجيران بعد نوف : تتريقي حضرتك الغلا : ما ادري عنج .. يلا خلصيني 5 دقايق وبنزل تحت نزلت الغلا مع نوف ولقت خالتها وعمها والجده يشربون شاي وبعد السلام الجده : اقول يمي نقول للخدم يحطون لك غدا الغلا : لا يما مو يوعانه ام عيسى : ما اكلتي شي عالغدا الغلا : خالتي انا بروح مع نوف السوق واذا يعت آكل هناك ابو عيسى : مع من بتروحون ؟ الغلا : مع السايق عمي ابو عيسى : زين ديروا بالكم ولا تتأخرون الغلا : ان شاء الله عمي ابو عيسى : محتاجه شي يابوك نوف : ايه والله يبه وش دراك اني ابغى فلوس ام عيسى : وانتي من كلمك نوف : يما موبأنا والغلا واحد .. يعني اذا ما خذت هي آخذ انا دخل خالد سلم وقعد يم ابوه ,, ابو عيسى طلع 5 آلاف وعطاهم الغلا : خذي يبه بالنصيفه بينكم تقوم نوف وتحبه على راسه : ياااااااجعل عمرك طويل يا بوعيسى الغلا : مشكور عمي ما قصرت بس انا عندي ابو عيسى : عيب ترديني يا بنتي خذيهم وخليهم مع اللي عندك نوف : حبيبتي اذا ما تبغيهم عادي الغلا وهي منزله راسها : عليج بالعافيه ابو عيسى يكلم البنات : يلا قوموا روحوا ولا تتاخرون نوف : يبا تدري بالسوق واللف على الملابس يبغالنا وقت ام عيسى : وانتي ما تشبعي ملابس ؟ نوف : يما موب لي للحلوه اللي جنبك التفت خالد عليها لقاها تخز نوف وبنفسه (ما قالت لي انها بتروح السوق هاذي وين قاعده .. تحسب نفسها بالكويت ,, آآآآه يا خالد كيف تبغاها تقول لك وهي حتى موب طايقه تشوفك ولا تسمع صوتك !!) خالد يوجه كلامه لنوف : خذوا معكم الخادمه نوف : ان شاء الله , يلا الغلا بسياره السايق يات الخدامه بتركب قالت لها الغلا تييب لها بطل ماي , راحت الخدامه داخل والغلا قالت للسايق يحرك . نوف : الغلا اصبري ما جات ميري الغلا : ما نبي احد معانا نوف : بس خالد قال خذوها معاكم الغلا : ما كو مكان بالسياره نوف فاتحه عيونها : كل ذا وما فيه مكان !! تقعد جنب السواق الغلا ابرود : ما يجوز تقعد يم السايق بعدين خليها تكمل شغلها بالبيت احسن خالد شاف ميري داخله البيت وبايدها بطل الماي : انتي ما رحتي ؟ ميري : بابا هازا سواق رووه خالد يدق على نوف .. نوف شافت الرقم : يا ويلي الغلا هذا خالد يدق الغلا : ليش يا ويلج .. ردي عليه شنو بيذبحج نوف : هلا خالد خالد : مشيتوا ؟ نوف : ايه خالد معصب : وانا وش قلت ؟ نوف : الغلا ما تبغي احد يجي معنا سكر خالد من نوف ودز للغلا ماسيج خالد : حبيبتي اللي تسويه هذا غلط انتي مانتي بالكويت الغلا : كيييييييفي انت مالك حكم عليّ وبعدين لا تقول حبيبتي خالد : طول ما انتي على ذمتي لي حكم عليكي يا حبيبتي الغلا : احكم نفسك اول وبعدين تعال احكمني اكرهك يا خالد اكرهك خالد : وانا احبك يا غلا روحي احبك الغلا : حبتك القراده قول آمين خالد : ههههههه مقبوله من الغاليين الغلا ( متى ارتاح منك .. هم على قلبي ,, هم على قلبي ) سكرت الغلا موبايلها ونزلت السوق .. شرت لها جم بدله وجم دراعه وبنطلونات وتيشيرتات وبجامات وملابس داخليه ولحاف ديباج , والساعه 8 دقت نوف على السايق علشان ياخذ الأغراض . الغلا : نوف يوعانه نوف : تبغي شيليز الغلا : اوكي قعدوا ياكلون وفتحت الغلا موبايلها وياها اتصال : هلا والله بالغاليه ميمي : هلا فيج يا العروس وينج ليلحين ناقعه بالعسل ؟ الغلا : هههههههه .. انتي شلونج حبيبتي شخبارج .. ها ليلحين ما ولدتي ؟ ميمي : لا ليلحين بس ما اقدر امشي حاسه روحي ثقيله الغلا : امشي الحركه زينه تسهل الولاده الله يسهل عليج يا قلبي ميمي : آمين .. انتي شخبارج وشلون خالد وياج الغلا بغصه : بخير ماشي الحال .. توني واصله الفير ما امداني اتأقلم مع الوضع ميمي : أي وضع ! الغلا : وضع البيت والحموله ميمي : الله يعينج .. يلا يا العروس اخليج لا تقطعين عاد اتصلي الغلا : اوكي وان شاء الله نسمع اخبار حلوه قريب ميمي : ان شاء الله يلا مع السلامه سكرت الغلا الموبايل وهي مبتسمه : اليوم لقاء الأصدقاء نوف : أي اصدقاء ؟ الغلا : قبل لا اطلع مكلمه منى والحين ميمي نوف : من منى ذي اول مره تحكي عنها الغلا : منى تعرفت عليها بألمانيا بس انا كنت اعرف امها كانت مدرستي في الثانويه نوف : اها .. يلا غلا خلصتي ؟ تأخرنا الغلا : تو الناس الساعه ما صارت 9 نوف : احلفي .. قومي اقول قومي ساعه ويجي ابوي البيت وما يلقانا ويعصب علينا توهم بيقومون شافت نوف خالد وفهد يايين صوبهم : السلام عليكم رفعت الغلا راسها صدت عن خالد وطالعت فهد وردت عليه السلام فهد : الحمد لله على السلامه الغلا : الله يسلمك فهد : خلصتوا ؟ ما شوف اكياس عندكم نوف : جاء السواق اخذهم قعدوا خالد وفهد وقامت الغلا : يلا نوف قامت نوف وقعدها فهد : وين لسه بدري الغلا توجه الكلام لفهد : احنا من زمان بالسوق وخلصنا .. اذا نوف بتقعد مو مشكله امشي انا فهد يكلم خالد : هييه يا المعرس وش فيك ساكت قعد مرتك خالد كان يطالع الغلا وحس بارتباكها ارتبكت الغلا ولاحظها فهد : نوف بتقعدين ؟ نوف منحرجه : لا .. يلا حنا بنمشي ابوي قال لا تتاخرون خالد ونظره ليلحين عالغلا : ما عليه اقعدوا نتعشى ونمشى الغلا صدت ومشت عنهم ونوف لحقتها : وين ؟ انتهى الجزء السادس عشر دمتم بخير ........( اختكم غفران* ) | ||||
|
| |
|
26-11-13, 09:25 AM
| #18 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| (( الجزء السابع عشر )) ( أيام من حياتي ) نوف : الغلا .. وين ؟ الغلا : بروح الحمام نوف : اجي معاكي الغلا : لآ راحت الغلا الحمام ودقت على السايق : انت وين ؟ السايق : مدام انا روه بابا خالد يقول روه بيت الغلا : ارجع تعال واذا وصلت سو تليفون انا مو بابا (زفت) خالد السايق : اوكي مدام 5 دقايق ووصل السايق دق للغلا وطلعت ركبت معاه : روح البيت السايق : مدام نوف ما يجي ؟ الغلا : لا بترجع مع بابا خالد دقت نوف على الغلا : وينك ؟ كل ذا حمام ! الغلا : نوف اعتذري من اللي معاج انا رجعت البيت مع السايق نوف شهقت : ليه ؟! الغلا : تعبانه .. بعدين ما حبيت اخرب عليج الجو انتي وفهد نوف : وش هالكلام الله يهديكي والله خالد يعصب الحين الغلا بنفسها (يطق راسه بالطوفه عساه ما رضى) : نوف حبيبتي والله تعبانه وفيني النوم يلا باي . وسكرت الخط خالد : وش فيكي وجهك تغير .. وين الغلا ؟ نوف منزله راسها : رجعت البيت خالد نزل راسه وفرك ادينه فهد يكلم نوف : مع من ؟ نوف : مع السواق فهد : لحالها ؟! نوف : ايه .. تعتذر منكم تقول تعبانه فهد : يلا مشينا خالد يرفع راسه : وين .. ما تبغي عشا فهد حس ان فيه شي بين خالد والغلا بس ما تكلم وخاصه نوف معاهم فهد : أي عشا الله يهديك قم شوف زوجتك وش فيها قام خالد وحس ان فهد شك ان فيه شي بينه وبين الغلا ,, وصلت الغلا وراحت لغرفتها اخذت شاور ولبست بجامه وفتحت لحافها وعطرته وانسدحت بالأرض ولمت كوشيتها وغمضت عيونها دقت عليها نوف : غلا نايمه ؟ الغلا : نعسانه نوف : وش سويتي الله يهديكي ما شفتي وجه خالد كيف صار قدام فهد الغلا : شلون صار مقلم ولا منقط نوف : غلا وش صاير بينك وبين خالد .. انتوا متزاعلين ؟ الغلا : لأ نوف : اجل ليه من جيتي وانتي ما توجهين له كلام ولا تناظريه الغلا : عادي نوف : لا موب عادي حتى فهد حس الغلا : نوف حبيبتي والله نعسانه وفيني النوم نوف : اوكي تصبحي على خير بس بكره بينا كلام سكرت الغلا الخط ولمت الكوشيه وتبجي : انت اجبرتني على هالتصرف ماني طايقه اشوفك ولا اسمع صوتك .. يارب صبرني يارب ... الساعه 11 خالد يطق الباب على الغلا وطبعا ما فيه رد دز لها ماسيج : سلامتك حبيبتي من التعب فيني ولا فيكي الغلا : آميييييييييين خالد : حبيبتي تعشيتي والا اجيب لك عشا الغلا : تعشيت ومن شفت ويهك رجعته كله ,,,,,,,,,,,,,,,,,,,,,,,,,,,,,,, يوم الجمعه وعت الغلا الساعه 4.30 الفجر صلت وقرت قرآن وعلى الساعه 5.30 رجعت نامت ,, وعت الساعه 10 خذت شاور ولبست نفنوف تحت الركبه ورفعت شعرها بمشبك وراحت الصاله ( الحمد لله جنه مو هنيه .. فكه عساني ما اشوفه) راحت المطبخ سوت لها نسكافيه وقعدت تطالع التلفزيون وحطت على قناة ........ حاطين فيلم لعبد الحليم وعلى اغنيه بلاش عتاب ,, ياما ياما قلبي ذاب من عذاب الحب ياما ياما خبيت الآلام ياما شفت النور ظلام ياما كنت اتمنى يوم يوم يوم ابتسامه بلاش عتاب ان كنت حبيبي من العذاب انا خذت نصيبي ما تكلمنيش عالحب ما تفكرنيش بالحب لا حياتي هي حياتي ولا قلبي اصبح قلب الغلا وتغني مع الأغنيه بصوت واطي : حبيت الحب عشانك وكرهت الحب عشانك ابدا مش حاقدر اسامحك .. ابعد خليك بمكانك انا بترجاك استنى هناك استنى بعيد علشان انساكالغلا تغني وتبجي , ما تدري باللي واقف يطالعها .. بجت الغلا بصوت رق له قلب خالد وعرف شكثر هو عذبها خالد بصوت هادي : الغلا الغلا يمدت مكانها وبنفسها (لأ لأ ما ابيه يشوفني جذيه.. ما ابيه يشوفني ضعيفه .. ما ابي اضعف جدامه ) حط خالد ايده على جتفها .. وقفت وبصوت عالي : لا تلمسني لا تلمسني انت ما تفهم ,, ركضت الغلا غرفتها وقفلت الباب سمعها خالد تبجي وتنادي امها ( لازم اعيد لك الثقه فيني , واحيي الحب اللي قتلته بقلبك .. كل اللي تسويه انا راضي به بس ما اشوفك تبكي ) طلع خالد ونزل تحت علشان يروح مع ابوه واخوه لصلاة الجمعه شاف دلال وزوجها وعيالهم سلم وقعد يلعب مع عمر : يا زينه متى مشى ؟ دلال : صار له اسبوعين خالد : يلا يا بطل وريني مره ثانيه دلال : اجل وين هي العروس ؟ خالد : تنتظر الصلاة تصلي وتنزل دخلت الغلا الحمام غسلت وييها وتوظت للصلاة ,, خلصت ولبست دراعه بيضه وفيها تطريز باشكال ورود ملونه على الكم والذيل ,, حطت ميك اب خفيف وكحل علشان تخفي اثار دموعها ... نزلت الغلا شافت الكل بالصاله بس الرياييل ليلحين ما رجعوا من المسجد دلال وهي تلمها : هلا والله بالعروس الحمد لله على السلامه الغلا : الله يسلمج شلونج دلال عساج بخير دلال : بخير الله يسلمك انتي بشريني عنك وش اخبارك واخبار شهر العسل الغلا بنفسها ( زفت والحمد لله) : بخير مشى عمر وراح صوب الغلا : يا بعد عمري يا حلوه متى مشى ؟ دلال : من اسبوعين الغلا وهي شايلته وتبوسه : هلا والله ام عيسى : يا الله اني اشوف ولدك انتي وخالد قريب الكل عدا الغلا : امين حط عمر راسه على صدر الغلا وقعد يلعب بالخرز اللي بدراعتها الغلا تكلم دلال : ولدج فيه النوم ؟ دلال : لا لسه على النوم بعد الغدا انومه الغلا : حبيبي طالعي شلون لامني هههههه يبي حنان كل اللي بالصاله يضحكون الغلا : خلاص دلال خطبته دلال : من ؟ الغلا : عمر دلال تضحك : يا ويلي وخالد الغلا : عادي سبير الغلا تلعب مع عمر وتدلدغه وتبوسه , عمر استانس وقام ينط وهو بحضنها والغلا تغني له على هونك يا حبيبي على هونك * انا ما اقدر على نظره من عيونك عمر يضحك ويطلع لسانه : بلم .. بلم .. بلم الغلا تطالع دلال : لا يكون سبني دلال ميته من الضحك : لا يغني معك يرد عليكي كل اللي بالصاله ضحكوا .. دخلوا الرياييل وسلموا ابو عيسى : ضحكونا معكم دلال : والله يبه مرت ولدك ذي شي ابو عيسى : أي مرت ولد فيهم ؟ نوف : الجديده يبه ابو عيسى : وش فيها الغاليه دلال : يبه اخطبت عمر مني وانا وافقت ابو عيسى يضحك : زين على بركه الله الكل ضحك وخالد ابتسم ولا شال عينه من عليها الغلا تكلم زوج دلال : ها بو عبد الرحمن جم تبون مهر ؟ ابو عبد الرحمن مبتسم : لا ما يصير المفروض حنا اللي نعطيكي الغلا بابتسامه بانت غمازاتها : لا ميخالف لأن عمر صغير وادري ليلحين ما يمع المهر .. بعدين احنا نشتري ريال , والا شرايج خالتي دلال دلال تضحك : يا ويلي وخالتك بعد .. اجل يلا قومي حطي الغدا الغلا تقوم وتبوس دلال : على امرك خالتي بس ديري بالج على خطيبي ام عيسى : تعالي يمي انت صدقتي خلي عنك الغلا : لا والله خالتي عادي .. وتروح يم نوف وبصوت واطي : يلا قومي معاي والا حلت القعده خالد مبتسم وبنفسه ( يا حلوك .. والله ان دمك خفيف وسواليفك حلوه خليتي كل اللي بالبيت يحبوكي حتى عمر .. متى تسامحيني يا قلبي .. صار لي شهر وانا محروم من الكلام معاكي محروم حتى من شوفتك .. اشتقت لك ولسواليفك .. اشتقت لضحكتك وغمازاتك .. آآآآآه يا قلبي وش يصبرك ) فهد : وين رحت يا الحبيب خالد مبتسم : عند المطبخ فهد : هههههههههه بعد الغدا والحريم بروحهم بالصاله ام عيسى : غلا ان شاء الله بعد اسبوع راح نسوي الحفله عندك وقت تجهزي حالك الغلا : وين بتسوونها خالتي ؟ ام عيسى : بقاعه الغلا بقلبها ( لا والف لا .. كملت بعد يدخل شين الحلايا ) : ليش خالتي بقاعه خليها هني احسن نوره : ايه يما خليها هنا صالاتنا كبيره ومفتوحه على بعض , ومجلس الرجال كبير .. وبعدين ما حنا معزمين كل الناس قرايبنا بس الغلا : ايه والله خالتي شقلتي ؟ ام عيسى : كيفكم يمي .. عندك شي تلبسيه للحفله والا تشتري ؟ الغلا بنفسها (من وين عندي .. ما تدرين يا خالتي حتى ملابس عرسي ما لبستهم كرهتهم والسبه ولدج ) : لا خالتي ماعندي لازم اشتري ,,,,,,,,,,,,,,,,,,,,,,,,,,,,,, مر هالأسبوع والجفا زاد بين الغلا وخالد والغلا تقعد يم نوف على وجبه الغدا وكلامها كله مع نوف او انوار ,, الكل لاحظ ان في شي بينهم,, وقبل موعد الحفله بثلاث أيام الغلا بالمطبخ : ها وصلك الماسيج ؟ ناصر : ايه من يومين .. ليش ما وصلج شي ! الغلا : لا ما جيكت عالبنك ,, جم دزيت لي ناصر : الفين الغلا : بس !! ما يكفون ناصر ناصر : الفين كويتي مو سعودي الغلا : أها .. مشكور حبيبي ماننحرمش يا بيه ناصر يضحك : أي شي تبين قولي لا تستحين الغلا : احد يستحي من طبجته هههههههه يلا حبيبي سلم ناصر : الله يسلمج سلمي على خالد الغلا : الله يسلمني هههههه خالد انصدم يوم سمعها تكلم اخوها ( ليه كذا يا غلا تطلبي من اخوك ! وانا ؟!! ليه ما تطلبي مني ,, انا ماراح اقصر معك .. صغرتيني قدامه ) طلعت الغلا مع نوف وانوار السوق وشرت لها فستان ناعم عنابي وملحقاته . خالد دق على ناصر وقال له عن الفلوس اللي طرشهم للغلا .. وناصر قال السبب ان الغلا تستحي تطلب منه ,, واتفق خالد معاه اذا دقت عليه وطلبت فلوس يدق عليه ويقول له وهو راح يحط لها المبلغ اللي تبيه بالبنك . يوم الحفله .. الغلا بغرفه نوف معاها الكوافيره تسوي لها شعرها وتمكيجها,, الغلا طلبت من الكوافيره تسوي لها شعرها تكسير .. وحطت لها ميك اب ناعم ,, ولبست طقم ذهب وما شاء الله زاد حلاها دلال : ما شاء الله لا اله الا الله وش هالجمال وينك يا خالد تجي تشوف الغلا مبتسمه وبنفسها (عمى بشكله .. انا اللي مالي حظ يوم خذيته ,, لو يموت ما يشوفني هذا اللي ناقص بعد ) نزلت الغلا وانبهرت من الحضور.. الكل سلم وبارك لها وعطاها هدايا .. إلا وحده قاعده تخزها وتتكلم مع اللي يمها : شفتيها انتصار : ايه ما شاء الله جميله وباين عليها حبوبه جواهر بكل غيره : جميله الله يخلي المكياج ولا تغرك ابتسامتها ذي حيه انتصار : وش دراكي انها حيه ؟! جواهر :اسكتي بس انتي وش دراكي .. كانت تبغي تحرقني بالمزرعه يات نوف مع الغلا عند انتصار : انتصار اقدم لك الغلا مرت خالد انتصار : هلا فيكي والف مبروك الغلا بابتسامه : الله يبارك فيج نوف : الغلا هاذي انتصار حماة دلال الغلا مبتسمه : عمة عمر خطيبي انتصار مستغربه وتضحك نوف : يوووووووه ما تدرين ؟ الغلا خطبت عمر من دلال واخوكي وافق ضحك الكل الا جواهر وبكل استهزاء : وحنا ما لنا سلام نوف : المفروض انتي تسلمي الغلا عروس الناس تجي تسلم عليها جواهر بوقاحه : هذا انتي ساحبتها تسلم على انتصار شمعنى انا الغلا باتسامتها : يا هلا ومرحبا بجواهر حياج الله نور البيت بحضورج جواهر بغرور : اكيد بينور بحضوري بعد ما ظلمتيه بحضورك انتصار فتحت عينها مستغربه من كلامها نوف : جواهروش قلة هالأدب ! الغلا : خلاص نوف لا تسوين مشكله هاذي مها كان ضيفه جواهر بوقاحه : انا ماني بضيفه انا من اهل البيت دلال سمعتها : واهل البيت ما يطولوا لسانهم على اصحابه انتي وبعدين معك الغلا : دلال بليز لا تخلين الناس تطالعنا نوف : كلامها ينرفز .. ذي ما تتوب دلال : امشي خليها تولي ,, وراحت الغلا مع نوف ودلال انتصار : وش فيكي على المره اكلتيها ما قالت شي المسكينه جواهر : انتي اللي مسكينه هاذي اكبر ممثله انتصار بنفسها ( اشك في كلامك يا جواهر واضح انك غيرانه منها ) عند الرياييل خالد بالبشت ويمه ابوه واخوه وفهد وابوه وازواج خواته يسلمون على الحضور ويباركون .. خالد سرحان وبنفسه (يا ترى بشوفك اليوم يا غلاي وانتي متزينه وإلا بتهربي مني .. يارب صبرني .. شهر ونص وهي ما تكلمني .. ابوي حس ويا خوفي اذا كلمني وش اقول له .. يارب سترك يارب حنن قلبها عليّ واجمع شملنا على الخير يارب ) فهد : وين سارح يا المعرس .. بالعروس ؟ خالد : لا فيك فهد : من وجهك كذاب خالد يضحك : اقول ما كنا طولنا انا تعبان وفيني النوم فهد : تعبان وإلا اشتقت للعروس خالد بنفسه (ايه اشتقت لها ولضحكتها وغمازاتها .. اشتقت لسواليفها.. اشتقت لها كلها ) فهد بنفسه ( منت خالي يا خالد فيك شي الهم بوجهك مبين ,, انت اذا كنت مهموم تجي وتقول لي .. خوفي متزاعل مع مرتك ومغبي ) عند الحريم ,,, نوف : الغلا شكلك معصبه فكيها شوي دلال : اللي يشوف بنت عمتك اكيد يعصب الغلا : الصراحه ما ادري شحقه كارهتني,, يبه تبي اخوكم خليها تاخذه حلال عليها بس تفكني من شرها نوف : تخسى إلا هي دلال : قومي خلينا نرقص نوف تطالع الغلا : وش رايك احط لك شرقي الغلا : هههههه لااااااا الله يخليج ..انا حتى ما فيني حيل اصفق رقصوا البنات يم الغلا وجواهر تطالعهم بنظرة غضب , يات الخدامه ومعاها عمر شاف الغلا ومشى صوبها خطى خطوتين وطاح , قامت الغلا وشالته ويات امه تركض : تعور ؟ الغلا : لا اسم الله عليه ما فيه الا العافيه طاح من الدشداشه.. يا حلوه خطيبي اينن .. خالتي دلال خشيه عن البنات لا يشوفونه ترى اغار دلال تضحك على كلامها . تعشوا الحضور والمعازيم بدت تمشي ,, العمه حصه تكلم الغلا : غلا ان شاء الله بعد يومين حياك عندي بالبيت مسويه عزيمة عشا علشانك الغلا : ليش اتعبين نفسج خالتي ما لا داعي حصه : لا له داعي ونص ما عندنا أغلى منكم انتي وخالد .. والله انك دخلتي قلبي واعزك بمعزة اولادي الغلا : مشكوره خالتي الله يعز شانج بس ما بي اكلف عليج حصه : ما به كلافه ما عندنا اغلى منكم ام عيسى : وش رايك يا أم تركي تسوي العزيمه بالمزرعه حصه : قلت ودي اسويها بالمزرعه مير جواهر عيت تقول ابغي اعزم صاحباتي يشوفوا الغلا الغلا ( فيها جواهر وصاحباتها بعد .. الله يستر ) الغلا : ان شاء الله خالتي طلعوا المعازيم وما بقى الا حصه وبنتها وخوات خالد ,, الغلا وتحط راسها على جتف نوف : تعبانه وفيني النوم نوف : ما تعشيتي .. وإلا بتتعشي مع حبيب القلب الغلا بنفسها ( إلا عوار القلب ) : مالي نفس آكل ابي مخده بس بنااااام نوره تكلم الغلا : الغلا امي تبغاك راحت لها الغلا : هلا خالتي آمري ام عيسى : ما يامر عليكي ظالم عمك يبغاك بالمجلس الغلا : خالتي ادخل عليه جذيه بلبسي ! نوف : ايه وش فيه لبسك ؟ مستحيه ؟ الغلا : ايه .. خالتي بروح ابدل ام عيسى : ليه تبدلي فستانك حلو وكلها دقايق بيسلم عليكي الغلا : خالتي تعالي معاي استحي نوف تضحك : ما استحيتي يوم لبستي هالفستان العاري الغلا اشهقت : عاري ! صج نوف.. نوف لاتضحكين اذا عاري اروح ابدل ام عيسى تضحك : تضحك معك ما عليكي منها غيرانه منك ركضت نوف صوب المجلس وطقت الباب وفتحته وطلت : هلا يبه الحين بتدخل عليكم وحده حلوه بس مو باحلى مني دخلت الغلا مع خالتها وهي تضحك على نوف واول ما التقت عينها بعين خالد اختفت ضحكتها ونزلت راسها ومشت صوب عمها .. خالد والشوق ذابحه ما قط عينه من عليها وفز قلبه يوم شافها ,,,,, لمني بشوق واحضني ... بعادك عني بعثرني صلبني في صقيع الموت ... ورد ثاني لهجير الشوق الشــــــــــــــــــــــ ـوق ذوبني تعال ,, تعال ,,طفي النار اللي تسعر لمني بشوق واحضني ... غرقني فبحر عينك نسيني الألم كله ... تقرب والعتب خله اغسل كل شقى سنيني ... وامسح دمعتي بعيني تراها جرحت جفني لمني بشوق واحضني ... سكن رجفة ظلوعي كل خوفي من رجوعي ولا تطري سنين الضيم ... ذكر فرقاك يرعبني ولي لمني دفا حضنك ... وغفت عيني على صدرك احلفك لا توقظني احلفك لا توقظني الغلا راحت صوب عمها سلم عليها وهي حبته على راسه ابو عيسى وهو يعطيها هديتها : الف مبروك يا بنتي وعسى الله يهنيكم الغلا تحس انها مخنوقه .. ما كانت تبي خالد يشوفها بهاللبس , ودها تطلع ركض لغرفتها بس مستحيه من عمها وعينها بالأرض : الله يبارك فيك عمي ابو عيسى يكلم خالد : خالد ,, ما تبغي تسلم على مرتك ! الغلا بنفسها ( لأ لأ عمي الله يخليك مابيه يسلم عليّ .. لأ لأ لا يقرب لا ايي صوبي ولا يلمسني ) الغلا لا شعوريا مسكت ايد خالتها ولزقت فيها ونزلت راسها وعينها بدت تدمع .. من شافت خالد وكل احداث ليلتها معاه يات جدام عيونها .. دموعها تنزل وجسمها يرجف , استغربت منها خالتها : الغلا وش فيكي ؟ تعبانه ؟ الغلا تمسح دموعها بعد ما عطت خالد ظهرها وبصوت يرجف : خالتي بعد اذنكم انا تعبانه وبصعد فوق ام عيسى : وش فيك غلا ليه تبكي ويدك ترتجف نوف : غلا تبغي مو ..... وقبل لا تكمل نوف كلامها طاحت الغلا عليهم انتهى الجزء السابع عشر دمتم بخير ( اختكم غفران*) | ||||
|
| |
|
26-11-13, 09:26 AM
| #19 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| (( الجزء الثامن عشر )) ( أيام من حياتي ) ******************* طاحت الغلا مغمى عليها , شالها خالد وحطها على القنفه وركضت نوف يابت لها ماي وام عيسى تمسح على ايدها وخالد يشممها عطر ابو عيسى : وش فيها مرتك يا خالد ؟! خالد : ما ادري يبه يمكن تعبانه تدري من الصبح قايمه وتعرف تعب الحفله نوف تبجي : يمكن لأنها ما كلت شي بس شربت كاسة عصير صحت الغلا وقعدت تبجي ونوف لامتها الغلا : آسفه اذا ضايقتكم بس انا تعبانه عن اذنكم ابو عيسى : ما تشوفين شر يبه .. قم خالد اخذ مرتك خلها ترتاح الغلا وبنظرة خوف : لا عمي نوف توديني تأكد ابو عيسى ان بينهم شي , الغلا من دخلت عليهم وشافت خالد تغير ويهها شافها وشاف ويه ولده كيف هو مشتاق وهو يطالعها صعدت الغلا فوق وقعدت بالصاله .. نوف يابت لها أكل الغلا : مشكوره نوف مالي نفس نوف : الغلا انت من الظهر ما كلتي ما يصير كذا الغلا : نوف اذا كليت راح ارجع انا اعرف نفسي اذا تعبت مالي نفس آكل نوف : تبغي اساعدك بشي الغلا : لا حبيبتي مشكوره .. خربت عليكم نوف : وش خربتي .. الساعه 1 والكل مشى ,, يلا تصبحي على خير اشوفك بكره طيبه الغلا : ان شاء الله وانتي من اهل الخير دخلت الغلا غرفتها وقفلتها .. قعدت بزاويتها تبجي لحد ما نامت وبفستانها !! خالد دخل جناحه مهموم وبنفسه ( اللي خفت منه صار .. ابوي حس ان فيه شي بيني وبين الغلا , وإلا ما كان قال لي بكره لي معك كلام .. كسرتيني يا الغلا قدام ابوي .. هاذي كفوفك اللي حلفتي تعطيني اياها ,, كفوفك يا الغلا تجرح القلب .. تجرح القلب وتدميه ) ,, ومثل كل يوم قبل لا ينام يدز للغلا رساله : تصبحي على خير حبيبه قلبي,,, ,,,,,,,,, الصبح ,,,,,, صحت الغلا على رنه موبايلها : هلا نوف نوف : صباح الخير عالحلوين الغلا : صباح النور عالغاليين نوف : كيف اصبحتي يا قلبي الغلا : الحمد لله بخير .. جم الساعه ؟ نوف : 10 الا ربع يلا انزلي معي افطري بعد نص ساعه نزلت الغلا وراحت غرفه الجده سلمت وقعدت يم نوف الجده : شلونك الحين خالتك تقول انك تعبانه راحت الغلا وقعدت يم الجده : بخير يما الحمد لله الجده : وش بلاكي البارح ليه اغمى عليكي الغلا وهي تلم الجده : يمكن لأني ما شفتج امس ولا قعدت معاج وايد علشان جذيه اغمى عليّ الجده تضحك : عساكي سالمه يمي ما تشوفي شر ,, قومي افطري مع نوف الغلا : لا يما بقعد معاج ولهانه عليج الجده تكلم نوف : قومي جيبي فطوركم وافطروا هنا وقت الغدا ,,, الكل قاعد على الطاوله إلا الغلا كانت بغرفة الجدة فاطمه منسدحه , راحت لها نوف تناديها الغلا : نوف مو مشتهيه آكل تعبانه رجعت نوف وقعدت معاهم : الغلا ما تبغى تاكل تقول مالي نفس وتعبانه تضايق خالد وزاد همه ولاحظ نظرات ابوه وامه وجدته له .. *خالد قال لأبوه ان فيه سوء تفاهم بينه وبين الغلا وان شاء الله ينحل قريب * صعد خالد جناحه وتمدد على السرير وهو مهموم : آآآآآآآآآآه لي متى وحنا على هالوضع ,, الكل حس ان بيني وبين الغلا شي ,, لي متى هالصد ادري يا الغلا انك تتعذبين وانا اكثر منك ,, لي متى وانتي منتي حاسه فيني ,, لي متى وانتي صاده عني ولا تبغي حتى تكلميني ,, ادري ان كل الوجع اللي تحسي به مني وانا السبب فيه ,, بس يا الغلا انا تغيرت ,, ليتك تحسي بالوجع اللي بقلبي ,, ليتك تشوفي الشوق اللي بعيوني ,,,,, فتحت الغلا موبايلها وكان ماسيج من خالد : ليت الوجع بعروق قلبي ولا فيك وليت التعب غلطان ساهي ولا جاك لو الشفا بضلع صدري لداويك واطحن جميع ضلوع صدري فداياك الله من شر المقادير يحميك والله يحفظك يا عيوني ويرعاك ,,,,,,,,,, الغلا ( انت الشقا وانت التعب والوجع ,,, آآآآآه خلاص تعبت وماني قادره اتحمل اكثر ,,, انا لازم اسافر وابعد عنه ,, نفسيتي تعبانه وانا حاسه كل اللي بالبيت حسوا فينا ,, انا ما اقدر ابين للناس عكس ما احس فيه ,, ما اقدر اعامله جدام اهله غير ,, ياربي انا حتى ماني طايقه اطل بويهه ,, لي متى .. لي متى .. استغفر الله ) * * * اتفقت الغلا مع نوف وانوار يروحون السوق ,, الغلا تبي تشتري بدله لعزيمة حصه ( ام تركي ) ,, دقت نوف على الغلا : خلصتي ؟ الغلا : يلا 5 دقايق وانزل نوف : ننتظرك بالحديقه نزلت الغلا وانصدمت كانوا موجودين بنات عيسى ودلال وحموات نوف نوف : وش فيك واقفه يلا الغلا : وين !! نوف : وش هو اللي وين ؟!! السوق طبعا الغلا : اللي يشوفنا يقول فريق كرة قدم ههههههههه كل البنات ضحكوا دلال : انا فريق النصر انوار : انا مع دلال نوف : انا فريق الهلال مع الغلا الغلا : حبيبتي انا مع فريق Lovely camel نوف : وش ذا الغلا واخذها الحماس وقامت تغني : هايدو هايدو our camel هايدو هايدو Lovely camel زرق الفنايل راكبين جمال كبر الملاعب غنوا اليامال هايدو يا حلو الإسم ... كويتي والله والنعم ... كويتي Our camel … Lovely camel يا حاملين الراية ... نصر بلادي غاية هايدو يا اسم انكتب ... كويتي بحروف الذهب ... كويتي Our camel … Lovely camel يابو الكرة وراعيها ... العب وحاور فيها هايدو حاور وخطف ... كويتي سجل الهدف ... كويتي Our camel … Lovely camel Our camel… Lovely camelالغلا وهي تغني تصفق والبنات قاموا يرقصون ويلوحون بشيلاتهم والغلا اخذها الحماس وقامت ترقص وياهم ,,, دلال : وش رايكم انكنسل السوق ونقعد نفلها الغلا : ههههههههههههههههههههههههه هههههه جني هبلت فيكم البنات : ايه والله الغلا : يلا يلا السوق ما عندي بدله للعزيمه وطلعوا للسياره يضحكون ,,,, وصلوا المول ودخلوا كلهم مع بعض دلال : يا بنات كل وحده تقرا على نفسها لا ننحسد الغلا تضحك : ما قلت لكم فريق شباب اثنين مارين وسمعوا الغلا ,,, الشاب 1: ايه والله اظن انكم مضيعين الملعب ما هو هنا البنات صدوا عنه ومشوا الشاب 2 : يا حلو يااللي مو متغطي عطنا وجه نوف تساسر الغلا : ما قلت لك ... لو متغطيه موب احسن لك الغلا : والله لو امشي سواده ما يبين فيني شي هم بيلحقوني .. وبصوت شوي عالي : الحمار طول عمره حمار الشاب 1 : نصير لك حمير بس عطينا نظرة من عيونك يا قمر الغلا التفتت عليه : والحمير اذا وقفت وعيت تتحرك ما تمشي الا بالطق الشاب 2 : ههههاي حلوه بس لا تعيدينها دلال سحبت الغلا : اتركيهم عنك بزران الله يهديهم راحوا البنات يلفون على المحلات وكانوا يدخلون كلهم مع بعض للمحل ووحده تاخذ راي الثانيه باللي تشتريه الغلا : نوف بروح الحمام نوف : دلال انا والغلا بنروح الحمام بينا اتصال وهم رايحين شافوا الشابين اللي تحرشوا فيهم الشاب 1 : ها وين باقي الفريق ؟ الشاب 2 : اكيد فيه اصابات والملعب صار زحمه الشاب 1 : تهقى عطوهم كرت احمر الشاب 2 : ههههاي عطنا وجه يابو خدود حمره الغلا اتنرفزت من كلامهم : وبعدين معاكم انتوا ما تستحون ,, كلمتنا وما عطيناك ويه شتبي بعد لاحقنا الشاب 2 : القمر ما هي سعوديه الشاب 1 : لو هي سعوديه كان تغطت الغلا : مخليه الغطا لك وللي معاك ... ويلا الحين فارج لا اخلي اللي بريلي ايبب على راسك ,,, راحت الغلا مع نوف صوب الحمامات الشاب 1 : هي وش قالت ما فهمت الشاب 2 : هههههههاي يا بوي حتى وهي معصبه تجنن الشاب 1 : انت فهمت هي وش قالت ؟ الشاب 2 : يا الغبي تقول لك لو ما رحت راح تضربك بالنعال على راسك الشاب 1 : بس هي قالت بيب مادري يبيب وش قصدها الشاب 2 : هههههههههههه ما هو بيب يا الغبي ههههههههههههه يعني راح تضربك بنعالها ضربه ورا الثانيه مثل ما امك جببت لك لما نجحت في المدرسه ... بس ذي جبابها غير على الراس ههههههههه الشاب 1 : بس تصدق حلوه مروا يمهم 3 بنات وكل وحده ماسكه بايدها كيس الشاب 1 : هلا والله بالقمرات الشاي 2 : نظره من عيونكم الحلوه << ما شاء الله ما تعطلوا صاجه الغلا لو سواده تمشي لحقوها >> الله يهديهم * * بعد يومين فترة الغدا الغلا قاعدة معاهم على الطاوله,, وهم ياكلون رن موبايل الغلا : الو مريم : السلام عليكم الغلا بابتسامه : هلا والله وعليكم السلام حي الله هالصوت مريم: الله يحييج شلونج غلوي شخبارج الغلا : الحمد لله .. ها نقول مبروك مريم : ايه من 3 أيام الغلا : 3 ايام وتوج تدقين ؟! مريم : والله لهيت تدرين مستشفى وزيارات وعوار راس الغلا : الحمد لله على السلامه .. شرف محمد مريم : يا حلاته غلوي يهبل الغلا : اكيد يهبل والا طالع على ابوه الشيفه ؟ اللي على طاوله الأكل كلهم ابتسموا وخالد فرحان انه يسمع صوتها مريم : حرام عليج بو محمد مو شيفه الغلا تضحك : الله واكبر الحين بو محمد نسينا صلوحي مريم تضحك : غلوي تصدقين حمودي عيونه زرق الغلا : من وين هالزراق من ابوه الشيفه اللي عينه ما لها لون مريم : ويعه .. انتي شفيج على ريلي ! والله صج عيونه زرق الغلا تضحك : ميمي اخاف مو ولدج مبدلينه .. يمكن انتي يايبه جيكر وخافوا عليج تنصدمين عطوج واحد بداله مريم : مالت عليج والجيكر ريلج الغلا : هههههه عفيه ميمي عيديها مريم : الجيكر ريلج يا الجيكره الغلا ميته من الضحك وخالد يطالعها ومبتسم والكل يطالعون الاكل ويطالعونها الغلا : ميمي دزيلي صورته واهم شي عيونه علشان اصدق , يلا باي نوف : صديقتك ؟ الغلا : ايه مريم توها والده ويابت محمد ام عيسى : الحمد لله على سلامتها الغلا : الله يسلمج خالتي تقول ولدها عينه زرق ابو عيسى : ليه هي ما هي كويتيه الغلا : امبلا عمي كويتيه وابوها كويتي بس واحد من جدانها من امها عينه زرق رن موبايل الغلا نغمه ماسيج .. فتحت الغلا الماسيج وشهقت ,, مريم كانت دازه لها صورة ولدها مفصخ والصوره الثانيه على ويهه الغلا وتدق على مريم : يا قليله الأدب مريم : ههههههه مو انا هذا صالح اللي داز الغلا : ليش اول مره يشوف يهال مصورينه جذيه الكل يطالعها ومستغرب !! مريم تضحك والغلا سمعت صوت صالح يسلم عليها لأن مريم حاطته سبيكر : شلونج اختي الغلا صار ويهها احمر ولاحظها خالد : هلا بو محمد بخير الله يسلمك الحمد لله على سلامه ميمي ومبروك ما ياكم صالح : الله يبارك فيج .. شرايج بولدي ؟ الغلا مرتبكه : حلو الله يخليه لكم بس لبسوه حرام يدخله هوا وين خالتي عنكم ميمي تضحك وقالت لها الغلا تسكر السبيكر الغلا : ضحكتي من غير ضروس يا سحيله احرجتيني مريم : هههههه ها شرايج بولدي ؟ الغلا : الله يخليه لج .. وين امج عنج لاعبه بحسبة الولد حرام عليج مريم : خلي الصورة عندج لا تمسحينها خليها ذكرى الغلا : شهالذكرى .. اقري عليه بس اسم الله عليه مزيون مريم : اكيد مزيون طالع على امه الغلا : لا مزيون على خالته مريم : منو بشرى ؟ الغلا : لأ انا ههههههه خالد ابتسم وارتاح شوي لما شاف الغلا تضحك سلموا على بعض ,, وقال ابو عيسى : اليوم عزيمتكم عند ام تركي ام عيسى : ايه ان شاء الله ابو عيسى : تزهبوا بكره بنروح المزرعه الغلا ما تحركت وعينها على صحنها نوف : حد بيروح ويانا يبه ؟ ابو عيسى : اللي بيجي حياه الله واذا تسألين عن فهد هو اول واحد بيجي نوف وهي مستحيه : يبااااااا الغلا صعدت غرفتها وقعدت تفكر وتحاتي ما تبي تروح المزرعه : يا ويلي شسوي وين بنام ,, خالتي والكل راح يحسون , مالي خلق اسمع كلمه من ولا واحد فيهم . دقت على اختها ساره ساره : هلا والله بالسعوديه الغلا : قولي هلا بالكويتيه اللي مسجونه بالسعوديه ساره : ليش عاد مسجونه !! شلونج شخبارج الغلا وصوتها متغير : زفت والحمد لله ساره : ليش شصاير ؟ الغلا : باجر بيروحون المزرعه وانا مابي اروح .. شسوي ؟ ساره : قولي لخالد ماني رايحه وقعدي معاه بالبيت الغلا : حلفي .. تستعبطين !! ساره : ليش .. انتوا ليلحين ماتحاجون ؟! الغلا : ولي باجر ساره : الله من ذاك اليوم !!!! شهالزعل ؟ الغلا تبجي : ما بي اروح شسوي ساره : روحي بس لا تحتكين فيه خلج مع حماتج الغلا : وبالليل وين انام ؟ ساره : بحضن خالد ههههه الغلا : مالت عليج وعلى اللي يدق عليج .. وسكرت التليفون وهي تبجي دزت لخالد ماسيج : مابي اروح المزرعه خالد : روحي انبسطي مع البنات انا ما راح اروح الغلا : احسن خالد : مقبوله منك يا قلبي المهم انك تفرحي وتنبسطي واذا ناقصك شي قولي وانا اجيبه لك الغلا : ابي فرقاك خالد : وانا ابغي وصالك الله يخليكي لي ولا يحرمني منك تصبحي على خير يا قلبي الغلا بنفسها : هذا شفيه ! يستعبط .. لا يكون يقول جذيه علشان لا يطلقني .. لا يكون يلعب عليّ ,, دزت له الغلا ماسيج : لا تلعب عليّ بكلامك قوله لغيري , انا انقرصت منك مره ومو مستعده اعيدها مره ثانيه خالد : كلامي ما هو بلعب .. الكلام ذا من قلب يحبك وشاريكي الغلا : حبتك القراده متى الله ياخذني وافتك منك خالد : بعد الشر عليكي يا قلبي لا تقولي كذا ,, حبيبتي والله كل الم تحسي به انا احس به اضعاف , وصدقيني انا عاهدت نفسي اني ما ازعلك وكل اللي تبغيه اسويه لك بس اشوفك مرتاحه الغلا ما ردت عليه سكرت موبايلها وراحت تزهب بدلتها للعزيمه . العزيمه في بيت العمه حصه ..... دخلت الغلا مع خالتها وحمواتها وسلمت على العمه حصه والحضور ام تركي : نوف جواهر والبنات قاعدات في الصاله الثانيه اخي الغلا وروحوا انبسطوا معاهم ,,, الغلا ( اخاف انغثوا مو انبسطوا الله يستر من هالجواهر القثيثه ) ,, راحت نوف وخواتها ودخلوا على البنات نوف : اقدم لكم مرت اخوي الغلا صديقات جواهر : يا هلا ومرحبا الغلا تصافح كل وحده : يا هلا فيج قعدت جواهر يم صديقاتها وتطالع الغلا بنظرة حقد ,, الغلا تكلم صديقات جواهر : ما تعرفنا عالحلوين فوزيه : انا فوفو وهاذي رورو وهاذي سوسو الغلا مبتسمه ( قاعده بفيلم عربي مو بالسعوديه امحق دلع ) : يا هلا تشرفنا ,, انتي قلتي اسم الدلع او النك نيم !! بس انا ما عرفت اساميكم ؟ فوزيه : ههههههه انا فوزيه وهاذي روان وهاذي ساره جواهر تطالع الغلا من فوق لتحت واللي قهرها زود ان صديقاتها يسولفون معاها ..... جواهر تغمز لفوزيه وتساسرها : لا تنسي اللي وصيتك انتي والبنات فوزيه : انتظري شوي تو جايه البنت جواهر : اذا طلعت انا ابدي بالكلام ,, قعدت جواهر ربع ساعه وطلعت ,, الغلا تكلم دلال : دلال ليش ما يبتي عموري ؟ دلال : ما راح اطول خليته عند خالتي والخدامه انا ساعه وبارجع الغلا : حبيبي هادي ما يسوي شي جان يبتيه دلال : ههههههه يا حبي لك محد يمدحه غيرك وإلا خواتي ما يسمونه إلا المزعج نوف : مزعج وبس إلا ابو الإزعاج دلال : بروح ادق على خالتي اسأل عنه .. عن اذنكم فوزيه : اقول الغلا .. ممكن اسأل سؤال ؟ الغلا : تفضلي فوزيه : اتمنى ما يكون محرج لك الغلا : عادي حبيبتي ما فيه احراج فوزيه : وش تنصحينا به ,, نتزوج عن حب زيك وإلا خطبة أهل عاديه الغلا استغربت من سؤالها : ومن قال لج اني متزوجه عن حب ؟!!! فوزيه : يعني انتي ما تعرفي خالد قبل لا تاخذيه ؟ ولا كان بينكم علاقه ؟ الغلا ماسكه اعصابها من وقاحتها : ومن قال لج اني اعرف خالد وإلا كان بيني وبينه علاقه قبل لا آخذه ؟!!! فوزيه : محد بس مجرد سؤال الغلا : اذا صج مجرد سؤال فالجواب لأ طبعا وإما اذا كان السؤال له مغزى ثاني فأنا ما اسمح لج روان : وش بك عصبتي .. أظن ان عادي عندكم تسوون علاقه قبل الزواج نوف : وش هالكلام انتي وياها !! الغلا : لحظه نوف .. شنو يعني عادي عندنا فهميني ,, روان مرتبكه : لأ ,, بس ,, قصدي ,, يعني انتوا بالكويت عادي تكلمون شباب الغلا : وانتوا بالسعوديه ما تكلمون شباب ؟ وإلا أعدل السؤال علشان تفهمينه انتي واللي معاج ,, انتوا ما تكلمون شباب ؟ ساره بوقاحه : ليه شايفتنا زيك نوف : احترمي نفسك انوار : وش هالكلام انتي وياها احترموا انفسكم واذا جواهر قايلة لكم هالكلام فهي كذابه الغلا : ما اتفاجأ من كلامكم الوقح لأنكم صديقات جواهر ,, والطيور على اشكالها تقع ,, بس صدقيني كلمه زياده ما تلومون الا انفسكم ,, صج قلة ادب وتربيه فوزيه : حنا متربيات قبل نشوف وجهك الغلا : المتربيه ما تتكلم على الناس بالجذب ومو كل كلمه تسمعها تصدقها ,, ولا تسوين روحج بطله جدام صديقاتج ,, واذا جواهر قايلة لكم كلام عني وعن خالد خليها تواجهني نوف : الغلا اتركيهم عنك صدق عقولهن مريضه دخلت جواهر والغلا شافت فوزيه تغمز لها جواهر : وش فيكم وجيهكم كذا نوف : جواهر وش ذا الكلام اللي قايلته لصديقاتك عن الغلا ؟ جواهر : وش قايله ؟ موب قايله شي ,, وش فيك فوفو شكلك معصبه فوزيه : لا جوجو حبيبتي ما ني معصبه بس هالكويتيه كلامها ينرفز الغلا بصوت عالي : هالكويتيه عندها اسم وتاج راسج بعد جواهر : اتخسين ,, وش قلة هالأدب في بيتنا وتسبين صديقاتي الغلا : ما لومهم اذا انتي صديقتهم جواهر : وش قصدك الغلا : قصدي تعرفينه زين ما نحتاج نتكلم ونطلع الخافي روان : كل ذا لما قلنا تعرفين خالد قبل لا تاخذينه .. وما خفي كان اعظم الغلا : شنو الخافي اللي الأخت جواهر قايلة لكم عنه ؟ روان : بس بس رحمناك ما نبغاك تزعلي وتعصبي الغلا : انا ما اعصب على اشياء تافهه تطلع من توافه مثلكم فوزيه : ما اسمح لك الغلا : سمحتي والا ما سمحتي بالطقاق ما هميتيني جواهر رفعت ايدها وبصبعها تطق كتف الغلا : هيي هيي انتي وش شايفه نفسك الغلا : نزلي ايدج لا اكسرها لج .. لا تشوفيني ساكتة لج على اللي تسوينه فيني ,, انا ساكته احتراما لامج والا انتي مو كفو احترام ,, وكلمه زياده اعلمج الغلا من تكون ... طلعت الغلا وهي معصبه وقالت لدلال توديها البيت على طريجها ... نوف تهاوشت مع جواهر وتحلفت فيها انها تقول لأمها الكلام اللي انقال , واستغربت حصه ان الغلا راحت قبل لا تتعشى وراحت ما سلمت عليها ,, تعذرت لها نوف انها تعبانه ومصدعه . الساعه 12 بالليل دقت ام عيسى على خالد وقالت له يمر ياخذهم ,, خالد فرحان انه بيشوف الغلا وبتركب معاه السياره وانصدم لما شاف امه ونوف وانوار بس خالد : وين الغلا ؟ ام عيسى : رجعت البيت تقول تعبانه خالد : رجعت لحالها ؟ ام عيسى : رجعت مع دلال ,,, نوف وش فيها الغلا طلعت وما سلمت على عمتك ولا تعشت وشكلها متضايقه نوف : مادري يما تقول راسها يوجعها خالد : نوف تكلمي .. حتى لو راسها يوجعها ما تطلع قبل تسلم على عمتي اللي عازمتها في بيتها الغلا ما تسوي كذا الا اذا فيه شي كايد نوف : ............................. خالد بصوت عالي : نوووووووووف نوف : تهاوشت مع جواهر وصاحباتها خالد : وش دخل صاحبات جواهر !!! نوف : قلوا ادبهم على الغلا ونرفزوها وسمعوها كلام ماهو بزين وهي ما تحملت تقعد ام عيسى : وش هو الكلام اللي انقال ؟ نوف : اتهموها بأنها تعرف خالد قبل لا تاخذه وان بينهم علاقه خالد وقف السياره فجأه وطق بايده بقوه على السكان وبصوت عالي : وش وش وش !! من وين جايبين هالكلام ؟!! نوف : ما في غيرها هالحقوده جواهر عصب خالد وكان بيرجع بيت عمته وبيواجه عمته وجواهر لكن امه حلفته يتراجع علشان لا تكبر السالفه وهي راح تتفاهم مع عمته ,, ونوف قالت له ان الغلا خذت حقها وقفتهم عند حدهم خالد طول الطريج ساكت ومتضايق من اللي صار للغلا ( زادوا همك هم يا الغلا وانتي موب ناقصه .. كله مني انا .. سامحيني غلا روحي .. سامحني يا رب انا اخطيت بحق غلا وبحق نفسي .. آه يا الغلا ليتك تسامحيني .. ليتنا نبدي صفحه جديده .. واقسم لك لخلي حياتك كلها فرح .. آه يا رب شيل الهم من قلبها وريحها ) ,,,,,,,,,,,,,,,,,,,, الغلا بغرفتها تبجي ( آآآه يا رب ساعدني .. شنو هالحقد والكره .. شنو هالكلام اللي سمعته .. شنو هالنظره الحاقده .. لو يدرون خالد شسوى فيني .. لو يدرون ان حياتي معاه انتهت قبل لا تبتدي .. لو يدرون اني اكرهه كره العمى .. لو يدرون اني اعد الأيام علشان ارجع لأهلي ,,,, ليتك خذت بنت عمتك ولا خذتني .. هي حقوده وانت جذاب ومغرور تلوقون لبعض ,, وانا .. انا اللي ضعت .. انا اللي انتهيت .. كرامتي .. وسمعتي بحلج جواهر وصديقاتها .. لأ لأ يا الغلا لأ .. مو انتي اللي تضعفين .. ايه مو انا اللي اضعف .. انا دومي قويه جدام المشاكل اللي تصير لي .. لكن .. احس اني مكسوره .. احس اني ضعيفه .. خالد كسرني .. كسر شي كبير داخلي .. خلاني اكره .. اكره نـ .... سمعت الغلا طق على الباب صحاها من افكارها خالد : غلا ... غلا الغلا بصوت عالي : الله ياخذك وارتاح منك .. كله منك ,, كله منك يا حيوان صدقني ما راح اطوفها لكم ,,, وبصراخ : ما راح اطوفها لكم لا انت ولا الكلبه الثانيه خالد : غلا افتحي الباب خلينا نتفاهم .. لي متى وانتي كذا عازله نفسك الغلا : مالك شغل فيني اذلف ما بي اسمع صوتك روح حق هالكلبه وفكني من شرك ...... دخل خالد غرفته مهموم وحقد على جواهر وحلف لياخذ حق الغلا منها. من باجر الغلا ما نزلت الصبح ولا نزلت تغدت معاهم ,, نزلت الساعه7 وراحت قعدت بالحديقه وبعد ربع ساعه ياتها نوف ومعاها كوب قهوه الغلا : مشكوره حبيبيتي شدراج اني ابي قهوه نوف : حاسه فيكي يا قلبي ,, وشلونك الحين ؟ الغلا : الحمد لله ,, ما رحتوا المزرعه نوف : اجلناها بكره ياتهم انوار وبعد السلام : غلا عمتي حصه تبغاك الغلا : وين ؟ انوار : داخل قاعده مع امي وجدتي نوف : عمتي حصه هنا ؟!! متى جت ما شفتها انوار : صار لها ساعه داخل دخلت الغلا وسلمت وراحت سلمت على حصه وحبتها على راسها الغلا : شلونج خالتي حصه : ماني طيبه بعد ما سمعت الكلام اللي انقال عنك الغلا بألم بس ما بينت لهم : لا تهتمين خالتي كلام وطالع من يهال والياهل ما عليه شرهه حصه : سامحيني يا بنتي .. انا مادري وش اسوي بهالبنت .. مادري هي ليه كذا وليه تتصرف هالتصرفات الجده : هذا من زود الدلع .. وكم مرة اخوك قايل لك شدي عليها مير انك ما تسمعين الكلام حصه : يما هي البنت الوحيده وما ابغاها تحس بالنقص ام عيسى : الله يهداك يا ام تركي يعني اذا دلعتيها وعطيتيها كل شي ما هي حاسه بالنقص .. بعدين من جبتيها وهي مع بناتي والا بنات عمها وش النقص اللي تحس به حصه نزلت راسها وتنهدت الجده : غلا كليتي شي يا بنتي ؟ الغلا : شبعانه يما الجده : شبعانه وش ماكله ؟ الغلا ( ماكله الهم والغم من ولدكم وبنتكم ) : ماكله فوق قبل لا انزل ام عيسى : تتعشي معنا اليوم لا تقولي مالي نفس الغلا بابتسامه : ان شاء الله تامرين امر خالتي استأذنت الغلا وطلعت الحديقه .. راحت لها نوف وشافتها تمسح دموعها نوف : وش فيكي غلا ليه تبكي ؟ الغلا : مخنوقه .. احس ما في هوا .. متضايقه نوف نوف : اذكري الله وسمي بالرحمن ,, والله لو منتي غاليه كان عمتي حصه ما جت تستسمحك الغلا : هذا اللي مضايقني .. ليش بنتها تغلط وهي اللي تعتذر ,, جم مره جواهر ضايقتني وضرتني وخالتي حصه تعتذر بالنيابه عنها ,, جنها تشجعها على هالشي .. بهالاسلوب جواهر ما راح تتعدل نوف : الله يهديها وانتي شايله همها يا الغلا الغلا : انا شايله هم سواياها فيني ,, الكلام اللي قالته كبير ويمس شرفي وسمعتي ,, لازم خالتي حصه تاخذ موقف حازم معاها وتوقفها عند حدها ,, الله العالم شقايله حق صديقاتها عني وشمألفه عليهم !! نوف : صدقيني الغلا محد صدق ولا كلمه من اللي قالته وخالد يوم سمع تضايق وكان بيرجع لعمتي وجواهر لكن امي منعته الغلا : آآآآه يا نوف ودي اصرخ واطلع كل الحزن اللي فيني ....... حطت الغلا ايدها على ويهها وبجت بصوت ,, لمتها نوف تسمي عليها وعطتها ماي تشرب .. قعدت الغلا ربع ساعه مغمضه عيونها ومسنده راسها على الكرسي ,, الغلا : نوف بنام عندج اليوم نوف : حياك يا قلبي بتنور غرفتي ,,,,,,,,,,,,,,,,,,,,,,,,,,,,,,,,,, بيوم الذهاب للمزرعه ,, خالد اعتذر من ابوه ان عنده شغل , والأيام اللي قضوها بالمزرعه الغلا ما شافت فيهم خالد لكن صارت لها احداث هزتها اكثر ما هي مهزوزه ,,,,,,,,,,,,,,,,, وصلوا المزرعه والغلا احتارت وين تحط جنطة ثيابها.... نوف : روحي غرفة رجلك الغلا فاتحه عيونها : هاااااا نوف : وش اللي ها روحي غرفة خالد حطي شنطتك وتعالي ننزل انوار : تعالي غلا انا اعلمك وين هي غرفته الغلا : نوف بنام معاكم نوف : وين تنامي ؟ هنا انا وانوار ما يصير تنامي بالأرض وخالد بغرفته سرير وشكبره الغلا ( تعودت على نومة الأرض من اخذت اخوج ) الغلا وهي سرحانه تلتها نوف من ايدها ودخلتها غرفة خالد نوف : يلا بسرعه استعجلي شوي وينحط الغدا الغلا تمت واقفه تطالع الغرفه ( مابي انام هنيه احس شين الحلايا هني بالغرفه جنه توه طالع منها ريحة عطره تارسه الغرفه ) حطت الغلا جنطتها على الأرض وسكرت الباب ونزلت ,, اليوم الثاني ,,,,, نزلت الغلا وشافت الكل بالصاله وانصدمت لما شافت جواهر سلمت وقعدت يم نوف ورا المغرب الغلا قاعده مع البنات يم الدوارف ويسولفون ,,,,, دلال : شرايكم نلعب لعبه ؟ انوار : أي لعبه ؟ دلال : وحده تقول كلمه والحرف الاخير من الكلمه تبدي فيه الثانيه جود : انا انا ببدي ,,, أمممممم : مزرعه انوار : هدهد نجود : دلال دلال : نعم نوف : وش هو نعم ؟!! يلا يلا انتي بره اللعبه دلال : ليه وانا وش قلت الغلا تضحك : هاذي واللعبه فكرتج وانتي اول وحده خسرانه دلال : حرام عليكم نجود نادتني وقلتلها نعم البنات يضحكون ,,, نوف : يا غبيه انوار قالت هدهد يعني آخر حرف دال ونجود وراها قالت دلال .... فهمتي دلال : ههههههههههههههههههههههههه هههههههه نجود : وصلت المعلومه دلال : ايه ,,, يلا دوري .... لزانيا ,,,, هههههههه جوعانه نوف : حرف الالف ,,,, احبك الغلا : شكرا حبتك العافيه ههههههههههه ,,,حرف الكاف ... كويت آآآآآآآآآآآآآآآه اشتقت لها جود : تفاح انوار : حليب نجود : بسكويت دلال : تمر نوف : زين فهمتي دلال طقت نوف على راسها : وش قالوا لك ... نوف وهي تضحك : راس الغلا : سمج << يم يم ولهت على الزبيدي >> جود : وش سمج الغلا : ههههههههه سمك يلا حرف الكاف جود : كرتون انوار : نايم نجود : محمد دلال : دف نوف : فهودي لبى قلبه البنات ضحكوا الغلا : الحين فهد والا فهودي والا لبى قلبه نوف تضحك : لا تقولين فهودي بس انا اللي ادلعه الغلا : هههههههههه يعني حرف الدال ,,,,,, توها الغلا بتتكلم شافت عبد الله ولد عيسى الصغير وبايده شي ماسكه ويركض صوبهم الغلا يوم قرب وشافته صرخت وقامت تركض لأنه عبد الله كان ماسك ضب صغير ويوم شاف الغلا تركض حسباله تلعب معاه ركض وراها وهي تصرخ : عبودي حبيبي لأ عبد الله : ههههههه تآلي توفي حلو اذكيل الغلا من الخوف تركض ما تدري وين تروح وتصرخ على نوف تمسك عبد الله والبنات يضحكون نوف : عبيد وجع تعال الغلا من الخوف ركضت ودخلت صوب الرياييل وشافت عيسى طالع ولا شعوريا انخشت وراه ومسكت تي شيرته وهي تبجي الغلا : الله يخليك لا اييني اخاف عيسى انحرج وعبد الله لما شاف ابوه استانس حلت اللعبه عنده وتوه بيلف عند الغلا صرخت الغلا اللي من صراخها طلعوا الرياييل سعد لما شاف الغلا تبجي مسك عبد الله واخذ منه الضب وحذفه بعيد وضرب اخوه كف ,, عبد الله نزلت دموعه وراح لأبوه يبجي الغلا انحرجت من اللي صار اعتذرت منهم وصعدت الغرفة ابو عيسى يضحك : والله ان هالبنات يخافن من كل شي فهد : والله اني خفت قلت يمكن صايبهم شي على هالصراخ الغلا ما تعشت وظلت قاعده ما نامت من الخوف تتخيل الضب راح يدخل عليها ,,, صلت الفير لبست تريننج وحطت لفتها على راسها واخذت موبايلها ونزلت راحت عند النافوره رفعت عينها شافت السما : الله ياحلاة هالمنظر ,, الشمس بعدها ما شرقت ,,, دقت الغلا على ناصر الغلا : هلا بحبي ناصر : هلا والله يسعدلي هالصباح الغلا : شلونك حبيبي ........... : (حبيبي بعد .. يعني رجلك ما هو موجود تلعبي ) ناصر : بخير اشفيج ؟ من صوتج جنج تعبانه الغلا قالت له عن اللي صار لها مع الضب وانها من امس مو نايمه ناصر : الله !! من صجج من امس مواصله !! ما صار هذا نتفة ضب ,, يلا حبيبتي اتعوذي من الشيطان وقومي نامي الغلا بدلعها : لا حبيبي خلني شوي ولهانه عليك ناصر : اذا بقعد اسولف معاج بتأخر عن دوامي الغلا : ههههه شدعوة كلها دقايق سولف معاي علشان انسـ..... وقبل لا تكمل الغلا ما حست الا بالإيد اللي تسكر على حلجها ومن الإرتباك والخوف طاح موبايلها بماي النافوره | ||||
|
| |
|
26-11-13, 09:27 AM
| #20 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ,, الشمس بعدها ما شرقت ,,, دقت الغلا على ناصر الغلا : هلا بحبي ناصر : هلا والله يسعدلي هالصباح الغلا : شلونك حبيبي ........... : (حبيبي بعد .. يعني رجلك ما هو موجود تلعبي ) ناصر : بخير اشفيج ؟ من صوتج جنج تعبانه الغلا قالت له عن اللي صار لها مع الضب وانها من امس مو نايمه ناصر : الله !! من صجج من امس مواصله !! ما صار هذا نتفة ضب ,, يلا حبيبتي اتعوذي من الشيطان وقومي نامي الغلا بدلعها : لا حبيبي خلني شوي ولهانه عليك ناصر : اذا بقعد اسولف معاج بتأخر عن دوامي الغلا : ههههه شدعوة كلها دقايق سولف معاي علشان انسـ..... وقبل لا تكمل الغلا ما حست الا بالإيد اللي تسكر على حلجها ومن الإرتباك والخوف طاح موبايلها بماي النافوره 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 الغلا حاولت تفك الإيد اللي مسكره على حلجها وقفت والتفتت ,, منصور : لا لا لا يا قلبي لي هالدموع الغلا خايفه : منو انت وشتبي ؟!!!!! منصور : انا حبيبك الجديد الغلا تمسح دموعها : حبتك القراده عمى بشكلك منصور : لا لا ما تفقنا على كذا ,, انا عمى بشكلي واللي بالجوال له الحب كله الغلا : اكل تبن صج قليل ادب وما تستحي على ويهك دزته الغلا وراحت بتمشي مسكها منصور من ايدها الغلا صرخت وسحبت ايدها منه الغلا : يا حيوان ,,, انت من فاكر نفسك ؟!!! وخر عني لا الحين افضحك ولم عليك كل اللي بالمزرعه منصور : ههههههه والله شين وقوات عين الغلا : اكل تبن والله ما شين الا انت من حسن حظ الغلا ان فهد كان ماشي رايح صوب الخيل وسمع وحده تصرخ ..... قرب وشاف الغلا ومعاها منصور فهد : منصور !!! التفت منصور وشاف فهد : تعال شف مرت ولد عمك المحترمه فهد صرخ : منصووووووووووور منصور خاف من فهد : زوجها غايب وهي ما خلت حبيب ما كلمته فهد عطى منصور كف : ايا قليل الحيا ,, والله ان خالد يسمعك كان دفنك وانت بمكانك مرت خالد اشرف من الكلام اللي قلته ... الغلا ودموعها تنزل : قص لسانك ,, صج كل من يرى الناس بعين طبعه.. الغلا بكل ألم : ما ادري اذا كل الرياييل في السعوديه متعودين يهينون ضيوفهم ؟!! أنا ما راح احكم على كل رياييل السعوديه انهم ما عندهم كرامه مثل غيري لما قام يحكم على الكويتيات انهم قليلات ادب بكل وقاحه لأني اعرف ان اصابع الإيد ما هي سوا ,,, بس باقول للكويتيات اني شفت في السعوديه واحد في قمة النذاله والحقاره وقلة الأدب منصور لما سمع كلام الغلا نزل راسه وراح عنهم الغلا قعدت وبجت بصوت عالي فهد تضايق من اللي صار : ادق على نوف تجيك الغلا اشرت براسها لا : والله يا فهد كنت اكلم اخوي ناصر فهد : من غير ما تحلفي الله يهداك ومنصور دواه عندي ,, الغلا : منو هذا منصور ؟ فهد : ولد عمتي الغلا متفاجأه : اخو جواهر ؟!!!!!!!! فهد : ايه الغلا : يا ربي انا ما فتكيت من شر اخته اييني اخوها بعد ! حسبي الله ونعم الوكيل ,,,,,, ,,,,,,,,,,,,,,,,,,,,, ناصر حاول يدق على الغلا لقى جهازها مغلق قام يحاتيها ,, دق على خالد يسأل عنها وخالد ارتبك في الرد عليه.. ناصر : خالد اشفيك الله يهداك تقط خيط وخيط ,, الغلا مو يمك ؟ خالد : ناصر الغلا بالمزرعه وانا ماني بمعها ناصر خاف على الغلا : خالد دق شوفها وطمني تراها من امس مو نايمه خالد : ان شاء الله لا تحاتي ,,,,,,,,, دق خالد على نوف وكانت لابسه بتنزل : هلا خالد خالد يحاتي الغلا : نوف الغلا معك ؟ نوف : لأ يمكن للحين نايمه خالد : نوف الغلا كانت تكلم اخوها وانقطع الخط بينهم وهي من البارح موبنايمه واخوها يحاتيها روحي شوفيها ودقي طمنيني نزلت نوف شافت امها بالمطبخ وسألتها اذا شافت الغلا والا لأ طلعت نوف بره ومشت صوب الألعاب وراحت لفت صوب النافوره لقت الغلا قاعده ومنزله راسها وتبجي .. نوف خافت ومسكت ادينها نوف : الغلا وش صاير ؟ الغلا لما شافت نوف لمتها وبجت بصوت نوف تسمي عليها : الغلا علامك ؟ صاير شي لأهلك ؟ الغلا تبجي نوف : غلا الله يخليكي تكلمي .. اخوكي داق على خالد يسأل عنك الغلا وتوها تستوعب : ها نوف : وين جوالك ؟ الغلا اشرت على النافوره : نوف كنت قاعده اكلم اخوي وشفت حشره كبيره يايه صوبي خفت وصرخت وطاح موبايلي بالنافوره نوف مبتسمه : ياقلبي كل هالدموع عشان جوالك طاح بالنافوره الغلا ابتسمت علشان نوف لا تلاحظ شي : لأ الحشره كانت كبيره وتخوف نوف : اسمها حشره .. وانتي ماشيه دوسي عليها برجلك الغلا : الظاهر لازم اتعود ادوس على كل الحشرات اللي تخرعني واصير قويه ,,,,,,,,,,,,,,,,,,,,,,,,,,,,,,,,,,, بعد اسبوع ... قامت الغلا من النوم وهي متضايقه : يارب سترك اشفيني احس قلبي مقموت اعوذ بالله من الشيطان نزلت تحت لغرفه الجده سلمت وقعدت تطالع التلفزيون الجده : ما افطرتي ؟ الغلا : الحين يما ميري تييب لي نسكافيه الجده : بسك يمي من هالقهوه على الريق اشربي لك حليب افود لك الغلا : لااااااا يما ما احب الحليب الجده : فيه حد ما يحب الحليب ؟! الغلا : ايه يما انا ,, يما وين نوف ؟ الجده : ما شفتها ليلحين , كود انها نايمه بعد نص ساعه نزلت نوف : صباح الخير عالحلوين الكل : صباح النور نوف : جده وين امي الجده : راحت المطبخ نوف تصرخ : ميري جيبي لي فطور الغلا : اشفيج اليوم متأخره ؟ مسهرج فهد البارحه نوف مبتسمه الغلا : شنو انا قلت شي يضحك نوف : نمت متأخره وصحيت لصلاة الفجر وما رجعت نمت الا قريب الساعه 7 ولسه صاحيه الغلا : نوم العوافي الجده : اليوم بنروح لعمتك حصه ماهي بصويحيه نوف : عسى ما شر وش فيها الجده : تقول مزكمه نوف : جده يعني نروح لها تعادينا وننزكم حنا وياها ام عيسى وهي داخله : عيب يا بنت وش هالكلام استحي على وجهك نوف : يما انا بروح مع البنات باشتري اغراض للعرس .. وتلتفت على الغلا : وانتي معنا طبعا الغلا : لا نوف مالي خلق الف بالسوق خليني بالبيت انطركم الساعه 5 نوره مرت خواتها وراحوا السوق وعلى الساعه 6 طلعت الجده مع ام عيسى والجازي مرت عيسى رايحين لحصه الغلا تدق على السايق : السلام عليكم وينك ؟ السايق : سلام مدام انا فيه بره الغلا : من يودي ماما كبير بيت مدام حصه السايق : بابا خالد الغلا ( وجع ) اوكي انا بنزل بعد 10 دقايق ابي اروح صيدليه السايق : اوكي مدام راحت مع السايق والأفكار توديها وتييبها (سترك يارب) وقف السايق عند الصيدليه .. الغلا : لا مو هاذي انا ابي صيدليه مستشفى السايق : مستشفى مال بابا كبير الغلا : ايه يلا بسرعه وصلت الغلا المستشفى وتمت داخل نص ساعه .. طلعت وهي ولا كأنها بالدنيا , تمشي من غير وعي شافها السايق واشر لها وما شافته ناداها وما سمعته .. وقف جدامها : مدام انت وين رووه سياره هناك ! مشت وراه وهي ضايعه ما تدري وين تروح ولا شتسوي السايق : مدام يبغي يروه مكان تاني ؟ الغلا : روح البيت طول الطريج وهي لامه نفسها بايدها ومنزله راسها .. موبايلها يرن ما ردت عليه ولا حتى شافت منو متصل عليها ,, وصلت وصعدت فوق لغرفتها عند مخدتها لمتها وقعدت تبجي , ساعه كامله وهي تصيح وما حست بنفسها الا وهي بغرفه خالد تصرخ اكرهك اكرهك يا حقير يا كلب .. فتحت الكبت وطلعت ملابسه تشق فيهم وتنثرهم , كسرت عطوراته وهي تبجي وما في لسانها غير اكرهك حتى انها جرحت نفسها ايدها تنقط دم لكنها ما حست جرح قلبها اللي تحسه اكبر من جرح ايدها اللي تنزف .. خربت كل شي بداره حتى اوراق لقتها على الكمودينه شقتها ونثرتها ,, ما حست بالوقت اللي سوت فيه كل هذا بنص ساعه عفست الغرفه فوق تحت ودموعها تنزل وتمسحهم بايدها المجروحه .. تعبت انهد حيلها طاحت على الملابس تبجي وتنادي امها : يما الله يخليج تعالي اخذيني من هنيه .. يما بموت بموت الساعه 11 بالليل دخل خالد جناحه وراح عند غرفه الغلا واستغرب لقى الباب مفتوح والغلا مو بغرفتها مشى صوب غرفته وسمع صوت انين فتح غرفته وانصدم !!!!! ,,,,,,,,,,,,,,,,,,,,,, ,,,,,,,, ،،، * شفيها الغلا .. شنو شافت بالمستشفى خلاها تنهار بهالشكل * .gif) بانتظار ردودكم ,, دمتم بخير .......( اختكم غفران*) | ||||
|
| |
 |
| الكلمات الدلالية (Tags) |
| للكاتبة, مجال, مكتملة, حياتي, غفران* |
| أدوات الموضوع | |
| انواع عرض الموضوع | |
|
|
العرض العادي
