26-11-13, 09:28 AM
| #21 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  (( الجزء التاسع عشر )) ( أيام من حياتي ) ******************************** الغلا كانت طايحه على الملابس تبجي وتون بصوت واطي وويهها كله دم شافها خالد وشهق : بسم الله الرحمن الرحيم غلا وش فيكي وش صاير من وين هالدم الغلا سمعت صوته وزاد بجيها : مو بهالطريقه مو بهالطريقه ,, اكرهك يا حيوان اكرهك .. وقامت تصرخ خالد خاف يحسب اهلها فيهم شي : وش صاير خبريني اهلك فيهم شي ؟ غلا وجهك كله دم قومي معي المستشفى الغلا تصرخ : وخر عني يا حيوان الله ياخذك خالد : حبيبتي اذكري الله وش صاير !! الغلا قامت بتروح غرفتها اختل توازنها ومسكها خالد الغلا وهي تبجي : وخر عني يا حقير لا تلمسني انت ما تفهم ,, ما ابيك طلقني اكرهك الله ياخذك وافتك منك ,, وبصراخ : وينج يما تعالي خذيني خالد خاف عليها يحسب راسها مجروح : غلا وجهك فيه دم قومي المستشفى الغلا بصراخ : ماني رايحه معاك مكان وخر عني طلعت من غرفته ودخلت غرفتها وقفلت الباب , خالد احتار شيسوي حتى لو يدق عليها الباب ما راح تفتح له وحتى لو كسر الباب ما راح ترضى تروح معاه المستشفى ,, قعد عند باب دارها يصبر نفسه اذا احتاجت شي يسوي لها .. كان يسمع صياحها تنادي امها وبنفسه ( يمكن اهلها فيهم شي , اخاف ادق على اخوها ويكون ما فيهم شي واخوف الرجال وانفضح انا.. سترك يا رب ,, وش صاير عليكي يا غلا ولمتى هالكره والحقد عليّ الله يصبرني ويحنن قلبك عليّ) الغلا يوم كامل بدارها ما طلعت بس تبجي حتى موبايلها مسكرته باليوم الثاني نزل خالد رايح لدوامه شافته امه : هلا بوليدي صباح الخير خالد ويحب راسها : الله يصبحك بالنور كيف اصبحتي يما ام عيسى : نحمد الله بخير وعافيه , وش بلاه وجهك كذا كانك مو نايم خالد بارتباك : ايه يما نايم متأخر ام عيسى : وشلونها مرتك عقب الصداع اللي جاها خالد : بخير الحمد لله .. يلا يما تاخرت فمان الله ام عيسى : وين يمي ما تبغى فطور ؟ خالد : متأخر يا الغاليه أفطر بالشغل .. يلا فمان الله ام عيسى : فمان الكريم ,,,,,,,,,,,,,,,,,, على الغدا الكل قاعد الا الغلا .. سألوا عنها قالهم خالد مصدعه نوف شكت ان فيها شي ( مو معقوله غلا ما تكلمني وجوالها يومين مسكر اكيد متزاعله مع خالد ,, الله يستر حتى وجه خالد ما يبشر بخير ) بعد المغرب ام عيسى بجناح خالد تتطمن على الغلا وخالد ما كان موجود دخلت الصاله ونادت الغلا .. سمعتها الغلا : هلا خالتي حياج ام عيسى فتحت عينها مخترعه : وش فيكي ليه وجهك كذا الغلا : سلامتج خالتي تعبانه شوي ام عيسى : اسم الله عليكي وجهك اصفر وعيونك مورمه .. كنتي تبكي ؟ الغلا نزلت راسها وبجت ,, لمتها خالتها وقعدت معاها عالقنفه : وش صاير يا بنتي قولي لي الغلا تبجي ولامه خالتها : تعبانه خالتي .. متضايقه ام عيسى : من ايش ؟ خالد ضايقك بشي ؟ الغلا (هو كل ضيقي) : لا خالتي ام عيسى : قولي الصدق يمي لا تخبي عليّ اذا ضايقك اكلمه الغلا : لا خالتي ,, بس انا ولهت على اهلي .. وبجت بصوت عالي ام عيسى وهي لامه الغلا وتمسح على راسها : اسم الله عليكي هدي بالك واهلك أي وقت تشتاقين روحي لهم خالد ما راح يمنعك , يما الغلا وجهك اصفر اجيب لك تاكلي الغلا وهي مغمضه عيونها : لا خالتي مو يوعانه ام عيسى : تنزلي معنا اليوم على العشا ؟ الغلا : اسمحيلي خالتي ما اقدر باجر ان شاء الله آكل معاكم ام عيسى : على راحتك يا بنتي وان بغيتي حاجه خبريني الغلا : مشكوره خالتي ما قصرتي دخلت عيهم نوف : السلام عالحلوين ,, وشهقت يوم شافت الغلا : الغلا يا عمري وش فيكي ليه وجهك كذا الغلا : سلامتج ما فيني شي نوف : كأنك سنه مو بماكله ولا نايمه ام عيسى : قلت لها يا بنتي هي ما تبغى تاكل نوف : ما عليكي منها يما قولي لميري تجيب لها عصير وساندويشات جبن هي تحبه الغلا : نوف كل شي موجود بالمطبخ عندي ان يعت باكل استأذنت ام عيسى ونزلت نوف : غلا تبغي تطلعي تغيري جو شوي الغلا ( والله ودي بس ماني قادره احس الدنيا تدور فيني) : لا نوف نوف : وش صاير يا قلبي لك يومين عازله نفسك مو معقول كل ذا تعب الغلا نزلت راسها ودموعها تنزل نوف : الغلا تعبانه ؟ تبغي تروحي المستشفى ؟ الغلا : لأ نوف : اجيب لك شي تشربي يدك ترتجف الغلا : ماي لو سمحتي الغلا شربت ماي وتمددت على القنفه وغمضت عينها نوف : تبغي تنامي ؟ الغلا : لأ بس مصدعه شوي نوف : اجيب لك حبة راس الغلا ( ما فيه حبه للقهر حبه للضيقه حبه تمحي ويه اخوج عني) نوف : غلا نمتي ؟ الغلا ما ردت عليها بس دموعها تنزل ,, قعدت معاها نوف نص ساعه الغلا نامت وهي عاقده حواجبها مبين انها مو مرتاحه بنومتها , غطتها نوف وطلعت ... بعد ساعه وعت الغلا قعدت ومسكت راسها , الم تحس فيه بكل جسمها قامت بتروح غرفتها حست بدوخه وكأن الغرفه تدور فيها قعدت وشربت من الماي اللي يمها عالطاوله ومسحت على ويهها .. قامت تمشي شوي شوي وهي ماسكه الطوفه , وصلت غرفتها ودخلت الحمام وفتحت الشور تهدي صداع راسها ,,, ,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,, ,,,,,,,, بعيد عن السعوديه وبالتحديد في منطقه من مناطق الكويت الحبيبه عاليه : اقول غوالي مادري شخبار الغلا غاليه : أي والله من زمان عنها من عقب ما عرست ماندري عن اخبارها عاليه : انا عقب عرسها بشهر دقيت لقيت جهازها مغلق غاليه : والحين دقيتي ؟ عاليه : لأ غاليه : شرايج ندق عليها عاليه : الحين ؟؟ لا عيب الوقت متأخر خليها باجر ندق دخلت امهم عليهم : ها حبايب قلبي لسه ما نمتوا عاليه : اهلين ماما .. كنا نسولف عن الغلا الأم : ايه كيفها حبيبة قلبي غاليه : ماما من العرس وما ندري عنها الأم : ما تلفنتي لها ؟ عاليه : باجر ماما نكلمها ان شاء الله الأم : وانا كمان بدي حاكيها وبسلم عليها عاليه : ان شاء الله ماما الأم : يلا حبايبي بكره عندكن جامعه ,, تصبحوا على خير عاليه وغاليه : وانتي من اهل الخير عاليه وغاليه صاحبات الغلا ,, تعرفت عليهم بالجامعه بظروف غريبه عليهم كلهم .. كانوا بمشكله والغلا ساعدتهم ..وهم الحين آخر سنه لهم بالجامعه ,, عاليه وغاليه من اب كويتي متوفي وام لبنانيه ,, حالتهم الماديه صعبه شوي شطارتهم وذكاءهم ومساعدة الغلا لهم ماديا من غير علمهم هو اللي خلاهم يكملون الجامعه ,, امهم ( ريما ) وايد تحب الغلا ومعتبرتها بنتها الثالثه وكبرت بعينها يوم الغلا يابت لها بطاقة سحب آلي وقالت لها هاذي لخواتي عاليه وغاليه * * * نرجع للسعوديه الحبيبة ...... الساعه 5 الفجر وعت الغلا وبصعوبه دخلت الحمام سانده نفسها على المغسله جسمها يعورها وما حست بنفسها انها ساعتين بالحمام طلعت للمطبخ تشرب ماي لكنها ما قدرت توصل اغمى عليها عند باب المطبخ طلع خالد بيروح لدوامه شافها طايحه ركض وشالها وسدحها عالقنفه : الغلا حبيبتي .. الغلا ردي عليّ ,, ركض غرفته ياب عطر شممها , الغلا عقدت حواجبها وونت بصوت خفيف خالد : الغلا حبيبتي لا تخوفيني ردي عليّ ,, خالد يضربها بالخفيف على خدها ويناديها .. دق على نوف ويات تركض : وش فيها خالد بخوف : لبسيها عباتها وحجابها بسرعه خالد شالها وبمساعده نوف ونزل تحت شافه ابوه وامه والجده وكلهم بصوت واحد : عسى ما شر وش فيها نوف تبجي ما تقدرت تتكلم ,, خالد بخوف : لقيتها مغمى عليها ابو عيسى : يلا يلا يا بوك ما عليها شر ان شاء الله راحوا ابو عيسى وام عيسى ونوف مع خالد المستشفى ,, وصلوا المستشفى واخذوها بسرعه لغرفه الفحص ,, نص ساعه وهم ينطرون .. طلعت لهم دكتوره سعوديه : السلام عليكم انتم مع المريضه الغلا ام عيسى : ايه نعم يا بنتي بشري وشلونها الحين الدكتوره : الحمد لله بخير يا خاله .. من زوجها ؟ خالد : خير دكتوره ابو عيسى : خير يا بنتي وش فيها البنت ؟ الدكتوره : بنتكم الظاهر انها ما كانت تاكل ولا تنام .. من يومين انا كاتبه لها فيتامينات تاخذهم لكن مبين انها ما اخذت شي منهم مع اني اكدت عليها انهم مهمين لها وللجنين لأني شفت جسمها ضعيف . خالد فاتح عينه : جنين ؟!!!!!!! الدكتوره : ايه .. ليه انت ما تدري ان زوجتك حامل ؟ خالد ومومستوعب ..حامل حامل حامل حامل حامل حامل تهلل ويه ابو عيسى وام عيسى بالفرح ونوف مبتسمه من بين دموعها وكلهم يباركون لخالد ,, وخالد كان بعالم ثاني ما سمع الأصوات اللي تبارك له ,, اللي سوته الغلا واللي صار لها نفسه انعاد جدام عيونه ( يعني يوم كانت بغرفتي تبكي منهاره كانت تدري انها حامل .. الحين عرفت وش كانت تقصد بقولها مو بهالطريقه .. انتي كارهتني يا الغلا حتى ولدك بتكرهينه؟! ,, كله مني .. يارب اني لا اسألك رد القضاء ولكن اسألك اللطف فيه .. يارب شافيها وخليها لي .. يارب انا احبها حتى لو ما بغتني انا شاريها , يكفيني اشوفها لو من بعيد حتى لو ما تكلمني ) رفع راسه ما لقى اهله عنده كلهم راحوا للغلا خالد يكلم الدكتوره : شلونها زوجتي الحين الدكتوره : حطيت لها مغذي مع فيتامينات جسمها تقريبا كان ناشف ونبض الجنين ضعيف .. والحين هي نايمه خالد : دكتوره حبيت ابلغك ان الغلا تخاف من الإبر وخاصه المغذي ما تحبه يعني راح تسوي لكم مشكله اذا شافته بيدها الدكتوره : يا اخ زوجتك جسمها واجد ضعيف ومتاجه على الأقل 4 اكياس مغذي .. ولا تخاف حنا نعرف كيف نتعامل مع مثل هالحالات ,, بس اللي ابغاه انك تهتم فيها .. هي حتى وقت التحليل جايه لحالها !! خالد يمشي بممرات المستشفى مهموم يحاتي الأيام اليايه ,, يحاتي الغلا ووضعها واللي في بطنها وحياتها معاه ,, شافه ابوه وناداه : وينك يا ولدي ما تبغى تشوف مرتك خالد : كنت اكلم الدكتوره يبه ام عيسى : يا قلبي عليها نايمه ما حست باحد ابو عيسى : يلا حنا بنمشي وانت خلك معها وطمنا عليها نوف : يبه انا بقعد عندها ام عيسى : يمي هي نايمه والدكتوره تقول ما راح تصحى الا بعد كم ساعه .. تعالي معنا والعصر نزورها نوف : الله يخليكي يما ابغاها تصحى وتلقاني جنبها خالد : خليها يما الغلا ما تحب المستشفيات يمكن لشافت نوف ترتاح شوي دخل خالد عليها لقاها نايمه ضعفانه وويهها اصفر .. شاف الدرب بايدها وتذكر المانيا ,, طلع من الغرفه مهموم ومشى وهو متضايق وطلع بره المستشفى .. دق على فهد كان يبي أي احد يتكلم معاه وما لقى غير اخوه وصديقه وولد عمه ,,, فهد : هلا بالغالي خالد وصوته متغير : وينك فهد ؟ فهد : عسى ما شر وش فيه صوتك متغير !! مريض ؟ خالد : فهد تعال انا في مستشفى .......... فهد بخوف : خير وش صاير ؟ من بالمستشفى ؟ خالد : زوجتي فهد : سلامتها ايش فيها ؟ خالد : تعال يا فهد الله يخليك حس فهد ان خالد فيه شي وطول الطريج كان يحاتيه ,, بعد نص ساعه وصل فهد وشاف خالد قاعد على الكراسي اللي بره , فهد بابتسامه : مبرووووك الف الف مبروك ياخوي تو نوف بشرتني خالد : فهد ودني أي مكان حاس نفسي مخنوق فهد : سلامتك يا خوي عسى ما شر ! بالسياره خالد مسند راسه على الكرسي وحاط ايده على يبهته وتفكيره كله بالغلا فهد : شصاير خالد تكلم ,, هذا بدل ما تفرح زوجتك حامل وبتجيب لك الولد .. متضايق ومهموم !! خالد : .................................................. وقف فهد السياره ونزل خالد ووقف عند السياره وسند ظهره عليها خالد بكل حزن : ما تبغاه يا فهد ما تبغاه وكله مني فهد : من هو اللي ما تبغاه !! خالد : زوجتي ما تبغى اللي في بطنها فهد : صاحي انت ؟! في وحده ما تبغى ضناها ؟!!! خالد : كرهته وانا السبب كله مني انا السبب فهد : خالد انت من رجعت من شهر العسل وانت متغير ,, انا لاحظت عليك بس ما تكلمت , قلت يمكن مشاكل بينه وبين زوجته مالي حق اتدخل فيها بس ان زوجتك تحمل ووجهك كذا مهموم اكيد فيه شي .. وبعدين ليه زوجتك كارهه .. ليه هي قايلتلك ما تبغي تحمل الحين ؟ انت متفق معها ؟ خالد : متفق معها ؟ كان زين يا فهد ,, انا اللي قريب الشهرين ما قعدت ولا تكلمت معها وكله مني انا ,,,, خالد دمعت عينه ,,, استغرب منه فهد ومسك جتفه : خالد تبكي!!!!!!!!!!!! خالد : ايه ابكي .. خلني ابكي يا فهد .. ابكي غروري وغبائي .. كل اللي يصير انا السبب فيه .. الله عطاني الغلا ونعم المره بس انا ما صنتها فهد : انت وش تقول وش تقصد من هالكلام ؟! خالد : تذكر يوم اقول لك اني ماخذها عشان انتقم منها فهد : ايه وانا قلت لك ونصحتك ان البنت معدنها طيب وبنت عايله واهلك يشهدون باخلاقها وتربيتها خالد : وانا اشهد.. بس غروري ما خلاني .. عذبتها يا فهد .. الغريب بالغربه صار احن عليها مني خالد قال لفهد انه تركها بالأيام بروحها بالفله وان مد ايده عليها وضربها وانه ياها وهي كارهه طرااااااااااااااااااااااا ااااااااااااااااااااخ 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 كف من فهد على خد خالد خلاه يفتح عيونه منصدم فهد بعصبيه : انت رجال انت ؟ هاذي سواة رجال .. ترضاها لأختك ,, حرام عليك البنت وثقت بك واهلها موصينك عليها .. تاركه ديرتها واهلها ورضت بك وهذا جزاها !! ما الومها يوم تسوي كل ذا اللوم عليك انت .. الحين بس عرفت ليه كل ما سألتك عنها ترتبك وتسرح .. احمد ربك انها ما هجت منك وراحت لأهلها .. وانها رجعت معك وحفظت ماي وجهك ,, ارتحت الحين يوم انك انتقمت لغرورك .. وش هالغرور اللي راكبك ,, وش تحس به .. تغيرت يا خالد تغيرت ,, غرورك عماك وهاذي النتيجه .. ما تنلام المسكينه بكل اللي تسويه وتقوله ,,,,,,,,, خالد وايده على خده وبشماغه مسح دموعه ومشى عن فهد ,, ما يدري وين يروح .. فهد يناديه وخالد يمشي بسرعه ما يرد عليه .. رجع فهد سيارته ومشى بالشوارع يدور على خالد . ,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,, ,,,,,,,,,,, ,,, مر يومين والغلا بالمستشفى وخالد محد يدري وينه ! فهد يكلم عيسى : ها بشر ما دق عليك ؟ عيسى : لا ما دق هقوتي انه مسافر دق فهد على عمه : شلونك عمي .. ما دق عليك خالد ؟ ابو عيسى : لا يابوك ما دق .. انا داري ان فيه بلا وانه متزاعل مع مرته .. لكن يتركها وهي طايحه بالمستشفى هذا اللي ما ارضىي به ,, ما قالك يا بوك وش بلاه ؟ فهد : قال زعل بسيط بينه وبين مرته .. بس انا احاتيه يا عمي ومادري وين هج ابو عيسى : وانت يا ولدي منت خابر اخوك اذا تضايق وين يروح ؟ تذكر فهد : الله يذكرك بالشهاده يا عمي انا اليوم رايح له وادق واطمنكم . وين راح خالد وفهد بيلقاه والا لأ ؟ كل هذا بتعرفونه بالجزء القادم ان شاء الله دمتم بخير ( اختكم غفران*) | ||||
|  |
|
26-11-13, 09:29 AM
| #22 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ( الجزء العشرون )) ( أيام من حياتي ) **************************** حجز فهد وأخذ اغراضه وراح لبيت الله .. المكان اللي ترتاح فيه النفوس والقلوب ,,, اعتمر فهد ورجع الفندق يرتاح . باليوم الثاني قبل صلاة الفجر طلع فهد للحرم يدور خالد .. لقاه قاعد قبال الكعبه يقرا قرآن ,, قعد فهد بعيد عنه بس عينه ما راحت عن اخوه وصديقه ,, خلصت الصلاة ومشى خالد صوب الفندق وفهد وراه .. وقبل لا خالد يفتح الباب سمع صوت وراه : تقبل الله عمره مقبوله ان شاء الله التفت خالد وتفاجأ يوم شاف فهد نزل راسه وقال : منا ومنك فهد : ارفع راسك وانا اخوك .. ما هو خالد اللي ينزل راسه , كل مشكله ولها حل ,,, تحاضنوا ودمعت عين خالد فهد : اشتقت لك وعمي هو اللي ذكرني بمكانك .. سامحني يا خوي اذا غلطت عليك خالد : شلونها فهد بشرني فهد : الحمد لله بخير امك وخواتك ما تركوها دايم عندها خالد : ليلحين بالمستشفى ؟ فهد : ايه ما رضت الدكتوره تطلعها الا لما تاكل خالد : وش سوت مع المغذي ؟ فهد : ما شاء الله دكتورتها شاطره وقويه كلمتها لما اقتنعت خالد : فهد تكفى دق على نوف كلمها ابي اسمع صوتها فهد : ابشر بس مو الحين الناس فجر اصبر وقت الفطور ادق تمدد كل واحد على قنفه واخذ له غفوة وعلى الساعه 9 قعدوا فهد : يلا خالد ما تبغي فطور خالد : دق على نوف بالأول ,,,,,,, فهد : هلا والله بهالصوت وراعيته نوف : هلا بك يا قلبي تعمرت ؟ فهد : ايه الحمد لله ودعيت لك انتي واللي معك نوف تكلم الغلا : جاتك دعوه من فهد دعا لك بالحرم الغلا : قولي له مشكور وعمره مقبوله ان شاء الله نوف : فهد الغلا تسلم عليك وتقول لك عمره مقبوله فهد : حطي سبيكر خليني اسلم عليها فهد : السلام عليكم شلونك ام عبد الله عساك طيبه الغلا : وعليكم السلام عمره مقبوله ان شاء الله فهد : تقبل الله منا ومنك وشلونك الحين الغلا : الحمد لله عايشه .. لو نوف مو عندي جان مت من زمان ( استغفر الله العظيم اللهم اغفر لي ) خالد ( بعيد الشر عنك يا قلبي .. اشتقت لك غلاي .. صوتك يحييني محتاج لك واجد والله العالم ) فهد : بعيد الشر عنك .. خلاص الساعه ب 10 ريال الغلا : أي ساعه ؟ فهد يضحك : لنوف .. كل ساعه تقعدها معك ب 10 ريال الغلا تضحك : حرام عليك بس 10 !! شويه عليها .. مليون ما يوفيها حقها صوت نوف : يا بعد عمري ,, سمعت هاذي الناس اللي تقدر .. خلاص انا زعلانه منك .. اجل انا اساوي عندك 10 ريال فهد يضحك : خلاص يا قلبي لا تزعلي نزيدهم 5 وش رايك الغلا : حرام عليك فهد لا تزعلها كل شي ولا نوف اللي يزعلها ازعل عليه ,, فهد بطلب منك طلب لو سمحت فهد : آمري ام عبد الله الغلا : ما يامر عليك عدو .. الله يخليك دير بالك على نوف تراها صج ماسه ونادره بعد .. لا تزعلها الله يخليك ,, نوف برقتها وقلبها الطيب مثل الفراشه صوت نوف : يا بعد عمري اذا انا فراشه انتي وشو ؟؟ الغلا : كنت فراشه بس ما تحملت والحين احاول اصير لبوه نوف تضحك : وشمعنى لبوه ؟ الغلا : عندها اظافر تدافع عن نفسها نوف : حتى البسه عندها اظافر الغلا : صج البسه على قولتج عندها اظافر بس اليفه ما تعور غير اللبوه شمختها والقبر تضايق خالد من كلام الغلا اللي كان متاكد انها تقصده فهد : لا توصي حريص نوف قبل لا تكون زوجتي هي بنت عمي وهي بقلبي وعيوني الغلا : ان شاء الله هالكلام مو بس قول .. قول وفعل يا فهد فهد يضحك يلطف الجو لأنه شاف خالد متضايق : ابشري ,, .. يلا نوف يا فراشتي اشوفك على خير , سلامي للجميع . خالد : سمعت يافهد ! فهد : لا تلومها اللي شافته ما هو بشوي,اللي يتكلم جرحها وكرامتها.. اصبر عليها لازم تحس معك بالأمان عشان تتقبلك خالد : يا فهد مرتي كارهتني واللي في بطنها كرهها فيني زود .. كانت بترجع لأهلها بعد شهر ومعها ورقه الطلاق فهد فاتح عيونه : طلاق !! خالد يتنهد : ايه ما وافقت ترجع معي السعوديه الا لما اوافق على شروطها ومنهم ورقه طلاقها فهد : وانت وافقت ؟! خالد : انت ما تدري عن حالتها .. لو ما وافقت ما كانت راح ترجع معي وكان صارت مشاكل كثيره احنا في غنى عنها فهد : لكن الحين الوضع اختلف هي حامل الحين خالد : انا ضايع يا فهد شور عليّ ما ادري وش اسوي ضاقت فيني الوسيعه فهد : اذكر الله يا خالد وكل مشكله ولها حل خالد : لا اله الا الله ,, فهد انا عاهدت نفسي اني ما ارفض لها طلب أي شي تبغاه اسوي لها بس ما اشوفها تبكي والا متضايقه.. من اخذتها وهي دمعتها على خدها , واللي كبرها في عيني انها ماقالت لأهلها عن مشاكلنا ولا لأهلي حتى نوف اللي دايم معها ,, اتمنى ترجع لي نفس ما كانت يوم الملكه اشتقت لها يا فهد (دمعت عينه) فهد وهو متأثر : الله يهداك يا خوي لا تسوي بنفسك كذا.. يمكن اللي في بطنها يقربكم من بعض .. ترى الضنى غالي يا خالد , واذا هي متضايقه من الوضع الحين اذا شافته يكبر في بطنها بتفرح فيه وتتغير حياتها وقول فهد ما قال خالد : الله يسمع منك فهد : يلا يا اخي قوم جوعتني ,,,,,,,,,,,,, بعد اسبوع الغلا رجعت البيت بنفس يوم رجعه خالد وفهد من العمره الغلا كرهت مكانها ونفسها عافت انها تروح لجناحهم , قعدت بغرفه الجده وكانت مستحيه تقول لها بنام عندج.. كانت تصعد فوق علشان تبين لهم انها رايحه لجناحها بس هي متفقه مع نوف تنام عندها من غير محد يدري منعا للمشاكل ,, خالد كان يكلم نوف يتطمن على الغلا وما ينسى يدز لها كل يوم بالليل (تصبحي على خير يا قلبي) . ,,,,,,,,,,,,,,,,,,,,,,,,,,,,,,,,,, الغلا بجناحها بالمطبخ تقطع لها تفاح رن موبايلها الغلا : هلا وغلا باحلى اديده اليده : هلا بغلا قلبي شلونج يما الغلا ودموعها تنزل ما قدرت ترد عليها وسمعتها اليده تشهق اليده : مبروك يما عسى الله يتمم عليج الغلا تبجي : ابيج اديده ,,,,,,خالد طلع من غرفته وسمع الغلا تتكلم اليده : حتى انا ابيج يا بنتي *وتمسح دموعها* الغلا وهي مغمضه : لميني اديده ولهانه عليج وايد اليده : بس يما لا تبجين وتضيقين على عمرج موزين وانتي باول حمالج الغلا : جان زين ما رحت وخليتكم إهيء إهيء انا تعبانه اديده اليده : شتعبانه يما منه ؟ من الحمال ؟ الغلا : من كل شي حتى من نفسي اليده : ذكري الله يما الغلا وهي تبجي : لا اله الا الله محمد رسول الله اليده : يما فيه حريم باول حمالهم يتعبون ويكرهون حتى رياييلهم لا يكون انتي منهم ؟ الغلا : انا اولهم .. اديده ما اقدر اقعد هني اكثر من جذيه حاسه نفسي بموت ,,,, خالد عوره قلبه من كلمتها اليده : اسم الله عليج يما شهالكلام ,, لا تخرعيني عليج وتخليني احاتي .. اذا فيج شدة سفر تعالي واذا ما تقدرين حنا نييج الغلا : لا اديده انا اييكم .. ولهت عليكم وعلى كل شي هناك اليده : وحنا يما اكثر .. يلا مسحي دموعج وسمعيني ضحكتج الغلا تضحك من بين دموعها : عسى الله لا يحرمني منج يا الغاليه اليده : ولا منج غلا عيوني ,, يلا ديري بالج على نفسج وسلمي على كل اللي في البيت الغلا : الله يسلمج سكرت الغلا موبايلها وحطت راسها على الطاوله وبجت : خلاص ما اقدر استحمل اكثر من جذيه خالد يسمعها وقلبه يتقطع عليها .. وده يدخل عليها يمسح دموعها ويحضنها ويخفف عنها وعنه بس يدري انها مو متقبله حتى تسمع صوته . وقت المغرب ,,, الغلا قاعده مع نوف عند الجده ,, ام عيسى كانت بالمطبخ ياها خالد : يما ابغي بخور للمجلس الحين بيجي فهد وتركي ام عيسى : الحين اقول لنوف تحط البخور .. فيه احد بالمجلس ؟ خالد : لا يما شوي ويجون ام عيسى : يلا الحين اقول لها صعد خالد جناحه علشان يجهز قبل ايون الشباب وراحت نوف غرفة امها ويابت البخور وهي نازله كانت تكلم دلال بالموبايل وبدخلتها للمجلس ضحكت بصوت عالي وما كانت تدري ان فهد موجود وتركي على وصول ,,, فهد بعصبيه : نووووووووووف نوف اخترعت وطاحت منها علبة البخور وموبايلها فهد : وين داخله انتي ؟!! نوف فاتحه عينها وحاطه ايدها على حلجها فهد بعصبيه : ليه جايه المجلس!!! نوف دمعت عينها : كنت جايبه البخور لخالد فهد : ليه !! ما فيه خادمه تجيبه ؟ جايه لمجلس لرجال وانتي بهاللبس لو كان فيه رجال هنا .. وش كان سويتي نوف : .................................. فهد : آخر مرة اشوفك داخله هنا ويلا اطلعي تركي شوي ويجي طلعت نوف وهي متضايقه ودمعتها بعينها .. أول مره فهد يصرخ عليها راحت غرفتها ودخلت الحمام وقعدت تبجي ,,, عند فهد ,,, تضايق من اللي صار بينه وبين نوف .. وما حب انه يصرخ او يعصب عليها ( استغفر الله .. خفت ان تركي يكون هنا ويشوفها ,, آه يا نوف ادري انك تبكين الحين .. ما هو قصدي حبيبتي اجرحك بس خذتني الغيره عليكي حبيبتي ) ... اخذ موبايلها وسكره وحطه بجيبه واخذ علبة البخور وحطها عالطاوله دخل خالد المجلس : هلا فهد فهد والضيقه مبينه بويهه : هلا بك خالد : عسى ما شر وش فيك فهد : سلامتك تعب الشغل خالد : الله يعينك ,,,, نوف ما جابت البخور ؟ فهد : من جيت ما شفت احد ( استغفر الله ) راح خالد عند الطاوله وشاف البخور وحطه عالمبخره وبخر المجلس صعدت الغلا غرفة نوف وراحت تمددت عالسرير وكل تفكيرها شلون تقول لأهل البيت انها بتسافر ,, سمعت صوت نوف بالحمام الغلا تطق باب الحمام : نوف .. نوف نوف من سمعت الغلا زاد صياحها الغلا بخوف : نوف اشفيج ؟!! فتحي الباب .. نوف نوف فتحت الباب ولمت الغلا وبجت .. الغلا خذتها وقعدتها على السرير الغلا : اشفيج نوف ؟ ليش تبجين ؟ نوف قالت للغلا على اللي صار بينها وبين فهد الغلا : خرعتيني الله يهداج .. بعدين فهد ما غلط .. اللي قاله لج بدافع الغيره .. خاف احد يشوفج نوف تبجي : امي قالت لي ما فيه احد بالمجلس ,, انا وش دراني ان فهد والا غيره موجود الغلا : خلاص هذا درس لج قبل لا تدخلين أي مكان سألي فيه احد والا لأ انسدحت نوف عالسرير تبجي الغلا : نوف حبيبتي ما يستاهل هالموقف كل هالدموع نوف بصوت باكي : اول مره يصرخ علي غلا الغلا : هدي بالج تلقينه حتى هو متضايق الحين بالمجلس ,,, قبل لا يطلعون فهد وتركي دخلوا سلموا على جدتهم وفهد بحركه سريعه وبغفله من الموجودين اخذ موبايل نوف وحطه على طاوله صغيره شافها يم سرير جدته .. نوف ما تعشت وقاعده مع الغلا تسولف ,, انطق الباب والغلا فزت خايفه وتأشر لنوف يعني منو ,, نوف أشرت لها تدخل الحمام ... راحت نوف تفتح الباب شافت انوار : خذي جوالك ناسيته بغرفة جدتي نوف : ها انوار : وش هو اللي ها ؟ وش فيكي انتي ؟ ليه ما نزلتي كلتي ؟ نوف : مالي نفس انوار : يلا تصبحي على خير نوف : تلاقي خير طلعت الغلا من الحمام وشافت نوف لامه موبايلها وسرحانه الغلا : من عالباب ؟ نوف : انوار جايبه جوالي الغلا : من معطيها اياه نوف : مادري جوالي كان بالمجلس وعطتني اياه تقول ناسيته بغرفة جدتي .. من وصله لغرفة جدتي ؟ الغلا مبتسمه : سألي فهد نوف : ماني بساألته ولا مكلمته الغلا : الله يهديج .. فهد ما يستاهل احد يزعل عليه ( عالاقل جنتل احسن من اخوج هالحقود المغرور ) 4 أيام ونوف مسكره موبايلها وفهد يحاول يدق عليها وجهازها دايم مغلق .. زار جدته علشان يشوفها بس سوت نفسها تعبانه ونايمه ,,, سوى فهد حركه علشان يشوف فيها نوف .. دقت امه على ام عيسى وعزمتهم عالعشا نوف : انا مانيب رايحه ام عيسى : ليه ؟ ام فهد داقه ومحرصه علي تقول كلكم تعالوا حتى الغلا الغلا : خالتي اسمحيلي انا ما اقدر الجده : ليه يمي اطلعي شوي وسعي صدرك مع البنات دايم قاعده لحالك ومسكره عليكي بيتك نوف والغلا يطالعون بعض ام عيسى : علامكم تناظروا بعض كذا ؟ لا تطلعوا اعذار كلكم بتروحون الساعه 9 بالليل كانوا كل البنات متجمعين عند ام فهد ,, والغلا ارتاحت شوي لما سولفت مع خوات فهد والبنات ,, حطوا العشا والغلا كلت لها شوي سلطه وفطيرة جبن صغيره دلال : الغلا هذا اكل حامل ؟ الغلا بصوت واطي : ما اشتهي دلال انوار : وين نوف جود : بغرفتي رايحه تمسح العصير اللي كبه عمر على فستانها دلال : يا ويلي الحين تجي وتحط حرتها في ولدي الغلا : لا تحاتين انا موجوده يا ويلها ان لمسته البنات يضحكون نوف بغرفة جود وبايدها الاستشوار تنشف فستانها وهي معصبه : انا قايله مانيب رايحه .. الله يقطع عدوك يا عمير.. اووووف فهد بالمجلس ياله ماسيج قراه وقام بسرعه وصعد فوق وطق باب غرفة جود نوف : جود عن الاستعباط ادخلي ترى مزاجي ماهوب رايق لاحد دخل فهد وسكر الباب وراه وقفله : حتى لي انا ؟ نوف شافته وصدت وراحت صوب الباب بتطلع .. يا فهد ولمها من ورا وباسها وبصوت واطي عند اذنها : كل هذا تغلي والا زعل ؟ نوف ارتجف جسمها من لمته ومغمضه عيونها : ......................... فهد : حرام عليكي اسبوع لا ليلي ليل ولا نهاري نهار نوف : .................................................. ....... فهد : نوفتي نوف سالت دموعها على خدها .. فهد لفها صوبه : ما عاش من ينزل دمع نوفتي حبيبتي نوف نزلت راسها وهي تبجي .. رفع راسها ومسح دموعها وباسها بين عيونها : يعني ما يحق لي اغار على حرمتي نوف بصوت باكي : والله ما كنت ادري ان فيه احد بالمجلس فهد يطالعها ومبتسم : ....................................... نوف : وامي اللي قالت لي ودي البخور فهد : ....................................... نوف منزله راسها وتمسح دموعها .. فهد رفع راسها فهد : لا تحرميني منك كذا مرة ثانيه اذا زعلتي علي قولي فهد انا زعلانه منك ,, لكن تحرميني حتى من سماع صوتك لأ نوف : ...................................... فهد بخبث : من كثر ما افكر فيكي واحد بالمستشفى عنده عمليه فتح صمام كنت راح اشيل قلبه كله من كثر التفكير بك نوف ابتسمت وهي منزله راسها فهد : ارفعي راسك لا تحرميني من هالوجه والابتسامه الحلوه نوف بارتباك من قربه : شلونك فهد : هههههههههههههه بخير يوم شفتك حبيبتي ,, فهد لمها لصدره وباسها على خدودها وشفايفها .. نوف استحت وبصوت مرتبك : يلا فهد اتأخرت عالبنات فهد ويمسح على خدودها : خليكي ما شبعت منك .. مثل ما حرمتيني منك اسبوع ما راح تطلعي من هنا الا بعد اسبوع نوف : هههههههههههههههههههه فهد : يا لبى هالضحكه وراعيتها .. رفع ويهها وباسها وبصوت هادي : نوفتي وش رايك نعرس الحين نوف ويهها صار احمر فهد : ههههههههههه ها وشقلتي انطق الباب وكانت جود : يلا انزلي امك تسأل عنك ارتبكت نوف ودخلت الحمام اللي بغرفة جود وغسلت ويهها وعدلت مكياجها وطلعت شافت فهد قاعد تنطرها نوف : انت ليلحين ما طلعت فهد : انتظرك حبيبتي نوف : فهد اطلع ما ابغي احد يحس انك هنا فهد يمسك ايدها : ما راح اطلع الا لما احس انك منتي زعلانه نوف بابتسامه : خلاص مانيب زعلانه فهد : وش يثبت لي انك منتي زعلانه نوف باسته على خده وركضت افتحت الباب ونزلت تحت فهد مبتسم وحاط ايده على خده .. رن موبايله وكان خالد فهد : خير خالد : يا ليل وش هالأخلاق فهد : يا خي املك قبلك واعرست قبلي هاذي حاله بالله عليك خالد مستغرب : وش جاب الطاري !!!!! فهد : ظف وجهك .. وسكر الموبايل بويهه فهد ضحك على نفسه ( هههههه جت فيك يا خالد ) بعد مرور اسبوعين ,,,, الغلا بمكتب عمها : هلا بالغاليه حياكي يبه الغلا وتحبه على راسه : هلا فيك عمي الله يحييك اخذها من ايدها وقعد يمها على القنفه .. شافها مرتبكه ومستحيه ابو عيسى : وش تامر عليه ام عبد الله الغاليه الغلا ابتسمت لما قالها ام عبد الله : يمكن بنت عمي ابو عيسى يضحك : يا حي الله فيها وفي امها .. اللي يجي من الله كله خير وبركه ,, قولي يا بنتي اللي في خاطرك لا تستحي مني الغلا : عمي ما عليك امر ابي اسافر لأهلي ابو عيسى : وهذا اللي مستحيه تقوليه .. متى تبغي تسافري ؟ الغلا : هالأسبوع ابو عيسى : يا بنتي اشوفك ليلحين ضعيفه وتعبانه يمكن السفر مو بزين لك الغلا : لا عمي الحمد لله ما فيني الا العافيه (دمعت عينها) ولهت على اهلي عمي ابو عيسى : ابشري يا بنتي اشوف لك اقرب حجز و... انطق الباب ودخل خالد سلم وقعد مقابلهم ومن شافته نزلت راسها ابو عيسى : الطيب عند ذكره خالد : خير يبه آمرني ابو عيسى : ما يامر عليك ظالم ,, شوف اقرب حجز للكويت خالد : بتسافر يبه ؟ ابو عيسى : لا ما هو بانا مرتك بتزور اهلها خالد انصدم ( الله يخليكي يا غلا لا تتركيني .. حتى لو انتي مو معي بالغرفه كفايه انك معي بالبيت اتطمن عليكي .. لا ما اقدر تبعدي عني ما اقدر يا قلبي ما اقدر ) : ابشر طال عمرك عندي علم انها بتزور اهلها ولقيت حجز بعد يومين او الاسبوع الجاي ابو عيسى : وحجزت ؟ خالد : لا يبه كنت باخذ رايها اذا تبغي بعد يومين والا اسبوع ابو عيسى : وش قلتي يبه تبغي بعد يومين والا الاسبوع الجاي الغلا وبصوت واطي : بعد يومين ابو عيسى : انتي متأكده انك تقدري تسافري ماهو تعب عليكي الطياره الغلا : ايه عمي ايه الله يخليك ابو عيسى : اجل على بركه الله روح يا ولدي احجز ووصل زوجتك لأهلها الغلا فتحت عينها .. ما كانت تبي تسافر مع خالد ولا كانت تقدر تخالف كلام عمها لأنها مستحيل تسافر بروحها .. على كثر ما فرحت انها بتشوف اهلها تضايقت ان خالد بيروح معاها . بالليل دزت الغلا لخالد ماسيج : ما ابي اقعد يمك بالطياره احجز لي كرسي بروحي خالد : امرك حبيبتي ,, فيه طلبات ثانيه ؟ الغلا ما ردت عليه , دز لها خالد ماسيج (تصبحي على خير يا قلبي) الغلا منسدحه على سرير نوف ومغمضه عيونها وحاطه ايدها على بطنها ( يا ترى شخاشتلي الأيام ,, واذا طلعت من هني بارجع مره ثانيه والا لأ .. وشنو مصير اللي فبطني شلون بيعيش ومع منو) * * * وصلوا خالد والغلا الكويت بالسلامه ,, اخذ خالد سياره من المطار وصلتهم لبيت اهل الغلا والصدفه ان ناصر كان توه طالع وواقف عند سيارته ,, نزل خالد سلم عليه وانصدم يوم شاف الغلا كانت متغيره من الضعف وويهها مبين عليه التعب ناصر : هلا والله الحمد لله على السلامه .. مبروك الله يتمم عليج الغلا لامته وتبجي ( لا تباركلي يا خوي عزيني) ناصر : اشفيها توأم روحي ! كل هذا من الحمال صايره عود خالد ابتسم والغلا زاد صياحها ولامه ناصر حيل ناصر : تفضلوا حياكم .. ليش ما قلتوا انكم بتييون اليوم امي من شوي رايحه بيت يدتي خالد : ما عليه ما حنا بغرب ناصر : اكيد .. اهل والنعم فيكم ,, ويلتفت على الغلا اللي لازقه فيه ويضحك : كل هذا ولهانه عليّ قامت الغلا : ناصر مفتاح داري عندك والا عند امي ؟ ناصر : دارج مفتوحه العصر شايف الخدامه تنظفها .. جنه امي حاسه انج بتيين اليوم . صعدت الغلا غرفتها وناصر اخذ خالد وطلع ,, دخلت الغلا دارها ووقفت تطالعها ولهانه جنه سنه مو داشتها , سكرت الباب وقفلته راحت عند سريرها ولمت مخدتها ونزلت دموعها .. فرت بعينها على كل ركن فيها .. مكتبتها تلفزيونها كبتها التسريحه وحتى باب الحمام : ولهت عليج يا غرفتي طلعت منج الغلا البنت اللي تحب الضحك وقلبها خالي من الهموم ورجعت لج وحده ثانيه .. الغلا اللي الدمعه ما تفارقها واللي الهم زاد عمرها 10 سنين . دخلت حمامها وفتحت الدش وقعدت ساعه تحت الماي تبجي الم , دخلت سريرها : ولهانه عليك يا فراشي يا ليت ما رحت وخليتك تلحفت ونامت ,, الساعه 11 رن موبايلها الغلا : .................. الغلا نايمه والموبايل حاطته سايلنت ناصر يكلم امه : نايمه ادق ما ترد ودارها مقفوله ام حمد : يعني ما اشوفها اليوم ناصر مبتسم : شدعوه يما باجر الصبح تشوفينها ان شاء الله ويلتفت على خالد : يلا خالد حياك لا تستحي البيت بيتك خالد : الله يسلمك ما تقصر .. ترى طيارتي بكره الساعه 7 الصبح ام حمد : وليش يمه مستعيل جذيه جان قعدت جم يوم خالد : عندي شغل يا عمه وانا جاي اوصل الغلا مشتاقه لكم ام حمد : حنا مشتاقين اكثر .. ومتى بترجع يما خالد : متى ما تبغي ترجع الغلا اجي آخذها .. خليها عمه على راحتها الفجر راح ناصر وخالد المسجد صلوا والساعه 5 دخلوا البيت لقوا ام حمد حاطه لهم الريوق خالد ويحب ام حمد على راسها : صبحك الله بالخير عمه ام حمد : صبحك الله بالنور يما كيف اصبحت خالد : بخير الله يسلمك ناصر يحب راس امه ويقعد يمها : صبيلي حليب يما تريقوا خالد وناصر والساعه 6 قبل لا يطلع خالد للمطار وصى عمته على الغلا : ما اوصيكي يا عمه انا مسافر وتارك قلبي معك ام حمد : سافر وانت مرتاح قلبك الله حافظه ان شاء الله لا توصي حريص يما خالد : عمه رقمي عند ناصر أي شي تبغوا دقوا عليّ ام حمد : عساك سالم يما والله يسهل دربك وتوصل بالسلامه وسلم على الأهل من كبيرهم لصغيرهم خالد مبتسم : ان شاء الله يوصل ,, ويحبها على راسها : فمان الله الساعه 10 قعدت الغلا من النوم فتحت عيونها وابتسمت : الله انا بداري وبفراشي ,, وتطالع الساعه : اووووووه جني نمت وايد اكيد الحين امي تحاتيني ,, بعد نص ساعه نزلت الغلا وركضت لأمها دفنت راسها بصدرها وتبجي .. خافت امها عليها وقعدت تمسح على راسها وتسمي عليها : اشفيج يما علامج ! الغلا وهي تبجي : ولهت عليج يما وايد وايد ام حمد : وانا اكثر يما ,, شلونج حبيبتي الغلا : بخير يوم شفتج ونمت بداري ولهت عليكم كلكم امها تضحك وتلمها : مبروك يا بنيتي عسى الله يتمم عليج بجت الغلا وهي لامه امها ام حمد : بس يما من البجي .. اشوف خليني اشوف ويهج .. اشفيج جذيه ضعفانه ! الغلا : ما اشتهي آكل يما ام حمد : كل شي باوله صعب بس لازم تاكلين انتي في بطنج روح تبي تاكل يما 3 اسابيع والغلا عند اهلها .. ما كانت تطلع الا لبيت يدتها واغلب وقتها بغرفتها ,, صارت ما تسولف ولا تقعد مع خواتها وايد ,, امها تغصبها على الاكل لما شافت اكلها خفيف ومنعت عنها القهوه وغصبتها على الحليب اللي اول ما شربته الغلا راحت رجعته ,, ,,,,,,,,,,,,,,,,,,,,,,,,,,,,,,, الغلا عاقده حواجبها وبصوت واطي : لا .. لا ........ الغلا بصوت عالي : وخر عني ... وخر .. يماااااا يمااااااااااااااااااااااا ااااااااااااا طلعت ام حمد من غرفتها تركض لغرفة الغلا دخلت عليها وشافتها على السرير ضامه نفسها وتصرخ ,, ام حمد لامتها : اسم الله عليج الرحمن الرحيم الغلا بصراخ : وخريه عني يما .. وخريييييييييييييييه ام حمد لامتها وتمسح على شعرها وتقرا عليها : قولي باسم الله الغلا : بيذبحني يما .. قوليله مابيه .. طلعيه برا يمااااا ام حمد تشربها ماي : خلاص يما طلع بس ذكري الله يما اسم الله عليج الغلا : لا تخليني يما لا تخليني ام حمد : معاج يما ماني طالعه ... نامي حبيبتي نامي ,,,,,,,, ,,,,,,,,,, الغلا تعبت نفسيتها من الكوابيس اللي تشوفها .. تقوم بنص الليل تصرخ .. خلت دارها وقامت تنام عند امها.. دايم سرحانه ودموعها على خدها . المغرب الساعه 7 ,,,,,,,,,, الغلا بغرفتها وياتها الخدامه : Madam your friend here الغلا : OK tell them I will change and come soon الغلا شافت مريم واميره لمتهم ودمعت عينها : ولهت عليكم وايد مريم : غلا اشفيج صايره جذيه !! متغيره !! اميره : ايه .. وايد ضعفانه ,, كل هذا من الحمال !! الغلا ( من القهر والهم اللي عشته ) : يمكن ,, لأني ما اشتهي آكل اميره : تعالي كل يوم عندي وانا اوكلج الغلا : ههههههه ,, ميمي ليش ما يبتي حمودي ؟ مريم : وديته عند امي .. انا يايه اسولف معاج ولهانه عليج ,, مالي خلق حنته الغلا : اميره ميمي صارت ام وانا قريب والفال لج ان شاء الله ,, ها ما كو شي منيه مناك ؟ اميره تطالعها مبتسمه الغلا : قولي عينج فيها حجي وايد مريم تغني : حكيم عيون افهم بالعين .. وافهم كمان برموش العين ضحكوا الغلا واميره مريم باستهبال : صج غلوي تعرفين حجي العيون الغلا : ايه .. ليش ما تدرين اني كاشفتج مع صلوحج من عيونج مريم هههههههههههه : ياويلي قويه الغلا تضحك ,,,, ها اميره ما تبين تقولين ؟ اميره : آآآآآآ في واحد كل ما تميت جم يوم اشوفه يلحقني بسيارته مريم والغلا : منو هذا تعرفينه ؟ اميره : لأ ما اعرفه الغلا : سوى لج شي ؟ اميره : لأ ,, شبيسوي يعني !! مريم : يعني حدج بالسياره مثلا ,, قط رقمه عليج اميره : لا ,, لا اشوفه اكثر شي الظهاري لما اكون راجعه البيت مريم : حلو ؟ الغلا : ميمي صج فراقه شهالسؤال ؟ اميره : هههههه هذا اهم سؤال عند ميمي مريم : مالت عليكم الغلا : وعليج ,, ليش يعني اشفيهم الشيف مو الله خالقهم مريم : بس خلاص كلتيني .. اشوفج صايره عصله من هالأعصاب الغلا : هههههههه اكلي تبن الغلا : اميره ديري بالج لا تعطينه ويه خليه يولي ,, اذا يبيج وعاجبته يطق الباب ويخطبج قعدوا البنات يسولفون ويضحكون والغلا ارتاحت نفسيتها يوم شافت صديقاتها وسولفت معاهم ,,,, برب | ||||
|
| |
|
26-11-13, 09:30 AM
| #23 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| يوم الخميس .. كل العيال متجمعين عند ام حمد على الغدا والغلا قاعده يم توأمها وكان ياخذ لحم ويحط بصحنها الغلا : نصوري شيله مابي ناصر : شنو ما تبين عاجبج شكلج ! شوي وتختفين الغلا : ما احب اللحم ناصر : عبود يحبه الغلا : عبود منو ؟ ناصر يضحك : اللي في بطنج حطت الغلا الصحن وخذت لها صحن ثاني وحطت لها سلطه ام حمد : بس سلطه ؟! شنو مسويه ريجيم الغلا : يما اشفيكم عليّ .. بعدين باكل سمج ابو مشاري زوج ساره : السمج مسويته عمتي لي مو لج الغلا بابتسامه : انت يا البدوي شعرفك بالسمج روح اكل لحم خل السمج لأهله ناصر يضحك : خليه مسكين مل من اللحم قال اذوق الزفره ابو مشاري : زفره بعينك وانت معاها عالخط .. حريمتكم انت وياها حتى الذيل ما تذوقونه الغلا تتدلع على اخوها : نصوري عطني سمج شويه اخاف يطلع في البيبي سمجه سحب ناصر الصحن وتعافر ويا بو مشاري والكل يطالعهم ويضحك قدر ناصر بعد جهد جهيد يقطع له قطعه وعطاها للغلا ,, الغلا تطالع بو مشاري وتحرك حواجبها تحره بو مشاري وهو يضحك : يا عساها الغلا فاتحه عينها : شنو !!!!!! بو مشاري : بالف عافيه عليج الغلا : ايه حسبالي بعد.. الله يعافيك ارتاحت ام حمد يوم شافت بنتها تضحك وتسولف , كانت دايم اتخانق مع بو مشاري يطفرها وتطفره واغلب الأوقات هي اللي منتصره بحكم انها آخر العنقود ودلوعتهم . الساعه 6 المغرب .. بو مشاري : شرايكم نتمشى عالبحر ونشرب موكا ساره : يلا بو مشاري : ها ناصر تروحون ؟ ناصر : اذا توأمي بتروح اروح الغلا : روحوا انتوا مالي خلق اطلع بو مشاري : قومي نودي خلقج الطبيب ونقزه ابره وتصيرين (ويرفع ابهامه) جذيه الغلا : ها .. ها .. ها دمك ثقيل ما تضحك بو مشاري يكلم مرته ساره : قومي جيبي لي ماي اشرب علشان يصير دمي خفيف ضحكت ام مشاري وابتسمت الغلا ساره : يلا قومي نشم شويه هوا بره راسي صدع من صراخ اليهال الغلا : وعيالكم ؟ ساره : امي قاعده وام يوسف ما تبي تروح والخدم موجودين واذا ملوا عندهم الحديقه يروحون يلعبون بالألعاب . عقب هالطلعه الغلا ردت وحده ثانيه ردت الغلا الأوليه الغلا وهي ميته من الضحك : حرام عليك بو مشاري خرعت البنت بو مشارى : خليها تولي محد قالها تتفلسف حسبالها شارع ابوها ,,,,,,,,,,,,,,,,,,,,,,,,,,,,,,,,,,,,,, الساعه 11 بالليل صعدت الغلا غرفتها ,, ولهانه على نوف ( آآآآآه ادري اني مقصره بحقهم بس كنت محتاجه اقعد مع نفسي شوي) نوف : الو الغلا : السلام عليكم نوف : الغلااااااا هلا هلا وغلا ومرحبتين هلا باللي يوم راحت ظلم البيت شلونك يا قلبي اخبارك الغلا : الحمد لله بخير وانتي شلونج وكل اللي بالبيت ان شاء الله طيبين نوف : الحمد لله كلنا بخير مشتاقيييييييين الغلا : ههههههه تشتاقلج العافيه حبيبتي نوف : طولتي الغلا متى ترجعي الغلا : حرام عليج توني ما صار لي شهر ! نوف : ليه انتي ناويه تقعدي بعد اكثر !!!! الغلا : آآآآآآآآه ه .. يعني ,,, ما شبعت من اهلي ليلحين نوف : وشلونك وشلون الورع ؟ الغلا تضحك : شنو ورع .. اسمه بيبي نوف تضحك : يا حلوه ويا حلو امه شلونه حبيب قلب عمته الغلا : الحمد لله , شلونج انتي مع فهد ؟ نوف : الحمد لله بخير ما باقي شي على العرس شهر ونص بس الغلا : الله يتمم عليج بخير يارب .. خلصتي اغراضج ؟ نوف : ليلحين بس اشياء بسيطه اروح مع دلال وانوار السوق واشتري اللي ناقصني والله يسهل الغلا : آمين الله يسهل امورج .. يلا حبيبتي اشوفج على خير سلامي للأهل جميعا نوف : يوصل يا قلبي .. سلمي على اهلك ,,, سكرت الغلا من نوف ورن موبايلها الغلا : الو ريما ام عاليه وغاليه : يسعدلي هالمسا كيفك حبيبة ألبي الغلا : بخير الحمد لله .. خالتي ريما ريما : معك يا ألبي كيفك وكيف صحتك ان شاء الله منيحه الغلا : الحمد لله انتي شلونج خالتي وشلون التوأم ريما : الحمد لله .. مشتائين الغلا : تشتاقلج العافيه خالتي .. سامحيني خالتي طولت عليكم ,, صارت لي شويه ظروف وما قدرت اكلمج ريما : لا حبيبة ألبي ما بتأولي هيك .. انا ما تلفنت لك مشان المصاري كنت بدي اعرف اخبارك يا بنتي الغلا : مشكورة خالتي تسأل عنج العافيه ريما : كيف الماما ان شاء الله منيحه الغلا : الحمد لله بخير ريما : ان شاء الله نشوفك أريب يا بنتي الغلا : ان شاء الله خالتي حتى انا ولهانه عليكم ريما : خدي عاليه بدها تكلمك عاليه : هلا وغلا بكل الغلا الغلا : هههههههههه هلا فيج علوي شلونج عاليه : بخير الحمد لله انتي شلونج يا عروسه وشلون المعرس الغلا : الحمد لله .. انتي شلونج شخبارج عاليه : الحمد لله لاعت جبدي وانا مجابله غلايه غاليه : غلايه بعينج يا العماره الغلا سمعتها وقعدت تضحك : ههههههه اشفيها غاليه عاليه : هههههه اشفيها بعد هبله وزايد هباهلها ,,,, هاج بتكلمج غاليه : هلا بسميتي الغلا : هههههههههههههههه هلا والله غاليه : كيفك حبيبة ألبي تأبريني الغلا : ههههههههههه بخير غاليه : منيحه الغلا : ههههههههههههه منيحتين غاليه : دووووم حبيبة ألبي انا الغلا : شلونج غلوي وشلون الجامعه غاليه : الحمد لله الله يعينا آخر سنه ولازم نشد الحيل الغلا : الله يوفقكم يا قلبي .. ادري انكم شطار وبترفعون الراس غاليه : ثانكس على هالكلمه التشجيعيه الغلا : ولكموووو غاليه : وشلون شهر ال Hony الغلا : الحمد لله غاليه : حلوه المانيا الغلا : انتي احلى منها غاليه : يا ألبى يا غلا اديش حلوه وحبيبه ومهضومه … نياله جوزك عنده ست ولا كل الستات الغلا : تسلمين حبيتي وعقبالك انتي وعاليه غاليه : الله كريم يلا يا عمري ما اطول عليج سلمي على خالتي فاطمه الغلا : الله يسلمج حبيبتي غاليه : عادي اقول سلمي على خالد ؟ الغلا تضحك غاليه : شو وليي انا ألت نكته الغلا : هههههه اول مره اشوف وحده تستأذن قبل لا تسلم على احد غاليه : هههههههه قلت يمكن تغارين الغلا : لا حبيبتي خذي راحتج غاليه : اوكي سلمي على خالد وبوسيه بالنيابه عني سكرت غاليه الموبايل قبل لا تسمع رد الغلا .. الغلا ضحكت على غاليه الغلا : يا حليلكم والله انكم عسل * * * مرت الايام والغلا طلعت جم مره مع صاحباتها ,, وراحت زارت الخاله ريما وقعدت تسولف مع عاليه وغاليه ,, وطلعت معاهم .. راحوا السينما وتعشوا بفرايديز وحلت القعده مع سوالف واستهبال غاليه ,,,,,,,,,,,,,,,,,,,,,,,,, الغلا تكلم عبد العزيز ولد اخوها بالموبايل : هلا بحبيب عمته عبد العزيز : هلا فيج عمتي شلونج الغلا : بخير حبيبي انت شلونك وشلون امك وابوك عبد العزيز : الحمد لله طيبين ,, اقول عمتي عندج شغل ؟ الغلا : لا حبيبي آمر تبي شي ؟ عبد العزيز : بغيت اشتري غرض ضروري وابوي طالع الغلا : اوكي حبيبي اخذ راي امك ودق .... انطفى موبايل الغلا قبل لا تكمل كلامها , ما فيه بطارية ,, صعدت فوق لغرفتها عشان تحطه بالشحن وقبل لا توصل غرفتها طلع ناصر مبتسم ومد موبايله للغلا : هاج حبيبج بيكلمج الغلا : بعد عمري توني وانا اكلمه انطفى موبايلي الغلا : هلا حبي ناصر : هههههههه مو جدامي عاد نطري خننزل الغلا : بتغار منه بعد !! الغلا : ها حبيبي بتروح .............................. الغلا : اشفيك ساكت ؟! حبيبي اذا امك ما تقدر تييبك انا امر آخذك .............................. الغلا بصوت عالي : عزوز وعافيه اشفيك اصمخ ما تسمع ................ طوط طوط طوط الغلا مستغربه : سكر الخط !! شفيه لا يكون متضايق نزلت الغلا تحت وشافت ناصر وامها ام حمد : ها شلون أهل السعوديه ان شاء الله طيبين الغلا : ها ام حمد : اشفيج فاجه حلجج جذيه !! الغلا : ها ناصر : ههههههههه شقايلج خالد وخلاج جذيه مسبهه الغلا وفاتحه عيونها (خااااااااااااااالد) ناصر : هههههههه ولهانه عليه روحي له الغلا واقفه وعيونها تدمع ( ليش داق ؟؟ ليش ما تكلم ؟؟!!) ,,,,,,,,,,,,,,,,,,,,,,,,,,,,,,,,,,,,,,, مرت الأيام حلوه وخفيفه على الغلا لكنها ثقيله وقاسيه على خالد .. ما فقد الأمل في انه يتقرب منها كان دايم يدز لها ماسيجات , صحيح انها ما ترد عليه لكنه يرتاح اذا دزهم ,, قعد الصبح من النوم متضايق وتفكيرة كله بالغلا ,, ماله خلق يروح لشغله دق على ابوه واعتذر منه ,, وابو عيسى مخليه على راحته لأنه شايف ولده شلون مهموم ومتضايق ,,اخذ موبايله ودز للغلا ... خالد : اصبح على من في قلبي حبهم اصبح على من يدور في بالي ذكرهم اصبح على من ترتاح روحي لوصلهم صباح الورد يا وردة حياتي * * قاعد خالد على السرير والموبايل بايده على امل ان الغلا ترد عليه ,, دز لها ماسيج ثاني ... خالد : مستفقد وجودك معي ياللي عن الناس غير شدني الشوق عندك يا عساك بألف خير الغلا : بألف خير وانا بعيده عنك خالد فرح يوم ان الغلا ردت عليه مع ان الماسيج يعور القلب بس ابتسم يوم شاف موبايله يضوي باسم رساله من غلاي ,, رفع خالد موبايله وباسه ... ودز لها ,,, خالد : أفز من نومي وعلى الخد عبرات أقول لدموعي ترى ما نساني من يومها صرت أقضي العمر حسرات تمرني الذكرى تدمر كياني احتاج لك دون البشر < انت بالذات> احتاج لك حاجة الغريق للمواني (منقول) * * خالد : احترقت الشوق والشوق احترقني , من غدا كل عن الثاني غريب للشقى حظي مشى فيني وسبقني , آه يا ظلم الهوى وظلم النصيب ( اسير الشوق) الغلا : يا صاحبي لا تظاهر لي بحسناتك وانت الخيانه تعشقك وانت تعشقها (محمد العجمي) خالد : لا تطلب هواني .. كل ما فيني يعاني وش يفيدك لو تشوف في عيوني المذله (محمد الفيصل) الغلا : هذا وقلبي معك خليتني ضدك من شاف ما يكره يعاف ما حبه (منادي) خالد : اعرفك زين ما تنسى .. ما هو طبعك النسيان لو بينت غير اللي في قلبك انا ادري (بدر الرويلي) الغلا : لاتتعب اركابك .. شوف اللي يريحك ما تاقف الدنيا على فراق عشاق ( متعب التركي) خالد : آخر كلامي باكتبه لك بعبرات .. انا احبك لا تقولين شلون (عميريني) الغلا : ارحل وخذ معك كل الآهات .. ما اتحمل من يغدر ويخون خالد : غلاي انتي قلبي اللي ينبض الغلا : قلوبنا ما اجتمعت يوم حتى نزعل من عرفنا بعض عرفنا الفراق حياتي وشبابي وايام عمري تذبل ما بتضرنا زياده كلمه طلااااااااااااااااااااااا ق (منقول) خالد : لا يا الغلا لا تطري الفرقى اموت يالغلا اموت .. اموت .. اموت .. * * انتهى الجزء العشرون شبيصير بين خالد والغلا وحياتهم والبيبي اللي ياي راح يقربهم من بعض ؟ مقترحاتكم اعزائي القراء دمتم بخير ( اختكم غفران* ) | ||||
|
| |
|
26-11-13, 09:31 AM
| #24 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| (( الجزء الحادي والعشرون )) ( أيام من حياتي ) ************************ قرت الغلا ماسيج خالد ونزلت دمعه من عيونها .. هزتها كلماته وشافت الندم والحنين والشوق في ماسيجاته ,, نامت وهي حاضنه موبايلها !! خالد ما تحمل انه يبعد عن الغلا وانه حتى ما يسمع صوتها ,, حجز تذكرة وسافر الكويت ,, وبيوم وصوله الغلا كانت طالعه مع ساره وزوجها ومشاري .. بو مشاري عازمها على سينما وعلى العشا ,, خالد اول ما وصل ما دق على الغلا لأنه يدري انها ما راح ترد عليه ,و دق على ناصر وقال له ناصر ان الغلا طالعه معزومه في مول .... واتفقوا انهم يروحون لهم ناصر : تعال خالد نقعد بالكوفي على ما يخلص الفيلم خالد : ليه ما رحت معهم ؟ ناصر : ما احب الافلام الهنديه قلت اييهم وقت العشا خالد : مطولين على ما يخلص الفيلم ؟ ناصر : اصبر ادز للغلا ماسيج ناصر : اشواريا خلص الفيلم ؟ الغلا : هههههههه مو وقتك شاروخان بيقابل حبيبته ناصر يضحك ويوري خالد الماسيج خالد مبتسم : ناصر لا تقول لها اني معك ناصر : لا ماني قايل .. بس بدز لها ماسيج : يلا خلصوا عندي لج مفاجأه بعد نص ساعه طلعت الغلا تضحك وشافوا بو مشاري ناطرهم : ما بقى يخلص هالهندي ساره : وين مشاري ؟ بو مشاري : لعبته بالالعاب وشريت له وجبه ودقيت على اخوي جا وخذاه الغلا تضحك وبو مشاري يطالعها : ضحكينا معاج الغلا : ههههههههههههههههههههههههه هههههههه جدامي وحده من كثر ما صاحت مت عليها من الضحك بو مشاري : هذا اللي ناخذه من الهنود ساره والغلا يضحكون الغلا : ترى ناصر وصل دز لي ماسيج بو مشاري : يلا مشينا الغلا وهي تمشي شافت البنت اللي كانت تبجي بالفيلم ومن شافتها الغلا ضحكت بصوت عالي وساره تضحك على ضحكتها بو مشاري : بس فضحتينا كل من التفت يطالعج وصلوا عند ناصر وبو مشاري شاف خالد والغلا كانت ملتفته على ساره تكلمها ناصر : ضحكونا معاكم الغلا التفتت عليه بتكلمه وشافت خالد انصدمت وسكتت عن الضحك والزقت باختها ساره خالد انصدم من الغلا ومن اللبس اللي لابسته ناصر : شرايج بالمفاجأه ؟ الغلا نزلت راسها : ................................. ساره : شلونك خالد الحمد لله على السلامه خالد : الله يسلمك خالد مد ايده بيصافح الغلا اللي اضطرت تمد ايدها له لأنهم كلهم يطالعونها قعدوا بالكوفي وخالد ما شال عينه من عالغلا اللي من قعدت وهي منزله راسها بو مشاري : يلا ما تبون عشا ؟ ناصر : انت عازمنا انت تقوم أول بو مشاري : ها غلا أي مطعم تبين ؟ الغلا منزله راسها : ................................. ساره : هييييي لا يكون نمتي ؟!! الغلا بصوت واطي : هي .. هي .. هي .. دمج خفيف بو مشاري : يلا غلا أي مطعم تبين الغلا وهي تلعب بموبايلها : مو يوعانه ساره : توج بالسينما تقولين ميته من اليوع !! الغلا : ما لي نفس آكل خالد ( مالك نفس تاكلي لما شفتيني !! ) ناصر : انتي مالج نفس اللي فبطنج يوعان .. يلا قومي ,,,, سحبها ناصر من ايدها وراحوا كلهم المطعم ,, الغلا قعدت يم ساره وبو مشاري يم زوجته ومقابلهم قعد خالد وناصر ,, خالد مرتبك شوي لانه اول مره يقعد مع ساره ولحسن حظه انه مجابل الغلا ,, الغلا ما كلت غير شوية بطاط وشربت عصير برتقال ,, وطول ما هي قاعده منزله راسها وتتحاشى نظرات خالد ,, تركت الاكل وفتحت موبايلها تشوف الرسايل بو مشاري : جوعانه وهذا اكلج ؟!!! الغلا : .............................. بو مشاري يساسر ساره : شفيها توها شزينها وطالعه تضحك ساره : مادري عنها بو مشاري كان ياكل ويسولف مع ناصر وخالد ,,,, ناصر غمز لابو مشاري .. طلع من المطعم وطلعوا وراه بو مشاري وساره بو مشاري يكلم خالد : لا تخاف محنا منحاشين بنخليك تاخذ راحتك مع زوجتك خالد ابتسم لأبو مشاري ... خالد : شلونك غلا ... اشتقت لك الغلا : ............................. خالد : تغيرتي غلا ... وش اللي مسويته بحالك الغلا : ............................. خالد : غلا لبسك ضيق وقميصك قصير ووجهك فيه مكياج كثير الغلا ببرود : مالك شغل فيني خالد تنهد واستغفر : ليه ما كلتي ؟ انا سديت نفسك ؟ الغلا : الحمد لله انك عرفت انك ساد نفسي خالد تألم من كلمتها الغلا : يبتها معاك ؟ خالد يتنهد : وش هي ؟ الغلا : ورقتي خالد : استغفر الله .. غلا وبعدين لي متى وحنا كذا الغلا : لما افتك منك خالد : غلا انا تعبان وما اقدر اتحمل اكثر ,,, الغلا : تعبان شحقه ياي !! خالد : جيت اشوفك واتطمن عليكي الغلا : وانا مابي اشوفك .. يوم كنت عندك كنت ميته وهني حييت ,, ردت لي روحي بين اهلي واللي يحبوني خالد : وانا ؟ الغلا : انت واحد حقود ما تحب الا نفسك ,, من اشوفك تييني ضيقه وقلبي يعورني .. من اشوفك اتذكر ايامي السوده معاك .. متى اولد وافتك منك ؟ خالد ما تحمل كلامها ,, طلع واخذ تاكسي وراح الفندق ,, وبنفس اليوم رجع السعوديه ,, رجع وهو مهموم ونفسيته تعبانه ........ بعد يومين ,,,,,,, نوف تدق على الغلا لكن الغلا ما ردت عليها .. موبايلها ناسيته وهي طالعه مع خالتها السوق وما رجعت الا الساعه قريب العشر بالليل .. قعدت مع يدتها وتعشوا وعلى الساعه 11 راحت غرفتها ,, طلعت من الحمام وشافت موبايلها فيه 10 مكالمات وحده من امها ووحده من ميمي و8 مكالمات من نوف الغلا : الله 8 مكالمات من نوف الله يستر لا يكون فيهم شي دقت الغلا على نوف : هلا نوف عسى ما شر اشفيكم داقه علي 8 مرات ؟ نوف بعتب : ويوم انك عرفتي اني داقه عليكي 8 مرات لي ما رديتي !!! الغلا : موبايلي ما كان معاي ناسيته وانا طالعه مع خالتي نوف : اذا كان يهمك ترى خالد بالمستشفى الغلا عورها قلبها وغمضت عيونها نوف : كنت داريه ان الخبر ما راح يهمك .. وآسفه اذا ازعجتك باتصالي الغلا : ليش هالكلام يا نوف ؟!!! نوف تبجي : غلا كلنا عارفين انك زعلانه مع خالد ,, حتى لو ما قلتوا تصرفاتكم مبينه وحالة خالد كشفت المستور .. بس مهما كان بينكم ما هي معقوله ما تبدين أي ردة فعل لما عرفتي ان زوجك بالمستشفى الغلا دمعت عينها نوف : غلا خالد تعبان جا له هبوط ,, صار له يومين لا ياكل ولا ينام ودوم يفكر ومهموم الغلا تبجي نوف : غلا وش صاير بينكم ؟؟ خالد من رجع وهو تعبان الغلا : .......................... نوف : ما يصير كذا لا انتي ولا هو راضين تتكلمون ما هي بحاله ذي,,, سكرت الغلا من نوف وقعدت على سريرها تبجي ( استغفر الله .. يا رب اللي صار له ما يكون مني .. يا رب انت العالم بحالي .. خالد عذبني وانا ما اقدر اتحمل اكثر من جذيه يا رب اذا حياتي فيها الخير مع خالد يا رب اجمعني وياه واذا فيها عذابي يا رب ابعدني عنه وابعده عني ,,,, الغلا تمسح دموعها .. يا رب شافيه ورجعه بالسلامه لأهله ,, انا مابي منه شي ,, ابيه يطلقني ويرتاح هو وارتاح انا ..... ) تمت الغلا حاطه راسها عالمخده والافكار توديها وتييبها اذن الفجر ولا غمظت لها عين ,, قامت توظت وصلت ودعت لخالد بالشفا ,,,,,,,,,,, الساعه 12 الظهر دخلت الغلا على يدتها حبتها على راسها وقعدت يمها اليده : وينج يما ؟ خالتج تطق عليج الباب ما رديتي الغلا : كنت نايمه اديده ما نمت الا عقب الصلاة اليده : نوم العوافي يما .. تاكلين الحين والا تنطرين الغدا ؟ الغلا : بسوي لي توست وجبن مع شاي مابي آكل شي يثقل على معدتي اليده : امج بتيي بتغدا هني الغلا : وناصر معاها ؟ اليده : لا تقول عنده استلام الغلا تتنهد : الله وياه ... اديده وين خالتي ؟ اليده : راحت الجمعيه الغلا : وعيالها وينهم ؟ اليده : راحوا معاها الله يحفظهم قعدت الغلا قبال التلفزيون تلهي نفسها وبالها كله مع خالد ونوف والكلام اللي قالته حاولت انها تدق على نوف تسأل عنه بس شي داخلها يمنعها ,,,, يدتها تناديها وما سمعتها ... اليده : غلا اشفيج يما اناديج ما تردين الغلا : آسفه اديده ما سمعتج اليده بابتسامه : سرحانه ... وين فكرج راح ؟ السعوديه ؟ الغلا نزلت راسها وصدت عن يدتها تداري دمع عينها ,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,, طلع خالد من المستشفى ونوف دزت للغلا ماسيج بطلعة خالد ... الغلا حمدت ربها انه طلع بالسلامه بس ما حاولت انها تكلمه او حتى تدز له ماسيج تتحمد له بالسلامه ,,,,,,,,,,,,,,,,,,,,,,,,,,,,,,,,,,,,,,, مرت الايام سريعه وباقي اسبوعين على عرس نوف .. ام عيسى : ها يا بو عيسى وش قلت ابو عيسى : شورك وهداية الله روحي انتي وخالد ونوف وخذوا معكم البطايق خالد : يما متى تبغى نحجز ؟ ام عيسى : ما بقى شي عالعرس شوف هاليومين بالكويت الساعه 9.30 الصبح دخل خالد مع امه ونوف,, ام حمد : حي الله من يانا يا هلا ومرحبا وبعد السلام والسؤال عن الأهل والقرايب يات الخدامه ومعاها الشاي والقهوه والحلو ,, سمعوا صوت الغلا تتكلم بالموبايل ** الغلا نفسيتها ارتاحت وبطنها مبين بروزه وجسمها امتلا شوي .. كانت لابسه تي شيرت جابانيز رمادي قصير فيه رسمه قلب الحب كبير بلون احمر ونازل منه قلوب صغار وشورت احمر فوق الركبه وشعرها قصته قصة الفراوله وصبغته عسلي فاتح مع خصل ثلجي يعني تغيرت واااااايد ** الغلا كانت نازله من الدري وتتكلم بالموبايل : انت شحقه راد على موبايل اختي بو مشاري : كيفي زوجتي الغلا : وينها ؟ بو مشاري : بالحمام وانتي بكرامه الغلا : وهاذي يا بالحمام يا نايمه ما كو شي ثالث تسويه ؟! ما كو مثلا طالعه .. بالمطبخ .. تسبح اليهال !!!!! بو مشاري يضحك : كيفها مرتي الغلا : بطيحان يننتني عطني اختي بو مشاري : بطيحان بعينج ,, وبعدين اختج نايمه الغلا : يا الجذاب توها بالحمام ! بو مشاري : لا صج نايمه من كلت البارحه الضب وهي نايمه الغلا : قطييييييييعه .. يا البدوي موكل اختي ضب !!! الغلا تصرخ وتنادي امها : يمااااا لحقي ريل بنتج هالبدوي موكلها ضب * اللي بالصاله كلهم ضحكوا واولهم خالد * ساره خذت الموبايل من زوجها وهي تضحك : الو الغلا : ضحكتي من غير ضروس يا المتوحشه ساره ميته من الضحك الغلا : مالت عليج شتضحكين عليه !! سمعي قبل لا تيينا تروحين المستشفى تسوين غسيل معده وبعدين تفركين اسنانج 10 مرات وتروحين الصيدليه وتشترين غرغره وتتمضمضين 10 مرات وتروحين الصالون وتسوين حمام مغربي وتحطين كلونيا ماركه وافكر اني اسلم عليج والا لأ كل اللي بالصاله يضحكون وخالد فرحان انه يسمع صوتها ام حمد : يما الغلا تعالي سلمي على خالتج الغلا وهي قاعده بطاوله الطعام تنطر قهوتها و بصوت عالي : هلا والله خالتي موزه نورت الصاله امواااااه هاذي بوسه عالطاير ,, خليني اخلص من مرت هالبدوي واييج اقطع خدودج من البوس الغلا تكلم ساره : بس خلاص عاد قومي عن بطيحان ساره : خير شعندج ,, وبعدين مالت عليج صدقتي انا آكل ضب الغلا : قلت يمكن غاصبج بطيحان يسويها .. ما علينا شفتي المجله ؟ ساره تضحك : الساعه صح الغلا : بعد عمري وخيتي فاهمتني .. ساره ابيها خاطري فيها لونها عجييييب ساره : دقيت قالوا لي ما وصلت الكويت يبيلها على الأقل اسبوعين الغلا : وانا بنطر اسبوعين !! لا مابي بعدين يصير في البيبي ساعه خالد ابتسم وام حمد ضحكت على بنتها خالد ( يا زينك ويا زين كلمة بيبي من فمك .. اتمنى هالبيبي يقربنا لبعض غلا روحي ) الغلا : شوفي بدق على منى بالمانيا تييب لي ساره : وانا بعد ابي وحده الغلا : ايه ادري ,, بقولها تييب 3 انا وحده وانتي وحده ولحماتي نوف وحده نوف ( يا قلبي يا الغلا مو بناسيتني ) سكرت من اختها وبصوت عالي : نور وين النسكافيه رن موبايلها بنغمه هلا بالطيب الغالي الغلا ردت وهي تغني : عزيز وشوفتك منوه .. ترى ما جا على بالي اسمع صوتك الحلو ,, هلا بحبيبي وقلبي وعقلي وكلي ناصر : هلا بتوأم روحي الغلا : وينك (وتقلد صوته) 10 دقايق وادق عليج ,, وهالعشر دقايق صاروا ساعتين طبعا ما اوصف لكم شعور خالد واللي يحس ويفكر فيه ,, ناصر يضحك : شسوي العميد يا فجأه وانشغلنا الغلا تكلمه بالمصري : يا لهوي يا لهوي الست كبست عليك والا حد من العيال يا لهوي يا خرابي فضحتني يا واد نوف مبتسمه وخالد منزل راسه ويفرك ادينه ناصر ضحك : بقيت ادق عليج بس قلت يمكن نايمه الغلا : ايه بعد عمري نمت الساعه 1 كله منك وتوني قاعده .. متى بتيي ؟ ناصر : اليوم بيي مبجر على الساعه 11 ان شاء الله موجود الغلا : مو تنسى الموكا علشان لا يصير في البيبي موكا ناصر : حفظت الدرس والله ,, يلا سلمي على امي باي الغلا : الله وياك حبي الغلا بصوت عالي : يما ولدج يسلم عليج واليوم بيي مبجر الساعه 11 يقول (هني خالد ارتاح) ام حمد : تعالي سلمي ما بقى احد ما كلمتيه الغلا : هههههه شسوي يما بنتج مهمه ومطلوبه ,, عاد انا منو مكلمه بنتج وولدج ,,, اخذت الغلا كوب النسكافيه وراحت الصاله واول ما شافت خالتها شهقت ( وانعاد المشهد ثاني مره ) طاح كوب القهوه وطشر عند مدخل الصاله والغلا انقزت وفتحت ريلها والحمد لله ما ياها شي .. الغلا بدهشه : خالتي !!! ام عيسى : هلا وغلا بالغلا كله وشلونك يا بنتي راحت لها الغلا لمتها وحبتها على راسها : هلا فيج خالتي نورتي الحمد لله عالسلامه ام عيسى : الله يسلمك شلونك يمي ما جات عليكي القهوه ؟ الغلا باحراج : لا خالتي الحمد لله .. التفتت على نوف وبابتسامه : هلا يا عمري شلونج عساج بخير ولهانه عليج وايد وايد نوف وهي لامتها : هلا فيكي يا قلبي انا مشتاقه لك اكثر بشريني عنك الغلا : الحمد لله بخير ,, وتموا لامين بعض ام عيسى : بسك يا نوف خلي لخالد شوي الغلا استوعبت رفعت عينها شافت خالد يطالعها بشوق ومبتسم ,, وقف وهي اضطرت انها تروح تسلم عليه علشان امها ما تحس ان بينهم شي ,, وهي تمشي صوبه منزله عينها ولما وصلت عنده مد ادينه وسلمت عليه ,, قرب وباسها على راسها : شلونك يا قلبي عساكي طيبه رفعت عينها الغلا وانصدمت .. هذا مو خالد هذا واحد ثاني !! كان ضعفان والأرهاق مبين على ويهه ,, الغلا تمت تطالعه وهو ليلحين ماسك ادينها الغلا دمعت عينها يوم شافته وبصوت واطي : الحمد لله على السلامه خالد : الله يسلمك يا قلبي تمت الغلا واقفه تطالعه وفاتحه عينها وخالد يطالع بطنها ولبسها وشعرها ( وين الشلال الأسود .. وينه يا غلاي ليه قصيتيه ) ام عيسى : تعالي يا الغلا اقعدي جنبي الغلا قعدت يم خالتها وكانت مستحيه من لبسها جدامهم ام عيسى : وين شعرك يمي ليه قصيتيه ؟! الغلا : ليش خالتي مو حلو ؟ ام عيسى : كل شي حلو عليكي لكن الشعر زينه البنت الغلا : قام يحت خالتي علشان جذيه قصيته نوف : يجنن عليكي يا قلبي انت اللي محليته الغلا بابتسامه : تسلمين ..قامت : عن اذنكم ام عيسى : وين يمي ما شبعنا منك الغلا باحراج : خالتي ابدل وايي ام عيسى : اقعدي لبسك مابه شي وحنا مو بغرب قعدت الغلا وويهها احمر من الحيا ,, بعد ما نظفت الخادمه القهوه راحت الغلا عند طاوله الشاي وصبت شاي ووزعت كيك بالصحون وشالت الصينيه بتوزع نوف : خلي عنك انا اقدم الغلا : شدعوه نوف مو ثقيله كلها استكانه شاي نوف : اتركيها انا اقد م رن موبايل الغلا : هلا ميمي مريم : اهلين هاو آر يو الغلا : فاين .. شلون حمودي مريم : صياااااح ينني بس اشيله يسكت الغلا : انتي علمتيه مريم : مو انا هذا ابوه الغلا : خلاص لي صاح عطيه ابوه مريم : من صجج ! الريال يبي الياهل بس لابس وامشط وشبعان ويضحك ولي وصخ والا صاح قطه عليج الغلا : من رداج يا الخبله مريم : غلاااااااااااا الغلا بصوت واطي : اكلي تبن ما ترضين عليه لا تشكين يلا طسي مريم : منتي يايتني اليوم ؟ الغلا : لا أهل السعوديه واصلين اليوم مريم : حلفى .. ريلج معاهم الغلا : ايه مريم : لا يكون اتكلمين جدامهم ! الغلا : ايه مريم : واي احراج ,, ريلج بروحه ؟ الغلا : لأ مريم : منو معاه ؟ الغلا : مع السلامه ميمي مريم : ههههه صج انا غبيه .. يلا اذا راحوا دقي وسلمي على خالتي وعليهم الغلا : الله يسلمج الغلا : تسلم عليكم صديقتي مريم نوف : اللي ولدها ابو عيون زرقا الغلا بابتسامه : ايه يهبل ماشاء الله عليه ام عيسى : يا ام حمد حنا جايين نعزمكم على عرس نوف (ومدت لها البطايق) ام حمد : عساه مبروك الله يهنيها ويرزقها بالذريه الصالحه ام عيسى : اللهم آمين ,, وتكلم الغلا : يمي الغلا الجده ما هي بصويحيه وراقده بالمستشفى الغلا شهقت : اسم الله عليها شفيها ؟ ام عيسى : ضغطها مرتفع شوي ام حمد : سلامتها ما تشوف شر الغلا : نوف انا من يومين كلمتج ما قلتيلي نوف : ما حبيت اخوفك قلت كلها يومين وتطلع ما هقيت بتطول ام حمد : هي ليلحين بالمستشفى ؟ ام عيسى : ايه بس الحمد لله احسن من اول ما تنومت عندهم ,, ودايم تسأل عن الغلا مشتاقه لها نوف : لو سمحتي الغلا ابغي الحمام الغلا : تعالي فوق غرفتي نوف : الغلا انا ما ابغي الحمام كنت ابغي نكون لحالنا .. انتي عاجبك وجه خالد ؟ الغلا منزله راسها : شفيه ؟؟ ليلحين مريض ؟ نوف : الله يعينه اخوي خالد ما هو خالد اللي اعرفه , دوم مهموم وما يشتهي ياكل , واللي زاد عليه زعل جدتي عليه الغلا : امي فاطمه زعلانه عليه !! ليش ؟ نوف : قايله له انت وكاد مزعل الغلا عشان كذا هي ليلحين قاعده عند اهلها .. لا تحسب ان ماني عارفه ولا حاسه ان بينك وبينها شي , البنت من دخلت البيت وهي دوم مهمومه وسرحانه الغلا شهقت : حلفي نوف نوف : كل ما جاها يقعد معها تصد عنه , خالد اللي كان حبيبها واللي تعزه اكثر من العيال كلهم صارت ما تكلمه الغلا تأثرت ودمعت عينها نوف : آخر كلام قالته له قبل لا تدخل المستشفى اذا ما دخلت عليّ يدك بيد مرتك لا تجيني ولا تسلم عليّ وانا ماني براضيه عنك بجت الغلا ما توقعت الأمور راح توصل لجذيه خصوصا انها تحب الجده فاطمه نوف : وش قلتي يا الغلا ,, حنا نبغاك ترجعي معنا الغلا : ارجع معاكم ؟! متى ؟ نوف : بكره الغلا : ..................... نوف : الغلا هذا شي ما يبغى له تفكير , جدتي ارتفع ضغطها لأنها ضايقت خالد وانا ادري بهالشي ,, هي متضايقه علشانك انتي وياه .. صحيح ما حد عارف اللي بينك وبينه لكن حاسين انكم ما انتوا مرتاحين الغلا : هو اللي قالج قوليلي هالكلام نوف : صدقيني لأ .. انا ما حبيت الأمور تتعقد اكثر من كذا وانا حاسه ان خالد راح يكلمك لأنه ما هو مرتاح وخايف على جدتي كثير الغلا : وعرسك نوف ؟ نوف : عرسي بعد اسبوعين الله كريم وان شاء الله جدتي تطلع بالسلامه وتحضر العرس .. لا يكون مو مفكره تجين ؟! الغلا : اتصدقين عاد يمكن ,,, دورت بدله ما لقيت نوف : تعالي السعوديه مليانه فساتين .. يلا الغلا ننزل الغلا : لحظه ابدل وانزل معاج الغلا لبست نفنوف نص الساق ونص كم شيفون لونه سماوي وتحت الصدر شريطه لون ابيض ناصر وصل واخذ خالد وقعد بالصاله الثانيه ناصر : شفت مرتك قصت شعرها خالد بحسره : ايه حلو عليها ما شاء الله ناصر : أي حلو الله يهداك ,, خبري اهل السعوديه يحبون الشعر الطويل خالد يضحك : اصابع يدك ما هي سوا ناصر : بس انا زعلت عليها (قال ناصر كلمته بدخله الغلا) الغلا : منو هاذي اللي زعلت عليها ! ومن متى تعرفها ؟ وشسمها ؟ ومن بنته ؟ تدرس والا تشتغل ؟ ناصر يضحك وخالد مبتسم : هوب هوب بالعدال الغلا تسوي نفسها معصبه : لا والله صج منو هاذي ؟ حلوه ؟ ناصر : احلى من القمر الغلا : ادري بذوق اخوي حبيبي بس متى تعرفها ؟ ناصر : من زمااااااااااان الغلا : يا العيار ليش ما قلت لي ناصر : بس حسافه متزوجه الغلا فاتحه عيونها : متزوجه !!! شتبي فيها .. بعدين وين ريلها عنها ناصر : ريلها صديقي الغلا متنرفزه : مالت عليك وعليه صج انه حمار وثور وتيس وبعير وزهيوي بعد اللي ما يدري عن مرته ( خالد منزل راسه ويضحك ) ناصر ميت من الضحك : خلاص ما بقى شي من قاموس الحيوانات ما قلتيه الغلا : خل ياكل تبن ناصر : تدرين عاد منو البنت الغلا : مابي اعرفها مالت عليها وعلى ريلها ناصر يضحك : انتي يا الخبله الغلا نزلت راسها وراحت لزقت باخوها وقرصته على ايده وهي منحرجه : يبت الموكا ؟ ناصر يعطيها القلاص : هاج كل شي ولا يطلع في البيبي موكا الغلا تبتسم : ثانكس ,, لو ادري جان قلت لك ييب اثنين ناصر : حق منو ؟ الغلا : حق حماتي ناصر : حسبالي حق ريلج الغلا : ....................... ناصر : تعالي قعدي عند ريلج بروح ابدل هدومي الغلا ( اوووف جان زين ما ييت عندكم ) خالد : ليه واقفه حبيبتي اقعدي قعدت الغلا لكن بعيد عنه خالد : شلونك عساكي طيبه الغلا : الحمد لله مرتاحه خالد : عساه دوم يا قلبي ,, الغلا ابغي اكلمك في موضوع الغلا ومنزله عينها وتلعب بقلاص الموكا : خير خالد وبصوت واطي : متى ناويه ترجعي السعوديه ؟ الغلا : ومن قال لك اني ابي ارجع السعوديه خالد : وش قصدك ؟ الغلا : انت عارف قصدي زين ,, واحنا بينا اتفاق والا نسيت خالد بهدوء : لا ما نسيت لكن جدت امور ولازم ترجعي الغلا : وشنو هالأمور اللي جدت على قولتك خالد : الغلا اول حاجه لازم تعرفي اني ابغي راحتك وما ابغى اغصبك على شي انتي ما ترتاحي له .. جدتي بالمستشفى وطالبه تشوفك الغلا منزله راسها : سلامتها خالد : جدتي حاطه اللوم عليّ تحسب انك مسافره زعلانه , وقالت لي ان ما رجعت معها ماني براضيه عنك .. وانتي تعرفي جدتي غلاها بقلبي كيف ما ابغاها تغضب وتزعل عليّ الغلا : معلومه يديده .. توني ادري ان عندك قلب يحب خالد يتنهد : عندي يا الغلا وانتي متربعه فيه وصار له فتره تعبان لأن حبيبه ما هو جنبه الغلا منزله راسها :.................... خالد : الغلا ليه ما انتي مصدقه اني احبك .. والله احبك وبعدك عني اتعبني مشتاق لك حبيبتي, ابغي اشوف ضحكتك .. اشتقت لغمازاتك ولسواليفك الغلا :............................ خالد : ردي عليّ حبيبتي لا تخليني اكلم حالي الغلا : انت تكلم وحده مات الحب من قلبها خالد : نحييه انا وانتي مره ثانيه .. صدقيني حبيبتي انا تغيرت .. ما ابغى اكون ظالم خاصه لك انتي .. غلاي ما جا الوقت اللي تسامحيني على غلطتي الغلا منزله راسها وعيونها تدمع خالد : وش قلتي حبيبتي ترجعي معنا ؟ الغلا : ارجع بس مو علشانك علشان امي فاطمه خالد ارتاح : الله يعز شانك ويحنن قلبك عليّ الغلا بالم : قلت لك قلبي ما فيه مكان للحب , ولا تنتظر مني كلمه او حتى نظره حب او عطف واللي يموت ما يحيى مره ثانيه خالد : حبيبتي الأيام توريك خالد كيف صار قبل العشا الغلا بغرفتها مع نوف ,,,,, نوف : الغلا .. ابغي منك خدمه الغلا : آمري يا قلبي نوف : ابغي اصبغ شعري للعرس الغلا : احنا متى بنسافر باجر ؟ نوف بفرحه : يعني راح تجين معنا ؟ الغلا : علشان امي فاطمه ,, متى طيارتنا ؟ نوف : بكره الساعه 7 بالليل الغلا : باجر الساعه 9 الصبح امرج ونروح الصالون اللي صبغت فيه شعري ادق الحين آخذ لج موعد واذا خلصنا من الصالون نروح نتسوق نوف : اقول لأمي ولخالد وادق عليكي الغلا : يلا ننزل تحت نتعشى ,,,,,,,,,,,,,,,,,,,,,,,,,,,,,,,,,,,,,,, الساعه 9 الصبح الغلا يم الفندق تدق على نوف : يلا نزلي نوف : الغلا اطلعي الدور الرابع غرفه 42 الغلا : نووووف لا يكون مو مخلصه ؟! نوف : تعالي قاعده افطر كلها 10 دقايق وننزل دخلت الغلا وشافت خالد قاعد يم امه بالصاله سلمت وقعدت يم نوف ام عيسى : يلا يا بنتي افطري الغلا : مشكوره خالتي بالعافيه عليكم ام عيسى : اصب لك حليب ؟ الغلا : لا خالتي ما احبه نوف : فيه حد ما يحب الحليب ؟!! الغلا : انا نوف : واللي في بطنك وش يشرب ؟ الغلا : شاي وقهوه ام عيسى : لا يامي ما هو بزين لازم حليب .. الحليب زين لك وللي في بطنك الغلا : والله خالتي ما احبه ولا احب اشم ريحته نوف تمد سندويش جبن للغلا الغلا بصوت واطي : نوف ما اشتهي آكل يلا خلصي ام عيسى : غلا مدي يدك وكلي ,, مستحيه ؟ الغلا : لا خالتي مو مستحيه بس مالي نفس ما احب آكل اول ما اقعد من النوم خالد ( معلومه جديده ,,, ان شاء الله لي جيتي السعوديه انا اعرف كيف اخليكي تفطري وتشربي حليب بعد ) راحوا الصالون وصبغت نوف شعرها ... وعلى الساعه 12 الظهر وصلوا السوق شرت نوف لها جم غرض والغلا دورت لها بدله وما عجبها شي ..الساعه 1.30 الظهر الغلا : نوف يوعانه نوف : يلا نرجع .. انتوا متى غداكم ؟ الغلا : الحين .. بس انا تعبانه ويوعانه ما اقدر اسوق ,, امشي نروح ناكل في أي مطعم بعدين نرجع نوف : امي راح تحاتي ويمكن خالد يعصب اذا تأخرنا اكثر من كذا الغلا : ما عليج الحين ادق على امي واقول لها بنتأخر ساعه تغدوا مشاوي وعلى الساعه 3 وصلوا البيت ,,,, راحت نوف عند الحريم والغلا راحت الديوانيه ... ولما شافها خالد انصدم انها شلون داخله عند الرياييل ,, سلمت على رياييل خواتها وعلى اخوانها وشافت مشاري قاعد يم ابوه .. وأول ما شافها مشاري راح ركض ولمها الغلا : هلا بالغالي مشوري مشاري : ثنو جبتي لي الغلا تساسره : بعدين اعطيك علشان بابا لا ياخذه منك .. ok مشاري : oT ناصر : غلا الله يابج هاج قشريلي منجا الغلا تساسر ناصر : اذا سافرت من بيقشر لك منجا ؟ ناصر : راح آكلها بقشورها الغلا : ههههههههههه ابو مشاري : ضحكونا معاكم الغلا : سر .. يعني لازم كل شي تعرفه راح مشاري وياب منجا للغلا : انا بعد ابي منجا بث مو متل خالي ناثر انا ابي تقثينها متل ايث كليم الغلا تضحك : انت تامر يا الغالي ابو فواز : ها الغلا ما ودج بهند الغلا : ههههههه احييك صراحه يا بو فواز هم خسران وهم بتلعب ابو فواز : ذاك الأسبوع مقعدين يمي بو مشاري ينني هو اللي خلاني اخسر الغلا تطالع بو مشاري وتضحك ,, وخالد من داخله يغلي بس يبتسم مجامله بو مشاري : حطيتها عليّ قول ما اعرف العب والغلا كسرت راسكم خالد ( قاعده مع الرجال وتلعب معهم بعد ؟!!!!! يا ويل حالك يا خالد ) ناصر : خالد ما غلبتك الغلا بالهند خالد سرحان ويطالع الغلا الغلا ( هاذي تكملة الصفعات اللي ياتك مني ,, ادري انك بتنفجر لأني دخلت هني وقاعده اسولف مع رياييل خواتي ... خلني اسولف واضحك قبل لا اروح انسجن عندك وانسى الفرح ) ناصر : هههههههههه اكيد كسرت راسك بالفوز عشان جذيه ما ترد خالد : ها الكل : هههههههههههه هههههههههههههه ههههههههههههه الغلا : اقول بو مشاري شخبار المزيون ؟ خالد التفت عليها وفتح عينه ( من ذا اللي اتكلم عنه !! ) بو مشاري فهم عليها : يزقح ,, يسلم عليج الغلا : ههههههههه حلوه يسلم عليّ ,, شلون قالها ؟ بو مشاري : ههههههههههههههههههههههههه الغلا : تصدق ولهت عليه,, عليه عيون تذبح بو مشاري : اهو بس عيونه .. كل شي فيه حلو الغلا : ايه والله كل شي فيه حلو واحلى ما فيه صبغة شعره ,, خالد من داخله يغلي .. وده يقوم ويسحب الغلا ويطلعها بس ما يقدر هو عارف ان الغلا تستفزه لانها طول القعده ما كانت تطالعه ولا توجه له كلام , وهذا الشي خلاه يتضايق منها ويحس بالغيره لانها قاعده تسولف مع بو مشاري وسافهته ,, بو مشاري : عشان جذيه ما اطلعه اخاف عليه يتخامطونه حمد معاهم عالخط : وده جبد ( منطقه كبد بالكويت ) الغلا : لااااااا حرام عليك حمد هالمزيون يروح جبد ,, قطيعه عند بنات الشوارع حمد وابو مشاري : ههههههههههه حمد : حلوه بنات الشوارع ابو يوسف : هيييييه منو هالمزيون اللي اتحجون عنه ؟ ابو فواز : ايه والله منو ؟ من كثر ما اتحجون عنه ودنا نشوفه ناصر لاحظ خالد متضايق شوي : خالد ما ودك تشوفه الغلا التفتت على خالد وشافته يبتسم مجامله لهم بو مشاري : لا ما اقدر اجيبه من امس معرس وما احب اضايقه خليه يتهنى بعروسته هههه الغلا : ههههه يحليله عرس .. زين زين .. من هي العروس واي فندق وديته ؟ بو مشاري يضحك : اعرس على وحده من جنسه ووديتهم فندق جبد ناصر : عيل بيتخامطونه بنات الشوارع على قولة الغلا الغلا : لا يكون وديته جبد والجرس برقبته ؟ بو مشاري : لا فصخته وعطيته مهر لعروسته الكل : ههههههههههههه ههههههههههههه ههههههههههههه الغلا تضحك وخالد يغلي : هههههه قول له الغلا تسلم عليك بو مشاري : شلون سلامج ؟ الغلا : مياو مياو ميااااااااااو بو يوسف يضحك : كل هالحجي عن هالمزيون طلع مياو بو فواز : شعره وقصته وقذلته وغمزة عيونه .. حشى جنها اوصاف ادمي مو قطو الكل مع خالد : ههههههههههههههه صعدت الغلا غرفتها وحطت لها جم غرض بجنطتها اللي بتاخذها معاها المطار ,, دخلت الحمام خذت لها شاور ,, صلت العصر وراحت انسدحت على السرير وغمضت عينها ونامت على طول من التعب ... خالد دق على نوف : يلا جاهزين نوف : ايه بس الغلا ما نزلت خالد : قولي لاختها تقول لها تنزل نوف : ان شاء الله نوف : ام مشاري لو سمحتي تقولي للغلا تنزل بنمشي الحين ام حمد : ما شاء الله راح الوقت بسرعه الساعه 5 راحت ساره ودخلت غرفة الغلا لقتها نايمه : غلوووووي !!!! غلا ... غلا ... الغلا : امممممممممم ساره : غلا يلا قومي الساعه 5 وراج سفر الغلا : بعدين ساره فيني النوم ساره تضحك : والله لو هي طيارة ابوج جان قلنا شبعي نوم ,, يلا الناس تنطرج الغلا فتحت عينها وبصوت نعسان : شنو ساره : غلا باقي اقل من ساعتين عالطياره الغلا وتوها تستوعب حطت ايدها على راسها : اوووووه ساره : يلا قومي اخذي لج شاور صحصحي ,,, تبين مساعده الغلا : جنطتي نزليها معاج وانا لي خلصت انزل ساره : لا تتأخرين خالد داق على اخته يستعجلها الغلا ( ما صار هالخالد اللي مضايقني حتى بنومي واحلامي !! ) ودعت الغلا اهلها بالدموع .. وناصر وداهم المطار ,,,,,, قبل لا تركب الغلا الطياره دزت لخالد ماسيج : ابي نوف تقعد يمي خالد فهم عليها بس حب انه يحارشها دز لها : يعني وش يمي الغلا دزت : عن الاستعباط .. ان قعدت يمي راح انزل من الطياره خالد ( ادري بك تسويها .. آآآآه يا الغلا ما تدري كيف قلبي فرحان وانتي معي ) ركبت الغلا الطياره وقعدت نوف يمها .. سندت راسها عالكرسي وسرحت بافكارها ( رجعت للضيقه والهم ... يارب سهل لي اموري وعيني على اللي جاي ) اتمنى يكون عجبكم هالجزء برجعة الغلا للسعوديه هل راح تتحسن العلاقه بينها وبين خالد احداث جديده بالجزء القادم بانتظار اقتراحاتكم وردودكم دمتم بخير ( اختكم غفران*) | ||||
|
| |
|
26-11-13, 09:32 AM
| #25 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| (( الجزء الثاني والعشرون )) (أيام من حياتي ) ******************** ودعت الغلا اهلها وسافرت السعوديه .. وصلوا بالليل ,, نوف من التعب راحت غرفتها وام عيسى راحت غرفتها وتمت الغلا قاعده بالصاله مع خالد ... خالد : غلا قومي فوق ارتاحي الغلا منزله راسها : ما راح نروح عند امي فاطمه خالد : الوقت متاخر بكره ان شاء الله صعدت الغلا جناحها وقعدت بالصاله .. التفتت تطالع الجناح وعورها قلبها ( يارب .. يارب ما اشوف ولا اعيش الايام اللي شفتها اول ما ييت ) فتحت الغلا التلفزيون وقعدت تطالع ,, كانت حاسه بتعب وودها تتمدد وتريح ظهرها بس ما تبي تنام عالارض خالد : غلاي الغلا رفعت راسها له خالد : حبيبتي روحي ريحي الغلا : وين ؟ خالد : داخل غرفة النوم عالسرير الغلا : وانت ؟ خالد : انا بنام بالغرفة الثانية .. اهم شي انتي ترتاحي واللي في بطنك دخلت الغلا الغرفه وراحت الحمام خذت لها شاور ,,, صلت صلواتها وتمددت على السرير وغفت عينها ونامت ,,,,,,,,,,,,,,,,,,,,,,,,,,,,,, الصبح قعدت الغلا من النوم الساعه 8 ونص وتوها طالعه من الحمام رن موبايلها الغلا : هلا وغلا لأحلى أم بالكويت ام حمد : السلام عليكم ,, هلا فيج يما شلونج الغلا : وعليكم السلام هلا بالغاليه الحمد لله انا بخير انتوا شلونكم ام حمد : الحمد لله كلنا بخير ,, شلون عجوزكم ؟ الغلا : وصلنا امس متأخر وما في زياره الحين ان شاء الله بنروح ام حمد : الله يشافيها وتطلع بالسلامه الغلا : آمين ام حمد : وخالد شلونه الغلا : الحمد لله ام حمد : وانتي شلونج معاه الغلا تتنهد : ما شي الحال ام حمد : ليلحين زعلانين على بعض ؟ الغلا تفاجأت : ها ... من قالج اني زعلانه يما ؟ ام حمد : قلبي الغلا : يماااااااااا ام حمد : لا تهقين اني مو حاسه ولا عارفه ,, يما انا حسيت فيج من اول ما شفتج ,, واللي اكد لي تصرفاتج ونفسيتج وحياتج اللي تغيرت ,, منتي الغلا اللي اعرفها ,, الغلا دمعت عينها : ........................................... ام حمد : يما انا اكلمج علشان مصلحتج ,, اذا خالد مزعلج والا مضايقج بشي قعدوا مع بعض وتفاهموا وحلوا مشاكلكم بينكم وبين بعض ,, وانا اللي اشوفه انه حاطج بعيونه الغلا وصوتها متغير : شدراج انه حاطني بعيونه يما ام حمد : يما انا ما ادري شبينكم لكني اشوف شلون يعاملج الغلا تمسح دموعها ام حمد : الغلا يما لازم المره هي اللي تضحي .. ومهما شد الريال لازم هي اللي ترخي الغلا تبجي : ما أقدر يما انا تنازلت وايد ومو مستعده اتنازل اكثر ام حمد : يما بنيتي ادري انج ما تحبين تقولين مشاكلج لأحد .. وانتي اللي تحلين مشاكلج بروحج لكن هذا ما يمنع انج تطلبين المشورة ,, يما البنت مو كل يوم لها ريل .. والمره لازم تصبر مرة ومرتين وعشرة ,, يما شمسويلج خالد علشان كارهته لهالدرجه ؟ الغلا تبجي ام حمد : ما يصلي ؟ ما يعاملج زين ؟ بخيل ؟ خاينج ؟ شفتيه مع وحده غيرج ؟ الغلا : يما الخيانه مو بس فعل ,, ام حمد : تحمليه يما وعطيه فرصه ,, خالد حبوب وشاريج ,, ما شفتيه يوم يابج وبيسافر شكثر وصاني عليج حتى مصروف لج عطاني وقال لي أي شي تبي الغلا دقي وقوليلي .. كل هذا ومو شايلج بعيونه يما !! الغلا : ................................... ام حمد : علشان اللي فبطنج يما تنازلي شوي وعطيه فرصه وتفاهموا مع بعض ,, ابي اشوف الغلا بنتي الأوليه مو الغلا الحزينه الغلا تبجي ام حمد : يما انا ما اقولج هالكلام عشان تبجين .. اقوله لأني خايفه عليج .. يما الغلا الغلا تمسح دموعها : هلا يما ام حمد : دموعج غاليه يا حبيبتي اوعديني انج تعطين خالد فرصه وتسامحون من بعض الغلا : ان شاء الله يما سكرت الغلا من امها وراحت الحمام غسلت ويهها ,, لبست وحطت مكياج خفيف تخفي آثار البجي ,, نزلت تحت وشافت خالد قاعد مع امه ,, راحت الغلا سلمت على خالتها وقعدت يمها ,, خالد يطالعها وحس انه فيها شي خالد : الغلا وش فيكي تعبانه ؟ الغلا : لأ ام عيسى : افطرتي يمي الغلا : لأ خالتي ما لي نفس بعدين خالد ( وكاد انها باكيه ومتضايقه عشان كذا ما لها نفس تاكل ) الغلا : خالتي امي تسلم عليج ام عيسى : الله يسلمها من كل شر خالد تأكد ان فيها شي : غلا أهلك فيهم شي ؟ الغلا رفعت راسها تطالع خالد وتذكرت كلام امها وسرحت وهي تطالعه ام عيسى : الغلا وش فيكي أهلك فيهم شي ؟ الغلا : لا خالتي ما فيهم الا العافيه ان شاء الله .. خالتي وين البنات ام عيسى : نوف وانوار جاتهم دلال وراحوا لجدتهم الغلا : متى بتروحون المستشفى ؟ ام عيسى : الحين يمي حنا نحتريك تنزلي ,, بس ما يصير تروحي وانتي موب ماكله شي الغلا : آخذ معاي نسكافيه خالتي خالد : نسكافيه على الريق لأ ,, كلي لك شي الغلا نزلت راسها ام عيسى : قومي يا بنتي الاكل عالطاوله خذي لك فطيرة مع قهوتك الغلا : خالتي ما اشتهي قعد خالد على القنفه : انا مانيب رايح الا لما تاكلي ام عيسى : تعالي يمي انا آكل معك خذت لها الغلا فطيرة جبن وغصبت نفسها وكلت منها شويه خالد : حتى العصفوره تاكل اكثر منك !! الغلا بصوت هادي : بعد شوي آكل ام عيسى : خلاص خالد لا تضغط عليها خلها على راحتها خالد : يما شوفي وجهها كيف صاير لونه من قل الاكل ,,, خالد اخذ كوب حليب ومده للغلا : خذي اشربي الغلا حطت ايدها على خشمها وصدت : مابي ما احبه خالد : انتي ما تحبينه هو يحبك ... يلا اشربي ام عيسى : بس يا ولدي لا تغصبها خالد : الا بغصبها علشان مصلحتها الغلا طالعته بنظرات غضب خالد بصوت هادي : يلا حبيبتي اشربي ولو شوي الغلا : ............................................. خالد : يلا غلا راح نتأخر على جدتي الغلا : ............................................. ام عيسى : قوم انا اخليها تشرب الغلا من الاحراج منزله راسها وجبدها لايعه ,, قعدت يمها خالتها ومسحت على راسها : اشربي يما الغلا بصوت واطي : خالتي ما احبه صدقيني ام عيسى : علشان خاطري حتى لو شويه الغلا استحت من خالتها خذت كوب الحليب وقربته من شفايفها وهي مغمضه عيونها وحاطه ايدها الثانيه على خشمها ,, شربت منه شويه ودزت الكوب بعيد عنها بلعته وهي مغمضه عيونها وحاطه ايدها على حلجها خالد يمد لها فطيره : خذي كلي الغلا دزت ايده وقامت تركض الحمام ورجعت !!!!!! راحت لها ام عيسى : اسم الله عليك .. وش كلتي عشان ترجعين الغلا وهي تغسل ويهها بالماي : قلت لج خالتي ما احب الحليب ما صدقتوني خالد لما ركضت الغلا تفاجأ .. وانصدم لما رجعت ( فيه احد يكره الحليب !!! الحين صدقت ) قعدت الغلا عالقنفه وخالد قعد يمها بايده قلاص ماي : اشربي الغلا رفعت عينها له ,,, خالد : مويه موبحليب الغلا اخذت منه الماي وشبه ابتسامه على شفايفها ام عيسى : شلونك يما الحين الغلا : الحمد لله خالتي ما فيني الا العافيه ام عيسى : تقدري تروحي المستشفى والا تجلسي هنا ترتاحي الغلا توقف : لا خالتي ما فيني شي .. بروح معاكم .. بس لحظه انطروني بروح فوق شوي وانزل في المستشفى ...... وقبل لا تدخل الغلا على الجده فاطمه شجعت نفسها وبكل الم وخجل مدت ايدها ومسكت ايد خالد ,, خالد تفاجأ والتفت عليها متفاجأ من حركتها ,, شافها مسكره عيونها .. ضغط على ايدها , التفتت له : مو علشانك علشان امي فاطمه ما تستاهل احد يكدر خاطرها ابتسم خالد ورفع ايده وباس ايدها الغلا ارتجفت ايدها : اذا سويت جذيه مره ثانيه ما راح ادخل وياك خالد فرحان وبابتسامه : خلاص خلاص حبيبتي توبه كفايه انك جنبي ويدك بيدي .. روحي ردت لي غلاي وتم خالد يطالعها ومبتسم الغلا : مطول الفيلم على ما يخلص ؟ خالد : أي فيلم ؟! الغلا : ممكن ندخل ؟ خالد : تفضلي حبيبه قلبي دخلت الغلا ايدها بايد خالد شافتهم الجده وابتسمت والغلا ردت لها الابتسامه ورفعت ايدها اللي ماسكها خالد ,, راحت الغلا لمت الجده وحبتها على راسها خالد ويحب يدته على راسها : ها جدتي راضيه عليّ والا ليلحين زعلانه مني الجده بعبره : الله يرضى عليك يا ولدي دنيا وآخره يوم انك جبت لي الغلا والله اني مشتاقه لها الغلا : تشتاق لج العافيه يما .. سلامات يا الغالية وما تشوفين شر الجده : الشر ما يجيك يا بنتي الغلا : يلا يما ترجعين معانا البيت ؟ الجده : الضغط لاعب براسي دوم يوجعني حتى الزاد عفته ما اشتهيه الغلا : واللي الحين يخلي نفسيتج تنفتح وتاكلين .. والتعب اللي فيج كله يروح الغلا وهي اتساسر الجده : يما لا تقولين لأحد أمانه الجده مبتسمه : قولي يمي الغلا : ان شاء الله بيزيدون الفواطم وحده ,, فيني سميتج ويه الجده استبشر بالفرح وبصوت واطي : يا حي الله فيكم يا بنتي الغلا قربت الأكل وقعدت تأكل الجده والجده تاكل نوف : هالله هالله لو ندري جده انك بتاكلي كنا جبنا الغلا من زمان خالد : عشان تعرفي ان مرتي تفتح النفس ام عيسى : يلا خلها تفتح نفسك واكل زي الناس خالد : ان شاء الله الغلا توكلني ,, ويلتفت عليها : وش قلتي توكليني ؟ الغلا انحرجت وعلشان لحد يحس بشي قالت بابتسامه : من عيوني خالد بابتسامه : تسلم لي عيونك خالد يساسرها : ابغي توكليني مثل يوم كنا بالملكه واعمل نفسي موبداري واعض اصبعك الغلا طالعته وعاقده حواجبها خالد : ابغي الغلا اللي بالملكه اشتقت لها الغلا بصوت واطي ما يسمعه الا خالد : الغلا اللي بالملجه ماتت واللي جدامك وحده ثانيه خالد : بعد الشر عليكي وعليها الغلا باستنكار: من هي ؟ خالد : الغلا اللي دوم مبسوطه واللي الضحكه ما تفارق شفاها الغلا الطيبه الحنونه اللي كل من شافها حبها لطيبتها واللي متربعه بقلبي واللي مشتاق لها واااااااااجد الغلا : الله يرحمها خالد بكل حنيه وحب : غلاااي الغلا : لو سمحت مو وقته هالكلام اللي بالغرفه عينهم علينا دخل بو عيسى وسلم على امه وراحت له الغلا سلمت عليه وحبته على راسه بو عيسى : شلونك يا بنتي الحمد لله على السلامه الغلا : الله يسلمك عمي انت شلونك بو عيسى : بخير بشوفتكم .. شلون اهلك وبو وليد الغلا : الحمد لله كلهم بخير ويسلمون عليك عمي بو عيسى : الله يسلمك ويسلمهم .. اقول يما وجهك مورد ماشاالله الجده : والله اني فرحت يوم شفت الغلا ام عيسى : عسى دوم مورد والعافيه حولك البنات مع الغلا : آمين ابو عيسىى : توني جاي من الدكتور وطمني .. ما عليكي شر انشاالله الجده : الشر ما يجيك ابو عيسى : يلا يا ام عيسى نرجع البيت ونجي العصر خالد : معك السايق يبا ؟ بو عيسى : ايه ,, نروح انا وامك وانت ارجع مع البنات انوار : انا بقعد عند جدتي دلال : وانا الحين بو عبد الرحمن بيجيني خالد : اجل يلا الغلا انتي ونوف نوف : وش رايك الغلا نقعد عند جدتي الجده : لا يمي خليها تروح ترتاح والعصر تجي طلعت الغلا مع نوف وخالد بالسياره ..... نوف : غلا وش رايك بكوب باسكن الغلا ابتسمت وبصوت واطي : توه في بالي نوف : يلا خالد لو سمحت ولدك مشتهي باسكن خالد مبتسم : ولدي والا انتي ؟؟ نوف : ههههههههه ولدك وامه وعمته خالد : احلى باسكن لأحلى ام عبدالله وعبدالله الغلا نزلت راسها وابتسمت ( لأحلى فاطمه حبيبة قلبي ) ,,,,,,,,,,,,,,,,,,,,,,,,,,,,,,,, العصر راحت ام عيسى مع بو عيسى ونوف المستشفى ,, الغلا كانت نايمه وخالد قالهم لما تصحى نجيكم الساعه6 نزلت الغلا تحت وشافت خالد بالصاله : وين خالتي ونوف ؟ خالد : راحوا المستشفى ,, يلا انا انتظرك عشان نروح لهم دخلوا المستشفى وخالد شبك ايده بايد الغلا .. الغلا حاولت تسحب ايدها من ايده خالد تمسك بايدها حيل : علشان جدتي الغلا التفتت عليه : ؟؟؟!!!!!!!! خالد : وعلشاني .. ارتاح اذا يدك بيدي احس روحي ارجعت لي غلاي ... وصلوا عند غرفة الجده وقبل لا يدخلون قرب خالد من الغلا وقال لها : أحبــــــــــــــــــــــ ـــــــــــــــــــــــــ ــــــــــك أحبــــــــــــــــــــــ ـــــــــــــــــــــــــ ـك أحبــــــــــــــــــــــ ـــــــــــــــــك ,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,, بعد يومين طلعت الجده من المستشفى , وابو عيسى سوا عشا على سلامه امه وعزم كل الأهل .. الغلا مع البنات تسولف وتضحك ,, عاتبتها دلال على انها قصه شعرها : صدق اني تضايقت لما قصيتي شعرك بس ما شاء الله حلو عليكي الغلا تضحك : عيونج الحلوه ام خطيبي .. انا قاصته علشان خطيبي عمر يارب يعجبه ,, كل اللي بالصاله ضحكوا ,, قامت جواهر توزع الشاي ولما قربت من الغلا وبايدها الأستكانه صبت الشاي على بطنها ,, صرخت الغلا ووقفت , مسكت نفنوفها وبعدته عن بطنها وهي تصرخ : آآآآآآآآآه حار نوف خايفه : حرقك .. الغلا تكلمي الغلا : حار نوف حار,, ودموعها تنزل راحت دلال لجواهر وتلتها من ايدها وبعدتها عن الغلا : انتي مجنونه وش سويتي جواهر : ما سويت شي .. هو طاح من يدي دلال : كذابه انتي متعمده جواهر وهي حاقده على دلال : لا تتبلي عليّ لو متعمده كان كبيته كله الغلا تمشي صوب الحمام ومرت يم جواهر ,, جواهر وبصوت واطي : المره الجايه على وجهك ان شاء الله نوف سمعت جواهر وصلت الغلا للحمام وراحت لأمها قالت لها اللي سوته جواهر والكلام اللي قالته بجناح خالد ,, قعدت الغلا على السرير تبجي وخالتها ام عيسى لامتها وعندها نوف ودلال ,, انطق الباب وقامت نوف تفتحه : يبه ؟!!!!! ابو عيسى : وين هي الغلا وشلونها الحين ؟ نوف : داخل يبه حياك الغلا شافت عمها داخل عليهم قامت وقفت ونزلت راسها تمسح دموعها ابو عيسى : وشلونك يبه عسى ما تعورتي الغلا وصوتها متغير : لا عمي ما فيني شي بسيطه ابو عيسى : يلا البسي نروح المستشفى الغلا : لا عمي ما يحتاج مستشفى خالتي حطت عليه عسل والحمد لله بسيطه ام عيسى : كلمت بنت اختك مسوده الوجه ابو عيسى : ما شفتها من كلمتيني جيتكم على طول ,, لي كلام معها ومع امها الغلا تبجي : عمي لا تكلمها الحين .. ما نبي نسبب مشاكل هذا عشا امي فاطمه ما نبي انكد عليها ابو عيسى : اصيله يا بنتي الله يكملك بعقلك الغلا تكلم خالتها : خالتي انا بخير الحمد لله روحي لضيوفك لا احد يحس بشي وانتي بعد دلال ونوف ام عيسى : حنا ننزل وخلي معك نوف يمكن تبغى حاجه الغلا منسدحه على السرير وتبجي نوف : الغلا بس قطعتي قلبي اذا يحرقك قومي المستشفى الغلا : لا ما يحرقني بس اللي حار قلبي ليش جواهر تتصرف معاي جذيه لي متى يا نوف لي متى ؟ انفتح الباب بقوه ودخل خالد عليهم وهو خايف : وش صاير الغلا تمسح دموعها : مو صاير شي خالد من غير وعي مشي صوبها ولمها حيل على صدره الغلا انحرجت من نوف وبصوت واطي : وخر عني عورتني خالد يكلم نوف : البسوا وانا انتظركم بالسياره عشان نروح المستشفى طلع خالد قبل لا يسمع منهم أي رد محتر من جواهر ووده يذبحها الغلا : نوف ما له داعي مستشفى انا ما فيني شي نوف : الغلا قومي خالد شكله خايف ومعصب بعد الغلا : نوف ماني رايحه مو غصب تمت نوف تحايل الغلا وهي مو راضيه تروح دق خالد على نوف وبصراخ : ساعه ! يلا انزلوا نوف : خالد الغلا ما تبغى تروح المستشفى سكر خالد التليفون وراح لجناحه يركض نوف : الغلا خالد سكر بوجهي مبين انه معصب الغلا : روحي نزلي خليني انا اتفاهم معاه طلعت نوف ودخل خالد وشاف الغلا قاعده على السرير .. شافته قامت وقفت وهي منزله راسها : خالد مابي اروح المستشفى خالد تم واقف يطالعها : قوليه مره ثانيه رفعت الغلا عينها له : مابي اروح المستشفى خالد : ابغي اسمع اسمي على لسانك قوليه مره ثانيه صار لي زمان ما سمعته قعدت الغلا على السرير ودمعت عينها ,, قعد خالد مقابلها على الأرض ومسك ايدها الثنتين .. نزلت دمعه من عينها على ايد خالد ,, رفع ايده وباس دمعتها : دموعك غاليه يا قلبي اذا تعبانه قومي نروح المستشفى الغلا وهي تبجي : قلبي تعبان منكم انت وبنت عمتك .. اكثر اثنين ضروني بحياتي انت وياها .. انا شسويت لكم علشان تسوون فيني جذيه حرام عليكم حسبي الله ونعم الوكيل ,, يرت الغلا ايدها من خالد وحطتهم على ويهها وبجت خالد : الغلا ريحيني يا بنت الحلال وخلي عنك بنت عمتي الحين ,, صدقيني راح آخذ حقك منها بس بالأول اطمن عليكي وعلى بطنك الغلا وتمسح دموعها : قلت لك ما فيني شي خالد : خليني اشوف الغلا فتحت عيونها : شتشوف ؟ خالد : اشوف بطنك الغلا قامت من السرير مرتبكه ومستحيه ومشت بتروح الصاله ,, خالد مسك ايدها : حبيبتي مستحيه مني الغلا نزلت راسها وعينها بالأرض خالد رفع راسها وتمت الغلا منزله عينها مستحيه : حرام اتطمن على مرتي وولدي الغلا : ........................ خالد حط ايده على بطنها .. الغلا لا شعوريا رجعت لورا وعطته ظهرها حطت ايدها على بطنها وحست شوي يقرصها راحت وقعدت عالسرير خالد : قومي الغلا ريحيني الله يخليكي الغلا : بليز اطلع ابي اروح الحمام باغير ملابسي خالد : طيب قوليلي يحرقك بطنك ؟ الغلا : لأ خالد : صاير مكانه احمر ؟ الغلا : شوي خالد : واجد ؟ الغلا : لأ اول ما صبت عليّ رفعت ملابسي بسرعه ,, لكن مره ثانيه على قولتها راح يجيني على وجهي .. ذيك الساعه ما اقدر ارفع شي ,, حسبي الله ونعم الوكيل عليها الله ينتقم منها .. ما ادري ليش معاديتني جني بايقه حلالها (وتبجي) جان خذيتها وفكيتني من شرك وشرها خالد تضايق من كلمتها , اخذ موبايله ودق على نوف : وين هالكلبه جنبك ؟ نوف : ايه اصعدي انتي معاها تعالي لجناحي الغلا : لأ ما ابيها تدخل هني خالد : نوف وديها غرفتك واذا وصلتي عطيني رنه خالد : حبيبتي اهم شي انك بخير , وحقك راح آخذه الحين واذا بتشوفي تعالي الغلا : مابي اشوفها ولا اشوف احد دخل خالد غرفه نوف وقال لنوف تروح لغلا , خافت جواهر لما شافت نفسها بروحها مع خالد خالد : وش سويتي للغلا ؟ جواهر بخوف : ما سويت شي الكوب زلق من يدي وطاح عليها خالد : تكذبين جواهر بانفعال : اكيد ست الحسن كذبت عليك بكم كلمه وصدقتها طراااااااااااخ .. كف من خالد على خد جواهر خلا دموعها تنزل خالد : ان شفتك مقربه جنب زوجتي راح يكون آخر يوم بحياتك .. الظاهر كف ابوي اللي جاكي ما رباكي جواهر : تمد يدك عليّ عشانها ؟! خالد : واكسر راسك ,, حسافه انك بنت حصه ال........... جواهر : كل ذا عشان هالدخيله خالد بصراخ : جب ولا كلمه لا والله الحين انزل اعلم كل اللي في المجلس واولهم ابوكي واخلي يومك اسود زي وجهك جواهر تبجي وحاطه ايدها على خدها خالد : فهمتي والا لأ ,, لا تهقين ان الغلا ساكته عنك خايفه منك , هي ساكته احتراما لعمتي وأهلي والا انتي ما تستاهلي حتى احد يسلم عليكي وهذا آخر انذار لك وان شفتك حتى لو مكلمه الغلا راح اقص لسانك .. جواهر ( كثر ما حبيتك الحين اكرهك .. اكرهك ) جواهر : راح تدفع ثمن الكف غالي خالد : اعلى ما بخيلك اركبيه طلع خالد من غرفه نوف وراح لجناحه , الغلا توها طالعه من الحمام خذت شاور وحطت كريم على بطنها ولبست دراعه .. دخل خالد وقال لنوف بصوت واطي : روحي غرفتك خالد : وشلونك الحين احسن الغلا : الحمد لله خالد : تنزلي الحين الغلا : مو الحين بنزل بعد شوي خالد : خلاص ادبتها لك وماراح تضايقك ابد الغلا ( اكيد طقها ! استغفر الله ما عندهم غير مد الإيد ,, مادري ليش ما يستعملون لسانهم يتفاهمون فيه حسبالهم الطق رجوله مالت عليكم) خالد : الحلو وين سرح الغلا تطالعه سرحانه خالد : ها بشري حلويت والا وجهي شان من الضعف ؟ الغلا نزلت راسها خالد يرفع راسها : غلاي ناظريني الغلا منزله عيونها ( لأ.. لأ مابي اضعف مابي اشوفك ولا اتكلم معاك ولا ابي احبك .. حبك عذبني .. شتتني .. دمرني حرام عليك لا تعلقني وتذبحني بعدين) خالد : الغلا حبيبتي يا روح قلب خالد ارفعي عينك كل ذا حيا الغلا : يلا انزل اتأخرت على عمي خالد : عمك هو اللي قال لي روح لمرتك ولا تتركها واقعد جنبها وامسك يدها وامسح على بطنها واي شي تبغاه عطها الغلا تطالعه : لا والله .. ما قال لك بعد سبحها ولبسها ؟ خالد يغمز لها : يا ليت من عيوني غالي والطلب رخيص الغلا انحرجت ,, خالد مسك ايدها وقعد معاها عالقنفه وتم يطالعها ويلعب باصابعها : ابغي اعطيكي هديه وارجوكي لا ترديني الغلا : شكرا مابي هدايا من احد خالد : انا موباحد انا زوجك حبيبك الغلا : انت زوجي بس مو حبيبي خالد : ولا عمرك الغلا تهز راسها بلأ خالد : ولا روحك الغلا تهز راسها بلأ : هالكلمات مو لك لواحد ثاني هو اللي حبيبي وقلبي وروحي وكلي هو اللي قاعد بقلبي ومستحيل يطلع حتى لو ذبحني خالد : من ذا عشان انا اللي اذبحه الغلا بكل انفعال : اذا ذبحته موتك على ايدي .. وبعدين ان ذبحته اموت وراه خالد يدري انها تتكلم عن اخوها : يا حظه ليت يجيني من هالحب لو الربع راح خالد غرفه المكتب وياب للغلا جيس فيه علبه ومده لها : يلا افتحيها وعطيني رايك الغلا : ليش يايب لي هديه انا ما طلبت منك شي خالد : ذي لولدي هو اللي يبغاها الغلا نزلت راسها وابتسمت ,, فتحت العلبه وشهقت بصوت واطي .. قرب خالد وساسرها باذنها : عشان لا يصير في البيبي ساعه الغلا ( شدراه اني ابي هالساعه ,, ويايب لي نفس اللون !) خالد : ممكن البسك ؟ الغلا كانت مستحيه قرب خالد ادينها ولبسها الساعه ورفع ايدها وباسها : عليكي بالعافيه يدك هي اللي محليتها الغلا : شكرا .. من وين شريتها ؟ خالد مبتسم : من مصادري الخاصه الغلا ابتسمت وبانت غمازاتها اللي خالد مشتاق لهم : لا والله صج ابي آخذ لنوف واختي خالد يرفع لها جيس ثاني : هاذي ثنتين وحده لأختك ووحده لنوف الغلا : ليش ما قلت انا كنت راح اشتريها خالد : غلاي أي شي تبغي انا اشتريه لك ,, انا زوجك وملزوم فيكي واي شي نفسك فيه قوليلي لو هو بالقمر اجيبه الغلا : أي شي خالد : أي شي قولي وانا تحت امرك الغلا تتنهد : ابي راحة البال خالد ويمسك ايدها : الله يريح بالك .. وان شاء الله اللي جاي يفرح قلبك ويريح بالك , وان ما لقيتيها مني تلقيها منه .. وان شاء الله انا ما راح اقصر معك بشي ولا راح اضايقك وطلباتك كلها اوامر تنفذ الغلا نزلت راسها ما توقعت منه هالرد . عدى هاليوم على خير والجده ما درت عن اللي صار للغلا .. ,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,, جواهر بغضب ودموعها تنزل : ما راح اخليه يتهنا فوزيه : هدي هدي فهميني ما فهمت من صياحك وش مسوية لك الكويتيه جواهر : الله ياخذها .. انا يمد يده علي عشان هالحشره فوزيه : وش متبليه عليكي بعد جواهر : في قلبي نار يا فوز الله ياخذها .. اكيد ساحرته خالد ما كان كذا فوزيه بخباثه : اسحريها جواهر وهي تمسح دموعها : اسحرها ؟!!!! كيف فوزيه : انتي قرري وانا تحت امرك جواهر : ابغي احرق قلبها نفس ما احرقت قلبي .. ابغي خالد يكرهها فوزيه : ما طلبتي يا قلبي يكرهها ويحبك جواهر : ما ابغاه يحبني ,, ابغى اعذبه فيها نفس ما عذبني فوزيه : اكلم ام دويسه واعطيكي خبر جواهر : من ام دويسه ذي فوزيه : اللي بتنتقم لك من مرت حبيبك هههههههههه جواهر ( حبيبي هه كان حبيبي ) : متى ترديلي خبر ؟ فوزيه : ادق عليها واشوف طلباتها واقول لك سكرت جواهر من فوزيه وهي ما تدري بالجرم اللي سوته بحق نفسها واهلها وبحق خالد والغلا * * * باقي 10 ايام على عرس نوف ,,,,,,,,,, الغلا : نوف خلصتي اغراضج نوف : ايه الحمد لله وفستاني يومين واستلمه الغلا : اغراضك حطيتيها بالجناط والا ليلحين بالجياس ؟ نوف تضحك : تو دلال مهاوشتني تقول لي لا يكون تبغيني انا اللي احط اثيابك بالشنط ,, قومي فزي رتبي حاجاتك لا تصيري بزره الغلا مبتسمه : تبين اساعدك انا بالخدمه نطت نوف ولمت الغلا (وبدخلة خالد) : يا جعل عيني ما تبكيكي يا احلى مرت اخو بالدنيا خالد : هييي انتي يا الدبه قومي عن مرتي فعصتيها نوف شهقت : انا دبه حرام عليك ,اذا انا دبه هاذي وش (تأشر على بطن الغلا) خالد : هاذي غصن البان غزالتي نوف : غزاله والا بقره الغلا فاتحه عيونها : بقره بعينج .. غلطانه .. بتهاوشين مع اخوج لا تدخليني بالموضوع يا نعيه خالد يضحك .. نوف : وش الكلمه اللي قلتيها ؟ الغلا : نعيه يعني نعجه نوف : يا ويلي انا نعجه .. مقبوله منك ما اقدر اكلمك زوجك واقف الغلا : لا حبيبتي حتى لو ما كان واقف انا اعرف ادافع عن نفسي يا حلوه نوف : ايه كذا .. هاذي الألفاظ ما هو نعجه الغلا :ههههههههههههههههه خالد : عساها دوم هالضحكه نوف : خالد تودينا السوق ؟ خالد : ليه ما خلصتي ؟ نوف : إلا بس مرتك ما عندها فستان تلبس تقول ما لقت فستان بالكويت خالد : تامر ام عبد الله .. متى بتروحون ؟ الغلا : من قال لك اني باروح .. انا كنت يايبه معاي بدله هنديه , بس لو مو بنت عمتج حارقه بطني جان لبستها نوف : يا ويلي بطلعين بطنك قدام العالم ؟! الغلا : ايه بدله هنديه لازم البطن يطلع خالد يساسرها : يوم اقول لك وريني اشوف بطنك ما رضيتي والحين بتوريه كل العالم الغلا نزلت راسها مستحيه راحوا السوق والغلا فرت مع نوف كذا محل , وباحد المحلات شافت الغلا فستان ذهبي والثاني احمر عجبوها ثنينهم : نوف محتاره اثنينهم عاجبيني نوف : خذيهم اثنينهم الغلا : لا شدعوه هم مو رخاص علشان آخذهم كلهم نوف : ما يغلون عليكي الغلا : لا صبري نشوف فيه بعد جم محل ما دخلناه نوف : الغلا خذيهم والله حلوات الغلا : سعرهم مبالغ فيه وايد حرام طلعوا من المحل ولفوا على كذا محل.. الغلا : تعبت من المشي خلنقعد شوي خالد : ما حصلتي فستان ؟ الغلا : لأ ما عجبني شي قعدوا بكوفي ونوف دزت لخالد ماسيج : الغلا عجبها فستانين بمحل .... وما خذتهم تقول غاليات خالد : اذا وصلت للمحل راح ادز لك رساله راح خالد للمحل وسأل البياعه عن الفساتين ودز لنوف : أي واحد تبغي هي طلعت لي اثنين نوف : هي تبغاهم اثنينهم واحد ذهبي وواحد احمر خالد : انا ما اعرف القياس نوف : قول لها مقاس البنت الحامل اللي طلعت من شوي هي شاطره تعرف خالد شراهم اثنينهم وحطهم بالسياره ورجع لهم نوف : خالد تاخرت كل ذا حمام ! خالد يطالعها مبتسم الغلا : يلا نمشي خالد : ما تبغي تشتري ؟ الغلا : ما لي خلق امشي خلها يوم ثاني تعبت خالد : اسم الله عليكي تبغي اشيلك الغلا : ليش ياهل ! لا شكرا دخلت الغلا جناحهم ودخلت الحمام خذت شاور ووقفت عند التسريحه تنشف شعرها طق خالد الباب ودخل : ما نمتي الغلا : بعد شوي لما انشف شعري خالد : اذا خلصتي تعالي الصاله الغلا : خير فيه شي ؟ خالد : خلصي وتعالي ربع ساعه والغلا راحت الصاله, خالد يطالعها شكلها حلو بالبجامه وبطنها مبين بارز الغلا : مناديني علشان تطالعني ! خالد : لو اناظرك العمر كله ما امل يا روح خالد الغلا : نعم فيه شي خالد : ايه تعالي .. اخذها للغرفه اللي تنام فيها وكان معلق بداخلها الفساتين : غمضي عينك وعطيني يدك الغلا خافت .. ليلحين ما تحس معاه بالامان : لأ خالد : لا تخافي حبيبتي والله محضر لك مفاجأه الغلا منزله راسها وبصوت واطي : لأ خالد : طيب ,, افتحي الباب وشوفي المفاجأه وانا انتظر بره دخلت الغلا وشهقت يوم شافت الفستانين معلقين , تمت واقفه مده تطالعهم ( ليش خذاهم ؟ معقوله علشاني .. اكيد نوف قالت له .. يعني صج يحبني والا يلعب علي .. يارب انا محتاره خالد صج يحبني وشاريني والا هاذي لعبه يديده ينطرني لما اولد وبعدين يبين على حقيقته نفس خالد اللي بالمانيا ) خالد يدخل الغرفه : الغلا الغلا التفتت عليه وبعيونها دموع من تذكرت المانيا : ليش ؟ خالد يقرب يمها ويحبها على راسها : انا مو قايل لك أي شي تبغي تقوليلي لا تخلي في نفسك شي اللي يعجبك بس اشري وانا اجيبه من عيوني الغلا لا شعوريا : تسلم عيونك خالد مستانس : صحيح تسلم عيوني الغلا استحت : ليش خذيتهم اثنينهم واحد كافي سعرهم وايد غالي خالد : ما يغلون عليكي يا قلبي ,, ويقرب ويلمها من خصرها : وبعدين ما ابغي يطلع في البيبي فستان ابتسمت الغلا ونزلت راسها خالد : ارفعي راسك لا تحرميني من غمازاتك اشتقت لهم واجد .. يلا البسيهم خليني اشوفهم عليكي الغلا مستحيه لأن الفساتين واحد كوكتيل والثاني علاق والصدر شوي فتحته كبيره : مو الحين خالد وهو يلعب بشعرها : متى ؟ الغلا مرتبكه من قربه يمها نزلت راسها وقالت : بعدين رفع راسها وتم يطالع عيونها قرب منها وباس خدها وشفايفها لاااااااااااااااااااااااا اااااااااااااااا انتهى الجزء الثاني والعشرون بانتظار ردودكم دمتم بخير (اختكم غفران*) | ||||
|
| |
|
26-11-13, 09:33 AM
| #26 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| (( الجزء الثالث والعشرون)) ( أيام من حياتي ) ******************* الغلا دزته ودخلت الحمام اللي بالغرفه وقفلته .. سمعها خالد تبجي , خالد يطق الباب : آسف حبيبتي .. الغلا افتحي الباب الغلا ما ترد عليه جسمها يرجف ودموعها تنزل خالد : الغلا يا قلبي صدقيني آخر مره اسوي كذا بس لا تزعلي الله يخليكي اطلعي من الحمام الغلا : ......................... خالد : حبيبتي ما هو زين تبكي بالحمام الغلا : اطلع من الغرفه خالد : انا طالع بس اترجاكي لا تبكي ولا تزعلي طلبتك غلاي طلع خالد وهو متكدر ( لازم اصبر .. اللي شافته مني ما هو قليل ,, يارب صبرني مشواري معك طويل غلا روحي,, يارب حنن قلبها عليّ) الغلا طلعت من الحمام وقفلت باب الغرفه عليها قعدت بالزاويه وتمت تبجي وترجف لما داخت ونامت من غير فرش ولا لحاف . وعت من النوم الساعه 8.30 تبي تقوم ما قدرت , حست ظهرها متصلب تمددت وحطت تحت ظهرها كوشيه ورفعت ريلها على الطوفه وتمت على هالحال ربع ساعه الساعه 9.30 نزلت تحت سلمت وقعدت وهي عاقده حواجبها ام عيسى : وش فيكي الغلا شكلك تعبانه الغلا : ظهري يعورني خالتي الجده : وين يوجعك يمي الغلا تأشر على مكان الألم الجده تكلم نوف : روحي يا نوف جيبي الدهن اللي بالجرار نوف : جده يمكن ما هو بزين لها ام عيسى : هذا للعضلات يريحها وان ما نفعها ما هو بضارها الجده : قومي يمي افطري بالأول نوف : الله والفطور كلها كوب قهوه ساده ام عيسى: خلاص ما به قهوه على الريق .. افطري فطور زين .. اللي في بطنك محتاج غذا تريقت الغلا وقعدت تسولف مع نوف نوف : قستي الفساتين ؟ الغلا وهي تطالع التلفزيون : لأ نوف : ليه الغلا : مو عاجبيني نوف فاتحه عيونها : احلفي عاد !!! الغلا تضحك : لا لا حلوين ,,,,,,,,,,,,,,,,,,,,,,,,,,,,,,,,,,,, قبل عرس نوف بيوم الغلا : نوف كلمتي اللي بتحط لج الماكياج ؟ اكدتي عالموعد ؟ دلال : ليه انتي منتي رايحه لها ؟ نوف : الغلا تقول هي تجيكي احسن دلال : وين تجيكي الغلا : تروح الفندق اللي فيه الحفله وتييها بالغرفه الخاصه مالت العروس تمكيجها والثانيه تسويلها شعرها دلال : من معكم ؟ نوف : اللي يجي حياه الله دلال : انا والغلا نروح معك ونوره ومرت عيسى وبناتها يروحون لحالهم انوار : وانا نسيتوني الغلا : انتي اول وحده حبيبتي انتي معانا دلال : سمعت امي تقول ان جواهر بتروح مع نوف الغلا : اذا بتيي جواهر انا ماني رايحه نوف : خلاص امي تقول لها تروح مع بنات عمي يوم العرس الفندق مليان من المعازيم حضروا اهل الكويت ,, ام حمد وبناتها وام وليد وبناتها .. ومن الرياييل حضرحمد و ناصر وابو وليد ووليد وعلي . فهد والفرحه بعيونه والضحكه ما فارقته خالد : بس سكر فمك كأنك بدعايه معجون اسنان فهد : يا اخي فرحان بتحسدني بعد !! والا حلال عليك وحرام علينا خالد : تصدق فهد ودي اسوي عرس فهد مستغرب : بتعرس على مرتك ؟! خالد : لا فال الله ولا فالك هي الأولى والأخيره ما يسكن القلب غيرها بس قلت اسوي حفله اعوضها فهد : ان شاء الله بقومتها بالسلامه سو اللي تبغى بالصاله عند الحريم وبغرفه العروس انوار : الغلا اهلك تحت يسألوا عنك الغلا بفرحه : امي يات ؟ انوار : امك وخواتك الغلا : صبري انوار بانزل وياج نوف : وتخليني لحالي ! الغلا : نوف اسلم عليهم واييج ولهانه عليهم وايد نزلت الغلا وراحت لمت امها وما بقى مكان ما باستها فيه : ولهانه ولهانه ولهانه عليج يما ام حمد : هلا بغلا عيوني شلونج يما ساره : وانا ما ولهتي عليّ الغلا : وخانقتها العبره : ولهت عليكم كلكم ساره وهي لامتها : لا تبجين لا يخترب المكياج ,, ما شاء الله صايره حلوه اقري على نفسج من عيون الناس الغلا تضحك : اوووه ما بقى احد ما قرا عليّ من امي فاطمه لي انوار ام عيسى : الله يحميك يما ويبعد عنك الشر الكل : آمين سلمت الغلا على خواتها وخالتها وبنات خالتها لحظه نزول الغلا صعد ابو عيسى وعيسى وخالد لنوف وكانت عندها المصوره وصورتهم جم صوره خالد يساسر نوف : وين هي الغلا ؟ نوف : نزلت تسلم على اهلها ابو عيسى : يلا يا بنتي متى بتنزلين ؟ نوف ارتجفت من الخوف : لسه بدري يبه عيسى : وين بدري الساعه 11 خالد : انتوا انزلوا يبه وانا انزلها بعد شوي نزل بو عيسى وولده وتم خالد مع نوف والمصوره خالد : نوف دقي على الغلا ابغي اشوفها وقبل لا تدق نوف افتحت الغلا الباب : يلا نو ... شافت خالد واستحت لأن نفنوفها كان عاري من فوق وفيه فتحه طويله على جنب نوف : ادخلي خالد بيصور معك الغلا وقفت مكانها ما تحركت المصوره : ادخلي يا أمر انتي مخبيه الجمال ده كله فين خالد : اذكري الله المصوره : باسم الله ما شاء الله صورت الغلا مع خالد جم صوره وجسمها سخن من الحيا ومن قرب خالد يمها وهو حاضنها ما قدرت تتكلم جدام نوف والمصوره خالد يساسرها : وش هالقمر اللي بين يدي الغلا مرتبكه وسخنت من الحيا : .............................. خالد : حطي شي على كتوفك ترى اغار انا الغلا :............................... خالد : اقري على نفسك لا تجيك عين الغلا :............................... خالد : شوي شوي وانتي تمشي ولا ترقصي قدام الناس اغار انا الغلا : .............................. ,,,,,,, نزلت نوف القاعه وامها تدعيلها وتمسح دموعها .. رقصوا جدامها خواتها والغلا وبنات عيسى معاهم ونوف تطالعهم مبتسمه جواهر عينها ما طاحت من على الغلا وساره لاحظتها ساره : غلا ديري بالج منها شكلها حاقده عليج الغلا : حاقده من قلب الله يكافيني شرها ساره كانت ملاحظه جواهر تسولف مع وحده وعينهم عالغلا ساره : غلوي تعرفين البنت اللي قاعده معاها الغلا رفعت عينها لهم : ايه رفيجتها قليلة الادب ساره : ليش شمسويه ؟ الغلا : ساره مو وقته بعدين اقولج دخل فهد وكل حبايبه يمه ودار مداره سلموا عليه اهله واصحابه وتم فهد وابوه وعمه وخالد وعيسى بالصاله ,, خالد عينه تلف تدور الغلا ما يدري انها منخشه ورا الكوشه لأنها مو مغطيه ويهها وما تبي احد يشوفها من الرياييل خالد يأشر لدلال : وين هي الغلا ؟ دلال : ما ادري ما شفتها خالد يساسر نوف : وين هي الغلا ؟ نوف مبتسمه : مندسه ورا الكوشه خالد فاتح عينه : احلفي ! فهد : خالد اوقف عدل عشان الصوره صور خالد ونزل راح ورا الكوشه وشاف الغلا لابسه عباتها وحجابها وقاعده على الكرسي تشرب عصير الغلا شافته وابتسمت : راحوا الرياييل ؟ خالد يطالعها ومبتسم : ليه قاعده هنا ؟ الغلا : مابي احد يشوفني .. فيه رياييل والا اطلع خالد : فيه عمي وابوي وعيسى وقفت الغلا بتمشي خالد مسك ايدها : على وين ؟ الغلا : بروح اقعد عند امي ووخواتي خالد : حبيبتي غطي وجهك فهد موجود الغلا : ما معاي غطا وما احب البسه احس يخنقني خالد : حطي أي شي على وجهك لا تطلعي كذا الغلا مبتسمه وبانت غمازاتها وحاطه ايدها على خصرها : لا يكون تغار عليّ خالد : اكيد اغار ,, مانتي زوجتي حبيبتي الغلا : ما عندي شي اتغطى فيه .. جان تعطيني غترتك اتغطى فيها خالد مبتسم : خذي طرف ملفعك وحطي على وجهك الغلا : انت المسئول اذا مشيت وانا مو شايفه طريجي وطحت ونزفت خالد خاف من كلامها : اسم الله عليكي وش هالكلام ؟! الغلا : انا لابسه عباتي ومغطيه شعري ومو حاطه مكياج ثقيل ليش الغطا ؟ خالد ( الله يصبرني .. مشواري معك طويل الله يهديكي) طلعت الغلا وشافت عمها يمشي صوب الباب , راحت له سلمت عليه وباركت له وباسته على راسه ابو عيسى : الغلا ! ما عرفتك شهالزين ما شاء الله الله يحفظك الغلا : عيونك الحلوه عمي .. عيل ما شفت فاطمه ؟ ابو عيسى : فاطمه من ؟ الغلا : افا يا عمي فاطمه ام عيسى زوجتك ابو عيسى يضحك : الا شفتها ,, وش فيها ؟ الغلا : عمي انت شفتها متغطيه ما شفتها من غير غطا تهبل جنها هي العروس ابو عيسى : يووو انا كنت باقول لك شوفي لي وحده صغيره بعرس الغلا وتطق على صدرها : يا لهوي يا لهوي ليه كده يا عبد الله .. تسيب بطه الست الكمل وتاخد وحده أد بناتك ده انا كنت اشرب من دمها ضحك ابو عيسى ولم الغلا وباسها على يبهتها : والله ان سواليفك ترد الروح حطت الغلا راسها على جتف عمها ومشت معاه للباب وخالد وراهم خالد : يبه كأنك غلطان ابو عيسى يطالعه مستغرب خالد : يبه لام مرتي .. تحسبها امي ؟ ابو عيسى يضحك : والله مرتك ذي ما شفت مثلها حبيبه خالد : تعلمني ؟ ادري بها حبيبه الغلا : تبي شي عمي بروح لنوف ابو عيسى : سلامتك يبه خالد يطالعها ويأشر لها تغطي ويهها , الغلا وبحركه عفويه مدت له لسانها ضحك خالد على حركتها ( الله يخليكي لي ولا يحرمني منك ) رجعت الغلا وقعدت يم ساره وشافت جواهر وفوزيه رادين من صوب الحمام قعدوا بعيد عن الغلا شوي فوزيه : اسمعي لازم تعطيني من اثرها الحين جواهر : فوز من وين بجيب لك !! فوزيه : لازم تجيبي أي شي والا الحرمه ما تقدر تسوي لك العمل جواهر : خلاص اسكتي لاحد يسمعك وننفضح .. بحاول اجيب ... راحت جواهر وسلمت على نوف وباركت لها وقعدت تسولف مع انوار جواهر تمثل التعب : دايخه حاسه اني بطيح من طولي من الصبح موبماكله انوار : حتى حنا .. الغلا يجزاها خيرجابت لنا صحن معجنات وقعدنا ناكل جواهر : وين ؟ انوار ببراءه : بغرفة العروس جواهر وتحط اصابعها على راسها وتدلك جبهتها : بقى منه ؟ انوار : ايه .. تعالي كلي لك شوي على ما يجي وقت العشا راحت جواهر مع انوار ودخلوا غرفة العروس ,, قعدت جواهر تاكل مع انوار جواهر من ورا قلبها : ما شاء الله مرت اخوكي صايره حلوه انوار : هي حلوه ما شاء الله جواهر : ايه وقصة شعرها محليتها اكثر انوار : ما شاء الله عليها كل شي فيها حلو جواهر تاكل وتطالع الغرفه وشافت عباة معلقه وشيلات جواهر : لمن العبي ذي ؟ انوار : عباة نوف جواهر : هاذي الشيله مو نفس العباة اخاف نوف غلطت من كثر ما هي مرتبكه جايبه عباة غير شيلتها انوار وهي تطالع الشيله : هاذي شيلة الغلا جواهر : اجل هي وش لابسه ؟ انوار : يمكن لفة فستانها جواهر : اها تموا قاعدين 10 دقايق جواهر : انوار عن اذنك بادخل الحمام قعدت انوار تنطر جواهر ورن موبايلها : هلا دلال .. اوكي جايه جايه انوار تطق الباب على جواهر : جواهر انا بنزل بيزفون نوف الحين جواهر : روحي وانا الحقك سمعت جواهر تسكيرة الباب وطلعت خذت شيلة الغلا وسفطتها ولفت عليها كم ورقة كلينكس ونزلت بسرعه لفوزيه فوزيه : وش في وجهك كذا جواهر بخوف : افتحي شنطتك بسرعه فتحت فوزيه جنطتها وطالعت جواهر بابتسامه وغمزت لها .... | ||||
|
| |
|
26-11-13, 09:34 AM
| #27 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| بالسياره خالد يسوق والغلا يمه اللي اصرت نوف انها تيي معاها للفندق وفهد ونوف ورا الغلا : مبروك فهد وعسى الله يسعدكم فهد : الله يبارك فيك وعقبال اخوانك الغلا : آمين .. مبروك نوف نوف ما قدرت ترد مستحيه ( الله يقطع بليسك يا الغلا وش هالاحراج ) الغلا: نوف ما انقمتي ,, شيلي اللي على ويهج لا يغمى عليج نوف من الخوف والخجل ساكته الغلا : نوف حبيبتي تسمعيني نوف ساكته وفهد وخالد مبتسمين الغلا : فهد لا يكون اكلت نوف ضحك خالد و فهد ونوف من الاحراج دمعت عينها دق موبايل الغلا : هلا سارون ساره : هلا .. وينج ؟ الغلا : نزف المعاريس للفندق .. انتوا ليلحين قاعدين ؟ ساره : الحين بنمشي توني داقه على فهد الغلا : ههههههه شفته بطيحان مرتز بالشماغ ساره : بطيحان بعينج الغلا : هههههههههه لا تزعلين بو مشاري بو دبه هههههههههه ساره : عطيتج ويه يلا طسي .. نشوفج باجر قبل لا نسافر الغلا : ان شاء الله يلا سلمي على بطيحان فهد : بو مشاري رجال والنعم فيه .. تو ادري ان اسمه بطيحان الغلا : ههههههههههههههههههههههههه هههههههههههه ههههههههههههههههههههههههه هههههههههههههههههه ههههههههههههههههههههههههه هههههههههههههههههه من كثر ما ضحكت خالد وفهد يضحكون ونوف تضحك من غير صوت خالد : عساها دوم هالضحكه .. بس فهد ما قال شي يضحك الغلا : ههههههههه اهو مو اسمه بطيحان هههههههه فهد : اجل وش اسمه !! الغلا : على اسمك خالد : اسمه فهد ؟؟!!! الغلا : ههههههههههههههههههههههههه ايه خالد : اجل ليه تناديه بطيحان الغلا : ههههههههه انا اطفره لأنه بدوي اناديه بطيحان ههههههههههه وصلوا الفندق ودخلت الغلا مع نوف الغرفه وقعد فهد مع خالد بالصاله فهد : ما شاء الله زوجتك دمها خفيف خالد : طافك ماسكه ابوي وقايلتله ما شفت فاطمه تجنن كأنها هي العروس .. تقصد امي فهد يضحك وتم يسولف مع خالد وخالد يوصيه على نوف فهد : ما كأنهم طولوا داخل خالد مبتسم : يحق لك معرس طلعت الغلا بعد ما هدت نوف من الخوف والبجي اللي خرب مكياجها والغلا عدلته لها ( الله يهنيج يا نوف اتمنى لج ليله سعيده مو نفس ليلتي ) الغلا : يلا خالد خالد يطالع فهد ومبتسم : تو الناس الغلا فاتحه عينها : الساعه 3 شنو تو الناس ! يلا انا تعبانه خالد : لو بس انتي منتي تعبانه كنا قعدنا فهد عازمنا عالعشا الغلا : عشاه واصل ما قصر ..وتكلم فهد : دير بالك على نوف الله يخليك فهد : لا توصي حريص يا ام عبد الله نوف بعيوني خالد : تسلم يا الحبيب يلا سلام والف مبروك فهد : الله يبارك فيك , كأنك قلتها لي ميه مره خالد : من حبي لك يا خوي فهد : تسلم يا الغالي ,, يلا ضف وجهك ضحك خالد وطلع ,, بالأصانصير خالد يقرب يم الغلا ويمسك ايدها : وش رايك يا قلبي نحجز غرفه ونبات الليله هنا الغلا تصد عنه : مو خوش راي خالد بمكر : انا تعبان وما اقدر اسوق السياره الغلا : مو مشكله عطني السويج انا اسوق خالد : ليه ناويه ننام عند الشرطه اليوم الغلا : لا تخاف اذا سألوني اقول لهم انك تعبان خالد يطالعها ومبتسم بالسياره الغلا مسنده راسها ومغمضه عيونها خالد مسك ايدها : حبيبتي تعشيتي ؟ الغلا : مابي شي ابي فراش ومخده بس فيني النوووووم خالد : اهلك متى بيسافرون ؟ الغلا فتحت عيونها : ايه صج بيروحون باجر الظهر المطار ,, بروح معاهم خالد فاتح عيونه : بتسافري ؟ الغلا ( يا ليت ) : لا ابيك توديني لهم الفندق الصبح ونوصلهم المطار الظهر خالد ارتاح : تامرين حبيبه قلبي ,, ورفع ايدها وباسها : كم الغلا غاليه عندي الغلا : صج غاليه خالد بصدق : غاليه وحبيبه وسرقت قلبي وعقلي وادعي ربي كل يوم ان الله يهديها وتسامحني لأني حمار وثور وتيس وبعير الغلا تضحك : ههههه ليلحين ذاكر .. نسيت زهيوي بعد خالد : الله لا يحرمني من هالضحكه لو تبغي فار بعد بس ترضي عليّ الغلا : دريت .. فيه ناس خطبوني من امي خالد عقد حواجبه : من ذول ؟! الغلا : ما ادري ما اعرفهم , قلت لأمي لا تردين عليهم خليني افكر خالد التفت عليها .. الغلا : لا تطالعني طالع الطريج لا تدعم فينا خالد : احلفي بس !! ليه ما شافوا بطنك ! الغلا مبتسمه ومغمضه عيونها : لأ كنت قاعده .. المره الأولى قالت لأمي بخطبها لولدي سعود والثانيه قالت بخطبها لولدي خالد , عاد انا قلت لأمي اللي ولدها خالد قوليلها مو موافقه واللي ولدها سعود خليني افكر لزم خالد بريك والغلا اخترعت وحطت ايدها على بطنها والإيد الثانيه على طبلون السياره : اشفيك شوي شوي خالد يطالعها معصب الغلا : خرعتني حسبالي سياره جدامك خالد طول الطريج ساكت .. وصلوا وصعدوا لجناحهم , دخلت الغلا غرفتها فصخت عباتها وقعدت عند التسريحه تشيل طقمها وتراجيها .. دخل عليها خالد من غير ما يطق الباب , شافته من المنظره والتفتت عليه كان ويهه متغير ومبين انه متضايق , الغلا تمت تطالعه مشى خالد صوبها ومسك ايدها الثنتين وتم يطالع بويهها ,, الغلا استغربت من حركته : اشفيك ؟! خالد : اللي ياخذك مني اذبحه الغلا ابتسمت (الخبل صدق ! ) خالد : الغلا حتى لو ما تحبيني بس لا تجرحيني .. انا رجال والكلام ذا يهزني الغلا : انا كنت اتغشمر معاك الكلام مو صج خالد : حتى لو ما هو صدق لكن يعور القلب الغلا نزلت عينها وصدت عنه , خالد لف ويهها صوبه : اللي ما يغار على حرمته ماهو رجال .. وانا اغار عليكي حتى من اهلي ,, اغار من نوف لأنها دايم معك , وغرت من ابوي لأنه حضنك وضحكتي معه , غرت من فهد لأنه شافك وانتي متزينه .. حتى ملابسك اللي عليكي اغار منها لأني احبك واموت بهواك . خالد ترك ايدها بيطلع ,, الغلا امسكت ايده وراسها وعينها بالأرض : انا .. انا .. (كانت بتقول آسفه بس ما قدرت تطلع منها) خالد لمها : انتي حبيبتي وقلبي وروحي وام عيالي دمعت عين الغلا وتأثرت بكلامه .. رفع خالد ويهها ومسح دموعها : غلاي انا ما اقولك هالكلام عشان تبكي , صدقيني الكلام ذا طالع من قلبي وصادق به والله العالم الغلا رفعت عينها له : انا .. انا ما كان قصدي اجرحك خالد : الله يخليلي هالعيون والقلب الطيب .. الله لا يحرمني منك يا احلى ما رأت عيني الغلا (بس خلاص ارحمني كلامك يهزني يهز قلبي حيل ما اقدر اتحمله يبيلي وقت يبرى جرحي .. يبيلي وقت انسى) الغلا وهي سارحه باسها خالد على شفايفها ,, الغلا لفت وعطته ظهرها خالد بصوت هادي : لي متى يا قلبي ارحمي قلب مشتاق الغلا بجت لفها خالد صوبه لمها ومسح على شعرها مشى معاها وقعدها عالسرير وقعد يمها لامها وحاط راسها على صدره : غلاي انا ما اغصبك على شي ما تبغيه .. خذي وقتك .. كفايه اني اشوفك جنبي واتكلم معك واشوفك طيبه وبخير الغلا زادت دموعها حست انها قست عليه بكلامها لكن شي بداخلها يرفض انه يسامح ويغفر ,, تم خالد لامها ويمسح على شعرها : حبيبتي تضايقتي من كلامي ؟ الغلا : ........................... خالد : آسف اذا قسيت عليكي الغلا : ........................... خالد بصوت هادي وهو يمسح على شعرها : حبيبتي الغلا حست بالأمان وراسها على صدر خالد ومن التعب نامت مو حاسه بنفسها خالد بصوت واطي : نمتى يا قلبي ,, سدحها على السرير وغطاها باسها على شفايفها وطلع وعت الغلا من النوم الساعه 10.30 مخترعه : اووووه تأخرت ,, شهقت لما شافت نفسها بفستان العرس : وااااي الحين يبيلي ساعه على ما امسح المكياج واتسبح الساعه 11 طلعت من الغرفه لقت خالد نايم بالصاله راحت صوبه ووقفت تطالعه نايم من غير لحاف : خالد .. خالد خالد كان صاحي بس مغمض عينه كان مشتهي يسمع صوتها الغلا : خالد يلا قوم الساعه 11 خالد فتح عينه : يا صباح الورد على احلى ورده بحياتي الغلا : صباح النور .. الساعه 11 واهلي باقي لهم 3 ساعات عالمطار خالد : انتي جاهزه ؟ الغلا : ايه خالد : ما فطرتي ! الغلا : آكل بعدين بس يلا اتأخرنا الساعه 11 ونص وصلوا الفندق خالد قعد مع الرياييل والغلا دخلت الغرفه عند امها وبعد السلام .... الغلا : هاج ساره هديه من خالد ساره وهي تفتح العلبه : واااو احلى من المجله الغلا : هههه ايه لأنها حقيقه ملموسه ساره تضحك : مشكورين نردها لكم بالأفراح الغلا : يما شرايج بالعرس ؟ ام حمد : حلو ما شاء الله حضورهم وايد ام وليد : العروس بتسافر ؟ الغلا : ايه باجر الظهر واليوم فيه عشا في بيت اهل المعرس .. الله يعين بعد لبسي وتمكيجي وسوي شعرج ساره تغمز للغلا : جان تميتي بمكياجج وشعرج عقب امس .. ما شاء الله كنتي نجمه الحفل ام حمد : ايه اسم الله عليج الله يحميج من كل عين شافتج وما صلت عالنبي الغلا : احم .. احم .. اتحسسوني اني احلى وحده بالعرس ههههههه ,,, سارون امس ضحكت ضحك هههههههه ساره مبتسمه : على شنو الغلا : فهد ريل نوف يمدح ريلج ويقول توني ادري انه اسمه بطيحان كل اللي بالغرفه ضحكوا ساره : فاضحه ريلي الله يغربل بليسج الغلا : حتى خالد تفاجأ توه يدري انه اسمه فهد ساره تسبل عيونها وتغني : آآآآه يا فهد مني غدا الشوق ويلاه آآآآآه يا فهد الغلا تضحك : لا تحرفين الكلمات اهي يا بو فهد مو يا فهد ... الغلا تغني : يا بطيحان مني غدا الشوق ويلاه يا بطيحان والشوق لا منا غدا من يجيبه يا بطيحان ههههههههههههه ,,,, وصلوا المطار والغلا ودعت اهلها بالدموع والأحضان بالسياره ,,,,,,, خالد : وين ودها تروح حبيبه قلب خالد الغلا : البيت خالد : خلينا نتمشى بالسياره شوي الغلا : حرام عليك نتمشى بهالحر لو بسويسرا قلنا ميخالف خالد : ما طلبتي غلاي الحين اروح احجز لسويسرا الغلا تضحك : اشفيك انت مو صاحي ! خالد : اشك لأن حبك جنني سافرت نوف لشهر العسل ,, وحاول خالد يتقرب من الغلا بس كانت تصده ,, كل ما قرب منها ترتجف من الخوف واحداث المانيا تمر جدام عينها , وخالد من حبه لها صابر عليها . على الغدا ,, قعدت غلا بمكانها المعتاد خالد : غلا تعالي جنبي الغلا مستحيه منهم : انا مرتاحه بمكاني خالد : بس انا ماني بمرتاح .. يلا قومي اقعدي جنبي الغلا تبتسم : لا خلني قاعده هني هالمكان يذكرني بنوف ام عيسى : والله لها وحشه هالبنت ابو عيسى : الله يهنيها ما هي بحولكم الحين الجده : الله يسعدها ويرزقها انوار : يما خلونا نروح مكان ملل وحنا جالسين لحالنا الجده : وين تبغي تروحي انوار : أي مكان ,, وتلتفت لأبوها : يبا نبغي نسافر ام عيسى : وين تسافري ونوف باقي لها اسبوعين وتجي انوار : يا ليل اسبوعين واجد ,, نروح أي مكان حتى لو نقعد اسبوع نغير جو .. تكفى يبا خلينا نسافر ابو عيسى يكلم امه : ها يما ودك تسافري الجده : كان بتودينا نتعمر نروح ابو عيسى : ابشري يا الغاليه ،،،،،،،،،،،،،،،،،،،،،،،،، ،،،،،،، فوزيه : هلا جوجو كيفك جواهر : هلا بك ,, ها وش الاخبار فوزيه : امرك بكره نروح لأم دويسه جواهر بخوف : انا اروح ؟ لأ فوز اخاف فوزيه : وش تخافي منه نعطيها اللي طلبته ونطلع جواهر : انتي اعطيها موب لازم انا فوزيه : لا يا قلبي الشغل لك ,, انتي تروحين جواهر : ومتى نروح ؟ فوزيه : اجيك الساعه 4 العصر لأن بيتها بعيد شوي ,, ايه نسيت اقول لك جيبي معك رز وسكر وشاي ولحم ودجاج جواهر مستغربه : لمن ؟ فوزيه : لأم دويسه جواهر : ومن بيحمل كل هالاغراض ؟!!! فوزيه : انتي جيبي وما عليكي السواق يوصلهم لها ... .......... كل اللي بالبيت راحوا العمره حتى دلال وزوجها معاهم وقعدوا 4 أيام ,, وبآخر يوم انوار : خالد وش رايك نروح دبي خالد يطالع الغلا : غلا ودك تروحي دبي ؟ الغلا : كيفكم الجده : اذا تبغوا تروحوا الله يسهل دربكم لكن انا رجعوني لبيتي انوار : ليه جده مانتي رايحه معنا ؟ الجده : لا يمي ما اقدر على لفة دبي رجولي ما تعيني خالد : يبا تروح ؟ ابو عيسى : لا رح انت ومرتك وانوار وحنا نرجع ام عيسى : بس لا تطولون انوار : نقعد اسبوع ام عيسى : اسبوع واجد انوار : يما وش واجد نرجع قبل ترجع نوف خالد استانس ,, كان وده يسافر مع الغلا ويتقرب منها بس انوار صكت عليه (هههههه) سافر خالد والغلا وانوار دبي .. وخالد ارتاح وهو يشوف الغلا تضحك وتسولف مع انوار ,, الغلا شافت معاملة خالد واسلوبه معاها وحست انه تغير ,, بس ما قدرت تسايره وتأمن له ,, وكل ما حاول خالد يتقرب منها هي تبعد ,, وكان هالبعد حيا منه ... مر الاسبوع بسرعه ,, واليوم يوم رجوعهم من دبي ,,,وخالد والغلا وانوار ما يدرون باللي صار بالسعوديه !!!! ,,,,,,,,,,,,,,,,, وصلوا بالسلامه ودخلت انوار البيت وبصوت عالي : يما .. جده .. جينا دخلت انوار ووراها الغلا وخالد ,, البيت كان هدوء راحوا غرفة الجده لقوها منسدحه على سريرها انوار : الساعه 6 وجدتي نايمه غريبه الغلا : شالغريب فيه ؟ خالد : جدتي مستحيل تنام هالوقت انوار : اخاف تعبانه راح خالد وحط ايده على راس جدته .. الجده افتحت عينها وابتسمت لخالد خالد : عسى ما شر جده الجده : ما شر يا ولدي الغلا تحب الجده على راسها : شلونج يما اشتقت لج الجده : تشتاق لك العافيه .. الحمد لله على سلامتكم خالد : الله يسلمك جده .. وين امي ؟ الجده : عند عمتك انوار : ليه وش فيها عمتي تعبانه ؟ الجده رفعت شيلتها ومسحت دموعها خالد خاف : وش صاير جده عمتي فيها شي ؟ الجده بصوت مخنوق : تعبانه شوي ,, اقول يا ولدي خذ انوار وروحوا لعمتك خالد التفت على الغلا مستغرب : وانتي جده ما تبغي تروحي الجده : لأ انا خلني مع الغلا خالد تأكد ان فيه شي وجايد بعد : تامرين أمر يا الغاليه ابدل ونروح صعد خالد جناحه وقعدت الغلا مع الجده ,,,,, بالطريج خالد يدق على تركي .. وقاله ان هو جاي يسلم على عمته .. قال له تركي تعال المجلس أول وبعدين سلم على امي ,,,,, وصلوا البيت وخالد راح المجلس وانوار دخلت وشافت عمتها قاعده ومنزله راسها وويهها تعبان وعيونها مورمه من الصياح وام عيسى قاعده يمها انوار : السلام عليكم ام عيسى : هلا ببنيتي الحمد لله على السلامه .. متى جيتوا انوار وهي تشوف عمتها وعاقده حواجبها : من ساعه يما انوار باست امها وراحت عند عمتها وباستها على راسها : عسى ما شر عمتي ليه وجهك كذا ام تركي لمت انوار وقعدت تصيح ام عيسى : اذكري الله يا ام تركي انوار خافت : ايش فيكم ؟ وش صاير ؟ رن موبايل انوار وكان خالد : اطلعي عند الباب الحين بسرعه وقفت انوار وهي خايفه وراحت عند الباب وشافت خالد : خذي ورحي لجواهر انوار استغربت وتوها بتكلم خالد شافته يركض للمجلس .. انوار : عمتي وش ذا ؟؟ خالد عطاني مفتاح وقال لي اصعدي لجواهر !!! ام تركي بصوت مخنوق : روحي لها يا بنتي انوار : انتوا قافلين عليها الباب ؟!!!!!!! ام عيسى : روحي يما وهي تعلمك انوار صعدت وقلبها مقبوض حطت المفتاح وفتحت الباب .. دخلت كانت الغرفة ظلمه .. فتحت الليت وشهقت من اللي شافته ,,, شصاير لجواهر ,, وليش قافلين عليها الباب ,, اقتراحاتكم وردودكم تسعدني دمتم بخير دوما ( اختكم غفران * ) ********************************** ********************************* | ||||
|
| |
|
26-11-13, 09:35 AM
| #28 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الجزء الرابع والعشرون << ايام من حياتي >> ***************** جواهر ... جسم ممد على السرير .. وجه متورهم مليان كدمات .. ويد مجبسه .. وصوت ونات خفيفه ,,, انوار بخوف وعيونها مليانه دموع : جواهر جواهر فتحت عينها وشافت انوار .. صدت وبصوت مخنوق : اذا جايه تتشمتي اطلعي برا انوار مو مصدقه اللي تشوفه وبصوت باكي : جوجو حبيبتي وش صاير لك جواهر ما استحملت قعدت تبجي ,, راحت لها انوار تضمها جواهر : آآآآآآآآآآآآآآآآي انوار : اسم الله عليكي .. آسفه اذا اوجعتك .. وش صاير لك يا قلبي قولي صاير عليكي حادث ؟؟ جواهر حطت راسها على كتف انوار وبجت بصوت انوار : اذكري الله يا جواهر .. خلاص قطعتي قلبي جواهر : خليكي معي لا تتركيني انوار تمت لامه جواهر وتمسح على راسها وتقرا عليها بعد ساعه دخلت ام عيسى عليهم : يلا انوار بنمشي جواهر بصوت باكي : تكفين خاله اترجاكي خليها معي ام عيسى وهي متأثره : ابوها ما يرضى جواهر : الله يخليكي خاله كلميه اترجاكي انوار : انا اكلمه يما دقت انوار على ابوها : هلا بالغالي ابو عيسى : هلا بنوارة البيت ها وصلتوا ؟ انوار : ايه بابا من ساعتين ابو عيسى : الحمد لله على السلامه .. شلونك يبه انوار : الحمد لله انت شلونك بابا حبيب نواري ابو عيسى : ههههههه بابا وحبيب نواري فيها طلب انوار مبتسمه : طلب صغنون ابو عيسى : اطلبي يبه كلي لك انوار : بابا ابغي انام عند جواهر ابو عيسى بصوت عالي : وشو ؟!!! انتي وينك ؟ انوار خافت : انا مع خالد وامي عند عمتي ابو عيسى : ومن طلب منك تنامي عندها انوار : محد يبا شفتها تعبانه قلت اقعد معها ابو عيسى : ارجعي انتي وامك واخوكي الحين انوار : بابا ابو عيسى بصوت عالي : انوااااااااااار انوار تغير وييها وشافتها جواهر وسحبت منها الموبايل جواهر وهي تبجي : خالي انا غلطت ومعترفه بغلطتي وخذت جزاي اهيء اهيء .. خالي عاقبوني بس لا تحرموني من اهلي .. انوار مو بس بنت خالي هي اختي وصديقتي ابو عيسى متأثر من بجيها : ................................ جواهر : اترجاك خالي .. خلها جنبي والله محتاجه لها .. ما عندي حد ابو عيسى : .................................................. .. جواهر : ابوس رجولك خالي .. تكفى ابو عيسى بصوت هادي : عطيني خالتك ام عيسى : هلا بالغالي ابو عيسى وهو يتنهد : هلا بك .. شلون حصه ام عيسى : على حالها الله يفرجها عليها ويريح بالها ابو عيسى وهو زعلان على اللي صار لاخته : خلي انوار مع جواهر ام عيسى : داريه بقلبك الحنون عسى الله ما يخلينا منك ابو عيسى : يلا ارجعوا البيت امي لحالها .. وسلمي على حصه ام عيسى : ابشر الله يسلمك ارتاحت جواهر ان انوار بتنام عندها ( يمكن يخف الحصار عني شوي ) قبل ساعه بالمجلس بعد ما رجع خالد لما عطا انوار المفتاح ,,,,,, خالد : تركي وش فيك يا خوك وجهك ما يبشر بخير تركي منزل راسه ويتنهد : شقول لك يا خالد .. سواد وجه خالد : بوجه العدو ان شاء الله ... تركي ليه مفتاح غرفة جواهر عندك ؟ تركي من سمع اسم جواهر تغير ويهه ,, وتذكر اليوم اللي جواهر هزت اركان البيت فيه ....... الساعه 5 ونص تركي توه راكب سيارته بيروح النادي ورن موبايله تركي : هلااااااا هذا انت اكيد !! طلال : السلام عليكم شلونك تركي تركي : وعليكم السلام وش هالغيبه ؟!! وينك يا خوك طلال : موجود شلونك بشرني عنك تركي : بخير نحمد الله انت شلونك وشلون اهلك طلال : الحمد لله بخير ... تركي تركي : سم طال عمرك طلال : ابغاك تجيني تركي : وين ؟ طلال : شغلي تركي : انت ليلحين بالشغل ؟ مو كأن شغلك الصبح ؟ طلال ( الله رحم حالكم اني اليوم اخذت زام العصر ) طلال : اليوم زامي العصر حياك ابغاك ضروري تركي : ابشر .. نفس المركز والا غيرت طلال : نفس المكان .. بانتظارك لا تطول سكر تركي من طلال : وش فيه كذا يتكلم رسمي ؟!! وين المزح وكلامه وخفة دمه !!! الله يعينك يا طلال من هلي تشوفه وتسمعه من بلاوي هالناس ومصايبهم ,,, دخل تركي وسأل عن مكتب الضابط طلال ,,,, تركي قاعد قبال طلال وفنجان القهوه بايده طلال : تركي اشرب قهوتك تركي : طلال هذا ثالث فنجان اشربه .. وش فيك ياخوك طلال : تركي عندي لك امانه بعطيك اياها تركي مستغرب : امانه ؟!!! ما تذكر اني استأمنتك على حاجه طلال ( الله يكون في عونك يا تركي ) : تركي انت تعرف معزتك عندي وحنا اصحاب من سنين واللي يضرك يضرني تركي تغير ويهه : وش صاير طلال !!! قبل لا تدري وش اللي صاير حبيت اقول لك ان الامانه اللي بتاخذها ما عليها غبار وحتى اسمها ما انكتب ولا انذكر في القضيه تركي مستغرب : اسمها !!!! قضيه !!! ماني فاهم طلال : اختك جواهر تركي طاح قلبه : جواهر !!!!!!!!!!!!! ايش فيها اختي طلال : كل خير بس تركي : بس ايش !!!! قول يا طلال لا تجنني طلال : هدي بالك يا خوك .. اختك مسكوها مع صديقتها عند بيت كنا مراقبينه من شهور .. وصاحبة البيت تسوي سحر واعمال وبمبالغ كبيره تركي بذهول : واختي وش علاقتها بالموضوع طلال : اختك مسكوها معها اغراض كانت جايبتها لصاحبة البيت ومبلغ وقدره ... تركي وحاط ايده على راسه : اختي !! اختي من وين لها هالسوالف ؟ وشعرفها بهالاماكن طلال : تركي اختك منهاره وانا تأكدت انها اول مرة تجي لهالبيت ,, ولما حققت معها قالت لي ان صاحبتها هي اللي تعرف الحرمه تركي : وهي ليه رايحه معها ؟ وش الاغراض اللي لقيتوها مع اختي ؟ طلال : هالأسئله تجاوب عليهم اختك .. ومثل ما قلت لك اختك ما انذكر اسمها بالقضيه ,, يعني تاخذها وتطلع وانت مرتاح تركي مذهول والأفكار توديه وتجيبه ( انا ادخل قسم شرطه عشان استلم اختي ) دخلت جواهر وهي منزله راسها وتشاهق .. شافها تركي وراح لها وعطاها كف خلاها تطيح على الأرض طلال : تركي الله يهداك اذكر الله تركي والعرق بجبينه : مشكور طلال وجزاك الله خير .. ما راح انسى وقفتك معاي .. انت مو بس انقذتني .. انت انقذت اسم العايله طلال : عزيز وغالي وانت وعايلتك صيتكم لماع بالخير تركي : تسلم يا الطيب بسيارة تركي ,,,, تركي يسوق بأسرع ما عنده وجواهر قاعده ورا تصيح وتشاهق تركي بصراخ : انكتمي لا اسمع صوتك .. وفري دموعك للبيت انا يا كلبه تدخليني المركز جواهر بصوت مخنوق : تر.... تركي بصراخ : ولا كلمه وصل تركي البيت والغضب ماليه .. دخل وهو يجر جواهر من ايدها .. طاحت عالأرض بالصاله شالها من كتوفها ووقفها وطقها كفوف ما يدري جم عددها من كثر ما هو معصب وجواهر تبجي وتصرخ من الطق وطاحت عالأرض .. تركي ما حس وهو يضربها ويرفسها بريوله الا لما امه يات تركض وسحبته عن اخته ,,,, ام تركي : وش بلاك على اختك يا تركي تركي يوخر عن امه ويمد ايده على جواهر وبصراخ : خليني يما .. خليني اربيها .. سودت وجهي .. سودت وجهي تركي وهو يسمع صوت جواهر تبجي وتصرخ : انكتمي .. مابي اسمع صوتك ركض تركي المطبخ واخذ معاه عصاة المخمه وسحب جواهر لي غرفتها دخل وقفل الباب وقعد يضربها بالعصاة من غير شعور .. وكل ما زاد بكيها وصراخها زاد بضربها ,, وامه تطق الباب وتبجي وتناديه بس هو من الغضب واللي سوته جواهر ما سمع امه ام تركي وهي تطق الباب : اتعوذ من الشيطان يا تركي وافتح الباب كانت ام تركي تسمع صراخ تركي وبجي جواهر ,, تعبت وهي تطق الباب وخافت على جواهر من اخوها ,, دقت على اخوها بو عيسى وقالت له تعال الحق بنتي بتروح مني .. ما قدر بو عيسى يسمعها عدل من كثر ما كانت تبجي منهاره ,, رجعت ام تركي تطق الباب على تركي وتترجاه يرحم اخته تركي : ليه رايحه لبيت الحرمه ؟؟ جواهر تبجي من غير صوت تركي : من هو اللي كنتي تبغي تسحرينه ؟؟ تركي وهو يضربها : تكلمي جواهر من كثر الضرب ما قامت تحس بشي .. تركي تعب من كثر ما ضربها .. سمع امه وهي تبجي وتصرخ تناديه ,, فتح الباب بعد ما ترك جواهر جثه مضروبه عالأرض وتفاجأ لما شاف خاله يصعد الدرج ,, دخلت ام تركي وشافت بنتها طايحه عالأرض .. وبمساعدة بو عيسى حطوها عالسرير .. بو عيسى شاف ويه جواهر واخترع ,, راح دخل على تركي يستفسر منه ,, وتركي قاله كل السالفه ............. بو عيسى : لا حول ولا قوة الا بالله تركي : شقول لابوي خالي ؟؟ خوفي ينجلط لدرى بو عيسى : احمد ربك انه مسافر تركي : مصيبه يا خالي مصيبه بو عيسى : استهدي بالله واذكر الله الرجال قال لك اسمها ما انذكر بالقضيه تركي : بس خويي درى .. وخويتها راح تنشر الخبر بوعيسى : لا تفكر بالاشيا الشينه ولا تسبق الاحداث .. خلها على ربك يا بوك جواهر تمت طول الليل تون وامها يمها .. الساعه 3 قبل الفجر وعت ام تركي على ونات بنتها .. كان وجهها احمر من السخونه وايدها وارمه ,, طلعت من جواهر وشافت منصور تو جاي من بره منصور : يما !! ليه وجهك كذا تعبانه ؟ ام تركي : تعال يا ولدي الحقني جواهر بتروح من يدي منصور : جواهر ؟!!!! وش فيها ؟ ام تركي : تعال شيلها معي نوديها المستشفى دخل منصور على جواهر وانصدم من شكلها : وش فيها يما ؟ من سوى بها كذا ام تركي : اقول لك وحنا بالطريق ,,,, قبل لا يوصلون المستشفى منصور قال لأمه : يما اذا سألونا نقول صار عليها حادث وهي راجعه من طريق المزرعه وقلبت فيها السياره ... بالمستشفى ,,,, قعدت جواهر يومين وبهاليومين كانت جسد من غير مشاعر وأحاسيس .. ما كانت تتكلم مع احد ,, جبسوا ايدها وعالجوا كثير من الكدمات اللي بجسمها .. منصور ماتركها ,, ولا سألها ليش تركي ضربها ,, منصور : يما ابوي اليوم بيوصل ام تركي : ايه يما طيارته توصل الساعه 7 بالليل منصور : على كلامنا يما وانتي يا جواهر اذا احد سأل قولي حادث جواهر دموعها تنزل وامها من تشوفها تبجي معاها ,,,, ,,,,,,, تركي : وهاذي كل السالفه يا خالد خالد عوره قلبه على الكلام اللي سمعه من تركي : الحمد لله ان ابوك ما عرف بالسالفه تركي : بنقوله حادث .. انت تدري بالجلطه اللي جاته من فتره ,, وهو مو احتمال جلطه ثانيه خالد : ومن يدري بالسالفه غيركم ؟ تركي : ابوك وامك ومادري اذا جدتي عرفت والا لأ خالد : وانت لي قافل على اختك ؟ تركي : ما ابغي اشوفها بوجهي يا خالد .. اخاف اذبحها خالد : واذا جا ابوك وش بتسوي بتقفل عليها بعد !! تركي يتنهد بألم خالد : تركي يا خوي ما تنحل المشاكل بهالاسلوب اقعد مع اختك واسمع منها ,, يمكن خويتها ماخذتها لهالمكان وهي ما لها ذنب تركي : طلال قال لي كان معها اغراض وفلوس خالد : ويعني تركي : يعني كانت ناويه تسحر حد بس من ؟ ؟ مادري خالد ( هي ما تكره الا زوجتي ... لا يكون !!!! ) خالد : وانت شفت شي معها ؟ تركي : لأ ما شفت معها الا جوالها واخذته خالد : الحمد لله على كل حال وان شاء الله هذا يكون درس لها وتختار خوياتها عدل .. وانت يا تركي حاول تتقرب من اختك وتشوف طلباتها وش محتاجه ,, وتعرف من تروح معه ومن مصادقه ,,,, دق خالد على انوار وقال لها يلا اطلعوا بنروح .. طلعت ام عيسى وركبت السياره خالد : وين انوار ؟ ام عيسى : بتنام عند جواهر خالد خاف على انوار : يماااا ام عيسى : ما عليها شر يا ولدي وهي خذت الاذن من ابوك .. وانوار على صغر سنها عقلها كبير ورزينه .. خلها يومين كود جواهر تسمع منها وتوعى لنفسها وترد لصوابها ,,, قعدت انوار عند جواهر 3 أيام وبهالايام ارتاحت نفسية جواهر وخفت الكدمات من جسمها .. وجود ابوها خفف عنها الحصار اللي مسويه تركي فيها وبوجود انوار ما شافت تركي ووجباتها كانت توصل لها بغرفتها هي وانوار جواهر قالت لأنوار عن روحتهم للحرمه وان صديقتها فوزيه كانت تعطيها اغراض كمساعده ,, بس ما قالت لها انها كانت تنوي تسحر الغلا ,,,,, ,, جواهر بينها وبين نفسها تيقنت ان خالد مو لها .. وان قلبه ما فيه الا الغلا وبس .. وان خالد ما ينظر لها الا اخت,,,, جواهر ( انا اللي جبته لنفسي .. حبي له عماني وخلاني اضر اهلي .. انا حرقت نفسي بنفسي .. واللي ساعدني صاحباتي اللي ما همهم غير اشباع غروري .. اتمني من كل اللي ضريته يسامحني .. يارب ساعدني ,, انا غلطت واجد ولزوم اصلح اخطائي ,,, اهلي هم عزوتي واتمنى يسامحوني ,,, ) ,,,,,,,,,,,,,,,,,,,,,,,,,,,,,,,,,,,,, عند الغلا ..... الجده ما قدرت تقولها شي وشافت الغلا تعبانه قالت لها روحي ارتاحي ,, صعدت الغلا خذت لها شاور وسوت لها نسكافيه وقعدت بالصاله ,, الساعه 9 بالليل دخل عليها خالد ولقاها منسدحه على القنفه ومغمضه عيونها ... باسها على خدها والغلا فتحت عيونها : عسى ما شر شفيها عمتك خالد : تعبانه شوي الغلا : وين بنتها عنها ؟ خالد : هي تعبانه من تعب بنتها الغلا : ليش بنتها شفيها ؟ خالد قال للغلا عن اللي صار لجواهر وقال لها الكلام لا يطلع لأحد الغلا متفاجأة : لا حول ولا قوة الا بالله .. هذا آخر الدلع وقلة الادب خالد : غلاي الشماته ماهي بزينه الغلا : انا ما اتشمت وعمري ما كنت جذيه ولا تربيتي جذيه .. هذا عقاب لجواهر على اللي سوته فيني ,,, خالد ( لو قايل لك انها كانت تبغي تسحر حد منا كان ايش قلتي ؟ ) طول الأيام اللي انوار عند جواهر الغلا ضاق خلقها ما في البيت الا خالتها والجده فاطمه ,,,,,,, الساعه 9 الصبح وعت الغلا على رنة ماسيج بموبايلها .. ياتها رساله صوتيه من خالد واغنيه غريب بصوت عبد الكريم عبد القادر : غريب .. غريب .. غريب شايل جروحي والحجي وياي غريب غريب ..آه ..غريب غريب داير وروحي ..هدها .. ممشاي امشي وقلبي حزن .. امشي اشكي طربكم .. دايم ببجاي .. ببجاي بدت غربتي .. خطوه مع اللي انقال خطوه خطوه .. خطوه مع اللي انقال مشت دنيتي .. مشت دنيتي طوّل طريجي وطال .. طوّل طريجي وطال قلت الليالي كلمت حالي .. كلمت حالي اول حبيب احبه ..احبه علمني معنى المحبه .. علمني معنى المحبه شلون اخليه .. اخليه وامشي بدنياي غريب .. غريب ادري بحاتيه .. بحاتيه غالي بعيني وحبيب .. حبيب امشي وقلبي حزن امشي اشكي طربكم .. دايم ببجاي .. ببجاي .. ببجاي ادري في قلبك كلام ودك تقوله ادري فيك وانا معاك تشتاق وتوله ادري فيك ادري .. ادري لا ..لالا .. لا .. لا .. لا ما يكفي اني ادري ودي اسمع كلمه منك .. ودي ودي اسمع كلمه فيها نور عمري .. ودي ودي اسمع انا انا انا انا .. انا احبك انا انا انا انا .. انا احبك قول قول .. خل تطير الدنيا فيني قول قول .. خل ليالي الشوق تجيني يا اللي كلمه .. وحده منك .. ترسم الدنيا بعيوني .. ترسم الدنيا بعيوني غريب غريب غريب غريب غريب غريب غريب آه غريب غريب لما خلصت الأغنيه الغلا مسحت دمع عينها : آآآه يا خالد .. اشوف بعيونك الحب والشوق لي بس ليلحين انا خايفه اللي شفته منك بالمانيا ينفرني منك ,, احس نفسي ضايعه واحساسي يخوني بين كل لحظه والثانيه ,, ادري ان صدي لك يغضب ربي لكني مجبوره وغصبن عليّ الغلا حطت راسها على المخده وتبجي : يا رب ساعدني خالد كان داخل الصاله دخل عليها وشافها تبجي قرب يمها ومسح على راسها خالد : لو داري ان الأغنيه بتبكيكي كان ما ارسلتها الغلا دفنت راسها بالمخده خالد : غلاي الغلا : ليش ما رحت الشغل ؟ خالد : رحت وجيت آخذ اوراق ناسيها ,,, وش فيكي حبيبتي الغلا تبتسم وتمسح دمع عينها : ما فيني شي ,,, اممممم يوعانه خالد يضحك : جوعتك الأغنيه الغلا : ....................... خالد ويحاول يقربها منه ويكسر خوفها وخجلها: وش رايك نروح نفطر بره الغلا بفرحه : صج ,,, آآه قصدي ما تبي ترد الشغل ؟ خالد بابتسامه وهو يغمز: لأ باقول لأبوي ولدي مشتهي يفطر بره اليوم الغلا نزلت راسها خالد : يلا قومي اجهزي وانا بادق لأبوي ,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,, الغلا بالشهر السادس والنص من الحمل الغلا وهي تبجي تكلم ناصر : لا تجذب عليّ قول لي الصج شفيها الغلا تصيح وحياتها مع خالد بتحسن والا لأ احداث يديده بالجزء القادم دمتم بخير ( اختكم غفران* ) | ||||
|
| |
|
26-11-13, 09:36 AM
| #29 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| (( الجزء الخامس والعشرون )) ( أيام من حياتي ) ************************* ناصر : اشفيج يا بنت الحلال خرعتيني .. احد يدق الساعه 5 الفير !! الغلا : ناصر انا حاسه ان اديده تعبانه ناصر ( يالله سترك ..حتى او جذبت عليها راح تجكني ) : اديده ما فيها الا العافيه شويه صخونه الغلا : وينها بالبيت والا بالمستشفى ؟ ناصر : بالبيت قلت لج مافيها الا العافيه الغلا وهي تكلم ناصر وتبجي سمعها خالد وفتح الباب عليها وهو خايف : خير وش صاير ؟! الغلا تبجي ما ردت عليه .. اخذ خالد منها الموبايل : الو ناصر : هلا والله بو وليد خالد : هلا بك .. ناصر ؟!! ناصر : ايه معاك شلونك عساك بخير خالد : بخير الله يسلمك ,, خير وش فيكم!! ناصر : ما فينا الا العافيه والحمد لله .. مرتك خرعتني داقه تسأل عن يدتي ! خالد : وش فيها جدتك ؟ ناصر : شويه صخونه ووديناها اخذت علاج بس مرتك ما تصدق الله يهداها. سلموا على بعض خالد : ليه البكي يا قلبي اخوكي يقول ما عليها شر طيبه ان شاء الله الغلا : احس يجذب عليّ ,, خالد الله يخليك ابي اسافر خالد يأشر على عيونه : اهم شي لا تبكي ولا تتضايقين ما ابغي يصير شي في البيبي الغلا ودموعها تنزل : اديده تعبانه انا حاس قلبي خالد يلمها : الحين قلبك ذا ما يحس الا بالناس البعيده ! واللي بينك وبينه باب قلبك ذا ليه ما يحس به !! بعد يومين ,, الغلا وصلت الكويت مع خالد , قعد معاها يوم وسافر السعوديه .. والغلا من وصلت راحت سيدا عند يدتها ,, 3 أيام والغلا ما تنام الا مع يدتها بغرفتها ,, ولاحظت الغلا ان يدتها ما تشتهي الأكل ...... الغلا قاعده بسرير يدتها : يلا اديده قومي ما تبين ريوق ؟ اليده وصوتها متغير من التعب : لا يمه ما اشتهي الغلا : انزين اديده بس حليب انتي امس مو متعشيه اليده : بقوم اول بصلي ركعتين الضحى الغلا : يلا على ما تصلين انا اروح اسخن الحليب واصب لج اليده : لا تصبيلي وايد نص قلاص بس ,,,, اليده رشفت رشفتين من كوبها وانسدحت على سريرها الغلا : اديده تعبانه ؟ تروحين الطبيب؟ اليده : لا يما شبيسويلي الطبيب .. الشافي الله سبحانه , هذا الدوا عندي اشرب منه لبغيت .. اقول يما الغلا : آمري اديده اليده : دقيتي على ريلج الغلا : ايه اديده توني قبل لا اقعدج مكلمته اليده : اييييه الله يهنيكم يما ويهون عليج .. ديري بالج على نفسج يما وهالله هالله بخالد ولكلمتيه سلمي عليه .. الغلا : الله يسلمج يا اغلى اديده ,, اديده نروح نقعد بالصاله ؟ اليده : لا يما بنسدح شوي طلعت الغلا بعد ما شافت يدتها غمضت عيونها .. باستها وراحت لخالتها الغلا : خالتي من متى اديده تعبانه ؟ الخاله : صار لها 5 أيام بس الحمد لله خفت الصخونه الغلا : بس مو قاعده تاكل عدل !! الخاله : اشوفها .. عيزت عنها كله تقول مو مشتهيه الساعه 10 راحت الغلا ولمست يدتها : الحمد لله حرارتها عاديه راحت عنها الصخونه الساعه 12 الظهر راحت الغلا تقعد يدتها للصلاه لمست يبهتها لقتها بارده : اديده .. اديده يلا قومي صلي اذن الظهر اليده :..................... الغلا وتمسك ايدها وتمسح عليها : اديده .. اديده اليده :..................... راحت الغلا تركض خايفه لخالتها : خالتي تعالي اديده اقعدها ما ترد عليّ راحت الخاله تركض وشافت امها وعرفت ان امها توفت وعلشان لا تخرع الغلا قالت لها دقي على ناصر جنها غشيانه وقوليله يدق على الاسعاف الغلا تبجي : ناصر تعال اديده طايحه غشيانه إهيء ..إهيء خالتي تقول دق على الاسعاف ربع ساعه وصلت الاسعاف وعرف ناصر ان اليده توفت ,, رفض ان الغلا تروح معاهم المستشفى وقعدت عند خالتها منهاره ناصر دق على اخوه وابو وليد وكلهم راحوا المستشفى , وقبل اذان العصر انتشر خبر وفاة اليده ام حمد واختها ام وليد وبناتهم راحوا بيت اليده ,, شافتهم الغلا واخترعت الغلا بخوف : اشفيكم !! اشفيج يما ؟ خالتي موزه اشفيج ؟ اديده فيها شي ؟ خالتي تقول بس غشيانه .. شنو ما صحت ؟ الكل ساكت ويمسح دموعه خايفين يقولون لها.. الغلا بصراخ : ردوا عليّ شقال الطبيب ؟ شنو ليلحين غشيانه ما صحت ! راحت لها امها ولمتها : اطلبيلها الرحمه .. يدتج توفت تمت الغلا واقفه وفاتحه عيونها .. وامها لامتها وتسمي عليها ,, راحت الغلا غرفه يدتها وانسدحت على سريرها ولمت مخدتها وغمضت عينها ,, راحوا لها امها وخواتها , امها خافت عليها : اسم الله عليج الرحمن الرحيم يا بنيتي .. وتلتفت على ساره : يما اخاف يصير لأختج شي من الصدمه ساره : لا يما لا تفاولين عليها هي بس مخترعه شافتنا نبجي وخافت ام حمد : انتي تدرين يدتج شنو بالنسبه لها كانت تنام عندها اكثر ما تنام عندي .. ورفعت ايدها تدعي : يارب سترك ورحمتك يارب . طول اليوم والغلا بغرفه يدتها وكل اللي إيي يعزيها ما ترد عليه , لامه مخده يدتها وفاتحه عينها ,, الأكل ما طب بطنها , تقوم بس تصلي وترد تنسدح بسرير يدتها . باليوم الثاني انترس البيت من المعزين والغلا بغرفه يدتها واللي اييها تصد عنه . عند الرياييل ابو وليد يكلم حمد : حمد يا بوك دقيت على ابو عيسى ؟ حمد : اووووه نسيت اعوذ بالله من الشيطان , تدري لهينا باجراءات المستشفى والدفان .. الحين اروح ادق عليه حمد : السلام عليكم ابو عيسى : وعليكم السلام ورحمه الله حمد : شلونك عمي عساك بخير ابو عيسى : بخير الله يسلمك يا هلا ومرحبا بأهل الكويت خالد من سمع أهل الكويت قرصه قلبه لأن من أمس يدق على الغلا ما ترد حمد : هلا بك اكثر ,, اقول عمي .. ابو عيسى : سم يا ولدي حمد : سم الله عدوك .. عمي جدتي توفت ابو عيسى : لا حول ولا قوه الا بالله .. انا لله وانا اليه راجعون .. عظم الله اجرك يا ولدي حمد : اجرنا واجرك عمي جزاك الله خير ابو عيسى : متى الدفان ؟ حمد : اليوم الصبح دفناها , سامحني عمي لهينا بالمستشفى والمقبره وما دقيت عليك ابو عيسى : مسموح يا ولدي والبقى براسكم وجعل مثواها الجنه حمد : اللهم آمين جزاك الله خير عمي .. فمان الله ابو عيسى : فمان الكريم .. سلم على اللي عندك حمد : يوصل عمي ان شاء الله خالد والخوف بعيونه : يبه لا تقول جدتها توفت ! ابو عيسى : انت وش دراك ؟! خالد : لان الغلا حلمانه فيها انها تعبانه ابو عيسى : الله يرحمها ويصبرهم .. شوف لنا اقرب حجز ثالث يوم العزا .. الصبح اهل السعوديه وصلوا وراحوا بيت اليده للعزا وهم بالطريج طلعت عليهم سياره اسعاف مسرعه ,, الجده : لا حول ولا قوه الا بالله علامها ذي السياره مسرعه كذا ! فهد : سياره اسعاف جده اكيد فيها مريض الجده : الله يشافيه ويشفي مرضى المسلمين ما يدرون ان اللي في سياره الاسعاف الغلا واخوها ناصر اللي شالها وهي مغمى عليها .. يومين مو ماكله والأكل اللي يغصبونها عليه ترجعه النوم ما تنام الا ساعتين ثلاثه بالكثير نوف : يما الغلا مو هنا بالمستشفى ام عيسى شهقت : علامها ؟! نوف : اختها تقول تعبانه يومين موبماكله وطاحت عليهم ام عيسى : لا حول ولا قوه الا بالله الله يصبرها نوف : يما شقول لخالد موصيني اول ما اشوفها ابلغها تكلمه ام عيسى : قوليله الصدق تعبانه وبالمستشفى عند الرياييل .. خالد : اقول بو عبد العزيز ما اشوف ناصر ! حمد : بالمستشفى خالد : عسى ما شر حمد : ما شر ان شاء الله , لا تخاف انت تدري ان مرتك أي شي يصير تعاف الأكل .. وهي صار لها يومين مو ماكله وطاحت علينا خالد وقف : وليه ما بلغتني اول ما جيت الله يهداك ,, بأي مستشفى هم ؟ حمد : هدي خالد ما فيها الا العافيه توني داق على ناصر وطمني علي : تعال معاي خالد انا اوديك دخل خالد على الغلا وعوره قلبه عليها ويهها متغير وضعفان وشفايفها ناشفه ,, راح عندها ومسك ايدها : سلامتك يا قلبي ما تشوفي شر طبعا الغلا ما سمعته لأنها نايمه .. التفت لناصر : ناصر اذا صحت راح تشيل المستشفى علينا بالصراخ والسبب المغذي ناصر : ادري تعلمني .. لا تخاف قلت للدكتور وقال لي قبل لا تصحى بدقايق راح يكون اهنيه خالد : هو وش دراه متى بتصحى ؟! ناصر : درى انها يومين مو ماكله ولا نايمه وفحص عليها وقال على الأقل راح تنام 10 ساعات لأن المغذي اللي معطينها اياه ينوم شوي خالد : الله المستعان .. احسن لها عشان يخلص المغذي وما تحس به قعد خالد يمها يمسح على راسها ويقرا عليها العصر اهل السعوديه راحوا المستشفى يشوفون الغلا وكان عندها صديقاتها مريم واميره وهي ما حست فيهم ,, امها تمسح على راسها وتدعي لها وساره تمسح دموعها ونوف ما سكتت من البجي والجده وام عيسى والباقي يدعون لها رجعوا الحريم للعزا وتم خالد وناصر عندها ,,,,,,, دخل الدكتور وقال لسستر تشيل الدرب وتخلي الإبره وتحط عليها بلاستر علشان الغلا ما تشوفها الغلا تفتح عينها وتسكرهم وبصوت واطي فيه التعب : اديده .. اديده الدكتور : الغلا تسمعيني ؟ فتحت الغلا عيونها وشافت الدكتور وحست بايد ماسكتها : انا وين ؟ الدكتور : انتي زايرتنا جم ساعه وبعدين نقول لج مع السلامه الغلا : ناصر ودني عند اديده هي قالت ما راح اتغدى الا لما تيين ناصر يمسح على راسها : بس حبيبتي لا تسوين بروحج جذيه مو زين عليج ولا على اللي فبطنج الغلا بصوت عالي : لا يكون انت بعد بتقولي اديده ماتت !!!! ناصر يلمها : الله يرحمها ويغفر لها الغلا بصراخ : جذاب .. جذاب ما ماتت توها مكلمتني .. توني صابه لها حليب ,, الغلا شالت اللحاف تبي تنزل من السرير : وخر عني بروح لها ولحد يقول لي انها ماتت .. سمعت ؟ الدكتور : انا اقول لج الغلا وعينها على الدكتور وبصراخ وبجي : انت مالك شغل ولا تتدخل واتفضل اطلع برا ناصر : بس يا الغلا الله يهداج الغلا منهاره : ودني ناصر ودني مابي اقعد اهنيه , وبصراخ : بروح حق اديده بروح لها الحين الحين ناصر يهزها من جتوفها : الغلا اسمعيني .. طالعيني الغلا تدز ايده وخر عني وخروا عني كلكم طلعوا برا الله ياخذكم وبصوت عالي : اديده .. اديده .. تعالي اخذيني اديده الدكتور كلم السستر ويابت له ابره مهدئه ومسكت ايد الغلا والايد الثانيه ناصر ماسكها وعطاها الدكتور الابره ,,,, كل هذا وخالد يطالعها وقلبه يتقطع ويداري دمع عينه ( يا رب هالبنت متى بتضحك وتفرح , من شفتها وهي كله بالمستشفى ودموعها على خدها يا رب الطف فيها وشافيها وصبرها على فراق جدتها ) ناصر تم ماسك ايدها وقاعد يمها عند السرير راح له خالد وحط ايده على جتفه , ناصر رفع راسه وخالد شاف الدموع بعيونه خالد : ناصر !! انت تبكي !! ناصر : الدموع مو بس للحريم يا خالد .. وانا دموعي اذا ما نزلت على الغلا على منو تنزل ؟! ناصر يمسح دموعه : يومين وانا احايلها علشان تاكل يوم كلت جم لقمه بالغصب راحت الحمام رجعت .. كنت خايف عليها وايد .. خالد هي من درت عن يدتي ما بجت .. كل الحزن خشته بقلبها وهذا مو زين لها .. لو باجيه جان ارتاحت وريحتني . وعت الغلا على الفير فتحت عيونها وشافت اثنين يصلون عندها , مسكت راسها : آاااااااااه خالد : الحمد لله على السلامه يا قلبي ناصر : يلا قومي نمتي يوم كامل الغلا مغمضه عيونها : آااااه راسي يعورني ناصر : سلامة راسج الغلا وهي مغمضه عينها : منو انت ؟ ناصر : لا يكون نسيتيني ؟ شنو فقدتي الذاكره ؟ الغلا ودموعها تنزل ناصر يمسح على راسها : بس غلا قطعتي قلبي الغلا : جان زين فقدت الذاكره ولا اسمع ان اديده راحت ناصر : اسم الله عليج قولي الله يرحمها انتي تعذبينها بدموعج .. هي محتاجه الدعاء مو الدموع الغلا تبجي ناصر : يلا قومي خالد مسكين صار له يوم كامل مجابلج حتى اكل ما رضى ياكل فتحت الغلا عيونها وشافت خالد يطالعها خالد : الحمد لله على سلامتك الغلا بصوت مخنوق : الله يسلمك خالد يحبها على راسها : عظم الله اجرك الغلا وكأن قصه ابلعومها ما قدرت ترد عليه بس دموعها تنزل .. قعد خالد يمسح على راسها ويقرا عليها بعد ربع ساعه عطاها ماي شربت وحطت راسها عالمخده ناصر : ليلحين راسج يعورج ؟ الغلا : شوي .. ناد لي السستر بروح الحمام طلعوا ناصر وخالد برا الغرفه والسستر ساعدت الغلا .. اخذت شاور وبدلت ملابسها ,,,,,,, ناصر : اييب لج شي تاكلين ؟ الغلا : مالي نفس خالد : ما يصير يا قلبي انتي ناويه تقعدي بالمستشفى لما تولدي !! الغلا منزله راسها ودموعها تنزل : ناصر بروح البيت طلعني من هني ناصر : الدكتور رافض يقول ما تطلع الا لما تاكل الغلا بانفعال وبجي : ياكل تبن ماله شغل فيني ناصر : بس اوص فضحتينا .. وشلون ماله شغل وهو دكتورج وابخص بحالتج , يوم تييله كنتي ناشفه جنج عود نخله يابس الغلا : ناصر بليز مالي خلقك ولا خلقه هالمتخلف دخل الدكتور على كلمه المتخلف : السلام عليكم .. منو المتخلف لا يكون انا ؟ ناصر وخالد ردوا السلام وافتشلوا وتموا يطالعون الغلا الدكتور : يلا ما عليه انتحمل واجرنا على الله , انتي تقولين متخلف والغرفه اللي يمج البنت ما خلت سبه ما سبتني وانا اولدها .. حتى ابوي ما سلم من السب ناصر يبتسم : صج اجرك على الله الغلا منزله راسها وتكلم الدكتور :لو سمحت اكتب لي خروج باطلع الدكتور يمسك ايدها ويقيس نبضها ( ما اقول لكم خالد شصار فيه من الغيره وده ينتف الدكتور ) والدكتور كلم السستر تركب الجهاز بيشوف نبض الجنين الغلا : اوووف هالجهاز اييب الضغط كريه الدكتور : اتحملي علشان اللي في بطنج حرام يومين مو ماكل شذنبه ؟ الغلا لا شعوريا حطت ايدها على بطنها ( اسم الله عليج الرحمن الرحيم الله يحفظج حبيبة قلبي .. ميخالف انا تعبانه وتعبتج معاي .. اذا باكل بس علشانج .. انا اذا بتحمل التعب بتحمله علشانج حبيبة قلبي ) سافروا اهل السعوديه وتم خالد مع نوف وفهد .. نوف ما تركت الغلا من الصبح عندها لي الليل وكان ودها تنام عندها بس فهد ما رضى يقول لها اخاف انام بروحي ( يا العيار ههههههههههه ) بالمستشفى ما تركوها صديقاتها كلهم زاروها ومريم واميره كل يوم عندها الغلا نامت بالمستشفى 5 أيام .. ما طلعها الدكتور الا لما كلت ,,,, وهي بالسياره مع ناصر وخالد الغلا : ناصر ليش ما رحت بيت اديده ؟ ناصر : امي تنطرج وخالتي زايرتنا اليوم الغلا بحضن امها تبجي وامها تبجي على حالها لامتها وتسمي عليها ... ام حمد : بس يما مو زين اللي تسوينه بنفسج لا تنسين انج حامل الغلا تبجي : اديده يما ام حمد : الله يرحمها ادعيلها بالرحمه والمغفره .. ياعل مثواها الجنه الغلا : آمين الغلا دايم بغرفتها وصورة جدتها بحضنها والدمعه ما تفارق عينها ,, ما تشتهي تاكل لو ما امها تغصبها على الاكل والشرب جان نامت بالمستشفى . الغلا بغرفتها وعندها مريم واميره انطق الباب ودخلت نوف ,, تيمعوا البنات مع بعض يسولفون ويحاولون يطلعون الغلا من الحزن اللي هي فيه .. رن موبايل الغلا وردت بصوت مبحوح من البجي الغلا : الو غاليه : احلى الو .. شلونج غلويه الغلا : بخير الله يسلمج غاليه : اشفيج غلا صوتج متغير عسى ماشر !! الغلا دمعت عينها : يدتي توفت غاليه غاليه : سوري حبيبتي ما درينا من متى ؟ الغلا : من اسبوع غاليه : عظم الله اجرج يا قلبي الغلا تمسح دموعها : اجرنا واجرج غاليه : ان شاء نييكم اليوم انا وامي وعاليه الغلا : حياكم حبيبتي الساعه 7 طلعوا مريم واميره ,, وبعد ساعه طلعت نوف ,, وصلوا عاليه وغاليه وامهم سلموا على ام حمد ونزلت لهم الغلا .. سلموا عليها وعزوها .. وام حمد ما رضت يطلعون الا لما تعشوا,,,,,,,,,,, بعد 4 أيام من خروج الغلا من المستشفى ,, كانت بدارها حاضنه صوره يدتها ودمعتها على خدها ,,طقت عليها الخدامه الباب : Madam Nouf is here الغلا : Tell her come up نوف : ليه متى يا قلبي هالحزن الغلا : ............................ نوف : حبيبتي ما هو بزين اللي تسويه بحالك .. يعني الزعل والدموع بترد اللي راح الغلا : ............................ نوف : غلا وش رايك نروح للعمره ؟ الغلا وهي تمسح دموعها : يا ليت نوف بابتسامه : صدق .. يعني ما عندك مانع الغلا : ودي نوف والله نوف : يعني اقول لخالد ؟ الغلا : ايه قوليله .. بس متى ؟ نوف : من بكره اذا لقوا حجز الغلا : لا خلي بعد يومين باجر بروح المستشفى علشان البيبي نوف : الغلا بقول لك شي بس مستحيه الغلا : مستحيه مني ؟ قولي حبيبتي لا تستحين نوف : انا الدوره الشهر اللي فاتت ما جتني الغلا : تعالي معاي باجر المستشفى وسوي تحليل .. انتي شاكه بشي ؟ نوف : مدري الغلا : ان شاء الله خير وبالتحليل كل شي يبين نوف : بس لا تقولي لأحد لما اتاكد الغلا وتحبها على خدها : مبروك مقدما نوف تلمها : يا بعد عمري يا الغلا الله يبارك فيكي ويسهل عليكي وتولدي بالسلامه راحت الغلا ونوف وخالد وفهد المستشفى الغلا : خالد باخذ نوف وياي , اقعد انت وفهد فيه ستار بوكس هني خالد : ابغي اروح معك واشوف كيف يفحصوا عليكي الغلا منزله راسها مستحيه : ........................ خالد : خلاص حبيبتي اذا خلصتي دقي قبل لا الغلا تدخل على الدكتوره راحت اطلبت تحليل لنوف , خلصت الغلا الفحص وراحت مع نوف للمختبر .. نوف لمت الغلا وهي تصيح الغلا : مبروك حبيبتي عسى الله يتمم عليج نوف : الله يبارك فيكي يا قلبي .. الحمد لله انا فرحانه غلا الغلا : دوم ان شاء الله فرحانه ,, بتبلغين فهد احين ؟ نوف : لأ اذا خلصنا عمره بقول له الغلا : ايه علشان لا يأذيج بالطواف والسعي بالسياره نوف ماسكه ايد الغلا ومبتسمه وخالد يشوفها بالمنظره : ضحكونا معكم نوف : من ضحك ؟ خالد : انتي والقمر اللي جنبك الغلا : متى بنسافر ؟ خالد : بكره ان شاء الله الساعه 9 الصبح . استقبلت الغلا بيت الله بالدموع .. شوفة الكعبه والمكان يبعث في القلب الخشوع والسكينه .. خالد كان يم الغلا بالطواف ما هدها كان خايف عليها وفهد كان يم نوف , وبالسعي راح خالد مع فهد ونوف تمت مع الغلا ,,,, خلصوا عمره وارتاحت نفوسهم وقلوبهم وخاصه الغلا .. رجعوا الفندق والغلا راحت الغرفه وانسدحت على السرير خالد وفهد حجزوا سويت غرفتين وصاله كل غرفه فيها حمام .. طبعا الغلا حسبالها ان نوف بتنام معاها ما درت ان نوف مع فهد وخالد معاها نوف : وين الغلا ؟ خالد : دخلت الغرفه لقيتها نايمه نوف : ما تبغي تاكل فهد : وش تبغون غدا نجيب لكم ؟ نوف : أي شي بس ما ادري عن الغلا وش تبغي دخلت نوف على الغلا لقتها لامه المخده ومغمضه عينها : غلا .. نمتي ؟ الغلا : هلا نوف .. منسدحه اريح ظهري نوف : وش مشتهيه تاكلي الغلا : خبز وجبن وطماط وزيتون وفلفل نوف تضحك : جبن وطماطم غدا ؟! الغلا : هذا اللي مشتهيته نوف : على امرك فيه العافيه ما طلبتي حبيبة قلبي راحت نوف وقالت للشباب طلب الغلا خالد فتح عيونه وفهد يضحك قبل اذان المغرب راحوا الحرم للصلاه وقعدوا لما اذن العشا صلوا واطلعوا لقوا خالد وفهد ناطرينهم خالد : تروحو معنا نشتري عشا والا ترجعوا الفندق الغلا : انا بارجع تعبانه فيني النوم خالد : ما تبغي عشا الغلا : لأ شبعانه خالد : شبعانه من جبنه وزيتونه .. يلتفت على نوف : خلاص نوف خلك وياها واحنا نروح نجيب عشا راحت الغلا اخذت شاور ولبست بجامه ونامت على طول .. ونوف بعد شافت السرير حطت راسها على المخده ونامت ,, وصلوا الشباب وشافوا الصاله خاليه وطلوا بالغرف لقوا حريمهم نايمين فهد : ما لهم نصيب بالأكل خالد : ناموا من التعب تعشوا الشباب وقعدوا يسولفون بعدين كل واحد دخل غرفته عند حرمته بعد ما خلص خالد شاور تم يطالع الغلا ( لو صحيتي وشفتيني جنبك وش بتسوي .. يا خوفي تفضحيني قدام فهد ونوف .. يارب سترك ) انسدح خالد يمها وباسها على راسها وحط ايده على شعرها يمسح عليه ويقرا عليها .. نزل ايده وحطها على بطنها ( ما شاء الله كبر بطنك حبيبتي يلا كلها شهرين ويجي ولي العهد ) لفت الغلا على جنبها ومدت ايدها وصارت على صدر خالد , اخذ خالد ايدها وباسها وحطها على صدره ونام . الساعه 3.30 وعت الغلا حلمانه بيدتها وانصدمت خالد نايم يمها .. راحت الحمام غسلت وغيرت ملابسها , حس خالد فيها : وش فيكي حبيبتي تعبانه ؟ الغلا وعيونها مدمعه : من قال لك نام هني؟ خالد : وين تبغيني انام يعني ؟ الغلا : عند فهد خالد : يعني انام بينه وبين مرته !! الغلا : لأ نوف تنام عندي وانت عند فهد خالد : وفهد يبغي مرته الغلا نزلت راسها وعيونها تدمع وطلعت بتروح الصاله مسكها خالد :وين؟ الغلا : بروح الصاله خالد : كل ذا عشان ما تبغي تكوني معي بغرفه وحده .. خلاص انا راح احجز لي غرفه لحالي اهم شي انك ما تكوني متضايقه يا قلبي قعدت الغلا على طرف السرير ومنزله راسها ولامه ايدها : فهد ونوف شبيقولون لما يشوفونك حاجز غرفه بروحك ؟ خالد يسوي نفسه مسكين : بقول لهم مرتي طاردتني ما تبغاني الغلا : لأ عيب شهالكلام !! خالد : يعني انا وانتي بالغرفه ؟ الغلا تطالعه وسرحانه ( كل اللي تسويه علشاني يا خالد انا حاسه فيه ومقدرته ومريحني واكبر دليل انك يبتني هني يوم شفتني تعبانه عقب وفاة يدتي .. والحلم اللي حلمته .. يدتي توصيني عليك .. ليش ,, هالكثر انا معذبتك ) خالد يمسك ايدها : وش فيكي غلاي الغلا ودموعها تنزل : اديده خالد يمسح على ايدها : الله يرحمها الغلا وهي تبجي : تقول لي ديري بالج على خالد خالد : ما قلتي لها ان خالد تكفيه نظرة رضا من عيونك .. تكفيه ابتسامه من شفاتك الحلوه ,, يرفع ايده ويمسح دموعها الغلا تبجي : ليش كل ما صديت عنك تييني , ليش كل ما قلت لك كلام جارح ترده لي بكلام حب وغزل !! خالد : لأني غلطت بحقك وعذبتك ولزوم اصلح غلطتي الغلا : يعني تعترف انك غلطت عليّ وعذبتني خالد : كل اللي اسويه احاول اني انسيكي فيه ذيك الأيام .. الغلا : عمري ما راح انساها خالد : انا ادري انك ما راح تنسيها لكن اطلب منك انك تتناسيها عشان اللي في بطنك وعشان تمشي حياتنا .. غلا انا تغيرت ,, حبك غيرني الغلا : واتفاقنا ؟ خالد : أي اتفاق ؟!! الغلا : والورقه اللي انا كتبتها وانت وقعت عليها خالد : انتي ما قريتي الورقه لما انا وقعت عليها ؟ الغلا : لأ خالد يبتسم : وين هي الورقه ؟ الغلا : بالبيت خالد : عندنا ؟ في جناحنا ؟ الغلا : لأ في الكويت بغرفتي خالد : طيب ليه ما قريتيها ؟ الغلا : كانت نفسيتي تعبانه وكل شي منك كنت احاول ابعده عني باي طريقه .. قطيتها بالدرج ومع الأيام نسيتها خالد : طيب اذا سافرتي الكويت اقريها الغلا : لأ قول الحين شنو كاتب فيها خالد : وما تزعلي ؟ الغلا : على حسب اذا كلام يغثني باذبحك خالد : اذا تذبحيني تبويس ما عندي مانع الغلا باستهزاء : هي .. هي .. دمك خفيف خالد : وانتي دمك عسل الغلا بهدوء : خالد خلصني شكاتب بالورقه ؟ انتهى الجزء الخامس والعشرون باعتقادكم قرائي الأعزاء شنو كاتب خالد بالورقه بانتظار ردودكم دمتم بخير (اختكم غفران*) | ||||
|
| |
|
26-11-13, 09:39 AM
| #30 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| (( الجزء السادس والعشرون)) ( أيام من حياتي ) ***************************** خالد : انتي مو كاتبه ان أنا بغرفه وانتي بغرفه .. والشرط الثاني ان طلاقك بعد شهرين الغلا : إيه خالد : انا وقعت على الشرط الأول والشرط الثاني كتبت جنبه مرفوض الغلا فتحت عينها ,, لكن بداخلها حست براحه ليش ما تدري .. يمكن بدت ترتاح لخالد شوي من كثر اهتمامه فيها وكلامه لها ,, قامت الغلا فتحت الباب بتروح الصاله خالد بصوت هادي : الغلا حبيبتي الغلا : قوم توظا للصلاة شوي ويأذن الفير ارتاح خالد من كلامه معاها دخل الحمام اخذ شور وبدل وراح الصاله لقى الغلا ونوف قاعدين : السلام عليكم الغلا ونوف : وعليكم السلام خالد : وين فهد ما خلص ؟ فهد : وراك طلعوا رايحين للحرم الغلا ونوف سبقوا الشباب بالمشي الغلا تكلم نوف : قلتي حق فهد ؟ نوف : لا استحيت الغلا : قوليله لي رجعنا وتكونين معاه بروحكم احسن لا يتهور علينا هني نوف : ههههههههههههه خالد قرب منهم : ضحكونا معكم الغلا : سوالف حريم استح على وجهك يا رجال نوف تضحك : حلو عليكي تكلمي بالجيم الغلا بابتسامه : مابي الله لا يحرمني من الياء خلصوا صلاة وقعدت الغلا تقرأ قرآن ونوف معاها .. طلعوا ولقوا خالد وفهد ناطرينهم ,, وهم يمشون للفندق رن موبايل الغلا الغلا : الو اميره : هلا والله بهالصوت الغلا : هلا اموره حبي شلونج اميره : بخير حبيبتي انتي شلونج شخبارج الغلا : الحمد لله بخير ,, شلون خالتي وخواتج اميره : يسلمون عليج وامي دايم تسأل عنج الغلا : سألت عنها العافيه ,, وشلون ميمي اميره : هههههه مطفرها حمود صج شكلها مو أم الغلا : هههههههه ليش حرام اميره : كل ما دقيت عليها هايته مع هالريل وحمود عند امها الغلا : خليها تستانس اميره : ما علينا من مريوم انتي شلونج ان شاء الله ما تعبتي بالطواف والسعي ؟ الغلا : لا الحمد لله سهاله ,, الله يتقبل منا اميره : آمين ,, لا يكون نسيتي ما دعيتيلي الغلا : دعيتلج حبيبتي ان الله يرزقج بقيس اميره : قيس منو ؟! الغلا : قيس اللي يوصلج بيتكم كل يوم الظهر اميره : ههههههههههههههههههه الغلا : الا شخباره ,, ليلحين يوصلج ؟ اميره : مو قلتيلي لا تعطينه ويه وصيري ثقيله الغلا : لا يكون عطيتيه ويه وصرتي خفيفه اميره : هههههه حرام عليج انا اميره ما تعرفيني الغلا : وهل يخفى القمر ,, احد ما يعرف اميره حبي انا اميره : تسلمين يا الغلا .. يلا حبيبتي ما اطول عليج سلمي على السعوديه الغلا : هههههههه الله يسلمج ,, سلمي انتي بعد ,,,,,,,,,,, ,,,,,,,,,,,,,, صار لهم 4 أيام بمكه وفهالفتره الغلا ارتاحت نفسيتها كانت كل صلاتها بالحرم . بالفندق كلهم قاعدين بالصاله فهد : متى ناوين ترجعون ؟ خالد : كيفكم متى ما بغيتوا الغلا : ليش بترجعون ..تونا !! نوف : وش تونا صار لنا 4 أيام الغلا نزلت راسها : كيفكم خالد حس فيها : اذا تبغي نقعد كم يوم ما فيه مانع الغلا تطالع نوف وحست انها ودها ترجع علشان تبشر فهد بالحمل الغلا تكلم فهد : متى ناوين ترجعون فهد : بكره او بعده بالكثير الغلا : اوكي مو مشكله قبل رجعتهم بيوم فهد يسأل شنو يبون عشا نوف : نبغي دجاج الغلا : دجاج الحين !! الساعه 8.30 متى بينهضم !! خالد : انتي يا قلبي وش مشتهيه تاكلي ؟ الغلا : جبن وطماط وخيار وزيتون خالد : هذا أكل وحده ما هي متغديه !! الغلا : انا مو متغديه .. حرام عليك , والأكل اللي كلته معاكم شنو ؟ خالد : تسمين ذا أكل سلطه مع زبادي أكل وحده حامل!! الغلا : شنو يعني الحامل تاكل كل يوم خروف ! خالد : ايه .. هاذي الحامل السنعه ما هو طماطم وجبن ,, والا شرايك فهد ؟ فهد : انا مع ام عبد الله العشا الثقيل بالليل ما هو بزين شي خفيف احسن نوف : خلاص جيبوا اللي تجيبوه راحت الغلا تساسر نوف : حبيبتي اخاف مشتهيه دياي نوف تطالعها وصاره عيونها وبصوت واطي : توها توصل الغلا مبتسمه وتساسرها : يا بعد عمري فيه العافيه الغلا تكلم خالد : خالد انا بآكل مع نوف دياي خالد يضحك : قوليها مره ثانيه الغلا : شقول ؟! خالد : اللي تبغي تاكليه مع نوف الغلا عرفت قصده : دياي بالكويتي يعني دجاج بالسعودي ,, يلا بسرعه لأنه يواعه .. وإلا بعد تبي افسر لك هالكلمه ! خالد وفهد يضحكون ارجعوا السعوديه بعد ما خلصوا عمرتهم وارتاحت نفوسهم وقلوبهم ,, انتشر خبر حمل نوف والكل فرح لها وفهد ما هي شايلته الفرحه بالليل الساعه 11.30 بجناح خالد دخل خالد شاف الغلا قاعده بالصاله وبايدها كتاب خالد : دريتي حبيبتي الغلا : خير خالد : الخير بوجهك حبيبتي نوف حامل الغلا : خبر قديم .. ادري من اسبوع خالد فاتح عينه : اسبوع !!! توها مبلغه فهد وفهد بلغني الغلا : ادري قبل لا نروح العمره .. شفت يوم كان عندي موعد بالمستشفى ونوف راحت وياي خالد : ايه الغلا : بهاليوم نوف سوت اختبار حمل . خالد : وقعدت كل هالأيام وما بلغت فهد !! الغلا : الله يتمم عليها ويرزقها بالذريه الصالحه خالد : آمين ويسهل لك يا قلبي الغلا تتثاوب سكرت كتابها وحطت راسها عالقنفه خالد : شكلك تعبانه .. روحي حبيبتي نامي من رجعوا من العمره وخالد ينام بالغرفه مع الغلا بس كانت تحط حاجز بينهم كانت تحط مخده وتنام معطيته ظهرها مو خوف منه لأ بس الخجل اللي ذابحها . قرروا اهل البيت انهم يروحون المزرعه نهايه الأسبوع الغلا دقت على نوف الغلا : شلونج حبي نوف : هلا والله حياتي الغلا : نوف دريتي عن روحة المزرعه نوف : ايه الغلا : منو بيروح ؟ عمتج حصه بتروح ؟ نوف : إلا .. كل ما نروح تجي معنا الغلا : بنتها معاها ؟ نوف : مادري غلا الغلا : نوف الله يخليج دقي وعطيني خبر 10 دقايق ودقت نوف : ايه الغلا جواهر بتجي الغلا : اذا هي بتروح انا ماني رايحه نوف : وشعليكي منها خليها تولي عنك الغلا ( لا والف لا البعد عن هالبنت خير وبركه) . نفس اليوم بالليل في غرفه مكتب خالد الغلا واقفه عند الباب : خالد خالد : عيونه وقلبه آمري حبيبتي شافها متردده قام مسك ايدها وراح معاها الصاله وقعد معاها عالقنفه : وش فيكي يا قلبي آمري الغلا : مابي اروح المزرعه خالد : ليه ؟ الغلا : بنت عمتك بتيي خالد : وش عليكي منها لا تكلميها واظن اللي صارلها خلاها توعى وتبعد عن المشاكل الغلا : لا والله !! مرتين حارقتني .. وبعرس نوف بقت تطيحني وانا ارقص ,, يا عالم شبتسوي بعد فيني خالد مبتسم : انتي رقصتي بعرس نوف ! الغلا : صج فراقه .. انا وين وانت وين خالد : صدق صدق انتي رقصتي ,, محد قالي .. الحين راقصه قدام كل الناس وانا المسكين ما رقصتيلي الغلا معصبه : اولا انا راقصه جدام حريم وثانيا انت مو مسكين وثالثا ماني رايحه المزرعه ورابعا عطني جواب الحين لأني خلاص وصل حدي خالد : خامسا يا حلوك وانتي معصبه وسادسا احبك يا روح خالد الغلا بدلعها الطبيعي : خااااالد بليز ,, ما بي اروح خالد يأشر على عيونه الغلا : شبتقول حق عمي ؟ خالد : لا تشيلي هم خلي الموضوع عليّ . يوم الأربعاء الظهر كل اهل البيت راحوا المزرعه وخالد قال لأبوه انه بيسافر البحرين مع الغلا بس ما قال لها ,, الساعه 5 خالد والغلا بالسياره الغلا : وين بنروح ؟ خالد : مفاجأه ,,,,,,,,,,,,,,,,,,,,,,,,,,,,, الغلا اشهقت : البحرين ؟!!!!!!! ليش ما قلت لي خالد يضحك : هاذي هي المفاجأه ,, وش رايك ؟ الغلا : بنرد نفس اليوم ؟ خالد : لأ ,, نرجع الجمعه الغلا فاتحه عيونها : نبات يومين ؟!!!!!!!! خالد : ايه ,, شو المشكله ؟ الغلا : ما يبت معاي ملابس ولا شي خالد : ما عليه نروح نشتري كل اللي تبغيه كلها يومين ما تحتاجي شي واجد راحوا السوق والغلا شرت لها ملابس وفوطه ومستلزمات الحمام : الله يهداك لو قايل لي وفاكني من هالعباله خالد : ما هي مشكله التسوق معاكي حلو الغلا : انت ما شريت شي ؟! خالد : جايب كل حاجاتي وحاطها في هاندباج الغلا فاتحه عيونها : يا العيار مخلص شغلك وانا بالطقاق وصلوا الفندق الساعه 10.30 ,, خالد حجز غرفه من غير صاله .. في باله انه لازم يكسر خجل الغلا منه الغلا : ويييييييه نسيت اشتري شرشف حق السرير ولحاف خالد مستغرب : ليه ,, فيه لحاف !!! الغلا : لااااا ويييييييع ما احب قطيعه خالد : حبيبتي حنا في فندق راقي ما حنا بشقه الغلا : ادري بس ... خالد يقاطعها : لا بس ولا شي .. يلا حطي اغراضك وخلينا نروح نتعشى انتي ما جعتي ؟ الغلا : تصدق ايه يوعانه خالد : الله اكبر الله اكبر مرتي جاعت اخيرا الغلا : بس فضحتنا .. شنو بتحارب ! بس خلاص هونت شبعانه خالد يلمها من وراها ويبوس رقبتها من ورا ويساسرها : يلا نتعشى قبل لا آكلك الغلا ارتبكت من قربه : اطلب اكل مالي خلق انزل تعبانه من المشي خالد دق طلب عشا وبهاللحظه رن موبايل الغلا : هلا بنوف السعوديه نوف : هلا باحلى غلا بالبحرين الغلا : يعني كلكم تدرون الا انا نوف : ليه ما قال لك خالد ؟ الغلا : لأ يقول مفاجأه خلاني اروح ما معاي ولا شي من اغراضي نوف : وشلون البحرين ؟ الغلا : زينه والله نوف تمنيتج معاي خالد : ليه وانا ما اكفي ,, وسحب الموبايل من الغلا : هلا نوف شلونك وشلون اللي معك سلمي عليهم نشوفكم يوم الجمعه فمان الله ,, وسكر الخط الغلا : خاااالد ليش سكرته ؟ خالد : خلصنا .. الصراحه قمت اغار من اختي الغلا : يا بعد عمري اختك حبيبه تنحط على الجرح يبرى خالد يمسك ايدها : وانا ماني بحبيب ؟ الغلا : .......... ( انت حبيبي بس ما اقدر اقول لك اياها لأني ما اتحمل جرح مرتين .. اخاف اقول احبك وتطعن قلبي مره ثانيه ) خالد شافها سرحانه قرب منها وباس خدودها وشفايفها ,, الغلا نزلت راسها خالد يرفع راسها : ليه متى هالحيا ؟ الغلا منزله عينها وويها احمر خالد : ارفعي عينك ناظريني الغلا منزله عيونها : ......... خالد : غلاي ,, ويبوسها .. حبيبتي الغلا بصوت واطي وعينها بالأرض : بس خالد بهاللحظه انطق الباب * العشا وصل * خالد : اوووف ,, ويغمز للغلا : العشا انقذك مني تعشوا ,, ودخلت الغلا الحمام تاخذ شور طلعت ودخل خالد وراها طلع من الحمام وشافها قاعده تنشف شعرها : غلا .. ليه قصيتي شعرك ؟ الغلا : ليش مو حلو ؟ خالد : لا يا قلبي انتي كل شي عليكي حلو بس حرام كان واجد طويل الغلا تنهدت وسكرت الاستشوار : تدري لو ما قصيته جان ينيت خالد يطالعها مستغرب : اسم الله عليكي الغلا : يوم وصلت الكويت تميت قريب الشهر وانا نفسيتي زفت .. كنت وايد احلم بكوابيس , رياييل ما اعرفهم يلحقوني واللي يمسكونه فيني اول شي شعري وكنت اقوم اصرخ .. كرهت شعري ورحت مع ميمي قصيته وصبغته من غير ما اقول لأمي , واول ما شافتني هاوشتني وناصر زعل عليّ .. بس بيني وبين نفسي ارتحت كنت ابي اغير كل شي فيني علشان بس اعاندك ,, دريت انك تحب الشعر الطويل وانك ما تحب الصبغ ولا المكياج الوايد ولا العدسات .. وهالأشياء كلها سويتها .. كنت اطلع مع ناصر او مع اختي وانا حاطه مكياج كامل , كان مو عاجبهم بس ما يقدرون يكلموني .. شريت 4 ألوان عدسات مع كل بدله احط عدسه .. كنت اشوف نفسي بالمنظره واقول انا ما كنت جذيه بس خالد خلاني اصير جذيه ( خالد يطالعها ومتأثر بكلامها ) انت خليتني اكره كل شي زين فيني طيبتي وخجلي وحسن نيتي مع الناس .. خليتني اكره كل الرياييل حتى اخواني ,, كنت ارد عليهم باسلوب مو زين كنت دايما اصرخ حتى على الأشياء اللي ما تسوى صرت الغلا ثانيه .. تدري ,, الغلا الثانيه هاذي ما حبيتها قلبها كان قاسي خالد يسحبها من ايدها ويقعدها عالسرير : والحين الغلا اللي قدامي الأولى والا الثانيه ؟ الغلا وعينها بعينه : انت شتشوف انا أي غلا فيهم الحين ؟ خالد ويلمها لصدره : الغلا حبيبتي ام القلب الكبير اللي الحب مالي قلبها وحتى يوم قست كانت قساوتها عسل على قلبي ,,, مسك خالد ويهها بايده وباسها الغلا راتجفت وصدت عنه خالد : لي متى يا قلبي.. خايفه مني والا مستحيه ؟ الغلا : ................ خالد : غلاي ارفعي راسك ناظريني .. قوليلي هذا خوف والا حيا ؟ الغلا ويهها احمر من الحيا وما قدرت ترد خالد : الغلا ترى الاجابه مهمه بالنسبه لي اترجاكي جاوبي هو خوف والا حيا ؟ الغلا : وشيفرق ؟ خالد : يفرق كثير الله يخليكي يا قلبي جاوبي لا تذبحيني الغلا منزله راسها : .......................................... خالد يمسح على خدها : غلاي خايفه والا مستحيه مني الغلا وعيونها بالارض : الثانيه خالد تنهد براحه : الحمد لله يعني مو خايفه مني , والحيا ذا انا اشيله منك قامت الغلا من السرير وقعدت على الكرسي وكملت تنشيف شعرها , كانت تعبانه وفيها النوم بس مستحيه تنام وخالد قاعد على السرير ,, خالد لاحظ انها تعبانه انسدح على الفراش ونام على جنبه .. ربع ساعه والغلا راحت انسدحت وعطت خالد ظهرها حست الغلا بايده تمسح على شعرها .. مسك ايدها وباسها وقال لها تصبحي على خير وتم ماسك ايدها طول الليل ,,,,, الساعه 10 الصبح وهم يتريقون الغلا : خالد ابي اروح البحر خالد : تامرين حبيبتي اذا لقيت حجز نحجز شاليه اليوم وبكره حجز خالد شاليه والغلا شافت البحر واستانست .. طلب خالد غدا وتغدوا على الطاوله يم البحر الغلا : الله حلو المكان خالد : حلو بس زحمه واجد الغلا : ايه بس كله عوايل حتى عيالهم معاهم يعني ماكو شباب . بعد ما صلوا المغرب راحوا السوق وخالد قال لغلا اللي نفسك فيه خذيه ,, الغلا عجبتها جنطه وبوكها خذتهم وخالد شرى لها سلسله ذهب فيها حرف k وقلب حب صغير الساعه 9 بالليل الغلا تمشي يم خالد عالبحر حافيه : الله الماي حلو ودي اتسبح خالد : الحين ؟ بالليل !! الغلا : ايه شالمشكله وااااي الماي يشوق خالد : بملابسك ؟ الغلا : شرايك يعني ! اتسبح بملابسي الداخليه مثلا ,, اكيد باللي عليّ خالد والغيره بقلبه : لا يا قلبي فيه ناس واجد هنا يشوفونك .. بعدين اخاف عليكي يطلع لك شي من البحر الغلا تطالعه وصاره عيونها : تخاف عليّ والا تغار عليّ ؟! خالد مبتسم : اثنينهم , واذا لك خاطر تسبحي املا لك البانيو مويه واسبحي على كيفك الغلا حاطه ايدها على خصرها وبدلع : احلف بس خالد يضحك : وانا صادق علامك ؟ الغلا : ليش ياهل تقص عليّ تحط لي ماي بالبانيو اتسبح فيه خالد : ههههههههه .. يلا ما جعتي ؟ الغلا : الا جعت وميته جوع يا بطيحان خالد يضحك : بطيحان بعد الغلا تضحك : ذكرتني ببطيحان الكويت الله يذكره بالخير خالد : غلا اقول لك شي بس ما تزعلي الغلا : خير خالد : كأنك واجد تضحكي مع رجل اختك وكلامك معه كأنه اخوك الغلا : قلتها .. بو مشاري مو بس زوج اختي انا اعتبره اخوي الثالث ,, مثل طيبة هالريال وكرمه وصبره انا ما شفت ولا راح اشوف , ما في مشكله عنده ما لها حل ,, واي شي اطلبه اييبه لي حتى قبل لا ناصر اييبه .. ساعدني بأشياء وايد سواء بمدرستي والا بالجامعه , حتى لما احد يضايقني بالشارع بس ادق عليه دقايق والقاه عندي .. عمره بحياته ما نظر لي نظرة اتضايق منها , معتبرني اخته الصغيرة وانا معتبرته اخوي الكبير .. اتصدق خالد : قولي الغلا : يوم سافرت معاك اول مره اختي تقول تضايق وما رضى يتغدا ويقول البيت مو حلو من دوني ويا ليت معطيها اخوي ولا تبعد عنا وتخلينا مسك خالد ايدها ومشى معاها لي الكراسي : الله يخليه لمرته وعياله ويخليكي لي يا زوجتي يا حبيبتي يا ام عيالي ,, تاكلين هنا والا جوا ؟ الغلا : ناكل هنيه كلها بس اليوم وباجر بنسافر خالد وهو ماسك ايدها ولازق فيها : اذا تبغي نقعد كم يوم ما عندي مانع الغلا : لا ولهت على نوف خالد : بس نوف ؟ الغلا : كلهم من امي فاطمه لييييييي الخدم هههههه خالد : وانا وين مكاني ؟ الغلا ( انت في قلبي ) : انت معاهم تعشوا وعلى الساعه 12 الا شوي راحوا للشاليه , شاف خالد واحد يعرفه وقف سلم عليه وقعد يسولف وياه نص ساعه ,,, دخل شاف الغلا منسدحه ومتغطيه , دخل الحمام اخذ شاور وطلع شافها نايمه على ظهرها وحاطه تحت ريلها مخده ومغمضه عينها وعاقده حواجبها .. خالد قرب يمها ومسح على خدودها , الغلا فتحت عينها شافته لاف فوطه على خصره وشعره كله ماي استحت وغمضت عينها خالد : وش فيكي ليه نايمه كذا شي يعورك ؟ الغلا : خالد حط فوطه على راسك شعرك كله ماي لا تستمرض خالد : خايفه عليّ حبيبتي الغلا : اكيد خايفه اذا استمرضت من يرجعنا السعوديه خالد يضحك , مسح على راسها : حبيبتي حاسه شي يوجعك ؟ الغلا : لأ بس احس بطني يابس ومشدود خالد : يمكن عشان بطنك كبرت الغلا وهي مغمضه عيونها وحاطه ايدها على بطنها : اسبوعين وادخل الثامن خالد يقرب يمها ويحط ايده على بطنها ويمسح عليه ويسمي : الله يسهل عليكي وتقومي بالسلامه يا أحلى ما رأت عيني شافها خالد تبتسم : ان شاء الله دوم هالابتسامه الغلا ابتسمت لأنها حست بحركه البيبي في بطنها .. خذت ايد خالد وحطتها على بطنها , خالد حس بحركه البيبي * سبحان الله كأنه سمع صوت ابوه* خالد استانس : حسيت في حركه الغلا مبتسمه : ارتحت يوم تحرك لأن كان متكود بناحيه وحده ومضايقني خالد يقرب منها ويلزق فيها : شفتي يوم انه سمع صوتي حس فيني وارتاح ويقرب عند بطنها ويبوسه : يلا يا بابا انا منتظر ,, لا تأذي ماما تراها روحي وقلبي ومن حبي لها حبيتك وانا ما شفتك * الغلا تضحك* يا عبيد قول لأمك ترضى عني انا ما اقدر على زعلها قول لها اني مشتاق حيل حيل حيييييييييل الغلا غيرت وضعها لفت ونامت على جنبها ,, قرب خالد منها سحبها ولمها وخلاها تنام على صدره .. يمسح على شعرها وشوي يحط ايده على بطنها .. الغلا كانت مسكره عيونها حيل ومستحيه لأن خالد ما كان لابس تي شيرت .. حس خالد في بلل على صدره فتح الأبجوره وشافها تبجي خالد بخوف : حبيبتي بطنك يوجعك ؟ الغلا : لأ خالد : اجل وش فيكي ؟ ليه هالدموع ؟ الغلا تنزل دموعها خالد يمسح على شعرها : حبيبتي غلاي ليه هالدموع وش فيكي لا تخوفيني الغلا : خالد بليز لا تذبحني مره ثانيه يكفي اول مره ليلحين جروحي ما طابت منها خالد : ليه هالكلام !! الغلا تبجي ودافنه راسها بصدره : مابي احبك وترد تعذبني خالد وهو لامها : من قال اني بعذبك ! احد يعذب روحه مد ايده ومسح دموعها رفع راسها وباسها بين عيونها الغلا ودموعها تنزل : خالد لا تخليني ترى اموت خالد : اسم الله عليكي يا روح خالد باس دموعها وخدودها وشفايفها ,, , الغلا ارتجفت وسكرت عيونها حيل .. حس فيها خالد وكلمها بصوت كله حب وشوق : غلاي .. افتحي عينك الغلا : ................................... خالد : حبيبتي بوريكي شي افتحي عينك الغلا فتحت عينها وخالد غمز لها خالد : وش رايك بغمزة عيني تجنن صح الغلا ابتسمت خالد : ابتسامه بس .. عاد كل من يقول غمزة عيني ذباحه الغلا : ههههههههه خالد : ايه كذا .. هاذي الضحكه اللي ترد الروح ..احبك غلا روحي ,,,,,,, وتلاقت مشاعرهم واحساسهم وحبهم واستسلمت الغلا لحبه وشوقه لها بعد ما كسرت حاجز الخوف منه ,, الشهور اللي فاتت عيشها كأنها أميرة , صبر عليها وآخر ثمرة صبره ثقتها فيه وحبها له . .gif) الساعه 10 الصبح وعت الغلا من النوم ما شافت خالد يمها , دخلت الحمام تسبحت طلعت شافت خالد قاعد عالكرسي , قام لمها وحبها على راسها خالد : صباحيه مباركه يا عروسه الغلا بابتسامه خجوله : صباحيه مباركه وبطني جدامي شكبره خالد يضحك ومد لها علبه مخمل , فتحتها لقت فيها عقد الماس وابتسمت : ليش هذا كله خالد : عشانك حبيبة قلبي والهديه الثانيه لي رجعنا السعوديه الغلا بابتسامه : مشكور ما قصرت خالد : يلا البسي نروح نفطر الغلا : خالد ابي اتسبح بالبحر قبل لا نروح عفيه خالد : .......................... الغلا : خالد عفيه شويه بس عن خاطري خالد : حبيبتي ما فيه وقت والحين شمس حر عليكي الغلا: ورا المغرب .... يلاااااااااااااا خالد مبتسم : خلاص نروح حمام سباحه على الأقل مغطى الغلا : ويييييييييع ما احب حمامات السباحه احس وصخه وكلها امراض خالد : هههههههههههههه انتي رايحه حمام سباحه والا مرحاض الغلا : خالد وييييييع لوعت جبدي خالد يضحك الغلا : يلا خالد بس شويه .. بعدين يطلع في البيبي بحر خالد : هههههههههه مسكتيني من اليد اللي تعورني الغلا : خلاص اوكي خالد : وانا اقدر ارفض طلب لغلا روحي الغلا : ثانكس ,, بتسبح وياي ؟ خالد : وشرايك يعني .. اخليكي لحالك !! بس على شرط الغلا تطالعه : بعد فيه شروط !!!! خالد : اذا في رجال لا تسبحي الغلا : احلف !! شنو البحر على حسابي !!!! اللي بيسبح حياه الله خالد : اغار انا الغلا : لي شفتني متسبحه بمايوه تعال غار علي !! بسبح بتيشيرت وبنطلون ,,, راحت الغلا مع خالد لمكان ما فيه شباب وشافوا يهال يسبحون وامهاتهم معاهم ,,, تسبحت الغلا وخالد وقف يم اليال يطالعها خالد : غلاي لا تروحي بعيد بس هنا الغلا : شنو ياهل !! هني ما اقدر اسبح بدخل داخل خالد : غلا اخاف عليكي انتي حامل الغلا : شنو الحامل ما تسبح !! ممنوع ؟؟ خالد خايف عليها : لأ ما هو ممنوع بس اخاف عليكي حبيبتي الغلا ابتسمت وراحت تسبح وبعدت شوي عن خالد .. وهي بالماي تمددت على ظهرها وترفع ايدها وتنزلها وعينها عالسما : الله يا حلاة هالمنظر خالد يوم شافها بعدت خاف .. وخاف اكثر لما تمت على ظهرها .. فصخ تيشيرته وطب بالبحر ووصل عندها ,, الغلا شافته واشهقت : خرعتني خالد : انتي اللي خوفتيني اناديكي وما تردي علي الغلا : ما سمعتك .. وين وديت عباتي والفوطه ؟؟ خالد : رميتهم عالتراب .. خفت حسبت فيكي شي الغلا : شفيني يعني !! ما فيني الا العافيه .. يلا خالد شرايك نتسابق خالد : غلا انتي نايمه وتحلمي الغلا بابتسامه : ليش ؟ خالد : وش هو اللي ليش !! انتي ناسيه انك حامل الغلا : ويعني .. شنو الحامل ما تتسبح ؟؟ خالد : تسبح بس ما تبعد .. الغلا : يلا روح تسبح خلني اشوف سباحتك خالد قام يسبح دار مدارها ويغوص ويطلع لها من وراها ويقرص خدودها الغلا تضحك : بس خالد اذيتني خالد دخل شوي بالعميق يسبح والغلا لما شافته يبعد خافت الغلا : خالد لا تبعد وايد خالد : من زمان ما سبحت .... احس ما فيني لياقه الغلا : خالد لا تبعد اوكي خالد مبتسم ويسبح الغلا تسبح وعينها على خالد ,, اذا غاص تخاف .. واذا شافته ترتاح شوي خالد غاص اكثر من كل مره والغلا خافت وقامت تناديه .. وما شافته يطلع مثل كل مره .. دمعت عينها وبصوت باكي : خالد .. خااااااالد شهقت وبصراخ خاااااااااالد لالا خالد إهيء إهيء ....... | ||||
|
| |
 |
| الكلمات الدلالية (Tags) |
| للكاتبة, مجال, مكتملة, حياتي, غفران* |
| أدوات الموضوع | |
| انواع عرض الموضوع | |
|
|
العرض العادي
