أيام من حياتي / للكاتبة غفران* ، مكتملة

[لامارا]

نوف : خالد انت تعرف مرتك اكثر مني وتعرفها ما تقول مشاكلها لأحد
خالد : طلاق !!!!!!!
نوف : خالد لازم تتكلم معها الغلا عقب اللي صار نفسيتها تعبانه
خالد : كيف اكلمها وهي ما تبغى تشوفني
نوف : خلها ترتاح كم يوم .. انا كلمتها ونصحتها وان شاء الله
تسمع لي
خالد : نوف اذا طلقتها اموت
نوف : اسم الله عليك .. ومن قالك طلقها .. هي قالت كذا وهي
مو بوعيها كانت مصدومه من اللي صارلها وبشوفة بنتها وحالة
البكي والصراخ اللي جاها هو اللي خلاها تقول هالكلام
خالد : نوف هي من سافرت وهي مسكره جوالها عشان لا تكلمني
نوف : قلت لك عطها وقتها خلها تفكر وتعيد حساباتها .....
شهر مر على الغلا وهي بغرفتها مع بنتها ,, تعبوا خواتها وهم يكلمونها
وموبايلها مسكر من عقب الحادث ما فتحته .. خالد كان بعيد عن
تفكيرها ,, حياتها فاطمه الصغيره وبس .. خالد زارهم 4 مرات بس هي
ما شافته ولا كلمته يقعد مع بنته ساعه ويروح
الساعه 7 بالليل ...
ناصر : غلا
الغلا : تعال حياك
ناصر : هلا هلا بفتوشه تعالي
فطامي : نتولي ابيبي
ناصر : ههههههههه غلوي لا تفضحني بنتج شنو نصوري حبيبي
علميها تقول خالي
الغلا مبتسمه
ناصر يكلم فاطمه : قولي خالي
فطامي : كالي
ناصر : كالي كالي شنسوي بعد
فطامي : كالي نتولي ابيبي
ناصر يدلدقها : يعني ماكو فايده اصغر عيالج انا
فاطمه تضحك والغلا تضحك على ضحكة بنتها ( الله يخليج لي يا بنتي )
ناصر : غلا بروح الجمعيه تروحين وياي
فطامي : انا لوح دعميه
ناصر : لا فطامي ماكو جمعيه بس ماما غلا
فطامي : ماما دعميه انا دعميه
ناصر يطفرها ويمسك ايد الغلا ويوقف معاها : ماما جمعيه وخالي
جمعيه وفطامي لأ
فطامي بصوت عالي وتبجي : مـــــــــــــــا مـــــــــــــــــــا
الغلا شالتها ولمتها : نصوري حرام عليك
فطامي تبجي : نتولي ابيبي دعميه
ناصر : ههههههههههههه تعالي فتوشه انتي اللي حبيبتي والله ..
واحلى جمعيه لأحلى فاطمه وصلاحو ,, يلا غلا انطرج تحت بدلي وتعالي
الغلا : مالي خلق ناصر
ناصر : لي متى .. غلا ترى حالج مو عاجبني .. ليش منتى راضيه
تكلمين زوجج
الغلا : لا تقول زوجي
ناصر : شقول عيل
الغلا : طليقي
ناصر شهق : طلقج
الغلا : ليلحين لأ ,, قريب وغصبن عليه
ناصر : غلا انتي ينيتي
الغلا : لا عقلت .. المفروض ننفصل من زمان ..
ناصر : والسبب
الغلا : وايد اسباب اهمهم ان الحياة صارت بينا مستحيله
ناصر : فكرتي بالكلمه اللي قلتيها ؟؟ فكرتي فبنتج وبحياتها
الغلا نزلت دموعها
ناصر : هالكثر خالد معذبج
الغلا : ...................................
ناصر : قلتي لأمي
الغلا : لأ ما قلت لأحد انت بس
ناصر : وقلتي لخالد
الغلا : قلت لأخته
ناصر : وشقال
الغلا : مادري
ناصر : وشلون بتدرين وانتي مسكره موبايلج .. واذا دق علي والا
على امي ما تردين عليه ولا تكلمينه
الغلا : ناصر مالي خلق اسمع احد ولا اكلم احد
ناصر : غلا حبيبتي المشكله اذا بتكبرينها تكبر واذا بتصغرينها تصغر
عطوا بعض فرصه وفكري عدل وخلي فاطمه بين عيونج .. مو معقوله
بتخلينها اسبوع عندج واسبوع عند ابوها
الغلا تبجي : تعبت من التفكير تعبت
فاطمه : ماما دعمياااا
ناصر : اووووه نسينا بنتج ,, يلا قومي والله يسهل الأمور .. وكل
مشكله ولها حل .. يلا قومي
الغلا بصوت واطي : بس ما نتأخر
ناصر تنهد واخذ فاطمه ونزل تحت ينطر الغلا
بالسياره ,,,,,
ناصر : نروح كارفور شرايج
الغلا : شيخلصه شكبره
ناصر : اشوراج نتسوق ونتعشى
الغلا : نتعشى ؟!!! انت قلت بتشتري اغراض يعني منت متأخر
ناصر : غلا حبيبتي طلعي شوفي الدنيا قعدة البيت ماتييب الا الهم
وصلوا كارفور والغلا حطت بنتها بالعربانه وناصر يدزها
فاطمه : ماما بتاتا بتاتا
فتحت الغلا كيس بطاط وعطت بنتها تاكل
ناصر : الغلا تعالي نروح صوب الاجهزه بشوف لي طابعه
الغلا : انت روح وانا باخذ جم غرض لي ولفاطمه
فاطمه : ماما ابي عتيل
الغلا : تبين منجا والا فراوله
فاطمه : مندا
ميمي : يا حلاة المانجا واللي يشربون المانجا
الغلا تفاجأت : ميمي !!!!
مريم تلم الغلا وتسلم عليها : بالكويت وما تقولين ؟!! يا الخاينه من
متى هني
الغلا : من شهر
ميمي : شهر !!!! ليش ما دقيتي قلتي .. عيزت ادق عليج وموبايلج
كله مغلق , شدعوه حتى ما سألتيني شيبت
الغلا تذكرت : اييييه صج شيبتي
ميمي : تو الناس .. يبت ليال
الغلا : مبروك ما ياج
ميمي : اشفيج الغلا مو عاجبتني
الغلا تتنهد : وايد اشياء صارت
ميمي : شنو
الغلا : ميمي لا المكان ولا الوقت مناسب اني اقول لج .. شلون اميره
ميمي : تكسر الخاطر عقب طلاقها ما قامت تطلع من البيت
الغلا : شرايكم تيون عندي باجر
ميمي : انتوا تعالوا انا رجعت شقتي بصرف حمودي مع ابوه وبخلي
لولو علشان تشوفينها
الغلا : دقي على اميره واكدي عليها تيي
ميمي وهي تحب الغلا : يلا مع السلامه وموعدنا باجر ورا المغرب
,,,,,,
لقاء الغلا واميره كان يعور القلب .. الغلا حست باميره وبمدى
ألمها والهم اللي عايشه فيه ,, قعدوا سولفوا بجوا وضحكوا وكل وحده
شايله همومها بقلبها ,, اميره ما كانت تبي ميمي تعرف عن مرض زوجها
والغلا ما كانت تبي صديقاتها يعرفون عن خيانة خالد لها .. كل وحده بالعه
غصه ومتحمله .. والغلا قالت لهم انها سقطت وهذا سبب وجودها بالكويت
ميمي : الله يعوض عليج باللي راح
الغلا : الله كريم
بجت بنت ميمي وراحت معاها الغرفه تغير لها وتسويلها رضعه
ميمي : اخذوا راحتكم انتوا مو غرب
اميره : ولهت عليج غلوي
الغلا : وانا اكثر .. شلونج الحين ان شاء الله احسن
اميره : موبخير وانا بعيده عن فيصل
الغلا تنهدت وغمضت عيونها
اميره : غلا انا موبايلي ما يطيح من اديني على أمل اني اشوف منه رساله
او اتصال يرد لي روحي
الغلا : الله يجمعج معاه بالخير واذا الله كاتب يرد لج راح يرد
اميره بصوت مخنوق : اتمنى .. اتمنى .. حياتي ضايعه من دونه
كل اسبوع اروح يم البيت يمكن اشوفه .. ادق عليه جهازه مغلق ..
ادز له ماسيجات وما اشوف منه رد ..
الغلا : اميره شوفي نفسج لا يصير همج فيصل وبس ,,, ما توقف
الحياة على طلاق اثنين ..
اميره : صعب يا الغلا صعب .. صعب انج تعيشين بعيد عن اللي
تحبينهم وبلحظه تلقين روحج وحيده وتعيشين مع ذكريات
الغلا ( يا ترى راح اعيش الذكريات اللي اتكلمين عنها .. انتي يا اميره
تعيشين ذكريات حلوه ,, ذكريات كلها ورود وحب .. لكن انا شلون بعيش ذكرياتي وهي متروسه شوك وألم )
مرت الايام صعبه على ابطالنا لا اتصال خالد ولا امه قدر يرد الغلا عن
اللي تفكر فيه وانها ترجع لخالد وتعيش حياتها ...
,,,,,,,,
يوم الخميس يوم زوارة خوات الغلا ,,,
الغلا قاعده مع امها وخواتها يشربون شاي عقب ما خلصوا غدا
الغلا : يما فطامي ملاحظتها هالأيام وايد تشخر
ام حمد : نص العالم يشخرون ما فيها شي
ام يوسف : لأ يما شنو ما فيها شي يمكن فيها لحميه
الغلا : لحميه شنو
ام يوسف : لحميه تكون بالخشم هي اللي تسبب الشخير
الغلا : وشنو حلها
ام يوسف : عمليه اذا ماني غلطانه
الغلا خافت : عمليه
ام حمد : انتوا الحين شخصتوا المرض وبتسوون عمليه
الغلا بخوف : يما ام يوسف تقول
ام حمد : ما خبرت ام يوسف دكتوره
ام يوسف : ماني دكتوره بس قلت لها اللي اسمعه من البنات
ساره : غلوي باجر الصبح امرج ونوديها المستشفى ونشوف
,,,,,,,
ام حمد : ما صارت يما هالدموع اسبوع وانتي تبجين
الغلا : يما بيسوون لها عمليه
ام حمد : وقالوا لج بسيطه .. انتي مو تبجين جدامها وتخرعينها
الغلا : يقول الدكتور لازم تنام اليوم علشان يشوفها طبيب التخدير
وباجر الصبح عمليتها
ام حمد : الله يسهل وتقوم بالسلامه
الساعه 5 العصر ,,,
ناصر : يلا الغلا خلصتي
الغلا وتمسح دموعها : ايه
وصلوا المستشفى الساعه 5 ونص وصعدت الغلا مع بنتها بالغرفه
اللي حجزها ناصر وتفاجأت يوم شافت خواتها بالغرفه
ام يوسف : الحمد لله عالسلامه تو الناس
ساره : اول مره اشوف الزوار يوصلون قبل المريض
الغلا تمسح دموعها : بتنامون معانا
ساره : قاعدين بخيمه ويا ويهج مو مستشفى
ام يوسف تطمنها : ايه بنقعد ندري فيج قلبج قلب زرزور
ساره : بس عاد ما صار دموع اللي بيسوون لها العمليه قاعده تلعب وتضحك
ناصر قعد معاهم لي الساعه 11 بالليل وما طلع الا لما فاطمه نامت
ناصر : متى عمليه فطومه
الغلا : الساعه 8 الصبح
طلع ناصر وركب سيارته ودق على خالد
خالد : هلا بك حي الله هالصوت
ناصر : الله يحييك .. خالد فاطمه بالمستشفى
خالد خاف : بنتي وش فيها
ناصر : ما فيها الا العافيه ان شاء الله .. فيها لحميه وباجر الصبح عمليتها
خالد : ولي ما خبرتني من زمان
ناصر : انت ما تعرف مرتك شالتنا بالصراخ والصياح نستني ادق عليك
خالد : وشلونها غلا
ناصر : الحمد لله .. بنتك اسم الله عليها اقوى منها
خالد : وهي بأي مستشفى
ناصر : مستشفى ال .......
خالد : تكفى ناصر طمني
ناصر : ان شاء الله يلا فمان الله
,,,,,
الساعه 9 الصبح دخلوا فاطمه غرفة العمليات ,, والغلا قاعده يم
الغرفه وبايدها القرآن ..
ساره : الحمد لله الله يتمم عليها سكونها ما تقوم الحين تبجي وتفضحنا
ام يوسف : كلمتها البارحه وقلت لها قوي نفسج ولا تبجين جدام
بنتج علشان لا تخاف
الساعه 10 الصبح وصل ناصر مع امه : شلون فطوم
ساره : ليلحين ما طلعت
الغلا من سمعت صوت ناصر نزلت دموعها .. راحت لها امها
قعدت يمها : شلونج يما
الغلا تبجي : خايفه على بنتي يما
ام حمد : ما فيها الا العافيه ان شاء الله .. ادعيلها تقوم بالسلامه
الغلا : يارب ,, يارب
الساعه 12 طلعت فطامي من العمليه وودوها غرفتها .. كانت نايمه
ليلحين ما صحت من التخدير
الغلا تبجي : ما ترد علي
ام حمد : مخدره يما شلون تبينها ترد عليج
الغلا : فيه دم بخشمها
ام يوسف : من العمليه لا تخافين
دخل الدكتور طمنهم على فاطمه وعلى عمليتها وقالهم ان شاء الله
باجر طالعه من المستشفى
ناصر دز لخالد ماسيج : فاطمه طلعت من العمليه وهي بخير
راحت ام يوسف وامها وساره وتم ناصر مع الغلا
ناصر : غلا بروح اطلب اكل
الغلا : مو مشتهيه
ناصر : باطلب وبتاكلين غصب طالعي شكلج شوي وتطيحين
الغلا : ييب لي قهوه وياك
طلع ناصر وبالممر شاف خالد وابوه وبعد السلام والسؤال عن فاطمه
ناصر : حياكم اوصلكم الغرفه
بو عيسى : ما نبغي نعطلك عن شغلك يا ولدي
ناصر : عمي انا كنت رايح اييب لغلا اكل
خالد : قول لنا رقم الغرفه كم وانت روح جيب لها شي تاكله
انطق الباب ورفعت راسها الغلا وتفاجأت بدخول عمها وخالد
الغلا : عمي !!!
ابو عيسى : هلا ابنتي
الغلا لما شافت عمها خنقتها العبره ,, عمها لما شافها كسرت خاطره ..
الغلا سلمت على عمها وصدت عن خالد
بو عيسى : شلون فاطمه الحين
الغلا بصوت مخنوق ما تبي تبجي جدامهم : الحمد لله عمي .. صار
لها ساعتين من طلعت من العمليه وليلحين نايمه
دخل عليهم الدكتور يشوف فاطمه .. وخالد كلمه عن بنته وعن العمليه
ونتايجها وليش بنته ليلحين نايمه ما صحت
الدكتور : لا تخاف راح تصحى بعد شوي هذا من آثار البنج ,, ساعه
وراح امر عليكم مره ثانيه
خالد يكلم الغلا : ليه ما دقيتي وقلتيلي عن البنت وحالتها
الغلا : .......................................
خالد بصوت عالي : اذا كلمتك ردي
بو عيسى : خالد هد بالك حنا بمستشفى
خالد : ما تتصرف لحالها من غير ما تعلمني مثل ماهي بنتها هي بنتي بعد
وما تسوي أي شي من غير شوري .. نسيتي يا مدام انك ليلحين زوجتي
الغلا : طلقني
خالد تفاجأ من كلمتها وابو عيسى استغفر
الغلا تكلم عمها : عمي الله يخليك قول له يطلقني
خالد بصراخ : انتي انجنيتي
بو عيسى : خالد هالمشكله ما تنحل بالصراخ .. ولا هذا وقت ولا
مكان مناسب نتكلم فيه ,, ويلتفت عالغلا : غلا يا بنتي هدي بالك
واذا لك حق راح تاخذينه .. حنا جايين نتطمن عالبنت .. خلوا مشاكلكم
لما تطلع البنت من المستشفى بالسلامه ...
طلع خالد من المستشفى متضايق .. بالسياره
خالد : سمعتها يبه وش قالت ؟!!
ابو عيسى : يا ولدي الغلا على طيبة قلبها ورجاحة عقلها فيها عناد ..
وعنادها يجي في الموقع الصح .. هي ما قالت كذا الا في شي كايد
خالد : قلت لك يبا محملتني سبب اللي صار لها .. ما كن موت ولدي
زعلت عليه اكثر منها
ابو عيسى : لا يبوك ما هو اكثر منها .. وانت تعرف غلا كيف حساسه
وقلبها ضعيف
خالد يتنهد : والحل يبه ؟؟
ابو عيسى : يوم انها زعلت اول مره جدتك صالحتكم وردتكم لبعض
.. وهالنوب خلها على ابوك
خالد : وش بتسوي يبه ؟!! انت ما شفتها حتى سلام ما سلمت علي ,,
ابو عيسى : روح الحين خلنا نمر بو وليد وبالليل نكمل كلامنا
بعد يومين ,,,
الغلا بغرفتها مع بنتها توها طالعه من الحمام وقاعده تلبسها
ناصر يطق الباب : غلا
الغلا : تعال ناصر حياك
ناصر : غلا خلصي ونزلي خالد وابوه تحت
الغلا : هاااا
ناصر : شنو اللي ها يلا خلصي ونزلي بسرعه
الغلا : من قاعد معاهم ؟؟
ناصر : محد بروحهم بالدوانيه
الغلا بهدوء : انزين شوي وانزل
ربع ساعه ونزلت الغلا ودخلت عليهم مع بنتها : السلام عليكم
الكل : عليكم السلام
فطامي : اوووووود
ابو عيسى : يا عيون عود تعالي يا الغاليه
راحت فاطمه وباست جدها وقعدت بحضنه
خالد يكلم بنته : مافيه بوسه بابا ؟
ناصر : فتوش قومي حبه بابا
فطامي : ماما نتولي ابيبي ..
الغلا نزلت راسها وابتسمت
ناصر : نصوري حبيبي بعد بابا حبيبي
فطامي تطالع امها : ماما بابا ابيبي
الغلا ( فطامي شهالسؤال !! ايا النتفه !! )
اخذ خالد بنته وحضنها .. باسها وقعدها بحضنه يمسح على شعرها
خالد : من عمل لك شعرك حلو كذا
فطامي : ماما
خالد : وريني يدك ... الله من جاب لك هالساعه الحلوه
فطامي : ماما
خالد : كله ماما ؟
فطامي : ماما ابيتي
خالد : وحبيبتي انا بعد
الغلا صدت ونزلت راسها
ابو عيسى : وحبيبتنا كلنا
الغلا بصوت واطي : تسلم عمي
فطامي : بابا ابي لوح دعميه
خالد يلتفت لناصر : وش قالت ؟
ناصر يضحك : تبي تروح الجمعيه
فطامي : اود لوح دعميه
بو عيسى مبتسم : حنا ما نعرف الجمعيه ذي روحي مع خالك
فطامي راحت حق امها : ماما ابي تلوت
الغلا : روحي قولي حق نور ييبي جنطتي
ناصر : خلي نور .. تعالي فتوشه انا اوديج الجمعيه
فطامي : نتولي ابيبي تلووووووت
خالد فتح بوكه وعطاها 20 دينار .. فاطمه ركضت لأمها مستانسه
فطامي : ماما بابا تلوت
الغلا بصوت واطي : قولي بابا ثانكيو
راحت فاطمه وباست ابوها : بابا تانتيو
خالد يطالعها مبتسم ( يا زينك ويا زين ثانكيو من فمك )
ناصر : يلا قولي مع السلامه
طلع ناصر مع فاطمه وخلى الغلا معاهم .. عم الغلا قايله يتركهم بروحهم
علشان خالد بيكلم الغلا وفاطمه انقذت الموقف ...
ابو عيسى : ها يا بنتي وش طلباتك
الغلا : طلاقي عمي
ابو عيسى : فكرتي بالطلاق زين
الغلا : تبي الصج عمي لأ .. اللي فكرت فيه اني ابعد عن ولدك وبس
ابو عيسى : وش سوى ولدي خلاكي تطلبي منه الطلاق ؟!!
الغلا ( ما اقدر اقول .. ما ابي اشوه صورته جدامك .. يضل ابو بنتي )
ابو عيسى : عطيني سبب مقنع وانا الحين اخليه يطلقك
الغلا نزلت دموعها : الحياه بينا مستحيله .. وهذا اللي اقدر اقوله وبس
ابو عيسى : يعني في بعده عنك راحتك ؟
الغلا بألم : ايه
ابو عيسى ابتسم : خلاص انتي بمكان وهو بمكان
الغلا : ها
ابو عيسى : غلا يا بنتي طلاقك راح يأثر على بنتك بالدرجه الأولى ,,
وراح يحرمها ويحرمك من اشيا واجد .. اذا في بعد خالد عنك راحتك
انتي راح تظلي بجناحك وهو يروح الجناح الثاني
الغلا : تبيني ارجع معاكم عمي ؟؟!!!
ابو عيسى : انتي تبغي تحرمي خالتك وامي والبنات من شوفتك
وشوفة بنتك ؟؟
الغلا : ما راح احرم احد من شوفة بنتي .. بس رجعه لولدك لأ
خالد بغضب : ماهو بكيفك تقرري وراح ترجعي غصبن عنك
لأنه انا اللي اقرر ماهو انتي
الغلا بصوت عالي : ماني حيوانه اعيش معاك بالغصب .. فاهم
خالد : الظاهر اني دلعتك وسكت عنك واجد
بو عيسى : يعني وجودي ماله احترام عندكم
الغلا نزلت راسها ودموعها تنزل
خالد يحب راس ابوه : على راسي يبه السموحه هي استفزتني
ابو عيسى : يا بنتي انا ما اعرف ايش اللي بينك وبين خالد ..
عطوا بعضكم فرصه .. وحلوا مشاكلكم مع بعض وارموا الطلاق
ورا ظهوركم وخلوا فاطمه قدام عيونكم .. لا تخلينها يا بنتي تتشتت
بينك وبين ابوها ..
الغلا ( وهذا اللي كاسر ظهري )
ابو عيسى : وش قلتي يا بنتي ابغي اسمع ردك
خالد يطالعها وقلبه مهموم على وضعهم
الغلا : ما اقدر عمي ما اقدر
خالد بهدوء : غلا اطلبي اللي تبغي بس طلاق لأ
الغلا : وانا مابي شي غير طلاقي .. انت ليش منت راضي تفهم
بو عيسى : هدي بالك يا بنتي .. انا طلبتك بترديني ؟؟
خالد يطالعها بغضب
الغلا ( مو علشانك يا حقير بس مابي ارد عمي ) : عمي مااقدر اسافر
الحين فاطمه توها قايمه من العمليه واخاف عليها
خالد ارتاح من ردها وابتسم وحمد ربه
ابو عيسى : وفاطمه تهمنا بعد .. متى ما شفتي نفسك مستعده دقي وقوليلي
استاذن بو عيسى وقام لأن طيارتهم بعد ساعتين ..
خالد قبل لا يطلع كلم الغلا بصوت واطي : افتحي جوالك ابغي اكلمك
الغلا : نجوم السما اقرب لك مني .. وبتطلقني غصبن عليك ,,,
,,,,,,,,,,,,,,
بعد 3 أسابيع ,,, تعبت الغلا من التفكير ومن كلام امها وخواتها عن
وضعها ووضع بنتها .. وشافوها انها دوم متضايقه ومو مرتاحه ..
ناصر ما قالهم عن طلب الغلا للطلاق وان عمها يا وكلمها ..
ام حمد : صج !! متى ؟؟
الغلا : بعد 3 أيام
ساره : يوم الجمعه
الغلا : ايه
ام حمد : مع منو بتسافرين
الغلا بألم : اذا خالد ما يقدر ايي ناصر يوديني والا حمد
الغلا تكلم ساره : سارون يوم الخميس بكت نون على بنتي
ساره : ههههههههههههههههههههه
الغلا : شنو قلت نكته انا
ساره : توني قاعده اسولف مع فهد .. اقول له غريبه غلوي ما قالت
بكت نون على فطامي عقب طلعتها من المستشفى
الغلا : كانت تعبانه وخفت عليها .. قلت خلها تطيب ويصير خير
ام حمد : والنون مني هديه لسلامتها
الغلا : يما انتي عطيتيها هديه .. شنو نسيتي المضاعد ؟
ام حمد : لا ما نسيت غلاها من غلا امها
الغلا تلم امها : تسلميلي يا احلى فطوم بالعالم
يوم الأربعاء ,,,
الغلا : شلونك عمي
ابو عيسى : بخير الله يسلمك انتي شلونك وشلون اهلك
الغلا : الحمد لله كلهم بخير ... عمي
ابو عيسى : امري يا بنتي
الغلا : ما يامر عليك عدو .. عمي اللي بالبيت يدرون عني وعن خالد
ابو عيسى : لأ .. قلنا لهم انك تعبانه واللي أخرك عن السفر تعب بنتك ,,
ها يا بنتي ما قررتي ؟
الغلا : تقدر عمي تييني يوم الجمعه ؟
ابو عيسى فرحان : من عيوني كم الغلا عندنا
الغلا : تسلم عيونك عمي
ابو عيسى : عملي حسابك يوم الجمعه عشا سلامتك انتي وفاطمه
الغلا : تسلم عمي الله يخليك لنا
,,,,,,,,,,,,,,,,
الساعه 5 وصلت الغلا السعوديه واستقبلوها اهل البيت بالدموع
الغلا تمسح دموعها : هالكثر انا غاليه ؟؟
انوار : واغلى من اسمك
الغلا تضحك
فطامي بحضن الجده فاطمه
الجده تكلم الغلا : ضعفانه يا بنتي ليه كذا
الغلا تبتسم : بنتكم يما ما تخليني آكل
نزلت نوف من الدري تركض : الغلااااااااااااااااااااا ااااااا
الغلا لمتها وبجت هي وياها وسحبتها وراحت غرفتها ..
نوف : تصالحتوا ؟
الغلا : لأ
نوف فاتحه عينها : أجل
الغلا : رجعت علشان عمي .. طلبني واستحيت ارده
نوف : وخالد
الغلا : مثل ما قال عمي هو بمكان وانا بمكان
نوف متفاجأه : هو قال كذا ؟!!!
الغلا : ايه
نوف : وخالد وافق ؟!!
الغلا : بالطقاق ما همني رايه
نوف بعتب : غلا
الغلا : حتى لو كان اخوج وما ترضين عليه ماهمني .. ماهمني ..
مـــــــــــــــــــــــا همنيييييييييي
نوف تلطف الجو : اعوذ بالله عساكي بس ما تكرهيني
الغلا تبتسم : انتي غير .. اشك ان خالد اخوج , نوف اخاف انتي
مو بنتهم ومبدلينج
نوف تستهبل : يا ويلي .. من هم اهلي انا بنت من .. آآآآآآآآآآآآه
انا بنت حرام .. لاااااااااااااااااااااااا ااااااااا
الغلا تسحب اذنها : بس عايشه الدور حضرتج
نوف : ايش بتلبسي للحفله ؟
الغلا : مايوه
نوف : ههههههههههههههههههههههههه هههه
الغلا : ههههههههههههههههههههههههه هههه
نوف : اكلمك جد انا
الغلا : شاريتلي فستان انا وفاطمه مثل مثل
نوف : غلا اذا جا خالد ودخل ما راح تسلمي عليه قدامهم ؟
الغلا : نوف منعا للاحراج والكلام والقيل والقال قوليله لا يدخل
وانا موجوده لأني ما راح اسلم عليه
نوف : غلا
الغلا : اكلمك جد انا ,, واللي بيتفشل هو مو انا
الساعه 9 بالليل نزلت الغلا لابسه فستان اسود والصدر منثور بترتر
اصفر واسود وحاطه ورده جوري صفره وفلات ترتر اصفر .. وفطامي
لابسه فستان اسود والصدر فيه ترتر فوشي واسود وحاطه ورده جوري
لون فوشي ولابسه فلات فوشي وتاج فوشي وساعه فوشيا
خالتها شافتها وسمت عليها وعلى بنتها والجده فاطمه رقتها هي وبنتها
ام سعد : الله يحميكم من العين
دلال : لا اله الا الله محمد رسول الله وش هالزين
الغلا : عيونك الحلوه حبيبتي
قعدت الغلا تسولف مع البنات وسألوها عن عملية بنتها
نور : Madam sir want fitamy
الغلا : Come take her
خالد شاف بنته وضحك على لبسها : حبيبتي صرتي مره بهاللبس
فطامي : متل ماما
خالد ( آآه يا زين ماما وحضن ماما ) اقول فطيم ما اتوسطيلي عند ماما
فطامي : ماما ابيتي
خالد : حبيبتي قبلك ( آآآه يا الغلا والله مشتاق لشوفتك )
دخل خالد شايل بنته .. نزلها وراحت تركض عند سعد
فطامي : تأد لوح دعميه
سعد يشيلها ويبوسها : هلا وغلا بفطوم شلونك يا حلوه
فطامي : لوح دعميه
سعد يطالع خالد : هي وش تقول ؟
خالد مبتسم : بتروح سوبر ماركت
سعد : اخاف اطلعها معي يتخامطونها الجهال
كل اللي بالمجلس خذاها وباسها وعطاها هديه سلامتها .. الغلا فتحت
الأكياس اللي بايدها وشافت فلوس وراحت عند يدها
فطامي : اود تلوت واااااااااااايد .. وتطالع ابوها وبدلع : بابا دعميه
خالد يضحك ويشيلها ويبوسها : بعدين دعميه نروح انا وانتي وماما..
حطوا العشا وفطامي تمت مع ابوها وقعدت بين ابوها وسعد .. ابوها حط
لها صحن فيه عيش ولحم وعطاها تاكل
فطامي : بابا مو الو وع وع
خالد : وش هو اللي وع
فطامي تأشر على الجريش : ابي آآدا
سعد اخذ صحن وحط لها جريش
خالد ياله ماسيج من نوف : وين فاطمه ما جبتوها
خالد دز لها : تتعشى معنا
خلصت فاطمه اكل وقعدت بحضن جدها .. قام سعد يصب قهوه
فطامي : انا انا دوه
ابو عيسى : انتي تشربي قهوه بعد !!!
فطامي : متل ماما
خالد : امك علمتك على القهوه زيها
فطامي : اتينيييي دوه
خالد دز ماسيج لنوف : نوف اسألي الغلا هي متعوده تعطي بنتها قهوه
نوف قالت للغلا والغلا ابتسمت : قوليله الحين نور تييب قهوتها
دخلت نور ومعاها قلاص على ميكي ماوس وفيه حليب كاكاو
خالد : What this ?
نور : Chocolet milk
خالد ابتسم ( آه يالغلا يا زينك ويا زين اهتمامك لبنتك )
خالد عطى بنته القلاص
فطامي : مابي دلات ابي متل اود
ابو عيسى يضحك
ابو سعد : تبغي فنجان نفسك يبه
فهد : تعالي فاطمه وريني قهوتك
فطامي تلم قلاصها : ادا دوه تتامي .. ادا دوه بابا
خالد : عطي فهد شويه قهوه فطامي
قامت فاطمه مدت قلاصها لفهد .. فهد فتحه وصب له بفنجان وعطاها قلاصها
فطامي تمد له القلاص : فد دلات تتامي متل اود
الكل ضحك عليها وعلى كلامها .. الغلا تمت قاعده بحضن ابوها ونعست
ونامت .. شالها خالد وطلع فيها بره بالحديقه ودق على نوف تيي تاخذها ..
نوف ( ما راح احرمك يا خوي تشوف الغلا ) : غلا اطلعي عند الباب خذي
بنتك نايمه
الغلا : الحين اقول لنور تاخذها
نوف : نور بالمطبخ تو شفتها تتعشى مع الخدم
الغلا : من يايبها ؟
نوف : اظن سعد
الغلا حطت لفتها على راسها وطلعت الحديقه .. انصدمت لما شافت خالد
واقف وبايده فاطمه نايمه .. خالد لما شافها ابتسم ( ماشاء الله وش هالزين
.. صدقت بنتي لما قالت مثل ماما .. صايره حلوه غلاي وانتي دوم حلوه )
الغلا بغت ترجع بس كسرت خاطرها بنتها وهي نايمه .. قربت وهي منزله
راسها ومدت ايدها علشان تاخذ فاطمه
خالد بصوت هادي : وش هالزين
الغلا صاده عنه وبجفاء : ما لبسته لك
خالد بهدوء يحاول يتقرب منها : قريتي على نفسك لا تجيكي عين
الغلا : دعيت ربي ان الله يفكني منك
خالد : وانا ادعي ربي ليل نهار انه يهديك ويرجع لك عقلك
توها الغلا بترد عليه بس شافت فهد ياي صوبهم
فهد : الحمد لله على سلامتك يا ام فاطمه
الغلا : الله يسلمك
فهد : ولا عليكي امر تبلغي نوف تجي السياره ادق عليها ما ترد
الغلا : هي بالغرفه تبدل لبنتها .. ان شاء الله الحين اقول لها
خذت الغلا بنتها من خالد وصعدت فوق ,, غيرت لبنتها ونومتها على
سريرها وانسدحت يمها ,, صورة خالد وكلامه ما راحت من بالها
( شسوي .. ليش يا عمي طلبت اني ارجع ؟ انا ماني طايقه اشوف
خالد عقب اللي صار ... ماني طايقه اشوفه ,,, )
.,.,.,.,.,.,.,.,.
مرت الايام .. والاسابيع .. والنفور زاد بين الغلا وخالد ,, الكل لاحظ
عليهم بس الغلا من كثر ماهي كارهه خالد ما اهتمت ...
شاف ابو عيسى خالد وحياته مع الغلا ونفورها منه .. حاول يقربهم من
بعض بس الغلا مو متقبله , من تشوفه تتذكر جاسيكا والوضع اللي كانوا
فيه وفقدان ولدها بسبب ما مرت فيه من مشاكل سببها الاول والاخير خالد
قرروا اهل البيت كلهم يروحون المزرعه
ابو عيسى يكلم زوجته : خلونا نطلع الساعه 10 الصبح
ام عيسى : وليه مبكر كذا ؟؟
ابو عيسى : قبل لا تحمى الشمس .. بروح اشوف امي وانتي خبري البنات
بالمزرعه ,,,,,,,,,,,
الغلا كانت دايما مع البنات وبنتها معاها او مع نور .. خالد يدق عليها
عالموبايل ما ترد عليه ,, يدز لها ماسيجات تمسحهم ,, حتى النوم
قررت تنام مع نوف وانوار
نوف : لي متى ياالغلا وانتوا على هالوضع
الغلا : لما افتك من اخوج
نوف : الغلا حرام عليكي .. خالد تعبان .. صدق انه ما تكلم لكن
مبين على وجهه
الغلا : اهو يايب لروحه التعب
نوف : خالد يحبك غلا
الغلا : وانا اكرهه
نوف : والحل
الغلا : يطلقني ويرتاح وارتاح انا
نوف : لا حول ولا قوة الا بالله .. الله يهديكم ,,,
روحي جيبي فرش لبنتك من غرفتكم قبل يجي خالد ,,,
من باجر الظهر وقت الغدا ... الغلا غدت بنتها ونومتها بغرفة الجده
وطلعت قعدت عند حمام السباحه .. قعدت وغطست ريولها بالماي
وسرحت بأفكارها .. ياتها انوار وجواهر
انوار : الغلا انتي هنا وحنا ندور عليكي
الغلا : هلا حياكم
انوار : ما تغديتي غلا
الغلا : مو مشتهيه
جواهر : اجيب لك شيبس وبيبسي
الغلا : لا يا قلبي مشكوره
انوار : وش رايكم نتسبح
جواهر : يلا
انوار : وانتي غلا
الغلا تبتسم : انا اولكم .. بس روحي شوفي البنات
انوار : نوف تنوم بنتها ودلال منسدحه بالصاله والباقي يطالعون فيلم
جواهر : يعني محد حولنا
الغلا : لحظه اقول لنور تدير بالها على فاطمه اذا قعدت من النوم ,,,
الغلا تمت ساعتين وهي بالماي .. انوار وجواهر يسولفون وهي مو حولهم
تفكر بمصيرها ومصير بنتها وحياتها مع خالد ...
طلعت جواهر ووراها انوار
الغلا : انطروني
راحوا كلهم غرفة انوار .. وانوار دخلت الحمام قبلهم
جواهر : يلا انوار بسرعه ملابسي مبلله لا يدخلني برد
الغلا : جواهر انا وراها بعدين انتي
الغلا استوعبت الكلمه اللي قالتها .. جواهر ما تدري بالمشكله اللي
بينها وبين خالد ,,,
الغلا : هههههههه سبحنا بحمام السباحه مع بعض قلت ناخذ
شاور مع بعض .. آآه قصدي بغرفة انوار يعني
جواهر : غلا روحي غرفتك شفايفك ترجف من البرد
الغلا قامت طلعت بره الغرفه علشان جواهر لا تحس بشي .. مو عشان
خالد لأ ,, علشانها وعلشان بنتها
دخلت الغرفه وحمدت ربها ان خالد مو موجود ,, فتحت الكبت وطلعت
لها تريننج وخذت روبها ودخلت الحمام .. خذت شاور بسرعه لأنها خافت
ان خالد ايي الغرفه .. طلعت ولبست ملابسها وقعدت تنشف شعرها من
الماي .. دخل خالد الغرفه وتفاجأ لما شافها .. هي شهقت لما شافته
بس ما عطته اهتمام ولا التفتت له ,,,
خالد : غلا !! .. اخيرا جيتي
الغلا سكرت الاستشوار وقامت بتطلع .. خالد مسك ايدها وجرها صوبه
الغلا : وخر عني
خالد يطالعها ولهان عليها : ...................................
الغلا : هد ايدي وخر عني
خالد : وان ما هديتك
الغلا : مو طيب منك غصبن عليك
خالد : خالد ما يمشي بالغصب
الغلا : والغلا راح تمشيه بالغصب
خالد يمسح على خدها وشفايفها : لا تتحديني
الغلا تدز ايده : انت شنو ما تحس .. ياخي مابيك .. مابيك ..
خالد ابرود : مو انتي تقرري انك ما تبيني .. انا الرجال وانا اللي اقرر
الغلا باستهزاء : ريال .. انت !!
خالد بهدوء : وغصبن عليكي
الغلا : اوكي يا اللي مو ريال ابعد باطلع
خالد عصب : وش قلتي عيدي
الغلا باستهزاء وعينها بعينه : قلت يا اللي مــــــو ريـــــــــال وخر عني
خالد يمسكها من حنجها ويضغط عليه : آخر انذار لك ان سمعتك قلتي
هالكلمه مره ثانيه يا ويلك
الغلا : فيه ويل ليلحين ما وريتني اياه !! ذقت بما فيه الكفايه ..
اذا انت ريال وفيك ذرة كرامه طلقني
خالد عصب مسك زندها ولزقها بالطوفه : رجال غصبن عليكي ..
لو ماني برجال ما عاشرتيني ولا جبتي مني بنتك
الغلا تألمت من مسكة ايده : حتى الحيوانات تييب وانت ما تفرق عنهم
خالد من غير شعور مد ايده وضربها كف ,,
خالد : سكت عنك واجد .. وتماديتي ,,
الغلا انصدمت وما توقعت خالد يمد ايده عليها : حيوان وبتظل حيوان
وحقير .. طلقني .. طلقني
خالد بغضب : بتشوفين وجه خالد الثاني .. وعشان تعرفين اني رجال ...
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.


انتي
طــــــــــالـــــق
.......................................

هل كنتم متوقعين طلاق خالد والغلا
اذا كنتم متوقعين فأنا لأ
هذا الجزء اتعبني والغلا وتفكيرها اتعبني
ردودكم وتفاعلكم مع الرواية يمسح التعب
دمتم بخير دوما
اختكم << غفران* >>

[لامارا]

الجزء الثاني والثلاثون من أيام من حياتي
*****************************
طلع خالد من الغرفه معصب .. نزل الدري يركض ,, شافته امه
كلمته ما رد عليها ,, ركب سيارته وطلع من المزرعه
خالد ( استغفر الله .. استغفر الله .. انا وش سويت ,, ليه كذا يالغلا ..
ليه استفزيتيني .. وش اللي سويته عشان تكرهيني كل هالكره .. ليه
تنظرين لي اني خاين وما استحقك .. قلتي تحبيني يا الغلا قلتي تحبيني
واللي يحب نفس حبك ما يكره .. وانا حبيتك .. حبيتك اكثر منك .. عوضتك
عن العذاب اللي عشتيه معي وتصافينا ,, بينا فاطمه يا الغلا .. فاطمه ,,
وش مصيرك يا بنتي .. آآآآه يا الغلا اذا انتي مرتاحه الحين فأنا اتعذب ..
اذا في بعدي راحتك في بعدك موتي ....... )
يومين والغلا قاعده معاهم جسد بس قلبها وتفكيرها مو معاها .. اكلها
خف ما تشتهي تاكل .. حابسه نفسها بالغرفة ودموعها دوم بعينها ..
خالد يدقون عليه جهازه مغلق ,, وقاموا يحاتون لأن طلع وما قالهم ..
سألوا الغلا عنه وما عرفت شترد عليهم .. حست خالتها ان فيه شي بينهم
.. سألتها ليش دايم بروحها وتبكي والغلا قالت لها صديقتي تعبانه ..
من باجر رجعوا من المزرعه وكانوا متأملين ان خالد يكون بالبيت بس
ما شافوه .. الغلا طول الليل وهي تبجي الم تحسه بقلبها .. الم اول مره
تحس فيه .. مصدومه ؟ حزينه ؟ مرتاحه ؟ ماتدري شنو احساسها بالضبط
اللي تعرفه بس انها افترقت عن خالد .. عن ابو بنتها .. عن حبيبها ,,,
الغلا : تعال اخذني
ناصر : الناس تسلم اول
الغلا من سمعت صوت اخوها زادت دموعها : تعال اخذني من هني
ناصر : غلا اشفيج تبجين شصاير ؟
الغلا : خالد طلقني
ناصر : شنو ؟!! ليش ؟؟ شصار بينكم
الغلا تشاهق : تعال اخذني ما اقدر اتحمل اقعد هني
ناصر : هدي بالج .. اشوف اقرب حجز وادق عليج
الغلا : اليوم تعال .. الحين
ناصر : ان شاء الله اذا لقيت اليوم حجز اييج
سكر ناصر من الغلا ودق على خالد لقى جهازه مغلق .. دز له ماسيج :
كلمني ضروري ,,,
الغلا نزلت وراحت المكتب عند عمها .. شافها واخترع .. ويهها تعبان
وعيونها مورمه من البجي ,,
بو عيسى بحنيه : غلا يا بنتي وش فيكي مريضه ؟
الغلا دمعت عينها وبصوت متقطع : خالد طلقني
ابو عيسى متفاجأ : ايش ؟!!! متى ؟؟
الغلا : من كنا بالمزرعه
ابو عيسى استغفر وقام وقعد يم الغلا : وش صار بينكم يا بنتي .. خالد
مستحيل يبعد عنك .. وكاد سوا كذا وهو غضبان ولدي وانا اعرفه
الغلا بصوت مبحوح : عمي انا دقيت على اخوي يمكن اليوم او باجر
ايي ياخذني
ابو عيسى : ومن قالك اطلعي من البيت !!
الغلا : محد .. بس خلاص مالي قعده
ابو عيسى : تقعدي في بيتك معززه انتي وبنتك
الغلا : وخالد ؟؟
ابو عيسى : يشوف له بيت يسكن فيه
الغلا : اعذرني عمي ما اقدر صعب علي عمي صعب
ابو عيسى : اقعدي لما يجي خالد وانتفاهم
الغلا تصيح : لأ عمي الله يخليك ما أقدر .. قلبي ما يتحمل خلاص ........
.............
ناصر قاعد بغرفته يجهز نفسه للسفر لقى طياره الساعه 4 العصر ..
رن موبايله .. ناصر : الو
خالد : السلام عليكم
ناصر : خالد ؟!!!
خالد : ناصر لازم اقعد معك في موضوع مهم لازم نتكلم فيه
ناصر : انت وينك ؟
خالد : انا راجع الحين من مكه ساعات واوصل
ناصر : خالد انا طيارتي الساعه 4 رايح لغلا
خالد : ناصر تكفى قبل لا تروح لازم اكلمك .. اذا وصلت دق لي وانا
اقول لك بأي مكان نتواعد
ناصر : خالد الغلا منهاره وتبي ترجع اليوم قبل باجر
خالد : هذا اللي ابغاك فيه .. ناصر اوعدني تكلمني اول ما توصل
ناصر : ان شاء الله .. واذا الموضوع فيه راحة اختي اكيد بكلمك
خالد : تسلم ياخوي
ناصر : اشوفك على خير ,,,,,
,,,
بالسعوديه ,,,
ناصر : متى ؟!!
خالد : بعد يومين من ما طلقتها
ناصر : شلون !! هي داقه علي امس وقالت خالد طلقني
خالد : ورجعتها .. ويحق لي ارجعها حتى بدون شورها
ناصر : وليش يا خالد
خالد : الغلا من مات ولدها وهي متغيره علي .. حتى يوم رجعت معنا
هي بمكان وانا بمكان .. قالت لي كلام ما تحملته وطلقتها وانا معصب ..
ولا تخاف سألت عن وضعنا وعرفوا اني طلقت وانا غضبان ,, ويحق لي
ارجعها قبل لا تنتهي عدتها
ناصر ارتاح من كلامه : والغلا تدري
خالد : هذا الموضوع اللي ابغي اكلمك فيه ,, ناصر صارت مشكله يوم
كنا بامريكا .. والحادث اللي صار لغلا وموت ولدها زاد الطين بله ..
الغلا من عقب اللي صار كرهتني .. وانا ما امدح نفسي واذا تبي احلف
لك اني بري والغلا ظالمتني .. من سافرت معك وانا لا شفتها ولا سمعت
صوتها وتحملت عشانها وعشان بنتي وما حبيت المشاكل تزيد بينا ..
ومن حبي لها صابر عليها
ناصر : بس الغلا ما تبي تقعد تبي تسافر وياي
خالد : خلها تسافر .. راحتها عندي بالدنيا
ناصر : تسافر وهي ما تدري انك رجعتها ؟!!
خالد : انا ما ابغاها تعرف .. هي قالت لأبوي راحتها في بعدها عني
ناصر : ولي متى ؟؟
خالد : متى ما سمعت انها مرتاحه وردت الغلا الأوليه
ناصر : وانت شحادك على جذيه ؟
خالد : حبي لها ولبنتي ,, تدري
ناصر : خير
خالد : اختك على كثر ما كرهتني ادري انها تحبني
ناصر يضحك : والله انتوا ما ينعرف لكم .. حياتكم مال نسويها فيلم ..
اكو اثنين يحبون بعض وينفصلون ,, صكيتوا على الهنود
خالد مبتسم : اختك جننتني خذت كل شي فيني قلبي وعقلي
ناصر يستهبل : يعني الحين انت مينون
خالد يضحك : حب اختك جنني
ناصر : الله يجمع شملكم قريب ان شاء الله
خالد : آمين .. يلا انا كلمت ابوي وقلت جاي ومعي ضيف
ناصر : ابوك يدري انك رجعت الغلا
خالد : لأ .. الحين بقول له .. ايه تذكرت متى بتسافر ؟
ناصر : ماكو الا باجر الصبح
خالد : دير بالك على مرتي
ناصر يضحك : لا تخاف بعيوني
خالد : ادري بس استهبل
ناصر : هههههههههههههههههه
خالد : ناصر دق على غلا وقول لها انك وصلت وبكره سفرتكم ,,,
,,,,
الساعه 11 طلع ناصر من بيت خالد
ابو عيسى : بات هنا يا ولدي وخلك من الفنادق
ناصر : مشكور عمي عساه عامر بس مابي الغلا تشوفني
ابو عيسى : يا بوك هي فوق وين بتشوفك
ناصر : عمي اختي واعرفها هههههههه
ابو عيسى : اللي تشوفه يبوك
ناصر يغمز لخالد : قوم شوف لي طريج اخاف الغلا الحين تطل من
الدريشه وتشوفني
خالد وابوه يضحكون
,,,,,,
ابو عيسى : كثر ما تضايقت على اللي صار كثر ما فرحت الحين ..
انا قايل مستحيل ولدي يسوي هالشي
خالد : شلونها يبه .. شفتها
ابو عيسى : جتني اليوم وكانت تبكي .. كسرت خاطري يابوك ,, وقالت
لي انك طلقتها وانها دقت لأخوها يجيها
خالد : الله يريح بالها ويهديها ..
ابو عيسى : ليه منت قايل لها انك رجعتها
خالد : ابغاها تحس وتجرب تعيش من غير بنتها
ابو عيسى : بتاخذ البنت منها ؟!!!
خالد : لا يبه بخليها فتره بعدين اجيبها هنا تزور كم يوم .. وابغاها
تجرب شلون تعيش وبنتها بعيد عنها
ابو عيسى : ولمتى ؟
خالد : مادري يبا .. خلها تبعد وتعيد حساباتها وتعترف انها كانت على خطأ .. يبه حد درى اني طلقتها غيرك
ابو عيسى : ما ضني .. من رجعنا وهي بغرفتها وما كلمت احد
خالد : يبه انا بنام هنا واذا جت الغلا بتطلع بكره ما ابغاها تشوفني ..
ما اتحمل اشوفها بهالحاله .. جيبوا لي بنتي اسلم عليها قبل تسافر ,,
,,,,,
سافرت الغلا وما تدري انها ليلحين زوجة خالد مو طليقته .. ردت
بقلب جريح ونفس مكسوره .. اهلها دروا انها انفصلت واللي تأثرت
اكثر وحده امها .. كانت شايله همها وهم بنتها اللي بتعيش مشتته بين
امها وابوها ,, ناصر من شاف امه وحزنها على الغلا صارحها وقال
لها ان الغلا ليلحين زوجة خالد وهو مخليها هني فترة ترتاح .. ام حمد
وعيالها بس هم اللي عرفوا سالفة الغلا ,, وامنتهم ان الموضوع لا
يطلع لأحد احتراما لتوصيات خالد ,,,
خالد : يعني الكل درى
ناصر : لا لاتخاف خواتي بس واخوي .. خالد مو معقوله يشوفون
الغلا بهالحزن وما يتحجون .. وانا من شفت امي حزنانه عليها وانا
قلبي يعورني
خالد : اهم شي الغلا لا تعرف
ناصر : لا تخاف انا موصي امي ان الكلام لا يطلع وانهم يعاملون الغلا عادي
خالد : شلونها
ناصر : بسم الله هذا تونا ما صار لنا اسبوع
خالد : يجيك يوم
ناصر : ههههههههههههه عندك
خالد : ههههههههههه خذ نفس الغلا مع اني اشك تلقى نفسها
ناصر : يمكن الاقي احسن منها
خالد : ماراح تلقى نفس حبيبتي وملكة حياتي
ناصر : بس توني صغير شهالكلام لا تخربني
خالد : هههههههههه اوكي مع السلامه يا صغير
الغلا طلاقها وبعدها عن خالد غيرها .. الكل توقع انها تعزل نفسها وتعيش
مأساة طلاقها ,, وبعد شهر من محاولات امها واخوانها انها تطلع من
الحزن اللي معيشه نفسها فيه وتعيش حياتها هي وبنتها ,, قررت انها تتغير
وتدوس على قلبها ,, واول قراراتها ....
الغلا : شقلت حمد
حمد : كيفج هذا مستقبلج وانتي جامعيه واي مكان تقدمين بيقبلونج
الغلا : مادري وين اقدم محتاره
حمد : مو فبالج مكان معين ؟
الغلا : اممممم مادري ودي في بنك بس متردده
حمد : ليش ؟
الغلا : ما اقدر اخلي بنتي من الصبح لي قريب العصر
حمد : وحتى شركات لأ لأنه حتى هم يطلعون متأخر .. شرايج بالتربية
الغلا : هذا اللي افكر فيه بس اتهقى يقبلوني
حمد : نقدم اوراقج ونشوف
الغلا : متى ؟
حمد : اوراقج جاهزه ؟
الغلا : الحين اعطيك اياهم
,,,,,,,,,
بالشهر اللي الغلا ردت فيه من السعوديه ما زارت احد ولا كلمت احد ..
لا أهل خالد ولا صديقاتها .. كانت تدمع عينها لما بنتها تييب طاري ابوها
واللي استغربة له الغلا ان خالد بهالشهر ما يا الكويت ولا شاف بنته ...
الغلا ( ليش ما تبي تروح عن بالي .. خلاص ابعد .. تعبتني وهديت حيلي ..
حتى وانت بعيد عني .. قريب !!! .. بأفكاري .. بحياتي .. بأحلامي ..
فقدتك ؟؟!!
لأ ..
ليش يا الغلا تكابرين ... قولي الصج ...
فقدتيه ..؟
ايه فقدته ...
فقدت خالد الحبيب .. خالد اللي الغلا كل عيونه وحياته وقلبه ..
كله منها .. هي السبب .. بعدتني عن حبيبي ...
حبيبي ؟؟!!!
حبيبي والا اللي كان حبيبي ؟؟
حبيبي وحبيبي وحبيبي ...
ولأنه حبيبي دوم في بالي ما نسيته لحظه ...
بكل وقت وياي بصحوي وبمنامي .. يكلمني واكلمه .. امشي ايدي بايده ..
اشوف الناس كلها اهو ...
الحين وينه ؟؟؟
ركضت بكل مكان ما لقيته .. قال لي دوريني تلقيني !!
وينك حبيبي تعبت وانا ادور عليك
يعني ما استاهل تعبك ؟
تستاهل عيوني
اجل لا تقولين تعبت .. دوريني .. انا قريب منك ... لا تطالعين حولك
طالعي داخلك تلقيني
انت بقلبي انا ادري ... حبيبي قلبي مجروح ومحد يداويه غيرك ...
مجروحه ...
مجروحه وابي من يطيب جروحي ...
انت ذباحي انت طبيبي ...
انت ...
انت ... )
من بعد الشهر اول اتصال للغلا كان لنوف ,, ونوف بس سمعت صوتها
قامت تصيح وكلامهم لبعض ما يفهمونه من كثر بجيهم .. نوف ما فتحت
موضوع خالد .. والغلا ماسألتها عنه ولا يابت طاريه ,,, كلمت عمها
وخالتها والجده فاطمه وانوار وخالتها لما سمعت صوتها بجت وانوار
دعت لها ان الله يجمعها مع خالد مرة ثانية ,,, كلمت ميمي واميره ..
وقالت لهم انها انفصلت عن خالد واللي تأثرت بانفصالها اميره .. زاروها
صديقتها لما كلمتهم .. واميره تمت معاها لي الليل وكل وحده تصبر الثانيه
,.,.,.,.,.,
ناصر : هلا خالد
خالد : هلا بك .. ناصر انا هنا وابغي اشوفك
ناصر : حياك تعال البيت
خالد : لأ خلني بعيد عن البيت .. نتقابل بره احسن
ناصر : اييب فاطمه معاي ؟
خالد : وشرايك يعني !! اكيد جيبها صار لي فوق الشهر ما شفتها
ناصر : ابشر .. متى اقابلك ؟
خالد : ورا المغرب
ناصر قال لغلا ان خالد بيشوف بنته .. الغلا من سمعت خالد زادت
دقات قلبها وقامت عن اخوها تداري دمع عينها .. لبست بنتها ووصت
نور عليها ,,,,,
,,,,,,,,
الغلا : شنو هذا ؟
ناصر : شنو بعد فلوس
الغلا : ادري فلوس ليش معطيني اياهم
ناصر : مو مني من خالد
الغلا احذفتهم عليه : مابي منه شي
ناصر : انتي ما تبين بنتج تبي .. وهذا مصروفها عن الشهر
اللي طاف وهالشهر ..
فطامي : ماما توفي
الغلا : الله حلوه .. منو شرالج
فطامي : هادي الوثه
الغلا تشيل بنتها وتبوسها : وااااي ياحلاة العروسه وام العروسه
نور : Come Fitami change
فطامي : No الأب ألوثه
الغلا : روحي لبسي بجامه وسوي برش بعدين لعبي مع عروسه
الغلا تكلم نور : What she eat ?
نور : potata and chicken
الغلا : يلا فطامي روحي الحمام
فطامي : ماما الوثه همام بلش
الغلا تبتسم : اول فطامي حمام برش بعدين عروسه ,,,
,,,,,,,,,,,,,,,,,,,,,,,,,
حمد : هلا غلا شلونج وشلون فطامي
الغلا : الحمد لله بخير انت شلونك وشلون العيال وامهم
حمد : كلنا بخير الله يسلمج
الغلا : من زمان ما شفناكم
حمد : تونا الخميس عندكم ... اقول عندي لج خبر حلو
الغلا : خير
حمد : اقبلوج في ديوان الخدمه
الغلا : وين هذا ؟
حمد : بالديره
الغلا : شلون دوامهم زين
حمد : دوامهم الصبح من 8 الى 2 الظهر .. اييج باجر نمرهم
ونشوف طلباتهم
الغلا : اوكي مشكور حمد ما قصرت تعبتك معاي
حمد : تستاهلين .. يلا سلمي
الغلا : تسلم من كل شر
,,,,,,,,
ميمي : صج .. احلى خبر
الغلا : الهي نفسي شوي واطلع من خنقة البيت
ميمي : زين تسوين .. ليش ما ييتي عندي والله دوامنا حلو
الغلا : اذا ما عجبني انتقلت عندكم
ميمي : يا ليت علشان نفلها عدل
الغلا : قاعده بشاليه ويا ويهج مو دوام .. هيييي لا تخربيني انا موظفه
مجتهده
ميمي : ههههههههه عدال يا مجتهده لا يطيح منج شي
الغلا : ههههههههه يلا مع السلامه بدق على اميره بقول لها
,,,,,,,,,
خالد تضايق لما قال له ناصر ان الغلا بتشتغل
خالد : ناصر انا ماراح اخلي عليها قاصر أي مبلغ تطلبه تحت امرها
بس تطلع من الشغل
ناصر : خالد الغلا الحمد لله عندها ومو محتاجه بس هي طلبت تشتغل
علشان تضيع وقتها بس
خالد : تضيع وقتها بمكان فيه شباب !!
ناصر : خالد انت مو واثق فيها !!
خالد : انا واثق فيها واعرفها زين .. بس ما ابغي احد يقط عليها كلمه
تجرحها ولا يتحرش فيها
ناصر : لا تخاف عليها الغلا قويه وموكل احد تعطيه ويه
خالد تنهد : من حط هالفكرة في بالها ؟
ناصر : هي اللي قالت لأخوي وهو مشى اوراقها ,, خالد لا تحاتي
اذا شفت الغلا متضايقه ولا حابه المكان انا اللي بطلعها
,,,,,,,,
ام حمد : ما تقدرين تمنعينه يما
الغلا تبجي : لا يما ما ياخذ بنتي مني .. ما راح يرجعها وبيحرق قلبي
ناصر : من قال ما راح يرجعها
ام حمد : يما مثل ماهي بنتج هي بنتهم بعد ومشتاقين لها
ناصر : كلها جم يوم ويردها
الغلا تبجي : ومتى بياخذها
ناصر : باجر الصبح يوصل والعصر ياخذها هي ونور ويروح
الغلا : باجر ماني مداومه
ناصر : هذا اولها غياب
الغلا : شلون اداوم وبنتي بتسافر !!
ام حمد : بنتج بتسافر العصر
الغلا : ولو.. دوامي مو اهم من بنتي ,,,
من سافرت فطامي والغلا ما نشفت دموعها .. بعد بنتها عنها احزنها
ومستحيل تدق على خالد تسأل عنها ,, دقت على نوف وما شالته ودقت
على انوار وما شالته .. الساعه 9 بالليل دقت على ناصر
ناصر : هلا غلا
الغلا : وينك ؟
ناصر : قاعد مع الربع ..
الغلا : متى بتيي ؟
ناصر : تبين شي ؟
الغلا : خالد دق عليك ؟
ناصر مبتسم : لأ
الغلا خنقتها العبره : ناصر ادق على حمواتي وما يردون ,, دق عليه
اسأل عن بنتي
ناصر ( والله صاج ياخالد محد يلين راس الغلا الا بعدها عن بنتها ) :
غلا الوقت متأخر باجر ادق
الغلا تبجي : وانا شيصبرني لي باجر ,, ناصر عفيه ابي اسمع
صوت بنتي .. الله يخليك
ناصر تعاطف معاها : انزين شوي وادق عليج
سكرت الغلا ونزلت تحت عند امها ,,
ام حمد : اشفيج !!
الغلا : ولهت على بنتي يما
ام حمد : هذا توها صار لها جم ساعه من طالعه منج .. شبتسوين
طول هالاسبوع ؟
الغلا : .....................................
ام حمد : دقيتي كلمتي بنتج
الغلا : دقيت على حمواتي ما يردون
ام حمد : وخالد ؟
الغلا : مادقيت ولا راح ادق
ام حمد : مو من مصلحتج ,, انتي منتى داقه تسولفين وياه ..
داقه تسألين عن بنتج
الغلا : يما عفيه دقي على خالتي بالبيت يمكن يردون ابي اكلم بنتي
ام حمد عورها قلبها على بنتها ,, دقت على البيت ومن حسن حظ
خالد وسوء حظ الغلا ان خالد هو اللي رد على التليفون
ام حمد : يا هلا ومرحبا شلونك يا ولدي
خالد : بخير الله يسلمك .. شلونك وشلون العيال
ام حمد : بخير ... شلون فاطمه الصغيره
خالد : الحمد لله طيبه وهاذي هي جنبي
ام حمد : ما عليك امر ياولدي غلا بتكلمها
خالد من سمع اسم الغلا ابتسم اخذ التليفون وراح الصاله مع بنته
وحط سبيكر واشر لبنته تتكلم
فطامي شافت ابوها يأشر لها ضحكت : بابا
الغلا تبجي : فطامي حبيبتي
فطامي تفاجأت : ماما ؟!!
الغلا : يا عيون وقلب وروح ماما
فطامي : وينت ماما تأاااليييي
الغلا بصوت متغير : شلونج ماما
فطامي تطالع ابوها : ابي ماما
الغلا : حتى انا ابيج يا قلب ماما .. شنو كلت فطامي حبيبة ماما
خالد ( وحبيبتي .. آه يا الغلا ليتك تحسين )
فطامي : ايت وديايه واااااايد ودكوت
الغلا : بالعافيه حبيبة قلبي .. شربتي حليبه ؟
فطامي : لوح الآااب كبيييييله
الغلا : الله رحتي الالعاب .. شنو لعبتي
فطامي : الآاب
الغلا من بين دموعها : ههههههههههه
خالد ( تسلم الضحكه وراعيتها )
الغلا : فتوشه حبيبتي قولي حق نور بجامه فطامي وبرش
فطامي : نام لولووا
الغلا : حبيبتي فيج النوم الحين
فطامي : لولووا ماما
الغلا ما تحملت كلمة بنتها لمت السماعه وبجت بصوت .. سمعتها
بنتها وبجت معاها ,, سكر خالد السماعه وتأثر من بجي الغلا وشال بنته
خالد : بس حبيبتي لا تبكي
فطامي : ابي ماما
خالد : حتى انا ابي ماما
فطامي حطت راسها على جتف ابوها وتصيح وخالد يمسح على راسها
خالد : تبغي حلاوه ؟
فطامي : ماما ابيتي
طلع فيها خالد الحديقة وقعدها بالديرفه يلعبها بعد ربع ساعه انعست ..
شالها خالد وعطاها نور تغير لها
نور : Sir , I put Fitami in here room or madam room
خالد ( متى تنورين رومج يا الغلا ) : In our room
خالد عينه جفاها النوم يطالع بنته نايمه يمه واتمنى امها تكون مكانها ..
حتى الغلا جفاها النوم لمت مخدة بنتها والدموع ماليه عينها ( يا ترى
وين فيه نايمه الحين ؟ بروحها والا مع ابوها ؟ والا عند خالتي ؟
نظفت اسنانها ؟ لبست بجامه ؟ شكلت قبل لا تنام ؟ شالت الشباصه
والا نور شالتها عنها ؟ آآآه يا بنتي الله يصبرني على بعدك ) ,,,
,,,
مر الاسبوع سريع على خالد لكنه بطيء ومؤلم على الغلا .. وبهالاسبوع
كل مكالمات الغلا لبنتها ما سمعت فيهم صوت خالد كلمتها خالتها وانوار
والجده فاطمه .. والغلا كلمت دلال ونوف ,,,
اليوم وصول فطامي ,, والغلا كانت بالدوام .. خالد وصل بيت الغلا
الساعه وحده الظهر ,, ناصر ما كان موجود وقعد خالد مع ام حمد
بالصاله وفاطمه معاهم .. بعد نص ساعه دخلت الغلا ...
الغلا : السلا .... ما كملت سلامها شافة بنتها صرخت وطاحت جنطتها
الغلا : وااااااااااي فطامي حبيبتي ..
الغلا راحت لمت بنتها حيل وما بقى مكان ما باستها فيه : شلونج ماما
البيت من دونج مو حلو ولا ماما من غير فتوشه مو حلوه .. واااااااي
اشوف بنتي حبيبتي صارت كبيره ... بوسه ماما
فطامي تبوس امها على خدها
الغلا : ابي بوسه كبيييييييره
فطامي لمت امها وباستها على خدها
خالد يطالعها مبتسم ووده يحضنها ويبوسها نفس بنته
الغلا : يا حلو هالبوسه وهالسعابيل عساني ما انحرم منهم
الغلا : يما متى يات ؟
ام حمد : صار لها نص ساعه
الغلا : وليش ما قلتيلي
ام حمد : اقول لج علشان تسرعين ويصير لج شي
دق موبايل الغلا
الغلا : نصووووور بنتي ردت
ناصر يدري خالد قال له : زين قرت عينج
الغلا تبوس بنتها : بويه نبيك .. هاج فطامي قولي الو نصوري
فطامي : نتولي ابيبي
ناصر : هلا فتوشه شلونج
فطامي : لوح دعميه
خالد ضحك على كلمة بنته .. وهني الغلا استوعبت ان خالد موجود ,,
وكانت معطيته ظهرها لا شافها ولا شافته .. شالت بنتها وصعدت غرفتها
ام حمد : ميخالف يا ولدي لا تزعل
خالد : لا عمه ما نيب زعلان
ام حمد : غداك عندنا اليوم ولا تقول لأ
خالد يبتسم : عساه دايم
ام حمد : عن اذنك شوي
خالد : عمه اترجاكي لا تكلمينها خليها على راحتها
ام حمد : لا يما ما يصير جذيه .. حتى السلام ما سلمت .. كفايه انك
مخليها على راحتها وابسط حقوقك معاها حارم نفسك منها
خالد : عمه انا راضي وراحتها عندي بالدنيا .. انا ابغاها هي اللي توله
وتحس وتشتاق .. تفكر وتعيد حساباتها ,,,
على الغدا ناصر وامه وخالد وفطامي بس.. خالد داري ان الغلا ما راح
تنزل ,, كان مشتاق لشوفتها والكلام معاها بس صبر نفسه والايام
كفيله انها تردهم لبعض ,,,
مرت الايام وخالد زادت زياراته للكويت بحجة شوفة فاطمه .. وفي
يوم من الايام الغلا كانت نازله تحت وماتدري ان خالد موجود
خالد : اظن من حقي يا عمه
ام حمد : من حقك يا ولدي والله يهنيك
خالد : كنت مفكر انك راح تزعلي علي عمه
ام حمد : ليش ازعل عليك يا ولدي هاذي حياتك والواحد ما يقدر يعيش
من غير مره .. الله يهنيك يا ولدي ويرزقك بالذريه الصالحه
الغلا وقفت مكانها مصدومه ودموعها تسيل على خدها ,,
,
,
,
شلون بتصير حياة الغلا بعد ما فكر خالد بالزواج
تابعوني بالجزء الثالث والثلاثون والأخير من حياة خالد والغلا
ردودكم تسعدني
دمتم بخير
اختكم ( غفران*)

[لامارا]

الجزء الأخير
*************

صعدت غرفتها وقعدت تبجي ( بيتزوج ؟!! لأ لأ اكيد يجذب .. خالد يحبني
ادري انه يحبني وما يفكر بغيري .. منو بياخذ ؟!! جواهر ؟!!! لا لا
مستحيل اهو قال لي جواهر نفس اختي .. وبنتي ؟!! بنتي بتعيش مع
مرة ابو .. لأ .. لأ .. مستحيل مستحيل .. بنتي ما تقعد مع غيري.. لأ . لأ )
الغلا نفسيتها تعبت من بعد ما سمعت الكلام اللي دار بين امها وخالد .. امها
لاحظتها انها متضايقه واكلها قل واغلب الوقت بغرفتها ... تييها اتصالات
وايد بس ما ترد الا على ميمي واميره .. حتى مكالمات السعوديه ما ترد
عليها ... الغلا بغرفتها تبدل بنتها بتوديها الألعاب ...
ام حمد : خالتج توها داقه
الغلا : خالتي موزه ؟ شنو بييون ؟
ام حمد : لا خالتج ام عيسى
الغلا : خالتي !! خير
ام حمد : تقول يدقون عليج ما تردين .. داقه تقول لي ان بنتها ولدت
الغلا تفاجأت : نوف ولدت ؟؟ حبيبتي شيابت
ام حمد : يابت ولد
الغلا : بعد عمري
ام حمد : الفال لج ان شاء الله
الغلا : عندي بنتي بالدنيا ومابي غيرها
ام حمد : الله يصلح الأحوال
طلعت ام حمد والغلا اخذت موبايلها ودقت على نوف
نوف : زين رديتي
الغلا : الحمد لله عالسلامه حبيبتي
نوف : الله يسلمك .. وينك غلا تعبت وانا ادق وما تردين
الغلا دمعت عينها وتذكرت حملها اللي طاح
نوف : غلا ما سألتيني وش جبت
الغلا : ولد .. مبروك ما ياج حبيبتي الله يجعله من الذرية الصالحه
نوف : تسلمين يا قلبي .. ما سألتي وش سميناه
الغلا : اكيد على عمج صح
نوف : لأ .. فهد سماه خالد
الغلا غمضت عيونها وبصوت فيه العبره : عاشت الأسامي والله يخليه لكم
نوف : ماراح تجين تشوفينه
الغلا : ها
نوف : مشتاقين لك واجد يا الغلا .. اذا كنتي خايفه لا يشوفك خالد
هو بكره مسافر دبي لشغل .. ها وش قلتي ؟
الغلا : اشوف نوف
نوف : يعني ما استاهل
الغلا : تستاهلين كل خير انتي اختي اللي ما يابتها امي
نوف : خلاص اشوفك قريب
الغلا : ان شاء الله ,,,
بعد يومين سافرت الغلا ومعاها امها وبنتها .. نوف كانت عند امها ..
الغلا زادت دقات قلبها لما شافت البيت اللي عاشت فيه فرحها والمها ..
ام عيسى والجده رحبت فيهم ونوف دموعها سبقت سلامها للغلا
نوف : نورتي بيتك حبيبتي
الغلا بقصه : منور فيكم .. بعدين هو مو بيتي
نوف : بيتك وانتي سيدة القصر
الغلا تبتسم : ما فيه سيدة القصر الا فاتن حمامه
نوف : هههههههه شلونك حبيبتي بشريني عنك
الغلا : الحمد لله عايشه .. صرت موظفه
نوف جنها ما تدري : صدق .. وشلون الشغل
الغلا : حلو .. حلو الواحد يستقل بنفسه ويحس ان له قيمه
نوف : ولمتى غلا ؟
الغلا : شنو لمتي ؟
نوف : لي متى حياتكم كذا انتي وخالد
الغلا : ما فيه الحين انا واخوج هو بطريج وانا بطريج
نوف : بس
الغلا : لا بس ولا شي انا ما ييت علشان نتكلم عن اخوج .. يلا
ما شفت ولي العهد
نوف : من ولي العهد
الغلا : ولدج
نوف : وش اسمه ولدي
الغلا فهمت عليها : خالد ولا تهقين اني مابي انطق هالاسم ,,,
رجعت الغلا من السعوديه وباليومين اللي قعدتهم ما شافت خالد ..
ولا سألت نوف اذا كان خالد قرر يتزوج والا لأ .. ولا صعدت جناحها
وشافته .. من طلعت منهم زاد همها وتفكيرها بخالد .. وعت من تفكيرها
على رنة موبايلها ,,,
الغلا : هلا بأميره حبي انا
اميره : فرحانه فرحانه فرحانه
الغلا : انا قايله انج خبله وعمرج ما رديتي السلام .. ان ما سلمتي
نفس الأوادم بصك التليفون بويهج
اميره : ههههههه هلا بأحلى غلا بالدنيا
الغلا : ان شاء الله دوم هالضحكه
اميره : غلوي عندي لج خبر حلو
الغلا : خير بشريني
اميره : فيصل رجع لي
الغلا بصرخة فرحه : وااااااو احلى خبر * دمعت عينها*
اميره : رجع لي فيصل اللي احبه وزياده
الغلا : الله يهنيج يا رب .. يلا سولفي لي شلون كان اللقاء بعد الفراق
اميره تضحك : حلو اللقاء بعد الفراق .. غلا نفس ما توقعتي ,, تركني
علشان لا يعذبني .. راح سافر تعالج ورجع لي
الغلا : كنت ادري انه يحبج ويموت عليج والحمد لله صبرتي عليه
وهالشي كبرج في عينه
اميره : الله لا يفرقنا انا وياه
الغلا : آمين والله يتمم عليكم سعادتكم ويفرحكم ابزارين تترسون البيت فيهم
اميره : بزارين شنو ؟
الغلا : يعني ورعان
اميره : انا خنعرف الأولى علشان اعرف الثانيه
الغلا : بزارين نفس ورعان نفس يهال .. فهمتي
اميره : هههههههه فهمت .. الله يسمع منج ,, ووعد مني اول ما تييني
بنت اسميها الغلا
الغلا : الله يرزقج حبيبتي
اميره : ويردج يا غلا لخالد نفس ما رديت لفيصل
الغلا بقصه : مستحيل اميره عقب ما سمعت اللي سمعته
اميره : وانتي شدراج ؟ يمكن ما تزوج ليلحين .. ما سألتي حماتج ؟
الغلا : ما سألتها ولا راح اسأل احد
اميره : لي متى غلا ؟
الغلا : ..................................
اميره : صدقيني اذا كان فيصل يحبني الف خالد يحبج مليون
الغلا تبجي
اميره : غلوي لا تضيقين خلقي .. ما احب اشوفج متضايقه وزعلانه ..
ادعي حبيبتي الله يجمعج وياه قريب
الغلا : الله كريم
اميره : يلا عاد ضحكي مابي اسكر وانتي تبجين
الغلا تمسح دموعها : هههههه
اميره : ايه جذيه عساها دوم .. يلا سلمي على خالتي وبوسي لي فطومه
الغلا : اميره متى بتردين لفيصل ؟
اميره : امس يا بيتنا وكلم امي .. وقعدت تكلمت وياه وباجر
ان شاء الله نملج
الغلا : خلاص نييج باجر انا وميمي ما راح ياخذج من غير حفله
اميره : من صجج !! امي تقول يملج وياخذج ,, لأنه بنسافر على طول
الغلا : ما عليج انا اكلم خالتي .. وخلي كل شي علي ,, ايه نسيت
عندج بدله حق باجر ؟
اميره : عندي بدلتين ما لبستهم
الغلا : شنو الوانهم
اميره : وحده زرقه والثانيه وردي فاتح
الغلا : لبسي الورديه وانا باجر من العصر بييج
اميره : الله يخليج لي غلوي ولا يحرمني منج
الغلا : ويخليج لفيصل .. يلا سكري وانا بدق على امج وبكلمها الحين ,,
,,,,,,,,,,,
رجعت الغلا وامها وبنتها من بيت ام اميره الحفله على بساطتها
كانت حلوه ومرتبه .. والاهم من هذا كله الفرحه اللي بعين اميره
والابتسامه اللي ما فارقتها ,,,
الغلا : Noor take Fitami up
ناصر : من وين يايين ؟؟
ام حمد : من ملجه
ناصر : ملجة منو ؟
الغلا باستهبال : ملجتك
ناصر باستهبال : وشرايج فيني بالملجه وبرزتي
الغلا : هههههههه تهبل حتى احلى من العروس
ام حمد تضحك : الحمد لله والشكر
الغلا : بس فشلتنا الله يهداك بغيت تكب العصير على العروس
ناصر : ايه يا حلوها حتى قالت لي دير بالك حبيبي
الغلا : ههههههههههههه يحليلك عايش الدور
ام حمد : يلا انوي ونخطب لك
ناصر : شدراج يما ان انا ناوي
ام حمد : صج .. ومتى نويت ؟
ناصر : هالايام .. يلا دوروا لي
الغلا : نصوري حريمكم انت وعليوي عندي
ام حمد : منو ؟
الغلا : عاليه وغاليه يما
ام حمد : اللي امهم لبنانيه
ناصر فاج عيونه : امهم لبنانيه عيل اكيد شقران
الغلا تقلد اخوها : اكيد شقران .. مالت عليك زين ,, مو شقران
جلحان ملحان ومصدين
ناصر : ههههههههه انا اخطبي لي الحلوه والثانيه عطوها عليوي
ام حمد تضحك : اذا الله كاتبهم لكم دير بالك لا تغلطون انت وعلي فيهم
ناصر : ليش يما !!
الغلا : لأنهم تواءم ويتشابهون
ناصر : صج .. هههههه وناسه
الغلا : نصوري بخطب لك عاليه وعليوي غاليه
ناصر : لأ خلي ام نقطه لي
الغلا مبتسمه : شنو ام نقطه ؟!!
ناصر : اللي في اسمها نقطه لي
الغلا : كلهم باساميهم نقط ههههههههه
ناصر : قصدي اول حرف .. خلي غاليه لي وعاليه حق علي كلهم حرف ع
ام حمد : ناصر من صجك اتكلم
ناصر : ايه يما ليش ؟
ام حمد : حسبالي اتغشمر .. انت وعلي غشمرتكم اكثر من صجكم ..
ولا عاد علي
ناصر : لا صج اكلمج يما اذا تعرفونهم وبنات حلال ومتربين نتوكل
على الله
الغلا : خلاص يما دقي على خالتي كلميها واتفقوا ...
بعد 3 اسابيع وتحديدا يوم الخميس ناصر وعلي يتهاوشون من
يدخل اول
الغلا : الحمد لله والشكر شهالخبال انت وياه بس فضحتونا
علي : غلوي قولي حق هالتبن اخوج انا ادخل اول
ناصر : الملجه فبيتنا يعني انا ادخل اول
على : العن ام النذاله
الغلا : ههههههههه سمعوا يا الميانين انت وياه
علي : هييي احترمينا تونا مالجين
الغلا : الله يعين عاليه على خبالك
علي سوى نفسه دايخ ومسك ناصر
ناصر : اشفيك
علي : سمعت اسمها ودخت
الغلا : هههههههههه عيل لو تشوفها شبيصير فيك .. اقول اثقل
ناصر : يلا غلا الساعه 10 ما صارت
الغلا : ناصر حبيبي عليوي اكبر منك خله يدخل اول يلبسها دبلتها
ويتوكل على الله
علي يقرب يم الغلا ويبوس خدها : ايه هذا الكلام العدل .. هديتج
تذكره كويت الافينيوز كويت
الغلا : هههههههههه خل تذكرتك لك وشوي شوي لا تهبل بالبنت
تراها خجوله وتستحي .. ايه صج بأي مطعم حجزت عقب الحفله ؟
علي : مطعم هندي جباتي وسمبوسه
ناصر : ههههههههههههههههههههاي
الغلا : انا حماره اني سألتك
علي : اول مره اشوف وحده تعترف على نفسها
الغلا قرصته : تدري عاد عناد عليك ناصر بيدخل اول
علي : لا مو بكيفه
الغلا : علشان تعرف تقضب لسانك
الغلا دقت على ساره : سارون خلي عاليه تدخل الغرفه بنزف
ناصر الحين
علي انقهر وناصر يضحك عليه : خل لقافتك تنفعك
علي : يا علك اتكرفس وانت نازل
ناصر : خخخخخخخخخخخخ
الغلا : اسم الله عليه
علي يسوي نفسه يبجي : نصبر شنسوي .. فبيتهم وذالينا
الغلا تطبطب على جتفه : بس بابا حبيبي اصبر كلها 3 ساعات ونييك
علي بصوت عالي : 3 ساعات لاااااااااااااااااااا
الغلا : بس اوص فضحتنا الله يغربل بليسك .. ناصر امش انزل
خله مع خباله
علي : اشوف فيكم يوم
الغلا : قد هالكلمه
علي يستهبل : هع هع هع يا بعد عمري يا اختي من الحليبه .. اتغشمر
الغلا : ههههههههههه الحمد لله والشكر
فرحه عمت البيت كله .. الغلا هي اللي كانت بالصوره لأنها هي اللي
رتبت الحفله .. حضور خالتها وحمواتها اسعدها وعرفت انها صج
غاليه عليهم حيل .. محد فتح معاها موضوع خالد بتوصيات منه طبعا ..
نزلت دموعها لكن هالمره دموع فرح لما شافت توأمها ايده بايد مرته ,,,
بعد شهر ,,,
ام حمد : ما شاء الله مبروك وعسى الله يتمم عليها بخير
ام عيسى : انا داقه اعزمك على ملكتها تعالي انتي واللي يعز عليكي
ام حمد : مشكورة يا ام عيسى ما قصرتي .. ومتى ملجتها ؟
ام عيسى : يوم الخميس
ام حمد : الخميس هذا ؟
ام عيسى : ايه بعد 5 أيام .. ان شاء الله نشوفكم يا ام حمد
ام حمد : ان شاء الله واول الحاضرين انا والغلا
ام عيسى : حياكم بتنورونا ,,,
على الغدا ,,,
ام حمد : الغلا خالتج ام عيسى داقة تعزمنا
ناصر : شعندهم يما
ام حمد : ملجه
الغلا طاحت الشوكه من ايدها وشهقت
ام حمد : اسم الله عليج اشفيج
الغلا بصوت هادي : ملجة منو يما ؟؟
ام حمد : ملجة انوار
الغلا : انوار ؟؟!!!!!
ناصر : وشفيج جذيه مبطله عيونج
الغلا مبتسمه : لأ ماكو شي بس تفاجأت .. انوار توها صغيرة
ناصر : ليش جم عمرها ؟
الغلا : اعتقد 20 سنه
ام حمد : حنا متزوجين اصغر منها
الغلا : اول غير والحين غير
ناصر : بتروحون يما ؟
ام حمد : ايه يما فشله المره داقه وعازمتنا
ناصر : وانتي غلا
ام حمد : هي اول وحده تركب الطياره
الغلا ساكته وتلعب بالشوكه
ناصر : متى بتسافرون يما ؟
ام حمد : ملجتهم يوم الخميس
ناصر : بتروحون الخميس والا قبلها بيوم
ام حمد : شرايج الغلا نروح الاربعا والا الخميس ؟
الغلا : مادري
ام حمد : اشفيج جنج مو مهتمه
الغلا بألم : بصفتي شنو اروح يما
ام حمد : مرت ولدهم وهاذي ملجة حماتج
الغلا بصوت عالي : كنت مرت ولدهم
ناصر : هدي غلا .. روحي بصفتج ام بنتهم وهاذي ملجة عمتها
الغلا قامت وحابسه دموعها بعيونها ,,,
ام حمد : لي متى مع اختك يا ناصر ؟؟
ناصر : الله كريم يما .. الله يجمع شملهم قريب
ام حمد : اذا ما راحت انا اللي بافتشل
ناصر : ومن قالج انها مهي رايحه ؟!! بتروح ما عليج منها
من باجر الصبح الساعه 9 ونص نزلت الغلا
ام حمد : اشفيج يما ما رحتي الدوام
الغلا : ماخذه استئذان يما
ام حمد : شعندج ؟
الغلا : بروح السوق بشوف لي بدله
ام حمد ابتسمت : مو تاخذين لون غامج اخذي فضيه والا بيضه
الغلا : ليش انا العروس !! باخذ لون اسود
ام حمد : ليش اسود سود الله ويه العدو
الغلا : مشتهيه البس اسود .. يما ديروا بالكم على بنتي يمكن اتأخر
ام حمد : بتروحين بروحج ؟
الغلا : بمر اميره بتروح وياي
ام حمد : الله معاكم يما
,,,,,,,,
يوم الخميس يوم الملجه ام حمد حضرت مع بناتها والغلا وام وليد وبناتها ..
الحفله كانت في بيتهم .. انوار فرحت لما شافت الغلا ,, والبنات من كثر
ما كانوا ولهانين عليها لموها وهم يسلمون عليها .. الغلا صايره مميزه
لأنها الوحيده اللي كانت لابسه لون اسود .. البنات يرقصون والغلا قاعده
يم خواتها وبنات خالتها .. حاولت نوف انها ترقص وياها بس الغلا رفضت ..
قامت دلال ويرت الغلا وخلتها ترقص وقالت لها اذا تحبين العروس قومي
ارقصي ,, رقصت الغلا وهي حابسه دموعها وكل ما عينها لمحت امها أو
خواتها تلقاهم مبتسمين لها .. شافت نوف تكلم ساره ومبتسمين ,, ودلال
تكلم امها وخالتها موزه تمسح عيونها .. خلصت الاغنية والغلا قدت يم ساره
الغلا : اشفيكم ؟
ساره : ما فينا شي
الغلا : سارون جنه خالتي موزه تبجي
ساره التفتت على خالتها : وين تبجي !! شوفيها تضحك مع خالتج
الغلا : جني لمحتها تمسح عيونها
ساره : يعني كل وحده تمسح عيونها تبجي !! يمكن طاح بعينها شي
الغلا : يمكن ...
يات فطامي عند امها : ماما انا القث
الغلا تكلم نوف : حطوا حق بنتي اغنيه حلوه تبي ترقص
نوف : ما درينا ياختي نحطلك اغنيه على حسابك يا البزر
الغلا تضحك : لو سمحتي هاذي بنت الغلا وكلامها اوامر
نوف تكلم فطامي : وش تبين يا بنت ابوكي خليجي ولا شرقي
فطامي الزقت بأمها مستحيه ,, الغلا : نوف لا تحرجين بنتي
نوف : بحط لها شرقي ,, باشوف تعرف تهز نفس امها
الغلا : هههههههه شدراج انها تعرف ترقص شرقي
نوف : يا ويلي معلمه البنت تهز
الغلا وساره يضحكون ,,,
الغلا على كثر ما فرحت لأنوار على كثر ما حاز بقلبها انها تدخل هالبيت
كأنها ضيفه حالها حال الحضور .. تذكرت ايامها وحياتها اللي عاشتها ..
تذكرت اول مره بجت فيها واول مره ضحكت فيها .. تذكرت شلون
كانت غاليه على خالد .. شلون كانت حبيبته هي وبس .. اشتاقت لكلامها
معاه ,, لقعدتها معاه ,, لغزله لها .. يعرف يطلعها من زعلها اذا شافها
زعلانه .. يمسح دمعتها اذا شافها تبجي .. اشتاقت لمكانها .. لجناحها ..
لمملكتها ...
قامت الغلا من غير شعور وصعدت فوق ,, دخلت جناحها ووقفت بالصاله
وعينها تدور على كل ركن فيها وعلى كل باب .. دخلت غرفة النوم ووقفت
تطالعها ,, خنقتها العبره وهي تمشي وتمسح على كل شي بغرفتها ولو
تقدر تحضن كل اللي بالغرفه جان حضنته .. قعدت على السرير ومن غير
شعور خذت مخدة خالد وحضنتها .. تمت فتره وهي حاضنتها بقوه ..
دفنت راسها بالمخده وغمضت عينها ..
دخل خالد جناحه وراح على طول غرفة النوم .. دخل لقاها على وضعها
دافنه راسها داخل المخده .. قرب خالد يمها ومسح على راسها
الغلا بصوت مخنوق : ما قدرت نوف ما قدرت .. ادري مو من حقي
بس غصبن علي
خالد بصوت هادي : غلا
الغلا رفعت راسها تطالع خالد بعيون زايغه جنها حلمانه .. رفعت
ايدها ومسحت على خده .. خالد اخذ ايدها وباسها وحضنها بايده ..
الغلا تطالعه مو مستوعبه : انت
خالد يطالعها مبتسم
الغلا تطالع دار مدار الغرفه وصوب الباب : تزوجت ؟
خالد : ها !!
الغلا : تزوجت ؟
خالد : من قالك ؟
الغلا طالعته ونزلت دمعه من عينها
خالد : انا متزوج من زمان .. ليه ما كنتي تدرين
الغلا نزلت راسها وغمضت عينها ,,,
خالد : يعني ما سألتي من اخذت
الغلا تنزل دموعها : ........................
خالد : ودك تشوفينها
الغلا ارفعت راسها له وعيونها مليانه دموع .. مسكها خالد من ايدها
ومشاها لي المنظرة .. الغلا ما كانت مستوعبه الوضع اللي هي فيه
ولا الكلام اللي انقال .. وقفها خالد قبال المنظره ووقف وراها حاضنها
خالد : افتحي عينك يا الغلا وشوفي زوجتي
الغلا قلبها يعتصر من الالم كلام خالد وصوته رجعها للواقع .. فتحت
عينها شافت نفسها واقفه وخالد محاوطها بايده .. عينها دارت على الغرفة
وما شافت احد
خالد : غلا شوفي المرايه
شافت نفسها وشلون خالد حاضنها حيل
خالد باسها وقال : هاذي هي زوجتي .. وش رايك فيها
الغلا فاتحه عيونها ومو مستوعبه كلامه : ها
خالد : اللي انا واقف جنبها وحاضنها هي زوجتي وحبيبتي
الغلا : انا ؟!! .... انت .... انا
خالد : انتي قلبي وروحي
الغلا : بس ,, انت .... لأ
خالد لفها صوبه مسح دموعها ولمها حيل وباسها
الغلا ابعدت عنه : ما يجوز اللي تسويه .. حرام
خالد : حرام رجال يبوس زوجته
الغلا : انا مو زوجتك .. انت طلقتني
خالد : ورجعتك بعدها بيومين
الغلا تفاجأت من كلامه وما قدرت ترد .. مشاها خالد وقعدوا عالسرير
خالد : غلا انا سويت هالشي وانا غضبان .. رحت العمره تعمرت وفكرت
باللي صار بينا وباللي سويته وسألت عن وضعنا واني طلقتك وانا غضبان ورجعتك لذمتي بعد يومين
الغلا : ليش ما قلت لي ؟
خالد : بغيتك تحاسبي نفسك وتشوفي وضعك وتفكرين بحياتك
انتي وبنتك من غيري
الغلا تبجي : ليش جذيه حرام عليك
خالد : غلا انا تحملت بعدك وتحملت الكلام اللي جاني وتحملت بعد
بنتي عني كل هذا علشانك .. علشان حبي لك .. قلت لأهلك ما يضغطون
عليكي ولا يكلمونك ويخلونك على راحتك
الغلا : اهلي ؟؟!! اهلي يدرون انك رجعتني
خالد : ايه قلت لناصر وهو بلغ اهلك
الغلا : وانا
خالد : بغيتك تجين لي وانتي مشتاقه .. وانتي تحبيني كثر ما احبك
الغلا ( يدرون !! .. اهلي يدرون !! )
خالد : غلا انتي جيتي هنا لحالك ودخلتي هنا لحالك .. من جابك
رجولك والا قلبك
الغلا تطالعه وعيونها مليانه دموع
خالد : قلبك جابك ؟
الغلا : كلهم ... ريولي وقلبي وعقلي وكل ذره بجسمي اشتاقت لهالمكان
خالد : للمكان بس والا للي عايشين فيه
الغلا تبجي لمها خالد وحط راسها على صدره ويمسح على راسها
خالد : ياني كنت انتظر هاليوم اللي اشوفك فيه هنا
الغلا : ..................................
خالد : الحين ارتحت وارتاح قلبي
الغلا : ..................................
خالد : بس حبيبتي من البكي مكياجك اخترب
الغلا : ...................................
خالد : غلاي ماشاء الله حلوه باللون الأسود
الغلا : .....................................
خالد : شعرك طال .. ديري بالك تقصينه ترى ازعل صدق
الغلا : .....................................
خالد يبعد الغلا عن صدره حسباله فيها شي
الغلا بصوت مبحوح : خلني ..
خالد يبتسم ويحضنها : ومن قال اني بتركك انتي عروستي اليوم ..
تم خالد حاضنها فرحان انها ردت له والغلا اكثر منه .. قربها من خالد
وكلامه لها واللي سواه لها وصبره عليها وحبه لها مسح كل ذكرى مؤلمه
مرت عليها وعاشتها .. الغلا ابعدت عن حضنه وقامت بتطلع
خالد يمسك ايدها ويلفها صوبه : وين ؟
الغلا : بانزل تحت
خالد : ومن قالك انزلي ؟
الغلا : اهلي ينطروني وفطامي الحين اكيد نامت
خالد : محد ينتظرك الا انا .. اهلك يدرون انك معي وبنتك نايمه عند امي
.. ما ابغي احد يزعجنا .. ويغمز لها : حنا معاريس اليوم
الغلا نزلت راسها
خالد يرفع راسها له : ليلحين تستحين مني .. اقول غلا وش اخبار الحبوب
الغلا : أي حبوب ؟!!
خالد : الحبوب اللي كنتي تاكلينهم عقب ما جبتي فاطمه
الغلا : اها .. شفيهم ؟
خالد : لا اسأل اقول شخبارهم
الغلا بابتسامه : يسلمون عليك
خالد : الله لا يسلمهم .. ياني اكرههم كره العمى
الغلا : ههههههههههههههههههه
خالد : اضحكي مرة ثانيه
الغلا : ههههههههه هههههههههههه
خالد : بعد
الغلا تضحك : بس خالد
خالد : انا ابغاك تضحكين لين تنزل دموعك
الغلا : هههههههه وليش عاد
خالد : ما ابغي اشوف دموع حزن من عينك مرة ثانيه
الغلا لمته وحطت راسها على صدره : كل اللي سويته علشاني
وحبك لي ما ضني باشوف دموع حزن
خالد يبوسها ويغمز لها : وليلحين ما شفتي شي .....
,,,,,,,,,,,,,,,
الساعه 4 ونص الفجر الغلا نايمه وخالد يقرص خدودها
خالد : غلا يلا اصحي
الغلا : ..................
خالد قرب عند خدها وعضها
الغلا : آآآآآآآآي
خالد : هههههههه عجزت اصحيكي نومك ثقيل
الغلا يالله تفتح عيونها : خالد تو الناس .. جم الساعه ؟
خالد : 4 ونص يلا قومي ما فيه وقت طيارتنا باقي عليها اقل
من ساعتين
الغلا مغمضه عيونها : هااا .. أي طياره ؟؟!!!
خالد : فرنسا تناديكي حبيبتي
الغلا بصوت نعسان : فرنسا منو ؟
خالد يستهبل : بنت عمي
الغلا : توني ادري عندك بنت عم اسمها فرنسا .. شهالاسم !!
خالد يضحك : غلا انتي نايمه والا صاحيه ؟
الغلا ردت تلحفت : خالد سكر الليت فيني نوم
خالد شال عنها للحاف وقعدها : قومي ورانا شهر عسل
الغلا : خااااااااالد
خالد : يا عيون خاااااااااالد
الغلا : أي عسل ؟!!!
خالد : انتي يا انك منتي مستوعبه والا ليلحين نايمه .. حبيبتي يلا
قومي تجهزني بنسافر
الغلا شهقت : بنسافر ؟ وين ؟
خالد : بنروح بنت عمي فرنسا ههههههه
الغلا : خالد يلا عاد
خالد : حبيبتي انا حاجز لفرنسا وطيارتنا بعد شوي
الغلا : وبنتي ؟
خالد : بنتك عند امي لا تحاتينها
الغلا تذكرت اهلها وشهقت : واهلي
خالد : عندهم خبر انك بتسافرين
الغلا : ومتى سويت كل هذا ؟
خالد : من زماااااااااان
الغلا : خالد صج تتكلم والا اتغشمر وياي
خالد يشيلها من السرير ويوصلها لي الحمام
الغلا : خاااااالد اشفيك .. نزلني
خالد يغمز لها : تبغي مساعده والا تدخلي لحالك
الغلا : اممممممممم
خالد : وش
الغلا : افكر
خالد : ههههههههه يلا يا قلبي استعجلي
الغلا : خالد انا ما جهزت ولا شي
خالد يغمز لها : انا ابغاك كذا من غير تجهيز .. بس استعجلي لا نتأخر
طلعت الغلا من الحمام لبست وصلت ...
الغلا : خالد ابي اشوف بنتي
خالد : بعد ما نرجع من السفر شوفيها
الغلا وقفت مكانها ما تحركت تطالعه مصدومه وخانقتها العبره
خالد : يلا حبيبتي
الغلا : بشوف بنتي
خالد : نايمه الحين حبيبتي لا تصحينها
الغلا : مابي اسافر وانا ما شفتها
خالد سحب الغلا ونزل معاها تحت ,, واللي ما يعرفه خالد ولا الغلا
ان البنات مسوين لهم مفاجأه .. اول ما وصلوا الصاله فتحوا الليت
والبنات بصوت واحد : مبرووووووووووووووووك
الغلا فتحت عينها وخالد ابتسم ,, ام عيسى قاعده وبحضنها فطامي
والجده يمها ,, وام حمد وام وليد قاعدين يم بعض ,, انوار ونوف
ينثرون عليهم الورد ونوف تلولش وبنات عيسى يصفرون ,,
الغلا لما شافتهم ضحكت وهي تمسح دموعها .. راحت لأمها ولمتها
ام حمد : عسى الله يسعدج يما .. ديري بالج على خالد وحطيه بعيونج
قامت خالتها ام وليد لمتها وباستها ودعت لها ان الله يوفقها ,, راحت
الغلا للجده فاطمه وحضنتها حيل وحطت راسها على صدرها وبجت
الجده : الحمد لله على سلامتك يا بنتي نورتي بيتك
الغلا : منور فيكم يما
الجده تساسرها وكل اللي بالصاله سمع : ما ترجعي الا وانتي حامل
الغلا استحت : يمااااااا
الكل ضحك واولهم خالد .. سلمت على البنات وحضنت بنتها ووصت
خالتها عليها ,, ياتها نوف والفرحه بعينها
نوف : غلا هاذي شنطه فيها كل اللي تحتاجينه هديه منا كلنا
الغلا تحضنها : مشكوره يا قلبي ما قصرتوا
دلال بصوت واطي : قمصان النوم ذوقي
الغلا تبتسم وتمسح دموعها : مشكوره حبيبتي اكيد حلوين دامهم منج
طلعت لقت عمها وناصر بالحديقه .. راحت لعمها
وحبته على راسه : شلونك عمي
ابو عيسى : بخير يوم شفتك منوره بيتك
الغلا : منور فيك عمي عسى الله ما يحرمني منك
ابو عيسى : الله يهديكم ويسخركم لبعض ويبعد عنكم كل شر
مشت الغلا عند اخوها ومن شافته نزلت دموعها لما شافته فاتح
ايده لها وحضنها ,,,
ناصر : مبروك حبيبتي والله يهنيكم
الغلا تبجي << ترى والله انا خانقتني العبره *غفران*>>
ناصر : ديري بالج على نفسج وهالله هالله بخالد
الغلا حاضنته وتبجي
خالد : اقول ناصر بعد عن مرتي اغار انا
خالد سحب الغلا وحضنها والغلا زادت دموعها .. خالد مسح دموعها
وباسها على خدها ,, سمع البنات يصفقون ويصفرون .. ضحك وشال
الغلا وراح صوب السياره ,,,
خالد : يلا ناصر افتح السياره للعروس
زاد التصفيق والتصفير وناصر وبو عيسى يضحكون والغلا من
الحيا دفنت راسها بجتف خالد
بالسياره ,,,
ناصر : خالد من غلاكم أجلت عرسي
خالد : تسلم واذا بتعرس اعرس لا تنتظرنا
الغلا : لا والله شنو لا ينطرنا بكيفه هو
ناصر وخالد يضحكون
الغلا : نصوري يا ويلك اذا سويت عرس وانا مو موجوده
خالد : لا تقولي نصوري اغار انا
الغلا : خااااالد بس
ناصر يضحك : حبيبتي وحياتي وعمري يا توأم روحي مستـ
خالد يقاطعه : هي هي هي اشكره تغازل مرتي جدامي
ناصر : كيفي اعرفها قبل لا انت تعرفها
خالد : احلف .. اتصدق توني ادري
ناصر : يا ثقل دمك
خالد : اقول احترم نفسك وعن هالكلام عيب
الغلا : هههههههههههههههههههه
خالد : عساها دوم
ناصر : ضحكينا معاج
الغلا : اضحك عليكم ناقصكم علي وتكملون,,,,,
,.,.,.,.,.,.,.,.,.,.,.,
,.,.,.,.,.,.,.,
,.,.,.,.
,.,
قعدت الغلا بفرنسا شهر كامل حاولت بخالد ترجع بعد اسبوعين
وما رضى وقال لها انا قايل شهر يعني شهر .. بحب خالد لغلا
وخوفه عليها واهتمامه فيها وتنفيذ طلباتها مر الشهر عليهم بسرعه
وردوا كل واحد شايل بقلبه حب وشوق للثاني ,,,
بعد رجوع الغلا من فرنسا باسبوعين سافرت الكويت لحضور زواج
اخوانها ناصر وعلي ,,,
,,,
بعد 6 شهور ,,,
بالمزرعه ,,,
الكل كان موجود وتحديدا الساعه , 4 العصر
دخل خالد بعد ما استأذن وتغطوا البنات
خالد بعد السلام : وين بنتي ؟
دلال : ما تشوفها بحضن جدتي
خالد : الصراحه ما شفت وجيهكم كلكم الغلا
الكل ضحك على كلمته
ام عيسى : الله يديم المحبه بينكم
وراح وشال بنته وباسها
خالد : يلا قولي مع السلامه
ام عيسى : وين ماخذها ؟
خالد : بركبها خيل
الجده : دير بالك عليها الله يحفظكم
خالد يكلم الغلا : غلا ديري بالك على ولدي ولا تجيكي هالقرده
بنت نوف وتطب على بطنك
الغلا ابتسمت على كلمته ونوف شهقت : بنتي قرده !!
خالد وهو ماشي : طالعه على ابوها
ضحكت الغلا بصوت عالي
نوف : ضحكتي من غير ضروس انتي ورجلك
طلع خالد مع بنته وركب الفرس وركبها معاه ومشى فيها بالمزرعه
وعمر يصيح يبي يركب .. طلعت دلال على صراخ ولدها وشافته عند ابوه
دلال : خالد عقب ما تخلص بنتك ركب ولدي لا تخلي في خاطره
خالد : خلي ابوه يركبه بالفرس الأبيض
مشى خالد مع بنته وبعد ربع ساعه وهم راجعين فجأة صهل الفرس ورفع
ريله .. حاول خالد يشد اللجام لكن فاطمه افلتت منه وطاحت على الأرض ,,
خالد خاف عليها من ريل الفرس وبحركه سريعه لف اللجام وبعد عن فاطمه
اللي صرخت صرخه قويه وبجت وراها .. نزل خالد ركض وشال بنته ..
حضنها وقعد يسمي عليها ,, دق على فهد اللي ياله يركض
فهد : خير عسى ما شر
خالد خايف : طاحت من الفرس وهقوتي انها تعورت
فهد قعد يفحصها ولما لمس ايدها صرخت
فهد : يدها مكسوره .. قم لازم نروح المستشفى
خالد : فهد قرب السياره بسرعه الله يخليك
,,,,,,,,,,,,,,,,,,,,,,,,,,,,,,,,,,,
بعد نص ساعه طلعوا البنات يتمشون
نوف : وين خالد ؟ كل ذا يمشي بنته بالفرس
دلال : يمكن قاعد يعلمها شلون تعلف الفرس
نوف : خليها تعرف تعلف روحها بلأول عشان تعلف الفرس
الغلا : علفوج انتي وبنتج
البنات : ههههههههههههههههههههههههه ههههههههههه
الغلا تنادي نور : Go and bring fatma
نور : Where is she ?
الغلا : her father With
رجعت نور : Madam sir is not her
الغلا : وينه ؟!!
نوف : دقي عليه
الغلا دقت مرتين : يرن وما يرد
بعد ربع ساعه دخلت الغلا وشافت عمها يتكلم مع خالتها ولما شافوها سكتوا
الغلا راحت سلمت على عمها : عمي وين خالد ؟ فاطمه عنده وليلحين
ما رد
ام عيسى تطالع زوجها
الغلا : شفيكم عمي شصاير
ابو عيسى : كل خير يا بنتي لا تخافي بنتك طاحت من الفرس وخالد
اخذها المستشفى
الغلا اشهقت : هااااااااا
ام عيسى : ما فيها الا كل خير خالد وفهد معاها
الغلا تبجي : عمي ودوني حق بنتي تكفى عمي
ابو عيسى : هدي يا بنتي ما عليها شر ان شاء الله
الغلا : عمي خلي أي احد يوديني الله يخليك عمي
راحت الغلا مع عيسى وولده سعد المستشفى .. وطول الطريج وهي تبجي
ابو سعد : ذكري الله يا ام فاطمه
الغلا بصوت واطي : لا اله إلا الله
وصلوا المستشفى والغلا نزلت تركض
ابو سعد : على هونك يا ام فاطمه استهدي بالله خلينا ندق على خالد ,,
مشى عيسى وولده والغلا وراهم وشافوا خالد واقف يم غرفة العمليات
شافته الغلا وراحت له ركض
الغلا ودموعها تنزل : وين بنتي ؟ شفيها ؟

[لامارا]

خالد شافها وعوره قلبه عليها : لا تخافي ما فيها الا كل خير ,, كسر بسيط
بيدها ومحتاج جبس
الغلا حطت ايدها على ويهها وبجت
خالد : اذكري الله .. الحمد لله ما فيها شي وفهد طمني وهو معها داخل
سمعت الغلا صوت ياهل يصيح وحسبالها بنتها
الغلا : بنتي تبجي بروح لها .. قول لهم يدخلوني
خالد : وين تدخلي الله يهديك ممنوع
الغلا : اقول لك فاطمه تصيح تبيني ما تسمعها ,,
خالد : استهدي بالله بنتك ما عليها شر ان شاء الله
اخذها خالد وقعدها على الكرسي والغلا من كثر البجي ومن كثر ما تحاتي
بنتها قامت ترجف .. شافها سعد وراح قال لخالد .. راح لها خالد وعطاها ماي
الغلا : مابي شي جبدي لايعه بروح الحمام ,, قامت الغلا ومسكها خالد
بمساعدة النيرس ودخلوها الغرفه ,, راحت الغلا الحمام ورجعت ,,
بعد ربع ساعه خالد يطق باب الحمام على الغلا ..
فتحت الغلا الباب وهي تبجي : ودني عند بنتي
مسكها خالد وصعد معاها لجناح الأطفال ودخلوا الغرفه ,, والغلا شافت
بنتها نايمه على السرير وايدها متجبسه .. راحت لها لمتها ومسحت
على ويهها وشعرها : إهيء إهيء اشفيها ما ترد عليّ
فهد : اذكري الله .. هي نايمه من المخدر .. شوي وتصحى
ان شاء الله ما عليها شر
ابو سعد : وشلون يدها ؟
فهد : كسر بسيط يبغاله كم اسبوع ويبرى
ابو سعد : الحمد لله على سلامتها
خالد : الله يسلمك يا بوسعد اتعبناك يا الغالي
ابو سعد : ما من تعب .. يلا اترخص فمان الله
خالد وفهد : فمان الكريم
الغلا تكلم فهد : متى تطلع بنتي من المستشفى
فهد : بكره ان شاء الله
طلع فهد وخالد قرب يم الغلا : غلاي
الغلا تبجي وماسكه ايد بنتها
خالد : حبيبتي تبغي حاجه اجيبها لك ؟
الغلا : ابي ملابس لفاطمه وغيارات
خالد : تجي معي البيت نجيبها ؟
الغلا : لأ .. مابي اخلي بنتي بروحها
بعد ساعتين رجع خالد معاه جنطه فيها اغراض بنته وعشا له وللغلا
دخل شاف الغلا مسنده راسها على سرير بنتها ودموعها تنزل
خالد : الغلا الله يهديك بس من البكي شوفي وجهك كيف صار
الغلا : بنتي ليلحين ما قعدت وانا خايفه عليها
خالد : البنت ماخذه مخدر واكيد ما راح تصحى الحين .. يلا يا قلبي
قومي تعشي
الغلا : مالي نفس
خالد : قومي حبيبتي اكلي لك لقمه جوعتي ولدي
الغلا تهز راسها يعني لأ
خالد قعد يمها ومد لها علبة عصير : خذي اشربي
الغلا : مابي راسي يعورني
خالد : راسك يوجعك من البكي
الغلا : اطلب لي قهوه
خالد : قهوه من غير اكل ! اكلي بلأول بعدين قهوه
الغلا : خالد مو غصب الأكل
خالد : علشان فاطمه والبيبي اللي في بطنك اكلي ولو شوي
الغلا : انزين اطلب لي قهوه وقول للنيرس تييب لي بندول
اكلت الغلا شويه وشربت قهوه
خالد : كل اللي بالمزرعه سألوا عن فاطمه ويسلموا عليك
الغلا : الله يسلمهم
خالد : شلون راسك ليلحين يوجعك ؟
الغلا وهي مغمضه عيونها : ايه
قرب خالد عندها وقعد يدلك جبينها وراسها .. حط راس الغلا على جتفه
وقام يدلكه لها وباسها على جبينها .. فاطمه تحركت والغلا يوم حست
فيها شهقت ..
خالد : اسم الله عليكي غلا شوي شوي
الغلا : بسم الله حسبالي فيها شي
خالد : ما فيها الا العافيه ان شاء الله .. انا اللي فيني
الغلا : شفيك
خالد : مشتاااااااق
الغلا : صاحي انت .. اللي يسمعك يقول سنه مو شايفني
خالد : صار لي 6 ساعات ما شفتك
الغلا : ....................................
خالد : غلاي
الغلا : .....................................
خالد : حبيبتي
الغلا : .....................................
خالد : قلبي
الغلا : .....................................
خالد : روحي
الغلا مبتسمه
خالد باسها على خدها : يلا دورك بوسيني
الغلا : خالد حنا بمستشفى مو بدارنا
خالد مبتسم : وش دعوه كلها بوسه صغيره ما تاخذ ثانيتين
الغلا : انت تكفيك بوسه ام ثانيتين .. اشك
خالد ضحك وقرب ويهه قبال الغلا : يلا أي مكان يعجبك بوسيه
قبل لا الغلا تبوسه انطق الباب ودخل فهد
خالد طالعه بنظره والغلا ابتسمت
فهد : وشفيكم
خالد : سلامتك انت ما رحت البيت
فهد : انتظرك
خالد : وش له ناطرني .. انا بنام مع بنتي
فهد : احلف .. اقول قوم بس لا يطردونك
خالد : ومن ذا اللي يطردني
فهد : انا
خالد : كل تبن
فهد : عيد وش قلت كاني ما سمعت عدل
خالد : اقول كل جبن
فهد : قوم ناكله انا وياك
خالد : لا انا تعشيت مع مرتي
فهد : الحين انا منتظرك نتعشى سوا وانت متعشي وخالص
خالد : يعني اخلي مرتي وجابل خشتك
فهد : كنت مجابل خشتي لما بنتك بيدي
خالد يبتسم ويحك شعر راسه : ها .. ما كانت مرتي جنبي
فهد : ههههههههههههه
يلا اطلع بره اسلم على مرتي واجيك
فهد : لك دقيقه ان ما طلعت بنادي لك السوكيرتي
الغلا : هههههههههههههههه
خالد : عساها دوم هالضحكه .. يلا عطيني بوسه تصبرني لي بكره
الغلا : هههههههههههههههه
قرب خالد يمها لمها وباسها على شفايفها
فهد طق الباب بقوه
خالد : حبيبتي بروح اذبحه واجيك
الغلا : يلا روح فشلتني ,,,
,,,,,,,,,,,,,,,,,,,,,,,,
بعد يومين رجعت الغلا البيت ومعاها بنتها ,,,
,,,,,,,
الغلا بنص الشهر السابع ...
الغلا : خالد اللي نقوله نعيده
خالد : وليه ما تولدي هنا صعبه هي
الغلا : لا مو صعبه بس ابي امي وخواتي معاي
خالد : لسه بدري على ولادتك ليه مستعجله عالسفر
الغلا : خالد انا ظهري ضعيف واخاف ما اتحمل السفر
خالد يلمها : ما اقدر على بعدك كل هالفتره
الغلا : متى ما تشتاق تعال
خالد : صعبه
الغلا : ليش !!
خالد يغمز لها : لأنك وانتي جنبي اشتاق لك ,,,
سافرت الغلا ومعاها فاطمه ونور .. خالد قعد معاها 3 أيام ورجع ...
كل يوم خالد يدق عالغلا يكلمها ويكلم بنته ,, ولما وصلت الغلا للشهر
التاسع تعبت وخالد خاف عليها وسافر الكويت وقعد معاها لما ولدت
بالسلامه ويابت ساره
*
*
*
مرت الشهور والسنين وبطلتنا عاشتها بحلوها وشي قليل من مرها
مو كل الأيام عسل على ما قالوا ,, فيها شوية ابهارات
.. بس ما كانت بهاراتهم فيها وايد فلفل
فطامي عمرها 6سنوات : ماما شوفي ساغه تاخذ العابي
الغلا : عطيها ماما هاذي اختك صغيره ما تعرف
فاطمه : لا مو صغيغه هاذي بقغه
الغلا : عيب ماما اختك حلوه مو بقره ,, وبعدين من علمك تقولين بقره
فاطمه : عموغي
الغلا مبتسمه ( واحنا شذابحنا غير هالعمر ) : ماما عيب تقولين عموري
قولي عمر
فاطمه : عمه دلال تقول عموغي
الغلا : عمه دلال تقول عموري لأنها امه انتي عيب تقولين عموري
Ok ماما
يات ساره تبجي : مــــا مــــا آآآآي تتامي ددتني آآآآآي
فاطمه بدلع : جذابه انتي خذيتي العابي
وراحت فاطمه كمشت شعرها
ساره تصرخ : آآآآآآآآآآآآآآآآي ماما آآآآآآآآآآآآآآآي
الغلا بصوت عالي : فطامي
فطامي : ماما شوفيها
الغلا : فطامي ان مديتي ايدج على اختج مره ثانيه انا اللي بطقج
راحت ساره تبجي بحضن امها : بس حبيبتي
ساره : تتامي مو حوه
الغلا : انتي حلوه وفطامي حلوه
فطامي كانت واقفه يم الطوفه تطالعهم زعلانه ليش امها صرخت عليها
الغلا : شرايكم نلعب ليلى والذيب
فطامي استانست : ماما بليز بليز انا ليلى
الغلا : تعالي بوسه ماما وبوسه ساره
فطامي باست امها واختها وراحت غرفتها ولبست الوشاح الأحمر ..
الغلا قاعده بالصاله ويمها ساره .. طلعت فاطمه من غرفتها وطقت الباب
الغلا : من في الباب
فطامي : ذات الغداء الأحمغ انا ليلى انا ليلى
ساره : هات التله ولوحي ثيدا عتيها حد اديدااااااا
فطامي : غلط مو الحين تقولين جذيه بعدين .. ماما شوفيها تخغب علينا
الغلا : لا ما تخرب يلا كملي يا الدعله
فطامي : ماما اقول من اول
الغلا : يلا حبيبتي قولي
فطامي تطق عالباب والغلا تجاوبها : من في الباب
فطامي : ذات الغداء الأحمغ انا ليلى انا ليلى
الغلا : انا تعبانه ومنسدحه فجي الباب ويسهل فتحه
فطامي : وااااي غغفتج وايد ظلمه ,, يدتي يدتي وين الفنغ
الغلا : كافي نورج اللي ظهر
فطامي ترقص : ودي اشوفج انا متلهفه وانتي متغطيه ومتلحفه..
ايغ لحافج اشوف اوصافج
الغلا : اوووه خليني لا تطفريني
فطامي فاجه عيونها : ليش ادينج كبيغه
الغلا : ايدي كبيره .. ايه ايه علشان اقدر اضمج فيهم يا حبيبتي
فطامي : ليش اذونج طويله
الغلا : اذوني طويله .. ها .. ايه ايه علشان اسمعج فيهم يا حبيبتي
فطامي : ليش عيونج كبيغه
الغلا : عيوني كبيره .. علشان اقدر اشوفج فيهم يا عزيزتي
فطامي : ليش ضغوسج صفغه كبيغه انا خابغتج بليا ضغوس
الغلا ترفع ادينها وتفتح عيونها وتحرك راسها : علشان آكلج فيهم
الغلا : يلا ساره قومي ركضي ورا فاطمه اكليها
فاطمه تركض وساره وراها دخل خالد وشافهم يركضون
الغلا : كا ياكم الذيب .. قوم اركض وراهم
خالد قعد يم الغلا ومسك ايدها
الغلا : فطامي ساره بابا الذيب يبي ياكلني
ساره ركضت وطبت بحضن ابوها ولما شاف فاطمه تركض صوبه
نزل قعد على الأرض .. طبوا عليه بناته وتعافروا وياه .. خالد يضحك
على ساره وعلى شعرها اللي طاير
ساره : بابا دول انا الديب باتلتم
خالد : وش اقول
فاطمه : بابا يلا قول
خالد يضحك : انا الذيب باكل ماما
الغلا تصرخ : من فيكم يحميني
فطامي وساره شبكوا ايدهم ببعض ويلفون وينطون : احنا سباع وندج
القاع .. احنا سباع وندج القاع
ساره تهز خصرها : احنا تباع وندد بابا
الغلا : ههههههههههههههههههه
خالد : ايه ضحكي وش عليكي .. متحاميه بام كشه ذي
الغلا : هههههههههه حرام عليك يا حلو بنتي ويا حلو كشتها
ههههههههه من كثر ما هي متفاعله مع الاحداث طار شعرها
فطامي : يلا ماما
ساره : يلاااااا مااااامااااا
الغلا : بس ماما تعبت
خالد : لا تزعجوا ماما هي تعبانه ,, يلا انزلوا تحت ..نوره وخالد
وفاطمه عيال عمتك نوف تحت
فاطمه مشت وساره من غير قصد داست على وشاحها وطاحت ..
فاطمه قامت وطقت اختها .. ساره بجت بصوت عالي
فطامي : انتي بقغه ما تشوفين
ساره تبجي : ماما آآآآآآآآآآي
خالد سحب فطامي : ليه تظربي اختك
فطامي بدلع : طيحتني بابا شنو ما عندها عيون
خالد يطالع الغلا : بنتك ذي اشك طالعه على وحده اعرفها
الغلا صاره عيونها : شقصدك
ساره بحضن امها تبجي : بس ماما روحي ييبي المشط بمشط شعرج
خالد : يلا بابا انزلوا تحت
الغلا : اصبر خالد .. تعالي فاطمه انتي وساره
الغلا : يلا فطامي بوسي ساره وقوليلها سوري عشان انتي طقيتيها
فاطمه معانده : ماما انا ما طقيتها
الغلا : بعدين ما بي اسمعج تقولين لها يا بقره ,, قوليلها يا فراوله
وساره تقولج يا منجا
ساره تضحك : تتامي مندا
الغلا تضحك وتلم ساره : وانتي فراوله يا فراوله
فاطمه : وبابا شنو ؟
خالد يضحك : غلا اختاري لي فاكهه ما يعرفونها
الغلا : ههههههه بابا اكا دنيا
فاطمه تضحك : ماما شنو كا دنيا
الغلا تطالع خالد ومبتسمه : يعني كل الدنيا
خالد قرب يمها وقرص خدودها
فاطمه تطالع ابوها وفاجه عينها : بابا ليش تعض ماما
خالد يكلم الغلا : والله بنتك ذي نصابه * ويسحب فاطمه بحضنه*
انا الحين عضيت ماما
فاطمه بعياره : ايه عضيتها بايدك
خالد : فيه يد تعض
فاطمه باستهبال : ههههههههههههههههه
خالد : ما اقول لك بنتك نصابه
الغلا : ههههههه الله يخليك لهم
خالد : ويخليكي لي يا قلبي
فاطمه : وانا بابا
خالد يلم بناته : انتي وساره حبايبي ونور عيوني .. الله يعيني عليكي
من الحين تغاري يا البزر
فاطمه : بابا شنو بذغ
خالد : غلا علمي بناتك الكلام السعودي لا يفشلوني
الغلا : ههههههههههههههههههه

صعدت نور واخذت البنات
خالد يقعد يم الغلا : وشلونك الحين ؟
الغلا : الحمد لله ,, مادري احس هالمره حمالي غير
خالد : كيف غير ؟
الغلا : خالد توني بالخامس واحس نفسي ثقيله
خالد : ما راجعتي الدكتوره ؟
الغلا : الأسبوع الياي موعدي
,,,,,,,,,,,,,,,,,,,,,,,,,,,,,,,,,,,,,,,,
,,,,,,,,,,,,,,,,,,,,,,,,,,
,,,,,,,,,,,,,,,,
,,,,,,,,,,
,,,,,,
,,,
,
الغلا رجعت من الدكتوره مبتسمه ( معقوله !! )
قاعده سرحانه خالد يكلمها وما سمعته ,, قرب منها وباس خدها :
الحلو وش سرحان فيه ؟
الغلا مبتسمه : فيك
خالد : يا بختي
الغلا تطالع خالد ومبتسمه .. حطت راسها على جتفه
خالد يمسح على شعرها ويغني : مالو الحلو مالو
خالد رفع راسها وشاف عيونها مدمعه ,, الغلا رجعت حطت
راسها على جتفه ,, خالد لمها : شفيها غلا روحي
الغلا : آخر كلامي باكتبه لك بعبرات .. انا احبك لا تقول شلون
خالد يمسك ويهها بايده : وانا اعشقك لا تقولي شلون
الغلا بصوت الحب : خالد
خالد : عيونه وقلبه وروحه
الغلا وبابتسامه : تسلم لي عيونك وروحك وقلبك
كيف انسى حبك وهيامك وعشقك
وعيالك يا خالد الأثنين في بطني ,, وبقلبي وقلبك
خالد طالعها مستغرب
الغلا مبتسمه : لا يكون ما فهمت يا بو عبد الله وعبد العزيز
خالد يطالعها ومبتسم ,,,,,,,,,,,,,,

* حديث العين اجمل من كلام ذاب وسط الشفاة
ترى اجمل حكي نظرة وله في عينك وعيني *

خالد وبنظرة حب كأن من زمان ما شاف حبيبه :
قوليلي انا استاهلك
انا ما اسوي شي من دونك
انتي الغلا كله
انتي غلا خالد
****************************
*********************
*************
*******
انتهت روايتي
انتهت أيام من حياتي وانتهى تواصلي معكم ..
كانت ايام الغلا وخالد جسر يربطني بكم .. وانتهت ..
انتهت بالنسبه لي ولكنها لم تنتهي بالنسبه للغلا وخالد
عشت معاهم ,, بجيت مع الغلا وضحكت معاها ,,
عاتبت خالد ,, تأثرت معاه ,, حبيت عطفه وكرمه مع الغلا
اسعدني سماح الغلا وقلبها الطيب ,, وعجبني صبر خالد
وعرفت ان الدنيا ما تسوي ......
ما تسوى ان احنا نحقد او نزعل على احد
الحب والتسامح هو البذره اللي لازم نغرسها بقلوب عيالنا
وهذا الأسلوب اللي اتبعته الغلا مع عيالها
قرائي الاعزاء ...
كنتم خير القراء والمشجعين لي ,, ولولا ردودكم لما برزت هذه
الرواية بهذا الشكل والفضل لله قبل كل شي
اتمنى اني وصلت لكم شي تستفيدون منه
واعرفوا ان اجمل ما في الحياة هو الحب والتسامح
7
7
7
يارب ان اخطأت فمن نفسي والشيطان .. وارجوا من الله عز وجل
ان يعفوا ويتجاوز عني .. وان احسنت واصبت فمنة وفضل من ربي ..
*
*
كلمة شكر لكل من اخذت من وقته وقرأ روايتي ورد عليها ...
دعوه صادقه لكم بالتوفيق والنجاح ودوام الصحة والعافية وهم بالترتيب
*
*
الوافي المغرم
ضمني بين الاهداب
على شاطيء النسيان
Q8ya
الزعــA.8k ــــه
Jojo
روح زايد
الملاك الحزين
Meme
جود الدنيا
ليون < ما انسى مساعدتك >
ام هيف
المهره
キャプティブ " "
كيمونت
I,m
المنطلدز
رهوووفا
لا تغرك الضحكه
& سامي &
عصفوره ف كف طفل
على ذوقكـ
غدير السيل
a.n.w.a.r
.Ms. gentele Woman
Um – khaloOody
الدموع انهار
rnodh
غبائي متعبني
3sooolah
بنت متوسط
غريم الروح
الله يحرق اليهود
جيهان الجهني
امجاد جده
ام كيوت
عكس القانون
همس الروح
Omdh 3
Zain 3 zain
M7tar
D.cacawa
الشوق جابك
Pink girl
MjNoONik
Zazi3
الخ ...
FAJR
حكاية احساس

شكرخاص محمل بكل كلام الود والتقدير لقارئي الأول والمبدع
دوما ودائما والذي احرص على قراءة رده أول بأول
الغالي << z..3~/ >>*
*
غفر الله لي ولكم
واحسن الله خاتمتنا وخاتمتكم
وصلى الله على خير الانبياء والمرسلين سيدنا محمد
صلى الله عليه وسلم
لن افقدكم لأنكم بقلبي
لكم حبي وتقديري
ودمتم بألف خير وصحه وعافيه
محبتكم .. غفران*
لا تنسوني من خالص دعائكم

[لامارا]

يا كويت يا أحلى بلد..إنتى الأبو وانتى الولد
يا رويحتى يا دنيتى..مالى على بعدك جلد

***
حرًك على.. جرحى شفا
بردك على.. جسمى دفا
يا منيتى يا عزوتى
قلبى على.. يالك لفا

***
بحرك عطا.. الخير وألأمل
وْبرًك ربا.. فوقه البطل
دوم ابشرى فى مْحبتى
رغم العدا..شعبك بطل

***

[hidaya 2]

موفق بإذن الله ... لك مني أجمل تحية .

[توتووووووووووووت]

روعه روعه روعه روعه

[آيه لطفي]

يسلمو