26-11-13, 03:40 PM
| #41 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  البارت الاربعون يـــاضيـــقـــة الصـــدر فكـــي ازاريـــر التعـــب وروحـــي بعد نوم طويل فتحت عيونها وتوجهت انظارها لشباك كان ظلالام وكان الوضع هدوء تام ماحاولت تتحرك لانها خافت تتحرك حركه بسيطه يرجع لها نفس الالم الي كل ماتذكرته نزلت دموعها دخلت النيرس : السلام عليكم ردت بصوتها المرهق والتعبان: وعليكم السلام النيرس: كيفك ان شاء الله بخير ياسمين : الحمدلله النيرس بدلت لها المغذيه وقالت : محتاجه شي ياسمين : ايوا لو سمحتي ممكن تطلعين جوالي من جيبي النيرس : اوك وطلعت لها الجوال وحطته بيدها ياسمين : شكرا النيرس : عفوا حبيبتي وطلعت مسكت جوالها بيد مرتجفه هزيله فتحته وبعيون كلها تعب وارهاق شافت 22 مكالمه لم يرد عليها و3 رسايل : اف 22 مكالمه .. فتحت علئ سجل المكالمات ولقيته رقم سالم ... الحمدلله ان في احد يسأل علي وفتحت الرسايل ولقيت اول رساله (ايش فيكي ماتردين ؟؟ والثانيه بالله ردي لاتخوفيني عليكي والثالثه وربي اعصابي تعبت الله يخليكي ردي ) وعلئ اخر رساله نزلت دموع منها خوف عليه .................................................. .................................................. ........................... كانت جالسه مع اخوها ويضحكون ويسولفون لكن وقفوا ضحك لما سمعوا صوت جوال روان روان اخذت الجوال وبسرعه توجهت انظارها لبسام وقالت له : المدام متصله هههههههه بسام رمئ عليها المخده : مع نفسك روان : اييي طيييب يابساموه اوريك هههههه وبسرعه فتحت الخط حنان من بين دموعها وشهقاتها : الو روان الحقي علي روان الي تلاشت ضحكتها وتحولت ملامحها من مبتسمه الئ عبوسه وبخوف :حنان ايش فيكي بسام كان ملاحظ تغير ملامح روان وكان مركز مع كل كلمه تقولها حنان : ياسمين بالمستشفئ روان : كيف صار هالكلام ومتئ ؟؟ حنان : قالت لها السالفه من بدايتها لنهايتها روان : لاحول ولاقوه الا بالله العلي العظيم .. ياقلبي عليها والحين ايش قالوا عنها ؟؟ حنان بضيقة صدر : بالعنايه المركزه ومانعين عنها الزياره روان : الله يشفيها وبدأت تهدي حنان الين هدت وقفلت منها بسام بخوف : وش فيها حنان روان : بنت اختها طاحت وهي الحين بالمستشفئ بسام: الله يشفيها روان : الله يشفيها ويقومها بالسلامه لامها وابوها ولحنان لانها تحبها موت بسام : ان شاء الله تقوم بالسلامه .................................................. .................................................. ......................... رجع البيت ودخل ورمئ نفسه ع السرير ونام ودموعه سيل علئ خده مايبي يفارق توأم روحه ونصفه الثاني .................................................. .................................................. ............................ عندها هي كانت تحس بضيقه فضيعه بصدرها : اعوذ بالله من الشيطان الرجيم وش فيني ياربي وش سبب هالضيقه توضت وصلت لها ركعتين ورفعت يدينها ودعت بان الله يريح بالها وجاء علئ بالها هشام ودعت له بان الله يوفقه ويكتبه لها وجلست تقرأ قران لأنها تبي ترتاااح .................................................. .................................................. ............................. سعد طلع فوق واخذ هدئ وريتاج وراحوا يفطرون بأحدئ الحدائق ورجعوا مثل السمن والعسل ^_^ .................................................. .................................................. ............................ صحي من النوم وتوجه للحمام (اكرمكم الله ) وتوضئ وصلئ وصحئ لينه وبعد طلعت روح صحيت وشالها وجلسها علئ الكرسي المتحرك وساعدها بالوصول للحمام (اكرمكم الله ) توضت وطلعت برئ الحمام راحت للغرفه وطلعت شرشف الصلاه وصلت وراحت الصاله وشافت زياد لينه بحب : صباحك انا زياد بخقه : يازينه من صباح دامك انتي صباحي لينه انحرجت : تسلم يازيزو زياد : مااقدر علئ الدلع هاذا كله لينه : تستاهل اكثر ياتاج راسي زياد : الله لايحرمني منك يارب لينه : امين يارب ولايحرمني منك ... ايش تبغئ فطور زياد :حبيبتي سوي الي نفسك فيه لينه : اوك وراحت المطبخ سوت ساندويشين جبن وكاستين شاي وجابتها لزياد : تفضل حبيبي زياد : زاد فضلك ياقلبي وبعد اكل نص الساندوش اقول لينه لينه وهي تشرب الشاهي : تفضل ياقلبي زياد : زاد فضلك حبيبتي وين تبغين نروح شهر العسل لينه : كيفك اي مكان تبغاه نروح له سوا زياد : لا انتي ايش نفسك فيه ؟؟ لينه: نفسي اروح مكه والمدينه وبعدين نروح السويد زياد : غالي والطلب ياقلبي لينه : احبك زياد قرب منها اكثر وطبع بوسه قويه علئ خدها وبخقه : كذا اروح فيها انا لينه : زياااااااااااااااااااد وبعدين زياد: ولاقبلين كيفي هههههه .................................................. .................................................. ................... قفلت المصحف وقبلته وفتحت الاب توب حقها وشافت فساتين طويله وبألوان جميله وشافت مكياج اكثر من شكل وشافت تسريحات اشكال والوان وبسرعه فتحت علئ الموقع وانتضرته الين دخل وبلهفه وشوق : هلالالالالالا وربي وحشتني حييييييل رد عليها وهو يخفي عبرته وااهاته : هلا ياقلبي وانتي وربي وحشتيني حيل عهود : كيفك حبيبي كيفك ياابو بنتي هشام لاتكفين لاتقولين هالكلمه تراها عذابي ياعهود : الحمدلله بخير ياقلبي انتي كيفك عهود : دام روحي بخير انا بخير هشام انتي اكثر انسانه فاهمتني الله يسامح الي يبي يفرق بينا يالغاليه : دوم يارب عهود عهود : هشام هشام : تفضلي حبيبتي عهود : لا انت تفضل هشام : يلا لاتزعليني منك عهود : لاكل شي ولا زعلك طيب بقولك اممم انا اليوم شفت فساتين روووعه واخترت فستان كحلي فيه فصوص كرستاليه الفستان طويل وله ذيل طويل وله حمالات عريضه وعلئ الحمالات في فصوص فضيه وجلست تكمل له بقيت وصف للفستان امممم هاذا الفستان عاجبني بالمره ان شاء الله فملكتنا بلبس مثله وبحط مكياج كحلي علئ اسود هاذا بيكون ضل وبحط قلوس وردي خفيف مع بلشر بيطلع يهبل وبسوي شعري تسريحه رومانيه يلا حبيبي قولي وش كنت تبغئ تقول ؟؟ عنده هو كان مصدوم من كلامها ااااه ياعهود وش تبيني اقولك اقولك اني بتزوج غيرك اااه ماابي احطم احلامك ياعمري بس الضروف اقوئ مني سامحيني مسح دموعه بقوه : لاحبيبتي ولا شي عهود بخوف : هشام وضعك مو عاجبني احس فيك شي وماتبغئ تقوله هشام بدون رد : ........ عهود زاد خوفها اكثر : يعني فيك شي انا متأكده وربي متأكده ان فيك شي هشام : لالا حبيبتي مافيني شي عهود : قول والله مافيني شي هشام : مابحلف لاني تعبان من موضوع الشغل لانهم بينقلوني مكان بعيد عهود : متأكد هشام : يب عهود : حرام عليك خوفتني ظنيت ان فيك شي هشام : ياعمري انتي لاتخافين علي .................................................. .................................................. ............................ اتصلت عليه وحطت الجوال علئ اذنها اتصل مره وثنتين وثلاث بس محد يرد .................................................. .................................................. ................. كان نايم وكل اعتقاده ان الي يتصل واحد من اصدقائه فكان يطنش ومايرد ولما كثرة الاتصالات شغل النور وبتضجر : اوهوه علينا .. مسك الجوال واول ماشاف اسمها (امل عمري * ) طار النوم من عيونه وجته فرحه شديده وبسرعه اتصل عليها سالم بلهفه وشوق : الو وينك ماتردين؟ بصوت متعب للغايه : الو اسفه انا تعبانه سالم بخوف عليها : وش متعبك ياقلبي ياسمين قالت له كل شي وجلست تبكي سمع صوت شهقاتها الي قطعت قلبه وهو اكره شي علئ قلبه يسمعها تبكي : خلاص ياعمري خلاص ياقلبي لاتبكين شده وتزول وضل يهدي فيها الين هديت وطلب منها ترتاح وقالها بصدق : احبك وسمع منها : احبك وقفلت وناااامت .................................................. .................................................. ....................... انتهئ البارت اتمنئ يكون نال علئ اعجابك لاتحرموني توقعاتكم | ||||
|  |
|
26-11-13, 03:41 PM
| #42 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الواحد والاربعون ...(بارت حزين اعتذر وان شاء الله تتغير احداث الروايه .. متابعه ممتعه )) ..ّّ- صدم? رحيل?'ه م ;طر? لي على البال: ?فجع? ، فراق? باقي? تكتسيني..ّّّ بعد ماكلمها وحس براحه لانه تطمن عليها وبنفس الوقت حس بقهر وانكسار امام دموعها تمنئ يكون معها وتمنئ يمسح لها دموعها بيده بس للاسف اخذ جواله واتصل علئ هاني سالم : الو السلام عليكم هاني بصوت مرهق : وعليكم السلام ورحمة الله سالم : كيفك وكيف الاهل هاني: الحمدلله ماشي حالهم سالم :بشر وش قالوا عن اختك هاني : مانعين عنها الزياره سالم : لاحول ولاقوه الابالله .. الا قولي متئ مداوم ؟؟ هاني : والله اني شايل هم الدوام ابي ارجع الخبر عشان دوامي وصعبه اترك اهلي هنا واحس اني ضااايع سالم : الله يعينك بس انا بمسك مناوباتك كلها هاني : الله يخليك ياسالم والله انك اكثر من اخو سالم : عيب عليك مابينا هالكلام هاني : الله يسعدك .. اوك انت امسك عني مناوباتي وانا بجيب خطاب من مستشفئ الملك ....... بجده عشان الغيابات حقتي سالم وقف لما سمع اسم المستشفئ : مستشفئ ايش ؟ هاني : مستشفئ الملك ......... بجده سالم هاذا نفس المستشفئ الي فيه ياسمين وش هالصدف ؟؟: اوك هاني اكلمك بعدين هاني : اوك وقفل سالم بسرعه اتصل علئ ياسمين وبعد فتره بسيطه ردت بصوت تعبان للغايه : الو سالم : ياسمين انتي كيف تعرفيني بس ردي وخلاص بقفل ياسمين ليش ياسالم تبي تزيد جروحي جروح كافي الي فيني : مااقدر سالم : لمتئ ماتقدرين لمتئ ؟؟ ياسمين ياربي وش غيره علي : سالم ايش فيك سالم بصوت عالي : مافيني شي بس تعبت ياسمين انقهرت من تصرف سالم وليش يعاملها كذا : انت بتحبني ولا بتحب الطريقه الي عرفتك فيها ؟؟ خلاص دامك حبيتني ماتهم الطريقه سالم زادت عصبيته : وبعدين معك انتي ياسمين نزلت دموعها وبصوت باكي : انا اخت هاني ارتحت خلاص عنده هو كان مصدووووووووم جدااا: .........(بدون رد ) ياسمين تشاهق : خلاص الي تبغئ تعرفوا عرفته خلاص سالم مشاعره متلخبطه مايدري ايش يسوي : ياسمين ياسمين : خلاص ادري وش بتقول بتقول انو ماتقدر تكلمني لان هاني اكثر من اخ بالنسبه لك سالم ساكت لان كلامها صح وهذا الي كان يبي يقوله ياسمين بدموع اكثر : عارفه والله كنت عارفه ان هاذا الي بيصير الله يوفقك ويسعدك مع غيري يانور عيني سالم تقطع قلبه عليها : ياسمين ياسمين بصراخ : عظم الله اجرك بياسمين وقفلت جوالها وكانت تبكي وتصارخ اكثر لدرجة ان النيرس جتها بسرعه وكان كل اعتقادها انها تبكي من ألم العمليه الجراحيه النيرس : ايش يعورك ياسمين / مافي حاجه تعورني سيبيني لحالي واطلعي برئ النيرس خافت من شكل ياسمين كانت عيونها حمرا وتحت عيونها هالات سودا وشفايفها مايله للون الموف المزرق طلعت النيرس بسرعه وراحت لمكتب الدكتور عبد الرحيم وبخوف كبير النيرس : دكتور ياسمين ماادري ايش فيها الدكتور عبد الرحيم كان يبي يطلع لان عنده مرضئ يبي يروح يشوفهم الدكتور عبد الرحيم وهو يمشي بسرعه : اسف قولي لدكتور بندر لانه هو المشرف علئ حالتها انا عندي مرضئ الحين النيرس بسرعه راحت ركض لدكتور بندر وقالت له علئ حالة ياسمين الدكتور بندر : وين غرفتها النيرس : الدور الثالث 109 الدكتور بندر : اخر غرفه علئ اليمين النيرس : ايوا كانوا يمشون بسرعه وهم بنص الطريق الدكتوره نبيله : اهلا يادكتور د/بندر : نعم دكتوره نبيله : كنت عوزه اخز النيرس لاني عوزاها تساعدني د/ بندر : اعطيني الابره وروحي معها النيرس : اعطته وراحت مع الدكتوره نبيله بندر ركب المصعد واول مافتح بسرعه علئ غرفة 109 دخل لقيها تبكي بصوت عاااالي تبكي بألم وتعب وقهر وبينها وبين نفسها (ااااااااااه ياسالم ياليتك انتظرت الين ربي يشفيني وسويت الي تبيه ليه كذا ليييه ليه لما اكون محتاجه لك من بعد الله تتركني لييييه ) د/ بندر : بسرعه اعطيني يدك ياسمين : اطلع برئ وش تبغئ قلت لكم اتركوني بحاااالي د/بندر مسك يدها بقوه واعطها ابره مهدئه وتدريجيا بدأ يقل الصوت الئ ان اختفئ وقف يتأمل ملامحها كانت ملامح مرهقه ومتعبه (لاحول ولاقوة الابالله شكل البنت لسئ صغيره بس ملامح التعب واضح عليها بشكل كبير الله يشفيها ) وطلع وقفل الباب توجه لمكتب عبد الرحيم واخذ الملف الخاص بياسمين وتوجه لمكتبه وجلس علئ الكرسي وبدأ يقرئ ملفها .................................................. .................................................. ....................... لمتئ بضل اخدعها لمتئ .. انا مااقدر اكذب عليها اكثر من كذا حراااام والله حرااام مااقدر اخدعك ياعهود فتح الموقع وكتب لها رساله ودموعه علئ خده (السلام عليكم ورحمة الله وبركاته عهود سامحيني ياقلبي والله اني اكتب لك الرساله ودموعي علئ خدودي انا ضحيه مثلك اهلي اجبروني ارتبط بغيرك وبكره ملكتي او بالاصح موووووووتي ) .................................................. .................................................. .............................. زياد : حبيبتي جهزتي اغراضك لينه : لالسئ زياد : ايش تنتظرين ياقلبي لينه: طيب حبيبي بروح اجهز اغراضي زياد : وانا بجي اساعدك .. قام بيساعدها لكن وقف لما سمع صوت جواله زياد : الو بصوت باكي : زياد ياسمين بالمستشفئ زياد جلس : وش فيها حنان : قالت له كل شي زياد : لاحول ولاقوه الابالله العلي العظيم طيب بأي مستشفئ ؟؟ حنان : مانعين عنها الزياره زياد : طيب شوي وبجيكم البيت حنان: اوك وقفل جواله وراح بسرعه للينه : لينه حبيبتي سامحيني ماراح نقدر نروح الحين لينه بخوف : ليش زياد : اختي بالمستشفئ وقال لها الخبر لينه كانت تبكي : ياعمري ياياسمين زياد حضنها : لينه حبيبتي مسحي دموعك وادعيلها ان الله يشفيها لينه : ان شاء الله ولبست عبايتها بمساعدة زياد وقرروا انهم يروحون لبيت ابو محمد .................................................. .................................................. ............. ام محمد سوت اكل وحطت لابو محمد وابو خالد وهاني وحطت بصحن ثاني لها ولبناتها ام محمد : كلي ياعمري انتي من امس علئ لحم بطنك ام خالد : طيب يمه باكل وجلست تاكل اشياء خفيفه حنان( ياعمري عليكي ياياسمين بالعاده نجلس ناخذ اكلنا بغرفتنا ونجلس ناكل لحالنا ) ندئ (اموت واعرف ليش مسوين كل هالحزن علئ وحده ماتسوئ الله لايبلانا بس وكملت اكلها ) ام سليم (الله يعينك ياسليم ياقلبي الحين اكيد شايل هم ياسمين لاحول ولاقوه الابالله ) .................................................. .................................................. ...................... طبعا خالد كان مستانس اخر وناسه وكل شوي يطلع هو والعيال وام وليد ويتمشون ومبسوطيين جدا واخذهم ووداهم الملاهي ولعبوا احمد ووليد واستانسوا وبعد ماخلصوا راحوا سوق الذهب واشترئ لام وليد دبله كانت دبلتها حييييل ناعمه خاتم ذهبي ومن الامام له كرستاله كبيره حلوه وهو اخذ دبله فضيه مكتوب عليها(Love forever) خالد : حبيبتي وش نفسك فيه ام وليد بحياء شديد : الي يريحك خالد : ناخذ مشويات ام وليد : اوك وراح خالد اشترئ مشويات ورجعوا البيت طبعا خالد والاولاد بالملحق وام وليد بالصاله يتعشون ام وليد بعد ما انتهت من العشاء شالت الصحون وبينها وبين نفسها ( هالمره اكلت الحالي والمره الجايه بيصير ناكل انا ووليد وخالد واحمد يااارب ) وغسلت المواعين وهي جدا مستانسه وبعد ما انتهت راحت غرفتها وطلعت الخاتم ولبسته وكان وسيع شوي اخذته ونادت وليد : وليد حبيبي قول لعمك خالد ان ماما تقول الخاتم وسيع وليد : طيب واخذ الخاتم منها وراح اعطاه عمه خالد وقال له الي قالت له امه خالد : طيب حبيبي انا بوديها محل الذهب واجي لاتطلعون برئ واذا تبون تلعبون العبوا بالحوش الين اجي سامعين وليد واحمد : سامعين وقربوا منه وطبعوا بوسات علئ يده خالد حسهم فعلا عياله كان يحبهم جداااا ويغليهم كثير ومايقصر عنهم بشي طلع من البيت وركب السياره وشغلها ومشئ وكان ماسك الخاتم ويناظر فيه : لهدرجه اصابعك نحيفه ياام وليد طييييب خلينا نتزوج ان شاء الله بوكلك بيديني الين تصير اصابعك مثل اصابعي ههههههه رفع عينه وشاف الي مايتوقعه و....... .................................................. .................................................. ............................ انتهئ البارت ان شاء الله يكون نال علئ اعجابكم ولاتحرموني من توقعاتكم سالم وياسمين ؟ هشام وعهود ؟ ام وليد وخالد؟ بندر ؟ حنان وبسام ؟ | ||||
|
| |
|
26-11-13, 03:58 PM
| #43 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الثاني والاربعون ..تــــّدري أنـــ/ البــــنـــّّـــت مــــن جــــّّــــرح واحـــــّّـــد تــــّّـــهــٍّار,,, .................................................. ...................... كانوا الاهل مجتمعين ام محمد وبناتها وندئ استأذنت من أمها وراحت المشغل وكالعاده حاطه مكياج صارخ واحلا لبس عندها والي كان عباره عن (بنطلون سكيني اسود وتيشيرت كاروهات لون رمادي بحزام ذهبي ) ام سليم بعصبيه : حنان حنان : نعم ام سليم : وش فيها اختك ذي وش الي مسويته بنفسها علئ الاقل تخفف من مكياجها مراعاه لحالة اختها حنان : والله قلت لها بس اذن من طين واذن عجين قطع عليهم حديثهم صوت الجرس ام محمد : حنان افتحي الباب حنان : طيب يمه ... ونزلت بسرعه تحت لقيت زياد ولينه حنان بعيون مرهقه وذبلانه من كثرة البكي : حياكم الله نورتونا يااحلا معاريس زياد تضايق من لما شاف عيون حنان (الله يستر ): الله يبقيكي ياخاله وطبع بوسه علئ راسها وقربت حنان من لينه وطبعت بوسات علئ خدودها : نورتينا ياعروسه لينه بحياء : النور نورك حنان بمزح رغم الالم : ها بشري ان شاء الله حامل زياد : سلامات وش الي حامل وانا باقي ما شبعت منها حنان : ههههه امزح امزح لاتعصب لينه : هههههه زياد شالها وحنان شالت الكرسي ودخل زياد علئ جدته وامه وخالاته وكانت مفاجأه بالنسبه لهم استقبلوه بوجيه تبتسم وتخفي المها ووجعها كانوا يحاولون يكونون طبيعيين جدا بس العيون تفضح .................................................. .................................................. ........................ دخلت النيرس عندها وصحتها بقوه وكانت تهز يدها بقوه الين فتحت عيونها وبصوت مبحوح من شدة البكي : نعم النيرس ماسكه جوالها وتكلم : ايه حبيبي بس شوي في عله علئ قلبي بأعطيها دواها وبجيك ..:بعصبيه مالها تفسير : قومي الله لايهينك كلي وخذي دواكي وخلصينا ياسمين كانت نظراتها جهة الشباك مو مهتمه لكلامها بالعاده ياسمين من اتفه كلمه تنجرح وتتأثر لأنها حساسه بس هالمره كانت غير عن كل مره كان جرحها قوي مو كلمه جرحتها ولا احد عصب عليها الي كان فيها موقف دمر لها حياتها .................................................. .................................................. ........................... بعد ما قرأ ملفها وانتهئ منه قفله وحطه بالدرج وقفل عليه بالمفتاح واخذ المفتاح معه وطلع بكل هيبته متوجه لغرفه 109 مشئ الين وصل عند غرفتها وكان جزء من الباب مفتوح وشاف النيرس تنافخ بقوه : اوهوه علينا اشتغل خدامه عند حضرت جنابك كلي وخلصينا ترئ وراي شغل وكانت تاخذ ملعقه فيها رز وتفتح فم ياسمين بالقوه وتدخل الاكل في فمها عنده خلاص حس انه بينفجر وش هالاسلوب مستحيل تكون هاذي ممرضه وفتح الباب بقوه وبصراخ قوي : انتي وبعدين معك وش هالاسلوب الي تعاملين فيه المرضئ النيرس بخوف وارتباك شديد :أأأنأأأ أأأسفهه ممماككنتت اقققصددد د/ بندر : الحين اطلعي برئ وبرفع فيكي محضر وبينحسب لك غياب 3 ايام النيرس بدموع :لالاالله يخلييك د/بندر: اطلعي برئ ولا ازود الغيابات النيرس :لالا خلاص وبسرعه طلعت برئ الغرفه قرب منها وشافها تبكي وحاطه ايدها علئ فمها وتكتم شهقاتها وطلع مندييل من جيبه وقرب المنديل من خدها الناعم ومسح دموعها وبحنان : خلاص لاتبكين قرب منها وجمع حبات الرز المتساقطه علئ بلوزتها بندر : يلا الحين لازم تاكلين اكلك عشان تاخذين الدواء ياسمين تهز راسها بلا بندر : انتي تبين تطيبي وتصيري بخير ؟ ياسمين : ايوا بندر : دام كذا لازم تتوكلين علئ الله ثم تبدين تاكلين وتاخذين دواكي ياسمين : طيب بندر مسك الملعقه وكان يبي يحط فيها رز بس وقف لما قالت له ياسمين : لالا ماابغئ رز بندر : حاضر ايش تبغين ؟؟ ياسمين : سلطه بندر : اوك وقرب لها صحن السلطه وجلس يوكلها بيده الين خلصت الصحن بالعافيه يارب ياسمين : الله يعافيك دكتور بندر :يلا الحين لازم تاخذين الحبوب حقتك ياسمين : طيب .. بندر مد لها الحبه والمويا وياسمين اخذتها واكلتها بندر نادئ وحده من النيرسات وساعدت ياسمين والدكتور بندر شاف الجرح وكتب الملاحضات بالملف وقال لنيرس : نضفيلها الجرح وغيريلها الشاش وحطي لها معقم وقبل مايطلع قالت له وبعيون مليئه بالدموع : اخاف الدكتور بندر : من ايش يابابا ؟ ياسمين : اخاف من الجرح لان امس جلست ابكي من ألمه الدكتور بندر : طيب اعطيني يدك ووعد ماتحسين بوجع طول اليوم بس بينتهي مفعوله بكره وخلي فبالك راح نقلل المهدأ عشان ماتتعودين عليه اوك ياسمين : اوك واعطته يدها الصغيره مسكها بيده العريضه واعطها ابره وبعدها غمضت عيونها وناااامت وماحست بشي وطلع الدكتور بندر وتوجه لمكتبه والنيرس كانت تغير الشاش وتعقم جرح ياسمين وبعد ما انتهت رجعتها بهدوء وطفت الانوار وطلعت برئ الغرفه .................................................. .................................................. ........................ دخلت ع الموقع تبي تشكي لهشام عن حال اختها وحال البيت وحال الحزن الي هي عايشه فيه دخلت بشوق ولهفه لحبيب الروح ولقيت منه رساله وفرحتها ماكانت تنوصف وارتسمت علئ شفايفها احلا ابتسامه لكن سرعان ماتلاشت هالابتسامه وتحول فرحها لزعل بعد ماقرت الرساله قرتها مره وثنتين وثلاث وعشر ماكانت مصدقه تظن ان هشام يمزح عليه وقفلت الاب توب وبكت بكت قهر وعذاب بكت بصوت عاااااالي كانت تحس روحها بتطلع من جسمها كانت تتمنئ الموت ولاتقرأ هالكلام دخلت خالتها بخوف ولقيتها تبكي كان كل ظنها انها تبكي علئ اختها حنان حضنتها : عهود حبيبتي ياسمين ان شاء الله انها بخير بس انتي ادعيلها ولا تسوين بنفسك كذا عهود ماكانت تسمع شي غير الكلام الي بالرساله وكل مره تبكي اكثر وتشاهق ويعلئ صوتها وظلت حنان تهدي فيها الين تعبت من كثر البكي ونامت ع السرير لحفتها حنان وشغلت لها التكييف وطلعت واتصلت علئ صديقتها روان حنان بضيقه : الو السلام عليكم روان : وعليكم السلام بشري حنان : الحال نفسه دعواتك ياقمر روان : الله يشفيها حنان : امين .. الا اقول روان وقفت لما سمعت صوت اختها ام خالد تبكي بصوت عالي وتقول : ااااااااااااااااااااااااا ااااااااااااااااااااااااا ااااااااااه ياربي رحمتك هاذي عين وماصلت علئ النبي .................................................. .................................................. ........................ انتهئ البارت اتمنئ يكون نال علئ اعجابكم ولاتحرموني من تعليقاتكم وردودكم | ||||
|
| |
|
26-11-13, 03:59 PM
| #44 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الثالث والاربعون أخذت جوالها واتصلت علئ رقم خالد كانت تبغاه يجي عشان اخته تعبانه اتصلت اكثر من مره بس مافي رد ام خالد : ايش نسوي عشاء ياام سليم ام سليم : خليكي مرتاحه والي تبينه بنسويه لك ام خالد : ماتقصرين والله ام سليم : وموضوع العشاء لاتشيلين همه بوصي واحد من العيال يجيب لنا من البيك ام خالد شافت جوالها يدق بأسم خالد مسكت الجوال وبفرح ردت عليه : هلا يمه هلا بالغالي ....: ممكن اكلم ابو خالد ام خالد بخوف : ليش وش فيه .....: مافي شي بس انا ابيه ام خالد : اسألك بالله قولي وش فيه ......: والله ماادري ايش اقولك بس خالد صار عليه حادث و ..... ماامداه يكمل كلامه الا سمع صوت بكائها وصراخها وقفلت الجوال ام سليم دقات قلبها متسارعه : ام خالد وش فيه خوفتيني ؟؟ ام خالد بدموع وصراخ : حبيبي صار عليه حادث ام سليم نزلت دموعها : لاحول ولاقوه الا بالله ام خالد : ااااااااااااااااااااااااا ااااااااااااااااااااااااا اااااااااااااااه ياربي اااااااااااااااااااااه وش هالعين الي ماصلت علئ النبي بنتي الصغيره ومسوين لها عمليه ومانعين عنها الزياره وولدي البكر صار عليه حادث يارب الطف فينا يارب حنان بخوف : روان اكلمك بعدين ... وراحت ركض لمصدر الصوت وسمعت الخبر المؤلم وسرعان ماوصل الخبر لآبو خالد وابو محمد واخذوا اام محمد وام خالد وام سليم وعهود وحنان وسليم وراحوا ع المشغل واخذوا ندئ وتوجهوا لحفر الباطن .................................................. .................................................. ............................. كان يحس ان الدنيا شينه ويحس ان الدنيا ضايقه فيه زفر بقوه : ااااااااااه يارب يوم حبيت الانسانه الي اختارها قلبي وعقلي وكل تفكيري يجي القدر انها تكون اخت صديقي ومو اي صديق الا اخوي وش الي يصيييير وش الي يصييييير .................................................. .................................................. ......................... اخذ حبيبته وراحوا اشتروا برجر من ماكدونالدز وجلسوا علئ البحر يتعشون (طبعا مايدون بموضوع خالد ) زياد شال لينه وحطها بحضنه وجلس يأأكلها ويمسح لها فمها وبعد ما انتهوا من الاكل لينه رجعت راسها علئ صدر زياد وزياد ضمها اكثر وقال : حبيبي لينه : عيوني زياد : يافديت هالعيون وراعيتها لينه : فداك الكون كله الا حزنه ياروحي زياد : تسلمين يارب اممم حبيت أسألك متئ ناويه نصير ثلاثه لينه بحياء : اذا ربي كتب زياد : والنعم بالله بس متئ ؟؟ لينه : زياد امنية حياتي اني احج واعتمر حججني وخليني اخذ عمره وبعدها احمل ان شاء الله زياد : ان شاء الله باذن الله اصلا مابقي شي علئ موسم الحج لينه : ان شاء الله زياد : حبي وش نفسك تسمين ؟؟ لينه : اممم نفسي اسمي البنت نجمه والولد انت تسميه زياد : اوك بسميه حسن علئ اسم ابوي لينه : اوك وجلسوا يتأملون البحر وأمواجه ومستانسين .................................................. .................................................. ....................... هدئ : حبيبي ابي اعتمر وبعدين ازور اهلي سعد : غالي والطلب رخيص هدئ : كم باقي معك من الاجازه ؟؟ سعد : ماعليكي حبيبتي معي ايام كثيره ان شاء الله نعتمر ونزور اهلك ونروح المدينه كمان هدئ حضنته : الله لايحرمني منك سعد بحب : ولامنك يالغاليه .................................................. .................................................. ....................... بالنسبه له هو كان هاليوم يوم موته لأنه بيفارق حبيبت رووحه راح هو وابوه واخوانه لبيت عمه وقال ابو هشام : احنا طالبين يد ابتسام لهشام علئ سنة الله ورسوله وش قلت ياابو ابتسام ابو ابتسام سعادته لاتوصف : والله مابلقئ احسن من هشام هشام اااااااااه جالسين يطعنون فيني وجروحي تنزف الله يسامحكم ماابي ادعي بلحضة غضب ابو هشام : هشام قوم حب راس عمك هشام قام وهو مايدري وش الي يصير وطبع بوسه علئ راس عمه وسلموا عليه اخوانها واخوانه وباركوا لهم ابو هشام : خير البر عاجله جيبوا المملك هشام يحس انه يحلم مستحيل يكون هالشي صدق... وماصدق الين جاء المملك وسأله الشيخ : وانت ياولدي ياهشام هل تقبل الزواج بابتسام ..... زوجه لك علئ سنة الله ورسوله كان كل حلمه يقول له هل تقبل بعهود حسن ال..... زوجه لك .... سكت فتره وسط استغراب اخوانه وابوه وعمه وعيال عمه وبصعوبه طلعت : ايه وترك المجلس وطلع وركب سيارته وراح مكان لحاله وجلس يبكي فيه : يارب اموت يارب اموت يارب اموت ماابيهااااااااااااااااااا اااااااااا يارب انك تاخذ روحي او تاخذ روحها هي وتفكني منها هي الي حرمتني من روحي وحياتي ونصفي الثاني اااااااااااااااااااااااه يااااااااااااارب فرجها من عندك ياااارب .................................................. .................................................. .............................. كانوا ماشين بالخط وكانت راكبه ورئ علئ المقعد الايمن وحاطه راسها علئ الزجاج النافذه ودموعها تنزل بدون توقف وبقلبها (اصلا هشام لي لي انا وبس كذابين وربي كذابين ماراح يتزوج ويخليني كيف يتزوج وانا وهو بنينا احلامنا سوئ حتئ بيتنا خططنا كيف راح نبنيه وحتئ اسامي عيالنا اخترناها سوئ بموت بموت مستحيل يصير هاذا الشي ) وبدون ماتنتبه علئ نفسها ارتفع صوت بكائها وشهقاتها وكانت حنان تهديها حنان : ادري ان الشي هاذا صعب عليكي ياقلبي بس ادعيلهم ان الله يشفيهم روان بدون كلام وماوقفت بكي .................................................. .................................................. ......................... رفعت جوالها واتصلت علئ رقمه اكثر من عشرين مره بس للاسف ماكان يرد عليها بدموع غزيره : ياويلك من ربي ياسالم حرااااام عليك وربي حراااام اقلها اتركني بعد مااشفئ ليش تتركني بهاذا الوقت ليييش لييييش .................................................. .................................................. ..................... الدكتور بندر كان مناوب وطلع للكفتيريا واشترئ قهوه ولما جاء يبي يطلع تذكرها وحب يجيب لها شي معه واخذ كيس واشترئ شيبسات وكندر وعصير فراوله واخذها وراح ووصل لعند غرفة ياسمين ..(ادخل ولا ماادخل ادخل ولا ماادخل لالالا ماني داخل وجاء يبي يروح لكن في شي رجعه لغرفتها )ودق الباب ياسمين : مين دكتور بندر : الدكتور بندر ياسمين بسرعه مسحت دموعها وشعرها كان مغطئ بكيس العمليات : تفضل دخل الدكتور بندر : السلام عليكم ياسمين : وعليكم السلام ورحمة الله بندر : كيفك ان شاء الله بخير ياسمين بتعب: الحمدلله بندر : دوم ان شاء الله ياسمين : شكرا بندر : عفوا ياسمين : دكتور ليش اهلي مايزوروني ؟؟ بندر : لأن الزياره ممنوعه عنك ياسمين : بس انا ابيهم بندر بعفويه شديده : يابابا ياحبيبتي ان شاء الله بس يسمحون بالزياره بخليهم يجونك ياسمين انحرجت وتلون وجهها وسكتت مو عارفه وش تقول وبندر (ياربي وش قلت انا حبيبتي مره وحده ماتنلام البنت يوم تغير لونها ) : اسف والله ماكنت اقصد ياسمين ساكته بندر حب يصرف السالفه: شوفي ايش جبت لك .. وطلع من الكيس كندر وشيتوز حار نار وعصير فراوله ياسمين اخذت الكندر وبفرحة طفله : كيف عرفت اني احب الكندر بندر الحمدلله انها طلعت تحبه : امممم خمنت ياسمين : شكرا دكتور بندر : العفو ... واخذ منها الكندر وفكه لها وحطه بيدها وجلست تاكل بندر سرح بعيونها بدون ماينتبه علئ نفسه ياسمين كانت تاكل ومندمج ورفعت عيونها ولقيت بندر مركز نظره عليها .. ياسمين وقفت اكل وبدون ماتنتبه جت عيونها بعيونه وجلسوا يناظرون بعيون بعض لفتره بندر كان يناظر بعيونها البنيه المحدده باللون الاسود وياسمين كانت تناظر بنظاراته وعيونه الي لونها بني داكن بندر حس علئ نفسها وارتبك :أأأأأٍسسسف أأأناااا بطلع ... وطلع بسرعه وقفل الباب وراح مكتبه .................................................. .................................................. ........................ انتهئ البارت اتمنئ يكون نال علئ اعجابكم توقعاتكم بالنسبه لدكتور بندر وياسمين ؟؟ عهود وهشام ؟؟ لينه وزياد ؟؟ خالد ؟؟ ام وليد ؟؟ سالم ؟؟ | ||||
|
| |
|
26-11-13, 04:00 PM
| #45 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الرابع والاربعون (ياصاحبي والي خلقني من طين انا قوي لكن كسرني غيابك ) .................................................. .................................................. ........................ كانت جالسه وكل تفكيرها بنضرات الدكتور الغريبه والي ماقدرت انها تفسرها  ايش فيه الدكتور كان يطالعني كذا وربي خفت من نضراته رد عليها ضميرها ياسمين لاتكبرين السالفه كانت نضره عاديه وماكان يقصد ممكن سرح بأمور الدنيا )وعلئ طاري امور الدنيا تذكرت الانسان الي حبته بقلب طيب وصافي ونضيف حبته حب بعيد عن الحب الكاذب المبني علئ كذب وخداع ومصلحه تنهدت بقوه من صدرها : اااااه .. بعد ماكنا احلا اثنين صرنا الحين مفترقين وبعاد عن بعض الله يسامحك ياسالم تركتني وانا بأمس الحاجه لك نزلت دمعه من عيونها وهي تتذكر اللحضات الحلوه الي قضتها مع سالم تتذكر لما كان يضحكها ويمزح معها وتتذكر لما كان يقولها انتي صغنونه وتتذكر لما كان يقولها حافظي علئ صلواتك تحولت دموعها من مجرد دمعه الئ سيل من الدموع وكانت تبكي بأعلئ صوت لها .................................................. .................................................. .......................... وصلوا المستشفئ الكل خايفين علئ حالة خالد والكل متوترين وكل واحد فيهم براسه الف فكره وفكره اول مادخلوا المستشفئ كلهم نزلوا والحريم جلسوا علئ الكراسي الي بممر النساء والرجال راحوا الاستقبال يسألون عن خالد ابو خالد : السلام عليكم ورحمة الله وبركاته الموظف : وعليكم السلام ورحمة الله تفضل ياعم ابو خالد : بالله شوف لي اسم المريض خالد ال ...... الموظف : ابشر ياعم ... وجلس علئ الكومبيوتر وطلع اسمه ... ياعم هو بغرفه رقم 9 ابو خالد : شكرا وراح بسرعه ومعه ابو محمد وهاني وسليم ولما جوا يدخلون لقيوا الدكتور قدامهم الدكتور : لوسمحتوا ممنوع الزياره الحين ابو خالد : بس انا ابوه وهو صار له حادث وماله احد هنا الدكتور :أزاي مالوش حد هنا دلوقتي زوجته متصله ابو خالد مستغرب من كلام الدكتور وبنفس الوقت مو مصدق وكل الي معه كانت صدمتهم لاتقل عن صدمته هاني بصوت مرتجف : دكتور الله يعافيك تأكد يمكن غلطان الدكتور : لامش غلطان دلوقتي ست اتصلت وقالت انها مراته ابو خالد من قوة الصدمه رجوله ماشالته وجلس ع االكرسي سليم بسرعه قرب من زوج خالته : بسم الله عليك ياخالي فيك شي ابو خالد مو قادر يتحرك وبصوت تعبان : ودوني البيت هاني بخوف : يبه صل علئ النبي احنا جايين هنا عشان نشوف خالد ولما وصلنا تقول ودوني للبيت ابو خالد بعصبيه : قلت لكم ودوني للبيييييييييت ماتفهمون انتو تعبان ابي ارتاح ابو محمد حب يهدي الوضع : خلاص يابو خالد الي تامر فيه بيصير الحين سليم ياخذك ويستاجرلك شقه عشان البيت بعيد ومن اصبح افلح ابو خالد : اي مكان اهم شي اطلع من هنا ابو محمد : علئ امرك يابو خالد .... واخذه سليم ووداه الشقه هاني راح هو وجده لغرفة خالد وشافوه ملفوف علئ راسه شاش ابيض وعلئ رجله (اكرمكم الله )شاش ابيض برضوا ويده اليسرئ فيها خياطه ومحطوط الاوكسجين علئ فمه (نزلت دموع حاره من هاني وجده علئ حاله ولدهم الغالي ) هاني (الله يهديك ياخالد كذا تسوي من ورئ اهلي شوف زياد علئ كل الي صار معه ما فكر انه يتزوج البنت من ورئ اهلي ) ابو محمد : اقول ياهاني روح كلم امك واختك وخالاتك يجون يشوفونه هاني : طيب ياجدي ... وراح قسم النساء وقال لنيرس تناديهم وطلعوا وكانوا يمشون ورئ هاني كانت دقات قلبهم قويه وكانت حالتهم ماتنوصف الكل يده علئ قلبه ويحس ان الي يصير حلم مشوا بخطوات متسارعه الين وصلوا عند غرفته طالعت ام خالد وبس شافت شكله اغمئ عليها عهود وخالاتها كانت دموعهم تنزل لكن بشكل خفيف بمجرد اغمئ علئ ام خالد انفجروا بالصياح والبكاء ابو محمد : لاحول ولاقوه الابالله شيلها ياهاني وانا بساعدك هاني : طيب ياجد وبالفعل شالها هاني بمساعدة الجد وحطوها بأحد الغرف وحطولها ابرة مغذيه وقالوا لهم مجرد اغماء بسيط وتقوم بعد 24 ساعه عهود بدموع غزيره : هاني امي ايش فيها هاني كسرت خاطره : مجرد اغماء بسيط الحمدلله عهود : قول والله هاني : والله ويلا خذي المفتاح واركبوا السياره انتي وخالاتي احنا بنتطمن عن خالد ونجيكم عهود : طيب ... واخذت المفتاح وراحت هي وخالاتها ركبوا بالسياره ينتظرون هاني وجدهم راح هاني والجد عند الدكتور وسألوا عن حالة خالد وطمنهم بأن الي فيه مجرد رضوض والي براسه خياطه للجرح الكبير طلعوا وركبوا السياره وراحوا استاجروا غرفه ثانيه للبنات كانت مكونه من غرفتين بسريرين والغرفه الثانيه نفس الشي وحمام (أكرمكم الله ) وصاله صغيره ومطبخ صغير وكل وحده فيهم حطت راسها عالمخده ولهت بهمها .................................................. .................................................. ......................... بخوف وقلق زايد : ياربي ماادري ايش فيها ... دقيت اكثر من مره ماترد سمعها وقال : روان ايش فيكي تكلمين نفسك كأنك مجنونه هههههههه روان :بسام اتركني بحالي مني فاييقة لك بسام : روان ايش فيكي ترئ الدعوه مزحه روان : معليش بسام بس متوتره شوي بسام : ليه ؟؟ روان : حنان كانت تكلمني وفجأه سمعت صرخه قويه وقالت لي اكلمك بعدين وقفلت اول ماسمع اسمها حس بشي غريب مدري اهتمام مدري فرح حس شعورهم متلخبط مايدري ليه : لايكون فيها شي روان : مدري مدري مدري انا من اليوم اتصل عليها وهي ماترد بسام بأنفعال زايد : تحبين اوديكي لها روان : ياليت .. بس الحين صعبه بنتظر الين بكره لو ماردت بروح لها بسام : براحتك روان : الله يريحك .... بطلع انام عن اذنك بسام : اوك وطلعت حطت راسها ع المخده واستسلمت لنووووووووم عمييييييييق .................................................. .................................................. ........................... دخل مكتبه بسرعه وجلس ع الكرسي وبتوتر شديد : اففففففففففف ياربي وش فيييييييني انا وش فييييييييني الحين البنت وش بتقول عني اكيد بتقول دكتور وكبير وفاهم ويسوي نفسه مراهق ... انا لازم ارجع واعتذر لها طلع بسرعه وقفل الباب وراه وتوجه بسرعه لغرفتها واول مافتح المصعد طلع بسرعه وكان يسمع صوت بكاء عالي ازدادت مخاوفه وركض بين الممرات الين قرب من مصدر الصوت وتفاجاء بأن مصدر الصوت كل ماقرب من غرفتها يقوئ خاف اكثر وفتح الباب بسرعه بدون حتئ مايدقه ويستأذن بالدخول شاف شي مايتوقع انه يشوفه .................................................. .................................................. ............................ : حبيبتي جهزتي اغراضك هدئ : ايه جهزتها سعد شال الاغراض وحطها بالسياره ورجع شال ريتاج ونزل هو وهدئ وتوجهوا لمكه المكرمه وهم فالطريق .. : الله ياسعد احس اني فرحانه بالمره لاني بروح وبشوف الكعبه المشرفه سعد الي كان مبسوط بكلام هدئ يحس البراءه بعيونها والفرح : الحمدلله انك فرحانه الله لايغير عليكي ياعمري هدئ : امين يارب ... وطول الطريق كانت تتفرج مناظر الجبال والغيوم وقطرات المطر وكانت جدااااا مبسوطه .................................................. .................................................. .......................... زياد صحي من النوم وراح الحمام (اكرمكم الله ) غسل وجهه وتوضأ وصلئ الفجر والضحئ وراح للينه يصحيها قرب منها وهز كتوفها بهدوء : لينه لينه حبيبتي اصحي لينه بكسل شدييييييييييييييييييييد ونعاااااااااااااااااس فضيييييييييييييع : زياد بالله خليني انام نعسانه زياد : يلا كافي نوم لينه بترجي اكثر : زياد الله يخليك بس خمس دقايق وبقوم زياد : اوك بكيفك انا بروح اشتري فطور وبجي واذا جيت ابي القاكي صاحيه لينه قالت بنعاس : طيب ورجعت غمضت عيونها ونااااااااااااااااامت زياد بدل ملابسه ولبس بنطلون سبورت اسود وبلوزه سماوه وجزمات (اكرمكم الله ) بيضا وطلع من الشقه .................................................. .................................................. ............................... :ااااااااااااااااااااه يالدنيا الحين احنا السليمات الي مافينا شي محد تزوجنا وهالمقعده المعاقه تزوجت وش هالحظ : وازيدك من الشعر بيت سمعت ان زوجها وسيم : خلاص انطمي لاتقهريني كفايه انا مقهوره خلقه بس ماقول الا يارب تموت واخذ زوجها : ايش معنئ ياخذك انتي ماياخذني انا : ليه وش شايفتني عندك عشان تقولين وش معنئ ياخذك انتي .. حبيبتي يكفيه اني جميله وبنت عز وابوي مليان فلوس يعني اشتريه واشتري اهله بعد : ولاتنسين ياقلبي ان السن يلعب دور وانا اصغر منك هههههههه وطلعت وقفلت الباب بقوه : الله ياااااااااااااااااااااااا اخذك يا ************* .................................................. .................................................. ............................. كان يشوفها تقوله ليه تركتني وكانت نضراتها حزينه وكان في دم علئ وجهها ويدينها قام من احلا نومه وقلبه يدق بسرعه : اعوذ بالله من الشيطان الرجيم اعوذ بالله من الشيطان الرجيم وش هالكابوس ... انقلب علئ جمبه الأيمن ورجع نام وبعد فتره شافها تبكي بقوه وتركض وقام من النوم : بسم الله الرحمن الرحيم وش هالكوابيس الي جايتني .. وقام توضأ وصلئ له ركعتين وجلس يستغفر ربه ورفع يدينه لسماء يارب انك تحميها من كل شر يارب انك تشفيها من جميع اوجاعها يارب ماتنزل دموعها بيوم يارب انت تدري اني احبها ونيتي فيها خير بس مااقدر اكلمها الحين لأنها اخت اخوي وصاحبي هاني ..نزلت دمعه حاره منه ومسحها بألم ورجع نام يحاول ينسئ .................................................. .................................................. .............................. رجع للبيت وماوده يرجع رجع وشكله باين انه حيييييل تعبان يحس انه مخنوق ومو طايق يشوف احد دخل البيت واهله كانوا كلهم موجودين دخل غرفته بدون مايعبر اي احد فيهم كرههم لأنهم دمروا حياته فتح الموقع علئ امل انه يلقئ رساله منها لكن لاحياه لمن تنادي ..... قال بضيق هالكون : اااااااااااااااه ياعهود ياترئ ايش فيكي الحين ؟؟ اكيد مقطعه نفسك من البكاء وحالتك حاله يابعد روحي .................................................. .................................................. ............................ انتهئ البارت اتمنئ يكون نال علئ اعجابكم وسامحوني علئ التأخير واشكركم من كل قلبي علئ انتظاركم الحوار بين الشخصيتين مين هم ؟؟ وليش حاقدين علئ لينه ؟؟؟ الدكتور بندر ايش الشي الي ماتوقع انه يشوفه ؟؟؟؟؟ ايش موقف اهل خالد لما قالهم الدكتور انه متزوج ؟؟؟ وهل هو صح متزوج ؟؟؟؟ بسام ليش حس بشعور غريب لما سمع اخبار حنان الي كانت ماتسر ؟؟ عهود وهشام ايش راح يسوون ؟؟؟ | ||||
|
| |
|
26-11-13, 04:01 PM
| #46 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الخامس والاربعون فتح باب الغرفه وشاف شي ماكان يتوقع انه يشوفه ... شاف دم ع الارض وشاف المغذيه طايحه ع الارض وشاف يدها مليانه دم ... خاف خوف مو طبيعي قرب منها ونزل شماغه وربطه مكان النزيف ونزلت دموع منه مايدري ليش وبصوت عالي : نييييييييييييييرس نييييييييرس جيبي الاوكسوجين ومغذيه جديده جت النيرس وانصدمت من شكل الدكتور لان عيونه كانت حمر ودموعه علئ خده واخذ منها الاوكسوجين بسرعه وحطه علئ انف وفم ياسمين .. واخذ ابرة المغذيه منها بيدين مرتجفه وحطها بيد ياسمين وقال لنيرس : اطلعي النيرس بأستغراب : وانت دكتور بندر بعصبيه : وش دخلك فييني اطلعي وخليني النيرس طلعت بسرعه وقفلت الباب وجلست ع الكراسي : وش بينه وبينها ؟؟ وليش كل هالاهتمام ؟؟ انا لازم اعرف وراحت مكتب الدكتور عبد الرحيم وبعد مااذن لها بالدخوله قالت : دكتور ممكن سؤال؟ عبد الرحيم : تفضلي ؟ النيرس : اممم الدكتور بندر يقرب للمريضه الي اسمها ياسمين عبد الرحيم بأستغراب: ليه تسألين النيرس : ولاشي وجت تبي تطلع بس وقفت لما سمعت عبد الرحيم يقول لها : اول شي عيب هالتصرفات الي تسوينها وثاني شي مايصير تتجسسين علئ الناس النيرس بعصبيه : عيب ها .. اقول روح علم صديقك المحترم العيب عبد الرحيم ارتفع ضغطه منها : استحي علئ وجهك والزمي حدودك ووش قصدك بهالكلام النيرس خافت تكبر السالفه :أأأوووولاشي اااابي ااطلع عبد الرحيم صرخ بقوه : وش قصدك بهالكلام ؟؟ النيرس : الدكتور بندر 24 ساعه عند المريضه ياسمين ومايطلع من عندها وقبل شوي رفض اني احط لها المغذيه او الاوكسجين عبد الرحيم : شي طبيعي بيكون عندها لان ماعنده الا حاله وحده وثاني شي ان بعض الظن اثم وبعدين من حقه يخاف علئ مريضته من اشكالك اطلعي برئ وقفلي الباب ولوجيتي هنا مره ثانيه ماتلومين الا نفسك طلعت النيرس بعصبيه وحقد وكراهيه وراحت تتمشئ باقسام المستشفئ طلع الدكتور عبد الرحيم توجه لغرفة المريضه ياسمين ولما وصل للغرفه فتح الباب بهدوء ودخل بدون مايحس بندر وشافه ماسك يد ياسمين ويقول لها :ليش تأذين نفسك ؟؟ مو حرام عليكي ؟؟ عبد الرحيم بيذبحه الفضول وقال بصوت سريع : بندر وش فيك بندر ترك يد ياسمين بسرعه وكان يمسح دموعه بسرعه وبصوت متردد : ولالالا شي عبد الرحيم قرب منه وناظر فيه : بندر كنت تبكي .. علمني ياخوي وش فيك بندر : ولاشي عبد الرحيم : افا والله تخبي عن اخوك بندر: والله ماادري ايش اقولك عبد الرحيم : قول كل الي بقلبك بندر كان يناظر بوجه ياسمين عبد الرحيم : تحبها ؟؟؟ بندر:والله مدري هو حب هو شفقه هو عطف ايش بالظبط مو عارف عبدالرحيم : الا تحبها لو ماتحبها مانزلت دموعك عشانها بندر : يمكن احبها بس كل الي اعرفه اني اخاف عليها وحيل بعد عبد الرحيم : لاتخاف وانا اخوك الحمدلله حالتها مستقره بندر بدموع : ابيها تصحئ بس ابيها تصحئ عبد الرحيم: بتصحئ ان شاء الله بس انت ادعيلها ويلا قوم بندر :لا بجلس معها عبد الرحيم : بصفتك ايش بندر : دكتورها عبد الرحيم : بندر قوم الحين يجون اهلها ويسوون لك سالفه بندر : ماني قايم والي فيها فييها ..... طلع عبد الرحيم وبندر جلس مع ياسمين .................................................. .................................................. ....................... رجع للبيت ومعه 2 ساندوتش طعميه (فلافل) وعصير فواكه مشكله دخل الشقه وراح غرفة النوم ولقيها لسئ نايمه قرب منها وهز كتفها بخفيف : ليون حبيبتي يلا قومي افطري لينه بتعب : ماابغئ تعبانه انت كل لحالك زياد : ايش فيكي لينه : بس ابي انام زياد : طيب كلي وارجعي نامي لينه : طيب .............. ساعدها زياد وشالها وحطها بالكرسي المتحرك وراحت الحمام (اكرمكم الله ) غسلت وجهها وفرشت اسنانها وطلعت لصاله زياد طلع الساندوتش ومده للينه لينه شمت ريحته وبسرعه تأشر لزياد علئ الزباله (اكرمكم الله ) زياد قربها لها وسط استغرابه لانها تحب الفلافل وبدت لينه تستفرغ (اكرمكم الله ) وبعد ماخلصت : شيل الفلافل مااحبها مااطيقها ليش جبتها زياد يناظر بلينه بتعجب : ماتحبينها وانتي تاكلين اثنين منها رجعت لينه تستفرغ لاتجيب اسمها بالله زياد : طيب حبيبتي ووداها المغسله تغسل فمها ورجعها تنام .................................................. .................................................. .............................. صحي من النوم وراح سلم علئ امه وبعد ما افطر :يمه حبيبي كتبت لك اغراض ياليت تجيبها الحين عشان في حريم بيجوني سالم : بشري يمه امه : الله يبشرك بالخير يارب وراح غرفته لبس ثوب ابيض وشبشب شرقي لونه اسود اكرمكم الله وطلع يجي الاغراض لامه ولما راح البقاله شاف التويكس وتذكر ياسمين لما تقوله : اصلا انت اكلت التويكس كله هههههه :ااااااااه ياياسمين سامحيني بالله انا ظلمتك يالغاليه ولافي احد يجي مكانك ياطيبة القلب وان شاء الله بيجي اليوم الي اعوضك فيه وكمل باقي الاغراض الي طلبتها امه .................................................. .................................................. ...................... حطت راسها ع المخده وهي تتذكر اجمل اللحضات مع حبيبها وابو بنتها تتذكر حياتها الي بنتها معه تتذكر الفستان الي اختارته وقالت له انها بتنزف معه بهاذا الفستان بكت وبكت وبكت وبسرعه فتحت الموقع وارسلت له :انت كذاب .................................................. .................................................. ........................... سووا له اهله حفلة ملكه صغيره ولبس خطيبته الدبله بدون نفس وهي لبسته الدبله بفرح وبس خلص علئ طول راح لبيت اهله جالس ومتضايق من بعد ملكته وهو مو طايق احد بالبيت يكرههم كلهم نفسه يذبحهم هم الي دمروا حياته فتح الموقع وشافها موجوده ماهمه كلامها اهم شي شاف نور عيونه موجوده : هلا حبيبتي عهود : تكذب علي صح ماتزوجت هشام بحزن : لاصدق عهود : الا تكذب هشام : حبيبتي اهدي والله باخذك لو ايش يصير انا وانتي لبعض باذن الله انا بسكتهم وباخذ هاذي بس كذا وبعدين بتزوجك عهود : كذاب وربي كذاب كذاب كذاب هشام بخوف : حبيبتي اهدي انا كذاب ومافي شي صار عهود : يعني ماتزوجت هشام بدموع: لاياعمري ماتزوجت عهود : ههههههههه ادري ياروحي انك مابتتزوج الا انا صح هشام ياحياتي عليها والله باين انها تعبانه فيها شي : ايوا حبيبتي عهود : طيب ارسلي صورتك هشام : اوك وارسل لها صورته وبعد دقايق عهود بدموع حاره : حرااااااااااااااام عليك ليش تضحك علي ليش ايش سويت فيك انا شفت الدبله بيدك شفتها بعيني وانت تكذب علي لييييش اكيد تحبها اكيد مسكت يدها اكيد ضميتها اكيد ضحكت معها اااااااااااااااااااااه يارب اموت هشام نسي موضوع الدبله : لالالالالالالا حبيبتي لاتفهمين غلط والله الي سويته شكل رسمي قدام اهلي بس انا حتئ ماجلست معها كثير بس لبستها الخاتم وطلعت عهود : الله ياخذ روحها مثل مااخذت روحي ... وطلعت .................................................. .................................................. ........................... سعد وهدئ وريتاج اخذوا عمره وكانوا مبسوطين للغايه وفرحانين ومو ناقصهم شي .................................................. .................................................. ............................. انتهئ البارت اتمنئ يكون نال علئ اعجابكم | ||||
|
| |
|
26-11-13, 04:02 PM
| #47 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت السادس والاربعون كانت جالسه وتحس اعصابها نار مو قادره تمسك نفسها استحملت امس كامل وبدموع اخذت الجوال واتصلت علئ جوال خالد وبعد فتره رد نفس الدكتور:الو ام وليد بصوت باكي : طمني عليه الدكتور : حمدلله هو كويس بس شوية أقرائات بسيطه ويخرق (حب انه يهديها ) ام وليد : طيب ابي اكلمه ممكن الدكتور : للاسف مابقدرش (حقكم علي ترئ مااعرف اتكلم مصري ههههههه) ام وليد : لوسمحت احد زاره ؟ الدكتور : اه اخواته وقده (جده ) تحبي أقول لهم ان حضرتك اتصليتي تاني ام وليد بخوف : ليه انت قلت لهم اني اتصلت اول ؟؟ الدكتور : اه مش انتي مراة ابنهم خالد ام وليد تبلع ريقها بصعوبه انا قلت لك كذا عشان ماتقولي بصفتك ايش داقه تقوم تقول لهم ياربي : الا طيب عن اذنك ولاتقول لهم وبسرعه قفلت وحطت يدها علئ خدها وجلست تدعي ان هالايام تعدي علئ خير .................................................. .................................................. ............................... كان جالس بغرفته وفيه فضول كبير يبي يعرف حنان ليش ماترد ويحس بخوف عليها وش السبب الله اعلم قام بسرعه وطيران علئ غرفة اخته ودق الباب دقتين ولما سمع تفضل دخل بسام : صباح الخير يالخبله ههههههههه روان : صباح النور يا ذكي هههههه بسام : كيفك روان : الحمدلله بسام يمسك جواله الايفون ويسوي نفسه يلعب فيه ومو مهتم : اقول وش صار علئ صديقتك هاذي الي اسمها حنان روان : اتصلت فيها بس شكلها نايمه بسام جاء يبي يتكلم بس وقف لما شاف روان تقول : الطيب عند ذكره ورفعت جوالها q10 روان : حنان فيييييينك حنان بصوت نعسان ومتعب : كنت نايمه روان : فيكي شي من اليوم اتصل وانتي ماتردين يالقاطعه حنان : روان خليها علئ ربك روان بخوف : ليه وش فيه ؟؟ حنان : ولد اختي صار عليه حادث واضطرينا نسافر روان : لاحول ولاقوه الابالله العلي العظيم وكيفه الحين حنان : ان شاء الله انه طيب بس مجرد رضوض روان : الحمدلله .. يلا ارجعي نامي حنان : اوك فمان الله روان فمان الله بسام بلهفه يحاول يخفيها : بشري ؟؟ روان بابتسامه : الحمدلله طلعت بخير بس ولد اختها صار عليه حادث بسام : الله يشفيه هو اخو البنت الي عندها انزلاق غضروفي روان : يب .. ادعيلهم بالله بسام : الله يشفيهم يارب روان : امين يارب .................................................. .................................................. .......................... أثرت فيه كثير كان حاس انها تعبانه واحساسه فمحله : اااااااااه ياروحي ياعهود انا اتضايق اذا عرفت انك مريضه او متضايقه وازعل عشانك والحين اتمنئ اذبح نفسي لاني ضايقتك وزعلتك وتعبتك ونزلت دموعك ياقلبي دخلت امه وهو كان يمسح دموعه وقالت له : حبيبي فيك شي هشام : لايمه ام هشام : متئ ناوي تزور عمك وتجلس مع ابتسام هشام : اجلس معها ليش ام هشام : حبيبي انتم توكم في فترة الملكه وحلو انكم تتعرفون علئ بعض اكثر هشام : ماابي اروح لها ام هشام : ليه حبيبي مستحي منها يعني ؟ هشام : مابقي الا هي وجهها استحي منها ليش وش حضرت جنابها استحي منها وبعدين روحه لل**** مني رايح ملكه وملكت خلييها تنطق فبيت اهلها الين يجي يوم الزواج اقصد يوم الهم واضف وجهي واروح اخذها وتلحف من فوق راسه ونام وسط استغراب وذهول من امه .................................................. .................................................. .............................. : حبيبي ابي اخذ موية زمزم لامي واخواتي وابوي واخوي سعد : طيب ياروحي شوي نروح للمصنع ونشتري من هناك هدئ : الله يخليك لي ياقلبي سعد : ويخليكي لي هدئ : وابي كمان اشتري ملابس والعاب لي ولينه وبعض الهدايا لاهلي سعد : من هنا ولا من المدينه ؟؟ هدئ : لالالا من المدينه هههههه سعد : اوك ياقلبي هههههه كملوا مشيهم وهو شايل ريتاج وماسك هدئ ويتمشون بشوارع مكه المكرمه .................................................. .................................................. ........................... بعد ماكلمته حطت راسها علئ المخده وبكت بقوه وكانت تحس انها بتموت تحس مو قادره تتحمل اكثر من كذا كل الي فبالها هشام كذاب وماراح يصير هالكلام توقف بعد فتره من بكائها وتبتسم :هشام لي وماراح ياخذ غيري وتبتسم وترجع تتذكر كلامه لما قال انا بتزوج وترجع لحالتها وتبكي كان منظرها يقطع القلب كانت فعلا مريضه وتحتاج لعلاج .................................................. .................................................. .............................. فتحت عيونها ببطئ شديد كانت تحس بتعب مو طبيعي اول شخص شافته كان الدكتور بندر الي كان جالس ع الكرسي وماسك يدها ومرجع راسه علئ الكرسي وغفت عيونه من التعب ياسمين شدة علئ يده وصحي بخوف وابتسم لما شاف عيونها تناظره : الحمدلله علئ سلامتك ياسمين : دكتور ابي اموت خاف عليها : ياعمري لاتقولين كذا مره ثانيه بسم الله عليكي ياسمين تبكي : الله يخليك حط لي اي شي يموتني حط لي اي دواء اعطيني دم ملوث اي شي بس ابي اموت تكفئ بندر يمسح دموعها : حرام عليكي تتمنين الموت وانتي لسئ بعمر الورد ليش تبين تموتين وتتركين الناس الي تحبك ياسمين: محد يحبني محد يحبني محد يبيني انتم تكرهوني مااحبكم بندر : اشششش كلنا نحبك ولاكلمه وارحمي عيونك من هالدموع ياسمين : ابي مويا بندر : بس مويا لو طلبتي عيوني ماتغلئ عليكي ياسمين : شكرا بندر قام وفتح الباب وطلع من الغرفه بمجرد انه طلع من الغرفه ياسمين تمسك ابرة المغذيه وتحاول تطلعها من يدها (تكرر نفس الحركه الاولئ) تبي تطلع المغذيه وتترك الدم ينزف من الوريد حاولت اكثر من مره بس ماكانت قادره لان مافي قوه بجسمها (لقلة الاكل) بندر تذكر انه نسي جواله ورجع بسرعه ياخذه من الغرفه عشان يمديه يطلع يشتري اغراض لياسمين من اي ماركت غير الكفاتيريا وهو راجع من العجله نسي يدق الباب وفتحه بسرعه وشاف ياسمين تحاول تفك المغذيه بندر بصراخ : ليييييييييييييش كذااااا لييييييييييش تستغفليني ياسمين خافت من شكل بندر لانه اذا عصب يصير شكله غرييييب بندر بصراخ اكثر: تكلمي لييييييش تقولين لي ابي مويا ولما اروح تبين تفكين المغذيه حقتك ردي تكلمي ياسمين ساكته وخايفه بندر قرب منها : شايفتني ولد صغير عندك عشان تستغفليني ردييييييي علييييييييييي هنا خلاص من كثرت الخوف ياسمين حطت يدينها علئ وجهها وجلست تبكي .................................................. .................................................. .............................. انتهئ البارت اتمنئ يكون نال علئ اعجابكم وسامحوني لاني تأخرت بكتابة البارت بس مع موسم الشتاء تعرفون شوية تعب مع تغير الجو وعندي حساسيه بالعيوني تعبتني كثير دعواتكم الله يسعدكم سبحان الله وبحمده سبحان الله العظيم اللهم صل وسلم وبارك علئ سيدنا محمد الله يجعلها سنة خير عليكم وتتحقق فيها كل امانيكم (امين يارب ) اللهم اغفر للمسلمين والمسلمات الاحياء منهم والاموات | ||||
|
| |
|
26-11-13, 04:03 PM
| #48 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت السابع والاربعون يتألمُ البعضُ عِندَ قِراءةِ بعضِ العِبَارات : فكيّفَ يكُۆنُ حَال مَنْ يكتُبُ?ا)) وسط خوف شديد .. كانت ترتجف ودموعها نزلت بغزاره خافت من شكله كان شخص مختلف تماما عن الشخص الطيب الي قبل شوي كان معها تمنت انها تموت ولاتشوف شكله كذا كان جدا مخيف حاولت انها ماتشوفه وحطت ايدينها علئ وجهها وجلست تبكي بخوف عنده هو .. اصعب شي علي اشوف دموعك ياياسمين بس انتي غلطانه وتبين تأذين نفسك ومستحيل اخليكي تسوين اي شي بنفسك )قرب منها ومسك يدينها قالت بخوف : دكتور بالله لاتضربني حزن علئ شكلها كانت مثل الطفله الي بالقصص الكرتونيه كأنها خايفه من الوحش ههههه انصدمت من ردت فعل بندر الي قرب منها اكثر وحضنها ياسمين بحياء وخوف شديد (ياربي ايش فيه يحضني كذا ) حاولت تبعد بس ماقدرت لان هو كان حاضنها بقوه وبعدين هي عندها عمليه وماتقدر تتحرك بقوه او تسوي اي مجهود عند بندر ...كان جدا فرحان ومو مصدق الي جالس يصير يتمنئ ان الوقت يتوقف ومايتحرك ولادقيقه وبعد فتره .. قالت بصوتها الخايف : لو سمحت ممكن تبعد عني حس علئ نفسه وبعد عنها وقال : المفروض اضربك ياسمين طالعت فيه بنضرات بريئه وقالت : لاتضربني بندر حس انه خق علئ حركتها وبراءتها وقال وهو مفهي : ماعاش الي يضربك ياروحي ياسمين شافت عيون بندر النعاسيه الي تطالع فيها بخقه (يمه نضراته تخوف مدري ليه يناضر فيني كذا )ونزلت عيونها قرب بندر منها ومسك يدها : اوعديني ما تأذين نفسك مره ثانيه نزلت دموعها : اسفه حط يده علئ خدها ومسح دموعها : ليش اسفه ياسمين تذكرت سالم : بس اتمنئ اني اموت بندر بخوف :لاالله يخليكي لاتتمنينه علئ روحك ياسمين : الابتمناه محد يحبني ولا يبيني بندر : مين قالك ان محد يحبك ؟؟ ياسمين : انا ادري بندر : طالعي فيني ياسمين : مااقدر بندر : لوسمحتي ياسمين : قلت لك مااقدر ولوسمحت خليني لحالي بندر مشئ للجهه اليمنئ عند وجه ياسمين : بس انا احبك وابيكي ياسمين كانت تناظر فيه بنضرات مصدومه وتحس مو مستوعبه ولاشي من الي جالس يصير .................................................. .................................................. ............................. : ياحسرة قلبي عليك يايمه اكيد انت مسحور ولافيك عين ماصلت علئ النبي (عليه الصلاه والسلام ) انا لازم ازوجه بدري عشان ارتاح والله اني خايفه عليه وراحت تكلم ابو هشام يستعجل بموضوع العرس .................................................. .................................................. ............................... هشام كان جالس ينتظرها علئ الموقع اكثر من ساعه لكن للاسف ما دخلت امتلت عيونه بالدموع وهو يقرأ رسايلها الي تقول فيها : ياابو بنتي الدب مالي دخل ماابغئ الا بنت وحده كيفي ههههههههه ورسالتها الثانيه : هشام هشام : عيوني عهود : تسلم عيونك ياروحي ... بعض الغلا يمر فينا عابر لكن غلاك مثل البحر ماله اخر هشام : ياحياتي انا اموت علئ الناس الشاعره عهود بخوف: بسم الله عليك حبيبي لاتقول كذا هشام : تخافين علي عهود : فوق ماتتصور قفل الرسايل وجلس يبكي ويبكي ويبكي : (الله ياخذني يوم ضايقتك ياعهووووووووووود ) .................................................. .................................................. ............................. صحيت بعد نومة تعب او شبه نومه قامت وراحت الحمام (اكرمكم الله ) وغسلت وجهها وناضرت بالمرايه وشافت عيونها منتفخه من كثرة البكي ومن تحتها هالات سوداء تذكرت ايش صار وتوضت وطلعت من الحمام راحت الغرفه وطفت الانوار وصلت وبعد ما انتهت رفعت يدينها لسماء وجلست تدعي وتبكي (اللهم لك الحمد حتئ ترضئ ولك الحمد اذا رضيت ولك الحمد بعد الرضا اللهم لك الحمد حمدا كثيرا طيبا مباركا فيه يارب يارب يارب اكتبلي هشام يارب انا ماابي غيره يارب انت تعلم قد ايش احبه وتعلم اني بنيت احلامي معه وتعلم ان مابقلبي احد غيره وتعلم اني اخلصت له الحب كله يارب تجعله رزقي ونصيبي يارب سبحانك مافي شي يعجزك يارب انت قادر علئ كل شي يارب ارزقني فيه ياااااااااااااااارب وما خاب من قال يااااارب وحطت راسها علئ السجاده وكملت بكي ) .................................................. .................................................. ............................. : الله حبيبي ابي هاذي كمان وهاذي وهاذيي وهاذي عاجبتني وهاذي لونها حلو سعد : ههههههه خذي الي تبينه ياروحي هدئ : الله يخليك لي ياقلبي .. اخذت لامها واخواتها شراشف صلاه بالوان مختلفه وابوها اخذت له مسبحه باللون العنابي الغامق فيه نقط ذهبيه ومعها سجاده بنفس اللون واخذت اكسسوارات للاخواتها بأشكال تفتح النفس واخذت لامها جلابيات ولاخواتها الكبار نفس الشي واخذت لعهود وياسمين بجايم قطنيه كيوت حيييل وناعمه برمودا سعد : ها حبيبتي خلصتي هدئ : لاباقي ابغئ اشتري لريتاج العاب سعد : بس ترئ اذا رحنا المدينه مابتاخذين لها شي هدئ : لالالالالالالالالالالالال الالا كل شي ولا المدينه خلاص بشتريلها من هناك سعد : اوك يلا ياقلبي روحي السياره انا بحاسب بالاغراض وبجي عشان نروح المدينه هدئ : اوك .................................................. .................................................. ......................... كانت تحس بدوخه مو طبيعيه وبس تستفرغ (اكرمكم الله ) ولونها اصفر زياد بخوف وقلق عليها : بسم الله عليكي ياروحي اشربي مويا لينه : لاماابغئ زياد : يلا ياقلبي اشربي لينه : شربت شوي وقالت بس ماابغئ زياد : ياحبيبتي ترئ ما ينسكت علئ حالتك بس ترجعين وتعبانه لمتئ لينه بتعب : بنام وبخف ان شاء الله زياد : قومي بوديكي المستشفئ لينه : ماابغئ زياد : مو بكيفك قومي لينه بعناد تلحفت ونامت زياد قام وجاب عبايتها وشال اللحاف عنها ولبسها عبايتها وشالها بسرعه بدون مايحطها بالكرسي المتحرك ومشئ بسرعه وقفل الباب حق الشقه ونزل تحت فتح السياره وركبها ورئ وخلاها تتمدد (تنام علئ ظهرها ) وطيران علئ المستشفئ ولما دخلها وحطها بغرفه ودخلت النيرس والدكتور حطولها مغذيه وسحبوا منها عينات دم وقال له الدكتور يلزمها راحه وجلس زياد بجمب لينه يناظر فيها ويقول : ياليت التعب بعروق قلبي ولافيك .. وياليت التعب غلطان ساهي ولاجاكيّّ لو الشفئ بضلوع قلبي لداويكي ... واطحن جميع ضلوعي فدياكي ّّ وبعد ساعه جاه الدكتور يقول له : لوسمحت ممكن اكلمك برئ زياد : تفضل .. وطلع معه برئ .. خير دكتور طمني عليها الدكتور : انت زوجها زياد : ايه فيه شي دكتور ترئ خوفتني الدكتور : لاالحمدلله مافي شي اعراض طبيعيه خصوصا انها حامل زياد : ايش الدكتور : زوجتك حامل ماتدري زياد بفرح : لاوالله الدكتور يبتسم :الف مبروك الله يرزقكم بالذريه الصالحه زياد : شكرا دكتور شكرا وراح بسرعه ودخل عند لينه وحاول يصحيها كان فرحان وفرحته ماتوصف وبعد فتره... صحيت علئ صوته وبتعب : نعم زياد زياد بفرح : ياعيون زياد ياقلب وروح زياد ياام عيال زياد لينه : تسلم ياروحي زياد : الله يسلمك لي يالغاليه ياام عيالي لينه : ايش فيني ؟ زياد : امممم مابقول لينه : بالله زياد قولي زياد : انتي بتصيرين ام ان شاء الله ياروحي لينه بخوف : ايش نعم ايش تقول؟ زياد توقع انها متفاجأه مثله : انتي حامل حبيبتي كانت ردت فعلها غريبه ماتوقعها زياد وتفاجأ منها لينه كان الخبر يجيها بهدوء وماكانت مصدقه وقالت بخوف ويد مرتجفه تأشر علئ نفسها : انا حامل زياد لاحظ خوفها : ايه حبيبتي الحمدلله انتي حامل لينه تبكي بقوه وتصيح : لا ماابغئ اصير ام ماابغئ ماابغئ مين قالك اني ابغئ اصير ام زياد مو مصدق الي جالس يصير والي يشوفه من لينه معقوله هالشي ولا تمزح : لينه حبيبتي ايش فيكي ؟؟ لينه بصياح اكثر :اااااااااااااااااااااااا� �اااااااااه قلت لك ماابغئ الولد الي ببطني ماابغاه زياد بقلق قرب منها وضمها لحضنه وبخوف كبير : ليه حياتي ماتبغينه ؟؟ لينه وهي تتمسك بثوب زياد : زياد الله يخليك ماابغاه كيف بشيله واهتم فيه وانا مشلوله كيف قولي كيف زياد حس فيها ومسح علئ شعرها : ياعمري الحين متضايقه علشان هالشي بس لينه : ايوا زياد : حبيبتي انتي ماشاء الله عليكي رغم انك مشلوله كنتي تقومي فالبيت وكأنك وحده تمشين كنتي تنظفينه وكنتي تطبخين لدرجة اني مااعتبرك مشلوله ماشاء الله عليكي وبعدين دامك قدرتي تسوين كل هالاشياء بسم الله عليكي اكيد قادره انك تهتمين بطفلك لينه : بس شغل البيت غير والطبخ غير كلها امي الله يرحمها علمتني عليها بس البيبي امي ماعلمتني عليه ولا اعرف اشيله ولا اسوي فيه شي زياد ضحك علئ تفكيرها : ياعمري امك لما كانت بعمرك وجيتيها انتي ماكان احد معلمها علئ البيبي وكيف تشيله وكيف تربيه وشوفيها ربتكي احسن تربيه صح لينه : صح زياد : شفتي ياعمري يعني حتئ انتي قادره تهتمين فيه وتشيلينه وتربيه احسن تربيه وصدقيني بساعدك وبكون بجمبك وامي هي امك راح تجلس عندنا وراح تساعدك بكل شي تحتاجينه وماراح تقصر معك بشي كلنا حوالينك ياروحي لينه سكتت ووقفت دموع وكأن كلام زياد هداها واقنعها زياد بحب : ليونتي لينه : هلا زياد : والحين في باقي شي خايفه منه لينه : لا زياد :يعني مبسوطه بالبيبي لينه : ماادري زياد تفهم وضع لينه وحس فيها فما حب انه يضغط عليها بعدها من حضنه وحط راسها علئ المخده وغطاها باللحاف ومسك يدها : يلا حبيبتي نامي لينه بعيون نعسانه : لاتروح زياد : ماني رايح ياروحي .. يلا نامي .. استجابة لكلامه وغمضت عيونها ونامت طبع بوسه علئ خدودها وقال : احبك ياام عيالي .................................................. .................................................. ............................ : ماما متئ بابا بيجي بحزن : والله ماادري وليد : اشتقت له ام وليد : حتئ انا اشتقت لابوكم انتم ادعوله وقولوا يارب وليد واحمد : يااااارب ام وليد : يارب يقوم ابوكم بالسلامه ويرجع لنا ينور بيتنا .................................................. .................................................. ........................ هاني راح عند الدكتور ودق الباب : ممكن ادخل الدكتور : اه طبعا اتفضل دخل هاني وجلس عالكرسي : لوسمحت دكتور كيف عرفت ان اخوي متزوج ؟؟ الدكتور : ليه هو انتو ماتعرفوش انه متقوز (متزوج) هاني : بصراحه لا الدكتور : امبارح اتصلت ست وقالت انها مراته هاني : ممكن تعطيني رقمها ؟؟ الدكتور : اعطاه رقمها هاني : شكرا دكتور الدكتور : العفو طلع هاني عند المواقف الي برئ قريبه من المستشفئ واتصل علئ رقم ام وليد كانت جالسه وشافت رقم غريب فماردت لانها ماتعرف مين صاحب الرقم هاني رجع كرر الاتصال اكثر من مره وبعدين ردت ام وليد : مين هاني : السلام عليكم ام وليد: وعليكم السلام ورحمة الله نعم اخوي هاني : انتي تعرفين خالد ال ..... ام وليد بخوف : ليش تسأل هاني : الله يخليكي ردي ام وليد : ايه هاني : انتي زوجته ام وليد ماعرفت ايش تقول :هااا هاني : انتي زوجته ولالا ام وليد : لا بس احنا بنتزوج قريب ليش هالاسأله هاني : حرام عليكي الدكتور قال لابوي ان خالد متزوج وابوي تضايق حيل ومايبي يكلم خالد ام وليد بخوف : مافهمت هاني : انا اخو خالد ام وليد بخوف وبكاء : اسفه والله ماكنت قصدي اخرب العلاقه بين ابوك واخوك ووالله انا قلت كذا بس عشان الدكتور مايقولي بصفتك مين داقه وهاذي كل السالفه وخالد يصير صديق زوجي الله يرحمه وهو مو مقصر معنا وانا وياه متفقين علئ الزواج بس صار عليه حادث وبس هاني :لاحول ولاقوه الابالله خلاص ياختي لاتبكي وابشرك خالد طيب وبخير بس رضوض ام وليد :بالله هاني : والله .. بس قوليلي ناقصكم شي ام وليد : الله يطمنك مثل ماطمنتني .. الحمدلله خيركم سابق ومو ناقصنا شي هاني : اعطيني العنوان لو سمحتي ام وليد : ليش هاني : عشان اجي اوديكم لخالد بعدين ان شاء الله ام وليد بفرح : شكرا واعطته العنوان .................................................. .................................................. ............................... : اف ياربي محبوسه بهالغرفه كأني فار حنان : عيب عليكي اسكتي لاتسمعك عهود الي فيها مكفيها ندئ بصوت عالي : لاماني ساكته اخواني ولا اخوانها دامهم اخوانها تجلس هي تنتظرهم انا وراي مشاغل بجده تاركتها علئ ناس طايحين بالمستشفئ مو دارين عني اف ياربي حنان : خلاص انطمي واذا ماتبين تجلسين نخلي سليم يوديكي جده وعاد دوريلك وجه تقابلين فيه اختك وعيالها ندئ : وش مسويه انا كفرت كلها قلت برجع اشوف اشغالي ومصالحي بجده اف تموت وتكبر السالفه .................................................. .................................................. ......................... بسام : روان متئ بتزورين حنان روان وهي تتفرج : هي مسافره بس ترجع ان شاء الله بزورها بسام : وش بتجيبي لها ؟؟ روان : حلويات وورد بسام : وبنت اختها ايش بتجيبين لها ؟؟ روان : مافكرت والله بس ان شاء الله اذا وصلت حنان نتفق وش بنجيب لها بسام : طيب كيف نفسيتها ؟ روان : مين حنان او ياسمين ؟ بسام يبي يقول حنان بس خاف روان تشك : ياسمين روان نطت : يوووووووووووه صح ذكرتني البنت صار لها فوق اسبوعين وهي لحالها بالمستشفئ واهلها مسافرين وماعندها احد بسام : تبين تزورينها ؟؟؟ روان : يب يب بس وش اخذ بسام :خلي الهديه علي بس روحي البسي وانا انتظرك روان الله لايحرمني منك يااحلا بيسو بهالدنيا وطلعت طيراااااااااااان فوق غيرت ملابسها لبست بنطلون جنز سكيني اسود وعليه بلوزه ورديه فاتحه طويله توصل لنص الفخذ مرسوم عليها برج بيزا باللون الاسود وحطت روج احمر وكحل خفيف ازرق ولبست الصندل الاسود ولبست عبايتها طويله ووسيعه وتغطت وبسرعه نزلت بسام بسعاده يحب يشوف اخته وهي متستره يحسها جوهره ثمينه ملفوفه بعبايتها محد يشوفها : يازينك وانتي بهاللبس والله افتخر امشي معك قدام كل الناس واقول ابوي عرف يربي هالاخت العسوله روان : الله يسعدك يا بيسو ويرزقك الي تتمناها بسام : موافق بس تشترين لها عبايه مثلك روان :فتحت عيونها علئ كبرها : ايييييييييييييييش موااااااااااااااااااااافق بسام :امزح امزح يلا امشي لانتأخر علئ البنت ههههههه روان : مالت عليك يلا مشينا وراحوا وركبوا سيارة بسام (روز رايز لؤلؤي )وشغلها بيسو وراحوا حلويات سنابل السلام واشتروا حلويات كثيره الي صحنها كبير وفيها اشكال ملونه من الشوكلت والي شوكلت ذهبيه والي كنافه والي بسبوسه والي مثل الكور بالشوكلت وكل وحده كانت احلا من الثانيه وطلعوا واشتروا لها باقة ورد كبيييييييييييييره وفيها نص الالوان احمر واصفر وابيض وموف ووردي فاتح وعنابي وراحوا تويز أر أص وجابوا منو دب ابيض كبييييييير بأيدو قلب احمر وراحوا لها ع المستشفئ .................................................. .................................................. ............................. كان طالع من غرفته يبي يشرب مويا من المطبخ وفجأه سمع صوت امه وهي تقول : الا نسوي العرس الحين ونرتاح مشئ بسرعه وفتح الباب: عرس ماني مسوي الحين لو ايش ام هشام : مو بكيفك اخاف تترك البنت والناس يتكلمون فيها هشام : لو ضغطتوا علي زياده كمان بتركها رضيتوا ولا مارضيتوا اصلا تحمد ربها اني باخذها عشانكم ولفتره محدوده بس وطلع من الغرفه ام هشام بعصبيه : لا الولد جن جن اكيد وش هالكلام الي يقوله ؟؟ ابو هشام : انتي ليه غصبتيه عليها ام هشام : انت الي كنت تقولي لازم تزوجين هشام لابتسام لانهم عيال عم ابو هشام : قلت بس ماقلت بالغصب وبعدين خليه يتزوجها وياخذ فوقها الي بيبها ام هشام : انت عندك عادي لانك اخذتني واخذت علئ راسي الي تبيهم لا واخذت ثنتين بعد بس ولدي ماراح يغلط غلطتك ابد .................................................. .................................................. ........................... انتهئ البارت اتمنئ يكون نال علئ اعجابكم ولاتحرموني من تعليقاتكم | ||||
|
| |
|
26-11-13, 04:04 PM
| #49 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الثامن والاربعون (وش الي جالس يصير ) مسك وجهها بين يدينه وقال : انا احبك وابيكي كانت مصدومه ومومصدقه الي يصير تحس انها بحلم وتتمنئ تصحئ منه بأقرب وقت كانت تناظر ببندر وعيونها مليانه دموع (اااااااااه يابندر ياليتك طلعت بحياتي من زمان من قبل مااعرف سالم ومن قبل قلبي مايتعلق فيه) بندر كان يحس ان عيونها فيها سر كبير بس لسانها مايقدر يفشي هالسر والغموض الي هي ساكنه فيه .. مسح دموعها بحنان : الحين ليش الدموع ؟؟ ياسمين قالت بحزن : انت ماشاء الله انسان دارس ومتعلم وعندك شهاده كبيره ومعتمده من افضل جامعه بالدنيا وعندك وضيفه الكل يحلم فيها الله يزيدك والبنات كلهم يتمنونك بندر بحزن اكثر وهو يقترب منها وعيونه بعيونها : بس والله ماابي كل هالبنات ابيكي انتي انتي دخلتي قلبي انتي فهمتيني وفهمتك الباقين كلهم حقين مصالح يبوني عشان وضيفتي او عشان امشي لهم امورهم الشخصيه فقط بس انتي غير ياسمين تكفئ يابندر لاتقطع قلبي زياده : وش ذنبك تربط مصيرك بأنسانه مريضه ويلزمها فترات للعلاج وانت مو ملزوم تتحمل مرضي واوجاعي وماقدرت تكمل كلامها وبكت بصوت عالي بندر انكسر خاطره عليها .. ياعمري انتي يعني تبيني بس ماتبي تتعبني معها عشان مرضها : لاياعمري لاتقولين كذا وقرب منها وحضنها وبخصوص العلاج كلها ان شاء الله ايام بسيطه وتعدي وترجعين تمشين مثل اول واحلئ كمان عندها هي ..ااااه ياربي وش اسوي بهالمصيبه : ان شاء الله ابتسم بندر وطبع بوسه علئ راسها: ان شاء الله حبيبتي ويلا اضحكي ابتسمت ياسمين بندر يحس الدنيا كلها ابتسمت له : يازين هالضحكه الله لايحرمني منك ياطفلتي هههههه ياسمين بعصبيه : لاتقول طفلتي انا مو طفله بندر مات ضحك علئ شكلها : هههههههههههه ابشري مو طفله كل شي ولازعلك .................................................. .................................................. ....................... وقفوا السياره عند مواقف المستشفئ ونزلوا ببساطتهم وتواضعهم كانوا شايلين الاغراض الي جابواها لياسمين دخلوا المستشفئ والكل كان يناظر فيهم بسام ينزل نضاراته ويحطها بجيبه ويروح الاستقبال بسام : السلام عليكم ورحمة الله وبركاته الموظف: وعليكم السلام ورحمة الله وبركاته بسام : حبيت أسأل عن غرفة المريضه الي اسمها ياسمين ال..... الموظف :دقيقه اشوف لك بهاذي الاثناء كان الدكتور عبد الرحيم يتمشئ من عند الاستقبال وسمع بسام لما قال اسم ياسمين وبس سمع هالاسم وطلع جواله ويتصل ببندر اكثر من مره بس بندر مايرد ... وبتوتر قال: وييينك يابندر ردد قفل جواله وركض علئ المصعد وانتظر الين انفتح الباب وطلع بسرعه وتوجه لغرفة ياسمين وفتح الباب بسرعه ولقي الدكتور بندر ماسك يدها وجالس يناظر بعيونها وكان سرحان بالمره عبد الرحيم بتوتر : بندر بندر ترك يد ياسمين بسرعه وبارتباك : ههااا ايششش فيه عبد الرحيم : امش برئ ابيك ضروري بندر :طلع بسرعه خير في شر ترئ خوفتني عبد الرحيم : ايه في شي شفت اهل البنت تحت يسألون عن غرفتها تخيل جو وشافوك بهالمنظر يا دكتور بندر :انا ماغلطت ليه تكلمني علئ اني واحد غلطان ومراهق عبد الرحيم : بالله عليك كل الي تسويه مع البنت وبالاخير ماتبيني اكلمك علئ انك واحد غلطان ومراهق ؟؟ بندر بأنفعال: عبد الرحيم انت اخوي وانت اكثر واحد فاهمني انت تعرفني فتره طوييله صح ولالا عبد الرحيم : صح بندر : كم صارر لك تعرفني..؟؟ عبد الرحيم : ليه تسأل ؟؟؟ بندر :رد عبدالرحيم: تقريبا فوق 15سنه بندر : طول 15 سنه قد عمرك شفتني تعرفت علئ بنت او غازلت بنت او لعبت بمشاعر بنت انت بنفسك كنت تشوفهم لما كانوا يجوني ومااعطيهم وجه صح ولالا عبد الرحيم : الشهاده لله ماعمرك عطيت احد وجه ولا تعرفت علئ احد منهم بندر : خلاص هاذا انت قلتها .. يعني لما تعرفت علئ هالبنت الي اختارها قلبي وعقلي تجي تمنعني ؟؟ انا الحمدلله انسان بالغ وعاقل ووعمري مو صغير وجاء الوقت الي اختار بنت الحلال الي تسعدني واسعدها ونكمل حياتنا سوا بحب وفرح وسعاده باذن الله عبد الرحيم باستغراب وعلامات تعجب علئ ملامح وجهه : انت تبي تتزوجهاااا؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟ بندر : مو انا الي العب علئ بنات الناس ايه ناوي اتزوجها ان شاء الله عبد الرحيم : بس البنت حيل صغيره عليك وبعدين وش ناقصك ماتاخذ وحده مو مريضه بندر حاول يمسك اعصابه ومايمد يده علئ عبد الرحيم: يعني عشان هي مريضه محد يتزوجها ومحد يحبها ابفهم كيف طلعت دكتور ومشئ بسرعه وتركه عبد الرحيم ناداه اكثر من مره بس بندر مارد عليه لانه كان معصصصصصصصصصصصصصصصبببب ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,, فتحت عيونها لقيت هاني عندها : وين انا ؟؟ هاني : الحمدلله علئ سلامتك يمه بالمستشفئ انتي يمه ام خالد : حبيبي وديني بشوف اخوك هاني : يايمه ياقلبي ريحي نفسك الحين والعصر ان شاء الله تشوفينه ام خالد : لا الحين هاني : والله يايمه نايم مابتستفيدين شي بس بكره باذن الله يصحئ وتقدرين تكلمينه ام خالد : بالله فيه شي هاني : رضوض يالغاليه وجروح بسيطه لاتشيلين هم انتي بس ارتاحي ام خالد استسلمت لنوم لانها فعلا متعبه مشقة الطريق ومن حال اولادها هاني طلع برئ المستشفئ وكان يناظر بالعنوان حق ام وليد : اروح ولامااروح ؟؟اروح ولامااروح ؟؟ انا بروح اجيب اغراض لبيتها اكيد ان البيت فاضي وان شاء الله اذا هديت الامور جبتها تسلم علئ خالد شغل سيارته وراح لسوبر ماركت واشترئ لوازم البيت من (رز ودجاج وخبز واجبان والبان وعصير وخضروات مشكله ...والخ ) وسأل اكثر من شخص عن حي ام وليد ووصفوه وبعد فترات بسيطه وصل للبيت وشاف مظهره من برئ وكان جميل ماشاء الله وقف نزل دق الباب اكثر من مره بس مااحد فتح الباب اخذ جواله واتصل علئ رقمها ام وليد بفرح : الو كيف خالد هاني : الحمدلله بخير .. ممكن تفتحين الباب ام وليد : ليه ؟ هاني : معي اغراض ابي ادخلها ام وليد حست بالاحراج : ليش كلفت علئ نفسك ياخوي والله ماكان لها داعي خيركم سابق هاني: مافي كلافه ولاشي وعيب هالكلام ياام وليد ام وليد: جزاك الله خير دقيقه بس وافتح لك الباب هاني : خذي راحتك ام وليد راحت بسرعه تصحي اولادها اكثر من مره بس مامحد منهم صحي لانهم كانوا سهرانين لصبح يلعبون وناموا متأخر .... ام وليد لبست شرشف صلاه وتغطت فيه وطلعت مع باب الصاله وكان هوا قوي بالحوش مشت بسرعه وفتحت الباب حق الشارع مدت يدها لهاني عشان يعطيها الاغراض بس هاني قال لها : لاانا بدخلها للمطبخ ام وليد : لاوالله اذا بتدخلها بس عند الحوش وانا اوصلها للمطبخ هاني : براحتك ونزل الاغراض وكانت تساعده وبعد ماخلص هاني : اي خدمه لك ياام وليد جت بترد لكن الهواء بعد الشرشف عن وجهها وطاح علئ كتوفها (لانها كانت حاطتها وهي مستعجله ) هاني كان يطالع بأستغراب مو مصدق وهي بخوف وحياء زايد وتمنت الارض تنشق وتبلعها رجعت الشرشف علئ وجهها : اااسفههه عن اذنك بدخل طلع من عندها ويحس ان عقله مو معه ركب السياره ورجع للمستشفئ .................................................. .................................................. ............................ فتحت الموقع وكانت تنتظره وبعد فتره بسيطه دخل وكان فرحان لانه شافها : عهود حبيبتي كيفك كيف صحتك عهود بدموع: بتتزوج هشام : لاياروحي مابتزوج كنت امزح معك بس قوليلي كيف صحتك عهود: تعباااااااااااااااااااااا نه والله هشام بخوف : وش يوجعك ياروحي ؟؟؟؟ عهود : كل شي احس اني بموت هشام : ياليتني انا ولا انتي عهود : لاتكفئ لاتدعي علئ نفسك ... صدق مابتتزوج هشام: ايه ياروحي مابتزوج ياام بنتي عهود ابتسمت لهالكلمه لانها تحبها :الله لايحرمني منك هشام : ولامنك ياروحي .................................................. .................................................. ......................... طلعت من المستشفئ بعد ماوصف لها الدكتور فيتامينات وحديد واغذيه تحرص علئ تناولها عشان صحتها وصحة الجنين كانت مشاعرها لحد الحين متلخبطه ماتدري تفرح ولاتحزن كان زياد بيطير من الفرحه ويتمنئ تنتهي التسع اشهر بسرعه عشان تولد لينه وصلوا البيت زياد وصل لينه لسريرها ولحفها : حبيبتي ارتاحي لينه : زياد انا قلت لك ماابغئ احمل الا بعد الحج زياد : ادري ياروحي بس هاذا رزق وجانا من عند ربي نرفضه يعني .................................................. .................................................. ............................. اللهم صل وسلم وبارك علئ سيدنا محمد انتهئ البارت لاتحرموني توقعاتكم يارب يكون اعجبكم | ||||
|
| |
|
26-11-13, 04:06 PM
| #50 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت التاسع والاربعون طحــت بهــواهــا يـــاهـــلـــي ســـمـــو عـــلــي مـــن يــــوم شــــفتـــها وأنــــا افكــــر فيــــها وأبيــــــها ........... كانت جالسه وافكارها متلخبطه ماتدري بمين تفكر مره تقول سالم ومره تقول بندر تنهدت :انا لازم اكلم سالم وبعدين اعرف اتصرف قطع عليها حبل افكارها دخول امرأه منقبه ورجال كان منزل راسه ونزل الاغراض وقال : الحمدلله علئ السلامه ياسمين باستغراب: الله يسلمك حط الاغراض وطلع وجت البنت وشالت النقاب وكانت جميله ومن شكلها سبحان الله ترتاحين لها : السلام عليكم ياسمين : وعليكم السلام روان : انتي ياسمين ؟ ياسمين زاد فضولها : ايوا بس عفوا انا ماعرفتك ؟؟ روان :انا ياحبيبتي صديقة خالتك حنان المقربه لها بالمره ياسمين : اهلين تشرفنا روان : هلا فيكي حبيبتي ياسمين سرحت بفكرها وتذكرت اهلها وحنان حبيبتها وخالتها وتوأمها نزلت دموع منها بدون ماتحس وقامت روان ومسحت دموعها وبحزن : لاتبكين ياقلبي كلها ايام وتطلعين ان شاء الله ياسمين بحزن اكثر ومن بين دموعها : وين اهلي ليش ماجوني ؟؟ روان (يااااربي ايش اقول لها الحين ) : حبيبتي دقايق بس بسام يتصل فيني شوي واجي وطلعت بسرعه ولقيت بسام جالس علئ الكراسي الي بالممر يلعب بجواله روان بقلق : بسام بسام قفل جواله وقام بسرعه : هلا روان : البنت تسأل عن اهلها وتقول ليش ماجو وجلست تبكي وعتبانه عليهم بسام : لاحول ولاقوه الابالله .. طيب انتي حاولي تهدينها واشغليها بالاغراض الي جبناها لها ووكليها وان شاء الله بتنشغل شوي روان : يعني مااقول لها ان خالد صار عليه حادث بسام بعصبيه : مجنونه انتي ؟؟ لو دريت اكيد بتجلس تبكي وبتتعب زياده الي فيها مكفيها بعدين هم اذا جو بيفهمونها روان : اوك .................................................. .................................................. ................................ راحت المدينه وقضت يوم اكثر من رائع وراحت المسجد النبوي وصلت فيه وكانت مرتاحه نفسيا وحست ان نفسيتها تغيرت وحست انها مبسوطه كثير كانت تتمشئ هي وبنتها وزوجها سعد راحوا المطاعم وراحوا الملاهي وراحوا المتنزهات وراحو المولات كانت جدا مبسوطه سعد عوضها وماقصر معها وحاول بقدر الامكان انه ينسيها الي صار .................................................. .................................................. ............................... راح المطبخ وسوالها عصير ليمون بارد مع نعناع واخذه واتجه لغرفة النوم ودق الباب دقتين ودخل لقيها متلحفه وداخله فنوم عميق قرب زياد من لينه بهدوء وبدأ يمسح علئ شعرها : حبيبتي لينه .. ليونتي يلا قومي لفت راسها للجهه الثاني وهي متضايقه : ابغئ انام سيبني زياد : حبيبتي قومي اشربي هالعصير لو شوي بس لينه : ماابغئ زياد : لينه اشبك لينه بصراخ: مالك دخل ومافيني شي اطلع برئ وسيبني بحالي زياد عصب منها حيل:لينه صوووووووتك لايعلئئئئئئئ علئ صوووووووووتي سمعتي ولالا لينه : فهمنا خلاص الحين اطلع برئ واتركني لحالي زياد : مابطلع الا لما تشربي العصير لينه : مابشربه مافي شي غصب زياد : انتي وبعدين معك اذا منتي خايفه علئ نفسك خافي علئ الي فبطنك لينه : اييييييييييييييووا بان علئ حقيقتك كل هاذا مو عشاااااني عشان ولدك زياد : بطلي غباء ايش الي ولدك ولدي هو ولدك لينه وش هالكلام لينه : ماابغاااااااااااااااااه وراح اسوي اجهاض رضيت ولا انرضيت زياد خلالالاص حس انه بينفجر كلمة اجهاض هاذي اثرت فيه كثييييير قرب منها ومسكها بقوه مع فكها ومن بين اسنانه قال : ايش قلتي لينه تبكي : خلاص فكني فمي يعورني زياد صرخ عليها : اييييييييييييييييش قلتي ؟؟؟ لينه بدموع : ااسسسفه ووالله اااسسفه بسسس فكني فمي يعورني زياد فكها وطلع بسرعه لانه لو جلس معها دقيقه وحده كان ضربها لينه اكتفت بالبكاء وبعد مابكت ناااااامت .................................................. .................................................. ............................. ندئ رجعت جده وراحت المشغل ونادت وحده من الموظفات :سهيله ... سهيله سهيله : أأمري حضرتك ندئ : تسلمي .. انتي تعرفين روان الي كانت تشتغل هنا ؟ سهيله : اه ندئ ابتسمت : فين بيتها سهيله : معرفش ندئ : وش هالغباء توك تقولين اه سهيله : بقصد اني بعرفها كشخصها بس مابعرف عنها شي ندئ : انا شفت غباء بس مثل غبائك ماشفت يلا روحي شوفي شغلك طلعت سهيله ودموعها بعينها : أكل العيش صعب ومر ربنا كبير ياندئ (ماقدرت تقول هالكلام لها لانها خايفه انها تطردها وبعدين ماتلقئ شغل ) ندئ : ااااااااااااااااااااااااا ااااااه بموت قهر بموووووووت هاذي وين طست وين اختفت معقوله حساسه لهالدرجه والله ماابيها لسواد عيونها ابي ابوها هالتاجر الغني بيعيشني امييييره وباخذ الحلال كله وبصير العب بالفلوس لعب وبخلي هال**** مثل الخدامه عندي ههههههههههه .................................................. .................................................. ............................ هاني وقف عند المستشفئ وجلس دقايق بالسياره وجلس يتذكر الي شافه شاف جمال وشباب ورشاقه ماتوقعها كذا كان كل اعتقاده انها ارمله كبيره حيل وعيالها كبار بس الي شافه شي مختلف : معقوله هاذي ام وليد ولا هاذي تقرب لها الا الا هاذي هي ام وليد نفس الصوت لالالالا مو ام وليد هاذي شابه صغيره وشكلها لسئ ماتزوجت اففففف وش هالافكار الي جتني طفئ السياره ودخل المستشفئ راح سلم علئ امه هاني : السلام عليكم يمه ام خالد : وعليكم السلام حبيبي هاني : كيف صحتك يالغاليه اليوم ام خالد : الحمدلله بس سويلي خروج وخليني اروح اشوف اخوك هاني : ابشري ...وطلع سوالها خروج واخذها وراحوا عند خالد دخلت عنده وبدموع : سلامتك ياروحي ماتشوف شر خالد كان يناظر فيها بس مو قادر يتكلم مع التعب هاني قرب منه وطبع بوسه علئ راسه : سلامتك يالغالي ماتشوف شر خالد حاول يرد عليه هاني : خلللك مرتاح لاتتعب نفسك بالمره احنا فاهمين عليك ام خالد جلست تمسح علئ راس ولدها وتبتسم له وتناظر فيه كانت حزينه عشان حالته وبنفس الوقت فرحانه لانه فتح عيوونه .................................................. .................................................. .............................. دق الباب مره ومرتين وثلاث واربع لكن مافي فايده مو راضي يفتح الباب عبد الرحيم : بندر ياخوي ماتوصل لهدرجه افتح الباب بس بكلمك شوي بندر مطنش عبد الرحيم ولاكأنه يسمعه عبد الرحيم : بس اسمعني وسوي الي تبيه بعدها ... بندر والله مو حلوه وقفتي قدام الباب الناس يناظرون فيني بندر قام وفتح الباب : وش تبي عبدالرحيم : حقك علي وانا اسف وغلطان العذر والسموحه ياخوي بندر : عادي حصل خير عبد الرحيم قرب وطبع بوسه علئ راس بندر : سامحني ياخوي والله مااحب ازعلك مني ابدا بندر ابتسم : ولايهمك ياخوي عادي ماحصل شي عبد الرحيم : ان شاء الله تتزوجها واشوف عيال عيال عياااالكم يااااارب بندر ابتسم بقووووووه : ايييييييييييه هاذا الكلام الي يرد الروح هههههههه اميييييييييييييييين يااااااااااارب عبدالرحيم : هههههههههههه مستعجل الاخ بندر : بلاك ماجربت الحب يادحيم عبد الرحيم : ولا ابي اجربه بندر : قلتها مثلك وطحت بهواها غصب عني عبد الرحيم : لهدرجه ؟؟ بندر: واكثر .................................................. .................................................. ............................... اخذت صحون الحلا وحطته بالثلاجه وطلعت منه صحنين واحد كنافه ووااحد بسبوسه وجلست توكل ياسمين بهدوء وبعد ما انتهت سمعت اخوها بسام يناديها روان : يلا حبيبتي اشوفك علئ خير ياسمين :ان شاء الله وشكرا وثاني مره لاتتعبين نفسك روان : تعبك راحه ياقلبي ومابين الاهل شكر وقربت منها وطبعت بوستين علئ خدودها وطلعت ولما طلعت جات عامله من عاملات النظافه ياسمين حطت بمنديل اربع قطع بسبوسه وقطعتين كنافه ولفتها لها وقالت لها : خذي العامله ابتسمت واخذتها ياسمين : دقيقه ممكن جوالك شوي العامله مدت لها جوالها ياسمين اخذت الجوال واتصلت بسرعه علئ رقم سالم وبعد فتره بسيطه رد وقال : مرحبا تحس ان دقات قلبها كل مالها تزيد من زمان ماسمعت صوته اشتاقت له حيييييل وبصوت مبحوح من التعب : الو سالم ماكان عارف صوتها لانه متغير كثير : الو مين ياسمين : انا صديقة ياسمين سالم ااااه مبطي عن اخبارك ياروحي : اهلا ياسمين : ممكن سؤال سالم : تفضلي ياسمين : ليه تركت ياسمين سالم : لان هاني اكثر من اخ وماابي اطعنه بظهره واغدر فيه ياسمين ياماا بكيت عشان هالشي بس تجرعت العذاب الوان عشان ماازعلك ياسالم : طيب انت تحبها سالم تردد بالجواااب كثير ماعرف ايش يقول : ايه احبها هي وهاني ياسمين ابتسمت بقوه لكن سرعان ماتلاشت ابتسامتها لما سمعته يقول سالم : بس احبها زي اختي ياسمين وقف دقيقه وش الي مثل اختك وكلمة احبك ودموعك وخوفك علي ومسجات الغرام الي ترسلها لي كل هذيك كانت اخوه ليش الكذب ياساااالم ااااااااه طعنتني وجرحتني جرح قوي بصعوبه قالت : بس هي تتعذب ليش ماترد عليها سالم كله ولاعذابها ياليتني انا ولاهي : تتعذب الحين ولاتتعذب بعدين وانا ماابي اخون صديقي واذا بغيتها جيت مع الباب وخطبتها علئ سنة الله ورسوله ياسمين وش هالتناقض بالله عليك مره اختك ومره اذا بغيتني جيت مع الباب ااااااه : لاتتعب نفسك اصلا هي ماتبيك وقالت لي اقولك الله يوفقك ويرزقك الي افضل منها وقفلت بسرعه وجلست تبكي .................................................. .................................................. ............................... انتهئ البارت اتمنئ يكون نال علئ اعجابكم لاتحرموني من ردودكم وتعليقاتكم ربي يسعدكم ((سبحان الله وبحمده سبحان الله العظيييم )) | ||||
|
| |
 |
| الكلمات الدلالية (Tags) |
| للكاتبة, أشكي, بسمة, تعبت, همسها |
| أدوات الموضوع | |
| انواع عرض الموضوع | |
|
|
1Likes
العرض العادي
