10-12-13, 10:37 PM
| #61 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  البارت الستون (مع تلك الليالي البارده تجمدت قلوب أحبتي ) كان بحاله مايعلم فيها الا رب السماوات والارض سبحانه يحس انه بينجن معقوله الي سمعه صحيح :أبوي وحنا صغار وبأمس الحاجه لأم تربينا ابوي ماتزوج وفضل انه هو يربينا بنفس الحين بعد ماكبرنا وصرنا نعتمد علئ انفسنا يتزوج ؟؟ ماقدر يتحمل اكثر من كذا وطلع بسرعه من غرفته وراح غرفة ابوه ودق الباب بهدوء عكس بركان الغضب الي بداخله وبعد فتره رد عليه بصوت نعسان : مين فتح بسام الباب وقال : يبه ممكن اكلمك بموضوع؟ ابو بسام : بعدين وانا ابوك لاني تعبان الحين ونعسان بسام (لما كانت عندك بنت ال .... ماكنت نعسان ولما جيت انا تقولي نعسان ×) : ضروري يبه الموضوع ابو بسام تلحف من فوق راسه : خلاص عاد يابسام لاتحن مثل الاطفال ابوك تعبان راعي هالشي بسام من بين دموعه قال : يحق لي احن تدري ليه ؟؟ لانك اخذت وحده ماتسوئ وتزوجتها علئ امي ابو بسام بتوتر قام بسرعه ويبي يكلم بسام لكن بسام كان اسرع منه ونزل تحت بسرعه وركب سيارته وطلع من الشاليه وهو بقمة غضبه .................................................. .................................................. ............................. بعد ماودع اهله لان اجازاته كلها خلصت الرسميه والاضطراري وركب الطياره وبعد ساعتين وصل مطار الخبر واستقبله اخوه الي ماجابته امه... سالم بس شاف هاني وراح ركض لعنده وضمه لصدره ضمة مشتاق : والله وحشتني يالدب كل هاذا بجده هاني : وانت اكثر يالنحيف هههه وش نسوي ياسالم والله الضروف جت ورئ بعض بس خلها علئ ربك سالم : الله يعين .. يلا اليوم بتجي عندي بالبيت وتسولف لي من اول يوم وصلت فيه جده الين سافرت للخبر هاني : لا مانيب جايك بروح بيتنا ارتاح فيه وبعدين نطلع نتمشئ سالم : افا والله وبيتنا مابترتاح فيه هاني : لاوالله مااقصد لاتفهمني غلط بس ماابي اضايقك انت واهلك سالم : احنا بنروح الملحق والملحق منعزل تماما عن البيت هاني : دام كذا شورك وهداية الله سالم : توكلنا علئ الله .... وراحوا بيت سالم .................................................. .................................................. ............................. كانت لابسه بنطلون رمادي وتيشيرت عودي ورافعه شعرها لفوق وحطت روج عودي وكحل فرنسي ولبست بنتها شورت لونه رمادي وتحته هيلاهوب وبلوزته بيضاء مرسوم عليها ورود ناعمه ومشطت لها شعرها وفرقته اثنين وحطت لها فيونكات رماديه وجت تبي تعطرها بس وقفت لما سمعت صوت جوالها وشافت المتصل سعد وكشرت : ريتاج روحي عند جدتك وطلعت ريتاج .. وردت عليه وهي مو طايقته وبدون نفس قالت : خير سعد (ماحب انه يدقق ومشاها لها ) : كيفك حبيبتي هدئ : ماشي الحال سعد : ليه فيكي شي؟ هدئ : لا سعد : تغديتي ؟ هدئ : لا سعد : وليه ياقلبي هدئ : وانت وش دخلك بكل شي تحب تتدخل اف ياربي وقفلت الخط بدون ماتسمع منه ولاكلمه .................................................. .................................................. ............................. وصل زياد ولينه واستقبلوهم الجميع وفرحانين فيهم .. زياد كان يساعد لينه بتنزيل العبايه وجلس بجمبها ام محمد : كيفك حبيبي ؟ زياد : الحمدلله بخير انتي كيفك ياجده ام محمد : بخير دامني شفتكم زياد : الله يسعدك ام محمد : امين يارب وكيفك يالينه لينه : الحمدلله ياجده انتي كيفك ام محمد : بخير الحمدلله حنان بسرعه جت عند لينه وضمتها : وحشتيني يادبه لينه فرحت بحركة حنان وتمنت ان اخواتها يعاملونها مثل حنان بس لاحياه لمن تنادي لينه ضمتها وطالة فترة الضمه بدون كلام بس كانت دموع من لينه وساكته قام زياد بسرعه وقرب منها وبخوف قال : حبيبتي فيكي شي؟؟ ماردت عليه واكتفت بالدموع وهي باحضان حنان زياد بدأ يتوتر بشكل مو طبيعي : حنان فكيها انا باخذها الغرفه شوي يمكن تعبانه ومستحيه تقول حنان بعدت عنها وزياد شال لينه ودخلها غرفة جدته .. جت ام خالد ومعها عصير واستغربت لانها مالقيت زياد ولينه : زياد وزوجته وصلوا ولالا ام سليم : ايه وصلوا حنان : بس لينه تعبانه شوي واخذها زياد ووداها غرفة امي ام خالد جت تبي تروح لهم بالغرفه لكن ام سليم قالت لها : لا ياام خالد خليها علئ راحتها واذا هديت بتجي ام خالد جلست وتسولف معهم ولكنها قلقانه علئ حال ولدها وزوجته .................................................. .................................................. ............................. صحي من النوم واتصل علئ المطعم وجابوا له فطور كان عباره عن جبنه ولبنه وزيتون وعسل وتوست وكروسان واثنين عصير برتقال اخذ منهم الصحن ودخل بالصاله يفطر وبعد دقايق قليله صحيت ابتسام وبعد ماغسلت وجهها وصلت مشطت شعرها وحطت روج احمر فاتح وطلعت الصاله لقيت هشام يفطر ابتسمت وجت جلست قباله :صباح الخير هشام كمل اكله ولا كأنه يشوفها ابتسام : قلنا صباح الخير هشام : صباح النكد والقرف وش تبين ابتسام : ولا شي بس قلت اصبح عليك هشام : الله يسد نفسك مثل ماسديتي نفسي .. اشبعي بالاكل تاركه لك .. واخذ مفتاحه ومحفظته وجواله وطلع برئ الشقه .................................................. .................................................. ............................. جاها الدكتور وبعد ماسوالها الاشعه تبين بالصوره انها تعاني من التهاب بالصدر .. لاحول ولاقوه الابالله .. اخذ الاشعه واعطاها ابو خالد وقال : بصراحه الي واضح بالصوره ان بنتك عندها التهاب بالصدر ابو خالد : ووش علاجها يادكتور الدكتور : انا بعطيها فنتولين أقراص بس قول لها تنتبه علئ صحتها زين وتبتعد عن الغبار والبخور والمعطرات ذات الرائحه القويه وحاولوا ماتضايقونها لانه يأثر عليها بس لازم تنتظم علئ العلاج ابو خالد : ان شاء الله وجزاك الله الف خير يادكتور الدكتور : العفو راح ابو خالد ودخل غرفة عهود ولقيها تبكي بطريقه تقطع القلب ابو خالد بسرعه قرب منها وبخوف ودموعه علئ خده : وش يعورك يبه عهود كل الي علئ لسانها : بموت بموت بموت وتبكي ابو خالد : بسم الله عليكي يبه وبسرعه رجع لدكتور وقاله علئ حالة بنته والدكتور ركض لغرفتها وحط الاوكسوجين علئ فمها وحط لها ابرة مهدئ وبعد فتره بسيطه بدأ يقل صوت البكاء بالتدريج الئ أن عم الهدوء ارجاء الغرفه .................................................. .................................................. ............................. كانت عايشه حياتها ومبسوطه ع الاخر من سوق لسوق وسهرات وطلعات ومحد قدها ..... كانت تتمشئ وبعد مسافه طويله تقريبا كانت تتمشئ علئ طريق سفر (يعني خارج المدينه ) قالت لسواق : وقف بجنب أقرب محطه السواق أسمه نادر: ليه ندئ : وش دخلك ليه ؟؟ نادر (لاحول ولاقوه الابالله ) : اقصد تبين اجيب لك شي من المحطه ندئ : لا محد طلب منك شي نادر :طيب .. ووقف فيها بأقرب محطه ونزلت من السياره وراحت المحطه أشترت وبسرعه طلعت وركبت السياره وهم بنص الطريق فتحت البكت وطلعت لها سيجاره وحطتها بفمها وقربت الولاعه من السيجاره نادر ناظر من المرايه وشافها وبسرعه وقف السياره (وكان بحالة غصب وعصبيه فضييييييعه ) فتح الباب ونزل بسرعه وفتح بابها وسحب السيجاره من فمها ورماها علئ الارض عصبت عليه : انت مين عشان تسوي معي كذا انت نسيت نفسك ولا ايش ناسي انك تشتغل عندي وتحت امري وشغلتك بس توديني وتجيبني زيك زي أي خادم مطيع لاسياده وبس رده ماكانت تتوقعه كان رده قوي ومن قوته سكتها (كان رده عباره عن كف ألجمها عن الكلام ) واستسلمت لدموعها وضلت طول الطريق تبكي ... وهو ابد مالام نفسه عالي سواه .................................................. .................................................. .............................. طلعت روان من الباب المطل علئ البحر وكانت تتمشئ وتلعب بالرمل وجدا مرتاحه .................................................. .................................................. ............................. قام بسرعه يبي يلحق بسام بس كان أسرع منه وطلع وكان بقمة العصبيه ومليون فكره براسه (كيف عرف ؟؟ ومين قال له ؟؟؟ وليش كلمني كذا ؟؟ وووو...الخ ) وقال بصوت هز البيت من قوته : بيلسااااااااااااااااااااا ااااااااااااااان وراح يدورها بكل مكان مثل المجنون يبي يلقاها بأي طريقه وفتح غرفة الملابس بقوه وكانت نايمه بين الملابس وبحضنها الفستان الي لقيته بين الملابس قامت بخوف وقالت له :نعم ايش فيه قرب منها ابو بسام :انتي الي قلتي لبسام انك زوجتي بيلسان بصعوبه تتكلم من شدة الخوف لان شكل ابو بسام كان جدا مرعب : هااا ابو بسام رفع صوته : لاتستهبلين قلت لك انتي قلتي لبسام انك زوجتي بيلسان : أأأأيه ابو بسام عطاها كف وماكفاها رجع شدها مع شعرها بكل قوته ويضربها بأي مكان تطيح عيونه عليه بيلسان كانت تبكي وتقول : لالالالالا اتركني حرااااااااااام عليك ابو بسام : الله ياخذك الله ياخذك بدل ماتحمدين ربك علئ النعمه الي انتي عايشه فيها تسوين كذا عمك جاني مثل ال.... وترجاني عشان اتزوجك وتزوجتك وحطيتك بقصر عمرك ماتحلمين فيه وماقصرت عنك بولاشي كذا تردين المعروف هااااااااااااا قرب منها وشد شعرها (وسطت صرخات منها )وقال : اسمعي يابيلسان علم يوصلك ويتعداك اهم شي بهالدنيا عيالي والي يضايقهم بكلمه وحده بيشوف شي عمره ماشافه وتركها وقفل الباب عليها وبسرعه طلع يدور بسام .................................................. ..........,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,, أعتبر ان الي هو فيه حلم وحلم جميل مايتمنئ انه يصحئ منه : نعم حبيبتي وش قلتي ياسمين من بين دموعها : احبك حس بقلبه يدق بسرعه مو مصدق : وانا اموووووووووووووووت فيكي ياروحي .. يعني انتي صدق تحبيني (من صدمته) ياسمين :هزت راسها بأيه بندر : الله لايحرمني منك ياطوايف هلي انتي .................................................. .................................................. .............................. انتهئ البارت اتمنئ يكون نال علئ اعجابكم ردودكم تهمني كثير الله يسعدكم (اللهم صل وسلم وبارك علئ سيدنا محمد) ^_^ | ||||
|  |
|
16-12-13, 07:13 AM
| #62 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الواحد والستون كان يمشي بالشوارع مثل التايه مايدري وين يروح او لمين يروح تمنئ انه يموت ولايسمع ان ابوه تزوج علئ امه وحده اصغر من روان راح للبحر وماارتاح وراح للبر وماارتاح طلع من جده علئ طريق المدينه وبعد فتره من المشي وصل للمدينه المنوره ودخل فيها وراح توضأ وراح المسجد النبوي صلئ فيه ركعتين وفتح القران الكريم وبدأ يقرئ سورة الملك (تبَارَكَ الَّذِي بِيَدِهِ الْمُلْكُ وَهُوَ عَلَى كُلِّ شَيْءٍ قَدِيرٌ. الَّذِي خَلَقَ الْمَوْتَ وَالْحَيَاةَ لِيَبْلُوَكُمْ أَيُّكُمْ أَحْسَنُ عَمَلا وَهُوَ الْعَزِيزُ الْغَفُورُ....) كان صوته عذب صوته يرد الروح وبعد ماخلص السوره قفل القران وجلس يبكي شافه رجال كبير بالعمر شايب قرب منه وقال له : السلام عليكم بسام : وعليكم السلام الشايب: ليش تبكي وانا ابوك بسام : لان ابوي تزوج علئ امي وحده ماتسوئ الشايب: ابوك قصر معكم بشي ياولدي بسام : التقصير شي وانه يتزوج شي ثاني الشايب :ممكن تصلي علئ النبي وتجاوبني بسام : عليه الصلاه والسلام لا مو مقصر معنا بشي الشايب : ابوك كم له ماتزوج علئ امك ؟ بسام :ماتزوج من بعد ماماتت توه تزوج الشايب : المفروض تشكره وماتزعل عليه لأنه ماجاب لكم وحده تعذبكم وانتم صغار انتظر الين تكبرون وهاذا انتو كبرتوا ماشاء الله وهو كم له سنه بدون زوجه ومن حقه انه يتزوج ... طيب هو مسكنها معكم ؟؟ بسام : لا الشايب : حتئ ماضايقكم بوجودها وسكنها خارج بيتكم احمد ربك وانا ابوك بسام : الحمدلله بس الشايب : لابس ولا شي ارجع لابوك وبارك له واعتذر منه بسام : جزاك الله خير ياعم الله ينور دربك ويعطيك الف عافيه وطبع بوسه علئ راس الشايب واخذ رقم جواله وطلع من المسجد وركب سيارته وراح يتمشئ شوي فالمدينه المنوره وهو مرتاح ويحس بهدوء وراحه فضيعه .................................................. .................................................. .............................. راحت تدور ابوها مالقيته وراحت تدور اخوها مالقيته : اففففففففف ياربي وين راحوا كيفهم انا بلبس عبايتي واطلع ولبست عبايتها وطلعت عند الشاطئ تتمشئ وتلعب بموية البحر وبعدين جلست عالشاطئ ومسترخيه علئ صوت امواج البحر .................................................. .................................................. ............................ : حبيبتي يلا مستعده نفك الغرز : خايفه بندر : توكلي علئ ربك وبأذن الله مابعورك ياسمين : لابندر ماابي بندر : حبيبتي لازم تفكينها ولا ماتبين تطيبين ياسمين : الا بندر : اجل سمي بالله ويلا بنادي الممرضات عشان يساعدوني وراح ينادي الممرضات وجو ومعهم المعقمات والمقصات بندر : حبيبتي يلا عطينا ظهرك لفت بخوف بمساعدة بندر لها وكان يفك لها الغرز بمساعدة الممرضات حست بشوية وجع بس لمن حطولها المعقم علئ الغرز دمعت عيونها بندر : تقدرون تروحون الحين شكرا وبعد ماطلعوا الممرضات ساعد ياسمين ورجع ظهرها علئ السرير بهدوء بندر : مسح دموعها بحنان وقال لها تحسي بوجع ياقلبي ياسمين : شوي بس بندر : بسيط ان شاء الله كلها عشر دقايق وبيروح الوجع ياسمين : ومتئ تسويلي العلاج الطبيعي عشان امشي بندر : اذا خف وجعك طيب ياسمين : طيب بندر : ياقلبي الحين نامي ساعه او نص ساعه ارتاحي فيها وشوي واجيكي عندي اجتماع بالمستشفئ لازم اروح ياسمين : اوك فمان الله بندر قرب منها وطبع بوسه علئ رأسها : فمان الله يالغاليه وطلع من الغرفه وهي استسلمت لنوم .................................................. .................................................. ............................. كانت بنته حرارتها مرتفعه مايدري ايش يسوي مع انه دكتور بس من الخوف ارتبك ونسي كل شي فتح الباب وطلع زي المجنون يركض ويدور اي احد وكان يمشي وشاف شخص جالس علئ الشاطئ قرب منه ولأن المكان مظلم كان يتوقع ان الي قدامه رجال قال وهو بصعوبه يتنفس من كثرت الركض : داخل علئ الله ثم عليك ساعدني قالت روان بخوف : ايش فيك عبد الرحيم : بنتي مريضه تكفين ساعديني روان : طيب هي فين عبد الرحيم : بالشاليه واخذها وراح ركض لشاليه ودخلوا بسرعه وطلع لدور الثاني وفتح الباب علئ بنته وروان دخلت معه ولقيتها علئ السرير قربت منها وحطت يدها علئ راسها لقيت حرارتها مرتفعه روان بخوف : جيب لي مويا بارده وكمادات نزل مع الدرج ركض وطاح باخر درجتين وقام بسرعه وراح المطبخ طلع اول وعاء بس طاح منه وانكسر ومالقي غير صحن متوسط العمق وحط فيه مويا بارده واخذ الكمادات وركض علئ غرفة بنته وفتح الباب وقال : تفضلي روان اخذت الصحن منه بسرعه وحطت الكمادات بالمويا وحطتها علئ راس البنت : مالقيت الا هالصحن عبد الرحيم بتوتر : الوعاء الكبير طاح مني معليش روان : اوك عادي وجلست تشيل الكمادات وترجع تحطها علئ راسها ... : لو سمحت غيرلي المويا اخذ منها الصحن وراح الحمام اكرمكم الله وحط فيه مويا من الصنبور (المغسله ) وطلع بسرعه : تفضلي وجلست معاها وهي تبدل لها بالكمادات .................................................. .................................................. .............................. بحنان وعطف وحب ضمها وهمس لها بحنيه : حبيبتي ايش فيكي ليه تضايقتي ونزلت دموعك؟؟ لينه كانت ساكته وبس تبكي وبعد فتره بسيطه هديت وقالت : تمنيت حنية حنان تكون بأخواتي زياد (اااه يالينه لو تدرين الحقيقه المره وان هذولا مو خواتك ولا يقربون لك): الله يهديهم حبيبتي بس خلاص لاتتضايقين ويلا خلينا نطلع لاهلي من اليوم ينتظرونا مسحت دموعها وشالها وطلعوا برئ عند اهله وجلسوا يسولفون وعرفوا ان لينه حامل والكل فرح لها وبارك لها .................................................. .................................................. ........................... اتصل اكثر من مره عليها بس ماكانت ترد انقهر كثير من تطنيشها له : بسم الله وش فيها هاذي انقلب فجأه علي سعد : خالد خالد : هلا سعد : ياليت تكلم ام ريتاج لانها ماترد علئ جوالها خالد : عندهم زوجة زياد سعد : طيب خالد : يبه متئ بنروح البيت ابو خالد : اي بيت خالد : بيت الناس الي نبي نخطب من عندهم ابو خالد : اها متئ ناوي انت يبه خالد : خير البر عاجله يبه ابو خالد : وانت صادق خصوصا ان زياد واهله معنا وسعد وجدك موجودين علئ بركة الله خالد بسرعه قام واتصل علئ ام وليد وقالت له ان عمها موجود وخالها موجود وهي تنتظرهم وبعد ماوصل الخبر للحريم تجهزوا وعدلوا مكياجهم وراحوا لبيت ام وليد اول شي استقبلهم وليد واحمد وكانواا لابسين ثياب بيض وغتر بيض وجزم سودا الله يكرمكم وكانوا واقفين عند الباب اول ماشافوا خالد نزل من السياره راحوا ركض عنده وضمهم وحس كأنه أبوهم وكان جدا فرحان دخلوا الرجال بمجلس الرجال واستقبلهم عمها وخالها والمملك واولاد عمها كانوا الشهود وجلسوا وضيفوهم والحريم كانوا منبهرين بشكل ام وليد كلهم ماصدقوا انها كانت متزوجه قبل وعندها ولدين شكلها صغيييييره مره وجمييييله كانت لابسه فستان ابيض فيه ورود حمر وكان ضيق ومخصر علئ جسمها بحمالات حمرا وفيها خطوط بيضاء ومن عند البطن شفاف باللون الاحمر وفيه خرز كثيييير وكانت لابسه كعب احمر وشعرها مستشورته بالهواء وحاطه لها قصه (غره ) علئ يمين وجهها وفوقها فراشه حمرا وكانت حاطه مكياج خفييييف كحل فرنسي وبلشر وردي وروج احمر بس ومع هاذا كله كانت جمييييييله جدا وبعد مااتفقوا مع اهلها علئ كل شي كان مهرها ثلاثين الف هي طلبت عشرين الف لكن عمها اشترط اكثر من كذا وخالها حب ياخذ خير الامور الوسط وطلب ثلاثين الف ودخل خالها وطلب منها انها تجي عند الباب حق مجلس الرجال سألها الشيخ وقال : يابنتي عندك شروط قالت بصوت منخفض بالقوه طلع: لاياشيخ قال الشيخ طيب يابنتي هل تقبلين بخالد ال .... زوج لك علئ سنة الله ورسوله قالت :اقبل وبسرعه راحت عند الحريم ووجهها كان احمرررر ام محمد : نقول مبروك حبيبتي ام وليد هزت راسها بأيه وحنان بدت تسويلهم زغروطه والكل قام وبارك لام وليد والرجال باركوا لخالد وهنوه .................................................. .................................................. .............................. ندئ من بعد الكف الي اخذته من نادر رجعت البيت وبس تبكي وترتجف وحالتها حاله بتموت من القهر : ااااااااااااااااااااااااا ااااااااااااااااه انا ندئ الي ماعمر احد مد يده علي حتئ من اهلي يجي هالحقير ويمد يده علي بصفته مين لكن هيييين بخليك تندم يا.... وكملت بكي .................................................. .................................................. ............................... ماقدرت تتحرك ولا حركه من شدة الالم تحس انها بتموت كلها اهااات وحسره وندم علئ هالزواج الي دمرها اكثر من انه فرحها حاولت تقوم اكثر من مره تبي تشرب مويا بس من شدة الالم كانت تطيح وباخر مره طاحت ونامت علئ الارض .................................................. .................................................. ............................. هدئ كانت مبسوطه فملكة ولد اختها وكانت ترقص ومبسووووطه ومطنشه سعد ع الالالالاخر وسعد كان بصدره براكين من الغضب علئ تصرفات زوجته الي مالها اي تبرير بنظره .................................................. .................................................. ............................ انتهئ البارت اتمنئ يكون نال علئ اعجابكم لاتحرموني تعلقاتكم وردودكم وحابه اقولكم قربت فترت الاختبارات ويمكن اتأخر عليكم فالبارتات فالعذر والسموحه منكم والله يسعد قلوبكم يارب | ||||
|
| |
|
24-12-13, 07:05 AM
| #63 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الثاني والستون (** ماجبرني الوقت ابكي من فراغ كل دمعه تطيح من عيني داخلها وجع **) تمشئ بشوارع المدينه شوي وبعدها سافر لجده وكل الي فباله انه يرضي ابوه شغل الراديو وجت فيه أيه ..( وَقَضَى رَبُّكَ أَلاَّ تَعْبُدُواْ إِلاَّ إِيَّاهُ وَبِالْوَالِدَيْنِ إِحْسَانًا إِمَّا يَبْلُغَنَّ عِندَكَ الْكِبَرَ أَحَدُهُمَا أَوْ كِلاَهُمَا فَلاَ تَقُل لَّهُمَآ أُفٍّ وَلاَ تَنْهَرْهُمَا وَقُل لَّهُمَا قَوْلاً كَرِيمًا . وَاخْفِضْ لَهُمَا جَنَاحَ الذُّلِّ مِنَ الرَّحْمَةِ وَقُل رَّبِّ ارْحَمْهُمَا كَمَا رَبَّيَانِي صَغِيرًا . رَّبُّكُمْ أَعْلَمُ بِمَا فِي نُفُوسِكُمْ إِن تَكُونُواْ صَالِحِينَ فَإِنَّهُ كَانَ لِلأَوَّابِينَ غَفُورًا } {الإسراء/23-25} ... سمع هالايه ودموعه ماوقفت قال بصوت عالي : سامحنيييييييييييي ياارحم الراحمين ساااااااااااااامحني يارب العالمين سبحانك توصيني ببر الوالدين وانا رفعت صوتي علئ ابوي وزعلته ..والي سواه حق من حقوقه ماغلط يوم انه تزوج اااااه يارب انك تسامحني ياااارب انك تسامحني ... وكمل طريقه لشاليه يبي يشوف ابوه بأي طريقه .................................................. .................................................. ............................... دور علئ ظناه بكل مكان بس يبيه يرجع له يرجع لحضن ابوه يبي يضمه ويشم ريحته ويبي يمسح دموعه بيده ضرب بيده بقوه علئ الدركسون وبتعب قال : الله يسامحك وانا ابوك قلت كل الكلام الي فبالك وماتركت لي فرصه اتكلم انا ... وقف السياره عند البيت وجلس فيها ينتظره وكل الي بقلبه اماني انه يشوفه .................................................. .................................................. ............................. دخل عندها وطبع بوسه علئ راس امه ويدها وهي طبعت بوسه علئ راس ام خالد ويدها وبعدين التفتت علئ ام وليد وطبع بوسه علئ راسها وجابت له هدئ طقم الذهب ولبسها الطقم والدبله وهي لبسته الدبله وحضن يدها وكان مبسوووووط للغايه مو مصدق الي يصير يحس انه يحلم وحلم جميل مايتمنئ يصحئ منه جابت لهم ام سليم كوبين عصير كوكتيل وشربها العصير وهي شربته العصير وقطعوا الكيكه سوا ووكلها وهي وكلته وكانوا بقمة الونااااسه بعدين جاء وليد واحمد وضموا امهم وباركوالها وضموا عمهم وطبعوا بوسه علئ راسه وجلسوا معهم شوي وبعدين ام خالد قالت : يلا حبيبي الف مبروك عليكم والله يتمم لكم علئ خير واحنا بنطلع .. قام خالد : الله يبارك فيكي يالغاليه ولايحرمنا منك وطبع بوسه علئ يدها .. والباقين باركوا لهم عالسريع وطلعوا ... وبعد ماطلعوا قرب خالد من ام وليد وضمها بقووووه وقال : واخيرا صرتي حلالي والله ماني مصدق ام وليد اكتفت بالسكوت من شدة الاحراج بعد عن حضنها وهمس لها : حبيبتي جيعانه ؟ عندها هي هزت راسها بلا خالد : طيب بس انا جيعان تبيني اموت جوع يعني بدون ماتحس علئ نفسها قالت : بسم الله عليك حبيبي خالد :تخافين علي ام وليد ساكته بدون رد وانظارها متوجهه للارض خالد : خلاص حبيبتي لاتقولين شي وصلني ردك وغمز لها بعينه وانا بقوم اجيب العشاء وبعدين نتفاهم وضحك ههههههه وطلع طبعا هي كانت بوضع لاتحسد عليه ههههههه .................................................. .................................................. ............................... كانت ماشيه مع اهلها وفجأه انفك الصندل حق بنتها (اكرمكم الله ) جلست تسوي لبنتها الصندل وجت تبي تقوم وتكمل مشي ورئ اهلها الا حست بأحد مسكها بقوه مع يدها اليسار وسحبها التفتت وشافت سعد ماسكها بقوه وبنضرات كلها وعيد وتهديد كان يناظرها وقال : ياعمه ممكن تخلين ريتاج عندك الليله هدئ جت تبي تتكلم لكن سكتت لما ضغط بقوه علئ يدها ام خالد : طيب حبيبي .. تعالي حبيبة جدتها انتي واخذتها بيدها وراحت لسياره وسعد اخذ هدئ وراح لسياره وخلاها تركب وقفل الباب باقوئ ماعنده ولما ركب السياره قالت له هدئ بعصبيه : وجع ان شاء الله ماتعرف تقفل الباب بشويش وعلئ مهلك سعد : يوجعك يا.... وحسابك بعدين بس خلينا نوصل الشقه .................................................. .................................................. .............................. ندئ ماقدرت تنام مقهووووووره والقهر والانتقام بعيونها مافارقها كل الي فبالها تنتقم من نادر وبأي طريقه فكرت وفكرت وفكرت وبعد فتره قالت : لقييييتها يانادر راح تندم صدقني .................................................. .................................................. ............................. قالت والتعب واضح بعيونها مع انها متنقبه لكن واضح انها تعبانه لانها كانت سهرانه طول الليل : الحمدلله انخفضت درجة الحراره عبد الرحيم : الله يجزاكي الجنه بغير حساب (امين يارب) معليش تعبتك معنا روان : لامافي تعب عبد الرحيم : شكرا روان : العفو عن اذنك عبد الرحيم : وين بتروحي روان ناظرت فيه بنظره معناها (بأي حق تسأل ) عبد الرحيم : اسف بس مجرد سؤال روان : بروح الشاليه حق الوالد فمان الله وطلعت بسرعه عبد الرحيم جلس يناظر فيها الين وصلت الشاليه حقهم .................................................. .................................................. ............................... بعد فتره وصل بسام ولما قرب من الشاليه لقي ابوه بالسياره ينتظره وباين حييييل تعبان ومرهق بسام بسرعه نزل من السياره بدون مايطفيها وراح ركض لسيارة ابوه وفتح الباب بسرعه وقال بخوف : يبه يالغالي سامحني وطبع بوسه علئ يد ابوه وراس ابوه تكفئ يبه سامحني انا غلطت وابيك تسامحني ابو بسام براحه : مسموح وانا ابوك بس انت باقي ماسمعتني بسام :بسمعك يالغالي بس مو الحين الحين لازم ترتاح ومسكه مع يده وطلعه فغرفته وقفل الباب وطلع راح لغرفته يبي ينام وهو متجه لغرفته شاف اخته داخله مع الباب نزل ركض عندها ومسكها مع كتوفها بقوه : وين كنتي ؟؟؟ روان (الله يعدي هاليوم علئ خير ) : كنت علئ الشاطي بسام : والي يكون علئ الشاطي يجي تعبان ؟؟ روان : لاني طول الليل كنت علئ الشاطي عجبني الجو مره وماحبيت ادخل وانا تعبانه وبطلع انام وطلعت بسرعه لغرفتها وقفلت علئ نفسها الباب وهي تتنفس بسرعه : الحمدلله الحمدلله الحمدلله وحطت راسها علئ المخده وناااااااااااااااااااامت لانها طول الليل سهرانه بسام استغرب من تصرفها بس لانه جاي من سفر والطريق كان طويل فحب انه يرتاح وطلع غرفته يرتاح .................................................. .................................................. .............................. جاء يبي ينام بس تذكر الانسانه الي مالها ذنب والي ضربها وتركها مرميه ع الارض قام بسرعه من سريره وراح لغرفة الملابس لقيها نايمه ع الارض وشعرها مبعثر بشكل مهمل همس لها بخوف : بيلسان بيلسان بدأت تفتح عيونها بهدوء وببطئ شديد واول ماشافت وجهه زحفت بتعب للوراء كانت خايفه منه قرب منها وهو يمسك يدها وكان حزين علئ شكلها : لاتخافين مابضربك صدقيني ولو ضربتك مره ثانيه بكسر يدي مسكها مع يدها وساعدها بالمشي ووصلها غرفته وساعدها بانها تكون متمدده علئ السرير ولحفها ونامت من شدة الالم والتعب ناظر لوجهها لقي اثار الكف علئ خدها وباين انها بكيت كثيييير اثار الدموع كانت ماليه وجهها : سامحيني يابيلسان والله غصب عنييييي .................................................. .................................................. ............................ كانت حاطه راسها ع المخده ويدها علئ بطنها وزياد كان بجنبها قالت بحب : ياعمري لك ولا لذيب زياد : يخسئ الذيب ياحبيبتي لينه : تسلم ياعمري اممم ابغاك توديني للحج زياد : ابشري حبيبتي بس اول شي بوديكي تعتمرين بعد كم يوم ولما يجي شهر الحج بنروح نحج طيب حبيبتي لينه : طيب ياروووحي .................................................. .................................................. ............................. كان طاير من الفرحه الانسانه الي حبها قلبه وروحه وعقله وكل كيانه بادلته نفس الشعور وقالت له احبك ضمها بقووووه وقال لها : الله لايحرمني منك ياحبيبتي ياسمين بخوف وخجل : امين بندر : حبيبتي ايش رايك نبدأ بالعلاج الطبيعي الحين ياسمين : طيب بندر راح وجاب الاجهزه الخاصه بالعلاج الطبيعي وبدأ يسوي لياسمين جلسات العلاج الطبيعي : ياسمين حبيبتي حاولي انك تتجاوبين مع العلاج عشان تمشين بسرعه ان شاء الله ياسمين : ان شاء الله باذن الله .................................................. .................................................. ............................... بغرفه بيضاء كانت هي حبيستها محيطه فيها اجهزة القلب والمغذيه والاوكسوجين وهي ماتدري عن الي يصير حوالينها كل الي بقلبها هشام وماتبي احد ياخذه منها غمضت عيونها وكانت تبكي وبقلبها حزن مااحد يعلمه الا الله سبحانه وتعالئ كل امنياتها تصحئ وتلقئ هشام بجنبها وبس وبتكون اسعد انسانه علئ وجه الارض .................................................. .................................................. ............................... وهو حاله كان لايقل عنها سوء حتئ اكل ماياكل واكره شي عنده شوفة ابتسام الي فرقت بينه وبين زوجته وحبيبته ووروحه وام بنته وكل دنيته .................................................. .................................................. ............................. بعد ماتغدوا وانتهوا ... هاني : الله يعطي خالتي العافيه ياسالم ماقصرت والله معليش تعبناها سالم : تعبك رااااحه يالغالي ولايهمك وسكتوا فتره وبعدين سالم قال : اقول هاني وش صار علئ اختك الي طاحت من الدرج ؟؟ كيفها الحين ؟؟ ان شاء الله احسن يارب تكون احسن ناظر فيه هاني بتعجب وقال : وش عندك تسأل ؟؟؟ .................................................. .................................................. ............................. انتهئ البارت اتمنئ يكون نال علئ اعجابكم لاتحرموني ردودكم وتعليقاتكم وتسلمون يارب (اللهم صل وسلم وبارك علئ سيدنا محمد ) | ||||
|
| |
|
31-12-13, 04:41 AM
| #64 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الثالث والستون (في معجم الحنين الغياب المفاجئ يقتل أكثر من الوداع *..) .................................................. .................................................. ............................................. ناظر فيه بتعجب وقال : وش عندك تسأل ؟؟ (قالها بمزح لان كل الي فباله ان سالم سأل عن اختي لانه يعتبرها اخت له لااكثر ولا اقل ) ارتبك سالم وحس بقلق وتوتر (ياربي والله اني غبي غبي غبي اكيد شك الحين ): هااا لالاولاشي ممجرد سسسؤال هاني : هههههههه والله عليك شكل يموت ضحك وش فيك قلبت فجأه سالم اخذ نفس : ههههه لالاولاشي وش رايك نطلع نتمشئ هاني : وين نروح ؟؟ سالم : عادي اي مكان هاني : طيب اوك ... ولبس ثوبه ونزل مع سالم وركبوا فالسياره وراحوا يتمشون .................................................. .................................................. ................................................ (جاب العشاء وكان عباره عن مشويات صحن متوسط وصحنين مقبلات وصحن حلا ) كانت جالسه بالصاله تنتظره واول ماشافته قامت بسرعه :الله يهديك ليش كثرت ؟؟ خالد : بالعافيه علينا وشي قليل بحقك ام وليد : الله يعافيك تسلم خالد : الله يسلمك يارب ويلا لو سمحتي حبيبتي حطي بصحن الي يكفيني انا وانتي وحطي صحن لعيالك ام وليد : حاضر دقايق ويكون الاكل جاهز واخذت الاكياس وراحت المطبخ توزعها بصحون وبعد ماخلصت اخذت صحن لعيالها وحطت لهم عصير وفواكه وراحت عندهم وجلست احمد بحضنها لانه هو الصغير وجلست تأكله ووليد جلس بجنبها ياكل ... قالت لهم : حبايبي الحين بابا خالد بيسكن معنا بالبيت لازم تحترمونه وتكونون مؤدبين قدامه وليد : يعني ياماما بيصير يطلعنا ويمشينا واذا صحينا الصباح نشوفه ام وليد : ههههه ايوا حبيبي ماراح يقصر معكم وبيوديكم كل مكان نفسكم تروحون له ويلا الحين خليكم اولاد عسولين وكملوا اكلكم كله احمد : لاذم ياماما (لازم ياماما) ام وليد : ايوا حبيبي لازم عشان هاذي نعمه وحرام نرميها لازم ناكلها عشان ربنا مايزعل مننا وكملوا اكلهم كله ... ام وليد : ههههه الله لايحرمني منكم يااااارب ... يلا حبايبي نقوم نغسل ايدينا واسنانا واخذتهم وغسلوا ايديهم وغسلوا اسنانهم وجلست حكت لهم قصه وغطتهم وطبعت بوسه علئ روسهم وقامت ..طبعا هي متعوده علئ هالحاله من لما مات ابوهم وهي اغلب وقتها معهم طلعت وراحت المطبخ تبغئ تشرب مويا ولقيت صحن فيه اكل بتوتر وخوف قالت : يوووووووووه نسيت خالد فوق واخذت الصحن وطلعت فيه ركض لغرفة خالد ودقت الباب بسرعه وفتحته و لقيته جالس وباين انه متضايق وطفشان وحالته حاله ام وليد : انا اسفه حبيبي حقك علي بس كنت اعشي الاولاد وانيمهم خالد : وتنيمينهم بعد وناسيتني فوق ميت جوع ومنثبر لحالي ام وليد قربت منه ومسكت ايده وطبعت بوسه عليها : انا اسفه وادري اني غلطانه بس حقك علي والله ماكان قصدي خالد : حبيبتي ادري انك متعوده علئ هالوضع من سنين بس مايصير تنسيني ام وليد : غلطه وماتتكرر ياقلبي يلا حبيبي قوم تعشئ وقام خالد غسل ايدينه وجلسوا يتعشون وبعد ماتعشوا وانتهوا قام غسل ايدينه واسنانه وهي انتضرته بعد ماطلع من الحمام (اكرمكم الله ) ودخلت غسلت ايدينها واسنانها وبعدين طلعت ولقيت خالد يناظر فيها بنضرات قوييييييييييييييييييييييه وكأنها مو عاجبته ام وليد : حبيبي ايش فيك ؟؟ .................................................. .................................................. ................................................. جلسوا حنان وام خالد وام سليم يسولفون ويتفرجون علئ التلفزيون وام محمد راحت تنام حنان : والله ياام خالد زوجة خالد ماشاء الله عليها صغيره مره ام سليم : بصراحه انا انصدمت لما عرفت انها متزوجه من قبل وعندها ولدين ماشاء الله مو باين بالمره ام خالد : حتئ انا قبل مااشوفها بس لما قالي خالد انها متزوجه قبل وعندها ولدين فورا قلت شيل الموضوع من راسك بس لما شفتها غييرت رأيي 180 درجه .................................................. .................................................. ............................................... صحي من النوم وراح الحمام (اكرمكم الله ) توضأ وصلئ وراح عند لينه سحب اللحاف عنها بهدووء وجلس يلعب بخصلات شعرها وهمس لها : حبيبتي .. ليونتي لينه : همممم زياد : يلا حبيبتي قومي لينه : زياد لسئ ماشبعت نوم زياد : قومي لك عندي خبر بمليون ريال لينه فتحت عيونها : ايش هوا ؟ زياد : بنروح مكه ان شاء الله ناخذ عمره لينه بققت عيونها : من جدك زياد : ايوا حبيبتي من جدي اتكلم يلا قومي عشان يمديكي تصلين وتبدلين ونروح لينه : طيب حبيبي يلا وديني بسرعه للحمام (اكرمكم الله ) زياد : ولايهمك وشالها بسرعه ووداها للحمام غسلت وجهها وغسلت اسنانها ورفعت شعرها لفوق وتوضت وبعدين طلعها زياد من الحمام ومد لها السجاده ولبسها عبايتها والشيله وتركها تصلي .................................................. .................................................. ............................................... فتحت عيونها وهي تحس بتعب شديد التفتت علئ اليمين وشافت وجهه صرخت صرخه قويه وقامت راحت بزاوية الغرفه صحي من صوتها وقام بسرعه وقرب منها وقال لها بخوف : بيلسان ايش فيكي بيلسان تبكي وتضم نفسها بقوه : ابعد عني ابعد عني ابعد عني ابو بسام قرب منها يبي يضمها ويهديها : والله مابضربك انا اسف خلاص بيلسان :قلت لك ابعد عني ابعد ابو بسام : طيب علئ راحتك وطلع من الغرفه وقفل الباب بقووووه ونزل تحت اتصل بالسواق وقال له يجيب شغالتين من البيت وبعد فتره وصل السواق ومعه الشغالات وراحوا المطبخ وحضروا الفطور ابو بسام : ناني روحي صحي روان وبسام وقولي لمدام بيلسان اذا تبي تفطر معنا تنزل تبي تفطر لحالها طلعيلها فطورها لحالها ناني : حادر (حاضر ) وطلعت فوق دقت الباب من برئ علئ بسام لانه معودهم علئ كذا وبعد دقايق بسام : دقايق ونازل وراحت غرفة بيلسان ودقت الباب بيلسان بخوف : مممين ؟؟ ناني : ناني مدام بيلسان : ياربي مين ناني هاذي انا صار لي 5شهور هنا ماعمري سمعت باسمها : طيب ادخلي ناني دخلت :بابا يقول في ابقئ فتور بيلسان :لاشكرا وطلعت ناني وقفلت الباب بالنسبه لبيلسان طلعت من غرفة ابو بسام لانها مو مرتاحه فيها ابداااا وتحس انها مكتومه وخايفه وماتبي تشوف وجه ابو بسام راحت غرفتها وتمددت علئ السرير ونامت ناني راحت غرفة روان وصحتها ونزلت تحت روان لبست بجامه بيضاء فيها وردات باللون الفوشي وحطت طوق فوشي ونزلت بسرعه طبعت بوسه علئ راس ابوها وجلست تفطر معهم .................................................. .................................................. .............................................. طول اليوم وهو يفكر فيها ويتمنئ انها ترجع لبيته بأي طريقه :مدري ايش فيني من اليوم وانا افكر بهالبنت كأنها سحرتني .................................................. .................................................. ......................................... كان بمكتبه يخلص اوراقه وبعد نص ساعه راح لغرفة ياسمين دق الباب مرتين بس محد رد استغرب لان ياسمين بالعاده تقوله تفضل يادكتور دخل ولقيها تبكي ركض عندها بخوف ومسك يدينها بقوه : حبيبتي فيكي شي في شي يعورك ؟؟ ماكانت ترد علي بس تبكي وانظارها موجهه لرجولها بندر مسك وجهها بخوف : الله يخليكي تكلمي حبيبتي قوليلي ايش فيكي أشرت بيدها علئ رجولها بندر : ان شاء الله بتمشين ياحبيبتي خلي املك بالله كبير هزت راسها بلا وهي تبتسم وقالت : شوف رجولي قام وقرب من رجولها وشاف اصبع رجلها الكبير يتحرك لف عليها وابتسامته ماليه وجهه : انا بحلم ولا بعلم ياسمين : بعلم يابندر بعلم الحمدلله الحمدلله الحمدلله واخيرا برجع امشي ولحالي بندر : الحمدلله حبيبتي .. وقرب منها وضمها بقوه وهي تبكي .. خلاص حبيبتي لاتبكين وتزعليني ياسمين : طيب بس ابغئ امشي بسرعه بسرعه يابندر بندر : ان شاء الله ياعمري ولايهمك .................................................. .................................................. ............................................... اتصلت بنادر وقالت له يجيها عالبيت وكالعاده لبست جنز وكعب وتعطرت واخذت شنطتها البيج وطلعت فتحت الباب وركبت وقفلته بقوه : ساعه انتظر حضرت جنابك نادر : زحمه عشان كذا تأخرت ندئ :وين اصرفها لك هاذي زحمه الله ياخذك ويريحني منك نادر : مااقول غير الله يسامحك ندئ : اففففففففف منك ايش هالبليه ياربي نادر : احترمي نفسك انا ماغلطت عليكي ومحترمك لانك بنت ندئ : غصب عنك تحترمني عشان الفلوس حقتي اصلا انت بتجيني مثل ال... تطلب راتبك نادر : حدك عاد الله الغني عنك وعن فلوسك وهاذا اخر يوم اشتغل فيه عندك ندئ ضحكت بصوت عالي : ههههههههه براحتك بس اذا كان اخر يوم عندي مين بيصرف علئ امك واخوانك ومين بيجيب لها ادويتها ومين بيلبي طلبات المدارس لاخوانك ها نادر (لييييه تمسكيني مع اليد الي توجعني لييييه ): حسبي الله ونعم الوكيل (قالها من قلب ) لدرجة ان ندئ حست بشوية خوف ولكن كالعاده كبريائها يمنعها تطلب السماح من اي احد .................................................. .................................................. ................................................. وقف السياره ونزل وفتح الباب حقها وسحبها بقوه مع يدها ... : أييييي يدي مااهتم لكلامها وكمل مشي وركبوا المصعد ومشوا بخطوات سريعه لشقتهم وفتح الباب ودفها بقوه وطاحت علئ الارض وانجرحت يدها : ليش تسوي معي كذا انا ايش سويت لك قرب منها :سالفة انك تعامليني كأني ولد صغير عندك او كاني خدام عندك ابيكي تنسينها هدئ : تستاهل لانك سافل سعد ماقدر يمسك نفسه وضربها كف وشد شعرها :عديت لك سالفة تجاهلك لي بمزاجي بس انك تغلطين علي هاذا الي مااسمح فيه يلا اعتذري هدئ ساكته سعد قلت اعتذري هدئ ساكته رجع يضربها بدون رحمه نص شعرها تقطع بين يدينه وتعب من كثر مايضربها : اعتذري قالت وهي تبكي : حسبي الله ونعم الوكيل حسبي الله ونعم الوكيل الله يكسر يدك ركلها برجله وقام عنها راح الغرفه جلس فيها وهي قامت بصعوبه ومشت وهي تمسك الجدران والباب وطلعت جوالها بيدين مرتجفه واتصلت علئ ام خالد .................................................. .................................................. .............................................. كانوا يضحكون ويسولفون وفجأه دق جوال ام خالد وشافت المتصل هدئ فتحت الخط : الو هدئ بصوت حيل تعبان : الحقيني سعد ضربني وقفلت الجوال ام خالد : ايييييشششش الو الو هدئ هدئ ردي .................................................. .................................................. .............................................. قال لها وعيونه مليانه غيره : ليش هالصوره لحد الحين موجوده ام وليد وهي تبلع ريقها : والله عشان العيال يبون يشوفون ابوهم عشان كذا مخليتها عندي خالد : تصرفاتك مو عاجبتني ام وليد : والله قلت لك الصدق ماكذبت عليك خالد (ياربي وش فيني علئ البنت ) : طيب ماابي اشوف شي له ثاني مره ام وليد : امرك ولايهمك حبيبي .................................................. .................................................. ................................................. طلعت كالعاده لشاطي تتمشئ وتلعب موية البحر وهو طلع من الشاليه حقه والتفت يمين ويسار وشافها جالسه تلعب ماقدر يتحمل وركض لعندها وقال لها : الله يخليكي الحقيني بنتي روان صدت عنه : انا اسفه ماااقدر : الله يخليكي ضروري روان : اخوي موجود هو يروح ويشوفها : بس انتي امس عالجتيها الموضوع مو مستدعي ان اخوكي يجي تكفين الله يخليكي الحقي علئ بنتي روان كانت متردده كثير عكس المره الي فاتت : طيب ان شاء الله يارب مايكون فيها شي وراحت معاه لشاليه طلعت ركض وهوراح قفل الباب وطلع وراها ..راحت غرفة البنت بسرعه لقيتها نايمه حطت يدها علئ خدها لقيت حرارتها طبيعيه : الحمدلله حرارتها طبيعيه ومافيها شي وطلعت من الغرفه وقفلت الباب وهو طلع وراها نزلت من الدرج وهو كان يلحقها جت تبي تفتح الباب عشان تطلع من الشاليه لقيته مقفل حاولت تفتحه اكثر من مره لكن للاسف كان مقفل قالت بصوت خايف ومرتجف : للووو سمحتتت افتح الباب ....................,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,,,,,,,,,,, كان يتصل فيها وماترد عرف انها مو بخير يبي يعرف اخبارها بأي طريقه بس لاحياه لمن تنادي كان جوالها مغلق طبعا مايكلم زوجته ابتسام ولاهي تكلم طول وقته بغرفه لحاله وسرحان يفكر بعهود وابتسام مقهوره من معاملته لها .................................................. .................................................. ............................................. انتهئ البارت لاتحرموني من توقعاتكم وان شاء الله يكون نال علئ اعجابكم | ||||
|
| |
|
07-01-14, 04:45 AM
| #65 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الرابع والستون (أحــــــــــــــــبــك بأربعـــــــــــه رغــــــــــــبه وتملـــــــــــــك وجنـــــــــون وغـــــــيرهــ*) أخذوا عشاء وجلسوا فأحد منتزهات الخبر يتعشون :أقول سويلم سالم : سم هاني: سم الله عدوك اخواني ماشاء الله عليهم كل واحد تزوج وكان لزواجه قصه تتوقع انا وانت بنكون مثلهم ؟؟ سالم (انا لو اخذت اختك ياهاني بتكون اجمل قصة زواج صارت لنا ) : مدري هاني : سالم انت تحب سالم : كنت هاني : والحين سالم : مدري هاني : كيف ماتدري؟؟ سالم أنا اخوك اذا ماشكيت لي وفضفضت لي تفضفض لمين ؟؟ سالم (وش تبيني اقولك ياهاني اقولك احب اختك واموت فيها بس تخليت عنها يوم عرفت انها اختك ): البنت الي احبها صارت تكرهني هاني : افا ليش ؟ سالم : تخليت عنها لما كانت تحتاجني هاني : وليه تخليت عنها دامك تحبها ؟؟ سالم : ضروف هاني (والله اني ثقيل طينه ياليتني ماسألته ): الله يعين ياخوي .................................................. .................................................. ............................................... بعيد عن هاني وسالم والجلسه الحلوه ... كانت بوضع مميت كانت طايحه وفاقده الوعي وشكلها مخيييييف للغايه شعرها مبعثر ووجهها منتفخ وعينها اليمنئ لونها بنفسجي غامق ومن تحت عينها دائره خضرا وعلئ شفتها السفليه دم طلع من غرفته بعد ماانتهئ من ثورة العصبيه الي كانت تسكنه ناظر يمين ويسار مالقيها بالصاله راح المطبخ ودور عليها ومالقيها بخوف وتوتر قال : ياربي فين راحت هاذي .. وصار ينادي بصوت عالي هدئ هد ماامداه يكمل لما شافها طايحه ورئ الكنب والجوال مرمي بجنبها ركض بسرعه لعندها وسار يعطيها كفوف خفيفه علئ وجهها ويقول : هدئ ياعمري هدئ بسم الله عليك قومي .. وقام بسرعه وراح للمطبخ يبي يجيب مويا عشان يرشها علئ هدئ لكن دقت الجرس كانت بالمرصاد قال بتذمر : اوهوه علينا مين جاي الحين .. وراح فتح الباب بسرعه وانقض عليه محمد مثل الاسد المفترس ونزل فيه ضرب وشتم وسب وام خالد واخواتها راحوا شالوا هدئ ونزلوها تحت بسيارة محمد .................................................. .................................................. ............................................... بنفس الغرور بنفس الكبرياء ماهزها دعوة مظلوم لما قال لها حسبي الله ونعم الوكيل كانت تلعب بجوالها وتضحك وتشغل الاغاني وكأنها تقصد بأفعالها موت قهر وحسره يانادر انا اقدر اسوي كل شي وانت تظل ساكت وقف السياره بقوه وبشكل غريب والتفت عليها يظن انها شافت الي شافه ناظرت بنادر بعين قويه وقالت : وجع ان شاء الله ماتعرف توقف مثل الناس باذن الله كلها كم يوم وبغيرك وبجيب واحد غيرك نادر (مااقول غير الله يهديكي): شفتي الي انا اشوفه ؟ ندئ : وش بيكون ياغبي نادر : نزلي القزاز(نافذة السياره ) وانتي بتعرفين وش قصدي ندئ نزلت القزاز(نافذة السياره ) وشافت شي عمرها ماكانت تتوقعه قالت بخوف :للليش الدفاع المدني والناس مجتمعين عند المشغل نادر ساكت ندئ : انت يا..... ليش ساكت انقلع شوف وش صاير نادر : ااااه بس... وفتح الباب ونزل وراح عند المشغل وشاف المشغل متساوي بالارض ماكأنه كان مبني اصلا صار رماد وفتات وبقايا حطام يعني مو احتراق بسيط وتقدر ترممه وتعيد اصلاحه من جديد هاذا يبيلها ترجع تبنيه من اول وجديد رجع لسياره وقال : الله يعوضك خير ياندئ ندئ : انت يااهبل وش جالس تخربط وتقول نادر : مشغلك احترق كله ومابقي منه الا الرماد وصلها الخبر ببطئ شديد فتحت الباب بسرعه وبعدت الناس وشافت بعيونها نزلت دموعها بدون ماتحس وجلست عالارض مااهتمت بأن عبايتها تتوسخ جلست وهي ماتدري ايش تسوي حاولوا الناس يقومونها ويبعدونها لكن لاحياه لمن تنادي جلست والناس كلهم راحوا كانت تناظر مشغلها اقصد التراب وبقايا مياه الاطفاء ولما حل الظلام اقترب منها نادر : لوسمحتي خليني اوصلك لبيتكم خلاص ماينفع تجلسين هنا ندئ : وانت مين اصلا عشان تقرر عني انت مجرد سواق لارحت ولاجيت نادر : مااقول غير الله يهديكي فوق كل الي صار لك باقي علئ غرورك وتعاليكي علئ الناس ندئ تحط يدينها علئ اذانها وبصراخ : اسكت اسكت اسكت خلاص مالك دخل فيني انا جبتك بفلوسي وانا ابيعك بفلوسي يا..... نادر :حدددددددددددددك عااااااااااااااد لهنا وبس انتي الي تنطمين وتسكتين محد له فضل علي غير الله سبحانه وتعالئ وبس وانتي مجرد انسانه كنت اشتغل عندك وبس والحين يلا قدامي بوصلك بيت اهلك مع انك ماتستاهلين بس لأنك بنت مو نادر الي يخليكي بمكان بعيد عن بيتك وعن الناس ويتركك ويمشي ندئ : انقلع عني عمئ ان شاء الله نادر سحبها مع يدها بقوه وركبها بالسياره وقفل الباب ولما ركب انهالت عليه بالضربات ماكان قادر يسوق حاول اكثر من مره يمنع نفسه ومايضربها لانها بنت بس هالمره ماخلته يسوق وكانت فحاله جنونيه ضربها كف عشان تهدئ وبالفعل ضمت نفسها وجلست تبكي وتناظر للمباني والبحر لما وصلوا للبيت ونزلت بدون اي كلام ولما دخلت البيت راحت غرفتها ورمت نفسها وتبكي وتبكي وتبكي لحد ماتعبت ونامت .................................................. .................................................. ............................................ فتحت عيونها وكان ابوها عندها : الحمدلله علئ سلامتك ياقلبي قالت بتعب : الله يسلمك ابو خالد : كيفك حبيبتي ان شاء الله بخير عهود هزت راسها دليل علئ انه انا بخير الحمدلله ابو خالد :دقايق حبيبتي وبجيكي ... وراح لاقرب سوبر ماركت وجاب لها فطاير سفن ديز وعصيرات طبيعيه وفواكه كان بيجيب لها شبسات لكن ماراح تفيدها وهي لسئ تعبانه وراح المطعم وجاب لها كباب ورز ودخل بسرعه عندها وقرب لها الطاوله وحط كل الاكل علئ الطاوله من فرحته وجلس يوكلها عهود ابتسمت لما شافت ابوها فرحان ونزلت دمعه علئ خدها ابو خالد بخوف : فيكي شي يبه؟؟ ايش يعورك ؟؟ عهود خبت عن ابوها : جوعانه ورجع ابوها يبتسم : افا تجوعين وابوكي موجود ياقلبي وجلس يوكلها وهو مستانس .................................................. .................................................. ............................................. صحيت من النوم وراحت اخذت لها شاور ورفعت شعرها المبلول لفوق ولبست لها فستان ناعم اسود فيه نفشه خفيفه يوصل نص الساق مو قصير مره ولاطويل مره حلو قصره واكمامه ربع باللون الذهبي والصدرعليه حزام ذهبي وقصة الصدر مثلث مثل السبعه وعليها نقش بالذهبي ولبست طقمها الذهب وحطت روج احمر غامق وحطت كحل اسوووود غامق ونزلت تحت تسوي الفطور سوت لعيالها كورن فليكس مع سلطة فواكه وحليب فراوله وراحت صحتهم واخذتهم يغسلون وجيههم واسنانهم ويجون يفطرون وشغلت لهم القران علئ الصبح لازم يجلسون يسمعونه وهم ياكلون وبعد ماانتهوا خلتهم يغسلون وجهزت لهم العابهم وجلسوا يلعبون بالمجلس وراحت المطبخ حضرت فطور خالد كان عباره عن عسل وقشطه ومرتديلا وجبن سايل وخبز عربي وسلطة فواكه وعصير برتقال حطته بصينيه كبيره وطلعته فوق عند خالد وفتحت الباب بهدوء وجلست علئ طرف السرير وقالت بحياء: خلودي .. خلودي يلااصحئ خالد وهو يفتح عيونه بهدوء:هممممم ام وليد : يلاقوم حبيبي الساعه 10 ونص خالد : جوري حبيبتي بنام شوي ام وليد (يازين اسمي منك ياخالد ): لامافي لازم تقوم خالد ناظر فيها : تبيني اقوم ؟؟ جوري (ام وليد ): ايوا خالد ميل خده : تعالي بوسيني جوري : لالالالا خالد : اجل مابقوم ولاباكل جوري قربت منه بحياء وطبعت بوسه علئ خده خالد : بعد ماشبعت جوري : خلاص يكفي وحده الحين لازم تاكل خالد : قلت ماشبعت جوري تقرب منه وتطبع البوسه الثانيه علئ خده وقامت خالد قام وراح الحمام (اكرمكم الله ) وراح توضأ وغسل اسنانه وطلع فرش السجاده وصلئ وبعد ماخلص جالس يفطر مع جوري وقال: ياحياتي وش هالزين كله ليه تعبتي نفسك جوري : تعبك راحه ياتاج راسي وجلسوا يفطرون .................................................. .................................................. ................................................ كانت متحمسه وهو كان طول اليوم عندها ياسمين : مبسوطه يابندر مره مبسوطه الحمدلله اخيرا بمشي بندر : دوم ياعمري تكوني مبسوطه والحمدلله صبرتي ونلتي ياقلبي بس انتي شدي حيلك وساعدي نفسك عشان تمشين ياسمين :ان شاء الله .... (جلسوا فتره والهدوء يملئ ارجاء الغرفه ) بندر .. بندر بندر : هلا حبيبتي ياسمين : بأيش تفكر بندر : أفكر بصديقي صار له يومين غايب ياسمين : اتصل عليه بندر : اتصلت اكثر من مره بس لاحياه لمن تنادي ياسمين : ان شاء الله خير بندر : ان شاء الله .................................................. .................................................. .............................................. قالت والخوف مسيطر عليها :للللووووو سمحححححت افتتتتح لي البااااااب ماكان يرد عليها وكان يقترب منها رجعت روان وصار ظهرها ملاصق للباب وبدأت دموعها تنهمر : ارجوك افتح لي الباب الله يخليك سحبها بقوه وسط صراخها دموعها ودخلها بأقرب غرفه واجهته وقفل الباب ومسكها مع يدينها بقوه وقال : انتي ايش سويتي فينييييييييييييييي ايش سويتي فيييييييييينييييييييي من يوم عرفتك وانا صرت مثل المهبول حتئ عملي اهملته وتغيبت عنه يومين وبنتي اهملتها كل شي انقلب رأس علئ عقب ليييييييش روان تبكي : والله ماسويت لك شي والله سحب النقاب عن وجهها وانبهر بجمالها ماقدر يقاوم نفسه كان الشيطان مستحوذ عليه وكان قدامها مثل الاسد المنقض علئ فريسته كان يسحب عبايتها بدون اي رحمه كانت تصرخ وتبكي وتترجاه لكن مين يسمع رجائك ياروان عبد الرحيم خلاص الشيطان استحوذ عليه وماقدر يطلع من دوامته ابد سحب ملابسها وكانت تصرخ وضربته علئ بطنه وهربت راحت للباب حاولت تفتحه اكثر من مره لكن ماقدرت لان المفتاح مو معها ومسكها عبد الرحيم وضربها طبعا كونها فتاه مابتقدر علئ قوة رجال واغمئ عليها وعبد الرحيم ماهزه منظرها ابد ولاكأن شي صار وكمل الي براسه .................................................. .................................................. ............................................. اخذ شنطتها وشنطته وكرسيها وحطها بشنطة السياره وطلع فوق وشال لينه وركبها بالسياره وهي طول الطريق فرحانه وتلبي ومو مصدقه انها بتروح عمره : الحمدلله الحمدلله الحمدلله اخيرا بروح وبشوف الكعبه زياد (ياعمري عليكي يالينه وحسبي الله ونعم الوكيل علئ الي حرموكي من فلوسك ومن ابسط حقوقك انك تزورين الكعبه المشرفه وتعتمرين ): مبسوطه حبيبتي ؟؟ لينه : ايوا مبسوطه مره مره مره زياد : الله لايغير عليكي الا للافضل يارب لينه : امين ياروحي وجلست صاحيه تناظر الطريق زياد : لينه حبيبتي نامي وارتاحي وريحي ظهرك لينه : لاعادي زياد : الاحبيبتي بالله ارتاحي مو زين لك .. لازم ترتاحين ولاتنسين انك حامل ترضين يصير لبنتنا او ولدنا شي لينه : لا زياد : اجل يلا حبيبتي نامي لينه سمعت كلام زياد وتمددت علئ المرتبه وتلحفت بجاكيت زياد ونامت .................................................. .................................................. ................................................ انتهئ البارت اتمنئ يكون نال علئ اعجابكم واعتذر عن التأخير بس اخر اختبار كان حوووووسه دعواتكم (لااله الا انت سبحانك اني كنت من الظالمين ) | ||||
|
| |
|
14-01-14, 08:40 AM
| #66 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الخامس والستون ** ماعاد لي قلب حتئ ياخذه غيركــ (أنت البلد) وباقي الناس غربه ** .................................................. .................... رجعوا البيت هاني تمدد علئ السرير وجلس يلعب بجواله وسالم تمدد علئ السرير الثاني وكان يحاول ينام بس ماجاه نوم فكره توديه وفكره تجيبه  ياربي اقوله ولامااقوله ؟؟بس أذا قلت له أكيد بيشك فيني لالالا هاني قلبه ابيض وطيب ومابيشك ) تعدل وجلس علئ السرير وبجديه قال : هاني هاني يلعب بجواله : وش تبي ؟؟ سالم : قوم بفاتحك بموضوع هاني :اوهوه تطورنا ياسويلم صار عندك مواضيع هههههههه سالم : هاني مو وقت مزح هاني تعدل بجلسته : وهاذا انا تعدلت تفضل وش الموضوع الخطير الي تبي تقوله لي ؟؟ سالم : وش رايك فيني ؟ هاني : تستهبل انت وراسك !!! .. يعني مقومني وعندي موضوع وبالاخير تسألني وش رأيي فيك ؟ سالم : انت جاوبني طيب وش خسران ؟؟ هاني : باخذك علئ قد عقلك وبجاوبك .. سالم انا اعتبرك اخوي الي ماجابته امي وانت رجال والنعم فيك ويعتمد عليك ماشاء الله وبصراحه شهادتي فيك مجروحه يالله ياعنتر زمانك قولي وش الموضوع سالم (والله اني توهقت ):أبي أتزوج هاني : ومين تعيسة الحظ ههههههههههههه (قالها وهو بيموت من الضحك) سالم (ياربي منك ياهاني انا اتكلم جد وانت تتريق وتمزح ): هاني انا اتكلم جد والله هاني : طيب حقك علي ياسويلم وبالمبارك مقدما بس قولي ناوي تخطب مين ؟؟ سالم (يارب كون معي ): أختك هاني (معد قدر يمسك نفسه ):هههههههههههههههههههههههه ههههههههههههههه بالله لاتنكت سالم قام وبعصبيه قال : هاني انا اتكلم معك جد وانت تنكت وتمزح والله اني ابي اخطب اختك علئ سنة الله ورسوله يشرفكم ولالا هاني لاحظ جدية سالم بالكلام : حقك علي ياسالم والله علئ بالي تمزح .. ووالله اني اتشرف فيك واهلي بعد يتشرفون فيك بس الموضوع اولا واخيرا بيد البنت اذا وافقت الحمدلله واذا ماوافقت هاذي قسمه ونصيب وراح نتم انا وانت اعز من الاخوان سالم فرح برد هاني بس لما سمع جملة اذا ماوافقت قال بعصبيه : لاان شاء الله .. باذن الله انها توافق هاني بدأ يستغرب من تصرفات سالم وانفعاله وناظر فيه بنظرات غيره ممزوجه بعصبيه سالم : هاني لاتفهمني غلط ياخوي بس والله اتمنئ اختك تصير من نصيبي لأني اغلي أهلك كلهم من غلاك ومن حبي لك اتمنئ اني اناسبك هاني : الله يخليك ياسالم وانت ماتغلي الا الي يغليك ياخوي بس اتمنئ منك انك ماتزعل لو ماحصل نصيب لان ماندري عن الغيب بس ان شاء الله نصيبك عندنا سالم : ان شاء الله يارب هاني : والله يجعل عهود من نصيبك يانسيبي هههههه سالم : لالالا مين قالك ابي عهود هاني بأستغراب وهو مبقق عيونه بسالم : ليكون تبي ياسمين !!!!!!!!!!!!!!!!!!؟؟؟؟؟؟؟؟؟؟؟؟؟؟ سالم : أيه هاني تغيرت ملامحه : من جدك تتكلم ؟؟ سالم : بهالامور مافي مزح ياهاني هاني : سالم انت علئ عيني وراسي بس ياسمين صغيره شوي عليك سالم : ياهاني ياخوي أنا اكبر منها بست سنوات وهاذا فرق بسيط غيري الي بينهم فرق عشر سنوات والي عشرين والي ثمن سنوات بس انا واختك اعمارنا مناسبه لبعض وشوف امي وابوي الفرق الي بينهم تقريبا 10 سنوات وماشاء الله تبارك الله متفاهمين وماتحصل مشاكل بينهم الانادرا هاني : ماشاء الله الله لايغير علئ أهلك بس ليه ماتاخذ عهود احس عهود تناسبك اكثر سالم: قصدك من ناحية العمر ؟ هاني : ايه سالم : ياهاني ممكن اخذ الي قريبه من عمري وتكون حياتنا كلها مشاكل وزعل ويقل بينا التفاهم وممكن اخذ الي أصغر مني بس سبحان الله الله يألف بين قلوبنا ونفهم بعض ومايصير بينا الا اختلافات بسيطه ونقدر نحلها بينا وبعدين لاتقطع نصيب اختك هاني (لالالاماأبي اوقف بطريقها واخذ ذنبها ):معك حق.. ان شاء الله الله يقدم الي فيه خير ...بس سالم : أدري بخصوص حالتها الصحيه ؟؟ هاني : ايه .. انت تعرف بحالتها الصحيه وتعرف تعبها وتعرف انها احتمال تتأخر بالمشي سالم : أدري بس ان شاء الله بتمشي قريب والي فيها مو صعب بس يبيله شوية صبر وبترجع تمشي مثل اول واحسن ان شاء الله هاني : ان شاء الله الله يسمع منك ... امممم ممكن أعرف انت ليه كلمتني بدري بهالموضوع ؟؟؟ المفروض تنتظر لما تطيب اختي وترجع زي اول واحسن ان شاء الله سالم : انا قلت افاتحك من بدري عشان تاخذون راحتكم انت واهلك وتكلمون البنت وتخلونها تفكر علئ اقل من مهلها وتستخير ربها هاني : معك حق والله يقدم الي فيه الخير ياأبو نسب هههههه سالم : امين ياشينها منك هههههههه .................................................. .................................................. .............................................. كانوا يناظرون فيها من خلف الزجاج وهي كانت نايمه علئ السرير لاحول لها ولاقوه أم خالد : حسبي الله عليك ياسعد حسبي الله عليك وش سوت لك هدئ عشان تعاملها كذا حنان : والله الغلط كله من امي هي الي اجبرتها تتزوج هالغبي المتخلف ام سليم : خليه يطلقها والله هدئ الف واحد يتمناها غيره محمد : باقي لي تفاهم ثاني مع هال ........ ويلا خلوني أوصلكم الشقه عشان امي ماتقلق وراحوا معه .................................................. .................................................. ............................................ صحيت من النوم وعيونها منتفخه بشكل مخييييييييف من كثرة البكي راحت الحمام (اكرمكم الله ) وغسلت وجهها وتوضت وغسلت اسنانها وراحت صلت وبعدين راحت المطبخ اكلت لها شيبس وراحت اخذت جوالها واتصلت بنادر ندئ : الو نادر (افففف وش تبي ذي المغروره ): خير ندئ : عساك ماتشوف الخير ياوجه الفقر نادر : صبر جميل والله المستعان وش تبين ؟؟ ندئ : دور لي وضيفه نادر : انا بطلعت الروح لقيت وظيفه تبيني أدور لك بعد ندئ : اااااااه يالقهر انت الي كنت سواق عندي الي تقول الكلام ذا نادر : ليه انا سبيتك مثل ماتسبيني ؟؟ أهنتك مثل ماتهينيني ؟؟ ... انا قلت لك الصدق وما كذبت عليكي واذا لقيت لك وضيفه قلت لك وقفل ندئ : اسمع يا.... الو الو ... قفل ال.... صحيح انك ماتستحي علئ وجهك ياولد الفقر ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,,,,,,,, كانوا جالسين بالصاله يوهمون أنفسهم أنهم يتفرجون علئ التلفزيون وهم بالاصح عيونهم مع التلفزيون بس عقولهم رايحه بعيييييييييييييييد رايحه لعند اختهم ومشكلتها مع زوجها وقطع عليهم صمتهم العجيب صوت الباب قامت حنان تقول : مين ابو خالد : ابو خالد حنان رجعت بسرعه ام خالد : ايش فيكي؟؟ حنان : زوجك يبيكي ام خالد قامت وفتحت الباب ولقيت بوجهها عهود وضمتها بقوه لصدرها وجلست تبكي وعهود تبكي ..ام خالد من بين دموعها : الحمدلله علئ سلامتك ياحبيبتي نورتي الشقه كلها تعالوا يابنات عهود جت وجوا ركض يحضنون عهود ويتحمدون لها بالسلامه (طبعا ابو خالد ترك بنته وراح من زمان لان مايصير يكشف علئ خوات زوجته ) واخذوها وجلسوها بالصاله طبعا بحضن امها وهم يسولفون معها ويحاولون يغيرون عليها جو .................................................. .................................................. ................................................. اول مارجع من الدوام قال بصوت عالي : عهووووود عهووووووووووود ابتسام كانت تناظر من شباك المطبخ علئ الشارع ماكان في احد (مين عهود هاذي ) وراحت له وهي ساكته هشام : بموت جوع حضريلي الغدا ابتسام : طيب... وراحت ركض علئ المطبخ وتضرب خدودها كفوف خفيفه : ياااااااربي ايش اسوي ماسويت الغدا هشام : بسرعه ياعهود ابتسام عصبت وطلعت بسرعه : مين عهود هاذي الي تناديني فيها انا اسمي ابتسام مو عهود يا محترم هشام (سبحان الله هي بقلبي واكيد بتكون علئ لساني ) : لااحسن تعالي اضربيني كف !!... ويلا روحي جيبيلي اي شي اكله ابتسام : مافي غدا هشام : وليه ان شاء الله ؟؟ ابتسام : لانك واحد بين قوسين خاااااين وانا كارهتك من اول يوم شفتك فيه كلامها استفز هشام مسكها مع شعرها بقوه وقال من بين اسنانه انا فعلا خاين تدرين ليه ؟؟ لأني خنت حبيبتي وروحي وكل شي بحياتي معك انتي يال.... خنت الانسانه الخلوقه المحترمه الي تستحي تردني وكل طلباتي عندها مجابه واذا انتي كرهتيني من أول ماشفتيني فأنا كرهتك من قبل مااشوفك حتئ وعجبك كلامي اهلا وسهلا ماعجبك بيتي يتعذرك ودفها عالارض وتركها بدموعها وطلع .................................................. .................................................. ................................................ وصلوا مكه واستاجر شقه وقرب من حبيبته النايمه وهز يدها بهدوء : حبيبتي حبيبتي لينه : همممم زياد : يلا حبيبتي قومي وصلنا قامت بتعب بمساعدة زياد طبعا وركبها علئ كرسيها وطلعها فوق بالشقه زياد : الحمدلله علئ السلامه حبيبتي لينه : الله يسلمك ياعمري زياد : حاسه بتعب حاسه بشي ؟؟ لينه : لا الحمدلله زياد : الحمدلله ياقلبي ..امممم طيب قوليلي وش نفسك تاكلي ؟؟ لينه : شيبس كبيييييييييييييييييييييير وبيبسي زياد عصب عليه : ليييييييييييييييييييييييي ييييييينه وبعدين معك يعني انا اكثر من مليون مره قلت لك ان هالاشياء مو مفيده وانتي تحتاجي لغذاء لانك حامل وداخلك روح لينه تناظر بالارض : جيب الي تبغئ زياد قرب منها وطبع بوسه علئ خدودها : حبيبتي لاتزعلين مني بجيب لك شي حلو وتاكلينه ووعد مني بجيب لك شوية شيبس بس بشرط لينه رفعت راسها بسرعه وهي مبتسمه : ايش هوا الشرط زياد :ههههه ... اول شي تاكلين الاكل الي بجيبه ولما اتاكد انك اكلتي زين اخليكي تاكلي الشيبس بعده اوك لينه : اوك زياد : لاتفتحين الباب لأي احد سمعتي لينه : طيب وطلع وقفل الباب بأحكام وراح لأقرب مطعم ولينه دفت كرسيها وراحت عند النافذه تتفرج لأن الجو كان مغيم ويرد الروح وجلست تتفرج علئ الشوارع والبنات الصغار مع اهاليهم وكانت جدا مستانسه .................................................. .................................................. ................................................. : اقول حبيبي وش رايك ننزل تحت نلعب مع العيال خالد : جوري ترئ احنا لسئ عرسان جدد اسبوع علئ بعضه ماكملناه وكل شوي عيالي وعيالي اعرف الناس يروحون شهر عسل ويستانسون فيه ومايفكرون غير بأنفسهم وانتي هاملتني كليا وكل الي يهمك عيالك وبس جوري : طيب انا وش قلت هاذا جزاتي اني ابيك تغير جو وتلعب معهم وتستانس ؟ وبعدين فين احطهم يعني فين فين فين اذا عماني وخوالي كل واحد منهم لاهي بنفسه ومافكروا فيني انا تبيهم يفكرون بعيالي وبعدين انا ماأستأمن علي عيالي عند اي احد وانا اسفه اذا اهملتك بس هذولا عيالي ونزلت منها دمعه ومسحتها بسرعه وقامت تبي تفتح الباب لكن خالد مسكها مع يدها خالد (كان الغرض من السؤال انه يشوف وجهها لان يبي يمسح دموعها ): فين تبين تروحي ؟ ماردت جوري وضلت منزله راسها ودموعها كل مالها تزيد خالد قرب منها ورفع راسها ومسح دموعها بيدينه وقربها لحضنه وتركها تبكي وترتاح وهو يمسح علئ شعرها وقال لها : والله بكون لهم الاب والاخ والخال والعم وبعوضهم بس انتي بعد عوضيني ويلا اضحكي جوري ابتسمت خالد : يازين هالضحكه.. وقرب شفايفه من رقبتها وطبع بوسه عليها جوري حمرررر وجهها :أأأأأأأأأأأأأمممم ااااااانا ااااااقصد جوعانه بروح اكل خالد :ههههههههههههههههههههههه روحي أكلي بس الوعد بعدين وغمز لها بعينه جوري من شدة الاحراج راحت الحمام خالد : حبيبتي مو تقولين جوعانه جوري نزلت راسها وبسرعه ركض علئ الباب وفتحته بسرعه وطلعت منه وهي تحس نفسها بتموت من الاحراج .................................................. .................................................. ................................................ : يلا حبيبتي مستعده اخذت نفس عميق : ان شاء الله قرب منها بندر وساعدها علئ رفع ظهرها لانها كانت ممدده علئ السرير والنيرس جت نزلت رجولها لانها برضوا كانت ممدده علئ السرير (يعني صارت جالسه علئ السرير ورجولها بالارض اتمنئ اكون وضحت لكم ^_*) ومسكها بندر مع يدينها : يلا ياسمينتي حبيبتي ساعدي نفسك ووقفي مسكت يدينه الكبيره بقوه وحاولت اول مره وشدة شوي علئ رجلها لكن من شدة الالم دمعة عيونها : لالامااقدر علئ هالالم بندر يمسح دموعها : حبيبتي شي طبيعي تحسي بالالم لان لك فتره ماحركتي رجولك بس صدقيني شوية الم وبيروح ومعد تحسي فيه يلا حاولي مره ثاني ومسكت يدينه وغمضت عيونها وحاولت رغم الالم والوجع الي تحس فيه وقالت :شفت قلت لك مااقدر مااقدر وبندر جلس يضحك عليها: طيب ممكن تفتحين عيونك فتحت عيونها بهدوء وتشوف نفسها قريييبه جدا من بندر نزلت عيونها تحت وشافت رجولها واقفه رفعت عيونه وناظرت ببندر وبندر هز راسه بأيه وقال : حبيبتي الي صار واقع مو خيار بكت وبكت وبكت كانت مشاعرها ملخبطه فرح علئ تعب علئ اشياء كثيره ماتقدر توصفها ابتسمت من بين دموعها وبندر ضمها ومسح دموعه لأنه تأثر حيييييييييييييل بمنضظرها .................................................. .................................................. ................................................ أقترب منها وطبع بوسه علئ شفايفها وطبعا هي مغمئ عليها جاء يبي يكمل لكن وقف لما سمع صوت الباب وقال بتضجر : اوهوووووووه علينا مين الي جاي الحين وقام فتح الباب لقيها بنته معد قدر يتحرك كانت بنته تتكلم وتهزه بس ماكان يرد عليها ... بدأ تأنيب الضمير (هاذا انت شفت بعيونك بنتك ظناك الي تنجن لو ارتفعت درجة حرارتها فمابالك لو احد أذاها زي ماانت جالس تأذي بنت الناس ؟؟ ترضئ يصير لبنتك كذا ؟؟ كان يهز رأسه بلا بس راح يصير ومثل ماأذيت بنت الناس راح يصير كذا لبنتك ) قال بصوت عالي : لالالالالالالا وحضن بنته بقووووووووووه وجلس يبكي ويقول : بتركها يارب سامحني بتركها خلاص بس محد يأذي بنتي محد محد قالت بصوت طفولي بريء: بابا تكلم مين ؟؟ عبد الرحيم يمسح دموعه ويطبع بوسه علئ راسها : مااكلم احد يابابا بس قوليلي ايش كنتي تبين ؟؟ سمر : جيعانه عبد الرحيم : ولايهمك ياقلبي دقايق ويكون الاكل جاهز ...وقام قفل باب المجلس واخذ سمر وراحوا المطبخ سوالها توست جبن ومربئ وطلع لها عصير كيوي من الثلاجه .... يلا حبيبتي خذي اكلك وروحي بغرفتك اكلي بالعافيه وطلعت سمر غرفتها وعبد الرحيم بسرعه راح واخذ علبة مويه من الثلاجه وراح ركض للمجلس وفتح علبة المويا وصار ينثرها علئ وجه روان وبعد فتره بسيطه فتحت عيونها وبس شافته قالت بصراخ : اببببعععععد عنييييي ابعد عنييييي عبد الرحيم رجع بسرعه علئ ورئ وروان ضمة نفسها وجلست تبكي وصوت انينها وبكائها كانوا تعذبون عبد الرحيم اكثر قرب منها :الله يخليكي لاتبكين روان من بين دموعها : قلت لك ابعدددددددددد عنيييييييييييييي وروح جعلك تلقاها ببن عبد الرحيم قبل ماتكمل دعائها قال وهو يبكي : لالالالالالالا الله يخليكي لاتدعين علئ بنتي انا ادري اني اخطيت معك ومديت يدي عليكي بس أقسم بالله العلي العظيم انك لحد الحين بنت طاهره عفيفه روان ماصدقته ورجعت تبكي عبد الرحيم : يابنت الناس الله يخليكي الله يخليكي لاتبكين الله سبحانه وتعالئ حماكي مني أقسم بعزة الله وجلاله انك لحد الحين بنت طاهره عفيفه وشريفه وانا ماسويت الفاحشه واذا منتي مصدقتني شوفي ملابسك لحد الحين مغطيه جسمك (صح كانت ازرار بلوزتها مفتوحه وبلوزتها مايله علئ الجانب الايمن وطالع جزء من كتفها فقط ) لو انا سويت شي كان مااهتميت بملابسك ارميها وارميكي وبعدين اذا حبيتي تتأكدين انا اسمي عبد الرحيم محمد ال..... دكتور بمستشفئ ال..... اذا طلعت كذاب سوي فيني الي تبين افضحيني وخليهم يقيمون علي الحد اذبحيني اسجنيني اذا كذبت عليكي وروحي اي مستشفئ وشوفي انا صادق ولاكذاب وسجد لله شكر لأنه نجاه من هاذا الذنب العظيم باخر لحضه :اللهم لك الحمد والشكر اللهم لك الحمد انك طلعتني من هاذي المعصيه الشنيعه اللهم لك الحمد انك رجعتني لعقلي وضميري بأخر لحضه اللهم لك الحمد انك حميت هالبنت المسكينه مني أعوذ بالله من الشيطان الرجيم اعوذ بالله من الشيطان الرجيم وضل يبكي روان كانت تبكي لكن قلة دموعها تدريجيا وهي تسمع كلامه ناظرت بنفسها لقيت فعلا كلامه صحيح وهي تتذكر قبل مايغمئ عليها كانت بهاذي الهيئه وهاذا الشكل وفعلا ملابسها موجوده عليها قالت : الحمدلله قامت بسرعه ووصلت للباب وفتحته وعبد الرحيم ماحرك ساكن لسئ ساجد ويبكي ويحمد الله وطلعت من المجلس وبسرعه راحت تركض لشاليه حقهم واخذت السواق وراحت لأقرب مستشفئ وطول الوقت تستغفر ربها .................................................. .................................................. ............................................... انتهئ البارت اتمنئ يكون نال علئ اعجابكم لاتحرموني من تواجدكم هل عبد الرحيم صادق ولا كذاب ؟؟ وروان لما بتروح المستشفئ بتسمع خبر حلو ولالا؟؟؟ ياسمين بتوافق علئ سالم ولالا؟؟؟ هشام أيش بيسوي مع ابتسام وعهود ؟؟؟ جوري كيف توفق بين عيالها وزوجها ؟؟؟ التعديل الأخير تم بواسطة لامارا ; 19-01-14 الساعة 07:16 AM | ||||
|
| |
|
22-01-14, 08:03 AM
| #67 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت (66) ّّ نسيت أن أخبرك بأن هناك من يتذكرك كل حين فيبتسم حبا ثم يحزن شوقا ّّّ .................................................. .................................................. ................................................ راحت مع السواق وهي طول الطريق تستغفر ربها وتحمده وبعد مسافه وقف السواق عند مستشفئ ال.... وقال لها : مدام تفضلي روان : طيب انت لاتروح انا شوي واجي طيب خان : هادر (حاضر ) روان جت تبي تنزل لكن تذكرت انها مااخذت معها فلوس( هي رايحه مستشفئ خاص): خان معك فلوس ؟؟ خان : يس مدام 300 ريال روان : الحمدلله ... طيب اعطيني الفلوس ولمن نرجع للبيت اخلي ابوي يعطيك بدالها خان : مافي مشكل مدام روان اخذت الفلوس ونزلت من السياره وراحت المستشفئ وراحت عند الاستقبال واخذ منها الموظف بياناتها وفتح لها ملف وحولها علئ قسم النساء وراحت جلست بكراسي الانتظار الي عند صالة النساء طول الوقت وهي جالسه تستغفر جت بجنبها حرمه حامل ومعها ولدها الصغير :السلام عليكم روان : عليكم السلام ورحمة الله وبركاته ام يزيد : عند الدكتوره زحمه ؟؟ روان : لا ... قبل شوي دخلت وحده وبعدها انا ام يزيد : الحمدلله روان : ماشاء الله كم عمره (تقصد يزيد ) ام يزيد : اربع سنوات روان : ماشاء الله العمر كله بطاعته ام يزيد : امين ياحبيبتي ... انتي حامل ؟؟ (لان العياده عيادة نساء وولاده فطبيعي اغلب الي يجونها نساء متزوجات وحوامل اما البنات نادر يجونها وان جوها للأعذار الشرعيه فقط (اكرمكم الله ) روان(أووووم الاحراج ياليتني ماسولفت معها ) اكتفت بالسكوت ونزلت رأسها ام يزيد ( ياليتني ماسألتها مسكينه شكلها مو حامل وجالسه تراجع الله يشفيها ويرزقها ): اسفه حبيبتي ماكان قصدي وان شاء الله بأذن الله ربي يرزقكم روان (مستحيه حيييييييل من هالموقف ) : حصل خير ياعمري ام يزيد (بحسن نيه تسأل عشان تساعد روان): حبيبتي كم صار لك متزوجه ؟؟ روان (يؤؤؤيؤيؤيؤييؤ وش ارد عليها ): سنه ام يزيد : الحمدلله حسبت اكثر لاتشيلي هم ياعمري انا جلست ثلاث سنوات ماحملت وبعدين ربنا رزقني روان : الحمدلله علئ كل حال طلعت الممرضه (روان محمد ال....) روان : نعم الممرضه : لوسمحتي تفضلي بالدخول روان :حاضر ..... قامت ودقات قلبها تسبقها خايفه ومستحيه ومتوتره لأن هالمكان اغلب الي يجونه حوامل بس هي بنت دخلت علئ الدكتوره الدكتوره : اتفضلي ياروان أقلسي (اجلسي ) علئ الكرسي ده روان جلست علئ الكرسي الدكتوره : أنا اطلعت علئ ملفك بس بالحاله مش موقود حاقه يلا بئه أولي لي مشكلتك ايه ؟؟ روان سكتت ماتعرف ايش تقول ونزلت دموعها الدكتوره : مالك ياحببتي ماتخفيش أولي لي مشكلتك وسدئيني حسعدك ... انتي متقوزه (متزوجه ) روان هزت راسها بلا الدكتوره (لاحول ولاقوة الابالله العلي العظيم ) : فهمت ياحببتي عوزه اتأكد لك من سلامة روان قاطعتها(الحمدلله انها فهمت علي ) : ايوا الدكتوره : حاضر ياحببتي يلا اتفضلي عالسرير ده روان : طيب .................................................. .................................................. ................................................ من بعد الي صار له صار يكثر من قراءة القران وشكر الله وحمده وراح لسوق اخذ عشر اكياس رز وتصدق فيها وهو راجع الشاليه سمع صوت جواله اخذ الجوال وفتح الخط بندر : الو عبد الرحيم فينك مختفي عبد الرحيم : وعليكم السلام ورحمة الله بندر : انا اسف من خوفي عليك نسيت اسلم السلام عليكم ورحمة الله وبركاته عبد الرحيم : وعليكم السلام ورحمة الله وبركاته .. كيفك ياخوي عاش من سمع صوتك بندر : عاشت ايامك يالغالي .. الحمدلله بخير بس والله فقدتك عبد الرحيم : الله لايغير عليك ياخوي وماتفقد غالي بندر : سلامتك غايب يومين عبد الرحيم (اااااه يابندر ماتدري بهاليومين ايش صار لي ): بنتي سمر تعبانه بندر : حبيبة عمها اشبها ؟؟؟ عبد الرحيم : ارتفعت درجة حرارتها بس الحين ابشرك هي افضل بكثير بندر : الحمدلله اليوم بزوركم عبد الرحيم : حياك الله بندر : الله يبقيك عبد الرحيم : تعال الشاليه بندر : حلو والله نغير جو عبد الرحيم : صادق والله .................................................. .................................................. ................................................ قامت من السرير والدكتوره مبتسمه قالت روان بخوف : بشري يادكتوره ؟؟ الدكتوره : متخفيش ياحببتي النتيقه سليمه والحمدلله روان مو مستوعبه الي تسمعه : يعني انا لسئ بنت الدكتوره : اه ياحببتي بنت واحلا بنت كمان روان بسرعه راحت وسجدة لله سجدة شكر وجلست تبكي وتحمد الله وقامت بسرعه وحضنت الدكتوره من شدة الفرحه : الحمدلله مو مصدقه يادكتوره والله مومصدقه الدكتوره : لاسدئي شوفتي ازاي ربنا يحبك أد أيه روان : الحمدلله الحمدلله الف حمد وشكر لك يارب شكرا يادكتوره معروفك هاذا ماراح انساه لك ابدا الدكتوره : ربنا يكرمك ياحببتي روان طلعت بسرعه وهي فرحانه وام يزيد شافتها ومسكتها وضمتها وقالت : الف مبروك ياعمري والله فرحت لك روان من شدة الفرحه نسيت ان ام يزيد تتوقع انها حامل وقالت وهي تضحك : الله يبارك بعمرك ياروحي وراحت ركض علئ السياره وهي جدا مستانسه : خان انت تبغئ ترسل فلوس لأهلك ؟؟ خان سكت روان : قول خان : لامدام الحمدلله انا في يرسل من راتب مال انا روان : والله لأعطيك اضعاف اضعاف اضعاف راتبك وترسله لأهلك ياخان خان : شكرا مادام جزاك الله خير روان : اميييييييييييييييين يارب اميييييييييييين .................................................. .................................................. ................................................. صحي من النوم وراح للحمام (اكرمكم الله ) توضئ وصلئ ونزل تحت قال للخدامه تسويله فطور وجلس يفطر بسام : اقول ناني روحي فوق نادي مدام روان قولي لها بسام يقولك تعالي افطري معه ناني : هادر راحت غرفتها وفتحت الباب مالقيت احد نزلت بتقول لنادر بس سكتت لما قال لها نادر افتحي الباب راحت فتحت الباب لقيت روان روان دخلت بسرعه وهي فرحانه حدها بس وقفت لما قال لها بسام بصوت مرعب : ويييين كنتيييييييي؟؟؟ روان سكتت لفتره بعدين قالت : شي بيني وبين ربي بسام قام من الكرسي ومسكها مع يدها بقوه : تستهبلين انتي اقولك وين كنتي روان : اييييي بسام ايش فيك انا اختك تشك فيني بسام : والله تصرفاتك ياهانم تخلي الواحد يشك روان (يارب سامحني علئ هالكذبه ) : كنت اتصدق والمفروض اني مااقولك لاني لما اقول لأي احد يعتبر رياء بس دام وصلت لشك والله لأقول بسام (استغفر الله العلي العظيم ان بعض الظن اثم ): روان انا مااقصد بس والله من خوفي عليكي روان : حصل خير عن اذنك بروح انام سمعت بروح انام وطلعت فوق ركض مااهتمت بموقفها مع اخوها فرحتها كانت غامره قلبها ومو مصدقه بسام تضايق من نفسه حييييييل وتمنئ انه تراجع عن فعلته لأن روان بنت تخاف ربها تنهد بقوه وطلع برئ شغل سيارته وراح يتمشئ هو طلع من هنا وابوه جاء من هنا .................................................. .................................................. ................................................. كانت بمساعدة بندر تمشي حول الغرفه (كان ماسك بيدها ويدها الثانيه تستند علئ الجدار ) وابتسامتها ممليه شفايفها وبندر بيطير من الفرح : فرحانه حبيبتي ياسمين : مره مره مره فرحانه الحمدلله بندر : دوم ياروحي ياسمين : تدوم لي بندر ضمها : الله لايحرمني منك يازوجتي ياسمين نزلت راسها بحياء وهي بحضنه بندر : قريب ان شاء الله بقولها وانتي فبيتي ياسمين ماقدرت تتكلم من شدة الحياء بندر شالها وجلسها علئ السرير : حبيبتي بروح اجيب لك شي تاكلينه ياسمين : شبعانه بندر : لامافي شي اسمه شبعانه دقايق وبجي وطلع من الغرفه .................................................. .................................................. ................................................ كنت بغرفتها متمدده علئ السرير رفعت راسها وجلست تدور تحت المخده عن جوالها ولقيته ولما فتحته لقيت 100 مكالمه لم يرد عليها وكلها من هشام واكثر من رساله فتحت الاولئ ولقيت فيها (حبيبتي فيكي شي ؟؟) الرساله الثانيه (والله حاس انك تعبانه تكفين ردي الله يخليكي ) (طيب طمنيني عليك بس قولي انا بخير ) مسحت دموعها وابتسمت (معقوله زوجتك مانستك عهود ياهشام ) اخذت جوالها واتصلت بالرقم الي حفظته عن ظهر قلب .................................................. .................................................. ................................................. عنده هو كان جالس بالسياره لحاله فجأه سمع صوت الجوال يدق شاف المتصل لقيه (اللهم اجعلها من نصيبي **هاذا اسم عهود بجوال هشام ) ماصدق عيونه وبفرحه رد : الو حبيبتي وينك فيكي شي طمنيني عنك والله خايف عليكي مره عهود فرحت بصوته وفرحت بخوفه عليها :وكان ردها بكاء عذب هشام هشام نزلت دموع من عيونه : تكفين حبيبتي لاتبكي تكفين الله يخليكي ترئ مو زين لكي عهود : انت تحبني هشام : والله اموت بالارض الي تمشين عليها عهود :وزوجتك هشام : والله مافكرت فيها ولاتسوئ ظفرك ياعمري بس تكفين اهدئي ولاتبكين عهود : كيف ارتاح وفي ...... اخذتك مني هشام : والله انا مو معها وقريب ان شاء الله بوديها بيت اهلها خلاص حبيبتي ... كيفك ياعمري عهود : قالت بصوت مبحوح ت ع ب ا ن ه هشام : ياليت التعب بعروق قلبي ولافيكي ياعهودي عهود : لاتقول كذا بسم الله عليك هشام :والله احبك ...هاذا وانا السبب بتعبك ياعهود برضو خايفه علي ؟؟ مااقول غير الله لايحرمني منك عهود : وانا بعد احبك واموت فيك هشام : يلا حبيبتي قفلي وارتاحي وصدقيني اول ماتصحين بتصل اكلمك خلاص حبيبتي عهود : طيب .. وقفلت ونامت وهي مبتسمه وهو رجعت الروح فيه لما عرف ان حبيبته وزوجته وتوأم روحه بخير .................................................. .................................................. ................................................ عند ابتسام مين يفكر نفسه هالخاين ؟؟ اصلا كان يوم اغبر لما رضيت اتزوجه الله يسامح اهلي جبروني اتزوج واحد متخلف وغبي بس ان شاء الله كلها كم يوم واتطلق منه وافتك منه واتزوج سيد سيده هالغبي .................................................. .................................................. ................................................. اتصل عليها ثلاث مرات وبالمره الرابعه ردت : خير ياوجه النحس ؟؟ نادر : بدري كان مارديتي احسن ندئ : والله وطول لسانك يالغبي نادر : البركه فيكي علمتيني طولت اللسان ندئ : الله ياخذك نادر : امين المهم ماعلينا لقيت لك شغل ندئ :طيب متئ ابدأ شغل نادر : لو حبيتي من اليوم ندئ : طيب تعال خذني وخليني اخذ شهاداتي حقت الحاسوب واللغه الانجليزيه نادر : لالالا شغلتك هاذي مو محتاجه شهادات ندئ بتعجب : ليه وش هالشغله ياتافه الي ماتحتاج شهادات نادر : تشتغلين خدامه بس لشخص واحد ندئ : تستهبل انت انا علئ اخر عمري اشتغل خدامه الله ياخذك انت وشغلتك نادر : ليه متضايقه الي بتشتغلين عندهم ناس اغنياء جدااااااااااااااااااااااا وانتي بتشتغلين مربيه لولدهم المعاق وتخدمينه وتوكلينه وتشربينه بس وتلعبينه وترسمين معه وتلونون وشغلتك تجلسين معه معززه مكرمه وبيتهم مليان خدم وبيعطونك راتب خيالي ندئ : الغلط مو منك الغلط مني انا الي قلت لواحد غبي مثلك يدور لي شغل نادر : ترئ الفرصه ماتتعوض واعتبري نفسك أم مسؤوله عن طفلها ندئ قفلت الخط وجلست تبكي وتبكي وتبكي : الله يحرق قلبك يانادر مثل ماحرقت قلبي انا علئ اخر عمري اصير خدامه لطفل وانا الي طول عمري الناس تخدمني الحين اخدم اااااه يالدنيا اااااه .................................................. .................................................. ................................................ قال للخدامه تطلع الاكل فوق وتحطه بالصاله وطلع هو وراح غرفة الملابس وفتح الباب بهدوء وراح بجنب بيلسان وهز يدها بهدوء :بيلسان ... بيلسان بيلسان : نعم يمه ابو بسام : قومي فتحت عيونها وشافت ابو بسام وبسرعه لفت علئ الجهه الثانيه ابو بسام : بيلسان ترئ انتي امانه عندي يلا قومي كولي بيلسان : مالي نفس ابو بسام : من الصبح وانتي مالك نفس ؟؟ مايصير كذا يلا قومي بيلسان : قلت لك مالي نفس ابو بسام (حب يخوفها عشان تقوم تاكل ): براحتك بس علئ فكره ترئ عمك اتصل وقال لي اطلقك وارجعك بيت عمك بيلسان بس سمعت هاذي الكلمه قامت بسرعه وجلست تبكي ومسكت يد ابو بسام وتبوسها : الله يخليك تكفئ قوله ماابي ارجع الله يخليك لاتطلقني الله يخليك لاتطلقني ابو بسام حضنها( كسرت خاطره.. الله يهديكي يابيلسان انتي اجبرتيني): ماراح اطلقك بس اوعديني تسمعين كلامي وتنفذينه كله بيلسان كانت مصدومه من ردة فعل ابو بسام توقعت انه راح يطلقها فورا ولاراح يتردد ولالحضه ابو بسام : موافقه تسمعين كلامي ولا ارجعك بيت عمك بيلسان مسكت بقوه بثوب ابو بسام وكأنها تقوله لاتتركني : بسمعه والله بسمعه بس لاتطلقني الله يخليك ماابي ارجع بيت عمي ابو بسام : عفيه عليك يلا حبيبتي (قالها بعفويه ) قومي واكلي بيلسان بسرعه قامت وجلست تاكل وتاكل بسرعه وتشرب العصير بسرعه كانت بتموت من شدة الجوع ونسيت حتئ تقول لأبو بسام تفضل كل معي ابو بسام : بشويش لاتغصين بعد فتره بيلسان : شوف اكلت اكلي كله ابو بسام : ايه كذا تعجبيني وماتزعليني الله يرضئ عليكي بيلسان: امين وتركها وطلع من الغرفه وراح غرفته يرتاح (صحيح ان ابو بسام كان مخلي بيلسان تنظف البيت وتطبخ ومعاملها كخادمه الا أن حياتها فبيت ابو بسام افضل مليون مره من حياتها فبيت عمها .. ابو بسام مايجي الشاليه كان مايجي الشاليه الا مره او مرتين وطلباته خفيفه ومريح بيلسان كثير وماشاء الله الشاليه كبير يعني لها الحريه انها تتنقل فيه علئ كيفها اثناء غياب ابو بسام ... اما فبيت عمها البيت ضيق وصغير والمعامله جدا سيئه فوق الضرب والاهانه مرات تنام بالصاله فهي حادمه ربها الف مره علئ عيشتها فبيت ابو بسام وماتتمنئ انه يطلقها) .................................................. .................................................. ................................................. نزل خالد يلعب مع العيال وكانوا جدا مبسوطين وجوري كانت اسعد منهم .................................................. .................................................. ................................................. بعد فتره جاء زياد ومعه الاكل وجلس هو ولينه ياكلون ولما انتهوا من الاكل قالت لينه : حبيبي متئ نروح الحرم زياد : مو الحين حبيبتي الحين لازم تنامين وترتاحي واوعدك اول مانصحئ ان شاء الله اوديكي لينه : طيب شالها زياد وحطها بالسرير ونام بجنبها وهو يحس جدا مرهق من السواقه وتعب السفر .................................................. .................................................. ................................................. انتهئ البارت اتمنئ يكون نال علئ اعجابكم لاتحرموني ردودكم وتوقعاتكم تهمني لااله الا الله محمد رسول الله صلئ الله عليه وسلم | ||||
|
| |
|
28-01-14, 05:38 AM
| #68 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت السابع والستون أجمل لحضه .. هي أن يتحقق في النهايه ماصبرت لأجله ربي ارزقنا مانتمنئ... .................................................. .................................................. ................................ صحي من النوم وقام راح الحمام (اكرمكم الله )توضئ وصلئ واتصل علئ المطعم وطلب منهم فطور وراح صحئ لينه وساعدها علئ دخول الحمام (اكرمكم الله )وتوضأت وبعد ماصلت وانتهت دفت الكرسي وراحت عند زياد زياد : تقبل الله حبيبتي لينه : مني ومنك يارب زياد :اقول حبيبتي تراني طلبت فطور لينه كانت ساكته وماردت عليه زياد : تبين شي غيره ؟ لينه : ساكته زياد : لينه لينه: هلا زياد : وين سرحتي؟ لينه : زياد وديني بيت ابوي واخواتي زياد( انصدم من طلب لينه المفاجئ ): ليه لينه : كل الناس عندهم اهل يروحون لهم الا انا زياد( تضايق من هالكلمه ): ليه وانا فين رحت ؟؟ لينه بدون رد )قرب منها ومسك يدينها :حبيبتي ردي علي فين رحت؟ لينه : موجود زياد : ووجودي مايكفيكي ؟؟؟ لينه : الا بس زياد : لاتكملين واتمنئ ماتفتحين هالسالفه لأن اهلك مايخافون الله لينه : لاتقول كذا عنهم زياد : الابقول واكثر بعد اجل يخلونك بالبر لحالك ويتركونك ويروحون هذولا بالله اهل ؟؟!!! لينه بس اتذكرت جلست تبكي زياد حضنها : اسف حبيبتي ماكان قصدي اضايقك بس انا سويت كذا عشان تعرفين ان مافي احد يخاف عليكي كثري .................................................. .................................................. ............................... راح المطعم واشترئ سمك ورز صياديه وفواكه وعصير برتقال كبير وراح بسرعه لغرفة ياسمين عشان محد يشوف الاكل ويمنعونه عنها دق الباب دقتين سريعه وفتح الباب ودخل ياسمين ماتت ضحك علئ شكل بندر : هههههههه اشبك كذا بندر : تضحكين ها اجل مابتاكلين ياسمين : لالالالا بدوري تكفئ جوعانه بندر : ياويلي ويلاه حتئ اسمي صار له طعم ثااااااني ياسمين (انا وش قلت صدق اني نسيت نفسي ): ........(سكتت ومعد قدرت تتكلم وحمرت خدودها حييييييل ) بندر : فديت الخجلانين ياسمين : بندررررررر خلالالاص بندر: ابشري ولايهمك... وقرب الطاوله وحط عليها الاكل وقربه من ياسمين ياسمين : الله كيف عرفت اني أحب السمك بندر : والله تحبينه ؟ ياسمين : ايوا والله مره احبه بندر : ان شاء الله بعدين بعبي لك الثلاجه كلها سمك ياسمين : حرام عليك ليش تحرجني بندر : طيب حبيبتي حقك علي ويلا سمي بالله وأكلي ولاتبيني أأكلك ياسمين : لالالالالا انا باكل لحالي بندر : ههههههه ياسمين وهي تاكل : بندر كل معي بندر سرحان فيها (جلس يتخيلها معه فبيته وتحضر له الاكل وياكلون بالمطبخ وكان جدا سعيد ) ياسمين : بندر اشبك بندر : هلا قلبي ياسمين : كل معي بندر : ابشري حبيبتي ..وجلسوا ياكلون وعيونهم هي الي تحكي كانت تناظر ببندر وبقلبها (اااه يابندر متئ ربي يكتبني حلال لك انت اروع انسان بحياتي انت اجمل حب صار لي انت وقفت معي لما اقرب الناس تخلو عني ) بندر رفع راسه وشاف ياسمين سرحانه فيه بندر وقف عن الاكل وجلس يتأملها وبدون ماينتبه علئ نفسه قال : تدرين قد أيش انتي حلوه ؟؟؟ انتبهت لنفسها ولما ركزت لقيت عيونها بعيونه انحرجت حيييييييييل وتمنت ان الارض تنشق وتبلعها رجعت تاكل وكأنها ماتشوفه بندر : اموت بالي يصرف ياحبني له ياسمين اخذت قشرة الموزه ورمتها علئ عليه بندر : الحين وش سويت هههههه ياسمين : كل ذا وتقولي ايش سويت !!! بندر : خطيبتي فيها شي؟؟ ياسمين حمرت خدودها ولفت عنه : وبعدين معكككك بندر : وهاذا الصدق ماقلت شي كذب .. وعالعموم كملي اكلك حبيبتي براحتك وانا بروح عند عبد الرحيم ويمكن اتأخر عليكي نامي وارتاحي اوك ياسمين : لاتتأخر بندر : ان شاء الله ... وطلع من الغرفه بعد ماخلصت اكل جت تبي تمد يدها عشان تاخذ العصير لكن وقفها صوت الجوال لفت شافت جوالها ينور ..: اخيرا احد تذكرني واتصل اخذت جوالها وشافت المتصل سالم عصبت وانقلب وجهها 180 درجه : الحين هذا وش يبي انا ماصدقت علئ الله اني انفكيت منه اعطته مشغول لكن رجع يتصل فيها مره ثانيه فتحت الخط وهي تقول بعصبيه : خير وش تبي ؟؟ سالم استغرب من ردها : ياسمين انا سالم ياسمين : وخير ياطير اذا كنت سالم لاانت ابوي ولا امي سالم : ليش ياسمين تكلميني كذا ياسمين : وبأي اسلوب تتمنئ اكلمك ؟؟ تبيني اقولك هلا والله اشتقت لك اسفه جيت بالوقت الغلط سالم : بس انتي ماعطيتيني فرصه ياسمين : انا اعطي الانسان فرص مو فرصه وحده بس تدري متئ ؟؟ سالم : متئ ياسمين : لما يوقف جنبي ومايتخلئ عني لأي سبب سالم : بس انتي اخت صديقي ياسمين : يعني ماقدرت تصبر كم شهر الين ربي يشفيني وبعدين تقولي خلاص انا مااقدر اكمل معك لانك اخت اعز انسان علئ قلبي ....... ادري ان الموضوع من بدايته غلط بس أقلها انتظر الين ربي يشفيني مو تزيد اوجاعي وجع سالم : حبيبتي انا اسف ياسمين : مايعنيلي اسفك شي والحين ليه متصل وش تبي ؟؟ سالم : انا خطبتك ياسمين : اوك وانا مو موافقه وقفلت السماعه بوجهه وقامت راحت الحمام (اكرمكم الله ) عشان تغسل فمها وتتوضئ وتصلي وترتاح نفسيا شوي .................................................. .................................................. ........................... قفلت وتركت سالم فحيره كان يدري ان الموقف صعب بس ماتخيله يوصل لهدرجه كان يتوقع انها تعاتبه تعصب عليه تصارخ عليه بس لماا يقول لها انه بيخطبها تفرح وتقول له موافقه بس ردها كسره سالم (انا ما بيأس وبرجع اكلمها مره وثنتين وعشره الين تقتنع وتوافق ماابي اخسرها لأني احبها ) طلع فوق عند هاني ورمئ نفسه عالسرير هاني يناظر فيه وهو مستغرب : الناس تسلم سالم : السلام عليكم هاني : وعليكم السلام ورحمة الله ليه بدون نفس سالم : هاني وبعدين معك تراني مو فايق لك هاني : بسم الله علامك صاير كبريت مايمديني اقولك كلمه الا رديت علي بعشر سالم تلحف من فوق راسه وحاول ينام .................................................. .................................................. ............................... ام خالد : اقول يابو خالد دام عهود الحمدلله طلعت من المستشفئ خلاص خلينا نروح نشوف ياسمين وناخذها ونرجع بيتنا تراني مليت من هالشقه واشتقت لبنتي ابو خالد : والله هي ماغابت دقيقه عن بالي بس انت شايفه ايش صار لنا ياام خالد مشاكل ورئ بعض مدري من فين جت اولها حادث خالد ثانيه مشكلة ام وليد لما قالت انها زوجته وهم لسئ ماتزوجوا ثالثها عهود تعبت علينا رابعها اختك هدئ تعبت علينا وادري احنا مقصرين بحقها بس بأذن الله نعوضها وراح تعذرنا اذا عرفت بضروفنا ام خالد جلست تبكي : ماادري مين داعي علينا ابو خالد : استغفري ربك وقولي الحمدلله وان الله اذا احب عبد ابتلاه والحمدلله الله يحبنا ام خالد : الحمدلله بس وديني اتطمن عليها شوي وبرجع هنا عند هدئ اتطمن عليها ابو خالد : ام سليم وحنان مو مقصرين معها وانتي لازم ترتاحين فالبيت فتره بسيطه وبعدين ترجعين تتطمنين عليها ام خالد : شورك وهداية الله ابو خالد : روحي رتبي اغراضنا عشان نستعد ان شاء الله لسفر ام خالد : دامنا رايحين جده بالمره ناخذ امي وابوي ومحمد بيجلس مع البنات ابو خالد : ان شاء الله راحت ام خالد رتبت اغراضها واغراض عهود دخلت حنان وشافت ام خالد ترتب :علئ وين !!!! ام خالد : بنروح جده وحشتني اخر العنقود حنان : مافي رجلي علئ رجلكم ام خالد : وهدئ ؟؟ حنان : ام سليم بتجلس معها وبعدين انا بتطمن علئ يسمونتي وبعدين برجع هنا عند ام سليم ومحمد ام خالد : اجل جهزي اغراضك حنان ماصدقت وطيران ترتب اغراضها .................................................. .................................................. ............................... عهود فتحت عيونها واخذت الجوال واتصلت بهشام وبسرعه رد عليها اول مافتحت الخط قال لها هشام : احبك عهود : وبعد هشام : احبك عهود : ماتكفي هشام : احبك احبك احبك احبك كثر الحب الي بقلوب البشر نزلت دمعه من عيون عهود هشام : ممكن تمسحين دموعك حبيبتي ؟؟؟ عهود : ماابكي هشام : ليش تكذبين علي؟ عهود : كيف عرفت طيب ؟؟؟ هشام : احد مايدري عن قلبه !! عهود : فديت قلبي والي ساكن فيه هشام : مين الي ساكن فيه عهود : أسأله هشام : انا عهود : فديتك ياأنا هشام : متئ يجي اليوم الي تكونين فيه فبيتي وحلالي عهود انحرجت :.........(بدون رد) هشام : ممكن حبيبي المستحي يقول امين ولا بتزوج غيره عهود : امين امين امين هشام : هههههههه يافديت الناس الغيوره عهود : ايوا غيوره وموت بعد .................................................. .................................................. ............................... عبد الرحيم كان بأنتظار بندر جهز الضيافه ورتب البيت ولبس سمر بنطلون طويل جنز لونه اسود وتيشيرت لونه فوشي مخطط بأبيض ولبسها طوق فوشي وصندل ابيض وجلسها تلعب بالغرفه ترسم وتلون وبعد فتره سمع صوت الشاليه عرف ان بندر وصل راح ركض وفتح الباب بلهفه واول ماشاف بندر حضنه بقوه وكأنه ماشافه من سنين وجلس يبكي بحضنه مثل الطفل بندر استغرب من عبد الرحيم وعرف ان ورئ دموعه سالفه طويله عريضه : هدي ياخوي وخلينا ندخل داخل وناخذ راحتنا بالكلام ومسك يد عبد الرحيم ودخلوا بالمجلس وعبد الرحيم يتذكر كل الي صار كأنه الحين يصير وزادت دموعه عبد الرحيم : بالمكان ذا كانت راح تموت بندر : بسم الله عليك اهدئ وانا اخوك اهدئ كل شي بينحل بالهداوه ... قول لااله الاالله عبد الرحيم : لااله الاالله اسمع يابندر انت اخوي ولازم تدري بالي جارحني وواجع قلبي بندر : قول ياخوي تراك خوفتني عبد الرحيم : قاله السالفه من بدايتها لنهايتها بندر فالبدايه انصدم وتضايق بعدين قال: الحمدلله ربي يحبك والمفروض تفرح بالشي هاذا انك بأخر لحضه تمالكت نفسك وبعدت عن الحرام والمفروض تروح وتخطب البنت من ابوها هاذي اكثر وحده راح تسعدك دنيا ودين باذن الله عبد الرحيم : بس اخاف ترفض بندر : لا ان شاء الله ماترفض وان رفضت بخلي المدام تكلمها عبد الرحيم : اي مدام بندر : يسمونتي حبيبتي قريب ان شاء الله بنتزوج عبد الرحيم : البنت الي بالمستشفئ ماغيرها بندر : يب يب عبد الرحيم : بس البنت صغيره عليك بندر : وانا مو مره كبير وبعدين الحمدلله فاهمين بعض عبد الرحيم : براحتك والله يوفقكم بندر : يلا ماودك تضيفني ؟؟ عبد الرحيم : ابشر بندر راح فتح الباب ولقي سمر تلون : ممكن عمو يلون معك سمر قامت تركض وتحضنه : ايوا ممكن وجلسوا يلونون سوا .................................................. .................................................. ............................... اخذت جوالها واتصلت بنادر ندئ : الو نادر : خير ندئ : انا موافقه نادر بيموت ضحك : علئ ايش ندئ : اني اشتغل نادر : تشتغلين ايش ؟؟ ندئ : الله ياخذك ليش تبيني اقولها علئ الشغله الي جبتها لي وخلاص نادر : بتقولينها ولااجيب وحده غيرك ندئ : تجيب وحده غيري الي يسمعك الحين يقول البنات ميتين علئ هالشغله نادر : تبينها ولالا ؟؟ ندئ : ايه نادر : يلا قولي وش بتشتغلين ندئ : خدامه حسبي الله عليك وجلست تبكي وقفلت وبعد فتره ارسل لها رساله كاتب فيها (جهزي نفسك بعد كم دقيقه بجي اخذك تروحين تشتغلين عند هالناس خدامه وعلئ فكره ترئ في بالبيت حرمه كبيره بالعمر يبيلها خدمه بعد يلا بيعطونك راتب اثنين مره وحده ههههه باي) اخذت الجوال ورمته بكل قوتها : الله ياخذك يانادر الله ياخذك الله ياخذك .................................................. .................................................. ................................ خالد كان جالس بحضنها: اقول جوري حبيبتي جوري وهي تقطع له فواكه : امرني ياقلبي خالد : الامر لله حبيبتي ايش رايك بكره نسافر جوري : صدق خالد : ايه جوري : فين نروح ؟ خالد : اي مكان تبينه ياقلبي جوري : ياعمري انت لا انت اختار خالد : ايش رايك نروح مكه والمدينه وبعدين نروح النمسا جوري : الله فكره حلووووه خالد : وبناخذ معنا عيالك لاتشيلين هم جوري طبعت بوسه علئ خد خالد : الله لايحرمني منك ياتاج راسي خالد : ولايحرمني منك ياحلالي وغمز لها وسحبها علئ سريره .................................................. .................................................. ................................ روان اخذت مبلغ من دولابها ونزلت بسرعه عند خان واعطته الفلوس وطلعت فوق بسرعه طلعت لها جنز كحلي وعليه بدي بني وفوقه تيشيرت فتحت الصدر مثلثه وسيعه نوعا ما ستريش طويله اكمامها وعليها حزام لونه بني وبوت لونه بني ونزلت تحت سوت لها مكرونه بالبشميل وحطت لها بصحن وجابت لها عصير تفاح وراحت تتفرج علئ التلفزيون وتاكل بعد فتره بسيطه دخل بسام ولقيها تتفرج جاء بجنبها واخذ الصحن وجلس ياكل روان : يالدب جيب صحني وانت روح خذ من المطبخ بسام : عناد باكل من هالصحن روان : ماعمري شفت احد ثقيل دم مثلك بسام : انا مو ثقيل دم بس لان الحلوه زعلانه شايفتني ثقيل دم وطبع.. بوسه علئ راسها ... حقك علي يااحلا اخت وسامحيني اذا بحقك اخطيت روان : حصل خير بسام : الا اقول ليه ماتعزمين حنان عندنا بالشاليه روان ناظرت فيه بقوه : وش قصدك بسام : يمه وش هالنظرات اقصد عشان تستانسون مع بعض روان : ان شاء الله كلنا نستانس قريب ها قرييييييييييييييب تسمع ولا اصارخ يالعريس بسام جلس يكح: كح كح روان : بس جت سيرة الحبايب قمت تكحكح توك وش زينك بسام : موتيني احسن ؟؟ ويلا البسي عبايتك وخلينا نتمشئ شوي تراني طفشان روان طارت من الفرحه : مننننننننننننن جد مو مصدقه بسام : ياتلبسين عبايتك يابطلع واخليكي روان : لالالالالا خلاص دقايق واكون جاهزه وطلعت فوق الا تشوف بيلسان جالسه تناظرهم من الدرج روان قربت من بيلسان : انتي ليه واقفه هنا ؟؟ بيلسان : أأأأ اااايهههه لاني ابي انزل بس مايصير اخوكي موجود تحت كنت انتظره ينزل عشان اروح المطبخ روان : اها ... طيب احنا بنطلع وانتي خذي راحتك وسويت مكرونه طعمه لاتفوتك هههه يلا حبيبتي مع السلامه بيلسان : مع السلامه روان لبست عبايتها واخذت نقابها وشنطتها وركض عند بسام وطلعوا من البيت وقفلوا الباب بيلسان : ياليتني مثل روان اقدر اطلع واروح ولي اخ يحبني مثلها حست بأحد مسكها مع خصرها لفت بخوف وشافته لقيته ابو بسام قال لها : حبيبتي تبين تطلعين مثل روان ؟؟ بيلسان : هاااا لالالالالالا مااابي وفكت ايدينه وراحت بسرعه غرفة الملابس وقفلت علئ نفسها الباب وقلبها يدق بقوه ... ياليتني ماطلعت وماتكلمت ولاقلت شي ابو بسام راح ودق الباب اكثر من مره (بس بيلسان ماكانت ترد) :ممكن تفتحين الباب بيلسان : للليييه ؟؟ ابو بسام : لافتحتي بتعرفين ليه بيلسان : مابفتح ابو بسام : لاتفتحين بس لاتنسين وعدك لي عن اذنك بيلسان تذكرت لما قال لها ابو بسام مابرجعك بيت عمك بس بشرط بيلسان : ايش شرطك؟؟ ابو بسام : تنفذين كل طلباتي بيلسان : حاضر بيلسان شهقة بقوه : يوووووووه انا معطيته وعد وبعدين اخاف اخلف وعدي يرجعني وبالفتره الاخيره ماقصر معي حرام اعامله كذا فتحت الباب بسرعه وشافته يبي ينزل مع الدرج لكن بس سمع صوت الباب التفت جت عنده وقالت : انا اسفه ابو بسام مسكها مع يدها ودخلها غرفته وجلسها عالكنبه وهو جلس قبالها عالكنبه الثانيه (طبعا غرفة ابو بسام كبيره فيها سرير كبير وتسريحه كبيره وكنب وطاوله وبلكونه فيها كرسيين وطاوله وحمام كبير (اكرمكم الله ) وغرفة ملابس مليانه دولايب يعني غرفه تفتح النفس عكس بيت عمها .. كان لون الغرفه ابيض واطرافها بنيه والاثاث نفس الشي صح قديم بس مرتب ) ابو بسام : اسمعي يابيلسان صح اني كنت قاسي معك فالبدايه وكنت اعاملك معامله جدا سطحيه صح مره او مرتين مديت يدي عليكي بس اتمنئ انك ماتخافين مني لان الانسان مو معصوم من الغلط وانا تأسفت منك واعتذرت لك ليه صايره تخافين مني كأني وحش ماكأني زوجك قرب منها ومسك يدها : حبيبتي من اليوم وطالع راح اغير لك حياتك كلها راح اخليكي اسعد انسانه بهاذي الحياه بأذن الله بس انتي ساعديني قرب منها اكثر وضمها (وهي مومستوعبه ولاشي من الي جالس يصير توقعت يوبخها او يمد يده عليها او اي شي ثاني غير الي جالس يصير لها ): حبيبتي بخليكي احلئ عروسه بهاذي الدنيا وراح اجيب لك احلئ فستان واحلئ جهاز وبجيب لك الخدم يخدمونك بس عطيني قلبك وساعديني رفع راسها بيدينه ومسح دموعها : حبيبتي ممكن تساعديني بيلسان هزت راسها بأيه ابو بسام رجع ضمها وهو يحس بسعاده لاتوصف وهي لاتقل عنه (ابو بسام صح كبير وعمره بالاربعينات بس مهتم بنفسه والي يشوفه يعطيه 30 او اقل ) .................................................. .................................................. .............................. انتهئ البارت اتمنئ يكون نال علئ اعجابكم لاتحرموني تواجدكم وردودكم لااله الا انت سبحان اني كنت من الظالمين | ||||
|
| |
|
03-02-14, 06:12 AM
| #69 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  البارت الثامن والستون وتبي اخر حكايات الوله ليتكــ بجنبي الحين ... كانت بحضنه وعقلها رايح لأفكار بعييييييده مره تقول( صح ان اهلي رموني بالبر بس اكيد الحين ندموا وحسوا بغلطتهم ومافي احد مايغلط ) رفعت راسها من حضن زياد وناظرت بعيونه وهو بادلها نفس النظره نزلت راسها وقالت : زياد ولو يبقون اهلي وحتئ لو يعذبوني ويضربوني يبقون اهلي زياد : استغفر الله العظيم انا مابرد عليكي وجلسها علئ السرير وقام لينه : لايازياد انت لازم ترد علي لمتئ وانت تتهرب من هالموضوع انت عندك اهلك ومو ناقصك شي بس انا الي ماعندي اهل زياد انقهر من كلام لينه لان اغلب وقته مقضيه معها وحتئ لما يروح لأهله ياخذها معه يعني 24 ساعه مع بعض ليش تقول له هالكلام : واهلي مو اهلك يعني ؟؟ لينه : اهلك علئ عيني وراسي بس مو مثل اهلي زياد انفجر منها خلاص مو قادر يتحمل كلامها : انتي وش تبين اكثر من كذا معاملينك احسن معامله ومهتمين فيكي ومقدرينك ومحترمينك ومو مقصرين معك ويمدحونك بحضورك وبغيابك لاحبيبتي مافي مجال للمقارنه بين اهلي واهلك في فرق بين السماء والارض اهلي مايجرحونك حتئ بالكلام اما اهلك ممسينك ومصبحينك بكلام يسم البدن وفوقه ضرب ومو دارين عنك لينه : كل هاذا بقلبك علئ اهلي يازياد خلاص طلقني الي مايبي اهلي معناتها مايبيني زياد جاه الكلام ببطئ من قوته قرب منها ومسك يدينها بقوه وجلس يشدها : انتي فاهمه الكلام الي جالسه تقولينه ولاتقولين الكلام بدون ماتحسبين له الف حساب لينه : الا فاهمه كلامي وحاسبه له الف حساب وابيك تطلقني تسمع ولالا طلقني زياد : اطلقك وارجعك لهم عشان يرمونك مره ثانيه اسف مااقدر اطلقك وفي شي يربطنا ببعض لينه : اصلا هاذا الي همك وبس ولا انا بالطقاق مافكرت فيني واذا هاذا الشي الي يربطني فيك خلاص بسيطه اسوي اجهاض وانتهئ الموضوع كان كلام لينه مثل الخنجر الي يطعن زياد تمنئ انها سكتت او نامت او بكت ولا تقول هالكلام فك يدينها ورفع يده لأقصئ ارتفاع وبأقوئ ماعنده ضرب لينه كف ومن شدة هالكف جلست تناظر بزياد وبعدين جاها الالم تدريجيا وجلست تبكي زياد : ابكي يالينه وابكي بعد وسمعيني صوت بكائك لأنه افضل مليون مره من صوت صراخك علي ... انا زياد حبيبك الي ماقصرت معك بأي شي تقولين لي هالكلام انا ؟؟؟ لينه من بين دموعها قالت : تتمنن علي لأنك ساعدتني زياد : انا مااتمنن عليكي انا رجال وهاذا واجبي لو شفت بنت او شايب او طفل كنت بسوي معه اكثر من الي سويته معك لينه : تتقوئ علي لأني لحالي ومالي سكتت لما صرخ زياد بصوت عالي زياد : خلالالالالالالالالالالالا لالالالالالاص ارحميني حرااااااااااااااااااااااا اام عليكي ارحميني كفايه الي فيني لينه : وش فيك زياد : دامك معانده اسمعي السالفه من اولها لاخرها ترئ اهلك هذولا مو اهلك وكمل لها السالفه كلها لينه مو مصدقه ولاكلمه من الي قالها زياد : انت كذاب زياد : هاذي الحقيقه المره واذا منتي راضيه تصدقيني قولي لابوكي يسوي تحليل dna واذا طلعت كذاب لك الي تبين لينه رجعت تبكي وتبكي وتبكي تحس انها تحلم وكل الي يصير مو صحيح زياد : انتي الي اجبرتيني اقولك شي كنت اخبي بقلبي لفتره طويله بس لاني ماابي اشوف دموعك فمان الله قبل مايطلع قالت لينه : زياااد وقف بدون مايلتفت لها : وش تبين؟ لينه : لاتروح زياد : مخنوووق وحاب اجلس لحالي لينه : اجلس بالغرفه الثانيه بس لاتطلع تكفئ زياد : مو انتي الي تمشين كلمتك علي انا رجال واخذ شوري من نفسي فمان الله وطلع وقفل الباب بأقوئ ماعنده ولينه رجعت لدموعها انقهرت لانها قالت كلام جرح زياد وانقهرت اكثر لان اهلها ماطلعوا اهلها وان زياد احتمال كبير يطلقها بعد كلامها له .................................................. .................................................. ............................... صحي من النوم وبعد ماصلئ وافطر قام ولبس ملابس الدوام وراح بدون مايصحي هاني وياخذه معه اول ماركب السياره اتصل علئ ياسمين وكالعاده طنشته وماردت عليه اكثر من مره وبالاخير ارسل لها رساله .................................................. .................................................. ............................. كانت جالسه علئ السجاده حقتها تحس براحه التفتت للجوال لقيت 5 مكالمات من سالم ورساله فتحتها لقيت مكتوب فيها (ردي ضروري الموضوع مهم ) : مااقول غير الله يصبرني عليك وعلئ غثتك ... فتحت الخط واول كلمه سمعها سالم خير وش تبي سالم : الخير بوجهك يالغاليه كيفك ياسمين : والله كنت بخير بس لما سمعت صوتك تعبت وضاق صدري سالم : ليش صار قلبك قاسي علي ياسمين : والله مو اقسئ من قلبك المهم خلصني وش تبي؟ سالم : ابيكي وابيكي وابيكي للمره المليون وياليت توافقي ياسمين: بس انا ماابيك انتهئ الموضوع خلي عندك كرامه بنت ماتبيك خلاص افهم ماتبيك سالم : لأن عندي كرامه جيت وقلت لك ابيكي حلالي علئ سنة الله ورسوله ياسمين : جاء طلبك متأخر وقلبي مو لك بس سمع هالكلمه سحب فرامل (او جلنط ماادري ايش تسمونها):وكان يتنفس بسرعه ياسمين : بدينا بشغل الافلام سالم وهو يرتجف :مااسوي افلام بس فعلا كان راح يصير علي حادث ياسمين :ماتشوف شر عن اذنك سالم : ااانتي كلامك صدق وولالالا تمزحين ياسمين : اي كلام ؟ سالم : لما قلتي قلبي مو لك وش تقصدين ياسمين : مايبيلها توضيح قلبي صار لأنسان ثاني غيرك وصار قلبي يحبه بكل مافيه سالم : كذابه ياسمين : والله العظيم سالم : اسمعي لاتحلمين تاخذين هال..... انتي لي ولو كلفني الامر حياتي بس اهم شي انك تكوني لي ياسمين : ان شاء الله اني حلاله ووش بتسوي ياعنتر زمانك ؟ سالم (سالم مستحيل يقول لهاني تراني كنت اكلم اختك لان الموضوع جدا صعب وحساااااس بس هو قال كذا تهديد لياسمين عشان توافق تتزوجه ) : لو ماوافقتي علي بقول لهاني وبقول لأهلك كلهم عالي كان بينا ياسمين نزلت دمعة ندم من عينها : حسبي الله ونعم الوكيل انا شفت ناس حقيره بس مثل حقارتك ماشفت سالم : اكون احقر انسان بهالدنيا ماعندي مشكله بس ماتكونين لغيري قفلت ياسمين وكلها وجع وكلها كره لسالم : اااااااااااااااه ياربي حسبي الله عليك ياسالم صحيح اني انخدعت فيك انخدعت بشكلك من برئ كنت انسان بقمة الطيبه والاخلاق وانصدمت ان بداخلك انسان حقود ومستعد يسوي اي شي بس عشان ياخذ الشي الي يتمناه حتئ لو كان هالشي مو جماد انسان رافضه كليا .................................................. .................................................. ................................ فتح الباب ودخل الغرفه واول مافتح باب الغرفه ودخل رفعت راسها من علئ السرير ..وكانت منبهره بمنظر زياد كان لابس الاحرام وكان شكله جدا جمييييل .. وقالت : زياد زياد اخذ العبايه ورماها عليها : البسي عبايتك بنروح الحرم الحين لينه : طيب بس ساعدني زياد : انتي ساعدي نفسك وانتي جالسه البسي عبايتك والباقي شي سهل مايحتاج له مساعده لينه لبست عبايتها وطاحت الشيله : زياد لوسمحت بس لبسني الشيله لأنها طاحت زياد قرب واخذ الشيله وحطها علئ راس لينه ولينه مسكت يده بسرعه وطبعت بوسه عليها :الله يخليك سامحني ادري ان لساني طويل وغلطت عليك بس سامحني غصب عني وانا مااتحمل اشوفك زعلان مني منظرها كسر خاطر زياد بس برضو كلامها كان كبيييييييييييير وقاااااسي جدا سحب يده بقوه من بين يدينها وشالها وجلسها علئ كرسيها كانت طول الطريق تبكي راحوا مشي لأن الحرم قريب منهم دخلوا الحرم وراحوا عند الكعبه وطافوا حول الكعبه المشرفه وكانوا يدعون كل واحد فيهم يدعي بالي بقلبه لينه ترفع يدينها وتقول (يارب ياكريم يارب يارحيم ارحم ضعفي يارب انا جيتك لبيتك الحرام يارب انا اطلبك ترجع لي صحتي وعافيتي يارب ياكريم يارب اني ارجع امشي علئ رجولي مره ثانيه يارب اقدر اشيل بنتي او ولدي وانا بأكمل صحه وعافيه يارب وختمت دعائها بدموع ) زياد كان يدعي ويقول (يارب انك تشفي لينه وتعافيها وتسهل ولادتها وترزقنا طفل سليم معافئ بار فينا ياااارب يارب انك تهدي لينه ويارب انك تشفي ياسمين ويارب انك تاخذ حق لينه من عمها الظالم ) وكملوا مناسك العمره وبعد ماخلصوا لينه : زياد ابي اشرب موية زمزم زياد : طيب ... وراح وجاب لها وشربت منها والباقي جلست تقرا عليه وتقول بسم الله الشافي المعافي بسم الله الشافي المعافي وتمسح ببقايا المويه علئ رجولها زياد بقلبه يارب لينه ترجع تمشي يارب مافي شي صعب عليك كل الامور تكون سهله وميسره امامك سبحانك يارب ارزقها صحتها وعافيتها يارب ... واخذها ووداها لشقه وغير ملابسه وتحمم واخذ مفاتيحه ومحفظته لينه : فين بتروح ؟ زياد : مو لازم تعرفين وطلع وقفل الباب .................................................. .................................................. .............................. دخل شقته ولقيها جالسه تتفرج علئ التلفزيون :قومي جهزي اغراضك بوديكي بيت اهلك ابتسام : هاذا يوم المنئ ابركها من ساعه هشام : والله انا الي بالنسبه لي هاذا يوم المنئ وانا كنت كرما مني بوديكي بنفسي بس دام هاذا اسلوبك وهاذي تصرفاتك مني ملزوم اتعب نفسي بحجز لك طيران ودرب يسد مايرد ان شاء الله ابتسام : بروح وشوف تعيسة الحض الي بتتحملك ... وراحت ترتب اغراضها وهي فرحانه تبي تفتك منه بأي طريقه وهو كانت فرحته ماتوصف لـأنه بأذن الله قرب موعد لقاه وفرحته مع حبيبته ونور عينه عهود .................................................. .................................................. ................................ جهزوا اغراضهم وسموا بالله وتوكلوا علئ الله متجهين الئ جده .... وبعد طريق طويل وصلوا جده وراحوا بيت ابو محمد ابو خالد نزلهم ببيت ابو محمد وهو راح يستاجر بشقق جنبهم عشان ياخذون راحتهم بالبيت ..وجلسوا فيه لقيوا ندئ سلموا عليهم نفس الغرور نفس الوقاحه ماسألت عن حال بنت اختها وهي معها بنفس المدينه وماباركت لأختها علئ زواج ولدها ولا حتئ تحمدت لعهود علئ السلامه ام خالد : ندئ زرتي ياسمين ندئ : لا ام خالد : يعني كل هالفتره مازرتيها !!!!!!!!!!!!!!!!!!!!!!!!!!!!!!؟؟؟؟؟؟؟؟؟؟ ؟؟ ندئ : ايه ام خالد : يا بنت الحلال حرام عليكي هاذي بنت صغيره اكيد بيكون ناقصها شي اكيد بتحتاج ملابس وغيارات لها وتحتاج ملابس واغراض كثيره ليش مارحتي لها ؟؟؟ ندئ : مااحبها ومااطيقها ام خالد : ولو ماتحبينها سوي هالشي عشاني وبعدين ليه ماتحبينها وهي ماسوت لك الاكل خير حنان (ماتدرين ياام خالد ان ندئ تغار من بنتك عشان كذا ماتطيقها ) : خلاص ياجماعه صلوا علئ النبي واليوم ان شاء الله نزورها ام خالد : عليه الصلاه والسلام والف من ذكره بس في ناس هنا ترفع الضغط وتخلي الواحد يطلع من طوره غصب عنه ندئ : هي انتي وش قصدك ؟؟ ترئ مااسمح لك واذا في احد يرفع الضغط فهي بنتك الي مومتربيه والله العالم ايش تسوي من وراكي وانتي مو داريه عنها ام خالد عطتها كف : الزمي حدك وعن الغلط بناتي ربيتهم احسن تربيه والدليل عمرهم ماشافوا نفسهم علئ اي احد مو مثلك محتقره الناس ومحد عاجبك ومدري علئ ايش شايفه نفسك واخذت عهود وراحت مجلس الحريم حنان : انتي مجنونه وش هالكلام الي قلتيه ندئ : وهاذي الحقيقه حنان : حتئ لو ايش هاذي اختك الكبيره ويبقئ لها احترامها وين الاحترام الي امي ربتنا عليه قوليلي وين راح ؟؟ بس مااشاء الله علئ ام خالد ربة عيالها علئ الاحترام والتواضع مع الكل وماشاء الله عليهم حتئ لو اختلفوا يبقون يحترمون بعض مو مثلك وقامت من الغرفه وجت تبي تطلع لكن سمعت كلام ندئ الغريب ندئ : الحين صرتوا كلكم علي صرت انا الغلطانه كرهتوني عشان وحده حقوده وشايفه نفسها ومتصنعه ولها وجهين ااااااااااااااااااااه اكرهكم كلكم اكرهكم اكرهكم لكن ان شاء الله كلها كم يوم واروح اشتغل وافتك منكم حنان : الحمدلله عالعقل انتي شكلك خرفتي ندئ تشتغل وعندها مشغل ههههههههه ندئ : اي مشغل الي تتكلمين عنه انتي ؟؟ حنان : بطلي استهبال المشغل حقنا ندئ : فص ملح وذاب حنان :هي انتي وش جالسه تقولين ؟؟؟؟؟؟؟ فهميني ندئ : المشغل احترق حنان : احلفيييييي ندئ : والله احترق حنان : وكيف ومتئ ووينك عنه وليه ماقلتي لنا ؟؟؟؟؟ ندئ : خلاص صار الي صار لاتجلسين تزنين فوق راسي تراني موفايقة لك حنان : اللهم اجرني في مصيبتي واخلفني خيرا منها .. اللهم اجرني في مصيبتي واخلفني خيرا منها لاحول ولاقوه الا بالله الله يعوضنا خير قامت حنان وراحت عند ام خالد فتحت الباب لقيتها جالسه تنوم بنتها عهود وتسمي عليها جلست تناظر بأختها وقد أيش هي حنونه علئ عيالها ابتسمت : الله يخليكي لهم ويخليهم لك ام خالد : ويخليكي لي يااحلا اخت بالدنيا انتي حنان : الله يسعدك ياقمر ام خالد : حنون مابتروحين المشغل حنان : الله يعوضنا ام خالد : لييييه ؟؟؟ حنان : احترق ام خالد : كيييف طيب حنان : والله علمي علمك ندئ ماقالت لي غير كلمة ماادري ام خالد ماكانت حابه تكلم ندئ عشان الي سوته مع بنتها : الله يعوضكم خير حنان : امين يارب ام خالد : البيت مره حالته حاله ومليان غبار ومو نظيف اموت وافهم ندئ ليش ماتنظف البيت دامها فاضيه لاشغله ولا مشغله حنان : والله علمي علمك ام خالد : طيب ساعديني ننظف البيت حنان : ابشري ماطلبتي شي وراحوا ينظفون البيت .................................................. .................................................. ............................... : اقول حبيبتي جهزي اغراضك واغراض العيال عشان انا بروح اخذ لي كم شغله واجي جوري : ان شاء الله تجي وكل شي جاهز خالد : فمان الله جوري : راحت وصحت عيالها وخلتهم يغسلون ويفطرون وجهزت لهم فطورهم كان عباره عن توست محشي بلبنه وخيار ومعه حليب وجلسوا يفطرون ويتفرجون علئ قصص الانبياء وراحت طلعت لهم ملابس عشان يبدلون كان لبسهم عباره عن برمودا لونه بيج فاتح وعليه حزام اسود وبلوزه بيضا طويله وعليها جاكيت بدون اكمام لونه بيج بعد ماخلصوا فطور لبستهم وراحت ترتبت اغراضهم وبعد ماخلصت راحت ترتب اغراضها واغراض زوجها وبعد فتره دخل خالد : السلام عليكم جوري : وعليكم السلام ورحمة الله خالد : حبيبتي رحت اشوف الحجز قالولي تأجل جوري ابتسمت : عادي ولايهمك خالد : مو زعلانه ؟ جوري: ليه ازعل انت وعيالي عندي بالدنيا ومافيها خالد ضمها بقوه: ياحياتي انتي الي عندي بالدنيا ومافيها وامزح عليكي الرحله ماتأجلت ويلا روحي البسي عبايتك عشان نروح المطار جوري : تيب ياقلبي وراحت لبست عبايتها وخالد اخذ الشنط وحطها بالسياره واخذ العيال وركبهم وجوري جت وركبت السياره وراحوا المطار .................................................. .................................................. ................................ كان يوم جمييييييييييييييييييل بالنسبه لها راحت الملاهي هي واخوها وتمشوا بأماكن كثير كانت مبسوطه وفرحانه للغايه وراحوا مطعم يتعشون بسام: وش اطلب لك ؟ روان : جاي علئ بالي بيتزا بسام : وانا جاي علئ بالي كوكيز ههههههه روان : من جدك ؟؟ بسام : لاامزح جاي علئ بالي لازانيا يميييي روان : وانا بعد ابي لازانيا بسام : ليش تقلدين روان دق جواالها : دقيقه بسام فتحت الخط وهي تقول : ياهلا والله من طول الغيبااااات جاب الغنايم حنان : هلا روني كيفك ياروحي وحشتيني روان تناظر ببسام : الحمدلله انا بخير كيفك حنون بسام يحاول مايلفت انتباهها وجلس يناظر بجواله حنان : لك وحشه يادبه روان : ابشرك بخير شوفيه قدامي حنان : هييييييييييي روان وش فيكي انا ماسألت عن بسام روان : والله الكل مشتاق لك مو بس انتي ههههههههههههههههههههههههه ههه امزح امزح والله ماقالت شي يابسام بسام مات ضحك علئ اخته : ههههههههه هبلا من يوم يومك حنان: طيييييييييييب حسابك بعدين يالنتفه .. كنت بجيكي بس الحين تحلمين روان : امزح والله امزح خلاص كله ولاجيتك بسام (يس يس يس اخيرا بتجي ) روان : سلمي علئ ام خالد وفمان الله حنان : فمان الله روان تناظر ببسام :بشويش لاتتكسر اسنانك من كثرة الضحك بسام : هههههههههه مستانس وش عليكي روان : دوم يا أهبل هههههههههههه بسام : لو غلطتي مره ثانيه بتركك هنا وبمشي هههههههه روان : ماتسويها ادري فيك طيب ههههههه .................................................. .................................................. .............................. : حبيبتي قومي البسي عبايتك بوديكي مشوار بيلسان : فين بنروح ؟؟ ابو بسام : انتي بس قومي وبعدين بتعرفين بيلسان : طيب ... قامت ولبست عبايتها وجلست تنتظر ابو بسام وبعد دقايق بسيطه طلع ابو بسام لابس ثوب ابيض وشماغ احمر وكبك اسود اطرافه فضيه وساعه بنيه جلد والنظارات بجيبه وريحة عطره قويه بيلسان جلست تناظر فيه وبقلبها ( ماشاء الله عليه ماكأنه كان متزوج قبل كذا ) ابو بسام مد يده : يلا حبيبتي بيلسان لسئ جالسه تناظر مو مستوعبه ابو بسام جلس بجنبها وضم ايدينها : حبيبتي فيكي شي بيلسان : لالالا مافيني شي ابو بسام : اجل يلا مشينا وراحوا وركبوا بسيارة ابو بسام كانت عباره عن لاندكروزر لونه لؤلؤي بيلسان تحس نفسها بحلم هاذي السياره اول مره تركبها ولاكانت تحلم انها تركبها لانها كانت تعتبر هالحلم صعب تحقيقه بس قدرة الله فوق كل شي اخذها وراحوا افخم محل اثاث ونزل وفتح لها الباب وهي لحد الان مو مستوعبه شي مسك يدها بحنان وقال : يلا حبيبتي راحوا محل الاثاث وقال لها : اختاري غرفة النوم الي تتمنيها راحت وتشوف كل وحده احلا من الثانيه ... قال لها ابو بسام : تعالي حبيبتي يمكن ماعجبك شي بيلسان : لا مره حلوه ابو ابسام : في احلا وراحوا عند الموظف وقال له ابو بسام : لو سمحت في عندكم تشكيلة غرف نوم للعرسان تكون جديده بيلسان تحس انها بتموت من الاحراج (دام ابو بسام غير معاملته معي يعني بيصير يعاملني كزوجه ولي حقوق وعلي واجبات وهو له حقوق علي وله واجبات يووووه ) ابو بسام : حبيبتي ايش رايك بهاذي ولا هاذي ولاهاذي بيلسان حاولت تبعد هذيك الافكار من راسها وتكون هاديه : اختارت غرفة نوم كانت باللون الذهبي والاحمر الغامق كانت جدا حلوه وفخمه .................................................. .................................................. ................................... فتحت هدئ عيونها ولقيت عندها ام سليم هدئ: انا فين ام سليم : بالمستشفئ تعبتي شوي وجبناكي هنا هدئ : فين بنتي ام سليم : لاتشيلين هم عند امي هدئ : والله ام سليم : والله هدئ ارتاحت ورجعت راسها علئ السرير ونامت .................................................. .................................................. ................................... انتهئ البارت اتمنئ يكون اعجبكم التعديل الأخير تم بواسطة لامارا ; 04-02-14 الساعة 07:03 AM | ||||
|
| |
|
13-02-14, 08:21 AM
| #70 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت التاسع والستون **،، عندما تواجهك مشكلة تذكر ثلاثة أمور : أنها مؤقته.. أنها مقدره.. وأنها سوف تهديك أجرا أذا صبرت **،، كانت جالسه علئ السرير تمسح دموعها تعبت من كثر البكي وتذكرت أن البكي ماراح يفيدها بشي خلاص صار الي صار جرحت اعز الناس علئ قلبها وعرفت حقيقة اهلها المره خلاص كل شي صار واضح بالنسبه لها رفعت عيونها للأعلئ وقالت : الحمدلله ... مرت عليها فتره تقريبا نص ساعه وهي تحمد الله وتستغفر حاولت انها تنسئ همها وتذكر الله وفجأه شافت شي غريب شي ماكانت تتوقعه توقعت نفسها بحلم والي يصير مو حقيقه .................................................. .................................................. ............................... جاء الدكتور .. : السلام عليكم ورحمة الله وبركاته ام سليم : وعليكم السلام ورحمة الله الدكتور : ممكن تصحين المريضه ام سليم : ليه بتنقلونها غرفه ثانيه ؟؟ الدكتور : لابس لازم نفتح ملف بحالتها ام سليم بتعجب : ملف !!! طيب شي طبيعي يكون لكل مريض ملف من المستشفئ ويكون مفتوح من اول يوم يدخل فيه واحنا سوينا اجرائاتها كامله الدكتور : ادري بس احنا بنسوي ملف ثانيه ام سليم : ليه ؟؟ الدكتور : لأن لازم تحقيق بخصوص حالتها ام سليم (ياربي اقول ولامااقول اقول ولامااقول): خلاص انا بتكلم بالنيابه عنها الدكتور : اسف لازم تصحينها عشان اخذ اقوالها لان بصراحه الي واضح من حالتها ان الي فيها اثار ضرب والتعليمات تقول بخصوص الحالات الي تجي وفيها ضرب او علامات تعذيب لازم نفتح ملف خاص بالحاله واذا طلبت نرفعها لشرطه راح نرفعها اذا فيه شكوئ مافيه بنقفل الملف ونرسله للاداره وبكذا اكون أبريت ذمتي ام سليم : طيب ,,, وهزت هدئ بهدوء وبحنان قالت لها : هدئ هدئ حبيبتي يلا قوم فتحت عيونها بقوه وغطت وجهها بيدينها وقالت : لاالله يخليك لاتضربني خذوني من البيت ماابي ارجع الدكتور (لاحول ولاقوه الابالله) ام سليم : بسم الله عليكي ياعمري بسم الله عليكي هدئ حبيبتي اهدي انا معك لاتخافين وضمتها بقوه وجلست تمسح علئ راسها .. : دكتور اسفه مااقدر اخليها تتكلم لأنها جدا تعبانه الدكتور : واضح جدا اوك بس في حالة هدوئها لازم اجي اخذ اقوالها ام سليم : يصير خير الدكتور : فمان الله وطلع من الغرفه .................................................. .................................................. ............................... جت عند جدتها وقالت : دده فين ماما ؟ ام محمد (حسبي الله ونعم الوكيل فيك ياسعد اعطيتك بنت مثل الجوهره جميله وصغيره وخلوقه وهاديه وعاقله علئ اسمها بس الله يسامحني لأني اجبرتها علئ انسان مو كفو) : تعبانه ياحبيبتي شوي وودوها المستشفئ ريتاج تناظر جدتها وعيونها مليانه دموع : يعني هي بتنام هناك وترجع هنا بعدين ام محمد : ايه ياحبيبتي بس بتنام وبترجع مثل اول واحسن كمان واذا تبينها ترجع بسرعه لازم تاكلين زين وتسمعين كلام جدتك ريتاج : خلاث باتل (خلاص باكل) ام محمد : بسم الله علئ بنتي الشطوره..... وشالتها وودتها المطبخ تسويلها وجبه خفيفه تاكلها .................................................. .................................................. ................................................. قام من النوم علئ صوت دق الباب المزعج وقال بصوت ثقيل : ميييين ثقيل الدم ذا محمد : افتح ولايكثر فتح الباب سعد لأنه ماسمع صوت محمد زين واول مافتح شاف محمد.. قال وهو يحك راسه : وش تبي !! محمد دفه ودخل : بالله هاذي طريقه تقابل فيها ضيوفك ؟؟ سعد : اخلص علينا وش عندك ؟؟ محمد : هدئ سعد : وش فيها اختك محمد : طلقها سعد :هي تبي الطلاق محمد : ايه تبي الطلاق ومايشرفها تعيش مع واحد حقير مثلك سعد : احترم نفسك لأنك فبيتي وثاني شي ماني مطلق والي ماتطوله بيدينك وصله برجولك محمد : والله .. يعني كذا الشغله طيب خذ بوكس علئ عينه وفقد الوعي سعد ........(بتقولون ليه سعد مادافع عن نفسه لأنه توه صحي من النوم ويحس بنعاس فضيع كان يسمع الكلام من محمد بشكل بطيئ وثقيل وبمجرد وصول البوكس علئ عينه انهارت قوه واغمئ عليه ) وطلع محمد راح ياخذ اغراض من السوبر ماركت ويوديها عند هدئ وام سليم .................................................. .................................................. ................................................. دخل زياد الشقه وشاف شي غرييييييييييب وعجييييييييييييب ومستحيل يصدقه يحس انه بحلم جميل قرب منها ومسك يدينها وهي كانت حالتها ماتوصف كانت مبتسمه والدموع تنهمر من عيونها وكانت تهز رأسها بالايجاب لأنها فهمت من نظرات زياد انه مصدوم من الي شافه زياد : حبيبتي وش جالس يصير لينه من بين دموعها : ربي كرمني يازياد ربي كرمني ورجعت اوقف علئ رجولي من اول وجديد زياد : يعني انا ماأحلم ؟؟ والي يصير حقيقه ؟؟؟ لينه : ايه حقيقه والله حقيقه والله حقيقه الحمدلله طلبت ربي اني ارجع امشي وماردني الحمدلله الله عوضني لأني صبرت زياد حضن لينه وجلس يدور فيها من شدة الفرحه نسي كلامها القاسي ونسي لحضة الزعل الي كانت بينهم مو مصدق الي يصير ... بعد فتره جلسها علئ السرير : حبيبتي يلا قوليلي بالتفصيل ايش صار؟؟ وكيف وقفتي علئ رجولك ؟؟ ومتئ صار هالكلام ؟؟ لينه : بعد ماطلعت انا جلست لحالي فتره طويله وكنت اذكر الله واحمده واستغفره بعد فتره توجهت انظاري لرجولي (اكرمكم الله )سبحان الله اول مره كنت اتأملها بهاذا الشكل وقلت الحمدلله وماتضجرت بعد اقل من دقيقه حسيت اصبع رجلي الكبير يتحرك ماصدقت حسيت اني اتخيل غمضت عيوني وفتحتها وحاولت احرك اصبعي وقدرت اني احركه وبفضل الله اولا واخير قدرت احرك الرجل كامل وبعدين قدرت احرك رجلي الثانيه وبعدين حاولت اني اوقف استندت علئ حواف السرير وقمت الحمدلله زياد : الحمدلله الحمدلله الحمدلله ... لينه لينه : عيونها زياد : تسلم عيونك حبيبتي تتذكرين لما كنتي شايله هم البيبي وتقولين كيف بربيه وكيف بشيله وانا ماامشي .. جاء يبي يكمل بس لاحظ قرب لينه من حضنه ومسكت بتيشيرته بقوه وجلست تبكي : الله يسامحني يازياد كنت راح أفرط بروح مالها ذنب زياد : حصل خير حبيبتي اهدي ولاتبكين انا ذكرتك عشان تعرفين ان الله قادر علئ كل شي مو قصدي انكد عليكي او اقلب مواجعك لينه : ادري يالغالي الله لايحرمني منك .. زياد زياد : هلا لينه : سا زياد : اشششش ولاكلمه الي فات مات خلاص خلينا بفرحتنا وننسئ الي فات كان ردها انها تحضنه اكثر من قبل دليل انها متمسكه فيه وندمانه علئ تسرعها وكلامها الغير موزون .................................................. .................................................. ............................................... بعد مااختاروا غرفة النوم وهي بقمة السعاده مسكها ابو بسام مع يدها وراحوا لسياره فتح لها الباب وهي وقفت تناظر فيه ابو بسام : ايش فيكي حبيبتي ؟ بيلسان : لاولاشي ابو بسام : طيب اركبي السياره بيلسان : طيب ركبت السياره وراحت هي وابو بسام لمول ..... ودخلوا المول وراحوا محل الفساتين بيلسان ماصدقت الي تشوفه المحل مليان فساتين اشكال والوان في الالوان الزاهيه وفي الداكنه كانت مره فرحانه لدرجة انها فكت يد ابو بسام وراحت تركض وتمسك الفساتين وتلمس الاقمشه مو مصدقه فرحانه حيل ابو بسام كان يناظر فيها وابتسم لأنه شاف حبيبته مبتسمه وفرحانه بيلسان وقفت تناظر ولفت انتباهها فستان حسته مريح كان من فوق ابيض بدون اكمام ومليان خرز لؤلؤي وله رقبه مزخرفه بنفس الخرز ومن عند الخصر في حزام اسود من الحرير ومن تحت قماش اسود طويل لنهاية الأقدام (اكرمكم الله ) ناظرت بالسعر لقيته ب1478ريال بيلسان (مره غالي وسعره مبالغ فيه صح حلو بس مايحتاج كل هالسعر ) ابو بسام : عجبك حبيبتي ؟ بيلسان : لالامافي شي عجبني هنا نشوف محل ثاني ابو بسام : تبيني ازعل منك ؟؟ بيلسان(تذكرت ممكن يرجعها بيت عمها ) : لالالالا مو زعلانه والفستان عاجبني حييييل ابو بسام : هههه ايوه عفيه عليها حبيبتي ونزله لها وحطه بالكيس ابو بسام : يلا اختاري غيره بيلسان : بس هاذا سعره عن اثنين خلاص يكفيني وبعدين مين بيشوفني مايحتاج اخذ واحد ثاني ابو بسام : انا بشوفك مايحق لي اشوف عروستي بأكثر من فستان بيلسان ماتدري ايش تقول: هااا أبروح اشوف باقي الفساتين وراحت بسرعه ابوبسام : ههههه طيب حبيبتي خذي راحتك وراحت قسم ثاني واختارت لها فستان احمر ناعم برضو وطويل وله حمالات علئ الخصر في قطعه مخمل باللون الاحمر الغامق ملفوفه حول منطقة الخصر وعلئ الصدر قطعة مخمل باللون الاحمر الغامق ملفوفه حول منطقة الصدر من تحت كان راااائع رغم بساطته ومن دون ماتعرف سعره قام ابو بسام ونزله لها بيلسان : لللححضه لحححضه باااقي ابو بسام : لو ناقشتيني المره الثالثه بسوي شي مايرضيكي بيلسان : اسفه ابو بسام : جاء دوري اختار لك اختار لها فستان قصير لونه اسود منقط بأبيض منفوش وتحت الصدر فيه حزام احمر كان بدون حمالات وفيه بروش علئ شكل نجمه باللون الاحمر كان مره هادي ابو بسام كان يناظر فيه ومتخيل بيلسان لابسته واختار لها فستان اسود اكمامه شفافه ومن عند الصدر الين الفخذ باللون الاسود الغامق وعلئ الصدر حزام كبير اطرافه ذهبيه وهو ابيض منقش بذهبي اخذوه واخذوا كم شوز (اكرمكم الله ) وبعدين راحوا (مكياجي) واشترئ ابو بسام من كل شي نوع مع انها كانت كثيره بس بيلسان ماقدرت تقول ولاكلمه لأنه هددها وهي خافت وبعد ماخلصوا من المكياج راحوا نكتار واخذ لها اشكال والوان من العطورات وبعدين راحوا محل ثاني واشترت بيلسان بجايم وتيشيرتات وبناطيل وشورتات وتنانير .. وكملوا مشوارهم وهم رايحين للعربيه للعود واخذوا منها انواع من البخور وتشكيلات حلوه جديده وخاصه بالعرسان وبعدين راحوا المكان الي بيلسان تمنت تنشق الارض وتبلعها ولاتدخل هالمكان كانت منحرجه حييييييل ابو بسام : راح تدخلينه بيلسان : لالالالالالالالالالالالا الله يخليك خلاص الي اخذتها ماشاء الله كثيره وتكفي ابو بسام : ادخلي وانتي اختاري بنفسك وخذي اشياء حلوه وعلئ فكره لو مااخذتي شي حلو انا برجعها بنفس اليوم وبختار لك بنفسي فهمتي بيلسان بتوتر قالت : علئ امرك وراحت( نعومي ) جتها الموظفه : اهلا وسهلا فيكي مدام اتفضلي كيف اقدر اخدمك ؟؟ بيلسان :هاااا الموظفه : تفضلي ارتاحي بيلسان جلست علئ الكرسي الموظفه : ايش حابه اخدمك فيه ؟؟ بيلسان :أأأنااا عروس الموظفه : الف مبروك حبيبتي في مجموعة كتلوجات للعرايس تحبي تشوفيه ؟ بيلسان : الله يبارك فيكي .. ايوه الموظفه طلعت لها الكتلوجات : عن اذنك دقايق بيلسان : خذي راحتك ... وجلست تتفرج علئ قمصان النوم وكانت قمه بالاحراج (ايش هاذا انا بلبس قدامه هالملابس لالالالالالا صعبه بروح له وبقول له مالقيت نفس مقاسي تركت الكتلوجات من يدها وطلعت من المحل شافت واحد فقير وجالس قدام المول علئ طول تذكرت عمها ودمعت عيونها : لالالالاماابغئ ارجع بيت عمي ورجعت ركض للمحل الموظفه : فين رحتي يامدام ؟ جبت لك كاتلوجات جديده بيلسان : اختي كانت تتصل فيني وقالت لي انها برئ رحت اشوفها وجيت الموظفه : اها طيب اتفضلي شوفي ... بيلسان كانت تتفرج واختارت بمساعدة الموظفه بيلسان : شكرا تعبتك معي الموظفه : لاعادي حبيبتي نورتي المحل ونتمنئ زيارتك لنا مره ثانيه بيلسان : تسلمين فمان الله وطلعت ولقيت ابو بسام جالس قريب من الاغراض بيلسان : خلاص اشتريت يلا نطلع ابو بسام : خلصتي كل اغراضك ياعروس ولاباقي لك شي بيلسان تنزل انظارها للأرض : لاخلاص خلصت ابو بسام نادئ ثلاث عمال يشيلون الاغراض ويودونها لسياره وهو كان ماسك يدها بحنان وكانوا الي بالمول يناظرون فيهم وابو بسام وبيلسان يسمعون التعليقات الي يقول ماشاء الله عليهم والي تقول ياحضها ياليتني بدالها والي تقول شكلهم توهم عرسان والي يقول هاذا التاجر المعروف شوفوه هو وزوجته .. كانت منحرجه جدا من التعليقات ونظرات الناس وبعد ماطلعوا من المول وركبوا السياره راحوا مطعم مرسئ الاحلام بيلسان : ليه وقفت هنا ؟ ابو بسام : ليه ممنوع اتعشئ مع زوجتي ؟؟ بيلسان : لابس ابو بسام جاه اتصال واضطروا انهم يجلسون بالسياره شوي لحد ماينتهي ابو بسام من مكالمته .................................................. .................................................. ................................................ : خلصتي يالفيله ؟؟ روان : بسم الله علي قول ماشاء الله بسام : هههههه ماشاء الله روان : ايوه خلصت يلا مشينا بسام : اوك بس خليكي جالسه هنا بروح ادفع الحساب واجي طيب روان : طيب وبعد خمس دقايق جاء بسام وقال لروان : يلا مشينا وركبوا السياره وجلسوا يسولفون بالطريق ومروا من عند مطعم مرسئ الاحلام وكان ابو بسام نازل وباين جزء من وجهه وكانت يده بيد بيلسان روان : بسااااااااااااااام ابوي ابوي بسام التفت وشاف ابوه وزوجته و السياره (يوووووووووووووووه لاتكون شافتهم ): هااااا شفتي شي اقصد وش فيكي روان : وقف وقف انا متأكده شفت ابوي ومعه بنت بسام (ياربيييييييي وش هالحظ): مستحيييييييييييييييييل وش جالسه تخربطين روان ترئ ابوي مو راعي هالسوالف اكيد واحد يشبهه تعوذي من الشيطان بس روان : يعني متأكد انه مو ابوي ؟؟ بسام : ايه متأكد خلاص ارتحتي ؟؟ روان : مدري يمكن بسام : بروح باسكن تبين شي ؟؟ روان : لا شبعانه بسام : مو بكيفك دقايق بروح اصرف وبجي ونزل بسرعه وراح لصرافه واتصل علئ جوال ابوه مرتين والثالثه رد ابو بسام : هلا بسام بسام : هلا يبه انت الي عند مرسئ الاحلام ابو بسام : ايه طلعت انا وبيلسان ناخذ شوية اغراض وتأخر الوقت قلنا نتعشئ في شي ؟؟ بسام : بالصدفه مرينا وشفناك انت وزوجتك وروان شافتك ابو بسام : ووش قلت لها بسام : قلت لها مستحيل يكون ابوي اكيد واحد يشبهه ابو بسام : زين يعطيك العافيه انت تأخر لاترجعها الشاليه الحين بسام : طيب فمان الله ابو بسام : فمان الله ابو بسام : يلا حبيبتي مضطر ارجعك البيت الحين وان شاء الله ارجعك هنا مره ثانيه بدون أي اعتراض وبهدوء وبساطه : قالت علئ امرك ابو بسام : الله يسعدك .. قال للجرسون يلم الاكل وبعد دقايق جاهم الاكل ملموم فصحون ومحطوط بكيس بطريقه منظمه ابو بسام :شكرا الجرسون : عفوا وراحوا للشاليه .................................................. .................................................. ................................................. بسام بعد ماكلم ابوه راح باسكن روبنز واخذ منه اثنين ايس كريمات وركب السياره بسام : خذي روان : شكرا بسام : عفوا ... ولف السياره وراح لأبحر الشمالي روان بتعجب : بسام مو من هنا طريق الشاليه ليه رايح بعيد في مع اليمين طريق اقرب بسام : ماتبين تتمشين ؟؟ روان : الا بس خلاص من زمان واحنا برئ البيت بسام : اوك برجعك بس لو أشوفك تطلبين امشيكي مره ثانيه ماتلومين غير نفسك ههههه روان : الا بتمشيني وبتمشيني وبتمشيني كيفي هههههه .................................................. .................................................. ................................................. راحوا مكه والمدينه وكانوا مستانسين وجيههم مملوئه بالنور والسعاده والرضا وبعد ماانتهوا من هالاماكن المقدسه الجميله ركبوا الطياره متجهين الئ النمسا .. كان وليد وأخوه يلعبون بالكمرات الي جابها لهم عمهم خالد من مكه وجوري تناظر مع النافذه ومستانسه وخالد حاط الجريده علئ وجهه ونام من شدة التعب .................................................. .................................................. ................................................ رجعوا الشاليه ونزلوا الخدمات اغراض بيلسان بالملحق وأبو بسام راح غرفته وبيلسان راحت غرفة الملابس جلست علئ السرير وجلست تتذكر يومها كانت مستانسه وتقول : ياربي متئ ألبس الملابس الي اشتريتها ومتئ احط من المكياج ومتئ اتعطر بذيك العطورات متحمممممسه وربي حييييييييييييييل ... الله لايحرمني منك ياابوبسام والله انه انسان حنون وطيب وخلوق وجميل ومو مقصر معي ابد قامت من علئ السرير وفتحت باب غرفتها وراحت لغرفة ابو بسام ودقت الباب دقتين ورئ بعض بهدوء ابو بسام : تفضل بيلسان فتحت الباب ودخلت ابو بسام : هلا حبيبتي فيكي شي؟؟ بمجرد أنه أنتهئ من طرح السؤال كانت الاجابه صدمه كبيره بالنسبه لأبو بسام .. تفاجاء بأن بيلسان ركضت تجاهه وضمته بقوه ونزلت دموع حزن من عيونها ابو بسام من بين صدمته قال لها : ليه يابيلسان الدموع بيلسان تتكلم من بين دموعها وسط شهقاتها : لأنك حققت لي كل الي اتمنااه ابو بسام : تستاهلين أكثر من كذا بيلسان : الله لايحرمني منك ابو بسام : ولايحرمني منك وطبع بوسه علئ راسها وقال : يلا حبيبتي روحي غرفتك نامي رفعت راسها من حضنه وناظرت فيه بنظرات فهم معنااها هو ابو بسام : يرضيكي عروس حلوه مثلك تبات بغرفه قديمه واثاث قديم ؟؟؟ هزت راسها بلا ابو بسام : وانا مايرضيني بعد بس ان شاء الله كلها كم يوم وتجي غرفتك الجديده واخذ بيلسان ووداها غرفتها وغطاها بالغطاء وطبع بوسه علئ راسها وقفل الباب وراح بيلسان تحس براحه عجيبه تتمناه مايروح اكتشفت بأبو بسام شخصيه جديده شخصيه حنونه وطيبه وتنحب بسرعه حمدت ربها علئ هالنعمه وغمضت عيونها ودخلت في سبااااااااااات عمييييق .................................................. .................................................. ............................................... أول مارجعت هي وبسام فتحت الباب ونزلت ركض ودخلت الشاليه وراحت غرفة الملابس وفتحت الباب شافت بيلسان نايمه تنفست براحه وقالت : ان بعض الظن اثم قفلت الباب وراحت غرفتها رمت العبايه ولبست لها بجامه بنطلونها طويل رمادي وعليه تيشيرت كت ابيض وفوقه جاكيت رمادي وتمددت علئ السرير ودخلت بنوم عميييييييييييييييييييق بسام راح غرفته وكل اماله ان اخته تكون نسيت انها شافت ابوهم ومع زوجته لأنها راح تنجن لو عرفت بهالموضوع ولبس ثوب نوم كحلي اطرافه بيض ونام فيه .................................................. .................................................. .............................................. من اول ماطلعت الشمس ام خالد كانت صاحيه راحت المطبخ وسوت لبنتها الاكلات الي تحبها سوت لها دونات وسوت لها بيتزا وورق عنب وملفوف وراحت البقاله وجابت لها شيبسات وشوكلت .. كانت تحضر كل شي والابتسامه ماليه وجهها .................................................. .................................................. ................................................. شافت ابتسام وهي تقول لها : والله ماتتهني فيه والله للآخذ روحك .. قامت وهي تصرخ وترتجف وقطرات من الرشح علئ جبينها وتتنفس بسرعه قامت حنان علئ صوت صرخة عهود وجتها ركض حنان : اهدي حبيبتي بسم الله عليكي .. كانت تهديها وتضمها لكن كانت فحاله يرثئ لها كل الي فبالها ابتسام بتذبحها حنان لما يئست من عهود راحت بسرعه ودخلت المطبخ لقيت ام خالد تغلف الاكل وتحطه بالسله ام خالد : اشبك حنان ؟؟ حنان : عهود مدري ايش فيها ام خالد بس سمعت هالكلمه طاح الصحن من يدها وراحت ركض عند عهود وفتحت الباب وشافت منظر بنتها الي يقطع القلب ضمتها وهي تبكي وتقول لها : ايش فيكي ياقلب امك ؟؟ أيش الي قلب حياتك فوق تحت ؟؟ ... والله كنتي انتي واختك مثل الزهور ماشاء الله مالين علي البيت بضحككم وصحتكم وعافيتكم ايش الي غيركم فجأه عهود كانت تضم امها وتبكي : يمه ابتسام ابتسام ام خالد : بسم الله عليكي حبيبتي مين ابتسام عهود : يمه بتذبحني بتذبحني ااااااااااااااااااااااه ااااااااااااااااااااه حنان (لاحول ولاقوه الابالله لايكون صار شي بعقل عهود الله يصبرك ياالغاليه ) ام خالد جلست تهدي بنتها وتمسي عليها وتشربها مويه وبعد طلعت روح نامت بجنب امها فجأه ينفتح الباب بقوه وبصراخ قالت : انتم وبعدين معكم ماتخلون الواحد ينام يعني عهود توها غمضت عيونها وتعتبر شبه نايمه من صراخ ندئ صحيت ورجعت تبكي وتضم امها ام خالد : ندئ حرام عليكي ليه كذا انتي ماتخافين ربك بنتي تعبااااااااااااااانه تعباااااااااااانه ارحميها انا ماصدقت علئ الله انها كانت بتنام تجين انتي وتصحينها بهالطريقه ليه ندئ : والله ياحبيبتي احنا مو فاتحينها سبيل بنتك تعبانه وديها المستشفئ عند اختها الله لايبلانا عيله مرضانه وطلعت من الغرفه ام خالد انجرحت حييييييييييل من كلام ندئ ليه تكلمها بهالنبره ليه تتكلم عن المرض وهاذا شي بيد الله مو بيد احد ام خالد ماقدرت تستحمل كلام اختها الي مثل السم صح ان هاذا بيت ابوها بس معد قدرت تتحمل كلام اختها اخذت بنتها ولبستها عبايتها ولبست عابيتها حنان : الله يخليكي لاتروحين تكفين لاتروحين ماعليكي بندئ ندئ مجنونه لاتروحين ام خالد : حنان انتي علئ عيني وراسي وبيتي مفتوح لك 24 ساعه بس سامحيني مااقدر اجلس بهالبيت واخذت عهود واتصلت علئ ابو خالد وبعد فتره جاء واخذها هي وعهود وحنان راحت بسرعه عند ندئ دقت الباب اكثر من مره ندئ من ورئ الباب : وكسر حنان : يكسر راسك ياقليلة الحياء انتي وش تبين بالضبط وش تبيييييييييييييييييييين في وحده تعامل اختها بهاذي المعامله؟؟؟ أقلها لاتشمتي علئ المرض لأن المرض من الله ندئ : ممكن تذلفين عن وجهي حنان : المره الاولئ الله اخذ منك المشغل ومدري وش بيروح منك المره الثانيه ندئ :بسم الله كلامها يغث حنان :حسبي الله ونعم الوكيل .. راحت حنان لأنها حيييييل متضايقه من ندئ وتصرفاتها الغبيه .................................................. .................................................. ................................................. ندئ اخذت جوالها واتصلت بنادر نادر : يافتاح ياعليم يارزاق ياكريم وش تبين انتي ؟؟ ندئ : انا وش ابي يالي ماتستحي علئ دمك نادر : والله خليت الحياء لك طار عمرك أأقصد طال عمرك ندئ : الله ياخذك ان شاء الله نادر : امين .. المهم اخلصي وش تبين ندئ : ابي الشغل ترئ مااتصلت لسواد عيونك نادر : اهاااااااااااا طيب يالخدامه متئ تبين اجيكي ندئ ودمعتها علئ خدها : لوسمحت احترمني عندي اسم نادر : انا ماغلطت فيكي انتي كنتي تقولين لي سواق وماازعل والحين انا بقولك يالخدامه ولاتزعلين ندئ (اااه يالقهر ): متئ يبوني اجيهم ؟؟ نادر : الحين تعالي ندئ : بس الحين مره الوقت بدري نادر : تراكي خدامه مو مديره عشان تتشرطين هم قالولك الحين معناته الحين ويلا البسي دقايق واكون عندك ندئ بقهر : طيب نادر : سلام وقفل .................................................. .................................................. ................................................. عندها هي كانت فكره توديها وفكره تجيبها (يعني معقوله هال.... يسوي الي قاله ويقول لهاني عالي كان بيني وبينه لالالالالالالالا مستحيل يسويها جلست شوي الا تتذكر اخر مكالمه له لما قال لها اسوي المستحيل عشان بس تكونين لي ومااخليكي لغير ومحد ياخذك الا انا ياربي ياربي ياربي ابعده عني واشغله بنفسه والله عفته والله كرهته يارب زوجني بندر بأقرب وقت ) .................................................. .................................................. ................................................. بعد مالعب معها بدفاتر الرسم والتلوين راح المطبخ لقي عبد الرحيم بالمطبخ جالس يقطع اللحم ويتبله والطماطم والليمون يقطعها لشرائح بندر : الله الله وش هالألوان الي ترد الروح عبد الرحيم : لسئ ماشفت شي بندر : بشويش علينا يالشيف ههههههه عبد الرحيم : اجل خذ اللحم وحطه بأسياخ وروح اشويه يالشيف هههههه بندر : امزح امزح امزح خلاص انت اشوي عبد الرحيم : طيب بس انت شب الفحم وزين الميفا بندر : ابشر ولايهمك عبد الرحيم : الله يبشرك بالجنه يالغالي بندر : امين وراح بندر يسوي الي قاله عبد الرحيم وبعد ماجهزوا الاغراض بندر راح يسبح هو وسمر وعبد الرحيم جالس يشوي .................................................. .................................................. ................................................. كانوا جالسين يتفرجون علئ التلفزيون واحد مركز واحد افكاره رايحه لبعيييييييد سالم (اقوله ولامااقوله أقوله ولامااقوله لالالامايصير اقوله بيزعل مني واخاف يذبحها مدري ايش فيني احس اني انهبلت .. بتنهبل فعلا لو تزوجت غيرك انا بسوي المستحيل بس اهم شي تكون لي انا وبس) : هاني أختك هاني ناظر فيه بقوه ومسكه مع ياقته وقال من بين اسنانه : وش فيها اختي وش تبي تقول عنها سالم وهو مخنوق /فكني مافيها شي بس ابي اسأل وافقت ولالا؟؟ هاني فك سالم : اسف ياسالم لسئ ماكلمت اهلي سالم : حصل خير وليه هاني : ضروف اهلي للحين مو تمام سالم (حرام عليك ياهاني شكلك بتجلس تأجل الموضوع الين يطيح الفاس بالراس وياخذها احد غيري ) : لا كلمهم الحين هاني : سالم وش معجلك اهلي لحد الحين مارجعوا الخبر واختي لحد الحين ماطلعت من المستشفئ سالم : قلت لك خطبه او اقلها فاتحهم بس عشان يكون عندهم خلفيه هاني : ان شاء الله .................................................. .................................................. ................................................. مر عليها واتصل فيها وقال لها تنزل لأنه تحت عند الباب يتنظرها بعد تقريبا 5 دقايق نزلت وركبت معه بالسياره وراحوا طبعا كان الصمت سيد الموقف بعد تقريبا ساعتين وصلوا حي كلمة راقي قليله عليه البيوت اشكال والوان لالالا مو بيوت الاقصور كلمة رائعه قليله عليها وكل قصر احلا من القصر الثاني وقف نادر عند قصر رائع رائع رائع للغاااايه شكله مثل شكل قصر علاء الدين له قباب ضخمه لونها ذهبي والبيت من برئ لونه اخضر غااااااااامق واطراف السور بذهبي والباب اسود عليه نقش ذهبي انفتحت البوابه ودخلوا بالسياره كانت تشوف مسبح كبير وعلئ الجانب الثاني العاب خشبيه مصممه بشكل رائع وفي جزء مزروع والزرع يجنن ومقصوص بطريقه جميله وعلئ الجانب في ورود حمر طالعه بشكل جمييل وفي جلسه ترد الروح كانت عباره عن مظله كبيييييييره لونها رمادي وتحتها طاوله بنفس اللون والكراسي كذلك كانت تبتسم هي من يوم يومها تحب هالعيشه والحين ماصدقت علئ الله كانت ماشيه طول وتبي تدخل البيت لك وقفت لما قال لها نادر: لحضه لحضه علئ وين ؟؟ ندئ : بدخل عندهم وأسألهم عن طبيعة شغلي نادر : اسلوب الأحترام والذوق مو نافع لك وبعدين تعالي ندئ : الله يصبرني عليك بس وراحت معه بمكان زي المستودع الي يحطون فيه الاغراض القديمه ندئ بخوف :لللليه جايبني هنا ؟؟ نادر : لاتخافين مني سافل لهدرجه انتظريني هنا شوي وراجع ولو تحركتي خطوه وحده بتنحرمين من شغلك ندئ : طيب وبعد فتره جاها نادر ومعه كيس رماه عليها ندئ : ايش هاذا ؟؟ نادر : ملابسك الجديده ندئ فكت الكيس وتناظر فيه لقيت جلابيه قديييييم طرازها ومعها شيله (طرحه او حجاب) :ايييييييييييييش ذا هذا اللبس من زمان جدتي قدييييييييييييم حييييييييييييييل وشكله مقرف ويسد النفس ويلوع الكبد كيف تبغاني البسه كييييييف ؟؟؟ نادر : اول شي اللبس نضيف ومغسول وريحته ترد الروح واهم شي انه نضيف ماعليكي من شكله ندئ : لالالالا الله يخليك يانادر الله يخليك ماابي هاللبس ماابيه انا جلابيات جديده وبتصاميم مختلفه ماالبس فمابالك اني البس مثل هاذي قديمه وحالتها حاله اتوقع لها 50 سنه محد لبسها نادر: هاذا طلب صاحب البيت وفوق هاللبس تتنقبين وقدام الولد مسموح لك تشيلين النقاب لأنه طفل صغير وانا الحين بخليكي تلبسين وتتجهزين ولو انتي حاطه مكياج امسحيه عن اذنك .................................................. .................................................. ................................................ انتهئ البارت اتمنئ يكون نال علئ اعجابكم لاتحرموني توقعاتكم وردودكم ربي يسعدكم لااله الا انت سبحان اني كنت من الظالمين^_^ | ||||
|
| |
 |
| الكلمات الدلالية (Tags) |
| للكاتبة, أشكي, بسمة, تعبت, همسها |
| أدوات الموضوع | |
| انواع عرض الموضوع | |
|
|
1Likes
العرض العادي
