بجنون أحبك / للكاتبة ساندرا، مكتملة

[لامارا]

فواز بقهر : طيب طيب ، الي يجلس معكم غلطان ، انام افضل لاتفوتني صلاة العيد ..

وقام وام فواز تناديه وهي تضحك ..


سكر الباب بقوته وهو مقهور : وين وعدك هــا ، انا الغلطان الي اصدقك ..

وفتح جواله وارسل ملاحظة صوتيه وارسلها / السلام عليكم ، هلا بالهانم ، عجبتك الجلسه عند اسرتك ، ع العموم اجلسي متى ماتحبين ، فمان الله ..

وحذف الجوال بالسرير ..

رمى نفسه بالسرير ، وهو يفكر انه اول عيد له معها ، وهي بعيدة عنه ، سمع رنين جواله وطار له "حب حياتي" تبسم ورفع الاتصال ..

لين باندفاع:هلا حبيبي ..

فواز تبسم بحب والتزم الصمت ..

لين : حبيبي بعدك زعنان ، فديت الحلو الصغير ، يازينه(صارت تكلمه كنه رضيع ، مثلما الفتاة عندما ترى صغيرا فتختلق لغة جديدة غير مفهومه ههههه)

فواز ماقدر يكتم ضحكته وطلع صوت صغير وكتمه: ههههه ..

لين بحماس: حبيبي انتا تضحك ، ياجعلها دوم مو يوم ، فديتك تكلم ليه زعلان مني ؟

فواز بجفاء: انتي ادرا ..

لين انبسطت انه رد: حبيبي غصبن عني ، وانا قلت اليوم بجي وافطر معكم بس اختي لزمت اني اجلس معها غصب ..

فواز بقهر: ومن الاهم انا ولا اختك ..؟

لين: اثنينكم ..

فواز بغيره: لا ، يا انا يا هي ..

لين: ........

فواز بغيض: على العموم ، انا بنام وراي صلاة بكره ..

لين باندفاع: فواز لحظة ...

فواز قاطعها: معلش تعبان بروح انام ، يلا مع السلامة ..

وسكر السماعة ..

تنهدت بصمت ، دخلت عليها والتفت لها لين: انتي هنا؟

هدى: اسفه مو قصدي اتسمع ، لين ( وسكتت شوي وجلست جنبها) ادري اني انانية لما قلت لك تجلسين معي العشر الاواخر كاملة وللعيد بعد ، بس انا كنت اريد فرصة ..

لين عدلت جلستها وبعدم استيعاب: مافهمتك اي فرصة ..

هدى نزلت عينها لتحت: انتي ملكتي قبلي وطولتي ع بال ماتزوجتي وبهالوقت كنت انا ملكت وتزوجت سريع عكسك الي جلستي كثير ،
كنت اكرهك واشوف انك عدوتي ، رفعت سعد وشوهت الصورة قلت هو كل شي وبيعوضني عنكم كلكم ،
عن الاخت والام والاخ والاب ، بس ماتصورت انه يجمع كل شي اقوله عنكم بضدي يوم من الايام ، وصار يعايرني فيكم ..
(وبقهر ) صدق ان الرجال ماينقال لهم كل شي ، انتبهي يا لين تسوين غلطتي مع سعد ..

لين قامت وهي تناظر الحيط ، كانت معطتها ظهرها: يا هدى انا كنت دايم انصحك بهالشي ، وكنت خايفه انك توصلين لهالمستوى ،
وانا حتى لو بخاطري بيك شي ، مكنت اقول له عنكم الا كل طيب وخير وامدحكم وامدحه عندكم (والتفت لها)
الناس يا هدو ان كنتي على خطأ بيوم من الايام ودرو عن غلطتك ماينسونها ابد وبيجي يوم ويذكرونك فيها ..

هدى: ..........

لين كملت: عشان كذا انا حتى لو تضايقت منك او من اي احد فيكم او منه هو ،
احرص ان لا احد منكم يعرف بهالشي ، اللهم كلام طفيف عن تغلي او شي يماثله اما اموري الخاصة ما اوصلها لا لكم ولا له ..

هدى قامت واقتربت منها: اي بالله انك صادقة ، ياليتني انصت لك قبل لا طيح ..

لين حطت يدها على كتف اختها: اذا وقعت يا فصيح فلا تصيح ، والحمدلله وانتي ماتدرين يمكن يندم ويرجعك لبيتك ..

هدى بانكسار: يرجعني ؟ هو ماطردتي عشان يرجعني انا خلص النفس عافته ، كرهت نفسي وعيشتي معه ،
تعبت من التنازل وغيره ، انا ببيت ابوي معززه ومكرمه ولاني بحاجة احد باذن الله ..

لين محبت تناقش اختها بهالوقت ، لان السالفة والجرح بعدها جديدة ، واكتفت انها تبتسم لها ..
وحبت تغير السالفة: ايش رسيتي على لبسه لاول يوم ؟



لبس ثوبه الابيض وشماغه الاحمر وكحل عينه ، وهو يتحسس ذقنه الي نعمه برسمه جديدة ، تسبح بعطره الي به من العود ، والمسواك بجيبه ..
راح مع عياله لصلاة العيد ..
قرأ من كتاب ربه وخلص جزء وصادف جيرانه وصافحوه وبالتهاني واروع الكلام ..

وصل لبيته ، وسلم على اميمته الي كانت با اروع طله وريحه البخور والعود ، طلب من عمر واخواته يسلمون على امهم ..

ام رعد بحماس: اجل بتروح تسلم على حبيبه القلب ..

فواز: بروح مع الغالية ، وش رايك ؟

ام فواز: اي يايمه ..

ام رعد: يا سلام ، وانا ؟

فواز بضحكه: يلا قومو البسو ..

ام رعد قامت متحمسه ، فواز قرب من امه وباس راسها ويدها وبحب: كل عام وانتي بقلبي يا الغالية ..

ام فواز ببتسامه عريضه: ياجعلك بالجنة يا يمه ، وانت كل عام وانت بروحي يالغالي ..

فواز شال امه ولبسها عبايتها بنفسه وحطها بالسيارة قدام ..

وسرعان ماصعدت نورة ، وتوجهوا لبيت ابو بكر ..

بالمجلس الترحيب والتبيرك بالمجلسين ..

ام هدى: ياهلا والله بام فواز وام رعد نورتو البيت ..

ام فواز: هلابيك مليون يالغالية (ناظرت هدى) الحمدلله على سلامتك يابنتي ،
عاد السموحة ماجيت ابارك بشوفتها الا مبطي بسبب الاجواء الرمضانية والتقضيه للعيد وزحمه ، فا قلت لزوم نسوي حفلة على شفائها ..

هدى ببتسامه: الله يسلمك ..

ام هدى باندفاع: مابه لزوم يالغالية ، شوفتك تكفي وتوفي الله يجزاك خير ..

ام فواز بااصرار: ماقلت اخبرك عشان توافقي او تعترضي ، بكره الحفلة تنورونا بدارنا والله ..

ام هدى فهمت انها ببيتهم وبابتسامه: النور نورك يا ام فواز ..

ام هدى ناظرت ببنتها: قومي يايمه نادي اختك ، طولت ..

هدى قامت ..

ام بكر مدت القهوة والحلا لام فواز ..

وصعدت فوق بسرعة ..



هدى: بسرعة جات ام حبيب القلب ..

لين وهي تلبس ساعتها الذهبية ، ارتبكت وباندفاع: جد ؟

هدى بضحكه: اقول اخلصي الي يشوفك يقول انك مو ماخذه ولدها وكنها جايه تخطبك ههههههه .

لين بخجل: ههههه ياشينك ، تدرين يعني ، اني خجوله ..

هدى: هههههههه طيري ياشيخه ..

لين لبست كعبها الذهبي وراحت لصالة ..

ام رعد: ماشاء الله ..

وبعد السلام والتحية ..

مسكتها ام رعد: اقول هالزين لمين ؟

لين: مو انا زينه كل يوم جات على احين ؟

ام رعد: اخص يا واثق ، تعرفين قصدي زين (وغمزت لها) ..

لين بخجل: اف منك ، لزوم تحرجيني ..

ام رعد: هههههه ، سويتي هدفك وهو ميت على شوفتك ..

الا برنه جوالها ..
لين: هلا حبيبي ..

بكر يناظر فواز: هلا بحبيبتي وقلبي ليون ..

فواز فز قلبه لما طراها ..

بكر: وحشتيني يانور العين ، اي تعالي بالمجلس ، ابوي من شوي طلع مع مشاري يسلمون على جارنا ابو فهدان ، اي تعالي فديتك وحشتيني ..

لين بضحكه: ترى اسلوبك واضح لزوم تلمز يعني ههههه ..

بكر: هههههه اي ذكيه علي حبيبتي , يلا انتظرك ..

فواز بغيض: زودتها ها ..

بكر سكر السماعة وحطه بجيبه: اقول قم عشان اضبطك ، وكلامك ذا بتسحبه ..

فواز: وش؟


يتبــــع |

[لامارا]

شيكت على نفسها بالمرايه وزادت من عطرها ، دخلت المجلس وعينها تفحص المكان تفاجئت ما شافت الا بكر ..

بكر قام وسلم عليها: كل عام وانتي بخير ..

لين بابتسامه: وانت بخير وبصحة وسلامة يا تاج راسي ..

بكر جلسها جنبها: شياكه على الاخر ، كل ذه عشان البومه فوازوه ..

لين بضحكه: بكر وجع لاتقول عنه كذا ..

بكر: بالله مو كانه بومه؟

لين بقهر: ان كان بومه فهو احلا بومه ..

بكر ولين: ههههههههههه ..

فواز الي كان ورى الباب يسمع وانقهر ..

بكر: عمتيها ياختي ..

لين: ههههههه ا..

طلع من ورى الباب فواز قاطعها: انا بومه ..!!

بكر فطس ضحك على صدمة فواز: ههههههههههههههههههههه ..

لين جمدت مكانها حتى انها ملتفتت له:....

بكر قام: اخليكم يابومات الحب هههههههه ..

وطلع من المجلس ، فواز سكر الباب وبقهر: بومه اجل هـــاا ..

لين وقفت ودارت له ، وقف متنح من جمالها ..
كانت لابسه فستان بموديل مغربي احمر بفتح الصدر مثلثه وعليها تطريزات ناعمة ذهبي بدون اكمام ويكمل الاكمام قماش خفيف بلون الجلد
مطرز من اخره بلون الاحمر ومن تحت الصدر حزام ذهبي عريض لامع ، ومن الصدر المثلث تطريزه طويلة لاخر الفستان ، كعادة التصاميم المغربية الجميلة ..
ويزيد جماله جيب بالجهتين من الخصر بحركة رائعه وصندل عالي ذهبي ، وشعرها بف حر ، ومكياج جذاب بالجفن المتحرك ابيض بلمعه بسيطة وعند عظمه العين لون بني ترابي خفيف ..
تحت العين غلاترز ذهبي ، وجواء العين كحل ذهبي خفيف ، كثفت الماسكارا السودا ، وروج عودي ثابت وحبه خال قريب مابين شفتها وخدها ..
صار يتفحصها بنظره ونسى الي قالته ، محس بنفسه الا ورجله تقوده لها ..

لين رفعت عينها له وهي تشوف زينه واناقته ( هو زاد جماله ، ولا من حبي له زاد جمالا بعيني ، يالبا عينه الكحيل) وبخجل نزلت عينها تحت ..

فواز صار قريب منها حيل ، نزل مستواه لمستواها وبطرف صبعه رفع وجها وصار يتامل شكلها قرب منها زود ، لين غمضت عينها بشويش ، جاء بيبوسها بس وقف وهو يشوف انفاسها الي زاد وعكس اتجاهه وباس جبينها وبهمس: كل عام وانتي بخير ..

لين ادركت وفتحت عينها وبنفس همسه: وانت بخير ..

فواز جلس ، وصبت له القهوة ..

جلست جنبه وفتحت الحلاوة : هالحلاوة مرة احبها وطعمها خيال ، ذوقها ..

فواز ناظرها وفتح فمه ، ودخلت الحلاوة ..

لين حبت تكسر الروتين ، وهي تناظره وهو ثقيل عليها ولا يتكلم بس ساكته ومسك يده وبهمس: وحشتني ..

فواز:.............

لين: فواز انت زعلان مني ؟

فواز قام: جهزي اغراضك , ولبسي عباتك بنروح للبيت ..

لين:.....

وقام وطلع من المجلس ، صعد مع امه واخته نورة بالسيارة وشاف رجال طويل واسمر البشرة ينزل من السيارة ودخل للبيت ..

ام رعد: من ذه ؟

ام فواز: تلقينه من طرف ابو بكر ، او ربعه ..

فواز بتفكير(كني شفته هالرجال ، بس وين ؟ )

وبعد دقيقتين ، جات لين وصعدت جنب ام رعد ..

وكان الصمت سيد الموقف ..

وسرعان ماوصلو ..

فواز نزل اميمته وجلس جنبها بالصالة ..

لين حست كنها غريبة ، وفواز صاد عنها الا بلمسه يدها ..

وعد: وحشتيني يالغالية ..

لين ببتسامه: وانا اكثر ..

وعد سحبت يدها وبحماس: عندي لك مفاجئة حلوة ، تعالي معي ..

توجهت معها للحديقة وكانت ريفان جالسة ببتسامتها الهادئه ، كنت بروح الا بصوتها: لحظة لاتروحين ..

لين وقفت: .......

ريفان قامت ومسكت يد بيسان ومشت لها وبابتسامه مليئة بالخبث: اريدك تسامحيني على كل شي لين ، سامحيني انا باقي اسبوع واتزوج ولا اريد اطلع من البيت وانا مزعله احد ..

لين التفت لها مو مصدقة الي سمعته من ريفان ..

ريفان بتاثر: ادري اني غلطت عليك ، كلنا غلطانا(وصارت تناظر بخواتها) ضربناك واتعبناك ، بس هالمرة بجد مريد الا الصلح وتكون علاقتنا اكثر من اخوات ..

لين رحبت بريفان واحتضنو بعض ، وسط تاثر بيسان ووعد ..

ريفان الي كان تفكيرها بعيد عنهم وهي تحس ان الطريق للين سهل بالحيل ، ابتسمت بمكر ..

جلست معهم ..

ريفان: عمتي بتجلس عندنا ..

لين كانت مفاجئه لها ، وهالشي وضح بمحياها ..

ريفان : توقعت ان ابوي بيبلغك ..

لين : بلغني او لا ، هذا بيتها وحياها الله باي وقت ..

ريفان(بشويش بخرب كل شي بينك وبين ابوي ، هين ياست لين) ..

توجهوا داخل ، لين لغرفتها اتصلت بميثاء وام عبدالاله تعايد عليهن ، الا بدخله فواز ..

لين: وعليكم السلام ورحمة الله وبركاته ..

فواز بنفس صمته: .......

لين اقتربت منه وضمته من ورى وبهمس: وحشتني فوفو ، وانا ببيت اسرتي ماغبت عن بالي لحظة ،
وادري انك زعلان ، بس سيبني اراضيك بنفسي وعلى طريقتي الخاصة ..

فواز داخ من قربها وعطرها الي تغلغل بخشمه ، التفت لها وهو يناظر زينها وجمالها الساحر ..

لين باست عيونه: عيونك جميلة حبيبي ، احبها ..
(وباست خده) عجبني تنعيمك والرسمه مرة رهيبة(وناظرت عينه) فواز انا احبك ..

فواز حوطها من خصرها وبهمس: ليه اجل طولتي ولا عاد رجعتي ، حرمتيني منك بالعشر الاواخر كان نفسي نقيم الليل سوا ونستغفر سوا ..

لين باست خشمه وبنفس همسه:كل شي نويت اسويه معك فواز ، بس مقدرت ارفض لاختي هالطلب ..

فواز بغيره: لين رايي انا اهم ، وكلمتي هي الي تمشي عليك ..

لين بدلع وهي تلعب با ازرار ثوبه: حبيبي هادي اختي..

فواز داخ عليها وباس جبينها : حتى ولو ..

لين قربت منه وغمضو عينهم الا . .

طق ، طق ، طق ..

فواز بطل عينه بقهر: ميـــــــــــن ؟

ريفان: جدتي تقول تعالو اجلسو معنا ..

فواز بنفس قهره: قولي بعد ساعة بيجي ..

ريفان با اصرار: يبه بعدين تزعل جدتي ..

وولا سمعت صوت انقهرت وراحت تكلم ايمن وتسرد له نجاح الخطة الاولى ..
وعلى الساعة 1 الظهر ..

قامت من السرير واخذت دوش لكامل جسمها ، ونشفت جسمها ودهنته باللوشن بخلاصة الورد ، لبست بجامة حمراء بدي ابيض بنصف كم وله قبعة من ورى ، وسروال علاء الدين مشدود من تحت بلون الاحمر الدمي ..

استشورت شعرها وعملته ذيل حصان وورخت غرتها وحلق لولو ابيض ..

وتسبحت بالعطر ولبست فلات ابيض ..

ورسمت حاجبها وكثفت الماسكارا وحبه خال وغلوس وردي خفيف بدون كريم اساس ، لانها بيضاء وبشرتها صافية ..
توجهت لسرير ونزلت لمستواه وبهمس: فوفو ، فواز حبيبي ..

فواز بهمس: همم ..

لين باست خده: قوم فديتك ..

فواز شم ريحه عطرها ولطل عينه بشويش: حبيبي وش هالزين ..

لين جلست جنبه: عيارتك ، ماتزينت حيل قوم يلا ..

فواز مسك يدها: ماشبعت منك ..

لين قامت: مو كفاية توخرنا على اميمتك ، قلنا ساعة وصارت ساعات ..

فواز ببتسامه: وش السوات واحشتني ، لسى بدري خلك , ورانا سوالف ..

لين قامت وتوجهت لدولاب تطلع له بجامة: قوم بلا كسل ..

فواز قام من السرير واخذ دوش سريع ، ورجع وشاف المكيف مطفي والسرير مرتب وريحه المكان عطره ويشوفها وهي تمسح الزوايا
ابتسم بلا شعور وضمها من ورى وبهمس: حياتي ما تلاحظي ان هاللون يبرزك ، ايش رايك تغيرين البجامة ؟

لين التفت له: فضفاضه واكبر من مقاسي ، مو ماسكه عليا يعني ..

فواز بهمس: اغار عليك والله ..

لين ببتسامه: حبيبي تراهم بحسبه اخواني ..

فواز شد عليها اكثر وبصوت قريب من الهمس:اغار عليك حتى من نفسي ، ااه يا لين ..

لين ارتبكت من قربه ونبره صوته وابتعدت عنه وتوجهت للباب سريع: ننتظرك ..

وطلع وتركت فواز يضحك على خجلها وتوترها ..


ام فواز ببتسامه: هلا بحبيبه قلبي ..

لين باست راسها: السموحة على التأخير ، بس فواز بغاني بكلمة راس ..

ام رعد بخبث: كلمة راس وبعدها شي ثاني ها ..؟

لين انقلب وجها احمر وباحراج: كان يوصيني عليك ..

ام رعد كتمت ضحكتها: اي صدقتك ، على اساس من الساعة 9 للحين يوصيك فيني ؟

ام فواز وام رعد: هههههههههههه ..

ريفان انقهرت لما شافت لين بطله جديدة وعرفت ان صار شي بينهم وباندفاع: الا وين ابوي ..

جات بترد الا بصوت فواز: معلش اسف على التاخير يمه ..

وباس راسها ..

ام فواز بعدم استيعاب: علامكم تتاسفون مني ؟

فواز: مو انتي قلتي انك تبغيني ؟

ريفان حست بالخطر وبصوت مسموع: اوه يبه ، صاير انيق مع ليونتي ..

كان لابس بجامه رماديه بنصف كم مشدود ع زنده وشعره مرجعه لورى واقترب منها وحوط لين من كتفها وحط رجل ع رجل: ذوق حبيبتي ..

ام رعد تناظر ام فواز بخبث ويضحكون ..

ريفان انقهرت ..
ام رعد بضحكه: رحمت البنت حرام عليك ، شوفها كيف منكسفه ..

ام فواز: اركد ياولدي ، شوف وجها ..



يتبــــع |

[لامارا]

ام فواز: اركد ياولدي ، شوف وجها ..

فواز شد عليها زود لما لصق كتفها بصدره وبحب: ايش اسوي يمه احبها ..

ام فواز: ماقلنا شي بس خف عليها يايمه ..

فواز بهمس: البعد يولد الاشتياق ، صح لين حبيبي؟

لين بخجل قامت وطلع من الصالة والكل عدا ريفان: ههههههههههههههه ..

فواز قام: انا عطشان ..

ام رعد : بصب لك ..

فواز باندفاع: لا لا اريد بارد مرة ، بروح اجيب لي لاتتعبي نفسك بقوم اخدم نفسي ..

ام رعد ترفع حاجبها بخبث: اي روح للماي وللكرز الي بالمطبخ ..

فواز ضحك لانها فهمته وقام للمطبخ وشافها تفتح الثلاجة وتغسل التفاح وتاكل قضمه منه ، سحب التفاحة واكل من جهتها ..

لين ناظرته: ياشرير ..

فواز يحرك حاجبه ..

لين بقهر: هــفف ..

فواز مسك يدها وسحبها لعنده وبهمس: وحشتيني ..

لين بخجل: فواز مزودها اليوم ، وخر عندي قبل لاتجي نانسي ..

فواز: ايش علي منها ..

ريفان الي لحقت ابيها بعد دقيقتين جات بتدخل المطبخ الا شافتهم قراب من بعص ويتباوسون وانقهرت زود ورجعت لورى وبصوت مسموع: يبه ، يبه وينك ..

لين بعدت منه بسرعة ، ودخلت ريفان ببتسامه تخفي قهرها: هذا انت ..

فواز بقهر وبهمس: خير ياهادمه اللذات ..

ريفان: ماسمعت ..

لين كتمت ضحكتها وطلعت من المطبخ ، صادفت يزيد وباندفاع: يزيد ..

يزيد وقف وبدون مايستدير: نعم ..

لين اقتربت منه: متغير انت واخيك ، مالكن حس ابد بالبيت كلا برا ، رجعتوا لتفح....

يزيد قاطعها بشراسه: اتمنى ماتدخلين لا فيني ولا في رائد ..

لين: ولراحت ارواح الناس ، برظو مالي دخل ؟ مو كل شي بيروح فوق راس ابوك ..

يزيد التفت لها: انا مدري من وين جايبه هالتشاؤم ، لك خلي عندك تفاؤل شوي ، وبعدين فحطنا او لا مالك شغل ، ومتى ما وقع الحادث تقدرين تتكلمين ..

لين: لهدرجة واثق ..؟

يزيد بثقه كبيرة: لان احنا نختار مكان ويوم معين مو اي يوم نروح له ..

لين مافهمته: ياسلام ، وان احد مر لاسمح الله وطيرتوه ، ماتفكرون ؟

يزيد بستخفاف: اسمعي يا انتي ، لكان عندك عيال واشك ان بيكون عندك ، تقدرين تتكلمين وتتشرطين على كيفك ، وخلك بعيدة ابرك لك من السالفة ذي لاتشوفي شي مايسرك ..

لين انصدمت من طريقته بالكلام وتركها منذهله ، وريفان الي سمعت الحديث بينها وبين اخوها ابتسمت وهي تحس انها بتسيب الكل يعاديها مو بس ابوها !!

جلست مع ام فواز ونورة يلعبون ورق ..

وبيسان تصب لهم قهوة وشاي ..

نورة الي كانت تلعبها صح وبحماس: فزت ..

لين بقهر: غش ..

ام فواز: اي تغش اصلا ، وبعدين انا امك فوزيني ..

الكل: ههههههههه ..

بيسان بضحكه: نلعب جماعات افضل ..

منى تساعد امها ، فواز يساعد لين ، وعد تساعد الجده ..

ام فواز بحماس: تعالي ساعديني ..

وعد نزلت عندها ، فواز اقترب من لين وحط يده بيدها الي فيها الاوراق ومد يده الثانية يختار وهي وسطه توترت من قربه وهمسه لها..

لين با ارتباك: طب بعد ..

فواز يخفي بتسامته: انا جاي عشان اساعدك ..

لين بنفس ارتباكها: ماقلنا شي ، بس بعد مو كذا ، بتسيب الكل يلاحظ ..

فواز قرب منها اكثر وصار يحط الاوراق عنها وهي ضايعه ، وبالاخير فازت ام فواز ..

وبفرحه: كفو يا وعد ، علمتيهم من انا ..

نورة بقهر: منو وطير تعلميني على الغلط ، شوفي كيف خسرت من بعد كنت الاولى ، مانريد جماعات لحالنا افضل ..

لين باندفاع: اي عشان نفكر صح ..

فواز بهمس: احبك ..

لين توترت وبصوت مسموع: خلص نلعب انفراد افضل ..

نورة بتائيد: صح ..

ام فواز: لا كذا احسن لنا ..

بيسان: اثنين ضد واحد ، يلا قوموا ..

فواز بهمس لها: قريب ولا بعيد ، هو واحد ..

لين مفهمته وقام عنها جلس قبالها ووعد صبت له الشاي ..

وبدات اللعبة ، ولين تحس ان به احد يناظرها ورفعت نظرها ، واحمر وجها من نظراته الحادة ..

ونزلت عينها سريع وقد ماحاولت تبان طبيعية ماقدرت ، وبالجوله الثالثة فازت ام رعد ..

وبحماس: ههههههه فزت فزت ..

ام فواز: ماتقدرين تفوزين اميمتك يالمحتاله ..

ام رعد بضحكه: لا يالغالية ، الغش حرام ..

ام فواز: آآخ منك انتي ..

لين قامت الا بوجها ريفان ..

ريفان ناظرت الكل: ايش رايكم نروح الشاليه ؟

بيسان بحماس: وناسه ، ايش رايك يبه ؟

فواز: ماعندي اي مشكلة ، متى ؟

ريفان تشوف ساعة الحائط: بعد ثلاث ساعات تقريبا ..

فواز: ممتاز ، يلا جهزو ..

وعد كلمت عمر: يبه يقول انه معزوم يتعذر ..

فواز: الله يحفظه يارب (واخذ الجوال منها) هلا حبيبي..

عمر: هلا يبه ..

فواز ببتسامه: اجل معزوم دون تعزمني ..

عمر : فديتك ، بمرك احين و...

فواز قاطعه : امزح معك ، انت انبسط ووسع صدرك وانتبه لاتسرع ..

عمر: ابشر حبيبي ..

فواز: يلا الله يوفقك ، فمان الله ..

وانتبه للين انها مو موجودة ، راح المطبخ يشرب ماي وشافها صدفة تقطع الخس اقترب منها وضمها من ورى وبهمس: وحشتيني مرة ..

لين ارتبكت وبعدته وبهمس: فواز ترى منى وجود هنا يساعدوني ..

جود جابت البصل: جبتهم مرت خالي ..

فواز: منو وجودي اريد لين بكلمة راس ، لو سمحتو ..

منى: ان شاء الله ، وطلعت مع اختها ..

فواز ناظرها ببتسامه: واحين مابه احد ..

لين طارت للجهة الثانية عند الطاولة: فواز روح عني ..

فواز وهو يتحرك يريد يوصلها وهي تروح الجهة الثانية: تعالي احسن لك ..

لين بضحكه وهي تتحرك بخفه: لا ..

وفواز يدور معها بالطاولة وهي من الحماس تصارخ وتضحك ..

وطارت للجناح وفواز وراها: من الي بيفكك مني احين ..

وريفان الي كانت تكلم ايمن وشافتهم يطيرون للجناح بقهر: وجع ان شاء الله ..

ايمن يسمع صوت الباب الي انرقع بقوة: ايش صاير ؟

ريفان بكره: لين مسويه اكشن لابوي جالسين يلعبون ، وطاروا للجناح ..

ايمن:.......

ريفان كملت بقهر: يعني مابه دم ولا شي ، ماتستحي جريئة ..

ايمن بهمس غير مسموع: يازينها ويازين جرائتها ..

ريفان منتبهت انه تكلم اصلا ، وهي مع ايمن يخططون بالشالية للقاء ، والخطط للين وفواز ..


وبالسيارة ..

ريفان بقهر: وينهم للان ..؟

جود: طولي بالك ، احين بيجون ..

ريفان: من عشر دقايق ننتظرهم ..

منى تناظر لين من بعيد: جاو ..

وصعدت لين وفواز قدام جنب اميمته ..

ام فواز: بطيتو ؟

فواز ببتسامه: السموحة يالغالية ..

ام فواز: برد عليك يايمه ، ليه تتسبحين ؟

الكل:...........

ام رعد بضحكه: يايمه علامك ؟

لين نزلت راسها بخجل شديد ، والبنات مو فاهمين شي عدا ريفان الي انقهرت وسرعان ماغيرت الموضوع: كم يوم بنبات هناك ؟

ام فواز: يومين احسن لانطول اكثر ..

بيسان بحماس: يبه عادي اركب الدبابات ؟

ام رعد: يالله ، مابعد نوصل ..

فواز: طبعا لا ، دبابات مابه ..

بيسان: يمه لين كلميه ..

لين: فديتك ، ابوك يريد مصلحتك ، الدبابات مابهن خير ، كم حوادث تصير بسبب هالدبابات ..

وعد بضحكه: صارت لك فرعون ههههههه ..

بيسان بقهر: هفف ..

ام رعد: وبعدين وش هالشياكه فواز ؟

فواز : ماشفتي شي(لبس نظارته الشمسيه) وش رايك بس؟

ام رعد: هههههههه تجنن فديتك ..

كان لابس تيشرت سماوي عليه رسومات بالابيض والاسود مشدود على زنده ، وبرمودا ابيض مقلم باللونين السماوي والبني ..

وسرعان ماوصلو ..
نزلت جود وهي تمدد جسمها: مو مصدقه ان وصلنا ..



يتبــــع |

[لامارا]

نزلت جود وهي تمدد جسمها: مو مصدقه ان وصلنا ..

منى تتحسس ظهرها: صادقة ، السيارة كبيرة بس ماكفت ، كل واحد فوق الثاني من الضيق ..

فواز شال اميمته وحطها بالكرسي ، ونانسي وام رعد يشيلون الاغراض والبنات يساعدونهم ..

كنت اوزع الحلويات والمكسرات في المطبخ وسمعت صوت ريفان تتشاجر مع ايمن وسكرت الخط ..

ريفان شافتها وهي تدعي القهر: زعلان ومعصب علي ، ليه اطلع بدون اذنه ، اف بس من احين يتحكم ..

لين: الرجال هم كذا يحبون تحطينهم بالصورة ..

ريفان بحزن: بس هو ناوي يجي هنا وانا رفضت قلت لايجي احسن ، جمعه اسرية وعصب ..

لين: طيب ، كلميه قولي يجي لو كم ساعة وانتي حاولي فيه ..

ريفان بخبث : طيب ..

واتصلت به ويازعم تقنعه وهو بالطريق اساسا ..!

خذت الصحون ووزعتهم الصالة ، شلحت عبايتها بالغرفة الثانية ..

كانت لابسه تيشيرت كحلي به ازار من الصدر وعند نهاية الكم حرف( B ) باللون الاصفر ، وبرموا كحلي ، لبست قلادة ناعم بحرف الf صغيرة وناعمة ، وشبشب اصفر ..

وشعرها جزء مرفوع وجزء تحت ..

جلست معهم بالجلسه وفواز يناظرها كل ماراحت وجات بطرف عينه ..

ام رعد جلست جنبه وبهمس: خف عليها ياخوي ..

فواز منتبه لها: ........

ام رعد مسكت يده: وين رحت ؟

فواز: ها ، امري ..

ام رعد: لا منت على بعضك ابد ، ماخذه عقلك(وبغمزه)

فواز تنهد بغرام: ااه يا نورة ..

ام رعد: هالتنهيده وهالنظرة لها ، شكلك وقعت بالعشق ، واعوذ بالله من العشق ..

فواز ببتسامه: مدري وش جرى لي يا نورة ؟

ام رعد: في معلوم ..

فواز بضحكه: انقلبتي ..

ام رعد قامت وراحت جلست جنب لين ..

لين همست لها: يا نورة تصرفي مع اخوك ، معرف اتحرك ولا اروح ولا اجي ، توترت منه ..

ام رعد:......

لين: من بعد العيد وهو متغير ، مدري ايشبه؟

ام رعد: بسيطة ، فواز تغير من لما صديتي عنه لما رحتي عند اسرتك ، لاتراسلينه ولا تكلمينه باليومين وصار عنده هاجس ، وبهالطريقة بتضمنينه مدى الحياة ..

لين بعدم استيعاب: مافهمتك ..

ام رعد عدلت جلست: الرجال لو تعطينهم وجه دايم بيطفش ويصير روتين مملل ويصير يرغب بالانحراف ويتزوج وغيره ..

لين بااهتمام: طيب؟

ام رعد: اعني اهتمام اهمال اهتمام اهمال اهتمام وهكذا ، لاتصيرين تهتمين بيروح بلمح البصر ، ولما صديتي عنه انقهر وبكذا بيصير خاتم بين يدينك استفيدي ..

لين : تصدقي بالله مكنت اعرف ..

نورة: اي استفيدي مني فديتك ، وعذبيه بس بشويش لما يدمنك اكثر واكثر ..

وصارت تشرح لها ولين تستمع لها ..

وقامت متوجهه لفواز وهي تتمايل بمشيتها وخذت الدله ، ونزلت لمستواه وصبت له قهوة وبهمس: تفضل ..

فواز يناظر فيها وشعرها على وجها داخ بريحتها العطره وانوثتها وبتردد: زاد فضلك حبيبتي ..

ولامس يدها الناعمة ، خذ الفنجان ..

وبهمس: اجلسي جنبي ..

لين: ابشر حياتي ..

وحطت رجل ع رجل والقهوة بيدها وتشارك البنات بالسوالف ، وفواز يناظر بها بين فترة وفترة ..

منى بحماس: اوك ممتاز ، يلا نلعب ..

بيسان : وانا مع لين ..

جود: وخالو يدورنا ..

فواز: طيب يلا بغمض عيوني ..

والكل استخبى ...ثمانية ، تسعه ، عشره ..

وفتح عينه وام فواز ورعد يعلمونه بالاشارات ..

وجد ريفان الاول وبعدها وعد ، وتاليها منى وجود ..

ونزل تحت الطاولة ومسك لين مع بيسان ، وحوطها بخصرها وبحماس: مسكت الغزال ..

لين حمدت ربها ان الكل منشغل بمعاتب ام رعد والجده على غشهم لفواز ..

لين سبلت عينها عليه وبدلع: يا شقي ، سريع كمشتني ..

فواز ذاب بدلعها وباس جبينها وبهمس: والله احبك ..

لين بدلع وخرته عنها وطارت عند البنات ..

بيسان بقهر: بنستخبى مو بس داخل حتى برا ..

فواز مسك يد لين: وانا مع لين ..

منى: اوك ، وانا مع بيسان ..

والكل استخبى وريفان تعد ..

مسك يدها وسحبها ودخلو الدولاب ..

لين: هنا ضيق ..

فواز حط يده على فمها: اووص ..

لين تناظر به بحيره ، ويتبادلون النظرات ..

فواز: لين ..؟

لين بهمس: وش ..

فواز: عنك....بوت ، عنكبوت ..

لين صرخت وطلعت من الدولاب وصارت تقفز وتحرك شعرها ، فواز فطس ضحك: ههههههههههههههههههههههه ههههههه ، امزح يابنت الناس ..

لين وقفت بقهر تناظره: تمزح؟ وقفت قلبي وتمزح؟

فواز ماقدر يمسك نفسه وطاح بالضحك ..

لين طلعت من المكان ورجعت لصالة وهي مقهورة شافتها ريفان استغربت من حالتها ..

وسرعان ما انضم فواز معهم بالجلسه ، رن جوالي ..

رديت وانا برا واناظر بالزرع: هلا هدى حبيبتي ..

هدى: الحمدلله ، لين انا تطلقت ..

لين نزل علي الخبر كالصاعقه ماتمنيت ان اختي تطلق لسيما كنت اعرف الطلاق قد ايش موحش ، سالتها باهتمام: انتي بخير ؟

هدى بحزن: الحمدلله لين ، ما عليه حسوف ..

لين حسيت بشي بجوات اختي ونبره صوتها الحزينة ، اخذت نفس عميق: انتي فاكره ايش جرى لي بعدما تطلقت من ياسر هدو ؟ هدى لاتبكين ولا تلومين حالك ، قومي صلي شكر لله ..

هدى: بقوم لين اصلي ، وبعدها بجيك ..

لين: كيف تجيني ؟ انا بالشاليه ..

هدى ببتسامه:اعرف ، فواز اتصل بابوي من شوي واصر على جيتنا ، وانا قلت لزوم مانرده عشان ننبسط هههههه ..

لين بفرحه: حياكم فديتكم ..

وسكرو الخط والتفت ورى شافت فواز والابتسامه العريضة تزيد من جماله ..

لين اخفت ابتسامتها وبدلع وبغرور بان واحد: هه وخر عن وجهي ..

فواز جاها من الجهة الثانية: على وين ؟

لين: وانت مالك ؟

فواز: مابه شكرا ، تسلم ، ماتقصر ..

لين سبلت عينها وبغنج: خل حركتك تنفعك استاز فواز ..

فواز بلع ريقه ومسكها من يدها قبل لاتروح وبدون ماتستدير ..

فواز طلع من جيبه خاتم ولبسها اياه:اوعي تشلحين هالخاتم لين ، خليه بيدك ..

لين بلا حركة:......

فواز باس صبعها الي به الخاتم ، باسها بعمق وهو يشتم عطرها بيدها وبهمس: محفور به "اعشقك فواز"

لين التفت له وصارت تناظره بضياع وشافت الخاتم من ذهب ..

فواز ببتسامه: وبكذا كل من شاف هالمسبح قال انك متزوجة عشان يبعدون عنك ..

لين قربت منه وبهمس: فواز شكرا ..

فواز مسك يدها: بزعل منك لو يضيع هالخاتم ، خليه بيدك للمدى ..

وطلع خاتم من جيبه الثاني: لبسيني ..

لين اخذت الخاتم مكتوب" احبك لين ": ليه ؟

فواز فهم قصدها وحوطها من خصرها: هالخاتم الي لابسته هذا مشاعري ، انا اعشقك ، والي بيدي شعورك تجاهي هو الحب .. لاني يا لين انا احبك اكثر مما انتي تحبيني ..

لين: ا.....

فواز حط صبعه بشفتها وبهمس: لاتقولين شي ، بس ظلك معي لاخر العمر ، توعديني ؟

لين ناظرت بعيونه وبحب: اوعدك ..

فواز احتضنها بقوة ، حسيت كنا وده يخبين بين ضلوعه ، حسيت بجنون فواز فيني اليوم ، كلما استشعر ان فواز حبه تجاهي يكبر ..

شديت عليه زود وصار يسمعني اجمل الكلمات الحب ..

وريفان الي من تقوم لين تتبعها لم يطفها هالموقف ابد ، وهي تزود الاخبار لايمن برسالة برد واحد طويل بشرح وافي ..

وعلى الساعة 9 ..
جاو اسرتي ..

فواز وبكر ومشاري عند الشوي يشون الدجاج ..

جيت عندهم : ماخلصتو ؟ مرة جوعانة ..

بكر: تحملي ..

فواز: يخسي الجوع (ومد لها قطعة من الدجاج الي انشوى واكلها ) ..

لين بتلذذ: يمي ..

مشاري خذ الصحن: لا ، حالك من حال الجميع ..

لين مدت لسانها له وبدلع:فوازي ..

فواز بلع ريقه: هه ..

بكر ضحك على ضياع فواز: ههههههههههههه مالكش حل ابد ..

جاء ابو بكر كان لابس شورت ..

فواز: اوخص عمي كاشخ ، لك نيه بالثالثة (يغمز له) ..

ابو بكر بضحكه: اوص لايسمعونك بيقومون عليك ، خلهم يدعون لك بالخير افضل ..

فواز: هههههههههه ..

مشاري بخبث وبصوت عالي: فواز ايش هالكلام ، ناوي تزوج ابوي الثالثة ، لا عاد ماهقيتها منك ..

ام هدى وام بكر بصوت واحد: فـــــــــــــــواز ..

فواز حط يده بفم مشاري يريد يسكته: لا فديتكم مشاري يتبلى علي ..

مشاري: اممم مممم مممم ..

فواز يشد على فمه ..

ام هدى وام بكر: اي احسب بعد ..

الكل: ههههههههههههههههههههههههه ههههههههه ..

بكر لمح سيارة بعيد: فواز انت منتظر احد؟


يتبـــع |

[لامارا]

بكر لمح سيارة بعيد: فواز انت منتظر احد؟

فواز بغرابه: لا ، ليه ؟

بكر وهو ياشر ، فواز انفجع من وجوده واشر للين تروح لعند البنات جوا ..

ايمن اقترب لهم: هلا ، الريحه تجيب العافية زين اني وصلت بدري ، عشان ألحق ..

فواز: حياك الله يا ايمن ..

فواز اخذ الصحن وحطه عند البنات وجهه لرجال الي كانت قريبة الشواء ..

وسوالف تروح وتجي ..

فواز كان مو بالع ايمن ولا معطه وجه ..



حطت رجل على رجل: اي يا يمه ، صاير متمرد ..

ام ميثاء: انتبهي يسمعك ..

ميثاء بلا اهتمام: هو نايم ، وبعدين استمع ولا لا ، وش الجديد ؟

ام ميثاء بشك: اخاف يابنتي ان زوجك شايف له شوفه وانتي نايمه على اذانك ..

ميثاء: لا لا يمكن يسويها ..

ام ميثاء: وش المضمون ؟

ميثاء بثقه: هاني يحبني مرة ، ولايمكن يفكر انه يناظر غيري ..

ام ميثاء: يالخبله ترى الرجال مالهم امان ، وطالمة تحسب عليك قدام وجهك قادر يسوي الي يسود الوجه ..

ميثاء بقلق: تتصورين انه يمكن يسويها ؟

ام ميثاء: اتصور ونصف ، قومي لحقي عليه ، وراقبي تصرفاته ..

ميثاء بقلق: اوك يمه ، مع السلامة ..

سكرت السماعة وهي تفكر بكلام امها ، وتراجع تصرفاتها ..

راحت للغرفة ..

هاني بضحكه: لا حبيبتي ، خلص ابشري بتذوقين احلى طباخ من يديني ..

ميثاء فتحت الباب وصارت تناظر به بنظرات عجز يفهمها ..

هاني ببتسامه: ابشري بمرك الظهر عشان اتغدا معك ..

ميثاء اقتربت منه وبحده: من تكلم ؟

هاني: يلا مع السلامة ..

وسكر السماعة وناظرها بغرابه: من اكلم ؟ وانتي وش دخلك ؟ وبعدين من متى هالاسأله ؟

ميثاء: من لما حركاتك وتصرفاتك معي تغيرت ، لزوم وفي بنت حرام مغيرتك ..

هاني اعطاها نظرة واكتفى ..



بجانب اخر من المجلس ..

كانت لين وهدى وريفان متجمعين ، وكان ريفان اسألتها دقيقة جدا وبتحقيق ..

هدى: تصدقين ينفع تصيرين المحقق كونان ..

لين: هههههههههه ..

ريفان: ليه؟

هدى: مدري احس اسئلتك مرة دقيقة ..!

ريفان خافت انها تنكشف وباندفاع: تدرون ع وجه زواج ، وحابه اخذ بنصايحكم ..

هدى: اي ، لاتعطينه وجه بزيادة ويمشي سيدا ..

لين قامت: شوي وبرجع ..

ريفان استغلت هالفرصة : تصدقين خالتي هدى مكنت مقتنعة با لين بااول بداية ، بعدين حبيتها ، احسها صدق مسعده ابوي مرة ماشاء الله ..

هدى : صدقتي ، لان ياسر مو وجه لا اهتمام ولا تدليل من اصل مالت عليه وعلى شيفته ..

ريفان مسكت الي تريده ، وصارت تاخذ وتعطي مع هدى على اساس تتوصل لجوانب كثيرة بحياة لين السابقة ، وكان سهل انها تسحب من هدى الكلام بسبب طبيعتها وماخذه كل الامور ببساطة !!


بعد صلاة الفجر ..

راحو اسرة لين وبعدها ايمن ..

والكل راح ينام ، اخذت دوش لنصف جسمي ولبست بجامتي الشورت باللون الابيض المرنقط بالوردي وبه كتابات باللون الاسود بنصف القميص ، وشعري مفتوح ومسحت كل بوجهي ..

ووزعت البودرة المعطره بنحري ، وتسبحت بالعطر الهادئ ..

وجلست اقرا سورة الملك بعد كل ليلة كالعادة ..

وبعدها صليت ركعتين قبل ميعاد النوم ، وصرت اقول الاذكار الي حافظتها ، وبعدها رحت لسرير وعطرته ..

تسطحت به وغمضت عيني بشويش وانا افكر بكلام فواز اليوم واناظر بالخاتم ..

ولا انتبهت للي دخل الغرفة ، وانتبهت من صوت باب التواليت يتسكر عرفت انه دخل ، قامت تجهز له بجامه مريحه ، وانتبهت لبجامة جديدة باللون الاسود والبنفسجي الداكن ..

بعد عشر دقايق طلع فواز من التواليت وجففت جسمه وساعدته بلبس بجامته الي كانت اكثر من روعه عليه تعطر وهو يناظرني: وش هالزين ؟

لين ببتسامه: لك انت ..

فواز التفت لها: ياعين ابوي ..

لين تسطحت بالسرير وهو تسطح جنبها وقربها لحضنه وبهمس: خلك دايم قريبة مني ..

لين بنره صوتها الهاديه: شكرا فواز على هاليوم الجميل ..

فواز باس يدها: شكرا لانك بحياتي يا حياتي ..

لين دفنت راسها بصدره وهي تتمنى تظل المحبة بينهم ..



على الساعة 9:10 صباحا ..
بوسط الافطار ..

ام رعد: ماتقصر نانسي ..

ام فواز: اي بالله ماتقصر ولا فواز مقصر ..

ام رعد ببتسامه: تمنيت رعد يكون مثله ولو شوي ، بس هو وين وذاك وين ..

ام فواز ببتسامه: طب كلمتيه ؟

ام رعد: بس اتصل ولا يرد علي ، واكلمه بالواتس واشوفه متصل الان ولا يعبرني ، يحسسني اني مذنبه..

ام فواز: ادعي له بالهداية يابنتي ، شوفيني انا من حملت بفواز وانا ادعي ربي انه يوفقه ويرزقني بره
وشوفيه مرات بدل ماتحممني نانسي هو الي يحممني ، رافض ان اي احد يخدمني غيره قبل ، بس تزوج لين واعفيته عن هالامور ..

ام رعد: تغارين من لين ؟

ام فواز: ابدا ، انا اريد اشكرها ، صرت اشوف الضحكه بوجه وحيدي ، تلزم على فواز انه يطلعني ونتعشى برا ، وتذكره دايم ببري ، هاللين نعمة ..

ام رعد ببتسامه: الحمدلله ..

الا بدخله فواز ولين ..

ام رعد بترحيب: هلا بالعرسان ..

فواز باس راس امه ويدها ولين بالمثل: بنجور الغالية..

ام رعد: اخق يا فرنسي ..

ام فواز: هههههههه بنجور يا يمه ..

وجلس فواز جنب امه وكل شوي يلقمها ..

ام فواز: بس فواز ذبحتني ..

فواز: فيه العافية ..

لين بضحكه: الله يعينك يمه ..

ام فواز: تعالي اخذيه ، يروح ببطنك ولا ببطني ..

فواز: هههههههه فديتك ..

وبعد صمت طال دقيقة ..

فواز: انا عازم هاني على الغدا ، وقلت بساعدكم على الطبخ ..

ام رعد بحماس: جاء على بالي دجاج شوي ، وصلصات وتبولة ، ورز بالفحم ..

لين بتايد: حلو ..

فواز: ممتاز ، يستاهل ابو خالد ..


فا رغم الوقت كان مبكر مرة الا ان صرنا نعد الصلصات ونتبل الدجاج ..

وجاء هاني بعد صلاة الظهر مع عياله ..

ام فواز امسكت بنته: حرام عليها وش هاللبس ، استغفر الله ماتسترهم ابد ..

ام رعد: يا يمه البنت صغيرة ..

ام فواز: البنت تتعلم الستر وحب الحشمه من الصغر ، وعيال الحرام كاثره ، والبنت بنيتها كبيرة ماشاء الله ..

سهى: ابي اسيل ..

لين مدت لها العصير: فديت الاسيل ، سمي ..

ام فواز لاحظت ان ملامح لين تغيرت وهي تلعب مع عيال هاني ، وسكتت ..

بيسان قامت وشغلت شيلات فواز ، الي كان مسجلهم قبل ..

جود: هذا فهد مطر ؟

منى: لا هذا خالو ..

جود بذهول: ماشاء الله ..

بيسان: افتكرت انك بتقولين صوت خالد عبدالرحمن ..

منى: لان صوتهم قريب من بعض ، فهد مطر وخالد عبدالرحمن ..

جود: اها (وناظرت با لين) ينشد لك خالو ؟

لين ببتسامه: اي فديته ..

جود: يا بختك ، الله يحفظكم يارب ..

لين اكتفت بالابتسامه ..


كانت عند اهلها ..

وفركت يدها بقهر: شفتي النذل , قلت له من تكلم قال يكلم أمه , ولو يكلم أمه صدق كان راح لها على الغداء زي مايقول , بس كلمتها وقالت أنه ما اتصل بها أمس !

ام ميثاء: ما قلت لك انه حاط عينه على وحدة ثانية غيرك ..

ميثاء بخوف: يمه لاتزيديها علي ..

ام ميثاء: انا بس حبيت انبهك قبل لايروح من يدك ..

ميثاء اعادت الاتصال به ...


هاني شاف اتصالها ، وقفل بوجها ..

وناظر بفواز: ما زالت تتصل ..

فواز: هذا الي بينفع معها ، هو الاهمال ، خذ بالافعال لا بالاقاويل ، قصر معها ولاتكون سخي ..
مثل هالحريم ماينفع معهم الا كذا ..

هاني: اقول لك هي تظن اني بتزوج عليها او حاط عيني على وحدة , وأجريت أتصال وهمـي عشان أخليها تظن صدق ..

فواز:.......

هاني: وصارت تلزم وتشد علي لما نفذ صبري وخذت العيال لهنا ، قلت مالي الا فواز ابو عمر مهوب مقصر معي ..

فواز عدل جلسته:تقصيرك لها واهمالك وعدم مبالاتك هالشي بصالحك ، حتى وان ظننت العكس ، هالصنف لزوم يتأدب ..

هاني يشرب القهوة: اي بالله انك صادق ، شورك بهداية الله ..

فواز بابتسامه: والله اني اشتقت لايامنا زمان ، ايام البر ..

هاني: اي بالله انك صادق ، بكلم بندر وابو بلال والشله الشياب بالاستراحة ..

فواز: خلص تم , حدد اليوم الي يناسبك وابشر بالخير ..

هاني: اوك ، تزان الاجواء ولنا موعد باذن الله ..


يتبـــع |

[لامارا]

فواز: خلص تم .. حددي اليوم الي يناسبك وابشر بالخير ..

هاني: اوك ، تزان الاجواء ولنا موعد باذن الله ..


راحت بعيد عنهم ..

ريفان بهمس: اي ، الي فهمته من اختها انها مدلعه ياسر دلع مو طبيعي ، وشايلته عن الارض شيل ، اهتمام ودلع وصبغات وحركات ولا فاد ، عجيب امره هالياسر ..!!

ايمن: ااخيه بس ، الدنيا حظوظ ، المهم حبيبتي الخطة كلما في نجاح وعرفنا اشياء كثيرة ، والزواج باقي له اسبوعين تجهزي ياحياتي ..

ريفان:مو باقي أسبوعين ؟

ايمن: ما أريدك تطلعين من بيت أبوك ألا وأنتي جايبه المعلومات كاملة عن لين , عشان ما يحلـى لها الجــو ..

ريفان بتأييد: ان شاء الله ..



وجات عزيمة ام فواز الي وعدتها لام هدى ، بمناسبة شفائها ..
لبسو البنات اجمل الملابس ..

لبست بدي ذهبي ماسك على جسمها ، وبنطلون ازرق وصندل عالي ذهبي ..
شعرها ويفي وظل ذهبي لامع بالجفن المتحرك وتحت عينها كحل اخضر زيتي وكثفت الماسكارا السوده وحلق ذهبي طويل ناعم ..
وتسبحت بالعطر ..

وطلعت تباشر اهلها الي جاو من ربع ساعة ..

ام هدى: ماكان لزمه هالتكلفه وهالفن الله يجزاك خير ..

ام فواز: مو قد المقام ياام هدى ، السموحة ..

ام هدى: الله يجزاك خير ماتقصرين ..

ميثاء بااعجاب: وش هالزين يا لين ، اجل فواز مايدري عن لبسك ؟

لين: جالسة هنا ، ماشافني احد من العيال ..

ميثاء: اي زين ..

لين تمد لها صحن الكيك: شكلك مو عاجبني ابد يا ميثاء علامك ؟

ميثاء: هاني متغير علي من شهرين وكل شوي اكتشف منه شي ، وصار يقصر علي ولا يطلعني الا اذا اشتهى ويدقق بااصغر الامور
وان زعلت منه مايجيني ، رغم ان شكلي حلو ومرتب ، مكني انثى ، قاهرني مدري وش السوات ؟

لين: قد قلت لك من قبل انك تنتبهي بس مايفيد ابد ..

ميثاء: فواز ماقال لك شي ؟

لين:ابد ولا فتح سيره عن هاني ..

ميثاء بقلق: يعني شنو ؟

لين: يعني انك تتغيرين ، او انك تظلين كذا تحنبن وتحنين مير انه بيتزوج وتقولين مبروك ..

ميثاء: وي بركو عليه 120 بعير تكسره ..

لين : اجل تغيري انتي ، لايروح بعيد وبعدين صعب انك تردينه ..

ميثاء تنهدت: مدري يا لين ..

لين: اجلسي معه وتفاهمي ..

ميثاء باندفاع: اقول لك مايعطيني وجه ولا يجلس معي مو مثل قبل ..
وان تكلمت يقول ماعندي وقت اسمع تفاهاتك ..

لين: تؤتؤتؤ يا لطيف ، هو وصل لهنا ؟

ميثاء: واكثر بعد ، مو طايق مني كلمة وحدة ..

لين: طيب اشلحي عباتك واجلسي على العشاء ، صعيبة يشفونا نهرج كذا ولا جلسنا معهم ..

ميثاء: اخص صرتي بدويه اجل ..

لين بضحكه: اي فديته معلمني ..

ميثاء: انا مقدر اشلح عباتي ، مختار لي اردى لبس ، اكمام طويلة وكل شي طويل ..

لين : اوه وصار يمشي كلامه عليك !!

ميثاء: حلف ان مالبسته مراح يوديني هنا ، وحكم القوي على الضعيف ..

وانظمو بالسفره الكبيرة المقسمه مابين الرجال والحريم ..

وسوالف تروح وتجي ..

وبعد الاكل ..

لبسو الشال والنقاب يتمشون ..

بيسان: انا كلمت عمر عشان نشتري للمدرسة مابقى شي عليها ..

جود بحماس: خالي مهوب مقصر معنا ..

منى: ايامي صارت احلى وانا معكم ..

جود بتايد: ماشاء الله ، وكثير جماعاتك وطلعاتك ، بس ملاحظة شي انا ..

وعد باهتمام: وش؟

جود: اذكر قبل كنت اشوف الاحترام بينكم كبير ، بس الاوضاع تغيرت ..

وعد ناظرت بيسان ..

جود كملت: كان استئذان وادب ، حتى الان به بينكم ماشاء الله ، بس ريفان وينها ؟

بيسان: تكلم ايمن ..

جود باندفاع: انا ما اقصد كذا ، اقصد وينها عنكم ليه تغيرت ؟

وعد التفت لها: ما اعرف وش اقول لك ..

جود كفتت يدها: انا ما سالت عشان انتظر جواب منك او من بيسان ، لاني عارفه ان ريفان بس ملكت بهالايمن وهي خلص ..

بيسان تبرر: لاتنسي ان زواجها قريب مرة و...

جود عطتها نظره: بيسان مابه لزوم هالتبريرات ، انا اعرف ريفان واعمارنا متقاربه تقريبا ..

وعد باندفاع: جودي طلبتك هالموضوع لا عاد تفتحينه ، انتي تدرين ريفان لعصبت وش تقول ، مابقى الا كم يوم وتروح لعند زوجها ..

جود هزت براسها وهي تسايرهم ..



بعيد جدا عن هذه الاجواء ..
كانت بقمة اناقتها جالسة تشوف التي في وهو جنبها وبدلع: سعودي ..

سعد ناظرها: ياعيونه وروحه انتي ..

خلود: فديتك ، الشقه مرة فاضيه مدري كيف هدوه الغبية راضيه تجلس بهالشقه ؟

سعد: وسخه هي ، وبعدين لاتجبين طاريها تكفين ، لايعه كبدي منها ..

خلود بدلع: لهدرجة حبيبي انت تكرها ؟

سعد: مو اكرها بس احسها غبية وغبائها ينرفز وانا محب هالنوعيات ..

خلود كانت تعرف ان سعد يحب المراه القوية ، وعرفت نوعه بسهولة ، وابتسمت: طيب ، والديكور ؟

سعد باس يدها: حبيبتي انتي ، لو بغيتي تغيرين كل شي بالشقه انا راضي ..

خلود بضحكه: حبيبي انتا والله ..



بالسيارة ..
مي: بس مرة استعجلنا ، كان جلسنا بعد ..

بندر يشوف الساعة الي دخلت 10: حبيبتي ترى بكره جمعه ولزوم ننام بدري ..

مي: حبيبي وش رايك نروح هايبر ؟

بندر: وش عندك ؟

مي: يعني ، عزبه البيت قلت وبه نواقص كثيرة ..

بندر: ......

مي باندفاع: عادي انا مو مستعجلة ، لو تبي بكره مابه خلاف ..

بندر: لا بنروح هايبر واشتري الي تبينه ..

مي ابتسمت وبحب: الله لا يحرمني منك ..

بندر باس يدها ، وهو بقراره ذاته ماكان له نفس انه يروح هايبر ..

بس الحياة الزوجية تحتاج لبعض من التنازل ، وكما هي تخدمه هو لزوم يخدمها ..



طلع من الدوش السريع وهو لاف المنشفه على خصره والقطعة الصغيرة يجفف شعره بها ، وهو يناظرها بالمرايه ..

لين بالتلفون: اي طبعا ، اعرف اني زودتها ولاني منتظمة يا ام عبدالاله ، بس تعرفي انو قلت لك خليني احتياط ، وهالمرة اقول لك اني بنتظم وبرجع مثل قبل واحسن ..

ام عبدالاله بفرحه: صدق ؟ الله يبشرك بالخير ، جدا اسعدتيني ..

لين: انا الي شكرا استحملتيني بهالشهور ولا طردتيني.

ام عبد الاله: كنت حاسه انك بترجعين والحمدلله ماخابت ظنوني ..

لين: ههههههه طيب ، بيوم السبت بداوم ، تعرفي الجمعة مو من اختصاصي ..

ام عبدالاله: حياك الله حبيبتي ، انتبهي لنفسك ، فمان الله ..

لين : فمان الكريم ..

وسابت جوالها على جنب وناظرته ، نظراته الي كانت تتفحصها وباين ان لبسها ماعجبه ..

لين: فواز ..

فواز وهو يحط البودره المعطرة بجسمه: اليوم ساتره مرة ، وش عندك ؟

لين قامت من السرير وبنبره هادئة:انا جالسة عند اسرتي ..

فواز ناظرها بغرابه: واظن ان مالهم حق يشفون مفاتنك صح ؟

لين وهو تلعب بخاتم صبعها:فواز حبيبي ، البنطلون منو ماسك علي مرة وانا اصلا ماطلعت الصالة وان طلعت تاكدت ان مابه من العيال بالصالة ، الكل بالمجلس كان معك ..

فواز التفت لها : تصدقين انك تشبهين منال ؟

لين انفجعت من كلامه: اشبها ؟

فواز وهو يلبس قميصه: انتي تدرين رايي بهالشي وعاندتي ولبستي ، يعني انا اعاندك واكسر كلمتك يا فواز ..!

لين مازالت بصدمتها: فواز انا قبل كنت البس كذا لزارتني ميثاء او ربيعاتي ..

فواز بحده: هذا انتي قلتيها قبل ، بس طالمة انتي على ذمتي هالشي مريده يتكرر ، وبعدين اشوف ملابسك بدت تتغير بجامات وقصير وعادي ماتقولين العيال امكن يشفوني ، ماتفكرين ابد !!

لين انجرحت منه وحاولت ماتبين: ايش قصتك اليوم ؟ كل ذه عشان لبس ؟ ومكان فاضح اصلا (وبقهر) شكلك ناسي وش تلبس منال ، تلبس للفخذ وظهرها لو بين عادي عندها ..

فواز زاد بحدته: وش تفرقين عنها ؟ انا لو ما الزم عليك كان صرتي اشد منها ، تتكلمين عنها وانتي نسختها ؟

لين انفجعت من كلامه وقربت من الدولاب وحط تراحة يدها به : نسختها ؟ طب انا نسختها وش الي جبرك تاخذ وحدة تماثلها كان خذت وحدة ثانية افضل لك ..
ونتشاجر على وش ؟ على لبسه ؟ طب انا مراح البس كذا مرة ثانية ..

فواز قاطعها بشراسه: اسمعي يابنت الناس ، انا ماعصبت عشان لبسه ، عطيتي كلمة لام عبدالاله من دون ما تشاوريني ..

لين بدون متناظره: انت تعرف اني امراه عاملة ، ايش الي حدك ترتبط بي ؟

فواز اعطاها نظره مابين القهر والذهول والعصبيه ..

وانسدح بالسرير وخفت على الانوار وتغطى ، وتركها بحيرتها وحزنها والمها ..

دخلت التواليت تبدل ملابسها ..



باليوم التالي ، المشغل ..
عند الاستقبال تحديدا ..

ام عبدالاله: ماتتصوري قد ايش مبسوطة برجعتك ، اتمنى تظلي دايم كذا ..

لين ببتسامه: ان شاء الله ..

ام عبد الاله ردت لها الابتسامه ورجعت لمكتبها ..

جاتها ستيفاني والعميلات الي يعرفونها يرحبون بها ، واول الزبونات كانت ميثاء ..

ضربت شنطتها بالطاولة ..

لين انتبهت لها: هلا ميثاء ، كسرتي الطاولة ..

ميثاء بقهر: جيت بدري لان مافي زباين ، اطلبي لي كابتشينو وتعالي نجلس ..


ريفان تسطحت: اي داومت ، بس مكان شكل ابوي ولا شكلها مرتاح ، ماتكلموا زي قبل ..

ايمن: تتوقعين متزاعلين ؟

ريفان باندفاع: مو اتوقع الا واثقه انهم متزاعلين ، وهالشي بصالحنا طبعا ..

ايمن بتفكير: شوفي لزوم نبتديها بالتدريج مو على طول ندخل بينهم ، ابوك اذكى من انه يصدق اقاويل عن لين ..

ريفان : مافهمت ..

ايمن بخبث: السلاح الي بنستخدمه هو ياسر ..

ريفان عدلت جلستها وباهتمام: طليق لين !!!

ايمن: ايوه ، سالت عنه وقالوا انه بااستراحة ال**** ، وبتراوح فيها عشان اوصل له ..

ريفان بحماس: وناسه والله ..

ايمن كنه افتكر شي: صح حبيبتي ، بكره ملكه عمتي منال ..

ريفان بصدمة:آيـــش ..؟؟


يتبــــع |

[لامارا]

حطت الكوب الابيض جنبها مع منديل ملون وجلست: لاتحسبين انك بمقهى ، جالسة تطلبين ..

ميثاء بقهر وهي تجلس بنتها يمها: اجلسي ياجعلك الموت ..

لين: استغفري يا ميثاء ..

ميثاء بتعب وقهر: اسكتي يا لين طاقه كبدي ، حن علي اني اجيب الثاني وجات هالعله وبعدها صار يقول لي انتي ماتعرفين تربين وتهتمين بعيالك ! انا ماقلت له بجيب هو الي اصر ، قلت خالد يكفي ..

لين تنهدت: يا ميثاء مو من قبل قلت لك انك مقصره ، يعني عندك خبر ، اجل ليه تزعلين لما قال لك ؟

ميثاء صغرت عينها: قلت لجبت الثاني ، انت اهتم به ، وطالمة اني مو كفو عيال ، ليه يلزمني بالثاني ، كنت مرتاحة ..

لين:........

ميثاء كملت: وامس كنه نار ، حتى مارتب غرف العيال قال انه ماله مزاج قال !

لين بذهول: من جد قال كذا !

ميثاء: شايفه ان شكلي حول تريقه ..

لين: ههههههه مو سهل هاني والله وصار كشخه ..

ميثاء زادت بقهرها: جالسة تضحكين بدل ماتقولين بتوسط لك ..

لين: اتوسط بوش ولمن؟

ميثاء بغمزه: انتي وشطارتك تخلين فواز يقول الي عنده ، لاتنسي ان هاني مايخبي شي عليه ..

لين نزلت وجها: ماهقيت ..

ميثاء لاحظت تغير نبره صوتها: اشوف تغيرت نبره صوتك ؟ صاير شي بينكم ؟

لين ناظرت ميثاء ..


وعد بعدم تصديق: من جد ؟

رائد: احين انتو مقوميني من النوم عشان هالموضوع ..؟

يزيد يتثاوب: يالله صباح خير ، وانتو بادينها بلاوي ..

بيسان: ما تتكلم يا عمر ..

عمر قام: اتكلم على وش ؟ كل الي يهمني الرجال الي ماخذته من يكون وهل هو زين او لا ؟

ريفان قامت وصارت قباله وبصدمة: يعني انتي عادي عندك امي تتزوج ؟

عمر: امي كبيرة مهيب صغيرة ، وتعرف ايش تسوي ، بس انا اريد علوم الرجال ..

ريفان بصدمتها: لا بالله منت بصاحي يا عمر ، امي بتتزوج عارف وش يعني بتتزوج ؟
والادهى من كذا انه اكبر بعشر سنين ..

رائد ببرود: ليه تطولينها وهي قصيرة قولي عمره بالخمسين وخلص ..

ريفان ناظرته: وانت عندك عادي بعد ؟

يزيد: الصراحة كلامك من الاول ماصخ ، مقومتنا عشان شي مالنا به ، عن اذنكم انا بنام ..

ولحقه رائد ..

وعد تنهدت: يا عمر اشور انك اليوم تودينا لامي ، بيجوز انها تنصت لنا ..

بيسان: اصلا وش تريد بشيبه ؟

ريفان: ايمن يقول انه كنه شباب مو مبين عليه ..

عمر بثقه: انا واثقه ان ورى هالرجال خير ولا ما كان امي رضت به !

ريفان: اي هو عنده خير ..

عمر: اي عدل قولي كذا من الاول ..


ميثاء: يا سلام !

لين: انا قلت انه معصب او متضايق وحط الحره فيني ، عشان كذا تفاديت اني اجادله اكثر واكثر ..

ميثاء شربت الكابتشينو: نوعيه فواز نفس نوعيه هاني ، ومو غريبة انهم متفقين علينا ، ولزوم احنا نتفق ..

لين بغرابه وبعدم تصديق: معقولة ! جد راحت علي ..

ميثاء: ماقلت لك انك غبية ، ياستي تصرفاتهم واضحة ..

لين بتفكير: صح حتى انه كبر الموضوع ، انا لو الله ثم لولاك مكنت اكتشفت هالاكتشاف العظيم .

ميثاء بفخر: عشان تعرفين قدري وخططي العظيمة ، تشورين علي احط لي ثمال مع العظماء ..

لين بضحكه: خلص لاتغترين هههههههههههههههههه ..

ميثاء: من حقي ..

لين: الاهم ان احنا لزوم نخطط بعد ..

ميثاء بخبث: عندي خطة لليوم ومتاكده من نجاحها ولزوم نجربها ..

لين بااهتمام: وش ؟

ميثاء: بقول لك بس شوفي الزباين جاو ..

لين تنهدت: وهذا وقتهم ، فديتك بشوف طلبهم وزوديني بالخطة ..

ميثاء بابتسامه: ابشري ..

على الساعة 3 بعد صلاة العصر استأذنت من ام عبدالاله وطلعت مع ميثاء والعيال ..

مشاري: حدكم نصف ساعة لان عندي مشوار ..

لين تنزل من السيارة: محنا بمطولين ..

ورحت مع ميثاء وعيالها مع مشاري على اساس نخلص سريع ..

توجهنا لمحل قمصان النوم ، جميل مرة ..

لين: عندي احلا من نعومي ..

ميثاء: نعومي ماتعجبني بضاعاته كل مرة ، نادر مشوف حلوين ، عندك هالمحل مرة روعه بختار انا وياك قميصين ..

لين: وليه نشتري؟ اقول لك اريد الخطة توديني لهنا؟

ميثاء: ياغبية ، هذه هي الخطة ..

لين:!!!

ميثاء: السحر الانوثي ، بيخليه يعتذر حتى وان كنتي انتي الغلطانة ..

لين ببتسامه: جد ؟

ميثاء باندفاع: اي طبعا ، يلا اختاري ..

شريت قميصين بالوان جريئة بموديلات حلوة ..

وسرعان ما رجعنا للبيت ..

خذت الاغراض نانسي مني ، وشفت العيال مجتمعين..

لين: السلام عليكم ..

الكل: وعليكم السلام ..

وعد: بنروح لعند امي وبنرجع بالليل ان ربي كتب ..

لين : استودعكم الله الذي لاتضيع ودائعه ..

استغليت خروجهم ورحت مع نانسي للجناح عشان اغير مفرش السرير باللون البني والسكري والاورنج المناسب للون الغرفة ..


فتح الباب وتوجه لجناحه ..
انصدم بشكل الغرفة الجديد والمفرش وريحه المكان الجديدة العطره ولمحها وشاف لبسها الي عرف انه لبسها لدوام ..
فواز: السلام عليكم ..

لين ببتسامه عريضة فرحانه انه كلمها: وعليكم السلام..

جات بتتكلم الا دخل التواليت لاجل يستحم ..

تنهدت بحزن ومسحت مكياجها ورفعت شعرها ذيل حصان وغيرت لبسها ، ببجامه فضفاضه باللون الابيض والتركواز ..
وشبشب ..

وطلع من التواليت جفف جسمه وولا عطاها وجه لبس ثوبه الابيض وشماغه الاحمر ، كحل عينه ولبس الخاتم والساعة ودهن بالعود ..

لين بااهتمام: ناوي تطلع على طول ؟

فواز بدون ميناظرها: باذن الله ..

وطلع من دون مايخليها تقول كلمة وحدة ..

لين( علامك يا فواز كذا ، حسيت اني عامله جريمة ، والخطة فشلت قبل ما تبتدي) تنهدت بحزن ..

وقامت خذت دوش دافئ نصف جسمها وهي تفكر ..

وبعد نصف ساعة قامت ، لبست روب بيت مريح باللون التفاحي والبني بنصف كم ، وشبشب بني ..

حلق ناعم وشعرها رافعه جزء منه بتوكه باللون التفاحي ..

تسبحت بالعطر وحطيت مكياج خفيف وناعم ..

توجهت لصالة ..
لين : السلام عليكم ..

ام فواز وام رعد وام امجد: وعليكم السلام ..

وبعد السلام والتحية ..

ام امجد: واخيرا شفناك يا لين ..
لين ببتسامه: الله يوفقك يارب ، اسعدني شوفتك ..
ام امجد: وانا اكثر ..
ام فواز: جيبي الحلا يا نورة ..
لين باندفاع: لا انا بقوم ..
وراحت ..
ام امجد تشوفها من بعيد لما اختفت من نظرها: منال اجمل بكثير منها ..
ام فواز:.......
ام امجد كملت: ذيك عليها خشم وش طوله وعيونها كبار ملامحها تجنن ..
ام رعد: الجمال يروح مع الايام ويبقى المعدن ..
ام امجد: اي ما قلنا شي بس الحق ينقال ، ولين بعد مهيب شينه وجسمها روعه وشعرها احلا من منال ..
وجات لين بالحلا وقدمته ..
ام امجد: اجل سمعنا ان منال بتملك بكره ..
الكل بذهول عدا لين : هاا ..
ام امجد: توقعت انكم عارفين ، وماخذه رجال عنده عز وخير ، اجل بتدلع صح ..
ام فواز : الله يتمم عليهم على خير ..


صارت تناظر ساعتها وهي تشير لساعة 12 ..
تاففت ورجعت اتصلت به ولا يرد ..
الا بفتحه الباب ..
ميثاء باندفاع: وينك انت ماتشيل الجوال ؟ مساع وانا اتصل بك ولا ترد وشوف كم الساعة احين ؟
هاني حط مفاتيح السيارة فوق التسريحة وبهدوء: العيال نامو ..؟
ميثاء بقهر: يالله على برودك ، ولما اتكلم معك لاتغير الموضوع ..
هاني ناظرها بدون اهتمام: خير ست ميثاء ، وش عندك ؟
ميثاء: ليه ماترد على اتصالاتي ؟
هاني: كنت مشغول مع الشباب ..
ميثاء بعدم تصديق: هاني لاتكذب ..
هاني ناظرها والشرار يطاير من عيونه مسك زندها وشد عليها: هذا اخر مرة اسمع منك هالكلمة ، انا منيب مجبور اكذب عليك سامعه يا ام الصدق ..
ميثاء بالم: هاني اترك يدي انت توجعني ..
هاني بستخفاف: اوجعك ؟ الوجع الي سببتيه لي من 7 سنين اكبر من شده ع ايدك ..
وترك يدها بقرف ، وميثاء مصدومه منه : هاني انت تغيرت ! وش الي غيرك؟
هاني بتريقه: اسلوبك الجميل معي هو الي غيرني وخلاني اوعى على حالي اني مو مجبور اجلس مع وحدة مثلك ، واذا على عيالك اخذيهم انتي وخليني اعيش حياتي ..
ميثاء بصدمة: ايش قاعد تقول انت ؟
هاني شلح ثوبه ولبس بجامته: مو خابر انك صمخه لهدرجة ، كلامي جدا واضح ، وبالمناسبة تراي تعبان وبكره وراي روحه مع الشباب ومخيم ان شاء الله ..
ميثاء:........
هاني كمل: ورجاءا مريد اي صوت او ازعاج ، لاني بروح من بدري ، تصبحين على خير ..
تسطح وخفت ع النور وترك ميثاء واقفه بصدمتها وهي تفكر بكلامه ، انسحبت من الغرفة وراحت لغرفة العيال تنام ..


بالحديقة البيت ..
لين: ووش الي مزعلك ؟
عمر: رحت لها وقابلتني ببرود كعادتها ، وتقول توقعت منكم هدايا! او تباركون لي ..!
لين كفتت يدها: عمر انت منزعج انها بتتزوج ولا لان به شي بالرجال مو عاجبك ؟
عمر تنهد: يالغالية انا مزعوج لسبب واحد ، لان امي على كثر الخطاء مازالت تستمر به ..
لين حطت يدها بكتف عمر وببتسامه: حبيبي عمر انت ماتدري وش جرى لامك ولا تدري وش بداخلها ، امكن هي فعلا اتعضت وتغيرت ، وحبت يكون لها عالم ثاني وخاص فيها ويكون لها خصوصية ..
عمر ناظرها: انا امكن اصدقك اذا مكنت اعرف امي ، بس انا عارفها وطريقة كلامها اليوم اكدت لي انها ماتغيرت نفسها الا غدت واثقه زود من حالها ..
لين شدت على كتفه وبا اهتمام: بيجي اليوم وتتعظ صدقني ، هالدنيا تجارب والسعيد الي اتعظ ..
عمر اكتفى انه يبتسم لها ..
راحت لغرفتها وشافت فواز يقرا كتاب ..
لين: السلام عليكم ..
فواز بدون ميناظرها: وعليكم السلام ..
لين: دوبني منتبهه انك رجعت ، الحمدلله على السلامة..
فواز: الله يسلمك (خفت على النور) تصبحين على خير..
لين كنت بتكلم بس محبيت ازعجه وبصوت قريب للهمس: وانت من اهله ..
تسطحت بالسرير وهي تردد سورة الملك وتستغفر لما غفت بلا شعور ..


بهذا الوقت بالذات ~
معضم الشباب طلعو وهو اخر شي ، وتوجه لسيارته وشاف توايرها وبقهر: ياربي من الي فشهم لي ..
وصار يتلفت يمين ويسار الا بسيارة اشر عليها وباندفاع: يالطيب الوقت تاخر وانا لما جيت بصعد لسيارتي شفت توايرها مفشوشين ..
ايمن نزل من السيارة وهو يتفحص سيارته كنه خبير: لا شكل ان به احد موصي عليك ..
ياسر بقهر: هذا اول مرة تصير معي ..
ايمن ببتسامه: انت ماعليك وولا يهمك ، سيارتي هي سيارتك ..
ياسر : اخجلتني يالحبيب ..
ايمن: اصعد معي واوصلك للبيت ، واتصل بي بكره وانا الي بقلك وسيارتك يبا لها شوي عناية بس انا بضبطها لك ..
ياسر بخجل: مدري وش اقول لك يا اخ ؟
ايمن باندفاع: معك ايمن ..
وصافحه: معك ياسر تشرفت بمعرفتك ..
وصعد معه السيارة ووصله لشقته ..
واتصل با ريفان وببتسامه: ابشرك نجحت الخطة ، صدقت لين لما قالت انه طيب وماعنده نيه ..
ريفان بحماس: الله يبشرك بالخير ، ووش الخطة الجديدة ؟
ايمن بخبث: اكسبه اكثر واكثر ..


بصباح اليوم التالي ..
بالمشغل ~

لين بذهول: بس هو ماقال لي ؟
ميثاء بقهر: وهذا انا قلت لك وش بتسوين يعني ؟ الخطة واضحة متفقين معنا بلا شك ..

لين: وخطك مانفعت رجع من البيت متوخر حتئ مالحقت البس شي ، وولا انتبه لي امداني بفتح فمي الا قال تصبحين على خير !

ميثاء بنفس قهرها: انا الي كان بيضربني يا لين وسمعني كلام ماينقال ماقدرت انام معه ، ورحت نمت عند العيال ..

لين: لا انا نمت بالسرير ، بس بصوب وهو بصوب ، ولما قام حسيت فيه بس ماعبرته لان دوامي يختلف عن دوامه وش لي اصحى بدري ، انا خلص مريد اتودد له يا ميثاء ..
ميثاء: يعني بتخلينه كذا لما يروح منك ؟
لين:.......

ميثاء: روحتهم لتخيم والاجواء مهيب باردة زي قبل تخليني غصب افكر ، الا ان كانهم يريدون يكتسبون قليلا من السمراء ..
لين: اخص يافصيح انتا ههههههه ..

ميثاء: اتكلم جد انا وانتي تضحكين ، يعني بالله لو تزوج عليك فواز وفاجئك بزوجته وببيتك وش بيكون ردك ؟

لين وهي تحرك الكوفي وببتسامه: صدقيني مراح يسويها ..

ميثاء كفتت يدها: ياسلام يا واثق انتا ، وايش الي وثقك كذا يا ذكيه ..
لين حطت رجل على رجل وبثقه: يمكن هاني يتزوج عليك لكن فواز لا يمكن يسويها ابد ..

ميثاء رفعت حاجبها: والسبب ؟
لين:شوفي ، لو فواز يريد يتزوج كان تزوج على طليقته منال من اول ، مو يظل يتحملها وهو مهوب مجبور اطلاقا ، وهاني يمكن يتزوج وليه لا ؟ افعالك تخليه غصب يفكر ..
ميثاء كسرت: فال الله ولا فالك ، تكلمي عدل يا لين ..
لين بجديه تامة: كلام الصح والحقيقة محد يتقبله وانتي منهم ، فانتبهي من الان قبل لا تطير الطيور با ارزاقها..



انتهــــــى البارتـــــ .

[Aster]

بالتوفيق حبيبتي مراا حلووه

[bushra0123]

السلام عليكم ورحمة الله وبركاته
كيفك ان شاء الله تمام
انا من عشاااق روايات ساندرااا و مشكووره حياتي لانك نقلتيها لنا
وننتظر البااارت الجاااي على احر من الجمر

[khansaa33]

حلوه
بشده
روعه