آخر 10 مشاركات
زهر جبينها المكلل- قلوب أحلام غربية (118) [حصريا] للكاتبة Hya Ssin *مميزة ومكتملة* (الكاتـب : Hya ssin - )           »          المز الغامض بسلامته - قلوب أحلام زائرة - للكاتبة Nor BLack *كاملة&الروابط* (الكاتـب : Nor BLack - )           »          مابين الحب والعقاب (6)للرائعة: مورا أسامة *إعادة تنزيل من المقدمة إلى ف5* (الكاتـب : قلوب أحلام - )           »          واثق الخطى ملكاً فى قلبي *مميزة و مكتملة * (الكاتـب : حياتى هى خواتى - )           »          مذكرات مقاتلة شرسة -[فصحى ] الكاتبة //إيمان حسن-مكتملة* (الكاتـب : Just Faith - )           »          رغبات حائرة (168) للكاتبة Heidi Rice .. كاملة مع الروابط (الكاتـب : nagwa_ahmed5 - )           »          دموع زهرة الأوركيديا للكاتبة raja tortorici(( حصرية لروايتي فقط )) مميزة ... مكتملة (الكاتـب : أميرة الحب - )           »          جدران دافئة (2) .. سلسلة مشاعر صادقة (الكاتـب : كلبهار - )           »          أسيـ الغرام ـاد -ج2 من سلسلة أسياد الغرام- لفاتنة الرومانسية: عبير قائــد *مكتملة* (الكاتـب : noor1984 - )           »          قطار الحنين لن يأتي *مميزة و مكتملة* (الكاتـب : رُقيّة - )


العودة   شبكة روايتي الثقافية > قسم الروايات > منتدى الروايات والقصص المنقولة > منتدى الروايات الطويلة المنقولة الخليجية المكتملة

Like Tree182Likes
إضافة رد
 
LinkBack أدوات الموضوع انواع عرض الموضوع
قديم 07-12-13, 11:06 AM   #21

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي




لين هزت راسها با الإيجاب ..

أم بكر: وأنتي الله بيرزقك بالرجال الصالح أللي يقدرك , ويعوضك عن كل شيء حرمه منك طليقك , وراح تشوفين ..

لين : الله كريم ..

.
.
.

بعد صلاة المغرب , ببيت أبو ناصر ..

ناصر , وأبوه وامه جنب منال .. !

فواز: ممكن أتكلم معك با أنفراد يا منال ..؟

منال ناظرت أخوها با أبتسامه , على أساس بتاخذ العشرين ألف ..

أشرت لهم أنهم يطلعون .. !

فواز صار يناظرهم لما أختفو من نظره ..

منال با أبتسامه: أظنك قبل ما تجي , عارف بشروط الرده .. !

فواز: ومن قال أني بردك ..!

منال بصدمــة: وش قلــــت ..؟؟

فواز: أللي سمعتيه ..

منال: وليه جاي أجل ..؟

فواز: أحنا عندنا عيال , وأنتي منتي بصغيرة عشان تسوين سواتك ..

منال بقهر: أشوف أن يدك طالت علي , ورحت لعند أبوي ..

فواز بستغراب: طـــألت عليك !! وأنا بس دفعتك عني .. مع العلم أنك أنتي سبب هالشيء ..

منال رفعت حاجبها: وبعدين من قال أني أنا كبيرة , ترى به الآلف يتمنوني ..

فواز بسخريه: ليه مرحتي لهم ..؟

منال فركت بيدها بحسره: للآسف هذا حظي المقرود أللي رماك بحظي ..

فواز: الظاهر يا منال أنك تبين النهاية تكون أنفصال .. !

منال وقفت: للآسف الحياة معك بات شبة مستحيلة عندي ..

فواز: وش أللي مقصر فيه بحقك وبحق البيت ..

منال: بكــل شيء , عمري من خذتك ما شفت يوم حلو ..

فواز أبتسم با أستخفاف: بالفعــل , النساء أكثر حطبت نار جهنم , لأنكم تكفرن العشير ..

منال عطته ظهرها : لا تجلس تتفلسف علي ..

فواز وهو يأشر بصبعه السبابه: تصرفاتك , هل تصرفات وحدة تخاطب زوجها , ونعمه التربية ..

منال عطته نظره كنها تستحقره: رجاءا لا تفرع الموضوع , وقول وش تبي جاي , طالمة أنك جاي مو تنفذ شرطي ..

فواز: قصد أنا أللي بتشرط , أنك أما تتعدلين مثل الخلق , ولا كل واحد بطريق ..

منال بحده: الأختيار الثــاني أبرك من بخلـــك والسجــن أللي معيشني فيه ..

فواز جلس , لأنه حس أن بيعصب عليها , فخذ نفس عميق: وش أللي زاعجك بحياتك ..؟

منال: للأسف كل شيء , أي حاجة أسويها أو أقولها ما تعجبك , ولزوم تسوي لي سالفة مالها أول ولا تالي ..

فواز: هاتــي مثال ..؟

منال بحزن: من أجيب طاري السفــر ترفض على طول يمكن ما تقول لا , بس أساليبك تبين رفضك وأنزعاجك ,
ومصروفين ألفين ما تكفي , تطالبني أني أجلس معك ومع العيال ..
وأنا نفسي منك ومن عيالك طابت , كل حاجة فيهم نسخة مفصله منك ..
أساليبهم وكلامهم وحتى نظراتهم , ومبالغ لو قلت نفس تفكيرك ونمطه ..

فواز: لهدرجة تكرهيني يا منال ..؟

منال ألتفت له وبا أستخفاف: توكـ تسأل .. !
أنا من زمــان أكرهــك ولا أطيق , حتى شوفتك تجيب الحزن لي ..

فواز أنصدم من كلامها: أللي يسمعك يقول أني كل يوم ضاربك ضرب الحمير , وحارمك من الأكل
وزيارات أهلك وعزايمك , ووش مسوي لك أنا عشان تكرهيني هالقد ..؟

منال: أللي يسوي سواتك ذي , أنت تحسسه بغمته , وصعب أنه يجلس معك ..
وياليت تراقب تصرفاتك با الأول يا فواز , قبل ما تسأل وتتكلم .. !

فواز قام وهو يعدل شماغه الأحمر ويرفعه , توجه لها: والله أن غيرك يتمنــى عيشتك بس هاليوم حظ الشلقه والبلقه ..

طبعا العائلة الكريم , جالسين يتنسطون ورى الباب ..
وانفتح الباب ..
وبصدمة: بنتـــي شلقه وبلقه .. !!

فواز ناظرهم: زين أنكم جيتوا , عشان تشهدون على أللي بقوله ,
أنا يا منال ما قد من خذتك سألتك عن معاشك , ولا حتى سألتك وين تودينهم ..؟
لأن هالشيء ما يعنيني , وفوق معاشك أعطيك ألفيــن غير لوآزمك الثانية ,
وهم صوتك عالي وكلا صراخ ووسخه بنفسك ,
ولو أسمع كلامك وأسفر نانسي بسبب غيرتك الغبية , كان البيت مسكن للفيران وعقب دارهم ,
حتى يوم واحد ما تبين تجلسين مع زوجك أو عيالك .. !
ما حبيت أقول أنك مهملة بنفسك , وماعندك أسلوب بجميع الأمور معــي ,
عشان مجرح مشاعرك ..
بس هالمرة قلت , لأن خلاص عافـــك الخاطر للأسف ,
وعمي معيشك بدلال على بالك أن الزواج سفر وروحه وجيه , وسهرات وتعزم ..
والمشكلة الكبرى أهلك أن على بالهم أنك متزوجة بنك الراجحي , أو بنك الرياض ..
وأن عندي ملايين , وأنتو حتى النملة حلبتوها ..

ناصر قاطعه: منت بكفو تقول هالكلام لنا ولأختي ..

فواز ولا كنه يسمعه وكمل: ما قلتي لي ولا مرة , يعطيك العافية , ما قصرت ,
خيرك سابق , للأسف بس أنا بنظرك وبنظر أهلك أني مقصر وبخيـل , وأن كل شيء تقولينه لأهلك ..

منال بتوتر: أنا مقولهم شيء !
فواز كمل بسخرية وألم بجواته : ولا تظنين أني مدري أنك تقولين حق أبوك أني أحــب الرقدة .. !

منال بقوة عينه وقله أدب: وأنا ما كذبت , طفشت من كثر السباحة ,
وأنا لو بخليك على راحتك , أمكن باليوم أتسبح 3 مرات ..

أبو ناصر:لا تغصب بنتي على شيء ماتبيه ..

فواز بسخريه: أجل ذا كلام يا أبله منال تقولينه لأهلك , ونعـــم التربية والله .. ونعم التربية ياعمــي ( التفت له ) ..


يتبـــــع ~

أميرالز likes this.

لامارا غير متواجد حالياً   رد مع اقتباس
قديم 07-12-13, 11:08 AM   #22

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي




فواز بسخريه: أجل ذا كلام يا أبله منال تقولينه لأهلك , ونعـــم التربية والله .. ونعم التربية ياعمــي ( التفت له ) ..

أبو ناصر بحده: لو مو عاجبك أنقلع برآ ..

فواز: أنا بطلع يا عمــي , بس أسأل الله العلي العظيم بهالجمعة أنه يرزقك رجال يعرف لك عدل , وبكل شيء يكون عكسي , عشان تعرفين من هو فواز صــح ..

أبو ناصر , وناصر , مسكوا فواز وطلعوا من البيت غصب , ونسوا المحسن لهم .. !!


رآح للأسترآحة , عند الرجــال , لأن ماله مزاج يرجع للبيت ..
ولا يريد أحد يسأله وش فيك , ولا علامك ..؟

#
عندمآ تســوء نفسياتنا , وتكثر أحزاننا ونشعر أننا لسنا محظوظين بالحياة , فيتملكنا رغبة با أن نبتعد لكـي لا يكون جرحنا للغاليــن بكلامنا ..
بسبب سوء نفسياتنا ..


أبو بلال صب له القهوة , وقدم له التمر وجلس جنبه:أنت ما تجي هالوقت إلا وأنت متكدر يا أبو عمر ..

فواز ناظره بصمت :........

أبو بلال: ما تقدر تبوح بضيقتك ..؟

فواز أبتسم له: الحــل مهوب عند الخلــق , عند الخالق يا أبو بلال ..

أبو بلال حط يده على كتف فواز: صدقت , بس أن شكيت أمكن ترتاح يا أبو عمـر ..

فواز عدل جلسته: الفضفضة أحيانا غلطة يا أبو بلال ..

أبو بلال: جرب ..

فواز: لو بحياتك حاجة كبيرة مسببه لك الحزن والتعب على الدوام , هل تفكر تتخلص منه ..؟
أبو بلال: أنا صحيح ما فهمت شيء , بس المثل يقول الباب أللي يجي منك ريح سده وأستريح , وطالمة هالشيء متعبك حيل أتركه والله يوفقك يارب ..

فواز با أبتسامه عريضة: هذا أللي بيصير يا أبو بلال ..

أبو بلال: مناي أشوفك مبسوط وسعيد يا أبو عمر , مهما وش كتمت , معالم وجهك فاضحتك , بصوتك ونبرته وبمحياك الحزن والهمـ ..

فواز تنهد: آآآآي , أي با الله أنك صادق يا أبو بلال , يا هي صعبة ضيقة الشخص الكتومـ ..

أبو بلال صب له فنجان القهوة: سم يا ابو عمـر , والله محد من لوعه الدنيا سلم , مو هاذي كلتمك ..!

فواز هز راسه بالإيجاب : قالها أبو نورة حياتي كلها صبر وجلاده ..

أبو بلال: سمعنا يا أبو عمر , وش قال أبو نورة .. !!

فواز بصوت عذب:
حياتي كلها صبــر وجلاده . .
وغيري عايشــن , عيشه سعادة . .
وأنا آلعــاشق بالغــي مغرم . .
غريق في هوآء رآعـــي القلادة . .
بعيد عنه بديــار بعيدة . .
ولحد جــاب مني الأفــادة . .


جلس بعدها يتبادل طرف الحديث مع أبو بلال , وجآو بعض شباب الأسترآحة ..
بهالوقت جمعتهم , ولعب معهم ورق . .

على الساعة 10 رجع للبيت . .

شاف أمه تحت جالسة , مع وعد وبيسان ..

أول مشافوه سلمو على أبوهم ..

فواز: أجــل ذاكرتوا , على هالجلسه ..؟

وعد: أي الحمدلله , بس طفش عينا كلا على الكتاب , حابين نطلع ونغير جو ..

فواز جلسها جنبها: وين تبون تروحون يعني ..؟

وعد وبيسان بحماس: نروح للبـر مع بنات خالتي نورة ..

فواز أشر على عينه: ما طلبتوا شيء , من عيني هاذي قبل هاذي ..
وعد وبيسان من الحماس , ضمو أبوهم وباسو خده : تســلم يا آحلا أب بالعالم ..

وطارو لغرفتهم , يبشرون الغير ..

أم فواز ناظرت ولدها: وافقت بسرعة يا ولدي , مهوب عادتك , عسى ما شر ..

فواز تنهد: تقدرين تقولين بسبب طلاق أمهم ..

أم فواز بصدمة: طلاق أمهم .. ! أنت مطلق منال يا فــواز .. ؟؟

فواز: ارجوك يا الغالية , لا تعارضين ولا تقولين شيء أنا بطلقها بكره ولا بذني ماي ..

أم فواز تنهدت : أباك تفهم حاجة وحدة يا ولدي , أني اريد بس سعادتك , وأنا معك بكل شيء ..

فواز أبتسم , وقام باس راسها: الله يخليك لنا يا أم فواز , أنا أحين بروح أريح , تصبحين على خير ..

أم فواز ردت له الأبتسامه: وأنت من أهله يا يمه ..

جاء بيتوجه لغرفته إلا ولده عمر يدخل ..

فواز: هلا عمور ..

عمر ناظر أبوه: هلا يبه ( باس راسه ) ~

فواز: أتمنى متكون مشغول يا ولدي ..

عمر با اهتمام: سم يبه , وقتي كله لك ..

فواز : تعال معــي ..

ولحقه ولده للمكتبة .. سكر الباب وجلس قبال أبوه ..

فواز: أنا بكره بروح للمحكمة بطلق أمك ..

عمـر: طلاق بلا رجعه .. !

فواز: أي وأنا أبوك , أنا تعبت مع أمك وهي ما بغت الصلاح ..

عمـر تنهد بحزن: الله يهديها يارب ..

فواز: المشكلة أن هم أهلها معها , ولأنها البنت الوحيدة مدلعينها ومسايرينها بكل شـيء ..

عمر: معك حق يبه , وهذا أللي شفته أنا أمس ..




فواز حط يده على كتف ولده: السموحة يا عمـر , أعطيتك مسؤؤلية وشلت فوق راسك هموم ,
وتعبتك معي , بس مقدر أتكلم بمثل هالأمور إلا معك .. أللي المفروض تكون أمك ..

عمر با أبتسامه: لا تقول هالكلام يبه , أنا لما أشوفك تتكلم معي أو مع رائد ويزيد تحسسنا أن أحنا كبار وقد المسؤلية ..

فواز رد له الأبتسامه: وياليت يا عمـر , ترآقب يزيد ورائد , أحس أن به شيء مخبينه علي , وهالأمر مهوب طيب ..

عمر: أبشــر يبه , مالك إلا الرضــى التام ..

فواز: ما أنرحم منك يارب ..

عمر: ولا منك يا الغالــي .. ( قام وباس رأس أبوه) تصبح على خير ..

فواز: وأنت من أهله ..

رآح كل منهم لغرفته , على أن بكره ماعليه دوآم بس نام من بدري لأنه أجهد فكرة وجسده . .



بيوم آلثــاني . .

كانت أم هدى , وأم بكر يفطرون مع بعض ..
إلا بنزول لين عليهم ..

ألتفتو لها .. وهم منصدمين من شكلها الخورافي ..

كانت لابسة ميدي سكيني بلاك , على بلوزة رسمية بيضاء بموديل فرنسي , وأكمامه حاير كا شفة من صدرها شوي ,
لابسة ساعة فضية وحلق لامع فضي ناعم , مسيحه شعرها , ومن أطرافه مفير ..
خاتم برآق فضــي ..
صندل عالي أحمــر , به فيونكه من ورى ..

ورآسمه عينها كحل فرنسي , وبلاشر وردي مضــيء , محدده حواجبها , مكثفه الماسكارا , روج أحمـر كرزي ..
شنطتها بلاك ..

أم هدى با أبتسامه: وش هالزين يا لين , ما شاء الله عليك ..

أم بكر قامت تقرأ عليها قرآن:أجل بتقبلك غصبن عنها أختي ..

لين: ههههه , يعني مغير شيء , حلو شكلي .. !

أم هدى وأم بكر:حيل ما شاء الله ..



يتبــــــع ~



لامارا غير متواجد حالياً   رد مع اقتباس
قديم 07-12-13, 11:09 AM   #23

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي



أم هدى وأم بكر:حيل ما شاء الله ..

أم بكر: لبسي عباتك , هي قالت بتمرك 9 يعني أكيد بيكون 9 ..

لين تشوف ساعتها الفضية المليانه بالفصوص اللامعه:أجل بلبس , لأن دقيقين وتدخل تســع ..

وبالفعل بعد 5 دقائق فقط .. بوري السيارة , حاولت أمها تأكل فيها , بس قالت بـتأكل بالمشغــل ..

ركبت السيارة , وبعد السلام ..

أم عبد الا له: مر للبوفيه كالعادة يا حسين ..

حسين: إن شاء الله مدام ..

حسين , سواق أم عبد الاله , هندي الجنسية ..

وكان صاحب البوفيه مجهز الطلبية , كما لو كان عارف , نزل حسين وعطاها المبلغ وركب السيارة متجه لمشغل [ ليديز ] ~
أسمه كذا .. !

نزلت معها , ومشيت وراها وأنا ماسكه شنطتي , وأشوف مشيتها الواثقه ..

فتحت الباب بالمفتاح تبعها..

أم عبد الاله: يا سالــي ..

سالي جات: نعــم مدام ..

أم عبد الاله: وديها تشلح عبايتها , وعرفيها بالمكان ..

سالي: إن شاء الله مدام ..

توجهت أم عبد الاله لمكتبها ..
وأنا أناظر المكان , أللي كان كلمة روعه قليلة بحقه ..

بتناغم بين لون البني , الذهبي , البيج , الأحمر الدمــي ..

الأستقبال , طاولة مكتبية بلون البني من الخشب الفاخـر ..

يعتلي سطحه لابتوب ( ديل ) , لون الجدار بيــج .. بينما جدار واحد ورى المكتب لونه أحمر دمي , مزخرف باللون البيج ..
وقدام الأستقبال يوجد لفه , وبعدها صالة ..

كنب من جلد أسود اللون , طاولة مربعة وسط المكان , يعتليه قماش من الدانتيل بيج اللون ,
الجدار باللون الأبيـض , يوجد لوحة كبيرة ( عند لفه مابين الأستقبال والصالة )
أطارها ذهبي مزخرف , والرسمة تعطي دفئ للمكان , لرسم طفل زنجي من اجوآء افريقيا بصورة مقربة منه , وهو حزين ..

ألتفت لتشوف البراد ومبيعات غذائية متنوعة , قاطعت أندامجها صوت سالي: تعالي معي عشان شيل عباية ..

لين هزت راسها بالإيجاب , تبعتها للتوليت أللي بمنتصف المبيعات الغذائية والصالة ..

شلحت عبايتها , شيكت نفسها بمرآية التوليت , تسبحت بعطر آونلي ماجــن ..

ودهنت يدها با اللوشــن ..

سالي ناظرتها وبا أعجاب: ماشاء الله , أنتا جميلة حيل ..

لين ردت لها الأبتسامة: أنتي الجميلة حبيبتي ..

خذتني للأستقبال , وجلست بالكرسي , الكرسي مريح مرة ..

علمتني سالي أسعارهن , وعطتني لائحة مكتوب كل جديد المشغل ولوآزمه الخاصة ..

وبعد عشر دقائق من التعليمات ..

أم عبد الاله تمشي وورآها فلبينيه: أي شيء ينقص المشغل , تبلغيني أول با أول , طيب جيني ..؟

جيني: حاضر مدام ..

أم عبد الاله : وين الموظفة الجديدة ..؟

جيني: بالأستقبال ..

أم عبد الاله: خلاص أنتي روحي شوفي شغلك ..

وتوجهت للأستقبال , أنبهرت بجمال وذوق لين ..

لين وقفت وبا أبتسامه: علمتني سالي , شغلي ما قصرت فديتها ..

أم عبد الاله أنعجبت بصوت لين الناعم , وهو مناسب لنوع شغلها , ورزتها بحضورها ..

أقتربت منها , ودارت حولها .. لين صلبت طولها , حست أنها بمعسكر .. !

أم عبد الاله تدقق بلبسها: ناقصك حاجة وحدة بس ( حطت يدها بصدرها الأيمن )
بروش ويصير شكلك مئه بالمئه كول , نوعية شغلك يتطلب الأناقة الدائمة , مفهوم لين .. ؟

لين: مفهوم طال عمرك ..

أم عبد الاله: في غيرك طلبوآ هالوظيفة , ومهوب كفو لا لبسهن حلو ولا أشكالهن ,
صحيح الجمال من الله , بس على الأقل أهتم بنفسي , هم يجون حتى بقميص بيت لمكان شغلهم .. !!
وأنا هالشيء ما يعجبني , وأن حصل هالشيء من قبلك , صدقيني بتكون نهايتك برا هالمشغل ..

لين هزت راسها بالإيجاب..

أم عبد الاله: زي منتي شايفة المشغل شكله حلو , وسعيت على رقيه ولوازمه , فا أي شيء يخرب مشغلي اطلعه .. !

وأتمنــى كلامي يرسخ بذهنك ..

إلا برنه التلفون الثابت , أللي جنب اللابتوب ..

لين : أسمحي لي ..

أقتربت من التلفون وردت : السلام عليكم , مشغل ليديز في خدمتكم , هلا فديتك ,
بنسبة لليوم ( وهي تتصفح الدفتر ) بعد الظهـر مابه مواعيد , تقدرين يا الغالية تجين .. مابه خلاف , حافظك ربي ..

أم عبد الاله با أبتسامه عريضة : أحسنتــي , برآفــو عليك يا لين , كذا أنا أبغيك ..

لين انبسطت أن مديرتها عاجبها شغلها ..

بعد الفطور البسيط ..

جات وحدة مع بنتها , طلبت حف شنب وتشقير حواجب ..

جات جيني , لبت طلبها ..

وكانت بنتها تبكي وتصارخ ..

كسرت خاطر لين قامت وشالتها عنها , وعطتها شبس وجلستها بحضنها , كان عمرها بحدود السنتين وكم شهر أظـن ..

وبعدها رآحت الزبونه تتشكرني وسلمت علي ..

بعد صلاة الظهـر ..

رجعت للأستقبال , وأنا اقرأ كتاب علم النفـس , يختص بالتعامل والأسلوب ..

نزلت كتابها بعد مسمعت , فتحه الباب , وعند كل فتحه باب يرن الجرس ..

أم عبد الاله شافتها من بعيد , وجات ترحب فيها: هلا والله أم رعد ..

أم رعد با ابتسامة: هلابك يا عمري , مالك شوفه يا أم عبد الاله ..!

أم عبد الاله: وش أسوي بعد , المشغل ماخذ كل وقتي ..

أم رعد: أمي معاتبه عليك , تقول هذا حق الجيره .. !

أم عبد الاله: قولي لها تعذرني هالأوقات مشغولة , وبعون الله بعد الأختبارات لي زيارة لجارتي أم فواز ..

أم رعد: أي بنشــوف أحنا , بس مو تتحججين ولا تجين ..

لين لما شافت ترحبهم لبعض , عرفت أنها من زبونات أم عبد الاله الدائمة , وصديقة لها ولأمها أمكن ..
جلست تناظر بكتابها ودخلته با ادراج المكتب ..

أم رعد لمحت لين من بعيد وبذهول: أقول ام عبد الاله , من ذي .. ؟

أم عبد الاله أبتسمت وهي تناظر لين , بس لين ما نتبهت لها ..

مسكتها ودخلتها بمكتبها ..

مكتب أم عبد الاله الخاص ..

سكرت الباب ..

يتبـــع ~


أميرالز likes this.

لامارا غير متواجد حالياً   رد مع اقتباس
قديم 07-12-13, 11:10 AM   #24

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي



سكرت الباب ..

جلستها قبالها: هاذي موظفة جديدة عندي , متزوجة الظاهر ..!

أم رعد بخذلان: أها .. جميلة حيل ما شاء الله ..

أم عبد الاله: على أنه أول يوم لها بس عاجبتني تصرفاتها الأنوثية ,
ناعمة وصوتها حلو , ساعات من نعومتها ببعض الأمور , أحــس أني رجال ..

أم رعد: ههههههه , أجل يا بخت زوجها فيها ..

أم عبد الاله: والله أني سامعه أن مرت أخوك فواز شردت لعند اهلها ..

أم رعد بستغراب: ووش عرفك ..؟

أم عبدالاله: ناسيه أن أمها قناة الجزيرة , كل شيء وصلته , وقالت عن أخوك علوم ما تســر ..

أم رعد قاطعتها: أكيد قالت أنه بخيل ومقصر .. !

أم عبد الاله: أي با الله أنك صادقة , أول ما جات قالت هالكلام , أنا كنت بزيارة لعند احدى صديقاتي , وكانت هي موجودة بجمعة النسوان ..

أم رعد تنهدت بحزن: لا حول ولا قوة إلا با الله ..

أم عبدالاله مسكت يدها: لا تضايقين يا نورة , أنا ما قلت هالكلام عشان أضايقك بس حبيت أتوكد ,
لأن أغلب كلامها خورافي , يعني معقولة به شخص كلا عنده عيوب , مابه إيجابيات .. !!

أم رعد: أنا أللي محزني أن لو أنتشر الخبر وهي ما تقفل فمها , وتكذب بالكلام , محدن بتقبل با أخوي ..

أم عبد الاله بستغراب: ليه ناوي يتزوج على منال ..؟

أم رعد : لا , اليوم بيطلقها , وهو أللي موصلني لهنا وراح المحكمة على أساس يبعتون لها ورقة الطلاق ..

أم عبد الاله: اها , عنده شروط اخوك ..؟

أم رعد تنهدت: يا قلبي قلب أخوي بس , هو مسكين ماعنده أي متطلبات أو شروط ,
بس أنا أريد له وحدة مزيونة تاخذ العقل والقلب , جسم وطول وبياض , نعومه وأنوثــة ,
طيبه , وحسن تعامل , والأهم أن ميكون عندها عيال أو تفكر تجيب عيال !!

أم عبدالاله: الصراحة شروطك تعجيزيه يا نورة , وين بتلاقين مثل هالمواصفات برايك ..؟؟

أم رعد: الديرة كبيرة يا أم عبد الاله , ووكاد به وحدة مثل هالموصفات , وأنا بلاقيها بعون الله ..

أم عبد الاله: يارب أنه ياخذ وحدة تستحقه وتسعده , ولا الجمال مهوب مهم يا نورة ..

أم رعد عدلت جلستها: ما كذبتي , بس هم الجمال مطلوب حتى لو شوي ,
وأنا نفسي أزوج أخوي فوق ما يتصور , أحسه خلاص تعب بجد ..

أم عبد الاله بتفكير: زوجيه وحدة صغيرة بالعمـر عشان يحس أن شبابه تجدد ..

أم رعد كشرت: لا يا قلبي , الصغيرة تبي العيال , وتصرفاتها بزوره .. !

بس فواز تعبان والعيال حنه زي منتي عارفه , يعني لو بالثلاثين أحس أو بنهاية العشرين ..

أم عبد الاله: أنا منيب بمقصره بدور له , وأن مالقيت بدور له خطابة ..

أم رعد: تسوين خير يا الغالية ..

.
.
.

على الساعة 1:55 ظهرا ..

أندق الباب , وفتحه عيسى مذهول: فواز .. !!

فواز:منال موجودة ..؟


وبالمجلس ..

ناصر حط رجل على رجل: واظن أنك عارف بالشروط ..؟

فواز: عارف فيها , وحاب أتكلم مع منال ..

أبو ناصر قام مع ناصر..

عيسى جنب الباب: بنادي أختي تجيك ..

فواز ما كان له نيه أنه يردها او يرآضيها بس بالليل جيه بيسان له وهي تبكي , ولا تريد أمها تبتعد عنهم , وقالت له عطها فرصة .. !!

دخلت منال بدون ما تسلم جلست قباله ..

فواز: كيفك ..؟

منال بدون نفس: تمام ..

فواز كنه ينتظر منها أنها تسأل عـنه أو عن عياله: أحنا الحمدلله طيبين , وأمي والعيال يسلمون عليك ..

منال كشرت ولا ردت عليه ..

فواز: أنا يا منال مقدر أأمن لك شرطك ..

منال التفت له وبقهر: أجل ليه جاي ..؟

فواز:أنا قلت بدل هالمبلغ نسافر ..

منال تحمست للفكرة: جد ..؟

فواز هز راسه: أي ..

منال قامت: طيب أجل بروح أنزل اغراضي ..

فواز: خذي راحتك بالتجهيز ..

منال قاطعته: لا مابعد أطلعهم من الشنطة و عارفه أنك بتراضيني .. !

فواز:.......

وطلعت من المجلس ودخل على طول أبو ناصر ..

أبو ناصر:طالمة أن بنتي قبلت بهالشرط , ما عندي كلام , أهم شيء سعادتها ,
بس أن زعلتها مرة ثانية بتدفع غصبن عنك ..

فواز كنه يهمش كلامه: يصير خير ..

وبعد دقيقتين فقط نزلت منال وهي لابسه العباية ..

وعيسى يشيل شنطها ..


التفتو لفتحه الباب ..

بيسان أول ما شافت أمها أنبسطت وجات تبوس راس أبوها ..

عمر أنصدم من وجود أمه , وناظر با أبوه ..

فواز عطى نظره لولـده وفهمها عمر وتنهد بحزن ..

أم فواز با أبتسامه: توه منور البيت ..

منال بدون نفس: تسلمين , ووين نانسي الغبية ..

فواز بصوت مسموع: نانسي , نانسي ..

جات نانسي , وطلب منها تشيل أغراض الست منال ..

ودخلت للغرفة وبحماس:وين بنسافر فواز ..؟؟

فواز: أنتي قرري وين تبين تروحين ..؟

منال بتفكير حماسي: اندونيسيا , فرنسا , لندن .. وااااو ..

فواز شلح شماغة وعلقه: متى ما رسيتي على مكان عطيني خبـر ..

منال برمت شفتها: محس انك مبسوط من ردتي , كنك مجبور ..؟؟

فواز وقف فجئة , وهو يسمع كلامها ( أمكن الغلط منك يا فواز , دائم تستحقرها ولا يعجبك كلامها , عطها الأهتمام على الأقل )
ألتفت لها وبا أبتسامه أقترب منها وضمها ..

منال فتحت عينها على الأخـر من حركته ..

فواز كشر وهو يشم ريحه شعرها الطالعه , أللي باين انها مغسلته من أسابيع .. !

منال بعدته وكشرت: كبرنا على هالسوالف ترى .. !

فواز: بس انا مكبرت ..

منال عند التسريحة وتناظره بالمرايه وبسخرية : أي واضح أنك صغير ما شاء الله ( والتفت له )
بتدخل الأربعين بعد كم سنه وتقول توك صغير , الشيب خطك ..

فواز ( محد شيبني غيرك والله ) بتفهم: أعني على هالأمور , حلو أن يكون بيننا تفهم وعاطفة ورومانسية ..
منال بدون أهتمام: قصدك ورى هالضمه , أشياء .. !

فواز: وإذا كان به أشياء كما قلتي , هذا من حقوقي وأنتي زوجتي , وين اطلبها أجل .. !

منال: أنت تدري أني محب هالأمور , وأنت ما تنبغى والله ..

فواز أقترب منها وبيأس: صار لي شهر ما خذت حقوقي , على أساس اني مرآعيك ,
من أقترب منك ترفضين وتصارخين , نفسي أعرف ليه متزوجة أنتي ..؟

منال جلست بطرف السرير:حب للأستقرار وأني أخذ واحد يدلعني .. !

فواز: وليه أنا وش أسوي ..؟


يتبــــــع ~


لامارا غير متواجد حالياً   رد مع اقتباس
قديم 07-12-13, 11:12 AM   #25

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي


فواز: وليه أنا وش أسوي ..؟

أحلا الملابس تلبسينها رغم تكلفتهم , مصروف واعطيك , أسفرك بالسنه فوق ال3 مرات ..

منال: أنت ما عمرك فهمتني أو أصلا تفهمتني يا فواز ..

فواز نزل عينه: أنا أسف أجل لو سبب لك هالحزن , وش رآيك نتعشـى برا ..؟

منال أبتسمت: فكرة حلوة ..

إلا بضربه الباب , فواز: أدخل ..

ريفان دخلت با أبتسامه: عسى ما أزعجتكم ؟

منال قامت وكنها تبي تتهرب من فواز: لا أبد ..

ريفان: سمعت أن بتودينا اليوم للبر يبه , والأجوآء حلوة , متى نروح ؟

فواز ضرب جبينه , كنه تذكر شيء: والله أسف نسيت الموضوع بتاتا بس بعد شوي بعطيكم الرد , لما أشوف رأي حبيبتي منال ..

منال توترت من كلامه , وحست أنه فعلا يبغى شيء وباندفاع:موافقة , مابه لزوم نتشاور ..

فواز أستغرب أنها تلغي روحه للمطعم عشان تتباها عند ربيعاتها (أمكن أستعدلت الحرمه ! ) بغرآبه: طيب .. !

ريفان بفرحه: تسلمون لي يارب , ببلغك البنات .. ( وطلعت من الغرفة )
فواز قام وبغرآبه: وش الطاري ؟

منال باندفاع: المطعم يكون بكره على الغداء أحسن , ولا تحاول تقترب منـي , لأن مالي مزاج لك .. !

فواز ألتزم الصمت , لما طلعت من الغرفة , تنهـد وهو متيقن أن مابه صلاح بهالحرمه !

~ ~ ~

وبالغرفة البنات ..

عمر: ومن سمح لك ..؟

بيسان بستغراب: انت تحسسني أني أذنبت أو ظلمت أحد يا عمر , كل ما هنالك أني قلت لأبوي يرجعها ..

عمر:أنتي شايفه حالة أبوي .. !

بيسان:أي شايفة , بس ما أبي أمي تطلقت وتروح عنا ..

عمر: ولا أحد يبي , بس أمي مهوب متغيره , تدرين ليه ..؟

بيسان:.........

عمر: لأن أمي رآفضة التغير من أصـل ..

بيسان بحزن: أمكن تتغير , ويكبر بعينها أبوي أنت ما تدري .. !

عمر صغر عينه وبقهر: كم سنه لهم متزوجين .. !
هااه ما تتكلمين , وأبوي متحمل وساكت وأنتي تنزلين كم دمعه ويحن أبوي علينا أحنا ..

ريفان: هد يا أخوي ..

عمر محب يتكلم أكثر من كذا لأنه عارف أنه بيقط كلامه مو زين , ويطلع علوم أمهم وطلع من الغرفة ..

.
.
.

أم هدى بالتلفون: أجل مالك نيه تحللين .. ؟

هدى: لا يا يمه لسى بيثبت حملي بعد كم يوم , لما أشوف أنقطاع أو تأخر دورتي ..

أم هدى: الله يعين بس ..

هدى: البيت هادي غريبة ..

أم هدى: أي لان لين مهوب بالبيت ..

هدى بستغراب: ليه وين رآيحه بالعصرية ..؟

أم هدى:في دوامها ..

هدى بذهول: أشتغلت بعد , ولا خبرتوني ..؟

أم هدى: لا تأخذين الموضوع بحساسية يا هدى , هي ما بعد تترسم على قولتهم , بتشوفها مديرتها كان شغلها ممتاز ولا لا ..

أم هدى: ووين تشتغل ..؟

أم هدى: بالمشغــل ..

هدى: آها بالمشغــل , عشان كذا أبوي وافق , لأن أبوي ما يأيد المرآه العاملة ..

أم هدى: لا أبوك يرضى بس متشدد با الشغل أللي به أختلاط ..

هدى: أي , الله يعين ..

.
.
.

على الساعة 10:11 بالليل ..

بالبر , على هالأجوآء الباردة " يالبيه بس " البنات والعيال بجهة ..

وأبو عمر وأم فواز وأم رعد وأم عمر بجهة ..

جالسين قبال النار ..

وبتريقه: زين أنك جيتي للبر , ما توقعت الصرآحة أنك بتجين .. !

منال بستحقار: لما أشوفك جايه معهم , مفكر أني أروح ..

أم رعد بكره: وش تقصدين يا ست منال ؟

منال بنفس أسلوبها : أنتي ادرى ..

جات بترد نورة إلا با أم فواز تأشر لها أنها تسكت ..

أم فواز تغير الموضوع: أنبسطتنا بجيتك الغير عادة يا منال ..

منال وهي تناظر يسار ويمين بطفش: تسلمين ..

أم رعد تهمس لها: مو ناوي تصبين قهوة لزوجك ؟

منال بنفس همسها: وأحد معيني خدامة لك ولا له يا ست نورة !

على قولتهم الصوت بالليل يسري , وسمع فواز وأم فواز كل شيء ..

أم فواز باندفاع: علامك ساكت يا ولدي ..؟

منال تأففت: من الزهق , مسوي نفسه الأب الحنون وواعدهم بروحه للبر والأجواء تجيب الهم , أمحـق بس !
أم فواز تلطف الجو: غريب ما سمعتنا قصيـد يا ولدي ..؟

فواز وهو يناظر منال وتاره بالنار : قالها السحااااااب " الساري "

يامن شرا له من حلاله عله

....................
مافيه يوم مر وذاق الراحه

القلب متعود على كثر الزله

.................
ماتسمع الا صجته واصياحه

يانعنبوك ونعنبوا هالطله

...............
كويت قلبي وزدت فيه اجراحه

الزين مع غيرك تراي ادله

...................
ابو عيون ونظراتها ذباحه

اللي معه سيف الهوى ويسله

............يصيبك بسمه ولا يخطي باسلاحه

<< بقلم السحاااب " الساري " الله يجزاه خير ..


أم رعد وأم فواز هزو رآسهم بتأيد: صـح لسان من كــاتبها ..

منال بصوت عالي: لا والله , أنـــــا أدري أنك تقصدني يا سيد فواز ..

أم فواز باندفاع: لا يايمه هو ما يقصد شيء , أنا الي طلبت منه يقول قصيد ..

منال تخصرت: تحسبيني غبية أنتي وياه , الكلمات وآضحة وكل شوي يناظر فيني ..

فواز باندفاع: الله يهديك بس , دائـم تسوئين الظــن فيني ..

منال قامت وبوقاحة: مالت عليك وعلى ألي يرآفقكم للبر ( وبزمره ) قـوم يلا ودني , حسبي الله عليك من رجال ..

أم رعد قامت معا وبذهول: حسبي الله عليك أنتي , أنا جالسة من مساع وساكته ,
بس الحشيمه مهوب لك , قليلة أدب وصوتك عالي , على الأقل أحترمتي زوجك ..!
منال ناظرتها بنفس عين: أنا مالي كلام معك يا الحسودة ..

أم رعد ضربت صدرها وبشهقه: أنا الحســودة ! وش حسوده عليه يا حظي , لا أهتمام ولا أناقة ..


يتبــــع ~



لامارا غير متواجد حالياً   رد مع اقتباس
قديم 07-12-13, 11:12 AM   #26

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي


أم رعد قامت معا وبذهول: حسبي الله عليك أنتي , أنا جالسة من مساع وساكته ,
بس الحشيمه مهوب لك , قليلة أدب وصوتك عالي , على الأقل أحترمتي زوجك ..!

منال ناظرتها بنفس عين: أنا مالي كلام معك يا الحسودة ..

أم رعد ضربت صدرها وبشهقه: أنا الحســودة ! وش حسوده عليه يا حظي , لا أهتمام ولا أناقة ..

منال بغرور: يكفي أني ملكة جمال عليك , وهالشيء بحد ذاته مفخره ..

أم رعد جات بتضربها إلا بجسم فولز يوقف بينهم وباندفاع: نورة خلاص , أنا بروح مع منال للبيت , وعمر ويزيد يودنكم ..

أشر من بعيد لعمر , وجاء عمر ..

بينما فواز صعد بالسيارة مع منال ..

فواز: أجل ذا كلام تقولينه يا منال , كان سكتي !

منال بستحقار: وش أسكت عليه وأنت جالس تقول قصيد فيني وتذمني بعد !

فواز باندفاع: يا بنت الحلال , أنا هالكلمات جات ببالي ,
قريته من أحدى المنتديات وعاجبني طرح الشاعر " السحاااب " به , وحفظته وقلته , وبس !

منال: تسوي نفسك بريء يعني , على أساس أني معرفك , هيــن بس يا فوازوه وعدك بعدين ..

فواز تنهد بضيقـه , وسرعان ما وصلوا للبيت ..



بينما سيارتين رعـد بها أمه وجدته أم فواز ويزيد ورائد ..
وسيارة عمـر وريفان ووعد وبيسان ..


وبالغرفـة ~

بعد ملبس قميصه وهو ينتظرها بالتوليت تطلـع , وبعد 3 دقائق طلعت ..

وهو يشوفها لابسـه روب بيت مقطـن منتحـر , ودائم عليه 8 سنوات !

ولا رمته !!

ورآفعه شعرها لفـوق وبه زيت الخاص فيها البصل والثوم المعمر ..

فواز أبتعد على ورى لما شم ريحه شعرها وحط يده بخشمه: أنا ...
منال قاطعته: لا تتكلم , رأسي مصدع ولا لي مزاج أستمع لك ,
خل اليوم يعدي على خير , وهذا وأنا بعد تونـي راجعه من بيت أبوي وتسوي سوآتك !
فواز ويده مازالت بخشمه: أنا آسف لو ضايقتك , وقلت عقابا لي بنام بغرفة لحالي !

منال أستغربت: غريب والله , بس زين أنك دورت لك على عقاب , لأن وجهك يجيب لي الهم , اطلع برا ..

فواز مصدق خبر وطلـع من الغرفة ..

بعد مسكـر الباب , وهو متيقن أن منال منال هي نفسها لا يمكن أن تتغير !!





انتهــــــى البــــارت |



لامارا غير متواجد حالياً   رد مع اقتباس
قديم 07-12-13, 11:29 AM   #27

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي



.. رواية بجنون أحبك / الكاتبة ساندرا ..
البارت الخامــس


بعد ملبس قميصه وهو ينتظرها بالتوليت تطلـع , وبعد 3 دقائق طلعت ..
وهو يشوفها لابسـه روب بيت مقطـن منتحـر , ودائم عليه 8 سنوات !
ولا رمته !!

ورآفعه شعرها لفـوق وبه زيت الخاص فيها البصل والثوم المعمر ..

فواز أبتعد على ورى لما شم ريحه شعرها وحط يده بخشمه: أنا ...

منال قاطعته: لا تتكلم , رأسي مصدع ولا لي مزاج أستمع لك ,
خل اليوم يعدي على خير , وهذا وأنا بعد تونـي راجعه من بيت أبوي وتسوي سوآتك !

فواز ويده مازالت بخشمه: أنا آسف لو ضايقتك , وقلت عقابا لي بنام بغرفة لحالي !

منال أستغربت: غريب والله , بس زين أنك دورت لك على عقاب , لأن وجهك يجيب لي الهم , اطلع برا ..

فواز مصدق خبر وطلـع من الغرفة ..

بعد مسكـر الباب , وهو متيقن أن منال منال هي نفسها لا يمكن أن تتغير !!

صعد فـوق وفكرة مهوب عنده , ندم لأنه رجعها ,
ندم على أمور كثيرة سوآها له , صعد فوق لعند أمه ,
وهالمرة شافها نايمة با أنوار خافته ..
فرش له كالعادة تحت وأنسدح , حمد ربه أن أمه نايمة ,
لأن نفسه عافت من كثر الكلام !

~ ~
على الساعة 9:22 صباحا ..
بالطاولة , الفطور الملكي بنسبة لأبو عمر وأم فواز ~

عبارة عن نوآشـف ..

وهو يشرب الشاي الساخـن ويضحك مع أمه , كما لو لم يحدث شيئا أمس ..
جات أم عمر وجلست معهم ..

أم فواز با أبتسامه: صباح الخير يا يمه ..

منال بدون متناظرها: هلا .. !

فواز مد لها الشاي: سمي ..

منال ناظرته بنصف عين: أنا قلت لك أحين صب لي ..؟

فواز: لا بس حبيت أنك تشاركينا بهالأفطار الطيب .. !

منال وهي تناظر الفطور وبرود: حسستني أن الفطور ملكي ,
وهو نوآشف , جبن وزيتون وعسل وقشطة " وهي تأشر على كل صحن "

فواز يغير الموضوع: اجل غايبة اليوم ..؟

منال: أي مالي مزآج أدآوم ..

فواز با أبتسامه: زين عشان نشبع من شوفتك ..

منال أكتفت بالنظر , وسحبت الخبز جنب أم فواز وصارت تفطر بدون نفس ..

أم فواز دفـت عربتها وادعت أنها خلصت فطور , حست أن ولدها حاب يجلس مع حرمته , ويتكلم معها ..

فواز ناظرها: عسى مزاجك اليوم ممتاز ..؟

منال:الحمدلله , انتظر بـس الغداء , متحمسه له !

فواز سألها وكنه ما يعرف: وليه حبيبتي ..؟

منال بنظرات ماقدر يفسرها: حاب تبتديها محضر !

فواز باندفاع: ابد حياتي , بس لأني مبسوط لما شفتك متحمسه وحبيت أعرف السبب , وبس !

ألتزم الطرفين الصمت لمدة 15 ثانية ..

فواز حب يقاطع هالصمت وأخذ خبز ومررها بالجبن ومدها له: سمي يا عمري ..

منال: شايف أن ماعندي يدين أكل فيهم ..؟

فواز بغرآبه: يعني ما تحبين أأكلك من أيدي ..؟

منال كشرت: لا شكرا ..

فواز نزل يده خائب من تصرفاتها , وساكت بس
عشان يعدي اليومي على خير , بنظره أن أمكن يتفهم منال وشخصيتها الغريبة !


على الظهـر أخذ له دوش سريـع رتب نفسه كعادته , حتى بداخل البيت أنيق !

لبس ثوبه وشماغة , وتسبح بالعطر الرجالي الجذآب ..

منال لبست أحلى ماعندها , والعطورآت والميك أب بوجها ..

دخلت عليه ولم يتفاجئ , لأنه يعرف أنها تتزين لجات تطلع أو لعندها ناس مهمة !

رغم أهمال منال لنفسها إلا أنها تملك من الجمال , ما يسحر قلـب أي رجل يرآها ..

. . .

وبمطعم فخم جدا ..

طلبت أكثر من 6 أطباق , ليس جوع إنما لتصوير وفخفخه عند صحباتها ..

فواز يسأل كنه ميعرف: باين أنك جوعانه حيل يا عمري ..

منال: لا طبعا , بس أبي أصور ..

فواز: طيب لو ما تبين هالكمية الكبيرة , كان جبنا العيال معنا , حرام ينرمي هالأكل .. !

منال كشرت:أقول أكل أحسن لك , ولا تعكر مزاجي ولا تنسى أن مخذت يومين من رضوتي , وتريد بعد تزعلني .. !

فواز بهمس: زعل جدي ورضى ..

منال: وش تقول ..؟

فواز يدعي البسمه: أقول اكلي حبيبتي ( وخذ الشوكة ومدها لها ) كلي ..
منال رفعت حواجبها: وش هالحركات أللي تسويها اليوم .. !



يتبـــــــــــــع |

أميرالز likes this.

لامارا غير متواجد حالياً   رد مع اقتباس
قديم 07-12-13, 11:29 AM   #28

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي




فواز يدعي البسمه: أقول اكلي حبيبتي ( وخذ الشوكة ومدها لها ) كلي ..
منال رفعت حواجبها: وش هالحركات أللي تسويها اليوم .. !

فواز بستغراب: أي حركات .. !

منال: تجي تضمني , وأحين تأكلني , هالحركات مالها داعي الصراحة ..

فواز نزل الشوكه وبستحقار: على تصرفاتك ذي يقول وحدة عمرها 50 ولا 60 سنه ,
كل يوم متذمرة أن صرت رومانسي ومهتم فيك ما عجبك وأن صرت مكشر زيك , ما عجبك ,
با الله وش أللي يعجبك أنتي ..؟

منال تنهدت بقهر: ترى أحنا بمكان عام , كلامك ذا مابه لزمه , اجله بعدين ..

فواز ولا كنه يسمعها: أنا أريد حـــل معك يا منال ..

منال ولا أهتمت فيه , وصارت تأكل ..

فواز تنهد بيأس , ولا له مزاج ياكل ..

من يقابلها بسفره أو جلسه يضيق صدره .. !

فواز حب يغير الموضوع: أقول حبيبتي ما حددتي أي مكان تسافرين ..؟

منال حبت سؤاله:ما بعد أرسى على بـر ..

فواز: أي خذي راحتك , بس حبيت أقول لك حدها يومين أو 3 , لأن...

منال بقت عينها: نعــــــم ( وبصوت عالي ) وش قلت ..؟

فواز بهمس: صــــوتك يا مره , مو دوبك تقولين أن أحنا بمكان عام .. !

منال بقهر: ما كان هذا شروطنا يا المنافق ..

فواز: يا منال أنتي تدرين عن طبيعة عملي , وصعبة كل فترة أخذ أجازة .. !

منال بحده سحبت شنطتها وفتحت باب الغرفة بكل قوتها ورقعته ..

فواز فتح عينه للأخر , على تصرفاتها الغريبة , أللي كــل بين فترة وفترة يلاحظ صغر عقلها ..

وقام وراها وهي شبة تركض والناس تناظرهم , راح حاسب وصعد السيارة ..

وأول مدخل التفت لها وبحده: وش هالتصرفات يا أستاذة منــــال ..

منال بعصبية:أنت ولا تتكلم بحرف واحد , أنت تنطم تعرف كيف تنطم ..

فواز مسك زندها وشد عليه وبنفس حدته: منال تعقلي وبلاها هالألفاظ أللي مالها داعي ..

منال وهي تحس بألم , بعدت يدها بقوة منه وهي تتحسس زندها وبنفس عصبيتها: جعلك كسر , اللي يكسر يدك ..

فواز شد على قبضه يده , وهو يحاول يمسك أعصابه عشان ميضربها ..
وحرك السيارة بسرعة ..

منال رجعت لورى بسبب دفع السيارة وبصراخ: شوي شوي , لا تموتني , حسبي الله عليك ..

فواز شد قبضته على الدريكسون وهو يحاول يمسك نفسه:أللي مثلك حرام أنهم يعيشون ..

منال بقت عينها: وي وي , الله يا خذك يارب .. أجل ذا الكلام لي يا فوازوه ..

فواز مرد عليها , وسرعان ما وصلوا للبيت ..

دخلت منال عند الباب الرئيسي وسكرت الباب بوجهه بكل قوتها ..

أللي بالصالة / أم فواز , والعيال ..

فزوا من مكانهم على صوت الباب ..
عمر بقلق: بسم الله , علامك يا يمه ..؟

فواز فتح الباب بمفتاحه , منال ركضت للغرفة ..

يزيد:علامها ..؟

فواز شاف عياله وأمه قباله ألتفت لهم: وش رآيكم ..؟

الكل يناظر الثاني بخذلان ويأس ..

فواز بحده: عمر , يمه للمكتبة رجاءا ..


وبالمكتبة ..

أم فواز بصدمة: وكاد أنها انهبلت ..

فواز ضرب يده بالطاولة بقهر: والله لو أني مو ماسك نفسي كان علمتها دروبها صح ..

عمر بستغراب: أمي أستغرب من تصرفاتها , وأنا أنصدمت لما رجعتها , مو قلت تريد تطلقها يا يبه ..؟

فواز وقف: مشكلتي اني مفكر بنفسي , أفكر فيكم
وهالمرة الطلاق بيصير مؤكد لأني تعبت مع أمك يا عمر ,
وإذا على الطلاق من زمان كنت بطلقها مو من أحين ,
بس أفكر فيكم , ولا أنتو بصغار عشان أفكر ..

أم فواز ناظرت بعمر بحزن:لا تزعل يا عمر , ترى مو بس أنت
أللي متضرين منها يا عمر ويا فواز , حتى أنا ونورة أختك ..
تسمعني هروج مهيب بزينه , تغثني وتسميني عجوز النار ,
وتقول أني دائم أفشلها .. بس هم ساكته ولا قد مرة تكلمت ..

فواز بصدمة: وليـه ما تكلمتي يمــه ..؟



يتبـــــع ~


لامارا غير متواجد حالياً   رد مع اقتباس
قديم 07-12-13, 11:30 AM   #29

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي



فواز بصدمة: وليـه ما تكلمتي يمــه ..؟

أم فواز بيأس: محبيت أغثك , يكفي كلامها معك ومع عيالك .. !

إلا أنفتح الباب ..

يزيد باندفاع: يبه , أمي بتروح لبيت أهلها ..

فواز ناظره:قول لها , الباب يوسع جمــل ..

عمر نزل رآسه بحــزن وطلع من المكتبة عشان يوصل أمه ..

أم فواز دفت بعربتها وحطت يدها بكتف ولدها , كنها توأسيه بهالحركة ..
فواز حط يده على يدها ..



وبالسيارة ..
منال بعصبية: الله لا يوفقه , حسبي الله عليه من رجال بس ..

عمر: يا يمه , أبوي ماغلط عليك أنتي تهجمتي عليه الله يصلحك ..

منال قاطعته بصراخ: كل واحد منكم ضدي , مالت عليكم .. هذا تربية فوازوه لكم ..

عمر بحزن: مو المفروض انتي اللي تربين مو أبوي .. !!

منال نزلت من السيارة وبحده: شيـل الأغراض ولا تكثر كلام ..

.
.
.

بيوم الثــاني .. !!

على الساعة 2:11 ظهرا ..
أندق الباب , فتحه عيسى , وتلقـى الظـرف الأبيض ..

ناصر بعد مقرآ الورقة وبحده: من جــده هذا يطلقها .. !!

منال بين دموعها: سواها يا يمه , سواها الكلب , أهئ أهئ ..

أم ناصر ضمتها بحضنها: لا تبكين يا بنتي , أخوك وأبوك بيعلمونه دروبه ..

أبو ناصر حذف الورقة با الأرض: أنا أعلمه دروبه , مسحي دموعك يا بنتي بزوجك با أحسن الرجال ..

ناصر بعصبيه: أنا لزوم أروح له , وأعلمه من هو أحنا ..

أبو ناصر منع ولده: لا يا ناصر , هو عنده واسطات ,
وأمكن يفصلك أنت وأخوك وأنا معكم بعد من الشغــل
, وأغلب ربعــه ضباط ومحامين , ومن كثر فلوسه يقدر
يدخلنا السجــن بعد , نفكر بعقلانية أحسن ما نندم بعدين ..

ناصر أقتنع بكلام أبوه رغم قهره من فواز ..

عيسى ناظر فيهم: أمركم عجيب .. !!

مو أنتو أللي تقولون له أنو يطلقها أبرك , ودائم تقولون له أن مهوب عاجبك أنقلع برا .. !
ولا واحد منكم قبل بشروطه , وطردتوه غصب , وأحين تقولون ليه وليه ..!

أم ناصر ناظرته بمعنى أسكت مهوب ناقصين ..

عيسى شال نفسه من المكان , لأن كلامه مهوب مئخوذ به أللي براسهم بيسونه , لو وش يقــول .. !

.
.
.

قرر أنه يطلع عياله ,
حب يغذيهم بالعاطفة والكلام الحسن
بسبب الظروف أللي جرت
, والطلاق هم مو أشوي عليهم .. !

وبالبر ..

هاني: أكيد وصلتهم الورقة احين ..

فوار: أتمنى هالشيء ..

هاني: ليه طلقتها يا فوار ..؟ يعني الطلاق هو الحل بنظرك .. !

فوار بدون ميناظره: للأسف يا هاني هذا الحل الوحيد ,
وأنت تظن أني مبسوط بالطلاق , أنا مكنت حاط الطلاق
هو الحل الوحيد كل سنه أقنع نفسي بهالكلام ,
وأحين خلاص أتخذته حل والسبيل الوحيد ..

هاني تنهد: وش السبب يا فواز ..؟

فوار ناظره:مقدر أتكلم عن أحد خرج عن ذمتي يا هاني ..

هاني حط يده على كتف فواز وهو يشوف عمر من بعيد والعيال : أقرب واحد من عيالك هو عمر ..!

فواز: ساعات أكره نفسي لأني أحمله فوق طاقته يا هاني , بس مالي إلا هو ..

هاني أبتسم: أحسدك لأنك عرفت تربي عيالك صح , وتشد فيهم الظهر وهم صغار , ( وبتريقه ) أمكن لأنك بدوي ..

فواز با أبتسامه: بدوي , وكلي فخر ..

هاني: أللي يشوف أفعالك ميقول أنك بدوي ما شاء الله عليك , ترى أنا مسبك بس هذا الجد .. !!

فواز بضحكه: دائم الحضر ماخذين أن البدو وسخين ويتشمتون , مو الكل بس الأغلبية ..



يتبــــع ~

أميرالز likes this.

لامارا غير متواجد حالياً   رد مع اقتباس
قديم 07-12-13, 11:30 AM   #30

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي




فواز بضحكه: دائم الحضر ماخذين أن البدو وسخين ويتشمتون , مو الكل بس الأغلبية ..

هاني بتأيد تام: أي با الله أنك صادق , ترى نفس الشيء الحضر به الوسخ وبه النظيف ,
وأنا من عهدتك وأنت مثقف وهادئ , والله من أشوفك من بعيد كني شميت ريحتك ؟

فواز با أبتسامه: الله عاد مش لهدرجة .. !

هاني بصدق: والله أني مجاملك , بس من أشوفك ,
ومن كثر مشم ريحتك كلها عطور ومرات عود , خلاص أقولن جاء الزين هههههه ..

فواز بضحكه: الله يجزاك خير , وبعدين أنت متوكد أن مهوب مبين أني بدوي .. !!

هاني: بتسثناء ملامحك , ولهجتك وصوتك عاد هاذي لحاله حكاية ..

فواز: هههههه , أشوف أنك قمت تتغزل فيني ..

هاني بضحكه: عاد أحمد ربك ..

فواز با أبتسامه: تعال نقرب من العيال , أشوف أن أحنا أبتعدنا عنهم ..

هاني: طيب ..


أم فواز وفواز وعياله وهاني وعياله بمكان واحد ..

والبنات ورى السيارة
وميثاء زوجته مهوب معهم , متحب مثل هالأجواء عادتا ..

.
.
.

على الساعة 7 المغــرب ..

جمعو أغراضهم ..

هاني مع عياله بسيارة , فواز وعياله وامه بسيارة ..

وكل واحد راح لعند بيته ..

دخل عمر على أخوانه وخواته , وبلغهم بموضوع الطلاق , وهالشيء متوقعينه من زمان ..


خذو الموضوع ببساطة , لربما أن أمهم لم يكن لها دور بحياة أبناءها ..


عدت الأسابيع الأخيرة من أختبارات الأبناء سريعـة جدا ..

ترسمت لين من أول يوم شغل لها , وهي متقيده بشروط شغلها ..

نورة أم رعد تبحث عن زوجة لأخوها فواز , وهو رآفض مبدأ الزواج نهائيا .. !


بعد أختباراتهم , أقترحوا البنات يروحون للحديقة ..
يغيرون جو ..

وبالحديقة ..

فرشوا بساط , وقهوة وحلا وشوكولاته منوعة ..البنات يلعبون بالمرآجيح ..

رعد وعمر , وأخوانه بجهة ثانية عن البنات ..

أم رعد:هاه وش قلت ..؟

فواز: نورة سدي الموضوع رجاءا ..

أم رعد: وليه أسده يا خوي , مشكلتك متعقد من منال وفعايلها , وتظن أن البنات كلهن كذا .. !

فواز تنهد: يا نورة أنا مالي بالزواج , وما شكيت لك الحال وقلت لك دوري لي .. !!

أم رعد: أنا لقيت لك البنت , وناعمة وست بيت ماشاء الله ,
وعمرها 35 سنه عندها ولد من زوجها المرحوم , وولدها كبير يعني مابه مبزره , وعلى كلام أمها مالها نيه تحمل ..

أم فواز تشرب القهوة: زين والله ( والتفت له ) وش رايك يا فواز أروح أخطبها لك ..؟

فواز:روحي خطبيها لأبو رعد ..

أم رعد بقهر: لا با الله !!

أم فواز وفواز: ههههههه ..

فواز: أمزح يا خيه , ولا نقلب الموضوع لكدر زواج ما زواج ..

أم رعد : إذ أنت رافض هالحرمه , قول لي وش متطلباتك ..؟؟

فواز عدل جلسته , ولأنه عارف أن أخته ما تنفل ,
جلس يتريق عليها ويعطيها من الشروط التعجيزية :وأنا أخوك , أريد وحدة صوتها ناعم وقصير , ومتفهمه , مثقفة ,
ناضجة فكريا , أنيقه مهوب مهم تكون ملكة جمال أو بيضاء الأهم أخلاقها عالية , مع الكل دون استثناء ,
تهتم با أمي وتحترمها , ومع عيالي ليـــن وصبر..

أم فواز: الظاهر أخوك جالس يتريق عليك , طلباته تعجيزية ونادر بهالزمن ..

فواز أخفى ابتسامته لما شاف علامات اليأس من أمه ومن أخته:هذا شروطي قلتها لك , وأظن
ما تعرفين أحد مثل هالشروط , عشان كذا سدي الموضوع نهائيا ..

أم رعد: وإذا جبتها لك , بتوافق عليها .. ؟؟

فواز أبتسم: أنا على قد كلمتي ..

أم رعد: أجل بلاقي هالبنت , وأنتي الشاهدة على موافقة ولدك مبدئيا ..

فواز: بس لحظة , لو ما كانت نفس شروطي أعتبري أن رفضي وصلك ..

أم رعد دقت الصدر: خلاص تم , وطالمة أنك سردت شروطك وشرطي أنا , أجل جايبتها البنت , جايبتها ..

فواز مهتم لكلام أخته , لأنه على يقين تام أن فتاة أحلامه , هي حلم فقط .. !!




يتبــــع ~


لامارا غير متواجد حالياً   رد مع اقتباس
إضافة رد

الكلمات الدلالية (Tags)
للكاتبة, أحبك, بجنون, ساندرا

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 02:15 PM



Powered by vBulletin®
Copyright ©2000 - 2024, vBulletin Solutions, Inc.