آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
09-12-13, 10:46 AM
| #31 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  النهايـــــه ::نور ونايف:: .. عاشو حياة سعيـدة رغـم بعض الامور الي تغضب نور من نايف .. وحملها متعب نايف ليش انها تتنسى بوايد اشياء حتى بعطره المسكين صار مايتعطر بعطرة المفضل بسبتها ::بثينـــه:: للحين ظلت حاقــدة عل نــور ليش انها خذت نايـف ::دلال:: ظلـت ترفـض كل خطابها وفــــــــــاءاً الى علـي .. وصارت تحمل اسمى شهادة وهي شهادة الوفاء في زمن يصعب تلاقي الوفي فيه .. :: راشد وعبدالله:: تقدمو اكثر من مرة لدلال ولكن دلال مب من نصيبهم .. راشد اقتنع بهالشي .. ولكن عبدالله للحين مصر ويحس حبه لدلال يزيد خصوصا يوم عرف قصتها ويا علي .. :: مها وناصر:: تغيرت حياتهم وصارت للاحسن .. ومها قامت تقدر ناصر بشكل كبير وصارت تشتاق ليمعات البنات مثل قبل.. وناصر قل استهباله بس يوم يكون هو ومها بنفس الغرفه انسو تعرفون شي غير الاستهبال والحب :: المياسه وحمـد:: يحاولون يتفاهمون رغم اختلاف شخصياتهم الا ان الشبه بين شخصياتهم متواجد بشكل كبير وهالشي ساعد على تخطي المشكلات الي تواجه كل زوجين ببدايه حياتهم .. :: حـــــور:: ظلت حاقدة على دموع واهات ليش انه جذب عليها .. وكرهت عالم النت وماقامت تدخل الا عشان تكمل قرايه الراويات .. وللحين هي على امل انها تنقم من دموع واهات .. ويوم عرفت انه هو نفسه خطيبها خليفه سوت انقلااااااااااااااب ضدة.. ومحمد صارت مشاعرها صوبه مشاعر اخويه على الرغم من ان للحين قلبها يدق يوم تسمع صوته بس دايما تستعيذ بالله من الشيطان.. خليفه اخيرا نال حور واستانس لهالشي وايد لان حور جميله وتناسبه .. وقال له انه اعجبه فيها وايد وخصوصا بتربيتها وتعاملها بالنت وكان كل مايشتاق لها يرسل لها رسايل ع الايميل يخبرها عن حاله وهو المسكين مايدري انها قطعت النت خخخخ :: جلثــم وجاسم:: .. جلثم حققت امنية زوجها وهي حامل بالشهر الثاني على الرغم من خوفها نسبياً الا انها قررت تواجه العالم وتقول له أي نعم انا بضحي بحياتي عشان زوجي يجوف الولد الي يتمناه .. وبكون مثل لكل مقعد وصلت عنده حالت اليئس وبقول له لاتيئس المقعدين هم لهم حياة حلوة مثل مااملكها ويا جاسم .. جاسم يخاف من نسة الهوى على جلثم لانها حامل وهي مقعدة وكل يوم يتمنى لو تصير معجزة وتمشي .. ولكن مب كل الاحلام تتحقق ياجاسم خلك قنوع .. :: حمدة :: تحــــدت الايــــام واثبتت للكل انها بنت تستحق وسام على هالشي .. تقدمو لها كمن واحد وكل ماعرفوا انها قبل مسترجله يروحون ومايردون وهالشي الي اثر على نفس حمدة بشكل كبير وتمنت لو انها عاشت حالها حال أي بنت كان بيكون حالها افضل من جذي .. :: غلا ومحمد:: لازالو يعيشون صراع امبينهم غلا تحب محمد وهو بعد .. ولكن محمد كثير التقلب ومزاجه دايما متقلب .. لكن غلا عرفت شلون تتفاعل معاه ووتفاهم وياه .. عاشو حياة حلوة وهنيه.. وغلا للحين بريئه وتداوم بالجامعه وحياتها وايد حلوة ويا محمد الا انها للحين عنيدة والي براسها تسويه .. بعد خمس سنين .. ابتسمت عندما سمعت صوتها وهي تقول : تووت تووت انا القطار السريع .. جاسم الصغير : توت توت امثي ولا اثتليح صرخت غلا ببراءة: توت توت .. ايييييه جويسم يووز عن شعري .. جاسم :غلاوي ثعلج حلو ( غلاوي شعرج حلو) كان شعرها مفتوح وهي رابطته بالنص بشباصه حلوة بشكل فراشه قالت غلا بزعل بريء: قول ماما شنو غلاوي مع ويهك استح انا الحين امك تقول غلاوي جاسم: انزين غلاوي ماما ابي اروح حق بيبتي (حبيبتي ) غلا : مالت عليك احين انا امك ماتقول لي حبيبتي ويدتينك تقول لهم حبيبتي مابي زعلانه زعلانه عطني بوووووسه اقترب جاسم ليقبلها قلت بسرعه وغييرة : نعم نعم؟ اخ جاسم وخر وخر وخر عن حبيبتي اجوفك مستانس هاليومين متلصق بأمك واييد قال جاسم بقهر طفولي :ثوفي هو يهاوثني اذا قلت لج بيبتي هو بث يقول لج هو هاوثني .. قالت غلا بغضب: يعني انته الي قايل له بتجوف ياحمود بتجوف شغلك معاي انزين .. تعال ماما تعال حبيبي اقتربت منها بخبث ووضعت رأسي على كتفيها : هلا حبيبتي قالت ببراءة: حد ناداك انادي ولدي انا قلت بعصبيه مصطنعه: اجوف هالجويسم خذااج مني كله وياه وبعدين بقص لسانج لا قلتي له حبيبي .. انا حبيبج وبس قالت غلا ببراءة : تغار من ولدك؟ صج انك غبي ضحكت بحب : واغار عليج من نسمه الهوى .. وبعدها قلت بعصبيه مصطنعه: والحين لازم تعوضيني لانج سويتي شي مايرضيني قالت باستغراب شنو؟ قلت بحب وضحكه: قلتي لجويسم حبيبي يالله عوضيني من حنانج وحبج ضربتني غلا بخفه: استح على ويهك انزين .. ماما جاسم نروح لبيبتي؟ امسكت بها : بابا روح بروحك بيبتك تنطرك تحت من مساعه يايبه لك شكثر حلااااااوه جاسم: ثج؟ اللللللللللللله اسرع الى الاسفل وانفردت بـ غلا: احبج غلا بخجل: انزين حتى انا .. انزين وخر بروح اجوف نوع الحلويات يمكن شي يعجبني منهم ضحكت على غلا .. لازالت طفله .. وطفلتي المدللـــه التي اعشقها انتهت اخيـــراً اقول لكم حبيـــــتكم وايــــد وايـــــــد وعشــــت وياكم ثلاث شهور من اغلى الشهور .. وحلى شي اني قدرت اختم هالقصه في 3 شهور واتمنى انها نالت اعجابكم واستفدتو منها ولو شي قليل ونلتقي ان شاء الله بقصه يديدة بالاجازة الي بتيي ان شاء الله ::×:: اسئله::×:: *مارأيك بالقصه بشكل عام ؟ *مارأيك بالقضايا المطروحه بشكل خاص؟ *مارأيك بالنهايه؟ *هل استفدتو من القصه شي ام لاء؟ *نقـد على القصه او الاسلوب؟ * ملاحظات تحبون تعطوني اياها؟ *اكثر شخصيه عجبتكم من البنات؟ *اكثر شخصيه كرهتوها من البنات(ياويل الي يقول حمدة) ههههه؟ *اكثر شخصيه حبيتوها من الشباب؟ *اكثر شخصيه كرهتوها بالشباب؟(لاتقولون محمد بتعقد ترا هههه) *موقف اضحككم؟ *موقف احزنكم ولا ابكاكم؟ * تجوفون الاسلوب تحسن ولا تدهور هع هع .. وشرايكم بالاسلوب وطريقه السرد؟ *بالقصه اليايه تفضلونها عاميه ولا فصحى ؟ احبــــــــــــــــــــــ كم ولايحرمنا الرب منكم الف شكر لكل من مر وقرا وكتب لي رد وكل من قرى القصه ومارد الف شكر للضيوف والف الف شكر لكل الاعضاء الي ردو والي ساندوني ((انتهت .. كتبتها بـ 3 شهور .. وكانت فترة رااائعه من حياتي .. .. ويديدي بنزله اذا قدرت بالاجازة>مثل عادتي) اختكم الي تحبكم وايد دانة شكرا لشذى كلماتكم الطيبة التي لامست قلبي بكل معاني الشكر والحب شكرا لكم جميعا سعدت برؤيتكم هنا بين طيات تلك المشاغبه غلا وتلك اليائسه حمدة وتلك صاحبه الارادة جلثم .. وتوقفنا اخيرا لتلك التي زرعت الامل بتغير الايام مع نوور اليست هذه هي الحياة؟؟ انها حياة اصحاب جمعتهم سقوف واحدة وجمعتهم الدنيا بعائلات غريبه والاغرب تلك المشاعر التي تصادف كل بطل منهم اعلم انني لست بالمبدعه او ليست الاجزاء بذلك الابداع الذي صورتموه ولكنني احببت خيالاتكم واحببت تصويركم فشكرا لدعمكم لي اعلم انني لم اعطي هذه القصه حقها حقا لم اوفيها حقها فلقد اتممتها في شهور قليله لاتتجاوز الثلاثه شهور .. ولكن اتمنى انها اعجبتكم كمرحله لحياة فتيات مراهقات لعبت الاقدار دورا في تزويجهم واعطائهم دروسا عنوانها الصبر والامل والتفاؤل والحزن فلولا الحزن فلن نعرف طعم الفرح ولولا اليأس لما عرفنا حلاوة الامل ولولا الظلام لم نعرف اهميه النور حياتنا لاتخلو من التناقضات ولكن يجب علينا الا نستسلم اتمنى انكم احببتم تلك الشخصيات الصغيرة التي لم تبلغ الينعان من نموها او اثمارها ولكنها كبيرة في قلبها لربما رايتم القصه تميل للفكاهه والحزن ولكنها حتما لاتخلو من العبر احبتي شكرا لكم .. لن اقول سأعود في جديدي من جديد؟ ولكنني سأقول ان سمحت لي الظروف سـ اعود بنهايه القصه القادمة محبتكم دانة | ||||
|  |
|
| الكلمات الدلالية (Tags) |
| للكاتبة, منافس, الدودة, العلا, دانه, غلاك, غيرك, قلبي |
| أدوات الموضوع | |
| انواع عرض الموضوع | |
|
|
1Likes
.png)
العرض العادي
