آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
09-12-13, 12:08 PM
| #21 | ||||||||
| مراقبة عامة ومشرفة منتدى الروايات المنقولة  
|  فيصل قعد على سريره وهو يقرا مسجها.. كشر(أنساك يا ندى..لا مو ناسيك..بوصلك و بتشوفين..بوصلك بأي طريقه) . . . بهالوقت كانت خلود واقفة قدام المراية و تضبط الكحل بعينها وهي مبتسمة بفرح.. انفتح الباب و دخل نواف أخوها و ابتسم لما شافها:أو شنو هالكشخه..كل هذا لسلووم.. خلود لفت له بابتسامة:وصل سلمان.. نواف هز راسه بالإيجاب:أي وصل حاولت معه يدخل بس ما رضا للحين قاعد بالسيارة عجلي.. خلود ضحكت وهي تحط اللي بيدها و تمشي لعبايتها اللي كانت على السرير:طيب الحين نازلة له.. نواف غمز لها:أوف شالحركات..خلود يعني حتى أنا إذا في المستقبل خطبت خطيبتي بتفرح إذا رحت لها و تكشخ كذا مثلك؟ خلود لفت له وهي تلف الشيلة على راسها:أقوول نوافوو توك صغير على هالسوالف..بعدين أنا شدراني عن خطيبتك.. نواف ضحك:لا بس أبيها حلوة كذا مثلك.. خلود لفت تدور لها شي ترميه عليه و نواف أطلق ضحكة و هرب من غرفتها و خلود ضحكت وهي تهز راسها بالنفي.. أخذت جوالها و طلعت بعدما ما شافت نفسها لآخر مرة بالمراية.. مشت للدرج وهي تغني بوناسه:يا دهـ الشوق اللي أنا حاساه .. وغرامي اللي أنا عايشاه ..خلاني أدوب في هواك باحساسي ..ليه قلبك شغلني وغاب .. وعزابك دهـ أحلى عزاب ..أنا قلبي فـ غرامك داب وبيقاسي ..خدتني فـ العالم والدنيا .. رحت فــ ثانيه حبيبي معاك ..نفسي أغمض عيني وأفتح .. ألاقيك جنبي و أعيش وياك.. سمعت صوت تصفير من تحت و ابتسمت وهي تنزل من الدرج و تتلكم بغرور:أحمـ..شرايك بصوتي.. فهد اللي كان واقف عند الدرج تحت بابتسامة:يجنن..حالمية و رومنسية..أقول حمدي ربك بس أبوي مو موجود ولا كان شفتي شغلك..على وين؟ خلود ابتسمت وهي نازلة:ليه أنت ما طلعت برا..سلمان جاي بطلع معه.. فهد رفع حاجب بغرور:سلمان..أبوي يدري أنك طالعه معه؟ خلود تنهد:أي يدري قبل المغرب قلت له؟ فهد ضل يناظرها بصمت و خلود تكلمت وهي ماره من جنبه:ما ودك تجي تسلم عليه قبل لا نمشي..السلام لله؟ فهد تكلم:صحيح السلام لله بس ما أبي أسلم عليه..أخاف أحد من الجيران يشوفني معاه؟ خلود وصلت حدها.. ليه الكل فاهمه غلط.. سلمان مو كذا..سلمان أرقى من كذا بكثير.. خلود لفت له و بنظره حادة و بعصبية:سلمان هذا اللي مو عاجبك زوجي..وغصب عنك تحترمه..ولو أني عارفه أنك مستحيل تفكر تحترمه بس على الأقل قدامي..لأن والله العظيم يا فهد لساني ما راح يطق لسانك قبل لا تعتذر على كلامك..سلمان مو وباء..هذا إنسان مثلي مثلك..و مو ذنبه لو صار ضحية غيرهـ.. ضلت تناظره شوي بنظرات تحمل معاني العتاب.. تكلمت وهي تصد عنه و تمشي للباب:سلام.. طلعت و تركت فهد واقف متصنم مكانه..كلته بقشورهـ.. طلعت للحديقة و تنفست الهوا الطبيعي وهي تحس نفسها اختنقت(أوف يعني لازم أتنكد وأنا اللي طول اليوم قاعده أضبط مزاجي عشان سلمان) لما وصلت للباب حطت الغطا على راسها وطلعت و اللي خلاها تبتسم إنها شافت أخوها نواف راكب السيارة مع سلمان و يسولف معه و يضحكون.. ونواف كان مسوي نفسه واحد كبير وهو يسولف مع سلمان.. مشت خلود للسيارة و فتحت الباب ولفوا لها سلمان و نواف.. نواف كشر بس سلمان ابتسم:هلا و غلا تو ما نور المكان.. نواف رفع راسه و ناظر أخته:ترا منافق قبل شوي لما جيت قال لي نفس الكلام.. سلمان:ههههههههههههههههههه� �ههههه قلت لك نفس الكلام بس اللي موجهه لك غير عن اللي موجهه لخلود.. نواف:لا مو غير هي نفس الكلام وش غيرت يعني.. سلمان بابتسامة وهو رافع عيونه يناظر خلود:مو لازم أغير الكلام غيرت المعنى المقصود.. خلود تكلمت:نووف قوم أنزل خلني أركب شكلي غلط واقفة كذا بالشارع؟ نواف لف لسلمان:بروح معاكم و بما أني بروح معاكم يعني أنتي تركبين ورا لأن مو حلوة الرجال يقعد ورا و الحرمة قدام.. سلمان ضحك و خلود تكلمت:والله يا شيخ..أقول أنزل.. سلمان دزه بيده:أنزل يللا هالمكان مخصص لخلود تبي تروح معنا تفضل ورا.. خلود تكلمت بسرعه:لا و ليه يجي معنا أساسا خل ينزل و يدخل البيت؟ نواف رفع راسه لخلود و بترجي:تكفين خلود أنا أخوك خليني أجي معكم بس اليوم وش بيضركم يعني ها..؟ خلود صدت عنه:لا..قلت لك لا..بكرة عندك مدرسة؟ نواف وهو يناظرها:ليه يعني أنتوا بتسهرون برا..حبيبتي أنا مو نايم إلا لما تجين عاجبك كذا.. خلود:لا مو عاجبني.. سلمان لف يناظرها وهي تتكلم مع أخوها الصغير.. شكلها كان حلوو..حنونة و بنفس الوقت قاسية.. سلمان لف لنواف:خلاص أنت الحين أنزل و أوعدك مرة ثانية بنطلعك معنا.. نواف كشر وأشر لأخته:بدون هذي؟ سلمان بابتسامة:لا طبعا لازم تكون موجودة..يللا الحين قوم خلها تركب ترا طولت وهي بالشارع.. نواف تنهد و نزل و متعمد دز أخته بقوة خلاها تتألم و ركبت السيارة وهي ماسكه يدها:آي.. نواف سكر لها الباب و وقف وعلى طول ضرب النافذة و سلمان ضحك وهو يفتحها:هلا بغيت شي.. نواف ناظر خلود:والله ملل طفش خليني أجي معك محرم.. خلود ضحكت و سلمان تكلم:وأنا مو عاجبك..خلاص روح أنا محرمها شفيك أنت مو مصدق؟ نواف ابتعد عن النافذة:أوف يعني ما في أمل؟ سلمان غمز له:خلاص وعدتك مرة ثانية.. نواف:زين بنتظر هالمرة الثانية هذي.. سلمان تكلم وهو يسكر النافذة:سلام.. مشوا بالسيارة و تركوا نواف واقف مكانهـ يناظر السيارة اللي ابتعدت عنهـ و فيها اثنين..يمكن ما في مثلهمـ.. خلود تكلمت:أوف والله إنه مزعج هالأخو.. سلمان لف لها:بالعكس دمه خفيف حرام عليك.. خلود:خله عنك مجنني بالبيت الله رحمك أنك مو عايش معه.. سلمان ضحك ومسك يدها وهو يتكلم:ما عليك منه..المهم قولي لي شخبار يدك؟ خلود باستغراب:شفيها يدي؟ سلمان بابتسامة:مو كنه قبل شوي نواف ضربك.. خلود ابتسمت وهي تتذكر:آييي..ههههههههههه لا ما عليك بسيطه بس هو حمار لأنه ما يترك حركاته.. سلمان بابتسامة:أسم الله عليك فيني ولا فيك.. خلود لفت له:قلت لك ما فيني شي بس كنت بحسسه بتأنيب الضمير..ولا أنت من جدك هالضربه هذي تعور؟ سلمان:هي ما تعور بس تعور الرقيقين مثلك.. خلود:هههههههههههههههههههه� �ههههه.. سلمان لف لها:ها قلت شي يضحك؟ خلود:لا..إلا ليه ما اتصلت علي لما وصلت أنت قلت لي بتتصل؟ سلمان تذكر:أي جوالي نسيته بالشقه..لما وصلت بيتكم تذكرت كنت برجع آخذه بس قلت دامني مريتك باخذك بالمره..الحين بروح آخذهـ؟ خلود:من الشقه؟ سلمان هز راسه:أي من الشقه..بس باخذه و نمشي.. خلود هزت راسها بالإيجاب بصمت و سلمان لف لها:المهم بشريني عنك شمسوية هاليومين اللي ما شفتك فيهم؟ خلود ابتسمت:أخباري كانت توصلك كل يوم ولا بس تبيني أعيدها لك.. سلمان:والله لو يحصل عادي استمتع و أنا أسمع أخبار حبيبتي.. خلود ضحكت:لا ما يحصل.. سلمان تنهد:كيفك لا تقولين..بس أنا أخباري زفتـ؟ خلود دق قلبها بحزن و لفت تناظره:ليه؟ سلمان:أولا لأني ما شفتك..ثانيا مليت طفشت من نفسي حتى أني صرت أقعد بالمحل لآخر الليل عشان لما أرجع على طول أنام..ملل.. خلود لان قلبها له:طيب ليه لما كنت أكلمك كنت تسكر بسرعه؟ سلمان ابتسم:والله كان ودي ما أسكر..بس ما أبي أشغلك عن دراستك عشان كذا كنت أسكر بسرعه..أعرفك حتى لو وراك أشغال الدنيا ما بتقولين لي عشان ما أسكر.. خلود ابتسمت:هذا جزاي ما أبي أسكر منك..ولا مليت مني؟ سلمان لف لها:لا والله ما مليت و ما راح أمل بعد..مين هالمجنون اللي بيمل منك؟ خلود ضحكت:إذا في أحد بيمل مني و مجنون فهو(بهمس)أنت.. رجعت تتكلم طبيعي:لأن ما بحياتي أحد غيرك.. سلمان توسعت ابتسامته:يا قلبي يا خلوود..والله أنا مدري لولاك وش كنت بسوي بهالدنيا كنت بموت؟ خلود بغرور:أحمد ربك بس.. سلمان لف لها بابتسامة:لآ يكبر راسك.. خلود لفت له:ليه ما يحق لي؟ سلمان ضحك:ههههههههههههههههههههه� �ههههههه يا نآآس وش هالغرور..خلاص حبيبتي يحق لك و يحق لك و يحق لك بعد.. خلود:هههههههههههههههههههه� �هههههههههههه أيه كذا زين.. سلمان تكلم بهدوء و بابتسامة:أقول خلوود.. خلود ناظرته:أممم.. سلمان:اليوم العصر لما كلمتك شكلك متضايقة..شفيك؟ خلود تذكرت كلام أختها ندى وتضايقت:ما فيني شي ما كنت متضايقة اصلا.. سلمان:مو علينا..اليوم كنت بسألك بس قلت لما أشوفك أحسن.. خلود:بصراحة كنت متضايقة بس شي ما يستاهل ما له داعي أقوله لك.. سلمان:افا يا خلود ما اتفقنا كذا.. خلود:عارفه بس الموضوع سخيف ما لازم أقوله.. سلمان تنهد و هو يعرفها.. هي لما تقول ما تبي تتكلم يعني ما تبي تتكلم بس هو يعرف كيف يخليها تتكلم.. لازم يستدرجها.. سلمان تكلم بهدوء:أبوك مضايقك؟ خلود:لا.. سلمان:أحد من أخوانك.. خلود:أي أحد من أخواني.. سلمان:طيب وش ضايقوك فيه علميني و أنا أروح أعلمهم.. خلود ابتسمت وهي تسند راسها لورا:عارفه سوالفك.. سلمان ابتسم:طيب علميني أي واحد فيهم؟ خلود:ندى؟ سلمان هز راسه بالإيجاب:أمممم على حسب معلوماتي ندى ما تضايقك إلا بشي واحد.. خلود لفت له و سلمان تكلم وهو يهز راسه:لا تلومينها يا خلود.. خلود:يعني أنت من جدك مو مضايقك كلامهم عنك يا سلمان..لو أنت مو متضايق أنا متضايقة..لو أنت ما تحب تبين لهم أنك متضايق أنا أبي أبين لهم عشان الكل يوقف عند حده؟ سلمان كان مبتسم وهي تتكلم..وللحين هو مبتسم..يا حبه لها هالبنت..وتلومونه لو قال إنها ملاكـ.. سلمان مبتسم:خلصتي خلوود؟ خلود صدت للنافذة و ضلت تناظر النافذة باستغراب من المنطقه اللي هي فيها:خلصت.. سلمان بابتسامة باهته:هدي نفسك ترا الموضوع ما يستاهل..أنا ما ألوم الناس باللي يسوونه أنا لو مكانهم كنت بسوي أكثر..لان محد عارف باللي صار لي يا خلود..أنا بعين الناس مجرم..وبضل مجرم.. خلود رجعت لفت له و بهدوء و بحزن:سلمان لا تقول كذا..خلاص سكر الموضوع ترا بديت أتضايق..خلنا نكمل سهرتنا بهدوء.. سلمان هز راسه بابتسامة و خلود تكلمت باستغراب:وين حنا؟ سلمان ابتسم:قربنا نوصل الشقه.. خلود:شقتك هنا.. سلمان:أي هنا.. ضلت خلود ساكته شوي وهي تناظر أشكال البيوت المتراصه و اللي كان واضح على شكلها الخارجي إنها صغيرة و بدور واحد بس..والشوارع المهترئة المهدمة.. وحتى المحلات و الأسواق المتنوعه صغيرة و كئيبة.. وقف سلمان عند أحد العمارات الكبيرة القديمة واللي الزمن مضى عليها.. سلمان تكلم وهو يناظرها:شوي بس بنزل آخذ جوالي وبرجع لك.. خلود لفت له بخوف:بنزل معك.. سلمان ابتسم لها:بتنزلين معي؟ خلود هزت راسها وهي تفتح الباب:أبنزل معك.. سلمان ضل يناظرها بصمت شوي و بعدها ابتسم لها بخفه:طيب.. نزل سلمان و بنفس الوقت خلود بعد نزلت و مشت بجنبهـ وهي تناظر هالمكان.. فتح لها باب العمارة اللي كان مردود و دخلت و دخل بعدها و صعدوا الدرج وهي بس كانت تناظر.. الحياة هنا غير.. وسلمان عايش هنا.. كيفـ؟ شلون؟ متى؟ وليش؟ وصل للدور الثالث وخلود كانت تمشي وراه..فتح باب شقته و لف لها بابتسامة:دخلي.. خلود نقلت بصرها بينه و بين الباب و مشت للباب و دخلت و سلمان دخل بعدها و سكر الباب.. سلمان تكلم وهو يسكر الباب:دقايق بس بروح أجيب جوالي و راجع لك.. خلود تكلمت وهي تناظره:جوالك وين؟ سلمان رجع ابتسم لها وأشر على باب مفتوح في الممر المجانب:بغرفتي..شفيك خايفة أنا معك.. قرص خشمها بهدوء و راح للغرفة وخلود ضلت تناظر الصالة اللي صارت فيها الحين.. شافت باب مفتوح و كان واضح ان هالباب باب المبطخ..مشت له و دخلته و فتحت الانوار و ضلت تناظره بصمت.. مبين إنه شبه فاضي.. كم كاس و كانوا على السلة.. دخلت و دارت فيه وهي تفتح الدواليب الفاضية(يا قلبي يا سلمان كيف عايش هنا..الله يعينك؟) مشت للباب و طلعت من المطبخ و استغربت لما سمعت صوت سلمان يضحك و مشت للغرفه اللي هو دخلها قبل شوي.. وقفت عند الباب بهدوء وهي تناظر الغرفه و سلمان كان قاعد على طرف سريره و يكلم بالجوال لما شافها ابتسم لها ابتسامة حلوة ريحتها.. خلود بادلته نفس الابتسامة و ضلت واقفة عند الباب و تناظره لما هو خلص مكالمته و وقف وهو يناظرها بابتسامة:شفيك؟ خلود هزت راسها بالنفي:ما فيني شي..من كنت تكلم؟ سلمان:في حد غيره يكلمني..هذا الرجال اللي أنا اشتغل بمحله.. ابتسم لها:مسكين تعود كل يوم أقعد عنده لليل و اليوم طلعت مبكر فكر فيني شي؟ خلود ابتسمت وهي تناظره و سلمان تكلم وهو يناظرها:يللا نمشي.. خلود هزت راسها بالإيجاب بس ما تحركت من مكانها.. سلمان مشى لها و وقف قبالها بهدوء:شفتي حياة زوجكـ؟ خلود رفعت راسها و ناظرته بهدوء و بصمت و سلمان تكلم:واضح عليك ما تقبلتي المكان..لاحظت عليك من أول ما دخلنا المنطقه وأنتي متغيره؟ خلود وهي تناظره:ليه ما قلت لي إنك عايش لحالك كذا؟ سلمان تضايق:مو كافي إني دايما أتصل لك و أشتكي لك من حالي..بعد تبيني أشتكي لك من المكان اللي أنا عايش فيه..خليها على ربك يا خلود؟ خلود هزت راسها بالإيجاب و سلمان تكلم بهدوء وهو يبتسم:لو قلت لك بتعيشين هنا بتوافقين؟ خلود ابتسمت بهدوء:أكيد..أهم شي تكون معي..سلمان لا تفكرني تضايقت من هالمكان..انا اللي ضايقني عيشتك هنا لحالك..محد معك؟ سلمان رفع حواجبه:ما عليك تعودت كلها كم أسبوع و تجين معي..بس لا تجامليني..معقولة بتقبلين تطلعين من القصر اللي أنتي فيه إلى هالشقة هذي؟ خلود بابتسامة حلوة:سلمان تراك للحين ما عرفتني..ما تفرق عندي وين بنعيش أهم شي نكون مرتاحين..حنا نقدر نسوي هالمكان جنة؟ سلمان توسعت ابتسامته وهو يناظرها و ما قدر يسوي شي غير إنه ضمها لصدره بقوة:يا حياتي أنتي.. خلود ابتسمت بفرحـ.. من زمان عنهـ.. تحبهـ.. خلود لاحظت إنهم طولوا و هم واقفين و بعدت نفسها عنه و ناظرته بابتسامة:بيضيع الوقت و حنا ما طلعنا..يللا؟ سلمان ضحك بخفه:ودي نضل كذا طول عمرها..متى بس؟ خلود ابتسمت له بخفه و مشت لبرا الغرفة و سلمان مشى وراها.. مشى ورا حبهـ.. حبهـ.. . . . | ||||||||
|  |
|
09-12-13, 12:09 PM
| #22 | ||||||||
| مراقبة عامة ومشرفة منتدى الروايات المنقولة
| ..في مكآن بعيد.. كان قاعد قبالها و يسمع لها.. يسمع لها و بكل كلمه يقولها كان يكتشف شي جديد بحياتها.. معقولة البنت اللي قاعده قدامه و تضحك و تمازحه صار لها كل هذا.. ببداية حياتها عاشت بين ظل أبوها و أمها بس لما صار عمرها 13سنه توفوا امها و أبوها بحادث سيارة.. وتركوها وحيده مع أخوها محمد اللي ما تدري وينه الحين.. كان عمر أخوها وقتها 19سنه.. كانوا طالعين من الرياض هي و أخوها جايين لجدهـ.. لان على حسب معلوماتهم لهم خاله هنا.. وكانوا جايين لها لان ما بقى لهم غيرها.. بس الله ما كاتب لهم انهم يوصلون بسلامه و صار الحادث.. ما تذكر وش اللي صار بعدها..فجأة صحت و شافت نفسها بالمستشفى؟ خالد وهو مقطب حواجبه:طيب..أنتي ما تذكرين خالتك شعايلتها..ما تذكرين المنطقه اللي هي ساكنة فيها؟ ريم وهي تناظر الأرض:خالد مدري..كنت صغيرة و مدري وش يعني عايلة..حتى أمي مدري من وين عيلتها .. وما أذكر خالتي وين ساكنة..ما جيت لجده من قبل؟ خالد:طيب كيف صارت..أخوك المفروض يوصل معك للمستشفى..و بذاك اليوم ما وصل أحد غيرك أنتي يا ريم؟ ريم نزلت دموعها وهي تناظره:مدري شصار..مدري وين راح أخوي..مدري وش اللي صار له..مدري.. خالد قام و قعد يمها و حوط كتوفها بيده:حياتي يا ريم لا تبكين خلاص..أنا وعدتك أني بلقاه و أنا عند وعدي..أنا سألتك لأني أبعرف ماضيك بس مو عشان أشوف دموعك الحلوة هذي؟ ريم ما تكلمت و خالد حط راسها على صدره و ضل يمسح عليه بحنان:يا قلبي يا ريم خلاص..أنا معك..أوعدك راح أعوضك عن كل اللي فاتك..و أخوك إن شاء الله موجود..وبنلقاهـ..وخالتك بعد..بنلقاها صدقيني؟ ريم ما تحركت و ضلت على حالها و كن عاجبها حضنه الدافي..تبي حنان بدل اللي فقدته بالسنين اللي مضت..هي محتاجة له بقوة..بقـــوة؟؟.. خالد تكلم بهدوء وهو للحين يمسح على راسها:حبيبتي ريم أبيك تنسين الموضوع و تمسحين دموعك..خلاص عيشي حياتك و أنا وعدتك أني أبلقا اي خيط يدلنا لهم..أنا عند وعدي يا ريم..وبزعل منك لو شفت دموعك مرة ثانية.. ريم تكلمت وهي للحين على صدره:خالد لا تخليني..أحس أني ضايعه..مدري شكنت بسوي لولاك..كنت بعيش طول عمري بالمستشفى؟ خالد بعدها عن صدره و ناظر عيونها بابتسامة هاديه:ريم أنا عارف أن موافقتك بالزواج مني كانت بسبب ظروفك..أدري إنك للحين ما تحبيني.. بس أنا أحبك..ولو كان حبي هذا من طرف واحد..بس أنا حبيتك و مستحيل أخسرك..ريم أنا مو توي أحبك..أنا من زمان أحبك..من لما جيتي المستشفى و صرت أنا المسؤل عنك حبيتك..لا تسأليني كيف لأني أنا نفسي مدري..بس ما كنت متخيل اليوم اللي تصحين فيه و تبتعدين عني..أحبك يا ريم..مع فرق السن بيننا بس الحب ما يعرف هالسوالف..أهم شي أني حبيتك..ريم لا تحطين ببالك أني تقدمت لك عشاني عاطف عليك مثلما كنتي تفكرين قبل..أنا تقدمت لك لأني أحبك و أبيك..أبيك معي على طول..بنعيش مع بعض..أنا و أنتي..وبالمستقبل عيالنا.. سكت خالد وضل يناظرها بابتسامة وهو يحس إنه للحين ما خلص كلامه.. وده يقول لها كل شي صار و بيصير.. وده يقول لها كل اللي بقلبهـ.. بس شكل اللي قاله يكفي اليوم.. رفع يده و مسح الدمعه اللي تعلقت على خدها و رفضت تنزل للأرض و تكلم وهو يناظرها:خلاص حبيبتي.. ريم انرسمت على وجهها ابتسامة ناعمه هاديه و هزت راسها بالإيجاب وهي تناظرهـ و خالد تكلم و هو يناظر الساعة:تأخر الوقت..المكان صار فاضي شوفي.. ريم لفت حولها و ابتسمت وهي تناظره:صح المكان صار فاضي.. خالد مسك يدها و ضغط عليها بقوة لانها كانت بارده:يللا نمشي.. ريم هزت راسها بالإيجاب وهي تناظره بابتسامة بس قبل لا يقومون رن جوال خالد اللي تنهد بملل و كشر:أوهـ.. ريم:شفيه؟ خالد وهو يسكر جواله:هذي سحر.. ريم ابتسمت:طيب كان رديت عليها.. خالد لف لها:طفشتني هذي ثالث مرة تتصل الليلة بس تبي تتفلسف؟ ريم:ههههههههههههههههههههه� �هههههه.. خالد ابتسم وهو يناظرها:الله..لو اتصال سحر هو اللي خلاك تضحكين بفتح جوالي و بخليها كل شوي تتصل.. ريم بابتسامة هاديه:شدعوه؟ خالد رجع مسك يدها مرة ثانية و وقف معها و مشوا في الطرقات الباردة و الشبه فاضية:الدعوه أني أبي أسمع ضحكتك على طول..عرفتي الدعوه الحين.. . . . ..الأربعاء.. قام فيصل لما سمع صوت اذان المغرب لانه دخل يبي ياخذ له غفوة بس ما قدر.. هذا من جده حب البنتـ.. من جده متمسك فيها و يبيها.. طلع من الحمام و جا صلى و هو معزم على الفكرة اللي براسه.. هو يشوف ان ما في غير هالحل هذا.. خلص صلاة و قام لبس ثوبه ولبس له كبوس و أخذ مفتاح سيارته و هو معزم عـ اللي براسه.. طلع من غرفته و نزل تحت وهو يدندن بهمس و بطريقه شاف أخته عليا راقيه فوق و تكلمت:الحمد لله و الشكر وقت صلاة و أنت تغني؟ فيصل لف لها:علوووي نفسي بخشمي.. عليا ضحكت تبي تقهره و تكلمت وهي ماشية لغرفتها:شسوي لك؟ فيصل تكلم بصوت عالي وهو يناظر بابها عشان تسمعه:لو لي نفس كان وريتك شغلك بس مو رايق لك.. لف للدرج و نزل و لقا أمه و أبوه بالصالة سلم عليهم و طلع من غير ما يقعد و ياخذ أخبارهم.. ركب سيارته و هو مقطب حواجبهـ.. حبيتها.. محد يعرف وش معنى أني حبيتها.. ههـ حب من أول نظره اوكي أهم شي أني حبيتها.. مشى لوين ما أخذته سيارته و وقف قدام باب البيت بس بشكل ما يبين سيارته.. ما كان مقابل الباب مباشرهـ..بعيد شوي. ضل يناظر باب البيتـ.. مستحيل يتركها تروح كذا.. قلبه يقول له لا تخليها.. ما راح تمر من عنده مرور الكرام.. (طيب يا ندى بوصلك..بالحلال بوصلك..كيف..خليها علي..بعدين بعلمك كيف بوصلك..بس أهم شي أني بوصلك..بوصلــــــكــــ؟) ضل قاعد بالسيارة ما يقارب ساعهـ كاملهـ و ما مشى.. لان بباله شي لازم يسويهـ.. وما راح يمشي الا لما يحقق اللي براسهـ.. انفتح باب البيت و طلع منه شاب في مقتبل العمر.. فيصل بدت الحياة تدب فيه و كنه كان فاقدها من شوي.. شاف الشاب ركب سيارة كانت موقفه قدام باب البيت و مبين على السيارة انها مو اي شي.. ركب الشاب بالسيارة و بعد فترة قصيرة حرك ماشي لقدام مبتعد عن البيت.. مشى فيصل بهدوء و بطريقه غير ملفته للنظر لما صار على الشارع العام ورا سيارة الشاب.. شكله واحد من قرايب ندى و الأرجح إنه أخوها.. ضل يمشي وراه لما قربوا عند أحد المقاهي وفيصل حس إن لهنا و بس.. تأخر في تفيذ الخطة اللي لازم ينفذها قبل لا توقف سيارة هذا الشاب عند أي مكان.. المقهى مثلا.. أسرع فيصل بسرعة و مسك جواله على أذنه و كنه قاعد يكلم بالجوال و طرآآآآآآآآآآآآآآآآآآآآآآآ آآآآآآآآآآآآآآآآخـ.. طبعا بيني و بينكم الحادث متعمد من فيصل عشان كذا كان محاول قد ما يقدر إنه يخفف من أضراره.. بهاللحظة فهد بعد كان يكلم خويه طارق و قال له إنه وصل عند المقهى برا بس لما صار الحادث فهد خاف و لف ورا بسرعه.. فهد وهو مقطب حواجبه:طيب طارق دقايق و بجيك.. طارق:شفيك؟ فهد تأفف بضيق:مدري مين هذا اللي قاعد يمشي وراي و دعم سيارتي..دقايق بس بشوف شصار؟ طارق:أوف أوف..طيب بطلع لك الحين.. فهد:طيب مع السلامة.. سكر فهد و فتح باب سيارته و نزل و شاف فيصل واقف بجنب السيارتين من موقع الحادث و يناظر و مسوي نفسه متأثر.. فهد جا و قرب منه و هو مكشر:عسا ما شر.. فيصل هو الثاني مكشر:ما شر إن شاء الله..آسف أخوي كنت أكلم بالجوال و ما انتبهت.. فهد وهو يناظر آثار الحادث:لا بسيطة أنا بعد كنت أكلم بالجوال و ما انتبهت.. فيصل:تبي رقم جوالي يا الأخو عشان أصلح لك هاللي صار.. فهد لف له و هز راسه بالنفي:مشكور حصل خير خلها علي..مو قوي الحادث.. بنفس هالوقت أقبل لهم طارق و فهد لما شافه أشر له بيده.. وصل طارق:السلام.. فيصل:وعليكم السلام.. طارق:ها عسا ما شر؟ فهد:لا بسيطة.. طارق:مو قصدي السيارات أهم شي أنتوا ما صار لكم شي؟ فيصل:أنا ما صابني شي.. فهد:الحمد لله..خلاص أخوي ما قصرت حصل خير.. فيصل:حالف عليك إلا ما تخليني أصلحها لك بعد انا الغلطان و ما تبي تاخذ عليها شي.. فهد:يا رجال قلت لك بسيطة و الله ما تستاهل.. طارق بمزح:وشو هي عزيمة كل واحد قاعد يعزم الثاني..خلاص أنسوا كل واحد حر بسيارته وتفضلوا داخل.. فيصل رقص قلبه..هذا اللي يبيه..بس إن شاء الله يتم كل شي بخير.. فيصل تعذر و هو يتراجع لورا:مشكور ما تقصر الله لا يقصر بعمرك أنا ماشي.. طارق:شدعوه عاد تفضل أشرب لك شاي ريح شوي بعد هالدعمه ما يصير بتمشي على طول.. فهد تكلم و هو ماشي بيركب:أقول جنب سيارتك و تفضل معنا.. طارق ناظر فيصل:يللا جنب و تعال معنا..أنا بدخل انتظركم داخل.. مشى طارق لداخل المقهى و فهد ركب سيارته و وقفها في المواقف الخاصة و فيصل ركب سيارته وهو فرحان.. الخطوة الأولى تمت.. الحين بيدخل و بيقعد مع هالشاب اللي ما يدري شنو أسمه و شنو صله قرابته بندى.. دخلوا و قعدوا و طارق طلب لهم شاي و من بين السوالف.. طارق بابتسامة:ما عرفتنا باسمك.. فيصل ابتسم:فيصل الـ.. طارق:والنعم..أنا طارق الـ.. وهذا خويي فهد الــ.. فيصل بفرح أكبر لأنه عرف عيلتها:والنعم واللهـ.. فهد:الله ينعم عليك.. فيصل ناظر ساعة جواله و تكلم:يللا أنا ماشي.. طارق:وين تو الناس.. فيصل ابتسم:بروح أشوف سيارتي شصار عليها.. يسوي نفسه تذكر لف لفهد بابتسامة:ها يا فهد مصمم ما تبي رقم جوالي..لو احتجت شي للسيارة أنا حاضر؟ فهد ابتسم له:ما تقصر مو محتاج شي..بسيطة ما يبي لها؟ طارق ناظر فيصل بابتسامة:لا تقطعنا عاد.. فيصل:أما ما أقطعكم ذي عليكم..المرة الجاية الشاي علي أنا.. فهد حس بفشله و طلع جواله:طيب قاعدين تتفقون اثنينكم و كيف بتلتقون..عطني رقمك؟ فيصل حاول يخفي ابتسامته وعطاهم رقمه و بعدها أستأذن منهم و مشى و هو مبتسم و فرحاااااااااااان.. طارق لف لفهد و تكلم بهدوء:شفيك شكلك مو مرتاح له؟ فهد ناظر طارق:مو كذا الموضوع بس أحس إن وراه شي..يخي من قبل لا يصير الحادث أنا كم مرة لاحظت هالسيارة تمشي بنفس الخط اللي قاعد أمشي عليه.. طارق ببرود:وإذا..يمكن طريقه نفس طريقك و صار الحادث؟ فهد:يمكن كل شي جايز..بس أحس إن وراه شي.. طارق:زين يا أبو إحساسـ شرايك نقوم نشوف سيارتك أنت بعد؟ فهد تنهد و حط بياله الشاي اللي بيده:يللا مشينا.. . . . ..1ليلاً.. عبير بصدمهـ:شتقول أنت؟ عبد الرحمن وهو يناظرها:اللي سمعتيه..خطبت البنت وهي موافقة و أبتزوج.. عبير دموعها بدت تتجمع بعيونها:و أنا طيب؟ عبد الرحمن بسخرية:وبين أبوك؟ عبير وقفت وهي تناظره:شفيه بيت أبوي..يعني معقولة أنت تبي تتزوج عشاني كل يوم و الثاني رايحه بين أبوي..هذا مو سبب.. عبد الرحمن وقف و ناظرها و تكلم بحده:مو عشان كذا و بس..أنا كم مرة أقول لك لا أرجع البيت و أنتي مو موجودة و أنتي ما تسمعين كلامي.. تسأليني ليه مو أنا اللي أجي و آخذك من بيت أبوك طيب بجاوبك؟ حبيبتي أنا ارجع من دوامي تعبان و أبي أرتاح مو فاضي أمر و آخذك من بيت أبوك و أرجع هنا..أنا رجال أبي راحتي و عشت معك 6 سنين من عمري و ما شفت الراحة؟ عبير نزلوا دموعها وهي تناظره بصدمة ثانية:يعني أنا كنت متعبتك..أنا كنت مانعه عنك الراحة يا عبد الرحمن؟ عبد الرحمن عقد يدينه قدام صدره:هذا اللي أنا أشوفه؟ عبير شهقت:حرام عليك اللي تسويه..أنا شسويت لك طيب؟ عبد الرحمن:كل اللي قلته لك و تبين تعرفين شسويتي لي..مو كافيك اللي قلته لك؟ عبير:بس أنت قاعد تظلمني كذا..أنا ما قصرت بحقك..أنت تعرف ليه أنا كنت أروح بيت أبوي..خالتي الله يهديها ما تتواجد بالبيت على طول و أنا مقدر أقعد هنا لحالي مع ولدي..وأنا لما كنت أستأذن منك ما كنت تمانع..وربي لو كنت تقول لي لا ما كنت بروح؟ عبد الرحمن:يعني شلون والله مو عارف لكم أنا..إن قلت لك لا تضايقتي و أن وافقت صرت انا الغلطان.. عبير:أنت بعد ما كنت تقعد معي..أنا تزوجتك عشانك أنت مو عشان أجي و أقعد أقابل الجدران.. عبد الرحمن تنهد بضيق و عبير تكلمت:أنت تبي تظلمني معك..تبي تظلمني و تظلم ولدك بعد..أخذت روحتي بيت أبوي كل يوم حجة عشان تتزوج يا عبد الرحمن.. أنا عارفه ان هالشي يضايقك بس بعد ما كان بيدي حيله..أنت طول اليوم برا و أمك بعد تطلع شتبيني أسوي أقعد لحالي هنا قولي شسوي؟ عبد الرحمن صد عنها:خلاص عبير..كلامك ما راح يقدم ولا يأخر..أنا خطبت البنت وهي وافقت و قريب بتزوجها.. عبير سكتت وهي تناظرها و دموعها تسيل على خدها.. صح كلامه.. كلامها ما راح يقدم ولا يأخر.. الله يالدنيا.. هذا وهي بنت خآلتهـ بيسويـ فيهآ كذا..؟؟.. عبير مسحت دموعها و صدت تبي تطلع بس شافت ولدها واقف عند الباب و يناظرهم بصمت.. يعني شنو بيسوي وهو يشوف أمه تصيح وهي تتكلم مع أبوه القاسي.. بيضحك.. بيفرح.. ولا بيشجعهم.. عبير بلعت ريقها وهي تناظرهـ و لفت لعبد الرحمن وهو الثاني كان يناظرهـ بصمتـ.. عبير مشت له وقعدت قدامه بالأرض و ابتسمت له:حبيبي أحمد ليه ما نمت للحين الوقت متأخر؟ أحمد تكلم وهو يناظرها بنظره جامده و ببراءة:ماما ما جاني نوم و قمت بروح لعمتي بسـ جيت هنا.. سكت و لف لأبوه و عطاه نفس النظره و مشى عنهم لغرفته و سكر الباب عليه.. طفل في الـ7من عمرهـ و يشوف هالموقف قدامهـ..؟؟؟.. عبير وقفت و لفت لفيصل و ناظرته هي الثانية بمقت:عاجبك كذا؟ فيصل أشر لها بيده:لا تحطين اللوم علي..مو ذنبي إذا هو ما نام لهالوقت.. عبير هزت راسها بالنفي وهي تناظرهـ و مشت عنه تاركه له الغرفة بكبرها.. ما في مكان تروح له الحين مع انها ببيت خالتها و بيت زوجها.. تمددت على الكنب بالصالة تداري دمعتها.. الزوج بغرفه..و الولد بغرفهـ..وهي هنا.. بين الاثنين.. ما تدري شنو التصرف الصح اللي المفروض تسويه الحين.. زوجها يبي يتزوج عليها.. ولدها؟؟ (***وش يعيد الوقت قلي غير خطوات الرجوع***) | ||||||||
|
| |
|
09-12-13, 12:11 PM
| #23 | ||||||||
| مراقبة عامة ومشرفة منتدى الروايات المنقولة
| . . . ريم بعدت عن خالتها بابتسامة:الحمد لله بخير.. ابتسمت ريم لسارة اللي كانت واقفة يم أمها و سلمت عليها:الحمد لله على سلامتك.. ريم بابتسامة هاديه:الله يسلمك.. ريم لفت و تكلمت وهي تناظر خالتها:وين عمي و البنات؟ أم خالد:البنات من جاوا من المدرسة وهم نايمين و عمك بالمسجد شوي و يجي.. أم خالد لفت لساره بحنان:يللا يما خذي زوجة أخوك فوق خليها ترتاح.. ساره هزت راسها بالإيجاب و طلعت هي و ريم للدور الثاني و كانت تدور بينهم سوالف عاديه عن السفرهـ القصيرهـ.. بنفس هالوقت دخل خالد بابتسامة و حط الشنط عند الباب ولف لأمه اللي مشت له هي بدورها بفرح:هلا و غلا تو ما نور البيت.. خالد مشى لها و باس راسها بابتسامة:هلا و غلا فيك يالغلا شخبارك يما عساك بخير؟ أم خالد بابتسامة:بخير يا خالد..أنتوا شلونكم أن شاء الله مرتاحين؟ خالد ابتسم:الحمد لله يما مرتاحين..وين البنات؟ أم خالد:والله سحر و شروق و صفاء من جاوا من دواماتهم اليوم وهم نايمين و أبوك بالمسجد شوي و يجي.. خالد:وريم صعدت؟ أم خالد ابتسمت له:أي ريم صعدت فوق مع ساره..روح يما صلوا و ارتاحوا أنتوا تعبانين من السفرة.. خالد ابتسم و باس راس أمه مرة ثانية و صعد فوق لريـــــــــمهـ..بعدما أخذ معه الشنط.. أول ما طلع خالد للدور الثاني شاف أخته ساره طالعه من جناحه و تكلم بابتسامة:هلا و غلا.. ساره انتبهت لصوته و لفت له بابتسامة و مشت له:هلا و غلا فيك.. سلمت عليه و تكلمت:مشتاقين لك مع هالوجه يللا لما تصلوون أنزل نبي نقعد معك مو تنام.. خالد ضحك:بحاول بس والله أني تعبان إن ما قدرت بكرة بشوفكم.. ساره ابتسمت له:اوكي خذ راحتك..مع اني اشك أنك بتحاول؟ خالد ضحك مرة ثانية و ضربها بخفيف و مشى لجناحه..دخل و سكر الباب وراهـ و ابتسم لما سمع صوت الدش من الحمام.. خالد وقف عند باب الحمام بابتسامة:ريم مطولهـ؟ ريم ابتسمت وهي بالحمام:توي داخله..أنت عجول ما تصبر كان المفروض تحط حمامين هنا.. خالد ضحك:ما يحتاجـ أنتي اللي عجوله ما تصبرين و دخلتي قبلي.. ريم ضحكت و ما كلمتهـ و خالد مشى للغرفة و دخل وهو يحس راسه يدور.. قرر يتمدد شوي لما تطلع ريم من الحمام عشان يقوم يتروش و بس تمدد على السرير انطلقت منه تنهيده طويلهـ.. ابتسم وهو يناظر السقف(ريم صرتي لي..أنا لحالي..يا حبي لك..للحين مو مصدق أنك زوجتي..وبتعيشين هنا معي باقي عمري..الله يقدرني و أنفذ وعدي..الله يقدرني و أسعدك يا قلبي يا ريم..يا حياتي أنتي) غمض عيونه والابتسامة مرسومة على شفاتهـ بس من التعب اللي فيه ما قدر يصبر لما تطلع ريم من الحمام و نام.. أسبوع واحد قضاه معها بعيد عن الناس بس كان بالنسبة لخالد أحلى أسبوع بعمرهـ.. في هالأسبوع اتضح له أن ريم بنت حلوة فوق ما كان يتصور.. ريم بنت دمها خفيف و الابتسامة دايما على وجهها بس اللي بداخلها غير.. أتضح له أن ريم ما تحب تبين حزنها و ضيقتها لأحد بس هو قدر يكتشفها و خلاها تقول له عن ماضيها.. ريم جريئة رغم حياها..ريم صغيرة..بس هو حبها..وأخذها؟.. طلعت ريم من الحمام وهي لافه المنشفه على شعرها القصير..استغربت لما شافت خالد متمدد بس ما جا على بالها إنه نايم.. مشت له بهدوء و لما قربت منه تكلمت:خالـد..خالد ما تبي تتروش.. ما رد عليها و مشت عنه للتسريحه..قعدت على الكرسي اللي قدام المراية و بدت تمشط شعرها بهدوء.. بعدما خلصت قامت و تركت شعرها ينشف لحاله.. مشت للسجادة و فرشتها و صلتـ و بعدما صلت ما قدرت تقاوم النوم..مشت للسرير و نامت عليه باستسلام لأن هي بعد تعبانهـ حدهآ.. من جهة ثانية ابتسم أبو خالد لما دخل البيت و قالوا له أن خالد وصلـ و كن اليوم عيد عندهـ.. أم خالد:انا قلت لهم يصعدون يرتاحون.. ساره اللي كانت قاعده يم أمها:أكيد ما راح نشوفهم إلا بكره شكلهم واصلين حدهمـ.. أبو خالد بابتسامة:ما عليه أهم شي أنهم وصلوا سالمين..مع ان كان ودي أشوف خالد بس اهم شي يرتاح..الا هو بكره بيداوم.. ساره:أي بكرة بيداوم.. أم خالد قطبت حواجبها:يا قلبي عليه توه اليوم جاي و بكرة بيداوم؟ ساره:هو من زمان قال وده يطول بالسفره بس ما عطوه إجازة غير أسبوع.. بنفس هالوقت نزلت سحر و النوم بوجهها:السلام.. أم خالد ناظرتها بعصبية:وعليكم السلام..وبعدين معك أنتي مية مرة صعدت لك الشغالة و أختك سارة و ما صحيتي؟ سحر قعدت وهي تتنهد:يوه يما يعني بس أنا اللي نايمة..حتى شروق و صفاء بعد نايمات؟ أم خالد هزت راسها بالنفي و أبو خالد تكلم:افا كلكم نايمين..ما صحيتوا تستقبلون أخوكم و زوجته؟ سحر طار النوم من عيونها و تكلمت بفرح:وصلوا؟ أم خالد:أيه وصلوا..وعقابا لك لأنك ما صحيتي تستقبلينهم ما راح تشوفينهم إلا بكره.. سحر كشرت:لاااا ليه؟ ساره بابتسامة:ياخي تعبانين الناس يبون يرتاحون محد قال لك نامي و لا تصحين تعبنا وحنا نصحيكم؟ سحر بقهر:أوف والله كان ودي أستقبلهم.. أبو خالد:بكرة سلمي عليه باحترام مو تسوين لي حركاتك اللي ما لها داعي..كفاية إنه اليوم جا و ما شاف أحد بوجهه؟ . . . أم فيصل سكرت السماعه وقامت دخلت الصالة الثانية اللي كانوا فيها أبو فيصل و عيالها و ضيقة الدنيا كلها على راسها:لا إله إلا الله..محمد رسول الله..لا إله إلا الله.. أبو فيصل استغرب ضيقتها و نزل الجريدة اللي كان يقراها:خير شفيه؟ أم فيصل بضيق:شقول لك يا بو فيصل..توي كلمت أختي أم عبد الرحمن و قالت لي خبر ما يسرك؟ أبو فيصل كشر:عبير فيها شي؟ أم فيصل:ليت الموضوع كذا و بس..أختي الله يهديها تبي تزوج ولدها عبد الرحمن؟ فيصل و عليا اللي كانوا قبال التلفزيون لما سمعوا الخبر لفوا لبعض و لفوا لأمهم و أبو فيصل تكلم وهو مقطب حواجبه:نعم.. أم فيصل:اللي سمعته يا أبو فيصل..حاولت أثنيها و أعرف منها سبب واحد يقنعني قالت لي ما في فايده الكلام الحين لانهم خطبوا البنت وهي موافقه؟ أبو فيصل:وعبير شخبارها؟ أم فيصل:علمي علمك يا أبو فيصل ما كلمتها..كنت مكلمة أختي أبي آخذ أخبارهم و انصدمت لما قالت لي هالخبر.. فيصل بلع ريقه:متى صار كل هذا يما؟ أم فيصل:شيعرفني يا فيصل توي الحين دريت من خالتك بالموضوع.. فيصل بدا يعصب:و عبد الرحمن شسوا؟ أم فيصل:مو أنا اللي قاهرني أنه موافق.. أبو فيصل:لا حول ولا قوة إلا بالله العلي العظيم..وليه طيب يسوي كذا بالبنت شسوت له؟ فيصل عصب حدهـ..هو من زمان ما كان حاب ولد خالته عبد الرحمن..من عرفه و هو مو حآبهـ.. فيصل قطب حواجبه بعصبية:بكيفه هذا..شسوت له أختي عشان يروح و يتزوج؟ أبو فيصل لف لفيصل:اهدا يا فيصل..خلنا نعرف الموضوع بهدوء..حنا ما ندري شكان يصير بينهم..إن شاء الله خير.. فيصل بعصبية:أي خير يبا..هذا يجي من وراه خير.. أم فيصل:بالهداوة يا فيصل هذا ولد خالتك.. فيصل:وأختي بعد بنت خالته..ما استحى على وجهه يسوي فيها كذا.. فيصل وقف بعصبية:أنا رايح أجيبها هنا.. أبو فيصل عصب وهو مو ناقصه:يا فيصل اهدا..وشو اللي تبي تجيبها هنا تبي تزيد الطين بله..دامها ما طلبت تجي هنا خلها على راحتها..هي ببيت زوجها الحين؟ فيصل ضل يناظرهم شوي بعصبية من الخبر اللي سمعه و مشى للدرج و صعدهـ بصمت و أم فيصل ضلت تذكر الله وهي تحاول تهدي نفسها.. عليا بعد قامت.. تبي تروح تكلم هيا بنت خالتها و صديقتها يمكن تعرف منها خبر يدخل عقلها.. أبو فيصل لف لأم فيصل:هدي نفسك يا أم فيصل..أنا بكلم عبد الرحمن و بتفاهم معه..أخاف فيصل يروح له و يقلب الموضوع علينا.. أم فيصل:يا بعد عمري يا عبير..الله يصبرها.. أبو فيصل:خلاص يا أم فيصل لا تنسين إن له الحق يتزوج؟ أم فيصل:بس بنتي شسوت له..ما قصرت بحقه عشان يتزوج عليها كذا..الله يهديه بس؟ أبو فيصل:أنا بكلمه و بحاول أفهم منه الموضوعـ و إن شاء الله خير.. أم فيصل:تسوي خير..يا ليت بعد تقدر تثنيه عن قراره و ينتهي الموضوع على كذا.. أبو فيصل تنهد:مع أني ما ودي أرمي كل اللوم عليك بس أنتي الغلطانه..أنتي اللي وافقتي عشانه ولد أختك و ما تبين تردينه؟ أم فيصل:هالموضوع مضت عليه سنين يا بو فيصل..بعدين أنا شدراني أن بيصير ببنتي كذا لو أدري والله ما زوجتها له..بس محد يدري شنو اللي ينتظرهـ؟ أبو فيصل أخذ نفس:بكرة بس أروح المكتب و بكلمه يجيني..وبتفاهم معه..أبعرف ليه سوا كذا؟ . . . | ||||||||
|
| |
|
09-12-13, 12:12 PM
| #24 | ||||||||
| مراقبة عامة ومشرفة منتدى الروايات المنقولة
| كان قاعد بالصالة و شبه متمدد على الكنب و رافع رجله على الطاولة اللي قباله و ماسك الجوال بيده و يناظر اللي مكتوب فيه.. هو اللي كتبهـ.. الحينـ.. بكيت في يوم فرقاها تقل بين الحنايا نار وكني فاقد الدنيا ولاني قادر اتصبـــــــــر ابتأسف انا لقلبي عساه يتقبل الاعــــذار لاني صدق ذليته وعذري حيل متأخـــــر (خلاص يا فهد أنساها..أنا لازم أنساها..البنت الحين متزوجة و حامل قريب بتصير أم..خلاص كل واحد منا بطريق..هذا اللي المفروض يصير.. أنا لازم أنساها و أعيش حياتي..بس كيف؟.. كيف أنساها وهي متربعه بقلبي..كنت باني أحلامي معها..كنت مخطط لحياتي معها..بس راحت لغيري..آهـ يالزمنـ ليه سويت فينا كذا..لو كانت معي كنت عايش أحلا حياة الحين.. بس أنا بنساك يا طوعه..مثلما أنتي أخترتي غيري أنا بعد بختار غيرك..أنتي كنتي تلعبين معي لما حبيتيني..ولا بس كنتي تجربين الحب فيني..؟؟ ليه اخترتي طريق غير طريقي..وتركتيني لحالي.. كنت منتظرك..بس الحين ما راح أنتظرك..بشوف حياتي بعيد عنك زي منتي شفتي حياتك بعيد عني) كان هالكلام يدور بداخل فهد ما بين عقله و قلبه.. كان يقول هالكلام وبس يبي يقوي من معنوياتهـ ولا هو عارف إنه مستحيل ينساها.. هذي حبهـ الأولـ.. حب الطفولهـ.. ما راح ينساها بس بيحاول يتناساها.. تنهد و عدل قعدته على الكنب و شاف أخته خلود نازلة من الدرج ومشت للمطبخ ولا كنها تشوفهـ.. هذي من جدها زعلت منهـ.. صار لها ست أيام ما تكلمه و ما تعطيه وجه.. حتى لما يجتمعون على السفرة تحاول تتجنبه قد ما تقدر.. حتى لما يوجه لها الكلام تسفهه و لو ردت ترد باقتضاب و مقت.. فهد وقف و ناداها:خلود.. خلود قبل لا تدخل المطبخ سمعته و لفت له بجمود:بغيت شي.. فهد ابتسم يبي يرجع العلاقة مثل قبل:شتبين تسوين بالمطبخ؟ خلود صدت:أتوقع ما يخصك؟ فهد للحين مبتسم:اوكي ما يخصني..لو تبين تسوين لك شي سوي لي معك ترا حدي جوعان.. خلود رجعت لفت له بنظرة حاده:سلمان بيجي..ما يشرفك تقعد معه؟ تركته و دخلت المطبخ و فهد وسع عيونه وهو يناظر مكانها بصمت.. مشى فهد للمطبخ و دخل و شافها فاتحه الثلاجة و تطلع منها بعض الاغراض و تكلم فهد وهو يمشي لها:خلود من جدك زعلانه مني؟ خلود ما كلمته و لفت حطت الاغراض على الطاولة اللي بنص المطبخ و فهد تكلم وهو يجي و يوقف يمها:اذا انك زعلانة على ذاك اليوم ترا الكلام اللي قلته ما يستاهل كل هالزعل؟ خلود لفت له بعصبية:يعني سلمان يستاهل كل هالحقد اللي بقلبك؟ فهد بلع ريقه وهو يناظرها:ما كان قصدي؟ خلود:أي هذا أنتوا..ترمون الكلام و لما أواجهكم فيه تقولون مو قصدي..أجل شكنت تقصد؟ فهد ابتسم:أوف أوف شنو هالحبـ..خلاص ياخي آسفين بس لا تسفهيني كذا.. خلود صدت عنه بصمت و فهد تكلم:مو كافيك..أعتذرت لك؟ خلود:بس أنت ما غلطت علي..أنت غلطت على سلمان؟ فهد رفع حاجبه و كنه تو يفهم:ايوا..قصدك أروح أعتذر له؟ خلود:أفهمها زي ما تبي تفهمها.. فهد بهدوء:أمممم خلود أنتي عارفه أني ما راح أسوي هالشي.. خلود:عارفه.. فهد:أجل ليه تطلبينه مني؟ خلود:وأنت ليه تطلب مني أكلمك و أسامحك..؟ فهد:لأني أخوك و مو عدله قاعدين ببيت واحد ولا كنا نشوف بعض.. خلود:أنا أبيك تعتذر من سلمان لأنه زوجي..نسيبك..ومو عدله نسيبك يجي و يمشي و أنت ما تتزل حتى تروح و تسلم عليه؟ ركزت على الكلمه الأخيره و صدت عنه تكمل شغلها وفهد تنهد و قعد على الكرسي بالمطبخ:يعني لو سلمت عليه بتسامحيني خلييد؟ خلود راحت للمغسله:أنا مو بس أبيك تسلم عليه..يا ليت تعدل العلاقة بينكم؟ فهد كشر وهو يناظرها و رجع لف لقدام و تنهد بقوة.. فهد وقف:أنا طالعـ.. طلع فهد و لفت خلود تناظره وهو طالع من المطبخ بصمت.. هذا أخوها و عزيز عليها..بس هذاك بعد زوجها و حبيب قلبها.. . . . ..صباح الأحد.. خالد وهو ينشف شعره بالمنشفه:طيب ليه ما صحيتني فاتتني الصلاة؟ ريم وهي تناظره:صحيتك بس أنت ما قمت و تركتك نايم..(ابتسمت)أصلا نمت بعدك على طول؟ خالد ابتسم لها:ما عليه..حصل خير.. ريم تكلمت وهي تناظره بهدوء:تبي تروح الدوام اليوم؟ خالد لف لها و مشى لها و لما وصل قعد يمها وتكلم بابتسامة:أي بروح..ما ودي أروح بس ما أقدر أغيب أكثر من كذا و هم ما عطوني اجازة.. ريم ضلت تناظره بابتسامة و خالد رجع تكلم بعد صمت:تدرين قبل كنت لما أرجع هنا أعد الدقايق عشان أرجع المستشفى و أشوفك..بس الحين أنتي هنا عندي ليه أتلهف على المستشفى بعد؟ ريم ابتسمت بهدوء:أوف لا تذكرني بذيك الايام..مدري كيف عشتها كني بحلم و صحيت منه؟ خالد للحين ابتسامته مرسومة بوجهه:حتى انا بعد..مدري كيف ضليت انتظرك خمس سنوات و انا مدري بنجتمع او لا..كني بحلم و الحين صحيت منه؟ ريم ضحكت:هههههههههههههههههههه� �هههه يعني تبي تقلد علي قاعد تقول نفس كلامي؟ خالد ضحك معها:هههههههههههههههههههه� �ههه لا مو كذا قصدي بس هذا اللي كنت بقولهـ؟ ريم بابتسامة:متى بترجع؟ خالد رفع حاجبه:ما تدرين متى أرجع و متى أروح؟ ريم هزت كتوفها بهدوء:وأنا شدراني.. خالد ابتسم:طيب بعلمك مواعيد دوامي..أنا أروح الصباح و أرجع الظهر..والعصر أرجع المستشفى و ينتهي دوامي تسع بالليل.. ريم كشرت:كثير..ما تحس تعب عليك؟ خالد:تبين الصراحة..أنا بأول ما توظفت بالمستشفى و جيتيني أنتي ما حسيت بالوقت اللي أقضيه بالدوام..كلما أصير فاضي كنت أجي و أتطمن عليك حتى وأنتي بالغيبوبة.. بس اليوم يا ثقله على قلبي..أول مرة من خمس سنين بداوم و أنتي مو معي؟ ريم ابتسمت بهدوء و نزلت راسها تحت بصمت و خالد رفعه بيده بهدوء:شفيه؟ ريم هزت راسها بالنفي:ما في شي.. رجعت تناظره:حتى انا مدري كيف بقعد هنا انتظرك..قبل كنت أفرح لما تجي المستشفى مدري ليه..بس الحين بتضايق كلما بتروح المستشفى؟ خالد ضل يناظر عيونها الناعسه بصمتـ..بحبـ..بحنانـ.. خالد بحنان:كنتي تنتظريني؟ ريم ابتسمت وهزت راسها بالإيجاب:أي.. خالد اجتاحته رغبه إنه يضمها بقوة لصدرهـ..وفعلا ضمها لصدرهـ وهو مبتسم بفرحـ..ريم كانت تنتظره و هو مو داري..كان يفكر إن بس هو اللي ينتظرها.. بعد فترة بعدها عنه وطبع أحلى قبله على جبينها و تكلم وهو يناظرها:حبيبتي ريم..بشتاق لك مـــوت..بس الحين قومي غيري ملابسك عشان ننزل تحت نفطر لا أتأخر.. ريم هزت راسها بالإيجاب بابتسامة و قامت فتحت الدولاب الخاص فيها و خالد يناظرها بابتسامة.. طلعت لها ملابس و لفت له و عطته ابتسامة حلوة و مشت للحمام تبدل ملابسها.. ضحك خالد و قام هو الثاني فتح دولابه و طلع معطفه الأبيض وهو يفكر فيها(البنت صغيرة علي..حتى تصرفاتها تصرفات وحده صغيرة..وهي تتكلم البراءة واضحه عليها..معقولة بكون ظلمتها بهالزواج..لا ما راح أظلمها..أنا راح أعوضها عن كل شي مضى..حبيبتي والله) . . . | ||||||||
|
| |
|
09-12-13, 12:13 PM
| #25 | ||||||||
| مراقبة عامة ومشرفة منتدى الروايات المنقولة
| نزلت سحر و رمت شنطتها بالأرض قريب من الكنب وهي تتأفف بملل:إنا لله مع هالمدرسة؟ تكلمت أم خالد وهي تطلع من المطبخ و تحط الفطور على الطاولة مع الشغالة و ساره:بس هذا أنتي..الناس تصحى الصباح تذكر الله وانتي من الصباح تتذمرين؟ سحر لفت لأمها:شسوي يما محد يشتهي يقوم الصباح بس شقول..مجبورين؟ ساره:ذكري ربك بس خلي عنك هالكلام انتي اللي تنكدين عليك يومك.. سحر مشت للطاولة و قعدت على كرسيها وهي تتأفف بملل و بصمتـ.. بنفس هالوقت نزلوا خالد و ريم من فوق وهم يسولفون بهدوء و أم خالد بس شافتهم تهلل وجهها و تكلمت بابتسامة:يا هلا والله.. سحر بس سمعت صوتهم و صحت و كن النوم طار من عيونها و قامت بسرعة و سلمت على خالد و بعده سلمت على ريم بفرح وتضحك ما كنها اللي قبل شووي مكشرة.. بعدها مشى خالد لأمه و صبح عليها و ريم بعد لما شافته راحت و سوت مثلهـ.. خالد:يما أبوي وينه؟ أم خالد:داخل يصلي.. خالد ازاح له كرسي و قعد عليه:وين صفاء و شروق ما صحوا؟ سارة بابتسامة:بلا صحوا بس أصبر ينزلوون.. سحر مشت لريم و مسكت يدها و جرتها معها وقعدتها بالكرسي اللي يمها وهي تتكلم:افا يا خلوود تقعد و تخلي زوجتك واقفة؟ ريم ضحكت وهي تقعد يمها و خالد تنهد وهو يناظرها بطرف عينه و صد عنها يسولف مع ساره و ما كلمها.. أما أم خالد فابتسمت بصمت و مشت للمطبخ مع الشغالة.. ريم ابتسمت وهي تناظر شكل سحر بالزي المدرسي.. شكلها كان حلوو و كنها بنت صغيرة.. كانت رافعه جوانب شعرها الحريري بمسكات صغار حلوين و هادين وتاركه بعض الخصل القصيرة سايحه على وجهها..ولابسه أساور بيدها يعني حركات بنات المدرسة.. تذكرت ذيــك الأيامـ.. صحيح كانت صغيرة بس كانت تحن على أمها و ما تطلع للمدرسة إلا وهي متكشخهـ.. اللهـ.. ريم تكلمت وهي تناظر سحر:أنتي بأي صف؟ سحر ابتسمت لها:الشرهه على الزوج الحنون اللي ما قال لك.. ريم بابتسامة:ما حصل و أنا ما سألته.. سحر:أنا بأول ثنوي..وأختي شروق بثالث ثنوي و صفاء بثاني جامعهـ و ساره مخلصه دراسه.. ريم ضحكت:هههههههههههههههههههه� �هههههههه زين سألت عنك بس.. سحر بابتسامة:عشان لما يجون ما تسألينهم تكونين عارفه هههههههههههههه..المهم قولي لي شسويتوا بالسفره جبتوا لي هديه ولا لا؟؟ ريم ابتسمت و توها بتتكلم بس طلع أبو خالد من الغرفة و لما شافهم ابتسم بفرح و خالد و ريم قاموا سلموا عليه.. قعدوا على الطاولة يسولفون و ياخذون الأخبار ينتظرون شروق و صفاء.. كلها ثواني و نزلوا ثنتيهم مع بعض.. شروق الثانية كانت لابسه زي مدرسي مماثل للبس سحر أما صفاء فكانت لابسه تنورة جينز و قميص أبيض مخطط بأسود.. شروق و صفاء فرحوا لما شافوا خالد و ريم و هم بعد سلموا عليهم بفرح و قعدوا بعدما خذوا أخبارهم.. كانوا يسولفون و هم يفطرون و ريم كانت مستمعه.. عجبتها جمعتهمـ.. زين في بيت للحين يجتمع هالجمعات لان الاغلبيه كل واحد ياكل لحاله و نادرا ما يجتمعون اهل البيت.. اللهـ.. وين راحت ذيك الأيامـ..يوم ما كانت ريم و أخوها محمد يفطرون مع أمهم و أبوهم..أحن قلبين عرفتهم ريم بحياتها.. راحوا و خلوها..خلوها تصارع الذكرى لحالها..خلوها تعيش ذكراهم مع غيرهم.. ما تدري ليه مو قادره تاخذ راحتها بالكلام معهم.. يمكن لانها توها ما صار لها فترة من دخلت بيتهم..يمكن ليه لا؟؟ حان وقت الذهااب للمدرسة و قاموا سحر و شروق و صفاء و طلعوا مع السايق.. وبعدهم قام خالد استأذن من أمه و ابوه و صعد فوق يلبس و ريم حست ما لها داعي تقعد بدونه فقامت معهـ.. خالد بعدما لبس مسك المعطف حقه و تكلم وهو يناظرها:تامرين على شي.. ريم هزت راسها بالنفي:سلامتكـ.. خالد تنهد و باسها بحراره:بشتاق لك ريم.. ريم ناظرت الأرض:حـ..حتى انا بعد.. رفعت عيونها و ناظرته:بنتظرك خالد.. خالد ابتسم لها:بحاول ما أتأخر عشانكـ بس.. ريم هزت راسها بابتسامة و خالد قرص خشمها بنعومة و طلع عنها لتحتـ.. تنهدت ريم و مشت لغرفة الجلوس تبي تكتشفها شوي.. من يوم دخلت هالبيت ما قعدت في هالغرفهـ.. ابتسمت وهي تشوف صورة خالد اللي كان حاطها باطار على وحده من الأرفف.. مين يصدق.. الدكتور هذا زوجها.. ابتسمت وهي تدور بالغرفة.. الغرفة كانت واسعه شرحهـ بنص الغرفة كان في سجادة وباطرافها الكنبات..وبنص السجادة طاولة صغيرة وقبالهم التلفزيوون.. وبزاوية من زايا الغرفة مكـتب بكرسيهـ وفوقه بعض الأغراض الموزعه بترتيب.. الستاير كانت طقم مع الكنبات و الشراشف اللي على الطاولات و من ورا الستاير بلكونه صغيرة بس حلوة.. قعدت على وحده من الكنبات ومسكت جهاز التلفزيون و شغلته وضلت تقلب بالقنوات وهي ما تدري هل تفرح ولا تحزن.. خالد يحبها و هالشي هي شافته من تصرفاته معها..حتى اهله بعد باين عليهم طيبين و حبوها..بس بتضل وحيدهـ؟؟ يضل فكرخا عند أخوها محمد اللي ما تدري وين أخذته عنها الدنيا.. بعد فترة ملت و تنهدت و قامت ناظرت الساعهـ وشافتها تشير للتسعـ.. مشت للبلكونة و فتحتها و طلعت برا و ابتسمت لما طلت و شافت الحديقة تحت.. حجمها متوسط بس لانها مرتبه كانت باينة واسعه.. ما كلفت نفسها تناظر الحديقة لما دخلت هالبيت لانها كانت مرتبكة و مو فاضية تشوف حديقتهم كيف شكلها.. فيها طاولة صغيرة عالجنب و جنبها نافورة حلوة.. تذكرت بيتهم اللي كانوا عايشين فيه..هي و أمها و أبوها و أخوها.. بيتهم كان أصغر من كذا بكثير و ما فيه حديقة بس كان فيه تهويه كبيرة بالنسبة لحجم البيت.. صحيح بيتهم صغير بس كانوا عايشين حياة حلوة.. طلعت من حياة و دخلت بحياة ثانية.. بس ما تدري كيف بتكون حياتها هنا.. بدايتها حلوة.. بس هي للحين ببداية الطريق و ما تدري وش اللي بيواجهها بعد كذا.. تنهدت و رجعت لداخل الغرفة وسكرت البلكونهـ.. دخلت غرفة النوم و لما شافت السرير حست انها للحين بحاجة للنوم..ما خذت كفايتها.. مشت للسرير و تمددت عليه وهي تفكر بحياتها..الماضية و المستقبليه.. كيف صار لها كذا..ما تدري..كيف تزوجت خالد..ما تدري..ما تدري عن شي.. كل اللي تعرفهـ..إنها الحين زوجة خالد..وإن أخوها محمد مختفي عن أنظارها.. بس بتصبر..خالد وعدها..أكيد بيلقاه..لو ما لقاه بيعرف عنه خبر.. . . . أبو فيصل وهو مقطب حواجبه:بدون سبب.. عبد الرحمن بهدوء:يا عمي أنا ما قصدت أضر بنتك..هذي بنت خالتي و على عيني و راسي..بس بعد ما فيها شي لو أنا تزوجت من حقي.. أبو فيصل:عبير قصرت بحقك يا عبد الرحمن؟ عبد الرحمن أخذ نفس بهدوء:لا.. أبو فيصل:عمرك قلت لها شي و رفضت.. عبد الرحمن:لا طال عمرك.. أبو فيصل:طيب ليه تبي تسوي فيها كذا..بغض النظر عن مشاكلكم الخاصة أنا قاعد أتكلم عن اللي قاعد يصير الحين.. عبد الرحمن:اللي صار صار يا عمي..أنا خطبت البنت و هي وافقت..و..حددوا موعد الملكة بعد؟ أبو فيصل:ومتى ملكتك؟ عبد الرحمن:الخميس.. أبو فيصل:الخميس هذا.. عبد الرحمن:لا مو هذا..الخميس أسبوع الجاي.. أبو فيصل قطب حواجبه:قريب.. عبد الرحمن هز راسه بالإيجاب و أبو فيصل تكم وهو يتنهد:ما كان العشم فيك يا عبد الرحمن تسوي ببنتي كذا..أنا عطيتك أياها و أنا واثق فيك و واثق إنك تقدر تسعدها و تحافظ عليها..بس شقول غير الله يهدي الجميع؟ عبد الرحمن:خلاص يا عمي ما له داعي هالكلام الحين..عبير بتضل زوجتي و بتضل مكرمة معززة ما راح أقصر بحقها بعد زواجي.. أبو فيصل:توعدني يا عبد الرحمن..توعدني أن ما يتغير عليها شي..ما أبيك تقصر بحقها..حتى لو تطلب منك المستحيل تسويه لها..هذي بنتي اللي عاشت ست سنين من عمرها معك و بالنهاية تقابلها كذا..صحيح ست سنين فترة قصيرة لموضوع مثل كذا بس محسوبة من عمرها يا عبد الرحمن؟ عبد الرحمن:الله يقدرني يا عمي..بعدين لا تنسى ان عبير بنت خالتي مهما كان بتضل هي العزيزة.. أبو فيصل ضل ساكت شوي و بعدها تنهد بضيق:تقدر تتيسر.. عبد الرحمن قام و طلع من عنده بعدما استأذن و ترك ابو فيصل يفكر ببنتهـ.. عسآ ما يكبر الموضوعـ بسـ.. تنهد بضيق و رجع عيونه للأوراق اللي قدامهـ.. . . . صفاء وهي تمشي بالجامعه مع صديقتها:ههههههههههههههههه لا تكذبين.. خلود بابتسامة:والله ما أكذب عليك..آهـ يا صفاء لو تشوفينه يجنن.. صفاء كشرت تبي تعصب خلود:شفته ما عجبني.. خلود اختفت ابتسامتها:أصلا مو مهم رايك أهم شي إنه عاجبني.. صدت و صفاء تكلمت وهي تناظرها:يووه خلود زعلت مني مقدر أنا..خلاص آسفه والله إنه يجنن ما في أحلى منهـ؟ خلود ضحكت:ههههههههههههههههههه ادري ما يحتاج تقولين..إلا تعالي شصار على أخوك اللي تو متزوج؟ صفاء تقلد على خلود:أخوك اللي توه متزوج..اللي يسمعك يقول عندي غيره.. خلود ضحكت:يللا عاد لا تدققين.. صفاء ابتسمت لها:أمس رجع من السفر بس أنا ما شفته الا اليوم..لانه لما وصل كنت نايمة و لما صحيت هو كان نايم.. خلود بابتسامة هادية:و زوجته شخبارها؟ صفاء:بخير..والله انها حليوه يا خلود لو تشوفينها بتدخل قلبك بسرعه.. ابتسمت صفاء:خالد شكله حبها اليوم وحنا نفطر كل شوي يلف لها و يسألها كان تبي شي أو لا..لو شفتيهم اثنينهم كنهم كناري.. خلود تنهد:الله يوفقهم و يتمم عليهم.. صفاء:شفيك شكلها هالتنهيده هذي مو لله؟ خلود ناظرتها:مدري صفاء..كل الناس لما يتزوجون تصير لهم علاقات بأهل أزواجهم بس أنا لا..لأن زوجي أصلا ما عنده علاقة بأهله.. صفاء:لا تقولين كذا يا خلود ما تدرين عن الدنيا..يمكن بعدين تتغير الظروف و يرجع كل شي مثلما كان و أحسن بعد.. خلود:الله يسمع منك.. صفاء ناظرت ساعتها:اقول تعالي ندخل لا نتأخر على المحاظرهـ.. خلود ناظرت ساعتها:يوهـ والله ما لي خلق أروح.. صفاء لفت لها:ها بتكلمين حبيب القلب سلمان يجي ياخذك ههههههههههههههههههههههه.. خلود وسعت عيونها:تطنزي يا حماره..والله لو بيدي كان كلمته يجيني بس هو ما راح يرضى لي أطلع و اترك المحاظرهـ.. صفاء:عادي ما يدري أن عندك محاظره قولي له خلصتي... خلود دزتها و غمزت لها:ما عليك عنده جدولي يعرف كان خلصت أو لا.. صفاء ضحكت:أوه شالحركات هذي بعد..حتى جدولك عندهـ الله يخرجنا بس.. خلود ضحكت معها و مشوا مع بعض لمحاظرتهمـ.. . . . | ||||||||
|
| |
|
09-12-13, 12:14 PM
| #26 | ||||||||
| مراقبة عامة ومشرفة منتدى الروايات المنقولة
| المغرب.. نزلت ندى من الدرج وهي تدندن بمرح:صعب تجبر عيونك تنام في ليلة وآنا زعلانهـ..واذا مرت عليك ايام تجيني بروح ولهانهـ..معك حب و بقايا أحلام و باقة ورد خجلانه..خجول الورد ما ينلام لأني أجمل إنسانهـ.. شافت فهد قاعد بالصالة و يقلب بالتلفزيون وشكل ملان.. ندى نطت من ورا الكنب و قعدت جنبه بمرح:هآآي.. فهد بدون ما يلف لها:وعليكم السلام.. ندى:ههههههههههههههآآيي..سو� �ي مرة ثانية بسلم..شفيك كذا شكلك طفشان؟ فهد وهو يقلب بالتلفزيون:فوق ما تتصورين..؟ ندى:وليه ما تطلع مع ربعك ليه ما تتمشى..أو تاخذني مثلا و نطلع نتمشى.. فهد لف لها:بايع عمري أنا عشان أطلع معك عشان ما أرجع إلا و أنا بايع ما وراي و دوني.. ندى:ههههههههههههههههههههه� �هههههههههههههههههههههههه ..مو لهالدرجة عاد.. فهد لف لها:قلت شي يضحك.. ندى:يخي انا فرحانه اليوم خلني أبي أضحك بكيفي.. فهد تنهد و ندى تكلمت:ها ماي براذر ما تبي تعلمني شفيك؟ فهد ضل ساكت شوي وهو يناظر التلفزيون(لمتى يا فهد..خلاص أنساها..حتى لو ما نسيتها ما راح ترجع لك البنت متزوجه الحين..خلاص) فهد لف لندى و تكلم بجديه:أقول ندووي.. ندى فرحت لإنها فكرته بيقول لها اللي عنده:أيوا قوول كلي آذان صاغيهـ.. فهد مو عارف كيف يقولها:آ..أمم..شوفي يعني هو سؤال بس جاوبي و أنسيه اوكي.. ندى ابتسمت:اوكي.. فهد تنهد:آ..هو..صديقتك اللي جات بيتنا ذاك اليوم.. ندى قااطعته و هي تغمز له:اللي شفتها بالحديقة؟ فهد أخذ نفس:أي اللي شفتها بالحديقة.. ندى:أيوا كمل شفيها؟ فهد:.هي..يعني..هي مرتبطة..يعني مخطوبة..محجوزة..في حد من اهلها يبيها.. ندى هزت راسها بالنفي و تكلمت بفرح:تبيها؟ فهد قطب حواجبه:أول شي جاوبيني.. ندى:قلت لك لا البنت مو مرتبطة..تبيها؟ فهد سند ظهره لورا:خلاص قلت لك جاوبي و أنسي.. ندى مسكته:حبيبي آسفه مو ناسية أول شي بعرف الموضوع..أنت شدخلك تسأل عنها أكيد في الموضوع ان.. فهد:لا ان ولا كأن..بس سؤال براسي و حبيت استفسر عنه فيها شي هذي؟ ندى هزت راسها بالإيجاب:أي فيها شي..شوف عاد أنا جاوبتك يللا جاوبني.. فهد لف لها:شتبيني أجاوبك عليه؟ ندى بابتسامة:تبي تتزوجها ها..؟ فهد تنهد:اللهم طولك يا روح..أنا أغبى واحد بالدنيا لما قررت أستفسر منك يا نديوو خلاص انقلعي عني.. ندى:لا مو منقلعه علمني أول ليه تسأل عنها..ترا والله بقوم أكلمها الحين قدامك و بقول لها أن فهد أخوي يسأل عنك أنتي مرتبطه أو لا.. فهد:أي جربي تسوينها و تشوفين أن ما تكون نهايتك على يدي ما أكون أنا فهييد.. ندى:تتحدى.. فهد:أي اتحدى.. بنفس هالوقت نزلت أم فهد من فوق وهي تتكلم:شفيكم شعندكم؟ ندى لفت لأمها و توها بتتكلم بس فهد مسكها بقوة و قرصها قرصه خلتها تصرخ:آآآآآآآآآآآآآآآآآآآآ� �آآآآآآآآآآآآآآآآآآآآآآآآ آآآآآآآآآآآآآآآيييييييييي ييييي يالحمار.. فهد ضربها يعني سكتي بس أمه تكلمت:شفيكم أنتوا على هالأصوات..ما تعلوموني.. ندى حقدت عليه لانه قرصها بقوة و تكلمت وهي تناظر أمها:يما فهد قبل شوي سألني عن مرام صديقتي يقول لي هي مرتبطة أو لا..أنا قلت له لا.. بس بذمتك يما يعني هو ليه يسأل عنها مو لأنه يبيها.. أم فهد شدها الموضوع و راحت قعدت معهم:نعم.. ندى:اللي سمعتيه يما فهييد قليل أصل يسألني عن البنت؟ فهد لف لها بعصبية:نعم يالحمارة والله غلطان اللي يقول لك شي.. أم فهد:خلك منها يا فهد و خل كلامك معي أنا..وش هاللي أسمعه ها؟؟ ندى تبي تعصبة:يما قلت لك يبي يتزوج الرجال بس مو مصدقتني.. أم فهد وهي تناظره:من جد يا فهد؟ فهد لف لأمه:ما عليك منها يما تخربط عليك..بس سألتها يعني أي واحد يسأل عن بنت يبيها.. أم فهد:افاا يا فهد و من متى تسأل عن البنات ها.. ندى:أي شفتي يما..شفتي ولدك و سوالفه من وراك؟ فهد لف لها بعصبية:أنتي سكتي أنا كلامي مع أمي مو معك..لو تضفين وجهك بعد يكون أحسن.. ندى بعناد:مو ضافته.. أم فهد:طيب كلمني أنا يا فهد..شفيك وليه تسأل عن البنت؟ فهد وصلت معه و تكلم بهدوء:ما في شي يما..بس حبيت أسأل.. ندى:قصدك حبيت البنيه و أبي أتزوجها.. فهد لف لها بعصبية و تكلم بعصبية أكبر:أي أبي أتزوجها عندك مانع.. ندى استانست و صرخت بفرح:يييييييييييييييييييي� �يييييييييييييييييييييييي يي فهود و مرام يا وناستي.. فهد بعصبية:خلاص سكتي ترا صجيتي راسي أنتي و هالصوت.. أم فهد اللي انشرح قلبها تكلمت وهي تناظر ندى:خلاص ندى سمعي كلام أخوك و قومي.. ندى خلاص أهم شي خذت الخبر الأكيد و قامت طيران لفووق..ما تطوف عليها الفرصة الحين بتروح تعلم خلوود.. أم فهد ناظرت فهد:ها يا فهد من جدك تتكلم..من جدك تبي تتزوجها؟ فهد ناظر أمه بشبه حيا:أي يما..ليه ما تبينها.. أم فهد ابتسمت:وليه ما ابيها و النعم فيها مرام..وانا اقول شفيه الرجال هالفترة متغير و مو على بعضه أثرك تفكر تتزوج.. فهد ابتسم لأمه:ما يحق لي.. أم فهد:وليه ما يحق لك شناقصك..يا قلبي يا فهد و الله أنك فرحتني ودي أشوف يوم زواجك.. فهد ابتسم لأمه ابتسامة مصطنعه و تكلم:طيب يما متى بتكلمين اهل البنت.. أم فهد ابتسمت:يوه يا فهد شفيك مستعجل كذا أصبر خلني أكلم أبوك و آخذ رايه أول و بعدين نكلم أهل البنت.. فهد هز راسه بابتسامة و وقف:طيب يما عن أذنك أنا طالع تبين شي.. أم فهد ناظرته:سلامتك يا فهد..انتبه لنفسك زين. فهد هز راسه بالإيجاب و بما أنه كان لابس ثوب ما احتاج يصعد و يغير ملابسه..طلع على طول.. ركب سيارته و حرك وهو مقطب حواجبه بقوهـ.. (من جدي أنا أبتزوج مرام..ليه قلت لأمي الحين ليه ما صبرت شوي..لو أني فكرت بعد شوي كان أحسن لي و لها..ليه قلت لأمي..هه أمي تقول أني متغير قاعد أفكر بالزواج..ما تدري شاللي كان شاغل لي بالي..كنت أفكر أنسى طوعه بس ما كنت أفكر أتزوج..الحين بس راقت لي الفكرة و قلت أني أبتزوج..كلا منك يا ندى..خراب بيوت أنتي..يا ربيـــ ساعدني) . . . دخل خالد الجناح بابتسامتهـ الهاديهـ بكل هدووء.. طل بغرفة النوم بس ما لقاها..طل بغرفة الجلوس و ابتسم لما شافها قاعده على أحدى الكنبات المنفرده و على رجولها إحدى المجلات الخاصة بخالد.. ضل يناظرها بابتسامة.. هو مجلاته كلها تتكلم عن الرياضة و الطب.. أكيد من الملل اللي هي فيه قعدت تتصفح فيهم.. مشى لها بهدوء و سند يدينه على مسنده الكنب اللي هي كانت مسندة عليها ظهرها وحط يدينه قدامها كنه بيحوطها.. ريم شهقت ولفت بسرعه و لما شافته ابتسمت له:خوفتني خالد متى دخلت؟ خالد بابتسامة وهو يناظر عيونها اللي كانت قريبة من عيونه:الحين دخلت..توي بس ما حسيتي.. ريم بلعت ريقها و بعدت عنه بصمت.. خالد عدل وقفته و تكلم بهدوء وهو للحين واقف ورا الكنب:كذا سلامك لي.. ريم لفت له مرة ثانية و هي مو فاهمه قصده و خالد تكلم:الظهر عذرتك لما جيت كنتي نايمة..بس الحين أنتي صاحية؟ ريم كنها بدت تستوعب قصدهـ و احمر وجهها و هي توقف و تناظره:شقصدك؟ خالد ضحك على شكلها وهي واقفة كذا و خايفة كنه بياكلها و مشى لها و ضمها لصدره بحنان:هذا قصدي..مشتاق لك ريم.. ريم ضلت شوي ساكته وهي بحضنه و بعدها تكلمت بصوت أقرب للهمس:حتى انا بعد.. ريم بعدت عنه:خالد شفيك تأخرت الساعه صارت عشر.. خالد تذكر و مد لها يده بابتسامة:تأخرت عشان هذا؟ ريم استغربت لما شافت بيده جوال:حق مين.. خالد سحبها معه و قعدوا و خالد تكلم:حقك أنتي.. ريم ناظرته بتعجب:لي أنا.. خالد مده لها:أي حقك أنتي..جاهز مو ناقصه إلا أنه يصير عندك.. ريم ابتسمت وهي تاخذه من خالد:طيب..بس أنا ما أعرف كيف استخدمه؟ خالد:ما في شي صعب و خالد معك..أعلمك ما فيها شي.. أخذ منها خالد الجوال و بدا يشرح لها كيف تستخدمه وريم كانت تناظرهـ..تناظر ملامحه الساحرهـ..تسمع صوتهـ الحنون.. ريم قاطعته و تكلمت بهدوء:خالد.. خالد دق قلبه بقوة لما سمع صوتها الهادي كذا و رفع راسه لها:يا عيون خالد.. ريم:خالد أنت كل يوم بتضل كذا.. خالد قطب حواجبه:شقصدك؟ ريم:قصدي الدوام..اليوم مليت و انا قاعده لحالي.. خالد:ما نزلتي تحت؟ ريم هزت كتوفها بخفيف:بصراحة كنت بنزل بس ما أعرف..مقدر آخذ راحتي لو صرت مو معي؟ خالد ابتسم لها و ريم كملت وهي تناظره:طيب ليه ما تروح بس الصباح مو لازم بالليل.. خالد بابتسامة:يا ليت أقدر..لو بيدي كان أنا بختار هالشي بس مو كيفي.. ريم:أمممممممممم..طيب خلاص.. خالد:وشو اللي خلاص.. ريم ابتسمت له:خلاص أنسى.. خالد سحره شكلها كذا وناظر ساعته و تكلم بابتسامة وهو يناظرها مرة ثانية:قومي لبسي عبايتك و تعالي نسيتيني أنا الليله عازمك على العشا؟ ريم فرحت:من جد.. خالد هز راسه بالإيجاب:أي من جد..يللا قومي لبسي عبايتك و تعالي عشان نطلع.. ريم هزت راسها بالإيجاب وقامت للغرفة الثانية عشان تجيب عبايتها و خالد ضل قاعد مكانه ينتظرها بحب(يا قلبي يا ريم..يا حبي أنتي..والله لو أقدر كان قعدت معك طول العمر..بس مو بيدي يا قلب خالد أنتي) سمع صوت ريم جاية من الغرفة:خآآلد.. خالد لف للباب و هو يوقف:نعم يا روح خالد أنتي آمري.. ريم ابتسمت وهي تناظره:أقدر آخذ معي الجوال؟ خالد ابتسم لها:تقدرين.. ريم ابتسمت له و مشت تبي تاخذ الجوال بس خالد مسك يدها بابتسامة..ريم لفت له بتساؤل وخالد مد لها الجوال اللي كان بيده:خذي.. ريم ابتسمت له و أخذت الجوال منه بس خالد مسك يدها بقوة و مشى معها للباب وهي كانت تناظره بصمت و بفرح.. طلعوا من الجناح و ريم طول وقتها كانت تناظرهـ.. ما تبي تفقدهـ.. ما تبي تفقدهـ.. هو الوحيد اللي ممكن يوقف معها لنهاية المطاف.. خالد و بس.. . . . ..بعد عدة أيام.. كانت عبير واقفة عند الباب و تناظره و قلبها من داخل يحترق.. عبير تكلمت وهي تناظره:لسا بقى ربع ساعه.. عبد الرحمن وعيونه على المراية يضبط نفسه:ما أبي أتأخر.. عبير حست بغصة بس كتمتها و عبد الرحمن تكلم:أحمد وينه؟ عبير:مصر تاخذه معك؟ عبد الرحمن لف لها وهو مكشر:أوهـ يا عبير لا تعكرين لي مزاجي..من أمس قلت لك أني أباخذه معي..لو ما جهزتيه روحي جهزيه.. عبير:لا تخاف أحمد جاهز.. عبد الرحمن تأفف و رجع لف للمراية.. كنه أول مرة بيملك.. سمعت عبير صوت ضرب على باب شقتها و قامت مشت لباب الشقة و لما فتحت الباب شافت هيا.. حز بخاطرها شكل هيا كانت متكشخة بس ما حبت تحقد على البنت.. هذا اخوها الوحيد و هي أخته الوحيدة مجبورة تروح.. ابتسمت لها عبير:هلا هيا.. هيا حزنت لما شافت شكل عبير اللي كان متغير:هلا فيك عبير..أمي تقول وين عبد الرحمن تأخرنا.. عبير صدت للغرفة:داخل.. هيا تكلمت بغصه و بهدوء:عبير ما عليه لا تضايقين نفسك..والله ما كان ودي أروح بس أنتي تعرفين أمي؟ عبير رجعت لفت لها بابتسامة:هيا لا تقولين كذا هذي ملكة أخوك لازم تروحين..هو ما عنده غيرك توقفين معه..ما عليك مني أنا لما تطلعون بكلم فيصل يجي ياخذني و بروح بيت أبوي.؟ هيا:وحمود بيجي معنا.. عبير هزت راسها بالإيجاب:انتبهي له أمانه عندك.. هيا ابتسمت له:شدعوه توصيني على حمود..لا توصين حريص.. بنفس الوقت طلع عبد الرحمن من الغرفة و ابتسم لما شاف أخته واقفة عند الباب:أوهـ شنو هالزينـ؟ هيا ابتسمت له غصب عنها و تكلمت وهي تناظره:شفيك تأخرت أمي تحت قاعده على اعصابها.. عبد الرحمن لف لغرفة ولده و ناداه بصوته:أحمد..يللا بابا تأخرنا.. شوي و طلع أحمد من غرفته وهو لابس ثوب و شماغ و شكله الخارجي يشبه لشكل أبوه.. عبد الرحمن ابتسم له:يللا حبيبي لا نتأخر.. عبير لفت تناظره و تجمعت الدموع بعينها وهي تناظر ولدها الوحيد رايح ملكة أبوهـ القاسي.. عبد الرحمن مسك يده ولده و مشى معه و مع هيا نازلين تحت..طالعين من البيت.. عبير ما قدرت تمسك نفسها أكثر بس طلعوا و نزلت دموعها سيل.. سكرت الباب وهي تناظر الشقة اللي فيها كل لمساتها هي و عبد الرحمن..شقتهم هي و هو.. (ليه كذا يا عبد الرحمن..يا قاسي..حتى ما فكرت تقول لي مع السلامة قبل لا تطلع..متجاهلني و ما كني موجوده هنا..الله يسامحك..الله يسامحك) ضلت قاعدهـ لحالها بالشقة تصيح أيامها.. تذرف ذكرياتها.. تبكي ألمها.. ما تبي ترجع بيت أبوها..الليلة تبي تكون باسقبال عبد الرحمن لما يرجع..مع انها تشك انه بيرجع قبل الفجر.. صحيح بيحرق لها بقايا قلبها بس ما عليه..هي تبي تشوفهـ..؟ تبي تشوفهـ.. (***وش يعيد الوقت قلي غير خطوات الرجوع***) | ||||||||
|
| |
|
09-12-13, 12:16 PM
| #27 | ||||||||
| مراقبة عامة ومشرفة منتدى الروايات المنقولة
| . . . ندى وهي قاعده على السرير بجنب مرام:يوهـ يا مرام شوفي دموعك شوي و تطيح و أنتي تتكلمين عن ولد عمك اللي مدري شقول عنه..الحين انتي متردده و ما تبين توافقين على أخوي عشان ولد عمك اللي تزوج و زوجته حامل بعد.. يا ماما أصحي و أنسيه مثلما هو نساك الرجال قريب بيصير أبو و ما يدري عن هوا دارك.. مرام وهي تحاول تحبس دموعها:بس ندى أنتي تدرين أني أحبه..أنتي أقرب وحده لي..أنتي الوحيده اللي علمتك بسري هذا..المفروض ما تلوميني يا ندى؟ ندى:أنا طول الوقت اللي مضى ما لمتك بس الحين بلومك..من أسبوع أمي كلمت أمك عن الخطبة و للحين ما رديتي علينا..لمتى بنصبر؟..ولا تبينا ننتظر لما حضرتك تقررين تنسين ولد عمك.. مرام هزت كتوفها وهي تناظر ندى:مدري يا ندى.. ندى تنهدت:تعبتيني معك يا مرام.. مرام ناظرت الأرض بصمت و ندى تكلمت تبي تغير الجو بابتسامة:مرام فكري زين هذا فهد زين الشباب..أنتي كل مرة تشوفينه وتذوبين عليه و الحين لما جاك ما تبينه.. مرام:نديوو عقلي..اولا هذاك كان اول و انا كنت أمزح و انتي تدرين عن هالشي..ثانيا انا ما قلت ما ابيه..للحين قاعده افكر.. ندى غمزت لها:أممممممممممممم أنا مو طالعه من عندك الليلة الا لما توافقين.. مرام:وشو هي غصب.. ندى:ما قلت غصب..بس أنتي قبل شوي قلتي أنه مو قصدك ما تبينه..فبما أنه مو قصدك يعني تبينه بس تكابرين؟ مرام ضحكت بخفه:ندووش بليز لا تخربين علي أفكاري.. ندى:طيب قولي لي موافقه بلييييييييييز مرام ودي أفرح فيكم.. مرام:هههههههههههههههههههه� �هههه يووه ندى و انتي تتكلمين كنك وحده من جداتي..تبين تفرحين فينا بعد؟ ندى ضربتها:ههههههههههههههههه يا حمارة..أخوي و أعز صديقاتي بالله تلوميني لو فرحت و جيت أترجاك توافقين.. مرام ضحكت بخفه:يا قلبي يا ندى.. مرام تكلمت تبي تغير الموضوع:إلا ما قلتي لي شصار على فيصل..؟ ندى كشرت:يوهـ يا مرام..والله أحس أن وراه شي..من ذاك اليوم لما رسلت له عالايميل مدري عنه..إن شاء الله يكون تفهم الموضوع و يبي يبعد عني و يفكني.. مرام غمزت لها:أتحدى يخليك..هذا الهدوء ما قبل العاصفه..صبري و بتشوفين..الرجال شكله من جد حبك.؟ ندى:مرام لا تلعبين براسي..صدقتك باول مرة و شوفي شصار والله ندمانه قد شعر راسي أني كلمته..ما أبي أسمع لك هالمرة بعد و يصير شي أكبر؟ مرام ابتسمت:افا ندووش بس ما طلعتك من اللي رميتك فيه.. ندى:بلا.. مرام:أي هذا أهم شي.. ندى تنهدت:بيني و بينك مرام حتى انا بعد احسه قريب مني..مدري ليه لما سمعت صوته أحس بشي غريب..مو حبيته بس من جد أحسه قريب مني؟ مرام صفرت:أوهـ شنو هالمشاعر الحلوة..قايلة لك حب من أول نظره ما صدقتيني؟ ندى ضربتها:أقول لا يكثر ما حبيته..بس مجرد إحساس..ألف مرة قلت لك أنا ما راح أحب إلا زوجي و بس..المهم لا تغيرين السالفة و خلينا بموضوعنا؟ مرام تستهبل:أي موضوع؟ ندى بطرف عينها:فهوود؟ مرام كشرت:يوه ندى بليز لا تضغطين علي خليني أفكر براحتي.. ندى:الله يا مرام ما صارت تفكير من أسبوع .. قاطعتها مرام:و طلعتي هالأسبوع من عيني كل يوم بالمدرسة تسأليني ها شسويتي..وكل يوم بالمدرسة تحشين راسي بأفكارك حتى مو تاركتني أفكر زين.. ندى:ههههههههههههههههههههه� �ههههههههههههههههههههههاآ آي..حلوة منك يا مرام..أنا والله مو قصدي..بس أنا عارفتك لو رفضتي بيكون رفضك بسبب ولد عمك..ما أبيك ترفضين عشانه..هو ما يستاهل شوفيه تزوج و عايش حياته و مو داري عنك..بس أنتي اللي حارمة نفسك من كل شي عشانه هو..والله حرام تسوين بنفسك كذا مرام.. أنسي ولد عمك و فكري بفهد هو اللي تقدم لك و هو ما تقدم لك إلا لإنه يبيك تكونين معه باقي حياتهـ؟..بالله مين اللي يستاهل تفكرين فيه الحين فهد اللي جا و تقدم لك ولا ولد عمك اللي تزوج و نساك؟ مرام:مدري ندى..بس فهد ليه تقدم لي أساسا.. ندى انفجر راسها:يووووووووووه رجعت تقول لي ليه تقدم لي..يخي يعني ليه هو متقدم لك عشان يتصور معاك مثلا.. مرام ضحكت و تكلمت بجديه:مو قصدي..بس أنا أقصد أن فهد ما شافني إلا مرة وحده و هي ذيك المرة يوم انا ببيتكم..معقولة عشان كذا تقدم لي؟ ندى:يا حبيبتي أنتي ما تعرفين فهد..هو صحيح عنده ملفات ومرات يصير ما في أنذل منه..بس هو ما يفكر كذا..فهد آخر شي ممكن يفكر فيه هو شكلك.. ضربتها على راسها وهي تركز على الكلمه:آخر شي بيفكر بشكلك يا ماما..فهمتي؟ مرام ابتسمت:مدري ندى..متردده أحس راسي بينفجر من التفكير.. ندى قطبت حواجبها:تعبت منك أنا..مدري شسوي معك.. مرام:مدري يا ندى..بس فهد أخوك..وأنتي تدرين بماضيي اللي أنا عشته.. سكتت مرام وندى تنهدت بقوة:مرام لا توجعين لي راسي خلاص وصلت حدي شكلي برجع البيت و راسي مصدع كلا بسببك أنتي..شوفي يا مرام هذاك ماضيك و انتهى..تجربه..كل واحد عنده تجارب..بس مو عدله بتضلين طول عمرك و حاطه ماضيك بوجهك..لو ما تزوجتي فهد بتتزوجين غيرهـ..خلاص يا مرام.. مرام ضحكت و بنفس الوقت رن جوال ندى.. ردت ندى وهي تبتسم لمرام:أهلين.. فهد:أهلين فيك..يللا بسرعه نزلي أنا عند الباب.. ندى بابتسامة:ما ودك تدخل تشوف عروستك..تراه هذا هي قاعده يمي.. مرام شهقت بقوة و قرصت ندى بينما فهد تضايق من هالسيرة و تكلم:ندووي ترا واصله معي مو ناقصك..أنزلي بسرعه راسي مصدع و مو شايف قدامي؟ ندى حست من نبرته إنه من جد متضايق و اختفت ابتسامتها:طيب..طيب دقايق و نازلة.. فهد:لا تتأخرين.. سكرت منه و وقفت لبست عبايتها و مرام تكلمت وهي تناظرها:تو الناس؟ ندى:تدرين كنت بقول لفهد أني بقعد شوي بس شكله معصب مو ناقصته أنا..خلاص نشوفك يوم السبت بالمدرسة؟ مرام وقفت معها:اوكي.. ندى ناظرتها:يا ويلك ان جا يوم السبت و قلتي لي مدري.. مرام ضحكت و مشت مع ندى لتحت.. طلعت ندى و مرام ما منعت نفسها تطل.. طلت من الفتحه الصغيرة اللي بين الجدار و الباب لعلها تشوف شكل فهد.. بس ما شافته لانه كان داخل بالسيارة و ما قدرت تشوف منه اي شي.. ابتسمت بسخرية على نفسها وهي تسكر الباب(يللا على الاقل شفت سيارتهـ) . . . عبد الرحمن وقف عند الباب و هو يناظرها بإعجاب.. هذي نجلاء.. كبرت و حلوت.. الله يالدنيا وين ذيك الأيام لما كانوا يلعبون مع بعض بالشارع.. سبحان الله.. هذي البنت اللي كانت تتدلع عليه و تضربه و تصارخ عليه..هذي البنت اللي طول وقتها مكشرة و ما تحب ترتب نفسها..كبرت و تغيرت.. أم عبد الرحمن تكلمت وهي تناظره:يللا يا ولدي ادخل شفيك وقفت؟ ابتسم عبد الرحمن ومشى لنجلاء و سلم عليها وهي كانت واقفه قدامها بفستانها العاري بحيا.. لبسها الدبله والابتسامة على وجهه و قعد يمها وهو يتكلم معها بهمس و بابتساماتهم اللي ما انمحت من دخل عبد الرحمن.. هيا كانت تناظرهم بصمتـ.. وأحمد كان واقف يم عمته هيا و يناظر المنظر اللي قدامهـ.. أبوه مع وحده غير أمه..والناس حولهم فرحانين..أبوه مبتسم و يناظر باللي قدامه بلهفه..طيب و أمه وين راح مكانها؟ أحمد مسك يده عمته هيا و تكلم وهو يناظره:عمتي.. هيا ناظرته بابتسامة حلوة:هلا حمود.. أحمد قطب حواجبه:ليه بابا قاعد هنا..وماما ليه ما جات؟ هيا انكسر خاطرها عليه و نزلت و قعدت قباله بالأرض:حبيبي ماما بالبيت..وهذي اللي قاعده مع بابا زوجته؟ أحمد ببلاهه و ببراءة:يعني هذي ماما الثانية؟ هيا ما عرفت شترد عليه فيه و تكلمت بهدوء:أمممم يعني تقدر تقول.. أحمد:طيب ليه ما جات الماما..؟ هيا تنهدت:شقول لك يا حمود..ماما تعبانه شوي عشان كذا ما جات..هي بالبيت بعد شوي بنرجع لها.. أحمد ضل يناظر عمته شوي و بعدها لف لأبوه اللي كان يضحك مع اللي يمهـ و ضل يناظره بهدوء و الافكار قاعده تتكون براسه بكل براءة.. هيا تنهدت وهي تناظره بصمت.. بس شبيدها تسويه.. شوي و بدوا المعازيم يطلعون للصالة الخارجية عشان يتركون عبد الرحمن و نجلاء لحالهم.. مشت هيا و معها أحمد بيطلعون برا بس هيا لفت لعبد الرحمن لما سمعت صوته يناديها.. عبد الرحمن أشر لها تجي و جات له و معها أحمد.. هيا ابتسمت له:أمم بغيت شي.. عبد الرحمن بادلها الابتسامه و أشر على ولده وهو يناظر نجلاء:هذا ولدي؟ نجلاء ابتسمت لأحمد ومدت له يدها تبي تسلم عليه.. هو ضل يناظرها شوي بس بالنهاية مد يده و سلم عليها بصمت.. نجلاء بابتسامة وهي تناظره:أخبارك؟ أحمد وهو يناظر أبوه:الحمد لله.. هيا مسكت يد أحمد:يللا حمود نطلع برا.. أحمد هز راسه وهو يواجه تضارب افكار مو طبيعي براسه..شنو اللي قاعد يشوفه هو؟ أحمد تكلم وهو يناظر أبوه:بابا متى بنمشي لماما.. عبد الرحمن ما يدري ليه اختفت ابتسامته و تكلم وهو يهز راسه:شوي مو الحين.. هيا حست ان وقفتها كذا ما لها داعي و سحبت أحمد معها و طلعوا و سكروا الباب وراهم.. نجلاء لفت لعبد الرحمن و تكلمت بهدوء و بنعومة:وشو تبي تمشي بعد شوي و تتركني؟ عبد الرحمن لف لها بابتسامة:لا طبعا ما راح أتركك.. نجلاء:بس أنت قبل شوي قلت لولدك أنك بتمشي شوي.. عبد الرحمن:حبيبتي بس أبي أمشيها له..توه صغير؟ نجلاء مسكت يده بابتسامة حلوة:كيفك عاد ما راح تطلع من عندي قبل الفجر..أنا أبي أحس أني اليوم ملكتي؟ عبد الرحمن عجبته جرأتها و ابتسم لها وهو يضغط على يدها بقوة أكبر:ومن قال لك أني بتركك قبل الفجر ها.. نجلاء:محد بس حبيت أعطيك خبر.. عبد الرحمن ابتسم وهو يناظرها:يا ربي منك يا نجلاء..من لما كنتي صغيرة و أنتي تمشين كلامك علي..تتذكرين.. نجلاء ابتسمت له:وأحد ينسى ذيك الايام.. عبد الرحمن بابتسامة:بس الحين تغيرتي كثير..صرتي أحلى و أجمل و أغلى بعد.. نجلاء ضحكت بنعومه وهي تناظرهـ..وعبد الرحمن ضل يسولف معاها بابتسامة.. بعيد عن عبير..نساها..أو يتناساها.. . . . | ||||||||
|
| |
|
09-12-13, 12:17 PM
| #28 | ||||||||
| مراقبة عامة ومشرفة منتدى الروايات المنقولة
| ..الجمعه.. فتحت عيونها و لقت وجههـ قريب منها مــرهـ.. ابتسمت وهي تناظره بحب.. هذا خالد.. ما تنكر انها بفتره قصيرة مثل كذا تعلقت فيه..أو بالأحرى حبتهـ.. أمس كانوا أهله موجودين هنا يبون يشوفون زوجة ولدهم و يتعرفون عليها..خالد ما تركها لحالها..مع انه كان قاعد بالمجلس مع الرجال بس كل شوي كان يتصل عليها و يشوف هي وين و كيف أخبارها؟ هو ما نساها ولا لحظة لانه مراعي لشعورها إنها وحيده بين أهله و ما في ولا أحد من أهلها معها..عشان كذا حرص و بذل جهده إنه ما يتركها لحالها ولا دقيقة.. الكل كان ملاحظ أهتمامه فيها وهي لما شافته واقف بجنبها بهالاهتمام تشجعت و صارت عندها قوة أنها تقابلهم و تقعد بينهم.. عدلت جلستها بهدوء عشان ما يحس و قامت للحمام.. لما طلعت من الحمام راحت فتحت دلابها و طلعت لها جلابيه حلوة و رايقه درجات السماوي و بدلت ملابسها.. مشت للمراية و حركت شعرها بيدها و سيحته بهدوء و رجعت المشط على التسريحة و تركت شعرها مفتوح.. لفت مرة ثانية لخالد وابتسمت وهي تشوفه نايم..ما تدري شكانت بتسوي لولاه حبيب قلبها.. مشت لباب الجناح و فتحته بهدوء و طلعت منه و سكرت الباب وراها بهدوء و مشت للدرج بابتسامة..اتبسامتها دليل مزاجها الرايق.. هي هاليومين خذت على أهل البيت شوي و صارت تقضي وقتها معهم لما يكون خالد مو موجود.. نزلت تحت و شافت الصالة فاضية بس سمعت صوت حركة بالمطبخ و مشت له و لما دخلت و شافت خالتها ابتسمت:صباح الخير خالتي.. أم خالد لما سمعت صوتها انشرح قلبها و لفت لها بابتسامة حلوة:صباح الخير!!..أي صباح يما الساعة صارت 11.. ريم ضحكت و مشت لها و باست راسها..طبعا لازم تبوس راسها..خالد كذا يسوي..وهي لازم تسوي مثلهـ.. ريم:خالتي ليه تتعبين عمرك و تطبخين كان خليتي الشغالة تطبخ و ارتحتي.. أم خالد قطبت حواجبها بحنان:والله ما أحب طبخ الشغالة يا بنتي..هي خليها كفاية عليها شغل البيت؟ ريم ابتسمت لها و أم خالد تكلمت بابتسامة:يللا بس أنتي كلما صرتي فاضية تعالي و أعلمك خلينا نذوق طباخك؟ ريم ضحكت:ههههههههههههههههههه ان شاء الله..انا على طول فاضية بس أنتي شوفي لك وقت تفضين فيه و علميني هذاني قاعده؟ أم خالد بابتسامة:لا والله مو طول وقتك فاضية تبين خالد يحقد علينا.. ريم بحيا:هههههههههههههههههههه� �ههههه شدعوه خالتي أصلا خالد طول يومه بالدوام كلها كم ساعه يقعدها بالبيت؟ أم خالد ضحكت لها بحنان:الله يخليه لك و يخليك له..بس يا ليت تناديني يما..أحسن من خالتي صح؟ ريم بابتسامة حلوه:اللي تشوفينه.. أم خالد لفت تكمل طباخها:الله يحفظك يا ريم..أنا أشهد ان خالد ما غلط يوم اختارك.. ريم توسعت ابتسامتها بفرح و مشت وقفت يمها:شنو بتسوين لنا اليوم.. سمعت ريم صوت تعشقة من وراها و لفت له بابتسامة.. خالد بادلها الابتاسمة و تكلم وهو يناظرها:صباح الخير يما.. أم خالد لفت له قبل لا ترد على سؤال ريم و ببتسامة:أي صباح الله يهديكم الحين ظهر.. خالد ضحك:شنسوي يما توه الصباح عندنا.. ريم ضحكت بهدوء وهي تناظره وأم خالد تكلمت وهي توزع نظرها بينهم:اي لانكم اصلا ما نمتوا الا الصباح فاكريني ما اسمع صوتكم؟ ضحكوا ريم و خالد وأم خالد هزت راسها بالنفي و لفت تكمل شغلها و خالد أشر لريم تجي.. ريم مشت له بابتسامة وهي تتكلم:وين رايح؟ خالد ابتسم لها:بنتظر أبوي شوي بروح معه المسجد.. لف معها و طلعوا من المطبخ و أم خالد رجعت لفت و لما شافت صوتهم يبتعد ابتسمت(الله يوفقكم يا رب) طلعوا للحديقة و ريم تكلمت وهي تناظره:متى صحيت؟ خالد غمز لها:لما قمتي..صحيت و ما شفتك و قمت.. ريم ابتسمت له:قاعد تراقبني حتى و انا نايمة.. خالد ابتسم:أي.أنتي ما تدرين عني طول الليل أنام و أصحى عشان أتأكد أنك معي.. ريم ضحكت:يوووهـ يا كرهيـ للي يبالغون.. خالد انسحر بضحكتها و تكلم بابتسامة:قصدك أنا أبالغ..يعني مو مصدقه اني طول الليل سهران حارس عليك.. ريم ضحكت مرة ثانية و قعدوا على الكراسي المجانبة لبعض قبال الطاولة و خالد مسك يدها وهو يتنهد.. ريم لفت تناظره بابتسامة حلوة و خالد ابتسم لابتسامتها:شفيك تناظريني كذا؟ ريم لفت وجهها تناظر الحديقة:ولا شي.. خالد ضغط على يدها بقوة:طيب قولي مشتاقة لي..معجبه فيني..ليه أنتي كذا متكبره ها؟ ريم لفت له وهي مقطبه حواجبها:آي يدي.. خالد شد عليها أكثر:مو تاركها اول شي قولي لي ليش تناظريني قبل شوي؟ ريم:يوه خالد ما في شي عادي والله عادي أنت تدري ان عادي بس تبي تسوي لي سالفة من سوالفك و قلت اسالها هالسؤال.. خالد:هههههههههههههههههههه� �هه يا لبى قلبها اللي تفهمني..طيب قولي عشان اترك يدك.. ريم تكلمت بسرعه وهي تسحب يدها منه:معجبه خلاص.. خالد ترك يدها:هههههههههههههههههههه� �هههههههههه يا حياتي والله..مع انها مو من قلبك بس اي شي منك حلوو.. ريم كشرت وهي تمسح على يدها:آي خالد حرام عليك أحس عضامي تفككت.. خالد كسرر خاطره شكلها و مسك يدها و باسها بحالمية و تكلم وهو يناظرها و يدها للحين عند فمه:آسف.. ريم احمر وجهها وابتسمت له و خالد تنهد بقوة:مدري شسويتي فيني يا ريم..أحبك.. ريم نزلت راسها بحيا بهمس:حتى انا..خالد خلاص اتركني.. خالد تو بيتكلم بس سمع صوت تصفير من وراه:الله شنو هالرومانسيه بوقت الصلاة؟ خالد لف وراه و شاف أخته سحر واقفة عند الباب و خالد تنهد وهو يناظرها:شعندك جاية هنا أنتي الثانية؟ سحر ابتسمت تبي تعصبه:أمي قالت لي أنكم هنا و جيت أخرب عليكم الجو.. ريم سحبت يدها من خالد اللي رجع يناظرها بتهيده طويله و هو شكله معصب على سحر.. ضحكت ريم وهو تناظره و خالد ابتسم لضحكتها:هين أوريك خليني أرجع من المسجد بس.. جات لهم سحر و تكلمت وهي تناظر خالد:يللا قوم..أبوي الحين بيطلع هو بالمطبخ والحين بيطلع.. خالد لف لها:طيب بس يطلع و بقوم.. سحر بحزم:لا قوم الحين أبي أقعد مع ريم.. خالد قبل لا يتكلم شاف أبوه طالع و وقف ماشي له يسلم عليه بابتسامة حلوة..ريم بعد قامت مشت له و سلمت عليه وبعدما أخذ اخبارهم طلع مع خالد للمسجد.. سحر ابتسمت وهي تناظر ريم:الله شالحركات؟ ريم شبه ابتسامة انرسمت على وجهها:أي حركات.. سحر:أي فاكريني ما شفتكم أنتي وياه بس أنا بستر عليكم.. ريم:وليه تسترين علينا ما سوينا شي غلط.. سحر بمزح:يعني عادي أروح أقول للناس اللي شفته؟ ريم بابتسامة:لا..بس أقول لك ما سوينا شي غلط.. سحر ضحكت وهي تناظر ريم:تصدقين ريم والله ما عمري تصورت أخوي خالد رومنسي كذا..مدري أن تطلع منه هالحركات و أنا اللي أقول الله يعين اللي يتاخذهـ..بالله عليك مو شكله معقد؟ ريم ضحكت:حرام عليك والله خالد حبوب و طيب.. سحر غمزت لها:أوهـ أوهـ من متى هالمغازل من وراه..هين بس يجي و أعلمه.. ضحكت ريم و دخلت داخل مع سحر..بصراحة حتى ريم ما كانت متوقعه إن خالد وراه كل هالحنان..هي ما كانت تشوفه إلا الدكتور المتفهم..بس الحين اكتشفت فيه أشياء ثانية ما كانت عارفتها فيه.. . . . | ||||||||
|
| |
|
09-12-13, 12:18 PM
| #29 | ||||||||
| مراقبة عامة ومشرفة منتدى الروايات المنقولة
| أم فهد بابتسامة وهي فرحانه من الخبر اللي سمعته:إن شاء الله..ولا يهمك..خلاص..والله أنتي اللي فرحتيني الله يفرحك و يريح قلبك..على خير أنا ببلغ أبو فهد عشان نتقدم لها رسمي..إن شاء الله..يللا أخليك..مع السلامة.. سكرت أم فهد و ندى اللي كانت قاعده يمها تكلمت بفرح وهي تناظرها:ها يما شصار وافقت؟ أم فهد ناظرتها بفرح:أي وافقت.. ندى ضحكت بفرح:وآآآآآآآآآآآآآآآآآآآ� �و الحماره ما بغت توافق.. أم فهد بحنان:الله يبلغني فيك يا ندى.. ندى وهي قايمة:لا يما تو الناس علي..بروح أبشر فهد اكيد بيفرح.. قامت ندى طيران لفوق وسيده لغرفة فهد.. فتحت الباب بقوة وهي تتكلم:فهييييد.. فهد كان توه صاعد لغرفته يبي ينام..ما صدق على الله غفت عينه إلا و تجي له أخته المزعجه.. فهد نام على ظهره وناظرها وهو مقطب حواجبه:نعم الله لا ينعم عليك شتبين خلصي ترا راسي مصدع و واصل حدي؟ ندى شغلت الانوار:أنت كلا راسك مصدع هالأيام..عموما ما علينا..أنا جاية و جايبة لك خبر بمليووووووووووووووووون.. فهد أخذ نفس:اللي هو.. ندى ابتسمت له بفرح:قبل شوي أم مرام اتصلت.. فهد دق قلبه بقوة..شكله عرف الموضوع..دام ندى فرحانه و تقول له خبر بمليون أكيد أن مرام وافقت.. ندى كملت كلامها بفرح أكبر:وقالت لأمي أن مرام وافقت..يآآآآآآآآآآي والله مو مصدقه أن مرام الحلوة بتصير زوجتك.. فهد طار أبو النوم من عيونه و تكلم وهو يناظر ندى:طيب خلاص سويتي اللي عليك روحي برا.. ندى كشرت:فهييد شفيك أقول لك مرام وافقت و منت فرحان..أنا أول مرة أشوف واحد مو فرحان عشان خطيبته وافقت.. فهد قطبت حواجبه و بعصبية:ندووووووووووي قلت لك راسي مصدع و أبي أنام..لما أصحى بفكر أفرح..يللا وريني عرض أكتافك.. ندى حست ان الموضوع مو طبيعي بس ما حبت تكبر الموضوع.. هي عارفه اخوها لما يكون معصب ما يعرف اللي قدامهـ.. طلعت من الغرفة بهدوء و طفت الانوار و سكرت الباب وراها.. بالنسبة لفهد لف لجنبه وهو يناظر الظلام بتفكير(مرام وافقت..هذا اللي ما كنت أتمناه..ليتها رفضت..ليتها رفضتني..أنا الحين مقدر أتراجع عن الخطبه..كنت منتظرها ترفض عشان أتخلص من هالحمل اللي حملته لنفسي..يآآآآآآهـ شقد تضايقت لهالخبر..كلا بسببك يا طوعه..تبيني أظلم البنت معي..كلا منك..كلا بسببك..أنتي اللي جبرتيني أسوي كذا..وبتجبريني أسوي اللي بسويه بالمستقبل..آهـ الله يعيني بس) شاف نور يطلع من جواله لانه حاطة على الصامت و مد يده للكمدينة و رد بعدما شاف المتصل:هلا طارق.. طارق بمرح:هلا فييك..أقول فهوود وينك أنت؟ فهد تنهد وهو يعدل قعدته:بالبيت يعني وين بروح؟ طارق:طيب أسمع شصار معي اليوم..كنت في السوبر ماركت و شفت فيصل.. فهد قطب حواجبه:من فيصل؟ طارق:فيصل اللي دعم سيارتك؟ فهد تذكر:اها..طيب و بعدين.. طارق:شفته و سلمت عليه و عزمته يجي الليلة معنا و هو رفض بس أنا أقنعته و بيجي.. فهد:و المطلوب مني؟ طارق اختفت ابتسامته:مو مطلوب منك شي بس حبيت أخبرك..فهد شفيك صوتك مو عاجبني؟ فهد حاول يبتسم:ما فيني شي..سلامتك..طارق البنت وافقت؟ طارق ابتسم بفرح:لآ..مبررررررررررررررر� �ررررروك مقدما..منك المال و منها العيال..يخي بالرفاه و البنين.. فهد ضحك بخفه:أقول لا تستهبل وينك انت الحين؟ طارق:ببيتنا؟ فهد:طيب انا الحين بجي لك.. طارق:حياك.. فهد:يللا باي.. سكر فهد من طارق و قام من سريره.. ما عليه اليوم مو مكتوب له يرتاح بعد الدوام الشاق..أصلا من سمع الخبر من أخته سدت نفسه عن كل شي..عن النوم و عن البسمة و عن كل شي.. قام بدل ملابسه و أخذ مفتاح سيارته و طلع لطارق لعله يغير جو هناك..وينسى شوي.. . . . ..السبت.. دخل الشقة وهو يسكر الجوال بابتسامة.. طلعت عبير من المطبخ و ابتسمت مجامله:هلا عبد الرحمن جيت.. عبد الرحمن بادلها بابتسامة مصطنعه:أي جيت..أحمد وصل؟ عبير:وصل قبل ساعتين و تقدا و نام.. عبد الرحمن:وأنتي؟ عبير:شفيني أنا.. عبد الرحمن:قصدي ما تقديتي؟ عبير ابتسمت:لا انتظرك.. عبد الرحمن تكلم بهدوء:بس أنا تقديت؟ عبير انصدمت و حست إن أحد كب عليها ماي بآآرد و تكلمت وهي تناظره:تقديت؟ عبد الرحمن هز راسه بالإيجاب:أي تقديت يعني بالله عليك الحين الساعة3 بضل للحين بدون قدا.. عبير وهي تتمنى تسمع إجابة تريحها غير اللي براسها:مع مين تقديت؟ عبد الرحمن بابتسامة حلوة حرقت قلب عبير:تقديت مع نجلاء.. عبير حست بقلبها بدى يدمي و تكلمت وهي تحبس غصتها:طيب ليه ما قلت لي أنك رايح تتقدى معها..على الأقل ما أقعد انتظرك للحين؟ عبد الرحمن:ما كنت ناوي أروح..هي كلمتني بعدما صليت و قالت لي أنها عازمتني و رحت فيها شي هذي.. عبير نزلت عيونها تحت لانها تحس شوي و تنزل دموعها:طيب كان قلت لي.. عبد الرحمن وهو ماشي للغرفة:خلاص صار اللي صار.. دخل الغرفة و ترك الباب يتسكر لحاله و عبير ضلت واقفة و تناظر طيفه اللي بدا يختفي.. هذي أولها..الله يتسر من تاليها.. من أولها رايح يتقدى عندها و تارك عبير تنتظره..أجل بعدين شبيسوي بعبير؟.. بلعت غصتها و مشت للغرفة..مهما كان هي لازم تعلمه بالخبر اللي عندها..فتحت الباب بهدوء و شافته قاعد على طرف السرير و بيده جواله.. عبير تكلمت وهي تمشي له:عبد الرحمن.. عبد الرحمن لف لها:أيوا.. عبير مشت له و قعدت يمه وهو مشبكة يدينها ببعض:أبي أقول لك شي؟ عبد الرحمن حط الجوال جنبه و تكلم وهو يناظرها:أسمعك؟ عبير:أمممم..عبد الرحمن أنا..أنا حامل.. عبد الرحمن تضايق و كشر:أيش..؟ عبير وهي تناظره:اللي سمعته.. عبد الرحمن:من متى؟.. عبير:صار لي شهر..كنت بقول لك من زمان بس أنت ما كنت فاضي لي؟ عبد الرحمن وقف بعصبية:ليه يا عبير..مو بوقته أنتي عارفه وش يعني مو بوقته؟ عبير لحد هنا و خلاص ما قدرت تمسك دموعها و سالت دمعتها على خدها:مو بيدي..مو بكيفي؟؟ عبد الرحمن:وشو اللي مو كيفك ما تعلميني..أنتي شقصدك من هالحركة هذي ها؟ عبير وهي تناظره:عبد الرحمن أنت عارف شقاعد تقول..هذا مو ولدي لحالي..مو كيفي؟ غطت وجهها بيدينها وضلت تفرغ اللي بداخلها من قهر.. هي من زمان مقهوره..وكانت تصيح بعيد عن عيونه..بس الحين ما قدرت تبعد عنه عشان تاخذ راحتها.. فيها قهر تبي تفرغه بأي طريقه..هي كانت كاتمة بصدرها..بس ردة فعله الحين هي اللي هيجت فيها آلامها و قهرها.. ما كانت متوقعه منه هالرد..أبد ما توقعته يرد عليها بهالطريقة..وبهالجفاف..وبهال قساوة..وبهالظلم.. عبد الرحمن ضل واقف يناظرها بصمت وهو مقطب حواجبه.. مشى لها و قعد يمها و ضمها لصدره وتكلم وهو مقطب حواجبه:خلاص عبير..من جد ضايقني الخبر بس مهما يكون هذا ولدي..خلاص عبير سكتي؟ عبير ما تدري ليه لما صارت بحضنه زاد بكيها..يمكنها افتقدته..من زمان عنهـ.. عبد الرحمن مسح على راسها بيده:خلاص عبير صدقيني ما كنت أقصد.. عبير حست براحه وهي على حضنه..بس الظاهر أن الله مو كاتب لها ترتاح.. رن جوال عبد الرحمن وهو بس سمع النغمة بعد عبير عنه و أخذ جواله و رد وهو طالع من الغرفة:هلا و غلا.. طلع و تركهآ.. تركهآ لحالهآ.. تعاني آحزانهآ..وآلمهآ..ووحدتهآ..حز نهآ.. تمددت على السرير و حضنت المخده بقوة لصدرها(لمتى يا عبد الرحمن..كل دقيقة تمر علي معاك تبي تطعن قلبي فيها..ما كني يمك..قمت تكلمها و تركتني..ما كنك غلطت ولازم تصلح غلطك..هي الأهم الحين..و آنا؟؟) . . | ||||||||
|
| |
|
09-12-13, 12:20 PM
| #30 | ||||||||
| مراقبة عامة ومشرفة منتدى الروايات المنقولة
| خلود وهي تضحك:طيب.. سلمان تنهد:آهـ منك نسيتيني شكنت بقول لك؟ خلود بابتسامة:امممم قول.. سلمان ابتسم لها:كنت بقول لك أني بكرا ماشي الشرقية؟ خلود اختفت ابتسامتها:ليه؟ سلمان بابتسامة:مو حنا اتفقنا نسكن هناك..ما بقى شي على الزواج عشان كذا أنا بكرا رايح بشوف لنا مكان نقعد فيه..مو عدله نروح و ما في شي جاهز هناك لنا؟ خلود تضايقت:يعني لازم أنت اللي تروح؟ سلمان:هههههههههه تنكتين يا خلود..من بيروح بدالي يعني؟ خلود ضحكت بضيق:مو قصدي..بس أقول مو الحين تروح خلها بعدين.. سلمان:يا قلبي ما في وقت أنتي عارفه ما بقى على زواجنا شي يا خلود..لمتى بأجل الروحه هناك..وبالمرة عشان أشوف لك الجامعه؟ خلود بابتسامة:خلاص سلمان قلت لك ما له داعي..أنا من جدي أتكلم ما أبي أدرس.. سلمان:أنتي فاكره هالشي بيفرحني..لا والله ما فرحني يا خلود..أنا أبيك تكملين دراستك لا تقطعين عشاني.. خلود ابتسمت:وأنا بحقق لك أمنيتك..من قال لك أني مو دارسه..أنا بدرس و برجع أكمل بس مو الحين..لما تتحسن ظروفنا؟ سلمان ابتسم لها بحب:الله يخليك لي يا خلود.. خلود:ويخليك لي.. سلمان تنهد:يللا حبيبتي بخليك الحين.. خلود:طيب ما قلت لي متى بتمشي الشرقية.. سلمان تنهد:الصباح.. خلود كشرت:يعني ما في أمل أشوفك قبل لا تمشي.. سلمان بابتسامة:ليه ما في أمل..ومن قال لك أصلا أني بمشي قبل لا أشوفك يا خلود..الصباح بمر و بفطر عندك و بعدها بمشي..حلو؟ خلود ابتسمت بفرح:أي كذا زين.. سلمان:يللا حياتي انتبهي لنفسك.. خلود:طيب.. سلمان بهمس:باي.. سكرت منه خلود وهي فرحانه و متضايقة بنفس الوقت.. يللا يروح و يرجع بالسلامهـ.. قامت خلود طلعت من غرفتها و نزلت تحت و ابتسمت لما شافت أهلها مجتمعين بالصالة.. قعدت خلود يم ندى وهي تتكلم:الله مجتمعين و ما تنادوني.. نواف لف لها:كنا بنناديك بس أنتي مو فاضية؟ خلود كشرت وهي تناظره و بنفس الوقت تكلم أبوها وهو يناظرها:ها يا خلود وش سويتوا بموضوع السكن؟ أم فهد تكلمت هي مقطبة حواجبها:أي موضوع بعد؟ أبو فهد لف لها:سلمان من فترة كلمني و قال لي إنهم مخططين يسكنون بالشرقية.. أم فهد لفت لخلود:افا يا خلود وليه ما قلتي لي؟ خلود:مو قصدي يما بس قلت لما أتأكد من الموضوع أول.. فهد وهو يناظرها:أي شصار الحين..خلاص قررتوا؟ خلود بدون ما تلف له:أي سلمان قبل شوي كلمني و قال لي إنه بكرة بيروح الشرقية.. أم فهد بضيق:وليه يا خلود والله ما كان ودي تبعدين عني؟ خلود:شنسوي يما هذا اللي صار؟ ندى كشرت:يوهـ خليد بنفتقدك بعدين؟ خلود ابتسمت لأختها بصمت و ندى كملت:بس عادي أنتي بتطلعين و بتجي زوجة فهوود؟ أم فهد ابتسمت لفهد:وليه فهد بيقعد معنا.. أبو فهد ابتسم له:لا عاد أنت يا فهد هديتك مني جاهزة من زمان..ولا أنت نسيت أني شاري لك بيت و مخليه ليوم ما تقرر تتزوج..وهذا أنت الحين قررت ما بقى عليك إلا تشوف وش ناقص بالبيت؟ فهد ابتسم لأبوه:ما تقصر يبا..بس أنا ما أبي أقعد لحالي أبقعد معكم هنا ولا أنتوا متضايقين مني يعني؟ أم فهد بفرح:بالعكس يا فهد يوم العيد يوم اللي تقعد عندي أنت و زوجتك.. فهد ابتسم لأمه(الله يعيني..الله يستر من الجاي) أبو فهد ابتسم لفهد:المهم أنت يا فهد جهز نفسك بكرة المغرب بتروح معي ببيت أبو محمد(أبو مرام).. فهـد ابتسم بضيق:إن شاء الله يبا.. ندى ابتسمت بفرح وهي تناظر أبوها:يبا أجي معكم.. أبو فهد قطب حواجبه:وليه تجين معنا هاا.. ندى:عادي يبا بروح أقعد مع مرام لما تخلصون و نمشي.. فهد ناظرها بطرف عين:ما له داعي كل يوم تشوفينها بالمدرسهـ.. نواف ضحك:أوهـ يغار أخوي.. ضحكوا خواته و فهد تضايق و قام استأذن منهم و طلع الحديقه..يحس إنه مخنوق يبي هوا.. . . . ..صباح الأحد.. دخلت ندى المطبخ بابتسامة:صباحك خلوود.. خلود لفت لها بابتسامة:أهلين.. ندى:شتسوين..هذي الشغالة قاعده تصف الفطور برا؟ خلود بغرور:هذا فطوركم أنا بسوي فطور لسلمان بيجي يفطر قبل لا يمشي الشرقية.. ندى غمزت لها:أحلى حركتات بعد..ما في جامعه اليوم؟ خلود هزت كتوفها:مدري..يمكن أروح عشان بشوف صفاء بس ولا ما له داعي أدخل المحاظرات قلت لسلمان أني مو دارسه؟ ندى كشرت:أوف والله أني متحسفه عليك ما بقى إلا سنتين حرام..إلا أنتي ما قلتي لأبوي؟ خلود تنهدت:بلا يدري..أنا قلت لسلمان يقول له و قاله لما كان يعلمه إنا بنسكن بالشرقية.. ندى:يالحمارة والله بنشتاق لك.. خلود ابتسمت لها:خلاص ندوش والله فيني صيحه لا تخليني أصيح الحين؟ ندى قطبت حواجبها:والسبب؟؟ خلود بضيق:متضايقة عشان سلمان..احتمال يطول هناك؟ ندى ضربتها:مالت عليك خلود فكرت السالفة سالفة عدله طلعت عشان سلمان.. خلود:ليه ما يستاهل.. ندى ضحكت:بلا يستاهل يستاهل كل شي كملي شغلك انا بروح أفطر.. طلعت ندى و خلود لفت تكمل شغلها و شهقت بقوة لما حست بأحد ينغز خصرها.. خلود لفت وهي مكشرة بقوة و عصبت أكثر لما شافت أخوها فهد مبتسم:خير فهيد شالحركة الجديدة هذي بعد؟ فهد رفع حاجب:أو آسف ما دريت أنها تضايق أختي العزيزة.. خلود رجعت لفت تكمل شغلها:أخلص بغيت شي؟ فهد:أي بغيت شي.. خلود:وشو..؟ فهد:سمعتك تقولين لندى أن سلمان بيجي بعد شوي يفطر معك..ما عليه أفطر معكم؟ خلود لف له باستغراب:شطاري عليك؟ فهد:بصراحة مو عاجبني حالك هالقد غلطتي على سلمان كبيرة..من يوم ما قلت كلمتي و أنتي ما تكلميني و مو معبرتني؟ خلود:لا مو ممكن تفطر معنا..سلمان مو وسيلة عشان أكلمك..أنا عارفتك بتروح تسلم عليه بس عشان أكلمك مو عشانه هو؟ فهد تنهد و اختفت ابتسامته:ولا شي عاجبك..وش تبيني أسوي طيب؟ خلود:ما أبيك تسوي شي؟ فهد تأفف بقوة ومشى طالع للصالة و خلود تنهدت بقوة وهي تكمل شغلها.. بعد ربع ساعه مشوا أخوانها للمدرسة و أبوها و فهد طلعوا للشركة و دخلت أم فهد المطبخ:ما صارت يمه من الفجر و أنتي هنا شتسوين؟ خلود ابتسمت:اسوي فطور لسلمان.. أم فهد:متى بيجي؟ خلود:هو قال لي بيجي قبل لا يمشي..على الساعة8 بيمشي و بيفطر هنا قبل.. بنفس الوقت رن جوال خلود و ردت بابتسامة:أهلين..أي..اوكي دقايق بس.. سكرت خلود و لفت لأمها وهي تفسخ مريله الطبخ:يللا يما سلمان وصل بروح أغير ملابسي بسرعه و برجع.. طلعت خلود لفوق بسرعه و بخمس دقايق نزلت وهي لابسه تنورة قصيرة لتحت الركبة واسعه من تحت و بلوزة ثلاثة أرباع مخططة بألوان مريحه. طلعت سيدا لبرا الحديقة وهي تسرع بمشيها ولما وصلت للباب الرئيسي فتحته بابتسامة حلوة.. دخل سلمان و تكلم بمزح:كان خليتيني برا شوي بعد حلوة الوقفة؟ خلود ضحكت:هههههههههههههههههه سوري والله أدري تأخرت عليك.. سلمان ابتسم:ما عليه فدوى لك..ها جهزتي لي فطوري؟؟ خلود هزت راسها بالإيجاب:أكيد..روح المجلس و أنا بجيبة لك الحين؟ سلمان:اوكي..لا تتأخرين طيب عشان أبي أقعد معك شوي.. خلود هزت راسها بالابتسامة اللي يحبها سلمان و دخلت داخل و سلمان مشى للمجلس.. قعد سلمان و هو يتنهد وكلها دقايق معدودة و دخلت عليه خلود بالفطور.. سلمان ابتسم و قام أخذه منها و قعدوا يفطرون مع بعض و هم يسولفون و لما خلصوا فطور قامت خلود دخلت المواعين داخل و رجعت لهـ و ضلوا يسولفون بفرح.. وكل واحد فيهم ضل يعبر للثاني عن شعورهـ.. هذي أول مرة من سنتين بيغيب عنها أسبوع كامل..خلود بقوة تعلقت فيه..تعلقت فيه بشكل محد كان متوقعه..لحد يلومها إذا صاحت بعد شوي.. سلمان ناظر ساعته و تكلم وهو يناظرها:يللا خلود بمشي عشان لا أتأخر.. خلود:أنت بتروح بسيارتك أقعد شوي بعد.. سلمان ابتسم لها:أدري يا حياتي بس لازم أمشي الحين..ما معي وقت كافي ودي أخلص كل شي و أرجع لك.. خلود ابتسمت له و سلمان تكلم بابتسامة:عمتي صاحيهـ؟ خلود بابتسامة:أي صاحية قاعدة بالصالة..تبي أناديها لك؟ سلمان:لا تتعبينها لو البيت فاضي خليني أنا أدخل لها.. خلود وقفت:طيب يللا قوم.. وقف سلمان و مشى وراها وهو يناظرها بابتسامة..يمووت فيهآ..لو بيده كان أخذها معه بس ما يقدر؟؟ دخلوا الصالة و خلود تكلمت وهي واقفة يمه ببتسامة:يما هذا سلمان يبي يسلم عليك؟ أم فهد اللي كانت تتصفح الجريده حطتها و وقفت و لما شافت سلمان ابتسمت له و سلمان تكلم بابتسامة هاديه:أخبارك عمتي؟ أم فهد:والله انا بخير دامكم بخير..ها متى راجع إن شاء الله؟ سلمان:لما أخلص شغلي بس إن شاء الله مو مطول.. أم فهد:يللا يا ولدي تروح و تجي بالسلامة.. ابتسمت له أم فهد:عاد لا تتأخر على خلود والله لتقعد طول وقتها و ما تكلم أحد عشانك مو يمها؟ سلمان لف لخلود بابتسامة و خلود بادلته الابتسامه و سلمان رجع لف لعمته:يللا عن إذنك عمتي.. أم فهد:أذنك معك.. لف سلمان لخلود و طلعوا مع بعض للحديقة و سلمان ناظر خلود:صحيح الكلام اللي قالته أمك؟ خلود بابتسامة:ليه أنت شايف غير كذا؟ سلمان مسك يدها:بس هذا ما يرضيني..عادي عيشي حياتك و كلما تتضايقين كلميني.. خلود ناظرت الأرض وهزت راسها بابتسامة:طيب.. سلمان رفع راسها بيده:حبيبتي.. خلود ابتسمت له:أممم.. سلمان ابتسم لها و ضمها:يللا أشوف كان عندك دموع طلعيها الحين.. خلود ضحكت وهي تحبس دموعها:سلمان خلاص اتركني.. سلمان ضحك:لا مو تاركك..يللا خلصي لا تأخريني؟ خلود بعدت نفسها عنه وتكلمت وعيونها بالأرض:غصب أصيح يعني.. سلمان:هو مو غصب بس شكلك يقول كذا..يللا خلود؟ خلود ضحكت غصب عنها:يووه سلمان مو غصب..خلاص روح لا تتأخر.. سلمان ابتسم لها و رجع ضمها لصدره مرة ثانية و تكلم بهدوء:بشتاق لك خلود.. خلود:وأنا أكثر.. سلمان بعدها عنه و باس جبينها بحرارة:يللا حبيبتي بخليك.. خلود:طيب..انتبه لنفسك و لما توصل كلمني؟؟ سلمان بابتسامة:افا يعني بتصبرين عني ست ساعات و يمكن أكثر.. خلود ابتسمت:أكيد لا..بس عشان لا تنشغل و أنت تسوق السيارة؟ سلمان:لا تخافين ما راح أمسك الخط متواصل لما أوقف أرتاح بكلمك.. خلود هزت راسها بالإيجاب و سلمان باسها مرة ثانية و ودعها و مشى.. ضلت خلود واقفة مكانها وهي تناظر الباب اللي طلع منه سلمان و ابتسامتها بدت تتلاشى(الله يا سلمان متى ترجع لي..اشتقت لك) دخلت داخل وهي تحس نفسها اشتاقت له..مع ان ما صار له ربع ساعه تاركها بس اشتاقت له مووت..كنه بيروح عنها شهر مو أسبوعـ.. دخلت خلود البيت و أم فهد تكلمت وهي تناظرها:ها مشى؟ خلود هزت راسها بالإيجاب وهي تناظر أمها:أي مشى يما.. أم فهد ابتسمت لها:الله يفرحني فيك يا خلود و أشوفك عروس.. خلود ابتسمت لأمها:يما تبين الفكه مني..كلها كم أسبوع و بتزوج؟؟ أم فهد تنهدت:والله شقول لك يا خلود..ما ودي يجي موعد زواجك بسرعه كذا بنشتاق لك؟ خلود:شدعوه يما تراني مو قاطعتكم.. أم فهد:بس بتروحين بعيد عني يا خلود..ما راح أقدر أتطمن عليك مثل الحين؟ خلود ابتسمت:لا تخافين يما..سلمان ما راح يقصر معي و كل يوم بكلمكم عشانك بس.. . . . خالد بابتسامة:أقول عاد مو كافي عطلتيني..شوفي الساعة بتصير 9 و انا للحين ما رحت.. ريم بابتسامة دلع:والله محد قال لك تعتمد علي..أنا صحيت الساعة7 بس ما حبيت أصحيك؟ خالد وهو يمشي لها:ولييييييييه طيب؟ ريم:بس لأنك الحين بتروح و ترجع الظهر تنام و تصحى و تمشي مرة ثانية و لما ترجع بالليل تكون تعبان..وانا طيب؟ خالد سحره شكلها و تكلم و يأشر على قلبه:أنتي هنا..أنتي معي على طوول يا قلب خالد انتي.. ريم ابتسمت له:أي ألعب علي بكم كلمه؟ خالد ضحك و قعد يمها:العب عليك؟ ريم هزت راسها بالإيجاب بصمت و خالد ضمها لصدره:ما أقول إلا الله لا يحرمني منك يا أحلى ريم بالدنيا أنتي.. ريم ابتسمت وهي بحضنه:خالد لا تروح اليوم..مو لازم غيب أحسن والله ملل بدونك؟ خالد بابتسامة:يا ريمي أنتي مقدر..ليت أقدر كان حققت لك أمنيتك بس والله مو بيدي..متأخر و بلعناها أما أني أغيب قوية؟ ريم ابتعدت عنه وهي مكشره:طيب خلاص روح..ما أعطلك أكثر من كذا.. خالد قرص خدها:زعلتي..خلاص يا روح خالد أنتي أوعدك اليوم بحاول أستأذن من المدير و لو وافق مو رايح العصر حلو كذا؟ ريم ابتسمت له وهي تهز راسها بالإيجاب:أي حلوو بلييز خالد حاول.. خالد وقف و مسك يدها وقفها معه:خلاص أروح.. ريم ضحكت:روح الله معك.. خالد كشر:أمممممم ما كنك نسيتي شي مهم.. ريم عرفت قصده بس تستهبل:أنا نسيت..لا ما نسيت؟ خالد وسع عيونه بابتسامة:ريم والله مو جاي الظهر ان استهبلتي علي..إلا بهالشي ما ابي تنسين.. ريم ضحكت وهي تناظره و قربت منه و طبعت على خده أرق بوسه و بعدت عنه بابتسامة حلوة:حلو كذا؟ خالد غمز لها:حلوو..أنا من زمان قلت لك أي شي يجي منك حلوو.. ريم دفته من ظهره:طيب خلاص روح لا تتأخر عشان تقدر تطلع الظهر.. خالد ابتسم لها:لهالدرجة تبيني أقعد معك..مو قادرة تستغنين عني.. ريم ميلت راسها:أي مو قادره..البيت مو حلو بدونك..يللا روح.. خالد ابتسم لها ابتسامة خاصة لها..ولحبها..ولدلعها..ولعشقه ا.. مشى للباب و طلع و تركها في انتظاره.. يحبها و يمووت فيها.. الله يخليها له.. (***وش يعيد الوقت قلي غير خطوات الرجوع***) | ||||||||
|
| |
|
| الكلمات الدلالية (Tags) |
| للكاتبه, مكتملة, المجروح, الرجوع, الوقت, يعيد, خطوات, عاشقة, قلتها |
| أدوات الموضوع | |
| انواع عرض الموضوع | |
|
|
.png)
العرض العادي
