كانت أيام يا جامعه قطر للكاتبة / تباشير الفجر ( مكتملة )

[فيتامين سي]

	بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين أعضاء روايتي الغالين بمناسبة اليوم الوطني لقطر أنفل لكم رواية ( كانت أيام يا جامعه قطر ) للكاتبة / تباشير الفجر قراءة ممتعة للجميع ......

[فيتامين سي]

مقدمه

كانت ايام ....ياجامعة قطر ... قصة واقعيه ممزوجة ببعض الخيال راح ان شاء الله اسردها ..واضعها بين ايديكم ...شخصيات لفتيات كانت جامعة قطر مرحلة مهمة من حياتهم ولا زالت لانها شكلت الكثير في نمط حياتهم وفي شخصياتهم ايضا ...
شخصيات قصتنا ... عباره عن مجموعه من البنات كل وحده فيهم مثلت شريحه من شرائح المجتمع القطري .. جمعت بينهم الاقدار واحلامهم اللي رافقتهم بدخولهم لجامعة قطر .... بنات ككل البنات لهم احلامهم وحكاياتهم واسرارهم واحزانهم وافراحهم واتراحهم ومستقبلهم اللي يطمحون لتحقيقه ... لكن الجزء اللي فرقهم عن باقي البنات انهم بنات جامعه قطر .... نعم جامعة قطر اللي تخفي داخل دهاليزها واروقتها الكثير ...
ولي ملاحظه هامه هنا ...( ان الشخصيات والاحداث فيها الكثير ماهو حقيقي وواقعي وفيها القليل من الخيال الذي حبكته مع الواقع بواسطه قلمي الادبي الذي اصر الا ان يخط بحبره مايحتمه فكره وادبه ويضعه في معترك هذه القصه وفي محتواها ...)ادعكم معها واتمنى ان تعجبكم ...


""""" الفصل الأول """"

~~((.....لحظة انتظار .....))~~




في يوم شديد البروده من ايام شهر يناير من عام 2007 ...جامعة قطر...... الساعه 7 ونص صباحا ...في كافتيريا التأسيسي ...
كانت قاعدة وتشرب الكوفي اللي على الرغم من سخونته الا انه ماقدر يدفي مشاعرها المتثلجه من كثرة التفكير ....جسدها متواجد في هذا المكان لكن تفكيرها في عالم اخر... عالم خذاها بعيد بعيد.. لدرجة انه نساها المكان اللي قاعده فيه او البنات اللي تنتظرهم يوصلون ...
قاعده تفكر بالموقف اللي صار لها قبل يومين واللي خلها متضايقة وحالتها حاله ..
العنود وبينها وبين نفسها : آآآآآآه يالقهر انا اخذ هذا وليش ..... الله يسامحك يا بوي ... لو تسمعني ...وتشوف وجهة نظري ...لهالدرجه انا رخيصه عليك علشان تزوجني ذا (( الاعرج)) يارب انا وش سويت في حياتي ... بس مادروا اني مستحيل اقبل فيه ولو صار اللي صار ...

...وفي هذا اللحظة قاطعتها ...لطيفه .. اللي جايه من بعيد وشيلتها طايحه واهي تلهث ...
حسبي الله على بليسكم ماصارت جامعه ساعه من البوابه للتأسيسي .. لازم تتخرب كشخة الواحد .اووووف .. آه تعبت مافيني حيل ...

(( هيه أنتي هوووووه وينج ياللي ماخذ عألك يتهنا به...))

العنود: اووووه هلا لطيفه سوري الغلا ماحسيت فيج .... كنت افكر ...

لطيفه : بشنوووووو يالله اعترفي ؟؟؟؟

العنود: ياختي خليها على الله افكر في حظي النحس ...

لطيفه : افاااااا تتضايقين واخيتج هني ... علميني من اللي مضايقج

العنود:اللي مضايقني السالفه ماغيرهاااا ؟؟؟ تصدقين ابوي مصر الا اخذه .... مادري وش اللي عاجبه فيه بس عشانه ولد عمي ... اف ياربي ... مااحبه غصب يعني ...

لطيفه ... عنودي تعوذي من الشيطان وموب صاير الا الخير ... وبعدين انتي ليش رافضته ماتدرين يمكن تكووون سعادتج معاه .. ويكون لج مثل اللي تتمنينه ... مثل مارزقني ربي بخالد الله يحفظه لي يارب ..بدووون مااعرفه ولاشفته من قبل مع انه من الاهل ... ماتدرين وين الخيره ..

العنود: لاتقهريني مستحيل اخذ واحد اقل مني في التعليم وماعرفه زين ... ولا واعرج ,,, كملت ...

لطيفه: حرااام عليج ماله دخل في هالاعاقه ربي هو اللي بلاه استغفري ربج ..لاتحكمين على الشخص بشكله .....

العنود : انا ابي اخذ على كيفي اللي ابيه مو حد فارضه علي ...

لطيفه : حبيبتي ماتدرين اهلج يمكن معاهم حق ... يبون مصلحتج ويشوفون ان هذا الشخص اهو المناسب لج ... شوفيني انا خذيت خالد الله يخليه لي يارب من ناحية الاهل يعني .... ابوي وخالي اهم المختارينه لي وشوفيني وش حلاتي معاه عايشه حياه حلوووه ..

العنود : يحليلج ... انتي غير يا لطوووف وانا غير .... مو شرط اكووون مثلج وخصوصا هذا الشخص انتي ماتعرفين شنو صار لي معاه واحنا صغار احسه دايما مايطيقني .... ويناحسني في كل شي والمشكله واثق اني باخذه .... ياربي والله تعبت

لطيفه : انزين انتي صلي استخاره وشوفي يمكن يرتاح قلبج له ...وبعدين لاتنسين انه ولد عمج وراح يحطج على راسه من فووق وبعدين انتي كبرتي وصار الوقت المناسب انج تفكرين تتزوجين الحين ....

سكتت العنود شوي ....تفكر ....بعدين قالت : خلاص ولا يهمج لطوفتي ...( وهي بينها وبين نفسها فكرت بشي راح تسويه على شان تفك نفسها من هالسالفه بس حبت انها تسويه بشكل سري ) ...ويالله خلينا انكلم الشله تعبنا واحنا ننتظر بتصير الساعه ثمان واهم ماشرفوا ....

نسيت اقول لكم .....من العنود ولطيفه ...

} هم من الشخصيات الرئيسيه في القصه وهم صديقات من ضمن شله تتكون من خمس بنات وهم العنود / لطيفه / شيخه/ فاطمة/مريم.....راح نعرفكم على العنود ولطيفه والباقي راح تعرفونهم ان شاء الله بعدين ....

العنود:
- فتاه عمرها 22 سنه ,,,,طالبه بقسم علم اجتماع وبعد هي اخر سنه دراسيه لها ,,,,متوسطة الطول , حنطية اللون , ملامحها حاده , شعرها لوسط ظهرها متموج ولون كستنائي ..,,,,صفاتها الشخصية .. عندها كبرياء وبنت معتزه بذاتها وتفتخر بقبليتها بحكم انها من احد القبائل المعروفه في قطر., طموحه ,وعنيده جدا وواثقه دائما بنفسها ,,,,,,من ناحية الشكل ,,, طبعا الشيلة والعبايه ( والنقاب اذا كان الدكتور رجل) ...مهتمه بأناقتها المعتدله ,, تحب الموضه بس على خفيف ,,,واهم شي عندها الميك اب

لطيفه:

- فتاه عمرها 22 سنه ,,,,متزوجه من 6 شهور من احد ابناء العايله وعن قصة حب ,,,, طالبه بقسم لغة عربية,,,,, مليانه وطويله .. جذابة ,, بيضاء البشره ,,شعرها مصبوغ اشقر ومدرجات ,,,,, صفاتها الشخصية :جذابة ,,مرحه وحبوبه تحب الضحك والوناسه ... تجذب اللي حولها بسرعه ,,ماخذه كل شي بضحك وفرفشه ,,,,,,من ناحية الشكل : تهتم بالموضه وماتطلع الا بالميك اب وكل يوم بعبايه شكل ..






المهم نعود لمجريات قصتنا .....


واتصلت العنود على البنات ....وتجمعوا وفطرووووا وراحوا محاضرتهم الا شيخه وفاطمة اللي راحوا للمكتبه الكبيره علشان يطلعون لهم مواضيع لابحاثهم ...

ولما كانوا في الممر اللي جنب قسم علم المعلومات رايحين للمكتبه ماشافوا الا اللي جايه من باب المبنى وقامت تشوووف فاطمة بنظرات غريبه ...وفي شفايفها شبح ابتسامه ..

استغربت شيخه من نظرات هالبنت وقالت لفاطمة ....: فطوم اشفيها هذي ليش تشوفك كذا ...تعرفينها ...يمه نظراتها تخوووف ..

فاطمة وبإرتباك : هااااه ....مادري مااعرفها اصلا دايما تخزني بهالنظررررات مادري شنو تبي مني ..خليها تولي خلينا نرووووح ..

ومشوا وكل شوي فاطمة تلتفت للبنت اللي كانت وافقه وماراحت الا لما ابتعدوا .....

ولما صارت الساعه 10 ... كانت شيخه ومعاها فاطمة مازالوا في المكتبه ..ومانتهبوا الا على اللي جايتهم من بعيد وتبتسم ....قالت فاطمة بصوت واطي واهي تنغز شيخه ...اووووف شوفي اللي جايه من بعيد...وش جايبها هذي ثقيله دم من قلب الله يصبرنا عليها ...
شيخه: حرااام عليك ياشيخه بالعكس تهبل ....استانس على سوالفها قومي خلنا انسلم ...

فوصلت لهم جواهر واهي في كامل اناقتها وجاذبيتها اللي تلفت الانظار ....وبكل دلع : مرحبا بنات اخباركم .....ان شاء الله تمام وينكم ماتبينون في النشاط ...لا يكون كله قاعدين في المكتبه ...هههههه وبضحكه في منتهى العذوبه ...اهني انقهرت فاطمة وقالت : وش دعوه فصفص لا حبيبتي الظاهر انتي اللي دايما اهنيي لان احنا دايما في النشاط وتقريبا يوميا ...فاضربتها شيخه على خفيف وقالت لها ...لا بس تعرفين الامتحانات على الابواب واحنا ماخلصنا بحوثنا ....انزين احنا خلصنا تقريبا وطالعين شرايك تغدين معانا احنا الشله كلنا ....هني فاطمه انقهرت اكثر وقالت لها ...ايه بس اكيد جواهر تبي تتغدى مع ربعها لاتغصبين عليها خليها على راحتها واحنا راح انشوفها في النشاط ...قريب ..
جواهر فهمت النغزه ....وقالت تسلمين شيخه بس كلام فاطمة صح وانا مواعده البنات ان احنا نتغذى برى ....مش في الجامعه اعذريني حبوبه ان شاء الله مره ثانيه ....(واهي في خاطرها تقوول انزين يافطوم يابنت الهنديه انتظري شوفي ان ماسنعتج ....مادري ليش شايفه نفسج علي ) يالله عيل مع السلامه رفيجتي تنتظرني في سيارتها تأخرت عليها ....يالله تشاووووو

مثل ماشفنا كان هناك تج بين فاطمة وجواهر ...والسبب كان من ايام الدراسه في الثانويه ...كل وحده ماتحب الثانيه ...فاطمة ماتحب جواهر وتغار منها لانها دايما تسلب منها صديقاتها واحلى منها ومدلعه وكل شي متوفر لها ...اما هي على انها جميله ماكانت تهتم بنفسها ودايما تعتمد على الاخرين في كل شي .... وزادت عقدتها من جواهر لانها مره من المرات لما كانوا في الصف ومن غير قصد من جواهروحده من البنات اسألت فاطمة وقالت لها :فطووووم ماشاء الله عليج فيج جمال هندي ماشاء الله على عيونج كبااار وشعرج غليظ فردت جواهر وبسرعه قبل ماترد فاطمه ايه اصلا امها هنديه ...فقامت هالبنت وقالت وهي تتمسخر : الــــلــه ييعني الخوال هنووود تكفين فطوم وماعليج امر اذا سافرتوا للهند في الصيف لاتنسين تسلمين لي على شاروك خان وتخلينه يوقع لي على ورقه .....تعرفين تعرفين لهم وهني البنات اللي كانوا موجودين ماتووووا من الضحك ...هني قامت فاطمة بسرعه وراحت ركض للحمامات تصيح جرحتها البنت واحرجتها عند البنات كلهم والفضل يعووود لجواهر ..اللي حست بفاطمة وراحت تعتذر لها بس فاطمة ماقبلت اعتذارها وقامت تتحلف فيها ...لحد هاللحظة وفاطمة مانست هالسالفه كل ماشافت جواهر وتتوعدها ....

في هذي الاثناء كان الجو في الخارج مغيم والامطار تتساقط بغزاره ....طلعوا شيخه وفاطمة من المكتبه ولما شافوا المطر استانسوا ....وطلعوا لكنهم ارجعوا ودخلوا عند باب المكتبه ....

شيخه ...والبخار يطلع من فمها ....فطووووم الجوووو موت تدرين وين خاطري اكون اللحين ؟؟؟
فاطمة اللي كانت تناظر حبات المطر اللي كانت تنهمر بسرعه على باب المكتبه .... وين ان شاء الله
شييخه : وين يعني آآآآآآآآه فديت الرياض واهلها ...اشتقت لهم ولطلعاتنا في الربيع ...لما نكشت ونروح للبر الجو خيال ...فطوم تخيلي معي كنت انا وساره بنت خالي نقوم الفجر ونروح لبيت الشعر اللي يسهرون فيه الشباب ونقعد هناك نتقهوى ... والمنظر خياااااااااااااال وصوت المطر رهيب لما ينزل على بيت الشعر ....آآآآآه الا ليت الايام تعود يوما ...
فاطمةوبضحك : وخروا عن الرومانسيه اخر زمن حتى البدو يعرفون ...
هني شيخه شافتها بنظرات وقالت لها بعد مادزتها لبرا: اقول مالت عليك ماحد يعرف لي الا لطووووف وعنودي ومريوم والا انتي الله يعين اللي بتاخذينه اقووول خلنا نطلع وحطي كتابك فوق راسك علشان ماتتبللين وخلنا نوقف لنا سياره من هالسيايير علشان توصلنا للنشاط ....ورحوا وهم ركيض ووقفوا لهم سياره ...وركبوا فيها ....
شيخه واهي تلتفت لفاطمة : فطووووم تعرفين وش احسن شي اللحين مع ذا الجو الروعه .....افضل شي نسمع صوت ابو نوره .....يأبورني ...وطلعت جوالها وحطت على غنيه واجد الناس لمحمد عبده ....وقامت تغني معها ...
التفتت لها فطوووم :اقول فضحتينا سكريها اللي يسمعج يقول انج راكبه على ذاك الشاص ورايحه للبر ....مالت على حظي ومااخاوووي الا البدو ....ليش ياربي ليش ...

وصلوا للنشاط وماشافوا الا اللي وراهم على طول وكانت نازله من السياره اللي كانوا راكبين فيها ...


وتنادي عليهم ....فاطمة .....انتظري

ألتفت فاطمة لصوت اللي جاي من وراى...تغير وجه فاطمة وكانت الصدمه ؟؟؟؟؟






-
-

اذا اعجبتكم بكـمـــل ..

[فيتامين سي]

""""" الفصل الثاني """""
(( ~~ الخافي أعظم ~~))

بعد ماسلمت العنود على البنات واعتذرت لهم انها ماتقدر تقعد وتتغدى معاهم ...بسبب أنها مصدعه ورايحه للبيت ترقد شوي قبل ماتقوم تذاكر للكوز اللي عليها...راحت تمشي متوجهه للبوابه واهي تمشي دقت على بنت عمها ..منيره واهي في بالها انها راح تبدأ تسوي الخطة اللي راح تنقذها من اللي هي فيه ...
العنود : ألو مرحبا
منيره : هلاوالله وغلا بالزينات ...انا في حلم ولا علم شيخه البنات العنود بنت محمد متصله علي .... لاأكيد أحلم
العنود : ههههه الله يقطع بليسج منور ...خليتيني اصدق ..اخبارج وعلومج وحشتيني اعذريني الغلا ...مشغوله واجد ...انواع البحوث والكوزات ...
ولا كان جيتكم او اتصلت عليج من قبل ..
منيره : أي صدقتج ...انتي ماتتصلين علي الا اذا طايحه في ورطه ولا تبين شي ...
العنود: افااااااا ماتصدقيني ...المهم علشان تدرين بغلاتج انا الحين جايتكم اتغدى عندكم شرايج ....
منيره بفرح : كذابه قولي والله ....النوري ماراح تصدق ...تعرفين جايه بايته عندنا من امس ...زوجها مناوب واغتنمت الفرصه يالله أمانه قولي انج صادقه وماتكذبين علي علشان اروح انشر الخبر تعرفين من زمان مافيه اكشن انواع الممل ...
العنود: ايه صادقه ومن متى وانا اكذب عليج بس صبر خليني استأذن من أمي ...

سكرت العنود من منيره واتصلت على أمها ...واهي تفكر في فكره تخلي امها تقتنع بالزياره المفاجئه ...

ام جابر ( أم العنود ) : ألو ..
العنود : فديت ذا الحس وربي ...شلون الشيخه أم جابر ...جعلني فدى ثراها
ام جابر : من عنووود ...ووينج مانتي بالمحاضره
العنود :...ماعندي محاضرات خلصت وكلمتج ابي استأذن منج أني اروح بيت عمي حمد ..فديتج يمه وافقي ابي كتاب ضروري للبحث اللي لازم اسلمه يوم الاحد وهو عند منور بنت عمي فديتج ...
أم جابر : يافضيحتي تبين تروحين للعرب في ذي القوايل ...ولا قلتي لهم كذا على غفله ..انتظري للعصر وانا بطرش احد خوانج يجيب لج الكتاب ..

العنود : لالالالا تكفين يمه ..انا اصلا متصله على منور وقلت لها اني بمر اخذ الكتاب بس هي اصرت اني اتغدى عندهم ...فديتج ماراح اتأخر كلش ..اول ماخلص راح ارجع سيده ..
أم جابر .بضيقه: وش اسوي المهم اخلصي بسرعه ولا حد يثقل على العرب ...
العنود :أموووواه خلاص ولا يهمج بس يمه لاتنسين تطرشين الدريول الحين المطر وكل ماله يزيد وانا خلاص تبللت عبايتي قولي له يجيني من موقف ثلاثه
أم جابر : يالله فمان الله وماوصيج عنووووود خبري بج مطفوقه
العنود :تم يأم جابر ..كم أم جابر عندي ...وقبل لاتسكر ...
أم جابر : عنود عنود صبر نسيت أقول لج مادامج رايحه لبيت عمج لاتنسين تاخذين من أم راشد البخور اللي قلت لها عليه
العنود :ان شاء الله يمه يالله في امان الله ...
وطرشت مسج على منيره تقول فيه (( منور يالله زهبي الغدا انا جايه على الطريق ....))



في هالاثناء وفي مكان اخر عند احد ابواب مدخل النشاط ....

ألتفت فاطمة للصوت اللي جاي من وراها...تغير وجه فاطمة وكانت الصدمه ؟؟؟؟؟

شافت بنت جايه لها ركيض من برى وورى هالبنت كانت الصدمه ...بنفس النظرات وبنفس الابتسامه ..هي هي نفسها البنت اللي كانت تنظارها عند المبنى ...

فاطمة بإرتباك : نعم أختي تناديني أنا
البنت : أي انتي ..
فاطمة:هلا بغيتي شي
البنت : أي ممكن اابيج في شي ضروري
فاطمة التفتت على شيخه اللي قالت لها :خلاص فطوم أنا بروح للبنات ..وانتي اذا خلصتي تعالي لنا..
فاطمة :خلاص اوكي ...وبعدين التفتت للبنت وقالت لها ..تفضلي اختي قولي اللي تبين تقولينه ..
البنت : فاطمة انا معاج في مقرر الدكتور يوسف العبدالله ..وحبيت اخذ منج اوراق المراجعه او كتابج علشان اخطط ....
فاطمة :اوكي حبيبتي بس اسمحيلي الكتاب مش معي الحين
البنت : لامومشكله شرايج تعطيني رقمج وانا اتصل عليج علشان ماتنسين تجيبينه ..او تحطينه في احد المكتبات برى
فاطمة : اوكي خلاص يالله سجلي عندج 55------
البنت : اوكي مشكوره فاطمة ...وانتظري اتصالي يالله اخليج واسفه اذا اخذتج من رفيجاتج تحبيني اوصلج لهم ...
فاطمة : لا مشكوره مايحتاج يالله مع السلامة ...

ومشت فاطمة عن البنت واهي مستغربه ..( يارب احس فيها شي مريب ... معقوله اهي ورفيجتها مايبون الاهذا والله شي غريب !!!!خليني احسن اروح للبنات تأخرت عليهم ...)

ووصلت فاطمة للبنات اللي كانوا ينتظرونها ....

*** خلوني اللحين أعرفكم على باقي الشله ....ذكرنا العنود ولطيفه ....وبقى ..

فاطمة:
فتاه عمرها 21 سنه ,,,,,طالبه بقسم التاريخ ,,,,,قطرية ومن عائلة معروفه في الدوحه امها هندية الجنسية,,,,,طويلة . ضعيفه ,, سمراء ماخذه سمار الوالده وملامحها جميله جدا ,,,شعرها اسود طويل كثيف لكن مموج,,,,,,صفاتها الشخصية ..شخصيتها متزعزعه .. متسرعه .. كسوله ,, مالها طموح ,, اتكاليه ,,,,, من ناحية الشكل .. ماتهتم كثير بشكلها مع انها جميلة ...


شيخة :
فتاة عمرها 22 سنه ,,,,طالبة بقسم علم المعلومات والمكتبات,,,,,قطرية تعود اصل عايلتها للسعودية من ناحية الاب والام يعني بس اهم اللي في الدوحه والباقي في السعودية ,,,,, طويلة وسمراء يعني على خفيف ..,,,,, صفاتها الشخصية .. حساسه للغايه يغلب عليها الحزن .. رومانسيه ,,غامضه .. ماتحب الاماكن المكتظة بالناس,,,,,, من ناحية الشكل لبسها هم بسيط العباية والشيلة ( وتلبس لثمة لما تقابل الرجال) تحب الموضه وتكشخ على حسب النفسية


مريم : ( مابينت لين الحين بس انتظروا قصتها )
فتاه عمرها 20 سنه ,,,,قطريه لكن خوالها من البحرين ,,,,,طالبه بقسم الاعلام وباقي لها سنه وتتخرج ,,,,,صغيرة الحجم ونحيفه .. مملوحه .. حنطية اللون ,,شعرها طويل جدا واسود اللون ,,,,,,,صفاتها الشخصية .. حنونه ,, حساسه ,, مرهفة المشاعر ,, عايشه في احلامها الخاصه ,, خجوله ,, ,,,,,من ناحية الشكل .. بسيطه في لبسها العباية والشيله بس تحب تحط اشاربات ملونه بعض الاحيان وماتحط ميك اب الا ماندر وخفيف



الساعه 2,15 قريب العصر ...واغلبية البنات ارجعوا لبيوتهم الا شيخه اللي كان عندها عملي وراح تقعد في الجامعه لين الساعه ست المغرب ...
أما باللنسبة للعنود .. مثل مامر علينا اهي الحين في بيت عمها بو راشد ...

ام راشد : مرحبا هلا والله ببنيتي العنود وينج من زمان مالج حس ولا خبر ...اشتقنا لسوالفج
العنود :فديتج يمه والله انا اكثر بس تعرفين الجامعه من الصبح للعصر واذا جيت حيلي منهد ... حتى اليوم سفهت للمحاضره علشان اشوفكم اشتقت لكم ...
ام راشد :فديتج واحنا كلنا اكثر ( ام راشد تموت على العنود ومن صغرها واهي تقول العنود ماراح تاخذ الا ولدي راشد ... ومتمسكه فيها جدا)

وشوي الا منيره اللي داخله عليهم ...واهي تهلي وترحب ...

منيره :مرحبا اشهد اني صادقه بالعنود بنت محمد ..نور البيت
العنود واهي في قمة الخجل : بوجد اهله ( هني العنود حست بالذنب تجاه بيت عمها اللي مستانسين بوجودها ظنا منهم انها جايه مشتاقه مادروا انها ماجات الا علشان شي بتسويه علشان تفك روحها من زوجها على ولدهم ..
وشوي ونوره داخله : مرحبا بالعنود زين اني رقدت عند اهلي علشان اشوفج يالقاطعه ولا تقولين عندي بنت عم مسكينه ....ماحد يسأل عليها والكل نساها ...

العنود: افااااااا كله ولا النوري ...فديتج ...

وشوي الا العنود تغمز لمنيره علشان يروحون داخل ففهمت عليها منيره وقالت ...يالله العنود تعالي ندخل داخل ...ل
الا امها تقاطعها وتقول :على وين خلي بنت عمج تقعد بعد شوي بنحط الغدا ...
العنود: اوكي خلاص منور خلنا نتغدى بعدين ندخل ...

وقعدوا يسولفون لين حطت الخدامه الغدا وقعدوا كلهم يتغدون ...وشوي ماسمعوا الا صوت حلوووو مستطرب جايهم من برى يغني ....

الاماكن كلها مشتاقه لك ...والعيون اللي نرسم فيها خيالك والحنين اللي سرى بروحي وجالك ...ماهو بس انا حبيبي الاماكن كلها مشتاقه لك ...

ودخل وشوي الا صدت العنود علشان تتغطى لانها تفاجئت ظنت انا مافيه احد في البيت الا البنات ...واهو بعد تفاجئ بوجود ضيوف وقف ...واهو منزل راسه ...احم احم السموحه مادريت ان فيه احد ...
واهو يمشي يبي يروح حجرته ..اللي فوق ...

ام راشد : راشد فديت عمرك مافيه حد غريب هذي بنت عمك العنود ...

وشوي الا يرجع ويلف راسه وكان يبتسم ...ويقول ...هلاوالله ببنت محمد شلونج عساج بخير ...

العنود :يسرك الحال بخير ...الله يسلمك ..

ونتظر راشد انها تسأله عن احواله لكنه نزلت راسها وماقالت شي ...

فصد وراح على حجرته ....

والعنود في نفسها ..( اوووف يامغث دمك لا وراز وجهه ويسلم ....يحسب اني الحين ميته فيه ولا راح اعبره ..يالله مابقى الا الشي القليل وافتك ...يارب صبرني )...

وخلصوا وراحت ام راشد علشان تقيل لها شوووي ..ونوره راحت تشوف مسلسلها المفضل ...والبنات راح وصعدوا فوق ....وشوي والا مقابلهم راشد اللي كان نازل ...وكاشخ ...وريحت عطره ماليه الجو

منيره :وخروا عن الشيوخ ...اف اف وشهالكشخه ...يابخت اللي رايح لهم

راشد ...وباستظراف : اقول ياشين اللقافه ....وخري خليني امر تأخرت ....
واهو نازل يلتفت : منور
اقول لاتنسين ترتبين حجرتي وتبخرينها ...وتجهزين لي شنطة وتحطين فيها كذا ثوب لاني مسافر

منيره :على وين ان شاء الله..

راشد :يومين باروح البحرين وراجع ..

العنود بينها وبين نفسها ( انسان قمة الفشل والاتكاليه لا وبعد رايح يصيع ويبوني اخذه اخ يالقهر صبر جميل والله المستعان ....بس ابيه اخاف يسافر قبل لاسوي خطتي خلني اقول لمنور )

ولما دخلو الحجره :::
العنود لمنيره : منور أقول راشد متى بيسافر ...

منيره وفي محياها ابتسامه : ليش من الحين بديتي تحنين له

وتضربها العنود بالمخده : ياثقل دمج لا طبعا بس كذا اسأل لااكثر ولا أقل ...لاني افكر ابات عندكم اذا وافقت امي وابوي ...

منيره : اهااااا ياليت والله بس صبر شوي بدق عليه وبشوف ...

خذت منيره جوالها اللي كان مرمي على السرير ودقت على راشد
منيره :الو رشود تعال ابي اسألك متى بتسافر؟
راشد :رشود في عينج اصغر عيالج ....ليه تسألين ؟
منيره : لا بس علشان اذا بتروح بدري اجهز اغراضك بعد شوي
راشد :بسافر اليوم الليل على الساعه عشر ...
منيره :اوكي خلاص باروح اجهزها بعد شوي يالله بااااي
منيره للعنود :عنودي قال انه بيروح اليوم في الليل شرايج ترجعين البيت وتاخذين اغراضج وتمسين عندنا ..

العنود وبإرتياك :هااااه ..اوكي خلاص انا اذا رحت البيت بستأذن واذا وافقوا برجع ان شاء الله ...

العنود لمنيره :منور فديتج ماعندج بيبسي مشتهيته..
منيره اللي تفتح ثلاجتها : لاحبي ماعندي الا سفن اب ...اذكر ان رشووود يحب البيبسي اكيد في غرفته بروح اشوف وبجيب لج ..انتظريني ...

العنود : خلاص أوكي انتظرج ....

هني العنود اغتنمت الفرصة وقامت بسرعه وخذت جوال منيره وعلى طول على اخر المكالمات الصادره وشافت رقم بأسم ( عزوتي راشد) وعلى طول خذت قلم من الطاوله وكتبته على يدها ..وشوي ......


***********

[فيتامين سي]

"""""" الفصل الثالث"""""""
(( ~~ ياترى ليش ؟؟؟؟؟~~))

الساعه 3 مساءاً , المكان جامعة قطر ... حول المكتبة ...كانت شيخه قاعده تنتظر العملي وهي في قمة الملل ...والجو في قمة البرد ..خذت الكوفي وشربت منه شوي إلا وتلفونها يدق ..شافت الشاشه ... الا ..
( كامل الزين يتصل )...فأبتسمت وردت بلهفه ...

شيخه : مرحبا اشهد اني صادقه بكامل الزين ..
كامل الزين :هلاوالله شلونج حياتي ان شاء الله تمام ..اشتقتلج وايد اخبار الاهل ..
شيخه : الحمدلله أخبارك أنتي ...وينك مانشوفك ماتزورينا ولااشوفك لافي المنتدى ولا في المسن اختفيتي نهائيا ...
كامل الزين : انا والله ماقدرت ادش النت هالايام ...كنت مشغوله بفرح بنت عمي ...والحمدلله خلص وكنت فيه رووووعه خخخخ واثقه صح ...وراح اوريج الصور قريبا
شيخه : ههههه اذا ماكنتي واثقه من اللي راح يكون واثق اصلا متأكده انك راح تكونين قمر ..راح تدشين المسن اليوم
كامل الزين : ان شاء اليوم في الليل كالعاده في نفس الموعد الساعه 12 ... وراح تلقيني في المنتدى بعد ...على الطاري اخبار دلوووووعة المنتدى تشوفينها في الجامعه ....؟؟؟؟
شيخه : أي شفتها اليوم صدفه وتسلم عليك ...ميوي اخليكي الحين راح القاكي على المسن بدت المحاضره يالله باي

( كامل الزين : هذي بنت جيران شيخه واسمها مي واهل شيخه علاقتهم بجيرانهم جدا عميقه لانهم يعتبرون اقرب ناس لهم بسبب ان مالهم احد في الدوحه واهلهم كلهم في السعوديه ومي تعتبر صديقه مقربه لها وكانت معها ايام الدراسه...ومادشت الجامعه بسبب معدلها البسيط ..وصداقتهم عميقه لدرجة انهم نفس التفكير ...ولهم اسرار خاصه بينهم ....راح نعرف الكثير عن علاقتهم لكن مو الحين )

سكرت منها شيخه ولبست لثمتها ودخلت ورا الدكتور اللي كان متأخر ....
في نفس هالوقت وفي منطقه الريان ..
كانت العنود ماسكة جوال منيره ...واخذت اللي تبيه منه وشوي ..
شوي الا اللي داخل عليها بقوووووو...

مبارك ....اهااااا طبيت عليج ...عنودي عندنا ..هلا والله
العنود وهي تخش جوال منيره وراها وهي في قمة الارتباك والخوووف من ان أي احد يكتشفهها ..: من برووووك حرام عليك روعتني ....
مبارك :ليش روعتج انتي كنتي تسوين شي ؟؟؟؟؟
العنود :انا لا يعني وش بسوي
مبارك : انزين وش اللي خاشته وراج
العنود :واهي تشوف يدها انا ماشي الا تلفون منور..كنت اشوف مسجاتها
مبارك وهو مو مصدقها :اهاااا انزين انتي ليش خايفه ...اسرقي مسجااات على راحتج كل شي حلالج ..
العنود : خخخخ الله ياخذ بليسك ...وع من زينها مسجاتها ....الا صدق وين كنت لما تغدينا مالك حس
مبارك : كنت ألعب بلاي ستيشن مع ولد جيرانا صلوح..
العنود : اهاااا
مبارك: انزين يالله اخليج باروح اصلي العصر تامرين على شي ...
العنود: سلامت روحك مابي شي ..
وطلع مبارك ...وهني العنود بسرعه نزلت جوال منيره وسجلت الرقم في جوالها ...وراحت تطالع من الدريشه ..
( مبارك اهو اصغر واحد من عيال عمها ..وعمره 11 سنه ...واهو يحب عيال عمه بس العنود سبشل يعزها حيل ويستانس على القعده معاها ...عمها توفى واهي في الاعداديه ..ومايسكن في البيت الا زوجة عمها أم راشد وعيالها ...راشد ومنيره ومبارك ...أما نوره فهي الكبيره ومتزوجه من ولد خالتها محمد وعندها بنت عمرها 3 سنوات واسمها غلا وحامل في الشهر السادس )

رجعت منيره ومعاها البيبسي ...
منيره : عنودي سوري حبي تأخرت عليج رحت ارتب اغراضه بالمره ...علشان اقعد معاج ..
العنود : منور فديت روحج انا باروح البيت ارقد ...وبكلمج اعلمج اذا امي وابوي وافقوا اني اجي ابات عندكم ..
منيره : مسرع حرام عليج اقعدي شوووي على الاقل لين تشربين البيبسي اللي حفيت لين جبته...
العنود: لافديتج بروح ارقد باموت تعب ....يالله انا رايحه السياره بره تنتظرني ...
منيره : خلاص على راحتج ...

رجعت العنود لبيتهم ...
في مكان ثاني ..من دوحة الخير ....وتحديد في فيلاجيو ..كانت مريم تطلع من محل لمحل بسرعه ..ومعاها أختها الصغيره ..الريم وبنت عمتها هدى ....

هدى : مريوم شوي شوي تعبت وأنا ألحقج ...خففي شوي
مريم : شوفي كم الساعه الحين ....
هدى واهي تشوف ساعتها خير تووو الناس الساعه 7 ونص ..
مريم : انزين يالفالحه عمتي شنو قالت ماقالت الساعه ثمان تكونون في البيت ...حبيبتي زين ان امي وافقت اني اروح لفيلاجيو والله لو يشوفونا محمد أخوي وناصر أخوج والله لايورونا الويل تعرفينهم اربعه وعشرين ساعه هني مادري وش يبون ؟؟؟؟؟

هدى : ههههه يالخوافه ....يالله انزين صبر بس باخذ لي كوفي ...خاطري فيه
مريم :والله ماراح يورطنا الا انتي
الريم وهي تشد عبايه مريم :مريووووم ابي جنغل زوووون قريب خلينا انروح شوي ونرجع امانه
مريم :والله احلفي قولي والله اكملت ...حبيبتي احنا خلاص في الليل مانقدر انروح بنتأخر ان شاء الله مره ثانيه بنروح جنغل زووون العصر علشان تلعبين وايد شرايج ...
الريم واهي ماعجبها الرد :لالالالامابي ابي ألعب
مريم : مااقدر فديتج شرايج في ايس كريم ماتبين ؟؟؟؟اول مانطلع بشتري لج من باسكن روبنز

مريم لهدى : هدووي يالله دقي على الدريويل قولي له يوقف عند البوابه بسرعه ....واهي تلتفت لها ورى ماشافت الا اللي واقف يكلم هدى ...

مريم واهي في قمة الغضب من المشهد اللي تشوفه ...وتمشي متجهه لهم
مريم :هدى ووجع من هذا اللي تتكلمين معاه ماتستحين ...والله الشرهه مو عليج علي انا اللي جايبتج...
وهي تلتفت للشاب اللي واقف ...
واهي تطالع فوووق علشان تشوف وجهه:
مريم : وأنت عسى ماشر ماتستحي ...و ....
فجأه سكتت واهي في قمة الاحراج ... ونزلت راسها
مريم : من ناصر ... سوري ماعرفتك ..
ناصر وهو يبتسم: هههههه شدعوه ماعرفتيني ..وبعدين حرام عليج بغيتي تاكلين اختي وتراهي غاليه ومارضى عليها
مريم :. ايه بس تخرعت ادري فديتها انها اكبر من هالاشياء بس ظنيت ان احد يتحرش فيها وعمتي مأمنتني عليها ...
ناصروشوي متغير وجهه : وتعالي لاتاخذيني بالحجي ...تبووون تتهربون ليش جايين هني مومنبهين عليكم أنا ومحمد ان مانشوفكم هني ولا مالنا كلمه عليكم ..
هدى : والله مالي دخل مر.....
وتنغزها مريم: ايه جينا هني لان امي تبي غرض ومو موجود الا هني ...وبعدين احنا من شوي جايين وبنطلع الحين يعني ماطولنا ..
ناصر : انزين خلاص انا اللي برجعكم البيت وانتي هدوووي كلمي الدريول قولي خلاص لاتجي ..
مريم وفي خاطرها ( اووووف ياربي ماراح يخليني اشتري اللي خاطري فيه
ناصر : مريم مريم وين رحتي اقولج تبين شي بعد ولا ارجعكم .
مريم : لا خلاص خلصنا ...خلنا نرجع
ناصر وفي خاطره ( وأخيرا ..تكلمت معي وعطتني وجه ياكثر يارب تحس فيني )
ناصر : يالله مشينا
ورجعوا الدفنه اللي كان بيت عمة مريم فيه ...

أم ناصر ( عمة مريم ): اشوى انكم رجعتوا في الوقت اللي قلته لكم ولا كان صارت علوووووم

مريم وأهي تبوسها الله يخليج لنا يااحلى عمه في الوجود ..أموووووووواه

ناصروهو يحاول يغث مريم : بس يابنت الخال ترى العقاب لازال ....وعقابي لج انتي وهدوووي انكم تروحون للمطبخ وتسوون لي بيض عيووون صراحه ميت جوووع وماتعشيت ...فشرايكم قبل لا اغير رايي واقول لكم تغسلووون السياره .؟؟؟؟

هدى :أوووووف كله منج مريوووم
مريم :نعم نعم انا ماطقيتج على يدج انتي بعد تبين تروحين ....

ناصر : اقول ترى طووولتوا السالفه وهي قصيره يالله قدامي على المطبخ

مريم تقوم واهي تشعلل من داخل وتلحقها هدى ....

وفي المطبخ ...

مريم : اه يالقهر ..أخر زمن الشيخه مريم تطبخ ولا لناصر الزفت ..

هدى : خخخخخخ احسن علشان تتعودين اذا تزوجتيه

مريم :نعم انا اخذ هذا وليش ان شاء الله بسم الله علي ..

هدى : وليش وش فيه أخوووي ...ليكون حاطه عينج على حد ثاني

مريم : لاثاني ولاثالث بس انا مافكر في هالاشياء الحين وهدوي اذا سمعتج مره ثانيه تسولفين هالسوالف والله أقول لعمتي ...( ومريم في داخلها تقول آآآآه ياهدوي والله انج يبتيها على الجرح أي احب ومبين في عيوني بس للاسف هذا الحب ماله امل ومو لناصر ...لواحد أحبه مو داري فيني ..


وشوي تدخل عليهم الريم : هيه انتوا يقول ناصر ماصار بيض عيون خليتوه ذبيحه يقول خلصوا بسرعه وراه طلعه

مريم : انزين قولي له الحين بنخلص .اووووف

مادروا ان ناصر طول الوقت كان يراقبهم من فتحت الباب وسمع كلامهم كله ....وتضايق لما عرف ان مريم ماتفكر فيه ...

مريم لهدى : الا اسألج هدووووي اخبار سيف متى بيرجع من برى ؟؟؟؟

هدى : أي فديته أمس كلمنا وقال يمكن يجي في عطلة الربيع ..واصلا اهو مابقى له شي ويرجع ..ياي اشتقت له موووت واشتقت لهواشه لي... ولقلبه الحنون الصافي

مريم : الله يرجعه بالسلامه ...وتسرح لبعيد وتذكرت لما كانوا اهي ومحمد يباتون عندهم واذا جات حزة الفجر يروحون للسطح يلعبون ورقه ..لين تشتد حرارة الشمس وينزلون ...وكيف كانت تحب تقعد معه وتسمع لسوالفه ولصوته الحلو وعزفه على العوووود

هدى وهي تضرب مريم بالعنب : هي انتي خلصي بياكلنا الاخ تأخرنا عليه
مريم :أي ابيه يالله

خلوني اعطيكم نبذه عن عائله مريم ....وعن حياتها ...

( مريم مثل ماذكرنا قطريه بس امها بحرينيه وامها وابوها قمة في الطيبه.ومريم مرتبطه واجد مع اهل ابوها وخصوصا عمتها ام سيف ..وتحب انها تقضي اغلبيه ايامها عندهم .عندها .أخت وحيده وصغيره وبينهم 10 سنوات اسمها الريم وعمرها 9 سنوات واهي صف رابع ابتدائي وماعندها الا اخ واحد واسمه محمد وعمره 25 سنه ويدرس هو ولد عمته ناصر اللي هو رفيجه الروح بالروح في كليه شمال الاطلنطي وهم مغازلجين درجه اولى ...اما عائله عمتها ام سيف فتتكون من سيف 27 سنه ويدرس في امريكا هندسه بترول ...وناصر وعمره 25 وذكرناه قبل شوي .. ومي وعمرها 21 وتدرس تاريخ في جامعة قطر وسلمان 18 اخر سنه ثالث ثانوي والتؤام شوق وذوق واعمارهم 9 سنوات وصف رابع ابتدائي ...) ...

المهم طلعوا مريم وهدى من المطبخ متوجهين للصاله ...ولما دخلوها مالقوا الا سلمان ...قاعد يشوف مباراه ..وباين التأثر في وجهه بقوووو

سلمان : يالله ..ايه ..تكفى سجل هدف ....ايه . لالالالالالالالالالالالا
هدى : سلوووم وطي الصوت شوي بطيت اذونا
سلمان واهو يأشر بيده من دون ما يلتفت عليهم بمعنى اسكتي ..
مريم : سلمان ...سلمان
سلمان : اووووف مايخلون احد يتابع نعم خير ..
مريم : اقول وين ناصر ... ماشوفه ..ماكان هني قبل شوي ؟؟؟
سلمان واهو يشوفها : ايه صح ذكرتيني ...يسلم عليج انتي وهدى ويقول عطوا البيض اللي سويتوه
0 واهو يأشر على نفسه) للشيخ سلمان ...يقول خلاص مايبي بيطلع ياكل في مطعم معزوووووم..
مريم واهي منقهره وتلتفت على هدى ومبيين في وجهها علامات القهر :
اووووف شفتي اخوج السخيف ... والله اوريه بس اشوفه ...ومالي قعده هني كلش على اخر زمن مريم بنت احمد تشتغل خدامه ...

وتمشي واهي مسرعه ...وهدى تلحقها ..

هدى : مريوووم صبر اوقفي تعالي .ماعليج منه هالاهبل حركاته جي دايما ... امانه لاتخربين علينا السهره ....بكره اجازه ونبي نخلي السهره صباحي ...

مريم والعبره خانقتها : والله ماقعد في هالبيت ولا ثانيه ...
وتمسك التلفون وتكلم أمها :

مريم وبإندفاع : ألو يمه وينج ... لين الحين عند خالتي سميره
ام مريم : لاغناتي ..انا رجعت من وهل وبنام بعد شوووي
مريم : لاتقولين تكفين يمه خلي ابوي يجي ياخذني ابي ارجع
ام مريم : ليش غيرتي رايج ماراح تباتين عند عمتج
مريم : لا مابي ابي ارجع الحين
ام مريم : بس انتي ماطلبتي تنامين عندهم ..
مريم :أي بس خلاص غيرت رايي
ام مريم :أي بس ابوج دايخ وقاعد يشوف الاخبار ماظنتي يقدر اييبج
مريم : اوووف يمكن تكفين ماقدر اقعد كلش
ام مريم : حبيبتي ابوج اسمحيلي تعبان وما قدر اتعبه اكثر تبين ترجعين اتصلي على اخوج محمد ..
مريم :يمه مستحيل اييبني محمد الحين تو سهرته باديه واهو ماهمه الا نفسه ..
ام مريم : والله كيفج هذا المتوفر شوفي انتي اتصلي وشوفي شنو بيقول
يمكن يوافق واذا رفض مالج الا انج تباتيين عندهم
مريم واهي فاقده الامل : خلاص بحاول يالله يمه مع السلامه

وسكرت من امها واتصلت في أخوها محمد اللي كان شكله مشغوووول

محمد : ألو هلا مريووووم شنو تبيين متصله
مريم : محمد تكفى تعال خذني من بيت عمتي تعبانه وايد مااقدر اقعد ولا ثانيه ...تكفى
محمد وشكله لاهي في شي : هااااه وش قلتي
مريم واهي تسمع الازعاج اللي عنده : اقووول تعال اخذني من بيت عمتي ابي ارجع للبيت تعبانه حيل
محمد : مريوووم سوري مااقدر انا في الدوحه الحين ومشغووول طالع مع الشباب بسيارتي ومااقدر ارجع ..وين ابوي
مريم : ابوي تعبان مايقدر يجي
محمد : خلاص شوفي انا يمكن ارجع عالساعه ثلاث او اربع الفجر اتصلي علي ذكريني علشان اخذج ولا اقووول مريوووم ....

مريم :هااااه
محمد : شرايج تباتين عندهم افضل لج ولي هههههههه ..
مريم : اقول الله لايحدني عليك مالت ....مامنك فايده ماعمري طلبت منك شي وتقول لي اوكي ..

وسكررت على وجهه وهو فاطس ضحك ...

في هالاثناء ألتفت عليه ناصر : اقووول يالخايس من تكلم

محمد وهو يغايظ فيه : من بعد رفيجتي المزيوووونه زعلانه علي لاني مسفه لها هالايام اللي رايحه تقول لي اكيد طايح على وحده ثانيه ...

ناصر : لا احلف ...والله انها ماشافت خير اللي تواعدك مالت عليك وعليها ...

محمد وهو يضحك : ياغبي صدقت لا اضحك عليك هذي الله يسلمك مريوووم

ناصر وفز قلبه : من مريووووم مااعرفها أي وحده ومن متى عرفتها

محمد : ياغبي أختي مريوووم بنت عمتك

ناصر وهو منحرج : اهااااااااا انزين وش كانت تبي غريبه مكلمه هالوقت

محمد : تبي ترجع البيت ماتبي تبات عندكم
ناصر : ليش عسى ماشر
محمد : لاابد بس تقول تبعانه وماتقدر تقعد ولا ثانيه
ناصر وهو يفكر بينه وبين نفسه : اكيد زعلانه من اللي سويته بس والله مو بيدي قهرني كلامها علي ...بس مافيه مستحيل اخليها تروح
ناصر : لا اكيد شي ثاني اصلا انا قبل شوي كنت عندهم ومافيها الا العافيه ..
محمد : اكيد يعني بخلي الوناسه واروح لها ..
...
في الريان الجديد ....
وفي بيت محمد بن جابر ال....
كانت العنود فاعده في الصاله ..وفي إيدها الجوال وتشوفه وترفع راسها تفكر ...

هيه ...أنتي ...وش فيج ..

رفعت راسها ...شافت أخوها جابر ... واقف عندها ...

العنود : هااااه لا ابد مافيني شي ..
جابر : انزين وين أمي والبنات
العنود : أمي دخلت حجرتها ومرتك طلعت المطابخ أما وضوح وهنوفي راحوا للجمعيه مع علوووي
جابر :غريبه وأنتي ليش مارحتي معاهم
العنود : مالي مزاج اطلع ....واهي توقف ...يالله انا بروح حجرتي تبي شي ...
جابر : لا ابد سلامتج
وتقوم العنود رايحه لحجرتها ...
دخلت وسكرة على نفسها الباب وقالت بينها وبين نفسها ..لازم اغتنم الفرصه ماحد موجود ...لازم اتشجع وسويها ولا راح تضيع الفرصه للابد ...
وقعدت على سريرها ...ودقت على الرقم اللي اخذته من منيره ...
وماهي الا ثواني الا وهي تسمع صوته من الطرف الثاني ..

راشد : ألو ...
العنود : ..........
راشد :ألو من معي
العنود : ..........
راشد : لاحول بترد ولا اسكر
العنود وهي في قمة الارتباك تحاول ان الكلمات تطلع بس مافيه فايده الخوف ممتلكها
راشد : الظاهر ماتنعطى وجه ...طرااااااااااخ وسكر السماعه

العنود ....يمه صوته يخوف وهو معصب أخااااف يحرجني
وقامت تشوف ساعتها اللي كانت 10 الا ربع ... ابيه مابقى شي اكيد بيسافر الحين خلني اكلمه وانهي السالفه وافتك على طوووووول

العنود خذت الجوال ودقت عليه مره ثانيه ....
راشد وهو في قمة الهدوووء: لو سمحت رد تبي شي انا مو فاضي للعب
العنود تشجعت لما شافت ان نبرة صوته هدت ..:ألو
راشد استغرب الصووووت : هلا من معي
العنود : راشد
راشد : معاج راشد مين معاي؟؟؟؟
العنود : اخبارج راشد
راشد وانواع علامات الاستفهام على راسه؟؟؟؟؟؟؟؟: الحمدلله بس ماقلتيلي من انتي ؟؟؟
العنود وهي وشوي وتصيح ...:أأأأناااااا ....ال العنود
راشد وهو يحاول يتذكر :العنود من العنود ...؟؟؟؟؟
العنود : العنود بنت محمد ...بنت عمك
راشد : اهاااا هلا والله بالعنود اخبارج ....غريبه متصله لايكون في الاهل شي ؟؟؟؟
العنود: لالالا بخير الكل بخير وعافيه
راشد : اوووووه اسمحيلي تروعت حسبت حد فيه شي .... شلونج وشلون الاهل وعمي محمد والشباب
العنود : الكل بخير ....راشد ...ادري انك مستغرب اتصالي بس انا كلمتك علشان موضوع مهم جدا
راشد: أمري ....تبين شي ..
العنود : مايامر عليك عدو بس الموضوع يخصني ويخصك ....موضوع زواجنا ...
راشد وفي محياه ابتسامه ...: ايه شفيه ....اذا تبينا نأجله لين تتخرجين خلاص ولا يهمج ..
العنود : لا راشد فهمتني خطأ ...مو هذا اللي ابي اكلمك فيه
راشد : اجل وشو ؟؟؟؟؟
العنود : ابقولك الصراحه ....صراحه ....ياااااااااااراشد وسكتت شووووي ماقدرت تكمل خافت
راشد : العنود وينج ....هااااه وش كنتي بتقولين ؟؟؟؟كملي اسمعج
العنود : راشد .... الصراحه أنا ماأقدر اتزوجك
راشد وبدت معالم وجهه تتغير بعد ماكانت الابتسامه ماليه وجهه .....؟؟؟ عسى ماشر ...
العنود : راشد صراحه أنا ماأقدر اتخيلك زوج لي . وانت تعرف أني صريحه ومااحب اكذب ...وابووووي غاصبني الا اخذك ...
راشد وبدت معالم الاحباط والغضب تكسو وجهه ...: انزين والمطلووووب
العنود : ابيك توضح لابووووي انك صرفت نظر وانك فكرت وشفت اني مااصلح لك ...صراحه ياراشد اسمحلي مااقدر والله مااقدر تكفى لاتظلمني وياااااك
وشوي ينفجر في وجهها راشد وكل حزن الدنيا ماليه ....:
نعم ..... هذي كل السالفه ....ليش انانيه ليش ...ليش ماهمج الا نفسج ليش مافكرتي فيني وفي احاسيسي ولا لاني اعرج ومستواي التعليمي مو ذاك الزوووود ...اعترفي قولي ....

العنود : لا تكفى ياراشد لاتفهمني غلط ....والله مو عشان جذي ...راشد صراحه انتا مو فتى احلامي ...ليش ماتقدر تفهمني ...وتقدر وضعي

راشد: اقدر وضعج ....وتقولينها وبكل وقاحه وبساطه بس يكووون في علمج انا اللي في راسي بسوووويه وانتي تعرفين هذا زين ....وبالنسبه للعرس راح يتم .....يعني بيتم ...وماهمني رايج ...

العنود وهي خلاص الدمووووع طفرت من عيونها وغضب الدنيا تجمع وتكون فيها : انا الغلطانه اللي متصله فيك وحاسبتك انسان اهم مالديه كرامته ....بس طلعت انسان بلا شي بلا قلب وضمير واخلاق ياخي مابيك مو غصب مااحبك افهمها ....

راشد واهو خلاص ماعاد يقدر يستحمل اكثر : اقووول بلى كلام واجد ومافيه فايده ..لانه لاراح يقدم ولا يأخر ....ويكون في علمج ترى اول مارد بكلم ابوج وسيده ملكه صراحه ماتنعطيين وجهه

العنود : ياحقير ياسافل ......وتسكر في وجهه

سكرت العنود منه واهي خلاص تلاشى الامل عندهااااا....آه يالقهر أنا غبيه تسرعت .....ألحين خلاص مافيه أمل ...اذا كان بتزوجني رغبة فيني ألحين راح يتزوجني علشان يذلني اعرفه مايحب حد يخالف رأيه ....
وقامت تصيح وتصيح ...ماقدرت تسوي شي

وراشد كان حاله اسوء واسوء كان في طريقه ...لشباب علشان يمشووون للبحرين بالسياره ....
كان اليأس محتويه ....
وقف على جنب الطريق ...وحط راسه سكان السياره ....
يارب ...ارحمني ...ليش الكل ماخذ عني فكره شينه حتى البنت اللي حلمت انها راح تمسك بيدي واعيش حياه جديده معها من بعد اللي صار لي ....تبي تفك نفسها مني ....وش اسوي بحالي ...ليش مافكروا بنفسيتي بعد الحادث ليش مافكروا اني ماعدت اقدر اكمل من نظرت الناس لي ...واحساسي بالنقص ....فما عدت استحمل ....

...ليش يالعنود دمرتي حلمي واحلامي الجايه ....
كملت دراستي ...بالسر علشان ماحسسج انج ماخذه واحد ماعنده شهاده ...وكنت ناوي اكمل الجامعه معج برى ....آه ياللاسف

( راشد ....شاب بدوي عمره 26 سنه ..تتجلى فيه معالم الرجوله ...وسيم ..ملامحه حاده ..نظره احد ...طول شامخ ...مثل ماقلنا اعرج ....بسبب حادث تعرض له واهو صف اول ثانوي لما كان يشل مع ربعه ...بعد مباراه حافله فاز فيها العنابي ...بس انتهت الوناسه لمأساه ربعه اللي معه في السياره اللي مات واللي تشوووه ...فأصابته حاله نفسيه لدرجة انه اختلى في نفسه وودع حياته كلها لمدة ثلاث سنوات ....بعيد عن الناس ...كان يحس بنظرات الشفقه والعطف من الناس وهو ماتعود على هالشي ...بس من اربع سنوات ...راجع نفسه وتقبل وضعه ودرس بالسر في مدرسه ليليه ....وجتاز الثالث الثانوي ...وبمعدل كبير ....وشتغل بفلوس كان والده مخليها له قبل موته خوفا عليه بما انه ماكمل دراسته ...فستلم الاعمال التجاريه اللي كان الوالد يزاولها ..وحقق الكثير لدرجة ان الاعمال تعدت الدوحه .....فكثيرا ماكان يسافر ..تعب كثير ...لكن انجز الكثير.)
وفي مكان ثاني ....
مكان تملأه الرومانسيه ...
قمة الانسجام بين اثنين ...
وعلى صوت فيروز الرائع ..

كانت لطيفة تعيش اجواء خاصه ...تحس انها طايره فووووق ..

كانت معزومه على عشاء رومانسي من زوجها على احد المطاعم الشهيره في الدوحه ...

لطيفه : خالد ...فديت روحك ...شكرا على المفاجاه الحلووووه وعلى الطلعه الحلوووه بس انت متعب نفسك وايد معاي توك جاي من شغلك منهد حيلك الا تطلعني .....حبيبي والله تعب عليك

خالد وهو يبتسم ابتسامته اللي تحبها لطيفه وبأسلوبه الغزلي المعتاد : افاااا ان ماطلعت حبيبتي لتو من أطلع ...وبعدين من قال اني تعبان ابد ..اصلا الطلعه معاج تنسيني التعب كله ...

وشوووي الا دقت تلفون لطيفه تقطع عليهم الجوو ...فأبتسمت لطيفه واهي تطلع جوالها من الشنطه وتستأذن من خالد شوووي علشان ترد ....

لطيفه وهي موطيه صوتها : هلا والله بعنووودي اخبارج حبي ...
العنود وهي مقطعه روحها من البكي : ألحقيني لطوووف بمووووت
لطيفه وهي متخرعه : عنود وش فيج خوفتيني فيج شي
العنود : الحقير السافل مصر على رأيه
لطيفه واهي ناسيه السالفه : من هو ....من هذا السافل
العنود : الحقير رشوووود لا ويهدد انه بعد كم يوم راح يتقدم لي ...أخ بمووووت

وشوي الا خالد يتضايق ويأشر لها بيده تسكر ...
فأرتبكت لطيفه وقالت وهي متضايقه : خلاص حبي يكفي بجي ...شوفي حبي انا طالعه اول مارد البيت راح اتصل عليج اوكي حبي..

العنود واهي خلاص حست ماحد واقف جنبها ولا فاهمها
سكرت ...واهي في قمة اليأس والاحباط كأنها واحد مودينه قبره

لطيفه حست برفيحتها فتمت مبوزه على خالد...لين ارجعوا لبيتهم.



************

[فيتامين سي]

""" الفصل الرابع """
(( ~ ~ ارجوك ...كله ولا تزعل ~ ~))
الساعه 12 في الليل ...
دخلت ...شيخه غرفتها ...واهي تلهث من بعد هوشه لها مع أختها اللي أصغر منها ....
شيخه واهي تسكر عليها الباب : الله ياخذك ...ذبحتيني عليك متن مو طبيعي خلاص انقلعي قبل لاتوطى ببطنك يالحيوانه
نجلاء واهي تركض وراها وتدز الباب تبي تفتحه : اقول افتحي الباب قبل لاكسره عليج ...افتيحيه اقولك افتحيه بعد لين الثلاث اذا مافتحتيه بارويك شي ماعمرك شفتيه ...واحد ....اثنين ....ثا
شيخه : جب جب والله ماافتح لك بايعه عمري
نجلاء : بعيد العد من جديد وانتي كيفك ....,واحد ..اثنين ...ثا لا ثه ...
وتدز الباب وشيخه ميته خوووف وضحك ....يمه ألحقي على بابنا بينكسر
نجلاء بعد مايأست : اوكي يالبقره اليوم بخليكي بس والله ان ارويك شغلك وبخليه مفاجأه علشان تحرمين أنك تاكلين كوافيي يالسخيفه

وراحت نجلاء واهي في بالها تتحلف في شيخه اللي ماهمها احد وكل يوم تاخذ غرض من اغراضها بدون استأذان..ان ماوريتك ....اصبري علي

شيخه وهي تتصوخ وحاطه اذنها على الباب اتشوف نجلاء راحت ولا لا ....
شيخه : اقول احسن لي ماافتح كلش وانام لاتذبحني هالدبه ...بس انا استاهل ماتوب ابد ...
شيخه واهي تنسدح على سريرها ...وتقعد فجأه ...اوووووبس نسيت انا مواعده مي على المسن ...وتقوم وتاخذ اللاب توب وتفتحه وتشبك نت ...

واول ماافتحت المسن مالقت مي شابكه ...بس فيه كذا وحده من البنات اللي ضايفتهم من ربعها ومن المنتدى اللي كانت مشاركه فيه ...
ودخلت المنتدى ...وراحت ترد على المواضيع الجديده ....
وقعدت تنتظر مي بس مي مادشت ....وشافت الساعه لقتها 12,45 ...كانت تبي تتصل عليها بس غيرت رأيها كان الوقت متأخر ...
تبي تطلع ماشافت الا رساله خاصه ....جاتها من المنتدى ...وكانت من ...كلك نظر ...
كانت شيخه مستغربه :...غريبه وش يبي هذا ...خلني افتحها واقراها
فتحت شيخه الرساله ..اللي كان مضمونها ...اعجاب بمواضيعها وردودها ولكن بأسلوب محترم وبعيد كل البعد عن الكلمات البذيئه...

اول شي كانت مستغربه ومتوتره لانه ماكان فيه أي احتكاك مع هذا العضو ...كان مشترك جديد ...وقليله مواضيعه بس مبين عليه انه شاب متدين ....ومحترم في اسلوبه ..
بس اهي انبسطت على الرساله..وفي نفس الوقت متخوفه الامر لانه أول مره يمر عليها ..فحبت تعرف اكثر عنه وعن غموضه وراحت تقرا مواضيعه وردوده واكتشفت انه ....انسان متميز في ردوده ومواضيعه ...

بعدها بنص ساعه شافت انه مافيه فايده من دخلت مي للمسن فسكرت المسن والمنتدى وطلعت ...واهي تفكر والنعاس ذابحها ...فانسدحت عالسرير وراحت في سابع نومه ....

شيخه نامت ...لكن هناك عيون ما طبها حلووو النوم ....

العنود .... اللي كانت في حالة هدوووووووووء بعد البكي اللي بكته ...بعد ماحست انه خلاص مافيه أمل ...وان مافيه احد يسمع لها حتى رفيجتها لطيفه اللي ألتهت مع زوجها ...
وقعدت تفكر ....
العنود : اوووف وش اسوي ...يارب والله محتاره ...لازم ادور لي طريقه يفكني ويعتقني ....ماطيق فكره اني اعيش معاه ...يارب احلامي كلها ضاعت ...
ومن القهر ماشافت الا انها ماخذه الجوال وقامت تكتب سب وترسله لراشد ...
اللي كان في هالوقت منسدح وسرحان في اللي سواه ...وشوي ماسمع الا صوت المسجات اللي وصلت له ....ورى بعض ...
قام يقراها ....وهويبتسم من اسلوبها ومستغرب جراءة بنت عمه ....
وقام وارسل لها رساله ....ألجمت ألسانها وتصرفاتها ..
بطلت الرساله ولقته كاتب فيها ...( الله على التربيه السنعه يابنت العم ...خوووش بنت ...بس ماقول الا انتظريني وخليني في بالج عدل ان ماجيتيج وسنعتج ....وسمعيها عدل ...ماكون راشد بن حمد على سن ورمح .....اصبري مابقى الا القليل يابنت العم ....)
لما قرتها .... ارتعد جسمها بكبره .....وانسدحت ...واهي خلاص ...ماعاد فيها تستحمل ... ضاقت بها الوسيعه ...

و عيون مريم ...

اللي كانت قاعده في الصاله ....وعينها على الساعه مره ومره على الجوال .....مع ان الساعه صارت 1,15 ...الا ان عندها امل ان اخوها يتصل عليها ويقول اطلعي ...
وشوي الا تطل عليها من فوق ...هدى واهي تصفر لها ....لكن مريم كانت في قمة السرحاااان ومانتبهت لها ....
ونزلت واهي تراكض ...وفي يدها حب شمسي ....هيه ...( واهي تنغزها ) هيه انتي ...مريوووووووم ...

مريم اللي انتبهت لها بس سوت نفسها زعلانه ....: نعم ...خير ...وش تبيين
هدى واهي تاكل : مريوم يالله عاد كيفج الفلم الهندي راح يفوتج ...يالله خلصي علينا بلا دلع يالله امشي خلينا نسوي شاهي ونروح فوووق انتفرج على الفلم يقولون خطير ....وجديد ...وبعدين تعالي ...لين ألحين عندج امل أن اخوج حمود اييج ...والله انج متفاءله اقول قومي لاتخربين وناستنا ...أمشي

مريم واهي تتغلى وكل ماذكرت موقف ناصر تراجعت عن القعده : لا اسفه ...ماني بقاعده ولاني برايحه اشوف معاج الفلم الهندي ...راح انتظر محمد بيجي بعد شوي ....

هدى بعد ماملت : اقول مامنج فايده ...اوكي كيفج أنا بروح اسوي الشاهي وبروح اتفرج على الفلم قبل لايفوتني ...بااااااي ...

وتقوم تدزها على المخدات بقوووو ...وتركض للمطبخ

وقامت مريم تبي تلحقها ..الا تسمع صوت سياره داخله البيت ...وتمشي بسرعه للباب ...

حسبالها أن اخوها محمد اللي جاي ياخذها ....

اطلعت وقفت برع تشوووف ...ماشافت الا اللي مطفي ليتات السياره ونازل منها ...

ويركب الدرج ....وهو يغني ....ولفت نظره اللي واقفه جدامه ....ورفع راسه ..وشافها ...وكل الحزن ولألم والغضب متجمع في وجهها ....قبضه قلبه وهو يشوفها زعلانه منه ومنكسر خاطرها ....

ناصر : مريم ...وش اللي موقفج هني ...هالحزه

مريم وماردت على سؤاله : مالك دخل ... ووين محمد ليش مايا ياخذني ...
ناصر وفي وجهه ابتسامه : افاااالحد الحين زعلانه ...مايسوى علينا مزحنا معاج
وتقاطعه مريم واهي شوي وتبكي : اقولك وين محمد ....ماكان معاك
ناصر : اوكي هدي ..بلى كنت مع محمد .....وردي داخل ماراح اييج
مريم : ليش ...اهو قال انه بييني
ناصر واهو يأشر بيده بمعنى لا ....نونونو ماراح اييج صدقيني وهو الحين في سابع نومه ...
مريم : مالت عليه الحقير ....كعادته مايفكر ألا في نفسه قلت له مااقدر اقعد وقابل وجوه ناس ماطيقها ... وتعطيه ذيك النظره اللي كلها احتقار ...ولفت تبي تدخل
ناصر ..واهو يستوقفها ومنقهر من نظرتها : شوي شوي لحد يصيح علينا ونتوهق به ...اصلا انا اللي قايل له ...ماييج ....والله احنا ماراح انخرب سهرتنا علشان يهال مزاجيين نفس بعض الناس .....

مريم وتلف عليه وكلها قهر منه : وش بقول ماقول الا ...هو حقير بس انت احقر منه واوسخ يالصااااااا ....و....
ويقاطعها ناصر واهو ماسك عقاله يبي يضربها بعد الكلام اللي قالته .:
جب ولا كلمه ماعاد الا انج ..تقولين عني ذا الكلام ....صدق انج ماتربيتي وماتنعطيين وجه ....واذا انتي تبيين ترجعين لبيتكم مره انا ابيها مليوووون مايشرفني ان فيه وحده مثلج قليله ادب ...في بيتنا ولا تقعد مع خواتي اذلفي ...الله لا .....
ويدزها ويدخل البيت واهو مشعلل ...وخلاها واهي واقفه ومنصدمه من الكلام اللي قاله ناصر ...مستغربه من ان ناصر قال لها هالكلام ...ناصر اللي ماعمرها احتكت معه ...ناصر اللي عمرها ماتصورت انه يقول عنها اهي هالكلام ...ناصر اللي ماتوقعت انه يعصب لهالدرجه ...
وفي نفس الوقت منصدمه من الكلام اللي نطق به لساتها شلووون تجرأت وقالت هالكلمات اللي مايقولها انسان عاقل وفاهم

وشوي ماشافت الا هدى واهي معاها زمزميه الشاهي ...وتحركها ومنصدمه من وجهها اللي راح منه اللون ....والدم

هدى :مريم ...مريم
مريوووم شفيج تعبانه ليش تصيحين

ناظرتها مريم .....والحزن مغطي ملامح وجهها البريء ...والصدمه باينه في وجهها ووالدموووع سيول على خدودها ....وقالت :

هدى تكفين وديني فووووق ابي أنام ....
مسكت هدى يدها واسندتها لين وصولوا للفراااش ....عجزت وهي تحاول في مريم تكلم وتعرف اللي صار لكن مريم ....مانطقت ولا كلمه ....كانت الدموووع هي اللي تتكلم ...

مرت هالليله طويلة بارده ...
ماينسمع فيها الا شهقااات مريم ..اللي تحس بشعور بالندم ممزوج بالذل .....
حست انها ولا شي ....حاولت انها تبعد عن هذا البيت اللي ماسبب لها الا الجراح من لماكانت صغيره لكن ...الاقدار ابت ....الا ان تكون في وسطه



اشرقت شمس جديده ...شمس ارسلت مع اشعتها خيوط من العتب والاحزان ...
المكان في هدووووء الا من صوت منبه ساعه ...
كان يدق ويدق حتى توقف فجأه ...
امتدت لها يد ...كانت ترتجف
أوقفت ضجيجها وانسحبت لرأس شخص ...جافاه النوم ...

مريم ...اللي حاسه نفسها في كابوووس ....
صعب القومه منه ....
تكالبت عليها الهموم في هذا البيت بعد ماكان هم واحد صار هميين ...
....
بينها وبين نفسها : انا استاهل ....فقدت كرامتي بيدي ....اكيد ماراح تكون عندي كرامه ولاحشيمة اربعة وعشرين ساعه عندهم
ملووو مني ...وصرت ولاشي ...استاهل ...
آآآآه لكن هذا مومني من قلبي هذا اللي متمسك بحبه اللي مايعرف عنه احد .....تعبت والله تعبت ...بس الظاهر بتم جذي محد معبرني ....حاولت بس مافيه نتيجه ....
والنتيجه ....اه منها النتيجه ...
سافر وماهمه الا نفسه ...ماحس بدموعي لما راح ..ماحس بدقات قلبي اللي شوووي وتطلع من بين ضلوووعي تتوسل له يتم ....
أنا السبب مااعترفت له ...حسبت انه راح يحبني من كثر قعدتي معهم ...لعل وعسى يحس بي ...ومااحس ...
رايحه راده بيتهم ...لشوقي اللي طغى على كل شي ...اجي هني لعل وعسى اسمع خبر عنه او اشوف صوره المنتشره في البيت ...أواسمع صوته اذا اتصل على هله ...
أة منك ياسيف ...والله احبك وتحملت الكثير عشانك ....

تحملت نظرات ناصراللي كلها احتقار وشك وتصرفه الغريب معاي ...والله ماانسى نظراته لي في السوق لما رحت انا واخته ...وتأكدت من هذا لما قال لاتخربين خواتي ...أنا اخربهم ليش
خلاص ....
مااقدر اصبر ....
كل شي زاد عن حده ....

قامت وراحت تطل من الدريشه اللي كانت مليانه بقطرات المطر اللي كان يصب بغزاره برى ....
بطلت الدريشه والحزن كاتم على صدرها ومخلي حياتها في سواد ....يشبه سواد الغيوووم اللي كانت ترعد وتبرق ...

....آه يامطر تكفى اغسل حزني اللي كاتم على انفاسي ....

بس انا ماراح ايأس ...راح احبه واحبه ولابد انه في يوم من الايام راح يحس فيني ...ماراح اخلي اسنيني اللي حبيته فيها تضيع ...متى بيرجع بس علشان اعترف له ...لازم علشان تكون الصوره واضحه عند الجميع ...

خلاص قررت راح اودع هالبيت من هاللحظه .....وماراح ارجع الا اذا رجع حبي ...
راح اعطي روحي استراحه ...راح اعيد حساباتي ...واستعد للمعركه اللي لازم اربح فيها ....
وماراح اسمح لحد من اليوم يتطاول علي ...انا خلاص صرت كبيره ولازم احسبها صح اذا حبيت اكسب حبي ....

ألتفتت لوراها بإبتسامه وشافت هدى اللي كانت لاويه على دبدوبها ونايمه ببراءه ..
هدى ...يالغاليه سامحيني ...احس اني استغليتج علشان مصلحتي ...بس والله احبج
وخذت جوالها واتصلت على امها اللي كانت توها صاحيه ....وطلبت منها انها تخلي ابوها يمرها تبي ترجع لبيتهم ....وراها امتحان بكره وتوها تدري مثل ما زعمت ....

عالساعه ....11 ظهرا
وفي مدينة الريان ....

قعدت العنود متخرعه ...من الصوت اللي جاي يوقظها.....
عنيد قومي يالله خلصينا ...

العنود ...وهي مغمضه عيونها.....
لبيه يمه ...تكفين خليني ارقد شووي
باقي شووي على الاذان ...

امها واهي تشيل الفرشه من عليها : عنيد لاترفعين ضغطي ...يالله ابوج يقول عجلي علينا ورانا روحه ...

وترفع الفرشه وفي عيونها نوووم : على وين يمه ... تكفوون ابي اريح في هالكم يوم شوووي وراي اسبوع كله بحوث وبرسنتيشين وكوزات

أمها : حبيبتي بنروح العزبه ....الجو روعه في ذي الشتويه وابوج عازم الجماعه كلهم وبيجون عمامج وخوالج والكل ...

العنود وهي تقوم بسرعه : لا يمه قولي والله كلهم يعني خالتي نجلاء بتجي بعد.

امها : كلهم حتى نجلاء بتجي مع أمي ...يالله قومي واذا صحصحتي ألحقيني المطبخ .
( خالتها نجلاء اقرب وحده لها ...اخر العنقود بالنسبه لخوالها عمرها 28 سنه لحد الحين ماتزوجت واهي في نهاية دراستها لماجستير علم نفس في الكويت ...)
العنود :انزين جابر رجع اهو ومرته
امها :لا مارجع بنروح في سيارتين وحده يسوقها أبوج والثانيه بيسوقها الدريوول ومعاه علوووي ...علشان الاغراض يمكن نبات اذا حد بات من الجماعه


العنود وهي متحمسه حيل : يالله دقايق واكون عندج

( العنود عايشه في بيت مثالي ...أب وام واخوان متحابين...جابر الاخ الاكبر اللي متزوج من وحده من اقاربهم من اهل الكويت واللي يقليل مايتواجد بحكم شغله ودراسته في الخارج ...واهي وبعدين وضحه اللي في ثالث ثانوي...وبعدين علي اللي في ثاني ثانوي واخيراً الهنوف اللي في الثاني الاعدادي ....وفهد وحمد اللي في الابتدائي ...)

في مكان اخر والجميع متجمع على سفرة الغداء:
ام مريم واهي تاكل : هاااه مريوم لحقتي تذاكرين لج كم كلمة...والله لو قلتيلي ان عندج امتحان بكره كان يبتج من بيت عمتج بدري وماخليتج تباتين عندهم...
مريم واهي تناظر اخوها محمد بنظرات كلها احتقار ولوووم : لا يمه مايخالف ذاكرت وبعدين الوم مو عليج يمه على ناس ماهمهم الا نفسهم....اتصلت فيهم وماعبروني ...ماهمهم الا خرابيطهم

ويرفع محمد نظره لها وهو داري انها تقصده : والله ماني دريول لحد ومو ملزوم والله بردتج ...اخبرج اربعه وعشرين ساعه مسنتره عندهم سواء عندج امتحان او ماعند شنهو الجديد؟؟؟

مريم واهي توقف : خلاص ولا يهمك الشيخ محمد لعيونك ماعاد اروح لهم علشان ترتاحووون كلكم .....مايسوى علي والله
وتمشي واهي متضايقه من الوضع ككل ....تعبت ....

ام مريم : ليش يمه محمد ليش تقولها جذي حرام عليك ماخليتها تكمل غداها
محمد وهو يوقف / احسن علشان تروح تذاكر ماتقول عندها امتحان ...

ام مريم :انزين انت على وين ...
محمد : شبعت الحمدلله باروح للشباب عازميني ...الا يمه ابوي متى بيرجع ابي من فلوووس
ام مريم : والله ابوك ماراح يرجع من عمك الا العصر ....عازمه عمك على الغدا على زفر ....
محمد : اهااا خلاص برد العصر باخذ منه الفلوس ويمكن اروح العديد ....
ام مريم :خلاص ياوليدي على هواك ....وخل بالك على نفسك لحد يسرع في السواقه...

في مكان اخر وفي تمام الساعه الثانيه من منتصف النهار ....وتوها تصحى

آآآه احس نمت كثيرياترى كم الساعه ؟؟؟
وتمد يدها تشوف ساعتها ....ابيه الساعه ثنتين الظهر ماصليت واين الجماعه ليش محد صحاني ...
تنزل من سريرها رايحه للصاله ....تدور على احد ...بس مالقت الا الخدامه اللي كانت تشوف التلفزيون ...
شيخه : سونيتا ...وين ماما
الخدامه : ماما والبنات كلش روووح بيت جيران ...ماما زينب
شيخه : اهااا صح اهي عازمتنا على الغداء الظاهر وقضوني وماقمت
اوكي انا يروح بصلي جهزي لي غدا اوكي ...
وردت لغرفتها ...
في البيت اللي جنبهم ....كان واقف ينتظر اخته تظهر له علشان تطلع البخووور ...
مشعل : مابغيتي تطلعين الشيخه وين البخور
مي : هذا هو ترى وشوشتنا امك من صوب وانت من صوب
مشعل : انزين تعالي من اللي عندكم عندكم حريم واجد
مي : وانت شدخلك ...
شعل :خلصي علي من عندكم ...( يبي يعرف هي موجوده )
مي : يعني ماتدري خالتك وجيرانا ...
مشعل : من بيت ابو عبد الرحمن
مي : ايه ....
مشعل :الا ابوهم وينه ماجانا غريبه
مي : مسافر هو وعياله
مشعل انزين من عندهم ....محد من الشباب شلون يقعدون في بيت مافيه رجال
مي : عادي الدنيا امان وخالهم على طول يمر عليهم
مشعل واهو يبي يستفسر بطريقه غير مباشره يغمز لخته ويقول لها : اكيد انج الحين في قمة الوناسه رفيجتج عندج ...
مي : من قصدك شيووخ لافديتها ماجات خواتها كلهم جاوا الا هي...
مشعل وهو متحطم كان خاطره يشوف زولها : اهاااا ....انزين يالله ضفي ويهج ...يالله لحد يشوفج من الشباب اللي عندي ويرحون فيها
مي وهي تضحك : من جمالي ..
مشعل ...لاصراحه ثقه زايده عن حدها ...لاوالله بيرحون فيها من شين ويهج ..
ويمشي ويدخل الميلس .....

وفي نفس الوقت ....
وعلى انغام محمد عبده ....

من خصايص عنود الصيد كثر الطواري
وعادة الظبي يجفـل لاتحـرك ظلالـه
ما يصيد الجوازي كود بخصٍ وضاري
القنص بالركـاده والتسـرع جهالـه
ولايعرف الطرد من لايعرف الصحاري
ماتعرّض سموم ولاتعـرض شمالـه
كلّ دربٍ عليه من المخاليـق سـاري
للسوالف رجـال وللشكالـه رجالـه
وانت عشقة حياتي ياغـزال البـراري
أتفاول بوجهك سعد من صـرت فالـه
إنـت والله حبيبـي وإنـت والله داري
إن نظــــــــــــــرة عيونـــــــــــــي يــــــم غيـــــــــــــــرك جمــــــــــــالـه

اغنية العنود المفضله ....
العنود تناظر من الدريشه للاجواء الرائعه للسيول وللخضار المنتشر ...وهي تفكر: لازم انسى اللي صار امس وافرفش مع البنات ...على الاقل الحمدلله ماراح اشوف رقعت وجهه ...مسافر باللي مايحفظه
واووو مشتاقه للعزبه ولخالتي نجوول وللبنات وللعبط ...
ومانتبهت الا لليد اللي تجر نقابها : هيه انتي علوووي يكلمج :
وانتبهت ..هاه هه وش تبي
علي اللي كان ملتفت لها وش تبين من الدكان بنزل ..
العنود : ابي بيبسي وجبسات وكوافي
علي: انزين وين الفلوس
العنود : ليش انت ماعندك
علي : بلى بس انتي ماشاء الله عليك ماخليتي شي ..بس يالله بشوف بشتري على قد الفلوس اللي عندي
ودخل علي السوبر ماركت وشرى الاغراض وطلع وكان معاه واحد يضحك معااااه ....وراح لسيارته ...

ياترى من يكون هذا الشخص ؟؟؟؟
وهل راح تسر العنود بشوفته اولا ؟؟؟؟

ان شاء الله راح نعرف كل شي في الفصل القادم
ترقبونا
"" تباشير الفجر""
يوم الاربعاء ...تاريخ 10/10/2007 الساعه 9 مساءا ...في غرفة مظلمه ...بجانب جدتي اللي نايمة ...

[فيتامين سي]

""" الفصل الخامس """
(( ~ كافي تجريح ~ ~))


دخل علي السوبر ماركت وشرى الاغراض وطلع وكان معاه واحد يضحك معااااه ....ورايح لسيارته ...
وضحة : عنود عنود لايفوتج شوفي اللي مع علوووي يااااي شحلاته يهبل ماشاء الله مزيوووون
العنود : وجع ان شاء الله ماتخلى حد ينسجم وينه واهي تلتفت عليه ...وفي خاطرها ..ماشاء الله من ذي
وشوي الا علي يركب السياره ويعطيهم الاغراض ....
العنود ووضحه والفضول متملكهم خاطرهم يعرفون من هذا الشخص

وضحة: اقول علوووي
علي : هلا
وضحه : من ذي اللي كان واقف معاك ويسولف
علي : وليه عسى ماشر تسألين ....
العنود اللي تداركت الموضوع : لا هي تسأل لان احنا مشبهين عليه ...يشبهه اخو رفيقة وضوح ...
علي : اهااا هذا خوووي أخوي جابر ... كان يدرس معاه في مصر تذكرون لما رحت لجابر هناك ...تعرفت عليه ...ماشاء الله عليه رجال والنعم فيه...
العنود :اهااااه
علي : هاه ارتحتوا يمه منكم يالحريم تموتون الا تعرفون فيكم فضول اللهم ياكافي ...المهم عنود ترى شريت على قد الفلوس اللي عندي ....شوفيها هذي هي الكوافي اللي طلبتيها ؟؟؟؟
العنود واهي تفتش الاكياس ....": ايه فديت روحك ...حلووو كلها من النوع اللي احبه ...تسلم لي يالذوووق ...
علي : انزين عطيني الديوو...

الساعه ثلاث عصراً وفي مكان اخر

شيخة واهي قاعد في حوش بيتهم وتتامل منظر المطر واهو يتساقط بخفه مع نسمات بارده تلفح وجهها ...وكتابها بين ايدينها ..

شيخة واهي تصارخ : يماااااه تعالي الجو موووت برى تعالي خلنا نقعد شوي في الحوووش

امها اللي كانت في المطبخ :شيخوووه تعالي داخل لاحد يمرض علينا ونبتلش فيه
شيخه : وش دعوه امرض بالعكس الجو روعه يالله يمه

وتطلع امها اللي كانت لابسه وشاح وتقعد جنبها ..

وتلوي عليها شيخة بقووو وتقول : يمه اخبار ابوي واخواني متى بيردون
امها : والله يابنيتي كلموني الصبح ويسلمون عليكي هم الحين في الرياض وبيمشون ان شاء الله بعد ثلاث ايام
شيخة : صراحه البيت مايسوى بدون رجال
امها :أي والله وانتي الصادقه الله يردهم بالسلامه ...الا شيوخ مي بنت جيرانا تسلم عليكي وتقول اتصلي فيها تبيكي ضروري ....زعلانه عليكي لانك مازرتيهم معانا
شيخة واهي قايمه : ابيه اكيد بتعصب اصلا من امس واهي تبيني اتصل عليها لكني نسيت ...يالله بروح اكلمها
وتمشي لغرفتها وتتصل على مي ...


في مكان اخر ...
العنود : يالله متى بنوصل ...هالدريول بطيء جداً
علي : صبرج بالله ...وشهوله مستعجله لاحقين
العنود : انت شوف الوقت ...شوي وبتغيب الشمس
علي : أنزين انزين ....جلال سرع شوي
جلال الدريول : اوكي بابا
وتسرع السياره وتسبق الرياح وتتجاوز السيارات الثانيه وفي غمرة السرعه ....تنحدر السياره من الطريق العام وتنزل بسرعه .....وفجأه
.
.
.
.
.
ربي ستر ووقفت السياره بأعجوبه ....
5 دقايق مرت وكل اللي في السياره في ذهوووول من الموقف .....
وفجأه قامت العنود تصارخ .....علوووي هنوووف وووضوح أنتوا بخير ...جلال ......جلال .....
وبعد مااستوعبوا الموقف قام كل واحد يشوف الثاني وهم مو مصدقين ان الحادث عدى على خير ....
وضحه واهي تشوف نفسها في المنظره الاماميه للسياره ....
الحمدلله ...الحمدلله ....يمه شفت الموووت بعيوني
وينزلون كلهم من السياره ...
والدريول رايح فيها من الخوووف ......قام يرجع المسكين ...
وعلي قام يدور حول السياره ...يشوووف فيها شي ...

علي : يوووووه وش نسوي الحين ...التاير بنشر ...مالومه راح فيها ...
وش السواه .... المشكله مافيه حد يمر من هالطريق والشمس بدت تغيب ....يالله سترك مافيه الا نكلم ابوووي ولا حد من الجماعه يجي يطلعنا ...

العنود :علوووي ماتقدر تصلحها أنت ...
علي : المشكله ماعندنا سبير
العنود :لاحول ولاقوة الا بالله وبعدين
علي : صبرك بكلم الوالد
الهنوف وهي تصيح : يممممه خايفه المكان يخوووف ....ابي امي
وضحه :ووجع انتي بزر ...والله اني قلتها لكم من البدايه مانبي بزران معانا بتأذينا والله ماتسكت لين نوصل
ويعلى الصوت من بينهم هذي تسب وهذي ترد عليها ....
وفجأه علي ....وطرم ان شاء الله ماتلايطون لين اكلم واخلص ...
علي :ألو مرحبا يمسيك بالخير
الوالد: هلا علي وينكم ابطيتوا ...عسى ماشر
علي : ماشر فديتك بس التاير بنشر ....وماعندنا سبير
الوالد: لاحول ....انزين انتوا وينكم
علي :قريب من الخرسعه .....شفت اللفه الاولى...الطريق الترابي ...عنده
الوالد: خلاص ابشر دقايق وجايك ....ارب خواتك بخير
علي :فديتك لاتحاتي كلنا بخير ...
الوالد :خلاص دقايق وجايك
.
.
.
وتمر عشر دقايق وهم ينتظرون ...وماشافوا الا السياره المقبله عليهم من بعيد
وتقوم الهنوف تناقز مستانسه ...أبوي جا أبوي جا
علي : ووجع ان شاء الله ....انثبري ...ذي ماهيب سياره ابوي ذي سياره غريبه ...أقول قوموا ادخلوا السياره كلكم يالله
ويقومون البنات ويدخلون السياره

وكل مالها والسياره تقرب ...
وشوي وتوقف عندهم ...
وينزل منها واحد طويل ....ويقرب من علي وهو يقووول : السلام عليكم ...افااا عسى ماشر ...عسى مافيكم شي
علي : ابدا .. بس الدريول ذا الغشيم اسرع وبنشر بنا التاير ...والمشكله مامعي سبير
تركي : ابشر بعزك أفاااا عليك ....يالله اركب معي انت والاهل في السياره اوديكم لعزبتكم واعود للدريول والسياره واوديهم لاقرب بنشر ...
علي : لا يالغالي تسلم الوالد توني مكلمه وجاي على وصول
تركي : ابداً ...ولا عليك امر كلم الوالد وقله خلاص لاعاد يتعنى الوقت بدى يظلم ..
علي :ياخي اخاف تتاخر على اللي رايح لهم
تركي :ماعندي شي مامعي الا طيري رايح اعشيه ....
علي : خلاص بشوف اذا كن الوالد قريب ..ولا رحت معك
تركي : انا اقول انه بيبطي يالله اتصل وشوف
وياخذ علي الجوال ويتصل على أبوه اللي كان لاهي : ألو
الوالد : الو .هاااه ياعلي
علي : يبه وينك تاخرت ...عسى ماشر
الوالد: لا فديت خشمك ....غيران امك هبط معها السكر وتعبت شووي
علي وبخوف : افااااا وش فيها
الوالد : هدي هدي ..مافيها الا العافيه غير انها سمعتني يوم اني اكلمك ووخافت عليكم
علي : واخبارها الحين ...
الوالد: لا الحمدلله هي الحين تمام
علي : انزين يبه انت وينك الحين
الوالد : قدني بركب السياره وجايك
علي : مادامك عادك هناك خلاص يبه لاتجي
الوالد: ليه
علي : شافني تركي بن صالح ولزم انه يوصلنا ويودي السياره للبنشر
الوالد : ابعدي ..والله انه سنافي خلاص وبالمره اربك تلزم عليه انه يتعشى عندنا ...من زمان ماشفناه
علي : خلاص ابشر
ويروح علي لخواته ويقول لهم انهم بيروحون مع الرجال ...ونزلوا وهم قمة الاحراج ....مستحيين يركبون مع رجال غريب
ويركبون ويمشون ....
وطول الطريق والسكوت هو سيد الموقف الا من حديث بسيط بين علي وتركي ...
وبعد ربع ساعه وصلوا للعزبه اللي كانت مليانه سيارات من كل نوع وشكل ولون...
وكان أبو جابر واقف وجنبه زوجته ...ينتظرونهم ...
وصلوا وانزلوا ....وسلم أب جابر على تركي وعزمه لكن تركي اعتذر لان عنده كذا شغله لازم يخلصها اليوم ....
كان الجميع سلامات ومستانسين ...
لكن كانت هناك عيون تراقب الموقف من بعيد وكان الموضوع مش عاجبها ....
كان واقف عند سيارته وكان الغضب متمكن منه واهو يشوفها وهي في قمة الوناسه والاعجاب اللي مبين من عيونها للي كان معاهم .
بغى يقترب لكن فضل انه مابين لها انه مهتم لهم ....ففضل أنه يروح يتمشى بسيارته شوي ويرجع اذا هدى

في هالوقت .....كانت شيخه تكلم رفيجتها مي .....
شيخة : ميوي يالله عاد عن الدلع ...اعتذرت لك وش تبين بعد
مي : لاوالله فووت أمس لكن اتسفهين اليوم وماتجين ....اسمحيلي اسفه
شيخة : والله صحوني بس ماقمت من التعب...يالله مي
مي وهي تبتسم : اممم انزين خلاص رضيت يمه منج تحنين لين تاخذين اللي تبينه
شيخه: فديت اللي سامحوني ...ميوي شرايك تجينا زياره في الجامعة
مي : وووع وش ابي بها ....تبيني يرتفع ضغطي من هالبنات ..لا لا حبيبتي اسمحيلي
شيخه :ميوي ...أمانه احس بنستانس
مي : اعذريني والله صعبه ...مااقدر مافيه حد بيوديني
شيخه : مالت عليكي ...لو تبين بتلقين
مي :شيوووخ والله اقول الصدق ...خليج من هالسالفه الحين عندي لج خبر
شيخه : شنهو
مي : مشعل اخووي
شيخه:شفيه
مي : يبي يتزوج
شيخه : مبروك من؟؟؟
مي : مادري هو رفض أنها تكون من الاهل مايبي ...يبي من برع
شيخه : انزين لقيتو له
مي : لاوالله هو قال خلوني انا بختارها بروحي
شيخه : الله يوفقه
مي : انزين اخبارج واخبار الجامعه والمنتدى
شيخه :ابد على حطت يدك ... ايه تذكرت امس تخيلي من مرسلي رساله خاصه
مي : من؟.؟؟؟
شيخه : كلك نظر
مي : ايه ...انزين وش يبي
شيخه : يمدح مواضيعي ويثني على اسلوبي
مي : وبس
شيخه : ايه
مي : يه يه وطلع لج معجبين
شيخه : مي وجع شفيكي ...كلامه عادي
مي: بنشوف ...ياخبر اليوم بفلوس بكره بيبأأ ببلاش
شيخه : بسك من هالكلام ...وخليني اروح اذاكر لي كم كلمة تنفعني يالبطاليه بكره عندي امتحان عند الدكتور خالد الحلبي يمه منه امتحاناته صعبه حيل
مي : انا بطاليه ...انزين اوريج بس خليها مفاجأه
شيخه :ننتظرها يالله باي
,
,
, وتتسند شيخه على الكنبه وتتخيل كلام مي ....وتسرح..,



~ ~ في العزبة ~ ~
دخلوا البنات الخيمة الرئيسية ...وتقابلوا مع الحريم وتبوس وسلامات ....والجو كان قمة في الروعه ...وريحة الضوووو ولا اروع ...و لا ريحة الهيل والقهوه اللي ماليه المكان ...

عند الرجال ....
علي : الا اقول يبه بيت عمي حمد جاووو
أبو جابر : ايه جابهم راشد
علي : مهوب مسافر
أبو جابر : بلى بس رجع اليوم الصباح ...يقول خلص من شغله
علي : ايه ازين هو وينه ...
أبو جابر : كان هنا ...مادري وين راح
علي : خلني اكلمه اشوف وينه
ويتصل علي في راشد اللي كان نازل من سيارته وسارح في المنظر اللي كان قدامه على اغنية محمد عبده ( اعترفلك )
وعلى رنة الجوال ....رجع راشد للواقع ورد..
علي : ألو ....سلام عليك ....وينك
راشد: ههههه سيده وينك ...قل شلونك وشخبارك
علي : هههه أي والله انك صادق ..شلونك اربك بخير
راشد :الحمدلله
علي : انزين انت وينك يقولون انك هنا في العزبه
راشد : أي والله جايب هلي بس اني رحت اتمشى شووي ..
علي : افااا وتروح وتخليني
راشد : وليه انت كنت موجود توني شايفك توك جاي ...الا على الطاري من ذا اللي كان معكم ...
علي : من قصدك اللي كنا معه
راشد :ايه من ذا
علي : ذا الله يسلمك تركي خويي جابر ....كان يدرس معه ايام القاهره
راشد : اهاااه ...انزين وش العلم جاي معه
علي: ابد سيارتنا خربت في الطريق ...وهو اللي وصلنا
راشد : انزين ليه ماكلمتني كان جيتك
علي : هو كان قريب واصر على انه يوصلنا
راشد :حتى ولو أنت معك شوفات ( يعني بنات)
علي : والله اني داري ...أصلا أنا اول شي كلمت الوالد بس انه تأخر علي وبعدين تعال ياخي ليه معصب شدراني انا انك رجعت من السفر..
راشد وهو يبتسم : حتى ولو لاتحاول ...أنت مخطي
علي : لاحوووول ....أقول خلك من السالفه متى بتشرف ....
راشد : الحين جايك ...
.
.
.
في خيمة البنات ...كانت السوالف والهذرة وأصله حدها ...الجو كان ولا أروع ...
العنود : نجول ...نجول
نجلاء : نعم ...أخر زمن مافيه احترام على ماظن اني خالتج ...قولي خالتي نجلاء
العنود : لاحول ...ترى مابيني وبينج شي الا كم سنة
نجلاء : انزين هاااه وش تبين
العنود : تكفين نبي انسوق
نجلاء : سوقي من اللي قاضبج
العنود:فديتج نجول ...نبيج تسوقين بنا كلنا ...خلينا انروح بعيد نستعبط
نجلاء : أسفه حبيبتي ....اخاف ابتلش فيكم
العنود : تكفين خلينا ناخذ سيارتكم ...قولي لجدتي ماراح ترفض اذا درت أنج أنتي اللي تبينها .
نجلاء وبدلع : أمممم بفكر وأشوف ....
العنود : لحووول ...صدق مذله يالله ترى مافيه وقت ....الليل على وصول
نجلاء : انزين انا بشوف أمي وبقول لج اذا وافقت ....روحي قولي للبنات علشان البزران مايسمعوووون وينشبووون فينا
العنود وهي تضمها : خلاص ولا يهمج .
نجلاء وهي توقف : يالله ...حظج على حظج ...بجرب وانشوف
العنود : يالله
.
.
. بعد دقايق...
تجمعوا البنات برى الخيمة ....
وطلعت نجلاء ومعها سويك السياره ...
ومشوا وهم منسرقين من البزران ....وضحكاتهم مكتومه علشان ماينفضح أمرهم
.
. ركبوا السياره ...وساقت بهم نجلاء اللي كانت متلثمة ....ومطوله على الصوت ...صوت محمد عبده العذب ...

يا ليل خبرنـي عـن امـر المعانـاة
هي من صميم الـذّات و إلا اجنبيـه

هي هاجس(ن) يسهر عيويني ولا بات
او خفقة(ن) تجمـح بقلبـي عصيّـه

او صرخة(ن) تمردت فوق الاصوات
او ونــة(ن) بالضمـايـر خفـيّـه

او عبـرة(ن) تعلقـت بالنـظـرات
و الدمـوع اللـي تسـابـق همـيَّـه

اعاني الساعـه و اعانـي مسافـات
و اعانـي ريـاح الزمـان العتـيَّـه

و اصور معاناتي حـروف و ابيـات
يلقابهـا راعـي الـولـع جاذبـيـه

ولا ني بندمان(ن) على كل ما فـات
اخذت مـن حلـو الزمـان و رديَّـه

هذي حياتي عشتها كيف مـا جـات
آخـذ مـن ايامـي و أرد العطـيّـه

وأبعدت السياره ....
وصارت الخيام ماتنشاف ...وكشفوا البنات لما تطمنوا أن مافيه حد يشوفهم ...
ووقفت بهم نجلاء ...
وألتفت وهي تقول : يالله من اللي بتسوق ...
البنات...كلهم وفي نفس الوقت : أنا.أنا .....
نجلاء : أقول مافيه الا أني أسوي قرعه .....

وساقوا البنات ....واستانسوا وفرفشوا .....رقص وعبط وضحك
. . .
سرقهم الوقت ....وغابت الشمس والبنات لحد هذا الوقت وهم بعيد....
وماأنتبهوا ....

...في خيمة الحريم ....
أم العنود وهي تحاتيهم : أقول ماكأن البنات تأخروا
أمها : أالا الشمس غابت وهم عادهم ماشرفوا
أم العنود : مافيه الا أني ادق لهم اعجلهم
وتدق ...وتسمع الصوت عندها ....
لاحووول ماخذوا الجوالات معاهم ....
وقامت كل حرمه تدق على بنتها ....وفي الاخير ولا وحده من البنات ودت شنطتها معاها وهذا علشان البزران مايلاحظون ....

.
.
.
.
الخوف بدى يزيد عند الحريم .......
والبنات طولوا ماردوا ...
والليل بدى يرسم خطوطه في السماء ....وينمحي النور

.
.
.
أم العنود اللي خلاص ماعاد تقدر تصبر ...يمه أقول ياليتج ماطعتي بنتج هالخبل ...لا وأنقول أنها كبيره
أمها : وش اسوي فيها ...قالت انهم بيتمشووون شوي وبيرجعون ...
.
.
.

عند البنات ....
الاغاني ....صوتها على الاخر
والبنات اللي ترقص واللي تسولف

وشوي وتوقف نجلاء اللي حست بالوقت ...أبيه بنات تأخرنا ....الشمس غابت واحنا لحد الحين هنا
منيره : انزين وش فيها خلونا الجووو موووت
نجلاء : لاوالله أنا وعدت أمي أني ارد عند المغرب ..,تأخرت كله منكم
وضحه : لا امانه خلونا شوووي
وتوقف نجلاء : لاحبيباتي اسفه انا اكبركم وانا اللي بروح فيها ....الحين أهلكم يحاتونكم أقول يالله امشوا اركبوا خلونا انروح ...
ركبوا البنات السياره وهم اللي تحلطم واللي ماتبي تروح ..
نجلاء وهي تشغل السياره ....
توقفت فجاءه ولفت على البنات .....

نجلاء : بنات.....مصيبة
العنود :وشهي المصيبه
نجلاء : بنات مابي أخوفكم بس شكلنا ماراح نقدر نرجع لهلنا ...
الهنوف : نجووول تكفين لاتخوفينا ....شغلي السياره ؟.؟..نبي نرجع خلاص هوناااا مانبي نقعد
نجلاء : والله العظيم مااكذب عليكم .... ...مااقدر أشوف في الليل فيني ضعف نظر ...وأسمه (العشي الليلي ) والمشكلة اني نسيت نظاراتي في الشنطه هناك في الخيمة ...
وضحه : نجوووول عن الخريط شلون ماتشوفين
نجلاء : والله شفيكم يعني ذا وقته أكذب.
البنات في السياره كانت حالتهم حالة ...اللي خايفه واللي تفكر وش يسووون ...
نجلاء : انزين وحده منكم تعطيني جوالها ....ماجبت جوالي على اساس ان احنا بنرجع بسرعه
وكلهم ....ماجبناها ....في شناطنا في الخيمة
نجلاء وهي معصبه : أنتوا من جدكم ولاوحده جابت جوالها ....أمحق ليل وش اللي مخليني أوديكم كله منج يالعنود ياليتني ماطعتج
العنود : والله وشدراني ان هذا كله بيصير ...أنزين مانقدر نرجع مشي
وتلتفت عليها نجلاء : أنتي صاحيه أنتي داريه وين حن الحين .....العزبه بعيده واجد ...حسبي الله عليكم ...الحين أماتنا حالتهم حاله ....ياويلي السالفه كلها بتنقلب على راسي .
وشوووي ماسمعوا الا صوت الهنوف اللي تمت تصيح ....
العنود :يووووه وذا وقته الحين والله ماتسكت ..
نجلاء / هنوف حبي خلاص اكيد اهلنا بيدورون علينا ..واكيد الحين بيجوووون
.
.
.
.
في العزبه الكل مشغول على البنات ...
أم العنود : والله ماعاد ذي بحاله ...مافيه الا ان العيال يقومون يدورون عليهم ...
راشد وهو يتنحنح,,,,ياااااولد
الحريم : حياك حياك ...
ويدخل راشد ويسلم على الحريم على خالاته وعلى مرت عمه ....
راشد :ألا أقووول يمه وين البنات الشيبان يبوون العشااا؟؟؟ وينهم...
يغرفونه ( يقدمونه)...
ام راشد :فديتك البنات كلهم راح يتمشووون ولذا الحين ماعودوا ...
راشد : وين هنا قريب
أم العنود: لايوليدي ...غير أبعدوا راحوا بسيارة أمي ...تسوق بهم نجلاء أختي ولذي الساعه ماعودوا مع ان حنا لازمنا عليهم أنهم يعودون المغرب ...
وبدا وجه راشد يتغير ....وشو ....وليه ماقلتوا لنا من البداية ...الله يهديج يمه شلون تخلووون شوفات يروحون بالحالهم منتوا بدارين ان فيه عزبه عزبيه جنبنا ...
أم العنود: تكفى ياوليدي ..رح انت والشباب دورا لهم أكيد انه صار لهم شي أبطوووا
راشد :انزين وين جوالاتهم ماتصلوا
ام العنود :لا...كلهم ماخذوا جوالاتهم معهم رايحين سرقه من البزارين
راشد: يالله سترك..باروح انا والشباب ندورهم...وترى هذي اخر مره يطلعووون فيها ....قولوا لهم
ويطلع راشد وهومايشوووف قدامه وهو معصب على الاخر ...ويتصل على علي ويعلمه بالسالفه كلها ويطلعون الشباب في اربع سيارات ..وكل سياره في اتجاه .
.
.
.
مرت خمس دقايق ...والشباب لحد الحين يدورون ...والحريم ماخلوهم من الاتصالات كل شوووي يتصلووون ...

.
.
عند البنات كان الجووو مشحووون بالخوف والترقب ...كل وحده موجهه نظرها في اتجاه ... وكلهم أمل أن احد يجي من اهلهم ...
...بعد دقايق ...
لمحت منيره ...اضواء سياره جايه من بعيد..وقامت تصارخ ...بنات بنات ألحقوا شوفوا السياره اللي جاتنا ...الحمدلله ...أهلنا جاوووو
والسياره احتشرت بصريخ البنات اللي كانوا مستانسين لوصولها ....
.
اقتربت السياره ...وبدت ملامحها
وشوووي صارخت منيره بنات ...ذي سياره غريبه او مره اشوفها حد يعرف منهي له
كل وحده من البنات ..انكرت معرفتها للسياره ..
وتحول الجو من وناسه لخوووف ....
نجلاء : بنات لاتخافون تغشوووا وسكتوا ولاوحده تتكلم انزين خلوني انا اللي اتكلم
وقفت السياره جنبهم ونزل منها واحد.عرف السياره من هي له...وبدا يقرب منها ...
استنكر الامر أول شي .... شاف السياره مليانه بنات ...وقام ورجع لسيارته والبنات ماتووووا من الخوف ركب سيارته وحركها ....وقرب وفتح دريشته ...

الرجال : السلام عليكم ..
نجلاء وبعد تردد: وعليكم السلام
الرجال: أقول هذي مب سيارة بيت بدر ال ....... شكلكم متعطلين ....تبون مساعده
نجلاء : ايه ذي سيارتهم وتسلم أخوووي أهلنا قريب وجايين الحين... تسهل أنت ..
الرجال : اهااا ....أجل يالله في أمان الله بس أختي الله الله في ارواحكم ..كلمي هلج ترى جنبكم عزبة كلها شباب ... الله يحفظكم
نجلاء : تسلم ...ان شاء الله هم على وصول
من دروا البنات بأن جنبهم عزبه كلها شباب والخوووف متملكهم ولعنوا الساعه اللي طلعوا فيها ....

تحركت السياره من جنبهم وابتعدت وتنفسوا الصعدااااءوارتاحوووا وهي في طريقها شافوا سياره من بعيد تقترب من السياره وتتعداها وجايه صوبهم ..
نجلاء :بنات هذولا هم اهلنا خلاص الحمدلله على الفرج
منيره وهي تستوضح وتشوف السياره : أي والله ذي سيارتنا ...اكيد انه راشد
العنود من أسمعت الاسم حست بالحراره والاشمئزاز تملى روحها ....وفي خاطرها تقول ....وش جابه ذا مومسافر ....امحق وجه الله يعيني عليه يارب ...جااا وجه المصايب
العنود :منور راشد مومسافر
منيره وهي فرحانه بأخوها :امبلى بس رجع اليوم الصبح ....يقول خلص شغل .... ياويلنا منه الحين اكيد انه معصب
العنود :وشعليه منا ...واساساً وش دخله يعصب
منيره :انتي ماتعرفينه مايحب هالحركاااات ياويلي منه راح يسنعني في البيت
العنود: الحمدلله والشكر ...انسان غريب
نجلاء :يافضيحتي ...وين أودي وجهي ....لو أنه علوووي كان أهون ...
...
قربت منهم السياره وفتح راشد الدريشه ومبين عليه التعصيب
وقال بإستهزاء :
هاه ماخلصتوا ...متى ان شاء الله بتقررون ترجعون ..ولا عاجبتكم القعده.
نجلاء : السموحه ...راشد ..والله ان الوقت خذانا وحنا كان ودنا نرجع بس

ويقاطعها راشد : بس أيش نجلاء ..وأنا اقول انك عاقله ...اسمحيلي نجلاء بس اللي سويته تصرف بزران ولا شلووون تاخذين شوفات وتروحون بعيد منتي بخايفه على ارواحكم ...صراحه تصرف طايش ...استغربته منج

العنود احترت من تهجمه ومن كلامه الغير محترم مع خالتها نجلاء :
انزين ليش تصارخ عليها ترى نجلاء ماسوت شي وموب اصغر بزرانك ... وهذا كله مني أنا إلي قلت لها ...

راشد وهو يضحك بإستهزاء لما درى انها العنود :
انه البلى أنها طاعتك ..ولا حد يطيع (بزران) ....وركز على الكلمه ....علشان تفهمها ...
العنود عصبت : لو سمحت احترم نفسك ...تراك تجاوزت حدودك ...
راشد وهو محتر من جراءتها وعلي صوتها : جب ولاكلمه ...أقووول ترى عطيتك وجه ...يالله انزلوا ياالله قدامي ...

البنات من الخوف فتحوا البيبان وانزلوا من السياره ....
العنود : بنات صبر صبر لحد ينزل ....ومنهو أنت علشان تتأمر علينا ماأعتقد أنك منت مسؤول إلا من خواتك ...

راشد : أقووول بلى كثر حكي ...يالله ترى ماراح انطر ...اللي تبي تروح لهلها تخلص علينا ...
وقاموا البنات وكل وحده تشوف الثانيه مترددين يسمعون لمن ...
...في هالوقت ...ألتفتت نجلاء للبنات : بنات أنزلوا خلونا أنروح
العنود : مسكت يد نجلاء : نجول من جدج لاتروحين يبي يروح ياخذ خواته ...وعلي أكيد بيجينا الحين
نجلاء : عنود ترى منتي بصاحيه اقووول أمشي ...ترى الرجال معصب وصابر علينا وانتي طولتي لسانج زياده عن اللزوم ...أمشي ترى محد حولنا
العنود : كيفي يستاهل تبووون تروحون روحوا أنا بقعد انطر علي .

ونزلوا البنات كلهم الا العنود اللي كانت مصره على قرارها ...وقلبها مليان غيظ وكره له

ركبوا البنات مع راشد ....
ألتفت راشد عليهم ....وقال هاااه بقى حد ...

منيره : أي بقى العنود
راشد : وليه ماتجي تعجل علينا ...
منيره .: تقول ماتبي بتنطر أخوها ...
راشد : اللهم يطولك ياروح ...والله مانخلص من حركات هالبزارين
ويقرب من دريشتها ...
راشد : يابنت الحلال أخلصي علينا ترى والله العظيم ان ماركبتي الحين اروح واخليج
العنود : روح من اللي قاضبك ..بنطر علي
راشد :علي ماهو بجاي ..قلت له أنكم معي
العنود : كيفي ماابي ...تسهل
راشد : تراني صادق لاحد يبكي اذا رحت وترى ماني معووود
العنود وهي محتره : روح ياخي ترى مهوب غصب الروحه لاحووول ماتفهم ...
منيره وهي تشاور نجلاء : نجوول قولي للعنود ترى راشد عصبي وخاف يخليها صدق ....
نجلاء : العنود امشي يالله عن العناد ترى بتقعدين بروحج
العنود :لاحووول قلت لكم مابي روحوا انتوا
نجلاء وهي تكلم راشد : راشد خلاص أنتوا تسهلواا رحوا أنا بقعد معها أعرفها عنيده ...
راشد عصب من عنادها : والله ماتنزلين اذا تبي هي اللي تجي ...ماعاد بقى الا ذا اذا هي عنيده ترى أنااعند..

ناظرها نظره تحدي وسكر الدريشه ....ومشى بالسياره ...
وكان مسرع .
.
.
.
منيره :راشد فديتك تكفى عود لها تراها خوافه اخاف يصير فيها شي
راشد:تستاهل ولا حد يقوول ذا الكلام خليها تتحمل اللي بيجيها
...سكتوا البنات اللي كانوا خايفين من تعصيبه وخايفين على العنود ..اللي كانت بروحها

.
.
.
في السياره الواقفه ......كانت العنود ....في نوبة بكاااء هستيري وحالة خوووف وعدم تصديق أنها تمت بروحها ..ماغير هي والليل المظلم اللي ينحوطها ...

العنود : من جده راح وخلاني لهالدرجه يكرهني ....آآآآه ليتني انطميت ورحت معهم يمه ...
وبين شهقاتها المتقطعه ودموعها اللي ماتوقفت لحظة : يارب سترك ...يارب ترجعني لهلي سالمه وينك يبه وينك ياعلوووي ترجعوني ...
ماجابوا لنا الا ذا المتخلف...شلووون يبوني ارجع معه ...مستحيل ...كفايه تجريح
.
.
.
في السياره ...كان السكوت سيد الموقف ....
راشد وهويفكر : آآآآه كله منها تحدتني وخلتني اتصرف هالتصرف بس والله موب ودي ...خليتها وخليت قلبي معاها ...كله من عنااااادها ليتها تحس فيني

تخيل راشد شكلها وهي بروحها ونقبض قلبه ....وقرر أنه يرجع لها بس بعد مايعطيها درس ماتنساه طووول عمرها ...
.
.
.
وصل راشد العزبه ونزلهم ...وقبل ماتنزل منيره ناداها ...
راشد: منور ...ًصبر لاتروحين اركبي ابيج شوووي
منيره : هلا وش تبي
راشد :أمشي خلينا نجيب هالخبل ...صح أنها ماتستاهل بس علشان امها المسكينه وعلشان علي اللي قلت له اني برجعكم ....
منيره :فديت روحك دريت أن قلبك طيب ...ماراح تخليها اعذرها تراها طيبه بس لسانها طووويل ...
راشد : يالله بنشوووف وين بيوصلنا لسانها ...
.
.
.
دخلوا البنات الخيمه ...وخذوا لهم علقه معتبره من الحريم اللي قاموا يهزءون فيهم ويهاوشونهم ..

أم العنود : نجووول وين العنود
الهنوف: يمه مارضت ترجع معانا تهاوشت هي وراشد وقالت بتنتظر علوووي
ام العنود وهي تضرب يدها بصدرها : ايابنتي خلتوها بروحها وجيتوا ...ياويلي على بنتي ...وانتوا خليتوا اختكم ليه ماقعدتوا معها
وضحه: راشد عياااا وحلف ان ماحد ينزل معها ...
أم العنود: والله مالومه من طووول لسانها اكيد انها علت صوتها عليه ...فضحتني هالبنت ....أقووول نجووول وليه ماعودتوا يوم وصيتكم ان المغرب تكونوا هنا
نجلاء : نسيت اخذ نظارتي مااقدر اسوق في الليل ...والله اني مفتشله منكم السموحه
ام العنود : على فكره ترى ذي اخر مره تروحون فيها ماعاد فيه تمشي اللي تبي تروح تمشي قريب
نجلاء : ابشري التوبه ...ماعاد اسوق ابداً
أم العنود: انزين اتصلي على علي خليه يروح لها
نجلاء : ان شاء الله
أم راشد : لاخليه راشد توه متصل علي يقول راح هو ومنيره يجيبونها
ام العنود: يسلم أبو حمد...
.
.
.
العنود حالتها حاله ..
الجووو عندها هادي ماغير صوت الدق والاغاني اللي كان مصدرها العزيه القريبه منهم
...
العنود : ياويلي وينه علوووي تأخر ....يارب سترك
.
.
.
زاد خوف العنود بعد ماشافت ليتات سياره تقترب منها ...هنا العنود وطت من راسها وقعدت تقرى المعوذات وتدعي ربها يحميها ...
سمعت باب السياره اللي انفتح وصوت الخطوات اللي كانت تقترب منها ...

طل راس من الدريشه ....: عنود عنود وينج
الصوت مألوف رفعت راسها وهي مستانسه واعتلت الابتسامه وجهها وشافت منيره اللي كانت تبتسم لها..

منيره : يالله يالدلوووعه امشي خلينا نروح .
العنود : علوووي جا وش اللي جايبج معاااه
منيره : لا راشد حزن منج وعووود
العنود وهي تصارخ : وش اللي مرجعه ماقلت له مابي ارجع معه ..مابي أي عطف منه ...يعني اني طيب وحليووو خليه يفارق أنا ماراح اروح الا مع علوووي ولا ابوي بس هو ماله دخل فيني
منيره:عنود شفيج وهذي جزاته انه رجع لج...وبعدين انتي ليش تعاملينه بهالاسلوب ترى راشد طيب صدقيني بس انه شووي عصبي ...يالله تعوذي بالله وامشي ترى الناس تعشوا وبيمشووون يالله
العنود: طقاق روحي انتي مابي ..
منيره عجزت فيها ....ورجعت لسيارتهم
منيره : راشد تعال شوفها معيه ترجع ..
راشد: لاحووول ...
وينزل من السياره ويتجه لبابها : العنود يالله امشي ...ترى صبرت عليج كثير وماعاد فيني صبر خلصي
العنود: ياربي انت وش تبي قلت لك مابي ارجع معك ....غصب هو
راشد فقد صبره : أي غصب وترى عطيتج وجه ..اقول انزلي ولا مايحصل لج طيب
العنود: انا اللي عطيتك وجه اكثر من اللزوم ...ياأخي اذلف روح توكل على الله ....اللي تبيه ماراح يصير اوكي ولا تقعد تبين لي انك طيب ومهتم علشان ارضى ...يالله مع السلامه ..
راشد هني جرحه الكلام فتح الباب كأنه وحش وعطاها ذا الكف اللي صدمها وصدمه ومسك زندها ونزلها بالغصب : اللي ابيه بيصير وبتشوفين ...
العنود وهي تصارخ : فكني فكني يالحيوان والله لاقول لابوي...
راشد :ماعلق كمل طريقه وهو يفتح الباب تعثر بحصى كبيره كانت قدامه ..وازلقت رجله اللي كان يعرج فيها على جنب ألمته ....بس انه تحامل على نفسه وفتح الباب ..
هني العنود ومن خلال شهقاتها ومن قهرها : فكني يالاعرج ...اعرف امشي وبعدين تعال اتمرجل علي ...
دزها راشد على الكرسي وسكر الباب ...وهو يقوول: راح تدفعين ثمن كل كلمه قلتيها ...
وركب وركبت منيره ورى جنب العنود وهي في ذهووول من الموقف ..
.
.


****************

[فيتامين سي]

""" الفصل السادس """

(( ~ ~ صـــــدمــــــة ~ ~))

المكان هادئ جداً إلا من صوت شهقات بكااااء حاااار ولكن مكتوووم ...زادت الشهقات وأنفلتت معها كلمات ...سب وتهديد ...

العنود :والله لاوريك ...تحسب الموضوع بيمر بالساهل ....أنزين صبرك علي ...
منيره : عنود...خلاص حبي هدي ....الحين بنوصل
منيره بينها وبين نفسها .....الله يهديك ياراشد ....عطيتها كف ...ماأصدق بأي حق ....بس خاطري اعرف اللي بينهم ....فيه شي كبيربينهم خلاهم يتصرفون هالتصرف ... يارب سترك
راشد كان يناظر في المنظره ويرجع نظراته على الطريق ...بدون ولاكلمه ...كان الجرح اللي في قلبه كبير وكان ينزف ألم وحزن وصدمه في نفس الوقت ...
.
.
وصولوا للعزبه ...اللي خفت من بعض السيارات ...وصار الجووو الكلي هدوء في هدوء ...

فتحت الباب قبل ماتوقف السياره ونزلت منها بسرعه ....وخلت الباب من وراها مفتووووح....

منيره قبل ماتنزل : راشد فديت روحك تكفى لاتزعل ولاتحط في خاطرك ...أنا متأكده أنها راح تعتذر منك ...سامحها ترراها متهوره
فتح الباب ونزل....
راشد : آآآآآه .....طلعت منه من الالم اللي يحسه في رجله.
منيره : بسم الله عليك ...راشد ...شفيك
راشد لاولا شي ....ألم بسيط وبيروح ...خلاص أنتي روحي ألحقي على العشا قبل لايشلوووونه
...
طفى سيارته ...ومشى وهو يعرج ودخل للخيمة اللي كانوا يباتون فيها الشباب ....وانسدح على السرير وكله ألم ...من رجله ...ومن قلبه
.
.
. دخلت منيره الخيمه ....
نجلاء : منوووروينكم تأخرتوا وين عنود يالله تعشووا
منيره : ليش هي ماجات هني
نجلاء : لا ...ماشفتها
منيره : اكيد في خيمة المطبخ باروح اشوفها
نجلاء : منور صبري ماتبين تتعشين ...
منيره :بشوف وين العنود وبجي
.
.
قاعده برى الخيمة والدموع على خدودها وتفكر في اللي صار ...
العنود : ياربي طلعت أبي أستانس ..غثني ...خلاني اطوول لساني وانا ماحب أرفع صوتي على حد... بس يستاهل ماجاه ...الله ياخذه ...
وشوي ماشافت الا اللي حط يدينه على عيونها .....

....... : الحلو لحد الحين زعلان ...
ومدت يدها تبي ترفعها ...يالله عن الدلع قووومي ...خلينا انتعشى ماعاد بقى الاانا وأنتي ...يالله
العنود : منور...يمه خوفتيني حرام عليج ...منور فديتج أنا مابي اتعشى تعشي انتي ...
منور : أسفه ماراح أكل الا اذا اكلتي معي
العنود: منوووور امانه لاتضغطين علي ...ماأبي ...روحي تعشي أنتي فيه العافية
منيره : مالت عليج مالي خاطر عندج ...أوكي أنا باروح بس تأكدي أني تضايقت منج ....روحي ياشيخه الله يسامحج ...
وتمشي منيره وهي معصبه وتدخل الخيمة ....العنود...تضايقت من كلام منيره ...
العنود بينها وبين نفسها ....فديت منور غثيتها ...اكيد بتزعل علي ماألومها طايحه سب في أخوها وهي ماتدري وش السالفه ....معليش ...مصيرها تعرف وترضى علي ...أنا متأكده ...لانها تحبني وماترضى على فراقي ...

وبينما هي منزله راسها وتلعب بالحصى ....شافت زووول قدامها ...
رفعت راسها شافته .....طالع من خيمة الشباب ...الالم في وجهه ...والتعب مبين من ملامحه ....راح لسيارته وطلع له شاش من ورى ...
قعد يربط على رجله ...وهو يزفر من الالم ...سمع صوووت بكى قريب ..ألتفت ....شافها قدامه ...وحاطه ايدها على فمها ...

عطاها ذيك النظرات ....نظرات كلها لوم ....نظرات كلها حسافه ....

قامت العنود من مكانها .....وركضت داخل الخيمة ....وهي تصيح ...
العنود: ياربي ...والله ماقصدي اجرحه ....عذبته بكلماتي زووودٍ على الالم اللي يحس فيه ....ليش ياراشد تستفزني ...وتخليني أغلط عليك ...ليش ماترحمني ....وتخليني اختار طريقي بنفسي ...ليش ...
:
:
:
...مر الوقت بسرعه ...والكل رجع لبيته ...بعد ماقرروا انهم يأجلووون المبيت لمره ثانيه ...بعد ماتعب راشد..
:
:
يوم السبت ...
الساعه خمس الفجر ...
الظلام مالي المكان الا من اضاءه الابجوره البسيطه ...
لطيفه وهي لابسه جلال الصلاة : خالد ...خالد ..حبيبي قوووم يالله الصلاه عجزت وانا أوقظك يالله حرام تبدى يومك وانت مأخر صلاة الفجر...يالله عاد
خالد :أوووف لطوووف خليني شوووي راقد ...بصلي بصلي بس انتي خليني بقووم بروحي
لطيفة : متى كله تقول بقوم وماتقوم ...يالله وتشد اللحاف من فوقه وهي تتدلع وتشده بقوو
خالد وهويقعد ويصارخ في وجهها :لاحووول ماتفهمين أنتي ولا تبين اسلوب ثاني علشان تفهمين ...انجلعي من ويهي
لطيفه وهي منصدمه منه ومن الكلام اللي قاله هذي أول مره ....: خالد قووم أكيد تحلم ...
خالد:لاحلم ولا شي ...لااله الا الله ...شلون أفهمها هذي ...أقوول ...
ويقوم ويمسكها من زندها ويطلعها من الغرفه ويسكر عليه الحجره ...

لطيفه ..كانت في وضع لايحسد فيه ...منصدمه ..والعبره خانقتها ....مش مستوعبه ان خالد الطيب الرومانسي ...يسوي هالحركه المفاجأه ..ولا ويطلعها من الغرفه ..وش تسوي هي ...وين تروح ...( ساكنه في بيت أهل زوجها في غرفه وحده...)...وشنو بيقولون أهل زوجها اذا شافوها بهالشكل وهالوقت برع الغرفه ...
لطيفه : ياربي وش اسوي ...وانا مالابسه شي ....زين ان الجلال علي ...
وقامت تدق لعل وعسى يفتح لها
لطيفه وهي موطيه صوتها : خالد ...تكفى واللي يرحم والديك بطل ...خلاص ماراح اقول لك صل مره ثانيه ...يالله بطل قبل لايشوفني حد ...خالد ...خالد
خالد: ذلفي ...ماراح ابطل ...
لطيفه وهي تقوم تصيح : خالد تكفى ..بطل
والسكوت مخيم المكان
لطيفه بينها وبين نفسها ...يارب وش اسوي ...أخاف حد يشوفني ..شنو بيقولون ...الله يسامحك ياخالد ...ليش خليتني في هالموقف ...
..
..
..
نزلت تحت في الحديقه وكان الجووو بارد جداً ....قعدت فيها شوووي تفكر شنو تسوي ...بعدها ماقدرت تصبر أكثر وطلعت فوق ...ومشت لغرفتها تشيك ...يمكن حن وفتح الباب ....بس للاسف لقتها مقفله ....
..
..
لطيفة: ياربي وش أسوووي مافيه الا أني اروح لإيمان ...( إيمان أخت زوجها ...)
وصلت لغرفتها ...ودقت على الباب...
لطيفة وبصووت واطي : إيمان...إيمان بطلي الباب أن لطيفه
إيمان اللي كانت توها مخلصه صلاه وقاعده تقرأ قرأن: من من اللي عند الباب
لطيفه : أنا لطيفه بطلي بسرعه ..
وتقوم إيمان وتفتح الباب ...وتستغرب شكل لطيفه وتواجدها في هالوقت عند باباها ...
إيمان :هلا لطيفه بغيتي شي ....
لطيفه : لابس أبي أقعد عندج شوووي
إيمان اللي استغربت وضع لطيفه ...وحجتها : حياج ...أدخلي
دخلت لطيفه وقعدت على حافة السرير
لطيفه: إيمان انتي مواصلة ...ولا تو صاحية
إيمان : لاوالله مواصلة ليش
لطيفة: أهااااا ...بس جذي اسأل
إيمان : لطوووف شكلج موعاجبني فيه شي ....وين خالد
لطيفة : هاااه ولاشي ..وخالد راقد ..
إيمان :وأنتي شعندج صاحية هالوقت ...غريبه أخبرج تموتين على النووووم
لطيفه وهي متضايقه من كلام إيمان : هذي جزاتي جايه أبي أسولف معاج ....على العموم أناأسفه اذا ضايقتج يالله بطلع
إيمان: هيه شفيج أنتي ....اسأل بس ولا أنتي تبينها من الله يالله عاد أقول قعدي ...
لطيفه ماستحملت وقامت تصيح
إيمان: لحوووول لطوووف وش فيج ..حد من أهلج مريض ...
لطيفه :لا
إيمان : خالد فيه شي
لطيفه :لا
إيمان : أنزين وش سالفه البكي
لطيفه :أخوج ....ودخلت في نوبة بكااااء قويه
إيمان اللي خافت ...وجات وقعدت جنب لطيفه وتمسح لها ظهرها : لطوووف حبيبتي ...خلاص تعوذي من الشيطان وقولي لي وش سووووا
لطيفه : تخيلي ....قمت أصحيه لصلاة الفجر ..مسكني من يدي وطلعني برى الغرفه وقفل على روحه وأنا بهالشكل ...مايخاف أن اخوانه يشوفني ...ولا أبوه وأمه ساعتها شنو بيقولون ..وهذا من غير الكلام الجارح اللي قاله لي ....
إيمان : لطوووف حبيبتي ...لاتضايقين ...خالد اخوووي شووي عصبي ..ويمكن هذي أول مره تشوفينه بهالشكل
لطيفه : أوكي عصبي بس مولهالدرجة ....صراحه صدمني تصرفه ...ومستحيل اسامحه
إيمان : لطوووف أنتي حساسه وايد ...صدقيني راح يجي ويستسمح منج ...بعد شوووي بس اذا صحصح ...صدقيني أخوي وأنا أعرفه
لطيفه : بالطقاق ...ماراح اسامحه
إيمان : عيني بعينج ....ماصدقج ...تموتين على أخوي ...وماترضين عليه كلش...هههههه أقول شرايج ...نروح نتريق ونرجع ننام
لطيفه :وين أنام وأخوج قافل الغرفه
إيمان :عندي ولا ماتتنازلين تنامين معااااي
لطيفه : وشدعوه ...بس أخاف اضايقج أنتي شذنبج
إيمان : وحد أشتكى لج ...يالله قووومي ....خاطري في كب كابتشينو في هالجوووو الروعه ...
لطيفه : يالله ....
::
::
::
في مكان اخر ....كانت الغرفه مظلمه ...وكان الهدوء مالي المكان ....
صحت شيخه وشافت الساعه ....
شيخه : الحمدلله الساعه سبع ....زين صحيت الحين علشان يمديني اذاكر لهالماده القشره ....آآآآه منك يادكتور خالد ...خاطري اعرف شلون بيكون اسلوب الامتحان بكره ...سألته بس كشت فيني ...قهر ..هالدكتور احسه مايعطي وجه الا للي ماتتغشى او تلبس نقاب ....قهر والله العظيم

وتقوم وهي تتسحب للحمام ...بس لفت انتباهها صوووت جاااي من الصاله
شيخه : غريبه من هاللي صاحي هالوقت ولا يوم سبت ...خليني اروح اشوف من ...

وطلعت برع غرفتها ...وشافت الفوضى اللي ماليه المكان واكياس الكوافي والجبس ...وصوت التلفزيون اللي كان على الاخر
...كان أخوها متعب .....يلعب بلاي ستيشين ...
استانست من قلب لما شافت أخوها
شيخه :أممم يعني وصلوا بروح اخرع تعوووب ...
وتمشي بشويش وتنقز على أخوها اللي كان مركز ومنسجم مع اللعب ...وبحركه مفاجأه ...مسكها وقلب بها للقاع ...وحط أيده على رقبتها
شيخه : فكني يالخايس بمووووت
متعب : من شيخه الله ياخذ بليسك خوفتيني ...حسبتج حرامي ...ويقوم ويفكها ..
شيخه : حرامي ....صاحي أنت ....حرام عليك كسرت عظامي مايسوى علي ...
متعب : خخخخخ عسى من اللي قالك تستعبطين وأنتي تعرفيني ...
شيخه : أي والله أنا الملقوفه ..
وتقوووم وهي تتحرك شوي شوي من الالم اللي في ظهرها
متعب : شيخوووه وين رايحه ماراح تحبيني
شيخه : هونت كنت بحبك بس بعد الحركه ...مش بوزك
متعب : ووووع من زين حبتك ...روحي ياشيخه عتقتيني ...خخخخخ
شيخه وهي تتحلطم وتسحب رجولها : خخخ صدمتك صح ..بس مافيه راجعه لك وببوسك بشكل فجائي كسرت خاطري بصراحه بس ياويلك ان كسرتني باروح اشتكي عند أبوي ....
:
:
:
بعيداً عن الدوووشه ....وفي حديقة بيت لطيفه ...
كانت السوالف حاميه وحميميه بين إيمان ولطيفه اللي نست وقامت تسولف وتهذر ...
لطيفه :أي والله إيمان أنتي ماشفتي شي ....يحزنون حالات نفسيه....
إيمان : ياربي هذول بكامل قواهم العقليه ...شلون تحط نفسها صبي وهي بنت في الاساس ....
لطيفه : وحده تخيلي لابسه ثوب شتوي أسووود ...أشكره ثوب رجال مبين ...ولا ومنقزه شعرها بالجل ...والمسباح في يدها هههههه مصدقه عمرها الشيخه
إيمان : اللهم لاشماته ....هذول قلنا حالات نفسيه بس البنات اللي يرافجونهم وش أنسميهم ...
لطيفه : حبيبتي هالبنات ماقاموا يرافجون هالاشكال الا علشان يلفتون الانتباه ...قمة التخلف ..
إيمان :انزين بسألج وين المسؤولين عندكم في الجامعه
لطيفة : حبيبتي ...تعبوا معاهم ...مافيه فايده ...

وشوي ماشافوا الا اللي جايهم من المطبخ ...ويبتسم لهم ...
لطيفه : شرف أخوج ...ولا يبتسم ...صدق مافيه دم ...
إيمان : حرام عليج شوفي شكله مبين تعبان ماجاه النوم ....متحسف
لطيفه لاوالله ..انزين بسج هذا هو جاااي ...
...
..
.
أحم أحم ..أش هالهذره اللي من صباح الله خير ..ماخليتوا حد يرقد ...
ويجي ويقعد جنب لطيفه اللي كانت قاعده على الطاوله وإيمان مقابلتها ..ويحط يده على كتفها ...ويضمها ويقربها منه ...
شالت لطيفه يده منها وبعدت عنه ..
خالد :فديت اللي زعلانين مني .
وتعطيه لطيفه نظره احتقار ...وتشرب الكوفي اللي قدامها ...
خالد: لتو ...خلاص عااد والله ماجاني رقاد ...يالله سامحيني ..واوعدج ماعيدها ..
لطيفه : اطلب من ربك ان يسامحك أول بعدين تعال استسمح مني ...
خالدوهوياخذ الكوب من يدها بطريقه سريعه ويشرب منه : اف اف شكلج ماخذه على خاطرج مني من قلب
لطيفه وماعلقت على أي كلمه وتشوف إيمان اللي كانت واقفه تبي تروح ...: إيمان وين رايحه انتظريني بمشي معاج ...
خالد : على كيفج مو قبل لاتسامحيني ...
قامت لطيفه بدون ماترد ...وتمشي مع إيمان
خالد: انزين صبر صبر ...أبي ريوووق ماراح تريقيني ..
وتمشي لطيفه بدون ماتلتفت ولاترد
خالد: لطيفه أنا أكلمج ....
وتلتفت إيمان : خالد خلاص أنا اللي بيب لك الريوووق ..
خالد: لا أنا أبي لطيفه اللي تيبه
إيمان : خالد ....لطيفه تعبانه ...انا اللي بيبه
خالد: وانا مصر أن لطيفه اللي تييبه ...
لطيفه وخانقتها العبره : إيمان خلاص أنتي روحي انا بييب له الريوق
إيمان : لطوووف متأكده
لطيفه :أي فديتج خلاص روحي نامي أنتي أكيد تعبانه وأنا ماقصرت تعبتج معاااي
إيمان: أفااا عليج انتي أختي لطوووف
خالد: وبعدين شكلكم بتكملون سوالف وانتوا واقفين يالله انتظر الريوووق ...
ألتفتت عليه لطيفه وشافته يشوفها ويبتسم أبتسامة المنتصر ..
مشت وراحت للمطبخ ....وقامت تسوي الريوق وهي تصيح منقهره ...صدق مافيه احساس ...ليش يعاملني جذي ...ولا ولاكأن شي صاير ولاكأنه طاردني برع الغرفه ....
وهي تحوس في المطبخ لاحظت اللي عند الباب واللي سمع كلامها كله ...قرب منها ...
خالد: افاااا أنا مافيني إحساس ...ليش حكمتي علي بهالسرعه ...أنا اعتذرت لكن أنتي اللي ماتبين تسامحيين ...لطيفه أدري ان اللي سويته جايد ...بس والله مومني كنت مو في وعيي ....لطيفه مافيه داعي الحساسيه اللي زياده عن اللزوم ...
ويقرب منها يبي يلوي عليها لكنها ابتعدت ...
لطيفه وهي منفجره من الصياااح: ماحسيت بلى حسيته ...ايدي على قلبي لاحد من أهلك يشوفني بهالشكل وهالوقت برع ..شنو بيقولون ...خالد...أنت صدمتني ....ماتخيلتك قاسي لهالدرجه ...
خالد:مافيه فايده منج .اعتذرت منج شنوتبيني اسوووي اكثر الظاهر..الكلام ضايع معاااج ....انا رايح والريوق أكليه مابيه عليج بالعافيه ...
وطلع من المطبخ وهو معصب ..ومخلي لطيفه وراه واقفه في مكانها .....

:
:
:
شيخه في هالوقت قاعده في الصاله ...وتشرب الحليب ...والكتاب في يدها ...أووف مالي خلق اذاكر ...ملل
بدش النت شوي وبطلع ....
فتحت اللاب توب ...ودشت المنتدى ....وقامت تتصفحه ....ودخلت قسم الاشعار اللي كانت دايماً تدخله ....ودخلت موضوع للاهداءات ...
انصدمت اهداء لها ....ومن من .....من كلك نظر ...
كان الاهداء كالاتي ...
إلى .....

عذبتني و المشكله ما اقدر انساكـ.......و لا ادري متى بالقرب يرتاح بالي
من بين كل الناس قلبي تمناكـ............ما غيركـ احدن في حياتي طرالي

أنصدمت ...وسكرت الصفحه ..وردت وافتحتها مره ثانيه ...
وشافت الاهداااء ....

شيخه : معقوله لي هالاهداااء لي أنا ....
صراحه تخلف هذا مصدق عمره عسى ماشر مطيح الميانه ...
..
وتقوم تكلم مي اللي ردت بعد مامر وقت طويل
مي وفي صوتها نووووم : ألوووو ..
شيخه : مي ووجع وينك زين رديتي
مي : من ..شيخوووه ...شفيج متصله هالوقت ...حرام عليج خليني أنام
شيخوه: قومي ....علميني وش أسوووي
مي : شفيج ...
شيخه : شفتي كلك نظر
مي :من كلك نظر
شيخه : هذاك اللي في المنتدى
مي : اهاااا شفيه
شيخه : الخايس حاط لي اهداااء
مي : وين
شيخه :شفيج أنتي في المنتدى
مي : هاااه وبعدين
شيخه : وشلووون بعدين ....حاط كلام كله غزل
مي : وشدعوووه ...هذا صاحي ..
شيخه : والله ...دليني وش أسوي
مي : صراحه هذا بايعها مايستحي على ويهه
شيخه : لا وحاط اسمي كااااش
مي : مافيه الا انج تبلغين الاداره عليه
شيخه :استحي
مي: ماعليج منه ..والله علشان يتأدب الحقير حاط روحه زقرت وانسان مؤدب
شيخه : خلاص ..ببلغ الاداره...يالله باي باي اتصل عليج بعدين
مي : وش عقبه خلاص طيرتي النووم من عيني ..
شيخه : خخخ احسن.
وتسكر منها وترسل رساله للاداره علشان يسوون الاجراء المناسب ....

في مكان اخر ...
أم العنود: العنود العنود يالله قومي الساعه الحين عشر وأنتي ماقمتي ماتقولين عندج واجبات وامتحانات ...
العنود : انزين يمه ...بس خمس دقايق
أم العنود : يالله يمه ..أنا وراي أمية شغله
العنود: خلاص خلاص قمت ..
وتقوم العنود وتقعد ...وبسرعه رجعت لها احداث أمس
العنود : خاطري أعرف ليش أمس طول الوقت ساكت ومارد علي لما كنت أسبه ..ياربي احس بالذنب ...مافيه الا أكلم منور واشوف وش سالفته ...وراح أقووول لمنور السالفه كامله ...
::
::
::
العنود : ألو صباح الخير
منيره : مرحبا
العنود: اخبار الغاليه
منيره : الغاليه
العنود :شفيج مومصدقه
منيره : أشك
العنود :افاااا ...منور فديتج سامحيني
منيره : بس عنود زودتيها امس
العنود : ادري وهذاني داقه اعتذر
منيره: اذا علي ترى مسامحتج ...بس راشد
العنود : شفيه ...
منيره : ترى امس جرحتيه واجد بكلامج ....عنود أنتوا بينكم شي
العنود: ادري والله واحس بالذنب بس ترى مو بيدي اخوج هو اللي ينرفزني ...
منور ...أمانه اخبار رجله
منيره: غريبه اللي يسمعج الحين يقول مو أنتي اللي تسبين أمس ...أممم على العموم ..والله حالته حاله ..رجله معورته واجد والحين هو نايم مع أنه المفروض في هالوقت ...برى البيت .
العنود : سلامته مايشوف شر ..منور أكيد أنتي تدرين أن راشد يبيني
منيره: ايه والكل يعرف هالشي
العنود :بس منور انا مابيه ...لاتفهميني خطأ راشد ينحط على الراس بس أنا أبي واحد بمواصفات غير
منيره وهي معصبه : يعني شلووون بمواصفات غير يعني قصدج مثلاً مو أعرج
العنود : منيره شفيج ...طبعاً مو هذا قصدي ..
منيره : منيره عطيني سبب واحد يخليج ماتبين راشد
العنود : منور أنا مااحب احد يغصبني على شي مو مختارته أنا ...
منيره : انزين انتي فكري فيها ...يعني بترفضينه علشان أهلج هم اللي مختارينه لج ...
العنود: لا طبعاً بس أحسه مفروض علي ..واللي زاد أخوج اللي ماهمه أني ماشوفه مناسب لي ولازال على رايه وماعليه مني .
منيره : وشلون عرفتي
العنود : كلمته
منيره : كلمتيه وشلووون؟؟؟
العنود: خذيت رقمة من تليفونج وكلمته
منيره : يمه منج ...بس صراحه اللي سويتيه قوووووي أنتي شنو قلتي له بالضبط
العنود :قلت له أني ماأفكر فيه كزوج وانه مفروض علي
منيره : صراحه أنج جريئه ....ولا بعد تعاتبينه على اللي سوااااه حبيبتي الرجال مايحب حد يتحداااه
العنود: وأنا متحديته انا صارحته لااكثر ولاأقل ...ليش الواحد يحب النفاق ومايحب الصدق
منيره : بس مادري يالعنود ...انتي تناسيتي اشياء واجد ...تناسيتي أن هالكلام فيه قبايل وعادات وتقاليد واشياء كثيره لازم نحطها في الاعتبار
العنود:لاحووول ....ليش الواحد مايعيش بحريه ...ليش مايكون لنا راي ...الحين علشان الواحد يبي يعيش حياته مثل مايحب صار خارج عن العادات والتقاليد والسلوووم .
منيره : المهم ..وبعدين
العنود: لابعدين ولاأبلين أخوج عند ...وعصب وتوعد... وسفه لكلامي كله ..وأصر على أنه يتزوجني
منيره : أنزين عنود أنتي مافكرتي بأن هالشي دليل على أنه يحبج ؟؟؟
العنود : انتي من جدج ...شلون يحبني واهو مايعرفني ..متى قعدت معه ..بالذمه شلووون؟؟؟ حبيبتي ..هو ماقال هالكلام الا لاني قلت رايي اللي ماعجبه بس لااكثر
منيره : حرام عليج ...اذا كلامه مايدل ترى فعله يدل
العنود: أي فعل
منيره: إلي أمس ..
العنود :أمحق فعل حبيبتي أمس متأكده أن اللي سواه عناد فيني وتأكيد على أنه يقدر يسووي أي شي يبيه ..
منيره : العنود أسمحيلي أنتي الكلام معج ضااايع ...تعبت معاج ....أنتي بكيفج عاد أنا قلت لج إللي أشوفه وأنتي كيفج
العنود: هييييه خليها على الله بس أنا ماراح ارضخ لهم كلش
منيره: الله يعينج مااعتقد
العنود: انزين انتي شوووفي ...
منيره : بنشوووف
العنود: منور بس أمانه مابيج تزعلين مني ترى رفضي لاخوج ....ماله دخل بأخوتنا ...بنتم أخوات وصديقات على طووول
منيره : بالعكس حبيبتي ماراح يزعلني ..بس حبيت أقول لج تراج خسرانه اخوي راشد مايتعوض ..
العنود: خخخخ أكيد بتقولين هالكلام ...مو أخوج
منيره : هههه لاوالله بس لاني اعرفه على العموم خليج واثقه ان هالاشياء ماراح تفرق بيننا لان هذي حياتج وكيفج ...
العنود: ريحتيني حياتي ....يالله أخليج ...بس أمانه أبيج تعتذرين لي من راشد مو عشان شي بس علشان اريح ضميري
منيره : اوكي ...
العنود : يالله حياتي مع السلامه
منيره : مع السلامه
::
::
::
لطيفه ...وهي قاعده في غرفتها تنتظر خالد: اوووف شفيه تأخر وايد ..يارب تحفظه ...معقوله زعل مني المفروض أنا اللي أزعل مو هو ...ياربي ...بتصل بشوف وينه ...
ولا أقول ماراح اتصل علشان مايقووول أني مهتمه ويعرف أني زعلانه وهو غلطان .احسن لي اطلع اتغدى مع عمتي ...
وطلعت من غرفتها ...ونزلت من الدرج رايحه للصاله ...
لكنها في نص الطريق وقفت وفكرت شوووي وردت ركض لغرفتها وسكرت الباب ...
لطيفه : شلووون يطاوعني قلبي ..أخليه وماأسأل ....مستحيل ...
وخذت الجوال واتصلت ...وكان قلبها يدق بسرعه وبشكل جنوني ...: دقت ودقت لكن ماحد يرد ...
لطيفه : ياربي هذا وين ليش مايرد الله يصلحه
وردت تدق ...لكن هم مارد عليها ...
لطيفه : مافيه الا أني ارسل له مسج ...أشوووف وينه
أرسلت له :
خلوووودي حبيبي وينك ؟؟؟
ترى تدري معزتك في قلبي ..عن التغلي ..يالله ارجع ترى مشتاااقه لك حيل ...وعن الزعل المفروض ماتزعل أنا اللي ازعل ...
.....جاري الاسال .....
....تم الاستلام ......
وانتظرت شوووي عند الجوال ....لكن ماحد رد ...
لطيفه : ياربي هذا وينه ...والله خايفه عليه
::
::
::
في فيلاجيو .....
وتحديداً ستار بوكس
عبدالله: ياخي رد ...ترى ازعجتنا
خالد: ونت اشدخلك خلك في حالك
عبدالله : انزين انت ليش مطنقر علي وش اللي دخلني روح طلع حرتك في اللي معصبك ومزعلك ..كله علينا
خالد: يبه لاتزعل ...صاير لنا اشكال مع ناااس
عبدالله :افااااا قلي من ...وانا ترى يمينك اللي ماتعصاك
خالد:خخخخ ياحبك للهواااش ...ياخي مطنقر من هلي
عبدالله : اهاااا قل جذي ...مطنقر من الحرم المصووون ...عسى ياكثر ماقلت لك لاتتزوج انت مو للزواج بس ماطعتني
خالد: ياخي هي اللي زعلانه مو أنا
عبدالله : انزين ليش انت معصب الحين
خالد: لانها مو راضيه تسمع وتسامح ..عنيده
عبدالله : مالت عليك ماتعرف لهالاشكال ..ياخي أقلب السالفه عليها مايفيد معاهم الا جذي ..خلي روحك زعلان منها وصدقني هي اللي بتيي وتراضيك
خالد: وهذا هو اللي اسووويه معها بس والله كاسره خاطري ...ورافعه ضغطي في نفس الوقت ....
عبدالله : أنت عصبي خلقه ...وشلووون اذا حد عاندك الله يعينها
خالد :خخخ حرام عليك ...
عبدالله : انزين وش السواه ...بتسفه لها
خالد : بأدبها شوووي وخليها تحرم تتدلع ...
عبدالله : الله يعينكم يالمتزوجين الحمدلله ...الله لايبلاني مثل مابلاك
خالد: ودك لكن ماحصل لك ....قوووم ياشيخ خلنا نفتر شوووي متملل
عبدالله : يالله
::
::
::
صارت الساعه ثلاث وهي في نفس المكان تنتظره ...
لطيفه : ياربي بموووت هذا وينه مافيه الا اني انزل لإيمان تشوووف وينه
..
طلعت لطيفه من غرفتها...ونزلت للصاله لقت عمتها وإيمان وعيال اخو زوجها الصغار
سلمت عليهم وجلست
أم خالد : يمه وينكم ليش ماتغديتوا
لطيفه : بس فديتج أنا ماأشتهي وخالد طلع
أم خالد : غريبه يطلع هالصبح ...دايما يتغدى في البيت ..
لطيفه : أي فديتج ...انشغل شوووي ..
لطيفه : إيمان ممكن شوووي أبيج ...
إيمان : يالله خلينا نطلع
أم خالد : عسى ماشر
لطيفه : أبد مافيه شي بس أبي إيمان أبيها تشرح لي ...
أم خالد : أيه ....الله يوفقج بنيتي
لطيفه : تسلمين يمه
طلعوا للحديقه وهناك ......
لطيفه : إيمان فديتج ألحقيني
إيمان : شفيج خوفتي شنهو اللي صار
لطيفه : تهاوشت مع خالد لما رحتي منا ولحد الحين مارجع اتصل عليه ومايرد أرسلت له مسجات ومايرد ...علي ...خايفه عليه ....
إيمان : يمكن مشغووول بشي
لطيفه : مادري بس والله خايفه ....تكفين أتصلي عليه
إيمان :ولا يهمج بس أنتي اعصابج أن شاء الله بخير
لطيفه : أمانه ..
إيمان : أنزين أنتي روحي فوق جيبي لج كتاب وجوالي وتعالي لي في الحديقه علشان أمي ماتشك
لطيفه : خلاص دقايق ...
وتروح لطيفه لفوق ....وخذت الاغراض وأنزلت ...
وهي تلهث : هاج ...
إيمان : مايسوى عليج هالتعب صدقيني ...أكيد أنه يتغلى .
لطيفه : مو مهم أهم شي أنه بخير
إيمان : وينه خلود يسمع هالكلام ...والله لايروح فيها أخوووي
لطيفة : يالله دقي
وتدق عليه إيمان ...و في هالاثناء كان قاعد في سيارته يبي يرجع ...
خالد وهويشوف الجوال : وش تبي إيمان اكيد لطيفه اهي اللي قايله لها تدق بس مافيه ماراح ارد ...خليني أعلمها الدرس عدل
إيمان : أوووف شفيه هذا مايرد
لطيفه : لاتقولين شفيه مايرد ....لايكون فيه شي
إيمان : تعوذي من الشيطان ....صبرج أنتي ... لاتخوفيني.....بدق بعد شوي يمكن الحين مشغول .
لطيفه :إيمان مافيني صبر ...بخلي عمتي ولاعمي يتصلون عليه يشوفون وينه
إيمان : أنتي ليش مستعجله صبرج بالله ....لاتكونين مطفوقه
لطيفه : ياربي ...خلاص بننتظر وبنشوووف
::
::
::
وفجأه .....
::
::
::
ماسمعوا الا صوووت الصراخ اللي جاااااي من داخل ....



**********

[فيتامين سي]

""" الفصل السادس """

(( ~ ~عطني فرصة ~ ~))


وفجأه .....
::
::
::
ماسمعوا الا صوووت الصراخ والبكي اللي جاااااي من داخل ....

يمه ولدي ...ياناس ..
تكفون ساعدوني ...يمه خالد ...خالد ...
..
..
..
في هاللحظه ...لطيفة ..فقدت شعورها ونهاااارت .....وطاحت عالارض ...وقامت تضرب راسها ...كله مني ......ياليتني مازعلته ....ايمان كله مني خليه يسامحني

في هاللحظه ...طلعت لهم عمتها ...
ايمان ...يايمان وينج ...بسرعه شوفي الدريول الخايس وين راح الولد بيموت بين ايدينا .....
ايمان : من الولد
العمه : خلووود ....شارب قاز
في هاللحظه ...وقفت لطيفه وهي ماتصدق اللي سمعته ....وقفت وهي بين اللي يضحك ويبكي في نفس الوقت ...
لطيفه : الحمدلله ...اللهم لك الحمد والشكر ....
في هالاثناء لاحظت لطيفه انظار ايمان وعمتها المستغربه لها ...وتداركت الموقف ....
يمه وين خلووود الحين ...لازم نوديه بسرعه علشان يسوون له غسيل معده
العمه : في الصاله يمه وهذاك هو يرجع .....ماخلينا شي ماعطيناه ...
وجات فكره في بال لطيفه : الا اقول يمه سويج السياره عندج .
العمه : أي يمه ليش
لطيفه : يمه عطيني اياه انا اعرف اسوق كنت اسوق قبل مااتزوج ...
العمه: أي يمه بس ......
لطيفه وماعطت لعمتها مجال تكمل : يمه ترى مافيه وقت ...وينه يمه بروح اخذه ...
العمه : تلقينه على الطاوله اللي عند الباب ..
وقامت لطيفه تركض وخذت المفتاح ولبست عباتها ...ومرت على خلووود وأمه اللي كانت في حاله حسره وبكاااا ...
يالله ....ساره ...شيلي خلووود بوديكم للطواري ..

وركبوا السياره ومشواااا ....
..
..
..
وفي مكان ثاني بعيد شوووي ...
كانت الحجرة دافيه حيل ...وكانت منسدحه وتشوف لها فيلم عالmbc2 ومندمجة حيل مع مجريات الفيلم شوي الا وجوالها يدق ...
خذت الجوال وقرت الاسم ..استغربت في البداية رقم غريب حاولت تتذكر لمن ..ولمايأست أنها تعرفه ... قالت ماراح ارد ...من هذا رقمه اللي يبيني بيدز لي مسج وبيقول من ...ورجعته ...وكملت فيلمها ...
ويرجع تلفونها يدق ...ونفس الرقم ..
فاطمة : يوووه من هذا المزعج ..مايخلون الواحد يتهنى بفلمه ..وتسكر في وجهه وتقط التلفون وتلتفت للشاشه ...وشوي يجيها صوت رسالة ..
فتحت المسج ...وكان مكتوب فيه ...( مرحبا فاطمة ...ممكن تردين ...أنا اللي بغيت كتاب التاريخ ؟؟؟؟)
فاطمة : ايييه احراج ...البنت تتصل وأنا أسكر في وجهها... وتتصل فيها لكن ماحد رد ....
ولما قفلت ...رن جوالها ولقته رقم البنت
فاطمة : ألو
البنت : مرحبا ...فاطمة
فاطمة : أي معاج
البنت : السموحه على الازعاج ...الظاهران اتصالي جا في وقت غلط
فاطمة : لا بالعكس بس اعذرييني لما قفلت في ويهج ماكنت اعرف من اللي يتصل وانا مارد على الارقام اللي ماعرفها .
البنت : اسفه والله
فاطمة : لا عادي حصل خير
البنت : فاطمة فديتج أنا متصله علشان الكتاب مال التاريخ ادري اني مغثة ...بس والله محتاجتة ...
فاطمة : افااا عليج ...لامغثة ولا شي...ولا يهمج بكره بييبه ...
البنت : تسلمين والله حياتي
فاطمة : الله يسلمج .
البنت : فاطمة ...بغيتج بسالفة
فاطمة : أمري ..
البنت : مايامر عليج عدوو ..لا بس سالفه بسيطه
فاطمة : تفضلي شنهي
البنت : فاطمة شفتي البنت اللي كانت معااي
فاطمة : أي البوووية
البنت: أي ..ترى اهي مش بوي بس ستايلها جذي
فاطمة: أي شفيها
البنت :صراحه هي معجبة فيج وتبي تتعرف عليج
فاطمة تلعثمت وخافت : معجبة ؟؟؟؟
البنت : ايه بس لايروح فكرج لبعيد كصديقة
فاطمة : ايه اوكي ..الله يحييها بكره اكون فاضيه وقاعده في النشاط مع البنات
البنت: لا هي تبي تقعدد معاج بروحكم ...ماتحب الدوووشه ...
فاطمة :أي بس انا مرتبطه بالبنات بكره بشوف متى بفضى وبقول لج شرايج
البنت : خلاص اللي يريحج ..قرري وعطيني خبر بس ياليت بسرعه ..خاطرها من زمان تتعرف عليج بس ماصارت فرصة ...
فاطمة : تسلمين انتي وياها والله ويشرفني اتعرف عليكم ...خلاص ان شاء الله قريب
البنت :خلاص اخليج الحين ماعطلج ...يالله مع السلامة
فاطمة : هلا مع السلامة
سكرت منها ...وهي تتسأل يارب هذي شتبي مني ...شكلها يخوف ونظراتها مريبه ...غريبه والله شنو عاجبها فيني وشمعنى انا من بد هالبنات كلهم ...بكره بخبر البنات واشوف رايهم ...
..
..
..
في شارع النصر ..
خالد : اقول عبود يالله بنطلب وبنرجع
عبدالله : ليش توالناس ياخي خلنا نفتر شووي بالسياره وبنتعشى في مطعم وبعدين نتوكل
خالد : لاحبيبي كفاية اني طعتك ولااناكنت في بيتي من عصر ...شوف بنطلب من تركيا المركزي وبناكل في السياره وبنرجع انا خلالالاص تعبت برجع للبيت وراي دوام من فجر الله
عبد الله : ياخي قول انك ولهت لم العيال وبلا لف ولادوران
خالد: اتصدق انك موب صاحي أي ام عيال ياخي جوف الساعه كم على ماناكل ونرجع الا الساعه صارت 11وصراحه انا حدي تعبان مانمت عدل ..وتبيني بعد اسهر اسمحلي يالحبيب ...تبي تسهر انت علمني وبنزلك عند حد الشباب ..
عبدالله : افاااا وتخليني ...
خالد :ياخي انت بطالي لاشغل ولا مشغله بترجع متى ماودك وتنام ومحد ينشد عنك ..مو أنا الله يعين بس
عبدالله : اوكي والله انك كسرت خاطري يالله خلنا نطلب وودني لمجلس بوتركي ...بلعب عنده كمن قيم وبرجع ...
خالد :يالله ...

...
..
.
لا لا اعذريني والله مزحومه عندي واجبات وكووووم كوزات مااقدر اجيكم
هدى : مريوم ووجع من متى هالشطاره ؟؟؟ علي أنا يالله عن الدلع تعالي لنا بكره بعد الدوام والله تولهت عليج ..
مريم : هدوووي أي دلع قلت لج مااقدر
هدى : أمانة ... تعالي ... أمي وأمج بيطلعون لبيت رفيجتهم مربية ..بتقعدين بروحج
مريم: وخير ياطير خواتي عندي من غير الخدامة ...وبعدين تعالي انتي ليش ماتيين بيتنا ولا ماتتنازلين
هدى : خخخخ اكيد مااتنازل ....مالت عليج ماتستاهلين احد يعزمج ..يختي بيتكم كتمه ...مافيه حوش يرد الروح مثل حوشنا ..
مريم : خخخخ يمه منج تبين أي حجه علشان ماتيين ...هدوي اسمحيلي والله انا بعد متولهه عليج بس مااقدر ...قدري ظروفي ...
وشوي الا تسمع صوت هدى تسولف مع احد ...
كيفي ....ماراح اصك التليفون بس جذي تحب تتأمر
مريم : هدوي من عندج ...من تحاجين
هدى : من بعد ناصر اخوي يقول صكي التلفون ابيه وجواله في يده ...وش يبي بتلفون البيت ...مالت عليه مايخلي احد يتهنى ...دخل المطبخ ويقول دقايق وراد ابيج مسكره
مريم: عيل خلاص اخليج ...بروح اذاكر
هدى : مو على كيفج ماخلصت لحد الحين ...تبين تحرميني صوتج مثل ماحرمتيني شوفتج..
مريم : هااااه انزين سولفي شتبين تقولين
هدى : تعالي ماشفتي الفيلم اليديد مال براد بيت ....يجنن ...ياحلاته لو تشوفين اخر لووووك ...ياحلات الشعر ولا الطول.... كلللللللللللللله رجوله
هدوي هدوي ووجع شهالكلام ...الله ياخذج وياخذ اللي مخاويتهم من بنات شكلج تبين تربية من جديد ...من تكلمين هااااه كل هالوقت .... اقول جيبي السماعه
ناصر وبعصبية : ألوووو
مريم : انصدمت من الصراخ ومن صوت هدى اللي تصيح
ناصر : اقووول ألو رد الله ياخذك
مريم وهي في قمة الارتباك: هلا
ناصر اللي عرف صوتها : من مريم
مريم: ايه
ناصر : وانا اقول شفي اختي تلخبط في الكلام تراها تحاجيج ...اقول لو سمحتي ممكن تسكرين ورجاء ماعاد ابي اشوفج متصله على هدى كفايه اللي جاااا منج ...سامعه
مريم ماقدرت تقول ولا كلمة ...انحبست الكلمات في صدرها والدموووع كانت مالية وجهها ....حاولت تقول شي .بس ماقدرت فقامت وسكرت السماعه بكل ارتباك وحيره ...
ناصر اللي كان على الخط ....مريم ...مريم ....سكرت الخط بويهي ...
احسن خليها تفهم ....
كان ناصر منجرح من مريم ...وكان يبي يقهرها بأي شي مثل ماقهرته ..
مريم كانت تبكي بصمت ....يارب انا وش سويت فيه ليش يجرح فيني ويحاول انه يقهرني ...هذا مو صاحي ...بس مالي الا الصبر ...لازم ابتعد عنهم ِشوي مايسوى علي كل يوم سامعة كلمة كأنها خنجر ...
نامت مريم في فراشها وهي تفكر في حياتها ...وش راح يصير في الايااام الجاية ...

في هالاثناء كانت الشوارع شبة فاضية الا من كذا سيارة ..ومن ضمنهم السياره اللي كانت فيها لطيفة وحماتها وخلووود الصغير ...

ساره ..( مرت أخو زوج لطيفة): لطووف تسلمين فديتج تعبتج معاااي
لطيفة : ولو ماسويت شي
ساره : لولا الله وانتي كان خلودي راح فيها .
لطيفة : الحمدلله على سلامته ..
ساره :الله يسلمج ...
قربت سيارتهم من الشارع اللي كان بيتهم فيه في هالاثناء وعند اللفه ..
كان خالد راجع ...وشاف السياره ...عرفها سيارتهم ...لكن استنكر هاللي تسوقها ..
خالد: من هذي ...وين عبد المجيب ...
دخلت سيارة لطيفة البيت ...وتبعتها سيارة خالد ..
اللي شاف اللي انزلوا من السياره ...كانت لطيفة تضحك مع ساره اللي كانت شايلة خالد اللي كان نايم ....
خالد: انصدم وتجمعت الشياطين في وجهه ... لطيفة اللي كانت تسووووق ...يعني ماعليها مني ...كسرت كلامي ..
وينزل من السياره ....
خالد: لطيفة لطيفة
لطيفة اللي خافت وألتفتت للصوت اللي جاي من وراها ...
لطيفة : خالد ...جيت
قرب خالد منها والتعصيب باين على وجهه ....جا ومسكها من زندها ..
أنا ماقلت لج ماأبي اشوفج تسوقين ...ولا قمتي واستغلتي فرصة اني موب موجود في البيت ....وعصيتيني وكسرتي كلامي
لطيفة : خالد ..تعوذ من الشيطان أي فرصة ..واي كسرت كلامك ..شنو تقول ..
خالد: شنو أقووول أقول أمشي قدامي ....يالله
لطيفة : صبر خلني افهمك
خالد: ولاكلمة زياده ..ماأبي افهم ..امشي قدامي ...ولا وربي اوريج شي ماشفتيه
لطيفة اللي كانت منصدمة من خالد ومنحرجة في نفس الوقت من ساره اللي كانت تشوف الموقف ...وساكته ...
انزين ...شوي شوي ..فك ايدي ..
خالد: اقوووول امشي .......وسحبها من يدها بكل قوتها لدرجة ان الشيلة طاحت على كتفها ...ولا وبعد لها وجهه تتكلم ....
لطيفه ....ماقدرت تقول أي كلمة ..ماعطاها مجال ..فضلت انها تسكت ...
دخلوا البيت ...وكانت العمة وإيمان ينتظرونهم ...
خالد : يالله قدامي يالله فوووق
انصدموا العمة وإيمان من اللي شافوه وقاموا وقفوا ...
انحرجت لطيفه منهم ...وتكلمت ...انزين انت فك ايدي وانا بصعد فوووق كانت العبره خانقتها
فكها خالد بعد ماشاف امه وأخته اللي كانوا منصدمين من الوضع ....وراحت لطيفة ركض لفوووق ..
العمة : شفيكم يمة ... صلوا على النبي ...ِشصاير
خالد : يمة من اللي معطي لطيفة المفتاح ..
العمة : أنا يمه ...
خالد: ليش يمة الله يهداج ....
العمة: يمة خلوود ولد أخوك تعب ومكان فيه احد يوديه للمستشفى وزين ان لطيفه تسوق ...جزاها الله خير خذته وودته للمستشفى ولا كان راح فيها ..
خالد: حتى ولو كان عطيتوني خبر ...تعرفيني يمه ماحب حد من هلي يسوووق وانتي اخبر ...
إيمان اللي تكلمت من قهرها : على مااعتقد ان لطيفة كانت تدق عليك بس ا نت اللي كنت مسفه .
خالد: وانتي شدخلج ....ولا أي شي يصير تعطيج الموجز ست الحسن
إيمان : خالد ...حرام عليك لاتظلمها اهي كانت خايفه عليك ....وانت ولا هامك ..كانت ميته من الصياح ...
حرام عليك خليتها تحس بذنب ماسوته
خالد: أحسن علشان تتوب ....شوفي يمه هذي اخر مره ....رجاءا ماعاد ابي اشوف وحده تسوق السياره ولا والله يصير شي مايرضيكم ...
وصعد لفووووق وهو معصب ....
العمه : ياويلي ....كله مني ..يارب تسامحني ولا وش ذنب هالفقيره تنظلم
إيمان : يمه انت مالج خص هو اصلاً يبيها من الله بس يبي يبين انه الصح والباقي غلط ...
ساره : الله يهداهم بس ..
إيمان : لطيفه ماسوت شي كله منه اهو ...حتى بكره عليها امتحان وماذاكرت ولا كلمة ..
العمه : الله يعينها يارب ويوفقها
..
..
..
صعد خالد فوق ودخل الغرفة ...
قام يدور على لطيفة اللي مالقاها ...
خالد : لطوووف ...لطوف وينج ووجع ..
طلعت لطيفة من الحمام وأثار الصياح باينه في وجهها ...
لطيفة : نعم
خالد : شنو تبيني اسوي فيج ..
لطيفة : رجاء كفاية ماجا منك ..اعتقد اني استحملت اهانتك لي من الصبح فرجاء ممكن انام وراي امتحان وماذاكرت له .
خالد: طقاق يطقج .....انا اذا كلمتج تسمعين فهمتي ...أبي اعرف أنا ماقلت لج من بداية زواجنا اني ماابي اشوفج تسوقين ..
لطيفة : ايه بس
خالد: بس ايش ...انا مانبهتج ..ولا لا
لطيفه : ايه انزين اسمعني اسمع وجهة نظري ...شوف ليش انا سويت جذي ...ياخي عطني فرصة ادافع عن نفسي
خالد: يعني وشبتقولين
لطيفه : خالد ...كلامك على العين والراس ....ومستحيل اكسر كلامك ...ادري انك رفضت اني اسوق اذا تزوجنا وانا وافقت مع اني كنت عادي اسوق انا وخواتي ....تنازلت بس لاني احبك ...وبعدين انا ماسقت الا لان الموقف تتطلب جذي ولا ماسقت ابداً
خالد: واي موقف ان شاء الله
لطيفة : خلووود ولد اخوك بغى يمووت ..شارب قاز والدريووول دورناه ومالقيناه ...فظطريت اني اسوق ...ووديه للمستشفى
خالد: يعني الحين تبين تقنعيني انج ماسويتي شي خطأ ..
لطيفه : لاحووول ليش انا وش سويت ياخي مايسوى علينا ..والله لو ادري ان الموضوع بيوصل لجذي كان قعدت في غرفتي ومالي دخل في أحد
خالد : انزين عن طولت اللسان
لطيفه : أي طولت لسان ....خالد شفيك ...انا اشقلت ...شفيك تغيرت ...منت خالد اللي اعرفه للاسف ...
خالد: انا نفس ماأنا ماتغيرت ...ماحب الخطأ ولا اطيقه ...
لطيفة: انزين ماتعتقد انك اخطيت اليوم
خالد: لاوالله مابقى الا تقولين اني اخطيت مااسمح لج ...سامعه
لطيفه : اللهم يطولك ياروح ..خلاص انا اللي اخطيت وانا اللي أسفة
خالد: شقصدج ...تسكتيني ...يعني تاخذيني على قد عقلي
لطيفه: وانا شقلت ..هذي جزاتي يعني
خالد: ترى هالشي مو طيب منج ...غصباً عنج ...
لطيفة بعد ماشفت انه مافيه من الكلام معه فايده : ان شاء الله ...انزين تامرني على شي ...أنا بنام...
عطاها نظرات وقام يبدل ...ومارد عليها ....
قامت هي ونامت ....وهي تبكي بصمت ....

*
*
*

يوهووووه شفيها هذي ماترد ...ياربي ...
وبعد طووول انتظار ...
شيخة : ألو
العنود اللي كانت نايمة : ألو
شيخه: عنود نايمة
العنود: ايه من شيخه ...اخبارج
شيخه : سوري ...قومتج من رقادج ...ايام سوري ...
العنود : لاعادي ...
شيخه : فديتج والله ...اسفه بس والله كلمت على انج قايمة ....لو ادري انج نايمة كان دزيت مسج
العنود: وش دعوووه ...عادي ..مالت عليج اتصلي أي وقت
شيخه : بغيت اسألج بكره بتجين بدري ولا لا
العنود: ايه بجي ...ليش
شيخه : جذي كنت ابي اشوف بشوفج الصبح ولا بس وقت الغدى
العنود : لا بجي عندي كم شغله في المكتبة ....بقعد معاج وبعدين بروح للمكتبة
شيخه : حلووو خلاص ...ويمكن اروح معاج المكتبة اخلص من البحث اللي لين الحين ماشتغلت فيه
العنود : خلاص تم ....
شيخه : يالله اخليج الحين تكملين نومج صدق اني مزعجه ..
العنود : مالت عليج بس... انزين انتي بتنامين ولا
شيخه : صراحه مافيني نوووم... يمكن اشوف فلم ولا بقعد اطق اطق في هالكمبيوتر لين ارقد .
العنود : يالله عيل بااااي
شيخه : قولي مع السلامه مو باي
العنود : يالله ولا تزعلين مع السلامه
...
شيخه : ياربي ملل ...اتصلت في العنود ابي اسولف معاها لقيتها نايمة ...اي والله ماألومها الساعه 12 وانا فاضيه ...القهر ان مافيني نوووم ....بقوم اشوف المنتدى وش صار عالموضوع ...
فتحت لاب توبها ....ودشت المنتدى ....وبسرعه ....لقت رساله خاصة ...فتحتها لقتها من ~ كلك نظر ~
شيخه: لاحوووول وبعدين معاه ..مايتوب خلنا انشوووف وش يبي ...
فتحت الرسالة ..لقت فيها مكتوب ....
مرحبا أختي
شلونج ...
اسف على المضايقة ....او أي احراج سببته لج ..
بس الصراحه صدمتيني ...وش دخل الاداره كان كلمتيني شخصياً مايحتااج الموضوع مايستاهل ...
على العموم ...السموحه ...
مع خالص تحياتي
كلك نظر...

شيخه : لاحووول وش اسوي الحين ماحب ازعل احد وفي نفس الوقت ابي اوقفه عند حده ...
خليني ارسل له رساله احسن

مرحبا أخوي كلك نظر ...
اعتذر لكن صراحه اللي كتبته قوووي الاعضاء و شبيقولون ؟؟؟ يعني ياليت تراعي اني بنت ....ولي سمعة ..
على العموم حصل خير
واتمنى انكون اخوان
اختك ......

شيخه : ياريت يفهم ..
احسن لي اروح انام بعد المغثه ...

..
....
.....
مع زغازيق العصافير ومع صبيحة يوم جديد ...
وفي بيت مريم ...
امها :مريووومه يالله يمه قومي ...
مريم : امممم
امها : مريوم يالله الدوووام
مريم : انزين شوي بس
امها : أي شووي يالله فديتج ..قومي ...علشان ماتتأخرين عالناس
مريم: أي ناس يمه
امها : ابوج ماراح يوديج الجامعة اليوم ...تعبان حيل ..مسخن واعليه ...بتروحين مع بيت عمتج
مريم وهي تقوووم : بسم الله عليه
امها: لاتخافين الحمدلله صار احسن بس بنوديه العياده بعد شووي ..يالله حبيبتي انتي قومي علشان افضى لابووج ومايطوفج الدوووام
مريم : ان شاء الله يمه ..خلاص ....اممم انزين يمه محمد ليش مايوديني ...
امها : يابنيتي رحت له ووقظته لكنه قال انج بترروحين مع هدى ...وهو قال لهم
مريم : اهاااا خلاص عيل ..بقوم ألبس ...فديتها هدوووي وحشتني ..مادري شلون صبرت يومين ماشفتها ...
::
::
قامت وبدلت ونزلت تحت تتريق وتنتظر هدى ...
وهي تاكل ألا شوي ويدق جوالها ..
مريم : ألو
هدى : يسعد صباااح الحلووو ...كيف اصبحتي
مريم : الحمدلله ...وحشتيني
هدى : وأنتي أكثر ....يالله جاهزه ..
مريم: أي قاعده انتظرج
هدى : يالله قربنا لبيتكم ...اطلعي
مريم : يالله
طلعت مريم ...بعد ماطمأنت على ابوهااا ..
ووقفت عند الباب الخارجي تنتظر...وشوي دخلت سيارة بيت عمتها ....لكن المفاجأه اللي ماسرت مريم ...أن ناصر هو اللي كان يسوووق ...
كان كاشخ وشكله حلوو وملفت بالنظاره الشمسيه اللي كان لابسها ...
...مريم انصدمت ومبين الزعل في وجهها : أووووف والله لو ادري ان هذا اللي بيودينا كان مارحت ...بس يالله لازم اروح للجامعة عندي كويز ..الله يصبرني ويعدي هاليوم على خير ..
هدى اللي نازله من جدام : مريووووم وحشتيني ...اخبارج ...
يالله امشي خلنا نقعد ورى عندي كلام وايد ابي اقولج اياه
ركبت السياره ...وركبت وراها مريم ....وسيده لفت راسها للدريشه ...
ومشت السياره ...
كانت تنتظر انه يقول شي ...لكنه كان ساااكت ...ومشغل شريط فيروووز وكان الجوو هادي ومنعش ...
قربت هدى من مريم وقعدت تهذر معاها بصوووت واطي علشان مايسمعها ناصر ...اشتدت السوالف بينهم وانسجمت مريم مع هدى اللي كانت تكلمها عن موقفها امس مع رفيجتها اللي كانت متهاوشه معاها ....وشوي وعلى صوتهم ....
ناصر اللي كان متضايق : وووووجع ...عنبو ابليسكم ماتصبحون ...كله حش في حش ...بطيتوا راسي ....مابي اسمع ولا كلمة...
هدى اللي استغربت من كلام اخوووها وخصوصاً انه يكلمها ويكلم مريم اللي عمره مارفع صوته عليها او كلامها بكلام موزين ....وألتفتت لمريم ..اللي كانت تشوفه والضيقه باينه على وجهها ...ألتفتت على هدى ورجعت تطالع من الدريشه بدون ماتقووول ولا كلمة ..
رفع صوووت المسجل .....وعاد المكان لمثل ماكان عليه هدووووء ...
بعد فتره ...رفع ناصر راسه ...وقام يطالع في مريم من المنظر يبي يشوفه ردة فعلها ....
قبضه قلبه وتضايق لما شافه تطالع الدريشه والضيقه مبينه في وجهها ...
ناصر : شفيني والله موصاحي شفيني عليها ....غصب تحبني ...مايسوى عليها ...لازم اعتذر منها واطيب خاطرها ...وانسى واريح بالي
مر على دكان على الطريق ونزل ...بعد ماسكر الباب
هدى : اوووف منه شفيه هذا كله معصب هالاياااام ...الله يعينا عليه
مريم ....كانت ساااكته وماردت ولاعلقت على الموضوع نهائياً
هدى : مريوووم شفيج لايكون زعلتي من هالعله ...لاتتضايقين ولا شي ...اصلاً هو كان يقصدني الظاهر عليت صوووتي وايد خخخخخخ ..لاتلومني مشتطه عاد هو دايماً منطقر اذا صحى من النوم ....
مريم بينها وبين نفسها : يحليلج ياهدى ترقعين له لامنطقر ولا شي ...بس منقهر مني ومن اللي قلته وشكله ماراح يرتاح الا لين يغثني كل مره
شوي ويرجع وكان في يده جريده وكيسه فيها عصاير ...ركب السياره وألتفت عليهم وعطى الكيسه هدى ..
ناصر : هاج يبت لكم عصاير ...بس هاااه ترى الفراوله موب لج لمريم ...اخبرانها تحبه ...
ألتفت هدى لمريم وهي تضحك: خخخخ اطمئن اصلاً ماحب الفراوله خل الفراوله للفراوله ...
مريم استغربت من ناصر : شفيه هذا ....والله صرت ماعرف له ...اكيد انبه ضميره وحب يصلح الامور بس مستحيل والله لخليه يدري كبر الكلمة اللي قالها وتأثيرها علي ...
مريم ألتفتت لهدى: لابس شكراً مابي متريقه
ناصر وهو منقهر من تصرفها : شلون ماتبين ...لالازم تشربينه ....من بيشربه لاانا ولاهدى نحب الفراوله ...
مريم ببرود: عااادي قطه من الدريشه ...واذا مستخسر الريال ترى عندي ....لاتتحسف ولاشي ...
ناصر انربط ألسانه وماقدر يرد ...أكتفى بأنه رفع عينه للمنظرة الاماميه واللي كانت تشوفه منها مريم ....وحرك راسه بمعنى ( مافيه فايده )وعطاها نظره وخذ العصير وحذفه من الدريشه ....ومشى بسرعه ....

::
::
وصولوا للجامعة واتجهوا للتأسيسي...
هدىوهي في قمة الهدوء: يالله يامريم ...انا بخليج بروح للنشاط مواعده وحده من البنات ...
مريم : اوكي بس صبر شفيج
هدى : مافيني شي
مريم :ألا تغيرتي 180 درجة ...ليكون علشان اللي صار في السياره
هدى :أي موقف
مريم : عن العبط انا متأكده ان هذا السبب
هدى : الصراحه ايه ...ماتوقعت منج هالحركه ...يعني هو غلط وحب يعتذر لج لكنج احرجتيه
مريم: والله اخوج اللي بدى ...وبعدين مايهمج انتي ...هو عادي ماتضايق
هدى :لا والله اخوي واعرفه ...اكيد انه متضايق الحين
مريم: خليج من هالسالفه ...وكلميني اذا فضيتي انا رايح للبنات
هدى : اوكي ...يالله سي يووو
مريم : باااي
::
::
توجهت مريم للكافتريا اللي في التأسيسي ...كان الجو جداً بارد دخلت ولقته هادي على غير العاده ألتفتت على الطاولات ...تدور الشله ....لقت لطيفه حاطه يده تحت وجهها وسرحانه وحاطه السماعه ...
قربت منها ....ياحلووووو
لطيفة اللي انتبهت لها : اهليييين
مريم : الظاهر انج اللي فتحتي الجامعة شعندج من الصبح
لطيفه : أي والله ...شسوي ...امري لله ...ييت بدري ابي اذاكر
مريم : اخبارج واخبار الوكيند ...
لطيفة: والله الحمدلله ..وانتي
مريم : الحمدلله ..بس ماطلعت لمكان من بيت عمتي للبيت فقط لاغير ..
لطيفة: ذاكرتي للكوز
مريم :ايه ..وانتي
لطيفة : لا..ماقدرت
مريم :ليش ..؟؟؟
لطيفة : صارت لي ظروف في البيت وماقدرت
مريم : يختي عادي الا كوز ...ماعندج محاضره الحين صح ..ذاكري شووي
لطيفة :ايه بس بنتظر شيخوووه وعنود وبنمشي
مريم : ياحيكم...شكلي بسفه لمحاضرتي وبمشي معكم ذاكر
لطيفة : بتخلين محاضرتج ..انتي من صدقج
مريم: عادي حبوبه ...اصلاً مافيها شي مهم ...ماعندها الا تقرى من الكتاب هالدكتوره ...الله يعينا عليها
لطيفة : آمين ...الا اخبار ولد العمه ؟؟؟
مريم : من سيف...مادري والله ...
لطيفة : غريبه ..ماتصل على هله هالويكند
مريم : امبلى بس ماكنت عندهم ....رحت للبيت واصلاً ...ماراح اييهم وايد ...خلاص قررت
لطيفة : ليش اخبرج منقعه عندهم
مريم : لا حبيبتي مادريتي تهاوووش مه نصووور
لطيفة : ليش ...يمه منج
مريم : لاحرام عليج مادري عنه هو اللي يتحرش فيني من البداية مادري شفيه ..واخر شي ..تهاوشت معها وقطيت عليه كلام قووووي ...وهو ماقصر جرحني جرح بكلامه مستحيل انساه ...
لطيفة : افااااا انتوا اخوان
مريم : يخسى ..الحقير تخيلي يقول اني انا اللي اخرب خواته ...يعني بالذمه انا وسخه ..؟؟؟
لطيفة : لالالالا صراحه تعدى حدوده بس صبر انتي شقلتي له في الاول ؟؟
مريم وهي تبتسم مستحيه : قلت له انه صايع ومغازلجي ..وكلمات ثانيه هههه
وتطقها لطيفة على يدها : يالحماره ..تراج ماقصرتي في الرجال شرشحتيه حبيبتي ..ترى الشباب مايحبون حد يقولهم هالكلام ..
مريم : وأنا صاجه ماجبت شي من عندي ...وبعدين طقاق مايهمني ..ان شاء الله يزعل ولا يرضى ..بس لطوووف لو تشوفين شلون يعاملني ...كأني ماكله حلاله ..ويحاول يقهرني ...بس انا مسفهه ولاكأن شي صاير ...أبي اقهره ..
لطيفة : الله يعينه مدامج اعلنتي الحرب ...
مريم : يستاهل وياما بيشووف ..بس خله يحاول يستفزني ...
لطيفه : خخخ
مريم: انزين تريقتي
لطيفه :لا انتظركم
مريم : خلاص باروح اشتري شتبين
لطيفه : أي شي ...مثلج
مريم: خلاص ثواني وجايه ..
راحت مريم تشتري ...وظلت لطيفه تفكر في خالد ....ليش يعاملني جذي ...وخصوصاً اليوم الصبح ...
وتسرح في موقفها معاه الصبح ..

::
::
::

قاعدين يتريقووون كلهم ...عمتها وإيمان وساره ...
لطيفه : صباح الخير
العمه : صباح النور ....يمه لطيفه وين ريلج
لطيفة : فوووق ...الحين ينزل
العمه: وانتي اخبارج انشاء الله درستي لامتحانج
لطيفه : أي فديتج درست شووي قمة من الفجر والحمدلله
العمه: الله يوفقج يمه ..
لطيفه :تسلمين فديت روحج ..
وشوووي وينزل خالد من فووق ...
خالد: سلام عليكم ويجي امه ويبوس راسها
يصبحج بالخير يالغاليه
العمه : يصبحك بالنور والسرور ياوليدي ...تعال اقعد جنبي تريق ..
خالد: لافديت روحج متأخر ...يالله تامريني على شي ...
العمه : لافديتك....مابي غير سلامتك
وشوووي وتوقف لطيفة تعدل شيلتها .....
وتمشي لعمتها تبوس راسها ..يالله يمه ادعيلي ....
العمه : موفقه يابنيتي ..
ومشت ورى خالد اللي ألتفت عليها ...
خالد: وين
لطيفه :للجامعة .......ماراح توديني
خالد : لا..ماعندي وقت .... روحي مع الدريووول ....
وطلع بددون مايلتفت لها وسط الهدوووء اللي ملى المكان ...
وقفت لطيفه اللي كان وجهها على الباب ...منقهره و العبره خانقتها ..وألتفتت لعمتها والبنات اللي كانوا منزلين رووسهم ....مايبون يحرجونها...
العمه : تعالي يابنيتي تريقي لين ماتجهز السياره ...بكلم عبد المجيب يجهز السياره
لطيفه اللي ماتبي تعابير وجهها تبين : لا يمه بتريق في الجامعة ... بصعد فوووق اييب ملزمتي نسيتها ...
صعدت فوووق ودخلت غرفتها وقامت تصيح ....
الله يسامحك ياخالد ...كل يوم وتزيد في جرحك ....
الله يسامحك ...
الله يسامحك ...
العنود: هييييييييييه ...لطووووف وينج ...
انتبهت لطيفه للبنات اللي جاوووا وتجمعوا وقعدوا وهي سرحانة ...
لطيفه : اهلين ...متى ييتوا
العنود: منذ مبطي ...وين سرحان الحلووو ...
لطيفة : وهي تبتسم في من يعني
العنود: اكيد في حبيب القلب خلووود
لطيفة : خخخخ لا على كيفج
شيخه : الاخت تبي تقص علينا حبيبتي خلاص مكشوفه
لطيفه : وخير سويت شي عيب كنت سرحانه في ريلي
شيخه : عقبالنا يارب
وتضربها على يدها العنود: يمه منج ياحبج للعرس ...لا ان شاء الله خلنا انخلص اول بعدين يحلها ألف حلال ....شوفي لطوووف اكبر مثال ...اربعه وعشرين ساعه سرحانه ..خخخخ
لطيفه: اصلاً ودكم بس بعيد عنكم ....
مريم : والله تضحكون ...شكلي بحضر محاضرتي ..اذا كان سوالفكم جذي ...
شيخه : لا بس هذا نقاااشنا المعتاد
العنود: بسكم هذره ويالله خلونا نمشي للمكتبه ....
لطيفه: يالله وخلونا نتمشى في هالجووو الحلو ...اللي يرد الروح
يمشون وشوي الا اللي تصارخ عليهم من ورى ...
بناااات وقفوا
التفتوا ولقوووا فاطمة اللي كانت تمشي من وراهم وهي تشيل كتبها وبين عليها التعب ...
شيخه :يامرحبا مليوووون ترحيبة ريس قبيلة
فاطمة : أيه قصي علي بكلامج الحلو
شيخه : لا والله اني صادقه ...
فاطمة : لوج صادقه كان انتظرتيني ...
لطيفه :فطوووم عن الدلع ...انتظرنا وقلنا يمكن ماتيين ..وتكشتين فينا كعادتج
فاطمة : لو الله حتى ولو ,,,,
العنود : افاااااا كله ولا زعل فطومي
فاطمة : خلاص زعلت ...
مريم : خخخخ مايليق لج ...
فاطمة : جب تتطنزين
لطيفه : اقووول عن الهذره الزايده خلونا نمشي ....ترى شكل السما بتمطر امشوا قبل لاينزل المطر ...
فاطمة: صبر انزين خلوني اعدل شيلتي ...
ومشوووا ...ولما وصلوا للمبنى لمحت فاطمة البنت اللي كانت تتصل فيها .....واشرت لها وسلمت ....
لطيفه: ألا أقووول فطوووم من هذي ...
فاطمة : هذي بنت معاي في المحاضره
لطيفه : اهاااا ....
فاطمة : تخيلوا متصلة فيني امس ...تبي مني كتاب التاريخ ....وقالت لي ان لها رفيجه تبي تتعرف علي ..تقول اني عاجبتها
شيخه :لاتقولين اللي كانت معاها ذاك اليوم لما كنت معاج ..
فاطمة: ايوووه هذيك ...شرايج فيها
شيخه : يمه لايكون البويه
فاطمة :ماغيرها ...ولا ولما قلت لها من البويه؟؟؟ قالت لاحرام عليج هي استايلها جذي بس موبويه ...
شيخه : وأنتي شرايج
فاطمة: وش يعني بتعرف عليها
شيخه : من صدقج
فاطمة : شسوي يعني احراااج ارفض
شيخه : كيفج بس أقولج من الحين ترى احس فيها شي شكلها مريييييب..
فاطمة: لاتخافين ....اختج ماتهاب ..
شيخه : بنشوووف ...يالله امشي خلينا انروح البنات وصولوا للمكتبه واحنا لين الحين نتبختر ...
فاطمة :خخخخ حلوه ذي نتبختر ..يالله مشينا
.....
.......
.........
دشوا البنات المكتبه وكل وحده قامت تسوي شغلها اللي تطلع بحث واللي تذاكر واللي تقرى مجلة ...
العنود كانت منسجمة في ديوووان شعر للشاعر خالد الفيصل ....وشوي وتسمع نغمة مسج من جوالها ...
تفتح المسج ولقته من أخوها علي ..
( الوعد اليوووم )
انصدمت ...كان من راشد ...
قرت المسج مره ثانيه تحاووول تفهم ...
شلون الوعد اليوم ...يعني شبيسوي ...
اوووف ...لازم اعرف ...
وترسل ..
(شقصدك ؟؟؟؟)
انتظرت .....وقامت وغيرت الكتاب ...وهم طووول لين رد بعد مانفد صبرها .
كان كاتب
( بتعرفين ان شاء الله اليوم بعد المغرب ؟؟؟)

اخخخ قهر شيقصد هذا لايكون جاااي يخطبني ....مستحيل ...وليش لا...يمكن بس يبي يبين انه يقدر ..ياربي شسوي ...مافيه الااتصل في منور واتأكد
العنود:ألو ...مرحبا
منيره : هلاوغلا بسيد الغوالي
العنود: منور ...اليوم بتروحون مكان
منيره : اممم مادري بس اعتقد لا ..والله اعلم ..
العنود: متأكده
منيره : ايه ليش ..لايكون تبين تجيين ؟؟؟
العنود: لا بس كذا حبيت اسأل ...
منيره :اهاااا...اشك
العنود: ياختي حران اسأ على العموم يالله حبي اخليج انا في المكتبة ومسببه ازعاج
منيره : اوكيك حياتي باي

سكرت منها العنود ....وزادت الحيره يارب ..هذا وش يبي يهبب ...ولا الحين شلون اركز في المحاضرات ...
::
::
::
الساعه 2 ونصف ظهراً ...في النشاط
لطيفه : الحمدلله ان الامتحان عدى على خير
العنود : أي والله ...فكه ...بس ظنتكم دكتورعبد العلي راح ينجحنا يقولون ...يرسب بالجمله
لطيفه : لاان شاء الله بينجحنا حبيبتي كل وحده ومجهودها ...
مريم : الا يستر من هالمقرر ..خذيناه على انه سهل بنشوووف شتاليتها ....
لطيفه : لاان شاء الله خير
فاطمة :جايه من بعيد وهي تبتسم ...هلللله تغديتوا
العنود: أي الحمدلله ...الا وين شيخووووه
فاطمة: في القسم تنتظر دكتور خالد الحلبي ...تبي تسأله عن الامتحان ..خخخ وعليه كسرت خاطري شكلها جابت العيد في امتحانه ...
العنود: فديتها ...الله يعينها ...
فاطمة : امين.... بموووت من الجوع حد يبي من صب واي
العنود: لاتسلمين حبوبه اكلنا من زماااان ...الله يعينج عالزحمه ..
فاطمة : يالله عيل ..
العنود تشوووف الساعه : يالله بنات انا بطلع بروووح البيت مالي خلق احضر محاضرة الساعه ثلاث
مريم : على كيفج ..
العنود: طقااااق والله ماقدر احضر ..بتصل في الدريوووول ...حد يبيني اوصله
لطيفه : سلامتج حياتي ..بس انتظري بطلع معاااج المواقف ...ولا شرايج نروح للعلوم ..
العنود: خلنا نروح للعلوم خاطري في الكوفي هنااااك ..
لطيفه : يالله حياااج وانا عازمتج
العنود: يالله .. مريوووم لاتروحين مكان انتظري فطوووم وسلمي عليها وقولي لها ان احنا مستعجلين ...يالله سي يووووماي سس
مريم: اوكي بنتظرها مع السلامة ..

::
::
الساعة 5 المغرب ..
كانت الغرفه مظلمة الا من نور الاباجوووره ...
وشوي الاصوووت المنبه اللي فزعها ..قامت وشافت الساعه ..ابيه الحين المغرب ...استغفر الله فاتتني صلاة العصر والمغرب ...وقامت وتوضت وصلت ....شافت الوضع هادي برع غرفتها ..استغربت ....
كانت متوتره وخايفه ومترقبه الكلام اللي وصلها بالمسج ...
طلعت للصاله اللي ماكان فيه الا صوووت التلفزيون ...
راحت للمطابخ ...وشافت امها تكلم الخدم ...سلمت عليها ....
امها : صح النوم ....هاااه شبعتي رقااااد
العنود: والله يمه تعبانه ...الا يمه وين خواتي غريبه
امها : راحوا لبيت عمج
العنود: ليش ماراح يجونا اليوم
امها : لا...من قال ....ماجا الا راشد وهو داخل عند ابوج في المجلس
العنود : من متى
امها : توووه
العنود وبلهفه : انزين شيبي
امها وبإستغراب : شلوون شيبي جاي لعمه فيها شي
العنود: لا....بس
امها : بس ايش
العنود: لاولا شي...سلامتج...
امها : بسم الله عليج ...شفيج موب صاحيه اليوم ...المهم ...يالله اخذي القهوة وانتظريني في الصاله اعنبوكم موتوني زهق وانا قاعده لحالي ...حتى ابوكم مو فاضي لي
العنود: فديت عيوووووونج ..افااا عليج انا اقعد عندج ...
...
العنود....وهي في الصاله والريمونت في يدها وسرحانه : يارب ...هذا طووول ..سيارته متسمره برى ....معقوله جاي يخطبني وابوي هل بيوافق ....معقوووله بهالسرعه ...احسن استاهل مالت علي ....
وشوي ماحست الا بأبوها اللي جاااي من برى ....
وربت منه وحبت راسه
العنود: شلونك يبه
الوالد: الحمدلله اخبارعلوووم بشريني عنج
العنود: الحمدلله تمام
الوالد: ألا وين امج ...
العنود: داخل ...
الوالد: ادعيها ..خليها تجي ابيها انا بقعد هنا ...يالله روحي
العنود: ان شاء الله ...
وتمشي وهي محتاره تبي تعرف شالسالفه ...يارب ....
جات أمها وقعدت جمب أبوهاااا ...طبعاً ماقامت لان الفضووول ذبحها
امها : الا وين راشد ..عاده في المجلس
الوالد: لا....توه طالع ابيه يتعشى عيا قال عنده شغل ضروري ...
امها : الله يهديه ....مسرع
الوالد: اصلاً هو جاااي يبي ياخذ رايي في موضوع ...يخصه
همي العنود بحلقت عيونها ....
امها : في ايش
الوالد : يبي يخطب ....

قبل لايكمل ابوها طاح الريمونت من يدها ...وتكسر ...كانت منقهره ...
الوالد: شفيج وانا ابوج ..
العنود : لايبه مافيني شي زلق من يدي بس
امها : ماصار الا الخير ...
العنود وقفت وهي خانقتها العبره ...يالله تامروني بشي انا بدخل اذاكر
الوالد: لايبه الله يحفظج
دخلت العنود وهي منقهره ........الا تسوي اللي في راسك ياراشد ...حرام عليك ...شسويت يارب في عمري ...استغفر الله العظيم ...
وشوي ماسمعت الا صووووت المسج
فتحته لقت مكتوب ....
( سويت اللي ابي وانا عند وعدي يابنت العم )
::
حذفت الجوال وتمت تصيح ....من القهر والحزن اللي ملى قلبها ...


****************

[فيتامين سي]

""" الفصل السابع """

(( ~ ~مستحيل ~ ~))

مرة نصف ساعه ...
وشوي
امها : العنود ....يمه بطلي الباب ...
العنود وهي تمسح دموعها : لبيه يمه ...ان شاء الله
بطلت الباب لمها
امها : شفيج يمه مقفله على روحج ...وشفيها عيونج ...باكية
العنود: لايمه ..بس زكمت غجأه ..مادري ليش
امها : كم مره وانا اقولج لاتطلعين من البيت الا وانتي لابسه ثقيل ..
العنود وهي تبتسم وتضم امها : الله لايحرمني منج حياتي ...
امها : انزين منتي بجايه معااي نقعد في الخيمه ...ترى هناك الدوووه جاهزه والقهوووه
العنود: امبلى بس دقايق وجاااايه
امها : يالله ....انتظرج
العنود .: ان شاء الله
وتطلع امها ..
العنود غريبه أمي ماقالت لي شي ...أكيد تبي تقولي في الخيمة ...هيييييه الله كريم لازم ماابين لها اني عارفه ...وهذا الخايس اوريه الشغل السنع ...

وقبل لاتطلع ...دق جوالها ...شافت لقتها لطيفه
العنود : ألو
لطيفه مرحبا عنود
العنود: هلا ...اخبارج ..
لطيفه :تمام ...هاااه اخبارج
العنود: تخيلي جاااا الحقير وخطبني ....
لطيفه : اكيد شتبينه يسوووي ....انتي اللي حديتيه وتحديتيه ..
العنود: تحسبيني بعديها له لا حبيبتي بوووريه
لطيفه : عنود عن العناد ...شوفي عمرج كم... أخذي اللي يبيج مو اللي تبينه على الاقل بيخليج فووق راسه ...ويخاف الله فيج مو اللي مغصوب عليج ...
العنود: بس انا ماتخيل روحي زوجه لراشد ....
لطيفه : الله يهديج ....
العنود: والجميع ...خلينا من السالفه ...أخبارج انتي ...واخبار المسيووو
لطيفه:ابد ماشي جديد ..ماشفته كلش ...ألهم بدل وطلع ...من قلب مايبي يشووفني ...الله يصبرني
العنود: احس انه راح يرجع يراضيج أمانه حد يزعل من لتووو ...ماعتقد..
لطيفه : تسلمين حياتي ..
العنود: حبي انا اخليج الحين برووح لامي تبي وبرد اتصل لج في الليل اوكي
لطيفه : أوكي يالله اخليج مع السلامه
العنود: مع السلامه ..

سكرت لطيفه من العنود ...وقعدت تلعب بجوالها وشووي ويدخل خالد ...
وقف عند الدرج يدور له اوراق ..
لطيفه : خالد ...لمتى يعني ...
خالد: اسألي نفسج
لطيفه : خالد..ترى انت جرحتني لكني تغاضيت عن هالشي وسكت ...ليش تزيد علي
خالد: لطيفه انتي اللي حديتيني على هذا اول شي ..اعتذرت منج لكنج ماقبلتي اعتذاري وترى انا من النوع اللي ماراضي او اعتذر لكني تنازلت عشانج والشي الثاني ...عصيتيني ...
لطيفه : خالد ..غصباً علي ..الولد كان بيمووت ...
خالد: شوفي علشان ماتقولين اني ماتنازل أو اسامح ..راح اعديها هالمره ولكن احذرج ...ترى مااسمح بمره ثانيه ..
سكتت لطيفه ...ونزلت وجهها وتمت تصيح ...
قرب منها خالد وقال : شفيج الحين ...
كملت صياحها وماردت عليه ..
خالد وهو يبتسم : لطوووف شفيج ...لايكون من الفرحه
رفعت وجهها وشافته ...ومسحت دموعها وراحت للحمام ...وهي تقووول في قلبها ....مافيه فايده ..للاسف ماتحس فيني ...
في نفس الوقت ..
دشت العنود للخيمة اللي ريحت الضووو والقهوه المزعفره منتشره فيها ...
العنود : الله يمه محلى الريحه ..
امها : تعالي يابنيتي ..اقعدي جنبي ...
العنود: ان شاء الله يمه ....وقعدت جمبها ولوت عليها ...وفي خاطرها تقووول متى بتتكلم ....اوووف تعبت نفسيتي ...
امها : الا يالعنود ...اتشووفين فجر في الجامعة
العنود: من فجر
امها : بنت خالة عيال عمج
العنود: اهاااا بنت خال منور ....المزيونه
امها : ايه
العنود : اشوفها بس مو دايماً ..تعرفين تخصصها غير عن تخصصي ...اخر مره شفتها قبل اسبوع كانت مع بنات خالاتها ...سبحان اللي صورها قمر
امها : ايه يحليلها ...ماشاء الله من يومها صغيره حلوووه
العنود : يمه ليش تسألين عنها غريبه
امها : لاابد بس أسأل ...
العنود : امممم انزين يمه ابي اسألج هو صدق انها مريضه
امها : قصدج بالصرع
العنود: ايه ..
امها : ايه واعلياااااا اذكر لما كانت صغيره ...ودوها برى تتعالج بس مافيه فايده الله يكون في عووون امها ...
العنود : وانا اقووول شمنه الخياطه اللي في ذقنها ..
امها : ليش واضح
العنود : ايه ....فديتها بس ماخرب على جمالها لاإله الا الله
امها : الحمدلله ..
العنود : الا اقووول يمه ابوه متوفي من لما صغيره
امها : ايه المسكينه
العنود: انزين من اللي راح معاهم لما كانت تتعالج ..
امها : عمج الله يرحمه ومرة عمج ...
العنود: ليش ماعندها خوال
امها : امبلى بس مو في البلاد في الكويت وكان وقتها في الجيش مايقدر يطلع ...فعمج وداهااااا تعرفين ..كان ابو فجر خويه الروح بالروح ..وموصيه عليها ..
العنود : اها ...الله يرحم الجميع ....
أمها : امين ..
وظلوا ساكيتين يطالعووون التلفزيووون ,,,,
العنود تقووول في نفسها .: شفيها امي طووولت ماقالت لي ...يارب مافيه الا اسألها واشوووف ..
العنود : يمه الا راشد ولد عمي شكله كان يبي شي ....
امها : ايه كان يبي ياخذ راي ابوووج
العنود ستستعبط : ياخذ رايه في الشغل ...
امها : لا ...جاااي ياخذ رايه يبي يخطب ...
العنود كانت ساكته تترقب شنو بتقووول أمها
امها: شفيج ساكته
العنود : لا مافيه شي
امها : ماسألتيني من
العنود وبإرتبااااك : من
امها : يبي يخطب ......
::
:؛
::
فجر
::
::
::
وفجأه
::
::
وقفت العنود وهي منصدمه ....وفي نفس الوقت المشاعر كلها فيها تخربطت ...سعيده بس حاسه بشعور غريب
وجهها تلون كل ألوان الطيف ,,,,

امها : شفيج يابنت
العنود بعد مانتبهت : لا مافيه شي بس نسيت ان لطوووف تبيني اتصل عليها بروح اجيب الجوال وتركض برى الخيمه ...وهي طالعه على فكره يمه .....ترى البنت تهبل .

حست بغصه .. ...ماكانت تعرف سببها ...
::
::
::

في هالاثنااااء ...
فاطمة تتصل في شيخه : شيخوووه أمانه
شيخه : فطووووم مااقدر ...تبين اخواني يذبحوني .
فاطمة: خير بنطلع ساعه وبنرجع زهقانه خلنا انروح الستي نشرب كوفي ونرجع ...
شيخه : والله ودي بس مااقدر
فاطمة : انزين مو لازم الستي المكان اللي تبينه
شيخه : المشكله مو على المكان المشكلة على الروحه ككل ...
فاطمة : اقووول مالت على التخلف
شيخه اسمحيلي مو تخلف غير حرص
فاطمة : اخس يالحرص ليش احنا رايحين لكزينو
شيخه : شعليج ماعندج الا أمج واخوج عزوز ...صغير انطري يكبر وبيتحكم فيكِ .
فاطمة : يخسى ...مافيه فايده احسن لي اكلم مريوووم ..
شيخه : شوفي جربي حظج
فاطمة : شيخوووه الا اسألج أخبار الدكتور خالد الحلبي خخخخ
شيخه : ااااااه بس ....واللي يرحم والديك ...خليني ساكته
فاطمة وهي تضحك: ههههه ليش شنو قالج
شيخه : تخيلي جيته المكتب وانا انتفض ..قلت له دكتور والله كان امتحانك تعجيزي ...وفيه كذا سؤال ابي اسألك
وقالي : مش عايز ولا سؤال دي الاسئلة كانت ودحه اوووي والدليل ان مافيش بنت قدت لي تشتكي الا انتي ....دي مشكله اللي مابيزكروش ...
وقلت له : دكتور والله ذاكرت بس كانت اسألتك محوره جداً
فقال لي : خلاص انتي روحي دلوقتي وتعالي بكره نراقع الورق ...
وقلت له : يعني انت موجود بكره ..
فقال : ايووه الساعه 12 الظهر
شيخه : اااااااه يالقهر ....خايفه مووت..
فاطمة : لاتخافين الا كوز وان شاء الله خير
شيخه : الله يستر ...
فاطمة : انين حبوبه اخليج الحين .بكلم مريوووم بجوووف بتروح معاااي
شيخه : يالله مع السلامه
فاطمة : مع السلامه
::
نرجع للعنود اللي كانت الاجوووواء عندها غيررر .
العنود: الحمدلله ..اشكرك يارب ...ماصدق راشد تنازل وبهالسهوله ....الحمدلله ...
يمكن حس على نفسه ...وتأكد اني ماأبيه ....
فكه ...
::
::
بس مادري شفيني ...مع اني مستانسه من الخبر الا ان قلبي منقبض ...ياربي شمنه ...اعوذ بالله من الشيطان ...احسن لي اتصل في لطوووف وابشرهاااا
::
لطيفه اللي كانت متملله وقاعده تطالع التلفزيون ...
لطيفه : ألوووو
العنود : لتوووو ماصدق بطيرررر من الفرح
لطيفه : بسم الله عليج شفيج
العنود : باركي لي لتوو ...
لطيفه : مبروووك بس على شنو
العنود : افتكيت من راشد إلى الابد....
لطيفه ...شتقولين انتي ....صار للولد شي ...
العنود : لا مافيه شي بس بيفك قيدي واسري ويخلي سبيلي
لطيفه : أي قيد واي سبيل بلا تفلسف .خلصي قولي
العنود : راشد بيخطب ...
لطيفه : صاحيه انتي ....ادري انه جاكم اليوم يبي يخطبج ...غريبه ليش مستانسه موانتي ماودج ...ومأذيتنا
العنود: لا خبرج عتيج ....ماخطبني ...بيخطب فجر...
لطيفه وهي منصدمه: من صجج ....اي فجر
العنود: فجر بنت خال منور بنت عمي اللي وريتج في النشاط ...الحلوووه ..
لطيفه : لا والله ماغيرها القمر
العنود: ايه الحمدلله افتكيت
لطيفه : مالت بس ماقول الا مالت ...وليش مستانسه ياحظي ...مستانسه على ان الريال خلاج وراااح يااااخذ وحده ...جمالج مايسوى شي عندها لاإله الا الله ..
العنود : وخير ...يتهنى بها اهم شي فكني ...وعتقني لوجه الله ...بس لطووف أموت واعرف شقصده؟؟؟؟
لطيفه : قصده في شنو
العنود: في المسج اللي ارسله ...يقول فيه .. ( سويت اللي ابي وانا عند وعدي يابنت العم )؟؟؟
لطيفه : أي والله شي غريب ..يختي ولد عمج هذا غامض... بس والله مالوومه اذا راح ودور وحده غيرج ...انتي مغثه ....
العنود: شفيج انتي بدل ماتستانسين لي قاعده تهزئين فيني ...
لطيفه :وانا صاجه ....حرام والله يطير منج ...ولد عمج هذا فنتك ...
العنود: خليه يولي انتي ماتعرفينه عدل ...
لطيفه ...هييييه ..الله يوفقج بسوماتتحسفين...ويرزقج بواحد يقدرج ....وماتطيحين في واحد يوريج النجوم في عز الظهر ...
العنود:امين ..حبوبتي ...
وشوي ...ويدش خالد ...ويشووف لطيفه تتكلم في التلفوون ..
خالد: لطيفه مطوووله
العنود : من هذا اللي عندج ...وووووي لايكون رجلج ...
لطيفه .: ايه .هلا خالد لا دقايق
العنود: يالله اخليج اشوفج بكره اوكي ..
لطيفه : اوكي ....يالله مع السلامه
العنود: مع السلامه ....

تلتفت لطيفه لخالد اللي كان يضبط غترته ويتعطر.
لطيفه : هلا خالد بغيت شي ؟؟؟
خالد : ايه حبي ...ابيج تلبسين علشان نطلع من زماااان ماطلعنا مع بعض ...
لطيفه اللي استانست :امانه والله خالد
خالد :ايه يعني اقص عليج ...يالله قومي
لطيفه وهي مستانسه : دقايق حبي وبخلص ماتدري شقد متملله ...
خالد: خلاص عيل انتظرج تحت في السياره ...
لطيفه :اوكي دقايق ...

::
::
::
في الستي ....
مريم : يالله قومي
فاطمة : صبر خليني اخلص ...
مريم : لاحووول بطيئة ..
فاطمة : وانتي ليش مستعجله
مريم : ااااامانه شوفي كم الساعه الحين ....
فاطمة : خير ...وبعدين الريم ماخلصت اصبري عااااد
مريم : اللهم يطولك ياروووح ...انا قلت لمي ماراح انتأخر وخلتني اروح بس عشان خاطرج
فاطمة: فديتها والله ...يالله صبر بخلص الحين
مريم: يالله ...

ووقفت تطالع اللي رايح واللي جاااي بينما يخلصون اختها وفطوووم ..
ويدق تلفووونها ....
شافت الرقم لقته هدى ...
مريم : ماراح ارد عليها الحين اخاف تدري اني رحت وتزعل مني ...اني رحت وماقلت لها بس واللي مو بيدي اخاف اخوها العله يدري وسويلي سالفه ويحرض اخوي علي ..
وتسكر هدى ...وترد تتصل ...
ومريم ماترد عليها ...
وتقرب منها فاطمة وهي ماسكه يد الريم وتقول لها يالله نمشي ...
وترد هدى تتصل لكن مريم شافت الشاشه وسفهت ...
فاطمة : من وليش ماتردين
مريم : أبد هدوووي
فاطمة : انزين ليش ماتردين ...
مريم: بس اخاف تزعل لاني ماقلت لها اني بطلع معاااج ..
فاطمة: عادي ...مصيرها تعرف ...
مريم : ادري بس جذي ..احسن ماتدري الحين
فاطمة : اوكي على راحتج ..انزين يالله تبين شي ولا اتصل على الدريووول ....
مريم : لا واللي يرحم والدينج خلينا نروووح
فاطمة : يالله ....

ويمشووون ..وهم في السياره
فاطمة : كوماااار شغل راديو
كومار : ان شاء الله ماما ...
فاطمه : حطه على صووت الخليج ..
حطه كومااار على صوت الخليج ...ويجي صوت حسين الجسمي يصطح

بكيتك لين ملتني عيوني.. صبرت وطال صبري وانتظاري
حرام النوم ما قارب جفوني.. وانت للأسف منت بداري

أناجي غربة الليل وشجوني.. واراجع في هوا قلبي قراري
عسى ماتكون خانتني ظنوني.. أو انه خاب في الحب اختياري

عساهم يذكروني ما نسوني.. مثل ما ذكرهم في البال طاري
أزعلهم مثل ما زعلوني.. واراضيهم بعد رد اعتباري

أبي تختار بي والا بدوني.. كذا والا كذا والليل ساري
حبايبنا عساهم يفهموني.. أنا ما ابيع دوم الدوم شاري..

تنهدت مريم ...لما سمعتها وتذكرت سيف ....
كانت دايماً تسمع هالاغنيه ...تحسها تعبر عن شعووورها ومافي قلبها ...
فاطمة: اوووف شهالتنهيده مريوووم اللي يسمعها يقوول تنهيدة عيوووز ..خخخخ
مريم : لاولا شي بس تعبت من المشي ...
فاطمة : علينا ...
مريم : أي ليش اقص عليج ...مالت... تحط من الحبه قبة ..
فاطمة : خخخخ مالت عليج انتي ..زمحد يضحك معااااج ...
وشوي يجي مسج لمريم ....
فتحته لقته من هدى كانت تقووول ...
( وينج مريوووم ...عيزت وانا اتصل ...ليش ماتردين ....عندي لج مفاجاه ...أخوووي سيف رجع ...مسويها لنا مفأجاه ..وماحلاها من مفاجأه ...)

ألتفت على فاطمة اللي كانت تشوفها ...
فاطمة: شفيج
مريم : فطوووم سيف رجع
فاطمة : الحمدلله على سلامته
مريم: ماصدق والله مستانسه من قلب ..
فاطمة وهي تغمز : ان شاء الله دوووم
مريم: فطوووم فديتج نزليني في بيت عمتي ..
فاطمة : الحين بس شقووول لمج امج قالت لي ايبيج للبيت
مريم: مايخالف باتصل في امي الحين وبقولها اكيد ماراح ترفض ...بليز فطوم
فاطمة: خلاص اوكي ولا يهمج ,,,
وتتصل مريم في امها اللي قالت لها احنا اصلاً عند عمتج يالله تعالي بسرعه ...
وقبل لاتوصلها للبيت مرت على محل للورد وخذت لها باقة ورد ...
::
::
في مكااان اخر وصوووب آلي فرانسيس ...
خالدوهو يطالع لطيفه اللي كانت تاكل ....ويقول في خاطره ...اشفيني قاسي عليها مبين انها تحبني وماتحب تزعلني ..والله اني زودتها معاها وهي ماتستاهل ...رفعت عيونها له
فقال لها خالد: هااااه خلصتي حبي ...
لطيفه : ايه الحمدلله ..
خالد: يالله عيل قووومي ...
لطيفه : وين بنرجع للبيت
خالد: لاحبي ...بنتمشى شوووي ...بوديج لمكاااان احبه وايد ...
لطيفه :والله ...عيل يالله ...خلنا نكتشفه ..
خالد : يالله ...
ويطلعون ...
::
::
ركبوا السياره ..
شغل المسجل على اغنية حبيب الرووح ..لمطربه المفضل ...عبد المجيد عبد الله ....وقال لها ...لتوو حبي ...سمعيها عدل هذي اهداء مني لج...

يا حبيب الرّوح من غيرك أحبه

من هو يستاهل في قلبي يعيش دايم

إنت وحدك حاكم إحساسي محبّه

إنت وحدك لي وأنا اللّي فيك هايم

إسمك اللي لو نطقته فيه رهبة

يكفي يا حبي تحمّلت الظلايم

صرت أنا والهم والآلام صحبه

لأنّي صاحي ياحبيبي ولأني نايم

نظرتك لو هي عتب في القلب عذبه

ويا حلاتك لو تجي ياروحي لايم

الحياة من غير قربك حيل صعبه

خلنـــــــــي فـي بحــــــــر حـــــــبك دوم عــــــــــايم

ألفتت له لطيفه وقالت : من قلبك ؟؟؟
خالد: لطيفه ادري اني غلطت عليج وااايد بس متأكد انج راااح تسامحيني ..لان قلبج كبير ولانج عارفه اني احبج واوعدج اني احاوووول اتغير

ابتسمت لطيفه والعبره خانقتها وتحاول انها ماتصيح : الله يخليك لي قول آمين ...
يمسك يدها ويبوووسها : آمين ياملاكي ...يالله قربنا نوصل ...

وصلووووا للخليج الغربي ....ووقف السياره ...
لطيفه : وين هذا هو المكان ...
خالد: ايه هذا هو شرايج ....
لطيفه : حلووو وهادي ...دايماً تجي هني
خالد: ايه وخصوصاً اذا كنت متضايق او حزين ...
لطيفه : شمعنى
خالد: احس انه مكان بعيد عن العالم ...اخذ راحتي فيه ...بعيد عن الضجيج .والحشره ..
لطيفه : ذوووقك حلووو وخصوصاً هالقمر الحلووو وهالبرد القارص
خالد: برداااانه
لطيفه : شوووي ...
خالد: الله يهديج ليش مالبستي شي يدفيج .المشكله مامعي شي ....
لطيفه : ماكنت ادري انا بنطلع بس عااادي صراحه الجووو روعه ...
خالد وهو شيوفها بمحبه : والله عجبج
لطيفه : أي ..
خالد: ياعلني فداااا هالعيون الحلوووه
لطيفه : خالد خلاص عاد ...استحي ...
خالد وهو يمسك يدها ...يافديت اللي يستحوون يالله خلينا نتمشى شوووي .
::
::
::

في مكان ثاني ...
نزلت مريم من السياره وقامت تشوف روحها في مراية السياره ...وتأكدت من شكلها ...
ركضت أختها الريم لداخل الصاله
مريم : ريمي .صبرانتظريني ...
مشت داخله داخل وهي تسمع صوت الضحك ..
دخلت اهي واختها ولقتهم كلهم مجتمعين ...أمها واوها ومحمد وناصر وعمتها وزوجها وهدى وسلمان والكل ...
سيف : ياااامرحبا بالغلا كله ...ياهلا بالشيخه الريم ..
ركضت الريم ولوت على سيف ..اللي قام يبوسها ...
مريم: السلام عليكم
الجميع : وعليكم السلام ورحمة الله وبركاته
سيف : ياهر ببنت الخال ...اخبارج مريومه ...
مريم اللي استحت ونزلت راسها : الحمدلله بخير
قربت وقدمت له الورد اللي شرته له ...
سيف: يه يه ...شهالورد الحلوو ....كلفتي على روحج مريومه ....والله انج ذوووق وتفهمين مو نفس بعض الناس ..وهو يلتفت لهدى
هدى : واللي مسويه لك كيك. ومرتبه غرفتك..وشاطه عمرها علشانك ...
سيف : بس
هدى : نعم...خير وش تبي اسوي بعد لايكون تبيني امسح لك ريولك
سيف : محشووومه يابنت فهد ...افااااا عليج ...هدوووي الله يخليج لي ...
هدى :أي تسنع ....
ناصر : متسنع من زماااان ...موب انتي اللي تسنعينه
هدى : لحووول بدى المحامي
ناصر :نعم
هدى : ماشي
ابو سيف : ياعيال لاتعكرون القعده ...خلونا مستانسين
سيف : اخبارج مريم واخبار الدراسه ..
مريم : الحمد لله تمام وانت اخبار دراستك
سيف: والله تمام ...
محمد :الا اقوول سيف ... ان شاء الله بتطووول هني
سيف: والله مااعتقد يمكن اقعد اسبووع وارجع...
ابوو محمد : المهم ترى عشاااك عندنا في الزرع بكره ..
سيف : ان شاء الله ...ياطويل العمر ...
ابو محمد : يالله عيل ..نستأذن ...
سيف : وين ياعمي ...تو الناس
ابو محمد : انت الحين توك ياي من السفر وتعبان بنخليك وان شاء الله بكره نتلاقى ...
ابو سيف : ان شاء الله
ابومحمد : يالله ياناصر يالله ام محمد خلووونا نمشي
ام محمد : يالله
هدى : مريوووم تكفين لاتروحين باتي عندنا
مريم اللي كان ودها بس منحرجه : لا ماقدر خليها مره ثانيه
سيف اللي كان يسمع : أي والله مريوم ليش ماتباتين عندنا ....نبي انشوووف علومج والسهره علي
مريم كانت في عالم ثاني وهي تشوف سيف وتتفحص ملامحه ,,,,: معليش ان شاء الله مره ثانيه بكره عندي دوووام ومااقدر ابات
سيف : انزين عادي انا اوديكم للدوام برسم الخدمه..وش تبين بعد
هدى : أي مريوم تكفين
بو محمد : يالله يامريم
هدى :خالي تكفى خل مريوووم تبات عندنا ...
أبو محمد :والدوام بكره
سيف : انا اوديهم ...لاتحاتي
أبو محمد: هاااه مريوووم ..تبين تباتين
هدى : ايه ماعليك منها ...
أبو محمد: خلاص ...اللي تشفووونه ..
هدى : هييييه ...فديت خالي ...يالله مريوم تعالي معاااي ..خلينا نروح فوووق ...
مريم كانت ساكته وماقدرت تقول ولا كلمه ....كانت في قمة السعاده ..بشوفة سيف واهتمامه ..
سحبتها هدى من يدهااااا ومشتها للغرفه فوووق ...

هدى وهي تدووور في كبتها : هاااه مريوم شرايج في سيف تغير ..
مريم : أي ماشاء الله عليه محلووو
هدى : فديته اصلاً هو طول عمره حلو ...
مريم : حلو الشعر الطويل عليه ...
هدى: هاااج البيجامه ...وخلينا ننزل نسوي كابيتشينو
مريم : وين ألبس بيجامه ..صاحيه انتي
هدى : وش الجديد انتي دايما تلبسينها
مريم : حبوبه هذا قبل اخوانج ماكانوا موجودين سيف مسافر وناصر برع
هدى : أي صح
مريم : ماعندج جلابيه ناعمه
هدى : الا عندي جلابيه سوريه ..تذكرين لما سافرت خالتي لسوريا
مريم: حلووو عطيني ...صراحه ما كنت مستعده لجيتي اليوم لكم .كل شي بالصدفه ماتوقعت ان سيف يرجع .
هدى : أي مسويها مفاجأه
مريم : انزين يالله بلبس دقايق وننزل ...
هدى : يالله انتظرج
::
::
::
العنود في هالوقت ..كانت تتفرج على التلفزيون في الصاله ...
دخل عليها أخوها جابر: السلام عليكم
العنود: مرحبا ببو محمد ...ياهلا وغلا
جابر : بج الغاليه اخباركم ان شاء الله تمام ..
العنود :الحمدلله ..
جابر : الا وين الجماعه
العنود: امي وابوي في الخيمة وزوجتك في غرفتها زخواتي فوووق
جابر : واخباركم كلكم ...
العنود: الحمدلله ....اخبار السفره
جابر: الحمدلله
العنود: تعال اقعد
جابر : لابطلع لغرفتي ابدل واتسبح منقرف من نفسي
العنود وهي تضحك : علينااااا ولا مشتاااق للمدام
جابروهو يبتسم : تقدرين تقولين جذي
العنود :ايه اعترف ولاتلف وتدور
جابر: يالله اخليج
العنود: ارجع خلنا نقعد شوي في الخيمه
جابر: خلاص ...
طلع لغرفته ...وشوي نزلت اختها وضحه ...
وضحه : هاااااااي عنووود
العنود: هلا ...
وضحه : شتشوفين
العنود: ماشي محدد افر على كل القنوات ..
وضحه : مادريتي براشد
العنود : شفيه
وضحه : خطب
العنود: ادري وش فيها
وضحه: مافيها شي بس مادري كنت اظنه بيتزوجج
العنود: من انا ...وليش
وضحه: موكله يقولون ان راشد للعنود والعنود لراشد
العنود: كلام مو اكثر وبعدبن حتى لو خطبني كنت رفضت
وضحه : ايش نعم ...وليش عسى ماشر
العنود: كيفي مابيه
وضحه : روحي ياشيخه ماعند سالفه حد يرفض راشد والله انه زقرت ورجال ...ماينعاااب
العنود: انزين الحين انتي شتبين الرجال وخطب والله يوفقه وبعدين
وضحه : مافيه شي بس صراحه خساره مايخطبج ...تلوقون لبعض
العنود: نعم نليق لبعض انتي وين مخج ...مافيه مقارنه ...
وضحه : شهالغرور يالعنود
العنود: مو مغروره هذي الحقيقه
وضحه: صداجه ...وش جاب راشد لج ..بس والله ربي راضي عليه راح ياخذ فجر ...جمال واخلاق
العنود وهي متنرفزهوواقفه تبي تطلع : اوكي الله يخليهم لبعض ويوفقهم ...بسنا عاد من هالسالفه...

طلعت العنود وهي تقول في خاطرها ...شفيهم هذولا ..خسرانه وخسرانه ليش يبوون يحسسوني اني ضيعت على عمري فرصه ثمينه ..انا مااشوف انها جذي ..ياناس هذي حياتي ابي اعيشها على يفي مو مجبوره ...ليش مايبوون يفهمووون اووووف ...احسن لي اطلع للخيمه ..

::
::
في هالاثناء كانوا لطيفه وخالد راجعين للبيت...
خالد:هاااه لطووفي شرايج نستأجر لنا فلم نسهر عليه ...
لطيفه : والله حلوو ...يالله ؟..انزين فديتك خاطري في ايسكريم من باسكن روبنز
خالد: افااا عليج انمره الحين ونستأجر لنا فلم على كيف كيفج ومن أختيارج هاااه شرايج
لطيفه : الله لايحرمني منك يالغالي ...
خالد: بس غالي ...
لطيفه : خالد تكفى لاتحرجني انت تدري بقدرك عندي ...
خالد وهو يضحك : يه يه خلاص عارفينه بس ليش الويه حمر ...مايسوى عليج
لطيفه وهي تبتسم: استحي..
وخالد وهو يوقف عند الاشاره: وهذا اللي محببني فيج....
::
::
::
::

في بيت أبو سيف ...
أنزلت هدى ومعاها مريم ...
هدى : يالله مريوم ..ابيج تذوقين الكيكه اللي سويتها لسيوف اخوي ..
مريم: يع اكيد تجيب المرض
هدى : عداااال ...من زين اللي تسوينه ..وبعدين لاتنسين اني ماخذه المقادير من عندج ...خخخخخ
مريم: اسفه متى رجاااءاً لحد يتبلى علي
هدى : اقوول ..ماتنعطين وجه ..وعقاباً لج ماراح تذوقين كيكتي
مؤيم : يالخايسه اضحك معاااج ...
هدى اللي تتصنع الزعل مافيه ...اسفه وتركض رايحه للمطبخ ..
مريم كانت تبي تلحقها ...وقفت لما سمعت صووت سيف اللي كان يلم ناصر
سيف : ياخي انت ماعندك اسلوب كلش ..
ناصر : والله هي اللي رفعت ضغطي ...
سيف : صبرك عليها ....ياخي عندي احساس انها تحبك مثل ماتحبها ...
هني ..قربت اكثر من الباب وقامت تركز في الكلام
ناصر : أي حب ياخوووي مافيه امل انا سمعتها بأذوني ...
سيف : يمكن مستحيه وما تبي هالشي يبين عليها وقالت كلام غير ..
ناصر : مادري ...بس
مريم في هاللحظه قربت اكثر لكن يد هدى كانت اقرب ...دزتها وانفتح الباب ...
ودخلوا هما الثنتين ...
هدى : صدناااااااكم في من تحشوووون ...
مريم كانت في حاله لاتحسد عليها ... وناصر وسيف بلموووا ....
ناصر: ماتتوبين انتي كل شي بدفااااشه ..
هدى : اهااا عيل تحشون فيني يالله اعترفوا ...
ناصر: من زينج ....اقووول بلا كثر حكي ..روحي سوي لي كابتشينو ...الفلم بيبدأ بعد شزي
هدى : لايكون خدامتك وانا مادري
ناصر: لا اخوج الكبير ولا سيف اخوج وانا لا
هدى : امبلى بس على الاقل عنده اسلووب ..
مريم اللي تدخلت بالموضوع : خلاص انا اروح اسوي لنا كلنا
ناصر: لاهدى اللي بتسويه ..خليج انتي ...
هني مريم فهمت خطأ ...وتضايقت وبانفي وجها ...
سيف اللي لاحظ هالشي : أي مريوم خليج ...مابقى الا مريم بنت احمد تقوم تسوي الكابتشينو ...انتي تقعدين وهدوووي تقوم تسويه يالله هدى علشان خاطري
هدىوهي تتدلع : اصلاً من قال بيسويه حد غيري ..امانه فيه حد يقدر يسويه مثل ماسويه ...مااعتقد ...
سيف: لان اناملج عسل
ناصر : تكفى لاتدلعها شوف وجهها وعععع ...يجيب المرض
هدى : حرررره ....قول اللي تقولها مايهمني ...مبين محتر لاني ماراح اسوي لك
ناصر: لابتسوين وغصباً عنج ..
هدى وهي تركض للمطبخ : ممااااافيه ...ماراح اسوي لك ...
قام ناصر ولحقها للمطبخ ...وتموا مريم وسيف قاعدين يطالعون التلفزيون ...سيف اللي حب يقطع الصمت : الا مريوومه ... شخبار زرعكم متى اخر مره رحتوا له
مريم: ايييه من زمان ....ابوي ماقام يروح لها ...مخلي الهنود يتعبلون به ..
سيف : اهااا ...حرام والله ...
مريم :دايما اقول لابوي بس يقول مو فاضي ...
سيف : الله يعينه ..
سكتوا مره ثانيه ..لكن مريم حبت تسولف معاه
مريم :سيف
سيف : هلا
مريم : ماحسيت بالوحده هناك
سيف : اييييه يامريوووم شقولج الا ..ياكثرها الاوقات اللي حسيت بها بالوحده لكن ربي رزقني بربع من قطر والخليج ..مافيه احسن منهم ...صاروا اقرب من أخواني ..
مريم : زين الحمدلله .... الا صج مافيه بنات قطريات هناك
سيف : الا فيه ...وماشاء الله عليهم شادين حيلهم ... وعندنا بنات ساكنين في نفس العماره ... مايقصرون .. في المناسبات يسون لنا حلويات ويحسسوننا بأنا في وطنا ..
مريم : ماشاء الله عليهم ...أخت رفيجيتي تدرس هناك بس ماعرف تخصصها ...
سيف : ماشاء الله عليها
مريم :سيف خاطري اكمل دراستي هناااك ...شرايك
سيف : شوفي هو زين ومو زين خصوصاً للبنات ..تعرفين غربه وتحمل مسؤوليه ...صعب الواحد يتحملها ...
مريم: بس حلو الواحد يعتمد على نفسه ...ويكتسب خبرات
سيف :صح صدقتي ...بس هم تتم صعبه ...
::
:
رد الصمت ..وفي هالاثناء سيف حب يفاتح مريم ...في موضوع قبل مايردون اخوانه ...
سيف: الا مريم ..ابي اخذ رايج في موضوع يهمنا ...
مريم وهي مستغربه ..: يهمنا
سيف : ايه ..عارف راح تستغربين لكن ابيج تسمعيني لنهايه ...
مريم حست يإحساس غريب ...وارتبكت ...وبات على وجهها ...وقالت في نفسها ...شهالموضوع ..معقوله حس فيني وعرف اني احبه .؟؟؟

[فيتامين سي]

""" الفصل التاسع """

(( ~ ~....ودي اشرح لك .... ~ ~))


رد الصمت ..وفي هالاثناء سيف حب يفاتح مريم ...في موضوع قبل مايردون اخوانه ...
سيف: الا مريم ..ابي اخذ رايج في موضوع يهمنا ...
مريم وهي مستغربه ..: يهمنا
سيف : ايه ..عارف راح تستغربين لكن ابيج تسمعيني لنهايه ...
مريم حست يإحساس غريب ...وارتبكت ...وبان على وجهها ...وقالت في نفسها ...شهالموضوع ..معقوله حس فيني وعرف اني احبه .؟؟؟
::
::
سيف : اسمعي يامر............
ويدخلون ناصر وهدى كالطوفاااان واقطعوا عليهم حديثهم ...
ناصر وهو شايل الذره : يالله بسرعه حطه على روتانا بدا الفيلم ...
وهدى من وراااه : أي يالله الحين بيبدا ...ويييه نسيت المكسرات برجع اييبها.
مريم كانت منقهره ...كانت تبي تعرف شكان يبي يقولها ....
سيف : مريم خلاص بعدين اوكي
ناصر: شنهو اللي بعدين ...
سيف : سالفه ...
ناصر : انزين سولف ولا السالفه فيها سر
سيف وهو يشرب الكابتشينو ....تقدر تقووول ...
وخلنا نشوف الفيلم ...هدووووي يالله الفيلم بدا ...

تجمعوا كلهم وبدوووا يتابعون الفيلم ....وانسجموا معاه الا مريم نظرها يتنقل بينهم ويستقر على سيف....ياربي شنو كان يبي يقوول لي ؟؟؟؟
::
::
::
في بداية يوووم أخر ...يوم بزغت فيه شمس الامل ...
كانت شيخه نايمه وتحلم بحلم حلووو رسم البسمه على شفايفها ...ولكنها فجأه ..
..
...
....
تششششششش ...
..
..
صحت شيخه من النوم مفزوووعه ....والماي البارد سايل من شعرها على بيجامتها ومخدتها ....
فتحت عيونها بصعوبه ...
ولمحت ضووووء فلاش وصووت ضحكه ..ألتفتت عالباب لقت نجلاء وقافه وماسكه الجوال بيد وشايله في يدها الثانيه قلاص ماااي ...

نجلاء : ههههه مقدر الصراحه شكلج رووووعه ..بمووووت بطني هههههههه..صورتج صوووره للذكرى ومحلاها من ذكرى خخخخخ

قامت شيخه من فراشها بدون ماتقول شي وركضت ورى نجلاء تبي تضربها لكن نجلاء مسكت مقبض الباب من برى ...وشيخه تحاول تفتح الباب بس ماقدرت ...حاولت وحاولت بس نجلاء كانت مسكتها أقوووى ...

شيخه : يالخايسه بطلي ولا والله العظيم تشوفين شي ماشفتيه
نجلاء اللي كانت مازالت تضحك .ههههه مافيه تذكرين الكوافي لالا ..ترى ماانسى ...
شيخه :اقولك بطلي
نجلاء : ماااااافيه لاتحاولين
شيخه : اوكي لاتبطلين بس والله ارجعها لك يالبقره الحلووووب
نجلاء : مسكينه ماتقدرين تسووووين شي
شيخه : انتظري بس ...
راحت للمنظره تطالع شكلها ..كانت متبلله...وبقايا الكحل اللي في عيونها سايح على وجهها ...
ااااه يالقهر ...أوريها البقره ....ألتفتت للساعه المعلقه
أبييييه الساعه سبع تأخرت ...يارب متعب ماخلاني ...
::
::
في هالاثناااء ...
في بيت أبو سيف ...الكل كان قاعد يتريق ...الا سيف اللي كان نازل من فوووق ..
كان شكله ملفت للنظر ...لابس ثوب أسود وغتره بيضاء ظاهره من تحتها شوية خصال كانت تزين رقبته ...والمسباح كان في يده
سيف : السلام عليكم
ألتفت له الجميع : وعليكم السلام
هدى : يه يه شهالكشخه ...وخروا عنه ..مانستحمل
سيف : شرايكم بالثوووب ....
ام سيف : ياحي الثوب والله ....فديت الكاشخ انا
سيف : فديت ام سيف
مريم في خاطرها : ماشاء الله تبارك الرحمن ...الله يحفظه
ناصر: لايقصووون عليك كل يوووم يقولون لي هل الكلام ...يعني مجامله
هدى : وش جاب لجاب ...
سيف خذا له عصير وهو يضحك : اكيد
ناصر : شقصدج الشيخه هدى
هدى: مااقصد شي ...
سيف وهو يطالع هدى ومريم : يالله نمشي
مريم : يالله ...
سيف : يالله استأذن تامرون على شي
أبو سيف : متى بترجع
سيف : والله مادري ياطويل العمر ...بخلص كم شغله وبرجع
أم سيف : الله يحفظك يالغالي
سيف : يالله مع السلامه ...
وصل لسيارته الرنج وطلع من الدرج عطره المفضل ...وعطر المكان ....
مريم .: دخلت السياره ....وشمت ريحة العطر اللي يميز سيف ......عطر هريرا ...وابتسمت
سيف : هااااه شرايكم
هدى : ويييه أنت وين عاااايش مال أول ...كح كح ...الناس تطوروا وأنت مثل ماأنت ...
تكلمت مريم وبسرعه : بالعكس ...روووعه
سيف : ايه هذول الناس اللي يعرفون الذوووق وبعدين ادري انه قديم بس عاجبني وماراح اغيره ....ولا شرايج مريم
مريم : روعه ..ماعليك منها
سيف : خلاص ....ليش اغيره مادام مريووم عاجبهااا
مريم ابتسمت ونزلت رااااسها ....وقالت في خاطرها ...يلوووموني بعد ....
هدى : يووووه مريوم لاتستانسين دايما يقولي هالكلام ...عيااار
سيف : الا في هذا ...
هدى : خخخخ ياخي لا ترقع .....
سيف : انزبن تبون شي ...ترى باخذ لي جريده ...
مريم :سلامتك
هدى : لا شكراً ...بس لو سمحت ....سرع شووي تأخرنا ...ورجاءاً لا تسوي حركات وتوقف عند البوابه نص ساعه تنزلنا وتمشي نعرف حركاتك
سيف : خخخخخ وليش شلي مضايقج ....حراااام خلي البنات يستمتعون بهالجمال شوووي ....تعرفين من زماااان ماشافوا حد حلوو

هدى : وييييه ماخذ في نفسك مقلب ...أقول واللي يرحم والديك لاتقعد تتفلسف ....ترى شبعنا من هالكلام ....كل يوم يعيده علينا نصووور الظاهر هالسنفونيه مانلقاها الا عندكم ...والله تكسرون الخاطر ...

سيف : ههههه ...والله انه مصيبه هالنصووور ..اصلاً هالكلام محفظه اياه ...شكله حفظ الدرس عدل ...

هدى وهي تفتح الباب : اكيد ...مو أنت القدوووه ...يالله مريووووم ركيض تأخرنا

نزلوا وقابلوا لطيفه اللي كانت نازله من سيارتها ...
لطيفه : صباح الفل والكادي
هدى : صباح الخير
مريم : صباح النور والعنبر ....فديت المروقين شعندها مدام لتووو مبسوطه وشاقه الحلج..
لطيفه : خليها بعدين .الا جايين مع بعض شالسالفه
هدى : أخوي سيف رجع أمس من السفر ...فديته مسويها لنا مفاجأه ...ومريومه باتت عندنا
ألتفتت لطيفه لمريم وهي تبتسم وتغمز لها : اهاااا قرة عيونكم ...الحمدلله على سلامته ...
ابتسمت لها مريم ودزتها
هدى: الله يسلمج يالله حبيباتي أخليكم ....
مريم: سي يووو
لطيفه : الله يحفظج ....
...
..
.مشوووا ووصولوا لمكان تجمعهم المعتاد ....
لطيفه : مريوم ظنتج البنات موجودين
مريم : ايه شوفي الساعه اكيد
دخلوا الكافتيريا وكانت الزحمة مش طبيعيه والاصوووات مرتفعه ...
مريم :وووويه شهالزحمه وين نلقاهم الحين
لطيفه : امشي لقيتهم
وصلوا عندهم ..
لطيفه : السلام عليكم
البنات : وعليكم السلام
مريم : غرييييبه فطووووم قايمه من وهل
فاطمة : خخخخ تغييير ...اخبار امس
مريم وهي تقعد : ااااااه خليني ساكته يافطوووم ...أمس شي ..ماقلت لج ...بت عندهم
فطوم وهي مو مصدقه : شنووو ....شفيها البنت ...استخفت ...أنتي من صجج ...
مريم : أي وشفيها هم اللي اصروا علي ..
لطيفه : ماعليج منها ...اصلاً ماصدقت خبر الا وسيده وافقت خخخخخ
العنود: شالسالفه ....شفيكم أنواع الالغاز
شيخه : أي والله ..مثل الاطرش في الزفه ..ماعرف شتقولون
فاطمة : خخخخ وييييه ماتدرون الشيخه مريم ...في عالم أخر ...حبيب الألب مزوووولا وصل ...( قصدها سيف يسمونه بينهم وبين بعض حبيب الالب مزوووولا ) ...
شيخه والعنود وهم يطالعون مريم : اهااااا .....الحمدلله على سلامته
مريم : الله يسلمكم بس صدق استانسنا أمس سهرنا على فيلم روووعه
لطيفه : حركااااات
مريم :جب ....شفيج أنتي ..كلنا
لطيفه : ايييه حسبالي
فاطمة : الا عالطاري بنات ترى اليوم ماراح اقعد معاكم الظهر
لطيفه :ليش
فاطمة : بقابل البنت اللي تبي تتعرف علي
العنود : عشنا وشفنا فطوووم ...فيه ناس تبي تتعرف عليها ....صدق اخر زمن
فطوووم : هيييه شفيج أنتي ..حبيبتي يكون في علمج مو هي بس واااايد بس انا ماعطي ويه
شيخه: الا اقول فطوم لاتكون البويه البوويه
فاطمه : ايه بشوف وش تبي ...ونااااسه اكشن ..
شيخه: تراك مو صاحيه حبيبتي رجلي على رجلك ماراح اخليك...
فاطمة : ليش قالوا لج مقصه
شيخه : لا بس أنا أبي اروح معاك عندي فضووول ..
فاطمة : ولا تحطين في خاطرج .... ترى بنطلع من المحاظره وسيده عالمبنى
شيخه : اوكيك
لطيفه : العنود العنود بسرعه التفتي وراج ....سبحان من صور هالوجه
العنود وهي تلتفت :من ...
ماشافت الا الملاك اللي يمشي ....مع بساطة لبسها الان وجهها هاله من نور نورت المكان ...
داخله للكفتيريا ومعاها بنات تضحك معاهم
العنود: من فجر
لطيفه : ايه الا اقولج ...متى بيخطبها راشد
في هالوقت ردت مريم وهي مصدووومه ......نعم من رااااشد ...من راشد ولد عمج
العنود: ايه ماغيره
مريم وهي مستغربه وبسؤال غبي : وأنتي ؟؟؟
العنود : شفيني ؟؟؟
مريم : مو كنتوا لبعض
العنود : ومن قال اصلاً اني انا ابيه او راح اوافق عليه ...زين جات من ربي ..وافتكيت
شيخه : من قلبك
العنود توقف وهي معصبه : وشفيكم أنتوا أي من قلبي ...اللي يسمعكم يقول اني ميته عليه من الاول ...لا حبيبتي انا اللي قلت له مابيك دور على وحده ثانيه ...اووووف

ومشت ...ومسكت يدها لطيفه : عنووود صبري شفيج ...
طلعت العنود وهي متضايقه ....من كلام البنات ومن شوفتها لفجر ماتدري ليش ؟؟؟
::
::
اطلعوا برى ..ومشوا وشوي يدق تلفون العنود ..
~ شوووواخ تتصل بك~
تطالع الجوال ....ومتردده ترد ولا لا
لطيفه :من
العنود: شيخوووه ...اوووووف والله منحرجه منها رديت عليها بخياس نفس وعصبت عليها وهي مالها دخل ...
لطيفه : فديتها اكيد متصله عليج ...تتأسف منج
العنود : أنا المفروض اللي اتأسف منها
ردت عليها ....
العنود: هلا شيخه
شيخه : عنودي سوري الغلا ..ماكنت ادري ان الموضوع مضايقك حبيبتي
العنود: ماعليج انا اللي اسفه تنرفزت عليكم وانتوا مالكم دخل.
شيخه: لاعادي ولو انا حلالك ..عادي فضفضي الغلا ...
العنود : تسلمين لي ...انزين ماراح تطلعووون ..امشوا
شيخه : لابرد انتوا اللي تعالوا
العنود: لا بليز مادري ليش احس بضيقه داخل امشي خلونااا نطلع للنشاط ..
شيخه : اوكي ...

::
::
مشوا متجهين للنشاط
فاطمة : الا بنات ماسمعتووا الخبر
لطيفه :شنو
فاطمة: الشيخ جوعان راح يجيب الشعله هني
مريم : وين عندنا ...قولي والله
فاطمة : هذا اللي سمعته
العنود :وش دعووه عندنا احنا البنات ....غريبه
فاطمة: أي انا بعد استغربت كنت أظن راح يمر البنيين بس
شيخه : الله ونااااسه
لطيفه : والمحاضرات مافيه
فاطمة : مادري ...يمكن
شيخه :انزين ظنتكم فيه تصوير
لطيفه :لا مااعتقد ...وين عايشين ؟...
العنود : يارب مافيه محاضرات علشان مااجي
فاطمة : يالغبيه وبتفوتين هاليوم اكيد بيكون يوم سبشل ..
العنود : مادري بفكر لين يوم الخميس اذا فيني شده راح اجي ...صراحه النوم سلطان وانا مشتاقه للنوم ...
لطيفه : شكلي بسوي مثلج .
..
..
..
دشوا البنات النشاط ودورا لهم طاوله وقعدوا فيها ...طبعاً وكالعاده الكراسي شبه منقرضه
مريم: اووووف شهالمصاخه ...اول مره اشوف كافتيريا مافيها كراسي
لطيفه :خخخخ الظاهر البنات ياكلونها
العنود: ماخلوا شي خخخ
لطيفه : مريومه شوفي البنات اللي وراج عندهم كراسي روحي اخذي لج .
مريم: ويه استحي ...وصراحه اشكالهم من النوع اللي يفشل
فاطمة : أقلو انثبري انتي وانا بروح اييب لج كرسي
::
::
راحت فاطمة للبنات اللي قاعدين
فاطمة : السلام عليكم ...الشيخه تبون الكرسي
ألتفتت عليها البنت رافعه خشمها واسألت البنات اللي مجابلينها : هااااه تبونه ...تبينه خلود علشان تحطين كتبج عليه ولا اعطيها .
ألتفتت فاطمة للبنات ...اللي كانوا منشغليين بالسوالف ...وفجأه ألتقت نظراتها بنظرات تكرهها طول عمرها ....كانت نظرات جواهر اللي كانت قاعده في الطاوله اللي جاتها فاطمة
البنت : هاااه تبونه ولا اعطيها
وحده من البنات : ايه خليه يمكن نوني تجي
وتقاطعها جواهر : لالا عطوهاا نوني متصله قبل شوي ماراح تيي ..فاطمة اخبارج ....اخذي الكرسي
فاطمة من دون نفس : الحمدلله ....مشكوره ..
خذت الكرسي واسحبته لين البنات ...
شيخه : فطوووم شفي وجهك ...
فاطمة : مافيني شي بس شفت الوجه اللي ييب الهم
شيخه : من
فاطمة : من غيرها جواهر
لطيفه : حرام عليج تهبل
فاطمه : أي تهبل ولا حاطه نفسها طيبه ومتفضله على بالكرسي ..اخذي الكرسي ( وهي تقلد صوت جواهر الناعم )
العنود : يابنتي روووقي الاشكال اللي تجيب الهم واجد ..المهم حد يبي شي من ستار بوكس يالله
مريم : نو سس شكراً
لطيفه : انا بقووم معاج
العنود: فطوم ..شواخ ماتبون شي
فاطمة : لا تسلمين
شيخه : لا حبوبه شكرا
العنود: شفيكم عن الدلع يالله شتبون
شيخه : قلنا لك مانبي شي
العنود:مافيه يالله قولوا
فاطمة : يووووه بدت حركات البدو شنو بيفكنا منها ....ترى العزيمه مو بالغصب
العنود وهي تضحك :ههههه معاي بالغصب ...
مريم : عنود روحي زطي الله يحفظج قلنا لج مانبي
العنود : اوكيك كيفكم ...بس ترى انتوا الخسرانين
شيخه : بنات الساعه كم ؟؟؟
مريم : الساعه 8.16 دقيقه
شيخ : يالله انا بروح القسم ...
فاطمة : ليش لايكون بتروحين للدكتور خالد
شيخه : ايه بشوف اذا موجود ولا لا
فاطمة : انتي ماتقولين انه قال انه فاضي عال12
شيخه : امبلى بس بروح اجرب حظي ...وبهذر شووي مع الدكتوره ليلى الفرحان ..وحشتني سوالفها
فاطمة : اقوول مالت شتبين فيها ...اكيد تتمصلحين
شيخه : خخخخ شدراك.. اكيد علشان تعطيني تقدير مضبوووط
فاطمة : انزين لاتتأخرين وراج محاضره
شيخه وهي تقوم : اوكي ..
..
..
العنود وهي ماسكه الكوفي : الا وين شيوووخ
فاطمة وهي تلعب بجوالها ...راحت للدكتور خالد
العنود: مسكينه الله يوفقها ..
مريم : لطوووف وين
فاطمة : تسلم على بنت تعرفها
مريم: ياكثر اللي تعرفهم ...اليوم كله يروح علشان سلاماتها ....
فاطمة : لازم ..الاخت ست بيت ومعارفها وايد خخخخخ
العنود : اسكتوا لا تجي وتسمعنا ونروح فيها ...

.
..
بعدها راحوا البنات لمحاضراتهم وفي تمام الساعه 2 ظهراً كانت فاطمة وشيخه متجهين لمبنى البنات علشان يلتقون بالبنت المجهوله ...

فاطمة : أوووف شفيني متوتره ...
شيخه : شفيك أنتي ...كل السالفه انك بتلتقين ببنت وبس ...خخخخ اللي يشوفك يقول عروس وزافينها خخخ
فاطمة :شووواخ بليز لاتوتريني اكثر
شيخه : اعنبوا ابليسك شفيك ...أنا اللي توترت من توترك
فاطمة :انزين يالله أمشي بس أول خلينا نروح للحمامات اعدل شكلي
شيخه : أي والله ...اخاف البنت تنحاش اذا شافت شيفتك
ألتفتت عليها فاطمة وهي في قمة القهر : مااقول الا مالت علي إلي خليتج تيين معاي ....امشي بس
..
.
توجهوا للحمام ( وانتوا بكرامه) ...ولقوووه مزدحم ...والبنات اللي فيه حالتهم حاله ...اللي تعدل مكياج السهره ..اوووبس قصدي مكياج الصباح ..واللي تمشط الشعر ...واللي تناظر نفسها في المرايه طووول الوقت وبمختلف الوضعيات ...
فاطمة : أوووف حشره شلون ندخل
شيخه : ماعليج بيطلعون الحين
فاطمة : يالله أمرنا لله ننتظر
انتظروا عشر دقايق ...ومافيه أمل أحد يطلع ...
فاطمة : اقووول امشي شكلهم مطولين تعرفين وراهم بارتي
شيخه : خخخ صدقتي ..أمشي وترى تاخرنا عالبنت مولازم نتعدل
فاطمة : أمشي وأمرنا لله ...

أتصلت فاطمة على البنت ..( شريفه) ...اللي معها في مقرر التاريخ وخبرتها عن المكان ...

دخلت فاطمه الكفتيريا وهي تتفحص وجوه الموجودات تدورها ...شافتها تأشر لها ...
كانت شريفه والبنت المجهوله معاااها ...كانت في قمة السعاده تبتسم لهم ...وشعرها القصير جداً ممشطته بطريقه غريبه ....ونظارتها الشمسيه عليه ...وعليها عبايه غريبه كأنها ثوب الريايل لكن الاختلاف في اللون ...

فاطمة: شواخ امشي ....
شيخه : يالله ...
فاطمة : السلام عليكم
وقفوا البنتين : هلا والله وعليكم السلام ...
فاطمة وهي شوي مرتبكه : أخباركم
شريفه : الحمدلله ...فاطمة هذي نور وهي تأشر لرفيجتها ..

*
*
*


نور ...~ الفتاه المجهوله ~
فتاة عمرها 21 سنه ماخذه لوك الشباب ( ويقال لها بويه ) طالبة بكلية التربية قسم رياضه ويبقى لها كورس وتتخرج طويلة وضعيفه .. بيضاء البشره .. شعرها طبعا قاصته بوي قصير جدا صفاتها الشخصيه ... تحب السيطره والتملك وتغلب عليها العدوانيه بسبب ظروف عائلية ..من ناحية الشكل .. شكلها سبورت..جنزات وتشيرتات ...وكابات ...وطبعاً العبايه اللي مفروضه عليها ..


نفس النظره المريبه ونفس الابتسامه الغريبه ...وهي تمد يدها ...
نور وبصوتها الضخم : هلا فاطمة ...أخبارج
فاطمة : الحمدلله ....سكتت فجأه مرتبكه وتذكرت شيخه اللي كانت واقفه جنبها ...أي ...وهذي صديقتي شيخه ...
سلموا على بعض وقعدوا ...
فاطمة اللي تبي تبين انها طبيعيه :: اخباركم ..عاملين أيه
شريفه وهي توقف :والله تمام ...ألا أقول فاطمة ..يالله أنا استأذن ماحب أكون عذووول ...صراحه نور تبي تقعدون بروحكم ...( وهي تطالع شيخه وتعطيها نظره وفي خاطرها ...أفهميها عاااد) ...
طبعاً شيخه فهمت السالفه بس عندت وحطت نفسها ماتدري شتقصد وابتسمت وقالت لها ... ...: الله يحفظك ..
فاطمة : اللي يريحج الله يحفظج ....أشوفج في مقرر التاريخ شريفه ...

ألتفتت شريفه لنور ..وقالت : يالله نور اخليج بااااي ...
نور : بايات
نور : شتبوني اييب لكم
فاطمة : لا شكراً تسلمين
شيخه وبخبث : انا ابي... ولا عليك أمر ودي بوووتر ..
فاطمةالتفتت لها مستغربه تصرفها ...
نور : بس ...تامرين ماتبين شي ثاني
شيخه وهي تبتسم لها : لا ...
نور: ..دقايق وراده ..
فاطمة : شفيج انتي مخفه من أول مره ...والله احراج
شيخه : خخخخ احسن قاهرتني ..حاطه نفسها أبو الشباب... ...خليها تكد عافيتها ...وياما بتشوووف ..خخخ
فاطمة : الله يستر...اخاف تودينا ورى الشمس
شيخه : افااا عليك بس ...خليني معاها
رجعت نور وهي تمشي بمشيه كلها رجوووله ...والابتسامه شاقه الحلج ...والغمازات عالاخر ...
نور: تفضلي
شيخه : تسلمين والله تعبتك معااي
نور: افااا عليج ..ماسوينا شي ...
فاطمة : الا نور انتي أي تخصص وأي سنه
نور وهي تبتسم ابتسامتها الساحره لفاطمة : انا الله يسلمج رياضه وسنه اخيره ...وانتي تاريخ صح
وردت شيخه بلقافه : وانا علم معلومات ومكتبات ..
صراحه تخصصي متعب مو مثلكم أنتم يابنات الرياضه عايشين حياتكم عدل ...أنواع الوناسه وكل يوم والثاني الا مباراه الا طلعه الا حفله ...يعني كل يوم أكشن ..
نور بقرف : ايه
شيخه تبي ترفع ضغطها وتسألها بغباااء : الا نور بسألك ..صراحه ستايل عبايتك عجيب وغريب بس مو كأنه شكل ثياب الرجاجيل ؟؟؟؟
نور اللي مبينه الضيقه في وجهها : ايه الشيخه هاااي الموضه الحين ...نفس البنات اللي يلبسون العبايه البشت ...
شيخه : ايه المطرزه بالذهبي
نور بنفاذ صبر : ايووووه ..وتلتفت على فاطمة اللي تطالع شيخه وتبتسم :الا فاطمة شفيج ساكته ماتحجين ...
فاطمة : لاوالله قاعده اسمع ...
نور : فاطمة ..أنا عارفه انج مستغربه ...ليش اني ابي اتعرف عليج موصح...
شيخه : لا ليش تستغرب ...شي طبيعي اصلاً ..فطوم فديتها حبوبه واجتماعيه يعني متعوده على هالشي ..
فاطمة : ايه اكيد عادي ...ويشرفني اني اتعرف عليج وانكون ربع ..
نور : تسلمين والله ..انزين فاطمة بعطيج رقمي ...سجليه عندج
فاطمة : اوكي ...وتاخذ الرقم وتحفظه عندها وشووووي الاشيخه تقووول ...
أووووبس فطوم شوفي الساعه يالله أمشي تأخرنا
فاطمة: ايه صح ...يالله اخليج نور وان شاء الله ألقاج مره ثانيه
نور وهي متضايقه : اكيد ...صراحه هالقعده مااعتبرها قعده ...يبيلنا قعده ثانيه ...
شيخه بعبط: أكيد صراحه القعده معاج ماتنمل ...يبيلنا قعده ثانيه والمره الجايه ترى علي أوكيك ..يانونو ...اعذريني ...ممكن ادلعج ...
نور بقهر : على راحتج يالغاليه ...يالله سلام ..
فاطمة : باي وهي تلتفت تبي تروح ..
نور : فاطمه ...ترى يمكن ادق عليج اليوم انتظري اتصالي ....
فاطمة : أوكي ..
..
ويطلعون فاطمة وشيخه اللي ميته من الضحك ..
شيخه : ههههه بمووووت شفتي وجهها ...
فاطمة : حسبي الله على ابليسج ...حكرتي لها ...
شيخه : شرايك في حركاتي ...حبيبتي هالاشكال مايفيد معها الا العبط ...
فاطمة : بس حرام وعليييييه ماعطيتيها مجال تتكلم
شيخه : يعني شبتقووول ماعندها شي ...بس جايه تستعرض وتكون علاقات اجتماعيه خخخخخ
فاطمة : أقول أمشي ..أمشي ...زين ماصادها انهيارعصبي منج ...
شيخه وهي تطالع تلفونها : ...أبييييه يالله ....ترى أخوي متعب يدق علي .يبيني اطلع تأخرت عليه علشانك ..أمشي ...يالله ركييييض...
فاطمة : فديتج والله ....خلاص انتي روحي انا بتصل اشوف الدريول وينه ...بااااي
شيخه : باي ...
..
.
رجعوا الكل ....وكلٍ بهمه ...
::
::
في مدينة الرياااان ...
كانوا كلهم مجتمعين في الخيمه ..وقاعدين حول الدوووه ...ويشربون الكرك وانواع السوالف ..
جابر بمزح : ياناس شفت لي شوفه هناك ...ياويل حالي ذبحتني ...لاالغمازيه اللي تذبح ولا الرموش اللي كأنها مظله ..آآآآه
العنود: اوف اوف شفيه العاشق الولهان ..هيه الاخو ترى أنت متزوج ولا ناااسي...وتلتفت لزوجة اخوها ..
الجازي زوجة اخوها وهي تصب لعمتها كرك ...ولاكأن شي هامها ..: عادي شفيها خليه يستمتع المسكين محروووم ....
العنود وهي تحاول تشعللها : لا قووويه عاااد هني ونوقف ....أمانه حد عنده هالجمال وهي تأشر عالجازي ...ويلتفت لغيرها ...صراحه جابر ماعندك ذوووق ابداً .
الجازي : للاسف مو مقدر اللي عنده ...وقامت توقف تعطي عمتها الحليب الكرك .. ....
جابر ظنها تبي تروح وحس أنه اخطأ عليها واحزنها: جزوووي ...أفاااا عليج وتصدقين ... تصدقين اني اشوف حد غيرج ...
الجازي : شفيك قلنا لك عادي ...
العنود وهي تضحك : جابر لاتحاول الفاس طاح في الراس والكلمه قلتها وخلصت قلتها آآآآه ...وهذي مايقولها الا الولهان
جابر وهو بدى يعصب : أقول أنتي انطمي ...مالت ...بدل ماتطفيها تشعللها
العنود وهي تضحك : خخخخخ رجاءاً لاتدخلين انت اللي قلت هالكلام مو أنا ...صح الجازي
الجازي اللي كاتمه ضحكتها : ايه يالعنود ماقول الا لنا الله ...خلاص صرنا موضه قديمه مانملي العين ..
جابر وهو يجي ويجلس جنب الجازي : تخسى اللي تملى عيني غيرج ....أنتي الجازي أنت غيررر
العنود : وش دعوه جده غير خخخ رجاءاً لاتبوق .. جيب كلمات من عندك ..حتى في الرومانسية ماتعرف تصفف كلمتين على بعض ..الله يعينج ياجزوووي
جابر : أقول اتحفينا بسكاتج ....
وشوي وتسكتهم أم جابر : أقول أسكتوا مرت عمكم تتصل خلوني أعرف أسمع ...
أم جابر : مرحبا هلا والله بالغاليه شلونج ...بشريني عنج..ان شاء الله تمام ..
ايه الله يسلمج ...والله الحمد لله يسرج الحال ....اييييه ..هلا ...( وشوي وتبتسم ) لاوالله ...زين الله يبشرج جعله مبارك ...مبرووووك ...انزين ومتى ان شاء الله الملكه ..
جابر استغرب وألتفت للعنود يسألها من بيده ...
العنود ماعلقت وسوت نفسها منشغله بشعرها ...
ام جابر : ايه ...مبروووك ...ايه اكيد بنحضر مافيها كلام ....يالله فديتج سلمي على البنات ..فمان الله
وسكرت..
جابر : الا يمه من اللي خطب مدري ملك .؟؟؟
أمه وهي تسكر جوالها : راشد ولد عمك
جابر انصدم ووقف : من راشد ...من خطب
أمه : شفيك أقعد ...خطب بنت خاله سعود ...فجر.
جابر : نعم ...من صدقج ..
أم جابر : شفيك يعني بقص عليك ..وشفيها
جابر : شلون وشفيها ...و.... (التفت على العنود وماكمل )
أم جابر فهمت عليه : ياوليدي كلٍ ونصيبه .
جابروهو معصب : انزين وين كلامهم السنين اللي فاتت كلها ...ولانلعب احنا ..
العنود حبت انها تروح بعيد عن المكان وماتسمع شي ..كرهت كل شي ...احتى اسمه (رااااشد) ....
العنود : يمه انا بصعد غرفتي تبين شي
أمها : لايمه ...روحي غرفتج ...بس صبرترى يوم الخميس الملكه ...وانا قلت لج من اليوم علشاني اعرفج ...يالله تخلصين ..كل شي عندج بسعه..
العنود : ان شاء الله ....
وطلعت ...وجابر كان ينتظر هاللحظه وانفجر في أمه ...
جابر : يمه ...واللي يرحم والديج صاير شي
أمه : لاياولدي ...يعني شبيصير
جابر: مادري بس السالفه فيها شي ...مو راشد يبي العنود ..وهي له من لما كانوا صغار ..
امه : امبلى ...بس مادري ...حتى أبوك هو اللي خاطب له ..
جابر : والله سالفه فيها شي ولازم اعرفه ....
امه : ياولدي كل شي مكتوب والزواج قسمه ونصيب ...ليش أنت معصب الحين
جابر : يمه يرضيج هالحركات ...والخطاب اللي رفضناهم عشان الشيخ راشد .يجي أخر شي ويخطب بنت خاله ....شهالحركات...
أم جابر : جابر ..أختك ملايين اللي يبونها ...نصيبها جاي ان شاء الله ...
جابر : انا لازم أعرف السالفه من أبوي هو وينه
ام جابر : مادري أعتقد في بيت عمك
جابر : أخ يالقهر والله ماهقيتها من راشد ...معقوله يرخص العنود....وين كلامه ..ولا تبخر ...
أم جابر : أنت أقعد الحين وتعشى واذا جا أبوك شف شالسالفه أنا الصراحه عيزت مع أبوك ....عيااا يعلمني يقول ..كلٍ ونصيبه ..
جابر : ان شاء الله ...وبنشوف نهايتها ..

::
::
مريم في هالاثنااااء في عالم أخر ...وهي تسمع راشد الماجد ...في السياره متجهين للزرع ..


ودي أشرح لك عن اللي بي وأقول إنك أغلى من نصخ روحي علّي
وإنك أغلى وإنك أغلى ياخجول يمكن أغلى من الغلا نفسه شوي
ودي أشرح عن تفاصيل الدهور عن متاعب سقته
صرت لي خامس جهات اربع فصول ماتموت فصول عمري وانت حي


ماطلبت إلا انتريا بالنزول وماتكون إلا لذاك الضي ضي
وماحويت إلا من الصعب الحلول كلك انت حب والاحساس لي
صابني من بارد احساسك خمول والملا ضاقت من احساسي بفي
قلت كل ماجيتك ادور لي قبول واكتشف إني أنا ما اطلع بشي

كل ما قاولوا غرامك مايطول قلت بس لحظه علي صبروا شوي
عيدي لي خامس جهات لأربع فصول ماتموت فصول عمري وانت حي

حست هالكلمات تعنيها ...
مريم وهي تتنهد : أي والله ودي اشرح .
محمد اللي كان يسوق : ايش ... تشرحين شنهو
مريم أنحرجت ومانتبهت أن صوتها كان واضح وكانت تفكر بصوت عالي : هاااه ولا شي ..كنت افكر بصوت عالي خخخخ
محمد : تصدقين انج موب صاحيه ...اقووول شكل الدراسه مأثره عليج ...تشرحين لايكون لهدوووي خخخخ
مريم : لا أحلف ..انزين حمود فديتك ..ابي منك خدمه صغنوونه
محمد بملل : شنهي ...
مريم : أمانه أبيك تقنع أبوي انبات في الزرع اليوووم تكفى ..
محمد : لاوالله ...فاضي لكم أنا والدوام الشيخه مريم ...اذا انتي ماتبين تداومين ترى انا لازم اداوووم ...مرتبط
مريم : أي قول جذي مو تحجج بالدوام واذا عالدوام عادي يوم واحد ...مايضر ..وأنت اذا ماتبي الله يحفظك .. ..تكفى نبي نستانس من زمان ماتونسنا ..
محمد : واذا اصر ابوج اني ابات معاكم شالسواه ؟؟؟؟
مريم : لاعادي ...قول ان عندك كوز وماتقدر ....
محمد : اللي يسمعج يقول أبوج يطيعني على طووول ...بس ولايهمج راح اقول لسيافي ..ابوج يسمع له ....بس هااااه ترى ابي منج خدمه نظير هالشي
مريم بقرف : شنهي ...رجاءاً أطلب اشياء معقوله مو نفس كل مره لانك عارف أني راح أرفض من البدايه ..
محمد : أوكي ..شوفي أبيج ياطويلة العمر ..تضبطيلي هديه مجكنمة ...من أختيارج يالغاليه
مريم : لاأحلف ...ولمن ؟؟؟
محمد : ماعليج انتي بس نفذي ...
مريم : حرام عليك متى بتوب أنت ...
محمد: يابنتي نتسلى ...بس حدنا تلفونات وهدايا ...ليش مكبره السالفه
مريم : شوف كيفك بس حبيت ابلغك أن ...يوم لك ويوم عليك ..حطها في بالك عدل
محمد : شقصدج
مريم : ماشي ...بس ابيك تحذر وتنتبه
محمد : خلينا من كلامج وقولي ...هااااه بتيبين الهديه اللي قلت لج عليها ..
مريم : اوووف شسوي مجبروووه ..بس هاااه خلها في بالك ...اذا وافق أبوي وأنت وشطارتك
محمد :خلاص ...برووومس..وعلى هالخشم ...
..
..
.
في مكان أخر كان الضحك واصل حده ...
دخل بقووو علييها وهي على السرير وفاتحه الا بتوب ....وتضحك ودموعها على وجهها ..
متعب : شفيك صاحيه شهالضحك ..
شيخه اللي انتبهت عليه : هاااه ولا شي ...قاعده اضحك مع صديقتي
متعب : انزين لو سمحتي ممكن تضحكين بشويش ..ربعي عندي ...فضحتينا ..
شيخه : ان شاء الله ...والله ماكنت ادري ان صوتي عالي
متعب : من هالبلى اللي على اذونك..
شيخه وهي تنزل السماعه : سوري خلاص ..التوبه
متعب : انزين شوفي اذا اتصلت عليك ...جهزي العشااااا انزين
شيخه : اوكي ...
متعب : وهو يرجع يفتح الباب ... تعالي مادريتي ..
شيخه وهي تنتبه له : بشنو
متعب: خوالي عالطريق جايينا ..
شيخه وهي تناقز ...أحلف أمانه ..
متعب : شوي شوي لاتكسرين السرير ..ايه جايين يومين وبيرجعون ..
شيخه : يارب يجون كلهم ..
متعب : عاد مادري عن هالشي ...المهم جهزي الغرف اللي تحت ...
شيخه : من عيوني ...تعال الا اسألك خالي سعد بيجي
متعب : اعتقد ..
شيخه : ياسلام ...بنفلها عدل..
متعب : باي
شيخه رجعت لصديقتها : ميووووي ..بااااك
مي : هلا ...وينج يالخايسه
شيخه : لاابد بس أخوي متعب كان عندي
مي : ياحماره لايكون شاف صوري
شيخه وبعبط : الا ويقول سبحان اللي صور صديقتك قمر ..اصلاً غصباُ عني دخل فجاءة والشاشه عالباب وشافك ..
مي وهي في قمة الخوووف: ابييييه امانه شوواخ شسوي ....ياليتي ماوريتج صوري عالمسن ...كان ييتكم ووريتج اضمن...بس انا غبيه ...شبيقول عني احين..
شيخه وهي تضحك : عادي ..اصلاً مو داري من أنتي ...بس أخاف يرجع يحن علي يبي يعرف من أنتي ..واخاف يتهور ويسوي شي ...
مي : يمه اخوج يخوف
شفقت عليها شيخه وقالت لها : ميووووي خخخخ اضحك معاكي أخوي ماشاف شي ... استعبط معك
مي ماصدقت :أحلفي ...
شيخه : والله ...ياغبيه وانا بقعد كذا اكيد بتصرف ...
مي : ويييه يالخايسه خوفتيني ...كنت بروح فيها
شيخه : بسم الله عليك ...وبعدين ماعندك ثقه فيني ..
مي : الا ..
شيخه : خلاص ..
مي :انزين شواخ ..ابي اشوف صورج مالت عرس خالتج اللي في السعوديه
شيخه : وين قصدج اللي في الرياض
مي: ايه ..
شيخه : ذكرتيني تصدقين انها عند خالتي وما خذيتها ....اي ميوووي ...خوالي عالطريق ماتتصورين شقد مستانسه
مي: زين ...والبنات بييون
شيخه : لامااعتقد ....اهم شي سعد جاااي
مي: من خالج الوسيم
شيخه : أي شيخ الشباب كلهم
مي: والله يهبل جمال وخفة دم
شيخه : ياربي شقد مشتاقه له .
مي : ان شاء الله قريب تونسين معاااه ...
شيخه : أمين ...بالنسبه للصور بشوف ...خالتي يمكن تجيبها معاها ..انتي وحظك
مي : خلاص امانه اذا يابتها دقي علي ...ابي اشوفها متشوقه اشوف اشكال البنات
شيخه : خلاص ولايهمك يالله أخليكي ..بروح اجهز العشى لخوووي ...ربعه كلهم اليوم عنده ..
مي : سيو سوووون باااي
شيخه : باي ..
::
::
في الزرع ..كانت الاوضاااع رائعه الكل مستمتع ..
ضحك وسوالف ...
سيف : كثر الله خير ياخالي على العشى السنع
أبو محمد: فيه العافيه يالسيافي ...
محمد : يبه شرايكم تباتون اليوم هني
أبو محمد : والدوامات
محمد : يوم واحد مايضر .والله خواتي كاسرين خاطري من زمان ماطلعوا يتونسون ..
سيف : أي والله ياالخال...الجو صراحه .مايتفوت ..
أبومحمد: انزين وانت شرايك يابو سيف
أبوسيف : ابد على راحتكم ..اللي تشوفونه
ناصر: ترى انا ومحمد ماراح نبات ورانا جامعه
أبو محمد : انزين بتروحون وتخلووون سيف
سيف: خالي عادي اصلاً فرقاهم عيد ...أنا الصراحه ودي بالقعده معاكم انتوا يالشياااب
ناصر: انت تدري ليش لانك شايب يالشايب
سيف: شكراً على الاطراااء ...
أبو محمد : خلاص عيل تم ..


"" تباشير الفجر""
يوم الاثنين...تاريخ 31/12/2007 الساعه 51 ,6 مساء....وبقربي أغلى ناسي