آخر 10 مشاركات
✨الصالون الأدبي لرمضان 2024 ✨ (الكاتـب : رانو قنديل - )           »          317 – صدى الذكريات - فانيسا جرانت - روايات أحلامي (الكاتـب : Just Faith - )           »          مذكرات مقاتلة شرسة -[فصحى ] الكاتبة //إيمان حسن-مكتملة* (الكاتـب : Just Faith - )           »          أنين الهوَى - الجزء 1 من سلسلة تايري -شرقية زائرة -للكاتبة:ملك على* مكتملة & الروابط* (الكاتـب : ملاك علي - )           »          ودارتـــــــــ الأيـــــــــــــام .... " مكتملة " (الكاتـب : أناناسة - )           »          عــــيــــنـــاك عــــذابــي ... مكتملة (الكاتـب : dew - )           »          عيون لا تعرف النوم (1) *مميزة & مكتمله * .. سلسلة مغتربون في الحب (الكاتـب : bambolina - )           »          لقاء الخريف / الكاتبة : طرماء و ثرثارة ، كاملة (الكاتـب : taman - )           »          جدران دافئة (2) .. سلسلة مشاعر صادقة (الكاتـب : كلبهار - )           »          ضلع قاصر *مميزة و مكتملة * (الكاتـب : أنشودة الندى - )


العودة   شبكة روايتي الثقافية > قسم الروايات > منتدى الروايات والقصص المنقولة > منتدى الروايات الطويلة المنقولة الخليجية المكتملة

Like Tree4Likes
إضافة رد
 
LinkBack أدوات الموضوع انواع عرض الموضوع
قديم 11-12-13, 08:41 AM   #1

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
Rewitysmile25 و ذبلت ذكريات أنوثتي / للكاتبة ظل القمر ، مكتملة


[/TABLE1]

[TABLE1="width:95%;background-image:url('https://www.rewity.com/vb/mwaextraedit2/backgrounds/40.gif');border:10px double purple;"]



بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
السلام عليكم ورحمة الله وبركاته

نفدم لكم رواية
و ذبلت ذكريات أنوثتي
للكاتبة / ~ ظل القمر ~



قراءة ممتعة لكم جميعاً.......



التعديل الأخير تم بواسطة لامارا ; 11-12-13 الساعة 07:32 PM
لامارا غير متواجد حالياً   رد مع اقتباس
قديم 11-12-13, 08:47 AM   #2

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي




السلام عليكم ورحمة الله وبركاته

مرحبا أعضاء ...

اسمي ظل القمر ...

واقدر اسمي نفسي كاتبه مبتدئة ..

هذي اول قصة انشرها ...

عرضتها على صديقاتي و عجبتهم و نصحوني انشرها ..

اتمنى ان يعجبكم مجهود سنة كاملة !!

لكم محبتي


~ ظل القمر ~








لامارا غير متواجد حالياً   رد مع اقتباس
قديم 11-12-13, 08:49 AM   #3

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي


?? الجزء الاول …

وقفت ورا الباب تسمع الكلام اللي اهلها ما يبونها تسمعه ..
ابوها : قلنا لكم ما عندنا بنات للزواج ما تفهمون ؟
الريال : بس ..
ابوها : بس خلاص الموضوع خلص .. تفضلو برع بيتي الحين .
وقف الريال و هو معصب : تطردنا من بيتك يا بو فهد ؟
ابوها : اي ..
لحظة … لحظة .. احنا ما وصلنا لهالجزء من القصة … خلينا نبدأ من البداية …
جراح انولد في بييت فيه سبع بنات و اهو اكبر واحد و الوحيد عندهم ولد … و الكل كان يتكلم عن ابو البنات و لانه وايد ماخذ الموضوع بحساسية كان يفكر انهم يعايرونه بأخو البنات .. حتى لما يسوي غلط كانو يقولون عليه الناس : أي ابوه مربي بنات من وين بيعرف يربي ريايل ... و من جذي صار عنده عقدة من البنات … كبر جراح و صار في عمر زواج .. و في زمانهم كان المعظم او اقدر اقول الكل كان يتزوج عن حب .. اهو كان خايف انه يحب وحدة و يتزوجها و بعدين تستقوي عليه من جذي طلب من امه اهي اللي تدور له وحدة .. و لما سألته عن الشروط قال اهم شي وحدة تمشي على كلامي و ما تعصي لي امر ابد .. دورت بهالمواصفات و لقت سعاد اللي ما شاالله عليها جميله بملامح شرقيه اصيلة بس اهو قال ما يبي يشوفها قبل الزواج لانه اهم شي يتزوج و خلاص .. الكل استغرب من طلبه بس نفذوه لانهم ما يردون لولدهم طلب .
تزوجها و كان يعاملها بأحترام بس ما كان يحبها بالرغم من جمالها و طيبت قلبها بس ما كان يعاملها بحب . مرت ثلاث شهور من زواجها و حملت و كانت وايد فرحانه لانها راح تقدر تحس بأحساس الامومة جريب بس تفاجأت من تكشيرت ويهه لما خبرته بالموضوع .. و ما راح تنسى كلماته اللي مثل السم : مبروك إذا كنتي فرحانه .. بس لا تفرحين وايد ترى إذا يبتي بنت ما لج إلا بيت ابوج على طول من المستشفى فاهمه ؟ انا موب ناقص بنات زياده في حياتي .
اهي خافت كون انها في مجتمع شرقي لقب مطلقة يعتبر عيب موب شي عادي . قامت طول لياليها تدعي ربها انها تكون حامل بولد و مرت الاسابيع بطيئه بس وقت ما حست بالام راحت للمستشفى معاه و بشروه بولد .. اهي كانت فرحانه اكثر منه لانها ما راح تتطلق و صارت ام .. و مثل ما يسمونه الجماعة ابو فهد سمى ولده فهد و عاشو على احسن ما يكون و بعد ما صار عمر فهد سنة حملت سعاد و مثل الكلام تكرر لاكن زاد عليه : و إذا تطلقتي فهد انا بربية و انتي ربي بنتج بروحج .
احترق قلبها على ولدها و شلون راح تكون بعيده عنه ... مرت الشهور و ولدت و كان مولودها ولد و هذا فرحها اكثر و سموه صقر و مرت الشهور و صار عمر صقر سنتين و هددها : إذا ما حملتي بعد شهر انتي في بيت ابوج عقب الشهر بيوم . بيت ابوي .. اللي يسمعه يقول بييت ابوها هناك الكثافة السكانية .. ما فيه إلا اخوي و مرته لا ام و لا ابو و غير هالأخو ما عندي اهل . المهم ... عقب ثلاث اسابيع مرضت و لما راحت المستشفى قالو لها انها حامل .. شكرت ربها و حست ان الله وايد يحبها .. مرت الاسابيع و اهي تنتظر ريلها يعزف لها سمفونية الطلاق إذا ولدت بنت بس ما تكلم و هذا الشي ريحها .. اهي ما عرفت انه عباله فهمت هالكلام و موب لازم يكرره لها من جذي ما قال . مرت الشهور طبيعيه عليها و لما وصلت الشهر التاسع قال لها انه مسافر لوقت قصير للصين يشتري بضاعة من عندهم .. و بعد يومين من السفر حست بألم الولادة أتصلت بأخوها بسرعة و بعد ساعة خبرو اخوها ان اهي ولدت ... و انولدت انا البنت اللي ابوي متخلف التفكير و عندي اخوان اثنين اكبر مني و امي ما لها كلمه في بيتها بعد كلمت ابوي . و بعد ما صار عمري ثلاث ايام كانت امي للحين في المستشفى .. و وصلت الصاعقة .. اقصد وصل ابوي .. و هو مبتسم الابتسامة اللي خلت امي ترتاح بس مسكينة ما تعرف ان هذا اللي يسمونه هدوء ما قبل العاصفة .. دخل . و دخل الشر معاه ..
جراح : الحمد لله على سلامتج .
سعاد : الله يسلمك .
جراح : شلونه ولدي .
ناظرت السرير كان ما فيه احد لان انا كنت عند الممرضة ..و تمت ساكته .
جراح : سعاد .. انا اكلمج شلونه ولدي ؟ ... مات ؟... انا ما اشوف احد على السرير .
سعاد قاطعته : لا الجنين ما مات .
جراح : الحمد لله ... شلونه ولدي ؟
تمت ساكته و هذا الشي اللي خلاه يعصب : اقولج شلونه ولدي ؟ لييش ما تردين ؟
سعاد : انا .. انا ....
ما قدرت تكمل جملتها . لانه قاطعها : انا ما لي شغل فيج ابي اعرف شفيه ولدي .
سعاد : جراح ...انا ... انا ولدت بنت .
طالعها بأستنكار : بنت ؟ انا جراح ولد فهد تيبين لي بنت ؟
سعاد : هذا قدر و مكتزب انا ما لي خص فيه .
جراح : قدر و مكتوب ؟ .... عيل ابشري بالخير .. بنتج موب بنتي لانها راح تكون ولدي ... تتربى مثل صقر و فهد .. تلبس مثل لبسهم و تتكلم مثلهم يعني في قاموسي اهي ولد فاهمه ؟ و اسمها اقصد اسمه ليث .. و علماً يوصلج و يتعداج سويتي لج وحدة من الثنتين ما لج إلا بيت ابوج و خله يتكفل فيج انا ما لي خص لا فيج و لا في بنتج انا همي عيالي و انسي ان لج عيالي .
امي وايد حنونة و قامت تبجي و تندب حظي اللي من الولادة باين اني ما راح اتهنى في حياة .. ردت عليه : بس حرام عليك تعيشها مثل الاولاد و اهي بنت .
استفزها لما قال : قدر و مكتوب انا ما لي خص فيه .
سعاد : على الاقل سميها اسم بنات .
جراح : ليث يعني ليث .. موب عاجبج ما لج إلا الشارع يظفج انتي و بنتج .
طلع برع و ترك امي بحسرتها و همومها .. الكل حاول فيه انه يغير اسمي و يعطيني اسم بنت بس ما احد قدر يغير وجهة نظره المتخلفة .. إلا ابوه ..
جراح : بس يا يبة انا ...
قاطعة يدي فهد : لا انت و لا غيرك قلت لك سميها اسم بنات .. الناس تتمنى ظفر بنية و انت عندك بنت مثل القمر و موب عاجبك .
جراح : بس انا غير عن الناس .
يديد فهد : أي نسيت انك انسان متخلف شكلي يايبك من ايام الجاهلة موب مخلليك مع ناس متحظرة و مثقفة ... هذا انا جدامك عندي سبع بنات شزينهم و الله .. شوف اهي كلمة و ما لك غيرها يا اسم بنات او لا انا ابوك ولا انت ولدي و ما راح ارضى عليك ليوم الدين .
ابوي استسلم للأمر الواقع و سماني جهاد .. يعني اسم صبيان بس وايد بنات اسمهم جذي يعني اسم يونيسكس حق البنات و الصبيان في مثل الوقت .. و الحمدلله ما شكل لي عائق في حياتي .. طفولتي كانت عادية مثل أي صبي بس كنت استغرب ليش كل البنات معاي في المدرسه ينادونهم بحرف الجيم .. يعني يقولون لهم شلونج . شخبارج . شنطتج . قلمج ... انا بعد جذي بس في البيت كانو ينادوني مثل صقور و فهيد شلونك ؟ شخبارك ؟ قلمك ؟.... و يعني هذا الشي كنت استغرب منه و من خلال طفولتي الناقصة تعرفت على صديقة عمري سوسن ... كنت قاعدة عند باب البيت و اصيح ...
سوسن : ليش تصيحين ؟
جهاد : لان ابوي ما خلاني اشتري مثل ملاك بنت خالي .
سوسن : و شنو خذت ملاك ؟
جهاد : خذت لها تنورة و انا ابوي ما يخليني البس مثلها يلبسي مثل صقور و فهيد .
سوسن : خلاص لا تبجين المرة الياية خلي امج تشتري لج اوكي ؟
جهاد : بقول لها يمكن ترضى .
سوسن : شرايج نصير صديقات ؟
جهاد : اوكي .
مدت يدها الصغيرة و صافحتني و ابتسمت .. و من هني بدت علاقتنا ..
عشت طفولة صعبة شوي بس الاصعب كان ايام المراهقة لاني بديت افهم ليش يعاملوني جذي و ليش انا مثل صقور و فهيد موب مثل ملاك بنت خالي .. و طبعاً ما كنت متحجبة مع ان اهل ابوي واااااااااايد متشددين و بعض بنات عماتي لازم دفة راس و بعضهم دفة عادية بس عيب تطلع بدون دفة .. و عندي عمات ثنتين بناتها يلبسون نقاب و اهي تلبس غشوة لانهم وايد متشددين في هالسالفة ... و انا بالنسبة لهم فاصخه الحيا لاني ما البس حجاب ... بس اهم ما يعرفون ان انا غير ماعندي احد يوجهني و ينصحني .. اما خالي عنده بنتين .. ملاك حبيبتي و صديقة عمري و حياتي و الثانية مريم اللي لما كان عمرها 15 سنة صارت عندها حمى شديدة و انتقلت روحها عند الله ... و عنده عزوز .. هاذي اخوي ... المهم نرجع لموضوعنا و هو الحجاب .. خالي عنده عادي تلبس دفة جتف و عادي تطلع بدون دفة بس لازم يكونون ثيابها ساترين و موب ضيجين علشان تعطي مظهر محترم عن عايلتها موب مثل اهل ابوي ... انا ما اقول عن اهل ابوي انهم متخلفين لا بالعكس شي حلو انهم يتمسكون بتعاليم دينهم وايد بس لاكن اقول انهم وايد متشددين و الناس اللي جذي نادرة في هالايام ... انا ما ازور اهل ابوي وايد يعني بس في العيد و احياناً بعد ما اروح بس بيت خالي انا هناك مقيييييمة ... لما صار عمري 13 سنة ابوي اقترح علي انمر على يدي فهد انا استانست لاني احب سوالفه رحت انا و اخوي فهد و ابوي .. احترت شنو البس لان لازم يكون لبسي محترم شوي لانهم متشددين ... لبست تي شيرت اكمامه قصيره اسود و عليه شعار سوبر مان كبير شوي و تحته بدي اكمام طويله و بنطلون جينز واسع لانها كانت موضه ذيج الايام .. رحنا بيت يدي و دخلنا الميلس .. كانو هناك التوم الصغار بنات عمتي فاطمة عالية و عهد حلوين صغار عمرهم سنتين و يلعبون بالمكعبات ... بس شافوني ياو يركضون لي عبالهم انا صقر . بس لعبت معاهم افرحهم شسوي . لحد ما دخل يدي .. فزيت له و بست راسه و فهد مثل الشي و ابوي قعد يدي و ابوي مجابله و فهد قعد يم ابوي و انا قعدت يم يدي ..
يدي : ها صقر شلونك يبة ؟
اهو ما قدر يفرق بيننا لان انا و صقر مثل الشي بالضبط كوبي توب بس ان انا شعري اطول من شعره و اهو اطول مني بشوي .. انا حتى ملامح الانوثه عندي ما تبان يعني حتى خلقتي ما فيها انوثة ظاهرة .. ضحكت ضحكة خفيفة وايد على يدي : يبة انا جهاد موب صقر .
شفت العجب بعين يدي يمكن لانه ما كان متوقع ان انا اكون جهاد يعني ثيابي و شعري و كل شي فيني حتى الجوتي اللي كنت البسه و لا واحد بالمئة مني كان يدل على ان انا بنت فشي طبيعي يحسبوني ولد لاني اصلاً ما اشوفهم .
ما اكترث للي يصير و كمل كلامه : انزين .. شلونج جهاد ؟
جملته كانت عادية بس لان اهو استخدم حرف (( ج )) و هذا الشي مخصص للبنات حبيت اشوف تعابير ويه ابوي لقيته تنرفز ..
جهاد : انا تمام يبة انت شلونك ؟
يدي : انا الحمد لله زين ... ايي يبنتي انا بسألج ؟
جهاد : سم بية .
يدي : سم الله عدوينج ... انتي الحين جم عمرج ؟
جهاد :13 سنة .
يدي : ما شا الله عليج كبرتي بسرعة .
ابتسمت لاني ما اعرف شنو ارد عليه ..
يدي : يعني الحين انتي كبرتي ... و يا حبيبتي انتي انسانة مكلفة .. و كتاب حسابج عند الله مفتوح .. يحاسبج على كل شي تسوينه ... يعني جذي بدون حجاب ؟... ما يصير انتي الحين كبيره و صار لازم تتحجبين انتي موب دون غيرج من البنات .. الله امرنا بالحجاب لما قال : يَا أَيُّهَا النَّبِيُّ قُل لِّأَزْوَاجِكَ وَبَنَاتِكَ وَنِسَاء الْمُؤْمِنِينَ يُدْنِينَ عَلَيْهِنَّ مِن جَلَابِيبِهِنَّ ذَلِكَ أَدْنَى أَن يُعْرَفْنَ فَلَا يُؤْذَيْنَ وَكَانَ اللَّهُ غَفُوراً رَّحِيماً صدق الله العظيم ... يعني انتي لازم تتحجبين .
جهاد :انشا الله يدي .
انا ما قلت اوكي قلت انشاالله يعني إذا الله اراد يعني موب اكيد .
سكرنا على الموضوع و قعدنا شوي و بعدها رحت سلمت على يدتي و طلعنا ردينا البيت و في السيارة كان الهدوء يحل علينا .. إلا لما قطع السكوت ابوي لما قال : شوف يا جهاد راح تلبسين عباية بس لما نروح او نشوف ابوي و الحياة بتكمل عادي ..يعني بس نطلع من بيت ابوي لازم تنسين ان انتي بنية .. انزين ؟
اصلاً من البداية عرفت ان اهو مستحيل يلبسني حجاب . في صبي يلبس حجاب ؟ ما يصير .
و مر اسبوع كامل على هذا اليوم و انا اعيش حياتي عادي اروح كل مكان و في كل مكان يحسبوني صبي محد قط مرة فكر ان هاذي ممكن تكون بنية ما عدا طبعاً بالمدرسة لاني البس مريول و ما يصير البس بنطلون .
كنت مندمجة في المسلسل و انا اشوفه و ابي اعرف الاحداث بسرعة .. بس افف هالتلفون بودي اكسره ما رن إلا الحين في وقت الاكشن ؟.. كنت راح اسكره بس شفت المتصل يدي .. غريبة يدي ليش متصل فيني ؟ من اول ما وعيت على الدنيا ما اتصل على تلفوني إلا مرتين الاولى كان صقر ناسي تلفونه في البيت و اتصل من تلفون يدي و الثانية كان يدي متصل علشان يقول لي ان عمتي فاطمة توفت .. لا يكون احد توفى لا سمح الله ؟... انقبض قلبي من الخوف من جذي رديت ..
جهاد : هلا يبة .
يدي : هلا بيج يا بنتي شلونج ؟
جهاد : انا تمام انت شلونك ؟
يدي : الحمد لله .. سمعي ابيج اليوم انتي و ابوج اتيون البيت ضروري .
جهاد : خير يبة في شي ؟ صاير شي ؟
يدي : لا سلامتج بس ابيج تيين انتي و ابوج بروحكم .
تذكرت ان انا اليوم طالعة مع عزوز و ملاك عيال خالي .
جهاد : يبة ما يصير تأجلها لوقت ثاني ؟ انا اليوم مشغولة .
يدي : لا لازم اليوم .
جهاد : انشا الله اخبر الوالد و نييك اليوم .
يدي :يلا فمان الله .
جهاد : بحفظه ..
سكرت و انا بالي مشغول ابي اعرف شنو الشي اللي لهالدرجة مهم و يبي يقول لي اياه ؟ .. كملت الحلقة و انا ناسية الموضوع .. او بالصح متناسية لاني ما ابي اشغل نفسي بشي يمكن ما يكون بهالدرجة ضروري .
على وقت العصر دخل ابوي .. رحت سلمت عليه ..
جهاد : شلونك يبة ؟
جراح : الحمد لله .
جهاد : اممم يبة .
جراح : هلا .
جهاد : يبة يدي فهد اليوم اتصل فيني و يقول يبينا نروح له انا و انت .
جراح : ما قال شيبي ؟
جهاد : لا .
جراح : خير عيل الساعة سبع و نص بنمشي
جهاد : على خير .
اتصلت في ملاكو و قلت لها نأجل الطلعة لباجر لانه الإجازة بالبداية عصبت بس بعدين اوكي ..
صارت الساعة سبع فتحت الكبت ابي البس .. اكتشفت ان ما عندي و لا قطعة تناسب البنات .. أصلاً حتى ثياب يونيسكس ما عندي .. شهالبلوة . في النهاية لبست قميص اسود و بنطلون جينز شي يناسب صبيان و بنات . نزلت تحت انطر ابوي في الصالة و لما نزل ..
جراح : مشينا ؟
جهاد :يلا .
جراح : العباية .
جهاد : ما عندي .
جراح : سعاد عندها .
رحت لأمي ...
جهاد : يمـــــــــــــــــــــة ...يمـــــــــــــــــــة
سعاد : انا هني .
جهاد : يمة ابي عباية .
سعاد فتحت عينها على الاخر .. شلون انا اطلب عباية ؟
جهاد : لا تستغربين بنروح بيت يدي .
سعاد : انزين .
عطتني عباية و شيله حملتهم بيدي و نزلت و ركبت مع ابوي السيارة ...و لما وصلت عند راس الشارع وقف ابوي السيارة .. و اشر على الجيس .. فهمت .. طلعت العباية و لبستها عادي .. بس الاهم الاعظم .. الشيلة ما عرفت شلون يلفونها .. كل ما احطها على راسي تطيح او تنزل على ويهي شسوي ؟ و عقب الجهد الاعظم عرفت و لو انها ما كانت عدلة ..استغربت شلون ملاك تلف شيلتها بهالسرعة و تصير مرتبة يمكن لانها من سنتين و اهي لابسة شيلة .. ما اعرف . المهم وصلنا بيت يدي و دخلنا الميلس .. كان يدي هناك بس تقربت منه ببوس راسه وقفني ..
يدي : لا تتقربين مني ما ابيج تبوسين راسي
انا استغربت ..
كنت بتكلم بس اهو قاطعني لما قال : و انت بعد (( يقصد ابوي )) ما ابيك تبوس راسي .
جراح : ليش بية .
يدي : اقعد و بتفهم السالفة .
قعدت و انا قلبي يطق طبول خايفة و انا اول مرة في حياتي يدي يعاملني جذي .
ظلينا فترة ساكتين إلى لما تكلم يدي : انا بالبداية قلت بكلمج بالطيب و يا ريت تفهمين .. قلت لج ان اللي قاعدة تسوينه حرام و ان المفروض الرياييل ما يشوفون شعرج و قلتي لي انشا الله قلت اكيد البنية عقلت .. بس بعد اليوم يايتني و لابسة عباتج اللي يشوفج ما يقول ان هاذي اهي اللي بس تطلع من بيتي تفصح الحيا ويا حجابها .
استغربت منه اهو شلون عرف بس ما استرجيت اني اسأله لاني اخاف يعصب علي و ينفجر بويهي ..
يدي : إذا تبين رضاي عليج لبسي شيلج و الزمي الحشمة .
جهاد : انشا الله يبة راح البس .
و طلعت عقب ما بست راسة ..
الحمد لله هالاسبوع كله إجازة يعني مافي مدرسة و ما في وجع قلب و بلا فضايح .
اتصلت بملاك و انا مهمومة احس روحي شوي و بصيح .. لما قلت لها عن السالفة انفجرت تضحك و تقول : لا لا هههههههه ما اتخيل شكلج هههههههههههه جهااااااااد لابسه شيلة ؟ههههههههههههههههههه و الله دنيا تضحك ..
سكتت شوي و ردت تضحك هيستيرية : ههههههههههههههههههههههههه ههههههههههههههههههههه
انا حز هالشي بنفسي فسكرت التلفون بويهها .. حاولت تتصل جم مرة بس انا اسد بويهها ..
مر الاسبوع عادي و ما طلعت فيه إلا مرة وحدة رحت البرادة (( البقالة )) و رديت حتى الهندي ما عرفني .
و من عقب الاسبوع يوم السبت قلت خلاص بعد كل شي و له حد انا لازم احط حد حق المهزلة اللي تصير لي انا موب ياهل يتصرفون فيني بكيفهم .
نزلت الصالة لقيت ابوي قاعد و رحت له .. عقب سوالف ما لها أي معنى فتحت الموضوع ..
جهاد : يبة انا احب يدي فهد مثل ما احبك بس انا ما اقدر اتخلى عن شخصيتي لانه يبي جذي انا حجاب موب لابسه و خصوصاً في المدرسة في محل ثاني اوكي بس المدرسة لا .. تخيل شكلي بثيابي و حجاب و الله الناس تسويني مسخرة ..
سكت لحضات و بعدها قال : كفو .. خير ما ربيت .
عرفت انه موافق على اللي يصير فقمت و رديت غرفتي فرحانه .
هذا كان جزء من طفولتي لما كنت في المرحلة الاعدادية من المدرسة .. كانت حياتي بسيطة و مقتنعة باللي اعيشه .. بس الحين انا كبرت و قاعدة اعيش مراهقتي الحقيقية .. مشاعري قاعدة تتبدل و الناس اللي حواليني قاعدين يأثرون فيني و بقوة .
الحين صار عمري 17 و صار لي اسبوعين من بديت اداوم في المدرسة الثانوية ... بقول لكم عن تفاصيل حياتي بالظبط ....
انا راسي وايد خفيف رن المنبه مرة مرتين فتحت عيني السودا اللى تتميز برموش كثيفة و طويلة و هذا اكثر ما يميزني . تثاوبت و حطيت يدي على شفايفي الوردية .و بعدها مررت اصابعي بخفة على شعري القصير الحريري الاسود و قمت من فراشي .. مشيت بخطوات ثقيلة للحمام (( اكرمكم الله )) و غسلت اسناني بفرشاتي الزرقا (( لوني المفضل )) و غسلت ويهي و طلعت .. دخلت الحجرة اللي مصبوغة بلون السما و تحتوي على اثاث بني محروق و مفروشة بفراش أبيض ناصع فتحت الكبت الجو بارد هالايام شتا ... طلعت لي فانيلة رقبتها ضيجة برتقالية و قميص 3/4 كم و طبعاً مريولي .. رفعت الكلر مال القميص . لبست خيوط جلط و اسواره حديد من عند صقر اخوي على يدي .. و طلعت جوتي كحلي فيه خط احمر و خط ابيض .. اهم خطوة طلعت الجل من المجر الصغير و سويت شعري سبايكي .. !!! يمكن تستغربون بس هذا انا .. خذيت شنطتي إللي عليها شعار ريال مدريد و طلعت و كالعادة رجعت خذيت المقلمة و الفايل اللي كل يوم احطهم على السرير و انساهم . امممم اليوم شعري حلوانشالله ما يخترب ويا حوسة المدرسة .... نزلت لطاولة الطعام و شفت صقور .
جهاد : صباح الخير .
صقو ر: صباح النور .
جهاد : انت بتوصلني ؟
صقور : لا انا اليوم عندي جامعة ... ابوي في السيارة .
عرفت ان انا متأخرة خذيت لي كوب حليب و طلعت بشربه في اسيارة لان انا وايد متاخرة . دخلت السيارة : السلام عليكم .
جراح : و عليكم السلام و الرحمة .
انا كل يوم اسولف مع ابوي بس اليوم انا ما لي خلق تعبانة امس راقدة متأخر .. موب من عوايدي ..
وصلت الدرسة ..
جهاد : يبة ابي فلوس .
جراح : انشا الله .
طلع لي مصروف المدرسة ... و نزلت .. و هني تبتدي حياتي الصجية .. دخلت من بوابة المدرسة و انا مبتسمة (( وايد ابتسم "_")) ... و طول ما انا امشي استلم تحيات من البنات ... لاني وايد معروفة في المدرسة .. على اساس ان انا بوية .. ما يدرون ان انا بوية من الطبيعة ...
هلا الحب ..
هلا بو الشباب ...
نورت المدرسة بوجودك جهااد ...
هلا بشيخهم ... هلا و الله ..
و كل وحده من البنات تحاول تحسن جملتها معاي ... يمكن تحظى بأعجابي ... لا، اصنف اجمل بويات المدرسة !!!
المهم وصلت الصف و شفت اكثر ثلاث بنات احبهم في حياتي ..
ملاك – اهي اعر انسانة على قلبي .. بنت خالي و صديقة الطفولة .. و من عمري 17 سنة .. حلوة و وايد تشبهني بس الكل يقول انا احلى .. شعرها بني و عينها لوزية واسعة شوي و عسليه .. و خشمها عادي و شفايفها وايد صغيرة ..
سوسن – ثاني اكثر انسانة احبها من البنات .. صديقة الطفولة اللي قلت لكم عنها من البداية .. هاذي بعد حلوة بيضا و عينها شوي دائرية رموشها خفيفة بس طويلة .. و باقي ملامحها عادية .. طبعها هادي ...
حنان – صح انها ما صار لها فترة و هي من دخلت لقروب بس انا وايد اعزها .. اهي ملامحها غريبة لما أي احد بيشوفها يا بيقول انها واايد حلوة او انها واايد عادية بس انا بالنسبة لي انها وايد مميزة و اللي مميزها اكثر ان صوتها فيه بحة حلوة و نقدر نميز صوتها بين ملايين .
و كانت قاعدة معاهم هدى اللي بدت تتقرب مننا شوي شوي .. بس الله يستر ..
تقربت و انا مكشرة .. لما التفتو لي قامو اللي تصفر و اللي تستهبل .. قامت ملاك و يات تلعب في شعري بس علشان اضحك .. معاهم انسى همي ... ضحكت و طق الجرس ... طلعو سوسن و علشان يروحون صفوفهم و بقيت انا و ملوك ...
جهاد : شنو عندنا اول حصة ؟
ملاك : إنجليزي .
جهاد : اووف انسانة ممللة .. انزين ما قلتي لي شصار على حمود ؟
حمود اسمه الاصلي محمود بس احنا ننادي له حمود ... يصير ولد خال ملاك .. اهي وايد تكلمه على المسن يعني علاقتهم وايد قوية اهي تعتبره مثل اخوها .
ملاك : انا ما قلت لج القصة كلها .. المعلمة يات .
جهاد : سوي روحج ما شفتيها .. كملي .
ملاك : الله يسلمج مو انا ..
سكتت لانها لاحظت ان الكل سكت و قام يطالعنا .
كنت استهبل : اووه استاذه انتي هني ؟... مسامحة ما شفتج .
هاذي المعلمة انا ما احبها اسمها تغريد تكرهني كره العمى مع ان انا وايد زينة معاها ..
تغريد : لا الاخت شكلها نظرها ضعيف .. كل هالوقت و ما شفتي ان انا هني ؟
جهاد : قلنا لج مسامحة .. و ثاني شي انا موب عمية و لا نظري ضعيف اوكي ؟
تغريد : اقول ارحمي نفسج و احترمي اسلوبج .. انا معلمة و انتي حيا الله طالبة عندي .
جهاد : اقول استاذه انا بعد عندي حق انج تكلميني بأسلوب عدل و لا بس تبين الناس تحترمج و انتي اسلوبج مسامحة .. مثل الزفت معاهم ؟
المعلمة ما قدرت تردعلي ...
تغريد : اقول اقول .. قعدي ما ابي احط روحي مع ناس ..
جهاد : استاذه .. كمليها لا ؟
تغريد : ابي افهم انتي ليش موب طبيعية مثل باقي البنات ؟ كل البنات يقولون معلمة شمعنى انتي تقولين استاذه ؟
جهاد : اعتقد ان كل انسان متعلم يقولو ن له استاذ و ما له داعي كل شوي اذكرج بمهنتج .. إذا فيج خير جان كملتي جملتج ... و لا شنو ؟.. كاني اكمل جملي و ما اقطعها لاني اعرف ان اللي قاعدة اقوله صح .. اما انتي اكيد كنتي راح تقولين شي تخجل منه نفسج من جذي ما كملتيه .
تغريد : تبين اكمل ؟.. انتي انسانة ما تستحين على ويهج .. و لان ما عندج احترام للي جدامج .. تبين زيادة ؟
وقفت : لحظة ... لحظة ..
قاطعتني : طلعي برع .
انا كتمت ضحكتي و انا اقول : هههههههههههههههه اطلع برع ؟... شدراج ؟... انا اصلاً وقفت علشان اقول لج ابي اطلع برع ... الحمد لله يات منج .
طلعت من الصف و انا مستانسة و اصفر .. لوعت جبدي .. مريت في القسم اشوف البنات شنو يسوون .. كلهم يدرسون بس انا مطرودة من اول حصة .. نزلت الكافيتيريا و شريت لي ماي .. مشيت شوي في الساحة بملل ... شفت بنات ثنتين طالعين من الصف الالكتروني ... فكرة!!! رحت لمعلمة الصف الالكتروني أ . سناء ..
جهاد : استاذه تبين اسوي معاج شي ؟
سناء : امممم سلامتج .. بس روحي حق مكتب الارشاد و عطيهم هاذي الاوراق .
كانت هناك مشرفة القسم .. أ . مريم اهي واايد تجبني لاني زينة معاها .. : شنو عندج الحين ؟
تحيرت شنو اقول لها . : تبين اقول لج الصج او الجذب ؟
مريم : الصج .
جهاد : الجذب ان معلمتنا موب قاعدة تعطينا شي .. الصج ان المعلمة قامت تغلط علي .. قلت لها استاذه انا ما اسمح لاحد يغلط علي قامت طردتني ..
عقب المحاظرة المملة اللي حفظناها من المشرفات : انزين .. تعالي معاي بعطيج شغل ..
طلعت معاها و رحنا غرفتها .. عطتني اوراق اروح اعلقها على اللوحات اللي في الصفوف ..
دشيت اول صف و الثاني عادي علقتهم و طلعت ... الصف الثالث ..
جهاد : سلام استاذه ؟
أ: و عليكم السلام .
جهاد : امم .. استاذه انا عندي اوراق من استاذه مريم لازم اعلقهم على لوحة الاعلانات .
أ : أوراق ؟ بعد موب ورقة إلا اوراق .. أسفة الحصة حصتي و الحين انا موب فاضيه ما اقدر .. طلعي برع .
طلعت عقب ما عطيتها نظرة حاده .. شهالاسلوب .. الحين هذول قدوتنا الحسنة ؟ و يبونا نعاملهم زين ؟.. خل اول يرفضون بأسلوب زين علشان تعاملهم زين .
دخلت باقي الصفوف عادي و ما عندي أي مشكلة لحد ما وصلت لفرقة 10 (( صفي ))
طقيت الباب و دخلت ...
تغريد : لا تقولين يايبه لي ورقة من المشرفة اددخلج الصف .. لا تحاولين لاني ما راح اخليج تدخلين الصف تحضرين الدرس ..
جهاد : لا تطمني ما ابي ادش الحصة ..
كملت و انا امشي علشان ما اعطيها مجال للرفض : انا يايه اعلق اوراق على اللوحة و اطلع .
تغريد و من ورى خشمها : و منو قال انًي بسمح لج ؟يلا يلا طلعي برع .
جهاد : كنت بطلع من دون ما تقولين لاني علقتهم كلهم ... امممم ملاك إذا خلصت الحصة تعالي لي تحت بنروح الكافيتيريا .
الصج اني اصلاً ما كنت ابي اروح الكافيتيريا بس علشان انرفز المعلمة سويت كل هذا ..
وصلت غرفة المشرفة .. عطتني ورقة اعلقها على اللوحة العامة اللي كل اللي في القسم يشوفونها ..
طق الجرس و رديت غرفة أ. مريم و عطيتها الدبابيس و الاوراق اللي بقت و رديت الصف ... شفت ملاك معصبة و رافعة حاجب واحد و هي تطالعني .. عرفت ان انا سبب عصبيتها .. بس قبل ما تتكلم انا سكتتها : اوكي .. اوكي .. اوكي .......... انا ما سويت شي بس ما راح اسمح لها انها تغلط علي و اسكت .
ملاك : في الف طريقه ثانية تسكتينها فيها ..
جهاد : بس خلاص ما راح نتهاوش عشانها .
مروا باقي الحصص عاديين .. لحد ما طق جرس الفسحة على طول طلعنا و وقفنا عند الدري ننطر سوسن و حنان ... رحنا الكافيتيريا و حنان و انا شرينا اكل و طلعنا لان ملاك ما تاكل بالمدرسة و سوسن بس تشرب بوم بوم (( مشروب طاقة )) .. مشينا و احنا نسولف عن المعلمات و جذي .. لحد ما وصلنا لمكان الكراسي .. و شفنا بنات قاعدين مكاننا .. و هالشي بالمدرسة شبه حرام و ما يجوز .. رحنا لهم كانو بنات ثنتين ..
جهاد : لو سمحتي ممكن تقومين و تدورين لج أي مكان ثاني ؟ هاذي مكاننا ..
سارة حقرت و سوت نفسها ما تسمع ..
جهاد : انا اكلمج لو سمحتي قومي احسن ..
سارة : نور كملي .
نور : لا سارة قومي خل ندور لنا مكان ثاني نقعد فيه .
سارة : انا حالياً ما اشوف يمي غير طوف ..
انا عصبت : هيييييييي انتي انا موب طوف و إذا ما تسمعين جذي لي طريقتي اسمعج فيها .
سارة : و انتي شنو ؟ انسانة تافهه حيواته قليلة ادب و بنت شوارع و موب مربية ..
عصبت : الزمي حدودج لو و الله العظيم قسماً عظماً بتشوفين شي ما شفتيه من قبل .. و تراني حلفت .
سارة : هه (( بأستهزاء )) (( حركت يدها بحركةسريعة يعني مثل المرتجفة )) لا لا بلييز خوفتيني .. حيوانة بنت حيوان ..
الحين خلاص اهي تخطت الخط الاحمر ..
مع ان انا بنية جسمي ضعيفة بس لاكن الحمد لله قوية ... لاني اشيل حديد .. رفعتها من قميصها و وقفتها بأيدي اليسار و صفعتها باليمين : و إن ما سكتتي ازيدج .. اهلي ما تغلطين عليهم ..
سارة : و انا موب ساكتة .
جهاد : اوكي .. موب مشكلة ...
هديتها و صفعتها مرة ثانية على خدها و بدت الهوشة بس اهي ما تقدر علي .. انا اشيل حديد و اروح رياضة موب مثلها .. محد قدر يفرق بينننا لان اصلاً محد فكر انه يفرق بيننا .. بس اللي فرق بيننا الفراشات و هم يايين مع المشرفة .
المشرفة : هدو بعض يلا ..
سارة : يال...
المشرفة صرخت : جـــــــــــــــب ... و لا كلمة .. صج ما تستحين انا واقفة و تبين تغلطين بعد ؟
سارة : بس ..
المشرفة : امشي جدامي بدون و لا كلمة .
ظلينا نمشي مع بعض اهي منزلة راسها و انا رافعة راسي لاني واثقة من نفسي ان انا موب مسوية شي .. كانت تخزني بنظرات بين فترة و الثانية بس انا ما اهتم .
دشينا و نادينا المديرة .. اهي الوحيدة اللي تقدر تتصرف معاي ... لان لساني المشرفة ما تقدر عليه ..
ظلينا نتناقش فترة طويلة بس انا بسرعة طلعت لانهم عرفو ان انا ما سويت شي .. يمكن سبب الهوشة شي تافه .. بس انا ما احب ان انسان يستصغرني خصوصاً لما يكون الانسان تافه و ما عنده أي هدف من الحياة .
و انا طالعة طق الجرس .. افف ما كليت شي .. بس موب مشكلة عادي .. باكل في حصة المصادر المعلمة هبلة و بتمشي عليها ..
رحت الصف لقيت المعلمة توها داشة ..
جهاد : سلام عليكم .
المعلمة : و عليكم السلام .. وين كنتي ؟
جهاد : ااااا ... كنت عند الاشراف .
المعلمة : انزين ما عطوج ورقة ؟
جهاد : لا بس قالت لي ان اسمي مسجل تقدرين تروحين تتأكدين و ما عطتني ورقة لانها كانت وايد مشغولة
المعلمة : تفضلي .
مرت الحصة الرابعة و الخامسة على خير و السادسة كان عندنا دين و المعلمة غايبة قعدت اسولف مع ملوك .
جهاد : انزين ما قلتي لي سالفة حمود ... شصار عليه ؟
ملاك : و الله شنو اقول لج .. اهو الحين يقول لي ان اهو تعرف على وحددة اسمها مريم من النت .. اللي المرة اللي راحت قلت لج عنها ..
جهاد : أي اتذكر .
ملاك : أي .. (( بوزت )) يقول انه يحبها الحين ...
طالعة ملاك بنظرات غريبة .. اول مرة اشوفها جذي .. نظراتها كانت تقول لي اشياء وايد بس اخاف افسرها على كيفيي و تطلع غلط : انزين الحين انتي ليش زعلانة ؟
اعتدلت و تكلمت بعصبية : لأن انا ...
جهاد : انتي شنو ؟
ملاك هدت شوي و نفسي تقول لي انها ما تبي تقول لي عن اللي في خاطرها بس انا اعرفها اكثر من نفسي.. حسيت ان دموعها شوي و تنزل : انا خايفة عليه منها .. انا موب مرتاحة له .. البنية اصلاًً شكلها ما يطمن .
بصراحة صرت شبه متأكدة من احاسيسي ... لاني اعرف ملوك ..
كملت ملوك كلامها و انا احاول القط أي كلمه تجذب احساسي : هاذي المرة الاولى اللي يحب فيها بنية .. اهو صح كلم بس ما يحب .
جهاد : انزين و حب و شنو يعني ؟
ملوك عطتني نظره تتوعد فيها .. قامت مكانها و هي تمشي بعصبية ..
جهاد : تعالي وين رايحة ؟
ملوك : الحمام .
...........
راحت ملوك و ظليت اسبح في بحر افكاري .. معقولة تكون ملوك .... قطعت علي افكاري سوسن : هلو وين رحتي ؟
جهاد : هني ..
سوسن : عيل وين ملوك ؟
جهاد : راحت الحمام .
سوسن : اها ..
جهاد : شنو عندكم ؟
سوسن : انج .
جهاد : و ليش موب داشة الصف ؟
سوسن : ليش ما تدرون شصار ؟؟
جهاد : شنو ؟؟
سوسن : في فار دخل في صفنا ... و احنا ما رضينا نبقى في الصف ... نزلنا المكتبة ...
جهاد : اها ...
سوسن : بس مليت طلعت شوي .. يلا انا برد صفنا .
جهاد : يلا..
ما امداني اسرح بأفكاري مرة ثانية إلا و انا اشوف ملاك داشه و عينها حمررة .. كانت تصيح !!!
جهاد : ملوك شفيج ؟ ليش عينج جذي محمرة ؟
ملوك : هاا ؟.... ما ادري ... اصلاً احس ان داخلها شي يمكن غبار .
خذت كلينكس و قعدت تمسح عينها ... أشكره انها جذابة .. لاكن على منو تجذبين ؟ تجذبين على روحج ؟ .. حقرتها و ما سويت لها سالفة ... و كملت دوامي احاول ابعد هالاوهام عن راسي ... و لما طق الجرس ..
جهاد : يلا ملاك ..
ملاك تعدل شيلها : انزين .. ما تشوفيني البس شيلتي ؟
جهاد : اففف .. انزين ..
خذينا شناطنا انا شنطة تنحمل على الظهر على ريال مدريد و ملاك شنطة حزام واحد تنحمل على صوب واحد وردية و كلها بوسات و ورد ..
طلعنا برع ننطر يا عزوز او صقور .. اليوم عزوز ... رحنا نركب السيارة ..
عزوز اسمه عبد العزيز ... عمره 19 .. يدرس هندسة ..... اخو ملاك ... وسيم ... ابيضاني شوي ... عينه وسيعة و سودا ... خشمه طويل و حلو ... جسمه شوي معضل ...
جهاد : السلام عليكم .
عزوز : و عليكم السلام ... شلونكم ؟
جهاد : تمام .
انا كنت اسولف اما ملاك من سولفنا عن حمود و اهي ساكتة و ما تتكلم ..
عزوز : شفيج لوكة ؟
جهاد : عندها صداع من الحصة الرابعة للحين .
طالعتني بنظره معناها انتي جذابة .. و انا رديت لها نظرة بمعنى ما كان لي خيار ثاني .. طلعت تلفوني من الشنطة و شغلته .. عقب ما اشتغل بثواني طلع لي مسج .. فتحت المسج و بعد ما قريته نقعت في ضحك شبه هستيري ... كانو يطالعوني بنظرات شنو هاذي مينونة ؟... سكت عقب دقايق بس لما لمحت تلفوني اني للحين ما طلعت من الأنبوكس تذكرت المسج و مرة ثانية رديت اضحك ضحك ميانين ..
عزوز : شفيييييييييييج ينيتي ؟
جهاد : ملوك .. هههههه .
ملاك : شفيج ؟
جهاد :ههههههه سوسن مطرشة مسج ..هههههههه ..
مرة وحدة شفت عزوز فاطس ضحك : ههههههههه ....
مرة وحدة سكت و كشر بويهه : لا صراحة وايد يضحك ..
جهاد : الفار اللي قالو لنا عنه اليوم في الفسحة هههههههههههههه طلع في شنطتها ..
فطست ملوك معاي ضحك و عزوز يطالع يبي يفهم شالسالفة ... حمدت ربي ان الفار طلع في شنطة سوسن علشان تطرش مسج و تطلع ملاك من كآبتها ...
و عقب ما هدينا شوي ..
عزوز : شسالفة اللي لهالدرجة تضحك ؟
جهاد : الله يسلمك اليوم في صف سوسن و حنان دخل فار الحصة الثالثة و البنات قاموا يحتجون لحد ما خلوهم في المكتبة و هناك قامو يشرحون لهم .. الحصة الاخيرة راحو ياخذون شنطهم من الصف .. لما فتحت شنطتها بالبيت لقت ان الفار دخل في شنطتها .
عزوز ما ضحك بس ابتسم : مسكينة .. اكيد الحين تصيح ..
و عقب دقايق رجع الوضع مثل ما كان .. انا و عزوز نسولف و ملاك بس تسمع او تشارك بشي لا يذكر ..
وصلنا البيت ... اللي هو بيت خالي احمد ... و اهو بيتي ... انا يا ثلاث او اربع ايام من الاسبوع عايشة هني .. يعني هني نص حياتي ... المهم دشيت و ما شفت غير الخدامة ...
جهاد : السلام عليكم ..
نانسي : و عليكم السلام .. شلونك جهاد ؟ .. انتي صار في يومين انت ما في هني ؟...
جهاد : هههه .. ايي .. بس اليوم برقد هني .
رحت حجرتي ..(( حجرتي انا و ملوك )) و فتحت الكبت اللي مقسوم نصين نص انا و نص حق ملاك .. طلعت لي فانيلة بيضا سادة فيها كلر .. و معاها بنطلون اسود فيه خطين احمر و ابيض ... دخلت تسبحت و بعدها طلعت صليت و نزلت انطرهم ينزلون للغدا ..
شفت خالتي سلامة (( مرت خالي )) سلمت عليها و بعدها قعدت .. حطينا الغدا و كالعادة انا و ملاك و عزوز تغدينا و خالتي سلامة بتنطر خالي يرد و تتغدا معاه ... ملوك ما تغدت قالت ما لها نفس بس كلت سلطة شوي بس علشانها ما تبي احد يلاحظ حزنها .. و لما قامت ...
عزوز : صج جهاد شفيها ملاك ؟
جهاد : و انا شدراني ؟... خله اتولي نافخة ويهها علي .. انزين عندك شي الحين ؟
عزوز : لا ... ليش ؟
جهاد بشاعرية : ابي اتأمل في سواد عيونك (( ردت لطبيعتها <<< دفشة !! )) يعني ليش ؟ علشان اشغل البلاستيشن ز نلعب .
عزوز : اوكي بس انا اللي اختار السيدي .
جهاد : لا تقول لي سيدي اللي شريته و طلع مثل ما اليها ل؟
عزوز : لا ... wining 11 << سيدي كرة قدم
جهاد : اوكي بس نبي منتخبات .. يا خي مليت من اللعب ويا الاندية
عزوز : انا البرازيل .
جهاد : انا ابي أسبانيا .
قمنا من الغدا و بدينا نلعب .. لعبنا ثلاث مباريات و اثنين جهاد و واحد عزوز ... عقب ما خلصت المباراة الثالثة .. قطيت القير على الارض ..: شهاللعب الماصخ ما تعرف تلعب .. لو لوكة لعبت احسن منك ..
قمت رحت الحجرة بهدوء .. شافت ملاك فاتحة اللاب ..
جهاد : انا برقد .. (( اتثاوب )) قوميني عقب خمس ايام ..
رقدت و انا موب حاسة بعمري .. لما قمت من النوم لقيت ملاك راقدة و الساعة ثمان .. قمت توضيت و صليت الصلوات اللي فاتتني .. فتحت شنطتي و قعدت احل واجباتي و درست و قومت ملوك علشان تسوي اشغالها ... ..
نزلت تحت لقيت خالي رحت سلمت عليه و بست راسه و قعدت معاهم .. كانو يسولفون عن الشغل ..
السوالف ممله .. قمت رديت حجرتي و فتحت اللاب و فتحت إيميلي و قعدت اهذر مع البنات عن الملل .. لما خلصت ملاك قعدت اسولف معاها .. راحت الحمام و ناا تذكرت شي مهم !! طيران على تلفوني ... اتصلت على سوسن و سويت سبيكر ..
سوسن : اللوووووووووو جهاد .
جهاد : ههههههههههههههههههههههههه هههههههههههههههههههههههه ههههههههههههههههههههههههه هههههههههههه شلونه الفار ؟
سوسن : عند اخوي خذاه .. قطيت شنطتي.. لو يصير قطيت الكتب بس ما اقدر ..
جهاد : ههههههههههههه تستاهلين من كثر ما تتطمشين على خلق الله شوفي شصار لج ..
سوسن : انتي جب .. ما ابي اسمع لج حرف .. حمارة ...
سكرت في ويهي و انا اضحك ..
طلعت ملاك من الحمام و قلت لها اللي صار .. ابتسمت و مرة وحدة قالت : جهاد ابي اروح ارقد في بيتكم اغراضي هناك .. كتبي نسيت امس ادخلهم الشنطة ..
جهاد : يلا ..

يا محلاها من قعدة في بيتنا ... خصوصاً الليوم مبارااااااااااة !!





لامارا غير متواجد حالياً   رد مع اقتباس
قديم 11-12-13, 08:51 AM   #4

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي


الجزء الثاني
اتصلت في صقور و قلت له يمر علينا ..
عقب ربع ساعة اهو عندنا نزل عقد ويا عزوز و خالي و عقب شوي مشينا ..
صقر : هاا شنو اللي تغير ؟.. موب انتي قلتي اليوم بترقدين ببيت خالي ؟
جهاد : اغراضنا بالبيت .. و ثاني شي بس جذي ابي اغير .
صقر هذا اخوي و صديق عمري و توأمي .. كوبي توب نسخة مني ..عينة لوزية وواسعة و لونها اسود .. رموشه كثيفة و طويلة .. خشمه طويل بشرته صافية .. يعني مثل شكلي بالضبط بس اهو صبي و انا بنية.. بس اهو شوي طويل .. و عضلاته اكبر من عضلاتي .. و شعره شوي غير عني موب وايد لان انا ما يصير اقصه وايد قصير ممنوع في المدرسة او يعطوني تعهد ... على الاقل لازم انشين .. اهو انشين انا ثلاثة انش ..
صقر : و الله حاله ..
رحت البيت و قطيت اغراضي .. بدلت ثيابي و نزلت تحت .. لقيت الخدامة تعدل السفرة : تينا شنو العشا ؟
تينا : شوربة و سباغيتي .
جهاد : انزين ..
تينا : و في بعد كراميل .
جهاد : اوكي ..
رحت شغلت التلفزيون .. و نطرتهم .. لما يو رحت بست راس امي و ابوي ...
جهاد : عيل وين فهد ؟
جراح : فهد راح المباراة ..
جهاد : انا قايل له ابي اروح معاه المباراة .
غيرت بسرعة على البحرين الرياضية .. شافت ان الرفاع واحد و المحرق صفر .
جهاد : افاا ... يا شماتة الاعداء الحين بيلوع جبدي .
شوي ويابو المحرق قول .. قمت انط و حدي مستانسة.. تعادل الحمد لله . خلصت المباراة على التعادل ..
المهم نطرنا لوكة لحد ما تنزل .. و حطينا العشا .. تعشينا بهدوء لحد ما دخل فهد ..
جهاد : هلا بالتعادل هلا .
فهد : لا تستانس وايد ترى انتو بعد متعادلين .
ما اعرف إذا لاحظتو او لا بس اهلي جدام ابوي يكلموني مثل الصبيان
جهاد : يلا تعيش و تاكل غيرها .
سعاد : يلا يمة .. قومو حطو العشا ...
قعدنا ناكل ...
كنت مشغولة بالسوالف ويا فهييد عن المباراة ...
صقر : جهاد عطني الملح ..
جهاد : بس الصراحة القول كان خطيييير ..
صقر : جهاد عطني الملح ...
فهد : اي كان حلو ... بس قهرني الحارس يعني كان يقدر يصدها ..
صقر : جهاد عطني الملح ..
جهاد : لا تحاول يا عمي ناديكم موب شي ..
صقر : افف جهاد مللتني عجني الملح !!...
ما قعدت اقول لكم هالحوار بس عبث .... كنت ابي اراويكم ان اهلي للحين يعتبروني صبي !!!
خلصت عشا و ما نطرت ملاك على طول رحت رقدت .. قمت يوم ثاني الصبح و انا احس ان جسمي متكسر من التعب ... قمت و سويت شغل كل يوم و قومت ملاك و نزلت اتريق ... نزلت ملاك و باين على شكلها مرتاحة .. رحنا المدرسة و مر يومنا كله على خير ... طلعنا عقب ما رن الجرس و كان ياينا صقر ..
جهاد : سلام ..
ملاك : سلام .
صقر : سلام في بيتهم << رفيجه اسمه سلام .
جهاد :هاهاهاهاهاه ....خفيف .
ظلينا نسأله عن احواله و اخباره و هو مثل الشي .. شهقت مرة وحدة و حطيت يدي على شفايفي .
صقر : شفيج ؟
جهاد : نسيت اقول لك .
صقر : شنو .
جهاد : اليوم الاربعاء .
صقر : يا سبحان الله .. اختراع اللي تقولينه ؟
جهاد : لا يا غبي ابي اروح مخبز و سوبر ماركت عود ..
صقر : ليش ؟
جهاد : لان باجر الخميس .
صقر : و يعني ؟
جهاد : اوووف يبي لك قاموس ... موب انا قايلة لك ان يوم الخميس بيوني البنات ؟
صقر : الله يعقلج ... انتي ما بتتوبين ؟
جهاد : عادي .. تمشي عليه .
ملاك : انزين خليهم ايون بيتنا .. إلا تبين تسوين لج مشاكل مع ابوج يعني ؟
جهاد : كيفي .. عناد بسوي .
ملاك : كيفج .. ما قلنا لج غصب .
جهاد : انزين اسمع على الطلعة بعدين بنتفق .. .. انت للحين تروح النادي ؟
صقر : لا ما احب اروح بروحي .. حضرتج طلعتي اروح ويا من الهوا ؟
جهاد : شسوي مدرسة و بلاوي و ما اقدر و تعرف ما اقدر اروح إلا في الويك اند و الصبح بعد .
ملاك : و الله فاضيييييييييين حدكم ... احد يقوم من الصبح يروح يشيل حديد و يركض و ما اعرف شنو ؟
جهاد : انزين تعالي معانا ... هناك حلو ... و ثاني شي هاذي النادي مشترك يعني صبيان و بنات في صالة وحدة تقدرين اتيين .
ملاك : ابوي صح انه يوافق ان انا اطلع و اروح و ارد بس طبعاً ما بيرضى العب رياضة مع صبيان في صالة وحدة . .. ما تحسين روحج غلط لما يتكلمون لج و انتي تقولين انج بنية ؟
سكتت شوية و بعديم ضحكت ان و صقور : و منو قال لج ان انا بنية .. انا هناك صبي .. و ما في شي يدل على ان انا بنية ... حتى معالم انوثة ما في و لا اسم و لا شي .. شلون تبيني اقول لهم ان انا بنية ؟
ملاك : الله يهديج .
وصلنا البيت و عقب الاشياء اللي كل يوم اسويها نزلت و قعدت في الصالة .. دخل ابوي البيت سلمت عليه و رحت حق تينا و قلت لها تحط الغدا .. و احنا ناكل كنا نسولف ..
جهاد : يبة ابي اروح المكتبة .
جراح : صقر .. اليوم ودي اخوك المكتبة ... تبي شي ثاني ؟
جهاد : أي ابي فلوس بروح اشتري لي ثياب ناقصيني .
جراح : و مر بأخوك المجمع ..
جهاد : مشكور يبة ..
سكت و ما رد علي ..
جهاد : ياتني فكرة .. فهيد تعال معانا .. و خل نتعشى هناك ..
فهد ناسي ان ابوه موجود : اوووووه انا موب فاضي حق سوالف بنات .
جهاد : أي سوالف ؟ احنا بنتعشى .
فهد : و المكتبة ؟
انا تكلمت ابي ارقع السالفة : و ثاني شي أي بنات اللي تتكلم عنهم ؟
فهد : ها ؟... أسأل بنت خالك المصون ...
جهاد : بس شوي و بنمشي ..و لا تعرف بكيفك .
فهد : اوكي بس بشرط .
جهاد : محمول و يتشرط شتبي ؟
فهد : ابي نرد قبل الساعة 11 اليوم في مباراة و نبي نشوفها .
جهاد : من و من ؟
فهد : الاسد إللي اهو برشلونة و اشبيليا .
جهاد : اسد في عينك .. حتى قطوة ما ايي .
فهد سكر عينة بقوة و فتحها مرة ثانية و تقرب من اخوه ..: صقر عيني فيها شي ؟..
صقر قام يطالع بتمعن : لا ما فيها شي .
فهد : عيل اخوك يقول اسد في عيني ؟
قامو يضحكون و انا افكر شلون ادخل الاكل البيت بدون ما امر على الصالة و يسألني ابوي ليش كل هذا ؟
خلصنا غدانا و قعدنا نرتاح نسولف شوي و نشرب جاي ... عقب شوي قام ابوي : يلا انا رايح تبون شي ؟
جهاد : يبة انا ابي فلوس .
فتح ابوي البوك و عطاني الفيزا كارد : اخذ اللي تبيه و عقب ما تخلص ردها .
جهاد : مشكور يبة .
طلع يروح الشغل ... ابوي شغله وايد زين ماخذكل وقته و علشان جذي اهو موب كل الوقت معانا .. اهو يملك مجموعة محلات كبيرة و شبه معروفة .. تبيع ملابس نسائية و رجالية و مكياج في قسم السيدات .. في ناس يتعنون يروحون المحل بس علشان يشترون و احنا ما نشتري منه مع ان الثياب وايد زينين و حلوين بس ما نحب نشتري منه ... الصبح الساعة 9 يطلع من البيت يروح الفرع اللي في المجمع و يتأكد من الاضاع و بعدها يروح يقعد في مكتبه اللي يم الفرع الرئيسي للمحلات . يسوي إتصالاته مع باقي الفروع و يكمل الشغل ... على الساعة ثنتين يرد البيت و الساعة ثلاث و نص يرد المكتب و يرد الساعة سبع في الليل و يكون تعبان ما له خلق شي ...
على الساعة ست تقريباً قمنا صلينا و بدلنا .. انا و ملوك لبسنا مثل الشي بس انا ستايل صبيان و اهي ستايل بنات .. لبست فانيلة حمرا اكمام قصيرة و عليها شعار فراري .. و لبست تحتها فانيلة كم طويل سودا و بنطلون اسود .. الجو شوي بارد ما يصير البس اكمام قصيرة . سويت شعري كله امواج و لبست ساعة جلد اسود و الساعة فضية ..<< هدية من ابوي .
ملاك لبست توب احمر و فيه على الطرف شريطة سودا و بنطلون و فانيلة و شيلة سودا ... خذت شنطتها الحمرا و طلعنا اهي لبست صندل احمر و انا لبست جوتي اسود و فيه كتابات بالاحمر .
قعدنا في الصالة ننتظر فهيد و صقور .
صقور نزل و على طول نزل وراه فهد : يلا مشينا .
جهاد : فهيد نبي نروح في سيارتك حق الهبال تنفع اكثر ...
سيارة فهد موستنج طبعاً سبورت بس سيارت صقور رنج روفر ..
المهم رحنا في سيارة فهد ..
جهاد : شباب بنلعب لعبتنا الكارد في يدنا و نصرف بكيفنا
فهد : صج ما تنعطون ويه ... يعني حشمو شوي اللي يسمعهم يقول ابوي مقصر .
جهاد : اهو صح موب مقصر معاكم بس معاي أي .
صقر : جهاد عاد لا تجذبين ابوي يعطيج فلوس و يقعد معاج اكثر مننا بشنو مقصر ؟
جهاد : أي حبيبي ..
قاطعني : انا موب حبيبج انا اخوج .
جهاد : انزين بشرها .. انتو عشتو حياتكم طبيعية موب مثلي انا .. انا للحين صراحة ما اعرف روحي بنية او صبي .
كلهم سكتو يفكرون بكلامي لحد ما تنهدت ملوك ..
جهاد : اوووووووووووووف بتلوعون جبدنا ؟ احنا طالعين نستانس بتعكرون طلعتنا ؟ .... اقول فهيد افتح السيارة . (( ارفع السقف ))
فهد : ما يصير الحين لان في اغراض في الصندوق ...
جهاد : اوقف على صوب و نشيلهم .
سوا اللي قلت له عليه لانه لو ما سواه بظل احن و احن لحد ما يسوي اللي ابيه انا .
وقف على جنب من الشارع و شال الاغراض اللي في الصندوق و حطاهم معانا .. و ركب السيارة و شغلنا اف ام و استطربنا ... لحد ما وصلنا المكتبة ..
فهد : لا تتأخرون .
جهاد : انزين .
نزلنا و شرينا الاغراض اللي نبيها و حاسبنا و طلعنا ..
و لما ركبنا السيارة ...
فهد : الحين وين تبون تروحون ؟
ملاك : امممممم .. ما اعرف .
صقر : انتي (( يكلمني )) وين تبين تروحين ؟
جهاد : ما اعرف .. الستي سنتر .
فهد : انا ما احب الستي .. و ثاني شي الحين اهو زحمة وايد .
جهاد : عيل الدانة لاني ابي ادخل سينما .
صقر : انا اقول نروح السيف احسن لنا .. ندش السينما و نشتري ثياب و بعدها نتعشى و نطلع .
ملاك : لا انا ما ابي اتعشى هناك .
جهاد : عيل وين تبين ؟
ملاك : ابي اتعشى في دومينوز بيتزا في الفرع .
جهاد : ما اعرف انتو شرايكم ؟
فهد : خلنا الحين نروح و بعدها يصير خير .
وصلنا المجمع بعد ما ملا السيارة صوت ضحكنا و خبالنا من قلب اللي من زمان ما طلعناه و احنا مع هالقروب ..
نزلنا من السيارة بعد ما هدين اشوي و صرنا مبتسمين بدون ضحك عيب يشوفون بنت مثل ملاك و اللي معاها كلهم صبيان و تضحك جذي .. اكيد بيفهمونها غلط ... حتى لو انا بنت بس الناس ما لها إلا الظاهر .. و ما في احد راح يعرف ان انا بنت و لا مجرد شك ان انا بوية ..
فهد : اول بتشترون او اول بتدشون سينما ؟
جهاد : انا اقول من الحين نحجز علشان نحصل مكان حلو .. و نشتري على بال ما يصير وقت العرض .
فهد : و انا بعد اقول جذي .
ملاك : امممممم عيل انتو روحو و انا و جهاد بنقعد في الكوفي .
صقر : انا بروح مع فهد .
و عقب ما راحو ...
جهاد : تبين أي كوفي ؟
ملاك : كوستا .
رحنا كوستا .. و عقب ما طلبنا و قعدنا ..
جهاد : هاا .. إلا ما قلتي لي سالفة حمود .
ملاك : امم ممكن ما تطرين الاسالفة ؟... انا مزاجي حلو و ما ابي اعكره .
استغربت حركاتها و غير هاذه انه في لمعة حزن في عينها ..
جهاد : انا ما راح اعكر مزاجج بس قولي لي السالفة .. ملاك .
يودت إيدها علشان تعرف انا انا معاها بكل لحظة ... كملت كلامي : تعرفين شكثر انا احبج و انا ..
قاطعت علينا كلامنا السخيفة شوق : اووووووه .. ما كفتكم رومانسيات المدرسة يايه تتغزلين فيها جدام الله و الخلق ؟...
هديت يدها و وقفت : هي .. انا ما اسمح لج تكلمينها بهالطريقة و ثاني شي احترمي نفسج و الفاظج و تفكيرج يالوصخة ..
شوق : تؤ تؤ تؤ تؤ ... قطعتو قلبي ..
قطع كلامها نذالة صقور ... اهو يعرف لما انا ما احب الانسان اللي جدامي او لا من ويهي : هاا ؟... اقول شاللي ياب جيس زبالة و موقفينه يمكم ؟.. لهالدرجة تعجبكم الريحة ؟...
قمنا نضحك حتى فهد اللي دايم يقاطعنا لانه ما يعجبه هاذي الاسلوب .
طالعت شوق صقور بحقد و لفت تبي تمشي ... بس انا ما اخليها سحبتها من يدها و خليتها تفتر تكلمني ..: اووه ليش ما عجبج كلام صقر ؟... خلينا نكمل كلامنا .. ليش رايحة ؟.. ترى للحين قاعدين .
فهد : حرام عليكم شسويتو في البنية .
صقر : بقى نص ساعة على الفلم .
جهاد : اوكي بنككمل الكوفي و بعدها بنروح .
و عقب ما قعدنا نسولف شوي قمنا و رحنا السينما شرينا بوب كورن و بيبسي و برنقلز و دشينا الفلم ... كان حلو الفلم و ممتع الكلمة لاحسن اهي انه واايد مشوق .. كان كوميدي و الكل في القاعة كان يضحك على الفلم .. يضحك من قلب .
لما طلعنا من القاعة كلنا كنا مبتسمين لحد ما قطع سكوتنا ضحك ملاك الهستيري : هههههههههههه ههههههههههههههههههههههههه اااااااه ............. ههههههههههههههههههههههههه ههههههههههههههههههههههههه ه .
و على ضحكتها كنا نضحك ... لاننا كلنا عرفنا انها للحين تضحك على الفلم .... متعودين عليها دايم جذي ... كنا نمشي بالمجمع بكل ثقة و لا هامنا شي ... الكل كان يطالعنا بنطرات كأنهم يقولون لنا انتو خبول ؟
رحنا تعشينا و مرينا شوية محلات شرينا ثياب ... اخر شي رحنا شرينا سينيبون تيك اوي.. ردينا البيت و احنا مستانين وايد ... قضينا وقت حلو ... و ما صدقت متى جفت السرير و رقدت ...
مر يوم ثاني عااااااادي إلى وقت الهده خلاص ... كنا انا و ملوك و صقر ...
جهاد : السلام عليكم ..
صقر : و عليكم السلام .
جهاد : اخخخخ تعبااااااان .
صقر : اجر و عافية .
جهاد : الله يعافيك .
صقر : بيت خالي او بيتنا ؟
جهاد : لا بيتنا .
ملاك : مر بيتنا اول باخذ لي اغراض .
جهاد : انا باعطيج .
ملاك : اشياء بنات ..
حسيت ان صقر ماسك ضحكته .. : انزين بننزلج الصيدلية .
ملاك بغباء : شدخل الصيدلية ؟...( تذكرت ) اهااااااااااا ..... امممم لا يكون عبالكم ؟.. لا انتو فاهمين غلط .. انا قصدي اشياء بنات كان قصدي علبة مكياجي لاني ابي استعملها .. و انتي الله يسلمج الانوثة تنقط من جذي ابي امر بيتنا .
رحنا بيت خالي دقايق و طلعت ملوك .. و احنا في الطريج : بيييييي .. اليوم الخميس و البنات بيوني .
صقر : اااااه .. متى بتتأدبين ؟.... ما تخافين من ابوي ؟
جهاد : لا كاه فهد المرة الللي راحت يايينه بنات وايد بعد .
صقر : فهد غير و انتي غير و ثاني شي اهم يايين يدرسون مع فهد موب مثلج بس جذي ..
جهاد : انزين عن الهذرة الزايدة و مر المخبز .
رحنا المخبز و شرينا كب كيك و شويت حلاوة و ورق عنب ... رحنا البرادة و شرينا بيبسي و جبس و كاكاو و اكل مراهقين ... و ردينا البيت . تغدينا و بعدها قعدنا نشرب جاي .
جراح : يلا انا رايح المحل تبون شي ؟
جهاد : سلامتك ..
جراح : ايي نسيت اقول لكم جهزو نفسكم باجر من الساعة سبع احنا طالعين صخير .. و انا اتصلت في احمد اخوج و قلت له احنا بنطلع و اهم هناك بيلحقونا .. العمال اليوم راحو ينصبون الخيام تروحون و كل شي جاهز ..
جهاد : الله وناسة ... يبة متى بنرد من هناك ؟
جراح : السبت على الساعة سبع ... يلا مع السلامة ..
طلع و اتصلت في حنان و سوسن اخبرهم ايون .. و عقب دقايق كانو عندي ..
سوسن :سمعو بنات انا شوي و برد البيت .
جهاد : ليش انشا الله ؟
سوسن : سوين روحج ما تعرفين ... مسوين علي حظر توجل ... من اتصلت معلمة الانج السخيفة في امي و سوو لها استدعاء ما ترضى اطلع مكان .. و يا ريت صج غلا كله جذب و كلام من عندها .. انا ما اعرف شلون صارت معلمة .
حنان : انا بعد شوي و برد .
جهاد : يا ربي سخافـــــــــــــــــــــ ـــة .
حنان : صج ابي ارد من وقت .. ما ابي ازعجكم .
جهاد : أي ازعاج ؟... ابوي في الشغل و ثاني شي اليوم بيتأخر وايد لان عنده شغل واصله بضاعة ... فهيد رايح عند ربعه .. و صقور طردته من البيت يعني ما في احد .. و ثاني ...
قطع علي كلامي صوت الباب القوي .. اللي يسمعه يقول اكيد شي صاير ... قمت وقفت و انا ايدي على قلبي من الخوف .. فتحت الباب شفت صقور فقلت له بخوف : شصاير ؟...
عطاني ابتسامة ثقة : ولا شي نذالة ..
عصبت عليه من قلب لانه عصبني .. : يا حمار شنو ؟.. انت ما فيك احساس طيحت قلبي .. سخيف .. شهالاسلوب الزفت ؟... غبي .. شنو انت ما تفهم ما تفهم ؟..حمار .. و ثاني شي انا طاردتك من البيت لان في بنات هني ويا ويهك ..
التفت على الباب و هو للحين مبتسم : اووه نس .... (( مرة وحدة ذبلت ابتسامتة و صارت ملامح ويهه جامدة )) ..
الصراحة استغربت ردة فعله .. من ثواني كان يضحك و يسولف شلي قلب حاله ؟؟: صقور شفيك ؟...
صقر : اسف .. نسيت ان في احد هني .. صج (( ردت له روحة )) مو انا قايل لج ابي البرنتر ؟( طابعة ) ليش ما يبتيها ؟... قايل لج ان عندي اوراق ابي اطبعها ؟
جهاد : افففف .. صقور يتلوع جبدي ؟؟ ... ييب اللاب توب و انا بطبعها لك .
صقر : اوراق وايد ما اقدر ... يبي البرنتر .. روحي اشتري لج برنتر و فكيني من حشرتج .
جهاد : صقور الحقها زين .... كاهي سوسن تقول لك ان سلام في بيتهم روح له .. صدعت راسي ..
سكرت الباب في ويهه و رديت قعدت على سريري ..
حنان : مو تقولين مطرود ؟
ما لحقت ارد عليها و انطق الباب : ااااااااااففففففف .. شهالحالة ؟ الانسان مايقدر يعيش بهالبيت ؟
فتحته و لقيت صقور يبتسم ابتسامة خفيفة : البرنتر .
جهاد : ااو نسيت ... حنان .. يبي البرنتر .
حنان :اوكي ..
صقر : صج ما تستحين على ويهج .. تأمرين على ضيوفج ؟
جهاد : الله و الضيوف .. انا اروح بيتهم يسوون لي اخس من جذي .
مدت يدها لي : البرنتر .
جهاد : شكراً
عطيته البرنتر بس كان خاطري اعرف ليش اهو جذي مستغرب ؟ .. م اعتقد ان انا قلت شي خارج عن المالوف ..
سحبه او هو يفكر و مشى عني بدون أي تعلق ..
جهاد : اممم شباب انا بروح شوي و برد ..
طلعت من الحجرة على اساس ان انا بروح باخذ العصير من المطبخ ... ما احب تينا تييب شي إذا ياييني البنات .. رحت و طلعت العصير من الثلاجة لان انا موصية تينا تسوية من الظهر .. صبيته في كلاصات و مشيت و انا حاملة الصينية .. تفاجأت لما جفت ابوي .. حسيت ان شوي و تطيح الصينية من يدي ... كنت ارتجف بقوة .. و المشكلة انه انتبه علي ... فتح حلجة يبي يتكلم بس انا قاطعته : هاا يبة ؟... ليش راد البيت ؟ عسى ما شر ؟
جراح : لا بس رحت البنك و طلعت ان انا ناسي البوك في البيت و رديت ىخذه .. في احد في البيت ؟
جهاد : ها ؟... يبة في بنات يايين مع ملاك علشان اعلمهم شوي في بعض الدروس اللي اهم موب فاهمينها ..
قريت ملامح ويهه اللي تقول ان الكلام كلللللللش موب عاجبه : خير
جهاد : امم يبة اليوم عندك بضاعة يديدة صح ؟
جراح : أي من جذي بتأخر .. قولي لامج لا تنطرني على العشا ..
طلع و هو ساكت .. اتوقع انه يغلي من داخل .. خليني اعيش حياتي مثل أي بنت حتى لو كانت حياة مشوهه .
رحت داخل و عطيتهم العصير ...
سوسن : سمعي حبيبتي الحين الساعة امممم 4و نص عقب ساعة ساعة نص انا رادة بيتنا .
جهاد : افف بلا سخافة .
سوسن : اقولج زين خلوني اطلع ما تسمعين ؟
جهاد : اوكي .
حنان : عيل انا طالعة معاج .. نطري بتصل في خولوو بنت خالي اقول لها تمر علي .
سحبت تلفونها بس انا وقفتها : نطري شوي دقيقة ..
حنان : شنو ؟
جهاد : خلونا نطلع قبل ما تروحون .
حنان : يعني وين ؟.. و قاني شي ما في مكان نقدر نروحه الحين في نص ساعة .. و بعدين ما في احد يودينا .
جهاد : خل نروح نشتري أيسكريم و نرد .
حنان : و انشا الله من واللي بيتكرم و يودينا ؟..
سكت شوي و بعدها قمت : نطري شوي دقيقة .
طلعت و رحت للصالة شفت صقور قاعد مشغل التلفزيون و يلعب في تلفونه ..
جهاد : امممم صقور ؟
رد علي و هو يطالع في تلفونه : نعم ؟
جهاد : طالعني .
صقر : و ليش اطالعج ؟
جهاد : اسمع ابيك توصل البنات .
ترك تلفونه و و طالعني : و ليش انشا الله شايفتني رديول ابوج ؟ ..
جهاد : يلا .. لا تخرب علينا .
صقر : افففف .. ما اقدر . ما يصير هذيلا بنات غرب عني .
جهاد : و أي بنات ؟ انا و ملاك ... و سوسن هاذي من لما كنت ما تتكلم كانت عاك و لحد هاذي اليوم اهي معاك ..
صقر : سوسن اوكي مثل اختي بس سوسن موب بروحها .
جهاد : بقت حنان و عادي ما في مشكلة ..
صقر : شنو اللي ما في مشكلة ؟.. هذيل بنات و ما يصير يطلعون معاي .. شتبين الناس يقولون عنهم ؟
جهاد : ما راح يقولون شي دام انا معاك .
صقر : اوكي ثلاث دقايق ما ييتو طلعت عندكم .
استانست ةفي خاطري : اوكي .
مشيت بس وقفتني يده لما مسكتني .. و لما التفت عليه شفته يطالعني بنظره اول مرة اشوفها بعيون احد من اللي انا عايشه معاهم ببيت واحد ..
صقر : بس انا ما كملت كلامي .. عندي شرط .
جهاد : جم تبي ؟
صقر : شنو اللي جم تبي ؟
جهاد : جم تبي فلوس ؟
صقر : ليش انا ييت شكيت لج الحال ؟... و لا عبالج ان ابوي مقصر عني ؟
حسيت بشعور ما اعرف شسميه اهو شوية رهبة من نظره صقر اللي موب قادرة افسرها و ممزوج بشوية غموض من شرط صقر .. انا ولا مرة شفته جذي إلا لما صار مريض و ما يقدر يتحرك بسبب نفسيته اللي ما تحسنت إلا لما قابل دكتور نفسي .. و لحد هاذي اليوم ما في احد قادر يعرف سبب اللي صار فيه .. انا الحين صار فيني خوف ان من الممكن تنتكس حالته و تصير مثل اول .. تميت ساكتة و ما رديت عليه ..
صقر : شفيج ؟ ... ما تبين تسأليني عن شرطي ؟
جهاد : شتبي ؟
صقر بلع ريجه قبل ما يتكلم بطريقة واضحة ... سكت لحظات و بعدها قال : تلبسين حجاب ..
ما اقدر اوصف لكم شعوري في هاذي اللحظة .. اضحك اتكلم اصيح ؟ صار لي 17 سنة عايشة ... في حياتي ما سمعت حد يطري لي اسمه غير يدي .. كنت في صدمة قصيرة ..
صقر : شفيج ساكتة ؟
جهاد : ممكن تعيد ؟ احس روحي ما سمعت عدل ..
حسيت انه قاعد يشد على كلامه علشان افهم : لبسي .. حجابج .
سكت للحظة و موب عارفة شرد عليه : صقر .. احد طاقك على راسك ؟.. فيك شي ؟
صقر : لا .. ما فيني غير العافية .
جهاد : عيل شهالطلب ؟.. ليش تبيني البس ؟
صقر : تبين الصج ؟.. انا خايف على بنات الناس .
بلعت ريجي لاني موب قادرة استوعب الكلام اللي قاعد يصير : ليييييش ؟ ... انا شفيني ؟
صقر : لا تزعلين لان هاذي الصج .. تخيلي الناس بيشوفوننا انا و انتي و البنات .. شراح يظنون ؟.. راح يقولون هاذي بنت فلان تطلع مع فلان و علان ؟... انتي شنو فيج شي انوثة ؟ ...
اول مرة في حياتي كلها اسمع هالحجي من صقر .. صج صج .. اثر فيني .. حسيت لدقيقة ان انا راح اصييح .. بس منعت نفسي من ان انا احزن .
توكلت على الله : دقايق و نازلين ..
رحت فوق و انا نفسيتي موب مرتاحة .. صقر يخاف على بنات الناس اكثر من خوفه علي ... يمكن لانه تربى على هاذي الشي فصار شي طبيعي بالنسبة له ... وصلت عند باب حجرتي بس ما دخلت ... خذيت نفس طويل و زفرته بقوة ... حسيت ان شي من داخلي راح يطلع .. حاولت ارسم على ويهي ابتسامة و دشيت بدفاشة و ضحكة خفيفة مصطنعة : شباااااب .. قومو يلا ..
سوسن : انا ما بيي اكيد امي ما بترضى .
حنان : و انا ما خبرت اهلي .
جهاد : اتصلو على بال ما ابدل ثيابي ..
رحت وقفت عند الميز تواليت متجاهلة كل سوالفهم اللي احس انها صارت بلا معنى و انا اسمع كلمات صقر لما قال " انا خايف على بنات الناس " ... طالعت روحي في المنظرة و اكتشفت ان صج انا ما فيني انوثة .. و اللي يشوفني يقول هاذي اكيد موب طبيعية .. طارت كل افكاري لما صرخت ملاك بأذوني : واااااااااااااااا .
جهاد : اااااااخ (( صرخت بويهها ) يالمينونة شتبين ؟
ملاك : يلا ابنتأخر ..
رحت فتحت الكبت وانا محتارة شلبس ... بعدها طلعت لي جينز اسود و فانيلة بيضا عليها شعار صغير بالسود .. و فتحت الكبت اللي فيه اغراض ما البسها و سمعت شهقتهم لما طلعت شيلة ..
ملاك : يالميونة شبتسوين ؟.. تبين ابوج يقلب علينا البيت ؟
جهاد : صقور موب راضي يطلعني من البيت بدون شيلة .. ما اعرف شالطاري ..
حاولت الف الشيلة ما قدرت .. رديت حاولت ما عرفت .. الصراحة حسيت روحي بصيح .. شلون انا يصير فيني جذي ؟... فكرت ان انا اروح و اقول حق صقر نكنسل الروحة من اساس .. بس لما شفتهم مستانسين قلت حرام نخرب مزاجهم ..
ملاك : تعالي بعدلها لج .
جهاد : الحين بتعدلينها و بعدين ؟ .. لو تعفست كل شوي لازم اناديج ؟
ملاك : انتي تعالي و لا عليج .
طلعت لي شي يسمونه البنات قبعة .. و دبابيس من كبتها و سوت لي الشيلة لفة كويتية .. ياتني الضحكة لما شفت شكلي في المنظرة ... اللي يشوفني ما يقول ان انا مثلها مثل البوية اللي في المدرسة ..
مسكت العطر ابي ارش لي بس مسكته ملاك ..
جهاد : لوكة بلا سخافة عطيني العطر خلينا نمشي .
ملاك : امممم .. ما يصير .
استغربتها : شنو اللي ما يصير ؟
ملاك : شكلج شكل بنات و تحطين لج عطر هوقو ؟ ... السالفة فيها غلط ..
مشت عني و ردت مكانها حاملة عطر سلطان ... عطر ريحته فرنسية بس يونيسكس .. انا استخدمة و لوكة تستخدمة ..
مشيت انا بروحي ... : صقر يلا مشينا ..
صقر : وينج انتي ؟
جهاد : انت روح السيارة و احنا لاحقينك .
صقر : اوكي .
رديت حجرتي و ناديتهم .. نزلنا كلنا في خط واحد و احنا ساكتين ما عدا تعليقات حنان اللي بس تسمعها سوسن ..
قبل ما نوصل السيارة ..
حنان قامت تصرخ : اللههههه .. سيارتي .. يا رب آخذ واحد سيارته رنج .. احب هالسيارة .
ضحكت من كل قلبي : حنان ... صقور في السيارة اكيد سمع الحجي .
سكتت منصدمة و محمرة .. بس مرة وحدة صرخت بويهي : يا حمارة ليش ما قلتي لي من قبل ؟... الحين اكيد بيفهمني غلط .
جهاد : انزين يلا عن يعصب علينا .
ركبت انا جدام و ركبت حنان ورا صقر و ملاك يمها و قعدت سوسن وراي ..
ظلينا ساكتين لمدة ثواني و بعدها ... قامت يطالعني صقر بملامح غريبة : جهاد ؟؟؟؟؟؟؟؟
علامات الاستفهام اللي كانت مرسومة على ويهه كانت اكبر من الي مكتوب بوايد .
ابتسمت له : جهاد ..
صقر : لا تجذبين .. انتي من ؟
البنات ضحكو ضحكة خفيقة ..
جهاد : و الله جهاد .
مشينا و احس انه موب مصدق ..
شغلت اغاني هادئه ... الكل يفكر بحياته ..
صقر : وين تبون تروحون ؟
جهاد : اول شي خل نفتر و بعدها يصير خير ..
ظلينا نمشي في الشوارع و احنا نسولف عن المدرسة ... و صقر يسمعنا بهدوء بس انا احساسي يقول لي ان صقر فيه شي و موب طبيعي ... بس اموت و اعرف شنو اللي قلب حاله علينا ؟... و الله خوفي يرد لحالته الاولية ...
سوسن : شباب سمعو حنان اليوم تقول انها عازمتنا ..
حنان فجت عينها : انا قلت ؟... لا تقوليني حجي انتي موب قده ..
سوسن : بييي طلعي طلعي انج بخيلة و ما تندين .
حنان : انا ؟.. صج حمارة .. انا لو عندي ما بخلت عليكم و الله يعلم بس انا ما عندي غير سبعة دينار و اكيد ما بتكفينا كلنا ..
سوسن تتنيذل : علينا ؟.. اكيد في عشرة خمستعش مخشوشة بمكان ..
حنان : تبين بعطيج البوك و ...
صقر متعود على سوسن و مثلنا احنا خواته .. يعني يكلمها عادي بدون حدود بحكم انها متربية معانا ..
صقر : بس عااااااد الله يعين المعلمات عليكم .. لك لك لك طول الوقت ؟...تكلمو بس بهدوء .. لا تخلوني احلف لكم ان انتو قاعدين في سيارة وحدة .. بسكم صراخ .. راسي انفجر .
سوسن ضحكت بس حنان سكتت .. اهي ما تعرف صقور موب مثل سوسن على طول معانا ..
عقب فترة تكلم صقر : شفيكم سكتتو ؟
سوسن : احلف انت بس ؟... مساعة فشلتني و خليتني بيزة ما اسوى و الحين تسألني بعد ؟
صقر : لا يكون صدقتو ؟... ترى و الله امزح .. انزين شرايكم .. العزيمة على جهاد .
انا : احلف انت بس ؟.. لو تموت ما طلعت فلس .. انت الريال و انت اللي تعزمنا .
ملاك : لا بس نبي ايسكريم .
صقر : افا عليكم نعزمكم و ندفع لعيونكم .....
ظلينا ساكتين ...
جهاد : شهالطلعة المملة ؟... فرفشو ترى الدنيا ما تسوى ..
بدلت الاغنية و حطيت اغنية مال ميامي يعني ا لصرقعة على الاخر و رفعت الصوت ..شوي شوي طلعنا من جو الكآبة إلى جو الضحك و الفرفشة بس حنان لانها تستحي من صقر بس وقت السوالف تنسى صقر و اللي ياب صقر ...
وصلنا محل أيسكريم ..
جهاد : صقور ... ابي كوفي .
صقر : الحين شيطيرني على كوفي شوب ؟
جهاد : يلا ..
صقر :لحقيها يلا .. انزين شتبون ؟
الكل حاقره و يستمعون على سوالف حنان : تعرفون الاسبوع اللي طاف شسويت ؟..
صقر : بعدين كملو سوالفكم .. شتبون ؟
ردت عليه ملاك و اهي تطالع حنان : أي شي .. كملي .
نزل صقور و ظلينا تكمل سوالفنا : الله يسلمكم طلعت انا و خليل و بنات خالتي ... خليت خليل يروح يشتري لنا ايسكريم و بس نزل سقت السيارة .. اهو يتصل يتصل و احنا عاطينه السين .. بعدين عصب ... و الله محد قال له يعلمني اسوق سيارة ..
فكرت شوي : شرتيج نسويها في صقر ؟
حنان : لا خليل اخوي بس صقر لا .. اخاف يزفني .. اهو شكله وايد يحب سيارته و شكلها بعد يديدة .
جهاد : بيعصب شوي و بيسكت ..
و كأنها الفكرة عاجبتها ...: بس على مسؤوليتج ؟..
جهاد : عادي ..
حنان : تلفونه عنده ؟
جهاد : ايي ..
حنان : بس لفة و نرد ..
توها بتفتح الباب و نشوف صقر ..
سوسن : حنان صقر ياي ..
يا و فتح الباب : سمعو داخل وايد زحمة تبون ايسكريم و لا نروح كوفي شوب و نخلص ؟
ملاك :لا ايس كريم .
صقر : عيل نطرو لاني بتأخر .. وايد زحمة .
سكر الباب و بس نزل قامت حنان من مكانها و يات مكان صقر ...: جهاد سيارته بيضا و بتتوصخ بسرعة .
جهاد : عادي يلا ..
سمت بالله و قرأت المعوذات و نزلت الهاند بريك و حركت القير على الريوس ...
حنان : سمو ..
و سمينا ...
مشت ريوس شوي شوي ... و يا واحد يمشي بسرعة وو وقف فجأة ... و طق هون قوي ..
حنان : انت شفيك ؟ مينون ؟
ريوست زيادة و من الهرن انا للحين متوترة حدي .... المهم عدلت السيارة و بدينا نمشي شوي شوي اسرع لحد ما خلاص راح توترنا و فرفشنا .. رفعنا على الصوت و فرفشنا من قلب و السيارة كلها ضحك ..
مرت ربع ساعة من دون ما نحس بالوقت لاننا كنا صج مستانسين ..
ملاك : بيييي ... بنات صار لنا ربع ساعة خلونا نرد ما نبي صقور ...
قطع عليها كلامها صوت تلفوني لما رد و كان المتصل طبعاً صقر ... توترت و ما اعرف شسوي .. بسم الله الرحمان الرحييييم ...
حنان : سويه سايلنت علشان اعرف اسوق عدل ...
سويته سيلت بس عيني معلقة على الشاشة ... خصوصاً ان السيارة صارت هدووووء ... السيدي بلير بندناه .. و احنا متوترين ... مشينا بس احس ان الطريج في الرده دبل على طريج الروحة ... اتصل على تلفون ملاك و من غبائها ردت ... و قبل ما تنطق بكلمة اهي فتحت السبيكر .....كان صوته من قلب معصب : وينكم انتو ؟
ملاك : يايين .
سكرت في ويهه لاني حسيت انه شوي و يطلع من السماعة ..
حنان : بنات لا تخفون ترى بمشي سرعة ..
تعلقت عيني على العداد و انا اشوف حنانو المينونة وصل 120 ... و وصلنا بالسلامة .. و وقفنا في مثل البارك ... بس صقور كان داخل المحل .. طقيت له رنّة ... بس وصل له الاتصال على طول قام يطالع من الزجاج .. لما شاف سيارته عطانا نظرة ما اتوقع اني انساها .. على بال ما يوصل برع نزلت حنان من مكانه و بس سكرت الباب شافته واقف جدامها ... حسيت ان حنانو نملة بالنسبة لصقور .. ما طالعها و لا كأها موجوده .. ركبت السيارة و انا احس ان ملامحها خايفة ... ركب السيارة حط الايسكريم في حظني بطريقة فضة ..
و قال لي و صوته مليان استهزاء : ايسكريمكم اللي يبتوني عشانه ..
كنت ابي ابرر له بس انا متأكدة ان مستحيل احصل شي يشفع لي عنده : صقر انا ..
سكتتني صرخته اللي احسها هزت السيارة من قوتها : انتي ولا كلمة .... بس يصير خير ...


مع هالتهدديد .... عرفت ان مستحيل يصير خير !!



لامارا غير متواجد حالياً   رد مع اقتباس
قديم 11-12-13, 08:53 AM   #5

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي


الجزء الثالث



احس ان البنات انحرجو منه بس اهو مثل العادة ما اهتم حق احد ..
كان الهدوء سيد الموقف و الكل ينتظر الثاني يتكلم .
مديت يدي و شغلت السيدي بلير و اغاني هادئة ...
طالعني بنظرة قهرتني ... انزين اهو الحين ليش معصب ؟؟؟... ردينا و السيارة بألف خير حتى شمخ ما فيها .. ما اعرف على شنو حارق اعصابه .. ..
ظلينا ماشيين و كلاً مننا يفكر في شي ... مرة وحدة وقف على استراحة في نص الشارع ... كلنا التفتنا على صقر اللي تنهد تنهيده طويلة ... ننتظره يتكلم بس ما تكلم ... و عقب فترة .. تكلم بصوت يشبه الصراخ ..
صقر : فكرة أي غبية فيكم ؟
الكل سكت و ما ردو عليه : انتو ميانين ؟... موب صاحيين ؟... ليش تبون تعرضوني و تعرضون نفسكم للمشاكل ؟... الحين انتو رديتو الحمد لله بس تخيلو لو دعمتو و وحدة صار فيها شي شنو بيقولون الناس ؟.. بيقولون اكاهي فلانة طالعه مع صبي و دعمو سيارتهم ما بيقولون انه اخو رفيجتكم .. لو دعمتو و صار لوحدة منكم شي ؟... شبيقولون اهاليكم ؟.. بتصير السالفة برقبتي .. بصير انا الغلطان ... السيارة تولي حديد في حديد ... الحمد لله الله موسع علينا و اقدر اييب مثلها و احسن ... بس انتو لو وحدة منكم صار لها شي نقدر نشتري مثلها ؟... لهالدرجة انتو رخيصين عند نفسكم ؟... انا خسرتها مرة وحدة ما ابي اخسرها مرة ثانية ... انتو ميانين ... انا المسؤول عنكم .. شبيقولون الناس ؟... و ثاني شي انتو موب مسؤولين عن تصرفكم و حتى لو يدرون ان الانسة حنان اهي اللي سوت الحادث بيقولون بسيارة صقر اللي ما له فيها أي علاقة ... إلا إذا فكرو بتفكيرهم الوصخ .. آنسة حنان إذا ما تعرفين ان لو صادوج الشرطة انا يصير لي عقوبة لاني عطيتج سيارتي ... و انتي يصير يحطونج على البلاكلست .. ما عندج ليسن و لا تصريح بأنج تسوقين سيارتي .. انا اعرف اني لو سألت محد بيجاوب علي .. بس احب اقول حق الهبلة اللي عطتكم هالفكرة تتوب عن هالتفكير العمي ..
و قال بصوت هادئ بس بغضب : و الله ناس فاضية .
على طول اتجهت عيني على حنان و انا اشوفها مصدومة . بس انا الغبية اللي عطيتها الفكرة .. بس اهي بعد لازم تفكر ..
لحظة لحظة لحظة ... اهو قال جملة احس ان بالي بدا ينشغل فيها .. ليش قال انا خسرتها مرة وحدة و ما ابي اخسرها مرة ثانية ؟؟... منو هاذي ؟؟؟ الله يستر .. ظلينا نمشي بالطريج اللي يوصل إلى البيت .. تعرفون ؟... من داخل سبيت روحي و تمنيت اني ما قلت لهم خل نطلع و تمنيت اني ما قلت حق حنان تسوق سيارته .. لو صار اللي في بالي كنا الحين مستانسين و نضحك و لا هامنا شي .. وصلناللدوار اللي يوصل لمناطقنا ... لازم ناخذ الطريج سيده و نروح البيت .. بس صقور لف الدوار كامل علشان نرد نمشي على مثل الطريج اللي كنا نمشي عليه ... استغربت الحركة بس ما كلمته لاني اعرف انه بيكفخني إذا تكلمت .. ظلينا نفتر و نفتر و نفتر ... لحد ما حسيت ان عيوني تتسكر بروحها .. و اتدور احلام مريحة عكس اللي قاعدة اعيشه الحين .. وقفنا عند الاشار ةننتظر الفرج ... بس فتحت الاشارة ... تفاجأنا بضحكة صقور الهستيرية ..: هههههههههههههههههه هههههههههههههههههه هههههههههههههههههههههه ههههههههههههههههههههههههه هههههههه هههههههههههههههههه ....
غريب من شوي كان بيكفخنا و الحين يضحك ؟... طالعته بنظرة و رفعت واحد من حواجبي له ... مستغربة اللي قاعد يصير ... شسالفة ؟.. لا يكون صاير شي و انا موب حاظرة ؟.... لفيت عليهم شفتهم كلهم يطالعون صقر بمثل نظرتي << مستغربين !!!!!
المهم ... افتريت عنه و ظلينا ساكتين ... بس رد يضحك مثل الضحكة ...
جهاد : صقور انت ينيت ؟؟؟
طالعني بنظرة و هو ساكت بس رد يضحك ...
عقب ما هدء شوي ... ارتسمت على شفايفة شبة ابتسامة : اممممممم ... تعرفون ؟... وقت اللي الانسان يعصب يسوي اشياء مينونة ... مثلاً مساعة قومت الدنيا و قعدتها مع ان الحمد لله ما صار شي ...(( رد لعصبيته )) بس انا سويت كل هذا لسبب موب سخافة ...
سكت شوي و رد يتكلم .: على العموم انا اسف إذا زعلتكم و انشا الله ما تصيرر بيننا هالحساسيات بس انشا الله انتو اللي ما تعيدونها ...
الملسونة سوسن ما تقدر تسكت : لا و اللله ؟.... احلف انت بس ؟ مساعة شوي و تقلب السيارة فوق راسنا و الحين تسوي روحك الحنون ؟.
ابتسم : و انتي يا ام لسان ما تقدرين تسكتين ؟...و ثاني شي انا لو صرخت عليكم حقي .. انتو كلكم خواتي .
ملاك تتسيخف : جذااااااب انا موب اختك .
صقر طالع السما و رفع أيدينه بالدعاء : يا رب .. تخف سخافة البنات عني ..
نزل إيدينه و رجع يتكلم : انزين كلكم مثل خواتي .. مو انتو كلكم متربيين معاي .. نسينا ايام الفضايح ملاك ؟
ملاك : انزين حتى لو حنان موب متربية معاك ....
صقر : يا صبر ايوب .
وقف في استراحة على الشارع قال لي : ييبي الجيس ..
هاذي مينون بيقط الايسكريم و انا خاطري فيه : لا تقطه .
ابتسم و شوي و بيضحك : ما بقطه ..
عطيته الجيس و انا اشك في كلامه ...
طلع له ايس كريم و فتحه و ظل يتناقش مع ملاك بموضوع سخيف و ما له أي معنى بالنسبة لي ... ياكل الايسكريم بطريقة تشهي ... الحمار يعرف ان انا يوعانة موت و يسوي لي هالحركات ..
جهاد : صقر ييب الجيس .
شكله كلش ريلاكس : لا ... ما بعطيج عقاباً لكم باكله كله بروحي .
شهقت : يالدب كله ؟.. حرام عليك بتنبط ... يلا عطني ..
صقر : لا ... موب زين الجو بارد ...
سكتنا كلنا .... بس الغريب ان صقر رد يضحك مثل قبل ...!!!!! اموت و اعرف ليش يضحك ؟.... ظل يضحك و يضحك لحد ما هدء ... حسيت انه يفكر يعمق ... و لمحت لمسة حزن بعينه ... يالله تحفظ صقر و ما ترد حالته مثل الاولية ... يا رب ..
مرة وحدة سحب الجيس و قعد يوزع الايسكريم ..: كلوه بسرعة و الحين ....
قعدت اكل الايسكريم ... اممممم طعمه حدة حده فن .. اللــــــــــه .. حلاة الايسكريم في الشتا .... كانو يسولفون عن قروب شوق و شيماء ...
ملاك : انزين هاي شيماء دايماً جذي سوالفها .. تعرفين انها مرة فرقت بين وحدة و حبيبها ؟
حنان : منو البنية ؟
ملاك : بعدين بقول لكم .. الحمارة لما سألتها البنية ليش سويتي جذي ؟... قالت لها بس .. اتنيذل ... حقيرة.
سوسن : تولي اللوح .
ملاك : بس احسن شي يوم يفشلها صقر حده فن .
حنان : يلا تعيش و تاكل غيرها .
اهم يفكرون في شي و انا افكر في شي ثانيييييييي ... انا افكر ... شكلي وايد حلو يالشيلة ... ليش انا موب مثل أي بنت طبيعية ؟.. ليش ما اقدر اعيش حياتي مثل باقي البنات .. ليش ؟..
صقر : بنات منو اوصلها اول ؟
سوسن : انا لان بيتنا على الطريج .
حنان : لا انا انا بيتنا ابعد من بيتهم .
سكتو و صقر اهو اللي دل الطريج بروحه لبيت سوسن ... نزلت سوسن عقب ما سوت حركاته المعهودة من السخافة ... و بعد ما نزلت سوسن نزل علينا الهدوء .. اهي اللي كانت مسوية جو .. انا حاسة ان صقر متنرفز حده من اول ما عطانا ناكل ايسكريم .... بس ظليت ساكتة ما ابيه يطلع غيضة فيني ...
صقر : وين بيتهم ؟
ظلينا نمشي ملاك تسولف و حنان تسمعها و ترد عليها بجمل مختصرة و قصيرة ... و انا ادل صقور الطريج و اذوني معاهم ... وصلنا بيت حنان ...
قال لها بجفاف و بطريقة اكثر من رسمية : تفضلي حنان .
حنان : مع السلامة .
حسيت ان في جملتها حزن ما عرفت امشي و انا اشوف حنان جذي ... اخاف تكون زعلت مني .
جهاد : صقر ؟... انطر شوي ...
كانت واقفة عند الباب تنطر احد يفتح لها الباب .. و عاطيتنا ظهرها ..
قلت لها بطريقة و كأني ابي اتأكد من شي : اممممم حنان ؟
افترت لي و طالعتني بنظرة و كأنها تتسائل : جهاد ؟.. عبالي رحتي .
تقربت منها شوي اكثر لها ما صرنا قراب شوي من بعض ..
جهاد : اممم ... ما عرفت اروح و اما اشوفج جذي ... شفيج ؟
تجمعت الدموع بعينها : ....... ما فيني شي .
جهاد : عيل ليش دموعج بعينج ؟
حنان حساسة و ما تحملت جملتي و صاحت ... حظنتها ابيها تهدي بس اهي ما هدت ظلت تصيح ...
جهاد : حنان حبيبتي شفيج ؟
حنان : حتى لو اللي سويناه غلط ما له حق يقول عني هبلة و غبية .. انا .... انا ..
ما قدرت تكمل كلامها لانها لو تكلمت زيادة بتصيح ... بس انا بعد قطعت عليها : لا تخافين انتي شفتيه شلون يضحك ... و ثاني شي اهو صج يحب سيارته و يخاف عليها بس موب كثرنا و الصج انه ما كان خايف على سيارته اهو كان خايف عليكم .. تخيلي لا سمح الله صار شي ؟... شنو عواقب هالامور ؟ .. لا تزعلين منه لانه ما كان قصده يزعلج .. بس كان قصده يعلمنا انه مرة ثانية ما نعيدها و نتعلم ان اللي قاعدين نسويه غلط ...
هزت راسها و انا احس من عينها انها صدقت كلامي : اوكي .
جهاد : لا تصيحين و لا تحطين في خاطرج ترى و الله ما في شي يسوى انج تصيحين عشانه اهم شي راحتج و ثاني شي السالفة خلصت لا تعورين راسج عليها و اهي منتهية ...
حنان : خير ..
جهاد : اوكي إذا هديتي و صارت نفسيتج احسن اتصلي فيني حتى لو الوقت متأخر اوكي ؟.
حنان : او ....
انفتح الباب و طلعت بنت خالها خولة : السلام عليكم .
جهاد : عليكم السلام شلونج خولة ؟
استغربت : تمام اسأل عنج انتي شلونج ؟
رديت عليها : وايد تمام اسأل عنج .
خولة: سألت عنج العافية ... امممم منو انتي ؟
ضحكت عليها من قلب ... اكيد ما عرفتني بالشيلة : انا جهاد .
فتحت عينها علأخر موب مصدقة : جذاابة .
جهاد : و الله جهاد .
خولة : تحجبتي ؟
جهاد : لا وين ؟... بس القدر شيقول ؟
خولة: اممم .. الله يهديج ... بس تعرفين انتي بالشيلة وايد احلى من بدون .
جهاد : كل واحد و شنو يتعود عليه .... يالله صقر ينطرني بالسيارة .. نشوفكم على خير .
خولة: بالسلامة .
جهاد : الله يسلمج ...حنان لا تنسين اللي قلت لج عليه .
حنان : اوكي ...
جهاد : بااي ..
مشيت عنهم و رحت السيارة ...
ملاك : منو هاي ؟
جهاد : خولة ..
ملاك : امم ما يبين شكلها غير بالشيلة ..
سكتت عنها و ما رديت و اهي بدورها سكتت و لا نطقت حرف ...
صقر للحين واقف ما تحرك ....: خلصتو فلمكم الهندي ؟..
طالعت بنظرة ..: بايخ ..
رد يضحك مثل قبل بس انا ما لي بارض ارد عليه حدي تعبانة ما ابي عشا اهم شي سرير و ارقد فيه ... احلى شي في الشتا نوم و برنوص دافي ... متى بس يصير باجر ... وحشتني طلعت البر ...
ملاك : امممم صقور قطنا بيتنا ابي اروح اخذ لي ثياب .. او تعرف بس خلاص روح بيتكم .
صقر : اوكي .... تعرفين جهاد .. انتي احلى بالحجاب ..
جهاد : شكرأً وييييي ذكرتني ..
سحبت الشيلة و عدلتها و عطيتها ملاك : حطيها بشنطتج اخاف الحين ابوي في الببيت و يسوي لي سالفة .
وصلنا البيت .. نزلنا على طول رحت الستور العود (( المخزن الكبير )) .. طلعت لي الهاندباق مالي و رحت فوق ما حصلت ملاك ... شكلها تتسبح ..
فتحت الكبت .. موب عارفة شحمل .. بشوف صقور ...
حملت تلفوني رحت عند باب حجرته ... طقيت الباب بس ما دشيت ..
صقر : نعم ؟
جهاد : انا جهاد .
صقر : تفضل ..
دشيت شفته قاعد عند حافة سريره .. : شتبين ؟
غريبة في العادة اهو اللي ايي لي و يقعد يسولف لحد ما انا اطردة .. : و لا شي ياية اسأل شنو بتحمل حق باجر .. ؟؟
صقر و ويهه ما يقول لي أي تعبير : جهاد .. انا ما لي بارض شي .. لو سمحتي طلعي برع لاني ابي ارقد ..
جهاد : شفيك صقور ؟
تنهد بعمق و بعدها : جهاد ... أ
سكت لما قلت له : لحظة شوي ..
رديت على تلفوني اللي رن ...: هلا حنان ..
ارتفعت عين صقر اللي كانت على تطالع الارض من شوي إلى ويهي : هههههههههههه ... هلا جهاد .
ابتسمت .. او بمعنى اصح .. ضحكت ضحكة خفيفة .. : هلا هلا حنانو .. شلونج ؟
حنان : خبال .
قلت و انا اقصد صقر : بكمل تلفوني و برد لك ...
طلعت برع و قاصدة غرفتي .. : ليش ؟ شاللي غير ؟
حنان : و لا شي .. بس تذكرت ضحك اخوج و قعدت اضحك على شكله .
جهاد : عساج دوم ..
حنان بدت تستهبل لانها شكلها فرفشت : شنو اللي دوم اضحك او اذكر اخوج ؟ ههههههه ..
ضحكت على خبالها و ظلينا نسولف لحد ما ملاك طلعت من الحمام و لبست و حطت لها عطر و سوت اشياء البنات مالها و عدلت شعرها و انا اسولف .. و آخر شي سكرت التلفون في ويه حنانو لانها بدت تتنيذل .. اول مرة اشوف اوادم حتى على روحهم يتنيذلون ..
ملاك : جان ما سكرتي ؟... سوسن و لا حنان ؟
جهاد : لا حنان ... اعتدل مزاجها و قاعدة تسولف ... انزين ما قلتي لي شنو بتحملين ؟
ملاك : و الله ما اعرف ... انا يايه هني آخر شوي من اغراضي و لما اروح البيت اشيل باقي اغراضي ... طبعاً انتي معاي .
قلت اتنيذل : اففف ... لزقة هالبنية .. لاعت جبدي منج على طول لازقة فيني .. شهالبلوة ؟
ملاك : عشتو بموت عليج .. خليج في بيتكم احسن .
جهاد : منو قال لج انانا بيي بيتكم ؟؟ لا تتفائلين ... انا بروح بيت خالي .
قمت عنها و رحت عند صقور ... طقيت الباب بخفة و دشيت شفته فاتح اللاب توب و يتكلم في التلفون ..
خلص مكالمتة و اهو الثاني بعد صار مزاجه اوكي .. صقر : ها عدلتي اغراضج ؟
جهاد : لا .. يايه اسألك .. شبتاخذ ؟
صقر : ما اعرف ..
سكر اللاب توب و فتح الكبت في الوقت اللي اندق باب حجرته : تفضل .
ملاك : هاي انا ...
صقر : حياج .. دشي .
دشت و قعدت على الكرسي ..
صقر : امممم حملي لج جاكيتين ... هاي وايد ضروري ... و برنوص و مخدة ..
جهاد : اوكي .. و بعد ؟
صقر : حملي لج كبوس .. بس يكون صوف احسن .. انتي بعد لوكة اخذي لج .
ملاك : اوكي ..
صقر : اممم ... أي حملي لج ايبود او أي شي جذي غير تلفونج .. و حملي الجارج ضروري ....
جهاد : حاضر عمي و بعد ؟
صقر : انتي حملي لج غترة الملونه .. و انتي لوكة حملي لج سكارف احسن ..ترى الجو وايد بارد .. أي و لبسو جوتي كامل مغطى لان الجو بارد ... لا تاخذون نعال ما يسوى .. بس حق الحمام و هناك في واحد ... بس ما اعرف باقي الاشياء جينز و ما اعرف شنو بس ..
جهاد : اوكي .. بس يبي لنا ..
انفتح الباب و دش فهيد : شنو عندهم الامة مجتمعين ؟
جهاد : و لا شي بس نتكلم شنو تحمل ثياب حق باجر ؟
فهد : انا ما بروح .
جهاد : ليش ؟
فهد : عندي تدريب حق مباراة باجر الصبح .. و الظهر بنطلع نتغدى ... يمكن اييكم العصر شي جذي ..
جهاد : بس يعني بتيي .
فهد : أي .. حملو اللاب توب و اونت (( انترنت وايرلس )) هناك بتحتاجونه .. اورادي ما بتملون .. كلها يوم و نص و العما ل بركبون لكم التلفزيون ..
صقر : أي عادي .. إذا رحتي بيت خالي قولي حق عزوز ياخذ البلايستيشن ماله ... مالج خربان .
جهاد : و الله بس خذيته صار خربان كان زين ... انا بروح بطلع لي اغراض بدل الهذرة الزايدة اللي ما منها فايدة .. قمت طلعت و رحت حطيت الاغراض اللي قال عليهم صقر و باقي الاغراض باخذهم من يت خالي ..
نزلت تحت ما لقيت احد رديت فوق و رحت الصالة اللي ما مريت عليها مساعة لان في بابين باب من حجرتي على الصالة و باب من غرفتي إلى الدري على طول ... كان هناك فهد بروحه يشوف التلفزيون ..
جهاد : شتشوف ؟
فهد : و لا شي ... افر بالقنوات .
رحت حجرتي لقيت ملاك تسكر جرار (( سحاب )) شنطتها ..
ملاك : يلا علشان نروح ..
طلعنا في الصالة ...
ملاك : اووف عزوز ما يرد علي .. فهد عندك شي ؟
فهد : شتبين ؟
ملاك : وصلني بيتنا .
فهد : قومي ييبي اغراضج .
وقف و طلع .. نزلنا للسيارة و وصلنا بيت خالي و احنا ساكتين كل واحد سرحان بشي ... إذا بتسألوني شنو اللي انا قاعدة افكر فيه بسهولة راح اقول لكم ان انا افكر في صقر ... اموووووت و اعرف شنو اللي قلب حال هالصبي ؟
نزلنا عقب ما تبادلت مع فهد بعض الكلمات المهمة و نزلت .. و بس نزلت رن تلفوني ... رقم غريب !!
جهاد : اللوو ...
ما في أي رد ...
جهاد : الووو ؟؟ ....منو معاي ؟
..... : اااااه .. هاذي انا .
كانت بنية و دلوعة واايد ... استغربت منها ... : آمري الشيخة ؟... شبغيتي ؟
..... : اوووف ... معقولة ما عرفتيني ؟
استغربت منو هاذي ؟.. ما اعرف صوتها : لا و الله ..
..... : اناااااا ...... شيوووووووم .. و هل يخفى القمر ؟
وععع ... حسيت لاعت جبدي بس عرفت ان هاذي اهي : نعم ؟... شتبين متصلة فيني ؟
شيماء : ابي اقول شي ...
قلت لها و انا موب طايقتها : قولي و خلصيني موب فاضية لتفاهتج ..
شيماء : اممم .. بس بدون عصبية ... انا اليوم كنت في السيتي و شفت ملاك قاعدة مع بوية غيرج و هيمانه في حبها ..
قلت و انا افتح باب البيت : يلعن شكلج يا قللة الادب و التربية ... حمارة و ما تستاهلين ارد عليج و على اشكالج يا حقيرة ... شووفي ترى سمعة بنات الناس موب لعبة بأيدج .. و والله العظيم قسم بالله العظيم و رب الكعبة اني بلعن حبايبج و بدفنج إذا سمعتح تتكلمين عن بنت خالي بهالطريقة يا زبالة سامعة ؟؟
كملت كلامي و انا اوقف بنص الصالة : و رقمي لا تتصلين عليه مرة ثانية ما اتشرف اكلم اشكالج ... ما ابي اوصخ لساني اكثر بسببج ... روحة بلا ردة انشا الله ..
سكرت في ويهها و انا اشوف ملاك فاتحة عينها على الاخر : شفيج ؟
قالت لي بنبرة تحذير : جهاد ؟
جهاد : نعم ؟
طالعت في جهة الجلسة و ردت طالعتني ... طالعت في الصالة شفت خالتي سلامة و معاها ام محمود مرت اخوها في الصالة تفشلت الصراحة لانها سمعتني اسب في بنت الناس ... بس سويت روحي موب مهتمة و رحت لهم ... مديت يدي لخالتي سلامة : سلام خالة .
سلامة : و عليكم السلامة شلونج ؟..
جهاد : الحمد لله تمام اسأل عنج انتي شلونج ؟
سلامة : الحمد لله سألت عنج العافية .
سلامة : هاا ؟.. مقاطعتنا صار لج يومين في بيتكم شصاير زعلانة علينا ؟
جهاد : حشى علي ما ازعل منكم .. ازعل من امي و ابوي ؟.. بس يعني عندي امور قاعدة ارتبها في البيت .. نطري لما نرد من صخير برد هني .
مديت يدي لأم محمود اللي تعرفني زيين : سلام عليكم .
ام محمود : و عليكم السلامة و الرحمة .. شخبارج ؟
جهاد : بخير الله يسلمج ...
سلامة : شفيج كنتي تصرخين و معصبة ؟
جهاد : محشومين ما كنت اعرف ان في احد هني ... بس هاذي معانا في المدرسة و ما اعرف من وين يابت رقمي و قامت تطلع حجي من عندها و تبيني اصدقه ... قهرتني لانها تبي تتكلم و بس و كلام عود من جذي عصبت عليها و قلت لها اني ما ابيها تتكلم .... انا اورادي موب اوكي معاها ... شبه اعداء ...
سلامة : خلج منها و لا تحرقين اعصابج عليها .
جهاد : عشتو يعني انا حاطة لها ااعتبار .. انا اللي يجذب علي اهو و الطوفة واحد بواحد ... انا استأذنكم بروح اعدل باقي اغراضي ...
طلعت فوق و انا اسمع صوت ام محمود تسلم على ملاك بحرارة خصوصاً ان ملاك حبيبة العايلة و الكل يحبها بالعربي اهي دلوعتهم و اهي ثاني مولودة في العائلة من جنس البنات بس اكثر وحدة محبوبة بين البنات كلهم ...
رحت فوق موب لاني ابي اعدل اغراضي بس ما لي ويه اقعد معاهم و سمعتني شلون الفاظي موب محترمة جدامهم .. و انا ما احب انقص من قيمة احد ...
رحت فوق و قطيت روحي على السرير تعبانة ... موب جسدياً انا تعبانة نفسياً و هاذي الشي اثر على جسمي .. بدل ما افكر و اسبح بأفكاري و تطلع كلها غلط خل اقوم اعدل شنطتي ...
بس تعرفون ؟... ما لي خلق ... غسلت اسناني و طلعت ارقد .. إذا يات ملاك اكيد راح تقومني علشان اعدل اغراضي ...


قومتني ملاك : جهاد قومي ... قومي تعشي .
فتحت عين و خليت الثانية مسكرة و انا دايخة : هاا ؟
ملاك : قومي تعشي ..
جهاد : ما ابي عشا بس إذا يتي قوميني بعدل اغراضي ..
حطيت راسي على المخدة و رقدت بدون ما تمر ببالي و لا فكرة ... قومتني ملاك مرة ثانية لما يات على اساس اني اعدل اغراضي بس انا تعبانة و ما قمت ... و كملت رقادي ...



فتحت عيني شوي شوي و انا اشوف نور الشمس بدا يتسلل من ورا الغيوم الكثيفة ... طالعت الساعة كانت الساعة خمس هاذي معناه ان الاذان اذن و انا ما صليت و استغربت ان تلفوني ما رن ... غريبة ..
قمت رحت و توضيت و رحت لبست مشمر (( حرام )) صلاة و توجهت للقبلة ابتدي صلاتي ... يمكن تستغربون لما اقول لكم انه الوقت الوحيد اللي احس فيه ان انا صج انثى .. يعني اغطي شعري و جسمي كامل لانه عورة و ما يصير البس قصير مثل الصبيان فهذا الشي يحسسني بأنوثتي ... خلصت صلاتي و قريت جم صفحة من القرآن و قعدة على سيادة (( مصلى )) الصلاة ادعي لملاك و صقر وكل اللي احبهم و دعيت ان الله يهديني و يهدي ابوي بعد ...
قومت ملاك علشان تصلي بس طلعت مصلية قبلي و حاولت فيني بس انا اقول لها اوكي و ارد ارقد .. استغربت لاني اصلاً ما اذكر ان في احد قومني ... بس الحين ما فيني رقاد ... عدلت اغراضي و رحت الستور (( المخزن )) العود و طلعت حقائب النوم مالي انا و ملاك علشان البر ... و شلت اللاب توب و الجارج و الوايرلس ... و بجذي اكون خلصت اغراضي .. محتارة شلبس .. في النهاية طلعت لي بدي اكمام طويلة اسود و جاكيت اسود و بنطلون اسود ... و عندي سكارف مخطط احمر و اسود و ابيض و معاهم جوتي اسود و خياط ابيض ... رحت و خذيت دوش سريع و طلعت لقيت ملاك قامت من رقادها بس مالها بارض شي من جذي سكت و لا قلت لها شي ... دشت الحمام و انا لبست فانيلة داخلة و بنطلوني ... بس ثيابي ما لبستهم ...
طلعت من الحمام و اهي مستانسة وايد : صباح الخير .
جهاد : صباح النور .. هلا .
ملاك : اممم ابوي يا و قال لي اقول لج جهزي علشان نطلع ... الحين الساعة ست و نص الساعة سبع احنا في السيارة ..
جهاد : اوكي .
نزلت شوي و ردت و اهي مبوزة ..
جهاد : شفيج ؟
ملاك : حقائب النوم موب محصلتهم .
جهاد : عطيتهم نانسي ...
ملاك : اها ...
لبست ثيابي و ما شفت شكانت لابسة ...
طلعت و رحت حق خالي و بست راسه و خالتي سلامة بعد ... و رحت حق عزوز القي عليه نظرة ..
كلها دقايق و كنا في السيارة ... قرينا المعووذات و الفاتحة علشان التوفيق ... كنا مشغلين قرآن و ساكتين كلنا في سيارة وحدة ما عدا عزوز اللي راح ايي بسيارتهم بروحه .. انا اقرا المسجات و امسح اللي صار قديم او اللي صار ما يعجبني و ملاك فاتحة اللاب توب تقرا قصة ... و خالي و خالتي كل واحد ساكت ..
وصلنا لعند المخيم و حصلنا المشكلة ... ابوي قال لنا انه من امس نصبو المخيم ... بس الحين قاعدين نشوف العمال ينصبون الخيم الاساسية ... شلون جذي ؟
احمد : شسالفة ؟
نزل خالي يكلم العمال و كلنا نطالعهم و عقب شوي رد و عد في السيارة ..: يقولون كملو من نصاب المخيم بس طلع انهم حطو لنا خيام ناس ثانية من جذي شالوها و الحين ينصبون الخيام اليديدة ...
مخيمنا كان من نوع ثاني ... الناس ما تحب مخيمات جذي بس احنا نسويهم بالطلب ... يكون في قاعدة خشبية ارتفاعها متر عن الارض .. و فيها في النص دري ... و على القاعدة في خمس خيام بلاستيكية صغيرة تكفي لشخصين او ثلاث ... ابوي و امي .... خالي و خالتي ... انا و ملاك ... نانسي و تينا .. صقر و فهد و عزوز ... هاذي خيام النوم بس ... و على الجهة الثانية يكون في الخيمة الساسية العودة للقعدة و الاكل و التلفزيون .. و فيها حمام و جزء صغير نحط فيه الاغراض المهمة صحون و سجاجين و اشياء مثل هاذي ...
نطرنا تقريباً نص ساعة على بال ما خلصو العمال ... نزلنا و انا على طول نزلت عيني على الخيمة البلاستيكية الحمرا ... رحت صندوق السيارة و فتحته خذيت حقيبة النوم مالي و توجهت للخيمة على طول و قبل ما اسوي أي شي فصخت السكارف و الجاكيت و فتحت حقيبتي و رقدت ...

قمت من الرقاد و على طول طالعت يمي شفت ان ملاك محد .. اكيد مو اهي رقدت كفايتها من امس ... شفت تلفوني و كانت الساعة 10 ... قمت و طلعت من الخيمة ... رحت للخيمة العودة شفت ان ابوي ما وصل للحين ... خالتي تطرز قطعة عندها و خالي يشوف الاخبار .. و ملاك للحين قاعدة على اللاب توب .. دخلت الحمام و غسلت اسناني و طلعت ...
جهاد : صباح الخير .
سلامة : صباح النور .. و اخيراً قمتي ؟
جهاد : أي ... كنت وايد تعبانة ...
سلامة : اكاهو الريوق جدامج جاهز قعدي تريقي ...
كان الاكل وسط الخيمة .. قعدت اكل بدون شهية بس لاني وايد يوعانة ...
طلعت برع شفت ان الحفرة اللي مسوينها حق النار جاهزة بس محد ولع النار اصلاً ...
رحت السيارة و طلعت حزمة الخشب منها و علبة الكاز ... عدلت الخشب بطريقة محترفة .. صبيت فوقه الكاز و ولعتها و كل شوي اعدل الخشب لحد ما شبت فيه النار ....رن تلفوني عقب ما خلصت بثواني : هلا صقور .
صقر : هلا هلا جهاد .. سمعي ترى احنا وصلنا خلي ملاك تلبس حجابها لان ابوي بعد معانا ...
جهاد : اوكي ....
سكرته : ملاك لبسي حجابج ابوي وصل ..
طلعت برع ابي اشوفهم ...
دخلت سيارة صقور المخيم و وراه ابوي و وراهم سيارة فيها ريال بس ما عرفت هاذي من ... شوي طليت على صوب و انا اصرخ : بييييي .... احبك صقور ..
كل في بطبطة او يسمونها فور ويل او بقي لها اسماء ثانية وايد بس كل ناس تسميها غير ... المهم نزلوهم و راح الريال ... رحت سلمت على ابوي و بست راسه و جذي بعد مع امي اما صقر سلمت عليه و بسته سلام شبابي بين أي صبي و صبي طبيعيين .... رحت حق ملاك شفتها للحين فاتحة اللاب توب ..
جهاد : افففف ... ملاك يلا خلاص قومي عنه انا لاعت جبدي و انا انطرج ..
ملاك : بس هالبارت و بقوم .
قمت رحت عنها ادور صقور بس ما لقيته ... رحت لخيمة العودة لقيت امي و ابوي و خالتي و خالي .... وين صقور ؟؟
جهاد : يمة وين صقور ؟
سعاد : صقر في الحمام شوي و بيطلع ..
قمت و انا متمللة شغلت التلفزيون و وطيت على الصوت حده ... قعدت اطالع توم اند جيري ... شوي و طلع صقور من الحمام : عيل وين عزوز ؟
جهاد : راقد في الخيمة ... تعال نقومة من النوم ...
صقر و شكله يقرى افكاري ... : افا عليك و انا اخوك ما اردك ...
عقب ما جهزنا المعدات زييين ظلعنا ... رحت للخيمة مالت الصبيان و فتحنا الجرار شوي شوي بدون ما يحس ...
ابتسم لي صقر بمعنى يلا نزلت تحت و جثيت على ركبتي يمه مباشرة و رفعت الغطا عن ويهه شوي شوي .. مديت يدي و حطيتها على صدرة وبدون سابق انذار قمت اطقه و انا اصرخ : عزووووز قوووم شووووف عزووز ....
رفع راسه و هو خايف : شصاير شصاير ..
على بال ما اهو يرفع راسه اخذ صقر جيك الماي و كامل على ثيابه و شعره و حالته ..
صقر : ههههه تعيش و تاكل غيرها ..
طلعنا بسرعة ركض لانه قام يركض ورانا معصب : و الله بتشوفون يالحمار انت و يا اللوح اللي معاك ...
كان يركض ورانا و احنا نركض و نضحك عليه .. شعره معفس و حالته حاله ... بس ثواني و رد داخل و بعدها طلع ... اعتقد اختربت نومتة ...
صار الوقت ظهر ... رحت و صليت و طلعت عند امي ...
جهاد : يمة متى الغدا انا وايد يوعان ..
رديت اتكلم جذي لان ابوي موجود و لازم انسى اسم انثى هالفترة ..
سعاد : ما ادري راح خالك و ابوك يشترون غدا من مطعم ..
مشيت عن امي و رحت الخيمة العودة ...
كانو صقر و عزوز يلعبون بلاي ستيشن ..
جهاد : افا شوف شلون الخيانة بعينها .. ليش ما تادينوني ؟
عزوز : مسوي روحك شريف مكة و قاعد تصلي قلنا ما يصير نبعدك عن صلاة ربك ..
رحت للبلاي ستيشن و سحبت الواير و انقطت الكهربا من البلاي ستيشن .. عصبو علي و الللي قام يسب و يلعن ..
جهاد : شغلوها و خلينا نلعب دوري ..
قعدنا نلعب و اول ما خلصنا وصل ابوي و راحو نانسي و تينا يفرشون السفرة ... كان الغدا عليه ريحة تفتح النفس و تشهي لدرجة اني قمت آكل بدون حساب ... كان اكل الصراحة حده فن ..
خلصنا غدانا و قعدنا نسولف و احنا نشرب جاي سنقين (( إيراني )) معاه حلاوة دافية تخفف من حدة برودة الجو ...
جهاد : متى بيي فهد ؟
صقر : ما اعرف اهو قال على الخمس و الحين اربع و نص .
جهاد : قومو برع نسوي ريس ..
طلعنا انا و صقر و عزوز و ملاك بس تطالعنا لانها تخاف حددنا خط البداية و خط النهاية ... انا خذيت الفور ويل الاسود و عزوز ازرق و صقر الاحمر و الاصفر بقى فاضي .. بس وقفنا على خط البداية راحت ملاك تتكلم في تلفونها ... المهم بدينا ..
جهاد : واحد ...... اثنين ..... ثلاثة ..
و انطلقنا كل واحد يحاول انه يسبق الثاني و موب عارف شلون ... كنت انا الاخيرة ... عزوز قام يضحك و هو يتكلم في التلفون لما كنا نمشي فتأخر شوي ...و كان صقور في المقدمة و انا للحين الاخيرة ... صرخت بقوة و للي يسمعني يقول اكيييد ماتت .. فوقفو خايفين علي و وقف قامو يطالعوني .. بس انا ضحكت و كملت طريجي و بجذي كنت انا الاولى .. بس حسافة لما كنت بقطع خط النهاية سبقني صقور و قطعنا الخط احنا الاثنين مع بعض .. و كل واحد يقول انا الفايز بس الشهادة لله اهو كان قبلي .. لما نزلنا من الفور وييل وقفناها مكانها مصفوفة .. و رحنا الخيمة لقينا فهد هناك ...
فهد : شباب ... يبت الديفيدي علشان بعدين نشوف فلم ..
جهاد : زين سويت .. فلم شنو ؟
فهد : ما اعرف اسمه صعب بس هندي حده كوول ..
كملنا قعدتنا بضحك و سوالف و خبال شباب عقب ما قامو ابوي و خالي و امي و خالتي يرقدون ... كانت قعدتنا وايد حلوة ... عجبتني القعدة ... عقبها قامو يشوفون فلم انا حفظته من كثر ما شفته فقمت فتحت ايميلي و كلمت البنات ...
جهاد : عندج إيميل شيماء ؟
حنان : لا شتبين فيه ؟
جهاد : و لا شي بس بخليها تندم شوي على نذالتها ..
حنان : امم ... انزين على شنو اهي شمسويه ؟
جهاد : إذا حصلت إيميلها و سويت اللي في بالي بقول لج ...
حنان : اووووكي ... بشوف البنات و بقول لج ..
و كملنا عادي لحد ما آذن المغرب قمت و صليت و رديت قعدت معاهم ... كليت حلاوة و شربت شوي قهوة خليجية .. إللي اعشقها وقت ما نكون في البر ... و بعدها دش ابوي ..
جراح : صقر ...
صقر : هلا يبة ..
جراح : امم ... اسوع روح السيارة و طلع الثلاجة اللي هناك و خل معاك اخوانك و عزيز ... طلعو الدووا و الفحم و شبو النار و طلعو اللحم علشان نبتدي نشوي الحين ..
جهاد : شمعنى احنا و ملاك لا ؟
عزوز تليقف : مينون انت ؟.. ملاك بنية .. احنا غير ..
يالسخرية القدر ... الحين ملاك بنت و انا انعد وحدة منهم ..
المهم هالشي ما ثبت في بالي لاني خلاص صرت متعودة على هالسوالف .. المهم طلعنا الاغراض من السيارة و قعدنا نص ساعة نشب النار فيها و نخلي النار تتوارى بين الفحم علشان كله يصير جمر .. و ملاك و خالتي و امي كانو يشكون اللحم في الاسياخ علشان تككون جاهزة .... و نادينا ابوي و خالي اللي اشرفوا على الشواء .. و احنا متفرجين ... حطينا طاولة عليها سندويج و سلطة و جبن و مايونيز و هالاشياء علشان كل واحد يسوي له السندويج اللي يعجبه .. و عقبها نروح حق ابوي و ابوي بدوره يشيل اللحم او الدياي من الدووا و يحطها لك طازجة على السندوييج .... اممم .. حده فن ..
فهد : اقول جهاد ؟
جهاد : هلا ..
فهد : شلونها البنية اللي المرة اللي راحت شفناها في المجمع ؟... شسمها ؟... ما اذكر شسمها .. شخبارها ؟
جهاد : و ليش تعور راسك بطاريها ؟... خلها من غير شي متهاوشة معاها .. الحمارة تمشي و تقط كلام .
فهد : عادي تعودي
جهاد : بس احصل إيميلها بخليها تسب روحها ..
فهد : يبة ... حط لنا لحم زيادة في صحن ..
قعدنا نكمل اكلنا بكل متعة .. خصوصاً مع هالاكل الدافي في عز الجو البارد ...
شفنا الفلم اللي كان حده فن وعقبها كل واحد راح على خيمته على اساس نرقد .. و عقب ما صرنا انا و ملك في اماكننا ...
جهاد : شفيج اليوم ماقعدتي معانا وايد ؟... يا نت او تلفون ... حسيتج متمللة من الطلعة .
ملاك : لااا ابد بالعكس واايد مستانسة ... بس اول ما وصلنا كنت اكمل القصة و بعدها دش حمود اون و قمت اكلمه و كلمت اميين شوي و بعدها قمت معاكم و بعدها حمود كان متصل و قعدت اكلمه شوي ... قاعد يقول لي عن الهوشة اللي بينه اهو و يا مريم ... ههههه ... تستاهل الحمارة عبالها بروحها عايشة ..
أي نسيت اقول لكم عن امين ... امين هاذي كان صديق الطفولة ... اهو ولد خال ملاك و ولد عم محمود يعني اثنينهم عيال خال ملاك بس كل واحد ابوه غير ... كنت وايد اوكي معاه و لما كبرنا شوي افترقنا بس كنت أسأل عنه و جذي .. لما كبر و خلص مدرسة قبل ثلاث سنين راح المانيا يدرسو كل سنة يرد شهر و يروح لانه يروح قبل علشان يكمل الاجراءات و يطلع مع ربعه برع و ياخذون جولة في أوروبا شهر و بعدها يردون حق مقاعد الدراسة ... و الحين ما اعرف عنه و لا شي بس بين فترة و الثانية اسأل عنه .. اهو حتى لما يرد انا ما اشوفه يعني تخيلو خلال اربع سنوات انا ما شفته بس اسمع اخباره من بعيد لبعيد ..
جهاد : إلا ما قلتي لي شلونه امين ؟
ملاك : امممم و الله تمام يقول عقب شهرين بيرد البحرين ...
جهاد : الله يوفقه انشا الله ... انزين و شلونها نوور ؟
ملاك : اوكي بس ما اكلمها ... آخر مرة لما كلمتها قامت تتسبب و تزاعلنا و ما كلمتها مرة ثانية .. كيفها اهي الخسرانة في النهاية ..
شوي و رقدت ملاك اما انا ظليت اتقلب و اتقلب بس ما قدرت ارقد الافكار تحاصرني ... طبعي وايد صعب.. أي شي يصير افكر فيه واايد ... خذيت الايبود و طلعت .... و رحت فتحت فايل الاغاني الهادئة و شغلتها و انا اسبح في بحر افكاري .. قمت افتر حوالين المخيم بكبره و انا فرحانه .. يعني انا بروووحي في مكان كل الناس فيه موب في وعيها و لو شنو عساني سويت أي شي محد راح يعرف ... فكرت في كل شي .. صقر و حزنه الغريب ... فهد و ليش اهو جذي ساكت ؟... ملاك و قصتها مع محمود اللي موب راضيه تقول لي عنها أي شي .... و تذكرت امين و نور ... الاخوان اللي كنت دايماً معاهم ... امين انقطعت علاقتي فيه نهائي بس نور للحين احنا ربع بس موب مثل قبل ... للحين اتصل فيها و تكلمني بس موب مثل قبل ... الله .. كانت ايامنا حلوة كلها براءة و هباله ما نفهم معنى الظلم فيها مع ان انا كنت اتعرض له من قبل اعز و اقرب الناس لي في هالدنيا ... ابوي ... الله يسامحة على اللي يسويه ... اذكر مرة لما كنا وايد صغار تقريباً عمرنا اربع سنين كنا رايحيين البحر انا و ملاك و نور و امين مع خالي عائلته و عايلة امين ... عطونا فلوس علشان نشتري ايسكريم .. رحنا انا و امين الكشك و شرينا كل شي ممنوع علينا .. بيبسي ... فلفل و شبس .. تمر هندي في اكياس ... و رحنا ورا الكشك ناكل مستانسييين حدنا عليه ... يا زعم اجرام اللي نسويه ... شوي و صادونا ملاك و نور ... اففف بلشه .. قالو يبون من عندنا بس سويت روحي قوية و قلت لهم لا ما بعطيكم ... قامو يصيحون و يترجوني بس انا لا و لا اسمع ... قالت شي حق نور و راحو ...
امين : مساكين خلينا نعطيهم .
جهاد : لا ما بنعطيهم ... بعدين يخلص . خل يشترون حق روحهم ..
شوي و خالي وراي انا اكل بشهية و مستانسة .. شفت امين يطالع فوق ..
جهاد : شفي ؟... حرق لسانك الفلفل ؟.. كل الاكل لا ؟
شفته يطالع فوق ... افتريت و شفت خالي ... : ااااااااااااااااااااااااا اااااااا ...... ااااااااااااااااااا ..
على طول صحت و اللي يشوفني يقول بايقيين حلالها و لا مكسرينها من الطق ...
و قبل ما يتكلم رحت بسرعة اركض و طحت في حظن خالتي سلامة ... خافت علي مسكينة : شفيج حبيبتي ليش تصيحي ن ؟...
ما كنت ارد عليه ابس اصيح ...
و لما وصل خالي ...
سلامة : شفيها الياهله ؟ ليش تصيح ؟...
رفعت راسي من حظنها : هاذي .... خالي احمد ... ااااااااا ,,, قال يبي يطقني لاني ظيعت الفلوس ..
ما شا الله علي جذابة من الولادة ...
و كملت لها و انا انزل دموع التماسيح : حتى سألي امين إذا موب مصدقتني ..
حسيت ان في ويه امين علامة استفهام عودة .. و يفكر إذا قال لا بطلع جذابة و يزفوني ... و إذا قال أي اهو بيطلع جذاب ..
الكل قام يطالع امين ..
امين : ايي ... انا بعد كان بيقول لي بس راح ورا جهاد لانها يات عندج ...
خالي احمد قام يطالعنا مستغرب ... حسيت انه في لحظات شك في روحه ان اهو قال جذي .. حسيت انه يغلي من داخل علينا ...
قمت و بكل قوة عين .. و رحت له ...
جهاد : خالي احمد تعال معاي شوي ..
سحبته من إيده و رحنا بعيد ...
احمد : ليش جذبتي ؟
جهاد : كنت خايفة تزفني ... او تطقني ..
احمد : انتي تعرفين شكثر انا احبج وايد صح ؟ و انا ولا مرة طقيتج ... ليش عبالج ان انا كنت بطقج ؟
بسبب برائني اللي حاولت ازيفها ارتميت بحظن خالي اصيح بقوة و لا سكتت ... تعرفون شلون لما تحسون انكم ظالمين احد ؟... و تخيلو هالشعور على قلب ياهل طول عمره كان مظلوم ....
احمد : لااا انا ما ابيج تصيحين ... بس اابي اقول لج ان انتي المفروض ما تجذبين لان اللي يجذب الله يقطه بالنار ..
جهاد : خالي شنو يعني النار ؟
احمد : امممم ... يعني حريجة عوودة .. الله يقط الجذابين فيها .
انا هني انصقعت : يعني الله يحرقني و ما يحبني ؟
احمد : لا الله يحبنا كلنا بس الله ما يحب الجذابين علشان جذي يقطهم بالحريجة ... و انتي الله يحبج لان انتي ما تسوين اللي الله ما يحبه صح ؟
هزيت راسي له بمعنى ان انا موافقة ... و بعدها رحنا كملنا مسيرتنا و لعبتنا انا .. و امين .... كانت ايام طفولتنا وايد حلوة .. حتى محمود كانت لي ذكريات معاه بس امين اكثر ...

الله .. شكثر كنا بريئين و حلوين ... امبيي .. احس ان انا وايد بردانة ... رحت داخل و خذيت لي مخدة و فراش و برنوص ... و طلعت و قعدت يم النار عل و عسى ادفى .. شوي شوي حسيت ان جسمي قاعد يدفى اكثر ... رن تلفوني .. الوقت متأخر الساعة 1.45 ... غريبة .. لما شفته كانت حنان .
جهاد : هلا هلا حنون ..
حنان : هلا جهاد ... سمعي سألت البنات عن إيميلها و طلعته ... ايميلها اسمه مأساة مثلها ...
جهاد : شنو ؟
حنان : اسمه sweetkiss .. شنو ذي ؟
جهاد : انزين انتي الحين دشي اون و كتبيه في محادثة و انا بعدين بضيفها ..
حنا : انزين قولي لي شسالفة ؟... ليش تبين إيميلها ؟
جهاد : اااه .. الايام يايه ... و بتعرفين مع الوقت .
حنان : الله عليج يا جهاد .. لما تبين شي تصيرين نحيسة .. انزين قولي لي يا حمارة ..
جهاد : قلت لج يصير خير و انشا الله إذا الله اراد في المستقبل القريب راح اقول لكم .. هذا إذا موب اهي اللي تقول لكم .
حنان : اوكي .. (( تتثاوب)) ... الحين انا تعبانة و برقد ... و باجر بكلمج اوكي ؟
جهاد : يلا باي ..


انا اعلمها .... تلعب بأعراض الناس ؟؟؟... بعلمها منو جهاد !! ..... بس حسابج معاي انا ...



لامارا غير متواجد حالياً   رد مع اقتباس
قديم 11-12-13, 08:55 AM   #6

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي


الجزء الرابع
.....: احم احم .
افتريت كان عزوز : هلا عزوز .. شمقومك هالحزة ؟
عزوز : سلامتك .. انت شمقومك هالحزة ؟
جهاد : ترى ابوي راقد ..
عزوز : انزين .. انتي شمقومج هالحزة ؟
جهاد : و لا شي ما ياني رقاد .
عزوز : منو الفاضي اللي تكلمينه هالحزة ؟
جهاد : و لا احد هاذي حنان صايرة سالفة و قاعدة تقول لي عنها .
عزوز : الله يعينكم على بعض .. حتى في نصاص الليول بعد سوالف ؟
سكتنا شوي ..
جهاد : افففففف متمللة ... و موب يايني رقاد ..
عزوز : اممم .. نطري دقيقة ..
قام و دش خيمتهم و عقب شوي طلع و هو حامل القيتار ماله .. الحلو يبي يتدربع على الاغاني عن طريق اذني ...
عزوز : شتبين ؟
جهاد : اممم .. كيفك .
عزوز : صج ان هالاغنية قديمة بس انا وايد احبها ..
جهاد : قول .
بدا يعزف الموسيقى مال البداية ...
عزوز : و إذا ناوي تروح ... ابا افهم و ين اروح ...
طبعاً كلكم عارفين هالاغنية ... غناها لي كاملها ... لحد آخر نوتة ...
عزوز : شرايج انفع ؟
جهاد : لك مستقبل ... إلا على سالفة الحب ... شلونها ياسمين ؟
طالع النار بشاعرية عاشق و تنهد من قلب : ااااااااه .... ياسمين ؟... شقول لج عن ياسميين .. و قلب ياسميين .. و عقل ياسمين ... و حبيب ياسميين ..و ينون ياسمين ؟
جهاد : امبي حالتك صعبة ...
ياسميييييييين : هاذي عاشقة العايلة ... اهي و عزوز يحبون بعض من فترة ... و اهي معاه بالجامعة ... راح و كلم اهلها انه وايد يحبها و يبي يخطبها ... بس اهلها قالو ان البنية تبي تكمل دراستها و ما تقدر على سوالف الخطبة و عرس و ما تتحمل زيادة مسؤولية ريل ... حاول يقتعهم بس ما اقتنعو ... سألهم شنو العيب اللي فيه قالو له انه ما فيك عيب بس البنت لازم تكمل دراستها .... المهم ... بس قالو له ان البنية صارت من نصيبة يقدر يكلمها لانها خلاص تكلمو فيها ... و وقت اللي اهي ااو اهو يقررون راح ينخطبون رسمي .. الكل يعرف ان ياسمين اهي حبيبة عزوز ... صح ان اهو يكلمها في التلفون بس اهي دايم تقل لي .. ان عزوز وايد محترم و لا قط مرة كلمها بقلة ادب و لا قال لها شي مخل بالاداب ... فيه وايد حدود بينهم و اهو الي حاطها لانه قايل لها انج وايد غالية علي و ما ابي احد يتعدى حدودة معاج حتى لو كنت انا لان انتي للحين موب محللة لي .. و بجذي الكل عرف ان ياسمين خطيبة عزوز ..
عزوز : الله لا يحط احد بمكاني ..
قلت له بجدية : لا صج شصاير ؟
عزوز : و لا شي .. بس سوء فهم ... زعلت و كل ما اتصل فيها ما ترد علي ...
جهاد : على شنو ؟
عزوز : اهي واااايد غيورة ..
جهاد : انت شمسوي ؟
عزوز : و لا شي بس الله يسلمج في وحدة معاي في سكشن اسمها دلال .. بين فترة و الثانية اتيي و تسلم و تسولف و جذي ... عاد مرة مرت علينا و احنا نسولف عصبت بس ما قالت لي .. و شافت ان دلال كاتبة تعليق على كل الصور في الفيس بوك .... و اهي انا ضايفها في إيميلي لاني احتاجها احياناً ... اااااه ... طلعت ان البنية تحبني و ناشرة خبر ان انا احبها ... زعلت ياسمين و حطت الحرة في الفيسبوك و تقول انه اهو السبب في المشكلة و تقول لي اكنسلة بس انا موب راضي ...
جهاد : امممممم .. مسكينة ياسمين .
طالعني بنظرة معصبة : الحين المفروض انا اللي اصير مسكين .. موب اهي ... اهي اللي ما فكرت فيني .
جهاد : انت بعد لازم ما تصير اناني ... تخيل الحين ان في واحد معاكم في الجامعة يحب ياسمين شبتسوي ؟
عزوز : اذبحه .
جهاد : اييي .. هاذي بس يحبها بعد موب ناشر خبر ان ياسمين تحبه ... انت افهم الموقف اول بعيدن احكم ..
عزوز : يعني انا الحين الغلطان ؟
جهاد : أي انت الغلطان محد قال لك تعطي مثل هالاشكال ويه ... و ثاني شي بنات هالايام لا تتأمن لهم يطلعون حجى على روحهم كلام ..
عزوز : الله يعينهم و يعيني عليكم ...
جهاد : انزين و انت الحين شوضعك مع ياسمين ؟
عزوز : و الله .... ما ادري .. زعلت من اول امس و كل ما اتصل فيها ما ترد علي ... ححتى امس اتصلت ما ترد ..
جهاد : انزين شنو هالضرورة الملحة اللي تبيها علشانه ؟؟
عزوز : ولهت عليها و على كلامها ... ابي بس اسمع صوتها و اتطمن عليها بس ... جهاد .. انا ما اقدر اعيش بدونها ..
جهاد : امبي حالتك صعبة ..
عزوز : الله كريم ..
سحب تلفونه و طق ارقام و حطه على اذونه : بجوف يمكن ترد علي .
جهاد : يمكن تكون الحين راقدة .
عزوز : موب راقدة انا اعرفها هالحزة ما تردقد ..
حسيت ان مرة وحدة الوانه تغيرت ...: ..... ياسمين ؟....... ياسمين انتي معاي ؟....... يا بعد عمري فديتها الزعلانـــــة .. شلونج ؟...... بس ردي علي بس ابي اسمع صوتج ... من اول ما كلمتيني للحين ما سمعت منج حرف ... الله يخليج ..
قمت من مكاني ابي اقوم لان احس ان مكاني غلط كللللللش .. بس عزوز سحبني من يدي : خير وين رايحة ؟... قعدي علشان تصيرين شاهدة على الكلام اللي راح يصير ...
جهاد : عشتو و انا شدخلني في النص ؟
عزوز : قعدي انتي و ما عليج انا ابيج تكونين هني معاي ..... ياسمين ؟... شقلتي ؟...... استغفر الله العظيم من كل ذنبٍ عظيم ..... ياسمين تعرفين الساعة جم ؟... و دام تعرفين ان الحين الساعة 2 و ثلث ليش هالكلام ؟... هاذي جهاد بنت عمتي زين ؟....... في البر انا امس مطرش لج مسج و قايل لج ان امس احنا رايحين ..... محد ... كلهم راقدين ....................... سؤال سؤال ......... انتي شفتي جهاد هاذي من قبل صح ....... شنو فيها من انوثة علشان احبها ؟........ تلوع الجبد و دفشة اكثر مني .(( غمز للي علشان افهم و ما ازعل ... لاكن حتى لو انا ما راح ازعل لان هاذا الصح )) ..... شلون تبين احبها و اخليج انتي ؟..... احد يخلي القمر انتي و يروح حق موب النجوم إلا الظلام ...... و الله العظيم لو اعرف ان البنية حمارة و راح تسويها سالفة و الله ما كلمتها .... و إذا انااحبها ليش اجذب على بنات الاوادم شلي داعي ؟... و حتى لو جذبت عليهم انا موب لهالدرجة غبي لو ابي العب عليج ليش اكلم اهلج و اخطبج ... و لو ما كنت احبج ماكنت اصريت عليج انتي بالذات من بد كل بنات هالدنيا ................ ليش ساكتة ؟......و اللي يعافيج قولي لي بس أي شي بس خليني اسمع صوتج .... ياسمين انا احبج ...
جهاد : احم احم ..
4عزوز انتبه ان انا موجودة فأبتسم لي و قام راح بعيد خلاني وحيدة افكاري اللي ما اعتقد ان بيي اليوم اللي تخلص فيه كلش .. اااه ... الله يخليهم حق بعض ..
عقب دقايق افتريت اشوفه و ويهه يبتسم فتأكدت ان ياسمين بس كانت تتدلع عليه و انها الحين رضت .. اااااف .. تعبت و الحين انشا الله اروح ارقد ..
شلت اغراضي و انا اتثاوب و دشيت في الخيمة لقيت ملاك متغطية من اصابع ريولها إلى راسها و شعرها ما يبين .. اكيد بردانة ...
و انا احط اغ راضي سمعتها تضحك على خفيف !!! هاذي اكيد ينت تضحك و اهي راقدة ...
عدلت اغراضي و دخلت في حقيبة النوم و بس غمضت عيوني ... سمعتها تقول : اوكي .. يلا باااي ... اوكي بس باجر ... الحين انت خلني ارقد !!!!
ملاك منو تكلم و صبي هالحزة ؟ ...
رفعت راسها من المخدة و حطت تلفونها مكانه و تنهدت بقوة ..
فتحت عيني : ملاك ... منو تكلمين هالحزة ؟
ملاك وتغير لونها : بسم الله الرحمن الرحيم... يحمارة خوفتيني... انتي من متى هني ؟
جهاد : امممم ... من لمى ضحكتي اخر مرة و قلتي الحين انت خلني ارقد ..
ملاك : اهااا ..
جهاد : ملاك منو ذي ؟
ملاك تنهدت مرة ثانية : هاذي حمود ولد خالي يعني من ؟
جهاد : بس موب غريبة الحين ثنتين و نص ...
ملاك : اوكي و يعني ؟! انا من يوم يومي اكلم حمود أي وقت موب مقيدة باوقات و انتي تشوفين ان هاذي موب اول مرة ..
طالعت في عينها بنظرة خلتها تفتر عني بس علشان لا اشوف عيونها لانها تعرف اني راح اقول لها اللي اهي تفكر فيه ...
حقرتها و رقدت انتظر يوم احسن من اليوم و احداث يديدة تغير حياتي ....


اليوم كان حلو و ممتع وايد ....ريوقنا كان فن بعد ... عجبني .... و الحين انا توني مخلصة صلاة الظهر ....
رحت للخيمة لقيتهم يجهزون السفرة ...
جراح : تقبل الله ..
جهاد : منا و منكم انشا الله ...
دشت ملاك و معاها عزوز و اخواني ..
جهاد : وين كنتو ؟
ملاك : مكان .. صعب عليك ..
طالعتها بنظرة و انا ما لي بارض شي ... حطو الغدا و تغدينا كلنا ... و بعد الحلاوة و الجاي قعدنا نلعب مونوبولي ... كان فن .. بس خسارة اليوم آخر يوم نقعد فيه لان باجر مدرسة ..
عزوز : يلا صقور دشيت بمنطقتي ادفع ادفع ..
صقر : اوووووووف قول ينسى شي ؟... ابد .... خذ هاذي فلوسك ...
فهد : جهاد دورج ..
خذيت الزهر و قطيته : ستة و ستة ..
ابوي و خالي كانو بعيد عنا شوي ..
جراح : احم احم .... جهاد ..
جهاد : هلا يبة .
جراح : باجر اجازة ما في مدرسة ..
ابتسمت شوي مستانسة بس لازم ارضي فضولي : ليش ؟ باجر الاحد .
جراح : واحد من العائلة الحاكمةتوفى بس ما اعرف منو فيهم ..
ابتسمت : الله يرحمه ..
تعرفون ليش ابتسمت و ما تأثرت لان هذا اهو الصج اهو مات صح .. و على اثر موته عطونا ثلاث ايام اجازة .. بس ما اذكر ان في يوم من الايام هذا الشخص كان له أي تأثير على حياتي ... ما كان يشارك بالمجتمع اهتمامات تناسبنا احنا الشباب ... فموب لازم احزن عليه ... اتخيل لو مشيت في الشارع و قالو لي واحد من افريقيا مات ما بتأثر لاني ما اعرف هالشخص غير بالاسم .. فما له لزوم زعلي ..
جهاد : يبة عيل متى بنرد البيت ؟
جراح : عقب باجر .... بس انا بروح باجر المحل ... ضروري ..
جهاد : اوكي ..
يانا الخبر السعيد!! ثلاث ايام اجازة بسبب شخص ما شكل لي أي اهتمام في كل حياتي ..
مر باقي يومنا حلو و عادي كلش في في الليل ...
كنا انا و ملاك نتمشى و الكل راقد .. تقول انها شوي متضايقة ...
جهاد : هاا ما قلتي لي شنو اللي مضايقج ؟
ملاك : و لا شي .. سلامتج ..
وقفت و قفت معاي ... طالعتها بنظرة ....: شفيج علي ؟
جهاد : انتي اللي شفيج علي ؟.. ملاك من يوم يومنا اسرارنا كلها عند بعض و لا نخبي شي على بعض ... شنو اللي تغير الحين ؟... ابي اعرف شنو مضايقج ... امس كنتي مفرفشة و ما اعرف شنو الصبح ما اعرف منو اللي اتصل فيج و كلمج و قلب حالج علينا .... ترى حتى فهد و صقور و عزوز سألوني شفيها ملاك معاج حتى ما تعطيج ويه ...
قاطعتني و هي فاتحة عينها ع الاخر : انا ما عطيتج ويه ؟
كملت : لا تقاطعيني انا اتكلم ....حتى لما سألتج ملاك منو متصل لج ؟.... حقرتيني و عطيتيني السيييين و لا كأن انا قاعدة اكلمج ... انا ما سويت لج شي ليش تحطين الحرة فيني ؟.... غير هذا انا ما في شي ما اقول لج شنو اللي غيرج علي مرة وحدة ؟.... ع العموم كيفج .. تبين تقولين قولي ما تبين بكيفج انا ما اجبر احد يكلمني عن شي اهو ما يبي يقوله ... خلج مرتاحة ..
مشيت من جدامها و هي مستغربه من اللي يصير جدامها .. بس استوعبت يات مسكت يدي : جهاد انا تعبانة نفسيتي شتبين اقول لج ؟
جهاد : قولي لي ليش انتي متضايقة ؟.... قولي لي شنو اللي فرحج و شنو و منو اللي مضايقج ... ع الاقل طمنيني أن موب انا اللي زعلتج او سويت شي ما يعجبج ...
طالعت الارض بإنكسار و ابتسمت بأنهزام : موب انتي اللي مزعلتني ...
طالعتها بجراه و قلت لها : عيل حمود اهو اللي مزعلج صح ؟..
رفعت عينها تتأكد إذا انا اللي اتكلم او أي احد ثاني .. : جهاد ...
حسيت نبرتها تهديد ...: ادري انج زعلانة عليه لانه الحين يحب مريم ..
ملاك : و انا شكو ازعل ؟
جهاد : سألي روحج ... انتي اليوم زعلانة لان محمود تصالح مع مريم و رد لها مرة ثانية صح ؟
ملاك : انا ..... انا .....
ما عرفت شنو ترد علي فسكتت و نزلت راسها و هي عاضة على شفايفها ...
ملاك عصبت : بس انتي ما تحسين باللي
قاطعتها : ملاك ....... انتي تحبينه ... صح ؟
طالعتني و حسيت انها بتذبحني على كلامي .. كانت تبي تروح بس مسكتها : لا تروحين ... خلينا نكمل كلامنا ..
ملاك و الدموع بعينها : شتبين اقول لج ؟.... تبين اقول لج ان انا احب ولد خالي ؟.... شتبين اقول لج ؟.... تبين اقول لج ان انا احب واحد من طرف واحد و هو ولا داري عني ؟........ تبين اقول لج ان انا حبيبي كل يوم ايي و يقول لي شصار مع حبيبته الحقيرة و لا مهتم حق مشاعري ؟..... تبين اقول لج ان انا مرة كنت بتجرء و اقوول له ان انا احبه عقب ما تاب و ما قام يكلم بنات بس قبل ما اقول له فاجأني بأنه يحب غيري ؟ .... شتبين اقول لج بعد هاا شتبين ؟.... الله يخليكم رحموني شوي ....
تركت يدي و راحت الخيمة و خلتني وحيدة افكاري ...
شر البلية ما يضحك او اقدر اقول صدق الله العلي العظيم لما قال : عسى ان تكرهو شيئاً و هو خيرٌ لكم ....
صج انا انا حياتي ملخبطة على الاخر لا انا بنت و لا انا ولد و لا بوية و لا بناتي ... بس الزين في هاشي ان خلاني ابتعد عن طريج الحب و خرابيطه و بلاوية و مشاكله اللي ما تخلص و خلت كل الشباب بعيدين عني و لا واحد منهم حاول ينزلني في شباكه لاني مثله ....
ظليت امشي و انا اسمع اغاني و بعدها رحت خذيت اللاب توب من الخيمة الكبيرة و شغلته و فتحت إيميلي ... اللــــــــــــــــــه شيما الحمارة اون ....
سكرت إيميلي و فتحت الايميل اليديد اللي سويته مخصوص عشانها .. و كانت اون ...
فتحت محادثة يديدة :هلا ...
ما ردت فترة بعدها : هلا ... شخبار ؟
رديت عليها : اوكي الحمد لله انتي شلونج ؟
شيماء : تمام ... منو معاي ؟
جهاد : امم ضروري تعرفين ؟
شيما : إذا ممكن يعني ..
جهاد : انا واحد اعرفج ..
شيما : انزين و منو هالواحد اللي يعرفني ؟
جهاد : اسمي حمد ..
شيما : عاشت الأسامي
جهاد : تعيشين ..
شيما : انزين جم عمرك ؟
جهاد : اول قولي لي انتي شسمج ؟
شيما : مو توك تقول تعرفني ؟
جهاد : أي اعرفج بس ابيج انتي اللي تقولين لي ..
شيما : اسمي شيماء ..انزين جم عمرك ؟
جهاد : عمري 20 .
شيما : يعني اكبر مني بثلاث سنين ..
جهاد : ما شا الله كبرتي بسرعة ..
شيما : ههههه .. بعد كل صغير يكبر ..
ظلينا نسولف سوالف عادية ... مستانسة على روحها ماتدري ان اللي بيصير لها موب شوية ... سكرت اللاب توب و قمت عن حسب برقد ...
دخلت الخيمة و فسخت جاكيتي .. بس سمعت صوت شهقات ملاك اللي تحاول انها تخفيها و ما تخليها مسموعة ... تنهدت .... رحت و قعدت يمها ... شوي شوي رفعت الفراش عن ويهها ... كانت تصيح و عينها حمرة ... لما شافتني قعدت و حظنتني و ظلت تبجي ..
حاولت اواسيها : بس خلاص ملاك لا تصيحين .. ترى و الله ما في شي بيتغير إذا صحتي ...
حالت تهدي روحها و عقب دقايق سكتت ....
جهاد : قومي غسلي ويهج ..
قومتها ..
ملاك : بس موب لابسة حجاب ...
كانت لابسه توب فيه مثل القبعة ... رفعتها على راسها ..
جهاد : اورادي ما في احد واعي كلهم راقدين ... بس للأحتياط لا تنزلينها ..
طلعنا و رحنا للخيمة الكبيرة ... دشت الحمام و غسلت ويهها و طلعت و شكله الماي خلاها تهدى ..
قعدنا يم النار و كل وحده تفكيرها في مكان .. بس قطع تفكيرنا التلفون اللي رن ... (( حمود يتصل بك ))
جهاد : ردي ..
ملاك :ما برد .
جهاد : ردي ..
ملاك طالعتني بعناد : قلت لج ما برد ..
جهاد : اوكي ظلي معانده و انا برد ..
سويته سبيكر : هلا محمود ..
محمود : هلا ..جهاد ؟
جهاد : أي ... شلونك ؟
تنهد و قال : الحمد لله ... انتي شلونج ؟
جهاد : تمام ..
محمود : شلون التخييم معاكم ؟
جهاد : وايد حلو ..
محمود : امم عيل الحين بعد الاجازة متى بتردون ؟
جهاد : عقب باجر بنرد البيت .. خلاص ..
محمود : عيل استانسو ..
جهاد : و احنا مستانسين .
محمود : عيل اقول جهاد ... وين لوكة ؟
طالعتها : امم .. ملوك في الحمام ..
محمود : خير عيل ... إذا طلعت قولي لها تتصل فني ..
جهاد : اممم ... اهي كانت راقدة و ما اعتقد ان لها بارض تتصل فيك .. بس انا بقول لها و اهي عاد كيفها ... خير في شي ؟
محمود : و لا شي .... سلامتج ..
جهاد : ليش صوتك متغير ؟؟؟.... فيك شي ؟؟عسى ما شر ؟زز متضايق .؟؟
محمود : الشر ما اييج .. بس ... تقدرين تقولين اي ..
جهاد : انزين ممكن اعرف ليش ؟.... ول ا ؟
محمود : ملاك قالت لج عن سالفة مريم صح ؟
طالعتها و قلت : أي قالت لي ..
محمود : أي صايرة ما اعرف شنو و كل تبي تتهاوش و يا زعم ما تكلمني عاد انا قلت هالمرة لو شنو يصير ما اراضيها ..
زعلت و ما ادري شنو و انا عاطيها السين ... فقلت بكلم ملاك يمككن تعرف حقها ..
جهاد : امممم ... بقول لك ... انت لا تفيسها علشان لا تتمادى و إذا شافت انك موب عاطيها فيس اهي بتيي تعتذر منك ..
محمود : كيفها بس انا موب غلطان و موب متكلم لها ..
جهاد : خير عيل .. كاهي طلعت ملاك من الحمام و بعد شوي بخليها تتصل فيك ... بااي .
محمود : بااي .
سكرت عنه و ابتسمت في ويهها و اهي بدورها ابتسمت ..
ملاك : ييبي تلفوني ..
جهاد : ما بعطيج مساعة قلت لج كلميه ما رضيتي الحين ما بعطيج ..
ملاك : افف جهاد ييبيه ...
بس انا كنت اعاندها : لا .. لا ... لا ..
قامت من مكانها و خذت التلفون مني .... اتصلت عل اخر رقم و طالعتني و ابتسمت .... ابتسمت لها .. صح اني اعرف ان اللي قاعدة تسويه ملاك غلط .. تحب واحد يحب غيرها غلط ... تكلمه غلط .. السالفة كلها على بعضها غلط بس لما اقول لها شي تقول لي هذا ولد خالي و غير هذا انا و لا مرة حاولت اسوي بينهم مشاكل .. لاني ما ابي اضره إذا سعادته معاها الله يوفقهم ...
قمت من مكاني و رحت رقدت ...
مروا الايام الباقية عادية كلش حلوة و مميزة بس ما فيها شي يذكر ..
عدلنا اغراضنا و ردينا البيت و على طول رحت لسريري علشان اغرق بنوم ما تهنيت فيه ثلاث ايام .. صح كنت ارقد !!! بس بعد سريري غيير ..
و ظلت عجلة الحياة تدور و هذا اهي ايامي مثل بعضها متشابهه .. ملاك للحبن سالفتها ويا محمود ... و صقور احياناً يعتفس و انا ما اعرف ليش ... عزوز علاقته طيبة مع خطيبتة .... و انا مثل ما انا ... ما تغيرت ..
اليوم الخميس ... اليوم رايحيين بيت سوسن ... بدلنا انا ملاك و رحنا بيتهم طالعين من بيتنا مشي لانه واايد جريب .... و قعدنا نسولف و جذي فتحت سوسن كبتها ..
سوسن : بنات شوفوا فستاني هاذي بلبسه في عرس عمي اسبوع الياي .. حلو ؟
انا طبعاً هاذي الاشياء موب من اهتماماتي علشان جذي ظليت مكاني ... و راحو ملاك و حنان وايد جريب يشوفون انا ما قمت اشوف شي غير ظهر حنان و ملاك ...
و عقب فترة و اهم يعطونها تعليقاتهم ...
جهاد : بنات انا لاحظت شي ..
افترو يطالعوني ...
جهاد : ترى ملاك و حنان بالظبط مثل بعض من ورا يعني انا اوكي بس لو احد ثاني ما اتوقع يقدر يفرق بينهم سوسن : اشوف ؟
يات يمي و خلتهم يفترون ..
سوسن : أي صج و الله ... ما تعرفين تفرقين بينهم ...
حنان بغرور : بس طبعاً انا احلى ..
طلعت في ملاك و ظلو يضحكون ... طبعاً حنان كانت تمزح و ما تقصد لانها تعلق على شيما اللي وايد واثقة من نفسها ..
... نعودنا ان كل يوم خميس نكون فيه مع بعض ... اسبوع عندي و اسبوع عند ملاك و اسبوع عند سوسن و اسبوع عند حنان ... بس هالاسبوع عند انا .....يعني في الشهر مرة ايوون بيتنا ... بس هالاسبوع شي ثاني .. ابوي مسافر عنده شغل ... و فهد رايح يعتمر مع ربعه ... و صقر يقول رايح صخير مع ربعه تخييم ... بقت امي اللي رايحة ترقد عند خالتي سلامة في المستشفى لانها وايد مريضة و تعبانة ... اكيد راح تسألون ليش ملاك موب عندها ... بكل سهولة بقول لكم ان ملاك مناعتها ضعيفة و لو راحت مع امها المستشفى يوم يومين و اهي طايحة ورا امها مريضة ... تزور امها بس شوي و تطلع لان امها ما ترضى تخليها تقعد معاها ... علشان جذي اليوم كلهم راقدين عندي و البيت فااضي من غيرنا و الخدامة ... و اليوم كل وحده حملت اغراضها من المدرسة ... و ردينا ويا بعض من المدرسة للبيت !!
على الساعة 2 كان البيت فاضي من اهلي كلهم ما عدا ملاك و انا و عقب ربع ساعة ياو حنان و سوسن ... حطينا الغدا ... و بعدها ظلينا نسولف ... على الساعة اربع جذي بدا الخبال ...
حنان : جهاد انا عطشانة .
تخصرت لها و انا اقول : لا يكون عبالج انج صج ضيفه عندي ؟ ..... تبين ماي تدلين المطبخ روحي بروحج ..
طالعتني و قالت بمزحة : ما عندج حسن ضيافة ... بلبس شيلتي و بروح انا اييب لي ماي ..
جهاد : ما له داعي ما في غيرنا و الخدامة .
حنان : احسن لقلبي ..تبون ماي ؟
ملاك : ايي انا .
حنان : اووف دايماً مثقلين علي .
طلعت و ظلينا نستهبل ....
ملاك : سمعو هالنكتة ... يقول لكم اثنين حوولان يمشون في الشارع مرت عليهم وحدة حلوة ... إلا يقول الاول تعرف احلى وحدة الوسطية ... قال له رفيجه شلون الوسطيه و اهم اربع ؟
قعدنا نضحك من الهبالة مع ان احنا نعرف ان النكتة بايخة و ما تضحك ...
مرة وحدة انفتح الباب بقوة و طق في الطوف طلعت حنان و هي معصبة حدها ...استغربت منها شفيها ذي ؟
جهاد : شفيج حنان ؟
طالعتني و ويهها احمر و معصبة ... صرخت فويههي : قولي حق اخوج يحترم الفاظه ترى انا موب لوح ما احس و كل مرة بسكت عنه .. خليه يحترم نفسه احسن ...
خذت عبايتها و ظلت تسكرها بقهر حسستني انها شوي و تقطع عبايتها ..
خذت تلفونها و قامت تطق ارقام بعصبية وحطتته على اذونها و احنا كلنا نطالعها و احنا ساكتين ...
لحظة شلون اخوي و ما في احد في البيت ؟
حنان : انت وينك ؟...... نعم ؟....... اسمع الحين تعال اخذني من بيت جهاد ....... كنت و غيرت رايي .... تعال لي الحين سامع ؟..... الحين انا اقول يعني الحين ...... انا هني موب قاعدة و بنطرك في الشارع ......... ما لك خص....... انزين انت الحين تعال و يصير خير ...
سكرت التلفون بقوة و قطته على السرير و كملت لبسها ..
خذت تلفونها و شنطتها على اساس انها تطلع ..
جهاد : انزين نطريني بنزل معاج .
حنان بأسهتهزاء : هه لا ادل طريج الباب مثل ما ادل المطبخ .
طلعت وراها ... و خليت البنات في الحجرة ... و لما وصلت لنص الصالة اللي فوق ...
جهاد : حنان وقفي شوي ..
التفت علي : نعم ؟... شتبين ؟
تنرفزت : اووووف يا حنان ... إذا انتي معصبة لا تحطين الحرة فيني و انا مالي خص ..
ردت علي بنفاذ صبر : انزين الحين شتبين ؟
جهاد : لا تخليني الحين احلف اني ما اخليج تطلعين من هني إلا لما تقولين لي شسالفة ؟
حنان و شكلها تذكرت السبب اللي اهي معصبة عليه : هاذي اخوج الثور اللي اسمه صقر ..... انا لما شفته قالي لي و مشى الحمار انا عصبت ...
قاطعتها : حنان ... انا موب فاهمة شي ... قولي لي السالفة شوي شوي و موب تشوفينه يشبهني تحطين الحرة قيني ... وحدة وحدة ...
حنان : ....... انزين بقول لج ....
طلعت من الحجرة و رحت المطبخ خذيت لي كلاس و رحت عند الكولر ... صبيت لي شوي و رفعته على اساس ان انا اشربه .... سمعت اخوج ...
جهاد : شلون اخوي موب هني ..
حنان : كان ياي من الباب الخارجي ... المهم ... انا عاطيته ظهري بحيث ان انا ما اشوفه و لا اهو يشوف ويهي ... جمدت لما قال لي ..: اوووف عيشة تملل انتي بس دشيتي بيتنا و انتي السبب في المشاكل ... هبلة انا ما اعرف انتي شلون جذي مع جهاد .. حتى جهاد الهبلة بعد ما اتيي نص ينونج ... موب صاحية الحمد لله ... سخافتج على غيري موب علي فاهمة ؟
انا من سمعت الكلام جمدت مكاني شلون هاذي يقول لي هالاكلام ... حتى لما اللي راحت على سالفة السيارة ما قال لي هالكلام ... تعرفين مع الكلام اللي قاله انا نسيت اني موب لابسه حجابي .. و لا تذكرت ثيابي القصيرة اللي لابستها .. كنت ابي اتحرك بس ما قدرت لان الكلام صدمني اللي قاله .... قلت في قلبي : اكيد اهو ما يقصدني و اكيد في احد غيري في المطبخ ... في اللحظة اللي قررت اني افتر فيها حسيت بيد تطق على جتفي و تنبهني علشان التفت له .. افريت على شان اشوفه جدامي ... كان بيتكلم بس شكله من شاف ويهي سكت ...
جهاد : امبي صقور عاد ؟
ابتسمت على هبالتهم اثنينهم ..
جهاد : انزين راح تقنعيني ان حنان احد يغلط عليها و تسكت عنه ؟..... مستحيل اصدق هالكلام ...
ابتسمت و كملت كلامها : انا كنت معصبة و للحين ما خلصت الماي اللي اشربه و باقي في القلاص نصه .. رشيت الماي كله في ويه اخوج ... كملت كلامي : هاذي بس تنبيه علشان مرة ثانية تفكر شلون تكلم بنات الناس ...
كنت راح اكمل كلامي بس تذكرت لبسي و شعري و حالتي ... فهديت الكلاس و ييتكم ركض و انا معصبة ..
جهاد : انزين الحين السالفة خلصت بليز ردي معانا ...
حنان : جهاد ... انا انذليت وايد في بيتكم فالحين ما اقدر كمل معاكم ... مع الايام هالشي بيتغير .. بس الحين ما اقدر ..
حسيت انها تقول كلامها من قلب طالع موب أي شي ...
حنان : خليج .. راح اطلع بروحي .
حسيت ان صج هاذي اهي رغبتها ... سلمت عليها و طلعت حجرتي و اهي طلعت للباب ... لما دشيت كلهم مكشرين ..
ابتسمت : افااااا ....... فلوها شباب ..
ملاك : شفيها ذي ؟.
ضحكت و انا اتذكرو اتخيل شلون شكل صقور و حنان : هههههه .... و لا شي خرفت الاخت و قامت تقط خيط و خيط ... خلوها تولي ...
رحت يم الدريشة شفتها واقفة برع في الحوش تنطر خليل .... شوي و طلع صقر .... ما اسمع واضح ..
صقر : حنان انا ...
قاطعته : انت شنو ؟... خلاص لو سمحت اسكت ما ابي اسمع صوتك كفاية اللي ياني منك ما اكتفيت ؟ لو سمحت خلك بعيد عني ..
صقر : بس انا ...
قاطعته بنبرة توعد : خلك بعيد ..
خذت تلفونها و طقت ارقام ... : هلا خليل ... يلا انا انطرك عند الباب ...
لما شافها صقر مطنشته ع الاخر راح عند سيارته اللي في الطبيلة (( الكراج )) ... و طلعت حنان لسيارة خليل اللي تنطرها برع ...
طلع صقر من الطبيلة و التقت سيارته بسيارة خليل ... وقفت سيارة صقر يم سيارة خليل !!! شسالفة ؟
شوي و مشت سيارة خليل و سيارة صقر في مثل الوقت ...
سكرت الدريشة و رحت اكمل سوالفي مع البنات ...
سوسن : بس خسارة مكان حنان بيكون فاضي ...
جهاد : لا تخافين حبيبتي شوي و ترد ..
سوسن : شدراج ؟
جهاد : بعد يا عمي غير ...
شوي و اتصلت ...
رديت عليه ا: هلا و الله ..
قالت و اهي معصبة : طلعو ربع جهاد ...
ياتني الضحكة : انزين عااي ..
حنان : شنو عادي ؟ .. انا الحين منقهرة انتي تقولين لي عادي ؟
فكرت في فكرة : إلا بسالج انتي تبين تنتقمين من صقور على اللي سواه صح ؟
قالت بقهر : أي .
جهاد : امممم عيل تعالي البيت مرة ثانية و نتفق ... بس انا ما قلت للبنات شسالفة بس قلت لهم انج زعلتي مننا .... تعالي نتفق انا و انتي عليه .
شكلها عجبتها الفكرة : ااممممم افكر ......(( بس تراجعت )) لا لا بس خلاص .. انا ما اقدر .
و انا و كلي ثقة انها تبي ترد بس تتغلى : تعالي بنوريه شغله .
حنان : اممممم ... خليل ردني بيت جهاد ..
سمعته معصب يقول لها : اووف لا يكون عبالج فاضي عشانج و لا مشتغل لج دريول ؟... انا تأخرت على ربعي بسبتج ... بردج بس قسم بالله ما ارد اخذج إذا اتصلتي فيني حتى لو باجر الصبح .
حنان : انزيييييييييين .... اقول فتحي الباب تراني يايه ...
سكرت في ويهي و رحت اقول حق البنات ..
و لما وصلت حنان مرة ثانية بدا الجو يحلوو اكثر و اكثر ... صج كان حلو .. و انهينا يومنا بأحلى بيتزا ... خلاااص دخنا من كثر ما استهبلنا اليوم و فرشنا لنا على الارض اربعنا و تخلينا انا و ملاك عن سريرنا اليوم ... و نجرب نرقد على الارض بس على فراش ... كان ترتيبنا حنان انا ملاك و سوسن ... قعدنا نسولف في اشياء متفرقة و القصص اللي نقراها و الكتب و البرامج اللي نشوفها ..نتبادل ثقافات ... شوي و رقدت سوسن و لحقتها ملاك عقب ثواني ... ظلينا انا و حنان نسولف لحد ما وصلنا لمحور حديثنا ......... صقر ..
كانت حنان تتكلم و اهي مبتسمة : انتي بس لو تشوفين شكله و هو متفاجأمن شكلي .. لا و شكله جذي كان يبي يرد علي بس اتوقع انه لما شاف عصبيتي سكتو تفاجأ بالماي اللي بلل ويهه ..
جهاد : اها .. بس الحمار يستاهل .. ما يستحي على ويهه ... سود الويه ....
حنان : مو كأنج لعنتي حبايبة و انتي تسبينه ؟..
طالعتها بنظرة خبث شوي :عادي ... اقول حنون ... شرايج تتنقم منه ؟..
حنان : لا ويي مسكين كفاية عليه بعد مرة ثانية ؟
جهاد : عادي يلا .. اكشن اكشن ...
حنان : مسكين يعني شبتسوين فيه ؟.. ما يكفيج انه رفيجج و لو ما اهو انتي ضايعة ؟
جهاد : يعيش و ياكل غيرها ..
حنان : انزين يعني شنسوي فيه مثلاً ؟
جهاد : اممم ما اعرف .. باجر ناخذ اقتراحات البنات و يصير خير ..
حنان : بس انا ما ابيهم يعرفون السالفة ... مسكين اهو وايد زين معاهم .
جهاد : انتي ما عليج من شي ... يصير خير ..
حنان تتثاوب : عيل انا الحين برقد و باجر يصير خير ...
سكرت عيني قبلها علشان اروح و اسبح في بحر احلامي من دون قيود ....

وعاني من نومي صرخت ملاك اللي في اذوني ... قمت خايفة ... طالعتها ضحكت :قمتي من النوم ؟
قمت و اركض وراها : يا حمارة يالسخيفة خمسين مرة قايلة لج يوزي عن هالحركات التافهه ياللوح ... سخيفة ..
و اهي تركض و تضحك : ما اعرف انج بتعصبين جذي ..
صدتها و سحبت اذنها و فركتها ..
ملاك :ااي اييي .. جهاد بس خلاص و الله ما اعيدها ...
جهاد : بلى اعرف انج زفتة .
ملاك : ااااااه ... بس خلاص .
هديتها : تعدلي احسن لج .. حمارة ..
رحت غسلت و بدلت و عدلت شعري و طلعت الصالة لقيتهم كلهم هناك ...
ابتسمت لهم : صباح الخير ...
ردو علي : صباح النور .
حنان : صح النوم ؟
جهاد : يصح بدنج ..
طالعت الساعة كانت تسع : ليش صاحيين من وقت ؟
سوسن : لان موب كل مرة بنصير مع بعض من الصبح و جذي حالتنا ..
جهاد : ملاك قلتي حق الخدامة تحط الريوق ؟
ملاك : لا كنا ننتظرج ..
جهاد : انزين شتبون ريوق ؟
حنان : ما اعرف أي شي ..
جهاد : انزين .
طقيت الجرس حق تينا و قلت لها تحط الريوق .. و عقب تقريباً ربع ساعة نزلنا نتريق بهدوء للحين ما صحينا عدل ..
و عقب الريوق خذينا طاقة .. بدت قعدتنا ..
سوسن : امس شنو ذي ؟... دياي ؟... رقدتو و انا ما قدرت ارقد .. تقلبت تقلب بس ما قدرت اخر وحدة رقدت انا ..
جهاد : جذابة ... امس انتي اول وحدة راقدة ما ظل كلينكس و لا حركات اللي سويناها في ويهج و انتي خبر خير << اجذب ...
ملاك : جهاد تذكرين يوم اللي رقدنا في بيت سوسن ؟.... هههههه كنا صج دياي .
حنان : شسالفة ؟.... خيانة من وراي ؟.... ليش ما قلتو لي ؟
سوسن : لا هاي قبل ما نعرفج ..
ملاك : كاان حدددده فــــــن... رحنا انا و جهاد و يا زعم بنسهر في بيتهم و بعدها بنرقد ... ما صارت الساعة تسع إلا احنا من زماااااان رقدنا و قمت من الساعة ست ... لوعنا جبد سارة اختها ... ننط على السرير و نشغل اغاني و نستهبل . لحد ما طردتنا من حجرتها ....
جهاد : بس خسارة انخطبت و كل ويا ريلها يعني حتى لو نروح ما نشوفها و نستفزها ..
ظلينا نسولف و نسولف لحد ما اذن الظهر و قمنا صلينا ... على الساعة وحدة راحو ملاك و سوسن البيت لان ملاك بنروح تعدل اغراضها و سوسن بعد امها اتصلت فيها و قالت لها يلا نروح ... بقينا انا و حنان في البيت ...
حنان : خولة وايد تأخرت ..
جهاد : انزين ما قلتي لي شنسوي فيه ؟
حنان فهمتها : ... اممممم . الله يسامحه على اللي قاله لي او الزف اللي عطاني اياه و كل اللي سواه فيني .. انا موب لازم اسوي فيه شي بس حرتي بتطلع له و ما بتروح .. إذا انا ما خذيت حقي الله ياخذ حقي .
كشرت في ويهه : حشى ... لهالدرجة حاقدة على اخوي ؟
ضحكت ضحكة خفيفة اقرب لانها تكون ابتسامة : لا حشى بس انا اقول لج ان الله ين ينتقم منا على اللي نسويه في الاوادم و عبشان شي بسيط مثل هذا ما نسامح الناس .. عيل المسخرة اللي اسويها في الاوادم شلون الناس بتسامحني عليها ؟...
سكتت افكر في كلامها و اهي بدورها سكتت محترمة افكاري ... بس كملت كلامها : يكون في علمج ان انا مستحيل ارضى بالاهانة او كلام الناس اللي لا يودي و اييب و لو شخص ثاني مستحيل اخليه جذي و اسكت عنه عن اللي قاله هذا إذا ما سويت له سالفة طويلة عريضة .. بس انا سكتت عن صقر بس علشان العشرة اللي بيني و بينج و ما ابي علاقتنا تخترب بسبب شيي ما ينفعني ...
رن تلفونها : يلا خولة وصلت انا لازم اروح ..
وصلتها لعند الباب و رديت داخل البيت ... اففففف احسه فاضي من عقب ربعي فديتهم ... و انا رايحة فوق قعدت افكر لو انا حالتي مثل حنان المسكينة .... يعني امها و ابوها متطلقين من بعض لما صار عمرها 9 سنوات و اهي اكثر مرحلة تحتاج البنية فيها لاهلها ... تروح اسبوع عند امها و اسبوع عند ابوها ... بعدين صارت كل يومين في بيت ثاني ... لحد ما ابوها تزوج ... و مرت ابوها علاقتها معاهم زفت مااقدر اقول انها ما تعاملهم زين بس اقول انها تستحقر حنان و وتقط عليها كلام من بعيد لبعيد ... قامت تتضايق و تقول حق ابوها بس ابوها سكانه مرته مشيته مثل الساعة ... لحد ما تهاوشت معاها و قام الطق و طيحت ولد مرت ابوها بدون قصد لان مرت ابوها كانت تبي تخنقها بدون ما تحس للي اهي قاعده تسويه قامت و طقتها في بطنها علشان تقدر تتنفس و لانها في اول شهور حملها طاح الولد ابوها بس سألها شنو اللي صار قالت له انها ماخذة اغراضها و رايحة بيت امها .. راحت هناك و صار ابوهم يمر عليهم بين فترة و الثانية . بس بعد كان في قلبه عليهم لانه بسبب حنان خسر ولده اللي كان ينتظره ... راحت بيت امها و عاشت هناك سنة .. لحد ما قررت امها انها تزوج و اقنعتها ان زوجها طيب و راح يعاملها على اساس انها بنته .. و كان كلامها صح مرت سنة و هي و هو على احسن ما يكون ... بس بعدها حنان كبرت و زوج امها صار يتحرش فيها .. و لما قالت حق امها ما صدقت على ريلها الكلام اللي تقوله بنتها ... المهم .. تركت بيت امها و ردت بيت ابوها علشان تتلقى احقر انواع التعذيب النفسي ... صارت مثل الشبح ... صفرا و ضعيفة و ما تتكلم ... و صارت مريضة وايد ... فتركت بيت ابوها و راحت بيت يدها ابو ابوها ... و هناك ما في احد غير يدتها و عمتها العانس اللي استغلتها و شغلتها خدامة عندهم ... و بعدها بثلاث شهور تركت بيت يدتها و راحت سكنت عند يدها ابو امها و للحين اهي تعيش هناك ... هناك يدها و يدتها و خالها ابو خليل و خولة .. عايشة معاهم على احسن ما يكون بدل المرمطة اللي قاعدة تعيشها و الذل اللي كانت تحس فيه ..

دشيت حجرتي و فتحت اللاب شفت شيما اون ... كلمتها على اساس ان انا حمد ... الحينن صار لي ثلاث شهور اكلمها .. احسها وايد تعلقت فيني ... بس هين و انا جهاد و ما اسكت .. قعدت اسولف معاها .. لحد ما فتحنا موضوع مهم ..
شيما : تعرف معانا بنات ثنتين جهاد اللي بوية و موب صاحية و ملاك بنت خالها الحقيرة .. اكرهههااااااااااا ..
حمد : اكيد تغارين منهم ..
شيما : تف تف تف ... سم الله علي انا اغار من هالاشكال ؟
اتقهرت و انا اقرا بس يلا كله بيطلع عليج بالنهاية : الصج الصج اهم حلوين ؟
شيما : أي حلوين .. بس يقهرون ..
حمد : انزين ... سمعي انا عرفت لش ما تحبينهم .. يمكن اهم طيبين بس لانهم احلى منج انتي ما تحبينهم .. بلارغم من ان انا متأكد 100% انج احلى .. بس لان عبالج انهم احلى منج غيرانه منهم صح ؟
شيما : اممم ما ادري .... يمكن ليش لا ؟... لو انا اخذ جمال جهاد او حت ىملاك و هذي شخصيتي ؟... اصير حدي فن و يمكن اكنسل على بنات المدرسة كلهم بعد ..
ابتسمت برضا .. اول مرة اعرف ان انا حلوة لهالدرجة ...
حمد : انزين بقول لج ... يعني انتي موب مقتنعة م جمالج ؟
شيما : بلى انا حلوة بس موب ملاك او جهاد ..
اول مرة اعرف ان انا حميلة لدرجة الحسد و الغيرة ...
المهم سكرت الموضوع علشان ما ايي في بالها ان تفكر مجرد تفكير ان انا جهاد مثلي مثل حمد ...



لامارا غير متواجد حالياً   رد مع اقتباس
قديم 11-12-13, 08:57 AM   #7

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي


الجزء الخامس

صحيت يوم ثاني و بدلت لان الحين الساعة 12.30 شيما الحمارة ما خلتني ارقد و الطناز عليها ببيزة .. لبست قميص بنفسجي اكمام طويلة و جفستها لحد المرفق ... و لبست بنطلون اسود ... طلعت سلمت على امي و طلعنا بيت خالي و انا ساكتة و اهي ساكتة ... بيني و بين امي حاجز كبير انا ما اقدر اتجاوزه بس ما اعرف ليش .. يمكن لان انا احملها ذنب عيشتي اللي موب مثل الناس ... لان اهي بسكوتها شجعت ابوي يظلمني .. الجو بارد شوي .. خذيت جاكيتي الخفيف الاسود و لبسته ... يبي لي اروح اشتري لي نظارة غير هاذي مليت منها .. انشا الله اليوم العصر يرد صقر من صخير ... و اخليه يروح معاي ..
رحت بيت خالي ...
جهاد : السلام عليكم ..
ردو علي : و عليكم السلام ...
افف ما لي بارض لهم ... فسخت جاكيتي و رحت حجرتي و رقدت .... حسيت بيد على جتفي : جهاد .. جهاد ...
فتحت عيني لملاك :ها ..
ملاك : نزلي حطو الغدا ..
غسلت ويهي و عدلت شعري و نزلت .. اوووووووه ... نسيت ان بديل ابوي موجود .. اللي اهي امي ...
ابتسمت : سلام ..
عزوز ابتسم ملي : هلاااااااااا جهاااااد ... شلونج ؟
كشرت في ويهه على خفيف : شلونك ..
عزوز : اممم .. سوري ... شلونك .
ابتسمت في ويهه : اوكي انت شلونك ؟
عزوز : تمام ... تفضل كل ..
قعدت اكل و انا ساكتة .... بس بعدين تذكرت قطعت اكلي و قمت....
جهاد : الو ؟
صقر : هلا جهاد ..
جهاد : هلا .. شلونك ؟
صقر : تمام .. انت شلونك ؟
جهاد : ههه .. اوكي .. الا اقول شكلكم مستانسين هناك ؟
صقر : أي مستانسين ... حلو القعدة و الجو رهيب ...
جهاد : اوكي .. انزين متى ناوي على الله ترد ؟
صقر : بتغدى و برد .. لان الشباب وراهم سفر اليوم .. بس بنرد على الساعة اربع تقريباً انا في البيت
جهاد : لا تعال بيت خالي كلنا هناك .
صقر : اوكي ..
جهاد : لا تتأخر ترى انا ناطرك ...
صقر : ابوي معاكم ؟
جهاد : لا ليش ؟
صقر : عيل ليش تتكلمين جذي ؟
جهاد : اها ... لا امي هني .
صقر : اوكي .. اقلب ويهك .
جهاد : لا و الله ضروري تعال ابي اطلع و ما في احد معاي ..
صقر : يصير خير .
جهاد : يلا بااي
صقر : بااي.
رديت اكل و انا ساكتة ...
جهاد : عزوز .. و ملاك .. اليوم انا و صقر طالعين اتيون معانا ؟
طالعتني امي : الحين انا امك و ما تقول لي يمة تعالي ؟
طالعتها .. انا ما تعودت اظهر حب او حنان او حتى اعتبار في حياتي حق امي لانها اهي اللي بنت الحواجز اللي بينننا و اهي اللي لازم تتحمل ..: اولاً احنا بنروح نشتري ثياب محلات صبيان .. ثاني شي لنزور ناس انتي ما تحبينهم تبين اتيين ؟
سعاد : منو ؟
جذبت لاني ما ابيها اتيي معانا : عمتي فاطمة ..
تغير كلامها : لا ويي امزح معاك .. طلعو انتو طلعت شباب ليش اضيق عليكم ؟... استانسو من دوني و انا اقعد مع خالتك سلامة ..
خووووش كلام اللي تقوله .. منو قال لج اصلاً ان انا ابيج معاي : انزين شقلتو ؟
عزوز : امم انا ما اقدر بطلع مع ربعي .
ملاك : و انا بعد ... كفاية جذي وايد لعبنا بقعد اسوي بروجكت الانج وايد تأخرت عليه .. انت سويت خلاص بس انا للحين ما سويت .. انشا الله مرة ثانية .. و لا ليش ؟ باجر تطلعني ..
جهاد : احسن توفرون مكان في السيارة ..


على العصر جذي مر صقر قعد معاهم شوي و ردينا طلعنا و انا حاملة كيس ..
صقر : شفيه هاي الكيس ؟
جهاد : بعدين بتعرف ...
صقر : انزين وين تبين تروحين ؟
جهاد : امممم ... ابي اروح نظارات البحرين او يو ول سي ..
صقر : ليش ؟
جهاد : بس .. نظارتي صارت قديمة ابي اشتري لي غيرها ..
صقر : اوكي ..
ر او تدري روح السيف في محلات نظارات وايد .. هناك اكيد بحصل النظارة اللي ابيها .
صقر : انزين .
رحنا السيف و افرينا محلات وايد لحد ما حصلت نظارة حلوة و تناسب شكل ويهي ...
صقر: خلاص متأكدة ؟
ابتسمت و تقربت مه شوي و قلت له : لا تكلمني على ان انا بنت .. لاني اكره النظرات اللي اشوفها في عيون الناس ..
صقر : اوكي .. متأكد انك تبي هاذي النظارة ؟
جهاد : أي خلاص اكييد ..
عطيتها اياه و عقب ما حاسبنا طلعنا ..
صقر : خل نروح ناخذ سويت او شي .
جهاد : انا ابي سبنيبون .
صقر : انت ما تمل من سينيبون ؟... كل مرة نطلع او نروح محل لازم سينيبون .
جهاد : لا ما امل .. يلا خل نروح ..إذا انت ما تبي بكيفك .
صقر :إلا في هاسوالف ما اقول لا ..
خذينا كوفي دافي و سينيبون جوز ... الله ... امم ...
تمشينا شوي بالمحلات نشوف شنو يديدهم ... و لما ما عجبنا شي طلعنا السيارة ..
صقر : هاا ؟... وين تبينا نروح الحين ؟
كنت احس انه ما راح يوافق لانه ما يحب يروح إلا في العيد و مع ابوي بعد .: امم .. صقر ... شرايك نروح حق يدي فهد ؟
صقر : و ليش ؟
جهاد : بس خاطري ازوره .
صقر : بس لازم نرد البيت اول ..
جهاد : لا موب لازم انا حملت الاعراض اللي احتاجها ..
صقر : عيل لبسي ..
طلعت الشيلة في الباركات مال المجمع و لبستها و حطيت دبابيس بطريقة كوتيتية علمتني اياها ملاك علشان إذا رحت حق يدي فهد ..
و نزلت القميص صار ثلاث ارباع ...
صقر : ما تحسين انه راح يكلمج على القميص ؟... يدج طالعة و قصير يعني موب طويل يغطي ريولج .
جهاد : عادي .. هني في جتكيت ملاك ... اكمام طويلة و طويل شوي .. ما راح يتكلم .
صقر : يلا ...
مشينا و احنا ساكتين ..
صقر : ايي تعرفين شكلج واااااايد غير بالشيلة كأن واحد ثاني ..
جهاد : الله كريم ..
و بدت السخافة لما تذكر الاغنية : الله كريم الله كريم .. اول الجرح الاليم .. الله الله ...
قاطعته : أي صج انك حمار و ما تستحي على ويهك .
فتح عينه حده مستغرب : شفيج ؟
جهاد : الحين توقف على صوب .. الحين نتكلم ... انا صار لي الحين جم ساكتة عنك ؟
اهو استغرب و وقف السيارة على صوب و شغل الليت .. .
صقر : خير ؟... ليش تصرخين ؟
جهاد : انت اللي ليش تصرخ على البنية و تقول لها هالكلام ... البنية طلعت من بيتنا زعلانة لو ما تحايلنا فيها ما ردت مع انها كانت شوي و تحلف انها ما تطب بيتنا مرة ثانية ..
صقر تذكر : اهااااااا ...
عصبت عليه : شنو اللي اها ااااا ؟
ابتسم و قال لي ببرود : اسف .. ما كان قصدي .
صرخت عليه : اسف ؟... كنت راح تخلي البنية ما تكلمني مرة ثانية بسبت سخافتك و الحين تقول لي اسف ؟... و غير هاي ... بس تشوفني اشبهك تحط حرتها فيني ..
ضحك و بعدها سكت ..
جهاد : الحين ممكن تقول لي ليش سويت هالحركة التافهه ؟
صقر : و الله و الله و الله ما اعرف ان هاذي اهي ؟ انتي شفتيها من ورى .. كوبي توب ملاك .. تشبهه وايد .. شلون تبيني ازف بنية ما اعرفها غير بس بالاسم ؟... و شلون تبيني ادش المطبخ اشوف وحده و انا اعرف انها متحجبة بدون ما اطلع ؟... ترى انا موب نذل لهالدرجة .. عندي شوية غيرة على بنات الناس ... انتي تعرفين ان ملاك ما تتحجب عني ... نسيت تلفوني في المطبخ ... رديت البيت علشان اخذه و لما دشيت شفتها .. قلت دام ان ملاك هني خل العوزها شوي .. تعصب و إذا مزاجها اوكي تستخف بدمها ... بس لما طقيت على جتفها و افترت ... كنت بتكلم لان عبالي انها ملاك بس انربط لساني لما شفت انها حنان موب ملاك ... بس اهي بعد طلعت حرتها و رشتني بماي بارد .
جهاد : تستااااااهل و قليل في حقك بعد ... ما تستحي على ويهك ؟... يا حمار البنية بتكرهني بسبتك ..
صقر : انا اصلاً نسيت السالفة .. بس جهاد .. بليز اعتذري لي منها بدالي ...
جهاد : حتى لو بعد اهي ما راح تنسى انك في يوم قلت لها هالكلام ..
صقر : انتي اعتذري يمكن تسمع منج .
جهاد : تعرف شنو قالت لي ؟
صقر :شنو قالت ؟
جهاد : انا اعرف ام حنان طيبة و هادئة بس اللي يدوس لها على طرف تخليه يلعن الساعة اللي انولد فيها .. اللي يشوفها ما يقول ان هاذي مثلها مثل الطيبة اللي كان يعرفها .. مرة اذكر .. ايام الاعدادي انا ما كنت معاها اوكي ... اصلاً بس اعرف شكلها و مرة صارت معاي في حصة النشاط .. كل اسبوع اشوفها مرة وحدة و حصة وحدة .. صار بيننا سلام و جذي .. و احياناً نقعد نسولف مع بعض .. عرفت انها طيبة و القعدة معاها حلوة .. عاد مرة الفسحة كانت وايد طويلة جذي تقريباً ساعة لان المعلمات عندهم اجتماع .. صارت هوشة عودة ... رحت في وسطهم ابي اعرف منو اللي قاعدة تتهاوش .. رحت شفت حنان تطق بنية طق .. حتى دمها سال .. و خشمها قام ينزف ... البنات تيمعو حوالينها ... و بالموت قدرو انهم يبعدونها عن البنية ... سمعتها تصرخ على البنية : انتي يالحمارة ... المرة الياية فكري تتكلمين عن بنات الناس .. لو عساها عدوتي بروح اكفخج و امسح ملامحج فاهمة ؟ ... ما صدقت انها مثلها مثل حنان الحلوة الهادئة اللي اقعد معاها ..
صقر : اوف .. كل هذا تسويه حنان ؟
جهاد : و اكثر بعد ..
صقر : انزين ليش اهي سوت كل هذا ؟
جهاد : الله يسلمك البنية قايلة عنها انها موب شي و طريجهاغ موب عدل ... و ان عندها سوالف صبيان و تفكر تطلع ويا واحد . ... البنية ما قالت ان حنان طلعت ... قالت شكلها حنان تبي تطلع مع اللي تكلمه ... حنان وين و الصبيان وين ؟... كل واحد في وادي ثاني ..

دشينا فريج بيت يدي ..
صقر : يعني ما عندها خرابيط تكلم صبيان ؟
جهاد : سألتها مرة إذا تكلم احد او لا .. بس قالت لي ... انا احب اهلي و مستحيل افكر مجرد تفكير اخرب سمعتهم خصوصاً إذا كان واحد ما يستاهليني .. اصلاً اهي بعد جبانة تخاف .. مع ان ما عندها احد .. لا ام و لا ابو و لا اخو ولا احد يحاسبها .. طالعة داشة بدون حساب .. و يمكن يدتها شوي تحاسب لها ... بس مرة عودة تقدر تجذب عليها بسهولة .. مسكينة يجذبون عليها خليل و خولة و اهي مصدقة ...
وقف السيارة يم البيت و بندها و كمل كلامه : انزين ما قلتي لي .. شقالت لج ..
جهاد : أي صج ذكرتني .. تقول لي .. لو كان غير اخوج خليته يلعن نفسه بس لان اخوج و علشان العشرة اللي بيننا انا بسكت عنه .. حسابه عند الله ..
صقر : هاذي شكلها حاقدة علي من قلب ..
جهاد : لا و الله .. مسكينة قلبها طيب و تسامح بسرعة .
صقر : عيل يلا نزلي ..
جهاد : انطر دقية بلبس الجاكيت .
لبست الجاكيت .. الحمد لله بعد اسود مثل ثيابي بدل الفشلة ..
نزلنا و طقينا باب الميلس الخارجي و دشينا .. ما فيه احد غير يدي ... رحت سلمت عليه و بست راسه و قعدت .. و عقب السلام و الكلام اللي الكل يقوله في البداية و عقب ما سأل عن فهد و امي و ابوي ..
فهد : ها شيابني على بالكم ؟
جهاد : و الله يدي دومك على البال بس قلت اني من زمان ما شفتك .. قلت امر عليك و اسلم .
فهد : فيج الخير يا بنتي ... و انت ياللي ما تستحي ... حتى في القرقاعون ما فكرت تمر علي ؟.. ما تقول عندي يد اسمه فهد ؟
ضحك صقر : و الله مشغول .. و ما عندي وقت .. حتى طلعة ما اطلع .. كل في حجرتي و إذا طلعت رحت حق واحد من الشباب خليته يشرح لي شي مال الجامعة .. حتى اسأل جهاد ..
عيني كانت شوي و تنبط .. جذاب و من عينك ... ما اعرف منو اللي توه اليوم راد من صجير ...شقال ؟... ما يطلع إلا حق دراسة : أي يا يدي ... انا ما اشوفه .. تخيل صار لي الحين شهر اقول له ابي اروح اشتري لي نظارة و محتاجة شوية اغراض .. و لا معبرني يقول باقي بس شهرين و تبتدي امتحاناتي لازم من الحين ابتدي ادرس ...
حسيت انه تفاجأ ... بس يدي ابتسم : كفو يا ولدي .. زين ما تسوي .. انشا الله اعلى الدرجات .
صقر : انشا الله .
قام يقول لنا و يكلمنا عن مدارس الاول و ان ولد الغني اهو اللي يقدر يروح .. يعني موب كلهم يروحون ... و ابوه كان عادي فكان يروح المطوع و يتعلم القران ..
يدي : إلا اقول جهاد ..
جهاد : امر يبة .
يدي : ما يأمر عليج عدو ... بس ما تحسين ان ثيابج موب حلوة ؟
جهاد : ليش يدي موب عاجبينك ؟
يدي : لا بالعكس حلوة .. بس موب حلوة تمشين في الشارع و الرياييل يشوفونج جذي .. حلات البنية بحشمتها ..
اووف .. يا صبر ايوب : يبة ... انا ثيابي طويلة و ما في من جسمي يبين .. و غير هذا ثيابي واسعة و موب ضيجة و ما تبين شكل جسمي .. و ما اعتقد ان اللي قاعدة اسويه غلط ..
يدي و شكله عرف اني مستحيل اسمع كلامه : على راحتج بس بعدين لا تقولين يدي ما قال لي ..
جهاد : يصير خير .
سلمنا عليه و طلعنا ... و بعد ما طلعنا من الفريج ..: مسكين يدي .. ما يعرف ولده شمسوي فيني ..
صقر : الله كريم يا جهاد .. الله كريم ..
بديت استهبل : الله كريم .. كريم .. اول الجرح الاليم .. االه الله ..
رديت البيت و انا تعبانة .. : صقور بترقد ؟
صقر : لا .. بشوف التلفزيون .
جهاد : عيل انطرني انا شوي و نازلة .
رحت فوق و دخلت الكيس اللي فيه شيلة و جاكيت داخل كبت ملاك .. و بدلت ثيابي و طلعت .. لبست شورت بيج فيه خطين برتقالي و تي شيرت برتقالي مريح .. و لما نزلت كان صقر يلعب في تلفونه ... و حاط البوك و ااغراض على الطاولة اللي جدامة .. حطيت تلفوني و قعدت يمه ..
جهاد : صقور انت موب يوعان ؟
صقر : أي ..
جهاد : انا يوعانة .. تبي نودلز ؟
صقر : انتي شفتي الساعة جم ؟ .. الساعة 8 اكيد الحين امي ما يات من بيت خالي ..
جهاد : عادي انا بسويه .. تبي او لا ؟
صقر : اوكي .
رحت المطبخ .. سويته بسرعة و رديت الصالة ... كان يلعب في تلفوني ..
حطيته على الطاولة : شتسوي في تلفوني ؟
صقر : و لا ششي قلت يمكن عندج شي يديد ..
جهاد : استريح ما عندي شي يديد .. اووف بروح اييب قفشه و برد ..
و لما رديت كان للحين يلعب في تلفوني ..: احد اتصل فيني ؟
صقر : حنان اتصلت فيج بس ما رديت عليها .
جهاد : و ليش ما رديت و قلت لها اني شوي و ارد ؟
ضحك : خفت ارد و تصرخ علي و انا ما لي بارض ..
جهاد : كل ..
قعدنا ناكل و عقبها رحت حجرتي .. فتحت الإيميل الثاني .. كانت شيماء اوون .. و قعدت اسولف معاها … اتصلت فيني حنان …
جهاد : هلا حنان .. شلونج ؟
حنان : اوكي … انتي شلونج ؟
جهاد : اوكي … اسأل عنج … شلون الويك اند معاج ؟
حنان : ما اعرف ملل … خليل و خولة اجازة الجامعة و راحو عمرة و ما بيردون إلا يوم الاثنين .. و متمللة .
جهاد : حنان … تعالي لي البيت .
سكتت حنان …
جهاد : حنان ؟….
استغربت سكوتها و توقعت ان الخط انقطع … سمعت صوتها تصيح …….
جهاد : حنان انتي تصيحين ؟
تنهدت و اهي تصيح : جهاد …. جهاد انا تعبت و الله تعبت .. (( كملت صياح و انا سكتت ابيها تقول لي شسالفة )) …. اليوم ابوي يايني .. يبيني .. جهاد .. انا موب قادرة اتكلم ..
جهاد : انتي في البيت ؟
حنان : اي .
جهاد : لا تطلعين انا يايتج ..
حنان : اوكي انا انطرج .
بدلت الجينز بسرعة بس ما بدلت التي شيرت لانه عادي .. خذيت تلفوني حطيته في بنطلوني و طلعت ..
نزلت من الدري بسرعة ..
جهاد : صقر بسرعة قوم وصلني ؟
طالعني ببرود : وين تبين تروحين هالحزة ؟.. توج طالعه .
جهاد : قوم بسرعة .. ابي اروح حق حنان .
حسيت ان نظرته تغيرت و اهتم شوي …: شفيها حنان ؟
جهاد : ما اعرف بس تعبانة .. بسرعة قوم .
طلعنا بسرعة و رحنا بيتهم ..
جهاد : اسمع إذا اتصلت فيك تعال و سوي لي مسد كول بطلع لك .
صقر : انزين قولي لي شصاير ؟
جهاد : سلامتك الحين ما عندي وقت اقول لك بقول لك بعدين ... بااي .
نزلت و اتصلت فيها قاللت لي اروح حجرتها لان البيت فاضي و ما فيه غيرها .. حتى الخدامة موب معاها ...
فتحت الباب شوي شوي ... و دشيت و رحت حجرتها ... طقيت الباب و انتظرت تفتح لي ... شوي و فتحت لي الباب .. حظنتني و قامت تصيح مدة شوي طويلة .. و لما هدت شوي دخلت الحجرة و انا لحقتها .. ظلت ساكتة و انا ظليت انتظرمنها تقول لي شفيها ..
تنهدت من قلب و بعدها بدت تتكلم بهدوء : ... ابوي راح المدرسة بدون ما بقول لي و سأل معلمة بشرى مالت الانج ... و انتي تعرفينها تحب تزيد كلام من عندها و من خرابيطها ... طلع و يا هني معصب و قعد يصرخ و لما سمعت صراخ لقيته واقف تحت .. و يصرخ على خالي و مرته .. و لما لقاني
ابوي : انتي جهزي شنطتج و شيلي كل اغراضج و راح اتيين معاي ...
شوي و دشت امي لان شكله خالي اتصل فيها .. المهم قام يصرخ على امي و يقول لها انتي موب ام و انتي موب قد المسؤولية ... امي قامت تصرخ و تقول له ... و انت يعني اللي قد التربية ؟... حتى ما تمر عليها و تعرف عن هوى دارها وين .. . لو مرضت ما تدري .. سكانك مرتك هاذي اللي ما تستحي على ويهها .. مشغلة بنتي خدامة في بيتها .. خلاص دام انك موب راضي تظل هني انا باخذها في بيتي .. بس انا قاطعتها خايفة على روحي .. قلت لها انا ما ابي اروح معاج بيتج .. ما اطيق ريلج الحمار .. ذبحيني بل ما توديني بيتج .. اقول لج ريلج يتحرش فيني ما ابي اروح معاج ... ردت علي : تخسين إلا انتي ريلي يتحرش فيج انتي .. ريلي انا واثقة منه و لا عنده حركات اليهال هاذي ... قلت لها : تثقين في ريلج و ما تثقين فيني ؟... قالت لي : انتي ياهل و ما ينأخذ على كلامج و بسهولة تجذبين ... طبعاً وارثة طبع ابوج ... تدخل ابوي و قال : انتي ما راح تاخذينها بيتج ... راح اتيي بيتي او راح تروح بيت امي ... بس انا قلت له : بيت امك مستحيل اروح ..حتى دراستي ما اقدر ادرس .. و ايام امتحانات .. مستغليني استغلال موب طبيعي .. و مرتك الزفتة عندها خدامة لاكن وقت اللي رحت بيتكم سفرت الخدامة علشان تخليني اخدم عليها ... وجهت كلامي حق الاثنين : تعرفون .. بالرغم من انك ابوي و انتي امي .إلا انكم ما تحبوني .. لو اموت ما تدرون عني كل واحد همه ريله و مرتة .. انتو شنو ما تحسون ... انا كرهتكم من هالاسلوب .. هذا إذا كان عندكم اسلوب .. انتو العيشة معاكم لا تحتمل .. انا ما ابيكم ... وو فلوسكم بعد ما ابيها ... و إذا ما تعرفون ترى فلوسكم ما تفيدني .. عشرين دينار تبونها تكفيني طول الشهر ؟؟.... لو ما خالي انا الحين مقطوطة بالشارع ... و موب ناقصني شي .. و حتى لو ناقصني شي .. خالي و يدتي ما يقصرون .. و الحين القرار في يدي .. و انا اقول لكم اني بتم هني عند يدتي .. اقصد عند امي .. لان الصج اهي امي موب مثلج قلبج حجر .. و خالي اهو ابوي ... موب مثلك .. إذا مرضت ياخذني بسرعة للمستشفى و اللي يشوفه يقول هاذي اكيد واحد من عياله .. بس شقول .. الله كريم ... انتو ما تسألون عني و بالدز ... و زين زين بداية الشهر واحد منكم يندي عشرين دينار عباله انها بتكفيني شهر .. و الله لو ما خير خالي انا مت من زمان ... و الحين انسو ان عندكم بنت اصلاً ... رحت عند يدتي و حطيت راسي على حظنها .. و قعدت اصيح و انا اسمعه يقول .. هاذي البنت قليلة ادب يبي لها تربية من يديد اللي ما تستحي .. و عقب المناقشات التافهه بينهم طلعو و كل واحد معصب .. جهاد .. الحين ابوي يمكن يرد ياخذني ... شسوي ؟
مسكينة صج من خاطر تعاطفت معاها .: سمعي ابوج ما يقدر يسوي شي دام انج قاعدة عند خالج و ما يقدر يسوي شي دام ان يدتج في البيت .. و لا تزعلين روحج دام ان للحين ما صار شي ...
حطت راسها على ريولي و بعد دقايق قليلة لقيتها راقدة ... انسحبت من تحتها بهدووووء و حطت لها مخدة و سحبت الربطة اللي في شعرها و غطيتها و طلعت للحوش عقب ما طرشت مسج حق صقر اني انطره برع ...
شوي و وصل صقر البيت .. راحت للسيارة و اول شي بندت المسجل عقب ما سلمت ..
صقر : شفيها حنان ؟؟
سكتت عنه لانها ما لها بارض ترد عليه ...
صقر : شفيها حنان ؟
جهاد : مشكلة هالزمن .. كل واحد طق بصدرة و قال انا ابو او قالت انا ام ... الله يعين هالمسكينه ..
صقر : ليش شصاير ؟
جهاد : و لا شي امها و ابوها متهاوشين كل واحد يبي ياخذها في بيته و كل واحد منهم العيشة في بيته اخس من الثاني .. انا ما اقول غير بس الله يعينها على هالوالدين ...
صقر : من الكلام اللي قلتيه لي .. المفروض ام مثل هاذي الله ما يعطيها الفضل اللي تستاهله كل ام .. لانها موب ام اصلاً ..
وصلت البيت و انا تعبانة و ما لي بارض شي بس فتحت المسن سلمت على شيماء و سكرته مرة ثانية علشان ارقد بعمق ...
وعاني من رقادي تلفوني .. كنت راح اسكره بس لما شفت ان المتصله حنان رديت ..
حنان : هلا جهاد .
جهاد : اهلين شلونج ؟
حنان : امممم الحمد لله وايد احسن .
جهاد : الحمد لله ..
حنان : انتي شلونج ؟
جهاد : انا الحمد لله اسأل عنج .
حنان : سألت عنج العافية ... امم .. جهاد شكراً على امس صج حملتي عني همومي كلها .. ما كان عندي غيرج اتقول له عن اللي فيني ..
جهاد : امم .. و انا اقول ان بين الخوات ما في شكر .. انتي اختي و عزيزة و غالية على قلبي .. و انا ما ارضى باللي يصير لج .. بس شقول .. يلا .. الله كريم .. تعرفين صقر سألني عن شنو فيج و لما قلت له عصب يقول هاذي امها ما تستحق تصير ام ...
حنان : صقر ؟
جهاد : أي صقر شفيج تقولينها جذي .. لا يكون للحين معصبة منه ؟...
حنان : لا شدعوة السالفة خلاص تسكرت ..
جهاد : حتى المسكين قال لي اعتذر بداله لج بس انا قلت له ان ما له داعي و ان لو كان واحد غيره كان لعنتي خير امه موي سكتتي عنه ..
حنان : انزين انا بس ابي اعرف اهو ليش قال لي هالكلام ؟؟... اهو اصلاً ما يعرفني عدل بس سلام عليكم السلام ... هذا إذا سلمت اصلاً .. بس اهو غلط علي وايد وشكله كان يتكلم بحقد .
جهاد : لا و الله مظلوم اخوي ..
حنان : انا المظلومة موب اهو .
جهاد : الله يسلمج لما شافج من ورى كان عباله ان انتي ملاك .. و اهو و ملاك لما يتعلفون في بعض يصير اخس من جذي .. يصير بينهم طراقات و افلام هنديه .. من جذي قال لج هالكلام ... تعرفين اصلاً لما كلمته شقال لي ؟
حنان : شقال ؟
جهاد : قال لي ان اهو مستحيل يطل في المطبخ إذا عرف ان في بنية متحجبة موجودة هناك .. و احلى شي لما قال : ترى عندي غيرة على بنات الناس ..
حنان : المهم خل نلعب بأعصابه شوي .. قولي له ان انتي كلمتيني و انا عطيتج نطرة و مشيت عنج بدون ما ارد عليج ... ظليتي تمشين وراي و تناديني بس انا كلش عاطيتج السين ...
جهاد : مسكين اخوي تبين تعذبينه ؟... تبين تحسسينه انه غلطان و تحسينه بتأنيب الضمير ؟
حنان : افا عليج موب قصدي شي بس قصدي الوناسة ..
جهاد : ياللي ما تستحين و تقولينها في ويهي ؟... وناستج على حساب اخوي ؟
حنان : لا و الله ؟... عيل اهو مزحته الثقيلة علشان ملاك على حسابي انا ؟
جهاد :لا تنسين انتي بعد رشيتيه بالماي .
حنان : الماي يجف عقب فترة .. بس انا انجرحت .. بالله ما تقولين لي لو وحدة غيري شسوت ؟
جهاد : في هاي معاج حق غلبتيني فيها .. اممم ... حنان سوري على مساعة .
استغربت : على شنو ؟
جهاد : امم على الكلام اللي قاله صقر عن امج ... في النهاية هاذي تبقى امج .
حنان : امي بالاسم بس .. بس الصج هاذي موب امي .. يلا انا الحين بخليج ...باي
جهاد : بااي
سكرت عنها ... بتصل في ملاك اشوف شلونها ... بس رن تلفوني و كانت متصلة ..
رديت عليها : القلوب عن بعضها كنت الحين بتصل فيج ..
ردت و علي و انا حاسة انها مستانسة : صباح الخير .
جهاد : صباح النور يا هلا .
ملاك : زين سبقتج و اتصلت .
جهاد : و الله كنت توني الحين بتصل فيج بقول لج اني احس ان اليوم حده ملل ..
ملاك : و انا كنت ابي اتصل قيج علشان اقول لج اني وايد مستانسة .
جهاد : ليش ؟
ملاك : امين رد من المانيا .. امبي انا وايد مستانسة .. وحشتني قعدته ..
جهاد : اففف ... الحمد لله على سلامته .
ملاك : الله يسلمج .
جهاد : سلمي عليه و تحمدي له بالسلامة بدالي .
ملاك : انشا الله ما يصير خاطرج إلا طيب ... انزين تعالي معانا بنروح بيت يدي .
جهاد : لا ما لي بارض .
ملاك : اف يا جهاد انتي كل مرة اتيين ... صرنا حتى إذا نروح و انتي موب معانا خالاتي و عيالهم على طول يسألون عنج .. انتي وحدة مننا .
اثر فيني كلامها بس في شي في داخلي قال لي لا : امم ... مرة ثانية انشا الله موب هالمرة .
و قالت بأحباط : افف .. يعني ما بتيين ؟
جهاد : هالمرة لا بس المرة الثانية يمكن .
ملاك : اوكي .. جهاد انا وايد مستانسة ... تعرفين انه اخوي و من زمان ما شفته .. ... اليوم الغدا في بيتهم على شرف ردته بالسلامة ..
جهاد : أي صج سلمي على امه وايد و سلمي على خالاتج كلهم .. و لا تنسين احد و إذا سألوج عني قولي لهم عندها شغل ... انا اورادي اليوم عندي نادي متى ارد البيت و اتسبح و ابدل ... يضيع الوقت كله و انا ما ابي ااخركم ..
ملاك : اوكي ... يلا انا الحين اخليج ... بااي
جهاد : بااي .
سكرت و انا احس روحي بنبط من الاحباط .. اليوم شكله من البداية نحس .
نزلت تحت عقب ما بدلت و دورت صقر إللي قال لي ابدل علشان نروح النادي ..
خذيت شنطة النادي و ثيابي و رحت السيارة ... في النادي اليوم المدربة مريضة و ما في تدريب .. رحنا لعبنا على جهاز المشي ساعة و باقي الاجهزة ساعة و نشيل حديد نص ساعة ... كان حلو ما مليت ...
و في السيارة اتصلت فيني حنان : هلا و غلا .. هلا بحنان ..
التفت علي صقر ابتسسم و رد يطالع الشارع ... بس اموت و اعرف ليش كل ما قلت اسمها يبتسم .. الحمار اكيد بتطنز عليها .. موب ويه نعمة بس اهي لو زافته وو مسوية له مشاكل لها اول ما لها اخر كان احسن ..
حنان : جهاد انا مستانسة .
استغربت : انتو شفيكم اليوم كل ما وحدة استانست اتصلت فيني و قالت لي جهاد انا مستانسة ؟...
حنان : ليش منو غيري ؟
جهاد : ما علينا الحين .. انشا الله دوم .. بس ليش مستانسة ؟
حنان : اتصلت في ابوي و قلت له ان انا ما ابيك و ما كنت امزح قال لي عيل خلج عند امج .. و اتصلت في امي و قلت لها مثل الكلام قالت لي عيل روحي عند ابوج ... و انا طبعاً بقعد عند يدتي حبيبتي .. ام ااهم خلهم يولون .. اللــــــــه ... حدي مستانسة و خصوصاً لان خليل و خو لة ردو البيت اليوم ... فاليوم بطلع و احتفل بالنصر اللي حققته ..
ضحكت عليه : عجبتني كلمه نصر ... المهم استانسي و خلي امج و ابوج على صوب و لا تكدرين خاطرج عشانهم إذا اهم اصلاً موب مهتمين ...
حنان : و منو اصلاً قال لج ان انا مهتمة لهم ... اللي ما يهتم لي انا بس ما اهتم له .. يلا خليل يناديني .. بخليج ..
جهاد : اوكي حبيبتي ... بس كلميني بعدين ..
حنان : افا عليج ... يلا بااي .
جهاد : بااي .
سكرت عندها و تنهدت ..
صقر : شفييييج بعد ؟
جهاد : سلامتك بس متمللة .. متى بيرد فهد ؟
صقر : الاثنين بيرد .. اصلاً شكله مستانس مع ربعه هناك ..
جهاد : افف احس ان اليوم ملل ... انا ما ابي اقعد في البيت ...
صقر : انزين جهزي روحج بنطلع .
طلعنا كان عادي يعني ما كان وايد وناسة .. بس غيرنا جو ...
رديت البيت و انا متمللة .. فتحت النت و لقيت شيما اون ... خاطري ادش و اشوفها اوف لاين ... سلمت عليها و قعدنا نسولف ... و تطرقنا لموضوع الحب ..
حمد : هل تؤمنين بالحب ؟
شيماء : طبعاً ..
حمد : انزين تحبين احد ؟
شيماء : انت اول تؤمن بالحب ؟
حمد : اكيد بس موب من أي شخص .
شيماء : انزين في احد ساكن قلبك ؟
حمد : شيماء انا سألت اول .. ردي علي بعدين انا ...
شيما : اممم .. ما اقول ان انا احب بس معجبة بشخص .
احس ان صادني شوية احباط و اخاف ما اقدر اكمل خطتي : امم .ز انزين ممكن اعرف هالشخص ؟
شيماء : موب الحين .
حمد : انزين يصير لكم ؟
شيماء : كلش لا وايد بعيد ... و ما راح اجاوبك على سؤال ثاني إلا لما تجاوب علي .
حمد : أي احب احد .
شيماء : انزين من هالشخص ؟
حمد : اخاف اتحطم او ايأس لما اقول لج .
ضحكت ... ضحكتي من سرج بلا قولي انشا الله ..
شيماء : لا صج قول لي من ؟
حمد : بس صج ما تزعلين ؟
شيماء : ما راح ازعل .
حمد : وعد ؟
شيماء : وعد .. بس عاد شوي و تحلفني بالقران منو هاذي ؟
حمد :ما اعرفها !!
شيماء : شلون ؟!!!
حمد : في حياتي ما شفتها و لا اعرف شكلها و لا لونها و لا ملامحها و لا حتى في حياتي لمحتها ..
شيماء : عيل شلون حبيتها ؟
حمد : انتي اللي لازم تجاوبيني على هالسؤال ..
شيماء : شلون اجاوبك و انا ما اعرف البنية ؟
حمد : بلى تعرفينها ..شيماء لأن اللي احبها اهي انتي .... ما تعرفين شلون انا اتعذب لما ما اقدر اكلمج ... وايد صعب علي اعيش بدون لا احس بروحج و جوج في المسن .. امل لما اظل يوم بدونج .. و اشتاق للأنترنت بس علشان اقدر اكلمج ..
شيماء حطت فيس منصدم ... الله يصدمج باللي اكبر يالحقيرة .. : اممم دام جذي انا اقدر اقول لك عن اللي انا معجبة فيه .
حمد : من ؟
شيماء : انت .. تعجبني شخصيتك ..
حمد : احم احم .. لا تمدحيني وايد بعدين اتعود ..
شيماء : هههههههههههه حلوة ..
حمد : انزين انا عندي طلب لج إذا بتسوينه اوكي و إذا ما تبين براحتج ..
شيماء : انت تآمر .
حمد : ابي اشوف صورتج او شغلي لي الكام .
شيماء : ليش ؟
حمد : امممم لاني بصج تعبت و انا احاول ارسم لج صورة في بالي بس تعبت و ما قدرت بالنهاية ..
شيمااء : امم مرة ثانية انشا الله .. الحين ما عندي صور في اللاب ..
حمد : امم .. بدينا بعيارة البنات .. قولي ما تبين و خلاص .
شيماء : لا و الله لان مسوية فور مات حق اللاب . بس بشرط انت بعد تحطلي صورتك .
حمد : افا عليج .. تأمرين يالغالية ..
سكرت عنها لما اتصلت لي ملاك و تقول ان امين يسلم على صديقة الطفولة اللي اهي انا ... و يقول خاطره يشوفني بعد ما كبرت . و من هالحجي و قالت انها بتيي ترقد الليلة عندي و باجر الصبح بتروح البيت لانها بتطلع مع نور و امين و عزوز .. قعدت انتظرها و سلمت على شيماء و اناا احاول احسسها بالحب ... و لا حاولت ابين لها ان انا جذابة ... شوي و وصلت ملاك .. قعدنا نسولف شوي و بعدين رقدنا ...
يوم ثاني العصر كنت في البيت بروحي .. كلهم طالعين ... و كالعادة كلمت شيماء و سألتها عن الصورة قالت لي انها للحين ما سوت لهم داون لود ... حاولت اتغلى و وعدتني انها راح توريني إياهم عن قريب انشا الله ..
مللللللل ... يبي لي اشوف فلم ... اتصلت في ملاك ..
ملاك : هلا و الله ..
جهاد : اهلين .. ها شلون قعدتكم ؟
ملاك : تمام و الله .. كلنا هني بس انتي .
جهاد : يعني من كلكم ؟
ملاك : انا و نور و امين و عزوز و حمود و زهور و كلنا .. و معانا جنان لازقة عمرها ..
جهاد : اها سلمي عليهم كلهم .
ملاك : شباب تسلم عليكم جهاد .
سكتت شوي و بعدين ضحكت : لا تحاول لو شنو تسوي ما تصير مثل جهاد .
جهاد : شسالفة ؟
ملاك : إذا رديت البيت بقول لج .. لا تقفلين الباب .. انا اليوم معاج ... و لا اقول لج تعالي البيت .
جهاد : انتي تعالي انا ما لي بارض اطلع .
ملاك : اوكي .
جهاد : امم .. ملاك وين شنطة االسيديات مال الافلام ؟
ملاك : ما اعرف ... شوفي وين حطيتها ..
جهاد : كلش ما تذكرين ؟
ملاك : ام .... أي صج تذكرت ... في المكتبة اللي في الصالة فوق الديفيدي ..
جهاد : اوكي و في الليل تعالي البيت لا تطقعين .
ملاك : انشا الله عمتي .
جهاد : يلا استانسي و تحملي بروحج .
ملاك : انشا الله عمتي .
جهاد : يلا بااي .
ملاك : بااي .
سكرت عنها و رحت اطلع فلم اجنبي هندي ... هنود عايشين في نيويورك و يتكلمون إنجليزي .... كان الفلم ممتع .. و وايد مؤثر ..
شوي و وصلت ملاك و قامت تسولف لي عن اللي صار و كان معظم كلامها عن محمود موب امين .
جهاد : تحسسيني ان محمود اهو اللي راد من السفر موب امين ... إلا ما قلتي لي شلونه مع مريم ؟
اختفت ابتسامتها : اوكي على اعتقادي بس ما ادري .. يعني .. من زمان ما تكلمنا عنها ..
جهاد : اها ... انزين و شلونها نور القاطعة اللي ما تسأل ؟
ملاك : اوكي قالت لي اسلم عليج و تققول انها ما تعرف رقمج اليديد و عطيتها اياه ..
جهاد : اها ..
ظلينا قاعدين مع بعض .. شوي و تصلنا بالمطعم و كان عشانا بيتزا ... كلينا و شوي و رقدت ملاك بس انا ما رقدت ظليت واعية اقرا مسجاتي و امسح الي ما ابيهم .. شوي و اتصلت نور .
جهاد : هلا و غلا .. هلا و الله .
نور : اهلين شخبارج ؟
جهاد : اوكي .. وينج يالقاطعة ؟
نور : موجودة انتي القاطعة .. غيرتي رقمج حتى ما قلتي لي ...
جهاد : بلى طرشت لج مسج .. يمكن ما وصلج ..
نور : يمكن ... انزين ما قلتي لي اخر اخبارج ؟
جهاد : و لا شي الحال على ما هو عليه ما تغير ... انتي شخبارج ؟
نور : تمام ... امم بس تعرفين هالايام مشغولة بعد اخر سنة لازم ادرس وايد ...
جهاد : و يا زعم شاطرة ؟
نور : و ليش ما اصير شاطرة دام ان اخوي من اوائل البحرين ؟... يمكن اخذ بعثه مثله ..
جهاد : انشا الله بس طبعاً ما راح تكونين مثل امين .. ما شا الله عليه عيني عليه باردة كان ما يهد الكتاب إلا وقت الرقاد و يقوم من وقت بس علشان يدرس اما انتي همج نت و بنات و طلعة و سهر في التلفون و اغاني .... و الدراسة موب من اول اولوياتج .. يعني ما تزعلين إذا صار عندج درجة في الثمانين .. اهم شي ناجحة و خلاص.
نور : عاد موب لهالدرجة تحبطيني ... انا يعني ادرس شوي .. معدلي في التسعين .. و اقدر ارفعه فالفصل .. انشا الله احصل بعثه .
جهاد : انا احس حتى لو تحصلين بعثه راح تكون في البحرين موب برع ..
نور : انا بس ابي اعرف انتي ليش تبين تكسرين مياديفي و تحطمين معنواياتي ؟
جهاد : افا عليج اشجعج بس تشجيع من نوع ثاني ..
نور : ههههه .. لو تجشيعج جذي التحطيم عندج شنو ؟
جهاد : ها يشي صعب عليج اخاف تصيحين لو اتكلم الحين ..
نور : الله يبعدني عن تحطيمج ... امم ... جهاد امين يبي يكلمج .
بما ان اهو صديق الطفولة و بما ان انا على علاقة طيبة معاه و بما ان انا موب انثى : اوكي .. يبي بسلم عليه ..



لامارا غير متواجد حالياً   رد مع اقتباس
قديم 11-12-13, 09:15 AM   #8

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي


الجزء السادس

شوي و تكلم امين : الوو ..
امبي من زمان ما سمعت صوته .. تغير احسه صار ريال .. إذا صوته جذي شكله شنو ؟: يا هلا و الله شلونك ؟
امين : انا ؟.. الحمد لله بخير و نعمة .
جهاد : الحمد لله ..
امين : انتي شلونج ؟
جهاد : الحمد لله .. وايد اوكي ... اسأل عنك .
امين : سألت عنج العافية قولي امين ..
جهاد : امين ... الحمد لله على سلامتك .
امين : الله يسلمج يا رب ... عقبالج .. تروحين برع و تدرسين و تييبين شهادة .
جهاد : لا ويي عاد انا خليني بروحي .. ابوس ايدي ورا و جدام على 82 اللي مكتوبه في الشهادة بعد بعثة و ما اعرف شنو ؟.. انا اقول يبة خل الدراسة لاصحابها .. انا مال كسل و طلعات و وناسة موب دراسة ..
امين : عيل وين الياهله اللي كانت رفيجتي وقت الطفولة اللي كانت تموت في الدراسة ؟
جهاد : افا عليك .. ملاك و اختك قامو بالواجب و اكثر خلوني اكره الدراسة ... و طبعاً كل وناسة و سخافة ...
سكت شوي و رد تكلم : تعرفين احسج وايد تغيرتي عن قبل .. صوتج و حتى طريقة كلامج .
جهاد : ترى اربع سنين تسوي الهوايل موب بس تغيرني ..
امين : انتي للحين مثل قبل يعني ... يعني شكلج و هاي مثل ....
حست ا نه توهق و ما عرف يسأل بس انا ساعدته : و انت تعرف ان ابوي للحين اهو ابوي عايش ما مات و للحين فيه عقدة نفسية من البنات و معقدني معاه ؟
امين : سوري بس حبيت اسأل ..
جهاد : عادي لا سوري و لا غيره انا خلاص تعودت على هالسالفة .. هاذي حياتي بس يلا ... الله كريم ..
امين : انزين ما قلتي لي شلونج في المدرسة ؟
جهاد : و الله تمام تعرف بنت تجاري لا علمي اكل الكتب قبل الامتحان و لا ادبي احفظ و بس .. تجاري افهم و احياناً اروح الامتحان بدون دراسة عادي .. ما في شي مهم .. موب مثلك ماشا الله عليك علمي و كنت وايد تدرس .. الله يحميك من الحسد ..
امين : انشا الله ... تذكرين ايام اول كنتي تقولين انا بصير دكتورة و ما اعرف شنو .. ما كنت اعرف اني انا اللي بصير دكتور .
جهاد : بيي تذكر ايام اول شنو كنا نسوي .. مسخرة .. صج كنا هبلان ..
امين : ما ادري إذا تذكرين او لا يوم اللي ييراننا يابو لهم حمار و قعدنا نلعب معاهم ..
جهاد : ما اذكر ..
امين : بلى .. يوم كنا صغار لما ييرانا شرو لهم حمار و خلونا نلعب معاهم و ركبنا على الحمار ... و لما تهاوشنا معاهم رحنا طقينا الحمار بحصى .. يوم اللي قصينا شعر سماح بنت الييران .
جهاد : ايي تذكرت مسكينة .. و ما نستحي بعد مخلينا نلعب مع حمارهم .. رحنا و قصينا شعرها نصة .
امين : ههههه ... و الله محد قال لها تسوي شعرها ظفاير و تراوينا عبالها بسكت عنها ..
جهاد : كنا شياطين و احلى شي ان محد يصدق علينا ... ابرياء شنسوي ؟
امين : أيي وااااضح من ام سماح لما يات شرشحتنا في البيت ..
المهم ظلينا نتكلم شوي عن ذكرياتنا مع بعض لما كنا صغار و سكرت عنه ..
رقدت ...


يوم ثاني كان في مدرسة ... صحيت ملاك و رحنا مع صقور ...
شوي و وصلو البنات قعدنا مع بعض شوي و طق الجرس .... مرت اول الحصص عادية ... في الفسحة رحنا مكاننا و قعدنا هناك ...
حنان : جهاد سمعي النكتة ..
جهاد : شنو ؟
حنان : مرت ابوي ولدت و يابت ياسر ابوي متصل فيني يقول لي روحي لها .
جهاد : و ليش ما تروحين روحي .. زيارة المريض واجب .
حنان : ما بقى إلا انا اروح حق هاذي .. احلامها .
جهاد : لا صج مري عليها و شوفي اخوج .
حنان : خل اصير اوكي مع خواتي الكبار بعدين اروح حق هاذي .. انا امي لما ولدت ما مريت عليها تبين الحين اروح حق هاذي ؟... تحلم ..
ياتنا انسانة ما اقدر اقول عنها بنية .. شكلها صبي 100% لو ما المريول خلاص صبي لا محال .. اسمها علياء بس الكل يسميها علوي .. يعني مثل علي ..
علوي : هاي ..
جهاد : هلا ..
علوي : جهاد .. لو سمحت شوي ..
رحت لها .. شفيها ذي ... شتبي مني ؟
علوي : بسألك انت منو حبيبتك ؟
جهاد : شنو يعني ؟
علةي : يعني منو حبيبتك ؟
جهاد : انا ما عندي حبيبه ..
علوي : انزين و ملاك .
جهاد : ملاك بنت خالي و اختي و بس .
علوي : انزين عادي لو كلمتها ؟
انا فهمت انها تبي تكلم ملاك و تقول لها انها تحبها بس حامض على بوزها : شوف .. اللي يتقرب من ملاك احطمه فاهم ؟... عندك ملايين البنات اختار اللي تبيها .. بس ملاك خلك بعيد عنها ..
علوي : أي بس انت قلت انها موب حبيبتك ..
جهاد : أي موب حبيبتي .. بس خلك بعيد .
علوي : اوكي سوري .
جهاد : لا عادي موب مشكله .. بس لا تفكر مجرد تفكير انك تكون جريب منها ..
علوي : اوكي .. بااي .
مشت عني و انا رديت قعدت معاهم ..
حنان : شسالفة ؟
جهاد : سوالف بويات انتي لا تتدخلين ..
طالعتني بنظرة على كلمة بويات ..
جهاد : لا تطالعيني جذي .. و لا تحاولين معاي ... انا بنظرهم بوية ما يعرفون بيتنا شلون ... يات تسألني عن شي و جاوبتها ..
طق الجرس و دشينا الصفوف ..
الحصة السادسة المعلمة غايبة .. شوي و دشو حنان و سوسن ..
جهاد : شنو عندكم ؟
حنا ن: عندنا انج معلمة بشرى النحيسة .. طردتني و طلعنا ..
جهاد : زين قعدو احنا معلمتنا غايبة ..
قعدنا نسولف شوي و بعدين ...
حنان : انا عطشانة .. تعالو نروح الكفيتيريا .....
ملاك : انا تعبانة
سوسن : انا ما لي بارض .
جهاد : قومي انا بروح معاج .
حنان : قومي ...
وصلنا لنص الطريج و احنا ساكتين لحد ما تكلمت حنان : امم .. بقول لج شي و انتي وصليه حق صقر .
جهاد : شنو ؟
حنان : قولي له ان انا قبلت اعتذاره بس مره ثانية لو الموت ما اطوفها له جذي .
جهاد : وصل انشا الله .. اممم بس شنو اللي خلاج تغيرين رايج مع انج كنتي .. يعني ..
حنان : لاني ما كنت اعرف اهو ليش سوا جذي بس الحين لما عرفت اهو ليش سوا جذي اوكي .. أي و قولي له يستحي على ويهه و ما يمزح مع بنات جذي .. هاذي مزحة و يقول لها جذي لو صج شيقول لها ؟


يوم ثاني كنت قاعدة في الصالة بروحي .. البيت فاضي من غيري و الخدامة و اشوف مسلسل .. سخيف و قصته ما لها معنى بس قعدت اشوفه ... شوي و انفتح الباب .. كان فهد .. وصل و اخيراً من العمرة .. ع الاقل في احد اقعد معاه في البيت ..
رحت له و سلمت عليه : الحمد لله على سلامتك .
فهد : الله يسلمج .. ها شلونج ؟
جهاد : تمام انت شلونك ؟
فهد : تمام الحمد لله .
جهاد : شلون سفرتك .
فهد : و الله كانت ... او تعرفين ؟... بروح ببدل و بتسبح و بعدين بنزل .
و بعد ما رد قال لي عن سفرتهم و شلون استانسو فيها ...
جهاد : شربت ماي زمزم ؟
فهد : شلون بعد ؟ في احد يروح هناك و يفوت ماي زمزم .. يبت لكم بعد .. شربيه يمكن الله يهديج ...
جهاد : انشا الله يهديني .
و قعدت اسولف معاه .. في الليل ياب لي صوغتي كانت وايد حلوة ... قران شكله وايد مميز و حلو ... و معاه سيادة صلاة و مسبحه حجر كريم ...
لاحظت ان صوغتي مثل صقر موب مثل ملاك .. بس يللا .. الله كريم ..
عقب ما راح فهد يرقد رحت فوق اكلم شيما
حمد : شيوم قلتي بتراويني صورتج و ما راويتيني .
شيما : يعني لازم ؟
حمد : إذا ما تبين بكيفج بس بعدها لا تسأليني ليش زعلت ؟
شيما : اوكي .. دقيقة بس .
شوي و حطت لي صورة ياهله : الحين انا اقول لج صورتج تحطين لي صورت بنت خالتج الصغيرة ؟؟
شيما : هههههه .. لا هاذي انا لما كنت صغيره .
حمد : لا انا ابي اشوف صوريتج الحين و انتي كبيرة .. موب و انتي ياهل .. انا لما يشوفوني ناس ما يصدقون ان انا مثلي الياهل .. لاني وايد تغيرت .. ابي اشوفج و انتي الحين كبيرة .
شيما : انزين ... شلون تبيني اثق فيك و انا ما اعرف انت من ؟
حمد : يعني ما تثقين فيني ؟
شيما : انا ما قلت جذي ..
حمد : شقصدج يعني غير جذي ؟...
شيما : انا بس سألت..
حمد : عيل خلج في تساؤلاتج و خليني بروحي ... بااي ..
سويت لها بلوك على طول .. خلها شوي تفكر باللي سوته .. عشتو يعني عبالها متأثرة صج .. بس خلها .. تتعلم .

وقت الفسحة يوم ثاني قعدنا انا و سوسن مع بعض .. و حنان و ملاك راحو يشترون لنا ماي و اكل ....
و لما ردو ..
ملاك : سمعو بنات الخبر .
سوسن : شنو ؟
ملاك : توقعوا من في الكافيتيريا ؟
سوسن : من ؟
ملاك : شيما .
سوسن : انزين و يعني ؟
ملاك : كانت تصيح .
سوسن : افا و ما عرفتو ليش ؟
ملاك : بلى مو هذا الخبر اللي ابي اقول لكم عنه .
سوسن : شنو ؟
ملاك : حبيبها زعلان عليها و موب راضي يكلمها .
انا هني جذبني الموضوع .. الحقيرة يعني تخون حمد اللي اهو انا .. او انها صج تحبني .
جهاد : و ما عرفني ليش ؟
ملاك : بلى ... تقول لما كانو يتكلمون قالت له من باب مزحة انها ما تثق فيه .. زعل و ما رضا يكلمها .. تقول حتى سوا لها بلوك ..
ابتسمت .. تستاهل البايخة .. إذا اهلها ما ربوها انا اعرف شلون اربيها .
حنان : بس شكلج وايد واثقة انه حبيبها .
ملاك : لما رحتي تشترين في الزحمة انا كنت اسمعها .. ياو لها ربعها و سألوها شفيج تصيحين ؟ قالت حمد زعلان علي ... و لما سألتها وحده منو حمد قالت لها حبيبي ...
جهاد : اها .. كيفها .. تولي اهي و دموعها ...


و مر باقي الاسبوع عادي و انا للحين ما اكلم شيما مع انها كل يوم تطرش لي إيميلات و بطاقات بريدية على إيملي بس انا عاطيته االسين ...
اليوم الخميس .... مر علينا صقور بيت خالي و خذانا و رحنا مجمع الواحة ... نشتري هدية حق حنان لان عيد ميلادها يوم الاحد ... احترت شنو اخذ لها .. بعدين خذيت لها مجموعة ميك اب يديد نزل و سمعت انها خاطرها فيه ..
صقر : احم احم .. اممم جهاد ؟
جهاد : صقر لا تعطي مقدمات ادخل في الموضوع على طول ...
صقر : امممم ... شرايج اشتري هدية و اعطيج اياها تعطينها حنان ؟
طالعته بنظره : بصفتك شنو انشا الله ؟
صقر : و لا شي .
جهاد : عيل ليش تشتري لها هدية انشا الله ؟
صقر : امم ... يعني اعتذار عن اللي صار من قبل ...
جهاد : و انا على حد علمي ان انا قلت لك انها قبلت اعتذارك .. اصلاً حتى لو ما راح ترضى تاخذها .. ترى اهي موب رخيصة مثل البنات اللي بس ابتسم لها قالت يحبني .
صقر : هههههه .. انا ما قلت انها جذي بالعكس مكرمة عنهم ... بس .. يعني انتي فاهمة قصدي .
جهاد : البنات كلهم كوم و ربعي بكوم لو شنو صار علشان جذي اقول لك لا .
صقر : افف .. زين ......... انزين شرايج اعطيج اقتراح ثاني ؟
جهاد : غرد .
صقر :امم .. الهدية منج و البطاقة مكتوب عليها انها منج ... و كل شي يدل على انها منج .. بس انا ما ابي اخسرج .. تكون الهدية على حسابي ..
جهاد : انزين شنو الفرق يعني ؟.. في كلا الحالتين اهي منك .
صقر : لا اكييد في فرق .. الحالة الاولية بتعر ف انها مني بس المرة الثانية انا ما لي خص فيها و لا في هديتها .. بس انا اللي دفعت و انتو طبعاً ما راح تقولوون لها منو اللي دافع .
جهاد : لا اقنعتني .. يلا بدور اغلى شي و بدفعك فلوسه ..
شريت لها عطر و خليته يدفع ... و ملاك اشترت لها هدية من بدي شوب ... مجموعة كاملة في علبة وحدة مالت هدايا ...
و في السيارة قلت له يردنا بيت خالي ... رحنا هناك و كان عزوز مبدل و لابس ثياب سبورت ..
جهاد : وين رايح ؟
عزوز : رايح الممشى اتمشى شوي .. من زمان ما مشيت و هالايام زايد وزني قلت يلا .
جهاد : بتروح مع منو ؟
عزوز : بروح بروحي .
جهاد : عيل انطر بروح معاك ... بتيين ملاك ؟
ملاك : لا موب رايحة .
جهاد : عيل انطرني دقايق و رادة .
رحت بدلت لبست برمودة بيضا واسعة شوي .. و فانيلة حمرا دم غزال اكمام قصيرة و على كل كتف خطين بيض ... و جوتي احمر فيه خط ابيض .. عدلت شعري و نزلت ما لقيت احد طلعت السيارة لقيته هناك ..
عزوز : تأخرتي .
جهاد : اعدل شعري .
رحنا الممشى .. تمشينا و ركضنا شوي .. و سولفنا وايد علشان يمر الوقت ... مشينا ساعة و نص ثمانية كيلومتر .. يعني لو كل يوم امشي هالمسافة اضعف ... بس انا جسمي حلو موب لازم اضعف و لا ازيد و عضلاتي بعد حلوين موب وايد و لا شوي .. بين و بين ...
درينا البيت و انا هلكانة من التعب : اووووف ... تعبنااااا ...
على طول قعدت في الصالة ... ملاك شوي و نزلت قلت لها اتييب ماي ... يابت لي جيك ماي شربت نصه و النص الباقي شربه عزوز ... بيي تذكرت .. اتصلت في فهد : الو ؟
جهاد : هلا فهيد .. وينك ؟
فهد : انا ويا الصبيان ... شتبين ؟
جهاد : اها ... متى بترد البيت ؟
فهد : انا اليوم موب راد بندش حداق البحر .
جهاد : اوكي عيل .. يلا بااي .
سكرت عنه و اتصلت في صقور : هلا .
جهاد : وينك ؟
صقر : امم .. انا الحين في القهوة .
جهاد : انزين متى بترد ؟
صقر : ما ادري شتبين ؟
جهاد : ابيك اتمر البيت بعدين اتيي بيت خالي .
صقر : ليش ؟
جهاد : ابيك اتييب اللاب توب مالي فيه صور و اشياء ابيهم موب منزلة في لاب توب مال ملاك .
صقر : اوكي بس ما اقدر اقول لج متى اييج .. يمكن عقب ساعة ساعتين ثلاث الساعة وحدة ما ادري لان الشباب للحين قاعدين .
جهاد : اوكي بس قبل ما اتيي كلمني .
صقر : اوكي .. بااي .
شغلت التلفزيون و قعدت اشوف برنامج في بو ظبي ... ملاك فاتحة اللاب توب و عزوز يطالع معاي ... و كلهم ساكتين .. عقب نص ساعة تقريباً طق الجرس : هاذي اكيد صقر .
ملاك : لا تتعبين روحج و تقومين تفتحين انا بفتح بروح خاطري اتنيذل عليه شوي ...
قامت يا زعم فتحت الباب و قبل ما تتكلم سكرته مرة ثانية و راحت فوق بسرعة ... انفتح الباب و دش صبي .... ما اعرفه بس اعتقد انه امين .. بلى هاذي اهو مثل الشكل و الملامح .... بييييييي واايد تغير ..
امين : سلام عليكم .
و ردينا السلام .. يا صوبي و مد ايده يسلم : شلونك صقر ؟
ما راح تعرفون شعوري قلبي يدق بسرعة بسرعة يسرعة .. يمكن منحرجة ... ابي اختفي من جدام ويهه بسرعة ..
مديت يدي و سلمت عليه بما ان انا موب بنية : تمام الحمد لله بس انا موب صقر .
طالعني بنظرة مستغرب : منو ؟
جهاد : جهاد .
فتح عينه حده مستغرب : منو ؟
جهاد : جهااد .
امين : أي جهاد ؟
جهاد : اخت فهد و صقر ..
امين : يعني انت مثل ... سوري .. يعني انتي اللي كلمتج من جم يوم ؟
جهاد : أي انا .
امين : بيييي .. صوتج كلش ما يلوق على شكلج و لا واحد بالمئة .
جهاد : بعد شسوي ؟
امين : صج صج واااايد تغيرتي عن اخر مرة شفتج فيها .. ما توقعت اني اسافر و ارد و القاج مثلج ما تغيرتي .
جهاد : يعني قصدك ان انا موب صبي و لا بنية ؟؟.... عادي إذا بتتعود تشوفني تعود على الصبي موب البنية لان ما في امل انك تشوفها اصلاً ...
امين : صج ان هيئتج ما تغيرت ... بس انتي وايد تغيرتي ... يعني ويهج و ملامحج ... صريت غير ..
راح يسلم على عزوز : اهلاً اهلاً ... شلونك ؟
امين : تمام اسأل عنك .
عزوز : أي جذي خلينا نشوفك .
امين : و راح تشوفني وايد لاني هالسنة بقعد شهرين و نص .
اهم مستانسين بس انا هاذي اهو شعوري ما ابي امين يشوفني .. يعني ما ادري ليش بس اعتقد انه يمكن لاني اعرفه و عاش معاي طفولتي .. الله اعلم ...
جهاد : شباب انا استأذن .
امين : وين ؟ قعدي معانا .
جهاد : لا وين ؟... بروح اتسبح يايه تعبانة من المشي .
رحت فوق و قطيت روحي على السرير ... انا طول هالشهرين و نص ما ابي امين يشوفني .. لانه يحرجني لما يذكرني بأصلي شنو .. و انا قلبي يعورني لما اتذكر هالشي .. صح ان طول حياتي كانت جذي ... بس لما افكر بالموضوع بجد .. انا بنية و لازم اكون عاطفيه ...
طلعت ملاك من الحمام : ليش ييتي ؟
جهاد : بتسبح و برقد راسي يألمني شوي .. انتي ليش ركظتي ؟
ملاك : لان ما علي حجاب ... اممم اصحيج حق العشا ؟
جهاد : لا ... او أي انا يوعانة .
ملاك : ما تغديتي ؟
جهاد : بلى و ماكلة العصر بعد لما كنتي تتسبحين .
ملاك : اها .. انا الحين اخليج تولين و انا بروح .
طلعت .. اضطريت ان انا اجذب عليها علشان اتجنب شوفة امين ... دشيت تسبحت و مليت البانيو ماي و حطيت فيه رغوة ليمون و قعدت فيه .. احس ان اعصابي ارتاحت ... قمت عقب فترة و بدلت ثيابي لبست ثياب بيت مريحة شورت و فانيلة ... احس ان راسي صج يألمني موب جذب ... مثل اللي يقول لج تمارض فمرض فمات ... انا تمارضت و مرضت لان راسي بدا يألمني .. سكرت كل الليتات و تغطيت و رقدت ...

ملاك : جهاد ... جهاد اصحي ..
صحيت و انا احس ان راسي بينفجر من الالم .. و ان الليت في عيني ..
جهاد : ملاك سكري الليت .
ملاك : قومي و خلي عنج الرقاد امي مسوية عشا حلو .. قومي تعشي .
جهاد : ملاك سكري الليت يعور عيني .
ملاك : ما اقدر على عيون الرقيقة .. قومي و خلي عنج الكسل .
ملاك موب قادرة تفهم ان انا صج اتألم ... يا ربي راسي يألمني ... اسوي أي شي بس ينفع معاه .. احس روحي بصيح من الالم .
قمت الحمام ركظ و على طول فرغت كل اللي في جبدي حتى اللي كليته على الغدا .. احس روحي بموت .. موب قادرة اتحمل الالم ... قعدت على الارض و استندت على الطوفة ... نزلت دموعي تعبر عن واحد بالمئة من الالم الي احس في الحين ... قمت و غسلت ويهي .. و توي بفتح الباب رديت للحمام و كملت المهمة الصعبة اللي كنت اسويها من شوي .. هالمرة قعدت على الارض بدون ما اقدر اقوم .... طقت ملاك الباب و صوتها كان يبين انها خايفة : جهاد .. فتحي الباب شفيج ؟
قلت لها و انا موب قادرة ارد عليها من التعب .. : الباب مفتوح .
اول ما دشت و شافت حالتي شهقت و يات عندي بسرعة : شفيج ؟
جهاد : راسي يألمني موب متحملة الالم ..
ملاك : انزين قومي ..
ساعدتني اوقف و اغسل روحي مرة ثانية ... فتحت الباب و انا حاطة كل ثقل جسمي عليها ... صج ان انا اشيل حديد بس انا خفيفة وايد ... المهم .. مشيت شوي .. دخت ..: ملاك احس بيغمى علي ....
و قبل ما اكمل جملتي طحت على الارض و ما ادري شنو اللي قاعد يصير حواليني ... ملاك على طول قامت تطقني يمكن احس بس انا فاقدة الاحساس نهائي .. نزلت بسرعة تحت و صرخت : يمة جهاد طاحت أغمي عليها و تقول ان راسها يعورها ما ادري شفيها روحي شوفيها بسرعة .. ركض عزوز و خالتي سلامة بسرعة لي فوق لقوني طايحة على الارض ... يابو لي ماي و غسل عزوز ويهي فيه بس بعد ما صحيت ... حملني و دخلني الحجرة و خلاني على السرير ... ياب لي كولونيا و شممني اياها و صحيت و فتحت عيني بهدوء بس بحركة سريعة يودت راسي بقوة و غطيت عيوني بذراعي ... :سكروا الليت .. بسرعة ...
قامم ملاك و سكرت الليت بسرعة ...
جهاد : اااااااااااااااخ ..
ملاك : سلامتج انشا الله ...
جهاد : خالتي وين امين ؟
سلامة : تحت .
جهاد : نزلو قعدو معاه بسرعة اهو كلها فترة بسيطة و بيسافر عنكم اما انا بظل معاكم على طول .
سلامة : ما اقدر اخليج بهالحال انتي بنتي .
جهاد : عزوز قوم اقعد مع الريال ... و ملاك نزلي تحت ما ابيج تقعدين معاي .
ملاك و هي تصيح : ما اقدر اخليج بروحج .
جهاد : و انا ما اقدر اسمعج تصيحين بسبتي ..
يات يمي و حظنتني .. حسيت انها صج تحبني و خايفة علي . ... شوي شوي صرت حاطة راسي بحظنها وبدا الالم يزيد و بديت اصيح من الالم ..... شوي شوي دوختني دموعي و رقدت .... بس شوي و صحيت على صوت تلفوني يرن ..
جهاد : ملاك سكريه بسرعة ...
بس شكلها ردت لاني سمعتها تقول : هلا حنان ....... ماشي الحال ..... و لا شي بس جهاد تعبانة ......... ما تقدر ترد عليج راسها وايد يألمها ....... قاعدة تصيح من الالم انتي ما تفهمين .,,,,,,,,, لا ما له داعي لما تصير احسن بكلمج او بخليها تكلمج ........ حنان بلا ....
بس هالمرة انا اللي قاطعت كلامها : ملاك طلعي برع تحجي الصوت يألمني اكثر .
طلعت برع شوي و ردت ....
جهاد : شتبي حنان ؟
ملاك : و لا شي بس كانت تسأل عنج ..
شوي سكت لاني ما اقدر اتكلم . : ملاك تذكرين الغطا الاسود اللي كنت البسه على عيني لما كنت ارقد .. اهو شكله مثل النظارة بس اسود ..
ملاك : شفيه ؟
جهاد : يبي لي اثنين منهم لان راسي وايد يألمني .
ملاك : انزين شدخله ؟
جهاد : علشان الليت ما يصير في عيني .
ملاك : انشا الله ..
راحت يابتهم لي لبستهم فوق بعض ..: الحين إذا تبون فتحو الليت ...
ظلينا ساكتين ... بس انا رديت اصيح بس بعدها رديت رقدت ... حسيت لملاك لما باست راسي و غطتني و طلعت ... لاني للحين ما رقدت زين ....

عقب فترة صحيت بس ظلت عيني مسكرة و الالم ما تغير ..... ظليت واعية فترة و انفتح الباب ...
ملاك : شفتي جهاد راقدة .. اهي تعبانة ما تقدر تتكلم .
رديت بس بصعوبة : تعالي انا موب راقدة .
سمعت حس وحدة غير ملاك تتكلم .. يات قعدت يمي : سلامتج ... اجر و عافية انشا الله
عرفت انها حنان .... بس ما رديت عليها حدي تعبانة ... شوي و رن تلفوني : ملاك إذا ما سكرتي هالتلفون الحين بكسره ..
ملاك : هاذي صقر ... خلاص سكر بس مسوي مسد كول ... انا بروح برع بكلمه اشوف شيبي ...
نزلت تحت و حنان ظلت يمي ..
جهاد : حنان يبي لي ماي من الثلاجة اللي في الصالة .
حنان : دقيقة .
راحت و شوي و دشت ..
عطتني اياه في يدي عقب ما فتحت الغرشة ... شربت شوي و رديت عطيتها ...
انفتح الباب و سمعت ملاك تقول : حنان لبسي شيلتج عدل صقر يبي يكلم جهاد .
جهاد : شيبي ؟
هاذي انا و ما اتغير لما اصير مريضة يصير خلقي ضيج و بسرعة اتنرفز .
ملاك : نطري الحين اهو يكلمج .
: احم احم ... السلام عليكم .
حنان : و عليكم السلام .
صقر : جهاد انتي صاحية ؟
جهاد : أي موب راقدة .
صقر : راسج وايد يألمج ؟
جهاد : لا قاعدة امزح معاكم و كل اللي صار تمثيلية .. شهالسؤال ؟
صقر : انزين لا تعصبين .
جهاد : موب عاجبك قوم اطلع برع .
صقر : انزين سوري ..... قومي بوديج المستشفى ...
جهاد : ما ابي اروح يعني شبيسوون ؟ ... بيعطوني بندول و يردوني البيت .
صقر : انزين قومي خل ناخذ منهم بندول .
انا عصبت : شوف إذا تبي تستخف بدمك موب علي ترى و الله ما لي بارض و تعبانة بتستخف بدمك قوم اطلع برع .
صقر : انزين بس خلاص ...بس قومي اكيد بيحطون عليج سيلان و لا يعطونج ابره اكيد يسوون لج تحليل خل نشوف شنو اللي صار ..
شوي شوي صار يقنعني لحد ما قلت له اوكي : بس ملاك طلعي لي ثياب غير .
ملاك : اوكي .
جهاد : طلعي لي شي خفيف قطن ... الجو صار حر الحين .... طلعي لي برمودا .
ملاك : اوكي .
لبست ثيابي مع اني ما اعرف شنو قاعدة البس بس كنت اتوقع ..كملت لبس و ناديتهم .. دش بس صقر ..
جهاد : اسمع ما اابي احد غير خالتي سلامة إذا قالت تبي اتيي بس ما ابي لا ملاك و لا حنان ما لي بارض اسمع اوادم تصيح .
صقر : ههههه .. اوكي بس هاذي حنان النحيسة ما بترضى ...
جهاد : لا قول لها ان انا ما ابيها ...
دشو حنان و ملاك علينا و سكتت ...
صقر : يلا قومي ..
جهاد : انطر اول بشيل الغطا من على عيني ..
شلتها و حسيت ان راسي بدا يدور بس تجاهلته .. سندني صقر و ظليت امشي يمه
شوي و صار راسي يدور بسرعة طحت على الارض موب قادرة اقوم ..
صقر : شفيج ؟
جهاد : راسي يدور موب قادرة اقوم ..
صقر :ا نزين حاولي ..
وقفت و على طول الحمام ... فرغت مرة ثانية و احس اني هالمرة صج دايخة و احتاج اني اروح المستشفى ..
دشت علي حنان و ملاك الحمام و انا اسمع ملاك تصيح و يتهيأ لي صوت حنان بس ما ادري ... سندوني و قمت غسلت ويهي و طلعت ... قعدت على الكرسي صقر راح اييب لي ماي و ملاك راحت تلبس علشان عبالها انها راح اتيي معاي .. و تتييب الغطا مال عيوني لاني موب متحملة الليت .. يابت لي الغطا لبسته و تسندت على الكرسي يا زعم انطر ملاك بس الصج اني ما كنت قادرة اقوم من مكاني .. سكتنا حنان قاعدة يمي على الكرسي و صقر واقف على يساري يم الكرسي ..
حنان : انا بعد يايه معاكم .
صقر : لا انتي راح تظلين مع ملاك هني .
حنان : اولاً ملاك يايه معاكم و ثانياً لو تبي ملاك تظل هني بروحها خلي ملاك بروحها انا يايه يعني يايه .
صقر و بدت نذالته : سيارتي و كيفي ما ابيج لا انتي و لا رفيجتج .
حنان : عيل خلي جهاد هني و احنا بنخلي أي احد يوديها المستشفى ..
صقر : انا إلله ... اهي قالت لي ما تبيكم فهمي عاد .
حنان : انت اللي افهم ... انا رايحة غصباً عنك و عنها فاهم ؟
صقر : و انا قلت ....
قاطعتهم و انا اصارخ : بس عاد .... عورتو راسي فوق العوار اللي فيني ... خلاص ... اللي يبي ايي بكيفه و اللي ما يبي بكيفه بس عاد كفاية ... لاكن انشا الله اموت و افتك من كل شي .
حسيت بإيدين على ظهري و حنان و صقر يكلمون مع بعض في مثل الوقت ..
حنان : اسم الله ..
صقر : لا تقول ...
و في نفس الوقت الإيدين انشالو عن ظهري و الاثنين سكتو ..!!!!!
شكلي فهمت اللي قاعد يصير كل واحد منهم كان يبي يقول لي شي و يرفع من معنوياتي المتحطمة .. بس صارت إيدينهم على بعض بالغلط من جذي الاثنين سكتوا ... احس ان الحين صقر مبتسم بس بدون ما يحاول يبين لها شي و حنان ويهها منحرق من الفشلة ....
بديت اضحك بشكل خفيف : ههه ... ههههه ... هههههه
الحين لاكن صج ضحكت و خليتها تعصب : ههههههههههههههههههههههههه هه هههههههههههههههه و الله انكم نكتة .
حنان عصبت : حتى و انتي مريضة و تعبانة بعد تتطنزين على الاوادم ؟... ما تيوزين عن الحركات البايخة ..
صقر تكلم بهدوء : مسامحة الشيخة حصل خير .
حنان : و انت لو سمحت اكرمني بسكوتك .
صقر ما يسكت و اثنينهم يذكروني بتوم ان جيري : انزين يعني كنت اقصد اسوي جذي ؟ ... كان بالغلط عاد كليتيني ... شهالامم التعبانة ..
حنان شهقت : الحين انا تعبانة ؟... انت جفت ويهك ؟؟؟
جهاد : استغفر الله العظيم على هالاوادم ... بس عاد سكتو يهال انتو ؟ سكتو و اللي الحين بتكلم بحط حرة الالم كلها فيه ..
سكتنا .... انا احس ان راسي زاد الالم اللي فيه ... مسكت راسي بقوة و تكورت على نفسي ... احس نفسي بموت من الالم ...
جهاد : اااااي .... اااااااااااي ...
بديت اصيح من الالم ..
ملاك : قومي خل نروح المستشفى .
جهاد : موب قادرة اقوم ...
نطرت عشر دقايق اقل اكثر ما ادري ... لما خف الالم وقفت علشان اروح المستشفى بس تماسكت في فانيلة صقر قبل ما اطيح .. حملني صقر و حطاني في السيارة ... ملاك قعدت جدام يم صقر ... و حنان معاي ورا و حطيت راسي على حظنها ...
حنان : ملاك يبي القران اللي هناك .
صقر : لا ... يبي شوي ... بطلع منه اوراق ...
شوي و عطاها القران ... صقر يول شي حق ملاك و ملاك قاعدة ترد عليه اما حنان كانت تقرا قران على راسي .... صوتها خفيف ما ينسمع واضح لان ملاك و صقر يسولفون ما اعرف شيقولون ... و لما سكتو صار صوتها ينسمع ... صوتها كان حلو و هي تقرا قران ... ما شا الله ... و بما ان المستشفى بعيد عن البيت قرت سورة محمد كاملة على راسي ... احس ان الالم هدا ...
وصلنا المستشفى و انا احس اني متكسرة ...
صقر : نطرو بروح اييب ويل جير حقج و برد ... بسم الله ..
نزل من السيارة شوي و رد ... قمت من مكاني و رحت على الكرسي ... رديت راسي لورا احسه يألمني إذا ارفعه .. شوي بس و دخلنا على الدكتوورة ... هاذي دكتورتي و ما اروح عند غيرها ... هندية بس تتكلم عربي احسن مني ... كلمها صقر و قال لها شنو صار بس ملاك و حنان كانو واقفين برع ... شوي سأتني جم سؤال ... خلتني في غرفة صغيرة فيها بس سرير .. سحبت مني دم و حطت لي ابر و سيلان و ملاك و حنان قعدو معاي ... حنان تقرا قران و احنا نسمعها ... و عقب ما خلصت سورة ثانية ...
جهاد : حنان الحين الوقت متأخر قومي روحي البيت ..
حنان : عادي ما عندي احد يسأل عني او يحاتيني إذا تأخرت ..
جهاد : حتى لو . انا احاتيج .. ملاك ... روحي نادي صقور من برع ..
شوي و دخل صقر ...
جهاد : صقر روح انت و ملاك وصل حنان و تعال لي اكون انا خلصت من السيلان ...
صقر : اوكي .. يلا .
طلعو كلهم عقب ما سلمت علي حنان .... و انا حد تعبانة ... رقدت ..... صحيت على صوت الممرضة ... شالت من يدي السيلان .. شوي و دش صقر ... رحت معاه للدكتورة ... قالت لي ان دمي5.5 يعني وايد ناقص من جذي كان يغمي علي و ضغطي نازل وايد بعد و السكر منخفض عندي ... قالت لي تخليني في المستشفى اليوم بس انا قلت لها ان انا ابي ارد البيت ... و عقب خمس ايام ارد لها .... صح ان الالم خف شوي بس للحين يألمني ... و في السيارة ...
صقر : اممم .. الحين بنروح البيت .
ملاك : لا انا بروح بيتنا .
جهاد : انا ما بروح البيت بروح بيت خالي .
صقر : لا تعالي البيت خلج مع امي .
جهاد : اللي يسمع صج لو رحت البيت بتهتم فيني .. امي بس تهتم بالاوادم و عيال الاوادم بس احنا و لا حتى تسأل عننا تقول لي تهتم فيني ؟ .. صل على النبي اقول ... انا بالنسبة لي خالتي سلامة اهي امي ... تهتم فيني اكثر من ما تهتم امي ... ما بروح معاك ...
رديت البيت "بيت خالي" ... و ما كان في احد دشيت الحجرة و حطيت راسي على المخدة .... دشت خالتي سلامة و عطتني ماي زمزم اشربه .... و يابت ماي زمزم قارين عليه ختمة كاملة للقران يستخدمون حق المرضى ... مسحت راسي فيه و انشا الله اصير احسن ... بس طلعت انا غطيت في نوم عميق ...

صحيت يوم ثاني و انا احس ان وايد احسن صج ان راسي يألمني للحين بس موب مثل البارحة اليوم احسن يعني اقدر افتح عيوني و اقدر امشي ....
نزلت تحت و سلمت على خالي و خالتي ... تريقنا و قعدنا مع بعض بس بعدين قعدت احل واجباتي و ادرس شوي ... سكرت الكتاب لان احس ان راسي الحين بدا يألمني ... سكرت عيوني و شربت دوا من اللي عطتني الدكتورة امس ... هالالم ذابحني بسوي أي شي بس يوقف .... اففففف ... شوي و كملت دراسة ... فتحت اللاب توب اللي يابة لي امس صقر و كملت البروجكت مال القانون و سكرته لان راسي بدا يرد يألمني ... من شربت الماي و مسحت خالتي جسمي بماي زمزم احس اني صرت احسن ... سبحان الله .. يايبينة من مكان مقدس اكيد له تأثير علي ....

مر الويك اند و انا يوم زينة و يوم موب زينة بس ليلة المدرسة كنت اوكي ... و اليوم عيد ميلاد حنان .. سويناه ثري لاين انا و ملاك سبيكر مع سوسن و حنان جريب الساعة 12 و غنينا لها هابي بيرث داي ... كانت صج مستانسة ... و بعدين عقب نص ساعة تقريباً ...كل واحد راح بروحه بس ظلينا انا و حنان نكلم بعض ... شوي و صاحت ...
جهاد : شفيج حنان ؟ ليش تصيحين ؟
ردت علي و هي تشهق بين كلامها : تعرفون ... انا وايد احبككم .... انا اصيح لاني قاعدة افكر تخيلي ... انتي رفيجتي و عادي لو تذكريني .... بس المشكلة في امي و ابوي .... تخيلي امي و ابوي حتى ما تذكرو انه اليوم عيد ميلادي ..... الله يسامحهم ... ما اعرف ليش يابوني ..
جهاد : حنان حبيبتي لا تحطين في بالج هالحجي ترى حرام ما يجوز هاذي يعتبر اعتراض على حمكة الله ... لا تخلين الشيطان يلعب براسج ... ترى احنا نحبج و الكل يحبج ....
حنان : بس هذيل امي و ابوي تعرفين يعني شنو ؟
جهاد : و ترى الكل يتمنى لج سنة طيبة ..... حتى صقر قال لي اقول لج كل سنة و انتي سالمة .
حنان : و هو سالم (( تذكرت )) بس هاذي نحيس ما يسمع الحجي للحين منقهرة عليه على يوم الخميس لما رحنا معاج المستشفى ... النذل عقب ما نزلني بيتنا يقول لي لا تتصلين في اختي ترى راسها يألمها و ما تقدر تتكلم في التلفون لا تزعجينها ..... شهالاسلوب الحقير ؟
جهاد : فديت اخوي و الله .... تعرفين اهو يقول عنج مثل هالكلام يقول انج نحيسة و ما تسمعين الحجي ...
حنان : يعني يقول عني نحيسة ؟
جهاد : سكتي و لا تعترضين ترى انتي تقولين له مثل الحجي ..
حنان : انزييييييين ... امم شرايكم باجر اتيون بيتنا ؟
جهاد : اوكي ... بس كلمي سوسن انا راسي بدا يألمني برقد .... يلا بااي
حنان : اممممم ... ثانكس جهاد .
جهاد : على شنو ؟
حنان : على كل شي .... انكم تذكرتوني ..... و لما اكون زعلانة تخففين عني ... صج صج شكراً ... اقولها لج من قلبي .
جهاد : و لو احنا خوات ما بيننا هالكلام .... يلا عاد ... حشى لزقة ... فهمي عاد انا تعبانة و ابي ارقد ... وراي مدرسة ..
حنان : ههههههههه ... اوكي يلا بااااااااااي .
جهاد : بيباي ..
سكرت عنها و على طول رقدت عقب ما شربت الدوا .... و صحيت الصبح و انا احس جسمي متكسر من التعب بس قمت رحت المدرسة ... طول طريج الصبح و صقور ساكت ما تعلف فيني بس مشغل قران ... و لما دشيت المدرسة دشيت الصف حطيت اغراضي و طلعت مرة ثانية ... ملاك وصلت معاي المدرسة في نفس الوقت بس ظلت في الصف و انا طلعت انا اشوف إذا وصلت حنان او لا ؟....
بس دشيت صفهم كانت واقفة وعاطيتني ظهرها ... رحت يمها غطيت عيونها بإيديني ...
حنان : ما يبي لها شي جهاد ..
شلت إيديني من عيونها افترت لي و حظنتني .... حظنتها و تمنيت لها سنة سعيدة ...
طلعت معاها عقب ما حطيت يدي على جتفها ... انا و طبعاً ما راح اقدر بس ع الاقل احاول اني اعوضها شوي عن الحب اللي لازم تحصله ممن اهلها ... بس الحمد لله على كل حال ...
مشينا شو قلت لها : اليوم انا يايه يايه حتى لو كنت بروحي بيي لج إذا سوسن و ملاك موب يايين انا يايه ..
حنان : افا عليج عيوني اوسع لج من البيت .
مرت علينا شيما و وقفت : اوووووووووو .... شكلج متهاوشة مع الحب ملوووك قلتي تاخذين حنان بدل ؟
جهاد : اقول خلج بعيده عني احسن لج .
شيما : نسيت انج ما ترضين احد بنادي بأسمها تغارييييييييين .
جهاد : اقول خليني في حالي و روحي حق هالخايس (( طالعتها بنظرة سخيفة مثل نظراتها )) حموووود (( رديت لطبيعتي )) و خليني انا في حالي فاهمة ؟
وقفت منصدمة : انتي شدراج بحمد ؟
جهاد : هه ... لا تحاولين تضحكيني ... المدرسة كلها تعرف بالسالفة و انتي ؟.... لا تعليق .... ما في احد ما يعرف سالفتج مع حمد ... اوه لا لا ... زعل منج لانج ما تثقين فيه ؟.... اللي يسمعج يقول انتي اللي تساهلين الثقة ... مسكين هالحمد لو يدري جم الف واحد غيره تكلمين و فالتها ع الاخر عبالج الناس تسكت ؟... بس اقول خلج في احلامج الذهبية اللي ما بتصير ... الله يعين قلبج ... (( كلمت حنان )) امشي بس امشي .. خلينا في حالنا ما نبي مشاكل مع ناس همها تتمشكل مع الاوادم ....
مشينا و خليناها مصدومة ... و رحنا الصف شفنا ملاك وقاعدة تحل في دفترها و شكلها زعلانة : شفيج لوكة ؟
ملاك طالعتني بنظرة : ما فيني شي ...
عرفت انها تجذب طبعاً ... بس ما حبيت اكبها جدام حنان يمكن ما تبي تقول جدامها
ظلت حنان طول الوقت ساكتة حتى وقت الفسحة ... ردينا الصف الحصة الرابعة بعد الفسحة و عرفنا ان معلمة الادر غايبة علشان جذي ..
جهاد : ملاك شفيج ؟
طالعتني : قومي خل ننزل و بقول لج ..
نزلنا تحت و اهي ساكتة وتفكر ... رحنا مكاننا مال كل يوم ....: امس تهاوشت مع مريم .
جهاد :أي مريم ؟
ملاك : امس اتصل فيني محمود و قام يسولف ... و انا اسمع طقة مال كول ثاني ... لما سكرته طلعت لي مريم حبيبته ... قلت لها هلا قالت لي لا اهلين و لا سهلين (( بدت تصيح على خفيف )) ياللي ما تستحين باللي موب مربية ... تقول لي .... تقول لي إذا تعرفين ان محمود يحبني و يبيني ليش تكلمينه ؟ انا اتصلت فيه شفته ويتنغ عرفت انه يكلمج انتي يالرخيصة .... و اتصلت فيج شفته بعد ويتنغ ... استحي على ويهج و لا تكلمينه .... قلت لها ... شلون ما تبيني اكلمه و انا بنت عمته ... اهو ولد خالي ... قالت لي انا ما اكلم عيال خالي لانه عيب البنية تكلم صبيان ... قلت لها يعني موب عيب تكلمين واحد غريب ؟.. قالت لي محمود حبيبي موب غريب علي انتي اللي بعدي عن طريجنا و خلاص ...
سكرت في ويهي .... شسوي الحين ؟... ليش كل مرة تتسبب و انا ساكتة عنها ... الحقيرة هددتني ان إذا ظليت اكلم محمود الحقيرة هددتني ان إذا ظليت اكلم محمود راح تقول حق عزوز لانه معاها في الجامعة اني طايحة مغازل مع عيال الاوادم ...
ظلت تصيح و انا ما حاولت اهديها لاني قاعدة افكر ...
جهاد : اممممم سمعي عندج حل واحد بس ...
ملاك : شنو ؟
جهاد : تقولين لمحمود ...!!!



لامارا غير متواجد حالياً   رد مع اقتباس
قديم 11-12-13, 09:17 AM   #9

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي


الجزء السابع

ملاك : شنو ؟؟؟؟؟؟ !!!!!!!!!!!!!! ......... اقول لمحمووووود ؟!!!!!!!! ........ بس انا ما ابي اخرب بينهم ..
جهاد : انتي ما راح تخربين بينهم ... انتي راح تنقذين نفسج بدون ما تتأذين ... إذا قلتي له راح يكلمها و ما راح تقدر تتكلم مرة ثانية .... راح تسكت عنج او ما يصير لها طيب ..
ملاك : بس جذي احس ان راح يخترب اللي بينهم ....
جهاد : يخترب اللي بينهم بسبتها و لا تخترب حياتج بسبتهم ... خلج في الأمان احسن لج .
مسحت دموعها : يعني تقولين جذي ؟
جهاد : و نص بعد ... إذا اهي مستعدة للمشاكل احنا بعد مستعدين اكثر منها ...
ملاك : خلاص عيل بس ارد البيت بكلمه ..(( حسيت انها بدت تصر )) ... و راح اراويها منو انا ... ما ابي مشاكل بسبة وحده ضايعة بسبتها ... جهاد انا وايد خايفة عليه منها ... هاذي البنية سمعتها خايسة ...
جهاد : الحين ما علينا هالكلام بعدين راح نتكلم فيه اهم شي االحين نعالج مشكلتج اول و بعدين راح نتفرغ لهالسالفة اوكي ؟
ملاك : اوكي .
جهاد : الحين يلا ابتسمي .
ابتسمت بس على خفيف ...
ضحكت في ويهها : ابتسمي صج موب جذي ...
ابتسمت عدل الحين ... قرصت خدها : فديتها اختي ...قومي خل نروح نشتري ماي انا عطشانة ...
مشيت و انا حاطة يدي على كتفها و مشينا .. لما كنا راح ندش الكافيتيريا وقفت لها السم اللي اكرهها : اووووووووووه.... تصالحتي مع الحب ؟؟؟؟؟.... الحين يا حرام اكيد راح تهيدن حنان مرة ثانية ..
جهاد : انتي شكلج ما بتيوزين عني كلش ... سكتي بليز صوتج يعور راسي .. بايخة .
مشيت عنها .. رحنا شربنا ماي و طلعنا ... حسيت ان راسي يألمني ... وقفت في نص الطريج عقب ما طلعنا من الكافيتيريا ..
جهاد : ملوك .. راسي مرة وحدة المني ..
ملاك : انزين قعدي ..
جهاد : ما يفتر بس يألمني ..بس تعرفين يلا يلا عادي ..
و انا امشي حسيت ان صار عادي و راح الالم بس و بشكل مفاجئ .. طحت و اغمي علي .. ملوك قامت تطقني على ويهي ببس ماكنت احس .. بشي ... راحت ركض غرفة المرشدة الاجتماعية و خذت وييل جير .... راحت بسرعة لي لقت ان في بنات حواليني .. ساعدوها و حطوني على الكرسي بسرعة و ركظت فيني غرفة الممرضة بسرعة .. حطت على خشمي شي خايس بس صحاني .. فتحت عيوني لقيت ملاك ... عطوني عصير برتقال مر بدون سكر علشان يردني لوعيي بسرعة ... المهم ... شوي و وصل صقر ..و طبعاً بدت نحاسة ملاك ..: انا بروح البيت .
المشرفة النحيسة حصة : اسفة ما اقدر اطلعج معاها .. و ليش اصلاً تطلعين ؟
ملاك : ما اقدر اخلي جهاد بروحها ... بروح معاها ..
حصة : و ما راح تقدرين تطلعين بدن اذن مني و ما راح اعطيج ..
و بدو سالفتهم و في النهاية ملاك كلمتها بخياس نفس : انزين راح انطر لنهاية الدوام ... صقور نعال لي انت بعدين البيت اوكي ؟.. انا ابي اروح حق جوجو ... انا رايحة صفي ..
راحت و حنا طلعنا وراها على السيارة ...
صقر : سمعي الحين بروح البيت تبدلين بسرعة و بنروح المستشفى .
جهاد : سوري ما اقدر انا اليوم معزومة .. عند بنية و ما اقدر اقول لها لا .
صقر : العزومة موب اهم من حياتج ... راح تروحين المستشفى .
جهاد : و انا قلت لك ان انا موب رايحة ..
صقر : و انا قلت لج انج رايحة ...
احس اني لو قلت له ان البنية اهي حنان ما راح يقول لي لا : يعني شتبيني اسوي ؟.... انا من اول امس قايلة حق حنان ان انا رايحة لها و علشان اعطيها هديتها .. الحين بتزعل علي ..
صقر : يعني بيت حنان ؟
جهاد : اي بس انا بس اطلع من بيتهم انت راح توصلني المستشفى ..
صقر : دام ان بيت حنان اوكي ..

مر باقي اليوم و انا احس ان راسي يعورني ... بس في الليل عطيت صقور الهدايا و خليته يروح محل يغلفونهم و انا رحت بدلت .. لبست قميص ابييض و ساعة بيضا و جبنز ازرق بس فاتح و جوتي ابيض و جزام ابيض و سلسلة جلد ابيض .. طلعت انا و ملوك .. و قعدنا في الصالة ننطر صقور يوصل من محل الهدايا ... دش ابوي الصالة قمت له و بست راسه ..
جراح : هلا جهاد ... شلونك ؟
جهاد : تمام يبة انت شلونك ؟
جراح : الحمد لله ... ها وين رايح ؟
جهاد : طالع ويا عزوز و ملاك و صقور .. و بعدها رايح ارقد في بيت خالي ..
جراح : ايي ... شنو هاذي ؟
كان يأشر على رقبتي : هاذي ؟
رفعت السلسلة له .
جراح : أي هاذي ... شنو ؟
جهاد : لا يبة .. الحين هاذي موب الشباب اللي يلبسون السلاسل يمكن اكثر من البنات ... حتى عزوز ولد خالي .
جراح : لا شيلها موب حلوة على ريال .
جهاد : يبة مكتوب عليها ماد بوي ... يعني صبي ..
جراح : انزين و خل نشوف شنهاية هالسلاسل ..
طق لي صقور رنة و طلعت له
ركبت السيارة .. شغلت اغاني مفرفشة و سولفنا و ضحكنا لحد ما وصلنا بيت حنان ..
طقيت الجرس .. شوي و طلع لي خليل و طالعني بطريقة استفهام ..
جهاد : مرحبا ..
خليل : يا هلا .
جهاد : انا جهاد رفيجة حنان...
خليل : تفضلوا ..
دشينا الصالة و حطينا هديتها على الطاولة .. و ظلينا واقفين يم الطاولة بس ما قعدنا ننطرها اتيي لنا بعدين..
شوي و دشت علينا و ابتسامتها عريضة تأكد لنا انها قاعدة ترحب فينا ... راحت لها ملاك و حظنتها و تمنت لها سنة سعيدة بالرغم من انها ثلاث مرة تمنت لها ... و بعدها يات سلمت علي و حظنتني لانها وايد مستانسة ..
شوي و قعدنا ...
جهاد : قلت لج يايه يايه ...
حنان : و يا ليت كل يوم اتيون بعد و الله بيتكم انتو الداشين و انا الطالعه ... انا ما فيني صبر ... بشوف هديتي ..
ابتسمت لها : لا لا ما تفتحينها .. مخسرين على التغليف فلوس ..
حنان : و انا بخسر على فتحة الهدية طاقة ..
ملاك : خلاص تعادلتوا ...
فتحت هدية ملاك و كانت علبة من بدي شوب .. شور جل و بدي بتر ... و هالحركات ..
طاعتها بنظرة مؤنبة : يا حمارة شايفتني ما اتسبح ؟
ملاك : شهالسخافة اعرف انج تتسبحين بس عجبني .
حنان : انزين اعرف انا موب لهالدرجة سطحية و ما افكر ..
فتحت الميك اب و وايد عجبها : هاي منج جهاد ؟
جهاد : يقولون ..
فتحت العطر : هاي بعد منج جهاد ؟؟
فكرت انا ليش اجذب خل اقول لها الصج : لا .. الله يسلمج من عند صقور اخوي .
حنان عبالها اني امزح : لا صج ؟
جهاد : يعني شهالسؤال ؟... مكتوب على العلبة جهاد ليش تسألين ؟
حنان : اممم ... ثانكس حبايبي ..
جهاد : و لو حاظرين لج في أي وقت ...
اتصلت فيني سوسن رديت : هلا ..
سوسن : هلا .. سمعي كلميني على اساس ان انا اخوج ولد خالج أي احد بس موب انا سوسن ..
جهاد : هلا هلا فهيد ..
سوسن : هلا بيج ... معاج ملاك او انتي بروحج بعدين ملاك بتروح بروحها ؟
جهاد : لا و الله موب في البيت .
سوسن : يعني معاج ؟
جهاد : أي .. بس ليش تبي يصير جذي ؟
سوسن : انتي ما عليج من اللي يصير انا بعدين بفهمج بطريقتي ... المهم سمعي .. ابيج تاخذين حنان بروحج مكان غير الصالة اللي انتو قاعدين فيها و انا بكلم ملاك و بفهمها اوكي ؟
جهاد : تمام ... اوكي يلا باي ..
سوسن : بااي ..
خذيت تلفوني و حطيته في مخباي ...: حنان ابي اقول لج شي .
حنان : شنو ؟
وقفت و مديت لها يدي : قومي .
وقفت ..
ملاك : لا و الله و انا ياللي ما تستحين ؟
حنان : عيب جهاد .
جهاد : انتي جب و تعالي ..
غمزت لملاك بدون ما تحس حنان : انتي خلج هني ما نبيج .
فهمت علي ملاك : خلكم ..
سحبت حنان من يدها و دخلنا المطبخ اللي يم الصالة مباشرة ..و ظلينا واقفين مجابلين بعد ...
حنان : شنو ؟
جهاد : امم .. انا ابي اقول لج كلام و توقعات انج ما تبين ملاك تسمعه ..
حنان : شنو ؟
جهاد : اممم ... اليوم صقور قال لي كلام و قال لي اوصله لج ... يعني اهو موب مثله بالضبط لاكن .. يعني قريب له او اقدر اقول .... بس بس خلاص اعتبريه ان مثل الكلام اللي كان يبي يقوله ...
حنان ابتسمت : انزين شنو الكلام ؟
جهاد : امم .. قال لي ..
رن تلفوني مسج : طلعي الصالة بس اول غطي عيون حنان و إذا سألتج حقريه .. بس تعالو بسرعة ..
جهاد : او تعرفين .. بس خلاص بعدين اكلمج و اقول لج ...
سحبتها من يدها بنروح للباب و لما صارت جدامي غطيت عيونه بإيديني .. شهقت ..
جهاد : امشي جدامي و انتي ساكته ..
مشت و اهي مستغربة و لما وصلنا الصالة انا تفاجأت كانو مبندين الليتات و مشغلين شموع على الكيك ... و لما رفعت يدي عن عيونها و شافتهم دمعت عيونها من كثر ما اهي مستانسة ... و عقب ما خلصت اغنيتهم قامو يصفقون و يصرخون لها مثل ايام ما كنا يهال ... قامت سوسن و شغلت الليت ... و راحت حق حنان و حظنتها ... و ظلو فترة جذي .. تعرفون حركات بنات ... قعدنا و سولفنا و استانسنا مع بعض وايد و اهم شي كلينا كيك .. على الساعة 11 مشت سوسن ... و على الساعة 12 مر علينا فهد ...
فهد : ها شنو استانستو ؟
جهاد : الحمد لله كان الجو حلو ..
ملاك : الحين على طول بيتنا .
جهاد : لا بيتنا ... انا صار لي اسبوع في بيتكم ابي ارد بيتنا شوي عاد .
فهد : بكيفكم ؟... اصلاً انا ما عندي وقن بقطكم بيتنا و بعدين دورو لكم احد يوصلكم بيت خالي ..
وصلنا اليت و لما دشينا بدلنا شوي و رقدت ملاك من كثر ما اهي تعبانه .. اما انا فطلعت برع و قعدت في الصالة اللي فوق علشان اشوف التلفزيون و احس ان للحين ما فيني رقاد ... شوي و دش علي صقر قعدنا نسولف شوي و سألني عن الجو هناك و هالاشياء ...
صقر : اي صج انا تو الحين تذكرت .. مو انتي قلتي بتروحين المستشفى ؟
رن تلفوني ...: ما لي بارض ..... (( رديت )) هلا حناني ...
حنان : هلا و الله ..
و تعرفون ظلينا نسولف يمكن عشر دقايق ربع ساعة .... و صقر يشوف التلفزيون مع ان انا حاسة ان باله معاي ...
حنان : اممم بقول لج شي بس لا نفهميني غلط .
جهاد : افا عليج موب انا ..
حنان : اليوم لما كنا في المطبخ .
ابتسمت لاني اعرف اهي عن شنو تبي تتكلم : ايي ..
حنان : و صقر ما اعرف شقال ..
احب العب في اعصاب صقر : صقر اخوي ؟
رفع راسه يطالعني و انا مطنشة ..
حنان : لا ولد الييران ؟؟... اي صقر اخوج ... قلتي لي انه قال شي ما اعرف شنو شسالفة ؟
حاولت اصطنع الجد : لا لا صج تقصدين صقر اخوي ؟
حنان : افف يا جهاد موب بدينا السخافة ... تعرفين خلاص سكري الموضوع .
جهاد : ابد ابد ما توقعت منج هالكلام ...
حنان : افف خلج تولين ... ايي صج تذكرت ثانكيو حبيبتي على العطر وايد حلو ... يمكن ما تعرفين هاي العطر وايد احبه بس اخر مرة رحت و كان مخلص ...
احب إلا اموت و انا العب في اعصابه خصوصاً لما كنت اتكلم عن موضوع و هو يفهمها شي ثاني ... فتحت عيوني ع الاخر : تحبينه ؟؟
احس ان عقله و عيونه و قلبه و باله كلهم معاي ...
حنان : اي احبه شفيج جذي مستغربه ؟... كله عطر ..
جهاد : هالمرة صج ما توقعت منج هالكلام .
حنان : اف يا جهاد الحين شكلي بسكر لان صج مللتيني و انتي تستهبلين علي ..
جهاد : لا لا صج ... اي تذكرت ... على طاري هاموضوع ... صقر اخوي يقول لج سوري على يوم كنت مريضة يعني لما قال لج لا تزعجينا كان يمزح قال يمكن اخذتيها جد و لا شي ...
حنان : و انتي قولي له ان انا تعودت على مزحه الثقيل و صار عادي لاني اعرف انه يمزح .. بس لو يحلم انا ما راح اقول له اسفة و لا حتى سوري لاني و مثل ما تعرفين ما اعتذر حق احد ..
جهاد : هههههههههههههههه ... حلوة .. اوكي راح اقول له ... يلا روحي الحين انا تعبانة .
حنان : صج ما تستحين ..
جهاد : من زمان ما استحي .. باي .
سكرت في ويهها نذالة ابي اتفرغ لنذالتي مع صقر ...
صقر حسيت فيه بلع ريجه : شقالت لج ؟
جهاد : يعني شقالت ؟... قالت عادي اعرف انه يمزح و جذي بس لو يحلم انا ما اعتذر له ...
صقر : انا اقصد في البداية .... حنان قالت لج انها تحبني ؟
يس هاذي النقطة اللي انا ابي اوصل لها : شنو ؟... تحبك ؟ هههههههه ههههههههههههه ههههههههههههههه .. يالاهبل من وين اتييب هالافكار ؟... اهي تقصد العطر انت شدخلك في الموضوع ؟
صقر : بس اتي كنتي تقولين اسمي في البداية ..
جهاد : لان كانت تسألني منو اللي معاج ..
انا صراحة ما اعرف متى بتوب عن الجذب ...
جهاد : اصلاً ما يصير تحبك .
صقر : ليش اهي تحب صبي ثاني ؟
جهاد : اي في واحد تحبه ... خليل .. خليل رفيجك ... اللي يصير ولد خالها ..
و ابتدت النذالة : وااااااايد تحبه ... صج صج اكثر صبي تحبه في هالدنيا ... تعرف ما عندها اخوان و تعتبر خليل اخوها ..
حسيت انه راح يقوم يكفخني ...
جهاد : اي و نسيت في صبي ثاني .. خالها واااايد تحب خالها .
حسيت انه بدا يعصب : ما تبين تقولين انها تحب ابوها بعد ؟
جهاد : لا حنان ما تحب ابوها .. انا بخليك تولي و بقوم .
طالعني بنظرة ... تبون الصج ؟... انا احس انه لو بعد قعدت معاه ثواني زيادة راح يكفخني علشان جذي انا قلت بقوم .... رحت فتحت إيميل شيماء و قعدت اكلمها ...
شيماء : حمد صج ان احنا تصالحنا الحمد لله بس انت للحين ما راويتني صورك ... ترى راح ازعل ..
حمد : برب ..
شيماء : و مثل كل مرة ... تقول برب و ما ترد .
حمد : لا و الله هالمرة برد صج ..
شيماء : اوكي .. تيت ..
ما لي إلا هالحل .. صبي ما يشبهني و لا يصير لي ...
طلعت برع جفت ان صقر للحين في الصالة ...
جهاد : عطني رقم سلام ..
يمكن تذكرونه .. سلام اخو سوسن ...
صقر : ليش ؟
جهاد : كيفي شلك خص ؟
صقر : عيل حصليه بكيفج .
جهاد : اوكي ..
بيي هاي جبريت للحين معصب ... ما اعرف اهو ليش حارق اعصابه ... و على شنو اصلاً ...
قعدت على الكرسي اللي يمه : هلا سوسن .
سوسن كان صوتها كله رقاد ... : شتبين ؟
جهاد : عطيني رقم سلام .
سوسن : ليش ؟
طالعت صقر بنذالة و تكلمت : صقر طايح تلفونه بالماي و احترقت البطاقة ... و يبي يكلم اخوج ..
عطتني الرقم اتصلت و انا اتحرك لحجرتي ..
سلام : هلا .
جهاد : اهلين ... شلونك ؟
سلام : تمام الحمد لله ... منو معاي ؟
جهاد : امم . انا جهاد اخت صقر .
سلام : يا هلا و الله ... شلونج ؟
جهاد : تمام الحمد لله ..
سلام : دوم انشا الله .
جهاد : معاك ... إلا اقول سلام ... ابي استغلك بس اللي تبيه انا حاظره ... مسأله حياه او موت .
سلام : افا عليج استغليني بدون حساب ..
جهاد : اممم ... ابي صورتك براويها بنية على اساس انك حبيبها .
سلام : و ليش يعني .؟؟
جهاد : امم شغلة ... اول انت تحب احد ؟.. ما ابي اسوي لك مشاكل .
سلام : لا ما عندي احد ..
جهاد : اوكي عيل ابيك الحين تطرش لي صورك على إيميلي .
عطاني إيميله و عقب دقايق كانت كل الصور عندي ...
حمد : باك .
شيما حطت لي فيس مبتسم .. طرشت لها صور سلام ... : الله ماشا الله عليك حلو .
حمد : و ذوقي حلو لاني اخترتج ...
و ظلينا نسولف مع بعض شوي و بعدين سكرت الايميل بدون ما اقول لها باي ... رقدت و قمت يوم ثاني للمدرسة و انا حدي تعبانة .....

في الليل صار ملل حده و ما في شي اسويه .. قعدت اشوف التلفزيون .. يات ملاك ..
جهاد : إلا اقول ملاك ... كلمتي حمود ؟
ملاك : لا ما كلمته .
جهاد : و انشا الله متى ناوية تكلمينه ؟
ملاك : لا خلاص شكلي ما بقول له ... ما ابي تصير بينهم مشاكل بسبتي ...
جهاد : أي بس تبين تصير لج مشاكل بسبتهم صح ؟... انتي هبلة .. يعني ما تعرفين ان مريم حقيرة و ممكن تسوي أي شي ايي في بالها .. لو عساها تحرقج ... هاذي مينونة و انتي ساكتة عنها .... خلج ..بعدين إذا صار شي و تكلمت لج لا تقولين لي جهاد صار جذي .. انا من البداية كلمتج و قلت لج ..
قمت عنها و من ملل لإلى ملل اكبر ... فتحت النت و شفت سلام اون و قعدت اسولف معاه و احاول ان ما يبدي لي موضوع شيما ... اهو حاول يستفسر بس انا كنت فاهمة عليه و ما جاوبته مثل ما يبي !1 ان ليش انا خذيت صوره علشان اادب اللي اسمها شيما ...

شوي و اتصلت فيني سوسن ... يمكن شخصية سوسن انا ما قلت لكم عن دورها القوي في حياتي ... بس انا اعتبرها من افضل الناس بالنسبة لي ككل .. قعدنا نسولف ..
سوسن : افف جهاد موب عارفة شلبس ؟
جهاد : أي صج نسيت اليوم طلعت المنتدى لا.؟؟
سوسن : أي و موب عارفة شلبس ..
جهاد : امم ما اعرف بس لبسي شي واسع موب ضيج .
سوسن : اصلاً انتي متى شفتيني لابسه شي ضيج ثيابي كلها واسعة .. ما ادري ببدل و بتصل فيج اوكي ؟؟
سكرت عنها ... خل اقول لكم شوي عن سوسن .. سوسن طيبة و حبوبة بس تنقلب جلبة لو دست لها على طرف ... اهي مشتركة في منتدى نص اهالي البحرين مشتركين فيه و اليوم في عندهم ملتقى و اهي اول مرة تروح معاهم للملتقى ... خل نجوف شيصير بعدين .. مللللللللللللللل ...
طلعت و دورت فهد ... طبعاً صقور موب في البيت الحين ... جفت فهد : هاا فهيد شعندك ؟
فهد : سلامتك ... شتبي ؟
جهاد : ابي اروح البحر طقت جبدي من الملل ..
فهد : روحي ويا صقر .
جهاد : صقر طالع و عزوز ما مر اليوم .
فهد : انزين روحي بدلي انتي و ملاك و يلا ..
رحت بدلت لبست كل شي اسود و ملاك لبست ثيابها و طلعنا ... وناسة البحر .. استهبلنا و لعبنا بس ما سبحنا علشان ما نتبلل نبي نطلع بعدين ... قعدنا ناكل حب عند الشط ..
فهد : شرايكم اتزوج ..؟؟
جهاد : و منو الحمارة الللي بترضى تاخذك ؟
طالعني : و ليش انشا الله شفيني ما ترضى فيني ؟
جهاد :دراسة و موب مكمل ... و شغلة و ما عندك .. بالله ما تقول لي من وين تصرف عليها ؟...و لا تاخذون مصروفكم من عند ابوي ؟... حشى موب ريال .
فهد : كلها شهرين و الشهادة بإيدي ... انا مع ابوي ما راح اشتغل .... راح اشتغل في أي شركة ... و ثاني شي انا محاسب ... دارس اكاونت يعني بسهولة احصل لي شغل ... و ما راح تقول لي لا ..
جهاد : انزين في تعيسة حظ انت حاطها في بالك ؟
فهد : تعيسة حظ في عينج ... تبوس إيديها ورا و جدام ان انا رضيت اتزوجها ..
جهاد : شيخ ناصر حبيبي خف على روحك شوي ... انا اعرف لو ما كنت بمزلة شيخ ناصر انت اكيد منزلة فزاع ... شهالهبالة ..
فهد : تتطنزين حظرتج ؟
جهاد : لا اتكلم جد ... انزين منو هاذي .؟
فهد : راح اقول لج منو بس موب الحين ... بعدين ... لما يصير الوقت مناسب ..
جهاد : و هو كل ما اجلت اللقاء احسن ما ابي تلوع جبدي من الحين ...
شوي و قمنا رحنا دومينوز بيتزا عقب ما رشينا روحنا من فوق لي تحت عطر علشان ما تطلع من ثيابنا ريحة الزفر جدام الناس و نتفشل ... تعشينا و ردينا البيت ... احس ان انا موب قادرة ارقد ما اعرف ليش ..
كانت الساعة 10 .... اتصل فيني رقم ما اعرفه ... رن رنتين و قطع .. اتصلت فيه ... شوي و رد علي : هلا .
جهاد : اهلين ..
......: شخبارج ؟
جهاد :تمام الحمد لله ... منو معاي ؟
استغرب : ما عرفتيني ؟... صوتي ما تذكرتيه ؟
جهاد : لا و الله .. منو ؟
: انا اميين ..
قام قلبي يدق بسرعة ... لما اكلمه قلبي بسرعة يدق لاني اخاف انه يذكرني بأصلي مرة ثانية ..: يا هلا .. شلونك ؟؟
امين : تمام الحمد لله .... على المرة اللي راحت صج خوفتينا عليج ... شخبارج الحين ؟... صرتي احسن ؟
جهاد : اممممم ... الحمد لله .. احسن بس للحين يعني احياناً يغمى علي .. و افرغ و راسي يدور ... يعني .. للحين ما صرت احسن بوايد بس الحمد لله ..
امين : الحمد لله ... معطلج عن شي ؟
جهاد : لا ابد .. اصلاً ما عندي شي اسويه من ساعة احاول ارقد بس موب قادرة لاني اروح المدرسة دايخة .. قلت يا زعم اعدل نومي بس ... يعني ..
امين : اها ..
جهاد : متى بترد المانيا ؟
امين : افا تمللتي مني ؟
جهاد : لا افا عليج تشيلك عيوننا لو ما تشيلك الارض بس اسأل يعني ..
امين : امم يعني عقب شهرين و اسبوع تقريباً ... هالمرة موب طالع مع ربعي ما بنسافر ... خل اقعد هني شوي ... ناكل اكل عدل مثل الاوادم .. كل من مطاعم و انا ما اكل لحم و دياي ... علشان تعرفين يمكن خنزير و جذي و موب اسلامي بعدج ما يصير اكل طول الوقت خضار و ما اعرف شنو ..
جهاد :صحي ..
امين : أي صحي ... ناكل لحم و لا دياي مرة كل شهر و لا إذا كلش مرتين و في العيد ... لان المنطقة مال المسسلمين بعده عن منطقتنا شوي ... فما نقدر نروح على طول .. نروح بس في الويك اند ... و طول الاسبوع ناكل خضار و بيتزا ... و موب أي عصير نشرب بعد ... الحياة هناك صعبة .
جهاد : تعرف ؟... كنت افكر اني ادرس برع .
امين : كلش ما انصحج .... تبين تدرسين برع اوكي بس بلد اسلامي او اجنبي بس مسلم ... و يفضل بلد في الخليج علشان اسهل حق التنقل .. تقدرين تزورين اهلج بين فترة و الثانية .. انا ما اقدر إلا مرة في السنة ما عندي وقت ...
جهاد : للحين باقي علي هالسنة و السنة الياية بعد ... بعدها انشا الله يصير خير ... انا اورادي موب بعثة لان في احلامي انا في الثمانين المعدل يعني انا بختار الجامعة اللي انا ابيها ...
امين : احسن لج .. بس لا تستانسين وايد لان ياخذون على المعدل ... و في بعض الجامعات اول يعطونج كورسات علشان يعادلون شهادتج بشهادة الثانوية عندهم ..
جهاد : بيييي ... امين بس عاد خلاص لا تحبطني اكثر ..
امين : اممممم ... تعرفين ؟
جهاد : شنو ؟
امين : احياناً احس ان على كل اللي فيج و اللي صاير اكتشف جوانب انثوية بحته .. يعني نبرة صوته و كلامج ... ابداً ما يدل على شخصيتج ..
افففففففففف يا ربيييييي ليش هالعذاب ؟... و امين ما ايوز ؟... كل مرة راح يتكلم في هالموضوع ؟: شوف ... انا لو شنو سويت اظل بنية ...لو شنو سويت .. و انا ما لي ذنب باللي قاعد يصير الحين ... الله كريم ..
امين : الله يساعدج ..
قعدنا فترة طويلة شوي نسولف و نستهبل ..
امين : امم بسألج سؤال . .. بس لا تزعلين يعني او تحطين في بالج ..
جهاد : اوكي عادي قوول .
امين : اممم يعني الحين انتي شلون يعاملونج في البيت ؟
جهاد : امم امي و ابوي انا صبي ... صقر و فهد انا بنية بس جدام امي و ابوي انا صبي .. و بيت خالي كلهم انا بنية بس مع امي و ابوي انا صبي ..
امين : اها .. انزين و الناس ؟
جهاد : إذا اعرفهم بنية بس إذا مثلاً في مجمع ممشى او شي جذي اخلهم يكلموني على ساس ان انا صبي لاني ما احب نظراتهم ..
امين : اها ... انزين ربعج ... صبيان او بنات ؟
جهاد : لا كلهم بنات بس ابوي و امي ما يعرفون عنهم ... عبالهم ان ربعي صبيان بس فهد و صقر يعرفون ربعي زين ..
امين : يعني لو انا و انتي صرنا ربع عادي ؟
جهاد : ههههههه أي عادي امي و ابوي ما يقولون شي ... شنو يعني لو صبي صار رفيج صبي ؟
امين : انزين و اخوانج ؟
جهاد : اممممم ما ادري .
امين : انزين شرايج نجرب و نشوف شيقولون ؟
قام قلبي بسرعة يدق ... ما كنت اعرف انه يبي يوصل لهالنقطة ابد .. انا ولا مرة في حياتي صرت رفيجة صبي ..: ما ادري بس احس انهم موب ساكتين لي
امين : خلهم يتكلمون احنا موب ناقصنا شي ... و ثاني شي اهي فترة بسيطة و انا بعدها مسافر خلاص ..
فكرت شوي : اوكي بس موب الحين .... انا تعبانة و باجر وراي مدرسة ... اكلمك باجر اوكي ؟
امين : اوكي .. يلا تصبحين على خير .
جهاد : تلاقي الخير ... باي
امين : بااي ..
سكرته ... كنت تعبانة و ابي انام بس الحين موب قادرة حتى اسكر عيوني .. افكر .. اول مرة في حياتي يكون عندي صديق صبي .. اففففف يا ربي شهالحظ ؟؟؟؟ شهالسوالف ؟... شاللي نزل امين في حياتي ؟... الله انت كريم و احنا نستاهل ...
رقدت و خليت امين و افكاري يولون ...

يوم ثاني ... رحت المدرسة و انا بالي للحين مشغول بسالفة اميين ... شهالسالفة اللي وقتها غلط ؟؟
ملاك حست ان فيني شي بس لما سألتني قلت لها تعبانة و ما شبعت رقاد .. في حصة الادر المعلمة غايبة عندها حاله وفاة ...
جهاد : امم ملاك .
ملاك : هلا .
جهاد : اممم لوو صار عندي ربع صبيان عادي ؟
ملاك : اممم ما ادري بس ... شمناسبه هالكلام ؟
قلت لها سالفة امس كاملة و شقال لي و شلون سكرته ... طالعتني بنظرة .: انزين و اهو ليش متصل لج اصلاً ؟
جهاد : و لا شي بس يسأل عني على اخر مرة لما كنت مريضة و جذي .... ملاك لا ييروح فكرج بعيد ترى انا اعتبر صبي موب بنية فلا تفكرين مثل ما تفكرين في نفسج ...
احمرت : لا ما فكرت جذي .
جهاد : حبيبتي لعبي غيرها موب علي انا ..
ملاك : انتي بكيفج محد راح يتكلم لج ... انتي شتفكرين فيه سويه ...
رديت البيت و انا بالي للحين مشغول .. على العصر جذي اتصل فيني امين ..
جهاد : هلا .
امين : هلا و غلا شلونج ؟
جهاد : تمام الحمد لله انت شلونك ؟
امين : تمام الحمد لله ... شلون المدرسة ؟؟
جهاد : اممم اوكي .. تمشي الحال .... امين انا فكرت في كلام امس ... و صار خاطري اعرف اخواني شنو ممكن يفكرون فيه ... علشان جذي انا بقول لهم ان انا و انت ربع من زمان نكلم بعض على النت اوكي ؟
امين : امم .. اوكي ... شعندج الليله ؟
جهاد : ما عندي شي .
امين : عيل بمرج و خل ملاك اتيي معانا .
جهاد : امم .. انا ما اخلي ملاك اتيي في طلعة صبيان .
امين : خلاص امرج اليوم و انتي شوفي شنو يناسبج .
جهاد : اوكي .. وين و الساعة جم ؟
امسن : ما اعرف وين بس بعد صلاة المغرب .
جهاد : على خير عيل ..
امين : اوكي .
جهاد : انا الحين برقد .. بااي
امين : بااي ...
رقدت شوي العصر و قبل الصلاة بساعة قمت من النوم .... نزلت تحت .. امي و ابوي يشربون جاي ..
سلمت عليهم و قعدت ..
جراح : جهاد .. انا اليوم رايح بيت يدك اتيي وياي ؟
جهاد : لا يبة انا اليوم طالع .
جراح : ويا عيال خالك ؟
جهاد : لا يبة شنو عيال خالي ؟... طالع مع رفيجي ..
طالعني مدة : استانسو ... و لا تنسى تتصل في يدك تراه يشره عليك لانك ما تسأل عنه .
جهاد : انشا الله يبة ..
رحت فوق و صليت و وقفت جدام الكبت محتارة موب عارفة شلبس ..
ملاك : بتطلعين ؟
جهاد : أي طالعة .
ملاك : ايي معاج ؟
جهاد : لا ..
ملاك : مع منو ؟
جهاد : مع امين ..
طالعتني : جهاد .. انا حذرتج و قلت لج لا تغلطين .
جهاد : و انا موب مسوية شي غلط ... لو عزوز صار عنده رفيج من الشباب بتقولين له لا تغلط ؟
ملاك : بس عزوز غير .. انتي لو شنو تسوين تظلين بنية .
جهاد : اكرمينا بسكوتج لو سمحتي .
بدلت ثيابي لسبت جينز اسود و فانيلة لكوست بنفسجية و جزام اسود ... و جوتي اسود فيه خط فضي على جنب ... لبست سلسلة جلد اسود و فيها مثل ناب الفيل ابيض و سلاسل في يدي حملت بوكي و حطيته في مخباي مع التلفون و عقب ما عدلت شعري .. طلعت ... قعدت شوي في الصالة و بعدها اتصل علي امين :هلا.
امين : يلا انا عند باب بيتكم .
جهاد : اوكي بس شنو سيارتك ؟
امين : اتش 3 زرقا ..
جهاد : اوكي .. تأمر علي شي يبة ؟
جراح : سلامتك بس حط بالك على روحك ..
جهاد : و انتي يمة ؟
سعاد : سلامتك .
طلعت برع .. بس شفت السيارة حسيت بنغزة في قلبي ... الله يستر ..
فتحت الباب اللي جدام و قعدت : سلام .
امين : و عليكم السلام ... شلونج ؟
جهاد : اممم اسمع ... قبل ما ابتدي اسولف معاي اول كلمني على اساس ان انا صبي ما ابي احس نفسي غلط يعني ..
امين : اوكي ... و قبل ما ابتدي ..
جهاد : ههههه ..
امين : وين نروح ؟
جهاد : امم ما ادري .. خل نروح مجمع شي .
امين : انا اقول نروح السينما و بعدين نروح مطعم و بعدين بوديج ... سوري .. بوديك محل حده حلو .. و اممم
جهاد : و بعدين برد البيت لازم ارد البيت قبل الساعة 12 .
امين : ليش بيتكم ما يرضون تظل لي بعد الساعة 12 برع ؟
جهاد : ليش عبالك بنية ؟.. ملاك ما يخلونها لي بعد 12 برع إلا إذا كانت في بيت ... بس انا صبي ارد وقت اللي ابيه بس باجر وراي مدرسة و عوار راس ابي ارقد زين .
امين : افا عليك اردك البيت ...انزين ما قلت لي شخبارك ؟
جهاد : و الله الحمد لله تمام التمام ... انت شخبارك ؟
امين : انا و الله .. الحمد لله ..
قطع عليه كلامه تلفوني ..: هلا و الله .
سوسن : اهلاً اهلاً .. شلونج ؟
جهاد : انا تمام الحمد لله ... انتي شلونج ؟
سوسن : اممم ... اوكي ... وينج انتي .
جهاد : طالعة ..
سوسن : معاج ملاك ؟
جهاد : لا ملاك في البيت .
سوسن : جم مرة اتصلت على تلفونها بس مقفول ..
جهاد : ما اعرف بس انا يوم طلعت كان مفتوح .
سوسن : اسمعي ابي اقول لج شي ضروري ..
جهاد : شنو ؟
سوسن : بس يبي له وقت .
جهاد : لا عيل دام انه جذي خليه لوقت ثاني ... في الليل الساعة 1 اتصلي و هذري بكيفج لحد ما تملين .
سوسن : صج ما تستحين ..
جهاد : افا عليج من زمان ما استحي موب خبر يديد ..
سوسن : تفتخرين .
جهاد : و بكل فخر بعد .
سوسن : ههههه .. اوكي .
جهاد : يلا ذلفي .. بااي .
سوسن : متى بتيوزين عن هالالفاظ .
جهاد : ما اعتقد ايوز .
سوسن : عيل يلا ... بااي .
جهاد : هههه بااي ..
سكرته ... : سوري .. بس تعرف البنات وايد يهذرون ... إلا ما قلت لي شخبارها نور ؟... صار لي اسبوع اتصل فيها يا مغلق او فشل الاتصال ...
امين : ما ادري عنها ... صار لي يومين ما جفتها
جهاد : اها ... ما ادري بعدين بتصل فيها و بجوف .... إلا اقول امين انت أي برج ؟
امين : انا جوزاء ..
كشرت : جوزاء ؟
امين : ليش شفيه الجوزاء موب عاجبج ؟
جهاد : لا موب جذي بس انا دائماً مختلفة معاهم على كل شي ..
امين : بس انا غير ... انا ما راح تختلف معاي ... انت أي برج ؟
جهاد : انا برج الحمل ..
امين : اممممم .... انا موب من النوع اللي وايد احب الابراج بس اعرف عنهم .... اكثر صفة معروفة عند الحمل انه مظلوم ..
جهاد : و اكثر صفة معروفة عن الجوزاء انه نحيس ...
امين : هههههه .. شكلك كلش موب عاجبك الجوزاء .
جهاد : لا موب جذي بس موب أي احد يقدر يفهم الجوزاء .. .. يقول لك الجوزاء مثل اللغز موب أي احد يقدر يحله ...
امين : في المستقبل راح تحلوني ...
التفت يطالع الشارع اما انا التفت اطالعه ... امم شكله غير ... وايد غير ... اول مرة اكتشف انه حلو لهالدرجة .. خشمه طويل و شفايفة وردية و عيونه واسعة و محددة ... موب اسمر و لا ابيض ... لون برازيلي ..
التفت علي و شافني اطالعه : شفيج ؟
جهاد : سلامتك ... بس تذكرت شي ..
رد رن تلفوني كلنت سوسن : هلا سوسن .. شصاير بعد ؟ سيارتج احترقت و تبين اطفيها ؟
اللي ضحك موب بس سوسن حتتى امين ضحك ...
سوسن : ههههه لا سيارتي ما احترقت خليها اتيي اول بعدين يصير خير .. سمعي سلام يقول لج متى راح تكلمينه ؟
جهاد : ما ادري انا رادة البيت في وقت متأخر ... ما ادري يمكن ما اقدر اكلمه .
سوسن : اها ... إلا صج انتي طالعه مع منو ؟
جهاد : كلمي ملاك و تقول لج ..
سوسن : اوكي .. بااي .
جهاد : بااي .
ظلينا نسولف لحد ما دشينا المجمع رحنا السينما و قطعنا تذاكر فلم هندي رومانسي كوميدي ...
رحنا كوفي شوب و قعدنا شوي .. و قمنا نتمشى .. لقينا صبيان اثنين حاطين تلفون نوكيا قدييييم حده اعتقد انه انقرض و محد يشتريه ... حاطينه على الارض و بلعبون فيه قدم ... : إلا اقول امين نروح نلعب معاهم ؟
امين : من صجج ؟
حطيت صبعي على شفافي : اششش ... لا احد يسمعك ... أي من صجي .. خل نلعب ..!!!







لامارا غير متواجد حالياً   رد مع اقتباس
قديم 11-12-13, 09:19 AM   #10

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي


الجزء الثامن

رحنا يمهم : ها شباب تلعبون و ما تلعبونا معاكم ؟
قال ل واحد منهم : افاعليكم تعالو .
قعدنا نلعب و نشوت في هالتلفون و بعدفترة لما صار عندي شتته بكل قوة و دعم في الاسطوانه : قووووووول .... ههههههه
اما امين كان فاطس ضحك على حركاتي الهبلة ... و اهو سوا قول و بعدين : يلا امين الحين عقب خمس دقايق يبتدي العرض ... مشينا ..
امين : يلا ... مشكورين شباب ..
مد الصبي يده لي : فرصة سعيدة .
صافحته مثل الرياييل : و احنا اسعد ..
حسيت في نظرات امين شي انا ما قدرت افسره ... حقرته و مشينا مع بعض لي السينما راح امين يشتري نفيش و بيبسي و برنقلز ... و لما رد خذيت بعضهم منه و دشينا الفلم ... كننا في وسط السينما بالضبط ... و الصالة فن اشكالهم فن ... احب لما ادش شينما القى الناس متفاعلة مع الفلم و تضحك موب ساكتة و مكشرة ..
و لما بدا الفلم و فهمنا القصة :جهاد شوفي شكل البطل ما يشبهني ؟
كان البطل وايد حلو و بالنسبة لي ممثلي المفضل من الهنود .. فاردين خان ..: ههه أي في شبه ... تصدق ما قدرت افرق بينكم ؟... يا ريال كان عبالي اهو اللي يمي و انت اللي تمثل ..
امين : ههههه ... اكلي و انتي ساكتة ..
تمينا نطالع الفلم و احنا ننتطنز و نضحك و نتأثر شوي ... بس كان الجو حلو ... خلص الفلم ... طلعنا رحنا قسم المطاعم .. انا شرينا لنا باستا و قعدنا ناكل بهدوء و نسولف شوي ... كان يقول لي عن حياته في المانيا و شنو يسوي و مغامراتهم مع بعض ...
......: اووووووووووه موب بس ربع بنات صبيان بعد ؟... تؤ تؤ تؤ تؤ ... منو هذا .. لا يكون جاذبة عليه و قايلة له انج صبي بعد ؟... مو انتي بوية مينونة هبلة كلشي تسوين ..
طالعت ويهها ... أهي ما غيرها .. شيماء اللوحة .... شهالانسانة شهالامم التعبانة ؟ : يا صبر ايووبب على بلواه .. (( طالعت فوق )) يا ربي لا تبلي احد مثل ما ابتليتني بهاللوح .. يا ربي صبرني عن لا اصير مجرمة و اسوي فيها جريمة قتل ... (( طالعتها )) للمرة الالف اقول لج خلج بعيدة عن حياتي .. فاهمة شنو يعني ؟.. لا تتقربين مني .. و اعتبري نفسج ما عرفتيني من اساس .. انا ما اعرف من مسلطج علي ...
امين : منو هاذي ؟
طالعتها : بصراحة اتحير شنو اعرفج له ..(( طالعته )) هاذي ام المشاكل .. ينبوع مشاكل المدرسة و الاشاعات ... هاذي من البنات اللي غارقات في دوامة الحب .. هاذي اكبر سخيفة في حياتي .. تبي تعرف اكثر ؟
ابتسم : لا كفاية علي جذي وايد ..
بدت نذالتي : أي و نسيت قول لك انها حبيبة حمووووود إللي اهو حمد ... أي و نسيت اقول لج شيماء .. ترى امين يحب بنية من عايلة محترمة و مسمية له بعد ... ما لج فرصة معاه ..
طالعتني بنظرة و مشت ... بس انا صرخت على خفيف بحيث تسمع : دوري لج واحد غيره ..
امين : ههه .. في المدرسة بعد جذي ؟
جهاد : و على طول افشلها لانها تبي احد يفشلها ..
امين : منو قال لج ان انا احب ؟
جهاد : محد بس لو ما قلت لها لزقت فيك ..
امين : زين بعد قلتي لها ... عيل بقول لج ... اهو في بنية في حياتي و ما في ..
قلبي قام يدق بسرعة بسرعة ما اعرف ليش ..
امين : امم انا ما احبها بس لها معزة في قلبي ..
جهاد : شلون تعرفت عليها ؟
امين : امم كنا انا و ربعي رايحيين بارك في المانيا في الويك اند و جفناها قامت توزع ابتسامات .. بحرينية بعد .. و جذي لما كنا بنطلع عطتني رقمها و قالت انها تبينا نصير فرندز و جذي .. انا خذيته بس ما عبرتها خليتها تولي ... المهم .. عقب اممم تقريباً شهر كنا رايحين مجمع و بعد جفناها قالت لي انا مستحيل اهد هالفرصة تروح عني و جذي و خذت تلفوني من عندي و سوت لها مسد كول فصار رقمها عندي وووو بس .. للحين تكلمني و تقول لي انها تحبني و ما ادري شنو .. انا ما احبها بس لها معزة في قلبي ... يعني تعودت عليها ..
جهاد : شسمها ؟
امين : نوف ..
جهاد : يعني تبي تقنعني ان في واحد في مثل عمرك و للحين ما حب لا بنية ؟
امين : اهو ممكن ان تعجبني يعني يعجبني شكلها او تعجبني شخصيتها بس اني اصير مثل روميو او قيس بن الملوح للحين .
جهاد : هههه ...
امين :انزين و انتي ؟
جهاد : انا شنو ؟
امين : يعني ما حبيتي احد ؟
جهاد : انا ؟ ههههه مستحييل .
امين : ما في شي اسمه مستحيل .
جهاد : مستحيل بالنسبة لي انا .. يعني انا ما اقدر احب صبي لاني موب بنية مثل باقي البنات و لا اقدر احب بنية لان انا و اهي مثل الشي ... و للعلم ترى انا ما احب مبدأ البويات كلش .. صج ان انا شكلي مثلهم بس ان انا احب بنية ؟.... مستحيل ما راح ارضاها على روحي و لا على بنت الناس .
امين : يعني تقدرين تقولين ان انتي ممكن انج تحبين صبي في يوم من الايام بس ما تحبين بنية ؟
جهاد : اهو مستحيل يصير بس لو صار طبعاً لان شنو احب بنية ؟
المهم ... ظلينا نسولف لحد ما خلصنا اكل و بعدها قمنا رحنا السيارة ..
امين : الحين بوديج مكان حده فن ..
جهاد : وين ؟
امين : مكان ...
و ظلينا نسولف و انا اجوفه يبتعد عن منطقة المجمعات ... و وصلنا عند منطقة فندق الخليج ... و ظلينا نمشي وصلنا للمرسى مال القوارب ... كان الجو حلو .... و هناك في قهوة نزلنا فيها ...
جهاد : الله .. المحل وايد حلو ... و الجو بعد ..
امين : قلت لج مكان حلو ..
شربنا جاي و كان جايهم صج حلو ... عجبني .... خلصنا و بعدها طلعنا على البيت .. و لما وصلنا ..
جهاد : شكراً امين صج صج وايد استانست معك ..
امين : و انا بعد سوالفج وايد حلوة ... بس هاذي موب اخر مرة صح ؟؟
جهاد : اكيد انشا الله ... يلا بااي .
امين : بااي .
نزلت من السيارة و انا مبتسمة ... اول مرة اكتشف ان سوالف الصبيان بعد حلوة و موب بطالة مثل ما يقولون .. و في حالتي انا من المستحيل ان انا احبه او اهو يحبني لاني موب بنية كاملة .. و في الالاف احلى و احسن مني .. افف اصلاً ليش افكر هالتفكير ...
دشيت لبيت و على طول رحت لحجرتي .... خذيت ثيابي علشان اتسبح .. بس في احد طق الباب ... و خفت انه يصحي ملاك ... فتحت الباب لقيت صقر ..
جهاد : هلا صقور .
صقر : شتسوين ؟
جهاد : و لا شي بس يا زعم بتسبح .
صقر : تعالي معاي .
جهاد : وين ؟
صقر : و لا مكان بس بروح البحر متملل .
جهاد : باجر وراي مدرسة .
صقر : يلا ما بنتأخر وايد ..
جهاد : انزين ..
طلعنا في السيارة و هو ساكت و يفكر و سرحااااااان ... توقعت ان في شي صاير ....
و لما مشينا كنا على مثل الطريج اللي اليوم انا و امين رحنا عليه عند فندق الخليج ...
صقر : وين كنتي اليوم ؟
جهاد : كنت طالعة .
صقر : طالعة مع منو ؟
لو اهو قايل لي من قبل كنت فهمت ان السالفة كلها عن اميين ..
جهاد : مع واحد من ربعي ...(( شددت على كلامي )) رفيجي ..
صقر :امم لو الحين ملاك عرفتي انها تكلم صبي راح تسكتين ؟
جهاد : لا طبعاً ...
صقر : ليش ؟
جهاد : لان ملاك بنية ..
صقر : و انتي شنو ؟
تميت ساكتة افكر في سؤاله .. وصلنا البحر بس ما نزلنا .. شكله ينتظر مني اجابة بس ما سمع غير صوت شهقتي و انا اصيح .... اهو تفاجأ من ان انا قعدت اصيح ... حط يده على جتفي بس انا دفعت يده عني ....
صقر : جهاد انا ...
جهاد : انت تسكت لاني ما ابي اسمع صوتك مولية .... ما تحسون .... و ربي ما تحسون .... انت لو تعيش من حياتي يوم واحد تنتحر .... محد حاس فيني .... حاولت اني اعيش مثل ما ربي خلقني ابوك يوقف بويهي ... و يعطيني ذاك الكف اللي طول حياتي ما راح انساه ابد ... لما قلت له ابي تنورة مثل باقي البنات .... انا لما اجوف بنات من مثل جنسي بنية ما اقدر اكلمها جدام ابوك او حتى امك .... اللي يسمعني يقول مسوية جريمة عظمى .. في حياتي ما طلعت مع بنات بدون ما اكون خايفة ان ابوك او أي احد يشوفني معاهم .. و لما حاولت اصير مع التيار اللي ابوك خلاني اعيش فيه ... قدوتي و اللي المفروض يكون قدوتي راضي ان بنته تطلع مع صبي و اخواني و ربعي ما رضو باللي يصير ...... يعني ما اقدر اصير رفيجة لا بنات و لا صبيان ؟... تبوني اعيش بس بينكم ؟.... ابوك فيه عقدة نفسية و يبي يعقدني معاه ..... اهو صار مع بنات يبيني انا اصير صبي ؟... يبي يحميني من كلام الناس ما يدري ان اهو اللي قاعد اييب لي كلام الناس .. انا حياتي كلها نكد و هم و انا يوم القيامة بوقف ابوي على اللي سواه فيني ..
صقر : جهاد لا تقولين جذي هاذي ابوي ...
جهاد : هاذي ابوك انت ... عرف يربيك انت ... انا ما عرف يربيني .. انا نفسي موب عارفة انا شنو ... لاكن عساني انشا الله اموت و افتك من هالعيشة .... بس استغفر الله بشنو بقابل ربي ؟.... بصلاتي ؟ انا متشبه لارجال متشبه ... يعني في النار .... الله يعينني ... شهالعيشة .... تعرف حتى لو انا ما حاسبت ابوي الله راح يحاسبه على اللي يسويه فيني ... الله كريم ...
نزلت من السيارة و انا للحين معصبة ... و وقفت جدام البحر ...و الهوا يحرك نفسه حوالينا ... قعدت على الحجر ... شوي و يا صقر قعد يمي .: اللي بشوفج تهون عليه مصيبته ... تعرفين ؟... انا عشت فترة من حياتي مع بنت خالي مريم ... الكل كان عباله اني احبها ... صج انا كنت وايد احبها بس مثل اختي ... كنت وايد احبها و وايد معاها ... و مرة صادتها حمى قوية و ماتت ... تعرفين كانت ماخذه جزء كبييييير من حياتي .. و مرة وحده ماتت ... يمكن اكون اكثر واحد متأثر حتى اكثر من اخوانها .... المهم انا كبرت بس ظليتا ذكر اختي اللي ماتت ... و ادعي لها على طول .. اقرا لها الفاتحة و ازورها في المقبرة ... المهم كبرت و وصلت للجامعة ... و من اول كورس جفت بنية عجبتني و بصراحة حبيتها ... و حصلت رقمها و كلمتها قلت لها انا احبج قالت لي ... انت يعجبني شكلك و طبعي و انك فني و جذي بس ما اقدر اقول ان انا احبك : خلينا فرندز احسن ... ظليت اكلمها على اساس ان احنا فرندز ... و بعد فترة قالت لي انها تحبني .... انا وايد استانست ةعلى هالخبر ... و بعد دسنة ...(( حسيت ان صوته تغير مثل اللي بيصيح )) ... اكتشفت انها ما كانت تحبني .. و كان تتكلمني علشان الفلوس .... و انها تحب واحد من ربعي ... و اهلها يعرفون .... و رفيجي يعرف انها تكلمني و معاونها علشان يستغلوني ..( ( صاح )) ... بس انا كنت احبها وايد ... تعبت نفسيتي و صرت مريض .... و كل ما يسألوني اهلي شفيك اقول لهم تعبان من ضغط الجامعة .... بس انتي اللي كنتي حاسة و لما تسأليني ما اجاوبج بشي ...و لما تعديت هالازمة و حاولت اني اتخطاها ...صرت اشوفها في الجامعة معاه .. بس صادها حادث و ماتت ... انا صرت حدي تعبان ... حتى مشي ما صرت اقدر امشي من كثر ما انا تعبان .. و توقفت عن الدراسة ... و الجامعة صرت اكرهها ... لانها تذكرني فيها .... بس حلم حياتي راحت ... حتى لو كان عندي امل واحد بالمئة انها تصير لي مرة ثانية .. راح يروح ...الله كريم ..
مع ان انا الي محتاجة احد يواسيني واسيتة ..: بس خلاص هون عليك هاي امر ربك ..
صقر : الحمد لله ...
ظلينا شوي و بعدها قمنا و احنا ساكتين ... رحنا قهوة بو جمعة اللي في المدينة .... شربنا جاي علشان يهدا ... و في شي انا نسيت اقوله لكم ... صوت صقر وايد حلو بس ما يرضى يغني حق احد ... يعني حلو لما تسمعه صدفة يغني ... قام يغني اغنية لحسين الجسمي ... حسيتها تعبر عن اللي في داخله ... عقب فترة ردينا طبيعيين ...
جهاد : يلا نرد البيت انا وراي مدرسة ...
رحنا السيارة ..
صقر : إلا اقول جهاد ..
جهاد : هلا ..
صقر : حنان من أي عايلة ؟
استغرب ليش اهو هالكثر مهتم و دايماً يسأل عنها : ما عندهم لقب لعايلتهم ..
صقر : اها ... انزين و عايلة امها ...
جهاد : شكله الإبراهيم موب متأكدة ..
صقر : اوكي .
جهاد : ليش تسأل ..
صقر : بس جذي يا السؤال في بالي و سألت .... و الحين على امين شنو ؟
جهاد : امين دخل حياتي و هو رفيجي و انا مستحيل اقول له لا ..
متأكدة 100% انه يجذب بس طوفتها ما لي بارض الحين .... لما رحت البيت على طول المطبخ فتحت الثلاجة جفت قالب كيك مأكول منه بس الربع ... طلعته و طلعت قفشة و قمت اكل منه مباشرة ... و حطيت قهري كله في الكيك ... كليت القالب كامل .. بس فيه شوية يعني مثل اللي يحطونه حق اليهال .. رحت تسبحت بسرعة حطيت راسي و رقدت ناسية كل همومي ...

ملاك : جهاد ... جهاد قومي راح نتأخر على المدرسة ..
صحيت و احس نفسي ما لي بارض دراسة و ملل و احس ان راسي يألمني شوي : ملاك انا تعبانة و راسي وايد يألمني روحي انتي انا موب رايحة ...
ملاك : متأكدة ما تبين تروحين ..
جهاد : لا حذف إيجابتين ... أي اقول لج راسي يعورني ..
جفتها و هي قاعدة تجهز و تلبس ... خلصت رشت لها عطر و طفت الليت و طلعت .... و من طلعت انا ما غمضت لي عين ... تقلبت تقلبت ... مرة ساعة ساعة و نص و انا موب قادرة ارقد ... قمت بدلت ثيابي و غسلت و نزلت تحت .... قلت للخدامة تحط لي ريوق .. تريقت و انا اجوف التلفزيون ... على الساعة 10 تقريباً اتصلت فيني سوسن .... افف هاذي في المدرسة شلي خلاها تتصل فيني ؟؟ و الله ما لي بارض شي كللللللش ...
جهاد : هلا سوسن ..
سوسن : لهالدرجة مريضة و موب قادرة اتيين ..
جهاد : خلصي شتبين ؟
سوسن : شدعوة ؟... شفيج معصبة امزح معاج .. و لا شي متصلة اتعلف .
جهاد : عيل روحي تعلفي في ملاك او حنان لاني حدي تعبانة و موب قادرة استحمل تعلف .... باي .
سكرته في ويهه ... ما اعرف ليش اخلاقي اليوم سيئة ... خلصت ريوق و رحت المطبخ ابي باقي كيكة امس. فتحت الثاجة بس ما لقيتها : تينا وين الكيكة ؟
تينا : خلصت .
جهاد : لا امس كان في قطعة صغيرة ... وينها ؟
تينا : هادي ما في فايدة انا قتيت (( قطيت )) .
جهاد : و منو قال لج تقطينها ؟.. انا حطيتها و ابيها .
تينا : سوري بس انا قتيت انا في يفكر ان ما في احد يبي .
جهاد : اففففف ... ناس فاضية ..
رديت للتلفزيون و قعدت اطالع كليبات اغاني ... دش علي عزوز : هلا جهاد .
جهاد : هلا عزوز ..
عزوز : سمعي في لاب توب ازرق في حجرة فهد روحي ييبيه .
جهاد : و الله ما لي بارض روح انت .
عزوز : إلا صج ليش موب رايحة المدرسة ؟
جهاد : راسي يعورني ..
عزوز : و اللي راسا يعورها تشوف اغاني ؟
جهاد : اقول اقول ... تيسر روح حجرة ولد عمتك و اخذ اللي تبيه ...تينااااااا ...
تينا : نعم .
جهاد : يبي جيك ماي .
و عبال ما يروح عزوز صبيت لي قلاص ماي شربته و رديت مليت القلاص بس ما ابي ماي .. ما الملل قاعدة اتسبب حتى على الماي .... رد عزوز و قعد على الكرسي المجابلني : ها جهاد ؟؟
جهاد : هلا ..
عزوز : يقولون انج صايرة رفيجة امين ولد خالي ... لهالدرجة واثقة ؟.... جذبتي الجذبة انتي و ابوج و صدقتيها انج صبي ؟... اقول لا تحلمين وايد مردج بنية ... بس بعدين تحملي اللي يصير ..
ما اقدر اوصف لكم انا شحسيت فيه لما سمعت كلامه ... كان مثل السم على قلبي ..... خذيت كوب الماي بهدوء و مشيت ناحيته ... و رشيته في ويهه ... اهو شهق متفاجأ من الحركة ...
جهاد : ما لك شغل في حياتي ... و خلك بعييد واايد احسن لك .. فاهم ؟... حياتي و انا حرة ...
اقدر اقول لكم من كثر ما انا معصبة رد الم راسي على اقوى ... مشيت لحد ما وصلت لي نص الدري ... وقفت .... الدنيا دارت فيني ... دورة .... ثنتين ..... و حطت و طبعاً اغمي علي ... من نص الدري لي تحت .... عزوز يا يركض : جهاد .... جهاد ..
طقني بخفة على ويهي بس ما صحيت و اهو خاف انه يشيلني يمكن انكسر مني شي خصوصاً ان في دم قاعد ينزف من راسي .... اتصل على الأسعاف : الووو ...
قال لهم عني و ان في عنهم وحدة مغمي عليها و عطاهم عنوان البيت ... و انا موب قادرة احس باللي حواليني علشان جذي ما راح اقدر اقول لكم تفاصيل اللي صار معاي ..
لاكن اذكر اني صحيت في ويه دكتور هندي قام يهذر معاي وايد و انا موب عاطيته ويه و ارد عليه و نفسي في خشمي ... و كان في جيس فيه سائل اسود حاطينه على يدي ... افتريت موب لاقيه احد يمي ... بس شوي و دش علي فهد .. قام يتكلم بس انا تعبانة و موب قادرة اتكلم ... حسيت ان شعري لازق في شي .... لمسته من ورى فيه لزقة عودة و على جبهتي وحده بعد ... رقدت لاني دايخة من التعب .. و عقب فترة يات النيرس و شالت الجيس من يدي و حطت مكانة سيلان صغير .... و في هذي الفترة كنت راقدة .... لما قمت مرة ثانية ... سكرت عيوني بسرعة و غطيتها بيدي اللي ما فيها شي بسرعة ...
جهاد : فهد .... سكر الليت بسرعة .
فهد : بس ..
جهاد : اقول لك بسرعة ...
بس ما لحق سحبت من الطاولة اللي جدامي صحن من الصحون كبيرة شوي يوزعونها على المرضى يفرغون فيها ... بصراحة انا لاعت جبدي من روحي ... و بعد ما خلصت قمت الحمام بروحي غسلت و رديت مكاني رقدت ... و كأنه شي ما صار .... و عقب فترة ما ادري جم مدتها صحيت غطيت عيوني اول و بعدها فتحت عيوني : سكروا الليت ..
و لما سمعت طقة السويج مال الليت رفعت يدي ... جفت بنية عرفت انها ملاك و معاها مرة بس ما عرفت منو اهي ... و لما تكلمت عرفت انها امي ..... عطوني ماي لما طلبت و رديت رقدت .. وقتي اليوم كله رقاد لاني ما اتحمل سيلان او أي شي يدوخني و ارقد ... المهم .... لما صحيت كلمتني الدكتورة و قالت لي ان اللي في الجيس الاسود كان دم ... دمي وصل 3 يعني ما فيني دم كلش ... يعني شوي و اموت .. و حالتي خطيرة ... علشان جذي حطو لي جيس دم بس ما في غيره و انا محتاجة على الاقل اثنين ... الكل سوا تحليل بس ما تفع غير صقر ... و قالت لي ان انا راح انام عندهم لحد ما اصير زينة ... نقلوني غرفة المرضى .... بعد ما كنت في غرف الاقامة المؤقتة ... و لما صرت في الغرفة صار وقت انتهاء الزيارة .. طلعو كلهم و اقترحت امي انها تظل معاي بس انا ما ابي احد معاي ... لي وصيت ملاك تقفل تلفوني و اتييبه لي باجر ... و الحين صار وقت رقاد ... رقدت بدون صوت و لا احد يزعجني ....
صحيت الصبح الساعة ما ادري جم ... طقيت الجرس و يات لي الممرضة هندي ما ادري فلبينية تتكلم انجليزي بس انا راح اكتب لكم ترجمة كل اللي قلناه ..
جهاد : مرحبا .
النيرس : اهلاً ... تحبين اخدمج بشي ؟
جهاد : بس ممكن اعرف الحين الساعة جم ؟
النيرس : الحين ثمان و نص ..
جهاد : اها .
النيرس : راح اييب لج ورقة و كتبي لي فيها كل شنو اللي تبينه على كل وجبه اليوم اوكي ؟
جهاد : اوكي ..
يابت لي الورقة ... اخترت جاي و حليب و كرواسون جبن و كاسترد للريوق ... شوي و وصلني الاكل ... تريقت و انا احس ان راسي الحمد لله الحمد لله صار احسن ... بس ما راح انساها لك يا عبد العزيز كل اللي صار لي بسبتك .. يمكن ما قلت لكم ان الدكتورة قالت لي ان كان ممكن ان هالشي يتأجل شوي و يستحمل انتظار بس بسبب الضغط النفسي يا لي من وقت و في وقت غلط على الدري ... طحت على راسي ... و صار فيه جرح كبير ...قصو من شعري وايد على شكل دائرة ورى شعري علشان يقدرون ينظفون الجرح ... و صار في شق في جبتهي بعد نزف وايد بس راح يروح الاثر يعني بس مؤقت ... يعني بسبت عزوز و الجرح اللي جرحني انا صرت جذي ... شغلت التلفزيون و قعدت اطالع ... شوي و دشت خالتي سلامة معاها خالي ... و كانو يايبين لي سلة حلاوة و بطاقة مكتوب عليها الحمد لله على السلامة .... سلمو علي و قعدو معاي شوي و لما سألوني ليش قلت لهم الصج بس بدون ما اييب سيرة عزوز في السالفة ... شوي و راح خالي قال انه اليوم مداوم متأخر بس علشان ايي لي و يتطمن علي قبل ما اروح الشغل و خالتي سلامة بقت عندي ... على وقت الظهر صليت و انا على سريري لان الدكتورة قالت لي ان السجود موب زين لي ... صليت و انا قاعدة على سريري و اسجد على الطاولة ...
تغديت جاينيز و سلطة روب بالخيار و عصير مانجو و جيلي ...
راحت خالتي سلامة تبي تسوي غداهم شوي و يا لي صقر و فهد اثنينهم صراحة وايد استانست معاهم غيرو لي جو الملل ...
قام فهد بعد يقرى لي النكت اللي في تلفونه و انا اتطنز عليه اول مرة يلبس ثوب ...
جهاد : حركات بعد ... يا زعم خليجي بعد لابس ثوب ؟
فهد : يا عمي انتي ما تقدرين على الستايل ..
و صقر كان لابس فانيلة خضرا عليها مربع فيه كتابات صغيرة بالكحلي : و انت متى بتصير ريال مثل اخوك و تلبس ثوب ثياب رياييل ..
صقر : يدي انا ...
جهاد : جب ... انا ما عندي واحد يلبس هالثياب و يقول لي يدي ... صير ريال احسن لك ... ترى ما ازوجك بعدين ...
فهد : هههههههه ...عايشة الدور انج يدي بعد ... يلا انا بروح .
جهاد : افففف ليييييييش و الله اتملل بروحي ..
فهد : عندي محاظرة الحين انا طالع من الجامعة و ياي لج في البريك بين محاظرتين .
جهاد : انزين بس بعدين بتمرني .
فهد : امرج و لا املحج ؟
جهاد : بايخة ... يلا انجلع ..
فهد : استحي على ويهج اخوج العود .. يلا باي .
جهاد : صير ريال لابس ثوب يا زعم ريال و تقول بااي ؟.. سلم سلام الاسلام .
فهد : يلا مع السلامة .
جهاد : أي جذي شحلاتك ... مع السلامة .
صقر : إلا جهاد ربعج ما ياو لج ؟
دشت ملاك و هي مبتسمة : سلام عليكم .
جهاد : و عليكم السلام ...
يات سلمت علي و عطتني تلفوني .. و عقب ما قعدت طقيت الجرس للنيرس .. و لما يات : انا ابي اشوف الدكتورة ...
النيرس : الدكتورة الحين موب موجودة بس الساعة ثلاث العصر راح اتيي لج انشا الله ..
جهاد : اوكي شكراً ..
و لما فتحته لقيت كولات وايد من ربعي و من امين و صقور و فهد و منهم كلهم .. مسحتهم كلهم .. لقيت مسج من سوسن : بس خلاص انا زعلت و فيس مكشر ... و مسج من امين : يعطيج العافية انشا الله و لو اعرف ن الطلعة بتسوي فيج جذي ما قلت لج خل نروح ..
ضحكت و كلهم تليقفو و سألوني بس ما جاوبت .. شوي و رن ما ادري من ... و ملاك في الحمام ..
جهاد : صقر انت رد عليهم و انا ارد عليك ..
صقر : الو ؟..... هلا حنان ...... انا صقر ..... تمام انتي شلونج ؟............ انتي تعرفين المستشفى وين ؟........ أي تعالي و بعدين اتصلي انا ادلج على غرفتها ..... اوكي .... العفو .... بااي .
جهاد : إذا يو ربعي بتنجلع برع ..
صقر : خل ايوون اول ...
و ظل يسولف لي و انا اسمعه ... شوي و ردو اتصلو رد عليهم صقر بس هالمرة كان يتكلم بطريقة دفشة شوي : جب جب .... و بعد تتحجين ؟..... افف انتي ما ادري منو مسلطج علي ... سكتي و اللي يعافيج ... انزين روحي الطابق الثالث امشي سيييده بتشوفين لوحة مثلج مكتوب عليها جناح دشي و جوفي في اللوح مكتوب احنا في أي غرفة ... اوكي يلا بااي ..
جهاد : صقر ؟... شلون تكلم حنان جذي ؟
صقر : وانتي مرة جفتيني اكلم حنان جذي ؟... هاذي سوسن ...
جهاد : اها ... امم شوي و تطلع اوكي ؟
صقر : انزيييييين ...
دشو و سلمو علي و طبعاً حطنوني ..
صقر : أي أي بدا الفلم الهندي ...
سوسن : انا ما ادري انت شللي مقعدك بين البنات قوم وح بيتنا اكو سلام قاعد بروحه ..
صقر : قاعد مع اختي من قبل ما اتيون انتي و رفيجتج ... انتو شاللي يابكم بين عايلة ؟
سوسن : افف تدري انك انسان ممل ؟
صقر : شهادة افتخر فيها ان انا انسان ممل ...
سوسن كانت لابسة قميص وايد حلو بس وايد مشع و ملون بطريقة ملفته ..
صقر : انا ما اعرف منو قاص عليج و قايل لج ان قميصج حلو بهالمهرجان اللي فيه حلو ..
سوسن : و انا ما ادري منو اللي قال لك ان انا طلبت رايج ..
وقف : يلا جهاد انا ماشي هاللوحة خذت المكان كله ... لما تروح قولي لي علشان ايي لج ما ابي اقعد عندج و اهي هني ..
سوسن : عشتو بموت عليك ؟؟؟..... احسن قاعدة على جبدك بالعناد ..جهاد الليله راقدة عندج ..
طلع عقب ما تعلف فيها شوي ... اللللللله يابو لي شي حلو خل اقول لكم عنه ... ستاند صغير و قصير ... فوقةة باقة ورد ابيض و احمر ... و في دبدوب حاظن الستاند ... استانست عليه ... و طبعاً شلت البطاقة احتفط فيها ... سولفت معاهم و حطينا لهم حلاوة ... بعد فترة و سلمو علي و طلعو ... ملاك قعدت تسولف عن محمود و شنو قال حق مريم ... اللي فهمته ان محمود تهاوش مع مريم قال لها اهلي ما تدخلين فيهم مولية كلش ...
دشت الدكتورة و سألتني عن اليوم و حددت لي الاشياء اللي راح يغيرونها لي اليوم ... و لما خلصت ...
جهاد : دكتورة يصير استخدم التلفون ؟
د : إذا انتي حاسة ان راسج يألمج او يدور لا تتكلمين بس لما حسينه احسن يصير تتكلمين بس حدج لمدة دقيقتين و ما تطولن عن ثلاث دقايق ... و بين كا مكاملة و الثانية 10 دقايق موب اقل .
جهاد : شكراً دكتورة .
د : العفو ... هذا واجبي ...
طلعت الدكتورة و شوي و دشو امي و ابوي سلمو علي و زاروني زيارة اقل من قصيرة مثل أي واحد من الزوار الغرب اللي ما اعرفهم زين ... و عن الجذب يابو صينية حلاوة حق الضيوف ... و طلعو و شوي مرت خالتي سلامة سلمت علي و خذت ملاك معاها و راحت ... و بفيت بروحي متمللة حدي ... تذكرت ان الليلة في مباراة مهمة بين ريال مدريد فريقي الللي اشجعه و بين خينيس ... شفت المباراة اللي حرقت اعصابي على الاخر و خلصت الساعة 9 و عرفت انه وقت انتهاء الزيارة .... طقيت جرس للممرضة اللي يات تسألني عن الللي ابيه و قلت لها ان انا ابي ماي و سألتها إذا ممكن احد يزورني الحين قالت ان ما يصير الحين احد يزور احد لان وقت الزيارة انتهت ... شربت ماي و سكرت التلفزيون و الليت و رقدت ...

لما مرضت صرت واااايد اعطش .... في الليل صحيت جفت الساعة في تلفوني عقب ما شغلت الليت كانت 12 ... شربت ماي و لما نزلت القلاص ... حسيت ان فالغرفة في ريحة عطر رجالي وايد قوية .. و بدون تفكير طقيت للممرضة : في احد ياني لما كنت راقدة ؟
الممرضة : أي يالج صبي دش و لما شافج راقدة طلع مرة ثانية .
جهاد : اوكي بس خلاص شكراً ..
انتبهت ان في باقة ورد ابيض عودة و واااايد حلوة الورد كله ابيض من كل الاشكال اللي كنت اتوقع ان في ورد ابيض ... و مغلفة بقطة ازرق كهربائي .. كانت صج صج حلوة ... جفت البطاقة كان مكتوب عليها الحمد لله على السلامة و انشا الله اجر و عافية .... امين ...
ابداً ما كت توقع انه يمرني المستشفى .... ع العموم جزاه الله الف خير اللي سأل عني ... انا لازم اتصل فيه و اشكره على اللي سواه ... بس الحين الوقت متأخر ... لا عادي امين ما يرقد من نوقت ...
اتصلت رن شوي و بعدها رد : هلا و الله .
جهاد : اهلين شلونك ؟
امين : انتي ما عليج مني اهم شي انتي شخبارج ؟
جهاد : الحمد لله احسن ... انت متى ييت ؟
امين : على الـ 11 بس لاني كنت مشغول شوي ما قدرت امرج إلا متأخر .
جهاد : افا عليك عادي .. اهم شي انك سألت عني .
امين : سألت عنج العافية ..
جهاد : امم شكراً على الورد .
امين : العفو ...
جهاد : ليش ما صحيتني ؟
امين : و ليش اصحيج ؟.. انتي تعبانة و محتاجة ترتاحين و موب لازم ازعجج .... تعرفين انه ممنوع ادش ؟... بس انا دشيت بدون ما تحس الممرضة و تطردني برع ...
جهاد : ههههه ... كنت خليتها لوقت ثاني ..
امين : لا ما له داعي .... بس استغربت ليش راسج ملفوف ؟
تبيني اقول لك بسبتك ؟؟: لا لاني وقت اللي طحت كنت في نص الدري و زلقت لي تحت ...
امين : اجر و عافية انشا الله .
جهاد : الله يعافيك ... امم امين سوري لازم اسكر لاني ما يصير اتكلم اكثر من ثلاث دقايق في التلفون .
امين : و لو عادي اهم شي صحتج ... تحملي بروحج .
جهاد : و انت بعد ... يلا باي .
امين : يمكن امر باجر الصبح ...بااي .
سكرت منه و ظليت اطالع في الورد اللي منه و من سوسن ... وايد حلو .. انا من الناس اللي وايد يقدرون الورد ... شسوي ؟... مردي بنية ...
رقدت و ما قمت إلا يوم ثاني الصبح ... ناديت الممرضة علشان اييبون لي ريوق ... حطت لي ريوق و شغلت التلفزيون ... و انا اشوف انطق الباب و دش امين : تعال تفضل ..
يا و سلم علي صافحني و قعد على الكرسي ... بس ما تأخر وايد شوي و طلع لان عنده شغل في الوزارة علشان السفر و البصمات ... و بعد الريوق رديت رقدت لان ما عندي شي اسويه ... يات لي الدكتورة في الظهر و قالت لي ان باجر بتطلعني .. استانست لان باجر كل شي مسموح بس بحدود علشان ما يرد علي الم راسي ... على العصر جذي يا لي صقر و قعد معاي ... قام يسولف لي عن الجامعة ... و هو يسولف انطق الباب و دش عزوز : السلام عليكم .
جهاد : و عليكم السلام ... هاا ياي تزيدها علي و تكمل الكلام اللي اول امس ما قلته لي ؟... و لا ياي تذكرني ان انا من نوع اللي اجذب و اصدق جذبتي ؟..... و لا ياي تبي تجوف نتائج كلامك العسل اللي قلته لي ؟... عيل اكيد ياي تشوف ان انا مريضة و ضعيفة و تثبت لي ان انا بنية موب صبي ؟؟
عزوز : جهاد انا ..
جهاد : انا ما علي منك انت شنو انا يهمني نفسي انا شنو ... و انا ما ابي اجوفك ...
صقر : جهاد عيب ..
جهاد : انت لا تتدخل بيني و بين ولد خالي الحنون .... و انت اطلع برع لاني ما ابي اشوفك ..
عزوز : جهاد ...
جهاد : قلت لك اطلع برع الحين .
عزوز : جهاد ع الاقل سمعيني ..
جهاد : انا ما ابي اسمع غير نفسي و نفسي تقول ما تبي تشوف رقعة ويهك ... اطلع برع .. الحين .
عزوز : انا طالع .. بس الحمد لله على السلامتج .
جهاد : انا بخير بدون ما اسمع كلامك ..
عزوز : انا أستأذن .
جهاد : اطلع بدون ما تقدم لي رسميات ... اطلع برع .
طالعني بس انا طنشته و طالعت التلفزيون ... طلع برع و استلمني صقر : جهاد عيب اللي سويتيه ما يصير جذي هاذي ولد خالج ..
جهاد : انت لا تتدخل في حياتي لو سمحت انا كبيرة و اقدر احكم تصرفاتي ..
صقر : كيفج بس راح تندمين .
جهاد : للحين ما انخلق اللي يخليني اندم ..
طالعني مستغرب من لهجتي اللي صارت عدائية ... بس انا مثل أي انسان في هالكون اخاف على مصلحتي ..
و طول اليوم غرفتي ما فضت حق في بنات من المدرسة ياو زاروني ... و في الليل رقدت و انا مستانسة لان السيلان اللي في يدي راح يكون اخر سيلان و بعدها على طول في البيت ...

يوم ثاني الصبح مر علي فهد و عقب ما كلمت الدكتورة اخر مرة شلت اغراضي و طلعت من المستشفى .... الحين راسي ما يألمني إلا نادر و الله لا يرد الالم ... و طبعاً وصفت لي ادويه و ارشادات لازم اسويها ..

رديت البيت و عشت يومين في ملل متواصل لان لازم ارتاح و اجوفإذا جسمي قبل الدم اللي حطو لي اياه او لا ... بس بعد اليومين انا اقدر اطلع براحة ..

افففف و اخييييييييراً اقدر اعيش بحريتي ... بس اليوم عندي مراجعة للدكتورة و بعدها يصير خير .... رحت للمستشفى مع فهد الظهر و قالت لي الدكتورة ان كل شي صار عادي بس ما امصخها و اهم شي ما يصير شي في راسي يعني ما اطق راسي بالغلط او يصير فيه شي ... و ابتعد عن الانفعال العاطفي .... رحت لغرفة الممرضات و نظفو لي الجرح اللي في راسي من ورى و الجرج اللي في جبيني شالو من عليه اللزقة الكبيرة و حطو وحدة صغيرة مثل اللي نستخدمهم في البيت .... ما اقدر اوصف لكم شقد شعور الحرية حلو خصوصاً لوحدة مثلي حياتها كلها برع البيت ... اتصل فيني امين و حبيت اكلمه لاني محتاجة أي احد اكلمه عن فرحتي
جهاد : هلا و الله .
امين : اهليين .. شلونج ؟
تنهدت : لا تسأل عني .
استغرب : لييييش ؟
جهاد : لاني مستانســــــــــة ... حدددي ..
امين : عساها دوم بس ليش ؟
جهاد : لان من اليوم اقدر اطلع و اروح و ارد ..
امين : انتي في بيت عمتي ؟
بيت عمته يعني بيت خالي : لا انا ما اروح بيتهم الحين ... من اليوم راح ارقد في بيتنا .
امين : لي متى ؟
جهاد : إلى اجل غير مسمى ... ما ادري .
امين : و ليش ؟... صاير شي بينج و بين ملاك ؟
جهاد : لا و لا شي بيني و بين ملاك ... بس متهاوشة مع عزوز هوشة عودة و ما اقدر اروح بيتهم ..
امين : انزين ممكن اعرف ليش ؟
جهاد : سوري ما اقدر اقول لك لان هالسالفة محد يعرف فيها غيري انا و عزوز ... تخيل حتى ملاك اللي ما اخش عنها شي ما تعرف ..
امين : إذا ملاك ما تعرف يعني هاي اكيييد سري جداً .. مو اهي كل شي تعرفه ..
جهاد : موب كل شي ينقال حق أي احد ...
امين : يعني انا بالنسبة لج أي احد ؟
بصراحة حيرني سؤاله و ما كان على بالي اصلاً ... : امم ... بس هالسالفة محد يدري فيها و لا احد مهما كان إذا ملاك ما تعرف معناها ان محد يعرف ...
امين : اها .. بس انتي ما جاوبتي على سؤالي ... انا ما اعتبر شي في حياتج ؟
جهاد : اممم ... انا ما اقدر اجاوبك على هالسؤال بس انت راح تجاوب علي من تصرفاتي معاك ...
ظلينا نسولف لفترة موب قصيرة و سكرته .. فتحت اللاب و كان عزوز اون سويته بلوك لان ما لي بارض اتكلم معاه مولية ... شوي و اتصل فيني صقر : هلا صقر ...
صقر : هلا بيج ...امم سمعي ... دقايق و بسوي لج مس كول طلعي لي السيارة ..
جهاد : و ليش يعني ؟؟
صقر : امم ابيج بموضوع و ما يصلح في البيت لان فهد و ملاك يعني ...
جهاد : امم اوكي ناطرتك ...
بدلت الشورت و لبست جينز لان ما احب البس هالشورت في غير حجرتي ... شوي و سوا لي مس كول .. انا خذيت تلفوني و طلعت برع جفت سيارته و ما يبين اهو لانها كامل رايبون .... دخلت السيارة و التفتت عليه كان حاط راسه على السكان و مغطي ويهه و لابس اسود .... بس لمحة و بعدها عرفت انه متضايق ... فما سألته و لا طالعته لفيت جسمي و تقريباً صرت عاطيته ظهري .... مشت السيارة لدون ما اسمع له حس ... و السيارة ظلام حتى لو التفتت له ما يبين و موب مشغل اغنية او شي بالعكس كانت السيارة هدوء و ما راح تقدرون تسمعون غير صوت انفاسي ... و انا اشوف اننا طلعنا من فريجنا و طلعنا من المنطقة .... و الطريج هذا ما يودي لغير الهاي وي ... قلت له بدون ما التفت عليه : وين رايح ؟؟
لحظة .... او اقدر اقول لحظات طويلة من الصمت ... التفت عليه .... شهقت لما شفت ان اللي يسوق موب صقر .... كان عزيز !!!!!!! ....



لامارا غير متواجد حالياً   رد مع اقتباس
إضافة رد

الكلمات الدلالية (Tags)
للكاتبة, أنوثتي, مكتملة, القمر, ذبلت, ذكريات

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 11:50 PM



Powered by vBulletin®
Copyright ©2000 - 2024, vBulletin Solutions, Inc.