11-12-13, 09:51 AM
| #11 | ||||||||
| مراقبة عامة ومشرفة منتدى الروايات المنقولة  
|  وكانت العروس اسبشل في هاليوم..طبعا كل شي كان اسبشل..والعرس كان فعلا اسطوري مثل مابغته هبة..وكانت سهرة مميزة للكل ومحد راح ينسى هالعرس..تتدخل هبة على الناس وتبرز جمالها...وهي مشغلة موسيقى اجنبية...وعقبها يدش فهد وينصدم بوجود خالته وايد استانس.. ويتم فهد مع عروسته وبغت تتصور ويافهد بعدة حركات لكن فهد رفض وطلب منها انهم يمشون...وخلصت الليلة...ردت وديمة البيت حصلت خالد يقرأ كتاب.... وديمة:السلام عليكم.. خالد:وعليكم السلام..من جابكم سلمان؟ وديمة(تقعد):اي..ليش مانمت؟ خالد:ان شاء الله تبيني انام وانت مو موجودة؟ وديمة:انزين تعشيت؟ خالد:اي..قولي ايش سويتي؟ وديمة:فاتك ياخالد..عرس غرييب.. خالد(يقاطعها):فاتني يعني شسوي..تبين احضر عرس حريم وياج؟! وديمة:يووه خلني اكمل..اول مرة احضر عرس بهالشكل..يعني صارفيين من القلب على العرس..مب شي عادي..شي خيالي..يعني تخيل الارضية كلها ورود..جني داخلة حديقة..وتعال شوف التوزيع والكوشة تقول قصر..فخم..مااعرف شاوصف.. خالد:الله معطيهم ليش مايصرفون.. وديمة:انا مااذكرهم..من متى تعرفونهم؟ خالد:من زماان يوم كنا صغار..ردينا من برع وأجرنا بيت جنب بيتهم..بس تمينا وياهم سنة ونص وعقبها غيرنا البيت.. وديمة:وكانوا اغنية؟ خالد:مب مثل الحين.. وديمة:الفلوس تسوي كل شي.. خالد:انزين روحي غيري ملابسج وخذي ادويتج ونامي.. وتمر أيام.....في الجامعة...بعد المحاضرة...شيخة ووديمة يروحون عند الدكتور.... وديمة:دكتور مايصير تأجل تسليم البروجكت يوم الاحد.. الدكتور:ليش؟ شيخة:علشان يمدينا نشتغل في الاجازة.. الدكتور:لا..انا خلاص قلت يوم الاربعاء.. وديمة:دكتور تكفى..أنا عندي امتحان يوم الاربعاء وتسليم بروجكت.. شيخة:وانا بعد عندي امتحانين.. الدكتور:اوكي..بس يوم الاحد الصبح الساعة 9 يكون عندي.. شيخة:ان شاء الله.. عقب ماراح الدكتور.... وديمة:اشوه وافق..وريحني.. شيخة:امشي خلنا نرد البيت..تراني تعبانة وميتة من الجوع..ماكلت شي من الصبح.. وديمة:عاد انا اليوم مااقدر ارد معاج.. شيخة:ليش؟ وديمة:خالد بيمرني.. شيخة:بكيفج..انا بمشي..تبين شي؟ وديمة:لا..سلمي على امج.. شيخة:اوجي..باي.. وديمة:باباي.. راحت شيخة البيت واول ماوصلت شافت البيت غير عن كل مرة..... شيخة:السلام عليكم.. ام فيصل:وعليكم السلام.. شيخة:يمه في حد بيينا؟ ام فيصل:أي..روحي بدلي ملابسج ولبسي شي كشخة..سمعتي.. شيخة:ليش؟ ام فيصل:في حريم بيزورنا.. شيخة:وانا شكو..توني رادة من الجامعة هلكانة وجوعانة..نجبي لي الغداء.. ام فيصل:اوكي بنجب لج بس لاتاكلين وايد علشان ماتثقلين..وشوفي شنو بتلبسين.. شيخة:يمه ماني جايه.. ام فيصل:بتيين غصب عنج.. شيخة:أي عاد ليش؟ ام فيصل(تكلمها وهي تبتسم):حريم جايين يشوفنج حق ولدهم.. شيخة(فجت عينها منصدمة) ام فيصل:لاتفجين عيونج جذي..روحي بسرعة ترى ماكو وقت..عقب ساعة بيوصلون.. في بيت بوفهد.....فهد يرد البيت يسأل عن هبه.... ام فهد:فوق بدارها.. فهد:اوكي انا صاعد فوق.. دخل الغرفة....حصلها قاعدة تتمكيج.. فهد:مساء الخير.. هبة:مساء الحب.. فهد:ايش عندج قاعدة فوق؟؟ هبة:ولاشي توها راعية المساج طلعت من عندي.. فهد(يفصغ شماغة) هبة:أقول حبيبي.. فهد:قولي.. هبة:أنا ابي اسوي حفلة شاي وأبي ألم كل ربعي.. فهد:سوي.. هبة:بس أبيها تكون حفلة عودة.. فهد:سوي كل اللي بخاطرج..وعزمي اللي تبينه.. هبة:عادي اسويها هني في البيت..بيتكم كبير وينفع.. فهد:شوفي امي..مع اني مااعتقد انها ترفض.. هبة:انزين وفلوس البوفية والديكور؟ فهد:روحي حجزي اللي تبينه وخلهم يوصلون الفاتورة للشركة بإسمي.. هبة:تسلم ياقلبي..عساني مانحرم منك.. عبدالله يدخل البيت يحصل عمه قاعد يتكلم مع امه.... عبدالله:السلام عليكم.. الجميع:وعليكم السلام.. ناصر:اشلونك عبدالله.. عبدالله(من غير نفس):الحمدلله.. ناصر:اشلون تملج بأختك من غير ماتخبرني..مو انا عمها والمفروض اكون من الموجودين في االملجة.. عبدالله:عمها!!..ليش عمها يعرفها شي..ليش عمها ساءل عنها؟!! ناصر(وقف):ايش تقصد؟ عبدالله:اللي اقصده ان ليش المفروض تكون موجود..إذا انت ماعمرك سألت عنا ولاتعرف عن اخبارنا..الحين جاي وتحاسبني اني ملجت بأختي من غيرك..ولا انت ناسي اني ولي امرها.. ناصر(معصب):انت اشفيك..انت ناسي اني عمك؟؟ ام عبدالله:يمه عبدالله تعوذ من الشيطان.. عبدالله:أي ناسي..مثل ماانت نسيت عيال اخوك..سنين واحنا عايشين بروحنا ولاعمرك جيت ولاسألت عنا..ولاقلت وين عيال اخوي..اليوم رمضان اليوم العيد..الحين تذكرت ان لك اخو وكان عنده عيال..إذا انت تهاوشت وياابوي الله يرحمه..احنا عياله شيخصنا؟..في ايش اذيناك؟؟..عمرنا جينا وطلبنا منك ريال واحد؟...الله لايجيب هاليوم.. ناصر:لا انت شكلك مخرف..صرت تخور بالحجي..اشفيه ولدج ياام عبدالله؟ ام عبدالله:عبدالله يمه خلاص كافي اللي قلته.. عبدالله:خله يدري ان ماله حق انه يحاسبنا..انا ولي امرها وازوجها باللي ابيه..ومااعتقد ان في حد احسن من اللي متقدم لها.. ناصر:وعيالي شنو؟ عبدالله:ليش انت كنت متوقع اني بعطيك اختي حق واحد من عيالك؟؟..بكون مب صاحي لو سويتها.. ناصر(عصب):اسمع عبدالله..هالحجي كله ماراح يأثر فيني..وأختك هذي تزوجت..لكن الثانية ماراح اخليك تزوجها..بخليها لواحد من عيالي..سمعت.. عبدالله:على قص ارقبتي..روح بالاول حلل فلوسك..مااخذ فلوس ابوي وعايش فيهم ومتهني انت وعيالك..انت ماتخاف من ربك..ماخذ فلوس يتامى وقاص على اخوك وبايقه..روح فكر بكل ريال وين تقطه..عقب تعال وتأمر علينا..الشرهه مو عليك..الشرهه على اللي وثق فيك.. ناصر:انا طالع..بس لي حجي معاك.. عبدالله:في حفظ الله.. طلع... ام عبدالله:يايمه ليش قلت لها هالحجي؟ عبدالله:خليه يروح.. ام عبدالله:انت ماتعرف عمك ايش ممكن يسوي؟ عبدالله:يعني ايش بيسوي..خله يسوي اللي يسويه..احنا ربنا ويانا دام الحق معانا..وين البنات؟ ام عبدالله:الله يسامح ابوك..غلط غلطة كبيرة..انه سلف اخوه من غير مايكتب ولايسجل شي.. عبدالله:ابوي انقص عليه..على باله اخوه وثق فيه..هذا اخوه باقه وقال ان ابوي ماسلفه ولا ريال..دام مافي اثبات..ابوي غلط..وانا بعد لازم مااغلط واقط خواتي بين ايدينهم.. خلود(تيي):غريبة ان عمي يبينا حق عياله..توه تذكر؟؟ | ||||||||
|  |
|
11-12-13, 09:54 AM
| #12 | ||||||||
| مراقبة عامة ومشرفة منتدى الروايات المنقولة
| متابعة الفصل الخامس وديمة قاعدة تتعشى مع خالد وجدتها....خالد يتصل في عبدالله.... خالد:السلام عليكم.. عبدالله:وعليكم السلام.. خالد:أخبارك؟ عبدالله:زين.. خالد:وينك من ساعة وانا اتصل وانت ماترد.. عبدالله:ولاشي..كنت شوي مشغول.. خالد:بغيت أقولك..ان باجر معزومين على عرس.. عبدالله:....... خالد(استغرب هدوء عبدالله):عبدالله اشفيك؟ عبدالله:ولاشي.. خالد(قام وراح بعيد):شكلك يقول في شي.. عبدالله:شوي متضايق.. خالد:صاير شي؟ عبدالله:ماعليك مني..كمل سالفتك.. خالد:انت وينك فيه؟ عبدالله:في البيت.. خالد:انزين خلك..انا الحين بمرك.. عبدالله:مايحتاي.. خالد:قلت لك خلاص انا بمرك..في امان الله..انا طالع جدتي.. الجدة:توك ماكملت عشاك.. خالد:ماعليه عندي شوي شغل وبطلع..عليكم بالعافية..مع السلامة.. الجدة:مع السلامة.. عند البحر.... أحمد:كان خوش سندويتش.. محمد:عليك بالعافية..تبي بعد؟ أحمد:لا بسي شبعت..ايشقد تبيني اكل..قولي ليحين ماقررتوا موعد العرس؟ محمد:لا خلاص قررنا وحجزنا بعد.. أحمد:زين والله..ومتى ان شاء الله؟ محمد:شهر 12 ان شاء الله..اقولك ايش رايك ننزل البحر؟ أحمد:في هالليل؟ محمد:أي امش.. أحمد:لا لا..خلها بعدين.. محمد:أقولك أحمد أنا في خاطري اروح مكان.. أحمد:وين؟ محمد:ودي أروح دار الايتام.. أحمد:دار الايتام؟!! محمد:أي.. أحمد:وليش تبي تروح مناك؟ محمد:جذي..في خاطري اشوف الياهال أعطيهم هدايا ألعب معاهم..شي جذي.. أحمد:اي بس حد يسمع انك رايح هالمكان بيحسبون شي ثاني.. محمد:ايش هالتفكير؟ أحمد:أي هذا اللي قاعد يصير.. محمد:ياسلام يعني الواحد مايروح لهم؟ أحمد:ماادري..بس إذا رحت لهم الناس مابتشيلك من بالها..وبيتحجون فيك.. محمد:خلهم يقولون اللي يقولونه..وشنو يهمني حجي الناس اللي لايودي ولايجيب.. أحمد:محمد انت مالج..وباجر إذا أهل مرتك دروا بيقولون أكيد هذا.... محمد:ليش سكت؟؟...أحمد لاتضايقيني..انا فعلا ابي اروح مو علشان هالكلام اللي انت قلته او التفكير اللي تفكر فيه الناس..الرسول صلى الله عليه وسلم وصانا بالايتام..والحين تقولي الناس!! أحمد:هذا واقعنا.. محمد:اللي يكون انا مالي خص بهالواقع..وبعدين مافي شي يثبت ان لي شي هناك.. أحمد:هذا انا وانت نقوله..بس الناس تقول غير جذي..بعدين تعال اصلا ماتقدر تروح لهم.. محمد:ليش؟ أحمد:مايسمحون لك بأي زيارة لهم..لأنهم تابعين للدولة..والدولة هي المسؤولة عنهم.. محمد(تضايق وقام) أحمد:وين؟ محمد:برد البيت.. أحمد:ليش؟ محمد:تضايقت..ابي اروح ارتاح.. أحمد(قام):محمد لاتضايق عمرك..ربك بيعطيك على حسن نيتك.. محمد:انا ماابي اجر حسن النية وبس انا ابي اجر الفعل..انا قادر اروح ليش مااروح؟!!..ليش الناس وصل تفكيرها لهالدرجة....يعني الواحد مايقدر يحسن بحياته...يااحمد ذولا يتامى..تعرف يعني شنو..تخيل اشكالهم وانت داخل عليهم بين فترة وفترة ومعاك هدايا ولا كيك ولا عشاء..وتشوفهم مستانسين بجيتك ويرحبون فيك..ابتسامتهم هذي ماتعني لك شي؟ أحمد:اوكي انا معاك بكل شي قلته..(يفكر)..انزين انا عندي لك فكرة.. محمد:شنو؟؟ في الكوفي شوب.... خالد:اشرب اشرب.. عبدالله(يشرب) خالد:ياريال لاتضايق عمرك..ان شاء الله كل الامور بتنحل.. عبدالله:بالي مابيرتاح لين ماازوج اختي الثانية..أخاف يصير فيني شي وعقب تروح فيها.. خالد:لاتفاول على عمرك..الله يعطيك طولة العمر...ان شاء الله بتمشى الامور بهدوء وبتزوجها بنفسك.. عبدالله:الله يسمع منك..انت ماتدري هذا من أي طينة.. خالد:ايش تبي فيه الحين جايب طاريه..تبيه ياخذ حسناتك..خله في حاله..دام انك موجود بين خواتك وامك مايقدر يسوي شي.. عبدالله:ماادري الفلوس اشلون تغير النفوس.. خالد:بعد الفلوس وصخ دنيا..وفي ناس تحب تغوص في هالوصخ.. عبدالله:باع هله علشان الفلوس؟؟ خالد:كل شي ياعبدالله يستوي في هالزمن..اخو باع اخوه علشان الفلوس..ولد باع ابوه وامه علشان فلوس..واحد مستعد يبيع اخته ويحصل من وراها فلوس..كل شي يصير..بس الله يرحم بحالنا ومايي هاليوم اللي احنا نكون مثلهم.. عبدالله:آمين..خلنا نمشي.. في غرفة وديمة...قاعدة تسولف مع شيخة.... شيخة:ودوم بقولج شي بس سر بيني وبينج.. وديمة:شنو؟ شيخة:اليوم في حريم جايين يخطبوني حق ولدهم. وديمة(استانست):صج شيخوه؟؟ شيخة:أي.. وديمة:ألف مبروك.. شيخة:تو ماصار شي..بس جايين يشوفوني.. وديمة:انت اللي يشوفج من اول مرة بيوافق.. شيخة:واي فديتج ودوم.. وديمة:انزين قولي لي بالتفصيل..من هالناس؟..ولدهم اشلون؟ شيخة:الله يسلمج ولدهم دكتور يشتغل في المستشفى.. وديمة:صج؟!!..الله يكون بعونج.. شيخة:ليش؟ وديمة:دام ان ريلج دكتور.. شيخة:مافيها شي عادي.. وديمة:انزين كملي.. شيخة:ويقولون عمره 28 سنة..وشفت صورته.. وديمة:صج شيخوه شفتيه؟ شيخة:أي شفته.. وديمة:اشلون؟ شيخة:امه روتني صورته.. وديمة:واشلون شكله؟ شيخة:يهبل ودوم تعرفين يعني شنو يهبل..وسيم وعليه طول..رهيب.. وديمة:انزين وبعدين ماصار شي بينكم؟ شيخة:بس ناطرين موافقتي.. وديمة:وانت ايش رايج؟ شيخة:مو لازم بالاول يسألون عن الريال وعقب يصير خير.. وديمة:انزين انت تحسين اشلون شعورج؟ شيخة:حاليا مافي شي في بالي يخليني ارفض..بس لازم افكر عدل..عقبالج ودوم.. وديمة:أي باين..من يبي وحده مريضة.. شيخة:اقول سكتي..وانت ايش دراج بالنصيب؟ يندق الباب... وديمة:تفضل.. خالد(يفتح الباب):قاعدة؟ وديمة:أي.. خالد:من تاحجين؟ وديمة:شيخة.. خالد:انزين خذتي دواج؟ وديمة:أي.. خالد:والابرة؟ وديمة:لا.. خالد:وايش تنتظرين؟. وديمة:قلت باخذها قبل لأنام.. خالد:صارت الساعة 11 وانت ليحين قاعدة..وراج دوام من الصبح..سكي التليفون.. وديمة:ان شاء الله..شيخة انا بسكر اوكي بروح انام..اشوفج باجر في الجامعة.....مع السلامة.. خالد:وين ابرتج؟ وديمة(قامت علشان تجيبها) خالد:عطيني المعقم.. وديمة:ان شاء الله.. الصبح...الساعة 11 تنزل هبه تحت بالمصعد...وتروح الصالة العودة تحصل ام فهد وكاملة قاعدين..... هبة:صباح الخير.. الجميع:صباح الخير.. ام فهد:روحي يمه تريقي.. هبة:ان شاء الله..ديما..ياديما.. ديما:نعم مدام؟ هبة:زهبي الريوق.. ديما:حاضر..(راحت) هبة:مرت عمي انا بتريق وبطلع.. ام فهد:على راحتج يمه.. هبة:عن اذنكم.. ام فهد:انزين كاملة ماقلتي اهل البنت وافقوا؟ كاملة:لا والله ليحين ماردوا علينا.. ام فهد:ياللا ان شاء الله يصير نصيب..ولدج يستاهل.. كاملة:الله يوفقه.. في الشركة...فهد كان وايد مشغول... فهد:اسمع شوفهم ليش ماطرشوا الايميل..ولما يتصل فيك بونوف حوله على طول عندي..وبلغ المهندس سيف وعصام انهم يجون معاي موقع المشروع.. السكرتير:حاضر طال عمرك..تامرني بشي ثاني؟ فهد:خلهم يسوون لي عصير مانجا..تعبت من الشغل.. السكرتير:ان شاء الله.. فهد:وخله يحط فيه ثلج.. السكرتير:ان شاء الله..عن اذنك.. قعد السكرتير على مكتبه..شوي الا تيي هبه.... هبة:السلام عليكم.. السكرتير:وعليكم السلام.. هبة:فهد موجود؟ السكرتير:أي نعم استاذ فهد موجود.. هبة:اوكي انا داخله.. السكرتير:لحظة لو سمحتي..خلني استأذن منه.. هبة(ابتسمت):انا زوجته..مااعتقد دخولي محتاج استأذان.. السكرتير:سمحي لنا طال عمرج..تفضلي.. هبه(دخلت وهي رافعة الراس):يعطيك العافية.. فهد(رفع راسه وشافها وهو منصدم من جيتها وشوي بيعصب):هبه؟!!! هبة:مفاجأة؟ فهد:صاير شي؟ هبة:لا.. فهد:عيل ليش جايه؟ هبة:جايه اشوف ريلي..اسوي له مفاجأة..وفي نفس الوقت عندي سالفة.. فهد:يعني هالسالفة ماقدرتي تأجلينها لين ماارد؟ هبة:اشفيك فهد؟ فهد:هبة ردي البيت.. هبة:أي عاد ليش؟ فهد:انا مااحب حريمنا يجون هني.. هبة:نعم؟!!..واشفيها؟؟ فهد:قلت لج مااحب..انت ناسية ان هالشركة فيها رياييل.. هبة:ادري..ومافيها شي لو جيت شركة ريلي.. فهد(شوي وبيعصب):هبة..قلت لج ردي البيت..والحين..ولما ارد قولي اللي تبين تقولينه.. هبة:ايش هالحجي يافهد..شنو احنا الحريم مالنا مكان عندكم؟ فهد(عصب):سمعي الحجي وردي البيت..بسرعة.. هبة:اوكي..برد البيت..بس انا غلطانة اني سويت لك مفاجأة..عن اذنك يااستاذ فهد.. طلعت... فهد(عصب وقعد على الكرسي) في بيت عبدالله.... ام عبدالله:يمه عبدالله خلني اتصل في ريل اختك يي يوديك المستشفى.. عبدالله(بتعب):ماله داعي..بتتحسن حالتي.. ام عبدالله:يايمه حرارتك من الصبح ماهي راضية تنزل..وكل تكح..مب زين لك.. عبدالله:عطيني من اللي عندج.. ام عبدالله:بروح اسوي لك شوربة.. يرن تليفون عبدالله.... عبدالله:آلو.. محمد:اشفيه صوتك؟ عبدالله:مريض.. محمد:سلامات يابو الشباب..اشفيك؟ عبدالله:مسخن وتعبان.. محمد:مارحت المستشفى؟ عبدالله:لا.. محمد:من متى وانت مريض؟ عبدالله:الصبح.. محمد:انت في البيت؟ عبدالله:أي.. محمد:الحين بمرك وبوديك المستشفى.. عبدالله:ماله داعي.. محمد:غصب عنك بوديك..مافي شي اسمه ماله داعي.. عبدالله:أي بس انت في الدوام.. محمد:بستأذن..ياللا البس اول مااوصل بدق لك...مع السلامة.. أحمد(يدخل المكتب):وين؟ محمد:عبدالله مريض وبوديه المستشفى.. أحمد:اشفيه مريض؟ ام عبدالله تجيب له الشوربة وتشربه...وعبدالله يكح ويكح..ومايكمل الشوربة.... عبدالله:خلاص يمه ماابي.. ام عبدالله:يايمه خلني اكلم ريل اختك يوديك المستشفى.. عبدالله:رفيجي بمرني وبوديني.. ام عبدالله:من رفيجك؟ عبدالله:محمد.. ام عبدالله:عسى الله يوفقه ويسعده مع زوجته..ولايي يوم وأسمع انه مريض.. عبدالله:آمين..(قام) ام عبدالله:وين؟ عبدالله:بلبس.. ام عبدالله:خلك انا باجيب لك ثوبك.. في المستشفى.... محمد:طمني دكتور.. الدكتور:حرارته وصلت 39..وعنده التهاب في الحنجرة..بس انا الحين عطيته شوية ادوية بس تنزل الحرارة عقب يقدر يطلع.. محمد:مشكور.. عبدالله:عطني تليفوني.. محمد(يمد يده):هاك..من تبي تحاجي؟ عبدالله:امي..موصيتني اتصل فيها.. محمد:يحليلها امك..الله يطول بعمرها.. عبدالله:آمين..ماتدري امي ايشقد دعت لك يوم انها درت انك بتوديني المستشفى.. محمد:خلاص انا كل يوم بوصلك مشوار علشان احصل دعاوي منها.. عبدالله(يبتسم) في الجامعة...وديمة وشيخة يقعدون ومعاهم أكلهم.... وديمة:قولي لي الريال شنو تخصصه؟ شيخة:يقولون جراح.. وديمة:ماشاء الله عليه..انزين وبعد ماقالوا لكم شي ثاني؟ شيخة:بلا قالت مرت اخوه ان اذا تزوجنا بنقعد في بيت أهله.. وديمة:وليش ان شاء الله..توج تقولين جراح اكيد معاشه مب شوي.. شيخة:مب عشان المعاش..امه تقول ان هم يحبون يقعدون حول بعض..حتى اخوه توه من شهر متزوج وقاعد معاهم في البيت..بس تقول الغرف كبيرة وايد..والبيت جديد من اربع شهور ساكنين فيه.. وديمة:شوقتيني اكثر..ابوج ماسأل عنه؟ شيخة:وين مداه..مب أقل من اسبوعين أبوي بيسأل عنه.. وديمة:العصير حار.. شيخة:الا قولي الجو حار..قولي لي أخبار امج وابوج؟ وديمة:الحمدلله اول امس كلمناهم.. شيخة:ماعندهم اجازة؟ وديمة:لا..ابوي وايد مشغول.. شيخة:صج جدتج بتروح الحج هالسنة؟ وديمة:أي.. شيخة:مع من بتروح؟ وديمة:مع خالي.. شيخة:ليش هو رد؟ وديمة:لا..احتمال يي باجر او اللي عقبه..(تشوف تليفونها)..قومي صارت وثلث يالله نلحق نوصل القاعة..(وقفت)..امشي.. الساعة 2 يوصل فهد البيت... فهد:السلام عليكم.. ام فهد:وعليكم السلام..قوة يمه.. فهد:الله يقويج..ابوي رد؟ ام فهد:أي يمه من نص ساعة واصل..انت ليش تأخرت؟ فهد:كان عندي شغل..الغداء زاهب؟ ام فهد:أي يمه زاهب.. فهد:تغديتوا؟ ام فهد:أي يمه انا وابوك سبقناكم..بخليهم ينجبون لكم الغداء.. فهد:تسوين خير..بروح ابدل.. راح فوق...حصل هبه قاعد مجابلة لاب توبها.. ومعطه ظهرها لفهد.. فهد:السلام عليكم.. هبة:.......... فهد(فصخ شماغة وقرب منها):ماكو حد يرد؟ هبة(تطالع بنظرات وعقب تكمل شغلها) فهد:يعني انت الغلطانة وتزعلين بعد؟ هبة:ياسلام..الحين طلعت انا الغلطانة..يوم زوجة تحب تسوي مفاجأة حق زوجها وتيي له المكتب اطلع انا الغلطانة..مشكور ماقصرت.. فهد:هبة انت اشفيج..احنا من متى نخلي حريمنا يطلعون وسط رياييل؟ هبة:ايش دعوة عاد انا رايحة وين؟..كلها الشركة..والشركة شركتنا..يعني محد يتجرأ يسوي شي.. فهد:انا مااحب حد يشوف زوجتي.. هبة:يعني تبيني اقعد مجابلة الطوف اربع وعشرين ساعة؟ فهد:ليش قدمتي استقالتج؟ هبة:لأني كنت ابي اقولك على مشروع..بس الظاهر ماكو شي ينقال.. فهد(قعد):هبه..انت لازم تفهمين انج انت لي انا وبس..وانا مااحب حد يشوف زوجتي..ودخلتج للشركة غلط في غلط..زين ابوي ماشافج..فهمي قصدي.. هبة:........... فهد:يابنت الناس لاتقلبين علينا زعل..قولي لي ايش كنتي تبين تقولين؟ هبة:ماابي..انسى.. يندق الباب....فهد يقوم يفتح الباب.... ديما:استاذ فهد الغداء جاهز.. فهد:ياللا الحين جايين..(سك الباب)..ياللا قومي نتغدى.. هبة:ماابي.. فهد(راح لها):ياللا عاد هبة..امشي..انا مااقدر على زعلج..وقولي لي بعد سالفتج..شوقتيني لها وايد.. وهم ياكلون..... فهد:شنو؟ هبة:أي نشغل حريم عندك في الشركة..وانا اكون المسؤولة عنهم.. فهد(ماعجباه):ليش؟ هبة:من زمان وانا في خاطري اشتغل معاكم..أصلا انا كنت ناوية اشتغل في شركة ابوي.. فهد:وليش مااشتغلتي؟ هبة:قلت دام ان فهد زوجي خلني اشتغل معاه.. فهد:يصير خير.. هبة:يعني شنو يصير خير؟ فهد:سمعنا ان ابوج بيترك شركته؟ هبة:أي يقول تعب..وماله خلق..فقلت انا باخذ مكانه إذا عزم صج.. فهد:شنو؟؟ هبة:أي انا بنته ولازم آخذ مكانه..ولاتبي ابوي يبيع الشركة؟ فهد:عيل اختج وين؟ هبة:اختي ماتقدر تمشي الشركة بروحها.. فهد:توج تقولين تبين تشتغلين وياي.. هبة:اذا رفضت باخذ مكان ابوي.. فهد(قام):بروح أرقد..صحيني على الساعة 3 ونص.. راح... هبة(قالت في نفسها:ان ماخليتك تغير رايك مااكون هبة) خلود تدخل غرفة عبدالله تحصله راقد....وهي رادة... عبدالله:خلود.. خلود(تلف):قاعد؟ عبدالله:نص نص.. خلود(قربت منه):أخبارك الحين؟ عبدالله:حمدلله..متى رديتي من الجامعة؟ خلود:من ساعة.. عبدالله:من جابج؟ خلود:رديت مع بنات خالتي..تبي اجيب لك شي؟ عبدالله:لا مشكورة..بحاول ارقد..لأني مصدع شوي.. خلود(وقفت عند الباب):اسك الليت؟ عبدالله:ياليت.. خلود(سكت الليت والباب وراحت) عبدالله ظل يفكر بخواته...متى يتطمن على خلود وتتزوج وحسنة متى تكبر وتتزوج علشان يرتاح من الهم اللي جاه من عمه.. في الصالة.... ام عبدالله:ها يمه شفتيه؟ خلود:أي يمه.. ام عبدالله:اشلون كان؟ خلود:يقول احسن..بس يقول مصدع وقال بينام.. ام عبدالله:الله يشافيك ياولدي.. خلود:آمين.. ام عبدالله:ماقلتي حق ريلج يي اليوم يتعشى؟ خلود:لا.. ام عبدالله:قومي اتصلي فيه..هذا خطيبج..لازم تكونين احسن من جذي وياه..عطيه شوي من حبج وحنانج..دقي عليه كلميه..ادري انج تستحين..بس بعد خلج قريبة منه.. خلود:ان شاء الله.. في البيت... وديمة تنزل تحت وتحصل الفواكه على الطاولة تاخذ لها تفاحة وتاكل..الجدة تيي وتقعد..... الجدة:ان شاء الله دوم اشوفج تاكلين فواكه.. وديمة:شكله كان يشهي..جدتي وين خالد؟ الجدة:فوق بداره.. وديمة(راحت عند التليفون):ليلى صار لها يومين ماهي مبينة..باتصل فيها..جدتي خالي متى بيرد؟ الجدة:اليوم الساعة 7 بيوصل ان شاء الله.. وديمة:والله؟..أشوفج اليوم مستانسة.. الجدة:مشتاقة له وايد.. وديمة(تتصل):آلو هلا خلودي اشلونك؟....ليش ماتييون بيتنا؟.....وين ماما؟....في المطبخ شتسوي؟....انزين قولها تتصل زين؟....ياللا باباي..الحين ليلى هالحزة شتسوي في المطبخ...أقول جدتي طابخة شي حق خالي؟ الجدة:أكيد..تحصلينه مشتهي أكلنا.. وديمة:يحليله خالي..انزين خالد مب قايم؟ الجدة:خليه يمه يريح.. خالد(ينزل):ايش تبين في خالد؟ وديمة:ولاشي..بس أسأل عنك.. خالد(يقعد):قومي وديمة جيبي لي صحن وسكين.. الجدة:الخدامة شكلها نست تجيب الصحون.. وديمة(قامت وراحت المطبخ) خالد:جدتي عيسى وين بينام؟ الجدة:بخليه يرقد في غرفة حمد لين ماينقل أثاثه في الغرفة اللي عندي.. خالد:أي صح هذي الغرفة مش مأثثه.. وديمة(تمد يدها):هاك.. خالد:ليش ماتاكلين؟ وديمة:كلت تفاحة من شوي..(تقعد) خالد:أقولج لاتنسين عندج موعد باجر.. وديمة:أدري.. يأذن المغرب...حي على الصلاة..عقب السلام طلع محمد من المسجد...وركب سيارته ورد البيت..... محمد:ياللا ياام يوسف..انا في خدمتج.. ام يوسف:وانا جاهزة.. وركبوا السيارة.... محمد:أقول يمه..بسألج سؤال.. ام يوسف:خير يمه؟ محمد:يمه تدرين ان عندنا في الدوحة دار ايتام؟ ام يوسف:أي يمه سمعت.. محمد:اشفيها لو رحت أزور الياهال؟ ام يوسف:تزورهم؟...وليش تبي تزورهم؟ محمد:في خاطري اودي لهم هدايا ألعاب أكل..يعني ودي اونسهم.. ام يوسف:انت ان شاء الله بتتزوج والله بيرزقك بعيال وسوي هالاشياء حق عيالك.. محمد:اكيد بسوي لهم..بس خاطري اروح عند الايتام.. ام يوسف:يايمه الناس ماترحم بالحجي..وانا ماصدقت انك قدرت تمشي امورك مع خطيبتك هالمرة وقريب عرسك تبي يخترب كل شي.. محمد:ليش يخترب كل شي؟؟..ماني فاهمكم ..لي متى يايمه بنمشي امورنا على هوى الناس.. ام يوسف:شاقولك يايمه...الحياة جذي صارت.. محمد:غلط..يمه تكفين لاتقولين لاتروح.. في الشركة.... فهد:اتصل في يوسف وخله يمرني المكتب.. السكرتير:ان شاء الله..طال عمرك هذا الفاكس وصلنا اليوم من القاهرة.. فهد:اوكي خله بقراه..وبعد شنو كنت بسألك....اي تذكرت خلي مدير قسم المحاسبة يمرني ضروري اليوم.. السكرتير:حاضر..تامرني بشي ثاني؟ فهد:لا.. عقب عشر دقايق يدخل يوسف مكتب فهد يحصله مندمج مع الاب توب ويكتب... يوسف:مساك الله بالخير طال عمرك.. فهد:مساء الله بالنور..هلا يوسف..حياك تفضل..هاا اخبار المشروع؟ يوسف:سمعت ان اليوم مريت المشروع.. فهد:أي نعم مريته.. يوسف:واشلون كان؟ فهد:الشغل ماشي اوكي..بس يايوسف الشغل بطيء..احنا حاطين التاريخ متى المفروض نخلص..بس اللي قاعد اشوفه ان راح نتأخر.. يوسف:طال عمرك قلة العمال.. فهد:والحل؟ يوسف:لازم تزداد الايدي العاملة ولا المشروع بيتأخر.. فهد:اوكي كم شخص محتاجين؟ يوسف:مب أقل من 20 شخص.. فهد:خلاص انا باتصرف..(يتصل على السكرتير).. السكرتير:نعم طال عمرك؟ فهد:خل مؤمن يجيني المكتب الحين.. السكرتير:ان شاء الله.. فهد:انزين وغيره.. يوسف:وفي أشياء طلبناها من برع وتأخرت في الشحن.. فهد:ليش؟ يوسف:مااعرف..بس يوم سألنا قالوا لنا صار تأخير في الشحن.. فهد(يكتب):اوكي انا بحل هالمشكلة..وفي شي غيره؟ يوسف:حاليا لا.. فهد:قولي ايش سويت بآخر سفرة..مالحقت اقعد معاك.. يوسف:الحمدلله..الامور مشت على خير..وعطيت جميع الاوراق حق الوالد.. فهد:وبتسافر بعد؟ يوسف:لا..المرة الجايه راح يجي واحد من طرفهم.. فهد:اوكي..خلاص يايوسف تقدر تروح.. عقب ماصلى تمدد على السرير وتلحف من البرد...يرن تليفونه...... عبدالله:آلو.. محمد:السلام عليكم.. عبدالله:وعليكم السلام.. محمد:اشلونك الحين؟ عبدالله:الحمدلله احسن.. محمد:خذت ادويتك؟ عبدالله:أي خذتهم.. محمد:اسمع مو تداوم باجر..الدكتور معطيك اجازة.. عبدالله:مااقدر لازم اروح..عندي شغل..انت ناسي ان احنا اول السنة والشغل بيكون لفوق راسي لو غبت.. محمد:مالي خص ماانت رايح الدوام..الصحة هي اهم شي الشغل يروح وييي..اشفيك انت ناوي على عمرك.. عبدالله:وينك فيه عندك حشرة.. محمد:طالع مع الوالدة جايه تشتري لها اغراض من سوق واقف..يااخي زحمة.. عبدالله:تحمل في سبيل وناسة الوالدة.. محمد:أي والله..ماتتخيل ايشقد استانس يوم اشوفها مستانسة.. ام يوسف:يمه محمد تعال شيل الاجياس.. محمد:ان شاء الله..ياللا في امان الله.. عبدالله:في امان الله.. تدخل ام عبدالله.... ام عبدالله:اشلونك يمه؟ عبدالله:الحمدلله..بس ليحين حاس بالبرد.. خلود(تدخل) عبدالله:خلود قبل لتقعدين..عطيني علبة الفاين في الكبت.. خلود:ان شاء الله.. ام عبدالله:ماانت جوعان..ماتبي اجيب لك شي؟ عبدالله:كلش ماني جوعان.. ام عبدالله:مايصير يمه لازم تاكل علشان تاخذ دواك.. عبدالله:شسوي مااشتهي.. ام عبدالله:معليه يايمه هذا من المرض.. خلود:تفضل.. عبدالله(ياخذ منها):مشكورة..شكله بدى الزكام عندي.. خلود:اشوى ان باجر الخميس..علشان تقدر ترتاح.. عبدالله:ابي اروح الدوام..بس رفيجي حالف علي مااروح.. ام عبدالله:من رفيجك؟ عبدالله:محمد.. ام عبدالله:لو ماهو متزوج جان زوجته..يحليله هالمحمد..الله يحفظه ويبعده من كل شر..زين سوى فيك.. عبدالله:محمد يحليله له قلب طيب ماتحصلينه عند أي حد.. ام عبدالله:الله يحفظكم كلكم.. عبدالله:ريلج ماهو جاي اليوم؟ خلود:بلا..قال بيصلي العشاء وبيي.. عبدالله:عيل وين حسنة؟ خلود:قاعدة تدرس.. في بيت بوسلمان...الجدة قاعدة تبخر البيت وتطل على العشاء في المطبخ...وديمة راحت تحل الواجب...تتصل في شيخة.... وديمة:شيخوه حليتي الواجب؟ شيخة:ماخلصته بقالي جم سؤال.. وديمة:أسلئته صعبة.. شيخة:أي شوي..انت كم سؤال حليتي؟ وديمة:اربعة..تصدقين هالدكتور يعجبني في الشرح..بس شكله عصبي.. شيخة:الله لايروينا وهو معصب.. وديمة:أقولج اليوم خالي بيوصل.. شيخة:صج..قرت عينكم.. وديمة:بنبيج..تعالي شوفي جدتي اشلون مرتبة كل شي ومسوية العشاء تقولين ريلها.. شيخة:يحليلها جدتج..من شوقها لولدها.. وديمة:ياللا بسكر علشان اغير ملابسي وانزل اساعد جدتي.. شيخة:والواجب من بيحله؟ وديمة:لاتخافين بحله..تبين يعطيني صفر....سلمي على يور ماذر..باي.. خلال نص ساعة يوصل عيسى البيت..ويدخل يسلم على امه وعلى وديمة...ويقعدون جميع بالصالة..والجدة ماهي مفارقة ولدها..... الجدة:فديت قلبك يايمه..ماتدري ايشقد مشتاقة لك.. عيسى:حتى انا يمه..كنت اعد الايام متى اخلص شغلي وارد البلاد.. خالد:وليش رحتوا تصورون هناك؟ عيسى:هي فكرة المسلسل جذي.. خالد:أي بس انت طولت وايد.. عيسى:مو انا سافرت ثلاث بلدان وكل بلد كان عندهم مسلسل غير عن الثاني..ولين ماخلصنا كان عيد بالنسبة لنا.. وديمة:سجلتوا ثلاثين حلقة؟ عيسى:أي بس واحد منهم 31 حلقة..بعد انتوا تدرون التصوير مرات يتأخر إذا واحد من الممثلين تأخر ولا صار عنده ظرف..ومرات نعيد التصوير خمس مرات علشان يضبط..تعب.. الجدة:أكيد جوعان يمه؟ عيسى:جوعان وتعبان.. الجدة(قامت):ألحين بروح احط العشاء.. وديمة:خالي شنهي المسلسلات اللي صوروتها عن ايش تتكلم؟ عيسى:لا ماني قايل بخليها لكم مفاجأة.. خالد:بتعرضونها في رمضان؟ عيسى:بس ثنتين..والثالثة بيعرضونها بعد رمضان..قولوا لي شاخباركم؟ خالد:الحمدلله.. عيسى:انت وديمة وين وصلتي في الجامعة؟ وديمة:هذا ثاني كورس لي.. عيسى:أي تخصص؟ وديمة:بزنس.. عيسى:أي تخصص يعني؟ وديمة:محاسبة مالية.. عيسى:وايد زين..لو ماخذه تسويق بعد احسن.. وديمة:ليش؟ عيسى:هذا المطلوب في السوق اكثر..بس محاسبة مالية بعد زينة..شدي حيلج.. في إحدى الفنادق الراقية...وتحديدا في المطعم.... فهد:ايش رايج في المكان؟ هبة:روعة..ودام اني معاك اروع.. فهد:أول مرة أجي هالمكان..واحد من الربع مادح لي اياه وايد..فقلت اول روحة لي مع زوجتي.. هبة:أقول حبيبي..ايش رايك نسوي فندق يشبه ذي.. فهد:انا عندي مشروع ضخم وقاعدين يشتغلون فيه.. هبة:شنو هالمشروع؟ فهد:هذي مفاجأة..ماقلت لحد.. هبة:وانا حد؟ فهد:لا طبعا...بس احب افاجأكم..على فكرة..في رمضان ان شاء الله انا رايح العمرة.. هبة:صج..وانا؟ فهد:أكيد بوديج معاي..احنا بنروح اول رمضان ان شاء الله..والعشر الاواخر امي وابوي رايحين.. هبة:وليش مب العكس؟ فهد:أخلي العشر الاواخر حق امي ابوي.. باجر الساعة 11 في إحدى القاعات الدراسية في الجامعة... الدكتور:وين الواجب يابنات؟ وديمة:دكتور الواجب وايد صعب.. الدكتور:بالعكس هذي أسهل أسئلة كانت عندي.. شيخة:دكتور ليكون نفس الاسئلة بتعطينا اياها في الامتحان؟ الدكتور:أكيد ولا ليش اعطيكم اياها واجب..ياللا بنات قبل لأطلع عطوني الواجب..بنات أبي اقولكم ان يوم الاثنين في امتحان..ذاكروا عدل.. وديمة:دكتور امتحان؟؟ الدكتور:أي..انتوا ناسيين ان هذا ثالث اسبوع ولازم تاخذون امتحان.. شيخة:انزين دكتور انا ابيك تشرح لي شي.. الدكتور:تعالي الساعة المكتبية.. شيخة:متى؟ الدكتور:شوفي انا الحين عندي محاضرة عند البنين يعني تعالي على الساعة2 بتحصليني في المكتب.. شيخة:اوكي.. وتمر أيااام..عيسى ينقل أثاث بيته في الغرفة اللي جنب غرفة أمه في بيت بوسلمان...ومحمد ينشغل شوي بخطيبته...وفهد حياته منشغله بالمشروع وبزوجته....ووديمة وشيخة شادين حيلهم من بداية الفصل...وخلود تزهب عمرها للعرس في شهر 1....وفي يوم من الايام.... خالد يرد البيت الساعة 8 يحصل عيسى يشرب شاي والجدة قاعدة تطالع تلفزيون ووديمة منسدحة على الكنب.... خالد:السلام عليكم.. الجميع:وعليكم السلام.. خالد(يقعد):اشفيج منسدحة؟ الجدة:اختك تعبانة شوي.. خالد:اشفيج؟ وديمة:طحت.. خالد:طحتي!! الجدة:أي يمه طاحت وتعورت ووديناها المستشفى.. خالد:اشلون؟!! عيسى:طاحت في غرفتها وتعورت ونزفت دم..واغمى عليها..والسكر نزل عندها.. خالد:لاوالله...واشلونج الحين؟ وديمة:زينة.. خالد:وانت اشفيج ماتشوفين وانت تمشين..وين عيونج؟ وديمة:شنو مااشوف..حرام عليك.. خالد:مرة ثانية فتحي عيونج عدل.. وديمة:والله مو مني.. خالد:لا مني..من اللي كان يمشي..اشلون طاحت؟ عيسى:أسئلها.. خالد:اشلون طحتي؟ وديمة:طحت على طرف الكرسي الصغير وانخدش ريلي بمسمار الكرسي.. خالد:اقولج ماتشوفين.. عيسى(يضحك) الجدة:اشفيك تضحك؟ عيسى:اضحك عليهم.. خالد:ايش قالك الدكتور؟ عيسى:ولاشي نظفوا لها الجرح..وبس..ودوم حطي الاخبار.. وديمة:ان شاء الله..(غيرت القناة وحطت الريموت على الطاولة وحاولت تقوم) الجدة:وين؟ وديمة:بروح داري.. الجدة:خالد يمه ساعدها هي ماتقدر تروح بروحها.. خالد:ان شاء الله.. لوين بتوصل علاقة عبدالله وعمه؟؟ وشالي بيسويه ناصر في عيال اخوه؟؟ وياترى شنهي المستجدات في موضوع شيخة وزواجها؟؟ وغيرها من الاحداث... تابعوني في الفصل السادس | ||||||||
|
| |
|
11-12-13, 09:59 AM
| #13 | ||||||||
| مراقبة عامة ومشرفة منتدى الروايات المنقولة
| " الفصل الـسادس " في بيت العمة ام فيصل... ام فيصل:شيخة اتصلي في اخوج..عيزت وانا اتصل فيه ومايرد..ماادري وينه فيه.. شيخة:ان شاء الله..(تتصل)........وينك ياريال......اشلونك؟....الحمدلل ه كلنا بخير انت اخبارك واخبار الدراسة؟.....ماانت راد؟.....انا الحمدلله... ام فيصل:عطيني السماعة.. شيخة:هاك هاذي امي.. ام فيصل:السلام عليكم.....اشلونك يمه؟.....احنا بخير الحمدلله..طمني عنك وعن دراستك؟..........الله يوفقك....تاكل يمه؟.....دير بالك على نفسك ولاتسهر مع حد من ربعك علشان يمديك تدرس......اقولك يمه....في واحد متقدم حق أختك شيخة..........هو جراح يشتغل في المستشفى.. فيصل:كم عمره؟......من أي عايلة؟........لا والله مااعرف حد منهم......انتوا ايش رايكم؟ ام فيصل:الريال مافيه شي..وابوك سأل عنه كم مكان..والناس تمدحه ويقولون انه خدوم وايد..ويساعد الكل.. فيصل:وشيخة ايش رايها؟ ام فيصل:هي ليحين تفكر....انا قلت اشوفك انت شتقول. فيصل:انزين ليش ماتسألون خالي بوسلمان هو دكتور واكيد يعرفه.. ام فيصل:هذي ماجات على بالي...خلاص ألحين باتصل فيه وبسأله.....دير بالك على نفسك يمه.......متى راد؟......ان شاء الله...مع السلامة.. شيخة:ايش قالج؟ ام فيصل:يقولي نسأل خالج بوسلمان..يمكن يعرفه.. شيخة:بتتصلين فيه؟ ام فيصل:أي..عطيني رقمهم في تليفوني.. في ألمانيا.... ام سلمان:ايش بغت منك اختك؟ بوسلمان:تسألني عن واحد من الدكاترة في المستشفى.. ام سلمان:ليش؟ بوسلمان:تقول متقدم حق بنتها.. ام سلمان:تعرفه؟ بوسلمان:اشلون مااعرفه..هذا الدكتور كل الناس تشهد له بأخلاقه وأحترامه ومعاملته مع الناس..هذا الدكتور اللي قلت لج عنه ان اخوه دكتور وجراح معروف ويساعد الناس.. ام سلمان:ماشاء الله عليهم.. بوسلمان:لو شيخة وافقت عليه بتكون محظوظة..تصدقين قد ماانشهر بأخلاقه ولطفه مع المرضى ماانشهر انه جراح.. ام سلمان:يعني علاجه مضمون؟ بوسلمان:أكيد..أقولج جراح..الناس لما تيي المستشفى يقولون نبي عند الدكتور هذا الطيب اللي....مع انهم مايعرفون إذا هو دكتور شاطر ولا لا..بس ماشاء الله عليه مع ان سنه صغير لكن جراح ممتاز.. وخلال يومين...في بيت ام غانم....ام غانم قاعدة تطالع تلفزيون وغانم قاعد عندها يتكلم في التليفون..... غانم:روح مناك انا عتبان عليك يالقاطع.. فهد:أفاا ليش؟ غانم:يااخي من وقت ماتزوجت ولاذكرتني بتليفون برسالة..حتى الطلعات شكلك ناسيها.. فهد:السموحة منك والله..شسوي من الصبح في الدوام والعصر بعد في الدوام وحتى زوجتي مااقدر اقعد معاها الا في الليل او نطلع في الليل..حزتها اكون هلكان من التعب..خاصة ان هالفترة وايد مشغول.. غانم:أي تعذر.. فهد:صدقني انا بعد في خاطري اطلع وياك مشتاق لطلعاتنا بس شسوي..بحاول هاليومين..بعدين تعال انت ليش ماتمرني الشركة نتسلى شوي مع بعض.. غانم:بحاول في هاليومين.. فهد:لا والله..اشلون يعني اراضيك؟ غانم:تيي معاي نروح العين.. فهد:العين!!..شيوديك هناك؟ غانم:جذي في خاطري اغير جو.. فهد:انت اشفيك دوم تروح هناك؟ غانم:يااخي أحب العين انت ايش تبي..بتيي؟ فهد:لا طبعا..مااقدر اسافر هالفترة..قلت لك وايد مشغول.. غانم:الا قول ماتتجرأ من زوجتك.. فهد:ايش هالحجي..وشيخص زوجتي..انا اذا ابي اسافر بسافر..بس عندي شغل في الشركة..واذا مامصدق تعال وشوف حالنا.. ام غانم:غانم.. غانم:نعم يمه.. ام غانم:بند التلفزيون أذاني صوته.. غانم:ان شاء الله ..(بند التلفزيون) ام غانم:قوم ساعدني وودني غرفتي..أبي اروح انام.. غانم:ان شاء الله..فهد انا باسكر من عندك.. فهد:خلني احاجيك.. غانم:بحاول..مع السلامة.. فهد:مع السلامة.. هبة:من بيسافر العين؟ فهد:هذا غانم.. هبة:وشيوديه هناك؟ فهد:رايح يغير جو.. هبة:وبتروح معاه؟ فهد:لا طبعا..ماسمعتيني قلت له مااقدر.. في بيت بوسلمان.... وديمة:قولي والله.. شيخة:والله.. وديمة:ألف مبروك يالدبة...تستاهلين..وشفتيه؟ شيخة:أي شفته امس.. وديمة:واشلون كان؟ شيخة:يهبل ودوم..ماني مصدقة ان هالريال بيكون من نصيبي..وكل ماحد درى يقولي انت محظوظة فيه.. وديمة:الحمدلله..قولي لي متى الملجة؟ شيخة:يوم الاربعاء.. وديمة:ياسلالالام..ماتتخيلي� � ايشقد مستانسة.. شيخة:وانا ايشقد خايفة.. وديمة:ماتبين تروحين تتسوقين؟ شيخة:بلا..بروح العصر مع امي.. وديمة:وانا؟ شيخة:اخوج بيرضى؟ وديمة:إذا امج موجودة مااعتقد يرفض..بس باكلمه.. في الصالة...خالد وعيسى يقرون الجريدة..... وديمة:خالد.. خالد:نعم.. وديمة:معليه اطلع مع عمتي وشيخة السوق؟ خالد:لا.. وديمة:أي عاد ليش؟..ترى عمتي بتكون معانا.. خالد:انت جنى وراج دراسة..شالي يوديج السوق الحين؟ وديمة:يوم الاربعاء ملجة شيخة..وابي اروح اتشرى للملجة.. خالد:ملجة من؟!! وديمة:شيخة بنت عمتي.. خالد:من متى هالحجي؟ وديمة:من فترة..وملجتها يوم الاربعاء..تكفى خالد خلني اروح..وانا ماعندي ملابس حق هالمناسبات.. عيسى:يااخي خلها تروح دام عمتها معاها.. خالد:انزين.. وديمة:ياسلام عليك ياخالي..مشكور من كل قلبي.. خالد:بس هاا ابيج تردين قبل ال8.. وديمة:ان شاء الله..انزين قرقشني شوي.. خالد:كم تبين؟ وديمة:أبي شي محترم.. على البحر...... عبدالله وأحمد ومحمد قاعدين..... عبدالله:أما الدوام يكسر الظهر..وخاصة أيام الدراسة والامتحانات.. أحمد:الله يعينكم..انزين ليش ماتغير شغلك؟ عبدالله:مااقدر خلاص تعودت على شغلي وعلى الناس اللي حولي.. محمد(يي) أحمد:كلمتها؟ محمد:أي نعم.. أحمد:ان شاء الله دوم مستانس..بس ماقلت انفكت عقدتك؟..يعني تسولف معاها؟ محمد:لا والله..عيل من الصبح قاعد مناك ايش قاعد اسوي؟ عبدالله:يعني خلاص نقول لك مبروك؟ خالد(يوصل):السلام عليكم.. الجميع:وعليكم السلام.. خالد:على شنو مبروك؟ أحمد:انفكت عقدة محمد.. خالد:صج والله؟ محمد:بس مع زوجتي.. أحمد:هذا أهم شي..مبروك ياريال.. خالد(يضحك):عيل اذا مب مع زوجتك عيل تبي تنفك عقدتك ويامن؟ محمد:يعني على الاقل اذا ابي شي من الحريم اقدر اطلب..خاصة في الدوام..دوم اطرش احمد عني.. أحمد:يبه مب مهم الباقي اهم شي زوجتك.. عبدالله:نبي عزيمة.. أحمد:ياللا عطني فلوسك وانا بروح اشتري لكم العشاء.. محمد:كم تبي؟ أحمد:انت وكرمك..تبي تعزمنا على فندق ولا مطعم ولا كافتيريا؟ خالد:الا قول معصرة..محمد مايطلع معاه أكثر من جذي.. محمد:الله يسامحك..ماادري من اللي كان عازمكم ذاك اليوم على بوفيه ذاك الفندق.. أحمد:أما بيذلنا هالريال..شكلك مب ناسي ذيج الطلعة.. محمد(يطلع البوك من مخباته):هاك..اشتري اللي تبونه.. يرن تليفون خالد.... خالد:السلام عليكم...انا عند الربع...اشفيك؟ وديمة:أقولك يمكن أتأخر شوي.. خالد:ليش؟ وديمة:الشوارع زحمة ومستحيل أوصل قبل الـ 9.. خالد:خلاص يصير خير..بس دير بالك وانت تسوق في هالزحمة.. وديمة:فهمت فهمت..ياللا باي.. شيخة:يمه تشوفين ذيج السيارة اللؤلؤية؟ ام فيصل:أي.. شيخة:هذي اللي أقولج خذيها..وااايد حلوة.. وديمة:خالد يقولج عمتي ديري بالج وانت تسوقين في هالزحمة.. ام فيصل:وايش دعوة عاد اللي يقول اسوق أول مرة.. وديمة:خالد بعد ماتعرفينه.. فهد يرد من الشركة...يدخل الجناح..... فهد:مساء الخير.. هبة:مساء النور حبيبي.. فهد:شتسوين؟ هبة:ولاشي على النت..شكلك تعبان.. فهد:أي والله تعبان من الدوام.. هبة:مع انك مدير.. فهد:حتى لو صاحب الشركة..لازم اشتغل.. هبة:انت صاحب الشركة.. فهد:قصدج ابوي..قولي لي تعشيتي؟ هبة:تهقى اسويها..اتعشى من غيرك؟ فهد:انزين خلهم يزهبون العشاء..لأني جوعان وابي اطلع.. هبة:وين؟ فهد:طالع شوي مع غانم.. هبة:وانا؟ فهد:انت شنو؟ هبة:تهدني بروحي؟ فهد:ماني مطول ساعة ونص ساعتين بالكثير بكون في البيت.. هبة:غانم ماعنده سالفة..إذا يبيك خله يزورك هني في البيت.. فهد:وليش ماتبين اروح معاه؟ هبة:لأني مااقدر اقعد من غيرك..انت من الصبح لين الليل في الشركة..وانا كل قاعدة بروحي.. فهد:ليش ماتقعدين مع امي؟ هبة:امك مشغولة..كل شوي تشوفها ياطالعة رايحة بيت حد او حريم جايين عندها ولا اختها.. فهد:روحي معاها واذا في حريم قعدي معاهم.. هبة:مااحب قعدات الحريم..أقول فهد.. فهد:قولي.. هبة:ماتبي تسافر مكان علشان الشغل؟ فهد:يمكن بس مب الحين عقب اسبوعين او ثلاث..ليش؟ هبة:خاطري اجيي معاك.. فهد:أي بس انا لما اسافر علشان الشغل مااروح بروحي..معاي ناس من الشركة.. هبة:خلهم يجون وانا بعد بروح معاك.. فهد:يصير خير..روحي الحين قولي لهم يزهبون العشاء.. هبة:ان شاء الله.. وتمت ملجة شيخة وفارس..شيخة تفاجأت بخطيبها..كله احترام وأخلاق وذوق..ومن بداية تعرفها عليه حست بالحب اللي يتكلمون عنه..وصار قلبها يملكه خطيبها اللي بيكون زوجها في المستقبل..وخلود قرب موعد زاوجها وهذا يساعد براحة عبدالله واطمئنانه على أخته..ومحمد أخر زواجه لين شهر 2 وذلك بسبب ظروف زوجته لأن عمها توفى..وماحصل حجز قريب لين شهر 2..وبوهبة يهد شغله ويبي يبيع شركته لكن..... هبة:لا يايبه..انا باخذ مكانك.. بوهبة:يايبه وين تقدرين تاخذين مكاني..مايصير.. هبة:الا يصير..ولا احنا البنات مالنا مكان عندكم؟ بوهبة:مب جذي لكن تدرين يايبه الشغل صعب عليج.. هبة:أنا قادرة..وهلا بتساعدني..وبخلي شركتنا تروح فوق وتصير احسن من شركة عمي.. هلا:أي يبه تكفى وافق.. وبأيااام رمضان...  في بيت بويوسف....محمد يدخل البيت ويقعد.... ام يوسف:ها يمه حصلت؟ محمد:لا يمه..حصلت قاعة بس هي صغيرة وماتنفع..بتكون على نص شهر 1.. ام يوسف:صغيرة ماتنفع.. محمد:كل مااروح فندق يقولون مب قبل شهر 2..ماادري عنهم الناس كلهم بيعرسون هالفترة.. ام يوسف:معليه يايمه ..كل تأخيرة فيها خيرة..قوم يمه توضى وألحق على صلاة العصر.. محمد(قام):ان شاء الله.. شيخة تدخل غرفتها وتقفل الباب.... شيخة:آلو.. فارس:السلام عليكم.. شيخة:وعليكم السلام.. فارس:اشلونج؟ شيخة:طيبة..انت اشلونك؟ فارس:الحمدلله...رديتي البيت؟ شيخة:أي توني واصلة.. فارس:واشلون كان الدوام؟ شيخة:الحمدلله..عندي امتحانين الاسبوع الجاي.. فارس:شدي حيلج..واهم شي عليج بالتمر.. شيخة:ان شاء الله..متى ان شاء الله رايح العمرة؟ فارس:يوم الخميس الصبح.. شيخة:ومتى بترد؟ فارس:يوم الاحد ان شاء الله..لأني مااقدر اغيب وايد عن شغلي.. شيخة:انت وينك فيه؟ فارس:في البيت..خلص دوامي في المستشفى ورديت البيت..بحاول اجيج اليوم..بس المشكلة بروح العيادة المسائية عقب الفطور ومابرد الا الساعة 11.. شيخة:حاول تيي قبل الفطور إذا تقدر.. فارس:ان شاء الله.. في بيت عبدالله... في المطبخ... ام عبدالله:ياللا حسنة اشتغلي مابقى شي على الاذان.. حسنة:ان شاء الله.. ام عبدالله:وانت خلود غطيتي الصحون بالقصدير؟ خلود:أي يمه..كل شي جاهز.. ام عبدالله:روحي نادي اخوج خله يي.. خلود:ان شاء الله.. أول مابغت خلود تروح عبدالله دخل.... عبدالله:قوة.. ام عبدالله:الله يقويك..يمه ابيك توصل هالصحون جم بيت.. عبدالله:ان شاء الله انت تامرين كم ام عبدالله عندي.. ام عبدالله:الله يحفظك ياولدي ويخليك لي..شوف يمه..هذا الصحن حق ام حسن..وهذا حق بيت جيرانا بوعلي..وهذا حق بيت المصري عماد..الدنيا رمضان فقلت خلني اطرش لهم شي.. عبدالله:زين تسوين.. ام عبدالله:وهذا وصله بيت بوثامر..وهذا الصحن واللي معاه حق راعي الدكان..نكسب فيه أجر في رمضان.. عبدالله:الله يجزيج الخير يمه..بعد في شي؟ ام عبدالله:لا..بس دير بالك وانت تلف بين البيوت..واشتري لنا في طريقك خبز رقاق.. عبدالله:تامرين..وين ميري؟ ام عبدالله:ايش تبي فيها؟ عبدالله:ابيها تساعدني وتحطهم لي في السيارة.. ام عبدالله:خل خلود تساعدك.. عبدالله:خلاص بدخل السيارة بالاول.. خالد يقعد من النوم وينزل تحت..يقعد بالصالة يقرأ قرآن..ووديمة قاعدة تساعد جدتها في المطبخ.... الجدة:وديتي التمر على الطاولة؟ وديمة:أي جدتي..شنو بعد تبين اودي؟ الجدة:ودي المهلبية واللقيمات.. وديمة:ان شاء الله.. الجدة:ونادي بطريجج خالج.. وديمة:ان شاء الله..(وهي رايحة تحط الاغراض على الطاولة شافت خالد قاعد يقرأ قرآن)..خالد..خالد.. خالد:نعم ايش تبين؟ وديمة:ناد خالي.. خالد:زين..(حط المصحف على الطاولة وراح ينادي عيسى دق الباب ودخل)..عيسى...ياعيسى.. عيسى(يفتح عيونه):نعم؟ خالد:مابقى شي على الاذان.. عيسى:ايشقد بقى؟ خالد:عشر دقايق.. عيسى(قام):وليش محد قعدني؟ خالد:توني ادري انك نايم..قوم بسرعة..(سك الباب وراح يفتح التليفزيون وقعد يفر بهالقنوات لين ماحط على برنامج الشيخ قبل الاذان) بوفهد راح يقعد لأن مابقى شي على الاذان... بوفهد:ماشاء الله الاكل من اول الطاولة لين آخرها.. ام فهد:هذي أوامر هبة للطباخ.. هبة:مو جذي أحلى..كل شي تبيه موجود..كل اللي تحبه يافهد خليت الطباخ يسويه لك.. فهد:تسلمين.. بوفهد(رفع يدينه يدعي رب العالمين) الله أكبر الله أكبر..الله أكبر الله أكبر.. ايادي الجميع اتجاه التمر اللي بثلاث واللي بسبع واللي يكتفي بحبة..الرياييل يقومون للصلاة..والحريم يلبسون يلال الصلاة متجهين نحو القبلة رافعين الايدي الله أكبر.. بعد الفطور...قعدت وديمة عند التلفزيون وقعدت تطالع.... خالد:شتسوين؟ وديمة:اتابع هالمسلسل.. خالد:يابنت الناس انا كم مرة قايلج لاتابعين شي.. وديمة:مااقدر..ياحلات المسلسلات في رمضان.. خالد:أي طبعا علشان أيام التوبة والطاعة تروح منج..يعني بس شهر ماانت قادرة تتحملين..وبعدين تعالي اخبار المذاكرة؟ وديمة:زينة.. خالد:الدكتور ماعطاكم درجاتكم؟ وديمة:امم.. خالد:شنو اممم..لاتجذبين قومي روحي جيبي الورقة.. وديمة:بعدين..لما اروح فوق.. خالد:شنو بعدين..ياللا اشوف جدامي روحي جيبيها.. وديمة(قامت):زين.. خالد(بند التلفزيون وقعد) عيسى(يي):ليش بندت التلفزيون؟ خالد:مافي شي ينشاف.. عيسى:اشلون مافي شي ينشاف..رمضان ومافي شي ينشاف..(فتح التليفزيون) خالد(تضايق) الجدة(جات وقعدت):الحمدلله على النعمة..الله يزيدها.. خالد:تسلم ايدج جدتي..الفطور اليوم كان عجيب.. الجدة:عليك بالعافية يايمه..وين وديمة؟ خالد:راحت فوق..(قام)..انا بعد بروح اريح شوي وعقب بتزهب للصلاة.. وراح فوق..دق الباب على وديمة ودخل.... خالد:انا ماطرشتج علشان ترقدين..شتسوين؟ وديمة:خالد..تكفى انسى سالفة ورقة الامتحان.. خالد:ليش ان شاء الله؟ وديمة(خايفة):بس جذي.. خالد:وين الورقة؟؟ وديمة:خالد.. خالد(عصب):قلت لج وين الورقة؟ وديمة:تكفى لاتعصب..ترى الدنيا رمضان.. خالد:ادري ان الدنيا رمضان..قومي جيبيها.. وديمة(قامت ومدت يدها وهي خايفة) خالد(خذ منها وشاف الدرجة وانصدم):8 من 20؟؟؟...شنو ذي؟؟...ماتحجين؟ وديمة:............ خالد:ألحين سكتي هااا..هذي درجة بالله عليج...ياريت ناجحة...طبعا لازم ترسبين انا وايد عطيتج وجه..دلعتج فيما فيه الكفاية..انا الحين اتصرف معاج تصرف ثاني..وبتشوفين..التلفزيون ان شفتج قاعدة عنده لو دقيقة مايصير خير..سمعتي..(يعلي صوته)..سمعتي؟ وديمة:سمعت.. خالد:تليفونج هذا مش مسموح لج بالسوالف بس امور الدراسة وبس..حتى شيخة بنت عمتي ماتكلمينها الا بالدراسة..والانترنت ماابي اشوفج داخله ولا موقع اللهم بس ايميلج الجامعي..سمعتي؟ وديمة:سمعت.. خالد:وكل وقتج للدراسة..وياويلج ان شفت أي مخالفة..والحين حطي راسج بالكتاب..(سك الباب) وديمة(عصبت وتضايقت على تصرف خالد وقامت اتصلت في امها) محمد يرد من المسجد يدخل البيت.... محمد:سلام.. حصة:وعليكم.. محمد:وين امي؟ حصة:راحت بيت جدتي.. محمد:من وداها؟ حصة:ابوي.. محمد:انزين قومي جيبي لي لقيمات.. حصة:انزين.. محمد:وين الشاي؟ حصة:جدام عينك ماتشوف.. محمد:أي صح..وين اختج؟ حصة:فوق تتحجى ويارفيجتها.. عقب ماجابت اللقيمات قعدت تاكل وياه... حصة:أقول محمد متى تقدر تودينا السوق.. محمد:سوق!!..ليش؟ حصة:علشان عرسك.. محمد:بقى وقت لين عرسي ثلاث شهور.. حصة:أدري بس الايام تمر بسرعة ولازم نكون جاهزين.. محمد:سوق برمضان ماودي حد.. حصة:ليش؟ محمد:السوق مش مكان الواحد يروحه في رمضان..لخلص رمضان ان شاء الله بوديكم.. حصة:انزين انت حجزت حق تلبيس الطاولات والكراسي والكوشة؟ محمد:كل شي جاهز.. باجر الساعة 12 عقب المحاضرة قاعدة وديمة تلم اغراضها وشيخة واقفة... شيخة:ياللا ودوم تراني تعبانة ومااقدر اوقف.. وديمة(ببرود):اشفيج تعبانة؟ شيخة:ماادري احس اني بمرض.. وديمة(توقف):ياللا نمشي.. وهم يتمشون... شيخة:اشفيج مالج خلق شي..كل هذا علشان الصيام؟ وديمة:ليش اول مرة اصوم.. شيخة:ايش دراني عنج.. تليفون وديمة يرن تشوف الاسم تقط تليفونها في الشنطة.. شيخة:ليش ماتردين؟ وديمة:ماابي.. شيخة(تكح) وديمة:الله يعينج..مسخنة شي؟ شيخة:والله احس بالبرد من الصبح.. وديمة:شالي جابج الجامعة جان تميتي بالبيت.. شيخة:مااقدر اليوم تسليم الاسايمنت..خلينا نروح نقعد داخل.. قعدوا.... شيخة:انت اشفيج اليوم؟ وديمة:امس خالد هاوشني.. شيخة:ليش؟ وديمة:علشان درجة الامتحان.. شيخة:الله يهداج وانت ليش تراوينه؟ وديمة:هو اللي طلبها ماادري شالي ذكراه..(يرن تليفونها) شيخة:ردي عليه..لايعصب مرة ثانية.. وديمة:خله..ماني رادة..انت ماتعرفين شنو قالي امس..منعني عن كل شي حتى التليفون مانعني عنه..وموصيني مااحاجي حد حتى انت الا اذا شي يخص الدراسة..مسكر علي من كل النواحي..ماني قادرة اتنفس.. شيخة:الله يعينج..خالد طبعه غريب..بس صديقني هو مايسوي هالشي الا علشان مصلحتج..(تكح تكح) وديمة:ليش ماتروحين العيادة؟ شيخة:ماابي..باتصل في امي بخليها تمرني.. وديمة:ليش انت ماجيتي بسيارتج؟ شيخة:لا..(اتصلت وعقب ماخلصت).. يرن تليفون وديمة... شيخة:ودوم ردي عن السخافة..ترى بيرويج نجوم الليل بعز الظهر.. وديمة:ليش انا ماشفتهم..آلو.. خالد:انت وينج فيه؟ وديمة:اكيد بكون بالجامعة.. خالد:لا..قولي والله..تصدقين ماكنت ادري..وينج ماتردين على التليفون؟ وديمة:كنت مشغولة..في شي؟ خالد:تحجي عدل زين..(يدخل موظف)..ياللا بحاجيك وقت ثاني..في امان الله.. وديمة:احسن.. شيخة:ايش قالج؟ وديمة:شكله في حد دخل عنده..قولي لي متى عرسج؟ شيخة:عقب عيد الاضحى.. وديمة:من صجج؟ شيخة:أي.. وديمة:وايد بسرعة.. شيخة:شسوي فارس يبي جذي.. وديمة:والجامعة؟ شيخة:باخذ اجازة اسبوع..احس لايعة جبدي.. في السيارة على الساعة 3 ونص... خالد:مرة ثانية لما اكلمج تتكلمين عدل سمعتي؟ وديمة:............. خالد:احاجي روحي انا.. وديمة:ماعندي شي اقوله.. تليفونها يرن... وديمة:آلو...وعليكم السلام...هلا بابا انا بخير انتوا اخباركم.....طيبة...كل شي اوكي........اي آخذها.........اي الحمدلله.......مافيني شي....مافيني شي..(صاحت) بوسليمان:وديمة حبيبتي اشفيج قولي لي صاير شي؟ وديمة:لا..بس بابا ليش ماترجعون؟ بوسلمان(انكسر خاطره على بنته):بحاول آخذ إجازة واجيكم.. وديمة:ماابي اجازة..خلاص كافي عاد ردوا لنا..(صاحت) خالد(سحب منها التليفون):هلا يبه.. بوسلمان:اشفيها اختك؟ خالد:ولاشي..الظاهر مشتاقة لكم.. وصلوا البيت راحت غرفتها وقفلت الباب... الجدة:يمه خالد اشفيها اختك؟ خالد:كلمت ابوي وصاحت.. الجدة:وعليه عليج ياوديمة..معاها حق وايد طولوا.. عيسى:انزين ودها عندهم في العيد.. خالد:مااقدر اسافر..بروح اغير ملابسي وبرتاح شوي..عن اذنكم.. راح فوق وسمع صياحها انكسر خاطره عليها..دخل غرفته... وديمة كانت متضايقة وااايد من تصرف خالد معاها..لكن في نفس الوقت تحبه لإنها عارفه انه يبي يساعدها..بس شوقها لحنان امها وابوها معذبها..تحس الدنيا ابد مو حلوة من غيرهم.. يا ابوي وامي وهلي وعزوتي شمعي انطفت ونوري عيا يشتعل يا اخوي واختي وجدتي دمعي يسري على خدي وعنده امل يا قلبي وحناني وشوقي ولهفتي يومي كنه شهر والنفس ما عادت تحتمل (بقلم:صعبة المنال) شيخة وهي منسدحة على السرير... شيخة:رحت المستشفى مع ابوي.. فارس:ليش؟ شيخة:بلاعيمي كانت تعورني..ولايعة جبدي.. فارس:انزين وايش قالج الدكتور؟ شيخة:حرارتي كانت 37 وقالي عندج التهاب بسيط في الحلق.. فارس:وايش عطاج ادوية؟ شيخة:ماادري.. فارس:واشلونج الحين؟ شيخة:شوي تعبانة..لأني ماخذت الادوية.. فارس:ليش؟ شيخة:انت ناسي ان صايمة.. فارس:أي بس انت مريضة ويحق لج تفطرين.. شيخة:معليه مابقى شي على الاذان بتحمل.. فارس:عقب صلاة التروايح بكون عندج..اوكي.. شيخة:صدقني مايحتاي..انا بخير.. فارس:معليه انا ابي اتطمن.. عبدالله يدخل البيت.... عبدالله:السلام عليكم.. الجميع:وعليكم السلام.. ام عبدالله:تقبل الله.. عبدالله:منا ومنكم..(يقعد عندها)..دعيتي لنا في صلاتج؟ ام عبدالله:اكيد..انتوا عيالي لازم دوم ادعي لكم.. عبدالله:اخبار الدراسة معاج ياحسنة.. حسنة:زينة.. عبدالله:خلي مستواج وايد عالي علشان تقدرين تدرسين في الجامعة.. حسنة:ان شاء الله.. يرن تليفون عبدالله.... عبدالله:السلام عليكم..هلا والله بصقر....بخير الله يعافيك انت اشلونك شمسوي؟.......الحمدلله.....لا والله...انت طمني عن دراستك......ماصرنا نشوفك في الجامعة.........انزين وينك فيه؟....خلاص نص ساعة وبكون عندك....في امان الله.. ام عبدالله:من هذا؟ عبدالله:واحد من الشباب..انا طالع تبون شي؟ فارس قاعد في المجلس مع ام فيصل...تدخل شيخة وهي لابسة ملابس شتوية... شيخة:السلام عليكم.. فارس:وعليكم السلام..تعالي قعدي.. شيخة(قعدت عنده) فارس(زخ جبهتها):شوي حارة..خذتي ادويتج؟ شيخة:أي عقب الفطور خذتها واحسن اني احسن.. فارس:وين ادويتج؟ شيخة:داخل.. ام فيصل:تبي تشوفهم؟ فارس:ياليت.. ام فيصل:أي ياللا الحين بجيبه.. فارس:اشلونج ياحلوة؟ شيخة(ابتسمت):بخير.. فارس(ييود يدها):بردانه؟ شيخة:وايد..ايدك دافية.. فهد يرد من الدوام تعبان ونعسان..يدخل البيت...مايحصل حد يروح الجناح...  يحصل هبة قاعدة تطالع تلفزيون... فهد:السلام عليكم.. هبة:وعليكم السلام.. فهد:بروح ارقد.. هبة:مابتقعد شوي؟ فهد:لا سمحي لي..تعبان ونعسان.. لحقته الغرفة...وقعد يبدل ملابسه... هبة:فهد بغيت اخبرك اني مسوية افطار جماعي حق ربعي.. فهد:متى؟ هبة:باجر.. فهد:وين؟ هبة:هني بالبيت.. فهد(انسدح على السرير وتلحف):سوي اللي تبينه..تصبحين على خير.. هبة:وانت من هله.. فهد:لاتنسين تصحيني للسحور.. هبة:اوكي.. الصبح من يوم جديد الساعة 7ونص في سيارة خالد...الجو هادي..وديمة عيونها صوب الدريشة..وخالد مايبي يقولها شي....نزلها عند باب الكلية وراح عند عبدالله...دخل المكتب وسلم عليه.... عبدالله:ايش عندك جاي المكتب صاير شي؟ خالد:لا.. عبدالله:عيل ليش مارحت دوامك؟ خالد:بروح..بس قلت دام اني صوبكم أمر اسلم عليك.. عبدالله:ليش اول مرة تيي صوبنا انت كل يوم هني.. خالد(يلعب بالقلم الموجود على طاولة عبدالله) عبدالله:اشفيك؟ خالد:ماكو..أخبار الربع. عبدالله:ليش انت ماتكلمهم؟ خالد:من يومين مااعرف اخبار حد.. عبدالله:لا انت فيك شي..خالد اشفيك؟ خالد(قام):ياللا انا رايح..ماابي اتأخر أكثر.. عبدالله:مابتتحجى؟ خالد:وقت ثاني..مع السلامة.. عبدالله(مستغرب):مع السلامة.. في الجامعة...يرن تليفون شيخة..... شيخة:صباح النور......بخير انت اخبارك؟ فارس:الحمدلله...وينج؟ شيخة:في الجامعة.. فارس:ليش رحتي الجامعة؟ شيخة:شسوي عندي كويز ولازم اقدمه.. فارس:اشلون صحتج؟ شيخة:الحمدلله..ليحين فين كحة بس احسن من امس والسخونة راحت عني.. فارس:الحمدلله..طمنتيني عليج..انا الحين داخل غرفة العمليات.. شيخة:عندك عملية؟ فارس:أي عمليتين وعقب بروح عيادة المستشفى..وانت طمنيني عن امتحانج.. شيخة:ان شاء الله..موفق.. فارس:أي ابيج تدعين لي دوم.. شيخة:ان شاء الله......مع السلامة.. وديمة:تحبينه؟ شيخة:من؟ وديمة:ريلج؟ شيخة:بصراحة ودوم مااعرف شاقولج..كل يوم يزداد حبي فيه بأخلاقه وعلاقته فيني..ماادري شاقولج..فارس نوع ثاني من البشر..انسان كله احاسيس وحب.. وديمة:الله يخليه لج.. شيخة:عقبال مااسمع نفس الحجي منج.. وديمة:شكلج بتنتظرين وايد.. شيخة:لا حبيبتي ان شاء الله قريب.. وديمة:أي زين..بنشوف..قومي قومي خلنا نروح المكتبة.. الساع 4 يرد خالد من المسجد ويروح غرفة وديمة يحصلها تدرس.... خالد:شتسوين؟ وديمة:ادرس.. خالد:عندج امتحان؟ وديمة:لا.. خالد:انزين انا رايح الجمعية باشتري شوية اغراض للبيت..تيين؟ وديمة(ثواني بس قاعدة تفكر بكلام خالد) خالد:سمعتي ايش قلت؟ وديمة:أي سمعت.. خالد:بتيين؟ وديمة:توديني؟ خالد:مو قاعد اقولج بتيين؟ وديمة(استانست):أي بيي..بس ثواني ألبس عباتي وبيي.. خالد:ياللا انا انتظرج تحت..لاتأخرين علشان نلحق نوصل البيت قبل الاذان.. وديمة:اوجي.. خالد(استانس يوم شاف ابتسامتها) | ||||||||
|
| |
|
11-12-13, 10:02 AM
| #14 | ||||||||
| مراقبة عامة ومشرفة منتدى الروايات المنقولة
| متابعة الفصل السادس في الجمعية قعد خالد يشتري الاغراض اللي تبيهم جدته..اتصل في وديمة.... خالد:انت وين؟ وديمة:رحت اشتري حليب محلى.. خالد:ساعة؟ وديمة:شسوي ماحصلته ولين ماجاب لي الريال طول.. خالد:انزين بسرعة علشان نلحق على الاذان.. وديمة:ان شاء الله.. شوي وجات...وحطت العلب في العربانة.... خالد:حق شنو الحليب محلى.؟ وديمة:في خاطري اسوي حلو.. خالد:مو على اساس مب زين لج.. وديمة:ادري..بس عقب بقولك أيش بسوي.. بعد التمر..وشرب اللبن هذي عادة دائمة في بيت بويوسف..ويكملون فطورهم باللي موجود في السفرة.... محمد:تسلم ايدينج يايمه..خوش سمبوسة.. ام يوسف:مو انا اللي مسويتها.. محمد:عيل من؟ حصة:انا.. محمد:صج..انا اقول طعمها غريب..وماتنبلع.. حصة:لا والله..عيل ليش تاكل قوم.. بويوسف:ايش تبي في اختك تلعوزها.. محمد:ألعب وياها يبه..ياحلاة بويوسف يوم ياكل.. ام يوسف:محمد كل وانت ساكت.. بويوسف(يضحك):خليه والله مسوي جو على الفطور..(قام)..ياللا ياعيال خلنا نلحق على الصلاة.. يوسف(يشوف محمد يبي ياكل سمبوسة):لا لا..لاتاكل.. محمد(تخرع):ليش؟ يوسف(يضحك بخبث):مو انت تقول ماتنبلع.. محمد:هاا..اي صح..(بصوت واطي)..يااخي جوعان لازم تتحجى انت.. حصة:خلنا نشوف زوجتك المصونة ايش بتطبخ لك.. محمد:بخليج تستخفين على أكلها ومابعطيج.. حصة:زين بنشوف.. بويوسف:بسكم حجي ياللا نمشي.. محمد:ياللا.. ام يوسف:قوموا يابنات شيلوا الصحون وودوها المطبخ..وروحوا صلوا علشان ننجب الاكل قبل ليوصلون.. يوم الثلاثاء.....بجو حلو...ونسمات محملة برائحة البحر ولعب بالحصى في الماي... محمد:أقول يالربع ايش رايكم نروح العمرة؟ أحمد:خوش فكرة.. عبدالله:متى يعني؟ محمد:نروح باجر ونرد الاثنين او الثلاثاء..ايش رايكم؟ خالد:من زمان وانا في خاطري اروح..بس ماادري ليش أجلتها هالسنة.. محمد:عاد انت ماشاء الله عليك كل رمضان هناك.. خالد:شسوي..اللي يعتمر مرة وحدة برمضان مايقدر مايروح مرة ثانية..شي عجيب يجذبك في هالشهر هناك.. محمد:والله حمستني..ايش قلتوا؟ عبدالله:جذي يبيلنا ناخذ اجازة.. محمد:ناخذ واشفيها.. أحمد:نسافر باجر العصر حزة المغرب نكون واصلين.. خالد:شوف الرحلات بالاول..إذا في حجز..ألحين رمضان والرحلات زحمة.. محمد(طلع تليفونه):ألحين باتصل وبسأل.. وتموا يسألون ويستفسرون ويرتبون أمورهم للسفر..اللي الكل تحمس له..على الساعة 10 ونص...يدخل عبدالله البيت..مايحصل حد...دق باب غرفة امه...ودخل..حصلها قاعدة تقرأ قرآن.... عبدالله(يبتسم):السلام عليكم.. ام عبدالله:وعليكم السلام ورحمة الله وبركاته..هلا يمه.. عبدالله(قعد عندها):وين وصلتي؟ ام عبدالله:وصلت الجزء الاخير..قلت أبي اختم قبل باجر.. عبدالله:ماشاء الله عليج يايمه..هذي ختمتج الثانية؟ ام عبدالله:أي يايمه..الله يقدرني واسويها ثلاث واربع بعد.. عبدالله:ان شاء الله.. ام عبدالله:شكلك تبي تقول شي.. عبدالله:بصراحة أي.. ام عبدالله:خير يمه..قول.. عبدالله:ربعي يبون يروحون العمرة باجر.. ام عبدالله:والله احسن شي تسوونه في هالشهر..ومتى ان شاء الله طيارتكم؟ عبدالله:بس يايمه انا مااقدر اروح.. ام عبدالله:ليش يمه؟ عبدالله:مااقدر اخليكم بروحكم.. ام عبدالله(ابتسمت):عسى الله لايحرمني من هالقلب ويعطيني عمر اشوفك معرس واشوف عيالك..يايمه مافيها شي لو سافرت..بعدين احنا الحمدلله قاعدين بأمان والدنيا بخير.. عبدالله:بس يايمه ماكو ريال بينكم.. ام عبدالله:يايمه الله الحافظ.. عبدالله:ونعم بالله..بس مااقدر..مااقدر اسافر وقلبي معاكم..مااقدر.. ام عبدالله:حبيبي عبدالله هذي عمرة ولازم تروح مع ربعك..فرصة مناسبة لك..وصدقني احنا بكون بخير.. عبدالله:لا يايمه.. ام عبدالله:خلاص..انا بكلم خالتك تطرش لي واحد من عيالها..بخليه ينام بالمجلس لين ماترجع بالسلامة.. عبدالله:حرام نوهق الريال ويانا.. ام عبدالله:مافيها شي..عطني التليفون الحين بكلم خالتك.. اتصلت في اختها.... ام عبدالله:بخير الله يعافيج.....الحمدلله امورنا كلها بخير..انتوا اخباركم...اخبار عيالج.....واشلون بوسلطان؟.....الحمدلله...أقول اختي ام سلطان:هلا.. ام عبدالله:عبدالله ولدي بيسافر باجر العمرة مع ربعه..وهو يقول مايقدر يهدنا بروحنا يقول يحاتينا من غير ريال..انا قلت له بشوف واحد من عيال خالتك يقدر يقعد عندنا لين مايرد بالسلامة.. ام سلطان:عيالي عيالج ياام عبدالله..مافيها شي..انا الحين بكلم واحد منهم وبرد لج خبر.. ام عبدالله:تسلمين يااختي.....اي باجر ان شاء الله...(تكلم عبدالله)...متى رايح؟ عبدالله:العصر.. ام عبدالله:العصر ان شاء الله.....اي معليه خليه يي بعد الصلاة....في حفظ الله مع السلامة...تطمن ان شاء الله كل شي بيكون بخير.. عبدالله:كنت خايف اروح وعمي ييكم ويسوي مشاكل.. ام عبدالله:ايش دعوة يايمه عمك مايسويها.. عبدالله:الله العالم بكل واحد اشلون يفكر..(قام)..بروح ازهب اغراضي عيل..تامرين على شي؟ ام عبدالله:سلامتك يابعد قلبي.. عبدالله:تصبحين على خير.. ام عبدالله:وانت من هله.. عبدالله حس بالراحة عقب ماتطمن عليهم وتأكد الحين انه يقدر يسافر وباله مرتاح على امه وخواته.. في الصالة... عيسى:ومتى راد؟ خالد:الاثنين ان شاء الله.. عيسى:تروح وترد بالسلامة.. خالد:خالي ابي اوصيك على وديمة.. عيسى:لاتحاتي وديمة..واللي تبيه بسوي لها اياه.. خالد:خالي وديمة عندها السكر لازم تحاسب ايش تاكل والابرة لازم تاخذها كل يوم والادوية بعد.. عيسى:هي تقدر تاخذ الابرة بنفسها؟ خالد:أي تقدر..بس حاول تشجعها ترى مرات تجيها حالة يأس وتعصب.. عيسى:ماعليك انا اعرف اتصرف معاها.. خالد:ودوامها؟ عيسى:بحاول ارجعها بس الصبح مااقدر لأني أخاف أتأخر على دوامي وانت تدري دوامي وايد بعيد عن بيتكم.. خالد:خلاص بخلي شيخة بنت عمتي تمرها..بس هاا ماوصيك.. عيسى:لاتوصي حريص..روح وانت متطمن.. خالد(قام):ياللا تصبح على خير.. عيسى:وانت من هله.. راح غرفة وديمة دق الباب...ودخل..... خالد:شتسوين؟ وديمة:مب انت موصيني على الدراسة.. خالد(قعد عندها):جاي علشان اقولج شي..بس بالاول قولي لي خذتي الادوية والابرة؟ وديمة:أي خذتهم.. خالد:غريبة خذتي الابرة الحين؟ وديمة:لأني أبي ارقد عقب شوي.. خالد:انزين سمعي.انا باجر مسافر..و.. وديمة(قاطعته):مسافر!!!...وين؟� � خالد:بروح العمرة.. وديمة:وأنا؟؟؟ خالد:اشفيج انت؟ وديمة:تهدني بروحي؟ خالد:ماانت بروحج جدتي عندج وخالي موجود وليلى وسلمان وشيخة كلهم موجودين.. وديمة:بس انت مب موجود.. خالد(تفاجأ):أي بس أنا مب مطول..كلها جم يوم وراجع.. وديمة:حتى لو يوم اشلون تهدني بروحي..انزين خذني معاك.. خالد:مااقدر انا رايح مع الربع.. وديمة:تخطط من غير ماتقولي..الله يسامحك.. خالد:وديمة الفكرة جات اليوم وحجزنا اليوم ومن حسن حظنا حصلنا رحلة حق باجر..وهذي فرصة مناسبة اني اروح العمرة في رمضان.. وديمة:بس انت كل رمضان تروح مافيها شي لو رمضان واحد ماتروح.. خالد(ماتوقع ان وديمة بتمانع هالكثر):تقدرين ترتاحين مني هالجم يوم..تسوين اللي تبينه.. وديمة:ماابي..امنع عني اللي تبيه بس لاتسافر.. خالد:وديمة..اشوفج صايرة صغيرة.. وديمة(تضايقت) خالد:ياوديمة انا مب رايح بعيد..بالعكس انت بتحصلين أجر إذا مامانعتي بهالسفرة..خلج عاقل واللي تبينه بسويه لج عقب السفر.. وديمة:صج خالد؟ خالد:أي صج.. وديمة:أبي ازور أمي وابوي.. خالد(فج عيونه):شنو؟؟ وديمة:مب انت قلت اللي تبينه..نزورهم جم يوم ونرد..تكفى ياخالد.. خالد(قف):بس انا مااقدر اسافر.. وديمة:علشاني ...تكفى علشاني.. خالد:وحمد؟ وديمة:حمد اصلا ساكن بسكن طلاب الجامعة..ومايزور امي وابوي الا نهاية الاسبوع.. خالد:بحاول بس اشوف الوقت المناسب..أنا الحين بروح ازهب اغراضي للسفر.. الساعة 12 بالليل...في شخصين قاعدين في غرفهم ويتكلمون ويابعض ويحاولون يفهمون بعض أكثر....... فارس:شيخة.. شيخة:عيوني.. فارس:ان شاء الله لباجر تزوجنا وجيتي البيت بتعرفين وايد اشياء عنا.. شيخة:مثل شنو؟ فارس:طريقة حياتنا..علاقتنا ببعض..يعني بتشوفين وايد اشياء..وان شاء الله بتصيرين وحده منهم..بس هاا انت وشطارتج.. شيخة:ان شاء الله..اخوك العود عايش معاكم؟ فارس:أي..كلنا..مع ان عياله كبار.. شيخة:ايش كبرهم؟ فارس:عنده عيسى بالجامعة وسلطان بالثانوي وسلوى بعد ثانوي ومشاعل اعدادي.. شيخة:الله يخليهم.. فارس:ويخليج لي..ماقلتي وين تبينا نسافر شهر العسل؟ شيخة:عندنا اسبوع يمدي؟ فارس:شنو اسبوع؟؟..مو على اساس اسبوعين؟ شيخة:لا..مااقدر اغيب اكثر عن الجامعة..انا حتى يوم العرس مقررة اداوم.. فارس:انزين سمعي..انا عندي لج اقتراح.. شيخة:شنو؟ فارس:شوفي انا اسبوع مايكفيني..بروح اجدم موعد العرس وبخليها أيام العيد.. شيخة:اشلون؟؟ فارس:ثاني يوم العيد يكون العرس..نستغل اجازة عيد الاضحى ونسافر..ونسويها 12 يوم وزيدي عليها جم يوم وبيصيرون اسبوعين.. شيخة:ماشاء الله عليك ذكي وحسبتها صح.. فارس:علشانج لازم.. شيخة:بتحصل حجز؟ فارس:اتمنى..بحاول اتصل فيهم باجر..بس ماقلتي وين نروح؟ شيخة:وين ماتحب.. فارس:قولي لي بالاول انت وين سافرتي؟ شيخة:سافرت طبعا العمرة..ورحت دبي..البحرين..ماليزيا..تركيا ..تايلند ومصر.. فارس:يعني زين درتي جم مكان.. شيخة:وانت وين رحت؟ فارس:انا الله يسلمج درت وايد..لندن لأني كنت ادرس فيها..ورحت فرنسا وايطاليا مع ربعي..ورحت سنغافورة وماليزيا واندونيسيا..وبعد.....اي رحت انا واخوي لبنان..ودول الخليج طبعا بدون استثناء رحتها كلها.. شيخة:ماشاء الله عليك..سويت رحلة حول العالم.. فارس:شسوي جم سفرة كانت ايام الدراسة كنت اروح مع الربع..والباقي علشان دورات وشغل..بس لبنان رحتها سياحة..وانت وين في خاطرج نروح؟ شيخة:ماادري..ماكو بلدة في بالي.. فارس:خلاص انا بوديج مكان عجيب.. شيخة:وين؟ فارس:مايصير أخليها مفاجأة؟ شيخة:اممم...انزين..على راحتك.. في يوم جديد الساعة 8ونص سلمان ييهم البيت... سلمان:اشلونج وديمة؟ وديمة:بخير..انت اشلونك؟ سلمان:بخير.. وديمة:أخبار البنات؟ سلمان:الحمدلله..جدتي وين عيسى؟ الجدة:راح يصلي التراويح ومارد.. وديمة:ليش ماجبت معاك غانم؟ سلمان:غانم مشترك بدورة انجليزي..علشان جذي ماتشوفينه وايد.. وديمة:في أي مركز؟ أما في الاماكن الطاهرة...بالحرم المكي...في الفندق...كل واحد فيهم طايح على سريره...... محمد:خلاص ريولي تقطعت.. أحمد:انا تعبااااااان وجوعاااااان.. خالد:اما تعب اليوم..زحمة ماشاء الله..ساعة لين ماطلعنا.. محمد:أول مرة اطوف ثلاث ساعات.. أحمد:روح شوف كم كيلو نزلت.. محمد:اخاف اختفي..لازم ناكل.. خالد:قول من الصبح..تبي تاكل..عبدالله اشفيك ساكت ليكون رقدت؟ عبدالله:لا مارقدت..بس من زود اني تعبان مااقدر اتكلم..حزة الطواف ماقدرت اتنفس من الزحمة والروايح المنتشرة..كل واحد وله ريحته الخاصة..خلاص بغى يغمى علي..صدعت ولاعت جبدي.. محمد(قعد):وين زوجتي عني..ارجع تهمزني وتزهب لي ماي وملح حق ريولي.. أحمد: لا لا مانقدر على المتزوجين..عيل ليش جاي معانا؟ محمد:بروح معاها ان شاء الله.. خالد:الاخ عايش الدور.. محمد:بكرة لتزوجتوا بتحسون باللي انا حسه.. أحمد:ألحين مالنا خص بالزواج..احنا جواعة..شنسوي؟ محمد:نروح أي مطعم ونتعشى.. خالد:مااقدر اتحرك من مكاني..ريولي ماتشيلني.. عبدالله:طلبوا من الفندق وخلهم يجيبونه الغرفة.. أحمد:عيل قوم محمد اتصل.. محمد:وايش معنى أنا؟ أحمد:انت اقرب واحد للتليفون.. محمد:ياسلام..خلاص بغير سريري.. خالد:اتصل ولاتضيع عليك الفرصة ترى احمد عازمنا.. أحمد(فج عينه):نعم؟!!..من اللي قال؟ عبدالله:أي صح احمد عازمنا.. محمد(ضحك بسخربة):طيّحوا بجبده..هههههههه وتمر أيام...ويقرب عيد الفطر...والناس مازالت منشغلة بالطاعة والاستغفار..خاصة ان هذي الايام هي العشر الاواخر..والليلة هذي ليلة الـ27..يعني احتمال تكون ليلة القدر..اتفق عبدالله ويا ربعه يقعدون في المسجد لين صلاة الفجر..وبوفهد وام فهد ليحين ماردوا من العمرة..وهبة انشغلت بتجهيز نفسها والبيت للعيد..وفهد انشغل معاها لأن الشركة عطت اجازة آخر خمسة ايام من رمضان..لكن فارس ماتوقف عن الشغل..هو طبيب وجراح ومضطر يتم يعالج الناس لين ليلة العيد..وشيخة ووديمة شادين حيلهم بالدراسة لأن بعد العيد عندهم امتحانات..وبوهبة قاعد يخلص امور شغله علشان هبة وهلا يستلمون الشغل..وراكان بدت آخر امتحاناته وبيرد البلاد عن قريب..وبوسلمان مازال مشغول بالدورة..لكن باله عند وديمة والبيت..وعيسى لاهي بأمور المسلسلات اللي قدمها ودوامه.. الساعة 3 يندق باب غرفة عيسى.... الجدة:يمه عيسى قوم..عيسى.. عيسى:نعم يمه؟ الجدة:قوم يمه علشان تتسحر.. عيسى:ان شاء الله..شوي وبيي.. الجدة:لاترقد.. عيسى:ان شاء الله.. فوق تروح الخدامة علشان تصحي وديمة.... وديمة:قولي حق ماما ماابي.. الخدامة:زين.. وكملت رقادها..ويوم صارت الساعة 8 دق خالد عليها الباب.... خالد:وديمة..ياوديمة.. وديمة:نعم؟ خالد:قومي ياللا.. وديمة:وين؟ خالد:مو انت قلتي تبين اوديج السوق علشان تشترين لج ملابس حق العيد..وحق عرس شيخة.. وديمة(قامت):بلا.. خالد:انزين ياللا قومي.. وديمة:اغسل وجهي واغير ملابسي واجيك.. وقعد تحت ينتظرها...حصل الجريدة وقعد يقراها..لين ماوصلت وديمة وحطت اغراضها على الكنب بس ساعتها طاحت من يدها نزلت عمرها وخذت الساعة ولما وقفت الدنيا دارت فيها..وحست بدوخة.... وديمة:خال....(طاحت على الكنب) خالد(سمع اسمه فز من مكانه شافها طايحة على الكنب):وديمة ياوديمة..وديمة ردي علي.. وديمة(تفتح عيونها) خالد:ميري..ياميري.. ميري:شنو بابا؟؟ خالد:جيبي ماي بسرعة.. الجدة(تيي):ايش صاير؟ خالد:وديمة اغمي عليها.. الجدة:بسرعة ياميري.. جات ميري وهي تركض... خالد(كت عليها الماي وحاول يصحيها لين قامت):اشلونج الحين؟ وديمة:بخير.. خالد:اشفيج؟ وديمة:ماادري مرة وحدة حسيت بدوخة.. الجدة:الله يهداج يابنيتي..هذا لأنج ماتسحرتي.. خالد:ماتسحرتي؟..ليش ان شاء الله؟ الجدة:طرشت لها الخدامة ردتها وتقول ماابي.. خالد:انا بوديها المستشفى.. وديمة:لا..تكفى خالد لا.. خالد:بوديج غصب عنج..قومي لبسي عباتج.. وهم في السيارة... وديمة:خالد تكفى لاتوديني.. خالد:ماني سامع كلامج.. وديمة(بهدوء):انزين انا بقولك الصج ليش ماتسحرت.. خالد:قولي.. وديمة:انا كنت سهرانه ادرس ونمت وماني حاسه بنفسي..حتى الكتاب كان طايح عند راسي..نسيت آخذ الابرة وماتسحرت لأني كنت تعبانة ونعسانة.. خالد:مايضر لو رحنا المستشفى..يمكن الدكتور يخليج تفطرين.. وديمة:لا ماابي افطر.. خالد(وقف السيارة في المواقف):المفروض تعودتي على روحة المستشفى..ياللا نزلي.. وتمر أيام..ويحتفل الجميع بالعيد...ورابع يوم العيد...تروح وديمة تتغدى في بيت عمتها...وعقب الغداء تقعد وديمة تسولف مع شيخة عن أمور العرس.... شيخة(تفتح درج التسريحة وتاخذ العلبة وتفتحها وتعطيها لوديمة):شوفي.. وديمة(تاخذ منها وتفتحه):واااااو يهبل..من وين لج؟ شيخة:احم احم..هدية.. وديمة:او اوه..من راميو؟ شيخة:هاي شنو راميو..فديت ريلي.. وديمة:وايد حلو..هذي عديتج؟ شيخة:أي..حلو؟ وديمة:رهييب..مبروك.. شيخة:الله يبارك فيج.. وديمة:وايش بتسوين علشان الفستان؟ شيخة:رحت مع امي ونقيت الفستان اللي ابيه.. وديمة:شريتيه؟ شيخة:لا رحت عند مصمم خليته يصمم لي الفستان اللي انا ابيه..وعقب هو بياخذه مني.. وديمة:انزين وشنو بعد بقى لج؟ شيخة:بقى المكياج ماشريت وعطور وشوية اكسسورات للشعر..وكريمات وشوية ملابس.يعني بقى لي.. وديمة:انزين لرحتي تشترين لج مكياج واكسسورات شعر خبريني.. شيخة:أفا عليج انا وين مابروح بخبرج.. وديمة:فديتج شيخوة..ماتقصرين.. شيخة:انت ايش سويتي علشان فستانج؟ وديمة:رحت قبل العيد مع خالد واشتريت القطعة..ورحت عند المصمم..وقال بيخلصها لي عقب ثلاث اسابيع.. شيخة:زين..عاد كشخي عدل بعرسي يمكن وحده من الحريم تنعجب فيج وتخطبخ لولدها.. وديمة:انزين يصير خير..الا ماقلتي اشلون ريلج حصل حجز؟ شيخة:يقول في واحد أجل عرسه واحنا خذنا مكانه.. وديمة:ووين بتسافرون؟ شيخة:قالي مفاجأة.. وديمة:ياسلام على ريلج..رومانسي.. شيخة:فديته..قولي ماشاء الله.. وديمة:ماشاء الله.. وتموا يسولفون ويابعض ويتناقشون عن امور العرس وايش بيسوون بالضبط.. محمد يرد البيت...يقعد في الصالة..... ام يوسف:شنو هذا اللي معاك؟ محمد:هذي هدية.. ام يوسف:حق من؟ محمد:لي.. حصة:شاريها حق نفسك؟ محمد:لاطبعا..زوجتي عطتني اياها.. ام يوسف:يحليلها..اشلونك معاها؟ محمد:الحمدلله يايمه..وايد مستانس..ومرتاح.. ام يوسف:الحمدلله..ان شاء الله دوم يايمة اشوفك مستانس ومرتاح.. حصة:محمد ألحين ماعندك عذر..لازم تودينا السوق..يالله يمدينا نخلص تزهبية عرسك.. محمد:بوديكم باجر الصبح..الساعة 9 نطلع من البيت..ماابي اتنقع ساعة في الزحمة ولما نوصل ماكو مواقف.. بدت هبة في الشغل مكان ابوها..وبدت تفكر وتنفذ..لكن فهد ماهو راضي عن شغلها..لكن هبة تبي تتحدى فهد...ويوم من الايام..... فهد(يدخل الجناح):السلام عليكم.. هبة:وعليكم السلام.. فهد(راح علشان يبدل ملابسه وعقب قعد يطالع تلفزيون) هبة:ليش رفضت الصفقة اللي جات من عندنا؟ فهد:أكيد برفضها.. هبة:ليش؟ فهد:لأني من الاساس ماابيج تشتغلين.. هبة:فهد انت ليش جذي..انا اشتغلت وخلاص..ليش ماانت راضي تقتنع.. فهد:هبة..انا ريال مااحب زوجتي تطلع جدام الناس..بعدين ياليت شغلج كله حريم..لا..تجتمعين مع رياييل..موظفينج رياييل حتى الشركات تعاملج كله مع رياييل.. هبة:الحياة صارت جذي..والامور الحين غير عن اول..وبعدين انا بكون بخير..لاتحاتي.. فهد:والله انا مايخصني اذا الامور الحين غير ولا لا..انا ريال مااحب زوجتي تشتغل هالشغلة.. هبة:بس انا احب.. فهد:وانت لازم تطعيني.. هبة:أهاا..تصبح على خير.. فهد راح يغير ملابسه وطلع من البيت..وتواعد مع غانم في المطعم... غانم:أول شي نتعشى بعدين نتحجى.. فهد:اوكي.. وطلبوا لهم عشاء وبإنتظاره... أما في صالة بيت عبدالله... عبدالله:أقول يمه تعرفين بنات في سن زواج.. ام عبدالله:حق من؟ عبدالله:حق رفيجي احمد.. ام عبدالله:ليش يبي يتزوج؟ عبدالله:يقول إذا حصلت اللي ابيها بنفس المواصفات بتزوج على طول.. ام عبدالله:شنهي المواصفات؟ عبدالله:يبي وحده مثل كل البنات من ناحية الجمال والشكل..لكن يبيها وحده مستورة تتنقب..ماتلبس بنطلون تحت العباة..ماتتمكيج تحت النقاب ولاتتعطر..وإذا ماتشتغل يكون أحسن.. أم عبدالله:يعني وحده متدينة؟ عبدالله:مب شرط..بس انها تسوي باللي يبيه أحمد.. ام عبدالله:بدور له ان شاء الله.. عبدالله:أي ويقولج..مايكونون ناس مسرفين.. ام عبدالله:خلاص انا بشوف له..هو ماكلم امه؟ عبدالله:يمه انت تدرين بعلاقة احمد وياامه..يقول لو قلت حق امي بتدور له بنت من بنات ربعها..وهو يقول ماابي وحده مثل امي.. ام عبدالله:الله يصلح الحال..ولي متى بيظل احمد جذي وياامه؟ عبدالله:ماادري يايمه..عيزت وانا اكلمه بهالموضوع..وهو مب راضي يسمع مني..انت الحين دوري له على وحده بالمواصفات اللي يبيها.. ام عبدالله:ان شاء الله من عيوني..بس يايمه اشلون أقدر أعرف إذا البنت تلبس بنطلون ولا لا..يمكن اليوم مالبست وباجر لبست..هالاشياء باجر لما يملجون يتفاهمون عليها.. عبدالله:المهم تكون بنت مستورة وعاقلة.. وتمر أياااام وتعرس خلود وتروح بيت ريلها...وشيخة متلعوزة بتجهيز نفسها للعرس..والجدة تستعد للسفر للحج مع ولدها عيسى...وفي يوم من الايام..خالد قاعد بغرفته.... خالد:بخير انت شاخبارك؟.....اخبار الدورة معاك؟......ماانتوا رادين زيارة؟....الحمدلله كلنا بخير.....أقول يبه...جاتني سفرة من الشغل......اسبوع الجاي.....ووديمة؟......لا جدتي وخالي بيسافرون عقب يومين.....لأن جدتي تقول من زمان مارايحة مكة فتبي تقعد هالمرة اكثر.....اي....ماادري..حاولت اعتذر بس ماقدرت...شسوي؟......مابترضى تروح عند ليلى...عند سلمان؟....بحاول معاها.....خلاص بشوف....ان شاء الله سلم على امي..مع السلامة.. يندق الباب.... خالد:من؟ وديمة:وديمة.. خالد:دشي.. وديمة(دخلت):شتسوي؟ خالد:وانت شيخصج شسوي..ايش تبين؟ وديمة:جايه اقولك إذا بتطلع أبيك تجيب لي شي.. خالد:شنو؟ وديمة:أبي آيس كريم.. خالد:أي نكهة؟ وديمة:نكهة التوت.. خالد:مثل كل مرة؟ وديمة:أي.. خالد:غيره؟ وديمة:بس.. خالد:دكتوركم ماعطاكم درجاتكم؟ وديمة:لا..قال بينزلهم على النت.. خالد:مانزلهم؟ وديمة:لا.. خالد(قام) وديمة:وين بتروح؟ خالد:ماتسمعين الاذان؟ وديمة:أي صح.. عقب مايخصلون صلاة..يروح خالد يشتري لها آيس كريم ويرد البيت...وتقعد تاكل وهم قاعدين بالصالة.... وديمة:ليش ماشريت حق نفسك؟ خالد:مااشتهي..أقول وديمة...اسبوع الجاي انا مسافر.. وديمة(وقفت عن الاكل وفجت عيونها):نعم؟ خالد:انا بسافر.. وديمة:وين؟ خالد:مسافر من الشغل..عندنا مؤتمر ولازم احضر.. وديمة(طالعت خالد بنظرات غضب وكره تجمعت دموعها بعيونها هدت الايس كريم على الطاولة وراحت غرفتها) خالد:لاحول ولاقوة الا بالله.. راح وراها..دق الباب ودخل حصلها تصيح.... خالد(قعد عندها):ليش تصيحين؟ وديمة:........ خالد:وديمة..انا قاعد احاجيج..ليش تصيحين؟ وديمة:انت جذبت علي.. خالد:جذبت عليج؟!! وديمة:أي..لما سافرت مع ربعك قلت لي بتعوضني وبتوديني عند امي وابوي..وليحين ماوديتني.. خالد:بس انا مافضيت الفترة اللي راحت..تبين بوديج في العيد.. وديمة:وعرس شيخة؟ خالد:انا بعد شسوي لج.. وديمة:ماابي..انت تبي تسافر وتهدني بروحي؟ خالد:ماني مخليج بروحج..بوديج تقعدين عند سلمان.. وديمة:لا..ماابي.. خالد:سلمان اخوج اشفيج انت؟ وديمة:ماابي..ام زوجته عايشة معاهم وانا ماابي اروح.. خالد:انزين روحي عند ليلى.. وديمة:ماني رايحة عند ليلى..مااقدر آخذ راحتي في بيتها..وبعدين هم ماعندهم الا غرفتين.. خالد:مافيها شي..بعدين انا ماني مطول بس ثلاثة ايام.. وديمة:بعـــــــــد..ماني رايحة..بقعد بروحي.. خالد:هبلة انت..بتقعدين بروحج في هالبيت العود؟ وديمة:مب انت تبي جذي؟ خالد:الله يطولج ياروح..وديمة..مسحي دموعج..وبسج صياح وتحجي عدل..انزين روح بيت عمتي.. وديمة:ماني رايحة مكان..انزين.. خالد(قام وهو معصب):بكيفج..(سك الباب وطلع من البيت) في السيارة.... محمد:انزين انا عندي لك حل.. خالد:سمّعنا.. محمد:ودها معاك.. خالد:نعم؟ محمد:أي ودها معاك..مافيها شي..هي مابتقعد على جبدك..قعدها في الفندق..على الاقل هي تكون متطمنة انها تكون وياك.. خالد:أي بس هي عندها جامعة.. محمد:يعني ايش بيصير لو غابت ثلاثة ايام..مايأثر.. خالد:ماني مقتنع.. محمد:لاتقتنع بس ريح بالها..لاتنسى ان امك وابوك ماهم موجودين..حاول تحن عليها اكثر.. خالد:........... محمد:اشفيك؟ خالد:ماتدري يامحمد..ان وجود اختي معاي..أكبر مسؤولية جاتني من وقت ماكبرت.. محمد:علشان تتعود بكرة لتزوجت.. خالد:وانت ماعندك غير سالفة الزواج؟ محمد(يبتسم):لا..احلى شي.. خالد:الله يهنيك..وين تبينا نروح؟ محمد:سمعت عن المطعم الجديد اللي يبيع كباب؟ خالد:لا.. محمد:أما يقولك عندهم كباب عجيب.. خالد:ذقته؟ محمد:لا..بس الربع يمدحونه.. خالد:وين مكانه؟ في الشركة... غانم:ياريال لاتضايق عمرك.. فهد:اشلون مااضايق عمري.. غانم:يعني ايش تقدر تسوي..هي خلاص خذت مكان ابوها..وماكو شي يرجع.. فهد:عمي الله يهداه ليش هد شغله؟ غانم:انت ناسي ان ابوها اكبر من ابوك..وبعدين تعال عمك مريض ماهو قادر على روحة الشغل كل يوم ويشوف هذا ايش سوى وهذا ماادري اشفيه..ماهو قادر يتحمل اكثر من جذي.. فهد:يبيع الشركة.. غانم:انت صاحي؟..ومرته وعياله من وين يعيشون؟ فهد:يشتري له عمارة ويأجرها..اي شي.. غانم:ياسلام..انت تبيهم ينزلون من مستواهم المادي علشان افكارك.. فهد:جان عمي سلماك انت الشغل.. غانم:زين سوى ولافكر فيني..انا مايخصني بحلال حد..هذي امانه وانا مو قدها..(يشوف الساعة)..ترى صارت الساعة 10.. فهد:إذا تعبت روح.. غانم:انا مو تعبان..اتكلم عنك..ترى في وحده تنتظرك في البيت.. فهد:هذا اذا فكرت فيني..في اشياء اهم مني.. غانم:بكرة بتجيبون عيال وبتتغير حياتكم.. فهد:مااعتقد ان هبة تفكر في العيال دام انها اشتغلت هالشغلة.. غانم(راح له ومسك يده):قوم.. فهد:ايش تبي؟ غانم:قلت لك قوم..يبي يرقد هني..صدقني اتصل في ابوك.. فهد:ياهل انا؟ غانم:أي ياهل..قوم..على الاقل عشيني.. فهد:قول من الصبح.. غانم:قوم قوم.. فارس يرد البيت يتعشى ويروح غرفته يسك الباب...يدخل النت...ويتصل.... فارس:مساء الورد.. شيخة:هلا والله..مساء الورد.. فارس:شتسوين؟ شيخة:ولاشي قاعدة ارتب الاغراض اللي شريتها.. فارس:بقى لج وايد؟ شيخة:يعني..وينك في البيت؟ فارس:أي..توني قايم من العشاء وجيت اكلمج.. شيخة:اشلون الشغل معاك؟ فارس:الحمدلله..ايش سويتي في البريزنتيشن مالج؟ شيخة:ماقدمته.. فارس:ليش؟ شيخة:ماكفى الوقت..والدكتور أجلّنا اياه للمحاضرة الجاية..ايش قاعد تسوي؟ فارس:قاعد على النت.. شيخة:تحاجي حد؟ فارس:لا..بس انا مشترك في موقع طبي..وفي ناس تسأل عن امراض وعن صحتها وانا اساعدهم باللي اعرفه.. شيخة:ماشاء الله عليك..عيني عليك باردة..انزين ارتاح لك شوي..انت تعبان جاي من الدوام.. فارس:معليه برتاح عقب..قولي لي اخوج فيصل متى بيرد؟ شيخة:بيرد ان شاء الله يوم عرفة..وبيتم لين نهاية الاجازة.. يندق الباب... فارس:لحظة شوي..نعم؟ مشاعل:معليه ادخل؟ فارس:دخلي.. مشاعل(فتحت الباب):عمي ابوي يبيك.. فارس:ابوج وين؟ مشاعل:تحت بالصالة.. فارس:اوكي..قولي له الحين جاي.. راحت وسكرت الباب.. فارس:حبيبتي بسكر ألحين لأن اخوي يبيني.. شيخة:انا بعد بروح انام..تصبح على خير.. خالد رد البيت حصل جدته قاعدة تسولف في التليفون وعيسى يشرب شاي ويطالع تليفزيون... خالد:السلام عليكم.. عيسى:وعليكم السلام.. خالد(يقعد):خلاص جاهزين؟ عيسى:ان شاء الله.. خالد:كلمت رفيجك علشان البيت؟ عيسى:أي قالي البيت نظيف وجاهز وبيستقبلنا في المطار علشان يعطيني المفتاح.. الجدة:خالد يمه اشفيها وديمة؟ خالد:اشفيها؟ الجدة:من جينا وهي مانزلت راح لها عيسى قالت تعبانة وتبي ترتاح..ليكون السكر نازل ولا مرتفع؟ خالد:لا مااعتقد..هي كانت اوكي قبل لأطلع..(قام)..بروح اشوفها.. ياترى خالد ايش بيسوي ويا وديمة؟؟ بياخذها معاه؟؟ وشالي بيصير في رحلة سفر خالد؟؟ وزواج شيخة؟؟ أحداث كثيييرة بإنتظاركم.. تابعوني الفصل السابع | ||||||||
|
| |
|
11-12-13, 10:05 AM
| #15 | ||||||||
| مراقبة عامة ومشرفة منتدى الروايات المنقولة
| " الفصل السابع " دق الباب... وديمة:منو؟ خالد:خالد.. وديمة:......... خالد(فتح الباب):اشفيج قاعدة فوق؟..جدتي تحاتيج.. وديمة:.......... خالد(قعد جنبها وفتح دفتر محاضراتها وقعد يقرأ):انزين لو قلت لج سافري معاي بتيين؟ وديمة:صج خالد؟؟ خالد(حط الدفتر على السرير وطالعها):أي صج.. وديمة:يعني بتوديني معاك؟ خالد(قام):ماكو خيار ثاني.. وديمة:إذا بتوديني غصب عنك ماني جاية.. خالد:اقول..لو تسكتين يكون احسن..نزلي تحت.. وديمة(وهي مستانسة):اوجي.. استانست وديمة وأخيرا بتطلع وبتغير جو..وبنفس الوقت مابتقعد بروحها من غير خاصة انها تعلقت فيه واايد.. ام فيصل تدخل غرفة شيخة..تحصلها قاعدة وسط اغراضها على الارض... ام فيصل:شتسوين؟ شيخة:قاعدة ارتب اغراضي..احطهم بالشنطة..علشان مااعفس غرفتي.. ام فيصل:انزين تعالي ابيج شوي.. شيخة(قامت وراحت تقعد على الكرسي):شنو؟ ام فيصل:شوفي يمه..انا ابي اقولج شي قبل لتدخلين حياة ثانية..وسمعي كلامي كلمة بكلمة.. شيخة(زاد حماسها لكلام امها) ام فيصل:انت ياشيخة بتعيشين في بيت اهل ريلج..والحياة مع اهل الريال وايد غير وتختلف عن حياتج بين امج وابوج واخوانج..يعني مو اللي كنتي تسوينه هني تقدرين تسوينه هناك..حتى كلامج واسلوبج وطريقتج هم لازم تختلف..ابو ريلج لازم تحترمينه وايد وحاولي ماتسوين شي يضايقه..مهما يكون هذا ابو ريلج ومثل ابوج..وام ريلج بتكون بمكاني في بيتج..اهتمي فيها وايد..وحاولي تساعدينها وتسولفين معاها..تراها مرة عودة ومحتاجة منج الاحترام..وحاولي تكّونين علاقة مع خوات ريلج وسلفاتج..حاولي تتنازلين عن اشياء في نفس الوقت خلج قوية..وهالله هالله بريلج..اهتمي فيه وايد..اللي يبيه سوي له اياه..طاعة الزوج واجبه..خله يعيش بسعادة علشان مايفكر يطالع حد غيرج..وحاولي ماتدخلين بأسرار بيتهم..يعني مثلا اخوه ناداه ولا اخته كانوا يبونه بسالفة..لما يرد عندج لاتسألين ايش كانوا يبون منك..إذا هو يحب يقول بيقولج..لكن من نفسج لاتسألين..واسرار بيتج لاتخبرين فيها حد..خليها بينج وبين ريلج.. شيخة:يعني يمه حياتي وياأهل ريلي بتكون صعبة؟ ام فيصل:انت وشطارتج.. شيخة:في وحده من البنات تقولي ماانصحج تعيشين مع أهل ريلج..تقول اختها عايشة بيت أهل ريلها ومطلعين عينها وحياتها اختربت مع زوجها..وتقولي روحي قولي حق ريلج خله يعيشج في بيت بروحكم.. ام فيصل:يايمه ياشيخة..الناس تختلف..والظروف تختلف..مب لازم اللي صار مع اخت رفيجتج يصير معاج..وبعدين الريال مافيه شي..أحسن منه وين تحصلين..تروحين تقولين له ماابي اعيش مع هلك في البيت..مو حلوة..تضيعين الريال علشان بيت؟!! واستمرت ام فيصل بالنصايح علشان تستفيد منهم شيخة حق مستقبلها وحياتها مع زوجها واهل زوجها... الجدة راحت تنام..وعيسى يتثاوب يقوم... عيسى:تصبحون على خير.. خالد:وانت من هله.. وديمة:خالد..إذا بتوديني غصب عنك ماني جايه.. خالد:أقول ادلين سريرج ولا ماتدلينه؟ وديمة(قامت وفيها ضحكة):خلاص ادله.. في الجامعة...شيخة قاعدة في قاعة المحاضرات مع وديمة يدرسون...يرن تليفونها... شيخة:هلا والله...انا بخير طمني عنك......واخبار العملية؟.....الحمدلله طمنت قلبي.....الله يعطيك العافية....ان شاء الله ادعي لي...لا مب الحين على الساعة 3 ان شاء الله...مع السلامة.. وديمة:حبيب القلب؟ شيخة:أي.. وديمة:قومي جيبي لنا شي ناكلة..جعت.. شيخة:ايش تبين تاكلين؟ وديمة:ماادري أي شي خفيف ويسد الجوع.. أما بدوام أحمد ومحمد.... أحمد:هاك الشاي.. محمد:مشكور..أقولك شوف هالورقة.. أحمد(يقرأ):اشفيها؟ محمد:هذا الاسم مب مار عليك من قبل؟ أحمد:لا..ليش انت تعرفه؟ محمد:ماادري بس جني قاري هالاسم من قبل.. أحمد:خلك من هذا..قولي ايش صار على رفيجك صاحب الموتر؟ محمد:اتصل فيني امس وقالي انتظر شوي.. أحمد:ليش؟ محمد:هو مواعد واحد من الشباب..يقول إذا مارد عليه لين باجر ببيعه لك.. أحمد:عاد قوله هالله هالله بسعر الموتر.. محمد:بكلمه..تدري احمد في شنو افكر.. أحمد(يقعد):شنو؟ محمد:خاطري اكمل دراستي وآخذ الماجستير.. أحمد:انت؟!!..مااصدق..انت يالله خلصت البكالريوس..الحين جاي وتقول ابي ماجستير!! محمد:مافيها شي..غيرت رايي..احس لو خذت الماجستير ممكن يرقوني.. أحمد:كمل ليش ماتكمل.. محمد:وانت؟ أحمد:انا حاليا ماافكر بالدراسة..البركة فيك.. محمد(قام) أحمد:وين؟ محمد:بروح الجامعة وبسأل.. أحمد:ألحين؟ محمد:ماعندي شي اسويه شغلي وخلصته..بروح استأذن.. أحمد:انزين خلي عبدالله يسألك.. محمد:خلني اروح بنفسي احسن..تبي شي قبل لأروح؟ أحمد:لا..سلم عليه إذا شفته.. محمد:في امان الله.. أحمد:في امان الله.. في شركة بوفهد.... السكرتير يدخل مكتب فهد... السكرتير:نعم طال عمرك؟ فهد:انا مب شاري دباسات لما رديت من السفر؟ السكرتير:بلا.. فهد:وينهم؟ السكرتير:تبيهم؟ فهد:أبي حق مكتبي..هذا ماعاد يعجبني..طرش المستخدم خله يجيب لي واحد.. السكرتير:حاضر..تامرني بشي ثاني؟ فهد:لما يطلع بوسلطان من عند ابوي خبرني.. السكرتير:ان شاء الله.. فهد:واسمع بعد..اتصل في يوسف خله يجيني.. السكرتير:ان شاء الله..شي ثاني بعد؟ فهد:لا.. طلع السكرتير..وعقب خمس دقايق دخل يوسف وسلم وقعد... فهد:شوف لي هالملف وأقراه عدل وعقب عطني رايك.. يوسف:حاضر.. يدخل السكرتير.... فهد:نعم؟ السكرتير:طال عمرك وصلتنا هالمناقصة من شوي.. فهد:اشوف..(وهو يقرأ عصب)..متى وصلت؟ السكرتير:من دقايق.. فهد:ابوي شافها شي؟ السكرتير:لا.. فهد:انزين خلاص روح..اسمع..ماابي حد يدري بهالمناقصة.. السكرتير:ان شاء الله.. يوسف(قام):تامرني بشي ثاني؟ فهد:لا..بس رد علي بسرعة.. يوسف:ان شاء الله.عن اذنك.. فهد كان معصب واتصل فورا.... هبة:هلا والله بحبيبي..اشلونك؟ فهد:هبة ممكن اعرف شالي تقصدينه من وراء هالمناقصة؟ هبة:مااقصد شي..مافيها شي لو تعاملت معاكم.. فهد:اعتقد فيها وايد..وانت تدرين بهالشي.. هبة:يعني بدل لأروح عند ناس غرب اجي عندك..انت ريلي واولى بهالمناقصة..وبعدين هالمناقصة لها ربح وايد.. فهد:مايهمني الربح..وانسي اني بوافق عليها.. هبة:اوكي لاتزعل إذا باجر راحت المناقصة لغيرك.. فهد(عصب):مع السلامة.. في الجامعة...تحديدا في مكتب عبدالله..... محمد(يدق الباب):احم احم.. عبدالله:حياالله من جى.. محمد:الله يحيك..السلام عليكم.. عبدالله:وعليكم السلام..حياك تفضل.. محمد:شنو مشغول؟(يقعد) عبدالله:شوي..شالي جابك عندنا؟ محمد:قلت اسير عليك.. عبدالله:تسير علي ولا جاي تاخذ حد من الجامعة؟ محمد:لا والله ماني جاي آخذ حد..جاي لأن عندي شغل.. عبدالله:شنو بتشغل عندنا؟ محمد:لا ياريال..الحمدلله انا مرتاح بشغلي..انزين ضيفنا شي.. عبدالله(قام):تامر..ايش تشرب كرك ولا شاي ولا قهوة؟ محمد:من مزهبهم لك؟ عبدالله:الوالدة الله يحفظها.. محمد:الله يخليها..أكيد لازم ادلع نفسك..رقوك.. عبدالله:أعوذ بالله من الحسد.. محمد(ابتسم):ماشاء الله..صب لي قهوة.. عبدالله(يصب):تفضل.. محمد:مشكور.. عبدالله:ماقلت لي ليش جاي؟ محمد:جيت أسأل عن الماجستير.. عبدالله:ناوي تاخذ؟ محمد:افكر..دام اني قادر ليش لا..ومااعتقد ان الماجستير صعب.. عبدالله:زين تفكر..وسألت؟ محمد:أي سألت..وكل الشروط سهلة وعادية.. عبدالله:وبتسجل؟ محمد:ان شاء الله بس استخير.. على طاولة الغداء... بوفهد:هبة ردت؟ ام فهد:لا ماشفتها.. بوفهد:تصدقين ياموزة..ألحين بس عرفت ليش اختج كانت رافضة هبة حق فهد.. ام فهد:.......... بوفهد:شفتي اشلون اختج كان معاها حق.. ام فهد:بس هي ماقالت شي..بس قالت ماتنفع.. بوفهد:لأنها عرفت ولدنا أكثر منا..تعرف فهد ايش يبي.. ام فهد:خلاص الولد تزوج.. بوفهد:ماتتخيلين ايشقد هي صعبة على فهد يوم يشوف زوجته تتعامل مع رياييل..صج انه مايقول..بس عيونه فاضحته.. ام فهد:الله يهدي ابوها.. بوفهد:اخوي ايش يقدر يسوي..ولد ماعنده وهو كبر في السن والمرض مأذيه وماهو قادر على بناته..وامهم مسكينة..الله يعين فهد.. ام فهد:شكلها عقب الشغلة اللي حصلتها ماتفكر تجيب عيال.. بوفهد:الا بتجيب بس مب ألحين..بالاول بتعدل وضع الشركة وعقب لما تحس كل شي اوكي حزتها بتفكر بالعيال..هبة ياموزة ذكية..وتعرف اشلون تتصرف.. ام فهد:مافهمت ايش تقصد.. بوفهد:باجر ببين كل شي.. الجدة تسافر مع عيسى مكة..وشيخة تكمل استعدادتها للعرس..ووديمة تستعد للسفر مع خالد...والاوضاع بين هبة وفهد متوترة وايد.. في إحدى فنادق دبي... وديمة قاعدة تطالع تلفزيون يدخل خالد... خالد:السلام عليكم.. وديمة:وعليكم السلام.. خالد(يقعد):ماشاء الله على الدراسة مقطعة بعضها.. وديمة:هاا..قلت اريح شوي.. خالد:اشك هالشوي صاروا وايد..انزين قومي لبسي علشان نطلع.. وديمة:وين؟ خالد:نروح نتغدى وعقب نروح ندور ولا تبين نتسوق؟ وديمة:نتسوق طبعا.. خالد:صج بنات..ماكنت المفروض اخيرج..قومي لبسي.. وهم في المطعم... وديمة:ياسلام على الاكل..صج لذيذ..والمطعم شكله فخم وايد.. خالد:اول مرة تروحين مطاعم؟ وديمة:لا طبعا..بس عجبني المطعم.. خالد:عيل لوديتج المطعم اللي جنب البحر..ايش بتقولين؟ وديمة:أخاف مااطلع..صج بتوديني؟ خالد:باجر على الغداء..اليوم مااقدر..ثقلت حدي.. أما في بيت بويوسف... محمد(يقعد):خير يمه تقول حصة ناديتيني؟ ام يوسف:وينك فيه ايش عندك قاعد فوق؟ محمد:كنت راقد..ماادري ايش فيني مصدع.. ام يوسف:بسم الله عليك..جان خذت مسكن.. محمد:خذت.. ام يوسف:ابيك توديني مكان.. محمد:وين؟ ام يوسف:اليوم رحت بيت خالتك وشفت جدورها الجديدة وايد عجبوني..فقلت لازم اروح واشتري نفسهم.. محمد:اي جدور؟ ام يوسف:جدور من نوع الزين..احسن من اللي عندي..لو قلت حق ابوك ماراح يوديني بيقولي حق شنو تبين..انت ودني احسن.. محمد:ايش دعوة يمه بتخشين الجدور عنه؟ ام يوسف:يدري عقب مااشتريهم..اروح البس؟ محمد(يبتسم):روحي.. عقب ماراحت.. محمد:يحليلها امي..حتى وهي في هالسن تلاحق الجدور..(يضحك) حصة:ايش تبي في امي..خلها تشتري اللي في خاطرها.. محمد:اكيد بتقولين هالحجي..انتوا يالحريم ياحبكم لهالشغلات..ماعندج كافي؟ حصة:حق شنو؟ محمد:ابي.. حصة:لحظة بروح اجيب من غرفتي.. محمد:عاد جيبي العلبه كاملة..أدري فيج..كل اسبوع تترسين الصندوق حلويات.. حصة:مايخصك.. الساعة 9 في مكتب فهد...يدخل السكرتير...يحصل فهد حده مشغول بين الاوراق والكمبيوتر.... السكرتير:طال عمرك تامرني بشي قبل لأروح؟ فهد:وانت ليش تميت لين الحين..دوامك يخلص 8 ونص.. السكرتير:كانت عندي جم شغله وقلت اخلصها قبل لأروح.. فهد:انزين..بس باجر الصبح لوصلت الشركة قول حق مهندس الكمبيوتر اللي عندنا يشوف لي جهازي..ماادري اشفيه صاير يشير وايد.. السكرتير:حاضر..تامرني بشي ثاني؟ فهد:لا..إذا تذكرت بخبرك باجر.. السكرتير:مع السلامة.. فهد:مع السلامة.. وتم فهد في الشركة لين 10..يدخل عليه غانم... غانم:انت صاحي قاعد لهالوقت؟ فهد:كان عندي شوية شغل.. غانم:ليش هو أول مرة يكون عندك شغل..ولا في شي ثاني؟ فهد:لاشي ثاني ولاثالث..(يتثاوب) غانم:انت نعسان قوم روح بيتكم.. فهد:ألحين بروح.. غانم:لهالدرجة علاقتك بهبة تعبانة؟ فهد(لم اوراقه ووقف):ياليت تغير الموضوع.. غانم:بكيفك.. بعد يوم واحد...خالد انتهى من المؤتمر..وحب يغير الجو على وديمة..وراحوا التزلج...وقعدوا يلعبون هناك..لين ماتقلب خالد عدل وتعور..وودوه المستشفى..ووديمة صارت تصيح لما شافت خالد يتعور..ماعرفت اشلون تتصرف وهي في بلاد ماهي بلادها ولاتعرف حد..تمت برع واقفة تنتظر حد يطمنها...طلعت ممرضة... وديمة(وهي تبجي):لو سمحتي..طمنيني على اخوي.. الممرضة:منو اخوج؟ وديمة:خالد.. الممرضة:تريي الدكتور..بعد شوي بيظهر..(راحت) وتمت واقفة تنتظر الدكتور..وشوي يطلع الدكتور..... وديمة:دكتور لو سمحت..أبي اتطمن على اخوي.. الدكتور:اخوج عنده كسر برجله اليمنى.. وديمة(انصدمت):كسر؟؟..اشلون؟ الدكتور:الظاهر اخوج تعور وايد..احنا جبسنا له..وان شاء الله بيتحسن مع مرور الايام..سلامته.. وديمة:دكتور أقدر اشوفه؟ الدكتور:اكيد ترومين تشوفينه..بس هو ألحين راقد..ترومين تدخلين..عن اذنج.. دخلت وديمة حصلت اخوها راقد وريوله مجبسة وشكله صج تعبان..دخلت الممرضة... الممرضة:لو سمحتي.. وديمة:نعم؟ الممرضة:هذي الاغراض كانت ويااخوج.. وديمة:شكرا..(خذتهم حصلت بوكه ونظارته وتليفونه واوراق صغيرة شافت التليفون فيه مكالمات لم يرد عليها هدت اغراضه على الطاولة وحطت شنطتها وقعدت عنده) في بيت كاملة... كاملة:حيالله من جانا.. فهد:الله يحيج.. كاملة:ايش هالزيارة المفاجأة.. فهد:بس مفاجأة حلوة... كاملة:أكيد مايبي تقول..بس غريبة ليش ماداومت اليوم؟ فهد:كانت عندي شوية اشغال برع الشركة..فقلت امرج قبل لأروح الشركة من زمان ماشفتج.. كاملة:حتى انت..امك تقول صرت تتأخر بالدوام.. فهد:شسوي الشغل زايد علينا هالايام..أقول خالتي.. كاملة:خير حبيبي.. فهد:أبي أسألج سؤال..بس أبيج تجاوبيني بصراحة.. كاملة:خير.. فهد:انت ليش كنت رافضة زواجي من هبة؟ كاملة:انت ليحين مانسيت السالفة؟ فهد:لا..ابي اعرف السبب.. كاملة:خلاص ياحبيبي انت تزوجتها وانتهى الموضوع.. فهد:أدري..بس تكفين قولي لي شالسبب؟ كاملة:انا قلت لكم من قبل..ان هالبنت ماتناسبك..ماهي البنت بالمواصفات اللي انت تبيها..بس انتوا اصريتوا وتزوجتها.. فهد(حس بضيقة):ياليتني سمعت كلامج.. كاملة:ليش يافهد صاير شي؟ فهد:للأسف أي.. كاملة:ايش صاير؟ فهد(قام):خليها على الله.. كاملة:ماانت رايح لين ماتقولي السالفة.. فهد:ماكو شي..انسي السالفة..بس لاتقولين حق امي اني جيتج.. كاملة:فهد دخيلك تحجى..صرت احاتيك.. فهد:ماكو شي..بس ماطلعت هي البنت اللي انا ابيها..شكلها بتأذيني وايد..ياللا انا رايح مع السلامة.. كاملة مافهمت شي وعلامات الاستفهام على وجهها.. في المستشفى..وديمة تحس بوحدة والضيقة ماكلتها..ماقدرت تتحمل قامت واتصلت في شيخة.... شيخة:ودوم اشفيج..انزين انت لاتبجين علشان افهم السالفة..انت وينج فيه؟ وديمة:في دبي.. شيخة:ومتى رادين؟ وديمة:مايندرى متى بنرد.. شيخة:ليش؟ وديمة:خالد ياشيخة..طاح وتعور وريله انكسرت.. شيخة:متى صار هالحجي؟ وديمة:اليوم.. شيخة:وانت وينج الحين؟ وديمة:في المستشفى.. شيخة:وخالد اشلونه؟ وديمة:راقد..بس ماشفتيه ياشيخة وهو يتألم..عور قلبي.. شيخة:فديتج ودوم..لاتعورين قلبي خلاص..ان شاء الله ماعليه شر..الدكتور ايش قالج؟ وديمة:قالي كسر..ماقال شي ثاني.. شيخة:ودوم حبيبتي لاتوترين روحج علشان ماتتعبين انت بعد..ترى خالد بحاجتج..سمعتيني؟ وديمة:أي سمعتج.. شيخة:ودوم ليش ماتتصلين في خالي جبر؟ وديمة:اي بس عمي جبر ماهو بدبي.. شيخة:ماتدرين يمكن يكون في دبي.. وديمة:عيل سكي وباتصل فيه...(تتصل)........آلو..عمي جبر.. جبر:منو؟ وديمة:انا وديمة.. جبر:هلا وديمة..ايش حالج؟ وديمة:انا بخير..عمي انت وينك فيه؟ جبر:انا بدبي عندي شغل..انتوا وينكم ؟..دقيت على خالد جم مرة ومايرد علي.. وديمة:الله جابك ياعمي..خالد تعبان واحنا بالمستشفى..تكفى تعال.. جبر:خالد بلاه؟ وديمة:ريوله انكسرت......بعدين لجيت بقولك.. جبر:اي مستشفى؟......اوكي خلاص الحين ياينكم.. خالد(يفتح عيونه وينادي) وديمة:خالد قمت؟ خالد(فاتح عينه والتعب باين عليه):انا وين؟ وديمة:انت بالمستشفى.. خالد:نادي لي الممرضة.. وديمة:ان شاء الله.. جات الممرضة... الممرضة:حمدلله على السلامة.. خالد:لو سمحتي..ابي اشوف الدكتور.. الممرضة:تعبان؟ خالد:لا..بس ابي اشوف الدكتور.. الممرضة:اوكي.. وديمة:خالد انت بخير؟ خالد:أي.. وديمة(صاحت):كل مني انا..انا السبب في اللي صار لك.. خالد:وديمة تكفين لاتصيحين ..سكتي احنا في المستشفى.. دخل الدكتور ووقف عند خالد... الدكتور:كيف تحس عمرك؟ خالد:الحمدلله..دكتور اقدر اطلع من المستشفى؟ الدكتور:تقدر..بس مب ألحين.. خالد:متى؟ الدكتور:باجر.. خالد:ليش دكتور؟ الدكتور:عسب نتطمن عليك..انت لازم ترتاح.. خالد:أي بس دكتور انا لازم ارد البلاد اليوم.. الدكتور:بس صحتك ماتسمح..ارتاح هني اليوم وباجر يصير خير..عن اذنك.. خالد تضايق ماكان يبي يتم علشان وديمة معاه..ماعرف اشلون يتصرف.. في الشركة...يدخل موظف اسمه هادي... هادي:نعم أستاذ.. فهد:تعرف صاحب هذي الفكرة؟ هادي:معرفة شخصية لا..بس باتزكرو.. فهد:اوكي ياليت تتصل فيه ويجيني المكتب وخلك معاه.. هادي:أي وقت؟ فهد:خلها عقب المغرب على 6 اوكي.. هادي:حاضر..تؤمرني بشي تاني؟ فهد:لا..تقدر تروح..بس إذا في اشياء ثانية وصلتك ياليت تجيبها.. هادي:والباقي خلصتهم؟ فهد:قاعد ادرسهم.. هادي:عن ازنك.. السكرتير يدخل... السكرتير:طال عمرك وصل هالايميل.. فهد(قعد يقرأ):خلي الورقة معاي..لخلصت منها بخبرك ترد عليهم..اقول علي.. السكرتير:نعم.. فهد:ايش صار على الاغراض اللي المفروض توصلنا اليوم من الصين؟ السكرتير:خبروني انهم راحوا يستلمون البضاعة.. فهد:اوكي..يعني الشغل ماشي؟ السركتير:أي نعم.. فهد:خلاص تقدر تمشي..بس اسمع..اتصل في مستشار الشركة وخله يمرني.. السكرتير:حاضر.. في المستشفى...يوصل جبر...ويحصلهم قاعدين.... جبر:السلام عليكم.. الجميع:وعليكم السلام.. جبر:سلامات..طمني شخبارك الحين؟ خالد:بخير..انت من وين دريت؟ جبر:وديمة خبرتني..شو صار لك؟ وديمة:كل مني..انا السبب..لو انا ماجيت معاه جان .... خالد(يقاطعها):وديمة سكتي خلاص..ولاشي كنا بالتزلج وزلقت وريلي انكسرت.. جبر:ماتشوف شر..وشحالك الحين؟ خالد:بخير.. تيي الممرضة تقيس ضغط خالد.... خالد:وديمة انت ماكلتي شي من الصبح.. وديمة:ماعليك مني..انا بخير.. خالد:شنو بخير.. الممرضة:تبين اوديج الكافتيريا تاكلين شي؟ وديمة:لا ماله داعي انا بخير.. خالد:وديمة ياليت تسمعين الحجي وروحي معاها..انت جذي بتتعبين.. وديمة:ماابي.. جبر:ماعليه انا بوديها.. خالد:لو سمحتي في مجال تشوفين لها السكر؟ الممرضة:ليش فيج السكري؟ وديمة(بضيقة):أي.. الممرضة:ولايهمك اخوي..بقيسه لها.. خالد:لو سمحتي.. الممرضة:نعم؟ خالد:ممكن تنادين لي الدكتور؟ الممرضة(ابتسمت):ان شاء الله.. جبر:ياللا وديمة.. راحت وديمة مع جبر..ودخل الدكتور..... الدكتور:قالت لي الممرضة انك تباني.. خالد:دكتور..انا مضطر ارد البلاد اليوم..ولي سلمك خلني اطلع من هني..وبعدين انا اختي معاي وصعب اقعد..لو كنت بروحي جان تميت ماعندي مشكلة..بس اختي وياي..ومااقدر اقعد في المستشفى..حط نفسك مكاني..مااقدر اطرشها الفندق ولا شي ثاني..ياليت تقدر موقفي..وانا اتحمل مسؤولية نفسي..واكيد لرديت البلاد بتابع عند دكتور.. الدكتور:اوكي..انت احجز لك تذكرة..وانا بشوفك قبل ما تطلع..عن اذنك.. خالد:مشكور دكتور.. في الكافتيريا...يرن تليفون وديمة وهي تاكل.... وديمة:هلا شيخة...انا بخير....خالد الحمدلله بخير....ولاشي الدكتور مارضى يطلعه من المستشفى..يقول باجر...ماادري والله..حدي متضايقة على طيحته....ان شاء الله الله يسمع منج...لا والله محد يدري...انا من الخوف والمحاتاة ماعرفت اتصل في من..انت الوحيدة اللي جيتي على بالي....لاتسلمين فديتج ماابي حد يجينا عمي جبر وياي...اي الحمدلله....ربي بيسر امورنا....ان شاء الله اكيد...سلمي على امج...مع السلامة.. | ||||||||
|
| |
|
11-12-13, 10:08 AM
| #16 | ||||||||
| مراقبة عامة ومشرفة منتدى الروايات المنقولة
| متابعة الفصل السابع محمد يدخل البيت على الساعة 6 ... محمد:بخير الحمدلله..انت شاخبارج؟.......وايش سويتي في الامتحان؟.....الحمدلله.......وم اكلمتيهم علشان الاجازة؟......زين سويتي....اكيد مايبي تقولين.....والله قاعد اسأل الربع واللي حولي..بس ماقررت انت في مكان في بالج؟.......انا بعد اقول جذي...طلعتي نفس تفكيري.....خلاص عيل انتظرج...مع السلامة.. ام يوسف:تحاجي العروس؟ محمد:أي يمه..(يقعد) ام يوسف:اشلونها؟ محمد:تسلم عليج.. ام يوسف:الله يسلمها.. في الشركة..... فهد:بصراحة ياجابر مشروعك وايد عجبني..وله فايدة كبيرة...وانا معاك بكل الاهداف اللي ذكرتها..مع ان عندك شوية اخطاء في الكتابة..وانا ضفت بعض النقاط لأنها راح تفيدنا..وفالك طيب..ان شاء الله من اوائل المشاريع اللي راح تنفذ.. جابر:شجعتني.. فهد:التشجيع هو الشي اللي نحاول نسويه دايما..(يعطيه الملف)..تقدر تاخذ الملف وحاول تقرأ اللي كتبته لك..وصلح أخطاءك وضف اللي كتبته..وعقب عطه للأستاذ هادي.. جابر(يقوم):تسلم ماقصرت.. فهد:احنا حاضرين حق شباب عندهم همه مثلك ياجابر.. جابر:مشكور..عن اذنك.. طلع جابر..وتم فهد بين شغله وهمه... بمطار دبي......  جبر:الحين لو انتوا تاميين هني لين باجر جان احسن.. خالد:لا خلاص نرد البلاد.. جبر:الله يهداك ياخالد..لو تميت وريحت لك شوي.. خالد قاعد في الكوفي شوب مع وديمة.... وديمة:اشلون قدرت تقنع الدكتور؟ خالد:بعد انا خالد.. وديمة:في هذي صدقت.. خالد:ايش تبين تشربين؟ وديمة:ماادري يمكن شربت نسكافيه.. خالد:excuse me .. الكرسون:yes sir.. خالد:please two orange juice الكرسون:OK.. وديمة:بس انا ماقلت ابي عصيير برتقال... خالد:انت ماتعرفين شنو الزين لج..انت محتاجة عصير برتقال.. يرن تليفونه.... خالد:السلام عليكم.. عبدالله:وعليكم السلام...وينك ياريال اتصل فيك من الظهر وماترد.. خالد:ماتدري ايش صار فيني.. عبدالله:ايش صار؟ خالد:انكسرت ريلي.. عبدالله:لا والله..من صجك انت؟ خالد:أي من صجي.. عبدالله:اشلون صار هالحجي؟........أف....حمدلله على سلامتك.....اي والله الحمدلله جات على ذي......ايش دعوة عاد ماانتهبت على عمرك؟......وينك الحين؟......انزين....وايش قالك؟.......متى واصل؟......خلاص باجر انا بمرك وبوصلك الدوام ولا عندك اجازة؟....اانا بعد اقول جذي..في امان الله.. أحمد:اشفيه خالد؟ عبدالله:انكسرت ريله.. أحمد:شنو؟؟ محمد:انت من صجك؟ عبدالله:عيل اتغشمر..(يتصل) أحمد:كملنا السالفة..وين قاعد تتصل؟ عبدالله:نسيت أسأله من بياخذه من المطار..لأن خاله مسافر..آلو..أقول خالد من بياخذك من المطار؟ خالد:عادي باخذ تاكسي..أو باتصل في اخوي يطرش لي السايق.. عبدالله:على راحتك..دير بالك على نفسك..في امان الله.. خالد:في امان الله..(حط التليفون على الطاولة وكمل شرب العصير) وديمة:خالد..(بحزن)..أنا آسفة..انا السبب في اللي صار لك..لو انا ماكنت معاك جان ماصار اللي صار.. خالد:انت تعرفين اشلون تسكتين؟..يعني هذا الشي رب العالمين كاتبه يصير لي..ماتبين تشترين شي من سوق الحرة؟ وديمة:بس انت ماتقدر تمشى.. خالد:عادي بحاول امشي اموري مع العكازة اللي معاي.. وديمة:ماابي شي.. خالد:الا تبين..انتوا البنات ماتتحملون إذا شفتوا السوق وماتشترون..كملي عصيرج علشان نروح.. وديمة:بس انت بتتعب والمطار كبير وايد ولين مانوصل البوابة بتتعب.. خالد:حسافة اني مااقدر اعصب عليج واحنا اهني..يااخي خلاص انا اشتكيت لج شي.. وديمة:لا.. خالد:عيل خلاص سكتي..أقول.. وديمة:نعم؟ خالد:في حد يدري باللي صار لي؟ وديمة(تشوف الناس وخايفة من ردة فعل خالد) خالد:جني قاعد احاجيج.. وديمة(بخوف):بصراحة..اي.. خالد:أنا قلت وديمة مستحيل تسكت..في من اتصلتي؟ وديمة:شيخة.. خالد:الله يهداج الحين الخبر بيوصل لعند ابوي وامي.. وديمة:شسوي..انا تتودهت وماعرفت شسوي..كنت خايفة وايد عليك.. خالد(يبي يقوم):خلنا نقوم.. وديمة(قامت وراحت تساعده) خالد:قعدي مكانج تبين الناس تطالعنا.. وديمة:خلها تشبع نظر..اخوي ومن حقي اساعدك..يعني انت ماتساعدني لما اكون طايحة.. خالد:انا غير وانت غير..انا بقوم بنفسي.. وديمة(قالت في نفسها:عنيد) في بيت بوفيصل.... ام فيصل:لا طبعا ماني قايلة لهم شي.. شيخة:ليش يمه؟ ام فيصل:تبين خالج وزوجته يخترعون على ولدهم..هم بروحهم مشغولين بنفسهم..لو مايدرون يكون احسن..بس ماقالت لج وديمة من بيرجعهم من المطار؟ شيخة:لا ماسألتها.. ام فيصل:اتصلي فيها.. شيخة:ان شاء الله..(تتصل)..مسكر..أكيد في الطيارة..اكيد مكلم حد من ربعه.. ام فيصل:خالد مايسويها..انت ناسية ان معاه وديمة.. شيخة:أي صح.. ام فيصل:اكيد سلمان بيمرهم ولا ريل ليلى.. شيخة:يمكن.. يرن تليفون شيخة... ام فيصل:منو؟ شيخة:فارس.. ام فيصل:انزين اشفيج تطالعيني..ردي عليه.. شيخة(مستحية):ان شاء الله..آلو...وعليكم السلام..(قامت وراحت دارها) خالد ووديمة يوصلون البيت وخالد مايقدر يروح داره فوق..تم في غرفة عيسى...ووديمة راحت تجيب اغراضه..ورتبت له السرير والاغراض..وعطيته الادوية..وسكرت الليتات وراحت هي بعد ترتاح وتنام... الصبح...الساعة ست...يقوم محمد من النوم...ويفتح الدريشة...والهواء كان عجيب..راح يسبح...وام يوسف قاعدة تزهب الريوق حصة تنزل وتساعد امها... ام يوسف:متى تخلصين اليوم؟ حصة:الساعة 7.. ام يوسف:ايش عندج لين 7؟ حصة:يمه عندنا واجبات ودراسة..فبنقعد مع بعض ندرس ونحل واجباتنا.. ام يوسف:خذي البيض وروحي تريقي.. حصة:ان شاء الله.. ام يوسف:اخوج ماقعد؟ حصة:ماادري عنه.. ام يوسف:روحي شوفيه ليكون راحت عليه نومه وعقب يوهقج.. حصة:ليش محمد اللي بيوديني؟ ام يوسف:أي.. حصة:عيل وين يوسف؟ ام يوسف:يوسف طلع من شوي..يقول عند شغل قبل ليروح دوامه.. حصة:عيل خلني الحق على محمد.. راحت له الغرفة..دقت الباب... محمد(يتعدل جدام المنظرة):منو؟ حصة:انا.. محمد:دشي.. حصة(تفتح الباب):غرفتك باردة.. محمد:فاتح الدريشة.. حصة:زين قعدت..احسبك راقد.. محمد:انا راقد؟..انت ترقدين يمكن..انا دوم اقعد على الوقت.. حصة:لاتمدح روحك وايد ترى بجيك يوم وبتروح عليك نومه.. محمد(يعدل غترته ويحط البوك في مخباه ويمسك السويج والتليفون) حصة:معرس.. محمد:قولي لا إله الا الله..أعوذ بالله من الحسد.. حصة:لا اله الا الله..ماشاء الله..ايش عندك كل هاي كاشخ؟ محمد:انا دوم كاشخ.. حصة:اوه اوه رفعت خشمك علينا.. محمد:انا دايما كشخة..ولا تشكين بهالشي.. ام يوسف(من تحت):حصة..حصة.. محمد:روحي روحي امي تناديج.. في الجامعة... شيخة:درستي حق الامتحان؟ وديمة:درست..بس خايفة. شيخة:توكلي على الله..(يوصلها مسج تقراه تبتسم) وديمة:هالريل مابيهدج بحالج..ركزي بالامتحان.. شيخة:ماقلتي لي خالد راح الدوام؟ وديمة:لا.. شيخة:عيل من اللي وصلاج؟ وديمة:سايق بيت اخوي سلمان.. شيخة:بروحج؟ وديمة:لا طبعا جيت مع ولده عبدالرحمن.. شيخة:ومب رايح المستشفى؟ وديمة:ماادري.. شيخة:ريلي قالي انا حاضر..إذا يبيني ادله على احسن دكتور.. وديمة:والله ياليت..بشوف اليوم وبكلمه..شيخوه هذا الدكتور دخل القاعة..الله ياستر.. شيخة:انت مو دارسة؟ وديمة:بلا.. شيخة:عيل ليش خايفة.. في شركة بوفهد...يوسف يدخل مكتب فهد..... يوسف:أستاذ فهد..كل اللي بغيته مني سويته..وكل الامور مضبوطة.. فهد:خبروك ان في وفد ياباني واصلنا باجر؟ يوسف:لا..توني جاي من برع ومارحت المكتب.. فهد:في وفد ياباني جاينا باجر بيوصل تقريبا على الظهر..فراح نغديهم..وانا قلت حق علي يرتب لنا فندق نتغدى فيه وهم يرتاحون فيه..وراح نجتمع ان شاء الله العصر الساعة 4 ونص.. يوسف:وحزة الصلاة؟ فهد(ابتسم):لاتحاتي حزة الصلاة..بنقوم نصلي..حتى لو هم مش مسلمين..راح نصلي احنا وعقب بنكمل اجتماعنا..وابيك تكون متواجد من وقت وصولهم لين نهاية الاجتماع.. يوسف:وبيتمون ايشقد؟ فهد:بيتمون ثلاثة ايام.. يوسف:عن ايش بيكون الاجتماع؟ فهد:انا جهزت كل شي..والاوراق موجودة مع علي..تقدر تاخذها وانت طالع.. يوسف:حاضر..بس بغيت أسألك انت مريت المشروع امس؟ فهد:اي نعم مريته..وشفت ان حصل تغيير في هندسة المشروع..وادري انك انت اللي غيرته..بس انا عجبني تغييرك..وتغييرك كان في محلة..احنا ماانتبهنا لهالخطأ..أشكرك..بس ياليت مرة ثانية..تخبرني قبل لتنفذ شي..علشان اكون في الصورة.. يوسف:ان شاء الله..عن اذنك.. يوم الخميس... خالد يتصل في وديمة وهي بالجامعة..... وديمة:شنو؟ خالد:ردي مع شيخة وروحي بيتهم.. وديمة:ليش؟ خالد:لأني طالع مع الشباب..وانت ماراح تقعدين بروحج.. وديمة:بس ابي اغير ملابسي وآخذ جم غرض.. خالد:مو مشكلة خلج معاها..انت مامعاج المفتاح؟ وديمة:لا.. خالد:انزين متى تخلصين؟ وديمة:رايحة الحين عند دكتور علشان يشرح لنا جم شغله..وعقب بنرد.. خالد:يعني ايشقد يبي لكم؟ وديمة:يعني ساعة ونص.. خالد:اوكي..انا بانطرج في البيت..لاتأخرون.. وديمة:اوكي..مع السلامة.. شيخة:ايش يبي خالد؟ وديمة:يقولي بيطلع مع الشباب ويبي ارد معاج واروح بيتكم.. شيخة:ياسلالالام..جان يطلع كل يوم علشان تجين بيتنا.. وديمة:لا والله..اسمع مين يتكلم..انت كل وقتج مع ريلج..يا تليفونات او زيارات.. شيخة:أقول خلنا نخلص بسرعة.. وديمة:أي لازم تتهرب.. فهد يرد البيت تعبان من الدوام المتواصل من الصبح لين العصر....يحصل امه قاعدة تطالع تلفزيون وتشرب عصير.... فهد:السلام عليكم.. ام فهد:وعليكم السلام..قوة يمه.. فهد(قعد):الله يقويج يالغالية.. ام فهد:شكلك تعبان.. فهد:أي يايمه..من الصبح وانا في الشركة مع هالوفد.. ام فهد:يعطيك العافية..تبي اقول حق الخدم يسوون لك ماي دافي مع ملح علشان ريولك؟ فهد:لا يمه مشكورة..(قام)..انا بروح ارتاح.. ام فهد:الوفد راح؟ فهد:أي من شوي وصلوهم المطار.. ام فهد:تغديت؟ فهد:أي الحمدلله تغديت..ابوي راح؟ ام فهد:أي راح.. فهد:ياللا عن اذنج.. دخل الجناح حصل هبة قاعدة جدام المنظرة ترتب روحها وتتمكيج.. فهد:السلام عليكم.. هبة:هلا حبيبي.. فهد(قعد على السرير):معزومة مكان؟ هبة:لا..(ترش عطر) فهد:عيل حق من هالكشخة؟ هبة:لي طبعا..(تلبس عبايتها) فهد:عيل ليش قاعدة تلبسين عباتج؟ هبة:بروح الشركة..ماتشوف الساعة كم.. فهد(قام وهو معصب مسكها من ذراعها):شنو؟؟..رايحة الشركة بهالمنظر؟؟؟ هبة(مستغربة):اشفيها..ماهي اول مرة.. فهد:ماهي اول مرة؟؟..من متى وانت تطلعين بهالمنظر؟ هبة:من يوم يومي.. فهد:وانا ماادري؟؟ هبة:اشفيها يعني لو طلعت بهالشكل..انا ماقاعدة اسوي شي غلط.. فهد(عصب وهو ماسك ذراعها):انا ماعندي حريم يطلعون بهالشكل جدام رياييل..(دفها على السرير)..ماكو طلعة لين ماتغيرين شكلج..سمعتي.. هبة(انصدمت ان فهد سوى فيها جذي):فهد اشفيك اليوم..جاي معصب ومطلع حرتك فيني.. فهد:شوفي هبة..واصلة عندي لهني..(يأشر لخشمه)..تراني تعبان ومهدود حيلي..نقاش لاتناقشيني..كلمة ورد غطاها..ان سمعت ولا شفتج طالعة بهالشكل..ماتلومين الا نفسج..سمعتي..(راح يبدل ملابسه) في بيت بوفيصل..... ام فيصل:كلمتي امج وابوج؟ وديمة:أي.. ام فيصل:اشلونهم؟ وديمة:بخير..حاولت في خالد كم مرة قبل لنسافر ان نروح نشوفهم بس ماصار..والحين مايقدر يسافر مكان.. ام فيصل:ياللا هانت مابقى شي..كلها سنة وشوي وبيردون لكم.. وديمة:ان شاء الله.. ام فيصل:ياللا انا نازلة اسوي لكم عشاء.. شيخة:تسلمين ياأحلى ام بهالدنيا.. راحت وسكرت الباب... شيخة:ياللا قولي لي ايش جايبة لي من دبي؟ وديمة(تطلع الاغراض من الكيس):شوفي هالشنطة لج..وهالبلوزتين وايد عجبوني ولايقين عليج.. شيخة:فديتج ودوم...حبيبتي انت..وايد حلوين..كيوووت..فديتج انا.. وديمة:هذي ساعة سودة حصلتها في سوق الحرة..قلت لي انج ماحصلتي ساعة سودة فحصلت هذي..إذا ماهي عاجبتج باخذها لي.. شيخة:واااوو يهبل..وايد حلوة..صج أحلى من كل الساعات اللي شفتهم مني..حصلت ساعات الوان..بس ساعة سودة وبهالشكل ماحصلت.. وديمة:زين الحمدلله عجبتج.. شيخة:فديتج ودوم..ماقصرتي.. وديمة:ياللا ترى مابقى شي على العرس..كلها اسبوعين وشوي.. شيخة:لاتخرعيني..بروحي ميتة ميتة ميتة من الخوف. وديمة:لهالدرجة يخرع.. عند الشباب في الشاليهات..... عبدالله:وايش بتسوي اشلون بتروح دوامك؟ خالد:لو ريلي اليسرى جان هانت..بس المشكلة انها ريلي اليمنى ومااقدر اسوق فيها.. أحمد:وايد صعب عليك.. خالد:قلت خلاص مافي الا اجيب سايق ويدبر حالي لين مااتعافى.. أحمد:وطلبت؟ خالد(يطالع محمد وهو جاي):قلت حق محمد يروح يطلب لي..رحت؟ محمد(يقعد):أي رحت..وقالوا انتظر لك اسبوع.. خالد:شنو؟؟ محمد(يضحك):لاتخاف..الفيزا خلصت..ماخليتهم يأجلون الموضوع للأسبوع الجاي..واحد من الربع ماقصر..والمكتب قالي اسبوع..فأنا هديته ورحت عند واحد مخبرني عنه واحد من الشباب وقالي فالك طيب..ثلاثة ايام واصل.. خالد:اشوة..مشكور.. عبدالله:أقول محمد من كنت تحاجي؟ محمد:هاا..واحد..انتوا مب جواعة؟ على البحر.... فهد يتمشى....يرن تليفونه.... فهد:وينك ياراكان..صار لي سبع مرات متصل فيك.. راكان:اسمح لي والله..كنت مشغول شوي..انت وينك فيه؟ فهد:انا عند البحر.. راكان:ليش مارحت الشركة؟ فهد:مالي خلق شي.. راكان:أفاا..اشفيك؟ فهد:متضايق وايد..انت متى راد؟ راكان:خلاص قاعد أخلص اوراقي..وعلى الاسبوع الجاي بكون واصل ان شاء الله..ماقلت لي اشفيك؟ فهد:تعبان ياراكان..متحسف اني تزوجت.. راكان:ايش هالحجي..صاير شي بينك وبين زوجتك؟ فهد:ياليتني سمعت كلام خالتي ولاسمعت كلام قلبي ولا كلام امي.. راكان:خرعتني يافهد...شالي صاير بينكم؟ فهد:مااقدر اقول شي على التليفون..لرديت بقولك كل شي.. راكان:وشالي يصبرني للأسبوع الجاي..عيل ليش متصل فيني؟ فهد:كنت محتاج اتكلم.. راكان:وين غانم عنك؟ فهد:غانم محد مسافر.. راكان:وين؟ فهد:مودي امه عند اهلها.. راكان:راح بالسيارة؟ فهد:أي.. راكان:انزين انت هدي بالك..وان شاء الله مو صاير الا كل خير.. وتمر أيام...وكل واحد مشغول بحاله..يوم الثلاثاء...وديمة تركب السيارة.... خالد:تبين شي من برع؟ وديمة:لا.. خالد:اشفيج زعلانة؟ وديمة:مافيني شي بس شوي تعبانة من الدوام.. خالد(ماحب يناقشها وايد جدام السايق) شيخة ردت البيت حصلت امها بالصالة...قعدت وهي تصيح.... ام فيصل:بسم الله الرحمن الرحيم..ايش صاير؟ شيخة:يمه الدكتور رسبني بالامتحان.. ام فيصل:ليش؟ شيخة:ماادري عنه يالله مايتوفق في حياته.. ام فيصل:لاتدعين على الريال..انت تدرستي؟ شيخة:والله يايمه درست للأمتحان وانت بروحج شفتيني اشلون ادرس له..والله انه نذل وحقير..اشلون سواها وعطانا رسوب.. ام فيصل:بسج لاتسبين الريال.. تليفونها يرن... ام فيصل:ردي.. شيخة:ماابي هذا فارس وماابي اكلمه وانا اصيح.. ام فيصل:بعدين بحاتيج.. شيخة:هذا رابع مرة يتصل.. ام فيصل(ردت عليه):السلام عليكم....هلا .....بخير انت اخبارك؟....اخبار الوالدة؟......شيخة كاهي موجودة بس هي شوية متضايقة......متضايقة على درجتها في الامتحان.. فارس:وينهي جنبج؟ ام فيصل:أي.. فارس:عطيني اياها.. ام فيصل:هاج.. شيخة(مسحت دموعها وخذت التليفون وام فيصل راحت):آلو.. فارس:السلام عليكم.. شيخة:وعليكم السلام.. فارس:اخبارج؟ شيخة:ماني زينة.. فارس:أفاا ليش؟ شيخة(تصيح):والله الدكتور نذل اشلون سواها وعطانا هالدرجة.. فارس:حبيبتي شيخة.. شيخة:.......... فارس:شيختي...شيخة..ردي علي.. شيخة:نعم.. فارس:الامتحان مايستاهل منج هالدموع..ترى دموعج غالية علي..وبعدين الدكتور ماعنده سالفة اشلون قدر يزعلج.. شيخة:لآنه... فارس(قاطعها):لاتسبين..بحاول امرج اليوم..انا راح اعلمج اشلون تخلين الدكتور يعطيج درجات....اوكي.....اكيد..ياللا الحين باسكر لأني طالع رايح المستشفى....مع السلامة.. في بيت بوسلمان.... خالد:وليش ماتبين غداء؟ وديمة:ماني مشتهية..بروح انام..تعبانة من الدوام..(تكح) خالد:شنو انت مريضة؟ وديمة:لا..انا بروح داري.. راحت فوق..جات الخدامة.. الخدامة:بابا تبي غداء؟ خالد:لا.. راح غرفته رن تليفونه... خالد:هلا يبه....بخير الحمدلله انتوا شاخباركم؟.....الحمدلله كلنا بخير...من وديمة؟...في البيت تونا ردينا.....يمكن لأنها تعبانة.....لا لا هي بخير صحتها اوكي..بس ماادري اشفيها من مزعلها في الجامعة..جايه مطنقرة وزعلانة.......حاولت فيها ماتحجت..قلت خلها ترتاح عقب بكلمها.. بوسلمان:اخاف تتعب السكر ينزل عليها ولاشي..روح خالد تتطمن عليها.. خالد:يبه....يبه خلاص بحاول.. بوسلمان:خالد اشفيك؟؟...في شي صاير وانا ماادري...وديمة فيها شي؟ خالد:لا والله وديمة بخير.. بوسلمان:عيل اشفيك؟ خالد:ولاشي بس كنت بقولك اني مااقدر اروح لها فوق بحاول اتصل فيها.. بوسلمان:شنو متكيسل حضرتك تروح لها فوق؟ خالد:لا طبعا.. بوسلمان:اشفيك متهاوش معاها؟ خالد:هم لا.. بوسلمان:عيل اشفيك..تحجى.. خالد:ولاشي..انا ريلي انسكرت ومااقدر اروح فوق.. بوسلمان:شنووو؟؟..متى صار هالحجي؟ خالد:من اسبوع تقريبا.. بوسلمان:وليش ماخبرتني؟ خالد:مابغيت اشغل بالكم.. بوسلمان:واشلون صار؟ خالد:كنت مسافر دبي مع وديمة كان عندي شغل..ورحت علشان نلعب ونغير جو فطحت وانكسرت ريلي.. بوسلمان:وايش قالك الدكتور؟ خالد:قالي دير بالك على نفسك ولاتجهد نفسك وايد.. بوسلمان:ماقالك ايشقد بيتم الجبس؟ خالد:بلا قال مب أقل من ثلاث شهور.. بوسلمان:أف..حمد لله على سلامتك.. خالد:الله يسلمك.. بوسلمان:أي ريل فيهم؟ خالد:اليمنى.. بوسلمان:واشلون تمشي أموركم؟ خالد:جبت سايق..لأني مااقدر اسوق.. ام سلمان:عطني التليفون خلني احاجي ولدي..ايش صاير لهم؟ بوسلمان:خالد هذي امك تبين تحاجيك..بس لاتنسى وديمة.. خالد:ان شاء الله.. فهد يتصل في السكرتير.... فهد:علي تعال شوي.. السكرتير:حاضر.. دخل السكرتير... السكرتير:نعم طال عمرك.. فهد:ايش صار على الرسالة ترجمتها لي؟ السكرتير:قاعد اترجمها..بقى جزئية وبخلصها ان شاء الله.. فهد:انزين اسمع..خذ هالايميل اللي جبته لي قبل جم يوم..رد عليهم بالكلام اللي كتبته تحت.. السكرتير(ياخذ الورقة):حاضر.. فهد:إذا وصل جابر الموظف اللي عندنا..خله يدخل.. السكرتير:ان شاء الله..تامرني بشي ثاني؟ فهد:لا.. السكرتير(يطلع ويقعد شوي ويي راكان) راكان:السلام عليكم.. السكرتير:وعليكم السلام..أستاذ راكان..حمدلله على السلامة.. راكان(يبتسم):الله يسلمك..اشلونك علي؟ السكرتير:الحمدلله.. راكان:في حد عند فهد؟ السكرتير:لا..تقدر تدخل.. راكان:شكرا.. دق الباب ودخل... راكان:احم احم.. فهد(يرفع راسه وفج عيونه):راكان!! راكان:مفاجأة مو جذي؟ فهد(قام):هذي أحلى مفاجأة..حمدلله على السلامة.. بالاحضان..وعقب قعدوا .... فهد:شالي رجعاك بدري؟ راكان:جذي..ماقدرت اتحمل اقعد اكثر من جذي وانا عارف انك تعبان.. فهد:الله لايحرمني منك ياخوي.. راكان:ولامنك..احنا لبعض.. فهد:ايش تشرب؟ راكان:انا ماابي اشرب هني..ودي نطلع ونروح مكان هادي علشان نقدر نتكلم.. فهد:اوكي بس مب الحين.. راكان:عندك شي؟ فهد:أي..انتظر واحد من الموظفين..عندي وياه شوية شغل..وعقب أقدر اطلع.. راكان:خلاص انا بانتظرك..(قام) فهد:وين رايح؟ راكان:بروح عند ابوي.. فهد:ماشفته؟ راكان:رحت له كان عنده واحد من التجار..ماحبيت ادخل عليهم..بجرب حظي الحين.. راح مكتب ابوه...حصل السكرتير.... راكان:طلع؟ السكرتير:أي نعم طلع..تقدر تدخل..محد عنده.. راكان:اوكي..شكرا.. دخل.. راكان:السلام عليكم.. بوفهد(منصدم):راكان!! راكان:أي نعم راكان.. بوفهد:هلا والله بوليدي.. راكان(يحب راسه ويسلم عليه) بوفهد:حمدلله على سلامتك.. راكان:الله يسلمك يالغالي..(قعد)..اخبارك؟ بوفهد:بخير..انت اشلونك؟ راكان:انا اموري كلها طيبة..طمني عنك وعن امي؟ بوفهد:مارحت البيت؟ راكان:لا.. بوفهد:وليش جيت الشركة على طول؟ راكان:لأني جاي اشوفك واشوف فهد.. بوفهد:تعال انت المفروض ترد الخميس شالي جابك اليوم؟ راكان:شكلك ماتبيني؟ بوفهد:ابيك ونص..بس اكيد في شي.. راكان:مافي شي يابوفهد..تطمن..انا بس جاي علشان اتطمن على فهد.. بوفهد:قالك شي؟ راكان:ليش يبه في شي؟ بوفهد:خله هو يقولك احسن.. راكان:يعني الموضوع جايد؟ بوفهد:هو مب جايد..بس احنا انصدمنا شوي.. راكان:شكلي بقعد معاه قعدة طويلة..ماقلت لي يبه..مكتبي جاهز؟ بوفهد:اكيد جاهز وينتظرك بعد.. راكان:تسلم يالغالي.. بوفهد:متى بتبدى الشغل معانا؟ راكان:مب الحين اخلص شغلي مع فهد..وعقب يصير خير..ألحين يابوفهد..عندك ضيف وماتضيفه؟ بوفهد(ابتسم):سامحنا..مادرين� � انك ضيف..(يكلم السكرتير)..جيب لنا شاي.. السكرتير:حاضر.. راكان:يعني واحد وده يشرب شاي مع ابوه فيها شي؟ بوفهد(يبتسم):لا مافيها شي.. في سيارة محمد....ومعاه أحمد.... أحمد:وين رايح؟ محمد:رايح ادفع فاتورة تليفوني.. أحمد:ليش قاطعين تليفونك؟ محمد:من صوب واحد.. أحمد:أكيد من كثرة السوالف..اكيد الفاتورة لاحدث ولاحرج وبيقطعونها عنك.. محمد:من يسولف واايد انا!!..(وقف في المواقف)..بتنزل ولابتم في السيارة؟ أحمد:شيقعدني في السيارة مثل الحريم..رايح معاك..خلني اجيك انا بعد على فاتورتي.. وهم يمشون... أحمد:ماقلت انت أكيد فاتورتك لاحدث ولاحرج.. محمد:ليش؟ أحمد:علشان السوالف.. محمد:تهقى؟ أحمد(يضحك):بنشوف.. محمد:إذا جذي بنكسل الرقم.. أحمد:اتحداك تسويها.. في بيت بوسلمان....خالد ينادي الخدامة..... الخدامة:نعم بابا.. خالد:سوي لي شاي.. الخدامة:اوكي.. خالد(اتصل في وديمة رن وايد):آلو....شنو راقدة؟...انزين نزلي تحت.....جيبي كتبج ونزلي تحت..انا قاعد بالصالة..(سكر وفتح التلفزيون وقعد يطالع اخبار) وديمة توضت وقعدت تصلي..عقب لبست جلابية ورتبت شعرها وشكلها وخذت اوراقها وتليفونها ونزلت تحت...حصلت خالد يشرب شاي...قعدت... خالد:كلتي شي بالجامعة؟ وديمة:لا.. خالد:انزين قومي كلي لج شي.. وديمة:ما ابي.. خالد:يعني شنو؟ وديمة:صدقني خالد مااشتهي.. خالد:شوفي وديمة لاتستغلين ضعفي اني مااقدر امشي ولا قادر اسوي شي.. وديمة:والله ماني مستغلة شي..ايش هالحجي.. خالد:عيل اشفيج اليوم؟ وديمة:الامتحان كان صعب وايد..والدكتور عطانا درجاتنا.. خالد:وكم جبتي؟ وديمة(نزلت راسها):7.. خالد:من؟ وديمة:25.. خالد:من كم؟ وديمة(بلعت ريقها):25.. خالد:يعني راسبة.. وديمة(هزت راسها بنعم) خالد:ومستانسة حضرتج؟ وديمة(نزلت دموعها):والله العظيم درست..بس ماادري ليش الدكتور عطانا امتحان صعب..والدرجات زفت..مو بس انا اللي درجتي جذي..اغلبية البنات.. خالد:ماتقولين لي البنت اللي جابت 20 او 22 اشلون جابوها؟ وديمة:ماادري عنهم..حتى شيخة درجتها ماكانت اوكي.. خالد(عصب):انا مايخصني شيخة تجيب ولا ماتجيب..كل واحد مسؤول عن نفسه..وين الورقة؟ وديمة:فوق.. خالد:روحي جيبيها.. ياترى لوين بتوصل علاقة فهد وهبة؟؟ هل بيستمرون؟؟ وشالي بيصير في خالد وريله مكسورة؟؟ وديمة كيف بتستمر حياتها مع هالظروف؟؟ تابعوني بأحداث جديدة مع الفصل الثامن | ||||||||
|
| |
|
11-12-13, 10:11 AM
| #17 | ||||||||
| مراقبة عامة ومشرفة منتدى الروايات المنقولة
| " الفصل الثامن " وديمة راحت فوق وجابت الورقة...وخالد كان يتكلم مع رفيجه...خذ منها الورقة.... خالد:أقول عبدالله.. عبدالله:هلا........شسمه؟.....اي اعرفه.....ليش تسألني عنه؟.....والله هو دكتور ممتاز بس تعامله مع الاذكياء وايد احسن من الطلبة العاديين.. خالد:اشلون يعني؟ عبدالله:الله يسلمك كنت اعرف واحد من الشباب ماخذ عنده وجاييني يقولي ان هالدكتور مرسبه بالامتحان مع ان اجوبته صحيحة بس الدكتور يقول لا ابي نفس الاسلوب اللي عطيتكم اياه..علشان جذي يحب الاذكياء اللي يعرفون له..الاذكياء قادرين يجيبون عنده درجات عالية..مع انه دكتور ممتاز واخلاق بس هذي مشكلته..ولو تروح عنده تذبح عمرك تبي درجات مايعطيك.. خالد:اشوه مادرسني.. عبدالله:ليش تسأل عنه؟ خالد:ولاشي اختي ماخذه عنده والظاهر عندهم نفس المشكلة......انزين انت برايك ماكو حل؟.........ان شاء الله مع السلامة....وديمة روحي اكلي شي علشان اقولج شتسوين.. وديمة(باستسلام):ان شاء الله.. في احدى المطاعم اللي تطل على البحر... راكان:ياسلام عل الجو..ياللا كلي اذان صاغية.. فهد:مرات افكر اقول ياليتني تميت عزابي..ولاتزوجت بهالسرعة.. راكان:أي سرعة ياريال..انت على بالك كم عمرك؟ فهد:اللي يكون..صدق صدق انا متحسف على هالزواجه..بهالصرف اللي صرفناه على العرس وعليها هي..ماقصرنا معاها ماخلت مكان الا وراحته..وبالاخر طلعت شي ثاني..انا كنت ابي وحدة تكون لي انا تفضي حياتها علشاني..لكن هبه زواجها مني كانت اول خطوة لها في اهدافها..ماعمري جبتها وحاسبتها على الصرف اللي تصرفه انت تدري هي ايشقد تسوي حفلات ولمات وغير اللي تسويه..يعني تصرف كل اسبوعين اكثر من 30 ألف..هذا غير صرفها هي..انا ماتهمني الفلوس..الفلوس تروح وتيي..بس مااادري ليش احس انها متزوجتني علشان فلوسنا.. راكان:بس ابوها عنده خير.. فهد:ادري..بس زيادة الخير خيرين.. راكان:وشالي تفكر فيه الحين؟ فهد:ولاشي..بس افكر بضيقتي.. راكان:انزين انت ماحاولت تكلمها..تقولها بكل اللي في قلبك.. فهد:راكان ايش تبيني اقولك..تبيني اقولك انها.... راكان(استغرب):انها ايش؟ فهد:خلاص اعفيني عن الكلام..استر عليها احسن.. راكان:سوت شي غلط؟ فهد:أكبر من الغلط.. راكان:فهد ليكون... فهد:لا طبعا..وين راح فكرك..ايش دعوة عاد بخليها على ذمتي..أقولك خلنا نمشي من هني احسن.. راكان:ليش والله الجو حلو.. فهد:معليه بس انا تعبان.. راكان:اوكي.. وهم في السيارة...يرن تليفون فهد..... فهد:السلام عليكم.. هبة:وعليكم السلام حبيبي..اشلونك؟ فهد:بخير.. هبة:انت وين؟ فهد:انا مو في الشركة.. هبة:اوكي..بس كنت متصلة علشان اقولك انا مسافرة الليلة دبي.. فهد:نعم؟ هبة:أي علشان عندنا شغل يخص الشركة.. فهد:ومع من رايحة؟ هبة:رايحة مع مستشارة الشركة..هي حرمة.. فهد(عصب):ألحين انت متصلة علشان تخبريني ولا علشان تستأذنين؟ هبة:متصلة علشان اخبرك..انا عقب شوي بمر البيت وبلم اغراضي وبروح المطار..تامرني على شي؟ فهد:هبة.. هبة:عيون هبة.. فهد:إذا سافرتي لاتردين البيت.. هبة(انصدمت):ليش؟ فهد:اللي سمعتيه..وماني عايد كلامي..مع السلامة.. راكان:فهد ايش سويت؟ فهد:لا خلاص البنت مصختها..انت تدري هي ليش متصلة فيني؟ ركان:ليش؟ فهد:متصلة تقولي انها مسافرة الليلة علشان الشغل.. راكان:الله يهديها.. فهد:وانا ولاشي بعينها..صج انا خلاص تعبت ياراكان..شكلي بسويها صدق.. راكان:اشفيك هدي شوي..بنشوف إذا بتسافر ولا لا.. باجر في الجامعة... عبدالله يتكلم في التليفون يدخل صقر... عبدالله:لا ماحصلت الورقة عندي...تقدر تسأل عبدالرحمن يمكن يكون عنده نسخة...اوكي مع السلامة...حيالله من جى.. صقر:الله يحيك.. عبدالله:جاينا زيارة ولا؟ صقر:ماهي زيارة..جاي آخذ منك توصيف بعض المقررات..إذا عندك.. عبدالله:ليش؟ صقر:لأني مسافر فقلت استغل وقتي وادرس دام اني مسافر.. عبدالله:وليش مسافر؟ صقر:الوالدة تعبانة شوي وبنوديها علاج..فرايح انا ويا الوالد..فقلت استغل وقتي واقعد ادرس هناك.. عبدالله:ليش انت مطول؟ صقر:هو يمكن نقعد اكثر من شهرين..دام اني ضيعت هالكورس حرام اضيع الكورس الجاي..فقلت استغل الفرصة..لو الوالدة خلص علاجها ترد ويالوالد..وانا لخصلت برد..يااخي شسوي تعبت وابي اخلص.. عبدالله:والله انا مااعتقد ان عندي توصيف المقررات..بس بشوف لك.. صقر:قلت ألحين صرت رئيس قسم عندنا في الكلية وبنحصل عندك.. عبدالله:هو المفروض يكون عندي..بس ماادري وين حاطهم..او بالاحرى ماادري وين مخزنهم عندي في الكمبيوتر..ماتشرب شاي؟ صقر:خلك مكانك انا بضيف نفسي بنفسي.. وديمة تتمشى مع شيخة... شيخة:ايش رايج؟ وديمة:ماادري والله..تهقين بيوافق؟ شيخة:بنحاول شنو خسرانين..بس ماادري متى ساعته المكتبية.. وديمة:جيكي في السوليبوس.. شيخة:مب معاي.. تيي حصة وتسلم عليهم... حصة:ماني مطولة عليكم لأن عندي محاضرة عقب شوي..بس بغيت أسألج وديمة عندج آخر لكجرين حق مقرر الايثيكس؟ وديمة:أي ليش؟ حصة:تكفين عطيني اياهم بطبعهم وبرجعهم لج.. وديمة:اوكي..بس لحظة اطلعهم من الملف.. الساعة 2 ...يرد االبيت فهد...ويقعد بالصالة يسولف مع امه... فهد:مادريت ان ابوي بيطول..ماقالي.. ام فهد:يقول في ضيف جايه وبيتأخر.. ينفتح باب البيت تدخل هبة... هبة:السلام عليكم.. ام فهد:وعليكم السلام.. هبة:اشلونج مرت عمي؟ ام فهد:الحمدلله..انت اشلونج؟ هبة:انا بخير..ايش دعوة عاد فهد ماكو حمدلله على السلامة.. فهد(قام والغضب باين عليه):انت من وين جايه؟ هبة:انا من المطار..مو خبرتك اني مسافرة؟ فهد:بلا..ومو جني اخبرتج إذا سافرتي لاتردين البيت؟ هبة(استغربت اسلوبه):وليش ماارد.. فهد:انا ماقلت لج؟ هبة:بلا..بس اتوقعتك تتغشمر.. فهد:انا اتغشمر؟؟َََ!!! هبة:بعدين انا ماطولت سافرت امس بالليل وردت من شوي.. فهد:ان شاء الله ساعة..هبة بيتي يتعذرج..سمعتي؟ هبة:فهد انت أيش قاعد تقول..انا ايش سويت؟ ام فهد:يمه فهد تعوذ من ابليس.. فهد:كلمة وقلتها..ماابي اشوفج هني..(وراح غرفته) هبة(انصدمت من كلامه) ام فهد:معليه يايمه لاتاخذين باللي قاله..يمكن نفسيته تعبانة..و.. هبة:لاتدافعين عنه يامرت عمي..ولدج هذا ماادري اشفيه علي..انا الغلطانة..(طلعت من البيت) راكان(يدخل البيت):ايش صاير يمه؟ ام فهد:ألحق ياراكان..فهد طرد هبة من البيت.. راكان:سواها يعني.. ام فهد:وانت كنت تدري؟ راكان:يمه فهد ماطردها من وهني والدرب..طردها لأنها سافرت من غير شوره.. ام فهد:سافرت من غير شورة؟ راكان:أي..عيل فهد وين؟ ام فهد:راح غرفته.. دق عليه الباب..ودخل.... راكان:حسبتك في الجناح..دقيت الباب كم مرة محد رد علي.. فهد:ماني داخل ذاك المكان.. راكان:ماقدرت اتيود اعصابك؟ فهد:تعتقد اللي في مكاني مايسوي اللي سويته..لو واحد غيري جان مد يده.. راكان:قوم انزل تحت..خلنا نتغدى.. فهد:خلني مرتاح ماني مشتهي.. راكان:غانم مارد من السفر؟ فهد:ماادري عنه..راكان وانت طالع سك الليتات ابي انام.. راكان:اوكي.. وهم ياكلون... بوفهد:فهد ماينلام.. ام فهد:يعني ايش بيسوي؟ راكان:ماادري..بس شكله ناوي على شي.. ام فهد:انت ايش رايك يابوفهد؟ بوفهد:انا مايخصني..خله يسوي اللي يبيه..هذي حياته وهو ابخص بها.. ام فهد:اخاف يطلقها.. راكان:يمه زوجته غلطت وغلطة كبيرة بعد..وبعدين فهد متضايق من حركاتها من زمان.. بوفهد:انا ماراح اتدخل..هذا كان اختياره..وبعدين هو ريال وعاقل وعارف يقرر ويتصرف.. في بيت بوهبة.... هلا:يعني ايش بتسوين؟ هبة:انا مااقدر اخلي فهد زعلان علي..اشفيج انت..فهد لازم يكون لي انا وبس..هذا من صالحنا..ولا الشغل ماراح يمشي.. هلا:أي عاد اشلون؟ هبة:بحاول بأي طريقة..بس لاتقولين حق امي وابوي.. هلا:بنشوف..بس لاتنسين ترى في سفرة ثانية.. هبة:أدري..بحاول بالاول اخلص اموري مع فهد.. الساعة 6 المغرب...وديمة قاعدة تشتغل على اللاب توب..وليلى في المطبخ مع الخدامة..وخالد يلعب مع خالد الصغير.... وديمة:خالد عندك برنامج الوافي؟ خالد:سي دي؟ وديمة:أي.. خالد:لا..نزليه من النت.. وديمة:ماكو نت تحت.. خالد:استخدمي المترجم.. وديمة:مايشتغل.. خالد:ليش؟ وديمة:ماادري اشفيه..جم مرة شير علي والحين مايشتغل.. خالد:روحي جيبيه..خالد حبيبي عطني الريموت.. خالد:أي واحد؟ خالد:عطني الاثنين.. خالد(يمد يده):هاك..خالي انت متى بتصير زين علشان نلعب كورة.. خالد(تضايق):ان شاء الله.. وديمة(تنزل وتعطيه المترجم) خالد:متى ابوي شاري لج اياه؟ وديمة:اول مادخلت الجامعة.. خالد:ومااخترب من قبل؟ وديمة:لا.. خالد:والبطارية غيرتيها؟ وديمة:أي كم مرة غيرتها.. خالد:خلاص ذكريني باجر اوديه لج الوكالة ويصلحونه.. وديمة(قعدت مكانها):أقول خالد تعرف دكتور اسمه عبدالعظيم؟ خالد:شيدرس؟ وديمة:اسلاميك.. خالد:لا مااعرفه..يمكن جديد..ليش؟ وديمة:أبي آخذ عنده ماادري اذا اوكي.. خالد:سألي ربعج.. وديمة:مااعرف حد ماخذ عنده..والمشكلة محد طارح الا هو.. خالد:لاتاخذين المادة.. وديمة:عيل شاخذ جذي بس عندي ثلاث مواد.. خالد:نعم؟!!..ثلاث مواد؟ وديمة:أي انا اصلا مسجلة اربعه.. خالد:حلفي اشوف..ايش هالدلع..شنو ثلاث..انت جذي مابتخلصين.. وديمة:عيل شسوي..تبيني آخذ خمسة؟ خالد:خمسة وستة بعد.. وديمة:أي علشان آخذ افات.. خالد:مابتاخذين زين..وين الخطة مالتكم والجدول؟ وديمة:فوق ليش؟ خالد:روحي جيبيه..انا بسوي لج خطة من عندي وبتتخرجين بسرعة.. وديمة:أي بس ماابي خمس مواد.. خالد:انزين انت روحي جيبي الاوراق.. في شركة بوفهد...يوسف يدخل على فهد... يوسف:السلام عليكم.. فهد:وعليكم السلام.. يوسف:هذي الاوراق اللي طلبتهم.. فهد:وين التقارير؟ يوسف:التقارير مع سيف.. فهد:قوله خله يجيبهم لي اليوم.. يوسف:ان شاء الله..شكلك تعبان.. فهد:أي شوي.. يوسف:سلامتك ماتشوف شر..عن اذنك.. طلع يوسف...وقعد فهد يفكر وايش راح يسوي... عبدالله يرد البيت مع حسنة..... ام عبدالله:شريتي اللي تبينه؟ حسنة:أي يمه.. عبدالله:روحي جيبي كتابج وزهبي اقلام الخطاط واللوحة وانا ببدل ملابسي وبيي.. حسنة:انزين.. ام عبدالله:ايش تبي تسوي لها؟ عبدالله:باكتب لها شي على اللوحة..خلود ماجات؟ ام عبدالله:لا.. وهو يكتب على اللوح.... حسنة:تصدق عبدالله ذيج اللوحة اللي كتبتها البنات استخفوا على خطك..والمدرسة قالت عند أي خطاط موديته.. عبدالله:وانت ايش قلتي لها؟ حسنة:قلت لها اخوي وكلي فخر.. عبدالله(يضحك):ليش يعني؟ حسنة:كل وحدة رافعة خشمها تقول عندي وسويت..فقلت هالمرة الدور علي.. يرن تليفون عبدالله... عبدالله:عطيني تليفوني.. جابته له ورد.... عبدالله:السلام عليكم......هلا أحمد بخير انت اشلونك؟.....اليوم مااقدر.....انا شوي مشغول ولين مااخلص شغلي مااقدر امركم لأني تعبان وابي انام......ماادري اشفيني نعسان.......هالحجي ماتقوله لي روح قوله حق محمد.. محمد:اشفيه محمد..خلوه بحاله.. عبدالله:ماقلت انه عندك جان ماجبنا طاريه.. محمد:أي علشان تغتابوني..معليه باخذ حسناتكم.. عبدالله:خالد وياكم؟ أحمد:لا يقول ريله تعوره ومايقدر يي.. في ألمانيا.... ام سليمان:أقول بوسلمان..مب ناوي تاخذ لك اجازة نروح نزور البلاد جم يوم ونرد؟ بوسلمان:والله ياليت بس انت ادرى بالحال..ومن يوم جيت عندهم ماعطوني اجازة حتى في رمضان ويوم العيد..ماعطوني الا ثلاثة ايام وماكان يستاهل نروح درب ونرد..مع اني مشتاق للديرة والبيت ووديمة.. ام سلمان:صرت احاتيها وايد..وخالد فديته متعور..وامي محد ولااخوي.. بوسلمان:صبري علي شوي بشوف لين مانخلص الدورة اشوف يعطوني اجازة اسبوع زين.. ام سلمان:عندك شي ألحين؟ بوسلمان:لا..ليش؟ ام سلمان:ابي اروح اشتري جم غرض للبيت.. بوسلمان:روحي لبسي وخلي البنات يجون بعد يغيرون جو..عيل وين حمد؟ ام سلمان:اتصل وقال ماهو راد هالاسبوع.. بوسلمان:ليش؟ ام سلمان:يقول عنده امتحان.. بوسلمان:انا لازم اروح مرة الجامعة واشوفه شيسوي..صرت احاتيه.. يرن تليفون خالد..... خالد:السلام عليكم......الحمدلله بخير انت اشلونك؟ عبدالله:الحمدلله..اشلونها ريولك؟ خالد:ماكو شي جديد.. عبدالله:أحمد يقول تعبان.. خالد:أي شوي جاتني الالام وخذت مسكن والحين حمدلله.. عبدالله:مأجور ان شاء الله..متى موعدك؟ خالد:اسبوع الجاي.. عبدالله:عند من؟ خالد:مااعرفه واحد من الشباب يمدحه.. عبدالله:ومتى الموعد الصبح؟ خالد:أي الصبح.. عبدالله:انزين لبغيت تروح الموعد خبرني متى بالضبط علشان امرك ونروح.. خالد:لا مايحتاي السايق موجود.. عبدالله:تراني ماقاعد آخذ شورك..انا جاي معاك..تبي تروح بروحك..اي يوم بالضبط؟ خالد:بتستأذن من الدوام؟ عبدالله:أي استأذن اشفيها.. في بيت بوهبة...يرن جرس البيت تروح الخادمة وتفتح الباب...وتدخل البيت... هبة:who is it? الخادمة:your husband هلا:ياسلام الريال ماهو قادر على فرقاج..روحي له.. راحت هبة ترتب نفسها وراحت المجلس... ام هبة:من كان عند الباب؟ هلا:هذا فهد يمه.. في المجلس... هبة:اشلونك حبيبي؟ فهد:بخير.. هبة:فهد تراني وايد زعلانة عليك..ماتوقعتك لهالدرجة قاسي.. فهد:انا قاسي؟ هبة(نزلت دموعها):ماتوقعتك تطردني من البيت.. فهد:هبة انا خبرتج ماتسافرين.. هبة:انزين مااقدر..انا مضطرة اروح علشان الشغل..يعني انت يوم عندك شغل ماتضطر للسفر؟ فهد:انا غير وانت غير.. هبة:ماكو فرق بينا حبيبي..انت عندك شركة وانا عندي شركة..وانا كل مرة ابي اتقرب منك ابي اسوي اعمال شراكة بينا وانت ترفض..باجر بجينا عيال ولازم انأمن مستقبلهم من ألحين.. فهد:بالاول أمني نفسج بعدين فكري بالعيال.. هبة:مافهمت ايش تقصد.. فهد:انا ماني راضي باللي تسوينه.. هبة:وشالي سويته؟ فهد:قعدتج في الشركة بكبرها ماني راضي عنها.. هبة:عيل تبيني شسوي؟..اخلي ابوي يبيع الشركة؟ فهد:لا..بس تقدرون تسلمون حد ادارة الشركة وانتوا تابعون معاهم..احنا متى عندنا حريم يديرون شركات ويجتمعون برياييل؟ هبة:انا..واشفيها ؟؟ فهد:شوفي هبة..كل واحد في هالدنيا له عادات وتقاليد..ولاتنسين الدين.. هبة:وانا ايش سويت يعني؟ فهد:كل هذا وماتعرفين ايش سويتي؟ هبة:قولي.. فهد:انا مااحب مرتي تطلع وهي كاشخة؟ هبة:عيل تبيني اطلع من البيت وانا حالتي حالة؟..شكي يليق بحرم فهد؟ فهد:والله انا ماقلت لج لبسي عباة مشقوقة..مو من حقج تطلعين من البيت وانت متعطرة..انت ناسية انج حرمة؟ هبة:.......... فهد:ولا لما تقعدين جدام المنظرة ساعة علشان تتمكيجين..ليش عسى ماشر ان شاء الله..رايحة حفلة انت؟ هبة:انا ماحطيت غير الكحل والقلوس.. فهد:ان شاء الله ايش مايكون..هذا تبرج.. هبة:مب بس انا اللي اسوي هالشي..كل البنات حتى اخوانهم ورياييلهم واقفين معاهم وعادي.. فهد:والله انا ماعلي من الديوث هذا..اللي ماعنده غيره على عرضه..انا علي منج..والله إذا في واحد واقف مع وحدة بهالشكل مهب رجال.. هبة:........... فهد:حتى الخصلة اللي تظهرينها..انت ليش لابسه حجاب ماتحجين؟ هبة:يعني كلها خصلة.. فهد:ياسلام مااسهل الموضوع عندج..باجر لمتي جابلي ربج وقولي له كلها خصلة..ماتخافين ربج.. هبة:اشفيك قلبت علي نصايح صاير مطوع؟ فهد:والله هذي الامور مايبيلها مطوع..هذا شي بديهي المفروض يصير..سمعي ياهبة..انا فهد وهذا طبعي..إذا بغيتي تكملين معاي بطبعي واوامري حياج الله في بيتي..لكن إذا لج طبع غير عني وتبين تسوين اللي انتي تبينه فكل واحد يروح بطريق يكون احسن.. هبة(انصدمت):تبي تطلقني؟ فهد:انا ماقلت بطلقج..انا خيرتج..وانت لج حرية الاختيار ياتختارين بيتج وزوجج وعيالج..ياتختارين الفلوس والمظاهر..(قام)..انا رايح الحين وفكري عدل..واذا وصلتي لحل خبريني..تصبحين على خير.. في بيت بوسلمان...عقب العشاء..... وديمة:تسلم ايدج ياليلى كان خوش عشاء..صج ثقلت.. ليلى:عليج بالعافية.. خالد:دوم سوي جذي.. ليلى:انا مسوية المحاشي اليوم بس علشانك..اعرفك تحبه.. خالد:تسلم ايدج.. ليلى:الله يسلمك..خالد حبيبي تعال علشان اغسل يدك.. خالد(الصغير):ماما بابا مايبي يي؟ ليلى:ليش؟ خالد:ابي اروح انام..باجر عندي مدرسة.. ليلى:فديت ولدي انا..ألحين بخليك تتصل في بابا زين.. خالد(يبتسم):زين.. خالد:وين تبي تروح خلود؟ خالد:باجر عندي مدرسة.. خالد:وانا خالي ماتبي تقعد معاي؟ خالد:انت كل قاعد..ريولك تعورك ماتقدر تلعب معاي.. خالد(تضايق وحس بضعف) وديمة(حزنت على اخوها وشافت بعيونه الضعف) ليلى:ان شاء الله بتتحسن صحتك بسرعة.. خالد(قام):انا بروح ارتاح.. وديمة(شوي وبتصيح) ليلى:اشفيج ودوم؟ وديمة:كل مني..انا السبب..لو مارحت معاه جان ماصار اللي صار.. ليلى:ايش هالحجي ياوديمة..هذا قدر ومكتوب..ان كان مسافر ولا هني في الديرة.. خالد:ماما وين التليفون ابي اتصل في بابا.. ليلى:ياللا امش معاي..مسحي دموعج ليي خالد ويشوفج تصيحين ويعصب.. فهد رد البيت وقاعد يتعشى مع هله بهدوء...وعقب راحوا يقعدون في الجلسة اللي فيها تلفزيون وسلة الفواكه.... راكان:غانم طول في السفر شنو رايح شهر عسل؟ فهد:ماادري عنه من يوم ماسافر ماكلمته.. راكان(طلع تليفونه):انا باتصل فيه...(يرن ويرن ويرن)...آلو السلام عليكم...اشلونك؟...وينك ياريال تأخرت علينا ليكون رايح شهر العسل واحنا ماندري(تغيرت ملامح راكان)...من متى صاير هالحجي؟(كلهم عيونهم على راكان).......الله يسامحك ياغانم ليش ماتصلت فينا...هذا مو حجي..انت وينك فيه بالضبط؟....اوكي خلاص انا عقب باتصل فيك..مع السلامة.. فهد:اشفيه غانم؟ راكان(قام):امه وايد تعبانة ويقول بين الحياة والموت.. بوفهد:لاحول ولاقوة الا بالله..هو وينه فيه؟ راكان:هو في المستشفى.. بوفهد:يعني بعده مارد البلاد؟ راكان:لا.. بوفهد:روح يبه راكان احجز لنا تذاكر وإذا في رحلة الليلة وايد زين.. راكان:ان شاء الله..احجز حق من؟ بوفهد:انا رايح انتوا كيفكم.. فهد:احجز لي انا بعد.. وراح راكان يغير ملابسه وراح معاه فهد...وحصلوا طيارة على الساعة 1 بالليل...كل واحد فيهم رتب اموره..... في سيارة خالد...السايق يسوق وخالد يطالع الدنيا من الدريشة وهو ويقول في نفسه(ماني متعود اقعد هالمكان واطالع الدنيا من هالدريشة..ياترى بتم فترة طويلة وانا على هالحال..تعبت تعبت من غير حركة ولاني قادر اطلع) وديمة:خالد.. خالد:نعم؟ وديمة:ابي فلوس عندك؟ خالد:ليش ماقلتي لي من امس؟ وديمة:نسيت.. خالد(طلع بوكه):بس عندي 150 ريال..خذيهم..(يمد يده) وديمة:إذا ماعندك خلاص..مب لازم.. خالد:خذي.. وديمة:وانت؟ خالد:انا مب محتاجهم الحين واذا بغيت بسحب بالبطاقة..ياللا نزلي علشان مااتأخر.. وديمة:مع السلامة.. خالد:مع السلامة.. في المستشفى....... فهد:خلاص ياغانم...استهدي بالله.. بوفهد:ادعي لها ياغانم..هي محتاجة لدعواتك.. غانم:الله يرحمها..هي كانت وايد تحبكم..وايد كانت تسأل عنكم..لكن انتوا... بوفهد(تضايق):الله يسامحنا..أدري ان احنا غلطنا..فهد يبه دير بالك على غانم لين مااروح اخلص الاجراءات.. في الشركة...راكان قاعد مكان فهد...يدخل السكرتير.... السكرتير:أستاذ فهد ماهو جاي؟ راكان:لا..ولا ابوي بلغ سكرتيره..(يتصل)...آلو فهد ها طمني؟.....لا والله....لاحول ولاقوة الا بالله....الله يرحمها.....خلاص ألحين ان شاء الله...غانم اشلونه؟.....انزين اوكي كل شي بيكون جاهز لين ماتردون....اوكي بخبره...مع السلامة..علي.. السكرتير:نعم طال عمرك.. راكان:بلغ الموظفين ان في اجازة للشركة لمدة ثلاثة ايام من اليوم.. السكرتير:خير ان شاء الله؟ راكان:والدة غانم توفت.. السكرتير:الله يرحمها..عظم الله أجركم.. راكان:أجرنا وأجركم..(قام)..اسمع علي بلغ الموظفين وسكروا الشركة..وبلغ قسم الاعلانات يبلغون الجرايد..وابيك تيي معاي علشان في جم شغله لازم نخلصها.. السكرتير:حاضر..بس ابلغهم.. راكان:انا مستعجل ماعندي وقت بلغ سكرتير ابوي وخله هو يتكفل بهالشي.. السكرتير:ان شاء الله.. في الجامعة...شيخة ووديمة وهم يمشون رايحين محاضرتهم...شيخة تغني من الوناسة ووديمة بالها مشغول وتفكر.... شيخة:اشفيج ودوم..ليش شكلج كئيب؟ وديمة:انت اللي اشفيج..ايش عندج تغنين؟ شيخة:جذي..ليش مااستانس الحياة حلوة.. وديمة:يحق لج تقولين هالحجي عرسج مابقى له شي.. شيخة:ودوم تيين معاي بعد المحاضرة نروح عند دكتور صالح؟ وديمة:ايش تبين فيه؟ شيخة:بحاول يأجل لي الامتحان..لأني بغيب.. وديمة:دكتور صالح لو تحنين فوق راسه سنة مايتحرك فيه شي ولابيوافق.. شيخة:لاتحبطيني تكفين..خل يكون عندي امل.. وديمة:امل ولاسارة..هذا الدكتور مامنه فايدة.. شيخة:أقولج ايش رايج نروح عند الدكتورة عبير.. وديمة:أي والله ياليت..على الاقل في حد فاهمنا في هالجامعة.. شيخة:خلاص عقب المحاضرة نروح لها.. وديمة:ودكتور صالح؟ شيخة:بنروح له بعد.. يدخلون القاعة...وحده من البنات تشوف وديمة وتسلم عليها.... البنت:لو سمحتي.. وديمة:نعم؟ البنت:بصراحة انا وايد يعجبني استايلج..انت من وين تتشرين؟ وديمة:والله على حسب الشي اللي بشتريه.. البنت:بوتج وايد عاجبني من وين؟ وديمة:من دبي..توني من جم يوم شاريته.. البنت:والنظارة بعد؟ وديمة:لا النظارة شاريتها من هني.. البنت:من وين؟ وتمر ساعات....وساعات...الا ايام وايام..ويخلص العزاء...وهبة ماردت البيت..وفهد مشغول بغانم...وخالد مشغول بنفسه وبصحته...وعبدالله حياته كلها حق امه وخواته....وجاسم بين خطيبته وربعه والبيت....وأحمد حياته الانترنت والمنتدى....ووديمة بين الدراسة والتزهيب للعرس....وشيخة بالها مع فارس والدراسة..... بوفهد يدخل البيت ويقعد بالصالة.... بوفهد:وين غانم؟ ام فهد:رد بيته.. بوفهد:انا موقلت خله يقعد عندنا؟ ام فهد:مارضى.. بوفهد(قام) ام فهد:وين؟ بوفهد:بروح اجيبه..فهد عنده؟ ام فهد:أي.. بوفهد:وراكان وينه؟ ام فهد:مارد يمكن بالشركة.. بوفهد:مع السلامة.. شيخة تنزل تحت.... شيخة:يمه يمه.. ام فيصل:شنو؟ شيخة:انا جوعانة وايد..ماتبين تعشيني؟ ام فيصل:ابوج ماجى.. شيخة:وينه؟ ام فيصل:راح عند امه.. شيخة:انزين انا وراي جامعة باجر..ابي اروح انام.. ام فيصل:خلاص تعالي معاي المطبخ.. وهم في المطبخ... ام فيصل:أخبار فارس؟ شيخة:يسلم عليج..يمه فيصل متى بيرد؟ ام فيصل:بيرد يوم عرفة.. شيخة:حلو.. ام فيصل:شيخو.. شيخة(وهي تاكل):لبيه.. ام فيصل:عرسج يوم الثلاثاء..خلاص زاهبة؟ شيخة:واي يمه..خرعتيني..صج يخوف هاليوم.. ام فيصل:يحليلج ياشيخة..بتطلعين من البيت وبيفضى علي البيت.. شيخة:فديتج يايمه..انا كل يوم بكون عندج.. ام فيصل:بنشوف..كلكم تقول هالحجي وعقب الزواج يالله نشوفكم آخر الاسبوع.. شيخة:لو ادري ان البيت بيفضيى عليج جان ماتزوجت.. ام فيصل:وانا بخليج؟...تعشي تكفين.. بوفيصل(يدخل البيت ويدخل المطبخ):السلام عليكم.. الجميع:وعليكم السلام.. بوفيصل:اشوف في ناس مانطروني.. شيخة:يبه شسوي انت تأخرت وانا ابي اروح انام نعسانة.. بوفيصل:امي سلمت عليكم.. ام فيصل:الله يسلمها.. بوفيصل:وفيصل اتصل ويسلم عليكم.. ام فيصل:اخباره؟ بوفيصل:الحمدلله هو بخير..بس يقول يمكن العيد مايجي الدوحة.. ام فيصل:ليش؟ شيخة(وقفت الاكل):مهب جاي؟؟ بوفيصل:يقول عنده امتحانات ومايقدر يجي.. شيخة(تكمل):مب على كيفه.. ام فيصل:خله يرد البلاد يقعد جم يوم يغير له جو.. بوفيصل:المهم انا جوعان ماتبون تعشوني؟ | ||||||||
|
| |
|
11-12-13, 10:13 AM
| #18 | ||||||||
| مراقبة عامة ومشرفة منتدى الروايات المنقولة
| متابعة الفصل الثامن يرد بوفهد البيت... ام فهد:هاا ايش سويتوا معاه؟ بوفهد:مارضى يرد.. ام فهد:ليش؟ بوفهد:شكله ليحين متضايق..قلت بخليه على راحته..وعقب بتكلم معاه.. ام فهد:وفهد وينه؟ بوفهد:فهد قال بيتم معاه شوي وعقب بيرد.. ام فهد:الله يعينه ويصبره.. وراحوا يرقدون....اما وديمة قامت تلم اغراضها... وديمة:تصبح على خير.. خالد:وانت من هله..وديمة.. وديمة:نعم؟ خالد:خذتي الابرة؟ وديمة:ألحين بروح آخذها.. دخلت غرفة جدتها وحطت اغراضها وراحت تفرش اسنانها ولبست البيجامة وراحت تحت اللحاف من البرد..وقعدت تقرأ مجلة....شوي ويندق الباب..... وديمة:منو؟ خالد:خالد.. وديمة:حياك.. خالد(يفتح الباب):تسألين سؤال غريب..يعني تعتقدين من وراء الباب هالحزة؟ وديمة:تعودت على هالسؤال.. خالد:خذتي الابرة؟ وديمة:لا.. خالد:مو جنة من شوي قلتي لي بروح آخذها.. وديمة:نسيت.. خالد:لاتقولين نسيت قولي تناسيت..اوكي.. وديمة:خلاص الحين باخذها.. خالد:ياللا جدامي.. وديمة:ايش دعوة عاد ماتثق فيني؟ خالد:لا.. خالد راح الغرفة وسك الباب وانسدح على السرير...واتصل على عبدالله..... خالد:السلام عليكم.. عبدالله:وعليكم السلام.. خالد:راقد؟ عبدالله:لا.. خالد:متصل أخبرك إن باجر موعدي.. عبدالله:الساعة جم؟ خالد:عشر.. عبدالله:وبتروح دوامك؟ خالد:أي.. عبدالله:خلاص الساعة 9 انا بمرك..اوكي؟ خالد:اوكي.. عبدالله:خالد اشفيك؟ خالد:مافيني شي..قولي أخبار الدكتوراه معاك؟ عبدالله:الحمدلله ماشي فيه.. خالد:وايشقد بقى لك؟ عبدالله:كورس بعد واتخرج ان شاء الله.. خالد:وبيغيرون وظيفتك؟ عبدالله:ان شاء الله.. خالد:وشنو بيشغلونك؟ عبدالله:ماعندي فكرة حاليا.. باجر الصبح...على الفطور.... بوفهد:فهد يبه.. فهد:نعم يبه.. بوفهد:شنو ماانت ناوي ترد زوجتك البيت؟ فهد(يطالع راكان):ان شاء الله.. بوفهد:السالفة طولت..هي مب رادة؟ فهد(قام):ماادري..انا رايح..مع السلامة.. الجميع:مع السلامة.. ام فهد:الله يهديك يابوفهد كان لازم تجيب طاري زوجته وهو يفطر.. بوفهد:ليش لهالدرجة طاري زوجته يكدره؟ راكان:يبه فهد احتمال يطلقها.. بوفهد:يطلقها!! ام فهد:ليش؟ راكان:الظاهر مب قادرين يتفاهمون..كل واحد وله اسلوبه الخاص.. في الشركة...فهد يدخل..... فهد:السلام عليكم.. السكرتير(يوقف):وعليكم السلام.. فهد:اشلونك علي؟ السكرتير:الحمدلله طال عمرك.. فهد:جيب لي البريد..وخلهم يسوون لي شاي.. السكرتير:حاضر.. فهد:واتصل في المحامي مبارك والمهندس يوسف خلهم يجون المكتب.. السكرتير:ان شاء الله. عبدالله قاعد في مكتبه...وقاعد يرتب أوراقه..يدخل واحد من الطلبة.... الطالب:السلام عليكم.. عبدالله:وعليكم السلام.. الطالب:أستاذ عبدالله..أنا محتاجك في مساعدة.. عبدالله:خير..تفضل.. الطالب(قعد):تكفى يااستاذ عبدالله ساعدني ..انا مبتلش بمادة وابي احذفها بس مااقدر.. عبدالله:اكيد ماتقدر لأن وقت الحذف انتهى.. الطالب:تكفى ساعدني..حاولت أسأل يمين يسار ماكو فايدة..قالوا لي مالك الا استاذ عبدالله.. عبدالله(ابتسم):من اللي خبروك عني؟ الطالب:طلاب..صدقني ماراح انسى لك هالمساعدة.. عبدالله:صدقني مااقدر اسوي لك شي..دام ان الوقت انتهى..بس قولي ليش تبي تحذف المادة؟ الطالب:لأن درجاتي مب لين هناك..والدكتور مهب راضي يساعدني..وانا تعبت..وهالمادة قاعدة تخرب على المواد البقية.. عبدالله:كم ساعة مسجل؟ الطالب:15 ساعة.. عبدالله:كم سنة صار لك؟ الطالب:سنتين..وانا خايف المعدل ينزل..وإذا نزل بحصل على الانذار الثاني..انا ماصدقت رفعت المعدل.. عبدالله:ليش خذت انذار اول؟ الطالب:دكتور الله يهديه شاقول عنه..قالي شي وطلعت نتيجتي شي ثاني.. عبدالله:اسمعني..انا صج مااقدر اسوي شي ولاقدر احذف لك المادة بس أقدر اساعدك علشان ترفع درجاتك.. الطالب:اشلون؟...صدقني ماكو حل الدكتور معند..راسه يابس.. عبدالله(شاف ساعته):اووه انا تأخرت..أدري إنك تفكر ألحين وتقول شكله يبي يشرد مني..لاتحاتي ماني شارد بس انا مرتبط بموعد ولازم اطلع الحين من الجامعة...انا مستعد اساعدك وماعندي مانع..بس اليوم مااعتقد...تقدر تيي باجر.. الطالب:باجر إجازة.. عبدالله:اي صح باجر الجمعة..خلاص خلها الاحد تعال بدري مثل هالوقت..وانا مستعد..(وقف)..وان شاء الله بتنحل مشكلتك.. الطالب(حس بخيبة امل):اوكي.. عبدالله:لاتضايق عمرك..ان شاء الله بتنحل.. في المستشفى.... خالد:انا مليت متى بندخل؟ عبدالله:ماادري عنك انت اللي ماخذ موعد.. خالد:قلت لك مب أنا..بس الريال يمدح في الدكتور.. عبدالله(قام):بروح أسألهم.. الممرضة:خالد عبدالرحمن.. عبدالله:اشوه..ياللا امش.. ساعد خالد لين دخلوا غرفة الدكتور وقعدوا...الدكتور فتح الملف..... الدكتور:أخبارك ياخالد؟ خالد:بخير.. الدكتور:شنهي مشكلتك؟ خالد:دكتور أنا ريلي انكسرت.. الدكتور:اشلون؟ في الجامعة.... وديمة:تكفين ياسوسن خلينا نروح ناكل شي..تراني ميتة من الجوع.. سوسن:طيب متل مابديك..وين بدك تروحي؟ وديمة:خلنا نروح كافتيريا الكلية نشتري أي شي..ان شاء الله فطيرة جبن.. سوسن:ياللا نمشي.. وهم ياكلون...يرن تليفون وديمة.... وديمة:آلو...هلا شيخة.....قاعدة آكل....مع وحده من البنات...شسوي انت تأخرتي وانا كنت وايد جوعانة....في كفتيريا الكلية...ياللا انطرج..باي.. سوسن:شو عملتي مع دكتور الستات؟ وديمة:الحمدلله ماخذلنا وجاب الامتحان سهل.. سوسن:كتير حلو..ستات ون اشلون كنتي معوه؟ وديمة:والله شاقولج ياسوسن تعذبت يمكن لأني كنت ادبي..ومالي بالرياضيات وهالاشياء..بس ستات تو حاليا اوكي..بس الله ياستر من الفاينل.. سوسن:انت أدبي؟ وديمة:اي.. سوسن:وكيف إدرتي تدخلي محاسبة؟ وديمة:على ايامي قدمت اوراقي ووافقوا لي.. سوسن:حظك حلو..انا بعرف وحده من البنات حاولت كتيير بس مارضوا.. وديمة:الحمدلله حظي حلو.. شيخة(تيي):السلام عليكم.. البنات:وعليكم السلام.. شيخة:وديمة ترى انا رادة البيت.. وديمة:ليش؟ شيخة:انت ناسية ان وراي شغل.. وديمة:أي بس انت وراج محاضرة عقب نص ساعة.. شيخة:رحت عند الدكتور واعتذرت منه.. وديمة:ووافق؟ًً شيخة(ابتسمت بوناسة):أي.. وديمة:اما هذا دكتوركم عجيب.. شيخة:قولي ماشاء الله.. وديمة:ماشاء الله..حسافة مادرسني.. شيخة:ياللا انا رايحة تبين شي؟ وديمة:لا.. شيخة:إذا قدرتي مريني البيت..يمكن رحت مع امي نشتري جم غرض.. وديمة:اليو مااعتقد..بس بحاول.. شيخة:ياللا باي.. وديمة:باي.. سوسن:بتأرب لك؟ وديمة:أي..بنت عمتي.. سوسن:بتشبهو بعض.. وديمة:ايش دعوة أول مرة اسمع هالمعلومة.. في السيارة..... عبدالله:الحمدلله الدكتور طمنا.. خالد:الحمدلله.. عبدالله:لازم تشد حيلك وتتشافى بسرعة..ولاتنسى كلام الدكتور.. خالد:ان شاء الله.. عبدالله:تبيني اوصلك البيت؟ خالد:لا.. عبدالله:عيل ايش بتسوي؟ خالد:وصلني الدوام.. عبدالله:دوامك بقى له ساعة..بتروح؟ خالد:أي مو مشكلة..وعقب بخلي السايق يمرني.. في بيت بوفيصل..بعد الغداء....ام فيصل راحت غرفة شيخة...حصلتها بين اغراضها.... ام فيصل:وانا كل ماادخل احصلج بين الاغراض.. شيخة:شسوي يمه أخاف انسى شي.. ام فيصل:ايش دعوة عاد بتسافرين..الا انت هني..نسيتي شي تعالي..ماقلتي لي فارس حجز حق السفر؟ شيخة:أي حجز.. ام فيصل:وين؟ شيخة:ماهو راضي يقول..يقولي مفاجأة.. ام فيصل:يحليله..ومتى السفر؟ شيخة:الصبح بعد العرس.. ام فيصل:وايشقد بتمون؟ شيخة:12 يوم.. ام فيصل:ان شاء الله تستانسون.. شيخة:يمه ايش صار على العبي؟ ام فيصل:اليوم بيخلصون وابوج بيروح يجيبهم.. شيخة:وفستاني اللي عند المصمم؟ ام فيصل:هذا باجر بيخلص منه..انا الصبح طالعة عندي شغل بمر آخذه.. شيخة:ومتى بتودين اغراضي؟ ام فيصل:باجر ان شاء الله.. شيخة:بتروحين بروحج؟ ام فيصل:ماكو حد..بروح بروحي.. شيخة:ديري بالج محد يدخل معاج..ماابي حد يشوف اغراضي.. ام فيصل:عاد يمه مااقدر اطردهم..بس هم أكيد ماراح يدخلون.. وتمر أيام..مابقى شي على العيد...والكل مشغول بالطاعة والاستغفار بأيام ذي الحجة...والحجاج حاليا في منى علشان باجر راح يمشون لعرفات... في بيت بوعبدالله.... عبدالله ينزل تحت يحصل حسنة وخلود قاعدين في الصالة يسولفون..... عبدالله:متى بتروحين؟ خلود:عبدالعزيز قال شوي بيتأخر.. عبدالله:عيل امي وين؟ حسنة:في غرفتها..انزين خلود كملي السالفة..ايش صار بعدين؟ عبدالله يدق الباب ويدخل...يحصلها تقرأ القرآن بخشوع..يقعد عندها..... ام عبدالله(تخلص الصفحة ):هلا يمه عبدالله.. عبدالله:ياسلام على صوتج وانت تقرين قرآن.. ام عبدالله:الحمدلله ان الله عطانا عمرعلشان نقدر نزيد بالطاعة.. عبدالله:الله يعطيج طولة العمر..يمه.. ام عبدالله:عيوني.. عبدالله:لاتنسين تدعين لي.. ام عبدالله:الله يشهد اني ماانساكم من دعواتي..بكل صلاة أذكركم..من لي غيركم.. عبدالله(حب راسها):الله يخليج لنا يالغالية.. ام عبدالله:يمه عبدالله..أبي أكلمك بسالفة.. عبدالله:خير يمه؟ ام عبدالله(تحط القرآن على الكوميدينو):اسمعني يايمه..انت المفروض يكون عندك بنت ولا ولد عمره 5 سنين..ايش تنتظر أكثر من جذي؟ عبدالله:ادري..بس... ام عبدالله:بس شنو؟...البنات بكل مكان بتحصلهم..وانا بدور لك على البنت اللي تبيها..يايمه انا ابي اشوفك متزوج وعندك عيال ومرتاح بحياتك..يايمه قد ماراح من العمر مابقى..والايام تمشي بسرعة واحنا ماحاسين فيها.. عبدالله:ان شاء الله بتشوفين عيالي.. ام عبدالله:يايمه لاتأجل الموضوع أكثر من جذي..تكفى يايمه خلني ادور لك على بنت صالحة تسعدك وتسعدها..ولاتفكر في حسنة..انت بتتزوج وبتم ويانا في البيت.. عبدالله:ماادري.. ام عبدالله:فكر عدل يايمه..وعقب قولي رايك.. باجر الصبح...الساعة تسع يقوم خالد من النوم ويلبس البيجامة ويروح غرفة وديمة...ويدق الباب كم مرة.... وديمة:منووووو؟ خالد:انا يعني من؟ وديمة(وهي تحت اللحاف):ادخل..(تنام) خالد(يفتح الباب ويحصلها راقده):قومي بسج رقاد.. وديمة:خالد تكفى ابي انام..نعسانة.. خالد:قومي بسج كسل..قومي ذاكري.. وديمة:............. خالد:ودوم قومي.. وديمة(تفتح عينها):زين زين..انت روح.. محمد ينزل تحت...يحصل امه وابوه قاعدين يشربون شاي... محمد:صباح الخير..(يحب راسهم) الجميع:صباح الخير.. محمد(يقعد):ايش عندكم تضحكون؟ بويوسف:ماقعدت اخوانك؟ محمد:بلا قعدت يوسف.. ام يوسف:وحصة؟ محمد:مالي بارظ اتهاوش وياها من الصبح..انت تعرفيها حزة النوم ماحد يحاجيها.. بويوسف:صايم؟ محمد:ان شاء الله.. بويوسف:أخبار مرتك؟ محمد:الحمدلله.. بويوسف:مرتاح وياها؟ محمد:الحمدلله..(يرن تليفون) ام يوسف:يمه محمد اليوم عقب الفطور أبي اروح اشتري اغراض حق العيد..وابيك تدويني.. محمد:ان شاء الله.. وديمة تطلع من غرفتها وتروح الصالة ماتحصل خالد...تروح المطبخ.... وديمة:ميري وين خالد؟ ميري:مايعرف.. وديمة:شتسوين؟ ميري:يسوي فطور..انتي في صوم؟ وديمة:أي.. تروح غرفتها تييب لها جاكيت وتلبسه وتروح دق باب خالد.... خالد:دشي.. وديمة(تفتح الباب):وينك ماحصلتك في الصالة.. خالد:تعالي.. وديمة(وقفت عنده) خالد:قعدي.. وديمة(قعدت) خالد(حط ايده على جبينها):حاسة بشي؟ وديمة:لا..ليش؟ خالد:اشفيج لابسه جاكيت؟ وديمة:حسيت بالبرد..ولبست جاكيت.. خالد:صايمة؟ وديمة:أي.. خالد:ليش تصومين..يوم عرفة كافي.. وديمة:ماابي..الكل صايم وانا مااصوم..بعدين اليوم اجازة..أقول خالد.. خالد:خير؟ وديمة:أبي فلوس حق يوم العرس.. خالد:ليش؟ وديمة:حق التسريحة والمكياج.. خالد:انتوا البنات ماتخلصون من المصاريف.. وديمة:بنشوف لباجر تزوجت ايش بتسوي معاها.. خالد:قومي روحي درسي.. وديمة:شنو عندنا اجازة خلنا نستانس.. خالد:عرس شيخة ثاني يوم العيد؟ وديمة:أي.. شيخة تنزل تحت... شيخة:يمه وين ابوي؟ ام فيصل:راح المسجد.. شيخة:ليش؟ ام فيصل:شنو انت ناسية ان اليوم جمعة؟ شيخة:أي صح.. ام فيصل:ايش بغيتي منه؟ شيخة:ولاشي بس مااشوفه وياج..أقول يمه..أبي اروح بيت رفيجتي عقب صلاة العصر.. ام فيصل:حق شنو؟ شيخة:أبي آخذ منها تغطية العروس.. ام فيصل:مو قلتي بتشترينه؟ شيخة:حصلت مال رفيجتي وعجبني..دام عندها ليش اروح افصل و اشتري.. اليوم التاسع من شهر ذي الحجة يوم عرفة يوم اجازة في الدولة..خالد يقوم الصبح الساعة تسع يقعد في الصالة ويفتح التلفزيون يحصل اغلبية القنوات حاطين الاراضي المقدسة والناس رايحة من منى الى عرفة والي واقف على عرفة يدعي والي يبجي والي قاعد..يرن تليفونه.... خالد:السلام عليكم.. عبدالله:وعليكم السلام...أخبارك؟ خالد:بخير.. عبدالله:شكلك توك قاعد من النوم.. خالد:أي والله توني قاعد.. عبدالله:مو من عادتك.. خالد:ماقدرت ارقد امس..تدري الساعة جم رقدت؟ عبدالله:كم؟ خالد:2ونص عبدالله:افف..ايش عندك تحاجي خطيبتك؟ خالد:روح يامعود مابقى الا انا.. عبدالله:عيل ايش عندك سهران؟ خالد:ريلي ذبحتني امس ماادري اشفيها مااقدرت اتحمل الالم حاولت آخذ لي شي يسكن لي الالم.. عبدالله:وايش سويت عقب؟ خالد:ولاشي حاولت ارقد علشان اتناسى الالم.. عبدالله:الله يهداك ليش مااتصلت فيني ووديتك الطواري.. خالد:وين اتصل فيك وانت راقد.. عبدالله:الله يهداك شنو تحسبني ولد جيرانك انا؟؟..قولي اشلونك الحين؟ خالد:الحمدلله..(وديمة كانت واقفة وسمعت الحوار كله نزلت بهدوء وهي حاطة ايدينها في مخبى الجاكيت خالد انتبه لها)...بحاول ان شاء الله.....محمد واحمد جايين؟......خلاص انا عقب صلاة العصر باتصل فيكم...فمان الله..(لاحظ عليها السكون)...صباح الخير.. وديمة:صباح الخير..(قعدت عنده)..خالد انت بخير؟ خالد:انت ايش رايج؟ وديمة:............. خالد:شكلج كنت تسمعين.. وديمة:ماكنت قاصدة وانا نازلة سمعتك..كل مني.. خالد:وديمة ترى مالي خلق من الصبح هواش..سكتي ولي يرحم والديج..بعدين تعالي شالي مقعدج هالحزة مو بالعادة.. وديمة:امس رقدت بدري وشبعت رقاد..خالد.. خالد:خير؟ وديمة:ابي اروح اجيب عباتي الجديدة.. خالد:تبين تروحين مكان ثاني؟ وديمة:لا.. خالد:خلاص انا بجيبها لج وانا راد البيت.. وديمة:ليش انت طالع؟ خالد:أي.. وديمة(قامت) خالد:وين؟ وديمة:بروح اخلص البروجكت علشان اتفرغ باجر حق العيد واللي بعده حق العرس.. ليلى وهي في المطبخ.. ليلى:هلا خالد بخير انت اشلونك؟.....احنا بخير طمني على ريولك؟........ومتى بشيلون عنك الجبس؟...ياللا ان شاء الله خير....متى اليوم؟.......خلاص بكلم بوخالد وبقوله....ان شاء الله لاتحاتي.....سلم عليها....مع السلامة.. بوخالد:شتسوين؟ ليلى:ولاشي طلعت السمج من الفريزر.. بوخالد:من كنتي تحاجين؟ ليلى:هذا اخوي خالد.. بوخالد:ايش بغى؟ ليلى:يقول يبي يطلع مع ربعه عقب الفطور ويقولي تعالي قعدي عند وديمة.. بوخالد:متى؟ ليلى:عقب الفطور.. بوخالد:وين خلود؟ ليلى:راقد.. بوخالد:ماقعدتيه؟ ليلى:بلا بس قال ابي ارقد.. بوخالد:رايح اقعده.. في غرفة خالد...بوخالد قعد عنده...... بوخالد:خالد...خلودي حبيبي.....(رفع عنه البطانية)...قوم.. خالد:بابا ابي اناااام.. بوخالد:ياللا ماكو نوم قوم..(شال البطانية وشاله وقعد يدغدغه وخالد يضحك) خالد:بابا.. بوخالد:ياللا على الحمام وغسل أسنانك اوكي؟ خالد:انزين.. وتمر الساعات...في بيت عبدالله...... حسنة:يمه ياللا مابقى شي على الاذان.. ام عبدالله:وين عبدالله؟ حسنة:ماادري ماشفته.. خلود(تدخل البيت وتروح المطبخ):السلام عليكم..(تحب راس امها) ام عبدالله:هلا ببنيتي..اشلونج؟ خلود:الحمدلله.. ام عبدالله:وين ريلج؟ خلود:راح.. حسنة:زين لحقتي على الفطور.. عبدالله(يدخل المطبخ):السلام عليكم.. الجميع:وعليكم السلام.. خلود(تحب راس اخوها):اشلونك عبدالله؟ عبدالله:بخير انت اشلونج؟ خلود:الحمدلله.. عبدالله(مد يده):هاج يمه الخبز.. ام عبدالله:عساني ماانحرم منك يايمه واشوفك معرس قول آمين.. عبدالله(ضحك):آمين.. وهم يفطرون..... وديمة(هدت الملعقة والشوكة) خالد:بسج؟ وديمة:أي.. خالد:انت ماكلتي شي.. وديمة:شبعت.. خالد:ذكريني بعد الفطور اتصل في جدتي وعيسى.. وديمة(تشرب الفيمتو):متى طالع؟ خالد:بعد صلاة العشاء ان شاء الله..وليلى بتمرج.. وديمة(قامت وراحت في الصالة) على البحر..... محمد:اليوم رحت محل الحلويات مع الوالدة يااخي شنو ذي كل شي صار غالي..ايش دعوة تحتنا كنز قارون..ولابعد المحلات زحمة والناس تشتري وصاحب المحل يربح لو الناس تتفق انها ماتشتري المحل بيضطر ينزل اسعاره.. عبدالله:كل شي صار غالي..ماادري اشفيهم التجار علينا..وكل ماشموا ريحة زيادة رواتب كل مايرفعون اسعارهم.. أحمد:احنا مانحصل شي من هالزيادة..الزيادة تروح كلها على الاشياء الي نشتريها.. محمد:الله يعينا ويقولون ليش ماتتزوجون..يعني بالعقل اذا الاسعار جذي الريال اشلون يقدر يتزوج.. عبدالله:معاك حق الريال لما يتزوج بأجر قاعة العرس وقاعات الاعراس زادت اسعارها وغير الكوشة والطقاقات والشبكة وتلبيس الكراسي سالفة.. أحمد:بصراحة هذا حمل ثقيل على الشباب.. محمد:بس بيقولون لك ان هالشي من حق البنت انكم تسوون لها عرس.. عبدالله:اوكي بس مو جذي رافعين الاسعار ويطلبون المستحيل من الريال..يعني راعوا شوي..يعني حرام الواحد يصرف هالصرف حق ليلة وحدة وحق الناس يعني المعرس والعروس مايستفيدون شي..وياليت اتم هالاشياء معاهم.. أحمد:للأسف صايرة هالاشياء كلها مظاهر..كل واحد صاير يقول تعالوا شوفوا الزود عندي..ولابعد حريم يقولون عيب لو ماشرينا هاي تبون الناس شيقولون عنا.. خالد يوصل وينزل من السيارة ويروح محمد يساعده...ويقعدون... عبدالله:اشلونك الحين؟ خالد:الحمدلله احسن من امس.. محمد:ليش اشفيك كنت تعبان؟ خالد:أي شوي.. عبدالله:وين شوي تقول ماقدرت تتحمل الالم.. محمد:صج ماعندك سالفة انزين اتصل فينا.. عبدالله:قلت له يقول ماابي ازعجكم انتوا راقدين.. احمد:حتى لو راقدين اتصل..ايش دعوة كلها نومه..الله يهداك.. محمد:قوم انزين خلنا نوديك المستشفى.. خالد:لاتحاتون انا بخير..قولوا لي في ايش كنتوا تسولفون؟ محمد:مااحنا قايلين لك لين ماتقوم وتروح معانا المستشفى..يااخي انت ماتخاف على عمرك؟ خالد:اشفيكم..انا بخير..انت عبدالله ماينقالك شي مرة ثانية.. احمد:الا انت المفروض الواحد مايسمع كلامك..قوم ياللا.. خالد:قلت لكم انا بخير.. محمد:خالد هذي ريل فيها عظام ماانت خايف على نفسك..يمكن لاقدر الله فيها شي علشان جذي تعورك.. خالد:انا عارف ان مافيها شي.. احمد:اشوفك ساكت؟!! عبدالله:ايش تبوني اقول عيزت وانا كلمه ماكو فايدة.. محمد(قام):امش ماني مرتاح لين مااتطمن ان ريلك بخير.. احمد(قام):ياللا قوم.. خالد(استسلم) في بيت بوسلمان..... ليلى:متى؟ وديمة:اليوم الصبح.. ليلى:عيل ليش لما سألته ماقالي.. وديمة:يعني انت ماتعرفين اخوج؟ ليلى:انت ماحسيتي عليه كلش؟ وديمة:لا..اصلا انا رقدت من وهل ولاحسيت بعمري الا الصبح.. ليلى:ولما طلع اشلون كان؟ وديمة:كان عادي مثل كل مرة.. ليلى(قامت) وديمة:وين؟ ليلى:بروح اصلي مالحقت اصلي في البيت.. خالد:خالتي.. وديمة:عيوني.. خالد:ابي لعبة صيد السمك.. وديمة:من عيوني..تعال معاي علشان اعطيك اياها.. في بيت بوفهد..... راكان ينزل تحت.... راكان:السلام عليكم.. ام فهد:وعليكم السلام..أشوفك كاشخ وين رايح؟ فهد(ينزل):راكان دوم كاشخ وريحة العود تشمينها من عشر امتار.. راكان(ابتسم) ام فهد:وين طالعين؟ راكان:الربع عازمينا على العشاء.. فهد:يمه وين ابوي؟ ام فهد:طلع.. فهد(استغرب):طلع!!..وين؟؟ ام فهد:الشركة.. راكان(طالع فهد):الشركة!!..ليش؟..على اساس اليوم اجازة.. ام فهد:ماادري يايمه بس قالي عندي شغل.. فهد:شغل شنو في هاليوم؟ راكان:انزين يمه احنا طالعين تبين شي؟ ام فهد:لا..بس ديروا بالكم وانتوا تسوقون.. راكان:مع السلامة.. ام فهد:في حفظ الله.. في السيارة.... راكان:وين رايح؟ فهد:بروح الشركة.. راكان:والربع؟ فهد:بنزل الشركة وانت روح لهم..ابوي رايح الشركة اليوم يعني في شي.. راكان:مثل شنو؟ فهد:ماادري بس ماني مرتاح..لازم اعرف شالسالفة.. دخلوا الشركة وفهد كان يمشي بخطوات سريعة لين وصل مكتب ابوه حصل السكرتير قاعد.. فهد(وقف):ابوي داخل؟ السكرتير:أي نعم.. فهد:صاير شي؟ السكرتير:خل الوالد يشرح لك.. فهد(يطالع راكان ودخل):السلام عليكم.. بوفهد(رفع راسه بتعب):وعليكم السلام.. راكان(قرب من ابوه):يبه اشفيك شكلك تعبان.. بوفهد:انا بخير..بس جيب لي ماي.. راكان:ان شاء الله..(طلع من المكتب) فهد:يبه ايش صاير؟ بوفهد:مو صاير شي..شالي جايبكم؟ فهد:يبه انت شالي جايبك المكتب اليوم؟؟؟ بوفهد:كانت في اوراق مهمة علشان جذي جيت.. راكان(دخل المكتب ومعاه الماي) بوفهد(شرب الماي) فهد:يبه انا متأكد ان صاير شي..ليش ماتقولنا؟ راكان:يبه تحجى.. بوفهد(مد يده لفهد بورقة) فهد(قرأ الورقة وعصب):متى وصلت هالورقة؟؟ بوفهد:اليوم..جابوها لما السكرتير كان موجود.. راكان(خذ الورقة وقراها):لاحول ولاقوة الا بالله.. فهد:صج انها حقيرة وماتستحي..وين ابوها عنها؟ بوفهد:مسافر مع زوجته.. فهد:وتلوموني يوم ابي اطلقها؟!! راكان:هذا ماله خص بهذا.. فهد:انت اشفيك؟..انت ناسي انها هي اللي المسؤولة عن الشركة وابوها مسوي لها وكالة..لكن ماعليه ياهبة انا اوريج من هو فهد.. بوفهد:فهد يبه لاتتهور وتسوي شي غلط وتروح فيها..احنا نبي نفكر عدل اشلون نقدر نحل هالمشكلة.. فهد:لاتحاتي يايبه مب فهد اللي يتهور..راح تشوف ايش راح اسوي(مسك يد ابوه)..ياللا يبه قوم وخلنا نرد البيت.. راكان:أي يبه..رد البيت وريح شكلك تعبان.. فهد:راكان انت وصل ابوي البيت وانا بتم شوي هني.. راكان:ايش بتسوي؟ فهد:بسوي اللي كنت مفروض اسويه من زمان..انت خذ ابوي وهد لي سويج السيارة.. بوفهد:يبه فهد... فهد(ابتسم له):لاتحاتي ماراح اسوي شي مايرضيك..خلك مرتاح.. وطلع راكان ويا ابوه... فهد:اسمعني يامحمد اتصل في علي وخله يجي الشركة بسرعة.. محمد:حاضر..تامرني بشي ثاني؟ فهد:أي..اتصل بيوسف تعرفه؟ محمد:أي نعم اعرفه.. فهد:عيل اتصل فيه وخله يي المكتب..وماابي حد ثاني يكون موجود في الشركة أي صح اتصل في محامي الشركة بومساعد ومبارك..سمعت؟ محمد:ان شاء الله.. فهد:انا بقعد في مكتب الوالد..ماابي اشوف حد غيرهم في الشركة.. محمد:حاضر.. ياترى شنهي المشكلة اللي صارت في شركة بوفهد؟؟ وعلاقة فهد بهبة بتستمر؟؟ وخالد ايش بيقولنا عنه الدكتور؟؟ ووديمة؟؟ وشيخة؟؟ أحداث كثيرة ومشوقة بإنتظاركم في الفصل التاسع | ||||||||
|
| |
|
11-12-13, 10:17 AM
| #19 | ||||||||
| مراقبة عامة ومشرفة منتدى الروايات المنقولة
| " الفصل التاسع " في المستشفى.... عبدالله:ايش قالك الدكتور؟ أحمد:يقول عنده التهاب في عظمة ريله.. محمد:وتقول مافيني شي.. خالد:وايش قالك بعد؟ أحمد:عطاك ادوة وقال لازم يخلص هالمغذي وعقب تقدر تطلع.. عبدالله:زين جبناك.. خالد:انزين انا ابي امشي صارت الساعة 9ونص واللي في البيت ينتظروني.. محمد:مب صاير شي لو تأخرت ساعة بعد.. خالد:باجر العيد وعباية اختي في المحل ولازم آخذها قبل ليسكرون المحل.. محمد:انا بروح عنك..بس قولي اسم المحل وعطني الفاتورة.. خالد:من صجك؟ محمد:أي من صجي..وين الفاتورة؟..هاتها.. خالد(طلع من مخباته):هاك..(وخذ بوكه وفتحاه) محمد:حق شنو؟ خالد:الباقي من سعر العباية.. محمد:استريح..انا بروح وعقب نتفاهم..(وقف عند الباب)..انتظروني بمركم..فمان الله.. في بيت بوسلمان.... وديمة:ليلى ردي بيتج..ترى عادي عندي تعودت.. ليلى:لاحبيبتي بنتظر خالد..ماادري وينه اي شي اتصل فيه مايرد.. وديمة:يمكن مشغول.. في الشركة..... المحامي:فهد ترى هالخطوة بتكون قوية.. فهد:أدري.. المحامي:لازم تستشير الوالد قبل لنبدأ.. فهد:لاتحاتي راح اخبره..وانت يوسف لاتنسى اللي خبرتك عنه.. يوسف:ان شاء الله.. فهد:ياليت هالاجتماع مايطلع بينا..ويكون سر..(قام)..تقدرون تمشون..وان شاء الله موعدنا ثاني يوم العيد.. مبارك:استاذ فهد تقدر تخليه رابع يوم العيد..لأن عندي شوية ظروف ومااقدر احضر ثاني يوم.. فهد:عذروني نسيت نفسي..خلاص موعدنا ان شاء الله رابع يوم العيد.. في بيت بوسلمان....خالد يدخل البيت.... خالد:السلام عليكم.. الجميع:وعليكم السلام.. ليلى:وينك فيه مت وانا اتصل فيك.. خالد:تليفوني كان عند رفيجي ماشفته..(مد يده)..هاج وديمه عباتج.. وديمة(خذت منه):مشكور..شكلك تعبان.. خالد:أي شوي.. ليلى:خالد اشفيك؟ خالد:ولاشي بروح داري.. ليلى:اشلون ولاشي..وانت اليوم قايل حق رفيجك انك كنت تعبان امس.. خالد(يطالع وديمة بنظرة) وديمة(نزلت راسها) خالد(راح غرفته) ليلى(لحقته):ليش ساكت..وشنهي هالادوية انت كنت في المستشفى؟ خالد:ليلى ريلج برع روحي البيت.. ليلى:ماني رايحة لين ماتتحجى وتطمني عليك.. خالد:ليلى ترى مالي خلق حنة ردي بيتج.. وديمة:عن اذنكم رايحة ارقد.. خالد:خلج..وانت ليلى ردي بيتج..وباجر يصير خير..خليني ارتاح.. ليلى:على راحتك..(قامت)..مع السلامة.. راحت... وديمة:شكلها زعلت.. خالد:أدري..شسوي وايد تحن..باجر براضيها..قولي لي خذتي دواج؟ وديمة:أي خذته.. خالد:والابرة؟ وديمة:بروح آخذها عقب شوي.. خالد:انزين جيبي لي ماي علشان آخذ دواي.. وديمة:ان شاء الله.. بعد ماجابت الماي.... وديمة:تفضل.. خالد(خذ منها وشرب دواه):روحي نامي ولاتنسين تاخذين الابرة.. وديمة:خالد.. خالد:نعم؟ وديمة:انت كنت في المستشفى؟ خالد:أي.. وديمة:ليش؟ خالد:كنت شوي تعبان ورحت.. وديمة:وايش قالوا لك؟ خالد:الحمدلله بخير..تطمني.. وديمة:تصبح على خير.. خالد:وانت من هله.. راحت غرفتها...شافت تليفونها.... وديمة:اووه شيخوه متصلة ايش تبي؟..فيني نووم....آلووو....هلا والله بالعروس.. شيخة:واي فديتج ودوم..اشلونج؟ وديمة:بخير..خلنا نسمع صوتج لأن باجر خلاص ماندري متى بنسمع صوتج ولابندري شي عن اخبارج وبتنسينا.. شيخة:لاودوم حبيبتي لاتقولين جذي..ايش دعوة ماعاش اللي ينساج..انتي دوم بقلبي.. وديمة:أي قصي علي ترى ريلج ملى قلبج خلاص ماعاد لنا مكان عندج.. شيخة:لاودوم لاتقولين جذي..ترى والله ازعل.. وديمة:صايرة البنت هادية لغير العادة..اشفيج؟ شيخة:مابقى شي على العرس.. وديمة:الله يعينج اشلون بتمشين جدام الناس يمه يخرع.. شيخة:ودوم لاتخرعيني اللي فيني مكفيني.. وديمة(تضحك):العب وياج..قولي لي متى بتحنين؟ شيخة:باجر ان شاء الله..عقب صلاة المغرب.. وديمة:ياليتج سويتي ليلة حنة.. شيخة:كنت ناوية على التاريخ القديم بس عقب ماغيرت مااقدر لأن اليوم يصادف يوم عرفة وماحبيت اسوي ليلة الحنة في هاليوم ويوم العيد صعبة وبعدين مااقدر اخلي ليلة الحنة وراها العرس.. وديمة:ياللا مو مشكلة اهم شي انج بتتحنين.. شيخة:وبتتحنين معاي.. وديمة:أكيد من غير ماتقولين.. وتموا الثنتين يسولفون لين الساعة 2ونص بالليل.. الله أكبر..الله أكبر..الله أكبر..لااله الا الله..الله أكبر..الله أكبر كبيرا والحمدلله كثيرا..وسبحان الله بكرة وأصيلا.... قام محمد وتسبح ولبس وكشخ وتعطر ورتب عمره ونزل تحت شاف ابوه وامه ويوسف...عيد عليهم .... بويوسف:ياللا ياعيال نمشي؟ محمد:نمشي يبه.. بويوسف:وين السجادة؟ ام يوسف:هاك السجادة يوده يوسف.. محمد:تسلمين يالغالية..قعدي خواتي علشان نتريق جميع..ولا بييهم بقلاص ماي.. ام يوسف:ان شاء الله.. عقب ماراحوا...رفعت ام يوسف ايدينها.... ام يوسف:يارب احفظ عيالي وطول بعمارهم واسعدهم دنيا وآخرة وارزقهم من طيبات هالدنيا ولاتحرمهم من الجنة.. عبدالله يرد من الصلاة... يدخل الصالة مايحصل حد يدق باب غرفة امه ويدخل مايحصلها..يشم ريحة البخور يدخل المجلس..يحصل امه تبخر المجلس..... عبدالله:صبحج الله بالخير يالغالية.. ام عبدالله(تلف وتبتسم):صبحك الله بالنور والسرور حبيبي.. عبدالله(يحب راسها):عيدج مبارك.. ام عبدالله:عيدك مبارك يايمه.. عبدالله:تقبل الله منا ومنج صالح الاعمال.. ام عبدالله:آآآمين..عساني ماانحرم من هالوجه.. عبدالله:بخرتي المجلس.. ام عبدالله:قلت يمكن حد يجينا على غفلة..روح يمه بدل ملابسك علشان نتريق.. عبدالله:من عيوني..حسنة قامت؟ ام عبدالله:لا مب راضية تفارق السرير.. عبدالله:انا الحين بروح اناديها.. ام عبدالله:الله يعطيني عمر واشوفك معرس وابو وشايل عيالك.. عبدالله:ان شاء الله.. أما في بيت بوسلمان.... خالد يروح غرفة وديمة يحصلها تحت الفراش.... خالد:وديمة..وديمة.. وديمة:امممم.. خالد:شنو امممم قومي ياللا الدنيا عيد وانت راقدة.. وديمة:ابي اناااام.. خالد:مافي شي اسمه ابي انام..قومي لبسي علشان نروح بيت سلمان.. وديمة:خالد تكفى خلني انام..ماصار لي وايد راقدة.. خالد:نعم؟؟..الساعة جم رقدتي.. وديمة:4.. خالد:وايش عندج سهرانة للاربع؟ وديمة:........... خالد:وديمة قومي ردي على سؤالي.. وديمة(فتحت عيونها وقعدت):حرام عليك خالد خلني انام ساعة بعد.. خالد:حرام علي؟..ايش عندج سهرانة امس؟ وديمة:كنت اسولف مع شيخة.. خالد:نعم؟!!(فج عيونه)..للأربع تسولفين معاها؟ وديمة:لا طبعا..2ونص سكرت من عندها وعقب ماجاني نوم تميت اشتغل على النت لين مانعست ورقدت.. خالد:ياسلام عليج..كنت ناسية ان اليوم عيد..قومي ياللا.. وديمة:تكفى خالد خلني انام.. خالد:ماكو نوم..بروح اشوف الخدامة زهبت الريوق ولا لا وبرد لج..ياويلج لو شفتج راقدة..(قام) وديمة:خالد ترى الدنيا عيد.. خالد:وديمة ترى الدينا عيد وخلج عاقل وسمعي الحجي.. أما العيد في بيت بوفيصل..... يرن تليفون شيخة..تروح غرفتها.... شيخة:علينا وعليك...كل وعام وانت بخير.. فارس:وانت بخير..أخبارج؟ شيخة:الحمدلله..انت اشلونك؟ فارس:طيب.. شيخة:شتسوي؟ فارس:قاعد في المجلس بروحي.. شيخة:شتسوي بروحك؟ فارس:قاعد بروحي علشان اسولف معاج..عيدتي على الوالد والوالدة؟ شيخة:أي نعم عيدت عليهم وفيصل اخوي سوى لنا مفاجأة والفجر وصل.. فارس:حمدلله على سلامته.. شيخة:الله يسلمك ويعافيك.. فارس:زين عيل بيحضر العرس.. شيخة:أي..فارس بسكر لأن امي تناديني.. فارس:ياللا تحملي على عمرج.. شيخة:ان شاء الله..مع السلامة.. تجمعوا الاخوان كلهم في بيت سلمان.... سلمان:اشلونج وديمة؟ وديمة:بخير الحمدلله.. سلمان:واشلون امورج مع الدراسة؟ وديمة:الحمدلله اموري طيبة وماشية.. خالد(قاعد جنب ليلى وبصوت واطي):بعض الناس زعلانين.. ليلى:ليش ازعل انت مسوي شي؟ خالد:ماادري عنج مادة البوز ومطنقرة علي..ايش دعوة عدوج انا مب اخو..ترى الدنيا عيد.. ليلى:أسأل روحك.. خالد:سألت روحي وماعرفت الجواب.. ليلى:تراني اعرف حركاتك..لاتسوي عمرك كلش ماتعرف شالسالفة.. خالد:يااخي اشفيج صايرة حنانة وحساسة وبسرعة تزعلين الواحد مايقولج شي..الله يعين ريلج.. ليلى:ويي فديت ريلي ابو عيالي..عمره مايسوي فيني مثل مابعض الناس سوو فيني.. خالد:الله يسامحج.. سلمان(قام):ياللا خالد ندخل المجلس.. خالد(قام):ياللا.. الكل ينشغل بهاليوم لأن الكل يلتم في البيت العود..وشيخة تزهب عمرها علشان بتتحنى وراحت وديمة وليلى وبنات عمام وعمات شيخة علشان يتحنون... الصبح من ثاني يوم العيد.... خالد:كلنا بخير....انتوا اشلونكم؟....اخبار خواتي؟.....احنا بخير الحمدلله...وديمة(يطالعها)..ز� �نة...لا ماتأذي وايد....بلا تاخذ دواها....لاتحاتي انا متابعها....الحمدلله ريلي احسن....اي كاهي عندي..تعالي تحجي ويا ابوي.. وديمة(قربت ومدت يدها) خالد:لحظة.. وديمة(استغربت) خالد:ان شاء الله بتيودين تليفوني بايدج المحنية؟ وديمة:عيل بريولي؟ خالد:هااي شنو بريولج صج ماتستحين.. وديمة:ايش دراني عنك.. خالد:تبين تليفوني يخيس بريحة الحنة وعقب مااقدر استخدمه..يودي أي شي وعقب تحجي.. وديمة(ماعجبها):ايش حلاة ريحة الحنة.. خالد:تحجي ترى ابوي ينتظر.. في بيت بويوسف..... محمد يدجل البيت مع ابوه ويوسف..... ام يوسف:لحد يبدل ملابسه خلنا نروح بيت الجيران.. محمد(وقف):بروح ابدل ثوبي لأنه توصخ.. ام يوسف:ليش انتوا وين كنتوا؟ يوسف:رحنا بيت بوسعد والصبي اللي عنده يوم صب القهوة انكتت على محمد.. ام يوسف:انزين يمه لاتطول بدل بسرعة وتعال.. محمد:ان شاء الله.. حصة:يبه تكفى ودنا الشاليهات باجر.. بويوسف:باجر يابوج مايصير احنا ليحين ماكملنا زياراتنا للناس..اذا تبون رابع يوم العيد.. يوسف:بس انا مااقدر.. بويوسف:ليش؟ يوسف:عندي دوام.. بويوسف:على اساس الشركة معطتكم اجازة لين رايع يوم.. يوسف:صحيح بس جاتنا شغلة على غفلة ولازم نداوم.. ام يوسف:يايمه هم يعوضونك يوم تداوم في يوم اجازة؟ يوسف:لاتحاتين يمه اصحاب الشركة مايقصرون.. عبدالله يدخل البيت.... عبدالله:السلام عليكم.. ام عبدالله:وعليكم السلام ورحمة الله وبركاته..تقبل الله منك.. عبدالله:منا ومنج يالغالية..(يقعد)..عيل وين البنات؟ ام عبدالله:حسنة فوق بدارها..وخلود راحت بيت ريلها.. عبدالله:خلود راحت بيت ريلها؟..بهالسرعة؟ ام عبدالله:أي يمه تقول معزومين بيت عم ريلها.. عبدالله:حسافة.. ام عبدالله:ليش؟ عبدالله:كان ودي نطلع جميع نتغدى.. ام عبدالله:تبي توديني اتغدى بمطعم؟ عبدالله:أي اشفيها؟ ام عبدالله:مرة ايش كبرها ايش تبي فيني؟ عبدالله:انت تاج على راسي انت بعيوني يالغالية لو تبين اشيلج على راسي واوديج مكان ماتبين.. ام عبدالله(ابتسمت):عسى عيني ماتبجيك..فديت عمرك يايمه.. عبدالله:انا ابي اغديج اليوم بمطعم وخلي هالناس كلها تشوف هالمرة العودة ويا ولدها رايحة تتغدى وكلي فخر.. حسنة(تنزل) عبدالله:لاتنزلين روحي لبسي علشان بنروح نتغدى.. حسنة:وين؟ عبدالله:بمطعم.. حسنة(استانست):من صجك عبدالله؟ عبدالله:أي من صجي..استعيلي.. وديمة تروح بيت عمتها عند شيخة وترتب معاها اغراضها وعلى الساعة 2 الظهر يروحون الفندق مع ام فيصل ويقعدون يرتبون اغراض شيخة وتعدل في الفستان والطرحة...وشوي شوي تيي الكوافيرة..والكل ينشغل بكشخته لهالليلة... تدخل نجلاء وتسوي لهم مفاجأة...ويستانسون بجيتها ويسلمون عليها.... شيخة:هذي احلى مفاجأة.. نجلاء:مب احلى من ريلج.. وديمة:عمووه ضعفانة.. نجلاء:صج؟ ام فيصل:اي نجول وايد ضعفانة..شمسويه رجيم؟ نجلاء:وي لارجيم ولا شي..كل من الدراسة..خلكم مني..انا من بمكيجني؟ ام فيصل:اللي بيمكيجونا..لاتحاتين..قولي لي وين جبر؟ نجلاء:نزلني وراح وياخالد.. وتموا يتزهبون..وديمة تنزل القاعة مع عمتها ويجيكون اذا في شي ناقص..والمعازمين يدخلون...تروح وديمة لعند شيخة.... شيخة:في حد تحت؟ وديمة:لا القاعة فاضية.. شيخة:من صجج؟؟ وديمة:يعني عليج اسئلة..عرس تبين القاعة تكون فاضية؟ شيخة:ايش دراني عنج حرام عليج طيحتي قلبي.. وديمة:لهالدرجة مخترعة؟ شيخة:ماتتخيلين ايشقد..بكرة ان شاء الله لبغيتي تتزوجين بتتذكرين كلامي.. وديمة:انزين انا جايه علشان اقولج ياللا حبيبتي الكل في انتظار دخول النجمة.. شيخة:الحين؟ وديمة:لا باجر العصر..اكيد الحين ياللا قومي.. شيخة:من وين لج خفة الدم هذي؟ وديمة:اللي يعيش مع شباب يصير فيه جذي.. شيخة:وانت خفة الدم مالتج ماتيي الا ليلة عرسي..(قامت)..اشلون مرتبة؟ وديمة:قمر 14 ماشاء الله عليج..تهبلين..قريتي على عمرج؟ شيخة:أي.. وديمة:الله يهني فارس بهالجمال.. شيخة(استحت):انزين نمشي.. وديمة:ياللا..المصورة صورتج؟ شيخة:أي..ساعديني فستاني وايد ثقيل.. وديمة:ذولا اهل ريلج قاعدين يجون علشان يساعدون.. شيماء(تحبها):ألف مبروك جميلة ماشاء الله عليج.. شيخة:الله يبارك فيج حبيبتي عقبالج ان شاء الله.. روضة(تحبها):مبروك والله يهنيكم.. شيخة:تسلمين..امي وين؟ وديمة:امج ماهي جايه.. شيخة:ليش؟ وديمة:جذي هي بتنظرج تحت..يالل لأنج تأخرتي.. شيخة:عيل خالتي نجلاء وين؟ وديمة:وياامج ينتظرونج.. شيماء:ياللا.. ونزلت شوي شوي..والباب ينفتح للعروس بسماع موسيقى كلاسيكية هادية والام تراقبها من بعيد..وتمشي بخطوات بطيئة لين ماوصلت المنصة ووقفت للناس...امها دمعتها نزلت بفرحتها لبنتها...مسحت الدمعة وقربت منها وركبت المنصة ورفعت يدها بالدولارات والريالات وشوي تجمعوا الحريم.. قعدت شيخة وبدت المصورة تصورها..جاتها الجوهرة.... الجوهرة:مبروك ياعروس.. شيخة(مستحية):الله يبارك فيج.. الجوهرة:متى ان شاء الله مسافرين؟ شيخة:باجر الظهر ان شاء الله.. الجوهرة:ان شاء الله..وتعرفين وين بتروحون؟ شيخة:لا..فارس ماهو راضي يخبرني.. الجوهرة:يحليله فارس..الله يهنيكم..أقولج شيخة..من هذي اللي كانت وياج ولابسه الاحمر.. شيخة:هذي بنت خالي وديمة.. الجوهرة:اسمها وديمة؟ شيخة:أي.. الجوهرة:عيل أي وحده منهم مرت خالج وبناتها؟ شيخة:تشوفين اللي ترقص ولابسه اسود؟ الجوهرة:اللي فستانها ذيل؟ شيخة:أي..هذي اختها اسمها ليلى وهي متزوجة..بس مرت خالي وبناتها البقية مش موجودين مسافرين ألمانيا لأن خالي عنده دورة هناك.. الجوهرة:ووديمة قاعدة بروحها؟ شيخة:لا قاعدة ويااخوها وجدتها بس جدتها مسافرة الحج وليحين ماردت.. الجوهرة:عيل اللي لابسه اخضر خالتج الاماراتية؟ شيخة:اي هي.. الجوهرة:يحليلها صغيرة.. شيخة:هي اكبر مني بثلاث سنين.. الجوهرة:واخوج رد من السفر؟ شيخة:أي توه اول امس رد.. الجوهرة:أكيد استانستوا؟ شيخة:واايد.. وتمت الليلة على خير...فارس ياخذ شيخة ويروحون الفندق...والمعازمين بعد العشاء يردون بيوتهم يرن تليفون وديمة وتلبس عباتها وتروح تركب السيارة.... وديمة:السلام عليكم.. خالد:وعليكم السلام..ايش هالغشوة اللي لابستها..وجهج كل يبين.. وديمة(عدلت الغشوة):انزين انا في السيارة وبموت من الخنقة.. خالد:والله محد ضارب على ايدج تتمكيجين..تحملي..وبعدين حتى لو في السيارة تتغطين عدل..نجلاء مب جايه؟ وديمة:لا بتروح وياعمتي بيتهم.. في نص الطريج.... خالد:ماقلتي ايش سويتوا في العرس؟ وديمة:ولاشي..عرس.. خالد:لا تصدقين ماكنت اعرف ان عرس.. وديمة:شسوي مالي خاطر اسولف تعبانة.. خالد(طالعها):تعبانة اشفيج؟ وديمة:لاتخرع مافيني شي..بس تدري العرس يتعب..ابي اروح انام.. خالد:كلتي شي هناك؟ وديمة:أي شوي.. خالد:شنو؟ وديمة:لقيمات وقهوة وشوية مقبلات.. خالد:وايد عليج..جان ماكلتي شي.. وديمة:خالد تكفى لاتقولي شي ماكنت مشتهية.. خالد:ليش ان شاء الله؟ وديمة:بفتقد شيخوه والله بشتاق لها.. خالد:لا والله..وهي ان شاء الله وين رايحة؟..كلها في بيت ريلها.. وديمة:بعد مااقدر اسولف معاها مثل اول.. خالد:انتوا يالبنات ماتحاتون الا السوالف..استغفر الله..(وقف سيارته)..ياللا نزلي.. فصخت الغشوة والشيلة وركبت الدري.... خالد:لاتنسين تاخذين دواج.. وديمة(صعدت) خالد:جني قاعد احاجيج.. وديمة:اوكي..اسمعك..تصبح على خير.. خالد:بترقدين فوق؟ وديمة:لا بس ابدل وبنزل.. راحت فوق وأخفت تعبها علشان خالد مايحس عليها..بدلت فستانها ولبست البيجامة بسرعة وتمددت على السرير وقعدت تمسح مكياجها بتعب.. الله أكبر الله أكبر الله أكبر الله أكبر..أشهد أن لا إله الا الله..أشهد أن لا إله الا الله.. فارس(يقوم على أذان تليفونه يلف الصوب الثاني يحصل شيخة راقدة يبتسم ويقوم علشان يتوضى) بوفهد وفهد وراكان يردون من المسجد ..فهد يروح غرفته يلحقه راكان.... راكان:بترقد؟ فهد:مااعتقد.. راكان:انزين ايش رايك نطلع نتمشى شوي على الكورنيش؟ فهد:اوكي ماعندي مانع.. راكان(قام):عيل البس بدلة رياضة.. فهد:صار.. وراحوا الكورنيش وصاروا يركضون في البداية ومحد منهم تحجى تموا على هالحال ساعة ونص..وعقب قللوا الحركة وصاروا يمشون.... راكان:ماقلت ايش سويت في الشركة؟ فهد:اجتمعت بالمحاميين والسكرتير ويوسف.. راكان:وايش طلع معاك؟ فهد(وقف وقعد على الجنب):بقولك التفاصيل..بس مب ألحين..خلنا نرد البيت وناخذ لنا دش ونروح نتريق في مكان هادي واشرح لك كل شي..ايش رايك؟ راكان:اوكي..ياللا نروح.. فهد:ألحين؟ راكان:أي..لأني جوعان..قوم.. خالد راقد يرن تليفونه...يقوم.... خالد:آلو.. محمد(يقلده):آلو..من وين طالع انت؟ خالد:محمد..ايش عندك متصل من الصبح؟ محمد:أي صبح الدنيا صارت ظهر..وانت ليحين راقد.. خالد:ليش الساعة كم؟ محمد:8 وثلث.. خالد:صج ماعندك سالفة وانا احسب الساعة 11.. محمد:انزين قوم بسك رقاد.. خالد:ايش تبي؟ محمد:نبي نطلع البر ويالشباب.. خالد:من شباب؟ محمد:ربعنا.. خالد:اهاا..ومتى؟ محمد:هم مجهزين كل شي بس احنا نروح على الجاهز.. خالد:أي متى؟ محمد:الحين..هم من الفجر كانوا شغالين والحين ينتظرونا.. خالد:انزين اصبر علي شوي ارتب اموري وباتصل فيك.. محمد:لاتفكر تروح مع السايق انا بمرك.. خالد:خلاص بس عطني ساعة وباتصل فيك.. محمد:ساعة!!..وايد.. خالد:انزين عطني فرصة اغسل وجهي واتريق لي شي وعقب باتصل فيك..ياللا روح.. محمد:زين..مع السلامة.. خالد:مع السلامة.. في المطعم... فهد:اشفيك تطالعني جذي؟ راكان:ماني مصدق.. فهد:شنو اللي مب مصدقه؟ راكان:كل الكلام اللي قلته.. فهد:بس ايش رايك ماكان المفروص نسوي هالشي من زمان.. راكان:أي بس هالحركة بتكون قوية على عمي.. فهد:وماكانت قوية على ابوي؟ راكان:بلا..بس انا متأكد ان عمي مايدري عن فعايل بنته.. فهد:والله مب مهم عندي يدري ولا مايدري..خله يتحمل نتايج قرار انه شغل بنته مكانه.. راكان:تعتقد ابوي بيوافق؟ فهد:لازم يوافق..مع ان المحامي قالي ان ماراح اسوي شي لين مالوالد يوافق.. راكان:معاه حق..احتمال ابوي يرفض لأنه خايف على اخوه يصير فيه شي.. فهد:لازم اربيها علشان مرة ثانية ماتتحداني.. راكان:فهد اركد..ولاتسوي شي بكرة تندم عليه.. فهد:قولي ياراكان..كل الكلام اللي سمعته ماتعتقد ان هو الحل الوحيد للمشكلة اللي جاتنا؟ خالد يدق باب غرفة جدته على اساس وديمة راقدة مناك...لكن محد يرد كالعادة..دخل الغرفة ماحصل حد..والفراش مرتب مايبين ان حد كان نايم..ناد الخدامة...... الخدامة:نعم بابا.. خالد:وين وديمة؟ الخدامة:مايعرف..انا مايشوف.. خالد:روحي فوق يمكن في غرفتها ناديها.. الخدامة:ان شاء الله.. خالد(قعد على الكنب وفتح التلفزيون) ماهي الا دقيقة ونص الا الخدامة تنزل.... الخدامة:بابا وديمة في نوم فوق داخل غرفة.. خالد:انزين ناديها.. الخدامة:انا ناديت بس وديمة مافي قوم..ولافتح عيون.. خالد:بسم الله..شنو مافي قوم..روحي مسكي يدها وقوميها عدل.. الخدامة:انا يسوي.. خالد:روحي مرة ثانية .. راحت الخدامة وخالد في قلق..والمشكلة انه مايقدر يروح فوق...اتصل على ليلى.. خالد:وينج؟....انزين انت قريبة من البيت تعالي بسرعة....ماادري وديمة فوق والخدامة ماادري شاتخربط وانا مااقدر اروح فوق.....ياللا بسرعة انطرج.. الخدامة تنزل.... خالد:ها شنو قامت؟ الخدامة:لا بابا مافي قوم.. خالد(عصب لأنه حس بعجز انه مايقدر يروح فوق علشان يشوف اخته ويتطمن عليها وتذكر كلام الدكتور لو جهد ريوله بيتم على هالحال وبتصيده مضاعفات ماهو عارف شيسوي انتظر عشر دقايق اتصل في ليلى مرة ثانية):ياللا بسرعة....وينج؟...اوكي اوكي..(يكلم الخدامة) روحي فتحي الباب حق ماما ليلى.. ودخلت ليلى البيت وركضت فوق غرفة وديمة حصلتها راقدة على السرير وحاولت تقومها لكن وديمة ماترد..حاولت يمين يسار ماكو فايدة..اخترعت عليها نزلت تحت بسرعة......... ليلى:خالد وديمة ماترد علي..أخاف السكر نازل عندها ولاشي..اتصل في الاسعاف.. بوخالد:انا باتصل.. شيخة وفارس قاعدين يفطرون..... فارس:بسج؟ شيخة:أي خلاص انا متعودة مااتريق الا الساعة 11 علشانك تريقت معاك.. فارس:عيل متى تغدين؟ شيخة:مرات 3 او 4 علشان دوام الجامعة.. فارس:اللهم لك الحمد..ماتدرين ايشقد مرتاح.. شيخة(ابتسمت بحياء) في المستشفى... خالد(متوتر وايد) بوخالد:خالد تطمن ان شاء الله ماعليها شر.. خالد:ماتدري ايشقد متضايق ان ريلي صاير فيها جذي وماني قادر اسوي شي.. ليلى:يارب تكون بخير..مع انها كانت عادية امس.. الدكتور يطلع.... خالد:ها دكتور طمنا.. الدكتور:ايش تقرب لك المريضة؟ خالد:انا اخوها.. الدكتور:والله ماادري شاقولك..هي تعبانة وايد ادعوا لها.. خالد(فج عيونه منصدم من كلام الدكتور):انت ايش قاعد تقول؟ ليلى(تصيح) بوخالد:دكتور هي اشفيها بالضبط؟ | ||||||||
|
| |
|
11-12-13, 10:19 AM
| #20 | ||||||||
| مراقبة عامة ومشرفة منتدى الروايات المنقولة
| متابعة الفصل التاسع الممرضة:لو سمحت دكتور أهل المريضة يبون يكلمونك.. الدكتور:أي مريضة؟ الممرضة:اللي كشفت عليها من شوي.. الدكتور:وهذولا من؟ الممرضة:لو سمحتوا من مريضتكم؟ خالد:وديمة.. الممرضة:المريضة اللي كشفت عليها يادكتور مب اسمها وديمة.. الدكتور:مريضتكم مسوية حادث؟ خالد:لا.. الدكتور:عيل انا آسف صار خطأ ..حسبت ان بنتكم اللي مسويه الحادث.. خالد(عصب وانفجر فيه):يااخي انت شنو ماعندك احساس جاي مخبرنا ولعبت بااعصابنا وتقول انا آسف.. بوخالد:خلاص ياخالد ماصار شي.. خالد:شنو ماصار شي..بغيت انجلط بكلامه يااخي اذا انتوا مو قد هالوظيفة ليش مشتغلين قعدوا في بيوتكم.. الدكتور:سامحنا..(راح) خالد:والله ماني مسامحك..اللوم مو عليك على اللي شغلوك.. بوخالد:هدي ياخالد..الريال غلط واعتذر.. ليلى:ووديمة من يطمنا عليها.. ممرضة تطلع..... بوخالد:لو سمحتي.. الممرضة:نعم؟ بوخالد:في مريضة عندكم داخل اسمها وديمة نبي نعرف اشلونها.. الممرضة:وديمة عبدالرحمن.. بوخالد:أي نعم.. الممرضة:الحين الدكتور بيطلع وبيطمنكم.. خالد:يعني هي اشلونها؟ الممرضة(ابتسمت):تطمنوا.. الدكتور طلع.... الممرضة:هذا هو الدكتور.. خالد:دكتور نسأل عن وديمة.. الدكتور:الحمدلله هي بخير..بس السكر كان نازل عندها.. خالد:يعني حالتها مستقرة؟ الدكتور:أي نعم..لاتحاتون..الحين بيحطونها في قسم الاقامة القصيرة وان شاء الله بعد ساعتين ثلاث بنشوفها اذا كانت اوكي بنرخصها.. بوخالد:مشكور دكتور..الحمدلله.. خالد:والله ليحين خرعة الدكتور الاولي فيني.. بوخالد:من الزحمة ياخالد مايدري هالناس لأي مريض.. ليلى:ياللا الحمدلله انها بخير.. تليفون خالد يرن... خالد:هذا ابوي..ماني راد عليه الحين.. ليلى:اذا مارديت عليه بيحاتي.. خالد:مااقدر ارد عليه.. رن كم مرة وعقب رن تليفون ليلى.... ليلى:هذا ابوي.. بوخالد:ردي.. ليلى:السلام عليكم.. بوسلمان:وعليكم السلام..وينكم فيه ليش محد يرد علي؟ ليلى:هذاني رديت عليك يبه ايش صاير؟ بوسلمان:وينكم فيه اتصل البيت كم مرة محد يرد لين مالخدامة ردت علي..طمنيني على وديمة.. ليلى:وديمة!! بوسلمان:ليلى انت ماتدرين ان وديمة راحت المستشفى؟ ليلى:انت من قالك؟ بوسلمان:الخدامة..تحجي ياليلى.. ليلى:تطمن يبه وديمة بخير الحمدلله..توه الدكتور طالع من عندها ومطمنا.. بوسلمان:أي اشفيها؟ ليلى:يقول السكر نازل.. بوسلمان:وين خالد؟ ليلى:هني.. بوسلمان:وليش لما اتصل فيه مايرد علي؟ ليلى:مابغى يقولك عن وديمة.. بوسلمان:عطيني اياه.. ليلى:خالد..ابوي.. خالد:السلام عليكم.. بوسلمان:وعليكم السلام..طمني على وديمة؟ خالد:هي بخير الحمدلله.. بوسلمان:انا كم مرة قايلك دير بالك عليها..ماتقولي اشلون السكر نازل عندها؟ خالد:ماادري.. بوسلمان:عيل من يدري؟...اسمعني ياخالد انا ابيك تحجز لها تذكرة وتيينا على طول انا لازم اوديها للعلاج..سامعني؟ خالد:أي نعم سامعك..(تليفون خالد يرن) بوسلمان:اول ماتقوم اتصل فيني.. خالد:ان شاء الله.....مع السلامة..هاج ليلى.. ليلى:ابوي ايش قالك؟ خالد(قعد) بوخالد:خالد فيك شي؟ خالد:لا انا بخير.. ليلى:ابوي ايش قالك؟ خالد:ولاشي تهاوش وياي علشان اشلون السكر نزل عندها..آلو...خير محمد؟ محمد:انت وينك فيك؟ خالد:في المستشفى.. محمد:ليش عسى ماشر؟ خالد:ولاشي اختي شوي تعبانة.. محمد:اوه سلامتها ماتشوف شر.. خالد:الشر مايجيك..اعذرني مااقدر اجيكم اليوم..تعذر لي من الشباب.. محمد:مو مشكلة المهم سلامة اختك..ياللا فمان الله.. عبدالله:ايش صاير؟ محمد:اخته في المستشفى.. أحمد:اشفيها؟ محمد:ماادري ماسألته.. عبدالله:مسكين خالد يكسر الخاطر.. عند العرسان.... شيخة:ماقلت لي وين مسافرين؟ فارس:مصرة تعرفين؟ شيخة:أي.. فارس:ماتقدرين تنتظرين لين مانوصل المطار؟ شيخة:اوكي بصبر.. فارس:عندي لج مفاجأة.. شيخة(استانست) فارس:تليفونج يرن.. شيخة(قامت):يمكن امي.. بعد ساعتين تقريبا....وديمة تقوم من النوم.... ليلى:وديمة..وديمة حبيبتي قمتي؟ وديمة(حاسه بدوخة ترد تسك عيونها) خالد:وديمة..انا خالد ردي علي.. وديمة(تفتح عيونها وتسكها) الممرضة(تيي):مرحبا.. ليلى:لوسمحتي هي قامت بس ماترد علينا.. الممرضة:وديمة..وديمة.. وديمة(تفتح عيونها) الممرضة:كيفك؟..منيحة؟ وديمة(تسك عيونها) خالد:ليكون البنت تعبانة؟ الممرضة:لاتخاف..السكر هيك بيعمل فيها..مافيها تقوم بسرعة..وديمة..وديمة... وديمة(تحاول انها تقوم) الممرضة:حاولوا تصحوها من النوم..عن اذنكن.. وقعدت ليلى تتكلم معاها لين مافتحت عينها...لكن ليلى انتبهت سكوت خالد الغير طبيعي وسرحانه.... وديمة:وين خالد؟ خالد(وقف):انا هني..اشلونج؟ وديمة:بخير.. خالد:اشلون تحسين؟ احسن؟ وديمة:أي.. خالد:ليلى خلج هني انا بروح اصلي الظهر.. ليلى:اوكي.. خالد راح..... وديمة:ليلى خالد اشفيه؟ ليلى:ماتدرين ايش صار فينا.. وديمة:ايش صار؟ ليلى:الله يسلمج لما كنتي داخل في غرفة العلاج طلع دكتور وخالد سأل الدكتور عنج جان يقول هي تعبانة وايد وادعوا لها..احنا مصدومين مستحيل..الا عقب اكتشفنا طلع الدكتور غلطان كان يتكلم عن مريضة ثانية خالد وايد تخرع عليج غسل شراع الدكتور خلاه بيزة مايسوى.. وديمة:كل هذا خالد سواه؟ ليلى:أي..حتى ابوي درى.. وديمة:اشلون؟ ليلى:كان متصل البيت والخدامة قالت له.. وديمة:وماقال شي؟ ليلى:كلم خالد وتهاوش وياه.. وديمة:ليش؟ ليلى:علشانج.. وديمة:يعني ابوي لازم يتهاوش ويا خالد.. يستعدون العرسان للسفر..تركوا الفندق وركبوا سيارة عيسى علشان بيوصلهم المطار...ولما وصلوا المطار.... فارس:عيسى دير بالك على جدك وجدتك وابوك وخواتك وعماتك ماوصيك.. عيسى:لاتوصي حريص ياعمي..انت سافر ولاتفكر بشي واستانس..بس لاتأخرون علينا.. فارس:ان شاء الله..(سلم عليه)..فمان الله.. عيسى:فمان الله.. يطلع خالد من المصلى يرن تليفونه.... خالد:السلام عليكم.. جبر:وعليكم السلام..ايش حالك خالد؟ خالد:الحمدلله بخير.. جبر:وينكم؟ خالد:بالمستشفى.. جبر:بالمستشفى!!..ليش؟؟ خالد:وديمة تعبانة شوي وجبناها المستشفى.. جبر:شو بلاها؟؟ في بيت بوراشد...قاعدين يتغدون.... راشد:سلوى ليش ماتاكلين السمج؟ سلوى:ماابي..مااحبه.. بوراشد:وايد مدلع عيالك.. تميم:عطها جم كلمة بالعظم علشان تاكل غصب.. سلوى:مااحبه.. راشد:تبين تمرضين كلي سمج اشوف.. سلوى:ماابي.. سلطان(قام):الحمدلله شبعت.. راشد:وين صحنك نظيف.. سلطان:شبعت.. ام راشد:انا ماادري ليش عيالنا مو مثل الناس.. شيماء:بالعكس احنا وايد احسن من الناس..روحي يمه شوفيهم شنو ياكلون كل فاست فوود.. ام راشد:وشنو هذا فاست فوود من شنو مسوينه؟ يضحكون...... تميم:يمه فاست فوود يعني الوجبات السريعة مثل البرجر وهالاشياء.. ام راشد:هذا الخبز وفي وسطه لحم؟ راشد:أي يمه.. ام راشد:الله يعين المعدة اللي تتحمل هالاكلات.. راشد:سلطان اتصل على اخوك شوف وينه تأخر.. سلطان:ان شاء الله.. شمة:يبه صج بتودونا البر؟ بوراشد:شسوي بس علشانكم والا انا مافيني على هالطلعات.. شيماء:واو وناسة..I love you .. بوراشد:وشالي قلتيه يابنت؟ شمة:قالت أحبك يايبه.. ام راشد:وهذا بأي لغة؟ شيماء:بالانجليزي داد.. بوراشد:تحجي عدل يابنت واسطلبي.. شيماء:ايش دعوة عاد ايش قايلة انا ..شسوي الحين من مايتكلم بالانجليزي.. تميم:تسلم ايدينج ياام عيسى على الغداء.. الجوهرة:عليكم بالعافية.. روضة(قامت):تسلم ايدج ياالجوهرة.. الجوهرة:عليج بالعافية حبيبتي.. روضة:ياللا عن اذنكم.. تميم:تامرني بشي يبه؟ بوراشد:وين رايح؟ تميم:بروح انام شوي قبل ليأذن العصر.. بوراشد:لاتنسى تقوم حق الصلاة.. تميم:ان شاء الله.. راشد:من اللي جايب البيبسي ؟ شيماء:انا قايلة للسايق.. راشد:وانا كم مرة قايلكم ماتشترون هالمشروبات.. شمة(ماعجبها الكلام وقالت بصوت واطي حق شيماء):بدوا بالدروس والنصايح.. بوراشد:وايش قلتي يابنت؟ شمة:ولاشي يبه سلامتك .. شيماء:لخلصت الكراتين ماراح نشتري غيرهم.. راشد:ليش وانا بانتظر الكراتين تخلص..بتبرع فيهم.. شمة(فجت عينها):شنو؟؟ شيماء:لا راشد تكفى لاتسويها.. بوراشد:انا كم مرة قايلج نادي اخوج بوعيسى؟ شيماء:ان شاء الله.. راشد(قام):وين الكراتين؟ شيماء:في المخزن.. راشد:كوماري..كوماري.. كوماري:نعم بابا؟ راشد:وين كراتين البيبسي؟ كوماري:في المخزن.. راشد:طلعيهم من المخزن..وانا رايح الصلاة بخلي السايق يحطهم في السيارة وبوديهم.. في المستشفى....خالد يدخل..... خالد:الدكتور ماجاكم؟ ليلى:لا..وين كنت؟ خالد:كنت وياريلج.. ليلى:وينه فيه؟ خالد:برع..اشلونج ألحين؟ وديمة:الحمدلله احسن.. الممرضة(تيي):شو اخبارك ياحلوة؟ وديمة:الحمدلله.. الممرضة:هلا الدكتور بدو يجي وراح نشوف اذا فيكي تروحي.. الدكتور(يدخل):السلام عليكم.. الجميع:وعليكم السلام.. الدكتور:هاا ياوديمة اشلونج الحين؟ وديمة:انا بخير..دكتور أبي اطلع.. الدكتور:ان شاء الله .. في ألمانيا... ام سلمان:اشفيك يابوسلمان؟ بوسلمان:احاتي وديمة وايد..وابيها تيي بس ماادري خالد بيسويها ولا لا؟ حمد(يي):يبه ابي فلوس.. بوسلمان:توني الاسبوع اللي طاف عطيتك 2000 ايش سويت فيهم؟ حمد:عندي اياهم بس ابي بعد بروح اشتري لي كتب توها جديدة نازلة حق الجامعة.. بوسلمان:خلاص انا بيي معاك لأني انا بعد محتاج كتب.. حمد:يعني متى بنروح؟ بوسلمان:روح البس بتحصلني جاهز.. حمد راح... ام سلمان:بس لاتنسى ان البنت في الجامعة ومابقى شي على الامتحانات.. في السيارة......... ليلى:الحمدلله ان رخصوها وارتاحت من قعدة المستشفى..غانم اشفيك؟ غانم:مافيني شي.. ليلى:الا فيك من وقت ماركبنا السيارة وانت ساكت.. غانم:مافيني شي.. ليلى:الا فيك شي وانا متأكدة انت ريلي وانا عرفك زين..قول.. غانم:ولاشي افكر بخالد.. ليلى:اشفيه خالد؟ غانم:الله يسلمج خالد متضايق من كلام ابوج.. ليلى:ليش ابوي ايش قاله؟ غانم:قاله يطرش وديمة بسرعة لهم.. ليلى(منصدمة):من صجك؟ غانم:أي نعم من صجي..وخالد مايبي يطرشها..وابوج محمل خالد كل اللي صار في اختج.. ليلى:عاد ابوي اذا صار شي في وديمة خلاص مايتحمل لازم يعصب..وخالد ايش بيسوي؟ غانم:ماادري بس حيران.. ليلى:فديته اخوي بروحه متضايق من ريوله..عور قلبي يوم قال اني حسيت بالعجز يوم ماقدرت اساعدها.. غانم:الحمدلله على كل حال وماسوى العملية.. ليلى(فجت عينها):عمليه؟؟ غانم:هاا.. ليلى:أي عملية؟ غانم:ماكو شي..خلينا ننزل.. ليلى:ماني نازلة مكان تحجى أي عملية.. غانم:ولاشي الدكتور اقترح عليه يسوي عملية.. ليلى:وليش ماسواها؟ غانم:ولاشي قال ماني محتاج لهالعملية بس الحمدلله الدكتور قال ان ريله في تحسن..لكن اذا مااهتم في ريله وجهدها يمكن تحتاج للعملية.. ليلى(حزنت على حال اخوها) غانم:اشفيج؟ ليلى(فتحت الباب):مافيني شي.. في البيت.... خالد:روحي ارتاحي في دارج.. وديمة(قعدت):مايحتاي انا مرتاحة..انت اقعد.. خالد(قعد):لاتنسين كلام الدكتور والادوية.. وديمة:ان شاء الله.. يرن تليفون خالد.... وديمة:خلك مرتاح انا بروح داري علشان اغير ملابسي..(قامت) خالد:السلام عليكم.. عبدالله:وعليكم السلام..اشلونك؟ خالد:بخير..انتوا اشلونكم؟ عبدالله:طيبين..قولي شاخبار اختك؟ خالد:الحمدلله رخصوها.. عبدالله:اشوه كنت احاتيك ياريال..ماتقدر تيينا؟ خالد:لا اليوم مااعتقد.. عبدالله:خالد اشفيك..صوتك يقول في شي.. خالد:بعدين بقولك..لشفتك ان شاء الله.. عبدالله:متى؟ خالد:ماادري على حسب الظروف.. محمد:من تحاجي؟ عبدالله:خالد.. محمد:هات..السلام عليكم.. وديمة دخلت غرفتها...وحصلتها متبهدله..قعدت على السرير وفصخت الشيلة وهي تتذكر شيخة ودها تسولف معاها.... وديمة:وينج شيخوه مشتاقة لج..الله يهنيج.. تمت تفكر بخالد اللي شكله تغير وصار يسرح وايد..اتصلت في نجلاء... وديمة:مرحباا عمووه.. نجلاء:توج تذكرتيني..مت وانا اتصل فيج وتليفونج مسكر.. وديمة:شسوي عمووه انت مادريتي باللي صار لي؟ نجلاء:هيه دريت..خفت عليج واايد..والمشكلة كنا بالطيارة حزتها يعني مافي مجال..عقب خالد طمنا عليج..سلامات.. وديمة:الله يسلمج.. نجلاء:شخبارج الحين؟ وديمة:الحمدلله احسن..ليش رديتوا بسرعة..ماتمينا ويابعض.. نجلاء:انا بعد كان خاطري اتم اكثر..بس تدرين ورانا جامعة ودراسة..وعمج الكريم واقف على راسي..وماروم اعصي له امر.. شمة قاعدة جدام المنظرة تمكيج عمرها...راشد دق الباب..... شيماء:منو؟ راشد:راشد.. شيماء:حياك ياخوي.. راشد(دخل):شتسوون؟ شمة:ولاشي.. راشد:انزين هذي بطاقة من؟ شمة(قامت وخذت البطاقة وقرت):انا.. راشد:وايش مكتوب فيها؟ شمة:لا لاتقول..وين حصلتها؟ راشد:هالاشياء لازم نحتفظ فيها سمعتي..ياللا قومي لبسي علشان اوديج.. شمة:لا ماابي اتعبك بروح ويا السايق وشيماء.. راشد:لا معليه انا بوديج..ياللا انا بروح البس وبشوفج زاهبة..(سك الباب) شمة:شيووووم ماابي ارووح .. شيماء:شسوي لج على اساس قاطة البطاقة.. شمة:انا ادري من وين طلعت..شسوي تكفين دبريني.. شيماء:ماكو حل مع راشد..بيوديج يعني بيوديج.. شمة:انزين تعالي وياي.. شيماء:لا حبيبتي علشان يقولي دام انج موجودة خله يكشف عليج..لا ماابي.. شمة:ياليتني مارحت من البداية.. شيماء:لبسي بسرعة قبل لييج راشد مرة ثانية.. عقب مادخلوا العيادة وانتظروا الدور..دخلوا غرفة الدكتور...بعد السلام.... الدكتور(يشوف الملف):شمة.. شمة:نعم؟ الدكتور:اشلون ضرسج حاسة بألم؟ شمة(تطالع راشد) راشد:قبل يومين دكتور كانت متألمة وايد وماقدرت تاكل.. الدكتور(يشوف شمة):ياللا اشوفج؟ شمة(خذت نفس وقامت بتردد قعدت والممرضة رتبت كل شي والدكتور لبس القفاز وقعد على الكرسي وقرب منها فتح الليت):دكتور..تكفى لاتعورني.. الدكتور(ابتسم):انت ليحين تخافين؟ شمة:أي.. الدكتور:اوكي شيلي يدج وخليني اشوف اسنانج.. وقعد الدكتور يكشف.... الدكتور:بنصور الضرس وبنشوف النتايج.. وبعد التصوير قعد الدكتور يطالع الصور...... راشد:اشلون الضرس؟ الدكتور:لازم نشيل العصب..ماينفع..(يطالع شمة) شمة(بخوف):لا دكتور ماابي.. الدكتور:بس لازم تعالجين العصب.. شمة:ماابي.. راشد:شنو ناوية تتحملين الالم؟ شمة:أي شي بس ماابي الدكتور يسوي لي شي.. الدكتور:شمة انت ليش خايفة..انا بحط لج بنج وباشتغل وانت مابتحسين بشي.. شمة:نوو ويي..ماني موافقة.. الدكتور(قرب):خلج مرتاحة انا باعطيج بنج ومابتحسين بشي.. شمة(مرة وحدة قامت وراحت ورى راشد):تكفى راشد طلعني.. راشد:شمة اشفيج..الدكتور قال بيعطيج بنج.. شمة:ماابي.. الدكتور:يعني ماتبين؟ شمة:لا.. الدكتور(طلع القفاز):على راحتج..(غسل يده وقعد)..بس صدقيني ماراح تقدرين تتتحملين الالم.. شمة:ماعليه.. في البيت.... بوراشد:انا ماعندي بنات يخافون.. شمة:يبه حتى هالشي غصب عندكم؟ ام راشد:انت يابنت تحجي عدل وياابوج.. بوراشد:راشد يبه ودها مرة ثانية وانا بيي معاك.. شمة(قامت):ماابي ماابي اروح..(راحت غرفتها) بوراشد:والله والبنات صاروا مايستحون ولايحترمون حد.. راشد:يبه ترى عادي..مافيها شي لو تخاف من دكتور الاسنان..ماهي اول وحدة ولا اخر وحده في غيرها وايد..حتى في شباب يخافون... راشد راح فوق...دق الباب وجات شيماء فتحت الباب.... شيماء:بوعيسى؟ راشد:وين شمة؟ شيماء:هني.. راشد(دش):شمة!! شيماء:مت وانا اسكت فيها وماكو فايدة.. راشد(قعد مجابلها وابتسم):ماتوقعتج حساسة جذي..الحين امي وابوي شنو قالوا لج علشان تصيحين؟ شمة:........... راشد:ياللا عاد قومي غسلي وجهج.. شمة:ماابي .. راشد:انت كل شي ماتبين.. شيماء:ترى عادي شمة احنا تعودنا على هالحجي منهم.. راشد:بعدين امي وابوي يبون مصلحتج وماغلطوا باللي قالوه.. شمة:انزين انا اخاف يعني شاسوي لكم؟ راشد:والله انتي اللي بتتعبين مو انا ولا ابوي ولا امي.. شمة:ادري.. راشد:يوم انج تدرين ليش ماتبين تسوين؟ شمة:انزين انا اخاف.. راشد:الدكتور قايلج بيعطيج بنج علشان ماتعورين وهو يشتغل..(قام)..انا طالع رايح الدوام..لقررتي تروحين خبريني.. في ماليزيا...في الفندق..... شيخة:ماني مصدقة كل هاي انت سويته؟ فارس:بس علشان اشوف هالابتسامة.. شيخة:انا من جد مستانسة يافارس..ماتتخيل ايش كثر.. فارس:انا طالب هالغرفة خصيصا لنا والحركات اللي تشوفينها ذي انا طالبها.. شيخة:فديت هالذوق والله..عساني ماانحرم منك.. فارس:انزين خلينا نبدل ونروح نتمشى شوي.. شيخة:اوكي..بس افتح لي الشنطة.. فارس:من عيوني.. تسبحوا وبدلوا ملابسهم وراحوا يتمشون شوي...... فارس:ماجعتي؟ شيخة:اممم بلا.. فارس:انزين خلينا نروح نتغدى.. شيخة:وين؟ فارس:لردينا الفندق بقولج.. شيخة:بعد في مفاجأة.. فارس(ضحك):هالسفرة كلها مفاجآت.. شيخة:ياللا نمشي حمستني للمفاجأة.. دخلوا الغرفة... شيخة(وقفت وهي تطالع) فارس(ابتسم):ايش رايج؟ شيخة:ماني مصدقة..متى سويت هاي كله؟ فارس:هذي اسرار..ايش رايج؟ شيخة(فصخت الشيلة والعباية):يعني ماادري شاقول ماادري..(طالعت فارس)..الله لايحرمني هالطيبة.. فارس(ابتسم):ترى المفاجآت كلها بالطريج.. شيخة:يعني ترتيب الغرفة وطاولة الاكل ابهرتني وايد يافارس.. عبدالله يتصل في خالد.... عبدالله:اشلونك؟ خالد:الحمدلله.. عبدالله:وينك في البيت؟ خالد:أي نعم في البيت.. عبدالله:اقدر امرك بعد الغداء.. خالد:انزين..بس قبلها اتصل فيني علشان يمديني اتزهب.. عبدالله:صار..فمان الله.. ام عبدالله:يمه عبدالله وانت رايح الصلاة ود هالكيس حق البنجري.. عبدالله:شنو فيه؟ ام عبدالله:حطيت له شوي من الغداء..ناخذ فيه أجر.. عبدالله:ياسلام على قلبج الطيب يايمه..ياليت لو احصل وحده مثل اخلاقج وطيبتج.. ام عبدالله(ابتسمت):بتحصل يايمه..بس قول ان شاء الله.. عبدالله:ان شاء الله.. بعد مايتغدى خالد يروح يقعد في الصالة...ووديمة تفر بهالقنوات..... خالد:انا طالع عقب شوي..تبين شي؟ وديمة:لا.. خالد:ماتبين تروحين مكان؟ وديمة:وين تبيني اروح..شيخة وخلاص تزوجت.. خالد:ماتبين تروحين عند عمتي؟ وديمة:اروح شسوي في بيتها..ماابي..بقعد ادرس لي جم كلمة.. خالد:اوكي..(قام)..رايح البس.. محمد يقوم من طاولة الاكل..... محمد:رايح انام.. يوسف:وانا بعد بروح ارتاح شوي علشان بروح الشغل العصر.. حصة:محمد انت بتطلع؟ محمد:يمكن ليش؟ حصة:ابي اروح افصل لي عباية.. محمد:توج مفصلة عباة حق العيد.. حصة:ابي وحده ساده للجامعة.. محمد:واللي عندج ايش سويتي فيهم؟ حصة:ابي غيرهم بعد.. ام يوسف:ودها يمه اذا ماعندك شي.. محمد:بس على شرط تعزميني على شي.. حصة:من وين ماادري من اللي فينا يشتغل؟ محمد:انا ماعندي شي.. حصة:الا قول خاشهم حق بعدين. محمد:عن اذنكم..(يمر صوبها)..لاتحجين وايد تراج ثرثارة.. حصة:أنا؟!..الله يسامحك.. في الكوفي شوب.... عبدالله:اشفيك؟ خالد:ابوي اتصل فيني وطلب مني احجز حق اختي علشان تروح لهم.. عبدالله:ليش؟ خالد:علشان تتعالج.. عبدالله:مو على اساس مسكرين هالموضوع لأنها ماتبي.. خالد:بس هالمرة ابوي عصب لأنها تعبت ويحملني انا المسؤولية..ويبيني اطرشها علشان يعالجها هناك.. عبدالله:خالد ترى السكر ماله علاج..اذا اهتمت بصحتها خلاص الامور كلها بتمشي اوكي.. خالد:أي بس ابوي يحملني انا المسؤولية باللي صار لها... عبدالله:ولاتنسى انها كانت تتعب ايام ماكان ابوك موجود وياها..ولا انا غلطان؟ خالد:ادري..بس شسوي دام امرني مااقدر اقوله لا.. عبدالله:واختك تدري؟ خالد:لا..انا مااقدر اقولها شي.. عبدالله:انزين ايش بتسوي؟ خالد:ماادري ياعبدالله..انا ماابيها تروح..احس اني تعودت على وجودها بحياتي..صج اني اعصب عليها وايد بس مااقدر اتخيل البيت فاضي وارجع للوحدة مرة ثانية.. عبدالله:تزوج(يشرب العصير) خالد(يهد الكوب):اشوفك تزوجت.. عبدالله:انا غير..لاتنسى ظروفي.. خالد:انت تتخيل ان عندك ظروف..ظروف ماهي صعبة انك تتزوج..اختك وتزوجت واختك الثانية توها صغيرة في المدرسة وانت ماراح تروح بعيد بتقعد معاهم في نفس البيت..بين امك واختك.. عبدالله:انا لازم اتطمن على اختي.. خالد:عبدالله لاتعيش بأفكار ماتودي ولاتجيب..ترى الدنيا تركض تزوج وريح امك..وانت لما تتزوج بتعيش ويازوجتك مع امك واختك وهم بيكونون تحت عيونك وبالك مرتاح..ولاتفكر بعمك وايد..تراه مايقدر يسوي شي دام انك موجود بينهم.. عبدالله:بس انت ماتعرف عمي عدل.. خالد:خل ايمانك بالله قوي.. عبدالله:ونعم بالله.. خالد:واللي بيصير ومهما يكون تراه قدر ومكتوب علينا..مافيها شي لو تزوجت وفرحت الوالدة وبكرة ربك يرزقك بياهل يفرحها تشيله بين ايدينها..ترى الواحد مايدري متى يموت طبعا الاعمار بيد الله..بس بكرة لصار شي الواحد بيتحسف.. عبدالله(قعد يفكر بكلام خالد):وانت؟ خالد:انا الحين ظروفي غير عنك..لاتنسى ان هلي مب موجودين واختي بروحها ومااقدر اتزوج الا اذا امي وابوي موجودين..بس يرجعون يصير خير..شد حيلك وخلنا نشوفك معرس(ابتسم له) وبعد يومين من الاجازة..في الليل الساعة2..تقوم شمة من الرقاد....وتنادي شيماء.... شيماء:شمة اشفيج؟ شمة:شيوم ضرسي يعورني وااايد ماني قادرة اتحمل.. شيماء:ماسمعتي كلام راشد ولا كلام الدكتور.. شمة:شسوي ماني قادرة انام.. شيماء:بروح اجيب لج بندول..انتظري.. راحت شيماء تحت المطبخ وفتحت الصيدلية وخذت البندول وصبت الماي في الكوب وهي تطلع شافت راشد..تخرعت.... راشد:ايش شايفة جني؟ شيماء:خرعتني.. راشد:شتسوين هالحزة هني؟..وشيسوي البندول في يدج؟..انت فيج شي؟ شيماء:لا مافيني شي.. راشد:عيل حق من هالدواء؟ شيماء:حق شمة.. راشد:ليش اشفيها شمة؟ شيماء:ضرسها يعورها.. راشد:انزين عطيني البندول.. شيماء:وشمه؟ راشد:بعطيها بروفين احسن لها من البندول.. شيماء:ليش مارحت بيتك؟ راشد:جيت اتطمن عليكم قبل لأروح بيتي.. شيماء راحت فوق فتحت الباب حصلت شمه تتألم.... شمة:شيوم وينج فيه حرام عليج.. راشد(يدخل) شمة(انصدمت):راشد؟!! راشد:أي راشد..(قعد عندها)...خذي هذا.. شمة(شربت الدواء) راشد:وحاولي ترقدين وباجر الصبح بوديج عند الدكتور.. شمة:انزين.. راشد(قام):اذا احتجتوا شي اتصلوا فيني.. شيماء:ان شاء الله.. طلع وسك الباب... شمة(وهي معصبة):ليش رحتي تنادين راشد؟ شيماء:ومن اللي قالج اني رحت انادي لج راشد..مجنونة انا؟ شمة:عيل من وين درى راشد اني تعبانة؟ شيماء:شافني في المطبخ وبعدين توه راد من الدوام.. شمة:آآي..ياربي.. الساعة 6 ونص يقوم فارس...يتوضى ويصلي وعقب ينادي شيخة...عقب ماخلصت صلاة..... شيخة(قعدت جنبه):صباح الورد.. فارس:صباح الفل والياسمين ياأحلى وردة بحياتي.. شيخة:ياسلام على هالمكان رهيب..والجو بارد.. فارس(قام) شيخة:وين؟ فارس:بروح اجيب لج شي يدفيج.. شيخة(ابتسمت):وجودك معاي يدفيني..تعال اقعد.. فارس(قعد):حبيبتي.. شيخة:عيوني.. فارس:ايش رايج نتريق هني ومانروح البوفيه.. شيخة:وانا موافقة .. فارس:بوديج مكان مابيخطر على بالج.. شيخة(ابتسمت):ياسلام عليك انت كلك مفاجآت..ولابعد مفاجآت تشوق الواحد.. فارس(قام) شيخة:وين؟ فارس:بروح اتصل فيهم يزهبون لنا الريوق..تعالي معاي داخل وقعدي جنبي.. شيخة(قامت):ان شاء الله.. الصبح الساعة 6...تقوم وديمة وتتزهب وتقعد على طاولة الاكل...... وديمة:صباح الخير.. خالد(وهو يشرب الشاي):صباح الخير..جاهزة؟ وديمة:جاهزة..نمشي؟ خالد:بعد ماتتريقين.. الصبح في بيت بوراشد...الساعة 8....راشد يدخل البيت.... راشد:صباح الخير.. الجميع:صباح الخير.. راشد(يقعد) الجوهرة:ازهب لك الريوق؟ راشد:لا لا مااشتهي..بس صبي لي شاي.. ام راشد:الحين انت يمه دكتور وتوصي الناس على الريوق وانت ماتتريق! راشد:شسوي يمه دوامي مايساعد على الشهية..لشتهيت باكل.. الجوهرة:تفضل.. راشد:تسلم ايدينج..وين شمة مانزلت؟ بوراشد:ليش هي ماراحت المدرسة؟ راشد:لا..بوديها عند دكتور الاسنان.. بوراشد:اعقلت؟ راشد:امس الليل مارقدت من الالم.. ام راشد:تستاهل انا قايلة لها روحي بس ماتسمع الحجي.. راشد:الجوهرة تروحين تنادينها؟ الجوهرة(قامت):ان شاء الله.. راحت غرفتها.... شمة:الجوهرة انا خايفة.. الجوهرة:ليش حبيبتي الدكتور مايخوف..وانا بقول حق اخوج يوصي الدكتور عليج.. شمة:الله ياستر.. الجوهرة:لاتحاتين فديتج..ياللا قومي تريقي وعقب تزهبي..اوكي.. شمة:ماني مشتهية.. الجوهرة:لاحبيتي مافي شي اسمه ماني مشتهية..لازم تاكلين لأن عقب اخوج بينزلج المدرسة.. شمة:انزين.. الجوهرة(قامت):ياللا احنا ننتظرج تحت.. في الجامعة وديمة قاعدة في الكافتيريا متمللة تشرب نسكافيه....يرن تليفونها مستغربة من الرقم.... وديمة:آآلو.. شيخة:وديمة؟ وديمة:شيخوووووه.. شيخة(ضحكت):أي انا شيخوه..اشلونج طمنيني عنج.. وديمة:شيخوه فديتج وينج فيه هادتني بروحي ولاتسألين عني.. شيخة:شسوي والله انت ادرى..بكرة لتزوجتي ان شاء الله بنشوف اذا سألتي عنا.. وديمة:قولي لي اخبارج؟ شيخة:انا بخير الحمدلله ومستانسة بعد.. وديمة:فرحتيني بصوتج.. شيخة:انت اخبارج؟ وديمة:انا بخير..ماقلتي لي ايش طاري عليج متصلة علي هالحزة؟ شيخة:ادري ان اليوم اول يوم دوام بعد الاجازة ومفتقدتني..قلت أسأل عنج.. وديمة:فديتج والله..عساني ماانحرم منج.. شيخة:أخبار الجامعة؟ وديمة:مالها طعم من دونج.. شيخة:حبيبتي ودوم..ماقلتي لي اخبار صحتج؟ وديمة:ماتدرين ايش صار فيني عقب عرسج شيخوه.. شيخة:ايش صار؟ وديمة:طحت عليهم وودوني المستشفى وتميت جم ساعة عندهم.. شيخة:ومتى صار هذا كله؟ وديمة:بكرته الصبح.. شيخة:وايش قالج الدكتور؟ وديمة:السكر نازل.. شيخة:سلامتج حبيبتي..ماتشوفين شر.. وديمة:الشر ماييج..عندي حجي وايد ودي اقوله لج بس ماابي اطول عليج ردي بسرعة.. شيخة:ان شاء الله الجمعة الجايه بوصل.. وديمة:استانسي وديري بالج على نفسج.. شيخة:وانت بعد اهتمي بصحتج ودراستج وان شاء الله اشوفج على خير.. وديمة:مع السلامة.. شيخة:مع السلامة.. فارس:هاا شالاخبار؟ شيخة:ماشي بس يحليلها وايد مفتقدتني.. فارس:سمعتج تقولين الدكتور وماادري ايش صار.. شيخة:أي تقول انها طاحت عليهم والسكر نزل عندها..حتى صوتها يبين انها زعلانة او متضايقة.. فارس:الله يعينها.. ياترى وديمة بتسافر عند أهلها ؟؟ وشنهي الأحداث اللي بتصير في بيت بوراشد؟؟ وخالد؟؟ وعبدالله؟؟ والمشكلة اللي في شركة بوفهد؟؟ أحداااث كثيرة بإنتظاركم في الفصل العاشر.. | ||||||||
|
| |
 |
| الكلمات الدلالية (Tags) |
| أميرة, ملونه, للكاتبة, مكتملة, النهج, حياة |
| أدوات الموضوع | |
| انواع عرض الموضوع | |
|
|
3Likes
.png)
العرض العادي
