آخر 10 مشاركات
أسيرتي في قفص من ذهب (2) * مميزة ومكتملة* .. سلسلة حكايات النشامى (الكاتـب : lolla sweety - )           »          آسف مولاتي (2) *مميزة ومكتملة * .. سلسلة إلياذة العاشقين (الكاتـب : كاردينيا الغوازي - )           »          2 -عصفورة النار - مارغريت بارغيتر -كنوز أحلام قديمة (الكاتـب : Just Faith - )           »          جدران دافئة (2) .. سلسلة مشاعر صادقة (الكاتـب : كلبهار - )           »          كيف لو كنت في البحر ! (الكاتـب : كَيــدْ ! - )           »          إيحــــاء الفضــــة (3) *مميزة ومكتملة *.. سلسلة حـ(ر)ـب (الكاتـب : moshtaqa - )           »          [تحميل]ليالي.. الوجه الآخر للعاشق / للكاتبة رحاب ابراهيم ، مصرية ( Pdf ـ docx) (الكاتـب : فيتامين سي - )           »          رَقـصــــة سَـــــمـا (2) .. *مميزة و مكتملة* سلسلة حـــ"ر"ــــب (الكاتـب : moshtaqa - )           »          عيون لا تعرف النوم (1) *مميزة & مكتمله * .. سلسلة مغتربون في الحب (الكاتـب : bambolina - )           »          عشق وكبرياء(6)-ج1 من سلسلة أسرار خلف أسوار القصور-بقلم:noor1984* (الكاتـب : noor1984 - )


العودة   شبكة روايتي الثقافية > قسم الروايات > منتدى الروايات والقصص المنقولة > منتدى الروايات الطويلة المنقولة الخليجية المكتملة

إضافة رد
 
LinkBack أدوات الموضوع انواع عرض الموضوع
قديم 14-12-13, 08:32 PM   #21

اسطورة !

نجم روايتي ومشرفة سابقة وفراشة متالقة بعالم الازياء

alkap ~
 
الصورة الرمزية اسطورة !

? العضوٌ??? » 120033
?  التسِجيلٌ » May 2010
? مشَارَ?اتْي » 15,367
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » اسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond repute
¬» مشروبك   pepsi
?? ??? ~
My Mms ~
افتراضي


الجزء العشرون
كان يمشي بالسيارة و عقله ابدا هب معاه .. يالله يالدنيا انا عندي بنت من امينة الله يرحمها .. بهاليوم بو محمد ما قدر انه يرجع البيت .. حس انه فكره مشوش و يبي يقعد مع نفسه شوي .. اتصل فالبيت و اللي ردت عليه شمسة
شمسة: هلا ابوية .. شحالك؟؟
بو محمد: هلا بنتي .. بس خبري امج اني بنام فالمزرعة اليوم
شمسة: خير ابوية .. فيك شي تعبان .. صوتك متغير؟!
بو محمد: لا حبيبتي ما فيني شي .. بس شوية تعب
شمسة: خلاص ابوية رد البيت .. و هب لازم تسير المزرعة
بو محمد: لا بنتي لازم اسير ضروري .. انتي بس خبري امج اني بنام هناك .. و قولي لها تتصل في محمد اخوج و تقوله ايي باجر .. كلكم لازم تكونون موجودين العصر
شمسة: خير ابوية .. شالسالفة؟؟
بو محمد: باجر ان شاءالله بتعرفون كل شي .. برايج الحين
شمسة: فمان الله
سكر بو محمد عن شمسة و راح المزرعه ملاذه الوحيد .. بالفعل كانت ضاربتنه ضيجة من عقب ما عرف عن امينة الله يرحمها ..... اه يا امينة ظلمتج معاي بحياتج الله يرحمج .. لكن ما بظلمج عقب موتج .. مريم خلاص لازم تيي تعيش عندي
نزلت دمعه من عيون بو محمد غصبا عنه .. بو محمد قرر خلاص ييب بنته تتربى عنده و يعوضها عن كل الحنان و التيتم اللي عاشته و ابوها موجود!!
بو محمد يبي يجمع عياله كلهم باجر عشان يبوح لهم بالسر اللي دفنه بقلبه 20 سنة !!
.....
فغرفة هنادي فالبحرين هنادي كانت مستحمقة على طلال و تتكلم .. بس الغريب ان جواهر و لا على بالها .. فرحانه و تبسم من الصبح
هنادي: انا بقول لابوي يوقفه عند حده
جواهر: لا هنادي ارجوج .. لا تقولين لهم
هنادي: انتي شايفة تصرفاته صح ؟! بعدين انتي شسالفتج .. لو انا منج و هذا ريلي جان ذبحته من زمان .. و انتي قاعدة لي تتبسمين لي من الصبح!!!!!!!!!!!!
جواهر بابتسامة و فرح: هنادي انا اليوم فحصت .. و طلعت حامل
هنادي بفرح و لا اراديا حضنت جواهر بالقوة و باستها على خدها: قولي و الله .. صج .. الف مبرووووووووووك
جواهر: ايه هنادي .. انا مو مصدقة نفسي .. اكيد طلال بيفرح
هنادي: انتي قلتي له؟؟
جواهر: لا ما قلت له .. بسويها له مفاجاة .. بنطره لين ما يي
هنادي: يلا نروح نقولهم تحت .. و نقول حق مريوم .. اكيد بتستانس
جواهر بابتسامة: يلا
نزلوا تحت و بالفعل الكل فرح بهالخبر بما فيهم مريم .. من عقب المرحومة الله يرحمها .. ما دخل الفرح بيتهم .. بس اليوم الكل فرحان لطلال و جواهر
.............
جواهر انا بتزوج
نزلت هالجملة مثل الصاعقة على اذون جواهر .. هي صج سمعته و لا تتخيل .. ما كملوا سنة من تزوجوا و يقولها يبي يتزوج عليها .. لهالدرجة هي لاعبة بمخه!!
جواهر: ها .. طلال انت شتقول من صجك؟!؟!
طلال: ايه من صجي جواهر .. انا احب فاطمة
جواهر: تحبها ؟؟ و غصب عنها نزلوا دموعها انهار على خدها .. افا يا طلال و انا اللي مجهزة لك خبر حملي .. عبالي انه فاطمة نزوة و بتنساها و بترجع لي .. طبعا جواهر من عقب كلام طلال ما قالت له عن حملها .. حطت ايدينها على ويها و قعدت تصيح .. و طلال طلع من الغرفة
هنادي كانت طالعة تشرب ماي .. شافت الغرفة مفتوحة و دخلت
هنادي بخوف: جواهر شفيج؟؟
جواهر كانت تصيح و هب مفهوم شي من كلامها
هنادي: خرعتيني شفيج؟؟
جواهر: بيتزوجها يا هنادي بيتزوجها
هنادي بصدمة شهقت و قالت: شنو .. قصدج طلال
تمت هنادي تسكت فجواهر لين ما رقدت و تطمنت عليها .. و كانت بالفعل منقهرة و محترة من طلال و تصرفاته و حركاته اللي صج تقهر .. صح طلال اخوها جواهر المفروض انها غريبة عنها .. بس الحق ينقال .. و هنادي كانت تحب جواهر وايد .. جواهر كانت وايد طيبة و عهمرها ما ضرت أحد
.................
اليوم الثاني الصبح كانت ام احمد طالعة برع الحوش شافت مريم قاعده بروحها .. و شكلها صايحة
ام احمد: مريم يما .. شمقعدج من الصبح؟؟
مريم بعيون ذبلانة و صوتها شبه رايح: ما فيني رقاد يما
ام احمد: زين تعالي تريقي معاي داخل
مريم: يما مالي نفس
ام احمد: على الاقل قعدي معاي
مريم: الجو زين هنيه .. باقعد شوي تالي باييج
ام احمد: على راحتج يما
دخلت ام احمد داخل و قلبها محروق على هالبنت و بنتها المرحومة الله يرحمها .. اما مريم فكالعادة رجعت لسرحانها .. و دموعها على خدها
.......................
عقب صلاة العصر فبوظبي و بالتحديد فبيت بو محمد .. كان مجتمع هو و عياله كلهم و مرته بالصالة .. الكل مستغرب من هالشي بما فيهم ام محمد
بو محمد: انا جمعتكم كلكم اليوم .. لاني بغيت اكلمكم بسالفة ضرورية وايد .. تخصني و تخصكم كلكم
الكل كان يطالعه باستغراب .. و محد منهم تكلم .. ينتظرونه يكمل
بو محمد: هالسالفة يا عيالي صار لها 20 سنة مدفونة بقلبي .. و محد منكم يعرفها .. انا و امكم ما حبينا نخبركم بها
ام محمد و هي توقف و بكل عصبية من عقب ما حست بالسالفة و عرفتها: هالسالفة هب لازم العيال يعرفونها يا يوسف
بو محمد بحزم: انا ما خلصت كلامي
حسوا العيال انه فيه شي .. و شي جايد بعد .. امهم و ابوهم خاشينه عنهم
بو محمد يكمل: انا عقب ما تزوجت امكم و يابت محمد و فهد .. انا طلعت لي دورة 6 شهور فالبحرين .. و سافرت هناك ..
سكت بو محمد شوي عقب كمل: و هناك كانوا جيراننا ناس وايد طيبين تعرفت على ولدهم .. و كانت عنده اخت .. ادب و جمال و اخلاق
هنيه ام محمد عصبت و قالت: انا طالعة
بو محمد بعصبية: انا ما خلصت كلامي .. جانج طلعتي و ما كملتي الرمسة يا انج طالق يا موزة و تحرمين عليي ليوم الدين
قعدت ام محمد بعصبية و رد بو محمد يكمل كلامه: انا يوم شفت هالبنت عجبتني .. سكت و عقب كمل .. و تزوجتها
هنيه الكل انصدم .. جنه حد صب عليهم ماي بارد .. بالفعل كانت صدمة قوية عليهم .. ابوهم متزوج على امهم .. الكل كان ساكت الا راشد اللي قال من الصدمة: يبا انت متزوج ؟؟
بو محمد: انا تزوجت امينة .. و كانت انسانة وايد طيبة و على نياتها .. كملت الدورة مالتي و عقبها رجعت الامارات .. و طبعا ما قلت لهلي و محد كان يعرف اني متزوج .. كنت اروح لها البحرين بين الفترة و الثانية
قعد بو محمد عالكرسي و كمل: عقبها بفترة دروا هلي اني متزوج .. و حلفوا عليي امي و ابوي الله يرحمهم ان ما طلقت امينة راح يغضبون عليي ليوم الدين .. ساعتها امينة بنفسها قالت لي اشتري رضا امك و ابوك ..
تنهد بو محمد و نزل راسه بحزن و قال: و طلقت امينة و رديت الامارات .. و انقطعت اخباري عنها .. و انا قلت خلاص ما بحاول ارجع لها .. عشان اخليها تعيش حياتها بعيد عني و تنساني .. لاني ادري لو رجعت لها ما بقدر اسعدها .. و هلي بيعترضون طريجنا
طبعا الكل منصدم يسمع و محد تجرأيتكلم او يقول أي شيء .. الا ام محمد اللي تكلمت بقهر و قالت: و شالجديد بالسالفة .. عشان تيي تقولها لهم الحين؟؟
بو محمد: اليديد فالسالفة اني امس بس اكتشفت انه امينة الله يرحمها توفت .. قالها بحزن و سكت شوي عقب كمل و قال: و عندي منها بنت فالبحرين بسن شمسة بنتي و اسمها مريم
هنيه عاد خلاااااص .. كل واحد يطالع الثاني و فاتح حلجه .. اخبار يديده و مفاجاة يتهم جذيه مرة وحدة .. بس طبعا بو محمد يضطر يسوي جذيه و يفتح هالسالفة اللي ما كان ناوي يتكلم عنها ابد لانه لازم ييب مريم .. و طبعا لازم يخبرهم قبل
ام محمد بصدمة و هي توقف: شو ؟؟؟؟؟؟؟؟؟؟؟ عندك بنت .. متى صار هالكلام؟؟
بو محمد: الظاهر اني لمن تركت امينة الله يرحمها كانت حامل .. عموما انا بروح البحرين و بييب البنت تعيش هنيه
ام محمد هنيه عاد خلاص طفح الكيل عندها: شوووو .. تييب البنت ... ليش ان شاءالله
بو محمد: هذي بنتي .. و حالها حال اخوانها بتيي تعيش فالبيت
ام محمد: البنت ما تدري عنك .. خلها هناك .. احسن لها و لنا
بو محمد: قلت لج البنت بتيي هنيه تعيش مع اخوانها فبيت ابوها
ام محمد: يا انا يا اهيه فالبيت
بو محمد: قلت لج بنتي بتيي هنيه .. و لو ما تبين تقعدين .. هكوه الباب جدامج .. و الرب حافظنج
هنيه طلعت ام محمد من الصالة .. رايحة غرفتها تلت ثيابها .. و لحقوها العيال يهدون فيها .. اما بو محمد فطلع من البيت و راح مكتب الطيران يحجز تذكرة للبحرين حق باجر
......................
في بيت بو طلال فالصالة .. كانوا جواهر و هنادي قاعدين يشوفون التلفزيون .. و ام طلال رايحة بيت الجيران تسير عليهم .. و ابوطلال فالشركة .. دخل طلال الصالة .. و سلم عليهم .. هنادي ما ردت عليه و قامت على طول من الصالة .. طلال ناداها
هنادي من غير ما تلتفت و هي تتافف: ها
طلال: يوم احاجيج طلعيني .. بعدين يقولون نعم مب ها!!
هنادي لفت عنه بتركب فوق
طلال و هو يسحب يدها بقوة: هي هي انتي .. احاجيج مني .. تقومين تلفين عني
هنادي و هيي تتافف: شتبغي؟؟
طلال: انتي شسالفتج .. محد عاجبج فالبيت؟؟
هنادي: لا و انت الصاج انت بس اللي هب عاجبني
طلال: و ليش ان شاءالله اخت هنادي .. شمسوي لج انا
هنادي: مو مسوي لي شي .. بس مسوي بمرتك و نفسك
طلال يضحك باستهزاء: ها جواهر قالت لج .. قصدج فاطمة
هنادي: ايه فاطمة اللي هديت جواهر مرتك عشانها
طلال و هو يلتفت على جواهر: هذا موضوع بيني و بينها و انتي ما يخصج فيه
هنادي: يوم يكون صج موضوع يخصك .. بس هالشي يخصنا كلنا .. خصوصا انك اللي تبغيها فاطمة
طلال: و شفيها فاطمة مو عاجبتج
هنادي تضحك باستهزاء: الا قول شبقى اهي مو مسويته
طلال: اقولج تحجي انتي تعرفينها؟؟
هنادي: اللي حضرتك تبي تاخذها على جواهر .. اوسخ بنت فالبحرين .. سمعتها على كل لسان خصوصا بالجامعه .. و معروف عنها انها من حضن واحد للثاني
طلال: ججججججججججججججججب .. و بكل عصبية صفع هنادي كف على ويها خلى خشمها ينزل دم .. طلع من البيت و يت جواهر لعند هنادي تهديها و توديها غرفتها فوق قبل لا يي حد و يشوفها جذيه
.......................
اليوم الثاني العصر الساعه 4 بتوقيت البحرين .. نزلت طيارة بو محمد واصلة من الامارات و عقب ما سال عن بيت بو طلال كان واقف جدام بابهم عاساعه 5 و نص
تريزا: بابا هزا في نفر يريد انته
بو طلال: ما قال شسمه
تريزا: قول نيم بو مهمد
بو طلال: دخلي الريال الميلس و انا بييه الحين
دخل بو طلال الميلس و شاف واحد ما عرفه بالبدايو لكن عقب ما سلم عليه و ساله من اهوه .. عرف انه يوسف ريل امينة الله يرحمها .. عقب السوالف و اخذ العلوم .. طبعا بومحمد قال لبو طلال انه يبي ياخذ مريم معاه .. صح بو طلال تضايق بس هذي بعد ابوها .. و من حقه ياخذها .. و وصية امينة الله يرحمها لبوطلال قبل لاتموت انه يقول للبنت الحقيقة .. استاذن بو محمد من بو طلال لانه بوطلال قاله ما يصير نفاجا البنت .. هو بيكلمها اليوم فالموضوع و باجر بيرد عليه
عقب ما طلع بو محمد راد الفندق .. وصله بو طلال .. و عقب راح على طول بيت امه و ابوه عساس يكلم مريم بالسالفة
................
فغرفة مريم فوق كالعادة هدوء و خالية من أي صوت باستثناء صوت مريم و هي تقرى قران .. خلصت قراية .. حطت المصحف و توها تفصخ بشارها "شيلتها" جان تسمع صوت دق خفيف عالباب
مريم: دخلي يدتي
بو طلال و هو يفتح الباب و يدش: هذي انا هب يدتج
مريم و هي تبتسم: هلا خالي .. تفضل دش اقعد
بو طلال: ها مريم شلونج الحين؟؟
مريم: الحمدلله على كل حال .. عايشة
بو طلال: مريم بنتي .. ابغي اكلمج فسالفة و ابيج تسمعيني زين
مريم: تفضل خالي
بو طلال: امج الله يرحمها وصتني اقولج هالسالفة قبل لا تموت
مريم: خير خالي قول لا تخرعني
..............
فالعين مايد و نورة علاقتهم تحسنت شوي عن قبل .. نورة بدت تحس انها بدت تحب مايد و تصير اقرب له .. بس طبعا كرامتها و كبريائها على قولتها يمنعونها انها تبين لمايد هالشي .. و مايد يحليله حايس وياها يحبها .. بنفس الوقت يتعذب من معاملتها .. خصوصا ان نورة وايد تعاند مايد
.................
نرجع لمريم و خالها
مريم و جنه حد صب عليها ماي بارد: شنو .. خالي انت متاكد هالكلام صحيح؟؟!!
بو طلال: ايه حبيبتي هالكلام كله صج
مريم و دموعها متجمعه بعيونها: و ليش امي ما قالت لي هالسالفة كلها !! بعدين شلون ابوي عايش و اماراتي بعد .. و انا بحرينية
بو طلال و هو يتنهد: اول شي يوم ابوج طلق امج يا مريم .. ابد ما يا يسال عنها و احنا خفنا نقوله عنج و ياخذج من عند امج .. عقب كبرتي و امج ياما حاولت تقنعنا نقولج .. بس احنا كنا نرفض .. خايفين عليج يا مريم
مريم: و شلون انا بحرينية؟؟!!
بو طلال: انتي تعرفين ان امج بحرينية و ابوج مطلق امج و لا كان يسال عنج حتى .. ففي فرصة ان يطلع لج جواز البحرين .. و انا كان عندي معارف فالجوازات .. فكان هالشي سهل
نزلت مريم عيونها تطالع الارض بحسرة و دموعها غصب عنها تموا ينزلون .. لسان حالها يقول .. شهالمفاجات و الصدمات اللي تينمي وحدة ورى الثانية .. بالاول وفاة امي الله يرحمها .. و الحين هالابو المفاجئ اللي مادري من وين طلع !!
بو طلال: مريم حبيبتي لا تسوين بنفسج جذيه .. كلنا معاج
مريم: خالي .. انا احس راسي بينفجر من التفكير
بوطلال: مريم بنتي ترى ابوج بيي باجر يشوفج
مريم: ما ابي اشوفه
بو طلال: مريم شهالكلام .. هذا ابوج .. و يوم درى عنج اتعنى لج .. و يا لج
مريم و هي تصارخ: و وينه عني انا و امي من زمان .. و ينه عني يا خالي .. انتوا اللي ربيتوني .. انتوا هلي .. انته و يدي مثل ابوي .. بس هو ما بيه
بوطلال: مريم حبيبتي انا بخليج تفكرين احين براحتج و بييج باجر
باسها على راسها و نزل .. و خلى مريم تسبح في انهار دموعها .. لين ما داخت من الصياح و نامت
.......
باليوم الثاني رفضت مريم تشوف ابوها .. و اليوم الثاني و الثالث .. لين ما مر اسبوع و مريم رافضة .. و طبعا محد يقدر يصر عليها .. يخافون لا تزعل .. هالشي حز بخاطر بو محمد و يوم يئس من بنته رجع الامارات و تم يتصل من هناك في خالها يتطمن عليها .. و ام محمد عقب ما درت ان مريم ما رجعت مع ابوها فرحت طبعا و رجعت البيت عقب ما هدته من عقب هوشة ذاك اليوم


اسطورة ! غير متواجد حالياً   رد مع اقتباس
قديم 14-12-13, 08:33 PM   #22

اسطورة !

نجم روايتي ومشرفة سابقة وفراشة متالقة بعالم الازياء

alkap ~
 
الصورة الرمزية اسطورة !

? العضوٌ??? » 120033
?  التسِجيلٌ » May 2010
? مشَارَ?اتْي » 15,367
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » اسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond repute
¬» مشروبك   pepsi
?? ??? ~
My Mms ~
افتراضي

الجزء الواحد و عشرون
فالبحرين و بغرفة مريم بالتحديد .. كانت مريم قاعدة عالكرسي و بالها مشغول و ما هو بمعاها .. و مجابلة صورة امها و تصيح صياح مو طبيعي .. فجاة نقزت مريم على صوت هنادي
هنادي استغربت صياح مريم .. لانها بالاونة الاخيرة هدت شوي .. بس اليوم تصيح صياح مو طبيعي .. هنادي خافت و راحت ركض لمريم
هنادي: بسم الله عليج .. مريم حبيبتي شفيج؟؟
مريم كانت تشهق فالصياح و ما ترد
هنادي: مريووم لا تخرعيني شفيج ردي!!
مريم حضنت هنادي و زاد صياحها و بدى صوتها يعلى
هنادي و هي تمسح على راسها: حبيبتي اهدي شوي و قولي لي شفيج .. حد زعلج .. مريووم شفيج؟؟!!
مريم: امي زعلانة عليي هنوود
هنادي استغربت: شنو .. مريم شهالكلام امج الله يرحمها .. ادعيلها حبيبتي .. ادعيلها
مريم: انا حلمتها امس هنوود .. حلمت بامي زعلانة عليي و ما تبي تحاجيني .. احاجيها و ما ترد عليي .. بحياتها ما زعلت عليي .. شلون احين زعلانة عليي هنادي!!
هنادي: حبيبتي تعوذي من الشيطان .. هذا الشيطان يلعب عليج
مريم: لا انا حاسة .. من يوم ما رفضت اشوف ابوي و احسها زعلت عليي
هنادي: ما ادري شاقولج مريم!!
مريم: هنادي قوليلي انا غلطانة و لا لا .. هب عارفة شنو اسوي او اتصرف
هنادي: سوات ربج ابرك .. قومي صلي لج ركعتين و ربي بيهديج ان شاءالله .. و عقب فكري عدل .. مريم بصراحة انا ما بيج تروحين عنا .. بس هذي ابوج و له حق عليج .. طول عمرج عقلج كبير و قلبج اكبر .. و هذا ابوج
مريم: بس هو ما فكر حتى يسال عنا .. انا و امي الله يرحمها
هنادي: ابوي قالج .. مرته اللي هي مرت ابوج كانت قوية و هيه بنت عمه .. و اهله جبروه يعني يدج و يدتج
مريم: تصدقين هنادي .. على كل اللي سواه ابوي امي ما كانت تييب سيرته الا بالخير .. احسها كانت تحبه
هنادي: مريم امج كانت طيبة وايد .. كفاية انها ما رضت تتزوج عقبه .. صح هي ما كانت تبي لج ريل ام .. بس بعد اكيد كانت تحبه و ما تبي غيره احد
مريم: انزين نصحيني هنادي شاسوي؟؟
هنادي: قلت لج قومي صلي .. ربي اخير عني و عنج
مريم: هنادي .. رقدي عندي اليوم .. الله يخليج .. محتاجتج و الله
هنادي: و لا يهمج .. بروح اتصل فامي و بييب ثيابي و بيي
مريم: كا تلفوني اتصلي منه .. و خذي ثياب من عندي
هنادي بابتسامة دافية و حنونة: خلاص .. اوكيه
................

بو محمد قاعد بمكتبه و الحزن مغطيه .. من يوم ما رجع من البحرين و هو دايما قاعد زعلان و ماله خلق يكلم احد .. فجاة سمع دق خفيف عالباب
بو محمد: ادخل
شمسة: السلام عليكم ابوية
بومحمد: هلا فيج الغالية .. تعالي ايلسي
شمسة: شحالك ابوية؟؟
بومحمد: يسرج حالي .. خير شمسة؟؟
شمسة: بس ييت اسال عنك .. بعدين اماية حطت العشى
بو محمد: لا انا ما ابي ااكل .. تعشوا انتوا
شمسة: شدعوه ابويا .. شو بلاك ؟؟ من رديت من البحرين و انت حالك هب عايبني
بومحمد: ما فيني شي حبيبتي .. روحي انتي تعشي
بو محمد كان وده لو مرته الحين يمه .. و تخفف عليه .. لكنها بروحها فرحانه ان بنته ما رضت ترد معاه .. يا ربي شقد هالحرمة انانية و حقودة .. الام ماتت شيخص بنتي .. مو كفاية حرموني من امينة .. ااااه الله يرحمج يا امينة .. سامحيني .. سامحيني يالغالية
شمسة: باباتي وينك .. ارمسك انا
بو محمد: ها بنتي خير .. شو بغيتي
شمسة: بويا شبلاك .. عشان اختي مريم؟؟
بومحمد: السالفة اكبر من اختج مريم .. مريم و امها الله يرحمها
شمسة: ابوية .. انا بخاطري اقولك شي .. بس مستحية منك
بومحمد: قولي اللي بخاطرج
شمسة: اخافك تزعل مني !!
بومحمد: هب زعلان يلا ارمسي باللي فخاطرج
شمسة: ابوية .. انته يوم دريت ان فهد تزوج .. عصبت و كنت تبي تطرده من البيت .. و انت .. ترددت شمسة و سكتت عقب
بو محمد: قصدج عشاني انا بعد تزوجت بدون علم هلي .. و تزوجت على امج؟!
شمسة و هي منزله راسها و بصوت واطي: هيه
بو محمد و هو ينتهد: شوفي يا بنتي يا شمسة .. انتي تعرفين ان امج هيه بنت عمي .. و تعرفين ان عندنا البنت لولد عمها .. وا نا كان عادي عندي .. لا ابي امج .. و لا انا ما ابيها .. يعني عادي وافقت .. من اول ايام زواجنا لي الحين عمرها ما حسستني انها تحبني .. كل همها انها هي اللي تتحكم بكل شي بحياتنا .. و عقب ما يابت محمد و فهد صارت تهتم فيهم .. و انا ما جني موجود بحياتها .. و لو انها من الاساس ما كانت تهتم فيني
شمسة كانت ساكتة و تسمع ابوها باهتمام
بو محمد يكمل: عقبها سافرت البحرين .. تراني كنت اشتغل فطيران الخليج .. و كانت عندنا دورة هناك لمدة 6 شهور .. سافرت هناك و اجرت بيت .. و كانوا جيراني اهم اهل امينة الله يرحمها .. و تعرفت على اخوها احمد .. و كنت اشوفها الله يرحمها كل يوم و هي ياية من المدرسة و الصبح و هي رايحة .. كانت في حال سبيلها .. ويها هادي و مريح .. باختصار اعجبت فيها وايد .. هي من بين كل البنات .. و تقدمت لها .. هلها بالبداية رفضوا لاني ييت من غير هلي .. لكني كنت مصر .. و خطبتها اكثر من مرة .. و بالاخير وافقوا .. لانهم كانوا يعرفوني و يحبوني شرات ولدهم احمد .. طبعا انا ما خبرت هلي لانهم اكيد بيرفضون خصوصا ان امج تصير بنت عمي
شمسة حست من كلام ابوها شقد اهو يحب امينة الله يرحمها .. و شقد امها مقصرة وياه .. تعاطفت مع ابوها و كملت سماع
عقب ما تزوجنا .. امينة طبعا عاشت معاي بالبيت .. و عقب ما خلصت الدورة رديت الامارات .. و وعدتها اني بخبر هلي قريب و اخذها تعيش معاي هنيه .. هيه الله يرحمها كانت وايد صابرة عليي .. و لا عمرها اصرت عليي او ضغطت عليي اني اخبر هلي .. كانت قمة فالهدوء و الطيبة .. لو شفتيها يا شمسووه جان حبيتيها انتي بعد .. ايامي معاها كانت من احلى ايام عمري .. تمنيت لو هالايام ما تنتهي .. لكن للاسف عقب فترة يوم كانت امج توها حامل فيج .. هلي بدوا يشكون بكثرة روحاتي للبحرين .. و عقبها دروا اني متزوج .. اجبروني و حلفوا عليي اني اطلقها .. و حلفوا انهم يتبروون مني لو ما طلقتها ..
تنهد و كمل و انا ظلمت هالمسكينة و طلقتها .. و وقتها كانت حامل بمريم .. و انقطعت اخباري عنها و اخبارها عني .. انا قلت دام ما بينا يهال .. خلاص خلني ما ارجع لها .. عشان ترتاح .. لاني ادري لو رديت لها .. هلي و امج ما بيخلونها فحالها .. ساعتها ما كنت ادري بحملها
شمسة سكتت و ما عرفت شتقول .. يالله يا ربي .. يعني ابوية متحمل كل هذا بقلبه 20 سنة و ما تكلم .. مسكين حالك يا بويا
بو محمد: اما فهد يا شمسة فهو اللي اختار نورة بنت عمه برضاه .. و سافر عساس انه يخلص دراسته و بيرد ياخذ نورة .. حير البنت .. و سافر و خذ وحدة .. لاهي من ثوبة .. و لا هي من دينة .. و ما عليج من تدينها اللي قاصة عليه فيه .. يوم كانوا ساكنين عندنا شهرين و لا مرة شفتها تصلي .. و فوق هذا كله من ورانا .. امينة غير يا شمسة غير .. على الاقل هي خليجية .. من ثوبي و من نفس ديني .. كفاية انه اهلها ناس من خيرة الناس فالبحرين و متدينين و طيبين
شمسة: و الله ما عرف شاقولك يا بويا .. بس الله يلم شملك و يا مريم ان شاءالله
بومحمد و هو يتنهد و بحزن كبير: ما اظن يا شمسة .. مريم ما تبيني .. و معاها حق
شمسة تحاول تخفف عن ابوها: لا ابوية لا تخاف .. الظفر ما يطلع من اللحم .. مصيرها بتهدى و بتسامح
بو محمد: الله يسمع منج ان شاءالله
شمسة بابتسامة: انا متاكدة .. بعدين هي لو عرفتك اكيد بتحبك
بو محمد ارتاح من عقب ما فضفض لشمسة عن اللي فقلبه .. طول عمرها شمسة الوحيدة اللي قريبة منه و فاهمته فالبيت
شمسة: يلا باباتي عشاني قوم نتعشى .. تراني ميتة من اليوع .. و لو ما ييت معاي ما بتعشى
بومحمد و هو يبتسم: خلاص امري لله .. قومي نتعشى
.....................

فاحد الشقق اللي في مملكة البحرين .. كان واقف معاها .. و عينة تطلع شرار .. و قاعد يصارخ
طلال: ردي عليي من هذا؟؟
فاطمة بارتباك: محد قلت لك محد
طلال: و هالارقام العجيبة اللي فتلفونج .. و الكلام اللي سمعته عنج
فاطمة و هي تتخصر و ترد عليه: أي كلام هذا حبيبي اللي سمعته عني ها ؟؟!!
طلال: كلام اشرف لي اني ما اقوله
فاطمة: و لا انا واثقة من نفسي .. و عارفة اني ما اسوي شي غلط
طلال و هي يطلع موبايله و يفتح بلوتوثه: و هذي من ان شاءالله .. لا تجذبين عاد و تقولين هب انتي .. كل شي واضح .. و من ذيه اللي معاج ها .. اذا هب حاشمتني انا حشمي هلج على الاقل .. و لا صح نسيت .. انتي اصلا ما عندج اهل يسالون عنج .. و لا جان ما وصلتي لهالمستوى من هالحقارة و القذارة
فاطمة بالفعل انصدمت و غصبا عنها دموعها تجمعت بعينها .. صح هي كانت لعوبة .. و تلعب على طلال بعد .. بس بدت تحبه .. و كانت تبي تغير حياتها عشانه .. بس للاسف تمت تلعب بذيلها و هي معاه .. و الحمدلله انه الله كشفها .. قبل لا يغلط طلال و يتزوجها
طلال: ردي و لا ما عندج كلام تقولينه
فاطمة قعدت عالكرسي من الصدمة و بصوت متقطع: طلال انا احبك .. و كنت بغير من نفسي عشانك
طلال باستهزاء: هه تحبيني .. و تغيرين من نفسج ؟؟ بس انا الغبي اللي صدقتج و ركضت و راج و هديت مرتي الطيبة عشانج .. كنت صج عمي .. بس الحمدلله كل شي انكشف قبل لا اتورط معاج و اتزوجج
فاطمة: لا طلال لا تقول جذيه .. انا خلاص ما ابي غيرك
طلال: لا و الله لعبيها على غيري احسن .. سمعي يا بنت الناس .. انا بستر عليج و ما بفضحج .. و هالبلوتوث محد بيشوفه و بمسحه .. لكن نصيحة مني .. ردي لعقلج و استري على روحج و حشمي هلج .. ترى الدنيا هب دايمة لج .. ارجعي لربج ابرك لج
طلع طلال من الشقة و رقع بالباب من قهره .. و تمت فاطمة قاعدة بالصالة على الكرسي .. و دموعها تنزل رغم لعبها بس هي صج بدت تحبه على ما تقول .. طلع طلال و خلى كلمات تردد في بالها
انتي اصلا ما عندج اهل يسالون عنج ............... انتي اصلا ما عندج اهل يسالون عنج
ردي لعقلج و استري على روحج و حشمي هلج .. ترى الدنيا هب دايمة لج .. ارجعي لربج ابرك لج
..............

في العين فبيت ام سعيد .. نورة كانت نازلة من عالدري و تصيح
نورة و هي ماسكة ظهرها من الحمال و تصيح: خالتي ام سعيد .. عمي
بو سعيد و هو يطلع من الغرفة: خير نورة شفيج بنتي؟؟
نورة و هي تصيح: مايد يا عمي مايد
بو سعيد: خير يا بنتي مايد شفيه؟؟!!
نورة: ما ادري يا عمي اتصل واحد يقول مايد سوى حادث و بالمستشفى
عقب هالجملة طلع بو سعيد و خذ سعيد .. و نورة اصرت انها تروح وياهم .. اما ام سعيد .. فكانت نايمة و ما تدري بالدنيا .. و هم ما حبوا يصحوونها و يخرعونها بالليل
..................

جواهر كانت قاعدة فالصالة اللي فوق .. رايحة و رادة .. و كانت وايد قلقة .. هنادي هب موجودة .. و هي وايد تحاتي .. يا ربي شفيه طلال ما يا للحين .. الساعه صارت ثلاث .. هو تعود يتاخر بالايام الاخيرة .. بس مو لهالدرجة الساعه 3 الحين .. سترك يا رب .. انا بنطر لين ما يطلع النور و اذا ما يا و لا رد على تلفوناتي .. بروح اقعد هنوود
................

على البحر .. طلال كان قاعد .. و هموم الدنيا كلها على راسه .. معقولة فاطمة اللي كان يشوف فيها براءة الدنيا كلها طلعت بهالوساخة و القذارة .. فاطمة اللي هد جواهر الطيبة عشانها .... ااااااااااه يا جواهر .. محد ذابحني غيرج .. على هاللي سويته فيج و للحين تحاتيني و قاعده تتصلين .. ارد عليج شاقوول .. اللي فضلتها عليج طلعت اوسخ وحدة فالبحرين مثل ما قالت هنادي .. ااه و هنادي اللي جذبتها و ضربتها بسبة هالوسخة .. ااه شلون اجابلكم .. شلون اجابلج يا جواهر .. شلون اجابلج يا هنادي .. يا رب ساعدني .. كان طلال يدق يده على الارض بقوة و يحذف الحصى فالبحر .. لين ما سمع اذان الفجر
طلال: الله اكبر الله اكبر .. سامحني يا رب
قام طلال .. و تعوذ من ابليس و راح المسيد عشان يصلي الصبح جماعه
.....................



اسطورة ! غير متواجد حالياً   رد مع اقتباس
قديم 14-12-13, 10:05 PM   #23

اسطورة !

نجم روايتي ومشرفة سابقة وفراشة متالقة بعالم الازياء

alkap ~
 
الصورة الرمزية اسطورة !

? العضوٌ??? » 120033
?  التسِجيلٌ » May 2010
? مشَارَ?اتْي » 15,367
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » اسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond repute
¬» مشروبك   pepsi
?? ??? ~
My Mms ~
افتراضي

الجزء الثاني و العشرين
قعدت من النوم من وقت و تحس نفسها احسن بوايد من امس .. قعدت و ببالها قرار لازم تنفذه .. يمكن هو جواب الاستخارة اللي امس صلتها .. تسبحت و نزلت تحت .. ما شافت لا يدها و لا يدتها .. بس راحت على طول بيت خالها تقوله بقرارها
مريم و هي تدخل بيت خالها: السلام عليكم
جواهر: هلا مريمي .. شلونج حبيبتي؟؟
مريم عورها قلبها لانه امها كانت دايما تقول لها مريمي: انا بخير الحمدلله .. انتي اللي شفيج .. شكلج تعبانة؟!
جواهر: لا ما فيني شي .. بس تعب الحمال .. تريقتي؟؟!!
مريم: بتريق بعدين .. خالي قعد؟!
جواهر: ايه قاعد فمكتبه
مريم: خلاص انا بروح له
جواهر: اوكيه
قعدت جواهر فالصالة تتريا طلال .. اما مريم فكملت دربها حق مكتب خالها
و في المكتب سمع بو طلال طق خفيف عالباب
بوطلال: من
مريم: خالي هذي انا مريم
بو طلال قام بنفسه و فتح لمريم الباب
بوطلال: هلا و الله .. هلا بالغالية .. تعالي دشي داخل
مريم عقب ما دشت و قعدت مجابلة خالها
مريم: خالي ابي اقولك شي
بو طلال: تفضلي خالي قولي اللي عندج و لا تستحين .. خالج كله تحت امرج
مريم عقب ما استحت و ابتسمت: افا خالي ما يامر عليك عدو
بوطلال: يلا قولي اسمعج
مريم: احم .. خالي انا فكرت وايد و استخرت ربي و صليت .. و .. و قررت اني اروح حق ابوي
بوطلال انصدم .. استغرب من رايها المفاجئ .. بس هو اليوم يشوفها احسن من كل يوم .. و هذا شي يبشر .. و اذا رجعتها لابوها بتريحها .. اكيد هو ما بيوقف بطريجها .. صح فراقها صعب .. بس مصلحة مريم فوق كل شي
مريم: شقلت خالي؟؟
بوطلال: و الله يا مريم ابوج كاهو كل يوم يتصل يتطمن عليج .. و وده يشوفج و اللي تبينه انا تحت امرج
مريم: شكرا خالي .. بس بغيت اطلب منك طلب
بوطلال: تفضلي الغالية
مريم: ما ابي ابوي يعرف بييتي
بوطلال: شلون .. ليش ما تبينه يعرف؟؟
مريم: بس خالي .. انا بروح بدون لا هو يعرف ارجوك خالي
بوطلال: خلاص اللي تامرين به يا مريم
مريم: خالي .... متى بنروح
بو طلال: أي وقت تبين حتى لو باجر
مريم: لالا باجر وايد من وقت انا ابي اسبوع على الاقل ارتب نفسي
بوطلال بابتسامة: خلاص صار يا مريم
طلعت مريم من مكتب خالها .. و ردت البيت و هنادي بعدها نايمة .. نزلت مريم تحت عند يدها و يدتها تخبرهم بقرارها .. و تنطر هنادي تقوم عشان تقولها على شنو اهي قررت
.............
جواهر عقب ما ملت من الانتظار فالصالة ردت ركبت فوق .. بتنطر ربع ساعه لو ما عرفت عنه شي خلاص بتخبر امه و ابوه .. بروحها ميتة من الخوف
ما كملت عشر دقايق الا و طلال داخل عليها الغرفة
جواهر فرحت من داخلها انه بخير و ما فيه شي .. صح شكله شوي تعبان بس هو واقف جدامها بخير .. طبعا جواهر المفروض انها زعلانه من طلال فيات بتطلع من الغرفة .. الا و طلال ماسك ايدها
طلال بصوت مبحوح: جواهر
جواهر من غير لا تلف عليه: نعم
طلال بترجي: جواهر ارجوج ابي اقعد وياج .. ابي اكلمج
تنهدت جواهر و ردت تقعد عالكرسي .. هي تحب طلال و ما تقدر ترفض له طلب
طلال: اه جواهر انا هب عارف شلون ابتدي بالكلام .. انا قصرت معاج وايد .. وايد جواهر
جواهر كانت ساكتة و تسمع طلال
طلال و هو هب عارف شلون يرتب الكلام .. كمل و هو يطالع تحت: جواهر انا اسف
جواهر: وين اصرفها اسف هذي انا
طلال: جواهر انا متاكد انه قلبج كبير
جواهر: و شاللي غيرك الحين .. كاني ييتك من قبل و صديتني و لا هي شبعت منك خلاص .. و التفت على غيرك؟!
طلال: معاج حق في كل اللي تقولينه جواهر .. انا ادري اني غلطان .. رحت لها و هديتج و احنا فبداية زواجنا .. لكنها ما تسوى ظفرج صدقيني .. و الحمدلله الله كشفها و عرفتها على حقيقتها
جواهر و هيه خلاص هب قادرة تتحمل و قامت على طولها: لا و الله و الحين عقب ما هيه هدتك ييت لي .. ايه انا الطوفة الهبيطة .. تيي لي متى ما تبي و تهدني لي شبعت مني .. لا يا طلال انا هب لعبة عندك و عندها .. و انا اللي عفتك الحين
طلال خاف من اللي بيسمعه و سكت و تم يطالعها
جواهر: طلقني طلال
طلال و هو يقوم: لا جواهر انتي شتقولين .. اطلقج .. مستحيل جواهر مستحيل
جواهر: طلال انا صبرت عليك وايد .. و كنت اتمنى و احلم باليوم اللي تحس به بغلطك و ترجع لي .. بس انا تمنيت انك ترجع لي من نفسك .. لانك حسيت بغلطك .. هب ترجع لي و انت مهزوم .. لانها هيه باعتك .. لا طلال .. انا لو سامحتك بترد تعيدها مرة و ثنتين و ثلاث لي متى بسامح لي متى ؟؟
طلال: اوعدج اوعدج اني ما بعيدها .. ارجوج جواهر عطيني فرصة ارجوج
جواهر فهاللحظة كانت تحس بضغط .. ضغط فضيع اول مرة تحس به .. كرامتها تمنعها ترجع له .. فنفس الوقت هيه تحبه و ما تقدر تشوفه يتذلل لها اكثر من جذيه .. و هالياهل اللي ببطنها .. انهارت جواهر و قعدت على الارض تصيح مثل الياهل .. بالفعل ما كانت عارفة شتسوي
ياها طلال: جواهر ارجوج لا تصيحين .. عشاني ارجوج لا تسوين بنفسج جذيه .. خذ طلال جواهر بحضنه و هي استسلمت بحضنه تصيح مثل الياهل اما هو فتم يمسح على شعرها .. يمكن تحن عليه شوي ..
طلال و هو يبوس جواهر على راسها: قومي قومي معاي حبيبتي لا تقعدين تصيحين عالارض جذيه
قامت جواهر و فجاة حست بدوخة
طلال: شفيج؟؟
جواهر: ما اشوف شي .. حاسة بدوخة .. طلال يودني
يه طلال و قعدها عالكرسي .. طلال: شفيج حبيبتي؟؟ قومي قومي بوديج المستشفى
جواهر: لالا ما في داعي
طلال: شلون مافي داعي .. قومي يلا
جواهر و هي تاخذ نفس و تتنهد: طلال عادي لا تخاف .. انا حامل و الارهاق هب زين عليي
طلال و هو جنه سمع شي بس يبي يتاكد: شقلتي؟؟
جواهر: ايه طلال .. انا حامل و بثلاث شهور بعد
طلال بفرح: و الله .. و الله جواهر انتي حامل .. و ليش ما قلتي لي ليش؟؟
جواهر: كنت بقولك بس كان نفس اليوم اللي قلت لي انك بتتزوجها
طلال: الله يلعنه من يوم .. لا تذكريني حبيبتي
طلال: جواهر ..
جواهر التفتت عليه دون لا تتكلم
طلال بهمس: احبج
جواهرابتسمت و قطت نفسها بحضن طلال
جواهر: احبك طلال .. احبك
....................
في العين .. و بالتحديد في مستشفى توام .. الكل متجمع بما فيهم شمسة بنت عم نورة اللي يت لها تواسيها .. مايد من أمس طايح في غيبوبة .. و الله العالم يقوم منها او لا .. و متى بيقوم .. هذا اذا قام .. الكل قاعد برع يدعي ربه و يرجيه انه يقومه بالسلامة و يصحى من الغيبوبة ..
بسبة الحادث اللي سواه مايد .. صارت عنده تشوهات في فقرات العمود الفقري لازمها عملية .. بس لازم يقوم قبل من الغيبوبة
نورة و شمسة كانوا قاعدين بعيد شوي عن الباقيين .. نورة مموتة نفسها من الصياح و شمسة واقفة معاها
شمسة: بس خلاص بسج عاد .. خافي ربج انتي حامل
نورة: ما باسامح نفسي يا شمسة اذا صار له شي
شمسة: استغفري ربج .. انتي شذنبج .. بعدين ما بيدج شي
نورة: من يوم خذني و انا معيشته فعذاب و هو يموت عالتراب اللي امشي عليه .. عمره ما زعلني بشي .. و الحين يوم بديت احبه و اتعلق فيه بيروح مني بيروح يا شمسة
شمسة: استغفر الله .. استغفري ربج .. ان شاءالله بيقوم .. بعدين انا ياما نصحتج .. بس شيفيد اللوم الحين .. الله بيقومه ان شاءالله و تقولين له هالكلام بنفسج
نورة: يا رب ادعي له يا شمسة ادعي له
شمسة: مايد طيب و الله بينجيه ان شاءالله .. انتي بس قومي اكلي لج شي و روحي البيت ارتاحي .. انتي حامل و بالشهور الاخيرة بعد
نورة: و وين يهنا لي الاكل و مايد بين الحيا و الموت
شمسة: نورة حبيبتي على الاقل روحي البيت ارتاحي بغرفتج شوي
نورة: حشى عليي ما طبيت الغرفة و مايد مو فيها .. انا ما بروح بتم هنيه
شمسة: حرام عليج نورة .. كفاية امه شوفي حالها مسكينة
نورة: و انا مو مسكينة .. مو كفاية انه ابو ولدي بين الحيا و الموت
شمسة: لا اله الا الله .. قومي قومي حبيبتي .. امج تحاتيج وايد
نورة: هب قايمة قبل لا يقوم مايد
عيزت شمسة فنورة .. بس نورة بطبعها عنيدة اصرت انها اتم عدال مايد و ما ترجع .. و عقب الحاح من الكل اولهم امها ردت بالليل .. عقب ما اقنعوهم المستشفى ان قعدتهم ما منها فايدة .. و لو صار شي هم بيتصلون لهم
ردوا كلهم البيت .. بس و كانت معاهم نورة اللي ما رضت تروح غرفتها .. بسبت حمالها و تعبها .. و لانها حلفت ما تبات فالغرفة ليلة من غير مايد ..
سبحان الله نورة تمت تعاند فمايد و تعذبه .. و هو ميت عليها .. و اليوم يوم بعد عنها .. و هو بين الحياة و الموت .. ندمت و اخيرا اعترفت بحبها له
سبحان الله الواحد ما يحس بقيمة الشي الا اذا فقده؟!
..........
مر شهر عقب هالاحداث
مايد بعده راقد فغيبوبة .. و نورة طبعا كل يوم عنده تتم .. ترد اليبت تريح و ترد تييه و تبات عنده ساعات .. و فهالفترة و بسبب خوفها على مايد زاد حبها له!!
طلال و جواهر علاقتهم وايد احسن عن الاول .. طلال قام يهتم بجواهر اكثر .. و ابد ما يطلع من البيت بدونها الا للضرورة .. و هي نفس الشي
و فهالفترة زادت علاقة طلال باهله خصوصا هنادي !!
بو محمد على نفس حاله هالعيوز غاثيته و كل يوم يتصل يتطمن على بنته
فهد سافر يلحق مرته ببلادها .. لانه راحت تولد هناك من يوم و هي بالشهر الخامس
مريم خلاص باجر بتروح الامارات و قاعده تجهز أغراضها و هنادي وياها .. و كانت وايد حزنانة و طول هالشهر و هيه تحاول تخش زعلها عن مريم عشان لا تضايقها .. و مريم نفس الشي!!
مريم و هي تحط اغراضها و هنادي يمها تساعدها .. و بداخلها حزن عميق .. و كانت ساكتة و لا تتحجى
مريم: ممم هنادي
هنادي بهدوء على غير عادتها: نعم
مريم: شفيج؟؟
هنادي: ما فيني شي
مريم: لا فيج شي صار لج فترة لا تتحجين و لا شي .. و كله ساكتة .. خصوصا معاي انا
هنيه قامت هنادي و طلعت من الغرفة و راحت بيتهم على طول
مريم قامت تلحق هنادي . و بنزلتها شافت يدها و يدتها قاعدين تحت .. "طبعا يدها من يوم وفاة ام مريم ما عاد يتكلم ابد و حاله من سيء لأسوء" .. اليدة نادت مريم
اليدة: ها يما مريم برزتي اغراضج؟؟
مريم: ايه يما خلصت .. باقي بس شوية اغراض
اليدة: و متى طيارتج باجر؟؟
مريم: الصبح يما .. الساعه 9 اتطير ان شاءالله
اليدة: و الله ما ادري شلون بيكون البيت من غيرج يا مريم .. و بدت اليدة مناحة و قامت تصيح .. قامت لها مريم .. و حضنتها و تمت تصيح معاها
مريم: يما انا ما بهدكم .. انا برجع لكم انا ما بتم هناك
و تمت مريم تسكت فيدتها .. اللي بدت مناحة و ما رضت تسكت
عقب ما سكتت مريم يدتها .. راحت صوب بيت هنادي و ركبت لها فوق .. شافتها قاعده على السرير و تصيح
مريم و هي تقعد يمها: هنادي
هنادي كانت ما ترد
مريم: هنادي .. ردي عليي .. انا ادري انج متضايقة .. و انا اكثر منج .. بس انا مجبورة .. و انتي اكثر وحدة كنتي تشجعيني و تقنعيني باني اشوف ابوي .. سكتت و تنهدت .. اوهو عاد ردي عليي
هنادي و هي تصيح: ادري مريم .. انا ابيج تسوين الصح و تشوفين ابوج .. بس انا بعد ما اقدر على فراقج .. بتم وحيدة
مريم: أي فراق .. يالغبية لا تقولين هالحجي .. و لا أي شيء فالدنيا بيفرقنا ان شاءالله .. انا بروح اشوف ابوي و برد ما بتم هناك .. لا تتصورين اني بقدر اهدكم فيوم
هنادي و هي تمسح دموعها: يعني ما بتعيشين هناك
مريم بابتسامه: لا ما بعيش هناك ..
قامت مريم و حضنت هنادي و قالت: انا ما اقدر ابتعد عنكم
و تموا يسولفون
هنادي: مريوم .. تتوقعين بتشوفين خليفة هناك؟!
مريم و هي تبتسم: شدعوه فيلم هندي .. الامارات كبيرة وين بشوفه .. انا الا بشوف ابوي و برجع ان شاءالله
هنادي و هي تغمز : بعد ربج .. يمكن قلبه يدله و يشوفج
مريم: لا و الله .. تصدقين هنوود لولوة اليوم يوم يت تسلم عليي تقول ان خليفة كان ايي كل يوم عزا امي الله يرحمها مع سلمان
هنادي: تدرين ميمي يوم كنتي بالمستشفى انا شفته مرتين موجود قريب من مكان الغرفة مالتج
سكتت مريم و تمت تفكر بينها و بين نفسها
هنادي: الا على طاري لولوة .. شخبارها و متى بتعرس؟؟
مريم: تقول بنص السنة ان شاءالله
و تموا مريم و هنادي يسولفون لين الساعه 1 بالليل عقب قامت مريم .. تكمل ترتيب اغراضها و نامت عندها هنادي
............
فغرفة مايد فالعين .. كانت نورة نايمة عنده اليوم .. عاندت و ما رضت ترد معاهم البيت و تمت وياه
نورة كانت قاعده قريب من مايد و تتامل بويهه
شقد كان ويهه حلو.. اول مرة تحس بهالاحساس .. شافت اشياء وايدة بويه مايد ما كانت تشوفها فيه من قبل
يا ترى هل هيه ما كانت تلاحظ كل هالاشياء بسبب كرهها له ؟!
قربت نورة اكثر من مايد و تمت اتكلمه .. متى بتقوم حبيبي .. متى بتقوم و تنور حياتي .. ابي اقولك اشياء وايد .. ابي اقولك اني احبك .. احبك وايد .. و ترى فراقك مو سهل علي .. ااه فيوم من الايام ما كنت ابي منك ولد .. و لا ابي اتم على ذمتك و ابيك تطلقني .. بس اليوم ابيك انت و ما ابي احد غيرك .. و لا ابي عيال من غيرك .. ااه يا مايد متى بتقوم و تاخذني بحضنك و تريحني .. متى بشوف نظرات عيونك اللي كلها حب و حنان .. غصبا عنها نزلت دموعها .. باست مايد على خده و قامت تصلي لها ركعتين .. و تدعي ربها ان يشفي مايد "حبيبها"
....................
في اليوم الثاني قامت مريم من وقت و هي بالاصل ما قدرت تنام من كثر ما كانت تحاتي هاليوم .. تسبحت و صلت الصبح و بدلت ملابسها و سلمت على اهلها و طبعا الكل تم يصيح بما فيهم اليدة و جواهر و هنادي اللي ابدا ما سكتت .. حتى مريم تمت تصيح معاهم .. ودعتهم و ركبت الطيارة شايلة معاها احلى ذكريات من دلمون أرض الخير .. و رايحة دار زايد دار الكرم و الجود


اسطورة ! غير متواجد حالياً   رد مع اقتباس
قديم 14-12-13, 10:06 PM   #24

اسطورة !

نجم روايتي ومشرفة سابقة وفراشة متالقة بعالم الازياء

alkap ~
 
الصورة الرمزية اسطورة !

? العضوٌ??? » 120033
?  التسِجيلٌ » May 2010
? مشَارَ?اتْي » 15,367
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » اسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond repute
¬» مشروبك   pepsi
?? ??? ~
My Mms ~
افتراضي

الجزء الثالث و العشرين
نزلت الطيارة ارض الامارات و معاها دقت الف دقة من قلب مريم اللي كانت متوترة طول الطريج .. حتى خالها اللي كان قاعد يمها حس بمدى توترها
التفت مريم على الدريشة و تمت تشوف الامارات .. ابتسمت و التفتت على خالها
مريم: خالي .. قط ييت الامارات من قبل؟؟
بو طلال: ييت من قبل .. كان عندي شغل بس فدبي مو هنيه
ردت مريم تطالع من الدريشة و تفكر باهلها هنيه .. يا ترى هل بيستقبلونها اوكي او لا ؟؟!!
شوي و ان الليت يومض يعلن باشارة هبوط الطيارة بشكل تام .. قاموا مريم و خالها .. و نزلوا المطار يمشون .. وقفوا شوي عند موظف الجوازات .. تالي راحوا ينطرون اغراضهم .. طلعوا برع و كان في انظارهم تاكسي الغزال .. اللي اتفق معاه بو طلال من يوم و اهو فالبحرين .. مشى التاكسي و طول الوقت و مريم عيونها برع تطالع .. و فنفس الوقت خايفة و متوترة .. ما باقي الا ساعات و تكون بين احضان "ابوها" .. بو طلال حس بخوف مريم و توترها .. حط ايده على ايدها عساس يحسسها بالامان شوي
مريم بابتسامة متوترة: خايفة خالي .. يا ترى شلون بيستقبلني ؟؟
بو طلال: لا تخافين يا مريم .. ابوج يحبج و وده بقربج من زمان .. بس انا هب عارف انتي ليش رفضتي اخبره بييتج؟؟!!
مريم: خالي انا ما بغيته يدري و يخبر خواني و مرته .. و ادري هم ما بيتقبلوني .. ما بي اسوي له مشاكل
بو طلال: تراهم بيدرون بيدرون
مريم: انا هب رايحة له البيت .. بروح له الشركة .. و بجذيه هله ما بيدرون .. و برجع وياك تالي
بو طلال: بس الشركة مكان شغل .. شلون بتقابلينه هناك؟؟!!
مريم: احسن خالي .. ما بي اسوي له مشاكل بالبيت
بوطلال: خلاص يا مريم شورج و هداية الله
................
انفتحت الغرفة .. و طلع منها الدكتور و على ويهه علامات حزن و اسى .. قال بصوت واطي محد تمنى انه يسمعه ابدا
الكتور: عظم الله اجركم
نورة بصرخة: لا مستحيل .. انت شتقول .. مايد ما مات مايد يحبني و مستحيل يهدني
مشى الدكتور و الكل كان يهدي بنورة .. اللي حالتها حالة و لا هي بدارية عن هوى دارهم .. مايد مات معقولة .. كيف .. و ليش .. استغفر الله .. استغفر الله
قامت نورة بهدوء .. و راحت الغرفة اللي طلع منها الدكتور .. شافت مايد و كان شكله مرتاح .. و مبتسم بعد .. نورة و دموعها تطيح .. مايد حبيبي ليش رحت .. ما تدري اني اباك و أحبك و ما اقدر اعيش من دونك .. اه يا مايد اه
و فجاة حست نورة بصوت مزعج و ايد تدقها على ظهرها
منى: نورة .. نورة .. قومي عاد يلا ما صار رقاد
نورة و هي تفتح عيونها و تستوعب الوضع: منى شفيكم
منى: انتي اللي شفيج .. شكلج كنتي تحلمين .. قومي يلا الساعه صارت 11
نورة عقب ما عرفت ان اللي كانت فيه حلم و ارتاحت شوي: اه .. مايد شحاله؟؟!!
منى: توه اتصلوا المستشفى يبوونا نروح .. امي سارت و قالت لي نوعيج
نورة و هي تشهق و تقوم بسرعه من عالسرير: مايد شفيه اكيد فيه شي اكيد .. انا حاسة
منى: يا بوج الله يهداج ما فيه شي .. لو فيه شي جان خبرونا المستشفى
بدت نورة بمناحة و تمت تصيح و تقول: يا ويلي عليك يا مايد يا ويلي عليك
منى: نورة الله يهديج شفيج لا تفاولين عالريال .. انتي قومي بدلي بسرعه و تطمني عليه .. بروح وياج الدريول ينطرنا
قامت نورة بسرعه من عالسرير .. و غسلت و بدلت ثيابها .. و طلعت بسرعه مع منى عالمستشفى .. و طول الطريج تصيح و هي تحن عالدريول يسرع و منى تهديها .. ام سعيد ما اتصلت و هالشي اللي خرع نورة .. اكيد مايد فيه شي اكيد
.............
وصلوا مريم و خالها شركة بومحمد اللي يشتغل فيها و اللي هيه مالته بالاساس .. طبعا كل خطوة كانت تخطيها مريم تحس بمدى ثقلها و تحس ريولها ما تشيلها و ركبها متدقدقة عليها .. قلبها يدق دق .. و خالها حاس فيها .. و يحاول يساندها
وصلوا فوق وين مكتبه و سؤلوا السكرتيرة عنه
مرام: و اللهي الاستاز ابو محمد مش موقود دلواتي .. هو انتوا عندكم موعد معاه
بوطلال: لا .. هو بيتاخر؟!
مرام: معرفشي .. هو باجتماع .. و مش عارفة امته حييقي بس عاوزلوا يمكن 10 دأأيأ
تموا بوطلال و مريم ينطرون حوالي النص ساعه .. عقبها قاموا و قرروا يينوه باليوم الثاني .. و هم راكبين الاصانصير شافوا بومحمد كان توه راكب من الاصانصير الثاني .. نزلوا و ردوا ركبوا و راحوا المكتب
بو طلال: ممكن نشوفه
مرام: بس حضرتك معيندكش موعد سابق معاه
بوطلال: قوليله واحد من الاهل يبيه و شوفيه شيرد
مرام و هي تلوي بوزها: حاضر
بومحمد: ما قالج من
مرام: لأ بيأول من الاهل و معاه انسة كمان
بو محمد: خليهم يدشون
مرام: تفضلوا
بو طلال: مريم تبيني ادش معاج..!!
مريم بكل ارتباك فالكون: ما ادري خالي
بوطلال: شوفي دشي بروحج انا بنطرج هنيه اوكيه
هزت مريم راسها .. و قلبها كان يدق دق .. فتحت الباب و شافت ابوها مشغول ببعض الاوراق جدامه .. ما عرفت مريم شتسوي
مريم و هي تتحمم و تقول: السلام عليكم
بو محمد و هو يرفع راسه و باستغراب: و عليكم السلام .. خير اختي .. من انتي
مريم بكل ارتباك: انا .... انا .... يبا انا بنت .... مريم بنتك
وقف بكل ذهول و تخالطت بويهه عدت تعبيرات ذهول على استغراب على فرحة على حزن و هالشي اللي حسته مريم و شافته بوييه
بدون مقدمات ما حست مريم الا و بيد ابوها تحضنها بكل حب و حنان .. غصبا عنها حست بحنانه و تشبصت فيه اكثر و تمت تصيح .. و بو محمد بعد نزلت دموعه غصبا عنه .. هو من اول ما شافها حزن لانه تذكر امينة الله يرحمها .. اللي مريم كانت ماخذه نفس رسمة عيونها الناعسة .. و الحين نزلت دموعه من فرحته و شوقه لبنته .. و عدم تصديقة للي صار .. معقولة مريم بنته في حضنه الحين .. هو راح لها البحرين و هي رفضت حتى تشوفه .. و اليوم هي فجاة و بدون مقدمات بين احضانه و عنده
بومحمد: شحالج يا بنتي .. شحالج يا مريم؟؟
مريم و هي تمسح دموعها: انا بخير يبا .. مشتاقت لك .. انت شلونك؟؟
بومحمد: هب كثري يا مريم .. ااه شقد اشتقت لج .. و تمنيت اشوفج قبل لا اموت
مريم: اسم الله عليك يبا .. انا اسفة اني حطيتك بهالموقف .. و ييتك الشركة هنيه
بومحمد: احلى موقف يا مريم .. ما تتصورين يا بنتي فرحتي بج اليوم كيف؟؟؟ انتي ييتي بروحج؟؟
مريم: لا انا ييت مع خالي احمد .. بس اهوه برع قاعد ينطرني
بومحمد: خله يدخل و لا اقولج .. احنا كلنا بنطلع
مريم: وين بنروح يبا؟؟!!
بومحمد: البيت بنتي .. يلا قومي معاي
مريم بتردد و توتر: لا يبا انا ما بروح معاك البيت
بومحمد: افا ليش بنتي .. انا و الله متوله عليج .. و ما صدقت اشوفج
مريم: ادري يبا .. و انا بعد متولهة عليك وايد .. بس انا ما ابغي اسبب لك مشاكل مع هلك و البيت
بو محمد: هلي هم هلج يا مريم ... و بيتي و هو بيتج .. و مثل ما هم هلي و عيالي انتي بعد بنتي و انا ملزوم فيج
مريم: يبا .. سامحني ذاك اليوم .. انا كنت زعلانة على وفاة امي الله يرحمها ..
بو محمد: الله يرحمها و يغمد روحها الجنة يا رب .. انتي اللي سامحيني يا بنتي انا قصرت فيج و في امج وايد
مريم: لا يبا مسموح .. وامي ما ظنها زعلانه عليك .. طول عمرها الله يرحمها ما كانت تذكرك الا بالخير
بومحمد: امج كانت وايد طيبة الله يرحمها .. المهم الحين قومي معاي ..
مريم: و شغلك يبا؟!
بومحمد: أي شغل هذا يا مريم .. انا هب مصدق ان الله استجاب لدعاي كل يوم و انتي معاي الحين .. بعدين الشغل ما باقي له الا ساعه و نص .. قومي الحين معاي لازم انروح البيت
قامت مريم و الابتسامة ما فارقت شفاها بسبب فرحتها بشوفة ابوها شقد ارتاحت .. و احساسها بحبه و حنانه لها .. طلعوا برع .. و سلم بومحمد على بوطلال و خذاه معاهم البيت .. لازم يتغدى معاه اليوم
...........
وصلوا نورة و منى المستشفى .. و نزلت نورة ركض حتى ما نطرت منى تيي وياها .. راحت ركض .. و وصلت لي مكانما مرقد مايد بالمستشفى في عنبر العناية المركزة بس الكارثة انها مالقته
منى و هي توها توصل: انتي وين خليتيني بروحي و رحتي؟؟!!
نورة و دموعها متجمعه فعيونها: منى .. مايد هب موجود
منى بدهشة: شوه .. تعالي تعالي نسال الدكتور
راحوا منى و نورة عند غرفة الدكتور ركض
نورة و هي تتكلم بسرعه: دكتور مايد سلطان وينه هب موجود فالعنبر
الدكتور: اه .. ماجد سلطان .. ده نألناه النهارده اودة رقم 7
نورة طلعت بسرعه و ردت مرة ثانية: دكتور عفواً .. بس أي غرفة قلت لي؟!
الدكتور: غرفة رقم 7
طلعت نورة ركض و منى تركض وراها .. تحاول تلحقها بس هب قادرة
وصلت نورة للغرفة و قلبها يدق دق من الركض و من الخوف .. ريولها هب قادرة تشلها .. حصلت باب الغرفة مفتوح .. و صوت حشرة و ضحك داخل .. طلت براسها .. شافت مايد واعي و معاه امه و اخوه .. ما قدرت تقاوم ابتسامة وسيعة ارتسمت على شفاها .. و حمدت ربها شكر
............
في البحرين هنادي كانت قاعده فالحوش و ملانة .. اليوم اول يوم من عقب مريم لها بالبيت .. صح هي و مريم ما كانوا يسكنون في بيت واحد .. بس اغلب وقتهم ويا بعض لانهم جيران بالاصل .. و اغلب الايام ينامون ويا بعض .. ما افترقوا من يوم ما انوالدوا الا لمن ماتت ام مريم الله يرحمها لبتعدوا شوي مو عشان شي بس عشان ظروف مريم و حزنها .. و طبعا هنادي كانت تحاول ما تخليها بروحها .. هنادي طول اليوم كانت زعلانة و مالها خلق تكلم احد او تاكل و الكل لاحظ هالشي
و هي فعز سرحانها قطع عليها صوت حد يتحنن .. قدرت تميزه هنادي انه صوت جواهر
هنادي: جواهر؟!
جواهر: هلا باللي مالها خلق لاحد كلش
هنادي بابتسامة باهته و حزينة بنفس الوقت: انتوا تعرفون غلاة مريم عندي .. و اهية شنو بالنسبة لي
جواهر: اكيد ندري .. و مريم غالية على قلوبنا كلنا .. بس اهيه مو عند حد غريب عشان تخافين عليها اهية عند اهلها
هنادي: انا مو خايفة عليها انا مشتاقة لها .. ما عندي ربع غيرها احس بفراغ من دونها
جواهر عقب ما زعلت على حالة هنادي: حبيبتي احنا كلنا وياج و حواليج .. و بعدين مريم قايلة ما بتطول
هنادي: الله يسمع منج يا رب
جواهر: انزين يلا .. قومي لبسي
هنادي: ليش وين بنروح؟؟!!
جواهر: بنطلع نتغدى برع
هنادي: لالا انا مالي بارض
جواهر: شدعوه عاد .. عشان خاطري انا و طلال .. احنا طالعين عشانج
هنادي: طلعوا انتوا .. انا بقعد مع امي و ابوي
جواهر: اهمه بعد بييون معانا .. قلنا لهم .. خل نغير جو شوي كلنا .. ملينا من الروتين .. بعدين بعد بنقول ليدي بو احمد و يدتي ام احمد ييون معانا بعد يغيرون جو
هنادي: لالا ما اظن ييون .. تعرفين حالة يدي من عقب وفاة عمتي الله يرحمها .. ما يهد البيت .. و يدتي ما تهده كلش
جواهر: احنا بنحاول فيهم .. يلا عاد قومي انتي يلا
هنادي بابتسامة: انزين
......................
في الامارت و فبوظبي .. و بالتحديد فبيت بو محمد .. وصل البيت و معاه مريم بنته و بو طلال نسبه .. فرحته كانت ما توصف بهاليوم .. معقولة بنته مريم عنده .. و معاه الحين بالبيت
خلاهم بالميلس .. و دخل هو داخل البيت عساس يخبرهم باللي صار .. بو محمد و هو يصارخ: يا ام محمد يا عذيجة وينكم
طلعت شمسة من المطبخ و يت تسلم على ابوها كعادتها اليومية
شمسة: هلا و الله باباتي .. شحالك اليوم .. جنج راد من وقت؟؟!!
بو محمد: هيه و عندي لج مفاجاة بعد
شمسة: و الله .. و شوه يبت لي
بو محمد: بعدين اقولج الا وين امج؟؟!!
شمسة: امايا راحت بيت عمي .. مايد و ريل نورة قام بالسلامة
بومحمد: شهالاخبار الحلوة اليوم
شمسة: انت وراك شي اليوم .. شكلك فرحان و مو طبيعي
بومحمد: اختج مريم
شمسة: شفيها؟؟!!
بومحمد: معاي هنيه بالبيت
شمسة استغربت و بلمت بويه ابوها باستغراب: هنيه؟؟!!
بو محمد: هيه يت اليوم من البحرين هيه و خالها و يبتها معاي هنيه
شمسة: و الله .. ابتسمت ابتسامة وسيعه: مبروك ابوية .. هيه وين
بومحمد: في الميلس هناك
شمسة: عيل بسير اشوفها
بومحمد: تعالي .. وين رايحة .. وين وقايتج .. خالها معاها ترى
شمسة: انزين ييبها داخل .. نبى نشوفها
بو محمد: وين اخوج راشد؟؟!!
شمسة: فوق
بومحمد: ناديه و تعالوا
نادت شمسة اخوها .. و نزلت تحت لقت مريم قاعده بالصالة مع ابوها ..
شمسة: السلام عليكم
وقفت مريم و ابتسمت: و عليكم السلام .. هلا
بومحمد: مريم هذي اختج شمسة .. و عمرها بعمرج .. و هذا راشد
يت شمسة و سلمت على مريم .. شكلها كان هادي و ينبان عليها طيبة و حبوبة .. و نفس الشي مريم ارتاحت لشمسة
راشد اونه مستحي: احم .. شحالج مريم
مريم بابتسامه: انا بخير .. انتوا شلونكم؟؟!!
راشد بلقافة: ازرق
شمسة: ماعليج منه هذا .. انتي وصلتي اليوم
مريم: ايه
بومحمد: خلاص انا بخليكم .. و لا تاذون اختكم .. انا بسير اجابل الرايال .. و خل البشاكير يحطون الغدا .. تعال راشد سلم عالريال
راح راشد و يا ابوه داخل الميلس عن الريال اللي اهو خال مريم .. و تموا مريم و شمسة .. يسولفون بالصالة
مريم: ممممم .. انتي و راشد بس فالبيت؟؟!!
شمسة: هيه .. انا و رشود بس .. عندج اخوي محمد الكبير .. هذا معرس و عايش فدبي مع مرته .. و عقبه فهد .. هذا كان يرس برع .. و رجع لنا بزوجة اجنبية حضرته .. و الحين هو وياها لانها ربت ببلادها .. و عقبه انا و اخر العنقود رشود
و هم بنص سوالفهم دخلت ام محمد البيت .. عرفت ان في حد فالميلس عند بو محمد فدخلت داخل على طول و شافت بنت بعمر شمسة تقريبا قاعده
ام محمد: السلام عليكم
وقفت مريم و ابتسمت: و عليكم السلام .. هلا
أم محمد: مرحبا الساع .. شحالج بنتي ؟؟
مريم: بخير
شمسة تقطعهم: امايا هذي اختي مريم
ابتسمت مريم اما ام محمد فكشرت بويهها و بانت على ويها العصبية .. و سكتت و تركتهم و دخلت غرفتها داخل .. و تركت مريم واقفة في ذهول و لا هي بعارفة شسالفة؟؟!!


اسطورة ! غير متواجد حالياً   رد مع اقتباس
قديم 14-12-13, 10:07 PM   #25

اسطورة !

نجم روايتي ومشرفة سابقة وفراشة متالقة بعالم الازياء

alkap ~
 
الصورة الرمزية اسطورة !

? العضوٌ??? » 120033
?  التسِجيلٌ » May 2010
? مشَارَ?اتْي » 15,367
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » اسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond repute
¬» مشروبك   pepsi
?? ??? ~
My Mms ~
افتراضي

الجزء الرابع و العشرين
فالعين و بالتحديد في احدى غرف مستشفى توام .. نورة كانت قاعده فصمت و هدوء .. الكل يتكلم و فرحان الا هي فرحانه بس هب عارفة تطلع فرحها و الكل من حواليها .. يا ربي متى بيطلعون عشان اقوله كل اللي بخاطري متى .. و فجاة قطع عليها صمتها صوت خالتها ام سعيد
نورة: نعم خالتي
سعيد: لا الظاهر نورة هب معانا ابد
ابتسمت نورة و نزلت راسها بحيا .. نورة و هي تقوم: عن اذنكم انا بسير اصلي
طلعت نورة .. و هي بالاصل كانت تبي تطلع لانها تحس الكل يطالعها .. و جنهم يقرون و يشوفون اللي فقلبها .. كانت تعد الساعات عشان يطلعون و تقعد معاه بروحها .. راحت صوب المصلى .. صلت العصر و السنة .. و صلت ركعتين شكر لربها
طلعت من المصلى و شافت منى و فاطمة و ام سعيد يايين صوبها
أم سعيد: امايا نورة نحن سايرين البيت نبدل و نريح و بنرجع عقب صلاة المغرب
نورة بابتسامة: الله وياكم خالتي
ام سعيد: ما بتيين ويانا بنتي؟؟
نورة: لا خالتي انا بقعد مع مايد يمكن يحتاج شي
أم سعيد: ارتاحي يا بنتي ما باقي شي عولادتج
نورة: خالتي انا مرتاحة جذيه
فاطمة: امايا خليها براحتها .. تبي تقعد مع القلب بروحها
نورة استحت و نزلت راسها تحت و هي تبتسم
استاذنوا ام سعيد و البنات و راحوا مع سعيد البيت يريحون شوي .. اما نورة فما صدقت تييها الفرصة .. راحت ركض صوب الغرفة .. لكنها لما وصلت قريب من الغرفة .. حست ريولها ما تشلها و انها تسحبها سحاب .. خايفة من المواجهة .. يا ترى كيف بتواجهه .. بيسامحها او لا .. استغلت الفرصة ان محد موجود و دخلت الغرفة .. شافت مايد لاف بويها صوب الدريشة و شكله كان سرحان .. دخلت نورة و تعمدت تسوي صوت ان مايد يحس ابها .. مايد لف ويهه صوب نورة و ابتسم ابتسامة باهته عقب رد يطالع صوب الدريشة .. نزلت نورة راسها .. و راحت يلست عالكرسي اللي مجابله ..
نورة بصوت واطي بالكاد ينسمع: الحمدلله عالسلامة مايد
مايد بحزن دون لا يلف صوبها: الله يسلمج
نورة: اااه مايد
مايد: نعم
نورة: ممكن تطالع فيني و انا اكلمك؟!
مايد و هو يطالعها: انا عارف شو بتقولين .. و ما ابي اسمعها منج نورة .. اصبري عليي شوي
نورة: تعرف اللي بقوله
مايد: هيه .. سكت شوي و كمل .. اعرف انج تبين الطلاق .. خصوصا عقب الحادث اكيد كرهتيني اكثر .. سكت شوي تنهد و كمل .. صبري عللييي شوي على الاقل عقب ما تولدين
نورة نزلت راسها بحزن .. و حست ان مهمتها صعبت .. مايد فهمها غلط!!
قوت قلبها و قامت و يلست عدال مايد و مسكت ايده .. مايد استغرب حركتها .. بس سمعها و هي ترمس
نورة: ااه مايد .. انا فالبداية ما كنت .. ما كنت احبك .. و لا احس باي شعور اتجاهك .. و اتضايقت وايد لما حملت .. ما كنت ابي شي يربطني بك ..
مايد تضايق و سحب ايده من ايدها: خلاص نورة ارجوج .. ما في داعي تكملين
نورة: ارجوك خلني اكمل .. مايد انا كنت ضايعة و حسيت بلحظة انه زواجك غلطة و عناد مني .. ما احس بشعور يربطني تجاهك .. بس كنت امجذب لك احيانا .. افكر فيك و ما كنت اعرف افسر هالشعور .. احس نفسي متناقضة كنت
ردت مسكت ايد مايد: و يوم اللي صار الحادث و حسيت اني بفقدك .. كرهت نفسي .. و تمنيت لو اموت معاك .. سكتت نورة و دموعها بدت تنزل
مايد انا حسيت بقيمتك .. انا كنت احبك بس كنت اكابر .. او يمكن ما حسيت لانك كنت دايم معاي .. بس لمن فقدتك .. كرهت نفسي و كرهت البيت بكبره .. و كل االلي كان هامني انت .. و اللي ببطني منك .. سكتت نورة و تمت تصيح
فجاة رفعت راسها و حاولت تمسح دموعها و تستجمع قواها .. لازم تقولها لازم
نورة: مايد انا .. انا احبك
هنيه مايد سكتت .. و قعد يحاول يستوعب الوضع .. هذي فعلا نورة و لا هو قاعد يتحلم
مايد: شكلي بعدني ما وعيت من الغيبوبة
نورة: لا مايد انته واعي .. و انا معاك .. و ما بخليك ابد ان شاءالله
مايد قعد و ابتسم ابتسامه باهته: نورة من صجج و الا انتي شفقانة عليي عشان الحادث ؟؟!!
نورة: لا مايد انا احبك .. احبك صج .. و حياتي مالها معنى بدونك .. و بحركة عفوائية .. قطت نورة نفسها فحضن مايد و تمت تصيح و تقول احبك مايد احبك
..................
فبيت بو محمد .. الكل كان متجمع فالصالة بما فيهم محمد و حرمته اللي يوو من دبي مخصوص عشان مريم .. الكل كان فرحان الا ام محمد اللي تحس انه مريم هم و كابوس حل عليها
بو محمد: انا باجر عازم اخوي عالغدا
محمد: بمناسبة شو ابويا؟!
بو محمد و هو يلتفت على مريم و يبتسم: بمناسبة يية الغالية مريم .. خواني لازم يعرفون ان عندهم بنت اخو .. و مريم بعد لازم تعرف اهلها ..
ام محمد لوت بوزها و قالت: هب لازم العزيمة .. خبرهم بالتلفون
بو محمد فهم قصدها و كمل غياضا فيها: لا .. لازم الكل يي و يطالع بنتي المزيونة .. و تتعرف عليهم
ابتسمت مريم و حست بفرح من داخلها انه ابوها فرحان فيها .. و يبي يعرفها على هله .. حست ان ابوها ما بيتخلى عنها ابد .. صح ما راح يعوضها عن امها .. بس على الاقل بيقوم بشوي من دورها
..............
فالبحرين و بالتحديد فغرفة طلال و جواهر .. طلال كان قاعد يقرى الجريدة .. و جواهر كانت عند هنادي بالغرفة .. عقب شوي طلعت و يت عند طلال
طلال و هو يغايض جواهر: تو الناس
جواهر: حرام عليك كنت عند هنادي
طلال: لا و الله .. و انا ريلج لي الله؟؟!!
جواهر: شدعوه .. انته حبيبي .. بس يحليلها هنودة متضايقة شوي .. عشان مريومة
طلال: صح الا على طاري مريم .. ما اتصلت فيكم؟؟!!
جواهر: امبلة اتصلت مساعه فبيت يدي .. و احين طلعت عن جواهر و اهي تكلم مريوم
طلال: شخبارها؟؟!!
جواهر: الحمدلله بخير .. تقول مرتاحة .. المهم .. قوم يلا انا حطيت لك العشى عقب ما طلعت من غرفة جواهر
طلال: يلا
..................
في غرفة هنادي
هنادي و هي تصيح: البيت مو حلو من دونج و الله
مريم و هي شوي و تصيح و بالغصب ماسكة عمرها: خلاص هنادي .. انا الا جريبة منكم .. و كل يوم بحاجيج بعد
هنادي ما تكلمت و تمت تصيح
مريم: يلا عاد هنوود ارجوج لا تخليني اصيح .. و الله بحاجيج كل يووم .. وعد
هنادي و سكتت ما تبي تزعل مريم .. بروحها بغربة عقولتها: اوكي خلاص .. تحملي بروحج عدل .. و لا تنسيني
مريم و هي تدمع: نساج الموت .. انا انسى روحي و لا انساكم .. انتوا حياتي و كل عالمي .. خصوصا انتي
هنادي: خلاص تحملي بعمرج
مريم: و انتي بعد
هنادي: مريم .. اكيد انتي مرتاحة و يعاملونج اوكي ؟؟!! .. ما يضايقونج ؟؟!!
مريم: لا بالعكس .. و التفتت على شمسة .. كلهم طيبين و بالاخص اختي شماس و ابتسمت
هنادي: خلاص عيل تصبحين على خير
مريم: و انتي بخير .. مع السلامة
هنادي: مع السلامة
سكرت مريم التلفون و التفتت على شمسة و هي تبتسم و تمسح دموعها
شمسة: هذي بنت خالج صح؟؟!!
مريم: صح .. و مو بس جذيه .. هنادي اكثر من اختي .. هذي رفيجة عمري و حياتي
شمسة: يبين انكم تحبون بعض ما شاءالله
مريم: هنادي وايد طيبة .. و من وعيت على الدنيا و احنا ما تفارقنا .. تعرفين ما كان عندي خوات .. هي كانت بالنسبة لي الاخت و كل شي .. خصوصا عقب وفاة امي .. صارت هي كل دنيتي
شمسة: الله يرحمها .. و الله يخليكم لبعض .. ابتسمت و كملت: و الحين انتي هب بروحج .. عندج اخت و 3 خوان
مريم و هي تبتسم: مم انا شفتكم كلكم باقي بس فهد
شمسة: هيه هذا خله لاهي بدنيته
مريم: ليش تتكلمون عنه بهالطريقة .. حتى ابوي يوم يتكلم عنه احسه شايل عليه؟؟!!
شمسة: قلت يا ريم .. فهد ساففر و تزوج من غير لا يقولنا ..
مريم: غلط .. يمكن حبها .. و خاف على نفسه من الغلط؟؟!!
شمسة: فهد وايد متدلع من امي يا مريم .. تدرين كان يحب بنت عمي نورة .. و يموت فيها بعد و هي نفس الشي و اكثر
مريم تقطع عليها: نورة اللي حاطة صورتها بغرفتج ؟؟
شمسة: هيه .. فهد خذلها و خذلنا كلنا
مريم: بالاخير هو منكم و فيكم .. و مرده لكم .. و مردكم له
شمسة: الله كريم .. المهم قومي ننزل نتعشى تحت
مريم بابتسامة: اوكي يلا
.........
في احدى شقق امريكا .. فهد كان واقف و الشرار طالع من عينه و جولي كانت ماعطته ظهرها
فهد: هل تعنين ما تقولين جولي
joly .. do you mean what you are saying??
جولي: نعم فهد .. اعني ما اقول .. انا لا امزح
Joly: sure fahad I am not joking
فهد: كيف استطعتي ان تفعلينها .. كيف جولي
How can you did it?? How can joly
جولي: انظر فهد .. زواجي منك كان غلطة .. و انا حاولت ان احبك و لكن لم استطع
Joly: see fahad .. our marriage was a wrong thing and I tried to love you but I couldn’t
فهد هنيه ما قدر يقاوم نفسه .. صفعها كف و طلع من الشقة للمطار على طوووول .. معقولة جولي اللي حبها و هد هله عشانها .. تسوي جذيه .. الولد اللي يابته مو ولده ولد واحد ثاني .. معقولة تزوجتني عشان بيزاتي بس .. كيف اقنعتني باسلامها و برائتها كيف .. كان فهد منهار عالاخر و ركب الطيارة و هو حالته حاله .. ينتظر متى يرد البلاد
...................
في مستشفى توام فالعين
مايد: تعبت خلاص ابا اظهر .. متى بيظهروني من هنيه؟!
نورة: حبيبتي هنيه احسن لك .. يتطمنون عليك .. بعدين انا معاك و بنام معاك بعد
مايد: اولا حبيبتي سيري البيت ارتاحي انتي حامل و قريب تولدين .. بعدين انا تعبت من هنيه ابا ارد البيت
نورة: حتى انا كارهة من عقبك .. بس هذي اوامر الطبيب
مايد: نورة تحبيني
نورة و هي منزلة ارسها و بابتسامة عذبة: و اموت فيك بعد
فهد: متى موعد ولادتج
نورة: الاسبوع الياي ان شاءالله
فهد: خلاص ما يخصني انا بطلع ابي اكون موجود معاج
نورة: انا ما بولد الا و انت معاي ان شاءالله .. محد بيدخل معاي غرفة العمليات غيرك .. بعدين الدكتور قال انك ما بتطول عن اسبوع
مايد و هو يمسك ايد نورة: احبج نورة
نورة بابتسامة: و انا بعد احبك مايد
.........................
اليوم الثاني بو خليفة و عياله كلهم كانوا متجمعين فبيت بو محمد الا نورة طبعا .. بو محمد كلهم و خبرهم بسالفة بنته مريم .. طبعا بو خليفة كان يدري بسالفة زواج اخوه من البحرينية .. عشان جذيه ما استغرب من الموضوع وايد بعكس عياله اللي استغربوا باستثناء خليفة طبعا
عقب الغدا الكل كان مجتمع فالصالة .. باستثناء شمسة و مريم كانوا قاعدين فوق بالصالة .. و ياهم راشد
راشد: مريم ابوية يقولج انزلي تحت .. عمي يبا يسلم عليج
مريم و هي تلتفت على شمسة: شماس خايفة انزل
شمسة: شدعوه مريم .. خلج قوية .. بعدين انتي ما بتدشين حرب
مريم سكتت و تمت تطالع تحت
شمسة: يلا عاد مريم .. ما فيها شي و الله قومي يلا
قامت شمسة .. و خذت مريم من يدها من بعد ما لبست شيلتها .. و نزلوا ثنتيناهم تحت .. مريم من الارتباك ما انتبهت للي قاعدين تحت .. كانت منزلة راسها .. و شمسة راحت تسلم على فاطمة و على عمها .. عمها كان يحبها وايد ..
بومحمد: مريم .. تعالي سلمي على عمج
يت مريم و سلمت على عمها و باسته على راسه و من عقبها سلمت على فاطمة و مرت عمها
بومحمد: مريم .. هذول عيال عمج .. سلطان و خليفة ابتسم و كمل .. خليفة كان يدرس عندكم فالبحرين
رفعت مريم راسها و كلها ذهول .. اهو اهوو خليفة يا ربي .. صج ان الدنيا صغيرة .. ابتسم خليفة بعذوبة و ردت له مريم الابتسامة بمثلها ..
خليفة بابتسامة: شحالج مريم؟؟
مريم و هي منزلة راسها: الحمدلله .. عن اذنكم .. راحت و قعدت مع الحريم فالصالة الثانية .. و فكرها مو معاها .. خليفة طلع ولد عمها و جدامها كان توه .. يا ربي صج الدنيا صغيرة .. ما تدري ليش بس حست بشعور غريب و استانست حييييييييل لمن شافته .. و جاه قطع عليها سرحانها صوت شمسة
شمسة: لا الاخت ابدا هب معانا ..
فاطمة بابتسامة: اللي ماخذ عقلج
مريم: لا بس افكر بيدي و يدتي
ام خليفة: بتتعودين عالعيشة هنيه ان شاءالله
ابتسمت مريم .. اما ام خليفة لوت بوزها .. و قالت بصوت واطي سمعته ام خليفة: عساها ما تتعود
سكتت ام خليفة و قالت بخاطرها الله يعينج يا مريم .. ام خليفة كانت تعرف ام محمد زين و انها ما بتخلي مريم فحالها .. كفاية اللي سوته بامها و خلو بو محمد يطلقها .. الله يعينج يا مريم الله يعينج
...........
خليفة اول ما طلع من بيت عمه راح على طول البحر .. و تم سارح و يفكر بمريم .. يالله يا مريامي .. القدر قاعد يجربج مني .. لما خلصت دراستي و بعدت عنج .. انتي ييتيني لي محلي .. مريم بنت عمي .. و قريبة مني .. كل ما اشتاق لها اقدر اروح لها هناك .. او عالاقل امر هناك .. و اتطمن عليها لو من بعيد .. او احس بها عالاقل .. يعني المهمة اسهل الحين من قبل .. كلها فترة بسيطة و مريم تصير زوجتي .. ابتسم خليفة و قام و ركب سيارته و راح البيت و فكره كله عند مريم


اسطورة ! غير متواجد حالياً   رد مع اقتباس
قديم 14-12-13, 10:08 PM   #26

اسطورة !

نجم روايتي ومشرفة سابقة وفراشة متالقة بعالم الازياء

alkap ~
 
الصورة الرمزية اسطورة !

? العضوٌ??? » 120033
?  التسِجيلٌ » May 2010
? مشَارَ?اتْي » 15,367
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » اسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond repute
¬» مشروبك   pepsi
?? ??? ~
My Mms ~
افتراضي

الجزء الخامس و العشرون
كانوا مريم و شمسة قاعدين بغرفتة مريم فوق .. و مريم قاعدة تراويي شمسة البومات صور لهم و هم في حوار و غيرها و تعرفها على اهلها هناك .. و هم بعز سوالفهم و اندماجهم سمعوا دق قووي عالباب ..و الجرس كان يرن و يرن .. اخترعوا مريم و شمسة .. و استغربوا من اللي يايهم هالحزة ؟؟!!
نزلوا الصالة تحت و شافوا أبوهم سابقهم يفتح الباب .. غريبة .. من يايهم بذي الوقت ؟؟
فتح بو محمد الباب .. و شاف حد ابدا ما توقعه .. ولده فهد وشكله تعبان وااايد .. بالرغم من زعل بو محمد من ولده الا انه ما قدر ان يمنع نفسه من خوفه عليه لمن شاه بهالشكل
بومحمد بخوف: فهد .. شبلاك
بالرغم من قوة شخصية فهد و عناده و دلعه الا انه ما تحمل نبرة الخوف في صوت ابوه اللي حذله .. ابوه اللي ما قصر عليه بشي .. و هو راح و تزوج من وراه .. و من من ؟؟!!
ما قدر فهد يقاوم نفسه انه يحضن ابوه بقوة و يصيح بصوت عالي .. يصيح نفسه و ابوه و امه .. و نورة آآآآآآآآآآه يا نورة
غصبا عنه بو محمد نزلت دمعه من عينه و دخل فهد داخل
شمسة و مريم واقفات مثل الاطرش فالزفه و لا هم بداريين شسالفة ؟؟!! بس مريم عورها قلبها و انقبض على "اخوها" فهد
ركبوا فوق هيه و اختها و بو محمد راح مع ولدته غرفته و هو قلبه و فكره كله عند ولده ..
بومحمد: فهد .. شبلاك؟؟!!
تم فهد ساكت فترة مستحي من أبوه و من نفسه .. و هب عارف شو يقوله .. بس تحت اصرار ابوه و إلحاحه اضطر انه يقوله السالفة كاملة
بومحمد بعصبية: شفت يا فهد .. شفت اخر استهتارك و لعبك!!
فهد: ابويا .. انا و الله ندمان .. و هب قادر احط عيني بعينكم
بومحمد صح فهد كسر خاطره بس ما حب يبين له انه تعاطف معاه .. عشان لا يتعود و يكرر اخطائه .. فهد لازم يعرف انه اللي سواه كبير و صعب ينغفر .. تركه بالغرفة و طلع غرفته .. و يحس انه مهموم .. توضى و قام صلى لربه ركعتين لين ما ياذن الصبح
.......................
اليوم الثاني الصبح .. البيت كان ريحته كله بخور .. و الفرحة متوزعه فكل ركن من اركانه .. مايد اليوم رخصوه .. و هو و نورة يايين الحين بالدرب .. بس الحادث سبب اعاقة بسيطة بريل مايد .. و كان ناوي يسافر برع يتعالج .. لكنه يتريى نورة تربي و تقوم بالسلامة .. خصوصا انها مصرة تروح معاه
وصلوا فهد نورة البيت نزل فهد و نورة كانت ماسكتنه .. نورة كانت الفرحة مو شايلتنها .. محد بالدنيا فرحان كثرها .. حتى غرفتها حلفت ان ما تدخلها من غير مايد .. دخلوا البيت و الكل قام يسلم على مايد .. و ام سعيد قامت تصيح من الفرحة
مايد: اماية شبلاج .. انا الحمدلله بخير الحين
ام سعيد و هي بعدها تصيح: هب مصدقة يا ولدي اني اشوفج صاحي جدام عيني .. و ردت تصيح اكثر
بو سعيد: خلاص يا حرمة الريال بخير .. نشي بس خلني اسلم عليه
مايد و هو يبوس راس ابوه: شحالك ابوية
بو سعيد: الحمدلله على سلامتك يا ولدي خرعتنا عليك
و يلس مايد .. و الكل يلس يسولف معاه .. و قاموا تغدوا رباعه الكل كان فرحان .. بس محد منهم فرحته كانت مثل فرحة نورة
............................
في بيت بو محمد و عقب الغدا بومحمد و مرته يالسين فالغرفة
ام محمد: هب عدلة عليك يا بو محمد اللي تسويه .. الولد صح غلط .. بس ما يستوي تعامله جي
بو محمد: خليه يا ام محمد .. الولد ما بيعرف غلطته و لا بيحس بجيمتها الا يوم يعرف حجم الغلطة اللي سواها
ام محمد: و لو بس الولد يا يستسمح منك و انت رديته؟!
بو محمد: طبعا برده .. هو لازم يعرف ان اللي سواه ما ينتسى بين يوم و ليلة
ام محمد: بس يا بو محمد
بو محمد و هو يقطع رمستها: هالرمسة سديها .. و ما بسوي الا اللي اشوفه صح .. انا ساير اصلي العصر
.............................
بعد مرور اسبوع من الاحداث التالية
هنادي حالها مثل ما هو .. كل يوم امل عن اللي قبله .. بس شوي تعودت عالوضع خصوصا ان جواهر ابدا هب مخليتنها فحالها .. و مريم كل يوم تتصل لها و تكلمها بالنت بعد
جواهر و طلال .. سمن على عسل .. و علاقتهم كل يوم تتقرب .. جواهر قامت وايد تهتم فيه عشان ما يحس بالنقص .. و هو قد ما يقدر يسعدها عشان يكفر عن غلطته ..
مريم بدت تتاقلم عالوضع .. خصوصا ان الكل يعاملها باهتمام الا "ام محمد" و مريم لاحظت هالشي لكن مريم مقررة تغير هالوضع .. و تحسن علاقتتها بمرت ابوها
خليفة .. فرحته ما مثلها فرحه .. روحه و حياته طلعت بنت عمه .. و كل ايام و يتخذ الخطوة .. و يسوي اللي بباله
فهد دوومه بروحه و حزين .. يا صاك على عمره الغرفة .. يا طالع البحر او أي مكان بروحه .. و ما يرد الا آخر الليل .. يحس انه كاره حياته .. و ماله خلق يجابل حد حتى هله .. خصوصا انه مستحي منهم وايد .. و عقب صد ابوه له و رفضه مسامحته
نورة و مايد .. علاقتهم مثل أي اثنين توهم يحبون و يستكشفون بعض .. و اليوم موعد ولادة نورة و هيه نايمة حاليا بالمستشفى
ام خليفة و هيه ياية ركض و معاها خليفة: ها يا مايد بشر شحالها نورة؟
مايد و هو يسلم عولد خالته: يقول الدخاترة بخير و ولادتها طبيعية .. بس بعدني احاتي
ام خليفة: دام الدخاترة طمنوك خلاص ان شاءالله خير
مايد: بس تاخروا وايد
أم خليفة: اول ولادة يا ولدي لازم تتاخر .. لا تخاف
ام سعيد: من مساع و انا اقولة يا اختي بس هو ابد .. مو قادر يقعد بمكان واحد
ام خليفة: هههههه .. الله يفرحكم و يجعله او يجعلها من الذرية الصالحة
و عقب فترة قضوها برع و مايد قاعد يقرى قران .. طلعت الدكتورة برع .. و على ويها ابتسامه عذبة
الدكتورة: مبروووووك
أم خليفة: ها بشري شيابت ؟؟!!
الدكتورة: جابت بنوتة اقمورة .. ربنا يحفظها ليكم
مايد: دكتورة المهم نورة شحالها
الدكتورة: كويسة قوي .. بس تعبانة شوي من اثر الولادة
مايد: اقدر اشوفها؟؟!!
الدكتورة: تفضل هيا بالاودة دي
راح مايد الغرفة يسلم على نورة و يتحمد لها بالسلامة .. و عقب راح يتطمن على بنته .. و ام خليفة و خليفة و ام سعيد راحوا سيدة للبنت .. و خذها خليفة و تم ياذن باذنها
................
في بيت أم محمد .. بو محمد طبعا كان بالدوام .. و ام محمد تحت بغرفتها .. شمسة كانت نايمة .. قعدت مريم تسبحت و نزلت تحت .. مالقت ام محمد و قالت لها البشكارة انها بغرفتها .. ام محمد و هي توها مخلصة صلاة الضحى .. سمعت صوت دق خيف عالباب
ام محمد: ادخلي شسمة
مريم و هي تدخل شافت ام محمد تطوي السيادة كانت خايفة من اللي بتسويه .. بس ربها وياها و بتحاول وياها بكل الطرق ..
مريم: هذي انا خالتي هب شمسة
ام محمد و هي لاوية بوزها: خير مريم بغيتي شي؟!
مريم: ايه خالتي بغيت احاجيج شوي .. ممكن ادخل
ام محمد بتافف: ادخلي .. شبغيتي
مريم و خوفها زاد و قلبها قام يدق: خالتي انا من اول يوم ييت و احس انج هب متقبلة وجودي .. و متضايقة مني
ام محمد: هذا اللي بغيتي تقولينه
مريم و هي منزلة راسها: خالتي انا ما بغيتج تشيلين فقلبج علي .. انا ييت هنيه و مو قصدي اني اسوي مشاكل او اضايقكم .. انا انا بس من عقب وفاة امي يوم دريت ان ابوي عايش كان لازم ايي و اتعرف عليه و اعرف خواني .. الله العالم اني يوم ييت هنيه حبيتكم .. حتى انتي حبيتج
نزلت راسها و كملت: ادري انج متضايقة مني لاني بنت مرت ريلج .. و انتي ببالج انه هيه خذت ريلج .. عشان جي كرهتيها و كرهتيني .. سكتت و ردت تكمل .. بعض النظر عن الماضي .. انا انولدت و ما اخترت امي و ابوي و لا اخترت الظروف اللي بعيش فيها .. فارجوج .. مو لازم تحبيني .. بس لا تعاقبيني بذنب انا ما ارتكبته .. و لا لي يد فيه .. سكتت مريم و تجمعت الدموع فعيونها و صارت عيونها تلمع .. بعدين امي الحين راحت .. سكتت تحاول ما تصيح .. امي راحت و لو كنتي عرفتيها اكيد بتحبينها .. مريم و هي تصيح عطيني فرصة و عقب قرري اذا تكرهيني او لا .. و لو ما تبوني انا برجع البحرين ..
ام ومحمد بالرغم من جبروتها و قسوت قلبها لكن هي ام و الام مهما كان لازم بيكون فيها حنيه .. و لما فكرت بمريم و حالها و انها مالها ذنب كسرت خاطرها .. و قررت انها تعطيها فرصة و ما تعاملها و تعاقبها بذنب ابوها .. مريم مالها ذنب .. و لا امها لها ذنب
.........................
في مستشفى العين مريم و شمسة و امها .. كانوا ماشين صوب غرفة نورة .. طبعا لازم ييون يباركون لها بالسلامة
دخلوا الغرفة و لقوا نورة مع خليفة بالغرفة
فز قلب شمسة و مريم بنفس الوقت لمن شافوا خليفة .. و خليفة فرح بشوفة حبيبة قلبه مريم .. و ما توقع يشوفها اليوم و هنيه
دخلوا و سلموا على نورة و تشكروا لها بالسلامة .. طبعا شمسة كانت متغشية .. اما مريم فبحكم بيئتها ما كانت متغشية .. بس ملتزمة بحجابها و حشمتها .. من خلال ويهها مبين انها فرحت بشوفة خليفة
ام خليفة: عيل وين امج و خالتج؟
نورة: كانوا هنيه توهم .. و وداهم مايد البيت .. و بيوون عقب عالساعه خمس
خليفة بابتسامة: شحالج
مريم و هي منزلة راسها: بخير
نورة: شحالج شمسة؟
شمسة: الحمدلله .. شحالها البيبي
نورة: تمام ربي يسر حالج
مريم: شسميتوها؟؟
نورة: حمده على خالتي ام مايد
مريم: تتربى بعزكم يا رب
نورة: تسلمين و عقبالج
خليفة على طول التفت يشوف مريم و هي استحت و نزلت راسها
أم خليفة راحت الحمام تتوضى و تموا نورة و مريم و شمسة و خليفة بالغرفة
مريم: وين البيبي عيل؟!
نورة: بالحضانة .. بييوبونه بعدين
مريم: ما شفتيه؟
نورة: لا
مريم: يصير نروح نشوفه؟!
خليفة بلقافة: هيه يصير
مريم: شماس قومي نشوفه
شمسة: ما فيني اقوم .. تريي عقب شوي بنروح
مريم: خلاص انا بروح الحين و انتي لحقيني
شمسة: اوكيه
طلعت مريم من الغرفة و على طول طلع خليفة وراها ..
خليفة: مريم .. مريم
مريم و هي طبعا عرفت صوته قبل لا تلف
خليفة: شحالج؟
مريم و هي منزلة راسها: بخير
خليفة: شفتي الصدفة كيف قاعده تجمعنا .. و لا هي براضية تفرقنا
مريم نزلت راسها و ابتسمت و شافت شمسة ياية من بعيد .. بس شمسة ما انتبهت لهم .. عقب ما شافوا البيبي سلموا على نورة و راحوا مع ام محمد بيت ام سعيد سلموا عليهم و تشكروا لهم بالسلامة عالسريع .. و صلوا المغرب و رجعوا بوظبي
................
في غرفة نورة .. و ما كان فيها الا خلفة و نورة و البيبي اللي توه يابوه
نورة: خليفة .. انت شبينك و بين مريم
خليفة بصدمة: شبيني و بينها بنت عمي مثل ما هي بنت عمج
نورة: هب عليي هالحركات .. انا شايفة حركاتك من اول ما دشت .. و سالت عن احوالها من دون لا تسال شمسة .. حتى يوم طلعت برع لحقتها سيدة .. تراني هب هبلة و عارفتك زين
خليفة و حس ان هيه كشفته خلاص: أحبها
نورة بصدمة: خليفة انت صاحي .. حرام عليك .. و شمسة .. بعدين عيب عليك توك شايفها و تعلقت فيها .. معناته مشاعرك متقلبة
خليفة: انتي تدرين من زمان اني ما احب شمسة و لا ابيها
نورة: بغض النظر عن شمسة .. طريقة حبك لها غلط و متسرعه
خليفةّ: و انتي شدراج؟؟!! انتي هب عارفة شي
نورة: كل شي مبين
خليفة: لا تظلميني و اسمعي اللي بقوله لج للنهاية .. و اباه بيني و بينج
نورة: اسمعك قول
و قال خليفة لنورة السالفة كلها من اول ما شافها فالبحرين لين ما قال لعمه و شافها فالامارات
نورة بصدمة: معقولة .. انت اللي عرفت عمي على بنته؟!
خليفة: هيه .. و انا حبيتها من قبل مثل ما قلت لج
نورة و كسرت خاطرها مريم: يحليلها حرام ما تستاهل
خليفة: هيه فديتها
نورة و كاسرة خاطرها شمسة: بس حرام و شمسة؟!
خليفة: ما يخصني فيها
نورة: تحبك
خليفة: و مريم بعد تحبني و احبها
خليفة: هيه قالت لك ؟؟
خليفة: لا .. بس انا حسيت
و قطع عليهم سوالفهم صوت مايد و امه و خالته و هم يايين من البيت
....................
في غرفة شمسة فوق فبيت بو محمد
مريم: يحليلها نورة .. شكلها طيوبة
شمسة: وايد
مريم: و شكلج تحبينها وايد
شمسة: هيه و اموت فيها بعد
مريم و طلعت منها عفوائية: حتى خليفة شكله طيب
شمسة: هيه طيب وايد وايد وايد
مريم: هههه مبين عليه
شمسة: شخصية و جنتل
مريم: بعد
شمسة: بخجل هيه
مريم باستغراب: و شفيج مستحية يا زعم؟!
شمسة: لا ما شي .. بس من اشوفه اتلخبط .. و احس قلبي يدق دق
مريم و هي حست بشي ما تمنته ابد و حبت تتاكد: شسالفة قوليلي؟!
شمسة باستحياء: ابد .. انا و خليفة مخطوبين من زمان .. و من يوم وعيت عالدنيا و انا احبه
هالكلام كله كان يطلع مثل سجاجين تقطع في قلب مريم
شمسة تحبه .. و هم مخطوبين لا مستحيل
عيل ليش تعرض لي و اوهمني بحبه .. ليش خلاني احبه نذل حقير
و تجمعت عينها بالدموع
شمسة: شفيج حووو اكلمج .. وينج
مريم: ها .. لا هنيه .. بس تعبانة .. تصبحين على خير
و راحت غرفتها .. و قطت عمرها عالسرير و تمت تصيح بحرقة .. يوم حبيته .. و صارت قريبة منه .. اكتشفت مدى نذالته و حقارته .. يدري انه هيه اخت شمسة و يكلمها اليوم و يقولها ان القدر قربهم .. اااه يا خليفة .. ليش سويت جذيه ليش .. و تمت مريم تصيح و تصيح
تصيح ظلم الايام و غدر السنين .. تصيح الدنيا اللي عطتها ظهرها .. و يوم ردت لها الابتسامة .. قلبت الدنيا ويهها الثاني لمريم .... بس اللي مريم كان لازم تتاكد منه ان الله ما يضيع حق حد .. و مثل ما ياخذ يعطي
استغفرت مريم ربها .. وقامت تصلي لها ركعتين و نامت من زووود تعبها .. و عوار راسها


اسطورة ! غير متواجد حالياً   رد مع اقتباس
قديم 14-12-13, 10:08 PM   #27

اسطورة !

نجم روايتي ومشرفة سابقة وفراشة متالقة بعالم الازياء

alkap ~
 
الصورة الرمزية اسطورة !

? العضوٌ??? » 120033
?  التسِجيلٌ » May 2010
? مشَارَ?اتْي » 15,367
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » اسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond repute
¬» مشروبك   pepsi
?? ??? ~
My Mms ~
افتراضي

الجزء السادس و العشرين
و الأخير
من بعد اللي عرفته مريم عن خليفة و هيه تتحاشى تشوفه .. بالايام الأولى كانت دووم عازلة نفسها و صاكة على عمرها دارها .. لكن تالي قالت انه اهلها مالهم ذنب تعاقبهم بذنب هالخليفة الخاين .. تمت تحاول تنسي عمرها الموضوع .. و تحاول تندمج اكثر من اخوانها و شمسة و ابوها و مرت ابوها اللي علاقتها تحسنت وياها واااايد فالفترة الاخيرة ..
في المارينا موول كانوا مريم و راشد قاعدين يتمشون فالمحلات من عقب ما اصر راشد على مريم انها تطلع وياه مع انها ما كانت تبي تطلع خصوصا انه شمسة ما طلعت وياهم .. استغربت تصرف راشد .. بس هو اقنعها انه خاطره يطلع و يبي احد يروح وياه
مريم: اووه راشد تعبت انا .. كل هاللفة على شنو؟
راشد: ابد الا اعرفج على ديرتج .. بعدين انتي ما تبين تتشرين ؟؟
مريم: لا ما ابي شي يلا انرد البيت .. مليت انا
راشد: لالا انا ما شبعت من الحواطة
مريم: لا اله الا الله . الحين انته متملل و تبي تطلع و ما اشوفك تتمشى الا انلف على هالمحلات جنه مخبل
راشد: ههههههههههههههه
مريم: شسالفتك انت و شمووس اليوم .. الا تبون تطلعوني من البيت .. شسالفتكم؟!
راشد: لا تصيرين شكاكة .. قومي انا خاطري بناجوز .. بنروح نشتري من السينما اللي فوق
مريم و هي تتنهد: يلا .. امري لله
............................
في البحرين جواهر و هنادي و طلال .. يتمشون فالسوق و يتفرفرون فالمحلات .. قاعدين يتشرون أغراض حق جواهر و البيبي اليديد .. صح بعده باقي ثلاث شهور عالولادة .. بس بعدين جواهر بتتعب و ما بتقدر تطلع وايد
طلال: شوفو ذيه وايد حلو
جواهر: ايه حبيبي حلو .. بس وردي يعني بناتي .. و احنا ما نعرف شبنييب
طلال: انا حاسها بنية
هنادي: و انت شدراك يا ابو العريف
طلال و هو يغمز: انا البي دليلي
جواهر: لا اخاف ناخذ وردي و نبتلش .. خلنا ناخذ الوان محايدة احسن
طلال: انزين .. و السرير .. شوفي الشكل اللي يعجبج .. عشان ناخذه
جواهر: هنادي شوفيه هذاك البني الفاتح حلو صح
هنادي: ايه وايد حلوو .. يلا انا ابي اروح محل المجوهرات .. ابي اشتري هدية حق مريووم .. اليوم عيدميلادها
جواهر: و الله .. خلاص عيل بنتصل لها بعدين
هنادي: انزين وين طلال؟!
جواهر: راح يدفع .. يلا انا و انتي بنسبقة السيارة .. عشان تشترين هدية لمريووم بعدين نروح نتعشى
هنادي: يلا
جواهر و طلال .. كانوا حاسين بهنادي و مللها .. عشان جذيه ابدا ما كانوا يخلونها بروحها .. يحاولون يطلعونها و يمشونها
......................
وصلوا مريم و راشد البيت .. و ما رجعها من برع الا و هو مطلع عيونها من الحواطة .. ما بقى مكان ما وداها اياه .. و مريم كانت متمللة و ما تبي تلفلف خصوصا انها تحس ان راشد يلفلف بس جذيه من غير هدف!!
اول ما دخلوا البيت شافت مريم البيت كله مزين بزين عليها اسمها و
Happy Birthday
و شافت شمسة و ام محمد و ابوها كلهم متجمعين بالصالة و جدامهم كيك و حلويات .. و اول ما دخلت قاموا يغنون لها و يباركون لها يوم ميلادها .. مريم ما كانت قادرة تصدق اللي تشوفه .. الحين بس عرفت راشد ليش كان مصر انه يطلعها برع البيت
دخلت مريم داخل و دموعها متجمعه بعينها و ما كانت عارفة شتقول من الصدمة و الوناسة بنفس الوقت
مريم: شدراكم ان اليوم يوم ميلادي؟
شمسة و هي تغمز: من مصادري الخاصة
غصبا عنها مريم صاحت من الفرحة و شافت ان اخوانها و مرت ابوها و ابوها شاريين لها هدية كبيرة .. و لمن فتحتها شافت داخلها مكتبة صغيرونة و داخلها كتب .. طبعا مريم تحب القراية .. فاستانست وااايد ..
مريم من بين دموعها: مشكورين .. مشكورين وايد
و قامت و سلمت عليهم كلهم .. و لمن وصلت لمرت ابوها: طالعتها بفرح و قالت: مشكورة خالتي
ام محمد: كل عام و انتي بخير يا بنتي .. و لا تقولين لي خالتي .. قولي لي يما
ابتسمت مريم و لا شعوريا قطت عمرها بحضن "أمها" اليديدة .. و بومحمد و شمسة و راشد بعد استانسوا و اخيرا بينسون النكد و بيعيشون كلهم على قلب واحد
أما مريم فكانت تحس بفرحة ما من عقبها فرحة .. صح خسررت خليفة و قلبها يتقطع كل ما يي بيتهم و هي يا اما تحقره او ما تنزل بالاساس .. لكن الله عوضها بأبو و اخوان يحبونها و ام بعد!!
.............................
خليفة قاعد بغرفته و يكلم نفسه .. يا ربي مريم شبلاها علي .. كل ما اسير بيتهم يا اما تتعمد ما تنزل و كل مرة تتحجج بشيء .. يا اما تيلس من غير لا تعطيني ويه .. انا شو سويت الها ؟؟ اخبر قبل كانت تعطيني ويه و تبتسم .. حتى بالمستشفى كلمتني .. الحين شفيها عليي ؟؟ منقلب مخها عليي .. لا انا لازم اروح الها و اعرف منها السالفة كاملة
قام خليفة .. و لبس كندورته و سفرته و طلع من البيت
..................................
دخل من برع .. و شافها كالعادة قاعده تنتظره بابتسامتها الحنونة اللي تعود يشوفها بالايام الاخيرة
مايد: مساء الخير حبيبتي
نورة و هي تبتسم: و عليكم السلام و الرحمة
مايد و هو يحك خشمه: ههههه زين السلام عليكم .. شحالج
نورة: و عليك السلام .. خير ياي من وقت اليوم؟!
مايد: متوله
نورة: بدلع على من؟
مايد: اكيد على قلبي و روحي و حياتي و التفت بخبث على نورة و هي تطالعه بابتسامه و دلع
مايد: تولهت على غلا روحي و حياتي على نهر حبي .. بنتي غلاتي حمدة
نورة تطالعه بنص عين: اها يعني مو متوله علي؟؟!!
مايد: هههههههههههه فديتج البيت شيسوى من دونج اصلا ؟؟ انتي الاصل و الخير و البركة و حمدو الناقاتيف .. و غمز بعينه
نورة و هي تبتسم: متعشي
مايد: لا طبعا .. و انا اقدر اتعشى من دونج؟!
نورة: هيه هيه قص عليه
مايد و هو يتقرب منها: فديتج .. و انا اروم اقص عليج انتي حياتي اصلا .. و باسها على راسها
نورة و هي تبتسم: ثواني و بزهب لك العشا
مايد: حمدووه وين ؟؟!!
نورة: عند خالوه تحت
مايد: انزين قومي غيري ملابسج
نورة: وين بنروح؟!
مايد: بنسير نتعشى برع .. انا و انتي بس من غير أي عواذل
ابتسمت نورة بحيا و قامت تروح تغير ملابسها
..............................
دخل البيت و ايده فإيدها يساندها تدخل .. اليوم اول يوم تدخل البيت من عقب ما نامت فالمستشفى حوالي اسبوعين .. من عقب اللي صار و هي اربع و عشرين ساعة تصيح و مو راضية تسكت .. اللي صار لها كان صدمة بالنسبة لها و مو قادرة تتقبلها
لولوة فقدت اول جنين و اول فرحة لها .. على الرغم من صبر سلمان و عدم اعتراضه .. الا انها كان خاطرها تفرحه بولد و لا بنت يشيلون اسمه
أو ما دخلت البيت رن تيلفونها و المتصل كان مريم .. مريووم فديتها و الله
لولوة: الو
مريم: هلا و الله .. هلا بالغالية شلونج ؟؟ و الحمدلله عالسلامة
لولوة: الحمدلله بخير احسن من اول بوايد
مريم: خطاج الشر ان شاءالله و الله بيعوضج
لولوة: الشر ما ييج ان شاءالله .. انتي شلونج و شلون اهلج هناك .. ما بتيينا و الا نسيتينا خلاص .. ما شفتج من يوم عرسي
مريم: و الله الا مشاغل الدنيا و العيد جريب بييكم ان شاءالله
مريم: خلينا مني .. انتي شلونج؟؟ و شلون سلمان وياج
لولوة: سلمان بخير و يسلم عليج .. كان خاطري افرحه بس ما الله كاتب و تمت تصيح
مريم: لولوة الله يهديج شفيج .. كا انتي قلتيها الله مو كاتب .. من انتي عشان تعترضين على قضائه و قدره .. و لا انتي اول و لا اخر وحدة تفقد جنينها
لولوة من بين دموعها: عارفة هالكلام كله بس سلمان
مريم و هي تقطع عليها كلامها: سلمان كبير و فاهم ما هو بمراهق .. و عارف هالشي مب بيدج .. و هو يحبج .. بعدين ليش مستعيلة انتوا صغار .. و توكم ما كملتوا سنة من عرستوا .. مردج بتترسين البيت بدرزن قولي امين
لولوة: هههه درزن عاد
مريم فرحت و قصدت انها تضحك ربيعتها ما هان عليها تشوفها جذيه: يا رب دومها هالضحكة
لولوة: تسلمين حبيبتي .. و ما بطول عليج .. و مشكورة عالاتصال
مريم: شهالكلام يا لولوة احنا ربع و ما من بينا هالكلام .. و انا اول ما قالت لي هنادي استهميت عليج .. و قلت الا احاجيج و اطمن عليج
لولوة: تسلمين حبيبتي .. سلمي و هالله هالله بعمرج .. و لا تنسينا عاد .. ترى سلمان يسلم عليج
مريم: سلمي عليه وايد وايد .. و سلمي على امج و خواتج بعد
لولوة: يوصل فمان الله
....
بعد ما سكرت لولوة عن مريم التفتت مريم على اختها شمسة و لقتها ساكتة و سرحانه .. شمسة كانت تفكر بمريم و هيه تكلم لولوة و سرحت فيها حست شقد مريم طيبة .. ربعها كلهم يحبونها .. و خالها و بنته و ولد خالها قطعوا التلفون من كثر اتصالاتهم
و فجاة قطع عليها سرحانها صوت مريم
مريم: احم احم .. نحن هنا وين سرحتي
شمسة: ابد الا هنيه وياج ..
مريم: انتي كلش مو وياي .. احاجيج من مساعه و انتي ابد ابن عمك اصمخ
شمسة: كنت سرحانة فيج
مريم: ههههههههههههه فيني عاد ..
شمسة: هيه فيج .. ما شاءالله عليج الناس كلها تحبج .. اكيد امج طيوبة مثلج
مريم بحزن: امي الله يرحمها غير عني .. امي كانت طيبة وايد و لا تزعل على حد .. انا يمكن اتضايق او اشيل فخاطري على حد معين بس امي لا
و هم في نص حجيهم دخل عليهم فهد .. كالعادة سلم و دخل داره من غير لا يسالهم عن حالهم حتى؟؟!!
مريم: اه لا حول و لا قوة الا بالله .. لين متى بيتم جذيه .. شمسة كلميه
شمسة: أي اكلمه الله يهداج عيزت منه انا .. اذا ما سمع كلام اماية اللي ذابحة عمرها عشانه بيسمع لي انا ؟؟!!
مريم: ما تدرين انتي اصغر بالسن و المفروض اقرب له .. ما يصير يتم جذيه
شمسة: حياته و هو حر فيها
مريم و هي توقف: انا بكلمه
شمسة: انتي ينيتي ,, اذا ما سمع لنا نحن بيسمع لج انتي
شمسة: اسفة مريم ما قصدت
مريم بابتسامة دافية و حنونة كعادتها: معاج حق و لا انا بزعلانه انتوا اقرب له مني انا بالنسبة لكم للحين غريبة بس
شمسة: لا تكملين انتي اختنا .. و اقرب وحدة لي عقب نورة
مريم: تسلمين .. بس بعد بكلمه .. فهد اخوي .. و لو ما عرفته و لا قعدت معاه بس يظل اخوي .. و احبه و تهمني مصلحته
شمسة: كيفج انا نصحتج
مريم بابتسلمة دافية و حنونة: مشكورة .. انا بروح اكلمه
راحت مريم و قلبها يرقع طبول و هي واقفة جدام غرفة فهد ترددت تدش او لا .. بالاخير تشجعت .. دقت الباب .. كالعادة لا جواب .. ردت دقت مرة و ثنتين و ثلاث .. يوم شافت مافي تجاوب خافت من ردة فعله و فكرت ترد .. لكن عقب فترة قررت انها تقوي قلبها و تدش .. دخلت الغرفة لقتها باردة و ظلام طبعا كالعادة .. و فهد قاعد يشوف التلفزيون بس مبين ان عقله بمكان ثاني
مريم: السلام عليكم
فهدالتفت عليها من غير اهتمام و رد يطالع التلفزيون: و عليكم
مريم و هي تتقرب منه و يلست على كرسي مجابلته: اه فهد ممكن اتكلم معاك شوي
فهد من غير اهتمام: لا
انصدمت مريم و انحبطت بس قالت لازم تكمل .. يعني شتتوقع ردة فعل انسان محبط و مهزوم و كسير مثل فهد
مريم: فهد لين متى بتم جذيه؟؟!!
فهد ساكت و لا يرد
مريم: فهد احاجيك رد علي
فهد ساكت و لا يرد عقب تكلم و قال: مريم طلعي برع
صح مريم عورها قلبها بس لازم تكمل
مريم: فهد طالعني او مو لازم تطالعني اسمعني عالاقل .. حتى لو سويت نفسك ما تسمع انا متاكدة انك تسمع بس مطنش
شوف فهد .. انت غلطت و غلطة كبيرة بعد
فهد يطالعها: مو انتي اللي تحاسبيني
مريم و قلبها يعورها: مو انا اللي احاسبك .. بس انا اختك حتى لو ما حسيتها بس انا اختك و تهمني مصلحتك
فهد: مريم قلت لج طلعي برع
مريم و قلبها يعورها اكثر و اكثر: مو طالعه فهد مو عكيفك تعذب ابوي و خالتي و الكل متجتف يطالع
فهد و هو يضحك باستهزاء: متعذبين .. الا قولي متفشلين مني
مريم: من قال و الله ان ابوي قلبه يعوره عليك و حتى خالتي .. لا يهنالهم اكل و لا نوم
فهد: و انتي شدراج .. لا تقصين علي .. ابوي اكيد بداخله كارهني و يحتقرني
مريم: انا اعرف .. و بنبرة حنان: شوف فهد مافي ابو و ام يكرهون عيالهم .. بغض النظر عن الغلطة اللي غلطتها هم يحبونك و لا جان ما خافوا عليك و لاموك
فهد: اصلا انا مالي ويه احط عيني بعينهم
مريم: انت غلطت .. و طبيعي يا فهد يوم تغلط الناس بتلومك و لا تبيهم يضحكون لك يعني .. سكتت و يوم شافته تجاوب شوي معاها ردت تكمل
شوف فهد بغض النظر عن حجم الغلطة اللي غلطتها فالانسان ما يوقف عند نقطة معينة في حياته .. و لا يعيش عمره كله على ماضي اسود او غلطة غلطها .. و طبيعي اهلك بيلومونك يوم تغلط انته لازم تطلع و تحسسهم انك حاس بالغلط .. و حاول تكفر عنه
فهد: ما اقدر يا مريم الكل بيلومني و بيحسسني اني مجرم عود
مريم: و انت باللي بتسويه بتثبت لهم العكس
فهد: شو تبيني اسوي .. الكل عايش حياته و متهني .. الكل يحاول يبني و يصحح و يطور من روحه الا انا .. اشوف الماضي و الوم عمري عليه و اتحسر
مريم: انت اللي يبته لعمرك .. و تحمل نتايج فعلك .. لازم تواجه و تقاوم و تثبت لهم انك تغيرت
فهد: اثبت لمن .. اقولج الكل لاهي بعمره .. حتى نورة و سكت
مريم: حتى نورة !! شفيها نورة..
فهد: نورة عايشه مع ريلها و متهنية و سعيدة ببنتها و حياتها اليديدة .. ما عدت اشوف اللهفة الي بعيونها لي مثل قبل
مريم و هي تبتسم: فهد نورة هب لعبة متى ما بغيتها خذيتها و لي شبعت قطيتها .. و تالي لي حنيت لها رديتها .. نورة انسانة لها مشاعرها و كرامتها .. انت شفت نورة قريب صح
فهد و هو منزل راسه هي: و ما شفت منها ردة الفعل اللي توقعتها
مريم: لانه نورة مربية عدل .. و لا أي نظرة و ردة فعل تتوقعها و هي معرسة على سنة الله و رسوله و بنتها بيدها .. انا ما عشت وياكم لكن اللي عرفته من شمسة انها كانت تموت على التراب اللي تمشي عليه .. و انت يا فهد بعتها بلحظة ضعف .. و الحين تبي ترجعها البنت راحت بنصيبها يا فهد فكر بعمرك عاد
فهد: أي عمر بقالي عقب ما خسرت اهلي و كل شي حتى حبي الوحيد
و غصب عنه كانت بتنزل دمعه من عينه لكن حبسها عشان لا يهز رجولته جدام مريم
مريم تكمل له: شوف فهد الواقع اللي لازم تعيشه انه نورة تزوجت و انت لازم تبني نفسك من اول و يديد و تشوف وين الغلط اللي ارتكبته و تحاول تتجنبه .. و نصيبك اكيد بييك و بتحب بعد
فهد و هو يضحك باستهزاء: أي حب و زواج الله يهداج و الحين بتلاقين سيرتي على كل لسان صارت فهد سوى و فهد صار له
مريم و بعدها محافظة عالابتسامة: بتحب و بتتزوج بعد ان شاءالله .. و أي بنت تتمناك .. انت ريال مب بنية و غلطة مثل ذي مردهم الناس بينسونها .. و اللي يبي الستر لبناته ما يفكر بالماضي
فهد: هالماضي دمرني يا مريم .. انا مشكلتي احسها اخر مشكلة بالدنيا و لا لها حل
مريم بابتسامه دافية و حنونة: فهد انا يوم توفت امي الله يرحمها ظنيت نفسك مشكلتي اخر الدنيا و وقتها ما كنت اعرف عن ابوي لكن سبحان الله الله عوضني فيكم ان شاءالله و فهلي فالبحرين اللي يحبوني و احبهم .. ما نسيت امي و لا عمري بنساها لكن كاني متعايشة مع الوضع
مع ان انت سببت مشكلتك بنفسك بس انا قضاء و قدر
فهد: حتى انتي يا مريم .. قدرتي تتغلبين على هالشي .. و خليتي امي اللي كانت كارهتج و سيرة امج تحبج و تحترمج
مريم : فهد ما في شي يي بالساهل و انت تقدر بعد
فهد: اه يا مريم .. احس الكل كارهني خصوصا ابوي هب قادر احط عيني بعينه .. احسه كارهني لاني فشلته
مريم: بس يا فهد و سكتت مريم لانها شافت حد داخل
مريم و هي ترفع راسها: يبا
بومحمد: مرايم حبيبتي خلينا بروحنا شوي
مريم و هي تقوم: ان شاءالله يبا .. و صكت الباب وراها
بومحمد: شحالك يا فهد
فهد منزل راسه و ما تكلم حاس نفسه وايد صغير جدام ابوه من بعد فعلته
بومحمد: تظن اني كارهنك يا فهد؟!
فهد: ابويا انا
و فهاللحظة حضن بو محمد فهد و ذوب هالجدار الكبير اللي انبنى بينهم .. مهما كابر و بين انه زعلان بس بالاخير هذا ولده المدلل و ما يهون عليه يزاعله هالكثر .. خصوصا ان فهد شكله ندم على فعلته .. و فهد تم يصيح بحضن ابوه .. صح فهد ريال و كبير .. لكن ما للرجولة مكان بهالمواقف
....................


اسطورة ! غير متواجد حالياً   رد مع اقتباس
قديم 14-12-13, 10:09 PM   #28

اسطورة !

نجم روايتي ومشرفة سابقة وفراشة متالقة بعالم الازياء

alkap ~
 
الصورة الرمزية اسطورة !

? العضوٌ??? » 120033
?  التسِجيلٌ » May 2010
? مشَارَ?اتْي » 15,367
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » اسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond repute
¬» مشروبك   pepsi
?? ??? ~
My Mms ~
افتراضي

خليفة كان داخل البيت شاف امه في الصالة سلم و دخل
أم خليفة: و عليكم السلام و الرحمة .. هاه فديتك اليوم راجع من وقت
خليفة: كنت بمر عربيعي بس غيرت رايي عقب "كان خليفة يقصد مريم طبعا" لانه خاف يمر هالوقت و يلاقي اهلها هناك فالبيت
ام خليفة: تبي عشى فديتك؟!
خليفة: لا اماية مشكورة ما اشتهي
ام خليفة: خير شبلاك .. شي يعورك؟!
خليفة: لا امايا فديتج بصحة و عافية الا مو مشتهي العيشة
ام خليفة: و من هالمزيونة الغاوية اللي حارمتنك من الاكل
خليفة: هههههههههههه فديتج امايا هب سهلة بعد العيوز
ام خليفة: ههه .. خليفة ابويا بغيتك فرمسة
خليفة: خير امايا الشيبة مزعلنج بشي؟؟
ام خليفة: ويه فديت هالطاري .. لا انت سمعني عاد بغيتك فسالفة جادة
خليفة و بان على ويهه الاهتمام: خير امايا شعندج؟!
ام خليفة: علوم الخير فديتك .. انت الحين ما شاءالله متخرج و تشتغل مع عمك و ابوك فالشركة و ما ناقصنك شي
خليفة و شكله فهم تلميح امه: انزين امايا
ام خليفة: ابي اشوف عيالك عاده قبل لا اموت
خليفة: بعد عمر طويل ان شاءالله .. بعدين شتبين فعيالي .. كاهي نورة يابت لكم حمدووه فديتها
ام خليفة: نورة غير .. ابا افرح فيك انت ولدي بجري و اول فرحتي
خليفة: بتفرحين فيني قريب ان شاءالله
ام خليفة: خلاص نخطب البنت لك الحين .. و انتوا حددوا موعد العرس متى ما بغيتوا
خليفة و يحس ان السالفة معقدة و صعبه شوي: و منو سعيدة الحظ اللي بتظويني
ام خليفة: يلا عادة لا تستهبل .. منو غيرها شماس بنت عمك .. مزيونة و غاوية .. و محيرة لك .. و الكل عارف انك تحبها و تبيها
خليفة: و من قص عليكم و قالكم هالكلام
ام خليفة: يلا عاده .. هب وقت المزاح الحين ارمسك برمسة جد انا
خليفة بجدية: و انا بعد اكلمج جد امايا .. منو قالكم و اوهمكم اني ابا شمسة
ام خليفة: شو هالرمسة يا ولدي .. الكل يقول جذه
خليفة: انا ما عليي من الكل .. انتوا قلتوا هالرمسة و ربطتوا البنت بها و انا ما يخصني
ام خليفة و شكلها حست ان ولدها براسه شي و ان السالفة ما بتعدي على خير .. شكله خليفة ناوي يفضحنا بين العرب
ام خليفة: هذه قلتها البنت انربطت يعني ما بتاخذ غيرك
خليفة: برايها بس انا ما اباها
ام خليفة: شوووووووووووو خليفة هب وقت مزاح
خليفة: امايا انا ما امزح انا جاد مابا شمسة
ام خليفة: و منو تبا عيل من خايساتك اللي ترمسهن فالتلفون
حزت هالرمسة فخاطر خليفة فديتها مريامي محشومة عنهن
خليفة: لا حول و لا قوة الا بالله
ام خليفة: شوف يا خليفة ما بتاخذ الا شمسة و الا لا انت ولدي و انا اعرفك
خليفة: لا اله الا الله .. امايا .. لكن امه ظهرت قبل لا تعطيه فرصة يتكلم باي كلمة و دخلت داخل
اما خليفة فتم فحيرة في امره .. لكنها ما بيرمس امه الحين .. لازم يعرف شسالفة مريم قبل عقب بيرمس هله بشكل جدي .. خص ما ظنهم يعارضون و مريم بنت عمه .. خصوصا لو عرفوا انه كان يحبها و ما يبى شمسة .. خليفة خلاص قرر ينهي هالعذاب باجر من غير تردد
....................
باليوم الساعه 10 و نص الصبح مريم كانت راقدة و قحصت على صوت التلفون يرن و شافت رقم غريب يتصل بس ما ردت .. رجعت تبي تنام لكن هالرقم رد يدق و يدق .. شسالفة .. هب رادة احسن .. خله يولي توها بتغلق تلفونها .. الا و بمسج يايتها "مريم ردي ضروري" .. استغربت مريم .. هذا شكله حد يعرفها .. ممم يمكن مغلطين .. لا ما اظن هذي باسمي .. و هي بين حيرتها رد هالرقم يدق مرة ثانية و هالمرة ردت مريم بس ما تكلمت
.......: الو
استغربت مريم هذا صوت ريال
المتصل: الووو
مريم: نعم .. من معاي
المتصل: انا خليفة ولد عمج .. انزلي تحت بغيتج فرمسة
مريم باستغراب و اندهاش: خليفة بعدين تذكرت كلام شمسة و ردت عليه بحدة: خير خليفة في شي
خليفة: هيه في اشياءات .. انزلي بسرعه .. اباج فرمسة
مريم: ما من بينا حجي عشان انزلك .. و لا لك حق تدق لي
خليفة: مرايم انزلي بالطيب احسن لج
مريم: لا و الله و تهددني .. و اذا ما نزلت .. بعدين انت ينيت انزلك جدام هلي
خليفة: محد موجود .. ام شمسة و شمسة عندنا فالبيت .. و فهد و ابوج بالشركة .. نزلي يلا
مريم: و لو حد يا
خليفة و هو يتنهد: لا اله الا الله قلت لج محد موجود .. نزلي عاد لا تذلينا
مريم: ما ابي و قلت لك ما من بينا شي .. و سكرت التلفون
خليفة طرش لها مسج: " و الله يا مريم و هذوه حلفت ربع ساعه لو ما نزلتي بتندمين"
خليفة كان شكله معصب .. خافت مريم تلبست بسرعه و لبست شيلتها و نزلت الميلس
مريم و هي واقفة عند الباب و متخصرة: خير
خليفة: شحالج مريم؟
مريم: ما ظنتي يهمك حالي .. قلت لك خير
خليفة: مرايم شهالكلام .. انتي حياتي و روحي شقايل ما تعني لي صحتج؟؟!!
مريم: خليفة عيب استح على ويهك شهالكلام .. انا بنت عمك ما تستحي على ويهك
خليفة: و قريب زوجتي ان شاءالله
مريم ارتبكت و يت بتطلع من الباب
خليفة: مريامي لحظة اصبري شوي
مريم: ما اشوف عندك شي مهم تقوله .. منزلني من صباح الله خير عشان هالكلام .. اذا ما حشمتني احشم هل هالبيت احشم ابوي اللي هو عمك
خليفة: محشومة الغالية .. و الله العالم اني اريدج على سنة الله و رسوله
مريم سكتت و ما ردت عليه
خليفة: مريامي شبلاج عليه
مريم: يعني شبيكون فيني
خليفة: ما ادري اسالي نفسج
مريم: ما فيني شي قلت لك .. و لا من اختصاصك تسالني عن احوالي
خليفة: مرايم .. انتي قبل كنتي غير .. صح صديتيني فالبداية فالبحرين بس عقب تغيرتي بديت احسج تبادليني نفس الشعور .. و فجاة انقلبتي ابي اعرف ليش
مريم بحدة: اظن يا خليفة عيب تقول هالكلام و انت ببيتنا و انا اخت خطيبتك و مرتك بالمستقبل
خليفة: شووووو مرتي .. منو موصلج هالرمسة
مريم ساكتة
خليفة: قلت لج منو قالج هالرمسة .. انا هب خاطب و اباج انتي
مريم: خليفة عيب عليك احنا بنات عمك لو هب حاشمنا و مسوي لنا قد ر احترمه اهوه
خليفة: و الله حاشمنه .. و الله الشاهد اني ما العب عليج
مريم: و اختي شمسة .. تباني ايي و اخذك منها
خليفة: و من قالج اني لها بالاساس
مريم: الكل يقول و الكل عارف انكم تحبون بعض و بتتزوجون قريب
خليفة طبعا يدري ان شمسة تحبه و شكله فهم السالفة و ان شمسة خبرت مريم بكل شي
خليفة: شوفي مريم هاي رمسة اهل .. و انا ما يخصني انا ما ابا شمسة و لا احبها احسها اختي شرات نورة .. انا احبج انتي و لو ما كنتي انتي كانت بتكون أي وحدة بس مو شمسة
مريم ما قدرت تتحمل و طلعت من الميلس .. بس قبل ما تطلع وقفها خليفة
خليفة: مريم و الله احبج و اباج انتي و محد غيرج و قريب برمس هلي
مريم و دموعها بعينها ما اقدر ما اقدر يا خليفة .. شمسة اختي
و طلعت من الميلس بسرعه .. بالنسبة لخليفة طلع من البيت و هو مرتاح لانه و اخيرا عرف شسالفة مريم .. و بيحل هالسوء فهم عن طريق اخته نورة اللي تعرف بحبه لمريم .. و اكيد بتوقف معاه لانها جربت الحب و محد وقف بطريجها حتى خليفة!!
أما مريم فطلعت ركض من الميلس و هي كل شي فيها ينبض تحس بحرارة و دموعها بعينها .. ما تعرف هيه فرحانه و لا زعلانه .. فرحانه بسبة شعور خليفة صوبها و لا زعلانة لانها عارفة زين شعور اختها صوب خليفة و شقد هي مولعه فيه .. يا ربي .. ما بين كل الناس ما حبني الا خليفة خطيب اختي .. يا رب ساعدني
اللي مو عارفينيه مريم و خليفة ان في حد ثالث كان قاعد يسمعهم ورى الباب
ركضت مريم عالدري و شافت شمسة داخله غرفتها و راقعه بالباب وراها
استغربت مريم .. المفروض شمسة طالعه شيابها .. ركضت وراها و دقت عالباب بس شمسة ما ردت
مريم: شمسة بليز انا مريم
شمسة و صوتها جنها تصيح: ادري انج مريم بليز ابي اقعد بروحي ما ابي اشوف حد
مريم .. يا ربي لا يكون سمعتنا اكيد سمعتنا .. و دشت مريم الغرفة و الحيرة و الخوف ضاربينها .. و ما عرفت شتسوي الا انها تلجا الى ملاذها الوحيد دموعها
اللي ماعرفوه مريم و خليفة انه شمسة كانت طالعه مع امها الجمعية تاخذ غرض بسيط و عقب رجعت و كملت امها الطلعه مع ام خليفة .. و يوم مرت شمسة من غرفة مريم و سمعت مكالمتها مع خليفة عرفت انه هذا خليفة ولد عمها .. و شكت شبينه و بين مريم .. فنزلت ورا مريم بشويش و سمعت كل شي ؟؟!!
......................
مر اليوم و شمسة مثل ما هي ما طلعت من الغرفة ابد و لا كلت و لا شي .. راحت مريم و دقت عليها الباب .. لازم تكلمها و تعرف منها شصار ..
مريم: شماس بليز فتحي الباب ابي اكلمج بليز
شمسة من بين صياحها: مريم بليز خليني فحالي
مريم: ما يصير شمسة لازم اعرف شفيج
شمسة: مريم بليز قلت لج خليني فحالي .. و حلال عليج خليفة
مستحيل يعني شمسة سمعت .. مريم انصدمت و انصعقت بنفس الوقت .. و كلام شمسة ذبحها .. انزين انا شكاري و نزلت دموعها .. طبعا كلام شمسة اكد لمريم انه شمسة سمعت كل شي .. مريم مالها ذنب بس شمسة بعد معذورة .. ما عرفت مريم شتسوي هي تحب خليفة .. أي نعم تحبه .. لكنها ما تبي تخسر اختها و تزعلها و تكسر قلبها .. اتخذت مريم قرار نهائي لا رجعه فيه
الساعه كانت 12 و نص بالليل
نزلت مريم الصالة تبي تكلم ابوها بسالفة مهمة و عرفت ان ابوها و فهد بالمكتب يتكلمون عن امور الشغل .. فهد ردت علاقتها اوكيه بالبيت خصوصا مع مريم ..
دقت مريم الباب و دخلت على ابوها و فهد
مريم: السلام عليكم
فهد و ابوه ابتسموا: و عليكم السلام
بومحمد: تفضلي الريم
فهد: هاه ترى يالسين نسولف عن الشغل
بومحمد و فهد لاحظوا هدوء مريم الغير معتاد و نظرة الحزن و العبرة اللي بصوتها .. و حسوا بحزن و هم كبير على قلبها
فهد: شبلاج مريامي؟؟!!
مريم: يبا ابيك بسالفة ضرورية لو سمحت
فهد و بومحمد حسوا انها جادة و قلقوا عليها .. و فهد حب يخليهم بروحهم بخصوصية
فهد: انا بخليكم براحتكم عن اذنكم
مريم: لا عادي فهد خلك
فهد و هو يقعد: خير
بومحمد: تكلمي شبلاج يا مريم اخترعنا عليج
مريم بعبرة: يبا انا ابي منك طلب او خدمة و ما بيك تردني و ما بنساها لك
بومحمد: امري ابويا .. تبين فلوس ؟؟!!
مريم: لا يبا مشكور خيرك سابق .. انا انا يبا ابي ارد البحرين
فهد و بومحمد انصدموا من طلبها و حسوا انه فيها شي
فهد: شبلاج مريم
بومحمد: ليش ابويا مريم .. خير .. عقب ما لقيتج تبيني اضحي فيج
مريم: يبا ارجوك من غير أي اسباب او مبررات .. انا اشتقت لهلي هناك
فهد: انزين روحي و ارجعي
بومحمد من غير اهتمام لكلام فهد: ليش مريم و احنا هب هلج .. زعلناج في شي محتاجة شي
فهد و بومحمد عيونهم و اذونهم كلها عند مريم
مريم: يبا و اللي يعافيك .. و سكتت شوي و عقبها انهارت .. اي نعم مريم انهارت .. مريم القوية الصابرة انهارت .. ما قدرت تتحمل خلاص بتتحمل شنو و لا شنو .. امها راحت و ابو يديد صح عوضها شوي من حنان امها و يحاول يسعدها و مو مقصر بشي .. لكن سالفة خليفة قلبت كل شي .. و قلبت المواجع و فتحت كل جروح مريم .. ايه نعم انهارت مريم تصيح فحضن ابوها .. بصياح اول مرة فهد و ابوها يشوفونه .. و حزن اول مرة ابوها يشوفه .. حتى يوم شافها عقب وفاة المرحومة ما كانت حزينة جذيه .. مريم مكسورة .. و صياحها هز ابوها و فهد لدرجة انه ابوها دمعت عينه الشي اللي استغربه فهد .. و عوره قلبه على اخته و ابوه
مريم من بين دموعها: يبا و اللي يعافيك هب قادرة اتحمل .. ابي ارجع يبا ارجوك ارجوك
بومحمد: و لو يعز عليي هالشي يا مريم .. لكن اللي تبينه بيصير بس لا تسوين بنفسج جذيه
بومحمد: فهد .. اتصل و احجز لاختك
مريم: فهد اليوم او باجر
فهد: ان شاءالله مريم
اتصل فهد و لقى حجز عالساعه 9 الصبح .. صح انه بومحمد يعز عليه فراق مريم .. لكنه طاوعها لمصلحتها .. لانها منهارة وايد .. بيخليها كم يوم ترتاح هناك .. تالي بيروح يرجعها
مريم: يبا فهد ابي منكم طلب
فهد و بومحمد: امري مريم
مريم: ما ابي احد يعرف بسفري ارجوكم ارجوكم خصوصا شمسة
فهد و بومحمد وافقوا على طلبها ما حبوا يزعلونها و لو انهم شكوا في الامر .. بومحمد عقب ما حجزوا لمريم الساعه 9 الصبح حجز لفهد بعد عساس يوصل اخته و ما تكون بروحها .. خص انها منهارة
لكن هذي مريم بنت الغالية .. محد يقدر يزعلها .. طالعها فهد باستغراب .. مريم القوية كيف انهارت جي .. اتحل مشاكل الناس .. لكن مشاكلها هيه .. مسكينة يا مريم ..
مريم تساعد الناس و تحل مشاكلهم لمنها ما قدرت تحل مشكلتها و انهارت جدامها .. تساعد الناس بس ما لقت من يساعدها و يواسيها و يونس قلبها .. مسكين حالج يا مريم
سافرت مريم البحرين و حاملة معاها آخر موقف حزين صار لها فالامارات
..........................
عقب 3 ايام من الاحداث السابقة .. خليفة يكلم نورة
خليفة: شوه .. مريم سافرت .. متى و ليش؟!
نورة ما ادري .. هذا اللي عرفته دقيت لشموس ما ترد
خليفة بينه و بين نفسه لا يكون انا السبب الا اكيد انا السبب .. عقب ما كلمتها بيوم تروح .. ليش يا ربي يوم قربت منها تبعد
نورة: حووو وينك ارمسك؟!
خليفة: هنيه موجود
نورة: برايك خلوفي .. شماس تدق .. بكلمها و ارد لك
خليفة: برايج بس تردين تدقين لي بترياج فاهمة
نورة: فمان الله
و ردت عالخط الثاني
نوره: مرحبا
شمسة بصوت ذبلان: السلام عليكم
نورة: و عليكم السلام هلا .. شحالج يالقاطعه؟!
شمسة: بخير
نورة: بلاه صوتج .. خير
و خبرت شمسة نورة بكل شي
نورة عقب ما كانت ساكتة فترة تستوعب اللي صار و تتحسر على حال مريم المسكينة و شمسة بعد
نورة: و الله ما ادري شاقولج
شمسة: قوليلي الصج ارجوج .. بغض النظر عن اني ربيعتج و خليفة اخوج .. اعتبري نفسج طرف ثالث و قولي الصج .. حاسة اني ظلمت مريم
نورة: ااااه شمسة ما اعرف صدقيني ما اعرف
شمسة: حسيت نفسي غلطت .. شذنبها مريم .. خليفة و مريم يحبون بعض .. لو تجمعوا بالخير محد بيخسر غيري .. لكن لو خذيت خليفة ثلاثتنه بنخسر
نورة ساكتة
شمسة تكمل: خليفة بيكون عقله عند مريم و انا بتعذب و مريم بعد
نورة: اه شمسة .. كلامج صح .. اخاف اجرحج بس للاسف هذي الحقيقة
شمسة: نورة طالبتنج طلبة و ما ابي احد يدري خصوصا مريم و خليفة
نورة: تفضلي
شمسة: ابا رقم خليفة
نورة باستغراب: خير ليش
شمسة: ارجوج .. لا تكلمينه و لا تقولين له شي انا ابي اكلمه ضروري بليز
نورة: انزين خذي رقمه 050*******
شمسة: مشكورة .. برايج عيل
نورة باستغراب: فمان الله
.....................
في البحرين و فغرفة مريم اللي من ردة و هي على هالحال .. دوم بروحها و ما تبي تكلم حد
هنادي كانت عندها .. و تحاول تقنع فيها تنزل معاها تحت تغير جو
مريم: هنادي قلت لج ما ابي خليني فحالي بليز
هنادي: انسي .. انتي شسالفتج .. كله بروحج .. صح اللي صار لج مو شوي .. لكن قضاء الله و قدره .. و تتمين احسن من غيرج .. يا مريم شفيج .. انتي احسن من غيرج بوايد .. و طول عمرج قوية و صابرة و عاقلة .. و تفهمين فيني .. الحين يت على هالنقطة .. مرت عليج مواقف اكبر من جذيه و صبرتي .. شفيج الحين؟!
مريم: تعبت يا هنادي .. خلاص ماني قادرة اتحمل و انهارت تصيح
هنادي: لا يا مريم .. انتي اكبر من جذيه .. قومي غسلي .. و بنطلع بالسيارة بس غيري جو صدقيني نفسيتج بتتحسن
خضعت مريم لاوامر هنادي .. لانها بالفعل محتاجة تغير جو ؟؟ قامت تغير هدومها
و هيه بالحمام .. سمعوا دق متواصل عالباب .. يوم فجوه كانت الخدامة
تريزا: ماما هنادي يجي بسرعه ماما جواهر في تعبان واجد
تركوا هنادي و مريم اللي بيدهم و طاروا طيران بجواهر اللي يتها حالة الولادة و محد بالبيت .. ام طلال و اليدة طالعين .. و طلال بالشغل
خذوها عالمستشفى و دقوا على طلال و امه ييون
طلال: يما مو جنهوم وايد تاخروا
أم يعقوب من بين دموعها: يا ولدي قيصرية لازم تطول شوي
طلال: هيه كانت بخير .. ليش الحين على اخر وقت قرروا العملية
أم طلال: هيه طاحت طيحة خفيفة .. الله يهداها بس .. فالولد افتر .. الله يقومها بالسلامة
طلال كان رايح وياي مب قادر يقعد فمكان واحد .. يحس الوقت اطول من الطول نفسه .. و الثانية جنها سنة
هنادي: طلال هد اعصابك بتقوم بخير ان شاءالله
مريم: ادعيلها و اقرا لها قرآن احسن
كان طلال ميت من الخوف و ام يعقوب تصيح و تقرى قرآن و ام طلال تهديها .. عقب ساعات مرت كنها دهور طلعت لهم الممرضة و بويهها علامات تبشر بالخير
الممرضة: لك ألف مبروك .. يتربى بعزكن يا رب
الكل وقف و حمد ربه و طاروا ركض للمرضة يسالون عن حال جواهر


اسطورة ! غير متواجد حالياً   رد مع اقتباس
قديم 14-12-13, 10:10 PM   #29

اسطورة !

نجم روايتي ومشرفة سابقة وفراشة متالقة بعالم الازياء

alkap ~
 
الصورة الرمزية اسطورة !

? العضوٌ??? » 120033
?  التسِجيلٌ » May 2010
? مشَارَ?اتْي » 15,367
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » اسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond repute
¬» مشروبك   pepsi
?? ??? ~
My Mms ~
Elk

طلال: و جواهر


الممرضة: منيحة كثير صحيح نزفت شوي .. لكن منيحة هلا الحمدلله


طلال: الف الحمد و الشكر يا رب الف الحمدلله و الشكر


مريم و هنادي: مبروك طلال يتربى بعزك


أم يعقوب: الف مبروك و يتربى بعزك يا بو أحمد


....................



رقم غريب يدق عليه لكنه ما رد عليه لانه كان بالحمام .. بعد نص ساعه رد الرقم نفسه يدق


خليفة: مرحبا الساع


المتصل: ............


خليفة: الوووو


المتصل: .................


خليفة: الووو .. ياخي شو ها .. ردوا و لا بسكر


و ياه صوت انثوي رقيق


المتصل: خليفة


خليفة: مرحبا منو معايه الشيخة


المتصل: انا .... ا .. انا شمسة بنت عمك


خليفة و جن حد صب عليه ماي بارد: شمسة


شمسة: هيه .. حد معاك


خليفة و هو يطلع برع البيت .. لا خير شمسة شعندج


شمسة بعد تردد: بغيتك بسالفة وايد مهمة


خليفة و حس ان مريم لها خص بالسالفة خصوصا عقب سفرها المفاجئ: تكلمي اسمعج


شمسة: خليفة .. انا ما كنت عارفة بحبكم انتوا و مريم .. و سكتت و ما عرفت تكمل


خليفة: اوكي ...


شمسة: بالصدفة .. مريم عرفت عن طريقي اننا محيرين لبعض من زمان .. و قريب بنتزوج .. هيه المسكينة سكتت و لا بينت لي شي .. و من فترة يوم انت ييت بيتنا .. انا سمعتكم و انتوا تتكلمون .. وانصدمت الصراحة .. و مريم عرفت اني سمعتكم .. اعتقد هالشي اللي خلاها تسافر .. عشان


عشان لا تخرب بينا


خليفة ساكت و ما تكلم بشي


شمسة: خليفة .. مريم تحبك ترى و انت تحبها .. و انا مالي مكان بينكم و يوم ان اختي حبتك و انته حبيتها تحرم عليه .. و بكون سعيدة لكم


خليفة: بس


و قطعت عليه شمسة: يمكن هالشي صعب لانه الاهل حاطين ببالهم ان انا و انت لبعض .. خل اهلي علي .. انا بخبرهم اني ما باك .. و ساعاتها تقدر تقول لهلك عيل اخطبولي اختها


خليفة و تعاطف معاها: بس اهلج بيزعلون .. انا ريال بتصرف


شمسة: ابويا صديقي و ما يزعل مني و لو زعل يومين و بيرضى .. ارجوكم لا تحسسوني بالذنب .. انا بقنعهم و ساعاتها اخطب و مريم و انا بنفسي بسير البحرين و بكلمها


خليفة: مب عارف شاقولج يا شمسة


شمسة:لا تقول شي سو اللي قلت لك عليه و بس


خليفة: مشكورة يا شمسة .. الله يوفقج و يرزقج باللي يستاهلج


..............................



عقب يومين شمسة كلمت اهلها بالسالفة و قالت لهم ان خليفة ما يناسبها .. صح زعلوا منها شوي لكن ابوها يحبها و ما يهمه الا سعادتها .. صح خاف من زعل اخوه لكن يوم ياه طالب مريم حس انه هب زعلان و تمنى ان مريم توافق عشان تيي تعيش عنده اولا .. و عشان اخوه لا يزعل ثانيا


........................



هنادي كانت قاعده بصالة بيت يدها تشوف التلفزيون و تنطر مريم تخلص صلاة عساس يطلعون السيف .. مريم بدت حالتها تتحسن و ترضخ للامر الواقع .. و اقلمت عمرها مع حياتها اليديدة من غير خليفة !!


و فجاة رن جرس الباب .. فقامت الخدامة تفتحه


روز: ماما هنادي .. هدا في رجال اثنينة و مرة عند الباب


هنادي و هي توقف: من؟؟


روز: مافي يعرف ماما و راحت المطبخ


هنادي: انزين سوي شاي و قهوة و راحت تشوف من عند الباب و قالت هذيل اكيد ربع امها او يدتها


هنادي: هلا و الله


بومحمد: شحالج يا بنتي


هنادي: بخير .. من بغيتوا


بومحمد: بغينا مريم .. قولي لها اهلج من الامارات


شمسة: انتي هنادي صح


هنادي: ايه


و سلموا على بعض


شمسة: قولي لها ناس يبونج تحت لا تقولين لها من


هنادي: ان شاءالله .. تفضلوا داخل و دخلتهم و قالت لروز تحط لهم القدوع


الكل دخل الا فهد تم واقف و مبلم محله


شمسة: حوووو وينك


فهد: هاه لا ماشي


شمسة و هي تغمز: ترى البنت راحت و لا ترقب طيفها


فهد: تشبه مريوم تصدقين


شمسة: لا الريال استخف .. استح على ويهك و تعال داخل


دخل فهد و راسم على ويهه احلى ابتسامة


مريم كانت قاعده بغرفتها تقرى قرآن عقب ما خلصت صلاة .. و فجاة يتها هنادي تركض و بطلت الباب بقوة


مريم: صدق الله العظيم .. هنادي حد يدش جذيه


هنادي: قومي قومي بسرعه ناااس يبونج تحت يلا بسرعه عاد


مريم: اوه هنادي .. من ياينا هالحزة


هنادي: مفاجأة ما بقولج .. قومي يلا يبونج فالصالة


تاففت مريم و قامت تلبست بسرعه و نزلت الصالة


مريم: هنادي عن الحركات .. لا يكون حركة من حركاتج


شمسة: مريم


التفتت مريم عالصالة الثانية و شافت شمسة و ابوها و فهد


مريم بابتسامة و سيعه: يبااااا


و نزلت ركض و حضنت ابوها و شمسة و سلمت على فهد


مريم: اشتقت لكم وايد


الابو: هيه صح عشان جذيه ودرتينا


مريم و استحت من نفسها: ما هديتكم .. اونها تبي تغير السالفة متى وصلتوا؟!


فهد: من ساعه .. بس ترانا مو بروحنا معانا ناس بعد


مريم: ناس منو ؟؟


بومحمد: سمعي بنتي ياينج بسالفة مهمة انا ..


مريم و بان الاهتمام على ويهها: خير


بومحمد: عمج من يومين ياني و طلبج لولده خليفة


مريم بصدمة: خليفة


و هنيه شمسة نطت: هيه خليفة خطبج .. و انا متاكدة ما راح ترفضينه خليفة ريال و ينشرى بفلوس .. و يناسبج و كفاية انه بييبج عندنا الامارات و هيه تغمز


مريم: بس


شمسة: لا بس و لا شي مبروك


و قامت و حضنتها .. شمسة تعمدت تهاجم مريم جذيه بالكلام عشان لا تلاقي فرصة ترفض و تعرف ان شمسة موافقة


مريم بصوت واطي و خانقتها العبرة: ليش سويتي جذيه؟؟!!


شمسة: لاني احبج و احبه مثل اخوي و ابا لكم السعاده ..


شمسة تكمل: انتي اختي


مريم ما قدرت تقاوم هالموقف و الدموع كانت سيدة الموقف


بومحمد: شمسة شوي شوي عاختج خل اسمع رايها


بومحمد: هاه مريم شرايج


مريم: و هيه منزلة راسها و بابتسامة خجل: اللي تشوفه يبا


و حضنتها شمسة بقوة


بالرغم من كل المواقف االلي مرت لها مريم و صادفتها و على الرغم من الحزن اللي اجتاحها لانه امها مو يمها الا انها سعيدة بابوها و اخوانها و شمسة و خليفة و طبعا عزوتها فالبحرين


رغم كل شي الا ان صبر مريم كان له دور كبير بنجاحها في حياتها بالاخير قدرت توصل لمناها بسبة ايماناها بالقضاء و القدر و التنازلات اللي قدمتها


رابطة الدم كانت اقوى من كل شي .. على الرغم من زعلها من ابوها و اللي سواه في امها الا انها ما قدرت تمنع رابطة الدم اللي بينهم و ما قدرت انها ما تحبه


على الرغم من حب شمسة و خليفة اللي ربى بقلبها من الصغر ما قدرت انها تتنازل عشان رابطة الدم اللي بينها و بين اختها اللي ياما تعذبت و شافت من الدنيا


على الرغم من كره ام محمد لامينة لكنها ما قدرت تنكر حب مريم .. اللي تغلغل بقلبها غصبن عنها


هذي اهي مريم بطلة قصتنا اللي تزوجت خليفة و عاشوا احلى حياه بظل اهلها و عزوتها





النهايـــــــــــــــــــ ـــــــــــــــــــــــــ ة







ملخص ما بعد النهاية




خلاص ما باقي شي ربع ساعه بالكثير و يزفونها .. و هيه بعدها فوق .. خايفة و مو راضية تنزل .. طبعا غير المكياج اللي يعدلونه لها الف مرة .. ما تقدر تقاوم الصياح .. على الرغم من روحها المرحة الا انه اليوم غير .. خوفها من الحياة اليديدة و بعادها عن اهلها مو سهل .. بس اللي مهون عليها .. انها ما بتكون بروحها فالامارات و رفيجتها وياها


مريم و هي تدخل الغرفة بكرشتها: هنادي للحين ما نزلتي يلا الناس تتريا


هنادي: ما اقدر و الله مريم بطني يعورني


مريم: وقته بطنج هذا بعد الحين


هنادي: من الخوف هب قادرة


مريم: عن الدلع يلا و انا معاج يلا


هنادي: فهد يا


مريم: ينتظرون تحت يلا عاد


هنادي بخجل: هقوتج بعجبه


مريم هههه: فديتج اكيد بتعجبينه اهو اختارج باردادته يوم شافج و محد غصبه و انتي اليوم قمر


هنادي: مشكورة رفعتي معنوياتي


نزلت هنادي مع مريم


دقايق و انفتحت القاعه و تسلطت الاضواء عليها و هي شابكة ايدها بايد فهد .. طبعا هي من نزلت ما شافته و لا كلمته مستحية منه .. و تمشي و تتعثر بخطواتها .. لكنها كانت قمر ما شاءالله عليها


مريم دخلت معاها لكنها اختفت عقب .. راحت تقعد خصوصا ان الحمل متعبها شوي .. لكن فرحتها اليوم ما تنوصف .. اخوها و حبيبتها بنت خالها بيتزوجون و هنادي بتعيش معاها


فهد بالرغم من الانكسار اللي داخله الا انه حاول يتجاوزه .. و يحاول يغير من نفسه و يبني نفسه من جديد بمساعدة ابوه طبعا .. و اول خطوة اتخذها انه يكمل دراسته فبلاده و يشتغل فنفس الوقت في شركة ابوه .. و عقبها يوم شاف هنادي و عيبته قرر انه يتزوجها خصوصا انها بنت خال مريم فاكيد طيبة نفسها


فهد و هنادي عايشين احلى حياة و ينتظرون مولودهم اليديد حاليا


................



..........: حبيبي فديتك .. و ينك امس عيزت و انا انطرك


أحمد: اسف حبيبتي انشغلت مع امي شوي


فاطمة: يعني اترياك اليوم فالشقة


احمد: اكيد


سكرت عنه و راحت تتلبس مواعده خالد عقب ربع ساعه فالكوفي


هذا حال فاطمة .. اللي اول ما تركها طلال انهدت شوي .. لكن طبيعة البيئة اللي عايشة فيها .. ربع السوء خصوصا عقب ما ماتت يدتها ما خلوها .. و كاهي منجرفة في تيار الرذيلة .. و محد العارف يمكن تنهدى و ترجع مع الايام!!


.......................



لولوة و سلمان سافروا برع عشان سلمان يكمل دراسته .. الله رزقهم بولد و بنت .. و حاليا بانتظار المولودة اليديدة


..........................



عذاري و يعقوب تزوجوا .. و بالرغم من بعض المشاكل .. الا انهم قدروا يتغلبون عليها بالحب


...........



طلال: يلا حبيبتي متى بتردين البيت


جواهر: كاني طلال قلت لك بس اخر زبون و بسكر العيادة


طلال: مو تتاخرين .. لا تنسين اليوم ذكرى زواجنا .. بنطلع نحتفل .. و اليهال طلعوا مع امي و ابوي


جواهر باعذب ابتسامة: اوكي .. خلاص ساعه بالكثير و انا عندك


طلال: تحملي بروحج


جواهر: ان شاءالله فمان الله


طلال: احبج


جواهر: ههه و انا بعد اموت عليك


بالرغم من خيانة طلال و بعده فترات عن مرته .. الا انه يوم عرف فاطمة على حقيقتها رجع لصوابه و بيته .. و الحب كان اساس علاقته مع جواهر .. الله رزقهم بولدين و بنت .. جواهر كملت دراستها و صارت دكتورة مثل ما كانت تتمنى و فتح لها طلال عيادة خاصة


طلال و جواهر عايشين احلى حياة و مو ناقصهم أي شي


..........................



بواحمد و ام احمد .. ما زالوا مثل ما هم القلب الكبير اللي يوسع الكل .. و عقب فترة بو احمد رد مثل قبل .. و ما عنده الا المناجر هو و ام احمد


....................



مايد: و بعدين معاج حمدووه .. نورة نورة تعالي شوفي بنتج


نورة و هي طالعه من المطبخ و بيدها الملاس: لا اله الا الله هالبنت بتذبحني .. هذي ثالث مرة اغير لها و دومها وسخة توسخ ملابسها


مايد: خلاص انتي سيري كملي الغدا بغير لها .. و العصر بنطلع ترى


نورة: شفيك مايد نسيت اليوم بنسير بوظبي .. خلاص عرس شمسوه باجر


مايد: اوه صح .. اوكيك حبيبي سيري انتي و انا و هالقمر بنسير نبدل


دخلت نورة داخل تكمل الغدا .. نورة عايشة سعيدة و مستقرة مع مايد و حمده قوت علاقتهم اكثر و اكثر .. نورة صارت تموت على مايد .. و خلاص تخلصت من ذكرى فهد نهائيا .. حتى خبر زواجه ما هز فيها شعره .. بالعكس فرحت لفهد لانه هنادي اكيد طيوبة شرات مريم


..............



شمسة حاولت تتغلب على حب خليفة خصوصا انه صار ريل اختها .. تقدموا لها وايد و رفضتهم .. كملت دراستها .. و تخرجت و قدمت على دورات عديدة للفنون و شاركت بمعارض كبيرة و حققت حلمها بالرسم .. تقدم لها عقب فترة سلطان ولد خالتها و وافقت عليه .. و حاليا هم مسافرين يكمل سلطان دراسته و عايشين حياة سعيدة


...................



ام محمد و بومحمد فرحانين بشوفة عيالهم و هم متوفقين و لو ان شمسة غلبتهم شوي .. لكن هذي هي راحت بحال نصيبها و فضى عليهم البيت .. لكن عيالهم خصوصا مريم ما كانوا مخلينهم ابد .. طبعا بومحمد سعادته ما تنوصف بوجود مريم يمه و بزواجها من ولد اخوه خليفة و حياتها السعيدة معاه .. و قد ما يقدر يحاول يعوضها اللي طاف من عمرها بدونه


.........................




الله اكبر الله اكبر .. لا اله الا الله .. الله اكبر الله اكبر و لله الحمد .. الله اكبر كبيرا .. و الحمدلله كثيرا و لا حول و لاقوة الا بالله بكرتا و اصيلا .. لا اله الا الله


على هالصوت العذب .. صحت مريم من النوم .. و على ويهها احلى ابتسامة


قامت و تلبست و سبحت بنتها امينه و تمت تتريا خليفة يي من الصلاة


خليفة: السلام عليكم احلى ثنتين فالدنيا


مريم: ههههههه لا عاد هذي مبالغة عودة ترى


خليفة و هو يبوسها على راسها: عيدج مبارك الغالية


مريم: ينعاد علينا يا رب بالصحة و السلامة


خليفة: تصدقين مريووم .. كل يوم اشوفج احلى من قبل .. و احمد ربي مية مرة انج ما رحتي من يدي


مريم استحت و تبي تغير السالفة: ذبحتوا الاضحية


خليفة: انتي اللي ذبحتيني و الله


مريم و هي تشرد من الغرفة: هههههههههه بسك عاد


لحقها خليفة و شل امينة معاه اليوم اول يوم عيد .. و باجر مريم بتسافر البحرين تودي بنتها ليدها يدتها يبون يشوفونها .. فطلعت مع خليفة بيت ابوها .. و عقبها بيمرون بيت عمها اللي اهم اهل خليفة يسلمون عليهم


طبعا ما يحتاج اقولكم حياة خليفة و مريم شلون صايرة .. اكيد بروحكم متخيلين الحب و الحلم الجميل اللي عايشينه .. مريم حاليا حامل و بانتظار 2 توم يكملون عليهم نهر حبهم المتدفق




التعديل الأخير تم بواسطة لامارا ; 14-12-13 الساعة 10:43 PM
اسطورة ! غير متواجد حالياً   رد مع اقتباس
قديم 16-12-13, 06:26 AM   #30

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي



لامارا غير متواجد حالياً   رد مع اقتباس
إضافة رد

الكلمات الدلالية (Tags)
الكاتبة

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 04:01 AM



Powered by vBulletin®
Copyright ©2000 - 2024, vBulletin Solutions, Inc.