آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
05-01-14, 03:00 PM
| #21 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  خالد طول الليل يفكر بدلال...واليوم قضوا مع بعضهم ....ماقدر ينام ...وطول الليل يتقلب..... مسك موبايله .....دز حق دلال مسج..... ((قاعدة)) دلال نفس الحالة ...ماقدرت اتنام ..واتفكر اباجر...مو قاعدة اتفكر بنفسها ...قاعدة اتفكر بخالد...اشلون خلاص راح يصير حق غيرها....اشلون راح يجيس غيرها ...اشلون راح يصير ابو حق عيال مو عيالها .....اشلون راح يصبح ابويه مو ويها ....اشلون راح ياكل ويشرب ويقعد ويقوم مو معاها ....تسمع صوت المسج...واترد عليه بمسج... (( منو يقدر ينام بهاليوم )) يقراه خالد.....ويرد عليها ... ((دلال احبج )) واترد عليه .... ((انا احبك بعد)) خالد.... ((حتى لو انج مو لي ..بس قلبي راح يضل طول عمري لج )) دلال ...تقرا المسج وقلبها يعورها ....كانت بترد عليه ...بس ماقدرت ... ولمت مخدتها... ودمعتها بعينها ...سلمت نفسها وقدرها لله ...لان سبحانه اهوا يعلم بخيرة الامور...وحطت راسها ونامت ..... باجر اهوا يوم الحسم ....زواج خالد ...وخطبة دلال...مفترق طريق لهم اثنينهم ...بس هذي حال الدنيا ...مو كل من حب ياخذ الي يحبه ... ملجو الرياييل عقب اذان العصر....والعرس بليل ...قرر خالد ان يحاول يتعايش مع الوضع اليديد...لان الحياة لازم تمشي...وراح يحاول يحب منيرة ..مع ان يدري بصميم قلبه انه مايقدر..لان دلال ماكانت حب 5 سنين ..دلال كانت حب عمره كله...ونفس الشي دلال قررت ان تطوي صفحة خالد...وتمضي بحياتها ...واتحب زياد...يمكن هالشي صعب وصعب حييل ...بس خلاص ماكو فاايدة...كل شي راح وانتهى...وخالد الحين راح يصير ذكرى ..واحلى ذكرى بحياتها .... ام خالد عقب الملجة ...... الام : هلا حبيبي مبرووك ..مبرووك ...عسى الله يفرحك ويهنيك ووفقك ... خالد ابوادي ثاني .... الام : خالد اشفيك .... خالد: هلا هلا يما ...الله يبارك فيج ..... الام اتيبله البشت الاسود.... الام : خالد حبيبي...هذا بشت ابوك ...انا خاشته حق هاليوم....ابوك بالضبط يشبهك ونفس جسمك وطولك ..حيل اتذكرني ببوك الله يرحمه ...اخذه والبسه ... خالد يروح صوب المنطرة ...يلبس البشت ....ويطالع نفسه ...بقلبه (( كنت انطر هاليوم على احر من جمر...بس....الله كريم)) الام تبجي ..... خالد يروح عند امه : يمااه ..اشفيج .... الام : واايد فرحانه ...مومصدقة ... خالد يبوسها على راسها : ان كل شي اسويه بالدنيا علشانج ...علشان تفرحين ... الام : وانت مومستانس... خالد ينزل راسه وبعينه حزن : اذا انتي مستانسة ..انا استانس.... اليوم عقب صلاة المغرب طلعة الرياييل من بيت دلال ...وفعلا ..يو العمام والخوال...وتمت الخطبة على خير...والكل يبارك وفرحان ... ام دلال عقب ماطلعو الرياييل... ام دلال اتكلم ام زياد ...لانها داقه عليهم اتباركلهم .... الام حق دلال : دلوله هاج التلفون ..هذي خالتج ام زياد.... دلال مستحية : الو.. ام زياد : السلام عليكم .. دلال وعليكم السلام خالتي... ام زياد: بالمبارك بنيتي ...عسى الله يوفقكم ويسعدكم ياارب... دلال : الله يبارك فيج ... سكرت الخط من ام زياد ...واتيي الام وسارةومشاري... الام : مبرووك دلول مبروك ...مابغينا نفرح فيج.... دلال : الله يبارك فيج يماا... سارة وقلبها معورها على دلال: مبروك دلول... دلال اتلمها : الله يبارك فيج.... مشاري : مبروك دلوله ...الله يوفقج ان شاء الله << يلمها ويبوسها... دلال : الله يبارك فيك ....(اتكمل) : مشاري قلت حق نورة ان اليوم خطبتي... مشاري : لأ.... دلال : ليش...؟؟ مشاري : نسيت <<< اهوا مانسى بس اهو اصلا مايكلمها ابد.... دلال : بدق عليها بقولها اتيي.... مشاري : ماراح اترد عليج .... تمسك دلال موبايلها ...وادق على نورة ماتشيله ....اتقوم ودزلها مسج .... (( نورة ترا اليوم خطبتي من زياد )) على طول بأقل من ثانية اتدق نورة......دلال اتروح دارها.... نورة : الووو .... دلال :لا تكلميني ...والله والله مافيج خير نورو...اشدعوااا .... نورة : والله دلول نفسيتي تعبانة .... دلال : الله ...وانا وين رحت ...بدال ماتصيير علاقتي فيج اقوى عقب زواجج من اخوي...تقطعين عني لهدرجة ؟؟؟؟ نورة: انزين دلال ...شنو هالمسج الي وصلني....؟؟؟ دلال : مثل ماقريتيه ؟؟ نورة : شنو يعني !!!...؟؟؟ وخالد ...؟؟؟ دلال : خالد اليوم عرسه من منيرة ..!!! نورة منصدمة : شـــــــنــــــــو !!!! اشلون وليش؟؟؟ دلال : الدنيا يانورة ...الدنيا ماتدوم حق احد ...وموكل الي يتمناه الواحد يااخذه .... نورة تبجي : دلوول ...لا تعورين قلبي ...ادري انج قاعدة اتكابرين ...وادري انج قاعدة تتقطعين من داخل قلبج ....قوليلي شنو السبب...عورتي قلبي... دلال : يعني بنتكلم بالموبايل ....ماراح اتيينلي ؟؟؟ ترا اذا ماييتي راح ازعل...انا محتاجتج الحين .... نورة توهقت لان مشاري مانعها ان اتيي بيتهم .... نورة : دلول دقيقه دقيقة وادق عليج..... اتدق نورة على مشاري ...مشاري يشوف رقم نورة ويروح بعيد .... مشاري: نعم .... نورة منحرجة : هلا مشاري...مبروك .... مشاري بنفس : مشكورة ... نورة : مشاري ...ميـ ...ميخالف ايي ابارك حق دلال..والي يعافيك ..ماراح اطول... مشاري سكت اشوي : ايه اوكي ...بس مو عشان خاطرج ...عشان اختي بس.... نورة : مشكوور.... واتيي نورة ...وكانت مستانسة انها يايه بيت دلال ...واتلمها حييل ....وتبجي نورة يوم شافت دلال ...تبجي حييل ..لان نورة اتعرف دلال عدل ..وشافت ويها وامبين اشكثر ضاايق خلقها...ولان نورة واايد كانت اتحب خالد ..وناطره اليوم الي يتزوج دلال ...فماقدرت تمسك نفسها ...ويوم شافتها جذي دلال قامت تبجي...واتلمها حيل...والكل عباله ان نورة من كثر ماهي فرحانه تبجي.... الام تمسح دموعها : بس عااد ..حسبي الله على بليسكم بجيتونا....يالله روحوا غسلوا ويوهكم ... واقعدت دلال مع نورة ....وقالت دلال كل السالفة حق نورة .... نورة : مسكين خالد ...دايما يضحي... دلال تاخذ نفس : مونصيبي...مونصيبي... اليوم بليل عرس الرياييل...خالد صج معرس...الطول والرزة ...والملح المكتت...كان زحمة العرس....والجرايد والمجلات ..كلهم يايين...وكبار الشخصيات...وناس داشة وناس طالعة ...ايي ابو مشاري (ابودلال) ويبارك حق خالد.... ابو مشاري: مبروك مبروك ...مابغينا انشوفك معرس.... يوم شافه خالد...حس جنه سجين بقلبه ...كان يتمنى هالريال اهوا الي واقف اليوم يمه ...والناس يباركون لهم ...على زواجه من دلال.... خالد : الله يبارك فيك عمي...الله يبارك فيك .... ابيت دلال.... تدخل سارة غرفة دلال وتقعد مع نورة ودلال ..و يسولفون ويضحكون ...اتروح دلال صوب الكبت واتطلع جنطة حاطتها بين اهدومها....تفتحها واتطلع منها صندوق...اتييب الصندوق...وتفتحه....ويلا الصندوق فيه كل الكروت والورود الي عطاها اياه خالد طول 5 سنين ... تقعد مع نورة وسارة ...وتفتح كرت كرت ...وتقراه بابتسامة ...وبقلبها غصة ...لين اوصلت لي اخر كرت .... دلال : كنت خاشتهم عشان ليه تزوجنا انا وخـالد ...ولا كبرنا انا واياه ...نفتحهم ونقراهم وتنذكر اللحظات الحلوة الي عشناها .... جان تمسك واحد واحد ..وتقطعه قطع صغيرة ...واتقطهم ...وطلعت كل الهدايا الي عطاها اياه خالد وحطتهم بجيس وقطتهم ....الا الخاتم الي عطاها اياه اخر مرة ...هالشي الوحيد الي قررت تحتفظ فيه ... نورة بقلبها (( يابعد قلبي يا دلال ..ادري اشكثر ضاايق خلقج ...)) سارة : زين اتسوين ...لاتخلين شي يذكرج فيه ... دلال تاخذ نفس : خلاص الي راح راح ... ويلا يسمعون بره صوت الهرناات ...والسياارت...اعرفوا ان هذا خالد مع ربعه قاعدين يزفونه ....دلال يوم اسمعت صوت الهرنات توترت ...نورة بتقذ الموقف... نورة : اشرايكم انروح الصاله ..نقعد مع خالتي ومشاري.... سارة بعد حست بدلال : ايه يالله يالله ...خنروح ... دلال : يالله اوكي.... راحوا الصالة ...كان مشاري قاعد مع امه .... الام : زين طلعتوا من الدار ...عاد توني بناديكم على العشا .... سارة : عاد انا ميته يوع ..... ويلا بدشة ابو مشاري..... الام : هلا وغلا اب ابو مشاري.... الابو : هلا فيج .... الام : ها شلون عرسهم ... الابو : والله زحمه حييل ...شفتي اشلون عرس مشاري زحمه ...هذيل عرسهم ازحم ابواايد...عالم عالم ماشاء الله ... الام : ايه اهم مشاء الله واايد ...ومعارفهم ومعارف امهم وااايد ...(الام ) ايه الله يوفقهم ... دلال ساااكته ...ومنقهرة ...... الابو يطالع مشاري: ليش ماييت العرس.؟؟ مشاري متنرفز : بس تعبان ... الابو : مافيك شي...كاك جدامي...عيب ..هذيل ييرانه من عمر...واهم ماقصروا يووك بعرسك ... مشاري يطالع امه عشان بغير الموضوع : يماا يالله حطو العشا ... الابو يهز راسه مو عاجبه ..... حطو العشا ...واقعدوا .... الام اتنادي نورة .... الام : نورة تعالي يما قعدي يم ريلج ..... مشاري: لا لا يما انا بقعد يمج ... الام : لا هااو ..خل تقعد يمك مرتك ...ادري انكم اتحبون تقعدون يم بعض...انا اول يوم كنت ابيت الحمولة ..احب اقعد يم بومشاري...(تغمزلهم ) عشان ماتقولون عني نسرة ...<<< الام تبي اتلطف الجو بينهم ...حاسه ان فيه شي بينهم ... نورة اتقوم تقعد يم مشاري... نورة : مشاري تبي احطلك من هالسلطة ...؟ مشاري : لا ... نورة: انزين من هالطبق ... مشاري : لا .... نورة : انزيــ..... مشاري يطالعها : عندي ايد ..انا احطلي الي ابي.... مسكينه فشلها ... الام حست فيها انحرجت.... الام : انا انا حطيلي من السلطة الي يمج .... سارة : وحتى انا .... دلال ساكته ...وبوادي ثاني.... الام اتغير الموضوع .... الام : ايه دلوله ...بدام اخوج وابوج موجودين ...ترا ام الزياد يوم كلمتني اليوم ...قالت ان الولد حاب يكلم دلال...يعني تلفونات بس طبعا ...عشان يتعرفون على بعض ...وكل واحد يعرف طبع الثاني ...فا انا قتلها والله مادري انا اشاو ابونا بالاول واشوف شيقول.... الابو : اهوا احسن ان يعرفون بعض قبل لا يملجون ..انا من ناحيتي ماعندي مانع .... الام : وانت مشاري شرايك .؟؟ مشاري مو عاجبه : خلاص مالي كلام عقب ابوي... الام : وانتي دلال ؟؟ دلال : الي اتشوفونه ... خلصوا العشا ... الام :جني ابي ازعتر... اتكلم الخدامة :سوي شاي عادي...و شاي زعتر..وقهوة عربية سارة : وانا ابي GREEN TEA.... مشاري قعد واقعدت يمه نورة ...واقعدت يمها ام مشاري...وجدامها نورة وسارة وابومشاري.... نورة اتطالع مشاري طوول الوقت...اتحس صج انها اتحبه ...وودها لو يسمعها ..يمكن يعذرها او يسامحها.... كان كاسر خاطرها...ان قامت ابقلبه ...وان مراعي مشاعرها ليلحين ... يابت الخدامة الشاي...وقاعدة اتصبه.... دلال : انا ابي شاي عادي... الابو: وانا شاي عادي.. الام : صبيلي شاي ازعتر.... نورة : وانا نفس خالتي ابي شاي ازعتر.... تلتفت ام مشاري على نورة ..واتحط ايدها على بطن نورة ...وتضحك .... الام : لا يما مو زين...ماتدرين يمكن في نونو بالطريج .... نورة توترت حيل وانحرجت من مشاري....نزلت راسها.... الام :وااي ياحلو الي يستحون ... ترفع ايدها : ويه ان شاء الله ماتمر هالـ9 اشهر الا وولد مشاري بيدي... مشاري لاتعليق....قام وطلع بره ..... الابو : وين رايح؟؟؟ مشاري :بروح الفرع...بييب كاكاو... الام : تعال فيه كاكاو اهني.... مشاري: لا ابي كاكاو معين ..... اهو طلع عشان اغير الموضوع ...لان امه حيل اتروح واترد عليه اهو ونورة ....وكان حييل متضاايق من الحوار....لان صج يحس ان يحب نورة ...بس قلبه شاايل عليها حيل ...ويحس ان مايقدر يسامحها...غصبن عليه ... اما خالد عقب مازفوه ربعه... وكانو عماته وخالاته موجودين وينطرونه ...واول مادش...ويلا اليباب شايل المكان ....وينثرون عليه الورد ...وماكان في طق ولا اغاني...عشان ابو منيرة ....دخل خالد...وعماته وخالاته يبوسونه ويسلمون عليه ..كانو حييل مستانسين لان اول فرحتهم .... منيرة كانت قاعدة ...ولابسة نفنوف لونه ذهبي...ومسويه شعرها كبه على جنب...وحاطة مكياج خفيف مع حمرة حمرة ...وكان شكلها واايد حلو ... قعد خالد...يمها ..ولا طالعها...يت شيخة واتسلم على خالد ...وصاكة ضروسها .. شيخة : قوم حب راسها ..فشلتنا... خالد ولاجنه سمع شي....التفت على منيرة ....ابتسمتله ...وابتسملها... اقعدوا وصوروا مع بعض....وام خالد بس تبجي من الفرحة ....ودش طلال وصور معاهم ....وحييل استانسوا ....راحت منيرة وغيرت اهدومها ...والبست نفنوف طلعة...وفسخ خالد بشته ....ومسكت ايد خالد واطلعوا... واهما راكبين سيارتهم ...ويلا مشاري توه ياي من الفرع ....طالع خالد بنظرة خاايسة ...وخالد وخر عينه عينه ....وحرك سيارته.... خالد : وين تبين اتروحين .؟؟ منيرة : شنو موحاجز مكان ؟؟ خالد : لا والله ...ماحجزت .... منيرة : مادري كيفك.... خالد : خلاص اوديج على ذوقي ..؟ منيرة : اوكي.... راحوا marina waves....مطعم Living room .....واقعدوا بالطاوله الي صوب البحر على الزاوية .... واطلبو ....وخالد اغلب الوقت ساكت ... منيرة : وااي خالد ماتتخيل اشكثر انا مستانسة ... خالد :.......................... منيرة : وانت ؟؟؟ خالد : اممم مستانس <<< امبين مومن قلب..... منيرة : اشرايك بشكلي اليوم ..حلووو...عجبتك ..... خالد : ايه حلو..... تمسك منيرة ايده ... منيرة : راح اخليك اسعد واحد بالدنيا .... خالد يوخر ايده : انزين يالله ..اكلي لايبرد الاكل..... منيرة : مشكور مو جذي التدقر....!!! خالد ماله خلق: لا موقصدي..بس قلت بعدين انسولف احسن ... واقعدوا عقب العشاء...واطلبو قهوة ...واقعدت منيرة اتسولف واتسولف واتسولف...وخالد يدخن.... ويدخن.... ويدخن ...يطالع البحر....كان مجرد جسد بهالمكان بس عقلة وتفكيرة بمكان ثاني ....ومع شخص ثاني .... خالد : خلصتي...؟؟؟ منيرة : ايه خلصت .... خالد : يالله مشينا..... واهما رايحين السيارة ....منيرة راحت وحطت ايدها بين اذراع خالد... خالد : لا لا منيرة ...انا ماحب هالحركات ... منيرة اتطالعه مستغربة : خالد اشفيك !!! ترا احنا معاريٍس..!!! خالد : يعني مانصير معاريس الا اذا قضبتيني جذي...جني بطير منج ..لا يبا انا ماحب جذي...نزلي ايدج... منيرة : اففففف ...استغفر الله .... اركبو السيارة ...كان خالد حاجز ابفندق المرينا ....دخلو اغراضهم ...وطلعت منيرة اهدومها الي تبي تلبسها ...وادخلت الحمام ...اما خالد طلع بيجامته الي يبي يلبسها ...وغير اهدومه ومنيرة بالحمام...وانسدح على ظهره بالفراش...وحط ايده الثنتين ورا راسه ... خالد : يااارب نسيني دلال..وشيل حبها من قلبي..يارب صبرني...يارب ارحمني... يغمض عيونه ....يسمع صوت باب الحمام تبطل.... ..اطلعت منيرة ...ولابسة قميص ابيض...جرئ اشوي...يت واقعدت بالفراش...وخالد ليلحين منسدح ...وقاعد يطالعها .... خالد: تعالي.... راحتله منيرة ...... بنفس الوقت دلال منسدحة بدارها...ولامة مخدتها ...ومسكره ليتاتها...ودمعتها على خدها ....وقاعدة اتفكر بخالد ...وشنو قاعد يسوي الحين ... كان الوقت تقريبا على 11 وشي.... دلال بقلبها (( استغفر الله العظيم ...استغفر الله العظيم ....خلاص مالازم افكر فيه ...اهوا تزوج الحين ...وانا بعد محسوب على ريال...ياارب شيل حبه من قلبي...ياارب ...عوضني عن الي فقدته .....)) واهي قاعدة تتقلب ....ماتبي اتفكر ابولا شي....يرن موبايلها ويلا رقم غريب... دلال : الوو ... ......: مساء الخير.... دلال : مساء النور...من معااي... .....: معاج زيـــــــــــــــــــــــ ــــاد !!!!! ودعتها والشوق بيني وبينها بحور ودعتها رغم خوفي والوله مجبور الحزن في ايدها بيأس يشدني وكل درب عنها بعيد يصدني مدري المحبه ضيعتني ولا انا ضيعتها ما حكت والحزن بيني وبينها في صمتها تضيع ادور وينها فجأه اختفى كل الكلام وتاهت حروفي بالظلام كل الاماني وقتها ردت لقلبي اشتقتها مدري المحبه ضيعتني ولا انت ضيعتها لو سنين عمري تضيع والزهور تنسى الربيع ما انساها ابد لو يصير الشوق دمي او سواد الليل همي ما ادور احد ويش ادور بعدها لو نساني وعدها مدري المحبه ضيعتني ولا انا ضيعتها أغنية ودعتها | ||||
|  |
|
05-01-14, 03:10 PM
| #22 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| دلال ساااكته ومنصدمة نوعا ما ..ماتوقعت يدق عليها هالحزة .. دلال : اهلين.... زياد : اشلونج دلال .... دلال : بخير الله يسلمك.... زياد : عذريني داق عليج بهالحزة ...بس فعلا فعلا توني فضيت .... دلال : لا لا عادي... اقعدوا يكلمون بعض ساعة وشي ..... دلال : زياد ..سوري بس انا لازم اروح انام ...حدي تعبانة وماني قادرة ابطل عيني ... زياد : اي اكيد اكيد ...اخذي راحتج...تصبحين على خير ... دلال : وانت من اهله.... سكرته دلال ...وماتوقعت هالمكالمة ....زاد تفكيرها هالليلة ....وماقدرت اتنام ...... الصبح ...الساعة 8 ....خالد قعد من النوم ....وخذاله شور...ولبس تريننق ... ومنيرة نايمة ...ونزل تحت ...وقاعد يتمشى عند اليال....حاس بقمته مايبي يقعد بالغرفة .... قعد على الرمل...ويفكر بكل شي....وكل الي صار....قعد على الحالة فوق الساعتين وشي...يرن موبايلة ...ويلا منيرة .... خالد :الوو .... منيرة : صباح الخير حبيبي.... خالد : هلا ....... منيرة : وينك ؟؟ خالد : قعدت من زمان ...والحين قاعد اتمشى بره ..... منيرة : ليش ماقعدتني ...؟ خالد : ماحبيت ازعجج ..... خالد يكمل: يالله اتسبحي...ولبسي اهدومج ...عشان انروح نتريق... منيرة : اوكي.... راح خالد الغرفة ....ويلا منيرة قاعدة اتنشف شعرها بالستشوار....او مادخل الغرفة ...جان اتروحله واتلمة واتبوسه .... خالد : خلصتي؟؟؟ منيرة : ايه خلصت .... خالد : يالله امشي.... راحوا يتريقون بالفندق.... منيرة : خالد ...اشفيك !!! جنه مالك خلق.... خالد : لا بس راسي يعورني شوي.... منيرة : اكيد ؟؟ خالد :اممم.... منيرة : اشرب قهوة ....اتعدل راسك .. خالد : ايه ماكو الا جذي... خالد يكمل : اليوم نرجع البيت ان شاء الله .... منيرة : مو جنه تو الناس...؟؟ خالد : اشفيج باجر عندي جامعة ..... منيرة : اممم صح نسيت ....عيل ماراح اخذ اجازتي الحين !!...... خالد لازم انسافر الايام اليايه ...على الاقل لو انروح دبي...نحجز ريزورت..نستانس.... خالد : يصير خير....( يكمل) تبين انروح فلم .؟؟ منيرة: ايه يالله ... راحو المرينا...تمشوا اشوي ...وتسوقوا ...ودخلوا فلم ... ابيت دلال ...... دلال رايحة الدوام ....واهيا بالطريج ....يرن موبايلها .... دلال : الوو ... زياد: صباح الحلوين ... دلال تبتسم : صباح النور.... زياد : رايحة الدواام ؟؟ دلال : ايه والله ...شنسوي...الدوام لله ... زياد يضحك : ياحليلج ...عاد تدرين شكلج صغيرون ...ماجنج اتدامين ..جنج تدرسين للحين .... دلال تبتسم : الله يجبر بخاطرك .. زياد :اخليج عيل ...بس حبيت اصبح عليج .... دلال : ثانكيوو... زياد : ولو ... اوصلت الدوام ...اتسوي شغلها ...وراحت قعدت مع البنات ...وسوالف وضحك ... لطيفة : ايه عاد امس كانت ملجة منيرة ..... رانيا : وعوووو ...الله يعينه ....على ثقاله الدم .... لطيفة : ايه والله ...الله يعينه ...احنا مجابلينها بالدوام ولايعة جبدنا...الله يعين اهوا يصبح ويمسي ابويها ... نور: حبيبتي الريااييل يحبون نمونتها ...تدلع وتميصخ ...بعد هذا الي يبونا ... ويلا شراايج دلال <<<دلال ساااااكته وموعاجبها الموضوع ... دلال اتقوم اتروح مكتبها ...تاخذ نفس : مالي شغل فيهم ...الله يوفقهم .... لطيفة : اشفيج ...وين رايحة .... دلال : عندي شغل بروح اسوي ...مابي شي يتكود على ..... راحت دلال مكتبها ...وكانت حاطه جنطتها هناك...تفتح موبايلها ....ويلا 7 missed call....اتطالع منو الي داق استغربت ...كلهم زيااد ... دلال ادق عليه : الووو زياد : دلال .وينج...؟ دلال : بالدوام ...ليش اشصاااير ؟ زيااد : عيل ليش ماتشيلينه ....؟ دلال : كنت قاعدة مع البنات وموماخذه موبايلي.... زياد: لا دلال...اي مكان اتروحينله لازم تاخذين موبايلج ...عشان اذا دقيت اتردين علي.... دلال : ليش في شي ضروري؟؟ زياد توهق : هـ ها ...لا بس كنت قاعد احاتيج ...خفت انج مارديتي.... دلال : يعني شنو بيصير فيني بالدوام ...؟؟ زياد : لا بس انا وايد احاتي الي يهموني....بسمو تعيدينها مرة ثانية ... دلال : شنو ؟؟!! زياد بهدوء : موبايلج معاج وين ماتروحين .... دلال انبطت جبدها : اوكي....<<< دلال بقلبها (( شيبي هذا...!!!!)) .................................................. ..................... خل نتكلم عن نورة ومشاري اشوي....طبعا مثل منتو عارفين انهم ليلحين قاعدين مع بعض بالشقة الي اجروها ...بس مثل ماقلنا من قبل كل واحد بغرفة.. ونورة قاعدة اتداري مشاري...وودها ان مايطلقها ..بس مالها وي اتكلمه ... كانت كل يوم اتغسل ملابسه ..وتطبخله..واتبخر الشقة..وماتطلع من البيت ...بس اللهم ان اتروح الدوام وترجع ....وودها ان يكلمها ...ودها اتعرف ارضها من سماها ...يدخل ساكت ويطلع ساكت .... ايي مشاري من الدواام ...يروح داره ويبدل اهدومه ....اتزهبله نورة الغدا ...اهيا ماتاكل معاه ...لان اتخاف ان مايبيها تقعد معاه ....عقب الغدا...يقعد يطالع تلفزيون ..... نورة بصوت واطي : مشاري تبي اسويلك شي..قهوة ويلا شاي... مشاري : سويلي قهوة تركية .... راحت نورة سوتله ...وعطته اياه ...مادري اشلون طاح وانكسر ... نورة : حااااشتك !!! القهوة حااارة... مشاري من غير لا يحط عينه بعينها : لأ.....<< مايحط عينه بعينها ..مايبي يضعف... خل اروح اييب المخمة .... راحت نورة المطبخ ...ومشاري يطالعها بعيونه .....وصج كانت تكسر خاطرة ...بس استغفر الله الشيطان..ينزل يشيل الزجاج الي تحت ريله ..مشاري يفكر (( لا لا مشاري...لاتضعف..شنو انت مو ريال...لاتسامحها..)) يرجع ويقول ((نزين على الاقل خل اسمعها ..خل ادافع عن نفسها )) ..(( لا لا بس مالها عذر))... ومن كثر ماكان قاعد يفكر ...كان ماسك زجاجة بايده وضاغطها حييييييل ...حس بالم بطل ايده ..ويلا كلها دم ...ويلا نورة ياايه ... نورة مخترعة واتيي تقعد يمه وتمسك ايده : بسم الله عليك ..بسم الله عليك ...ليش اتجيس الزجاج ...تعال تعال المغسلة خل اغسل ايدك ... مشاري : انا اروح ... راح غسل ايده ...وحاط كلينكس ...يت نورة واقعدت يمه ...ويايبه معاها علبة الاسعافات الاولية ... نورة : ميخالف ايدك ... مدلها مشاري ايده ....طلعت قطن وحط فيه مطهر ... نورة : راح يحر اشوي .... بعدين لفت ايده بشاش.... مشاري : مشكورة .... نورة : العفو.... قاام مشاري وراح غرفته بريح .... كان هذا روتين نورة ومشاري ...مايكلمها ...واهي اتحاول واتحاول ...على الاقل حتى لو يقولها اي شي ...يبيها ويلا مايبيها ...اهوا ساااكت ...واهي خااايفة تسأل ....لان اهي راضية معاه بهالعيشة .... وعلى امل تغيره الايام ..وتنسيه .. .................................................. ......... عقب شهرين .... خالد قاعد بالصاله منسدح على ظهرة على القنفة ...وقاعد يطالع تلفزيون ... الام : خالد ماعندك جامعة ..؟ خالد : امبلا .... الام : ماشفتك رحت اليوم ...!! خالد : مالي خلق .... الام : اشفيك مو ملتزم بالدوااام ...اول شحليلك من صباح الله خير فاز وطالع ...وتدرس ...الحين ماشوفك اتداوم ولا اشوفك ماسك كتاب .... خالد : مال خلق .... الام :.. مابقالك شي وتتخرج ...اتقوم وتخرب على عمرك ... خالد يفرفر المحطات : مالي خلق لادراسة ولا بطيخ ... ويلا بدخلة طلال .... طلال : السلام عليكم .. الام : وعليكم السلام .... الام اتكمل: تعال شوف اخوك الحلو ...مايبي يداوم ... طلال مستغرب : ليش!!! خالد : بس جذي ...مليت .... ويلا منيرة توها يايه من الدواام .... منيرة : السلام .... طلال والام : وعليكم السلام .... منيرة اتطالع خالد : قلنا السلام .....!!! خالد يقوم ....وياخذ سويجه وجنطة النادي ويطلع .... الام : هاااو اشفيه !!! منيرة : عادي عادي عمتي...اهوا كل يوم جذي.... الام : شنو يعني كل يوم جذي... منيرة : كل يوم جذي منفس ..... الام : مو بس عليج حتى معانا .... منيرة : انزين ليش.؟؟!! الام : تلقين يحاتي دراسته .... منيرة : منوووو ..؟؟ خالد....؟؟ لاتضحكيني خالتي ....الحين انا من اول ماتزوجته يمكن ماداوم الا جم يوم على بعض ....خوو مستانس ماياخذون غياب ولاشي...بس لازم يدااوم اشلون يفهم وقت الامتحان ....مابقى شي ويخلص الكورس.... الام : قعدي معاه ..كلميه...يمكن ياخذ منج ...عاد انتي وشطارتج ... منيرة ضايق خلقها : عمتي...من صجج ..اهوا مايعطيني وي كلش.... الام : توه مو ماخذ عالوضع ...ترا اصعب وقت هالوقت ...كل واحد منكم ياخذ من الثاني...لين بعد فتره خلاص...تتعودون على بعض...وكل واحد يتأقلم مع طبع الثاني ... منيرة : ايييه ..شسوي بعد ... خالد يركب سيارته ....ويروح نادي بلاتينيوم الي بكيفان صوب نادي الكويت ... خالد يوصل ...ويدق على عبدالوهااب .... خالد : الوو... عبدالوهااب : هلا هلا هلا .... خالد : وينك !! عبدالوهاب : توني طالع من الدواام ...انت وينك ؟؟ خالد : رايح النادي ....تعال ... عبدالوهااب : لا من صجك ..حدي تعبان ..بروح اتغدى ..واريح اشوي ... خالد : اتغدى وريح على ما اخلص من النادي ...وبعدين خنروح القهوة عشان نشرب شيشة... عبدالوهاب : بدعت بالشيشة ...خلاص اوكي .... خالد كان كل يوم جذي ...يروح النادي ويقعد طول الوقت هناك ...وبعدين يروح القهوة يشري شيشة ...وبالويك اند يروح الشاليه حق الحداق... عبدالوهااب يدق على خالد : هاا وينك ....؟ خالد : توني طالع من النادي... عبدالوهاب : اصبقكك القهوة ... خالد : يالله اصبقني ..انا بالطريج ... وصل خالد القهوة ...وعبدالوهاب ناطره هناك...قعد خالد وطلب الشيشة الي يبيها ... عبدالوهاب: مو جذي الي ينحااشون من البيت ... خالد : ...................... عبدالوهاب : خلوود اشفيك ...وين الي يبي يفتح صفحة يديدة ..؟؟!! خالد : ماقدر اقعد بالبيت ولا دقيقه ...احس من ادش على قلبي ينقمت <<عن منيرة ... عبدالوهاب: خلوود تعوذ من ابليس...خلاص ...ارضى بالامر الواقع ...رحت ولا رديت ...هذي مرتك ... خالد ساكت اشوي ... ويقول : ماني قادر اتقبلها ... عبدالوهاب : انت اصلا ماحاولت ... خالد : والله حاولت ...وقاعد احاول..بس ماني قادر... عبدالوهاب : لا تقدر ..ياخي عطها فرصة ...ماصارلك شهرين بمتزوج ..وانت تطلع من الصبح لي بليل .... يكمل عبدالوهاب : تعال... طبعا الجامعة معطيها سكيب !!؟؟ خالد ساكت... عبدالوهااب: خلوود ..حرااام عليك ياخي...هذا اخر كورس ..لاخرب على عمرك .... خالد موقاعد يطالعه : بالطقاق ...مايهمني... عبدالوهاب: عاد صير ريال خلوود ...دااوم ...بس خلاص هااانت ...هذا اخر كورس اتعرف شنو اخر كورس...يعني عقب ماناديك ايلا المهندس خالد ...اشعلييييك <<< يلطف الجو ... خالد يبتسم من ورا قلبه : انا اول كنت ميت عشان اتخرج واخطبــ (يسكت) خلاص..انا عقب دلال ...مايهمني ولاشي... عبدالوهاب: ردينا على طير يالي..خلاص انساها ...انساها ...المرة بتتزوج ...انت من دريت انها بتتزوج وانت معتفس....طاع اشلون ضعفت ...لاتاكل لاشي ...ياخي ارحم حالك اشوي ... خالد سااكت ...وراايح اباله بعيييييييد.............. ودي ابكي لين مايبقى دموع ودي اشكي لين مايبقى كلام من جروجا صارت بقلبي تلوع ومن هموم احرمت عيني المنام انطفت في دنيتي كل الشموع والهنا مايوم في دناياي دام غربتي طالت متى وقت الرجوع كل عام امني احلامي بعام ان شكيت الحال محدا لي سموع وان سكت الناس زادوني ملام طال صبري والزمن عيا يطوع والرجا للي عيونه ماتنام أغنية ودي أبكي | ||||
|
| |
|
05-01-14, 03:11 PM
| #23 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| دلال ...مابقا شي على ملجتها ...وعلى عرسها بعد ....راحت مع اهلها دبي وجهزت كل شي ..حتى نفنوف العرس شرته .... بيت دلال صاير بطن وظهر ...ماقامت تصفت سيارتها جبال بيت خالد ابدا ...ماتبي اتصادفة ...قامت تصفط بالمواقف الي ورا ..... دلال طالعة مع نورة وسارة ...رايحين الافنيو ....وكانو قاعدين ابـchocolate bar.....دلال اتحوس قهوتها .... دلال : لا لا بس مو صج اشكثر يدق علي..... نورة : ميخالف يمكن يحاتيج ... سارة : او يمكن يوله عليج ...فا عشان جذي يدق على طوول... دلال : مادري...احسه لصقه ...وهذا ليلحين ماتزوجنا وجذي... نورة : لاحبيبتي ...لانكم ماتزوجتوا عشان جذي لاصق..بس بعدين اذا تزوجتوا راح يفج ...وبتقولين ..الـــــــــلــــــــــه وين هذي الايام ... دلال : وعووو ...استغفر الله ..مايخليني اتنفس....مابيها من ايام ... يرن موبايل دلال......ويلا زيااد .... دلال اتطالع موبايلها : وااي لا مووصج...مو توني مكلمته بالسيارة جدامكم....اشيبي بعد....!!!! نورة : ردي دلول...خلاص ..هذا بيصير ريلج ...وهالشي اهون من شي ثاني.... دلال : اف استغفر الله برد كاني....<<< ويلا يتسكر الخط ... دلال : اشواا تسكر.... سارة : دلول ...ردي دقي... دلال : افف مالي خلقه...اشكثر كلمته اليوم ....قطيعة ....ماحب الريال اللصقة ... نورة : ميخالف ردي دقي.... دلال تمسك موبايلها وادق.... دلال : الووو... زياد: هلا دلوله ...وينج ليش ماتردين ..؟ دلال: رديت بس انت سكرته ..... زياد : انا نطرت لين اخر رنه .... دلال: امم....شفيك ؟؟؟ زياد : ها وصلتو .... دلال : امم وصلنا ...وقاعدين.... زياد : وين ؟ دلال : ابــchocolate bar..... زياد : شنو طلبتي.... دلال اتوخر السماعة واتكلم نورة وسارة : تحقيق تحقيق.... دلال : ماكو قهوة و مولتن كيك..... زياد : بالعافية .... دلال : يعافيك .... زياد : امم ...اوكي عيل ....اق اسأل بس...واذا دقيت ردي .... دلال صاكة ضروسها : ان شاء الله .... اتصك الخط ....ومتنرفزة حدها ... نورة : خلاص دلول ماصار شي.... سارة : ايه والله ...احنا البنات ماينعرفلنا...اذا مادقوا ولا عطونا وي..استخفينا وقمنا اندقق وليش ماتدق على وليش ماكلمتني...بس اذا اهتموا وقاموا يدقدقون ...تحلطمنا وقلنا عنهم لصقة .... دلال : انزين انتي ليش معصبة الحين ... سارة : انتي دلول اتبطين الجبد ...ماسوالج شي الريال ..على ادنات الدون عصبتي....جنج تبين الشارة عليه ... دلال : انتوا ماتدرون...يدق على كل دقيقة ...مايخليني اتنفس...انزين خلني اوله عليك..وانا من نفسي راح ادق ....اففف سارة ونورة ساكتين .... واهما قاعدين ...ويلا نورة ..... نورة صاكة ضروسها : دلول شوفي منو ياي.... دلال اتطالع يمها : ويع ويع اكملت الحفلة ...قطيعة ...شاليوم الارف.... ويلا شيخة ومنيرة توهم قاعدين بطاوله يمهم تقريبا ..... يو يسلمون على نورة وسارة ودلال ... شيخة : هاي بنات ...شلونكم ... نورة وسارة: اهلين... اتقوم نورة وسارة يبوسونهم .... ودلال لافة ويها الصوب الثاني وماتحركت من مكانها ... شيخة رافعة حاجبها : دلال اشلونج ... دلال اتطالعها بنفس : الحمد الله ...تمام طبعا دلال من اول ما تزوجت منيرة خالد واهيا حتى بالدواام ماتسلم عليها ...مو متقبلتها موليه ..خير شر.. نورة اتلطف الجو : انتوا شلونكم وشخباركم ...من زمان عنكم... منيرة اتعلي حسها عشان تسمعها دلال : وااي تدرين انا كله مع زوجي...كله معاه.. من وين لي وين اطلع مع رفيجاتي...حتى شيوخ مادري عنها وايد ..مع ان نفس البيت ...انتي بعد متزوجة وتدرين << وتضحك ... نورة حااسة بشعور دلال واهيا تسمع هالحجي : اممم..صاجة صاجة ....عاد خنشوفكم ... سارة تنقز بتحر منيرة : ايه اكيد راح انشوفهم ..مابقى شي على عرس دلولة ..واكيد انتو اول المعازيم ..... دلال ادوس على ريل سارة ...يعني جنها اتقول ..منو قالج عزميهم ؟؟!!! منيرة : ايه بس لو تعطينا وي اختج... دلال : كل يوم اشوفج بالدوام ... منيرة : انتي بالدوام ماتسلمين .... دلال ساكته .... منيرة : اشبيني وبينج ..جني ماكله حلال ابوج ..ويلا ماخذه منج شي... دلال من اسمعت هالكلمة طالعة من منيرة ...يالها احساس قوي ان منيرة تدري ان كان بينها وبين خالد شي....!!!! دلال اتطالعها بحقد ...واتلف ويها... منيرة : يالله عيل بنات ..سي يو.... راحت منيرة وقعدو بعيد شوي.....يعني مو الطاولة الي يمهم بالضبط ....عقبهم بطاوله ... دلال : ويع ويع ويع ...لوعة جبد (اتقلد طريقة كلام منيرة ) انا كله مع زوجي...ياثقلها بحلجها...عمه بعينها ... سارة ونورة يطالعون بعض...حاسين ان دلال محتره منها ... نورة: ختولي دلول.... دلال تلتفت على سارة معصبة : وانتي منو قالج عزميهم ...؟؟ سارة : اشفيج ..احنا اوريدي راح نعزم ام خالد ...ياغبية خل ايون عشان يحترون ..امبين انهم يدرون عنج وعن خالد ...لاتحسسينهم انج محترة منهم ..جذي راح يستانسون اكثر ....بلعكس بينيلهم انج مومهتمة ... نورة: شوفي ...تعلمي من اختج ...ياهل واتفهم اكثر منج ... سارة : نعم ..منو الياهل ...لاتصدقون عمركم ..بيني وبينكم 5 سنين بس ... نورة : بس صج شكلهم يدرون عنكم ... دلال : خل يدرون .. وشالفايدة دروا ويلا مادروا ...(تاخذ نفس) خلاص الموضوع انتهى .... سارة اتضيع الموضوع : وااي بناات جني يعت ...شكلي بطلب Pink pasta..... نورة:ايـ ايه.. يالله ..sharing انا وياج ... سارة : دلول ...ماتبين شي ؟؟ دلال اتأشر على راسها : انا راسي يعورني .... وتنادي الويترس: one triple shot espresso , please ….. سارة نورة يهزون راسهم من دلال... شيخة ومنيرة بطالولتهم .... منيرة : شفتي دلول الحقيرة .... شيخة : ايه ختولي... مبين انها محتره ... منيرة : حدها ميته قهر.... شيخة : بعد اشتبي ...مابقا شي وتتزوج ...تحتر ليش ...ويا ويها ... منيرة : بعد سوالف بنات ماتعرفين .... (اتكمل منيرة) بس نطري ان ماخليتها اتفرفر ابمكانها ....ماطلع منيرة ... اتطلع موبايلها ...وادق على خالد ..... منيرة بدلع : الوو حبيبي... خالد : هلا .... منيرة : وينك .... خالد : بالكراج امودي سيارتي ...اشتبين ... منيرة : ابيه خالد تخيل انا وشيخة ابـ chocolate bar...وطلبنا..واكتشفنا ان ماعندنا فلوس...اثنينا ناسين فلوسنا ... خالد : روحوا سحبو ....او دفعوا كي نت... منيرة :اشفيك خالد... مويايبين البوك من اساس .... خالد : ولييين ...قولي حق شيخة اتدق على طلال اييكم .... منيرة : دقت ..ويقول مايقدر...الحين انت يمنا ...يالله تعال ..ومرة وحدة اقعد معانا اشوي.... خالد ياخذ نفس : شالبلشة ....يالله يالله كاني ياي..... اتسكر الخط منيرة واتحط الموبايل على الطاولة ... شيخة : راح ايي...؟؟!! منيرة تضحك بخبث : طبعا..... سارة ودلال ونورة ...قاعدين يسولفون ... سارة : نورو شريتي بدلة حق العرس.... نورة : ماظن ايي سوير...امي توها متوفية .... دلال : انزين لاتحضرين العرس كله ...بس دخلي معااي...الله يخليج نورو ...مااتخيل هاليوم ماتكونين معااي ... نورة ساكته : اشوف ان شاء الله ... دلال منزله راسها ... قاعدة تلعب ابموبايلها ...ويلا خالد توه داخل ....ودلال ماشافته ...بس نورة وسارة ...قامو يطالعون بعض.... سارة : يالله ...خلندفع ...خلصنا ... نورة : ايه يالله ...بنادي الويترس... دلال : اشفيكم ...طاع الصحن متروس ماكاليتو شي.... نورة بسرعة : لا انا شبعت ... وسارة بعد بسرعة : حتى انا شبعت .... دلال : اشفيكم جذي ..الحمدالله والشكر... دلال قاعد اتعدل شعرها ..و اتحطه على جتفها اليمين ...جان تلتفت اشوي...ويلا اتطيح عينها بعين خالد ...كان واقف عند طاولة منيرة وشيخة ...حست جنه قلبها بيوقف يوم شافت عيونه .... دلال اتقوم من مكانها ....واتغورق عيونها ..ماتحملت اتشوفه مع منيرة .... دلال : انا رايحة .....اذا خلصتوا دقوا علي.... خالد انصفق ويها ....وحس ان دلال وايد تأثرت يوم شافته....ماتوقع ابد ان راح يشوف دلال ....وعرف ان الحركة مدبرينها شيخة ومنيرة .... منيرة حدها مستانسة ..وخصوصا يوم شافت دلال قامت : طلبنالك كوفي... خالد منزل راسه وحده مفوّر :.................... منيرة : اشفيك ساكت .... خالد سحب جنطة منيرة ...وبطلها ....وطلع بوكها .... منيرة اعتفست .... خالد : هذا شنووو !؟؟ منيرة توهقت : وييه...موجود؟؟؟ ...ماشفته ... شيخة ويها قام يقط الوان .... ويطالع شيخة ...خالد : وانا متأكد لو ابطل جنطتج بلقا بوكج بعد... شيخة اتطالع منيرة ومتوهقة ..... ويقرب ويها عند منيرة : يعني طلعتي تدرين عني انا ودلال...اممم حلو ...ويايبتني اهني تبين اتحرينها....بس اتصدقين طلعتي غبية!!! ...لاني لمن شفتها ...حسيت اشكثر انا اكرهج.... يحط البوك على الطاولة حيل ...و يخليهم ويمشي.... قامت منيرة تبجي ...وتنزل ادموعها ..... شيخة : منور...لا يشوفونج سارة ونورة يمنا... اشفيج .... منيرة تمسح دموعها : شفتي اخوج ...شفتيه ....صج ان مايستحي على ويها ....حيوان وحقير... شيخة : لانه معصب ... شيخة اتنادي الويترس....وتدفع الحساب..... سارة: واي مسكينه دلول ....اذا نست لازم يصير شي يذكرها ... نورة: ايه بعد قلبي...والله انا يوم شفته فز قلبي...الله يعين اهيا ...حبيبتي... يدق موبايل نورة مستغربة : مشاري دااق علي... سارة مستغربة : شنو يعني ...؟؟ عادي... نورة توهقت : ايه صح صح عادي... نورة اترد: الوو .... مشاري : وينج ... نورة تتكلم وخايفة : انا طالعة مع سارة ودلال...ليش...؟ مشاري: اممم ...خلاص اذا خلصتوا ...ردي البيت ..ابي اكلمج .... نورة اشصار فيها ماتت خرعة : اوكي....اشوي وراده ... شفتك ولا حطيت عيني بعينك .. خايف عيونك لا تنادي عيوني .. ةأخضع و أنا عندي خضوعي بدينك .. أكبر مصيبة في معالم جنوني.. يا نور عيني لا تبين حنينك .. كل يهون إلا أنت لا ما تهوون .. ودي بقربك بس ويني و وينك؟؟ بُعد الليالي صار دونك و دوني .. أبعد فمان الله يعينك .. قلبي على عهدك حشى لا ما يخون .. ولين قلبي لا ما يعادل ولينك .. همي كبير وغير الوقت لونك .. أهين كل اللي يفكر يهينك .. حبك يداعب خاطري يات الشجون .. هذي يميني حطها في يمينك .. وهذي ديونك و أنت عطني ديوني .. شفتك ولا حطيت عيني بعينك .. خايف عيونك لا تنادي عيوني .. ةأخضع و أنا عندي خضوعي بدينك .. أكبر مصيبة في معالم جنوني.. أغنية شفتك | ||||
|
| |
|
05-01-14, 07:37 PM
| #24 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| خالد معصب حده ...ويمشي بسرعة يبي يطلع من المجمع ....يروح سيارته ...ويحرك ..... خالد (( انا اعلمج يامنور ...الظاهر مافي احد رباج ...انا بربيج ان شاء الله )) يرن موبايله ...ويلا منيرة .....ويسكره بويهاا ...وتدق ويسكره ...وتدق ويسكره.... منيرة مع شيخة بالسيارة ...وتبجي... منيرة : شيوخ مايرد ..مايرد ... شيخة ساكته : الله مو راضي ....انقلب السحر على الساحر... منيرة : انزين جبي ...لاتتفلسفين ...انتي كنتي مستانسة ... شيخة : ماتوقعت ان خالد بيتشك السالفة ....اففف ...الحين شفكنا منه ...الله يعينا ذذذ ... منيرة : انا الحين خااايفة من شي ... شيخة : شنو ؟؟؟ منيرة : خايفة ان خالد على بو يدري اني عرفت انّ كان يحب دلال يتكلم بهالشي وجنه عادي..وكل ساااع يقولي ....ويعايرني ويلا يقارني فيها .... شيخة : لا لا ..مستحيل ..خالد مو نوعه جذي لو شنو مايسويها ... تسكت شيخة واتكمل : بتقولين حق امي السالفة ؟؟ منيرة : مادري اشرااايج ؟؟؟ شيخة : مادري ...احس امي بتعصب من الحركة الي سويناها .. منيرة : انا مو قاهرني الا شي واحد ...يوم قالي اكرهج ... شيخة : منوور اشفيج ..كان معصب .... منيرة : واااي حدي خاايفة ....اخااف يهدني .... شيخة: منور ..لاتبطين جبدي ...ترا انتو متزوجين ...مو ربع ...وين قاعدين يهدج..لا و على هالسالفة عاد .... منيرة تبجي : والله من حرتي ..ماتتخيلين اشكثر امووت اذا شفت دلال...وخصوصا اني احس ان خالد ليلحين يحبها ...احس اني مو متوفقة مع خالد بسبتها ...والله شيوخ ان اخوج ليلحين يحبها ..ياربي احبه واموت عليه...شسوي بعمري اغار منها وابي احرها مثل ماهي حارتني<<< وحاطه ايدها على ويها وتبجي ... شيخة : منور ياحمارة لاتبجين ...(اتلمها) عاد حبها ولاماحبها ...ماكو فايدة من هالشي ...انتي مرته ...مو اهي ...وثانيا بتتزوج ونفتك منها ...وسمعت انها بتسافر امريكا مع ريلها ...يعني خلاص راح اتصد عن خالد ..ماراح يشوفها بالرايحة والرادة ...ومثل ماقال المثل بعيد عن العين بعيد عن القلب....عاد اهني ايي دورج...كسبيه وخليه يميل لج ..ونسيه وحده اسمها دلال ... تمسك موبايلها واتدق واتدق واتدق.....لين شاله... خالد يشيله : اشـــــــــــــــــــتـــ ـــــــــــبين !!!! منيرة تبجي : خالد ...وينك .... خالد : وانتي شكوو....اشتبين خلصيني ..مو فاضيلج ..... منيرة: خالد انا اسفة ...ماعيد هالسوالف مرة ثانية....بس خلاص لاتزعل... خالد : لاوالله ..لا ازعل...شااايفتني طرطور عندج ...ساحبتني المجمع وانا عندي شغل ...عشان سوالف حريم ....لا واتجذبين على راسي....سالفتج ماترقع ...يالله ذلفي ذلفي .... منيرة : الووو خالد ...لحظة لحظة .... خالد : اشتبين !!!! منيرة : خلاص سامحني.....ماعيدها ...الله يخليك ..انا رادة البيت الحين ...تعال ابي اكلمك ... خالد : اقول ...لاتتمسكنين ..مولايق عليج ....وماني راجع البيت ...واذا موعاجبج ...طقي راسج بكبر طوفة ...يالله ذلفي يلعن ابوشكلج ... ويسكر التلفون ابويها..... منيرة : سكرة بويهي ...اشدعواا كل هذا علشان ست الحسن والجمال دلووول ..... شيخة ساكته .... منيرة : تكلمي !!!! شيخة : مادري شقول منور ....اهوا معصب ...اكيد بيخربط بالكلام ...صح ماله داعي يعصب هالكثر ... اتكمل شيخة : خلاص منور ...نطريه لين ايي بليل...اكيد بيرجع وين بيروح يعني ...وساحليه جود الله يهديه .... منيرة : ماكو الا جذي .... خالد راايح القهوة ....وقعد يدخن الشيشة ...ويتذكر دلال ...واشلون عبرتها بعينها ....(( يابعد قلبي يادلال ...يابعد قلبي ...)) عبدالوهاب توه ياي : سلامون عليكم...<< يستعبط خالد : وعليكم السلام ورحمة الله وبركاته ....تو الناس ...زين ييت ... عبدالوهاب : شسوي ياخي ...مليون شغله عندي ...جابلت الكهربجي بالبيت ...ووديت الوالده ابيت اختي ورديت خذيتها ..تدري السايق انحاش وانا كليتها ..بس اودي واييب .... خالد : تستاهل تستاهل ام عبدالوهاب .... عبدالوهااب : ايه والله تستاهل حلوة اللبن ..... عبدالوهاب يطق على ريل خالد: هاا اشفيك .....؟؟!! خالد : اشفيني ؟!!! عبدالوهاب : مادري فيك شي .... خالد : لا مافيني شي .... عبدالوهاب : خلود ...جم سنه اعرفك ....خلصني اشفيك .... خالد : ماكو متضايق اشوي ...ومابي اتكلم عن السالفة ...(يسكت اشوي ) اقول...اشرايك انسافر انا معاك والربع ...انروح عمان ...جذي حداااق .... عبدالوهااب : آيابا ...يالله متى ....؟ خالد : باجر .... عبدالوهاب : لا دوااامات ....وبعدين تعال ....انت جاامعة ...اشفيك .... خالد :ختولي زين ..طز طز بالجامعة وبالشهادة وبالدنيا كلها .....يبا اخذ اجازة ...خلنستانس ياموعد ... عبدالوهاب يطبطب بايده على خد خالد :هي هي انت موصاحي ويلا شكلج جذي ...خلووود ...هذا آخر كورس ...زهقتني تراك ...خلاص بعد شهر الامتحانات ...شد حيلك ... خالد ساكت .... عبدالوهاب : انا منو قاعد اكلم ... خالد : وانا ماعندي شي اقوله ...انا عندي هالكورس مادتين ...بقدم الفاينل ...وكان الله غفور رحيم ....نجحت كان بها ...مانجحت بلعنه ...مايهمني ...عادي راح اشتغل باي مكان بشهادة الثانوية ...الحمد الله الخير وايد... عبدالوهاب : انت اهبل ويلا تستهبل ...شكوو الخير واايد ..ادري الخير واايد ..بس الشهادة اهم من كل شي ..لاتصير مدمغ عااد ...لاتنرفزني ...ولاتخليني اخذ اجازة طول هالشهر واوديك الجامعة واييبك ....جنك ياهل...خلود ..طز بالبنات وبالحريم وبالدنيا ...ياخي اهم شي مستقبلك .... خالد ياخذ نفس :آخخخ راحت الغالية ...ماكو شي يسوى عقبها ... عبدالوهاب : راحت والله معاها ...خلاص توقف حياتك عندها..المرة بتتزوج وبتحب ريلها وبتييب منه عيال ...والدنيا تمشي ...وبتنساك ...وانت محلك سر...يبا فكر بنفسك ومستقبلك ..كل هذا بيصير كلام باجر وبتنساه ولي تذكرته بتضحك على عمرك اصلا....خلاص عااد صير ريال ... خالد : كل خراك ..انا ريال غصبن عنك ... عبدالوهاب : خلود والله موقاعد اتغشمر معاك ...ترا احنا مويهال ...انزين وغلاتي وغلاتي عندك ...انك اتداوم ...علشاني...انا ابيك اتصير مهندس..اشلون ... خالد : يصير خير ان شاء الله ... .................................................. ................................... نورة بالسيارة ...رادة البيت ...وخاايفة ...ماتدري شنو بيقولها مشاري...بس حاسة ان بيكلمها عن موضوعهم اهما الاثنين ... (( يمكن يسمعني...ويتفهم الموضوع ...ويحس اني انظلمت ...ياارب ياارب اوقف معاي )) اوصلت البيت ...افتحت الباب....ويلا مشاري قاعد بالصاله .... نورة : السلام عليكم .... مشاري: وعليكم السلام .... مشاري يطالعها : قعدي...بكلمج .... نورة قعدت يمه تقريبا.... وحده ويها مخترع ...... مشاري: نورة ....الحمدالله ..اشوي طلعتي من الي انتي فيه..وقمتي تضحكين وتطلعين....اظن خلاص...وصلنا لآخر شي....انا رحمتج ...وماحبيت ازيدج هم فوق همج ...وامج الله يرحمها بيصيرلها فوق 3 اشهر متوفية ...وانا اتعذب كل يوم لمن اشوفج ..قاعد احس اني مو ريال....انا قاعد امثل على اهلي اني متزوج ...وعلى شان شنو...؟؟ وعلى شان منو.؟؟.. ... اسمحيلي ..ماتستاهلين هالتضحية ... نورة تبجي تبي تتكلم :مشـا..... يقاطعها مشاري: اشش..خليني اكمل.... يكمل : انتي طحتتي من عيني خلاص....ماكو فايدة ...امي كل يوم تسألني نورة ماحملت...شقولها..سواد ويهج....وانا الصراحة ريال ابي افرح اهلي...وودي يكون عندي عيال ...بس للاسف مو انتي امهم ...وانا خلاص كلمت راعي البيت وقتله اني راح افضي الدور ...وبطلع هالشهر من البيت ...من باجر...مابي ارد من الدوام والقاج بالبيت ... نورة اتروح عند اركبه ..واتحط راسها عليه وتبجي : لا مشاري...ويلي يسلمك ..لاتخليني..والله مشاري ترا انظلمت بالسالفة ...والله انا بريئة ...ومو بإرادتي...والله ان اغتصبوني والله ...والله يشهد اني مالي شغل...والله اني نظيفة...والله اني مووسخة ...والله ماعندي هالسوالف ....الله يخليك ...مابي اروح عند اخواني.... يدزها مشاري ويوقف: اظن سمعتيني ...مارجع باجر من الدوام والقاج بالبيت...فاهمة!!!! وتقعد نورة بالصالة تبجي تبجي... مشاري يسكر باب الغرفة ...ويتسند على الباب ويغمض عينه ...قلبه يعوره ...بس شيسوي...يحس اذا ماسوا جذي يطلع مو ريال...ويسمعها واهي قاعدة تبجي...وده يطلع ويلمها ...بس رجولته ماتسمحله ...ولاكرامته بعد.... داس على قلبه وراح افراشه ...وحاول ينام..... اما نورة ...عيونها حمرة من البجي..اتروح غرفتها....واتييب جنطتها واتحط اغراضها....وتبجي...اشلون باجر بتروح عند اخوانها...شنو اتقولهم ...ليش تطلقت ....مخها وقف..ماتقدر اتفكر اكثر...ومن كثر البجي والتعب نامت على جنطتها .... اما خالد سهر بالقهوة لين الفير....وبعدين رد البيت ....اول مافتح الباب ..ويلا يلقا امه ناطرته ... خالد : السلام عليكم .... الام : وعليكم السلام ... خالد : يماه ..ليش قاعدة ليلحين ؟؟!! الام : ناطرتك ترجع .... خالد راح قعد يم امه .... خالد :آمريني... الام اتحط ايدها على ايد خالد وتمسح عليها : منيرة ؟! منيرة ياخالد ... خالد : لاحول ولا قوة الا بالله ...اشفيها بعد .... الام : انا مابي اتدخل بينكم ...وبنت الحلال ماقالتلي شي..بس احس ان فيكم شي....انت بوادي واهيا بوادي..ادخلت ودمعتها بعينها ....خالد ياولدي ..عاد انت الحنون ..وانت العاقل..وانت الي انا شادة الظهر فيه ...لاتنسى انها ايتيمه...ومالها بعد الله الا انت ... خالد يااخذ نفس وموقاعد يطالع امه : يمااا..وانا؟؟؟..بس هامج منيرة..وانا ولدج؟؟.!! (يطالعها وياخذ نفس) ..بقولج شي واحد بس...انتي صج خليتيني آخذ منيرة ....بس ماتقديرين اتخليني احبها... باسها على راسها ...خالد : تصبحين على خير... قام وصعد غرفته.... الام انربط السانها...لانها صج ماتقدر اتخليه يحبها ...لان ابساطة قلب الانسان موبيده ....و يوم شافت عين ولدها ...حست بحزن كبير بعيونه....راحت تيددت وصلت الفير...وقامت تدعيله..... فتح خالد باب غرفته....ويلا منيرة قاعدة تنطره....واهو ولا كأنها موجودة....راح عند الكبت طلع بجامته... وغير اهدومه.... منيرة :خالد.... ولا رد عليها ولا التفت صوبها.....جان يروح صوب الفراش وياخذ مخدته...ورايح صوب الباب يبي يطلع من الغرفة.... منيرة تمسك ايده ... منيرة : خالد والي يسلمك ...لاتطلع.... خالد من غير لايطالعها : نزلي ايدج ...ووخري عني لاني بنام بالصاله.... منيرة: خالد خلاص عاد خالد ...ماصار شي....لا تكبر السالفة.... خالد يطالعها: لا صار وصار وصار ....استحي على ويهج ...مرة اشطولج ..اتسوين سوالف اليهال....ساحبتني المجمع على سوالف حريم...واتجذبين بعد....وعايشة الدور... انتي والهبلة شيخووو...جنه صج ...بس الله سبحانه لا بغى يكشف احد يكشفه....عبالج غبي ماصيد الحركة.... منيرة : انزين اشدعوا معصب لهدرجة....ماتسوى السالفة .... اتلمه منيرة: خلاص انا اسفة..... خالد يدزها : وخري عني...حدج واصله اهني ( يأشر على خشمه) .... يفتح الباب يبي يطلع ........... منيرة : كل هذا عشان الزبالة الي اسمها دلال !!!! خالد كان معطيها ظهرة...يوم سمع جذي وقف ولف ويها صوبها .... خالد : اشـــــــــــــقـــــــــ ـــــــــلـــــــــــــــ ــــتي ؟؟؟ منيرة اتربع ايدها واتلف ويها الصوب الثاني : سمعتني .... جان يروح ويمسكها من شعرها.... خالد : زباله شكلج ياحيوانه ....تدرين اذا نطقتي اسمها بلسانج مرة الثانية ..والله لا اقصه لج .... منيرة : هدني هدني ( واتوخر عنه وتطالعه) زبالة و حقيرة ...وام الرياييل بعد .... خالد يطالعها وشرار يطلع من عيونه : منو ام الرياييل ..؟؟ دلال ...!!! منيرة : ايه ام الرياييل .....اقولها مرة ومرتين وعشر .... خالد يروح ويعطيها طراقات : اكلي تبن....ياحيوانه ...دلال اشرف من ويهج...واشرف من 10 من امثالج .... منيرة تصارخ : عمتي ..عمتي ...شيخة ... ويلا اتيي ام خالد مخترعة ...وشيخة اقعدت من النوم وحدهم خاييفيمن من الصراخ.... اتروح تنخش ورا ظهر عمتها..... منيرة تبجي : شفتيه عمتي .....يطقني علشان دلول....يدافع عنها ويسبني على شانها.... الام اتطالعه: خالد اشفيك تعوذ من ابليس... خالد : خل تحترم نفسها ...واتصير آدمية وانا احترمها بعدين .... منيرة : ايه كيفي..وبقول عنها الي ابي ...ليش ادافع عنها ؟ هاا؟؟ لاهي وحدة من اهلك ولاتصيرلك ...بنت ابليس.... خالد وجدامهم كلهم : بدافع عنها وبدافع عنها وبدافع عنها ...لاني احبها وماراح احب غيرها ...ولاتحسبيني ماخذج علشان سواد عيونج ...انا ماواطنج بعيشة الله ...واكرهج كره... منيرة اقعدت على الارض تبجي.... منيرة : شفتيه عمتي....شفتي شيقولي.... ام خالد منصدمة من خالد واشلون قاعد يصارخ ..اتعض شفايفها الي تحت : خالد !!! اشفيك !!! ينيت .... خالد : ايه ينيت ...وهالبيت مالي قعده فيه .....(بطل الكبت ) وخذا جنطة صغيرة ...وخذاله جم بدلة وطلع ... الام وشيخة يطالعونه منصدمين .... الحقته منيرة ...... منيرة تبجي : خالد خالد لاتروح ...الله يخليك لا تروح ...والله احبك واموت عليك لاتسوي فيني جذي.... خالد يطالعها : وانا اكرهج ..اكرهج ...ذلفي عني <<< ويدزها واتطيح على الطاولة ...وينشق راسها .... شيخة : منور ..منور... شيخة اتطالع امها : يما ..شوفي راسها انبط....ابيه كله دم ....ماتتحرك... كان خالد واصل عند باب الصالة يبي يطلع ...يوم سمع شيخة اتقول جذي لف ويه وشافها... الام : بسرعة شيلها خنوديها الطبيب ...بسرعة.... شالها خالد ...وبسرعة ركضة على الطبيب..... شيخة تبجي : اذا صار ابمنور شي ماراح اسامحك .... خالد : شنو بيصير فيها ...ام سبع ارواح ... الام اتطالع خالد : خالد ماتوقعت منك هالشي.... خالد ساكت ... الام : ماتتكلم ...؟؟ خالد : اشتبين اقولج ....تبين امثل واقول اني احبها واموت فيها...انا قلت الصج ... يطلع الدكتور ...الام وشيخة فزوا بسرعة ...وخالد قاعد على الكرسي ماتحرك ...حاط كوعه على ريله ومنزل راسه...وماله خلق شي... الدكتور كان مصري :بسيطة بسيطة...جرح اصغـَير من فووؤ الحاجب ..غرزتين بس... يسكت الدكتور ويكمل : بس انتبهوا عليها اوي...على شان الجنين..... خالد يوم يسمع الكلمة ...جنها صدى ( الجنين ....الجنين ...الجنين) يرفع راسه وحده منصدم : حــــــــــــــــــــــــ ــــــامـــــــــــــــــ ل !!!!! لحظة ماكلمته ...لحظة ماطاوعته لحظة ماوافقته وخذت القرار... وقلت له صار وينك ياكلمة لأ وينك يا خوفي ...وينك يا رفضي الحيرة شوفي...والشوك أرضي أخطيت أنا غصب علي أخطيت آنــــــــا وينك ياكلمة لأ آآآآآآه ياحزن كنت احسبك زاير ...زاير تجي وتروح غيمت عالخاطر...وتوهت الوضـــوح أخطيت أنا غصب علي اخطيت آنــــــا وينك ياكلمة لأ أغنية لأ | ||||
|
| |
|
05-01-14, 09:56 PM
| #25 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| خالد انصدم حييييييييييييييل يوم عرف ان منيرة حامل...مافكر بهاليوم ...وماحط اباله ان ممكن منيرة اتصير ام عياله ...!!! ام خالد : منيرة حامل؟؟؟؟ (تلتفت على خالد) خالد ..منيرة حامل...سمعت ...بتصير ابو !!! خالد ساكت ....ولا كلمة ...وكانت صاكة فيه الدنيا .... شيخة : تكفا خالد ...كلم منيرة ...طيب خاطرها ...حراام اهي تحبك .... خالد ساكت ولا كلمة ...قام من مكان ...ومشى وخلاهم من غير ماينطق بكلمة ... راح البقاله الي عند المستشفى الاميري...ويشتري بطل ماي...ويشربه ...ويحط بايده ويمسح على ويها ....كان مومستوعب...جنه مايبي شي يربطه فيها .... يدق على عبدالوهاب ..... عبدالوهاب كان نايم وقعده خالد : هااااا .... خالد : وهيّب...قوم .... عبدالوهاب : اشتبي .... خالد : وهيب اقعد ابي اكلمك ....ضايق خلقي .... عبدالوهاب : اشفييييييك !!!! خالد : اقعد بحاجيك ... عبدالوهاب : شنو اشصاير ؟؟؟ خالد : وهيب ...منيرة حامل !!! عبدالوهاب : اي منيرة .... خالد : منيرة مرتي .....يعني اي منيرة!!!! عبدالوهاب : عالبركة ..عالبركة ...بتصير ابو ... خالد : وهيب اشفيك ...عبالك انا مستانس ... عبدالوهاب : شنو يعني ....دامك متزوج ..لازم تتوقع انها بتحمل ...اشلون يعني... ياااه .... خالد : افففف مادري مادري ...صكت فيني الدنيا ...مابي شي يربطني فيها ... عبدالوهاب : يا رجل!!..بسك هااا ...هذي مرتك ...وهذيج خلاص امسحها من حياتك وذاكرتك وكل شي ...جنها مو موجودة ...خلاص ...ذبحتنا ...احس انك ياهل ساعات ... خالد : الحين اشياب طاري دلال ؟؟!! عبدالوهاب : عيل ليش ماتبي ترتبط فيها ...هاا ؟؟؟ عشان دلال اكيد ... خالد ياخذ نفس ويهدي صوته : لا شكوو...خلاص دلال راحت وبتتزوج ...(يرد يعلى صوته) بس انا ماحب منيرة ..ياربي ماحبها ...هالمرة مو طبعي مو ذوقي ...مابلعها .... عبدالوهاب : موشرط اتحبها ...بس مع العشرة راح تتقبلها ...وراح تتعود عليها ... خالد : آآآه ياقلبي ...الله يصبرني ....انت مومجرب وهيب ..لمن اتعيش مع احد اتحبه !!!...طول عمرك اتحبه ...وتبني احلام وترسم حياة ..وفجأة جك بك ...كل شي يختفي ...وتتحول حياتك من إلى ...واتصير بقدرة قادر بايد شخص ماتخيلت بيوم انك اتحبه ...ترا هذا بحد ذاته عذاب ....خلني خلني ساكت يامعود ... عبدالوهاب : خلوود لانك فــــــاضـــــــي !!! ان شاء الله تتخرج ...وتشتغل ...وتضيع وقتك ...ومرتك تولد ...واتييبلك ياهل ..والله والله ينسيك الدنيا والي فيها ... خالد بنبرة حزن : اييييه...تدبست خلاص ...الله كريم ...انا مالي حظ ...بكل شي .... خالد كسر خاطر عبدالوهاب : خالد ...ماتدري وين الخيرة ..الله مايحرمنا من شي الا يعطينا احسن منه .... خالد : اييييه ...ونعم بالله ...ونعم بالله ..... قعد خالد مع نفسه اشوي ...وقعد يفكر بكل شي صار ...وكل شي ممكن ان يصير ...واستسلم للامر الواقع .. رجع المستشفى ....ودخل الغرفة ....لقا منيرة قاعدة مع ام خالد وشيخة .... قرب خالد منها : الحمد الله على السلامة .... واهيا لافة ويها الصوب الثاني ماتبي اتشوفه .... خالد يعيد مره ثانية : قلنا الحمد الله على السلامة ..... منيرة هم ماردت ..... خالد : مو مشكله لاتردين ..وانا قايل بطيب خاطرج ..بس مو كفو <<< يبي الشارة ... جان يقوم بيطلع .... منيرة بسرعة : لحظة .....خالد.... خالد لف ويها عليها .... منيرة : لاتروح ....الله يخليك .... خالد رد قعد .... امسكت ايده ....واضغطت عليها حيل ....وقامت تبجي ... منيرة : لاتخليني ...الله يخليك ...ماعندي احد غيرك .... اهني اكسرت خاطر خالد ...حس ان قااعد يطلع حرت دلال فيها ...واهيا مالها ذنب بالي صار... منيرة اتأشر على بطنها : اذا مو علشاني ..علشان الي ابطني .... خالد سااكت ..وبالغصب تطلع منه الكلمة : مـ ...ماراح اخليج ..... .................................................. ...................................... نرجع حق نورة ومشاري...... مشاري رااد الشقة عقب الدوام ...فتح باب الشقة ...ويلا يشم ريحة البخور ...ويلقا الشقة نظيفة ومرتبة كالعادة ...وكل شي ابمكانه ....ويدخل غرفته ...ويلقا ملابسة مغسوله ومرتبة ....حتى الي حطهم الصبح بالغسيل ...كلهم مغسولين ومصفطين ...والفراش معدل ....غير ملابسة ...وراح المطبخ يبي يشرب مااي ....ويلا يلقا بالفرن غدا ...طبعا نورة الي مسوية كل شي ...قبل ...قبل لاتطلع ...... طلع من المطبخ ...وراح الصالة ..وقعد على القنفة ...ويلا يلقا ورقة محطوطة على الطاولة ...فتح الورقة ... (( مشاري...ادري ان عمر حياتي معاك 3 اشهر...وماعشتها معاك عدل ...بس صج حبيتك ...وعرفت معدنك الاصيل ...وطيبة قلبك ..الي انا ماستاهلها ....الله يوفقك ويرزقك ببنت الحلال ...وآخر كلامي... ودي انك اتحط ابالك شغله وحدة ...اني (مظلومة ).....)) مشاري عفس الورقة بسرعة...وقاعد يطالع الشقة ....ويشوف نورة بكل زاوية فيها .....يغمض عينه .... وبقلبه (( ياربي ليش ..ليش قاعد احس بتأنيب الضمير ...انا ماغلطت ...انا الي سويته صح ...اصلا لو واحد ثاني جان شرشحها وفضحها بين اهلها ...او جان ذبحها ...ياربي ليش قااعد اييني هالاحساس (يسكت..ويكمل ) انزين ممكن اكون ظلمتها ...ممكن اتكون بريئة مثل ماقالت!!! ...ليش ماعطيتها فرصة تتكلم ...عادي ياما بنات صار فيهم جذي واطلعوا ابرياء ؟؟!!! يمكن نورة وحدة من هالبنات ...ايه صح ...انا ما شفت منها الا كل خير ...وكل تصرفاتها ...وطريقة كلامها واسلوبها ماتدل على انها موزينة !!! ( يسكت ويرد) بس لأ ليش ارضى اخذ وحدة جذي ...انا استاهل احسن ...ان طول عمري نظيف ...وماحب الحرام ...ليش ارضى ابوحدة مثلها (يسكت ويكمل ) بس انا احــــــــــــبــــــــــ ــــــــــــــــها !!!! .................................................. ......................... عقب يومين دلال بالدوام ....قاعدة بالدواام ...وسوالف مع البنات .... لطيفة : دلال علي خلصتي كل شغلج ....مابقى شي على عرسج ....؟؟ دلال : ايه خلصت كل شي...رحت دبي وجهزت ...وحتى من الكويت شريت الي ناقصني....90% خلصت ..بس بقال التناتيف... (اتكمل دلال) عاد زهبوا نفسكم ....ترا معزومين .... نوف : دلال قبل عرسج بيوم روحي سبا تايم ...وسوي عندهم مساج ...ايه وعندهم حمام الجوري...اتعرفين شنو ريلاكس...يوديج دنيا ثانيه ...ويهدي الاعصاب...خلصي كل شغلج قبل العرس بفترة وقبل العرس ابيوم لاتسوين اي شي...عشان مايبين عليج التعب... ديمة : ايه صاجة نوف...خلي هاليوم ريلاكسيشن ...عشان يصير ويهج منّور...واكلي اكلي...ترا حدج ضعفانه ...وويهج مخطوف ... دلال : اممم ...شسوي بعد .... لطيفة : اتحاتي واعليا ... ديمة : عيل منور ...يوم تزوجت طلع ويها .... لطيفة : ايه عااد امساع كنت مرة قسمهم ويلا رفيجاتها قاعدين يسولفون عنها ...يقولون حامل عشتوااا .... دلال كانت قاعدة تشرب قهوة من ستاربكس ....يوم سمعت ان منيرة حامل جان اتطيح منها القهوة ...وتنكت على اهدومها .... قامو البنات : بسم الله عليج ...بسم الله عليج ...عسى ماحرقتج ...؟؟ دلال : لا لا مو حارة حيل ..... دلال : بسرعة راحت الحمام على ابو انها بتنظف اهدومها ....ادخلت الحمام...واتصك الباب وتقعد ....وتبجي تبجي ....وبقلبها (( لأ ...ماني مصدقة ...منيرة حامل...حامل من خالد ....راح اتصير اهي ام بدر ...آآآه ياقلبي...انا المفروض الي كنت ابمكانها...ياربي ارحمني ...يارب شيل حبه من قلبي)) اطلعت دلال من الحمام ..وراحت استأذنت وارجعت البيت ..واهي بالطريج ...رن موبايلها....ويلا زياد .... دلال : الوو... زياد : هلا دلولة ....شلونج .... دلال : تمام ...وانتا اشلونك ... زياد : انا بخير...(يسكت اشوي) جنه صوتج بره مو بالدوام ؟؟ دلال : ايه والله...رادة البيت .... زياد : يعيني طالعة من الدوام لين البيت ...ويلا رحتي مكان ثاني عقب الدوام ... دلال كانت تتنرفز من اسئلته : لا طالعة من الدوام للبيت .... زياد : ماقلتيلي ؟؟؟ دلال : زياد شنو اقولك!!!! زياد : انج رادة البيت .... دلال : وليش كل خطوة لازم اقولك وين رايحة وين رادة ...؟؟!! زياد : بس انا احب جذي ... دلال: وعفوا....انا ماحب جذي..... زياد : ليش معصبة ...؟؟ دلال توهقت : لا مو معصبة ...بس ما حب جذي... زياد : انا بس سألتج ...واظن من حقي اني اسأل وين مرتي رايحة وين يايه ...؟؟ صح !!! دلال : انا لـلـ...حين ...مو مرتك !؟ زياد : كلها جم يوم واتصيرين مرتي.... يكمل زياد : انا ماظن اني طلبت منج شي خارق وعظيم...اللهم اذا دقيت اتشيلينه ..واذا بغيتي تطلعين اتقوليلي ...واكيد انا ماراح اقولج لأ....بس على الاقل اعرف وين رايحة ووين يايه ...that's all دلال بروحها متنرفزة من سالفة الدوام : امم اوكي...وبعد شنو تبي ... زياد : ولا شي سلامتج ....انتي شنو تبين اسويلج ..؟ دلال : ولاشي...انا احب كل واحد يكون على طبيعته ...وعلى راحته...ومتى ماتبي اتدق دق وموشرط اتقولي شي...الحمد الله انا مو وسواسية ... زياد : كلش مو نغزة <<<< يتطنز ... دلال :..................................... زياد: خلاص انا بس داق اسأل عنج ....بس اذا وصلتي البيت دقي علي...او حتى لو ادزين مسج ..... دلال اتوخر السماعة عن اذونها ....واتقول ((ياصبر ايوب )) زياد : اشقلتي... دلال : ان شاء الله ...اذا وصلت راح ابلغك .... زياد : ديري بالج عل نفسج ... دلال : اوكي.... .................................................. .................. وصلت دلال البيت ...واهي عند مواقف السيارات...دزت حق زياد مسج ((انا بالبيت)) انزلت من السيارة...ويلا اتشوف سيارة مشاري برة سافطة .... ادخلت البيت ....ويلا مشاري قاعد مع امها..... دلال : السلام عليكم .... الام ومشاري: وعليكم السلام ... الام : رادة امبجر..... دلال : ايه والله ...انكتت القهوة على اهدومي....اضطريت استأذن ... الام : وي عسا ماحترقتي؟؟!! دلال : لا الحمد الله ماكانت حارة حيل...كانت دافية ... الام : ايه والله مالنا خلق...انتي عروس عااد .... دلال : بس هذا الي اتحاتينه ...يعني لو ماكنت عروس عادي احترق... الام : لا بس الحين مو وقته .... دلال تلتفت على مشاري : اليوم زايرنا امبجر...شنو ماعندك دوام؟!! مشاري : امبلا كنت طالع موقع ...خلصت شغلي امبجر ...قلت امر امي اشوي .... دلال : تعال..وين نورة ...صارلي يومين ادق عليها وماترد...واليوم جهازها مغلق من الصبح ....؟! مشاري تضايق اشوي : مادري عنها !! الام : شنو مادري عنها ...ابيت واحد وماتري عنها.... مشاري ساكت ....وبعدين تكلم : يما ..انا ونورة خلاص راح نتطلق..!! واهيا الحين عند اخوانها ..... الام اتطق على صدرها وبصوت عالي : هااو ليش!!!!!! دلال : مشاري من صجك ؟؟!! واشلون اتخليها اتروح عند اخوانها .؟!؟! مشاري: ايه من صجي ...لاني او ولا اخر واحد يطلق .... الام : انزين ليش شنو السبب ..؟؟ دلال : ايه والله ..شنو السبب ...؟ مشاري : ماتفقنا مع بعض...ومانصلح حق بعض ... الام : ياااربي ...والله عين ...عين ماصلت عالنبي ...ويلا نورة اتهبل ..اهدّيه البنت ..وعاجل ...وين تلقى نفسها .... دلال معصبة :اكيد منك ...انت السبب ....ويلا نورة واعليه ...حطوني تلقوني ... مشاري معصب : خلاص عااد..يما شالخرابيط عين ماعين ..هذي حياتي ...وانا حر فيها .....بس خلاص ماتفقنا مع بعض ... الام : ياربي اشصار فيك ...انت كنت طاااير فيها ...شلـّي غيرك ؟؟ مشاري ساكت ..... الام : ياوليدي تعوذ من ابليس...مو من اول مشكله خلاص تنهون حياتكم ....لا تتسرع ...فكر اشوي ..وبعدين اتخذ قرار ...لا تستعيل على الطلاق....خلها عند اخوانها جم يوم ...وانت استخير ...وان شاء الله ربي بيهديكم .... دلال : ايه والله ...عباله لعب... مشاري يطالع دلال : اشرايج اتصكين حلجج اشوي...ترا والله مالي خلقج موليه ... الام تتحلطم : ياربي على عيال هالوقت ..مايتحملون ...لا من رياييل ولا بنات...على ادنات الدون اطلبو الطلاق...ياربي مايصيير...شوفونا احنا اول ...نصبر ...نصبرعلى بلاوي...نصبر على مصايب ....والله اني كنت اسمع ان فلانة ريلها يشرب ..وفلانة ريلها يطقها ...وفلانه ريلها راعي حريم ...وهم الرياييل يصبرون على حريمهم ...هذي عوبه ...وهذي مافيها زود ...وهذي مافيها سنع ....وشوفوهم الحين ..عيّلو واعيالهم اكبرو ...والمركب مشى بحلوه وبمره ...وكاهم الحين سمن على عسل ...ومحد منهم يستغني عن الثاني....بس انتو صبروا صبرو...استغفر الله العظيم ... الام اتطالع مشاري : ماتتكلم ... مشاري: شقولج يما ...اول غير...والحين غير... الام : لا مو غير ...نفس الشي...بس اول عندهم مسؤوليه...الزواج شي مقدس...والطلاق منبوذ ...احنا وين اوين نسمع ان فلانه تطلقت ..ناااادر ...الحين اعوذ بالله ...الطلاق اكثر من الزواج .... مشاري يقوم بيروح .... الام : وين رايح ....؟؟ مشاري : بروح البيت .... الام : اتروح عند منو...اقعد تغدى اهني... مشاري: لا لا ...بروح ...اييكم عالمغرب....يالله فمان الله ... مشاري يطلع من بيتهم ..... الام : دلول كلمي نورة ...عرفي اشصااير...ياااربي والله قلبي قام يعورني ...انا حاااسة من زمان ان فيهم شي.... دلال معصبة: كل من ولدج ...انا ادري اهو السبب....نورة مسكينه ...ترضى بكل شي...اهوا الي مابغاها ...انا متأكدة... الام : الله يهديهم ...بس لازم انكلم نورة ...لازم ....والله ماودي يوصلون لي الطلاق....ياربي.... دلال : الحين وين احصل نورة ..؟؟ لا يما الصراحة ولدج حقير...اشلون يخليها اتروح عند اخوانها ... الحين اكيد بيتوحدون فيها ....انا اشلون اوصل لها الحين ...اففف الام : استحي على ويهج ...لاتقولين عن اخوج جذي...عاد مشاري ولدي تربيتي ...ماتطلع منه العيبة ...ياعمري عليه .... دلال تتحلطم بروحها : ماشاء الله مادري ...ملاك نازل من السما ... الام : شقلتي.... دلال : ولا شي....انا بروح داري..... تصعد دلال دارها ....تدخل دارها ....قاعدة اتفكر بنورة ....وسالفتها مع مشاري ..حيل ضاق خلقها ...وبعدين اترد اتفكر ابسالفة خالد ومنيرة ....ويضيق خلقها اكثر... تغير اهدومها ...وبسرعة تطلع من دارها ..لأانها ماتحب اتكون بروحها ...عشان لا اتروح بعيد بفكارها ... .................................................. ........................... عقب اسبوع .... خالد من اول ماعرف ان منيرة حامل واهو متغير....مو للاحسن ...ولا للاسوأ....صار غير...صار انسان ثاني ..مو خالد الاولي ...تغيرت شخصيته 180 درجة....نفسيته كانت تعبانه حيل ...بس خلاص يحس انه خسر كل شي بالدنيا ..او بالاحرى خسر اهم شي بالدنيا ...وهالشي كان مصدر سعادته ...وعقبه مافي شي بالدنيا يفرحه... ام خالد : خالد يماا ...ترا كلمت خالك اليوم ...وقالي راح كلم الدكتورين الي انتا ماخذ عندهم ..لان الحمد الله طلع يعرفهم ...وان شاء الله راح يساعدونك ..بس قالو ..لازم تحضر الامتحانات .... خالد منسدح على القنفة ولاف ويها ...ومعطي امه ظهره ...ونايم ... الام : انا من احاجي ؟؟؟ خالد : سمعتج يماا....خلاص .... الام : بتروح تمتحن ....؟ خالد : مادري ... الام : خالد ...اقعد عدل وكلمني ...ترا نرفزتني .... خالد يلف ويها ويطالع امه وقاعد يحك عينه : شنو يمااا ..؟؟ الام : يايمااا اشفيك جذي...كله متسدحلي ...وكله ناايم ...لاتطلع ولاتروح ....حتى لحيتك مو قاعد اتحلقها ... اشفيك جذي...؟! خالد مغمض عينه : بس ...مالي خلق شي .... الام : خلاص ان شاء الله تتخرج هالكورس...وتشتغل ..وتضييع وقتك بشي مفيد .... خالد:........................ الام : ليش ماترد ..... خالد تنرفز : يما اشفيج ....ترا اذيتيني ....اشتبين اقولج .... الام : يعني لما اييبلك طاري الدراسة ...ماتقول ايه ان شاء ..راح اتخرج ...راح اشتغل ...جنك ناوي ماتروح تمتحن ...؟!! خالد عدل نفسه وقعد :انتي اول لمن كنت اقولج زوجيني زوجيني كنتي رافضة اتزوجيني عشان خايفة اني ما كمل دراستي على قولتج ..صح ...بس لانج تبين منور زوجتيني وانا ادرس!!!! ....فا خلاص تحملو الي يصير ...انا مالي خلق امتحن ولا اروح الجامعة ..ولا ابي اصيير مهندس ولابطيخ ... الام منصدمه : تبي اتعاندني ياخالد ...؟؟ خالد : لا مابي اعاندج ...بس مالي خلق ...ولاعندي دافع ...ولا ابي الشهادة ...بس خلاص ... الام : اشفيك ...اشفيك متغير ....؟؟ بعد اشتبي ..كل شي عندك ...زوجة اتهبل ...والحين حامل وبتييبلك ياهل...وحياتك مستقرة وكل من يتمناها ...شنو بعد ... خالد : منو الي يتمناها ؟؟؟ انتو الي تتمنونها ....اما انا مو هذي الحياة الي اتمناها ....اصلا انا ماتمنيت شي وصارلي ....انا كل شي انتي تتمنينه قاعد يصير .... الام قاعدة اتطالعه : خالد حرام عليك ...لا تحملتي ذنب انا ماقدر عليه .؟؟؟ انا لما اشوفك جذي قلبي يعورني ...مو انت ولدي الي اعرفه ...لمن اشوفك ضاايق خلقك ...يضيق خلقي عليك ....ترا انت شاغل تفكيري الليل والنهار ...انا يوم خذيتلك منيرة ابيك تستانس وترتاح ...ما بغيتلك الهم والكدر .... خالد : يما انتي شنو مقياس السعادة عندج ؟؟؟ ليش عند منيرة اهي مقياس السعادة ؟؟؟ الام توهقت: يعني حلوة ...منا وفينا ...وانعرف اخلاقها وتربيتها ...بعد الواحد اشيبي .... خالد : اممم هذا مقياسج انتي!!! بس مو مقياسي انا ....وبعدين انتي اتقولين الواحد اشيبي؟ ....ايه.. انا مابي لا جمالها ولا تربيتها ولاشي فيها... الام : خالد ...تعوذ من ابليس....خلاص ....عيش حياتك...هذي مرتك ...حاول انك اتحبها ... حتى لو انك كنت ناوي تاخذ الي ابالك ...لا تحسب ان الحياة راح اتكون امفصله ووردية مثل ما انت متخيلها ...لا ..اكيد راح يكون في مشاكل ...الواحد يتأقلم مع حياته بحلوها وبمرها .... خالد:عاد ذيج الساعة انا راح اتحمل الي اييني ....ولا احد يقدر يكلمني...لان الشي كان باختياري .... الام :خلاص حاول تتأقلم مع حياتك .. وبعدين انسى هذيج ...خلاص انت رحت بطريجك واهي اليوم ملجتها وبتروح بطريجها .... خالد وحزن بعينه .. ويطالع امه..وبعدين ينزل عينه : صح ...احلى شي بحياتي راح ...مافي شي بعدها يهمني.... يطق على ريله ويوقف اشوي اشوي ...ويعطي امه ظهره يمشي ... الام قلبها معورها : خالد يمااا تعال .... يطالع عيون امه...ويحس اشلون قلبها يعورها عليه..يروح لها...ويبوس ايدها : يما...خلاص لا تفكرين فيني وايد ...بس اكيد الايام بتنسيني ...ادعيلي بس ...ادعيلي ....انا تعبان....انا تعبان وايد ..... ينك ؟ ما وحشتك عيني و حنيت ؟ ما وحشتك روحي و غنيت ؟ ما رجعك صوتي إلى الذكرى و رديت ؟ وينك ؟ وإلا نسيت ؟ أنا بحبك أفيض بشوق تخشع في هواك ايامي يا لون المطر .. يا أجمل أحلامي إنت روحي .. و أنا من ضليت بالدنيا لقيت الدنيا كلها بين إيديك كل مكان تشوفه عيني يا بعد روحي الهوى و أشواقي يسألني عليك بسني منك ألم بسني منك مرار بسني يا شوق يا دمعات عيني حالي حال شبه الانتحار أنا بحبك أفيض بشوق تخشع في هواك ايامي يا لون المطر .. يا أجمل أحلامي إنت روحي .. و أنا من ضليت بالدنيا لقيت الدنيا كلها بين إيديك كل مكان تشوفه عيني يا بعد روحي الهوى و أشواقي يسألني عليك خلاص ارحمني و عود يا هوى كل الوجود يا ربيع القلب انا الشوق يحرقني تعال ارجع و يكفيني وعودوينك حبيبي ؟ وينك حياتي ؟ أفيض بشوق تخشع في هواك ايامي يا لون المطر .. يا أجمل أحلامي إنت روحي .. و أنا من ضليت بالدنيا لقيت الدنيا كلها بين إيديك كل مكان تشوفه عيني يا بعد روحي الهوى و أشواقي يسألني عليك أغنية وينك | ||||
|
| |
|
05-01-14, 10:00 PM
| #26 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| اليوم ملجت دلال وزياد .....بيت دلال منوّر...وحاطين على البيت زينه (ليتات) حلوة وناعمة ...على اطراف البيت ...وعلى السور...وكان منظر البيت وااايد حلو ..... دلال مع سارة بالصالون ..... سارة : دلول ...يالله شنو بتسوين شعرج ...؟؟ قرري بسرعة .... دلال : مادري مادري...اي شي..... سارة : شنو اي شي....مايصيير اي شي... دلال قاعدة تلعب بتلفونها : عادي ...ماراح يسوون حفلة ولاشي...اللهم اني بطلع معاه .... ((لان يدت زياد (ام امه ) تعبانة ...فماراح يسوون حفلة ملجه ...واهل دلال راح يسوون لها عرس بعد فترة ....فا عشان جذي بس بتروح دلال وتتعشى مع زياد بره )) سارة : اوكي...شنو بتسوين يعني ..... دلال : اممم ...مادري ...اقترحي...!!! سارة : واااي دلول ...اتنرفزين ...مافي وقت ...يالله ...مايصيير الريال ايي ..وانتي ليلحين ماخلصتي.... دلال : ويه كيفه ...خل ينطر.... سارة : وااي دلول ...عليتي قلبي....خلاص راح انقيلج كل شي...انتي مو كفو الواحد يشاورج .... كانت الساعة 7 المغرب....دلال تقريبا خلصت...دق موبايل دلال .....زياد الي داق.....شالته على اخر رنه... دلال: الوو ... زياد : هلا والله ...بدلوله ...هلا والله بمرتي..... دلال تسمع كلمة (مرتي ) جنها صدى ....واتييلها قمته .... دلال : اهلين .... زياد : مبروك حبيبتي.... دلال بقلبها (((ابييييه شنو حبيبتي....اشيبي هذا)))) دلال : الله يبارك فيك .... زياد : ليحين بالصالون ....؟ دلال : ايه والله ..كاني الحين بمشي... زياد : تو طلع اخوج وابوج ...اييلكم الحين.... دلال : لا لا مو الحين ...انطر اشوي...على مارجع البيت ..واغير اهدومي... انا اذا خلصت ادق عليك .... زياد : بسرعة دلال...ودي اشوفج ... دلال: ايه ان شاء الله بس اخلص ادق عليج... سكرته دلال من زياد ...واطلعوا من الصالون .... دلال سرحانه ...وسارة اهي الي قاعدة اتسوق السيارة ..... سارة : ها...شلي قاعدة اتفكرين فيه ..... دلال : قاعدة افكر بحياتي اليديدة ....حاااسة بخوف .... سارة : عادي اي تجربة يديدة ..اكيد اتخوف .... دلال :هذي مو تجربة ...هذي حياة يديدة ....على قولتهم ..يا ابيض يا اسود... سارة : يارب يكون زياد خوش واحد ...واتحبينه ويحبج ...ويعوضج على كل الي راح... دلال :آمين ....بس اتصدقين سوير ...ماري ليش ماني قادرة اتقبله ...مادخل قلبي كلش .... سارة : دلول بسم الله متى عرفتيه ؟؟!! ترا لمن اتكلمينه بالموبايل هذا مو مقياس...غي لما تطلعين معاه ...غير لما اتعيشين معاه ابيت واحد ...صدقيني غير.... دلال : الله يسمع منج .... وصلوا البيت ...غيرت دلال اهدومها ....سوت شعرها ذيل حصان مرفوع اشوي...وقذلتها رادتها لي وره ...مع بف بسيط ....كانت لابسة توب بلسيه لونه برونزي...كسراته صغار بالطول...وفيه حزام ضعيف..مع قلب ذهبي...و بنطلون اسود وجوتي اسود من christian louboutin وجنطة chanel بيج سلسلتها ذهبية .....وتراجي الماس صغار...طبعا دلال دايما اتحط ميكآب خفيف حيل..لان ملامحها ناعمة ...... وصل زياد بيت دلال ....نزل من السيارة ..واستقبلته امها ...وابوها كان موجود بعد .... دلال اتروح غرفة سارة ..... دلال : اشرايج ؟ سارة : وااااو ...شالحلاة .... دلال : صج ؟؟!! سارة : والله اتيننين...زوغة حدج .... اتيي الخدامة .... الخدامة : دلوله دلوله ...ييجي جوز انتي تحت ....ماما يقول تعالي تحت .... دلال : انزين انزين كاني يايه ....اففف سارة : دلول ...ماوصيج ..ابي الابتسامة شاقة الوي...مو اتبوزين ....حراام شكله حبوب ...لاتكسرين بخاطره ... دلال : شكووو الابتسامة شاقة الوي!!! ...شنو مومصدقة اني متزوجة !!! والله بصير على طبيعتي....مالي شغل من احد .... سارة : آآه منج ...يوزي يوزي.... وادزها سارة من ظهرها .. سارة : وبعدين لاتضيعيين الوقت ...ويالله نزلي ...الريال قاعد ينطر... انزلت دلال ...وكانت تنزل ...واتحس ان كل خطوة اثقل من الي قبلها...ماودها الدري يخلص....ومن كثر ماكان قلبها يرقع ...كانت تسمع دقات قلبها ... ادخلت الصالة ...ويلا امها وابوها قاعدين مع زياد ....كان لابس دشداشة بيضا بس الي مصوفره وغترة بيضا ...وجوتي بني ...وطبعا مثل ماقلت من قبل ان اهوا يلبس نظارة طبيه ..بس ذربة ..وهم مثل ماقلت اهو يشبه عبدالرحمن الحريبي .... يوم شاف دلال جان يوقف .... دلال مستحية : السلام عليكم <<< ومدت ايدها صافحته .... اهو يمد ايدها : وعليكم السلام .... وتقعد دلال ...ومنزلة راسها ....واقعدوا اشوي ...يسولف مع امها وابوها...وبعدين صار صخة ....التفت على دلال .... زياد: يالله دلال ...نمشي ؟؟ دلال : اوكي.... وطبعا ام دلال الفرحة مو شايلتها ...واتطالع دلال مطالع.... ام مشاري يوم شافت دلال اطلعت مع زياد : وااي ماتتخيل فرحتي يابو مشاري...ماني مصدقة ان دلول اتزوجت ...!!! ابو مشاري: الله يوفجها ان شاء الله .... الام تاخذ نفس : الله يهدي مشاري يارب ويرد على مرته واتصير فرحتي فرحتين ..... ابومشاري: ايه ...يوم احنا اصغار انقول متى يكبرون ويروح همهم ...اثاري لا كبروا كبر همهم معاهم .... ام مشاري: ايه على قولتك...عيال الشقا .... دلال مع زياد طالعين برة رايحيين سيارة زياد ....يبطل زياد الباب حق دلال....تدخل دلال ...وبعدين يدخل سيارته ويطقها سلف ويحرك...وهم بالطريج وزياد قاعد يسوق ...وقاعد يطالع الطريج ...يمسك ايد دلال ... زياد : ماتتخيلين اشكثر انا مستانس.... دلال: اممم... زياد : وانتي؟ دلال من ورا قلبها: وانا بعد.... زياد: دخلتي قلبي حييل...مع ان الفترة الي كلمتج فيها صغيرة .... دلال : مشكووور...من طيبك .... يصير صمت ...ودلال ودها تسحب ايدها ...لانها اتحس ان متضايقة واهو ماسكها... دلال : ميخالف اشوي...بس بطلع شي من جنطتي.... تفتح جنطتها واتطلع كلينكس...واتسوي روحها اتمش.... دلال : وين بنروح ؟ زياد :انا حاجز بالـ english tea بالشيراتون ...يعني قلت مكان هادي وحلو ان الواحد يسولف بهدوء وياخذ راحته ... دلال: امم حلو... زياد : انا قلت هذا المكان الانسب حق هالمناسبة ...ويلا اشرايج ؟ دلال: اممم ...حلو ...وهادي.... زياد: ايه الصراحة ..انا ماحب اللوية والازعاج ...وخزني وخزك ...فاخترت هالمكان بالذات ..... اوصلوا الــenglish tea ....وطول الوقت دلال ساكته ....وزياد اهو الي يتكلم.... دلال :عن اذنك زياد اشوي ... (قامت دلال وراحت الحمام ...تبي اتعدل شكلها ...)) ماكو ماطولت اشوي وارجعت .... زياد : ماشاء الله عليج دلولتي ..وايد حلوة .. دلال : مشكور ...من ذوقك ... زياد : لا والله ما جاملج اتهبلين .....بس... دلال : بس شنو ..؟ زياد : حراام هالجمال كلمن يتمتع فيه...احب يكون لي بروحي.... دلال استغربت : شنو يعني... زياد : جنه بلوزتج قصيرة اشوي...وبنطلونج اشوي صاك عليج من تحت...؟ دلال بقلبها (( شيبي هذا ..جنه طيح الميانة بسرعة)) دلال : لا ماحس ان اهدومي ضيجة .... زياد : انتي ماتحسين ...بس انا كوني شاب ...اركز على اماكن معينة ....وانا ....(يسكت اشوي ) انا ريال حار ...ماحب احد يشوف مرتي ...غيري... دلال اتضايقت اشوي من كلامة.... دلال : يعني شنو قصدك ؟؟!! زياد : قصدي ..ياليت لو اشوي البلوزة او القميص يطولون ...ويغطون الخلفية ..لان ماحب تطلع ...ولا احب احد يشوفها.... دلال اهني جنه احد معطيها طراق ....انصدمت من اسلوبه ...اشلون يتكلم بهالطريقة ...وخصوصا ان هذي اول طلعة لهم ...وانصدمت من جراءته.... دلال كانت قاعد تشرب شاي... تمسح شفايفها بالكلينكس.... دلال معصبة : شوف زياد ....بس احب اقولك شغله...تراني بنت ناس...ومتربية ...ومن قبل لاتاخذني اعرف شنو البس وشنو مالبس....لان الحمد الله .. ما صغيرة وانا رقيبة نفسي.. زياد توهق : لا لا مو قصدي شي...والنعم فيج وباهلج ...وادري انج بنت ناس ومتربية احسن تربية ...وانا ماشككت بهالشي ابد ....بس انا الي بغيت اوصله ....اني انا غيور ...وانتي حيل عاجبتني ...ومابي احد يشوف جمالج ومفاتنج غيري...بس هذا الي قصدته ...ولا راح اجبرج على لبس معين ولاشي...بس اللهم الي قصدته ...ان يكون لبسج اشوي اطول واوسع ...لاني مثل ماقلت اني اغار على مرتي ...بس...واظن هالشي من حقي... دلال : بس لبسي محتشم ولله الحمد ...وماحتاج احد يذكرني بهالشي.... زياد : صح صح كلامج ..بس انا طماع وابي حبتين زيادة ... دلال تبي تقصر الشر وماتبي اتخرب اليوم : اممم ان شاء الله ...احاول.. يوصل مسج حق دلال ....تفتحه .....ويلا سارة اختها ... ......هاا دلول اشلون الوضع  .....ماردت عليها ..... زياد : منو دازلج مسج ؟ دلال استغربت من سؤاله واتطالعه وحيل امبين انها مستغربه : اختي...ليش تسأل ؟ زياد: هاا ..لا لا ...بس جذي عادي....اضايقج سؤالي؟ دلال : لا عادي...بس احس انك وايد تسأل ؟؟!!! زياد: انا احب جذي..اكون انا ومرتي واحد...اهي اتقولي كل شي وانا اقولها كل شي...ما حب يكون بينا اسرار....لان اذا حسيت انج اتخشين عني شي اتضااايق واايد ... دلال : يعني اقولك كل شي كل شي... زياد : ايه كل شي...انا ماحب اتخشين عني ولا شي.... دلال: بس مثلا الحين رفيجتي دازتلي مسج ابموضوع يخصها ...يعني لازم تبي اتعرف الموضوع ... زياد : انا مالي شغل بمواضيع الناس ...انا علي منج انتي...يعني اذا الموضوع فيه انتي لازم اعرفه .... دلال : بس كل واحد بالدنيا في اشياء مايحب احد يدري عنها ..وهذا الشي طبيعي...يعني الوحدة مع ريلها بينهم اشياء ماحد يعرفها الا اهم ...والوحدة بينها وبين اهلها اشياء محد يعرفها الا اهم ...ونفس الشي بين الرفيجات اسرار وكلام محد يعرفه الا اهمه ...احس هذا نوعا ماتطفل على حياتي الخاصة .... زياد : ليش تعتبرينه تطفل ؟؟ ليش ماتعتبرينه تقرب ...لان الواحد كل ماتعرف على الشخص الي جدامة اكثر كلما تقرب منه وافهمه اكثر ...وانا ودي اتعرف عليج اكثر واكثر... دلال : اعذرني زياد ...بس انا مو مقتنعة من كلامك ... زياد :انا ماقتلج شي... ليش انتي كل ماقولج شي اتصعبينه ؟؟!! دلال: زياد بدام احنا باول الطريج ..احب احط النقط فوق الحروف....انا ترا ماحب احد يتحكم فيني ...ولا تحسب ان اي شي اتقولي اياه راح اقولك سمعا وطاعه...ترا ايام امهاتنا ويداتنا راحت ...انا ماسوي شي الا لمن اكون مقتنعه فيه .... زياد : انتي ليش تاخذين الامور بعصبيه ؟؟؟ خليج ايزي ...انا عاذرج الحين ...لانج توج ماخذيتي علي..مع الايام راح نتعود على بعض ...وراح نتاقلم مع بعض ..... مسك ايدها ....وقاعد يطالعها .... زياد : هالوي الحلو حرام يعصب .... دلال ساكته ...حتى مابتسمت ....ماعجبها اسلوبه ...ومارتاحت ابد ...بس ابلعتها واسكتت ...ولاحظت ملاحظة غريبة ...انا دايما يستخدم كلمة (((أنا))) ...يعني طول الوقت يتكلم عن نفسه ....وهالشي حيل حيل ضايقها ...وخصوصا انه مافكر يسألها ...وانتي؟؟؟ ...... .................................................. .......................................... مشاري بشقته...عقب مارد من الملجة ..رجع شقته ...خلاص لازم يطلع منها هاليومين..وكان حيل حيل فاقد نورة ...وكانت في كلمة اترن بإذنه ..يوم قالتله ((انا مظلمة ...انا بريئة ..هالشي صار غصبن عني )) هالكلمات كان طول الوقت يسمعها.....قاعد بالصاله يطالع تلفزيون ...كان حاط على mbc 2...وكانوا حاطين فلم ocean's eleven....ومندمج بالفلم ...فجأة ويلا يسمع احد يطق الباب حيل حيل ....بسرعة راح بطل الباب....ويلا نورة ...كان شكلها يكسر الخاطر ...ويها كله طقات زرق...وميته من البجي .... مشاري : اشفيييييييييييييييييج ؟؟!!! نورة تبجي حيل...واتلمه : مشاري اخواني ...اخواني ....من اول ماقتلهم اني بتطلق...كانوا يطقوني الليل والنهار...واحبسيني بالبيت ...حتى الدوام مايخلوني اروح ...بسرعة تغافلتهم وخذيت سيارة واحد منهم وييت اهني ...واهما لاحقيني الحين...الحمد الله انك موجود ...الله يخليك لا تخليني اروح لهم ...حتى لو اصير خدامة عندك ...والي يسلمك.... مشاري منصدم ...يدخلون اخوانها عند باب الشقة .... اخوها 1 : تعالي يالي ماتستحين ...اذا امج ماعرفت اتربيج انا اربيج .... اخوها 2: اسفين مشاري على الازعاج ...احنا المفروض مانرضى انزوجك هذي ..مو وي زواج ... نورة منخشة ورا ظهر مشاري ولامته حيل بكل قوتها ...حاطه ويها على ظهره ...ماتبي اتشوفهم ...وتبجي... وبصوت واطي : مشاري لاتخليني ...مشاري لاتخليني .... مشاري يروح صوبهم ...ويدز اخوعها من صدره .... مشاري: اقول اقول...يالله بره ...بره ... اخوها 1: شنو شنو ...انت مو تبي اتطلق ؟؟!! مشاري معصب : يالله بره ...ولا يكون اشوفكم مره ثانية اهني...والله لا انادي الشرطة ..يالله ذلفوا ... يطردهم ..ويسكر الباب ويقفله .... يلتفت مشاري على نورة ....ويروح لها ....ويلمها حيييل ...حيل.... مشاري ادمع عينه : سامحيني ...يمكن اكون ظلمتج ...سامحيني نورة... نورة : انت الي سامحني...ادري اني ماستاهلك ...بس والله مستعدة اسويلك اي شي..بس لاتخليني ... مشاري: ماراح اخليج لو على قص ارقبتي..... واقعدوا مدة واهما لامين بعض ... مشاري يبوس راس نورة : يالله امشي... نورة : وين ... مشاري: خل انروح بيت اهلي.... نورة : طاع شكلي ... مشاري : عادي ..هذيل اهلج ...والي اسمهم اخوانج ..خلاص مسحيهم من الوجود ...ولا تعتبرينهم اخوانج ولاشي ....امي اهي امج وابوي ابوج ..وخواتي خواتج .... نورة اتلمه حيل : الله لا يحرمني منكم ياارب .... مشاري : ولايحرمني منج .... سامحني خطيت وخاني التعبير سامحني والغلطة بعد ما تصير عاتبني وبالعتاب أرتاح عاتبني وريحني وسامحني على التقصير أعترف أعترف ومستعد أنا احلف صدقني ماكان قصدي ما كان ودي يا حبيبي نختلف إعترافي لك ما هو معناته ضعف إعترافي لك من ذوقي و لطفي عاتبني وبالعتاب أرتاح عاتبني وريحني وسامحني على التقصير بيدك إنت الأختيار أنا قدمت إعتذاري وإنت بيدك الأختيار تسمح وتنسى اللي صار بيدك إنت يا حبيبي تسمح وتنسى اللي صار عاتبني وبالعتاب أرتاح عاتبني وريحني وسامحني على التقصير أغنية سامحني | ||||
|
| |
|
06-01-14, 08:14 PM
| #27 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| خالد رايح ديوانية عبدالوهاب....يدق على عبدالوهاب..... خالد : الووو... عبدالوهاب: هلاااااااااااا.... خالد : هلا وهيب....انت بالبيت .... عبدالوهاب: ايه بالدوانية ...مع النسيب.... خالد: انا بره .... عبدالوهاب : أفا ليش مادشيت ...يبا دز الباب وادخل.... خالد : اوكي ...يالله كاني داخل..... يدخل خالد الديوانية ...ويشوف نسيب عبدالوهاب ويسلم عليه.... محمد نسيب عبدالوهاب: هلا هلا خالد ...اشلونك عاش من شافك ....ماشفناك من عرسك .... خالد : ايه والله ...لهيت ...تدري لويه .... عبدالوهاب: اي لوية ؟؟...الحين الي يقول امجابل مرته ...اصلا مايدري عنها ... محمد يضحك : ويسمونه قفص ذهبي بعد.... الا سجن حديدي ... خالد يبتسم ..... محمد : الا جنك ضعفت واايد ...وايد فرقت على من العرس.... عبدالوهاب: شفته اشلون ..لاياكل لاشي... خالد يضيع الموضوع : انت اشلونك ...بشر عنك ..اشلون العيال.... محمد : ابد كلنا طيبين ...سمعت يايلك ياهل بالطريج......!؟ خالد :ايه والله ... الحمدالله .... محمد : يتربى بعزك مقدما .... يوقف محمد : يالله انا ماشي...تامرون على شي... خالد : تو الناس...ماقعدنا معاك ..... محمد: والله عندي اشغيل ....ان شاء الله مرة ثانية ... يلتفت على عبدالوهاب : وهيب ...على الموضوع الي كلمتني عنه ...انت عطني اسم الابو ...واحنا نسأل عنهم ..... عبدالوهاب : يبا ليش تسأل عنهم ...خلود يعرفهم عدل ... خالد : منو ...شالسالفة ....؟؟ محمد : بعد !!! مو قايل حق صاحبك .... عبدالوهاب : يبا توني توني امبطل معاك الموضوع ....مامداني اقوله ... محمد: خلاص انا مستعيل الحين ....اكلمك بعدين .... عبدالوهاب: ماشي... يروح محمد ...وخالد ساكت...قاعد يلعب بمسباحه ....ويدخله بين صبعه الابهام ويطلعه... عبدالوهاب: خلود...آآآخ منك ....كله بوادي والناس بوادي...ياخي صااير ممل....اشفيك بعد ؟؟؟ خالد : آآخ وهاب..احس بموت ...بختنق.... عبدالوهاب: اممم عشان اليوم ملجة دلال ...اللهم صبرج ياروح... خالد : خلاص راحت حق احد ثاني ....مو لي ...تدري شنو قلبي يتقطع عليها ...لمن اتخيل انها .....(يسكت اشوي ويحط ايده على ويها) استغفر الله العظيم ...استغفر الله العظيم ... عبدالوهاب: خلود ..تعوذ من ابليس...انت ريال ...اشخليت حق الحريم...خلاص انت بعد تزوجت ومرتك حامل...يعني البنت لازم اتعيش حياتها ...وتتزوج ...واتييب اعيال ...هذي الدنيا ... خالد : قلبي قلبي...احس قطعه منه انشالت ...وهيّب...قول عني مينون...اقول مو صاحي....قول الي اتقوله...ادري انا الي قاعد اسويه غلط ...بس غصبن علي...انا احبها ..اموت عليها ليلحين ...استغفر الله حتى لمن اكون مع منيرة اتخيلها ...استغفر الله العظيم اسنغفر الله العظيم ...مو بيدي غصبن على ...قاعد احاول انساها بس ماني قادر ...بكل ربعه وبكل زاويه اشوفها ...وكل شي يذكرني فيها ....وكل يوم قاعد اكره منيرة اكثر بسبتها ...شسوي....قولي... عبدالوهاب يهز راسه : خنروح العمره ....ايه خنروح....انت نفسيتك تعبانه ...يمكن اذا رحت بيت الله ترتاح اشوي...وينغسل قلبك ....خنروح واتصد اشوي عن منيرة...يمكن يحن قلبك لها ...وتشتاق لها... خالد : ايه والله ودي...احس تعبان حيل حيل ...بختنق ...محد فاهمني....عبالك ابالغ ...بس انا تعبان وكل يوم قاعد اتعب اكثر... عبدالوهاب: لانك قاعد اتشوف بيتها ...واهلها ...وقاعد اتصادفها ....يبا لو انا منك ..اطلع شقة بروحي...عشان ماشوف شي يذكرني فيها .. خالد : اليوم انا حيل نفسيتي صفر ...لان ملجتها اليوم ...مااتخيل ان في واحد ياخذها مني باردة مبردة ....انا الي نطرتها اسنين ...انا الي مفروض اخذها ... عبدالوهاب : لاحول ولاقوة الا بالله ....لا حول ولاقوة الا بالله ..... يدق موبايل خالد ....منيرة الي داقة عليه ..... يشيله خالد : نعم .... منيرة : هلا حبيبي....اشلونك ؟ خالد : تمام ... منيرة : وينك ؟ خالد : طالع ....اشتبين .... منيرة : بتيي تتعشى معانا ؟ خالد : لا ...مابي عشا .... منيرة : متى بترجع ؟ خالد : مادري ... منيرة : يعني انت وين الحين ؟؟ خالد يصرخ عليها : وبعدين يعني ...تحقيق ويلا تحقيق ...خلاص يبا قلنالج طالع ...وين وماوين موشغلج .... منيرة : انزين ليش معصب .... خالد : كيفي معصب اشعندج .... منيرة : خالد ليش تتكلم جذي ...... خالد : والله هذي طريقتي ...عاجبج عاجبج ....موعاجبج بالطقاق... منيرة : امبيه مو صج ...يالله يالله باي ... صكه بويـِها من غير مايقول باي... عبدالوهاب يطالعه مستغرب: ليش اتكلم مرتك جذي؟ خالد لاف ويها ولا رد عليه .... عبدالوهاب: قسم بالله مو صاحي...مينون مينون..... خالد يرد يطالع عبدالوهاب: شنو الموضوع الي تبي اتكلمني عنه ؟؟ عبدالوهاب : اي موضوع ؟؟ خالد : الي تو قاعد يتكلم عنه محمد نسيبك ؟؟!! عيبدالوهاب : آآآآآآ ..بعدين اكلمك فيه ...موقته .... عبدالوهاب يكمل: يالله قوم ...قهوة قهوة ..... خالد : لا لا ..خلنقعد ...مالي خلق اطلع مكان ... عبدالوهاب: قوم زين ...يالله ....امش خنروح ...نشرب شيشة وانطالع مباريات ...يالله قـــــــــــوم.. يلعن ابوالدنيا <<< يقولها واهو يضحك ... خالد يبتسم : يالله ..... .................................................. ............... دلال مع زياد رادين البيت .... زياد : دلال ...متى راح اتسوون العرس؟؟؟ دلال : بعد اسبوعين تقريبا.... زياد : طبعا راح تسكنين عندي عقب على طول.... دلال مستحية : ايه عقب العرس لازم اسكن عندك .... زياد : عندي مشكله الحين ...انا متفق معاج ان على طول نتزوج ونسافر امريكا ...وشقتي اهناك زاهبة ....بس الحين اطلعت عندنا مشكله بالسفارة ..يعني مو مشكلة كبيرة...بس لازم اقعد بالكويت جم شهر وبعدين انروح ... دلال استانست يوم اسمعت جذي ..... دلال : صج احسن بعد ...وناااسة ... زياد : زين شفتج تضحكين .... دلال : لا صج وناسة ...انا ماحب اتغرب عن الكويت.... زياد :اممم.. عشان جذي راح نسكن عند اهلي....بغرفة وحمام ...بس لاتحاتين الغرفة صايرة بالدور الارضي ...يعني بدخلتج وبطلعتج محد يشوفج ... دلال : مو جنه ضيج ؟؟؟ زياد : ايه عادي موقتا ...احنا جم شهر وراح انسافر.... دلال : ....................... زياد : اشفيج ساكته ...جنه مو عاجبج اقتراحي.... دلال :انت ماقترحت ..انت قررت وخلصت.. زياد :لان قلت مايسوى انأجر شقه على جم شهر...صح دلال : اممم صح.... زياد: خلاص هاليومين انروح نشتري اثاث الغرفة .... دلال : ان شاءالله .... كانت دلال طول الوقت اتسولف وماسكة موبايلها قاعدة تلعب فيه .... زياد : ترا انا ماحب لما اكون مع احد يمسك موبايله 24 ساعة ...اتنرفز حيل من هالحركة .... دلال اتطالعه: ليش عادي...قاعدة اسولف معاك.....شنو المشكله ...؟؟!! زياد: راعي البالين جذاب.... دلال مالها خلق : قامت حطت الموبايل بجنطتها ...(اتطالعه واتكمل) زين جذي... زياد : ايه زين ...عفية على مرتي المطيعه ... اوصلوا عند بيت اهل دلال.... زياد يدخل عند مصافط بيتهم ..داخل المظلات. ...وكان ظلمة اشوي.... ..دلال بس اصفطت السيارة ..جان اتبطل الباب تبي تنزل.... دلال : يالله مع السلامة .... زياد : اشدعوااا ...مستعيله هالكثر.... دلال : لا مومستعيله عادي....(من ورا قلبها ) تبي تنزل .... زياد تضايق اشوي : لا خلاص ...خليها باجر.... يكمل: ايه صح امي قالتلي ان غداج عندنا باجر....امرج عالساعة وحدة ونص...... دلال : توك اتقولي ...؟؟!! زياد مستغرب : ليش اشعندج ؟؟ لادوام ولاشي ..انتي اجازة الحين .... دلال : ادري بس جان قلتلي امبجر .... زياد : دلال اشفيج؟؟!! احس جنج تبين تتهاوشين ؟؟؟!! يعني خير ياطير توني اقولج ...ليش اتسوينها سالفة.... دلال : ليش معصب؟؟؟؟ زياد : لا مو معصب ..بس انتي الله يهداج ....كله امتنشنه...وموعاجبج شي... دلال : ................... زياد يحس اشوي ان تنرفز عليها : دلوله حبيبتي...ادري اني ليلحين غريب بالنسبة لج ...بس ان الفترة الي كلمتج فيها حبيتج ...عاد ميخالف ....حاولي تتأقلمين معاي...لا تشدين وايد.... دلال اتهز راسها: امم اوكي.... يقرب منها زياد ويبوسها ..... دلال اتحط ايدها على شفايفها : انت اشلون اتسوي جذي؟؟!! زياد مستغرب : دلال اشفيج ؟؟؟ انتي مرتي !!! دلال : حتى لو ..انا ليلحين ماتعودت عليك ...رجاءً لاتعيد الحركة مرة ثانيه ...فاهم....!!!!!! زياد حيل تنرفز منها ....قاعد يطالع جدام ...وساكت ولا كلمه....اندقر حييييل .... دلال : مع السلامة .... تفتح الباب وتنزل ...واتخليه .... اهوا رجع قري بسرعة ....وداااس حيل ...كان امبين ان معصب..... كان قلب دلال يرقع يرقع يرقع ....ادخلت بيتهم ويلا امها وابوها وسارة قاعدين ينطرونها .... يوم شافتها امها : اشفيج ؟؟؟ دلال : مافيني شي.... الابو و الام يطالعون بعض ...... سارة حاسه ان وي دلال مخطوف ..... سارة: ها اشلون طلعتكم ؟؟ استانستوا ..؟ دلال اتهز راسها :ايه ...بس انا تعبانه اشوي بروح انام ..... واتروح تركض وتصعد الدري.....ادخلت غرفتها واقفلت الباب....وراحت عند منظرة حمامها...وقعدت اتطالع نفسها بالمنظرة ...ويسيح الكحل من عينها ...وتغرق عينها بالدموع ....واتحط ايدها الثنتين على ويها وتبجي...تبجي...وتنزل تقعد على الارض.... (( انا ليش قاعدة اسوي جذي....انا قاعدة انتقم من منو بالضبط؟؟ ...من نفسي؟؟؟...ويلا من زياد الي ماسوالي شي.؟؟.....ويلا من خالد الي مايدري عني ولاهي بحياته؟؟....ليش مو قاعدة اعيش كل لحظة حلوة بحياتي....حراام علي الي قاعدة اسويه ...قاعدة اموت نفسي ...قاعدة اقتل نفسي....وقاعد اظلم الريال معاي...انا حقيرة ...حقيرة )) وتبجي حيييييل ....حييييييل ...... | ||||
|
| |
|
06-01-14, 08:22 PM
| #28 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| غسلت دلال ويها ...عقب ما ارتاحت اشوي ....وغيرت ملابسها ...والبست بيجامه ....وانسدحت على فراشها ...طالعت موبايلها ...ويلا زياد مادق عليها ...قامت ودقت عليه ....كانت الساعة على 12تقريبا ..... دلال : الووو زياد ماله خلق اشوي : هلا.... دلال : وصلت البيت .... زياد : ايه من زمان ..... دلال: زياد ..(تسكت اشوي ) سوري ...ماكان قصدي ....احس اني متوترة اشوي ... زياد : لا كله واحد ....مقدر نفسيتج .... دلال : يعني مو زعلان ؟ زياد : يهمج ؟ دلال : اكيد يهمني ...انا ماحب احد يزعل علي .... زياد : مو مشكله...بس حاولي اشوي انج ماتشدين معاي ... دلال : ان شاء الله .... زياد : عفية دلولتي .... قعد يسولف مع دلال اشوي ...ويدق موبايل دلال خط ثاني .... زياد جنه عندج خط .... دلال : اي لحظة دقيقة ..... دلال اتكمل : هذي سارة اختي ....عن اذنك اشوي ... اترد دلال على سارة .... دلال : الوو ... سارة : بسرعة دلال تعالي الحين .... دلال : ليش ؟؟ ساة : تعالي الحين ..... دلال اترد على زياد :سوري زياد ...لازم اسكره الحين ... زياد : منو كان عندج خط ثاني ...؟ دلال : اختي سارة .... زياد : وليش تبين اتسكرينه ؟؟؟ دلال : خلاص بعدين اكلمك ....مادري شنو تبي مني ...بروح اشوف ... زياد: خلاص اوكي .... دلال اطلعت من دارها ..وكانت نازله الدري ....ماكو خمس دقايق من اول ماسكرته من زياد... جان يدق موبايلها تقربا نص رنه ....طالعت مو بايلها ويلا زيااد ...استغربت ...ردت دقت عليه .... دلال : هلا ...انت داق علي توه ...؟؟ زياد : هاا ..أيـ ...أيه بالغلط .....كنت بدق على واحد من ربعي ... دلال : مو مشكله...خلاص عيل ..عبالي تبي مني شي ... ادخلت دلال الصاله ...ويلا اتشوف ...مشاري مع نورة ...وكانت نورة تبجي ...وسارة وامها يهدونها .... جان تركض دلال واتلم نورة حيل ..... دلال : نورو وينج ...وينج ....ولهت عليج ...انا حتى رفيجاتج بالدوام سألتهم عنج..قالو مادومتي... نورة تبجي وموقاعدة تتكلم ..... اتطالعها دلال واتكمل : اهما الي سوو فيج جذي؟؟!! ...يعل ايدهم القص والكسر ....حسبي الله عليهم ...الحيوانات .... مشاري : خلاص دلول ...فاضية ..ابروحها البنت مالها خلق شي .... مشاري يكمل : دلول ييبي حق نورة اهدوم من اهدومج ...ترا اهيا ارجعت من غير ولا شي ...عشان تاخذ شور وتاكلها لقمة واتنام .... قام مشاري ومسك نورة ...كان مخليها تتسند على جتفه ....لانها كانت وايد تعبانه ويالله تمشي ... الحقته دلال وسارة...وكان وايد ضايقه خلوقهم على نورة .. دلال حق سارة : ييبي حق نورة ملابس داخليه يديده من عندج ...ووحدة من بجاماتج لانه نورة طولج مو طولي .... وانا راح اييبلها فوطتي ...واستشواري .... كان مشاري قاعد مع نورة على فراشه ....ادخلو سارة ودلال ويابولها كل الي تحتاجه ...وكانت بس اتدمع عيونها ....وساكته ولا كلمه .... دلال اتطالعها وكاسرة خاطرها .... مشاري حق سارة ودلال...قولي حق امي خل يسوون حق نورة شي خفيف ...يعني شوربة ...توست ويا جبن او لبنه ...سلطة روب مع خيار....يعني شي خفيف... وخل اتييبه الخدامة او انتو ييبوه...على ماتاخذ شاور واتغير اهدومها ... دلال : انا بقعد معاها ... مشاري : لا روحي ...خليها ترتاح ...انا بقعد معاها .... دلال : لاتخليها مشاري ...الله يخليك ..... مشاري : ان شاء الله ...يالله روحوا سوو الي قتلكم عنه .... اطلعوا سارة ودلال .... مشاري يقعد يم نورة ....ويعطيها الاهدوم ... مشاري : هذي اهدوم سارة ....لبسيها ..وانا باجر اروح اشتريلج كل شي تبينه.... اتهز راسها جنها : ان شاء الله ... تدخل نورة الحمام ... مشاري : تبين اساعدج ....؟؟ نورة : لا ...عادي ... مشاري: خلاص لاتقفيلين الباب...سبحان الله تحتاجين شي ... نورة : اممم صح ..... قعد مشاري ينطر نورة بره ....لين خلصت ...اطلعت من الحمام بعد مانشفت شعرها بالحمام .. والبست بجامة .... اتطق دلال الباب ...ويلا يايبه صينية الاكل مع امها .....اتحطها دلال على الطاولة .... الام : يالله عاد نواره ...هالصينية ابيها اترد خالية ...مابي اشوف فيها ولاشي ... مشاري : ايه انا قاعد على راسها ...راح تاكل شي .... دلال قاعدة يم نورة ...... نورة ادمع عيونها : مشكورين ...انا ماستاهل هذا كله ....مادري من غيركم شنو كنت راح اسوي .... الام : يالله عاد ..انتي بنتنا ....(الام اتطالع دلال ) يالله دلوله ...امشي خل انخليها ترتاح ومشاري قاعد معاها ... دلال اتبوسها : تصبحين على خير.... اطلعوا الام ودلال ....ومشاري قاعد يم نورة ...ويوكلها ...ويمسح على شعرها.... نورة اتلم مشاري حيل وتبجي : مشاري حبيبي ...مشكور وايد ..ما اطلع من يزاك ابد ...سامحني على كل شي.... مشاري يمسك ويه نورة ويطالعها : نورة ...خلاص انا بعتبر ان اليوم اول يوم تزوجنا فيه...وبفتح صفحة يديدة ...ولا راح اتذكر اي شي صار من قبل...وانتي بعد ...ان مصدقج (نورة اتنزل راسها ...ويرد يرفع راسها ويحط عينه بعينها ) وادري انج بريئة ومظلومة ....وبس ماراح اسأل عن التفاصيل...بس وعديني انج تنسين كل شي...وتمحينه من ذاكرتج.... نورة : اوعدك ...اوالله اوعدك <<<<واتلمه حيل.... مشاري يبوسها على راسها : وانا خلاص نسيته .... .................................................. ............................... مهما حصل من بيننا جرح وفراق للحين حبك داخل القلب مطبوع مهما هجرت الروح مشتاق مشتاق يلي غلاك بداخل الروح مزروع في بحر حبك لي أحاسيس واشواق وإن طال ليلي تضوي أشواقي شموع في كل لحضه لأجلك النفس تنساق كل اشتياق الخلق في الروح مجموع حبي عشانك البحر لو شاله ضاق وانا اللي شلته لاجلك بقلبي وضلوع عشان نبقا طول الايام عشّاق يا عمري آمر وكل ماقلت مسموع | ||||
|
| |
|
06-01-14, 08:27 PM
| #29 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| بعد يومين ..... كانت ام خالد وشيخة ومنيرة قاعدين على الطاولة يتغدون .....وكانوا يسولفون .... دخل خالد البيت ....كان توه ياي من الجامعة ..... خالد : السلام عليكم .... ام خالد وشيخة ومنيرة : وعليكم السلام .... ام خالد :تعال خالد... تغدى معانا ..... خالد : مو مشتهي ..توني شارب قهوة ..... ام خالد : انزين بس اقعد لا تاكل .... راح وقعد معاهم على الطاولة .... الام : ها رحت الجامعة ؟؟ كلمت الدكتور ... خالد ماله خلق : ايه ... الام : اشقالك ..؟ خالد : قالي شد حيلك بالفاينل وراح ادبلك الدرجة ...بس هذا الي قالي اياه ... شيخة : حشا على هالسنين الي درستها المفروض تاخذ الدكتوراه هالسنة .. خالد يطالعها من فوق لي تحت .......يلف ويها ...ويطالع امه ... خالد : يما صبيلي ماي ....حدي عطشان... منيرة اتطالعه : انزين ليش ماتقولي انا ...الماي يمي ....!!! خالد معصب : مو قاعد تاكلين ...!!!! منيرة : وشنو يعني ...اهد الي بيدي واصبلك .... الام :هدوا هدوا ....خلاص... صبي ماي حق ريلج ..... اتصب منيرة ماي حق خالد ..... منيرة واهي قاعدة اتصب: دقيت عليك اليوم الصبح ....ليش ماترد علي ؟؟ خالد : كنت مشغول .... منيرة : انزين عقب مافضيت ...ليش مارديت دقيت ...؟؟ خالد يعصب: اوووه ...وبعدين يعني ...بتسوينها لويه ....يعني اشتبين ..!! ياليت عندج سالفة عاد.... منيرة : شفتيه عمتي ...كل ما اقوله شي يعصب ....خليج شاهده ... الام : خالد الله يهداك خالد...يعني يمكن تبي منك شي شيات ..لازم اترد ادق عليها .... خالد : لا ماتبي شي ....ماعندها سالفة .... منيرة اتنزل راسها ...و اتطالع صحنها ...ولا تتكلم ولا كلمة ...ام خالد اتطالعها واترد اتكمل .... ام خالد : كانت رايحة عند الدكتور ...وكانت تبيك اتيي معاها .... خالد : لا انا ماحب اروح عند الدكاتره ...ذيج المرة يوم رحت معاها قعدنا ننطر 3 ساعات ....اصلا حتى لو انا راد جان مارحت معاها ..... منيرة اتقوم من الطاوله ومتضايقة حيل من اسلوب خالد ..... منيرة : الحمدالله ..... خالد : ايه زين قومي ...لاتكثرين واتقثين الياهل ... منيرة : استغفر الله العظيم ...اللهم طولج يارووح ..... شيخة : خاااااالد!!!! الام اتضيع الموضوع .... الام : ماكليتي ....؟ منيرة اتطالع خالد: شبعت هم وغم ....<<< تصعد فوق.... الام اتهز راسها مو عاجبها الي يسويه خالد : خالد اشفيك على البنية ؟؟ حراام عليك ...مسكينه عاد طوول الوقت اتقول ابي خالد ايي معاي وابي خالد ايي معاي ...ليش كله داقرها ومو معطيها وي ..؟؟ كان ودها اليوم اتيي معاها عشان الدكتورة قايلتلها اليوم يبين شنو فيها بنت ويلا ولد .... خالد :يما منور تبيني ايي معاها ...عشان تمسك ايدي ..واتسوي افلام ...عشان اذا شافوها رفيجاتها تتفلسف على راسهم ....ترا انتي ماتعرفينها !!!...وثانيا....عادي انا مايهمني بنت ويلا ولد ...المهم يكون بصحة وعافية ... شيخة اتطالع خالد ومعصبة : ويع ويع ..لو انت ريلي جان من زمان انا هاجة منك ..اتييب المرض ... الام : استحي على ويهج ...وتكلمي مع اخوج عدل ...شقلت الادب هذي ؟؟ اتهد الاكل واتقوم ..... شيخة : لا ماراح استحي على ويهي ...هذا الصج ...والمسكينه منيرة متحملته ...عشان شنو....ويلا ولدج محد يصبر عليه ....قطيعه... خالد يطالعها : اقول ...صكي حلجج لا بالجوتي الحين .... شيخة : يما شفتي اسلوبه الخايس ...!!! الام : خالد يما ...شالحجي ...؟؟ عيب مايصير اتقول جذي...ولا وجدامي بعد ...!!! خالد : خل تحترم بنتج نفسها ...وانا اكلمها عدل ....لاكن تقعد اتصرخ والله ما سكت لها ...بروحا مالي خلق ولا شي .... الام : ليش مالك خلق شي ...؟؟ اشعندك انت ..؟؟ فاضي ...اتنام واتقوم على كيفك ...الحين حتى الجامعة ماقمت اتروح ...والله يستر ..قاعدين اندزك دز ... خالد : ايه مالي خلق ولاشي ....فخل اتكف خيرها شرها عشان ماتسمع كلام مايعجبها .... شيخة صاعدة الدري تتحلطم : مينون مينون ...ماعليه شرها ..الحمدالله والشكر ..الناس تكبر اتعقل... وهذا يرد ياهل .... خالد يسمعها اتقول جذي ...يقوم بسرعة ...ويروح صوبها ...ويرها من شعرها ..... خالد صاك ضروسه : تكلمي عدل وصيري مره...لا والله لا اكوفنج ...ترا هذا السانج عادي اقصلج اياه ...سامعة ياحيوانه .... شيخة : انزين انزين هدني ...هدني ...ترا قاعد اتعورني ...يماااه شوفيه ... الام اتفاججهم : خلاص يا خالد تعوذ من ابليس .... واتطالع شيخة : يالله روحي فوق دارج ...ومرة ثانية تكلمي مع اخوج عدل ... شيخة تبجي : ايه دلعي دلعي الصبيان ...وانا كله الغلطانه ....<<<تركض تصعد دارها ... الام معصبة اتطالع خالد .... الام : تعال اقعد بكلمك .... خالد يروح يقعد وتقعد يمه امه : انا ماحبيت اقوي شوكتها عليك ...بس ترا مالك حق اتمد ايدك على اختك ... خالد : لا لي حق ونص ...عشان تتأدب واتعرف اشلون اتكلم اخوها العود...الظاهر مافي احد يربيها هالحيوانه.... الام : وانا وين رحت ؟؟ لا مت ضيج الساعة سو الي تبي ...بس بدام انا حية ..مارضى انك اتمد ايدك على اختك ..ولا اتضايقها ..... خالد : بسم الله عليج يما ...شالحجي الله يهداج ... الام : اشفيك يمااا ؟؟؟ ليش كله متضاايق وشايل هم الدنيا على راسك ...؟؟ خالد : ويييه يمه ...الحين ماعندكم غير هالسالفة ....خلاص مافيني شي ولا ابي احد يسألني اشفيك ..... الام : انت خالد ..الحليو.. الهادي... الي ينضرب المثل فيك ...شالي غيرك وقلب كيانك فوق تحت ...مو انت ولدي الي اعرفه .... خالد :تبين اقولج الي بقلبي يعني .... الام : ايه اكييد ....مابي غير الي بقلبك .... خالد : انا مو مرتاح بحياتي ..... ام خالد : ردينا على طير يالي !!!! خالد : سألتيني وجاوبتج ... الام تمسح على ظهره : خلاص يماا ..البنيه حامل واتحبك ...انت ماحولت حتى تتقرب منها ..؟؟ خالد متنرفز : يما شنو ماحاولت اتقرب منها ...انتي اشدراج اني ماحاولت ويلا مو قاعد احاول ؟؟؟ عيل اشلون احملت بالله ؟!! الام انحرجت وساكته .... خالد: وترا لا تحسبين ان اهيا هامها..والله انها اتسوي روحها مسكينه ...مشاء الله ماتقعد بالبيت ...كله طالعة وهايته مع رفيجاتها ....يعني الي ضايق خلقه ينثبر بالبيت ...اهيا ولا همها ..بس تتمسكن جدامكم ...تبي الدنيا كلها اتييلها على طبق من ذهب ...وانا مو مقصر معاها بشي ...من يوم المستشفى ماتهاوشت معاها ...وقاعد اعطيها فلوس الي تبي ...بس عاد قلبي مو بيدي ...ماتقدرين تجبريني اني احبها ... ام خالد : ايه صح كلامك ...وادري انك مو قاعد تتهاوش معاها ...بس مو قاعد اتكلمها عدل وكله جاعمها ...يعني اقعد معاها ..اطلع معاها ...روحوا اشتروا اغراض حق البيبي مع بعض .... خالد : يما على فكره ...منور ماتحب الا نفسها ...ترا اهيا متزوجة مو علشان اتحبني ولابطيخ ...ترا والله قاصة عليكم ....اهيا متزوجة عشان رفيجاتها مايصيرون احسن منها ...والله ترا اهيااااا تااااااافهة ...محد يعرفها كثري ...لمن اقعد معاها ساعات بالصاله واكون قاعد اطالع تلفزيون ...واهيا قااعدة تقرق وتطحن فوق راسي ...تعالي سمعي سوالفها ...افلانه وعلانه ...بس اهم شي انها اتكون احسن منهم ...وماعندها سوالف... وسخيفة ...والله والله لو مو الياهل الي بطنها جان مطلقها من زمان ...بس انتي ماتدرين ....خليني ساكت ... الام سااكته واتطالعه وبعدين اتكمل : انت بادر ...وقولها شنو تبي ...وشنو اتحب ....وخل اتسويلك اياه ... خالد ياخذ نفس : يما خلاص ...لاتبطلين معاي هالموضوع مره ثانية ...والي يسلمج ... الام اتدمع عنها : انا مو قاعدة انام الليل بس افكر فيك ...واحاتيك ...لا اتحسسني اني ظلمتك بهالزواج ....والله ماتدري اشقاعد يصير فيني .... خالد يطالع امه منزل راسه: خلاص يما...إخلصت ...ماكو فايدة من الحجي الحين ...هذا نصيبي ...والطيور طارت بارزاقها ....لا تخافين ..ماراح اطلق منيرة ...وبجابل ولدي الي ياي ...وبقط كل شي بحر...اتعرفين ليش؟؟ لأن ماكو فايدة ...كل شي راح ...كل شي.... الام : لا ماكو شي راح ...كل شي راح يبدي من يديد ....بس انت افتح صفحة يديدة مع نفسك ....وحاول اتعيش هالايام الحلوة الي بحياتك ...وشد حيلك بدراستك ....مو علشاني ولا عشان منيره ....علشان بنيتك الي يايه بالطريج ... يطالعها خالد : بنتي ؟؟؟؟ الام : ايه ...منيرة فيها بنيه !!!!! ************************* عقب اسبوع من ملجة دلال وزياد ............ دلال طالعة مع زياد ....رايحين الافنيوز ...عشان بيشوفون لهم غرفة نوم ...راحوا صوب the one والمحلات الي يمه ....واختارت دلال غرفة اعجبتها ....وبعدين راحو اقعدوا ابـ لورانزينو.... اول ماقعدت دلال...ويلا زياد متوتر ويتلفت وراه .... زياد : قومي بدلي مكانج معاي.... دلال : شنو ؟؟ اي شي صح !!! زياد : قومي ..في جدامج مصبنه ....ماحب جذي انا.... دلال اتقرب صوب زياد : زياد ...فشله ...ترا الاوادم يحسون انك امبدل مكاني عشان هالشي.... مارد عليها زياد ...جان يوقف ويروح صوبها...اهيا افتشلت وقامت .... تقعد دلال وحيل متنرفزة ..... دلال : شالحركة البايخة ...؟؟ شنو يعني ماكو ثقة ؟؟؟!! زياد : لا انا واثق ...بس مو واثق من الي حواليج .... دلال :لو سمحت لاتعيد هالحركة مرة ثانية..... زياد : اذا اضطريت ..فأنا آسف ... راح اعيدها .... جان تقعد دلال امطنقرة.... زياد : خلاص دلال ...والله اني اغار عليج .... دلال : اتغار علي ..شي بيني وبينك ...مو جدام الناس اتفشلني... زياد : خلاص انتي لاتخذينها من هالناحية ...شفتي كل هالبنات الي حواليج ...يتمنون رياييلهم يغارون عليهم .... دلال : كل الرياييل يغارون ...بس مايسوون جذي.. زياد : ليش ..انتي اشدراج ان الرياييل جذي ويلا مو جذي؟؟ دلال : شن يعني ..؟؟ ماشوف ويلا ما اسمع الي حوالي ....؟؟ زياد : والله انا غير....انا دمي حار...اغار عليج ... دلال مربعه ايدها الثنتين وساكته:................... زياد يساحلها : عاد يالله دلوله ...لاتخربين الطلعة ...شسوي ليش انتي حلوه ...لو انج جيكره جان ماغرت عليج .... دلال :..................... زياد :واي ياحلو بوزج لما اتعصبين ...واي اينن... دلال اتضيع الموضوع وماتبي اتخرب الطلعة .... دلال: انا بروح الحمام اشوي...عن اذنك ... راحت دلال الحمام ....وبعدين ضبطت شعرها ...وحمرتها....تذكرت ان سارة موصيتها إن تشتريلها شي من بووتس...بطلت جنطتها ...وادور موبايلها ...مالقته .... دلال (( أكيد نسيته على الطاوله )) راحت دلال عند الطاولة ..... دلال : ماشفت موبايلي؟؟؟؟ زياد : لا ....مو معاج ؟؟؟ دلال : مادري ماتذكر متى استخدمته آخر مرة ..... زياد : انا اتذكر يوم كنا بالسيارة كلمتي امج ... دلال : ايه صح عيل نسيته بالسيارة .... زياد :اشمعنه فقدتيه يوم رحتي الحمام ... كنتي بدقين على منو؟؟ دلال مستغربه: بدق على اختي؟؟!! ليش مستغرب يعني..؟؟ زياد : لا يعني قصدي...ليش لما رحتي الحمام بدقين ...ليش مادقيتي اهني...؟؟ دلال اتطالعه وحيل مستغربه : شالاسئله الغريبه...لان الحمام جبال بووتس ...وانا تذكرت ان ساارونه اموصيتني على شي ...فكنت بدق علشان اسألها شنو كانت تبي !!! ما أظن ان الموضووع وايد خطييير!!!!! زياد : لا لا عادي...بس استغربت يعني ...(يقلبها ضحك ) أخاف تبين اتحشين فيني عند اختج ... دلال: ايه يمكن ...ليش لأ ...<<< منقهره منه... زياد يضيع الموضوع..... زياد : والله خوش غرفة الي اخترتيها ...الصراحة ذوقج وايد حلو .... دلال :اممم ... انا احب الناعم والبسيط ....احسن من اللوية .... زياد : صح ...وخصوصا الفراش ...شكله مو طبيعي ومريح .... دلال : امم ..صح ... زياد يطالعها بنظرة غريبه : آآخ.. ماتتخيلين اشكثر ناطر هاللحظة الي اتيين واتعيشين عندي ...واتنامين يمي بالفراش ....و....<<يسكت دلال منزله راسها : .......................... زياد : اشفيج .... دلال : ما فيني شي.... زياد يمسك ايدها : والله دلال ..ناطر هاليوم واايد ....ابيج ابيج ... يسكت ويكمل : انزين اشرايج عندي اقتراح ؟؟؟ دلال : شنو ؟ زياد : احجز غرفة ابفندق ...انروح ونستانس....<<قبل لايكمل دلال تسحب ايدها : اشقلت !!؟؟ انت من صجك !!! زياد اخترع من ردت فعلها : اشفيج ...ترا انا ريلج على سنة الله ورسوله ...ليش فزيتي جذي....!!! دلال : لا والله ...وليش ما تنطر لين العرس...؟؟ زياد : لاتكبرين السالفة وايد ...ترا عادي ...انا اعرف جم واحد من ربعي مرته من قبل العرس حامل ....يعني ادخلوا عليهم ايام الملجة.....!! دلال : قلتها ...ربعك!! ...وانا غير عن حريمهم ...ورجاءً انا ماحب هالمواضيع ...وانسى السالفة الي قلتلي عنها .... زياد : انتي واايد جدية ....وترا ماحب جمودج وجديتج .... دلال :كيفك لاتحب... و انا موجدية ...أنا سنعه !!!....واظن لو انت عندك بنت ماترضى ان ريلها يجيسها قبل العرس...صح ... زياد : بس انا ريلج !!! دلال : اوكي ترضى على بنتك !!!؟؟ زياد : ايه ارضى .... دلال : لا ماترضى والله ماترضى ...انت اتقول جذي عشان اتلين راسي.... زياد : اوكي على راحتج .... دلال : زياد ماله داعي اتعصب...انا ماقتلك شي....!!! زياد معصب اشوي : لأ انتي مادري اشلون ...وايد شادة معاي...لازم اتصيرين اشويه مرنه ...يعني انا الحين صارلي اسبوع معاج ..وليلحين ماخليتيني ابوسج ... دلال : اشششش ...شوي شوي...يمنا طاولات .... راحو السيارة ....وزياد معصب...اصلا كان قاعد يمشي اسرع من دلال ..واهيا صايرة اشوي وراه ... زياد :ترا مانسيت الموضوع...صح ويلا لأ.... دلال :شنو صح ويلا لأ.... زياد : انتي شادة معاي...موقاعدة اتحاولين تتقربين مني .... دلال : لاعادي...بس انا استحي.... زياد : كل البنات يستحون ....بس عادي يبون هالشي من رياييلهم !!! ترا انا ريال واعرف....يعني الوحدة اول يوم تستحي ثاني يوم ...مو اسبوع ...واذا حاولت اقرب يمج احس انج اتكشين ...انتي شكلج مو متقبلتني....شنو انا مو عاجبج ... دلال : زياد اشفيك ....شقاعد اتقول ....لو انك مو عاجبني جان ماوفقت عليك ... زياد معصب : بعد يمكن مغصوبه ....لان طريقتج معاي مو طبيعية ....لاتمسكين ايدي ...ماتعطيني وي ...وكله شادة ...وحتى بوسه بوسه ماني قادر آخذ منج !!! دلال اتطالعه مخترعة : انزين ليش معصب....انا ليلحين ماتعودت عليك ....ليش اتصرخ علي..... زياد ياخذ نفس ويغمض عينه اشوي ووطي نبرة صوته : دلال اذا انتي مو حابتني ...ولاتبيني ...قولي ....ترا تونا عالبر ....... دلال بهاللحظة اتفكر بكلامه ....وتتخيل ان اتقوله مابيك ...وتتطلق ... وفجأه اييلها فلاش وتتخيل خالد مع منيرة ومع البيبي مالهم ....وتتخيل انهم مستانسين... وايها كئيبة ووحيدة ...ومطلقة .... دلال اتروح صوب زياد واتبوسه على خده : لأ انا ابيك ....وراح اسوي الي تبيه مني ...بس الا الفندق ماروح ...كل شي بوقته حلو .... .................................................. ................ لاتنسون اتعلقووون واتردووون.....وتتوقعون شنو بيصيير | ||||
|
| |
|
06-01-14, 08:32 PM
| #30 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| زياد امودي دلال البيت ....وقبل لايوصلون بشوي....جان تتذكر .... دلال : ايه صح ...موبايلي .... زياد يطالع يمه : ماكو شي اهني ...شوفي تحتج ..... ترتفع دلال واتشوف : ماكووو شي ..... زياد : شوفي تحت ريلج ...يمكن طااح تحت ريلج ....؟ دلال اتدور...وبكل مكان دورت : لا ماكو شي بعد ....(دلال اتفكر ) عسى ماطاح مني وانا نازلة السيارة ....؟؟!! زياد : دوري عدل ...ورا .... زياد ودلال يدورون ....... دلال : ماكو شي ....عاد انا ماستغنى عن موبايلي ...!!! دلال اتكمل : ايه صج دق عليه ...خنشوف يدق ويلا لأ ؟؟ زياد يدق ويحطه سبيكر ...ويلا قاعد يرن ..... دلال : يعني مو مبيوق ؟؟؟ جان لقيته مغلق ؟؟!! زياد : حبيبتي نزلي ...وأنا اروح الافنيو اسأل ...يمكن طاح منج اهناك .... دلال : بروح معاك .... زياد : لا لا نزلي ...انا اروح بسرعة واشوف ...واعطيج خبر .... بس اول ماتنزلين دقي على من تلفون بيتكم .....اوكي ... دلال : اوكي .... انزلت دلال ...مشى زياد .... ادخلت بيتهم ...ويلا أمها و سارة ونورة قاعدين بالصالة... دلال : السلام عليكم ... كلهم : وعليكم السلام ...... دلال : واااي ضااايق خلقي...مادري وين موبايلي .... الام : انا اول ماطلعتي كنت داقة عليج ...!! دلال : ايه هذي اخر مرة استخدمته ....ماذكر اذا نزلته معاي من السيارة او لأ....مادري طاح مني....انا مو متحسفة عالموبايل كثر التشب...الحين من وين ايمع الارقام ..!!! اففففف استغفر الله .... نورة : جان رديتوا سؤلتوا...يمكن بالمطعم طاح منج وانتي ماتدرين ....؟ سارة : ايه ...او يمكن كنتي حاطته بحضنج ويوم نزلتي طاح ...انا وايد اتصير فيني هالحركة ....!! دلال : ايه زياد راح ايشوف....بيدور هناك ...واشوا انه ايرن مو مسكر...هذا الي مريحني نوعا ما ....يعني مو مبيوق... الام : والله مو شرط ...مو انتو اجهزتكم الحين مو كل من يعرفلها....بلو بيري مادري بلاك بيري ...يمكن إلشطه هندي ..ويلا واحد مايعرف ايسكره .... دلال : واااي يمااا ...لاتحبطيني ....(تسكت) لا لا ان شاء الله... يدخل مشاري ... مشاري: السلام عليكم ..... ايروح يقعد يم نورة ......نورة اتطالعه وتبتسم ..... نورة : ماطولت بالدوانية .... مشاري: اي ماحب اطول....بعد باجر دوامات .... يطالع دلال ويكمل : عاد وانا ياي البيت شفت زياد صافط عند الفرع الي عند قطعة 5 .... دلال : متى ...توه ؟؟؟ مشاري : ايه توه الحين ....شفت سيارته سافطة ...واهو داخل السيارة ؟؟ بغيت اطقله هرن... بس كان لاهي ... منزل راسه ...شكله قاعد يدز مسج ... دلال استغربت .... زياد كان قاعد اجبال الفرع الي يم بيت اهل دلال ...يعني مو يمهم حيل ...لا اشوي بعيد ....كان ماسك موبايل دلال !!!!! ايه موبايل دلال كان عنده طووول الوقت ...كان خاشة بجيب الكرسي من ورا...وحاطه سايلنت ...لان خاف ان يسكره ويكون فيه باسوورد...وكان قاعد يقرا مسجات دلال ...والارقام الي داقه عليها والارقام الي مستقبلتها ....والحمدالله ان دلال كانت ماسحة كل مسجات خالد ...وما كانت حافظة ولا مسج منهم .... تعبث تعبث تعبث ...بس مالقا ولاشي ...ماكو 10 دقايق جان اتدق دلال... ادق عليه دلال من تلفون البيت ..... دلال : الووو ... زياد : هلا دلوله .... دلال : زياد وينك ... زياد : ها... انا كاني توني طالع من الافنيو ... دلال : انت من اول ماقطيتني على طوول رحت الافنيو ؟؟ زياد : ايه ..!!! ليش؟؟؟ دلال : مارحت ولا مكان ...يعني الجمعية ولاشي ..؟؟ زياد : لا ...ليش ؟؟؟ دلال : لا بس جذي اسأل.. زياد :عاد اتصدقين مال الحلال مايضيع ....لقيت موبايلج ...!!! دلال : صج !!! وين ؟؟؟ زياد : ماكو توني سافط عند المواقف الي سفطنها فيها ...ويلا القا طايح بالارض ... دلال مستانسة : وااااي الحمد الله ...اشلون مانباق ...وااي ..الله يحبني ... زياد : جم بوسه تعطيني ... دلال من وناستها ان لقاه : الي تبي... زياد :يالله انا 5 دقايق واوصل عندج .... دلال : خلاص انا اخلي الخدامة تنطرك بره ... زيااد يسكت ...... دلال : الووو .... زياد : الخدااامة !!!! يعني ليش ماتقولين تعال ادخل ..حياك الله .... دلال : تبي اتيي ...حياك الله .. زياد : لا خلاص ..شكلج مالج خلق .... دلال : لا لاعادي ...تعال ....بس كل اهلي موجودين بالصاله ... زياد :عيل طلعيلي برة ..خل نتمشى اشوي بالسيارة ..عشان اعطيج الموبايل مره وحدة ... دلال اتغمض عينها حيل ..لانها مالها خلق ومن ورا قلبها : اوكي .... اطلعت دلال ...ووقفت صوب الرصبف ...تنطر زياد ...واهيا واقفه بره ...ويلا خالد يطلع من بيتهم ....وكان سافط سيارته بالمواقف ...فاذا طلع اتصير دلال ابويها ..عشان يركب سيارته ...واهوا رايح صوب سيارته ....يعني المسافة بينهم مترين تقريبا ....اتطبح عينه بعين دلال...خالد يطالع دلال ...وبعدين يلف ويها .. خالد من بعيد : السلام عليكم .... دلال فز قلبها يوم شافته : وعليكم السلام .... ويفتح باب سيارته ...ويدخل ...ويقعد فيها عشان يحررها ...ومسكر ليتات السيارة.... خالد قاعد يطالعها طول الوقت ...واهيا قاعدة اتطالعه...وكل واحد ينادي الثاني بعيونه..... خالد (( آآآآخ يادلال ..صار بيني وبينج سلام بس....وانتي الي كلمت حبيبتي واحبج ماكانت اتطيح من الساني ...وانتي الي لا ولهت عليج شفتج ومسكت ايدج ...وكحلت عيني بسوفت اعيونج ....صج ان الدنيا وسخة ومالها امان ..))) دلال (( آآآه ياخالد ....شوف اشلون الزمن مايتم على حال....كنت حياتي كلها وسولفي واحلامي....والحين ابوق النظرة ...ياعسى عينك ما اتغمض...كفاية على اني اشوفك بخير))) ماكو دقايق ويلا يوصل زياد ....دلال نزلت راسها ...وافتحت باب السيارة وادخلت ....وزياد قاعد يطالعها ويبتسم ...ودلال قاعده اتطالع سيده ...لانه تدري ان خالد قاعد يطالعهم من على جنب ... بهاللحظة كان قلب خالد يطق يطق يطق حييييل ....يحس الدم كله وصل لي راسه...بينفجر ...كان يحس بالغيرة تاكله يوم شاف دلال مع زياد (( استغفر الله العظيم ..ليش اييلي هالاحساس ....خلاص البنت تزوجت ...وانا بعد تزوجت ...مالي شغل فيها ...مالي شغل فيها ....ياربي ...ياربي ...ليش ليلحين احبها )) ويتمشى زياد مع دلال بالسيارة ...ودلال ساكته .... زياد : اشفيج دلوله ساكته ؟؟؟ ا دلال : ماكو ...بس راسي يعورني اشوي ...فيني النوم ... زياد : الله الله الله ياكبر النغزة ....يعني ردني البيت .... دلال : زياد ليش كل ماقولك شي اتقول نغزة ونغزة ..؟؟!! ليش كله اتفسر كلامي بسوء نيه ؟؟؟ انت سألتني وانا جاوبتك ....<<< متنرفزة من عقب ماشافت خالد .... زياد يطالعها : شوفي ...رديتي حق طبعج ....ماكو امساع تتعذرين واتقولين بتغير ...وباقل من ساعة اتردين على طبعج الوسخ .... دلال : طبعي الوسخ ...لا لو سمحت ...حسن الفاظك معاي ...انا ماسمحلك اتقولي جذي .... زياد يصرخ : ايه طبعج وسخ ونص ...نفسج خاايسة ...وفجأة اتطنقرين ...ترى انا مو على مزاجج.... دلال اتطالعه : انا ماقتلك شي...بس صج انت كل مااقولك اي شي عبالك اني قاعدة اقط نغزة ..وانا موقصدي جذي... زياد : هاج موبايلج .... ويدوس بالسيارة .....ومايتكلم ولا كلمة.....ويسفط عند باب بيت دلال.... زياد ساكت ...ويعني جنه يقول (( يالله نزلي)) دلال تفتح باب السيارة واتطالعه : تصبح على خير.... زياد من غير مايطالعها : بس هذا الي قدرتي عليه .... دلال : ياربي انت معصب بعد...اشتبيني اقولك !!!! زياد : لا تقولين شي....يالله نزلي..... تنزل دلال ....وتدخل بيتهم ....ويلا سارة والام والابو قاعدين .... الام : ماطولتي....؟؟ دلال امبين انها متضايقة : ايه بس خذيت موبايلي ...بعد اهوا دوام ...والساعة الحين 12 وشي... اتكمل دلال : تصبحون على خير...<<< تصعد بتنام .....وتلحقها سارة.... دلال قاعدة اتبدل اهدومها...وسرحانه واتفكر...سارة اتطق الباب وتدخل.... سارة : عادي اقعد معاج .... دلال : ايه تعالي... دلال تنسدح على الفراش.... سارة : اشلونج مع زياد ؟؟ دلال : عادي ...زين... سارة : عادي ؟!؟ زين؟؟! هذي الكلمتين ماتنقال من وحدة صارلها اسبوع مالجة!!! الا اذا كانت مو مستانسة ولا مرتاحة ....!!!! دلال : مادري سوير...مو علشان شي...ولا علشان خــا...(تسكت وماتكمل اسم خالد ) بس مادري...احس تصرفاته غريبة اليوم ...احس انه ...مادري مادري... سارة : اتحسين شنو ؟؟ دلال : احس واايد يسألني ...منو عندج خط ثاني ؟؟ منو داق عليج ؟ اذا دقيت شيليه؟؟ واذا ماشلته يشكل علي ويدق 100 مره ..احس انه شكاك !!! سارة : لا دلول تراوالج ...لانكم توكم متزوجين ...بعدين راح يتغير كل شي...راح اتصيرون طبيعيين مع الوقت ... دلال : لا لا سارو...حتى ذيج المرة داق على ومتنرفز ...يقولي ..ليش مكالماتج 96 ؟؟؟ تخيلي امتشيك على مكالماتي ؟؟!!!! شكووو .... سارة : يمكن رايح يدفع حق مكالماته وشاف مكالماتج ... دلال : اولا ماله حق يشوف جم على مكالمات ....لان هذا الشي خاص فيني ...وثانيا لو انه مو شاكاك ليش عصب يوم عرف ان مكالماتي هالكثر.... دلال ساكته واتفكر: اتصدقين قمت اربط اشياء.....حتى سالفت موبايلي اليوم احس انه ماكان ضايع ...احس انه اهو الي كان خاشه ...واكبر دليل ان اهوا قايلي ان رايح افنيو ...ومشاري شافه عند الفرع ابمنطقتنا ...ومتأكدة ان كان قاعد يتعبث ابموبايلي.... سارة : دلول دلول ..عن التفكير المريض....شكلج تتخيلين ...الواحد لا كره احد طلّع فيه عيوب الدنيا .... دلال : لا لا شكو ...او منو قالج اني اكره زياد ...بلعكس انا اعزه .... سارة تضحك اتطبطب على خد دلال : دلول ...شنو اعزه ؟؟!!! هذا ريلج ... مو واحد من الربع .....لازم اتحبينه مو تعزينه.... دلال : اي اوكي...ماقدر احبه على طول... سارة : ولا راح اتحبينه ...بدام قاعدة اتفكرين بغيره .... تسكت دلال واتكمل: عاد توني شايفته بره .... سارة : منو خالد!!!!! شافج ؟؟؟؟ دلال اتهز راسها : اممم ..شافني....واحسه ليلحين يحبني ..من نظرته... سارة اتقوم امعصبه: تصبحين على خير .... دلال اتيرها من ايدها :وين رايحه ...اشفيج معصبة ...؟؟ سارة: دلول اتنرفزين ....ما جنه عمرج 25 ...احسج مراهقة ...خلاص الريال تزوج وبينه وبين مرته ياهل...خلاص لا تتكلمين عنه .... دلال منزله راسها ساكته .... سارة : اقولج الصج والي ابقلبي..؟؟!!! دلال اتطالعها ...... سارة : ماصدق الكلام الي اتقولينه عن زياد ....احس انج اتطلعين اي سالفة ....تبين اتشوهين سمعته...يمكن تبين يطلقج ...مادري عنج.... دلال : حرام عليج سوير ...ليش اتقولين جذي....يعني انا جذابة ...!!! سارة : لأ مو جذابه ....بس تتخيلين!!..و مو حابه الريال ...فقاعدة اتطلعين فيه عيوب...مرة مليق ومرة شكاك ومرة مادري شنو ...كل يوم امطلعه فيه 100 شي....ترا حطي ابالج ..امي ومشاري يدرون عن سالفتج مع خالد ...لاتخلينهم يربطون السوالف مع بعض....ويشكون فيج ...ويحسون انج اتسوين جذي عشان ليلحين اتحبين خالد...وتبين تتطلقين...ترا خالد خلاص ...بااااااح ...راح ...ماكو فايدة ...حتى لو راح تتطلقين من زياد ماراح تاخذينه ....فتمسكي بالي عندج ...ترا 1000 غيرج يتمنون واحد نفسه .... دلال : الحين اهوا زعلان مني ...شسوي؟؟!! سارة : زياد ؟؟!! دلال : ايه .... سارة : بسيطة ...دقي راضيه وطيبي خاطره ....شوفي مشاري ونورة ..اول ماتزوجوا كانوا كل واحد بصوب ومومرتاحين من بعض وازعلوا من بعض...بس لا تشوفينهم الحين ....جنهم عصافير ...ايننون ...((واتقرب سارة يم دلال )) وكاهي نورو ..كانت اتحب واحد من قبل ...ونسته وقامت اتحب مشاري اخوي واتموت عليه ..امبين عليها ...اتعرفين ليش...؟؟؟ دلال : ليش ؟؟ سارة: لانها حاولت انها اتحبها..وقطت كل ماضيها بحر...واتقربت منه .... سارة اتقوم تقعد يم دلال بالفراش ..... سارة : دلول ادري انج اختي الكبيرة ...والله والله ماحب اضغط عليج بالحجي...بس انتي اختي ووحيدتي ...ووايد اخاف عليج وافكر فيج ...مابي تتخصبقين ...وبعدين اتغمضين عينج واتبطلينها وتلقين نفسج ابروحج بالدنيا ... دلال اتهز راسها : صح كلامج ....انا وعدت زياد اني راح اغير طبعي ...وراح اوعدج اني راح اغير طبعي ....ولا راح اتهور ...وافكر بعقلي مو بقلبي.... سارة اتحط ايدها على صدرها صوب ارقبتها واتطالع دلال : مو على شاني دلول ...علشانج ...على شان حياتج تمشي...لاتخلين الشيطان يقص عليج ويهدم بيتج على ولا شي...على اوهام مالها اساس..والله ان زياد حبوب وحليو ..لاتخسرينه حرام ... دلال : خلاص راح ادق عليه واطيب خاطره ... تطلع سارة من غرفة دلال...تنسدح دلال على الفراش....تذكر خالد ...وتذكر عيونه ...(( خالد ادري اني لو الف الدنيا كلها مالقى واحد نفسك ...انا ليش ماني قادرة اتأقلم مع زياد عشان قاعد اقارنه فيك ...بكل شي انت غير عنه ...بأسلوبك ...بلمست ايدك ..بنظرتك....بحنانك ...بكل كل تفاصيلك ....ومن اول يوم عرفتك فيه حسيت بكل هالاشياء ..الي ماني قادرة احسها مع زياد ...مع ان صارلي فترة اكلمه ..واسبوع مالجة ...بس مشاعري مو راضية تتحرك صوبه ...آآآه ...آآآآه ياخالد ...ياليتك زياد ...جان انا انسانه ثانية الحين...)) تتذكر سوالف زياد (( لازم اتغير...لازم احاول اني اتقرب منه ...خلاص..مابقى شي على العرس....وراح اعيش معاه ابيت واحد ...هذي الفترة اهي فرصتي ...لازم ادوس على نفسي...واكيد اكيد راح احبه ...او على الاقل اتقبله ..واتعود عليه ...)) تمسك موبايلها ...اتدق عليه ...ومايرد....اتطالع الساعة ويلا الساعة 1 وشي... يرد زياد عليها : الووو ... دلال : هلا زياد ...نايم زياد : لا ...ٌقاعد... دلال : شتسوي...؟ زياد : منسدح على الفراش...ومسكر الليتات ...وقاعد احاول انام... دلال : زعلان مني ... زياد : لا.. بس اشوي متضايق .... دلال :...تحملني زياد ...ترا انا طبعي غير عن جذي...بس خل اتعود عليك اشوي... زياد : ادري ...وانا عشان جذي صابر...ترى انا اقرا الشخصيات ...انتي حنونه وطيبة ...بس مزاجية حيل...فجأة تقلبين ... دلال : وانت عصبي ...ماتقول ان هالبنية توها ماتعرفني عدل...مو متعوده علي...ترا حتى انت اتشد علي ...وتبيني اعاملك على الطبع الي يناسبك ...عطني وقت ....واوعدك مع الوقت راح اتغير.... زياد : مو اعطيج وقت وبس ...اعطيج اعيوني اذا تبين ... دلال : تسلم .....اعـ.. يونك... .................................................. .................................. خالد كان رايح القهوة يوم شافته دلال ....طول الطريج يتذكر شكل دلال مع ريلها ...وينقهر اكثر ويدوووس حيل ...زين مادعم ....لين وصل القهوة ... ويلا عبدالوهاب ناطره بالقهوة ... اول ماقعد طلب شيشة ... عبدالوهاب : لاااااااااااااااااااااا غلطان ...جان ماييت احسن ... خالد متنرفز: كان عندي شغل ... عبدالوهااب : ادق عليك ليش ماتشيله ؟؟!!! خالد : ماكان لي خلق ارد على احد!!!! عبدالوهاب : ليش اشفيك بعد... متهاوش مع المره ؟؟!! خالد : لا ....ومافيني شي...وماحب هالسؤال....ولا تقول مره ثانية اشفيك ... عبدالوهاب : زين زين عاد...لا تشب فينا حريجة يامعود....ياعني انت ماعندك غير سالفتين يخلونك اتعصب يا مرتك يادلال....توك اتقول مو مرتك ...يعني السالفة فيها دلال .... خالد ساكت..... عبدالوهاب: ساكت يعني دلال...اشفيها بعد ....؟؟؟ خالد ساكت .......... عبدالوهاب : اشفيها ؟؟!! خالد : شفتها مساع مع ريلها ؟؟!!! عبدالوهاب : عادي ...ومو اول مرة راح اتشوفها...راح اتشوفها وااااايد ....لازم تتعود...كاهي فقيرة ...تلقاها اشبعت واهيا اتشوفك مع مرتك .... خالد : قلبي يعورني...يوم شفته يطالعها ...ويضحك معاها ....وراكبه معاه السياره ..(يسكت اشوي ويكمل) والله اتمنالها السعادة معاه...بس يوم شفتهم حسيت ودي الارض تنشق وتبلعني... خالد : اففف....شكلي صج ...بأجر بره ....ماتحمل اشوفها...ولا اشوف بيتها ولا سيارتها ولا حتى اهلها..... عبدالوهاب : انا من زمان اقولك جذي...وانت اذن من طين وإذن من عَيين ... خالد يمسح على ويها بايده : راسي يعورني....(ينادي الي يشتغلون ) يامعلم ...اسرع اشويه ...<< بالمصري... عبدالوهاب : عاد كان ودي ابطل معاك موضوع ...بس شكلك متضايق... خالد يطالعه: شنو ...؟؟ عبدالوهاب : لا خلاص يوم ثاني .... خالد : يبا تكلم ..؟؟ عادي...مافيني شي.... عبدالوهاب: تذكر ذاك اليوم ...يوم ييت الدوانية وكان محمد نسيبي موجود... خالد : ايه .... عبالدوهاب: وقتلك فيه موضوع ابي اكلمك فيه .... خالد : ايه صح تذكرت ...شنو؟؟ عبدالوهاب : انا قررت اني اتزوج .... خالد يبتسم : ياااااه ..هذي الساعة المباركه ...منو هذي الي امها داعية عليها <<< يطفره... عبدالوهاب يطالع خالد وماتكلم ..... خالد : اشفيك اتطالعني جذي...؟؟ عبدالوهاب : مادري شقولك خويلد ....بس خالد : اشفيك ...بس شنو ؟؟؟ عبدالوهاب : الي ابيها انت اتعرفها عدل عدل..... خالد مستغرب : منو ؟؟!! عبدالوهاب : ســــــــــــــــــــــــ ــــــــــارة اخت دلال !!!!!!! وش مسوي مع غيري .. وش الدنيا في قربه قول يا روحي انت متهني .. و إلا بشوقك لي مشغول أنا مازالت أفكر فيك .. و أموت بحبك و طاريك و لكن هذي أطباعي .. أخبي الحزن بي ما أقول رجعت أسال غصب عني .. جبرني الشوق و أعذرني أنا ما أقــدر على قلبي .. عجزت ألقى لوفاه حلول أمانه إن جيت في بالك .. تطمن قلبي عن حالك على الذكرى أنا عايش .. و كيف أنساك مو معقول أغنية ويش مسوي | ||||
|
| |
|
| الكلمات الدلالية (Tags) |
| للكاتبة, مكتملة, caramel, افراقك, خالية, macchiato, ـــــ |
| أدوات الموضوع | |
| انواع عرض الموضوع | |
|
|
العرض العادي
