حبيبتي أسم على مسمى.. للكاتبة / alzaherj ( مكتملة ) - الصفحة 3

فيتامين سي · 04-01-14, 12:32 AM

في بيت أبو فهد
فاطمه: هلا وغلا
مروه: هلا بك
فاطمه: تو مانور البيت
مروه: منور بوجودك
فاطمه: تبين تركبين فوق ولا نجلس بالصااله
مروه قالت في نفسها يمكن أشوف فهد لما أجلس بالصاله: لا بالصااله
فاطمه: أجل أمشي نجلس بالصاله
..جلسوا
مروه: أيش أخبار الجوري مع طلال
فاطمه: تقوول مرره تماام
مروه: وفهد مع جنان
فاطمه: مرره مبسوط معها.. بس أنا ما أحبها أبدا
مروه بقهر: حتى أنا..
فاطمه: مادري أخوي في أيش حابنها.. تخيلي..لما يجلس معنا وأهي موجووده عيونه على طوول عليها مايشيلها منها ألا إذا أحد كلمه.. أووف منها
مروه: يحبها..؟
فاطمه: يمووت عليها
مروه: أها.. كلمتي هدى اليوم
فاطمه: لااا
مروه: لأن قالت بتكلمني ولا كلمتني
فاطمه: مادري عنها
.
.
.
فهد: حبيبتي أحنا خلصنا من السوق.. خلينا نروح إلى أمي بعدين نروح نتعشى في بيتكم
جنان: أوووكي..
فهد: إذا ماتبين تروحين عاادي
رن جواال فهد قطع عليهم حديثهم وكااان نفس الرقم رن رنه وسكت رجع الجوال في جيبه
جنان: أتصل يمكن يبي شي مهم
فهد بربكه: لا لا.. أقصد إذا يبي شي بعدين بكلمني..
جنان: كيفك..
وصلوا ودخلوا الصاله
فهد: السلام عليكم
فاطمه ومروه اللي تشققت من الوناااسه لما سمعت صوته: وعليكم السلام
دارت جهة فهد وشافت جنان معه كانت بتمووت من الغييره
راحت جنان إلى فاطمه وقفت فاطمه لها: كيفك فاطمه؟
فاطمه: كنت زينه بس لما شفتك صرت...
فهد قاطعها بصراخ: فااااطمه..
فاطمه: نعم؟
فهد بحزم: تأدبي
فاطمه: الحمد لله أنا متأدبه.. أيش جابك أنت هناا
جنان كانت ترااقب بهدوء بعدين قالت: خلاااص فهد
فاطمه بمسخره: تسكتك يافهد؟
ماحست ألا بيد تعطيها هذااك الكف
سمعوا شهقاات
فاطمه: أضربني عشانها أيش رادك لأن راح أبوي تحسب مافي أحد يدافع عني أنا أدافع عن نفسي
مروه طبعا متفاجأه تدري أنه يحب جنان بس مو أنه يضرب أخته عشان جنان
فهد بصراخ: أسكتي
سكتت فاطمه خوف من فهد لأنه إذا عصب مايعرف أحد
فهد: أن شفت لسانك نطق بحرف بتشوفين أيش بيصير لك سمعتي؟
جنان: فههد خلاااص
فهد: أركبي فوق سللمي على أمي عشان نمشي
جنان: أنشاء الله
فاطمه كرهت جنان أعظم وأعظم
ركبت جنان فوق شافت الجوري
الجوري: هلا وغلا
جنان: هلا بك
الجوري: من متى وأنتي هنا
جنان: الحين بس دخلت البيت
الجوري: تعالي أراويك أيش أشتريت عشان السفره
جنان: مرره ثانيه ألحين أخوك معصب بسلم على أمك وبروح البيت
الجوري: ليش معصب
جنان: سالفه طويله .. المهم وين خالتي
الجوري: في دارها
جنان: أجل بروح أسلم عليها بعدين بطلع.. بااي
الجوري: بااي
راحت جنان تسلم على خالتها وسلمت عليها ونزلت إلى فهد اللي كان ينتظرها في الصاله الثانيه: فهد يالله نمشي
فهد: يالله
ركبوا السياره ولا تكلموا أبدا
وصلوا البيت ونزلوا ودخلوا المجلس
فهد ظل سااكت عشاان أنه مفتشل من سواات أخته
جنان: فهد بظل ساكت
فهد: أيش تبيني أقوول
جنان: أي شي بس لا تظل سااكت
فهد سكت
جنان: فهد أنا أدري أن الموضوع مو بيدك ..بس أهي تكرهني ما أدري ليش أنا ما أذكر أني سويت لها شي بس بكيفها.. أنا ما أقدر أجبرها وأقول لها تعالي حبيني.. قأنا مازعلت منها وكان الموضوع عادي..
فهد سكت شوي وقال: ماعلينا.. وين العشى؟
جنان أبتسمت: دقيقه وأخليهم يحطونه
فهد: خذي راحتك
--------------------

فيتامين سي · 04-01-14, 12:34 AM

يوم الخميس الصباح كان الكل يتجهز إلى السفره إلى فرنسا
في بيت أبو فهد
دق طلال على الجوري وأول مره يكلمها بعد هذيك الليله
الجوري: ألووو
طلال: الوو .. كيفك الجوري
الجوري: الحمد لله
طلال: حبيت أقول لك الظهر لما نروح المطار بمر عليك وبخذك معي
الجوري: أووكي
طلال: مع السلامه
الجوري: بااي
دخلت فاطمه: شنطتي السوداء الصغيره صارت عندك
الجوري: اييه بالدولاب.. بعدين طلال بمر علي عشان نروح المطار روحي معي أنتي مع الريم
فاطمه: وييه فشله
الجوري: أي فشله تراه زوج أختك وولد عمك وولد خالتك
فاطمه: بس أهو الحين يبيك معه أحنا أيش دخلناا
الجوري: دخلكم أنكم خواتي
فاطمه بأستسلام: خلااص بنروح معك
الجوري: يالله روحي كملي أغراضك
فاطمه: أنشاء الله
.
.
.
أم فهد: ريم كفايه ماخليتي لا ملابس ولا عطورات ولا مكياج.. أخذتي لك ولا الجيران
الريم: يمه خليني آخذ الثقل على الطياره
أم فهد: براحتك
فهد: يممه روحي خلصي أغراضك باقي ساعه ونطلع
أم فهد: يالله
---------------
في بيت أبوطلال
أبوطلال: أخذت جوازك
طلال: أييه يبه
أبوطلال: أجل أنت تقدم
طلال: يالله يبه
أبوطلال: بالسلامه
--------------
في بيت أبو فيصل
مروه: كلهم بسافرون بس بيتنا جالسين
أم فيصل: أيش أسوي إذا ماقالوا لنا
مروه: أووووووف
--------------
طلال: أنا بره
الجوري: ما خلصت
طلال: كم يبي لك
الجوري: ربع سااعه
طلال: أنا بنزل بيتكم ربع ساعه ونركب السياره
الجوري: أنشاء الله
طلال: بااي
الجوري: بااي
نزل طلال بيت عمه
أم فهد: هلا بولدي.. شلونك
سلم عليها: بخير يالغاليه.. أنت كيفك
أم فهد: الحمد لله.. تبيني أنادي لك الجوري
طلال: لا لا أهي بتنزل كلمتها أنا
أم فهد: أجل أستريح
طلال: تسلمين.. وين فهد
فهد: هذا أنا جيت.. أيش هالكشخه
طلال: لا كشخه ولا شي
فهد: لاتسوي نفسك ثقييل.. كسرت علي..
طلال: هههههههه
فهد: أيش جابك انت هنا
طلال: أنا ماجيت عشان سواد عيونك جااي لمرتي
فهد: كان جبت معك مرتي يالخاين
طلال: مثل ما أنا دقيت مشوار أنت بعد
فهد: الله والمشوار لفتين وتوصل
طلال: ماليي خص
فهد: أنا بقوم بشوف الخدامات إذا خلصوا نقل الأغراض للسياره
طلال: خذ راحتك
راح فهد يشوف الخداماات
نزلت الريم ركض
طلال يعتبرها أخته الصغيره: كيفك يالريم
الريم: طلوول متى جيت
طلال: طلوول بخشمك
الريم راحت تسلم عليه وتجلس جنبه: أيش هالكشخه
طلال: أعجبك
الريم: أكيد تعجبني لأنك طالع علي
طلال: ههههههه يالثقه.. أنتي الحين وصلتي أي صف خامس أبتدائي..
الريم: خامسك خامس.. أنا الحين بروح أول ثانوي
طلال: تمزحين
الريم: والله
طلال: أنتي وصلتي أول ثانوي ما أصدق
الريم: بكيفك
نزلت الجوري
الجوري: السلاام
طلال: وعليكم السلااام.. الجوري أختك هذي وصلت أي صف
الجوري تطالع في شياكة طلال أنتبهت: بتروح أول ثانوي
طلال: هالبزره هذي بتروح أول ثانوي.. والله مسخره
الريم ضربته على راسه بشويش: أنا مو بزره
الجوري: الرريم
طلال: آآآخ ياراسي
الريم: نعم
الجوري: قومي لبسي عباتك عشان تروحين معنا
طلال: من قال بركبها سيارتي.. ما أبيها
الريم: أولا أذا بغيت أركب بركب بدون ما أستشيرك.. ثانيا أنا اللي ما أبي أروح معكم مو أنتو اللي ماتبوني
طلال: الجوري فطرتي
الجوري: أييه
طلال: أفااا لأن قلت بنروح نفطر في كودو.. خلاص أجل نمر على المطعم وأخذ لي
الريم سمعت طاري كودو أستخفت: بروح معك
طلال: ههههاي ما بخذك.. يالله الجوري خلينا نطلع نروح كودو
الريم: لااا مافيه
طلال: ألااا.. وقف طلال.. يالله الجوري
الريم: بخلي فهد يوديني.. وأنت روح مع مرتك
طلال: اييه بروح معها
الجوري: يالله الريم روحي لبسي عباتك
طلال رفع حاجبه: وين بتروح
الجوري:معنا حتى فاطمه بعد بتروح معنا
طلال: لااا خليهم يروحون مع فهد سيارتي فيها أغراض كثيره فما بتكفي
الجوري: أووكي
الريم: على طوول أقنعك.. كان قلتي إذا مابروحون خواتي مابروح معك أو من هالكلام عشان ياخذنا...
طلال: أقوول ياطويلة للسان.. أكرمينا بسكوتك..

فيتامين سي · 04-01-14, 12:35 AM

وطلعوا أهو والجوري
شافهم فهد: من الحين بتطلعون باقي كثيير على الطياره
طلال: أيش دخلك
فهد: هذا كلام تقوله إلى عمك
طلال: آسف طال عمرك بس بنروح نفطر..
فهد: اهااا قول كذا
طلال: تسمح لنا
فهد: لاااا
طلال: هههههااي.. أمشي بس يالجوري
فهد: مابتروحون..
طلال سكت عنه ومشى والجوري كانت واقفه تطالع فيه فتره
فهد أستغرب: ألحقيه
الجوري: مو أنت مو براضي خلااص مو برايحه
فهد: هههههههههه أمزح معك.. روحي ستانسي
الجوري: يعني تمزح
فهد: اييه
الجوري: لاااا وتخليني جالسه معك.. أقوول مع السلامه
فهد: ههههه مع السلامه
توجهت الجوري للسياره وركبت فيها
طلال: كان تأخرتي أكثر
الجوري: كنت واقفه مع فهد
طلال: وأنا أنلطع هنا
الجوري كانت بتنزل من السياره بس طلال قفل السياره ومشى
الجوري: ليش مشيت.. ومن قالك أصلا أني أنا أبي أجلس معك
طلال يبي يقهرها: يعني أنا اللي أبي أجلس معك
الجوري بعصبيه: مو أنت اللي تصلت وقلت بتمر علي
طلال عاجبته عصبيتها: غلطه والمشكله بعد أنك وافقتي فما حبيت أني أكسر بخاطرك..
الجوري خلاااص شويه وبتفقع من القهر فسكتت لأنها تعبت من طلال كثيير
طلال شلون أنا قلت لها كذا غبببي غبي
وسكت عنها بعدين قال: وين تبينا نروح نفطر
الجوري: في جهنم
طلال في نفسه بل معصببه حدها.. بعدين راحوا مجمع الظهران ووقفوا عند بوابة المطاعم: أنزلي
الجوري: أوووف..ونزلت
راحوا جهت المطاعم وأهي مهي بقااادره منقهرره منه
طلال: تبين أي مطعم
ساكته عنه
طلال: أقولك تبين من أي مطعم تاكلين
الجوري: شكرا ما أبي
طلال: يعني أنا آكل وأنتي تطالعين
الجوري: قلت لك ما أبي
طلال: ليش..
الجوري: لأني فطرت
طلال: أووكي أجل بطلب لك شي خفيف ولا أنا ما بكل شي..
الجوري: ما أبي
طلال: أجل أنا ما أبي مشينا
الجوري ماهان عليها مرتين ما ياكل والسبب أهي: خلاااص خذ لي شاي
طلال أكتشف نقطة ضعفها أبتسم لها: من عيووني
الجوري: ما بقول لك تسلم
طلال: ههههههههه أنا ما طلبتها منك.. أنا بروح أطلب بتجلسي ولا بتروحين معي
الجوري: لا بجلس
طلال: أووكي وين بتجلسي
أشرت له على طاوله ..وراحت جلست
أتصلت جنان عليها
جنان: كيفك؟
الجوري: زيننه
جنان: شكلك طالعه
الجوري: أييه أنا بمجمع الظهران
جنان: أيش وداك واليوم بنسافر
الجوري: أخوك يبيني أطلع معه وطلعت معه نفطر
جنان: حركاااات طالعه مع أخوي طلعه صباحيه..عشان يصبح بوجهك
الجوري في نفسها خيالك واسع: طبعا
جنان: أهو جنبك الحين
الجوري: لا راح يجيب الفطور
جنان: أهااا.. حبيبتي ممكن أطلب طلب
الجوري: أكيد
جنان: والله مضطره لو ما أنا مضطره كان ما طلبت كان خليت فهد يجي معي
الجوري: أطلبي وبلا هالمحاضره
جنان: أكييد
الجوري: أكيدين
جا طلال وجلس قبالها
جنان: أبي عطر من زارا لأن عطري خلص عندي غيره بس أحب هذا العطر أبي آخذه معي في السفره
الجوري: طلب وطلب وهذا أهو أنتي مو تطلبين تأمرين كم جنان عندي
جنان: وحده
الجوري: يالغرور
جنان: ما جا طلال
الجوري: جا
جنان: عطيني أياه
الجوري: لحظه.. طلال جنان تبيك
طلال أخذ الجوال: هلا والله.. هههههه.. مايصير أطلع مرتي بس أنتي يطلعك زوجك.. ههههه.. بدير بالي عليها.. أكييد.. أيش.. قلتي لها أيش تبين.. أووكي حبيبتي نتلاقه في المطاار.. بااي
رجع الجوال للجوري اللي كانت تشرب شاي
طلال يبي يفتح أي سالفه: مو زحمه المجمع مع أن اليوم يوم خميس
أكتفت بهز راسها بمعنى أييه
وسكتوا
طلال يطالع في صحنه: لا تحسسيني بالذنب
الجوري: ليش أنشاء الله.. مو أنت الغلطان سويت لي سالفه عشان تأخرت دقيقتين أيش هالحاله
طلال: قصري حسك
سكتت الجوري
طلال: أنا كنت أمزح
الجوري: مزحك ثقيل مرره
طلال رمى الشوكه ونكت العصير الجوري شهقت وقال بعصبيه: الواحد مايقدر يتهنى حتى بأكله قوومي
قامت الجوري معه وأهو كان مقضب حواجبه كانوا بيطلعوا بعدين طلال تذكر: جنان قالت أيش تبي
الجوري: عطر من زارا
طلال: أمشي قداامي
الجوري: طلال لا تكلمني كذا
طلال ساكت عنها

فيتامين سي · 04-01-14, 12:37 AM

الجوري: مفروض أنا اللي أزعل مو أنت
طلال بحزم: خلااص سكري على الموضوع
سكتت الجوري
وصلوا زارا أخذت الجوري العطر وراحت بتحاسب
طلال: ويين
الجوري: بحاسب
طلال: كم مره قايل لك أني أنا اللي أحاسب مو أنتي
الجوري: لما تعاملني مثل الناس والأوادم بعدين بخليك تحاسب
طلال: الجوري بلا عنااد وعطيني
الجوري: لااا
طلال مسكها من زندها وأخذ العطر: مو طلال اللي ينقال له لا ياروحي.. ورااح يحاسب
الجوري أنقهرت كثيير من حركاته وتعبت منه مرره في بالها كانت فكره ولازم تنفذها لأن صبرها خلص ولازم بعد تقول له بالسياره الحين
جا طلال وقال لها: أمشي
وطلعوا من المحل ومن المجمع كله ووصلوا السياره وركبوها ومشوا وكان السكوت سيد الموقف
بس قطع السكوت صوتها: طلال
طلال بملل: نعم
الجوري: ممكن أطلب منك طلب
طلال: تفضلي
الجوري بعد سكوت: أحم.. ممكن.. ممكن نفسخ الخطوبه
طلال أنفجع ووقف على جنب ودار لها: مجنووونه أنتي.. طبعا لا
الجوري نزلوا دموعها: ليش يا طلال ليش .. أنا..أنا ما أقدر أسعدك د..دور لك حد غيري يسعدك ..أنا ما أستاهلك يا طلال ما ..ما أستاهلك .. في مليون بنت تتمنااك أنت مو مجبور تعيش معي أنا.. وصارت تبكي وتشاهق
وطلال كان يطالع فيها ومو مصدق الكلام اللي قالته ..بعدين مسك وجهها بأيدينه الثنتين ومسح دموعها: حبيبتي هدي.. دموعك عذابي.. لا تبكين.. لأن كل دمعه تنزل من عيونك تراني أتعذب منها.. وإذا أنتي ما تستاهليني من اللي يستاهلني.. وتدرين إنا من ملايين البنات ما أبي الا وحده الا أهي أنتي .. بس أنا ما أبي أجبرك على شي أنت ما تبينه.. تبيني أقولك حبيني لأني أنا أحبك وأغصبك على شي ما ترغبي له .. حبيبتي .. ما أبي أشوف دموعك مرره ثانيه.. ولا تجيبين طاري الطلاق مرره ثانيه
هزت راسها بالأيجاب
أبتسم لها ورجع يسوق وهو أصلا باله مو في السواقه أبدا..

الجوري أيش أقوول عنها كانت مفتشله مرره من طلال ومن الأعتراف بحبه لها.. وأكتشفت أخيرا أن طلال متعذب منها.. وأصرت على نفسها بتعلم نفسها على حب

طلال الجوري
--------------
أنتهى البارت..
توقعاتكم وأرائكم..
أختكم..
جنة الفردوس..^_^

فيتامين سي · 04-01-14, 12:39 AM

البــــــــــــــــــــــ ــــــــــــــــــــــــا رت التــــــــــــــــــــــ ـــاسع..

في بيت أم بدر
كان جوال هدى بالصاله وكان بس بدر بالصاله مسك الجوال وراح إلى الأسماء وطلع أسم مروه وأخذ رقمها ..ورجع الجوال مكانه ولا كأنه سوى شي..
--------------
في سيارة فهد
فهد: تأخرنا
أم فهد: أيش أسوي يا ولدي
فهد: حصل خير
أم فهد: مرتك مابجي معنا؟
فهد: لا بتروح مع أهلها
أم فهد: وطلال والجوري وينهم
فهد أخذ جواله: مادري.. خليني أكلمهم أشوفهم..
طلال: هلا بالعم
فهد: هلا فيك ياولدي
طلال: ما تصير أنت إذا ما أزعجتني لكن أنا بردها لك بليلة عرسك
فهد: تحسب فاضي لك.. المهم وينك
طلال: الحين بس دخلنا المطار
فهد: وأنا الحين جااي
طلال: أنتظرك.. مع السلامه
الجوري: هذا فهد
طلال: أيه.. يسأل أحنا وين
الجوري: أهااا
طلال: تبين تروحين السوبر ماركت
الجوري: أيه عادي.. بس شلون نطلع من المطار
طلال: من قال.. في سوبر ماركت هنا
الجوري: أيه صج نسيت
طلال: قومي
مسك يدها ما حاولت أبدا تسحب يدها لأن خلاص أستوعبت أنا طلال زوجها مو أخوها..!
طلال كان بيطير من الوناسه لأنها ماشالت يدها من يده ..فرح فرررح ماينوصف.. بس سوى نفسه أنه عاادي وأن الموضوع طبيعي..
دخلوا السوبر ماركت
شاف طلال واحد يعرفه وسلم عليه ووقف معه وقاام يسولف معه
الجوري كانت تنتظره يخلص طول مرره ..مهي بقادره تروح له لأن صاير صاحبه مقابل له وطفشت.. كلمت على جواله
طلال بدون مايشوف الرقم: الو
الجوري: طلال ترانا بنتأخر
طلال: أووكي جاينك
الجوري: باااي
سكرها طلال وودع صاحبه ورجع لها: ما تقدرين تصبرين
الجوري: أنا ما قصدي شي بس الطياره ما باقي عليها شي وأتوقع أهلنا وصلوا
طلال: خلاص حصل خير.. أمشي بسرعه أخذي اللي تبين عشان نلحق على الطياره..
الجوري: يالله..
وخلصوا من السوبر ماركت وطلعوا..
شافوا فهد من بعييد
طلال: كأن هذا فهد
الجوري: أييه هذا أهو
طلال: خلينا نروح له
الجوري: يالله..
طلال: سلااام
فهد: وينك يارجال؟
طلال: هذا أنا هنا.. آمرني
فهد طنش طلال: كيفك الجوري
الجوري: زينه
طلال: جاو بيتنا..؟
فهد: لو جات أختك شفتني مقابل وجهك.. جايين في الطريق مابقى شي ويوصلون بعدين نروح قاعة الأنتظار
طلال: أووكي
الجوري: أنا بروح لأمي وخواتي
طلال: خذي راحتك
أبتسمت له وراحت
الأخ ذااااب وجلس يطالع فيها ألين ما أختفت عن عينه
فهد: شويشوي لا تاكلها بعيونك..
طلال: حسافه أنك أخوها.. وبعدين أنت أيش دخلك مو حلالي.. خلاص أنت ولا كلمه
فهد: أكلتنا .. دق جوال فهد مسج
((لحظة المغرب!!
تموت الشمس مجبوره
تكابر ودها ترجع
وتعطي الناس من نوره
ترى ذي حالتي بفرقاك
بنفس الشكل والصوره
تروح وترجع لنا بالسلامه حبيبي ))<<<< من مروه
فهد خلاااص أنقهر منها وبان على وجهه الضيق
طلال: خير
فهد: هذي اللي قلت لك عنها كل زاعجتني والمشكله تعرف عني كل شي..
طلال: كيف تعرف عنك كل شي..؟
فهد عطى طلال الجوال وجلس يقرا المسج
طلال: هذي كيف تعرف.. أيش رايك أتصل لها وهزأها
فهد: فكره قديمه هزأتها مايفيد .. تدري صوتها أحس أني سامعه بس وين ما أدري
طلال: أيش رايك سجل الرقم عند جنان وتصل يمكن تعرفه
فهد: والله فكرره ..بس رجعتنا من السفره أنشاء الله بسويها لأني بقفل جوالي وباخذ لي هناك شريحه فرنسيه
جات جنان وقطعت كلامهم: كيفكم..؟
فهد: هلااا وغلااا ..هلا بشيخة النساوين..
جنان: ههههه هلا فيك
فهد: طلال ماتبي تروح لمرتك
طلال يرفع حواجبه: لااا.. بجلس معكم
فهد: طلال كيف تخلي أختي بروحها.. تهوون عليك
طلال: لا ما تهون.. بس أنا مطمن عليها جالسه مع خواتها
فهد: أوووف منك
جنان: خليه يجلس معنا
طلال: هههههههههه فشلته
فهد: أقوول بلا سوالف زايده وقوم
طلال: ههههههههه هذا أنا بقووم
فهد: وأخييرا.. وقول لهم خلينا نروح قاعة الأنتظار
طلال: أووكي
فهد: تعالي جنبي
جلست جنان جنبه
فهد: كيفك حياتي
جنان بخجل: الحمد لله
فهد: غريبه ماجلستي مع الجوري
جنان: ما أبي
فهد: ليش..؟
جنان: هذي جزاتي أبي أجلس معك.. وقامت
مسكها فهد من يدها وجلسها: أنت يالبنات بسرعه تزعلون
جنان: أيش أسوي إذا الشباب دايم يزعلونا
فهد: ما عاش من يزعلك
رن جوال فهد وكان رقم مروه ..ويقول في نفسه من هي هذي
جنان: ليش ماترد يمكن يبونك في شي ضروري
فهد: هاااه لا لا بس هذا واحد من الشباب إذا رديت عليه ما بخلص.. وأصلا أنا بقفل جوالي لأن صحيح شريحتي دوليه بس ما أبي أستخدمها هنااك كل شوي وزاعجيني
جنان: أهاا
قفل جواله فهد
طلال: يالله ترانا بنمشي
فهد قام : أنشاء الله
وراحوا قاعة الأنتظار وجلسوا هناك
أم فهد: كأن الطائره تأخرت
أم طلال: أيييه والله.. خليني أقوم أكلم أبو طلال أشوف متى راح ينادوا على الرحله
قامت أم طلال راحت إلى زوجها
جات الريم إلى أمها: يمه.. أبي أروح السوبر ماركت نسيت ما قلت إلى فهد يوديني
أم فهد: شوفي هناك هذاك محل يبيع أشياء روحي شوفي
الريم: وإذا ماعجبني
أم فهد: روحي ألحين بعدين إذا ماعجبك شي يصير خير .. وخلي فهد أوطلال أو حتى ناصر يروحون معك
الريم: أووكي
راحت الريم إلى طلال وفهد: ممكن واحد منكم يروح معي هذاك المحل.. وأشرت على المحل..
فهد وطلال في نفس الوقت: لااا.. ههههههههه
الريم: بلا سوالف وخلينا نروح
طلال: قلنا لك لااا
قامت الريم تطالع فيهم بعدين قالت: تدرون لو أبوي عايش كان أهو اللي راح معي.. وراحت عنهم
صعقتهم بالكلمه فهد: الرريم
طلال: تعالي يالريم
جا أبو طلال: أيش فيكم تصارخون
وقالوا له بالسالفه
أبو طلال بعصبيه: ليش تسوون لها كذا.. أنتوا أغبياء لو تتغوبون.. وأنت يافهد هذا وأنا قايل لك أنتبه لخواتك كذا تسوي
فهد: السموحه عمي بس كنا نمزح معها ما توقعنا منها هالشي
أبو طلال: هذا مو مزح يا ولدي.. خليها تشعر بك كأنك أبوها.. أعتبرها بنتك مو أختك أهي وفاطمه
فهد: أنت تآمر
أبو طلال: الله يحفظك.. أنا بقوم أروح لها براضيها
فهد: أستريح يا عمي وأنا بروح لها..
أبو طلال: هالله هالله فيها ياولدي
فهد: لا توصي
راح فهد إلى أخته
كانت جالسه بين جنان والجوري وفاطمه كانت جالسه بعد جنبهم
فهد: السلام
: وعليكم السلام
فهد: ممكن تخلوني أجلس مع أختي الصغيره بروحنه
الريم: أنا مو صغيره ثانيا ما أبي أجلس معك
فهد: أفااا يا أختي تردين أخوك الكبير الطيب المسكين
: هههههههههه
فهد: يالله قوموا
وقاموا وجلس جنبها وتفاهم معها ..وقامت معه عالمحل

على متوجهي الرحله621 التوجه للبوابه رقم 3

قاموا كلهم وتوجهوا للبوابه بعدين ركبوا الطياره
.. فهد وجنان
.. طلال والجوري
.. فاطمه والريم
... أم فهد وأم طلال وخالد
.. أبو طلال وناصر
الريم: أخيييرا بروح
فاطمه: أييه والله
طلال: تخافين من الطيارات
الجوري: ايه
طلال: ليش تخافين
الجوري: كذاا.. حتى لما كنت أسافر مع أبوي الله يرحمه كنت لازم أجلس جنبه عشان بس أمسك يده
طلال: أجل ياحضي
الجوري: لييش..؟
طلال: لأنك بتمسكي يدي أنا
الجوري بخجل بس تحاول تخفيه: يالواااثق
طلال: طبعا واثق أجل بتمسكين أيد من..؟
الجوري: فاطمه أختي
طلال: شلوون
الجوري: بقوم أجلس جنبها
طلال: ههههه.. تحلمين تقومين
الجوري: حرااام عليك طلال
طلال: بنشوف من يخليك تقومين
الجوري: طلال بسوي لك أي شي وتخليني أقووم..
طلال: عند كلمتك
الجوري: طبعا
طلال: تبوسيني في خدي وأرضى لك
الجوري بخجل: طلااااال.. ليش تعقد الأموور.. أولا حنا قدام الناس ومستحيل أسويها
طلال: هذا شرطي
الجوري: أجل ما بقووم
طلال: بل لهادرجه ما تبين تبوسيني
الجوري: مو ما أبي بس حنا قدام الناس وأنا أستحي
طلال: بكيفك.. وإذا تبين تقومين قوومي.. وداار الجهه الثانيه
الجوري: طلاااال.. طلااال لا تزعل هذا أنا ما بقووم بجلس معك..
طلال: قومي أحسن لك تراني ما ألي خلقك
الجوري حطت يدها على كتفه: طلاال لاتزعل
طلال كاان ما بيرضى بس بعدين دار لها: مشكلتي أني ما أقدر أزعل منك
الجوري: ثااانكس
طلال: ولكموو.. حبيبتي إذا تبين ترجعين بجنب أختك أرجعي
الجوري كانت بترجع بس قالت في نفسها أنا بتعدل مع طلال شلوون أرجع: لا بجلس معك ..ولا ماتبيني..؟
طلال ما أستوعب كلامها وجلس يطاالع فيها بنضرااات خجلت منها ونزلت راسها وقال بهدوء: إذا للحين ماتعرفين إذا أنا أبيك ولا لا فهذي مشكله..رفع راسها وطالع في عيونها مباشره وشاال يده.. حبيبتي طبعا أبيك..
فهد داار لهم قطع عليهم محادثتهم: أربطوا الحزام ما سمعتوا
طلال أنقهر من فهد: سمعنا شايف إنا حنا مانسمع
فهد: آسف أكلتني بقشوري لأن أنتوا الوحيدين ما ربطتوها آسف آسف طال عمرك مره ثانيه ما بدخل فيك .. ودار عنه
الجوري: شكله زعل..
طلال: فهد ما يزعل مني
الجوري: بس كان يتكلم بجديه
طلال: مازعل
الجوري: أنا لازم أكلمه..
طلال: أجلسي..أجلسي ألحين بتقلع الطائره
الجوري: أن شاء الله

فيتامين سي · 04-01-14, 12:43 AM

بدت الطائره بالمشي شويشوي بعدين بدت تسررع.. الجوري كانت مغمضه عيونها وماسكه يدة الكرسي وضاغطه عليها بقووه
طلال كان يطالع فيها وضحك في قلبه على حركتها وحط يده على يدها أهي لاشعوريا دارت يدها ومسكت يده وضغطت عليها بقوووه وطلال يضحك على حركاتها طبعا يضحك بدون صوت.. ثبتت الطائره بالجو
حس طلال بيدها ترتخي من يده ضغط عليها بقوه فتحت الجوري عيونها وقالت: ليش ضاغط على يدي
طلال ما طالع فيها عشان لا يحرجها: أول مرره تمسكين يدي برضاك تبيني أتركها ..مستحيل أتركها
الجوري سكتت وضغطت أهي على يده
طلال: عندك ورقه وقلم
الجوري: أيه.. ليش..؟
طلال: هاتيه
الجوري: أوكي فك يدي عشان أجيبه لك
فك طلال يدها: ترى برجع أمسكها
قامت الجوري.. أول شي راحت إلى فهد
جنان: هلا والله
الجوري: هلا فيك
جنان: أخيرا طلال حررك
الجوري بحيث ما يسمعها إلا جنان: فديت أخووك
جنان: هههههه.. في تقدم ..وينك ياطلال تسمع هالكلام
الجوري: أششش قصري حسك فضحتينا.. المهم ممكن تسلفيني أخوي وأسلفك أخوك..
جنان: هههههه.. ممكن
فهد: لاااا وصرت لعبه بأيدينكم وحده تقول ممكن ووحده تقول غير ممكن
الجوري: أخوي بس 5 دقايق ما تقدر تستغني عن مرتك
فهد: لااا
الجوري: يالله لا تعاند
جنان: أيش عليك منه.. أصلا أنا بقووم لأخوي
فهد بمزح: لااا والله
قامت جنان عنه
الجوري: ههههههه
فهد: أضحكي أضحكي إيش مخسرنك تعالي بس أجلسي خساره فيك طلالووه
الجوري: حراام عليك
فهد: المهم.. أيش فيه؟
الجوري: أنت زعلت من طلال
فهد بكذب: طببعا أجل يقول لي كل هالكلام وأضحك في وجهه
الجوري: بلييز فهد لاتزعل .. وأمسحها بوجهي.. ترى أنا ما أرضى على زعلك
فهد: أمزح معك وأنا أصلا ما أزعل من طلال
الجوري: نفنس الكلام ثنينكم
.
.
جنان: سلام
طلال: وعليكم.. وين مرتي..؟
جنان: ههههه أشوفكم صرتوا أووكي
طلال: أفا عليك وأنا أخوك.. أنا طلال مو حيا الله
جنان: الله يبهدلك بهدلت البنت جايه تقول لي..
طلال متحمس: أيش قالت
جنان: بس أهي قالت لي ما أقوول
طلال: أختي طلبتك
جنان: أووكي بقول بس مو تقول لها أني قلت لك
طلال: طبعا
جنان: قالت...
طلال: أيه..
جنان: قالت..
طلال: أيييه
جنان: قالت...
طلال: بتتكلمين ولا شلون
جنان: هههههه قالت فديت أخوك
طلال مو مصدق: كذابه
جنان: والله العظيم
طلال: روحي إلى فهد وجيبي لي مرتي
جنان: لاااا.. أبي أعرف أيش سويت للبنيه خليتها تتبهدل
طلال: فديت مرتي..غمز لها.. أفا عليك سر المهنه..
جنان: ما أقددر عليكم
الجوري جات: خلااص خلصت إذا تبين ترجعين لرجلك لا يموت علينا
جنان: وأنتي بعد أجلسي مع رجلك فديتته..وشددت على الكلمه.. لايموت علينا
أبتسم طلال
جنان: قبل لا أرووح وين عطري
الجوري: هههه في شنطتي
جنان: أهم شي مانسيتيه
الجوري: لا مانسيته ياقلبي
جنان تبي تحرجها: علينا أنا قلبك الأول أنا أما ألحين.. طالعت في طلال
طلال: هههههااي
الجوري بخجل: روحي أنتي لرجلك قال يبيك
جنان: أنشاء الله ههههههه
الجوري تبي الأرض تنشق وتبلعها: تأخرت عليك
طلال: لااا فديتك
تاكدت الجوري: أنت أختك ماتغبي عليك شي
طلال: هههههههههه لااا.. الجوري
الجوري: نعم
طلال: طلبتك
الجوري: على حسب الطلب بس قول
طلال: قوليها مرره ثانيه
الجوري: أيش أقول
طلال: الكلمه اللي قلتيها إلا جنان
الجوري: هههههه مستحيل
طلال: طيب ليش
الجوري: تحسبني ما أستحي
طلال: وين الورقه والقلم..؟
الجوري: لحظه .. طلعت من شنطتها ورقه وقلم.. أيش بتسوي فيهم
طلال: عندي لك إقتراح
الجوري: قول
طلال: أنتي ماتبين تقولين الكلمه اللي أنا أبيها شفوي فبتكتبينها
الجوري: لاااا
طلال: أختاري ياشفوي ياكتابه بسرعه
الجوري: أنا عندي لك أقتراح ثاني
طلال: قوولي
الجوري: أنا أنت اللي تبدي تكتب مشاعرك بعدين أكتب أنا
طلال: أووكي.. ماعندي مانع بس مو أكتب أنا بعدين أنتي ما تكتبين
الجوري: هههههه لا صدقني بكتب
طلال: وعد..؟
الجوري: وعد..
طلال أخذ الورقه والقلم وجلس يكتب ويكتب
الجوري: طلال
طلال مندمج في الكتابه: نعم
الجوري: تبيني أكتب لك اللي في قلبي الحقيقي
طلال: أكييد
الجوري: عندي شرط أنك ما تفتح الورقه هنا ولا أنا أفتحها هنا نفتحها في فرنسا
طلال: أووكي ما عندي مانع
الجوري: يالله كمل كتابه
طلال أبتسم: أمرك
فاطمه: الجوري.. تعالي أجلسي جنبي بغيتك في سالفه
الجوري: أووكي
طلال: مو طولين
الجوري: أنشاء الله
قامت الجوري وجلست جنب فاطمه والريم جلست مكان الجوري
الريم: مرحبا
طلال: مراحب
الريم: أيش تكتب
طلال: أشياء للعمل
الريم: معليش تراويني..؟
طلال: لا طبعا.. وأسكتي لأني مشغول
الريم: أنشاء الله
فاطمه: أووف طفشت من الريم وسوالفها..
الجوري: هههههه مسكينه.. المهم لا بتوبي صار عندك ؟
فاطمه: أيه هذا أهو هنا
الجوري: طلعيه
أخذته الجوري وشغلته
فاطمه: أيش تبين..؟
الجوري: عندي كلام أنا حافظته على الوورد وأبي أكتبه في ورقه
فاطمه: ليش
الجوري: إلى طلال
فاطمه: أها
وجلست تكتب اللي كتبته في اللابتوب يوم أهم بالمطار
طلال دار لها: بطولين وأنت جنب أختك..؟
فاطمه: لا خلصت منها
الجوري: أيه بطوول
طلال: ما يكذبون على أزواجهم
الريم: ونعم الزوج
ضربها طلال على راسها بشويش: تكلمي عدل.. الجوري تعبت من سوالفها اللي ما تخلص
الجوري: هههههههههه
طلال: إذا ما بتقومين أنا بقومك
الجوري: لا لا لا أستريح أنا بقوم
طلال: نسوان ما يجون إلا بالعين الحمراء
الكل: هههههههههه
قامت الجوري ومسكين طلال يحسب جايه تجلس معه راحت إلى جنان وفهد: يا عنتر وعبله
جنان: هههههههههه
فهد: نعم ياليلى
الجوري: قم لتجلس مع قيس لأني أريد أن أجلس مع عبله
فهد: أمرك ياعبله أقصد ياليلى
الجوري وجنان: هههههههههههه
فهد: الواحد مايتبهدل قدامكم
قام فهد وراح جلس مع طلال
طلال: أيش جابك أنت
فهد: مو لسواد عيونك جاي بس ليلى وعبله أمروني
طلال: مين ليلى وعبله..؟
فهد: ليلى مرتك وعبله مرتي
طلال: هههههههههههههههه.. حلوه هذي..
فهد شاف كيس شوكلاته قدامه: لمين هذا..؟
طلال: إلى الجوري
أخذ الكيس وختار منه اللي يبي
طلال: من سمح لك..؟
فهد: أنا سمحت لنفسي
طلال: مرره ثانيه لاتسمح لو سمحت
فهد: بقوم لأمي بشوف شخبارها
طلال: خذني معك
فهد: أخذني معك..همم.. بالجو الحلو.. خليني معك.. أسرح ياحلوو..
طلال بنفس النغمه: قوم قوم لا أذبحك مكانك مع صوتك النشاز
فهد: ههههههههههه
قاموا لأمهاتهم
أم طلال: هلا بالشباااب
فهد: خاله إذا تقصديني فهذا من طيب أصلك .. أما أذا تقصدي هذا ...أشر على طلال وهز راسه بمعنى لا
أم فهد: أستح على وجهك
طلال يلعب بحواجبه: فشلوووه
أم طلال: أستح على وجهك أنت بعد
فهد: فشلووك
طلال: مقبوله منك يا أحلى أم بالدنيا
فهد يهمس إلى طلال: ترى أمي تغااار.. وبصوت عالي: مقبوله منك يا أحلى أم بالدنيا
أم فهد: يا أم طلال.. تحسين هالأثنين على وجه زواج ..من يصدق..؟
أم طلال: أييه والله
فهد: كأنهم يسبون فينا
طلال: أيه والله
أم طلال: ياللي ماتستحون
طلال: السموحه يمه.. نمزح معك
أم طلال: حتى أنا أمزح معك حبيبي
طلال: أنا بروح إلى أبوي وناصر
أم طلال: روح لهم
طلال: كيفك يبه..؟
أبو طلال: الحمد لله..
طلال: أشوف ناصر ما جا لي إلا أهو نايم..
أبو طلال: أيه من ركبنا الطائره داااخ ونااام
طلال: أهااا.. تامرني بشي يبه
أبو طلال: سلامتك
رجع طلال مكاانه وحط راسه على الكرسي ونااااااام
.
.

فيتامين سي · 04-01-14, 12:44 AM

الجوري: تبيني أروح وأخلي فهد يجي..؟
جنان: لااا خليك معي من زمااان ماجلسنا نسولف..
الجوري: سولفي.. وعبري عن مشاعرك
جنان: هههه أنشاء الله.. أممم.. كيف طلال معك..
الجوري: تحلمين أقول لك أنا أقول لك وأنتي تروحين تقولين له
جنان: قال لك أني أنا اللي قلت له وهذا واعدني مايقولك
الجوري: أهو ما قال لي أنا أكتشفت..
جنان: يالمكتشفه ما بتتكلمين..
الجوري: أيش تبيني أقوول..؟
جنان: أي شي
الجوري: بس ما بتقولين لأخوك شي
جنان: أوعدك
الجوري بعد تفكير: ترى أنا حبيته.. أسبوع بس صاار لنا خاطبين أهو اللي دخل روحه في قلبي غصب .. طلال أهو اللي طلعني من الحاله اللي كنت أنا فيها.. مع أنا كانت مكالماتنا قليله بس كنت دايم أفكر فيه.. بس لما مرضت حسسني أني شخص مهم بحيااته..أنا.. أنا كنت أعتبره مثل أخووي بس الحين أهو أبوي وأخوي وزوجي وحبيبي وكل شي.. عن جد حبيت أخوك.. كنت تتكلمين معي عن حبه لك وأنه حنوون عليك بس كنت أقوول أنك تبالغين.. بجد أخووك جوهره.. ومن حظي أني صرت زوجته..
جنان: وااااو كل هذا في أخوي.. ياحظك يا طلال في الجوري بااقي بس تكتبين شعر فيه
الجوري: ههههه بس من جد الكلااام من قلبي.. المهم.. ما قلتي لي باقي كم وتتزوجون
جنان: بعد شهر من رجعتنا .. الجوري من جد أنا خاااايفه.. وتدرين قلت إلى فهد آخر مره يشوفني فيها رجعتنا من المطار .. قال لاااا مستحييل وما أدري أيش ..قلت له مو بكيفك قال أسبوعين قبل الزواج وواصبراه بعد شهر ووافقت على الأسبوعين بعد ترجيااات منه لي
الجوري: هههههه.. مسكين يا أخوي
جنان: بنشوف في زواجك أيش بتسوين.. أعرفك
الجوري: هههههه.. صحيح ماقلت لك شوق كلمتني اليوم الصباح.. وقالت
مالي دخل أبي أجي معكم.. قلت لها أجلسي أنتبهي إلى ولد أختي عددل
جنان: مسكينه يالله أنشاء الله تتعوض
جا خالد : جنان ابي سوكلاته
جنان: شفتي وأخيرا قال أسمي عددل
الجوري هزت راسها بالأيجاب أبتسمت له: تبي شوكلاته..؟
هز راسه بالأيجااب
الجوري: تعاال معي..
فهد جا لهم: وأخيرا بتقومي صار لك نص ساعه
الجوري: حاسبها
فهد: طبعا
جنان: ماعليك منه يالجوري
فهد: تهزأين فيني قداام أختي هزلت
الجوري: ههههههههه
راحت الجوري مع خالد عند كرسيها شافت طلال نايم جلست أهي بجنبه وحطت خالد بحضنها وقالت له: أششش قصر على حسك طلال نايم
خالد: تلال نايم
الجوري: أممم
خالد: ليش..؟
الجوري: لأن يبي ناام.. حبيبي ما تبي شوكلاته
خالد صفق وبصراخ خلا طلال يخترع: أييه
طلال: بسم الله
الجوري ما قدرت تمسك روحها: ههههههههه..
طلال: ليش تضحكين
الجوري: شكلك كان تحففه مررره
طلال: أسخري علي.. وبعدين ليش جايبه هذا هنا
الجوري: مسكين يبي شوكلاته
طلال: ولا جبتيه إلا عندي..
الجوري: آسفه آخر مرره.. أرجع ناام
طلال: طاارت نومتي
الجوري: بكيفك..
وجلست تلعب مع خالد
طلال: تحبين الأطفال..؟
الجوري: مررره.. وأنت..؟
طلال: أحبهم بس لا تجيبينهم وقت نومتي..
الجوري: بالعكس ما يبينوون أنهم أطفال إلا حزت النومه
طلال: حلوه هذي.. وأنا ما أكرهم الا حزت النومه
الجوري: صج وين ورقتي
طلال: متأكده تبينها
الجوري: أييه.. وتدري متحمسه لها مرره
طلال: أنا يمكن أكثر..
الجوري أبتسمت: يمكن
طلال طلع الورقه: تفضلي.. وين ورقتي..؟
الجوري أخذت ورقته وطلعت ورقتها: هذي أهي
طلال أخذ الورقه: توقعتك ما تكتبين
الجوري: هههههه إذا ما تبيها هاتها
طلال: أبيها وأبي صاحبتها
الجوري بخجل خفيف: تدري أنك بياع حكي
خالد قام من حضنها
طلال: أفااا.. أنا بياع حكي.. ماهقيتها منك
الجوري صارخت وقامت بسررعه: خااااااااالد
الكل دار لها وصرخوا
جات مطبه هوائيه خلت خالد يتقلب وصقع في حد وغاب عن الوعي ودم يطلع من جبهته

فيتامين سي · 04-01-14, 12:45 AM

الجوري شافت عمها راح إلى خالد فرجعت مكانها وجلست تبكي
طلال كان واقف مع أبوه
أبو طلال راح لولده: خالد.. خالد يببه.. شاله من الأرض وجلسه بحضنه
أم طلال تبكي على ولدها وأم فهد تهديها
جنان رااحت إلى أخوها وهزته: خالد..نزلوا دموعها.. حبيبي خالد قووم
جا فهد وشالها من جنبه أهي ما قدرت وضمت فهد وجلست تبكي على صدره وأهو يهديها
جا واحد لهم وقال: أنا دكتور تبون مساعده
الكل: اييه
أخذ خالد بحضنه وشااف جرحه: جرح بسيط بس محتاج خياطه
فهد يكلم جنان: خلاااص حبيبتي أهدي شوفي الحين بيخيط الجرح وتخلص السالفه كلها
جنان: خاايفه عليه
طلال: أيش سبب الأغماء
الدكتور: من قوت الضربه بس خفيفه الضربه أهو ماتحملها فأغمي عليه عادي بيجلس..أبي أحد يمسكه لأن مافي تخدير وحتمال يجلس من الأغماء من شدة ألم الغرز
أبو طلال: أنا بمسكه معك
طلع الدكتور أدواته وقال: لو سمحتوا أرجعوا أماكنكم أبي هوى
رجع الكل مكاانه
طلال حط يده ورى رقبة الجوري: حبيبتي أهدي
الجوري: أي أهدى.. كل مني أنا السبب
طلال: مين قال لك..؟
الجوري: لأني ما أنتبهت له صار كذا
طلال: هذا قضاء وقددر..
سمعوا بكى خالد
طلال: خلاص شوفي أنتهى كل شي وصحا..
الجوري: صج
طلال طالع جهتهم: أيه.. حتى الدكتور أخذ أغراضه وقاام
الجوري: حبيبي قوم شوفه لأني خايفه عليه مرره
طلال كان بيعلق على حبيبي بس الوقت ما يسااعد فأبتسم لها: أووكي
قام طلال وراح إلى أبوه وخالد اللي كان يبكي ومن شاف طلال مد يده له أخذه طلال بشويش: خلاااص بابا .. أنت بطل كيف تبكي..؟
يحاول خالد يسكت شوي وفكر بكلامه: أنا بتل
طلال: أيه بطل.. وبعد لما نوصل فرنسا باخذ لك لعبه كبيييررره مرره
خالد: صج..؟
طلال: أيه صج حبيبي.. يبه أيش قال الطبيب
أبو طلال: قال نظف الجرح بأستمرار ولا تخلونه يتحرك كثير
طلال بهمس: يبه كان جازيته..؟
أبو طلال: عطيته بس رفض ياخذ يقول لأنه في طائره مو في عمله
طلال: أهااا.. حبيبي بتروح معي ولا بتجلس مع بابا..؟
خالد: لا بروح معك..
طلال حمل خالد وأخذه معه
الجوري: عطيني خالد
عطاها خالد وقال: شوي شوي عليه
جات جنان وجلست جنب الجوري: خالد حبيبي يألمك
خالد ماسك دموعه: لااا أنا بتل
جنان: هههههه فديتك يالبتل
الجوري: تبي أشتري لك لعبه
خالد: قال تلال بيشتري لي لعبه كبييرره
الجوري: صج
خالد: أيه
جنان: خالد أيش رايك تناام عشان نوصل هناك بسررعه وناخذ لك لعبه كبيره
خالد يفكر: أمم.. وغمض عينه
طلال: هههههههه.. جنان فهد يناديك
جنان تدري أنه يكذب: أووكي أنا بروح له
جلس طلال بجنب الجوري: تطمنتي عليه
الجوري: أيه الحمد لله
طلال: هاتي خالد راح أوديه لأمي
الجوري: خليه يغفى عندي بعدين وديه
وجلست تلعب في شعره لين ماغفى
عطته خالد ورااح وداه لأمه ورجع

فيتامين سي · 04-01-14, 12:47 AM

طلال غمض عيونه وتسند على الكرسي: حبيبتي نامي ترى المشوار طويل
الجوري: بقرأ مجله بعدين بناام
طلال: أجل تحمليني
ونام على كتفها ومسك يدها
الجوري هنا تفشلت مرره: طلال قووم طلال..
طلال يسوي نفسه مايسمعها
الجوري: طلال بليز قوم
طلال: ليش..؟
الجوري: طلال والله أستحي
طلال: شلون أنام
الجوري: مثل من شوي
طلال: بدال لا تقولين نام على كتفي كلي فداك تقولين قووم
الجوري بعد تفكير: خلاص نام
شال طلال راسه من كتفها: بنام على الكرسي
الجوري: طلال نام على كتفي خلاااص عاادي
طلال غمض عيونه: لااا مابنام عليه.. وأسكتي عشان بناام.. ودار الجهه الثانيه
الجوري تندمت مرره على حركاتها اللي تعملها بدون قصد
.
.
فاطمه: الريم..
الريم: نععم
فاطمه: نعامه ترفسك.. تكلمي عدل أنا أختك الكبيره
الريم: نعم يا أختي الكبيره
فاطمه: وين الأيبود..؟
الريم: عند الجوري تو ألحين بس أخذته
فاطمه: أهااا.. الريم أنا ملانه
الريم: وأنا أيش أسوي لك..؟
فاطمه: أي شي
الريم: تبيني أقوول لك نكت..
فاطمه: قولي
الريم: أمم أمم هذا في واحد أحول أبوه جاي من السفر وراح يستقبله في المطار لما شاف أبوه باس الشنطه وحمل أبوه..
فاطمه: ههههههههههه
الريم: تبين ثانيه
فاطمه: قولي
الريم: أمم هذا فيه ماعزين قال الأول: ماااا
قال الثاني: تو ألحين كنت راح اقولها
فاطمه: ههههههههههههه.. صج أنك خبله
الريم: خبله.. هذا جزاي أني جالسه أسليك
فاطمه: خلاص آسفه.. آسفه
الريم جا على بالها سؤال: ممكن أسألك سؤال يمكن يضايقك
فاطمه: إسألي
الريم: أنتي ليش تكرهين جنان؟؟
فاطمه: كذااا
الريم: كيف كذا
فاطمه: لأنها وحده لاتطاق .. لأنها شقره وعيونها ما أدري شلونها شايفه نفسها علينا
الريم: بالعكس ما أحس جنان أنها وحده تفاخر بجمالها عادي..
فاطمه: ماعلينا منها..
الريم بتغير الموضوع: أيش هدية نجاحي
فاطمه: أطلبي وتمنني
الريم: خليها في فرنسا
فاطمه: وأنا موافقه
.
.
فهد: أوووف طفشت
جنان: ههههه ما بقى إلا القليل..
فهد: أي قليل.. باقي ساعه ونص
جنان: أووكي لما كنت تدرس شلون كنت تتحمل الطريق
فهد: أطفففش بس الظروف تسوي الأسد خروف.. أنا ما أحب المشاوير الطويله..
جنان: ههههه بالعكس أنا أحس فيه متعه
فهد: متعه..!
جنان: أيه متعه.. ما أدري أحس كذا
فهد: وأيش ذابحني غير أحساسك
جنان: ههههه أنت على كل كلمه تجيب لي كلمه
فهد: ههههههه
جنان: تدري.. لما طاح خالد مادري حسيت شعور مادري شلون أوصفه
فهد: أكييد كنتي خايفه عليه
جنان: أكيد بس بجد آلم لي قلبي
فهد: ألحين أهو وين..؟
جنان: عند أمي
فهد: أهااا
جنان: تدري.. أفتقدت شوق
فهد: أييه حتى أنا.. أول مره أسافر مع أهلي بدونها
جنان: يالله الجايات أكثر
فهد: على قولتك.. المهم.. تبين تختارين وين تبين تروحين شهر العسل لو أخليها لك مفاجئه..؟
جنان: هذي مايبي لها سؤال.. مفاجئه أحلى
فهد: هههههههه متأكده
جنان: أكييد
فهد: طيب أنتي وين سافرتي من قبل
جنان: تبي كل السفرات اللي سافرتهم
فهد: أيه
جنان: سافرت أسبانيا و أبريطانيا
ومكه والمدينه والرياض طبعا ولبنان وتركيا وسوريا وبس
فهد: بس
جنان: أيه بس
فهد: طيب أنتي تحبين أي بلد
جنان: أحب أممم فرنسا وأيطاليا وأستراليا وماليزيا
فهد: أهااا
جنان: تدري أني أحب السفر كثيير
فهد: صحيح
جنان: أيه
فهد: أوعدك كل شهر بسفرك
جنان: كذا بيخلصوا الدول.. قوول كل سته أشهر مرره حلو كذا
فهد: أمرك
جنان كانت تاكل كيكة كب كيك
فهد: تذكري في حفلتنا
جنان بخجل بس تحاول تخفيه: أنت في شي ماسويته ذيك الليله
فهد: ههههههههههه..
جنان: أضحك أضحك.. بس كانت الفشيله في وجهي أنا
فهد: هههههههه.. عاادي
جنان: أي عادي حسيت كل الناس فتحوا عيونهم
فهد: ههههه
جنان: خلااص بطل ضحك
فهد: هههههههه.. أوكي خلاص مابضحك.. بس بجد كانت حلوه ملكتنا
جنان: أيه..
فهد: بس نهايتها مو بحلوه
تذكرت جنان لما خبروهم أن عمهم طااح : الله يرحمه
فهد: آميين
جنان تغير السالفه عشان لايضيق خلق فهد: فهد باقي كثير ونوصل
فهد: لا شوي
جنان: فهد أنا متحمسه واجد لفرنسا
فهد: أنا أكثر..
جنان: لييش ..؟
فهد: لأنك معي
جنان: ماقلت لك أن لكل كلمه عندك لي كلمه
فهد: هههههه
جنان: فهد أبي أشتري من فرنسا تحف لجناحنا تتوقع ما يتكسرون
فهد: لا أيش يكسرهم
جنان: أرتحت لأني كنت حامله همهم
فهد: صدق أنك بنت
جنان: ليش تقول كذا..؟
فهد: في أحد يحمل هم تحف
جنان: الحين أنت بتمسكها علي
فهد: هههههههههه.. يمكن
جنان ضربته على كتفه
فهد بمزح: تضربين زوجك بدال أهو ما يضربك أنت تضربينه
جنان: لاااا بتضربني
فهد: مو الحين لما نتزوج
جنان: يامثقل دمك يا شيخ
فهد: طالع عليك
جنان: أوووف.. فهد خلاص طفشت
فهد: ههههههه.. خلااص خلاص بس أهم شي لاتزعلين
جنان: سماااح هالمره بس
فهد: ولي همك
جنان: فديتك
فهد: آآآآه.. بسرعه تجيبين راسي
جنان: ههههههه سر المهنه
فهد: ما تعطينى منها
جنان: لا طبعا.. فهد ممكن أسألك سؤال
فهد: إسألي
جنان: هههه بس تجاوب
فهد: أسألي
جنان: أكييد
فهد: أكيد
جنان: بس مو تزعل
فهد: ما بزعل
جنان: بس تجاوب أجابه صريحه
فهد: أنتي أسألي بالأول
جنان: هههههههه
فهد: ليش تضحكي
جنان: أووكي بسأل .. في مره كلمت بنت
فهد دار لها: أيش هالسؤال
جنان: حبيت أعرف بس
فهد: لا طبعا .. بس ممكن أن صار أختلاط لما كنت أدرس بس أني أنا أكلم وقولها ياحبيبتي وياقلبي ما صار هذا الشي أبدا
جنان أبتسمت له: يا بعد قلبي والله يا فهوود
فهد: من هذا فهوود
جنان: أنت طبعا
فهد: ههههه شوهتي أسمي
جنان: ههههههههه
--------------

فيتامين سي · 04-01-14, 12:48 AM

في بيت أبو فيصل
فيصل: يمه.. يمه
أم فيصل: نعم ياولدي
فيصل سلم على أمه: شلونك يمه؟
أم فيصل: الحمد لله
فيصل: يمه ما بتطلعين اليوم
أم فيصل: لا ما بطلع ليش؟
فيصل: يمه خليناا نطلع طلعه
أم فيصل: وين نروح..؟
فيصل: أي مكان
أم فيصل: اسأل أختك وأي مكان تبيه تروحه نروحه
فيصل وقف: أنشاء الله
ركب فيصل فوق إلى أخته طق الباب تبع غرفتها
مروه: تفضل
فيصل: كيفك ياحلوه
مروه أبتسمت له: زينه
فيصل: أيش عندك
مروه: ما عندي شي بس بروح إلى هدى بنت أم بدر
فيصل: هذا أخوهم مرره وسخ
مروه: صحيح
فيصل: أيه
مروه بكذب: والبنت مرره خلوقه ومؤدبه ولا عندها حركات بطاليه
فيصل: أهم شي
وقف بيطلع
مروه: وين..؟ أيش كنت تبي
فيصل: لا بس حبيت أتطمن عليك
مروه: تسلم
----------------
الجوري: طلااال.. طلال قووم وصلنا
طلال: أنشاء الله.. جلس من النوم بعد فتره سألها.. شعري أخترب صح؟
الجوري ضحكت على سؤاله: ههههههه
طلال: قلت شي يضحك
الجوري: هههههه.. أحم لا لا بس ذكرت شي يضحك << خافت يزعل
طلال: أهااا
الجوري: وشعرك مو مخترب.. وأربط أحزامك الحين بنهبط
طلال: أنشاء الله
الجوري: أووف وأخييرا وصلنا
طلال: متحمسه شكلك..؟
الجوري: طببعا أنا اللي قاايله لهم نبي نروح فرنس
طلال: أنا على بالي أهم اللي حددوا ذوقك حلوو والله
الجوري: أحم أحم من زمااان
طلال: ما أقددر على الوثوق
الجوري: طبعاا ههههههههه
طلال: هههههه
الجوري غمضت عينها بقوه لأن حزت الهبووط
طلال: ههههههههه
الجوري وأهي مازالت مغمضه عينها وضاغطه على يدة الكرسي: لا تضحك علي
طلال: ههههههه.. شكلك تحففه
الجوري سكتت عنه وهبطوا ووصلوا فرنسا
جنان: واااااو وأخيرا وصلنا
أم طلال: أيه والله.. ألبسي جاكيتك يمه الجوو بااارد
جنان: أنشاء الله
.
.
أنتهى البارت التاسع..
وبنزل البارت العاشر بكره..
توقعاتكم وأرائكم..

أختكم
جنة الفردوس..

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري