إنطعن غيري وأنآ اللي تآلمت للكاتبة / M!s$ GoOnA ، كويتية (مكتملة )

فيتامين سي · 06-01-14, 07:24 PM


	بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته نقدم لكم رواية إنطعن غيري وأنآ اللي تآلمت للكاتبة / M!s$ GoOnA قراءه ممتعه للجميع ...

فيتامين سي · 06-01-14, 10:28 PM

رابط تحميل الرواية (جميع الصيغ )

https://www.rewity.com/vb/t294935.html

الــسلآم علــيكــم ورحــمة اللــه وبــركــآتـه ..

شــلونـكم بنآت ؟ شخبآركم ؟
ولهت علييكم وآآيد ..
وســوري اني حييل تآخرت عليكم بهالروايه لأني واعدتكم اني انزل روايه ثانيه

مثل ما قلت لكم من قبل إن هالروايه راح تكون غير عن الروايه الأولى ( نظر عيني )
طبعاً التفاصيل بتكوون أكثر دقه .. وما انسى تشجيعكم لي بذيج الروايه اهوا اللي دفعني اني اكتب غيرها

وانشالله القى تشجيع أكثر في هالروايه عشان اكمل انزلها
اي واذا لقييت ردوود تبرد الجبد ما راح اقصر ويااكم انشالله <<
للعلم حق اللي يخافون يقرون وتصير مو كامله انا اقولكم من الحين ترى الروايه كاامله وان الله عاطني عمر اكملها لكم لآآخر بآرت

وسوري على القصوور مقدماً

فيتامين سي · 06-01-14, 10:29 PM

>> الــــــــــــبــــــــــ ــــــارت الأولـــــــــــــــ <<

بطلت باب الشقة .. والفرحه مو سايعتها

رهين وحدها مستانسه : يباااااااا .. .. يماااا .. يماااااااااااااا
رنا يت تركض مخترعه : ايييه شو بكي حبيبي ؟
رهين : يماا .. باركيليي باركيلي .. نجحت نجحت بامتياااز
رنا : شووووووو !! .. ( ولمتها ) مبرووووك حبيبتي مبروك .. لك ماني مصدقه
رهين : صدقي يماا .. وااااي وناسه يما استوعبي بنتج رهين امتيااااااز
رنا لمتها وريلها مو شايلتها من الوناسه والفرحه : مبروووووووك الف الف الف مبروك .. حمدالله ماراح تعبك خساره
رهين : وين ابووي خل ابشره
رنا : البابا بالشغل
رهين : لاااا .. حسافه .. الحين الحين ادق عليه
رنا : ايه يلا .. ما نتصل فيه ونفرحو كماان
رهين : اكيد ( وخذت التلفون تدق بس كان مغلق وكل ماتدق ماكو مغلق )

*****
خل اعرفكم على العائله الصغيره اللي في هالبيت

طارق : شرطي ، عمره 35 ، حبوووب وفصله حده
رنا : مرت طارق ، من جنسية سوريه ، عمرها 33 ، تشتغل مدرسة بمدرسة خاصه
رهين :................................................. ...

ادري استغربتو بس تعالوا خل اعرفكم على هوية رهين الحقيقيه ..

((( نرجع حق 18 سنه لي ورا )))

رنا وطارق توهم رادين من السفر كانو مسافرين سوريا وقاعدين سنتين هناك وسيده من المطار لي البحر ودخلو ابل بيز اللي على البحر تعشوا بمناسبة عيد زواجهم الثاني وكانت الساعه 11 بليل ... وعقب طلعو يتمشون على البحر ويسولفون ويسترجعون ذكريات عرسهم ويضحكون ..

رنا : خلص حبيبي يلا نرجع البيت .. الجو عم يبرد
طارق : بردانه حبيبتي ؟
رنا : ايه يلا نمشي ع البيت !!
طارق : افا علييج الحين الحين نروح البيت .. بس هاج تدفي بجاكيتي ونروح
رنا خذت الجاكيت : يسلموو

لما وصلوا العماره .. نزلوا من السياره

رنا واهيا تصك باب السياره سمعت حس غريب ..
رنا : طارق .. مابتسمع شي ؟
طارق : لا ! لحظه .. اووش ( وقعدو يركزون للصوت )
طارق : هذا صوت ياهل !!!
رنا : ايه صحيح ..
طارق : بس وينه؟!

ومشوا اثنينهم لمصدر الصوت .. وبالفعل لقوا ياهل بالمهاد يبجي ..

رنا : اسم الله .. مين ياللي رماه هوون !
طارق واهوا يشيل الياهل وبكل استغراب : مادري .. بس شكله صغير حيل يمكن توه مولود !!
رنا انكسر خاطرها عليه : طارق
طارق : همممم
رنا : ليه ما ناخدو معنا .. ايه والله ألبي عم يوجعني عليه .. اطلّع عليه كيف عم يبكي
طارق : عفيه قلب يقطون عيالهم .. صج لي قالو يغلطون الكبار ويتحملونها الصغار
رنا : شو ألت ؟؟؟
طارق : عن شنو ؟
رنا : بترجاااك .. ناخدو معنا موحرام نتفرج عليه هيك ونتركو !
طارق : ممم .. شورج وهداية الله .. الصراحه حتى انا انكسر خاطري لما شفته
رنا : عن جد .. يااا الله شو كنت بحلم يكون عندنا بيبي .. بس ...... !
طارق : بس الظاهر الله مو كاتب لنا .. ورزقنا بهالبيبي تعويض لنا
رنا خنست عقب ما قال هالكلام
طارق : يلا يلا .. بسررعه مو برد .. امشي على فوق يلا
رنا : ايه يلا

وعقب ما وصلوا الشقه ودخلوا ..

رنا والبيبي بالغرفه وطارق بالصاله يشوف تلفزون

رنا تنادي طارق : طاااااااارق ..طااااااااااارق
طارق راح بسرررعه الغرفه : شفيج .. خرعتيني
رنا : هههه طلعت بنت بنت ..
طارق : البيبي طلع بنيه ؟
رنا : آه بنت
طارق : يالله مبروك عليج انها طلعت بنيه
رنا : طارررررق .. انا بكلمك عن جد وفرحااانه وانت عم تتمسخر عليا !
طارق : لاا حبيبتي انا عم امزح معاج هههههههه
رنا : ههههه .. يا الله شو بتجنن
طارق : باجر ببلغ نهى اختي و عماد عن السالفه اوكي ؟
رنا ردت بسرعه : لااا
طارق : شنو ؟
رنا : لاا خلينا نخبي على الموضوع .. وما نقلون افضل .. مشان تكون هيي بنتنا اُدام كل الناس .. وبترجاك ماحدا بيعرف بالموضوع غيري انا وانت إيه ؟
طارق : على راحتج .. بس شلون الكل بيسأل هالبيبي فجأه طلع ..بدون حمال ولاشي !
رنا : ايه يؤبرني ياللي اُدامي .. مو انا وانت اليوم راجعين من سوريا .. نقلون انو انا حملت وكنا مخبينها مفاجأه !
طارق : يبووووووووووي مرتي تخرررع .. انتي تخرعين
رنا : انا ! .. والله حرام عليك
طارق : عيل هالفكره متى مداج تفكرين فيها
رنا : كفاك السميع العليم .. شو بتحسدني كماان
طارق : هههههههههه .. لا الا رنوونه الغاليه .. بس ما قلتي شنو تبين تسمينها
رنا : امم ممم .. جاي على بالي اسم ( رهين )
طارق : شنووووو .. رهيييييييييييين !!!!
رنا : ايه والله حلو الاسم
طارق : لا لا وييييييع شهالاسم

وقعدو يتهاوشون على الاسم ويالله يالله اقتنع على اسم رهين .. وسموها .. وراح يراكض طارق عشان تتسجل باسمه .. ومابقى مكان ما راحله ما قص القصه عشان يسجلون البنيه باسمه كأب لها .. والحمدالله كل شي تم على خير .. وطبعا كانت صدمة الكل لما وصل لهم الخير .. بس طبعا مو خبر ان ( رهين موبنتهم ) الموضوع اللي ان رنا كانت حامل ومحد يدري > هذي كانت القصه الملفقه عشان محد يدري بالسر ان رهين موبنتهم !

ادري البارت صغير بس انشالله الباجي اطول

فيتامين سي · 06-01-14, 10:32 PM

>> الـــــــــبــــــــارت الــــــــثـــــــانـــــ ـــي <<

:: بيت بو عادل ::

نهى : شنوووووو !! .. ليش رناا والله زعلتيني عليج .. عيل تحملين وتولدين ومحد يدري وانتو ساكتين عن الموضوع !!
طارق : كله منها انا اقول لها .. واهيا تقول لا لا خلها مفاجأه
نهى : انت اسكت آخر واحد تتكلم .. عيل انا اختك اللي قمت فيك وانت صغير وربيتك .. واخر شي ما تكلف عمرك حتى تبلغني
رنا : لا نهى حرام .. هاي كانت رغبتي انا .. انو نعلمها مفاجأه
نهى : لا لا لا .. مو سالفه انج تحملين وتولدين بعد ومحد يدري .. وآخر شي تقولون مفاجأه !
طارق : اووالله نهيو شدعوا انزين .. خلاص المره ولدت وانتي لي الحين بتعاتبين
نهى : ليش وانتو متى قلتولي عشان ما اعاتبكم الحين
طارق : انزين عاد خلاص وهذا راسج ابوسه ( وباس راسها ) ها سامحتينا
نهى منفسه : انزين خلاص مسامحتكم وهذي اخر مره ان عدتوها ماكو لا تعرفوني ولا اعرفمكم
رنا : ايه خلص بعد مافينا نعلمها مره تانيه من بعد زعلك والله
طارق : انزين عاد الحين شحقه منفسه
نهى : بروح اشوف غداي على الجوله لا يحترق
طارق : أي واللي يسلمج .. حدنا يواعه
نهى : أي خو انت ما تفكر الا ببطنك ( وراحت )

بعد شهر .. بينت ملامح رهين عدل .. صار شكلها زووغه عيونها عسليه .. وشعرها اشقر قااامج يعني مايل على البني بشوي .. وبييضه .. وكل من يشوفها يسمي عليها من حلاتها

نـــــــرجـــــــــــــع للـــــــــــواقـــــــــ ــــع ..

:: بيت بو عادل ::

نهى توها راده من الدوام ( نهى : مرت سعود ، قلبها ابيض وماتشيل على احد بقلبها كلش ، تخاف على عيالها من أي شي حتى من هفة الهوا ، بس مو مدللــه عيالها مثل سعود ، يعني على كثر ما اهيا تحبهم وتخاف عليهم اهيا ضد الدلال الزايد لان باعتقادها انه مو تربيه ، تشتغل وكيله مدرسه متوسطه )

وبسرعة صعدت فوق تبدل عشان وتشوف شسوت الطباخه بالغدا .. لما نزلت لقت سعود بالصاله ( سعود : محامي وعنده مكتب محاماة ، حبوب وطيب ويمووت على عياله ومدلل بناته )

سعود : نهى يلا حطو الغدا ترى يعنا
نهى : بسم الله الرحمن الرحيم انت من متى هني
سعود : من زمان .. بس لما دخلتي ما شفتيني
نهى : شنو مارحت الدوام ؟
سعود : لاااا .. رحت والا صايره سالفه هناك .. فأجلوا القضيه وانا ماعندي الا هذي وكنت ناطرها من الله انهم يأجلونها وفكه بعد .. مالي خلق
نهى : وي بسم الله عليك .. غريبه مالك خلق الدوام
سعود : لاا امس لاني مو نايم عدل ودايخ ... و انطركم تحطون الغدا يوعتونا
نهى : ايي بس خل ايوون الياهال
سعود : منو بعد .. عويدل فوق بداره ( عادل : اكبر واحد من خوانه ، طالب بجامعة الكويت باقي له سنه له بالكليه ويتخرج وهم داخل كلية الحقوق . يعني اهوا واخته طالعين على ابوهم اثنينهم بالحقوق ، هاادي ومطييع و ما يأذي امه وابوه و أي شي يطلبونه منه يسوي ، والكل يحبه لطيبة قلبه ) وليش ابرار ما يبتيها وياج ؟
نهى : لا خليت سكندر ييبها ( سكندر سايقهم )
سعود : اووالله ليش بعد .... اييي نسيت قانونج ،، انا مادري شهالتعقيد اللي فيج بنتج وماتبين احد يدري ان انتي امها .. خو شفيها وحده امها الوكيله
نهى : خلاص خلاص .. الحين انت شاللي مضايقك ( وراحت المطبخ )

دخلت ابرار وصكت الباب وراها ( ابرار : ترتيبها الثالثه والجعده ، بثامن متوسط بنفس المدرسه اللي امها تشتغل فيها وكيله ، عمرها 14 سنه ، عنييده لي درجه محد يتصورها ودلوعه ودعله .. وموشاطره .. يعني بالغصب تييب جيد جدا ، لان لو تنزل من هالمستوى امها تذبحها )

ابرار : واااااااي يوووعاااانه يوعااانه .. بطني يوصوص .. حطو الغداااا
سعود : تعالي تعالي
ابرار راحت : شنو
سعود مسكها من اذونها : الناس لما يدخلون البيت ويلقون احد جدامهم شيقولون
ابرار : آآي يباا .. سوري سوري بس هدني
سعود هدها : شيقولون ؟
ابرار : السلام عليكم ورحمة الله وبركاته .. بعد آمرني تبيني اقرا الفاتحه ؟
سعود بغشمره : ذلفي يلااا
نهى دخلت الصاله : والله هذا الشبل ( تأشر على ابرار واهيا صاعده فوق ) من ذاك الاسد
سعود : ووين سبّاجه بعد
نهى : الحين كاهي بالطريج توني داقه عليها

:: بالمستشفى ::

عماد ينطر يطلع الدكتور من غرفة المعاينه ويبلغه عن حالة ولده بدر ( عماد اهوا اخو (نهى وطارق) الكبير ، عنده ولد واحد اللي اهوا بدر ، مرته متوفيه ) ( بدر اهوا ولد عماد ، عمره 18 ، توه تخرج من الثانويه قبل جم يوم ) ... بعد ربع ساعه تقريبا طلع الدكتور من الغرفه

عماد : ها دكتور بشر .. شفيه بدر ؟
الدكتور : انت ابو بدر ؟
عماد : أي
الدكتور : والله مادري شقولك يا بو بدر حالة بدر كلش ما تسر .. اهوا كان يشتكي من عوار في بطنه او شي ؟
عماد : أي اهوا كان يشتكي .. بس مو وايد لانه صبور وما يتشكى واايد
الدكتور : وهذا الشي اللي وصله لي هالحال
عماد : دكتور ترى خرعتني ولدي شفيه ؟
الدكتور : الصراحه احنا لي الحين مو متأكدين من شي .. بس اقدر اقولك ان بدر ولدك عنده ورم بالمعده بس لي الحين مو متأكدين اذا كان حميد ولا خبيث .. بس انشالله يكون حميد !
عماد مصدوم : وررررررررررررم !
الدكتور : أي نعم .. بس مثل ما قلتلك مو متأكدين اذا حميد او خبيث .. وانشالله من اليوم راح نبدي بالفحوصات عشان نتطمن على الورم .. وانشالله خير
عماد يحاول يهون على نفسه الهم اللي نزل عليه فجأه وقال بحزن : مشكور دكتور !!!
الدكتور : العفو ( وراح )

"... الــلـــهــــم إنــي لا أســألــك رد الـقــضــاء ،، ولـــكــــنـــي أســـألــك الـــلــطــف فــيــه ..."

لـــــــــــمـــــــــا صـــــآر بـــــآجــــــر ،،

:: مواقف الجامعه ::

سبيجه بالسياره تتكلم بالتلفون واهيا تحرك السياره ...

سبيجه : الوووو .. هلا هلا
رهين : ويا مسهلا .. سبوووووووووووووووووووووج
سبيجه : هاا !
رهين : باركيلي باركيلي
سبيجه : مبروك بس على شنو ؟
رهين : وااي نجحت بامتيااااااااز
سبيجه : صججج .. مبرووك حبيبتي .. متى طلعت نتايجكم ؟
رهين : الله يبارك بحيااتج .. امس .. وااي سبجوو والله وناسه
سبيجه : يالخاايسه ليش ما قلتيلي امس ... ليش انا آخر من يعلم !
رهين : شكو .. بس لان امس مادري لهيت مع امي رايحه السوق
سبيجه : اي اي .. قصي علي
رهين : سبووج .. يالملييقه
سبيجه : هههه .. زين خلاص صدقتج .. عاد راح يكرمونج مع وزيرة التربيه مادري الشيخ مو ؟
رهين : امممم .. مادري اهوا على حسب النسبه
سبيجه : ليش انتي جم نسبتج ؟
رهين : 95.8
سبيجه : ايي زين يعني راح يكرمونج
رهين بيأس : شدراج .. يمكن في قبلي
سبيجه : لا لا صدقيني .. شفييج استانسي يباا .. اهم شي الامتياز
رهين : هههه اي صح
سبيجه : انزين ما قلتي اي كلية بتدخلين؟؟
رهين : اممم .. مادري ، بس مفكره ادخل كلية الهندسه والبترول
سبيجه : صججج .. ونااسه اي عاد يلوق لج لانج علمي مو ؟
رهين : اي

انشالله يعجبكم الباارت .. ولاتنسوني بالردود السنعه

فيتامين سي · 06-01-14, 10:34 PM

>> الـــــــــــبــــــارت الـــــــثـــــــالــــــ ــث <<

سبيجه : انزين ما قلتي اي كلية بتدخلين؟؟
رهين : اممم .. مادري ، بس مفكره ادخل كلية الهندسه والبترول
سبيجه : صججج .. ونااسه اي عاد يلوق لج لانج علمي مو ؟
رهين : اي

الـــــــــــســـــــــــ ــعوديـــــــــــــــــــ ــــه ،،

:: بيت بو مطلق ::

هالعائله مالها دخل في شخصيات القصه .. يعني اهما قصتهم بروح .. بس راح تعرفون بعدين شنو علاقتهم بالشخصيات الثانيه لما نتعمق اكثر بالاحداث ، اهما سعوديين يعني مو كويتين .. كانو عايشين بالكويت .. وبعدين ردو السعوديه وعاشوا هناك ، ناس على قد حالهم ، بيتهم مو ذاك الزود ومساحته صغيره

خل اعرفكم على افراد هالعايله :-

بو مطلق < علي> ( علي : ريال مرييض ومشلول شلل كامل ، يعني لا يقدر يتكلم ولا يمشي ولايحرك أي شي من جسمه ، مُقْعَد بالويل جير ، كبير بالسن وعمره بالستينات ، متزوج وعنده ولد و3 بنات )

ام مطلق <ساره> ( ساره : مرت علي ، علي اكبر منها بوايد اهيا عمرها الحين ببداية الخمسينات ، لاحول لها ولا قوة جدام ولدها مطلق ، ما تشتغل عاطله عن العمل )

مطلق : ( اهوا الولد العود ، عمره 38 ، مو متزوج ، عنده شهاده ثانيه ثانوي وبعدين طلع من المدرسه ، راعي سوالف وشقق وبنات ، فاسد ، مأذي امه وخواته ، عاد نفسه ريال البيت بحكم ان ابوه مشلول ومايقدر يظبط البيت ، وطبعا مانع امه وخواته من الطلعه ومأذيهم أذيه يطقهم ويزف ويخانق حتى امه مو مسويلها أي احترام بس ما عمره مد ايده عليها يعني الطق كله على خواته ، يشوف الناس والحياة بصوره سلبيه لان كل من يرى الناس بعين طبعه ، مطلع خواته من المدارس ....إالخ )

حصه : ( ثاني وحده ، عمرها 19 سنه ، لا دراسه ولا شغل والسبه اخوها ، اخوها مطلعها من المدرسه لما كانت بأولى متوسط ، صبوره على العذاب من اخوها ، وتساعد امها بكل شي بحكم انها اكبر خواتها )

نوره : ( ثالث وحده ، عمرها 17 سنه ، نفس الحاله لا دراسه ولا شي ، دايما الدمعه بعينها ، ومتعقده من الدنيا ، والسبه الطق والتعذيب ، لا رفيجات ولا صداقه ، اكثر وحده معاها بنت عمها "غلا" لانها تييهم اهيا وعمها وكبرها وكله تواسيها وتقعد وياها لانها كبرها )

بو مطلق ( علي ) قاعد بالصاله مع ساره و حصه .. يشوفون التلفزون اللي باليالله دخل بيتهم لانه مطلق حارمهم من كل شي حتى التلفون بالخش والدس يتكلمون فيه وهالتلفزون عمهم ( محمد ) اهوا اللي يايبه لهم .. اما نوره قاعده بدارها تقرا من الكتب اللي يايبتهم لها بنت عمها غلا ملوت المدرسه اللي ملوت السنين اللي طافو ! .... اما الطامه الكبرى مطلق طالع ومايرد الا بالليل على الساعه 11

فجأه تبطل البااب عليهم بالصاله .. ولا منو الداخل مطلق !!!

دخل مطلق وبكل قوة و كان سكران

مطلق يصرخ : ويييينك ؟ .. وييييينك يابنت الـزفت ؟ .. وينك .. تـ تـ تعااالي لا آآكسر رااسك
الكل قام طبعا ما عدا علي يشوف بعيونه ومايقدر يسوي أي شي
ساره واهيا خايفه : وش فيك يا مطلق ؟ .. من تبغى ؟
مطلق مستمر : تـ تعاالـي هنــا .. لا لا اعلمك مـ مـن تكونين .. و و ويييينك ؟
حصه قربت منه واهيا ميته من الخوف : مين تبغي ؟ مين ؟
مطلق دزها بقوة : و وخــري انتي يالبهيمه
حصه طاحت بالاض وقعدت تبجي
مطلق : جييبوها .. جيبوها
علي يطالعه وعينه غرقاانه دمووع ويبجي مثل الياهل .. وقلبه مقهوور على حال بناته

نوره خافت تطلع من دارها مع انها مو مسويه شي لأنها تدري ان اخوها بس همه انه يطق وبس مايدري منو اللي جدامه.. بس قاعده داخل وتسمع وتبجي .. خافت يحوشها طشار من الطق

علي يحاول يصرخ او يطلع صوته لانه وده يتكلم او يقول شي : آآآآ ... آآ مممم .. آآآ
لما نوره سمعت صوت ابوها .. عورها قلبها عليه ويتلها الشجاعه انها تروح
طلعت نوره من غرفتها وقلبها يطق يطق بكل قوة من الخوف مع انها مو مسويه شي بس طبعا خايفه من مطلق

مطلق اول ما شافها : تعاالي .. يالحيواانه .. تعاللي ( وراح وسحبها من هدومها وطقها طق سنه بساعه بس كان يبي يطلع قوته عليهم وبس يبي يطق واهوا يدري انها مو مسويه شي )

نوره تبجي وتصرخ : آآه .. والله ما سويت شي .. آآآه
ساره وحصه يحاولون يوخرونه منها .. وحصه خافت وقعدت تبجي .. اما علي ساكت ويطالع اللي يصير وعيونه تدمع

ساره تبجي : خلااااص .. خلااص كفاايه .. وش تسوي فيهاا
حصه تبجي : وخــر .. بس .. بس .. خلااص
مطلق واهوا يطق نوره : وخروو عن وجهيي .. انتي يا قليلة الادب .. والله لا اذبحك بايدي
نوره تصرخ وتبجي : آآآآييي .. آآآآآه .. اترجااك .. آآآآه .. صدقني ما سويت حاااااجه آآآآه

.. وفجأه طاح عليهم مطلق من التعب لانه سكران ومافيه قوه على الطق اكثر من جذي .. ساره بسرعه شالت نوره وودتها غرفتها .. ونوره قاعد تبجي من العوااار والطق .. وعقب ما حطتها على الفراش

ساره وتسمح على راس نوره : وش اللي مسويته يا نوره ؟
نوره واهيا تبجي : والله .. والله يا يمه اني ما سويت شي
ساره : اجل ليه يضربك كذا .. وش اللي شايفه فيك عشان يسوي فيك كل هذا !!
نوره مستمره في البجي : مدري يمه .. انا ما سويت حاجه صدقيني
ساره لمتها : خلااص يا نوره يا حبيبيتي .. انتي عارفه اخوك ظالم ويظلمنا كلنا .. ادعيله بالهداياا
نوره زاد بجيها ولمت امها ...

:: شقة طارق ::

رهين قاعده بغرفتها عالابتوب .. ورنا بالمطبخ تسويلها نسكافيه ..

تبطل باب الشقه ودخل طارق و صكر الباب وراه واهوا يفصخ كبوسه ( الكاب مال الشرطي ) .. رنا طلعت من المطبخ وبيدها الكوب

رنا : اهلا اهلا
طارق : هلا والله .. ( يعلي صوته عشان تسمعه رهين ) السلااااام علييييييكم
رنا تضحك وتشرب من الكوب
رهين هدت اللاب اول ما سمعت صوت ابوها وطلعت برا

رهين : يبااااااااااا ( راحت لمته )
طارق : هلا هلا ابووي .. هلا ببنيتي
رهين : يباا وينك .. حسافه كنت ابيك امس انك تكون اول من يدري
طارق : شسوي بعد كله من هالخفارات
رهين يعني عصبت : لو الله يفكنا من هالخفارات جان احنا بخير
طارق : ههههه .. يالله قوليلي شنو الخبر اللي معصبه علي عشانه
رهين استانست : يباا قووولي مبروك
طارق : مبرووك.. بس ليش ؟
رهين : نجحت يباااا .. نسبتي 95.8 .. يعني امتيااااز وناااسه
طارق : لالا يالله عالبركه عالبركه .. حمدالله الله ما يخسر تعب
رنا : ايه والله حمدالله .. ورفعت راسنا فووق كماان
رهين : احممم ..
طارق : اقول سكتي سكتي لاتغترين بعمرج واايد
رهين : لا لا لا يباا .. رجااءً

رن تلفون طارق .. وطلع التلفون من مخباته والا < عماد يتصل بك >

طارق : الوو
عماد : قوة
طارق : الله يقويك
عماد : طارق انت بالبيت ولا بالدوام ؟
طارق باستغراب : لا بالبيت ! .. ليش ؟!!
عماد : انا يايك الحين
طارق : عماد فيك شي ؟
عماد : الحين اييك وبتعرف كل شي
طارق : اوكي حياك ( صكر التلفون واهوا مستغرب )
رنا : شو به عماد ؟
طارق : مادري .. بس شكله وراه سالفه من صوته مبين
رهين : شنو حياك ؟ ... بيي الحين ؟
طارق : أي
رهين : الحيييييييين !!
طارق : أي مادري صوته مبين مو على بعضه فيه شي .. والا شاللي مخليه اييني الحين وهالحزه .. انا اعرفه ، عماد هالحزه كل يوم بالفراش وبسابع نومه بعد
رنا : اللهم اجعلو خير
رهين : عاد انشالله مافيهم شي .. وااي يباا قمت احااتي .. خرعتني يباا
طارق تنهد وقعد على الغنفه وقط الكبوس اللي بيده على الغنفه : نشوف الحين انشالله ماكو شي
رنا : انشالله .. رهين حبيبي يالله روحي نامي هلأ الوقت تأخر كتيير
رهين : لا والله ما انام الا لما اعرف شفيه عمي عماد

بعد دقايق رن الجرس .. وراحت رهين بطلت الباب

رهين : هلا عمي تفضل حياك
عماد دخل : السلام عليكم
رنا وطارق : وعليكم السلام
رنا حبت تخليهم بروحهم عشان ياخذون راحتهم : انا ماشيه داخل .. بدكون شي حاجه ؟
طارق : لا سلامتج
رنا : الله يسلمك .. عماد حاب تشرب شي ؟
عماد : لا مشكوره
رنا : اوكي تصبحو على خير
طارق وعماد ورهين : وانتي من اهله
طارق : رهين يبا ماتبين تنامين
رهين ودها تقعد : ها ؟! .. أي أي اوكي .. اممم ما تبوني اقعد
طارق عطاها نظره ان روحي : لا مشكوره مو محتاجين خدماتج اليوم
رهين : انشالله

:: بيت بو عادل ::

نهى و سبيجه وابرار قاعدين بالصاله سهرانين .. وطبعا ابرار مابقى شي مايابته عشان تستمتع واهيا تشوف التلفزون يعني مشغله عيونها وحلجها

سبيجه : يماااا سمعتي الخبر
ابرار : صدام انتحر هيهيهيي
سبيجه : هيهي ماكو املق بعد .سكتي .. ها يما دريتي
نهى : عن شنو
سبيجه : رهينوو بنت خالي طارق امتياز
نهى : صج ! .. متى وانتي شدراج
سبيجه : ايي .. اليوم كلمتني رهين وقالتلي
نهى : محد قالي ...
سبيجه : مادري !
ابرار لفت عليهم : شنو شفيكم ؟
سبيجه : رهين تخرجت
ابرار : صججج ونااسه .. جم يابت
سبيجه : 95.8
ابرار : ايييي مشالله .. اكيد بعد زلمااات
سبيجه : جبي عاد ماراضى عليها
نهى : بسكم نجره من تصبحون لين تمسون وانتو نجره مشالله عليكم

.. نزل عادل من الدري واهوا يركض و رايح بيطلع

نهى : عادل وين رايح
عادل : ها .. بروح .. آآ بروح عندي شغل شوي وراد
نهى : تعاال حاجني عدل وين بتروح .. الحين انت لابس وبتطلع وتقولي شوي وراد
عادل : يما اذا رديت اقولج .. باي ( وطلع بسرعه )
نهى : هو ! شفيه
ابرار : اكييد مسويله سالفه
نهى : لا والله ولدي واعرفه عدل .. ما عمره ضر احد .. لو انتي جان قلت يمكن .. بس عادل لأ !!
ابرار : لااا والله .. اووكي انا يعني ام البلاوي ها
سبيجه بتسكتها : اقوول يما .. تهقين خالي طارق ولا خالتي رنا بيسوون حق رهين حفلة يوم الخميس ( الخميس يوم يمعتهم ) ؟؟
نهى : والله مادري عنهم .. دقي عليهم وشوفي
ابرار : وااي وناسه متى اروح الثانوي واتخرج وتسوولي حفله

المآآيك لكم

فيتامين سي · 06-01-14, 10:37 PM

>> الـــــــــبـــــــــــار ت الــــــرابــــــــــــع <<

:: شقة طارق ::

طارق : لاحول ولاقوة الا بالله .. قَوْ قلبك يا خوي .. هذا قضاء وقدر
عماد واهوا منزل راسه بحزن : ماني قادر اشوفه من بعد ما كلمني الدكتور .. طارق .. مابي ولدي يروح مني وانا موقادر اسوي شي .. مابيه يروح مثل ماراحت الغاليه (إيلاف) .. هذا ولدي الوحيد ماعندي غيره شلون تبيني اتحمل اشوفه جذي

وقطع كلامهم .. صوت رنة الجرس .. وطلعت سيييده رهين من غرفتها بتبطل الباب

طارق : انتي مو نايمه
رهين توهقت لانها كانت قاعد تتسمع : ها .. أي بس كنت .. لا ماياني النوم
طارق : انزين خلاص روحي دارج
رهين : ببطل الباب
طارق : رووحي داارج
رهين : انشالله ( وراحت )
قام طارق وبطل الباب ..
طارق : هلا عادل تفضل

( رهين بغرفتها تتسمع )
رهين بقلبها : عاادل !! .. ليش عادل .. شسالفه ... عادل شكو .. وااي اهما يتكلمون شوي شوي ماسمعت شي استغفرالله .. قلبي ناغزني اكيد صايره سالفه !

( بالصاله )
عادل : خالي عماد .. لاتكدر نفسك اهما قالولك مو متأكدين وانشالله تطلع حميده
عماد فيه غصه بقلبه وخنقته العبره .. بس ما وده تنزل دمعته جدام اخوه و ولد اخته .. بس ماكان هالشي بيده ولا بكيفه نزلت الدمعه غصبا عنه .. وتداركها ومسحها بسرعه
طارق : افاا .. يا خوي انت الكبير والكبير الله .. احنا نتعلم منك قواة القلب .. موخابرك جذي .. هونها وتهون انشالله انت هد بالك وانشالله ماعليه الا العافيه انشالله

( غرفة رهين )

رهين تكلم عمرها : امبيي شسالفه .. ومنو اللي ماعليه الا العافيه !

( بالصاله )
عماد : عادل .. في احد شافك وانت طالع هالحزه
عادل : أي امي وسبوج وابرار
عماد : لا يكون قلتلهم ان ........
وقبل لا يكمل قال : لا خالي محد درى بس قلتلهم عندي شغل
عماد : أيي اشوا مابي اخرع امك بهالليل

الــــــــســـــــعوديـــ ــــــه ..

:: بيت بو مطلق ::

مطلق عازم ربعه كلهم بالدوانيه اللي ببيتهم .. طبعا دوانيتهم مو ذاك الزود ومو كبيره حيل .. المهم ، ويعجز التعبير عن وصف الوضع اللي اهما فيه .. طبعا كلهم سكّييره ( سكرانين ) و يلعبون قمار .. والبطول تارسه الطاوله .. وصايره ريحة الدوانيه تلوع الجبد من كبر كمية الخمر اللي يشبرونه .. وصاروا شبه مغمى عليهم يعني مايدرون اهما شقاعد يسوون .

مطلق طلع برا الدوانيه وراح عند الصاله اللي داخل : حصصصصصه .. نورووو و وجع انشالله .. نوروو جعلك الصمخ
نوره طلعت من غرفتها : نعم ؟
مطلق وحالته تلوع الجبد واهوا سكران ويالله بتكلم بس كل هذا ومو متخلي عن قوته جدامهم : جـ جيبي الـعشاا دا داخل
نوره باستغراب : إيش !
مطلق : اقووولك جيبي الـ لـعشاااااا .. فاهمه ولا تبغين اللي برجولي تفهمك
نوره : حاضر حاضر
مطلق : يلا اذلفي
نوره راحت المطبخ ركض .. وكانت حصه وامها بالمطبخ قاعدين يسوون العشا ..

نوره واهيا تناهت وخايفه ومو قادره تبلع ريجها : يمه .. يمااا .. مطلق يقول جيبوا العشا
ساره : الحين يخلص .. بس خذي المويه على ما يجهز اللي بالطباخه ( طباخه يعني الجوله بالسعودي )
حصه : جعله زقوووم ببطونهم انشالله
ساره : بس يا حصه مو زين عليك
حصه : يما من حرتي .. وش تبغين يطلع من ولد كذا .. خليني يمه بس يمكن لي صار فيه شي يبتعد عن هالخرابيط ذي
ساره : حرام عليك لا تتكلمين عن اخوك كذا .. صدقيني لو يصيبه شي بينكسر قلبك عليه مليون مره
نوره : يما ذا تسمينه اخو .. ذا عدو مهو بأخو
مطلق من بعيد يصرخ : يااا بنت الـ....... ،، وين العشاا
نوره : اففف يمااا يلاا مو بلازم يخلص .. هالناس تاكل وبس مايهما وش اللي ياكلونه حتى لو تحطينهم لهم نجاسه بياكلونها مو بيقايلين لأ
ساره : امسكي امسكي .. يلا روحي عطيه
نوره خذت الصينيه وراحت عند الباب مال الديوانيه و واقفه من ورا وتتحلطم

نوره تتطحلم : افف .. ذا يصرخ بأعلى صوته وبعدين يدخل و يعلقني لا إني عارفه كيف ادّخل الزقوم ولا إني قادره اروح

جان تقوم تطق الباب بكوعها لانها ماسكه الصينيه ..

مطلق واهوا داخل : ادخلي جـ جيبي العشا
نوره متوهقه: مطلق الاكل برا
مطلق يصرخ : اقولك ادخلي
نوره واهيا خايفه وبقلبها " ياويلي كيف ادخل وداخل رجاجيل ومجانين ..ذا مجنون ولا إيش .. كيف يفكر كذا "
جان يتبطل باب الدوانيه ولا مطلق مبطل الباب

مطلق : انت ماتسمعين اقولك ادخلي
نوره بخوف : انشاء الله ( ودخلت )

دخلت نوره واهيا تشوف الاشكال اللي تولع الجبد .. حدها خايفه من اللي موجودين ومن نظراتهم لها .. ماصدقت تحط الاكل وبتطلع .. والا يقول واحد من ربعه لما كانت نوره تمشي رايحه بتطلع

نايف ( واحد من ربعه ) : مطلق قل لها تجلس هنيه شوي ( يقصد نوره )
نوره هني بغت تمووت لما سمعت !! وودها الارض تنشق وتبلعها ولا انها تسوي اللي قاله .. ودها تموت بهاللحظه .. ودها تنقبض روحها وتطيح وماتقوم ابد .. ودها تصرخ بأعلى صوتها :

(( يـــــــــمـــــا ويــــنـــــــــك تــــكـــــفــــيــــن ألـــحــــقــــيـــــنـــ ــــي ))

بس للأسف .. ولا شي من اللي تمنته صار .. جان تمشي بسررعه تبي تطلع بس منعها صوت مطلق

مطلق : نوره تـ تعالي
نوره صار ويها جذي (!!!) خافت حدهااااا .. بس ماكانت تقدر تسوي شي .. حست انها ضعفت حييل .. حاولت تستجمع قواها جدام مطلق
نوره وويها صار احمر من كثر ما اهيا خايفه وشكلها بعد شوي تبجي : آآ .. ابغى اروح الحمام !
مطلق : أقولك تعالي اجلسي
نوره جان تدمع : مطلق ابغى اروح الحمام
مطلق عطاها نظره : اسمعي الكلام وتعالي
نوره بخوف وقامت تعرق : انشالله ( وراحت قعدت يم مطلق واهيا لاصقه فيه من الخوف )
فلاح(رفيج مطلق) : كيفك يا حلوه ؟
نوره تعلقت بمطلق مسكته حيل : ................
مطلق وخرها : وش فيك .. الرجال يسألك ردي
نوره : ......
احمد مسك قلاص : اشربي .. تراه مرررره لذييذ يخليك تروقين على الآخر !
مطلق : لا .. لا مالا داعي
نوره هني ارتاحت وحست ان حس فيها شوي
نوره تكلم مطلق شوي شوي: مطلق انا بمشي
مطلق بصوت عالي: اذلفي يلا
فلاح : لااا .. اجلسي .. مطلق خلها شوي ما استانسنا

:: شقة طارق ::
رهين داخت من كثر اهيا تتسمع وموسامعه شي بالضبط .. وراحت نامت وقالت باجر تعرف كل شي .. بس عماد وطارق وعادل متكدرين وبالاخص عماد لانه ولده و وحيده وماعنده غيره بهالدنيا

عماد قطع الهدوء اللي تم مده : طارق انا باجر بروح اخلص اوراق بدر عشان بعالجه بره
طارق : لا يا خوي .. انشالله ما كو الا العافيه .. لا تتسرع انطر لين يتأكدون
عادل : أي خالي مايصير تروح وانت ماتدري .. يمكن يكون حميد ومايحتاج السفر والعلاج بره
عماد : قلتلكم ما اقدر اشوفه جذي وما بيدي شي اسويه هذا ولدي حشاشة يوفي .. فهموني.. هذا قطعه مني.. لو راح اروح بعده
طارق : اسم الله عليك وعليه عسى عمركم طويل انشالله .. شهالحجي عماد !
عادل : خلاص خالي انا من باجر من الصبح بروح المستشفى واتطمن على بدر واكلم الدكتور واشوف نتايج التحاليل والحوصات واطمنك
عماد : لا لا انا باجر بروح بنفسي واتطمن عليه
عادل : خالي وين تروح وانت بهالحاله ! .. انت تعبان ونفسيتك تعابنه واذا رحت وانت بهالحاله جدام بدر بتسوء حالته اكثر .. لا انا اروحله واشوفه
طارق : أي وانت خلك ارتاح وريح بالك و خل تتعدل نفسيتك شوي وبعدين روحله وصاج عادل مو زين تروحله وانت جذي
عماد تنهد : انشالله !

(( يـــــوم الــخـــــمــيــس ( يعني بعد يومين ) ))

:: المستشفى ::

عماد سفط سيارته ونزل منها .. واهوا ماشي بيدخل المستشفى رن تلفونه < نهى يتصل بك >

عماد شال التلفون : الوو هلا نهى
نهى : هلا فيك .. شلونكم وشلون بدر ؟
عماد : حمدالله بخير .. انتو شخباركم وشلون سعود ؟
نهى : والله الحمدالله لك الحمد .. ها شصار على بدر شقالوا ؟ .. متى يسوون له المنظار ؟
عماد : سووله منظار .. وقال الدكتور اليوم بيسوون له اشعه
نهى : صج ! .. لييش بعد
عماد : أي لازم خو مو شويه الورم لازم يتأكدون اكثر .. بس تصدقين .. اللي ريحني وخلاني اقدر انام الليل انه نتيجه الفحص بالمنظار بينت ان الورم مو خبيث اعتقد جذي قالي الدكتور .. والله من كثر ما قمت احاتي ما قمت اثبت
نهى : ويي لا تصير ماما عودا .. هههه لا اضحك وياك .. ابيك تصير مثل اول .. اول شحلاتك بس الحين خقيت ماكو بس عظام تمشي .. صرت عصاايه ، وين اول عماد اللي كل من يحجي عنه ذاك المتبتب الحييين مره وحده ضعفت حيييل حييل مو شويه بعد .. يا خوي خل عنك المحتاة شوي خلها على الله ربك يسهلها ويهونها انشالله .. صج انه وحيدك بس اهوا اذا شافك جذي بيضعف اكثر ومرضه يبيله نفسيه سنعه ما يبيله نكد .. انت جذي ماراح ترفع من معنوياته بالعكس بتخليه يتوقع الاسوء
عماد : آآآخخ .. الله كريم بس الله كريم
نهى : والنعم بالله .. بس هم شوي شوف صحتك
عماد : انشالله انشالله .. يلا انا وصلت غرفة بدر ما ابيه يسمع الحجي
نهى : أي يالله عيل حافظك الله

ناااااااطره تعليييقاااااااتكم عفيه

فيتامين سي · 06-01-14, 10:40 PM

>> الـــــــبـــــــــــارت الــــخــــامـــــــــــس <<

:: بالسياره ::
رهين وسبيجه قاعدين بالسياره على ما تحتر وهم بنفس الوقت ينطرون ابرار تطلع عشان بيروحون يتريقون بره .. طلعت ابرار من البيت وصكرت الباب وراها وصعدت السياره وصفت الباب

سبيجه : هييييييي كسرتي سيارتي
ابرار واهيا تعدل قعدتها وتعدل ملابسها وشعرها : الله وسيارتج عاد
سبيجه : أي حبيبتي ليش مو تارسه عينج .. طلعي برا عيل
رهين : ههه خلاص خلاص .. توم وجيري بس .. انتو جبارييت مادري شمطلعكم ويا بعض .. الله يعيني عليكم
سبيجه : المهم ماعلينا من هالياهل .. قولي وين تبون تتريقون
ابرار : انتو سمعووا ... السالفه مو وين بنتريق السالفه ثاااانيه
رهين و سبيجه: شنوو !!
ابرار مسكت بطل ماي بتشرب : امبييييي مساع مرييت يم غرفة عدوول .. لما كنت بنزل، بيلكم يعني ....(فجأه) واااااااااااااااااااااي لا لا لا هئ هئ هئ لاااا
رهين و سبيجه : شفيييييييييييييج !!
ابرار : انكت الماااااااااي علييييييييي
سبيجه : يوو اشوف وين ؟
ورتها ابرار : شووفي كله
سبيجه : اوووخ شسويتي انتي البطل كله كتيتيه
ابرار : ماابي بنزل اغير
سبيجه : يوووو .. اف امشي انا وياج عشان تخلصين بسرعه ... رهين انا بنزل ويا بروور تغير جينزها والبلوزه لانه كلهم تدمرو تنطرينه بالسياره ولا تنزلين داخل ؟
رهين : لا لا عادي اقعد هني
سبيجه : اوك .. امشي يالياهل.. اففف
ونزلو ..

رهين لما كانت بروحها بالسياره تذكرت الكلام اللي قالته ابرار مساعه عن عادل وقعدت تفكر فيه

رهين بقلبها " لحظه لا يكون !! .. أي أي ليش لأ .. اخاف تدري عن لما يانا قبل امس عادل .. بس جني سمعت لما قال حق ابوي ان محد يدري !! .. اخاف اكو شي .. انا من ذيج الليله ما ارتحت لهم حتى امي وعمتي نهى قامو يتكلمون بالالغاز ولي سألناهم طنشونا .. اففف شهالماي اللي ما تسلط ينكت الا لما تكلمت .. لا لا لا ما اقدر اصبر اول ماتيي بتولاها بالاسئله .. قلبي ناغزني من ذيج الليله بس انشالله ما يكون في شي "

قطع تفكيرها صوت سبيجه وابرار واهما داخلين السياره

سبيجه تتحلطم : افف .. كله منج .. بالله الحين ريووق روحتي الوقت علينا
ابرار : وااي يعني شسوي افف
رهين : وانتو لي الحينكم على نجرتكم ما خلصتوا
سبيجه حركت : واااي رهنوو يا بختج حظظج ما عندج اخت دعله مثل اللي عندي
ابرار : جب جب
رهين : لاا حرام عليج .. عاد اتمنى يكون عندي خوان ولا خوات
ابرار : لااا بالعكس الحين انتي المدللـه المدلعه .. مو انا مالت علي
سبيجه : ايي واضح مادري منو اللي ابوي حاطلها الشمس بإيد والقمر بإيد
رهين : برووور
ابرار واهيا تسنع شعرها بالمنظره اللي جدام : همم
رهين : كملي سالفتج
ابرار : أي سالفه ؟
رهين : لما مساع تقولين مريتي يم غرفة عادل
ابرار : اييييي .. سمعو سمعوا

:: المستشفى ::

بغرفة بدر .. عماد كان قاعد عند بدر

بدر : يبا مليت متى اطلع من هني احس قمته
عماد : انشالله بتطلع وتتعافى انشالله
بدر : انزين امس شقالك الدكتور
عماد توهق : هاا .. أي .. أي أي لا بس يقول ان المنظار ما سوا شي .. يعني ماكو فايده فاليوم انشالله يمكن جذي على الساعه 5 يسوون لك اشعه سينيه
بدر قعد على حيله : شنوووووووووو !! .. يبا شقاعد تقول .. انا شفيني ؟ .. يبا انت ليش تخش علي انا فيني شي ؟!!
عماد يهديه : لا لا مافيك شي الحمدالله .. انت ارتاح ارتاح مو زين عليك جذي .. مافيك شي ويعدين انت مو ياهل اللي اقص عليك ولا اجذب
بدر هدا : لا يبا مو القصد انك تجذب علي محشوم والله .. بس احس انك خاش علي شي
عماد : لا يا يبا مافيك الا العافيه
بدر : عيل ليش الاشعه السينيه
عماد : عشان يتطمون اكثر على الورم ( وهني زل لسانه لما قال يتطمنون على الورم .. لانهم خاشين عنه عشان ما يخرعونه )
بدر قعد : شنوو .. ورم !!! .. ورم شنو .. يبا انت شقاعد تقول .. ليش يبا تقولي مافييك شي لييييييييش ( وهني دمعت عينه وقعد يصرخ ) .. انتو تجذبون علي .. انا مرييض .. انا فيني شي بس انتو ماتبون تعلموووني ... انا شفيني يباا قووول تكلم ليش ساكت ليش ما تقولي شفيني ليش ... ليش تقصون علي (( وفجأه تعب واغمى عليه ))

عماد : بدر .. بدر بدر .. بدر اصحى بدر .. دكتووووووور لحقوو على ولدي دكتووور
دخلوا السستر والدكاتره بسرعه .. وركبو عليه درب
الدكتور : شفيه بدر ؟
عماد : مادري دكتور مادري .. تعب فجأه
الدكتور : الحين اهوا تعبان .. صار فيه انهيار عصبي مفاجئ
عماد : انهيار عصبي !!
الدكتور : أي .. شاللي صار له .. تكلمت معاه بشي ؟
عماد : احنا ماكنا قايلين له ان فيه ورم عشان مايخترع اكثر .. ومساع وانا اسولف وياه زل لساني واهوا تفاجأ بهالشي
الدكتور : الصراحه انتو غلطانين انكم ما بلغتوه من الاول .. لان بجذي بيروح باله ان الورم مو مثل أي ورم عادي .. وهذا اهوا اللي خلاه يصير بهالحاله
عماد : لاحول ولاقوة الا بالله
الدكتور : الحين لازم تخليه مرتاح عشان تهدا اعصابه .. واتمنى ما تييب له طاري عن أي شي وتنسيه الموضوع باي طريقه .. لان اهوا اذا صحى انشالله من الممكن يكون مو عارف شنو اللي صار له .. فاتمنى تخلونه ينسى .. وبعدين كلموه بالمضوع بالتدريج وترى الورم اللي فيه حميد بإذن الله يعني انشالله ماعليه خوف .. بعد الاشعه بنتأكد وان كان حميد بنسويله عمليه استأصال للورم
عماد : انشالله .. مشكور دكتور ويعطيكم العافيه

:: بمواقف المارينا ::

سبيجه وابرار ورهين .. نازلين من السياره

سبيجه : اووخ كل هذا يصير واحنا ماندري !!
ابرار : شفتي .. وانا اقوول حق امي قبل امس لما كان طالع وراه سالفه وامي تقول لا لا عادل مايضر احد
سبيجه : أي صح خو اهوا ماضر احد
ابرار : عيل ليش لما كان يكلم خالي طارق .. يقوله انشالله محد راح يعرف بالسالفه الا احنا وان بدر مسكين ومايستاهل .. واااي اموت واعرف شسالفة بدر وعادل وخالي طارق .. لا هذا اذا مو السالفه متمدده حق امي
رهين بقلبها " اهاا عشان جذيي .. الظاهر بدر مريض لما ذيج المره قالو ماعليه الا العافيه اكيد يقصدون بدر " : بناااااااات .. انا عرفت السالفه من الألف لي الياء
سبيجه : قولي قولي
ابرار : شنو ليكون انتي لج طرف بالسالفه
رهين : لا حشا .. بس انا سامعه جزء من السالفه ولما تحجيتي فهمتها عدل
سبيجه : يلا قوولي ترى مافيني صبر
رهين : بدر ولد عمي عماد ...........

الـــــــســــــــعـــــو ديـــــــــه ..

:: بيت بو مطلق ::

نوره مريضه فيها انفلونزا وحرارتها مرتفعه حييل .. وكل هذا بسبة الخرعه والصدمه من يوم قعدوها معاهم بالدوانيه بوسط الشباب .. يعني صارلت لها مده واهيا بهالحال والحراره ما خفت منها .. غلا بنت عمها يايه عندها ومجابلتها لان ما طاوعها قلبها تسمع انها بهالحال واهيا مو معاها .. فنامت عندها يومين ..

غلا : نوره تبغين شي تاكلينه ولا تشربينه ؟
نوره بتعب : لا
غلا : اوكي .. زين ما تبغين تنامين ترتاحين ؟
نوره بتتكلم بس مو قادره حست ان لسانها انشل .. وفجأه جسمها كله شد حييل وتشنجت .. هني غلا خافت حدها وقعدت تصرخ وتبجي من اللي قاعد تشوفه
غلا : نوووره .. الحقووووني نوووره .. وش فييك نووره .. حصصصصصصصصصصه عمتي سااااااره

فيتامين سي · 06-01-14, 10:42 PM

>> الــــــبــــــــــــارت الــــــســـــادس <<

الـــــــســــــــعـــــو ديـــــــــه ..

:: بيت بو مطلق ::

نوره مريضه فيها انفلونزا وحرارتها مرتفعه حييل .. وكل هذا بسبة الخرعه والصدمه من يوم قعدوها معاهم بالدوانيه بوسط الشباب .. يعني صارلت لها مده واهيا بهالحال والحراره ما خفت منها .. غلا بنت عمها يايه عندها ومجابلتها لان ما طاوعها قلبها تسمع انها بهالحال واهيا مو معاها .. فنامت عندها يومين ..

غلا : نوره تبغين شي تاكلينه ولا تشربينه ؟
نوره بتعب : لا
غلا : اوكي .. زين ما تبغين تنامين ترتاحين ؟
نوره بتتكلم بس مو قادره حست ان لسانها انشل .. وفجأه جسمها كله شد حييل وتشنجت .. هني غلا خافت حدها وقعدت تصرخ وتبجي من اللي قاعد تشوفه
غلا : نوووره .. الحقووووني نوووره .. وش فييك نووره .. حصصصصصصصصصصه عمتي سااااااره

ساره وحصه يو غرفة نوره ركض .. وانصدمو من شكل نوره وقعدو يصرخون لا شعورياً

ساره واهيا تصرخ : نووره .. وش فييها بنتي نوووووووورااا

حصه طلعت التلفون واهيا مخترعه ودقت على الاسعاف ..

حصه : الوو .. الاسعاف ؟ .. لوسمحت تكفى اختي مدري وش فيها تعالو الحقوونااا .. ( وعطته العنوان ) .. بسرعه الله يخلييك

:: المستفى ::

عماد يتكلم بالتلفون

عماد : ربك ستر .. زين ما صار شي بس
طارق : أي والله الحمدالله .. انت شلون قلت جدامه مو احنا متفقين انه مايدري بالموضوع الا اذا تأكدنا من كل شي
عماد : والله زلة لسان ما ادري شلون قلتها .. لي هاللحظه وانا اللوم نفسي
طارق : بس تبي الصج انت ماتنلام .. من كثر هالفكير وين بتركز على كل حجوه.. بس هذا مقدر ومكتوب والحمدالله على كل حال
عماد : أي والله الحمدالله .. اقول طارق
طارق : شنو
عماد : وينك لا انت ولا رهين ولا مرتك ما شفنااكم من زماان
طارق : أي والله لو مو هالشغل جان زين .. بس ولا يهمك
عماد : ايي صح .. بس شلون اخلي بدر بروحه بالمستشفى !
طارق : اييي صح صح .. اهو الحين شقالو عنه
عماد : على حجي الدكتور ان اليوم بيسون له اشعه وبيتأكدون من الورم .. وانشالله اذا حميد بيسون له عملية استأصال
طارق : اييييي انشالله .. الله يشافيه
عماد : آميين

الـــــــــســــــــــعــ ــــــــوديـــــــــــــه ..

:: المستشفى ::

حصه قاعده بالكراسي اللي جبال الغرفة اللي دخلوها نوره وساره واقفه على حيلها تنطر يطلع الدكتور وقاعد تحااتي وغلا قاعده بعد بالكراسي واهيا تتدق على ابوها عشان اييهم المستشفى

حصه : يما خلاص هدي .. انشالله مافيها شي
ساره : ويين اهدى واختك شفتيها وش اللي صارلها
حصه : آآه .. حسبي الله على اللي كان السبب .. حسبنا الله ونعم الوكيل
ساره تبجي وتمشي رايحه وراده واهيا تحاتي نوره
غلا : خلاص عمتي .. كل ذا ماراح يفيد
ساره : بس ذي بنتي لا تقولون اهدي مقدر والله .. خلاص خلوني لحالي اذا انتم تعبانين روحو وانا بجلس

غلا تأثرت من كلام مرت عمها ( ساره ) وبجت .. حصه بس شافت غلا تبجي جان تبجي وياها .. يعني محد قادر يتحمل الوضع .. لان اللي شافوه بنوره قبل شوي وشكلها كان حيييل يخرع واول مره يشوفونها جذي

غلا تمسح دموعها : ابوي وينه ما جه مررره تأخر

بهالحظه رن تلفون غلا .. < الغالي يتصل بك >
غلا : هذا ابوي يتصل !
غلا : الوو .. وينك يبا ما جييت حنا بحاله الله يعلم فيها .. وشووو !! .. يباا وش اللي تقوله ... آآآآآآه ( وقعدت تبجي بحرقه )
الكل انصدم منها .. واستغربوا شنو هالمكالمه اللي خلتها جذي !!

غلا طاحت على الارض واهيا ميته من البجي وتقول ( لييه وش هالحظ )
حصه وساره : غلا .. غلااا وش فيكي وش قال ابووك غلاااا
غلا لمت حصه واهيا تبجي : عمييييييي .. آآآآه ( ما قدرت تكمل من كثر ما البجي سيطر على مشاعرها وعليها )
حصه : ابووووي !!
ساره : علــــــي !!

:: بيت بو عادل ::

الجرس : تررررررررررررررررررررررن ترررررررررررررررررن

نهى تصوت : ليزااااا ( ليزا خدامتهم ) ليييزاااا
ليزا يت : yes madam ?
نهى : بطلي الباب
ليزا : ok
وراحت بطلت الباب ..

نهى : هلاا والله
رنا ورهين دخلو ،، رنا : اهليين حبيبتي
رهين : هلا عميمه شلوونج
نهى : هلا حيااكم .. زييين ما يغينا نشوفكم صارلنا اسبوع ما تيمعنا
رنا : اييه والله هاي الدنيا ماخزتنا بالمشاغل !!
نهى : أي والله وانتي الصاجه .. هالاشغال ما تخلص
رهين : عميمه سبجو فوق ؟
نهى : أي اعتقد فوق روحي شوفيها .. بس هاا اذا نايمه قعديها قوليلها ماصارت من ييتوو من الريوق واهيا على نومه وحده
رهين : اوولله .. شهالنومه .. خاست خاست
نهى : أي والله
رنا : ههههههههه .. حرام بتلاقيا تعبانه
رهين : ويييييي يماا انتي كل الناس عندج حرام ومساكين
نهى : هههههه .. روحي روحي شوفيها
رهين : اييي قولوا عندكم سالفه وما تبوني اسمعها
رنا : اييه يلا روحي لاشوف اُدامي
رهين : حاظر انشالله ( وراحت صعدت فوق )

رنا : شو في نهى حصل شي حاجه !؟
نهى : لا ماصار شي .. بس بغيت اقولج .. رهين تدري عن شي ؟ ولا سامعه شي مني مناك عن بدر ؟؟
رنا : رهيين !! .. لا ... لا لا ما سمعت لا ما اعتقد سمعت شي
نهى : اييي
رنا : لييش شو في ؟ .. انتي سامعه شي انو رهين عرفت عن الموضوع ؟
نهى : مادري .. بس اليوم لما انا وابرار قاعدين بالصاله ابرار قاعد تقول انها اليوم واهيا طالعه مع رهين وسبوج ....

(( نرجع حق اليوم الصبح ))

ابرار قاعد تمشي رايحه بتنزل من الدري .. وكانت غرفة عادل يم الدري تقريبا وقفت ابرار بتعدل جوتيها ( مكرم القارئ ) ولا تسمع صوت من غرفة عادل ..

ابرار بقلبها " معقوله ! .. عادل يقعد الحين ! ما اعتقد لااا لا ليش يقعد "
وراحت قربت يم الباب
ابرار بقلبها " هاا .. غرييبه .. انزين منو يكلم .. مينون يكلم عمره ! "

-عادل داخل غرفته- : خالي ترى السالفه بالنسبه لنا مو بالحجم اللي يشوفه عمي عماد .. بس انشالله محد راح يعرف بالسالفه الا احنا .. أي أي صح .. اييي .. احنا ما بيدنا شي .. أي أي .. أي ادري ادري ... بس بدر مسكين والله ما يستاهل هاللي قاعد يصير له !

>> الــــــــــبـــــــــــا رت الـــــــــثـــــــامــــ ــــــن <<

ابرار قاعد تمشي رايحه بتنزل من الدري .. وكانت غرفة عادل يم الدري تقريبا وقفت ابرار بتعدل جوتيها ( مكرم القارئ ) ولا تسمع صوت من غرفة عادل ..

ابرار بقلبها " معقوله ! .. عادل يقعد الحين ! ما اعتقد لااا لا ليش يقعد "
وراحت قربت يم الباب
ابرار بقلبها " هاا .. غرييبه .. انزين منو يكلم .. مينون يكلم عمره ! "

-عادل داخل غرفته- : خالي ترى السالفه بالنسبه لنا مو بالحجم اللي يشوفه ابوي .. بس انشالله محد راح يعرف بالسالفه الا احنا .. أي أي صح .. اييي .. احنا ما بيدنا شي .. أي أي .. أي ادري ادري ... بس بدر مسكين والله ما يستاهل هاللي قاعد يصير له !

ابرار واقفه برار تسمع ( شهقت ) : بدر !! .. وعدول !! .. لا وحتى خالي طاارق !! .. شسالفه والله انا قلت انك وراك سالفه

نـــــرجــع للــــواقـــــــع ..

رنا : اهااا .. بس هيك رهين مالا دخل بأي شي !!
نهى : سمعي خل اكمل لج

(( نرجع لليوم الصبح ))

ابرار طالعه من البيت ورايحه سيارة سبيجه اللي فيها سبيجه ورهين ينطرونها ..

سبيجه : قولي وين تبون تتريقون
ابرار : انتو سمعووا ... السالفه مو وين بنتريق السالفه ثاااانيه
رهين و سبيجه: شنوو !!
ابرار مسكت بطل ماي بتشرب : امبييييي مساع مرييت يم غرفة عدوول .. لما كنت بنزل، بيلكم يعني ....(فجأه) واااااااااااااااااااااي لا لا لا هئ هئ هئ لاااا
رهين سبيجه : شفيييييييييييييج !!
ابرار : انكت الماااااااااي علييييييييي
سبيجه : يوو اشوف وين ؟
ورتها ابرار : شووفي كله

سبيجه : اوووخ شسويتي انتي البطل كله كتيتيه
ابرار : ماابي بنزل اغير
سبيجه : يوووو .. اف امشي انا وياج عشان تخلصين بسرعه ... رهين انا بنزل ويا بروور تغير جينزها والبلوزه لانه كلهم تدمرو تنطرينه بالسياره ولا تنزلين داخل ؟
رهين : لا لا عادي اقعد هني
سبيجه : اوك .. امشي يالياهل.. اففف
ونزلو ..
وعقب مارجعوا ..
رهين : برووور
ابرار واهيا تسنع شعرها بالمنظره اللي جدام : همم
رهين : كملي سالفتج
ابرار : أي سالفه ؟
رهين : لما مساع تقولين مريتي يم غرفة عادل
ابرار : اييييي .. سمعو سمعوا

عند نهى ورنا ..
نهى : انا هني لما قالت لي بروره انه رهين سألتها .. حسيت انها وايد اهتمت للسالفه .. بس سمعي

( لما كانو بمواقف المارينا )

سبيجه وابرار ورهين .. نازلين من السياره

سبيجه : اووخ كل هذا يصير واحنا ماندري !!
ابرار : شفتي .. وانا اقوول حق امي قبل امس لما كان طالع وراه سالفه وامي تقول لا لا عادل مايضر احد
سبيجه : أي صح خو اهوا ماضر احد
ابرار : عيل ليش لما كان يكلم خالي طارق .. يقوله انشالله محد راح يعرف بالسالفه الا احنا وان بدر مسكين ومايستاهل .. واااي اموت واعرف شسالفة بدر وعادل وخالي طارق .. لا هذا اذا مو السالفه متمدده حق امي
رهين : بناااااااات .. انا عرفت السالفه من الألف لي الياء
سبيجه : قولي قولي
ابرار : شنو ليكون انتي لج طرف بالسالفه
رهين : لا حشا .. بس انا سامعه جزء من السالفه ولما تحجيتي فهمتها عدل
سبيجه : يلا قوولي ترى مافيني صبر
رهين : بدر ولد عمي عماد ترى مريض لاا وبعد مرضه مو شويه مرضه جاايد
سبيجه : شدراااج
رهين : صدقوووني انا سامعه كل شي بأذوني .. يعني معقوله تبوني اجذب اذوني واللي سمعته
ابرار : امبيي .. يعني شفيه مثلا
رهين : مااادري

نرجع للواقع ..

رنا : ياا الله شو اللي عرفهاا !!
نهى : ماادري .. كان عبالي انج تدرين او انتي اللي قايلة لها
رنا : لاا نهى معقوله بتفكري انو انا ياللي قلت لها .. بس بدك الصراحه ؟
نهى : شنو ؟
رنا : صراحةً انا بحس انو الموضوع ما بيستاهل كل هاي السريه .. يعني اولا و آخرا رح يعرفو
نهى : ادري والله ادري .. بس انتي تدرين ان البنات وخاصة رهين حييل مع بدر .. واخاف من يعرفون السالفه يروحون يقولون له .. وانتي عارفه شنو راح يصير ببدر اذا عرف واحنا خاشين عليه
رنا : ايييه اسم الله لييه ما بتعرفي انو الموضوع وصل لبدر !!
نهى شهقت : شنوو .. من قاله !!؟؟
ورنا قالت لها المضوع كلله من اوله لي اتلاه
رنا : بس عندي ليكي بشاره .. عملو لو الاشعه وطلعت حميده
نهى : صجججججج .. الله يبشرج بالخيير انشالله .. الحمدالله الحمدالله .. وانتي من قالج ؟
رنا : طارئ اليوم حاكاني ع الموبايل وقالي
نهى : وانا خلف الله علي محد يقولي ولازم اكون اخر من يعلم واذا صار فيهم شي .. يوو لي نهى ونهى
رنا : هههه .. لااا انتي راس المال

بــــــــــــعـــــــــــ د اســــبـــــوعـــيـــــن

الـــــــســــــــعــــــ ــــوديـــــــه ..

:: بيت بو مطلق ::

نوره طلعت من المسشتفى وقالولهم الاطبه انها تعرضت لحاله نفسيه عصيبه و الحين صار فيها مرض الصرع !!

.. بعزا الحريم ..

ساره و حصه ونوره و غلا واقفين اول شي عشان اهمه اهل الميت .. وساره حييل تعبانه وعيونها صارت حمرا من كثر البجي .. وهاليوم آخر يوم بالعزا

.. بعزا الريايل ..

مطلق والعم محمد و وعيال العم محمد اللي اهما اخوان غلا ( فهد، صقر ،غانم ) واقفين اول شي واخوان ساره بعدهم اللي اهما خوال البنات ..

طبعا مطلق مو هامه سالفة ان ابوه توفى .. وحدا ما كان متأثر كلش وكان كل همه بالعزا ان متى يخلص العزا عشان يستلم الورث .. وحتى سالفة ان اخته مرضت وصار فيها هالمرض عادي عنده و لما قوالوله الخبر قال بتموت يعني ! .. ماكو احد يموت قبل يومه !

:: بيت بو عادل ::

الكل ميتمع عندهم .. طارق ورنا ورهين ، وعماد وبدر ، وطبعا اهل البيت اللي اهما ( سعود ونهى وسبيجه وابرار و عادل ) ..

دخلت رهين وصكرت الليت بالصاله اللي كلهم قاعدين فيها

الكل : من صكر الليت .. ليش صكيتو .. لا لا اخاف انقطعت الكهربا .. ( وصار ازعاج )

رهين دخلت مع الخدامه وكانت ماسكه كيكه وعليها شمووع .. ومكتوب عليها ( حمدالله على السلامه يا بدر .. عساك ما تشوف المرض .. من اختك : رهين )

الكل : اوووووووووووووه اووووووووه ويصفقون

بدر : مشكووره
رهين : شدعواا هذا واجبي وانت حسبة اخوي ولازم نفرح فييك كلنا
نهى : أي والله .. مسويتها سكاتي محد يدري عنج هاا
رهين : ايي عيل شلون مفاجأه
ابرار : الله وناااااسه حظك بدووووووور
بدر : لا والله اخاف صج .. عيل شرايج تاخذين مني مرضي قبل جم يوم وانا اخذ مكانج ها شرايج ؟
ابرار : لااااااااا ويي اسم الله علي
بدر : ايي خلاص عيل حطي لسانج بحلجج وسكتي
طارق : يلااا ياااجماعه خل نغني له
رهين : ههههههه .. يبااا شنغني له ( هابي بيرثدي ) مثلا هههه
الكل : هههههه
طارق : يااا عييني يا ليييليييي يا بدررررررررررررر
الكل : اووووووووووووووووووووووه
نهى : رناا ويينج ؟
رنا : أيه .. نعم ؟؟
نهى :اويهاااا يلاا
رهين : ايييي يماااا عفيه عفيه .. عاد امي تضبطهاااا
رنا : ههه شو شو لا انا مالي دخل .. رهين ايه بلا ما تكزبي
ابرار : يلااا خاالتي رناااا عاد ولا مره سمعناها منج
رنا منحرجه : هههههه لا لا
طارق : يلاا رنااا عشان بدر عاااد
رنا حدها منحرجه : هههه اوكي .... اوييييييييييييهااااااااا ( الله يخلي بدر )
الكل : اويييييييييييهااا
رنا : الله يفرحو ويسعدو ويبعد عنو الشر
الكل مع رنا : اوييييييييييييييهاااا
رنا ونهى : لوووووووووولووووووووولووو ووووش ( صاروا يباب )
الكل : اووووووووووووووه وقاعد يصفقون
عماد : يلاا بدير كل هذا لك بعد شتبي
ابرار : اييي شعليييييييييييك بعدد
بدر : اووف انا هذي اللي بزنطها بعد شوي .. عمي سعود امسكها لا ييها شي بعد شوي
سعود : خلها خلها محتره
ابرار : لااا يباااا اشوفك وقفت وياااه
عماد : غيييره غييره
رهين : اصلا هذي من انولدت واهيا كله تغار مادري شتبي كل الدلع لها
رنا : ههههه .. يلا بدر طفي الشموع وانشالله تكون اخر الاحزان
عماد وبدر ونهى : آميييين
رهيين : ستووب .. لحظه
الكل : شنووو ؟؟
رهين : سبجووه وينهاا ؟؟؟
سبيجه دخلت واهيا ماسكه بالوناات وهذاك اللي اذا تبطل يطع منه قراطيس ملونه وحذفت البالونات : كااااني
بدر : الللللللللله مشكوووورين .. والله ما هقيتها منكم
سبيجه : لاا والله يعني احنا طول عمرك مقصريين
بدر : لا لا هههههههههههه
طارق : حمدالله على السلامه .. وانشالله اخر الاحزان وانشالله ما تشوف المرض مووليه
بدر : آمين مشكوور عمي
ابرار بدت بالتدقر : وانت كله مشكوور ومشكور .. اقول ترى مو لايق عليك الحيا
بدر : ذلفي يا زبوط النقعه
ابرار راحت حق ابوها : يباااا شوف بدروو يسب
بدر : أياا الجذابه انا سبييت !! .. ما اقول الا الله يخلي الغيره بس
سعود : بس بس خلاااص

------- بــــــــعــــــــد اســــــبــــــــــوعــــ ــيــــــــن ------------

:: دوام سعود ::

سعود قاعد بالمكتب .. ويدرس القضايا اللي عنده .. طق الباب

سعود : تفضل ؟
دخلت السكرتيره : استاز في واحد برا عاوز يقابلك
سعود : منو ؟
السكرتيره : ماعرفش .. بس قال ابو خالد
سعود باستغراب : بو خالد ؟!!
السكرتيره : أي .. اخليه يتفضل ؟
سعود : اممم .. اوكي خل يتفضل
سعود بقلبه " منو بو خالد ؟؟ "

تبطل الباب .. السكرتيره تكلم بو خالد : تفضل
دخل بو خالد
سعود انصدم حداااااا و وقف : انت !!!!!!!!

يلا عاد صج هالمره الباارت طويييل

فيتامين سي · 06-01-14, 10:43 PM

>> الـــــــــبــــــــــارت الـــــــــســــــابـــــ ـــع <<

تبطل الباب .. السكرتيره تكلم بو خالد : تفضل
دخل بو خالد
سعود انصدم حداااااا و وقف : انت !!!!!!!!

:: شقة طارق ::

سبيجه يايه حق رهين البيت

سبيجه : رهنوو لي الحينج ما لبستي
رهين : يوو سبووج شلبس هذا ولا هذا ولا هذا ؟؟
سبيجه : اممم مادري كلهم حلوين
رهين : لاا عفيه قوولي
سبيجه : اشوف اشوف ييبي هالنفنوف
رهين : ايهو ؟ الابيض ؟
سبيجه : اييي هذا
رهين : هاج .. يعني هذا حلو البسه ؟
سبيجه : ايي يلا بسرعه خلصيني
رهين : زيين طلعي براا
سبيجه : خخ زين انطرج يلاا بسرعه

وبعد ما لبست وطلعوا اهيا وسبيجه .. وبالسياره

سبيجه تتلكم بالتلفون : الووو .. هلا عنوود .. أي كاانا يايين قربناا بس هاللفه .. منو عندج ازعاج ؟ ... اهاا زين سلمي عليهم قوليلهم معاي ضيفه .. أي ضيفه .. بعد منو رهوون بنت عمي .. الله يحيج .. اوكي باي

رهين : منو هذي ؟
سبيجه : عنود رفيجيتي
رهين : ايييي وااي عاد تهبل حدهاا
سبيجه : اييي ص اهيا اقرب رفيجاتي
رهين : مبين بدون لا تقولين
سبيجه سفطت : يلا نزلي
رهين : لحظه خل اعدل شعري
سبيجه : حلوه حلوه يلا نزلي

ونزلوا من السياره ودخلوا بيت رفيجة سبيجه .. كان رفيجاتهم متيمعين هناك .. ودخلوا وسلموا والكل يطالع رهين من صوب ويطالعونها من فوق لي تحت ، رهين بالاول استغربت من نظارتهم لها بس بعدين عطته طاااف

عنود : حيالله رهيين
رهين : الله يحيج
عنود : ويينج شفناج مره وحده وانقطعتي
رهين : مادري .. ماكو لان لهيت بالدراسه والحين حمدالله تخرجت
عنود : صججججج .. يالله عالبركه
رهين : الله يبارك فيج
غاده ( رفيجتهم ) : سبوووج عندج رفيجة اجنبيه واحنا ماندري ( لان مثل ماقلت لكم باول الروايه انها ملامحها جذي )
سبيجه : ههههههههه شكووو
شهد : أي والله من وين تعرفتي عليها
فوز : عاد شكلها توونس وحبوبه
رهين تطالعهم ومنصدمه !!!
سبيجه : امبييييي بناااات شفييكم . شكووو مو رفيجتي ولا اهيا اجنبيه
الكل : هاا عيل ؟
سبيجه : هذي بنت خالي
عنود : ايي بناات شفيكم مسكينه كليتوها بقشروها
رهين حدها منصدمه وبس توزع ابتسامات
فوز : من صجج
سبيجه : اييي
شهد : امبي فشله .. سوري رهين ما كنا ندري
رهين تبتسم : لا عادي .. اصلا انتو مو اول ناس يقولون لي جذي
غاده : ليش انتي يعني مو كويتيه ؟ .. ولا شنو ؟
رهين : ههه لااااا امبلاا
سبيجه : غااادوو لا تصيرين غبيه ... قاعد اقولج بنت خالي يعني خالي مو كويتي مثلا
عنود : هههههه عاد يايه بتفهمين غااده !
رهين : هههه .. لا انا كويتيه وابوي كويتي بس امي مو كويتيه
شهد وفوز : صججججججج !!
شهد : اهااا يعني امج الاجنبيه
رهين : لا امي مو اوروبيه امي سوريه
الكل : اهاااااااا
سبيجه تقلدهم : اهااا .. زين مبروك فهمتو
فوز : شدرااناا بعد احنا .. بس مشالله يعني ملامحج حييل على امج
غاده : ايي صح .. لان اللي من الشام كلهم مثل اشكال الاجانب تقريبا
رهين : ايي ههه ..
شهد : الله عاد تعرفين تتكلمين سوري طبعا مو ؟
رهين : لاا مو وايد .. مع ان امي من زمان بالكويت وكل كلامها سوري بس انا ما احب اتكلم الا بلهجتي احسن
فوز : ونااسه

:: مكتب سعود ::

سعود واقف و واقف جدامه ( بو خالد )

سعود باستغراب : شاللي يابك بعد هالمده الطويله !!
عبدالوهاب : هه .. ليش مستنكر رجعتي
سعود قعد : لا .. بس ما اعتقد انك راجع لله .. انت اصلا طول عمرك ما فكرت انك تريح اللي حواليك من شرك
عبدالوهاب بخبث : ههههههههههههههههههههه .. هههههه
سعود : ما اظن اني قلت شي يضحك
عبدالوهاب : وانا ما اظن انك مرتاح من رجعتي
سعود : تبي الصج .. انا كنت مرتاح في بُعدك .. بس ييتك الديره شككتني فيك و بنواياك
عبدالوهاب : بس مع كل هذا ما اعقتد انك شكيت بأن لك اخو اسمه عبدالوهاب .. صح ولا انا غلطااان
سعود : لا صح
عبدالوهاب : انزين .. مو مسموح اني استريح
سعود : استريح
عبدالوهاب قعد : عدوك الريح
سعود بقلبه " محد العدو غيرك .. انت بنيت هالحاجز بيدك نسيت انك اخوي من دمي ولحمي بس ما اقول الا ان الذيب مايهرول عبث "
عبدالوهاب : متوتر
سعود : نعم ؟ .. مالا داعي التوتر احنا مو ياهال اخلص ليش يايني الحين بالذات ؟
عبدالوهاب بقلبه " هين يا سعود انا رحت بس رجعت لك وبينفضح سرك عند عيالك.. مثل ما خليت راسي ينزل عند اغلى ناسي "
سعود رد سأل مره ثانيه : عبدالوهاب .. انت تبي شي مني
عبدالوهاب : ابي تقولي وين خشيت الإيصال ؟
سعود : إيصااااال !؟؟؟؟
عبدالوهاب : ملا داعي تتغيشم انا ابي آخذ حقي
سعود : أي إيصال و أي حق .. انت خذيت حقك من ورث الوالده وزياده بعد .. حتى حق اختي نجاة الله يرحمها خذيته ليش انها كانت صغيره مع انها كانت فاهمه وواعيه وعلى ويه الزواج بس انت خذيت حقها بالغصب وهددتها بعد بخطيبها .. ولاتنسى انك كنت السبب في موتها وموت خطيبها حسين الله يرحمهم .. ما تقولي أي حق اللي ياي تاخذه مني
عبدالوهاب :الله الله الله .. لاتطلع حجي ماصار ولا له حقيقه
سعود : عبدالوهاب ليش تنكر الكلام .. ليش خايف من الواقع ؟ ولا خايف من اللي سويته ؟ ولا خايف من اني اروح ابلغ عن سواتك ؟؟
عبدالوهاب : الحين شاللي ياب هالحجي .. خلك بالمهم
سعود : أي مهم واللي يسلمك .. انت خليت فيها مهم .. ماتقولي شتبي بالظبط
عبدالوهاب : ابي حقي وابي تطلع الإيصال .. انا ياي اخذ حقي
سعود : ترى ذبحتني ... أي حق واي إيصال ؟؟ .. انت مالك حق عندي واذا شاك بهالشي روح دور بالملفات القديمه
عبدالوهاب : والمزرعه ؟!
سعود : أي مزرعه !!؟؟
عبدالوهاب : مزرعة يدتي لولوه .. ناسي وتبيني اذكرك ؟
سعود : نعم نعم نعم ... مزرعة تركيا مالها دخل بورث الوالده الله يرحمها وحتى لو، احنا مالنا شغل فيها خوالي وخالاتي اهما اللي لهم نصيب بالورث
عبدالوهاب : بس مزرعة تركيا امي مقسمه نصيبها منها بينا احنا الثلاث .. وطبعا انت تنازلت عن حقك واختي نجاة الله يرحمها وانا اطالب بحقي وحقك لي !!
سعود مصدوم : من وين يايب هالحجي .. اصلا امي الله يرحمها عمرها ما يابت لنا طاري مزرعة يدتي لولوه .. وكل اللي نعرفه عنها انها بتركيا وخوالي كانو عارضينها للبيع ومحد قبل بسعرها بحجة ان المبلغ حيل كبير لانها حيل فخمه وبعدين تنازلوا عن مسأله البيع
عبدالوهاب : الظاهر انك كنت نايم في ذيج السنين .. لما توفت يدتي لولوه توزعت للورثه
سعود قاطعه : لو سمحت عبدالوهاب اذا عندك شي مفيد اخلص وقوله ولا تفضل ( وأشر على الباب ) .. صراحة انا ماني فاضي و وراي شغل ينطرني
عبدالوهاب : تطردني يا سعود !! .. بس هين وين بتروح وانا وراك .. انا وياك والزمن طويل
سعود : وراك عيال .. و الله مو مخليك بيسونها فيك يا عبدالوهاب .. ديربالك
عبدالوهاب قام واهوا معصب وطلع وبقلبه " بنشوف منو اللي بتركبه السالفه بالأخير "

:: بيت رفيجة سبيجه ::

البنات راحوا تعشو .. وخلصو

سبيجه تكلم رهين : ها يلا مشينا ؟
فوز سمعتهم : لااا عفيه استانست عليها قعدوو
سبيجه : مالت عليج بس رهين وانا وين رحت ؟
رهين : ههههه
غاده يت عند رهين : اقول رهين
رهين : هلا ؟
غاده : انتي الحين عايشه بالكويت مو ؟
عنود وسبيجه : واااااااااااااااااااااااا اايي
رهين : ههههههههههههههههههههههههه ههههه
سبيجه : غادوو تكفين براااا .. ذلفي .. لا تسألين وايد .. انا مادري شلون انتي عايشه بهالغباء هذا
غاده : سبووج جبي
رهين شافت الساعه : اووخ يلا سبجوه الحين امي تزفني اهيا قاعده بروحها ابوي مساافر
سبيجه : ليش الساعه جم ؟
رهين : 10 وربع
سبيجه : زين يلا حتى انا تأخرت الحين عادل ياكلني بالاسئله
عنود : حراام عليج عاد مبين عليه هاادي
سبيجه : هاا .. اشووف العيون على اخووي .. الله يستر بس
البنات : هههههههههههههه
عنود : سبجووه شكووو
سبيجه : اييي خير انشالله
شهد قامت : يلاا بناات انا ماشيه مع السلامه
البنات : يلاا مع السلامه
غاده : سلمي على اخووج وااي فدييته
شهد : ههههه اوكي
سبيجه شهقت :.. حتى انتي !! .. منو منو شهووود شسالفه .. لا وبعد تقولين لها اوكي هاااا
شهد : هههههههه انتي من صجج .. عاد غادو ويه حب هذي على ويهاا اصلا .. وبعدين من ويلي اخو غير عبوود ( ياهل عمره 4 سنين)
سبيجه : اييي زين عبالي بعد
رهين تقز سبيجه بإيدها وتساسرها : يلاا سبوج والله امي بتذبحني
سبيجه قامت : يلاا بنااات احنا ماشين انا ورهين عندنا حكومه خخخ
عنود : رهين عرفنا امها وانتي منو ؟ .. لاتقولين امج .. ولا تقولين ابوج ،، ابوج حده فرري حظج
سبيجه : هههه .. اكو غيره عاادل
عنود : لا لا لا .. انا لازم ابلغه .. والله احسه مسكيين انتي مادري شفيج عليه
سبيجه غمزت لهاا وابستمت وهالغمزه لها معنى وعنود فهمتها وقعدت تضحك
سبيجه : يلاا رهين قومي .. يلاا بااي
البنات : باااي

الـــــــســـــــعوديــــ ــــــــه ..

:: شقة ::

شقة شبه ديسكو فيها بناات وشباب ورقص .. هالشقه داخل بيت مو عماره موقعها مقلقص بين السكيك يعني لو شنو محد يدري عنهم .. مطلق قاعد مع واحد من ربعه اللي اهوا فلاح ورقص حييل .. كان الكل مو بوعيه لانهم سكاارى

مطلق : ياااااا بو عاامر
بو عامر : ايوا يا باشا ؟
مطلق : جيب لنا كاسين حلوين نفرفش فيهم
بو عامر : من عيوني يا احلى بااشا
مطلق : بكره تجيييني الفلووس يا فلاااااح .. وبستاانس
فلاح : لا تنساانا الله لو انا منك .. كان فسفست فيهم ولعبت لعب
مطلق:انت انتظر بس .. والله لا احول حيااتي كلها
فلاح يصفق : الله الله .. وش ناوي تسوي فيهم قل لنا يا خويي
مطلق يغمز : انت انتظر ورح تشوووف
فلاح : نااطرر على نااااار
مطلق : لا تحترق بس
فلاح : هههههههههههههههههااااي
بوعامر يه وماسك صينيه : تفضلواا احلى كاسين من ايديه
فلاح : كذاااااب بن كذااب .. الكااسين من البطل ذااا يا حلو منت اللي مسويه
بوعامر كان ساكر وياهم : بس مش كزاااب اكتر منك يا عسل
مطلق وفلاح : هههههههههههههههههههااي
مطلق يعني تعدل : يلاا أذلف عن وجهيي ( ودزه )

نقدكم وتعليقااااتكم يلااا

فيتامين سي · 06-01-14, 10:45 PM

>> الـــــــبـــــــــارت الــــــــــثــــــامــــ ـــــــن <<

اليوم الثاني .. ( الصبح )

:: بيت بو عادل ::

سعود دخل البيت وقعد بالصاله وباله مشغوول من الكلاام اللي دار بينه وبين اخوه عبدالوهاب بالمكتب .. وحده منقهر منه

سعود بقلبه " مادري هذا اخو ولا عدو .. الحين شللي مدخل سالفة المزرعه بنصيبه بالورث .. طول عمرك يا عبدالوهاب اناني ومفكر ان الكل لك .. عمرك ما فكرت ان هالحلال كله ماراح يتم ويااك على طول .. بس آآآآخ شلون راح اسلمه عقد ان شريت المزرعه من خالي سالم !!!! ... لو انك يا خالي بالديره جان ما قمت احاتي شنو اللي راح يصير من هالعبدالوهااب .. بس حريييييمتك ، حرييييييمتك يا عبدالوهااب انك تستلم العقد ..."

وقطع حبل افكااره .. صوت عاادل من فووق

عادل نازل من الدري : يباااااااااااا .. يباااااااا يباااا
سعود وقف : شفييك تصرخ من صباح الله
عادل : يباااا بوكي .. بوكي ماادري ويينه
سعود : شنو يعني ماتدري وينه !!!
عادل : مادري دورته ومالقيييته ..
سعود : دوره عدل .. اخاف طايح مني منااك و انت مو شايفه
عادل : دورته بكل مكااان مالقيته .
سعود : فيه شي .. يعني فيه فلوس ولا بطاقتك ؟
عادل : أي يبا كل شي فييه .. اييييي اخااف اليوم لما طلعت بسيارتك طاحت بالسياره !!
سعود : يمكن .. روح شوفه
عادل : اكييد بس عطني السويج ( خذاه وراح ركض حق السياره )

بالسياره ..
قاعد يدور يدور .. ماكو فايده

عادل يكلم نفسه : افف انا وين وديته !!
وقعد يدور بالمكان اللي مثل الطاوله او الحاجز الصغير اللي بين كشن السايق وبين كشن اللي يمه ... وقعد يدور يدور ليين لقاه خذاه ولا يطيح وياه ورقه مبطله يعني مو مجفوسه

عادل : اووف ما بغيت القاه ( انتبه للورقه بس ما عطاها اهتمام ) وييي انا عفست السياره ( وقعد يشيل الاشياء اللي طايحه وشاف الورقه مره ثانيه )
عادل شال الورقه : شهالورقه ؟ .. ( وقعد يقراها ) شنوو ! .. إيصال بيع ممتلكات بن حامد !!! .. منو بن حامد ؟! .. ( وقعد يقرا ) .. البائع : سالم غازي بن حامد !! .. السيد المشتري : سعود عادل الديّار ! .. شنووو هذا اسم ابوي ( وكمل ) .. الصنف المباع: مزرعة السيده لولوة سالم عيسى الواقعه بتركيا !! ... شنو هذا شهالخرابيط .. هذا اسم يدة ابوي ..

قطع تفكيره صوت ابوه طلع برا

سعود : هااا عادل وينك ؟ .. لقيت بوكك ؟؟
عادل اخترع وبسرعه دعس الورقه بمخباته : هاا ؟؟ .. أي أي حمدالله لقيته
سعود : اييي زيين اشوا .. يلا عيل ادخل ليش واقف برا
عادل : أي أي كاني يلا داش
سعود : يلا ( وراح دخل )
عادل حده مستغرب من كل اللي شافه بالورقه .. ودخل البيت

:: شقة طارق ::

رنا : رهيييييين .. ياا رهييييين ( دخلت غرفتها )
رنا : يالله .. شوو انتي لساتك نايمه ؟؟ .. يلا يلا فووئي ابوك شوي و جااي .. يلااا فوئي
رهين تتمقط : همممم .. يماا تكفين خليني اناااام
رنا : اوكي خلاص انا بروح المطار واستقبل ابوك لحالي بااي
رهين نقزت : هاااا .. اليوم ابوي يوصل ؟؟
رنا : ايه يلاا إزا بدك .. شو عم بحكي من الصبح يلا غسلي وشك ولبسي لنروح ع المطار
رهين : أي أي اكيييييد .. يوو انا شلون راحت علي نسييييت
رنا : يلااا بسرعه
رهين : زيين انشالله

قامت رهين وردخلت الحمام ( عزكم الله ) وغسلت واهيا بالحمام تلفونها يرن يرن .. لما طلعت هم قاعد يرن طلت بالشاشه ولا < عادل يتصل بك >

رهين تكلم نفسها : اووه هذا عاادل .. شعنده داق

شالته : الوو ؟
عادل : الوو صباح الخير
رهين : ياهلا صباح النوور
عادل : شلونج ؟ شخبارج ؟
رهين : تمااام انت شلونك ؟
عادل : بخير
رهين : شفيك تقولها بنفسيه وتقلده " بخير "
عادل : رهين ؟
رهين : ها ؟؟
عادل :رهين شفت عند ابوي إيصال ان اهوا شاري مزرعه لا و المزرعة مزرعة يدته لولوة
رهين : انزين ؟
عادل : شنو انزين .. انا منصدم منها ، ابوي ولا مره قال ان احد نعرفه عنده شي بتركيا !
رهين : يعني شنو ؟ ما تدرون ؟؟
عادل : لا شدرانا .. اهوا اصلا ولاياب لنا طاري .. بس الصدمه وين ؟ .. لما شفت انها الحين صارت ملك لأبوي واحنا ماندري
رهين : امبييي أي شي عاادل .. انزين حتى عمتي نهى ماتدري ؟
عادل : لا ما اعتقد .. وانا ماقلت لأحد انتي اول من درى
رهين : شمعنى ! انزين ليش ماقلت حق سبجوه
عادل : لاا اخاف اقولها تروح تنشر الخبر .. وانا الايصال طاح بايدي وانا ادور بوكي بسيارة ابوي .. وماقلت حق احد وترى حتى ابوي مايدري ان الايصال عندي
رهين : عاادل روح رده مكان مالقيته لايجكك ابوك ويسويلك سالفه
عادل : رهيييين فهميني .. انا مو داق عليج عشان تقولين لي رد الورقه .. انا حتى سبجو اللي اهيا سبجو اقرب وحده لي في البيت مادرت .. انا ابيج انتي تدبريني
رهين : ادبرك بشنو؟؟
عادل : ابيج تطلعين لي بيانات اللي ابوي شاري منه المزرعة بعرف شنو صفته يبيع حق ابوي مزرعة يدته .. اخاف يطلع بايق الايصال وكاتب المزرعة باسمه وعقب باعه على ابوي .. وهذا اذا فات الفوت راح تصير السالفه كلها براس ابوي .. بحكم انها الحين مُلكه !!
رهين : اممم .. انزين بالله عليك انا شلون بقدر اطلع البيانات ؟ .. شايفني بالاستخابرات مثلا ؟
عادل : رهنووو مو وقته ملااقه .. قاعد اتحجى من صجي
رهين : زين زين آسفه ..قولي بأي طريقه أقدر اساعدك وشلون ؟
عادل : اخذي اسمه وطلعي البيانات
رهين : أي ادري شلوووووون
عادل : من ابووج .. مو خالي طارق شرطي وبالداخليه ؟ .. يقدر بشغله يطلع بياناته
رهين : بس بجذي راح توصل له السالفه
عادل : يووو .. قوليله أي شي رقعي من عندج المهم يوصل لي اللي ابيه
رهين : امممم .. اوكي عطني الاسم ؟ .. بس ترى ابوي بعد شوي يوصل .. فلازم انطر جم يوم وعقب اسأله
عادل راح صوب الكومودينو وبطل الدرج الاول وطلع الورقه : اوكي ماعليه .. سجلي .. علي غازي بن حامد

.... بعد 4 ايام ....

الصبح على الساعه 10 تقريبا ، رهين بهاليوم قاعده مبجر و رنا حدها مستغربه منها

رنا : يالله .. لك الشمس من وين طالعه اليوم ؟
رهين تستعبط : كالعااده من المشرق
رنا طقتها على جتفها بالخفيف : شو اللي شاغل بالك ومفوئك هيك بكيير
رهين : ها ! .. لا ماكو شي بس بنطلع انا وعذاري رفيجتي نتريق برا
رنا : امممم .. ع راحتكون .. انا بس بفطر رح امشي اتسوق في المول
رهين : أي اوكي

بعد ما طلعت رنا من غرفة رهين .. رهين خذت تلفونها ودقت

رهين : صبااح النوور والنوير
طارق : هلا يبا .. صباح الخير
رهين : شلونك يبا
طارق : حمدالله .. اقوول
رهين : هلا ؟
طارق : الساعه جم ؟
رهين : 10 ونص .. ليش ؟
طارق : متأكده ؟
رهين : أي ليش ؟؟
طارق : مادري عنج .. مو من عوايدج تفزعين من الصبح
رهين : هههههه شفيكم علي انت وامي ..
طارق : هههه سألي نفسج
رهين : اممم .. آآ يباا انت الحين وينك ؟
طارق : بالوزاره عندي شغله .. ليش تسألين ؟
رهين : ايي .. لا بس بمرك شوي
طارق : نعمم !! .. ليش
رهين : اذا ييتك تعرف .. عندي موضوع مهم
طارق : الله يستر منج

..........

لما وصلت رهين .

رهين : سلام يباا
طارق : وعليكم السلام .. مشالله ماهقيتج تيين الحين
رهين : لاا أفا علييك .. ويعني فشله الشغله مو حقي وفشله أأخرها !
طارق : ايي يعني يايه وتبين شي صح
رهين : بالظببببط .. مشالله عليك يبا عيني عليك بارده فهمتها واهيا طايره
طارق : معلينا من هالكلام .. الزبده ؟
رهين : اممم .. آآ يباا رفيجتي مادري شعندها بس طلبت مني على ابو انها تدري ان ابوي اللي اهوا انت طبعا
طارق باستعباط : صج والله
رهين : هههههه .. اسمع يبااا .. عاد قالت دام انك بالداخليه تبي طلب صغيرووووونوووووو هالكبر ( وتأشر بيدها )
طارق : شنو ؟
رهين : تقوول الله يسلمك .. تبي تطلع بيانات شخص
طارق : اووووووالله ليش .. شحقه .. شتبي رفيجتج
رهين : وااي يباا كليتني .. انا شدراني .. اهيا قالت لي وانا ماحبيت اتدخل بخصوصياتها واستحيت اردها
طارق : وطقيتي الصدر وقلتي لها اوكي وافا علييج انا وابوي وساايق ابوي بخدمتج وبرسم الخدمه .. صح ؟
رهين : اممم ... صراحةً وامانةً انا ما قلت لها ولا شي من اللي قلته .. بس قلتلها اوكي
طارق : اقولج شي
رهين : اكييد
طارق :طلعي براا
رهين : هاا يبااا ..
طارق : شايفتني فاضي وحاط ايدي على خدي صح ؟
رهين : يبا انزين شدعوا عشاني .. عشان خاطري .. فشله عقب ما حطت البنيه الامل فيني اخون فيها .. عفيه عفيه
طارق :اففف .. شسوي فييج . عارفتلي يالخايسه
رهين استانست : هههههههه
طارق : انزين شسمه ؟
رهين طلعت الورقه من جنطتها : آآ .. اسمه علي غازي بن حامد
طارق : اممم .. هالاسم جنه جنه مار علي ... جني سامعه من قبل !!
هني رهين بغى قلبها يوووقف .. خافت لا يكون يعرف بسالفة ريل عمتها نهى اللي اهوا سعود !
رهين بترقع الموضوع : لاا يتروالك .. ولا انت شعرفك بأهل البنيه .. لا لا يتروالك
طارق : يمكن ! .. زين باجر ولا عقبه اييبلج اللي تبينه
رهين : أي اوكي خوووش
طارق : أي فيكييني .. طلباتج ماتخلص
رهين : آفااااااااا .. المهم ماعلينا جني جني ماسمعت شي .. عالعموم الله يسامحك ومشكووور ( وباست راسه )
طارق : يالله زيين .. الا تبينين حق الكل اني ابوج
رهين : لك الفخر اني بنتك اصلا
طارق : اقوول تدلين الباب اللي دخلتي منه ؟ .. لو ممكن انج تردين له مره ثانيه
رهين تسوي نفسها زعلت : شكرا على الطرده .. باي
طارق: ههه باي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري