ثانويـه بنـات كلاسـك ( الجزء الثاني ) الكاتبة / gala q8 / مكتمله / كويتيه

[اسطورة !]

[/TABLE1]

	[TABLE1="width:95%;background-image:url('https://www.rewity.com/vb/mwaextraedit2/backgrounds/31.gif');border:10px groove darkblue;"]	بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته كيفكم يا جميلات نقدم لكم باقة منوعه من الروايات الكويتيه بمناسبة اليوم الوطني لدولة الكويت الشقيقه الجوء الثاني من رواية ثانويه بنات كلاسك قراءة ممتعة

[اسطورة !]

ثانويه بنات كلاسك الجزء الثاني ..

...

طبعا كل عام وانتوا بخير .. و عسى يارب ينعاد عليكم بالخير ..

و ثانيا : انا كتبت اسم روايتي بقووقل و بصراحه انصدمت لاني ماشاء الله لقيتها منقوله اكثر من منتدى منقوله و كنت اتابع طلباتهم للروايه .. واللي قالوا يبون شباب داخل الروايه .. واللي قالوا طولي لنا الروايه و اللي قالووا ... وانا حبيت البي لكم كل شيء إن شاء الله

هالمره خايفه اكثر من اللي قبلها ,, لاني حاليا احس شوي بتكون اصعب من اللي قبلها ..

واتمنى القى تشششجيع احسن من قبل .,

اول بارت بس عشان تعرفون اسلوبهم اما البارتات اللي وراها بتكون احلى

....

طبعا هذي تابع لروايتي ثانويه بنات كلاسك الجزء الاول .. و هذي الروايه الثانيه تكمله للروايه .. بس عن اعيالهم ..

... خل اعرفكم على ابطال قصتي ...

...

البطله منيره : (اللي تزوجت ضاري) :عندها بنت وحده و اسمها (ريم ) وولد واحد اسمه فهد ولكنه صغير ..
البطله لولوة : عندها ولدين توائم ( خالد و فيصل )
البطله روان : بعد يابت توائم ( تماره وتالا ) ..
البطله غدير ( اخت روان التوئم ) : يابت ولد و سمته ( سعود )
البطله جولينار : يابت( مشاعل )..

...

كانت تتمشى و هي ماسكه كتب و دفاتر و مو قادره تشوف الطريج من الدفاتر والكتب ..

يتهـآ تالا و هي ماكله علج وتتعلج و تتدلع بالممر ولابسه نفنوف قصير لونه احمر غامج و قميص ابيض ضيج عليها و كرفته احمر ومع خطوط بيضه و خضرا .. ..
تالا طالعت ريم .. جان تركض عندها : ها ريمووه .. تبيني اساعدج
ريم مو قادره تطالع منو جدامها من كثر الدفاتر .. : اي تكفين تالووه ساعديني اخذي الدفاتر مو قادره اشوف اللي جدامي ..

صووت من بعيــد .. خالد يصارخ من بعيد : ريمووووووووووه ووووخري
ريم تتلفت ..
خالد لابس مال التزلج و دعم ريم ..
ريم طاحت بالارض و طاحوا معاها الكتب و طاحت نظارتها الطبيه ..

خالد طاااح يمها ..
ريم : اوووف خلووود .. انت ما تشوف جدامك !!
خالد يحك راسه : احمم اسف .. انا قلت لج وخري
ريم :اوووف ..

ريم .. خل اعرفكم على ريم .. ريم مثقفه وايد و تحب القرآه .. و عندها القرائه هي حياتهـآ ..
تالا : اووف تدري لو مفشلني و مطيحني جدام العالم وربي ما اخليك ..
خالد قام و مد ايده .. و ريم مسدته و قامت و خذت نظارتها اللي طايحه ..
خالد : تكفين تالا سكتي يا ام السان طويل .. صيري مثل اختج .. إلا صج وين اختج ؟
تالا : بعد وين هي ؟ اكيد مع مشااعل بغرفه الطعام ..
خالد : زين انا بروح حق سعود و فيصل بـ غرفه الطعام تحت .. احنا بننطركم .. و نادوا معاكم تماره زين
ريم : زين انا برووح اودي الدفاتر بـ غرفه ابله ساميه ..
تالا : زين وانا بساعدج
خالد : حلوو وانا برووح عند فصول و سعود .. اشوفكم مناك
ريم : اوكي ..

ريم خذت نص الدفاتر و تالا بعد ..

...

ريم و تالا و هم يمشون .. لقوا تماره يايه من جدامهم .. و مشاعل يمها ..
ريم : هاا .. كليتوا !
مشاعل منزله راسها .. ( و مشت )
تماره : لا تكلمونها تكفون ..
تالا : ليش بعد !!
تماره : امها اتصلت .. قالت انها انفصلت عن ابوها اليوم .. و مالها نفس تاكل شيء ..
ريم : وي .. خلاص خلج معاها .. احنا نودي الدفاتر و نتغدى و نرد لكم
تماره : زين تسوون .. اهي تبي ترتاح شوي ..
تالا ما هما : اووووف ريموه خل نروح ناكل يوعانه ..
ريم : اوكي ..

...

بغرررفه الطعام المدرسيه ..
واقف فووووق الطاوله و يغني .. : يقولوون من تغلي تخلي .. عـآآآشووـآآ
فيصل ماسك الجيتار : سعووود ازعجتنا والله اسكت منو قاص عليك ان صوتك حلو ؟؟
سعود نزل و قعد بالكرسي : وانت شلي حارك !! اي اكيد محتر من صوتي الخوخاااقــي .. انا ادري ..
فيصل : اسكت زين .. شآحتر منك ! من جمالك و له دلالك !!
سعود : اسكت بس .. إلإ اقول وين اخوك خويلد !!
فيصل : شدراني !! زين اليوم نص الشهر ,,, صار لنا شهر بهالثانويه .. واحس ملل .. ودي انحااااااااااااااااش ..
سعود : هههههههههه هذا صار لك شهر وودك تنحاش عيل انا شقول اللي عدتها سنه .. ههههههههه تكفا مالي خلق لاعت جبدي ..
خالد يا لهم و اهوا لابس التزلج .. : قوووه ..
فيصل و سعود : الله يقويج
فيصل : وين رحت انت ؟
خالد : ماكوو .. بس كنت مع الشباب برا بالباارك .. رحنا لقينا وايد شغلات حلووه .. بس اغلب الالعاب والاشياء للبنات حلاته ناخذ البنات و نرووح ..
سعود : زين .. عيل عالاسبوع الياي ..
فيصل : ياكل حب : بكيفك !! والمدرسه شدعوه بتوافق !! وله تبينا ننحاش !
خالد : شكو .. انت ما سمعت بالخبر !!
فيصل : خبر !! اي خبر !
سعود : هه ويه فصووول شكلك قديم .. الإسبوع الياي احتفال للمولود اليديد لملك المدينه .. لمده اسبوعين ..
فيصل : خووش .. انا بروح مع الشباب المخيم
خالد : لا عاد حرام .. والبنات ! بصراحه يكسرون خاطري
سعود : اهما صج يكسرون الخاطر بس ما يستاهلون
خالد : ها !! ليشش !!
سعود : بس .. اهما بروحهم حنه و رنه ..
خالد : انا عن نفسي بوديهم المكان اللي يبونه
سعود : ههههههههههههههههههه اقص ايدي كلها من فوق لي تحت إذا انت مسوي هالسالفه عشان البنات .. مو عشاان حبيبه القلب
خالد : اكل تبن ..
فيصل : الحبيبه !! منو !!
خالد : هأ !! ولا شيء .. بس سعود شكله يخربط .. ( يغمز حق سعود ) اواريك انا اعلمك ..

...

بليييييييييييز ابي تشجيع مو تكشتوووون

[اسطورة !]

البآرت الثاني ..

بالغرفه ..

مشاعل تحط اغراضها بالجنطه و معصبه ..
تماره : مشااعل حطي اغراضج خلاااص ..
مشاعل تدز تماره : تماره لو سمحتي وخري عني .. اللي فيني كافيني
تماره: مشاعل ( مسكت الهدوم و تردهم بالكبت ) .. مشاعل ابوج وامج تطلقوا روحتج شالفايده منها !!
مشاعل : انا ابي افهم شلي صار ! شنو ذنبي اضيع ؟
تماره : زين سمعيني شوي .. الإسبوعين اليايين عطله .. لان الملك ياله مولود يديد .. خلي بهالاسبوعين نزرو امج و ابوج و تتفاهمين معاهم .. و حرام يضيع مستقبلج .. مو كافي اللي صار لج !!
مشاعل تطالع تماره : ما ادري ! ما ادري شسوي فيهم .. امي دايما جذيه ما هما غير الفلوس والكشخه ..
تماره : امج معرووفه .. اكيد تحب الكشخه و هي من كانت صغيره و هي همها المكياج و الازياء وغيرره .. بس انتي ما لج ذنب تخسرين دراستج و مستقبلج عشان امج ..

طق طق طق ..
تماره راحت وفتحت الباب ..
تماره : هلا !
الولد : هذي رساله من ام مشاعل لـ مشاعل
تماره خذت الرساله : يعطيك العافيه ..

تماره : شعول .. اخذي رساله من امج ..
مشاعل افتحت الرساله .. قامت تبجي .. وقفت و قطت الرساله و اركضت بالدري نازله تحت عند غرفه التليفونات تبي تتصل على امها ..

ريم تطالع الساعه : اووف وين ريم و تماره ؟
تالا تاكل شبس و قطع دجاج (( الرجيم و ما يسوي لوول مع انها ضعيفه )) : شفيج ! نسيتي مشكله مشاعل ؟
ريم : اااي صصصح نسيت
سعود : شفيها مشاعل !!
تالا : اسكت يا الملقوف ..
سعود ياخذ شبس من صحن تالا : زيين قولي شفيها شعوول؟
تالا طقت ايده و قالت بدلع : يا البوواااق خل بطاطي
سعود يقلدها بدلع: يا بووووااااق خل بتاااتـــي ..
ريم : خلاص سعود ماكو شيء ..
سعود قام : زين انا بروح
فيصل : وين بتروح ؟
سعود : بروح ادق على امي .. تقول ان علاوي اخوي تعبان
تالا : زين سلم على خالتي غدير و قول لها اني ولهانه عليها حدي .. و خل تسلم على امي .. و قول لها خل تييب الملابس والاغراض اللي وصيتها عليهم .. انا هالايام حدي مو مترقعه .. و اي لا تنسى تقول لها اني بزورها بالعطله اليايه إن شـآء الله .. و اي نسيت بعد ( قاطعها سعود )
سعود : خلااااااااااااااااااااااا اااااص يرحم امج تكفين لو دقيقه وحده سكتي والله لعوزتيني و بطيتي جبدي .. و كرهتيني حياتي .. صج البنات ما ينعطون ويه ..
سعود راح ..
فيصل : ههههههههههههههههههههه .. زين يسوي فيج .. اي والله صج ما تنعطون ويه
تالا : لا والله !! انا بشوف باجر لي تزوجت شلون بتستحملك زوجتك !! والله شكلها اول يوم بتنحاش و بتقب ..
ريم تطالع الساعه : عن اذنكم ( قامت )
تالا : يا سخيفه وين بتروحين !!
ريم : بروح اتصل على امي .. بتطمن عليها تدرين صار لي سبوعين ما دقيت عليها .. بتيين معاي ؟
تالا ققامت : اي بعد شيقعدني هنيه ؟ مع فيصول اللي يضقج الخلق ؟ و له خالد اللي لاهي بآيبآده !
ريم : يا الله .. امشي ..

....


طبعـآ تدرون سنه 2020 كانت هذي ثانويه ام ريم و ام تالا و ام مشاعل و ام خالد و فيصل و سعود ..

بس طبعا صارت فيها تغيرات وايده .. مع ان المدخل والمدرج والطاولات و الكراسي ما تغيرت كلش .. لكن زادوا اشياء بسيطه .. زادوا غرفه معينه .. تسمى بـ غرفه الاتصالات .. هذي الغرفه عباره عن تواصل ما بين الطالب و الاهل .. و يتصل الطالب فيها بكل اسبوع يوم واحد .. و طبعا لانهم بيطلعون الاسبوع الياي فلازم يتصلون و يخبرونهم ..


سعود يكلم امه : الوو هلا يمه شلونج ؟
غدير (( تذكرونها )) : هلااا سعود ها يمه .. شلونك ؟ شخبارك ؟
سعود : يما انا زين .. شلون علاوي ؟
غدير : ماكو الحمد الله احسن من قبل
سعود : وشلون ابوي ؟
غدير : الحمدالله .. الكل يسلمون عليك .. المهم سعود شلون بنات خالتك ؟
سعود : تمام .. تالا و تماره يسلمون عليج و على خالتي .. واي تالا وصتي اقول لج تقولين حق خالتي انها تييب اغراضها .. وملابسها بعد .. إلا ما قلتي لي شلون خالي عبدالله ؟ و شلون الشركه ؟
غدير : لا خالك الحمدالله تعلم الشغل .. و امه ما خلت علينا قاصر .. و اي.. عاد خالتك يمي الحين ..
سعود : صج .. عطيني اكلمها ..
غدير لفت على روان : روون .. سعود يبي يسلم عليج ..
روان كانت بالمطبخ .. طلعت تركض : الوووو هلا سعود يمه شلونك ؟
سعود : هلا خالتي انا تمام و بناتج بعد تمام ..


دخلوا ريم و تالا ..
تالا تدور سعود : كاهوا سعود .. انا بروح اكلم خالتي واسلم عليها اوكي
ريم : اوكي .. انا بروح عند تليفون رقم 5 تعالي لي خلصتي
تالا : ماشي ..

تالا راحت عند سعود ..
سعود : هههههههه لا خالتي كلهم بخير .. و ماشي حالهم
تالا : تكلم امي ؟!!
سعود : اي .. ( رد يكلم خالته ) .. اي اي مالج شغل انا بييبهم اول ما نطلع من الثانويه ..
تالا يرت التليفون : الووووووووووووو شلونج يمه شخبارج ؟
روان : تالوووه !! هلا يمه .. بسم الله مو جنه توني اكلم سعود !
سعود يطق على راسه : ياااربي .. صيري ذربه ..
روان : ههههههههههههه يا حليلج يا تالا .. يمه شفيج على ولد خالتج !!
تالا تكلم سعود : اقول اقلب ويهك احسن لك .. بس خلاص كلمت امي و شبعت الحين دوري اوووف ..
سعود : اقوووول انتي اللي قلبي ويهج .. انا جم مره اعلمج عييييييب تاخذين التليفون مني .. ما تعرفين تقولين لو سمحت سعود عطني !!
تالا وخرت التليفون عن اذونها : اقول الحين روح طسسس احسن من ويهي
روان : الووووووووو .. الوووووووو
سعود يكلم تالا : اقول .. الشرها مو عليج الشرهه علي انا اللي قاعد اكلم و حده جاهله بالادب
روان : اووف شفيهم ؟ الوووووووووووووووو
تالا : اذلف زين .. الشرهه ما عليك الشرهه علي انا اللي قاعده اكلم واحد نفسك .. اذلف .. ( حطت السماعه بأذونها .. )
تالا : الـ.. ( تبي تكمل بس )



الفون : طووووووووط طوووووووووط طووووووووووووووووووط

تالا تطالع سعود و صكرت الفون : زين .. ارتحت !!! اووف ..

تالا طقت كتف سعود بكتفها و مشت راحت عن ريم ..

...
ريم قاعده تدق ...
تالا : الله !! انتي توج تتصلين !!
ريم : اووف .. محد قاعد يرد علي !!
تالا : جربي دقي عالمزرعه .. يمكن يردون عليج !!
ريم : اي صح .. خل ادق عالمزرعه .. يمكن خالي خالد مناك !!


ريم اتصلت .. رننن مره رنننن مرتين رنن ثالث مره ..
... : الوووو
ريم : الوو !! .. منو!
خالد : اوووووووه ريووومه حبيبته خالها
ريم استانست : خالي شلونك ؟ شخبارك ؟
خالد : تماااام .. ها انتي اللي شلونج ؟
ريم : اممم اعجبك افا عليك انا تماام .. ها وين امي و ابوي ؟ اتصل عليهم ما يردون علي !! عسى ما شر ..
خالد يطالع برا صوب الزرع : ابد .. بس ملوا من المدينه .. فيوو لنا امج و ابوج ضاري و يدتج .. ام ابووج و احنا بعد قعدنا منيه .. و اهم يونا يتونسون .. تدرين اصل امج من هنيه .. ههههههههه
ريم : زين ناد لي ابوي حدي اشتقت له ..
خالد : زين الحين اناديه .. ( راح برا لق ضاري و منيره و ام ضاري قاعدين برا ويصبون جاي )

خالد : منور .. وضاري و خالتي ام ضاري ترى ريوم بالفون ...
منيره وضاري و ام ضاري يركضون ..
منيره : الووو يمممه ..
ريم ابتسمت : هااي مام .. شلونج ؟
ممنيره : حبيبتي انا تمام وانتي شلونج ؟
ريم : انا بخير .. ابي اتكلم بسرعه لان الحين بيصكرون الغرفه ..
منيره : هلا يمه ..
ريم : العطله اليايه بعد اسبوع .. انا وتماره و تالا و شعول و خالد وفيصل و سعود بنرجع المدينه جم يوم و بننزل لكم .. لاني صج حدي اشتقت لكم ..
منيره ابتسمت : ريومه حبيبتي حطي بالج الحين المزرعه مو نفس قبل .. الحين طريجها خطر ... وييييه اذكر قبل انا وجولينار و لولوة و روان و غدير كنا نيي و معانا مربيه روان و غدير هههههههه .. ياحلاتها من اياااام ..
ريم : اااه يا يمه .. وربي اشتقت حق سوالفكم ..
ضاري : عطيني بكلم بنتي ..

ريم : يممه عطيني ابووووي
منيره : ههههههه زين .. تفضل
منيره قعدت بالغنفه و مبتسمه ..
ضاري : الووو ها يا روح ابووج شلونج ؟
ريم : انا تمام .. و مرتاحه منيه
ضاري : حطي بالج يبه و لا تيين بروحج إذا اضطريتي لشيء .. قولي لي ادز لج الهيلوكبتر تييبج
ريم : داااد .. انت تدري انا ما احب جذيه جدام الناس بعدين يقولون عني مغروره
ضاري : ههههههههه .. خل يقولون ريووومه حبيبه ابوها ما تتدلع عيل منو تتدلع ؟!!
ريم ابتسمت : زين يبـ.. ( طووط طووط )
ريم : اوووف قطع الخط ..
تالا تطالع الساعه : صكر .. و خلص الوقت ..

...
بليــل ..

عند مشاعل و تماره ..

مشاعل قاعده بالبلكونه و تطالع القمر و تماره قاعده بفراشها و شابكه باللابتوب ..
مشاعل تفكر وتتذكر اللي كان يصير قبل ..

جولينار طبعا بالصبغه النيوو .. ولابسه تنوره قصيره .. و بلوزه ضيجه والكعب و الحمرا الحمرا ..
جولينار داخله البيت : هااي
حسين ( زوجها ) : انتي وين كنتي ؟ ( يطالع الساعه ) .. الحين الساعه 12 بليل ..
جولينار : امم .. ( و قعدت بالكرسي الهزاز و تهتز ) .. حسين لا تنسى نفسك .. انا اللي خليتك ريااال و توقف على ريلك ..
حسين : انتي شنو ! تايهه لي الليل !! تعتقدين احنا بزماان اول .. يوم كان امان !!
جولينار : انا بفهم انت شنو تبي مني !! كل شركاتي عطيتك اياهم و خليتها املاكك .. و وقف جدام اخوي احمد عشانك ..

مشاعل ترقص فوق .. و صكرت الموسينق .. ( تسمع صراخ ) à

مشاعل نزلت بالدري .. و تسمع الصوت يعلى ..

جولينار : ههههههههـآآآآآي .. ضحكتني والله وانا مالي خلق اضحك ..
حسين : تستهببسن على مخي !! ليش ما تصيرين سنعه !
جولينار : انت شفيك !! انا طول حياتي حره ولا احد وقف جدامي .. انت شتبي !
حسين : ماشي .. ما ابي اشوف رقمج على فوني فاهمه .. ( اخذ جاكيته وطلع )

..

ومشاعل تطالع اللي صار جدامها ..


..


تماره : شعووول .. شعول تعالي ..
مشاعل افترت : شفيج ؟
تماره : تعالي بوريج شيء ..
مشاعل : زين .. ( قامت و قعدت يم تماره )
تماهر: شوووفي ( وابتسسسسسسسسسسسسمت حيل ) ..
مشاعل تطالع تماره و ابتسمت : يعني !!

,,,


بااجر الصبببح ...

بالحديقه ..


تماره : والله انا امس شفت الاعلان .. انا بس قلت خل نشتغل بالمنزه بالعطله احسن من الفراره ..
خالد : انا رايي معاها .. و خوش اعلان .. نشتغل بالمنتزه الصيفي وبـمبلغ وايد زين ..
فيصل ماسك قيتار : و زين شنو بنشتغل .. ؟
تماره : احمم .. انا امس اتصلت عليهم بليل .. و قال يبون 3 يشتغلون منقذين للمسبح .. 3 احمم .. خدم للطلبات و المطاعم
الكل : :\
تماره : وو .. قال يبون 3 يشتغلون عند حديقه التنس ..
فيصل : انا مستحيل اشتغل خادم و له منقذ و له ايمع كوور التنس !! شالسالفه ! انا فيصل الـ... تقولين لي اشتغل خادم !! هاا
مشاعل : كاني انا .. كل شركات المدينه اغلبهم لامي و خالي .. ما قلت لا .. وبعدين انت على شون شايف نفسك !!
فيصل قام : انتي شتبين !! انا كيفي ما ابي اشتغل مناك .. وانتي تقولين لي ليش شايف نفسك ؟ تستهبلين ؟ اووف ( و راح ) ..
مشاعل حطت ايد على ايد : ويا الله منو ما يبي يشتغل بعد ؟!
الكل يطالعها ..
ريم : انا بصير بالمسبح
تالا : لا تطالعوني وانا بعد مع ريوم ..
خالد : وانا بعد معاهم :d
سعود : انا ممكن اكون بالتنس ..
تماره : حلوو .. 3 بـ 3 ..

...

[اسطورة !]

البارت الثالث ..

و فعلا .. صار الاسبوع المنتظر ..

طبعا اجروا سياره جمس كبيره .. و نظيفه ..

فيصل اللي يسوق .. قاعد يمه سعود
تماره قاعده ورا فيصل ,, و خالد يمها ورا سعود ..
تالا قاعده يم مشاعل و ريم .. < اهما قاعدين اخر شيء

بالطريييج ..

فيصل ( اللي كان يسوق ) : اووف .. ترى باقي وقت طويل ..
خالد : باقي جم على ما نوصل ؟
فيصل : تقريبا بعد 5 او 6 ساعات
تالا ماسكه الجيده و تهف على نفسها : اووف انا جد مليت .. الحين صار لنا بالطريج اكثر من 6 ساعات .. ياربي .. مليت متى نوصل ؟
ريم حاطه ايدها على خدها و ساكته ..
تالا نزلت المجله اللي كانت بإيدها : اووف .. المجله شفتها مليون مررره .. ويع انا ما ادري ليش ما يبت المجلات الباجي ..
فيصل : خلااص عاد عن الحنه .. ( ويكمل سياقته ) ..
مشاعل طلعت جنطه مكياجها و قامت تحط مكياج ..

تالا : ويع حدج فاضيه ..
ريم طقت تالا شوي شوي : هيي خليها بحالها تكفين مالنا خلق اهواش ..
مشاعل ما اهتمت و لا التفت على تالا .. كملت تحط كريم الاساس : يا جماعه انا ما قلت لكم ما ابي اقعد يم هذي !!
تماره : تعالي بادلي معاي شعول
مشاعل قامت و بدلت مكانها مع تماره ..

خالد حط سماعه الايباد بأذونه و كمل يسمع اغاني ..

... و طول الطريج اهما جذيه ...

لين وصلوا عند مدخل المنتزة ..
تماره جدمت لي عند فيصل و سعود : واااو .. شكله المكان حده روعه ..
فيصل : اي حده .. ما توقعت المنتزة جذيه مع انه بعيد عن المدينه والمزرعه ..
فيصل صفط برا المنتدزة و كان متروس ناس تدخل واللي لابسين ملابس السباحه .. وماسكين طفاحيات .. او اللي داخلين و يبون يتشمسون و كان برا المنتزة مسافط كبيره .. و متروسه سيارات .. و الجوو كان وايد حاار بشكل مو طبيعي و كآن الشمس عاموديه عليهم ..

صفط فيصل السياره و نزل و سعود و خالد و تماره و مشاعل و ريم و تالا .. نزلوا ..

فيصل فتح الدبه و طلع اجناطه و اجناط البنات ..
فيصل : منو جنطته الورديه ؟ في ثنتين
تالا يت له : جنطتي انا و اختي ..
فيصل نزلهم : هاج اخذيهم ..
تالا شاله جنطتها و راحت تنادي تماره ..
تالا تناديها بدلع : تمااره ..

يت مشاعل : عطني الجنطه البنفسجيه .. الغامجه
فيصل : وين هي الجنطه ؟ مو لاقيها ..
مشاعل : يوووه .. لايكون انا ناسيتها ؟
فيصل : لا نطري خل انزل الاغراض كلهم لان يمكن يكونون تحت الاغراض
مشاعل : اوكي ماشي .. انا بروح انادي البنات ..

مشاعل راحت ..

يت تماره : وين جنطتي ؟
فيصل : الورديه كاهي
تماره خذت جنطتها : ثانكيووو يا مستر فيصل .. ( و راحت )
فيصل : سعود .. يـآ سعووود
سعود : هلا فصول ؟
فيصل : ناد خويلد و تعالوا ساعدوني
سعود : خالد قاعد يشيل سله الفواكه و اللي جدام .. خلني انا اساعدك ..



وطبعا قاموا و نزلوا الاغراض .. و كان كل واحد عنده جنطه كبيره للسفر .. و البنات عندهم جنطتين وحده كبيره للسفر و جنطه صغيره للمكياج و اللوازم الاخرى ..

وصلوا عند البوابه ..

طبعا المنتزه عادي الكل يدخل له .. بس كان في عند المدخل مثل غرفه صغيره للاستقبال كبار الشخصيـآت .. و للأسئله العامه ..

دخلوا عند البوابه او بمعنى اكبر واحلى .. ( الاستقبال ) ..

طبعا المكان ما كان هادي بالعكس .. كان وايد لويه .. و ناس داخله و ناس طالعه ..

فيصل : زين .. انتوا خلوكم منيه انا بروح اسال المدير و ارجع لكم ..
تماره : انا بيي معاك .. لانهم اهما اساسا اقبلونا عن طريق الموقع مالهم ..
فيصل : لا ماله داعي قعدي
تماره : صدقني بنفعك ..
فيصل : زين زين تعالي .. اما انتوا خليكم مع البنات ..
خالد : اوكي ..


.. فيصل و تماره راحوا و كلموا السكرتيره انهم يبون يكلمون المدير عشان يشتغلون مناك ..


...

المدير : تفضلوا ..

تماره قعدت اول و بعدها فيصل ..
المدير : هلا امروا ..
فيصل : بصراحه احنا يايين خصوص الإعلان اللي كتبتوه ..
المدير : امم .. انتوا جم عمركم ؟
فيصل : احنا .. آآآ .. عمرنا 18 سنه ..
المدير : بصراحه .. انتوا وصلوا مبجر .. لان احنا كنا فعلا محتاجين شخص واحد لان اللي يونا قبلناهم و كلهم صغار .. واعمارهم تقريبا نفس اعماركم ..
تماره : شخص واحد !!! بس انا بنفسي دزيت لكم ان احنا نبي نشتغل .. وبصراحه احنا يا نشتغل مع بعض يا ولا واحد يشتغل ..
المدير : ههههههه .. هدي شوي .. خلاص راح نقبلكم ..
تماره وقفت : مشكور والله ويعطيك العافيه .. انا بروح اندي الباجي..

..(تماره طلعت بسرعه تركض)..

المدير : الباجي !!!!

طق طق ..

تماره مبتسمه : استاذي المدير اعرفك على الباجي ( و ترمش بعيونها ) ..

دخلوا : خالد و تالا و مشاعل و ريم و سعود
المدير : !!!!

...


برا المبنى ..
فيصل : هههههههههههههه شفتوا المدير كآنه مجبور يشغلنا ههههههههه
تماره : اي انا قاصده .. عشان ما يهوون .. بعد شسوي ! احنا ما صدقنا على الله ان نوصل والحين يقول لنا ما نقدر نشتغل !! اي شيء !
تالا : وااااااااااااو شوفوا جدامكم ..
ريم بقتت عيونهـآ ..
مشاعل : اووووووه .. صجج موووو صججججججج ..
سعود : !!
خالد يطالع البنات ..
فيصل لايعه جبده .. : ياربي
تماره تصارخ : آآآآآآآآآآآآآآآآآآآآآآآآ .. مووو صججج ( و تنط مو مصدقه )


....

[اسطورة !]

البارت الـرابع

...
...


برا المبنى ..
فيصل : هههههههههههههه شفتوا المدير كآنه مجبور يشغلنا ههههههههه
تماره : اي انا قاصده .. عشان ما يهوون .. بعد شسوي ! احنا ما صدقنا على الله ان نوصل والحين يقول لنا ما نقدر نشتغل !! اي شيء !
تالا : وااااااااااااو شوفوا جدامكم ..
ريم بقتت عيونهـآ ..
مشاعل : اووووووه .. صجج موووو صججججججج ..
سعود : !!
خالد يطالع البنات ..
فيصل لايعه جبده .. : ياربي
تماره تصارخ : آآآآآآآآآآآآآآآآآآآآآآآآ .. مووو صججج ( و تنط مو مصدقه )


....
فيصل : ويع اي شيء .. هذا شيايبه الحين !!
ريم : عفوا فيصل .. هذا واحد مشهور مو بس الثانويه يانين عليه .. حتى المدينه كلها يانيييييييييييييييييييييي ييين ..
خالد لبس سماعته : ما عندكم سالفه .. انا احلى منه
سعود : هههههههههههههههههه شفيكم محترين ؟ اصلا حلاته الواحد يعيش حياته ..
تماره وتالا و مشاعل راحوا يسلمون عليه و كل وحده تتدلع ..
تماره بدلع : انا بصراحه وايد معجبه فيك و دايما احلم انك بيوم من الايام بتكون زوجي المستقبل ,, و بصراحه ودي اييب بيبي و اسميه على اسمك انت ..
مشاعل تطق تماره : انتي هيي سكتي فشلتينا ..

فيصل مسك مشاعل و سعود مسك بنات خالته تماره و تالا ..

فيصل : انا حالف ما اطلع معاكم هالعطله .. اقول امشوا بس جدامي خلونا ندخل ..

وبالفعـل .. دخلوا و راحوا داخل عند المدير للموظفين و عطاهم الملابس .. طبعا الملابس عباره عن بنطرون ابيض للرجال كويل واللبنات قصير .. و بلوزة بيضه نص كم .. و بنص البلوزة فيها صوره او شعار يعبر عن المنتزة .. و كان في لونين .. لون الازرق < للرجال .. ولون الوردي < للبنات ..


الرياييل الصوره اللي موجوده فيها كانت صوره بحر و موج و صوره واحد لابس ملابس السباحه و ماسك لوحه التزلج على الامواج .. و صوره شمس و تراب و جذيه .. بس كله باللون الازرق

اما البنات .. صوره بنت كآنها لابسها هاواي .. و ماسكه صينيه و وواقفه داخل بيت من العش .. و يمها ناس توزع عليهم العصير و الماي و غيره و طبعا كان هذا باللون الوردي ..
...

مرر اول يوم .. انقسوا الصبيان بغرفه والبنات بغرفه ..

بـ غرفه الصبيان ..

خالد حط اغراضه فوق الفراش اووف .. ماكوا إلا فراشين !! (سريرين )
فيصل : مو مشكله انتوا ناموا بالفراش ( بالسرير ) وانا بنام بالغنفه ..
سعود ابتسم : لالا فصول انت طويل .. ماتكفين الغنفه .. خلني انا اقصركم .. بروح انام بالغنفه و انتوا ناموا بالسرير ..
فيصل و خالد ابتسموا ..
خالد : هههههههه .. الله يعين البنات 4 بغرفه وحده .. عاد بنات شيسكتهم بالغرفه
سعود و فيصل : هههههههههههه ..

....


عند البنات :
مشاعل : اي شيء صح !! انا اخر عمري اقعد بـ غرفه ضيجه و صغيره !! حتى اغراضنا ما تكفي لكبت واحد !! و المشكله صغير
ريم : يوووه شعود .. عادي قزريها اليوم بس لين نشوف لنا حل باجر ..
تماره : الحين شلون بنقسم على نفسنا .. ماكو إلا فراش واحد ..
تالا : ماكو إلا حل واحد ..
ريم : شنو ؟
تالا : ناخذ السريرين و نلصقهم مع بعض ..
ريم : امم .. بس راح يكفي لـ 3 ..
مشاعل : مو مشكله انا بنام عالغنفه .. بس إن شاء الله الغنفه نظيفه .. يـــععع ..
ريم : هههههههههه حمدي ربج بتنامين بروحج من غير ما تتفقصين هههههههه
تماره وتالا : ههههههههههههه ..
مشاعل : هههههههههه ..

...


السـآعه 12 ..

مشاعل نايمه على صوب اليمين و معطى البنات ظهرها .. وتفكر بأمها وابوهـآ .. و تفكر بلي راح يصير باجر بيوم يديد عليها ..

تماره قاعده تسولف مع تالا : اقول لج و اذكر ان سعود و لد خالتي غدير هههههه .. مسك قلاص الماي الحار .. واحترقت ايده عاد امي راحت تييب له ثلج وله انتي تيين و تلمينه و تبوسين راسه و نتي ياهل عمرج ما تعدى الـ خمس سنين المهم .. و تقعدين تبجين .. و اهوا لمن شافج بجى هههههه .. وله امي تقول انا شفته و بجيت و تقول اهي و خالتي غدير يضحكون هههههههه ..

ريم تفكري .. بشيء .. ما راح اقوله لكم ..

ريم قامت من الفراش .. راحت عند جنطتها و فتحتها ..
مشاعل و تماره وتالا سمعوا صوت الجنطه .. فقاموا من النوم و رفعوا رووسهم يطالعون منو اللي قاعد ؟

مشاعل : ريموووه .. شتسوين ؟
ريم طلعت من جنطتها دفتر لونه وردي الفوشي الفسفوري ..
ريم : ماكو .. بس تذكرت امي عطن دفتر و وصتني اقرااه ..
تالا : و شنو هالدفتر ؟
ريم ابتسمت : ذكريات امي ,. اقصد مذكرات امي ..
تماره : امم .. وايد حلوو ..
تالا : اي امي تقول قبل امج كانت تحب تكتب مذكراتهـآ ..
ريم خذت الدفتر و طلعت برا عند البكونه .. و قطت مثل الخام ( او الشال ) على جسمها عشان تتدفى لان كان بالليل الجوو بارد ..


فتحت اول صفحه ..
مكتوب ..


*.* إهداء إلى من داخل آحشـآئي في المستقبل *.* ..

الصفحه الثانيه :

اليوم اول يوم لي في مدرسه ثانويه بنات كلاسك .. و كنت حيل خايفه لاني ما كنت بمستواهم الماديه .. فقدت صديقتي و اخوي خالد ..

الصفحه اللي بعدهـآ :
اليوم تعرفت على لولوه .. كانت وايد حبوبه و تونس .. بس حسيت ان في داخلها خبايه و اسرار .. للاسف .. امها وابوها توفوا من اثر الغزو .. و عاشت عند عائله متبناها .. هي واختها

الصفحه اللي بعدهـآ :
اليوم ثالث يوم لي بالمدرسه .. صار لي موقف لا احسد عليه .. اليوم روان .. فقدت المفتاح لـ امها .. و دخلت غرفه المدرسين وللاسف طاحت علي الابله .. هههههه .. و الابله طلعت حبوبه و خلتني ..

الصفحه اللي بعدهـآ :
الصفحه اللي بعدهـآ :
الصفحه اللي بعدهـآ :
الصفحه اللي بعدهـآ :
الصفحه اللي بعدهـآ :
الصفحه اللي بعدهـآ :
الصفحه اللي بعدهـآ :
الصفحه اللي بعدهـآ :
الصفحه اللي بعدهـآ :
الصفحه اللي بعدهـآ :





وبعد صفحاااااااااااااااااااااا ت وايده ..

لقت هذي الصفحه ..


الصفحه اللي بعدهـآ :
اليوم حسيت بإحساس غريب اتجاه ضـآري ولد خالتي .. حسيت اني احبه و خاصه لمن ضمني لحضنه الدافي ..

الصفحه اللي بعدهـآ :
حبيت اتكلم في موضوع محد يعرف عنه .. انا فعلا لي اخ اسمه خالد .. لكن للاسف .. اكتشفت انه ماهو اخوي من امي وابوي .. خالد ..

اخوي خالد ..

اخوي خالد ..


ريم تطالع الكلمه و منصدمه !! ..

صكرت الدفتر ووقامت تطالع الدفتر لمده طويله ..

ريم بعد دقايق من السهر ..

مشاااااعل داخل الغرفه : واااااااااااااااي فاااااااااااااااااااااااا ااااار لحقوا عليييييناااا
ريم التفتت و دخلت الغرفه : شفيكم !!
تماره وتالا لامين بعض و مشاعل واقفه فوق الغنفه تناقز
مشاعل : وااااااااااااااي فاااااااااااااااااااااااا اااار ( و تنقز )
وتماره وتالا منصدمين : وين وين ؟؟
مشاعل : واااااااااااااااي تحت الفراش واااااااااااااااااااااي
تماره وتالا يطالعون بعض : آآآآآآآآآآآآآآآآآآآآآآآآآ آآآآآآآآ لحقوووونا .. ( و نقزوا فوق الغنفه )


...

بعد نص ساعه ..
فيصل : انتوا فضحتوونا .. ماكو احد ما طلع لكم .. شهالصراخ !!
خالد و سعود : هههههههههههههههههههههههـآ آآآي ..
فيصل : بس عاد ..

ريم شوي شوي تضحك ..
فيصل : شوفوا اليوم بتنثبرون منيه و بتناموون و باجر بنظف المكان .. فاهمين !!

الكل ساكت ..
فيصل بصراخ : فااااااااااهمين !!!!!!!!!!!!
تماره و تالا و شماعل : فاهمين ( بخوووف لوول ) ..

...

صار الصبح ..

تماره تتثاوب و ارفعت راسها : اممم .. بناات يا الله قووموا اليوم اول يوم دوام لنا .. تالووووه .. شعوول .. ريموووه يا الله قوومووواااا .. الوووو .. يووه اي الووه انا بعد !! ..
تماره قامت و غسلت ويها .. و راحت وقعدت البنات و كل وحده قامت وغسلت ويها ..

[اسطورة !]

البارت الخامس
...

طبعا قعدوا الشباب مع البنات .. و راحوا عند المدير .. و اللي صار ان كل وحده و واحد راح يشتغلون على حسب اللي راح اكتبه الحين :-

فيصل : راح يكون المحاسب عند الاستقبال يتم شغله عن طريق الحجوزات .. يحجز غرف ..
مشاعل : راح تكون مساعده لـ فيصل و طبعا هي حده متضايقه لان فيصل بيحاسبها عالكبيره والصغيره ..

خالد و سعود راح يكونون عند المسبح اهما للانقاذ .. بس كل واحد بحوض مخصص غير عن الثاني

تماره و تالا و ريم كلهم بيشتغلون بمطبخ المنتزة يعني يوصلون الطلبات و يرجعون ...


...


اول يوم ..


خالد لابس كبوسه و يسمع اغاني و يطالع اللي يطبون بالحوض ..

وسعود منسدح بالكرسي و كاشت باللي بالحوض ..


بالمطبخ ..

تماره تقط الطمام : وااااااي انا اللي عايشه عند امي و يدي وخالي اللي مو منقص علينا شيء و الخدم تارسين البيت انا اشتغل بالمطبخ ؟
تالا : تكفين تموووور سكتي واااااااااي عالاقل انتي طمام مو بصل مثلي

دخلت ريم ماسكه صينيه فاضيه : اوووف .. لاى تشوفون الزحمه وااي كل ساع مناديني ما خلوني ارتاااح و الجوو مناك داخل باارد .. والطلبات مو طبيعيه .. ريلي قامت تعورني
تماره : ريموووه تكفين انتي تعالي قصي الطمام و انا خليني اودي الطلبات
ريم : من صجج ؟؟
تماره : اوووووووووووووووووووووووو ف لا عت جبدي
ريم : تدرين شلون وخري .. انا عالاقل داخله المطبخ من قبل مع امي و يدتي اما انتي خليج روحي وصلي الطلبات حقهم ..


و قعدت ريم و تالا يسلوفون و كل ساع يتبادلون الاكل مره ريم تقص الطماط و مره تالا تقص الطماط ..

عند فيصل و مشاعل ..

فيصل راح حق مشاعل : ها شلون الشغل معاج ؟
مشاعل قاعهد عالكمبيوتر و تبتسم : واااي يا من حظي انا انوجدت منيه ماكو تعب نهائيا .. الشغل حده سهل اللي يبون يحجزون بس انسخ اسمهم و احط اسمهم يم الرقم الغرفه اللي يبونها .. و بس امبيه الشغل حده بسيط ..
فيصل : امم .. زين .. ( و قعد بالكرسي )
مشاعل : احم عفوا استاذ فيصل .. انت بتقعد منيه ؟ روح جابل شغلك
فيصل : انا خلص شغلي والحين وقت استراحتي .. المهم انا بروح الشباب والبنات شسوا بشغلهم ..

فيصل قام و راح حق خالد و سعود ..
خالد يسمع اغاني .. و سعود ناايم بسسسسسسسسسابع نومه ..

...

فيصل : خويلد ..
خالد فصخ السماعه : اهلا فصول ..
فيصل قعد بالارض يمه : ها .. شصار معاك ؟
خالد يطالع الحوض : امم لي الحين محد غرق
فيصل : ههههههههه فال الله ولا فالك شنو تبي اي احد يغرق ؟؟
خالد : لا مو قصدي .. بس اهما قالوا لي اذا ساعدت احد نزيدك 100 .. فقلت خل واحد يغرق بس المهم ما يصير فيه شيء هههههههه
فيصل : زين انا بروح اشوف سعوووود ..
خالد : زين

فيصل قام و راح عند سعود لقاه نايم ..
فيصل : سعيـــود .. سعووووووووود قووووم .. يوووه هذا لايكون من صجه ؟!

فيصل : سسسسسسسسعووود ابوك يااا قووم
سعود نقز : هاا وين ؟!!!
فيصل : هههههههه و اخيرا قمممت .. قوم شوف شغلك ..
سعود : وخر زين.. انت منو ! المسؤول مال الموظفين يعني وله شنو؟
فيصل : ههههههههه انت شكلك تبي تطردنا لنا من هنيه .. مو صح ؟
سعود : اووف ياخي الشمس حااره و اذبحتني ..
فيصل : المهم .. شوف شغلط باقي لكم ربع ساعه و يعطونكم استراحه للموظفين كلهم ..
سعود : زين زين ..

...

فيصل راح المطبخ
تالا : وااي بعد ثووم !!
ريم : هههههههههه عادي تحملي
فيصل : صبااح الخير
ريم تطالعه : صباح النوور فصول ..
فيصل : يا الله خلصوا بسرعه باقي ربع ساعه و يعطونكم استراحه ..
تالا : واااي و اخيرا .. !! بعد هنيه حرر بروح اسبح ..
فيصل : امم .. زين وين تماره ؟
ريم : اهي راحت توزع الطلبات

فيصل راح عند الباب اللي بين المطبخ وبين غرفه الطلبات ..

وله يطالع تماره تمشي عادي و شوي يطيح منها صحن .. و تفتشل و تشيله من الارض و تروح تطلب مره ثانيه و عطوها صينيه صانيه فيها عصير .. والحمدالله وصلت عند الطاوله بسلامه .. بس لمن وزعت العصير طاح بفستان البنت ...

فيصل : ههههههههههههه

ريم و تالا خلوا اللي بيدهم شفيك ؟

[اسطورة !]

البارت السادس ..


...

بعد اسبوع ..
ريم و تالا و تماره ..
ريم : الوو .. ها شعول وينج ؟ زين والشباب معاج ؟ ,,, اوكي ماشي احنا تونا طالعين من الغرفه .. اي رحنا تشبحنا من ريحه البصل و الثوم هههههه .. اي اي يا الله يايين لكم الحين .. ببـآآآي ..
...


عند الشباب و مشاعل

قاعدين يم البحر و فارشين زوليه عـ التراب .. و حاطين عصير و اكلهم .. و ياييبن شموع عشان ينور عليهم المكان ..

تالا : واااااااااااو .. المكان حده رووعه
تماره قعدت يم فيصل : حده .. الجووو حده بااارد عكس اليوم الصبح .. حررر ..
ريم : ها شسويتوا اليوم ؟
فيصل : ماكو .. انا شفتكم كلكم .. و تابعتكم اول بآول .. سعود طول اليوم نايم .. شكله امس ما نام عدل .. و خويلد .. كانت قاعد يسمع اغانيه .. بالمسبح .. و كان منتبه لهم زين .. و مشاعل .. كانت طول اليوم تشتغل بالمكتب و تسجل الارقام حق الزباين .. و انا طول اليوم اتابع الحجز عدل بعد مشاعل .. و ريم و تالا .. طبخو بالبصل والثوم و الطمام هههه
الكل : هههههههه ..
فيصل : اما تماااره .. هههههههه .. كل صينيه تشيلها تطيح منها .. حتى كتت العصير على نص الزباين ههههههههه كالعاااااده .. ما تيوووز
الكل : هههههههههههههههههههه
تماره تكح ( غصت ) : بل بل بل .. كل هالتقارير طلعتها عني اليوم !! واااااااي با الله انت شدراك !! انت تراقبنا بعد !
ريم : ههههههههه .. اهم شيء فصول .. كل يوم قول لنا شيصير مع كل واحد ..

سعود بكل حنيه قال : ما ولهتوا على اهاليكم ؟
ريم تطالعهم و نزل راسها و خلت الاكل : فعلا ولهت على امي و على ابوي و خالي .. و يدتي .. ياليتني اقدر ارجع المزرعه مره ثانيه .. ودي اعيش باقي عمري فيها ..
تالا ابتسمت : وانا بعد .. اشتقت حق امي و خالتي .. و حق ابوي ..
تماره : مي توو .. اشتقت لهم وايد
مشاعل : .. هه .. انا ما اشتقت لا حق امي و لا حق ابوي .. بس .. بس انا اشتقت حق طفولتي مع امي و ابوي .. كنت حدي سعيده .. بس لمن كبرت .. حسيت اني قاعده اشيل همهم .. حسيت اني ضعت .. ودي ارد طفله ..
خالد نزل سماعته .. و صكر ايباده : انا اشتقت حق حنان امي .. صار لي شهر ما سمعت صوتهـآ .. ودي تناديني .. الله يرحمهـآ

الكل : الله يرحمهـآ

فيصل يطالع خالد : وانا بعد مثلك .. اشتقت حق امي .. ( و ضم اخوه )
ريم انزلت دمعتهـآ .. و مسحتهـآ وقامت : يا الله عيل .. خلونا نمشي من هنيه ..
فيصل : نمشي من هنيه !!
ريم دمعت عيونهـآ : باقي لنا اسبوع .. و بهالسبوع يمدي نروح لهم .. كلنا مشتاقين لاهلنا .. ودنا نسمع صوتهم .. صدقوني هذي فرصتنـآ
تماره قامت و امسحت دمعهتـآ : اي .. وانا بعد بروح معاج ريم
مشاعل : بس انا
تالا قامت : مشاعل .. انتي عندج امج و ابوج .. صدقيني ما تدرين شيصير بعديـن .. يمكن ما تشوفينهم لا سمح الله ..
مشاعل قامت تفكر ..
خالد : حتى لو رحنا !! ( بيأس ) .. والاتفاق اللي بينا و بينهم .. ما خلصنا مدتهـآ وله بندفع فلوس ..
فيصل قام وابتسم : شرايكم عيل .. ( حط ايد على ايد ) .. انا اللي بوديكم ( و غمز لهم )

البنات .. والشباب قاموووا .. و شالوا اغراضهم ..
بليــل .. السـآعه 3:30 ..

مشاعل طلت برا .. لقت في حراس يحارسون المكان .. حق المنتزة .. و صكرت الباب ..
تماره : ها في احد برا ؟
مشاعل : اي في حراس
تالا : جم عددهم ؟ واحد !
مشاعل تطق ويها : لا اثنيييين 2
ريم : مالكم شغل .. سمعوا اللي بقول لكم عليه فاهمين ؟؟

...


عند فيصل و خالد وسعود ..

خالد و سعود : فاهمين ..
فيصل .. فتح الباب .. و طلع .. التفتوا عليه الحراس .. فيصل اشر لهم ( تعـآلوا )
الحراس ركضوا ..
واحد من الحراس : شفيكم ؟ عسى ماشر ؟
فيصل : اخوووي داخل .. يقول بطنه يعوره .. واللي يعافيكم نادوا لنا الطبيب


الحارس الثاني : خلاص يا فراس ( الحارس ) .. انت خلك عندهم و انا بنادي الدكتور
فراس : ماشي .. بس لا تتآخر
فراس دخل عند خالد و سعود لقى خالد نايم و يوون من عوار بطنه ..

سعود طلع شوي شوي و طق الباب على البنات .. و راحوا يركضون معاه ..

بعدها ركبوا السيـآره و حطوا اغراضهم و قعدوا داخل ..
خالد قام .. و قام يسوي روحه ان العوار خف فبطنه ..
خالد : خلاص خلاص مافيني شيء .. بس شكله غازات ..
الحارس فراس : غازات !!
فيصل : ويه خويلد خرعتنــآ .. اسفين وانا اخوك سامحني .. خلاص انا بروح اوديه الطبيب بعد شوي ..
فراس : لا ميخالف .. احنا نييب له الدكتور
فيصل : لا اخوي ما يحب إلا دكتوره الخاص ..
فراس : خلاص ماشي .. الحين نفتح لك البوابه ..
فيصل مد ايده : يعطيك العـآفيه .. ندري ازعجناك ..

خالد قام و فيصل قام .. ( طبعا سعود اخذ اغراض فصول و خلود و عطى البنات و شالوهم و حطوهم بالسياره ) ..

و نزلوا فيصل و خالد و ركبوا السيـآره .. و سعود والبنات منخشين داخل السياره و منزلين رووسهم ..

فيصل شغل السياره .. و مشى لي البوابه و كلمهم .. و وافقوا يطلعونه .. و طلع ..


بربع الطريج بعد المنتزة .. قاموا البنات و سعود يضحكون .. انهم طلعوا بالسلامه ..

....

فيصل : زين .. وين تبونا نطلع الحين ؟
مشاعل : تكفون .. امي وابوي بالديره الحين .. و ابوي اكيد بيترك البيت .. وابي اكلمه قبل لا يطلع ..
فيصل : خلاص عيل مشينا بيت مشاعل ..

مشاعل قعدت و هي خايفه من اللي بيصير ..

...

و بالفعل راحوا بيت مشاعل ..

فيصل وقف سياره الفـآن ( الـ vane ) بالمسافط الخارجيه ..
مشاعل فتحت الباب : يا الله نزلوا
تماره : لا عادي شعول .. روحي شوفيهم .. وإذا خلصتي تعالي
مشاعل ابتسمت : شدعوه !! اخاف تروحون عني ههههه .. نزلوا بس ..

الكل نزل بس خلوا اغراضهم بالسيـآره ..

مشاعل فتحت البـآب الكبير و العريض و من شكله غـآلي و ثمين ..


مشـآعل تطالع بيتهـآ ..
مشـآعل : اشتقت حق بيتنـآ وايد .. ( طالعت جدامها عالدري .. ) ..

منصدمه : إنت !!!!!!!!!!!!!!!!!!!!!!!


....

[اسطورة !]

البـآرت السـآبع ..

....


.... : ههههههههههه .. اهلا شعوووله .. ياا الحلوووة
مشاعل عيونهـآ تلمع : يـآ حقير .. انت شتسوي داخل بيتي !!
طارق : اممم .. ( ابتسم ابتسامه احتقار ) .. مو انا اللي رفضتيني عشـآن شخص .. مو انا اللي خليتيني عشـآن شخص !! منو هذا يا شعول !
مشاعل : انت شتبي فيني !! يا اخي انا اكرهك .. و بعدين انت شتسوي قاعد فوق ؟؟ وين امي و ابوي ؟؟ وينهم ؟؟

نزلت ام مشاعل و لابسه قصير لي فوق الركب و هي ضعيفه .. و شعرها اشقر و مسويه الف عمليه تجميل ..

جولينـآر ( ام مشاعل ) : اوووه حبيبتي شعوووله ..
مشاعل : يمه .. منو هذا !! و وين ابوي ؟
جولينـآر : شعوول يا قلبي .. ابوج طلقني قبل اسبوع .. و هذا .. ( طالعته وابتسمت ) .. و هذا خطيبي
مشاعل : !!! خطيبج !! شلون ! انتي توج متطلقه !!
جولينار : شعوله يا يمه .. كاهوا ابوووج راح و بيتزوج !! .. و بعدين شفيها ! انا حلوة و توني صغيره ..
مشاعل نزلت دموعهـآ : مالقيتي غير طارق !!!!!!!

مشاعل طلعت و الشباب والبنات طلعوا وراهـآ ..

....


ركبوا كلهم السياره و مشاعل تبجي ..

و تماره تضمهـآ : خلاص شعول .. خليه يولي .. ما رد امج بتعرف الحقيقه ..

والكل يفكر !! شفيهـآ !! و شالسالفه !! و شسـآلفت طـآرق !! و من يكون هذا !! و شنو الشيء اللي بينهـآ و بين طـآرق !!

لا يهمكم .. تـرى ـآآ رـآآح تعرفونـ السـآلفه كلهـآ و بإختصـآر ــررر ..

...


بالطريج ..
ريم : وين بنروح الحين ؟
فيصل : ما ادري !! بس الحين شق النور .. ( يطالع السـآعه ) .. الحين السـآعـه 6 ..
.. و طول الطريج يحاولون يصولون للمزرعه عشان يقابلون ام ريم
( منيره ) ,,

...

سعود حاط ايده كوعه عالباب و صوب ايده على راسه و يطالع برا : الحين الساعه جم ؟
فيصل يطالع ساعته : 12:30
سعود : الله طولنا !! صار لنا فوق الـ 6 ساعات !!!
فيصل يطالع سعود : بعد شنسوي ! السياره مو راضيه تتحرك .. شكلها ماكو بانزين ..
خالد : بعد ربع ساعه نوصل عند محطه بانزين ..


وبالفعل بعد ربع ساعه و صلوا المحطه البنزين ..
و ماكان بالسياره ولا قطره بانزين .. و نزلوا الشباب والبنات ..

و البنات نزلوا مع خالد عند البقاله ( دكان ) اللي جبال المحطه .. ( جبال = جدام ) .. المهم ..


دخلوا البنات و كل وحده معاها سله .. و خالد واقف عند الباب ينطرهم ..

تماره و مشاعل عند الككاو والحلاو ..
و تالا و ريم عند العصير
و خالد واقف يم البنات بس يمه درج الشبس والبطااط .. و قام ياخذ له و يراقب البنات ..


و سعود و فيصل برا عند السياره قاعدين يترسون بانزين ..

يت يمهم سياره بورش اخر موديل .. ..

فيصل طق كتف سعود : شوف منو يـآ
سعود التفت : وليـــن .. الحين هذا شيسكته !
فيصل : هه .. السـآني راح يسكته ..

نزل فلآن من السيـآره البورش .. و تسند عليها .. و حط ايده بجيبه .. و لابس النظاره اخر موديل ..

غانم : هه .. شتسوون منيه ؟! ( يطالع الفان ) هههههههه .. فصول هذي لي الحين عندك !!
فيصل لف ويهـآ . : استغفر الله
سعود : غانم .. لو سمحت رووح وصل على النبي
غانم فصخ نظارته : هههههههه .. لايكون البانزين بانزين ابوك !! وبعدين فيصل درينا انك فقير .. بس مو لي هالدرجه توصل لمرحله الجعص !!

فيصل التف و راح حق غانم و مسكه من بلوزته و يتكلم و اهوا صاك على حلجه : احترررم نفسك لا اربيك فاهم !! وله ما فهمت !!

البنات طلعوا مع خالد ..
ريم قطت الجيس وركضت : فيصل ..
خالد خززز فيصل : فصول !!! ( و قط الاغراض )

تماره و تالا و مشاعل قاموا يشيلون الجياس ..

ريم تير ( تجر ) فيصل .. : فصوول وخر عنه خلاص
و خالد وسعود يمسكون غانم ..
سعود مسك بلوزه غانم من فوق : يا كلـ... ثاني مره ان شفتك بويهنا وربي نربيك فاهم !!
ريم مسكت فيصل : شفيكم !! شصاير !!
خالد يررر غانم : وربي لا اربقيك تطق اخوي !!! ( و قام يمسكه و يطقه )
وسعود يحاول يوخر خالد ..

سعود : خلااص خالد ( صارخ ) خلاااص خالد كافي ما نبي يمووت ..
فيصل يمش حلجه .. ويطالع البنات و يصارخ : بنااات .. تعالوا ركبوا السياره .. خلونا نمشي ..

مشاعل و تماره و تالا يايين عندهم و اهما يركضون ..

ركبوا السياره و ريم قعدت مكان سعود .. و سعود قعد يم خالد ورا ..
ريم : انا بفهم .. خلاص السالفه راحت ليش تتهاوشون فيها بعد !! و بعدين انتوا عارفين ان غانم واحد مغرور ..

مشاعل قالت تلقائيا و هي تتدلع و تلف شعره من شعرها : والكل تتمناه .. آآه
ريم لفت تطالع مشاعل : مشاعل !!!!!!
مشاعل تطالع ريم و بوزت : سوري ..
ريم تطالع فيصل .. وبعدين خذت كلنكس و صبت على الكلنكس ماي و حطته صوب شفايف فيصل و تمش حلجه : في دم منيه .. خلني امشه لك ..


فيصل معصب و اهوا يسوق ..

...

وبعد بالطريج .. نزلوا عند محطه ثانيه بس الحمدالله عدت السالفه على خير .. و ماكوو اي شيء طول الطريج اللي يسولف و اللي يقط نكته واللي يحاول يغير الجو اللي داخل السياره ..

و مرررت فتره من الوقت .. و تعبوا كله داخل السياره !! و ملووا يبون يحركون ريلهم ..

صـآر الليــل .. ( واهما بالطريج فاتحين الليت الداخلي للسياره )

فيصل قاعد يسوق و ريم يمه قاعده تسولف على راسه عشان ما ينام مثل الباجي اللي ورا ..

خالد نايم و متلحف بالكمبل وكالعاده حاط بآذونه السماعه ..
وسعود كان قاعد يقرا مجله .. و نايم يم خالد ..

اما البنات تماره و مشاعل و تالا ورا قاعدين اخر شيء و كل وحده نايمه بكتف الثانيه و متلحفين بكمبلين ( يعني متقاسمين الكنابل ) ..

ريم معطه الباب ظهرها و ويها عند فيصل و تسولف و مندمجه بالسالفه : وتخيل وفجآه لفيت ههههه وله ابوي و عمي قاعدين يلعبون معاهم .. عاد انا وامي و يدتي قعدنا مناك ..
فيصل يطالع جدامه و كآنه مو مهتم : زين سويتي
ريم تطالع فيصل : شكلك مليت من سوالفي .. ( عدلت قعدتهـآ بالكشن )
فيصل التفت حق اللي ورا .. والتفتت حق ريم و قام يطالعهــآ
ريم تطالعه : شفيك تطالعني جذيه !!
فيصل وقف بالبــر ( بنص الطريج ) : ريمووه .. نزلي بقول لج كلمه راس ..

ريم : عفوا ! انا !!!
فيصل : اي نزلي .. لا يقعدون ..
ريم تطالع برا : فصول اخاف انزل .. تعال لي انت عشان اكون يمك ..
فيصل : اوكي ( و نزل بسرعه و كان شوي الجو بارد و راح و فتح الباب حق ريم .. )


...

[اسطورة !]

البـآرت الثـآمن

...

ريم : هلا فصول شفيك !!
فيصل : ريمووه .. آآ .. بقول لج شغله بس تكفين لحد يعرف بالموضوع ..
ريم : قول و انت آمن ..
فيصل : ريمووه .. آنـآ ,,

...

فالمزرعه ..

...

منيره تمشي بالممر اللي جدام باب دارهـآ القديمه .. و هي ماسكه المفتآح .. و تبتسم ..


افتحتهـآ شوي شوي ..
الليت كان مصكر ...

فتحت الليت .. و قامت تطالع الغرفه .. و تتذكر ايام قبل .. اهي و جولينار و روان و غدير و لولوة .. و قامت تتذكر اول ما دخلوا غرفتهـآ .. و هي واقفه عند الباب تحس انها تشوف رووحهم فيهـآ ,, و وقفت تبتسم .. و تتذكر غدير و روان لمن استغربوا ان ضاري يطلع ولد خالتهـآ .. و تتذكر كل كلمه صـآرت ..

بكل برائه .. نزل دمعتهـآ ,, واضحكت ضحكه خفيفه حركت مشاعرها ..
قامت تمسح دموعهـآ .. و ارفعت شعرها بالكبسه .. و دخلت .. ولقت شالها الاحمر موجود عالفرآش .. او بالاخص شـآل رفيجهـآ لولوة ..

لولوة قبل لا تموت .. وصت منيره انها تربي اعيـآلهـآ .. اي على فكره لولوة توفت و اعيـآلهـآ صغـآر .. اعمارهم 10 سنين .. و صارت مشاكل بين منيره و ابو خالد و فيصل .. ( بعدين تعرفون السالفه ) ..

منيره قعدت بفرآشهـآ .. و تطالع غرفتهـآ .. و كل دمعه تنزل قبلها دمعه آحر من الثـآنيه .. كآنهـآ دمعت من جمر .. تحر القلــب على فرآقه اعز النـآس لهـآ ..

وفجآه التفتت و هي تبتسم ..

تدروون شنو الشيء اللي عيونهـآ طاحت عليه ! على قـلآده .. و كآنت هالقلاده من امهـآ .. لمن عطتهـآ حقها و حق صديقـآتهـآ !!

.. تذكرت هاليوووم .. و كـآن اول يوم تعرفت على البنات ..

كـآنت تمشي بالممر .. و تقرآ الارقـآم ..

شـآفت بنـآت .. آشكـآل و آشكـآل ..

قامت تدور رقم غرفتهـآ و كملت سيدا .. لقت غرفه رقم 12 .. عرفت انها قربت .. و قرت 13 .. قرت 14 .. قرت 15

..لقت الغرفه اللي رقمهـآ 15 b

لقت الباب مفتوح .. و افتحته .. ولقت اعز انسانه على قلبهـآ ..


وقامت تتذكر ..


لقت الباب شوي مفتوح .. دزت الباب .. لقت بنت داخلها شعرها قصير لي كتوفها .. و متينه شوي .. ( امتن من منيره ) .. حلوه عيونها كبار و شفايفها حلوين .. و قصيره شوي .. كانت قاعده تطلع اغراضها .. و تسنعهم ..

منيره فتحت الباب .. لقت الغرفه كبيره و حلوة و فيها 5 سراير
( جمع سرير = فراش ) ..

والبنت كانت قاعده اول فراش اللي على اليسار ,, و وراها الجامه ..

منيره : احمم ..

البنت لفت على منيره و ابتسمت : حيااج ..
منيره ابتسمت : امم .. انا بصراحه يديده بالهالثانويه .. و ,, ما اعرف عن نظامها .. بس حبيت اعرف ما ادري إذا هذي الغرفه المطلوبه ؟! وله .. وله لأ ..؟!

البنت مدت ايدها تبي الورقه .. و منيهر عطت الورقه حق البنت ..

البنت سحبت الورقه شوي شوي من منيره وشافت الورقه و قالت : لا .. هذي اهيا الغرفه صح ..
منيره تطالع الغرفه .. غرفه حلوه .. و كل طوفه ملونه لون .. في لون ازرق و في وردي و برتقالي و احمر و عليها رسومات ..

منيهر راحت حق ثاني سرير .. اللي يم البنت .. و كان لون الطوفه اللون البرتقالي ..


واليوم .. منيره قاعده بغرفتهـآ .. و تتذكر ايام الماضـي اللي بالسـآعات صـآرت دقايق و لحظـآت ..


ضـآري : شفيج تبجين ؟
منيره لفت عليه ووقفت و امسحت دموعها : ماكو شيء .. بس .. ( قامت تبجي كآن شيء بداخلها يصرخ ) .. و طاحت بالارض
ضاري ركض عندها : منيره شفيج ؟؟
منيره تبجي و تشهق : اشتقت لهـآ

ضاري لمها على صدرهـآ : خلاص منيره .. كلنا بنرووح .. كافي كل يوم تذكرينهـآ .. ذبحتثي نفسج .. و بعدين ليش تفتحين الغرفه اللي صـآر لها سنين ما فتحنـآها !!

ضاري قام يساعدها انها تقعد بالفراش ..
منيره تمسح دموعهـآ : ريم و البنات والشباب بعد شوي بيوون عندنـآ .. انا فتحت الغرفه اللي تحت حق الشباب .. والبنات بخليهم بغرفتي هذي ..
ضاري : بس احنا قلنا بنصكر هالغرفه لبعدين ..
منيره : ضاري انت ما تدري شكثر ذكرياتي اوقفت هنيه .. ( تطالع الغرفه ) .. هذي الغرفه قدنا و ضحكنا .. و لعبنا و غنينا و صفقنا .. انت تدري بعد ما انا درست برا معاهم .. عشنا منيه .. و هنيه ماتت لولوة .. و هنيه ولدت ريم و هنيه اهي اولدت خالد وفيصل .. و هنيه انا ربيتهم .. تبيني انسى كل هذا !! عمري ما قدرت انسى انسانه بيوم كانت اختي ..



ضاري : سمعيني يا منيره .. الدنيا ما توقف على شخص واحد .. انا .. انا اللي جدامج إذا انا مت .. ما ابيج تفكرين فيني .. فكري بنفسج و ببنتج وبس .. ( حط ايدينه الثنتين على خدودها ) .. فاهمه .. !!
منيره تطالع عيونه : فاهمه ..

...

بالسيـآره ..

الساعه 10 الصبح ..
فيصل قاعد يسوق < مسكين ..
خالد قام من النوم و قاعد يمسح عيونه .. : الساعه جم الحين ؟!
ريم تطالع فيصل و تطالع خالد : ناام شوي ونوصل ..
خالد : شنو انتوا سهرانين من امس ؟
ريم : لا .. وقفنا امس سيارتنا بالبر .. و قفلنا الباب ونمنا و مشينا ع ـآلساعه 6 الصبح .. على شق النور ..
خالد يطالع جدام : شوفوا .. شوفوا مكتوب ولكم تو ذا فارم



ريم تقرب و ابتسمت : اي صح .. و اخيرا !!
فيصل ابتسم وقاعد يطالع اللي نايمين ورا .. : قومهم خل يوقومون .. قول لهم وصلنا .. اوووف واخيرررااااااا

و قاموا يمشون .. وريم قعدت على الباب يعني نص جسمهـآ بالجامه برا و نص جسمها داخل السيـآره .. و اهما يمروون بالمزرعه تسلم عليهم ..

ريم تبتسم و تحي : شلوووووونك انكل محمد
العم محمد رجل كبير : اهلا ريم .. فقدناج وايد
ريم تبتسم : زهب لي البقر الحين بيي اخذ منك الحليب هههههه

فيصل و خالد : هههههه ..
فيصل : يا المينونه دخلي راسج .. جنج مو مصدقه انج وصلتي
خالد : هههههه خلها مسكينه .. اكيد بتستانس ( طالع ريم و تحسر على امه ) .. خلها .. اكيد مستانسه بتشوف امها .. ( و نزل راسه )
فيصل طالع خالد و عرف ان خالد تذكر امه .. فيصل تغيرت ملامحه .. و بكل هذوء قال : انزين يا الله قوم قعدهم ( و قام يمسح براس اخوه )

خالد : إن شـآء الله .. ( و راح يقعد سعود والبنات ) ..

...


ام ضـآري قاعد برآ مع خال ريم و هم بعد اسمه خالد ..

ام ضـآري تطالع جدامهـآ و تلبس نظارتهـآ ووقفت ..
خالد : شفيج خالتي ؟
ام ضاري تركض : ريم وصلت .. وصلت



...


ضـآري و منيره قاعدين بالفرآش و لمهـآ بحضنه و هي تبجي بس هدت عن قبل .. و يسمعوون صوت ام ضـآري تحت ..


ام ضـآري : ريمممم ووووصلت .. ووووصلت ..

...

ضـآري : أأششش .. تسمعين امي تصارخ تحت ؟
منيره تمسح دموعهأ ( صـآآآر هدوء ) .. قام ضاري و طل برا ..

ضـآري لف على منيره واهوا يبتسم : ريممم وووصلت ..
منيره وقفت : صج ؟؟
ضـآري ابتسم : اي ..


منيره مسكت ايد ضاري و ونزلوا ..

...

[اسطورة !]

البـآرت التـآسع ..

...

وصفط فيصل سيـآرته .. و نزل .. و نزلت ريم و تركض و تلم يدتهـآ ام ضـآري .. و خالد ( خالهـآ ) واقف نفس هالوقف ولابس نفس هاللبلس
و يطالع فيصل والشبـآب ..





ريم اركضت عند خالها و ضمته حيل ..

*.* ( ملاحظه : عشان نفرق بين خالد خالها و خالد اخو فيصل .. راح اخلي كل واحد له اسم معين .. يعني خالد خالها بيتم نفس اسمه .. اما خالد اخو فيصل بسميه خويلد *.* اوكي) *.*

خالد : اهلاااااااااااااااا بحبيبه قلبي .. ( وقام يضمهـآ )

وريم حدها مستانسه : اهلا خااااالي .. والله حدي اشتقت لكم ..

نزلت منيره و تركض و هي لافه نفسها بالشال الاحمر : ريوومه حبيبتي
ريم اركضت : يمممممه ( و ضمتهـآ حيل ,, )

و خالد تم واقف عند الباب و فيصل يطالع خالد .. و منيره حست بنظرآتهم ..
منيره دنت ريم من صدرهـآ .. وراحت عند خالد و فيصل : شدعوه .. انا ماني امكم اللي ربتكم .. ! و له ما اشتقتوا لي !!
خالد ابتسم و فيصل بعد ابتسم .. و راحوا ضموهـآ و اهما مختجلين ..

*.* منيره حبيبتي ترى الاولاااد كبرررت *.*

... خلوني شوي اعرفكم على المزرعه و عن اهلها ...

قبل بالجزء الاول تعروفون شلون كانت الحيـآة .. بس ابي اقول لكل من يقرا قصتي للمره الاولى ..

المزرعه .. يعيشون كآنهم عايله وحده .. لو تسألون الجار الاول عن اخر جار راح يدليكم البيت كآنه بيته .. و طبعـآ المزرعه عندهـآ بوابه وحده فقط .. يدخلون منهـآ و يطلعون .. و المزرعه كبيره وايده و عندهم عادات وتقاليد .. لدرجه ان عندهم البنت بس تكمل الـ 18 سنه ممكن تتعرف لشخص و تتزوجه و تييب عيال .. و احفادهـآ يكونون صغـآر و تعيش معاهم .. يعني الحياه مناك حدها جميله و بسيطه حيل ..

و المزرعه فيها ميزه حلوة .. انهـآ تطلع على البحر .. بس محد ساكن بالشـآطئ ,, يعني اهما لو عندهم حفلات تكون عـ الشـآطئ هذا .. و طبعـآ ع ـالشـآطئ فيه قعدآت مصنوعه من السعف .. و راح تكتشفون اشياء يديده بعد مع القصه ..


...

بعد القرررقه .. ع ـآلسـآعه 1 الظهـر ..

مشـآعل + تماره + تالا + ريم .. قاعدين برا يشربون اللبن .. من لبن العم محمد .. ( العم محمد هذا لرجل معروف اكثر من اي شخص بالمزرعه .. اهوا رجل كبير بالسن .. و اهوا من يحرس المزرعه و بيته يم البوابه بالضبط .. و عنده اولاد اهما بعد يحمون المزرعه من بعده .. و تقدرون توقولووون اهوا المسؤسس للمزرعه مع اهل المزرعه عامه )

...

مشاعل : اممم .. مع اني ما احب اشرب لبن .. بس شكله هاللبن فرش .. ريمووه صبي لي شوي ..
ريم افتحت مخطات اللبن .. و قامت تصب اللبن لـ 4 قلاصـآت .. و هي توزع القلآصـآت .. شافت ايد من ورا ريم و يسحب اللبن التفتت
ريم رافعه حاجبهـآ : فصول هد لبني ..
فيصل : شدعوه ريموووه انا اخووي متربي معااج .. شدعوه عاد !!
ريم : يعني ما تعرف تاخذ قلاص من الكبت و تيي !! فصول عطني لبني ..
فيصل يشرب اللبن بسرعه و شرب نص اللبن .. و عطاه ريم و اهوا يبتسم : هاج .. في نص .. شربيه
ريم تطالع القلاص : نعم !! تبيني اشرب من بعدك !! ( وراحت المطبخ تييب لها قلاص ثاني ) ..
و فيصل يطالعهـآ و هي تدخل من الباب و يضحك و مشاعل و تالا و تمارا يضحكون على ريم و فيصل ..

ريم دخلت المطبخ و هي تتحلطم .. (( للعلم البيوت اللي بالمزرعه مصنوع من خشب و صغير المساحه )) ..

ريم تتحلطم : اووف .. بس يشرب و انا نفسي فيه .. اوووف
منيره دخلت المطبخ تضحك على ريم : شفيج ماما .. !!
ريم التفتت و هي تدور القلاصات و بعضبيه قالت وبصراخ : شوفي فصوول .. ويع ويع ويع .. انا نفسي باللبن .. انا من اول ما رجعت من السفر و انا على طول ركبت الخيل و رحت عند العم محمد و رحت يبت اللبن اللي نفسي فيه و اخر شيء فيصل شربه .. واااي
منيره : ههههههههه .. ريم يا حبيبتي .. فيصل اخوي و عادي انتي شربتيه وله اهو !! نفس الشيء ..
دخل خالد : يما منيره ..
منيره : هلا يمه ..
خالد حط ايده ورا ارقبته واهوا يبتسم : احم .. اليوم انا بسهر برآ
ريم تبقق عيونهـآ : مع منو بالله !!
خالد يطالع ريم : وانتي شكو !!
ريم تطالع امها وبدلع تقول : يمااااا !!!
منيره ابتسمت : مع منو بتسهر برآ !!
خالد ابتسم : مع جارتنـآ .. احم .. اقصد بنتهـآ .. ليلى
ريم اشهقت : ليلى !!!! من صجك !!
خالد لقى عالكرسي مثل رووب الطبخ ( روب الطبخر = لبس الطبخ )
و قط الروب على ريم و ريم مسكته ..
منيره ابتسمت : زين .. بس حد لي الساعه 4 الفير .. و ما اوصيك .. عندك صوب الشـآطي اللي عند مكآن المسرح اللي على البحر .. لا تروح مكان غيره ..
خالد ركض و باس راس منيره و استانس : مشكوره يمه .. ( و طلع يركض )
ريم منصدمه : يما .. !!
منيره تروح و تحط الماي الحار بالجوله : ريم اخذي القلاص و طلعي عند صديقاتج ..
ريم !! خذت القلاص و طلعت ..

...

ريم طلعت لقت فيصل قاعد مع البنات .. خذت اللبن و فتحته و هي ماسكه القلاص و وقفت بعيد ..
فيصل : ههههههههههه .. خايفه اخذه منج يا شقوول !!
ريم تطالعه بنص نظره و كملت .. تصب و صكرته و شربت ..

...

ع ـآلسـآعه 2 ..

قاعدين يسولفون برا .. كالعاده بمكانهم اللي كانوا قاعدين فيه ..
ريم : اووووف ملينا .. ابي اروح عالشاطئ ..
فيصل : تبوني اوديكم ؟؟
ريم ابتسمت : احلف تودينا !!
فيصل ابتسم : تدرون شلون .. يا الله قوموا بوديكم ..
مشاعل و البنات دخلوا داخل و راحوا إييبون اغراضهم ..
اللي راحت تييب كامرتهـآ واللي راحت تييب الشمسيه واللي ماسكه جنطه فيها ككاو وحلاو ..

و بالفعــل .. فيصل ركبهم وانيت خالد ( خال ريم ) .. < تذكرونه بالجزء الاول كان في وانيت مال خالد اخو منيره .. و يصير خال ريم > هذا اهوا الوانيت نفسه ;)
طبعـآ جدام فيصل قاعد والبنات ورا ..

و بعد تقريبـآ ربع ساعه او ثلث سـآعه ووصلوا .. < بطريق مختصر طبعـآ

...

نزلوا البنات .. < على فكره اهما متعودين ع ـآلمزرعه ..

...

تماره : وااو .. الشاطئ تغيرت وااايد ..
مشـآعل : اي حده .. ما شـآء الله سووا مناك مباني ..
ريم و هي تنزل : اي والله .. بش شكله حق السواح اللي إييون عند الشـآطئ ..
تالا : ونااسه .. انا بروح حق الكوفي اللي مسوينه يم المبنى .. شكله يديد و عجيب
ريم : وليه .. عسى ما يخترب ترآثنآ بسبب هالمباني
مشاعل : ريمووه عاد شدعوه ! يخربونه .. حبيبتي هذا اسمه تطوور .. و عادي خل تتغير عادات و تقاليد أهآلي المزرعه

وبالفعل راحوا البنات و دخلوا .. و كل وحده فاتحه عيونهـآ و حلجهـآ :\

...



ادري البارت حده قصير بس والله انشغلت شوي .. و إن شـآء الله اول ما افضى بقعد اكتب بارتات ..