14-12-16, 06:54 AM
| #41 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  \\ البااااااارت ••35•• حصاد ارواحهم》•• رفع راسه لجمال وسامر اللي يناظرونه منتظرين جوابه عن سبب وجوده المفاجئ بأمريكا مسد كتفه الايمن بكفه الايسر: انا جيت بأتأكد من شيء وراجع ان كان وجودي يضايقكم ترا اطلع عادي سامر بقلة صبر: يمه واللي يرحم لي والديك لا تزيدها علي تراكم اقلقتوني انت و بدر وقف ابو بدر بسرعه وتوجه للغرفه: بتعرف كل شيء بوقته جمال وهو يسحب سامر اللي وقف بيلحق ابوه: اقعد علامك مكبر الشغله انت سامر : ماني مرتاح حاس فيه شيء وما اعرفه ..مسك راسه.. من يوم وحنا صغار وهم يدارون علينا هالموضوع اللي مو راضي ينعرف ناظر له جمال وفضل الصمت . فتحت الباب بخفه وهي تهمس بحيا: خالد فز عادل وهو يفتح الباب كله ويأخذ الصحن اللي بيدها: ادخلي مابه احد غريب دخلت وعينها تناظر بالمجلس حست بكأبة من الاضواء الخافته وصوت التلفزيون الخفيف طاحت عينها على ناصر وخالد النايمين بعمق مشت بخطوات سريعه لخالد ووساوس الشيطان تلعب فيها ..جلست على ركبها وتقربت منه نفثت براحه لما حست بانفاسه المنتظمه رفعت عينها لعادل اللي متعجب من حركتها: متى نام؟ اخذ قضمه من السندتوش اللي جابته معها: مالهم الا ساعه تقريباً علامك متخرعه كذا اشرت له يسكت بعد ما شافت خالد عقد جبينه بانزعاج سحبت وحده من الخداديات وحطتها تحت راسه قامت بسرعه طالعه من الباب وكلها دقايق وهي راجعه ببطانية غطته زين وشالت شماغة المرمي بجنبه باهمال مسدت راسه بهدوء ودمعه عنيده بنص عينها تمردت ونزلت مسحتها بسرعه بعد كلمة عمها ناصر لها ناصر: خلف الله علي ماني مالي لك عينك ماتقولين عمي مسكين ماله احد اقابله واغطيه واشوف وش يحتاج ابتسمت عبير بحرج من عمها اللي نست وجوده تماماً: سامحني والله نسيتك مسك على فمه وهو يتثأب بكسل: ما عليه باردها لك حست بكفه يلامس كفها نزلت عينها له وابتسمت لما شافته مبتسم: اقول ضف وجهك انت حرمتي وتبي تدلعني ناصر قام وربط شماغه على راسه : مالت عليكم وعلى دلعكم الله يعز لي شروفتي عجيزتي مدلعتني .. جلس بجنب عادل واخذ له من السندوشتات اللي عملتها عبير وهو يتلذذ بطعمها خالد سحبها عنده وغطاها باللحاف معاه ناظر لناصر وعادل وشافهم اندمجوا مع المباراه ولا هم حوله : اشتقت لك ابعدت عنه بسرعه وهي تبتسم من هباله : قوم صحصح وخلنا نرجع البيت عيالك هبلوا فيني ناظر خالد لوجها الخجلان وبسرعه قام وسحبها معاه لبرا : البسي عباتك وخلي البزارين هنا فتح عيونه على وسعها .. بنت ايه والله بنت وبحمامي ... تحرك بسرعه ولبس روب الحمام: اطلعي دربك امان كانت منزويه على نفسها في البانيو ومخبيه وجهها بكفوفها والخوف مالك قلبها ماسمعت شيء من اللي قاله لان صوته كان بعيد عنها بكت بخوف وباحراج سمعت خطواته تقترب منها..لا ياربي لااا ... نايف: اطلعي دربك امان ....... : يا بنت الناس اطلعي ماني بحولك ....... : تبيني انادي لك ندى غمضت بقوه على عيونها وكأنها تقول له نادها تحس حركتها انشلت رجولها ماعاد حست فيها نايف بخوف: بسم الله تقرب بخفه وفتح الستاره ووجه للجهه الثانيه .. فيك شيء تكلمي تراك اقلقتيني سمع صراخ ندى البعيد وعقد جبينه: اطلعي يابنت الناس لا تجي اختي وتشوفك كذا مابدرت منها اي حركه غمض عيونه بقلة حيلة وقفل الستاره لما سمع صوت باب غرفته يندق بقوه مشى بعصبيه للباب وفتحه ندى: ناااايف ..بلعت ريقها لما شافته بروب الحمام... اممم متى وصلت ..وكانت عيونها تتدور لعذاري في الغرفه سحبها لداخل الغرفه وقفل الباب: انتي اللي مدخله صديقتك غرفتي قالت بخوف: وينها اشر لها على الحمام: خذيها وانقلعوا برا همست بخوف: نايف شافتك نايف عقد جبينه بعصبيه: لا ولا شفتها حضرتها متخبيه في البانيو اقلها اطلعي مو راضيه تتطلع زانت لها القعده ضربت ندى خدها ياحسرتي ليكون صار لها شيء: نايف هذي عذاري حرك يده : فكينا يا شيخه طلعي صديقتك ندى: نايف اقولك هذي عذاري .. .. .. استوعب: مين دفته من قدامها وتوجهت للحمام فتحت الستاره : عذاري رفعت راسها ووجها احمر من كثر البكي: اهئ ما اقدر اتحرك حبست ندى ضحكتها وهي تمد لها يدها : قومي قومي عذاري: اهئ اقولك ما اقدر بان الخوف بملامح ندى: عذاري حبيبتي بس هذا لانك خفتي اطلعي زاد بكا عذاري: رجلي ما اقدر احركها ندى بخوف: ليه عذاري طحت عليها ندى: ياحسرتي ليكون كسر رفعت عذاري كفها لعيونها وهي تمسح الكحل : كله من اخوك ابتسمت ندى على براءتها وهي تمسك يدها وتسحبها معها: مافيك الا العافيه هههههههههههه هذا كله خوف ناظرت لها عذاري بلوم ندى: يوووه ياقلبي سامحيني والله حسبتك عند جدتي عذاري: اخخ رجلي توجعني طلعتها ندى وجلستها على السرير وهي تمسك رجلها : كيف طحتي هههه عذاري وهي تمسح خشمها ودموعها: والله جيت اركض صقعت في برجلي بطرف البانيو رفعت عينها للغرفه تدور له : اخوك وينه والله شلع قلبي من الخوف ندى وهي تمسد رجلها : طردته وسامحيني ياقلبي والله ماكنت ادري بانه اليوم راح يرجع من سفره حب يعملها مفاجاءة لجدتي رفعت عذاري خصلات شعرها اللي نزلت على وجهها بانزعاج: خلاص ياقلبي احس الالم خف بس تكفين يا ندى لا تعلمين احد ندى بضحكه: اصلا هي سالفه تنقال عذاري بضحكه: اعرف لسانك انا ندى: ههههههههههههههههه مادروا بلي متخبي بالبلكونه دخلت سمر تنادي عليهم : وش تسوون هنا البنات منتظرينكم.. يووه وش فيك عذاري ليه وجهك احمر ندى: لا ما فيه شيء بس لانها حرانه سمر: يمكن عنده سخونه لان الجو بااارد برا تقربت منهم واستوقفها شيء على الارض دنقت واخذت الصوره المرميه : شكل هالصوره قريبه من قلبك ياعذاري عذاري باستفهام: اي صوره؟ مدتها لها سمر اخذت عذاري الصوره وعقدة جبينها ... متى تصورت انا ومين اللي صورني قطع حبل افكارها صوت الطق على باب البلكونه الزجاجي اللي افزعهم حط كاس الماء اللي بيده على التسريحه ومشى لسرير سحب مسبحته من على الكمدينو وجلس يستغفر طلعت من غرفة الملابس وهي ترجف جلست موازيه له: وش فيك ترا الاحظ عليك من امس شارد ولا انت بحولنا ابتسم وهو ينزل السبحه من يده: كاشفتني قربت وجهها له: ايه خبز يدي قول وش فيه عدل جلسته : ماتبين تزوجين سطام ابتسمت ام سطام بفرحه: الا والله ودي ازوجه اليوم قبل باكر بس وش اسوي ولدك معند ما يبي الزيجه ضرب صدره : دباره عندي انا ما اقنعه بس انتي عليك بالعروس قامت بسرعه من عنده وخذت جوالها ابو سطام: تعالي وين رايحه لبست جلالها وقالت بضحكه: باروح عند حنان لجل ندور عروس تقهقه من فرحتها: تعالي خليني اكلم الولد قبل اشرت له بيدها وطلعت تنهد : عجوله هالمره عسى الله يحفظها لهالبيت غابت ابتسامته لما شاح طيف اخوه قدام عينه: رميتني بجبل كبير يا ابراهيم رميتني بجبل كبير ياخوي اخذ سبحته وكمل مابدأ به من تسبيح وتهليل شهقت ندى لما شافته متخبي بزاوية البلكونه سحبة الستاره بسرعه تقفلها لكن كلمة عذاري وقفتها عذاري: سمر اسبقيني انتي دقايق واكون عندك سمر وعينها على ندى اللي الخرعه واضحه بوجهها: تمام انا سابقتكم بس لا تتأخرون .. مشت للباب لكن رجعت ولفت براسها : ندى فيه احد بالبلكون فكت الستاره من يدها بربكه: لا ابد بس من قوة الهوا اصدرت هالصوت ناظرتها سمر وسكتت لان كان واضح ان ندى تكذب : اوك ننتظركم . طلعت سمر من الغرفه ونفثت ندى براحه لمت عذاري شعرها بعفويه واخذت الصوره : خليه يطلع اكيد البرد ذبحه ..مشت للباب وهي تقفله وراها مية علامة تعجب براس ندى فتحت البلكونه ودخل بسرعه وتوجه للسرير وهو يدور لصورة تخصرت ندى: ليه ما طلعت من الغرفه نايف: وين الصوره ندى وهي تشهق: الصوره كان لك نايف: وينها ندى: اخذتها عذاري ضرب جبهته : يارب ماتكون شكت بشيء توجهت ندى للباب: انا حسيت انها تدري بالموضوع نسولف بعد ما يروحون طلعت بسرعه للبنات لانها ابطت عليهم جلس على السرير ومية فكره بباله اول مانزلت تحت شافتهم يضحكون على سالفة قالتها هديل خبت الصوره بجيب جاكيتها الجلد وابتسمت على ترحيبهم بها جلست بجنب ساره: ساره مين بيرجعنا البيت ساره: وش فيك تحسي بشيء عذاري وهي تحرك راسها بلا: بس احس اني بأزكم ساره : يلا اللحين ادق على سطام اشاحت بنظرها على البنات وشافتهم ماهم حولها نزلت عينها للسجاد المزين بوسط المجلس الفخم وشردت للشيء اللي هالكها من التعب : حياة التفت وهي تبتسم لوجود مشاعل وسعد حياة: هلا ومسهلا وينكم من العصر مو مبينين نطت مشاعل على الصوفا اللي جالسه عليها حياة: كنا نتسوق سعد: اخذنا لك شيء ان شاء الله يعجبك مشاعل وهي تناظره: يا صبر الارض مافي اسلوب ابد يا اخي خلك اتيكيت ورومنسي والله ما ارحم الا بنت الناس اللي بتاخذها وكاد انها بتخلعك من ثاني يوم تقهقهت حياة على ملامح سعد المنصدمه: حرااام عليك ليت البشر مثل سعد سعد: يا جعلك للعافيه وش قلت انا حطت رجل على رجل: كان فاجئتها يعني تفضلي ياقلبي هذي هدية اخويه مني لك مو ..تقلده.. أخذنا لك شيء سعد: اجل هدية اخويه ..نزل عقاله بتهديد كاذب.. وماشافوا الا غبرتها ضحك ونزل عينه على حياة اللي تضحك ابتسم وهو يدعي ان تدوم هالضحكه عليها مسحت دموعها اللي نزلت من الضحك: ماهي بصاحيه هالمشاعل هههههههه الله يسعدها...فتحت الكيس .. الله يهببببل ..وقفت تقيسه كان فستان عودي بأكمام طويله وقصة فرنسيه .. عرضته على جسمها: تسلم يا قلبي مره عجبني ابتسم سعد: اكيد يعجبك بعد دوارتي مع هالهبله من المغرب تقهقة حياة على صوت مشاعل اللي وصلهم من غرفتها : مرتك الهبله يا اهبل نزل وهو يتنحنح جدته: انزل مافيه احد الكل طلع وصل لعندها: طلعوا وين الجده هيا: على بيوتهم سكت وتفكيره عند عذاري قطع تفكيره دخول ابوه وجاسم وقف بسرعه وهو يبوس راس ابوه وكفه ويضم جاسم وبعد ما اخذ احوالهم وطمنهم بان كل شيء مشى على حسب الخطه واحتمال ان مشروعهم الجديد ينجح بامتياز : يبه ابيك بسالفه الكل ناظر له ابو نايف : تفضل يا بوي قل وش عندك نايف : بكره با اروح اشوف ردهم نزلت ندى تركض: صار عليهم حاااادث انتهى.... | ||||
|  |
|
15-12-16, 09:33 PM
| #42 | ||||
| نجم روايتي وفراشة الروايات المنقولة 
| نافذه. حب السلام عليكم تسلمين مراجيح. الروايه مشوقه. بس. يالغلا طولتي. كثير علينا. عسى. المانع. خير. نايف. اكيد. راح. يطلبها رسمي. وعذاري. مسكينه ما تعرف. شو بصير حوالها. وستمر. اكيد. شكت بالامر بس لازم. نعرف سببتزويج. ابراهيم. بنته. لنايف. يا رب سطام. ياخذ ندى احسها. تلبق عليه طيبه واخلاق. ورتاكان وحسام. هم اكثر. ناسيعرفو. عذاري. بالذات حسام. يمكن بحس فيها. وبعرف. مكنونها لامتا. عبير. بدها. تكون بهالشك وما تواجهه. خالد بمرضه. جد. الله يشفيه. عادل. احسه. وراه سر وما. هومعروف ليش هيك يتصرف تسلمين. لامار. يا ورده بليزلا تطولين علينا. اتشوق. للاحداث. لعل. المانع. لمراجيح. خير. ننتظرها | ||||
|
| |
|
18-12-16, 08:55 AM
| #43 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الباااااااارت••36•• عند مغرب الشمس سيتأهب الصباح للاستيقاظ... امريكا.. الساعه 11 مساءً هدوء الشقه مخيف وبرودة الجو طاغي على هالهدوء طلع للمطبخ شاف نسكافيه على رخام المطبخ الصغير اخذه وعمل له كوب على السريع لعل وعسى يدفي فيه نفسه : كان صحيتني اسوي لك رفع عينه على جمال بعد مارشف من الكاسه: صحي النوم سحب كرسي من طاولة المطبخ وجلس:صح بدنك ياخال ليه ما نمت؟ نزل الكاس من يده وهو يلف لناحية جمال: بردكم ماهوب صاحي وش اللي مصبركم عليه جمال: ليه ماعلمت سامر عن سبب وجودك ابو بدر بعد صمت لثواني: ابي اتأكد بالاول ثم اعلمهم جمال:بس ماتشوف ياخالي ان صدمتهم بتكون اكبر بعد ما تتأكد ناظر له ابو بدر بقلة حيلة: ما ابي اخرب بيتي ..وقف.. مثل ما انت اللحين مانع نفسك من بنتي بسبب نايف انا مانع نفسي منها بسبب خالتك . ناظر له جمال بصدمه: بس... قاطعه ابو بدر وهو يبتسم: لا تخاف ماراح اسوي لك شيء بس لا تفكر بأني غبي ترا عارف انك تبيها وشاريها واذا على نايف هو ماجى خطبها رسمي فالمجال مفتوح لك الان اذا ترددت صدقني راح تندم مثل ما انا نادم اللحين... مشى للغرفه وترك خلفه جمال المصدوم... الى هالدرجه انا واضح قدامهم.. حط يده على راسه من هالموقف اللي احرجه ..... الرياض.. ... وقفت الجده بهلع: مييين اللي صار عليهم الحادث ندى وهي تشهق من البكي وبحروف متقطعه: بنا .. بنا بنااات خالتي سعاااد ..مسكت جدتها... سمرر وهنادي وبدرر طاح عكاز الجده ومسكها ولدها سعود ..جاسم سحب ندى وهو يهزها تهدأ .. رفع راسه لنايف لقاه يناظر فيهم بصدمه رجع ناظر لندى..مين اللي علمك... شهقت ندى وهي تمد لجاسم جوالها: شيماء خبرتني اهئ الجده: ودوني عند عيال بنتي ابي اتطمن عليهم ودوني عندهم وقفها ولدها سعود: ابشري يالغاليه امشي البسك عباتك ناظر لنايف: شغل السياره حرك راسه بهدوء وتوجه للباب ندى ببكى: شيماء تقولي حالة هنادي خطره ربت جاسم على كتفها: ان شاء الله مابها الا الخير امشي البسي عباتك لجل ما نتأخر مشت للدرج وهي تصيح وصلوا للمستشفى ... ... مشت بسرعه وهي ماسكه في سعود بعد ما شافت بنتها منهاره وبجنبها بدر اللي اثار الدم على ملابسه ويده مربطه بجبس يهديها ويذكر الله عليها : سعاد رفعت راسها لامها وركضت ترتمي في حضنها وتكمل مابدت به من خوف على بناتها ندى: وش قالوا بدر :الحمدلله سمر كسر بكتفها ورضوض لكن هنادي ..بنبرة خوف.. دخلوها غرفة العمليات فيه نزيف بجنبها الايمن وخايفين لو الكبد تضرر شهقت ندى ورجعت تصيح بعد ما بذل جاسم مجهود في تهديتها: انا السبب ياليتني ما عزمتهم ولا قلت لهم مشى نايف بهدوء لبدر وحضنه غمض عيونه بقوه وكانه يطمن نفسه بعد الخوف اللي حس فيه.. : ندى وش صار عليهم وين هنادي فك بدر من الصوت اللي سمعه لف براسه شافها واقفه قدام ندى اللي ضمتها : وش صار وين هنادي يا ندى ندى: هدي نفسك الحمدلله كلهم بخير وهنادي دخلوها العمليات وان شاء الله انها بتكون بخير تقربت ساره لندى وهي تحضنها وتهديها غطت عذاري بكفوفها على وجهها : يا الله يا الله نزلت كفوفها وجلست على الكراسي وعينها على الارض وتنهيداتها واصله لمسامعه ناظر للشخص اللي واقف عند الاستقبال كانت عيونه عليها وواضح فيها الخوووف.. قبض على كفه بقوه ولف بوجه بغضب للجهه الثانيه ... غيااااب و مسكنات حميده... ابتسمت من حركاته في الطبخ اللي ما يعرف فيه شيء قالت بضحكه: اساعدك لف لها خالد وهو مكشر: لا والله تعالي اطبخي انتي انا لعبت بنعمة ربي تقهقهت عبير: قلت لك من اول مس انت مارضيت تقرب منها وهو يفك المريله ويرمي بها صار مقابلها حمرت خجل اكتست وجنتيها ابتسم بهيام لها وعيونه تناظر لعيونها : اموووت ما اقدر استحمل اكثر رفعت خصلتها خلف اذنها بتوتر من الكلمه اللي قالها عقدت جبينها ونطقت بسرعه: بعيد الشر لا تقول كذا قرب وجهه من وجهها طبع قبله خفيفه على جبينها ضمها لصدره : ادري انك تدرين وش فيني شهقت بخوف وهي تتشبث فيه: مافيك شيء لا تكمل غمض عيونه على صوت شهقاتها اللي تحاول تخبيها رفع راسها وهو يمسح دموعها قال بنبره فيها الم: ما ابي اشوف دموعك يالغاليه لا تزيدين همي مسحت دموعها بسرعه : بتتعالج وبتصير احسن من اول انا قريت عن ورم الدماغ له علاج وانت لا تقطع املك بالله بس تكفى لا تيأس ولا تخبي علي شيء واذا جاتك نوبات الوجع... قاطعها وهو يحط اصبعه على فمها : اشش اشش خلينا اللحين بالاهم وانا ما قطعت املي بالله وبديت اتعالج بس خلي خطبة حياة تنتهي وبسافر اللحين انا ابيك..ابتسم باستهبال وهو يناظر لها... ضحكت بهم و ضربت صدره بحرج الجد: اتصل حسام هديل :لا . الله يستر لا طاحت عليهم عذاري ام سطام: دقي عليه بسرعه ولا دقي على ساره نزلت لمى تركض من الدرج: يمه دق اللحين حسام يقول عذاري بخير وسمر صارلها رضوض وكسر لكن هنادي في غرفة العمليات عشان كذا بيجلسون هناك لان عذاري ماراح تتطمن لين تشوف هنادي بنفسها تنفست ام سطام بهم: الله يقومها بالسلامه وتفرح قلب اميمتها فيها الجد: امين امين فقد الضنا يكسر الظهر عسى الله يبلغهم فيها ويشوفونها متعافيه ويفرح قلب بنيتي ... يقصد عذاري.. ام سطام: عمي وش رايك اوديك غرفتك تريح لك شيء ومتى ماوصلوا اطمنك حرك راسه بالموافقه ناظر لهديل: شوي ودقي تطمني على بنت عمك وصديقتها هديل: ان شاء الله يالغالي مسك بيد زوجة ولده لجل تساعده وهو يذكر الله .. شكلها لما سمعت الخبر وانهيارها يمر قدام عينه غمض عيونه وهو يشد على كف ام سطام.. بنت اختك بنت اختك ام سطام: بعيوني لا تخاف يا غالي جلس على سريره : بارك الله فيك تنهد وهو ينسدح: الله يبلغها بصديقتها ولا يفجعها كافي اللي مرت به غطته وهي تأمن له طلع الدكتور وقفت بسرعه وهي تمسك بيد ساره و كأنها تجهز نفسها للشيء اللي بتسمعه الدكتور بابتسامه: الحمدلله ما في اي نزيف وحصل شق بسيط بالكبد لكن مع الوقت بيرجع طبيعي وتقدروا تشوفوها بعد ما تفيق من البنج شكره بدر ونايف وهمسات الحمد تتكاثر بفرحه الا صرخة ساره لما تهاوت عذاري مغشي عليها من بعد الضغط اللي مرت فيه ركض لها لكن استوقف بنص لما شاف حسام يشيلها ويركض بسرعه لقسم الطوارئ الجده : ندى الحقيهم بسرعه ..رفعت عينها لنايف اللي واضح الخوف بعيونه اللي تلاحقهم بتصير بخير بس خافت على رفيقتها لف لها وسكت وقلبه يحثه يلحقهم وعقله يجبره يقف ويبقى بمكانه رفع عينه لصوت سمر اللي ماسكه المغذي وهي تتسأل عن حال اختها رفع كفه لوجهه وركض خلف قلبه وترك الكل خلفه مستغرب امريكا....7:30صباحا لبس جاكيته الفرو وطلع من الشقه اللي كان الهدوء اللي فيها قاتل بالنسبه له وقف تاكسي وناوله الورقه اللي مكتوب فيها عنوانها .... ...... ....... 15 دقيقه بالتمام وهو واقف امام العماره شكر التاكسي بلطف واعطاه فلوسه وخطى اول خطواته وهو يسم بالله ..... الطابق الثاني وصل للشقه المطلوبه مسح وجهه بتوتر وبالاخير رن الجرس مره مرتين والثالثه انفتح الباب طل وجهها من خلفه و عاد له حنين الماضي ابو بدر: نسرين فتحت عيونها بصدمه وبخوف لفت خلفها على صوت بنتها اللي تمنت انها تختفي هاللحظه بشاير: مامي مين على الباب وقفت بجنب امها وهمست: مين هذا ؟ ناظر لها بتمعن وايقن بانها بنته شبهها المأخوذ من هنادي كان جداً واضح ناظر لنسرين اللي قالت بصوت واضح فيه التوتر: غلطان حبيبتي ابو بدر: ليه خبيتي عني بشاير باستغراب وهي تناظر لامها : شو يقول ابو بدر وعينه على نسرين: انتظرك في الحديقه ... مشى من قدام الباب وقلبه يخفق بجنون تأكدت شكوكه عنده بنت منها عنده بنت وهو ما يدري خب يديه بجيب جاكيته ومشى للحديقه بانتظار زوجته السابقه بشاير: ماما مين هالرجال نسرين سحبت جاكيتها واخذت المفتاح :لا تطلعي شوي وراجعه حركت راسها وهي تراقب ملامح امها اللي انرسم فيها الخوف طلعت وقفلت الباب ركضت للنافذه شافته واقف في الحديقه انتظرت حتى شافت امها وصلت له ركضت لبست حجابها واخذت جاكيتها ولحقتهم وهي مقرره تعرف مين هالرجال ...... فتحت عيونها على دق الباب ابعدت راس خالد عنها برفق مشت لباب الشقه: مين مشاعل من خلف الباب: جعلك باللي ماني قايله افتحي الباب لا ارميهم لك في دار الرعايه ضحكت عبير من عصبية مشاعل فتحت الباب: هههخخههخهههههههههه.... كان شكل مشاعل يرثى له العبايه مقلوبه وكل جزمه تختلف عن الثانيه... مشاعل : اضحكي يا مال العافيه انتي هنا نامي وتهني وانا بزرانكم مهبلين فيني وترا من اللحين اقول لك ممنوع تحملين خلاص دفي اخوي بس دفيه م برا لبرا تقهقهت عبير وهي تاخذ بنتها سلاف من مشاعل اللي متعلق مهند برقبتها ضربته برفق على ظهره: مهند اصحى قتلت عمتك مشت مشاعل لغرفته وهي ترمي به على السرير يامال العافيه عاجبك ظهري مهند بكسل والنوم بعيونه: اندلعي فتحت عيونها على وسعها وهي تضربه على مؤخرته : انقلع انت يا بزر طلعت لصاله شافت عبيرتغطي بنتها مشاعل: اليوم الخطبه وش رايك تصحين خالد وتجون اللحين معانا عبير وهي تشيل سلاف وتحطها بغرفتها وترجع لمشاعل اللي عدلت عبايتها: ان شاء الله الظهر بنجي وباطبخ لك محشي رضوه لك ناظرت لها مشاعل من طرف عينها : ابي الروج اللي وريتك فيه من قبل اشرت عبير على عيونها: كم معانا مشاعل ابتسمت مشاعل بغرور: وحده واسم الله عليها عبير بضحكه: مين جابك ضربت راسها: واااه بيقتلني سعد يلا مع السلامه و لاتنسين المحاشي طلعت وصفقت بالباب ضحكت عبير : الله يرج ابليسك فتحت باب غرفتها بهدوء شافته نايم براحه تقربت منه وهي تسمي عليه وتدعي ان الله يفك همه ..... انتهى | ||||
|
| |
 |
| مواقع النشر (المفضلة) |
| الكلمات الدلالية (Tags) |
| للكاتبة, مراجيح, الطفوله, نافذة |
| أدوات الموضوع | |
| انواع عرض الموضوع | |
|
|
العرض العادي
