09-02-14, 06:30 AM
| #1 | ||||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  وعُود مرتّلة ..! / للكاتبة الوعد
التعديل الأخير تم بواسطة لامارا ; 19-02-14 الساعة 08:55 AM | ||||||||||||||
|
|
09-02-14, 06:31 AM
| #2 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  وعُود مرتّلة ..! ...! تجرنا الأيام .. وأقلامنا عابثة .. تهطل من أزقتها أمطارًا عابثة ..! تحمل الرسائـل ..! والكثير من الأمور .. تعيسة .. سعيدة .. وغيرها من ذلك ، !! لم نصبوا منالًا يومًا ...! ولم تكنسنا حمائم العِتمَة ..! وأزِفَتْ بنَا معاطفَ الضّحكات إلى أن نثير الهمهمة في سُطور .. يلقنها بنو البشِر درسًا لن تنسَاه ..! هُنا موطأ الأقلامْ ... تسللت علينا رواياتٌ عدّة .. صاحبتَنا كثيرًا ..! وأينعت فينا ثمارها حتّى انتهت ...! لم أكن أتوقع .. . أنني يومًا ما سأكتبُ رواية ...! أو " بـالأحرى" أنني سأنشرها ...! لكن في الحقيقة روح المشاركَة تدعمنا دائمًا .. لصياغة الاحرف وانسياب الكلمات ... لقد اطلعت على القوانين وأعتقد أنه من الواجب علي مواجهة القضايا التي تقوم باضطهاد المجتمع العربي بأشياء منافية للعقل والمنطق !! (وعود مرتلة) أول صفحات مبتدأة .. سأنثرها هنا وحسب... . . أمسيتكم بالله ، وأصبحتكم به ... وأودعتكم الله الذي لا تضيع ودائعه .. . همسَة\ أنا كثيرة الثَرثرة ، والوصف .. وصفي ربما يكون متعبًا ودقيقًا لدى البعض .. لذا فإني مبتدأة صفحاتي للمرة الأولى .. منحازة عن أفكار عدة في سبيل رواية واحدة .. +مواعيد نزول البارتات ، الخميس+الجمعة+السبت. , . . الوعد الأول . وعدتك أن لا أحبك ....ثم أمام القرار الكبير ...جبنت .. وعدتك أن لا أعود ..وعدت ... وعدتك أن لا أموت إشتياقا ...ومت .. وعدت مرارا ..وقررت أن أستقيل ... مرارا .. ولا أذكر أني إستقلت .. وعدت بأشياء أكبر مني ...فماذا غدا ستقول الجرائد عني .. أكيد .. ستكتب أني جننت ..أكيد ... ستكتب أني إنتحرت ... وعدتك أن لا أكون ضعيفا ..وكنت ... وعدتك أن لا أقول بعينيك شعرا ..وقلت .. وعدت ...بأن لا ... وأن لا ..وأن لا ... وحين إكتشفت غبائي ...ضحكت ... وعدتك أن لا أبالي ...بشعرك حين يمر أمامي ... وحين تدفق كالليل فوق الرصيف ...صرخت .. وعدتك أن أتجاهل عينيك ...مهما دعاني الحنين .. وحين رأيتهما تمطران نجوما ...شهقت .. وعدتك أن لا أوجه ..أية رسالة حب إليك .. ولكنني رغم أنفي ... كتبت ... وعدتك أن لا أكون بأي مكان ...تكونين فيه .. وحين عرفت بأنك مدعوة للعشاء ..ذهبت .. وعدتك أن لا أحبك ...كيف ؟... وأين ؟ ... وفي أي يوم وعدت ؟؟؟... لقد كنت أكذب ..من شدة الصدق ... والحمدلله أني كذبت ... وعدت بكل برود .. وكل غباء ...بإحراق كل الجسور ورائي ... وقررت بالسر ..قتل جميع النساء ... وأعلنت حربي عليك ...وحين رأيت يديك المسالمتين ...إختجلت ... وعدت ...بأن لا ... وأن لا ... وكانت جميع وعودي ...دخانا وبعثرته في الهواء ... وعدتك أن لا أتلفن ليلا ...وأن لا أفكر فيك إذا تمرضين ... وأن لا أخاف عليك ....وأن لا أقدم وردا .. وأن لا أبوس يديك ..وتلفنت ليلا على الرغم مني ... وأرسلت وردا على الرغم مني ...وبستك من بين عينيك ...حتى شبعت ... وعدت ..بأن لا ...وأن لا ..وحين إكتشفت غبائي ...ضحكت ... وعدت بذبحك خمسين مرة ....وحين رأيت الدماء تغطي ثيابي .. تأكدت بأني الذي ...قد ذبحت ... ....لشَاعر المَرأة نزار قباني... . . . كَانت تهِيم فِي غُرفتَها وتنْظر لأحوالِ هذَا المكَانْ المكتّظ بالذكرَياتِ الجمَيلة ...! لم تنسَى يومًا ما فضل تلك الجدّة ..! التي رعَتها من حقول اليأسْ ... وأينَعت منها ثمَارًا ...! رتبت حيَاتها بعدَما إن قضَت عليها خيوطُ الإكتَئاب ..! وجعَلت منها صبّيَة نيّرة الفِكر .. تغبُطَها الأخريَات لشدّة إنتمَائها لهذَا المَكان ..!! نَعم ، إنّها تلك .. ! وستَبقى كما كانَت ..! وعدًا لم يُنقَضْ يومًا .. ! إنها عقدُ ملكَية أزليّة ...! إنها مفخَرة حرّة ..! إنهَا الضّمانُ الأمنِي ...! ...منذُ أن أتت لهذهِ الدّنيَا وهِيَ لمْ تعرفْ كلِمَة " أم " أو " أب" جلّ ما تقُولهْ فِي لفظيّاتُهَا كلمَة " جدّتِي" وتفسرهَا بمعَنى " أمي وأبي في آنٍ واحد.."... إنّها فِي كامِل إمتنآنها لجدتها التي انتشَلتها من خيوط الحِرمَآن .. إلى برِّ الأمان ...! وحتّى هذا اليوم ستبُخِس الحق الكمي لجدتها ولن توفيه لها مهما طَال بها الأمدْ ...! . . ضُربَ الباب حتّى صاحت بـ\تفضّل ..!! أم ذياب\قومي تحت انزلي خولانك كلهم تجمعوا تحت الوعد بحماس فزّت\خالي شهاب جى معهم ..؟؟! أم ذياب\جى وجاب ورعانه معه .. الوعد بضحكة اعتلت تدريجيًا\وعسى ان جاب معه خويلد النذل ذا ..؟؟! أم ذياب ضحكت\وش بلاها ضعونك حاطت ندوبك بالولد مسكين ماسوا لك شيء؟ الوعد بتمسكن\ياجدهـ ياحلوة تدافعين عن حفيدك ظنى ولدك وكيف اني بنت بنتك ماتدافعين ..؟؟! الجده بمزح\مـآغلى من الولد .. الا ولد الولد... الوعد قامت تبوس جدتها\وعسى الله لا يحرمني من ذا المزوح اللي يسر الصدر.. على هونك وانا بنت بنتك ترا أدري بغلاتي في جوفك وادري اني بحشاشة الجوف .. الجدة بتمثيل العصبية\دام انك تدرين وش له تسآيلين في الحكي .. قولي انك دارية وارقعي الباب من أوله... الوعد\أم ذيبو .. ترى جوعآنة من جيت من ذا الجامعة مادخل هالبطن شيء الجدة\تعالي تحت خلينا نشوف خوالك..ونحط الغداء نَزلت إلى الأسفل هي وجدتها حيثُ مكان اجتماع العَائلة .. شهَاب فز\حي الله الوعد أسفرت وانورت .. الوعد تبوس خالها\وجعل ماتنحرم هالعيون اللي تلافيك وجعل كل ماكر"ن" لك بالنار تلقاهـ... شهاب بضحك يتعالى\آمين ... سلمت على زوجة خالها مهرهـ .. وجلست قدام خالد ولد خالها شهاب .. عمرهـ 10 سنوات لكنه نشمي ودايم حاط دوبه بدوب الوعد وهي تموت في حركاته ... الوعد تطالع في خالد بنص عين\بعض الناس سروقين مافيهم الا يزابدون بفلوس جداتهم .. خالد انتفض وفز\وش له النحوز ياوعيـد .. اسردي الحكي من أوله .. من تقصدين ؟ شهاب ضحك\هههههه هذا مايتنحز له ... مهرهـ تساير زوجها بضحكة مداعبة\ولد أبوهـ ... الوعد تكمل كلامها مع خالد\انت بالذات لا تسوي فيها الفاهم العاقل... ترى ماقلت لجدتي وش العلوم اللي سويتها بمحفظتها .. الجده بغضب\وجع يرنك ياخويلد وش له داخل غرفتي وماسك المحفظة تزابد بالفلوس ..؟؟! خالد يحك راسه\جعل دربك سواد ياوعيد .. أنا أوريك... وبعدين ياجده تراهـا خراطه لاتصدقينها الجده بعصبية\اعنبوك يالكذوب تكذب قدام جدتك .. تعال تعــآل هالحين اكسر هالجنوب بذا العصا .. تعــال ياولد شهـآب .. خالد يهرب باعتراف\يسلم راسك ياام ذياب لله ان ماتضربين ... ايه خذيت بس حق الطراطيع لجل اروح الورعان من قدام بيتنا الجده\إيـــه ... إيـــه تبي تروع اعنبو دارك ماعلمك ابوك ان ترويع المسلم حرآم مايجوز شهاب\ههههههههه وش تقبصين منه يايـمه قومي كوفنيه.. الجده قامت لكن مهرهـ مسكتها\علي الحرام ان ماتقومين .. خلاص ياام ذياب الولد ماهو بوعيه شاردن بذا الطراطيع .. وهالحين تاب لله ويرتجي منك السموحة صح ياخويلد صارت تغومز لولدها وأردف بتسليك لأمه\إيــه يـاجده مابي منك الا السموحة الجده\روح انقلع عن وجهي واسامحك خالد تشقق وراح لها\إيـه بنقلع عن وجهك بس أول أصفطي اللي بجيبك وعطيني منه 100 ريال الجده بغضب\يـاشهاب اما تشيل ذا الورع ولا اني بكوفنه عن حق وحقيق .. شهاب زمر على خالد\رح يــاولد راح خالد وهو يتوعد ببنت عمه الوعد والوعد تضحك عليه.. من يومها وهي تحب تناقرهـ ... . . . على الضّفةِ الأخرَى ...! في كوكبَة جسدّت الغربة به هياكل دموية قاسية ..! علمته لعبة الحيَاةِ الوهمية ..! لقد حكَموا عليهِ بالجَلاءِ المُؤّبد .. لقد ضَمن شهادَة استلامِ جثّتهِ على نهر السين .. واودية اخرى .. الا بلاده .. لم يستلم شهادة استلام مضمونة ..! لقد عُرج بِه إلى خيلاء زمِنٍ مؤبد .. يرتجِي منهِ قوامًا سائقًا يرميه في رمُحِ الليل إلى بلاد الحرمين ..! فتحَ بابَ ذكريَاتِه يستعِيد آخر ما رآه .. جدّه الذي ينعته بـ\ العلماني ! وهو لم يفكر بعلمانيّة قطّ ..! إن هو الا مسلمٌ من المسلمِين ..! 15 عشَر عاما في بلاد الغُربة .. لا يعَلم عن بلادِه شيئًا .. سِوَى رمَالٌ تذروها الرياح وحسب.. 5 سنوات متّهم بالإرهَابية .. بسبب شخص دسّ أسلحَة أمنية في حقيبته .. فانقلَبت الطَاولة على رأسها فجائت الضربة الحَاسمة على عاتقه ...! سنتَان ونِصف ظنّت الحكُومَة البريطَانية أنه ميتًا فأخرجَت له شهَادة وفَاة .. فلما علِمَوا أنه حيّ يُرزق منَعته الجمارك من السفر إلى بِلادِه بسبب إدّعاءِه المَوت ... لقَد مُنع من كل شيءْ حتّى حقَ الحيَاة .. ذهب إلى صدِيق .. في شركة بريطَانية عالمية.. قامت بالدّفاع عنه ورفعَت قضية بتهمة إهمَال مُبتعَث واتهَامه بعدّة اتهَامات موجهَة من اهمال الحكومَة ذاتها... ولذلك مُنحَ حقّ الحيَاة في بريطانيا وأخذ الجنسية أيضًا .. كغرامة من الحكومة له .. وتم تعويضَه نقديًا .. وهو يُعتبَر رجلُ أعمَال ناجح بإذنِ الله . . . . إبتَسمت وهي ترى خاتم الخُطوبَة يلمع في إصبعها ..! حلمُ .. وهو حلم كل فتَاة ..! أن يخرجَ ذلكِ الفارس كخُروج الفضّة من الجَبل ..! لقد حلمت بِه منذُ طفولتها .. إبنُ خالها "رِهان" لقد كان لها .. وحقق مابها من أحلام ..راحت هذه الأماني في شَظايا الريح.. كشطرنج تركب الأهازيج حول معتقداتٍ تم تخمينها مسبقًا .. وهذه المرة .. جرت الرياح بما تشتهيه السّفن ! دخلت عليها أختها الدانة\شـاهين ؟ .. وش بلاك قومي اخوك عاجلنا وراهـ شغل على ماهي علومة ..؟؟ لم تنتبه الأخرى لأختها .. ! فلا زال فارس أحلامها يباغتها فجأة .. الدانة بخبث\شـاهين ..شـــــــــــــــــاهين شاهين بإنتبآه\ها..وش بلاك تصارخين كأنك خروف العيد ..؟؟ الدانة\أنا خروف العيد يادلخة رهـآن ..؟؟ شاهين بشهقة\مالدلخة الا انتي ورجلك الدانة\ههههههه يلا فزيي يامرة بنروح لجدتي وش بلا هالعقل طاير منذو مبطي.. شاهين\انتي لو تسكتين تسوين خير... ارتدت نقابها وجلست في سيارة اخوها ثنيان حتى مشَى بهم ...,, . . . في مجلسٍ يستوطنه الخال شِهاب وأبناء أخواته .. رحب بهم وأدخلهم إلى حيث المجلس .. شهاب\حياكم أقلطوا .. رهان\والله ياخال انا من علومي ماخبري بنفسي .. مانيب قالط شهاب يحلف\ههههه علي الحرام انت تاكل وتقلط ثنيان\لحول ترى اطلقك من اختي رهان\احلف ياورع خبري ب الطلاق من صوبي ماهو من صوبك ثنيان\إيه عاد لاصارت علومك توديك يمين وشمال وش وراهـ مانطالب بالخلع رهان انتفض\قل لا إله الا الله تو مـاخطبت تبي تخوبش بالمخوخ .. اتق الله يارجل شهاب يضحك بصوت عالي\ههههههههه .. والا اقول ورا مانروح البر نكشت ..؟!! خالد وأذنه معهم\وشو؟؟.. بر ..؟!! شهاب يرفس ولدهـ\أقول إنقلع ماهو بناقصنا بزارين ..!! مسكه ليث\قل أعوذ بالله منك ياذا الخال .. كرفست الولد.. شهاب\ههههه ماهو بمثل مرافسك يالتيس.. ليث\قل أعوذ بالله لا أقول لأم ليث هالحين شهاب\لا كل شيء ولا امك يالشنب .. بعدين تصفطنا هي وابوك.. رهان\ههههههه وعفا الله عما سلف كيف انه بو ليث داحرك بالجدار شهاب\اخسي واعقب ياروهين منك ذا الحكي يطلع .. بتكوفن خالد\ايــه إيــه ياناقش البير لعيالك يايوم"ن" وقعت فيه... ثنيان\ههههههههههههههههه هذا اللي زحف لورا الشمس.. شهاب يبي يحرق قلب خالد\لاتخاف يابو شهاب ترى ماني بمطلع علومك عند جدتك.. ولا السلوم الزينة ام ذياب ماترخصها عنك كله ولا العصا اللي تبارح بك لليل على ظهرك خالد يقول لابوه\علي الحرام يابو خالد ماتقول لامك ..علي الحــرآم.. ثنيان\ههههههه وش له قام يزارق الولد ياشهاب ولد عقاب الدحام..."عائلة وهمية" شهاب\إيــه..أبرق بمكانك ياخويلد ماينفع معك الا امي .. والوعد باخذها معي وبفرها بجنوب الرياض كل ابوها رهان\ايه أحسن يستاهل خله يتعلم عود ساس المراجيل.. خالد بخبث\كأنه على ساس المراجيل ترا بـآخذ شاهينك وبمشيها بشاليهات الرياض كل ابوها رهان رمى على خالد الفناجيل وهرب\رح باللي مايردك يالمفصغن .. يا مقزمك هالطول وعليك ذا الحتسي... وش أقول عن اللي أكبر منك أردى وأدمر..؟؟! شهاب\ههههههه أيــه إيــه يارهان .. قم دق الحديد وهو حامي.. ليث\هههههه خلاص ولد الحلال هرب... شهاب\الا وين الشيبان ماوصلوا ..؟! ثنيان\رايحين يسوون كم من شغلة للمرحوم جدي شهاب يترحم على أبوهـ\الله يرحمه ويفسح له وسيع جناته.. \شهــاب تعال شف ولدك نهب شنطتي .. شهاب لف ع الشباب\ههههه ماهو مربحني غير هالولد يسورق من عند جدته وأنآ الربحان.. بقوم أروح لام اذياب.. ليث\هههههههه روح لاتكوفنك روح.. . . . . كانت في عالم آخر تغوصها مجاري الأحاديث ..! تذكرت شيئًا لم تره منذ أن كانت صغيرة.. بل إنها لا تذكره حتمًا ..! معجزة عويصَة .. ! ماسر هذه القضَايا العائلية المفكُوكَة... ؟! ماهذَا الملف الأسود المُغلق ...! أيقظها صوت البندري\الوعد ..؟؟ وش علومتس مع ذا السرحان ..؟؟! الوعد\ها ..شقلتي ..؟؟! البندري تضرب ايدينها ببعض\لا بالله تخابصن هالبنات ..! الوعد\هههه آسفة عقلي راح لبعيد شاهين بخبث\يـاترى هالعقل لوين شرد ..؟؟! الوعد بخبث أكثر\أقول اسكتي لا اشوتك بشوشتك عند رهانك الدانة وهي تقطع التفاح\هههههه ماتغلبين الوعد ياشاهين.. الوعد تكلم جدتها\يمــه وين شيبانا ..؟؟ زوج خالتي ام ليث وام رهان وام ثنيان ..؟؟ الجده\وعلومي ماتزود عن ماجاك من علم وانا امك..الرياجيل طالعين من الصباح وماخلصوا.. الجازي\وينه ولد عمي ذياب..؟؟! . إنهَا ضربَة خنجر . دخلت صدورنَا وما خرجت منا بعد لما تخدشون أظافِركم في أوراق الماضي ..؟؟! لما تقلبونها بعد ...! لما لم تكتفوا من تجريحي بهذه الطريقة المؤلمة ..! في النهاية ..أانا أم !! والأم تشتَاق لٍحملها اللذي قد شَاب في بلادِ الغُربَة ! .. " أم رهان التي في الحقيقة هي ام ذاك الرجل ..!" سكتت الجازي بعد ما شافت ان ام رهان تغيرت الوانها هي وبناتها..! تكلمت أم ليث بغضب ع الجآزي\لاتحطين لسانك في شيء ماهوب لك خص فيه أم رهان بجدية\لا يام ليث لاتسكرين الباب ..تسكر واجد وصفحاته ثقيله.. خلي الحمولة تدري باللي صار..الباب المفتوح مصير اللي داخله يكشفه..! أم ليث بحزن على ام رهان\بس يام رهان محد بـيحس فيك ومحد يقدر يسوي شيء لك لاسمعوك هالبنات..؟؟! أم رهان\ماهو بلازم أحد يحس فيني .. وهذي النار ماتحس بــ لهبها ..! الجَدة كانت صامتَة طوال الوقت والدموع في عينيها متجَمعة .. والوَعد كانت تنظر لجدتها باستفسَار .. ! لقد رأت الصفحَة السوداء التي نستها ..! أجل .. هُناك شيءٌ مريبٌ في هذهِ العائلة ..! هناك شيء مريب ..! والريح المتصرصرة تعلن انسكابها كسكب المَاء على الزهور ..! أم رهان تكمل كلامها\تراني أم هزّاع ماني ام رهان.. ولدي الأكبر هزّاع اللي راح للغربة وتغرب ..! الجازي باستغراب\وش قصته ..؟ وليه تغرب ! أم رهان تمسح دموعها وتزيد روح المقاومة فيها\يوم ان جدك بو ذياب الله يرحمه .. جاهـ ولدي هزاع وطلب منه رخصة للسفر بالخارج عشان يكمل دراسته مارضى .. وقال انه ان راح مايرجع وخله مكان ماراحه ..! طبعا ذياب زوجي الله يرحمه كان متوفي ولا كان حل هالموضوع مع جدكم .. اللي صار ان هزاع أصر على جدكم انه يروح لكن جدكم قفلها برخصته وزاد الطين بله .. قال عنه انه علماني..بس هزاع مارضخ ..هذيك الايام قبل 20 سنة كان اللي يسافر برآ مايرجع .. لان الدنيا قايمة عند الغرب والغرايب.. وكلنا كنا خايفين على هزاع بس مو مانعينه .. جدكم عقاب هو اللي مانعه .. وكان يظن ان هزاع رايح لجل لعب ماهوب لجل دراسة .. بس هذا ولدي وانا اعرفه .. ربيته التربيه الصالحة جعله للجنة ..راح بعد ماجى لجدكم وباس راسه وقال له ماهو بقصدي اكسر كلمتك ياجد بس انت اعرف بأحوالي كل ابوها.. راح وودعته توديع الحي للميت..لاني عارفة اني ماراح اشوفه.. راح..وهذي آخر أخبارهـ ... الوعد باستفسار\دام ان الوضع ما اعجبكم ليه ساكتين ..؟! وش له ماتحرك خالي شهاب بشهابه ..؟!! ام رهان\ياالوعد ترى ولدي قصته مو قصة خال يجيبه من الغربة .. الرجال محدن درا به وين داره من اراضيه ..؟! الجده بنوحة\حلفتك الله ياام رهان قفلي لاتوجعين قلبي..تراهـ أول حفيد لي.. أم رهان\السموحة يام ذياب انا ام وقلب الام على ولدها موجوع.. الجده\ياجعل الله يرده لدار بو متعب ام رهان بحسرة\شاب ولدي بالغربة يام ذياب.. هالحين وصل عمرة في نهاية الثلاثين.. مابقى له على الاربعين شيء.. مابقى له.. المها\طعنة اخوي بالظهر لا رجع محد يداويها..جرح ..جرح وياكبره بقلبه.. الجده\الله يغفر لك يابو ذياب خطاياك..بردة هزاع لأمه.. ام رهان\املي بالله كبير ومايخيب رجاياه.. مثل مارد يوسف ليعقوب بيرد ولدي ..! . . . . هَزمتنِي غُربتِي يومًا . وضعتنِي في زنزانَة المَوتِ.. أهدتنِي سلالة الألم والجُرحِ العميق ..! حتى رحلت..! ومارجعت..! وان رجعَت..! سأرجعُ بجرحِي..! وهَا أنَا أعُود..! في موطنِي..! أريد من الدموع أن تنهَمر..! انتظرتهَا تهطل كرذاذ المطر ..! ولا شيء..! لقد أصبَح هذا القلبُ كالحجَر.. وهذه الدموع أصبحت جافّة..! انني شخصٌ آخَر.. وِوسَام الغُربَة على رأسِي ..! شيبًا ختمتهُ لِي الحكُومَة البريطَانيّة..! بعدما ان حَكم لي جدّي بالجلَاءِ المُؤبّد..! "أنا فِي الريَاض..!" في أرضِي من جدِيد.. أعود كسابقِ عهدِي ..؟! أو لا أعود..؟!! أهل سأقبل بِهم..! أو لا يقبلُون ..!! لا أريدُ منهم القبُول.. فرغم أنُوفَ الجمَيع..! لن أجلَى مرة أخرَى ..! إلى منفَى بعيد..! . . وضع حقائبه في سيارة تاكسي وهمس\طبع المسافر لا رجع هله يتلقونه..وانا بطول المسافة لا حد يسائلني ولا منهم يسليني ..!! ثُمّ أردف\اعنبوك يالغربة..شيـــــبـــــتيني ..!! . . . . . . | ||||
|
|
|
09-02-14, 06:32 AM
| #3 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| في عُمقِ الليّلُ ..! تدقُّ القُلوبْ...! تمامًا كمَا تدّقُ الطّبُول الإفرِيقيّة ..! نسَمعُ صَرير الريح الغاضَبة ...! تخبّأ في طيّاتها عُنوانًا مُختصَرًا .. "الوُعُود " إنها آتِيَة معَ سربِ هذَا الظّلام .. إنّها متهكمَة مع إرتجَافِ الليل فِي حُنقِ الظّلام ..! وها أنا تِلك أسَمعُ أول شَيءٍ منِه وهيَ ، طَرقُ البَاب بيدِه الخَشنِة ...! فزت من نومها على صوت الباب وكانت الساعة وحدة بالليل\لا إله الا الله من جى ذا الوقت..؟؟! لبست جلباب أبيض واسدلته على راسها..! وتسمع صراخ من تحت وكأن فيه أحد ميت ..! سمعت صوت جدتها وصوت زوجة خالها مهرهـ اللي كانت بايتة هنا..! طلت من الدرج وشافت المكان مليان من الشنط ..! وش صَاير يارب سترك ..؟! وليش الأصوات تتعالى ..؟؟! يــاترى من مــات ..؟!! اللهم احفظ جميع الأحياء بعينك التي لا تنام ..! صارت خطواتها واسعة بين الدرج تحاول تختصر المسافة ...! توجهت لمكان الصوت وشافت خالد ولد شهاب متغيرة ألوانه ومو فاهم شـ الموضوع... دخلت المجلس وهي تبي تواجه الحقيقة أمام عيونها .. لكن يد عمها شهاب صدتها وطلعتها لبرآ ..! حتى لاتنكشف على اللي داخل ..! فتحت عيونها بصدمة وهي تشوف خالها شهاب دموعه مالية خده وبفزع\عليك الله ياشهاب قل لي وش اللي صاير ..؟ وش فيها جدتي وخالتي مهرهـ ..؟؟!! شهاب احتضنها وبنوحه\هزّاع رجع يابنت ..رجع بعد غربة غريبـة ..!! كانت عيونها الواسعة ترمش .. وتحاول أن تنظر للداخل ولكن .. ! الحقيقة سمعت صوت جدتها\رحم الله جدك ياهزاع ...راح وماظن به رجعه .. وش مشيب راسك يـايمه جعل هالشيب في عدوينك...وش صار وش سووا لك عيال الغرايب .. \ربتني الحياة ..وعلمتني رجعتي لهنا كأني غريب...! . . قطع تفكيرها صوت شهاب\الوعد .. روحي لبسي عباتك ونزلي ..جيبي موية وهالحين بدق على خوياني كلهم يجون مع عيالهم بعد ما قرت عينا بشوفته..! هزّت راسها بطاعة وراحت ركض لفوق حتى تلبس عبايتها وتنزل تشوف ولد خالها...! اللي له 15 سنة في غربة ومايدرون وش وضعها ...!! نزلت وهي تمسح دموع .. هذي رحمة الله في جدي...إيه رحمته تسبق توبة عبادهـ...! ........هذا هو رب العباد ..! يلطف من بعد الصبر وهو يمهل ولا يهمل ...! نزلت للمطبخ وصبت بالكاسات موية ...! وصارت ترجف بكل كاس تمسكه...! وش مخبي القدر من مآسي ..؟! وش اللي كاتبه المعبود ..؟! يارب رحمتك تسبق توبة عبادك ...! توجهت إلى المجلس الداخلي وطلبت من خالد يدخل بالموية لأنها لو دخلت وهي حاملتها راح تتكسر الكاسات من قو رجفتها ...! دخلت بعد التسمية ..! ورأت ...نظرات باهتِة ..! لا تحمل أي معنَى ..! سوَى أن شَاب رأس القدر في جبينَه..! ملامحه مشوشَة .. لاتحمل أي معنَى سوَى " الصلابة" .. هيَأتُه لا تحمل أي تفسير سِوى .. الشُموخ المنكسر ...! شَعره الذي غطته خصلات الشَيب ..! عينَاه الحادتّان..مُباشِرتَان ..! انهما كرشقِ سيلٍ من السهّام الممطرة ..!! تُرى ..؟! ماذا يخبِي هذا الرّجل فِي جعبَته ..؟!! . . . تكلم شهَاب بعدَما إن رأى الوعَد قد خُرسِتْ تمَامًا ناسيَة السلام\هذي الوعد .. رفَع عينَاه بنسَيانْ وهو لا يتذّكر منها شيئًا ولا يعلم .. إن كان قد سَمع بها من قبل أو لا ..؟! فَهم شَهاب موقفْ نسيان هزّاع\هذي بنت اختي عذاري الله يرحمها ..! يوم مشيت لبريطانيا كان عمرها 5 سنوات..! وكأن ذاكرته بدأت تجمع خطوط الشتات حتّى همس بعدما ان هز رأسه لـ الوعد\تشرفنا. الوَعد\بك . الجدّه أعطت هزاع كأس الماء\إشرب ياميمتي جعل مالقى فيك فقدهـ...وأخيرًا رجعت ياظمى الروح..! هزّاع يشرب الماء\ماتقصرين ياام ذياب. الجدّه تحتضنه\ع العين والراس ..شوقي لك قسم زلزل هالقلب من مكانه ياولد ذياب..! هزّاع\المسافة طويلة لكن الدرب من يشقى له..؟! كنت جاي اطلب السموحة من جدّي لكنه راح عند من هو احسن مني ومن الجميع.. الجدّه بحنان\من مين تطلب السموحة وانا امك..ماخطيت.. جدك اللي مخطي..والله يغفر له ذنوبه..! هزّاع بسرحان لفتَرة كانت قبضته مشدودة على فخذه\الوالدهـ ..؟؟! وينها..؟!! أخوي رهان وش علومه ..؟؟ البنات المها والبندري..؟؟! الجده\علومهم كلهم وانا امك تبغى طواريك...لامن الشوق حذوة فرس لاعب بخياله.. وش تنتظر من خيال ضاعت علومه ..!! . يُريد البَوحْ ..! يُريد التحدثّ ..! إنه نوح الغُربة .. نوحَ الإنعتاق من أسراب الاغلال الوهمية..! يريد أن يشكي لهم كما خطط..! يريد أن يتحدث ويخبر هذا وذاك بما جرى له..! يريد أن يخبرهم جميعًا أنه أصبحَ ملعبًا للحكومة البريطَانية..! التي تكره العرب منذ أن سقط الإتحاد السوفيني قبل قرون ..! ولازال حقدهم ممتدّ إلى الآن..! يريد أن يخبرهم عن كيفية إعتقاله كمتهم عربي إرهابي..! وهذا شيء ليس بخفي..! فلنفضح الإرهاب الحقيقي في هذه المسَاحة من السطور..! فلنتكلم قليلاً عن معاناة أمّة إقرأ في السّفر..! إنهم يكنّون الحقد لنا كما تكنّ أنثَى الجَمل حقدًا على ذابحِي بهيمتها الراعية ..! ما إن يأتي شاب عربّي مُلتحِي .. أو فتَاة مُحجّبة ..! يُنظر لها بأنها عميلة إرهابية تأتي من "غزّة" ...! تريد تدمير القوات الإسرائلية في شنّ هجوم وضربات متضادة..! لدرجَة أن بعض المناطق لا تبيع المسلمين الطعام ولاتزودهم بالمؤن .. ! أنا أتحدث عنها قبل عشرون عامًا ..! حينمَا كانت الضاحية الغربية تضج بالمظاهرات أمام البيت الأبيض..! لإنتخاب رئيس إستخبارات جديد ..! كانوا العرب يقفون خلف القضبان .. يريدون أن يطعموا فلسطين لقمَة الإنتصَار..! لكنهم لم يستطيعوا ..! أي شخص تم التوقيع على هويته بأن عربي الجنسي..فهو "إرهابي" كان لديهم هذا المنطلق *قبل خمسون عامًا من الآن إلى عشرون عامًا * بمثابة جيل إلا عام .! في هذهِ الأعوام كثرت الإعتقالات البريطانية لدَى المتوجهّون إلى الضاحية الغربية..! وكثرت الفوضى وأصبح المعتقل كالمنسي في سجون يزجّ بهم ولا يخرجون إلى بعد تدخل السفارة العربية في هذا الموضوع..! والإتهامات..تهريب المخدرات..دس الأسلحَة الإنجليزية الطراز..! كلها مخابرات تحرتها الحكومة الفيدرالية الأمريكية لتحاجج بها الحكومة البريطانية..! حتى وقفت الحكومة العربية في وجه كلا من الحكومتين وفرضت وجود دور يعود للسفارة في قضايا المبتعثين..! ولا يحق للحكومة حق التصرف دون إثبات شيء بدليل قاطع ترتضي به كلا الدولتين..! وكَان "هزّاع" ضحية لهذه المخابرات..! زلزلت بهِ الأرض فوق في إحداها ..! كان عقله مضطرب..نبضه مضطرب..! كل شيء حوله بات مضطرب ..! ومشوشًا ..! إلى أن أفاق على حُضنِ أمّه ..! أمه أم رهَان .. التِي تستحقّ الدّمع ..! ويرخص الدمع لأجل من تحت قدميها الجنانْ ..! جلس على الأرض جاثيا على ركبتيه يقبل أقدامها..! حتى إذا بها تشهق وتزفر هواءًا عميقًا .. احتضنتها واغمي عليها..! صرخت الجده\البندري قومي جيبي لأمك موويــه حتّى هلعت ابنتها التي كانت متشوقة لإحتضان أخيها الأكبر...! جائت بالماء وأخذ هزاع براحة كفه قطرات من الماء البارد التي انسابت على وجه والدته..! وبدأ يقرأ سور القرآن حتّى أفاقت واحتضنته باكية\قلي يــايمه مـاشيبوك..! وش هالشيب يايمـه..وكأنك أكبر مني...وش مسوية بك الغربة ياروحي وش مسوية..! وش هالخناجر اللي مرمرتني بسمومها..! خنجر دخلوه بصدري .. طلعوه من ظهري..! داوو الجرح بـ جرح فراقك يــاهزاع..! ماكفاني فراق ابوك وترملت...! غربوك ... غربــــــــــــــــــوك عني....!!آآآآآهـ يـــاهزاع ... إبتسَم وقبل رأسه ودمعة ساخنَة جثت على خدّهِ الذي تشوبه شعيرات الشاربين والعوارَض..! أتته الباكيتان ..البندري والمها...واحتضنهما وسمَع الشّكوَى بمر العذاب..! وقد كان يعاني أضعاف .. أضعاف..! أضعـــــــــــــاف...! ماكان الجميع يتحمله ..!! إبتسم وهو يكفف دموعهن..! وقف على قدّميه ... حَان الوقت ليقى الرجولة بــ الرجولة ..! أخوهـ .. رِهان .. الذي عندَما رحل عنه كان لايزال مراهقًا ..! الرهّان..انه الرهان الحقيقي على انه لا زال لديه روح في جسده..! وهذه المرة ربح الرهان واحتضن اخاه رهان\وعفى الله عما سلف ياهزاع...! وش ذا الغياب اللي انزلفت به هالقلوب ..ماعاد اطالع رجالن بيهاجر الا واذكرك...! هزاع بارتياح\رجعت..رجعت..! أم رهان\أمي هزّاع كليت شيء..؟!! هذهِ الجُملة سمعهَا آخر مرة قبل خمسَة عشرة في آخر ليلَة قبل أن يهاجر ..! وهو يوضّب حقيبَته.. سألته أمه الحَانية عنه إن كَان قد أكل شيئًا أم لا ..! وبعدَها ...لم يُسأل قطّ ..!! الكل لاحظَ سكُوته مع إبتسَامتِه المَكسورةَ التي ختمَها بـممازحة\لا بموت من الجوع...! فزّت أم رهان\هالحين أسوي لك اللي تبيه..! هزّاع يجلسها\عليك بالله ماتقومين وانا ولدك وبممازحة للمها والبندري والوعد\البنات يقومون ويسون لي اللي يقدرون عليه..! المها تمسح دموعها\بروحي أفديك مو بس عشى أسوي لك جعل ماتشوف الا الجنة يارب هزاع\وعساك وياي خالد داخل عرض على جدته\دامه ياجدتي رجع لك فزاعك انتي وخالتي ام ليث.. ورا ماتعطوني جنوتي من هالفرحة كل وحدة 100 ريال الجده تشره على شهاب\ياشهاب أنا قايلتن لك هالولد ماهو بهاجد الا لما اورم جنوبه .. هزاع مد له 500\خذ ..وشوط لا يختلف يالذيب خالد بتفشخر\افا يالشيخ مالها الا رجالها رهان يضحك\هههههه رح ومايصح الا الصحيح..! . . . سُؤال مفاجئ غير من تفاصيل وجهه الحادة تفاصيله .. وجهه رهان على حُسن نية لهزّاع\وش سويت بغربتك وأنا اخوك..! ضرب بكفه على فخذ هزاع الذي بقى صامتًا ثم نطق\..............!! . . أكتفِي بهذا المقدور . وأظن ان المغزى واضح . ! في طياتها أشياء مختلطة ببعضها البعض. أختتموها بدعوة لي . ثانيًا ، أتمنى أن ارى نقاد أدبيون إما مادحون أو ناقدون . وليس بالكلام الوجيز . الذي يُبخس الكاتب حقه . - وأعتقد اني ، وغيري من الكاتبات لا نطلب الكثير سِوى أن نعرف المستوى الذي نحن فيه . في النهاية . أتمنى منكم دعوة صادقة لي من ظهر الغيب ...! | ||||
|
|
|
09-02-14, 06:36 AM
| #4 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| . . مسَاءُ الخير للـجميع ..! أشكر الأعضـاء اللي ردوا بأسلوب نقدي رائع ..! والمشاهدات هم ترضيني كـمقدمة لـــبارت أول ...! بس حبيت أنبه على موضوع وجيز صغيرون وأتمنى الحبوبات يتقبلونه..! طبعًا مـاله شغل بردود العضوات لكنه قضية لاترضيني ولا ترضي الجميع ..! ولا ترضي الله سبحانه وتعالى ..! . . وقفَه\ اتمنى تقبل الكلام ..! في كثير من الروايات تنقل أسلوب للعلاقات المحرمة بأسلوب مثير يشجع القارئ على تطبيقه..! وهذا شيء يعتبر بمثابة "مسخرة" روائية وليست رواية جيدة على محور الروايات السابقة ..! فيها تشويه لسمعة البنت الخليجية بالذات كون الروايات دائما عن الخليجيات واللهجة خليجية !! بصفتي كـ كاتبة أسألك .. ترضين تواجهين نفس هالاسلوب على نفسك ..؟!! تكونين مربوطة بذيل علاقة محرمة ..؟؟!! وين "الإبداع" في الرواية ..؟! إني أنقل علاقة محرممة وأزينها للأعضاء بطريقة مشبوهة لا يرضاها الله ولا رسوله ..؟!! هذا أسلوب متهكم ضد المرأة العربية ..! فيها جرأة على الدين الإسلامي ككل ..! لا وقمة المسخرة تجيك أنو الأهل يشجعون البنت على هذي العلاقة ..؟؟! سلامات ..؟!! وين ربهم ماهم كبار وعاقلين ويفهموا ويفصلوا بين الحلال والحرام ..!! وأعتقد أنو المتابعة لهذه الروايات وتشجعها راضية انها تكون بنفس الموقف ..! مو قصدي الإساءة ..! بس السالفة زادت عن حدها ووصلت لأكبر شعاع من الشمس ..! وشعاع الشمس مايحجبه غربال ..! حنا عرب ولنا مفخرة البنت لاتسترت ماهي مثل البنت اللعيبة ..! مو قصدي تجريح أي كاتبة ولا ذمها ولا أقصد الإساءة في كلامي ..! لكن الروايات اللي تشجع على انو البنت تطلع مع الرجال .. أو تروح معه للفندق.. أظنها تخلو من المصداقية ..! ولا تعكس أبدًا جانب حقيقي للروايات ..! أنا مالي بالكلام لكن اللي بقلبي بقوله .. ولا تجيك اللي تكرر الأحداث ..!! تدخلين على رواية تبين تقرأينها مثل الناس ماتقدرين ..! دائما روايات متكررة .. أسلوب متعدد ... أشياء روتينية ..! خلونا نتكلم بأشياء حلوة إيجابية .. وحتى لو قالت الكاتبة انو هالمشاكل تواجهها وتشوفها بحياتها اليومية ..مالها أي حق بأنها تزينها في عقول القارئــات ..ترى في مراهقات ... في بنات تحت الـ 20 سنة ..! ولك وزر هالأشياء ووزر من عمل بها..! خلوا لـ "المحرم" دور حقيقي في رواياتكم ..! هالشيء لازم نستغله كـ قضية ندافع عنها بكل الأحوال..! المحرم مو دروه فقط الضرب أو التشجيع على الحرم ..! خلونا نعكس صورة حقيقية عن دور الأخ والأب ...! وكأن عصر الجاهلية انتشر بهذه الكلمات المنقولة ..! احنا مو بعصر الجاهلية ...! لازم نفتهم ونفرق بين الحلال والحرام ..! اتمنى ان الكاتبات والقارئات مايقبلوا هذا الشيء...! وان شاء الله روايتي راح تخلوا من هالاشياء ..! | ||||
|
|
|
09-02-14, 06:37 AM
| #5 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| قبَل إبتدَاء هذا الوَعدْ التّالِي ، .. أريدُ أنْ أهمسَ لكلِ قارئَـ|ـه ... ! لستِ مُجبَرة على مُتابعَة هذهِ الرواية طَالما انها تُلهِيك عن " الصلاة " ..! ويُشّرفنِي أن تكُونَ من أولوياتِك في القائمَه هذهِ الرواية دُون التكّثبُ عن بعُدِ ونسيَانِ الفَرائِضْ ..! جميعَنا نعلم أنها مساحة يَشهقُ فيها الأبطَال أحداثهم ، ويَزفْرُ فيها القَراء ردُودَ أفعالهَم ..! نحَو هذهِ الرواية ..! نُريدُ أن نتَبادل الأدب ..ونَجعلْهُ من أوّلِ أولوياتُنَا .. أنا أرحّبْ بالجَميعْ ..الجَميعُ دُونَ إستثنَاء..! و علاوَة هذا فأنا أقرأ كل ردّ دُونَ إستثنَاء ، الناقِد والمادح ..! ولا أتجاهلُ من الردودُ شيئًا سِوَى " البعيد عن الأدب" ! لذلك فـ لتثقي بأني حتمًا أقرأ ردّك ..إن شَاء الله .. ! وسأبادلِك بردّ تحيّة ..! الوَعد الثانِي . يُباغتني السفر ملوحاً .. بنهاية العُمر يُطاردني الفراق وأنين الوداع ودوماً .. يصلبني القدر بمطار .. بميناء .. بيوم .. حرمان أحصي .. حقائب السفر أحصي .. دموع الخلان وحيدًا .. في المحطات مسلوب البصر حزين .. لسطوة الفراق وقسوة القدر أبكي .. ولا دموع وأتألم بلا .. ألم فقط .. أجدني دوماً .. بين المحطات أنتظر. . . . الكل لاحظَ سكُوته مع إبتسَامتِه المَكسورةَ التي ختمَها بـممازحة\لا بموت من الجوع...! فزّت أم رهان\هالحين أسوي لك اللي تبيه..! هزّاع يجلسها\عليك بالله ماتقومين وانا ولدك وبممازحة للمها والبندري والوعد\البنات يقومون ويسون لي اللي يقدرون عليه..! المها تمسح دموعها\بروحي أفديك مو بس عشى أسوي لك جعل ماتشوف الا الجنة يارب هزاع\وعساك وياي خالد داخل عرض على جدته\دامه ياجدتي رجع لك فزاعك انتي وخالتي ام ليث.. ورا ماتعطوني جنوتي من هالفرحة كل وحدة 100 ريال الجده تشره على شهاب\ياشهاب أنا قايلتن لك هالولد ماهو بهاجد الا لما اورم جنوبه .. هزاع مد له 500\خذ ..وشوط لا يختلف يالذيب خالد بتفشخر\افا يالشيخ مالها الا رجالها رهان يضحك\هههههه رح ومايصح الا الصحيح..! . . . سُؤال مفاجئ غير من تفاصيل وجهه الحادة تفاصيله .. وجهه رهان على حُسن نية لهزّاع\وش سويت بغربتك وأنا اخوك..! ضرب بكفه على فخذ هزاع الذي بقى صامتًا ثم نطق\كفّ الأذى عنّي بترك السؤال وأنا اخوك.. لحــظـــــــــةُ صمْتٍ مريبــــة للشّك ..! الكّـــل كـــانت ردّة فعلـــه "غير متوقعـــــة" ..! بل متسائلة ... أيضًا ما للذي حدّث ..! الأعينْ بدأت تُخاطب بعضــــها الـــبعض ..! وابتَسامَة الأسَى تستقّـــر على شفَتِيـــه الذّابلتِيـــن ..! إذًا هذا هُو سر الشيب الذي على وجهه .. علامَات الإستفهَام ..! بدأت تترأس رؤسهم جميعا ... جميعًا دون إستثنَاء ... تنفس الصُعدَاء ... والزفــــــير والشهـــيق... كلاهمـــا يضيقــان من صدره الذي يتأنبّ وجعًا ...! حتّى قطعُوا حبَال أفكَارِهم جميعًا .. حينمَا شقّت رائِحَة الطعامِ الساخن السُكون ..! وهمست البندري بابتسامة\كل وأنا اختك عساك للهنا.. ابتسم لها ابتسامة شُكر\يعطيــك العافية ... بَدأ يأكُل ..مَسك الملعَقة .. وبدأ يلُوك الطعام في فمه ..! ويمضغُه مضغَة مُضغة ..! وأخيرًا ..أكل وجَبة عربية ..! طَعامًا من هذهِ الأرضِ الكَريمَةُ الطّيبة ..! 15 عامًا ..! إنهُ كابُوس مُزعج ..! وحان الوقت كي يستيقظ منه .. حان الوقت ليهزم كل ألامه ..! . . لكن ..! . . لكن ..! الألم قد تبعثر في عروقه ..! أ بِهذهِ السهُولة ينفضُه عن جسدِه ..؟؟! أ بهذهِ البَساطة ينسَى ذلِك أو " يتنَاسَى " ؟ بالتأكيد لن يعُود "هزّاع" السابق ..! إنهُ نسخَة "كُروموسوميّة" جديدة ..! ليس كالسابق ..! لن يعود ..! لن يعُود كما كــان ..! إنتَهى من طعامه وهمس\الحمدلله.. أم رهان بحب\جعل مالقى فيك فقده يمـه..كل ..كل وانا امك رهان بضحك\الله يعينك يا هزاع هالحين لو تموت محدن يكفكك من امك ..! هزاع يقبل رأس أمه ويدينها\فداها من اليوم لبـاكر .. بس شبعت خلاص خالد داخل عرض يبي يناقر وعد\كيف أن الوعد هي اللي مسوية قطع الدجاج ..ماعجبتك شهاب ضحك\ههههههههه وهالحين مالقيت الا الوعد تناقرها... الوعد تغوص من الخجل لأن نظرات إبن خالها الجديد ينُظر لها بامتنان ورمقت خالد بنظراتها المتوعده ... خالد بتشفي\لوما الجمايع كان قمتي هالحين ودستي ببطني ياوعيــد... مدري ليه مسمينك الوعد ..المفروض يسمونك تاز المشاكس...! الجده بعصبية\اعنبوك ياخويلد تراها وعد من امها وابوها... عشان كذا انا سميتها الوعد...! رهان ضحك\هههههههه وليه حاط راسك براس الوعد.. الجده بقهر\ماهوب اللي مطير مخي انه يناقر بنت عمته اللي بالجامعة.. البندري\ههههههههه لا بس الوعد تحب تناقره..تنبسط ليا شافته مقهور.. مهره بدفاع\اها بس عن ولدي..أشوفكم كلكم قومتوا عليه.. شهاب\ههههههه مدري بس ولدك قاضيها قاضيها .. مهره\ماقلت لك انه ولد ابوهـ رهان\ههههههههههههه ..ياليل عن قصف الجبهات يازوجة العم الوعد تقرص شهاب\روح اهبد التيس ولدك لا اتوطاهـ... مافيه الا يفشلني قدام ولد خالي الجديد ... شهاب\ههههههه عادي ولد خالك بيتعود.. الوعد بقهر\توه جاي بغراطيسه .. وانتم تبون تفشلوني مع خويلد .. سمعته شـ يقول لعله الجرب ..؟؟؟! يقول المفروض يسموني تاز المشاكس.. اعتلى تدريجيًا ضحك شهاب على تعابير الوعد\ههههههههههههههههههه� � وش أسوي معه يعني ... زمر على خالد يجبر خاطر الوعد\خويلد ...يــاولد ..قــم.. خالد ناظر ابوهـ\لاتقل انك تبي تجبر بخاطر تاز المشاكس..؟؟! شهاب رفسه\قم انقلع برا .. يلا خالد يتمسكن على جدته\عاجبك ياام ذياب..في النهاية تاز المشاكس يطلعوني عشانه... الجده بتشفي\زين مايسوي فيك ابوك ياخويلد عشان تتسنع جعلك السنع رهان\ههههههههه وياذا الحقد اللي عليكم انتم الاثنين ياالوعد ويا خويلد.. المها\هههههههه مدري بس شوي ويتماشعون بالروس.. ضحك هزّاع وهذي أول مرة يسمعون ضحكته من جى\هههههه الجده بفرح\دوم هالضحكة وانا امك هزّاع\يدوم مغليك.. . . . . . في ضفّةِ أخرَى ..! حيثُ كانت لا تَرى سِوَى الظّلامْ.. لا تَرى أيّ شيء آخَر .. سوى السواد.. كَانت تلوك الهّم فِي خاصِرة الحُزن.. ويتصاعدُ دخّان الشّقاءِ منها.. كـ حُلّة وشيكــة .. تُريدُ النّظر إلى الأشيَاء..! لكنها لا تَستطِيع.. لقد انتهَى بها ان لا تكون مبصرة "عمياء" . بعد حادِثٍ وخيم ..من صدِيق أخيها .. قبل ثلاثِ سنواتْ ..! حِينمَا جائها خبرُ موتِ والدِيها.. خَرجت إلى الشارع لتَذهب إلى السيارة برفقة أخيها مُسرعة.. لكن المُصيبة أن "سُلطان" تفاجئَ بها أمامه.. فسقطت أرضًا ..وتناثَرت قِطعُ الزّجاجِ على عينيها.. فصَار شكلها يُدمِي القلب.. مرمية الدمّاءُ تنهَمر من عينيها كبكَاء صخب.. مُنذ ذلِك اليومْ..لم يدعَهُ تأنيب الضّمير أن يُكمل مابدأه.. تزوجَها ..وهِيَ على ذّمته ..منذُ ثلاثْ سنواتٍ ونصف.. وكَانت تستَبعدُ فِكرة أنَها تحت شفقته..! لكن الحقيقة..نرجع إلى كَونْ الضمِير حيًّا لديه .. يُريد أن يكفِّر من ذنُوبه..! التي رملت خطاياه سيل دموع دمويه من وجنتيها... سلطان بحنان\شرايك نروح لأخوك رياض..؟! لم يلقَى منها سِوَى الصمت..! انها طِفلة في عُمرِ الثامِنَة عشر..! كيف يُمكِن اخراجها من دائرة الهلاك تلك.. بِمسايرة مسح على رأسها\طيب شرايك نطلع مع بعض..؟!! قطعت الأمل قائلة\ مـابي شيء..بروح أنام..! وقفت من أمامه تريد الذهاب إلى غرفتها ..! قاطعتها يداه الممتدان..تشابكت بيدها ليُجلسَها في حضنه... ويهمس\وش مزعلك يـا غزلان ..؟ غزلان بدموع وضعت اناملها على خدها لتمسح دموعها\أبي أشوف طريقي..؟ وضع كفيه الحانيتان على خدها وأبعد كفيها ليمسح هو بنفسه دموعها\ أتريكي دموعك لي ..أنا أتكفل بها وامسحها.. غزلان بحزن\ماتشفق علي..؟ غرزت خناجر بسؤالها هذا.. لا يريد أن يعتاد على الكذَب ولَكن .. \ لا .. ماشفقت..وانا أبيك.. أحاطت بهِ واحتضنته.. وقبلها بنعومة في خدها وهو يهمس\اتركي البكا .. واللي يشافي منهو اعظم منك يشافيك.. غُزلان\آمـين.. . . . . في الإسبُوع الآخر . والكل .. دونَ إستثناء .. يعرفُ أن هزاع ذياب الدحام .. قد عاد من جديد .. الذي يشارف عمرهـ للأربعين .. والكل رأى ملامح الشيب والإنكسار تعتليه .. الكل دون استثنآء.. المجَلس الكبير فِي منزل جدّه .. إملتلأ من الرجال .. منهم رفقآء عمره الذي فارقهم قبل 15 عامًا .. ضاري .. وضرغام.. وسلطان.. احتضنهم واحدا تلو الآخر .. وهم يحكون له عن مدى شوقهم له.. أما هو فكان يرد عليهم بــإبتسامة تكسوها معالم الانكسار.. والصمت المصاحب لها .. أجل .. ! لقد تغير .. لقد رحل هزاع .. مع الرياح .. روحه لم تعد كالسابق.. لقد دهسته الحكومة البريطانية من اخمص قدميها.. لقد عــانى وعــانى.. والجميع...يجهل مابه.. يجهل لما أصبحت لغته .. شيء واحد فقط .. وهي الصـــمت المبرح .. بو ليث بفرح\والله ان لأذبح لله.. لجل رجعت النا ياولد ذياب.. هزاع بامتنان\خيرك سابق يابو ليث.. بو ليث\ولد اخونــا ومانقصر فيه ..حشآ والله هزاع\ماهي بقصور اللي تطلع منك.. بو ليث\تسلم ياولد ذياب.. ضرغام يهمس لضاري وسلطان\ مــاهو بهــزاع اللي أعرف علومه ..تغير .. ضاري بتأييد\مكسور خاطرهـ ..ياترى جرحه كبير..؟ سلطان بسخرية\لانسخر على بعضنا..العلم موجود قدام عيوننا.. الرجال مكسور والغرايب مدري وش مسوين له .. ضرغام\وجهه ماهو بهزاع..هذا جزاع .. سلطان\بيرجع وبتشوفون ضاري\وظنوتي ان رجعته ثقيله هزاع التفت لهم وهمس\وش علوم العرب ورجالها ..؟! ضرغام يبتسم\علومن كفو وتسد اللزوم..بو ذياب وش هي اخبارهـ ..؟؟ هزاع ابتسم\حالي من حالكم.. سلطان بمزح\وش ذا الشيب ياهزاع.. قبل كنت أكثر شخص مانتوقعه يشيب ..وهالحين شيبت قبلنا.. هزاع بابتسامة أسى\دروس الحياة.. دخل رهان وهو يحي ليث وثنيان\يــامرحبا بورعان العرب ..اقلطوا اقلطوا وحيوا الرياجيل.. ليث وثنيان\السلام عليكم الجميع\وعليكم السلام.. بو ثـنيان\وصلت امك ياثنيـان ..؟ ثنيان ابتسم\سويت الواجب بووثنيان\عسآك ع القوة وانا ابوك.. قم صب القهوة يارجال.. شهاب يتكلم\لا خل يجلسون..اخلي ورعي يقوم يصب.. خالد كان يلعب بجواله لكن من سمع ابوهـ قال\ماعرفك انا ..من انت..؟؟ شهاب بقهر\الله واكبر وي ذا الورع..هالحين انا ابوك شهاب ماتعرفني..قم صب ياولد ولا علي بك بالجالد ..قــــم . . وقف خالد وقام يصب القهوة للجمايع.. مايعرف يصب الا باليسار لآنه يساري .. يوم انه وصل عند ابوهـ كان جنب ابوهـ هزاع ..وصب لهزاع القهوه وقدمها باليسار.. زمر عليه ابوهـ\بيمينك ياخويلد ولا لاتصب.. خالد بقهر\وش اختلف يميني ولا يساري..يعني بيتغير طعم آلقهوة ..؟؟! شهاب بغضب\لا ..بس بيتغير ديكور وجهك...امش صح ياولد.. هزاع ابتسم لخالد وقال\خذ علوم ابوك ياخالد...انت رجال ..والرياجيل يقدمون بأيمانهم .. خالد حاول يقدم باليمين وعاهـ هزاع\هاهـ ..وهالحين رجال ولالآ ..؟؟! هزاع ضحك\وعن ألف رجال..كفوو راح خالد مستانس ونافخ نفسه.. لأن هزاع قاعد يعزز له حتى ينمي داخله ثمرة من الرجولة .. ابتسم شهاب له\والله ان مابيطلع مني الشيب الا ذا الولد.. هزاع بدعوة صادقه\الله يحفظه لك .. . . . . المها بضحك\ههههههههه لو تشوفين شكلها قدام اخوي كيف كان.. شاهين\هههههههههه وش له يرقع له خالي شهاب دام انه فشلها... الوعد بزعل\إيـه تطنزوا يالنحيسين..يومن جاي لكن.. هين..أجل يسميني تاز المشاكس وجع به البندري\ههههههههه..قسم بالله حسيت انك بتتوطي ببطنه.. الوعد بقهر\خلني اقبصه اقسم بالله ان مايسلم مني.. الجده بدفاع\يالوعد اتركي الولد..اعنبو دراك بنت بسن زواج وتناقر عيال ..اعنبوك امداك جبتيه.. الوعد بزعل\مو عن كذا ..بس هو يقهر هالحفيد وقسم بالله خلاني مثل السلاتيح ..هالعصل الجده بعصبية\اسكتي مالعصلا الا انتي.. الوعد بتحلطم\أصلا لو خيروك بيني وبين خويلد ماخذيتيني الجدة ضحكت غصب عنها وحضنتها\وعيد وانا امك ماله داعي تكوني زعولة.. تراك انتي وخويلد مثل هالروح اللي تسكن جسدها.. الوعد بحب\يمـه أنا أقدر فيك..؟ تراك امي وابوي وكل هلي.. الدانة بضحك\ههههه عشـــتو ..هالحين بدآ المغازل .. الجده بتساؤل\وين عيالك ليه مـاجبتيهم ..حانين علي لي إسبوع مآشفتهم.. الدانة بباتسامة\أبوهـم سحبهم لبيت عماتهم.. توهـ عمهم ملحم راجع من السفر ويبون يسلمون عليه.. الجده بتشره\وليه مـاجوآ عشان رجعة هزاع ..؟! الدانة\جــآييـن بالليل هم والحريم.. الجده\حيآهم الله.. . . . . . . , # مرتّ الأيَام ...! إنّه نفسُ المكَان .. نَفسُ الأشيآء.. لَم تتغير.. ! كلها كمــا هي.. في نفس موآضعها .. سِوَى أن بعضٌ من بتلاتِ الغُبارِ.. على أشياءه .. إنها غُرفَتهُ .. التِي هجَرها شابًا .. وعادَ إليها رجلاً كهلْ.. دُولابه .. أدواتِه ..! كتبه .. عطورهـ .. ملابسه.. ابتَسم في نَفسه.. انها ملابس المُراهقة.. ملابس المُراهقين..! شيءُ بعث فِي نفسه "الضَحك" .. . . ملابسه الآن أصبحت مُجرد ملابس رسمية.. أصبح شكله مبعثر في قائمة الإهمال.. إلا أن هذا يُضفي له شيءٌ من الوسامة .. رغم حدة هذه الملامح ..! . . أزاح السِتَار عن النافذة.. وشّق ضوء الشمس سرابيب الظلام ..! وذرات الغبار تتطاير هنا وهُناك.. أشاح يده يمنة ويسَارًا يُبعد الغبار عنه.. وبدأ يسعُل قليلاً .. جَلس على سريرَه ..! وفتح درجَ كمدينته .. أخرج كتَاب صغير منها ..! كان يقرأ للكاتب تشارلز ديكنز.. ويقرأ لـ هيلين كيلر.. يقرأ أيضًا لأجاثا كريستي..! هذه أيام المُراهقة .. والآن فأصبحت هذه الأمور .. كـ لآ شيء..! . . سمع دق الباب.. وإذا بـ رهان يدخل\هزاع.. التفت له\ هلا رهآن.. تفضل وانا اخوك.. رهان ابتسم وجلس جنبه على السرير.. شبك يدينه في بعض وطالع هزاع\كيف وضعك هالحين..؟! هزاع هز رأسه بابتسامة تخفي الكثير\أحسـن .. رهان\ أبـكلمك بـموضوع.. هزاع\سم وانا اخوك ..؟! رهان\سم الله عدوك.. هالحين انا خاطب وباقي املك على شـآهين.. وبعقد النكاح ماهي بزينه يجي الرجال من غير موليه.. وانا ابيك تكون موكل بعقد النكاح ..تعرف الوالد الله يرحمه راح.. وانت البكر له ..وحشا وآلله بعد جيتك اطلب غير كفو هزاع ضرب رهان على فخذه\آبشر باللي يسر صدرك.. رهان ابتسم \عسـآني أفرح فيك وانا اخوك هزاع ابتسم وهو يعلم ان رهان لا يعلم عن الموضوع همس له يجاريه\الله كريم .. رهان\الله يرزقك باللي تبيه .. . . . رجعت من الجامعة.. وتعدت رجولها لعتبة الباب وفصخت حذآئها .. انتبهت لوجود أحذية متكاثرة ..! وهذآ يدل على وجود ضيوف عندهم ..! يمكن خولآني..؟ غريبة بالعادة خولاني لآ جو مايجون وسط السبوع .. عشآن عيالهم مدارس.. يمكن بس خآلي شهاب وعياله.. لآ ماظنوتي هالاحذية كثيرة.. شافت الجده قبالها ابتسمت لها\هلا بالزين ام ذياب وش علومها ..؟! الجده بفرحة\الحمدلله وانا امك ..عساك ع القوة يمـه الوعد اصعدي فوق بدلي ملابسك.. ثم انزلي في علوم لازم تعرفيها..! الوعد بخوف ارتعدت\شـفيه يمــه .. وش بلاهـا هالعلوم ..؟؟! الجده وهي خايفة من ردة فعل الوعد\اصعدي .. وبدلي ثم تعالي الوعد بإصرار\يمــه قولي شـفيه..؟؟ الجده بعصبية\لي ساعة وانا افهمك ولا هو جاي العلم يمطيك..أقول لك بدلي يالغبرا ثم تعالي.. الوعد وجسمها بدأ يرجف\طيب...طيب يمــه...! . . صعدت فوق لغرفتها .. وكل شيء بثواني تغير.. من فرح لـ خوف ..؟؟! شـ فيه ..؟! شـصآير ..؟؟؟! وش بها جدتي ماقالت لي العلوم ..؟ ومين اللي جاي تحت ..؟! معقولة صاير شيء واناا ماني بعارفته ..؟! .. فتحت دولابها .. ولبست ملابسها وطلعت لتحت.. وقفت جنب باب المجلس الكبير حاولت تسمع سواليفهم.. بس كان الصمت مخيم ع المكآن .. ريحة القهوة كانت تشمها .. وشافت الفواكه والحلآ محطوطين ع الطاولة... ويوم مدت راسها زيادة تبي تطالع .. كانت بتطيح ... وبكذا اللي بالمجلس كلهم شافوها.. لكنها تماسكت وحاولت تضبط نفسها.. وهو أمامها مباشرة جاته الضحكة على تصرفها العفوي..! . . كانت شاده اللثام على وجهها كويس .. وكانت موجوده تطالع الجميع.. جدتها جالسة جنبه .. وهي كانت تطالع بلا شعور وش صآير ..؟! إلا أن قطع حبال افكارها كلمة جدتها\فكي اللثام وانا امك مايحتاج ؟ ؟ . . أفك اللثام ..؟! وش بلى جدتي خابتها علوم العرب ..؟! خلاص يعني مابه عرف ..؟ إيــه يمكن ذيك العلوم انه اخوي من الرضاع .. وشو اخوي من الرضاع ..؟ وليه ماتكلموا ..! بلا شعور همست\أخوي من الرضاع ..؟! إبتسمت الجده على براءة تفكيرها وهمست\لآ يالخبلاء فكي اللثام ..؟! الوعد بغضب\جدهـ ..؟ شفيك شبلاك تبين تكشفيني قدام الرياجيل.. الجده ابتسمت\ماهو بغريب وانا امك ..؟! ناظرت خالتها ام هزاع وقالت\يـاخالة ترضينها ..؟ وان كان ترضونها ماني بمسويتها الله رب العباد مايرضاها ! ام هزاع\يالوعد فكي اللثام ..! ضربت على فخذها بغضب ثم قامت\ماني بفاكته حشآ والله افك قدام الغريب الجده بعصبية\ماهو بغريب اجلسي يالخبلا ..خليني افهمك.. الوعد جلست وبدأت تهز رجولها وتطالع ولد خالها اللي ساكت \ انطقي يمه وش وراك من علم..اتحفيني ؟ الجده\ هزاع زوجك على سنة الله ورسوله ..! " زوجي" عذرا لست حمقآء إلى هذه الدرجة ولكَن .. . . الوعد\وش قاعدة تقولي يمـه ..؟ متى تزوجته انا ؟؟! الجده تكلم ام هزاع\كلميها يام هزاع ولا ترآ بيجيني الضغط منها ذا البنت.. ام هزاع تتكلم\يالوعد يوم ان ابوك وامك ماتوا جدتك كانت مريضة وماهي ضامنة نفسها لك وخايفتن عليك..خصوصا ان ذيك الايام جدك كان ينخاف منه الله يرحمه.. فقالت سالفتك للشيخ وشجعها على الزواج ..! الوعد ضحكت بلا تصديق\هههههه تزوجني وانا بالمهد ..؟! حشآ والله منين ذي العلوم وعسى العيد ماجاكم ولا عيدتم ولا بعد ؟؟ الشيخ يشجع ..؟! ام هزاع\الاسلام يجوز تزويج الجاهل لمن له مخافة .. وهذي من احكام النكاح وماهو بحرام .. وانتي يايمه كانت عليك عيون ينخاف منها لا سقى بك الزمن..وعسى الله يعطيك من اللي تبيه وانا امك بس جدتك خافت عليك ليا ماتت ..! الله حفظها وانتي تزوجتي..! الوعد\وماحقي به اعرف ..؟! الجده\خفت تعرفين لامن راح هزاع كنتي ام خمس سنين..وكل ماجى لك خطاب رديته لانك على ذمة رجآل وانا امك.. الوعد بقهر\زواج من المهد..وش له مسميتني وعد دام اني ماني بوعد امي وابوي..انا ماني الوعد.. انا النكد..! الجده\يالوعد اجلسي وماهو حرام تحرمين شيء جوزه الاسلام..يمه اللي مثلك واجب علينا نحميهم بزواج.. الوعد بحزن\وتطلبون مني فك اللثام..حشآ والله هزاع تكلم\وش له ترفعين صوتك قدام الجمآيع ياللي ماتستحينن ؟؟ ماهي بجدتك اللي سوتك لك المعروف وانتي تنكرينه.. عيال عمامك لو خذوك قسم بالله ماهو بدارك اللي يرضآه االله.. الوعد\حشآ والله يالكايد وش تقول انطق انت بوعيك ..؟! هزاع بغضب\بوسي كفك وجه وقفآ حال من حال مادريتي به..! الوعد بدموع\وش السوات هالحين وش السوات ياربي...! ام هزاع حضنتها\وانا امك وش مزعلك من هزاع ليه ماتبينه ..؟ وش فيه ولدي ؟؟! ليه تبكين ..؟! الوعد بخوف\مصدومة من الجمايع ياخاله هذي ماهي بحالة اللي ظنوتي فيها..! ام هزاع\سقى الله ايام اول انتي م تدرين عن اللي حولك.. الوعد\وش له ولدك يرهب فيني ويقول لي ماتستحين..؟؟! ام هزاع ابتسمت\لانه سمع منك كلام"ن" ماهو بعدل ؟؟ الوعد\الله العدل.. ام هزاع\والنعم بالله..قومي فكي لثامك خلي ولدي يشوفك.. الوعد\يشوفني كذآ ..؟! ام هزاع ابتسمت\انتي زينة ووجهك من الزيون...سبحان من صورك .. ولدي بيروح للأربعين وهو ماشاف ام عياله.. الوعد\مابي اكشف اللثام ام هزاع ضحكت\اعنبو دارك لي ساعة افهم فيك..زوجك هذا زوجك الوعد تغير الموضوع\القبيلة وصلها العلم ولا ماتعداها..؟! ام هزاع\بس الشياب اللي يدرون ولا عيالنا مايدري منهم الا هزاع قعدت تطالع فيه..! ملامحه ماتنم عن خير..! ياربي سترك.. ليه جسمي يرجف بـ هذي الطريقة ..؟!! يبطي على عظم..! والله ان مااكشف له..! وخله مشوارهـ ثقيل وياي.. وش له ربطوني به..؟ ومعقول هزاع أكون انا ام عياله ..؟! وبلاها الحمولة استخفت ..؟؟! وش السوات هالحين ..؟!! ما وقف سرحانها الا شيء..يوم ان سمعت صوت الباب يتسكر وام هزاع والجده يطلعون..! فز قلبها من هالوضع وقامت بخوف وهي تبي تروح لكن صوته اللي ينم عن صلابة شخصيته قاطعها\يالوعد اجلسي .. الوعد بخوف وهي ترجف\اجلس..وش له اجلس..؟! هزاع\المطالب ماهي ثقيلة...وماهي على كفة الميزان..! الوعد بتحدي\خلها على كفة الميزان..والمطالب ثقيلة..! هزاع \تعــآكســين ..؟! الوعد\باعاكس..! هزاع\وظنوتي بك من يوم شفتك بنتن سنعة بس الظاهر مشوار تأديبك طويل..! الوعد بغضب\هيــه من انت عشان تأدبني ..؟! هزاع رفع حاجب\ولي امرك..! الوعد\تعقب..! هزاع بغضب\ماهي من عودة البدو وعصبتها بناتها تلاسن رجالها..! الوعد\جاي من الغرايب,,,؟! عنبوك ماادبتك الغربة وش له سكاكينك تطاعن ..؟! انتي تدرين وش يعني الغربة اللي شفتها عشان تروحين صوبها..! روحي عنها لاتطرينها..روحي..! ومصيرك منها ثقيل..! . . وقف تجاهها وبنفس مكان وقفتها وهو يهمس\تأدبني الغربة تقولين..؟! الوعد بخوف وقوتها بدأت تتلاشى وحاولت تجميعها\ايـه..خلها تأدبك وان ما أدبتك ولا نرجعك لها ومحنا بعازتك..! لكنها حست بحرارة كفه وهي تضغط على فكها وينتزع لثامها.. ! حواجبه المعقودة بشكل غاضب.. اسنانه المرصوصة اللي تتكلم بشكل غاضب.. وحتى عوارض وجهه وشنبه اللي ماينم عن طيبة نفسه همس لها بغضب\ومـافكيت اللثام وأدبتك ..؟! دفعته عنها وهي تنادي جدتها\يـــــــمه.. أم ذيــــــــاب..يمــ.... لكنه حط يده على شفايفها وهمس\أوعدك مافي فساتين الزفاف الا الكفن.. وأوعدك مافي سرابيب السعادة الا الحزن..وهذي أول وعودي...! . . | ||||
|
|
|
14-02-14, 05:58 AM
| #6 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ــــــــــــــــ قبَل إبتدَاء هذا الوَعدْ التّالِي ، .. أريدُ أنْ أهمسَ لكلِ قارئَـ|ـه ... ! لستِ مُجبَرة على مُتابعَة هذهِ الرواية طَالما انها تُلهِيك عن " الصلاة " ..! ويُشّرفنِي أن تكُونَ من أولوياتِك في القائمَه هذهِ الرواية دُون التكّثبُ عن بعُدِ ونسيَانِ الفَرائِضْ ..! جميعَنا نعلم أنها مساحة يَشهقُ فيها الأبطَال أحداثهم ، ويَزفْرُ فيها القَراء ردُودَ أفعالهَم ..! نحَو هذهِ الرواية ..! نُريدُ أن نتَبادل الأدب ..ونَجعلْهُ من أوّلِ أولوياتُنَا .. أنا أرحّبْ بالجَميعْ ..الجَميعُ دُونَ إستثنَاء..! و علاوَة هذا فأنا أقرأ كل ردّ دُونَ إستثنَاء ، الناقِد والمادح ..! ولا أتجاهلُ من الردودُ شيئًا سِوَى " البعيد عن الأدب" ! لذلك فـ لتثقي بأني حتمًا أقرأ ردّك ..إن شَاء الله .. ! وسأبادلِك بردّ تحيّة ..! الوعد الثــالث.. أشهرك في وجه العالم سيفاً من الياسمين.. وأعلن انتصاري.. أشهرك في وجه الكافرين، كتاباً مقدساً وفي وجه الأميين، قصيده.. وفي وجه البداوة، مملكةً من الرخام.. أرمي جواز سفري في البحر.. وأسميك وطني.. أرمي جميع معاجمي في النار وأسميك لغتي.. وأغتال جميع ملوك الطوائف وأسميك مليكتي.. 2 أشهرك في وجه تموز وعداً بالمطر وفي وجه العصافير.. وعداً بالشجر وفي وجه النوارس.. وعداً باللون الأزرق وأرافق الأطفال في رحلةٍ مدرسيةٍ حول نهديك.. ليلعبوا بكرات الثلج.. ويصطادوا البط المائي ويشاهدوا – على الطبيعة- كروية الأرض... أشهرك في وجه الصحراء نخله... وفي وجه الجفاف، سنبلة قمح وفي وجه الظلام، شمعداناً من الذهب وفي وجه الجائعين، رغيف خبز وفي وجه المستعبدين راية حرية.. أشهرك في وجه البشاعة حمامةً بيضاء ونافورة ماءٍ.. وكتاب شعر ..شاعر المرأة نزار قباني .. في منزل الجده .. تَحديدًا في المجلس الكبير..! خرج من أمامهــآ وهو مقهور .. مقهور .. نعم بكل حالاته مقهور ..! ليــه تلاهفين بالغربة ليــه ..؟!! أنتي تدرين وش هي الغربة اللي شفتها انا ..؟!! ليه ترجعيني لها ..؟!! ليــه ترجعيني لمـنفى نائي وبعيد.. أنتي تعرفين من واجهت ..؟! واجهت حكومة كاملة ضدي ..!! مليووون ضد واااحد ..؟!! وأرجع ...!! تبيني أرجع ..؟!! ليه لسانك مـــا تأدب .. ؟؟! وليه ماعشمتي الشيب اللي فوق هالراس ..؟!! ليه ماعشمتي اني زوجك على سنة الله ورسوله ..؟!! وش هالجروح اللي تمايلت ع القلب ..؟! من يطلعها ..؟!! انتي ؟! حشا والله وهذا كلامك ...!!! . . إنتَبهت له الجده وهو يَخرج .. نَادته بصوتهَا الكَهل\هزّاع ..هــزّاع .. وين يمــه ..؟! رأتهُ متغير الملامح .. وجهه بدآ شاحبًا .. تسائلت في حنق ماللذي فعلته هذه الشقية حتى تغير من ملامحه الى هذه الدرجة ..؟!! هزّاع بغضب\يمـه أم ذياب لا طلبتك مطلب تأديب في عصبة هالبنت توافقين ..؟! الجده بخوف\وش صاير وانا أمك وش مسوية لك قليلة الحيآ ..!؟ هزّاع وهو يكتم اللي سوته لكنه\يمــه أطالبك بتأديبها .. يومن تتأدب أنا جآي بنفسي وماخذها ..! الجده بعصبية\أنا أوريها قليلة الحياء .. أوريها قليلة الأدب .. ماعندنا بناتن تلاسن أزواجهن.. هزّاع\يمــه .. لاتضربينها ..!! الجده\وشو لا أضربهآ وهي رافعتن الصوت عليك.. والهامة فوقها ..! هزّاع\إقطعيها.. وهي تموت من القطيعة .. تموت لازعلتي.. وانتي تكفلي بالباقي.. الجده\أ أدبها وانا امك.. بس أخاف القطيعة معها تهد حيلها ويصير بها شيء.. هزاع\لاتخافين.. بيني موقفك منها فقط..خليه تأديب لها..! أنا مآقدر أخذ بنت ماتقدر كل شعرة شيب ع هالراس.. أدبيها يام ذياب خليها تعرف حقوق الله عدل.. وبنتك لسانها مطول ..قدام الجمايع تلاسن.. ماعجبني تصرفهآ .. الجده\امسحها بوجهي ياهزّاع.. ترى والله ان أول مرة تسويها الوعد.. وانا اعرف الوعد مصيرها للندم أقرب من طلعتها من المجلس هالحين .. هزاع وهو ينسف شماغه\انتي تكفلي ياام ذياب عسى عمرك طويل.. وانا اعرف فزعتك مامنها قصور.. الجده\رح وانا امك ولا يصير هالخاطر الا طيب .. هزاع يقبل رأسها\فـ أمان الله.. الجده\وداعة الله .. . . . في مكان آخر .. وكان الوقت يشآرف على الغروب .. وضع حقيبته السوداء في أقرب أريكة واجهها طريقه ..! والعرق يتصبب من وجهه .. ! المكان أمامه أصبح باهتًا ..حتى الألوان كان يراها رمادية .. إنه فقيد لزوجته وعياله .. منذ 8 أشهر.. لقد أخذهم حادث وخيم جدًا .. تكلمت عنه الصحف في السعودية .. وهاهو الآن يعود وحيدًا .. كما كان في السابق ..أعزبًا وحيدًا .. أما الآن فأتعس .. أرملاً وحيدًا عاد صديقه هزاع من الغربة .. ذلك ساعده على تحسيين نفسيته بنسبة 3 % فقط لا غير ..! لأن فقدان العائلة كفقدان الجسد لروحها..وجميعنا نعلم ذلك ..! إنه ضرغام .. الذي يصغر هزاع بـ سنة واحد فقط .. ! يبلغ 37 من العمر ..! الذي يزيدهـ همًا وغمًا .. عياله.. أربعة أولاد أنجب من زوجته " نجلاء" .. وجميعهم في سن الطفولة ..لقد افتقد ضحكاتهم وجميع اشيائهم .. حتى بكائهم .. طلباتهم له.. كل واحد منهم يطلبه لعبة كما يحب.. طفلتان وولدان.. ! . . المصيبة لاتكمن هنا .. لقد أخرج زوجته وعياله هو بنفسه من السيارة .. ورأى وضع كل واحدًا منهم ..! أولاً بزوجته نجلاء التي تهشم عمودها الفقري وانكسرت الجمجمة لديها.. لقد رأها .. رآها شاحبة .. بعينيه .. صرخ وهو يحتضنها حينذاك والناس يحاولنه تهدأته.. وابعاده عن السيارة كي لا يصيبه من اندلاع الحريق شيئًا .. سُبحان الله لقد نجى وحده هو من الحادث الوخيم ..! اخرج ابنه البكر محمد .. ولقد كسرت عظام رأسه .. وأصيب بنزيف داخلي حاد .. ومات آنذاك.. أخرج أخاهـ زيد .. زيد الذي كان ينازع بالحقيقة .. رآهـ والروح تخرج منه .. رآهـ كيف يحرك جسمه خيفة الموت.. وهذا ماكان يرجف منه .. ويألم قلبه كأب .. أي أب هذا الذي تحمل فقد عائلة كاملة ..!؟؟ وحان دور الطفلتين .. ماريا .. و جنان.. لقد تحطمت أشلائهن .. كون الحادث في جهتهم مباشرة.. كان يخرج أشلاء بناته وهو يصرخ من أعماق نفسه.. كيف لأي أب ان يتحمل ذلك ..؟! الشعور الحقيقي لهذا المغزى .. هو ميت بالحقيقة .. لكن جسده هو من يحضر مع الجميع..! هذا اليوم الصعب كان له بمثابة جنون .. بـ مثابة مصيبة أكهلته .. الجميع آنذاك كانوا ينظرون له بشفقة ورحمة ..! . . دخلت عليه اخته شوق\ضرغآم .. ضرغآم التفت له بتعب\نعم شوق .. وش بلاك ..؟! شوق تحركت تجاهه\ضرغــآم وانا اختك وش فيك ..؟! قم اتغدى أمي حطت الغدآء .. علامك جاية لكم انا وعيالي وهالحين ماشوفك ..؟! ضرغام ابتسم بأسى\عيالك ..!؟ كانت الكلمة تطعن في ضرغام.. وتترد في داخل نفسه.. ! هذا الشعور نفسه لما تحس بقطعة منك ماتقدر تستغني عنهآ راحت منك..! وكانت شوق حاسة بضرغام همست\قم وانا اختك..ملقاك بهم بـالجنة .. ربك كتب وانت مجبور تطوي هالصفحة ضرغام شبك يدينه في بعض وكان سرحانه كبير وهو يتذكر بنته ماريا و جنان .. كيف لما يجي من العمل يجون جنبه ويبوسونه .. ويتدلعون عليه..! هالحين مافيه من هالشيء ..! كله راح .. فقدة الأهل مرة وحدة كلها مصيبة .. ! التفت لشوق بهمس\بتغدا بعدين.. بنآم ثم بجي لك.. اعذريني وانا اخوك تعبان.. شوق بتفهم\روح وانا اختك عسى ربي يخفف لك أوجاعك.. . . غادرها وهو يصعد للدرج .. وكان قد أعياهـ الألم والحزن.. هي أيضًا عمة لأطفاله وحماتًا لزوجته.. لم تكن يوما لتسعد بفقدهم.. بل هي حزينة .. وتشتاق للحديث معهم.. تتوق لذلك فعلًا إلتفت إلى غرفة الطعام.. توجهت اليها بألم ونظرت لوالدتها التي تطعم أحفادها الصغار\يمـه.. أم ضرغام\هلا شوق.. وش فيه اخوك ماجى ..؟! شوق بألم\من وين يجي يمـه وهو تعبان كذا .. لو تشوفينه مكسور الخاطر..! أم ضرغام بحزن\الله يخفف عن هالاوجاع.. كل يوم جاي وهاد حيلي مايبي لا أكل ولا شرب.. وش أسوي فيه .. شوق بتفكير\يـمه ضرغام مابيهدأ عن هالموضوع الا لما تزوجيه..! أم ضرغام بفجعة\عنبوك أزوجه وهو ماكمل سنة من فقد زوجته ..؟! شوق بعقلانية\يــمه الزوجة لها دور في تخفيف الألم وتحسينه .. والله سبحانه وتعالى مايمنع من هالشيء.. حتى الدين الاسلامي والشريعة تشجع.. الرجال بينه وبين المرأة تكافؤ خلقي يعني لاحزن الرجال حزن شديد مستحيل يمحي أحزانه عنه غير المرأة .. والله سخر لأبونا آدم امنا حواء .. أم ضرغام بقبول\أنا مو مانعة هالشيء...بس خايفة من عدم قبوله..! شوق\ان شاء الله بيقبل..خلي هالموضوع علي ..بعد المغرب انا اكلمه.. أم ضرغام\الا دريتي ياشوق ان هزاع ولد ذياب الدحام رجع من الغربة ..؟! شوق بصدمة\صدق يمـه رجع ..؟!! أم ضرغام\إيه والله .. أخوك ضرغام امس جاني وخبرني.. شوق بفرحة\الحمدلله انه رجع.. والله مساكين عيال الدحام كلما شفتهم قطعو قلبي.. فقدتهم لـه يـآهي ثقيله.. أم ضرغام\الله برد قلوبهم .. ناظرت ولد بنتها هشام وقالت له\يلا يمـه كل .. . . . طلعت من المجلس وراحت لجدتها.. كانت خايفة ، نادمة ، ومقهورة بنفس الوقت.. ماتصرفت مع الموقف بعقلانية..فقط بمشاعر مصدومة.. وهذا شيء غلط أكيد.. من ناحية هالمشوار توجهت لجدتها تتفاهم معاها.. وراحت قبالها وقالت لها\يمـه.. الجده بزعل\روحي عني ياطويلة اللسان .. ماني مكلمتك الا لما تتسنعين وتعرفين دروبك عدل.. الوعد بخوف من زعل جدتها\يمــه ليه تسوين كذا .. أي بنت بمكاني بتتصرف بـ هذا التصرف ..! الجده بغضب\مو كل بنت ياقليلة الحيآء..البنت السنعة تاخذ الموضوع بعقل وسناعة .. الوعد بندم\طيب يمــه..أوعدك ماعيدها.. الجده بتساؤل\وش قايلة لهزاع قبل يطلع .. وش تكلمتي به وطلع مقهور ..؟!! الوعد تنزل راسها ..ماقدرت تتكلم .. لأنها تدري إن تصرفها خطأ .. خطأ ليه ..؟! لأنها تطعن في رجال يعتبر زوجها ..وواجبها الشرعي كزوجة احترامه.. مو ان تجرحه بكلام.. بس وش قصده بوعودهـ لي..؟! وش مقصده ..؟!! مافي فساتين الزفاف الا الكفن ..؟! ومافي سرابيب السعادة الا الحزن ..؟! وهذي أول وعودهـ ..؟!! الجده بعصبية\وعيــد .. ردي وين مخك رايح فيه ..؟! الوعد بخوف باست راس جدتها\يمـه وحق الله تسامحيني.. خلاص والله توبه ماعيدها.. الجده\انا مو خايفة من عذرك لي هالحين.. لارحتي انتي وهزاع لبيت وش بتسوين معه ..! نزلت راسها بخجل من كلمة جدتها الأخيرة ..! وكيف يعني بطلع من حضنك ياجده وبروح لهزاع ..؟! خلاص يعني انا ملكه هالحين ..؟! شيء غريب ..!؟ احمرت خدودها بشكل غريب ونادتها الجده\ماهو بقصدي باللي فهمتيه يالخبلاء.. انا اقصد وش بتسوين معه بتقعدين تلاسنينه كل يوم وهو اكبر منك وزوجك وله الحق عليك.. الوعد بخجل من نفسها\يمـه ليه تقولين كذا...!؟ خلاص والله ماعيدها حبت يدينها وجه وقفا وقالت\والله ياام ذياب ماعيدها.. الجده بعدم رد\روحي انثبري عن وجهي.. الوعد بتساؤل\يعني ارخصتي السموحة لي ..؟! الجدة \روحي .. لافكرت وروقت هذيك الساعة اسامحك.. الوعد بحزن\يمــه تدرين ان أكره شيء عندي بالدنيا زعلك.. ماتدرين وش يسوي فيني.. انا ماقدر اخلي امي وابوي يزعلون مني .. كيف انتي اللي انتي نفسهم امي وابوي وكل هلي ..؟! الجده بغضب حتى لا تضعف امامها\روحي يالوعد .. روحي لغرفتك لا تشوفين شيء مني ماترضينه.. راحت عنها وهي مغبونة من حالها.. كيف أروح وجدتي قلبها زعلان ...؟! هذا كله من غبائي .؟! طول عمري اعرف احكم اعصابي واتصرف بعقل.. ويوم جى هالموقف طيرت كل هالتربية في غمضة عين..! صح البنت اللي ماتعشم زوجها ماهي بنت "ن" سنعة .. هالحين وش بتقول خالتي ام هزاع عني ..؟! اكيد راح تزعل وتاخذ موقف.. والزعل بزعلين.. زعل جدتي وزعل خالتي ام هزاع..! مسحت دموعها اللي تناثرت على وجهها .. وأناملها الناعمة رفعت خصلات من شعرها.. زعلانة من نفسها .. لانها تستحق .. هي ماتدري وش واجه هزاع بغربته حتى تتصرف كذا ..؟! ماتدري وش اللي شافه ..! ولو الشيء اللي شافه هين .. كان حالته ماهي بكذآ .. حطت لنفسها وعد.. انها راح تتصرف بعقل.. طالما هزاع ماغلط عليها ..! راح تعتذر منه كـ صفحة جديدة ..! ولكن وعوده محيرتها.. وراح تسأله عن هالنقطة ..! . . جدتها تحت كانت خايفة لاتضغط على الوعد كثير.. قلبها مايدعيها .. لكن كـ جدة وكـ موجه لها .. واجب عليها ان تأدبها وان تعلمها السلوم الزينة .. ماهي من العرب البنت اللي تهايط على زوجها ..! ورفعة الصوت هذي اكره على الرجال من موتته ..! وموقف الوعد خطأ .. ! ومصير الوعد تتأدب في هاليومين.. وان ما تأدبت موعدها عسير .. هي خايفة ان لا راحت عند هزاع ماتعشمه ..! . . بس مين اللي ماراح يعشم الثاني ..؟!! . . . . في بيت سلطان..! كان الوقت في بداية الصباح.. والأضواء كلها تشق سرب كبير من الظلام .. صح عمية .. لكن الطاقة الضوئية تحس بها.. أكيد أي شخص لا غمض عيونها راح يحس بشعاع الضوء لا انفلت.. لكنها هل راح تميز الاشياء ..؟!! اكيد لا ..! ماراح تشوف .. البصر عندها مو منعدم لدرجة انها ماتميز الطاقة الضوئية.. لكنها تميز .. ! رفعت الغطاء عنها وهزت سلطان بتردد\..سـ ..سلطان حست به يقبل يدها وجه وقفى ويتمرد على كل اصبع في يدها ويقبله\سلطان جالس ياروحه.. بخجل ابعدت يدها\يعني مو نايم ..؟! سلطان تمردت يده حتى يجلسها بحضنه\كنت أراقبك ..في نومك وهمس في اذنها ..ومن تعابيرهـ .. حست بالخجل يتصاعد شيء فـ شيء.. سلطان\تدرين وش هو اليوم ..؟!! غُزلان بإنصات\لا ..؟! سلطان أخرج لها ورقة محببة هذي حق الأشخاص اللي فاقدين البصر.. فيها كلمات يلمسها بصبعه حتى يتحسس الكلمه .. ويعرفها.. حط يده على يدها وقربها من الورق وبدأ يحرك يدها حتى حست بالكلمة وبخجل نطقت\ذكرى زواجنا ..؟! سلطان بحب\إيــه .. التفتت له غُزلان وهي تحس بأن العلاقة ليست مختومة بعنوان الشفقة بل بعنوان الحب\تذكرته وانا اللي نسيته ..؟! سلطان احضتنها\اللي يحب ماينسى ..! غُزلان بدهشة .. هذا اول اعتراف من سلطان لها\..يعني ..انـ.. سلطان حط يده على شفايفها ليسكتها\إيـه يعني أحبك..! لفت يدينها حول رقبته وهي تبتسم ويحتضنها الآخر وهو مبتسم ايضًا .. حست به يبعده عنها لدقائق.. واستغربت من تصرفه.. حست بشيء بارد على رقبتها.. تمردت اصابعها حتى تتحس الشيء البارد على رقبتها.. ابتسمت لما حست به سلسال .. قبلها في خدها وهمس\هذا ذهب.. من شفته وحسيت انه عليك حلو .. غُزلان بخجل\شكرًا سلطان.. رفع راسها بصبعه وهمس\مـابيننا شكر.. وفي هدية ثانية بعد.. غُزلان\وش الهدية ..؟!! سلطان\ماراح أقول الا لما تبوسين خدي.. غزلان بخجل وغضب\يع يابو شنب.. وش ابوس وكل وجهك شنب يقزز.. سلطان مات ضحك على تعبيرها\ههههههههههه ...وش بلاهـ الشنب زينة الرجال.. قولي انك دلوعة وماتبين.. ولا الحيا مقطعك..؟! غزلان بكسته في صدره\وش هي الهدية يالشايب.. ضحك عليها وهمس\توقعي...؟! غُزلان\أمم مادري .. انت جني دائما سلطان بتساؤل\جني .. كيف يعني ..؟! غُزلان\دايم تفاجئ .. مثل الجن .. قل أعوذ بالله.. سلطان ضحك\هههههههههههه.. صح هالمرة بقلب جني ومن قبيلة عرب وياهي تحبك.. غُزلان بحماس\يلا وش الهدية ..! سَحب يدها وقبلها .. وفرق بين اصابعها الخنصر والبنصر.. ومد خاتم وحطه بخنصرها .. كانت غزلان في حالة من الفرحة .. سلطان اليوم فيه شيء..؟! أكيد.. ليش أحس به متغير...؟! فجأة .؟! ياترى هل هو يحب..! ياهي سعادة ملكت هالقلب من بعد الأنين.. ختم حبي له بدبله\ ...دبلة ..؟! سلطان قبل الخاتم\إيـه .. لاني ماهديتك دبلة في زواجنا.. هالحين هذي دبلتك.. ومو بس دبلة زواج.. هذي دبلة حب .. غزلان وكأن الدموع تجمعت بعينها.. لكنها رفضت هالشيء.. تنفست بقوة تمنع الدموع .. ولكن ..! سلطان احتضنها .. أنهى مسيرة بكاها بحضنه وهو يهمس\إنسيـه سلطان أول.. إدفنيـه .. خلاص قلبي يحب.. سحب يدها وحطها في صدره من جهة اليسار وهمس\تحسين به .. حركت راسها بـ إيه.. وهي فرحانة .. همس بخبث\عاد لاتسحبين فلوس من هالجيب تراني مفلس.. عنبوك فلستي بي بيوم وليلة.. ضحكت بخجل وهمست\هههه.. محد قالك تجيب ..! سلطان همس\فلوسي كل ابوها حلالك.. بكرة بنروح نزور أهلي.. اباك تجهزين حالك.. غزلان\طيب.. . . . كان الوقت يشارف على انتهاء الليل.. يعني الوقت متأخر حاليًا .. وكان متأكد ان بيصير اللي فــي باله.. وزي مايبي وخطط ..! وابتسم لما شاف الجوال يرن.. تركه يرن .. وقال انه بيتجاهله..ماراح يرد الا بعد ما تتعب.. أحسن خلها تتأدب .. ! ولكنه رفع السماعة وأجاب بنبرته الي تعتليها الصلابة\يا مرحبآ ؟ الوعد بخجل\هزاع ..؟! هزاع \ لا خياله ..؟! الوعد ماتت من الخجل في نفسها وهمست\ممكن أتكلم معك ..!؟ هزاع ابتسم في داخله\تفضلي..؟! الوعد تغمض عيونها\أبي أطلب منك السموحة .. والتمس منك العذر ..يابو ذياب.. هزاع\مقبولة .. من غير الإعادة .. . الصمت .. مرت دقائق عديدة وكل شخص فيهم يستمع فقط لأنفاس الثاني.. الوعد كانت في حالة من الخجل..تحاول انها تتكلم بس فجأة حست انها انخرست.. همس لها هزاع\ وش فيه طال سكوتك ..؟! الوعد\ أبسـألك عن وعودك .. تقدر تفسرها لي..؟! ابتسم هزاع في داخله وسكت\................ الوعد\هزاع ..؟! ممكن تجاوب.. هزاع\كنت صادق بوعودي.. والرجال لا وعد مايخلف بمحلوفه.. الوعد بخوف\مـافهمتك..؟! هزاع\سكري الخط ونامي هالحين.. الوعد بألم\جدتي زعلانة مني.. هزاع استانس من تصرف الجده\تستاهلين .. الوعد بدموع\بس أنا اعتذرت منك ومنها..! هزاع وحس بدموعها.. ظل يستمع لبكائها.. بينما هو مبتسم على تصرفها العشوائي.. لو كانت منتبهة لنفسها يمكن ماصاحت في السماعة.. همس لها هزاع\مسحي دموعك..وخلي زعل جدتك علي.. أتكفل به.. بس صدقيـني .. لو ما اعتذرتي هالحين ولا كان زعل جدتك بيطول.. انقهرت من تمننه عليها لكنها مضطرة تتقبل\...طيب شكرا هزاع\مابيننا شكر..مسحي دموعك ونامي.. الوعد بخجل\فـ أمان الله.. هزاع\وداعة الله..! . . أغلق السماعة..! وكان يبتسم .. لأنه ماتوقع انه الوعد تستجيب لـ الموضوع بكل سهولة..! وبـ هالسرعة هذي.. صوت بكائها له تأثير في داخله.. ! خلاهـ يضحك.. لأن تصرفها في قمة عفويته.. ومن دون شعور.. همس في داخله عن تساؤلها عن وعدهـ .. شيء مـاتفهمينه يالوعد.. مشوارك طويل..! أيــامك صعبة .. شخص مقيد تحت غربة أليمه.. كنت ضحية يوم بالأيام.. معقولة تكوني ضحيتي ..؟!! . . الإجابة لا تكفي.. الغُربة والضحية ..؟! مالرابط العجيب..! . . كــان الوقت يشارف على حلُول المغرب.. نَزل ضرغام من غرفته .. وهو في حالة من التعب والصداع.. ولازال أيضًا يتخيل انه بينزل وبيلقى عياله حوله وزوجته معصبة على ازعاج العيال.. ابتسم بأسى .. كنت أنتظرك يانجلاء ترجعين انتي والعيال.. ورا طولتي ..؟! ورا هالغيبة اللي تهد الحيل .. شوفيني مكسور الخاطر.. شوفيني محروم العيال..! يرضيك حالي ..؟! . . نزل من الدرج وانتباهـ لعيال اخته شوق.. ارتسمت على شفايفه الذابلة ابتسامة .. رتبتها اطياف الطفولة اللي تجلب السعادة في كل مرة .. فتح حضنه لـ رهف بنت شوق ونطت بحضنه وهي تبوسه في خده وتلعب في شنبه وعوارضه الخفيفة .. ابتسم لها وهو يتذكر حنينه لبناته .. احتضنها وهمس لها\وين امك ياورعة.. رهف\لاحت.. شوق وهي تدخل\أفا يالكذوبة انا اروح واخلي ورعاني.. ضرغام ابتسم\حياك يا هشام.. جلست جنبه\شخبارهـ شيخ الرياجيل.. ضرغام\الحمدلله.. شوق تمد له كوب العصير\تفضل وانا اختك سويته بإيدي لك.. ضرغام وهو يشرب منه\تسلم يمينك.. شوق بحب\ضرغام .. أبكلمك في موضوع .. وش رايك تسمعني ..؟! ضرغام وهو يشرب من العصير ثم رد\تفضلي هاتي ماعندك ..؟! شوق بتردد\اخوي انا عارفه ان قلبك ليا سألته عن الحزن فز لبيه.. بس وانا اختك لا تموت من الحسرة وتفجعنا فيك .. هذي إرادة الله واللي كتبه الرحمن بيصير.. وكتب ربك وصار.. واللي قدره ربك وشاءه فعل.. ضرغام وهو منصت\والنعم بتقدير الله.. شوق تكمل\وانت ياخوي محتاج منهو يقطع أحزانك..ويهون عليك.. وانا اختك حتى رب العباد بيسألك يوم القيامة عن عمرك .. وربك جوز لك ان تتزوج.. فأبي لك الخير ياخوي وانا بـ هالموضوع بتكفل.. لا يعلم ماشعورهـ الآن.. هل يتماشى مع أقوال شوق..؟! ام يتماشى مع قلبه..؟! الذي لن ينسى يوما ما أهله .. التفت له وهو في حيرة\شوق اقفليه هالموضوع شوق بإصرار\وش له اقفل ياخوي صار لك 8 شهور ما سكنت اوجاعك.. ضرغام\الله على جبر الخواطر يعين.. شوق\وش قلت ياخوي ..؟! ضرغام بغضب\اقفلي الموضوع.. رجال وعقلي براسي متى مادخل هالموضوع مودي أجاريه.. ماهو بـ الحين بوسط احزاني تحفرين الجرح وتحركينه.. ترى يوجع وانا اخوك يوجع.. لكنه سمع مالم يتوقعه من امه.. حتى جحظت عيناهـ ألما وحزناً ... \............................ هنــا يتوقف البارت.. منتظرة من الجميع توقعاته.. أشكر حبيبتي زيزفونة على تشجيعها لي.. وهذا شيء يشرفني .. وايضا اشكر نقاء الأرواح.. لأنها بادلتني رايها بكل مصداقية .. وهذا هو المتابع الصح..اللي يطرح رأيه بانتقاده كان او بـ مدحه.. عن نفسي أرحب بالجميع.. الجميع دون استثنآء ..! أتمنى الكل يشاركني..ويعطيني رأيه.. في انتظاركم .. =) | ||||
|
|
|
14-02-14, 06:02 AM
| #7 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ـــــــــــــــــــــــــ قبَل إبتدَاء هذا الوَعدْ التّالِي ، .. أريدُ أنْ أهمسَ لكلِ قارئَـ|ـه ... ! لستِ مُجبَرة على مُتابعَة هذهِ الرواية طَالما انها تُلهِيك عن " الصلاة " ..! ويُشّرفنِي أن تكُونَ من أولوياتِك في القائمَه هذهِ الرواية دُون التكّثبُ عن بعُدِ ونسيَانِ الفَرائِضْ ..! جميعَنا نعلم أنها مساحة يَشهقُ فيها الأبطَال أحداثهم ، ويَزفْرُ فيها القَراء ردُودَ أفعالهَم ..! نحَو هذهِ الرواية ..! نُريدُ أن نتَبادل الأدب ..ونَجعلْهُ من أوّلِ أولوياتُنَا .. أنا أرحّبْ بالجَميعْ ..الجَميعُ دُونَ إستثنَاء..! و علاوَة هذا فأنا أقرأ كل ردّ دُونَ إستثنَاء ، الناقِد والمادح ..! ولا أتجاهلُ من الردودُ شيئًا سِوَى " البعيد عن الأدب" ! لذلك فـ لتثقي بأني حتمًا أقرأ ردّك ..إن شَاء الله .. ! وسأبادلِك بردّ تحيّة ..! مســـآآء الخيـــر حبوبات..! أشكركم على المتابعة..وتسرني اعدادكم اللي بدأت تتكاثر.. وهذا ان كان ينم عن شيء انما ينم عن حبكم للإطلاع وتواجدكم العطر في كل مكان تكونون فيه.. اشكركم على التشجيع جميعًا .. وحبيت اقول للعضوات اللي يستفسرون عن موعد البارت.. البارت ينزل : الخميس_ الجمعة_السبت. ولو كنت فاضية بوسط الاسبوع انزله.. يعني على حسب الوقت..بس ماراح يمر أي اسبوع الا ونازل بارت بإذن الله..! ومن جد اشكر الجميع فعلا على تشجيعهم.. مشرفات المنتدى.. اشكركم على التشجيع.. العسولة وردة الزيزفون اللي تسعى للدعم دائما.. حبيت اشكرها من اعماقي.. والحبوبة خمر .. اشكرها لانها وقفت معي .. وتفاحة فواحة.. والمها.. وعذرًا ياقلب.. والحلوة اللي توها طالعة من البيضة شبيهة القمر <<عاد لاتعليق على التشبيه الصغنن..:$ وعضوات أخريات يتابعوني.. حبيت اشكرهم من قلبي .. واشكر المنتديات اللي بدأت تنشر الرواية.. شيء يسعدني..لاني لازلت ببداية البارتات.. واشوف ناس توقف معي..وان شاء الله كلنا نوقف مع بعض دايما أتمنى يعجبكم البــــــــارت..،، الوعَدُ الرابع . أحب أضيع مثل طيور تشرين .. بين الحين والحين ... أريد البحث عن وطنٍ .. جديدٍ .. غير مسكون وربٍ لا يطاردني . وأرضٍ لا تعاديني أريد أفر من جلدي .. ومن صوتي .. ومن لغتي وأشرد مثل رائحة البساتين أريد أفر من ظلي وأهرب من عناويني.. أريد أفر من شرق الخرافة والثعابين .. من الخلفاء .. والأمراء .. من كل السلاطين .. أريد أحب مثل طيور تشرين .. أيا شرق المشانق والسكاكين ... والأمراء .. من كل السلاطين .. أريد أحب مثل طيور تشرين .. أيا شرق المشانق والسكاكين ... والأمراء .. من كل السلاطين .. أريد أحب مثل طيور تشرين .. أيا شرق المشانق والسكاكين ... . . في بيت ضرغـــآم .. نزل من الدرج وانتباهـ لعيال اخته شوق.. ارتسمت على شفايفه الذابلة ابتسامة .. رتبتها اطياف الطفولة اللي تجلب السعادة في كل مرة .. فتح حضنه لـ رهف بنت شوق ونطت بحضنه وهي تبوسه في خده وتلعب في شنبه وعوارضه الخفيفة .. ابتسم لها وهو يتذكر حنينه لبناته .. احتضنها وهمس لها\وين امك ياورعة.. رهف\لاحت.. شوق وهي تدخل\أفا يالكذوبة انا اروح واخلي ورعاني.. ضرغام ابتسم\حياك يام هشام.. جلست جنبه\شخبارهـ شيخ الرياجيل.. ضرغام\الحمدلله.. شوق تمد له كوب العصير\تفضل وانا اختك سويته بإيدي لك.. ضرغام وهو يشرب منه\تسلم يمينك.. شوق بحب\ضرغام .. أبكلمك في موضوع .. وش رايك تسمعني ..؟! ضرغام وهو يشرب من العصير ثم رد\تفضلي هاتي ماعندك ..؟! شوق بتردد\اخوي انا عارفه ان قلبك ليا سألته عن الحزن فز لبيه.. بس وانا اختك لا تموت من الحسرة وتفجعنا فيك .. هذي إرادة الله واللي كتبه الرحمن بيصير.. وكتب ربك وصار.. واللي قدره ربك وشاءه فعل.. ضرغام وهو منصت\والنعم بتقدير الله.. شوق تكمل\وانت ياخوي محتاج منهو يقطع أحزانك..ويهون عليك.. وانا اختك حتى رب العباد بيسألك يوم القيامة عن عمرك .. وربك جوز لك ان تتزوج.. فأبي لك الخير ياخوي وانا بـ هالموضوع بتكفل.. لا يعلم ماشعورهـ الآن.. هل يتماشى مع أقوال شوق..؟! ام يتماشى مع قلبه..؟! الذي لن ينسى يوما ما أهله .. التفت لها وهو في حيرة\شوق اقفليه هالموضوع شوق بإصرار\وش له اقفل ياخوي صار لك 8 شهور ما سكنت اوجاعك.. ضرغام\الله على جبر الخواطر يعين.. شوق\وش قلت ياخوي ..؟! ضرغام بغضب\اقفلي الموضوع.. رجال وعقلي براسي متى مادخل هالموضوع مودي أجاريه.. ماهو بـ الحين بوسط احزاني تحفرين الجرح وتحركينه.. ترى يوجع وانا اخوك يوجع.. لكنه سمع مالم يتوقعه من امه.. حتى جحظت عيناهـ ألما وحزناً ... \وليه تقفل الموضوع ياضرغام.. نجلاء قبل تموت جتني بيوم وقالت لي .. لو صار فيني شيء يام ضرغام لاتقصرين فأبو عيالي وعيـالي.. يقولون المؤمن القوي يحس بساعته.. ونجلاء ماخابت ظنونها وربي اخذها لعندهـ وحفظها بعينه اللي ماتنام بالجنان.. وماعليك قصور ياضرغام شف طريقك وانا امك شف طريقك لا تحجر على نفسك..! ضرغام همس بضعف\هي قالت لك كذآ ..؟!! ام ضرغام\وحق الله علي قالت كذا وانا امك.. لاتحجر على نفسك دام رايتك بيضا وانا امك.. ضرغام\ماهي حجور..لكن جروح الزمن وش يداويها لا غدرت بي الويلات ..؟! ام ضرغام بحب\كفاك الويلات وانا امك.. لا تولول على روحك جعلني مالقى فيك فقدهـ .. ضرغام\سلومي ماهي بسلوم ضرغام اللي خبرك به قبل 8 شهور..! ام ضرغام\لاتهب الريح وانت مالك غصن وانا امك..بكرة تطيرك الريح لبلاد ذاريها..! ضرغام\عسى الله يخفف هالاوجاع.. شوق ابتسمت\اقدر أفهم انك موافق ..؟! ضرغام بتردد\لوقت ثاني وانا اختك.. شوق ابتسمت برضا وهي عارفة انه بتلين شوكته\براحتك.. أم ضــرغام حست براحة كبيرة .. كانت جالسة امامه على الكنب.. وتناظر فيه..وعيال شوق يلعبون.. كــآن منظره يكسيه الحزن .. عيونه ذابله ارتسمت فيها قسوة القدر مع الأيام .. وشفايفه تعلن عن الذبول ايضًا .. صوت القدر المؤلم رسمها بجمود على شفايفه يطلب منه تفكيك الزمن في هالملامح المنهلكة ..! شعرهـ ..شعرهـ اللي خصلات الشيب بدأت تكسوهـ .. واللي بعمرهـ مو كلهم بـالشيب مكشوفين.. ! ملامحه تعلن عن انكسارهـ ..انهزامــه.. حزنــه .. احلام بنــاها بالمستقبل.. بمهب الريح تطايرت بلا رجوع.. هذي هي الحياة وقسوتها.. يوم انها تهب المصايب مثل هبة الريح..تطيرك وين ماتذروك الرياح..! ماتدري وين محلك بالـ هالحياة بالضبط.. وضرغام ضحية أولى في مشنقة القدر هذي.. وشعورها كــأم مستحيل تقبل بـ هذا الموضوع.. بس ماراح تضغط عليه.. حتى لا يأثر على نفسيته.. حنــانها يغلب دائمــا على أي شيء آخر تجاهـ ضرغام.. مــاعندها الا هو ..وشوق.. كيف تتحمل أن يصيب واحد منهم أذى ..!!؟ مستحيل ترضى .. والله لو يرميهم أحد بوردة ترميه برصــاص..! وهو تحمل ماتحمل بجنوة الاقدار.. لقى نفسه تجاهـ متاهة ضايعة.. بعد ماكان ينقش القدر بأظافيرهـ .. صــارت أظافير القدر تنقش بقلبه .. وصدرهـ .. كل احاسيـــسه منخرطة في انقياد الألم.. لكن الانسان الواعي مستحيــل يمضــي على هالطريق.. مــاراح نقول ضرغام راح ينسى أهله.. ولكن راح نقول أنه راح يرجع ضرغام اللي قبل.. لأن الله يسأل العبد "عمرهـ فيما أفناهـ " ..؟!! فكيف يسمح ضرغام إنه مايلقى إجابة أمام رب العالمين.. هالشيء صعب وبمثابة حرب طائلة.. راح يعاصرها ضرغام.. وأمه مثل الاساس في البنيان.. لا انهد ضرغام هي تعيد تشييدهـ..وتحافظ على قوامه.. وهذي هي القضية اللي المفروض جميع الامهات يتفقون فيها ..وبـ هالنقطة بالذات.. ناس كثير يفقدون عيالهم بـ مثل حالة ضرغام.. ذكر او انثى انا ماحدد جنس معين..! لكن بعض الأهل يزيدوا الضغط عليهم من ناحية الإلحاح.. هذا شيء سلبي عكس النفسية المضبوطة اللي الكل يحرص على ان ينال عليها.. . . . فـــي بـــيت الجـــدة.. الـــساعة 3 العــصر.. كــانت توهـــا راجعــة من الجــامعة.. فتحت الباب وقلبها يرجف من الألم والحزن.. زعل جدتها بمــثابة مقتلة تاريخية بوسط عقلها .. طول ماهــي بالجامعة والدكتور يتكلم ماهي معــه.. مــاحد يقبل زعل أحد غالي عليه..!؟؟ فكيف بروحها اللي سكنت أعماقها جدتها ..؟! هذي معــاناة بحد ذاتهــآ ... وكل شخص مزعل أحد أو أحد زعلان عليه لازم يراضيه.. خير من لما يلقاهـ يوم القيامة ويواجها امام ربه.. ويشتكي له عن أحواله من هالعبد والله ينتقم منه.. الوعد كــانت خايفة من هالموضوع.. بس مو فقط من هالناحية.. لأنها عصيانها لجدتها بمثابة عقوق للوالدين.. ومنزلتها من منزلتهم.. ويجي يوم وتهدم بنيان جدتها بنته في اعماق شخصيتها وتكتب من العاقين.. , لا يـــارب .. لك اتوب وملجأي إليك.. لا تكتبني من العــآقين.. اللهم انك تعفو وتصفح عمن ظلم وأخطأ .. فــ إغفر لي يارب العالمين.. , . بعد مابدلت نزلت للصالة .. اللي كانت بتصميم خليجي هادئ وبسيط يناسب حالتهم المعيشية .. وجدتها ام ذياب كانت جالسة على الكنب وتسمع للراديو.. ومندمجة مع أخبار المسلمين بسوريآ وفلسطين.. ومن أعماقها ..! تدعي ان الله يفك اسرهم .. ويصلح حالهم .. لان حالنا كـ عرب من حال باقي العرب المسلمين.. وجدتها تحب التمر والقهوة.. قررت انها بنفسها تسوي لها القهوة وتجيب لها التمر.. حتى يعتبر كـ عقد للصلح بينها وبين جدتها.. توجهت للمطبخ.. وبدأت تسوي خلطة القهوة وجهزت التمر في صحن ورتبته بطريقتها.. ولما استوت القهوة حطت الفنجال اللي تشرب فيه جدتها دائما.. وتوجهت لها .. وبـقلبها حب كبير وامل في استلام عقد السماح من جدتها.. رسمت على شفايفها ابتسامة .. تحاول انها تخلي من وجهها اكثر بشاشة .. حتى يكون اسلوبها مع جدتها اكثر تجاذب وتقبل.. حطت أمامها على طاولة صغيرة قدام الكنب.. وسلمت على جدتها\هلا يــمه.. . . ناظرتها الجده .. هذي الوعد بنتي واعرفها.. بكل ماتحمله الكلمة حنونه .. إيه ياعذآري ظناك ماخابت علومه.. حنون على امــه ..حنون وقلبه يفجعه زعل مخلوق.. منين الواحد مايضحك لها ..؟! منين الواحد مايبتسم لها طول ماهي بهذي الحنية..؟! قلبها يخاف من زعلي.. وين اقدر ازعل وانا امك..؟! ابتسمت لها يوم سمعتها تقول لها\هلا يمــه .. الجده بابتسامة\هلا بزين المزايين الوعد.. الوعد كانت تناظر جدتها وكأن دموعها في حالة هطول.. صار لها 3 ايام ماحضنتها ولا تكلمت معها.. وهالشيء يفجعها .. لان طول ايامها بحضن جدتها.. كل يوم وهي تكلمها.. تضحك معها.. تعصب عليها.. تسولف معاها.. تجننها .. واليوم جى وقت زعلها.. وجى وقت انها تراضيها.. مسحت اناملها دموعها اللي شقت طريق الانصياع للرغبة في البكاء\يمــه ارخصيني اطلب منك السموحة.. الجده ابتسمت لها واشرت لها على حضنها\تعالي وانا امك.. انفتح لها الحضن الحنون.. المأوى .. والمرفأ .. المكان اللي وعدت نفسها ماتتخلى عنه.. مهما غدرت بها الظروف.. وعدت حالها ماتزعل جدتها.. حتى لو جدتها اللي خطأت عليها.. كل شيء ولا تفقد هالحضن.. اللي كله دفء وحنآن.. ارتمت فيه .. وباست راس جدتها.. وكانت في قمة سعادتها.. انها تراضي منهو زعلان منها.. وجدتها اللي فرحانة في الوعد\ارخصتك يمـه وهذا كرت السموحة بحضني.. الوعد بابتسامة\مــا أتحمل زعلك يمــه.. ثلاث ايام ماتكلميني..كأنها طلعة الروح..! الجده وهي تمسح على راسها\بسم الله عليك وانا امك.. بس يمـه انا يمكن لا قسيت من مصلحتك..أجل بنت بالعشرين تسوي هالتصرف ..؟؟! .. معاذ الله كان يقطعونها ورعآن العرب..!! الوعد\توبـه يـايمه.. الجده تناصحها\يمـه هزاع خليه مسند هالظهر لك.. لاطحتي بالقاع منهو يشيلك غير زوجك ..؟! صيري له القلب الحنون اللي يستمع له..هو راجع من غربة غريبة.. ويبي من يتكلم معه.. كاتم على نفسه وانا امك..يبي من يحضنه.. يفهمه.. الوعد انا ربيتك هالايام كلها عشان لما يرجع هزاع تكونين بعهدته بنت سنعه يرضاها زوجتن له وام لعياله .. صح ولآ لا وانا امك ..؟! الوعد بإنصات\صح يمــه.. عدل كلامك..! الجده\الله العدل.. يلا يمـه الليلة تزيني ولبسي عشآن هزاع بيجي يشوفك.. وبنتفق على اموركم .. من ناحية الزواج..! الوعد\طيب يمـه .. . . . في بـــيت أم هزاع..! وكانت الساعة مقاربة للساعة 8 بالليل.. وهزّاع أمــام المرآية واقف ينسف شمــاغه.. لجل اليوم بيروح لـ الوعد.. الوعد ..الطفل المشاكس اللي فضح نفسه في غضون دقآئق.. والقلب الحنون اللي يهآب كل شيء إلا ..الإعتذار..! رسم على شفايفه إبتسامة غريبة تحمل مغزى أغرب..! وأمام المرآة ..وهو يعرف وش معنى غرابة الوضع..! مستحيل يفكر بسطحية يوم من الايام.. ويستخدم أسلوب القسوة على قلب الوعد ..؟! إنما هو شخص مسالم جدًا ..! يعني من الغربة عرف كيف يبني شخصيته للأمام..! مو يبنيها بطريقة رجعية ..! لا تتناسب معه ومع كبر سنه ..! مستحيل يسخدم أسلوب العنف أو الضرب.. قصة وعودهـ مع الوعد لها مغزى غريب.. مغزى غامض .. للآن مانكشف.. راح تنكشف مع الأيام يـالوعد.. بس ما اطلبك الا الصبر.. الا الصبر.. والباقي سهل..! قصة رجوعي لـ السعودية.. ماهي قصة انتقام..! مــاهي قصة قسوة ..! مــاهي قصة شخصية قاسية ..! بل قصتي .. بصلابة شخصيتي اللي بنيتها بنفسي..! طول 15 سنة ..! طول هالايام والسنين.. وانا اعد الشيب ليا طلع.. ومنها ..كنت اعتمد لنفسي.. باقي من الغربة أثر يالوعد.. باقي من الغربة الكثير..! البيت مانفتحت كل استارهـ..! وأخاف بـ "غربتي" أفقدك..! . . بعدما أعطَى نفسه ابتسامة رضى .. أمام مرآة زجاجية الشكل..! عقد حاجبيه وهو يتنفس الصعداء.. ويكتم في صدرهـ .. آلاف الآلام التي سكنته .. يريد من دموعه ان تعود.. لكنها لن تهطل .. قلبه يطالب بالإستسقاء حتى تهطل دموعه ..كالمطر.. وتغزي قلبه .. وتغسله أيضًا .. لكن مطلبه كان بعيدًا .. أجل.. لقد عادت له الذكرى .. هناك .. حيث سجُون أوربَا وبريطانيا.. حيث كانوا يزجون العرب هناك.. كان يذكر أدق التفاصيل.. يذكر مهآبة السجون الإنفرادية والوحدة.. يذكر الجوع.. والعطش.. يذكر غرف التعذيب.. الصعق الكهربائي.. الضرب والجلد.. يذكر الحرق.. ويذكر أشياء كثيرة.. له رفاق مسلمين.. ودعوا هذه الحياة قبل عودتهم.. إلى ديارهم..! ضاقت عينـاهـ .. الذكرى من جديد .. ! على رقبته.. وسام من ضرب لن ينســاهـ..! لقد ضربوهـ في هذه المنطقة ..! لقد كان يقرأ القرآن للسجناء المسلمين هناك.. فلما سمعوا به .. كرهوا ذلك..! ليس لشيء بقدر ماهو حقدٌ على المسلمين..! سحبوهـ .. وضربوهـ.. وكبلوه كـالأسير المرتهن..! زجّوهـ بالسجن هناك.. السجن الإنفرادي.. ضربوهـ بالسوط الذي يضرب به كل السجناء.. بعدما انتزعوا قميص السجن .. لقد تشوه حين ذاك.. على صدرهـ وظهرهـ .. وبعضها على رقبته.. كان يقاوم ذلك.. ويترك الصرآخ.. لا يريد ان يضعف من أول الطريق.. كان يقاوم الإغمآء.. يقاوم كل شيء..! كل شيء وحدهـ .. دون أحد.. كيف ينسى ذلك ..؟!! . . خرج من المنزل وهو يحاول ابعاد هذه الذكريات..! لم يترك هذا الوضع يسيطر عليه.. وجه المفتاح الاتوماتيكي على السيارهـ .. فاستجابت له وهي تصدر الأضواء وتشق سرابيب الظلام..! فتح باب السيارة .. ! وضع يدهـ على جبينه وهو يقرأ بعض السور القرآنيه.. شغل سيارته .. أدار المحرك..! امتدت يداهـ للمرآهـ .. كي يحاول ان يجعلها بالإتجاه الصحيح.. لكن لفت انتباههـ شيء..! ليست عيناه .. بل هناك سيارة خلف سيارته.. تحرك .. وانطلقت خلفه ..! ربما كان يتوهم ..! يتوهم ان بريطانيا لازالت تلاحقه ..! هذا ليس مهمًا ..! سيتوجهه إلى " الوعد.." موعودته الصغيرة .. توجه بسرعة إلى الشارع العام.. حتى يحاول ان يكون في بر الأمان.. قطع الطريق العام.. واكمل طريقه.. بعدما ان ضلل السيارات.. , وتنفس الصعدآء..! , . . . في بيت الجده .. تواردت الأخبار .. عن قصة زواج الموعودين .. هزّاع .. وموعودته ..! والكل استبشر خيرًا .. مادام ان لـ الوعد ظل.. الجميع تُباغتهم الفرحة..! لأنه مفاجأة .. ! واليوم إجتماع الأهل رسميًا في منزل الجدَة .. وهو أيضًا سيأتي ليرَى الوعد.. . . فــي وقت الليل.. شهآب كان جالس على الأرض ويذاكر حق ولدهـ خالد انجليزي .. والجدهـ والخالات جالسين على الكنب فوق ويطالعون خالد اللي مو راضي يذاكر .. طبعًا خالد عمرهـ 10 سنوات ويدرس انجليزي في معهد لانه مايحب الانجليزي.. وشهاب يخاف يتعب قلبه معه.. وبما ان شهاب موظف في أرامكو .. يعرف يتكلم انجليزي..! بس ولدهـ خالد كل ماقال له كلمة .. مافهمها.. وعاد اليوم الحين هم ببيت الجدهـ .. وجالس بالصالة مع ولدهـ خالد ويذاكر له وولده متنح وماهو جاي يفهم\يــامن شرآ له من حلاله عله .. خالد بغضب\يــبه وقسم بالله من مساع وانت واتز از يور نيم.. قلت لك ماي اوولد از 10 وش هالطلاسم .. ماغير ترطن ترطن وانا اولدك خفف حمولك ..! شهاب فتح عيونه بوسعهم..! على هالتعب.. يسأله وش اسمك..! ويجاوب بـ عمره..! انقهر من ولدهـ اللي متنح .. وقال له\اسمع ياولد ان ماتذاكر ولا أحش رجولك حش..! خالد التفت على جدته\أم ذيبــو .. شوفي ولدك ماهو جاي يرحم عباد الله.. شهاب ابتسم لأمه\يــمه عطيـه ..عطيــه من عندك شوي.. رويه سنوعه قليل السنع..! الجده بتساؤل\عنبوك ياخويلد ابوك صار له ساعة يذاكر لك انشق حلقه معك وش له ماتفهم..!؟ خالد بقهر\وانا وش يعرفني بلغة الكفار.. انا حروفهم وبالموت حفظتها..عشان أقرقر.. والمشكلة كلهم سلاتيح وكلماتهم دلوعه مثل وجههم .. وات از يو ار .. تحس ان واحد ينازع وماهو بعارف يتكلم ..! شهاب بعصبية\بكرة لا جبت مستواك الزفت انا اوريك.. ! خالد بخبث\من جيبك يابو خالد تجيب الشهايد..! شهاب ضحك ورفسه\انقلع ماتخلي الواحد يكمل عصبيته..لزوم تسوي فينا هالعمايل..ولد اللذين.. ..التفت لزوجته مهرهـ اللي تضحك عليهم .. شهاب يغازل\مهرهـ يابعد هالقلب..تعالي ابطلبك طلبة وقولي لبيه..! مهرهـ بخجل\سم ..؟! شهاب بخبث\تعالي ذاكري حق هالورع .. مهرهـ بقهر\ماتكمل جميلك.. ام ليث\هههههههههههههه وانا اختك ليش حريت البنت .. خالد بخبث\ماهو بـ أبوي اللي علومه بالرومانسية زوينه.. ! لا تخافين ماهو بمثل بو ليث ام ليث تضحك بخجل\اسكت يالجني..مافيك الا تهايط.. خالد بتساؤل\يمـه ام ذياب الوعد وينها ماشفتها..؟! الجده\وش بتروح تناقرها ياخويلد.. خلها بيجي زوجها اليوم يشوفها..! خالد ضحك\ارحبو .. الحين تاز المشاكس صار هزاع زوجه..! شاهين\ان لله يا الوعد الله يصبرك..! خالد بخبث\ان لله يارهان الله يصببرك..! شاهين ترمي عليه علبة الكلينكس\وجع .. خالد يهرب\هههههه حيلهم بينهم...! . . إلا بـ خالد يرجع مرة ثانية\يبــه هزاع وصل.. الجده\خله يدخل.. البنات بيتغطون.. راح خالد لهزاع وناداهـ يدخل..! دخل الصالة ووصل لعمه شهاب وسلم عليه\يا مرحبا بـ هزاع..! هزاع بابتسامة\يامرحبا فيك.. شهاب\وش هي أخبارهـ الشيخ ولد الشيخ..! هزاع\الحمدلله يسر الخاطر والبال..! ابتسم وهو يسترخص ويسلم على جدته .. وعماته.. وبنات عمــاته..! الجده بابتسامة\الوعد فوق مابعد تنزل وانا امك.. روح للمجلس واخليها تجيك.. واجيك الحين انا وشهاب ونتفاهم على هالموضوع..! شهاب يمسك هزاع ويهمس له\ماعليك من امي .. بتقول لك انتبه للوعد ومن ذيك العلوم.. اسحب علينا ورح انت وزوجتك بطريقك.. هزاع ضحك\ههههه عموم تحرض على الشر وش تبا يجي منها..؟! شهاب فتح عيونه\اخس واعقب..! هزاع ابتسم\رح جيب حرمي المصون.. بسرعة ياشهاب.. شهاب ابتسم\مستعجل..! هزاع بخبث\يمكن آخذه واهج به..! ولي حق التصرف.. شهاب ابتسم\مو على فجعتي انا لا تحاول.. البنت اللي بتنفجع.. هزاع ضحك\ههههه ماهي بغريبة.. دخله للمجلس .. وجابوا له القهوة والفواكه.. واكل مع شهاب.. وكان يسولف معه لبين ما يوصلون..! رغم غربة 15 سنة .. بس ما أثرت بـ أصالته العربية.. لازال متمسك بـ الشماغ الابيض العربي.. والثوب .. والكبكآت .. ونسفت شماغه عجيبه.. تتلائم مع ملامحه .. رغم بعض ثغرات الشيب على شعرهه .. لكن الشيب مصيرهـ يضفي للرجل من الوقار شي... ابتسم لما شاف الوعد تدخل مع الجده.. بحكم انه اول مرة يشوفها كـ زوج لها .. وهي كاشفة.. . . سُبحانك ربي لا تضع في الخلق شيئًا الا ولك شئنًا فيه .. لله في خلقه شؤون .. ببساطتها ونعومتها .. كانت لابسة فستان سكري بسيط وعادئ جدا .. مرسوم على جسمها.. وكان قصير.. يتناسب مع اناقتها .. وهدوئها.. وملامحها الجذابة.. طبعه يحب الشعر الطويل.. والوعد شعرها طويل وهذا من جدتها اللي ماتسمح لها بيوم من الايام تقصه.. الفرحة والسرور كانت تكسي ملامحه اللي شافها شهاب فيه.. والرضاء بمظهر الوعد ..كل رجل يطمح بأن تكون زوجته مثل مايحب.. لفت نظرهـ بياض جسمها.. ووسع عيونها .. وكثافة رموشها.. فيها شبه من امها ..عمته عذاري.. طولها المتلائم مع جسدها.. كانت سعادة تعتليه بأن زوجته بـ ملامح ناعمة بغير مبالغة.. وبرزانتها ..جلست بهدوء وكل ملامح الخجل تعتليها.. الرجفة.. واضحة بشكل مبالغ فيها.. وابتسم لجدته يوم ان شافها ترجف.. أشر لجدته بعيونها .. بـ معنى خليها تهدأ .. كلمتها الجده بكلماتها الهادئة\الوعد وانا امك وش له ترجفين.. الوعد بخوف\..يمه طلعيني من المكان.. الجده ضحكت عليها\بنت..صلي ع النبي واستهدي بالله.. | ||||
|
|
|
14-02-14, 06:04 AM
| #8 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| . . أي بنت بمـكان الوعد بتخاف.. يوم انها دخلت ماكانت حاسة بشيء.. بس لما انتبهت لابتسامته.. تذكرت صلابة صوته.. وقوة شخصيته.. ارتجفت من قمة راسها .. لأسفل اقدامها.. أول مرة تحس بالهشعور.. ماكانت تتخيل انها راح تكون بـ هذا المكان.. ماعمرها شافت هزاع زين او احتكت فيه الا توها.. وشيء طبيعي الرجفة تلعب دورها.. لكن الرجفة وضحت بشكل مبالغ فيها .. ضحكت الجده عليها وهي تقوم وتاخذ موية .. وتسحب الوعد معها وتجلس جنب زوجها.. و مدت الموية لـ هزاع وهو تكفل بابتسامة وهمس\الحين انتي ليه ترجفين ..؟! وش شايفته يخوف فيني .. أعض يعني ..؟! عضت على شفايفها من الخجل وهي تلتفت عنه.. وتطالع في شهاب الا يبتسم بخبث لها ويحرك حواجبه بشكل أغاضها.. حست بهزاع يلف وجهها له ويمد الموية لشفايفها ويطلب منها الشرب\اشربي .. وفيه العافية يالوعد.. شربت الموية وبدأت تحس الوضع أفظل.. لكنه تمرد أمام شهاب حتى يهمس لها كلمة اخجلتها في اذنها.. ويمسك بيدها ويقبلها.. ويطلع من جيبه خاتم .. ويتوسط اصبعها الخنصر.. . . الجو بدأت تعتلي درجة حرارته شعور غريب.. كانت تحلم به أي بنت بالعالم.. تحقق حاليا للوعد.. بأن تشوف زوجها يلبسها خاتم .. يعبر عن عقد الحياة بينه وبين زوجته ..! ماتقدر توصف وش شعورها بالضبط.. هل هي مجرد سعاآدة ..؟! أو مجرد حيرة من أمرها .. أو مشاعرها مرتبة في غموض.. مرتبكة ..!! متشتتة .. في تفاصيل هزاع.. في وجهه .. في انتصاب انفه الشامخ.. في صرح جبينه الواسع .. اللي تتوسطه حواجبه الرجولية.. وعيونها الحادة .. رسمتها ياسبحان الله.. يبين فيها اصله وفصله.. البدوي من عيونه .. وهذا هزاع فضحته عيونه.. ابتسامته المرسومة على شفايفه.. المرسومة ومشدودة بملامحه الرجولية .. اللي مرة أخرى لازالت تنم عن صلابة شخصيته.. المقصود بصلابة الشخصية هنا مو القسوة.. الصلابه بمعنى قدرة تحمله وكبر مسؤليته .. اصبعها ..! شافت عليه وسم الزواج.. وسم المُلكية.. دبلة عقدت حياتها بـ حياته.. وخلت اسمها مرتبط بإسمه.. يدهـ .. أضعاف حجم كفها .. ضغط عليها بحنية بعد ما لبسها الدبلة .. . . مد لها خاتمه حتى تلبسه اياهـ .. لازال ينتبه لملامحها .. لازالت بعض ذرات الخوف فيك يالوعد..؟! لازال قلبك يرتجف مني..؟ واليوم عقدت حياتي بحياتك.. قومي ارفضي.. قولي لا مابيه.. قومي قبل لا يصيبك شيب مثل ماصاب راسي.. قومي اهربي.. قولي لشهاب مابيه.. هذا انسان مطلوب .. مسوين له تحجير في حياة صاحبه.. وبغمضة عين ممكن اروح.. قومي اطلعي يالوعد وروحي .. قولي لشهاب يوديك لبعيد.. لمكان نائي مايبحثون فيه عن هزاع.. تدرين وش بتواجهينه ..؟! تعرفين شنو بيسوون فيك ..؟؟!! , رسم على شفايفه ابتسامه.. ماراح يمنعها من الفرحة في ظل هالظروف.. ماراح يتكلم بـ اشيآء ويخوفها.. ماراح يكشف لها عن صدرهـ حاليا ويرويها وسم الغربة فيه.. على صدره.. واثار الضرب,, خطوات خطرة جدا في حياته.. دمرت انسانيته.. بشكل لا يصدق .. بشكل مبالغ.. أعياهـ الألم.. ماكان يبي يعذب الوعد.. لكنها جازفت .. كان لها القدرة على الرفض.. لكن مستحيل يدمر انسانيتها هي ايضا.. بأنه يطلقها.. أو يقسي عليها.. أو يعاملها بإسلوب شرس لا يتلائم مع عقلية واعية في مثل سنّه..! إبتسم .. وهو يلمح منها ملامح الخجل.. اللي زادتها نعومـه..وجمـآل.. وهو بـالحقيقة أصبح لا يقاوم لذتها العفوية في التصرف.. انتبه للجدهـ وشهاب يخرجوا من المكان.. الظاهر انهم فهموا ان هزّااع يبي يختلي بزوجته.. وله الأحقية في هالشيء .. كمطلب شرعي ..! . . ناظر عيونها وهمس لها\رفعي راسك.. الوعد بخجل حاولت ترفع راسها .. بابتسامة تكوسها ملامح التوتر.. ضحك عليها لما غمضت عيونها .. وخصوصا لما حست به يقبل جبينها وخدودها.. ارتجفت ..! ارتجفت بشكل مخيف..! ماتدري هل هي رياح القدر تنبأها ..؟! أو شيء آخر ..!؟ في بكرة خيط مجهولة.. ماتدري وش سرها..! وش سر هالخوف ..!؟ همست بضعف وخجل\وش سر هالمهابة يا هـزّاع ..؟! هزاع بابتسامة غريبة لها مغزى\قلبك بدآ يحس.. الوعد بخوف\أرعبتني..وش سرها ..؟! هزاع قبل يدها واحتضنها\انا معك.. الوعد بعدت بخجل عنه.. أول مرة تنحني لصدرهـ.. أول مرة تحس بـ الضلع اللي انخلقت منه.. الضلع المعوج.. أصله يعود لآدم كل حواء.. , رجعها لحضنه وهو يهمس لها\ليه تهربين..!؟ الوعد تموتها نظراته..لازم يخجلها بعيونه.. اللي مرسومة بنظرة حادة..! همس لها لانها الظاهر نست انها تتكلم وهو يضحك\نسيتي تتكلمين ..؟! الوعد بخجل\هزّاع..! هزاع وهو يشدها عليها بحضنه\هشش..مشوارك طويل.. الوعد بطلب\مـآبي حفلة زواج..! رفع راسها وهو يناظر لها\وش يمنعك ..!؟ الوعد بصوت يرجف\..مآدري.. ممكن تتفهمني ..! هزّاع ابتسم وابهامه لازال يتلمس خدها القطني الناعم\كنت بقول لك هالكلام.. بس خفت احرمك من حلم كل بنت تلافيه..! الوعد\لفيته.. هزاع بخبث\اجل يجوز لي شرعًا آخذك لبيتي ..! الوعد بغضب يلتبسه الخجل ايضًا .. ضربته على صدره وهي تهمس\بدينا بالمناقر .. هزاع يقبلها في خدها وينظر لعيونها ونظراته معلقّة في شفتيها..! ماتت خجل.. هذا الثغر يالوعد .. يقتلني..! هذا يالوعد.. يرجعني لـسنين لورآ ..! تقتلني سهامك.. ووعودك.. كل وعد .. ينسيني أنين .. وونين.. في وسط غربة غريبة.. في وسط ظلمة عجيبة.. في وسط وحدة عجيبه..! في وسط ليلة رهيبة .. في وسط طفلة مهيبة.. وَ ، ختمها بقبلها على شفايفها..! على ثغرها اللي ألذ انواع الخمور الحلال..! ولازالت ترجف.. بين يدينه.. تضعف بين يدينه.. تهاب صرحه الشامخ.. ظله الطويل.. ملامحه الصلبة.. والحادة.. مثيل سيل السهام.. مثل طلقة مسدس .. مثل صرخة عميقة واكثر من هالشيء.. والخجل.. لازال يلعب دوره في داخلها.. عضت على شفايفها من الخجل.. لمحت ابتسامته.. وهو لازال يكن لها نظرات الاعجاب.. وهالشيء اخجلها اكثر مما تتوقع..! كانت تظن انها لحظات وراح تنتهي..؟! لكن سبحان الله.. صفحة مرسومة مو ملونة... يوم ان جا هزّاعها .. لونها له بأجمل الألوان.. وكأن صفحة حياة ابتدت.. وضع يده على جبينها وهمس\اللهم ارزقني خيرها وخير ما جبلتها عليه.. واكفني شرها وشر ماجبلتها عليه.. . أمــام منزل أهل سلطان.. وبعد صلاة العشاء تقريبًا .. نزل وساعد غُزلان بالنزول.. انتبه لها حاولت تمسك يدهـ.. وهو شد عليها ومسك يدها واحتضنها.. وغاصت كفها في كفه.. بكفه الثانية.. امتدت للقفل.. وأدار بكت المفتاح.. واستدار معه.. وانفتح..! غُزلان وهي مغمضة عيونها وتستمع للصوت\انفتح الباب ..!؟ سلطان بحب\إيــه..سمي بالله ..وتيامني.. . سمت بالله..وسوت اللي قال عليه.. دخلت باليمين.. حتى يكتب لها الله خير هاليوم.. وتوجهوا للمجلس الكبير .. وجلسوا فيه.. مجلس مرتب وفيه اثاث خليجي.. الوانه زاهية وهادئة ومريحة.. وهذا شيء ينعكس طبيعي على شخصية الانسان.. أي الوان فاتحة مقاربة للأبيض.. لها تأثير ايجابي في بناء صفحات ايجابية..! لحياة الانسان ككل ..! , وسمعت صوت ام سلطان وهي تحييها\هلا بـ غزلان حبيبتي.. اشتقنا لك وقسم بالله .. بس معذور سلطان دام ان عندهـ قمر مثلك.. ابتسمت من تحت العُميَ .. وهي تهمس\انتي اجمل ياخالة.. وين البنات.. هبه .. وخلود ..؟! ام سلطان وهي تساعدها بالجلوس\هبـه وخلود رايحين السوق يجهزون لزواج ولد عمهم منصور.. بيرجعون بعد شوي..كيف انهن طالعين من العصر.. سلطان بحب\لوميها يام سلطان.. أم سلطان\وش الوم بنت"ن" ماتنلام ..؟! سلطان بلهفة\قلبي انساق ورا ضغونها.. ورا هالقلب.. اسمها منقوش .. مثل نقش الاسامي على الحجر.. ام سلطان\ماتنلام.. قلبك طاح وتولى غُزلان بخجل\يمـه ام سلطان المفروض سلطان الدوب تسوي له حجر في غرفته هنا .. وانا اروح عند اخوي رياض.. سلطان فتح عيونه وانتفض\اخس واعقب ..وين اخليك تروحين..وتوارين هالقلب..!؟ غُزلان بهمس\مـا اقدر فيك..! . التفت .! تجاه آخر..! ولكن أكمل لعنته بقبلة .. قبلة ساخنة على شفتيها.. كانت تظن ان والدته موجودة.. لكن وبـ الحقيقة،، أن أم سلطان غادرت لتحضر العشاء.. لكن لازالت تجهل ان كانت والدته موجودة او لا .. . . كان يضحك على تعابير وجهها.. كانت ترجف وتطالع .. لكن الأعمى طبعه مايشوف.. كانت تبي تتحسس وجود امه.. وبغضب ممزوج بخجل\ماتخلي وقت فايت الا وتسوي فيه اللي تبيه..! سلطان شدها لحضنه\وش اسوي ..تدرين بعلومي قلبي مايقاوم..يتهور ..! غُزلان بغضب\بس مو في وجود امك..!! سلطان ضحك بقوة.. ضحك من قلبه ..! على تفكيرها .. كانت تظن ان امه موجودة .. لكن بالحقيقة ام غادرت المكان.. وضحك سلطان اغضبها\تسوي سواتك ثم تضحك..مافي شيء يضحك لعلك الجرب.. احتضنها وهو يضحك وهمس لها بكلامه المعتاد.. اللي يتسبب في خجلها.. وهمس لها\أمي ماهي هنا..وبعدين لاسويت اللي اسوي حلالي.. غُزلان\لا ماهو بحلالك قدام الناس..في شيء اسمه غرفة ننطس فيه وسوي اللي تبي بخبث همس لها\يعني لاطرت بك غرفة هبه ولا خلود ولا غرفتي ..تجين ..!؟ غزلان ضربته على يده الممدودة حول خصرها حتى يبعدها عنها.. ولازال ضحك سلطان يتردد في اذنها وهمس\خلك جنبي..انا ادلك لمكان ماتبين..! . . . . . رجع لبيته الساعة 10 ونص بالضبط.. وقف على باب بيته.. جالس بجواله يراسلها على الواتس..! ولكن ..! ترك الواتس وهو يشوفه..! معقوله ولا انا في سابع احلامي..!؟ معقوله ولا الجنون اللي من الغربة يلافيني ..؟! هذا هو ..! هذا نفسه ..! هذا اللي قدم البلاغ..! هذا اللي تلاعب بـحياة مسلم.. وسلمه كـ قضية مكسوفة في شمس الغربة.. وكأن الرؤيا عندهـ ماتبين.. روح ..! ابعد..! لاتكون..! ماهو انت..! لاتكونه..! لا تجيني..! انا مو لـوحدي.. معي الوعد.. بتتمرد عليها..! بتتمرد على مشاعرها ..؟! بتسليمي مرة ثانية..! للغربة.. كـ معتقل..! ورهينة..! وسبي..! في ظل اليأس.. والظلم..والحرمان.. بترجعني لأيام منكورة..! لشـهادة وفاتي ..اللي وقعتها بخط يدك..! بترجعني لأيام مدفونة .. ! بتذيع خبر وجودي..! بعد ماملكت الاحقية من الجمارك..! بالخروج من حدود بريطانيا.. بترجعني لمنفاي.! حشا والله..! لاتكون.. روح بعيد.. لانك مابتسلم مني..! خاف على نفسك.. روح ..! . . توجه له بغضب.. ووجه يزفر الأهات.. ويشهق العثرات..! طريق صعب.. رسمته لي.. لم انسى ضربك ايها الجلاد..! لم انسى حبسك لي أيها المتهاون..! لم انسى كرهك لي..! لم انساك قط.. انها سجون بريطانيا.. التي يحبس فيها المواطنون المسلمون.. ويحرمون من ابسط حقوقهم.. وهذا المعتوهـ..والمتطفل.. كان يضرب المسلمين..بـ اسم الإسلام.. وفي الحقيقة هذا يخالف مقتضى الشريعة الاسلامية.. بل يباهتها بأشد الترهات..! , تقدم له وهو يناظرهـ.. ويمشي بنفسه ..! شافه مدنق لسيارته ..طايحة من جيبه اوراق.. واخذها يجمعها..! ولكن هزاع بادله كلماته بسخرية\حي الله حمد الفالي..! | ||||
|
|
|
14-02-14, 06:08 AM
| #9 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ـــــــــــــــــــــــــ ـــــــ قبَل إبتدَاء هذا الوَعدْ التّالِي ، .. أريدُ أنْ أهمسَ لكلِ قارئَـ|ـه ... ! لستِ مُجبَرة على مُتابعَة هذهِ الرواية طَالما انها تُلهِيك عن " الصلاة " ..! ويُشّرفنِي أن تكُونَ من أولوياتِك في القائمَه هذهِ الرواية دُون التكّثبُ عن بعُدِ ونسيَانِ الفَرائِضْ ..! جميعَنا نعلم أنها مساحة يَشهقُ فيها الأبطَال أحداثهم ، ويَزفْرُ فيها القَراء ردُودَ أفعالهَم ..! نحَو هذهِ الرواية ..! نُريدُ أن نتَبادل الأدب ..ونَجعلْهُ من أوّلِ أولوياتُنَا .. أنا أرحّبْ بالجَميعْ ..الجَميعُ دُونَ إستثنَاء..! و علاوَة هذا فأنا أقرأ كل ردّ دُونَ إستثنَاء ، الناقِد والمادح ..! ولا أتجاهلُ من الردودُ شيئًا سِوَى " البعيد عن الأدب" ! لذلك فـ لتثقي بأني حتمًا أقرأ ردّك ..إن شَاء الله .. ! وسأبادلِك بردّ تحيّة ..! مساء الخير عسولات كيفكم ..؟! واجد من القارئات يسألوني بتكملين ولالا ..لدرجة انهم يستطلبون مني وعود ويستوعدوني.. وحتى الرسائل .. يعتذرون من المتابعة خوف عدم الاكمال.. انا معكم في الخوف..وهالشيء يعقد ويجيب عقده .. وكلنا طفشنا من الروايات اللي تكون كاتبتها مبدعة ولكن ننصدم بعدم اكتمالها.. من هالناحية حبيت اطمنكم انا مسوية لي جدول مع الرواية.. بحيث اكتبها وانا في حالة ارتياح وتركيز ومن غير تشتيت ذهن ان شاء الله.. وان شاء الله راح أكمــــــــــل الروايـــــة وعندي هالحماس ولا زال .. لكن اتمنى من المتابعات يحطون محلهم بمكاني.. كنتـــي تكتبي لشـــيء ومتحمـــسة له .. وتلقين متابعات مايتابعونك.. هالشيء يقهر الكاتبات ككل.. انا للآن وضع المتابعات يرضيني كبارتات اولية.. واتمنى من جميع المتابعات خلف الكواليس الظهور..حتى نتشجع كلنا..بالعكس هي ساحة .. اقلها حطي راي يفرح الكاتبة ويسعدها..وماتوقع الجميع يبخل انه يفرح انسان آخر..كل رد داعم او ناقد يفرح.. انتي تدعمين اليوم..تلاقين الكل يدعمك بكرة.. واتمنى ماتبخلون علي.. . . . # زيزفونه جهزي خيزرانتك وحميها على النار .. خويلد حايس الدنيا بـ هالبــــآرت.. خمورهـ حبيبتي.. اظن انك مابتطلعين الا وانتي امبيرك واصل الف ..ههههه الله يعين الابطال على الدعاوي.. وحياكم الله حبوبات.. قـــراءة مـــمتعة ان شاء الله ...،، الوعــد الخَـــــامس يا وَطَـني ضِقْتَ على ملامحـي فَصِـرتَ في قلـبي. وكُنتَ لي عُقـوبةً وإنّني لم أقترِفْ سِـواكَ من ذَنبِ ! لَعَنْـتني .. واسمُكَ كانَ سُبّتي في لُغـةِ السّـبِّ! ضَـربتَني وكُنتَ أنتَ ضاربـي ..وموضِعَ الضّـربِ! طَردْتَـني فكُنتَ أنتَ خطوَتي وَكُنتَ لي دَرْبـي ! وعنـدما صَلَبتَني أصبَحـتُ في حُـبّي مُعْجِــزَةً حينَ هَـوى قلْـبي .. فِـدى قلبي! يا قاتلـي سـامَحَكَ اللـهُ على صَلْـبي. يا قاتلـي كفاكَ أنْ تقتُلَـني مِنْ شِـدَّةِ الحُـبِّ ! ..،،للأديب الشاعر أحمد مطر ،،.. . . تقدم له وهو يناظرهـ.. ويمشي بنفسه ..! شافه مدنق لسيارته ..طايحة من جيبه اوراق.. واخذها يجمعها..! ولكن هزاع بادله كلماته بسخرية\حي الله حمد الفالي..! . . هذا الصوت اللي اسمعه ماهو غريب.. ياما سمعته يصرخ بأذني.. ويـاما سمعته يلاهف بغربة .. ياما ضيعته ضياع الحي من الميت.. وياما سقيته من العلقم شراب.. وياما عطيته من الآهات عذاب.. ياما عيشت أحلامه كلها في سراب.. وتركته وحيد.. وبلايا أحد.. ووقعت شهادة وفاته.. أنكرت حياته.. عطيته ماعطى الديان ديانه.. لفيته لمكان نائي وبعيد.. تركته يتوجع بروحه.. يصرخ بروحه.. ضيعت شبابه.. ضيعت حياته.. ولازلته اسمع يناديني بـ حمد الفالي.. . . لف بصدمه لما سمعه يحيه.. انعقد لسانه.. وش يقول ..؟! يرد تحية ..؟ ولا وش يتكلم به.. لكنه بكل وقاحة تجرد أن يبتسم بسخرية ويرفع حواجبه بشكل يثبت اندهاشه\حي الله ولد الدحام.. هزاع بسخرية اكبر\رجعت للرياض...؟؟ رجعت وانت دنست أنوف البشر بالتراب ..؟! رجعت ياجلاد ..؟ رجعت ياللي ماعندك شيء غير الحقد تحاير به..!! . . كان يستمع لهزاع وهو مقهور.. ويحس به مشين وجهه له.. وماهو قادر حتى يناظره.. لكن هزاع في قلبه جرح كبير.. أساس جرحه المحفور حمد.. حمد اللي طين عيشته ووداهـ لبريطانيا اللي منعته من كل حقوقه.. اللي ماتعاملت معه بإنسانية.. مع ان عندهم جمعيات لحفظ حقوق الانسان.. استغرب ليه مادافعت عنه هالجمعيات اللي اعترفت بوفاته لمدة سنتين.. وظل شخص منكور بشهادة وفاة.. الى أن شاف صاحبه.."ستيف"..! اللي دافع عنه ومارضى له الشر.. كان حمد مستند على ظهر السيارة وهزاع واقف قباله.. يتكلم بكل أريحية .. لكنه مقهور.. مجبور يعيش في أقفاص الظلام.. مجبور يعيش مقهور مكسور الخاطر .. رد عليه حمد\وبقى عليك أثر هالغربة ياهزاع ..؟! هزاع بقهر\صدري وجسمي كله يندب سوطك اللي رماهـ الحظ العاثر عليك ..! حمد بسخرية\باقي الكثير ياولد ذياب.. هزاع بغضب\لو ما كنت ما احقر عباد الله واجهلهم بالاسلام ولا كان عطيتك من الزود زوده.. ولكن لابقى قلبك تناشده طيات القهر..امشي يمينك وقول الله واكبر .. حمد بتساؤل\الجمارك مو مصرحة انها تعطيك اذن بالخروج من حدود بريطانيا من سمح لك ..! هزاع بغضب\ماهو بشغلك .. حمد ضحك بسخرية\صح ماهو شغلي..العلوم يابو ذياب مايرخصها رجال..! هزاع باحتقار\لو ما العلوم مايرخصها رجال ولاكان ما ارخصت حمولاتن جت لك من بلاد المسلمين.. ماجلدتهم بالسوط ووسمت فيهم الغربة.. كان راح ينصرف ..! راح يبتعد ..ماهو بهذي العقلية "البسيطة" حتى يضيع وقته .. مع واحد لا يستحق ان يضيع وقته معه .. واحد مريض نفسيا.. كيف يفكر انه يحي عندهـ ضمير من اصله ميت.. باع دينه .. ربه .. والناس اللي حوالينه.. لجل شروة فلوس..! مافكر بوقفته وموقفه امام رب العالمين.. تجاهله في غمضة عين.. في مهبة ريح.. وقطع افكاره تصرف حمد المتطفل يوم انه مسك يده وهمس له\ماهو الملاحق ببريطانيا بس يابو ذياب باقي الكثير.. هزاع لف عليه بغضب وشال يده من فوق زنده وهمس\انثبر عن طريقي..هالحين ماني لحالي ومعاي بنت ناس مابي اضيعها في غير بلادها ..! حمد بسخرية\مبروك مقدما .. دفعه هزاع بقوة عنه واسنده على السيارة وخلى خد حمد اليمين لازق بالسيارة.. همس له بغضب\يمين بالله لو ادري انك مسوي شيء لجل تطين عيشتي لتدفع الثمن غالي.. دفع راس حمد بنافذة السيارة ودفعه عنه.. مشى يتجاهله وهو يعرف يقينا انه ماراح يتركه.. جرب هالتجربة مرة.. وهو من البداية عارف انه رجوعه للسعودية ماهي نهاية المشوار..! هذي نهاية البــداية فقط.. الايام ثقيله.. ايه ثقيله يالوعد.. والوعد الاول بالطريق ياوعدي .. جاي لك ما لاتتحملينه.. جاي لك ما لا يحق لك.. جاي لك يالوعد.. جاي..! . . . فــي الصباح.. وتحديدًا في بيت أم ضرغام..! كَانت الغرفة مخنوقة من الاضواء.. مافي شيء يدل على وجود النهار.. كان مسكر نافذته.. ومسكر الابواب.. ومسكر قلبه.. وعيونه.. عن كل شيء.. نايم وفي احلامه كوابيس.. كوابيس الحادث.. يتذكر .. يشم ريحة الدم.. يشم ريحة الفقد والرحيل.. ذكراهم..! لو انه حادث بسيط أبسط من اللي شافه.. ماكان راح يدخل في هذي الكومة النفسية ويتقوقع على نفسه.. لكن اللي شافه مو بسيط.. وخصوصا ان اهله كلهم راحوا ماعداه.. اللي ألمه..ولدهـ زيد.. شافه ينازع.. أي أبو يتحمل هالشيء..؟! شافه يضرب بيده الارض لان الروح في حالة خروج.. كان يناديه ويصرخ بإسمه لاتروح .. إلى أن شهق زيد بشهقة خروج الروح.. وطلعت روحه.. تعذب.. وأي شخص يشوف هالمنظر راح يتعب.. فـ كيف ضرغام.. اللي شاف ولدهـ ينازع.. كلهم أثروا فيه وعذبه فقدهم.. بس زيد.. شافه وهو ينازع.. كان بينه وبين ولده زيد.. عزرائيل.. اللي أخذ روحه .. وتذكر أشلاء بناته.. اللي تطايرت مع الحادث.. مركز التحقيق الجنائي.. كشف له عن حالة البنتين.. كانوا حاضنين بعض.. ومن هالحالة تطايرت الاشلاء.. والجمجمة في حالة انسحاق تام... نجلاء.. أم عياله.. اللي يحبها قلبه.. اللي كان مستحيل يبيعها لجل غيرها.. راحت.. ودعته.. بعدما شاف جسمها ينزف اكيال الدماء.. وش هالقلب ياضرغام وش هالقلب..! من يتحمل ..؟! . . دخلت أم ضرغام غرفته وكانت وضعية ضرغام في النوم غريبة.. نايم بشكل معاكس للاتجاه الصحيح للنوم.. وحاط المخدات على راسه.. وباين عليه التعب..اللي عابس بوجه عبوس.. توجه للنوافذ وفتحت الاستار.. وخلت الضوء يدخل.. مو حلوة انه يحبس نفسه في كومة ظلام.. مو حلوة انه يحبس نفسه في قضبان اكتئاب.. حست به يتململ من الضوء .. اللي وقع عاموديا على عيونه.. فتح عينه وسكرها مرة ثانية.. لما حس بالضوء يتغلغل داخل عدسته.. فتح عينه بقوة وحط يده امام وجه يصد الضوء وهمس\ يمـه يتعبني .. ام ضرغام بشقى من حالة ضرغام\وش له حابس نفسك من الضوء.. يتعبك لانك مجافيه.. قم وانا امك الساعة 7 ونص.. قم افطر ثم رح لشغلك..! ضرغام يطالع ساعته\مايحتاج فطور يام ضرغام..تأخرت على الشغل.. أم ضرغام جلست على السرير .. قام ضرغام الحمام يغسل ثم توجه للدولاب وبدأ يبدل وهو يكلمها\يمـه شوق بتجي اليوم..!؟ أم ضرغام\مادري عنها..بنتها رهف مريضة وراحت مع زوجها للمستشفى..! ضرغام بخوف\وش فيها رهف ..؟! أم ضرغام استغربت خوفه\نزلة معوية..! ضرغام\قلتي لأبو هشام ينتبه وهو يسوق..! أم ضرغام بتعب\يمه لاتخاف بو هشام بينتبه..لاتذبح نفسك وانا امك.. الله الحافظ ..الله الحافظ.. ضرغام سكت بصمت لدقائق.. يذكر جنان بنته.. جتها نزلة معوية.. وكان خايف عليها ذاك اليوم.. وكانت تبكي خايفة لانها تستفرغ .. وشعور غريب بالنسبة لها.. همس بحنين وتعب\لاتلومين هالقلب يايمه.. شقاي من شقا نفسن فارقت روحها..! ام ضرغام\العوض بالجنة وانا امك..الله يعوضك بمن ترعاك وتمسح الهم من قلبك..! ضرغام ينفي الفكرة\مشواري بعيد يمه.. بعيد..! أم ضرغام\ماهو اقرب مني ومنك..! ضرغام يقبل راسها\تبين شيء يمه..؟! أم ضرغام بتنهيدة تصاعدت الى اعماق السماء\ امسح الهم من قلبك وانا امك.. الله يمسح عنك كل همومك ضرغام ابتسم\الله يحفظك يام ضرغام..! قبلها في راسها مرة ثانية.. وانهى كلامهم بتحية.. طلع من المكان للدور الاسفل.. فتح الباب بقهر من نفسه.. الكل وراي يطلب مني السعادة.. وانا في شقاي..! يارب خاطري متكدر.. وش السوات يارب ..؟! الله يخفف عني كل هم داخل بـ هالقلب.. يارب ارزقني رضاك.. فرقاهم شيبني.. شيبني يارب..! . . . فـي بيت الجده.. الوقت كان ع المغرب.. كانت الوعد تذاكر مادة الإنجليزي..في الصالة وجالسة ع الكنب.. والجده قبالها.. الجده كانت تتابع محاضرات للشيخ محمد العريفي في القنوات لازالت مادة الانجليزي قاهرتها وراسها مصدع منها.. العلوم ماهي مثل قبل.. هالحين في هزاع.. وهزاع لعبها صح معها.. صارت تفكر فيه كثير.. وتسرح به..! ماكلمته من آخر مرة شافته.. مو عن شيء.. بس ماكان عندها الجرأة .. قبل لا يطلع قال لها انتي اتصلي.. لكنها ما تجرأت.. خافت والخجل أعياها.. صارت في حالة من الفهاوة.. وابتسمت ابتسامة فهاوة.. وهي تذكر لقائها مع هزاع.. كيف كانت ترجف من قلب.. اللي تذكره من صورته الواضحة..عيونه..! عيونه اللي نظراتها ترسم الحدة والثقب في ايام الزمن شفايفه المشدودة ..حواجبه المعقودة.. عوارضه ..وطريقة رسم الشنب في وجهه شخصيته الرزينة .. ماكانت هذي أول نظرها لهزاع.. تغير كل شيء في غضون أيام.. تغير كل شيء في غضون هالساعات اللي مضت بلقائها معه.. انتفضت بشكل مضحك لما سمعت صوت جدتها تناديها .. حطت اناملها على خدها اللي بدأ يعلن طاقة الخجل\نعم يمه ماسمعتك ..؟! الجده بضحكة\هههه ايه معذور هزاع لا قال بنتك مفهية.. الوعد باندهاش واستغراب\متى قال ..؟! الجده ضحكت\خلك في هزاعك...اسبوع ماكملتوا ومانتي بقادرة تذاكرين الوعد بخجل\غيري الموضوع يمه تكفين الجده\شهاب دق علي وقال بيمر علينا ونطلع المطعم معه ويازوجته وعياله.. الوعد نطت بفرح\صدق يمــــه ..؟!! يلا قومي يمة خلينا نروح.. مرت عند جدتها .. اللي مسكتها وقالت لها\بنت وين ..؟! روحي اخذي اذن من زوجك .. !! الوعد تبي تفلت\يمه خليني اروح ابي اطلع.. الجده\عنبوك روحي خذي اذن من زوجك.. كانت بتروح تلبس عبايتها.. ماصدقت تطلع من هالجو اللي بدات تعتليه الكئآبة.. لكنها صقعت فيه.. شافته واقف امامها وهو يضحك عليها.. شكلها مافهمت كلمة جدتها زين لما قالت لها"روحي خذي اذن من زوجك" ماكانت متوقعة ان هزاع موجود اصلا.. وان شهاب عازمه حتى هو .. ختم ضحكته وهو يهمس لها\من بدايتها عصيان يالوعود اللي تناديني غصب .. الوعد بخجل\..مـ ..مآتوقعت وجودك.. هزاع يحتضنها ويقبل وجودها\لو اسحبك من شوشتك محد يلومني..يالمطيورة ..! الوعد باستنكار\أنا مطيورة ..؟! هزاع بابتسامة\مطيورة ع الطلعة من البيت.. الوعد بتحلطم\الجامعة تنفخ الراس والواحد لاذاكر اكيد يبي يطلع عشـ... حط يده على شفايفها يمنعها من الكلام\تعالي عندي لك كلمة راس.. كان يسحبها معه للمجلس وكان مستغربة.. مو فاهمة تصرفه ابدا .. كان رجولها تمشي منصاعة له .. بينما هو يمشيها بيدينه \وش كلمة الراس ..؟! دخلها المجلس واغلق الباب .. اسندها عليه وهو يناظرها وكان يتلمس شعرها بيدينه.. عيونه معلقة بـ عيونها.. يالوعـــد ..هذي أول سهامك اللي صوبت هزاع.. عيونك.. هذي سهامك اللي حطمت هالقلب.. هذي سهامك اللي رجعتني سنين لورا.. عيونك..هذي اللي سحرت عيونها لجل ضيها.. ماقدر يهمس في هاللقاء ويعبر إل بـ\اشتقت لك..! الوعد بخجل كانت تناظره .. ومن أول وهي مو فاهمته.. بس عيونه..! كانت تحاكيها.. ماكانت فاهمة الكلام.. بس عيونها مستجيبة لتحركات عيونه.. همست بخجل\هزاع..ابغى اروح مع جدتي وخالي شهاب..! هزاع بخبث\ماراح نتأخر..! الوعد ضربته على صدره\هزاع.. ابعد .. ضحك هزاع على تفكيرها وقبلها في خدها\يلا اصعدي فوق ولبسي عبايتك.. شافها متنحة ومو عارفة وش تسوي همس لها \روحي وش تنتظرين..تروحي ولا اتهور ..؟! مااكمل جملته..الا وتهرب منه.. راحت بسرعة تسابق الدرج ..درجتين درجتين.. بسيطة جدا وأي شيء صغير يفرحها.. حتى لو يكون شيء بسيط.. القلب النقي.. دائما تحس بأقل الاشياء تفرحه.. وحركتها الطفولية بالفرح من اقل الاشياء .. يدل على نقآء روحها وصفائها.. ابتسم هزاع في وسط اطياف طفلة.. بدأت تأسرهـ شيء فـ شيء.. بس صارعه العبوس .. وعبس.. عقد حواجبه.. وهو يتذكر وش الجاي.. وش اللي فات.. يدري انه جايه الكثير.. بس راح يستقر مع الوعد في بيت.. راح تبتدي مشاكله.. وهذا يقينا حاس ببه ..!! مستحيل يتركونه يتهنى في حيآته .. الغرب..لاحقدوا على الشخص المسلم..حقدوا .. بلا رحمة.. بلا لطف .. بلا عطــــــــــــف !! .. انتبه لها نزلت ولبست النقاب وهي تهمس\هزاع ..؟! هزاع انتبه من سرحانة ورسم على شفايفه طيف ابتسامه.. مسكك يدها وطلع معها .. وناظرت الجده اللي ركبت سيارة شهاب .. وتركتهم على راحتهم .. . . . ~فدوة عيونك لو غدت روح مغليك وش عاد لو راحت لعينك عشاير~ كانت جالسة على سريرها بالليل وتبكي.. مو عارفة وش تسوي ..! بس تبكي مقهورة من حالها.. تبكي مقهورة من الوضع اللي عايشه فيه.. حست بسلطان متعلق فيها.. جاها تأنيب الضمير.. تبكين ..؟! مو هذا اللي تبيه يا غزلان ..؟! مو هذا اللي تبيه.. يحبك ..يتعلق فيك رغم عيوبك..! بالنهاية ماتقدرين تسعدينه..! ماتقدرين.. عميآء.. طول عمرك بتظلين عمياء.. وبتضلين الطريق.. ومحد يدليك الا هو .. ينتشلك من الظلام ويحطك بوسط احضانه.. أي بنت طبيعي بتحس بـ هالشعور .. ان زوجها بحاجة اكثر من اللي تقدمه.. فـ كيف بي انا .. عمياء .. ! اكتشفت حبه لي.. وصرح لي بحياة امه انه يحبني..! ولا اكبر راس يقدر ينكره ..! بس مقهورة .. لانها ماراح تعطي سلطان حقه وتوفيه.. زعلانه من نفسها .. لانها ماراح تدل الطريق حتى تسوي له مفاجئآت .. وتسعده بهدايا يحبها.. للحين تجهل وش القميص اللي لابسه.. ماتذكر شكله كثير من آخر مرة بـ الحادث.. وحنينها له يذبحها.. تبي تشوف عيونه وتهمس له بحبها له .. بي تعترف له بـ هالشيء امام عيونه.. لكنها انقطعت حبآل افكارها بصوت سلطان\شفيك ياقلبي ..ليه تبكين ..؟!! ماردت عليه ولكن دموعها زادت.. كان يظن اللي فيها من الدورة .. همس لها\غزلان ياقلبي صل ع النبي.. يعني مو أول مرة تجي لك ولا آخر مرة ..! غزلان مسحت دموعها\متى صحيت ..؟! سلطان احتضنها بحنان\من لما طاحت دموعك على وجهي ..! غزلان بخجل حاولت تمسح وجهه بيدها .. لكن حست به يقبل يدها ويهمس لها\وخالقي أحبك.. غزلان بدموع\...حرمتك من ابسط حقوقك.. سلطان بدهشة\ليه تفكرين كذآ ..؟! تراني مابي منك الا وجودك معي ويكفيني وزود الزود.. غزلان بعبرة\حرمتك حرمتك ..لاتنكر.. احتضنها وهمس\أبيك انتي ..والحرمـآن مني مو منك.. أنا اللي حرمتك عيونك.. غزلان وهي تحتضنه\أبيك انتي مابيهم عيوني.. سلطان ابتسم وهو يقبلها\نامي..الوقت تأخر وانتي لازلتي تسآهرين لجل صفحة اتفقنا نسكرها.. لاتنبشين بالماضي..الكلام باللي فات نقصان عقل.. غزلان ابتسمت\أحبك طيب.. سلطان\وانا احبك طيب .. أردف لها بخبث\تراك محلوة مع هالدميـعآت ياام دميعة..أقول نامي لا اتهور.. حس بها تتخبأ تحت البطانية من الخجل.. واحتضنها وهو يضحك... . . . قبل 3 ساعات في المطعم ..! دخلوا وحجزوا لهم غرفة جماعية .. لانها طلعة جماعية ..موحلوة يكونوا كل اثنين في حالة عزلة.. وخصوصا ان شهاب هو اللي عازمهم.. دخلوا لـ هالغرفة وجلسوا بـ 6 كراسي,, الجده وقبالها مهرهـ ..هزاع وقباله الوعد.. شهآب وقباله ولده خالد.. وكان الجو رايق وهادئ بالمطعم .. الجلسة حلوة لان السوالف تضحك مع خالد وابوهـ شهاب.. خالد يفتح المنيو وبتحلطم\وش هالطلاسم ..؟! اعوذ بالله مـآنززل الله بها من سلطان..وين ماروح عنقليزي.. شهاب يرفسه من تحت الكرسي\فشلتنا قدام استاذذك يالثور.. يسألك بالانجليزي وين كتابك ..رديت عليه هندي يالباكستاني..!! هزاع ضحك\هههههه وش قال ..؟! شهاب بقهر من ولده\رد عليه انا في دور دور في بيت انا بس مافي يلقى.. يقول المدرس للحظة شكيت اني شغالة من مكتب الاستقدام.. مات ضحك على تعبير خالد.. صح طفل بعمر 10 سنوات.. بس عليه حركآت فرعونية مطير عقل ابوهـ .. مجننه خصوصا في الانجليزي.. بس يدري ان شهاب كل شيء ولا يصيب خالد أي اذى .. مستعد يفدي ولدهـ بروحه.. بأي شيء .. لأنه لون حياته هو ومهرهـ وزينها.. صح عليه حركات..ولكنه يظل الولد المقرب لهم.. وخصوصا انه البكر.. وهالشيء موجود عند كل الناس.. الولد او البنت يلونون حياة امهم وابوهم.. ويخلونها جنة بعد ما كانت الحياة روتينية.. يجيهم من يكسر الروتين.. . . التفت خالد لهزاع\هزاع وانا ولد عمك أباك بكلمة راس..قرب اوذيناتك >>يعني أذنك.. هزاع ابتسم له\سم يارجال..؟! خالد وهو يحرضه\ورا ماتعلمني هالكلمة بالعنقليزي..يعنني بصدم ابوي واني اعرف بس من تحت القاع لين حلقمه.. هزاع ناظر الكلمة وكانت اللائحة عن المأكولات الحارة..همس هزاع بأذن خالد\الكلمة سبايسي.. خالد ابتسم لهزاع ومد له كفه\حياك ونشكرك لخدماتك العامة.. والله انك مواطنن صالح عساك تدخل المريخ وتطلع من زحل وتروح للجنة يارب.. ضحك هزاع عليه .. هالولد مجنون.. من جد .. ما ينلام شهاب لو كفخه من اليوم لباكر.. بس شهاب قلبه يحن بسرعه ومايدعيه يضربه.. ولدهـ ونطفه منه .. ويرسم البسمة ع الجميع.. مزوح خالد يجيب التفاؤل .. وغالبا مايضفي عليهم البسمة.. صح ساعات يخورها بالمزوح لكن امه وابوهـ مايخلوهـ .. على طول ينبهونه..لكنهم مايمنعونه عن المزوح.. من يومه يحب يمزح ويناقر اللي حوالينه.. . . خالد ويسوي فيها انه الفاهم بالانجليزي\يبه جيب لي واحد سبايسي..ولامي ام ذياب بعد 2 سبايسي.. شهاب ابتسم لانه قال كلمه من راسه بس هم زاحف بعده هالولد..يفكر ان السبايسي وجبه اسمها كذا.. لكن سبايسي اسم عام للوجبات العامة.. خالد نفخ ريشه\وش له تطالعين ياشهاب..ماهو عاجبك عليم اللغة الدافور خالد الدحام.. شهاب ابتسم بدهشة\لا ولا يغرك ياولد العرب عليم ..بس يمين بالله انك مزلط هالكلمة من هنا ولا من هناك.. خالد بكذب\لا العلم ينبع من تلقآء نفسي.. الوعد ضحكت عليه وقالت بتفتن\كذووب ..هزاع هو اللي معلمه.. هزاع ابتسم يناظر الوعد\ماتتركين الاسرار بيني وبين خالد..لزوم الفضايح.. الوعد بتحلطم\لاتقصون على خالي شهاب جعل مايمس شهابه النار.. شهاب طالع خالد\اقول انا هالكلمة ماتطلع من فم خويلد..ياباكستاني ولا مايتكلم بسناعة.. الجده ضحكت\ههههه مهرهـ ولدك يبي له قلب عشان يتعلم هاللغة.. خالد بخبث\بالله يام ذياب كانك تعرفين حرف بالعنقليزي يمين بالله اعطيك مية ريال.. الجده عصبت\انقلع انت وشوشتك انا ماني قايله لك تحلقها.. شهاب ورا ما قصيت شعره هاللي شـ طوله ورا عـلومه صايرن كأنه بنت.. خالد ضحك\هههه اقول يام ذياب ادري بعلوم التحويلة السريعة على شعري.. لكن بتلاحقك علومي على هالعنقليزي.. شهاب\انا مسلم امري لله واطلبه الصبروالعوض بالجنة.. لاني عارف ان خويلد لغته تعبانة.. هزاع\يبي له دورة في معهد بيرلتز..ماشاء الله بالرياض معاهد كثيرة..دخله واحد منها.. شهاب\ماهو براضي..اكت من هالجيب على الفاضي.. خالد واذنه معهم\ورا هالغيبة..أيحب أحدا ان يأكل لحم أخيه ميتا.. شهاب بقهر من ولده اللي فاصل\عنبوك وين الغيبة واحنا قدامك.. هزاع ضحك\ههههههه الله يعلقك ياخالد ولد شهاب..ارفق وانا ولد عمك بأبوك.. تراهـ بيجيه انفصام بالشخصية بسببك.. خالد\ارفق بتاز المشاكس حقك..هالحين تعقل ولا قبل لاتجي تسونامي بالبيت.. الوعد بتحلطم\لاتطريني الا بالجميل ولا بقلع عيونك قلع.. هزاع ابتسم لها وهمس\كل فضايحك عندي الوعد بخجل وغضب\مــآتخلون علوم للنساء يالرجال.. هزاع \ههههه هذا الجميل مردودهـ باكر لا صاح بك حظي وانا مغليك.. الوعد بخجل\هش ورا علومك لاتخورها.. هزاع ابتسم\ماتحمل..عشانك ماهو عشاني السكوت.. . . في بيت ابو ثنيان.. الساعة 8 ونص دخلت الدانة بعيالها سلاف ومحمد.. وعلى الطول للصالة.. وكان موجود ثنيان جالس على الواتس.. وشاهين جنبه تذاكر انقليزي.. ابتسمت شاهين بفرحة لما شافت عيال اختها جوا لهم .. حضنتهم بقوة وهي تضحك\ياقلبي عليكم ..اسبوعين ماشفتكم يالنحيسين.. سلاف\تلوحي معي الالعاب.. شاهين بطفولة\ايه الوح الوح يابعد هالقلب..واخلي خالـوو ثـنيان يودينا.. وحمودي العسل وش يبغى..؟!! محمد\أنان .. شاهين ابتسمت\وش انان..؟! ثنيان وهو يضحك\انان ..شوفيها بالدكشنري..قاموس اكس فورد تحصلينها بها.. الدانة ابتسمت\اها عن ولدي حمادهـ بعد أمه.. شاهين تطالع اخته\ترجمي ترجمي وش هو أنان..؟! الدانة\هههههه ماخبركم ببنت عمته اسمها حنان يموت فيها.. شاهين بقهر\حمني..الحين انت جاي لخويلة ..وش له تطلب عماتك ..؟! شافته يروح عنها وهو يحاول يمشي.. عمره سنة و9 شهور..ويلقط كم كلمة..يعني عنده دهاء وعنده قدرة على الكلام.. لكن قدرته بالكلام بسيطه ..يقول الكلمات البدائية للطفل.. يعني مثل الاسماء ..بس اكيد لكنة كلامة مكسرة نوعا ما كونه طفل فصغون.. شاهين بحب\يجوز أكل هالطفل صح ..؟! ثنيان\وحش ماهو بآدمية ياشاهين..الله يعين عيالك يارهان.. شاهين بخجل\وش له تعاير..؟؟ وبعدين انا اعشق الاطفال.. ام ثنيان\ابو علومك ياللي تعشقين الاطفال..يوم كنتي بالثانوي عطيتك بنت صاحبتي يوم عزمتها .. ولا دخلت عليك الغرفة الا وانتي تصفقي بها..عنبوك كنتي شوي وترقعينها بالجدار.. شاهين بدهشة\صدق يمه انا اسوي كذآ ..؟! ثنيان يضحك عليها\هههههههه اخاف تدعسين عيالك..ولا تحشرينهم بالزاوية.. بس رهان مابيخليك..بيحش رجولك حش.. شاهين\مستحيل..أطفآلي.. ثنيان يقلد عليها\...يآي..أطفــآلي.. الدانة ضحكت\ههههه ماهو لايق ياثنيان الخشن مايترقع.. >>بتساؤل>> يمه متى حددتوا ملكة شهونه ..؟! ام ثنيان\على انه نهاية الاسبوع ..بس ماهو جاي الخبر من اهل المعازيم.. الدانة\كان كلمتي خالتي ام هزاع..الوكاد انها بتأكد عليك.. ام ثنيان\هذا انا قايمة بتأكد هالحين..>>بتنبيه لشاهين.. كملي مذاكرة ياشاهين لا يطير عقلك برهان ماهو بحولك هالحين لاصرتي ببيتك سوي اللي تبين.. ماتت خجل من كلمة امها لها وراحت فوق غرفتها حتى تذاكر.. لان المادة يبي لها شوي.. . . . خارج المطعم.. بعد ماتعشوا ودفع لهم شهاب وهزاع الحساب.. مسك الوعد وركب معها السيارة.. كان يسولف معها في هذا الجو .. الظاهر ان عزوم هزاع خلاص راح ياخذها بعد كم من يوم لبيته.. بس لازم يجبر خاطرها بحفلة بسيطة بينه وبين اهله.. حتى تكون عندهم ولو ذكرى.. ومايضمن حياته لها.. في له بـ هالدنيا 3 خيارات.. الموت.. او الغربة.. او الوعد.. ومستحيل يكون مطلبه غير الوعد.. قلبه تعلق.. ويسار صدره يطالب برحيل ذكريات الغربة.. وبناء صفحة جديدة.. وأيام أكثر همة وسعد بالنسبة له.. راح ينجب منها اطفال.. راح تكون زوجته وام عياله.. حلمه مثل ماهو حلم ككل رجال عرببي.. . . لكن ..! سيارة اخرى من جهة الوعد.. أتت مسرعة.. مشخصة عن تعمدها للحادث.. ومن الواضح ان الحادث معتمد.. رغم بساطته .. الا ان هزاع اشتاط غضبا.. من سمح لهم بالقدوم.. لقد خرجت من حدودهم وجماركهم.. ماللذي يرخصني حتى أعود..؟؟؟! أو يعودون حتى ..!؟؟ خرج من سيارته.. ولكن الصَدمة أن !!! | ||||
|
|
|
14-02-14, 09:02 PM
| #10 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ـــــــــــــــــــــــــ قبَل إبتدَاء هذا الوَعدْ التّالِي ، .. أريدُ أنْ أهمسَ لكلِ قارئَـ|ـه ... ! لستِ مُجبَرة على مُتابعَة هذهِ الرواية طَالما انها تُلهِيك عن " الصلاة " ..! ويُشّرفنِي أن تكُونَ من أولوياتِك في القائمَه هذهِ الرواية دُون التكّثبُ عن بعُدِ ونسيَانِ الفَرائِضْ ..! جميعَنا نعلم أنها مساحة يَشهقُ فيها الأبطَال أحداثهم ، ويَزفْرُ فيها القَراء ردُودَ أفعالهَم ..! نحَو هذهِ الرواية ..! نُريدُ أن نتَبادل الأدب ..ونَجعلْهُ من أوّلِ أولوياتُنَا .. أنا أرحّبْ بالجَميعْ ..الجَميعُ دُونَ إستثنَاء..! و علاوَة هذا فأنا أقرأ كل ردّ دُونَ إستثنَاء ، الناقِد والمادح ..! ولا أتجاهلُ من الردودُ شيئًا سِوَى " البعيد عن الأدب" ! لذلك فـ لتثقي بأني حتمًا أقرأ ردّك ..إن شَاء الله .. ! وسأبادلِك بردّ تحيّة ..! مســـــاء الخير أحبتي في كل مكـــــان.. لقد اتسعت سفينتنا وازداد ركــــــــابها.. وعلى متن هذا المركب .. رأيت متــــــــابعات يستحقون الذكر .. وحتى لو ذكرتهم لن أوفيهم حقًا.. اتمنى من الجمــــــــيع الركوب فلا زال المركب يتسع للكثير وسيتسع بإذن الله.. الخوف من عدم إكمـــــال الرواية اصبـــح هاجـــس يشغل الجميع.. لاتقلقوا أحبـــتي..طالما أني بدأت الرواية بهذا الحمــاس لن يتوقف طالما أنكم تتابعونني كاشفيـن الأستار.. ها نحن نصل للوعد السادس.. وانا في قمة السعادة طالما ان هنــــــــاك من يتــابعني وبشغف.. وتسرني متابعتكم .. قراءة مـــــــمتعة للجميـــــع ... الوعــد الســـادس .. كُنتُ في ( الرّحـْمِ ( حزينـاً دونَ أنْ أعرِفَ للأحـزانِ أدنى سَبَبِ ! لم أكُـنْ أعرِفُ جنسيّـةَ أُمّـي لـمْ أكُـنْ أعرِفُ ما ديـنُ أبـي لمْ أكُـنْ أعرِفُ أنّـي عَرَبـي ! آهِ .. لو كُنتُ على عِلْـمٍ بأمـري كُنتُ قَطَّعتُ بِنفسي ( حَبْـلَ سِـرّي ) كُنتُ نَفّسْتُ بِنفسي وبِأُمّـي غَضَـبي خَـوفَ أنْ تَمخُضَ بي خَوْفَ أنْ تقْذِفَ بي في الوَطَـنِ المُغتَرِبِ خَوْفَ أنْ تـَحْـبـَل مِن بَعْـدي بِغَيْري ثُـمّ يغـدو - دونَ ذنبٍ – عَرَبيـّاً .. في بِلادِ العَرَبِ ! الختـان : ألبَسـوني بُرْدَةً شَفّافـَةً يَومَ الخِتانْ . ثُمّ كانْ بَـدْءُ تاريـخِ الهَـوانْ ! شَفّـتِ البُردةُ عَـنْ سِـرّي، وفي بِضْـعِ ثَوانْ ذَبَحـوا سِـرّي وسـالَ الدّمُ في حِجْـري فَقـامَ الصَّـوتُ مِـن كُلِّ مَكانْ أَلفَ مَبروكٍ .. وعُقبى لِلّسـانْ ! ،،..للأديب الشاعر أحمد مطر ..،، . . خارج المطعم.. بعد ماتعشوا ودفع لهم شهاب وهزاع الحساب.. مسك الوعد وركب معها السيارة.. كان يسولف معها في هذا الجو .. الظاهر ان عزوم هزاع خلاص راح ياخذها بعد كم من يوم لبيته.. بس لازم يجبر خاطرها بحفلة بسيطة بينه وبين اهله.. حتى تكون عندهم ولو ذكرى.. ومايضمن حياته لها.. في له بـ هالدنيا 3 خيارات.. الموت.. او الغربة.. او الوعد.. ومستحيل يكون مطلبه غير الوعد.. قلبه تعلق.. ويسار صدره يطالب برحيل ذكريات الغربة.. وبناء صفحة جديدة.. وأيام أكثر همة وسعد بالنسبة له.. راح ينجب منها اطفال.. راح تكون زوجته وام عياله.. حلمه مثل ماهو حلم ككل رجال عرببي.. . . لكن ..! سيارة اخرى من جهة الوعد.. أتت مسرعة.. مشخصة عن تعمدها للحادث.. ومن الواضح ان الحادث معتمد.. رغم بساطته .. الا ان هزاع اشتاط غضبا.. من سمح لهم بالقدوم.. لقد خرجت من حدودهم وجماركهم.. ماللذي يرخصني حتى أعود..؟؟؟! أو يعودون حتى ..!؟؟ خرج من سيارته.. ولكن الصَدمة أنه رأى الجماعة نفسها التي اعتقلته في بريطانيا ..! نفسها تمَامًا .. رجال بريطانين بملابس مدينة .. ويرأسهم الشيطان الأكبر حمــد .. السفاح المتنقل.. الذي سبب له مواجع كثيرة.. لما يلحق به ..؟! مالذي فعلته إلى هذه الدرجة سوى انني رفعت قضية عليهم ..! أ وليس من حقي ..!؟ لما يفكرون بأذية الوعد .. لما يجرأون على ذكر الذكريات الميتة .. الذكريات المسحوقة في قوالب مغلقة ..! . . لف لجهة الوعد متجاهلهم .. وكل خوفها عليها .. مستحــيل يـــسمح لــهم بأنهم يستخدموها كـطعم لهزّاع .. مســــحيل يضــــحي بهـــا .. مـــاهو عقـــله براســــه .. رجـــال كبيـــر .. فــــاهم الدنيـــا ..ولاعبــــها صــــــــــــــح .. عشـــــــــــان يجــــــــي واحـــــــد مثـــــــل حمــد.. ينـــــاشب هــــزاع بــــحرمته..! ليـــــــش ..؟! مــــن تكون أنت حتى تلاحقني لجل مطالب تسليمية ولا هي قانونية ..! ماهي من سلومنا ولا علومنا ..! هذي حرب ياحمـــد .. حرب ..! فتح سيارته وهو يهمس للوعد\الوعد صابك من الضيم شيء..؟! الوعد بألم\رجلي تعورني.. دنق على رجلها .. رفع عبايتها من جهته بحيث مايشوفها الا هو.. شاف ساقها كيف صار ازرق من الحادث.. ماصابها شيء غير ساقها.. اللي تلونت بألوان الألم.. بس هذا هين لـ البعيد يالوعد.. هين أمــامـــه..! تلونت ملامحه بالغضب .. همس لها\بروح أتفاهم مع الجماعة..ماراح أبعد.. الوعد بخوف\هزاع لا تبــعد رجيــتك لله لاتركني لــوحدي.. هزاع وهو يشوف سيارة شهاب وقفت جنب سيارته\لاتخافين.. شهاب هذا هو وصل.. بروح أتفاهم مع عيال الكلب وارجع لك.. هزت راسها بخوف.. وش صاير لهزاع ..؟! ليه تغيرت ألوانه..! وش صار ووش مضى ..؟! ليه مــاتكلم.. قلبي نــآغزني وحاسة انه وراهـ المصايب.. حـاسة انه فيه شيء مايفصل عن الشر الا شعر ونين.. هزاع مصيوب قلبه بسهام الجراآح.. واضح من عيونه انين.. واضح من عيونه سبايع كلها اجتمعت فوق قلبه.. الغربة وراها مصايب .. إيه وراها مصايب ما أرخصوها لهزاع.. نايم بغربة غريبة ..صدق من قـآل غربة غريبة..! وشكلي بتزوجه غريب.. وطول عمرنا بنظل غربآء.. هذي ماهي علوم واحد ماله دخل بهزاع.. هذول جمـــاعة يبون هزاع.. ومو كلهم سعوديــــين..! مو كلهم سعوديين..! . . انتبهت لهزاع يبعد عنها..وشافت سيارة شهاب موجودة جنبها وخالد جالس ورا مع الجده .. وحست به مقهور .. لان ابوهـ معصب.. وهزاع معصب .. وحالفين بيقلبون هالدنيا عاليها بـ واطيها.. راح بغضب لحمد ومسكه من قمة ثوبه وبغضب\لا تشهر سيف التحدي ياحمد.. لان انت الخسرآن ..! حمد يبعد عن هزاع ويلكمه بعصبية\انت مطلوب..مطلوب ياهزاع ..وغريب غريب.. مانت بغريب عن بريطانيا .. الغرايب عوضوك بفلوس وعطوك الجنسية.. ليش تروح وهم طالبين منك ورقة توكيل بعدم الخروج من الجمارك.. هذي قضية دولية ..ماتوقف برجعتك للسعودية..بيننا وبينك وعد على أراضي بريطانيا.. انت أخليت بشروط الجنسية..وكل ناشطي الحقوق ببريطانيا مايعطونك الأحقية دون موافقة الحدود من خروجك..! ضربه هزاع وأعاد لكمه وهو يصرخ\هذي حــــرب يـــاحمـــد..حرب بيني وبينكم.. ماتهجدها ريح .. ولاتطويها غمايض العيون.. ومعي شخص موعود في ذمتي تبون تغربونه معي..! . . كان يســـتمع مصدوم..! فاتح عيونه بـ لاتصديق..! وش هاللي يقوله هزاع ..؟! ووش اللي يقوله هاللي اسمه حمد .. وش بلاهـ هزاع حتى يطالبونه ..! وش يبون منه هالرخوم ..؟! وش له هالجمايع تجمعت..! وش صاير لك ياهزاع ووش علومك وانا شهاب.. قول وش صاير.. وش له المضارب .. ؟! وش له يتخانقون ..! معقول عايش بنكران.. معقول عايش بجحود ..معقول عايش بين سفاحين ..!؟ ومحد درى عن هوا دارك ..؟! توجه لهم بغضب وفك مابينه وبين حمد\وقفوا هالمضارب فضحتونا قدام العرب.. هزاع بغضب وهو يهدد حمد\اما رجعت عند عيال تداريك..ولا مانت برابح غنيمة هالحرايب.. حمد بعصبية\رابح هالغنيمة..ومصيرك ترجع ياهزاع..مصيرك ترجع.. هزاع بغضب\انت يالرخمــة تهدد برجوعي..ماهو ناقصني غير الرجوع حتى يشيب راسي فوق شيبه .. شهاب بصراخ\بسكم ياعيال النعمة..وش بلاكم تهددون بعض.. وش اللي صار وش هي العلوم.. حمد بسخرية\وراهـ ما علمكم وش مسوي ببريطانيا.. هزاع بقهر\انا ماسويت غير اللي يرضاهـ ربي..اما غير فلا تنطق..! شهاب بغضب على حمد\انت موضوعك ماهو بيد هزاع ولا هو بيدي.. حسابك بالشرطة.. هزاع بحقد\شهاب اتركه عنك..لو تدخله من اليوم لباكر للسجون ماتركته بريطانيا وطلعته من السجن من يومـه.. >>التفت له بغضب<< وش له تضر بنت الناس دامها زوجتي ..؟!! وش له تفك جروح وتخلي علوم الرجال بحريمها ..؟! حمد\حذرنــاك يابو ذيــآب من رجعتك لـلسعودية مـاتواريت عن القيل والقال.. هزاع بقهر\ماهو نقاشي مع ناس ماتفهم .. مشى عنه مثـــل العصـــف المقــــهور..،، مشـــيت عن ديـــارهم لفيــتهم..ورا مــايلفونـــي أنا والوعــد.. ليش تلاحقـــني ذكراهـــم..ليـــش ..؟! مســـــتحيـــل أجـــازف بــــالوعد.. لازم ألقى حل لـ هالمشكلـــة.. طـــالت وشمـــخت معاهم.. والله لو يبوسون مطــــاي ما رجعــت بريطانيـــا .. مـــــارجعت لجل أضر الوعـــد.. في ذمــــتي بنت النـــاس.. مــــاني معلقــــها في سراب.. مـــــــاني تاركها تصرخ في حقول الوجع.. مستحيل أجازف بأيام صعبة لجل أيام حلوة ..؟! لو المطـــالب فيـــها روحــي ما أرخصتها.. مـــــا أرخصتها.. . . توجه هزّاع للوعد وراح لها وهو يكشف عليها.. شكل الورم زاد..وهمس لها\فيه عوار ..؟! الوعد بدموع\هزاع ..وش صــآير..؟! هزاع يحاول يخلي رجولها بطريقة تريحها\مـاصاير شيء.. لكن قطع حبل افكارهـ ويا الوعد صوت شهاب\الا يابو ذيــاب صاير الكثير ومنت متكلم.. قل ياهزاع ..وش هي طواريـــك ..ليش منعت حمد يشهر سيف التهديد وانت مــا وراك الخوف ..؟! هزاع سكر الباب على الوعد والتفت له\ياشهـاب اترك الهرجة لبعدين..خل نمشي لبيوتنا.. يابو خالد لا تخلي الحريم على حساب هالهرجة ..تـآلي يجيك العلم.. شهاب\أبــي أعرف.. هزاع\خلني أودي الوعد بالمستشفى..لا رجعنا نتكلم.. شهاب\رحت بريطانيا مرة وماهو بـأذني..هالمرة انا اللي بدانيك عن هالروحة.. ولا لي بــالقاصــي وبالداني.. هزاع أطلق تنهيدة وصلت أعماق السمآء\حرك يابو خالد..خلنا نودي الحريم لبيوتها.. برجع لبيت جدتي وهناك الكلام.. مشى شهاب وهو يناظر هزاع.. السكوت ماهو رضى وانا شهاب.. أدري فيك ..ناغزك حكي هاللي اسمــه حمــد.. وراهـ يكلمك في شيء ماضيه ..؟! في وراك ماضي ياهزاع.. لاتقول انه مــاضي أٍسود.. ولله ومنه المخــافة.. وعليه التواكيل.. بس وش جاري ..؟! وش اللي صار في بلاد الغرايب ..؟! معقوله هدموا اركـان هزاع..!؟ معقول حيله مهدود في سنين وايام ..!؟ معقــــول ..!؟؟؟؟ ركب سيارته وحرك.. وهزاع توجه للمستشفى عشان جرح الوعد اللي برجلها.. . . رجع لبيته الساعة 1 الليل.. ودخل وهو حاط شماغه على كتفه .. وازارير ثوبه مفتوحة .. شكله مهلوك وكأنه طالع توه من حرب.. وهو فعلا داخل بـ حرب.. داخل بحرب مع نفسه.. مع الذكرى.. ناس يفطرون ويتغدون ويتعشون معك.. كيف تقدر تتحمل فراقهم.. ناظر الساعة بيدهـ.. عرف انه تأخر كثير.. وتعب قلبه من الهم.. يبي يرجع ضرغام قبل.. قبل 8 شهور.. قبل هالايام اللي انهكته.. يبــــــي يرجــــــــع.. وده يصرخ بــــــــعالي الصوت.. يــــــــــــاناس حسوا بالهلقلب.. لكن التفت لامه اللي تنتظره .. شهقت بخوف على ولدها.. همست بتعب\ظنوتي ترجع أحسن مما رديت.. كل يوم ترجع أعظم من الثاني.. أنت مو ضرغام ..مو ضرغام..رح ارجع مكان ماجيت.. أبي ولدي .. التفت لها ضرغام واحتضنها\يمه اطلبي الله ..اطلبيه.. ام ضرغام\ارقع ابواب الحزن..اطلع منها اطلع وانا امك.. ضرغام بألم\وش اسوي يمه ..؟! أم ضرغام\تزوج..وانا مستعدة اخطب لك بنت ناس تتفهمك.. تزوج يمه لا تشهر ايام الحزن كافيك كافيك.. ضرغام بقهر\كيف اتزوج وذكراهم تلاحقني.. أم ضرغام\يارجل قلت لك تزوج مو انساهم.. الزواج يخفف اوجاعك وانا امك.. ضرغام\أخاف اظلم بنت الناس على ذكرى مو قادر اطويها.. ام ضرغام\قايلتن لك نجلاء قبل تموت ماراحت من هالدنيا الا والوصايا حاطتها بك.. ضرغام بتفكير\طيب مين ترضى فيني مــين ..؟! مين ترضى بواحد ضربته الدنيا من كل اتجاه...؟! أم ضرغام\انت قل موافق ولك بنت الناس اللي ترضى بك وتتحمل اوجاعك.. ضرغام تنهد\إلقيها لي يمه ..وخلي تمسح لي كل اوجاعي..لا إله الا الله ام ضرغام بفرحة\إيه وانا امك.. اذكر ربك ينزاح همك.. انت مؤمن وصابر وانا امك..جت على هالمصيبة..تصبر بالصبر.. ومن بكرة بدور لك على عروس.. ضرغام ابتسم\وش له هالعجل وانا ولدك ..؟! ام ضرغام بابتسامة\خير البر عاجله وانا امك.. ضرغام\ههههه اجل توكلي على الله.. ولا تخبرين شوق اخاف تنفجع.. ام ضرغام ضحكت\ههههه بتنفجع اكيد..ماهو الوكاد انها انتظرتك كثير حتى تقول اللي تبي تسمعه منك.. ضرغام يضحك\لهدرجة مسوي لكم ازمة .. أم ضرغام\حزنك يمه هد حيلنا كلنا.. ضرغام\طيب يمه انا بروح فوق اريح.. أم ضرغام\يمه تعشى وراك ماتعشيت.. ضرغام ابتسم\يمه النوم هدني هد.. بريح وبكرة بحرق لك الفطور حرق ام ضرغام ضحكت\هههههه خلاص اجل مسوية لك الفطور اللي يحبه قلبك.. قبل راسها.. وهو يدعي ربه يدفن الحزن ويبعده عن قلبه.. تعب و هالفقد كبرهـ ..وشيب راسه..واتعب قلبه واعياهـ .. . . . طلع من المستشفى بعد ما طمنوهـ عن حالة الوعد.. خبروهـ ان رجلها ما تضررت كثير لكـن صابها رض.. حمد الله انها جت على كذا ولا جت على اللي ما يباهـ.. اللي شاغل همه هو الوعد.. كيف راح يفضح غربته في هاليوم.. كيف راح تتحمل اللي بتسمعه فيه.. بتتألم كثير وهو ما يبي يألمها.. ولا يبي يأذيها بأقل الاشياء.. يعرف انها حقيقته..ومستعد يتحملها لوحده.. بس مايبي كل هالبشر يعرفون..مو عن شيء... شيء مؤلم بالنسبة له..ان الناس تذكره بالموضوع هذا تحديدا يألمه.. ساعدها في ركوب السيارة.. وعيونها تصوب قلبه تصويب.. وراحته مسلوبه طول مالوعد بتتألم من هالموضوع.. كان يحاول يتهرب منها.. بحيث ما يألمها.. نزل بياخذ لها موية وبياخذ له.. ومقصده من هالشيء يتهرب ويشغل نفسه .. شرا لهم موية ورجع.. مد لها الموية وهمست\وش فيه..؟! هزاع غمض عيونه\يالوعد لاتصوبين سهامك غدر.. ترى عيونك فضيحة عيوني.. الوعد بتساؤل\هزاع قل وش فيك.. طواريك أشغلتني..وش بلاهم هالجماعة يلحقونك ..؟! هزاع\لانزلنا لبيت جدتك تكلمت.. انا اعرف ان خالك شهاب بيستلمني.. وما بيسكت عني الا لما يعرف وش هي علومي.. واخاف من هالعلوم اخسرك.. الوعد بتساؤل ودهشة\تخـــسرنـــــي ..؟! هزاع\موضوعي ثقيل..مايسد اللزوم.. وقلبي يامعي ..ياعلي.. ويعسرني مطلبه.. الوعد\خل قلبك معك..ومابه شيء عسير .. هزاع لله ان تنطق وش بلاك ..؟! هزاع\لاوصلنا لبيت ام ذياب العلوم بتوصلك.. بس ابي منك وعد.. لاتتركين هالقلب يمشي بلاك.. الغربة تذبح ..لاتغربيني مرتين وانا بوسط اهلي وناسي.. الوعد\اوعدك مااتركك..بس انطق الشيء الصدوق.. هزاع\رجال بعمري حشا والله اكذب في كلامي.. الوعد\صعبة هالغربة ..؟! هزاع بألم\فوق ماتتصورين..! . . وصل بها إلى بيت جدتها.. نزل معها .. بعد ماركن سيارته.. دخل وهو ينسف شماغه.. وانتبه لشهاب اللي تغيرت ألوانه.. ناظره بنظرة وش له مغير ألوانك ومتوطب ..!؟ لكن شهاب أشر له بعيونه للمجلس.. كانت مهره تهدي في شهاب اللي مو فاهم وش بلا هزاع ..!؟ وتطلب منه لايكون انفعالي في موقفه معه.. حتى لو مو عشان هزاع.. أقلها عشان بنت اخته الوعد.. اللي هي بموقف لاتحسد عليه.. موقف مو فاهم وش اللي حوله قاعد يصير.. دخلت المجلس مع هزاع.. وشهاب جلس مع الجده .. سلم عليهم\السلام عليكم.. الجده\وعليكم السلام..تعالي يمه الوعد..عسى ماخالفتي..؟! الوعد تناظر هزاع ثم تناظر جدتها\انا بخير يمـه.. الجده\اكيد وانا امك..؟! الوعد\ايه.. شهاب\هزاع .. هزاع التفت له\وش بلاك ياشهاب ..! شهاب\مابلاني ببلوه..اللي بلاه انت ما هو بأنا ..!! هزاع\ان لله..لزوم تحفر بالماضي ياشهاب.. انتي تدري وش اللي صار حتى تزارق بألوانك..!؟ شهاب\علمني..أتحفني..وش بلاها الجماعة لفت عليك.. وذاك اللي مايتسمى ليه اشهر عليك سيف التحدي ..؟! . . سكت .. وهو يرجع إلى الوراء.. قبل 15 عام.. منذ نزوله من الطائرة.. ماذا حدث ..؟! ماذا دنسوا فيه الغرب..؟! مالذي جرى ..؟! أ عاش في نعيم..؟! أم عاش في جحيم ..!؟ كلها تساؤلات يريد ان يعرفها الجميع.. قفوا ..انكم تنبشون في خاصرة الماضي.. في آلام اهلكتني..ورسمت بياض شيب وخيم على رأسي ..!! . . . . في بيت سلطان.. كانت جالسة تنتظرهـ ..كل يوم لا جى تسمعه وهو يفتح باب البيت.. لكنه تأخر ..وهي مسوية له مفاجأة .. طلبت عشا من المطعم..واتفقت مع اخوها رياض انه يجيب لسلطان هدية.. ساعدها رياض قبل لا يطلع من الشقة بترتيب المكان.. وجاب معاه الخدامة اللي في بيتهم حتى تساعدها.. كانت ماسكة التلفون وحاضنته.. يمكن يرن..يمكن يرجع سلطان.. لامست يدها فستان قديم لها تحبه جابه لها رياض.. لونه احمر قاني ..ومرسوم ع الجسم.. فتحت شعرها الطويل.. اللي تعرفه ان سلطان يحب شعرها .. ودايم يقرب أنفه ويشمه.. ويحبه لانه طويل ويعطيها جمال مثل مايقول.. لو هالفرحة تكمل وتقدر تشوف سلطان.. لو عيونها تفتح لو دقيقة وتناظرهـ.. تشوفه وهو يبتسم لها... تشوفه وهو يمسح دموعها.. تشوفه وهو يحتضنها ويهديها .. تتمنى ولو مرة.. تناظر له.. تذكر آخر مرة قبل 3 سنوات لما تشوفه.. أكيد تغير.. أكيد صار بأكثر وسامة واحسن طلة.. , ~ ولكن فجَأة ..! فز قلبها لما سمعت صوت المفتاح ينفتح.. وقفت وبدأت تعدل حالها وتحرك شعرها.. ماتدري هي تعدل شكلها ولا لا.. ولكن بالحقيقة تحاول هالشيء.. ماحطت لها مكياج.. لانها ماتشوف حالها.. سلطان مايحب المكياج كثير.. مقتنع فيه ويعتقد ان ملامحه الناعمة تكفيه.. كان جسمها يرجف من فوقه لأسفله.. لكن حست بسلطان يجرها.. ويحتضنها ويهمس\وش ما أقول للبشر عنك قليل.. ياللي رموشك ماتهاب الملامـه.. أبتسمت بخجل .. وجود سلطان معها يكفيها.. هو عيونها.. اللي فقدتهم.. هو كل شيء في هالحياة.. ملاها.. لون حياتها بوجودهـ .. عطرها بكل تفاصيلها.. همست بحب\لجلك كل شيء يهون.. همس بخبث\يعني كل هالمساهر وكل هالمسافات لجل مخطط من وراي .. اجل رياض جاي قبل شوي.. ابتسمت بخجل\عشانك .. وضع جبينه على جبينها.. ضل يستمع لانفاسها.. شنو مايقوله.. مابيوصف حبه لها.. وبـ الذات في هاللحظة.. رغم انها عمياء.. لكنها ماقصرت انها تهديه ابسط حقوقه.. جهزت هالمفاجأة الحلوة عشانه.. عشان سواد عيونه.. همس بإعجاب\لو تشوفين شكلك تدوخين..وش أقول عن حالي.. أفا يالعلم كل هالحلا محجوب عني..؟! غزلان بخجل\فيه عشاء..وفيه هدية تباهم ولا اخذهم لنفسي.. سلطان بحب\تعالي.. شكلي جوعتك.. غزلان\انتظرتك تجيني..شفتك طولت كثير.. سلطان\صار عندي شغل ..وما خلصته الا متأخر.. غزلان مسكت يده\طيب تعال معي.. جلست امامه على الطاولة .. فتح الاكل وحطه امامها.. شمت ريحة الاكل وابتسمت.. قبلها سلطان وهمس\جوعان حبيبي..؟! غزلان بجوع\انت اهلكتني تأخرت .. سلطان ضحك\ههههه ماخبري بك هالحين بتاكلين الأخضر واليابس يالدلوعة.. غزلان بخجل\نشوف شلون تملي كرشك.. سلطان ابتسم وهو يمد لها اللقمة\فتحي فمك.. غزلان تسكر فمها\مابي اجازف..قل لي وش اللي بالملعقة اول..؟! سلطان ابتسم\باستا..انتي ماطلبتي باستا ..؟! غزلان ابتسمت\ايه.. اجل جب الصحن خلني ااكل الاخضر واليابس مثل ماتقول.. سلطان بضحك واستنكار\ههههه ..افا يالعلم..اللي خبري به انك تاكلين لقمة لقمتين وتقولين شبعت.. غزلان بحب\اهم شيء انت تاكل.. قبل يدها\أهم شيء حبيبي ياكل.. غزلان وهي تمد يدها لتحت الطاولة.. حاولت تمسك الكيس.. لكنه فلت منها وماقدرت.. استغرب سلطان تصرفها.. نزل راسه تحت الطاولة وابتسم .. مده لها من تحت الطاولة بحيث ماتدري انه هو اللي مده.. مسكت الكيس وابتسمت .. همست بحب\هذي هديتك.. سلطان قبل يدها مرة أخرى\انتي هديتي.. غزلان\ابيها عقد حب بيني وبينك.. سلطان\قلبي وقلبك هم عقد هالحب.. غزلان\مختوم بتواقيع ماهي مزورهـ.. سلطان\كلها صفحة بيني وبينك.. تكشف الحب وعنواينه.. غزلان وهي تمسك الملعقة\كل لا يبرد الاكل.. ابتسم وهو يناظرها.. كل شيء يحبه فيها ..بساطتها.. طفولتها..هدوئها .. ترجع طفلة مابين احضانه .. يرجع ملجأها له.. هو الوحيد اللي مهتم فيها.. يدلها لمكان ماتبي تروح.. لا طاحت بمكان يساعدها.. لا بكت يمسح دموعها.. لا سهرت ينومها.. لا خافت يهديها.. مالها غيرهـ من بعد الله.. صح اخوها رياض حزام الظهر لها.. لكن اخوها مرتبط بمسؤلياته وعياله.. مالها الا الزوج.. وهو سلطــآن الوحيد اللي يقدر معنى كلمة "غزلان" حتى وان كانت عميآء .. لذلك هالشيء حرك في نفس غزلان الشيء الكثير.. كان في اواسط نفسها شيء منعدم.. اساسه بنيان مهدوم.. طايح من غير اساس.. لكن سلطانها.. أعاد تشييدهـ..اعاد بنيانه.. ليبني شخصيتها من جد وجديد.. . . . همس بصعوبة بعد ما كان يتذكر غربته.. جاء الوقت يفتح هالصفحة من جديد .. جاء الوقت انه يتكلم باللي فيه..ومايكتم.. جاء الوقت اللي الكل بيعرف وش قضيته مع بريطانيا واهل الغرايب.. كل العرب اليوم العلوم بتوصلها يالوعد... وكل العرب ما اهابها.. ما اهاب الا من رفضك لي ومن رفض شهاب.. مابي انبش بالماضي.. بس مجبـــور أعيش قبل 15 عام.. مجبـــور أرجع ضرير ووحيد.. بس مستحيــــل أروح بدونك.. خوفي الناس ياكلونك.. وأعرفك مـــاترضينها تتركيني.. بس شهـــاب .. شهاب اللي الخوف منه هالحين.. شهاب\وش اللي صار لك بالغربة ..!؟ هزاع بألم\أي شيء ممكن تتخيله صار.. شهاب\وش له ماتتكلم يابو ذياب.. قل وش بلاك..؟! هزاع بقهر\اللي يبيه جدي يصير لي صار.. رحت لبريطانيا وانا ماكملت الثلاثين .. ومن اول مانزلت من الطيارة وعلى راسي تتحاذف المصايب.. كانت الوعد تناظر فيه.. عيونه بعيونها.. وواضح انه مشحون من بريطانيا.. وواضح انه قصته قصة.. ماهي قليلة.. ماهي زي اللي تظنين يالوعد.. هزاع وراه شيء.. وراه وخبري به مــاهو قليل.. أنا اعرفه قلبه متصوب.. قلبه مقهور.. قلبه مغبون بقهــــــــــــر..مستحيل يقبل انه يخلي الناس كلها تعرف هالموضوع.. دام انه ببيت جدته.. هزاع بألم\محجور ياشهاب.. ولد ذياب محجور.. أنا رجال مطلوب في بريطانيا.. شهاب بصدمة\وش مسوي بأرض الغرايب يابو ذياب انطق..؟! هزاع\الله يعلم ما طلع مني إلا خير الخير.. اتهموني بالإرهآب.. بس نزلت من الطائرة شفت شنطتي مدسوسة بالأسلحة..طلعتها كلها فوق الـ 60 سلاح.. وكله من طراز أمريكي وفرنسي.. يعني أكيد ماراح يطلع لي هالسلاح الا برخصة موقفة من الحكومة الامريكية.. لكنهم تحايروا ضدي وانهشوني مثل الكلاب.. انسجنت 5 سنين .. تعذب بالسجون.. سجن انفرادي..صعق كهربائي..جلد..وضرب بالسوط.. ضليت بـ هالحال 5 سنوات.. بعدين ومن دون سابق انذار طلعوني من السجن.. حاولوا تدنيسي حتى مايقوموا عليهم ناشطي الحقوق.. ووقعوا شهادة وفاتي.. سنتين منكور بالدنيا..سنتين مو معروفه هويتي.. الكل ينكر وجودي ويعاملني بنكران.. مشيت مقهور وحيد بشوارع بريطانيا.. وجاني ولد حلال .. اسمه ستيف.. صاحب لي رفع عليهم قضية .. وظلت هالقضية 3 سنين .. 11 سنة من الضيم .. والظلم والحرمان.. كنت احاول اتواصل معاكم بأي طريقة.. لكن بحكم ان الاوضاع ماسمحت..وماكنت اعرف رقم واحد من ارقامكم كلها تغيرت.. ماقدرت.. وجاء الوقت اللي يدفعون لي غرامة ويعطوني الجنسية كـتهدئة لي حتى ماقوم زلزال فوق روسهم.. سكتت وطلعت 4 سنين احاول اطلع من حدود بريطانيا .. ماقدرت..الى ان رجعت لصاحبي ستيف .. وبفضل الله ثم بفضله طلعت ..ورجعت للرياض.. وهالحين يطلبوني كوني مطلوب.. للآن يعتقدون اني مديون لهم بجرائم.. الكل في حالة صمت.. الكل يستمع لقهر هزاع.. صمت وبس..؟! الكل مصدوم.. جسم الوعد يرجف مع كل كلمة قالها.. قلبها يدق بشكل قوي.. وتناظر شهاب.. وتناظر هزاع.. وجدتها.. اللي فيه ماهو قليل.. اللي في قلب هزاع ماهو شوي.. تحمل وتحمل ماجاهـ من مصايب.. ماكفاهـ الغربة .. وغربوهـ.. بس ماهزموهـ..رجع ..رجع لبلاد اهله.. وخذاني.. ايه خذاني.. وكسر طموحهم.. بس وش اللي ورا هالغربة..؟! ليه يلاحقوني..ويلاحقوهـ؟؟ الصدمة ألجمتهم.. معقول 15 سنة وكأنها على قلب هزاع دهر كامل .. قرن كامل.. يامطولها هالسنين.. معقول قلبك ياهزاع تحمل ماتحمل من مصايب.. وش اقول عن جسمي اللي يرجف الحين.. وش ابرر خوف جدتي وعيونها اللي مصدومة بخبرك.. وش اقول عن عيون شهاب والوانه اللي تغيرت.. غربتك غربة ياهزاع..غربتك غربة.. وانا ويـاك غريبة.. !! . . قطع حبل افكارها شهاب\وش له يلحقونك عيال الكلب..؟! وش يبون منك ..مــا مرمروك بالغرايب وش له يطالبون برجوعك..؟! هزاع بقهر\ماهو اللي خبرك به خبري به.. ولا زاد عليه شيء(ن) ولا نقص.. شهاب بتفكير\ليه ماقلت من البداية..؟! هزاع ناظره بقوة\لجل تخلص الوعد مني حتى مايصيبها غربال.. تطمن ياشهاب شمس الوعد ماتغيب طول ماعندها هزاعها.. شهاب بغضب\ومن قال ياهزاع اني بـ هالكلام انطق.. هزاع\ليا مسكوني ورحت للغرايب بتتحسف ومابتطريني بالخير.. بتقول خذاها وتركها هنا .. بس تطمن لا روحت يابو خالد الوعد معي بتروح وين ماروح.. شهاب بقهر\ماهي برايحة لمكان الا وراسي وياها.. هزاع\روح يابو خالد ترا مشوارك طويل.. وان كان تبيني اترك الوعد هنا فلا تحلم..! الوعد بغضب\وراكم تتخانقون بدل ماتحلونها بالعقل.. هزاع\بتجين معي ان قلتي ايه وان قلتي لا ..وين ماروح بتجين..! الوعد\ماصار من اللي تقوله شيء ياهزاع..روق وصل على النبي انت وشهاب.. شهاب\عليه الصلاة والسلام.. الوعد\لاتسابقون الحدث قبل يجي.. النار ماتحرق لهبها.. اتركوا الحال من حاله لاتسابقونه.. شهاب\وش السوات هالحين وش السوات..! الجده\هزاع وانا امك ما تفاهمتوا قبل ترجع من الغرايب..!؟ مانحلت وانا امك مانحلت.. يعني مصيرك ترجع زيادهـ فوق رجعتك..وكانك يازيد ماغزيت ..! هزّاع\يمه الغرايب لاحقدو على المسلم حقدوا عليه..وهم يبوني لجل اتعفن هنا ولا افضحهم.. وان فضحتهم فالخطر على حياتي.. الوعد\لاتفضح ولا تتكلم ياهزاع.. ان كان ساقونا للغربة بروح وياك.. شهاب بغضب\لا الله ماتطلعين من هنا الا وحشيت رجولك حش.. هزاع بعصبية\البنت زوجتي وانا ولي امرها..دام انها رضت فتجي معي.. شهاب بقهر\انت شكلك ناوي على مضارب اليوم.. الجده بفزع\ويلكم ياعيــــال ..ويلكم المضارب.. لاتفضحونا عند الآوادم والعرب.. الوعد وقفت\طالبتك طلبة روق يابو خالد روق.. مانهدي النار عشان نشعلها بعدين.. هزاع\انا بمشي هالحين..والكلام اللي بنقوله بعدين.. بس ياشهاب الوعد مصيرها لزوجها..مالك حق تسوي اللي تبيه..! طلع من امامهم وهو مقهور.. ابني الاشياء..وترميها هبت ريح.. تهدمها وكأنها شيء ماكان.. والوعد بقلبك ألم وادري فيك.. ادري بصدمتك وش لون ولت.. بس شهاب مايمنعك مني.. مايتركك بعيده عني.. يمين بالله لأزلزل الارض .. لو سمعت انك لفيتيني.. أو تركتيني.. ايه المحروم لانحرم من الشيء يصير أناني.. وانا بك بكون اكثر "اناني" فيك.. وبتشوفين.. . . . الساعة 5 ونص الصباح.. سمع صوت جواله يرن بشكل مزعج.. مافكر يفتح عيونه من طاقة الكسل اللي فيه.. حاول يتجاهل جواله كذا مرة.. لكن الجوال ماسكت من الاتصالات.. رفع السماعة وتعب\آلو..؟!! شهاب\رهان طالبك طلبه وانا عمك..انا رايح مع الوعد للشرقية.. بس هالعلوم لاتوصل لهزاع..! فز بصدمة\وش تقول يابو خالد..بالغصيبة جار البنت ولا برضاها.. شهاب تنهد\لا والله ماهو برضاها.. خايف عليها من الغربة يا رهان.. خايف ياخذها معه ويتغرب هو وياها ..هذي امانة عذاري اختي.. رهان\وش له رايح ياشها بالوعد وجارها للشرقية ووش له تبي مني اكتم علومك عن هزاع ..؟! شهاب\......................................... .... ......... | ||||
|
|
 |
| مواقع النشر (المفضلة) |
| الكلمات الدلالية (Tags) |
| للكاتبة, مرتّلة, الوعد, وعُود |
| أدوات الموضوع | |
| انواع عرض الموضوع | |
|
|
العرض العادي
