22-02-14, 12:00 AM
| #11 | |||||||||
| نجم روايتي ومشرفة سابقة وفراشة متالقة بعالم الازياء  
|  **الفصل التاسع** في بيت بوعبدالعزيز.... تليفون البيت يرن ترد موزة.... موزة(تبتسم):مساء النور...الحمدلله بخير..انت شاخبارك؟..الدراسة ماشية...ان شاء الله دعواتك..من مريم؟...اي لحظة..مريوم قومي خالي يبيج.. مريم:من خالي؟ موزة:خالي سلطان.. مريم:ماابي اكلمه..قولي له مشغولة.. ام عبدالعزيز:مريوم؟ مريم(بضيق):ماابي اكلمه غصب..(مسكت عكازتها وقامت) بوعبدالعزيز:وين؟ مريم:بروح انام..عن اذنكم.. الكل مستغرب من تصرفها...ومريم راحت غرفتها... موزة:يمه شاقوله؟ ام عبدالعزيز(قامت):عطيني التليفون..(قعدت)..السلام عليكم...اشلونك سلطان؟...مريم؟..شاقولك عنها ماادري اشفيها البنت...قامت زعلانة وراحت غرفتها...تدري وقالت ماابي اكلمه انت شمسوي فيها؟....ماعليك من تصرفاتها..الظاهر المرض مأثر عليها...نفسيتها حيل تعبانة...تسلم والله فيك الخير...يوصل مع السلامة..سعود سلطان يسلم عليك.. بوعبدالعزيز:الله يسلمه..موزة عطيني الريموت.. ام عبدالعزيز:سعود اشوفك ساكت.. بوعبدالعزيز:على شنو؟ ام عبدالعزيز:على تصرفات بنتك.. بوعبدالعزيز:البنت نفسيتها تعبانة..محتاجة تطلع من البيت.. ام عبدالعزيز:انزين الدكتور مانعها من المشي..ولا بتم ريلها في الجبس اربع شهور ثانية.. بوعبدالعزيز:انا ماعلي منكم بطلعها باجر.. ام عبدالعزيز:وين بتوديها؟ بوعبدالعزيز:بوديها من الصبح الكورنيش خلها تشوف البحر وتتنفس البنت..ومب صاير فيها شي..(يعلي على صوت التلفزيون).. عقب ساعة في غرفة مريم...يرن تليفونها...تشوف رقم محمد ماترد...تحط راسها على المخدة ودموعها نازلة... في الصالة...فوزية قاعدة تشرب شاي مع سعود...يرن جرس البيت.. بوعبدالعزيز:من جاينا هالحزة؟ ام عبدالعزيز:يمكن سلطان.. بوعبدالعزيز:هو قالج بيي؟ ام عبدالعزيز:قال يمكن.. بوعبدالعزيز قام يشوف من على الباب...فتحاه وكان سلطان..ودخلوا البيت.. بوعبدالعزيز:الحمدلله..حياك تفضل.. ام عبدالعزيز(قامت):هلا سلطان..حياك.. سلطان:وينهي فوق؟ ام عبدالعزيز:لا وين تقدر تروح فوق..هني في هالغرفة.. سلطان:عن اذنكم.. دق الباب...شاف محد رد..دخل شافها حاطه راسها على المخدة..قرب شافها مغمضة عينها والدموع على خدها... سلطان:مريم..مريم راقدة؟ مريم:........ سلطان:مريم اذا راقدة علشان اروح.. مريم:............... سلطان قرر انه يروح وصل للباب... مريم:خالي.. سلطان(لف صوبها):تلعبين معاي؟ مريم(فتحت عينها وقامت قعدت):......... سلطان:خلج مرتاحة..اشفيج؟ مريم:مافيني شي.. سلطان:عيل ليش أشوف دموع؟ مريم:.......... سلطان:حتى مبروك ماقلتي لي.. مريم:مبروك.. سلطان:ماابيها..طالعة منج مب حلوة..مريوم ليش زعلانة؟ صاير شي؟ مريم:كلكم ناسييني..يعني لازم اموت علشان تتذكروني؟ سلطان(عصب):ايش هالحجي؟ مريم:من وقت ماطلعت من المستشفى محد سأل عني..لو كان وليد هني ولا عبدالعزيز جان ماحسيت بالفراغ..محمد مايقدر يزورني عدل..وانت هادني ولاتسأل عني..وجامعة مااقدر اروحها..والطلعة ممنوعة عني..يعني شاسوي بعمري؟ سلطان:محمد انت ماتبين يزورج علشان انج تستحين.. مريم:انا باقولك الصج..صج اني استحي بس في سبب ثاني.. سلطان(تعجب):سبب ثاني!! شنو؟ مريم:اخواني محد وانت تدري احنا مانقدر نقعد بروحنا..ابوي يرد من دوامه تعبان وعقب يروح الشغل العصر ويرد عشر في الليل.. سلطان:وبدر وين راح؟ مريم:لاتسأل عنه..خله مشغول بحياته ماابي اطلب منه شي..ليش احنا نحصله من وقت مارد البيت مع زوجته وولده مانشوفهم الا نادر..حتى اسماء لو كانت موجودة جان ونستني..حتى عيال عبدالعزيز مو موجودين..وموزة مشغولة بالدراسة..وامي مسكينة لي متى تقعد تجابلني؟ سلطان:شاسوي انا انشغلت شوي..ومها كم مرة تعبت ووديتها المستشفى..لين مالحمدلله ربت وافتكت..بعدين مابقى شي على ردت اخوانج..والبيت بينترس.. مع مرور الايام....في بيت بوعبدالعزيز.... في المطبخ... ام عبدالعزيز:خولة سوي السلطة.. خولة:ان شاء الله يمه.. ام عبدالعزيز:منيرة ساعديني بسرعة الحين بيوصلون.. مريم(تدخل):في خاطري اساعدكم.. ام عبدالعزيز:كلمتي بدر؟ مريم:أي وقال انهم في الطريج.. هالة:هاج يمه هذا البصل.. ام عبدالعزيز:مريومه حبيبتي ودي الخدامة خلها تشيل الاغراض على الطاولة وتحط الصحون..بناكل جميع.. مريم:ان شاء الله.. يرن تليفون مريم..تطلعه من مخباتها.. مريم:هلا فطوم...بخير انت شاخبارج؟...اي والله اليوم بيرد وليد...الله يسلمج...اي مشغولين...ان شاء الله عقب باجر بروح الجامعة...مشكورة فطوم..مع السلامة..روسي خلصي بسرعة الحين بييون..انا بروح غرفتي شوي وبرجع.. يطلعون جميع من المطار ويركبون السيارة.... بوعبدالعزيز:حيالله عيالي..تو مانورت الدوحة.. عبدالعزيز:نورت بوجودكم يالغالي..مشتاقين لكم.. وليد:الا قول مشتاق حق.... عبدالعزيز:أي مشتاق لها ليش مااشتاق.. وليد(يطالع الدنيا من الدريشة):ياسلام عليج يالدوحة..فديت ترابج والله..وين مااروح ماكو مثل دوحتي.. عبدالعزيز:وانت صادق..ياحلاة بلادنا..احس اني من زمااااان ماشايفها.. وليد:لو ألف الكون كله ما ألقى مثلج يابلاد.. يدخلون البيت..وينزلون من السيارة... بوعبدالعزيز:بدر يبه نزل الشنط من السيارة.. بدر:ان شاء الله يبه.. اللي في البيت يسمعون صوت السيارة..ويطلعون من المطبخ ويروحون عند الباب ويفتحونه...يشوفون وليد...وليد يروح صوب الباب...يشوف خواته يسلم عليهم..ويدخل داخل البيت..يحصل امه اللي عيونها كلها عليه... وليد(راح بحضن امه):يمه.. ام عبدالعزيز(دمعت عينها ولمته بقو):حمدلله على سلامتك يايمه..نورت البيت.. وليد:اشتقت لج يايمه.. ام عبدالعزيز:وانا اكثر..ماتدري ايشقد مستانسة بشوفتك.. عبدالعزيز:احم احم..نحن هنا.. ام عبدالعزيز(تبتسم):هلا بعبدالعزيز..(تلمه)..حمدلله على سلامتك..نورت البيت.. عبدالعزيز:الله يسلمج يالغالية.. ام عبدالعزيز:حياكم..تعالوا..قع� �وا عندي.. وراحوا جميع قعدوا... ام عبدالعزيز:اشلون صحتك الحين؟ وليد:الحمدلله مثل ماانت شايفة انا بخير..ماكان ناقصني غير شوفتكم.. ام عبدالعزيز:يابعد عمري..عيل وين تميم؟ بدر:قال بيرد البيت يبدل وبيوون كلهم.. ام عبدالعزيز:سوييت لكم كل شي تحبونه.. منيرة:أي والله امي ماقصرت ماخلت اكله الا وسوتها.. عبدالعزيز:يعطيها العافية..عيل وين اسماء والعيال؟ منيرة:فوق نسيت اناديهم..انت بعد تدري الحين فترة امتحانات عيالك فمايقدرون ينزلون.. خولة:بروح اناديهم.. عبدالعزيز:خلج انا بروح فوق..(قام) وهو يركب الدري شاف مريم تطلع من الغرفة..استغرب اشفيه ريلها؟؟ عبدالعزيز:مريوم؟ مريم(استانست):عبدالعزيز..(سل موا على بعض)..شاخبارك؟ عبدالعزيز:الحمدلله..انت اشفيج؟..ايش صار على ريلج؟ مريم(شافت ريلها):ماكو شي.. عبدالعزيز(مسكها وراح معاها مكان ماهله قاعدين):اقول ايش صار على مريم؟ وليد(شافها انصدم قام وراح يسلم عليها):سلامتج.. مريم:الله يسلمك..نورت البيت.. وليد:ايش صار على ريلج؟ بوعبدالعزيز:حادث.. وليد:حادث!! عبدالعزيز:اشلون وكانت مع من؟ بوعبدالعزيز:مع السايق.. عبدالعزيز:يبه انت يبت لهم سايق؟ بوعبدالعزيز:شسوي يابوك..انا بروحي مااقدر على طلبات البيت..وانت ادرى بدوام اختك اشلون.. عبدالعزيز(طالع بدر بنظرة غضب بدر استحى منه):عن اذنكم.. وليد(ساعدها):تعالي قعدي..قولي لي اخبار المعرس؟ مريم(تهمس له):بعدين بيني وبينك.. وليد:لا..بعدين يعني؟ مريم:أي بعدين..يمه احنا يواعه..اي صح وين خالي تميم؟ بوعبدالعزيز:الحين بيوون..انتوا قوموا زهبوا كل شي هم الحين على وصول.. فوق... عبدالعزيز:اشتقت لكم وايد.. سعود:حتى احنا يبه تأخرت وايد..وين عمي؟ عبدالعزيز:تحت..خذ الدانة وروحوا سلموا عليه.. سعود:ان شاء الله.. عبدالعزيز:شاخبارج ياقلبي؟ اسماء:بخير..دام اني اشوفك بخير..طمني عليكم؟ عبدالعزيز:احنا بخير بعد..اشتقت لكم بشكل ماتتصورين..يوم الدكتور قالنا خلاص وليد يقدر يطلع ماقعدنا ولاثانية على طول حجزنا..حسيت اني عطشان ابي ارد بلادي..والله ماكو ديرة تحلى بعيني غير الدوحة..فديتها والله.. اسماء:نعم؟..واحنا؟ عبدالعزيز:لاعاد..تقارنين نفسج بديرة؟ اسماء(تضحك):قوم خلنا ننزل تحت اسلم على اخوك.. عبدالعزيز:تراهم بيتعشون جميع.. اسماء:ادري.. عبدالعزيز:وانا بتعشى وياج.. اسماء:لا ليش..تعشى وياهم.. عبدالعزيز:لا حبيبتي بتعشى وياج..لو بس كانوا اخواني كان عادي..بس خوالي موجودين.. اسماء:عادي ماهي اول مرة امك تسوي عزيمة..بعدين اشفيها يعني..امك يحليلها مستانسة بردتكم ومن حقها تلمكم حول بعض..الله يخليها لكم.. عبدالعزيز:ماتبين تقعدين مشعل؟ اسماء:خله نايم لين مانتعشى.. عبدالعزيز:اللي تشوفينه..ياللا ننزل.. عقب العشاء...يقعدون كلهم بالمجلس واسماء تقعد مع منيرة وهالة في الصالة.. أسماء:سعود حل المسائل اللي عطيتك اياهم.. سعود:يمه خليها باجر..باجر اجازة.. اسماء:بس توعدني تدرس باجر؟ سعود:ان شاء الله..علشان ابي العب.. اسماء:خلاص روح.. منيرة:انا اليوم عطيت عيالي اجازة..خلهم يستانسون شوي.. في المجلس.. تميم:متى بشيلون عنج الجبس؟ مريم:عقب شهرين ان شاء الله.. تميم:بعدون بسرعة..لاتحاتين.. عبدالعزيز:الا ماقلت يبه اشلون صار الحادث؟ بوعبدالعزيز:الله رحمهم ياولدي..السيارة خلاص تنكسلت.. وليد(مندهش):والله؟ بوعبدالعزيز:انا يوم شفت السيارة قلت الحمدلله مريم طلعت منها سالمه..الله رحمهم..والسايق طلعوه من المستشفى وسفرته على طول..والخدامة حالتها تحسنت.. مريم:خالي اكيد مشتاق حق طلعاتك مع ربعك؟ تميم:أي والله..باجر بطلع ومب راد لين الاربعاء.. ام سالم:مو على كيفك.. تميم:يمه انت سمعتيني؟ كلهم يضحكون... ام سالم:قلت ماانت رايح..الحين انا مستانسة بردتكم تبي على طول تشرد.. وليد:حرام عليج يدتي انا حرمته من طلعاته.. ام سالم:احسن خله يتعود من غير ربعه شوي..بعدين تعال ليش ماتتزوج..انت لين ماتييب عيال بتكون شايب.. يضحكون... تميم:يمه.. بوسالم:ماقالت الا الصج..شوف كم عمرك؟ عبدالعزيز(يتطنز):توه في العشرين.. تميم:انت اسكت مع وجهك..ترى من كلامك اغير رايي ومااتزوج كلش.. سلطان:عدال..عاد انت متى فكرت بالزواج علشان اتغير رايك.. موزة تدخل... موزة:يمه خالتي ام يوسف جات..يبه بويوسف في المجلس.. الرياييل قاموا.. في مجلس الرياييل... بويوسف:وايش صار على العلاج؟ وليد:عطوني ادوية قالوا لي لازم استمر عليها..واذا صار شي لاقدر الله لازم اراجع المستشفى.. يوسف:الحمدلله على سلامتك ياريال..ياللا عاد فرحنا بزواجك.. وليد:ان شاء الله.. بويوسف:خله يخلص دراسته بالاول.. يوسف:اي صج ايشقد بقى لك؟ وليد:بقى لي كرس واتخرج.. يوسف:زين مابقى شي.. في مجلس الحريم... قمر:اشلون محمد؟ مريم:الحمدلله.. جواهر:عيل وين الباقي؟ مريم:داخل..بس موزة عندها امتحان..(قامت) قمر:خلج..انا بروح.. مريم:خليني اروح تعبت من القعدة..بروح اناديهم وبيي.. راحت الصالة... مريم:ايش عندكم قاعدين هني؟..خالتي وبناتها مناك.. منيرة:أمينة جات؟ مريم:اقولج كلهم..آآه.. هالة:اشفيج؟ اسماء:مريومه اشفيج؟ مريم:ريلي تعورني..(قعدت) منيرة:الله يهداج انت ماتقعدين.. مريم(متألمه):آآي ريلي تعورني..نادي امي.. منيرة:قولي لي ايش تبين انا بسوي لج.. مريم:ماابي ابي امي.. هالة:انا بروح اناديها.. عقب ثواني... ام عبدالعزيز:اشفيج مريوم؟ مريم(متألمة):يمه ريلي تعورني..آآي..تعبت خلاص مااقدر.. ام عبدالعزيز(حزنت على حال بنتها):يايمه انت ماتقعدين مكانج..اليوم وايد مشيتي على ريلج..واحنا موصيينج..تبين انوديج المستشفى؟ مريم:ماابي.. اسماء:اشفيها لو رحتي؟ ام عبدالعزيز:حضرتها تخاف من الابر..ذيج المرة وديتها عطوها ابره.. مريم:ماني رايحة مكان..عطيني المسكن.. ام عبدالعزيز:مب بكيفج..مب زين لو كثرتي منه..قومي خلني اوديج غرفتج.. وليد يدخل.. وليد:اشفيكم؟ هالة:مريوم ريلها تعورها.. وليد(قرب من مريم ومسك ذراعها يساعدها):اشفيج مريومه؟ مريم:ريلي تعورني.. ام عبدالعزيز:ساعدني يمه نوديها غرفتها.. اسماء:امشوا خلنا نروح المجلس.. في غرفة مريم... ام عبدالعزيز(قعدت عندها وحطت ايدها على ريل مريم) وليد:يمه بتقرين عليها؟ ام عبدالعزيز:شاسوي فيها ماهي راضية تروح المستشفى.. وليد:وليش ان شاء الله؟ مريم:ماابي اروح.. وليد:انت ليحين ماكبرتي؟ في مجلس الحريم..... ام سالم:هالة وين امج؟ هالة:داخل..الحين جاية.. ام عبدالعزيز تدخل.... ام سالم:وين كنت؟ ام عبدالعزيز(تقعد):مريم كانت تعبانة قريت عليها وجيت.. ام سالم:اشفيها؟ ام عبدالعزيز:ريولها.. قمر:هالة نقدر انا وجواهر انروح لها؟ هالة:خلني اشوف اذا بروحها ولا لا.. في غرفة مريم... مريم:والله ياريتك لو موجود جان ماحتاجينا للسايق.. وليد:كل شي مكتوب.. هالة(تدخل):وليد انت مني.. وليد:ليش؟ هالة:بنات خالتي كانوا بييون عند مريم.. وليد:خلاص انا رايح المجلس..خلهم ييون..(قام)..بعدين بنسولف..مو ترقدين.. مريم:ان شاء الله.. ومع مرور الوقت..في المجلس... تميم:سلطان مانمشي؟ سلطان:ياللا..يبه نمشي؟ بوسالم:أي يبه خلنا نمشي.. بوعبدالعزيز:تو الناس..حتى سالم توه جاي.. سالم(قام):ان شاء الله مرات جاية..حمدلله على سلامة وليد.. بوعبدالعزيز:الله يسلمك.. في غرفة مريم...تدخل خولة... خولة:جواهر قمر..رايحين.. مريم:تو الناس..بدري.. قمر(قامت):متى رايحة الجامعة؟ مريم:عقب باجر.. قمر:تبين امرج؟ مريم:لا تسلمين..بشوف وليد ولا عبدالعزيز.. جواهر:مع السلامة مريم.. مريم:مع السلامة.. في الصالة... منيرة:ياللا يمه انا بعد رايحة..تصبحون على خير.. الجميع:وانت من هله.. بوعبدالعزيز:يحليلهم عيالنا.. ام عبدالعزيز:الله لايحرمنا منهم.. بوعبدالعزيز:ماادري ليش بدر طلع غير عنهم.. ام عبدالعزيز:بدر مب غير عنهم..بدر كان مثلهم تذكر؟ بوعبدالعزيز:اذكر..الحين تغير وايد..ماادري ليش؟ ام عبدالعزيز:ادعي له بالهداية.. بوعبدالعزيز:عيل وين وليد؟ ام عبدالعزيز:عند مريوم.. في غرفة مريم... مريم:عن التطنز..بشوف بكرة لما تبي تعرس خلني اشوف زوجتك ايش بيصير فيها لما يبون يزفونها..لاتعيب.. وليد(يضحك):اتغشمر معاج..مع هالوجه.. ام عبدالعزيز(تدخل):عسى ماخربت عليكم؟ مريم(بدلع):يمه شوفي ولدج.. ام عبدالعزيز:اشفيه ولدي؟ مريم:قاعد يتنطنز علي اشلون بمشي جدام الناس وانا ريولي جذي..ماابي زين خلاص ماابي اعرس.. ام عبدالعزيز(تبتسم):يتغشمر اشفيج انت؟ مريم:ادري انه يتغشمر..فديت هالاخو.. ام عبدالعزيز(تحس براحة داخليه):تصبحون على خير.. الجميع:وانت من هله.. وليد:قولي لي اشلونج مع محمد؟ مريم:شاقولك ياخوي العزيز..محمد الله يحفظه واحد ملتزم واخلاقه رهيبه..تعال شوفه لما ينصح..تتمنى تغلط علشان تسمع نصيحته..مستعد يفرغ عمره ويسمعك..صج اني مو ملتزمة..ومرات يقولي لاتحطين أغاني في العرس..وسوي كذا..احترم رايه..واسوي اللي يبيه..لأن عمره ماضايقني..ولما يبي يغير عادة سيئة فيني..يغيرها بطريقة حلوة..تخليني قريبة منه اكثر.. وليد:الله يخليه لج ولايحرمج منه..الحين طمنتيني عليج.. مريم:وليد..احس في خاطرك تقول شي.. وليد(طالع السقف وعقب):انا بعد يامريم ابي اتزوج.. مريم(استانست):واخيرا..فرحتن� � من قلب.. وليد:من هي البنت اللي تختارينها لي؟ مريم:وحدة حاطة عيني عليها واحس هي الوحيدة اللي تقدر تسعدك.. وليد(اندهش):ياسلام..ومن هي؟ مريم:اول شي انت قولي..انت في وحدة في خاطرك؟..قول الصج.. وليد:تبين الصج..اي في وحدة في بالي من زمان.. مريم:حلوة؟ وليد:قمر.. مريم:نعم؟ وليد(ارتبك):قمر يعني حلوة اشفيج؟ مريم:أهاا..انزين وهي ايش كبرها؟ وليد:ماني ماعطيج معلومات عنها..قبل لتقولين من هي اللي قلتي لي عنها..يمكن غيرت رايي.. مريم:لاتخاف ماراح اتغير رايك..وليد..انا اعرف من هي البنت اللي تفكر فيها.. وليد(فج عينه):نعم؟..من هي؟ مريم:قمر بنت خالتي..صح؟ وليد(استغرب):وانت من وين دريتي؟!! مريم(بخوف):بقولك بس ماتعصب علي.. وليد:قولي اشوف.. مريم:لما كنت مرقد بالعناية..أنا رحت غرفتك..وماحسيت بنفسي ايش قاعدة اسوي لأن كل تفكيري كان فيك..وعقب اشوف يدي تفتح دفتر.. وليد:انزين.. مريم:قريت في اول صفحة اسمها..وعقب والله ماكملت..ماسمحت لنفسي اتدخل في خصوصياتك..بس والله ماكنت اقصد اني افتح دفترك..حتى ماجى على بالي انك تكتب خواطرك..لأني استغربت وجود دفتر بهالشكل الحلو على مكتبك.. وليد:صدقتج..ليكون قلتي حق حد؟ مريم:لا..ماخبرت حد.. وليد:حتى الدفتر شاريه بسعر غالي.. مريم:ماشاء الله عليك.. وليد:ومن هي البنت اللي بغيتيها لي؟ مريم:هي نفسها قمر..كنت بلعب عليك.. وليد(قط المخدة عليها) مريم(تضحك):وحدة بوحدة..الا ماقلت لي..انت صج تحبها؟ وليد:احبها وبس..صورتها ماتفارق خيالي.. مريم:اوه اوه الاخو يحب.. وليد:عن السخافة..هذا انت تحبين محمد.. مريم(استحت) وليد:بلاها الحياء الله يخليج..بس والله احبها..حتى مااعرف اشلون صارت.. مريم:انت متى شفتها ومتى حبيتها اصلا؟ وليد:لما كانت بالاعدادية..يوم رحنا البر تذكرين..يوم موزة طاحت على راسها وتعورت.. ماتذكرين؟ مريم(تفكر):متى؟ وليد: لما تميم خذ البطبطه وراح ومارد الا في الليل.. مريم:أي بلا تذكرت..كل هالسنين؟؟ وليد:أي والله.. مريم:انزين يمكن تغيرت البنت ليحين تبيها؟ وليد:حتى لو تغيرت..ابيها وخلاص.. مريم:ومتى بنخطبها؟ وليد:خلني اقول حق امي بالاول..اصلا خلها توافق بالاول.. مريم:موافقة لاتخاف.. وليد(استغرب):وانت ايش دراج؟ مريم(ارتبكت):ولا شي..بس اقول ان ماكو بنت بترفضك انت ماعليك قصور.. وليد(تغيرت ملامح وجه):لاحبيبتي..الواحد مايدري..يقول هالكلام وحزة الجد تكتشفين ان الناس ترفض..وانت ماتعرفين السبب.. مريم:لاتتشائم..كل شي خير.. وليد(قام):ياللا تصبحين على خير.. مريم:وانت من هله.. فوق في غرفته..يسكر الليتات ويفتح الابجورة..وينسدح على السرير..ويفتح دفتره..شوي ويندق الباب... وليد(استغرب):تفضل.. عبدالعزيز(يفتح الباب):نايم؟ وليد:لا توني جاي من غرفة مريم.. عبدالعزيز(يقرب منه ويعطيه):هاك خذ دواك.. وليد(يبلع الحبة ويشرب ماي):مشكور.. عبدالعزيز:تذكر باجر الصبح..اوكي..ياللا تصبح على خير.. وليد:وانت من هله.. قعد يفكر في نفسه اشلون يقدر يفارق هالبيت:ماني قادر اتصور اشلون بفارق امي اللي متعلق فيها وايد..وكل اسراري عندها..امي اللي عمرها ماحسستني انها امي..كانت لي رفيجة.. ابوي اللي تغير وصار قريب منا..وصارت حياته كلها احنا وبس.. عبدالعزيز اللي كان مثل ابوي واخوي وكل شي..عمره ماقصر بشي..يضحي بحياته علشاني.. بدر اللي كان رفيجي يوم والحين للأسف صار بعيد عني..وصرت ماعرف عنه..الله يسامحك يابدر.. منيرة وهالة وخولة..اللي عمرهم ماقصروا بحقي..ساعدوني وايد.. مريومه..اللي احسها تعطيني حنانها وحبها لي..احسها وحده مشاعرها صادقة وعمرها ماخشت عني سر.. موزة اللي بفتقدها وايد بحنتها ويوم العوزها..ياااااااااااه قمر..آآآه ياقمر..ماادري اذا اقدر اتزوجج ولا لا.. ايشقد صعب علي افارقهم..مابقى لي قد ماراح..الحمدلله اني قدرت ارد البلاد واشوفهم قبل لأموت.. ياترى وليد بيتقدم لقمر؟؟..و أهل قمر بيوافقون؟؟ تابعونا في الفصل العاشر | |||||||||
|  |
|
22-02-14, 12:07 AM
| #12 | |||||||||
| نجم روايتي ومشرفة سابقة وفراشة متالقة بعالم الازياء
| **الفصل العاشر** مع مرور اسبوع... العصر في بيت بوسالم... سلطان زاهب وينزل... سلطان:طالع يالغالية تامريني بشي؟ ام سالم:وين رايح يمه؟ سلطان:رايح اشوف سارة.. تميم(يشرب شاي):سارة ولا ام سارة؟ سلطان:أي ام سارة انت ليش زعلان..زوجتي حبيبتي ليش مااشتاق لها.. ام سالم(تضحك) سلطان:فديت هالضحكة..تامرين على شي؟ ام سالم:سلامتك..سلم عليهم.. سلطان:يوصل..مع السلامة.. ام سالم:في حفظ الله.. تميم(يقوم):ياللا انا بعد بروح ابدل وبطلع.. ام سالم:وين بعد..توك راد من السفر..وين بتروح؟ تميم:يمه من زمان ماشايف ربعي..اشتقت لهم.. ام سالم:وانا بعد من زمان ماشايفني..يعني مو مشتاق لي؟ تميم(يحب راسها):فديتها الغالية والله..اذا تبين اقعد عندج من عيوني ماني طالع..(قعد) ام سالم:لايبه روح.. في بيت بوعبدالعزيز.... وليد(يشرب شاي):يمه مريم مااتصلت فيج؟ ام عبدالعزيز:لا يمه قالت بتتأخر شوي..لأنها غابت اسبوعين والظاهر قاعدة تنقل اللي فاتها.. وليد:يمه..بغيتج بسالفة.. ام عبدالعزيز:خير.. وليد:الخير بوجهج..ابيج تخطبين لي.. ام عبدالعزيز(استانست وحطت الستكانة على الطاولة):هذي السالفة اللي تريح البال..ومن هي؟ وليد:ابي بنت خالتي ام يوسف.. ام عبدالعزيز:أي وحدة فيهم؟ وليد:قمر.. ام عبدالعزيز:الظاهر انها في بالك من زمان.. وليد:أي والله..يمه الله يخليج اخطبيها قبل لتروح من يدي.. ام عبدالعزيز:اكيد بخطبها لك..والحين بعد.. وليد:يمه(تغيرت ملامحه)..بس انا عندي مشكلة.. ام عبدالعزيز:عسى ماشر..الله يبعد عنا المشاكل.. وليد:اخاف يرفضوني لأني مريض.. ام عبدالعزيز:ايش هالكلام..خالتك تعزك وايد وحتى عيالها.. وليد:ادري يعني يمكن ابوها يرفض..لاتنسين اني مريض وقلبي تعبان ويمكن اموت... ام عبدالعزيز(قاطعته):وليد لو سمحت اذا تبي تقول هالكلام انا قايمة.. وليد:لا يمه..خلاص..بس انت متأكدة ان ابوها مابيرفض؟ ام عبدالعزيز:كل شي في علم الغيب..احنا خلنا نخطبها وعقب يصير خير..عطني التليفون.. وليد:ان شاء الله.. التليفون يرن... وليد:السلام عليكم...هلا مريوم...خلصتي..خلاص ياللا جاي الحين..مع السلامة.. ام عبدالعزيز:خلصت؟ وليد(قام):أي انا رايح اجيبها..(ابتسم)وعندج الاخبار الطيبة.. ام عبدالعزيز:روح وانت متطمن..دير بالك من الطريق.. وليد:ان شاء الله..مع السلامة.. ام عبدالعزيز:مع السلامة في حفظ الله ورعايته.. في بيت ام يوسف.... ام يوسف(تيبب بصوت عالي خلت الكل يلتم حولها) قمر:ايش صاير يمه؟؟ جواهر:فرحينا معاج.. بويوسف:مرت يوسف ربت؟ ام يوسف:لا..وليد ولد اختي يبي يخطب.. قمر(فجت عينها).. جواهر:صج يمه..ومن بياخذ؟؟ ام يوسف(ابتسمت):بياخذ بنتي قمر.. قمر(استحت وراحت فوق) جواهر:ياسلام..خوش خبر سمعناه..هذا يبيله رقص.. بويوسف(فضل السكوت) جواهر:خلني اروح وراها.. ام يوسف:الحمدلله..الله يوفقهم..اشفيك يابويوسف..اشوفك ساكت.. بويوسف:وانت موافقة؟ ام يوسف(استغربت سؤاله):اكيد هذا يبيله كلام..اشفيك؟ بويوسف:انا ماني موافق.. ام يوسف:ليش؟ بويوسف:انت ناسية ان وليد مريض؟ ام يوسف:ماني ناسية..الاعمار بيد الله..وبعدين بنتك مابتحصل احسن من وليد.. بويوسف:وانت ايش دراج؟ ام يوسف:وليد مايعيبه شي.. بويوسف:ادري..بس هو مريض..وممكن... ام يوسف:وممكن يموت ادري..ويمكن يعيش.. بويوسف:هذا مستحيل..انت ناسية ان قلبه تعبان.. ام يوسف:ويمكن حصل قلب.. بويوسف:ويمكن ماحصل..تبين بنتج ترمل وهي بعز شبابها..انا ماني موافق.. ام يوسف:حتى لو بنتك موافقة؟ بويوسف:أي.. ام يوسف:بويوسف لاتوقف بطريقها.. بويوسف:انت من صجج؟؟ فوق... جواهر:الحمدلله..ألف مبروك..تستاهلين.. قمر:الله يبارك فيج..عقبالج.. جواهر:ياللا عرسج مع عرس مريم.. قمر:مو مهم متى العرس المهم صرنا لبعض.. في بيت بو مها... سلطان(شايل بنته):فديتها والله بنتي..حلوة..ماشاء الله عليها..ياللا عاد بسج لازم تخلصين الاربعين؟ مها:انت تبيها ولا تبيني؟ سلطان:انتوا الاثنين.. مها:تبي تتحملها تراها وايد تصيح.. سلطان(يحب جبينها):فديتها والله..عادي اتحملها مو بنتي.. مها:ماقلت لي شاخبار ولد اختك؟ سلطان:الحمدلله من اللي اشوفه ان حالته وايد احسن.. مها:الحمدلله..اكيد امك قاعدة بروحها..اشتقت لها.. سلطان:لما طلعت تميم كان عندها.. مها:تميم مستحيل يقعد في البيت..وابوك اكيد عند واحد من ربعه.. في بيت بوعبدالعزيز... في الصالة... وليد:يعني موافقة؟ ام عبدالعزيز:هي ماقالت لي انها موافقة..قالت بكلم البنت وابوها وبرد عليج..ان شاء الله خير.. وليد(قام):اذا جات اخبار حلوة امانة بشريني.. ام عبدالعزيز:وين رايح؟ وليد:بروح عند الربع.. ام عبدالعزيز:اذا حسيت بالتعب ارجع البيت زين يمه.. وليد:ان شاء الله.. ومع مرور الساعات.... في غرفة مريم...منسدحة على السرير..يرن تليفونها.. مريم:وعليكم السلام.. محمد:اخبارج؟ مريم:بخير..انت شاخبارك؟ محمد:الحمدلله..اشفيه صوتج؟ مريم:تعبانة من الدوام.. محمد:وينج من جم يوم اتصل فيج ماتردين؟ مريم:قلت لك في الدوام ربعي كانوا يشرحون لي اللي فاتني.. محمد:ايش صار على ريلج؟ مريم:الحمدلله..باجر عندي موعد.. محمد:طمنيني لطلعتي.. مريم:ان شاء الله..محمد انا بسكر الحين لأني نعسانة وابي انام.. محمد:على راحتج..مع السلامة.. في بيت بويوسف.... ام يوسف:يمه الله يخليك اقنع ابوك..مااقدر ارد ولد خالتك..انت تدري ايشقد بزعلون اذا رفضناهم علشان ولدهم مريض.. يوسف:بس يايمه ابوي كلامه عدل..بكرة بتتزوج قمر ويمكن حياتها ماتستمر معاه..يايمه فكري بالعقل..وليد لايمكن يعيش من غير قلب..واذا حصل هذي نعمة واحتمال كبير مايحصل.. ام يوسف(بحزن):بس يايمه اختك تبيه.. يوسف(استغرب):تبيه؟!!! ام يوسف:أي يمه اختك تبيه..وراضية بكل شي.. يوسف:أجل هي مجنونة.. قمر(تنزل):أي مجنونة..انا راضية بجنوني..انا لي كل الحق اني ارفض او اوافق..انا ابيه..شالي يمنع انه مريض.. يوسف:قمر انت تخبلتي..يمكن مالحقتي على الزواج.. قمر(والدموع تنزل):انت يايوسف تقول هالكلام..مااصدق..هذا وليد ولد خالتك اللي هو واحد من ربعك.. يوسف(نزل راسه وتضايق..):ياقمر..انا ابي لج الخير.. قمر:والخير مع وليد.. يوسف:وليد مثل اخوي..لكن ...... جواهر:لكن ايش؟..خلوها تختار نصيبها..الريال مايعيبه شي..بس انه مريض..اذا لها فيه نصيب بيتزوجون واذا لا ماراح يتزوجون..خلوا الايام تمر..وبعدين هي سعادتها مع وليد..تبون تحرمونها من هالسعادة.. ام يوسف:بس ابوكم ماهو موافق.. قمر(انصدمت:ابوي!!..ليش يايبه):انا احترم وجهة نظر ابوي..وهو كيفه اذا مايبي لي السعادة خلاص انا بتم عنده في البيت..(وراحت فوق) بويوسف كان واقف بعيد وسمع كل شي.. في بيت بوعبدالعزيز الصبح... وليد:ابوي راح الشغل؟ ام عبدالعزيز:أي..ليش بغيته بشي؟ وليد:بغيت اقوله عن الخطبة.. ام عبدالعزيز:انا قلت له.. وليد:وايش قال؟ ام عبدالعزيز:يعني ايش بقول..استانس طبعا.. وليد:يمه موجنه خالتي طولت؟ ام عبدالعزيز:يمكن ريلها مافضى او بنتها كانت مشغولة بالدراسة خلنا ننتظر بعد..لاتخاف البنت ماراح تروح بعيد.. وليد(قام):انا طالع.. ام عبدالعزيز:وين؟ وليد:طالع مع تميم.. ام عبدالعزيز:والريوق؟ وليد:بنتريق برع..مع السلامة.. ام عبدالعزيز:مع السلامة..بس لاتنسى ترد على 10 علشان اختك عندها موعد.. وليد:ان شاء الله.. في بيت بويوسف...على الريوق... ام يوسف:عيل وين اختج؟ جواهر:بغرفتها.. ام يوسف:ماهي رايحة الجامعة؟ جواهر:لا..يوسف عجل أخاف أتأخر.. يوسف:ليش قمر ماتبي تروح الجامعة؟ جواهر:شوي تعبانة يمكن تروح بعدين.. ام يوسف:انا بروح اشوفها.. في بيت بوعلي... بوعلي:محمد.. محمد(وهو واقف عند الباب):لبيه يبه.. بوعلي:اتصل على سيف خله يي على الغداء.. محمد(استانس):ان شاء الله..(وطلع) ام علي:انت من صجك؟ بوعلي:أي من صجي..فكرت وايد..والولد ماله الا هله..واحنا هله ياام علي ولانسيتي؟ على الغداء..في بيت بوعبدالعزيز.... ام عبدالعزيز(وهي تحط الاكل على الطاولة):تأخرتوا وايد.. وليد:زحمة وايد يايمه..مااقدر اصدق كل هالناس مرضى.. ام عبدالعزيز:الله يكافينا شر المرض.. مريم تمشي شوي بالعكازة وتقعد على الكرسي.. وليد(يقرب من امه):الغالية ايش طابخة لنا؟ ام عبدالعزيز:كل خير..ها مريم ايش قالج الدكتور؟ وليد:لاتسألينها يكون أحسن.. ام عبدالعزيز(وقفت):ليش؟ مريم:ماابي..الدكتور يقولي ريلج شوي بتطول..مارضى يشيل الجبس..ماابي.. وليد:لاتبجين الله يخليج..ترى اذني ماتتحمل.. مريم:روح انت بعد.. ام عبدالعزيز:يايمه انت ماتهتمين بريلج..ترى عرسج مابقى له شي.. مريم:اصلا ماابي اعرس..(قامت) وليد:ماعليج منها..قولي لي خالتي مااتصلت؟ ام عبدالعزيز:لا.. وليد:ليش؟ ام عبدالعزيز:ماادري..روح بدل وتعال..الاكل بيبرد.. بوعبدالعزيز(يي) وليد(يحب راس ابوه):السلام عليكم يبه.. بوعبدالعزيز:هلا بوخالد..ايش صار على اختك؟ عند باب المدرسة...العنود تطلع تنطر السيارة..ماتحصل حد...الا شوي وتشوف اخوها سيف.... العنود:نوير هذا مو سيف اخوي؟ نورة:أي بلا..روحي له.. العنود(راحت وفتحت الباب وهي مستانسة):حرام عليك ابي أسلم عليك.. سيف:بعدين مو جدام البنات.. العنود:أخبارك؟ سيف:بخير..انت شاخبارج..مشتاق لكم وايد.. العنود:واحنا اكثر.. سيف:روحي نادي نورة وركبوا السيارة.. العنود:انت من صجك؟ سيف:أي..محمد قالي امركم..ياللا علشان مانتأخر.. العنود:الحين.. وعقب مايركبون.... سيف:أخبارج نورة؟ نورة:الحمدلله..انت شاخبارك واخبار عيالك؟ سيف:الحمدلله كلهم بخير.. العنود:سيف انت بتيي معانا البيت؟ سيف:أي..ولاماتبين؟ العنود:بلا..بس... سيف:قصدج امي وابوي؟ العنود:أي.. سيف:لاتخافين انا داخل دعوة من ابوي.. العنود(استانست):صج؟..ماني مصدقة..فديت ابوي.. في بيت بويوسف...على طاولة الاكل.... بويوسف:عيل وين قمر؟ جواهر:بالجامعة يبه.. بويوسف:وليش مارجعت معاج؟ جواهر:انا خلصت..وهي ماصار لها وايد رايحة.. بويوسف:ووين يوسف ومرته؟ ام يوسف:طلعوا يتغدون برع.. وقعدوا ياكلون.... بويوسف:قمر متى بترجع؟ جواهر:يمكن على الاربع.. في بيت بوعلي...سيف قلبه يدق وخايف...دخل...شاف ابوه قاعد يقرأ الجريدة وامه قاعدة تحط الاكل على السفرة... العنود:السلام عليكم.. نورة:السلام عليكم.. بوعلي يرفع راسه علشان يرد السلام لكن شاف سيف واقف وماسك نظارته وعينه عليه...هد الجريدة وقام.. ام علي تفاجأت بشكله..وقفت مكانها وهي تطالع.. سيف يقرب من ابوه..لين ماحب راسه ويده..وادمعت عينه... سيف:يبه سامحني..سامحني..انا غلطت بحقكم وايد..سامحوني.. بوعلي(مسح على راسه بيده وحضناه بقو) سيف(يحب يد ابوه):يبه سامحني..انا ماكنت عايش بسعادة طول ماانا بعيد عنكم.. بوعلي(يبتسم):مسامحك ياولدي.. سيف(يشوف امه اللي دمعته سبقت كل شي قرب منها وحب راسها ويدها):يمه سامحيني.. ام علي(حضنت ولدها):مسامحتك ياولدي..تغيرت وايد ياسيف.. سيف:لأني كنت بعيد عنكم.. العنود(ماتحملت هالموقف دمعت عينها وراحت غرفتها) نورة بعد طلعت غرفتها علشان تبدل.. في السيارة... محمد:ايش قالج الدكتور؟ مريم:حجي فاضي..انا بقول حق وليد ولا عبدالعزيز يودوني مستشفى خاص.. محمد:انزين ايش قالج الدكتور؟ مريم:ماشال الجبس وقال العلاج بيطول.. محمد:عاد انا مالي خص..(ينزل من سيارته)..موعد العرس ماراح اغيره.. مريم:معليه سووا العرس من غير العروس.. محمد:لاحبيبتي..العرس مايستوي من غير العروس.. مريم:محمد والله تعبت من هالجبس مااقدر اتحرك على راحتي.. محمد:مأجورة يامريم.. مريم:انت وين؟ محمد:عند باب البيت..في مفاجأة في البيت.. مريم:صج شنهي؟ محمد:اخوي سيف داخل.. مريم:صج؟..حمدلله على سلامته.. محمد:الله يسلمج..ان شاء الله لفضيت بقولج قصته.. مريم:عيل اخليك..مع السلامة..(تقوم وتمسك العكازة وتطلع من الغرفة وتروح الصالة) تشوف امها ووليد يسولفون ..واول مامريم جات سكتوا... مريم:ارد غرفتي؟ ام عبدالعزيز:ليش؟ مريم:ماادري عنكم..اول ماجيت سكتوا..(تقعد) ام عبدالعزيز:ماكو شي.. وليد:كنا نحش فيج.. مريم:كل شي منك جايز.. عبدالعزيز(ينزل):وليد..تعال خذ دواك.. وليد(ياخذ الدواء من عبدالعزيز ويشربه) ام عبدالعزيز:بالشفاء ان شاء الله.. وليد:تعبتك معاي..انت عطني الدواء باخذه بنفسي.. عبدالعزيز:لاحبيبي خله عندي..عن اذنكم.. مريم:يمه ابي اروح مستشفى خاص.. ام عبدالعزيز:روحي..بس خلني اسأل رفيجتي ام مريم..هي تعرف دكتور عظام.. وليد:ام مريم؟..ليكون مريمتهم مثل مريومتنا؟ ام عبدالعزيز:لا..مريومتنا وايد احلى.. وليد:اوه اوه..الغالية تمدح فيج.. مريم:عيل تبي تمدح فيك انت وبس..خاطري في بيبسي.. وليد:يمه مو تعطينها.. ام عبدالعزيز:ليش؟ وليد:الدكتور موصي لازم تشرب حليب وبس.. ام عبدالعزيز:في هذي معاك حق.. وليد(يرن تليفونه):عن اذنكم.. مريم:من ليكون وحده؟ وليد:وحده؟...من وين ياحظي.. راح برع... مريم:يمه..مو جنه خالتي تأخرت بالرد؟ ام عبدالعزيز:هذا اللي قاعدة افكر فيه..ماادري ليش.. مريم:بس انا اعرف ان قمر موافقة.. ام عبدالعزيز:انا بعد ادري.. مريم:من وين تدرين؟ ام عبدالعزيز:هذي سالفة قديمة كانت بيني وبين خالتج..ان قمر حق وليد..بس ماادري ليش تأخرت هي قالت بشاور ابوها..ماادري مامحصلته ولا ماهو موافق.. مريم:ان شاء الله بيوافق.. ام عبدالعزيز:ان شاء الله..وانت من وين تعرفين؟ مريم:قريت هالشي بعيونها..حسيت انها تحبه خاصة لما كان في العمليات..كنت احس ان في شي..وفسرتها على هالاساس.. في بيت بوعلي... محمد:مو تسافر وماتحضر عرسي؟ ام علي:ليش يمه بتسافر بعد؟ سيف:علشان اجيب العيال.. بوعلي:وعيالك وينهم؟ سيف:عند امهم.. محمد:مايخصني روح الحين جيب عيالك وهم تحضر عرسي.. العنود:ليش مريم ريلها تحسنت؟ محمد:لا ليحين..الدكتور يقول العلاج بيطول.. ام علي:عيل ايش بتسوون؟ محمد:ماني مأجل العرس كيفها خلها تيي بريلها المجبسة..تعبت وانا انطر.. العنود:ايوه ايوه ياعم طلع الحب.. محمد(قام واستحى انه قال هالكلام جدام ابوه):عن اذنكم رايح اتوضى مابقى شي على الاذان.. في الجامعة...قمر قاعدة في كلية العلوم تنتظر السيارة تجيها...تتكلم في التليفون.... قمر:جان قلتي حق يوسف يمرني..ماابي ابوي..أخاف يقولي شي.. جواهر:حاولت بس ماقدرت..مُصر ان هو اللي يمرج.. قمر:ياويلي الظاهر يبي يقول شي..الله يعيني.. جواهر:يعني ايش بقولج..اللي بخاطرج قوليه..مو انت تبينه..خلاص.. قمر:بس هذا ابوي اشفيج تخبلتي؟ جواهر:عند هالسوالف الواحد مايستحي يقول الصج دايركت..الا اذا ماتبين وليد.. قمر:لا طبعا ابيه ونص.. جواهر:خلاص عيل..ياللا بسكر تحصلين ابوي يتصل فيج.. في بيت فاطمة...تدخل البيت فاطمة وتقط شنطتها وعبايتها على الكرسي..وتروح تغسل يدها.. فاطمة:يمه شنو الغداء؟ ام راشد:مجبوس سمج.. فاطمة:ياسلام..ميتة من الجوع..خلاص بيغمى علي..ميري سخني الاكل بسرعة.. ام راشد:وين راح راشد؟ فاطمة:راح المسجد..يمه ايش صار على خطيبته من افاتحه بالموضوع يعصب..ايش سويتي معاه؟ ام راشد:ولاشي..من جم يوم طلقها.. فاطمة(انصدمت):والله؟..لاحول ولاقوة الا بالله..الله يهداه..وليش ماقلتي لي؟ ام راشد:توه اليوم على الغداء قالي..زين الحين طلقها ولا عقب الزواج.. فاطمة:أي والله..ميري وصمخ..ذبحتيني ياللا.. عند باب الكلية..تركب قمر السيارة..وتسلم على ابوها... بويوسف:آسف تأخرت عليج..لأني رحت اصلي.. قمر:عادي يبه.. وهو بالطريق كان الهدوء عجيب..لين... بويوسف:قمر انت موافقة على ولد خالتج؟ قمر(حست بالخوف وماهي عارفة شتقول) بويوسف:قولي الصج ولاتستحين.. قمر(تذكرت كلام جواهر):أي يبه موافقة.. بويوسف:وليش موافقة؟ قمر(ياويل حالي ايش اقوله احبه):يبه انتوا علمتونا ان الريال اذا كان زين ومايعيبه شي..واخلاقه ودينه زينة ماينرفض..واحنا مشينا على كلامكم.. بويوسف:ووليد؟ قمر(استحت):وليد واحد زين واخلاقه طيبه..انت ادرى بهالشي.. بويوسف:بس يابوج وليد مريض؟ قمر(حست بالقوة):واشفيها اذا كان مريض..ماهو عيب..الرسول صلى الله عليه وسلم ماقال اذا الريال مريض رفضوه.. بويوسف:بس وليد يمكن... قمر:أنا راضية.. بويوسف:راضية انج تترملين وانت صغيرة؟ قمر:يبه اذا الله كاتب لي ان اترمل..بترمل اذا كنت متزوجة أي واحد ثاني..كل شي مكتوب..ومانقدر نستعجل الاحداث.. بويوسف:يعني ماعندج اعتراض؟ قمر:لا..بس يايبه اذا ماانت موافق خلاص انهوا السالفة..ولكن صار شي.. بويوسف:بس جذي معناته اني بوقف بسعادتج..مو هذا كلامج.. قمر(اندهشت اشلون ابوها سمع كلامها) في بيت بوعبدالعزيز.... مريم:يمه تبين اكلم قمر؟ ام عبدالعزيز:لا..خلنا ننتظر بعد..(قامت)..بروح البس وبروح بيت ابوي..تيين؟ مريم:لامااقدر..عندي محاضرات لازم انقلها من دفتر وحدة من البنات..سلمي عليهم.. ام عبدالعزيز:ديري بالج على نفسج..لاتمشين وايد..وموزة خليها تدرس.. مريم:ان شاء الله.. في بيت بويوسف...في الليل على الساعة 9 يرد بويوسف البيت..ويسلم ويقعد في الصالة... بويوسف:وين قمر؟ جواهر:فوق تتكلم في التليفون.. بويوسف:روحي ناديها.. جواهر:ان شاء الله يبه.. ام يوسف:بويوسف ترانا تأخرنا على بيت اختي..ابي اعرف شاقولهم.. بويوسف:نطري.. ام يوسف(قامت):خلني ازهب لك العشاء.. بويوسف:قعدي..صبري شوي..وعقب روحي.. ام يوسف استغربت ..اشفيه بويوسف؟؟ في بيت بوعبدالعزيز...مريم قاعدة في المجلس مع محمد ووليد...في الصالة قاعدة ام عبدالعزيز مع بنتها خولة.... خولة:يمه صج بيأخرون عرسها بعد؟ ام عبدالعزيز:من قالج؟ خولة:مريوم.. ام عبدالعزيز:تقول حق عمرها..كم مرة يأجلون.. خولة:وريلها؟ ام عبدالعزيز:ان شاء الله بتتحسن..(قامت)..خلني اروح ازهب العشاء الحين ابوج على وصول.. خولة:خليني اساعدج.. ام عبدالعزيز:ريلج متى بيمرج؟ خولة:قال على العشرة ونص.. في بيت بويوسف...قمر تنزل وهي خايفة وماتدري شالي يفكر فيه ابوها..سلمت عليه وقعدت.. بويوسف:تعالي قعدي عندي.. قمر(ناظرت امها وجواهر وماتدري شالسالفة):ان شاء الله.. بويوسف:وين يوسف وحرمته؟ ام يوسف:فوق بغرفتهم.. بويوسف:جواهر روحي نادي اخوج خله يي.. جواهر(قامت):ان شاء الله.. قمر(ساكته وماهي قادرة تتكلم بكلمه وحدة) بويوسف عنده شي مهم يبي يقوله..بس شنو هو؟؟ هذا اللي راح نعرفه في الفصل ال11 | |||||||||
|
| |
|
22-02-14, 12:08 AM
| #13 | |||||||||
| نجم روايتي ومشرفة سابقة وفراشة متالقة بعالم الازياء
| **الفصل الحادي عشر** في مجلس بوعبدالعزيز... وليد(يقرأ كتاب) محمد:مريم.. مريم:لبيه.. محمد:ودي أسألج سؤال.. مريم:تفضل.. محمد:اشلون شكل فستانج؟ مريم(استحت من هالسؤال وكانت خايفة اذا وليد سمعهم) محمد(ابتسم):اقصد يعني اشلون موديله مستور؟ مريم(فهمت قصده):اي نعم مستور..هذا اللي وصتني عليه الوالدة قبل لأفصله.. محمد:الحمدلله.. في بيت بويوسف...يوسف ينزل ويقعد.... بويوسف:بغيت أخبركم عن خطبة قمر على(هني الكل يناظر الثاني وخايفين يكون شخص ثاني)..وليد..(هني ارتاحت قمر)..فأبي أسأل عن رايج..لأن بوعبدالعزيز كلمني اليوم وقلت بشاور البنت..فايش تقولين يبه؟ قمر(وقلبها يدق وخايفة):اذا انت موافق انا موافقة.. بويوسف(يبتسم لها):يعني اقولهم خلاص قمر حق وليد.. قمر(استانست وركضت على غرفتها) جواهر:يمه نبي يباب.. ام يوسف(استانست):من عيوني....تسلم يابويوسف..عسانا ماننحرم منك.. يوسف:راحت على طول ماعطتنا فرصة حتى نبارك لها.. ام يوسف:استحت البنت..الله يخليهم حق بعض.. بويوسف(قام):يوسف روح اشتر لنا كيك والحقنا انت وحرمتك بيت خالتك.. ام يوسف:صج والله بنروح لهم؟ بويوسف:روحوا تزهبوا لأنهم ناطرينا.. ام يوسف(يببت وهي مستانسة وايد) ركضت جواهر لعند غرفة قمر... جواهر(وهي مستانسة):قمور لحقي..بنروح بيت خالتي فوزية.. قمر:ليش؟ جواهر:ماادري ابوي يقول انهم ناطرينا وطرش يوسف يشتري كيك.. قمر(قلبها فز):ليش؟ جواهر:ماادري ليكون الملجة؟ قمر(خافت):لا حبيبتي..مااعتقد.. جواهر:ياللا تزهبي يالعروس.. في بيت بوعبدالعزيز...الكل مستانس وطاير من الفرحة...راح وليد يشتري عشاء من برع..في المطبخ.... ام عبدالعزيز:روسي خلصي بسرعة..الحين الضيوف جايين.. مريم(تدخل):الحمدلله ماتدرين يايمه ايشقد مستانسة.. ام عبدالعزيز:عسى الفرحة دوم بحياتج يايمه..وان شاء الله نفرح فيج ونشوفج عروس على الكوشة..الا ماقلتي لي ماقالج محمد شي عن العرس؟ مريم:لا.. موزة(تدخل وتشمر):يمه ماتبين اساعدج بشي؟ ام عبدالعزيز:اخاف عندج امتحان ولا شي؟ اسماء:روحي موزة انا موجودة.. موزة:ماعندي شي باجر..كل واجباتي حليتها..ياللا شاسوي الحين قولوا لي.. مريم:وين خولة؟ موزة:بنتها كانت تصيح وراحت ترقدها.. مريم:وين منور وهالة بيموتون اذا ماجاوا الليلة.. ام عبدالعزيز:أي والله..روسي خلصي بسرعة أنت وايد بطيئة.. اسماء:تبين عمتي انادي خدامتي؟ ام عبدالعزيز:لا ماابيها تتعود ان في حد يساعدها خلها تشتغل بروحها.. مريم:اقول يمه..المفروض احنا اللي نروح بيت العروس اشلون صارت الدنيا بالمقلوب؟ اسماء(تضحك) مريم:أي والله من صجي.. ام عبدالعزيز:الله يسلمج ابوج قال حق بويوسف ان احنا اللي رايحين بس ابوج تذكر ريلج وتعذر بهم وقالوا هم اللي جايين علشان نحتفل.. مريم:لاعاد..الله يخليه ابوي ايش هالحجي..انتوا من صجكم انا كل يوم اروح الجامعة بهالريل.. اسماء:شدي حيلج انت بعد مابقى شي على عرسج.. مريم:لاحقين على عرسي.. يرن الجرس... ام عبدالعزيز:روسي خلاص روحي فتحي الباب..وانت مريوم روحي استقبلي خالتج وبناتها..وانت اسماء غسلي يدج وروحي سلمي عليهم ونادي خولة بطريقج.. اسماء:وانت عمتي؟ ام عبدالعزيز:انا بعد جاية وراج.. فتحوا الباب..وام يوسف يببت والكل جى صوبها.. مريم(تسلم على خالتها):مبروك خالتي.. ام يوسف:الله يبارك فيج ياعمري.. وصاروا يسلمون على بعض..لين ماجات ام عبدالعزيز وسلمت على اختها وقعدوا يببون مع بعض..والكل يضحك ومستانس.. ام عبدالعزيز:صبر محد يتحرك..بروح ثواني وبرجع.. قمر خلاص الحياء ماكلها..ماهي قادرة تفكر بشي.. مرة وحدة الباب يتبطل وتكون منيرة وهالة...وصاروا يببون مرة ثانية ويسلمون ويباركون لبعض.. مريم:اشوف جيتوا.. منيرة:عيل عبالج بنخليكم تستانسون بروحكم..عيل وين امي؟ مريم:الحين بتيي..خالتي وين امينة؟ ام يوسف:جاية بالطريق.. ام عبدالعزيز تقرب من قمر وتكت عليها الفلوس..والياهال يجمعون..وييبون كلهم..ام عبدالعزيز تاخذ قمر ويروحون يقعدون... ام عبدالعزيز:عسى الله يخليكم حق بعض..ونشوفكم عرسان ونشوف عيال عيالكم.. ام يوسف:آآآمين.. ام عبدالعزيز:وعقبال جواهر وموزة.. الجميع:آآآآمين.. وليد يوصل ومعاه العشاء..وينادي..تروح موزة مع الخدم وياخذون العشاء.. وليد:موزة.. موزة:لبيه.. وليد:نادي لي مريوم.. موزة:من عيوني..مريم مريم.. مريم:نعم؟ موزة:تعالي شوي.. منيرة(تيي):ايش تبين فيها..(تشوف وليد)..الله على اخوي..فديته انا..(تسلم عليه)..مبروك تستاهل والله..قلت ماكو نوم الا واروح ابارك لك.. وليد(وهو مستانس):تسلمين ماقصرتي..سنعوا العشاء حق اهل مرتي.. منيرة:أفا عليك انت تامر.. مريم(تيي):نعم؟ موزة:وليد يبيج.. مريم:عساني افداه هالاخو..وينك؟..منخش وراء الباب..ترا ماكو حد..(تروح داخل)..لبيه.. وليد:وينهي؟ مريم:من هي؟ وليد:اللي في بالي بالج.. مريم(تبتسم):داخل امي مقعدتها عندها.. وليد:فديتها الغالية والله..واشلونها؟ مريم:آآآه ياقلبي..تسلم عليك.. وليد:مايصير اشوفها؟ مريم:انت من صجك..عقب الملجة ان شاء الله.. وليد:باقي وايد.. مريم:مابقى شي كلها خمس شهور وملجتكم.. وليد:يارب تمر الايام بسرعة..ياللا انا رايح المجلس.. في المطبخ اسماء ومنيرة وخولة وهالة قاعدين يزهبون العشاء...تدخل امينة مع مرت يوسف... امينة:مساء الخير.. والكل يروح يسلم عليها..ويببون..وتروح امينة المجلس وتشوف خالتها وامها والعروس وتييب..وتبارك لهم.. امينة:مبروك ياعروستنا.. قمر:الله يبارك فيج.. مريم(تروح تقعد عند قمر):والله إني فرحت لج من كل قلبي..تستاهلون بعض.. قمر:مشكورة.. مريم:عاد انا ادري انج تحبين اخوي.. قمر:وانت ايش دراج.. مريم:انا مريوم ماينخش عني شي.. قمر:لاجد ايش دراج؟ مريم:هذي من اسراري الخاصة..ترى حتى المعرس يحبج وايد..ودوم يتكلم عنج.. قمر(تشققت وماهي مصدقة ان وليد صج يحبها) مريم:الله على الحياء.. امينة:موزة ماكو مسجل اغاني نبي نرقص..الليلة عندنا عرس.. ام عبدالعزيز:أي والله وانت صاجة..روحي موزة جيبي لهم مسجل وخلهم يرقصون.. موزة:إن شاء الله.. جواهر:موزة لاتقصرين نبي الاغاني الطيبة.. موزة:أفا عليج.. في المجلس... بويوسف:اسمعني ياولدي ابيك تحط قمر بعيونك وتحافظ عليها.. وليد:ان شاء الله انت تامر ياعمي.. بوعبدالعزيز:عبدالعزيز جدك وخوالك مهب جايين؟ عبدالعزيز:بلا يبه اتصلت فيهم قالوا لي بالطريق.. بوعبدالعزيز:وبدر؟ عبدالعزيز:اتصلت عليه كم مرة مايرد..باتصله بعد.. يطلع ويوقف عند باب المجلس اللي يطل على الحوش... عبدالعزيز:السلام عليكم.. بدر:وعليكم السلام.. عبدالعزيز:اشلونك بدر؟ بدر:بخير..انت شاخبارك؟ عبدالعزيز:بخير..انت وينك؟ بدر:في البيت.. عبدالعزيز:عيل ايش عندك ماترد علي؟ بدر:ماشفت رقمك.. هني بوسالم وسلطان وتميم وسالم يمرون ويدخلون المجلس.. عبدالعزيز:اشلون ماشفته صار لي خمس مرات متصل فيك..شيك على تليفونك عدل.. بدر:صاير شي؟ عبدالعزيز:بغيت اخبرك ان اخوك وليد خطب بنت خالتك قمر..وكلهم عندنا يعني قاعدين نحتفل.. بدر:وليش محد خبرني؟ عبدالعزيز:انت الواحد يحصلك؟..وليد من فترة يتصل فيك علشان يخبرك وانت ماترد.. بدر:والله اني مااشوف رقمكم.. عبدالعزيز:قلت لك شيك على التليفون عدل..جاي؟ بدر:بس جنه الوقت متأخر.. عبدالعزيز:ليش انت رايح بيت الجيران..بتيي ولا لا..علشان العشاء.. بدر:ياللا جاي..مع السلامة.. زينة:شيبون هلك؟ بدر:وليد خطب بنت خالتي قمر.. زينة:من صجه اخوك.. بدر:ليش؟ زينة:اشلون بيتزوج وهو مريض؟ بدر(عصب):زينة.. زينة:جذبت انا؟..كيفكم..ليكون بعد بتروح؟ بدر:طبعا..كلهم موجودين تبيني مااكون معاهم؟ زينة:وتهدني بروحي؟ بدر:تعالي معاي.. زينة:لاحبيبي محد عازمني ليش اروح؟ بدر:لاحول..مانت غريبة علشان يعزمونج.. زينة:روح بروحك..انا ماني جايه.. في مجلس الحريم..حاطين الاغاني وقاعدين يرقصون..ومريم تسولف مع العروس.. في المطبخ... ام عبدالعزيز:ليش ماتودون العشاء حق الرياييل.. اسماء:عبدالعزيز قال اخروه شوي..لأن بدر على وصول.. ام عبدالعزيز:خلاص عيل..اذا خلصتوا تعالوا.. منيرة:ان شاء الله.. أمينة(تقرب من جدتها وتمسك يدها):اقول جدتي ايش رايج ترقصين معانا..الليلة خطبة احفادج.. ام يوسف:ترى امي عليها رقص.. البنات كلهم تصفيق حق جدتهم.. ام سالم(على انها استحت من احفادها):مافيني شده على الرقص.. مريم:جدتي توج شباب..ياللا تصفيق حار حق ام سالم... في مجلس الرياييل... وليد(يتساسر مع تميم):خاطري اروح صوب الحريم.. تميم:لا روح..ترى عادي.. وليد:تطنز حضرتك..والله في خاطري.. تميم:يااخي املج عليها..اشفيك انت؟ وليد:ياريت بس ابوها يقول قبل تخرجك بكم شهر.. بدر يوصل ويحطون العشاء..ويتعشون جميع ويستانسون وعقب يحلون بالكيك..ويشربون شاي ويتقهوون..وكل واحد يرد بيته.. مريم بغرفتها تمد ريلها وتحس بتعب يذبح..مدت يدها على الكوميدينو تاخذ تليفونها..حصلت مكالمات لم يرد عليها..مرتين من فاطمة ومرة من محمد..وشافت الساعة كانت 1ونص.. مريم:كل هالوقت كنا سهرانين..ماشاء الله.. يندق الباب... مريم:تفضل.. وليد:قاعدة؟ مريم:أي.. وليد:اشفيج تعبانة؟ مريم:ريلي تعورني.. وليد:باجر خلني اوديج عند دكتور ثاني..قولي لي شالاخبار؟ مريم:أي اخبار؟ وليد:العروس؟ مريم:تشققت البنت لما قلت لها ان المعرس يحبج.. وليد(استانس):والله..وبعد شنو قلتي لها؟ وقعدوا يسولفون لين الساعة 3 وعشر دقايق..وراحوا ينامون... الصبح في بيت بوسالم.. ام سالم تشرب شاي...ينزل تميم...يحب راسها.. تميم:اشلونها الغالية؟ ام سالم:الحمدلله..اقول للخدامة تييب لك ريوق؟ تميم:ياليت والله.. ام سالم(قامت) تميم(ماخلاها):خليج يالغالية انا بقولها..ماريتا..هذا اسم.. ام سالم:ايش تبي في اسمها.. ماريتا:نعم بابا؟ ام سالم:زهبي الريوق حق بابا تميم.. تميم:ابي ريوق زين.. ماريتا:زين بابا.. ام سالم:والله اني فرحت لهم..يستاهلون بعض..عقبال اللي في بالي.. تميم:تقصديني؟ ام سالم:انا ماادري انت ليش ماتبي تتزوج؟..ترى البنات تارسين الديرة.. تميم:ادري يالغالية..بس أأشر كلهم حولي..بس حاليا مااقدر..اقول يالغالية..ليش مايمجلون الحين؟ليش التأخير؟ ام سالم:قلت لهم..تقول اختك ان ريلها ماهو موافق يقول قبل ليتخرج وليد بجم شهر..المهم انهم صاروا لبعض..وبعدين وليد مابقى له شي.. تميم:أي والله المفروض يتخرج الحين لكن ماصار..بيعدون بسرعة ان شاء الله.. في الجامعة... مريم قاعدة في الكافتيريا مع فاطمة وتسولف لها عن امس.. فاطمة:ياسلام في خاطري عرس.. مريم:عرس اخوج ان شاء الله.. فاطمة:وين ياحظي..طلق خطيبته.. مريم:والله؟ فاطمة:أي.. مريم:ليش؟ فاطمة:شاقولج..البنت شارطة عليه تبي بيت بروحه..وهو رافض..يقول مااقدر اهدكم من غير ريال.. مريم:ماشاء الله عليه اخوج..ريال وينرفع فيه الراس.. فاطمة:الله يحفظه.. مريم:أقولج فطيم..اليوم بروح عند الدكتور.. فاطمة:أي دكتور؟ مريم:أي دكتور بعد.. فاطمة:هذا ماغيره؟ مريم:أي.. فاطمة:ايش يبي؟ مريم:انا ادري.. فاطمة:متى بتروحين؟ مريم(طلعت تليفونها من الشنطة):خلني اتصل في قمر بالاول وعقب بروحه له.. فاطمة:مريوم حبيبتي عزميها على الغداء..في خاطري اشوفها.. مريم:انت شفتيها.. فاطمة:الحين غير بتصير عروس..ابي ابارك لها.. مريم(وتنتظر الرد):ان شاء الله ماتكون عندها محاضرة....آلو..هلا والله بمرت اخوي.. قمر(استحت):هلا مريم..الحمدلله انت شاخبارج؟ مريم:الحمدلله..واخوي بخير بعد.. قمر:مريوم انا ماسألتج عنه.. مريم(تضحك):ألعب معاج..اشفيج..وينج؟ قمر:في التسجيل.. مريم:شموديج هناك؟ قمر:الحاجة..تعبت وانا امشي.. مريم:في حد معاج؟ قمر:أي جواهر.. مريم:عيل خلاص انتوا الثنتين تعالوا النشاط فوق.. قمر:ايش عندج يابنت خالتي؟ مريم:ليش ماتقولين يااخت ريلي.. قمر:ماني رادة عليج.. مريم(تضحك):اتغشمر..عازمينكم على الغداء.. قمر:من انتوا؟ مريم:انا ووليد.. قمر:مريوم.. مريم(تضحك):خلاص خلاص اعصابج..انا وفطوم رفيجتي.. قمر:فطوم وياج..سلمي عليها وايد.. مريم:تسلم عليج.. فاطمة:الله يسلمها قولي لها خلها تعجل تراني جوعانة.. مريم:سمعتي تقولج عجلي تراها جوعانة.. قمر:ان شاء الله..عطيني نص ساعة لين مااوصل..انت ادرى بالطريج.. مريم:أي طريج؟!!..قصدج الكعب.. قمر:اللي هو.. مريم:مااقدر انتظر وايد..عندج 20 دقيقة.. قمر:ان شاء الله مع السلامة.. جواهر:ايش عندها مريم؟ قمر:عازمتنا هي ورفيجتها على الغداء.. جواهر:من رفيجتها؟ في دوام محمد..حزة البريك..محمد ورفيجه عيسى قاعدين يشربون كرك..ويسولفون... عيسى:أخبار اخوك سيف؟ محمد:باجر مسافر.. عيسى:لحق.. محمد:شيسوي يبي يروح يجيب عياله.. عيسى:من جم يوم كلمت سلطان أسأل عن ولد اخته..يقول الحمدلله حالته وايد احسن عن قبل.. محمد:أي الحمدلله.. عيسى:بس طبعا حاله ماراح يستمر مثل ماهو الحين.. محمد:ايش قصدك؟ عيسى:اقصد ان من غير قلب بديل مايقدر يعيش..لازم يدبرون له على قلب..والا... محمد:الله يعينه..حتى المسكين خطب بنت خالته.. عيسى(مستغرب):والله؟ محمد:أي نعم..الريال عنده امل كبير انه يقدر يعيش..والله ياليت لو يقدر يعيش..أتمناها من رب العالمين ان يطول بعمره..ريال مافي منه..ودوم اخته تمدحه عندي.. عيسى:هو دايما جذي يامحمد الناس الطيبين هم اللي يروحون والناس الظالمة عايشة بسبع ارواح.. محمد:سبحان الله..رب العالمين يعطيهم فرصة يمكن يتوبون.. في الكافيتريا.... فاطمة:مريوم ايش صار على ريلج؟ مريم:شكلها ماتبي تتحسن..ذبحتني.. فاطمة:مو قلتي بتروحين عند دكتور خاص؟ مريم:أي ان شاء الله اليوم.. فاطمة:بنت خالتج طولت..حرام عليج مت من الجوع.. مريم:شاسوي فيها..لابسه كعب وياالله تمشي.. في بيت بوعبدالعزيز قاعدين يتغدون.. بوعبدالعزيز:مريم متى بتخلص؟ ام عبدالعزيز:على الساعة 3.. بوعبدالعزيز:ومتى موعدها؟ ام عبدالعزيز:على الساعة 4..من الجامعة بنوديها المستشفى..مايمدينا نرد.. موزة(قامت):تسلم يدج يمه.. ام عبدالعزيز:بالعافية حبيبتي.. موزة:يمه وليد متى بيرد؟ ام عبدالعزيز:يمكن عقب شوي..علشان يريح شوي ونروح ناخذ اختج.. في الكافتيريا..توصل قمر ومعاها جواهر..ويسلمون على مريم... قمر:عيل وين فاطمة؟ مريم:انتظرت وايد البنت بغت اطيح من الجوع..راحت عنكم.. قمر:لا..لاتقولين.. فاطمة(تيي):ألف مبروك ياقمر.. قمر(تلف وراها):فاطمة..الله يبارك فيج..عقبالج.. فاطمة:لاحبيبتي احنا ورانا درب.. قمر:لاتقولين جذي..ان شاء الله نفرج فيج..هذي اختي جواهر.. فاطمة(تسلم عليها) ويقعدون... مريم:قمر وينج كل هذا مشي..عن ابو لو تبين تروحين بيتج جان وصلتي؟ قمر:شاسوي..لابسه كعب.. مريم:بنت خالتي واعرفها من غير الكعب ماتطلع برع..بس تدرين الا اقول حق اخوي يعطيج امر بفصخ الكعب للأبد.. قمر(تبي تغير الموضوع):ايش تبون تتغدون؟ في بيت بوعلي... نورة منسدحة على السرير..وهي تفكر...تدخل عليها العنود.... العنود:يتهنى اللي تفكرين فيه.. نورة:........ العنود(تقعد عندها):ايش كنت تفكرين؟ نورة:افكر بعمري.. العنود:واشفيج انت؟ نورة:افكر يعني باجر اذا تزوجتي انا وين بروح؟ العنود(تضحك):انت من صجج تفكرين بهالشي؟ نورة(بحزن):وليش ماافكر..انا مالي حد بهالدنيا..واذا انت تزوجتي بقعد بروحي.. العنود(كسرت خاطرها):نوري انا مابتزوج الا واحد عنده اخو علشان نكون مع بعض.. نورة(لفت وجها):عاد هذا مستحيل..الزواج عمره ماكان غصب..بعدين من يبي بنت مالها حد.. العنود(عصبت):نورو جاب..عن هالحجي اللي ماله معنى..يعني احنا وين رحنا؟ نورة(قامت ودموعها نازلة):انتوا موجودين..لكن بيي يوم وبتروحين بيتج..ومحد بيكون معاي في هالبيت..امج وابوج الله يطول بعمارهم...(بدت تبجي) العنود(فهمت قصد نورة وعور قلبها على بنت خالتها راحت ولمتها):بس عاد نوري..خلاص لاتعورين قلبي.. عقب ماتغدوا البنات..قمر وجواهر ردوا البيت..ومريم وفاطمة راحوا عند الدكتور.... مريم:السلام عليكم.. الدكتور:وعليكم السلام..كيف حالج يامريم؟ مريم:الحمدلله..خير دكتور بغيتني.. الدكتور:بغيتج علشان غياباتج اللي كثرت.. مريم:أي غيابات اللي كثرت؟؟..هالفترة غبت عن محاضراتك لأني كنت مريضة والعذر عندك..وقبلها ماغبت عندك الا يومين..ومااعتقد اني بانحرم من الامتحان يادكتور.. الدكتور:بس مسجل عندي اكثر من يومين.. مريم:اكيد في غلط في الورقة..انا مو من النوع اللي يغيب.. الدكتور:مريم انت ليش تتكلمين معاي بهالاسلوب؟ مريم:دكتور اسمح لي..انت اللي حددتني اتكلم معاك بهالطريقة..والا انا عمري ماتأجرت اتكلم مع حد اكبر مني..وهذي فاطمة عندك تعرفني زين..دكتور انت اللي بديت معاي.. الدكتور:قعدوا.. فاطمة(في نفسها:تو الناس) وقعدوا.. الدكتور:كملي يامريم.. مريم:دكتور مايسوى علي..كلمة صححتها لك تعاقبني بهالطريقة..كلنا نغلط والغلط عمره ماكان عيب..العيب اني اسكت عن الغلط..وعقب اللي صار..صرت تحط لنا امتحانات صعبه..الواحد مايقدر على حلها أبد..وأدري ان عقب مااطلع من هني بتحطني رسوب.. الدكتور:ليش تعتقدين؟ مريم:لأن فيكم من مايحب حد يرد عليه..(قامت)..انا رايحة البيت..سيارتي برع.. وعقب ماطلعوا من غرفة الدكاترة... فاطمة:مريوم ايش سويتي فيه؟؟ مريم:ايش سويت؟..كل اللي في قلبي قلت له اياه..احسن من سكوتي.. فاطمة:خلتيه ساكت..ماتحجى ولا قال شي.. مريم:سكوته احسن..يعني تبين شيرد علي؟ عند باب الجامعة...وليد ينزل من السيارة كعادته ويروح يساعد مريم على المشي لين مايوصلون السيارة وتركب وتسلم على امها... ام عبدالعزيز:اشلون دوامج؟ مريم:زين.. ام عبدالعزيز:خذتي نتايج الميد تيرم؟ مريم:بس مادتين.. ام عبدالعزيز:واشلون الدرجات؟ وليد(وهو يسوق):اكيد تفشل.. مريم:انزين عيل ماني قايلة اليوم من شفت ومع من تغديت..وايش قلت لهم اللي تغديت معاهم.. وليد:وين تفشل..ماشاء الله عليها مريم شطارة مابعدها من شطارة.. ام عبدالعزيز(تضحك عليهم):انزين ماقلتي لي كم جبتي؟ مريم:الامتحان الاول نزلت فيه خمس درجات..والثاني ثلاث درجات.. ام عبدالعزيز:ماشاء الله..ونبي ارفع من جذي.. مريم:ان شاء الله.. وتموا ساكتين عشر دقايق.. وليد(ماتحمل):اقول مريومه تغديتي؟ مريم(عرفت قصد اخوها من وراء هالسؤال):أي تغديت.. وليد:ومع من تغديتي؟ مريم:مع فطوم رفيجتي.. ام عبدالعزيز:أي صح شاخبارها؟ مريم:بخير.. ام عبدالعزيز:واشلون امها واختها؟ مريم:بخير.. ام عبدالعزيز:ومتى عرس اخوها؟ مريم:خلاص يمه اخوها طلق البنية.. ام عبدالعزيز:ليش؟؟ مريم:تقول البنت شارطة عليه تبي بيت بروحها..واخوها يقول ماهد البيت من غير ريال.. ام عبدالعزيز:ماشاء الله عليه..الله يعوضه ان شاء الله.. وليد:ايش تغديتوا؟ مريم:ادري ايش تبي..اليوم تغدينا انا وفطوم وجواهر و..(وليد متلهف)..وبس.. وليد:وقمر؟ مريم(تضحك):يعني لازم تكون معانا؟ وليد:صج سخيفة.. مريم:أي كانت معانا.. وليد:صج والله.. ام عبدالعزيز:اشفيك شوف جدامك لاتروح فينا.. وليد:قالت قمر.. ام عبدالعزيز:ادري انها قالت قمر..بس سوق عدل.. مريم:الله يخليك لاتسوي حادث بعد اللي فيني مكفيني.. ام عبدالعزيز:الله يبعد عنا الحوادث.. وليد:لازم..ماتبي العرس يتأجل.. مريم:وليد سوق الله يخليك وانت ساكت.. في أحداث جديدة..ترقبوها في فصل 12 | |||||||||
|
| |
|
22-02-14, 12:11 AM
| #14 | |||||||||
| نجم روايتي ومشرفة سابقة وفراشة متالقة بعالم الازياء
| **الفصل الثاني عشر** في بيت بوعلي...في غرفة نورة... العنود:نوري ايش رايج نروح السوق..نتسوق حق عرس محمد.. نورة:مالي خلق.. العنود:ياللا عاد..واليوم ماعندنا شي وباجر الخميس..ايش قلتي؟ نورة:من بيودينا؟ العنود:بشوف محمد ولاسيف..(طلعت من الغرفة) نورة(تمسك صورة امها):يمه ليش هديتيني ورحتي..انا من لي في هالدنيا..بكرة العنود بتتزوج..وخالتي وريلها مهب باقيين لي..وانا بتم بروحي عند من؟؟..قولي لي يايمه(بدت تبجي)..يمه حرام عليج..ياليتج خذتيني معاج.. في غرفة محمد... العنود:الله يخليك محمد طلعنا..نورة وايد متضايقة وابي اغير لها جو.. محمد:اشفيها متضايقة؟ العنود:تذكرت امها..وعورت قلبي يوم تصيح..الله يخليك خلنا نتسوق ابي اغير لها الجو.. محمد:انزين تزهبوا.. العنود(بعثت بوسه في الهواء):فديت اخوي..تسلم يابوجاسم.. وراحت غرفة نورة..حصلتها تبجي وصورة امها في يدها..راحت لها وخذت الصورة... العنود:نوري احنا ايش قلنا..ياللا قومي..محمد بودينا..ياللا قومي تزهبي.. مع مرور الساعات.... في بيت بوعبدالعزيز...في الصالة..موزة تنزل تحت وتقعد معاهم... وليد:عاش من شافج..انت وينج؟..انت ساكنة معانا؟ موزة:شاسوي كانت عندي امتحانات.. وليد:لا لا..ردي فوق..من وقت مارديت وانا مااشوفج.. موزة:بروحي تعبت من المذاكرة..واشتقت لقعداتنا.. وليد(وده يرجع مثل ايام اول مع موزة):ايش عندج صايرة دبة؟ موزة:انا(تشوف عمرها)..يمكن بعد تصدق.. وليد(استغرب من رد موزة):الا دبة شوفي وجهج.. موزة:معاك حق يمكن قعدة المذاكرة.. وليد(قام):انا رايح غرفتي.. موزة:مريم ايش قالج الدكتور؟ مريم:كلهم من نفس الطينة.. موزة:لا من صجي.. مريم:يقول قولي حق موزة انها تهد النت وريلج بتتحسن.. موزة(تكط المخدة الصغيرة):صج سخيفة انا الغلطانة اللي قاعدة أسأل عنج.. وليد سمعهم وهو يتغشمرون..تضايق وراح غرفته.... ام عبدالعزيز(تيي):وين اخوكم؟ موزة:راح غرفته.. ام عبدالعزيز:اذا حد سأل عني انا اتسبح.. مريم:موزة..ليش متغيرة على وليد؟ موزة:لاني متغيرة ولاشي.. مريم:الا..بالعادة لما يقط عليج كلمة انت تعصبين وتتهاوشين وياه..لكن الحين لا..ليش تعطينه نظرة شفقة..ليش ياموزة؟؟؟ موزة(حزنت):مااقدر مااقدر يامريم..كل ماودي نرد مثل اول احس في شي يمنعني..أخاف أضايقه او سبب له مشكلة هو بروحه مريض..ومافيني اشوفه تعبان مرة ثانية.. مريم:وليد ماعليه شر ان شاء الله..ترى وليد لاحظ عليج انج ماتقعدين وياه وايد..واذا قعدتي ماتسولفين..تراه يشوف الشفقة بعيونج..موزة وليد مايحب هالنظرة من حد سمعتي..هذا احنا كلنا نسولف معاه مثل اول..ضحك وغشمرة ووناسة..مانبي نحسسه بالمرض..نبيه ينسى انه مريض..ترى بكرة بتتحسفين..(وقامت تروح غرفتها) تبدل ملابسها..وتنسدح على السرير...يرن تليفونها.... مريم:وعليكم السلام...بخير عساك بخير...الحمدلله.. محمد:بشري ايش قالج الدكتور؟ مريم:نفس الكلام..بس عطاني ادوية وقالي استمري على هالعلاج لمدة 20 يوم وعقب تعالي..ونبهني لازم اشرب حليب كل يوم.. محمد:هذا الحجي.. مريم:تصدق حتى وليد قال للدكتور اختي عرسها عقب ثلاث شهور..نبي نستعجل بالعلاج.. محمد:هذا وليد يبيله هدية..وايش قال؟ مريم:قال لاتخافون ان شاء الله بتتحسن قبل الثلاث شهور.. محمد:مريم الله يخليج سمعي كلام الدكتور..وامشي بالعلاج..ولاتجهدين ريلج.. مريم:ان شاء الله..عندك ازعاج وينك؟ محمد:في الستي.. مريم:ايش عندك؟ محمد:ولاشي..قاعد في الكوفي شوب اشرب قهوة..والعنود ونورة يتشرون.. مريم:يحليلهم..اكيد حق العرس.. محمد:أي..وانت خلصتي شرى؟ مريم:لا والله..معليه خليها بعدين.. محمد:خليها عقب الزواج.. مريم:محمد.. محمد:لبيه.. مريم:بصراحة ودي اقولك شي بس مستحية.. محمد:لاعيوني لاتستحين..قولي اللي في خاطرج.. مريم:من زمان ماسمعتني صوتك وانت تقرا قرآن.. محمد:خلاص الليله لما ارد بقرا لج.. مريم:تسلم.. محمد(يشوف رقم العنود تتصل فيه):مريم بكلمج عقب لأن العنود على الخط الثاني..اكيد خلصوا...ان شاء الله موعدنا في الليل..مع السلامة...وعليكم السلام..انتوا وين؟...خلاص خلكم هناك..انا بييكم..مع السلامة.. وراح ياخذهم ووداهم مطعم... محمد:ايش تطلبون؟ العنود:هانوري ايش تبين؟ نورة:ماابي عشاء.. العنود:ياللا عاد عن المصاخة فرصة محمد مطلعنا بكرة بيتزوج ويمكن مانحصله.. محمد(يبتسم) العنود:ايش قلتي؟ نورة:خلاص انا باخذ كوكتيل بس.. العنود:وايد عليج..انا باخذ آيس كريم.. محمد:وانا بعد باخذ آيس كريم.. في بيت بوعبدالعزيز..راحت موزة تسوي شي حق وليد تخلي علاقتها بوليد ترد مثل اول...راحت فوق في الصالة طلعت البلاستيشن..وجابت بيبسي وشيبس وكوافي وهيأت الصالة..وعقب راحت غرفة وليد..... وليد:منو؟ موزة(بخوف):موزة.. وليد:دخلي.. موزة(دخلت شافته منسدح على السرير ويطالع السقف):مشغول؟ وليد:ايش تبين؟ موزة(ابتسمت):ابيك تلعب معاي بلاستيشن..تيي؟ وليد:واذا ربحت ايش تعطيني؟ موزة(تفكر):اللي تبيه.. وليد:ماتروحين المدرسة باجر.. موزة:لا والله..روح انزين تبيني ارسب في الثانوية.. وليد(يضحك وقال في نفسه:اخيرا ردت مثل اول):انزين انا ابي شيبس وبيبسي وهالشغالات عندج؟ موزة:انت تعال بالاول..انتظرك بالصالة مو تأخر؟ وليد:بشوف بشاور خطيبتي اذا وافقت بيي.. موزة:صج ماتنعطى وجه.. وراحت..وليد ضحك عليها..وقام وراح لها وشاف الصالة... وليد:اوه اوه..كل هذا علشاني؟ موزة:لاتستانس مهب لك.. وليد(قعد على الارض وفتح الشيبس):وين البيبسي؟ موزة:في الثلاجة.. وليد:قومي جيبيه.. موزة(قامت):ان شاء الله..(راحت طلعته من الثلاجة وعطته)..هاك.. وقعد وليد ياكل... موزة(عصبت):وليد..انا ناديتك علشان تاكل؟ وليد:مااقدر العب من غير اكل..من وين بييب البنزين؟ موزة:أف..عيل انا بروح تحت لخلصت اكل نادني.. وليد(ترك الاكل ونظف ايده بثوبه):ياللا تعالي.. موزة:ماشاء الله على النظافة..الله يعين قمر.. وليد:مايخصج..ياللا تعالي.. في بيت بويوسف.... ام يوسف:متى بتخرجين يمه؟ قمر:عقب سنة ان شاء الله.. ام يوسف:ان شاء الله..قبل ليتخرج وليد بتكون ملجتكم وعقب تخرجه زواجكم.. قمر:ان شاء الله.. جواهر:ومريم متى عرسها؟..ابي افصل فستان.. قمر:أي صح يمه باجر الجمعة وابي اروح السوق مع جواهر علشان عرس مريم.. ام يوسف:ليش متى عرسها؟ قمر:عقب ثلاث شهور..يالله يمدينا..بسبت الجامعة مااحنا لاحقين على شي.. جواهر:وطبعا نبي فلوس.. ام يوسف:ان شاء الله خلوا ابوكم يرد وبخبره.. قمر:يمه بتيين معانا السوق.. ام يوسف:مالي خلق السوق.. جواهر:يمه عاد..متعودين نروح السوق معاج.. ام يوسف:خذوا امينة معاكم.. قمر:انت بعد تعالي..وبعدين انا ابيج انت اللي تختارين القطعة.. ام يوسف:يصير خير.. جواهر:يمه انت بعد لازم تشترين لج احلى قطعة بالسوق..انت خالة العروس.. ام يوسف:ان شاء الله.. في بيت بوسالم... ام سالم:فديتج يمه..مشتاقة لج وايد..متى بتردين؟ حصة:ماادري يمه..على حسب شغل غانم.. ام سالم:يايمه خله ياخذ اجازة..مافيني اتحمل.. حصة:ان شاء الله بكلمه لما يرد..أخبار خواتي؟ ام سالم:خواتج بخير..ووليد ولد فوزية خطب قمر بنت عائشة.. حصة(استانست):صج والله..مبروكين..وملجوا؟ ام سالم:لا بعدهم ينتظرون وليد يخلص جامعة.. حصة:عيل زين بلحق على عرسهم ان شاء الله.. ام سالم:ان شاء الله..ماكو ياهل بالطريج يايمه؟ حصة(بحزن):لايايمه ماكو.. ام سالم:الله كريم يابنيتي....إن شاء الله وانت بعد سلمي على غانم..يوصل..مع السلامة.. حصة:مع السلامة.. غانم يدخل... غانم:السلام عليكم.. حصة:وعليكم السلام..يعطيك العافية.. غانم(يقعد):الله يعافيج.. حصة:راد مبجر؟ غانم:نسيت اوراق وجاي آخذها.. حصة:تبيني اجيب لك اياهم؟ غانم(قام):لا انا بروح..كنت تكلمين في التليفون؟ حصة:أي.. غانم:مع من؟ حصة:مع امي..وسلمت عليك.. غانم:الله يسلمها..(وراح فوق).. باجر في بيت بوعبدالعزيز... مريم قاعدة في الصالة مع امها وموزة... مريم:يمه ايش صار على فستانج؟ ام عبدالعزيز:عند المصمم..الظاهر مطول فيها.. مريم:ومتى بيخلص؟ ام عبدالعزيز:ماادري عنه ذكريني اروح له باجر.. موزة:وفستاني انا؟ ام عبدالعزيز:هو قالي ان فستانج على وشك يخلص..باجر بروح وبشوف ايش سوى.. يرن تليفون البيت...ترد مريم اللي كانت قريبة من التليفون.. مريم:وعليكم السلام..(استانست)..هلا خالتي اشلونج؟...الحمدلله...كلنا بخير..انت شاخبارج؟...متى بترجعين؟ ام عبدالعزيز(قامت):هذي حصوه..عطيني اياها.. مريم(تأشر لها لحظة):والله مشتاقين لج..مالي خص ابيج تحضرين عرسي..عقب ثلاث شهور ان شاء الله.. ام عبدالعزيز:عطيني السماعة.. مريم:ان شاء الله هذي امي.. ام عبدالعزيز:السلام عليكم...هلا والله بالغلا كله...بخير انت شاخبارج طمنيني عنج..فديتج والله...الحمدلله كلنا بخير..الله يبارك فيج..من قالج؟..اي والله..لتخرج ان شاء الله....على الفصل الجاي..تسلمين..انت متى راجعة؟..ليش؟...الله يعينه...وعرس مريوم ماانت جايه؟..اي ولي سلمج حاولي..ان شاء الله يوصل..وانت ديري بالج على روحج..مع السلامة.. مريم:متى بترجع والله اني اشتقت لها.. ام عبدالعزيز:انا اكثر سنتين بالضبط ماشفناها من تزوجت..الله يحفظها.. موزة:مابتحضر عرس مريوم؟ ام عبدالعزيز:قالت بشوف غانم.. مريم:الغربة صعبه وايد يايمه..الله يعين خالتي.. ام عبدالعزيز:قالت لي اتصلت في خالتج عائشة تبارك لها على الخطبة وعقب اتصلت فينا.. وليد(يدخل ويقعد):السلام عليكم.. الجميع:وعليكم السلام.. وليد:اشفيكم ساكتين؟ مريم:خالتي حصة اتصلت من شوي.. وليد:يحليلها والله..مب راجعة؟ ام عبدالعزيز:مامبين..متصلة تبارك لنا على خطوبتك.. وليد:فيها الخير خالتي..(يقوم).. مريم:وين؟ وليد:بروح غرفتي..تبين شي؟ مريم:لا..بس أسأل.. عبدالعزيز يدخل البيت مع زوجته وعياله..ويسلمون..ويقعدون.... عبدالعزيز:الله يسلمها.. اسماء:ماهي راجعة؟ ام عبدالعزيز:ليحين مامبين.. اسماء:شوفي مريوم..(تفتح الكيس)..شريت لج هالبلايز..سعود عط الكيس حق عمتك مريم.. مريم(تاخذ الكيس):فديت اسومتي..واو حلوين..مشكورة.. اسماء:ادري انج تعبانة وماتقدرين تتسوقين..فقلت اشتري لج..اذا مو عاجبينج اردهم.. مريم:لا والله عاجبيني..شوفي يمه ايش رايج؟ ام عبدالعزيز:اسماء دوم ذوقها حلو.. عبدالعزيز:ابوي مارد؟ ام عبدالعزيز(قامت):لا..قومي موزة ساعديني انزهب العشاء.. موزة(قامت):ان شاء الله.. اسماء(قامت):خلني ابدل واروح اساعد عمتي.. عبدالعزيز:قعدي وين بتروحين انت كل بالمطبخ مع امي..خلي موزة تساعدها.. اسماء:حرام عليك..هذي امك ماتبيني اساعدها؟ عبدالعزيز:بلا..بس انا بعد ابيج تقعدين عندي.. مريم:ياعيني على الحب.. اسماء(استحت):هالكلام مو وقته..(راحت فوق) عبدالعزيز(يكلم مريم):تستحي الهانم..سعود دندونة شيلوا الاكياس ودوها فوق.. اسماء(من فوق):خلهم ابي اروي عمتي والبنات.. عقب خمس دقايق..ينزل وليد وهو لابس... عبدالعزيز:ايش هالكشخة ياريال..ايش عندك رايح عند(يغمز له) وليد:ياليت..امنيتي.. مريم:وين رايح بهالكشخة؟ وليد:قولي لااله الا الله.. مريم:لااله الا الله..عيني عليك بارده..وين رايح؟ وليد:طالع مع تميم.. عبدالعزيز:دام انك طالع مع تميم مانلومك بهالكشخة.. مريم(تضحك):وانت صاج.. وليد:مع السلامة.. مريم:ياعيني على ريحة العود.. عبدالعزيز:متى موعدج الثاني؟ مريم:عقب اسبوع ان شاء الله.. عبدالعزيز:وبيشلون لج الجبس؟ مريم:احتمال.. عبدالعزيز:وعقب العلاج الطبيعي.. مريم:ان شاء الله.. اسماء(تنزل):انت ليحين قاعد..روح بدل..الحين ابوك بيوصل ونبي نتعشى.. عبدالعزيز:انا طالع مع الشباب ماني قاعد.. اسماء(تعرف بحركات ريلها):اطلع عادي..انا بقعد مع هلك وبنتعشى جميع..انت الخسران..(وراحت).. عبدالعزيز(يمسك مشعل):شفت حبيبي امك شتسوي فيني.. مريم(تضحك) بوعبدالعزيز يدخل...يقومون يسلمون عليه... مريم(تحب راسه):فديت ابوي..فيك ريحة حريم..وين كنت؟ بوعبدالعزيز(يضحك):كان عندنا اجتماع مع شركة جايبين معاهم وحدة اعوذ بالله من شكلها..راشة غرشة عطر بكبرها..مت لين ماخلص الاجتماع..تعال مشعل عندي.. مع مرور الايام مريم تتحسن حالتها ويشيلون عنها الجبس وتروح للعلاج الطبيعي..ووليد كل يوم يزيد شوقه لقمر..وموزة تشد حيلها بالدراسة لأنه مابقى شي على الامتحانات النهائية..ومها تخلص الاربعين وترد بيت ريلها..وبنات الجامعة في اختفاء تام عن الناس بسبب الامتحانات..والكل مشغول لأن هالفترة هي فترة الامتحانات.. الساعة 11 الصبح..يدخل سعود ومعاه الدانة وهم مستانسين...واسماء تلمهم على طول... أسماء:مبروكين خلصتوا امتحاناتكم.. سعود:انا مستانس وايد..بنسافر بنطلع..بنلعب.. مريم(وهي قاعدة ولابسه تنتظر وليد):وين بتسافرون؟ سعود:بنسافر دبي.. مريم:ومن قالك؟ سعود:ابوي؟ مريم(تطالع اسماء):من صجه؟ اسماء(هزت راسها بنعم) مريم:وعرسي؟ اسماء:مابنتم وايد بس اسبوع وبنرد..لين ماتخلصون امتحاناتكم.. مريم:وليش ماقلتوا لي؟ اسماء:ليش احنا نشوفكم..امج تدري من زمان.. مريم:انزين لاتنسيني.. اسماء:أفا عليج..انت دوم في بالي..من ينسى العروس.. مريم:ومتى العزم؟ اسماء:عقب باجر.. مريم:ياليتني وياكم.. اسماء:ان شاء الله مع ريلج.. مريم:يصير خير..وليد..ياوليد.. وليد(ينزل):اشفيج تصارخين؟ مريم:وليد تأخرت حرام عليك.. وليد(يعدل غترته):مابتأخرين..بعدين انت امتحانج عقب ساعتين ونص.. مريم:أي لازم اكون قبل الامتحان بساعتين.. وليد:ليش انت رايحة المطار؟ مريم:ياليت..بس في وحده من البنات تبي تشرح لي شي مو فاهمته.. وليد:هلا بسعود والدانة..(ويسلمون على عمهم)..خلصتوا امتحاناتكم؟ الاثنين(يهزون راسهم بنعم) وليد:ياللا مريوم نمشي..لرديت بجيب لكم شي.. الدانة:شنو؟ وليد:فديتج انا(يبوسها)..بعدين بقولج.. مريم:ياللا نمشي.. ام عبدالعزيز(تييهم):بتروحون؟ مريم:أي يمه..دعواتج.. ام عبدالعزيز:موفقة..وهالله هالله بالاذكار..وركزي عدل.. مريم:ان شاء الله..مع السلامة.. ام عبدالعزيز:مع السلامة.. في دوام محمد...يرن تليفونه بمسج..يفتحه... ادعي لي وايد عندي امتحان.. محمد(قام) عيسى:وين؟ محمد:بيأذن الظهر..ولاماتبي تصلي؟ عيسى:بلا..(قام).. في السيارة...وليد ينتظر موزة..تدخل السيارة... وليد:تو الناس ..بدري..ردي وعقب لخلصتي تعالي.. موزة:ارد؟ وليد(يسوي عمره معصب):كل هذا عن ابو.. ادريولج انا؟؟ موزة:لاتعصب..انت تدري ان عندي امتحان.. وليد:انت موقلتي بتخلصين 12.. موزة:بلا.. وليد:والحين كم؟ موزة(شافت ساعة السيارة):وربع.. وليد:ربع ساعة وين كنت؟ موزة:كنت اتناقش مع البنات.. وليد:بنشوف الحين أيش بتجبين.. موزة:ان شاء الله مو أقل من 95.. وليد(يضحك):بنشوف.. موزة:بنشوف.. وليد:كم جبتي الكرس اللي راح؟ موزة:ماني قايلة لك..سر.. وليد:اكيد في الستين ولا السبعين..مفتشلة.. موزة:كل شي في وقته حلو ياحلو.. وليد:كنت باشتري لج كوكتيل بس خلاص غيرت رايي.. موزة:والله..ياللا خلنا نروح نشتري.. وليد:قلت كنت.. موزة:معليه ياللا تكفى وليد..ودي اغير جو كل في البيت..الله يخليك وليد..عسى الله يخليلك قمر وتعرسون بسرعة.. وليد:بس علشان هالدعوة.. موزة(استانست) في الجامعة... مريم قاعدة في كلية العلوم مع فاطمة ومعاهم وحدة تشرح لهم.... مريم:مشكورة..جزاج الله خير..انقذتيني.. البنية:اهم شي فهمتي؟ مريم:أي والله فهمت..تسلمين..يارب يوفقج ويعطيج اللي في بالج. فاطمة:آمين..مشكورة.. البنية(تبتسم):عيل جذي خلنا نشوف درجاتكم عقب الامتحان.. مريم:ان شاء الله.. البنية:ياللا عن اذنكم..موفقين.. فاطمة:يحليلها.. مريم:فطوم خايفة حيل من الامتحان..الله ياستر..ماادري ايش بيسوي الدكتور لشاف ورقتي.. فاطمة:اول مابشوف اسمج بيحط اكس بالاحمر على الورقة.. مريم:فطوم لاتخرعيني..بروحي ميتة من الخوف.. فاطمة:يعني ايش بسوي..غصب عنه لازم يصلح ورقتج.. مريم:الله ياستر..ياللا خلنا نمشي مابقى شي على الامتحان.. في بيت بوعلي... البنات يدخلون... العنود:يمه وينج؟ ام علي(تطلع من المطبخ):وصلتوا؟..ها بشروا ايش سويتوا في الامتحان؟ نورة:الحمدلله كان سهل.. ام علي:وانت العنود؟ العنود:الحمدلله كان زين..يمه ميتة جوع شنو الغداء؟ ام علي:مجبوس دجاج.. العنود:ومتى بنتغدى؟ ام علي:ابوج وينه؟ العنود:الحين بيي ورانا.. ام علي:خلاص عيل ننجب الغداء..روحوا بدلوا وتعالوا ساعدوني.. في بيت حصة...غانم قاعد يلبس ويعدل في نفسه.... حصة:متى راد؟ غانم:مثل كل يوم..تبين شي؟ حصة:بغيتك بسالفة.. غانم:خير؟ حصة(بخوف):غانم ماناوي نرد البلاد؟ غانم:والله ياليت اتمنى.. حصة(استانست):انزين خلنا نرد..الله يخليك.. غانم:بس الحين مااقدر آخذ اجازة..عندنا وايد شغل.. حصة:ومتى تقدر؟ غانم:ماادري يمكن عقب شهرين.. حصة(تضايقت) غانم:زعلتي؟ حصة:تمنيت نستعجل شوي.. غانم:ليش؟ حصة:عرس بنت اختي عقب شهر ونص.. غانم:خلاص خليني اشوف جدولي في المكتب وبرد عليج.. حصة:عساك تسلم..دير بالك وانت طالع.. غانم:تبين شي؟ حصة:سلامتك.. في بيت بوعبدالعزيز... ام عبدالعزيز تتصل في مريم...وماترد... عبدالعزيز:اشفيج يمه فيمن تتصلين؟ ام عبدالعزيز:في اختك.. عبدالعزيز:أي وحده فيهم؟ ام عبدالعزيز:مريوم..اليوم عندها امتحان ووايد ذابحها من القلق..ماادري ايش سوت اتصل فيها ماترد.. عبدالعزيز:تحصلينها ماخلصت.. ام عبدالعزيز:قالت الامتحان ساعتين الحين صار لها ثلاث ساعات.. اسماء:لاتحاتين عمتي..يمكن مشغولة مع البنات وتليفونها على الصامت.. عبدالعزيز:أي يمكن.. في الجامعة..مريم وهي تمشي معصبة تقط الكتب على الكرسي اللي في الممر..وتقعد.. فاطمة:اعصابج.. مريم:لو بيدي جان زنطت الدكتور وريحته من البنات.. فاطمة(تضحك):تزنطينه مرة وحده.. مريم:ماشفتي ايش سوى فينا..قص علينا..قبل الامتحان لاتخافون الامتحان بيكون وايد سهل..والحين شوفي ايش سوى عساه ان شاء الله... فاطمة(تقاطعها):مريوم بسج..لاتدعين عليه..والله حتى انا مقهورة..الظاهر راسبة في هالمادة.. مريم:وانا معاج.. فاطمة:تحصلينه منقهر على الكلام اللي قلتي له اياه.. مريم:يسويها ابن الذين..احسن اني قهرته..يستاهل.. تييهم وحدة من البنات... البنية:شفتوا النذل ايش سوى فينا؟ مريم:نذل شويه عليه..بغيت آخذ ورقة الامتحان واشقها..من القهر.. البنية:أنا ضمنت الرسوب.. فاطمة:كلنا.. البنية:باي.. الجميع:باي.. مريم(اتطلع تليفونها):شوفي كم مكالمة..7 مكالمات من امي..واربع من خالي وثلاث من وليد وثلاث من محمد.. فاطمة:ماشاء الله كل ذوله يحاتونج..مو انا..(تفتح تليفونها) مريم(تليفونها يرن):هذي امي..وعليكم السلام..هلا يمه..تليفوني كان على الصامت..كنت اتناقش مع البنات....ماادري يايمه....احاتي وايد....والله لو ماني بنت جان بالعقال....حق من يعني حق هالدكتور....بعدين لرديت البيت.....وينه؟..خلاص انا باتصله..مع السلامة.. فاطمة(تضحك):شوي شوي اعصابج.. مريم:وهو خلى فينا اعصاب..ماادري اشلون بدرس حق امتحان الاربعاء.. فاطمة(يرن تليفونها):هلا راشد...وينك؟...اي انا خلصت...يعني ايشقد يبي لك لين ماتوصل؟...خلاص بانتظرك..بعدين بقولك..مع السلامة.. مريم:السلام عليكم..وليد وينك فيه؟...اي خلصت..ايش سويت يعني زفت مثل وجه الدكتور..(وليد يضحك)...لاتخاف وجه موحلو..عطني عقالك علشان اطلع حرتي فيه...انزين وينك فيه؟...ومتى بتوصل...انزين لاتأخر..مع السلامة..وليد بيي عقب ربع ساعة وانت؟ فاطمة:انا عقب نص ساعة..اخوي شوي بعيد..خلنا نتمشى برع.. مريم:في هالحر؟ فاطمة:اسمع البنات يقولون الجو حلو برع..ابي اتنفس.. في بيت بوسالم.... مها تيي وتقعد.... ام سالم:نامت؟ مها:مابغت..ايدي عورتني.. سلطان(يمسك يدها):تبين مساج؟ مها(تسحب يدها):لا ولي سلمك مساجك انت لا.. سلطان:جربي شوي؟ مها:لاحبيبي..مانبي.. سلطان:مهاوي ايش رايج احنا بعد نسافر مع عبدالعزيز وزوجته.. مها:وسارونه؟ سلطان:سارونا في جيبي ايش تبين فيها؟ مها:على بالك باستانس في السفرة مااقدر..سارة توها صغيرة خلها تكبر شوي وعقب نسافر.. سلطان:بكون انا شيبت.. مها(تبتسم له):لاحبيبي..انت توك شباب.. سلطان:ياعيني..(يطالع تليفونه)..هذي اشفيها ماخلصت امتحان..ليش ماتتصل؟ ام سالم:اتصل في بيتهم يمكن ردت.. سلطان:باتصلها لآخر مرة.. في السيارة....يرن تليفون مريم.. وليد:مو تليفون هذا..بدالة.. مريم(تضحك):هذا دليل ان اختك مهمة.. وليد:باين.. ياترى من اللي متصل في مريم؟؟..وشنهي الاحداث اللي بتصير؟؟ تابعونا في فصل 13 | |||||||||
|
| |
|
22-02-14, 12:12 AM
| #15 | |||||||||
| نجم روايتي ومشرفة سابقة وفراشة متالقة بعالم الازياء
| **الفصل الثالث عشر** في السيارة....يرن تليفون مريم.. وليد:مو تليفون هذا..بدالة.. مريم(تضحك):هذا دليل ان اختك مهمة.. وليد:باين.. مريم:مساء النور..آسفة والله..اعذرني..شاسوي من هالامتحان..اي..والله العظيم درست....عندي.....يوم الاربعاء....بخلص الاثنين الجاي ان شاء الله..تسلم خالي..بوس لي سارونه.. سلطان(يطالع مها):بس ابوس سارونة؟ مها(تفج عينها) سلطان(يضحك):قلت يمكن تبين ابوس جدتج.. مريم:بوسها..ادري بحركاتك اكيد ست الهانم عندك سلم عليها وايد..(تصارخ)..انا ماقلت..ماتيوز من هالحركات....وليد....يوصل..مع السلامة..يسلم عليك.. وليد:الله يسلمه..(حس بالتعب) مريم(لاحظت عليه):وليد تعبان؟ وليد:لا بس نعسان شوي.. مريم:تبيني اسوق عنك؟ وليد:ياللا تعالي علشان اتشهد.. مريم(تضحك):بسم الله عليك..قولي أخبارك.. وليد:من اخبارج.. تليفون مريم رين... وليد(عصب):عطيني تليفونج بحذفه من الدريشة.. مريم:شاسوي..بسبت الامتحان..(شافت رقم... وبالغشمرة)..ايش تبي هذي..دمها ثقيل.. وليد:لاتردين.. مريم:لاحرام..خلني ارد عليها يمكن تبي شي..آلو...هلا والله بالغلا كله.. وليد(يطالعها):الحمدلله والشكر صج منافقة.. مريم(تبتسم له):بخير الله يسلمج..انا ياحبيبتي مع خطيبج.. وليد(نقز من مكانه):هذي قمر؟ مريم:من قمر؟ وليد:عن المصاخة..أنا أسألج هذي قمر؟ مريم:القمر في السماء.. قمر(تضحك عليهم):مريوم..وين رحتي.. مريم:هلا فديتج معاج..بس تدرين خطيبج وحركاته.. وليد:عطيني اكلمها..الله يخليج.. مريم:انت من صجك؟ وليد:دخليج..انا تعبان وابي اكلمها.. قمر(تضايقت لما سمعت انه تعبان):مريوم وليد تعبان؟ مريم:يقول نعسان..يتدلع علينا..روح استأذن من امي.. وليد(حس بالاستسلام):سلمي عليها.. مريم:يسلم عليج.. قمر:الله يسلمه ويعافيه..سلمي عليه.. مريم:ياعيني الظاهر بوصل رسايل حب..تسلم عليك.. وليد:الله يسلمها.. في بيت بوعلي...العنود تنزل تحت... العنود:يمه وين محمد؟ ام علي:راح المسجد.. العنود:بيرد؟ ام علي:ماادري..ايش تبين فيه؟ العنود:ابيه يشرح لي شي.. ام علي:اتصلي فيه.. فوق في غرفة نورة تدخل عليها العنود.... العنود:محمد قال بيرد عقب شوي..تبينا ننزل تحت ولا نقعد في غرفتي؟ نورة:العنود خله يشرح لج وانت عقب اشرحي لي..استحي اقعد جدام اخوج ويشرح لي.. العنود(تعرف بنت خالتها واخلاقها):خلاص بكيفج..انا بروح غرفتي.. في بيت بوعبدالعزيز...مريم تقوم... مريم:تصبحون على خير.. ام عبدالعزيز:وين؟ وليد(حس بالتعب فقام):انا بعد تصبحون على خير.. ام عبدالعزيز:اكيد متعشيين برع.. مريم:لاوالله ماكلنا شي..من الجامعة على البيت.. ام عبدالعزيز:عيل ايش عندكم بترقدون هالحزة؟ مريم:يمه انا قايمة من الفجر وتعبانة ابي انام وباجر من الصبح لازم اقوم علشان ادرس.. وليد:انا بعد قايم من وهل ونعسان ابي انام.. ام عبدالعزيز:والعشاء؟ مريم:مااشتهي..ياللا انا رحت.. وليد:انا بعد شبعان..(وراح).. عبدالعزيز:خلاص يمه لاتزعلين احنا بنتعشى معاكم..مابنخليكم بروحكم.. ام عبدالعزيز:خايفة على مريوم ماتاكل عدل هالايام.. اسماء:عادي ياخالتي كلهم فترة الامتحانات يصير فيهم جذي.. ام عبدالعزيز:بس موزة مو جذي.. اسماء:موزة ماشاء الله عليها..هي غير عنهم.. عبدالعزيز(قام) ام عبدالعزيز:وانت بعد وين رايح؟ عبدالعزيز:بروح فوق بعطي الدواء حق وليد وبنزل.. دق الباب... وليد(وهو تعبان):منو؟ عبدالعزيز:عبدالعزيز.. وليد:ادخل.. عبدالعزيز(دخل وشاف وليد منسدح على السرير بملابسه وشكله تعبان يقرب يشوفه مسكر عينه):وليد اشفيك؟ وليد:احس اني تعبان.. عبدالعزيز(تخرع عليه):شاتحس فيه؟ وليد:ماادري احس بتعب..مااقدر افتح عيني..ودايخ.. عبدالعزيز:من متى وانت تعبان؟ وليد:لما رحت آخذ مريم.. عبدالعزيز: لما تحس بالتعب خبرني على طول..(يطلع دواه)..خذ دواك وبنشوف اشلون بتصير..اذا ماتحسنت بوديك المستشفى..ياللا قوم.. شرب الدواء.. عبدالعزيز:حاول انك تنام..واذا حسيت بشي ثاني قولي..انا بروح شوي وبمرك.. في بيت بوعلي... محمد:فهمتي؟ العنود:أي فهمت..مابغت المعلومة تدخل.. محمد:ليش مارحتي عند نورة تشرح لج؟ العنود:لأن هي بعد مب فاهمة.. محمد:انزين قومي شرحي لها..روحي شوفي امي ايش تبي قاعدة تنادي.. راحت وعقب يات... العنود:محمد العشاء جاهز..انزل.. محمد:الحين بنزل.. في غرفة مريم...حطت راسها على المخدة وغطت عمرها بالبطانية..وخذت تليفونها.... مريم:السلام عليكم.. محمد:وعليكم السلام ورحمة الله وبركاته.. مريم:أخبارك؟ محمد:الحمدلله..طمنيني على امتحانج.. مريم:زفت والحمدلله.. محمد:ليش؟ مريم:الدكتور الله يسامحه جاب لنا امتحان صعب..كل البنات يشتكون من الامتحان.. محمد:ان شاء الله خير.. مريم:محمد.. محمد:لبيه.. مريم:محمد انا اليوم وايد كنت معصبة من الامتحان وماخليت كلمة الا وقلتها في الدكتور.. محمد:استغفر الله.. مريم:شاسوي من القهر.. محمد:استغفري ربج وتوبي اليه.. مريم:استغفر الله..محمد..معليه اطلب منك طلب.. محمد:ادري ايش تبين.. مريم:ممكن؟ محمد:اكيد ممكن.. العنود:محمد ماتبي تتعشى؟ محمد:بيي عقب شوي.. مريم:روح تعشى.. محمد:لا بعدين مابحصلج..ادري بترقدين على طول..اي سورة تبين؟ مريم:ودي بسورة مريم.. محمد:ان شاء الله.. عبدالعزيز راح مرة ثالثه يطل على وليد...شافه راقد وحاط ذراعه على جبينه..غطاه وسكر ليتات الغرفة وشغله الابجورة..وطلع وسكر الباب..وشاف اسماء.... اسماء:شتسوي؟ عبدالعزيز:بقولج في الغرفة.. وهم في الغرفة... اسماء:اشفيه وليد؟ عبدالعزيز:شوي تعبان.. اسماء:ماخذى دواه؟ عبدالعزيز:عطيته..والحين نايم..ان شاء الله بس تتحسن حالته.. اسماء:ان شاء الله.. عبدالعزيز:الياهال راقدين؟ اسماء:أي رقدوا.. عبدالعزيز:خلنا احنا بعد نرقد..بحط منبه حق عقب ثلاث ساعات علشان اطل على وليد.. صلاة الفجر...الكل يقوم يصلي...في بيت بوسالم.... بوسالم وسلطان وتميم يردون من المسجد....سلطان يروح غرفته.... مها:تقبل الله.. سلطان:منا ومنكم..(شاف سارة بيد مها)..حتى سارونه قامت تصلي.. مها:تصدق عاد.. سلطان(يحب جبينها):فديتها..فيني نوم.. مها:نام..وانا بقعدك حق الدوام.. في غرفة عبدالعزيز...عبدالعزيز يدخل يحصل اسماء قاعدة على السجاة وتدعي.... عبدالعزيز:تقبل الله.. اسماء:منا ومنكم..اخبار وليد؟ عبدالعزيز:الحمدلله..احسن من امس..حتى جى معانا المسجد.. اسماء:الحمدلله.. عبدالعزيز(يرقد):ناديني على الست ونص.. اسماء:ليش؟ عبدالعزيز:علشان اوصل موزة.. اسماء:ان شاء الله.. في بيت بويوسف....البنات يتريقون مع امهم واخوهم.... ام يوسف:وين مرتك؟ يوسف:مب جايه.. ام يوسف:ليش؟ يوسف:ماادري عنها تقول تعبانة.. قمر:ليكون بتربي؟ يوسف:ماادري عنها..انا بروح مستعجل..قوموا ياللا..يمه اذا تقدرين تمرين عليها..شوفيها اشفيها..عاد انا ماادري بسوالف الحريم.. ام يوسف:ان شاء الله الحين بروح لها.. في بيت بوعلي... ام علي:تريقوا عدل..عندكم امتحان.. العنود:ان شاء الله.. ام علي:نورة يمه شربي الحليب.. نورة:ماابي..مااقدر على الصبح.. محمد:ياللا بنتأخر..الشوارع زحمة..(قام)..مع السلامة يمه.. ام علي:مع السلامة..لاتستعجل في السواقه.. محمد:ان شاء الله.. نورة:خالتي دعواتج.. ام علي:الله يوفقكم ويسهل عليكم الامتحان.. في بيت بوعبدالعزيز على الساعة 9 الصبح.. ام عبدالعزيز قاعدة تتكلم مع مها زوجة سلطان.... ام عبدالعزيز:اقولج مها مو انت على اساس تشتغلين..ماخلصت اجازتج؟ مها:خلصت من زمان..انا قدمت استقالتي.. ام عبدالعزيز:ليش؟ مها:اخوج قالي خلاص الحين صرتي ام ومسؤولة عن ياهل وبلاه الشغل.. ام عبدالعزيز:وانت ايش رايج؟ مها:والله اللي يقوله سلطان يمشي..سارة توها صغيرة ومحتاجة لي..فمااقدر اهدها واروح الدوام.. ام عبدالعزيز:معاج حق..حتى اسماء استقالت شافت ماتقدر قالت اهم شي عيالي.. مها:أي والله..وين نقدر على الشغل والياهال.. ام عبدالعزيز:امي ماخلصت صلاة؟ مها:بلا كاهي قربت..سلمي على اسماء والبنات.. ام عبدالعزيز:يوصل وانت بعد سلمي على بوسارة.. مها:ان شاء الله..عمتي هذي فوزية تبيج.. ام سالم(تقعد وتاخذ السماعة):السلام عليكم.. ام عبدالعزيز:وعليكم السلام..تقبل الله.. ام سالم:منا ومنكم..شاخباركم؟ ام عبدالعزيز:الحمدلله..انت شاخبارج واخبار ابوي؟ ام سالم:الحمدلله كلنا بخير..اخبار العيال ماخلصوا امتحانات؟ ام عبدالعزيز:عيال عبدالعزيز خلصوا..بقت موزة ومريم.. ام سالم:الله يوفقهم ان شاء الله.. ام عبدالعزيز:ان شاء الله..حتى موزة قبل لتروح موصيتني اقولج تدعين لها.. ام سالم:مانسيتها دعيت لها في صلاتي.. ام عبدالعزيز:اخبار حصة؟ ام سالم:قبل اسبوع كلمتني..الحمدلله.. ام عبدالعزيز:مابترجع؟ ام سالم:تقول مب الحين..على حسب شغل ريلها.. في غرفة وليد...يقوم ويغسل وجهه..واول مابغى يفتح الباب علشان يروح رن تليفونه... وليد:وعليكم السلام...بخير...الحمدلله احسن من امس..اي شفته..خلاص بتريق وباخذه..مشكور عبدالعزيز..مع السلامة.. ونزل تحت...سلم وحب راس امه..وقعد.... ام عبدالعزيز:ان شاء الله..مع السلامة.. وليد:من كنتي تحاجين؟ ام عبدالعزيز:جدتك.. وليد:اخبارهم..من زمان ماشايفهم.. ام عبدالعزيز:روح زورهم.. وليد:ان شاء الله اليوم بروح..وين مريوم؟ ام عبدالعزيز:نايمة روح نادها وانا بزهب لكم الريوق.. دق الباب ودخل..شافها قاعدة على السرير وتدرس... وليد:صباح الخير.. مريم(تبتسم له):صباح النور.. وليد:حسبتج راقدة.. مريم:قمت من وهل..علشان ادرس.. وليد:امي تقولي راقدة.. مريم:ماطلعت من الغرفة.. وليد:انزين قومي..امي راحت تزهب لنا الريوق.. مريم:وليد اشلونك الحين؟ وليد:ليش تسألين؟ مريم:امس قلت انك تعبان.. وليد:قلت لج كنت نعسان.. مريم:ونمت عدل؟ وليد:أي الحمدلله..ياللا قومي..لاتنسين اليوم عندج موعد علشان العلاج الطبيعي.. مريم:ان شاء الله..(قامت وطبعا بمساعدة العكازة).. وهم يتريقون... مريم:اقول وليد..أخبار بدر..صار لنا فترة مانشوفه..مسافر ولا شالسالفة؟ وليد:انا بروحي ماادري عنه آخر مرة شفته يوم الخطبة وبس..كل مااتصل مايرد..ماادري وينه.. مريم:يمه ولدج يزورج؟ ام عبدالعزيز(تقرأ الجريدة):أي امس الليل جى.. مريم:أخباره؟ ام عبدالعزيز:الحمدلله.. وتستمر الايام بهدوء لين ماانتهت فترة الامتحانات..وبقى على عرس مريم ومحمد شهرين وجم يوم.. في بيت بوسالم الكل متجمع...صوب الحريم..... ام عبدالعزيز:ها يمه ملابس العرس خلصت من عند الخياط؟ ام سالم:ماادري عنه..مها اللي ودته.. ام عبدالعزيز:مها ايش صار على ثوب امي؟ مها:باجر سلطان بيروح يجيبه.. ام عبدالعزيز:ياليت حصة تيي.. ام سالم:ان شاء الله.. ام يوسف:اذا جات مابخليها ترد لين ماتحضر ملجة قمر ووليد.. عند البنات.... قمر:مريوم مارويتيني فستانج.. مريم:توه من اسبوع واصل.. قمر:اشلون شكله؟ مريم:شوفيه يوم العرس.. قمر:لاوالله..تبيني انطر لين يوم العرس..باجر بيي بيتكم وبشوفه.. مريم(بغشمرة):جايه علشان الفستان ولا علشان اخو صاحبة الفستان؟ قمر(كطت الشيلة عليها):صج ماتستحين.. البنات يضحكون... قمر(قامت) مريم:وين؟ قمر:مايخصج.. يرن تليفون قمر... قمر:آلو..خير يوسف؟...صج؟(ملامح الفرح)..الحين بقولها..اوكي مع السلامة..يمه يمه.. ام يوسف:شنو؟ قمر:مرت يوسف في الولادة.. ام يوسف(قامت وهي مستانسة):الله يقومها بالسلامة..اتصلي في ابوج خله يودينا المستشفى.. قمر:ان شاء الله.. في المجلس... بويوسف(يرد على التليفون):هلا يبه قمر..(هني وليد عينه عليه)..ياللا عيل انا قايم..مع السلامة..(قام) بوسالم:وين؟ بويوسف:مرت يوسف في المستشفى..فرايح اودي ام يوسف والبنات..ياللا في امان الله.. الجميع:في امان الله.. عبدالعزيز:سلطان قوم جيب بنتك.. وليد:يمكن خايف نحسده.. تميم:ترى تشابه ابوها.. عبدالعزيز:عيل مانبي نشوفها.. سلطان:انزين بجيبها بس انت ماراح ارويك اياها.. عقب ساعة.. يرن تليفون ام عبدالعزيز... ام عبدالعزيز(ترد):وعليكم السلام..ها بشري...والله..مبروك...الحين ببشرها..ان شاء الله جايينها باجر..حمدلله على سلامتها..مع السلامة.. ام سالم:ايش جابت؟ ام عبدالعزيز:جابت ولد.. عقب يومين...... في بيت بوعبدالعزيز... قاعدين كلهم يتريقون... مريم:يمه خالتي بتيي؟ ام عبدالعزيز:ماادري والله..بس انا اتصلت فيها امس وهي تحسب ان عرسج عقب شهر ونص.. وليد:يحليلها خالتي..شهر ونص ولا شهرين كلهم نفس الشي.. مريم:اكيد في فرق بينهم.. بوعبدالعزيز:موزة متى نتايجكم؟ موزة:ماادري يبه..ماشفت الجريدة أسأل ربعي يقولون يمكن عقب خمسة ايام.. عبدالعزيز:ليش الخدامة ماجابت الجريدة من برع؟ ام عبدالعزيز:لايمه الخدامة تعبانة اليوم فخليتها ترتاح.. عبدالعزيز(قام):انا بروح اجيبها.. بوعبدالعزيز:وانت مريم؟ مريم:أنا ماادري يمكن بعد طلعت.. ام عبدالعزيز:وليش مارحتي تاخذينها؟ مريم:وصيت رفيجتي بس شكلها ليحين ماراحت الجامعة.. وليد:ليش ماتجيكين على النت؟ مريم:جيكت ماطلعت.. بوعبدالعزيز:وريولج؟ مريم:الحمدلله قاعدة تتحسن.. بوعبدالعزيز:الحمدلله.. وليد:لاتنسين عقب شوي بنسوي تمارين.. ام عبدالعزيز:زين تسوي يمه.. سمعوا صوت مشعل يصيح..قامت اسماء.. بوعبدالعزيز:اسماء يبه جيبي مشعل عندي..(قام)..الحمدلله على النعمة.. وقاموا...عبدالعزيز دخل..وقعد وفتح الجريدة..موزة تروح له.... موزة:ها طلعت؟ عبدالعزيز:لا مكتوب عقب اربعة ايام.. موزة:مايندرى من صجهم.. في بيت فاطمة... يندق باب غرفتها...تقوم من النوم... فاطمة:منو؟ راشد:راشد.. فاطمة:حياك.. راشد:صباح الخير.. فاطمة:صباح النور.. راشد(قعد):ايش عندج راقدة لهالحزة؟ فاطمة:من سهرة امس.. راشد:مجبورة تروحين العرس؟ فاطمة:اختك حنت علي الا اروح معاها..بس صج استانست..عقبال مااشوفك معرس ولك مني ارقص في عرسك.. راشد:غصب عنج بترقصين في عرسي.. فاطمة:ماتبي ندور لك على وحده؟ راشد:عندج؟ فاطمة:انت عطنا الاشارة الخضرة واحنا بنحصلك وحده بالمواصفات اللي تبيها.. راشد:عطيتكم الاشارة الخضرة..ياللا قومي ونزلي تريقي.. فاطمة:ان شاء الله.. وتمر أيام.... في بيت بوعبدالعزيز...صوت صراخ ويباب وفرح ومناسبة..والكل يتجمع في الصالة..... أسماء(تساسر سعود):روح عطها هالكيس.. سعود(يقرب منها):عمتي ألف مبروك..هذا لج.. موزة(لمته وحبته):شنو هذا؟ عبدالعزيز:هذي هدية بسيطة مني ومن اسماء ومن العيال بمناسبة تخرجج..كنا خاشينها لج لين ماتطلع النتايج.. موزة:مشكورين..ليش متعبين عمركم..(فتحت الكيس شافته جوال استانست)..مشكورين.. وليد:ماشاء الله عليج من وين جبتي هالشطارة؟ موزة:من مخباتي..من وين من المذاكرة.. ام عبدالعزيز:الحمدلله انج تخرجتي.. وليد:ياللا مريوم نمشي..علشان ماتأخرين على الموعد.. عبدالعزيز:نبي عزيمة عودة.. بوعبدالعزيز:ان شاء الله..الليلة..ماتطبخين شي يافوزية انا بييب العشاء من برع.. في بيت بوسالم... ام سالم:عيل احنا جايينكم الليلة....مع السلامة.. سلطان:من هذي يمه؟ ام سالم:فوزية..موزة طلعت نتيجتها.. سلطان:وكم جابت؟ ام سالم:تقول جابت 96.. مها:ماشاء الله عليها.. سلطان:ماشاء الله عليها من وين جابت هالشطارة..خلني اتصل فيها وابارك لها.. ام سالم:انا وابوك رايحين بتيون؟ سلطان:اكيد..وتميم؟ ام سالم:اتصل فيه وخبره.. يوم السبت.. في بيت بوعلي... ام علي(تنادي):العنود..يالعنود.. العنود(تنزل):نعم يمه؟ ام علي:تعالي ساعدينا..ابوج الحين بيرد..ونبي نتعشى.. العنود:ان شاء الله.. محمد يدخل يحصلهم كلهم في المطبخ..... العنود(تطلع من المطبخ):لاتدخل.. محمد:ليش؟ العنود:لأن نورة داخله وقاعدة تساعد امي.. محمد:انزين نادي امي.. العنود:الحين..يمه محمد يبيج.. ام علي:خير يمه؟ محمد:يعطيج العافية.. ام علي:الله يعافيك.. محمد:سيف عقب باجر بيرد مع عياله.. ام علي:مابغى يرد..خلاص باجر برتب غرفهم.. محمد:انا رايح غرفتي.. مع مرور الايام... في بيت حصة...حصة قاعدة تطالع تلفزيون وغانم في المكتب بين اوراقه...حست بالملل..راحت له..وقفت عند الباب وقعدت تطالعه لين ماحس فيها.... غانم:اشفيج واقفة؟ حصة:متمللة.. غانم:كنت مقرر نطلع بس جاتني شغله ضرورية..ان شاء الله يوم ثاني.. حصة:غانم.. غانم(وعينه بأوراقه):نعم؟ حصة:ايش صار على ردتنا للدوحة؟ غانم(ومارفع عينه):قلت لج مااقدر ارد الحين يمكن عقب شهر او شهرين..حاليا مااقدر آخذ إجازة.. حصة(تضايقت):يعني مااقدر انا ارد.. غانم(رفع راسه):ايش؟ حصة(خافت):لا ولاشي..عن اذنك.. راحت غرفتها..ودمعتها على خدها...تذكرت كلام سلطان..يوم قالها... سلطان:حصة سمعي رايي انا ماني موافق على هالزواج..انت بتعيشين بغربة ومحد هناك..وغانم مستحيل يهد شغله ويعيش هني..بتمين بروحج وماراح تتحملين الغربة..وربج بيعوضج بغيره.. بدت تبجي..وتبجي..حست انها غلطت وتسرعت بهالزواج..وقالت:ياليتني ماسمعت ابوي ولاامي ولاحد فيهم وسمعتك انت ياسلطان..شالي خلاني آجي هني..لاربع لااخوان ولاخوات ولاجيران ولازوج يفكر فيني.. في هاللحظة قررت شي.... في المجلس...يرن تليفون سلطان..يشوف رقم مكالمة خارجية ويعرف انها حصة من فتح الخط تجاهل المكالمة..وعقب دقايق طرشت له مسج..فتحاه.. سلطان تكفى رد علي.. سلطان تجاهلها للمرة الثانية..رن تليفون تميم..طلع من المجلس... تميم:هلا بوحمود..بخير الله يسلمك انت اشلونك انت تدري اليوم مااقدر اطلع..متى؟...خلها عقب باجر احسن..ان شاء الله..سلم على الشباب مع السلامة.. يرن تليفونه مرة ثانية... تميم:وعليكم السلام...هلا حصة...بخير انت شاخبارج؟..واخبار غانم؟...الحمدلله كلنا بخير..ها متى بتردين؟ حصة(بكل ضيق):تميم انا تعبانة وايد..الله يخليك انا محتاجتكم..محتاجتكم..(وبدت تبجي) تميم(استغرب):حصة اشفيج؟..حصة قولي ردي علي..صاير شي؟ ياترى حصة بتقول حق تميم؟؟..وشالي ممكن يصير؟؟ خلوكم معانا في الفصل ال 14 | |||||||||
|
| |
|
22-02-14, 12:16 AM
| #16 | |||||||||
| نجم روايتي ومشرفة سابقة وفراشة متالقة بعالم الازياء
| **الفصل الرابع عشر** يرن تليفون تميم مرة ثانية... تميم:وعليكم السلام...هلا حصة...بخير انت شاخبارج؟..واخبار غانم؟...الحمدلله كلنا بخير..ها متى بتردين؟ حصة(بكل ضيق):تميم انا تعبانة وايد..الله يخليك انا محتاجتكم..محتاجتكم..(وبدت تبجي) تميم(استغرب):حصة اشفيج؟..حصة قولي ردي علي..صاير شي؟ حصة(مسحت دموعها):تميم انا مااقدر اتم اكثر من جذي هني..ابي ارد الدوحة ابي ارد بيتنا ولا ابي الزواج ولا ابو الزواج..كرهت عمري وكرهت الحياة اللي انا عايشتها.. تميم:صاير شي بينج وبين غانم؟ حصة:كانت اكبر غلطة يوم فكرت اني اتزوج.. تميم:حصة انا أسألج شالي صاير؟ حصة:غانم طول يومه بالشغل عمره ماقعد معاي وقعد يسولف ولايطلعني..ولاعندي ربع ولاعندي جيران..محبوسة بين هالاربع حيطان..ولاادري ايش يصير بالدنيا..ترجيته نرد الدوحة وحطيتها حجة عرس مريم قالي مااقدر آخذ إجازة..واذا قلت له ارد بروحي يتضايق..شسوي بعمري اكط عمري من الدريشة.. تميم:استغفري ربج ياحصة ايش هالكلام.. حصة:كرهت عمري ياتميم..حتى سلطان الظاهر زعلان علي..ومايبي يكلمني.. تميم:من قالج؟ حصة:اتصلت له من شوي مارد طرشت له مسج هم مارد..كل يوم اتظاهر بالقناعة وان بكرة بتغير..لكن من وقت ماتزوجنا واحنا مثل احنا..حتى العيال حارمني منهم..أحسن ماابي شي من هالدنيا..انا بشرد بشرد عنه.. تميم(تضايق على حال اخته):انزين انا بيي باجر وبآخذج.. حصة:وغانم؟ تميم:انا بكلمه.. حصة:لاياتميم..بعدين بيعرف اني اشتكيت لك..وعقب بتصير مشاكل.. تميم:انا اعرف اشلون اتصرف خلي الموضوع علي..انزين؟ حصة:انزين..لاتنساني.. تميم:لاتحاتين ماراح انساج.. غانم يدخل... حصة:خلاص عيل بسكر الحين..مع السلامة.. غانم:من تحاجين؟ حصة:احاجي هلي..تدري اليوم جمعتهم..فحبيت أسأل عنهم.. غانم:وليش كنت تصيحين؟ حصة(انتبهت لدموعها مسحتها):يمكن لأني تذكرتهم.. غانم(حط راسه على المخدة):تصبحين على خير.. حصة:بتنام؟ غانم:شيتشوفين.. في الدوحة... تميم يدخل المجلس..سلطان ينتبه له ان تميم متضايق...وليد يروح له... وليد:من اللي اتصل فيك؟ تميم:بوحمود.. وليد:وليش متضايق؟ تميم:ماني متضايق..بالعكس عادي.. سلطان(يفكر:معقولة حصة مااتصلت فيه بس شكله متضايق) باجر من الصبح يقوم تميم وينزل تحت... ام سالم:صباح النور..وين؟ تميم:عندي شغل ضروري.. سلطان:اليوم اجازة.. تميم:ادري..ياللا عن اذنكم.. ام سالم:ماتبي تتريق؟ تميم:لا ..بتأخر..مع السلامة.. الجميع:مع السلامة.. ام سالم:غريبة اول مرة يطلع مستعجل.. سلطان(يفكر:اكيد في شي صاير) عقب ساعتين في سيارة تميم...يتصل في رفيجه... تميم:هلا خالد..اسمعني بقولك شي..انا مسافر عقب شوي...اي اختي شوي تعبانة وهلي مايدرون وانا ماابي اخبرهم اني مسافر.. خالد:يعني مابتاخذ معاك ملابس؟ تميم:بلا باخذ..بس بحطهم في اكياس وشريت شنطة وحاطها في السيارة..علشان ماينتبهون..وانا بسكر تليفوني وعلى اساس اني عندك اذا حد من هلي اتصل فيك قولهم أي شي.. خالد:انزين انت ليش ماتحط أغراضك بالشنطة على أنك رايح الشاليهات.. تميم:انت ماتعرف الوالدة..اذا شافت الشنطة بتعرف اني مسافر.. خالد:على راحتك.. تميم:تامرني على شي؟..ان شاء الله مع السلامة.. وينزل من السيارة..ويدخل البيت...يروح غرفته يلم اغراضه ويحطهم في اكياس وينزل.... ام سالم:شنو هذولا؟ تميم:هذولا اغراضي.. ام سالم:بتبات برع البيت؟ تميم:أي يمه.. بوسالم:رايح عند ربعك؟ تميم:أي بمرهم.. سلطان:شنو رايحين الشاليهات؟ تميم:اعتقد..ياللا ماابي أتأخر..مع السلامة.. ام سالم:دير بالك على نفسك.. تميم:ان شاء الله.. ام سالم:اول مرة يطلع بهالطريقة..ماادري اشفيه.. بوسالم:مافيه الا العافية..لاتقعدين تحاتين الريال..ايش كبره.. في بيت بوعبدالعزيز.. .في غرفة مريم..قاعدة على السرير ومشغله أغاني..وهي تفكر.... مريم:مابقى شي على العرس..حاسه بخوف..مايندرى اشلون بتكون ايامي عقب الزواج...ماادري باقدر على محمد لأنه متدين ولا بنختلف..ماادري القدر ايش خاش لي..انا احبه وايد وايد..وهو بعد شكله يحبني..بس الزواج غير ايام الملجة..الله يساعدني.. يندق الباب... مريم:منو؟ ام عبدالعزيز:انا.. مريم:حياج يمه.. ام عبدالعزيز(تدخل):شتسوين؟ مريم:ولاشي.. ام عبدالعزيز(لاحظت عليها انها كانت تسوي شي قعدت عندها):ايش كنت تسوين؟ مريم:ولاشي بس كنت افكر.. ام عبدالعزيز:في ايش ؟ مريم:في الزواج.. ام عبدالعزيز:خايفة؟ مريم:وايد بشكل ماتتصورين..كل يوم يقرب احس بخوف اكثر..احس الزواج مسؤولية ماهو حب ورومانسية..ولازم امشي وراء زوجي واطيع اوامره وبعيش بعيد عنكم ويمكن مااشوفكم الا من اسبوع لأسبوع..يمكن لأني تعودت على البساطه واللعب مع اخواني..واحس الزواج بغير فيني وايد.. ام عبدالعزيز(ابتسمت):وانت قد هالمسؤولية.. مريم:صج يمه اقدر؟ ام عبدالعزيز:ان شاء الله راح تقدرين..انا واثقة منج..ومحمد يستاهل منج.. مريم:الله يعيني على اني اسعده.. ام عبدالعزيز:آمين..تيين نروح بيت ابوي.. مريم:أي ليش لا بدل القعدة في البيت.. ام عبدالعزيز:عيل لبسي ونزلي تحت.. مريم:من بودينا؟ ام عبدالعزيز:ابوج.. في العيادة... وليد(يقعد على الكرسي ويسكر ازرة ثوبه):دكتور قولي كل شي لاتخش عني..ابي اعرف ايشقد بقى لي؟ الدكتور:وليد انت حالتك وايد تحسنت من عقب العملية اللي سويتها..والعلاج اللي عطاك اياه الدكتور علاج ممتاز..وانت لازم تستمر عليه.. وليد(يلبس غترته):يعني تعتقد دكتور هالعلاج بيظل يأثر فيني لي متى؟ الدكتور:سؤالك حلو.. وليد:دكتور ابي اعرف في أمل اعيش لجم شهر؟ الدكتور:اسمعني ياوليد..هالعلاج ممكن يي يوم وماتستفيد منه..وعقب (سكت) وليد:وعقب مافي شي ينقذني صح؟ الدكتور:احتمال..طبعا الا اذا حصلنا قلب.. وليد(بكل تشاؤم):قلب..من وين ياحسرة..دكتور الله يخليك يعني انت ماتعرف ايشقد بقى لي؟ الدكتور:وليد هالشي بيد رب العالمين مب انا ولا انت ممكن نعرفه..بس انت تطمن..واستمر على هالعلاج..وان شاء الله مو صاير الا كل خير..على فكرة انا تكلمت مع الدكتور اللي سوالك العملية وقالي انه بلغ وايد مستشفيات اذا حصلوا قلب بديل لك..وان شاء الله خير.. وليد(قام):مشكور دكتور.. الدكتور(قام وسلم عليه):خلي ايمانك بالله قوي..وخلني اشوفك عقب اسبوع.. وليد:ان شاء الله..مع السلامة.. في بيت حصة...تكون قاعدة تسولف مع تميم..يدخل غانم...ويسلمون على بعض... غانم:تفضل..(يقعدون)..أخباركم واخبار الدوحة واهلها؟ تميم:الحمدلله الكل بخير..ومشتاقين لكم..مابتردون؟ غانم:والله ياليت نقدر..بس انت تدري بشغلي.. تميم:خذ اجازة.. غانم:مااقدر آخذ اجازة الحين..يبيلي انطر شوي بعد.. حصة(تقوم):عن اذنكم بروح ازهب العشاء.. غانم:من متى وانت هني؟ تميم:من امس.. غانم:زيارة ولا شغل؟ تميم:شغل وزيارة.. غانم:اشلون تجارتك؟ تميم:الحمدلله تجارتي ماشية.. غانم:الحمدلله..والله فرحتني بشوفتك.. تميم:تسلم يالنسيب.. غانم:ليكون حاجز بفندق؟ تميم:أي نعم.. غانم:روح كنسل الحجز وتعال عندنا.. تميم:تسلم..بس انا مسافر.. غانم:بهالسرعة؟ تميم:مشغول ولازم ارجع..وياليت تييون معاي..بيفرحون بشوفتكم.. غانم:والله اتمنى من زمان ماشايف اخواني وخواتي والوالدة دوم تحن ارجع ارجع..شسوي.. تميم:أي والله حتى امي وابوي دوم يتكلمون عن حصة ومتى بترد..وطولت..مشتاقين لها وايد.. غانم:معاهم حق..(قال في نفسه:مسكينة حصة تحملت وايد وهي بعيدة عن اهلها انا متحمل يالله..اشلون قلبي يطاوعني ابعدها عن اهلها بهالشكل) تميم:يالنسيب..غانم.. غانم:معاك.. تميم:سرحت.. غانم:في هالدنيا..تذكرت شي..عن اذنك.. وراح المطبخ... غانم:ياسلام على الريحة..كل هذا علشان تميم عندنا.. حصة(مستغربة من اسلوبه):اول مرة تدخل المطبخ وتقول هالكلام.. غانم:ادري اني مقصر بحقج وايد ياحصة..بس شاسوي انت ادرى بشغلي.. حصة(نزلت راسها وهي متضايقة:توك حسيت) غانم:شفت تميم وتمنيت نرد معاه.. حصة(رفعت راسها):أي والله ياليت..خلنا نرد معاه..الله يخليك غانم.. غانم(شاف في عينها الشوق):انا مااقدر آخذ إجازة.. حصة(حست بخيبة أمل) غانم:لكن يمكن خليتج تردين مع تميم.. حصة(شافته وهي مامصدقة):احلف ياغانم.. غانم(ابتسم):قلت يمكن.. حصة:غانم تكفى وافق.. غانم:وانا؟ حصة:انت اشفيك؟ غانم:بتهديني بروحي؟ حصة:ماني مطولة..اشوف هلي واحضر عرس بنت اختي وارد على طول..تكفى وافق.. غانم:خليني افكر..زهبي العشاء انا جوعان.. حصة:ان شاء الله.. وطلع... حصة:يارب يوافق.. في بيت بويوسف...قمر وجواهر يرجعون من السوق.... قمر(تقط الاكياس وتقعد):تعبت..خلاص مافيني.. جواهر(تقعد ويوسف يقعد):حتى انا..ريولي تقطعت.. يوسف:انا اللي شاقول..ماخليتوا فيني حيل..الحين اشلون اروح اشوف مرتي وولدي؟ قمر:فديت اخوي..آسفين والله بس انت تدري.. يوسف:ادري ان ايش؟ جواهر:ان عرس مريم قريب وبالمرة نتشرى حق ملجة قمر..اسمح لنا..ريح شوي وعقب روح.. في بيت حصة...وهم يشربون شاي.... غانم:متى بترد؟ تميم:باجر ان شاء الله.. غانم:الصبح؟ تميم:أي نعم..ليش تبون تييون معاي؟ حصة(تناظر غانم ) غانم:والله افكر اطرش معاك حصة..في خاطرها تروح.. تميم:أي والله ياليت..على الاقل امي تستانس بشوفتها.. غانم:ها حصة ايش رايج؟ حصة:انا قلت لك في خاطري..بس انت كيفك.. غانم:وايشقد بتمين؟ حصة:ماادري..تميم متى عرس مريم؟ غانم:يكفونج اسبوعين؟ تميم:لاوين يكفون..العرس عقب شهر تقريبا يعني يبيلها شهر..خلها تستانس.. غانم:أي بس انا بروحي.. تميم:خلاص انت دبر لك اجازة وتعال وراها.. غانم:مااعتقد..خلاص روحي بس لاتطولين اكثر من شهر.. حصة(استانست):تسلم ياغانم..مشكور.. في بيت بوعبدالعزيز... موزة:يبه ايش رايك نسافر هالصيف؟ بوعبدالعزيز:وين تبين تروحين؟ موزة:ماادري أي مكان..في خاطري انغير جو.. مريم:لاحبيبتي وين تسافرون ومين بيحضر العرس؟ وليد(بغشمرة):ليش من يبي يحضر عرسج؟ مريم(تضايقت) ام عبدالعزيز:وليد..ايش هالحجي.. مريم(قامت):تصبحون على خير.. بوعبدالعزيز:يبه مريم تعالي قعدي ماعليج من اخوج.. مريم(التفتت لابوها):لايبه انا تعبانة وابي اروح انام..عن اذنكم.. ام عبدالعزيز:وليد حرام عليك..ليش قلت لها هالكلام انت ماتدري ان مابقى شي على عرسها وهي بروحها متضايقة علشان بتهد البيت.. وليد:شاسوي يمه اتغشمر.. بوعبدالعزيز:ندري انك تتغشمر..بس قوم اعتذر منها.. وليد(قام):ان شاء الله.. راح غرفتها..بغى يدق الباب..سمع صوت صياحها..حزن عليها...دق الباب... وليد:انا وليد معليه ادخل.. مريم:......... وليد(دخل):مريم..تزعلين مني؟ مريم(ارفعت راسها ومسحت دموعها):...... وليد:مريومه انت اكثر وحده تعرفيني زين..الحين تزعلين من غشمرتي؟ مريم:وليد انا نفسيتي تعبانة..تعبانة وايد.. وليد(يقعد عندها):اشفيج؟ مريم:مابقى شي وبهد هالبيت.. وليد:يعني خلاص مابتشوفينا..كل يوم انا عندج.. مريم:وليد انا اتكلم من جدي.. وليد:مريومه حبيبتي..ادري ان صعب عليج تطلعين من البيت وتهدينا..بس محمد ماشاء الله عليه بينسيج هلج..انت الحين بتدخلين حياة جديدة..ولازم تعرفين ان هالحياة انت مسؤوله عنها..لاتخلين حبج لنا يخرب حياتج مع محمد.. مريم:وليد..يصعب علي افارقكم..مااقدر اتخيل اني ببعد عنكم..ومااشوفكم الا من فترة لفترة..خاصة ان البيت بعيد عن بيتنا.. وليد:تطمني يوم انا ازورج ويوم عبدالعزيز ويوم ابوي ويوم امي ويوم خالي وجذي..وماراح تحسين انج فارقتينا.. مريم:الله لايحرمني منكم.. وليد:ولا اقولج ايش رايج تفرشين لي غرفة في بيتكم واقعد عندكم.. مريم:ياللا ماعندي مانع.. وليد:علشان محمد يفلعني من الدريشة.. مريم(تضحك) وليد:أي هذي مريوم..مو من شوي..ياشينج لما تصيحين.. مريم:والله.. وليد:أي.. يرن تليفون مريم... وليد:أكيد محمد؟ مريم(تشوف الاسم):لا هذي فطوم رفيجتي.. وليد(قام):تصبحين على خير.. مريم:هلا فطيم...بخير انت اخبارج؟...ولاشي كنت قاعدة مع اخوي وليد.. فاطمة:ايش صار على بيتج زهب؟ مريم:أي الحمدلله.. فاطمة:من وين حصل ريلج هالبيت؟ مريم:هذا البيت الله يسلمج حق ابوه وقديم..محمد خذاه من ابوه وقعد يصلح فيه لين ماصار البيت جديد..بس ترى البيت صغير لين ان شاء الله ربي ييسر امورنا ونشتري أرض ونبني عليها فيلتنا.. فاطمة:ان شاء الله.. مريم:فطوم ريلي على الخط الثاني..سمحيلي بسكر.. فاطمة:روحي حبيبتي..هو اهم.. مريم:لاتزعلين فديتج.. فاطمة:لاعادي..سلمي عليه.. مريم:يوصل..مع السلامة...السلام عليكم...هلا محمد...بخير عساك بخير...كنت اتكلم مع رفيجتي....الحمدلله الكل بخير..انت اخبارك؟ محمد:الحمدلله.. مريم:اتصلت فيك مارديت.. محمد:كنت قاعد ويالاهل..وسيف رد من السفر مع عياله وقعد يسولف ويانا.. مريم:أخبارهم؟ محمد:الحمدلله كلهم بخير..ماشاء الله على عياله مع انه متزوج من وحده اجنبية لكن يشبهون ابوهم.. مريم:وزوجته موجودة؟ محمد:لا والله زوجته طلقها.. مريم:ليش؟؟ محمد:كانت إجازة الربيع وسيف قرر يسافر مع ربعه لين مالجامعة تبتدي..وتأخر بالردة..وكل مانتصل فيه يقول بتأخر..وماكنا نعرف شسالفته..تأخر وايد..وراحت عليه الجامعة..قعد أكثر من شهر وهو على اساس كان يبي يقعد اسبوعين..وبالاخر قرر ابوي يطرش حد فينا..سافر اخوي حمد..واكتشف انه متزوج..وحاول وياه انه يطلق زوجته بس رفض وتهاوش وياحمد..علشان زوجته حامل..مع ان الكل فينا استغرب سبب زواجه بهالسرعة.. مريم:ومن وين كان يصرف عليها؟ محمد:كان يشتغل في محل.. مريم:وشالي جابره؟ محمد:ربعه الله يهديهم..كطوه بهالمشكلة..خلوه يحب وحده من هالبنات لين ماذبح عمره من الحب وتزوجها من غير علم حد فينا..وعقب ماشاف انه توهق ربعه كلهم تخلوا عنه وردوا البلاد وكملوا دراستهم وهم الحين متخرجين..مع اني ماادري ليش الريال عند الحب يصير انسان مرهف وممكن يضحي بالمستحيل علشان حبيبته.. مريم:نعم حبيبي ايش قلت؟؟ محمد(ضحك):فديت زوجتي..انت زوجتي وحلال علي احبج وتحبيني..انا اتكلم عن الحب اللي قبل الزواج.. مريم:أقول بعد..وايش صار عقب؟ محمد:ابوي وامي دروا بسالفة سيف وعناده..وحاول يقنعه انه يرد البلاد رفض..وصارت مشاكل..بالاخر رد حمد وابوي حلف انه يقاطعه للأبد..وامي بعد.. مريم:ايش هالربع اللي خربوا بيوت غيرهم.. محمد:يامريم في وايد ناس يحبون يورطون ربعهم...ويحسون بمتعة..الله يهديهم.. مريم:وعقب شالي تغير؟ محمد:سيف عاش حياته بصعوبة..واستمر مع انه مرته ماقصرت ماجبت له ولد وبس كثرت..والمصاريف زادت على سيف..كأنها كانت تعاقبه..وصحته تعبت صاده السكر والضغط وهو في سن صغير..وعقب جم سنة من زواجهم..رجع البلاد لكن ماقدر يستقر..فطلق زوجته..لين الحمدلله المياه رجعت الى مجاريها..وكل شي تصلح والحين عايش مع عياله هني وهم مرتاحين.. مريم:الحمدلله.. محمد:صدعت راسج وأذيتج بهالقصة.. مريم:لاحبيبي بالعكس.. الصبح على الساعة 8..تميم يدخل البيت يحصل امه قاعدة تقرأ قرآن..راح لها وحب راسها.. ام سالم:بسرعة رديت.. تميم:اشتقت لج.. ام سالم(ابتسمت):اشتاقت لك الجنة.. تميم:يمه عندي لج ضيفة برع.. ام سالم(استغربت):ضيفة؟ً!!..من؟..( تضحك)..ليكون زوجتك؟ تميم(يضحك):تخيلي عاد يمه اسويها وانت ماتدرين.. ام سالم:ايش دراني عنك..قوم روح جيبها..خاست في الحر.. تميم:الحين بدخلها..(بصوت عالي)..حياج دخلي.. حصة تدخل وترفع نقابها..امها ماصدقت لما شافتها..حصة راحت بحضن امها..وهي تبجي..وام سالم تبجي معاها.. تميم:ياللا عاد لاتقلبون الفرحة حزن.. ام سالم:متى رجعتي؟ حصة:توني جاية من المطار.. ام سالم:وين غانم؟ حصة:غانم ماجى معاي.. ام سالم:ليش؟ حصة:عنده شغل.. ام سالم:ورديتي بروحج؟ حصة:لا طبعا..رديت مع تميم.. ام سالم(تطالع تميم مستغربه):ليش انت وين رحت امس؟ تميم:ياطويلة العمر انا سافرت لهم..كان عندي شغل وجبتها معاي.. ام سالم:حمدلله على سلامتج..فرحتيني .. حصة:حتى انا يايمه..كنت مشتاقة لج وايد.. ام سالم:تميم اتصل في خواتك خلهم ييون.. تميم:ان شاء الله..(يتصل على تليفون فوزية)...السلام عليكم.. ام عبدالعزيز:وعليكم السلام.. تميم:أخبارج ياام عبدالعزيز؟ ام عبدالعزيز:الحمدلله..انت شاخبارك؟ تميم:بخير..وينج؟ ام عبدالعزيز:في البيت.. تميم:انزين لو قلت لج امي تبيج في حد يقدر ييبج؟ ام عبدالعزيز:امي تبيني ليش؟..صاير شي؟ تميم:أي صاير شي..بس بالاول قولي..في حد يقدر ييبج؟ ام عبدالعزيز(خافت):تميم ايش صاير؟ تميم:انت اشفيج خايفة..تفائلي يمكن انا ابي اعرس..والله.. ام عبدالعزيز:ياثقل دمك..اي في حد بييبني..انت بس تحجى ايش صاير؟ ام سالم:كلت قلبها قولها وخلصنا.. ام عبدالعزيز(تسمع صوت امها):وامي صاجة..تحجي.. تميم:الواحد مايقدر يتحجى معاكم انتوا يالحريم..سمعي حصة عندنا.. ام عبدالعزيز(مستغربة):حصة من؟ تميم:حصة بنت الجيران..حصة من يعني؟..حصة اختج.. ام عبدالعزيز:احلف.. تميم:والله ان حصة ردت وهي قاعدة الحين عند امي..ويقولون لج تعالي.. ام سالم:وجيبي عيالج وريلج وتغدون ويانا.. تميم:سمعتيها.. ام عبدالعزيز:دقايق وبكون عندكم..مع السلامة.. تميم:بال بال..مع السلامة.. في بيت بوعبدالعزيز.... ام عبدالعزيز(تروح فوق غرفة مريم وهي مستانسة):مريوم قومي..مريوم.. مريم(تقوم على صوت امها):ايش صاير يمه؟ ام عبدالعزيز:خالتج حصة ردت..حصة ردت.. مريم(تفج عينها):والله؟ ام عبدالعزيز:أي يمه..ردت..واخيرا.. موزة(تيي):ايش صاير؟ مريم:خالتي حصة ردت.. موزة(استانست):صج..ياسلام..ون� �سة.. مريم:ياللا يمه خلنا نروح.. ام عبدالعزيز:ياللا انا بقعد وليد وانتوا تزهبوا ترى بنتغدى عند امي.. في بيت بويوسف... في غرفة جواهر..تدخل عليها قمر... قمر:جواهر..جواهر قومي..عندي لج خبر.. جواهر(قامت):شنو هالخبر من الصبح؟ قمر:خالتي حصة ردت.. جواهر:حلفي.. قمر:والله..وهي في بيت جدي..ياللا قومي بنروح لهم.. سلطان يخلص من دوامه ويرد البيت..يفتح الباب ويدخل..يشوف الكل ساكت وقعد يطالعه..انتبه ان في شي غريب ايش عندهم خواتي جايين اليوم..وعقب وهو يطالع انتبه ان حصة بينهم..حصة قامت لما شافها سلطان..سلطان تضايق وقرب... سلطان:السلام عليكم.. الجميع:وعليكم السلام.. سلطان:عن اذنكم..(وراح عنهم غرفته) حصة(قعدت والدموع بعينها) ام سالم:معليه ياحصه..لاتضايقين عمرج..الحين بينزل وبيسلم عليج.. حصة ماقدرت تتحمل تمت تصيح وراحت بحضن امها..الكل استغرب من موقف سلطان عقب سنتين يستقبل اخته بهالطريقة..حتى مريم ماعرفت ان خالها قلبه قاسي..مها راحت ورى ريلها.... مها(سكرت الباب):يعطيك العافية.. سلطان:الله يعافيج..(يغير ملابسه) مها:غريبة دخلت وماقلت وين سارونة؟ سلطان(يبتسم لها):تصدقين من الشغل الواحد ينسى كل شي..وينهي؟ مها:تحت عند مريم بنت اختك.. سلطان:روحي جيبيها..مشتاق لها وايد.. مها:من هي؟ سلطان:سارونة طبعا..ياللا..انا بغسل يدي وبنتظرها .. مها(بخوف):مابتنزل؟ سلطان:لا.. مها:بس الحين الرياييل على وصول..مابتنزل تتغدى معاهم؟ سلطان:لو وصلوا بنزل..انت الحين روحي جيبيها.. مها:ان شاء الله.. نزلت تحت... ام عبدالعزيز:وينه؟ مها:فوق.. ام عبدالعزيز:مب نازل؟ مها:عقب شوي..مريم حبيبتي عطيني سارة بوديها عند سلطان.. مريم:تسمحين لي انا اوديها.. مها:لاعادي انا بوديها انت خليج مرتاحة.. مريم(قربت منها):معليه انا في خاطري اوديها عند ابوها..اذا تسمحين يعني؟ مها(ابتسمت لها):لاعادي..تفضلي..بس اشلون بتشيلينها وريولج؟ مريم:خلاص انت مسكيها لين الباب..وانا بدخلها..لأن في خاطري.. حركات ياهال.. مها(ابتسمت لها):عادي..حياج.. ومريم راحت فوق ودقت الباب..سلطان استغرب قال مها ماتطق الباب..خاف تكون حصة اللي وراء الباب..مارد..فضلت مريم تدق الباب.. مريم:خالي لو سمحت افتح الباب.. سلطان(عرف انها مريم):دخلي.. مريم(فتحت الباب شافته قاعد ويفر بهالقنوات):السلام عليكم.. سلطان:وعليكم السلام.. مريم(تعطيه سارة):تفضل.. سلطان(يشيلها ويحبها):بعد عمري سارونه..وين مها عيل؟ مريم:تحت..انا قلت لها بودي سارة.. سلطان:اشفيج واقفة..قعدي.. مريم(قعدت):.... سلطان:اخبارج؟ اكيد مريم اخبارها طيبة..لكن مريم شكلها عندها شي تبي تقوله..وسلطان بيظل جذي مع حصة؟؟ هذا اللي بنعرفه في الفصل 15 | |||||||||
|
| |
|
22-02-14, 12:17 AM
| #17 | |||||||||
| نجم روايتي ومشرفة سابقة وفراشة متالقة بعالم الازياء
| **فصل الخامس عشر** مريم(فتحت الباب شافته قاعد ويفر بهالقنوات):السلام عليكم.. سلطان:وعليكم السلام.. مريم(تعطيه سارة):تفضل.. سلطان(يشيلها ويحبها):بعد عمري سارونه..وين مها عيل؟ مريم:تحت..انا قلت لها بودي سارة.. سلطان:اشفيج واقفة..قعدي.. مريم(قعدت):.... سلطان:اخبارج؟ مريم:الحمدلله..انت شاخبارك؟ سلطان:الحمدلله..اخبار محمد من زمان ماشفته.. مريم:تحصله مشغول بالعرس..اسمع خالي ابيك تدخل مع الرياييل العرس.. سلطان:ادخل ليش ماادخل.. مريم:أي صح نسيت.. سلطان:شنو؟ مريم:محمد ماهو داخل.. سلطان:ليش ان شاء الله؟ مريم:محمد مايحب يدخل على الحريم.. سلطان:زين يسوي.. مريم:بس طبعا بنت اختك عليها افكار.. سلطان:وشنهي؟ مريم:بخلي وليد يدخل ياخذني.. سلطان:ويركبج الحصان الابيض ويوديج عند فارس الاحلام..مو جذي؟ مريم(عصبت بالغشمرة):والله..تطنز..انا الغلطانة اللي اتحجى معاك.. سلطان(بكل جديه):مريوم انا اعرفج زين..انت ماجيتي عندي الا لأن عندج كلام تبين تقولينه..هالكلام كله اللي قلتيه بس جذي علشان تمهدين كلامج صح؟ مريم:خالي عيني عليك باردة.. سلطان:انا خالج اعجبج.. مريم:اكيد تعجبني..ياحظ مها فيك.. سلطان(شاف سارة راقدة على يدينه قام وحطها على السرير):اسمعج.. مريم:خالي انت وايد طيب وتنسى بسرعة..وتبتسم جدام اللي يغلط عليك..وتحب الناس..والاخلاق والطيبة تعلمتها منك..بس اللي مااعرفه ان عندك قلب قاسي.. سلطان(تضايق):زين عرفتي..يامريم كل واحد في هالدنيا له قلبين قلب يقسى وقلب يحن.. مريم:لاياخالي اسمح لي انت غلطان..كلنا عندنا قلب واحد..وهالقلب هو اللي يحن ويحب.. سلطان:والقسوة مالها مكان؟ مريم:لا.. سلطان:انت بعمرج ماقسيتي على حد؟ مريم:ماابي اكذب عليك واقولك لا..فعلا انا قسيت على ناس وانت منهم..بس انا غلطت والقسوة جات غصب عني..مب بيدي..يمكن لأني ضعيفة.. سلطان:وانا القسوة مو من طبعي..بس مرات في ظروف تحد الواحد على القساوة.. مريم:تصدق ياخالي مرات أسأل نفسي..يوم ان الرسول صلى الله عليه وسلم.. سلطان:صلى الله عليه وسلم.. مريم:رسولنا ولازم نتبع سنته..الرسول كان قلبه طيب..ويحب الناس ويسامح..واللي ييه بغضب ويعصب عليه الرسول يستقبله بإبتسامة ساحرة..ليش احنا مو نفسه..ليش نتبعه بأشياء وبأشياء لا..انا ادري موقفك من خالتي حصة..بس هذا نصيب..وهي راحت ورى نصيبها..يعني بتظل متزاعل وياها لي متى؟ سلطان:مريم رجاءا لاتدخلين بهالموضوع.. مريم:ليش ياخالي..خالي انا خذتك قدوة في حياتي..مااحب اشوف القسوة بقلبك.. سلطان:خلي قدوتج الرسول صلى الله عليه وسلم..مو انا..احنا يبيلنا وايد لين مانصير قدوة لحد..ومعليه ارجوج مريم لاتدخلين بهالموضوع.. مريم:ليش؟ سلطان:بس..انا حاولت انسى هالموضوع طول هالسنتين..ماابي اتذكره مرة ثانية.. مريم:تعتقد انك نسيته؟..اتحداك..خاصة انها رجعت وبتقعد هني فترة..ومو معقولة انك نسيت ان لك اخت اسمها حصة.. سلطان:مريم.. مريم:خالي..مااعرف اذا الكلام اللي قلته صح ولاغلط..لكن هذا اللي عندي..انت وضميرك..عن اذنك.. نزلت تحت...شافتها امها خذتها على جنب... ام عبدالعزيز:ايش قالج؟ مريم:ولاشي..قالي لاتدخلين بالموضوع.. ام عبدالعزيز:الله يهداه.. مريم:يمه انت ليش ماتكلمينه؟ ام عبدالعزيز:كم مرة كلمته..لين ماآخر شي حلفني اذا كلمته بهالموضوع ماراح يكلمني.. مريم:ماعرفت ان خالي جذي.. ام عبدالعزيز:بعض الرياييل يايمه..مايحبون حد يكسر كلامهم او مايسمع لهم..وهذا اللي صار مع خالج.. مريم:يعني تعتقدين يمه ان كلام خالي عن زواج خالتي صح؟ ام عبدالعزيز:هالشي محد يعرف له غير خالتج.. عقب الغداء...تميم ياخذ وليد ويرحون فوق..غرفة تميم... تميم:اقعد ابي اقولك شي.. وليد(يقعد):شنو؟ تميم:انت تعبان؟ وليد:لا ليش؟ تميم:احسك تعبان..اشلون صحتك الحين؟ وليد:الحمدلله احسن بوايد.. تميم:وليد..بسألك سؤال وابيك تقولي الصج.. وليد:شنو؟ تميم:توعدني تقول الصج.. وليد:اوعدك.. تميم:انت مارحت للدكتور من وقت ماردينا؟ وليد(سكت شوي وعقب):بلا رحت.. تميم:امانة ياوليد قولي الصج.. وليد(قام ووقف عند الدريشة وشاف الياهال يلعبون):رحت وقالي من غير قلب بديل ماتقدر تعيش.. تميم(تألم):وبعدين؟ وليد:ولاشي..مافي قلب بديل..ولافي حياة بديله..خلاص الظاهر يومي قرب.. تميم:لاتقول هالكلام..وليد انت اقوى من جذي.. وليد(بكل ضيق):ماني قادر اتصور اني بترك الدنيا وبهد هلي وبهد البنت اللي حبيتها.. تميم:يوم انك تعرف انك بتهد الدنيا ليش خطبتها؟ وليد:توقعت اني بعيش..ماعرفت ان ايامي معدودة..الا عقب مارحت للدكتور.. تميم:الدكتور ايش قالك؟ وليد:مارضى يقولي كم بقى لي..قالي خل يكون عندك امل يمكن حصلت قلب.. تميم:وليد ايش رايك نسافر غير المانيا نروح لندن نروح اميركا أي دولة..يمكن حصلنا قلب.. وليد:انا قلبي وحياتي كلها هلي وقمر..وبس..العمر بيخلص..والقلب ماله مكان عندي.. تميم:وليد لاتستسلم بهالسهولة ليحين الوقت جدامنا..انا مستعد احجز اليوم ونسافر.. وليد:الدكتور قالي ان موصيين كم مستشفى اذا حصلوا قلب..ولحد الحين مامبين شي..بعدين يمكن حصلت قلب ورحت كل هالطريق وآخرتها جسمي مايستجيب له..حزتها تبيني اموت وانا بعيد عن هلي لا ياتميم مااقدر..مااقدر..خلني عايش وسطهم..استانس واضحك..ماابي اكون بعيد عنهم..ولا ابي احسسهم اني مريض وايامي معدودة..خلهم فرحانين..واذا مت يصير خير.. تميم(سكت وماهو عارف شيرد عليه):وتهدني بروحي.. وليد(يقرب منه ويمسك كتوفه):انت خالي ورفيجي واخوي..وفراقك ماهو سهل..لكن القدر هو اللي يحكم بهالشي.. تحت عند الحريم... مريم:خالتي..من باجر انا وياج بنروح السوق علشان تتسوقين للعرس.. حصة:وريولج؟ مريم:مو مشكلة لازم امشي عليها..علشان تتحسن.. حصة:خلاص اللي تشوفينه.. موزة:وانا معاج.. قمر:وانا بعد.. جواهر:من غيري ماتروحون.. على الساعة اربعه العصر الكل طلع من بيت بوسالم راحوا بيوتهم..سلطان بغى يروح فوق وقفاه تميم... تميم:ابيك في كلمة راس.. وراحوا المجلس..وقعدوا.... تميم:سلطان بتظل لي متى تتجاهل اختك؟ سلطان:........ تميم:صحيح اني اصغر منك لكن مايعجبني اللي تسويه فيها..اذا هي في نظرك غلطت..فخلاص سامحها..والدنيا مازالت بخير..وهي تحبك..لدرجة انها احتاجت لحد يعاونها كنت اول شخص هي فكرت فيه..يوم انها اتصلت وانت تجاهلتها.. سلطان:أسألك سؤال تجاوبني بصراحة.. تميم:تفضل.. سلطان:حصة عندها مشكلة مع زوجها صح؟ تميم:ليش ماتروح تسألها؟ سلطان:تميم انا قاعد أسألك..الظاهر اني كلامي صح..شاتفسر؟..انا لما منعتها من الزواج من غانم كان كلامي منطقي..خوفي عليها خلاني اقولها هالكلام لكن محد اهتم فيني وقالي معاك حق.. تميم:شوف ياسلطان ماابي اقص عليك..انت كلامك كله صح..بس انا مثلك ماقدرت اوقف بطريقها..هي بعد مب صغيره عمرها 29 سنة..وتعرف مصلحتها..وبعدين غانم مافيه عيب..وانت تعرف هالشي يوم سألنا عنه.. سلطان:ومن اللي اعترض على غانم..انا تكلمت عن ظروف غانم اللي ماتناسب حصة..لكن هي اصرت والحين عرفت قيمة كلامي..عالعموم انسى الموضوع..انا تعبان ورايح انام..عن اذنك.. في الصالة... حصة(قامت):انا رايحة ارتاح شوي يمه.. ام سالم:أي يمه روحي ارتاحي..انا بعد بريح شوي.. حصة راحت فوق عند غرفة تميم..دقت الباب.... تميم:من؟ حصة:انا حصة.. تميم:دخلي.. حصة(دخلت شافته قاعد وجدامه اللاب توي):شتسوي؟ تميم:على النت..قعدي.. حصة(قعدت على سريره):تميم سلطان ماقالك شي؟ تميم:معليه ياحصة انت تعرفين سلطان لما يصر على موقفه..هو شايل في قلبه عليج..لكن انا انصحج انج تروحين له وكلميه من غير مقدمات..على طول دخلي في الموضوع.. حصة:انت جي تنصحني؟ تميم:هذا اللي عندي..وانت كيفج.. حصة(قامت):بحاول على المغرب..عن اذنك.. تميم:سكري الباب وراج.. وقعد يكمل شغله على المواقع... في بيت بويوسف... يوسف يدخل البيت ويقعد معاهم في الصالة... ام يوسف:اخبار زوجتك؟ يوسف:الحمدلله.. ام يوسف:واخبار يعقوب؟ يوسف:بخير..عيل وين ابوي؟ ام يوسف:راقد.. يوسف:مب رايح المحل؟ ام يوسف:رادين من بيت ابوي فقال بيرقد شوي..وعقب المغرب بيروح.. يوسف:انا بعد تعبان وابي انام..صحوني قبل الاذان.. قمر:يوسف مب رايح عند خالتي حصة؟ يوسف:ماادري يمكن رحت في الليل..ايش تبين؟ قمر:بغيتك توصلنا بيت خالتي فوزية.. يوسف:ايش عندكم..توكم اليوم شايفينهم في بيت جدي.. جواهر:مابقى شي على عرس مريم ونبي نروح لهم.. يوسف:انا تعبان وايد..خلي ابوي يوديكم لما يبي يطلع..في طريقه.. ام يوسف:خلاص يمه خلوها يوم ثاني..لأن ابوكم مشغول اليوم.. في بيت بوسالم... حصة:مها تأذنين لي اروح عند سلطان؟ مها:اكيد..حياج..اوصلج.. حصة:لا مشكورة..انا بروح له بنفسي.. دقت الباب...سلطان كان لابس وفتح الباب شاف حصة.. حصة:معليه شوي..بس شوي..ماباخذ من وقتك وايد.. سلطان دخل غرفته وراحت حصة وراه.... حصة:ادري انك زعلان علي وماتحب تتكلم معاي..وشايل بقلبك كل هالسنتين..بس ابيك تسامحني..(دموعها نزلت)..سامحني ياسلطان..اعترف لك اني غلطت وماسمعت كلامك..انت كنت على حق..بس هذا اللي ربك كتباه لي..سلطان انت اخوي العود انت سندي وعزوتي..انت الباب اللي افتحه لما احتاج لحد يعاوني..انا ياخوي مالي غيركم بهالدنيا..عشت حياتي مع غانم حياة عادية..لاشفت فيها الزين ولا شفت فيها الشين..غانم زين ونعم الريال لكن ظروف حياته ماتهيأه انه يكون الزوج المناسب..(انتبهت لسكوته)..ايش تبيني اسوي علشان ترضى..تبيني اتطلق؟..قول ياسلطان لاتذبحني بسكوتك..خلاص ماتبي تكلمني انا طالعه..بس سامحني..سامحني ياخوي..انت اخوي ومالي غنى عنك..(شافته بعد سكت)..الظاهر ماني مرغوبة..عن اذنك.. سلطان(لااراديا):حصة.. حصة(وقفت ومسحت دموعها) سلطان(التفت لها):حصة احنا اخوان..ودمنا واحد..ولايمكن تكونين مو مرغوبة.. حصة(استانست):يعني سامحتني؟ سلطان:سامحتج.. حصة(راحت له وحبت راسه):السموحة منك ياخوي..وتوبة مااعيدها.. سلطان:انا لو مااحبج جان ماقلت لج هالكلام..ادري اني كنت قاسي عليج..بس غصب عني..كنت ادري انج بتتعبين ومردج ترجعين لنا.. حصة:هذي بحد ذاتها سالفة طويلة.. سلطان:ان شاء الله تكون لنا قعدات ثانية.. حصة:انا آسفة خذت منك وقتك..اخرتك عن طلعتك..عن اذنك.. سلطان:نازل وياج.. ونزلوا مع بعض..وعرفوا ان المياه ردت الى مجاريها... مها:اشوفك لابس؟ سلطان:أي لابس..رايح عند حبيبتي الثانية.. ام سالم:سلطان..ايش هالحجي؟ يضحكون عليه الا مها.. مها:الله يسامحك..(قامت وخذت سارة من عمتها وسلطان وقف جدامها وهو يبتسم لها مها ماعطته وجه وراحت) ام سالم:ايش عندك واقف روح لها..ولا هذا حجي تقوله.. سلطان:ماعرفنا ان غشمرتنا ثقيله.. راح فوق..حصلها تحط سارة على سريرهم وقعدت عندها وماعطه ظهرها للباب..قرب منها سلطان ونزل لها وشافها زعلانة..ابتسم لها... سلطان:فديت الزعلان..نتغشمر..ياللا عاد..والله مو قاصدها..انا مالي الا قلب واحد..وهالقلب انت ملكتيه..ياللا مهاوي..والله مااقدر على زعلج..ترى تعورين قلبي..وعقب اتعب..(يقوم ويقعد عندهم ويشوف بنته)..سارونه شوفي امج ماتعطيني وجه..حتى ماتحبني.. مها(دمعتها نزلت):أحبك واموت فيك.. سلطان(مسح دمعتها):يابعد عمري والله..انا اكثر منج..عذريني.. مها:انا اللي آسفه..حساسة زيادة عن اللزوم..ماعندي سالفة.. سلطان:عذريني ادري اني احرجتج جدام هلي..بس والله ماكنت قاصد.. مها(ابتسمت له):حصل خير..ياللا قوم..لاتتأخر.. سلطان:خلاص ماني رايح..بقعد عندج.. مها:لا ليش..اذا عندك شغل روح.. سلطان:خلاص غيرت رايي(يفصخ غترته)..ولااقولج ايش رايج اروح اشتري عشاء وحلو ونقعد جميع..بمناسبة ردة حصة.. مها:خوش فكرة.. وتمر الايام... في بيت ام عبدالعزيز..وليد يرد من المسجد....ويقعد في الصالة ويشغل التلفزيون..وتيي ام عبدالعزيز تسولف معاه..تنزل مريم.... ام عبدالعزيز:شوي شوي..لتعورين.. مريم:يمه عقب شوي بنات خالتي بيوون.. ام عبدالعزيز:حياهم.. وليد:من بنات خالتي؟ ام عبدالعزيز(تعرف قصده تبتسم له):قصدها قمر وجواهر.. مريم:الا قولي قصدي خطيبته.. وليد(يستانس):يمه.. ام عبدالعزيز:عيوني.. وليد:يمه مايصير اشوفها؟ ام عبدالعزيز:لا طبعا..لين الملجة.. وليد:أي بس انا ماشفتها.. مريم:يالعيار شفتها.. وليد:انت سكتي..ها يمه ايش قلتي؟ ام عبدالعزيز:انا ماعندي مانع.. وليد(استانس):عاشت ام عبدالعزيز.. ام عبدالعزيز:روح بيتهم وقول حق اخوها وروح شوفها.. وليد(حس بخيبة امل):عيل ماابي.. ام عبدالعزيز:ليش؟ وليد:استحي.. ام عبدالعزيز:كيفك..انا كنت ابي اساعدك.. وليد(تذكر شي وتغيرت ملامحه):اصلا انا ماكنت ابي اشوفها..بس اتغشمر معاكم..(وقام) ام عبدالعزيز(ناظرت مريم ومستغربين تغيير ملامحه):وليد وين رايح؟ وليد:غرفتي.. مريم(قعدت عند امها وتساسرها):اشفيه؟ ام عبدالعزيز:ماادري.. مريم:ليكون زعل علشان قلتي له جذي؟ ام عبدالعزيز:ايش دعوة وليد مايزعل من هالاشياء.. مريم:يمه روحي شوفيه.. ام عبدالعزيز(قامت):بروح.. موزة(تنزل):وين رايحة امي؟ مريم:عند وليد.. موزة:ماجاو؟ مريم:لا.. في غرفة وليد...كان قاعد على المكتب..وجدامه دفتره المفضل..امه تستأذن وتدخل..ووليد يسكر دفتره.. ام عبدالعزيز(تقرب منه وتحط يدها على كتفه وبكل حنان):شالي مضايقك؟ وليد(حس انه رجع وليد اللي عمره 8 سنوات ويطيح بحضن امه وهو يصيح وده يعيد هالمشهد الحين لكن):ماشي يالغالية..تطمني.. ام عبدالعزيز:خلني اشوفك..عطني وجهك..خلني اكحل عيني بإبتسامتك.. وليد(عيونه مليانة دموع لكن كان اقوى من دموعه لف وجه صوبها وابتسم لها) ام عبدالعزيز:تعال نقعد.. وراحوا يقعدون على السرير... ام عبدالعزيز:وليد يمه..اللي مضايقك يخص زواجك بقمر؟ وليد(قال في نفسه:اكثر من جذي):لا يمه.. ام عبدالعزيز:ايش صار على الجامعة سجلت؟ وليد:أي نعم سجلت..وان شاء الله اتخرج.. ام عبدالعزيز:ان شاء الله.. وليد(بحزن):يمه.. ام عبدالعزيز:عيوني.. وليد:يمه ابي اطلب منج طلب.. ام عبدالعزيز:آمر تدلل..عيوني لك.. وليد:تسلمين يالغالية..يمه تشوفين هالصندوق اللي هناك؟ ام عبدالعزيز(شافته):أي نعم.. وليد:ابيج توصلينه حق قمر..بس مب الحين.. ام عبدالعزيز(خافت من كلامه وحست ان قلبها انقبض) وليد:بس مب الحين..عقب الملجة ان شاء الله.. ام عبدالعزيز:وليش انت ماتعطيها؟ وليد:ماادري..بس ابيج انت تعطينها..والله يشهد اني احبها وايد..ومتعلق فيها..وتمنيتها زوجة لي من وانا في الثانوية.. ام عبدالعزيز(حست من كلامه ان في شي):والله بيجمعكم ان شاء الله قريب.. وليد:ان شاء الله..والصندوق بخليه عندي وقبل الملجة بجم يوم بعطيج تحطينه عندج.. ام عبدالعزيز(حسته يتكلم بالالغاز):ان شاء الله..(قامت وهي متضايقة)..ياللا انا نازلة تحت..تبي شي؟ وليد:سلامتج يالغالية.. ظل وليد قاعد مكانه وهو يفكر في أمه...وعقب قام من مكانه وفتح الدرج وطلع ألبوم الصور..وقعد يطالع صورة صورة..وكل صورة تجمعه بأمه..وصعب عليه الفراق..هذي امه اللي عمره مافارقها لحظة..هذي امه الحضن الدافي له..كم كان يرتاح يوم يتكلم معاها..اشقد يستانس لشافها مستانسة..يحزن لشاف دمعتها..هذي امه اللي مااتركته دقيقة من وهو صغير..لعبته وشربته وأكلته ودرسته وعلمته الدين والصلاة.... ام عبدالعزيز من طلعت من غرفة وليد وهي حاسه بضيق وخايفة..راحت غرفة عبدالعزيز ودقت الباب..طلعت لها اسماء... اسماء:هلا عمتي.. ام عبدالعزيز:قولي حق عبدالعزيز خله يي غرفتنا.. اسماء:ان شاء الله..(سكرت الباب وراحت له) عبدالعزيز:منو؟ اسماء:امك.. عبدالعزيز:ايش بغت؟ اسماء:ماادري بس شكلها متضايقة..وهي تبيك في غرفتها.. عبدالعزيز(قام):يعني اشفيها مثلا؟ اسماء:ماادري..روح شوفها.. دق الباب ودخل..شافها قاعدة على السرير والشيلة طايحة على كتوفها وشعرها الناعم الطويل طايح... عبدالعزيز(قال في نفسه:ماشاء الله عليج يايمه جميلة جميلة وايد):خير يمه بغيتيني.. ام عبدالعزيز:اقعد.. عبدالعزيز(قعد):خير يمه..شكلج متضايقة..صاير شي؟ ام عبدالعزيز(بكل ضيق):وليد لما سافر..ايش سوى هناك وايش قاله الدكتور؟ عبدالعزيز(استغرب من سؤالها):سوى العملية..والحمدلله انها نجحت..وقالنا ان صحته وايد احسن من قبل..واذا استمر على هالعلاج بيكون وايد احسن..بس ليش تسألين؟ ام عبدالعزيز:حلفتك بالله تقول الصج..الدكتور ماقالكم شي ثاني؟ عبدالعزيز(مستغرب:امي اشفيها):والله العظيم هذا الصج وماكو غيره..ليش يمه صاير شي؟ ام عبدالعزيز(دمعتها سبقت كلامها):ماادري يايمه..قلبي مقبوض على اخوك..احس ان فيه شي..قعدت من شوي معاه وقعد يتكلم وكأنه......بيفارقنا...ماادري اشفيه..ماادري.. عبدالعزيز(تضايق على حال امه):يمه لو حالته ماكنت زينه جان ماجاكم وقالكم اخطبوا لي.. ام عبدالعزيز:ماادري.. عبدالعزيز:تطمني يايمه..وليد بخير وان شاء الله ماعليه شر.. ام عبدالعزيز:اتمنى.. ويمر الوقت...عند البنات يتعشون.... قمر:بصراحة مريوم اليوم استانست وايد معاكم.. جواهر:أي والله..ايش رايكم باجر انتوا تييون عندنا.. مريم:سمحولي مااقدر.. قمر:مريوم تعالوا..والله بنستانس.. مريم:ادري..بس صدقيني مااقدر..انت تدرين مابقى شي على العرس..وعندي شغل لفوق راسي..وبعدين وليد كل يوم يسوي لي تمارين علشان ريلي..ولاتبين امشي اعري جدام الناس.. قمر(سرحت في وليد):معاج حق.. جواهر:موزة ممكن ماي.. موزة(قامت):ان شاء الله.. قمر:اقول مريوم.. مريم:خير.. قمر:صج موزة بتدخل كلية الطب؟ مريم:والله هي في خاطرها..ومحد يقدر يمنعها.. جواهر:بتدخل جامعة وايل كورنيل؟ مريم:الظاهر..ماكو غيرها.. قمر:بس ترى الجامعة وايد غالية.. مريم:أي سمعت..بس موزة بروحها تعبت من المذاكرة..ومن زمان وهي في خاطرها تدخل طب..صج هالسنة كلت الكتب.. موزة(تيي):من اللي كلت الكتب؟ مريم:انت.. موزة(تقعد):أي والله.. تليفون جواهر يرن...وعقب.... جواهر:قمر يوسف عند الباب.. قمر(قامت):استمتعنا وايد.. مريم:تو الناس توها 10.. قمر:وين تو الناس..وين خالتي نبي نسلم عليها.. فوق في غرفة وليد..سمع اصواتهم وبغى يطل من الدريشة علشان يشوفها..تردد..وآخر شي قرر.. ياترى شنهو قرار وليد؟؟ تابعونا في الفصل 16 أشوفكم على خير | |||||||||
|
| |
|
22-02-14, 12:26 AM
| #18 | |||||||||
| نجم روايتي ومشرفة سابقة وفراشة متالقة بعالم الازياء
| **فصل السادس عشر** فوق في غرفة وليد..سمع اصواتهم وبغى يطل من الدريشة علشان يشوفها..تردد..وآخر شي قرر.. تحت وهم في الحوش... مريم:يعني صج فستاني كان حلو؟ جواهر:يهبل..والله روعة.. قمر:أي والله..ماشاء الله عليج ذواقه.. مرة وحدة يشوفون واحد طالع من البيت ويمر جدامهم ويطلع... قمر(قلبها وقف لما شافته) جواهر:ياللا نمشي تأخرنا على يوسف..بيعصب.. مريم(استغربت وليد وين بيروح) قمر:ياللا مع السلامة.. مريم+موزة:مع السلامة.. وراحوا... موزة:مريوم اشفيج؟ مريم:وليد وين راح؟ موزة:ايش دراني..خلينا ندخل.. قمر وجواهر طلعوا من البيت شافوا يوسف واقف يتكلم مع وليد..ووليد كلش ماطل على قمر..وقمر وهي في السيارة قلبها يدق..عقب ماخلصوا ركب يوسف...وراحوا..... جواهر:ايش كان يبي منك وليد؟ يوسف:يسألني عن شي.. في بيت بوعبدالعزيز...قاعدين كلهم بالصالة...تيي ام عبدالعزيز... ام عبدالعزيز:بوعبدالعزيز العشاء زاهب تفضل.. بوعبدالعزيز(قام):وانتوا ماتبون تعشون؟ ام عبدالعزيز:البنات تعشوا بدري علشان بنات اختي كانوا عندهم.. بوعبدالعزيز:والباقي؟ ام عبدالعزيز:وليد طلع..وعبدالعزيز وزوجته هم طلعوا..انا الوحيدة اللي ماتعشيت انتظرك.. بوعبدالعزيز:عيل امشي نتعشى.. مريم:يحليلهم..موزو ماتدرين وليد وين راح؟ موزة:لا.. وتمر أسابيع وأيام باردة بالنسبة للبعض ومشوقة ومليئة بالاحداث بالنسبة للبعض.. وفي يوم من الايام في إحدى المطاعم...قاعدين يتعشون..وهم يسولفون...... وليد:ابي اطلب منك طلب.. تميم:آمر.. وليد:ايش رايك نعتمر.. تميم:فكرة..ومتى نروح؟ وليد:نروح باجر ونتم اسبوع..ونروح جم يوم المدينة..ايش رايك.. تميم:وعرس مريم؟ وليد:مابنتأخر كلها اسبوع.. تميم:كيفك..خلاص ذكرني باجر اروح احجز.. في غرفة مريم...قاعد تسولف مع محمد..... محمد:مستعدة؟..ترى مابقى شي على العرس.. مريم:ادري..بس ريلي ماهي راضية تتحسن.. محمد:ان شاء الله بتتحسن..تبين ايي اقرأ عليج؟ مريم:ياريت والله..يمكن تحسنت بسرعة..ولا بيتأجل العرس.. محمد:لاحبيبتي مافي شي بيتأجل.. مريم:وريلي؟ محمد:دخلي على الناس وانت جذي.. مريم:محمد.. محمد:عيون محمد.. مريم:لو قلت لك احبك تصدقني؟ محمد:اكيد اصدقج..شالي يمنع.. مريم:محمد..انا افتخر فيك وين مااروح..أحسك انت الشخص الوحيد اللي بيسعدني وتهمه سعادتي.. محمد:وانت بعد..انت اللي بتشعلين النور في بيتنا.. مريم:ايش صار على البيت؟ محمد:مابقى عليه شي..كلها يومين ويزهب..كملتي الاناشيد كلها؟ مريم:كل شي جاهز.. على الساعة 8 الصبح..ينزل وليد ويصبح على امه... وليد:ماتبين تريقيني يالغالية؟ ام عبدالعزيز:ثواني..بس روح ناد خواتك وتعالوا تريقوا جميع.. وليد:ان شاء الله.. وراح فوق..دق باب غرفة مريم ودخل.... وليد:مريوم..مريم.. مريم(تفتح عينها):وليد..(تقوم) وليد:قومي..نبي نتريق..ياللا لاتأخرون.. نزل تحت وقعد يسولف مع امه لين.... وليد:يمه.. ام عبدالعزيز:خير يمه.. وليد:يمه اليوم انا بسافر.. ام عبدالعزيز(انصدمت):بتسافر؟!!( هني مريم وموزة كانوا نازلين وسمعوا هالكلمة)..وين؟ وليد:بروح العمرة مع تميم.. ام عبدالعزيز:وايشقد بتمون؟ وليد:اسبوع.. ام عبدالعزيز:متى رايحين اليوم؟ موزة تقرب من امها وتحب راسها... مريم(تحب راس امها):صباح الخير.. ام عبدالعزيز:صباح النور..(قامت)..ياللا قوموا الريوق زاهب..روسي جيبي الحليب.. وراحوا كلهم قعدوا على طاولة الاكل ياكلون..وهم يسولفون الا مريم اللي كانت ساكتة وهي تاكل... وليد:اشوفج ساكتة..اشفيج ليحين نعسانة؟ مريم(بهدوء):لا..انا عادية.. وليد:لاتنسين عقب شوي بنسوي التمارين.. مريم:خلها بعدين..(قامت)..انا شبعت..عن اذنكم.. ام عبدالعزيز:وين رايحة؟ مريم:بروح اتمشى برع في الحوش..عن اذنكم.. وراحت برع.. وهي تمشي شافت في الحوش سيارة رنج سودة وهي تحب الرنج وايد..استغربت من له السيارة..وظلت تمشي تحت الشمس..لين ماتعبت وقررت انها تقعد على القعدة اللي حاطينها صوب الشجر..قعدت وهي تتأمل اللون الاخضر..والخدامة تسقي الزرع..لين ماانقطعت افكارها... وليد:ليش اخرتي التمرين؟ مريم:مالي خلق.. وليد:أي بس جذي ريلج مابتتحسن.. مريم:مو مهم.. وليد(استغرب):مريم اشفيج؟!! مريم(قامت):مافيني شي.. وليد(قام ومنعها من الروحة):الا فيج..تحجي.. مريم(عصبت عليه):حتى لو فيني شي مالك خص..زين..وخر.. وراحت...هدت وليد اللي منصدم منها..مستغرب اشفيها؟؟؟؟؟ في بيت بوسالم.... تميم:يمه اليوم بسافر العمرة مع وليد.. ام سالم:متى ان شاء الله؟ تميم:على الساعة 7 في الليل ان شاء الله.. ام سالم:تروحون وتردون بالسلامة.. العصر...في بيت بوعبدالعزيز... وليد يروح غرفة مريم... مريم:تفضل.. وليد(يفتح الباب):جيت اذكرج عقب ساعة بنروح موعدج علشان العلاج الطبيعي.. مريم:ماني رايحة.. وليد(استغرب اشفيها هذي اليوم):مايصير لازم تروحين.. مريم:لو فكرت اني اروح..بروح مع ابوي ولا عبدالعزيز..ريح عمرك.. وليد(ماتحمل سكر الباب وعصب):انت اشفيج اليوم؟..شمسوي فيج؟ مريم:ماعندي شي اقوله.. وليد:مريومو تحجي..اشفيج انت اليوم معصبة..ماادري اني قايلج شي.. مريم(بكل ضيق):الله يسامحك ياوليد..هذا اللي اقدر اقولك اياه.. وليد:أي عاد ليش..انا ايش سويت.. مريم:دايما لما يصير فيني شي انت اول واحد تعرفه..ودوم اشكي لك وافضفض لك..واخبرك بكل شي يخص حياتي حتى علاقتي بمحمد ماكنت اخشها عنك..لكن ماتوقعت انك تخش عني..صاير هالجم يوم غريب..لاتتحجى ولاتقعد معانا..ماادري اشفيك..قبل لما كنت تتضايق كنت تيي على طول وتقولي..لكن الحين ماادري ايش صار عليك..حتى السفر قررت وخبرت امي..بس ماقلت لي..ليش صرت تخش عني مو احنا ربع..ولا خلاص تبي تهدني..كل هذا وتقول ماسويت شي.. وليد(قرر الانسحاب من هالجلسة وطلع) مريم تفاجأت ليش طلع.. في بيت بوعلي... ام علي:جاهز يمه للعرس؟ محمد:الحمدلله كل شي جاهز ومرتب.. ام علي:على خير ان شاء الله.. محمد:انتوا جاهزين؟ ام علي:احنا ايش عندنا غير الملابس.. العنود:هالله هالله بالكشخة يايمه..انت ام المعرس.. ام علي:اخش الكشخة لج ولخواتج ولنورة..وينهي نورة؟ العنود:فوق في غرفتها.. ام علي:خليها تنزل.. العنود:ان شاء الله..(قامت) في بيت بوعبدالعزيز...الكل قاعد ويسولف... وليد(شاف الساعة):مريم ياللا نمشي بتأخرين على الموعد..انا رايح البس.. مريم(طبعا انحرجت وماقدرت تقوله لا راحت تبدل) في بيت بوسالم... سلطان(وهو طالع):يمه قولي حق تميم ان بوفهد توفى.. ام سالم:من بوفهد؟ سلطان:واحد نعرفه..امس توفى..اتصل عليه تليفونه مسكر..لاتنسين تخبرينه.. ام سالم:بس تميم بيسافر.. سلطان(مستغرب):وين؟ ام سالم:بيروح العمرة مع وليد.. سلطان:متى؟ ام سالم:على الساعة 7.. سلطان:ماقال..هو وين راح؟ ام سالم:ماادري.. بس قال ماراح يطول.. وهم في السيارة..... وليد:سمعتي كلام الدكتور.. مريم:بس مايمدي ريلي تتحسن لين العرس.. وليد:واشفيها يعني..دخلي على الناس جذي..هالشي ربج كاتبه..ايش بتسوين؟ مريم:برضى بالواقع.. وليد:اتصلي على امي وقولي لها ان بنتعشى برع البيت.. مريم(طلعت تليفونها) في بيت بوسالم... تميم يدخل البيت... تميم:السلام عليكم.. الجميع:وعليكم السلام.. سلطان:ماقلت لي انك بتسافر.. تميم:السفرة جات مفاجأة.. سلطان:متى رايحين؟ تميم:في الليل على الساعة 11 ونص.. ام سالم:مو انت قلت 7.. تميم:بلا يمه..بس وليد قال عنده شغل وأخرنا الطيارة.. حصة:ماتبي ازهب لك شي؟ تميم:مشكورة.. ام سالم:تميم يايمه يحب يرتب اغراضه بنفسه..الله يحفظه.. حصة:آمين.. تميم:انا فوق.. سلطان:مب طالع؟ تميم:لا..اليوم ماخذ اجازة..علشان اقعد عند الغالية.. ام سالم:زين عيل..يعني بتتعشى معانا؟ تميم:أكيد..انا رايح غرفتي لزهب العشاء نادوني.. ام سالم:قول قاعد عشان العشاء مو عشاني.. يضحكون... تميم(قعد عند امه وحب يدها):لا يالغالية..بس والله اني تعبان..وابي ارتاح..علشان اقدر اسافر.. ام سالم:خلاص روح ارتاح.. تميم:يعني راضية؟ ام سالم:راضية.. تميم(يقوم ويحب راسها):عن اذنكم.. في السيارة.... وليد:أي مطعم تحبين نروح؟ مريم:بكيفك.. في بيت بويوسف... قمر:اتصل على مريم ماترد.. ام يوسف:يمكن مشغولة.. امينة:جواهر صج فستانج الخياط خرب لج اياه؟ جواهر:سكتي..قلبي عورني على القطعة..شاريتها غالية..خربها..بغيت اكفخه.. امينة:ايش بتسوين؟ جواهر:شريت قطعة ثانية وعطيته..وقال بيخلص لي عقب عشرة ايام.. امينة:وانت قمر؟ قمر:انا مارحت عند نفس الخياط..رحت عند واحد ثاني وخياطته وايد حلوة.. امينة:وانت شالي موديج عند هذاك؟ جواهر:وحدة من ربعي تمدح فيه..بعد خلاص توبة مااودي عنده شي.. امينة:والمكياج والشعر..نفسها ماغيرتوها؟ قمر:لا..مع ان مريم قالت لي باحجز لكم معاي قلت لها خلاص احنا حجزنا.. في المطعم... وليد(يكلم الجارسون):بس هذا اللي نبيه.. وراح الجارسون..وكانت مريم تلعب بتليفونها.... وليد:مريم..لاتزعلين..ترى ماكنت اقصد.. مريم(هدت التليفون وتسمع له) وليد:انا كنت مار بأزمة نفسية..وماقدرت اتكلم مع حد..احتفظت بهمي لنفسي..ادري انج بتقولين انا وين رحت..ادري انج موجودة وامي موجودة..بس اللي عندي ماقدرت يشاركني فيه الا نفسي..عرسج قريب ومابغيت اغثج باللي عندي.. مريم:انت تدري ان قلبي مفتوح لك طول الوقت..حتى لو كان بليلة عرسي.. وليد:ادري انج ماراح تقصرين..بس خلاص اللي عندي راح..قطيته بالبحر..وصرت الحين احسن.. مريم:لا ياوليد..انت توهم نفسك انك احسن..اشوف الحزن بعيونك..احس ان في شي من لما تشوفنا..مااعرف شنو هالشي..بس قلبي حاس..حتى امي من امس وهي متضايقة من عقب ماجات من عندك..أسألها يمه وليد اشفيه؟..تقولي ماادري..وليد تكفى..تكفى ياخوي قولي اذا فيك شي قول..وصدقني بساعدك.. وليد(يبتسم لها):مريومه..الواحد مرات تشوفينه يضحك ويسولف وفجأة يسكت او تشوفين الضيقة بوجهه..وماتعرفين شالسبب..ويوم تسألينه..يقولج ماكو شي..وهذا اللي صار معاي..ولا انت تعرفيني دومي اضحك معاكم..ومافي شي بحياتي..حتى حبي لقمر قلت لج كل شي..وانت الوحيدة اللي تعرفين مدى تعلقي بقمر..والله يشهد ان ايشقد في ودي اشوفها.. مريم:ان شاء الله بتشوفها..مابقى شي..كلها شهرين وبتملجون.. وليد:الله يسهل ان شاء الله.. مريم:عاد نبيك تشد حيلك بالدراسة..علشان تتزوجون بسرعة.. وليد(يبتسم):ان شاء الله..دعواتج.. مريم:دوم ادعي لك.. وليد:فياليت ماتزعلين مني.. مريم:انا مب زعلانة منك..انا بس تضايقت لأني شفتك متضايق وماني قادرة اساعدك.. وليد:ابتسامتج هي اكبر مساعدة لي..تعرفين شنو جى على بالي في هاللحظة؟ مريم:شنو؟ وليد:يوم سافرنا ماليزيا تذكرين؟ مريم:واشلون انسى..كانت ايام حلوة..صج استمتعنا..ياليت تنعاد.. وليد:ليش لا..خلنا نروح في الربيع.. مريم:فكرة.. وليد:عاد انت خلاص بتتزوجين..عاد احنا بنروح بروحنا.. مريم:لاحبيبي..بقول حق محمد ونروح جميع.. وليد:جن حضرته تأخر علينا..متنا من الجوع.. مريم(تبتسم):أي والله.. وليد(راح يشوف الجارسون) مريم(كانت تقول في نفسها:الله يحفظك ويخليك لنا ولايحرمنا منك) وليد(يقعد):اقوله وينك؟..يقولي اليوم زحمة وفي وايد طلبات.. مريم:وليش ماجى؟ وليد:الحين بيي.. في بيت بوعبدالعزيز... عبدالعزيز ينزل مع اسماء... عبدالعزيز:عيل وين مريم؟ ام عبدالعزيز:طلعت مع وليد.. عبدالعزيز:ليحين ماردوا؟ ام عبدالعزيز:لا..راحوا يتعشون.. عبدالعزيز:يسوون خيانات..معليه..نردها لهم.. اسماء:ايش تبي فيهم..خلهم يطلعون..مابقى شي على عرس مريم.. عبدالعزيز:أي انت بس دافعي عنها.. اسماء:فديتها والله..هذا اختي.. عبدالعزيز:ياسلام..ومب اختي انا؟ اسماء:ايش دراني عنك..عمتي وين موزة؟ ام عبدالعزيز(تبتسم على حركات ولدها):فوق تسولف مع ربعها..وين سعود والدانة؟ اسماء:فوق قاعدين يلعبون.. في بيت بوسالم... ام سالم تروح غرفة تميم..تحصله في الحمام...تقعد على سريره..يطلع تميم ويحصل امه قاعدة.... تميم(ينشف شعره):فديت هالوجه.. ام سالم(تبتسم):نعيماً.. تميم:الله ينعم عليج..(يوقف جدام المنظرة ويمشط شعره وهو يطالع امه):ايش عندها الزينة تبتسم؟ ام سالم:اكحل عيني بشوفتك.. تميم:تراني ليحين ماسافرت علشان تشتاقين لي.. ام سالم:ليش وانت هني احنا مانحصلك.. تميم(يقرب منها ويقعد عندها):سمحي لي يايمه..بس شاسوي انت تدرين بشغلي تجارة..فأكون وايد مشغول.. ام سالم:الله يوفقك..حط راسك على حضني.. تميم:بس شعري مبلل.. ام سالم:مايخالف..حط.. تميم:ان شاء الله..(وحط راسه وام سالم تمسح عليه بيدها) ام سالم:الله العالم ايشقد اعزك انت واخوانك وخواتك..وفرحتكم هي فرحتي.. تميم:وانت بعد يالغالية..دوم بالقلب..ودي اقعد عندج على طول بس شغلي..الله يعذرني.. ام سالم:ماني زعلانة عليك..واعذرك يايمه..بس ماجى الوقت انك تعرس..وتفرح قلبي بشوفة زوجتك وعيالك؟ تميم:ودي افرحج يايمه..بس صدقيني مالي بالزواج.. ام سالم:ليش يابعد عمري..هذا اخوك سلطان متزوج وسالم..وولده عبدالله وعبدالعزيز ويوسف كلهم متزوجين والحين وليد خطب وقريب زواجه ان شاء الله..وانت متى بيي دورك؟ تميم:يمه صدقيني احس مالي خاطر اتزوج واعيش حياة ثانية..احب حياتي.. ام سالم:ماتحب تكون لك زوجة لرديت البيت تحصلها تستقبلك وتاخذ عنك الشماغ ومزهبة لك الاكل..وكل شي تبيه موجود جدامك..زوجة تفتح لك عقلها وقلبها علشانك..وتعطيك كل حنيتها لك انت بس..ولبغيت شي تحصلها جدامك..تساعدك في كل شي..وبكرة تجيب لك ولد يشيل اسمك..ولا بنت حلوة وينادونك يبه..ماتحب كل هذا؟؟ تميم(حس بشعور غريب وهو يسمع لأمه) ام سالم:ترى يايمه انا وابوك مااحنا باقيين لكم..ولازم كل واحد يحصل شريك حياته علشان يرتاح..وهم تريحونا احنا بعد.. سلطان(يدق الباب) ام سالم:تعال.. سلطان(يفتح الباب):ياعيني..يمه ايش معنى تميم؟؟..وانا وين رحت؟ ام سالم(تبتسم):شفت ياتميم ماقلت لك..كل واحد محتاج حنية..روح انت عند مرتك.. سلطان(يقرب):خلاص عيل زوجي تميم.. ام سالم:هذا هو عندك..اقنعه..وانا ماعندي مانع.. تميم:تعال انت ايش تبي جاي..خربت علينا.. سلطان:يمه ابوي تحت..بعدين كيفي..هذي الغالية.. ام سالم(تقوم):لاتهاوشون..تعالو� � نتعشى.. في السيارة...مريم قاعدة تنتظر وليد... وليد(يركب السيارة) مريم:وين رحت؟ وليد(يشغل السيارة):شفت واحد من الاهل ورحت اسلم عليه.. مريم(استغربت):من الاهل من؟ وليد(يسوق):خطيب اختي.. مريم:محمد؟!! وليد:أي نعم.. مريم:من كان معاه؟ وليد:زوجته.. مريم(ضربته على ايده):عن المصاخة.. وليد(يضحك):بدت تغار.. مريم:اسكت زين.. وليد:لاتخافين كان مع رفيجته.. مريم(عصبت):لو سمحت سوق بسرعة ردني البيت.. وليد(يضحك):ياحلاتج وانت معصبة..كان مع رفيجه.. مريم:اقول وليد.. وليد:قولي.. مريم:من وين لك هالرنج؟ وليد:عاجبج؟ مريم:موت..احب الرنج واااايد.. وليد:بخبر عليج محمد.. مريم:صج فاضي..قولي من وينك لك؟ وليد:هذا الله يسلمج سيارة تميم.. مريم:سيارة خالي تميم؟..مادريت ان عنده هالسيارة.. وليد:كان شاريها من فترة بس رفيجه خذاها منه..ومن يومين ردها.. مريم:لو كنت ادري جان سبقت رفيجه..وهو ليش مايسوقها؟ وليد:يقول ماعاجبته.. مريم:صج ماعنده سالفة..قوله خله يعطيني اياها.. يرن تليفون وليد... مريم:من ست الحسن؟ وليد:هاج ردي انت مامعاي السماعة لايصيدوني وانا اتكلم.. مريم:عادي اشفيها يعني..كل الشباب يتكلمون في التليفون ولا كأن في غرامة..آلو.. تميم:من انت؟ مريم(تبي تلعب عليه):انت اللي متصل..نعم؟ تميم(عرفها):ايش حلاة هالصوت..لو سمحتي ممكن نتعرف.. وليد(يسمعهم وهو يضحك) مريم(وفيها ضحكة):أي عادي..حياك اخوي.. تميم:بصراحة انا من زمان وانا ادور على وحدة..والظاهر ان رب العالمين اختارج لي..شفتي الصدف.. مريم:ايش حلاة هالصدف والله.. تميم:أي والله معاج حق..ماقلتي لي شاسمج؟ مريم:بالاول انت.. تميم:انا اسمي صاحب الbm .. مريم:وانا اسمي صاحبة الرنج.. تميم:ركبوج.. مريم:لا والله..ايش شايفني ان شاء الله..وبعدين من وين لك الbm؟؟ تميم(يضحك):ماتعرفين تمثلين..من وين لي يعني..بايقها..شاريها طبعا.. مريم:اشوف السوق ماشي معاك.. تميم:قولي لا اله الا الله.. مريم:ماشاء الله..ايش عندك مع السيارات؟ تميم:مايخصج..وين اخوج؟ مريم(تقلده):مايخصج..انزين معليه..اخوي قاعد يسوق..ايش تبي فيه؟ تميم:عطيني اياه.. مريم:تبي ياخذون عليه غرامة؟ تميم:عدال..اللي يقول سيارته..السيارة بإسمي والغرامة بتتطلع بإسمي عطيني اياه.. مريم:خالي الله يخليك لاتبيع الرنج..عطني اياه.. تميم:وين بتحطينه في غرفتج؟ مريم:انا الغلطانة قاعدة اتكلم معاك..وليد هاك.. وليد:هلا.. في بيت بوعبدالعزيز... بوعبدالعزيز:تسلم ايدج يااسماء على العشاء.. اسماء:عليك بالعافية عمي.. بوعبدالعزيز:وين العيال تأخروا.. وليد ومريم دخلوا وسلموا..وقعدوا... ام عبدالعزيز:تأخرتوا.. وليد:الشوارع زحمة.. بوعبدالعزيز:متى رايحين؟ وليد:عقب ساعة ان شاء الله رايحين المطار.. بوعبدالعزيز:من بيوصلكم؟ وليد:عبدالعزيز..اقول يبه..مو جنه اليوم راد مبجر.. بوعبدالعزيز:أي..كنت مصدع فرديت.. مريم:سلامتك يالغالي.. بوعبدالعزيز:الله يسلمج..قولي لي ايش صار على ريلج؟ مريم:الظاهر بدخل على الناس بريلي التعبانة.. موزة:صج؟؟ ام عبدالعزيز:ليش الدكتور ايش قالج؟ مريم:ولاشي قالي استمري على العلاج الطبيعي..وقالي يبيله وقت.. بوعبدالعزيز:معليه يابوج..مو مشكلة..الحمدلله على كل حال.. مريم:واشلون بمشي في العرس؟ اسماء:عادي مافيها شي..امج ولا وحدة من خوات المعرس بيساعدونج..لاتكبرين الموضوع..الحمدلله ان ريلج تحسنت عن قبل.. مريم:الحمدلله..(قامت) وليد(يأشر لها):وين رايحة؟ مريم(قعدت):نسيت.. وليد(راح عند موزة):هذي هدية التخرج..مبروك.. مريم:ترى الهدية مني ومنه.. وليد:أي صح نسيت.. مريم:لا.. موزة(تفتح الهدية):واااو وايد حلوة..مشكورين..ليش متعبه عمرج مريوم.. وليد:وانا؟ موزة:أي صح نسيت.. وليد:لا.. مريم(تضحك):وحدة بوحدة.. موزة(ترويهم):ايش رايكم؟ ام عبدالعزيز:وايد حلوة.. مريم:الصراحة الساعة على ذوق وليد..اعترف.. وليد:زين اعترفتي.. وعقب ربع ساعة من السوالف... وليد(يقوم):عن اذنكم بروح ازهب شنطتي.. ام عبدالعزيز:انا زهبت لك كل شي.. وليد:فديتج يالغالية..تعبتج.. ام عبدالعزيز:تعبك راحة..بس روح شوفها يمكن نسيت شي.. وليد:ان شاء الله.. مريم(تقوم):انا بعد بروح ابدل..عن اذنكم.. في الاحداث الجاية فيها الكثير من المفاجآت..ولاتنسون ان عرس مريم قرب.. أشوفكم على خير | |||||||||
|
| |
|
22-02-14, 12:33 AM
| #19 | |||||||||
| نجم روايتي ومشرفة سابقة وفراشة متالقة بعالم الازياء
| **فصل السابع عشر** في غرفتها... تقط شنطتها على السرير وتفصخ عبايتها...يرن تليفونها.... مريم:آلو...هلا فطوم...بخير انت شاخبارج؟ فاطمة:الحمدلله..شتسوين؟ مريم:توني رادة من برع.. فاطمة:وين؟ مريم:كان عندي موعد وعقب وليد عشاني وردينا.. فاطمة:وايش قالج الدكتور؟ مريم:فطوم بمشي وانا اعري بالعرس.. فاطمة:لاتقولين.. مريم:والله..الدكتور يقول يبيله وقت.. فاطمة:معليه حبيبتي شتسوين..لاتضايقين عمرج.. مريم:انا مو متضايقة علشان العرس..بس احس ببهدل محمد وياي علشان ريلي..مااقدر امشي كل اموري من غير ماحد يساعدني.. فاطمة:هو راضي..انت ايش تبين فيه..مو هو قالج ماراح يأجل.. مريم:بلا..(تشوف ان في خط ثاني)..فطوم بكلمج عقب هو على الخط الثاني.. فاطمة:اتصلي زين ابيج في سالفة....مع السلامة.. مريم:مع السلامة...وعليكم السلام.. محمد:مشغولة؟ مريم:لا..بس توني رادة من برع.. محمد:توج!!..من زمان انا شايفكم.. مريم:تشوفني وماتخبرني؟ محمد:ماقدرت اسلم عليج ورفيجي وياي.. مريم:مو مشكلة.. محمد:شاخبارج؟ مريم:الحمدلله..انت شاخبارك؟ محمد:الحمدلله..اخبار ريلج..بغيت أسأل وليد بس ماقدرت لأن رفيجي كان وياي.. مريم:ريلي الحمدلله..بخير وتقولك انها بتظل على هالحالة فترة.. محمد:ايش قالج؟ مريم:قالي يبيله وقت..لازم انتظر.. محمد:معليه الحمدلله على كل حال.. مريم:الحمدلله.. محمد:عيل جذي ماتقدرين تسافرين العمرة.. مريم:الظاهر..معليه خليها عقب..بعدين مابقى شي على رمضان.. محمد:معاج حق..عقب شهر..ومتى دوامكم؟ مريم:عقب ثلاث اسابيع..بس لاتحاتي اول اسبوع انا غايبة..انت تدري اول اسبوع مايعطون شي.. محمد:كم مادة مسجلة؟ مريم:بس مادتين مع مشروع التخرج.. محمد:بالتوفيق ان شاء الله.. في بيت بوسالم...كلهم واقفين يودعون تميم... سلطان:لاتنسانا من دعائك.. تميم:ابشر.. بوسالم:من بيوصلك؟ تميم:واحد من الربع.. بوسالم:ووليد؟ تميم:بشوفه في المطار..ياللا في امان الله.. الجميع:مع السلامة.. ام سالم:في حفظ الله.. في بيت بوعبدالعزيز...وليد واقف يودعهم... وليد:مريم مانزلت؟ موزة:بروح اشوفها.. وليد:خلج انا بروح لها.. يندق الباب... مريم:منو؟ وليد:وليد.. مريم:تعال.. وليد(فتح الباب):شنو ماتبين تودعيني؟ مريم(ابتسمت):آسفة نسيت أنزل..كنت اتكلم في التليفون وماشفت الوقت..(قامت)..دير بالك على نفسك.. وليد:ادري انج زعلانة لأني مسافر ومابقى شي على عرسج..بس هذا احسن وقت اقدر اعتمر فيه..وماني مطول كلها اسبوع وراد ان شاء الله.. مريم:تروح وترد بالسلامة..ادعي لي وايد ياوليد.. وليد:ماراح انساج..(ودعها)..مع السلامة.. مريم:مع السلامة.. ونزل تحت..وودعهم وراح... ام عبدالعزيز:الله يحفظك وين ماتروح.. في غرفة فاطمة.... فاطمة:وينج تأخرتي وايد.. مريم:عذريني فطوم..كنت اتكلم مع محمد وعقب ودعت وليد.. فاطمة:ليش؟ مريم:مسافر العمرة.. فاطمة:الله يرده لكم بالسلامة.. مريم:آمين.. فاطمة:أخبار موزة؟ مريم:الحمدلله.. فاطمة:واي تخصص داخله؟ مريم:تقول بتدخل طب.. فاطمة:سجلت؟ مريم:أي سجلت.. فاطمة:الله يوفقها..اليوم جبت فستاني.. مريم:صج..واشلون عجباج؟ فاطمة:يهبل..اقولج بنت عمي بس شافته بغت تستخف.. مريم:طبعا اسمع من يمدح.. فاطمة:لاوالله من صجي وايد شكله حلو.. مريم:الحمدلله.. فاطمة:حتى تسألني بنت عمي تقولي ايش بتسوين في المكياج والشعر..قلت لها فديتها رفيجتي حطتني مرافقتها.. مريم:طبعا لازم تكونين معاي.. فاطمة:ماتدرين ايشقد متشوقة حق ليلة عرسج.. مريم:انتوا متشوقين وانا خايفة.. فاطمة:الله يعينج..انزين سمعي ابيج بسالفة بيني وبينج.. مريم:قولي.. فاطمة:اخوي راشد يبي يتزوج.. مريم:زين..وحصلتوا له على بنت الحلال؟ فاطمة:أي حصلناها.. مريم:من اهلكم؟ فاطمة:لا..من صوبكم.. مريم(استغربت):صوبنا؟!!..من؟ فاطمة:مو علشان جذي اقولج بيني وبينج.. مريم:من هي؟ فاطمة:جواهر اخت قمر.. مريم(استانست) فاطمة:ايش رايج؟ مريم:فرحتيني.. فاطمة:فأنا بغيت أسألج اذا محيرينها حق حد ولا لا.. مريم:لاحبيبتي لامحيرينها لحد ولاشي.. فاطمة:يعني حتى مو محيرينها حق عيال عمها؟ مريم:مااعتقد..بس اذا تبين بسأل.. فاطمة:بتسألين من؟ مريم:بسأل امي..هي تعرف كل شي.. فاطمة:بس ها بينج وبينها.. مريم:ان شاء الله.. فاطمة:علشان نروح نخطبها.. مريم:ان شاء الله من نصيبكم.. فاطمة:آمين..ماتصدقين ايشقد دخلت قلبي..حبيتها.. مريم:أي والله جواهر وايد حبوبة.. فاطمة:وماشاء الله عليها جميلة وايد.. مريم:في هاي معاج حق..هي احلى وحدة من خواتها.. فاطمة:متى بتردين علي؟ مريم:عطيني مجال لين باجر..لأن الحين امي اكيد رايحة ترقد.. فاطمة:خلاص عيل انا انتظرج باجر..لاتأخرين..تصبحين على خير...مع السلامة.. راشد:ايش قالت؟ فاطمة:تقول بتسأل.. راشد:يعني صج البنت ماتفوت؟ فاطمة:اقولك جميلة ماشاء الله عليها..وايد حلوة الله يحفظها..انا بس قعدت معاها مرة حبيتها..وسألت عنها عند بعض البنات وايد يمدحون فيها.. راشد:وايشقد بقى لها بالجامعة؟ فاطمة:توها داخلة تخصص.. راشد:مو مشكلة الجامعة..المهم تكون وحدة زينة.. فاطمة:اذا لك نصيب فيها بتاخذها.. الساعة 4 الفجر...في الفندق....تميم يقط عمره على السرير.... وليد:الحمدلله ان اعتمرنا.. تميم:الحمدلله..الحرم زحمة.. وليد:أي علشان رمضان مابقى شي.. تميم:الله يبلغنا رمضان.. وليد:آمين..بترقد؟ تميم:ابي ارقد..بس بعد جوعان.. وليد:انزين قوم خلنا نرد الحرم.. تميم:والجوع شيسكته؟ وليد:خله للصبح..قوم.. الصبح على الساعة 10...تتريق مريم... مريم:عيل وين موزة؟ ام عبدالعزيز:راحت تسبح.. مريم:واسماء؟ ام عبدالعزيز:من شوي كانت هني..وراحت غرفتها علشان مشعل كان يصيح.. مريم:انزين يمه ابيج بسالفة سرية..بيني وبينج.. ام عبدالعزيز(بكل اهتمام):شنو؟ مريم:جواهر بنت خالتي..محيرينها لحد؟ ام عبدالعزيز:ليش هالسؤال؟ مريم:في وحدة كلمتني عنها علشان اخوها..واللي اعرفه انج تعرفين كل شي عن بيت خالتي.. ام عبدالعزيز:من هالبنت؟ مريم:فطوم رفيجتي.. ام عبدالعزيز:يحليلهم..لامب مخطوبة..كانت من قبل محيرة لولد عمها..وعقب انتهت السالفة والولد تزوج.. مريم:يعني اقولها خلاص يروحون يخطبونها؟ ام عبدالعزيز:أي.. مريم(مسكت تليفونها):عيل خلني ابشرها...آلو..راقدة؟...شوفي الساعة جم...انزين سمعي تقولج لا...اي...باي.. ام عبدالعزيز:مريوم اتصلي في اخوج نسيت تليفوني فوق.. مريم:ان شاء الله.. في بيت فاطمة.... ام راشد:خوش بشارة..قولي حق مريم خلي امها تكلم اختها وتخبرها ان احنا رايحين لهم باجر عقب المغرب.. فاطمة:بس الحريم؟ ام راشد:أي.. فاطمة:خلني اروح اغسل وجهي واتصل لها.. في بيت بوعبدالعزيز... ام عبدالعزيز:مع السلامة..ايش قالج كنت تضحكين؟ مريم:اقوله وينكم..يقولي طايحين على السرير اقوله ليش من التعب..يقولي لا من الزط..يقول ماكلين البوفية كله..الظاهر كانوا في مجاعة..(يرن تليفونها)...آلو هلا فاطمة.. فاطمة:اقولج من زود الفرحة طرت من على السرير لعند امي علشان ابشرها..حتى ماغسلت وجهي.. مريم(تضحك):يحليلج فطوم..شنو؟....انزين....خلاص عيل بقولها.. شنو بعد؟...ان شاء الله...سلمي عليها ..مع السلامة.. مريم:يمه تقولج ام فاطمة..اتصلي في خالتي وخبريها ان باجر المغرب بيروحون لهم..وتقولج انت بعد تعالي.. موزة تقعد.. ام عبدالعزيز:موزة عطيني التليفون.. موزة:ان شاء الله.. ام عبدالعزيز(تتصل):السلام عليكم...اشلونج قمر؟...الحمدلله كلنا بخير...عطيني امج.. ام يوسف:السلام عليكم...هلا والله...الحمدلله انتوا شاخباركم...شنو؟...صج؟...ومن هم؟...اي اعرف عمتهم..اي...متى؟...خلاص عيل..وانت مب جاية..اقول بعد..خير ان شاء الله..مع السلامة.. قمر:ايش عندها خالتي؟ ام يوسف:عندها كل خير.. قمر:شنو؟ ام يوسف:في ناس جايينا باجر يخطبون جواهر.. جواهر(تشوفهم وهي فاجه عينها):نعم؟ قمر(استانست):ايش هالاخبار الحلوة..ماقالت لج من؟ ام يوسف:بلا..قالت اخو رفيجة مريم.. قمر:من؟ ام يوسف:اعتقد قالت لي اسم البنت فاطمة.. قمر:اوه..فاطمة ماغيرها..يحليلها.. ام يوسف:اشوفج ساكته.. جواهر:يمه انا ماافكر بالزواج.. ام يوسف:ليش؟..ايش ناقصج؟ جواهر:يمه انا وراي جامعة..وين اقدر على الزواج؟ قمر:مافيها شي..هذي انا عندي جامعة وانخطبت.. جواهر:انت غير.. ام يوسف:سمعيني جواهر..لاتقررين الحين..خلنا نشوفهم ونسأل عن الريال ونشوفه وعقب استخيري وقرري.. قمر:امي معاها حق..يمكن يطلع واحد وايد زين فحرام تفوتينه بسبت الجامعة.. ومع مرور ثلاثة ايام...في الحرم المكي... وليد:قوم خلنا نطوف.. تميم:ياللا بس دقيقة اخلص الاذكار.. وليد:الجو حلو اليوم..ماتدري ايشقد مستانس اني جيت هني قبل لأموت.. تميم(يوقف):اردك الدوحة.. وليد(يوقف):ليش؟ تميم:لاتعيد هالكلام..امش.. في بيت بوسالم.... ام يوسف:اتعرفهم؟ سلطان:لا مااعرفهم..تبين بسأل عنهم.. ام يوسف:ياريت والله..هم شكلهم ناس طيبين..بس بعد لازم نسأل عنهم.. سلطان:ايش كبره الريال؟ ام يوسف:عمره 28 سنة..ويشتغل في وزارة التربية والتعليم..وابوه متوفي..وشارط في زواجه ان البنت تعيش مع هله.. سلطان:ليش؟ ام يوسف:لأنه الولد الوحيد حق هله..ومايقدر يهد هله بروحهم من غير ريال.. سلطان:زين يسوي..(قام)..على العموم انا بسأل عنه.. مها:وين؟ سلطان:بروح اودي سيارتي الوكالة.. مها:اشفيها سيارتك؟ سلطان:ماادري اشفيها تتغلى حضرتها..مع السلامة.. الجميع:مع السلامة.. يرن تليفون حصة...تروح تقعد في المجلس... حصة:وعليكم السلام.. غانم:اشلونج؟ حصة:الحمدلله..انت اشلونك؟ غانم:بخير..ماتتصلين.. حصة:آسفة والله..بس انشغلت علشان عرس بنت اختي.. غانم:متى عرسها؟ حصة:عقب عشرة ايام ان شاء الله..اشلون شغلك؟ غانم:زين..متى بتردين؟ حصة:ماادري.. غانم:لاتطولين..ردي بسرعة.. حصة(مستغربة):ليش؟ غانم:شنو ليش..زوجتي وابيج ترجعين..تبين تهديني بروحي..البيت مو محلو من غيرج.. حصة(ماصدقت):انت مب ناوي تاخذ اجازة؟ غانم:مااقدر..حاولت بس ماعطوني..قالوا يمكن بعد رمضان.. حصة:وايد بعد رمضان.. غانم:شسوي..ياللا حصة بسكر لأني عندي اجتماع.. حصة:مع السلامة.. ومع مرور الايام...وليد وتميم يردون من السفر...والايام تركض بالنسبة لمريم اللي يزداد خوفها كل ماتشوف يوم ينقص من وجودها في البيت...لين ماوصل يوم الاربعاء..على الساعة 11 ونص في الليل..تكون قاعدة في غرفتها..تدخل عليها امها.... ام عبدالعزيز:مارقدتي؟ مريم:من وين يجيني النوم؟ ام عبدالعزيز(تسكر الباب وتقعد عندها):لازم تنامين عدل باجر عرسج.. مريم(بخوف):الله ياستر.. ام عبدالعزيز:خايفة؟ مريم:وايد يايمه..احس قلبي بيوقف.. ام عبدالعزيز:عيل لجى باجر وبتطلعين جدام الناس ايش بتسوين؟ مريم:ماادري.. ام عبدالعزيز:يمه مريم..ابي اقولج شي وحطيه في بالج دوم..زوجج شوي غير عنج..يعني اهتماماته وآرائه وحياته ممكن تختلف عنج..ممكن باجر مثلا يطلب منج شي وانت ماتبين لاتسببين له مشاكل وتضايقينه..انت خذتيه ووافقتي عليه وانت تعرفين انه واحد ملتزم..ياهو يغيرج ياانت..ومحمد ماشاء الله انسان اخلاقه عالية ويعرف اشلون يتصرف..وانت بعد..ديري بالج على حياتج لاتشكين عند أي حد..مشاكلج انت وريلج حليها معاه..ولاتفكرين يوم تروحين تقولين حق حد من ربعج ولا حد من هلج.. مريم:واذا ضاقت بي الدنيا وين اروح؟ ام عبدالعزيز:لربج..ربج هو يفرج الهموم مهب عباده..انت عارفه كل شي..حاولي انج تتقربين من ريلج..وخليه كل شي بحياتج..ترى الزوجة ساحرة.. مريم(اندهشت):ساحرة!!..اشلون؟ ام عبدالعزيز:شوفي يايمه..الزوجة تقدر تخلي زوجها ريال مافي منه اخلاق احترام يحب الناس يعني من هالزين..وفي زوجة ممكن تخلي الريال انسان سيء تباعده عن الناس اللي تبيه تمشيه عليه..يعني حياة غير مرغوبة ويمكن تفتقر للسعادة..والزوجة الشاطرة اللي تكسب حب زوجها..وتخليه هو صاحب الاسرار..وعرفي شي يايمه..ان قناعتج بزوجج وحياته هو مفتاح سعادتج معاه.. وسمعي هالنصايح بعد.. في الصالة فوق... وليد(يطلع من غرفته يشوف موزة قاعدة على النت):شتسوين في هالليل؟ موزة:قاعدة اشوف في هالمواقع.. وليد:في هالليل عاد..وين مريوم راقدة؟ موزة:لا..امي عندها.. وليد:انزين انا رايح غرفتي لطلعت امي نادي مريم خلها تيي عندي ابيها.. موزة:انزين.. وليد:مو تنسين.. موزة:مابنسى.. وليد رد غرفته...قعد على مكتبه...وفتح لاب توبه وشغل له اغنية..وفتح دفتره ومسك قلمه وقعد يكتب... في غرفة مريم.. ام عبدالعزيز(حبتها وقامت):والله يوفقج ويسعدج.. مريم:تسلمين يمه على النصايح..استفدت وايد.. ام عبدالعزيز:قريتي الكتب اللي عطيتج اياهم؟ مريم:كلهم..فديتج يايمه..بفتقدج وايد.. ام عبدالعزيز:حتى انا..ياللا الحين وقت النوم..باجر ورانا شغل من الصبح..تصبحين على خير.. مريم:وانت من هله.. ام عبدالعزيز(سكرت الباب ومرّت على موزة):وانت بعد قومي نامي..باجر ورانا شغل.. موزة:شوي بعد وبروح أنام.. في غرفة مريم.... مريم كانت تفكر بكلام امها...وتتخيل باجر اشلون بيمر هاليوم..فجأة تقطع افكارها موزة... موزة:وليد يبيج في غرفته.. مريم(قامت وراحت له ووقفت فوق راسه):ايش عندك سكرت الدفتر..ممنوع؟ وليد:نوعا ما.. مريم(راحت تقعد على الكرسي اللي جنب الدريشة وقعدت تتأمل السماء من الدريشة) وليد(يي صوبها):تفكرين في باجر؟ مريم(هزت راسها بنعم) وليد:الله يسعدج يامريم.. مريم:آآآآمين..أحس اني داخله عالم ثاني.. وليد:وبعد شنو حاسه؟ مريم:عالم مليان بالمفاجآت.. وليد:مريومه.. مريم:نعم؟ وليد:ابي اطلب منج طلب.. مريم:آمر.. وليد:تشوفين هالدفتر اللي على الطاولة.. مريم:أي.. وليد(غير رايه علشان باجر عرسها):مو على كيفج تفتحينه.. مريم:عندي فضول اعرف ..بس باحترم خصوصيتك.. وليد:انزين قومي نادي موزة وخلينا نسهر..خذت فيلم من تميم عجيب.. مريم:فيلم شنو؟ وليد:فيلم كوميدي..بس شنو حلو.. مريم:وين شفته؟ وليد:شفت منه مقاطع..ياللا قومي نادي موزة وخلينا نعيش سهرة حلوة.. مريم(قامت):ايش تبي بارد؟ وليد(يفكر):جيبي......ميرندا.. وتجمعوا ثلاثتهم وتموا سهرانين على الفيلم لين صلاة الفجر..جات ودخلت عليهم ام عبدالعزيز.... ام عبدالعزيز:انتوا هني؟؟..شتسوون؟ موزة:نتابع فيلم.. ام عبدالعزيز:الناس في انصاص الليالي تتعبد وانا عيالي يسهرون على افلام.. وليد:السموحة يمه..شسوي قلت الليلة آخر ليلة مريوم معانا فقلت نسهر مع بعض.. ام عبدالعزيز:مريوم انا ايش قايلتلج..مو لازم ترقدين عدل..الحين اشلون يعني؟ مريم(قامت):آسفة يمه.. ام عبدالعزيز:قومي صلي ونامي وعلى الساعة 9 بقعدج.. مريم:ان شاء الله.. ام عبدالعزيز:وانت موزة وراها.. موزة:ان شاء الله.. وراحوا... ام عبدالعزيز:وانت زعلانة منك.. وليد(قرب منها وحب راسها):أفا يالغالية..كل شي ولازعلج.. ام عبدالعزيز:ليش خليتها تسهر..انا كنت ابيها تنام عدل.. وليد:شسوي يمه..شفت في عينها الخوف والقلق..قلت اغير لها الجو.. ام عبدالعزيز:انزين قوم توضى وروح المسجد.. وليد:ان شاء الله..ماشاء الله عليج يمه..وايد حلوة..الله يهني الوالد بهالجمال.. ام عبدالعزيز(تبتسم له وتروح) في بيت بويوسف... قمر:ايش قالت لج يمه؟ ام يوسف:تقول راقدة.. قمر:العروس راقدة؟ ام يوسف:تقول امس وليد سهرها هي وموزة لين الفجر.. جواهر:يحليله ولد خالتي.. في بيت بوسالم... ام سالم:اليوم مارحت الدوام.. سلطان:أي يمه.. ام سالم:عسى ماشر.. سلطان:ماشر يالغالية..بس ماخذ اجازة علشان الليلة عرس بنت اختي.. ام سالم:الله يحفظها..وين مرتك؟ سلطان:مرتي..ذبحتها سارونة ماخلتنا نرقد.. ام سالم:الياهال جذي يايمه..وينهي راقدة؟ سلطان:لا قامت..بس سارة راقدة.. في بيت بوعلي... محمد لابس ... ام علي:وين؟ محمد:عندي شوية شغل بخلصه وبرد.. ام علي:انزين بغيت أسألك شاري اغراض حق المطبخ والبيت؟ محمد:أي شريت..تامرين على شي قبل لأطلع.. ام علي:سلامتك.. محمد:مع السلامة.. ام علي:مع السلامة.. في بيت بوعبدالعزيز...ام عبدالعزيز قاعدة في الصالة مع كل بناتها... خولة:يمه مو بسها رقاد.. ام عبدالعزيز:روحي ناديها.. في غرفة مريم...قامت على رنة المسج شافته من محمد ابتسمت على الكلام المكتوب.. مريم:منو؟ خولة:خولة.. مريم:دشي.. خولة:صباح الخير.. مريم:صباح النور.. خولة(فتحت الستاير):ياللا بسج رقاد..قومي.. مريم:الساعة جم؟ خولة:الساعة جدامج..عشر.. مريم:امي قالت بتقعدني تسع.. خولة:غيرت رايها..علشان تنامين عدل..ياللا قومي يالعروس.. دخلت منيرة... منيرة:صباح الخير يالعروس.. مريم:صباح النور.. هالة تدخل وام عبدالعزيز وموزة ووليد.... مريم(ماقدرت تخفي دموعها لما شافتهم كلهم متجمعين عندها نزلت دموعها على طول وقعدت تبجي) الفصل الجاي بيكون عرس مريم..ترقبونا.. | |||||||||
|
| |
|
22-02-14, 12:34 AM
| #20 | |||||||||
| نجم روايتي ومشرفة سابقة وفراشة متالقة بعالم الازياء
| **فصل الثامن عشر** في بيت بوعبدالعزيز... دخلت منيرة... منيرة:صباح الخير يالعروس.. مريم:صباح النور.. هالة تدخل وام عبدالعزيز وموزة ووليد.... مريم(ماقدرت تخفي دموعها لما شافتهم كلهم متجمعين عندها نزلت دموعها على طول وقعدت تبجي) منيرة:مريوم..تبجين.. ام عبدالعزيز(راحت لها وضمتها):مريوم حبيبتي ليش تبجين؟..مريومه حبيبتي..قلبي مريومه..خلاص.. وليد(بغشمرة):هذا حزته كلكم تييون عندنا.. خولة(بالمصري):نعم ياخويه..قلت ايه؟؟ وليد:لازم تخربون مزاجها على الصبح..روحوا انتوا الاربعة زهبوا لنا الريوق.. منيرة:انت تامر..متى بتعرس؟ وليد:في القريب العاجل ان شاء الله.. ام عبدالعزيز:مريومه شوفيني..مريم يمه شوفيني.. مريم(رفعت راسها والدموع بوجهها) ام عبدالعزيز:وليد عطني الفاين.. وليد:ان شاء الله..تفضلي.. ام عبدالعزيز(مسحت دموعها) وليد:مريوم صدق تلوعين الجبد وانت تصيحين..ياللا عاد الليلة كلها فرح ووناسة..ورقص..ترى سمعوا انا الليلة لما ادخل علشان آخذها برقص.. موزة:لادخيلك لاتشرد الحريم من العرس.. وليد:انت جاب..انزين..الليلة بتشوفين الرقص الزين.. هالة(تضحك):بالسيف عاد.. وليد:ولايهمج..اللي تبينه..(ينزل لمريم ويرفع راسها)..فديت هالوجه..ياللا عاد قومي..نبي نتريق جميع..ولا انت ماتبين؟ مريم(ابتسمت):اكيد ابي.. ام عبدالعزيز:عيل ياللا قومي..(قامت)..ياللا نمشي تحت.. وقعدوا يتريقون كلهم ماعدا بوعبدالعزيز اللي كان في الدوام..مرة وحده يدخل عليهم بدر الكل اندهش من جيته..الكل سكت وكان يطالعه..قرب ووصل لعند امه حب راسها وسلم على الكل... ام عبدالعزيز:حياك يمه تريق معانا.. بدر:سبقتكم..أخبارج مريم؟ مريم(من غير اهتمام):بخير.. بدر(شاف محد اهتم بجيته):عبدالعزيز لخلصت تعال المجلس ابيك شوي.. عبدالعزيز(ناظرهم كلهم):انزين.. وراح عنهم.... ام عبدالعزيز:اشفيكم؟..ليش هالنظرات؟؟..من اللي دخل عليكم؟؟..ولد الجيران مهب اخوكم!!..ماعلمتكم جذي انا..(قامت) وليد:يمه.. ام عبدالعزيز:ايش تبو تقولون..بدر غلط معاكم..بس مو معناته تتكلمون معاه بهالطريقة..مهما صار يظل هذا اخوكم.. مريم:يمه تكفين لاتخربين مزاجج..واللي تبينه بيصير..بس تكفون خلكم مستانسين..ترى مااطلع من البيت.. ام عبدالعزيز:مريم اذا خلصتي روحي زهبي عمرج علشان مابقى شي وبنروح الفندق.. مريم(قربت منها ومسكت يدها وحبتها):يمه رضاج..(دمعتها نزلت)..يمه انا اليوم طالعة ابي رضاج علي..واذا علشان بدر الحين بروح له اهم شي اشوفج راضية.. ام عبدالعزيز(تأثرت):راضية عليج دنيا وآخرة..انا ماقلت هالكلام علشان تزعلون مني..لا..انا احبكم وماابي اشوفكم مشتتين..ابيكم حول بعض تحبون بعض..عرفتوا ايش قلت..(راحت) عبدالعزيز قام وراح المجلس... عبدالعزيز:شاخبارك بدر؟ بدر:الحمدلله..انت اخبارك؟ عبدالعزيز:الحمدلله اخبارنا طيبة.. بدر:عبدالعزيز انا ادري انك زعلان علي..بس صدقني انا مادريت انكم كنتوا تتصلون فيني..الا ماعقب اكتشفت ان زوجتي هي السبب في بعدي عنكم..وانا مالي غيركم..أنا آسف آسف.. عبدالعزيز:من وقت ماردينا من سفرة وليد وانا الاحقك ابي احاجيك ماتعطيني فرصة..يابدر حتى لو كنت تحب زوجتك وتفضلها على كل الناس بس هذا مو معناته انك تنسى ان لك أهل.. بدر(بضيق):معاك حق.. مريم تدخل.... مريم:بدر.. بدر(يلتفت لها) مريم:بدر..(تبتسم له)..نبي رقص الليلة..ونبي نفرح.. بدر(ابتسم لها):تامرين امر يالعروس.. وشوي شوي كلهم يدخلون... مريم:يمه ابوي اليوم ماهو ماخذ اجازة؟ ام عبدالعزيز:بلا..قال بيخلص جم شغله عنده في المكتب وعقب بيرد.. وشوي بوعبدالعزيز يوصل..ويقعد معاهم..ويسولفون ويضحكون... بوعبدالعزيز:مريم حبيبتي تعالي قعدي عندي.. مريم(تحب حنية ابوها وايد قعدت عنده):آمر يبه.. بوعبدالعزيز:اليوم يومج يامرايم.. مريم:فديت اللي ينطق بالمرايم.. بوعبدالعزيز(يضحك):بشتاق لج وايد.. مريم:حتى انا يبه..بس ها ماتنسوني..كل يوم واحد فيكم يزورني.. بوعبدالعزيز:اكيد..من ينسى مرايم..ديري بالج على نفسج.. مريم(بغت تبجي لكن يودت عمرها):ان شاء الله يبه.. بوعبدالعزيز:واهتمي بصحتج.. مريم:ان شاء الله.. وليد:يبه قولها ادير بالها على محمد.. بوعبدالعزيز:المفروض اقول حق محمد يدير باله على مرايمنا..اهتمي بمحمد..تراه خوش ريال ويستاهل.. مريم(استحت) ام عبدالعزيز:مريم يمه قومي تزهبي مابقى شي.. بوعبدالعزيز:قومي يبه روحي.. مريم(قامت):عن اذنكم.. وراحت.. ام عبدالعزيز:وليد يمه صل الظهر ووصلهم الفندق.. موزة:يمه انت مب رايحة معانا؟ ام عبدالعزيز:بلا جايه بس عقب.. في غرفة مريم... تقعد جدام المنظرة وتفكر..يرن تليفونها.... مريم:هلا قمر..بخير..انت شاخبارج؟..عقب شوي بروح وانتوا؟...زين عيل..ماادري والله يمكن تسع ونص او عشر على حسب جيت الناس..لاتأخرون..مع السلامة..(تتصل في فاطمة)...آلو فطوم وينج؟ فاطمة:توني متسبحة وقاعدة امشط شعري..انت شيتسوين؟ مريم:ولاشي.. فاطمة:شنو ولاشي..قومي ياللا مافي وقت..متى رايحة الفندق؟ مريم:عقب الصلاة.. فاطمة:انا بييكم على الوحدة ان شاء الله.. مريم:فطوم خايفة وايد.. فاطمة:عادي..كل العرايس يخافون من هاليوم.. مريم:تصدقين يوم عرسي كلهم يلتمون ويقعدون يسولفون وانا فوق.. فاطمة:معليه حبيبتي انت اليوم عروس ولازم تهتمين بعمرج..ياللا لاتعطلين عمرج روحي تزهبي.. مريم:لاتأخرين...مع السلامة.. يندق الباب.... مريم:منو؟ عبدالعزيز:عبدالعزيز.. مريم:حياك.. عبدالعزيز(دخل):ها بشري اشلون المعنويات؟ مريم:نازله.. عبدالعزيز(قعد):مستحية؟...عاد ي..ترى كل البنات جذي..يوم تزوجت أسماء..ماقدرت اشوف وجهها من كثر ماكانت تستحي..بعدين صار الموضوع عادي.. مريم:احس برهبة اني طالعة اليوم وكل الناس انظارها علي..ولا بعد امشي وانا اعري.. عبدالعزيز:حمدي ربج تعرين ولا شي جايد.. مريم:الحمدلله.. عبدالعزيز:ديري بالج على روحج..وهالله هالله في محمد.. مريم:لاتوصي حريص.. عبدالعزيز:ادري فيج يامريم عمرج ماتقصرين..ولاتزعلين باللي صار من شوي.. مريم:ماني زعلانة..بس ماحبيت ان حالة اخوي توصل لهالمواصيل..لدرجة انه يبتعد عنا ولايدري عنا.. عبدالعزيز:احسابه عندي..بس افضى شوي انا باتصرف معاه..بس خلج احسن منه..(قام)..ياللا انا ماشي..بخليج تخصلين شغلج..ان شاء الله اشوفج الليلة.. مريم:ان شاء الله.. وتمر الساعات..وكل واحد مشغول بنفسه وبكشخته..في بيت بوعلي البنات قاعدات مع الكوافيرة ويتزهبون لروحة الفندق..وفي بيت بويوسف قاعدين يرتبون امورهم لأنهم رايحين الفندق..وخوات العروس كلهم عند العروس..ومريم قاعدين يمكيجونها..وعقب شوي تيي خالة العروس مع مها..وتيبب ..وتكون مريم ملبسينها الفستان وقاعدين يرتبون الطرحة... حصة:ملاك ماشاء الله عليج.. مريم:تسلمين خالتي.. منيرة:ايش هالكشخة حصة؟ حصة:ايش رايكم؟ هالة:تهبلين.. حصة:عيل وين خولة وموزة؟ هالة:تحت في القاعة.. مريم:خالتي يدتي تحت؟ حصة:أي تحت.. منيرة:مها وين سارة؟ مها:عند الخدامة.. حصة:انا نازلة تحت..الا وين اختي عائشة وبناتها؟ هالة:ليحين ماوصلوا.. مريم:انا منبها على قمر قايلتلها لاتأخرون.. وشوي شوي خوات المعرس ييون والناس تدخل القاعة.. قمر وجواهر يدخلون.... قمر:فديت هالقمر والله.. مريم:شفتي يعني ماكو قمر واحد.. قمر:لا طبعا..ألف مبروك..صج صج محلوة.. مريم:عقبالج.. جواهر:مبروك مريم..صج اللي مكيجتج تفننت.. مريم:مع اني كنت خايفة آخذها لكن ماشاء الله ضبطت لي المكياج عدل.. في عرس الرياييل كلهم قاعدين يستقبلون ضيوفهم.. سلطان قاعد عند وليد... سلطان:عقب جم شهر ان شاء الله نشوفك في مكان محمد.. وليد:ان شاء الله.. تميم(يقرب صوبهم):وليد قوم برويك واحد من الشباب شوف تعرفه ولا لا.. عند الحريم..العروس قاعدة وجاهزة وتنتظر بس يخبرونها نزلي..وفاطمة كانت قاعدة عندها..مرة وحدة جات...مدرستها..... مريم(استانست وتسلم عليها):الحمدلله انت شاخبارج من زمان ماشايفتج.. امينة(تسلم على فاطمة):اشلونج فاطمة؟ فاطمة:بخير ابلة..لج وحشة.. امينة:حتى انتوا..(تقعد)..ماشاء الله عليج..وايد محلوة.. فاطمة:وانا؟ امينة:حتى انت..شنو شعورج يامريم؟ مريم:ماادري..قلبي يدق وايد..احس اني بطيح.. امينة:ماخبرتيني عن ريلج؟ مريم:ولاشي مثل ماهي.. امينة:واشلون بتنزلين؟ مريم:خوات المعرس بيساعدوني..علشان التصوير.. امينة:مو قلتي ماتبين تتصورين.. مريم:ريلي رافض الفكرة..بس انا في خاطري عقب وافق.. تيي خولة... خولة:ياللا مريوم امي تقولج نزلي.. مريم(خذت نفس):خايفة.. امينة(تساعدها):ياللا امشي.. وينزلونها تحت..ويفتحون الباب العود وتدخل العروس..وانظار الناس كلها على العروس اللي تساعدها اخت المعرس بالمشي...وصارت تمشي شوي شوي والناس تطالع ملامحها وفستانها وجمالها وابتسامتها..بغت تركب المنصة واجهت صعوبة..جات امها تساعدها..وكملت مشي والمصورة تصورها بمختلف الحركات..لين ماوصلت نص الكوشة..وقفوها.. مريم بنت الدلال..اقبلت..مريم بنت الاصول..واسحرت..كل النواظر بالجمال..واشرقت..والنور مابين الحضور..عطرت..من شذاها كل مكان..لاتمون لاعبير ولاورود..ريحها..مسكها وانفاس الخزان..زعفرانه..فاحها الليل عطور.. وجات ام المعرس تطير الريالات من فوق على العروس وعقب جات امها وخواتها وخالاتها كل عائلتها وقرايبهم..وفاطمة تراقبها من بعيد..لين ماقعدت العروس..لأنها تعبت من الوقفة..وتركوها علشان يصورونها..وعقب جات تقعد عندها اختها منيرة..وقعدت تسولف معاها..والتموا البنات على المنصة علشان يرقصون..مع مرور الوقت جاوا ربعها يباركون لها..وربع خوات ريلها وربع خواتها واغلبية المعازيم.. تيي هالة عند العروس... هالة:اقولج وليد على وصول..اي اغنية بتحطينها؟ مريم:انا مجهزة الانشودة.. هالة:انت من صجج بتحطين اناشيد.. مريم:ليش مااستانستوا على الاناشيد اللي مختارتها؟ هالة:بلا..بس وليد ريال.. مريم:معليه انا سمعته ومتفقة معاه.. هالة:يعني مالت الدي جي تعرف؟ مريم:أي تعرف انا خبرتها.. ورتبوا كل شي بدخول وليد..واول مادخل وليد كل الحريم كانوا يطالعونه ويتمنونه حق بناتهم..وقف على المنصة ورقص له شوي..وجاوا خواته وامه وخالاته عنده..وعقب راح عند العروس استخف عليها ماصدق انها مريم اخته..وتطايرت الدولارات على مريم من ايدين وليد..وعقب قعد عندها.. وليد:مبروك يالحلوة.. مريم(استحت من اخوها):الله يبارك فيك..عقبالك.. وليد:ان شاء الله..مريوم وايد متغيره.. مريم:انزين بسك احرجتني.. وليد:قمر موجودة؟ مريم:هذا سؤال؟ وليد:شوفي الحريم يطالعون..ايش دعوة ماشايفين ريال قاعد مع اخته..(يضحك) مريم:بسك فشلتنا.. وليد:ايش رايج برقصي؟ مريم:تهبل ماشاء الله عليك.. وليد:نمشي؟ مريم:خلني اصور معاك كم صورة وعقب.. وليد:خوش فكرة.. وجاوا خواته وامه وجدته وخالاته يصورون معاه..وعقب ساعد مريم في المشي لين ماوصلوا الباب..غطوها وطلعوها..وكانت السيارة تنتظرها..قبل لتركب شافت اخوانها باركوا لها وشافت ابوها وحبت راسه..واول مابغت تركب السيارة.... سلطان:مريوم.. مريم(طبعا هي ماتشوفهم من تحت العباية سمعت صوته):خالي.. سلطان:تركبين من غير ماتسلمين علي؟ مريم:ماشوفكم..بس اسمع اصواتكم.. سلطان(يبارك لها):مبروك.. مريم:الله يبارك فيك..عيل وين خالي تميم؟ تميم(في السيارة):حلفي.. مريم:فديت خالي اللي يسوق.. وركبوها وراء مع محمد..وتميم ووليد كانوا قاعدين جدام..وخذوهم لبيتهم...ودخلوا داخل..محمد سكر باب البيت..ومريم رفعت العباءة..شافت محمد جدامها..ابتسمت له.. محمد:ماشاء الله تبارك الرحمن..كل هالجمال لمن؟ مريم:لك انت وبس.. محمد:انا اسعد انسان في الدنيا..بوجودج معاي.. مريم(ابتسمت) في بيت بوعبدالعزيز... وليد كان قاعد في غرفته..ويفكر :الله يوفقج يامريم..ومايندرى بلحق على الزواج ولا لا؟؟ يندق الباب...وتدخل... ام عبدالعزيز(شافته واقف جدام الدريشة):وليد انت قاعد؟ وليد:أي يمه.. ام عبدالعزيز:ليش مارقدت؟ وليد:ماجاني نوم.. ام عبدالعزيز:انزين اذن الفجر..قوم روح الصلاة.. وليد:سمعت الاذان الحين رايح.. عند العرسان...مريم تقوم تتوضى وتصلي...وعقب ماخلصت كانت تستذكر اذكار بعد الصلاة..وصل محمد..وفصخ شماغه.. محمد:تقبل الله.. مريم:منا ومنكم.. محمد:خلصتي؟ مريم:أي خلصت.. في بيت بويوسف...قمر كانت منسدحة على السرير وهي تفكر في وليد..ومتى بيي يوم عرسهم...شافت الساعة كانت 7 ونص نزلت تحت وقعدت تزهب الريوق.. قامت ام يوسف وراحت المطبخ وشافت قمر... ام يوسف:صباح الخير.. قمر:صباح الفل والياسمين.. ام يوسف:ايش عندج قاعدة من الصبح..وانا اقول امس كان العرس ومب قايمين الا 12.. قمر:ماجاني نوم بعد الصلاة..فقلت ازهب الريوق واليوم جمعة.. ام يوسف:يالله يفرحني بليلة عرسج مع وليد.. قمر:آآمين.. عند العرسان..مريم قامت ومسكت عكازتها وراحت المطبخ وزهبت الريوق..وحطته على الطاولة..محمد قام ماحصلها راح لها المطبخ... محمد:صباح الورد.. مريم:صباحك عسل.. محمد:ياعسل انت..ليش قمتي تسوين الريوق..اخاف تعبين ريولج.. مريم:لاتحاتي..ريولي بخير..ياللا نتريق.. يقعدون... مريم:تشرب حليب؟ محمد:اشرب.. وعقب ريوقهم يقعدون في الصالة يسولفون... محمد:ايش رايج في البيت؟ مريم:وايد حلو.. محمد:ادري انه صغير بس ان شاء الله مع مرور الايام بنشتري لنا ارض ونبني عليها.. مريم:واشفيه هالبيت وايد حلو..دام انه من ذوقك وايد حلو.. محمد:مريم الله يقدرني على سعادتج.. مريم:والله يقدرني على سعادتك انت بعد.. في بيت بوعبدالعزيز... موزة تنزل تحت وتصبح على ابوها وامها وتقعد... ام عبدالعزيز:ماقعدتي اخوج؟ موزة:لا..افتكرته عندكم..(قامت)..بروح اصحيه.. ام عبدالعزيز:خلج انا بروح اصحيه.. بوعبدالعزيز:تعالي موزة قولي لي ايش بتسوين علشان الجامعة؟ راحت ام عبدالعزيز فوق..شافت وليد راقد في سابع نومه..فتحت الستاير..شافته بعده ماقام..راحت قعدت عنده وشالت عنه اللحاف... ام عبدالعزيز:وليد..ياوليد..ولي� � يمه قوم.. وليد(وهو مسكر عينه):خلوني ارقد..فيني نوم.. ام عبدالعزيز:اكيد فيك نوم سهران لين الصبح..قوم علشان تتريق وتروح الصلاة..ياللا.. وليد:بعد شوي.. ام عبدالعزيز:صاير وليد الصغير اشوف.. وليد(يفتح عينه):احب وليد الصغير.. ام عبدالعزيز(تبتسم له):وانا احب وليد الكبير.. وليد(قام):يعني انت ماكنتي تحبيني وانا صغير؟ ام عبدالعزيز:في كل مراحل عمرك كنت احبك اشفيك انت ايش هالسؤال؟ وليد: غباء.. ام عبدالعزيز:قوم ياللا.. وليد:يمه مارحتي عند مريم؟ ام عبدالعزيز(قامت وتمشي لين الباب):بغيت اروح بس قلت اليوم الجمعة بروح العصر..ياللا قوم..وبخلي موزة تزهب لك الريوق..(قبل لتسكر الباب)..وليد.. وليد:لبيه.. ام عبدالعزيز:ايش عندك سهران امس؟ وليد:اشتقت حق مريوم.. ام عبدالعزيز:أي والله..مكانها يبين فديتها بنتي..لاتأخر..(سكرت الباب) عند العرسان.. ام علي:ياللا مع السلامة.. العرسان:مع السلامة.. ويقعدون جنب بعض... مريم:محمد ساعة جم تروح المسجد؟ محمد:الساعة 11.. مريم:انزين مابقى شي..ماتبي تسبح؟ محمد:بلا..بس تعالي معاي الغرفة.. مريم(ابتسمت):ياللا.. محمد(وهو ماسك يدها):زهبي لي ملابسي والشماغ ودهن العود..وكل شي حلو..انا معرس.. مريم:انت تامر..ثواني انت اطلع وبتشوف كل شي جاهز.. في بيت بوسالم.. في غرفة حصة..قاعدة تتكلم مع غانم... غانم:متى راجعة؟ حصة:تو امس كان العرس..اصبر علي شوي.. غانم:حصة اشوفج مستانسة وماتبين تردين؟ حصة(تضايقت):مب عن بس احنا صارلنا سنتين.... غانم(يقاطعها):سنتين ماشفنا اهلنا..ادري حفظت هالاسطوانه..يعني متى رادة باجر ولا عقب اسبوع ولاعقب سنة؟؟ حصة(تضايقت وقالت في نفسها:اشفيه معصب):يعني خلال اسبوع ان شاء الله.. غانم:لا خذي راحتج..انت الظاهر ناسية انج متزوجة.. حصة:لا ياغانم ايش هالكلام.. غانم:ياللا مع السلامة انا مشغول..(وسكر) حصة(كطت التليفون على السرير وهي تفكر) يندق الباب... حصة:تفضل.. سلطان(يفتح الباب):شتسوين؟ حصة:ولاشي كنت اتكلم مع غانم.. سلطان(شافها متضايقة):قالج شي؟ حصة(بضيق):ولاشي..بس يسأل عني.. سلطان(قعد عندها):وماقالج متى رادة؟ حصة:بلا.. سلطان:وايش قلتي له؟ حصة:قلت له خلال اسبوع.. سلطان:انت من صجج؟ حصة:شاسوي مهب زوجي لازم ارجع له.. سلطان:حصة انت في شي مضايقج..حتى احس لما تكلمين غانم ماتكونين على بعضج..في شي بينج وبينه؟ حصة:........ سلطان:حصة قولي الصج..قولي الحين ولابعدين لما يكون بينكم عيال.. حصة:ليش هو يبي عيال اصلا.. سلطان(انصدم):شنو؟؟ حصة(بخوف):سلطان انا ماقلت شي..الله يخليك لايسمع غانم واروح فيها.. سلطان:غانم مايبي عيال؟ حصة:لا.. سلطان:ليش؟ حصة:ماادري عنه..بس يقولي حاليا لاتفكرين في الياهال.. سلطان:صج انه انسان غريب..وبعد شنو مانعج؟ حصة(قامت):ماكو شي سلطان خلاص انسى السالفة.. سلطان:قعدي..(قعدت)..قولي لي السالفة كلها..ولاتخافين من شي طول ماانا موجود.. حصة:ماابي ادخلك بمشاكلي.. سلطان:قولي ياحصة.. عند العرسان...محمد يطلع من الحمام وهو ينشف شعره..ويروح عند المنظرة..يحصل مريم قاعدة..فتقوم... محمد:خلج قاعدة.. مريم(قعدت):ليش؟..علشان اتمشط شعرك.. محمد:معليه خلج قاعدة..خليني امشط وانا اتأمل في هالوجه.. مريم(استحت):اقول محمد.. محمد:لبيه.. مريم:انت تحب دهن العود اكثر من العطور؟ محمد:أي نعم.. مريم(وتمسك دهن العود):وهذا انت شاريه؟ محمد:أي هذا العود المفضل عندي..ليش؟(يمشط شعره) مريم:اخوي وليد عنده نفسه ويحبه وايد وخالي تميم نفس الشي..وانت معاهم.. محمد:ماشاء الله عليج تعرفين عطورهم المفضلة.. مريم:وليد اعرف شالي يحب من العطور لأني دايما ادخل غرفته..وتميم عرفت هالشي من لما يزورنا اشم ريحته ووليد يقولي عنه..لأنهم ربع.. محمد:ايشقد فارق العمر بينهم؟ مريم:تميم عمره 31 سنة..ووليد عمره 25 سنة..يعني ست سنوات.. محمد:وليد عمره 25 سنة؟ مريم:أي ليش؟ محمد:وليش متأخر بالدراسة؟ مريم:هو مايحب الدراسة وايد وهم علشان صحته اعتذر كم فصل.. محمد:زهبتي ملابسي؟ مريم:كل شي زاهب.. في بيت بوسالم... حصة:حتى تخيل انه مايطلعني واغراض البيت هو يجيبهم..طول هالسنتين ماطلعت من البيت الا ثلاث مرات..وكل قاعدة في البيت..لولا ان البيت كبير وفيه حديقة جان كنت ميتة..وانت تدري شغله طول الوقت برع البيت..ومرات تكون في مناسبات ولا اجتماعات يتأخر..واتم بروحي..حتى اني مااعرف حد هناك لاجيران ولاغيرهم..يعني عايشة بين اربع طوف.. سلطان:وليش ساكته كل هالفترة؟ حصة:ايش تبيني اسوي له..حاولت معاه باللين وايد..وماكو فايدة.. سلطان:وايش بتسوين معاه بترجعين له وبتعيشين معاه بهالطريقة؟ حصة:عيل ايش تبيني اسوي؟ في بيت بوعبدالعزيز..يرن تليفون البيت...يرد بوعبدالعزيز... بوعبدالعزيز:وعليكم السلام..حيالله بالغالية.. مريم:اشلونك يبه؟ بوعبدالعزيز:انا بخير..انت شاخبارج واخبار محمد؟ مريم:الحمدلله احنا بخير..مشتاقة لكم.. بوعبدالعزيز:حتى احنا..عيل وين ريلج؟ مريم:راح المسجد.. بوعبدالعزيز:ماشاء الله عليه..احنا بعد رايحين الحين..هذي امج.. ام عبدالعزيز(تاخذ السماعة):السلام عليكم.. مريم:وعليكم السلام ..اشلونج يمه؟ ام عبدالعزيز:بخير انت شاخبارج طمنيني عنج؟ مريم:انا الحمدلله بخير.. في بيت بويوسف...وهم يتغدون... بويوسف:امس اتصل علي راشد وقالي عن يوم الملجة.. ام يوسف:وانت ايش قلت له؟ بويوسف:قلت له بشوف الاهل وبرد عليك..شتقولين جواهر؟ جواهر(استحت منهم):ماادري..كيفكم.. ام يوسف:خلوها الخميس.. بويوسف:اللي تشوفونه..باتصل عليه وبخبره.. في المطعم.... محمد:ييتي هالمطعم من قبل؟ مريم:أي.. محمد:ومن يابج؟ مريم:وليد.. محمد:الظاهر علاقتج بوليد وايد قوية.. مريم:لازم مب اخوي؟ محمد:بلا..بس في اخوان مب جذي..ماشاء الله عليه.. مريم:عبدالعزيز بعد جذي..فديتهم كلهم والله..هالمطعم لي معاه ذكرى حلوة.. محمد:شنهي الذكرى.. مريم:اذكر يوم عبدالعزيز ووليد اتفقوا يجبونا هالمطعم..انا واختي موزة وامي وابوي..ومرت عبدالعزيز وعيالهم..جينا كلنا وتغدينا بهالمطعم واستانسنا وايد..واليوم بعد مستانسة لأني جيت مرة ثانية معاك.. محمد(ابتسم وهو ياكل):ايش رايج نروح الشاليهات؟ مريم:حلو..تغيير.. محمد:متى موعدج الثاني؟ مريم:حق العلاج الطبيعي؟ محمد:الاثنين.. مريم:موعد الدكتور الاسبوع الجاي..والعلاج الطبيعي الاثنين.. محمد:زين احنا في اجازة وبيي معاج..عيل جذي الشاليهات نخليها عقب الموعد.. في أحداث كثيرة في انتظارنا.. تابعونا.. | |||||||||
|
| |
 |
| الكلمات الدلالية (Tags) |
| أميرة, محطة, الوفاء, النهج, الكاتبة |
| أدوات الموضوع | |
| انواع عرض الموضوع | |
|
|
1Likes
.png)
العرض العادي
