23-02-14, 02:14 PM
| #11 | ||||||||
| مراقبة عامة ومشرفة منتدى الروايات المنقولة  
|  الفصل التاسع .. ليتني استطيع التحليق في سماء حبك لعشت الزمن والعمر بقربك ليتني شمعة تضي دربك او لونناً من الوان عمرك ليتني وليتني وليتني .. وما زالت عواطف الحب مبتدئه والمياه جاريه والهواء والقلب يتنفس به الانسان.. يوسف.. يدمر نفسه دون شعور ويأس قبل الوصول هل سوف يعود له الامل من جديد ؟؟ غرور الورده الذابله التي عجزت هذه الفتره عن التفكير وفضلت الصمت .. هل ستعود من جديد وتحارب لاجل حبها الاسير؟؟ سمر.. كم هي طيبه هذه البنت وتحب الجميع ولا تريد لنفسها الكثير .. هل ستعرف وتكشف نهايه حبها لسيف؟؟ ناصر .. يحاول تفسير لغز تغير غرور ويوسف فعل سيجد التفسير؟؟ هو الى بيده الحل هل بيريح اخوه؟؟ شوق.. نصدمت من اغلى انسان في حياتها شنو ردت فعلها ؟؟ حمد.. حمد جاهز لحل مشاكل الجميع سيف... يحاول يفرق بين اختين سمر وغرور هل سوف ينجح؟ كل هذا بالبارت التاسع .. حمد: انت نا تستحي تلعب ببنات الناس لو كنت صاج تعال اخطبها.. فهد: - حمد: لو كنت ريال تكلم ؟؟ فهد: ما احد قال لها تكلمني اهي الى مو متربيه وشلون اخطبها وهي ممكن تكلم عشره زيي كلامه زي الصدمه لشوق شهقت بالبكاء سكر حمد التلفون ورماها على الارض شوق وهي تبجي: طقني والله ما باثر فيني الطق قد ما انا متأثره الحين .. دمرت نفسي (( ضربت نفسها وقالت: انا شنو سويت بعمري )) حمد كسرت خاطره شوق .. منظرها يكسر الخاطر ويعور القلب حمد: اهدي الافضل انه نتستر على الموضوع وحمدي ربج انج عرفتيه على حقيقته راح عنها وهو متأثر وشوق تبجي وسقطت مغمى عليها .. الفطور .. هدوء عاطفي .. جالسين كلهم ومتيمعين بالاستراحه ما عدا يوسق وسيف وشوق حمد تغير مزاجه بعد ما عرف بحركات شوق بنت عمه حاس نفسه متضايق غرور الى مو قادره تنظر الى ناصر ولد عمها والسبب تعرفونه.. ناصر: الا وين شوقوه؟ حمد: من اشوي جفتها تمشي اهناك اشر حمد على المكان بيده حمد: الا يوسف وسيف للحين ما صحو سمر: لا عيزت وانا احاول ادق على سيف مغلق ناصر وهو يبعد الكوبه: يوسف البارحه ما نام كلج رفعت غرور راسها وكانها خايفه عليه حمد: ليش تعبان ناصر: ما ادري شنو فيه عمره ما كان يدخن الحين حتى الساعه ثنتين السيجاره بيده وكأنه في شي شاغله حمد: انزين انت اخوه واذا ما قال لك بقول لمن؟ ناصر: يوسف طول عمره جدي ما يحب يتكلم .. بس انا خايف يصيده شي قامت غرور وهي تحس نفسها تعبانه ومرهقه: عن اذنكم.. حمد: على وين؟ غرور: بقوم بتمشى اشوي ناصر: اذا جفتي شوق قولي لها تيي وهي تتمشى وتلوم نفسها .. اذا صاد يوسف شي انا السبب لازم احل الموضوع لكن الحل بيده .. لمحت جسم شوق مرمي على الارض تقربت يمها ضربتها خفيف: شوق شوق راحت للجماعه تركض ... وهي تحاول تتكلم بوضوح : يا جماعه شوق ما ادري شنو فيها طايحه اهناك اظاهر مغمى عليها.. وقف حمد متجمد ويلوم نفسه المفروض ما اتركها .. ناصر بحركه ونبره سريعه: حمد تعال شيلها معاي (( المساء )) سمر وغرور ويوسف وناصر عند شوق بالغرفه .. سمر وهي تساسر غرور: غرور انا طالعه غرور: على وين سمر: سيف يبيني رفعت صوتها وقالت: عن اذنكم يا جماعه غرور الى تتالم كل لحظه على بنت عمها وكل ما تشوفها تتعلق بسيفوه اكثر .. وهي موب قادره تسوي شي ناصر الى لاحط نظرات يوسف لغرور الغير طبيعيه واجت في باله افكار وايد ومنها انه يطلع بره ويتاكد من كل الا بباله .. يوسف الى تخيل ناصر وغرور متزوجين ويالسين هاليلسه .. الم وحسره وتعب .. ناصر: عن اذنكم.. طلع ناصر رفعو غرور ويوسف راسهم مع بعض وتلاقت انظارهم.. تعابه من الحب والصمت والعين فاضحتنهم بعد صمت 5 دقائق .. يوسف بنبره حنونه وتعبانه: ما تنامين ليش؟ ردت عليه غرور بزي الطريقه : انت ما تنام ليش؟ ابتسم يوسف: احب وحده وهالوحده ما نعتني من النوم غرور بنبره مرح: وشنو لك فيها يوسف بخبث: وحتى لو كانت هذه الوحده انتي غرور وهي تصطنع العقل والرزانه : حتى لو اهي شنو تسوي فيك وانت تعبان ومريض يوسف: انا موب مريض غرور: والسيجاره الا مو قادر تقعد نصف ساعه من غيرها يوسف وكانه يريد يغير الموضوغ: ما ادري بس انا صاحي غرور: عمرنا ما نحل مشاكلنا بمشاكل ثانيه والسيجاره بتخسرك نفسك يوسف وعيونها كلها حب: اخسر نفسي ولا اخسرج استحت غرور وقالت بنبره خجل : وانا ما ابي اخسرك يوسف: يا بعد عمري والله يوسف حس انه زودها غرور: يوسف موب زين هالكلام ويلا الحين اطلع مليت منك يوسف وهو يتذكر خناقهم مع بعض قبل ضحك وقال زي طريقته القبليه طريقه مغرور: من قال اني يالس علشانج انا يالس علشان اختي غرور: اختك نايمه وما له داعي تيلس معاها يوسف: من متى صرتي دكتوره علمي فيج تدرسين محاسبه غرور: عيل بحاسب قلبك وتصرفاتك يوسف: وقلبي كله لج وتصرفاتي كلها ملكج غرور بنبره دلع: يوسف بتطلع ولا اطلع انا يوسف وهو ناقع من الضحك : ههه بطلع انا يحس ان الحياه مفقوده وما ترجع له الا اذا يلس مع غرور وغرور زيه .. ناصر الى كان واقف وعرف سبب تغير اخوه .. طلع يوسف ولقى ناصر يوهه ابتسم ناصر بخبث وقال: طلعت موب سهل سوف الى ارتبك : ها ناصر: انا موب ناصر الاولي انا ناصر يديد ومستحيل اسمح لك انك نضحي بحبك علشان كلام امي وغرور زي اختي يوسف وهو حاس ان الدمعه بتطيح من عينه: والله ناصر وهو يتذكر الماضي: الماضي تعبني وهلكني يا اخوي ولكنه انتهي وما له داعي اني اعيش فيه من يديد.. بس ها نهايه الحب الزواج موب ... واول ما ترد تقول لامي على طول معقوله كل شي يتحقق بلحظه وحده .. صج الحياه حلوه وبعد صعبه .. (( سمر )) وهم يتمشون بالمزرعه.. سيف: ما ادري سمر ما ادري بس حركاتها معاي موب طبيعيه سمر: هههه غرور لا ما اصدق سيف: ليش تضحكين سمر: لان حضرتك تحلم ولا غلطان بالبنت ههه سيف وهو مقهور ومعصب: لمتى بظلين كذا سمر : شلون يعني سيف: على نياتج وتمشين مع كل من ؟؟ سمر: تقصد غرور .. سيف(( بنبره حاده ))غرور هذه انا وموب ذنبي انكم ما تستلطفون بعض سيف: انا سمر: لا انا سيف تدارك الموقف: سمور حبيبتي انا ما احب احد يستغل طيبتج وقلبج سمر:- سيف: وانا اوومن بهذا المثل خاف من عدوك مره وصديقك الف مره سمر: هذا المثل ما ينطبق علي انا وغرور .. غرور جزء من روحي .. واترك عنك هالسالفه الى تضيق الصدر كرهنا الحياه ما دام انت فيها ولاجلك ابيع كل مزايها واقدم كل ما بوسعي لاراضيها من نحنه ومن هم في هواهيها.. ظلت تمشي وتبحث عن تفسير ليش سيف حامل على غرور وغرور حامله على سيف؟؟ اول مره تسال نفسها هذه السوال عمرها ما اهتمت بهذا الموضوع انتهى البارت | ||||||||
|  |
|
23-02-14, 02:17 PM
| #12 | ||||||||
| مراقبة عامة ومشرفة منتدى الروايات المنقولة
| الفصل العاشر ظلت تسير وهي تبحث عن تفسير ليش سيف حامل على غرور وغرور حامله عليه ليش؟ اول مره تسال نفسها هذه الاسئله عمرها ما اهتمت علشان لا تخسر واحد منهم.. حمد: سمر سمر دارت له سمر حمد: صار لي ساعه وانا اناديج سمر: ما سمعتك حمد: سرحانه بمنو .. بسيف توه كان معاج؟ سمر: سرحانه بالحياه .. تدري يا خوي توني الاحظ الفرق الا بيني وبين غرور حمد: فرق ؟ ومن متى في فرق بينج وبينها طول عمركم انسانه وحده سمر: غرور توؤم روحي لكن ليش؟ حمد: لكن شنو .. تكلمي سمر صارحيني سمر بتردد: سيف يقول ان نظرات غرور له موب طبيعيه حمد بعصبيه: وانتي صدقتيه؟ سمر: لا طبعاً اشك بعمري ولا بغرور حمد: سمر ما اوصيج يا اختي على غرور تراها اختنا ما ابي نخيب امل امنا نجاح فينا وموب معقوله اقل من سنه من وفاتها يصير فينا كذا.. سمر: لا تضحك على نفسك يا حمد غرور طول عمرها ما كانت زينا اكبر مثال غرورها .. حمد: في ذمتج غرور الحين مغروره ولا مكسوره سمر بالم وكانها حنت: تبي الصراحه يا اخوي مكسوره .. يا ليتك جفتها امس شلون كانت تبجي وكان احلامها وامالها تحترق جدام عينها حمد: ههه ولا ما ينعرف لج توج ضدها سمر: ذكرتني بمواجعها ... حمد: وعلشان كذا لا تسمحين لاحد يحرق الصحبه والعلاقه الجميله الى بينكم.. طلعت غرور من غرفه شوق .. لقت يوسف جدامها غرور بنبره استعجاب وغير تصديق: يوسف للحين ما رحت يوسف بنبره رومانسيه: يا قلب يوسف يا حياه يوسف انتي كان يتكلم بصوت عالي شوق فتحت عيونها المملؤه بالدمووع استحت غرور نزلت راسها بحياء ورفعته من يديد : شفيك مينون يوسف: غرور انا مينون اذا خليتج تصيرين لغيري .. تتزوجيني غرور؟ لمعت عيون غرور ودمعت دخلت غرفتها على طول .. ويوسف الى موب عارف شنو يسوي من كثر الفرحه .. فتحت دفتر مذكراتها وكتبت انت فرحت حياتي وكل حبي وامنياتي احبك واتمنى ان اعوم في بحور قلبك اعشقك وليتني ابقى دائماً بقربك حبيبي يا بسمه تطير وترفرف على جناح عمرك ولقد عادت زهرتي لبستاني الفرحةٍ واشترت لها الوان البهجةٍ لم تعرف ماذا تكتب .. شعرت ولاول مره ان قلمها عاجز عن الكتابه .. اخيراً سوف يتحقق الحلم وتبني الامال اخيراً... دخلت سمر الغرفه لقت غرور سرحانه وهي مبتسمه .. سمر: شفيج غرور: باركِ لي يا سمر .. باركِ لي سمر: على شنو؟؟ غرور: خلاص انا ويوسف بنتزوج سمر والا فرحتها ما تقل عن فرحت غرور: الف مبروك يا احلى عروس لامت نفسها سمر لانها شكت لحظه وحده ببنت عمها وحبيبتها غرور رغم انها واثقه فيها ... من جهه ثانيه .. شوق والتعب واضح عليها : مبروك يا اخوي يوسف: الله يبارك فيج يا الله عاد شدي حيلج علشان نسافر مع بعض شوق: وين يوسف: لندن ولا باريس شوق: ليش يوسف: انا وغرور بنقضي شهر عسلنا هناك .. لا يكون ناويه تيين معانا شوق: انت الى عزمتني يوسف : صج ملقوفه وعلى طول قبلتيها.. شوق: هههه يوسف: يا حلو ضحكتج شوق: انت الاحلى يوسف: ادري شوق: لا يكون عدتك غرور وصرت مغرور يوسف وهي يصطنع العصبيه : اقول احترمي نفسج ولا تغلطين على حرمتي شوق: اووه كل هذا حب صدق المثل الا قال ما بعد العداوه صداقه يوسف بنبره رومانسيه وعيونه تلمع: فديتها غرور تنحب اليوم الثاني انتشر الخبر غرور ليوسف ويوسف لغرور .. ووصل الخبر لسيف .. يوسف الا كان يالس بالاستراحه يقرأ .. وسيف الى عصب وقت الا سمع الخبر راح له سيف بعصبيه : انت تعرف اني احب غرور ليش خطبتها يوسف وهو يحاول يمسك نفسه : غرور ما تحبك ومستحيل تاخدك سيف: غرور تحبني تحبني يوسف: لو تحبك صج شنو الا يمنعها من الارتباط فيك سيف: سمر يوسف: لا تكذب على نفسك وتصدق كذبتك ناصر الا وقت الا سمع الاصوات ترتفع .. تقرب منهم.. سيف بعصبيه : يعني ما ببتركها يوسف وهو يرفع صوته : لا ما بتركها انتهى البارت = = = = = = أتمنى اشوووووووووف ردود | ||||||||
|
| |
|
23-02-14, 02:20 PM
| #13 | ||||||||
| مراقبة عامة ومشرفة منتدى الروايات المنقولة
| نظر سيف الا يوسف نظرات ما يقدر يفسرها مشى ... ناصر: شنو صاير قال يوسف الى ناصر السالفه كلها .. ناصر الا ما كسرت خاطره الا سمر قصتها تشبهه قصته خيانه ما بعد الحب ناصر: مسكينه سمر يوسف: سمر وغرور الثنتين مساكين في عاصفه قادمه وناويه انها تخرب علاقتهم واخوتهم.. من جهه ثانيه حمد جنب غرف البنات.. حمد: وين سمر غرور: نايمه رجع حمد حست غرور ان اخوها موب طبيعي نادته: حمد دار لها وكانه يقول لها خير غرور: حاسه ان فيك شي يا اخوي حمد: انا .. لا ابد غرور: معناته صج فيك شي حمد: صج الا سمعته ؟(( بتردد)) غرور: وشنو الا سمعته حمد: خلاص انسي غرور تقول في نفسها معقوله يقصد سيف حمد: تبين شي غرور: ايه اريد اقول لك ان الا سمعته موب صحيح .. حمد انت اكثر واحد تعرف غرور حمد: انا اثق فيج .. لكن سمر سمر كانت تسمعهم غرور: سمر اختي ومستحيل ااذيها .. لكنها مردها بتعرف حمد: غرور سمر لازم تعرف لمتى بظل مخدوعه فيه غرور: عاد متى نقول لها وشلون انا ما اقدر اجوفها بهذه الحاله حمد: ولا انا في نفس الوقت انا اتألم طول ما اجوفها كذا .. تدرين ان سيف راح ليوسف الحين وهدده غرور: هدده بشنو حمد: ما كان واضح بتهديده غرور بنبره خوف : حمد نا موب خايفه على نفسي كثر ما انا خايفه على سمر ويوسف حمد: لا تخافين ولا تفكرين فيهم فكري بروحج اول غرور: افكر بردت فعل سمر حمد: - ما كمل حتى بدأ بكلامه وقف الا .. سمع صرخت سمر , مسكت غرور قلبها وعلامات الخوف والقلق باينه عليها حمدوهو يركض ناحيتها: سمر ركض اتجاه الغرف لقاها ياسله .. تبجي بحرقه وتقول لا دمعت غرور عيونها وقفت بعيد يعز عليها تجوف بنت عمها الا اكثر من اختها بهذه الحاله حضن حمد اخته وقال لها وكانه يهديها: هالانسان ما يستاهل ولا دمعه من عينج طالعته ومسحت دموعها بسرعه وركضت اتجاه غرفه الشباب غرور تبجي بهدوء حمد: غرور اهدي بليز ركض وراها بسرعه وقفته صرخت غرور: حمد بيي معاك .. سمر اختي مثل ما اهي اختك سيف كان يالس يكلم ربيعه مايد سيف: لا بس اشوي مشاكل عائليه مايد: من متى بينه مسافات ونخبي على بعض اجت سمر وعيونها مليانه دموع ناصر الا كان طالع يتمشى وقف متعجب من بنت عمه سيف ارتبك:اوكي مايد لحظه اشوي ..(( دار لسمر وقال ) خير حبيبتي ضغطت على اسنانها وقالت: لا تقول حبيبتي انا موب حبيبتك والا زيك ما يعرف يحب تفاجا سيف: انا يا سمر سمر: اي انت لو تحب صج جان دافعت عن حبك وما سمحت لهذه الخرابيط تتيمع بقلبك .. ما في انسان بقلبه ثنتين حرام عليك انت شنو سيف بترجي وبعصبيه: سمر سمر: لا تلفظ اسمي على لسانك ومن فضلك طلقني سيف: احنه تزوجنا علشان نتطلق سمر: لا بس مالجين سيف: تعالي نتفاهم داخل سمر: لا سيف: طيب لا تفرحين غرور فينا غرور وحمد كانو واقفين بعيد حمد: هديني عليه غرور: لا يا حمد علشان خاطري وخاطر سمر اهدأ خلها تحل مشاكلها بروحها والقرار يكون قرارها سمر: طول عمري انا وغرور واحد فرحتنه وحده ودمعتنه وحده .. ومستحيل وحده منه تسمح لانسان تافهه يفرق بينه (( ليله طويله)) صمت اللسان ولعله قال لكم عن الجواب صدق من قال الحب عذاب ومعه نسينا العمر والهواء سقطت دموعي ولعلها تكون هي الدواء طلع سيف ومعاه شنطه هدومه وهو معصب والشرار طالعه من عينه ركب سيارته وشطف بالباب دخلت سمر الغرفه وانهارت بالبكاء ما تنلام خسرت اليوم اعز انسان بحياتها واهو عايش "" دخلو بعدها بشوي غرور وحمد .. رفعت راسها من على السرير وجافتهم .. شكلها يكسر الخاطر سمر وهي تصرخ: طلعي بره ما ابي اشوفج موب كافي الا اخذتيه.. طلعي حمد: سمر سمر: حمد الله يخليك قول لها تطلع بره موب كافي الا اخذته حمد بهدوء اغمض عيونه وكانه يضغط على شي بداخله: غرور غرور وهي تبجي: من غير ما تقول انا طالعه اهم شي عندي راحت سمر طلعت وسكرت الباب وكانها سكرته للابد .. طاحت على الارض غرور: اَه اَه... | ||||||||
|
| |
|
23-02-14, 02:23 PM
| #14 | ||||||||
| مراقبة عامة ومشرفة منتدى الروايات المنقولة
| البارت الحادي عشر غرور: اَه اَه شوق: غرور قومي تعالي معاي قرب منها ومسح على شعرها بهدوء وقال: سمر ليش مصممه انج تخسرين الاثنين سمر: _ حمد: هانت عليج العشره هانت عليج امي نجاح الا ربتنه سمر: _ حمد: : وبعدين ممكن اعرف ليش كل هذا اليئس انتي موب قليله بنت حلوه وبنت عائله وجامعيه والف من يتمناج وظل يهدأ فيها لوقت الا حس فيه انها صج هدئت .. , نروح الا غرور ظغطت باصبعها على الباب رغم الذي حصل تود ان تكون بجانب اختها وصديقه عمرها شوق: غرور درات لها من غير جواب وكانها تقول لها خير شوق: الاول كنت اظن انج غير عنه مشاعرج خاصه فيج ومستحيل تطلعينها والحين الوقت الا طلعتيه فيها اكتشفت انج كلج مشاعر زي يوسف غرور: انا ويوسف نخلقنه لبعض .. وشخصيه سمر الطيبه الحبوبه مستحيل تناسب شخصيه سيف سمعت صوت طلعت على طول .. قلت حمد طالع من الغرفه غرور: حمد ابستم حمد وكانه يقول لها اَسف غرور: طمني عليها حمد: الحمدالله احسن بوايد احسها لمح شوق الا واقفه من بعيد حس ان صحتها رجعت لها من يديد بهذه السرعه لكنها صج حلوه حمد: غرور انا اسف خيوتي اعتذر لج بدال سمر غرور: ومن متى انا اعتبر سمر غريبه ؟ سمر انا ومستحيل ازعل منها اهي اختي زي ما اهي اختك حمد: دائماً تغلبيني بالكلام الله يهني يوسف فيج ابتسمت غرور بحياء والم حمد: تاخر الوقت تصبحين على خير وديري بالج على نفسج غرور: حمد سمر نامت ؟ حمد: ايه ما تركتها الا الوقت الا نامت فيه غرور: الله يخليك لنا حمد: انتي وين بتنامين؟ غرور: انا ما بنام بيلس جنبها حمد: لكن غرور: هذه راحتي حمد: يلا عيل سلملم غرور: سلملم طلعت شوق وهي تبتسم : حلوه علاقتج بحمد غرور: حمد اخوي واكثر بعد شوق: علاقتكم حلوه رغم انكم موب اخوان الا ان علاقتكم قويه ومبنيه على الاخوه .. يا ليتني انا بعد مع اخواني جدي صج الله يحبج غرور: انتي بعد من اليوم ورايح بتصير زي اختي غمزت شوق: اكيد موب انا اخت يوسف غرور: والله انج فاضيه دخلت غرور الغرفه لقت سمر نايمه على سريرها وخصلات شعرها متبلله من الدموع يلست يمها تمسح على شعرها وتبجي بهدوء معقـــ ـــولـــه هذه الدنــــ ــيا بتحرمنا من بعــــــ ـــض ؟ الصباح صحت سمر لقت غرور نايمه جنبها .. وباين عليها انها تعبانه وايد عدلت يلستها تنهدت .. تمت ان الا صار البارحه كابوس مسكت يد غرور بتردد وقالت: غرور غرور صحت غرور سمر: ليش نايمه على سريري ؟ غرور: انتي بخير ؟ سمر: لا كنت لا لكن الحين عال العال غرور: سمر انا ما ادري شنو اقول لج بس صج سوري تنهدت سمر وقالت: لا تحملين نفسج ذنب انتي ما لج دخل فيه غرور انا غرور: انتي شنو سمر: حاسه ان الا صار لمصلحتي يمكن يفتحني وبعد الا صار مستحيل اسلم واهدي قلبي لاي انسان ابتسمت غرور: هذا صلاح لج .. ومع الايام بتنسين يمكن كلامي يالمج ويقول لج اني موب حاسه فيج .. لكن صدقيني هذا العكس سمر: عمري ما شكيت فيج وهذه الرياح الا دخلت بعلاقتنا وهددتها ونجونا منها ..و هذا اهم شي انتي وكل الا احبهم عندي اياهم بالدنيا كلها ضمو بعضهم ويلسو يبجون .. بعد يومين سافر سيف الا لندن علشان يهذا اعصابه ويفكر بالايام اليايه .. المزرعه... صباح جديد والم منير فتح الستاره وقال : احب الشمس وايد ما ادري ليش احس ان صاحبها الامل الا ينولد ويشرق معاها حمد: انا موب قد كلامك هذا يوسف: هههه عيل شنو الا قده علشان نتكلم فيه .. فيه احلى من الامل حمد: ايه غرور لو نسيتها ؟ يوسف: اووه صج على طاري غرور انا مواعدنها اركبها خيل حمد: الصبح عاد وبهذه الشمس؟ يوسف: ما بنروح بعيد ولا بنطول .. سلملم حمد: هههه علمتها لك غرور يوسف: اعرفها من برنامج صادووه طلع وهو مبسوط تفتحت الورود وفاحت العطور وذابت الصخور امام حبك الموجود.. يوسف: اَسف لاني تاخرت عليج غرور: لو مايت ولا تاخرت اكثر ان جان قلت لعم منصور يطلع الخيل وخلصنه.. يوسف: افا وانا غرور بدلع: مثل ما تطنشني بطنشك وما تفكر فيني ما بفكر فيك يوسف: وتصدقيني لو قلت لج ان حتى سوالفي صارت لها دخل فيج غرور: عن شنو كنت تتكلم؟ يوسف: عن الشمس غرور: يه وانا شنو لي دخل فيها؟ يوسف: بالغرور انتو الثنتين تستحقون الغرور .. يعني مثلاً الشمس تعرف انها مغروره والدليل انها ما سمحت لنا ولا مره نجوفها كل الا نجوفه ضوءها .. وانتي غرور: ما لك دخل فيني يوسف: شنو هذه بعد (( وهو يقلد على صوتها )) ما لك دخل فيني ؟ وهذه انتي تعرفين ان .... ((غمز لها غرور استحت : يوسف شفيك اليوم انا ماشيه يوسف: من صجج؟ غرور: ايه وهذا عقاب لك يوسف بويهه بري: واهون عليج غرور: يوسف اعقل ولازم تعرف ان هذه الحركات ما تمشي معاي من البدايه (( دارت وهي ماسكه ضحكتها )) يوسف: الله يعيني غرور بعصبيه مصطنعه: شنو؟ يوسف: اقول ما نسوي خطوبه نسوي عرس على طول .. ونرد البيت ابتسمت غرور بحياء ومشت عنه ... (( المساء )) دخلو الثلاثي شوق وناصر ويوسف البيت .. يوسف: يمــــه يمــــه ناصر: جوفي اخوج شلون يصارخ وكانه سنه غايب عن البيت موب كم يوم شوق: ما ينلام غرور حبيبه قلبه معاه ناصر: بس عاد جب .. انتي صغيره على هالكلمات حب وخرابيط شوق تقول في نفسها اختك الا تقول عنها صغيره حبت وفشلت بسرعه ومستحيل تسلم قلبها مره ثانيه لاي انسان.. نزلت ام ناصر: هلا هلا بعيالي سلمو على امهم .. ام ناصر: البيت من غيركم كريهه وما له طعم يوسف: لا يسمعج الوالد ترى والله يزعل الكل: هههه ام ناصر : ما طولتو ليش؟ ناصر: يوسف يبي يخطب ويعرس ام ناصر: علشان ناصر بيعرس يعني تغيرت ملامح يوسف ناصر : اممم لا يمه انا توه الناس علي ام ناصر: شنو تووه الناس موب انت الكبير ناصر: وايد يصير لصغار يعرسون قبل لكبار .. انا موافق .. ام ناصر بعصبيه : وغرور ناصر: غرور تتزوج يوسف ام ناصر: ايه هذه الكلام السنــــع كللوش نزل حمد من السياره وغرور وسمر للحين سكر الباب وفتحه من يديد حمد: ما بتنزلون غرور: بننزل بس لحظه حمد: شفيكم تحت شنو تسوون؟ سمر: نلم الاغراض الا طاحت من الكيس لموها ونزلو حمد سكر الصندوق حمد: وهذا انتو رايحين المزرعه الا دائماً فيها وكل هذه الشنط عيل لو تروحون لندن شنو تسوون طنشوه ومشو عنه حمد: كل هذه الشنط بشيلها بروحي غرور: ما عندنه ريال غيرك ما اشترينه للحين حمد: الريايل السنعين ما ينباعون حمد: الريايل السنعين ما ينباعون سمر: باجر بنبيعك لزوجتك ولا ما تنباع ؟ حمد: لا اذا الا زوجتي بنباع فديتها غرور: لحظه بنادي لك السواق والشغاله يشيلون الشنط معاك حمد: اخيراً تكرمتي انسه غرور بعد قليل .. سمر: غرور اظاهر عندنا ضيوف غرور: ضيوف؟ سمر : ايه جوفي السياره الا اهني (( اشرت عليها )) غرور: ما بنقدم الامور ندخل ونجوف دخلو الصاله فاضيه والطابوق الارضي بكبره فاضي ركبو فوق غرور: تصدقيني وحشني البيت سمر: عيل شلون اذا تزوجتي وتركتينا غرور: لا تذكريني .. الا اقول لج تعتقدين ابوي اهني سمر: ما ادري بس اعتقد ان ييته له بهذا الوقت مفاجأه له غرور: ايه والله ما طولنا سمر: بعد تبين تطولين وتعرسين صج طماعه غرور: معقوله بعد شهرين اقدر اخلص اغراضي .. سمر: تقريباً كل شي مويود عندج غرور: شلون يعني سمر: الاغراض الا كنت شاريتهم لي خذيهم انتي وانتي بعد الا مختارتهم غرور: لا اغراضح بيبقون لج وان شاء الله قريب بنفرج فيج بس خليج متفائله زي زمان وهم يتمشون لمحو مرأه تتمشى .. طالعه من غرفه بو غرور معقوله وحده منهم تتخيل؟؟ انتهى البارت | ||||||||
|
| |
|
23-02-14, 02:29 PM
| #15 | ||||||||
| مراقبة عامة ومشرفة منتدى الروايات المنقولة
| البارت الثاني عشر غرور وهي تحاول تستوعب: سمر تجوفين الا اجوفه سمر: اجوفه وموب مصدقه حست المرأه بوجودهم دارت لهم وقالت: من انتو حراميه حراميه صرخت على اخر ايامهم يقولون عنهم حراميه ببيتهم تخيلو شكلهم شلون صار ممزوج بالخوف والحياء والاستعجاب غرور وهي ترفع من صوتها علشان تسمعها سمر: معقوله ابويه باع البيت سمر: لا يمكن غلطنه بالبيت غرور: شنو غلطتنه انتي بعد ... طلع ابو غرور من الغرفه .. غرور: كاهو ابوي انصدم ابو غرور علمه فيهم بييلسون شهر ولا اكثر غرور: من هذه يبه ؟ المرأه انتي الا مين ؟ ابو غرور: ما تسمعينها تقول لي يبه معناته هذه بنتي غرور: عرفتي عرفيني على نفسج عيل (( بدأت ترفع صوتها وتعصب)) مسكت سمر كتف غرور وقالت بخوف: من هذه عمي بوغرور: هذه هذه المرأه: انا سناء زوجته غرور ودمعتها تطيح : زوجتك وامي (( رفعت من صوتها )) سمر للحين تحاول تستوعب المووضوع بو غرور: - سناء: ما تتكلم .. ولا اتكلم عنك سناء مصريه ابوها يشتغل عند ابو غرور بو غرور: انتي نجبي ولا كلمه انا الا بقول الى بنتي على كل شي سناء: تقول لها ايه انك مجبور ولا مظلوم ولا تزوجتني من اربعه شهور غرور بترجي : يبه قولي لي انها تكذب ولا اني بكابوس ولا ان هذه مزحه بليز سمر: غرور اهدي هذه سنه الحياه غرور: ووين راح ولائه لامي وحبه لها كل هذا الكلام تمثيل لي ولها خداع صدمتني فيك يا يبه وعقدتني من الحب سناء: ايه يا اختي كل هذا علشان عرفتي ان ابوج متزوج شلون عيل لو عرفتي اني حامل غرور: لا لا دخلت غرفتها وهي تبجي طالعت صوره امها مع ابوها واهي وسطتهم حست بهذه اللحظه انها خسرت الاثنين خسرت الكنز الثمين والحنان الكبير الساعه عشر بعد ما اخذت لها دش وحست نفسها مرتاحه حتى لو قلبها تعبان مشطت شعرها وهي تطالع نفسها بالمنظره وتجوف سمر نايمه ابتسمت .. وصار حالي زي حالج يا سمر موب ناقصني الا اخو وبتيبه سناء .. بس موب من امي تذكرت امها قبل 5 سنوات كانو يالسين بالصاله حمد واهي وسمر وامها ام غرور: والله يعورني قلبي كل ما اجوفج تكبرين غرور: هذا بدل ما تفرحين سمر: ههه فهمتج يا يمه يعورج قلبج لانها قريب بتتزوج وبتروح بيت ريلها .. غرور بعصبيه : انتي جب اي زواج اي خرابيط وانا حتى 17 ما كملتها ام غرور: لا الزواج صغيره عليه طلعت غرور لسانها لسمر ام غرور: العمر يركض لو بيب لج اخو ولا اخت الفرق بينكم كبير حمد بنبره مرح: خلاص يمه نزوج ابويه ام غرور: ما يسويها انا وغرور عنده بالدنيا حمد: الله يخليج لنا يا يمه طق الباب ونفتح .. بو غرور: غرور تعالي بغيتج طلع من غير ما يسمع جوابها حاسه نفسها قاسيه لكن في شي يشدها انها تطلع .. ومهما يكون بيظل ابوها الا تحبه وتموت فيه بو غرور: تعالي يبه يلسي اهني .. يلست غرور وقالت: يبــــ ــه ما اريد اتكلم بهذا الموضوع ابو غرور وولا كانه يسمعها: خالتج ام ناصر دقت عليه وقالت لي انها تريد تخطبج لولدها يوسف شرايج غرور بعصبيه والغيره : تريد تزوجني وتفتك مني مو؟ بو غرور: غرور اهدي يبه وانسي هالموضوع الا ما نقدر نغير منه شي غرور: يعني جايبني اهني علشان تحطني جدام الامر الواقع والمطلوب مني اني ارضى فيه بو غرور: الزواج من حقي غرور: موب من حقي الومك يا يبه وفي النهايه ما تهمني الا سعادتك مشت عنه .. يعجبني هالمثال ووامن فيه وهو كل بنت معجبه بابوها تعلق غرور بابوها تعلق غير طبيعي امها دائماً مريضه كان اهو في ذلك الوقت لها الام والاب والصديق والاخ بعد اربعه ايام .. ام ناصر تكلم غرور بتلفون: حياج يا يمــه البيت بيتج غرور: مشكوره خالتيه بس موب اكيد اييكم ام ناصر: لا حبيبتي بتيين غصباً عليج غرور: ضحكتيني يا خالتيه وانا ما لي نفس اضحك ام ناصر: يا حلوج وانتي تضحكين متى تصيرين عندي والله لادير بالي على ضحكتج غمز يوسف لامه ... كان حاط التلفون على السبيكر ويسمع كلام غرور مع امه ام ناصر: وكاهو يوسف يغمز لي دقات قلبها تسارعت من سمعت اسمه : خالتـــ يـــه يوسف عندج؟ ام ناصر: ايه فديته كاهو متربع جنبي والا بتسامه فاجه الحلج.. ضحكت غرور بحياء: هههه ام ناصر: كاهو ياشر لي ويقول لي اني اسلم عليج غرور: الله يسلمه .. (( وعلشان تقهره )) قولي لي ما ييلس يمج ما اريد قاطعتها: تغارين يا يمـــه غرور بنبره انكار: لا .. انا اغار اكيد لا يوسف كان يسمع غرور وهو مقهور ام ناصر~: عيل ؟ غرور: بس ام ناصر: مسكين واهو ملهوف وولهان عليج .. وحاط التلفون على السبيكر بعد غرور: شنو ؟ ضحك يوسف بصوت عالي وقالت بصوت اعلى : يا مغروره غروره وهي ترفع من صوتها وتضحك : يا الملهوف يا الولهان اخذ التلفون من امه وقال: امي تبالغ عيل انا اهتم فيج مستحيل غرور بمرح: هيه اطلع عن حقيقتك وتقول تحبني بعد يوسف وهي يطلع من البيت ويبدل نبره صوته من تحدي الا رومانسيه : تشكين بحبي لج؟ عرفت اهنه غرور ان التمثيليه الا مثلوها على ام ناصر انتهت قالت بدلع: ايه ابتسم يوسف: وحشتج؟ غرور: موب وايد يوسف : لكن وحشتج غرور: يعني يوسف: هههه وحشتك من غير ما تقولين الا بقلبج يوصل لقلبي تنهدت غرور: يا ليت كل الناس يستخدمون هذه الوسيله من القلب الى القلب يوسف عوره قلبه : ليش عاد كل هالتشاؤؤم ؟؟ غرور: لازال الامل موجود ولكنه مهزوز يوسف: اموت واعرف شنو الا غيرج جيه فجأه .. غرور اذا تحبيني صج عجلي بزواجنا كفايا تاجيل غرور من غير شعور : ان شاء الله خلاص .. لا لتاجيل صمت ... غرور: الا سكتت؟ يوسف: يكفيني اني اسمع انفاسج غرور: متواضع عيل غيرت نبره صوتها : يلا الحين بسكر عطيتك فيس وايد يوسف: ما استاهل غرور: موب من حقك هالكلام الحين بعد ما نتزوج يصير خير يوسف: وعد غرور: وعد .. يلا سلملم يوسف علشان يطول المكالمه: بتسكرين قبل ما اسمع اخبارج ؟ غرور: اخباري كلها سمعتها ويا الله الحين اترك عنك هالحركات المكشوفه .. سلملم سكرته ... سمر: اخيراً اخذتي قرار غرور: وبعد متردده سمر: غرور .. انتي ما تريدين تعرسين تدرين ليش؟ غرور وهي تتربع وتقلد على لهجت سمر: ليش يا ام العريف سمر: علشان عمي خايفه تتركينه وتنصدمين من يديد غرور: خلاص يا سمر تعودت على هذه الدنيا الا كلها صدمات نصدمت من ابويه الا عندي اياه بالدنيا كلها وخايفه انصدم من يوسف الا عطيته قلبي كله سمر: لا يوسف يحبج غرور: وانا احبه .. لكن ابويه كان احب امي وشفتي الا صار .. سمر: لا تتعقدين من الحب يا غرور ترى الحياه ما تنعاش من غيره .. والحي موب رفيج الصاحي غرور: كاسره خاطري امي سمر: ما كسر خاطرج ابوج الا نحرم من كل شي وتوه الحين يتمتع بحياته خلاص يا غرور عيشي حياتج اليديده الا اختارها قلبج وتركي عمي يعيش حياته الباقيه ويعوض الا فقده... بيت بو ناصر دخل يوسف البيت الا الكل مويود يوسف: ما صارت دقيقه طلعت فيها كلكم نزلتو .. ام ناصر: دقيقه ولا عشر كل هذا مع غرور شوق: فديتها والله مشتاقه لها .. ناصر بسخريه : وانتي تعرفين تشتاقين علشان تشتاقين عطته نظره قاسيه وغير مباليه يوسف كمل كلامه مع امه : تغارين عليه ؟ ام ناصر: اغار عليك من بنتي غرور حسبت بنتي اهي وسمر تسارعت دقات قلب ناصر من سمع اسم سمر شوق: انزين يمـــ ــه وحمد؟ ام ناصر: وحمد بعد فديته خوش ريال ناصر من غير قصد: وانتي شنو عليج من حمد؟ شوق نحرجت اصلاً ما تدري ليش سالت هذا السوال حبت تغير الموضوع شوق : اقول يوسف يوسف: هلا شوق: شنو الا انتفقتو عليه انت وغرور بخصوص الزواج غمز لها وقال: ما لج دخل | ||||||||
|
| |
|
23-02-14, 02:36 PM
| #16 | ||||||||
| مراقبة عامة ومشرفة منتدى الروايات المنقولة
| الفصل الثالث عشر عندما يشرق الامل من جديد وتتفتح الزهور وتصفى تلك القلوب يبقى ذلك الحب شمعةً تضيء الدروب بدائنا جميعنا نبتسم من جديد رغم الالم والصدمات , ربما رضينا بالامر الواقع ؟ وربما اصبحنا اسيرين الحب طلع حمد لقى غرور يالسه بالحديقه ومندمجه بكتابتها حب يسوي لها مقلب زي ايام زمان لكن حس ان عقله مسكر حس نفسه كبر على المقالب وغرور بعد .. لكن قرر يتحدى نفسه دخل داخل بسرعه دخل غرفه سمر اخذ عبايتها وشيلتها الا نادراً ما تلبسهم .. طلع راح غرفته جاف باروكات جنب علبه الوانه اخذ الباروكه ونزل لغرور وهو متلثم .. وغرور حاطه القلم على خذها وتفكر سرحانه .. حمد وهو يقلد صوت الحريم : السلام عليكم فزت غرور من مكانها من هذه صارت تمشي على وراء واهو موب قادر يمسك ضحكته ضحك غرور وهي تصارخ: يمــ ـــه جنيه ... سمر يبه لحقو علي حمد وينكم .. طاحت على وراها فسخ حمد الا عليه وابتسم : تعيشين وتاَخذين غيرها.. غرور وهي موب قادره تقاوم الالم : اَه ... تقرب منها وقال بنبره خوف: شنو فيج؟ غرور وهي موب قادره تتكلم : ريلي ريلي اَه اجت سمر بسرعه ومعاها سناء سمر: شفيكم حمد: غرور ريولها تعورها لبسي بسرعه علشان نوديها المستشفى سناء والافكار تاخذها وتيبها: انتو ما تستحون .... غرور : حمد شنو قاعده تقوم هذه سناء: موب عيب عليكم حمد وصل حده قام يصارخ : انتي شفيج ما تفهمين البنت متعوره وانتي تزيدينها بهذا الكلام الفارغ سناء ببرود : تعالي طقني اجوف حمد: لو بيدي طقيتج بس الحشيمه موب لج الحشيمه لعمي .. غرور وهي تعص على ريولها: اَه. حمد: قومي غرور مسكي يدي غرور: حمد وين سمر ؟ حمد وهو ياشر على سمر : كاهي يايه سناء: يا زعم خايفه منه. ما قدر حمد يمسك اعصابه ضربها بالقلم .. سناء وهي تبجي: ما عليه هين .. حمد: سوي الا بتسوينه اهم شي تفارقين غرور: اَه اَه حرام عليكم مسكت سمر غرور بخوف وقالت: قومي حبيبتي لا تدوسين عليها .. بيت بو ناصر .. ام ناصر: حياج يا بنيتي البيت بيتج شيخه رفيقه شوق: مشكوره خالتيه ام ناصر: بتركبين لشوق ولا اناديها؟ شيخه: لا خالتيه لا تعبين نفسج انا موب غريبه انا بركب لها. شوق كانت بهذا الوقت تقرأ كتاب طق الباب قالت بملل: تفضل دخلت شيخه وهي تصطنع الشوق والوله: شووقه.. شوق يخيبه امل وكانها ما تمبي تجوفها: هذه انتي شيخه: ايه ما وحشتج وهذا نحنه دائماً مع بعض يلست شيخه تسولف وايد شوق مستعجبه .. شيخه: الا شلون فهد؟ شوق: انتي ادرى شيخه: ما يهمج ولا تمبين تسمعين اخباره؟ شوق: الاثنين فهد صفحه بحياتي وانتهت بحلاوتها وماساتها شيخه: الحمدالله طمنتيني معناته بتحضرين خطوبتنا شوق: ما تستاهلون شيخه: افا انتي وايد غاليه عليه واكبر مثال ييتي لج اهني علشان اعزمج بنفسي شوق: سلمي على خطيبج وقولي له شوق صحت من كابوس حبك وانتهينا من هالعبه الا يالس تلعبها. طلعت شيخه وهي معصبه وشوق مستعجبه من هالقوه الا يتها مره وحده حست بهذه اللحظه انها محتاجه تبجي .. لكنها منعت نفسها وقررت تسلي نفسها بسوالف غرور ... انتصلت على غرور المستشفى حمد: صوت شنو هذا؟ سمر: موبايل غرور يبته معايه حمد: ها سمر: انت رد على ما انا ادخل واطمن عليها مسك حمد التلفون حمد ومن غير نفس: الو شوق: هلا وغلا بالغاليه حمد من سمع صوت شوق عدل نفسه: اهلا شوق: مسامحه بس موب هذا تلفون غرور ؟ حمد: بالضبط بلحمه وشحمه شوق: هههه انت حمد؟ حمد: ايه انا شلونج شوق؟ شوق: شلون عرفت ؟ حمد: فيه وسيله اسمها نبره الصوت شوق: ههه حمد يقول في خاطره فديت هالضحكه انا الا نستني همي كله شوق: عيل وين غرور؟ حمد: المستشفى فزت من مكانها وقالت: المستشفى ؟ حمد: ايه تطمني ما فيها شي بس كسر بريولهاا شوق: شلون نكسرت ؟ حمد: كنت امزج معاها وطاحت حست شوق بالغيره : طيب سلم عليها حمد: ان شاء الله سكرت الموبايل ونزلت بسرعه لامها .. شوق : يمـــه سمعتي اخر الاخبار ام ناصر: الاخبار ابو ناصر: ما تشوفينا نطالعها .. شوق: لا يبه انا اقصد الاخبار العائليه عدل يوسف يلسته وقال: اخبار بيت عمي شفيهم؟ ابو ناصر: اكيد مصيبه يديده ام ناصر: لا تفائلو بالخير تجدوه يوسف: موب وقت امثالج يا الغاليه .. تحجي شوق شوق: غرور يوسف بلهفه: شنو فيها؟ شوق: نكسرت ريولها اليوم المغرب يوسف: شلون؟ سياره حمد.. حمد: انا اَسف يا خيوتي غرور: لا يا حمد لا تحمل نفسك الذنب انا الغلطانه المفروض احاسب حمد: يعني موب زعلانه.. غرور : مستحيل ازعل من اخويه سمر: وانا وين رحت؟ الجميع: هههه سكت حمد وسرح.. سمر: شنو فيك؟؟ حمد: الصراحه احاتي دخلتي الحين البيت سمر: انت الغلطان يا حمد المفروض ما تطقها حمد: نرفزتني .. شككتني بنفسي غرور: تطمن يا حمد انا وياك حمد: وتعتقدين هذه الكلمه تريحني؟ غرور: ها ... فهمت عليك رن تلفون حمد.. حمد: الو هلا هلا بمعرسنا ابتسمت غرور .. شغل حمد السبيكر علشان تسمع غرور يوسف: شلون غرور؟ حمد: ههه بالاول سلم يوسف: حمد لا تلعب باعصابي حمد: ههه لهذه الدرجه الحب صعب يوسف عصب: حمد قول الا تمبيه بس بالاول طمني عليها.. حمد ببرود: زينه يوسف: بس زينه؟ حمد وهو يحاول يمسك ضحكته: ايه بس تطمن .. يوسف: طيب اهي وين؟ حمد: بالسياره بالمقعد الا وراي تسمعك كلمها يوسف بنبره حنيه: غرور نزلت دموع غرور حست باحساس غريب وكان هذه النبره ذكرتها بابوها وامها الا ما يقدر اي انسان يعوضها حنانهم بس يوسف وايد طيب وحنون معاها ويخاف عليها ويداريها.. غرور: هلا يوسف: سلامتج يا الغاليه غرور: الله يسلمك يوسف: الحينه شلونج؟ غرور: طيبه الحمدالله وانت شلونك؟ يوسف: بخير دامج بخير حمد: بس خلاص انتهت المكالمه كلها كم اسبوع وبتصير مرتك وتجوز فيها.. سمر : بدري وخصوصاً هالكسر راح يأخر الزواج يوسف: ما عليه انا كفايا عليه شهر اكثر صعب حمد وسمر: ههههه غرور تسمح دموعها وتقول: فديتك | ||||||||
|
| |
|
23-02-14, 02:39 PM
| #17 | ||||||||
| مراقبة عامة ومشرفة منتدى الروايات المنقولة
| الفصل الرابع عشر دخل السياره بالكراج حمد: تمبوني اساعدكن غرور: لا اوكي كاهي سمر معايه دخلو .. ابو غرور وهو يوجهه كلامه لسناء: البنت صج تعبانه سناء: - بو غرور بحنيه: شفيج يبــه مسكها ويلسها جنبه غرور:لا ابد يبـــ ــه بس نكسرت ريولي بو غرور: سلامتج ما تجوفين شر يا الغاليه غرور: الشر ما يجيك يبه بو غرور: شلون نكسرت؟ سناء: حمد كسرها لها .. الصراحه عيب (( ويلست تتحرطم)) والكل ماسك اعصابه الا ابو غرور الا كان يهمه يسمع كلامها حمد: عمي لو سمحت سكتها ترى انا محترمك قاطعه : بعد ما طقيتها تقول لي انك محترمني حمد: اَسف يا عمي بس والله كلامها نرفزني بو غرور: انت واحد قليل ادب يا خساره تربيتنا فيك راحت ... غرور: لا لا يا يبـــه بو غرور بعصبيه : الف مره قلت لج يا غرور لا تعامليه جيه مهما يكون ريال قلتي لي اخوي اخ يكسر ريول اخته؟ غرور: ما كسرها انا الا طحت .. المفروض احاسب دمعت عيون حمد وقال: شنو المطلوب مني الحين يا عمي بو غرور وما يدري شلون طاوعه لسانه: تاخذ شنطتك واغراضك وتدلف على ويهي وما زالنا متماسكين ويبقى هذا السؤال هل بعد هذه العواصف سيحل السكون ؟ (( غرفه حمد)) غرور بنبره ترجي : لا لا سامحوه علشان خاطريه ويلسو اهني حمد: انتي اكثر وحده عارفه ان من دخلت سناء البيت انا واختي المفروض نطلع منه غرور: انزين انا موب اختكم؟ حمد: الله يعلم يا غرور ان عمري ما نظرت لج الا زي ما ينظر الاخ لاخته ومعزتج ما تفرق عن معزت سمر اختيه سمر: وانا ما يحتاي اتكلم .. ضمو بعضهم ويلست غرور تبجي بصوت عالي سمر: اووه عاد غرور لا تعورين قلبي وتبجين كانج ياهله حمد: ديري بالج على نفسج .. (( تنهد ونزل راسه ورفعه )) والله يعدي هذا الشهر على خير سمر: وبعدين بيتنه اهو بيتج تعالي لنا في اي وقت بعد مرور شهر هدأ البيت الذي كان مملؤ بالفوضه وتبعثر الحب .. تعلمت غرور مما اصابها العديد من الدروس واهمهم الحب كالعاصفه التي تهجم على قلوبنا ومن غيره نموت فهو كالهواء والنوم .. سمر: كللـــ ـــوش غرور بنبره خجل: بس عاد سمر: شفيج خليني اجبب مبسوطه وايــ ــد وكــأنه اليوم عرسي موب عرسج غرور: يا عمري والله يا سمر والله انج احلى اخت بالعالم سمر: عقبــال ما اجوف عيالج غرور: موب قبل ما اعرسج عقبالج يا احلى سمر سمر بنبره يئــس : لا انا توه الناس عليه غرور: شنو تووه الناس عليج وانتي بعد شهر بتكملين 22 سنه سمر: ما اقدر ارتبط ولا افكر بالزواج والحب الا بعد ما انظم قلبي غرور: سمر صارحيني انتي للحين تحبين سيف؟ سمر: لا سيف صفحة استخدمتها والمفروض اتركها فاضيه لكني اكتشفت ان بعد ما استخدمتها امتلئت بالسواد حضنت غرور سمر وقالت: انتي ما تستاهلين الى الاوراق البيضه الا من بعيد ومن قريب تبقى بيضه سمر: وبعدين شلون تقولين عقبالج وانا حتى الطلاق ما تطلقت والله انج ناسيه ان سيف مالج عليه.. تنهدت وقالت : يعني للحين المشوار طويل غرور: الله معاج يا حبيتي وكلنه معاج حتى ابويه الا اهو ابوج سمر : - غرور: شفيج؟ سمر: ما يحتاي اتكلم وانتي فاهمتني ما يحتاي انكد عليج باهم ليله بحياتج غرور: شنو احلى ليله انتي الثانيه انا ميته خووف سمر: ههه لهالدرجه يوسف يخوف غمزت لها ... وضع المسات الاخيره بالوحه وابتسم .. رسم صورتها مع يوسف وهم صغار الصوره روعه ... حس حمد ان محتاج يرجع الماضي الا مستحيل يترجع والى تحول الى تراب ظل يتذكر ذكرياته مع غرور الا كانت وبظل طول عمره اخته لوقت الى حس ان جسمه تعبان ومحتاي ينام .. غمض عينه وراح بسابع نومه حس انه صاحي رغم انه نايم .. حلم ان سيف يجر سمر وغرور من شعرهم واهو يبجي جاف يوسف مرمي على الارض بدمه واهو يبجي وشوق تصارخ وناصر واقف مقهور ... صحى بصرخته دخلو عليه بسرعه سمر وغرور سمر وهي تسمح على شعرها : بسم الله الرحمن الرحيم .. شفيك يا اخــوي ؟ غرور وهي توجه الكلام لسمر: اظاهر انه كان يحلم سمر: حلم بالصبح.؟ غرور: ليش الصبح ممنوع الحلم فيه ؟؟ بعد قليل .. شربوه ماي ابتسم وتعوذ من الشيطان الرجيم قام متوجهه الى الحمام سمر: وين بتروح؟ حمد: الحمام.. بتوضأ علشان اصلي سمر: ما اذن .. حمد: وانتي شنو عليج؟ سمر: جزات الخير .. يلا يا غرور علشان نروح الصالون غرور: موب قبل ما نطمن على حمد ... سمر: حمد ما فيه شي توج جايفته لسانه متبري منه.. ابتسمت غرور وسرحت .. معقوله بقدر اتركم مثل ما تركت امي وابوي .. صج الله كريم الى عوضني فيهم .. والله بشتاق لهم الى يلستهم ضحكتهم... سمر: هيه غرور وينج وين رحتي؟؟ غرور: لا ابد معاج خيوو سمر: اقول لج ما يتغيرون رايكم وتسافرون ؟؟ غرور: لا يا سمر الجامعه بتفتح بعد اسبوع والله ما بيمدينا نستانس .. سمر: صج طماعه .. ارضي بالقليل .. يعني لازم ايام وايد غرور: ماجلين شهر العسل للعطله اليايه .. وهذه اخر سنه لي بالجامعه ولازم اركز فيها طلع حمد وابستم .. غرور: ها شلونك الحين حمد: بخير سمر: اظاهر انك كنت تحلم حلم مزعج حمد: وايد غرور: عيل لا تقوله سمر: ها .. تطمنتي على حمد الحين يلا نمشي حمد: وين بتروحون سمر: الصالون حمد: انتظروني انا بوصلكن دار للوحه الى رسمها وقال: غرور هذه هديتي لج انتي غرور وهي جانه على الوحه صج حمد فنان : ياي هذا يوسف من وين يبت الصوره ورسمتها .. حمد: ههه يبتها بطريقتي الخاصه غرور: مشكور يا اخوويه.. حمد وهو يقلد على لهجتها المتواضعه والطيفه : العفو يا اختي وانا لو ودي ان جان .... قاطعته غرور وقالت: لا تكمل من اجمل الهدايا الى عطاني اياها رب العالمين انتو .. اخوان كفو توقفون معايه وما تخلوني بروحي حمد: تخجليني بهذا الكلام انتي بعد يا غرور ما تقصرين سمر: والله انا ما اخجل بالعكس احب المدح .. كملي كلهم : هههه ومع ضحكت سمر سقطت دمعتها التي حاولت اخفاؤها وبعدها دموع حمد: ههه يه شفيج سمر؟ سمر وهي تمسح دموعها: بتوحشيني غرور ضمو بعضهم ويلسو يبجون وهم يتبادلون العبارات الجميله .. وحمد يضحك بس من داخله متأثر .. حمد: والله حاله معاكن يا البنات ما تنعطون ويهه يلا طلعو من غرفتي فارقوو .. (( بيت بو ناصر )) ام ناصر: كلووش ابو ناصر: وانتي ما تسكتين لحظه لا تجببين لا اتصالات لا تغنين ام ناصر: فرحانه وللحين موب مصدقه عمري نزل ناصر وهو يضحك... ناصر: السلام عليكم ابو ناصر: تعال الحق يا ولدي على امك هلكتني بال... ناصر: خلها تستانس يبـــه موب كل يوم بيعرس ولدها ابو ناصر: جيه يا يبه ما بيبقى لك جباب لعرسك .. ام ناصر: يوم الهنا الا اجوف فيه ناصر معرس .. متى عاد ناصر: قريب ان شاء الله ام ناصر: صج والله ناصر: ايه في بنت في بالي بتعجبج ام ناصر: منو؟؟ ناصر: تووه الناس يمه انتظري ام ناصر وهي ترفع يدها: الحمدالله يا رب .. انت سمعت دعائي ناصر: شدعووه يمه كل هذا علشان قلت لج اني قررت تزوج؟ الصالون.. سمر: شنو هالكشخه غرور: صج سمر كشخه لا تجامليني سمر: اووه عاد لا تجننيني تراني ما احب المدح غرور اكتفت بالابتسامه غرور: موب ... سمر: من غير ما تكملين صار لج ساعه وانتي تسالين ما خليتي شي ما سالتي عنه الفستان وقلت لج يجنن والمكياج وقلت لج روعه .... غرور : بس عاد اكلتيني ... بعد قليل غرور وهي تسمك سمر: سمر مسكي قلبي حاسته بوقف ... انتهى البارت | ||||||||
|
| |
|
23-02-14, 02:41 PM
| #18 | ||||||||
| مراقبة عامة ومشرفة منتدى الروايات المنقولة
| الفصل الخامس عشر القاعة .. كلوووولولولولولولوووووووو وووش .. دخلت غرور الى كانت قمر من غير مبالغة , اهي من قبل حلوه وايد شلون الحينه لكن حست ان دقات قلبها تتسارع ولاول مره تحس نفسها خجولة , الناس كلهم المويودين بالقاعده يناظرونها .. بعد لحظات .. في وسط الرقص والضجه والغناء. شوق: الحين بتدخلون طيب سكرت الموبايل تقربت من سمر وعلت نبرة صوتها: الحين بيدخلون .. سمر: والله طيب. دخل يوسف ومعاه ابوه وعمه بو غرور وعمه بو سيف البنات تخبلو عليه وخصوصاً انه موب كبير وايد ووايد وسيم وانيق. الحظه الحاسمه . مبروك عليك قلبي يا احلى مخلوق مبروك ونكتب لك عمري بلحظه من غير فروق .. جافها وقف مكانه وصله الحلم الا كان يجيه في منامه .. مسك يدها وطبع بوسه على جيبنها .. قال بصوت رومنسي ولطيف: مبروك يا اغلـــ ـى انســانه ابتمست بحياء وراسها بالارض: الله يبارك فيك ابو غرور: هالله هالله بغرور يا يوسف يوسف وهو يلتفت لعمه: غرور يعيوني لا توصي حريص يا عمي ابو غرور: ولا تنسى اني بيوم من الايام عطيتك هديه حياتك غرور الا ما عندي اغلى منها بهذه الدنيا. يوسف: وانا مقدر هذا الشي يا عمي.. والله ما تقصر الله يخليك. ابو ناصر: اترك عنك هالوصايا كانك حرمه .. تذكرت غرور امها اختفت الابتسامتها كان ودها تكون معاها بهذاالوقت .. ناظرت سناء الى كانت واقفه بنهايه القاعه . ما كانت تحس بالي حواليها تذكرت حضن امها وضحكتها .. اَه ما اقدر اوصف لكم شعورها .. نزلت دمعه من عيونها مسحتها بسرعه ما حست الى بابوها واقف جنبها وماد يده لها .. ما ترددت ولا لحظه انها ترمي نفسها عليه قربها منها وضغط عليهت وهي ضغطت اكثر . همس لها وقال: للحين زعلانه من بابا؟ غرور: لا يبه انا كل الا اتمناه بهذه الدنيا لك السعاده بس يا يبه ابو غرور: شنو؟ غرور: حمد يا يبـــه قاطعها وقال: انا طالع ما اوصيح على روحج وعلى ريلج غرور: ان شاء الله .. ضمو بعضهم من يديد ابو ناصر : يا الله يا بنيتي الله يهنيكم ان شاء الله من جهه ثانيه ابو سيف الى كان واقف جنب سمر . ابو سيف: عقبالج يا سمر سمر: الله كريم يا عمي ابو سيف: الا شخبار سيف معاج ؟؟ سمر : سيف؟ ابو سيف: شفيج يبه ؟؟ سمر: لا ابد يا عمي ابو سيف: اهو دائماً يسال عنج وقت الى يتصل لنا .. سمر مستعجبه وتقول في نفسها وله عين بعد ابو سيف: وان شاء الله بيرجع قريب ... يا الله الحين يا بنيتي استأذن انا سمر: الله معاك يا عمي البنات كانو متخبلين على يوسف وغرور في شي متشابهه بينهم بس غير واضح يمكن الغرور والكبرياء .. المسرح ما كان يفضى ناس طالعه تبارك لهم وناس نازله .. بعدها اجت المصوره علشان تلتقط لهم الصور .. وطبعاً الحركات الى تطلبها موب طبيبعيه .. يوسف موب مصدق عمره وكان يسويهم وهو مبسوط وايد .. وغرور حاسه نفسها مستحيه وايد لكنها متقدر تقول لها لا وتدخل مع يوسف بمعارك استفزازيه بليله زواجهم .. وهم يصورون طلبت المصوره من يوسف انه يبوسها .. غرور نقلب ويهــه ويلست تدعي عن المصوره بخاطرها .. يوسف: وين المصوره وهي تاشر على الخد غرور ارتبكت اكثر واستحت : لا ... امم اقصد بالجبين ولا بالرأس افضل . المصوره توها بترد قاطعها يوسف: انا اقول نجرب الصورتين وبعدها نحكم .. (( غمز لها )) استحت غرور نزلت راسها .. المصوره: اوكي غرور: لو سمحتي اجلي هالصوره لبعدين يوسف بخبث: مردج لــي غرور تقول في خاطرها شنو هالورطه .. انتهت الحفله .. ولقت اصبحتِ سجينه قلبي ورفيقة مشواري ولحن كلماتي ركبت السياره وهي تسمح دموعها الى سقطت غصباً عنها دموع الفــرح , سكر يوسف باب السياره وركب بلجهه الثانيه . يا فرحت حياتي ولذة كلماتي يا اروع الخلقاتي ونسيم الذكرياتي وانعم الكائناتي ..بماذا اصفك يا غرور ؟ اخيراً اصبحتِ ملكتي لي انا حياتك ِ حياتي خطواتنا واحده لناء مستقبل واحد .. ليتني استطيع ان اعبر عن فرحتي بالكلماتي ولكنني عاجر في هذه اللحظه. مسك يدها وضغط عليها بقوه ابتسمت غرور سحبت يدها بهدوء .. ضحك يوسف من غير شعور . وغرور تقول في خاطرها فديت هالضحكه الله لا يحرمني منك يا يوسف . (( بيت ابو ناصر ))بالتحديد غرفة شوق اغمضت عينيها بصعوبه وكانها تحاول ان تغصب نفسها على النوم صوره حمد موب مفارقه خيالها .. صج وسيم ولطيف وعنده شخصية قويه بعد, سالت نفسها ؟ معقوله يا شوق حبيتيه؟ موب مهم احبه المهم اهو يحبني ولا لا بعد الى جافه وسمعه بالمزرعة .. يا رب والله انا عقلت ورزنت يا رب لا تحرمني من الانسان الوحيد الى حبيته صج من قلبي مره وحده اكستفت ان حبها لفهد طيش وان فهد كان مجرد تسليه وتضيع وقت في حياتها (( بيت بو غرور )) بالتحديد غرفة غرور دخل غرفتها تأمل كل زاوية منها سريرها مكتبها صورها العابها .ما نقدر نوصف احساس الابوه احساس بو غرور بهذه اللحظه ان بنته وحيدته حبيبته كل حياته تزوجت .. من بقى له بهذه الدنيا دخلت بهدوء وهي تلم شعرها سناء: الساعه 2 ونص ما بتنام ابو غرور: بنام بعد ما اصلي الفجر , رقدي انتي سناء: لا بيلس اسولف معاك .. اذا ما عندك مانع ابو غرور: اكيد ما عندي مانع .. بس شنو بنقول؟ سناء: امم وحشتك غرور صح؟ ابو غرور: غرور كل دنيتي غرور الضحكة الا ضحكها واخذها ريال ثاني عني , غرور غاليه كفايه انها بنت الغالية . سناء حست بالقهر والغيره وتغير مزاجها فجأه من نبره صوتها: الله يسعدها ويوفقها. طلعت من الغرفة وابو غرور ما زال بتصفج اوراق ذكرياته مع بنته الوحيدة وزوجته الله يرحمها . يا وردة حياتي وضياء مشواري يا دقة قلبي ومصباح دربي. يوسف: تفضلي يا ست الحسن والجمال. رفعت غرور الفستان ودخلت الغرفة رفعت راسها وابتمست حاسه بخجل غير طبيعي . يوسف: ها شرايج بالغرفه عيبتج؟ غرور: حلوه يوسف نبره رومانسيه: انتي احلى نزلت راسها ويلست تلعب باظافرها, يوسف الا حس برتباك غرور وكان جان عليها صج قمر مسك يدها وقربها شويه منه : ههه شفيج مستحيه ؟ تستحين مني غرور؟ استحت اكثر حست نفسها بتنفجر رفعت رأسها وقالت بكبرياء: لا مستحيل طبعاً ناظرها نظرات اعجاب وحب , ذابت غرور بعيونه الى تحمل كل المعاني غرور: امم شفيك تطالعني جيه؟؟ يوسف: غرور انا احبج والله احبج , وان شاء الله الله يقدرني وسعدج ابتسمت غرور وقالت بحياء: وانا بعد يوسف: انتي شنو ؟؟ (( تنهد وقال: تحبيني غرور ؟ غرور: لا تسوي روحك ما تدري يوسف: ادري والله ادري لكني امبي اعيش كل لحظه معاج وانا اسمعها . هالكلمه الا كانت تراودني بحلمي والا كنت اكابر بالاعتراف فيها .. غرور انـــت ِ مــ ــلاك قلبي غرور ودموعها تنزل: يوسف من قلبك هالكلام ؟ يوسف: يا ليت قلبي يتكلم لكن حتى الصمت له رحمه غرور: الله يهنيني فيك .. ويخليك لي . يوسف: وتعالي قولي لي دموع شنو هذه .. غرور: دموع الفرح . موب مصدقه ان بــ ع ــد المعاناه والانتظار .. يوسف: لا تكملين يا حبيبتي اريدج تنسين كل الى صار بالاشهر الى طافت ونعيش ايام جديد كلها حب ورمانسيه طول ما انتي جنبي غرور وهي تسمح دموعها: انت وايد رومانسي يوسف: حبج هو الى علمني الرومانسيه غرور اوعديني انج تبقين معايه على طول بجنة حبنا. غرور: وانت صــ ــرت كل حياتي وامنياتي بهذه الدنيا يا يوسف .. | ||||||||
|
| |
|
23-02-14, 02:42 PM
| #19 | ||||||||
| مراقبة عامة ومشرفة منتدى الروايات المنقولة
| الفصل السادس عشر بعد اسبوعين د: مايد متصل بسيف سيف: مايد انت شنو تقول؟؟ مايد: اقول لك الى صار غرور الا ضحيت بسمر علشانها تزوجت يوسف وكل هذا وتقول لي انها تحبــك سيف: بس خلاص لا تكمل ان متأكد انهم ما بيستمرون مع بعض .. مايد: حضرتك واثق؟؟ سيف: ايه طول ما انا موجود. مايد: يا سيف اعقل واترك عنك هالخرابيط واترك عنك حياة يوسف وغرور وفكر بحياتك" تنهد وقال: فكر بسمر الجوهرة سيف ولا كانه يسمع : مستحيل انا راد البحرين . . . . بيت بو ناصر (( جناح يوسف وغرور )) سمر: يا حلوج يا غرور , مستانسة ؟؟ غرور: وايد وايد احلى شي بالحياه الحب والاستقرار سمر: يا عيني على الرومانسية غرور: تدرين سمر .. سمر: شو؟ غرور: انا اكتشفت اشياء وايد في الفتره الاخيره سمر: واهمها؟؟ غرور: ان حياتي من غير يوسف ما لها طعم. سمر بنبره رومانسيه : لهذه الدرجه تحبينه؟ عيل وين راح كلامج (( وهي تقلد على لهجة غرور )): اكرهه يقهرني ينرفزني .. غرور بنبره مرح : هههه انت شنو عرفج بالحب ؟؟ يا حبيبتي يقولون ان الكراهيه هي الغه الثانيه للحب . سرحت سمر: انا اكثر وحده اعرف للحب وعشت بالحب وغرفت بالحب ومت بالحب.. غرور تأثرت وخصوصاً انها كانت تعرف ان سمر تقصد سيف: اَسفة يا قلبي ما كان قصدي سمر: ولا يهمج.. ابتسمت وكانها تريد ان تخفي احزانها .. ردت عليها غرور ببتسامة امل وتفاؤل .. دخل يوسف الشقة . يوسف بمرح: بل بل كل هذا حــش فيني ؟؟ سمر بمرح: بالخير طبعاً.. جلس جنب غرور وحط يده وراء ظهرها وهالحركة وايد قربتهم من بعض رغم ان المكان واسع , حست غرور بخجل وخصوصاً بوجود سمر , غرور كانت قمر عليها جلابية بحريه روعة ومكياجها هادىء حاطته لها سمر ولامه جزء من شعرها. يوسف: عسى ما اشتكت عليه؟ توها بتتكلم سمر قاطعتها غرور بنبره دلع : امبلا شكيت . يوسف بويهه بريء طفولي وجنون: افا يا قلبي انا شنو سويت ؟؟ غرور وهي تصطنع الجديه: كله تعاند وما تسمع الكلام .. وسمر ناقعة عليهم من الضحك :والله انكم نكته للحين هذا انتو ما تغيرتو وانا اقول لحمد احتمال الزواج يعقلهم ويغيرهم . غرور: هههه احتمال موب اكيد.. يوسف: وليه نتغير انا عاجبني هالحال كل الى يهمني غرور حبيبة قلبي جدامي واسوي الا ابيه فيها اطفشها اعاندها اعاكسها .. غرور حاسه نفسها تذوب موب قادره: يوسف حدك عاد.. يوسف وهو ياشر بيده الثانيه على غرور: سمعتيها واهي تقول اسمي بلبل يغرد. غرور خلاص انتهت : يوســ ــف يوسف: قلبه سمر: هههه كأني اطالع فلم هندي يلا انا ماشية . غرور: ما عليج من كلامه توه الناس سمر: اظاهر انج نسيتي انه للحين ما عندنا شغالة يعني شغل الشقة كله على راسي.. غرور: الله يعينج حبيبتي قامت توصل سمر للباب وهم يسولفون سوالفهن ما تخلص .. تنهد يوسف اجت غرور وهي متخصره ومعصبه اشويه . غرور: يوسف شفيك حرجتني حدام سمر بكلامك هذا؟ يوسف ببرود: شفيه كلامي في ذمتك موب حلو (( غمز لها )) غرور بنبره عناد: لا يوسف وكانه يريد يستفزها وسووه نفسه زعلان: عيل ما بقول لج دام هالكلام يضايقج .. قام ودخل الغرفة , حست غرور انه زعلان اووه شنو هالورطه بعد شكله زعلان والحين لازم اراضيه موب زوحي وله حق عليه. دخلت الغرفه بهدووء وابتسمت , يوسف فسخ جاكيته يوسف: من نظره عيونج تقول ان عندج شي . غرور وهي تقرب منه واتسامتها الروعه: انت الوحيد الى تفهمني , امبي اتكلم معاك واقول لك الكلام الا كان ودي من زمان اقوله لك.. يوسف: اسمعج .. تنهدت ويلست: باختصار يوسف انت حياتي كلماتك هذه الحن الى يريحني ووجودك جنبي بعد ما ابتعدت على ابويه وامي يحسسني ان الحياة ما زالت حلوة ووقت الا تزعل علي احس ان الحياه كلها زعلانه ..طلبتك يوسف علشان خاطريه لا تزعل يوسف بنبره رومانسيه: تحبيبتي شكثر؟؟ غرور: احبك كبر هالكون كله وحياتي ما تسوى شي بلياك .. مسك يدها وقربها من قلبه ومسح على شعرها بنعومة وحنان وقربها وطبع بوسة على جبينها .. يوسف: هالكلام تواضع منج يا ملكتي احبج غرور وايد وايد يا ليتني اقدر اوقف واصرخ لدنيا كلها واقول لهم ان هالانسانة الجميلة حبيبة قلبي وعمري كله وحياتي كلها. غمز لها وقال : موب بس لسمر غرور وهي تلعب بصابعه: يوسف والله استحي .. يوسف: فديت الا يستحون انا.. ضغطت غرور اكثر على يده وقالت: الله يخليك لي يوسف: ويخليج لي يا اغلى انسانــه . . . طلعت من شقة غرور وهي تضحك نزلت جافت شوق وناصر وام ناصر يالسين .. سمر: يا الله مع السلامة ناصر: سمر شلونج.. انتبهت سمر له : هلا ناصر شلونك؟؟ تصرفات سمر جداً عفويه معاه ام ناصر: يلسي يمه تعشي معانه.. سمر: مشكوره خالتيه مره ثانيه حمد ينطرني بالبيت دقات قلب شوق تتسارع من سمعت اسم حمد. شوق: دقي عليه وقولي له يجي .. سمر: لا يا جماعة مشكورين مره ثانيه ان شاء الله. ناصر بنبره دلع : بس خلاص تركوها اظاهر انها ما تمبانه .. استغربت سمر من طريقته ولكن في خاطرها نبسطت ما تدري ليش؟ سمر: لا والله موب قصدي خلاص وعد مره ثانيه اجي انا وحمد. ام ناصر: على راحتج يا يمــه طلعت سمر .. ناصر: وانا بعد بروح داري ام ناصر: ما بتتعشى؟؟ ناصر: شبعان ركب .. شوق توها بتتكلم قاطعتها ام ناصر ام ناصر: لا تقولين لي انج ما تمبين ترى ما في غيري وغيرج . . . دخل غرفته سكر الباب غمض عيونه حاول يتذكر ذكرياته مع نوال حبيبته الى عقدته من الحب .. وشلون انتهت علاقتهم ناصر: معقوله نوال: وليه موب معقوله ؟؟ ناصر: موب مصدق انج نوال الانسانة الى حبيتها نوال: علشان قلت لك اني ما احبك واني مغصوبه عليك ناصر: بس خلاص كفايا انا شنو سويت لج؟؟ نوال: حرمتني من الانسان الوحيد الى حبيته وقت الا تقدمت لي قارنوني اهلي بينك وبينه واختاروك انت علشان لفلوس ناصر بعصبيه: وشلون وافقتي دامج تحبيه كل هالحب؟؟ نوال: علشان ابويه وعلشان الدين الى عليه عند ابوك وبعد ما خلص الدين المفروض انها تنهي علاقتنه .. فسخت الدبله وحطتها على الطاولة وطلعت .. عقدتني في حياتي ومن حياتي عانيت .. يا دنيا شنو اداري ومع حبيبة قلبي بكيت .. . . . دخلت سمر الشقة لقت حمد يالس مقابل شاشه الكمبيوتر .. سمر: السلام حمد: عليكم السلام . سمر: تعشيت ؟ حمد: لا انطرج" سمر: اشوه لاني عفت طباخ خالتيه ام ناصر علشانك .. علشان تعشى معاك حمد: تسلمين والله .. الى ما قلتي لي شــو ... (( كان على وشك لفظ اسم شوق )) اممم اقصد غرور شلونها ؟؟ سمر : شوق؟؟ حمد: انا اقصد غرور غرور شلونها؟؟ سمر: اممم تقصد غرور غرور زينة وتسلم عليك وايد وشوق بعد زينة حمد ارتبك قال بتردد: منو جاب سيرة شوق؟؟ غمزت له نظرة له نظرة خبت ودخلت الغرفة حمد يقول في خاطره : شنو تقصد هذه وتبعها للغرفة حمد بنبرة اصرار: شوق شنو الا دخلها بالموضوع وشنو تقصدين بنظراتج هذه ؟؟ شوق وهي تصطنع البراءه :ولا شي ما لها دخل .. ناظرها نظرات غريبة ومشى عنها.. سمر تقول في خاطرها عبالك موب ملاحظين كلنه اهتمامك واعجابك بشووق | ||||||||
|
| |
|
23-02-14, 02:44 PM
| #20 | ||||||||
| مراقبة عامة ومشرفة منتدى الروايات المنقولة
| الفصل السابع عشر بعد اسبوعين . بعد ان وضعت اللمسات الاخيره في شعرها خرجت من الغرفه غرور تنادي: يوسف يوســــ ــف موب موجود بالصاله اكيد بالمكتب دخلت المكتب لقته يقرأ كتاب وماسك بيده الزقاره يدخن .. تعكر مزاجها وتغيرت ملامحها ويوسف وقت الا حس فيها طفىء الزقاره وحاول يبرر موقفه كانه الطفل الصغير . يوسف: غــ رور انا غرور: انت ما تيوز طلعت وهي معصبه , تنهد يوسف وبعد قليل طلع لها لقاها يالسبه تعدل اغراض الجامعة . يوسف وهي يتسند وراء الجدار: موب ملاحظه انه على اقل شي نختلف ناظرته ونزلت عينها كملت شغلها يوسف ما عرف شنو يسوي نبره صوته نبره ارتباك وقلق اهو ما يحب يجوف غرور زعلانه عليه يوسف: زعلانه ليه؟؟ تنهد غرور وقالت بجديه: لاني خايفه عليك دار رأسه وكانه يود الهروب: انا موب ياهل واعرف مصلحتي زين غرور بنبره سخريه: واضح يوسف: لا تتمسخرين من فضلج تراني اتكلم جد غرور : وانا بعد اتكلم جد يوسف: موب باين غرور: موب باين لاني ساكته عن حركاتك . يوسف: حركات شنو؟ غرور: كل الوعودات الا وعدتني اياهم قبل الزواج تبخرو؟؟ يوسف: من الا قال انا للحين عند كلمتي غرور: موب انت وعدتني انك ما تدخن؟ يوسف بتردد : ايه لكني ما قدرت غرور: لا تقول هالكلام الى ما يدش العقل انت ما كنت ادخن وقبل ما نتزوج بفترة قدرت تتركه شنو الا تغير الحين؟ يوسف: يمكن ضغوطات العمل وطيش شباب غرور ومن نظرة عينها الشك: بس يوسف: ايه (( ونتظراته تتوزع على الصالة كلها )) غرور: لا موب هذا السبب هالكلام ممكن اني اصدقه من اي انسان الا منك انت يوسف وكأنه يود انتهاء الموضوع: كل هذا علشان الزقاره خلاص يا عمري بتركها ولا تزعلين كم غرور عندي انا ؟؟ غرور بدلع : لا موب بس علشان جيه؟ يوسف وهي ييلس جنبها ويحط يده على كتفها ويقول بنبرة حنان : عيل شنو؟؟ غرور بنبره تردد: حاسه انك ما تحبني يوسف ضحك من خاطره .. وضحكته تزداد وتزداد .. غرور مقهوره مسكت كتبها وتوها بتقوم قربها يوسف منه : انا ما عندي اغلى منج بهذه الدنيا ممكن انج تشكين بكل شي الا بحبي لج غرور وكانها ياهل : ايه اضحك عليه بهذا الكلام الحلو وانا على طول اصدقك يوسف: كل هالكلام علشان بس ما قلت لج شفيني؟؟ غرور: حرام يعني اشاركك همك موب زوجي؟ يوسف وهو يلعب بيدها الناعمه الرقيقه رفع عينه ويلس يناظرها نظرات عشق: لا موب حرام لكني ما امبي انكد عليج وخصوصاً انج هالسنه اَخر سنه غرور: انت اهم عندي من كل شي ليه موب راضي تفهم يوسف: لاني احبج غرور: وغلاة خالتيه عندك يوسف قول لي شفيك تنهد يوسف وقال: سيف غرور بنبره عجب: شفيه؟؟ يوسف: رد البحرين غرور~: وشنو يعني احنه اصلاً كنه متوقعين ردته يوسف : يا ليت بس جيه صار له يومين يتصل فيني ويقول كلام فارغ غرور : مثل شنو؟؟ عصب يوسف: قلت لج كلام فارغ غرور: وهذا الا معكر مزاجك يوسف: انا ما امبي احد ياذيج بأي طريقه الا يرشج بالماي ارشه بالنار ابتسمت غرور وقالت: فديتك الله يخليك لي وانا موب خايفه طول ما انت معايه طبع يوسف بوسه على جبينها وقال : احبج ومستعد احارب الدنيا كلها علشانج"" استحت غرور : وانا بعد .. لكنها رفعت رأسها وقالت: لكن اهو شنو بسوي مثلاً؟ يوسف : ولا شي .. الحين حبيبتي قومي بوصلج الجامعة غرور وهي تحاول تخفي قلقها وارتباكها من هالموضوع: يا بختي يوسف بكبره اهو الا بوصلني يوسف: ههه اراضيج شنو اسوي ما اقدر على زعلج غرور: وانا ما اقدر ازعل عليك , ازعل على الدنيا كلها ولا زاعل عليك يوسف: فديتج والله يا الغالية .. في المطعم ... سناء: يوسف وايد وايد وسيم سيف: واحسن من هالشيبه الا ماخدته صج اهو عمي لكن الحق ينقال سناء وكأنها تنكر كلامه: لا انت في بالك شي ثاني سيف: انا في بالي هدف وانتي في بالج هدف موب عيب لو ساعدتيني ولا تنسن ان انا الا ساعدتج على انج تتزوجين عمي بو غرور وفضايحج كلها عندي سناء: تهددني يعني سيف: لا ما اهددج في احد يهدد صديقته .. بس يغيتج بطلب سناء: شنو اَمر تدلل سيف: ما تقصرين والله يا سنوي سناء: يلا عاد قول شنو تبي سيف: عيل سمعيني زين اهم عده خطوات علشان نهدم العلاقه الى بين الجميع موب غرور ويوسف بس سناء: والمطلوب سيف: ننفذهم اقصد نجربهم وما نيئس للوقت الا نفاججهم ونهدم علاقتهم مع بعض وهذا اهو هدفنا . سناء وهي تأشر على بطنها : بس تعتقد اقدر اسويهم وانا بهذا الشكل ؟ سيف: ليه كم شهر لج؟؟ سناء: 5 سيف: موب مشكلة المهم الحين تسمعيني دنيتي عشق وغرام وقلبي طاير مثل طير الحمام ونبضه وقف وقال لي سلام يا حلاته وحلات الحب والوئام وجنوني يوم جفته فز قلبي وضاع كل الهيام .. بعد مرور اربعة ايام .. غرور : والله خوش فكرة سمر: موب فكرتي هذه فكرة حمد غرور: غريبه حمد يقترح العاده ما يوافق على الشي الا بعد ما تينه بلاعيمنه انا وانتي سمر: هههه اظاهر انه حن لايام وطلعات قبل غرور : كلنه موب بس اهو .. سمر: الطلعات العائليه ما في عليها صج وناسة غرور: ايه والله عاد احنه وين بنروح مطعم . رن موبايل غرور ومن النغمه تقول انه يوسف .. غرور: هلا حبيبي هلا بالغالي يوسف: هههههه من وين طالعه الشمس اليوم غرور تقول لي كلام حلو من غير ما اتحايل عليها شنو هالتواضع فديتج غرور: ههه طالعه من الشرق وبعد ليش مستغرب موب زوجي يوسف: ايه ايه عساه دوم هالكلام الحلو كثري منه غرور: هههه اوكي الا ما قلت لي شنو تريد.. يوسف: اريد اسمع صوتج وحشتيني هالجامعة ما تخلينه نيلس مع بعض كفايه غرور: ما عليه حبيبي هانت هذه اَخر سنه وبعدين مالك غيري لاصقة فيك ومعاك معاك العمر كله يوسف: يا حلوها هالكلمة وعمري كله فداااج غرور: تسلم حبيبي .. اقول يوسف يوسف: قولي يا عيونه غرور: دق عليك حمد يوسف: ايه عيل ليه انا متصل فيج غرور: يعني موافق على الطلعه يوسف: ايه وانا اقدر ارفض لج طلب عيوني لج غرور : واااو يا بعد عمري .. امم قلت لناصر وشوق يوسف: لا بعدج بدق عليهم غرور: اهااا يوسف: انزين حياتي متى بتين البيت غرور: باقي لي محاضره وحده بعد ما تخلص برد يوسف: اها لاني بطلع مع ربعي غرور: اوكي حبيبي اطلع استانس عليك بالعافيه يوسف: فديتج والله يحسدوني الناس عليج غرور: شدعووه انا كل الا يهمني راحتك وسعادتك يوسف بنبره رومانسيه : يا بعد عمري غرور: انزين يوسف ما بقى شي وتبدأ محاضرتي بعد ما اخلص اكلمك يوسف: انزين عمري ديري بالج على عمرج غرور: وانت بعد سمر: يا عيني ساعه وانتو تتغازلون ببعض غرور بنبره مرح: صلي على النبي لا تحسدينه سمر: هههه الله يهنيج اصلاً انا سعادتي من سعادتج غرور: يا بعد عمري تسلمين سمر: تعالي احنه لو بنيلس نسولف ما بنخلص وبتطوفنه المحاضره يلا قومي .. (( سيف)) سيف يكلم مايد رفيجه بالتلفون. مايد: اسمح لي يا سيف سيف: على شنو انا كل مره اكلمك فيها تقول لي اسمح لي ليش شنو صاير؟ مايد: اممم انا اليوم بالبيت شرايك تمرني سيف: لا خلنه نتعشى ليله بالمطعم ومنها نغير جو مايد : ياي من لندن وللحين ما غيرت جوو سيف: هالسفره كلها تفكير ليله بقول لك وبنكمل كلامنا مايد: على خير ان شاء الله بس تعال بنتعشى بمطعم شنو؟؟ وبعد ما انتفقو على كل شي .. (( شوق )) طق طق شوق: تفضل دخلت غرور: مساء الورد شوق: وينج انتيه من الصبح غرور: مع سمر طلعنه من الجامعه وبعدها رحت معاها البيت شوق: ملل فراغ من غيرج غرور وهي تيلس وتتربع: ليه شنو عندج؟؟ شوق: الصراحه متحيره شنو البس ليله غرور: انتي شنو تمبين تلبسين بانطلون؟؟ شوق: انتي شرايج؟؟ غرور: تنوره احلى شوق: عيل بطلع لج اَخر تنوره شريتها وقولي لي شرايج فيها غرور: اوكي طلعتهم شوق وتناقشو على الباس وكل شي .. غرور بنبره ونظره خبث: اقول شوق شوق: نعم غرور: موب من عوايدج تهتمين بلباسج وايد بالطلعات الا تطلعينها معانه نحرجت شوق: شنو تقصدين ؟؟ غرور: ابد سلامتج انا بروح اجهز نفسي وارتاح غرور: اوكي اجوفج بعدين شوق: ان شاء الله المساء (( حمد)) حمد يالس على الكتبه وفاتح الابتوب وبالتحديد المسنجر يسولف مع دانة وحده تعرف عليها بالصدفه عن طريق المسنجر . دانة بنت مثقفه افكارها متحرره عمرها 20 سنه وحمد يرتاح لها وايد دانه باسلوب دلع: هاي حمد حمد: عليكم السلام .. الف مره قلت لج ما احب كلمه هاي هذه دانه: ههه سوري كيفك مشتاقه لك حيل حمد: بخير شلون مشتاقة لي وانا توني مكلمك البارحه ومضت اكثر من نص ساعه واهم يسولفون رن موبايله .. حمد: الو هلا هلا غرور: هلا فيك وينكم انتو؟ حمد: بالبيت غروربعصبيه: للحين بالبيت؟؟ حمد: شفيج مستعجبه بدري غرور بعصبيه: يا برودكم الشوارع زحمــه حمد ببرود: هههه انتي ليه معصبه؟ لاني اولاً عيزت وانا ادق على سمر هانم وما ترد مدري ليه وثانياً برودك هذا ينرفزني غرور: وحتى وانتي متزوجه يا غرور تحركينه غرور تبتسم : موب اخواني حمد: بس عيل يا اختي لا تعصبين الحين احنه بنطلع غرور: طيب من جهه ثانيه غرور ويوسف بالغرفه يوسف: غرور حبيبتي شفيج غرور: ما فيني شي ليه؟؟ يوسف: صايره وايد عصبيه ومزاجج غالبياً متعكر هاليومين غرور : ما ادري حبيبي بس يمكن سيفوه السبب يوسف: لا تخلينه يأثر على سعادتنه مع بعض تراج كل حياتي غرور وهي شوي وتصيح : شلون ما يأثر عليه وسمر الا للحين ما تدري انه رد غمز لها وقال: سمر في من يحبها ويخاف عليها غرور: تقصد حمد؟ يوسف: حمد اخوها وشي طبيعي انه يحبها ويخاف عليها غرور : امم عيل من؟؟ يوسف ببتسامه عريضه: ناصر ابتسمت غرور بخبث وقالت: ناصر شلون؟ يوسف: ناصر تغير كلياً وكل هذا علشان عيون سمر غرور: تعتقد؟؟ يوسف: ايه ناصر يذكرني بنفسي قبل ولا نسيتي قصه حبنا غرور: ههه لا ما نسيت بس افهم من كلامك انك الحين ما تحبني؟ يوسف: الا اموت فيج غرور: لا تيب سيرة الموت يوسف: تخافين عليه غرور عصبت: يوسف ما احب الكلام بهذا الموضوع يوسف: لازم بيي يوم ونموت فيه غرور: ايه لكــن يوسف وهو يوضع اصبعه على فمها : احنه بنموت مع بعض لانه جسدين بروح وحده غرور وهي تبجي: يوسف يوسف بنبره رومانسيه : عيونه وقلبه وحياته غرور: احبك. يوسف: وانا مجنون فيج .. جيه زين ..؟؟ ضحكت وقالت: ايه .. لا تسألوني... لا تسألوني عن قلبي تراه خلاص ما صار ملكي قولوله يرده لي .. انتهى البارت .. | ||||||||
|
| |
 |
| الكلمات الدلالية (Tags) |
| (مكتملة, للكاتبة, القمر, يوسف, غرور, ضياء |
| أدوات الموضوع | |
| انواع عرض الموضوع | |
|
|
.png)
العرض العادي
