ثلاث سنين شقى عمري للكاتبهـ **ورد مجروح** (مكتملة ) - الصفحة 7

فيتامين سي · 10-03-14, 04:22 AM

فتحت جوالها وكتبت له . .

خالد انا حسيت من نبرة صوتك انه ضايق صدرك من اللي صار . .

صـدقني صار واحد غلطان . . اول مره يدق علي

لايضيق صدرك حياتي . .

وصل المسج لخالد قراه وضحك على غادهـ . .

كتب لها . .

شدعوا حبيبي

لو يضيق صدري من الكل ماضاق منك . .

*************************************

ام رائد معصبه : وليه انا آخر من يدري بهالخــبر

رائد : يمه شفيك الله يهديك

ام رائد : روح لها بس خلها توسع صدرك

رائد جلس جنب امه : يايمه الله يخليك افهميني والله اني قلتلك اول مادريت

ام رائد : امها داقه تبارك لي فرحااانه ان بنتها حامل ياجعها اخر افراحها

رائد : يمه تكفيين لاتدعين امها بعد وش ذنبها

ام رائد : خلاص طيب وخر عن وجهي ترى اللي فيني مكفيني

قام رائد : الله يهديك بس . .

راح لغرفته بدل ملابسه وطلع للدوام . .

مها مبسووطهـ وبنفس الوقت ضايق صدرها . . تعبت من عيشتها مع خالتها وبناتها

صارت اغلب وقتها تجلس بغرفتها . . ولاتحتك فيهم كثير حرمت نفسها من الطلعات مع زوجها علشان تتجنب المشاكل معاهم . .

في بيت لطيفه . .

الهنوف : ياحبيلها مهاووي

لطيفه : ايه والله اني فرحت لها انشاءالله اليوم بتجي بيت جدك ونشوفها

الهنوف : ايه والله مشتاقين لها

عبدالعزيز دخل : ماشاءالله ميين اللي حامل

الهنوف التفتت عليه بإبتسامه : هلا والله

عبدالعزيز : هلابك

جلس عبدالعزيز بجنب امه . .

عبدالعزيز : ايوه ماقلتوا لي مين اللي حامل

لطيفه : مها بنت خالك فهد

عبدالعزيز سكت شوي بعدين قال : ياحليلها الله يعييينها

الهنوف : انشاءالله تجيب بنوته تصير صديقة بنتي

عبدالعزيز : بنتك كبرت وعجزت ماجا لها وحده توسع صدرها

لطيفه : بسم الله على قلبها توها ماكملت 3 سنين

الهنوف : ايه والله انشاءالله مهاوي تجيب لنا بنوته حلوه

عبدالعزيز : الله يعين بس

لطيفه : ماتبي غداك ياأبوي

عبدالعزيز : الا والله اني جوعان

الهنوف : طيب حبيبي روح بدل ملابسك وانزل تلاقي الغداء جاهز

عبدالعزيز : انا مشتهي اتغدى مع فارس وينه

لطيفه : ياعمري مابعد رجع من الجامعه

عبدالعزيز : بيرجع بدري اليوم

لطيفه : والله مدري بس انت ماعليك تغدى انت وزوجتك وانا بنتظره

عبدالعزيز يطلع جواله : ابدق عليه اشوف

دق عبدالعزيز على فارس . .

فارس : الوو

عبدالعزيز : الو .. هلا والله

فارس : هلابك عزوز

عبدالعزيز : وينك بالجامعه ؟

فارس : لا طلعت من شوي

عبدالعزيز : يعني ننتظرك عالغداء

فارس : ايه انشاءالله دقايق وانا عندكم

عبدالعزيز : اوكي ننتظرك باي

سكر عبدالعزيز وراح بدل ملابسه ونزل يتغدى مع اخوهـ . .

الهنوف راحت لغرفتها ماكانت مشتهيه غداء . .

عبدالعزيز جالس وبحضنه بنته على طاولة الطعام . .

لطيفه : نزلها عن حضنك يابووي لاتدلعها علينا

عبدالعزيز : بالله يمه بنتي ماتستاهل الدلع

فارس : انا اشهد انها تستاهل والله

عبدالعزيز : بسم الله عليك اول مره تصير مع بنتي مو واقف ضدها

فارس : خلها تجي عندي بس والله اني احبها

عبدالعزيز : ريووم تروحين عند عمي

ريما : لا مابي

فارس مسوي زعلان : ليه

ريما : ابي بابا

فارس : انقلعي انتي وابوك

عبدالعزيز : علشانها تبيني تقول لها انقلعي .. انقلع انت والله

ريما تحط يدينها على خد ابوها : بابا .. بابا

عبدالعزيز : هلا ياروح بابا

ريما : عمي فارث مو حلو ثح

عبدالعزيز : ههههههههههه ايه صح

فارس : وانتي مو حلوه

ريما : بابا يقول انا مو حلوه

عبدالعزيز : لا ياحبيبتي انتي حلوه ماعليك منه

ريما : بابا يقول انا حلوه

فارس : هههههههههه مسكينه انتي وابوك ماخذين مقلب في انفسكم

ريما ضمت ابوها وعطته بووسه : بابا احثن منك

فارس يقوم : الحمدلله .. الله يخلي لك ابووك

لطيفه : وين يافارس ماأكلت شي

فارس : الحمدلله مامي شبعت بروح انام

لطيفه : نوم العوافي

ريما : بجي العب معك

فارس : هههههههههههه مو انا وع وابوك احسن مني

ريما : لا انت حلو

فارس : هههههههههههه يلا تعالي رحمتك

نزلت ريما تركض لعمها بكل براءهـ . .

عبدالعزيز : انتبه لبنتي

فارس : انشااءالله

شالها فارس وراح وياها فوق . .

لطيفه : الله يحفظها انشاءالله

عبدالعزيز : آميــن . .

**********************************

جآلـس بغرفتهـ .. منسدح على سريرهـ .. يحس انه ضايع .. تايه .. مشتت .. حتى التفكير مو قادر يفكرهـ ..
تعبآآآن حيـل .. يبي يستوعب اللي صاير من حولهـ بس للأسف مو قآدر أبـد ..

انفتح الباب .. دخل محمد بخطوات بطيئهـ ..

نواف من دون مايلتفت عالباب : مين

محمد : انا محمد

نواف : .......

تقدم محمد وجلس بطرف السرير ..

محمد : نواف

نواف: نعم

محمد : ممكن تعدل جلستك ابي اكلمك شوي

نواف : مالي خلق

محمد : ادري مالك خلق بس شوي والله ماراح اطول معك صدقني ثواني

نواف : محمد مو الحين وقت ثاني

محمد : ليه مو الحين قلتلك ماراح اطول

نواف بإصرار : محمد الله يخليك خلاص قلتلك بعدين

محمد بخيبة أمل : اوكي براحتك

وطلع محمد ضايق صدره كان في باله يجلس مع اخوه ويسولف معاه شوي بس للاسف نفسية نواف ماتسمح أبد . .

نزل محمد تحت بالصالهـ كان مشعل اخوه منسدح وعيونه على فوق ويهووجس رايح بعيد . .

محمد جلس : مشعل

مشعل : . . . .

محمد بصوت اعلى : مشعل

مشعل على وضعه : هلا

محمد : شفيك

مشعل : افكر في حالنا

محمد : شفيه حالنا

مشعل عدل جلسته : محمد

محمد : هلا

مشعل : انت قبل فتره صارت لك حالة نواف دايم جالس بغرفتك ونفسيتك دايم شينه

محمد ضاق صدره : أذكر هالفتـره

مشعل : ماصدقنا تطلع انت من اللي فيه وترجع لنا مثل اول الا ويجي الدور على نواف

محمد : ......

مشعل بصوت عالي : شسالفه يامحمد

محمد رفع راسه : حالي حالك ماأدري عن شي

مشعل : انا خايف يجي الدور علي والله خايف

محمد : اقول اعقل ولاتفكر هالتفكير

مشعل : يعني اللي جاك وجاء لنواف وش زودي انا مايجيني

محمد عصب على اخوه : مشعل بلا كلام فاضي ماله داعي

مشعل : ليه انتم تعصبون اذا قلنا الحق واذا قلنا الشي اللي صاير لنا صدق

محمد : خلاص طيب قفل .. امي وينها

مشعل : وانا وش يدريني

محمد : طيب لاتعصب علي شدخلني انا

مشعل قام : مدري

طلع مشعل من الصاله . .

محمد : وانا الحين شذنبي يعصب علي .. شسالفة العالم كلهم منقلبيين افف

قام محمد وطلع من البيـــت ..

********************************

غاده وخالد زواجهم ماراح يكون بدري .. خالد حب انه يكمل آخر فصل باقي لهـ بدراستهـ .. ويتوظف وبعدها يتزوج
وماكانوا مستعجلــين أبـد ..

ملكة خالد من غاده تكفيـــه بأنه يرتاح ومايستعجل بزواجهـ .. لأن غاده هي الحين خلاص لهـ وبإعتبار زوجتهـ ..

بعد مرور شهريـن من الأحداث هذي . .

أبو سعود : يسعى بكل جهده انه يدور لنواف البنت اللي تسعده وتنسيه غيداء

ام سعود : تحاول بكل ماوسعها انها ترجع الفرحه والسعاده للعائلهـ بكل افرادهـا

حصهـ : همها كله بالدنيا نواف ولدها تتمنى تشوف ابتسامته وتتمنى ترجع حياتها مع عيالها مثل ماكانت كلها فرح وسعادهـ

لطيفهـ : سعادة غيرها من سعادتها .. همها الاكبر سعادة ولدها وزوجته وحفيدتها الوحيدهـ

فهـد : بعيد عن العالم والناس .. بين زوجتهـ وبناته عايش همهـ يسعدهم ومايحسسهم بأنهم غير عن اللي حولهمـ .. ويحاول يصحح كل غلطهـ غلطها بحياتهـ ..

عبدالعزيز : مبسوط ومرتاح مع زوجتهـ وبنتهـ .. بس كل همه نواف كيف يرجعه هو نواف الاول ..

خالد : يحس انه مالك الدنيا كلها بوجود غاده في حياتهـ ..

نواف : حياتهـ مالها أي طعم ولون ..

الوليد : ضايق صدره عاللي صاير .. ويحاول دايم يرفه عن نفسه بأي شي ممكن يقدر يسويهـ ..

محمد : يحاول ينسى نواف همهـ وجرآحهـ اللي ماراح تنتهي ..

مشعل : يفكر باللي صاير حولهـ .. خايف من مصيرهـ ..

فارس : كل همه دراسته .. يبي ينهيها بأسرع وقت ويتحقق حلمه .. ينادونه الدكتور فارس ..

الهنوف : تهمها سعادة زوجها وبنتها ..

مها : رائد كل شي بالنسبه لها .. تنتظر يوم ولادتها بأحر من الجمـر ..

غيداء : تتمنى تموت .. ولاتعيش بالدنيا خآينهـ لحبيبها .. ومعذبهـ لشخص حبها وهي مو مقدرهـ مشاعرهـ ..

غادهـ : هي الثانيه ملكت الدنيا بوجود خالد .. حياتها صار لها طعم خاص ونكهه خاصهـ مع محبوبها خالد

سارهـ : تتمنى يجي اليوم اللي تصير فيهـ عروس .. تحس حياتها بتتغير حيـل

نورهـ .. ريم .. رنا .. : حياة معتادهـ تعيشها أي بنت ..

هيـا وبناتها رهف والعنود ..: انطردوا من بيت عاشوا فيه طول عمرهمـ ولايدرون وين مصيرهمـ ..

رآنيا : تعيش حياة مأسآويهـ عاشتها هيا من قبلها ..

يوسف : متعتهـ تعذيب غيرهـ .. عايش حيآة بآردهـ وجآمدهـ ..

************************************************

مرتـ الأيــــام سريعهـ . .

في بيت فهد ..

فهد مبسووط : الحمدلله اهم شي سلامتها والله

رائد يلتفت على مها ويبتسم : ايه والله مالنا غيرها الله يخليها لنا

اكتفت مها بإبتسامهـ

ام مها : للحين ماأتفقتوا على اسم

رائد : والله ياخالتي اللي تبيه مها انا راضي فيه

فهد : وانتي يامها وش ودك

مها : انا من زمان ودي اسمي ولدي عبدالعزيز

فهد : عبدالعزيز !!

مها : ايه اسم حبيته من ايام طفولتي

رائد : واللي تشوفينه مهاوي راح يصير

مها : تسلم والله ماتقصر

رائد يقوم : يلا اجل انا أستأذن

فهد : وين ياولدي بدري

رائد : الله يسلمك ياخالي بروح والله عندي دوام

فهد : الله معك .. في امان الله

رائد يلتفت على خالته : يالله تامرين شي خالتي

ام مها : سلامة قلبك

رائد : الله يسلمك .. وانتي مهاوي ؟

مها بابتسامه : سلامتك ياعمري

رائد : الله يسلمك .. يلا فمان الله ..

الكل : مع السلامه

طلع رائد ودخلت رنا ووراها ريم ..

رنا : واخيرررا طلع زوجك

مها : جالس على قلبك

رنا تجلس عالسرير : لا بس اشتقت للمملووح

مها : تكفين خليه ماصدقت ينام

رنا : ياربييه كل ماجيت اشيله صار نايم

فهد : خلاص رنو لاتزعجين اختك خلي عزوز في حاله

رنا مطيره عيونها : عزووز ! !

فهد : ايه خلاص هالحلو صار اسمه عبدالعزيز

رنا : لييه عبدالعزيز مو حلو

مها : هالاسم من طلعت على الدنيا وهو يعجبني

رنا : اها وزوجك ماعاارض

ام مها : ياحبيله رائد ليت كل الرجال مثله

فهد وهو يقوم : بسم الله عليه ميين خالهـ

مها : هههههههههه ياحبيلك يبه

فهد : يلا انا بطلع تامرون شي ؟

ام مها : سلامتك يالغالي

رنا : ايه يبه ياليت تمر البقاله

فهد : شبغيتي

رنا : اممممم يعني شبسات شي ماشيات

فهد : اوكي يصير خير .. مع السلامه ..

طلع فهد وجلست ام مها مع بناتها سواليف حلوه تجمعهمـ .. بوجود الحفيد الأول لفهد وزوجتهـ ..

**************************************************

طلع من غرفته مستعجل وشماغهـ على كتفهـ .. في يدينه شايل جواله وبوكه ونظارته ومفاتيح سيارته ..

نزل من الدرج يركض وراسه في الارض ..

كانت بالصاله جالسه تراقبه وهو ينزل مستعجل تتمنى انه مايشوفها ولاينتبه لها مالها خلق يشوفها بهالشكل ..

خالد وهو يمشي مستعجل مانتبه للدرج وطمر اكثر من درجه وطاح طيحه خفيفهـ على ركبـهـ . .

غاده شهقت وحطت يدينها على فمها : خالد

خالد بالارض وجواله واغراضه طايحه التفت عليها

خالد ابتسم : هههههههههه لاتخافين ماجاني شي

غاده تفشلت ونزلت راسها

قام خالد وجمع اغراضهـ وخذ شماغه وحطه على كتفهـ

خالد حب يحرجها : كل هذا خوف على خالد ؟

غاده سكتت وبان عليها الاحراج ..

خالد ضحك : يالبى اللي يستحون .. يلا انا ماشي مستعجل

عطاها بوسهـ بالهواء

خالد : بيباااي قلبي

طلع خالد مبسوط انه شاف غاده ..

ساره نازله من الدرج : غادوووه

غاده خافت ورفعت راسها : هلا

ساره : شتسوين هنا

غاده : ماأسوي شي

ساره تغمز لها : عليينا وانا اشوف خالد من شوي هنا واقف وش يسوي

غاده : ايييه جاي يسلم علي وراح عندك اعتراض

ساره : ههههههههه لا أبد

غاده تضربها على كتفها بخفيف : بروح انام بيباي

ساره : ههههههه باي

************************************************

سيف معصب : اوووف منها

عمر : تراك ازعجتني خلاص خلها في حالها

سيف : قاهرتني ليه سافهتني ليه ماترد

عمر : بسلامتها

سيف : مو على كيفها بدق ليين ماترد

عمر : افف منك

سيف يعيد ويكرر على غادهـ .. ماخلاها في حالها كل ثانيهـ يدق ..

غاده خلاص وصلت معها ازعجها بشكل مو طبيعي ..

ردت بهدوء : الو

سيف : مابغيييتي واخيرا

غاده : كل اللي ابي اعرفه انت وش تبي

سيف : ابيييك انتي شفيك مو راضيه تفهمين

غاده : انت قلت ابي ساره قبل صح

سيف : صح

غاده : وحلفت لك اني مو ساره خلاص شتبي

سيف : بس انا متأكد انك ساره

غاده : وش اللي متأكد وش يثبت لك اني ساره والله انا مو ساره

سيف : طيب تعرفين ساره صح

غاده : ساره مين

سيف : ساره وبس وحده خبله وخطيــره وتجنن

غاده : خبله وتجنن .. !! وخطيـرهـ

سيف : ايه ليييه تعرفينها

غاده : لا ماأعرفها خلاص قلتلك انا مو ساره ولاأعرف وحده اسمها ساره ممكن خلاص لا تدق على هالرقم ثاني مره

سيف : من عيوني

غاده : باي

سيف : باي

سكر سيف

سيف : والحين انا شسوي

عمر : خلاص روح للوليد وقول ابي رقم اختك وخلصنا

سيف : تستهبل انت والا تحاول

عمر : لاماأستهبل

سيف : تبيه يذبحني

عمر : اجل شسوي لك انا

سيف قام واقف وقال بنبرة تحدي : انا جايب رقمها بإذن الله جايبهـ ..

طلع سيف .. وعمر انسدح وهو يتحمد ربه على صديقهـ ..

كل واحد بهالدنيا يسعى بكل حماس وجهد للشي اللي يقدر عليه ..

وللشي اللي في بالهـ بس .. عمر الانسآنـ مافكر في العـواقـب اللي راح تتراكمـ عليهـ من بعد هالحماس اللي يصيــر ..

****************************************

مجتمعين اليوم في بيت فهد علشان مها ..

الهنوف شايله البيبي : بسم الله عليه يجنن

مها : الله يسلمك

غاده : ياحبيله يانااس بالله عطيني الهنوف شوي

خذت غاده البيبي ..

غاده تعطيه بوسه : شصار مهاوي وش ناوين تسمونه

مها : خلاص سمينا وانتهينا

غاده : وش سميتوه ؟

مها : عزوز

الهنوف ماتدري ليه انصدمت من الاسم : عزوز !!

مها تلتفت عليها : ايه شفيك

الهنوف : لا مافيني شي تو والله ماصار ولدكم مملوح مادامه سمي زوجي

مها : هههههههههههه اكيد ولدي احلى عاد

ريما : لا بابا احلى

مها : ياااربي هذا كبرنا وندافع بعد

ساره : ههههههههههه خاشه عرض بنتك يالهنوف

الهنوف : بنتي مع الحق

غاده : ريوم تعالي شوفييه يشبه بابا

ريما : لا بابا احلى

غاده : طيب تعالي شوفيه ذاابحك ابوك

راحت ريما وطلت عالبيبي ..

ريما : كلكم وعين بابا احثن ثي

غاده : واحنا وش دخلنا عسى مااشر

ساره : الهنوف بنتك تعدت حدودها معلييش

الهنوف : ههههههههههه صادقه بنتي

لطيفه : الله يخليه لها انشاءالله ..

ام سعود : انشاءالله يجي اليوم اللي اشوفكم جالسين وكل وحده معها عيالها جالسين جنبها وانا بينكم

الكل : امين ..

*****************************

بندر جالس بالصالهـ ومعاه جوالهـ وطول الوقت وهو يتأفف كأنه طفشان وغصب جالس ..

غيداء : شفيك بندر

بندر : مافيني شي

غيداء : طفشان مو مغصوب انك تجلس

بندر : مو طفشان

غيداء : اجل شفيك

بندر : يهمك ؟

غيداء : ......

بندر : غيداء انا بسآفر

غيداء : وين

بندر : بسافر وبس ماراح اطول

غيداء : متى يابندر

بندر : اسبوع انشاءالله وانا ماشي

غيداء : .....

بندر : مبسوطه ؟

غيداء : وليه انبسط

بندر : ترتاحين مني فتره لأني بسافر

غيداء : شدعوه يابندر .. زوجي واكيد بيضيق صدري اذا غاب عني

بندر تنهد : ماأتوقع

غيداء : بندر حرام عليك ليه تقول كـذا

بندر : هذا اللي شفته منك

غيداء : صدقني يابندر انك غالي وماتهون علي

بندر : .......

,,,,,,,,,,

إنتهــــــى

توقعآتكم للفصل الثاني ..

سيف واصراره على ساره .. هل راح يلقى رقمها وتصير علاقه بينه وبينها ؟؟

غاده وخالد .. هل بتدوم المحبهـ ؟؟

هيا وبناتها .. وين راح يسكنون من بعد ماطردهم يوسف .؟؟

غيداء وموقفها من سفر بندر .. هل بترفض انه يسافر والا بترتاح منه ؟؟

نواف .. بطلنـــا المجروحـ .. مصيرهـ وش راح يكون ..
من بعد حبيبهـ خانتهـ .. ودنيا غدرت فيهـ .. ؟؟

انتظركـــم واتمنى يعجبكم ..

فيتامين سي · 10-03-14, 04:24 AM

الفصـل الثآني من البآرت الأخـــير ..

جاء من دوامهـ الليلي متأخر .. دخل غرفته تعبآن .. رمى شماغهـ على السرير .. تقدم للمرآيهـ وجلس يطالع في شكلهـ .. باين عليه التعب والارهاق ..

اليـوم اشتغل كثير بالدوامـ .. مارحم نفسهـ أبد .. ابتسم ابتسامهـ صفراء وراح جلس عالسرير ..

فتح الدرج واخذ الورقهـ .. قراها وابتسم ابتسامهـ عريضهـ اول مره يقراها وهو مبسووط ويضحك ..

قراها مرهـ ومرتين وثلاث .. كأنه اول مره يقراها .. معقوله هالكلام طالع من قلبها .. لا اكيد وقتها كانت معصبهـ وكتبت هالكلام وهي مو حاسهـ .. ايه اكيد ..

لا بس هي من زمان تكرهني ايه تكرهني وش يمنعها ماتكتب كلام زي كــذا ..

تأفف خالد ورجع الورقه مكانها ورمى نفسه على سريرهـ ..
دق جوالهـ اللي كان بعيد عنه شوي ..

مد يدينهـ بصعوبهـ واخذ جوالهـ ..

المتصـل ..( فرح دنيآي ) ..

ابتسم خالد ..

رد بخمول وتعب : مرحبا

غاده : مرحبتين اهلين خالد

خالد بنفس الخمول : هلابك

غاده : خالد شفيك

خالد : مافيني شي ياعمري

غاده : لاتلعب علي .. صوتك فيه شي

خالد : تعبان شوي ..

غاده بخوف : سلامات شفيك

خالد : لاتخافين .. تدرين وش اللي راح يخليني ارتاح ويروح التعب

غاده : وشو

خالد : اقوله لك وتنفذينه

غاده : ايه انفذه

خالد : اكيد ؟

غاده : اكيد

خالد ضحك : تعالي

غاده : وين اجي

خالد : عندي

غاده : عندك وين ؟

خالد : غدوو لاتستغبين

غاده : خالد صاحي انت

خالد ايه صاحي .. انتي وعدتيني تنفذين طلبي

غاده : خالد اسمحلي طلبك صعب

خالد : ليه صعب

غاده : ماله داعي اجي والله لو يدري جدي يذبحني

خالد : شسويتي انتي تراه شي عادي

غاده : لا مو عادي خلاص خالد ماله داعي والله

خالد : خلاص بكيفك

غاده : خااالد بليز افهمني خلنا نتكلم جد

خالد : خلاص طيب لاتجين ماغصبتك

غاده : لا بس ادري زعلان

خالد : مو زعلان

غاده بهدوء : حبيبي

خالد : سمي

غاده : سم الله عدوك .. صدقني انت تفكر انه شي عادي بس وربي هو شي مو عادي

خالد : ليه مو عادي ابيك تقنعيني

غاده : انت ماراح تقتنع حتى لو اقولك

خالد : غاده اذا بتجين حلوو .. وخالد بيستانس ويروح التعب واذا ماراح تجين بنام وانا تعبان وشايل بخاطري عليك

غاده : ياربييه ياخالد حرام عليك

خالد : هاه شقلتي ؟ تجين والا نمت

غاده : خااالد يعني تمسكني مع ايدي اللي توجعني

خالد : المهم اذا تحبين خالد تعالي يلا باي

غاده : لحظه خالد

سكر خالد ولاكأنه سمع شي من غاده ..

دقت عليه مره مرتين مارد عليها ..

غاده : اففف ياخالد عليك حركات مدري شتبي .. الله يهديك بس
ياربيه والله ماله داعي اروح .. شسوي الحين ..

دقت غاده للمره الثالثه ورد عليها ..

خالد ببرود : هلا

غاده : خالد عسى مااشر شهالرحكات اللي مالها داعي

خالد : غاده شعندك

غاده : خااالد لاترفع ضغطي

خالد : لاتجين خلاص والله راضي

غاده : لا ادري فيك مو راضي تقولها بس كـذا

خالد : دامك تدرين ليه ماتجين وترضيني

غاده : خلاص طيب بجي بس عند الباب ماراح ادخل

خالد : طيب اللي تبينه يصير

غاده : ثواني طيب

خالد : اوكي انتظرك

سكرت غاده من خالد وراحت بدلت بجامتها ولبست لها تي شيرت حلوو نآعم وتنوره سوداء ميدي ورفعت شعرها البني وحطت كحل خفيف وقلوس وردي .. صاير شكلها نعوومهـ وكيوت ..

طلعت من غرفتها وتقدمت لغرفة خالد بخطوات ثقيله وبطيئه .. وعيونها عاللي حولها خايفه احد يشوفها ..

بخطوات هاديه وبطيئه وصلت واخيرا لغرفة خالد ..

طقت عالباب بخفيف

خالد : ادخلي

تجرأت وفتحت الباب بخووف وهدوء ..

خالد على طول كان قبالها جالس عالكرسي ومسند ظهره على ورا ازرار ثوبه كانت مفتوحه .. باين عليه تعبان ومرهق .. شعره الطويل مو مرتب وصاير حوسه .. شكلهـ مبهذل .. وقفت غاده تطالع فيهـ ..
كأنها اول مره تشوفهـ .. عاجبها حيل كل يوم عن يوم تشوف خالد احلى بعيونها .. نست عمرها وهي تطالع في خالد .. حبيبها .. زوجها في المستقبل .. وقفت فتره وهي عند الباب وعينها بس على خالد

خالد ابتسم : ماناديتك علشان تتأملين فيني

غاده تفشلت من عمرها وتمنت انها ماجت من اساس ..

سكتت ونزلت راسها ..

خالد : ادخلي

هزت غاده راسها بالنفي ..

خالد قام واخيرا .. وتقدم لها ..

رفعت غاده راسها بخوف وتوتر ..

رجعت جسمها على ورا ..

مسكها خالد مع يدينها وسحبها داخل بهدوء وسكر الباب وراها ..

غاده : لا مابي

خالد : وش ماتبين

غاده : خالد وين اتفاقنا

خالد : طيب ماقلت شي بس انا بوريك شي واطلعي

غاده : وشو

راح خالد للدرج واخذ الورقه وجلس بالكرسي ..

خالد يأشر جنبه : تعالي هنا

تقدمت غاده وجلست بجنبهـ بعيد شوي ..

خالد مد الورقهـ لها ..

غاده خذتها : وش هذي

خالد : اقريها وتعرفين وش هذي

فتحتها غاده ..

انصدمت وهي تقراها تحاول تعيد اكثر من مره .. مو مصدقهـ أبد .. شلون صار هذا ومتى انكتب ..

رفعت راسها لخالد اللي كان ينتظر ردة فعلها .. ويتابعها بحماس

خالد : قريتيها ؟

غاده : ايه

خالد : شرايك فيها

غاده : مو حلوه .. مسكتها غاده وشقتها

خالد صرخ : لييييه ؟

غاده خافت وسكتت

سحبها خالد منها : ليه سويتي كـذا

غاده بخوف : مو حلوه

خالد : اذا ماأعجبتك .. انا عاجبتني

غاده : الكلام اللي فيها مو حلو كيف تعجبك ؟

خالد : مايهمني الكلام بقد مايهمني صاحب الكلام

غاده : .........

خالد يمسك الورقه ويحطها على رجوله ويجمع القطع بجنب بعض علشان تكتمل ..

خالد بصوت ضايق وهادي : فيها كلام قاسي .. والله يجرحني كل ماأشوفها واقراها .. انا اقدر ارميها ياغاده والا اشقها بس حبي لصاحبها يمنعني ..
من زمان وانا محتفظ فيها .. رغم الكلام القاسي اللي فيها حبيتها ..

غاده : بس انا ماحبيتها .. رفعت غاده راسها : تكفى ياخالد لاتخليها عندك

خالد : ليه

غاده عيونها دمعت : مو حلوه والله مو حلوه

خالد : تكفين غاده كل شي ولادموعك مابي اشوفها

غاده رفعت راسها ودموعها في عينها : ليه كنت اسوي كـذا معك .. ليه ياخالد

ابتسم خالد : غاده احنا مانبي نتكلم بالماضي الحين .. واللي راح مايرجع .. وصدقيني كل شي منك على قلبي عسل وراضي فيييه واحبه بعد

غاده مسحت دموعها بيدينها : اتمنى انساه

خالد : ماعليك كلنا بننسى بس خليني اسمع ضحكتك ومانبي هالدموع

ابتسمت غاده : من عيوني

خالد : تسلملي عيونك ..

جلست غاده مع خالد شوي وبعدها رجعت لغرفتها وهي تحمد ربها على ان خالد ماراح منها وصار من نصيبها ..

************************************

بعد تعب ومحاولات طويــلهـ قدر سيف يوصل لرقمـ سارهـ ..

بعد ماكان الوليد يكلمها وهو في الاستراحه وعرف سيف انه يكلمها واول ماسكر الوليد اخذ سيف جوالهـ وشاف اخر مكالمه صادرهـ ..

مبسووط ومستانس واخيرا لقى الرقمـ ..

مسك جوالهـ ودق ..

ساره ترد : الووو

سيف : يسلملي هالالووو والله

ساره : ميين

سيف : كيفك ياحلوه ؟

ساره : اسالك انا مين

سيف : انا واحد

ساره : بالله انت واحد؟

سيف : ايه واحد

ساره : تصدق عاد

سيف : هلا

ساره : على بالي انت وحده

سيف : هههههههههه لا لا واحد

ساره : ايه اشواا

سيف : ايوه واخبااارك ؟؟

ساره : تمام ماقلتلي مين

سيف : قلتلك واحد

ساره : اقول لاتجلس تستهبل علي تكلم زي الناس

سيف : والله هذا كلامي عادي ماأستهبل

ساره : خلاص اجل بيبااي

سيف : لحظه ياساره

ساره مستغربه : ساره !!

سيف حس انه تورط : هاه لا ليه شفيك

ساره : انت مين الحين بتقول لي والا شلون

سيف : شفيك الله يهديك

ساره صرخت : قول لي مييين

سيف : لاتصارخين طيب

ساره : اففف ناس ماعندها شغل وفاضيه لازعاج غيرها .. سكرت ساره الخط

سيف : ياربييه شسالفه ليه عصبت هذي

فكر سيف وش يسوي بعدين ارسل لها مسج ..

ساره انا بكون صريح معك انا انسان شفتك وبحد عجبتيني وجلست ادور رقمك وقت طويل وربي تعبت ليين ماحصلته ..

بس تكفين لاتزعلين وافهميني قبل تعصبين ..

ساره قرت المسج واستغربت مره .. خايفه وبنفس الوقت مستغربه .. مين يكون .. شايفني ويعرفني ..

قفلت جوالها وماردت على المسج

********************************************

فاتحه الشنطهـ وترتب اغراضهـ بنفسها .. كان متعود الخدم دايم يرتبون اغراضهـ وهالمره طلب منهم .. بس هي رفضت قالت انا بنفسي برتبها وهو مايدري انها رتبتها ..

دخل الغرفهـ .. شافها ترتب في شنطتهـ ..

بندر : غيداء

غيداء التفتت : لبيه

بندر : لبى قلبك .. شتسوين

قامت غيداء وراحت عنده : ارتب اغراضك علشان سفرتك

بندر : وليه انتي ترتبينها تعب عليك انا قلت للخدم

غيداء : انا موجوده .. ماله داعي هم يرتبونها وانا زوجتك هذا واجبي

بندر يطالعها بنظرات عجزت غيداء تفسرها .. هو بنفسه مستغرب حيل .. انقلبت فجأه قبل ماأسافر .. تغير اسلوبها تغيرت معاملتها معاي ..
شسالفه .. غيداء اكيد ناويهـ على شي .. غيداء قولي لي وش ناويهـ عليهـ ..

غيداء : شفيك بندر

بندر : مافيني شي

غيداء : متى صارت رحلتك ؟

بندر : بكره بعد الفجـر انشاءالله

غيداء : مطول هناك ؟

بندر : ليه يهمك ؟

غيداء : شلون مايهمني .. بندر شفيك

بندر : اتوقع انك مبسوطه حيل علشاني بسافر

غيداء : بندر حرام عليك .. شفيك علي

بندر : عالعموم انا تعبان لازم اريح وبنام .. صحيني بدري علشان ماأتأخر على الرحلهـ

غيداء : انشاءالله من عيوني

ابتسم بندر بصعوبهـ وراح ينام .. وراهـ رحلهـ طويلهـ .. وهم كبيـــر يعاني منهـ ليل ونهار .. وحب راح يموت قريــــب ..

****************************************

في بيت ابو سعود .. في الصالهـ ..

ام سعود : متى كلمتك ياغاده ؟

غاده : من شوي

ام سعود : ومتى بيسافر رجلها

غاده : على كلامها بعد الفجـر

ام سعود : شعنده ماراح ياخذها معه

غاده : والله مدري ياجدتي

ساره : هي تقول عنده شغل

ام سعود : كم بيجلس طيب

غاده : والله مدري عاد

ام سعود : وناويه تجلس في بيتها لحالها دقي عليها بس تجهز اغراضها يجيبها عندنا اذا جاء يروح المطار

غاده : والله قلتلها انا بس رفضت

ام سعود : انهبلت اختك الظاهر وش يجلسها لحالها

ساره : عادي يمه خلوها تنام في بيت زوجها

ام سعود : اقول دقي بس والا عطيني التيلفون ادق عليها

غاده قامت : انشاءالله

دقت ام سعود واقنعت غيداء انها تجي عندهم فترة سفر بندر لانهم مايدرون متى بيرجع .. هو ماخبرهم فتره محدده .. ومع الاقناع وافقت وقالت بسأل بندر واشوف ..

*********************************

صحت الساعه 2 بالليل جهزت اغراضها كانت متأكده ان بندر ماراح يرفض ..
رتبت اغراضهـ كلها وصحتهـ بدري ..

صحى بندر ورتب اغراضهـ ونزل بالصالهـ ..
غيداء جالسهـ تنتظرهـ .. قابلها بابتسامه حلوه : صباح الخير

غيداء بابتسامه احلى : صباح النور

بندر جلس فتره يطالعها .. هي مبسووطهـ ماتدري ليه انا مسافر تحسبني رايح اوسع صدري والا رايح علشان شغل .. آآهـ ياغيداء لو تدرين .. ماادري تفرحين والا تحزنين ..

غيداء قربت عنده : بندر شفيك

بندر : مافيني شي .. انا بمشي الحين

غيداء : طيب بندر

بندر : عيونه

غيداء : تسلم عيونك .. انا بروح عند جدي صعبه اجلس هنا لحالي

بندر : تجلسين عندهم طول فترة سفري !!

غيداء : ايه

بندر : لاياغيداء انا ماادري متى ارجع يمكن اطول .. بيتك هو احسن مكان لك

غيداء : بس لحالي يابندر بطفـش

بندر : عندك السواق يوديك اللي تبين متى مابغيتي تروحين لبيت جدك

غيداء سكتت ونزلت راسها : بس

بندر : خلاص ياغيداء خلاص تجهزي اوديك

رفعت راسها على طول : توديني ؟

بندر : ايه

غيداء : تسلم ماتقصر انا جاهزه

بندر : يلا اجل مشينا

طلع بندر مع غيداء ووداها لبت جدها .. وصلــوا .. غيداء فتحت الباب بعدين رجعت سكرتهـ ..

بندر : شفيك

غيداء : ماتبي اودعك يعني

بندر : اكيد ابي .. كنت اتوقع تنزلين ولاتقولين شي بس الحمدلله خاب ظني

غيداء : شدعوا يابندر

بندر ضحك : يلا طيب مابي أتأخر

نزل بندر وغيداء نزلت ..

شال شنطتها وحطها عند الباب ..

بندر قرب لها : انا بمشي

غيداء رفعت راسها : بـشتآق لك

بندر : مو اكثر مني

ضمها بندر لصدره ضمه قويــه .. خافت غيداء منها حيل .. تحس انها مو طبيعيه ابد ..
بندر بعدها عنه .. كان وده يطول وهو ضامها .. مايدري هل هذي اخر مره يشوفها او لا .. بس مكانه مايسمح له ..

بندر : انتبهي لنفسك

غيداء : انشاءالله .. طمني عليك اذا وصلت

بندر ابتسم وهز راسه بـمعنى اكيد ..

باسها بندر مع راسها : يلا يالغاليه فمان الله

غيداء : مع السلامه

مشى بندر وركب سيارته .. انتظرها لين مادخلت كان معاها مفتاح ..

دخلت كان البيت هادي .. قابلتها ام سعود ..

ام سعود : هلا والله بـ بنيتي

غيداء : هلا جدتي مانمتي ؟

ام سعود : لا والله توني صاحيه خلي شنطتك تاخذها الشغالهـ

غيداء تحط اغراضها : ايه اذا صحت ترقيها لي فوق

ام سعود : روحي ارتاحي ياحبيبتي شكلك مانمتي امس زين

غيداء : لا الحمدلله نمت كفايهـ ..

ام سعود : ماعليه روحي ريحي

غيداء ابتسمت : انشاءالله

راحت غيداء فوق دخلت غرفتها اللي كانت طبعا مع سارهـ ..

ساره : غيووود

غيداء : بسم الله خرعتيني

ساره : بسم الله على قلبك سووري والله

غيداء : توقعتك نايمه

ساره : لا والله مانمت

غيداء جلست عالسرير بجنبها : ايوه واخباااارك

ساره : الحمدلله تمام انتي شفيييك ضايق صدرك كل هذا علشان بندووري مسافر

غيداء ضحكت : شفتي كيف ماأصبر بدونه

ساره : هههههههههه وينه يسمعك

غيداء : والله ياساره خايفه

ساره : ليه

غيداء : مدري احس انه مو طبيعي ابد .. تدرين ماقال لي المده اللي راح يجلسها هناك حتى ماقال لي وين بيروح .. كل اللي اعرفه انه سافر بس

ساره : وليييه ماقال لك .. انتي ماسألتيه

غيداء : سألته بس مو راضي يجاوبني يقول ماراح اطول ايام وانا راجع .. ومره يقول لي بطول ومدري صراحه خايفه

ساره : وسعي صدرك بس انشاءالله بيرجع قريب

غيداء : انشاءالله .. الله يعين

ساره : اقوول شرايك ادق على الهنوف

غيداء : ليه

ساره : بصراحه انا ودي اطلع

غيداء : ساره انهبلتي انتي

ساره : وشوو

غيداء : كم الساعه الحين

ساره : وشو عادي مافي احلى من طلعه بعد صلاة الفجر

غيداء : وين بتروحين ياحسره عالبحر تجلسين

ساره : لا والله نروح نفطر شويات ونرجع

غيداء : اقول تكفين ياملحك ساكته

ساره : يووه ياسخفك انتي تحطميين وين غاده بس

غيداء : خبله انتي تدقين عالهنوف هالوقت والله يرد عليك عبدالعزيز يوريك شغلك

ساره : عادي عزووز امون عليه .. بدق

غيداء : ساره اعقلي خلاص نطلع بس مو الحين

ساره دقت على الهنوف : وسعي صدرك الدنيا فانيه

غيداء : انتي اللي بتتورطيين مو انا

ساره : عادي اتحمل اللي سويته

في جهه ثانيه في بيت لطيفهـ ..

عبدالعزيز والهنوف وبنتهم الحلوهـ نايمين ..

صحت الهنوف مفزوعه على صوت جوالها .. تدور جوالها .. كانت الغرفه ظلام وغريبه ماتشوف نور الجوال .. ياربييه وينه ..

نزلت من السرير تدور وتمشي وتصقع في اللي قدامها .. تسمع الصوت بس ماتدري وينهـ ..

راحت وشغلت النور .. وتبعت الصوت .. صار بالدرج .. ريوم الله يهديها تلعب فيه امس وحطته بالدرج ..

ردت الهنوف : قوولي امين

ساره : امين

الهنوف : الله يهدييك

ساره : هههههههههه اميين .. ادري صحيتك

الهنوف : مو على صحيتيني وبس هبلتي فيني

ساره : ليه شصار

الهنوف : دقيقه بس ..

راحت الهنوف وسكرت النور وطلعت من الغرفهـ .. جلست بالصالهـ اللي فوق ..

الهنوف : الو

ساره : هلا والله .. ايه ماقلتي شصار

الهنوف : قولي وش اللي ماصار

ساره : سووري والله شسووي كنت بقولك شي بس

الهنوف : شعندك

ساره : نبي نطلع

الهنوف : ساره تبيني اصفقك

ساره : ليه

الهنوف : حرام عليك ياساره داقه هالوقت وتقولين نطلع

ساره : شفيكم انتم عادي

الهنوف : ايه عادي عندك

ساره : الهنوف والله عادي اذا على بنتك خليها عند ابوها وانتي نمرك ونطلع سوا لان غيداء عندنا الحين

الهنوف : والله غيداء جت ؟

ساره : ايه علشان كـذا انا ابي اطلع

الهنوف : حلوو خلاص طيب انا اذا صحى عبدالعزيز قلتله ودقيت عليك

ساره : اوكي لاتتأخريين

الهنوف : انشاءالله

سكرت الهنوف من سارهـ ..

ونزلت تسوي الفطور لـ عبدالعزيز وبعد ماخلصت رقت تصحيهـ للدوامـ ..

الهنوف : عزوز يلا حبيبي لاتتأخر على دوامك

عبدالعزيز : طيب طيب بقوم الحين

الهنوف : ايه دايم تقول كـذا وبالاخير ماتصحى يلا قووم الحين خلني اشوفك وانت جالس

عبدالعزيز : خلاص قلتلك بقوم الحين

الهنوف : خلاص طيب بجلس اشوفك لين ماتقوم

عبدالعزيز : بكيفك

ريما اللي كانت نايمه جنب ابوها : ماما اتركي بابا ينام

الهنوف : بسم الله وانتي متى صحيتي

فيتامين سي · 10-03-14, 04:25 AM

ريما تناظر امها ببرائه وتضحك ..

عبدالعزيز : لبى قلبها خلينا انا وبنتي

الهنوف : ودوامك ؟

عبدالعزيز : تونا بدري

الهنوف : وين بدري الساعه الحين 7 وربع

عبدالعزيز اللي كان نايم على ظهره : اففف قلق صراحه

الهنوف : قوم بس تعوذ من الشيطان وبدل ملابسك وافطر يالله يمديك بعد

ريما تجلس على حيلها : بابا لاتروح

يلتفت عبدالعزيز عليها : ليه حبيبتي

ريما : نبي ننام

عبدالعزيز : هههههه بكرا انشاءالله ننام

عبدالعزيز يمد يدينه للهنوف : قوميني

مدت يدينها وقومته

ريما تحط ايدها على خصرها : لييه

عبدالعزيز : وشو

ريما : ليه ماما تقومك وانا لا

الهنوف : اقول انتي كملي نوومك بس

عبدالعزيز : ههههههههههه

ريما : لا والله مابي ( حطت راسها على الوساده ) انا ذعلانه ماأحبكم

عبدالعزيز يشيلها : ماتحبين بابا

ريما : اييه

عبدالعزيز : افا ليه

ريما : بث

عبدالعزيز نزلها : خلاص انا زعلان بعد ونزل من السرير ..

الهنوف : خلاص حبيبتي نومي

ريما : لا مابي

الهنوف : نومي علشان اوديك للالعاب اذا جاء بابا

ريما : والله

الهنوف : اي انشاءاللع

ريما : طيب .. انسدحت ريما

غطتها الهنوف وراحت لـ عبدالعزيز ..

بدل ملابسه ونزل يفطر تحت ..

عبدالعزيز : نامت ريوم ؟

الهنوف : ايه قلتلها نومي اوديك للالعاب ونامت

عبدالعزيز : ياحبيلها

الهنوف : طيب عزوز انا يمكن اطلع بعد شوي

عبدالعزيز : وين ؟

الهنوف : ساره داقه علي تقول نبي نطلع نفطر شوي ونرجع قلتلها عاد اسأل عبدالعزيز وارد عليك

عبدالعزيز : مين يوديكم طيب

الهنوف : السواق اتوقع

عبدالعزيز : لا مع السواق مايصير في هالوقت زحمه وقلق

الهنوف : طيب واذا مو السواق

عبدالعزيز : اذا غير السواق روحي عادي

الهنوف ابتسمت : تسلم ياعمري

رد لها الابتسامه وسكت ..

عبدالعزيز يقوم : الحمدلله .. يلا انا ماشي

الهنوف : الله يحفظك

عبدالعزيز : اذا بتودين ريوم انتبهي لها

الهنوف : انشاءالله من عيوني

عبدالعزيز : يلا مع السلامه حبيبي

الهنوف : مع السلامه

راحت الهنوف ودقت على ساره تسألها مين بيوديهم بس قالتلها انو مو السواق .. تطمنت الهنوف وبدلت ملابسها وخلت ريوم نايمهـ عند خالتها لطيفهـ ..

في جهه ثانيه في غرفة ساره ..

ساره : والله عادي ياغاده بالعكس مره وناسه

غاده : لا والله مو حلووو اسمحوولي مااقدر

غيداء : اقول اعقلي وش اللي ماتقدرين

ساره : والله ياغاده مالنا الا خالد يودينا امي رفضت مع السواق

غاده : فيه الوليد

ساره : الوليد نايم لو تموتين ماقام يوديك

غيداء : وبعدين فرصه خالد انه بيروح للدوام يودينا شوي ويرجع

غاده : والله فشيله

ساره : وسعي صدرك بس والله تذكرينها بعدين تستانسيين

خالد ينادي : سااره

ساره : هلا يلا جييينا .. يلا يلا قووموا لانتأخر ..

نزلوا البنات وركبوا مع خالد .. خالد في هاللحظه مبسوط مره وغاده العكس كانت خايفهـ من وجودها معهم ..

خالد : نمر الهنوف الحين

ساره : ايه الله يعافيك

خالد : اجل ارجعي ورا ياساره

ساره مستغربه : ارجع ورا

خالد : ايه

ساره : ليه ناوي الهنوف تركب معك

خالد : ههههههه وش ابي بالهنوف

ساره : اجل

خالد : لا بس انتي ارجعي ورا علشان اذا جت الهنوف تستانسين معها

ساره : شقصدك خوييلد

خالد : وغاده تجي قدام

ساره : لا والله لو تنطبق السماء على الارض مانزلت وخليتها قدام

خالد : اووف كل هذا حسد

ساره : اصلا هي ماتبي

خالد : لا تبي عادي

ساره : والله ماتبي

خالد : غدوو

غاده : هلا

خالد : تبين تجين قدام ؟

غاده بجد متورطهـ خالد يحطها بموافق دايم غبيهـ ..

غيداء تضحك على اختها اللي بجد موقفها غبي ..

ساره : هههههههه شفت انها ماتبي

خالد : هي ساكتهـ ويقولون السكوت علامة الرضى

ساره تلتفت على غاده : يالشيــــنه تبين تجين

غاده : وشو ماقلت شي

خالد : هههههههه بعد عمري خوفتييها خلاص ماراح تجي ..

ساره : ايه اشوا على بالي

وصلـــوا بيت لطيفهـ ..

خالد : دقي عليها يلا

دقوا عالهنوف .. طوولت ماطلعت ..

بعد فتــرهـ ..

الهنوف تركب : السلام عليكم

الكل : وعليكم السلام

ساره : ويينك يالهنوف أخرتيينا

الهنوف : والله تأخرت .. اعذرووني ريوم نشبت لي الله يصلحها

خالد : ليه ماجبتييها لبى قلبها

ساره : ايه والله من زمان عنها الدوبا

الهنوف : تبون اجيبها علشان تتبرون مني انا وبنتي اذا ابلشتكم

غيداء : يازينها والله

خالد : المهم ماقلتوا وين تبون تفطروون

ساره : اكيـــد كودو

خالد : كلكم تبون كودو

الهنوف : اللي تبون والله

غاده : انا اشوف ان د.كيف احلى

ساره : لا كودو والله احسن

غيداء : ماتفرق المهم انه فطور

خالد : اجل خلاص د.كيف

ساره صرخت : خااااالد

خالد : وجع تراني اسمعك

ساره : والله انزل

خالد : وشو شفييك

ساره : ابي كودو .. لو مره وحده ودني للشي اللي انا ابيه .. كل مره تودينا على رغبة غاده مايصير

خالد حب انه يقهر ساره : لانها هي الوحيده رغبتها تهمني

ساره عصبت وبدون شعور فتحت الباب : خلها تفيدك غاده

خالد يمد يده ويمسكها: يالخبله امزح معك تعالي .. سكري الباب

ساره سكرت الباب

خالد : خبله انتي من جدك ناويه تنزلين واحنا نمشي

ساره : والله انزل

خالد : امزح معك .. انا اصلا في الدنيا مايهمني الا رغبة ساره وبس

الكل : هههههههههههه

الهنوف : الله يعينك ياساره اذا تهاوشتي انتي وزوجك في السياره شبتسوين

ساره : افتح الباب وانزل

خالد : هههههههه خبله

ساره : المهم وين بتودينا

خالد : خلاص كودو

ساره : اشوا

الهنوف بصوت واطي تكلم غيداء : غاده اليوم مالها حس

غيداء : هههههه ايه ملاحظه

وصلــوا كودو ..

خالد : يلا انزلوا

غاده : وانت ياخالد

ساره : ماراح ينزل

غاده : ليه

ساره : مانبيه يعني غصب ينزل

الهنوف : انتم على هالحاله ماراح تنزلون انا وغيداء بننزل

خالد : ايه عادي انزلوا

نزلوا الهنوف وغيداء ..

ساره : يلا غاده مشينا

غاده : لحظه

ساره : وشو لحظه خلاص بكييفه ماعلينا منه

غاده عصبت : انتي انزلي بكييفك شفيك علي

خالد : هههههههه لاتتهاوشوون شفيكم قلبتم

ساره نزلت : انطقي عند خالد انا نازله

نزلت ساره وسكرت الباب ..

خالد : غاده ياقلبي انزلي معهم

غاده : وانت ماراح تنزل

خالد : ماراح انزل خلي غيداء والهنوف يفطرون على راحتهم ..

غاده : وين بتفطر طيب

خالد : ماعليك ادبر عمري .. مو مشتهي شي الحين في الدوام افطر

غاده سكتت ..

خالد : نروح انا وياك نفطر وبعدين نرجع لهم ؟

غاده : لا لا

خالد : ههههههههه طيب انزلي الحين

غاده : مابي انزل

خالد : خلاص اجل نروح انا وياك د.كيف

غاده : لا خلاص بنزل والله تموتني ساره

خالد : ياعمري والله .. اوكي انزلي تلقينهم طلبوا وافطروا عنك

غاده : ههههههه طيب

نزلت غاده وخالد جالس بالسياره ينتظرهم ..

عند البنات ..

غاده : يلا استعجلوا خالد ينتظرنا برا

الهنوف مستغربهـ : خالد برا ؟

غاده : ايه

الهنوف : ليه مادخل يفطر

غاده : مو مشتهي ياعمري

ساره : عادي مافيها شي ينتظر ماطولنا

غاده : ايه حبيبتي انتي ماتحسين تاكلين ومبسوطهـ .. بس هو ينتظر ويطفش

ساره : خلاص عاد يكمل معروفهـ وينتظر

غيداء : المشكله الولد ماقال شي .. خلاص كملوا فطوركم بس

ساره : مدري عنها غااده كل هذا خوف انه يطفش .. تلقينه مشى ياخذ له لفه من هنا والا من هنا

غاده : يووهـ سويتوا سالفه انتم .. اسكت احسن لي

الهنوف : هههههههههههه ياحبيلك خلاص كلها دقايق ونخلص ..

خلصـوا البنات فطورهم وطلعوا .. كان خالد واقف عند الباب ..

ركبـوا . .

ساره : تأخرنا عليك خلود

خالد : لاعادي .. هاه كيف فطوركم .. شبعتووا اهم شي

ساره : في وحده ازعجتنا .. ( تأخرنا على خالد .. يلا بسرعه خلصووا فطوركم .. خالد ينتظرنا ).. ازعجتنا بجـــد

خالد : ههههههههههه يالبى قلبها هي وازعاجها

الهنوف : يحق لها والله ..

غيداء : اهم شي انبسطنا .. مشكور خالد ماتقصر

الهنوف : ايه والله تسلم تعبناك معنا

خالد : لا والله شدعوا !! لجل عين تكرم مدينهـ

ساره : هههههههههه ياحبيلك ايه ادري علشاني

خالد : مشكلتك واثقه

ساره : لييه مو لعيوني طلعتهم ؟

خالد : هههههههههه الا الا لعيونك

جلسوا يسولفون وانبسطوا ورجعهم خالد للبيت وراح للدوامـ ..

***************************

عمر : صدقني ياسيف انت اللي بتندم في الاخير

سيف : ليه شسويت

عمر : خل البنت في حالها والله بتندم

سيف : لا عادي

عمر : والله لو يدري الوليد بيزعل عليك وتصير مشكله مالها داعي

سيف : ماراح يدري انشاءلله

عمر : بكيفك ماأغصبك على شي انت ماتبيه

سيف : طيب ياعمر شتبيني اسوي

عمر : اترك البنت في حالها .. وتذكر دايم انها اخت صديقك

سيف : والله مو بدييني ياعمر .. البنت هذيك اعجبتني والله مو قادر انسى شكلها اول يوم شفتها فيه

عمر : حاول ياسيف علشان صديقك

سيف : انا الحين مبسوط احس انها بدت تاخذ وتعطي معاي

عمر : حاول ياسيف تتركها والله ماراح يخسر الا انت .. بتخسر نفسك وتخسر صديقك

سيف : ماأقدر ياعمر والله ماأقدر .. خلاص قفل الموضوع

عمر : براحتك والله بس هذا اللي عندي وقلته لك

تنهد سيف : الله يعين

***************************

يوسف جالس بالصاله وبجنبه رانيا .. المسكينه تحاول تقنعه انه مايطلع هيا وبناتها من البيت .. مالهم مكان غي بيتهـ ..

رانيا : من شان خاطري يايوسف ..هيا مالها غيرك لاتتركها

يوسف يمسك راسه : خلاص يارانيا ازعجتيني .. انا قرار قررته بنفذه .. لاتحاولين تقنعيني

رانيا : يوسف حرام عليك خاف ربك والله انت ظالمهم

يوسف صرخ : رانيا خلاص

. . . : خلاص يارانيا لاتقنعينه

تقدمت رهف بخطوات بطيـئه ..

رهف بصوت حزين وهادي : تعودنا يارانيا على عيشتنا اللي احنا عايشينها .. طلعنا على الدنيا أطفال صغار كل همهم بس لعبهم مع غيرهم ووناستهم وحبهم لألعابهم .. بس الدنيا اللي طلعنا عليها دنيا غريبهـ وقاسيهـ .. معقوله
كـذا الدنيا مع الكل ..
توقعنا ان الدنيا عند الكل قاسيه ومو حلوه .. بس بالاخير عرفنا ان احنا بس اللي نذوق قساوتها ومرارتها ..(وبصوت عالي ) يارانيا خلاص مات احساسنا ..والله مات .. ماعاد نحس بالشي اللي يسويه ابونا ..
ابونا اللي بس صاير لنا ابو بالاسم .. ابو عمره ماحسسنا بأمان .. ماحسسنا بحنان .. خلاص يارانيا تعودنا وصار هالشي عادي .. بالاخير يقول اطلعوا برا البيت .. تتوقعينها صدمه ؟ ..
والله مو صدمه احنا متوقعين منه اي شي .. حرمنا من اقل شي ممكن يسعدنا ..

التفتت رهف على ابوها : سو اللي تبي وسو اللي يريحك .. تعودنا على قساوتك .. بس صدقني ماراح نسامحك لا أنا ولا أمي ولاأختي اللي اتهمتها بشي هي ماسوته .. ذلييتها وضربتها وهنتها وبالاخير تصير مظلومهـ ..

بصوت عالي انهت رهف كلامها : وين قلبك يايوسف .. امانه وينهـ .. بس انت قلبك حجر او انك مخلوق من دون قلب .. استغرب كيف عايش ؟.. قلبك والله مو قلب انسان ..
حتى الحيوانات ترحم وهي حيوانات مالها عقل .. انت كيف ماترحم .. الله لايسامحك .. الله لايسامحك

قالت رهف كلامها اللي قطع قلب رانيا ومشت ..

يوسف مو مستوعب شي .. يحس انه اول مره يستوعب شي من كلامها .. كأنه حس فيهم الحين .. ايه ممكن انه حس .. بس وش عقبهـ .. بعد ايش حس ؟

رانيا دمعت عيونها غصب عنها من بعد كلام رهف .. تشوف يوسف اللي جالس بجنبها يهوجس ورايح بعيد .. مبسوطه رانيا تحس انه يفكر بكلام رهف .. ايه ممكن انه حس الحين وبيرحمهم وماراح يطردهم ..

************************************************** *

ثلاث سنين تحلف دمعتك مافارقت عينك ..

غرام و وجد

وتحلف لي ...!!

وانا اصدق ...!!

ثلاث سنين تحلف صورتي مافارقت جفنك

وَلّـه ... وهيام

وانا اصدق ...!!

ثلاث سنين تحلف ما نسيت اسمي

ولا لحظة

وانا اصدق ...!!

ثلاث سنين ...؟!

ثلاث سنين وتاليها فمان الله ...؟!

ياااااااااااه

قوية حيل ...!!

ثلاث سنين ياكذاب ...؟!

ووش قلبك ...؟!

أنا اتحدى إذا قلبك مثل باقي البشر ينبض ...!!

أنا اتحداك ...؟!

وش رايك ...؟!

أنا اتحداك إذا عمرك عرفت العشق وش معناه ...!!

أنااتحداك إذا تقدر توّصف لي مشاعر قلب ...!!

أنا أتحداك إذا تعرف تحب أي شيء ...!!

أجل معقول من جدك عقب ما اعطيتك أشواقي

واحاسيسي
ومشاعر من وسط جوفي
وحُبٍ رجال ...
وصرت أنت أول أحلامي
وعشقي
وبيتي في وسط صدرك
تكافئني
" بـــ \ فمان الله ...؟! "

قوية حيـــــل ...!

مين إنت...؟!

قل أي شيء ... لكن لا تقول إنسان ...!!

ياويل العاشق الكذاب من ربه ...؟!

ثلاث سنين تقطف من بساتيني غلا ... و ورود ...؟!

واناازيدك ... واتلذذ وانا اعطيك ...!!

ثلاث سنين تاخذني على عقلي ...؟!

وانا في وادي النيات على النية ...

وعلى ما ينبضه قلبي ...!!

ثلاث سنين وتاليها انتهى كلش ...؟!

بعد ماكنت لي كلّش ...!!

إذا تسمي هيامك عشق

مالك بالهوى ملة

وربي ما بعد شفت بحياتي قاسيٍ مثلك ...؟!

ثلاث سنين عمر إنسان

إذاتدري ...؟!

ثلاث سنين يدق القلب فيها مية مليون دقة ...

إذاقلبك عرف يدق لو دقة ...!!

ثلاث سنين وتاليها الغلا كذبة ...؟!!

وعمر إنسان ... يدفن في خفا النسيان ...!

وعشق إنسان لكذب إنسان ...!!

وتخيل ...!!

يكون القلب بيدينك ...

مجرد تسلية ... لعبة ...!!

مو قاسي ...؟!

عموماً ليش أكتب فيك

واضيع بك بعد ليلة ...

كفاية عمري اللي ضاع

ثلاث سنين ...!!

وضاع اليوم بعد ليلة ...!!

ويا خوفي إني احبك ...!!

واقاسي ... وانت لي قاسي ...!!

واعاند عقلي وفكري ...

وابيع لضحكتك ناسي ...!

واساير قلبي المسكين ...

ووش باقي عقب هالعمر ...؟!

ضاعت مني سنيني على كذبة ...

؟!

تبي تكمل ...؟!!

أنا موافق ...

تعال نكمل اللعبة ...!!

وتاليها مغير سنين ...

وقلبٍ ينذبح ويموت

وقلبٍ بس يتسلى ...

يظن إن الهوى لعبة ...!!

وخذ سكين ...!!

وحلالك قلبي المسكين ...

ولا اوصيك ...

ابد والله ...!!

من الشريان إلى الشريان ...

سهلة ... صح ...؟!

انا ادري ذبحتي بيديك مهي صعبة ...!!

فديــــــــــــــــــــــ ـــــــــــتك وانت ظالمني

فديــــــــــــــــــــــ ــــــــــــتك وأنت قاتلني

فديــــــــــــــــــــــ ـــتك أعشقك من جد ...

وانا ادري فيك

كذاب .... يا كذاب ...

ولالي بالهوى حيلة

عشقت وذبت ...!!

ولازم اواصل ...

وانا ادري فيك ياكذاب ...!!

لكن الهوى ملعون ...!! ابن ملعون ...!! ابن ملعون ...!!

وفدوة عينك الثنتين ثلاث سنين

وخذ معهن ثلاث سنين ...!!

إذا باقي ثلاث سنين ...!!

وربي يسعد ايامك ...!!

كلآمـ قاسي .. مين اللي يقولهـ وكان يرددهـ .. ومين اللي كان موجهـ له هالكلامـ ..

كل كلمه طالعه من قلب انسآن مجروح .. يعاني قساوة دنــيآهـ اللي عمرها مارحمتهـ ..

إنتهـــى ..

توقعآتكمـ تهمني ..

بندر .. سفره وش كان سببه .. هل كان شغل والا سياحهـ والا ايش بالضبط ؟

سيف هل بيقتنع من كلام عمر او لا ؟

وتوقعآتكم لكل شخص بالقصهـ ..

اتمنــى يعجبكم البارت ..

^_^ دمتـــم ..

فيتامين سي · 10-03-14, 04:27 AM

الفصـل الثالث والأخيـــــــر ..

ثلاث سنين تحلف دمعتك مافارقت عينك

غرام و وجد

وتحلف لي ...!!

وانا اصدق ...!!

ثلاث سنين تحلف صورتي مافارقت جفنك

وَلّـه ... وهيام

وانا اصدق ...!!

ثلاث سنين تحلف ما نسيت اسمي

ولا لحظة

وانا اصدق ...!!

ثلاث سنين ...؟!

ثلاث سنين وتاليها فمان الله ...؟!

ياااااااااااه

قوية حيل ...!!

ثلاث سنين ياكذاب ...؟!

ووش قلبك ...؟!

أنا اتحدى إذا قلبك مثل باقي البشر ينبض ...!!

أنا اتحداك ...؟!

وش رايك ...؟!

أنا اتحداك إذا عمرك عرفت العشق وش معناه ...!!

أنااتحداك إذا تقدر توّصف لي مشاعر قلب ...!!

أنا أتحداك إذا تعرف تحب أي شيء ...!!

أجل معقول من جدك عقب ما اعطيتك أشواقي

واحاسيسي
ومشاعر من وسط جوفي
وحُبٍ رجال ...
وصرت أنت أول أحلامي
وعشقي ..

وبيتي في وسط صدرك
تكافئني
" بـــ \ فمان الله ...؟!

قوية حيـــــل ...!

مين إنت...؟!

قل أي شيء ... لكن لا تقول إنسان ...!!

ياويل العاشق الكذاب من ربه ...؟!

ثلاث سنين تقطف من بساتيني غلا ... و ورود ...؟!

واناازيدك ... واتلذذ وانا اعطيك ...!!

ثلاث سنين تاخذني على عقلي ...؟!

وانا في وادي النيات على النية ...

وعلى ما ينبضه قلبي ...!!

ثلاث سنين وتاليها انتهى كلش ...؟!

بعد ماكنت لي كلّش ...!!

إذا تسمي هيامك عشق

مالك بالهوى مله

وربي ما بعد شفت بحياتي قاسيٍ مثلك ...؟!

ثلاث سنين عمر إنسان

إذاتدري ...؟!

ثلاث سنين يدق القلب فيها مية مليون دقة ...

إذاقلبك عرف يدق لو دقة ...!!

ثلاث سنين وتاليها الغلا كذبة ...؟!!

وعمر إنسان ... يدفن في خفا النسيان ...!

وعشق إنسان لكذب إنسان ...!!

وتخيل ...!!

يكون القلب بيدينك ...

مجرد تسلية ... لعبة ...!!

مو قاسي ...؟!

عموماً ليش أكتب فيك

واضيع بك بعد ليلة ...

كفاية عمري اللي ضاع

ثلاث سنين ...!!

وضاع اليوم بعد ليلة ...!!

ويا خوفي إني احبك ...!!

واقاسي ... وانت لي قاسي ...!!

واعاند عقلي وفكري ...

وابيع لضحكتك ناسي ...!

واساير قلبي المسكين ...

ووش باقي عقب هالعمر ...؟!

ضاعت مني سنيني على كذبة ...

؟!

تبي تكمل ...؟!!

أنا موافق ...

تعال نكمل اللعبة ...!!

وتاليها مغير سنين ...

وقلبٍ ينذبح ويموت

وقلبٍ بس يتسلى ...

يظن إن الهوى لعبة ...!!

وخذ سكين ...!!

وحلالك قلبي المسكين ...
ولا اوصيك ...

ابد والله ...!!

من الشريان إلى الشريان ...

سهلة ... صح ...؟!

انا ادري ذبحتي بيديك مهي صعبة ...!!

فديــــــــــــــــتك وانت ظالمني

فديــــــــــــــتك وأنت قاتلني

فديــــــــــــــتك أعشقك من جد ...

وانا ادري فيك

كذاب .... يا كذاب ...

ولالي بالهوى حيلة

عشقت وذبت ...!!

ولازم اواصل ...

وانا ادري فيك ياكذاب ...!!

لكن الهوى ملعون ...!! ابن ملعون ...!! ابن ملعون ...!!

وفدوة عينك الثنتين ثلاث سنين

وخذ معهن ثلاث سنين ...!!

إذا باقي ثلاث سنين ...!!

وربي يسعد ايامك ...!!

تنهد بضيـق وسكر الدفتر اللي معاه .. ورمى القلم على جنب ..

اخذ جواله ودق على عبدالعزيز ..

عبدالعزيز : هلا والله حبيبي

نواف : هلابك .. عزيز وينك ؟

عبدالعزيز : شفيك يانواف

نواف : مافيني شي بس ابيك تجي عندي والحين بعد

عبدالعزيز : ليه شصار لاتخوفني يانواف

نواف : ماصار شي .. بس متضايق شوي

عبدالعزيز : اوكي ولايهمك شويات وانا عندك ..

نواف : اوكي انتظرك ..

سكر عبدالعزيز من نوافـ ..

الهنوف : شعنده نواف ؟

عبدالعزيز يقوم : مدري بيني اجي عنده .. انا بروح ابدل ملابسي

الهنوف : بتروح له

عبدالعزيز : ايه

الهنوف : اجل بروح معك .. فرصه اسلم على امي من زمان ماشفتها

عبدالعزيز : اوكي استعجلي اجل

قامت الهنوف : انشاءالله .. بروح اصحي ريوم

بدل عبدالعزيز ملابسه والهنوف صحت بنتها ولبست وركبوا السيارهـ ..

وصلـوا البيتـ ..

دخلـوا الصالهـ ..

عبدالعزيز : السلام عليكمـ

حصه+ مشعل : وعليكم السلام

مشعل يفتح يدينه : ريووم حبيبة خالي تعالي ياحلوه

ريما جت تركض وضمت مشعل ..

مشعل : انا حالف اني اقبصك امس وماقبصتك

عبدالعزيز : اقول شوي شوي على بنتي

مشعل : يالييل ازعجتنا انت وبنتك وتراها مو بنتك لحالك .. وكأنك اول واحد بالدنيا تجيه بنت

عبدالعزيز : مبسووط بـ بنتي فيها شي بعد ؟

مشعل : لاأبـد

حصه : اجلس ياعبدالعزيز بس ماعليك منه

عبدالعزيز : لا والله ياخالتي انا بروح فوق عند نواف

حصه تنهدت : لاتتعب عمرك بس .. مافيها فايدهـ روحتك له ..

عبدالعزيز : هالمره غير انشاءالله ..

حصه : خذ لك فنجال طيب بعدين روح له

عبدالعزيز : لا خليني اروح له علشان انزل وهو معاي ونتقهوى سوا

حصه : ياليت والله ..

راح عبدالعزيز فوق ..

مشعل : يلا ريومه نلعب بلاي ستييشن

ريما : ايه بس مابي كوره

مشعل : ليه

ريما : ماعرف

مشعل : هههههههههه انا اعلمك انتي تعالي شوفيني وانا العب

جلست ريما وحطت يدينها على رجل مشعل : يلا

حصه : يالهنوف عبدالعزيز شعنده مع نواف

الهنوف : ليه يمه

حصه : مدري مو من عادته يروح له على طول

الهنوف : ايه نواف مكلمه وقايل له يجي عنده

حصه : متى يجي اليوم اللي اشوفه قدامي يسولف ويضحك

الهنوف : لاتشيلين هم يمه .. بيجي انشاءالله اليوم اللي تفرحين فيه صدقيني

حصه : انشاءالله .. حبيبتي تعرفين ام عبدالرحمن ؟

الهنوف : مين ام عبدالرحمن ؟

حصه : ام عبدالرحمن جيراننا اللي بجنبنا

الهنوف : ايه عرفتها شفيها

حصه : بنتها الكبيره أروى شرايك فيها

الهنوف : بنت حبوبه وطيبه .. ليه يمه

حصه : بخطبها لـ نواف

الهنوف مستغربه : نواف !!

حصه : ايه نواف

الهنوف : لا يمه ماله داعي الحين

حصه : وش اللي ماله داعي .. اخوك يالهنوف ماراح يطلعه من الهم اللي هو فيه الا الزواج .. صدقيني بينسى كل شي ويرتاح

الهنوف : لا يمه بس مو الحين تقولين له

حصه : متى تبين اقول له اجل ..

الهنوف : مدري يمه احس لو تفتحين معه الموضوع بيعصب ويزعل .. نواف واعرفه زين

حصه : يعني والى متى تبيني اشوفه كـذا وانا ساكته .. واروى بنت كفوو مابيها تضيع مننا

الهنوف : لاتستعجلين يمه .. ونواف اذا يبي يتزوج بيقول لكم لكن هو حاليا صدقيني مايبي

حصه : انا قلت لأبوك وقال قوليله واسأليه يمكن يرضى

الهنوف : مدري يايمه .. انا اتوقع انه ماراح يرضى

حصه : انا بسأله وبشوف والله يكتب له اللي فيه الخيـر

الهنوف : اميــن ..

سرحـت الهنوف بعـــيد وتذكرت غيداء الانسانه اللي حبها اخوها وهي بعد حبته .. بس هي تركته وراحت عنه وتزوجت .. ايه راحت .. نواف كل اللي فيه من غيداء .. مين الغلطان ياربي اخوي والا غيداء .. لا نواف ماله ذنب .. ايه ماله ذنب .. هي الخاينه ايه والله خاينه .. تزوجت وتركت انسان حبها وتمناها لنفسـهـ ..

بس ادري فيها هي بعد تحبه وسوت هالشي غصب عنها .. ايه غصب .. كلامنا اجبرها تسوي اللي سوتهـ .. حتى هي مالها ذنـب ..

يآآربـي وفقهم بس هذا اللي اقدر اقوله ..

****************************************

نآزلهـ من الدرج تركض .. ومن سرعتها تطمر اكثر من درجه ..

غيداء : ساروونه شفيك بسم الله عليك

وقفت وقالت بنفس سريع : واخيرررا

غاده : وشو شفيييك

ساره جلست وخذت نفس طويـل بعد تعب : والله استانست مره

غيداء : على ايش ؟

ساره : ماصدقت يوم سمعت بابا يكلم خالد من شوي ويقول لهـ انه خلاص تحدد

غاده تلتفت على غيداء : فهمتي شي ؟

غيداء ضحكت : ايه فهمت .. دايم صاحب الشان يسوي نفسه مايفهم ويستغبي

غاده : وربي مو فاهمه شي

ساره : يادوووبا زواجك تحدد .. تدرين متى ؟

غاده : متى ؟

ساره بابا كان يبي بشهر 8 بس خوييلد قال ابيه بدري وخلاهـ بشهر 5

غاده : لا مابي بدري .. خالد يقول لي بشهر 7

ساره : لا والله حلو انه بشهر 5 مررره وناسه متحمسه بقوه

غيداء : حركتااات غدو مابقى يعني الا شهريين

غاده : ياويلي خايفه

ساره : على ايش تخافين وانتي وخالد بنفس البيت كل يوم تشوفين وجهه وتقابلينه

غاده : حرام عليك مو كل يوم

ساره : يعني تبين كل يوه هاه

غاده : ههههههههههه لا بس اقولك يعني

غيداء : ههههههههه تقولك ياساره بس

ساره : ههههههههههههه ياحبيلك والله تدرين وش احسن شي

غاده : وشو

ساره : اني ماأتغطى عن خالد يعني بالزواج انواع الفله بجلس عندكم وارقص لييين ماتملون مني

غيداء : وانا لازم ادخل مايصير

ساره : ماعليييك كلنا بندخل ونسوي لهم ازعاااج وانواع الاحراجات

غيداء : الله يعين على الفساتين والحوسهـ

ساره : اهم شي انا عندي فستااان مرتاحه والله .. انتي يمديك ماعليييك شهرين طويلهـ ..

غاده : ياربي انتم مبسووطين يعني

ساره : وليه ماننبسط

غاده : بدري والله

ساره : وين بدري معه .. تستهبلين انتي .. من متى متملكه انتي بالله .. والله طولتوا مره

غاده : ماطولنا مو مره عاد

ساره : يالدوبا قوليلي متى ملكتك

غاده : اممممم بشهر 8

ساره : خلاص طيب يعني الحين كملتوا 7 شهور متملكين واحسبي الشهرين اللي بتجي واااو تسعه والله كثيره

غاده : الله يعين

ساره : قوموا فووق بس

غيداء : شعندك

ساره : تعالي نستهبل على غاده ونحط لها ميك اب نجربها قبل الزواج

غاده : لاياحبيبتي علشان تحوسيني انتي وياها

ساره تمسكها مع يدينها وتقومها : قومي بس نوسع صدورنا

غاده قامت : طيب خلاص والله بجي

ضحكت غيداء وقامتـ معهمـ ..

هالفترهـ نست نواف حيــل كل تفكيرها بس على بندر .. اللي من سافر ماكلمها ولا طمنها حتى انه وصـل .. خافت عليه حيل .. ماخبرت احد انه مايرد عليها ولا على مسجاتها .. تدعي ربها بس انه يكون بخـــير وانها تسمع صوتهـ بأقرب وقتـ ..

*****************************************

جالس بالسرير جنب نواف وماسك يدينه : قول لي وش اللي مضايقك

نواف مسند راسه على ورا : تعبت ماعاد فيني حيل للدنـيا

عبدالعزيز : انت مو نواف اللي اعرفهـ .. والله مو نواف

نواف : ليهـ ؟

عبدالعزيز : شفيك كـذا متخاذل .. ماتعودت اني اشوفك كـذا .. خلك قوي لاتخلي الالم يغلبك .. وين نواف اللي كان يتحدى كل شي يواجهه بقوه وعزيمه .. وين نواف اللي كنت اشوفهـ قدوهـ لي ؟

نواف : هذاك نواف الأول مات .. انا الحين واحد غيـر

عبدالعزيز : لا مو واحد غيـر .. انت نواف نفسك .. بس هالمره صرت ضعيف وغلبك الألم وصار اقوى منك .. خلني اشوفك نواف اللي اعرفهـ ..

نواف التفت على عبدالعزيز وقال بهدوء : بس هي راحت .. راحت وتركتني ..

عبدالعزيز سكت فترهـ .. هو كان يحاول انه ينسيه غيداء بأي طريقهـ بس للأسف قلب ونواف وفكرهـ مو راضين ينسونها ..

عبدالعزيز يستغبي على نواف : مين قصدك ؟

نواف : خطيبتي الخاينهـ

عبدالعزيز : ماعاد صارت خطيبتك يانواف

نواف رفع صوتهـ : انا بناديها خطيبتـــي

عبدالعزيز : طيب على راحتكـ .. بس ماتوقف الدنيا على غيداء يانواف .. غيداء راحت بطريقها الحين .. انت لازم تنساها وتشوف طريقك بحياتك

نواف : ياعبدالعزيز ليه الدنيا وقفت علي انا لحالي .. شذنبي اني حبيتها .. انت حبيت اختي وبالاخير تزوجتها .. وخالد قريب راح يتزوج الانسانه اللي حبها .. ليه انا ماتزوجت الانسانه اللي حبيتها واخترتها .. ليه وقفت علي ليه ..

عبدالعزيز : استغفر ربك يانواف ولاتقول كلام مثل كـذا .. وخل في بالك انو مو كل شي احنا نبيه لازم يتحقق .. يانواف يمكن تكون خيرهـ من ربك انك ماتزوجتها .. انت ماتدري وين الخيرهـ فيه ..

نواف : عبدالعزيز هي واعدتني .. ليه كذبت علي .. ليه خانتني

عبدالعزيز : وعدتك بإيش

نواف : هي تقول ماراح اتخلى عنك ابد .. وماراح افكر بغيرك .. ليه تكذب علي .. ليه ماتقول لي من زمان اني ماأحبك وقتها والله عادي لو تزوجت وريحتني وارتاحت ..

عبدالعزيز : يانواف انا ادري فيك تحبها للحين وهي للحين تحبك .. بس صدقني ظروفها جبرتها انها توافق وتتزوج .. الكلام اللي جاها من غيرها جبرها واللهـ ..
مجبورهـ صدقنـــي ..

نواف : خلاص ياعبدالعزيز انا مصدق اللي صاير وسمعت هالكلام اكثر من مرهـ .. ( بصوت هادي يقطع القلب ) الله يوفقها ويسعدها مابي لها غيـر كـذا

عبدالعزيز : وربي بيوفقك انشاءالله ويعوضك بأحسـن

نواف : ............

عبدالعزيز : والحين ماودك تنزل معي

نواف : وش ينزلني

عبدالعزيز : الهنوف معي .. وخالتي تبي تشوفك .. لاتحرمها يانواف شوفتكـ وانت معها بالبيتـ ..

نواف : شايفها اليوم الصبح

عبدالعزيز : نواف تستبهل انت

نواف : وشو

عبدالعزيز : يعني خلاص شوفة الصبح تكفيك .. ماودك تشوفها الحين

نواف : لا بس هي تجيني دايمـ

عبدالعزيز : قوم معي بس .. غير جو غرفتك شوي .. يلا عطني يدينك

قامـ نواف وهو يـتأفف ..

نزلـوا تحت ..

عبدالعزيز كان ماسك يدين نواف : يلا ياخالتي هذا الحلو وجبناه

حصه : هلا والله يابعدي .. تعال ياأبوي

سلم نواف على الهنوف وجلس جنب امهـ ..

عبدالعزيز : ريوم تعالي سلمي على خالي نواف

ريما : خالي نواف

نواف : تعالي حبيبتي

راحت ريما وسلمت على خالها ..

نواف : ابي بووسه

ريما : تبي كبيره ؟

نواف : ايه

ريما : لا الكبيره بس حقت بابا

نواف : ههههههههههه طيب ثاني مره لاتشاورين .. خلاص ابي صغنونه

عبدالعزيز : ههههههههه يالبى قلبها

ريما : خلاص صغنونه

عطتهـ ريووم بوسهـ ..

مشعل : ياحضك يانواف

نواف : ليه شكلها ذالتك على هالبوسه

مشعل : من جد .. من الصبح وانا احاول فيها عجزت

حصه : ايه عاد نواف غيــر

مشعل : اوف اوف قويه ياماما

الهنوف : ههههههههههههه الصبر زين يامشعل

مشعل : ايه الله لنا الحين نواف ولدها حبيب قلبها .. وانا ماكأني ولد لها

عبدالعزيز : هههههههههه انا اشهد والله انه غير

مشعل : شف عاد جانا الثاني .. حرام عليكم جاملوا شوي

حصه تحط يدينها ورا كتف نواف وتقربه لها .. : ياعساني ماأنحرم منك يآرب

نواف : ولامنك يالغاليهـ

مشعل : خلاص انا بصيح ماأتحمل الموقف

حصه : طول عمرك تحب تتطنز روح كمل لعبك بس

عبدالعزيز : ههههههههههههه مو لو انك ساكت كان احسن

مشعل : ايه والله

بهاللحظه دخل محمد ..

محمد : ياسلااام نوفي حبيبي نازل تحت

نواف اكتفى بإبتسامهـ ..

سلم محمد على عبدالعزيز والهنوف

محمد : ريوم يادوبا تعالي سلمي علي

ريما قامت : يوه تعبت انا خلاص

عبدالعزيز : هههههههههه تحملي يابنتي خوالك

ريما : ايه كثيرين

حصه : بسم الله على عيالي راس مالهم ثلاثه .. لاتجيهم عين منك انتي وابوك

محمد : ههههههههههه من جد خلاص لاتسلمين علي روحي العبي بس

عبدالعزيز : هههههههه ايوه واخبار دراستك ؟

محمد : والله ياأنا مليييت خلاص ماعاد فيني صبر

عبدالعزيز : هانت والله ماعاد باقي لك شي وتتخرج

محمد : اييه يلا الله يعين ..

جلســوا مع بعض يسولفون .. وحصه مبسوطه حيل بوجـود نواف بينهم ..

***********************************

سيف منسدح ويتابع التلفزيون ..

فجأه عدل جلسته وقام : عمررر

عمر : بسم الله شفيك

سيف : خلاص انا قررت

عمر : وش قررت

سيف : بروح اخطبها

عمر ضحك : مين

سيف : تسوي نفسك مو عارفها يعني

عمر : هههههههه لا

سيف : عمر اتكلم معاك جد وانت تستهبل ياشييينك

عمر : والله ماأستهبل .. ماقلتلي مين سعيدة الحظ

سيف : ساره اخت الوليد

عمر : واخيــــرا اقتنعت بكلامي

سيف : والله فكرت لو يدري الوليد اني اكلمها وازعجها ماتسوى علي اذا زعل وعصـب

عمر : ايه والله .. المهم خبرني بس متى تروح علشان اجي معك

سيف : ايه وانت بس هذا همك

عمر : لا حرام عليك من حبي لك بروح اخطب معك .. بس لازم لي نصيب

سيف : لو عنده اخت ثآنيهـ اووكي لكن ماعنده الا وحده ومن نصيبي انشاءالله

عمر يطالع في سيف فتره ويبتسم ..

سيف : شفييك

عمر : والله وكبرت ورحت تخطب .. شي ماأقدر اصدقه والله

سيف : هههههههههههههه تدري عاد .. حتى انا احس اني العب على نفسي

عمر : ههههههههه اعرف حركاتك انت والله مو وجه زواج

سيف : حرام عليك يكفيني شهادة ابوي يقول لي اني قدها

عمر : مسكين ابوك ماخذ مقلب فيك

سيف يرمي الريموت : اقوول انقلع بس

عمر يقوم وهو يضحك : الله يعين ساره عليك .. غثييييث

طلع عمر وقام سيف وراهـ

عمر : ههههههههه لاتعصب امزح والله امزح

سيف : انقلع وزواجي ماراح تحضره

عمر : ههههههههههههه انت الحين اخطب البنت هذا ان وافقت عليك بعدين فكر بزواجك

سيف : وليه ماتوافق

عمر : مافيك شي يأهل انها توافق

سيف : عمر وش ودك اصفقك والا اذبحك والا ايش بالضبط

عمر : اللي تبي

سيف : انا بطلع للبيت .. النوم احسن لي من جلسه معك مالها فايده

عمر : لحظه بروح معك سيارتي مو معي

سيف : وينها

عمر : اخوي خذها وماعاد رجعها

سيف : دبر نفسك بنفسك انا ماشي بآآآي

عمر : لا سيووفي حبيب قلبي والله احبك بس خلني اروح معك بليز لاتورطني

سيف : مشكلتـي قلبـي طيب .. وارضى بسرعه

عمر : الله يخلييك لنا ونحضر زواجك ونشوف عشره من عيااالك

سيف ضحك : اميين وياك

*********************************

في حيآة مول ..

ساره : والله مرهـ حلو

غيداء : مدري احس لونه بايخ

ساره : تعبنا ودرنا المحلات كلها ماراح تلقين مثل هذا

غاده : ايه والله رايق

غيداء : امممممم خلاص اخذه

ساره : خذيه يلا ماراح تندمين

غيداء : واذا طلع مو حلو علي انتي ترجعينه ياساره

ساره : ابشرري ولا يهمك خذيه انتي بس

غاده : طيب روحي البسيه الحين وشوفي

غيداء : لا والله هنا زحمه وقلق .. بالبيت احسن

ساره : ماله داعي والله بيطلع يجنن .. خذيه يلا تأخرنا ..

خذت غيداء فستآنها وطلعوا .. خذوا لهم شي بارد وركبوا مع الوليد ..

بالسيارهـ ..

الوليد : اهم شي خلصتوا ماعاد تقولون نبي السوق

ساره : ماراح نخلص ابد

الوليد : يالبى الرجال والله .. يلبس الثوب وهو ماشي

غاده : وربي انكم في نعمه

غيداء : ايه والله في نعمه كبيره

ساره : بس والله من ناحية الكشخه والفله البنات احسن

الوليد : الحين والله انقلبت الايه البنت صارت ولد والولد صار بنت

رن جوال غاده بهاللحظهـ ..

غاده : خلاص وقفوا نقاشكم لين ماأخلص

ساره : ومين هاللي داق يوم اننا نوقف علشانه

الوليد : اكيد خالد وفيه غيره اصلا

غاده : خلاص اششش

غاده : الوو

خالد : هلاوالله .. عاش من سمع هالصوت

غاده : عاشت ايامك

خالد : وينك ادق عليك من فتره ماتردين

غاده : كنت بالسوق وجوالي ماأسمعه زين

خالد : شعندك بالسوق

غاده : رحت اشوف لي كم شغله واحنا الحين بالطريق راجعين

خالد : لاتقولين رايحين مع السواق

غاده : لا مع عمي

خالد : لاتقولين عمي حسيت اني مااعرفته بالبدايه

غاده : ههههههههه نسوي اخلاق عنده

خالد : ههههههههه يالبى قلبك .. المهم حبيبتي انا بروح لأمي الحين .. تبين شي وانا جاي

غاده : سلامتك ياعمري

خالد : الله يسلمك .. مع السلامه

غاده : الله معك .. مع السلامه

سكرت غادهـ ..

الوليد : شيبي منك خالد هااه

غاده : يسلم عليك

الوليد : ايه صدقتك

ساره : جد غدوو شيبي خالد

غاده : ههههههههه عسى ماشر وش تحسون به انتم .. عادي داق يسولف

ساره : اها داق يسولف اجل

غاده عصبت : ايه داق يسولف .. صدقتي انتي واخوك حلوو .. ماصدقتوا شي راجع لكم

الوليد : هههههههههههه اعصابك طيب .. يمه تخوفين

ساره : من جد تخوف .. نمززح معك يختي

غاده : مزح بايخ مثل وجيهكم

الوليد : تسلمين من ذوقك والله ..

غاده : الله يسلمك ..

************************************

في جهه ثانيـهـ .. في بيت يوسف ..

هيا والعنود جالسين بالصالهـ مع رانيا ..

رانيا : رهف حبيبتي وينها ؟

العنود : توني رايحه عندها .. شفتها نايمه

رانيا : بعد عمري .. طول ليلها امس سهرانه

هيا : الله يهديها .. شتسوي

رانيا : على كلامها ماجاها نوم

رن التيلفون لحظتها ..

قامت رانيا ردت : الو

خالد : الو .. مرحبا

رانيا : اهلين وسهلين

خالد : كيف حالك ؟

رانيا : الحمدلله .. انت كيفك خالد ؟

خالد استغرب انها عرفته على طول : الحمدلله تمام .. رانيا امي عندك ؟

رانيا : ايه بدك اياها ؟

خالد : لا بس انا عند الباب حبيت اشوف هي صاحيه والا لا

رانيا : لا صاحيه .. انت الحين جيت

خالد : ايه

رانيا : خلاص راح نفتح لك ..

سكرت رانيا : هذا خالد عند الباب جاء يشوفك

هيا : ياحبيله والله توني افكر فيه .. عنوده حبيبتي روحي افتحي الباب

رانيا : لا ارتاحي عنود انا رايحه افتح

راحت رانيا تفتح الباب ..

رانيا : تفضل ياخالد .. نورتنـا

خالد دخل: الله يسلمك بوجودك

فيتامين سي · 10-03-14, 04:29 AM

صد عنها ودخل داخل على طول ..

هيا : ياحيالله الغالي .. هلا والله بخالد

خالد : هلا فيك يالغاليه

هيا : وينك ياأبوي ماعاد نشوفك

خالد بعد ماسلم على العنود جلس بجنب امه : والله يايمه اني انشغلت هالايام كثير اعذريني

هيا : عاذرتك ياخالد .. المهم ماقلتلي انت شخبارك .. جدك وجدتك كيفهم

خالد : الحمدلله كلهم بخير .. انا اليوم جاي ومعاي بشاره لك

هيا : بشر ياأبوي فرحنا

العنود : ايه والله فرحنا قول شعندك

خالد : والله يايمه انا غلطت بحقك اني ماقلتلك كل هالمده اللي راحت .. بس مدري شلون راحت علي .. ظروف ومشاكل خفت انها ماتتم معها الفرحه .. بس الحمدلله الحين كل شي تمام

هيا : انت قلتلي قبل انك خطبت

خالد : ايه يمه والحمدلله الحين تملكت وزواجي بعد شهرين

هيا : مبروووك ياخالد والله احلى خبر اسمعه بحياتي .. الله يوفقك ياأبوي وين مارحت

خالد : الله يبارك فيك يمه

العنود : والله مبروووك خلوود .. ماقلت لنا سعيدة الحظ

خالد : غاده بنت عمي

العنود : امممم اي وحده فيهم غاده

خالد : والله عاد مدري شقولك بس هي اخت غيداء .. اللي ساكنين معنا بالبيت

هيا : ايه هي بنت سعود الله يرحمه

خالد : ايه يمه

العنود : ياحبيييلها .. توها صغيره

خالد : الكل قال لي انها صغيره بس خلاص هي خلصت الثانوي وعلى كلامها ماتبي تكمل

هيا : كم عمرها ياخالد

خالد : قريب داخله 19

هيا : لا حلو عمرها .. الله يوفقك ويسعدك دنيا واخره

خالد : امين .. وعندي بعد بشاره ثانيه

هيا : قول ياأبوي الله يسعدك

خالد يطالع العنود ويبتسم ..

العنود : وشو شفيك

خالد ضحك : ياحبيلك

هيا : وش الخبر ياخالد

خالد : فيه واحد خاطب الحلوه اللي بجنبك

هيا ابتسمت : العنود

خالد : ايه يمه

العنود بهاللحظه مستحيه من خالد ومن كلامهـ .. وبنفس الوقت ضايق صدرها .. تدري ان ابوها راد يرده مثل مارد ناس كثير قبله ..

سرحــــت بعيــد ..

هيا : مين الرجال ياخالد ؟

خالد : صديقي تركي يايمه .. رجال كفوو ويستاهل وحده مثل العنود

هيا : والله ياخالد انت راح تتفشل في الرجال

خالد مستغرب : ليه يمه ؟

رهف : مدري شقوولك بس انا اقولك من الحين انه ماراح يتم

خالد : وليييه طيب

هيا سكتت ..

خالد ماكان يدري ان يوسف يرد كل واحد كان يجي ويخطب العنود ..

خالد : وشو يمه قولي لي شسالفه

هيا : يوسف ياخالد يرد كل اللي يجون يخطبون اختك .. واتوقع انه راح يرد صديقك

خالد : يردهم !! وليه انشاءالله ؟

هيا : شي غصب علينا ياخالد

خالد : انا ماكنت ادري بهالشي بس الحين يوم دريت والله مايمنعه ولايقدر حتى .. خلي هالشي في يديني يايمه ..

هيا : بتصير مشاكل ياخالد .. انت اللي فيك كافيك

خالد : ماعليك يايمه .. انا لازم اوقف هذاك الشخص عند حده .. زودها وحركاته ماعاد تنطاق

العنود سآكتـــهـ ..

خالد التفت عليها : مثل ماسمعتي ياالعنود .. صديقي رجال كفوو وجاء وخطبك مني .. انا بس يهمني رايك وماعليك من يوسف ولاتفكرين فيه خليه على جنب

هزت العنود راسها وبعدها قامت راحت غرفتها ..

خالد : لايضيق صدرك يمه .. كل شي بيتم انشاءالله

هيا : الله يعين

خالد : آمــين .. الا رهف وينها ماشفتها

هيا : نايمه الله يهديها كل امس مانامت

خالد : ياحبيلها مشتاق لها والله

هيا : تبي اقول العنود تصحيها

خالد : لا ماله داعي خلوها تكمل نومها عوافي عليها

هيا : الله يعافيك

جلس خالد شوي يسولف مع امهـ .. وحرُصها انها تجي هي والبنات لزواجهـ ..

*********************************

عبدالعزيز مبسوط : ياحبيله سميي .. لازم اشوفهـ

لطيفه عن طيب نيه : روح بارك لخالك وتشوفه عندهمـ

عبدالعزيز : ودي والله

الهنوف بغيره واضحه : لا ماله داعي .. اذا جاء خالي عند جدي تشوفه

عبدالعزيز : ليه ماله داعـي .. واجبي اروح اسلم عليه .. منها اشوفه واشوف ولد مها عزوز

الهنوف : بكيفك بس من وجهة نظري ماله داعي

عبدالعزيز : انشاءالله قريب بروح

ريما اللي كانت منسدحه على رجل امها : بابا وين تروح .. بروح معك

عبدالعزيز : بروح اشوف عزوز

ريما ببراءة اطفآل : ههههه بابا مدنون ( مجنون )

عبدالعزيز مطير عيونه عليها

لطيفه : هههه ليه مدنون ياقلبـي ..

ريمـا : ههههه يبي يشوف نفسه

لطيفه : هههههههه لا ياماما .. بابا يبي يشوف عزوز الصغنون اللي رحنا له ذاك اليوم تتذكرينه ..

ريما تفكــر وفجأه نطت : ايه ايه بابا بروح معااك ..

*************************

.. : احمد

احمد : هلا

.. : تدري

احمد : همممم وشو

.. : تدري انها تملكت

احمد : مين

.. : احمد لاتستغبي علي

احمد : والله ماأستغبي

.. : اكره مالي الشخص اللي يسوي نفسه مو فاهم

احمد : انت وش قلت اصلا يوم انك تبيني افهم شي .. والله اني ماستغبيت ولاشي

.. : خلاص مو لازم اكمل لك ومو لازم تعرف .. خلني ساكت احسن

احمد : فيـــصل شدعوا شفيك عصبت

فيصل : ماعصبت

احمد : ماقلتلي مين اللي تملكت

فيصل : غاده

احمد : يوه للحين تذكرها

فيصل : وانا نسيتها اصلا

احمد :من جدك يافيصل

فيصل :ايه

احمد : اشوفك مهتم .. وانت شعليك منها وش يهمك فيها اصلا تملكت والا ماتملكت

فيصل : غلاها يجبرني

احمد : عاد انت اللي بغيت فراقها وانت اللي سويت كل شي بنفسك علشان تتركها .. حتى هي ماكانت تبي تتركك

فيصل : كل اللي سويته لعيون خالد

احمد : هههههههههههههه تتركها لعيون خالد اجل .. والله ناس غريبه

فيصل : وبعدين انا من حبي لها تركتها مابي اضرها .. وادري انو اللي بيننا ماراح يستمـر فماكان له داعي اعذبها معي اكثر وتتعلق فيني اكثر

احمد : انا احلف لك انها كلمت قبلك وبعدك مليوون واحد

فيصل صرخ : لا حرام عليك

احمد : ههههههههههههه وش اللي حرام عليك .. تعلمني في البنات .. اللي كلمتك بتكلم غيرك يافيصل

فيصل : بس غاده غيــر

احمد : وش زودها تكون غير ..

فيصل : المهم انها غيــر وبس

احمد : انا استغرب من خالد كيف يوافق على انسانه خانته وكلمت قبله

فيصل :لانهـ يحبها

احمد : حتى لو كان يحبها .. بس هي كلمت يافيصل واللي كلمت واحد بتكلم عشره

فيصل : خالد انسان لاتتوقع يكون مثله بالبشر اثنين

احمد : غاااده وصارت غيـر .. وخالد انسان نادر مامثله اثنيين .. ماشاءالله سبحان ربي خلقهم .. عجيبين والله

فيصل : احمد انا ماأستهبل .. خالد بجد انسان يفكر صح .. انسان والله ذكي .. ماقال خلاص كلمت غيري بتركها .. والله لو واحد مكانه .. لو انت ياأحمد يصير لك الموقف ومع بنت عمك .. والله شرط تذبحها .. بس لان خالد عنده حكمه تصرف بـ تصرف يرضيه ويرضي غيـره

احمد : انسان غريب .. لو انه انا بجد وبنت عمي وكنت احبها او حتى لو كنت ماأحبها وسوت كـذا .. والله لأوريها نجوم الصبح

فيصل : لانك غبي

احمد : تسلم ماعليك زود

فيصل : والله ناس تفكر وتخطط لمستقبل تعيشه بعدين

احمد : يووه يافيصل خلاص ..وجعني راسي .. غاده غير وخالد ماشاءالله عليه ذكي الله يخليه لأهله ويخلي اهله له .. والله يوفقهم ويوفقنا .. وانتهينااا خلاص قفل

فيصل ضحك : احمد والله احبك

احمد : هههههههههههه وانا اكثـر

*******************************************

حرمـــــــــــــان"
" لطالما سمعت عمن يحرم من شيء...يحبه...
لم اكن اتوقع ان اكون ...منهم...
حرمت من شيء لا استطيع امتلاكه...
مع انهـــ امتلكني...

..صدمه..
اكبر صدمه مررت بها..
عندما دخلت عالم الحب...
ولكنه... رفضني...
رفض ان ادخله بسهوله..
لم اذق منه ...
سوى مرارته...

حاولت ان اعاند الوقت..
وان اتــمسك في الحبـــــ...
حتى وان لم يكن يريدني..
حتى وان صدمني.. بحبي..
..حبي الازلي..
نعم احببتكـ..
ربما لم اكن اظهر هذا الحب بصورته المعتاده..
لانني دومآ مختلف..

.. نهايهــ ...
ربما لن ينتهي حبي هنا..
ولكنني..
انتهيت..
نعم انتهيتــ..
وانا اعلم انكـي ... لستي ملكيــ ...
ولكنني وبكل ماليـ ... ملكك...
اعلــــــن نهايتيـــــ.."

تنهــد .. ونآآظر القلم : انت مامليت من الكتآآبهـ .. أدري تعبت مني بس تحمنلي مالي غيرك يريحني ..

والتفت ع الدفتــر : وانت بتصبر وتتحمـل كلامي الحزيــنـ .. بتصبر بتصبر بس الا متــى خبرنــي ؟؟

رن جوآآله ع نغمــة مرتآآح لـ عبدالمجيد عبدالله ..

كان ماوده يرد .. هالاغنيه يحبها حــيل ..

نوآآف : هلا مشعل ..

مشعل : صبآآحك سكره بـ شااي لبتون ..

نواف : اي صبآآآح ياخووي ..شكلك مضيع

مشعل : هههههه انت المضيع شوف الساعه كم ؟

نواف يناظر السآآعه : يوووه كل هالوقت راح علي وانا مو حاس

مشعل : تعرف وانا اخوك الوقت كالسيف ان لم تقطعه قطعك .. وانا استنـتجت انو الوقـت قطعك ..

نواف : هههه اوص بس لاتعور راسي بكلامك اللي ماينتهي ..

مشعل : طيب طيب مقبووله منك اخوي الكبيـر وتمون .. المهم انا طلبتك وانت واافقت ..

نواف : وشوو .. متى وافقت وعلى ايش طلبتني ؟؟

مشعل : خلاص انت وافقت وانت ماتدري .. تذكر يوم اعزمك ع الفطور خلاص خلاص يلا اسمع البوري انا اضرب انزل
ولا مشيت عنك

نواف : هههههههههه لا ومسوي بعد .. نمشيها لك اليوم .. ولايهمك كم عندنا من ميشو ..

مشعل ينعم صوته : واااااو تسلم قلبي حبيبي انت والله ..

نواف : عن المياعه الماصخه لاتخليني اهون ..

مشعل : لا لا خلاص بمسك لسآآني ..

نواف : يلا ابدل ملابس وانزل لك ..

مشعل : اووكي مع السلامه ..

*************

في بيت فهــد الحريم داخلين طالعيــنـ .. ورنا وريم ونوره حيــــــل تعبوا ..

رنــــا : حرآآآم عليك توه صغير مابعد بانت اشباهه..

مهـا : عاد ولدي وانا كيفي ابيه يشبه لابوه ..

سحــر : ههههههه خلاص رنـا لاتعصبين .. عطيها ع قد عقلها

مها : سحـــر.. يالدوبـا انقلبتي يعني علي ..

سحر تورطت : هاااه لا لا انتي قلبي افا عليك انتي صديقة عمري ..

مها : واااضح .. تلعبين ع الحبلين ..

رنا : اوووه ياشماتتي فيكم ههههههههه واخيرا تهاوشتوا .. ريم نوووره تعالو شووفوا

مها : الحمدلله هذا مو هواش هذا مزح ملاطفه تغيير جو .. انتي وش عرفك

رنا : هههههه مخليته لكم اذا اللي تحكين عنه .. يلا انا داايخه من عقب ذا الحريم وسحر مو غريبه
يلا باااي بروح انوم ..

طلعت رنــا ..

وسحـر ع رجلينـها عزوز .. طاحت دمعه وحيــده من عين سحــر ..
لاحظتها مهـا ..

مهـا : سحور حبيبتي وش فيك ؟

ســحر : مها ..

مها : هلا

سحر : انتي مصدقه اللي يصير

مها : وشو

سحر : كبرنا يامها ايه والله كبرنا .. مين يصدق انك كبرتي وتزوجتي وصار عندك ولد

مها : ياحبيبتي والله هذي الدنيا .. عقبالك انشاءالله .. اشووف 7 من عيالك

سحر : خفي علينا شوي .. 7 كثيرين

مها : خلاص 5

سحر : هههههههه ياحبيلك والله .. انشاءالله اول بنت تجيني ماراح اسميها غير مها

مها : يابعد قلبي والله

**********************************

اليــــــوم يوم غيـر بالنسبهـ للكـل .. فرحآنيــن ومبسوطين بهاليـومـ .. عسى الله يتممه على خيـر ..

خالد : وليييد الله يخليك مو وقته الحين

الوليد : انت ماجاوبتني على سؤالي طيب .. جاوبني واقوم اوديك

خالد بـ ملل: وش سؤالك بعد

الوليد : مبسوط اليوم

خالد : ايه مررره بس انت قوم

الوليد : خالد والله انك مزعج وين سيارتك

خالد : سيارتي قلتلك مع تركي يضبطها

الوليد : لاتقول لي بتحط ورود فيها وخرابيط مسوووي معرس يعني

خالد : ايه بسوي فيها كل شي .. واحد معرس ومبسووط بتحرمونه بعد

الوليد يقوم : هههههههههههه لا .. الله يسعده ويتمم عليه وناسته

خالد : يلا عاد قوم ودني حرام عليك والله طفشت

الوليد : ماله داعي تحلق شكلك حلو كـذا

خالد : اوووه خلاص مو لازم توديني اشوف لي تآكسي احسن لي

الوليد : شدعوووا يادووب تعال يلا اركب اوديك

خالد : وربي وجعني راسي منك

الوليد : شفيك اليوم متنرفز ومعصب .. روق حبيبي روق .. غاده فوق مبسوطه ومروقه وتتابع لها الفيلم اللي يوسع الصدر ومادرت عن زواجها اليوم وانت على اعصابك ..

خالد : ياكثر نصباتك وليدووه .. ياعمري غاده مادرت عنك .. قوم معي بس يلا تأخرنا

الوليد : ههههههههه طيب

طلع خالد مع الوليــد .. يضبط امورهـ واشغالهـ ..

في فندق مداريم كراون ..

نآس مجتمعهـ على احلى فرح .. حضور كبيـــر بشكل مو طبيعي .. هذا مبسوط وهذا كان يتمنى هاليوم من زمان وهذا يحس الدنيا حووسهـ ..

خآيف ومرتبك .. ناس حواليهـ كثير .. اللي يبارك واللي جاي يسولف ( رايق من جد )

تركي : خف علينا شوووي ياثقل

خالد : تركي انقلع عن وجهي خلاص انا احس الجو حار .. بموت حر

الوليد : كل هذا خووف .. اجيب لك منديل

خالد : يالييت بسرعه

ضحك تركي : انشاءالله

جاب تركي المنديل ..

تركي : تفضل

اخذه خالد ومسح وجهه

تركي : خالد خلك طبيعي شفيييك

خالد : مدري ياتركي

تركي : ههههههههههه ماكنت اتوقعك بتصير كـذا .. عالاقل عطنا ابتسامه حلوه

خالد : وانا رايق الحين ابتسم بس هذا اللي كان ناقص

تركي : ههههههههههه ياحبيلك ياخالد .. انا لازم اجيب الكاميرا واصووورك

راح تركي .. وشاف الوليد معاه عبدالعزيز ونواف

تركي : اهلين شباب

عبدالعزيز : هلا والله

تركي : بالله الكاميرا مع مين

الوليد : مشعل من شوي اخذها مني

تركي : انا صراحه مابي افوت شكل خالد هناك وربي يجنن

عبدالعزيز : ههههههههه من شوي كنت عنده مو طبيعي الولد

تركي : اقولك يقول لي تو الجو حاار

الوليد : ههههههههه خايف

تركي : من جد .. اجل الكاميرا مع مشعل

الوليد يتلفت : ايه .. شووفه هناك يصور الخبل مدري وش يصور بخلق الله

تركي : ههههههههه يلا اجل عن اذنكم

عبدالعزيز : اذنك معك

راح تركي عند مشعل ..

تركي : مشعل حبيب قلبي

مشعل : هلا والله

تركي : عطني الكاميرا بالله بصور خالد

مشعل : فاااااتك مسكين صورته فيديو تو واسأله اسئله بجد احرجته وعصب علي

تركي : هههههههههه عطني اصوره طيب

مشعل : يلا بنجي معك نضحك عليه ..

تركي : ههههه يلا

***********************************
فيه جهه ثآنيهـ عند الحريم ..

ساره تكلم الهنوف : ياحبييلها شوفيها هناك واقفه

الهنوف : هذي رهف ؟

ساره : ايه

الهنوف : تغيرت والله

ساره : قومي نشوف مين اللي معها

راحوا الهنوف وساره عند رهف اللي كانت معها امها والعنود ..

ساره : اهلين رهوووفهـ

رهف : هلا والله وغلا .. كيفكم

سلمت رهف عليهم .. وسلموا على هيا والعنود

هيا : ياحبيبتي ياساره وين امك ابي اشوفها

ساره : انشاءالله .. انا اوديك لها

مسكت ساره يد هيا وساعدتها بالمشي .. هيا ماكانت تمشي طبيعي .. من بعد تعبها اثر حيل على رجولها ..

الهنوف : تعالوا بنات نروح نجلس لين ماتجي ساره

رهف : انا بس ابي اشوف غاده بليز

الهنوف : تبين نروح لها الحين ماعندي مانع

رهف : اخاف احرجها .. عندها احد

الهنوف : لا شدعوا .. نشوف عندها احد والا لا

العنود : لا ماله داعي والله احراج للبنت

الهنوف : لا والله عادي .. تراها غاده لو وحده غيرها ممكن اقول

العنود : ههههههه ياحبيلها

رهف : يلا اجل تعالوا نشوفـ ..

راحوا عند غادهـ ..

غاده ماكان عندها الا غيداء لحالها ..

الهنوف : احم احم ممكن ندخل

غيداء : ادخلي ياحلوه

الهنوف دخلت : معاي ضيووف بعد

غيداء : مين

الهنوف : تعالي رهف ادخلي .. تعالي عنووده

غيداء قامت : هلا والله وغلا .. كيفكم حبيباتي

سلموا على غيداء ..

رهف تسلم على غاده : مبروووك ياحلوه الف الف مبروك

غاده : الله يبارك بعمرك

رهف : مره شكلك خطييير وربي روعه

غاده : تسلمين والله

غيداء : عاد ضايق صدرها مره تقول مو حلو

رهف : لا وربي يجنن .. شرايك عنوده

العنود : بسم الله عليك قمر

غاده : ياحبيلكم تسلمون

رهف : يابختك ياخالد اليوم

الهنوف : هههههه لاتكبرين راسها علينا

رهف : تستاهل والله

الهنوف : على طاري خالد .. يقولون خالد ياعمري حالته حاله

رهف : ليه شفييه

الهنوف ضحكت : يقولون مرتبك وخايف ومتنرفز مدري شسالفته

رهف : بعد عمري اخووي ياحبيله

غاده : من قال لك يالهنوف

الهنوف : مشعل من شوي يكلمني

غاده : خالد لو يرتاح من اخوانك وربي يكون بخــير

الهنوف : ياعمري اخواني شدخلهم

غاده : اعرف حركاتهم يسوون انفسهم طنازه واحراجات بوقت ماله داعي

الهنوف : بدينا ياغاده ندافع .. خلاص يختي زوجك خايف ومرتبك وبس واخواني مالهم دخل

غاده : الا يرفعون الضغط

غيداء : هههههههه خلاص لاتتهاوشون حصل خيــر

رهف : ياحبيلكم والله

****************************************

جالسه ام سعود وبجنبها هيا تسولف معها ..

هيا : الله يوفقهم انشاءالله ..

ام سعود : امين .. والله اني فرحانه لـ خالد فرحه مو طبيعيه ..

هيا : وانا اكثر ياأم سعود .. عسى بس ربي يعوضه عن ايامه اللي عاشها

ام سعود : امين يارب ..

في جههـ ثآنيهـ ..

كانوا البنات جالسين يسولوفون ..

ساره جت تركض : بناااات

الهنوف : هلا شعندك

ساره : يلا الحين الزفه

غيداء قامت : والله

ساره : ايه يلااا

راحوا البنات مع ساره ..

حصه : وش يوديكم عندها خلاص بتنزل الحين خلوكم واقفين هنا ..

ساره : برووح اشوفها قبل تكفييين ياحصه

حصه : ساره خلاص عاد الحين بتنزل وشوفيها كأنك ماشفتيها .. روحي قولي لهم يطفون الانوار يلا ماعندنا وقت

ساره راحت : انشاءالله ..

الوضــع هآدي حاليا .. الأنوار طافيهـ .. نور واحد بس موجهينهـ على المكان اللي راح تطلع منه غاده ..

انظـــار كلها عليها .. ينتظرون العروس اللي راح تطلع لهمـ ..

على زفه حلوهـ وهآديهـ .. طلعت غآده بشكل روعه أبهر الكل ..

ساره واقفهـ عند الدرج ومعها البنات ..

نزلت غاده وسلمت على ام سعود وراحت للمنصه .. وكانت المصوره تمشي وراها .. جلست بهدووء ..

البنات راحوا عندها على طول ..

ساره : كلولولولووووش الف الف مليوون مبروك

غاده : الله يبارك فيك

ساره : ابد ماأصدق

الهنوف : ايه والله من يصدق غاده وجاء يوم زواجها

غاده : بنات تكفون ترى دمعتي في عيني خلاص بليز

غيداء : بعد عمري والله .. وسعي صدرك ولاتنزلين علينا دموعك وتورطينا

ساره : من جد

بعد ماسلم عليها الكل .. ورقصوا عندها وفلوها واستانسوا مع بعض ..

الكل كان يبي خالد يدخل عند الحريم وياخذها ويطلعون .. بس خالد رفض انه يدخل ..

قبل ماتقوم غاده .. وتروح عند خالد ..

... : غدوووووووش

غاده التفتت : اهليييين

... : هلابك ياقلبي .. مبروووك ياحلوه ..

غاده : الله يبارك بعمرك

غاده : شهالمفاجئه الحلوه

... : ايه قلتلك اني ماراح اجي بسويها لك مفاجئه

غاده : ياحبيلك والله

... :مرره شكلك يجنن والله مو مستوعبه انه انتي غاده متغيره يادووبا

غاده : الله يسلمك والله ..

ساره جت : غااااده يلا قومي ماصارت

غاده : طيب بس اسلم على فجر

ساره : هذي فجر

فجر ابتسمت

غاده : ايه

ساره : هلا والله .. واخيرا شفناك

فجر : هلابك .. وانا اخيرا شفتك .. ساره انتي صح

ساره : ايه

فجر : هلا والله سعيده بشوفتك

ساره : وانا اسعد والله

غيداء : ساااره تستهبلين انتي

ساره : وشوو

غيداء : اقولك ناديها تجلسين تسولفين

فجر : معليش والله انا سببت لكم تأخير ..

غيداء : ههههههههه ياحبيلك عادي

ساره : ايه كلها من فجر والله

فجر : ماعلييه مقبوله منك

ساره : ههههههههههه ياحبيلك

غيداء : يلا غدو قومي

قامت غاده بهدوء ونزلت وراحت للغرفهـ اللي كان جالس فيها خالد ..

دخلت كان فيه الوليد ..

الوليد قام : هلا والله وغلا .. هلا بأحلى عروسه بالدنيا ..

غاده : هلابك

الوليد يضحك : شفيييك لايكون خايفه نفس حالة بعض الناس

خالد : الوليد ممكن تطلع ؟ .. دايم تسبب لنا ازمات .. لا في ملكه ولا في زواج

الوليد : هههههههههه من عيوني .. تعالي غاده اجلسي انا طالع

جلست غاده بعد ماسلمت على خالد ..

خالد : مبروك ياغاده

غاده : الله يبارك فيك

خالد : مو مصدق اللي اشوفه

غاده : ليه

خالد : اللي اعرفه ان زوجتي حلوه بس اليوم صآيره احلى بكثيـر

غاده : ههههه تسلم والله

خالد : غاده

غاده : لبيه

خالد : والله اني خايف

غاده : من ايش

خالد : مدري

غاده ضحكت غصب عنها ..

خالد : وتضحكين بعد

غاده : ماضحكت

خالد : ايه هين ماضحكتي .. مو انتي لحالك الكل يضحك علي بس ماعليه نتحمل

غاده : انت تقول خايف شسوي ضحكت غصب عني

خالد : يعني انتي مو خايفه

غاده تكابر : اممم لا .. وليه اخاف

خالد تعدل في جلسته : غاده بسألك

غاده : هلا

خالد : وش شعورك بهاللحظه

غاده : اممم مدري

خالد : انا مبسوط مره .. احس اني اليوم ملكت الدنيا كلها .. ماأتوقع فيه انسان اسعد مني بهاللحظه .. حلمي في هالدقيقه اللي كنت احلم فيه .. خلاص اعتبره تحقق .. حلمي ياغاده تحقق

غاده : ......

خالد : ماراح تقولين لي شي

غاده : وش اقول ياخالد وش اخلي .. وانا ملكت الدنيا صدقني .. خالد ماأقدر اوصف لك شعوري اليوم .. مدري شعور فرح او حزن او ايش مدري بالضبط

ساره تطق الباب : احم احم ممكن ادخل

خالد : ننتهي من الوليد تجينا ساره .. ادخلي ياساره

دخلت ساره : كلولولووووش

خالد : لاتقولين لي انك مطوله

ساره : ههههههههه مطوله وعلى قلبك بجلس .. حتى ماما الحين بتجي وباابا خلاص عاد مو مكله الدعوه تجلسون لحالكم ..

خالد : عادي ماقلت شي تو ماحلت الجلسه والله

ساره : والله انكم خطيرين .. خالد شكلك مره يجنن .. وغاده شي ثاني عاد

خالد : وانتي احلى واحلى

ساره : ياحبيلك والله

دخلت ام سعود بهاللحظه وابو سعود .. وحصه ولطيفه .. والبنات دخلوا متغطييين ..

سلموا عليهم وجلسوا يسولفون مع بعض ..

شغلت ساره الاستريو .. ورقصت عندهم وانهبلت .. كانت مبسوطه بشكل مو طبيعي

خالد غمز لساره واشر على غاده ..

فهمتها ساره على طول ..

ساره : يلا غاده والحين انتي قومي ارقصي معي

غاده : لا تكفين

ساره تسحبها بيدها : مو على كيفك ماشاورتك

غاده : ساره حرام عليك

ابو سعود : خلي البنت في حالها

ساره : لا لا مو على كيفها يلاااا .. قومتها ساره بالغصب

غاده واقفه ودها تصفق ساره وتطلعها برا الغرفه

ساره : يلا ارقصـي

غاده شوي وتصيح .. : ساره خلاص عاد

البنات يضحكون عليها .. مسكينه من جد متفشله وباين عليها .. وخالد مبسووط عليها ..

ساره : خالد قوم معها علشان ترقص غصب

خالد : هههههههه ابشري

ساره : جد يلا قوووم

دخلت ريما بنت الهنوف .. لابسه فستااان وردي نآفش شوي .. وشكلها صاير يجنن

ريما : انا جييت ابي ارقص

ساره : هلا والله تعالي ياحلوه ارقصي معي مالي غيرك

استغلت غاده الفرصه وجلست على طول

ضحك خالد عليها ..

غاده : ايه اضحك مبسووط يعني

خالد : ههههههههه مره مبسووط

ساره : روحي سلمي ريوم عالحلوين بعدين نرقص يلا

خالد : هلا والله بالزينــه .. تعالي عطيني بوسه

ريما سلمت على خالد عطته بوسه : شكلك مره حلو

خالد : هههههههه ياحبيلك والله وانتي مره شكلك يجنن

لطيفه : وغاده مو حلوه ؟

ريما : الا تجنن مره .. كلهم حلوين

ساره : يلا يلا تعااالي

رقصت ساره مع ريما وانبسطت معها ..

دخل الوليد : يلا يامعاريسنا ماودكم تطلعون

ساره : ويييييييين

الوليد : خلاص يروحون وين يعني

ساره : لا مااابي ماراح تطلعون .. بدري تونا

ابو سعود : يلا بس مشينا .. الوليد بتروح معهم

الوليد : ايه اكيد انا بوديهم ..

قام خالد .. ومد يدينه لغاده مسكها وقامت معه ..

غيداء : استني حبيبتي اجيب عبايتك

ام سعود : يلا استعجلي ياغيداء

بسرعه جابت العبايهـ لبستها غاده وسلمت عليهم وطلعت ..

خالد : خلاص مو لازم خلني انا اسوقها

الوليد : لا مايصير

خالد : والله عادي شفييك

الوليد : اوكي براحتك ..

ركب خالد ومعاهـ غآدهـ وراحـوا للأوتيــل ..

السياره كان شكلها روعهـ بالحركات اللي زينوها فيهآ ..

*****************************************

من بكرا في بيت أبو سعود .. الكل كان مجتمع ..

ساره : ماما بليز ابي ادق

ام سعود : ياساره شفيك الله يهديك اكيد الحين تعبانين ونايمين .. بكرا دقي عليهم

ساره : لا ابي الحين والله مافيني صبر

حصه : خليها تدق يايمه .. الوقت بدري ماأتوقع نايمين ..

ام سعود : لا خلاص انا قلت مو الحين .. ساره اعقلي

ساره : انشاءالله

دخل الوليد : بنااات تعالوا شوفوا وش معي

ساره : شعندك

الوليد : معاي صور الزواج امس .. تعالوا شوفوا واضحكوا

ساره : واااو وناسه ورني اشووف ..

الوليد : استني خليني اوري امي

الوليد جلس بجنب امه ..

الوليد : شوفي يمه خالد امس صورناه ياعمري وهو مايدري

ام سعود : يابعدي ياخالد .. بسم الله عليه الله يوفقه

الوليد : ههههههههه شوفي هذي عاد مصورين كلنا .. بالله مامي مو انا احسنهم

ام سعود : كلكم تهبلون بسم الله عليكم

حصه : وريني يمه

حصه : لا والله احسنكم عيالي بسم الله عليهم

الهنوف : عطوونا نشوف ..

خذت الهنوف الصوره كانت غيداء جنبها ..

الوليد : هاه بالله من احلى واحد بالصوره .. جد عاد

الهنوف : كلكم تجننون بس احلاكم عبدالعزيز

الوليد : اييه زوجك طبيعي بتمدحين

ساره : لا والله جد خالد مره شكله خطير متغير الدووب

الوليد : وانا يالشينه

ساره : هين عاد انت احلاهم

الوليد : بعد عمري اختي ترفع المعنويات شوي

غيداء خذت الصوره من الهنوف : انا اقول لكم جد

جلست غيداء تتأمل الصورهـ .. تدور بعيونها بين هذا وهذا ..

فجأهـ وقف نظرها على شخص واحد .. لا مو معقولهـ هذا هو .. طولت وهي تناظر فيهـ ..

كلهم باينه عليهم الفرحهـ وبشفاههم مرسومه ابتسامه حلوه .. الا هو .. ايه واضح ابتسامته مصطنعه .. كأنه مغصوب يجي او مغصوب انهم يصورونهـ .. حزن مغطـــي على ملامح وجهه اللي تغيرت حيل .. تعب اكل جسمه وغيره بعيون الكل ..

الوليد : غيداااء يلا ماقلتي لنا

غيداء : هاه وشو

الوليد : ماقلتي مين عجبك

غيداء تمد له الصوره : والله كلكم مو قادره احدد

الهنوف : اقول بس بنتي ويينها

لطيفه : وينها مو معك

الهنوف : مدري من شوي كانت هنا

الوليد : توني شايفها وانا جاي برا تلعب

الهنوف قامت : بروح اشوفها

قامت غيداء معها ..

غيداء : شوفيها هناك تلعب

الهنوف : استغرب من هالبنت تنسجم مع نفسها بشكل مو طبيعي

غيداء : يالبى قلبها

الهنوف : ريووم

ريما : نعم ماما

الهنوف : شتسوين

ريما العب تعالي ماما العبي معي

الهنوف : تعالي نشوف شعندها

راحت الهنوف ومعها غيداء عند ريما جلسوا يسولفون شوي وهم واقفيــــن ..

انفتح البـــاب لحظتها ..

الهنوف كانت لاهيه مع بنتها .. غيداء التفتت لـ للباب ..

دخل وبيدينه السيجاره .. يدخن بهدوء ..

غيداء منصدمهـ مو مصدقه اللي تشوفه قدامها .. هو ماكان منتبه لوجودها هي والهنوف ..

غيداء بهدوء تكلمت : الهنوف نواف يدخن !!

الهنوف التفتت عليها : نواف !!

سمعهم نواف وكان معطيهم ظهره .. قال من دون مايلتفت ..

نواف بصوت هادي : قمت أدخن من بعادك والا أنا ماأدخن .. يمكن ينفس عن جروح الهوى تدخيـني

قال كلامهـ واخذ نفس عميق ورمى السيجاره بالارض ووطاها برجلهـ .. ودخل داخـل ..

غيداء منصدمهـ من الموقف اللي صار قدامها .. يآربـي شسالفهـ .. شصآيـر .. كلام نواف أثـر عليها حيل .. انا سببت له كل شي صار له في حيآتهـ .. يآربـي خذ امانتـي ولاتعيشني انسانه معذبه لناس غيري ..

************************************************** ***

فيتامين سي · 10-03-14, 04:31 AM

في جزر المـآلديفـ ..

جو رآيق ومنعـش .. هدووء يعم على احلى عروسين ..

خالد جالس عالكرسي ويطالع بالبحـر من داخل الكوخ .. وغاده كانت منسدحهـ على السرير وتسولف مع خالد ..

فجأهـ سكتت .. التفت عليها خالد شافها نآيمهـ .. راح عند السرير وجلس بجنبها ..

قرب لها ومسح على شعرها بحنآن وبآسها ..

خالد : ياعسى ربي يخليك لي ولايحرمني منك ..

انسدح خالد .. توهـ بيغمض جفنهـ وينآمـ .. رن جوآلهـ ..

بسرعه قام ورد علشان ماتصحى غاده : هلا والله

ساره : اهلييين خالد

خالد : هلابك سارونه

ساره : اخبااارك واخبار غاده والله اشتقت لك بجد

خالد : الحمدلله بخير .. ماأمداني لي يومين

ساره : علشان تدري ياددوووب انو لك فقده بشكل مو طبيعي

خالد : يالبى قلبك والله

ساره : هاااه قول لي شسويتوا وش ماسويتوا

خالد : ههههههههه ماسوينا شي

ساره : هههههههههه لا جد عاد .. غاده وينها

خالد : نايمه

ساره : اوما نايمه

خالد : ايه والله اسولف معها من شوي مادريت الا يوم نامت ..

ساره : ههههههههه نكته هالبنت

خالد : ياعمري تعبانه

ساره : وانت شتسوي الحين

خالد : كنت بنام ودقيتي علي

ساره : طيب قومها ابي اكلمها

خالد : والله توها نايمه .. انشاءالله اذا صحت خليتها تدق عليك وتكلمك

ساره : يابيخها هالدووبه اول ماتقووول خلها تدق لاتنـسى

خالد : من عيووني

ساره : يلا بيباااي نوم العوافي ..

خالد : بآي ..

سكر خالد من غاده ونآمـ ..

من بكـرا الصبح صحت غاآدهـ بدري كان الجو روعهـ ..
التفتت شافت خالد نآيم باين عليه تعبآن ابتسمت وراحت غسلت وجهها وبدلت ملابسها ..

طلعت برا .. الجو كان بارد .. ضمت يدينها لبعض .. وجلست تطالع في البحــر .. المنظر كان روعهـ ..

ماتت برد .. بعدين دخلت داخل ..

جلست بجنب هالد عالسرير ..

غاده : خالد

تهزه غاده مع كتوفه : خالد حبيبي يلا كافي نوم

خالد يفتح عينه : وشو

غاده : اقولك كافي نوم تقول وشو

ضحك خالد : طيب

غاده : يلا خلني اشووفك جالس

خالد : طيب غدوو

غاده : عيونها

خالد : تسلملي عيونها .. شوفي ياقلبي شنطتي في الجيب اللي ورا ورقه جيبيها

غاده : انشاءالله .. قامت غاده تشوف الشنطه وشافت الورقه وضاق صدرها .. جابتها لخالد ..

غاده تمدها : يعني مو راضي ترميها

تعدل خالد في جلسته واخذ الورقه .. فتحها ..

خالد : شقيتيها انتي رحت لصقتها وعدلتها .. لاني مابي افقدها

غاده : ياخالد مو حلوه والله مو حلوه

ابتسم خالد بهدوء : اجلسي طيب

جلست غاده بجنبه : قول لي متى ناوي تنساها وترميها

خالد جالس يطالع في الورقه ..

خالد : قريب برميها تدرين ليه

غاده : ليه

خالد : لاني الحين ملكت صاحبة الورقه ..

غاده : مو فاهمه عليك ياخالد

خالد : تذكرين انتي الموقف اللي خلاك تكتبين الكلام هذا صح

غاده : ايـه ..

/
/
/

في الطياره وهم رايحين ماليزيا ..

كانت غاده بجنب نـوره بنت فهـد .. وكانت متنرفزه من خالد وودها تقول لنوره بس ماكان ودها احد يسمعها فأخذت ورقه وكتبت فيها ..

(( والله أكرهه يانوره .. اكرهه .. لو احب خلق الله كلهم ماحبيته .. ))

بعد ماقرتها نورهـ .. ووصلوا لماليزيا نستها طايحه في الطياره وهم نازلين شافها خالد واخذها معه واحتفظ فيها ..

/
/
/

خالد : للحين تذكرينه

غاده ماتحملت وسحبت الورقه من خالد .. قامت ورمتها في البحـر ..

قام لها خالد وهم يضحك : الحين ارميها خلاص ماعاد يهمني

غاده : ....

قرب لها خالد : صاحبة الورقه هي ملكي انا .. صارت لي .. ماعاد يهمني احتفظ بالورقه من بعدها .. لان الكلام حتى ماصار يهمني ..

غاده : لانها هي تحبـك

خالد يستغبي : مين اللي تحبني ؟

غاده ابتسمت ونزلت راسها ..

ضحك خالد .. وضمها لصـدره بحنآن : وانا احبك ..

كان خالد انسان حنون بكل ماتعنيه الكلمه .. حنانه يعوض غاده عن كل شي فقدته في صغرتها ..
عوضها حنان امها .. وطيبة قلب ابوها .. واهتمام اخوها .. خالد شخص واحد عوضها عن اكثر من شخص فقدتهـ ..

عاش مع الانسـانهـ اللي حبها رغم ظروفه القاسيه اللي مرت فيهـ .. رغم مشاعرها العكسيه اللي كانت تطلعها تجاهه ..
رغم كل صعب .. حبها ومازال متمسك بحبها ..

وهي حبتهـ بكل مافيهـ .. مع انها ماكانت تتوقع بيوم من الايام تتزوج خالد اللي كانت تكرهه ..

من بعد ماكان مكروه بالنسبه لها .. صار محبوبها اللي تفديـه بكل ماتملكهـ ..

**************************

بعـــــــــــــــــــــد مرور .. 7 سنين .. ع حيآآآة ابطآلنــا ..

جـــــــــــايه تركض والابتسامه مآليه وجههــا .. وتصرخ بأعلى صوت ..

دخلت عليهم بالصآآلهـ ..

وراحت جلست في حظن جدتهــا ..

الهنوف : ريمـــــا قومي عورتي جدتك خلاص انتي كبيــره ..

ريما : وااااو انا فرحآنه مره مره ..

لطيفه : فرحيـنا معك حبيبتـي ..

ريمـا : رحت رابع وااو انا نجحت يا ماما انا نجحت يـا جدتي ..

الهنوف : مبرووك حبيبتي .. وريني شهادتكـ ..

ريما : وبعد ياماما انا الاولى ع الفــصل ..

لطيفه : ماشاااء الله .. لا لا اجل لازم لك هديه مره كبــــــيره ..

دخل عليهم وهو معصبـ ..

عبدالعزيز : الهنـــــــــــوف والله لو ماتشيلين عني هالمزعج لأرميه من الشباك ..

سعود يتعبــر ..

الهنوف : تعااال حبيبي تعال ياروح ماما ..

عبدالعزيز : مادلعه علي الا انتي انا اورييك بس

الهنوف : ايه حبيبي سعودي يستاهل

سعود : ههههههه احسن ماما ماتحبك .. ( ويطلع لسآآنهـ )

عبدالعزيـز قام بيلحقهـ ..
الا على دخلة فآآرس وحرمتهـ ..

سعود يتخبى ورى عمه : عمي شووف بابا ؟؟

فارس يسوي نفسه : عزوز وش مسوي لسعودي ..

عبدالعزيز : ايووه تعال طقني احسن .. ولا تسوي نفسك عند المدام

ريمـا : بااابا .. عمي .. ليه انتم تسفهوني دااايم ..

فارس : عيون عمك وش عندك ..

عبدالعزيز : ايه صح خذيتي شهادتك ..

ريما : ايه رحت مع خآله سـآآرهـ ..

عبدالعزيز : تعالي حبيبة بابا وريني الشهاده ..

وهـــذي حالة بيت لطيــفه ..
عبدالعزيز اللي كل يوم ينجن من سعود ..
الهنوف لاهيــهـ مع بطنها اللي صآير اكبــر منها على قولة زوجها ..

فآآرس ..مرتآآآح وله كم شهــر متزوج ..
شهد كانت بنووته حيــل طيبه .. قدرت تكسب قلب فاارس وقلب اهلهـ ..

الله لا يفرقكم يــــــآآآرب ..

*******************

صحيح .. صار ع زوآآجهم 6 سنين .. بس للحين عايشين حياة العرسآآن ..
كآآن كل أملهم بطفــل يملي عليهم البيت ..

بس مايأسوا .. املهم بالله كبـــــــــــيــر ..

العنود متخوفه انــو يروح عليها العمر ولا يكون عندها بيبي ..
بس تركــي كان يذكرها بالله وانو من توكل ع الله كفااه ..

*****************

تاهت حُروفي و ضاعت سطوري و المعاني في وصفك تبعثرتْ ..
جيـت أبكتب عن حياتي عن عيوني لكنْ طيوفك على عقلي
استحوذت
,,لقيتْ القلمـ عاجز ينثر تعابيره و القلبْ محتار
كيف يبوح بأساريرهـ ’،

دامها " تاج الجميع " , السعوديه تملك الرائع و البديع .. !
انشِدوني عن حالي دونها ؟
مرُّ و أسى , و الشوق عذب عيوني و اسهرت ,,
! كنت بالغُربة أعاني .، البعاد و الفراق و فوق هذا كلّه الإشتياق ..

آآه يالسعوديه .. آآه يا نبض القلوبــْ
كنهم نزعوا منّي كياني , كنهم خذوا منّي هواي ..

ترابك أعشقه و آموتِ فيه , و بحرك لي معه قصّة غرام ,, !
الأرض تشهد , و السما و الشمس و ذاك الغيم : جنّة يا بلادي جنّة
و بحور الشعر في وصفْ حبّك اعجزت ..

يــآآعســـى رااايتك دووم مرفوعه .. يابلادي ..

في بلاد الغربــــــهـ .. كل وااحد يكمــل الثآآني .
صحيح تجي منااوشآآت بينهم .. بس يرجعون حبآآيب ..

حنيـــــــــــــــن الوطن حيــل يعذب

الولـيد : رهـــف

رهف : .. هلا

الوليـــــد : والله انا تعبان خلاص خذي عيالك واقلعيهم عني هالتوأم المزعج..

رهف : وش فيهم ؟

الوليد : اوووف خذيهم خلاص .. راكآن ريآآن يلا مع امكم ..

رهف خذت العيال وشغلت التلفزيون .. وراحت تشوف الوليـد ..

دخلت بكل هدوء بالغرفـه شافته منسدح على ظهره .. وبعيونه على السقف .. باين انه يهوجس ..

قربت لعنده .. جلست بجنبــهـ .. وقامت تلعب بشــعره .. تبيه يحكي من كيفه ..
تبيه يقول اللي مضاايقه .. تبي تحس انها هي ملجأه الوحيـــد اللي يحط فيه احزانه وافراحه ..

تكلم يالوليــــــد تكلم لاتكتم بقلبك ريح قلبك الله يخليك .. جلست وقت ع هالحآآل تلعب بشـعره

الوليد تنهد .. حست انها الفرصه جتها .. لازم تساعده ع الكلام ..

رهف : دودي .. فيك شي حبيبي ؟

الوليد : سلامتك

رهف باست عيونه : اممممم بس عيونك تحكي لي غيـــر .. تقول حبيبك حيـل متضآآيق ..

الوليد عدل جلسته وصار قبال رهف : متضآآيق يارهف متضآآيق .. ومشتاااق لأهلي حيـــل ..
صحيح انتي عوضتيني عن كل شي .. بس وربي مشتاق لابوي وامي .. لازم نرجــع ..

رهف تبتسم : بس ياقلب رهف .. خلاص هاانت .. الحين كملنا 5 سنين .. ومابقى شي كلها كم شهر ونرجع صح ولا انا غلطآنه ..

الوليد : بس انــا ابي اكون بين اهلي مليت الغرربه الغربه قاسيه مهما كان .. حنيت للسعوديه ..
حتى عيالي احس انهم تأثروا باللي هنــا وهم مابعد تعدو الـ 6 سنوات ..

رهف : بس هذا مستقبلك وانت بديته لازم تنهيه .. يوم جاء بالنهاايه تضيع كل اللي رااح
ماعرفتك كذا يالوليد .. انت اقوى من كــذا ..

الوليــد ضم رهف لصدره : ياعساني ماأخلى منك ..

سمعوا ضحكآآآت .. رهف قامت من مكانها ..
التفت وليد للباب .. ماقدر يمسك نفسه ضحك.. شاف شكل التوأم المشاغب
الباب مفتوح شوي .. وروسهم فوق بعـــض ..
قال بصوت عاالي : طيييب يالتوأم المشااغب انا اوريـكم

ماشاف الا غبـــارهم .. ورااح وراهم ..

وعلى هالحــــآآل حيــــاة ابطالنا المغتربين (^_^) .. الله يردهم ساالمين ..

{ مـــــــــــدخــلـ لوطــني الحبيبـ .. !!

وطـــــــ ذلكـ الكيان ــــــــــــــني

وطني أنت ذاك الكيان الذي تربع في روحي...

وطني أنت ذاك الوجود الذي تمثل في نفسي

أنت تلك الشمعة التي أنارت لي دربي...
أنت ذلك النور الذي أضاء لي قلبي
نعم يا وطني... أنت كل شيء في نفسي...

في أرضك أقمت صلاتي... وفي رباك تعلمت نهجي.
وفي بلادي أقمت لنا الدين... وبشرع الله حكمتنا بالعدل واللين..
أعطيتنا بفضل الله من كل خير .. وسهلت لنا من كل فيض

لم تترك لنا كل صغيرة ولا كبيرة إلا وبذلت ما في وسعك...
وقدمت لنا كل جهدك

نعم يا وطني... حق علينا أن نغليك بقلوبنا... وأن نفديك بأرواحنا
فكم سهرت على راحتنا ونحن نائمون... وسعيت لعيشنا ونحن جالسون

فماذا نريد منك أكثر من ذلك؟!

لم تبق لنا حاجة نطلبها... ولم تترك لنا نعمة ناملها..
نعم يا وطني.. هكذا كنت.. وعلى هذا سوف تبقى.

والآن يا وطني..

والآن يا وطني.. جاء دورنا كي نرد الجميل... جاء دورنا كي نعلن الولاء والتقدير
كلنا لك يا وطني سواعد... وكلنا لصرحك قواعد..
سوف نبذل ما في وسعنا لبقاك... ونرخص أرواحنا في حماك..

فمهما فعل الضالون!! ومهما نهج المعتدون!! سوف تبقى شامخاً، ولأعدائك رادعاً..
وسوف تظل لنا عزاً.. ولصروحنا مجداً.. ولأجيالنا فخراً.

ربـــــــي احفظ وطــني لـــي .. (^_^) ..

******

كآآآآن جالس ويشوف احفاده حوله .. مبسوط بهالشعور الحلو .. لما يكونون بناتك وعيالهم جنبك مبسوطين ..

يشوف عزوز ولد مها يشد شعــر شادن بنت رنــا .. ومحمد ولد ريم يصفق لهم ويقول ايوه ياابطل ..

ضحك عليهم ..

فهـد : عزوووز ياولد اترك شدو ..

عزوز : يوه جدي انا رجآآل ..

فهد قام : بالحيـل رجآل .. الرجاجيـل مايسون كـذا .. الرجاجيل مايطقون الحريم

عزوز : بس هي تقول انا بالمدرسه وهي كذابه .. عشان كذا طقيتها ..

فهد : وهي ماكذبت .. السنه الجايه بتدخل المدرسه .. حتى لو انها كذابه عيب تطقها تعال قولي وانا اعاقبهـا

محمد : جدي خلهم يتطاقون فلـــه ..

فهد : اقوول بس عاد .. انت دايم تحب المشاكـل ..

شادن تصيح ..

فهد : شدو حبيبتي نروح للبقاله ..

شدو ع طول سكتت وهزت راسها ..

عزوز : جدي نبي نروح معك ليه شدو لحالها ..

فهد : يلا كلكم تروحون بس بشرط مااحد يطق احد ..

محمد : والله انت ماتعرف الفله ياجدي .. الطقاق فله نقعد تشجع كذا .. مره وناسه ..

فهد : اوف انت يالصغير يطلع منك كل هالكلام ..توك مابعد تعديت الـ 6 سنوات وهذا حكيك ..

محمد يضحك : هههههههه انا كبير .. يلا يلا جدي نروح البقاله

ضحك فهد .. والتفت ع عزوز : عزوز وين اخواتك جنى وجود
عزوز : هنآآآك بناديهم ..

طلـــــــع فهد ومعه الاطفآآلـ ..

خذهم فهد ومبسوط على اخر شي .. يتمنى يكون بيته دوووم كـــذا ..

ياعســـــــــى ربي مايغير عليك يافهـــد ..

***************

غاده : خالتي تامرين شي ..

هيا بتعب : سلامتك حبيبتي .. روحي نومي ياغاده ارتاحي

غاده : لا خلاص ياخالتي بجلس عندك مافيني نوم

هيا : خالد مارجع

غاده : لا والله للحين

سكتت هيآ وغاده جلست تتأمل فيها .. مسكينه ماعاد فيها حيل .. تعبانهـ مره ..

دخل خالد ..

خالد : صبآح الخيـــر

غاده قامت : هلا والله صباح النور

خالد : مانمتي غاده ؟

غاده : وانا اقدر انام بدونك

خالد : بعد عمري والله .. شتسوين هنا طيب

غاده : جلست مع خالتي

خالد : الحوين نايمين ؟

غاده : ايه الله يصلحهم من شوي نومتهم

خالد وغاده كان عندهم بنتين ( هيا .. وحنـين )

ابتسم خالد وراح عند امه وشافها نايمه ..

خالد : متى نايمه

غاده : من شوي كانت تنتظرك ياعمري

فتحت هيا عيونها : خالد

خالد : سمي يايمه

هيا : وينك ياأبوي تأخرت

خالد : راح علي الوقت والله ماحسيت

هيا : لاتتأخر على غاده

خالد ابتسم : ماعليك يايمه لاتشيلين هم

هيا : الله يرضى عليها طول الوقت وهي عندي ماراحت ترتاح ابد

خالد التفت على غاده وضمها لصدره : امي راضيه عليك .. وانا راضي عليك طول عمري

*********************************

في الثمآآآمه .. كانت ريحة الشــــــــوي مغطيه المكآآن .. والضحكآآت محليه الجـــو ..

حصــهـ : يمه محمد انتبه لولدكـ لا يطيح ع النار ..

مشعل : يمه لاتخافين ولده قطوه بسبع اروااح ..

محمد : قوول ماشآآآآآآء الله ..

مشعل : من زينـــه عاااد .. وووع عليه

ابونواف : ايه عاااد كلش ولا سميي

محمد : ياالبى قلبك يبه ..

حصـه : محمد انتبـــــــــه لعبودي .. عطني عطني اياه .. توه يمشي وحاطينه عند النـآآآر ..

خذت حصـه عبود وراحت عند حنان زوجة محمد ..

مشعل : يبه بسألك سؤاال وجيه ؟

ابونواف : اسأل ؟

مشعـل : ليه الحين انت تهتم لولد محمد اكثــر مني ..

ابونواف : خلاص ولايهمك انت اعرس وجب لنــا بنوته ولا ولد .. ولايهمك اهتم فيك وفي عيالك بعد

مشعــل قام من الفرحه وحب راس ابوه : يعني خلاص ماعاد صرت عانس .. واخيرا بتزوج

محمد : ههههههههههههههه يكبر وعقله ع هبآآله .. اقول يبه ليه ماتروح تكشف عليه ؟؟

مادرى الا بعلبة المويه ع راااسه : آآآي راسي

ماشاف الا غباار مشعل رايح لامــه يبشرهـا ..
شوي الا يشوفون .. سيااارة عبدالعزيز وسيارة فارس جايه لهم ..

وبيسهرون .. احلــى سهره مع احلــى الحبـــآآآيب .. الله يديم المحـــبه يـآآآآرب ..

****************

بغرفتــها جآآآلســه لحآآلها تفكر بالدنيـــا كيف هي سريعــه حيــــــــل بغمضت عين كبروا وصآآروا امهاااات ومربيات اجيال
وكل وحده عندها ولد ولا بنت ..

رن جوالها بهالحظــهـ .. (( امـل عمري ))

ابتسمت للشآآشه .. تذكرت يوم الملكــهـ .. كيف كان جريء وبآآسها ع خدهـا قداام عيال اختها ..

ســاره : اهليــن ..

سيف : يآآصبآآآح الورد .. ياصبآآح الفل .. كيف الحلو ..

سآآره : تمآآآم .. انت اخبارك ..

سيف : مو بخيــر

ساره خافت : سلامتك ليه ؟

سيف : قلبي تعبااان .. يبي حبيبه اللي انتظره طووول العمر وصبر علشاانه يجي له ويريحـهـ

ساره فهمت انو يقصدها .. حيـل انحرجت مو عارفه وش تقول ..

سيف حس باحراجهـا ..: اقول سوسو .. متى نااااويه يوم زواجنــا

ساره ودها تقوم وتصفقه .. يقالك بيطلعني من احراجي.. بيكحلها عماها .. :امممم مدري

سيف : وش رايك بكره ..

ساره خافت من تسرعه : لا لا انا ابي الوليد يحضر زوااجي ..

سيف : هههههههههههه لاتخافين كلش ولا وليد .. موصيني عليك .. وهو انشااء الله اول من بيحضر ..

وهذا حآآآآآآآل ســآآرهـ .. رزقها ربي بسيف اللي تمسك بها ولا يأس من ردها له ..

وانشاء الله راح يعوضها عن سنينها اللي ضآآعتـ ..

**********************

في الشرقيـــهـ ..

ع شآآآآآآآطي البـــــــحر كآآآن يركــض وكانوا عياله يلحقونهـ ..

طآآآح ع االترآب بتعبت طبت فوقه ليـــنــا .. : هههههههههه بابا مسكتك انا اول قبــل نآآيف ..

نآيف : باااااااابا قول لها توخر عنك خيــــــر ..

نواف يضحك : خلاص خلاص .. تعال انت هنــا ويأشر ع جنبه اليمين وحط لينا ع جنبه اليــسااار ..

صار يطالع النجوم ويتأملها ويسمع تعليق اطفاله الابرياااء ع النجوم وكيف هي بعيده وصغيره مره ..

كآآآآآنت تطالعهم من بعيد وتبتسم .. مستانسه لوناستهم ..

مر في بااااالهــا .. كيف جآآها خبــر وفآآته من بعد ســنه من روحتــهـ ..

كآآنت بنتـها عمرها 5 شهور .. سمتها ليـنــا لانه يحب هالاسم حيــــــــل ..

تتذكر الموقفـ .. اللي ماراح تنسآهـ أبد ..

/
/
/

كانت جالسه بالصاله .. ضايق صدرها ماعاد تتحمل أكثر مر على روحته اكثر من شهر وهو مايرد علي .. اكيد فيه شي ياربي استر .. ابي اخبره اني حامل .. ايه لازم يستانس ..

دقت ودقت .. مايأست ابد .. واخيـــرا سمعت صوت جاها من بعيد ..

بندر : الو

غيداء : الووو هلا بندر وييينك حرام عليييك ..

بندر : هلا بك ياعمري

غيداء : بندر وينك شخبااارك .. ليه ماترد علي .. خوفتني .. فيك شي يابندر

بندر : حبيبتي مافيني شي بس ماكان عندي وقت اقدر اكلمك او ارد عليك اعذريني

غيداء : شلون ماكان عندك وقت .. يعني نسيتني والا كيف

بندر : غيداء اسمعيني زين

غيداء : هلا انا اسمعك

بندر : والله اني مبسوط حيــل .. جآني خبر انك حامل .. والله فرحت لك كنت اتمنى اكون جنبك هاللحظهـ .. بس ماكان بيدييني شي .. قضاء من ربي ولازم نرضى فيهـ .. ياغيداء انتبهي لولدي اللي راح يجيك .. أمانـه عندك ياغيداء .. انتبهي له تكفين

غيداء : بندر شهالكلام اللي تقوله .. شسالفه .. انت بتجي وتشوفه وتنتبه عليه .. مو انا لحالي ايه انت ابوه .. بتجي وتشوفه وتستانس معه صح يابندر والا انا غلطانه

بندر : ياغيداء افهميني تكفين .. مافيني حيل اتكلم اكـثر .. انتي انسانه تؤمنين بقضاء ربك وقدره .. وادري فيك قويه وراضيه بكل شي

غيداء قاطعته : بندر قووول شفيك خلاص والله انا تبلد احساسي كافيني صدمات قوول يابندر شفيييك

بندر : ماكتب لي ربي اعيش واكمل عيشتي معك .. ياغيداء انا آسف اخذتك غصب عنك .. تزوجتك وانا ادري فيك مو راضيه وادري فيك ماحبيـتيني .. ماكنت ادري ان فيه واحد يحبك وانتي تحبينه .. ماكنت ادري اني باخذك من شخص تحبينهـ وتتمنينهـ يكون زوجكـ ..
ياغيداء بس بطلب منك طلب واحد .. اتمنى ماترديـنهـ ..

غيداء من بعد كلام بندر .. دمعت عيونها وصآحتـ .. يآ ربـي شصار .. شفيك يابندر شلون يعني ماراح تكمل عيشتك معاي ..

بندر : غيداء

غيداء تصيح : هلا

بندر : ياغيداء تكفين لاتصيحين .. مابي اكون سبب لدمعه وحده طاحت منك .. تكفين خليني اسكر منك وانا راضي ومبسوط تكفين اسمعيني ياغيداء

غيداء ودموعها ماوقفت : قول حبيبي انا اسمعك

بندر : انا يومي قريـب .. كل اللي ابيه انك تسامحيني بس .. ونواف الانسان الوحيد اللي ممكن يهتم فيك من بعدي .. اذا خطبك نواف لاترفضينهـ .. وافقي وعيشي حياة حلوه معاهـ وولدي اهم شي يكون بعيونك ..

غيداء صرخت : بندر حراام عليك انت وش جالس تقووول والله اني مو فاهمه شي .. شفيك يابندر قول لي خلك صريح

بندر : غيداء انا سافرت لاني دريت قبل اسافر يوم كشفت بالمستشفى انو فيه مرض شين بالدم .. وقالوا لي لازم اسافر بدري علشان يسيطرون عالمرض .. بس ربك بيدينه كل شي .. ماأراد ان الله يشفيني وارجع لك .. ياغيداء تكفين لاتخيبين ظني فيك وسوي اللي قلتلك عليه

غيداء انهارت بهاللحظه خلاص مو قادره تستوعب شي من كلام بندر .. ياربي شسالفه صحيح انا ماحبيت بندر بس مهما كان هذا زوجي وربي اني اعزه واغليـهـ ومدري يمكن حبيتهـ .. ايه حبيتهـ .. طول عمره طيب وحبووب معي .. بندر تكفى لاتروح وتخليني .. يكفيني اللي جاني ..

بندر بصوت تعبان : انا اشهد اني حبيتك من كل قلبــي .. ياغيداء لاتنسين اللي قلتلك .. والقصـــر بكل مافيـهـ كتبته بإسمك .. سوي فيه اللي يعجبـك ..

غيداء تصيح : ليه ماخذ فكره انو انا ماأحبك .. وربي احبك يابندر تكفى لاتتركني لاتخليني ..

بندر تقطع قلبه .. خلاص مايبي يسمع شي اكثر .. كلمة احبك اتعبته حيل .. كان يتمنى يسمعها من قبل .. ليه الحين توه يسمعها؟؟ والله مو وقته .. ماتفيديني الحين .. توني دريت انك تحبيني صدق ..

صحاها من سرحانها نواف اللي كان يهز كتفها بقوه ..

نواف : غيدااااء شفيك

غيداء انتبهت لعمرها ومسحت دموعها اللي كانت تنزل وهي مو حاسه فيها ..

قرب لها نواف : شفيك

غيداء تحاول تبتسم : مافيني شي

نواف : الا فيك .. غيداء قولي شفيييك

غيداء : صدقني مافيني شي

نواف : ودموعك هذي ليه اشوفها .. شسببها

غيداء : نواف حبيبي خلاص قلتلك مافيني شي

نواف انسدح وحط راسه على رجولها ..

نواف : غيداء

غيداء : ياعيونها

نواف : شتفكرين فيه

غيداء : في نوفي

نواف ابتسم : اكيد

غيداء : ههههههه اكيد

نواف : ماأتوقع

غيداء : يانواف بس تذكرت من شوي موقفي مع بندر يوم يكلمني ويقول لي عن مرضه .. ضاق صدري شوي

نواف : الله يرحمهـ

غيداء حطت يدينها على راس نواف : بس الحمدلله ربي عوضنـي بواحد أحسن

نواف : الله يخليك له ويخليه لك

غيداء : امين .. نواف ياعمري العيال وينهم

نواف : مدري من شوي هنا يلعبون

غيداء : ومبسووط يعني قوم شوف وينهم

نواف : ماراح يضيعون

غيداء تبعد نواف عن رجولها : طيب خلني انا اروح اشووفهم .. شهالبروود عندك

نواف ضحك عليها وقام معها يدور نايف ولينا ..

غيداء : يلا الحين وينهم .. مو كانوا معك

نواف خاف : والله من شوي كانوا هنا .. اففف بزران مايهجدون

غيداء : ياربي يانواف وين راحوا بسم الله عليهم

نواف : ماعليك انشاءالله راح نلقاهم لاتخافيـن

جلسوا يدورونهم فترهـ مالقوهم .. نواف بجد خاف على العيال ياربي وين اختفوا .. الدنيا اظلمت وهم مو لاقين احد

غيداء : ياربي يانواف مايصيرر وينهم

نواف : غيداء ياقلبي هدي بالك انشاءالله نلاقيهم الحين

شافوا الرجال اللي يمشي وماسك بيدينه نايف ولينا ..

نواف : هذوولي هم

راح نواف بسرعه للرجال

نايف راح يركض لأبوه وهو يصيح : بااابااا

ضمه نواف وشاله : وين رحت حبيبي

نايف : انت وينك ليه خليتنا

ابتسم نواف : ماخليتكم حبيبي

شكر نواف الرجال واخذ العيـــال وراح لغيـداء ..

مسك نواف غيداء ومشى وياها عالبحـر وشايل نايف ولينا تركض قدامهم بكل ونآسهـ ..

حيآآآة حلوهـ عاشوهآ من بعد عذآآآب وقهر وألـــم ..

إنتهــــــــــت ^_^

وهذي هي نهاية ثلاث سنين شقى عمري ..

من كل قلبي اتمنى تكون عجبتكم ..

وربي ماكان ودي تخلص .. كنت استمتع وانا اكتب كل حرف من حروف هالقصــهـ ..

لامارا · 01-04-14, 09:30 AM

السلام عليكم ورحمة الله وبركاته

كيف حالكم إن شاء الله دائما بخير ؟

كانت هذه احدى روايات باقة شهر إبريل المختارة لكم بعناية

قراءة ممتعة لكم جميعاً......

شـكــ وبارك الله فيك ـــرا لك ... لك مني أجمل تحية .

موفق بإذن الله ... لك مني أجمل تحية .

ندى تدى · 23-07-20, 05:47 AM

تسلم ايدك حبيبتي ووفقك الله

in love · 04-03-21, 01:09 PM

يسلمو على الرواية الرائعة

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري