آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
11-03-14, 07:32 AM
| #1 | |||||||||||||||||
| مراقبة عامة ومشرفة منتدى الروايات المنقولة  
|  ليشّ تتعّمـد تعّـذبنّي ؟ بقـلم [ غيوورة ] ( مكتملة )
| |||||||||||||||||
|  |
|
11-03-14, 11:04 PM
| #2 | ||||||||
| مراقبة عامة ومشرفة منتدى الروايات المنقولة
|  رابط لتحميل الرواية https://www.rewity.com/vb/t297541.html#post9075546 البارت الأول / الفصل الاول الساعه 10 ونص الصبح نشت ساره من الرقاد وهيه محرجه على عبيد ولد اختها حصه ساره تزاعج : عبيد يالدب والله براويك .. عبيد وهو يبرأ عمره : هذا خالي سيف قالي اوعيج .. ساره : ماعليه يا سيفو والله ماعلييه .. بس حتى لوو ليش جي توعيني والله صدعت راسي .. عبيد : انا آسف ساروه .. ساره : احترم نفسك يالدب انا خالتك .. عبيد : اوووهووو .. يعني دووم على هالحاله .. ساره : اذلف عن ويهي ترى والله روحي محرجه اتوقع اني اسويبك اي شي .. عبيد : ماترومين .. ساره : واايد واثق يعني .. عبيد : هيه يالدبه .. ويظهر لها لسانه .. ساره عااد فولت ماتروم تستحمل ركضت ورا عبيد وعبيد شرد عند خاله سيف ( ساره : اصغر العنقود عمرها 18 سنه وهيه فـ ثانويه عامه وهيه وااايد دلوعة واكثر واحد يدلعها اوبوها .. عبيد : ولد حصه واحمد عمره 3 سنوات ونص وواااايد شيطان وان سمع شي لازم يخبر نص الي يعارفهم وهو وااايد يحب عمه سلطان وخاله سيف .. ) سيف كان يالس تحت فـ الطابق الأول كان قاعد يقرا الجريده ولا مره وحده عبيد ينقز عليه.. عبيد : خالي خالي الحقني ساروه محرجه عليه سيف : اعوذ بالله خرعتني .. ساره يايه تربع وهيه محرجه على عبيد ساره : تعال يالدب يالخواف .. سيف اونه يدافع عن عبيد : سكتي سكتي يا دلوعة ابوج .. ساره : مابا اسكت .. وبعدين ليش اتغار عسب محد يدلعك .. سيف يسويلها مالت : خسي انا اغاار من هالاشكال .. ساره : عليك وعلى ويهك .. اصلا انت تتمنى وحده شراتي .. عبيد داش عرض : من زينج .. وعع .. جنج سبال .. سيف نقع من الضحك ساره شوي وبتصيح حراام عليكم انتوا لهالدرجه اتشوفوني خسفه وسارت حجرتها وهيه تصيح عبيد يطالع سيف ويقله : خالي حراام عليك ليش جي اتسوي فيها بخبر عليك سلطون سيف : جب جب انا ولا انت .. وبعدين هذا عمك لازم اتقله سلطان هب سلطون .. اسميك جليل الحيا .. عبيد : اووهوو .. انزيين .. انا آسف سيف حب عبيد ع خده : فديت الشطور ولا يسمعون صوت سلطان سلطان : السلام عليكم .. جني سمعت اسمي سيف : وعليكم السلام .. << واتخاشموا وينك يا ريال مالك حس هالايام شو ليكون عرست عبيد داش عرض : لالا لين الحين ما عرس اصلا اصلا هو بيعرس ساره جان سلطان يكفخه : اييه اييه اسكت فظحتنا يالياهل عبيد : انا مب ياهل انزيين .. جان يصيح ويربع عند امه سيف : هههههه .. ماعليك منه حليله بعده ياهل .. المهم .. وينك انت ؟ سلطان : فـ بيتكم سيف : ياااربي والله انك ترفع الضغط سلطان : ههههه .. افاا يا ريال .. والله موجود انت الي وينك انقرظت مره وحده سيف : هههههههه .. شو شايفني ديناصور عسب انقرض سلطان : اقول اليوم نحن والربع سايرين المول سيف : هيه ادري خبروني سلطان : بتي ؟ سيف : اكييد .. عسب اقردن كمن غرشوبه سلطان : مااعليه ان ماخبرت حمدو ما اكون انا سلطان بن حميد الـ ..... سيف : اييه اييه .. هيه اصغر عيالك اونه حمدو .. وين تبا .. وبعدين اصلا ماتروم تخبر سلطان : واايد واثق ؟ سيف : هيه وتموا يسولفون ويا بعض ( سيف : عمره 21 وبعده يدرس فـ الجامعه وهو واايد ويا ولد عمه سلطان ويخبره بكل شي ، سيف طويل وحنطاوي و شعره اقصر عن شعر سلطان بشوي وعيونه بنيه ) فـ الطابق الثاني ام راشد ( عوشه ) قاعده ويا بنتها حصه يسولفون ولا ايهم عبيد وهو يصييييح ام راشد : ويديييه بلاك حبيبي منو ضربك انت بس قلي عبيد : هذا سلطان كفخني .. ويكمل صياحه << عااد عبيد دلوع يدته ام راشد وبو راشد .. لأنه حفيدهم الاول ووايد يحبونه ام راشد : ليش سلطان هنيه ؟ عبيد : هيه تحت عند خالي سيف حصه : خلاص حبيبي لا تسير دلوع الريايل مايصيحون هدى عبيد وحب امه ويدته على راسهم وجان تحدر ساره ساره : صباح الخير حصه + ام راشد : صباح النور حصه : وييه وييه .. سااروه شو بلاج جنج صايحه ؟ ام راشد : ويديييه .. شو السالفه بلاكم اليوم اتصيحون ؟ جان عبيد يدش عرض : ماتدرون ان اليوم يوم الصياح العالمي يلا ماما و يدووه صيحوا حرجت ام راشد : شو هالمنكر بعد يلا انجب انته بوز عبيد وسكت حصه : سارونه حياتي بلاج ؟ ساره : سألي ولدج الدب .. (واتطالعه بنظره) عبيد : انا مايخصني هذا خالي سيف ام راشد : خلاص ماعلينا منكم .. سارونه حبيبتي سيري دقي على ابوج وراشد شوفيهم بيتأخرون عـ الغدا ولا ساره : انشالله نشت ساره وقبل لا ترفع سماعه التلفون رن جان ترد ظهر هذا احمد ريل حصه ( أحمد : مثل ماقلت ريل حصه اتزوج حصه عن حب كانوا واايد يحبون بعض لدرجه انهم سوا افلام هنديه لين ما اتزوجوا وهو يشتغل فـ شركة ابوه وهو عمره 29 سنه وهو طويل واسمراني ومب واايد حليو شرات اخوه سلطان وعنده ولد واحد الي هو عبيد ) ساره : الوو احمد : السلام عليكم ساره : وعليكم السلام والرحمه احمد : منو ساره ؟ ساره : هيه منو انت ؟ احمد ويبا يلعوز ساره : افاا .. ماعرفتيني انا الي رمستج البارحه ساره : اووه .. انا ما رمست حد البارحه بتقلي انت منو ولا ابند التلفون فـ ويهك احمد : خلاص خلاص هدي انا احمد ولد عمج حميد ساره : اووه سوري والله .. بعدين ليش اتلعوزني ؟ احمد : هههههه .. اخت حرمتي وكيفي ساره : والله انك متفيج احمد : ساره عطيني حصوصتي فديتها ابا ارمسها ساره : مالت طااعوا يتفدى منو احمد : شو اتغارين ؟ ساره : خسي .. انزين دق على مبايلها احمد : حرقت مبايلها ماترد ساره : خخخ .. يمكن ماتبا اترد علييك احمد : لالا حصوصتي اتحبني وانا واثق ساره : ههههه .. اوكي ويت دقايق (حصه : اخت ساره وسيف وراشد وهيه اكبر وحده بينهم وهيه بجر امها وابوها يعني هيه وااايد ويا امها طبعا مثل ماعرفتوا هيه معرسه احمد وهيه واايد اتحبه وعندها ولد والي هو عبيد ، وحصه حلوه شعرها قصير وهيه بيظه وعيونها سوده وعمرها 27) وسارت ساره تزقر اختها ونست تتصل فـ اخوها وابوها .. وحصه رمست احمد عقب بندت جان اتشل ولدها وترد بيتهم لأن احمد كان متصل فيها عسب يقلها ترد البيت وتتلبس لأنهم بيظهرون يتشرون ثياب لعبيد ويلعبونه ومره وحده يتغدون برع .. فـ الصوب الثاني فـ بيت اخو بو راشد حميد ( بو احمد ) ميره كانت قاعده ويا امها ميره : امييه شفتي سلطون الجذاب شرد عني وماخذاني عند ساروه .. والله حرام عليكم انا بنتكم الوحيده ام احمد : ياربي من حنتج انتي ماوراج دراسه ؟ ميره : اهئ اهئ .. ارحموني صدق اني فـ ثانويه عامه بس حتى لو لازم توفرون لي الي ابااه وتلبون لي طلباتي ام احمد : حلفي انتي بس ميره : والله .. وبعدين نحن فـ الويك اند يعني لازم ارتاح شوي اشم هوا جان يحدر سلطان عليهم سلطان : خخخخخخ.. شمي الهوا محد منعج ميره : اسكت يالحقير يالجذاب سلطان : خيبه خيبه .. هدي .. وبعدين انا هب اصغر عيالج عسب تيلسين اتسبيني ام احمد : سلطانو .. شو انت ماتخيل حادر علينا وماتسلم سلطان افتشل : السموحه امييه والله نسيت .. كله من هاي ميره السوسه ولا يهمج يالغاليه انا اسف وحبها عـ راسها ميره : سلطون ليش ماوديتني عند ساروه ؟ .. ليش ما اتريتني ؟ سلطان : سلطون فـ عينج .. كيفي مزاجي ماسمحلي ميره وهيه محرجه : اوكي اوكي .. براويك سلطان : شو بتراويني صورتج وانتي صغيره ؟ ميره : لا صوره حبيبه القلب .. وشردت لحقها سلطان وتمو يتضاربون .. وتم سلطان يعلق عليها وميره ترد عليه تموا على هاي الحاله لين ماوصلت حصه عبيد ربع عند يدته وحبها وحصه سلمت على مرت عمها وام ريلها ويلست تسولف وياها شوي وبعدين سارت جناحها عسب تتلبس لأنها بتظهر ويا احمد وعبيد .. فـ بيت بو راشد ساره : سيفو دخييلك ظهرني والله ملاانه سيف : يلا يلا ماعنا بنات يظهرون ساره : سيفوا وغلاة الي تحبها سيف : هيهيهي .. خلاص وين تبين اتسيرين ؟ ساره : ابا اسير امارات مول سيف اتذكر عزيمة ربعه له : اوووه صح ربعي اليوم عازميني بسير اتغدى وياهم ويوم برد بظهرج اوكي ساره : اوكي سيف : وان رديت وماشفتج متزهبه عااد انسي انا ما اتريا حد ساره : انشالله سيف : شو هالأدب الي نزل علييج ساره : هههههه .. اصلا انا من يومي مأدبه سيف : وااايد عقب سارت ساره الصاله وتمت اتجليب فـ القنوات وحطت على نجوم جان تسمع اغنية راشد الماجد فديت صوتك فديتك شفتك عشقتك هويتك ياليت تدري ياليتك غلاك وش كثر قدره القلب سلملك امره في حالتي انت ادرى يالي حنانك وطيبك ان حط عـ الجرح يبرى جات تسمع تلفونها يرن ربعت حجرتها المتصل : توأم روحي على طول ردت ساره : هلا بحياتي هلا بروحي ميره تكمل : هلا بعمري هلا بحبيبة اخوي ساره : جب انزيين ميره : سارووه سلطون يالس عندي يبا يسمع صوتج ساره وقلبها يدق : جذاابه ميره : والله .. اتخيلي قال مابيظهرني الا اذا انتي قلتيله الشيخ سلطان لو سمحت ظهر الشيخه ميره ساره : مااالت ميره : علييج ساره : انزيين مب لازم تظهرين ميره : ساااروه حبيبتي بس قوليله سلطان ظهر ميره بس .. بلييييييز ساره بدلع : مااابااا ميره : وغلاتي عندج ساره : مييروووه والله استحي عيييب .. منقووود ميره بترجي : سااارووه ساره : اوكي اوكي وحطت السماعه عـ اذن سلطان وقالت ميره حق ساره 1 2 3 بس ساره كانت صاخه هب رايمه ترمس وسلطان فيه ضحكه ومييت عسب يسمع صوت ساره ميره حرجت وتمت تتحرطم على ساره لين ما طاعت اتقول هالرمسه لسلطان واخيرا استسلمت ساره وقالتله وطبعا سلطان فرح الا ماات من الفرحه لأنه سمع صوت حبيبة قلبه وميره بعد فرحت لان سلطان بيظهرها عقب بندت من ساره وتمت يالسه تسولف ويا اخوها سلطان : والله احبها احبها .. هالبنت عذاااب ميره وهيه ميته من الظحك عـ رمسة اخوها وهيه تقلده : والله احبها احبها .. هالبنت عذااب حرج سلطان جان يشل المخده الصغيره ويفرها عـ راس ميره وميره ناقعه ظحك ميره بس بجديه : سلطون شو الي تحبه فـ ساروه ؟ سلطان : اممممم .. مايخصج ميره : انزيين .. كنت بقلك شي عن ساروه بس الحين هونت سلطان فز من مكانه : ميرووه افاا انا اخوج مابتقوليلي ميره : يلا يلا ماشي لا تحاول ترااه مايخصني سلطان : ميروه والله انا آسف ما اعيدها ميره : ههههه .. هيه جي اباك سلطان : جب جب قولي لا اعطيج كف ميره : خلاص مابقول سلطان : ان ماقلني ماشي ظهره اليوم ميره : لالالا خلاص بقول بس كله ولا الظهره سلطان : هييهييهيي .. انزيين يلا قولي الي كنتي بتقولينه عن ساروتي ميره وهي ترسم الحزن على ويها : سلطان انا بقلك هالشي بس ما اباك تتأثر به سلطان زااغ : ميروووه رمسي بسرعه لا اتمين اتلعوزيني جان يرن مبايل ميره المتصل : حيـــاتي ميره : هلا ساروه << اتعمدت اتقول ساروه عسب اتغايض سلطان الي بيموت عسب يسمع صوتها للمره الثانيه سلطان يأشر لـ ميره عسب اتحط عـ الاسبيكر ويسمع صوت غناته بس ميره تستهبل اونها هب فاهمه ساره : اهليين .. اقول ميره ميره : عيون اخو ميروه قلب اخو ميروه عااد سلطان استاااانس ساره : اييه اييه بلاج ؟ ميره وهيه تسوي عمرها مصدومه : حلفيييييي ساره : ميروه بلاج ؟ ميره : ساروه حراام عليج لا تقولين جي سلطان تم يطالع ميره والفضول ذابحنه يبا يعارف شو السالفه ساره : ميروه حبيبتي بلاج مشفره ؟ ميروه : اييه اييه عااد حدج مب على اخويه ساروه : اووه انتي شكلج هب صاحيه عقب برمسج باي جان تبند الفون حتى قبل ما ميره تتكلم بس ميره حبت تغايظ سلطان جان تقول انها هيه الي بندت الخط فـ ويه ساروه سلطان وهو ميت عسب يعارف شو السالفه: شو صاير بلاها بلاها ساروتي ؟ ميره : آآآآه يا سلطان ساروه سلطان يقاطعها : بلاها رمسي ميره : ساروه اتحب واحد ثاني ماتحبك كانت اتسبك واتقول لا تطرين لي ها الخايس انا ما ادانيه سلطان من سمع هالرمسه شي استوا بـ قلبه ظهر حتى قبل لا ميره اتخلص رمستها يمكن لأنه مارام يستحمل هالرمسه التعديل الأخير تم بواسطة فيتامين سي ; 12-03-14 الساعة 02:13 AM | ||||||||
|
| |
|
11-03-14, 11:05 PM
| #3 | ||||||||
| مراقبة عامة ومشرفة منتدى الروايات المنقولة
| البارت الأول / الفصل الثاني ميره انصدمت من ردة فعل اخوها ماكانت تتوقع انه جي راح ينجرح هيه كانت اتلعوزه بس اصلا ساره لا تحب واحد ثاني ولا سبت سلطان اصلا ما طرت سلطان، ميره حاولت تلحق اخوها بس مارامت توصله لأنه شغل السياره وسار بسرعه .. تمت زاايغه شوي وبتصيح حاولت تتصل فيه كمن مره بس سلطان ماطاع يرد عليها .. سلطان كان منصدم من الي سمعه عن ساره من اخته وتم يقول فـ خاطره ( معقوله هي ما اتدانيني اكييد ليش لا لأنها اصلا هيه لا مره عبرت عن حبها لي اصلا هيه من يوم عرفت اني احبها وهيه امطنشتني ) ومره وحده سرح واتذكر اول ماشافها وحبها ((مثل ماقلتلكم سلطان ربيع سيف الروح بالروح هم وااايد ويا بعض وكان سلطان رايح بيتهم عسب ينقل كمن محاظره فاتته يوم كان مريض فـ المستشفى .. ساره كانت تضارب ويا سيف لأنه سيف مب طايع يظهرها وكانت اتصيح فرن الجرس سيف قال لـ ساره اذا بطلتي الباب بظهرج وبوديج اي مكان تبينه << كان يقص عليها ساره حليلها ماصدقت ركضت بسرعه وبطلت الباب وشافت واحد طويل و سماره عجييب عيونه عسليات واسعات ويخبلن وشعره طويل شوي وكان لابس برموده بنيه وبدي زيتي فيه شخابيط بالبني كان شكله خباااال ساره اتخبلت يوم شافته وسلطان يوم شاف ساره اتخبل قال فـ خاطره معقوله شي وحده بهالجمال ساره كانت بيضه بياض الثلج وعيونها عسليه وحلوات ومجحلات وكانت هيه بصراحه جميييله حتى كلمه جميله شوي عليها وشعرها اسود طويل بس هيه كانت لابسه الشيله تخبل سلطان حتى نسا يسأل عن سيف وتم يتأمل ساره .. ساره تمت واقفه ماتدري شو تقول ساره : السلام عليكم ؟ .. تبا حد ؟ سلطان فخاطره ( فديت هالصوت انا ) : افاا يا بنت العم ماعرفتيني انا سلطان ابا سيف .. المهم .. شحالج ؟ .. شخبارج ؟ ساره : يسرك حالي ومايظرك .. شحالك انت ؟ سلطان : الحمدالله بخير وسهاله ساره : حيااك اتفضل سلطان : يزيد فضلج وسارت ساره تزقر سيف هاي اول مره سلطان يشوف فيها ساره ، ساره كان عمرها 17 وسلطان 20 يعني هالسالفه تقريبا من سنه الحين ومن هاليوم تولع سلطان بساره وتم يفكر فيها تقريبا نص العايله عرفت لان عبيد سمع سلطان وهو يرمس ميره مره عن ساره فـ عبيد ماقصر نشر الخبر .. )) وعقب تذكر يوم خبر ساره ان يحبها (( كانت ساره فـ بيت عمها وسلطان توه ياي مايدري ان غناته فـ بيتهم ظهرت ميره من حجرتها وسارت المطبخ ووصت بشكارتهم ( ميري ) اتيب لهم فواله وقهوه حق ساره جان اترد حجرتها وشافت سلطان فـ حبت اتخلي ساره وسلطان يشوفون بعض لأنها كانت اتعارف ان سلطان يموت فـ التراب الي ساره تدوس عليه فقالت لساره انها تبا اتشوف فلم رووعه حاطينه عـ ام بي سي 4 وساره حليلها ماتدري بالي فراس ميره فوافقت وساروا ولا مره وحده تسمع واحد راكب الدري وهو يغني وكان صوته عذاااااااااااااب تخبلت ساره تبا تعرف منو هاه سلطان كان يغني أغنية ميحد حمد الدنيا حلوة بجوف عيونك الحلوه يا من غديت بحياتي كل مافيها ان غابوا الناس عني قلت انا فدوه الا انت لاتغيب عن عيني وتجفيها لما شافته ساره اتخبلت كان لابس كندوره بيضه ومتسفر بسفره حمرا طبعا سلطان قفط سلطان : خخخخ .. السموحه ماكنت ادري انكم موجودين .. شحالكم ؟ ميره : لا عادي فديتك .. الحمدالله بخير شحالك انت ؟ سلطان : بخيير ميره : اووه بلاها ميري اتاخرت بسير اشوفها وبي وسارت ميره المطبخ ساره كانت يالسه ما توقعت الي بيسويه سلطان سار ويلس عندها وسألها عن الحال وعن الدراسه وهيه ترد علييه جان مره وحده يتقرب منها ويقلها ساره احبج احبــــج احبـــــــــــــج افهميني عاد ساره قفطت واحمرت واخضرت واصفرت و ما رامت اتم اكثر على طول سارت صوب ميروه وتمت محرجه عليها وتتحرطم وميره ناقعه ظحك عليها ومن هاليوم عرفت ساره ان سلطان يحبها )) عقب مره وحده اتذكر سلطان الرمسه الي قالتها ميره جان يقول صدق اني احب ساره بس ولا مره حاولت اعرف لو ساره اتحبني ولا ؟ انا مابسكت لازم اعرف منو هالحقيير الي ساره اتحبه ولازم ارمس ساره لاااازم وشغل سيارته وتوجه لبيت عمه بو راشد صوب ميره ميره كانت ميته من الصياح ماتدري شو تسوي تمت ادق على سلطان بس ماشي فايده هب طايع يرد آخر شي استسلمت جان اتي ساره فـ بالها على طول دقت عليها ساره : هلا والله ميره وهيه تصيييح : سااروه لحقيني ساره زاغت : ميرووه بلاج ؟ ميره تصييح هب رايمه ترمس ساره : ميروه دخيلج رمسي وغلاتي عندج ميره : سلطااان .. سلطااان ساره : بلاه سلطان ؟ ميره : انا كنت العوز سلطان قلتله انج قلتي انج ماتحبينه واتحبين واحد ثاني وانج سبيتيه ساره انصدمت من رمسه ميره وعيونها دمعت بس ما حبت اتبين لميره : انزيين بعدين شو صار ؟ ميره : ظهر سلطان بسرعه حتى مارمت ارمسه واقله اني كنت العوزه والحين اتصلت علييه كمن مره وهوهب طايع يرد علييه .. شو اسوي ساروووه دخليج خبريني ساره وهيه ميته من الزياغ على سلطان : مادري والله مادري ميره : سااروه طلبتج قولي تم ساره : تم ميره : بعطيج رقم سلطون رمسيه وقوليله ان ميره كانت تبا اتلعوزك دخيلج بلييييييز ساره انصدمت من طلب ميره : ميروه والله صعبه ما اروم ارمسه ميره : دخييييييييييييلج ساره : اوكي عطيني رقمه ميره : الحين بطرشلج اياه عـ بزنز كارد ساره : اوكي ميره : بس عقب خبريني لو رد عليج اوكي ساره : اوكي .. بااي ميره : بااي ساره من بندت الخط عن ميره وصلها رقم سلطان وكانت زايغه وقلبها يدق دق وخايفه يصير شي بـ سلطان كانت متردده لو اتدق على سلطان ولا لا بس اخر شي دقت مره مرتين ثلاث مارد زاغت ساره وااايد وتمت اتفكر واتحاتي جان اطرش له مسج ( سلطان دخيلك رد عليه انا ساره ) اول ما سلطان شاف المسج اتصل ابها ساره سمعت تلفونها يرن لما ردت ظهر سلطان سلطان : السلام عليكم ساره وهيه مرتبكه : و ... عليكم .. السلام.. سلطان ليش ما ترد عليه ؟ سلطان : ساره انا واقف تحت عند الباب ابا ارمسج تعاالي ساره انصدمت وبغت اتموت : شووو .. انت مينون تبا تفظحني .. سلطان سير بلييز برمسك بالتلفون سلطان : ان مايتي الحين بدش وبزقرج جدامهم ساره زاغت : سلطان عيييب .. والله ما روووم سلطان : انا بسير ورا بيتكم عندج 5 دقايق ان مايتي راح ادخل بيتكم .. وبند التلفون فـ ويها ساره زاايغه وانصدمت من سلطان : ياربي انا شو اسوي الحين .. افف .. بسير وبشوفه وامري لله سارت ساره واتلبست ثوب تركوازي درجة لونه واايد حلوه عـ بشرتها ورسمت عيونها ولبست شيله سوده عليها تطريز خفيف عـ الطرف باللون التركوازي وتعطرت وشلت تلفونها وتمت تتسحب شرا الحراميه عسب محد يشوفها وهيه زايغه عـ الآخر واخيرا وصلت المكان المحدد شافها سلطان وتخبل بس ها ما منعه ان يرمسها وساره لما شافت سلطان ينت كان شكله خبااال لابس كندوره كركميه وشعره مبطل وبعض خصلات من شعره طايحه عـ ويهه سلطان : زين انج يتي ساره : سلطان خلني افهمك سلطان : شو اتفهميني انج اتحبين واحد غيري وانج تكرهيني واتسبيني ساره : سلطان حراام علييك خلني ارمس سلطان : اتفضلي ساره : ميره اتصلت فيه وخبرتني بالي قالته لك وهيه جي سوت عسب اتلعوزك وها كله من تأليفها والله الغالي اني ما احب حد غـ............. << وسكتت سلطان بخبث : انزيين كملي ساره ارتبكت : انزيين .. هيه جي سوت عسب اتغايظك يعني انا مالي ذنب ويوم كنت مسوتلها فون كنت بقلها اتي ويانا انا وسيف المول عقب صلاة العشا بس هيه ماعطتني مجال ارمس كانت اتقول اشيا غريبه سلطان : اهااا .. يعني انتي ما تحبين واحد ثاني ساره : هيه سلطان : ولا سبيتيني ساره : هيه سلطان ارتاح نفسيا : انزين اتحبيني ؟ ساره قفطت : اوييه اتأخرت لازم اسير اسمحلي .. وصدت عسب اتسير سلطان يودها من ايدها ساره انصدمت من حركته وذااابت مارامت تستحمل جان تسحب ايدها سلطان : اسمحيلي الشيخه والله لا اراديا ساره : خلاص مسموح بس خلني اسير سلطان وقف جدامها : انزين بس قوليلي اتحبيني ساره مارامت ويها احمرررر ونزلت راسها وماعرفت شو اتقول سلطان ان ما رديتي عليه ترىبصارخ وبخلي الكل يتيمع هنييه ساره زاغت : لالالا دخييلك مانبا فضاايح سلطان : انزيين يلا ردي ساره : هيه سلطان استانس وتم يستهبل عليها : شو الي هيه ساره قفطت زياده : هيه أ حـ ـ ـ ــبـ ـ ـ ــك .. وشردت سلطان ماصدق لما سمع ساره غناته وروحه وحياته جي تقله قال معقوله انا فـ علم لالالا مستحيييل حس انه فـ عالم ثااني طبعا ساره شردت ودخلت البيت وشافها راشد راشد : سااروه !! .. وين كنتي ؟ ساره انصدمت وارتبكت ماعرفت شو تقول : اممم .. ربيعتي كانت يايه تاخذ مني ملزمه الرياضيات راشد : بس انا ماشفت سياره واقفه غير سياره سلطان ساره ارتبكت زيااده : شو انت اتشك فيه يعني انا شو يخصني بسلطان جان يحدر سلطان البيت سلطان مرحبا بالشيوخ راشد + ساره : مرحبا بك سلطان : جني سمعت اسمي راشد : ههههههه .. هيه انا كنت اقول حق ساروه ان سيارتك واقفه برع ساره : شوف سلطان يا حتى اسأله هو الي شافني لما كنت اعطي ربيعتي الملزمه سلطان يغمز لها : هيه صح انا كنت واقف اشوفها شو تسوي راشد : هيه زيين ساره : يلا عيل انا بترخص راشد : على ويين ؟ .. خلج معانا شوي سلطان وعينه عـ ساره ساره بدلع : بسير اذاكر سلطان لا اراديا : الله يوفقج الغاليه راشد : خلاص برايج ساره : ان خلصت بيكم راشد : اوكي سارت ساره عنهم وحدر سيف وبوراشد الصاله وسلموا عليهم وتموا يسولفون الين وقت الغدا سيف وسلطان كانوا بيسيرون عند الربع بس بو راشد ماطاع طبعا اتصلوا واعتذروا وقالوا انهم عقب الغدا بيونهم .. طبعا سلطان اتغدى عندهم وهو يتغدى اتذكر ان ساره دقت عليه يوم كان محرج جان يظهر مبايله ويسيف رقمها ويكتب ميره 2 .. عسب محد يكشفه وطرش لها مسج ( يالله عاد طولتي .. يعني كل هاي مذاكره ؟! .. ابا اشوفج قبل لا اسير ) لما ساره شافت المسج زاغت ان حد يشوفه على طول مسحته وسيفت رقم سلطان بـ اسمي حياتي ميروه وردت عليه ( مب عيب عليك اطرش مسج حق بنت ؟! اصلا انا ظهرت هالحجه عسب اشرد منك يالدب سير مب لازم اتشوفني ) وهو يالس يتغدى ياله المسج وظحك حس ان الكل يطالعه تم يألف عليهم ان واحد من الربع امطرشله نكته عاد توهق لما سيف قاله انزين شو هي هاي النكته وتم يخرف له نكته ورد وطرش لها ( كيفي انزيين هاي مب اي بنت هااي حبيبتي افاا انا دب ؟! .. ليش تشردين مني ؟! خلاص بسير وانا زعلان ) قرت ساره المسج وردت علييه ( بليز سلطوني انسا رقمي مافيه حد يكشفني خخخخ .. هيه انت دب .. امم .. مادري فمان الله ) ونش من عـ الغدا اونه سار بيغسل ايده ورد عليها ( عااش عااش .. ياسلااام سرت سلطونها عيديها عشان خاطري .. مااروم انسى رقم غناتي افااا .. خلاص زعلت يلا بااي ) ظحكت ساره لما قرت المسج وردت عليه (ههههه.. مااباا كلام الملوك لا يعاد عيب عليك يا رياال بااي ) قرى سلطان المسج وشاف ساره نازله جان يشق الحلج لاحظ سيف فرحة سلطان لما شاف ساره سيف : شوي شوي على حلجك عن ينطر سلطان : جب جب سيف : يجبك يالسبال لاتطالع اختي منقوود سلطان قفط وعرف ان سيف لاحظ سيف يبا يغايظ سلطان : سااروه حياتي تعالي شوي ساره يت عند سيف : نعم آمر وسلطان مبحلق عيونه فـ ساره يالس يتأمل فـ جمالها سيف : لا تنسين بعد صلاه العشا اتجهزي عسب اوديج المول ساره بدلع : من عيوني يا عيوني سلطان من سمع هالكلمات ذاااب .. سيف شق الحلج لأن اخته مسايرتنه .. وحب يفشل سلطان الي من قربت ساره صوبهم وهو يطالعها : سلطون بسك كلت البنت اخر شي بطيح علينا قفط سلطان وظرب سيف عـ ظهره عسب يسكت وظحكت ساره وسارت فوق حجرتها و شلت مبايلها وطرشت لسلطان ( خلاص شفتني ؟! ارتحت ؟! ) رد عليها سلطان ( هيه شفتج .. وااي فديتج والله الا ما ارتحت ردي دخييلج ابا اشوفج بعد مره ) ظحكت ساره لما شافت المسج وردت ( عيييب مايتفدون بنات الناس هههه .. هب كل مره العيد بس خلاص ترانا واايد مصخناها اليوم ) رد سلطان عليها ( كيفي كيفي كيفي بلييز دخيلج اخر مره عادي احبج يا بنت النااس احبج ) فـ هاللحظه استأذن راشد وصعد فوق عند امه واخته من عقب آخر مسج طرشه سلطان ماردت عليه ساره تتوقعون شو الي صار ؟! كـــــــــات | ||||||||
|
| |
|
11-03-14, 11:07 PM
| #4 | ||||||||
| مراقبة عامة ومشرفة منتدى الروايات المنقولة
| البارت الثاني / الفصل الأول راشد من سمع صوت مسجات وحشره من حجرة اخته سار ودق الباب عليها راشد : سااروه .. ساروه ساره : يايه يايه .. وبطلت الباب راشد : شو تسوين ؟ .. ساره : يالسه ارمس ميروه بالمسجات .. ليش ؟ راشد : وانا اقول اسمع صوت مسجات وحشره ساره : ههههه .. السموحه الحين بحطه عـ السايلنت راشد : مسموحه الشيخه .. الا تعالي شخبار الثانويه العامه وياج ؟ ساره : والله الحمدالله بخير راشد : الحمدالله .. (وتم صاخ) ساره : رشود يالشيبه متى بتعرس ابا اشوف عيالك ؟ راشد : هههههههه .. مالت عليج .. انا الحين الشيبه يالعيوز .. والله فديتني بعدني فـ الـ عشرينات ساره : هههههههه .. اتمصخر بلاك ؟ راشد : هيه ادريبج رن تلفون ساره شل راشد التلفون وشاف المتصل حياتي ميروه .. طبعا كان سلطان المتصل ، حظرته متصل لأنه زاغ ليش ساره ماردت عليه ، راشد قال لـ ساره ردي عادي انا بتم يالس ساره بارتباك شديد : هلا ميروه سلطان : الحين انا ميروه ؟ ساروه : الحمدالله شحالج انتي ؟ سلطان : حد عندج ؟ ساره : هيه سلطان : اهاا .. عسب جي ما رديتي .. اوكي بس حبيت اتطمن ساره : هيه اليوم لاتنسين بعد صلاه العشا سلطان : هههههههههـ .. فديت هالصوت انا ساره : اوكي عيل بخليج رشود عندي سلطان : خخخخ .. ويا هالرشود النحس .. بااي ساره : بااي اتطمن سلطان لأنه كان زايغ ان راشد كشف ساره .. عقب سلم على عمه وسيف وترخص ورد البيت عسب يأدب ميروه على الي سوته ركب سيارته الي كانت رنج سبورت سوده آخر مديل وطبعا حاطله مخفي كامل شغل السياره وبطل الاف ام كانوا حاطين اغنيه الوسمي سلام العشق سلام العشق واعماقه يضم القلب واشواقه تجيك الروح مشتاقه تهديك القصيد الوان على درب الهوا جينا من اول ما تلاقينا تغير كل مافينا عشنا فرحة الازمان وتوجه للبيت وعقب نص ساعه تقريبا وصل البيت وحصل ميروه فـ ويهه وسار عندها ومط شعرها وهيه زاايغه سلطان : ليش تجذبين عليه ؟ ميره : والله انا اسفه ما اعيدها موول سلطان : حبها عـ خدها .. فديتج والله لولاج ماصار كل ها ميره استانست والفضول طبعا لاعب دور : شو صار ؟ سلطان : شو يخصج ؟ ميره اتقفطت : اووه لازم يقفط سلطان : ساروتي اتقلج ان اليوم عقب صلاة العشا بتسير المول ويا اخوها سيف تباج اتسيرين وياها ميره : وانت اشدراك .. رمست سارووه ؟!! سلطان شق الحلج : هيه وقالتلي احبك بعد ميره انصدمت : احللللف سلطان : والله العظيم جان ميره اتمط شعر سلطان : سلطون اتصدق اول مره ادري ان شعرك حلوو والله انه خبااال انا اباا شرات شعرك حرك سلطان شعره مغايظة بـ ميره : ها الشعر مايظهر لأي حد بس ناس وناس ميره : ماااالت سلطان : عـ ويهج (ميره كانت واااايد ويا اخوها سلطان عكس احمد .. تقريبا كل مايصير لها شي اتخبر سلطان وسلطان يخبرها ب كل شي وهم واايد ويا بعض وميره كبر ساره عمرها 18 سنه وهيه فـ ثانويه عامه) فـ هالوقت حدر احمد وحرمته حصه وولدهم عبيد عبيد وااايد يحب عمه سلطان لأنه واايد يدلعه ومسويله سالفه عبيد من شاف سلطان طاح فـ حضنه وتم يتحرطم عقب قال انه يبا يرقد عنده سار سلطان رقد عبيد على شبيريته وتلبس وظهر عسب يسير المول ويا سيف عند الربع .. فـ بيت بو راشد فـ هالوقت اتصلت اخت بوراشد ( مريم ) مريم ( ام مايد ): مرحبا ام راشد : مراحب ام مايد : شحالج الغاليه ؟ .. ربج الا بخير ؟ ام راشد : والله الحمدالله على كل حال .. ومن صوبج ؟ ام مايد : والله الحمدالله .. شحال العرب عندكم عساهم كلهم بخير وسهاله ؟ ام راشد : الحمدالله كلهم بخير ام مايد : الحمدالله .. انزين انا داقه عليج عسب اقلج ان باجر انتوا معزومين عالغدا عندي فـ البيت ام راشد : انشالله خير ام مايد : يبي عيالج معاج ام راشد : تامرين امر يالغاليه ام مايد : يالله عيل فمان الله ام راشد : فمان الكريم بندت ام راشد من مريم ( ام مايد ) وسارت فـ حجره ساره لقت ساره وراشد يالسين يسولفون مع بعض يلست معاهم وقالتلهم ان عموتهم مريم عازمتنهم باجر راشد : امييه باجر انا شبه مشغول يعني ما اروم ايي ساره : انا بعد مابا ايي لأن عقب باجر مدارس لو عقب باجر اجازه اوكي عادي ام راشد : اشو هالمنكر بعد ؟! .. بتون يعني بتون راشد + ساره : اميييه ام راشد : نعم .. شبلاكم ؟! .. فشله يعني انا وابوج انسير روحنا عيب مايصير راشد + ساره باستسلام : خلاص اوكي حدرت ليني عليهم ((ليني: بشكاره قوم بو محمد و هيه اندنيسيه واسمها ليني وعمرها 40 وهيه تشتغل عندهم من 9 سنسن يعني عشره عمر )) ليني : ساره ميره يبي انتي عـ الفون راشد : هاي ميروه شو سالفتها كل شوي لازم اترمسج ؟! ساره بدلع : ليش اتغار .. الناس يحبوني راشد : مالت ساره : ههههه .. عليك .. وسارت صوب تلفون البيت عسب اترمس ميره ام راشد : ليني قولي حق مرتينا لاتسوي غدا باجر نحن بنسرح العين بنسير عند مريم ام مايد ليني : جين ماما ام راشد : بس خلها تسوي الغدا لكم ولدريول ليني : انشالله وسارت ليني المطبخ عسب اتخبر مرتينا صوب ساره ميره : ساروه عن النذاله والله حراام قوليلي شو صار ؟ ساره : هههههه .. انزين بقلج بس يوم بنتلاقا فـ المول ميره : افف .. ليش ؟ ساره : لأن رشود وماما هني اخاف يسمعوني ميره : اهاا .. اوكي .. نحن بنسير امارات مول .. صح ؟ ساره : هيه ميره : تعاالي عموه مريم دقت عليكم وقالت ان باجر الغدا فـ بيتهم ؟ ساره : هيه .. اففف مابا اسير لأن عقب باجر علينا مدارس هب شي جي ميره : هيه والله ساره : شو نسوي بعد الوالده غاصبتنا انسير ميره : هههه .. فديت مرت عمي ساره : ها شوبتلبسين لما بنسير المول ؟ ميره : ماروم اتعدل عدل لأن سلطان وياي .. كريييهه كله يغار ساره من سمعت طاري سلطان صخت ميره : ساااااااارووه ساره : عيونها ميره : شو رقدتي ؟ .. ولا يوم قلت سلطان سرحتي فيه ساره : جب جب .. هو لازم اي ويانا ؟ .. اليوم شفته واايد ميره : هههههههه .. طااع الحبيبه النذله .. ماعلييه ان ما خبرته ساره : ميرووه هب اتسوينها ميره : بتشوفين يالدبه .. يلا عيل بخليج باي ساره : اوكي .. اشوفج فالمول انشالله .. بااي بندت الخط وسارت حجرتها ورقدت ساعه عقب نشت جان اتشوف مبايلها حصلت 6 مسكولات حليلها زاغت اول مره جي الا هيه ساعه وحده وجيه 2 من ظبيه بنت خالتها و 1 من مزون ربيعتها و3 من سيف اخوها << هيه ما انتبهت عـ المسكولات لأنها كانت حاطه مبايلها عـ السايلنت نشت ساره وسارت غسلت ويها واتلبست عسب تظهر ويا سيف اتسير المول لبست بنطلون جنز وقميص بني ورسمت عيونها بالجحال وحطت جلوس بني فاتح ولبست عباه فيها حركات عـ الجم باللون البني طبعا العباه والشيله طقم وتعطرت وشلت شنطه بنيه روعه حطت فيها الجحال والجلوس ومنضره صغيره و مبايلها و بوكها و لبست الشيله وظهرت قصتها يوم نزلت راشد تم يطالعها من فوق لين تحت راشد : شو وين سايره عرس ؟ ساره ببراءه : لا المول راشد : سايره المول وجي ؟! ساره: هيه فيها شي ؟ راشد : هيه مب شي الا اشيا .. ماعنا بنات يتكشخن لهاي الدرجه يلايلا سيري غيري لبسج ولبسي شي محترم ومسحي الي حاطته بهالوقت حدر سيف ووياه سلطان سلطان لما شاف ساره كان بيغمى عليه من جمالها مشالله عليها كانت قمر بس بنفس الوقت كان مفول انها بتسير المول جييه سيف + سلطان : مرحباا راشد + ساره : مراحب سيف : لالالا الصراحه ساروه اتطيح الطير من السما لو ما كنتي اختي جان رقمتج ساره بدلع : احم احم جي الاخوان .. (وتطالع راشد) هب شراتك يالدب راشد لاحظ ان سلطان كان يطالع ساره وحرج : اقلج سيري بدلي ترى ماشي ظهره ساره ماكانت منتبهه على سلطان لما شافته اتخبلت هيه الثانيه كان لابس بنطلون جينز وبدي بني رهييب << الاخ مطقم وياها .. وكان راد شعره عـ ورا ولابس نظاره شمسيه ساره بغت تتخبل .. بس افتشلت لأن راشد جي قالها .. ساره : رشوود دخيلك خلني اسير الحين راشد : ماشي بسرعه سيري بدلي حرجت ساره وسارت بدلت العباه ولبست عباه مسكره وعليها حركات من ورا بالبني ونزلت تحت بس راشد طنش وماعلق عقب ساروا سيف + سلطان + ساره لبيت بواحمد عسب يشلون ميره اتصل سلطان بميره وقالها تظهر لما ظهرت كانت كيوت كانت لابسه تنوره رصاصيه وتوب واحمر وراسمه عيونها بالجحال و حاطه جلوس احمر فاتح ولا بسه عباه سوده ومن ورا عليها تطريز بالأحمر وكانت ماسكه شنطه رصاصيه ركبت السياره ويلست وسلمت .. ويلسوا يسولفون سيف و سلطان روحهم ، وساره وميره روحهم الين ماوصلوا المول طبعا وصلوا المول ونزلوا من الموتر سيف وسلطان كانوا يمشون جدام ميره وساره وهم يتمشون ساره كانت تقول لميره عن الي صار اليوم بينها وبين سلطان عقب شافت محل دبنهامز ساره : سيفو سيفو سيف : نعم ساره : انا وميروه بنسير دبنهامز سيف : اممم اوكي انا وسلطان بنيلس فـ ستار بكس بسرعه خذوا الي تبونه وتعالوا ولا تتأخرون فاهمه ساره : اوكي سيف : بس تعالي مبايلج وياج ؟ ساره : هيه سيف : يلا ذلفي عن ويهي سارت ساره ويا ميره دبنهامز تموا يشلون الي يبونه ساره شلت ( جحال اسود وازرق وابيض و جلوس وردي و بلاشر وردي فاتح وخوخي وخذت عطرين مس ديور وسنما طبعا ميره خذت شراتها عقب ظهروا من دبنهامز وهيه تتمشى شافت برشكا قالت حق ميروه بنسير بسرعه وبناخذ لنا بنطلون وتوب ميره وافقت بس قالتلها بسرعه ساروا برشكا وشروا الي يبونه وهم سايرين ستار بكس كافيه مر واحد صوب ساره وتم يرقمها ويلحقها شافه سلطان جان يحرج ويسير يتضارب ويا الشاب سلطان : شو انت ماتستحي ماتخيل .. ريال طول وعرض واتغازل بنات الناس ؟ : سلطووون السموحه الشيخ والله ماكنت ادري انها تقربلك .. بس عليها جماال والله انها قمر سلطان : المشكله هيه ماتقربلي انا بس هااي تقربلك انت بعد يالحيوان .. ( وجان يصفعه ) وتموا يتضاربون هنييه ساره زاغت جان تشرد عند سيف سيف : ساروه بلاج ؟ ساره وهيه زايغه : هاا .. لالا .. مافيه شي قرب سلطان صوبهم وهو محرج جان يقول لسيف انه يبا يرد البيت سيف حاول يعارف شو السالفه من سلطان بس سلطان ماطاع يرمس ساروا سلطان وميره بيتهم .. وسيف وساره بيتهم فـ بيت بو راشد سيف : سااروه والله ان في شي ولاازم اعرفه ساره: اوووه اقلك ماشي سيف : عيل ليش سلطان كان محرج وخلانا نرد البيت ؟ ساره : بقلك الي صار وامري لله .. بس والله انا مايخصني فـ كل ها سيف : قولي بسرعه ترااج ذبحتيني ساره قالتله بالي صار سيف تم مستغرب : يعني منو هاه ؟ ساره : والله علمي علمك سيف : انزين سمعي مره ثانيه لما بنسير المول ولا اي مكان لاتتكشخين جي فاهمه ترى والله ما اظهرج وياي خل رشود يظهرج ساره : حرام عليكم الحين وين اتكشخ .. بس اوكي خلاص سيف : هيه جي اباج وسار سيف عنها ودق لسلطان بس سلطان مارد عليه ودقله كمن مره بس ماشي فايده تم سيف يفكر( يعني منو هاه الي رقم ساروه وظهر من اهلنا ؟) تتوقعون منو ؟! يتبع | ||||||||
|
| |
|
11-03-14, 11:09 PM
| #5 | ||||||||
| مراقبة عامة ومشرفة منتدى الروايات المنقولة
| البارت الثاني / الفصل الثاني عقب مل سيف من كثر مادق لسلطان جان يسير ويتسبح ويوم رد يبا يرقد سمع تلفونه يرن المتصل : ميود الخقاق مايد : مرحبا سيف : مراحب مايد : شحالك ؟ سيف : يسرك حالي .. ومن صوبك ؟ مايد : والله الحمدالله .. الا اقلك تدري اني اليوم كنت عندكم فـ دبي سيف : احلللللللف مايد : والله العظيم حتى كنت فـ امارات مول .. اقلك شفت وحده غرشوبه والله انها قمر اتطيح الطير من السما اول ماسرت ورقمتها .... << جان يسكت سيف : بلاك ؟ .. كمل مايد : هاااه .. صح .. حتى شفت سلطون كان يدافع عنها سيف انصدم : شووووووووووو ؟ مايد : بلاك ؟ سيف : يعني انت الي رقمت رضيعتي ساره ؟ مايد وهو انصدم الثاني : هاااي رضيعتك ؟! سيف : هيه يا جليل الحيا والله انك ماتستحي وانا اقول بلاه سلطون حرج مره وحده والله لو انا الي شايفنك يمكن اذبحك مايد : والله السموحه ماكنت ادري انها رضيعتك سيف : اوكي خلاص مسموح بس والله ان عدتها مادري شو بسويبك مايد : انشالله ما اعيدها وتموا يسولفون شوي عقب سكر سيف من مايد وتم يفكر شوي عقب سار ورقد وساره كانت يالسه فـ حجرتها جان مبايلها يرن المتصل : حياتي ميروه انصدمت ساره لأن سلطان الي متصل فيها وكانت متردده لو ترد ولا بس اخر شي ماردت عليه عقب عشر دقايق بالضبط بعد مره رن تلفونها بس هالمره كان المتصل : توأم روحي على طول ردت ساره ساره : الوو : زين يوم رديتي انصدمت ساره : انت شو تبا مني ؟ : ساروتي والله انا آسف كنت محرج يعني واحد يغازلج فـ المول اسكت عنه ؟! ساره : سلطان بليز خلاص انسى السالفه سلطان : اوكي خلاص بنسى بس بشرط ساره : آمر سلطان : حلفي انج هب زعلانه مني ساره : والله مب زعلانه بالعكس استانست لما مارضيت حد يغازلني سلطان : فديـــتج والله ساره : سلطان انا بسير ارقد الحين سلطان : افاا .. شو ماتبين اترمسيني ساره : ....... سلطان : اوكي خلاص برايج خذي بالج من روحج والله يحفظج يالغاليه ساره : اوكي .. وياك يارب .. بااي وبندت التلفون وسارت اتسبحت ولبست بجاما بنفسجيه ورقدت ومن الصوب الثاني سلطان ارتاح لما عرف ان حياته هب زعلانه منه ورد تلفون ميره وسار تسبح ولبس بجامه ويلس يجلب فـ القنوات وتم يطالع فلم ويا ميره عقب ساروا ورقدوا .. الصبح الساعه 11 ونص نشت ساره توجهت للحمام غسلت ويها بعدين سارت ولبست كندوره فوشيه ورسمت عيونها بالجحال وحطت جلوس وردي فاتح ولبست شيله سوده وعليها ورود بالوردي وتعطرت ونزلت تحت حصلت امها واعيه حبت امها عـ راسها وسارت عند ليني عسب تشوف لو فطورها زاهب ولا لأنها كانت ميته من اليوع ساره : ليني وين فطوري؟ ليني : انا الحين جيب هدا روم مال اكل ساره : اوكي بسرعه والله تراني ميته من اليوع ليني : جيين جيين سارت ليني عسب تشوف لو مرتينا مزهبه فطور ساره وردت ساره حدرت عند امها جان تحصل راشد يالس ساره : رشودي .. غرييبه شو الي موعيك الحين ؟! راشد : اصغر عيالج يايتني من هناك رشوودي ساره : ههههه .. خلاص انا آسفه يا الشيخ راشد راشد : احم احم .. هيه جي ابااج سيف وهو نازل تحت : صباااح الخير الكل : صباح النور ام راشد : سيفو وين ساير اشوفك متكشخ وحالتك حاله سيف : هييهييهيي .. سلطون عازمني عـ الفطور .. فديته كرييم راشد : وانا يعني مالي رب ولا انا ولد البطه السوده ؟! ام راشد : البطه السوده تاخذك قول آمييين ساره : هااهااهاا .. حراام امييه رشود بياخذ وحده حلوه شراتي سيف : واايد مصدقه عمرج اصلا منو قا انج حلوه ساره : جب جب .. مشكله الي يغارون سيف حرج على ساره وتم يلحقها ويمط شعرها وهيه تصارخ عقب ليني يت وقالت حق ساره ان فطورها زاهب سارت ساره وتريقت وفـ الصاله حدر سلطان وسلم عليهم وسأل عن الحال سلطان : سيفو يلا نمشي راشد : سلطون يالي ماتستحي ولا تخيل انا ولد عمك العود ماتعزمني سلطان قفط : والله السموحه منك .. شو اسويبك دومك مشغول ويا حرمتك يعني انا شو اسوي .. ام راشد وهيه محرجه : اي حرمه بعد .. ( تطالع راشد ) رشود مسود الويه معرس من وراي راشد وهو مسير ويا سلطان : سلطون يا الحمار ماقلتلك لاتخبر حد سيف وياهم عـ الخط : هيه هااي الي ماخذنها بالسر ؟ راشد : هيه ام راشد : حرجت : صدق هالرمسه يالتيوس سلطان + راشد + سيف : هههههههههههه ام راشد : يلا بسرعه قولولي من متى وهو معرس ها مسود الويه ساره حدرت عليهم وسمعت امها لما قالت لهم يالتيوس بس ماتدري ان سلطان موجود ساره : ههههههههههههههههه .. قالولهم تيوس تستاهلون .. واااك سيف : اعوذ بالله انتي من وين ظهرتي راشد : من بطن امك يعني من وين ساره بدلع : ههههههههه سيف : مالت على هالضحكه .. ترى مايليق تدلعين ساره : افف افف .. مشكله الي يغارون .. اصلا انت تتمنى وحده شراتي سلطان داش عرض : هيه والله صدقها ساره لما شافت سلطان انصدمت لأنها ماتدري انه موجود وتخبلت لما شافته كان لابس برمودا جيشيه وبدي زيتي وكاب جيشي كان شكله طرررر سيف : نعم نعم .. انت ليش داش عرض ساره لا اراديا : هههههههههه سلطان قفط : افاا يا سيفو اتقفطني ام راشد : لا تغيرون السالفه قولولي متى مسود الويه عرس سيف : سلطون اصلا معرس من زمااان ساره انصدمت : اوونه سلطان لاحظ عليها وحب انه يغايظها : صدق بس لاتخبرين حد ام راشد : اكتملت رشود وسلطون معرسين بالسر ماباقي الا سيفو ساره : اويييييييه من متى وانتو معرسين ؟! سلطان : امممم .. من شهرين ساره حرجت جان تسير حجرتها راشد : اويييه هاي الهبله صدقت .. هب اتسير واتفظحنا مافينا سلطان + سيف : هههههههه ام راشد : يعني انتو هب معرسين راشد : هيه بس كنا نبا انلعوزج .. ( وحبها عـ راسها ) السموحه يالغاليه وساروا راشد + سلطان + سيف ساره من سارت حجرتها وهيه مفوله وتقول فـ خاطرها ( يعني سلطان معرس .. انزيين من متى ؟ .. وليش كان يرمسني واونه يحبني ؟ .. يعني معقوله كان يلعب علييه ؟ .. لالا سلطان مايسويها .. انزين انا اشدراني لو هو معرس بالسر اكييد يروم يسوي كل شي .. بس ليش يا سلطان ليش .. يعني يوم انا حبيتك عرست ) وجاان اتصيييييح وجان يرن مبايلها عـ صوت مسج شلت المبايل وبطلت المسج وكان المرسل سلطان ( ساروتي ترى كنا نتمصخر معاج هب اتصدقين ) ردت عليه ساره ( قص عـ وحده غيري ) وغلقت مبايلها تم سلطان يطرشلها مسجات بس ماشي فايده واتصل فيها كمن مره بس كان مغلق هو كان رايح بعيد عن راشد وسيف عسب مايكشفونه ويوم رد كان يغني تقول القلب كيف انهيه عنك يعاندي ولا يرتاح دونك جتيل الحب واشواكي تعنك واموت ان صار مغلق تيلفونك راشد : ياويل حالي عـ الصوت بصراحه عجيييب سلطان : خخخخخخ .. ادري سيف : ها منو ها الي معذبنك وتلفونه مغلق سلطان : آآآآه يا سيف هب بس معذبني راشد : ها سلطون اشوفك حبيت .. منو هاي سعيده الحظ سلطان : وحده الله يستر عليها سيف : افاا .. يعني مابتقلنا سلطان : انشالله يوم ثاني وتموا يسولفون فـ بيت قوم ميره عبيد : اميييه ابا اسير عند سااروه ملل هني ميروه راقده وسلطون طلع انا يالس روحي حصه : عبيد وبعدين ويااك بسك حنه .. انشالله نحن بنسرح اليوم العين عند عموتي مريم بتشوفهم كلهم هناك عبيد : صدق .. ونااااسه .. انزين متى بنسير ؟ حصه : مادري والله يمكن بعد شوي انت سير عند اليسا خلها اتلبسك (اليسا البشكاره الخاصه لـ عبيد هيه الي اتوكله واتشربه واتبدله واتسبحه وهيه اندنيسيه وهيه ويا عبيد من اول ما انولد ) عبيد : اووهوو ويا هاي الابليسه حصه : عيب عليك هاي اكبر عني شو ابليسه بعد اسمها اليسا اليسا افهم ياولد عبيد : ماابااا حصه : عبيد وبعدين عبيد : اوكي اوكي خلاص سار عبيد عند اليسا عسب اتلبسه ولبسته كندوره كركميه ومشطت شعره وعطرته كان شكله كيوووت فـ الصاله ميره : احمد .. ودني بيت عمي محمد احمد : يعلج الموت بسج كل يوم عندهم ؟! ميره : احمدوو لاتدعي عليه بالموت وبعدين متى سرت بيتهم والله حرام عليييك احمد : انزين بتشوفينها فـ بيت عموو مريم ميره : انزين ابا اسير وياها احمد : يوم سلطون بي رمسيه خله هو يوديج ميره : وانت شو شغلتك ؟ .. يالس فـ البيت اتغسل السياير حرج احمد : اووهووو وبعدين فـ هاي اللحظه حدر بو احمد الي هو حميد وسلم على عياله ويلس وياهم شوي عقب سار يبدل عسب يتجهزون لأنهم بيسرحون العين بعد شوي سارت الساعه 12 والكل كان جاهز فـ بيت حميد .. بس كانوا يتريون سلطان لأنه لين الحين مايا حرج بو احمد ودق على سلطان واستعجله عقب يا سلطان وسرحوا كلهم رباعه بواحمد وبو راشد والشباب كلهم ساروا رباعه فـ سياره راشد تقريبا عقب 1 ونص وصلوا العين يعني وصلوا الساعه 1 ونص مريم ( ام مايد ) و مايد وخميس و فاطمه وميثا ( مريم : هيه اخت حميد ومحمد وهيه عايشه فالعين وريلها متوفي من سنتين وهيه ربت عيالها احسن تربيه وعنها ولدين وبنتين .. مايد : ولد مريم هو اسمراني وعيونه سوده وهب وايد طويل ومب واايد حلو يعني فيه جمال واحلى شي فيه عيونه الغاويه و هو وااايد خقاق وعمره 23 سنه وتوه يشتغل موظف فـ شركه عوده .. خميس : اخو مايد هو واايد ويا خواته عكس مايد وهو واايد حليو طالع على امه وهو ابيظاني وشعره طويل وعيونه شرات عيون مايد وعمره 20 هو فـ اول سنه فـ الجامعه فاطمه : هيه وخميس توم ووايد يتشابهون بس فاطمه طبعا احلى عن خميس بس هيه عيونها خضر وشعرها اسود طويييل وطبعا عمرها 20 وهيه بعد فـ اول سنه فـ الجامعه ميثا : اخر العنقود واايد دلوعه وخقاقه ماخذه من مايد واايد وفيها شوي من فاطمه شوي وهيه فـ تاسع ابتدائي وعمرها 15 سنه .. ) كلهم نزلوا من السياره وسلموا على بعض عقب الحريم حدروا الصاله والرياليل الميلس .. سلطان كان محرج على مايد واايد من الحركه الي سواها فـ المول بس عقب ما مايد رمساه نسا السالفه وتموا يسولفون عقب مريم ( ام مايد ) قالت للحريم والريايل بنيلس برع لأن الجو كان عجييب الكل وافق طبعا البنات كانوا فوق يالسين يرمسون عن المدارس والجامعه وكل وحده تشكي الحال للثانيه عقب سارتلهم مريم وقالتلهم ينزلون لأن الكل متيمع تحت فـ الحوي عاد البنات ماصدقوا كل وحده تمت تتعدل وتتكشخ فاطمه كانت لابسه ثوب اخضر وشيله سوده عليها رسومات اوراق شير بالأخضر وراسمه عينها بالجحال .. وميثا لابسه ثوب بني ولابسه شيله سوده وعـ الاطراف ورود بنيه وراسمه عينها بالجحال .. ميره و ساره مطقمين ويا بعض لابسين تنوره بيضه وعليها توب وردي وراسمين عيونهم بالجحال .. يعني كلهم كان شكلهم عجيييب نزلن البنات تحت جان ييلسن صوب الحريم وتمن يسولفن عقب سلطان سار بطل موتره وشغل اغنيه شارك الغي وتم ايبس ويول والبنات ماصدقوا وساره بغت اتموت لما شافته كان شكله صدق صدق خباال لابس كندوره سوده ومتسفر بسفره حمره ولابس نظاره شمسيه وسيف كان مطقم وياه .. ومايد لابس كندوره بيجيه ومتسفر بسفره حمره وخميس مطقم ويا سيف وسلطان وكلهم نشوا تموا ايولون عااد خميس وسلطان لما ايولون محد يروملهم كان شكلهم عجييييب وعبيد الصراحه كان صدق مرتبش ويا الشباب البنات تخبلوا والي اتظهر مبايلها واتصور والي مرتبشه وياهم وتبا اتسير واتيول والي اتغني ويا ميحد .. الين ماخلصت الاغنيه عقب يلسوا الشباب .. جان سيف يقول لسلطان شلنا شله سلطان استحى يشل جدامهم كلهم جان يقول لخميس يشل ويااه خميس فـ البدايه ماطاع بس عقب حنة الكل له طاع وقبل لا يشل سلطان قال بصوت عالي هاي الشله لناس ساكنين قلبي وعمرهم ماراح يظهرون منه وظهر مبايله وطرش لساره ( اكيييد لج انتي ) وطالع ساره وابتسم لها وقال ياحبيبي حبك فدمي وسط قلبي والشرايني رد عليه خميس يوم اشوفك ينجلي همي ومن عنا الدنيا تنسيني رد سلطان الغوا والزين ملتمي فيك يا سيد المزاييني وكمل خميس فيك كل الحسن متنمي من جدم لي حاجب العيني كملوا هم الأثنين ياحبيبي حبك فدمي وسط قلبي والشرايني يوم اشوفك ينجلي همي ومن عنا الدنيا تنسيني وسلامتكم عاد هني ساره اتخبلت على صوت سلطان لأنه سلطان لما يشل ويغني صوته عذاااب حتى خميس صوته تقريبا فالشله شرات صوت سلطان والكل كان مستانس عقب الكل سار وتغدى والبنات ردوا لمقرهم ( فوق ) وتموا يسولفون ويا بعض فاطمه استأذنت منهن عسب اتسير تحت عند بشكارتهم وتقول لها اتيب للبنات فواله وقهوه وحلويات وهيه ظاهره من المطبخ بدون لاتنتبه دعمت واحد هالواحد لما شافها اتخبل بجمالها وجمال عيونها الحلوات وهيه اتخبلت عليه وتم يطالعها ويتأملها كـــــــــات | ||||||||
|
| |
|
11-03-14, 11:10 PM
| #6 | ||||||||
| مراقبة عامة ومشرفة منتدى الروايات المنقولة
| البارت الثالث / الفصل الاول من عقب ما اتأملها وانصدم من جمالها الخلاب : اسمحيلي الشيخه والله ماشفتج فاطمه : مسموح .. بس عاد ثاني مره انتبه : انتي بنت عمتي مريم ؟ فاطمه : هيه .. انت منو ؟ : افااا ماعرفتيني .. انا ولد خالج محمد فاطمه : انت راشد ولا سيف ؟ : انا راشد فاطمه : ايواا .. يلا عيل انا سايره عند البنات راشد لا اراديا : ويين ويين اتريي فاطمه انصدمت : بسييير وعلى طول شردت راشد تم سرحان ويتذكر شكل فاطمه .. حليله الولد ين لما شافها وفاطمه الثانيه تمت اتفكر فـ راشد وفـ جماله وفـ شخصيته وفـ اسلوبه واتذكرته لما يال ويا الشباب كان الوحيد الي لفت نظرها وتمت تطالع يولته .. وهيه يالسه اتفكر وصلت الحجره عند البنات ساره : بسم الله فطوم بلاج ؟ .. شي استوابج ؟ فاطمه : ......... ميره : فطووووووم فاطمه : هااه هااه ميره : هاا منو ها سعيد الحظ الي يالسه اتفكرين فيه ؟ ساره : اويييه فطوم اتحبين وماتخبريني ؟ ميروه : كح كح ميثا : اييه انتو بلاكم على اختيه .. فديتها والله فاطمه اتحاول تنسى الي صار : الا تعالوا شو مولات دبي ؟ ساره + ميره : طررر .. والله وناااسه ميثا : فطوم قولي حق ميود ولا خموس يودونا العين مول ميره : انا بقول حق سلطون .. بشوف بيودينا ولا ساره : لالا انا بقول حق رشودي فاطمه من سمعت طاري راشد ردت وسرحت فيه ميثا : فطووووم .. بلاج اليوم هب طبيعيه ؟ فاطمه : ...... ساره + ميره : فطوووووووووم فاطمه : هاا .. بلاكم جي حشره ساره : انا الا اعرف منو ها الي محتل على عقلج وكل شوي اتفكرين فيه فاطمه : محد ميره شلت تلفونها واتصلت بـ سلطان ميره : الو سلطون سلطان : نعم امري ميره : سلطون ساروه تبا تسير العين مول البنات كلهم اطالعوا ساره .. حليلها ساره قفطت وظربت ميره سلطان : من عيوني( وابتعد عن الشباب) انزيين هيه وينها الحين ؟ ميره : هاذي واقفه عندي سلطان : انزين ابا ارمسها ميره : عييب منقووود سلطان : ميرووه حبيبتي عشااني ميره : بسألها الاول ميره سألت ساره بس طبعا سارت ماطاعت حرج سلطان وقال عيل ماشي ظهره للعين مول وبند التلفون فـ ويه ميره حرجت ميره وتمت تتحرطم عـ راس ساروه وساره مفوله عـ الآخر .. عقب ساره شلت على اساس انها اتدق على راشد وهيه من كثر ماكانت مفوله ما انتبهت عـ الرقم وظهر واحد : مرحبا بهالصوت ساره : رشود بلا عبط : فديييتج انا .. لا حبوبه مغلطه فـ الرقم انا هب راشد ساره : اوييه اسمحلي والله بالغلط : اوكيه ممكن نتعرف ؟ ساره : صدق انك جليل الحيا وبندت التلفون فـ ويهه وردت دقت بس هالمره لراشد رد عليها راشد وتمت تتمصلح معاه واتقردنه لين ما طاع يظهرهم .. سارت ساره عند البنات وبشرتهم ان راشد راح يوديهم العين مول وقالتلهم يلبسون عبيهم الحين بسرعه هو يتريا فـ السياره .. كلهم لبسوا عبيهم ويوم نزلوا حصلوا الشباب كلهم متيمعين عند سياره راشد .. راشد تم يطالع فاطمه ، فاطمه استحت ونزلت راسها ، وسلطان اونه زعلان من ساره لأنها ماطاعت اترمسه وهيه مول هب مسوتله سالفه ولا معبرتنه موول .. ومايد الي متخبل يالس يطالع ساره ومحد لاحظ عليه غير خميس الي يالس يعلق علييه ميثا +فاطمه +ميره +ساره +حصه فسياره راشد و خميس + سلطان + سيف + عبيد +احمد فسياره مايد ساروا كلهم العين مول لما وصلوا البنات تموا يتمشون ويا حصه والشباب يالسين فـ الكوفي شو ظحك وسوالف وتعليقات وتقردين << عاد سوالف الشباب صوب البنات دخلوا محل من المحلات الي فالمول ،و قرروا انهم ياخذون بدل شرات بعض يعني كلهم يطقمون وتموا يدورون لين ماعيبهم تنوره ورديه وعليها حركات بالبني وخذوا عليه توب بني وساروا شومارت وخذوا نعلان شرات بعض عقب ساروا لايف ستايل وخذوا اكسسوارات حق البدله والنعالي الي شروهم طبعا الاكسسوارات كل وحده خذت عـ ذوقها .. عقب حدروا نعومي تمت كل وحده منهن تختار لها بجاما حلوه عقب دفعوا وظهروا سارن البنات عند الشباب لأنهم خلصوا شوبنق وراتاحوا نفسيا ساره : رشود والله تراني يعت .. اعزمنا نحن عـ مطعم عـ ذوقك وحسابك راشد : من عيوني كم ساره عندي ساره هني شقت الحلج اونها عاد وسلطان كان مغيظ عليها لأنها كانت اتغايظه وموول مب مسويتله سالفه ولا ترد على مسجاته سار راشد ووياه البنات والشباب وعزمهم عـ ماكدونلز كل وحده طلبت الي تباه كلهم اتعشوا وشروا ايس كريم من باسكن طبعا كله على حساب راشد عقب ردوا لبيت عمتهم مريم .. ردوا البيت وهم متأخرين ألحين ميره و ساره باجر عليهم مدارس والعين لين دبي درب تموا يتحرطمون الين ماوصلوا البيت ميره سارت ترقد فـ بيت عمها محمد وقالت حق سلطان ايبلها كل اغراضها واتسبحوا هم الهنتين ورقدوا لأن باجر وراهم دوامات من صباح الله خير .. وسيف رد واتسبح وورقد .. لأنه كان صدق تعبان سار سلطان البيت واتسبح عقب سار عند امه وقالها اتجهز اغراض ميروه لأنه باجر الصبح بيسير بيت عمه عسب يوديلها اياه وعقب توجه لحجرته وسار ورقد .. اما راشد سار واتسبح وحاول يرقد بس مارام تم واعي روحه يالس فـ الصاله الصغيره ( الي فوق ) وتم يقلب فـ القنوات وماحصل شي حلو يتابعه سكر التلفزيون ويلس يفكر فـ الملاك الي شافه اليوم ( فاطمه ) وتم يقول فخاطره: ( معقوله انا حبيتها .. لالا مستحيييل يمكن بس عيبتني .. انزين هيه شو اسمها .. صدق اني غبي يعني ليش ماسألتها عن أسمها .. انزين انا شو يهمني ؟ .. وليش يالس افكر فيها لهالدرجه؟ ) وتم على هالحاله لين ما مل وحس بأنه محتاج يرقد وسار ورقد وطبعا ام راشد وبو راشد وام احمد وبو احمد اول ما ردوا اتسبحوا واتعشوا روحهم ورقدوا.. فـ العين صوب بيت مريم ( ام مايد ) مريم سارت واتلبست ورقدت وميثا بعد اتسبحت وانسدحت عـ الشبريه وفاطمه من ساعة ماظهروا وهيه هب طبيعيه وحليلها منو منها من رشود الي معذبنها .. هييهييهيي ردت تتذكر الي صار بينهم واشقايل دعمته واسلوبه لما يرمس وكانت متخبله عليه وعـ شكله ( راشد : طويل وحنطاوي وعيونه عسليه وشعره هب وايد طويل شوي وعمره 25 سنه ومثل ماقلتلكم هو الثاني يشتغل فـ شركة ابوه وعمه وهو يديرها حاليا بس طبعا ها مايمنع تدخل محمد وحميد ) وتمت اتفكر فيه لين مارقدت .. وخميس ماكان متفيج يلعوز مايد مع انه كان حاط فـ باله انه يعلق عليه ويلعوزه ويسأله شو سالفته على بنت خاله بس كان تعبان شوي سار اتسبح ورقد لأن وراه نشه من صباح الله خير .. ومايد عاد ها محد ايي صوبه كان متخبل سرحان يفكر فـ سارونه كانت ماخذه كل تفكيره ومره وحده اتذكر الموقف لما كانوا فـ امارات مول لما رقمها ويا سلطان وكفخه حس بغيره لأنه سلطان تقريبا مجابلنها 24 ساعه لأنه وااايد ويا اخوها سيف اكييد يسير بيتهم ويشوفها وتم يفكر ويفكر .. حليله شكله صدق حب ساره وتولع ابها .. سارت الساعه 2 ونص المسا ابطالنا كلهم استسلموا للنوم ومحد منهم تم واعي .. وعـ الساعه 6 ونص صباحا فـ بيت بو راشد تحديدا فـ حجره ساره ليني تمت حاشره الدنيا عسب اتوعيهم مره عند ساره ومره عند سيف عقب رن الجرس سارت وبطلت الباب حصلت سلطان عطاها اغراض وقاللها توده لميره ، وتوعي سيف لأنه بيسير اليوم من وقت .. ( طبعا هم دوم يسيرون الساعه 8 ص .. بس هالمره مادري شو ياينهم يبون يسيرون يتحوطون شوي عقب يسيرون يتريقون فـ كوفي بس هالمره على حساب سيف عقب بيسيرون الجامعه ) سارت ليني تسوي الي قالها عليه سلطان .. وعت ساره وميره وعطتها اغراضها وسارت اتوعي سيف حصلته ظاهر وكان شكله طرر لابس كندوره بيضه ومتسفر بسفره حمره ومتعطر .. ( طبعا مرااات بتلاحظون ان سيف وسلطان يطقمون ويا بعض لأنهم واايد ويا بعض فـ يحبون يكونون شرات بعض ) وهالمره بعد سلطان كان مطقم ويا سيف .. من نشت ساره سارت الحمام وغسلت ويها ولبست لبس السكول الي هو ( قميص ابيض عليه مريول كحلي ) ومشطت شعرها وسشورت قصتها واتجحلت ... الخ << بعد لازم حركات البنات.. طبعا ميره لازم شراتها عقب نزلوا تحت عسب يتريقون حصلوا سلطان وسيف كانوا يالسين ساره : اعوذ بالله بلاكم يالسين من صباح الله خير سلطان لف ويهه اونه بعده زعلان على سالفة البارحه ميره كانت تدري ان سلطان شل بخاطره سارت ويلست عنده ميره : سلطون حبيبي بلاك ؟ ساره وهيه تطالع ميره وسلطان سلطان : ماشي ميره : افاا يا سلطون ماهقيتك اتخش شي عليه سلطان : خلاص حبيبتي عقب بخبرج ساره من سمعت سلطان يقول لميره حبيبتي اونها غارت جان اتحرج وتظهر خاري سيف تم يظحك عليها وسار صوبها سيف : بلاج ؟ .. ماتبين تتريقين ؟ سلطان لحق سيف على اونه يبا يرمسه بس هو اصلا ياي عسب يشوف ساره ساره من شافت سلطان نزلت راسها : لا مابا مو مشتهيه اكل .. سيف : خخخخخ .. سيري كلي والله روحج ظعيفه مافيه اتموتين علينا سلطان استانس لأنه قهر ساره وخلاها اتحرج عليه ساره سارت عند سيف وحظنته وحبته ع خده وسلطان يطالها ومقهور على حركتها ساره : فدييتك يا خوي لهالدرجه اتحبني ؟ سيف: واكثر يا قلبي انتي هنييه ساره استانست : خلاص عشانك بسير آكل .. (تحركت شوي جان توقف وتصد لـ سيف) .. سيفو قول لـ عبد الكريم يشغل السياره لأنه نحن جاهزين بس باكل وبنتحرك .. ( عبدالكريم : هو دريول قوم بو راشد وهو الي يودي ويب ساره من المدرسه وتستخدمه عوشه ( ام راشد ) لو تبا تسير مكان ) سيف صد يرمس سلطان سيف : سلطون شرايك اليوم انوصل البنات مدرستهم ؟ سلطان ماصدق كان يباها من الله : اوكي ليش لا سارت عنهم ساره وحدرت حجره الاكل شافت ميروه يالسه اتدح ساره : هههههـ بالعافيه حبيبتي ميره : الله يعافيج ساره يلست حذال ميره وكلت وياها وخلصوا وساروا يابو شنطهم وركبوا سياره سلطان .. وطول الدرب وهم صاخين ساره كانت يالسه ورا سلطان وسلطان هو الي كان يسوق وسيف يالس عند سلطان يدام وميره يالسه ورا ويا ساره .. سلطان حط المنظهر على ويه ساره وكل شوي يطالعها ساره حست ان سلطان كان يطالعها لما رفعت راسها شافته من المنظره اونها تبا ترقد جان تتغشى حرج سلطان عقب بطل عـ المسجل عـ ميحد حمد يا صباح النور من بعد العتيمه يا صباح النرجسي من بين ثمره يا صباح الخير والورد ونسيمه عقب وصلوا البنات مدرستهم وساروا الشباب يحوطون << والله متفيجين فـ العين تحديدا فـ بيت مريم نشن البنات رواحهن وسارن واتلبسن وسارن ويا الدريول .. والشباب مايد سار شغله وخميس سار الجامعه عـ الساعه 7 ونص .. فـ بقعه ثانيه فـ دبي دار الحي كانت تسكن عايله اخت عوشه ( ام راشد ) سالم الـ ..... (بو عبدالله ) روضه الـ .... ( ام عبدالله ) (عبدالله : هو ربيع راشد وواايد ويااه حتى هو كبره بس هالفتره منقطعين عن بعض شوي وهو عمره 25 سنه وهو يشتغل اعمال حره ، وهو اسمراني عيونه سوده وطويل وفيه جمال.. ظبيه : هيه كبر ساره وميره وهيه واايد اتحب ساره وتعتبرها اختها وظبيه حنطاويه عيونها سوده واسعه وشعرها اسود طويل وكانت ظبيه وااايد حلوه ورقيقه وهيه عمرها 18 وهيه بعد فـ الثانويه عامه .. سعيد : هو اصغر عن ظبيه بسنه دوم يظارب وياها وهو اسمراني وعيونه سوده ومعروف بالتقردين ) روضه ( ام عبدالله ) : عبدالله شوف اختك ظبيه اليوم بعد غايبه .. هاي البنت عيزتني .. عبدالله : هيه وينها الحين .. راقده ؟ ام عبدالله : والله ما ادريبها حابسه عمرها فـ الحجره عبدالله : خلاص ماعليج امييه انا برمسها وسار عبدالله عند حجره ظبيه طق طق طق ظبيه : تفظل عبدالله : يزيد فضلج ظبيه : اووه انا اقول ليش حجرتي نورت عبود ياي فـ حجرتي يا هلا ومرحبا عبدالله شق الحلج : هههههه .. تسلمين حبيبتي .. الا تعالي بلاج انتي تبين اتخبلين امييه .. دومها تشتكي منج ظبيه : عبود والله حراام عليكم انا مريضه .. يعني تبوني اسير اداوم عسب اموت حدر سعيد عليهم سعيد : ههههههههههه .. احسن عسب نفتك منج .. عبدالله : سعود !! .. انت بعد هب مداوم ؟ ظبيه : هيه الاخ اليوم مواعد وحده .. وااك وااك سعيد : جب انتي شو اتغارين ؟! عبدالله : سعود انا ارمسك سعيد : السموحه اخوي والله انا تعبت نفسيا من المدرسه خلااص ابا اعرس ظبيه : ههههههههههه .. منو هاي تعيسه الحظ الي بتاخذ اسميها بتندم عـ اليوم الي شافتك فيك .. حرج سعيد ومط شعرها .. صاحت ظبيه عبدالله حرج : سعود وبعدين ويااك .. انت ريال والريايل مايمدون ايدهم عـ الحريم سعيد : شوفها هيه الي بدت ظبيه وهيه تصيح : اسكت يالحمار .. ( جان اتزاعق ) .. اظهر من حجرتي اظهر .. سمع سالم ( بوعبدالله ) صوت ظبيه وسار حجرتها ويلس عندها وحظنها وواجع سعيد .. عاد سعيد قفط .. (على فكره ترى ظبيه دلوعة ابوها) .. عقب عسب يراظي ظبيه وداها الشيشه عسب تاخذلها شي تاكله عقب ردها البيت وسار شغله فـ بيت بو احمد تحديدا فـ جناح احمد وحصه حصه : احمد شوف ولدك تراني تعبت معااه هب طايع يسير الحضانه احمد : هههههه .. هابعده على حالته .. خلاص انا الحين بسير ارمسه بس وينه فـ حجرته ولا نزل عند امييه ؟ حصه : فـ حجرته احمد : اوكي .. شوفي انا بوعيه بخليه اي عندج انتي لبسيه وكل شي وانا بنزل بس قبل لا انسى اليوم انا عازمنكم انتي وعبيد على مطعم يديد بطلووه روعه الصراحه حصه : هههه .. انت همك بطنك .. اوكي حبيبي احمد : يا ويل حالي حصوصتي قالتلي حبيبي .. وغلاتي عندج عيديها حصه دزته : سيرسير وراك شغل احمد : انزين بس عيديها وبسير حصه وهيه مستحيه : حبيبي احمد : يا ويييل حالي كم بعيش انا حصه دلع : احمد احمد : عيون احمد .. قلب احمد .. روح احمد .. كل احمد حصه استحت : بس عااد والله استحي احمد : وفديييت الي يستحون حصه : احمداني يلا عااد سير ووع عبيد اقلك وراه حضانه احمد : انزيين .. بس ابا بوسه حصه تسوي عمرها حرجت : احمد وبعديين يلا بسرعه ضحك احمد : وقالها .. افاا يا حصوو ماتعطيني بوسه .. ( واونه زعل وسارصوب حجرة عبيد ) تم يلعوز عبيد لين مانش عبيد كان يالس يتحرطم ويصييح اونه مايبا يسير الحضانه .. يعني كانت حالته حاله فـ مدرسة قوم ساره ميره وساره ساروا صفهم شافوا بنات الشله يالسين ( بنات الشله هم جوري ومزون وبثينة وساره وميره ) كانوا شله ولا اروع شله عجييبه الصراحه ( جوري : بنت دلوعه وضعيفونه وهيه بيضه وشعرها كستنائي وعيونها بنية وهيه وااايد تحب وترتاح لساره وبنات الشله الباقيه .. مزون : بنت حشره وربشه ولسانها طويل محد يرومله وهيه شوي دبه وهيه سمره وعيونها سود وشعرها اسود .. بثينه : عاد هااي غير كل اسبوع اتحب لها واحد وهيه واايد حبوبه وحساسه وهيه حنطاويه وشعرها اسود وعيونها سود ) مزون : مرحبا مرحبا .. والله توه نور الصف جوري : وانا اقول ليش الصف كان مظلم بثينه : انزين ليش مابطلتي الليت الكل : ههههههههههه جوري : ياربي يا بثون دمج ثجيييل ساره : اوووه تونا ياين .. انتو دومكم جي لااازم تضاربون مزون : ماعليج من هذيله المخبل .. المهم قوليلي شحالج ؟ .. شخبارج ساره : الحمدالله تمام ومن صوبج ؟ مزون : والله الحمدالله .. ( واتطالع ميره ) .. ها ميروه اشوفج هاديه شو السالفه ؟ ميره : خخخخخ .. يالسه اطالع جوري وبثون والله انهم بقر الكل : ههههههههههههه بثون + جوري : ميروووه عن الغلط ميره : ههههه .. السموحه ساره : ها وين سرتوا في الويك اند ؟ مزون : الله يسلمج نحن طايحين فالعزبه 24 ساعه جوري : الله ونااسه جان خذتيني وياج مزون : شو ابابج ؟ .. المهم حسون حبيبي كان هناك بثينه : مااالت مزون : عليج وعلى كل الي حبيتيهم والي بتحبينهم بثينه : اييه .. حراام عليج خلاص انا بتم على حمد جوري : هااهااهاا .. ظحكتيني وانا مافيه ظحكه .. الحين منو يصدق ان بثون بتعيش بدون ماتحبلها كل يومين واحد ؟ بثون : جب جب ليش اتغارين ؟ جوري : الحمدالله ما اغار ميره : هدوا هدوا بلاكم ؟ بثون : هييه صح ساروه اخوي خليفه يسلم عليج ميره وهيه مصدومه : هاااه منو خليفه بعد ؟ مزون : طاع الذكاء الخارق .. توها تقول اخوها .. بلاج مشفره ؟ ميره وهي قافطه : هييهييهيي .. ال قصدي من متى اتعارفه ؟ مزون : اهااا ساره : هههههههه .. الله يسلمه ميره تهمس فـ اذن ساره : ماعليه ان ماخبرت سلطون جوري سمعتها : هااا .. منو سلطون هذا ؟ هنييه ساره قفطت واحمرت واخضرت واصفرت << حشى اشارات المرور هب ساره .. هع مزون : افاا ياساروه ماهقيتها منج بثينه : تؤتؤتؤ اتخونين اخويه وهو الي ذابح عمره عشاانج ميره : اييه بسكم عااد مب على مرت اخوي الكل : اوووب اوووب اوووب ساروه منو قدج وجان يدق الجرس عـ الحصه الأولى تررررررررررررررن الكل : اعععععععععع .. ساره : شو علينا الحين ؟ مزون : اظني برج العرب بثينه : اويييه منو هاي بعد ؟ جوري : هههههههههه .. اي ثنك انها مس ابتسام ميره : لالالا خل اللقب القبلي احسن مزون : دراكولا ؟ ميره : هيه وجان اتيهم المس فـ بقعه ثانيه صوب سلطان وسيف فـ هالوقت كانوا قاعدين فـ كوفي شوب يالسين يتريقون وكانت الساعه 8 الا ربع سيف : سلطون اتأخرنا سلطان كان سرحان سيف : سلطووون وصمخ جلااب سلطان توه وهو منتبه : هاا بلاك ؟ سيف : انا ابا اعرف انت عاشق ؟ سلطان : آآآآآآه سيف : بلاك يا رياال ؟ سلطان : ماشي ماشي سيف : افاا انا ربيعك وحسبة اخوك اتخش عني افاا والله افاا ماهقيتها منك سلطان : سيف دخيلك افهمني سيف : اشو افهم اني اخبرك بكل شي وانت هب طايع اتخبرني سلطان : سيف لو خبرتك بتفهمني غلط ويمكن اتحرج علييه بعد وانا مابا اخسرك سيف وهو محرج : اشو تبا اتفهمني انك اتحب اختي ساره ؟ | ||||||||
|
| |
|
11-03-14, 11:12 PM
| #7 | ||||||||
| مراقبة عامة ومشرفة منتدى الروايات المنقولة
| البارت الثالث / الفصل الثاني هنييه انصدم سلطان وتم ساكت ونزل راسه وماقاله شي سيف : بلاك سكت قلي سلطان : هيه احبها سيف : وليش ماقلتلي ؟ سلطان : قلتلك كنت خايف اخسرك وانا مابا اخسرك .. والله يا سيف اني احبك واعزك حتى يمكن اكثر من اخوي احمد سيف ابتسمله ابتسامه تبين انه هب زعلان منه : خلاص ماصار شي .. بس يالتيس ثاني مره لو فيك شي خبرني سلطان : انشالله .. بس انت شقايل عرفت ؟ سيف : يعني الحين كل ها انا وياكم نظراتك لها ونظراتها لك اسلوبك معاها وحركاتكم واونكم مابتنكشفون حتى رشود شكله يدري سلطان وهو منصدم : اويييه لالا عااد كله ولا رشود بينحرني سيف وهو ناقع من الظحك سلطان يظربه عـ راسه : نش نش اتأخرنا عـ الجامعه باقيلنا هالسنه وبنفتك ياريال ابا اعرس سيف : ول ول ول .. اتريا شوي انزيين سلطان : والله مارووم احبها اتعرف شو يعني احبها سيف : منو ساروه ؟ .. ماي سيس ؟ سلطان : يب .. منو غيرها يعني ؟ سيف اونه يسوي عمره محرج : يعني منو بيخليك تاخذ ساروه ؟.. اصلا ساروه مخطوبه وهيه موافقه سلطان وهو مصدق : احلللللف !!! سيف : هههههههههههه .. اعصابك ياريال اسولف معاك ونشوا وركبوا السياره وتوجهوا للجامعه فـ العين بالتحديد فالجامعه الي يدرس فيها خميس خميس كان ويا ربعه الي هم ( خالد وبطي ) بطي : ها خموس ؟ .. شحال حبيبتك ؟ خالد : اي وحده فيهم ؟ خميس ضرب خالد : مالت عليك انا ما احب غير الشرجاويه .. والله انها مخبلتني بطي + خالد : ههههههه .. ياويلي ع الحب خميس : ماعلييه يالسود براويكم بطي : شو صورتك وانت صغير ؟ خالد : لا يمكن مرضعته وتموا يظحكون ( خالد وخميس هوايتهم التقردين ماخلوا وحده فـ الجامعه الا وامقردنينها خميس استخدم هالنقطه عسب يلعوزهم .. هييهييهيي ) خميس : خلود بطوي شوفوا هاي الغرشوبه صدق انها اتطيح الطير من السما عاد هني خالد وبطي نشوا من مكانهم يدورون عليها .. هني خميس نقع عليهم من الظحك .. عقب عرفوا ان ها مقلب من خميس حرجوا عليه .. عقب خميس شرد منهم اصلا كان عنده كلاس وسار حظر كلاسه ولحقوه خالد وبطي فـ بيت بو راشد نشت ام راشد الساعه 7 وسارت اتوعي راشد عقب نش راشد من الرقاد وسار غسل ويهه وحس عمره تعبان شوي ومارام يمشي اتصل فـ الدوام وخذ اجازه وامه زاغت عليه وحنت عليه عسب توديه العياده عسب يشوف شو بلاه هو كان محموم ..سارت امه وسوتله شوربه وعصير لومي ويلست عنده ألين مارقد عقب نزلت تحت وتمت يالسه نزل بو راشد الساعه 9 ويلس ويا حرمته محمد : عوشه عوشه : عيون عوشه محمد : وفديت هالعيون الحلوات .. تسلملي عيونج ياقلبي عوشه استحت محمد : لالالا عااد انا ماروم ارمسج وانتي مستحيه جييه عوشه : آمر شو بغيت ؟ محمد : امييه موزه بتي بيتنا عقب يومين عوشه : حياها الله البيت بيتها .. لو البيت ماسدها احطها فـ عيوني محمد : تسلملي عيونج عوشه : محمد شورايك ماتسير الدوام اليوم ؟ محمد : انتي تامرين امر .. غالي والطلب رخيص عقب تموا يسولفون ((على فكره موزه الي رمس عنها محمد ( بو راشد ) هيه امه وهيه كانت مسافره المانيا تتعالج وهيه راده البلاد عقب يومين )) فـ بيت حميد بو احمد بالتحديد فالصاله كانت ام احمد يالسه روحها سارت حصه ويلست عندها وتمت تسولف وياها حصه : اقلج خالو تدرين ان يدو موزه يايه عقب يومين ام احمد : صدق والله ؟! حصه : هيه ام احمد وجنها اتذكرت شي : هيه هيه توني اتذكرت سمعت عمج حميد كان يرمس ابوج ويقله عقب يومين هيه يايه بس نسيت أسأله منو هااي ظهرت موزه فديتها .. الا تعالي وين عبيد واحمد حصه : عبيد سار الحضانه واحمد فديته سار الدوام ام احمد : اهاا .. وميره وسلطان ؟ حصه : سلطان اكييد فـ الجامعه وميره من البارحه وهيه راقده عند ساره ام احمد : ههههه .. ميره ويا هالساره .. فديتهم والله .. الله يخليهم لبعض حصه :آميين يارب .. هيه صح خالو اليوم انا واحمد وعبيد بنسير نتغدى برع شرايج انتي وعمي اتون ويانا ؟ ام احمد : لالا فديتج مشكروه .. نحن خلينا فـ البيت احسن .. مافيه اظهر واسير واي .. اهم شي انتي استانسي ويا ريلج حصه : افاا خالوه .. ليش ؟ .. والله اتغيرين جو شوي ام احمد : لالا مشكوره فديتج .. حصه انا بسير عند امج بعد شوي بتين وياي ؟ حصه : هيه اكييد ام احمد : يلا عيل سيري واتلبسي خل انسير قبل ما العيال ايون حصه : انشالله وسارت حصه اتبدل وام احمد بعد سارت اتبدل وتلبس عباتها عسب يسيرون بيت محمد ( بو راشد ) فـ بيت بو راشد ( محمد ) نزل راشد تحت حصل ابوه ويا امه يالسين رواحهم راشد : صباح الخير .. ( وسار حب امه وابوه عـ راسهم ) محمد + عوشه : صباح النور عوشه : رشود حبيبي شو انت الحين اوكي ولا انوديك الدختر راشد : الحمدالله احسن عن مساعه محمد : ها رشود اشوفك تدلع على امك .. ماتدري اني اغاار على حرمتي راشد : ههههههه .. يا بويه خلني ادلع عليها شوي تراني ولدها العود عوشه : فديت روحك يا رشود محمد : هااه عاد حدج تراني موجود عوشه : وفديت بو رشود بعد محمد : هيه جي ابااج رن تلفون البيت تررن تررن .. تررن تررن سار راشد ورد عـ التلفون وظهرت اخته حصه وقالتله ان هيه وام احمد ياينهم بعد شوي .. عقب بنتدت راشد خبر امه ان حصه ومرت عمه بيونهم .. عاد عوشه استانست .. بوراشد قال لـ راشد يتلبس عسب يسيرون العزبه وسار راشد وبو راشد وتلبسوا وساروا .. فـ مدرسه قوم ساره تحديدا فـ صف ساره الأولى كانت عليهم مس ابتسام ( وهيه اتدرس انجلش ) والثانيه كانت عليهم ابله نورة ( وهيه اتدرس كيميا ) والحين هم عليهم عربي وادرسهم ابله (حنان) مزون : افففف .. هاي الابله واايد تتحرطم ساره : هههههه .. صدقج والله راسي عورني ميره : استحملوها باقي 15 دقيقه عـ الحصه مزون : وللللل 15 دقيقة لالا الصراحه انا ماروم استحمل .. بسير اقلها اني بسير الحمام ساره : انا بعد ابا اظهر من حصتها جوري : انتي قوليلها انج بتسيرين عند النيرس ساره : اممممم .. مادري والله ميره : ساروه قري الحين ماباقي شي بثينه : ششششششش .. خلوني انتبه مزون ظحكت بصوت عالي : هههههههههههههه .. طاعوا منو يبا ينتبه ابله حنان : مزون في شي يظحك ؟ مزون : لا ابله بس اتذكرت شي ابله حنان: لو سمحتي انتبهي على الي يالسه اشرحه وبسج ظحك وهذربان ميره + مزون : ههههههههه ابله حنان : ما اظن اني قلت شي يظحك ساره : ابله ممكن اسير الحمام ؟ ابله حنان : لا ، اتريي باقي عـ الحصه شوي ميره + مزون بصوت عالي : وااااااااك قفطوها جان يظحكون نص بنات الصف ابله حنان : مزون وميره وساره لو سمحتوا وقفوا ورا نشن البنات ووقفن ورا بس مايازن تموا يظحكون ويسلفون جان اتحرج عليهم ابله حنان وراغتهم برع مزون : اففف .. واخيرا راغتنا ساره : ههههههههههههه .. كشخه لما اتصارخ ميره : ككككك .. تعالو غريبه هالمره بثون وجوري سايرين زلمات مزون : هيه اشوفهم .. ماعليه خليهم يتشطرون وجان ايدق جرس البريييك ظهرت الابله وحدرن ساره + ميره + مزون الصف مزون : ها بثون اشوفج سايره زلمه اليوم بثينه : خخخخخخ .. فديتني والله جوري : ماالت بثينه : عليج .. ميروه تعالي ابا اسير عند جود ساره : اي جود هاي ام المصايب ؟! بثينه : حراام عليج ساره : ها بثون شو سالفتج وياها بثينه صخت جوري : هههههههههه .. اشوفها بثون اتحولت من حب الشباب الى حب البنات بثينه : خسيي اصلا انا ما اتنزل احب بنت .. وععع .. والله آخر عمري مزون : مالت عليكن والله ماعندكن سالفه تعالوا بسير اتمشى .. وسارن كلهن الا بثينه وميره فـ العين بالذات فـ الجامعة الي يدرس فيها خميس كان خميس يالس فـ الكافتيريا ويا ربعه جان ايله تلفون ويظهر خاري الكافتيريا : هلا بالقاطع خميس : اهلين وسهلين .. والله حرام عليج انا القاطع .. والله ثم والله اني متوله عليج : ههههههه .. فديتك ..شحالك حبيبي ؟ خميس : بخير دام اني سمعت صوتج .. ومن صوبج ؟ : يعله مدييم .. والله الحمدالله ماشي الحال خميس : ها شو اهل الشارجه ؟ : متولهين علييك .. يبون يشوفونك خميس : عنود حياتي .. انا اليوم بيي الشارجه وبسير بالتحديد صحارى تعالي عسب اشوفج عنود : خموس حبيبي مارووم .. اخاف حد يشوفني خميس : انزين بس بشوفج .. والله متوله علييج عنود : اوكي بشووف .. يلا عيل بخليك الحين خميس : برايج الغاليه عنود : بااي ( عنود : مثل ماعرفتوا هيه شرجاويه ( من الشارجه ) عايشه هناك ويا ابوها وامها مطلقه بس اتزورها من فتره لي فتره .. وهيه سمره وعيونها سود وشعرها اسود ويوصل لين ظهرها وخشمها طويل ، خميس شافها وانعجب فيها وفـ اسلوبها لأن هيه اسلوبها تخلي الواحد يرتاحلها ويظهر كل الي فـ خاطره ، خميس حبها وتعلق فيها لدرجه انه ماقام يشوف وحده غيرها ) رد خميس الكافتيريا وشاف ربعه وسار صوبهم خالد : ها خموس .. الشرجاويه كانت عـ الخط ؟ خميس : هيه فديتها وفديت روحها بطي : مااالت .. والله ماشي شغل اتحبلك ابنيه .. البنات بس حق التقردييين خالد : هههههه .. استاذ التقردين يالس يرمس خميس : ماالت عليكم .. ابا اعرف انتو شو حياتكم خالد + بطي : التقرديين خميس : اوووه ويا الهتقردين .. والله اني بتعقد منه وبسبتكم انتو خالد + بطي : ههههههه خميس : الا تعالوا انا اليوم بسير صحارى بتون ؟ بطي : لالا فديتك انا اليوم مواعد 5 خالد : ولللللل .. عطني وحده بطي : يلايلا ماشي خميس : اوووووه منكم .. ( ويطالع خالد ) خلود بتي وياي ؟ خالد : اكيييد .. مايقولون الصديق وقت الضيق بطي : ههههههه .. موول مايخصه خالد : جب جب لو ماتعرف شي اسكت حرج خميس عليهم ونش من مكانه وسار بطي : اويييه روميو زعل ؟ خالد : ما اظن اكييد مواعد جولييت بطي : ماالت على هالويه انا ما اعرف اشقايل رابعت هالاشكال خالد : خخخخ .. اصلا تتمنى اترابع وااحد شراتي بطي : من زينك يا خوي خالد : والله اني احلى عنك وتموا على هاي الحاله الين ماملوا ومر الوقت بسرعه وسارت الساعه 2 ونص صوب مدرسه ساره بالتحديد صوب السيارات بثينه : ساروه ساروه هاذوا خلوف اخوي ساره : خخخخ .. مشالله علييه حلييو بثينه : ادري لأني انا اخته ساره : ماالت بثينه : عليج جوري : بثون شو سالفة اخوج ويا ساروه ؟ بثينه : ههههههه .. الله يسلمج ترى سيارتنا شرات سياره قوم ساروه .. هذيك المره لما لعوزنا ساروه حرجت وتمت تصييح وحالتها حاله ويوم عالبيت وهيه ظاهر طبعا كانت محرجه بدون لا تنتبه سارت وركبت سيارتنا وتمت محرجه وتصارخ على اخوي تتحراه دريولهم عبدالكريم .. ولما شافته وانتبهت انه هو هب عبد الكريم نزلت من السياره وتمت اتصييح اخوي نزللها وتم يرمسها وهيه صاخه عقب انا سرت عند خلوف اتحراه يغازل ساروه يلست اتحرطم علييه وسرنا السياره وقالي السالفه كلها جوري : ههههههههههههه .. والله ان ساروه ظهرت سوالف ساره : خخخ .. والله انا اشدرااني ميره : افاا ياساروه وانا آخر من يعلم ساره : ميروه والله نسيت ميره : خلاص لاترمسيني مزون ميروه ساروه بثون جوري شوفوا هذا واااااي صدق انه خبال بثينه : ويين ويين ؟ مزون : ها الي سيارته رنج بثينه : آآآآآآآآخ قلبي ساره وميره انصدموا ميره : اييه اييه .. بسكم عااد مزون : بذمتج مب حلوو ؟ جوري : ايينن بثينه : انا باااااه خلاص ها حقي ساره حرجت وسارت دخلت المدرسه وشوي وبتصييح ميره : اييه بسكم تدرون منو ها ؟ مزون + جوري + بثون : منو يعني ؟! ميره : الله يسلمكم هذا ... بثينه : قاطعتها : اوووه منو قولي بسرعه تراا بيغمى عليه والله انه رحيييم مزون : اووه بثون سكتي خلنا انعارف منو هاه .. والله شكله طرر جوري : بسكم بسكم .. خلوني اعرف منو هاه ميره وهيه محرجه : بـــــــــــس خلوني ارمس بثينه : يلا ميروه رمسي منو هااه كـــــــات | ||||||||
|
| |
|
11-03-14, 11:14 PM
| #8 | ||||||||
| مراقبة عامة ومشرفة منتدى الروايات المنقولة
| البارت الرابع / الفصل الاول ميره : هاه اخوي سلطان بثينه + مزون + جوري : حلللللللفيييي ميره : والله مزون : انزين ليش ساروه حرجت وسارت ؟ بثينه : يعني مايباله ذكااء اكييد اتحبه ميره : هيه صح .. بس خلااص سكتوا .. انا بسير مافيه سلطون يحرج بااي وسارت ميره عنهم .. جان اتبطل باب السياره عسب تركب سلطان : مابغيتي ميره : هههههه .. شو اسوي ربعي يسولي تحقيق سلطان : تحقيق شو ؟ ميره : متخبلين علييك سلطان وهو شاق الحلج : حلفيي ميره : والله حتى ..... ( جان تسكت ) سلطان : بلاج كملي ميره : ساروه حرجت ودخلت حمام المدرسه وتمت اتصييح .. سلطون بتترياني شوي بسير اشوفها سلطان : اوييه .. فديتها والله ميره : فداااك مصري يالجلب .. لاتتفدى بنات الناس ونزلت من السياره واتوجهت للحمام وشافت ساره يالسه اتصيح ميره : ساروه حياتي بلاج ؟ ساره : ماشي ميره : انزيين سلطون سأل عنج يبا يشوفج .. شو اقله ؟ ساره : ......... ميره : سااروه يالغيورة يالله عااد بلا دلع .. والله انج مصختيها كل ها عسب سلطون الحمار جان ساره تظربها : لاتسبينه انزيين .. ريلج الحمار ميره : هههههه .. يالله نشي تعالي وياي ساره : مااباا بسير الحين اكييد عبدالكريم واقف برع ميره : ههههه .. اذا سلطان شافاه اكييد بيقله يسير .. ماتعارفين نذاله سلطون ابتسمت ساره : اوكي خلاص ميره : بتيين بيتنا ساره : لاااااا ميره : والله ان ماييتي بيتنا ما ارمسج وازعل منج ساره : ههههه .. اوكي خلاص وسارت ساره ويا ميره وحدرن السياره وماحصلن سلطان فيها ميره : اويييه وين سلطون ؟ ساره : يعني انا اشدرااني ميره : اوييه اكييد وحده صرقته ساره : هااهااهااي .. اتنكتين ؟ جان سلطان يحدر : لا شكلها اتحاول جان ساره اتصخ ميره : ههههههههههه .. وجاان سارووه اتصخ ساره : ..... سلطان ويصد ورا صوب ساره ويطالعها فـ عينها : ها وين كنتي ؟ ميره : كانت اتغازل سلطان ظرب ميره عـ راسها : سكتي انتي محد رمسج ساره : هههههههههههههه .. قفطوها ميره : مااعليه .. خلاص لا تيين بيتنا ماباج ساره وهيه تسوي عمرها بتنزل من السياره سلطان : ويين ويين ؟ ساره : خلاص بسير ميروه ماتباني سلطان : شو كيف ميروه ؟ .. لاتخليني انزل ميره من السياره ميره :لا والله ساره : ههههههههه ميره : ساروه بلا دلع ادري انج تدرين اني اسولف معاج ساره : مييروه بخبر ماما اني بنزل بيتكم اخااف اتحاتيني جان سلطان يظهر مبايله ويعطيها ساره اتصلت فـ امها وخبرتها انها بتسير بيت عمها حميد وعقب ردت التلفون لسلطان ساره : ثاانكس سلطان : افاا عليج نحن فالخدمه ميره تطنز : اي وقت تحتاجنا اتصل عـ الرقم ******* سلطان : واااي دمج ثجييييل ميره : صدق ؟ .. عيل بشرب ماي عسب يخف ساره : ههههههههههه ميره : سلطان غنلي سلطان : خخخخ .. واشحقه اغنيلج ؟ ميره : عشاااان خاطر الي اتحبهاا ساره قفطت سلطان : يمكن ساره بتنزعج من صوتي ومابيعيبها ميره : اصلا ساروه مابتصدق ساره : جب انزييين سلطان : اوكي هالاغنيه اهداء للي احبها وجان يغني لالا تظن ابقى بدونك ولا تظن اني بخونك وقلبي انا عايش يصونك وعمري ترى فدوى لعيونك عذبتني يا هوا كوني واتعبت خلن فيك مفتوني انت الغلا فيك مجنوني تسوى النظر تسوى لعيوني ميره : مشالله صوتك عجيييب سلطان :احم احم ساره : سلطان .. وين سيفو ؟ سلطان : هههههـ .. الله يسلمج اليوم الاخ عازمنا عـ الغدا عـ مطعم ...... << لاتعليق .. عقب بطنه عوره رد البيت .. وانا ماطعت اكل من اكل المطعم عسب جي اتشوفيني حي ارزق .. ميره : ورااسك سلطان : هيه وتموا يسولفون الين ماوصلوا بيت حميد ( بو احمد ) نزلن ساره وميره من السياره وحدرن البيت وسلموا على ام احمد وحصه عبيد : اوووه ساروه عنا فـ البيت ساره : انا كم مره اقولك انا هب ساروه قلي خالو ساره عبيد : سيري لااه .. (جان يشوف سلطان يحدر على طول ركض صوبه جان يحضنه ويبوسه ) .. عمي حبيبي تدري اني اليوم سرت الحضانه سلطان : شاطر خلك دوم جي عسب تسير شرات عمك سلطان ميره : ههههه .. ماعنده سالفه يظهر شراتك عبيد : جب انتي ميره فولت : اييه تراني عموتك احترم نفسك وتحاول تظربه بس سلطان يدافع عنه وساره يالسه اطالعهم وتظحك على شكل سلطان سلطان : هههههه .. عبيد خلاص عييب لا تطول لسانك عـ الكباريه عبيد : انشالله ميره : مااالت عـ الولد المطييع عبيد : اووهووو عمي شوفها ترى بعطيها كف هنيه ساره نقعت من الظحك وتمت تظحك بصوت عالي ساره : افاا يا ميروه ها الصرصور يقلج بعطيج كف ميره : سلطون ودر هالخواف خلني أأدبه شوي سلطان : لالالا عبيد حبيبي مابخلييه عبيد : فدييت عمي سلطان والله ريااال سلطان : اعجبك ؟ عبيد : اكييييد عقب ميره حرجت وسارت حجرتها ولحقتها ساره ساره : ميروه خله يولي ماتعارفين عبيد بعد يااهل مايعرف الي يقوله ميره : اففف يقهر عبيد حدر عليهم وسار صوب ساره وهمس فـ اذنها وقالها شي وساره احمررررررت ميره : سارووه !! .. شو قالج هالدب ؟ .. ساره : ...... ميره : اوييه ساروه بلاج ؟ ساره : ........... ميره وهي زايغه : ساروه ساروه .. ( واتحط ايدها عـ يبهت ساره ) لالا انتي هب محمومه .. ساروه وغلاتي عندج قوليلي بلاج ؟ .. شو قالج عبيد ؟ ساره : ميييروووووه ميره : هااه .. ساروه والله اتقولين بلاج ؟ ساره : عبيد يقول ان .... ( وجان تسكت ) ميره فولت : اوووه شكلج اليوم بتذليني لين ماتقولين .. ( وظهرت من حجرتها وسارت صوب عبيد ) ميره : عبيد حبيبي تبا حلاوه ؟ عبيد : هيه ميره : انزين قلي شو قلت حق سارونه ؟ عبيد وهو يظحك ظحكه شريره : خخخخ .. اول بتعطيني حلاوه ؟ ميره : هيه عبيد : انزين عطيني اياه بقلج ميره : اووووه انزيين اتريا ( وسارت يابتله حلاوه وعطته ) .. يالله حبيبي قلي عبيد شل الحلاوه وابتعد عن ميره شوي : مب لاااازم اتعارفييين ..( وشرد ) ميره غيظت وتمت تتحرطم جان يشوفها سلطان سلطان : ميروه بلاج ؟ ميره : ها عبيد .. مادري شو قال لـ ساروه .. ساروه اتخبلت هب طايعه ترمس سلطان : هههههههه .. والله ان عبيد ظهر خطيير هب هين .. ( وساار وهو شاق الحلج ) ميره تمت محرجه الا اتعارف عبيد شو قال لساروه ؟! كـــــــــات تتوقعون عبيد شو قال لساره الي خلاها جي ؟! | ||||||||
|
| |
|
11-03-14, 11:17 PM
| #9 | ||||||||
| مراقبة عامة ومشرفة منتدى الروايات المنقولة
| البارت الرابع / الفصل الثاني عقب ميره فقدت الامل انها تعارف ردت لـ حجرتها وشافت ساره منسدحه عـ الشبريه ويالسه اتفكر ميره : سااروه ساره : عيون ساروه ميره : عبيد شوقالج ؟ .. والله حرام قوليلي ساره وهي شاقه الحلج ومحمره : عبيد ...... قـ ـ ـ ـالي سـ ـ ـ ـلطـ ـ ـ ـان يـ قـ لـ ـج أحـبـــــج ميره : كلللووووش .. واخيرا قلتولي .. وانا اقول لما سألت سلطون ماقالي ولا اهتم انه يعارف وقالي عبيد ظهر هب هين وتم مستاانس .. وبعدين بأي حق يقلج احبج .. شو ها الاخو المو متربي ساره ضربتها عـ ايدها : ايييه حراام علييج مب على سلطان ميره : ماااالت .. وانتي بأي حق اتدافعين عنه ساره : ولد عمي وما ارظى عليه ميره : حلفي انتي بس ساره : والله ميره تشوتها : نشي نشي بدلي ثيابج .. الحين كلمه احبج لهالدرجه اثرت فيج ساره : ..... ميره : ساااارووووه ساره : افففففف .. هااه ميره : نشي بدلي ثياابج .. انا يوعانه ابا اسير اتغدى ساره : اوكي اوكي وشلت ميره ثيابها وسارت الحمام واتسبحتو اتيددت ولبست وعقب ردت حجرتها وظهرت ثياب لساره وسارت وصلت الظهر .. وساره الثانيه سارت الحمام اتسبحت واتيددت ولبست ثيابها وردت حجرة ميرة صلت ونزلت تحت ويا ميره ساروا حجره الاكل حصلوا ام احمد + حميد +سلطان يالسين ياكلون ميره : عيل وين حصه واحمد وعبيد ؟ ام احمد : فديتهم ساروا يتغدون برع ميره : صدق ان ماعندهم مذهب واشحقه ماعزمونا ام احمد : سكتي سكتي .. عزمتني انا وابوج بس ماحبيت اخرب عليهم .. وبعدين انتي ليش جي رزه حميد ( بو احمد ) : ميروه وساروه صدق انكن جليلات الحيا الحين حدرتن وماسلمتن عليه ساره : اووه .. السموحه عمي والله اني ما انتبهت ميره : مانلومج ..(جان اتطالع سلطان) سلطان كان ياكل مره وحده غص ام احمد : بسم الله عليك الرحمن .. ميروه عطي اخوج كوب الماي بسرعه ميره : انشالله ساره : حبت عمها عـ راسه ويلست عنده (وسلطان كان مجابلها) وميره بعد سارت حبت راس ابوها ويلست عند ساره وسلطان كل شوي يطالع ساره حميد : سلطون بسك شو تطالع فـ البنت خل البنت تاكل سلطان قفط .. وميره تمت ناقعه من الظحك وساره هيه الثانيه بعد قافطه ام احمد : حميد بلاك عالولد خله يطالع بنت عمه وين بيحصل وحده شراتها ساره نشت من عـ الاكل : الحمدالله شبعت حميد : بسكم الحين بنت اخوي ماكلت .. سارونه وغلاتي عندج يلسي وكملي اكلج تراني موول مابرمسج ساره : مشكور عمي شبعت ميره : طاعو هااي اييه اييه لاتدلعين على ابويه سلطان : انتي ليش اتغارين ؟ ساره : هههههـ .. لان محد مسويلها سالفه ام راشد وحميد : ههههههههههه ميره اونها زعلت : الحمدالله شبعت حميد : فديت بنتي الدلوعه يالله يالله قرن مكانكن انتي وساره وكملن اكلكن بسرعه تراني كنت ناوي اظهركن لاتخلوني اغير راي ميره وساره استانسن : صدق والله حميد : هيه نعم .. يالله الي مابتاكل مابظهرها ميره + ساره ردوا مكانهن وتمن ياكلن فـ بيت بو راشد ( محمد ) راشد رد ويا ابوه من العزبه وساروا اتسبحوا وبدلوا ثيابهم ونزلوا تحت عسب يتغدون محمد : عوشه .. وين سيف وساره ؟ عوشه : سيف الله يسلمك بطنه يعوره سار حجرته اونه بيرقد .. وساره ردت ويا ميره بنت حميد وهيه الحين فـ بيتهم راشد : ساره ويا هالميره .. اففف .. ميتين عـ بعض محمد : وانت ليش مشتط .. خلهن برايهن .. يعني اتغاار راشد : هههههه .. حشى علييه وعقب يت ليني عسب تقلهم يتوجهون لـ حجره الاكل لأن الغدا زهب .. وساروا واتغدوا فالعين بالذات فـ بيت مريم ردت فاطمه من الجامعه وكانت تعبااانه .. سارت اتسبحت واتيددت وصلت ورقدت حتى ماتغدت .. وميثا ردت من المدرسه وكانت تتحرطم لأن فاصلينها عسب اتظاربت ويا وحده فـ صفهم .. وسارت اتسبحت وصلت واتغدت عقب رقدت ومايد رد من الدوام واتسبح وصلى واتغدى ويلس ويا امه وتم يسولف وياها وخميس رد البيت اتسبح وصلى وبدل ثيابه ولبس بنطلون جينز وقميص اسود وكاب وسار صحارى بيتغدى هناك .. وصوب بيت سالم ( بوعبدالله ) ظبيه اتصلت فـ ربيعاتها تسألهم لو خذوا شي اليوم .. وشو سووا اليوم .. الخ وسعيد ظهر سار ويا ربعه المول .. وعبدالله رد من الدوام واتسبح وصلى واتغدى وسار رقد .. فـ دبي تحديدا فـ بيت حميد (بو احمد ) ميره : بويه خلاص شبعت .. يالله انت وعدتنا بظهرنا .. وين بتودينا ؟ حميد : اممممم .. انتو وين تبون اتسيرون ؟! ميره : ساروه شرايج ؟ ساره : مادري والله .. اي مكان عادي المهم نظهر ميره : شرايج فـ ميركاتو ؟ سلطان : لالالا شو ميركاتو كله شباب هناك ميره : انت اسكت مب انت الي بتودينا ابويه بي ويانا يالثور سطان : الثور الي بياخذج يالعنزه ساره : هههههههههههه حميد : ها تبون اتسيرون ميركاتو ؟ .. لاتحاتون الشباب انا وياكم ميره + ساره : هيه حميد : يالله عيل سيرن لبسن عباكن عسب انسير ميركاتو .. ( جان يصد صوب حرمته ) .. ها غناتي بتين ويانا ؟ سلطان : الله الله عـ رومنسيه .. لالا الصراحه انا ماروم ميره : هيه مرررره .. انت !! حميد : ياااربي انتو ليش جي رزه .. كيفي هاي حرمتي ..ليش اتغارون ؟ ام احمد : ههههههه .. فديتكم والله .. الله يخليكم لي .. ( وتصد صوب حميد ) هيه حبيبي بي وياك .. سلطان : له له له .. حبيبي مره وحده حميد : سلطون تراك مصختها يالله فارج .. اشوفك شفت البنات عنا قمت ماتظهر ميره : ههههههههه .. واااك قفطوا سلطون سلطان وهو قافط : جب انتي محد رمسج .. ملقووفه ( وجان يظهر من حجره الاكل ) وسارن ( ميره + ساره ) حجرة ميره يتلبسن عسب يظهرون .. فـ بيت بو راشد عـ طاوله الاكل راشد : ياسلااام شو هالغدا الغاوي عوشه : ههه .. هيه والله صدقك غاوي .. الله يخلي مرتينا محمد : هههههههههه راشد : امييه ساره متى بترد من بيت عمي حميد ؟ عوشه : والله مادريبها .. وبعدين انت شبلاك عـ البنت اليوم ؟ راشد : هاا .. لا ماشي بس اسأل عوشه : اهااا محمد : رشود كم عمرك الحين ؟ راشد وهو منصدم : ليـــــش ؟ محمد : انت قلي راشد : لالا يابويه شكلك نسيت عمري بعد .. المهم عمري 25 محمد : لا يا وليدي مانسيت ولا شي بس حبيت اذكرك .. وانشالله متى ناوي اتعرس ؟ .. يوم يصير عمرك 60 راشد : هههههههه .. لا يابويه .. انشالله يصير خير عوشه : رشود وبعديين ويااك .. لو على العروسه انت بس قلي من هاي .. وانا اسيرك اليوم لو تبا واخطبلك اياها راشد : صدق ؟ عوشه : هيه نعم .. يعني بجذب عليك ؟ راشد : انشالله خيير وتموا يكملون غداهم فـ العين تحديدا فـ بيت العمه مريم (ام مايد ) مريم (ام مايد ) سارت صوب حجره فاطمه ودقت الباب الين مانشت مريم : فطووم !! .. بلاج حبيبتي ؟ فاطمه : مافيه شي .. ليش ؟ مريم : ليش مانزلتي تتغدين ؟ فاطمه : امييه احس اني تعباانه ابا ارقد مريم : انزيين ماتبين تاكلين ؟ فاطمه : لا هب مشتهيه مريم : تؤتؤتؤ .. ياحبيبتي لازم تاكلين مب زين جي فاطمه : ...... مريم : انزيين اتلبسي بوديج العياده الحين فاطمه : اوييه اشحقه .. والله مافيه شي مريم : عيل يالله نزلي كلي وياي انا ماكلت يلست اتريااج فاطمه : اميييه والله هب مشتهيه مريم : يالله حبيبتي عشااني .. ترى ان ماكلتي ماباكل فاطمه : خلاص انتي سبقيني انا بغسل ويهي وبي اتغدى وياج فـ دار الحي تحديدا فـ بيت سالم ( بو عبدالله ) ظبيه : اميييه .. امييييه روضه : بلاااج ؟ ظبيه : امييه اريد مبايلج ابا ادق على سارونه بنت خالو عوشه روضه : هيه فديتها عوشه وبنتها .. شلي التلفون ورمسيها وسلمي عليها وااايد ظبيه : يوصل شلت ظبيه التلفون وسارت حجرتها وقفلت الباب ودقت على ...... ظبيه : هلا والله : اهليين وسهليين ظبيه : ها اشوفك نسيتنا : ماعاش الي ينساج ياروحي ظبيه : تسلم .. الا شحالك ؟ .. عساك بخير وسهاله : الحمدالله بخير .. وانتي شحالج ؟ ظبيه : والله الحمدالله دامني رمستك : ظبووي غناتي داومتي اليوم ؟ ظبيه : لا .. ليش ؟ : هيه اشوفج لأني اليوم سرت صوب مدرستكم ماشفتج ظبيه : يموع وبعديين .. كم مره قلتلك لاتسير صوب مدرستنا .. اصلا انا مادري شقايل قلبي مطاوعني اني ارمسك الحين يمعه : افااا .. يعني ماتبين اترمسيني ؟! ظبيه : يموع والله اني احبك بس لين متى جي بنتم ؟ يمعه : ظبوي غناتي .. خليني اثبت فـ وظيفتي ووعد مني اني اي واخطبج .. بعد اشتبين ؟! ظبيه : فديييتك والله يمعه : وااااي ظهرت حلوه منج عيديها دخييلج ظبيه دلع : عييب منقود ياريال .. اصلا تدري ان بنات الـ .... مايرمسون .. وانا شكلي صدق بخرب سمعتهم يلا بس عااد ومابرمسك الا يوم اتي وتخطبني يمعه : ظبووي يعني بتحرميني من هالصوت الغاوي ظبيه : هيه .. يلا اجل ويهك .. بااي يمعه : ظبوووووي اتريي ظبيه : نعم يمعه : خييبه انا هب ياي اطر منج ظبيه : هههههههه .. يموع دخيلك بسرعه .. ابا اتصل فـ بنت خالوتي يمعه : يعني بنت خالتج اهم عني ؟! ظبيه : اممم .. يمكن يمعه : خلااص زعلت .. يالله بااي ظبيه : ههه .. باي وبندت عن يمعه وحضنت المبايل وقالت فـ خاطرها ( وااي فديتك يا يموع والله اني احبك حب ماتتخيله ) وتمت حاظنه المبايل الين ما رن التلفون عـ صوت مسج نقزت ظبيه من مكانها وبطلت الرساله وكانت من يمعه (فديت اللي على بالي .. فديته وليته قبالي .. وصورته دوم في خيالي .. حبيبي الأول والتالي ..) ظحكت ظبيه وتذكرت ساره على طول دقت عليها بس ساره ماردت لان تلفونها فـ حجرتها وهيه فـ بيت عمها عقب مسحت مسج يمعه وردت التلفون لأمها روضه : ها رمستي سارونه ؟ ظبيه : حرقت تلفونها بس ماترد .. يا انها ظاهره او عند ميروه بنت عمها حميد .. وسارت ظبيه حجرتها عسب ترقد شوي فـ بيت بو احمد (حميد ) قبل لايظهر حميد من البيت شاف احمد وحرمته وعبيد حدروا البيت سلم عليهم ويلس وياهم شوي احمد : ابويه وين ساير ؟ حميد : ساير اظهر البنات .. اوديهم ميركاتو عبيد : اناا بي وياكم حميد : لو تبا اتي خل حد يي وياك ويشوفك سلطان : وانا حق شو زين ؟ ميره وهيه توها حادره عليهم : لالالا لو سلطون بي انا مابي سلطان : احسن عبيد سار عند حميد : يدي الحين بتخلي عمي سلطان اي وياكم عشان لو هو سار بياخذني ويااه حميد : اوكي خلاص يالله سلطون سير بدل سلطان : انشالله 5 دقايق بس حميد : انا باخذ البنات وبسير وانت عقب يوم بتخلص الحقنا سلطان : اووكي وسار سلطان يركب الدري عسب يسير حجرته ويبدل جان تظهر ساره جدامه وماطاع يخليها اتطوف ساره : سلطان شوي سلطان : اول يوم بنسير المول اتغشي ساره : اصلا كنت بتغشى بدون لاتقول سلطان : هيه اتحرى بعد .. ساره ساره : هلا سلطان : ساروه احبج ساره قفطت وكل ماتحاول تنزل سلطان هب طايع يخليها ساره : سلطان وبعدين ؟ سلطان : انزيين خليني اشوفج شوي ساره : هب لازم .. خوز عن دربي ترى بزقر الي تحت كلهم سلطان : اتحدااج ساره : احلف سلطان : والله ساره : اوكي .. ( وهيه تصارخ ) مييييرووووووووه .. عمييي حمييييييييييد حصوووووووووووه كـــــات | ||||||||
|
| |
|
11-03-14, 11:30 PM
| #10 | ||||||||
| مراقبة عامة ومشرفة منتدى الروايات المنقولة
| البارت الخامس / الفصل الاول سلطان لااراديا حط ايده عـ حلج ساره : سكتي فظحتينا ساره حرجت من حركة سلطان وشلت ايده من عـ حلجها سلطان : والله السموحه بالغلط ميره وحصه وعمها ياين يربعون : ساروووه بلاج ؟ ساره : شفت صرصور حميد : ههههههههههههههه .. الحين كل هالصريخ عسب صرصور ؟! ميره وهيه هب مصدقه : ايواا .. صرصور هااه .. انزين وسلطان شو يسوي واقف ؟ سلطان : انتي نعم ليش رازه فيسج ؟ .. انا الي ذبحت الصرصور حصه : هههههههههه .. مالت على اختي الخوافه .. فظحتينا جدام الناس ساره : انزييين كان يخرع ولا يظهرلهم صرصور صدقي محد انتبه عليه غير ساره ساره : صرصوووووووووووووووور هنيه ميره نقزت من مكانها : وين وين ؟ ساره : هااااذوووه وهيه من كثر الزياغ سارت فـ حضن سلطان .. وسلطان مستاانس عـ الآخر .. وحصه سارت صوب ريلها .. وحميد ذبح الصرصور وسار ساره وهيه صاده صوب سلطان وشايفتنه شاق الحلج : السمووحه والله بالغلط سلطان : ههههه .. لا عادي .. خل دوم يظهرلج صرصور جدامي ميره : سلطون وعله تعلك ودر البنيه فـ حالها ترى بخبر ابويه سلطان : اووووه رمست فيلسوفه زمانها ميره : جب جب .. يلا انجلع سلطان : مااالت عـ الشيفه وسار حجرته وساره قااافطه ميره : ساروه متأكده مساعه قبل لايظهر الصرصور الصدقي كان شي صرصور ؟ ساره : ليش ؟ .. يعني انا جذاااابه ؟! ميره : لا بس شاكه فالموضوع ساره طنشتها وسارت الصاله عقب لحقتها ميره وسار حميد ويا حرمته و البنات وركبوا السياره واتوجهوا لـ ميركاتو واول ماساروا نزل سلطان وكان شكله طرر لابس كندوره سوده ومتسفر بسفره حمرا .. وسار بياخذ عبيد وعبيد الثاني كان شكله عجيييب لابس كندوره بيظه ومتسفر بسفره حمرا .. سلطان تخبل علييه وخذاه وركبوا السياره وساروا ميركاتو قوم بو حميد نزلوا وساروا يتمشون صوب المحلات دشوا كمن محل منهم نيكست بس ماعيبهم شي وعقب ساروا مانجو و خذوا كمن قميص وتوب روووعه وعقب ساروا برومود ساره خذت تنورتين زيتيه وبيجيه وميره خذت تنوره وحده سوده .. وسلطان شل عبيد وساروا صوب الالعاب وتم يلعبه وعبيد كان مستاانس عـ الآخر .. عقب حميد وام احمد والبنات ساروا صوب سلطان .. ساره من شافت سلطان وهو يلعب عبيد اتخبلت على شكله واسلوبه ويا الياهال وتمت مستااانسه .. عبيد : عمي اباا ايس كريم من باسكن سلطان : عبيد مب زيين اخاف تمرض علييه وامك وابوك يتحرطمون علييه جان عبيد يصييح ويسير صوب ساره : اهئ اهئ .. خالو ساره ابا ايس كريم ساره : ههههه .. الحين سرت خالتك هااه .. سلطان قالك مب زيين بعدين بتمرض سلطان : احم احم .. يعني في حد امأيدني عبيد ظهر لهم لسانه : ماحبكم ماحبكم .. اهئ اهئ سلطان + ساره + ميره : هههههههههه ساره : تبا حلاوه ولا فشار ولا ناجلز ؟ عبيد : ابا ناجلز وبيبسي ساره : اوكي حبيبي تعال وياي سلطان : لا ماشي حصه مأمنته علييه ساره : انزيين هو ولد اختي يعني مابصرقه سلطان : لا ماشي ساره حرجت وسارت تاخذله .. وسلطان تم يظحك لأنه غايظ ساره .. وهيه سايره شافت ربيعتها مزون سلمت عليها وتمت اتسولف وياها شوي عقب سارت .. ردت وهيه ميوده الناجلز والبيبسي .. سلطان :ساروه منو هااي الي رمست وياج ؟ ساره : مايخصك سلطان انصدم من اسلوب ساره : لا والله ميره : هي والله سلطان : جب انتي عبيد : ساروه ليش ماشريتي لسلطان ناجلز وبيبسي ؟ ساره : اووه نسيت .. ( جان اتصد لسلطان ) .. السموحه شو تبا ناجلز وبيبسي ؟ سلطان وهو يبتسم : لا اباااااا ميره : اووهوو شوتبا بسرعه سلطان : ابا بيبسي ساره : بس ؟ سلطان : هيه .. ميروه .. وين ساروا اميه وابويه ؟ ميره : ساروا صوب المطاعم سلطان : اهاا عقب سارت ميره ويا ساره وخذوا 3 بيبسي حق سلطان وميره وساره .. وعقب ما عبيد كل الناجلز وشرب البيبسي رد ولعب ميره : ساروه شرايج نلعب ؟ ساره : ههههههه .. مالت عليج شو نلعب يا حظي ؟ ميره : امممممم .. مادري ساره : مابا مابا هب متفيجه ميره : افف عقب لما عبيد لعب واستانس سار صوب ساره وميره عبيد : ساروه ميروه .. وين يدي حميد ويدو ؟ ميره : صوب المطاعم .. سير قول لسلطان يودينا هناك عبيد : سلطان سار يرمس وحده ولين الحين يهذرب وياها هنيه ساره فجت عينها : ومنو هاي الوحده ؟ ميره : ههههههه .. بدينا انغااار ؟ جان سلطان ايهم : منو هاي الي اتغار جان ساره اتشل عبيد واتنش سلطان : ميروه بلاها ساروه ؟ ميره : هههههههه .. ماشي ماشي سلطان : والله اتقولين ميره : عبيد قالها انك يالس اتهذرب ويا وحده اونها غارت .. خخخخ سلطان شاق الحلج : حلللفييي ميره : والله وعقب سلطان وميره لحقوا ساره وعبيد وكلهم اتوجهوا لحميد وحرمته ويلسوا وياهم وشربولهم عصير وحلو عقب ظهروا من المول وركبوا السياره ساره : عمي ممكن اتوصلني البيت ؟ ميره : لاااااااا سااروه والله حراام تمي .. ( جان تهمس فـ اذنها ) كل ها عسب سلطان رمس وحده .. ترى عاادي ساره : لا بس بسير البيت مافيه عقب رشود وسيفو يحرجون عليه ميره وهيه محرجه : اوكي برايج وتوجه بو احمد لـ بيت اخوه بو راشد ونزل ساره ساره وهيه نازله : حيااكم .. مابتتفضلون حميد : لافديتج .. بنسير البيت ساره : اوكي مشكورين حميد : العفوو .. حياج حبيبتي فـ اي وقت وحدرت ساره البيت وسار حميد لبيتهم من نزلوا من السياره سلطان وعبيد كانوا واصلين قبلهم سلطان كان يتريا يشوف ساره بس ماشي امل سلطان : ميييروه وين ساره ؟ ميره وهيه محرجه : ماطاعت اتي بيتنا خلت ابويه يوصلها بيتهم سلطان وهو منصدم : حللفييي ميره : اوووه والله يعني بجذب علييك ؟ سلطان : اويييه ليكون زعلت من رمسة عبيدو ميره : شكلها جييه وسارت ميره عن سلطان فـ بيت بو راشد حدرت ساره وسلمت على امها وابوها وراشد ويلست شوي وياهم عقب توجهت لحجرتها عسب اتبدل من صعدت لحقها راشد راشد : ساروه ساروه ساره : هلا راشد : ساروه ابا ارمسج بسالفه فـ خاطريه من كمن يوم ساره : ارمس راشد : بس وعد ماتخبرين حد ساره : وعد وساروا فـ حجره راشد وقفلوا الباب وراشد تم يرمس : اممم ساروه .. شو اسم بنت عمتي مريم ؟ ساره : اي وحده فيهن ؟ راشد : ماادري .. اظني كانت لابسه ثوب اخضر ساره : هييه هاي فطوم راشد : شرايج فيها ؟ ساره : بصراحه بنت ماعليها رمسه طيبه وحبوبه والكل يحبها واسلوبها عجيييب .. ليش ؟ راشد : انا شفتها لما كنت ساير مطبخهم عسب اشرب ماي جان ادعمها بالغلط .. بصرااحه من هاليوم انا هب على بعضي مادري شو سوت فيه هالبنت ساره : اوووب اوووب الاخ ساير روميوو راشد : جب جب ساره : هههههه .. اسولف معاك راشد : انزيين ادري .. الا تعالي هيه كم عمرها وهيه في اي صف ؟ ساره : امممم .. هيه توأم خموس .. وهيه فأول سنه فالجامعه راشد انصدم لما عرف انها توأم خميس : حلفيييي ؟ ساره : والله راشد : انزيين هيه مخطوبه ؟ .. محيره لـحد ؟ ساره : والله ماسويت وياها تحقيق يوم بسوي بخبرك راشد : اوووه ساروه يالله عااد ساره : هههه .. ما اظن راشد : زيين زيين ساره : وليش كل هالاسأله ؟ راشد : بخبرج بس ماتخبرين حد موول موول موول ساره : سرك فـ بير يا خوي راشد : انا ناوي اخطبها ساره : يااااااااااي .. وناااسه واخيرا بتعرس راشد : ههههه .. انزيين بلاج مستانسه ساره : شو حرام استانس ؟ راشد : لا .. انزيين يلا جلبي ويهج ابا ارقد ساره : طااعوا النذل الحين من الصبح يالسلي سين جيم اخر شي جلبي ويهج هااه .. صدق انك تييس جان يظربها راشد ع راسها ساره : اييي يعور راشد : هههه .. الله عـ الرقه ساره : خلاص بظهر انا بعد ابا اسير ارقد .. يلا سي يو ماي براذير راشد : سي يو 2 سيس وسارت ساره حجرتها وراشد سار بدل ثيابه ورقد فـ حجرة سيف رن تلفونه ترررن ترررن .. ترررن ترررن لما شافه كان المنتصل : غنــــــاتي على طول فز من مكانه ورد عـ التلفون سيف : مرحبااا حمده: مرااحب سيف : شحالج ؟ حمده : الحمدالله تمام .. شحالك انت ؟ سيف : والله تمام دامني سمعت هالصوت الغاوي حمده : تسلم سيف : شحال هل بوظبي ؟ حمده : يسلمون عليك سيف : الله يسلمهم .. بس انا مابا حد غير وحده حمده : ومنو هااي ؟ سيف : الله يسلمج ويخليج .. هااي الشيخه : حمده الـ .... حمده : ههههههه سيف : حمدووه .. والله متوله عليج حمده : وانا اكثر سيف : حمدووه ابااااج حمده : ...... سيف : حمدووه حمده : عيونها سيف : تسلملي عيونها الحلوه حمده : سيف تذكر لما يت جامعتكم اول ماشفتني شو سويت ؟ سيف : هههههه .. هيه .. كنتي قاهرتني .. مادري على شو خاقه حمده : يعني مو من حقي ؟ سيف : لااا .. حمده : خلاص عيل مابخق .. بس تعال انا لين الحين مب عارفه انت من وين يبت رقمي ؟ سيف : الله يسلمج اتعارفين ربيعتج جواهر ؟ حمده : هيه سيف : طلبت الرقم منها وهيه عطتني حمده : والله انها نذله يعني هااي تعطي رقمي حق اي حد ؟ سيف : ليش انا اي حد ؟ حمده : لاا لاتفهمني غلط .. ماقصدت جي سيف : عيل ؟ حمده : يعني اكيد بتعطي رقمي لحد غيرك بعد سيف : اهاا حمده : سرت الجامعه اليوم ؟ سيف : هيه .. افف ارف كارفينا كرااف .. مادري متى بتخرج وبفتك حمده : هههه .. الله يعينكم .. الحمدالله يوم اني خلصت سيف : حمدوه انتي شو ناويه تشتغلين ؟ حمده : مهندسه كمبيوتر .. اونك ماتعارف ؟ سيف : ههه استعبط .. انزيين سمعي انا ماباج تشتغلين حمده : لا والله سيف : هيه حمده : انزيين وايد واثق ان اهلك بيرضون تاخذ وحده اكبر عنك ؟ سيف : عادي .. انتي اكبر عني بسنه وحده بس .. شو يعني .. هب اكبر عني بـ 15 سنه حمده : سيف صدقني مابيرظون سيف : لو انتي وااثقه لهالدرجه عيل ليش يالسه اتضيعين وقتج واترمسيني ؟ حمده : ........ سيف : حمدوه والله اني احبج وبسوي المستحييل عسب اخذج حمده : سيف دخييلك هب اتسوي افلام هنديه .. والله اني اخاف عليك سيف : فديتج والله حمده : يلا عيل بخليك .. باي سيف : بااي ( حمده : هيه حنطاويه وعيونها سود وهيه واايد حبوبه وكيوت ، هيه اكبر عن سيف بسنه يعني عمرها 22 .. وهيه مخلصه الجامعه وتتريا الوظيفه وهيه كانت ساكنه فـ دبي بس عقب ساروا بوظبي) اول ما سيف سكر الخط جان يتذكر اول ماشاف حمده فـ الجامعه ( كانت حمده معصبه لأن السير اليوم هازبنها هزاب وسيف الثاني بعد كان محرج لأنه اتأخر على كلاسه هو كان توه حادر الجامعه وحمده كانت توها بتظهر صوب سيارتها ولا مره وحده يدعمون بعض وسيف لما شافها تخبل عليها بس عصب بنفس الوقت وتم يتحرطم عليها .. وهيه كانت معصبه بس لما شافت سيف وهو يتحرطم مره وحده ظحكت .. حرج سيف وحدر .. وعقب فتره تمت تستوي واايد مواقف من بينهم الين ماحبها الا عشقها سيف وخبر سلطان .. وسلطان تم يتطنز علييه عقب تعود عالوضع وبعد محاولات من سيف حصل رقم حمده من ربيعتها وهو الحين يرمسها بس من فتره لـ فتره ) جان ينقطع حبل تفكيره على رنه تلفونه المتصل : سلطان سيف : الوو سلطان : هلا والله سيف : اهليين وسهلين سلطان : شحالك الحين ؟ سيف : والله الحمدالله .. سلطووون رمست حمدوه سلطان : احلللف سيف : والله العظيم سلطان : يااحييييك سيف : الله واكبر عن تحسدنا سلطان : مااالت طاعو بحسد منو بس سيف : هههههه .. هيه والله صدقك .. سلطون ابااهاا والله اني احبها .. متى رشود الشيبه يعرس عسب اخطب حمدوتي سلطان : ههههه .. دوم عقب ماتخلص صلاتك ادعي ان رشود يعرس .. وبعدين انت واايد واثق ان عمي محمد بيوافق انك تاخذ حمده ؟ سيف : آآآآآآآه بلاكم انتو اليوم ليش كله اتحبطوني .. انشالله ليش لا سلطان : ليش منو حبطك بعد سيف وقاله السالفه سلطان : والله ما ادريبكم .. بس الي الله كاتبنه بيصير وعقب تموا يسولفون ساره من ظهرت من عند راشد سارت حجرتها وبدلت ثيابها وشلت تلفونها وحصلت 3 مسكولات 1 من ظبوي 2 من ميره وحصلت مسجين بطلتهن وكانن من سلطان الأول ( أنا لاجيت ابهديلك عيوني ابهديها واذا ماكفت عيوني فداك العين وراعيها ) والمسج الثاني كان ( ساروه ليش رديتي البيت ؟ ليكون زعلتي ؟ ) ساره من شافت المسكولات قالت هيه الحين بترقد وعقب بتسويلهم ومن شافت المسجات حرجت جان تغلق فونها وترقد ( على فكره بتلاحظن ان ساره تلبس لبس فـ بيت عمها وميره تلبس لبس فـ بيت عمها ترى هاللبس لبسهن محطوط هناك لأنهم واايد يسيرون ويرقدون عند بعض عسب جي لاتستغربون ) فـ بيت بو احمد ( حميد ) بالذات فـ جناح حصه واحمد حصه : عبيداني .. شو سويت اليوم يوم ظهرت ؟ عبيد : امممم .. ماما كان ونااااسه فاتج .. عمي سلطان لعبي و سارونه شرتلي اكل وميره كانت بتلعب وياي بس سارونه ماطاعت حصه : زين زين .. اهم شي انك استانست جان يحدر عليهم احمد احمد : هلا هلا بالحلوين حصه : اهليين .. وين سرت ؟ احمد : كنت يالس تحت ويا امييه حصه : انزيين .. ترى عبيد باجر عنده موعد احمد : باجر انا حدي مشغول شوفي لو سلطان بيوديج حصه : لا والله .. ليكون سلطان الي مسؤول عني ؟ .. احمد سلطان ورااه جامعه احمد : بشوف .. يصير خير انشالله فـ حجرة ميره نشت ميره من الرقاد وسارت غسلت ويها وشافت الساعه وكانت الساعه 30 : 7 المغرب .. انصدمت ميره وقالت خيبه رقدت كل ها على طول سارت واتيددت وصلت فرضها .. وجان اتشوف شنطه ساره محطوطه عـ كرسي ميره : اوووووه صدق انها ذكيه هالانساانه .. ناسيه شنطتها هنييه وسارت شلت تلفونها وتمت اتدق لها بس كله كان يعطيها مغلق .. ظهرت من حجرتها وسارت عند سلطان ميره : سلطون طلبتك قول تم سلطان : اممم على حسب الطلب ميره : سلطوون دخيلك .. ودرني بيت عمي محمد ساروه ناسيه شنطتها عندي واتصلت فيها كمن مره بس مباليها مغلق سلطان : هيه انا بعد طرشت لها كمن مسج بس ماردت ميره وهيه مصدومه : شوووووووووه .. سلطون انت اترمس ساره بالفون ؟ سلطان توهق : هاااه .. لا ما ارمسها بس اطرش لها مسجات ميره وهيه مفوله : سلطان لو سمحت بلا حركات ياهال يعني انت ترظى ان واحد يرمسني ؟ سلطان : ايخسي الا هووه ميره : شووف انت قلتها ايخسي .. عيل تتوقع لو سيف ولا راشد عرفوا انك اترمس ساره بيستانسون اكييد بيذبحونها .. دخييلك يا سلطان لا تمشكلها سلطان وهو مقتنع برمسه ميره : انشالله انشالله .. انتي سيري وبدلي ثيابج الحين وتعالي الموتر انا هنااك ان اتأخرتي ترى بسير عنج ميره : طييرااااان ويايتنك وسارت وبدلت ثيابها وشلت شنطة ساره وسارت صوب موتر سلطان وركبت ويااه وتحركوا وهم فالطريج سايرين بيت عمهم محمد سلطان يالس يرمس ميره ويقلها تسأل ساره لو هيه زعلانه ولا شي .. وايقلها ان هذيك البنت هيه مجرد زميله وياهم فالجامعه شافته وهيه الي سلمت عليه وتمت اتسولف << صدق ان هالبنت جليله حياا ميره قالتله اوكي .. وصلوا بيت عمهم ونزلت ميره وتم سلطان فالسياره ميره دقت الباب وبطلتلها ليني وسألت عن ساره وقالتلها انها فوق فـ حجرتها ميره حدرت البيت حصلت عوشه وحميد سلمت عليهم وسارت فوق وشافت سيف فـ دربها سلم عليها وسأل عن سلطان قالتله انه فـ السياره عقب سار سيف صوب سلطان وكملت ميره دربها وصلت لحجره ساره تمت اتدق الباب بس ماشي فايده تمت زاايغه على ساره انها سوت شي بعمرها لأنها تعارف ساره ممكن اتسوي اي شي تمت اتدق الباب واتدق واتدق الين مابطلت ساره ميره : كلللوووووش .. جان مابطلتي الباب بعد ساره بعفويه : هههههه .. والله السموحه كنت راقده ميره : نشي نشي الحين الساعه 8 .. الا تعالي صلتي ؟ ساره : هيه رقدت عقب نشيت وصليت جان اكمل رقادي ميره : اهاا .. انزيين يودي شنطتج .. بسير سلطان يترياني تحت ساره اتغيرت ملامحها لما سمعت اسم سلطان ميره : هييه صح .. سلطون قالي اقلج ان والله هذيك وحده مجرد زميله وياه فالجامعه شافته وسلمت عليه وتمت اتسولف .. ويقلج السمووحه الغاليه ساره : عادي مايهمني .. كيفه خل يسوي الي يباه انا مايخصني ميره : هالرمسه من قلبج ؟ ساره : ....... ميره : سااروه ترى والله اخوي يحبج ولا تدلعين علييه واايد يلااا بااي ساره : بااي وسارت ميره عند سلطان وشافته يالس يسولف ويا سيف عقب من شافها سلطان اترخص وساروا لبيتهم مر الوقت بسرعه عقب كل حد توجه لسريره ورقد | ||||||||
|
| |
|
| الكلمات الدلالية (Tags) |
| ليشّ, مكتملة, تتعّمـد, تعّـذبنّي, بقـلم, غيوورة |
| أدوات الموضوع | |
| انواع عرض الموضوع | |
|
|
1Likes
.png)
العرض العادي
