آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
07-04-14, 12:24 PM
| #11 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  ((الفصل العاشر)) دخل عمر المستشفى وهو قلبه يدق بسرعة وخايف من اللي بيسويه وخايف ان ميريام تصده ونفس الحالة عند ميريام كانت خايفة يكون كلام حنين غلط ويكون يحب وحدة غيرها وش بتكون ردة فعلها ياترى؟ مضى نص اليوم بين القروب وميريام تحاول تكون على طبيعتها قدام عمر وعمر يناظر ميريام وينتظر الوقت المناسب بعد البريك كانت ميريام واقفة ورى طاولة الرسبشن(الاستقبال) في المستشفى قاعدة تاخذ اوراق من وحدة من الممرضات شافتها عمر واقفة لحالها شعر ان هذا هو الوقت المناسب وفعلا تقدم من عندها ووقف قدامها وكان الفاصل بينهم الطاولة الكبيرة للرسبشن ميريام شعرت فيه وناظرته وابتسمت له عمر ابتسم وقال:مساء الخير ميريام:هلا مساء النور عمر:كيفك؟؟ ميريام اللي استغربت:تمام الحمد لله،خلصت شغلك؟؟ عمر:لا والله بس كنت مار وشفتك بلحالك ميريام:لا بس كنت باخذ اوراق وبرجع للقروب الا انت وش صار معاك بموضوع امس كلمتها؟؟ (سألت هذا السؤال وهي ما تدري ليه تسأل بس لسانها ما استأذنها ونطق بدون اذن وشعرت بالاحراج ) عمر حس بأحراجها:لا الحين بروح ميريام وهي تلف عيونها عنه :اوكي الله يوفقك يارب عمر طلع من جيب البالطو الابيض وردة جوري حمراء كانت متفتحة ومررررة حلوة حطها قدام ميريام من جوا طاولة الاستقبال لفت ميريام وشافت وردة حمراء رفعت عيونها وطالعت بعمر والتقت العيون كانت عيونها كلها استغراب عمر انتهز الفرصة هذي وقال وهو يطالع بعيونها اللي ذبحته من فترة قال كلمة وحدة:احبك ميريام عيونها صارت بعيونه ما قدرت تشيلها حست بعيونه شي غريب حست ان هالكلمة صداها غريب هي ما دخلت بأذنها وبس هي دخلت لقلبها على طول ياما سمعت هالكلمة بس ما شعرت فيها ، الحين سمعتها وكان لها احساس غير عمر حس بأستغرابها وقال:ميريام بصراحة انا كنت متردد افاتحك بالموضوع وتصديني بس والله ما قدرت اصبر اكثر من كذة انا احبك يا ميريام احبك وموت بعد ميريام اللي كانت مصدومة ومبلمة وما تدري وش تقول نزلت عيونها للوردة اللي قدامها بهاللحظة وصل الدكتور جاك(بعد الترجمة):ماذا تفعلون هنا؟؟الم تنتهون من عملكم بعد؟ ميريام حطت الوردة على طول بالبالطو حقها وقالت:لا لكننا اتينا لنأخذ بعض الاوراق وسنعود لعملنا الدكتور جاك: حسناً اتبعاني عمر اللي لعن الدكتور جاك بسره انه خرب عليه اهم لحظة بحياته مشى جنب ميريام اللي كانت ماشية وعقلها وقلبها مع اللي جنبها انتهى اليوم وميريام حاولت تكون طبيعية مع الكل عمر اللي كان طول الوقت واقف جنبها خاف انها تصده وهو مايدري للان وش رأيها بالموضوع وليد وقف جنب عمر وسأله:ها قلتلها على كل شي؟؟ عمر هز راسه يعني ايه وليد:طيب وش قالتلك ؟؟ عمر قال لوليد ان جاك خرب عليهم وليد ضحك بصوت عالي بحيث ان الدكتور جاك التفت عليه واعطاه نظرة قاسية حنين لفت على وليد:خير وش فيك يالمفهي ؟ تضحك مع نفسك ضحكنا معاك وليد حب يقهرها:مالك صلاح اف اللقافة حنين دقته مع كتفه:وجع يبغالك بكس يكسر ضروسك يالوسيم وليد انفجر من الضحك وما قدر يستحمل اكثر انطرد من الغرفة اللي كانو فيها بعد ما اخذ تهزيئة محترمه من الدكتور جاك انتهى الدوام وركبوا البنات السيارة وكانت ميريام مبسوطة مرررة مانت تغني ومبسوطة كانت تغني اغنية تامر حسني كل اللي فات (كل اللي فات من عمري عدى كأنه ساعات اول ما شفت عينيك .. يا حبيبي اه متمني اعيش طول الحياة بس حاعشق فيك.. ده اللي زيك انت يتشال على الراس وما ينزلشي .. ده اللي زيك انت يأمر وكلامه كله يمشي .. هو انا عارف انام من يوم ما عرفتك يا حبيبي .. على طول سرحان مش لاقي كلام يوصفلك تعذيبي..)) ((نسيت اقولكم ان ميريام صوتها حلو يعني مطربة الشلة)) البنات كانو يغنو معاها ومبسوطين وفالينها وحنين كانت عارفة بالموضوع بعد ما قالت لها ميريام على اللي صار اليوم مع عمر كانت مرة مبسوطة لصحباتها وصلو البنات للشقة وبعد ما اخذوا شاور وتغدو سألو ميريام عن سر سعادتها اليوم ميريام ما كانت تخبي شي عن صحباتها ابداً قالتلهم على اللي صار طبعاً كلهم انبسطوا لانهم اول مرة يشوفو صحبتهم تحب نورة: واي ميريامة اخيرا حبيتي كلوووووليش نوف اللي انفجرت ضحك على نورة:هههههههههههه والله انك هبلة، بس والله مريوم اخيرا كنت احس قلبك ميت ميريام رمت المخدة حقت الصوفا على نوف:وجع ليه مو انسانة قالولك بس والله ما ادري وش رح اسوي ما ابغاه ياخذ عني فكرة مو كويسة وما ابغ كمان اصده احبه يا ناس احبه حنين: اقول اعقلي لا احوسك الحين احبه والله احبه((قالت وهي تقلد ميريام))حسستيني انك مراهقة البنات ضحكوا وقضو اليوم وناسة وضحك $$$$$$$$$$$$$$ عند الشباب عمر اللي ما كان داري عن مشاعر ميريام له حس انها كانت مبسوطة وهذا الشي اللي بسطه شاف بعيونها لمعة غريبة دعا ربه تكون لمعة حب دخل الوليد الصالة بعد ما خذ شاور شاف عمر يطالع التلفزيون وتركي يكلمه بس واضح ان عمر مو مع تركي ابد ناداه مارد عليه راح عنده وبيده كاس موية وكبه على راسه عمر نقز وقام يصارخ وتركي ووليد متسدحين من الضحك وليد: ههههههههههههههههههههه والله انك فاهي هذا وبي قلتلها احبك عاد كيف لو مسكت يدها عمر وهو يناظر وليد:اقول مالك صلاح ولا غيران الاخ؟؟ وليد:لا حبيبي انا الحمد لله البنات يجرون وراي انا ما اجري ورى احد ابدا تركي:ايه واضح والدليل جانيت غرفته وهو زعلان تركي وعمر راحو يراضونه لان وليد قلبه ابيض ومايطول بالزعلة وانتهى اليوم بس ماندري وش رح يصير على ابطالنا بالايام الجاية %%%%%%%%%%%%%%%%%%%%%%%%% | ||||
|  |
|
07-04-14, 12:25 PM
| #12 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ((الفصل الحادي عشر)) بعد مرور اسبوع على اخر احداث صارت بين ابطالنا عمر اللي كان يلازم ميريام زي ضلها يعني كل مكان تروحه يكون وراها وهو على باله انها ماتدري بس على مين^_^ يعرف الاماكن المفضلة لميريام وكيف تقضي وقتها يعني انها في ايام الدوام اللي ما يكون فيها مناوبة على الجروب بالمستشفى كانت تروح بعد العصر لكافيه تقعد تقرأ برواياتها مع كوب كافي اما بأيام العطل كانت تحب تطلع تتمشى مع البنات الصباح بالحديقة القريبة من شقتهم وببعض الاحيان ما تمشي تجلس على الكراسي وحدها وتقرأ برواية او كتاب اما باقي اليوم تقضيه مع البنات اما بالمولات او بالمطاعم او بالشقة يذاكرون كان هذا حال عمر وميريام اللي كانت داريه انه يلاحقها بكل مكان وكانت مبسوطة بأهتمامه فيها مع انه حاول يكلمها بالجوال لاكن هي ما حبت هالشي وكانت تتعذر بالدراسة او عندها شغل الحين وما تقدر تتكلم وعلى هالحال اما وليد اللي كان مايل بالحيل لحنين واللي كان يعجبه فيها عربجيتها وجرأتها وتصرفاتها اللي على طبيعتها وما تتصنع شي بعكس جانيت(طبعا قصة جانيت ووليد بعدين نذكرها) نوف اللي كانت ماشية حسب خطتها انها تخلي تركي يحبها وتعلقه فيها لانها هي كانت تحبه بس تبيه هو يبادر بالخطوة الاولى وفعلا تركي بدأ يعجب فيها وبتصرفاتها لاكن ما كان متأكد من حقيقة مشاعره . نورة اللي كانت قصتها قصة كانت بيوم الاجازة تتمشى مع البنات بالحديقة ومرت من عند الكرسي اللي كانت تجلس عليه هي ومشاري وكانو حافرين اساميهم عليه راحت للكرسي اللي كان فاضي وجلست ومررت اصابعها على الحروف المحفورة على خشب الكرسي كان مكتوب ميشو_نونو نزلت دمعة ساخنة على خدها ورجعت بقلبها ذكريات كانت قبل سنتين بذاك اليوم كان مشاري ماسك سكين جيب وقاعد يحفر الاسماء على الكرسي نورة: ميشو ترى والله لو مسكونا بنروح بداهية مشاري: اقول نونو والله انك جبانة هذي مغامرة وبكرة لمن نكبر نوريها لعيالنا وبعدين انا مو قايلك لا تخافين طول ما انا جنبك؟ نورة مسكت يد مشاري:الله يخليك لي يا اغلى الناس مشاري كان يدرس طب بنفس جامعة نورة لاكن سابقها بدفعة اعجب فيها وحبو بعض وراح للرياض وطلبها من اهلها وتمت الخطوبة والملكة ورجعوا لفرنسا يكملو دراستهم على ان الزواج بعيد الاضحى كانت ذكرياتهم مع بعض كلها حب وحنان كانو مثال للحب العذري اللي نادر ما نسمع عنه بزمنا بيوم من الايام نورة صحيت وقلبها مقبوض ماتدري ليه ،،جاها اتصال من جوال مشاري ردت:هلا بيبي فينك من اول ادق عليك جاها صوت رجال غير مشاري(بعد الترجمة):مرحبا هل انتي الانسة نورة؟؟ نورة طاح قلبها وخافت:نعم انا من انت واين صاحب الهاتف؟ ....:ارجوان تحضري الى مستشفى ... حالا(وقفل الخط) نورة خافت وقلبها طاح راحت للمستشفى وسالت عنه كان مشاري مسوي حادث سيارة وبحالة خطيرة لاكنه ما كان غايب عن الوعي ، دخلت نورة الغرفة شافت حبيبها على سرير ابيض ومن حوله اجهزة كثيره وكان مليان دم على الغطا والسرير ،،نورة راحت ومسكت يده وهي دمعتها على خدها مشاري ضغط على يدها وتكلم بصعوبة: نونو حياتي سامحيني نورة :يابعد كل الناس الله يخليك لا تقول كذه مشاري:نونو انا حاسس انها هذي اخر لحظاتي بهالحياة نورة وهي تبكي:تكفى يابعد قلبي لا تقول كذه والله لو تتركني اموت مشاري:نونو ابيك تعيشي حياتك وتنسيني نورة:نورة انساك نساك الموت كيف انساك وانت الهواء اللي اتنفسه مشاري :نورة احبك وشهق مشاري وطلع اخر نفسه بحياته مات مشاري ومات معاه قلب نورة اللي دفنته بيدها ودفنت قلبها بقبره وما فتحته لاحد من بعده بعد شهر من موت مشاري توفت والدة نورة اللي كانت عزوتها وسندها بالحياة واللي واستها بمشاري توفت هي كمان بحادث سيارة ،نورة كانت بتفقد عقلها لان ضربتين على الراس توجع لاكن ربي عوضها بصديقات او خلونا نقول خوات طلعوها من حالة الحزن اللي كانت فيها لاكنها كانت تحمل بداخلا قلب ميت بموت اعز الناس على قلبها نورة وهي تتذكر هالذكريات الحلوة والمرة نزلت دموعها وبلبلت خدها وحجابها كانت تبكي وتشاهق وهي تلمس بأطراف اصابعها الحروف المحفورة على الكرسي ، جات ميريام اللي كانت تدري بحالة صحبتها حطت يدها على كتفها واخذتها وراحو بعيد عن هالكرسي اللي فتح جروح بقلب نورة ما تسكرت من سنين ميريام ونورة وهم يمشون دق جوال ميريام لمن شافت الرقم خافت وتضايقت خافت من مصيبة جاية بالطريق %%%%%%%%%%%%%%%%% | ||||
|
| |
|
07-04-14, 12:28 PM
| #13 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ((الفصل الثاني عشر)) ردت ميريام على جوالها :هلا مامي كيفك؟انا منيحة الحمد لله (ميريام تتكلم مع امها واهل امها باللبناني واللي يشوفها وهي تتكلم مايفرقها عن اللبنانيات) لا مامي كل شي تمام وسكتت ميريام تسمع كلام امها اللي اغلبه كان جارح لها سكتت وحاولت تمسح دمعة من عينها:مامي والله ماعم ساوي شي غلط انا بس بدي اعرف شو اللي غيرك فجأة معي؟؟ وبهاللحظة امها قفلت الخط بوجهها ميريام وقفت تبكي ونورة اللي هديت حاولت تهدي صحبتها اللي تدري عن مشاكلها مع اهلها اللي ما يدرون وش سببها(اهل ميريام سعوديين ممكن قبليين نوعا ما ابوها كان رافض فكرة سفرها لحالها على فرنسا للدراسة لاكن امها اقنعته وكانت واقفة جنبها وابوها وافق بعد ما تأكد ان خالها معها ومارح يتركها لحالها لاكن فجأة امها قلبت عليها وصارت بس تتصل فيها وتعطيها كلام جارح وهي ما كانت عارفة وش اللي غير امها اللبنانية الفلاوية كذا ؟؟وليش تتغير فجأة ؟؟وشالي سمعته عنها وهي اللي ماعليها كلام ) كانت ميريام واثقة انها ما سوت شي غلط بس نفسيتها تعبت وكتمت بقلبها وقالت لصحباتها اللي نصحوها تقول لخالها وتشوف وش بيسوي لاكنها خافت وما قالتله كان وقت غداء وكانو الشباب جالسين بمطعم ،دخلت حنين ونوف اللي سبقوا ميريام ونورة للمطعم شافهم وليد واشر لهم وجلسوا كلهم على طاولة وحدة وليد :هلا بالبنات فين الباقي؟؟ حنين:ما ادري كنا نتمشى وفجأة ما حصلناهم بس الحين جايين عمر كان ماشي وراهم بس دقو عليه الشباب وراح للمطعم استغرب ان ميريام كانت مع حنين وش اللي وداها عند نورة ميريام ونورة دخلو المطعم ودوروا على البنات لمن شافوهم استغربو انهم مع الشباب واليوم اجازة راحو وجلسوا ميريام:هاي يا جماعة الشباب:هلا اهلين وليد:نور المطعم (قال كذه وما درى الا برجله تنهرس تحت رجل عمر وطلع صرخة) ميريام فهمت اللي صار ضحكت وقالت:النور نور الموجودين وجلسوا يتغدون وهم يسولفون ويضحكون وليد كان يطالع بجهة الباب دخلت وحدة فرنسية شقرة حلوووة مررة قال للشباب:شباب شوفو المزة اللي جاية(الشباب طالعو غريزياً البنات كانو قبال الشباب التفتوا ،ميريام لاحظت نظرات عمر على هالاجنبية غارت وقال: وع هابرصة مافيها جمال حنين اللي انقهرت من وليد:وانتي الصادقة ما ادري على ايه يخقون عليها وليد حب يقهر حنين:لانها شقراء وعيونها خضراء وكأنها غزال باسم الله عليها حنين هنا عصبت وولعت ووجها صار احمر غارت ما تدري ليه:الا حمار وع والله ما عندك ذوق وليد هنا ما قدر يمسك الضحكة وضحك بصوت عالي حنين اللي تعجبها ضحكته فتحت فمها على الاخر من وسامته وضحكته الخيال ميريام ضحكت على شكل صحبتها وقالتلها بصوت واطي :حنو قفلي فمك فضحتينا حنين اللي انتبهت على نفسها:ها والله انه يخبل ذا الولد بيموتني ناقصة عمر وه بس (طبعاً تتكلم بصوت واطي) عمر كان يطالع بميريام وما يدري ليه حس انها غارت لمن طالع بالاجنبية اللي دخلت عجبه هالشي وابتسم وسألها:الا صحيح ميريام وش كنت بقول؟؟ ميريام: تفضل عمر انحرج لانه ما عنده سؤال بس يبي يكلمها وخلاص:الا صحيح من جد امك لبنانية؟؟ ميريام ابتسمت:ايه لبنانية وليد:وانا اقول هالحلا من فين (وليد قال كذا يبي يقهر عمر الا وتجيه ضربة على رجله اقوى من اللي قبلها وصرخ ذيك الصرخة) هنا ميريام ما مسكت نفسها وضحكت ضحكة دوخت عمر بزيادة وقالت :حرام عليك هرست رجل الولد ،وابتسمت وقامت وبعدها البنات كلهم قامو بعد ما سلمو على الشباب وراحو لشقتهم الشباب كانو لسة جالسين بالمطعم قال تركي وهو يناظر نوف وهي رايحة:ياخي والله ان هالبنت دماااااااااااار وليد وعمر طالعوه عمر:خير أي وحدة؟؟ تركي: وشفيك ياخي تطمن مو ميريامتك عمر:أي احسب وليد:اجل لا تقول حنين ترى اتوطى ببطنك تركي ضحك وقال: لا نوافتي وش رايكم فيها؟ وليد وعمر يطالعون بعض : من جدك؟؟؟ تركي : لا من خالي ليه وش فيها البنت جمال واخلاق ورقة ونعومة عمر: لا الكلام مو بالبنت فيك انت تركي استغرب:ليه وشفيني؟ وليد:لا بس انت قلت انك تبي تخطب سماح بنت خالك ولا نسيت؟؟ تركي:لا ما نسيت بس انا فكرت سماح ما اعرفها ولا قد شفتها الا مرة وحدة وش يدريني انها تنفع تكون شريكة حياتي وش يضمني انها تكون البنت اللي احلم فيها؟وبصراحة انا اشوف بنوف صفات انا كنت اتمناها بشريكة حياتي وليد وعمر استغربو تفكير تركي الجاد اللي بعمرهم ما شافوه غير يستهبل ويقلب الامور ضحك وتريقة بس انبسطوا ان صاحبهم قدرت تغيره نوف واخيراً $$$$$$$$$$$$$$$$$$$$$$$$$$$ | ||||
|
| |
|
07-04-14, 12:29 PM
| #14 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ((الفصل الثالث عشر)) رجعو البنات للشقة نوف كانت مبسوطة من نظرات الاعجاب من تركي اللي قالها وهما جالسين بالمطعم وبصوت خافت :ياهلا بنوافة والله نور المطعم نوف استحت ونزلت راسها وقالت: تسلم النور نورك وكان تركي طول الغداء يطالعها وهالشي اربكها وما خلاها تعرف تاكل زين بس استغربت لان مشاعرها الحين كانت قوية مرة وهي كانت مقررة انها تطيحه بدلالها ودلعها بس اللي قاعد يسير طبيعي منها ومو قاعدة تتصنعه قالت كل شي لنورة نورة ابتسمت لصحبتها وقالتلها : يالخبلة شكله يحبك نوف وهي تفكر:تتوقعين كذا؟؟ نورة:اكيد بس انتبهي خليه هو اللي يصارحك ويبدأ وانتبهي لا يكون مثل باقي الشباب لعاب وما منه كلام نوف:لا ما اعتقد تركي رجال وباين عليه هالشي قطعت عليهم حنين اللي دخلت الغرفة كالعادة بعد ما صقعت الباب بالجدار:دكتورة نوف وين بلوزتي الصفراء؟؟ نوف :أي بلوزة؟ وطبعاً صارت الحرب العالمية الثالثة بين نوف وحنين على البلوزة الصفراء*_^ $$$$$$$$$$$$$$$$$$ بعد كم يوم عند الشباب: كان وليد يطالع فيلم هو وعمر وتركي كان رايح يجيب كم غرض من السوبر ماركت دق جوال وليد وليد طالع بالرقم اللي يعرفه زين كانت جانيت قرر انه ما يرد عليها ويرجع الماضي لاكنها رجعت دقت رد عليها(بعد الترجمة):نعم (ما عنده وقت *_*) جانيت :مرحبا وال(وال اسم الدلع اللي جانيت تنادي وليد فيه) وليد:اهلا ماذا تريدين (ولا عنده اسلوب*_*) جانيت:اريد ان اراك وليد:انا اسف لا استطيع جانيت:لماذا؟ هل دخلت فتاة اخرى الى حياتك؟ وليد: اجل وخطبتها ايضاً جانيت اللي كانت تبكي:حسناً ولكنني اريد ان اراك واراها ارجوك وليد اللي طفش:حسنا حددي الموعد وسأتي جانيت :اريد ان اراكما غدا هل هذا ممكن؟؟ وليد:حسنا الى اللقاء وليد قفل الجوال وهو ينافخ سأله عمر:وش فيك وش تبي هذي؟ وليد:تبي تشوفني بس ما ادري من فين ادبر خطيبة لي بكرة عمر:بسيطة خلي حنين تقوم بالمهمة وليد عجبته الفكرة:تهقى بتوافق؟ عمر:اكيد تراها راعية فزعات وليد كمل الفلم وهو سرحان ويفكر وش تبي منه جانيت اللي كانت سبب مشاكله (وليد تعرف على جانيت في الجامعة كانت تدرس بقسم غير قسمه لاكنه شافها انسانه محترمه وغير عن بنات الغرب او كذا كانت تبين له ، وليد حبها وقرر انه يخطبها لاكن اهله رفضوا الموضوع كيف بيتزوج وحدة اجنبية مو من ثوبهم ولا نفس ديانتهم لاكن وليد مشى اللي براسه وفعلا خطب جانيت بدون موافقة اهله ،،جانيت بعد ما ضمنت وليد صارت تظهر على حقيقتها لانها كانت دائما تتصنع الطيبة والحنان قدامه بيوم من الايام جات جانيت للمكان المعروف بينها وبين وليد جات ومعها شاب اشقر طويل عرفته لوليد على انه صديقها طبعا وليد ما عجبه ذا الشي لا كنه قال انها اوربية وبكرة مع الايام بتتسنع لاكن الطامة لمن راح لبيتها وفتحتله الشغالة وقالتله انها فوق طلع فوق وشافها نايمة مع صديقها اللي عرفته لوليد طبعا الوضع بالنسبة لهم عادي لاكن وليد كان يحسب انها فتاة أوروبية عفيفة وشريفة وفهم ليش اهله رفضوا هالموضوع ) وطبعا وليد فك خطبته بجانيت وتركها ، جانيت كانت تحاول تصلح غلطها وترجع لوليد بس وليد قرف منها وما يبيها ابدا وكان يتهرب منها لاكن الحين لازم يبعدها عنه على الاخر وهذا اللي بيصير بكرة بس السؤال كيف بيقنع حنين؟؟ $$$$$$$$$$$$$$$$$$$$$$$$$$$$$$$$$ | ||||
|
| |
|
07-04-14, 12:30 PM
| #15 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ((الفصل الرابع عشر )) في المستشفى ثاني يوم وليد قرر يصارح حنين بمشكلته مع جانيت واللي فيها فيها وطلب يكلمها بموضوع حنين استغربت وش يبي منها لاكنها سمعته للنهاية وهو يقولها على قصته الكاملة مع جانيت وما خبى عنها شي وقال انه يبيها تساعده وتقابلها معاه اليوم طبعا حنين راعية فزعات (مثل ما نعرف) وافقت وقررت تروح علشان تروي فضولها بشوفة هالجانيت اللي اخذت عقل وليد المغرور في وقت الموعد جلست حنين جنب وليد على طاولة بمطعم يطل على نهر السين وكانو جالسين في مكان مكشوف من المطعم دخلت جانيت ودورت على وليد شافته جالس بجنب بنت لفت انتباهها فيها حجابها الازرق المغطي شعرها ومن الهواء طايرة من تحت حجابها خصل سوداء بسواد الليل كانت البنت اللي جنبه حلوة بشكل جذاب وخمنت جانيت انها اكيد من نفس بلد وليد تقدمت جانيت للطاولة وقالت(بعد الترجمة):مرحباً اسفة على تأخري وليد وقف يسلم عليها وقال:لا عليكي لم تتأخري حنين ما وقفت تسلم على جانيت ، جانيت طالعت فيها وهي جالسة شافت بنت فرنسية طويلة ونحيفة بيضاء وشعرها احمر ناري وعيونها زرقاء بلون البحر وكانت لابسة تنورة قصيرة وبلوزة فوقها جاكيت مع ان الجو كان بارد لاكن ملابسها خفيفة نوعا ما استغربت جانيت من نظرات هالبنت سلمت عليها وهي جالسة وقالت:انتي خطيبة والي اليس كذلك؟؟ حنين اللي بغت تفقع وجه هالبنت التفتت على وليد :من والي هذا؟؟ وليد ضحك عليها:هههههههههه انا يالهبلة بس بالفرنسي حنين:اها ، والتفتت على جانيت :نعم انا خطيبته ولكن اسمه ليس والي اسمه لودي وليد اللي بغى يوقف قلبه من كلامها قال:من لودي؟؟ حنين :انت بس بالسعودي هههههههههههههه جانيت شافتهم يضحكون ما فهمت عليهم بس قالت:الم يقل لكي والي على علاقتنا السابقة؟؟ حنين حبت ترفع ضغطها وقالت: نعم قال لي لكنني احبه بالرغم من ماضيه اليس كذلك لودي؟؟ وليد اللي بغا يحرج حنين حط ايده على كتفها وقرب من وجهها مررة وقال:اجل يا عزيزتي حنين وجهها صار احممممررر يعني شب ضو ابتسمت وحركت كتفها وقالت بصوت عادي وبأبتسامة:اقول وليدوه لا تصدق نفسك نزل ايدك لا ادوس ببطنك الحين وليد ابتسم على دفاشتها بس قاطعته جانيت اللي قالت لوليد:لاكنني احبك كيف تفعل ذلك بي؟كيف ترتبط بغيري؟هل نسيت من........ قاطعها وليد وهو مكشر بوجهها:لقد انتهى كل شيء بيننا يا جانيت وانا الان رجل مرتبط ولن.. قطع عليه كلامه صوت حنين وهي تنادي الجرسون وتطلب عصير ليمون بارد بثلج وليد استغرب وقالها:الجو بارد كيف بتشربين ثلج بتمرضين! حنين ابتسمت :لا ما عليك خليك بجانيتك وليد التفت على جانيت اللي مسكت يده وباستها وهي تبكي هنا حنين ارتفع ضغطها بزيادة وسحبت يد وليد من يد جانيت اللي تبكي وتشاهق تقنع وليد انه يرجعلها وجالسة تحنن قلبه عليها لاكن وليد التفت على حنين اللي قالت لجانيت: انه الان خطيبي ولا اسمح لك بلمسه هل فهمتي؟ جانيت عصبت وقالت لحنين: لاكنني كنت خطيبته السابقة واحبه ولا اعتقد انك تحبينه اكثر مني بهاللحظة وصل عصير الليمون مسكت حنين الكاسة وقالت لجانيت :بل اعشقه ايتها المجنونة ولن اسمح لكي بمقابلته ثانيةً (حسيت اني بمسلسل مكسيكي *_^) ووقفت وكبت كاسة عصير الليمون البارد المثلج على راس جانيت اللي انفجعت وصارت تبكي بزيادة وليد كان مثل الاطرش بالزفة استغرب من تصرف حنين وبنفس الوقت عصب منها حنين بعد ما كبت العصير على جانيت خرجت من المطعم ولحقها وليد وسحبها من كتفها ولفها عليه:انتي كيف سويتي كذا؟مين اللي اعطاك الحق تسوي كذا؟ حنين وهي معصبة وموصلة حدها قالت وهي تصارخ: اقول لو خايف عليها ارجعلها ترى مو ماسكتك بعدين انت طلبت مني اساعدك وابعدها عنك وانا نفذت طلبك ولو مو عاجبك بكيفك (وتركته وراحت) وليد انبهر بحنين ركب سيارته كان متفاجأ من تصرف حنين ومن حركتها وكلامها مع جانيت وخصوصاً لمن قالتلها انها تعشقه يا ترى حنين كانت تحبه من جد؟تذكر موقف صار بينه وبين حنين بالمستشفى (وليد كان واقف مع القروب مرت ممرضة فرنسية كأنها عارضة ازياء مررة حلوة وليد بلم فيها ولف يطالعها حنين لفت راسه وقالتله:عينك يا بو الشباب خلها هنا وكانت بعيونها نظرة غريبة) وتذكر كمان الموقف اللي صار بالمطعم لمن دخلت الشقراء وتذكر مواقف ثانية كل هالمولقف خلته يحس انه كان غبي صحيح انه يميل لها بس الحين يحس انه ما يقدر يستغني عنها وانه لو ماشافها بيوم يكون متضايق وعرف انه مو بس يحبها الا يعشقها ويموت فيها بس الحين كيف بيفاتحها بالموضوع ؟ وشالي راح يسير بينهم يا ترى؟؟ &&&&&&&&&& حنين رجعت للشقة عند البنات وهي معصبة وشوي وتبكي كانو البنات كل وحدة بغرفتها اللي نايمة واللي تذاكر دخلت حنين غرفتها هي وميريام ،كانت ميريام جالسة على السرير متمددة وتقرأ رواية لمن شافت حنين داخلة معصبة وزعلانة استغربت وسألتها وش فيها لاكن حنين حقرتها ودخلت تاخذ شاور بارد يمكن يطفي الحريقة اللي شابة داخلها كانت معجبة بوليد وتميل له بس ما وصلت لدرجة الحب طيب ليش غارت من جانيت كانت تبي تفضفض باللي بقلبها لأحد واول ما خرجت من الحمام انفجرت بميريام وقالت:عمى بشكلها الفرنسية الحولة هذي ميريام كانت عارفة ان صديقتها ما تخبي عنها شي:بسم الله عليك وشفيك تعالي اجلسي وفهميني السالفة جلست حنين وقالت كل السالفة لميريام اللي انفجرت ضحك على تصرف حنين مع جانيت وعجبتها قوة صديقتها لانها مو غريبة عليها حنين:تضحكين هذا وانا جاية اقولك السالفة تضحكين علي؟؟ ميريام:لا يا بعدي بس عجبتني قصة العصير واتخيل شكل هالجانيت والعصير على راسها هههههههه وانفجرت ضحك حنين كانت تضحك معاها بعد ما ارتاحت شوي لانها كانت تحب تسولف على اللي بقلبها لصديقاتها وخصوصا ميريام ونورة اللي كانو يحسون فيها ويساعدوها اما نوف كانت دائماً تسمع لاكنها ما تحس بحنين مع ان حنين ما تخبي عنها شي لاكن بهالامور تحس نوف ما تهتم تعرف او ما تعرف عادي عندها قالت حنين بعد ماسكتت عن الضحك:والله لو شفتي وجه وليد كاني كابة العصير البارد عليه مو عليها قهرني يخاف عليها ويبغاها تبعد عنه ميريام تبي تستفز حنين:طيب يمكن يحب وحدة غيرها علشان كذا بيبعدها عنه حنين طالعتها وسكتت ميريام قال بخبث وهي تطالعها:يعني قلتيلي حط ايده على كتفك وقرب منك؟ حنين سرحت بهالحظة اللي كانت فيها يد وليد على كتفها كانت سعيدة وتحس بالامان نفس الامان اللي كانت تحسه مع فيصل الكذاب افتكرت فيصل والي سواه فيها كيف حولها من بنت كلها انوثة الى بنت عربجية وتكره الرجال فيصل كان مثال للشاب الكذاب المنافق كان مرة جالس مع اصحابه بحديقة واشروله على حنين انها بنت عز ومال وابوها مالك سلسلة فنادق ضخمة بالسعودية طبعا فيصل حب ينتهز هالفرصة واتفق مع زوجته انه يضحك على حنين ويتزوجها وياخذ منها كم مليون ويرميها كان يمثل الحب والحنان والطيبة على حنين المسكينة اللي كانت تصدقه وتحس تجاهه بكل مشاعر العشق وعلى بالها انها تبادله بالمشاعر كان بمرة قايلها انه بيروح الرياض يقنع اهله يتزوجها وفعلا فيصل سافر لاكنه ماسافر الرياض بهالوقت من السنة كانو البنات متعودين يروحون لمدينة كان الفرنسية لان الجو فيها يكون خيال راحت حنين مع البنات وشافت فيصل وجنبه حرمة محجبة وبيدهم عربة اطفال كان فيها تؤام حنين اللي ما تدري الى الان كيف راحت وسألته من هذي وليش انت هنا ؟ كانت تتذكر طريقة زوجته وهي تقولها عن خطتهم ، حنين كانت تطالع بفيصل اللي كان يناظرها من فوق لتحت حست انها كانت غبية وقتها ومن يومها قررت تتحول الى حنين الثانية(هي صحيح كانت عربجية من زمان بس بعد فيصل زادت بزيادة )كانت تمثل القوة ومن داخلها قلب مجروح كرهت فلوس ابوها والعز وكرهت كل الشباب وقررت من يومها ما تسلم احد فيهم قلبها لاكن وليد كان غير انتبهت على صوت ميريام وهب تناديها:نعم ها وش تبي ميريام : صباح الخير بدري صارلي ساعة اناديك فين رحتي؟؟ حنين:هنا ولا مكان وش كنتي تقولي؟ ميريام عرفت وش كانت صحبتها تفكر فيه قالتلها:كنت اقولك ان واضح ان وليد يحبك ما ادري بس انا حاسة كذا حنين طالعت بعيون ميريام مفجوعة من الفكرة :لا ما اعتقد انتي ما تشوفينه كيف شايف نفسه ودايم يحارشني وانتي ما شفتيه كيف يكلم جانيت احسه يحبها ويخاف عليها ميريام :لا يالغبية انا حاسة انه يحبك وتقولي ميرام قالت لي بهالحظة دق جوال ميريام شافت ميريام الرقم خافت وطاح الجوال من يدها. $$$$$$$$$$$$$$$$$$$$$$$$ يا ترى مين اللي داق على ميريام؟؟ وليه خافت؟؟ وشالي رح يصير بين حنين ووليد؟؟ نورة تركي نوف عمر توقعاتكم وتقبلو تحياتي | ||||
|
| |
|
07-04-14, 12:32 PM
| #16 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ((الفصل الخامس عشر)) دق جوال ميريام شافت الرقم خافت وطاح الجوال من يدها ،حنين استغربت وشالت الجوال وشافت مكتوب خالد عصبت وقالت لميريام:هذا لسه يلحق وراك وش يبي فيك؟ ميريام وهي تبكي:ما ادري يا حنو ما ادري انسان مايفهم وش اسوي معاه ما ادري(وقعدت تبكي) خالد هذا كان زميل للبنات بالجامعة حاول يتقرب لميريام بس عي ما اعطته فرصة وكانت دايماً تصده لاكنه ما استسلم كان يحب ميريام بس حب من نوع اخر كان يحب يأذيها بكل شي ويحب يطيح وجهها بين الناس يعني كان هو السبب بإشاعة طلعت بين الطلاب العرب بالجامعة انها متزوجة منه بالسر ومن ورى اهلها وهذي الاشاعة خلت كل الطلبة يحتقروها ويقاطعوها لين ماتصرفت حنين ونورة ووقفوا خالد عند حده وكشفوا كذبه قدام الجامعة ومن وقتها والجامعة تتجنب خالد الى ان غيلا الجامعة لاكنه زاد كرهه لميريام اللي حلف ينتقم منها ويدفعها الثمن غالي ردت حنين عليه:خير؟ خالد كان يعرف صوت حنين:ااف مارد احد غيرالعربجية هذي! حنين:عربجية بعينك يال..... قاطعها خالد:اقول لا يكثر واعطيني القمر ميريامة حنين(تبي ترفع ضغطه):اها عرفتك مسيلمة الكذاب معاي ؟ ولك عين بعد تسأل عنها ياخي والله انت من النوع اللي مايحفظ ماء وجهه ابدا خالد:اقول بتعطيني ميريام ولا لا؟ حنين:اكيد لا ولا عاد تتصل هنا ابدا سمعت (وقفلت الخط بوجهه ) عند خالد:اه يالخايسة انتي وصحباتك والله لا ادفعكم الثمن غالي وانا ولد ابوي (ونوى لميريام وصديقاتها بالشر) $$$$$$$$$$$$$ باليوم الثاني طلعو البنات كعادتهم بيوم اجازتهم يتمشون بالحديقة القريبة من شقتهم كانت نورة ونوف يتمشون اما ميريام وحنين جلسو على كرسي بالحديقة عمر كالعادة ورى ميريام يتصيد تكون لحالها علشان يكلمها لاكنه قرر يوقف ويسمع كلامها هي وحنين ميريام ماكانت منتبهة على وجوده كانت هي وحنين ساكتين وفجأة طلعت من ميريام اه كبيرة التفتت عليها حنين:وشفيك تتأوهين خير فيك شي؟ ميريام وهي تناظر النهر اللي قدامها:احبه يا حنو احبه عمر وقف قلبه مين اللي تحبه؟ ميريام كملت:اعشقه وما قد عشقت غيره انتي تعرفيني ياحنو عمري ما حبيت ولا ذقت طعم الحب لاكني هالمرة حبيت عمر كان مصدوم ويبي يعرف وش اللي براسها ومين تحب؟ كانت حنين ساكتة تخلي ميريام تكمل كلامها لانه واضح انها تبي تتكلم قالت ميريام: احبه واعشقه ياناس وانا ما اظن الهوى اجرام... لان الحب من الفطرة وحب هالشخص يكفيني ........ حنين:الله صرتي شاعرة بعد؟ ميريام التفتت على حنين وتكلمت بحماس:تخيلي يا حنو يوم ما دقيت فيه بالمستشفى وطاحت ملفاته حسيت ان قلبي طاح معاها نظراته ماغابت عن بالي ابد ويوم اعطاني الوردة وقالي احبك حسيت اني انولدت بذاك اليوم احس بحبه من نظراته احس بإهتمامه لمن يلاحقني من مكان لمكان وهو يحسب اني ما اشوفه لكني داريه انه معاي وحولي على طول احس بالامان وهو جنبي احس قلبي يدق بسرعة لمن اشوفه مااحب اصده لاكني خايفة والله خايفة حنين:من ايش تخافي وانتي تحبيه؟؟ ميريام:اخاف انه ياخذ عني فكرة اني بنت مو كويسة وانتي داريه اني عمري ما سلمت قلبي لاحد اخاف يتركني ويخدعني اخاف يجرحني ويخوني اخاف من اشياء كثيرة تسير وتغير نظرته عني عمر كان متفاجأ ومصدوم ومو مصدق اللي يسمعه يعني ميريام تحبه وتبادله مشاعره مو مثل ما كان يحسب انها ما تحبه وانها تصده وما تهتم لمشاعره قال بقلبه:اصدك يا بعد كل الناس واتخلى عنك ماعاش اللي يقول عنك كلمة وحدة يا بعد كل الناس وقرر يروح من وراهم لانه ما حب يحرجها اذا شافته وراها ميريام كانت تتجاهل موضوع خالد من امس كانت تفكر بعمر كيف تخليه يحس انها تحبه بس بدون ما ياخذ عنها فكرة مو كويسة حنين كانت جالسة تفكر بوليد كيف بتقابله اليوم على الغداء(لان من عادة القروب خلال ايام الاجازات يتغدون مع بعض) وكيف بتحط عينها بعينه ؟كل هالاسئلة كانت تدور براسها رجعو نورة ونوف وشافوهم جالسين نورة:اقول نويف ما تشوفين حنين من امس وهي متغيرة ودايم مسرحة؟؟ نوف: اولا نويف بعينك ثانيا الا احسها مررة متغيرة مدري احس في شي شاغل بالها نورة:انا لازم اعرف وطبو نوف ونورة على البنات وفجعوهم حنين انفجعت وصرخت:عمى بشكلك انتي معاها كذا تفجعوني قطعتو خلفي يالمعفنين البنات الثلاثة تسدحو من الضحك على حنين وطبعاً نورة نفذت اللي براسها وخلت حنين تقولها على كل شي (قصتها مع جانيت ووليد) (طبعا نسيت اقولكم عن شي ترى نورة عنيدة وراسها حجر واللي براسها لازم يسير (وبصراحة هذي الحقيقة واسألوني انا *_*)) $$$$$$$$$$$$$$$$$ على الغداء كانو الشباب قاعدين بالمطعم ينتظرو البنات دخلو البنات وجلسو كان عمر قدام ميريام ووليد قدام حنين اما تركي قدام نوف ونورة قدام شادي اما محمد ما كان موجود شادي:يالله يا جماعة اطلبو شي حتى ناكول لاني ميت من الجوع تركي:ليه انت من متى مو جيعان وضحكوا كلهم على شادي الاشقر اللي صار وجهه احمر وقال:شو بدك تحسدني على رزقي كل راس مالي هالمعدة بدك تحسدني عليها كمان هنا الكل انفجر من الضحك خلال الغداء كانو يسولفون ويضحكون وكانت حنين تحاول تتجنب نظرات وليد اللي ما تدري وش سببها اما ميريام فكانت تدردش هي وعمر عن الاهل وانهم اشتاقو للرياض وحرها وودها تروح تشوف جدتها ببيروت ووعدته تاخذه يوم لمطعم خالها فجأة خلال الغداء دق جوال نورة وكان المستشفى طبعا نورة كانت قائدة القروب لانها كانت الدافورة فيهم واي نداء من المستشفى على جوالها وهي تبلغ باقي القروب كان المستشفى طالبهم لحالة طارئة طبعا كلهم قامو وتوجهوا على طول للمستشفى دخلو الاسعاف وشافو شخص ممد على السرير وحوله الدكاترة والمسعفين يحاولون يسعفونه الدكتور جاك ناداهم وخلاهم يجون يساعدونه ويشوفون شغلهم اما نورة صنمت مكانها وما قدرت تتحرك شهقت وبكيت $$$$$$$$$$$$$$$$$$$$$$$$$$$$$$$$$$$$ | ||||
|
| |
|
07-04-14, 12:33 PM
| #17 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ((الفصل السادس عشر)) نورة اللي صنمت بمكانها وما قدرت تتحرك شهقت وبكت بصوت خافت وبدون ما يحس عليها احد كانت تشوف الشخص اللي على السرير ومغطيه الدم تذكرت هالموقف اللي مر عليها من قبل وتذكرت مشاري اللي كان متمدد مثل هالشخص ماتدري ليه ما تمنت هالشخص يموت لانه اكيد عنده حد عزيز عليه بيفقده استجمعت قوتها وشجاعتها ولحقت القروب والدكتور جاك اللي توجهو لغرفة العمليات بعد ما اعطى الدكتور جاك اوامر بتجهيزها لان المريض بحاجة لعملية تجهزت نورة للعملية بسرعة وكان قلبها قوي مو مثل العادة بالعادة باي عملية تحس بدوخة من الدم وبعض الاحيان كانت تستأذن من العملية وتطلع واحيانا ترجع وراء ميريام اللي دايما تكون اول شي جنب الدكتور جاك بالعمليات لان قلبها قوي وتتحمل هالمناظر نورة هالمرة هي اللي كانت واقفة جنب الدكتور جاك وكانت تساعده وتصارخ على الممرضين كانت بحالة هستيريا وتبي هالمريض يعيش ما تبيه يموت ابداً بعد العملية اللي استمرت 6 ساعات كانت نورة تتنفس بصعوبة بعد ما اعلن الدكتور جاك نجاح العملية وان المريض تعدى مرحلة الخطر والحمد لله كانت نورة مبسوطة ومستانسة مرة وهالشي خلا كل القروب يستغربوا شادي كان واقف يغسل ايده جنب ميريام:ميريام شو قصة نورة؟ماشفتيها بالعملية كيف كانت؟غريبة كان بدها تشيل الدكتور وتسوي هي العملية صح؟ ميريام:أي والله وانت الصادق كانت غريبة مدري احس فيها شي حنين كانت هلكااااااانة بعد هالعملية المتعبه والطويله جلست برة غرفة العمليات على الكراسي وسندت راسها على الجدار وغمضت عيونها حست بأحد جلس جنبها حسبتها ميريام قالت:ميريامة وش فيها نورة احسها مو على طبيعتها؟ جاها صوت رجولي فجعها قال وليد:ما ادري احسها مو طبيعية (وابتسم وطالع فيها ) حنين فتحت عيونها وطلت فيه كان يبتسم وباين عليه الارهاق جلس يمطط جسمه وهو يقول:اطول عملية مرت علي بحياتي كلها والله مررة تعبت وانتي ما تعبتي؟؟ حنين ابتسمت وسندت راسها على الجدار مرة ثانية وقالت:الا والله هلكانة مو مصدقة متى ارجع انام كانت الساعة 8المساء والكل طلعو من غرفة العمليات وجلسو جنب وليد وحنين اللي مسند راسه على الجدار واللي حط راسه على اللي جنبه واللي حط راسه على رجوله الا نورة خلصت العمليه وراحت للعناية المركزة عند المريض اللي طلع من غرفة العمليات استغربت نورة ان ماحد سأل عنه ابد طبعا نورة الى الان ما كانت شايفة وجهه دخلت غرفة العناية وطلت بوجهه اللي كان مخيط وممسوحة عنه اثار الدم نورة لمن شافته عرفت انه خليجي مو اجنبي من شعره الاسود ومن بشرته الحنطية ورموشه الطويلة وجسمه الرياضي عند ميريام اللي كانت جالسة ومسندة راسها على الجدار وجنبها نوف اللي مسندة راسها على رجولها جلس جنبها من الناحية الثانية عمر ميريام كانت مغمضة عيونها بس حست ان في احد يطالعها كان عمر يطالع فيها وهي مغمضة عيونها وهي واضح عليها التعب كان يطالع وجهها اللي يسحره ويخليه ينسى الدنيا وما فيها ميريام فتحت عيونها والتقت عيونها بعيون عمر ابتسمت له وقالت:وش فيك تطالعني؟ عمر ارتبك من جرأتها وقال:ها لا بدا بس شكلك حلو وانتي تعبانة ميريام ابتسمت وضحكت قالها عمر:وش فيك تضحكين؟؟ ميريام سكتت من الضحك وقالت:لا لا لا ولاشي اسفة عمر ابتسم على جراتها وسند راسه على الجدار وقالها بصوت خافت:تدرين ميريام ميرام:لا والله ما ادري عمر ضحك وقال:ههههه تدرين وش كثر احب جرأتك ميريام وجهها قلب طماطم وابتسمت وسكتت عمر حس بإحراجها ماحب يزيد عليها وابتسم ابتسامة خلت قلبها يدق بقوة تركي كان يناظر نوف وهي حاطة راسها على رجول ميريام وميريام تلعبلها بشعرها الاسود حسد ميريام بسره وتمنى لو انه مكانها بس ياليته يقدر يكلم نوف طيب وش يقول وكيف يفاتحها بالموضوع عند وليد اللي قرر يفتح الموضوع من حنين قال:حنو تدرين بغيت اشكرك حنين التفتت عليه واستغربت :على ايش تشكرني؟؟ وليد طالع الارض:على موضوع جانيت اللي خلاص قررت تنساني واخيرا حنين رجعت غمضت عيونها وقالت:لا عادي لا شكر على واجب وليد كان مرتبك ويشبك اصابعه قال:حنين انا ... انا وما قدر يكمل حنين كانت ساكته(وش فيه هذا) وليد قبل لا يكمل كلامه جاء الدكتور جاك وكلمهم وخلاهم يرجعون لبيوتهم ورجعوا كلهم لبيوتهم هلكانين وتعبانين وليد كان وده يقول لحنين عن اللي بقلبه بس ماقدر وخانته شجاعته قدام العيون الذباحة لحنين العيون اللي كانت هاجسه بالفترة الاخيرة تذكر بيت شعر من قصيدة وكتبه على دفتره نظرة عينه تدوخ ولا ترحم ماغير هيام ....... اطالع صورته واشهق وقلبي يحترق فيني.... خذت قلبي وذوبته بس القلب ما ينلام ..... حتى نظراته بلحظه تونسني وتبكيني .... $$$$$$$$$$$$$$$$ عند حنين كانت محتارة وش يبي وليد يقول وتوتر وما قال؟وليش كان مرتبك ويناظرني نظرات غريبة؟؟ كل هالاسئلة سئلتها حنين لنفسها وما قدرت تجاوب عليها واستسلمت للنوم ونامت اما ميريام كان قلبها يدق ومبسوطة من جرأة عمر كانت تفكر وش تسوي معاه كانت خايفة من شي وما تدري وقلبها مقبوض وما تدري ليه بس كانت خايفة بعدت هالهواجس من بالها ونامت نورة ماقدرت تنام وعي تفكر بحال هالمريض وتتذكر مشاري وهو يموت بنفس الحالة قررت انها تعرف كل شي عن هالشخص نوف كان ودها تركي يقولها أي شي غير النظرات كانت تسمع تلميح وتشوف نظرات كان واضح عليه الاهتمام فيها لاكنها تبيه يتكلم $$$$$$$$$$$$$$$$$$$$$$$$$$$$$$$$$$$$$$$$$$ | ||||
|
| |
|
07-04-14, 12:33 PM
| #18 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ((الفصل السابع عشر)) مضى على العملية يومين والمريض الى الان بغيبوبة دخلت نورة للغرفة اللي فيها المريض كانت الشرطة موصلة اشيائه للمستشفى كانت شنطة يد صغيرة موجودة جنب السرير مسكت نورة الشنطة وسمحت لنفسها انها تفتحها وتعرف أي شي عنه ،لقت فيها جواز سفر سعودي وفيه صورته واسمه منصور ال........ كان رجل اعمال معروف بالرياض استغربت نورة ان ماحد زاره ولا سأل عنه من اهله معقول مايدرون؟ وشافت اوراق كثيرة بالشنطة مالمستها بهالحظة تحرك منصور بسريره نورة التفتت وطالعته فتح منصور عيونه بصعوبة شاف قدامه بنت محجبة بيضة وملامحها حلوة ولابسه بالطو ابيض لف راسه يشوف هو وينه حصل نفسه بسرير ابيض بغرفة كلها ابيض بأبيض وفيها اجهزة كثير عرف انه بالمستشفى كان عطشان قال بصوت خافت:ابي موية نورة وهي مقربة عندة جريت برة ونادت الدكتور جاك والقروب وجابت موية لمنصور الدكتور جاك والقروب فرحو لمنصور اللي ربي انقذه وصحى جات نورة وسندت منصور وشربته المويه وسط استغراب الكل لان نورة ما كانت تقرب من احد من الشباب البنات كانو مستغربين من صديقتهم اللي طول هاليومين بهالغرفة وخايفة على هالمريض وما يدرون ليه طلع الدكتور جاك ومعاه القروب الا نورة اللي وقفت جنب سرير منصور وقالتله:الحمدلله على سلامتك منصور كان الى الان مو داري وش السالفة:الله يسلمك وطالع نورة وسألها:وش السالفة ؟ووش اللي صارلي؟ نورة انبسطت انه صحي حبت تساعده وتعرف كل شي عنه قالتله بحنان:لا الله يسلمك مجرد حادث بسيط بي الحمد لله انت الحين بخير وما فيك الا العافية بس انت ارتاح منصور غمض عينه وتذكر الحادث اللي صار له بسبب اعمامه اللي اعماهم الطمع وخلاهم يقتلون ولد اخوهم علشان الفلوس منصور ابوه وامه توفو قبل سنة لمن احترق بيتهم بالرياض وكان هو مسافر وبكذا وبما انه وحيد امه وابوه ورث كل فلوس ابوه رجل الاعمال وقرر انه يكمل اللي بدأه والده ويكبر هالاعمال وطبعا هالشي ماعجب اعمامه ابداً وقرروا ياخذون الفلوس بأي ثمن منصور كان بفرنسا يوقع عقد عمل واعمامه حاولو يقتلوه بهالحادث المروري اللي صار لاكنه الحمد لله عايش وما مات يعني مارح يتهنون بولا شي نورة حست انه يبي يرتاح قررت تطلع من الغرفة بس قبل لا تطلع قالتله:على فكرة انا المسؤلة عن حالتك أي شي تحتاجه دق على جرس الممرضات واطلبني انا نورة ال...... طالبة متدربه وابتسمت وطلعت منصور استغرب من هالبنت طالبة ومتدربة ومسؤلة عن حالته؟لا اكيد هالمستشفى يمزحون وفعلا كانت نورة مكلمة الدكتور جاك انها تكون مسؤلة عن حالة منصور بس تحت اشرافه والدكتور جاك وافق على طلبها $$$$$$$$$$$$$$$$$$$ بعد ايام نورة تعودت على منصور وصارت كل شوي عنده ماتدري وش اللي يشدها له بس تحب تروحله وتسولف معاه اما منصور كان يحب وجود نورة عنده اللي تونسه وتقطع عليه وحدته كانت تسولف معاه عن كل شي حتى هو كان يسولف معاها وفتحلها قلبه وقالها عن قصته مع اعمامه نورة استغربت وقالت:يالله معقول في ناس كذا؟؟ يبيعون ضميرهم علشان الفلوس؟؟ منصور ضحك على منظرها المتاثر وقال: ويبيعون انفسهم كمان بس انا لهم والله ما يضيع حق احد نورة :من جد والله (وطالعت بالساعة):يالله شكلي انا عورت راسك بالسوالف ووقفت بتروح وقالتله:خلاص اتركك ترتاح الحين عن اذنك منصور:دكتورة نورة نورة التفتت عليه:بليز انا قلتلك ناديني نورة على طول لا تقولي دكتورة احسها تكبرني منصور ابتسم وقال:امرك ولا يهمك بس كنت بقولك مشكورة على كل شي نورة ابتسمت:على ايش تشكرني ترى انا ما سويت الا واجبي يالله عن اذنك لا يذبحني الحين الدكتور جاك فجأة وهي تتكلم دخلت حنين الغرفة كالعادة حنين:نوير انتي هنا والله هالاشقر قالب عليك المستشفى نورة تفشلت من حنين قدام منصور:حنو كم مرة قلنا دقي الباب بعدين خلي هالاشقر يبلط البحر حنين طالعت منصور:اسفة والله من الربكة منصور ضحك على حنين:لا عادي خذي راحتك الا وين وليد ما جاني اليوم؟ (طبعا القروب كلهم كانو دائما يجلسون عند منصور حتى انه اخذ عليهم وصاروا صحابه بس نورة كانت غير تجلس وتطول ) حنين :الحين اناديه لك ولا يهمك كم منصور عندنا؟ نورة غارت من حنين ماتدري ليه :الا مو قلتي جاك يدورني يلا قدامي خلنا نشوف وش يبي وطلعوا البنات من الغرفة منصور كان يفكر بنورة مايدري ليه يحس بمشاعر غريبة تجاه هالبنت يحب يسولف معاها ويحب تجلس معاه ويحب اهتمامها فيه جلس وسرح بشكلها بالحجاب وخصل الشعر البنية الطايرة من تحته وبياضها الحلو وعيونها الوسيعة وفمها الحلو اللي بلون التوت يحس انه تعلق بهالبنت جلس يفكر فيها لاكنه استسلم للنوم ونام وكان يحلم بنورة $$$$$$$$$$$$$$$$$$$$$$$$$$$$$ | ||||
|
| |
|
07-04-14, 12:34 PM
| #19 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ((الفصل الثامن عشر)) بعد تفكير طويل من منصور بنورة وبعد ماشاف جمال هالبنت وجاذبيتها واخلاقها وقلبه اللي كان يدق كل ما يشوفها وينشغل باله لو تأخرت عليه عرف انه يحبها وانها سحرته بجاذبيتها وانوثتها قرر انه يفاتحها بالموضوع ويعرف وش ردة فعلها كعادة القروب بنهاية دوامهم كل يوم كان يطلعون عند منصور ويجلسون معاه وبعدها يروحون لشققهم بهذاك اليوم كان منصور عقله وقلبه مع نورة اللي كانت جالسة على كرسي بجنب سريره كان يتكلم مع الشباب ويضحك لاكن باله مشغول كيف يفتح هالموضوع مع نورة اللي كانت مستغربة من منصور المسرح واللي واضح ان باله مشغول وهالشي مو من عادته سلم الكل على منصور وطلعو ما عدا نورة اللي عدلت سرير منصور وقربت من عنده كل شي لانه لسه ما يقدر يتحرك منصور كان يطالع فيها ومسرح نورة انتبهت لنظراته وقفت وطالعت فيه :وش فيك منصور فيك شي؟؟حاسس بشي؟؟احسك مو طبيعي اليوم؟؟ منصور ابتسم:بصراحة يا نورة مدري وش بقولك نورة استغربت منه :فضفض يمكن اقدر اساعدك بشي منصور طالع بعيون نورة اللي انحرجت من نظراته بس ماشالت عيونها اللي كلها تساؤل منصور قال بتلعثم:انا ....انا .. بصراحة افكر فيك وما تروحين عن بالي ابدا نورة استغربت منه انه حاسس نفس شعورها كمل منصور:وبصراحة اكثر انا معجب فيك لا مو بس كذه الا احبك وما اقدر اتخيل يومي بدونك نورة امتلت عيونها دموع مو من كلامه بس لانها افتكرت مشاري لما صارحها بحبه لها قالها نفس هالكلام منصور استغرب وش فيها بهاللحظة اندق الباب ودخلت ميريام شافت نورة متجهة للباب وعيونها دموع وخرجت من الغرفة راحت ميريام لعند سرير منصور:وش اللي صار وش فيها نورة ؟؟ منصور كان مستغرب اكثر من ميريام :ما ادري والله ما ادري ما سوتلها شي بس......(وسكت) ميرام :بس ايش؟ وش اللي صار؟ منصور قال لميريام على اللي صار وبعد ما خلص قال:يعني هي الحين ليش بكيت يعني ما تبيني ولا ايش؟؟ ميريام كانت فاهمة ليش نورة بكيت وقالت لمنصور:لا مو هذا السبب انت فتحت عليها جروح قديمة وقالتله عن سالفة نورة ومشاري من الاول للنهاية وكيف انها انسانة حساسة ودمعتها بخدها منصور استغرب من حالة نورة وقرر بينه وبين ميريام انه يطلعها منه هالحالة ووعدته ميريام انها تساعده وتكلم نورة وتحاول تطلعها من الي هي فيه. $$$$$$$$$$$$$$$$$$$$ كانو البنات سابقين ميريام للشقة كانت حنين ونوف يطالعون التلفزيون لما دخلت ميريام حنين: وش فيك تأخرتي؟؟ ميريام:لا مافي شي (ميريام ما حبت تقول السالفة للبنات عشان لا تحرج نورة) فين نورة؟؟ نوف :بالحمام تاخذ شاور ميريام دخلت لغرفة نورة ونوف وقفلت الباب وجلست على سرير نورة تنتظرها تخلص شاور نورة كانت بالحمام ما تدري ليه سوت كذا وليه بكيت قدام منصور طلعت من الحمام شافت ميريام متمددة على سريرها وحجابها على كتفها يعني توها راجعة معقولة يكون منصور قالها على كل شي ؟لا مستحيل ليه يقولها هي وش دخلها؟؟ نورة:وش فيك جالسة هنا ما عندك غرفة؟؟ ميريام حبت تستهبل:لا الله يسلمك بس وحشتيني قلت اجي واشوفك قبل لا تنامين اعرفك تموتي بالنوم نورة وهي تمشط شعرها:اخلصي ترى مو فايقتلك وش تبين؟؟ ميريام:نورة اتركي شعرك وتعالي ابيك بموضوع جات نورة وجلست قدام ميريام على سرير نوف:ها خير وش تبي؟؟ ميريام ناظرت بعيون نورة وقالت:نونو ليه تسوين كذا؟؟ نورة :وش اللي اسويه؟؟ ميريام:انتي فاهمة قصدي نورة لفت وجهها وهي فاهمة على ميريام بس ساكتة:لا مو فاهمة شي ميريام جلست جنب نورة وحطت يدها على كتفها وقالت:يا نونو يا حياتي ليه تقسين على نفسك؟طيب وش دخل منصور اللي يحبك؟؟ نورة هنا ما قدرت تستحمل وانفجرت بالبكا ميريام ضمت نورة وقالت:يا بعد قلبي انتي دامك ما تبيه ليه ملصقة فيه 24 ساعة؟؟ نورة: ما ادري يا ميريام لمن شفته بالاسعاف قررت اني اساعده لانني تذكرت مشاري اللي مات من قبله بحادث وقلت اكيد في ناس بتزعل على موته بس لمن طلع من العملية قررت اساعده واعرف وش مشكلته وما ادري ليه صرت ما احب يمر يومي لو ماشفته ميريام:يعني تحبيه؟؟ طيب اعطيه فرصة واعط نفسك انتي كمان هالفرصة ! نورة :طيب ومشاري انا يا ميريام دفنت قلبي معاه ميريام:مشاري الله يرحمه مات وهالكلام اللي تقوليه غلط انتي ما دفنتي قلبك انتي جمدتيه بس جات الفرصة انك ترجعي تحبي والحي ابقى من الميت نورة:بس انا احب مشاري ومارح اقدر انساه ميريام: لا يانونو لازم تنسيه انتي الظاهر نسيتي وصيته لك لمن قالك انسيني وعيشي حياتك نورة اقتنعت بكلام ميريام مسحت دموعها وقالت:خليني افكر بالموضوع ميريام حضنت صحبتها:يا بعدي والله فكري وما تنسي منصور والله انه خاق عليك وضحكت نورة وهي تتخيل شكل منصور وهو خاق عليها $$$$$$$$$$$$$$$$$$$$$$$$$$$$$$$ عند الشباب تركي قرر يقول اللي بقلبه لنوف دق على جوالها (لان ارقامهم عند بعض بما انه جروب) نوف كانت مندمجة مع فيلم الاكشن اللي تشوفه هي وحنين انفجعت من الرنة وانفجعت اطثر من الرقم مسكت الريموت وكتمت صوت التليفزيون حنين بغت تقوم تذبحها لاكنها هونت لمن سمعتها تقول :هلا تركي (وقالت ببالها يلا خلنا نشوف وش يبي هذا بعد) تركي خق على صوت نوف وتوتر بزيادة انه داق بهالوقت قال:وش اخبار نوافة؟(اسم الدلع بين الجروب بس تركي يناديها فيه اكثر) نوف بغا يطيح قلبها(يازين اسمي على لسانك):تمام الله يسلمك وش اخبارك انت؟؟ تركي: انا بخير دامك بخير نوف وجهها صار احمر وتوترت:خير تركي في شي؟؟ تركي:ايه في نوف طاح قلبها خافت يكون صايرله شي:وش فيك خير صايرلك شي؟قول وش فيك؟ تركي عجبه اهتمامها فيه:لا بس احبك (ما عنده لا وقت ولا اسلوب هالاخ الثاني *_^) نوف بلمت فتحت فمها على الاخ وسكتت حنين كانت تشوف المنظر وتسدحت من الضحك :ههههههههههههههههوش فيك فاتحة فمك يالفاهية على الاقل سكريه ههههههههههههههههههه تركي سمع حنين وانفجر ضحك نوف عصبت ليه يضحك:خير وش فيك تضحك؟؟ تركي :ها لا ولا شي بس مارديتي علي نوف:لابس بصراحة فاجأتني واحرجتني تركي:بصراحة انا ماكنت عارف كيف افاتحك بالموضوع ماحصلت نفسي الا داق عليك وقايلك انا ما ابيك تفهميني غلط لاني من جد نوافة والله احبك نوف طبعا ساكتة مو دارية وش تجاوبه تركي حس باحراجها وقال:اوكي يالغالية اتركك الحين تفكرين براحتك تصبحين على خير نوف:وانت من اهله وقفلت الخط وهي ودها تقوم ترقص من الوناسة كانت تحب تركي وودها هو اللي يبادر ويقوا بس تأخر لاكن الحمد لله واخيراً نطق حنين :واخيرا نطق ابو الهول ما بغى يقولها نوف: وه حنو انا مبسووووطة (وصرخت) طلعو ميريام ونورة من الغرفة مفجوعين قالتلهم حنين السالفة كلهم صرخوا واستانسو لدرجة ان الجيران دقو عليهم لانهم ازعجوهم *_* $$$$$$$$$$$$$$$$$$$$$$$$$$$$$$$$$$$$ | ||||
|
| |
|
07-04-14, 12:35 PM
| #20 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ((الفصل التاسع عشر)) في اليوم الثاني كان الكل واقفين مع الدكتور جاك جا تركي وقف جنب نوف وقرب من اذنها وهمس لها :وشلون نوافتي اليوم؟؟ نوف صار وجهها احمر:الحمد لله تمام تركي رجع وهمس لها :دوم مو يوم احبك يا بعد روحي نوف قلبت طماطم من الحيا وقالتله بشكل جاد:ممكن تعقل لا ننطرد الحين؟؟ تركي عقل عنها وبعد اما وليد كان واقف ورى حنين قرب منها وقال:وشلونك يالعربجية؟؟ حنين قررت انها توريه العين التركواز على قولتها لانه دايما يضايقها:زي لونك يالنسونجي ! هنا وليد ضحك عارف اسلوبها العربجي بس وش يسوي يحبها ويحب يضايقها عمر كان واقف ورى ميريام اللي جنبها شادي اللي كل شوية يكلمها ويسولف معاها عمر كان وده يفقع وجه شادي اما ميريام الوضع عندها عادي دام شادي ما تعدى حدود الادب وكان يتكلم بالشغل مو بشي ثاني نورة كان ودها تذبح الدكتور جاك لانها ودها تروح تشوف منصور وهو قاعد يتكلم ومو مخليهم بحالهم الدكتور جاك خبر القروب ان بكرة بيكون تقييم ولازم الجروب كله يكون موجود والا راح ينقص الكل ورح يأثر هالشي على درجاتهم اخر السنة خلص الدكتور جاك كلامه نورة ماصدقت على الله يخلص الا وطارت عند منصور دقت باب الغرفة بس ما سمعت رد فتحت الباب بشويش شافت منصور مغمض عيونه ونايم دخلت نورة بهدوء على اصابع رجولها علشان ما تصحيه لاكن منصور اصلاً صاحي ويناظرها من بين رموشه اللي نص مقفلة ابتسم على شكلها اللي كانها حرامي مو دكتورة منصور فتح عيونه وقالها:هلا والله بنورة نورة:سوري ازعجتك والله ما كان قصدي انا اسفة منصور ابتسم ابتسامة تخقق:لا ابد وش دعوى اصلاً ما كنت نايم نورة ابتسمت وقالت وهي منزلة عيونها ومستحية وما تدري وش بتقول :منصور ا..ن..ا انا اسفة على اللي صار امس وما ..... قاطعها منصور:لا انا مقدر ظروفك بس ابيك تعطيني فرصة اعبر لك فيها عن اللي بقلبي نورة تحس انها محتاجة لهالانسان من زمان وبدت تتحرك مشاعرها تجاهه بهالحظة دخل كل القروب قالت حنين وهي تطالع نورة:انا ما التفت الا وانتي هنا؟ وش تسوين؟؟ نورة وجهها صار احمررر من كلام حنين:لا بس انتي ناسية اني المشرفة على حالته؟ نوف حبت تحرجها :أي هين هنا الكل انفجر ضحك على نورة اللي تتوعد البنات وشكلها محرجة مررررررررة مرت ساعة والقروب جالسين عند منصور وناسين انفسهم سوالف وضحك وما قاموا الا لمن طب عليهم الدكتور جاك واعطاهك تهزيئة محترمة قدام منصور اللي تسدح من الضحك على اشكالهم كأنهم طلاب ابتدائي ما حلو الواجب !!~~!!~~!!~~!!~~!!~~!!~~!!~~!!~~!!~~!!~~!!~~!!~~!! ~~ بنهاية الدوام كانت ميريام وحنين بالسيارة ينتظروا باقي البنات كانت ميريام تقول لحنين عن سالفة نورة ومنصور امس ولمن خلصت قالت حنين:والله انها مسكينه هالنورة والله الشي اللي شافته ماحد شافه ميريام: ايه والله (وهنا جات ببالها اغنية راشد الماجد وعبد المجيد عبد الله (ياحبي الاول والاخير ))صارت تغني وحنين تغني معاها كان عمر واقف ورا سيارة ميريام وسمع صوتها وهي تغني كان اول مرة يسمع صوتها كان صوتها مرررة حلو وعذب وكله رومانسية يا حبي الاول والاخير تدري بغيابك وش يصير... تظلم بعيني دنيتي واصبح بلا شوفك ضرير.. ابكي وتسألني الدموع متى متى وقت الرجوع .. والشوق اللي بين الضلوع اتعبني بغيابك كثير ... وحشني صوتك يا غلاي يا فرحتي وبسمة شفاي.. توحشني يوم انت معاي وتخيل ان غبت وش يصير.. اشوفك بكل الوجوه وبزحمة افكاري اتوه... انا برجا كلمة الو تجبر بها قلبي الكسير... عمر كان يسمع صوتها اللي ما قد سمع احلى منه كان مبسوط وهو يسمعها ويحس نفسه يحبها كل يوم اكثر من قبل !>!>!<!<!<!<!<!<!<!<!<!<!<!<<<<!<!<!<<<!<!<! بالعصر راحو الكل لشقته وميريام كالعادة طلعت واخذت روايتها وجلست بالكافية اللي تحب تجلس فيه دايما كان عمر عارف انها تروح هنالك وعارف الوقت كمان علشان كدة راح وهو قاصد انه يجلس معاها ميريام كانت جالسة على طاولة لشخصين تشرب كوفي وتقرأ رواية بوليسية (لانها تحب هالروايات) عمر وقف قدام ميريام وهي ما انتبهت لوجوده لانها كانت مندمجة مع الرواية قالها بصوت واطي:ها قال البطل للبطلة احبك؟؟ ميريام انفجعت ورفعت راسها لعمر وابتسمت وقالت:لا قصدك عرفو القاتل ولا لسة؟؟ عمر كان واقف قال وهو يسحب الكرسي: ممكن اجلس؟؟ ميريام:اكيد تفضل البيت بيتك ((وابتسمت)) عمر جلس وهو يقول:كنت انك تحبي الروايات الرومانسية بس فاجأتيني بقاتل وجريمة ميريام:ههههه لا بالعكس اموت بالروايات البوليسية واقرا رومانس بس مو كثير عمر ابتسم وميريام سكتت حست انها ما عزمت عليه شي قالت بفهاوة: واخزياه نسيت اقولك وش تشرب؟؟ عمر ضحك على جرأتها وقال للجرسون اللي نادته :كوفي لو سمحت ميريام سكرت روايتها وكانت ساكتة عمر كان ساكت ويطالعها يحب يتأمل فيها كل شي عيونها انفها فمها ملامحها وكل شي فيها حلو (سبحان اللي خلقك وسواك) ميريام حست فيه يناظرها حبت تحرجه:وش فيك تطالعني كدة؟؟ عمر بدل لا تحرجه احرجها:املي عيوني بشوفتك ما ابي لحظة تمر بدون ما اشوفك فيها ((قال هالكلام وهو يناظر بعيونها)) ميريام صار وجهها احمرر من الحيا حست انها مرررة غبية بهالسؤال سكتت وماردت بولا كلمة بس نزلت راسها وابتسمت عمر قال لنفسه( بما ان الوقت مناسب خليها تعترفلي بكل اللي بقلبها):ميريام ممكن اسألك سؤال؟؟ ميريام :تفضل عمر:ليه تصديني والله اني احبك وما ابي الا قربك هنا ميريام ما قدرت تجلس اكثر حست انها لو جلست رح تتهور وتقول كل اللي بقلبها وهذا الشي ما تبغاه وقفت وابتسمت له وقالت وهي تناظر الساعة:سوري بس انا لازم اروح البنات ينتظروني عن اذنك وراحت ناظرها عمر وهي تطلع من الكافيه وهو مستغرب دامها تحبه ليه تسوي كذه؟؟ طالع الطاولة علشان يكمل الكوفي حقه ويقوم لقى الرواية اللي كانت تقراها مسكها وشمها يمكن يشم ريحة عطرها فيها فتح الرواية ومرر صفحاتها بسرعة وصل لاخر صفحة بالرواية كانت صفحة ورقة بيضا فاضية مكتوب عليها بخط اليد كانت ابيات شعر مكتوبة بخط ميريام ابتسم وقرأ الكلام المكتوب ما انساك دامي بقضاء ربي امنت... حتى لو عنك الظروف ابعدتني .. العفو كاني في حقوقك تهاونت.. ارجوك لا تشك بحسن ظني.. يفداك قلب من صميمه تمكنت.. وعيوني اللي من غلاك اسهرتني.. وحق الذي خلاني بيوم اهواك.. ما غاب زولك عن عيوني ثواني.. لولا الامل ما كنت للحين وياك.. ولولا المحبة ما عرفنا نعاني.. دامك تعيش بداخلي كيف بنساك... هذا سؤالي وحط نفسك مكاني ................ عمر قرأ هالكلام طلع قلممن جيبه وكتب تحته: ضمني ما بين قلبك والعيون .. خلني انسى زماني والمكان.. ضمني باحسان تكفى يا حنون.. واروني من فيض حبك والحنان .. في غيابك لف دنياي السكون.. لا ملامح لا فرح في هالزمان... ((احبك يا بعد كل الناس)) وقفل الرواية وقرر يرجعها لميريام بكرة بالمستشفى !<!<!<!<!<!<!<!<!<<!<!<!<!<!<!<!<!<!<!<!!<! ثاني يوم صحيت ميريام بدري كالعادة قبل البنات لاكن ما تدري ليش قلبها مقبوض اليوم على غير العادة كانت خايفة ماتدري ليه لامنها خايفة وحاسة انه رح يسير شي اليوم اخذت شاور ولبست وحبت تسبق البنات للمستشفى وقفت تلبس حجابها عند المراية عند الباب دق جوالها ردت على امها كانت تجرحها بالكلام وما فهمت من كلام امها الا انها تحضر نفسها ترجع للرياض ومافي دراسة ميريام ما قدرت تتحمل لبست حجابها وهي ترتجف ماتبي ترجع للرياض الحين تبي ترجع وهي دكتورة ترفع راسها قدام الكل بس ليه انها تبيها ترجع وش اللي صاير؟؟ خرجت من الشقة ولمن وصلت للاستقبال تحت شافت شخص تكرهه وما تطيقه خالد كان جالس على كنب محطوط بالاستقبال لمن شاف ميريام نازلة لحالها قرب ووقف قدامها ميريام طالعت فيه من فوق لتحت:ياربي وش هالصباح الزفت خير وش تبي؟؟ خالد ناظرها كأنها حشرة:انا ابي منك شي واحد لو عطيتيني اياه اتركك بحالك للابد ميريام مافهمت:خير وش هالشي وبعدين انت مالك عندي ولا شي خالد طالعها باستهزاء :الا لي عندك اشياء كثييرة ولو ما اعطيتيني اياها ما تدرين وش رح اسوي ميريام طالعته وقالت باستهزاء:وش بتسوي يعني؟؟انت ما تقدر تسويلي شي فاهم ويالله اطلع برة وما ابي اشوفك هنا مرة ثانية يلا برة خالد عصب وطلع صورة لميريام كانت بملابس البحر وجنبها واحد ما تعرفه قال وهو يناظرها: عندي هذي واذا ما نفذتي كل شي ابيه منك على طول هذي الصورة عند امك اللبنانية اللي كلمة مني بس خلتها تعيد حساباتها وتقرر ترجعك للرياض فما بالك اذا شافت الصورة وش بتسوي؟؟ ميريام كانت مصدومة ومنهارة من الداخل ومو قادرة توقف على رجولها لاكنها تمالكت نفسها وما تبي تبين ضعفها قدامه قالت : يا كذاب يا نصاب وش تبي فيني انا وش سويتلك؟؟ خالد طالعها من فوق لتحت قال وهو ماسك وجهها:انتي اهنتيني كثير زمان والحين باخذ اللي ابغاه منك وارميك ووريني عاد حبيبك عمر بيصدقك ويتزوجك ولا يرميك مثل الزبالة يا زبالة ومشى وهو يضحك ضحكة كرية من شخص كريه حقير وتافه ميريام كانت مصدومة واول ما طلع خالد من باب العمارة طاحت بالارض مغمى عليها < !<!<!<!<!<!<<!<!<!<!<!<<<!<!!<!<!<!<!<!<!<!<!<!<! < ياترى ايش قصة الصورة؟؟ وعلى ايش ناوي خالد؟؟ وعمر ايش موقفه؟؟؟ ميريام ايش رح يسير فيها؟؟؟ | ||||
|
| |
|
| أدوات الموضوع | |
| انواع عرض الموضوع | |
|
|
العرض العادي
