آخر 10 مشاركات
هيا نجدد إيماننا 2024 (الكاتـب : رانو قنديل - )           »          379-لا ترحلي..أبداً -سوزان إيفانوفيتش -مركز دولي (الكاتـب : Just Faith - )           »          378-ثورة في قلب امرأة -تامي سميث - مركز دولي (الكاتـب : Just Faith - )           »          نصيحة ... / سحر ... / الأرملة السوداء ... ( ق.ق.ج ) بقلمي ... (الكاتـب : حكواتي - )           »          377-حب من أول نظرة -بات ريتشارد سن -مركز دولي (الكاتـب : Just Faith - )           »          376 - الهروب من الواقع - جودي بريستون - م.د** (الكاتـب : سنو وايت - )           »          375-فتاة لعوب- كاي سميث-مركز دولي (الكاتـب : Just Faith - )           »          374 - حورية الغابة - ديبورا هوبر - م.د ( اعادة تحميل وتصوير بعض الصفحا)** (الكاتـب : امراة بلا مخالب - )           »          373 - العش الدامي - ليندا بوشستر - م.د** (الكاتـب : سنو وايت - )           »          371-بركان الحب -فران ريتشاردسن-مركز دولي (الكاتـب : Just Faith - )


العودة   شبكة روايتي الثقافية > قسم الروايات > منتدى الروايات والقصص المنقولة > منتدى الروايات الطويلة المنقولة الخليجية المكتملة

Like Tree51Likes
إضافة رد
 
LinkBack أدوات الموضوع انواع عرض الموضوع
قديم 15-04-14, 10:25 AM   #11

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي


وصلت السوق وانا طول الطريق اتذكره وأفكر ياترى وش كان بيقول لي .. يمكن بيقول شفتك زي مابغيت وكل شي اخطط له يصير .. ويمكن بيقول انتي اللي جيتني بنفسك محد جبرك ..
صورته ماراحت من بالي وأدري انه معجب فيني طبعاً بلا غرور انا الحمد لله حلوة وكل الناس يشهدون لي .. بعدين لبسي مع مكياجي كان مغري .. حتى لمن فتحت شعري اطلع احلى ... وشعري لوحده يفتن طويل وناعم وكثيف ولونه بني فاتح يعني كفيل ان مهند يحط صورتي هذي براسه لين يموت ..
بس اللي قاهرني وش دخله للمرسم ليه خالي يخليه يدخل من دون مايقول لي ..؟
ولا خلاص صار زوجي حضرته معناته له الحق يتدخل في كل خصوصياتي ..؟
المشكلة ماابغى افتح محاضر تحقيق مع خالي لو قلت له ليه تخليه يدخل ومااسمح انه يشوف لوحاتي ..!

اوووه حاولت اشيله من راسي على قد مااقدر ..و دخلت محل ذهب بسرعه واشتريت اسواره لجدتي من ذهب اصفر ومعاها خاتم بفص اسود .. هذا ذوق جدتي وراح يعجبها
اما خالتي سمر فأخذت لها اسوارة من لازوردي لأنه ناعم يناسبها .وخاتم لام خليل الطباخه اللي تشتغل عند جدتي لأني اعتبرها من اهل البيت ... ومريت بودي شوب وأخذت مجموعة هدايا مغلفة لمايا واحتياطاً اذا سهى زوجة خالي ايمن جات . و مرح صاحبة خالتي سمر.. وساعه لعم ابوسليم الجنايني حق حديقة جدتي .. وأخذت لأهله اقمشة ولحفيدته الاء العاب كثيرة وفستان حلو لأنه يحبها ودايما يحكيني عنها ويتمنى يسعدها بأي شكل واخذت لزوجته ام سليم قماش حلو وجلابيه معاها طرحة نفس اللون واخذت لهاسجاده ... ومريت العربيه للعود واخذت منها عود وثلاث خلطات دهن عود .. وعطرين رجاليه لخالي ايمن اذا حصلته ولعدنان زوج خالتي سمر ..

رجعت للبيت وانا متوترة كانت الساعة تقريباً 10 وتمنيت ماالاقي مهند مع خالي ياربي خالي مايشبع منه اذا قابله مايفارقه الا الفجر بعدين هذا وين شغله ماعنده دوام ولا اليوم الجمعه نسيت . وأهله المساكين اللي جو هنا ماشافهم من الظهر صدق مايستحي ..

دخلت بعبايتي ولقيت خالي جالس عند باب قسم الحريم ينتظرني سلمت وسألت فيه احد قال : لا
حسيت خالي فيه شي بنرة صوته زعلاان قلت : اشفيك خالي لايكون زعلان اني بسافر .. انا محتاجة
قاطعني بسرعه قال : لامو زعلان خذي اغراضك وامشي
استسلمت وقلت : الحين ؟
: ايه يالله
رحت لبست جاكيتي وعبايتي مرة ثانية وسلمت على هدى وعيالها وخليت الشغاله تطلع شنطتي ومشيت ...!
في الطريق كان خالي ساكت ولاحظت انه مشغول بشي قلت وانا ابتسم : ممكن اشاركك التفكير ..؟
طالعني قال : ممكن بس اخاف تتنرفزين
خلاص عرفت ان مهند في الموضوع قلت : لا اوعدك بس قول اش فيك
: تراني خليت مهند يشوف المرسم
مارديت عليه :................
: ردي
ماكنت ابغى انرفز خالي ولااضيق خلقه اذا قلت ليه ؟ وبينت اني معترضه انه يشوف لوحاتي فقلت متظاهرة انه مرة عادي واني مازعلت : عادي خالي اعتقد مافيها شي ..؟
حسيت ان خالي ارتاح وتنهد بعمق قال : صح مافيها شي والمفروض انتي تورينه المرسم مو انا
تبسمت بعدين كمل
: تارك الرجال يضحك ويسولف ومستانس ويوم رجعت لقيت حاله منقلب العكس طفشان ومزاجه شين قال بمشي ومارضى يجلس دقيقه وحده .. والظاهر انها عشر زقاير اللي دخنها ورا بعض
قلت بقلبي عشانه شافني ياخالي .. بس وربي هذا اول الغيث يامهند ...
قلت لخالي : ياكرهي للدخان
: اشوا ماقلتي واللي يدخنون كان ادق على سامي وياسر اقول ديمة تكرهكم وقبلهم مهند
: هههههههههههههههههه خالي سامي يدري اني مااكرهه الا احبه ومن اغلى الناس على قلبي .. وعمي ياسر احبه من حب ابوي له ..
ناظر فيني بجدية قال : باقي مهند ..!
قلت وانا اناظر الشارع كأني ابغى اهرب من خالي : مهند مااقدر احدد شعوري ناحيته وانا ماعرفته الا البارحه
: تتوقعين بتعرفين شعورك ناحيته قبل الزواج
: لاطبعا لأني ماراح اعرفه الا بعد الزواج
: انتي حرة
: كم باقي ونوصل
: خلاص عشر دقايق ونوصل .. تبين فلوس ..؟
: لا معاي الف ريال مااقدر آخذ معاي كاش اكثر من كذا تعرف السعوديين هناك والسرقات ..
: انتبهي لنفسك لااوصيك .. وخليك قد ثقتي فيك
ضحكت وقلت له : لاتوصي حريص ياخالي الغالي .. ماراح تفقد ثقتك فيني الين اموت
: الله يستر عليك ويخليك لي
:ويخليك لي . بتجلس معاي ..؟
: ايه لين تقلع ..
: خالي ماعليك انت روح وانا ادق عليك قبل ماتقلع حرام تجلس الين الساعه 2
: لا لا اسكتي بس .. راح اجلس مافيني تعب بس مهند حيرني والله .. لايكون شاف لوحة اثرت فيه ادري انه يحب الشعر والروايات ويمكن يقدر يقرا اللوحات ويفهمها ..
قلت وانا أأكد على كلام خالي واحاول ابعد عن سيرة انه شافني : يمكن بس مافيه ولا لوحه تنكد الا حقت ابوي يمكن تذكره ..!
: لاوالله مهند اعرفه مايتأثر بهالسهولة ..؟ قلبه حجر .. بس يمكن احد كلمه ولا معترض على سفرك ولا زعلان انه ماقدر يشوفك ولا
قاطعته خلاص مافيني اتحمل سيرته : هههههههه الحين انت مشغل نفسك فيه ليه ؟ يمكن من النوع المزاجي اللي يقلب فجأة ويرجع فجأة ... وانت شايل همه ..!
: لا ماعرفتيه يوم تقولين عنه كذا ..يالله انزلي
نزلنا وجلس خالي معاي بعدين اتصلت عليه هدى تقول ان سامي جا ودخل المجلس وماتدري اش تسوي .. وانه قالها لاتكلمك حتى ماترجع وتترك ديمه بس صوته باين انه تعبان .... قال لها خالي : ارسلي القهوة والشاهي عنده وانا راجع لكم ..
قال لي خالي عن خالي سامي وقال انا مضطر امشي وانتبهي لنفسك ..وانا قلت روح ماعليك ... بس والله خفت على خالي سامي ..
دقيت عليه ورد علي بصوت تعبان
قلت بلهفة : خالي وش فيك .. سلامات ..
: الله يسلمك ماكان فيني شي جيت لجده مافيني غير العافية بس احس ان جسمي فتر وصدعت وارتفعت حرارتي شكلها حمى ..
: سلامتك ماتشوف شر .. والله قلقت عليك وشكلي بكنسل الرحلة
: والله ماترجعين ولو رجعتي لازعل منك مافيني شي روحي استانسي بس .
: طيب بكلمك اول مااوصل واتطمن عليك
: خير ان شاء الله
: يالله مع السلامه
: بحفظ الله


وصلت سوريا في الصباح وكان الجو اش اقولكم بس خياااااااااااااال .. هذاك البلد يسحرني بكل الفصول .. طول السنه ايامه حلوة حتى لوفيه حر الا ان حرهم يفرق عن حرنا يجيهم امطار باستمرارا ... الصباح فتنه والليل لوحة رسام بصراحه .. مو زي جده حر ورطوبة وقرف وزحمه .. الحمد لله بس ..
دخلت بيت جدتي اللي كان معاي مفتاحه .. ونزلت شنطتي بعد مااخذت ليموزين وأنا لازم اكون حذرة في اختياري لليموزين .. او التاكسي .. ادور سواقين كبار وأشكالهم عيال حلال واذا وصلني لازم ازيده ضعف اجرته .. يستاهلون لأن عيال الحلال قليل نواجههم احنا الخليجيين بشكل عام ..
طلعت فوق ورحت سيده لغرفتي بدلت ولبست بيجامه كمها طويل وبنطلونها كمان طويل ... كانت غرفتي زي ماهي بس السرير والكنب متغطي بشراشف بيضا عشان الغبار مايعدمها .. ورحت لغرفة جدتي فتحت الباب بشويش .. لقيتها نايمه ..قلت حرام اصحيها .. ونزلت تحت لقيت ام خليل الطباخه اللي لمن شافتني طارت فيني فرحانه وسلمت عليها وأعطيتها هديتها قلت جيبي لي فطور بالحديقه لأن الورد فيها يغري وريحة الريحان منعشتني من اول مادخلت ..
جابت لي الشغالة الفطور ... افطرت وانا فكري مشغول بالسعودية واللي صار لي هناك ..
رحت امشي بالحديقة .. كل شي زي ماتركته اخر مرة الأشجار خضرا رغم الصيف والحرارة .. الورود بكل الوانها احمر وأصفر وابيض وبنفسجي .. كانت فرحانه بالصباح وبالحياة وبالهوا والشمس .. حتى عمو ابوسليم شكله هو هو بخطوط التجاعيد اللي غزت وجهه ، بهمته ونشاطه واخلاصه ، بأغنياته وهو ينسق الأشجار ويسقيها .. والراديو حقه اللي اشتريته له قبل سنه مايفارقه .. لمحته وحطيت على شعري حجاب طويل .. وقربت منه سمعته يكلم الشجرة الكبيرة كالعاده ويخاصمها انه اوراقها تتساقط بكثرة .. شفته يلومها وكأنه يقول خليك قوية مثل ابوسليم ..كل شي حولي زي ماهو بس انا اللي متغيره .. رحت ديمه البنت اللي تحلم بحياة حلوة ومستقبل مشرق وأسرة اهم اركانها الأمان والسعادة ..ورجعت ديمه ( متزوجه ) ومستقبل راح يكون ممتليء بالعناد والقهر والتحدي بعيدا عن العطاء والبذل والأمان اهم شي ... آه ياشجرة الزيتون ليتني اكون مثلك صامده وقويه .. وصابرة رغم تقلبات المناخ وحرارة الشمس وهطول المطر الغزير فجأة .. وقسوة عمو ابو سليم عليك بمقصه الطويل .. ياليت مهند كان حلم وراح اصحى منه .. ولا ياليتني اصير قوية عشان اواجهه الأيام الجاية .. ومايقهرني بكلامه وتصرفاته وتحديه لي ..

شفت عم ابوسليم قريب مني وانتبه لي .. قال وهو متفاجأ : مين ..؟ ديمه لك يااهلا وسهلا ايمتى وصلتي يابنتي ..
: اهلين فيك ياعمو .. اليوم وصلت ولسه ماقابلت جدتي لأنها نايمه .. انت كيفك وكيف اهلك
: كتر خير الله منيح يابنتي .. كيف صحتك هلا طمنيني
: الحمد لله بخير .. وترى ياعمو جبت لك هدية سامحني مو قد المقام بس عشان كنت مستعجلة البارحة قررت اجي هنا ..
: جيتك لهون يابنتي هي اكبر هدية .. ولك انتي بتردي الروح للي بيشوفك
: هههههههههه الله يخليك ياعمو ويطول بعمرك .. يالله عن اذنك
: اهلا وسهلا فيك يابنتي اذنك معك

رجعت للفيلا بعد ماقطفت لي نرجسة اغرتني .. وكانت الساعه عشر خلاص موعد قومة جدتي الحين .. رحت لغرفتها لقيتها مو في سريرها .. وسمعت صوت الما بالحمام .. ورجعت اخذت هدية عمو ابوسليم وهي الساعه وأغراض حفيدته آلاء ومن العود اللي جبته .. واغراض زوجته .. ونزلت بوديه له
رحت عنده لقيته لساته يتكلم مع الأشجار بس هالمرة مع الورود الحمراء ( الجوري ) وهو يقول : باين زعلانين اليوم .. مابدكون تغنوا لي .. لك غنوا انتو اجمل اشي بالدنيا .. انتوا الحب .. يعني الحياة .. يلا غنوا ..
قاطعته وانا اضحك .... : يمكن زعلته ياعمو عشان كذا ماغنى
: ههههههههههههههه لك بزعل كل الدني ومابزعل الورد انا .. بس هو هيك احيانا بيغار وباينتو غيران من النرجس لأنك أطفتي منو وما أطفتي لك وردة حمرا .
: هههههههههههههه الله يسعدك ياعمو .. خذ هذي هديتك وهدية آلاء وام سليم وسامحني مو قد مقامكم ..
: خجلتيني معك والله ... ليه يابنتي بتتكلفي .. خيرك وخير ابوك الله يرحمه مغرئنا ..
: لاتقول كذا ياعمو انت عزيز علينا ونعتبرك من بيت جدتي مو غريب
: كتر خيرك يابنتي .. وفتح الكيس حق آلاء وكمل : هلا آلاء رح تطير من الفرحه لك الله يفتحها بوجهك وينولك مرادك ياديمة يابنت نور
: هههههههههههههههه ايوه هذي الدعوة ابغاها كل يوم قولها .. يالله سلم على خالتي ام سليم وبوس لي آلاء
: يوصل يابنتي .. مع السلامه

رجعت لقيت جدتي تحت ولسه ماعرفت اني عندهم .. دخلت بشويش وهي مشغوله بالمكتبة ترتب المجلات تحت .. قلت وانا اضحك : صباح الخير لجدتي الحلوة الكسولة .. يانوامه كل هذا نوم ..؟
ناظرت جدتي فيني مو مستوعبه .. بعدين ضحكت : ولك شو هالصباح .. يامية اهلا وسهلا
حضنتني جدتي وقعدت تبوس فيني مثل كل مرة ازورهم فيها .. وهي تبكي وتحضني وتهلي وترحب ..
بعد ماسلمنا على بعض وسألتني عن اخباري وأخبار اهلي جلست معاها وهي تفطر وانا اخذت عصير برتقال وجلست مقابله لها ..
: مبروك حياتي الخطوبة الله يوفئك ياديمة وان شاء الله يكون بيستاهلك
: الله يبارك فيك .. وانا بقلبي خايفه جدتي تسألني عنه لأني جاية ارتاح من التفكير فيه ماابغاه يلحقني لهنا ...
جلست مع جدتي ساعتين يمكن وانا خلاص دايخه ابغى انام .. صحيح نمت بالطيارة بس مو كفاية احسني مواصلة من امس للحين .. حتى من زين نوم امس اللي كله احلام وكوابيس ...!
طلعت لغرفتي ورميت نفسي على السرير ودقايق بس الا نمت بعمق
صحيت الساعه 8 العشاء وانا احسني طلعت كل التعب اللي فيني من كم يوم ..
قمت صليت كل الفروض اللي فاتتني ودقيت على خالي سامي اللي باين انه احسن من امس .. وقال لي انه لسه بجده مابيروح للطايف الا اذا راحت منه الحمى لأن خالي ناصر حلف مايروح لين يتطمن عليه ... وسألته عن خالي ناصر قال انه بخير .. ووبعدين قفلت مع خالي سامي ونزلت ..
لقيت خالتي سمر عندنا سلمت عليها وحضنتني وباركت لي وأخذتني بيدي قالت : تعي احكي لي
: شو احكي لك ..؟ وانا اضحك
: بدك هلا تحكي لي عن مهند من طأطأ للسلام عليكم
: هههههههههههههههه لا الله يخليك خلينا من مهند وسيرته خليني اروق معاك مرة مشتاقه لك .
: بس حطي ببالك راح تحكي لي ازا مو هلا بعدين
: اوكي بس الحين خلينا نجلس مع جدتي
: يلا ..
كنت مقفلة جوالي ماابغى احد يدق علي ... وخوالي يعرفون رقم بيت جدتي وجوال جدتي يكلموني عليهم ..
جلست مع جدتي وخالتي وسهرنا في الحديقه .... وام خليل والشغاله الاندنوسية جلسوا يشوون لنا في جو خيالي .. لمن تعشينا على الساعه 3 الفجر قالت جدتي انها تعبانه وبتطلع تنام .. جلست انا وخالتي وصرت انتهي من سالفه وابدا بسالفه بعيده عن مهند اللي اخاف انها تجيب سيرته .. واحاول اسألها عن مواضيع واخليها تقول لي كل شي بالتفصيل .. طولنا واحنا نسولف الين رحمني زوجها قال انه قريب من البيت وبيدخل يسلم علي وياخذها بسرعه .. لبست عبايتي وحجابي اللي كنت ماخذتها معاي تحسباً اذا دخل علينا احد غريب لأني كنت لابسه تنورة قصيرة وبدي .. دخل عدنان وسلم علي من بعيد ونادى خالتي سمر اللي رجعت معاي لجواة البيت عشان تاخذ شنطتها .. سلمت عليها قالت : لساتك ماحكيتي لي اشي عن مهند وحكاية خطوبتك المفاجئة .
: روحي لاتتأخري على زوجك وبعدين نتقابل وأحكي لك .
: يلا تصبحي على خير
: وانتي من اهله .. باي


اوف . الحمد لله عدت الليلة على خير .. طلعت لغرفتي وفتحت جوالي لقيت رسالة من لمى تقول كلميني وتسألني عن اخباري وهي اصلاً ماتدري ان سافرت .. وبعد شوي دق علي رقم غريب من السعودية بس مارديت .. وقفلت جوالي بعدها على طول ونمت ..

اليوم الثاني رحت عند مايا ولقيتها مسوية حفلة وعازمة اغلب صاحباتها بمناسبة زيارتي لها .. تعرفت على البنات كانت لينا ونوال وسهام ورغد كلهم حبوبات قعدوا البنات يرقصون وحاولوا فيني ارقص مارضيت .. انا اصلاً ماقد رقصت في زواجاتنا ومناسباتنا الا زواجات اخوالي يادوب اوقف خمس دقايق اتحرك فيها مع الاغنية شويه اسم اني رقصت واخرج
مو هنا ارقص لا والبنات حريفات ومبدعات بصراحه يتاميلن مو زيي احسني هبلة مااعرف ازبط لو حركة وحده .. جات لمى بعد ماردت على التلفون اللي دق قالت : ديمه اتصلت ام خليل تئول افتحي تلفونك لأنو خالك بدياك ضروري ..!
فتحت تلفوني وانا عارفه ان خالي بس بيطمن يشوفني وين اروح اصلاً أي مشوار اروح له اذا كنت بسوريا يكون عنده خبر .. واليوم لمن دقيت عليه مارد علي وارسلت له رساله اني رايحه عند مايا عازمتني ..
دق تلفوني على طول لقيته خالي ماجد
: هلا خالي
: هلا بك ديوم .. وش هالسفرة المفاجئة
: هههههههههههههههه اشتقت لجدتي .. بعدين الدراسة قربت قلت آخذ فترة استجمام قبلها
قال بجدية خوفتني : اها فترة استجمام صبحية ملكتك ..؟
قلت بضحكه : ملكة مو زواج ..!
: ديمه يمكن تشوفيني دايما ساكت وتحسبيني مو فاهم عليك .. انا اكثر واحد اعرف وش فيك من دون ماتتكلمين وكنت عارف انك منتي مرتاحه لمهند وانك بكيتي ليلة الملكة لأنك ماتبينه بس ليه وافقتي ..؟
بلعت ريقي وارتجفت من كلام خالي اللي فاجأني قلت بارتباك : خالي اشفيك ..؟ ليه تقول كذا .. ؟
: ديمه .. انا مانمت للحين من يوم قالت لي هند انك جيتيهم منهارة
قاطعته : خالي بكيت عشان تذكرت ابوي بس ..
قاطعني : لا ياديمه انا عارفك وفاهم عليك لكن ورب البيت لو انتي مغصوبة على مهند مايصير طيب . انتي عندي اهم من ناصر وسامي وعيالي اللي هم عيالي فاهمة ..؟
عاد خالي ماجد دايماً هادي بس اذا عصب مايعرف احد قلت وانا احاول اهديه : خالي والله العظيم ان خالي ناصر مااجبرني وقال لي مية مرة اذا مو مقتنعه محد بيغصبك ولا جاب لي طاري الملكة انا اللي ناديته وعاتبته انه ماكلمني بالموضوع اول الناس وخلاكم انتم تكلموني قبل ..!
حسيت خالي يتنهد ويتأفف قال : طيب مهند قال لك شي ..؟
: لا بالعكس ماقال شي .. خالي الله يخليك لاتكبر الموضوع مايستاهل .. يمكن انا دلوعه بزياده ..
: اتمنى ياديمه انه مو كبير .. طيب تحسين نفسك مبسوطه ..
قلت بعد مابلعت ريقي وحاولت اسوي نفسي طبيعيه : الحمد لله بس انت لاتشيل هم عساني ماافقدك
: والله ماادري مو راضي يدخل راسي كلامك .. بس اتمنى انه صدق
: لاصدق ياخالي .. بس طمن بالك الله يخليك .
: طيب يالله تامرين على شي .
: سلامتك وانتبه لنفسك ولاتفكر بهذا الموضوع ترى مافيه شي من اللي براسك
: اوكي .. انتي انتبهي لنفسك واستانسي .. !ويالله مع السلامه
: مع السلامه
كنت اكلم خالي بزاوية بعيده عن البنات وصوت المسجل وهيصتهن وازعاج رغد اللي تنكت وتضحك .. ولمن كنت اكلم كان نفس الرقم اللي البارحه يدق علي .. لمن قفلت لقيت ست مكالمات لم يرد عليها لنفس الرقم اللي دق علي البارحة
دق هالمرة وطول لأنه مو انتظار وفتحت الخط بشوف مين بس ماتكلمت
انتظرت شويه محد تكلم بعدين تكلمت : الو
: هلا هلا هلا بديمه .. حرمنا المصون
: مين ..؟ مهند .. ؟
: وش معناة سفرتك بهالسرعه وانتي تدرين اني مو راضي عنها ؟
قلت بقلة صبر وعصبية : مين انت ..؟
: لاتسوين نفسك ماعرفتيني .. تدرين اني مهند من اول مادقيت .. ولا متعودة تدق عليك ارقام غريبة ..!
رديت بصوت يرتجف: لو سمحت اقفل لأني ماابغى اقفل في وجهك ..!
: لاااااهـ ..؟تسوينها ..! ولا وش ابي انتظر من وحده مغرورة ومدلعه الا انها تقفل بوجهي انا اللي اصير زوجها .
قاطعته : لو سمحت مافيني اعصاب تتحمل سخافاتك .. ومع السلامة
قفلت بسرعه وقفلت جوالي بعدين رجعت للبنات احاول اسوي نفسي عادية بس لاااااا مااقدر امثل ..
جات عندي لينا قالت : شوبكِ ديمه ..؟
: مافيني شي بس خالي يبغاني بموضوع مهم عن اذنكم
تدخلت مايا : شو تمشي ..؟ ولك لسه ماجلستي حتى تمشي .!
: ماعليه مايا مرة ثانيه اجيك او تجيني انتي والبنات ضروري امشي الحين . ولبست حجابي وعبايتي اللي كنت لابستها على فستاني القصير ..
خرجت مع ماهر اخو مايا الصغير عمره يمكن 12 سنه لأني جيت معاه والحين رجعني طبعا مشي على رجولنا وهم اصلاً بيتهم قريب من بيت جدتي .. بس مااقدر اخرج لوحدي ..
وصلت البيت وانا احس اني متكسرة منهارة مخنوقة ابغى ابكي ومو قادرة
يارب ارحمن قلتها بقلبي وانا ارجو الرحمة في لحظة زي هذي .... رحت لغرفتي على طول حتى مامريت جدتي .. رميت عبايتي على السرير وقعدت ادور بالغرفة استوعب اللي صار .. ياربي الحين حالي كذا واحنا ولسه مخطوبين وهو مايشوفني ولايكلمني وشلون لو قابلته 24 ساعه .. ..
ياربي اش اسوي اروح عند خالي اقول ماابغاه ولازم يطلقني ..! وافتك من الهم ..
يؤ شو يطلقني ...؟ والله ليوقف قلب خالي .. اصلاً اذا خالتي فادية زعلت من عبدالعزيز وقالت ابغاه يطلقني عصب عليها وكان بيضربها بس مسك نفسه .. عمري ماشفت خالي معصب بهذاك الشكل قالها لوسمعت سيرة الطلاق لسانك قصيته .. وبعدها خالتي ماجابت سيرة الطلاق قدام خالي .. عاد اذا قلته بخلي التاريخ يشهد على ضرب خالي لي لأول مرة فيه .... اكلم خالي ماجد لا لا .. خالي ماجد بالرغم انه دايماً ساكت بس اذا عصب ينسى اللي قدامه وهو يحبني لدرجة انه لو احد يتكلم في قفاي كسر راسه مو هذا اللي يهيني ويجرح فيني والله ليقتله ويروح خالي ماجد فيها ... حتى خالي سامي بيعصب ويقوم الدنيا ويرجعون على خالي ناصر لأنه صاحبه وواثق فيه .. آه عليك ياديمة حظك دايماً يمشي عكس احلامك ....
سمعت صوت جدتي وهي تناديني وكل شوي تقرب من غرفتي بسرعة دخلت الحمام وفتحت المويه .. مااقدر ارد عليها صوتي مخنوق وعيوني محتبسة بدموع مو راضية تنزل .. ليتني ابكي حتى ارتاح .. ليتني اقدر اشكي لأحد حتى لمى ماعدت اقدر اشكي لها لأنها تقلب الموضوع اكشن وتترقب أي تصرف وأي حركة تحس انها فلم نهايته بتصير رومنسيه
مالي غير ربي كالعاده هو ملجأي اولاً وأخيراً .. توضيت وخرجت .. لبست شرشفي حق الصلاة .. وصليت لربي اطلبه وأرجوه انه يفرج همي وييسر لي اموري ويكتب لي اللي فيه خير ..
احسني ارتحت بعد ماصليت .. وخرجت جلست مع جدتي اللي استغربت رجعتي بسرعه من عند مايا وتحججت بخالي ماجد انه اتصل علي وزعلان من سفرتي المفاجئة واني ماقلت له .. صدقتني جدتي وحسيتها تطمنت ....
بعد يومين اتصلت على مايا اعتذر منها وعزمتها هي وصاحباتها على مطعم اعرفه من زمان كلاسيكي وفيه مطربين اصواتهم روعه والأهم الليلة فيه صلاح عاكف .. مو مشهور بس احس انه مظلوم صوته خيالي بس محد اعطاه حقه في الاعلام ... اهم شي في صلاح عاكف بالنسبة لي انه يغني احيانا اغاني خليجيه ...
تعشينا بالمطعم وبصراحه ليلة من ليالي العمر جات معاي خالتي سمر لأني مااقدر اخرج الا مع احد اكون واثقة فيه من اهلي .. كانت رغد مو طبيعيه حركاتها تموت ضحك دمها خفيف وبنت عفوية وعلى نياتها .. بالرغم من ان اهلها بالضيعه وهي موظفه مع مايا بشركة الا ا نها عايشة حياتها وماتحب النكد .. واذا فيه حكاية حزينة تقوم توقف وتقول:ازا فيه بكا ودموع ماراح اجلس ..
رجعنا للبيت انا وخالتي مبسوطات بعد ماغيرنا جو واستانسنا .. وحصلنا جدتي نايمه .. والله اني انقهر اذا رحنا مكان وتركناها بالبيت بس المشكله هي ماتقدر على السهر ومومتعودة واذا اخذناها معانا خربطت علينا كل شوي تقول يلا نرجع تعبت ..!

قررنا نعزم جدتي بمطعم قريب تصميمه بيت عربي من البيوت السورية القديمة وأكلهم تقليدي .. فيه مجدرة وفيه كبه نية اللي جدتي تحبها وفيه شيش برك وانواع الشوربات والمشاوي .. بجد جدتي ماراح تنسى هذي السهرة ..
قلت لها : خلاص جدتي اذا حسيتي نفسك طفشانه خلي خالتي تجيبك هنا ..
: لك يابنتي كل مابروح مكان معك مابئدر ارجع له وانتي مش هون بيزكرني فيك ومابرتاح فيه
: يوووه خلاص ماراح اروح معاك لأي مكان حلو معاك عشان تقدرين تجين له اذا رحت
: هههههههههههههههه لا يابنتي مش الئصد .. بس انا مابحب اطلع الا معك .. بعدين انتي ياللي بتخلي المكان حلو
: لك تسلمي لي يااحلى جدة بالدنيا ههههههههههههه

واحنا راجعين لقينا شباب سعوديين حاولوا يتلزقون فينا ويكلمونا بس مالتفتنا لهم ..وانا ماتكلمت ولا طالعت فيهم ... بس اسمعهم يرمون علينا كلام ويبون يتعرفون .. ياشين بعض السعوديين اذا راحوا برا .. بجد وقاحه وقلت ادب ماقد شفتها ..
مافكونا من شرهم الين اتصلت خالتي سمر على زوجها اللي ارسل زميله لأنه كان مشغول مايقدر يجي .. وجا زميله وعرفنا على نفسه اسمه عبود .. بس طويل وعليه عضلات مو على قد اسمه ..ذكرني بابو عنتر وشجاعته ؟؟ اول ماشافوه حاسبوا وطلعوا وهو وصلنا للبيت ..


جلست عند جدتي ثلاثه اسابيع كل لحظة يتردد كلام مهند في راسي .. حتى نبرة صوته اللي باين انها تريقه كأني اسمعها بكل وقت ... والله ونجح بانتقامه .... نغص علي وناستي في سوريا ..وهو هناك مرتاح ....وانا اللي كنت بقهره وانغص عليه اجي انبسط هنا بالرغم انه معترض واخليه يموت قهر اني مااهتميت فيه ... بس صار العكس هو كلمني وهزأني ونغص علي وعاش حياته ..

بالرغم اني طفشانه عند جدتي الا اني ماابغى ارجع للسعودية لأن مو بس ذكرى مهند بتقعد في راسي الا بيصير طاريه وسيرته عندي باستمرار .. خالي كلمني كذا مرة عشان ارجع يقول ارجعي بس اترجاه اجلس شوية كمان الين جات الدراسه ورجعت غصب ..
استقبلني خالي سامي في المطار لأن خالي ناصر كان مشغول وماكان في جده بالمرة .. كنت مااتكلم كثير بالسيارة الا اذا سألني خالي سامي ارد .. آخر شي سألني فيني شي قلت له اني مرهقه وسهرانه ومانمت وأصلاً انا كذابه نايمه طول الليل ..الله يسامحني بس .. لولا اني ماابغى احد يحقق معاي ولا يشك ان سبب همي مهند كان ماكذبت بس ماابي مشاكل ووجع راس ..
كملنا طريقنا وانا ساكته ووصلنا البيت ... سلمت على هدى .. بجد مشتاقة لها ولعيالها اخذت ديوم الصغيرة وبوست فيها وحضنتها وجات ياسمين وحضنتني ونفس الشي أسامه بس بسام جلس يناظرني من بعيد .. ورحت عنده انا بنفسي وسلمت عليه وحضنته بقوة وشلته من على الأرض .. احب بسام كثير احبه لأنه صورة مصغرة من خالي حتى بعض حركاته تذكرني بخالي .. اخذتهم معاي عشان اعطيهم هداياهم كنت جايبة لهم ملابس وألعاب كثيرة .. وجبت لهدى بناطيل وبلايز وتنانير وصنادل الله يكرمكم وثلاثه فساتين روعه .. انا طول الفترة اللي كنت فيها بسوريا اشتري لنفسي اذا نزلت السوق مع خالتي .. بس لمن رحت اشتري لهم هدايا على آخر اربعه ايام كنت أي شي اشوفه حلو آخذه لهدى .. حتى خالتي فادية مااشتريت لها الا ثلاث بلايز وصنادل تناسبها زي هند وغادة .. وجبت لعيالهم العاب
.. جلست مع هدى وسولفت معاها قلت لها كيف قضيت الأيام هناك ... كلمتها عن بعض البنات اللي عرفتهن وخالتي سمر صاحبتها .. وعن دلال جدتي لي وعن الأشياء اللي ونستني هناك واللي ضايقتني ..
جيت بروح لغرفتي لأني لسه ماطلعت قال هدى : صحيح ترى مهند يبي زواجكم بدري .
: شو ..؟ حسيت بكلمة هدى كأنها شي طاح على راسي
: والله يقول بعد رمضان بس خالك قال استنى لين ديمه تجي وانه هو مو موافق عشان امتحاناتك ..
: والله مو بكيفه حتى الصيف الجاي ماني موافقه مو رمضان .. هه ماشاء الله عليه احلامه كبيرة هذا .
: اسكتي ياديمه خالك يقول مصر على الزواج بعد رمضان
: والله لو تقطعوني مارحت معاه .. واذا يبي يسوي زواجه خله يسويه بس بدوني انا .

رحت لغرفتي اخذت شور وبدلت لبست بيجامه واسعه بكم طويل وجلست افكر وحلفت من قلبي انه لايمكن اوافق ولا اخرج من بيت خالي بعد رمضان .. والله يستهبل هذا ..؟ هذا من اولها نكد علي .. الله يساعدني على الأيام الجاية ..

ماقدرت انام حاولت حاولت حاولت بس مافيه فايده .. بعدين نزلت تحت عند هدى لقيتها جالسه على التلفزيون وعندها شاهي ومكسرات وجلست معاها اشرب شاهي بعد ساعه دخل علينا خالي وحضني على طول وسلم علي وانا سلمت على راسه ويده مرة واحشني خالي .. ياربي احبه كثير ...هذا الانسان اهلي كلهم .. هذا اغلى شي في دنيتي عساني ماابكيه ..
جلس على الكنبه ولف يده من وراي وجلس يسولف معاي ويسألني فين رحت وكيف ايامي هناك انبسطت ولا لا ويسألني عن ناس يعرفهم من جيران جدتي ..
كان يسألني وانا ارد عليه باختصار من القهر اللي فيني من تصرفات مهند
ناظرت بخالي بعدين قلت : خالي الله يخليك بطلب منك طلب
: آمري من عندي اغلى منك ..؟
: الله يخليك لاتفتح معاي موضوع الزواج السنه هذي
طالع بهدى وتنفس بعمق قال : ممممممممم قالت لك هدى .. انا اصلاً ماني موافق وشلون بتختبرين وانتي عروس .. بعدين هذي ماجستير مو لعب اطفال .. بس زوجك متهور ومو في عقله ..
حسيت صوتي مخنوق قلت : خالي لاتقول لي شي بخصوص هالموضوع .
انتبه خالي اني راح ابكي قال : ولا يهمك نغلق الكلام في هذا الموضوع طول السنه وانا مالي دخل .. تفاهمي انتي وياه بعدين تعالوا قولوا لي
نزلت دموعي غصب وقلت : اذا بدت الاجازة الصيفيه الجاية يصير خير لكن قبلها مستحيل
قفلنا الموضوع بالمرة بعد ماهداني خالي وغير السالفه ...
بعد يومين قالت لي هدى ان خالي كلم مهند اني رافضه حتى الكلام بالموضوع هذا .. وان مهند زعل وعصب قال انه بيسوي زواجه بداية الصيف رضيت ولا مارضيت ..
ضحكت عليه وانا احسه معصب خله يذوق شي من اللي اذوق اذا قال لي شي ..
مر علينا الترم كله وانا ماارد على اتصالاته ابداً ولا رديت على أي رقم غريب خايفه يطلع هو .. واذا رديت على ريم مااتكلم الا اذا ريم قالت الو ارد ... واذا ماتكلمت اقفل لأنه مرة كلمني من جوالها وقفلت على طول ماخليته يتكلم وقفلت جوالي يومين ..
ادري اني المفروض مااسوي كذا بس هو اللي اجبرني .. مااقدر بصراحه اعيش بقهر وابكي بعد كلمتين منه يهيني ويذكرني انه مايبغاني بس خطبني عشان يكسر راسي لأني رفضته .
كنت مطمنه طول الترم لأن مستواي حلو من الاختبارات الدوريه اللي كلها فل مارك الحمد لله ....

جا رمضان وزارونا اهل مهند ثلاث مرات وافطروا عندنا كانت امه بلسم لعمايله معاي .. تحبني وتدعي لي .. لدرجة ان ريم تقول والله ياديمه انها صارت تدعي لك اكثر من مني انا وسميرة ومهند خاصة بعد ماعرفت انك ماخليتيه ياخذ بيت مستقل اللي اغلب البنات يطلبونه ..
وانا ضحكت ودعيت لها وقلت ماابغى احرمها من ولدها اللي تحبه لو يوم واحد ... الله يقدرني وارد لام مهند معالمتها الطيبة بجد تحرجني من كثر ماتعالمني زين وانا واثقة انها بتعاملني احسن من كذا اذا جيتها ....
عزمونا مرتين وخالي وهدى راحوا لهم وانا اعتذرت بالدراسه والاختبارات ومرة عزمونا في العشر الأواخر بعد الاجازة بس تحججت ان لمى بتجيني وقلت للمى غصب عنها تجي تفطر عندي عشان خالي مايشك ....وجات عندي من العصر .. هذي لمى صديقة عمري من يوم عرفتها مااحتجت لها وخذلتني .. حتى بعد ماتزوجت عسى الله لايفرق بيننا .. !
قضينا العيد في بيت جدتي الله يرحمها بالطايف زي كل سنه .. انا الوحيده اللي عيدي كان نكد وحزن لأن هذا اول عيد لي وابوي مو فيه .. كان كل عيد يجي لبيت جدتي يعيد علينا ويعطيني الف ريال عيديه .. وياخذني عصر اليوم الثاني انا واخواني للملاهي ونتمشى ونتعشى برا مانرجع الا آخر الليل ينزلني ببيت جدتي ويروح هو واخواني لبيته .. الله يرحمك يبه اشتاقلك وللحين مو مصدقه اني ماراح اشوفك .. احس اني بصحى يوم من الأيام والاقيه جاي يسلم علي .. استغفر الله العظيم ....
رحت اليوم الثاني لبيت عمتي صالحه وانا اصلاً عيدت عليها امس بس اليوم جيت آخذ اخواني نروح نتمشى زي ماعودهم ابوي الله يرحمه .. رحنا حديقة الملك فهد وجلست مع منار اللي اخذتها معاي هي واختها اماني ورحنا مع سواقهم.. وانبسطوا ولعبوا ومنار لعبت مع عادل وسديم واختها هديل لكن انا ماتحركت من مكاني الا اذا بغيت اجيب لي شي اشربه .. كان عناد يلعب بألعاب الكترونية بعدين جا وجلس معاي وهو متضايق من منار ولعبها كأنها طفلة وفيه شباب يطالعون فيها أخيراً قال نزليها بنمشي ولا نزلتها انا .. اشرت لمنار وجات على طول لأنها تضايقت من الشباب وجلست معانا بعد ماقام عناد .. ياقلبي ياعناد مسوي نفسه رجال كبير ولو انه توه دخل 16 بس يارب اشوفه احسن الناس وكبره بقدره وقيمته بين الناس وعندك يارب ...
قضينا اربعه ايام بالطايف وكان اللي يميز العيد هذا خالي محمد واهله اللي قضوه معانا ..
كانت جلساتنا مع بعض حلوة وزوجات اخوالي كأنهن اخوات .. ومافيه بينهن مشاكل ولا غيرة ولله الحمد .. خاصة ان خالتي فادية ماتسمح بأي مشكلة بينا بأوامر من خالي ناصر من اول ماتزوجوا اخوالي .. وكانت ام رامي زوجة خالي محمد بمثابة ام الجميع هنا .. حنونة وطيبه وخالي كمان فيه طيبة خيالية وحنون على عياله وعلى اخوانه وعلينا كلنا
لمن سلمت عليه قال لي والله ياديمه اني زعلت لمن رفضتي رامي بس يوم قال ناصر ديمه تقول مافيه اخت تتزوج اخوها اني حبيتك اكثر واعتبرتك مثل عيالي وأعز
سلمت على راسه وقلت : انت بمكانة ابوي الله يطول بعمرك ,, وجلس يسولف لي عن رامي والشروط اللي لازم تكون في البنت اللي يبيها اهم شي تكون ملتزمه لأنه ماشاء الله عليه ملتزوم وحافظ القرآن . ماعلقت الا بــ :عسى الله يوفقه ويسعده ويرزقه باللي تستاهله .

مرت الأربع ايام حلوة بس عدم وجود ابوي الله يرحمه هو اللي مضايقني ..
جات الاختبارت وكانت نتايجي عال الحمد لله .. كان عندي ست مواد كلها جبت فيها اعلى من 97 ماعدا مادة وحده اخذت فيها 94 بس راضية الحمد لله ..



بدينا الترم الثاني على طول وجات اجازة الحج بسرعه قضينا العيد في جده طلعنا للشاليه يومين مع اصحاب خالي ورحت عند روان اللي توها سوت حفلة ولدها البراء عشان كانت تستنى العيد .. سهرنا عندها ورقصوا البنات وغصبوني ارقص ورقصت معاهم وانا احسني غبيه مااعرف بس نتعلم على قولة منار بنت خالي محمد اللي كل شي تحب تتعلمه ...عدت الأيام ورجعنا للدراسة وانا كنت احاول انشغل عن مهند اللي مامل وهو يتصل باستمرار وانا اطنشه اخيراً سويت فيه حركه وقفلت جوالي وطلعت لي رقم جديد طبعا لمى هي اللي ساعدتني وجابت لي الشريحة باسم زوجها .. ماعطيت رقمي الجديد لريم ولا لعمي ياسر كنت خايفه ياخذه مهند .. بس مرة دقت ريم على بيتنا تخاصمني تقول ليه مقفلة جوالك قلت ان شريحتي محترقه ومشت عليها .. ياربي والله مااحب اكذب بس ابغى اكمل الترم هذا بدون مايأثر علي شي زي كلام مهند اللي يسم البدن ..
كانوا اخوالي مستغربين ليه غيرت رقمي قلت ان يجيني عليه ازعاج ولمى اعطتني الرقم هذا ماتبغيه .. خاصم خالي سامي قال أي ازعاج يجيك هاتيه خلينا نرد عليه مو تغيرين رقمك .. ووعدته لاقول له على أي ازعاج يجيني ...

يوم اربعاء وانا جالسة مع هدى وخالي نايم وقت صلاة العشا لأنه رجع من المدرسة وراح يشوف له ارض بيشتريها وهي بعيده شوي المهم مارجع الا بعد المغرب وعلى طول دخل ينام لأنه تعبان كثير ...
دق التلفون ورديت على طول من دون مااشوف الرقم ..
: الو السلام عليكم
: عليكم السلام
: لو سمحتي ناصر فيه ..؟ ادق على جواله مقفل ...
: ن.. اا..ي .... م .... ياويلي هذا مهند حتى بتلفون البيت طلع لي ..
حسيت كأنه تذكر شي : اوووووه ديمه ... سكت شوي بعدين قال : وش هالسخافات .. ؟
ماتكلمت احسني مو مستوعبه الحين هذا يطلع لي حتى بالتلفون ويتكلم علي حتى سلام زي خلق الله ماسلم والله لو كان احد بينه وبينه ثار كان سلم عليه واقل شي قال كيفك :.......................
انتظرني ارد وانا متجمده ولمن يأس تنهد وقال : ماعليه هانت ياديمه .. كلها كم شهر ..و...
اخيراً تحركت وقدرت اتحكم في يدي وعلى طول قفلت بوجهه قبل اسمع كل كلامه وانا العن اللحظة اللي رديت فيها على التلفون ,,, وش جابني اصلاً للتلفون .. ليه اتلقف ..؟ يوووه شو هالحظ ..؟
ياربي بحياتي محد كلمني كذا ... الا جميلة زوجة ابوي الله يرحمه بس جميلة كانت تقول لي كلام اقسى من كذا ياليتيمه .. يالملعونه .. ياسبب شقاي .. ودعوات انواع واشكال ..وتهديد وترهيب وتخويف وتعذيب بشتى انواع الوسائل والطرق .. و قدرت الحمد لله اتجاوزها هي والمرحلة اللي عشت فيها عندها بفضل الله وخالي ناصر واخوانه وجدتي الله يرحمها وحنية ابوي الله يرحمه .. يمكن لو كان ابوي يجاريها ولا يقسي علي كنت الحين عندي انواع العقد النفسية بس ابوي كان العافية والبلسم والحنان اللي احتاجه حتى لو ماكنت معاه الله يرحمه ويجعل مثواه الجنة .
بس هالمهند قرفني طفشني .. مااقدر اتكلم عليه ولا اتجرأ ومااقدر اكلم احد عنه خايفة من المشاكل والمصيبة انه واثق مني اني ماراح اقول كلامه لأحد ..
جاتني هدى وانا شكلي متغير قالت من اللي دق : قلت واحد يبغى خالي يقول جواله مقفل
: مهند ..؟
: ها ..؟ ايه ... لا لا ماادري ماميزت صوته ..! صديت عنها وهربت من عيونها ... تظاهرت اني عادية وكملت ..: ليه تسألين ..؟
قالت بحيرة : ناصر يقول اذا دق مهند خلوه يجيني البيت على الساعه 10 اذا يقدر لأنه قفل جواله وهو يبغاه ضروري
رديت عليها وانا مكشرة : عاد ماقلت له واتصلي على ريم قولي لها
جلست هدى وهي تناظرني قالت : ديمه لا الله يخليك خطيبك وانتي اللي كلميه بعدين ليه ماتكلمينه انتي ..؟ ها ليه ياديمه فيه شي ماتبين تقولين ..؟
تبسمت لها وحاولت اخفي خيبتي قلت : خليه يشتاق لي اخاف نتزوج وهو قد مل مني ..
: ههههههههههههههههههه لا حبيبتي اضمني حبك وثبتيه قبل ياخذك ..!
ضحكت بخيبة امل كبيرة من كلام هدى بعدين قلت : لا خليني ثقيله احسن .. بعدين دقي عليهم خلي ريم تقول له . ..
قامت هدى تتصل عليهم وردت عليها ريم سلمت عليها قالت ان ناصر يبي مهند يجيه البيت على الساعه 10 وانه صاها قبل ينام وهو تعبان ونايم الحين ومقفل جواله .
قالت لها ريم انه بتوصل مهند الكلام ..وقفلت

التفتت لي هدى قالت : هو مهند اللي قبل شوي كلمك
:اتوقع انه هو بس ماقدرت اسأله واتأكد ..
تخربطت من هدى وسيرته واخذت الريموت بغير الجو والموضوع وابغى اخرج انا بنفسي .... كأني اذا غيرت القناه غيرت تفكيري بس لاااا وين اغير تفكيري بعد هالكلمة اللي حذفها علي بعدين وشو اللي كلها كم شهر لايكون من جده بنتزوج بالصيف ياربي بدري على الهم ..! اصلاً ماراح اوافق خلني الطعه كمان سنه ثانية ... والله يستر من خالي لايقول لا
على الساعه عشرة دق التلفون وردت هدى وطلع مهند قال نادي ناصر انا برا انتظره
راحت هدى تصحي خالي ونزل بعد ماصلى العشا وأخذ له دش بسرعه ولبس وخرج له
بعد شوي جا خالي قال انا ومهند في المجلس جيبوا العشا
قمت انا شردت لغرفتي ماادري خفت منه صار يخوفني .. وماعدت احب اسمع منه شي لأنه مايكلمني الا يجرحني ويهينني بس انا حلفت لأردها له حتى لو بعد مااتزوج ..
جلست اذاكر فوق حتى هدى نادتني للعشاء قلت ماابغى.. خايفة انه يحط براسه شي ويصير .. احسه قوي ويقدر يوصل للي يبغاه ..
اصرت هدى اني اتعشى وجابت العشاء في الصالة اللي فوق وخرجت اتعشى معاها اهم شي ماانزل تحت واصير قريبه من مهند
حاولت هدى تفهم تصرفاتي من كثر اسألتها لي ونظراهت واستغرابها مني .. وانا مابينت لها أي شي وخلتني على راحتي ...!
رجعت لغرفتي بعد العشاء ورحت اذاكر .. ابي اهرب ياعالم من سيرته وطاريه واحساسي انه موجود قريب مني وفي بيتنا ..! اكلت الكتب وحطيت كل تفكيري فيها غصب وكأني داخله حرب ياانتصر ياانهزم والحمد لله قدرت بفضل ربي احصر تفكيري بالمذاكرة واتعود على البعد عن مهند .. ولو ان تجيني لحظات الاقيني افكر فيه بس بسرعه اهرب منه ...!
كالعادة اروح للجامعه مع السواق والأيام هذي امر زينه صاحبتي آخذها معاي وارجعها لبيتها لأن زوجها راح دورة للرياض وماعندها احد يوديها للجامعه .. الساعه حوالي 2 ونص وانا راجعه للبيت كانت الدنيا حر وشمس تحرق قلت للسواق ينزل للسوبرماركت اللي على طريقنا يجيب لي مويه
نزل السواق وانا اخذت تلفوني ابغى ادق على هدى اقولها ترسل الشغالة تشغل مكيف غرفتي مرة تعبانه اليوم كان عندي اختبار وللحين مواصلة من امس وانا اذاكر .. اول مادقيت رقم هدى الا فيه سيارة وقفت بجنبي طفشني صوت بواريها وكأن فيه احد ينبهني او يبغاني التفت .. واضطريت اقفل قبل ماترد هدى.. التفت لقيته خالي ناصر ومعاه واحد ثاني مادققت وصديت بسرعه ماابغى الرجال اللي معاه ينتبه لي خاصة انه جاي بكرسي الراكب وانا على يمينهم .. دق بواري بقوة ماالتفت بعدين نزل وجا عندي .. فتح الباب اللي ورا قال :هلا ديمه كيفك
قلت بضحكة : بخير انت كيفك ..؟ شو حركات المراهقين هذي ..؟
:هههههههههههههههههههه اجل حركات مراهقين .. يالله يالله انزلي معانا بوصلك وابي ارسل السواق لشغله في مكه
: شو انزل واللي معاك هذا ..؟
: هذا مهند مو غريب ..يالله بسرعه
: شو ..؟
: ديمه وش فيك مهند تراه زوجك مو غريب .
: خالي خلاص البيت قريب ينزلني السواق بعدين يروح
: لا لا بخليه يمر على ناس هنا بجده قريب من هنا بعدين يروح مافيه وقت مستعجل والله .. بعدين انتي وش الحيا هذا كله معاك يالله انزلي ..!
: الحين هو ليه جاي معاك مو المفروض يكون بالمستشفى
: هههههههههههههههههههه اسكتي لايسمعك .. انا اللي مريته بدوامه ورحنا ندور قاعات بنحجز قبل الصيف يجي ثم مانلاقي قاعات سنعه
: قاعات ليه ..؟
: لزواج جدتي .. لزواجكم انتم طبعاً
: ياسلام وانا آخر من يعلم
كل هالكلام دار بيني وبين خالي وهو واقف برا ويكلمني وانا بالسيارة .. قال : انزلي يابنت الحلال الشمس فجرت راسي .
قلت بإصرار: خالي روحوا انتوا وانا دقايق واخلي السواق يجيكم
تأفف خالي بطفش قال بقلة صبر: ديمه انزل ماعندي وقت بسرعه الحقيني
نزلت وانا مقهورة اني بموقف زي هذا ركبت السيارة من جهة خالي قلت السلام عليكم طبعا ماابغى خالي ينتبه لي ومو ناقصه مشاكل انا وتحقيق مع خالي ويشيل همي اذا درى اني ماني مبسوطه ولا متأملة خير في حياتي مع مهند ..
رد مهند : عليكم السلام .. هلا والله ديمه كيفك يالقاطعه
ارتجفت وقلت بصوت واطي : الحمد لله
دق جوالي ورحمني بهدى رديت عليها بصوت هادي
: الو
: هلا ديمه دقيتي نص دقه وقفلتي وادق عليك ماتردين
: تلفوني كان صامت
: طيب بغيتي شي مني
: ممممممممم ايوه ارسلي الشغالة تفتح المكيف حق غرفتي برجع انام على طول
: اوكي .. ماتبين تتغدين
: لا لا مالي نفس
: يالله باي
: باي

كانوا ساكتين وأكيد سمعوني حتى وانا موطيه صوتي واتكلم باختصار
قال خالي اللي حب يكسر جو الصمت : ديمه كيف اختبارك
: حلو الحمد لله
: بديتي الرسالة ولا لسه
: بديتها
: طيب اليوم ابدي اكتبيها على جهازك ولا اقولك احسن اكتبيها على جهاز جديد ماتدخلين فيه نت
: ان شاء الله

كنت اتكلم باختصار ولو بيدي اختصرت اكثر ولا تكلمت بالإشارة ماابغى مهند يسمعني ياربي احسني اكرهه ومااطيقه بس الله يصبرني
كان مهند مرجع المرتبه على ورى ومنزل شماغه ولابس ثوب ابيض وشعره زي ماهو لمن كان في هيوستن مو متغير طويل شوي لين اسفل رقبته وناعم ومرجعه على ورى ..
تكلم مهند بصوت منخفض لخالي : ماقلت لديمه انا حجزنا القاعه وحددنا موعد الزواج
: لا يبي لها تمهيد هههههههههههههههههه
حرك سراه شويه من دون مايلتفت علي قال بطريقه حسيت فيها تحدي مدري تريقه مدري اثبات انه اقوى مني واللي يبغاه يصير .. المهم كلامه مبطن بشي يغيضني ماادري وش هو : اقول ديمه ترى زواجنا اول اسبوع من الاجازة وحجزنا بالميريديان
مارديت لأن الخبر كان زي الصاعقه على راسي وحياتي .. نزلت دموعي غصب عني ولفيت براسي ناحية الشباك وأطلقت العنان لهمي يعبر بسيل الدموع اللي انطلق .. انقهرت بجد .. يعني نفذ اللي يبيه من دون مايكون لي رأي ..
نزل خالي لبقاله كانت على طريقنا بعد ماكلمه مهند ماادري اش قاله لأني ماكنت معاهم ولا عطيتهم اهتمام
: طيب قولي الله يتمم على خير .. قولي مبروك مو تحزنين ... وتبكين ..!
بسم الله هذا كيف عرف اني ابكي بالرغم اني بعيده وماطلعت صوت ولا حسستهم اني ابكي . . سكت ومارديت عليه ..................
: ديمه
:..................
: لحووول هذي من جدها يبي لها تربيه من جديد ..
:..............
طنشته وماالتفت ولا حركت راسي وكأني مااسمعه ... سمعته يقول اووووف .. بعدين جا خالي ومعاه مويه وعصير قال تبون نتغدا بمطعم ولانروح البيت عشان ديمه تنام
التفت مهند علي وانا كنت بقول لا بنروح البيت بس خفت ينتبه خالي اني ابكي : قال لا خلها تروح تنام اخاف تنام علينا بالمطعم ونتورط بشيلها . .. عاد شكلها يقول انها صارت دبه
: هههههههههههههه .. ليتها تصير دبه كلها عظم وعليه جلد .. كمل خالي خاف يحرجني .. ترى بنتغدا في البيت
قال مهند بسرعه : لا لا انا بروح للبيت بس ودني عند سيارتي ..
قعد خالي يلح عليه بس هو رفض وخلاه خالي براحته كنا قريبين من البيت قال خالي : بنزل ديمه اجل ثم اوديك

أخذت كتبي وشنطتي وطاح جوالي مني تحت المرتبه حقت خالي وانتبه مهند اللي التفت لمن طاح ومد يده وجابه ورماه على المرتبه حتى ماتكلف يمده علي .. والله هو اللي متكبر ومغرور بس قلعته ماابي منه شي .. اخذت الجوال بسرعه ونزلت ودخلت البيت .. احسني احترق .. ياربي اكرهه واكره غروره وتكبره وعنجهيته كيف بتحمله هذا .. الحين اش اسوي اصبر واحترق واتعذب ولا اقول لاخوالي ماابغاه واقهر خالي ناصر واخليه يضربني او يتكلم علي وانا ادري بردة فعله قدام كلام زي هذا .. لا ومن من بتطلق من مهند اللي يحبه خالي ويعزه ويشوف محد يستاهلني غيره ..

رحت لغرفتي بسرعه وانا ابكي بقهر لأن مهند سوا كل اللي يبغاه ومشاه غصب عني
نمت بعد ماصليت العصر ولا صحيت الا الساعه 11 بالليل .. حصلت خالي كمان دوبه صاحي وناداني عنده .. جيت وانا زعلانه منه جلست وانا ساكته
شفته يتبسم قال : اغرب اثنين شفتهم بحياتي .. الحين انتي ليه زعلانه
صديت عن خالي وقلت بزعل : خالي ليه ماشاورتني
قال بضحكة : خلاص شاورناك عليه ووافقتي بس موعد الزواج قرار الرجال البنت مالها دخل طالما انها وافقت
اول مرة اشوف خالي يتكلم بهذي الطريقة قلت باعتراض وقهر وقلة حيلة : خالي مو فاهم علي انت .. وماقدرت امسك نفسي بكيت من قلبي وأخيرا قمت لغرفتي مقهورة من نفسي ليه ابكي قدام خالي وليه مهند يمشيني على كيفه
لحقني خالي ودق علي الباب بس مافتحت له ولا رديت عليه .. وسمعته نزل وانا منهارة ابكي والوم نفسي اني وافقت ياربي ضيعت حياتي مع واحد مغرور ومايطيقني ..
جلست الين الفجر حتى هدى دقت علي ومارديت عليها
رحت اليوم الثاني للجامعه ماابغى اقابل خالي ولا هدى ولا احد .. مهند قهرني وماباقي الا شهر عن الاختبارات واذا بجلس بهذا الحال ماراح اجيب معدل حلو ... رحت للمكتبه المركزية عشان اكتب في الرسالة اللي تحتاج تركيز واهتمام ..
كنت اكتب وانا اتخيل اني السنه الجاية راح اجي وانا بحال ثاني وشكل ثاني وحياة ثانية والأكيد اني راح اجي ديمه ثانية من حياتي مع مهند .. دقيت على لمى قلت لها اني بجيها اليوم بعد المغرب وطارت من الفرحه ..
طلعت من الجامعه ورجعت للبيت وانا بقلبي ادعي اني مااشوف خالي ناصر ولا يكلمني حتى هدى ماابغاها تسألني عن شي
دخلت بيتنا ورحت سيده على غرفتي ونمت لي ساعتين سمعت الباب يدق بس مافتحت
ولا رديت ..
قبل المغرب دخلت علي هدى وانا لابسه تنورة جينز وبلوزة لونها ابيض وفيها رسوم بالاسود ولامه شعري بشكل عشوائي بمساكه كبيره .. وكنت ادق على السواق يجي بسرعه
: وين رايحه
: بروح عند لمى
: ديمه وش فيك الله يخليك ريحيني وقولي لي ترى والله شايله همك ..
: هدى الله يخليك مافيني الا العافية وبليز لا تسأليني عن شي لأني ماراح اتكلم وبتضايق وبس ..
: اوكي براحتك كنت بطمن عليك
قلت لها ابغى اطمنها وافتك من الحاحها بعدين : تسلمين وتأكدي اني لو افكر اتكلم مع احد ماراح اكلم قبلك احد ..
دق علي السواق قال انا برا ولبست عبايتي وخرجت من عند هدى وماكنت ادري وش تعابير وجهها لأني ماطالعت فيها بس الأكيد ان هدى مو معجبها حالي

عند لمى في شقتها الصغيرة بالنسبة لبيتنا كنت جالسة بمجلس الحريم معاها وقلت لها عن كل شي صار لي .. اول مرة احس لمى خايفه بعد ماكانت تقول بالعكس هذا دليل انه يحبك وحياتكم بتصير اكشن ومن هالخرابيط
: ديمه هذا معقد ولا سامع شي ؟
: مغرور يالمى وشايف نفسه ويبغى ينتقم مني لأني رفضته ..
: ياشيخه لاتحكمين الحين واذا بحياتك نكد خلي النكد لساعته اذا رحتي عنده الحين استانسي ولاتخلينه يأثر على حياتك وعلى نفسيتك ودراستك ..
ماحبيت انغص على لمى اللي خلاص على وشك ولاده ومو ناقصه تعب .. حاولت ابين عندها اني هادية وجلسنا نسولف وتحكيني عن حياتها مع فيصل وحبه لها وانها ماقدرت تحبه زي ماكانت تحلم بس تحبه كزوج وولد خالتها وان بينهم عشرة حلوة مع الوقت تحولت لمعزة ومحبة بس مو الغرام والشوق واللهفة اللي كانت تحلم فيها ... قلت لها اهم شي انه يحترمك وانتي مرتاحه عسى الله لايغير عليكم الا لأحسن
رجعت من عند لمى وانا احسني احسن ونفسيتي مرتاحه شوية



لامارا غير متواجد حالياً   رد مع اقتباس
قديم 15-04-14, 10:28 AM   #12

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

كملت اختباراتي الدوريه والحمد لله كلها فل مارك
انشغلت اسبوعين وانا من اول مااجي ابدا اكتب الين الساعه 9 انزل اتعشى بعدين اطلع اذاكر شوية وأراجع ثم انام ..
كان يوم اربعاء جيت من الجامعه تعبانه ووراي جهد وكتابة لقيت هدى بالمطبخ سلمت عليها وسألتها
: شو ..؟ تشتغلين ياهدوو .؟ احد بيجي ..؟
اخذت لها ملعقه وقعدت تذوق الحلى اللي سوته الشغاله وحطته بالثلاجه وهي تقول: ام مهند اتصلت تقول بتجي .. وطالعت فيني قالت مهند اعطى خالك المهر عارفه
قلت بلا مبالاة : لا ماقالي
راحت تغسل يدينها وقالت: اصلاً ماعاد احد يشوفك عشان يقولك شي
نزلت راسي بقهر وضيق قلت لها : الله يعين خلاص هانت
ناظرتني هدى بحزن قالت : أي هانت ياديمه وانتي بتخلصين دراسه من هنا وتتزوجين من هنا .. تدرين ماجلست معاك من زمان ..
لويت فمي وقلت : طيب هذولا لازم اقابلهم
: طبعا ديمه عيب ماتقابلينهم بعدين هي جاية عشانك تقول طالما انها ماتجيني في بيتي ولا اتدق عليّ بجيها انا
: الله يسعدها والله اني حبيتها بس الوقت وانا نفسي ماا..... سكت خفت اتهور واقول اللي بقلبي لهدى ثم اتورط .
: ما ايش ..؟ كملي ليه ساكته ..؟ مارديت عليها بعدين قالت : عموما ياديمه هي تحبك وباين انها طيبه ..
تنهت بعمق وانا اقول: آه بس يالاجازة ليتني اخلص من هنا واروح من هنا لجدتي
: ههههههههههههههههههههه لايكون بتشردين
سحبت كرسي وجلست عليه قلت بنفاد صبر: آه بس لو ماابغى افشل خالي كان اشرد
سمعت خالي يضحك من وراي وهو يقول : اخيراً لقيناك ياست ديمه
واخذني بيدي للصاله
جلست معاه وانا مسويه نفسي عادية مافيني شي
ناظرني بجدية : ايوه ليه بتشردين الحين اللي يشوفك يقول مهند بلوة بنحذفك عليه تراه انسان طيب لأبعد الحدود
مشوشة ياناس ماابي سيرته مااحب احد يكلمني عنه غمضت عيوني وهزيت راسي معترضه على كلام خالي بس ماتكلمت ...................
سمعت خالي يقول : تدرين انه اعطاني مهرك
فتحت عيوني وقلت : دريت من هدى الحين
: يعني خلاص لازم تنزلين السوق ماعندك وقت
: بنزل بكرة ان شاء الله انا وهدى
: خالتك ازعجتني تقول بنزل معاها
: جزاها الله خير خلها تنزل عني
: لا محد ينزل عنك كل اغراضك تشترينها على ذوقك فاهمه ..؟
: اوكي بس لاتعصب .. قلتها وانا ابتسم ابغى اهدي خالي .. بالرغم ان خالي حنون وبحياته مازعلني او ضربني او قسى علي بس اخاف اذا عصب ولا رفع صوته عليّ .. اصلاً اكره شي عندي انه يزعل او يعصب ..
تنفس بقوة كأنه يهدي نفسه لأنه معترض على كل تصرفاتي واحسه يجاريني بيشوف آخرتها معاي : طيب تراني حولت المبلغ لحسابك 100 الف
: شو ..؟ ليه 100 الف محد طلب منه هالمبلغ
رجع راسه على الكنب وطالع فوق قال : والله انا قلت خمسين وابوه حلف ان مهر ديمه 100 الف
: اهم شي مو بكرة يكون مديون وانا السبب
:هههههههههههههههههههههههه� �ههه لا تطمني مهند راتبه كبير وابوه مبسوط .. وامس اخذ خمسين الف على عملية بسيطه اجراها لواحد بالمستشفى
مارديت على خالي واستأذنت منه بروح ابدل

دخلت غرفتي على طول وبدلت لبست بيجامه مريحه شورت وبدي واسع لونها سماوي ونمت .. وصحيت قبل المغرب .. بسرعه اخذت لي شور ورحت لبست تنورة سودا طويلة وبلوزة موف وداخل مهاها اللون الاسود بخطوط رفيعه على شكل دوائر وهي من الحرير وكانت واسعه وصدرها مفتوح .. حطيت مكياج خفيف وقلوس موف ولميت شعري ومسكته بشباصة بعد ماطلعت منه خصلت من ورى ونزلت خصلة كبيرة شوي من قدام جبتها على جنب ولفيتها من ورى اذني ..نزلت سلمت عليهم حصلت خالتي ام صالح ( ام هدى ) عندنا .. مع ام مهند اللي باين انها تحبني كثير وسلمت علي بحرارة واعتذرت منها لأني مقصرة مااكلمها ولاجيتها في بيتها قالت :يابنتي عارفين ظروفك ومهند يطمني عليك ويقول انك بخير بس الدروس شاغلتك ..
سكت بعد ماجابت سيرته كانت ريم معاها وجلست اسولف معاها عن الجامعه والبحث .. وهي تقول لي عن الروتين اللي هي عايشته و الملل والطفش بحياتها وأشرت عليها تدرس دورة حاسب آلي او تجميل منها تشغل وقتها بشي مفيد ومنها تكتسب دورات وتتعلم يمكن بكرة تتوظف فيها .. وأخذت ريم كلامي باهتمام وبعين الاعتبار قالت بتقول لابوها
بعدين قالت : ديمه جهزتي ولا لسه ترى ماباقي عن زواجكم شي
: خلاص من بكرة بنزل السوق
: الله يعينك ترى بتتعبين
: لاان شاء الله ماراح اتعب كلها كم مشوار واخلص خاصة اني منظمه
: ماشاء الله عليك اشوى مني .. انا اذا كنت بحضر زواج اجلس الف السوق اسبوعين عشان الاقي الفستان ثم الجزمه والاكسسوار اللي يمشي معاه .. اخلي كل اهل البيت يعانون هههههههه مو زواجي والله لاخذ خمسه شهور ماخلصت نص اغراضي
: هههههههههههه لا بعدين انزلي معاي اعلمك كيف تشترين
: اوكي ومنكم نستفيد ياحرم اخي المصون هههههههههه
ناظرتها بنظرة لو بكيفي قصيت لسانها بس هي مسكينه مالها ذنب في اللي يسويه اخوها ..

تعشت عندنا ام مهند واستانست مع خالتي ام صالح .. بالرغم انهن ماعرفن بعض الا عندنا بس صارن صاحبات ويزورن بعض باستمرار من يوم جوا اهل مهند لجده .. ام هدى اعتبرها بمكانة امي ولا جدتي .. تذكرني بجدتي الله يرحمها لأن كانت علاقتها فيها قوية ومن صغرهن صديقات ويحبن بعض كثير .. عشان كذا ارتاح لمن اشوفها احسني اشوف جدتي عايشة الله يرحمها ويعافي ام هدى ويخليها لعيالها ...
اما عند الرجال تعشى خالي مع ابو مهند وابو صالح ويوم جات الساعه 11 استاذنوا ابوصالح وابو مهند وراحوا بعد مانادوا على حريمهم ...

هالمرة مهند ماجا ولا سمعت سيرته بس على الساعه 11 سمعت ريم تكلمه :هلا مهند كيفك ..؟................ متى بترجع للبيت ..؟ ..................طيب قبل تروح للبيت مر عليّ عند ديمه لأني بسهر معاها ................ ايوه جالسة معاي ............ بخير بتكلمها ؟ ......... اوكي
التفتت لي قالت خذي مهند بيكلمك .. شو يكلمني صاحي هذا ولايبغاني افشله قدام الناس .. قلت لها بصوت واطي : مااقدر اكلمه الحين بعدين اكلمه .وتبسمت . وكملت :استحي منكم ..وأشرت عليها وعلى هدى اللي تناظر فيني متحمسة لردة فعلي لأنها تدري اني مااكلمه .. بس ريم اكيد ماتدري وتحسبه يكلمني ..
رجعت ريم تكلمه : مهند البنت مستحيه منا .. ماتبي تكلمك قدامنا هههههههههههه
قمت بسرعه وأخذت معاي صينية القهوة عشان اجيب غيرها والقهوة اصلاً جديدة بس ابغى اروح ماابغى احرجه او يحرجني وانا داخله المطبخ وامشي بشويش سمعتها تقول ..راحت والله مشغولة .. خلاص شوي اذا جيت ادخل سلم عليها وشوفها بالمرة عاد الليلة ديمه غير ماشاء الله عليها غير ........... ههههههههههههههه طيب باي

وصلت للمطبخ وانا افكر بهالورطه والهبلة ريم اللي خليتها تجلس وورطتني .. ليتني خليتها تروح مع امها ومالحيت عليها تسهر عندنا .. ياربي كيف مافكرت ان مهند يمكن يجي عشانها ..!
رجعت للبنات بعد ماقلت للشغالة تجدد القهوة وجلست وانا احس اني مرتبكة مو من مهند مرتبكة من ريم ماابغاها تعرف ان بيني وبين اخوها حركات وعناد وتحدي .. خاصة انها تحسب امورنا اوكي ومبسوطين شكله يوصل لهم اخباري على اني اكلمه ..
البنات يسولفون وديمه بعالمها افكر كيف افتك من هالورطه .. لقيتها الحمد لله بس عساها تزبط .
شفت هدى وريم يضحكن علي وريم تقول : اللي ماخذ عقلك للحين ماوصل تراه في الطريق ههههههههههههههه...
: ها ..؟ هههههههههههه تفكيرك ماادري كيف جاي
: تفكيري بمحله واذا غلطانه حطي عينك بعيني
: هههههههههههههه
قربت الساعه على ثلاث ودق جوال ريم وردت : هلا مهند .................. طيب بتدخل انت ؟ ............ اجل بنطلع لك في الحوش بعد نص ساعه ..........
سمعتها تقول نطلع وحسيت الأرض تلف فيني ..؟ من اللي نطلع لايكون تقصدني .. من جدها هذي .. قمت قبل لاتكمل واستاذنت اني بطلع فوق وارجع وطلعت لغرفتي .. بسرعه دخلت الحمام وأخذت شور وطلعت لبست بيجامه ولفيت المنشفة على شعري ونزلت مرة ثانيه عند ريم ..عادي خلها تشوفني كذا .. عاد شعري طويل وكثير ويبغا له ساعه اما اسشوره عشان ينشف ولا اخلي المنشفه عليه ساعه وعيب اترك ريم اكثر من كذا ..
تفاجأت ريم فيني قالت بزعل : يوه شو سويتي تبغين مهند يشوفك كذا ..؟
فتحت عيوني وسويت نفسي بريئة ياناس علمني حتى على التمثيل : ليه بيجي هو ..؟
قالت بقهر : شوف هذي ..؟ ماشفتيني كلمته ؟
هزيت اكتافي وانا بمنتهى البرائة قدامهم : ماانتبهت
: طبعا صعبة تقابلين حبيب القلب بالشكل هذا
: هههههههههههههههه طبعا صعب
: اجل بقوله انك ماتقدرين تشوفينه اليوم
مسكت الزرار اللي في بلوزتها قلت بتودد : ماتقصرين ريوم اخدمك في الأفراح والمناسبات الحرجه ان شاء الله هههههههههههه
ضحكت ريم وصدقت مسكينه ... قالت : تعالي .. ليه ماتدقين عليه وتعتذرين له بنفسك .
: لاوالله .. اش تبغيني اقول ... اقول آسفه لابسه بيجامه وشعري كله موية وماابغاك تشوفني بهذا الشكل
التفتت ريم على هدى وقالت : بالله ياهدى هذا شكل وحده مخطوبة وزواجها بعد شهر .. مو مهتمه لخطيبها ولا تسأل عنه او تجيب سيرته ...
ناظرت فيني هدى وكأنها تأكد على كلامها وابتسمت بعدين قالت : ديمه عاقلة مو خفيفه
ضحكت انا وقلت : شكراً يازوجة خالي العزيزة
ضحكنا كلنا ودق مهند على ريم وردت عليه : هلا مهند ............ يالله طالعه ......... ممممم لا لاتنزل ديمه بتنام الحين ومو مجهزة نفسها عشان تقابلك
ايوه قبل شوي كانت قمر وغير بس الحين حاست كل شي ومجهزة للنوم مو لك ............ ههههههههههه طيب الله يوفقكم . ........... خلاص جاية باي
لبست عبايتها وانا نفسي ادري اش قال لمن ضحكت .. بس ريم ماخلتني افكر كثير قالت : مهند يقول هانت كلها شهر .. وتقابلني 24 ساعه .
ماعلقت ولا حتى ابتسمت بس رحت بعيد ياربي اش قصده شهر واوريها على اللي تسويه ..؟ .. ولا شهر واربيها من جديد .. ؟ ولا شهر واصير على كيفي ؟ بأي وقت اشوفها وماعادت تتحجج بشي ...!
سمعت ريم تقول : هيه الأخت فين راحت
: هلا ريومه قلتي شي ..؟
: ادري حبيب القلب اخذك منا
: هههههههههههههه بغيتي شي
: كنت اقول مع السلامه وكلمينا .... ولا اقولك هاتي رقمك ..!
: اممممممم جوالي فوق استني دقيقه اجيبه لك .... كنت عارفه انها ماراح تستنى لأن مهند يدق عليها ويقفل
: فيه احد مو حافظ رقمه هذا وانتي مصرية تاكلين الكتب ... غطت شعرها وقالت ..: خلاص ديوم دقي علي اذا طلعتي لغرفتك ورقمي عند هدى خذيه منها
: ههههههههههههه اوكي ولا يهمك
خرجت ريم ورجعت لهدى اللي احس ان براسها مية الف سؤال بس تحترمني وماسألتني لأنها عارفة انها ماراح تاخذ مني أي كلمة
قلت لها تصبحين على خير وطلعت لغرفتي ورحت اكمل كتابة البحث حقي استنى الصلاة
صليت الفجر ونمت بعدها .. صحيت الساعه 2 الظهر ونزلت بعد ماصليت وبدلت ملابسي
حصلت بسام وياسمين جالسين على التلفزيون .. سلمت عليهم وحضنتهم قال بسام : ديمه انا احبك كثير زي ماما .. بس ازعل اذا بتروحين عند مهند
استغربت من كلام بسام قلت له: من قالك اني بروح عند مهند ..؟
: مهند سألني عنك قال تحبها قلت ايوه قال انا باخذها عندي
: مممممممم بروح عنده وبخليكم تجون عندي وأجي عندكم وووووووو ماكنت ادري ايش اقوله وغيرت الموضوع قلت : افطرتوا
: ايوه انا وياسمين صحينا بدري بس أسامه وديمه نوامين مايصحون بدري زينا
: بروح اصحيهم واصحي بابا وماما كمان
مريت على الشغالة قلت جهزي الغدا وطلعت فوق اصحي النايمين .. صحيت ديوم بدلع وأسامه جلست اضحكه وهو نايم واحاول اشيله واسوي اني مااقدر وانو قوي وهذا حلم اسامه انه يصير اقوى انسان بالدنيا .. صحوا وأخذت ديمه معاي ورحت لعند غرفة خالي وهدى .. دقيت الباب وسمعت صوت هدى باين انها صاحية ودخلت ديوم عليهم ورجعت ادري انها بتنط على خالي على طول وتزعجه ناديت على هدى قلت ان الغدا جاهز وانا مرة جيعانه واستناكم تحت ..
نزلت تحت ونزلوا بعدي بشوية كان خالي يشيل ديمه وينططها فوق وهي تضحك جلس بعد ماسلم وجلست هدى بجنبه وانا مقابله لهم
قال : اليوم بيوديك السواق انتي وهدى للسوق ..و التفت لهدى وكمل .. هدى تقول ان مافيه وقت ..
قلت : بنروح بس محتارة ابدا بأيش
تدخلت هدى : انا اقول اليوم نروح ندور على الفستان وأحسن تشترين جاهز لاتفصلين ماعاد يمديك وانت مو فاضيه كل شوي عند الخياطه
:اذا قدرنا نلاقي فستان بسرعه بروح بوتيك ناريمان عندها موديلات قالت لي وحده من البنات وتصاميم عالمية روعه
: اوكي نروح نشوف مو خسرانين شي ..!
خالي وكأنه تذكر شي : الذهب .. انتظروا لاتشترونه الحين .. فادية تقول انها بتختار لك على ذوقها
ضحكت هدى وقالت : الله يعينك ياديمه الحين بتشتري لك من النوع الثقيل قلايد وحزام ليه لأن فادية تقول اهم شي في جهاز العروس الذهب ولازم يكون ثقيل وغالي مو شرط فخم وأنيق وناعم
خالي بكل جدية : وهي صادقه فادية .. بدال ماتحط فلوسها بالخرابيط تحطها بذهب اضمن واحسن
قلت وانا اضحك : خالي صاير تفكيرك مادي .. انا عني ماراح البس ذهب الا اذا كان شي ناعم وخفيف
قال خالي بجدية : حلو اشتري شي ناعم وخفيف واشتري شي ثقيل يمكن تحتاجينه بعدين لاقدر الله ..!
قلت وانا اأشر على عيوني وابتسم : ابشر ياخالي من عيوني الثنتين اللي تبيه يصير .....
تغدينا وجلسنا بالصالة وبعد العصر طلعت مع هدى للسوق مع السواق ... مادرت الا محلين او ثلاثه الا حصلت فستان روعه .. كان ابيض على فضي ناعم وبسيط جاي من فوق على الصدر ضيق وفيه علاقي كريستال من جهة وحدة يوصل للكتف من ورا .. والصدر فيه كريستال لامع وفصوص كبيرة شوي لامعه بقوة .. كان اللون الفضي خيالي .. ومن تحت كان التصميم ناعم بس القماش نفسه فخم وفيه كريستال اخف من اللي بالصدر وطويل من ورا شوية والطرحه كانت اروع شي بالفستان لونها فضي فيها اقراص كريستال دائرية كبيرة شويه ومتباعده عن بعض .. وهي طبقه وحدة من القماش طويلة لأسفل الفستان تتثبت على الراس وتنزل على الراس .. احسني مو قادرة اوصفها لأنها مبهرة بمعنى الكلمه .. بس مااعجبت خالتي فادية في البداية.. تقول كأنها شرشف صلاة مرصع بالكريستال .. بس بعد مالبست الفستان بالبيت والطرحة معاه اعجبها كثير ..!
رحت انا وهدى لبوتيك ناريمان كان خيالي وأخذنا تنانير وبلايز وبناطيل وبديهات بعدها رجعنا للبيت

يوم الجمعه ماقدرت انزل ولا باقي الاسبوع لأني ارجع من الجامعه لأني ارجع اذاكر وأكتب رسالتي اللي كان موضوعها " من المسئول عن اتزان الشخصية "
الاسبوع اللي بعده كانت خالتي عندنا .. طبعاً مايحتاج اقولكم انها وبختني كثير اني مانزلت السوق الا مرة وحده وان باقي لي اشياء كثير .. نزلت معاها الاربعاء واشترينا الذهب والله لايوريكم شالت لي كوم ذهب اربعه اطقم .. وقلاده كبيرة مالها أي داعي بس جاريتها لأن خالي يبغى كذا وحزام .. وكم خاتم على ذوق خالتي وأساور ناعمه وهادية اكثر شي عجبني هي ...!وكم سلسال ناعم كمان
رجعنا للبيت ويوم الخميس ماكنت ابغى اروح لأني طفشت من السوق وخالتي اصرت علي وعصبت وهددتني انها بتكلم خالي وتقول اني مستهترة وماعندي احساس ومو متحمسه لزواجي كأنه زواج بنت الجيران .. !عاد انا مو ناقصة وخالي ناصر من النوع اللي يدلعني صحيح بس اذا زودتها والله ليوريني ..
رحت مع خالتي واشتريت الجزم والشنط بالرغم ان كل اغراضي اللي عندي الحين جديده ومايحتاج اجيب جديد بس خالتي ماعندها عروس لازم كل شي جديد ..!
اشترينا كمان اكسسوارات وعبايات وطرح .. قالت باقي الفساتين واني مااخذت ملابس كفايه بس انا ماعاد فيني امشي بصراحه رجولي تكسرت .. وخالتي انفعلت وقالت
: اجل الله يعينك .. الاسبوع هذا ماني رايحه وراح ننزل كل يوم لأن الامتحانات على الأبواب وحضرتك اعرفك مابتنزلين ايام الاختبارات
قلت باستسلام : خلاص ولا يهمك الاسبوع هذا اكمل بس خلينا نرجع ..!
صرنا ننزل كل يوم اشتريت المكياج والعطورات وكريمات بدي ووجه وكمان اشتريت الملابس الداخلية والبيجامات
رجعنا للبيت قالت خالتي باقي قمصان النوم بنخلي لها يوم كامل صرخت انا : لا والف لا مستحيل والله لو ماادري اش يصير الا قمصان النوم .. .. كلهم استغربوا ... بعدين لحقت على نفسي و قلت : لاتخافون بشتري بس انا ولينا صاحبتي تعرف اماكن حلوة وأشياء ناعمه غير نعومي ..!وابتسمت ثم قلت : بعدين هذي اشياء خاصة لاتحرجوني ..
خالتي كانت شاكة بتصرفاتي وكل شوي تقول انتي موطبيعيه اللي يشوفك يقول انك ماخذة شايب ومغصوبة عليه .. انا بصراحه ضحكت على تعليقها ..وبقلبي اقول لو تدرين وش فيني ياخالتي .. انا فيني هم قد الجبل وانتم فرحانين وتسحبوني من سوق لسوق كأني بروح للجنه اللي تحلم فيها أي بنت وانا في الحقيقه بروح لعناد مهند وتحديه لي وغروره واحتقاره واهانته آآآه بس لوتدرين ياخالتي فادية . . لوتدرين ياهدى اللي متأكدة انك عارفه اني مو متحمسه لاللزواج ولا لمهند نفسه .

حجزت عند المشغل اللي اتعامل معاه واللي سويت مكياج ملكتي فيه ..
رجعت خالتي فادية للطايف .. وكل يوم تتصل فيني وتسألني اذا اشتريت القمصان ولا لا ..؟ وانا كل شوي اقول اليوم بنزل هو كله محل واحد آخذ كم واحد والباقي بعد الزواج ..
كنت اضحك عليهم وأوهمهم ان حياتي مع مهند راح تكون عادية ولا حلوة ...!
رحت عند لمى اللي ولدت وجابت بنت سمتها "ديمه" على اسمي وحاولت اخليها تغيره بس رفضت ومااعطتني فرصة للنقاش لأنها خلاص قررت وزوجها وافق ..
جلست معاها بعد ماعاتبتني لأني ماعدت اكلمها زي اول وانا اعتذرت بتجهيزات الزواج قالت : والله زعلانه منك تحددون الزواج مافكرتي فيني واني في فترة نفاس ..
قلت بتريقه : من قال ان لي دخل بتحديد موعده
فتحت عيونها لمى قالت : كيف مالك دخل مو زواجك
ضحكت وقلت لها : لا حبيبتي هذا زواج مهند وهو الوحيد اللي يقرر ويفرض وخالي يجاريه على كل شي ..
قالت بأسى : بجد ياديمه الله يعينك
: ماعليك لموي احضري تكونين خلصتي اسبوعين وزياده اهم شي تقدرين تتحركين وتمشين وديومه الصغيرونه ماراح يجيها الا العافية ..
: ان شاء الله بحاول احضر
: لا مو تحاولين اذا ماجيتي معاي ماراح اكلمك ..
: لا جد ديمه بإذن الله راح اجي مااتخيل انك تتزوجين ومااكون معاك
: اهم شي احضري لاتسوين ولا شي عاذرتك بس ابغى اشوفك في ليلة زي هذي
: خلاص من عيوني
خرجت من عند لمى على الساعه 8 المغرب واتصلت على روان وقلت اني راح اطلع معاها للسوق ابغى اشتري لي كم فستان وهي ذوقها روعه .. لأني مااشتريت مع خالتي الا ثلاثه وذوق خالتي مايناسبني واذا جيت اشتري شي على ذوقي تقول مايصلح جاريتها والحين ابغى اشتري على ذوقي .. وصلت عندها وخرجنا مع بعض بعد مااتصلت على خالي وقلت له .. وقلت لهدى اني بروح اشتري القمصان... ورحنا انا وروان لأكثر من مجمع واشتريت فساتين مرة رايقه وحلوة .. رجعت للبيت معاي اكياس وخرجت لغرفتي على طول وناديت هدى تجي تشوف الفساتين وقستها وهي عندي : واو ياديمه وربي رووعه اوف لويشوفك مهند بس بالشكل هذا والله لينهبل
: هذا ذوق روان .... غيرت طبعا الموضوع ماابي سيرته ولااتخيل نفسي البس عشانه

مرت اسبوعين الاختبارات كنت اواصل اغلب الأيام لأني مصرة اكمل الدرجات ماحاولت اضيق على نفسي وأفكر بشي راح يأثر على مذاركتي .. الحمد لله عدت على خير وأخيراً انتهت الاختبارات ..
لو اقول لكم انه كل ماخطر على بالي الزواج ولا جات فكرة اني بتزوج مهند قريب احس اني ابغى امسك الوقت لايتحرك ماابغى اليوم يمر وينتهي ويجي يوم ثاني ويقرب موعد الزواج .. صحيح جاريت اللي حولي وهم فرحانين لي بس انا بقلبي شي ثاني ..
خلاص هذا آخر اسبوع لي ببيت خالي وانا ديمه البنت اللي عايشة بعز خالها ودلاله .. اذا جيته بعد الاسبوع هذا راح اجي ضيفه ولفترة معينه وارجع الا في حالة وحده وهي اني انفصل عن مهند وهذا اللي اتوقعه ... !
رجعت للبيت وانا على قد ماني فرحانة اني انتهيت من اختباراتي على قد ماني زعلانه
دخلت الصالة وحصلت خالي ناصر جالس عنده اوراق كثيرة ويكتب شكلها للمدرسة او عقود تابعه لمكتب الxxxx حقه .. ! سلمت عليه ورد علي وهو مشغول .. ماحبيت اقطع عليه شغله وجيت ابغى اطلع بس ناداني وهو مشغول : ديمه تعالي لاتروحين انتظري لين اخلص ابيك بموضوع .
: حاضر
جلست على الكنبة وانا اقول بقلبي الله يستر .. احترت من خالي اش يبغى .. جا في راسي مليون شي .. الحين راح اعرف كل شي ليه اتعب نفسي ..
كمل خالي اوراقه وخلصها بعد حوالي نص ساعه
قال وهو يحس بارتياح وابتسم لي : هلا ديمتي ها كيفك ..؟ وكيف امتحاناتك ..؟
: الحمد لله بخير وامتحاناتي كلها عال
: الحمد لله .. وين تبغين شهر العسل
: ها ..؟ مو لازم شهر عسل
: لاوالله بكيفك هو ؟ ديمه تراني صبرت على دلعك كثير .. ترى لو غيري كان كسر راسك عشان الدلع هذا
: حتى انت ياخالي ..؟
ناظرني خالي قال : وشو حتى انا ..؟ وش قصدك ..؟
: ولا شي ..؟ طالما مو بكيفي ليه تشاورني
: مهند يقول اسألها وين تبيه
: ماابيه .
فتح عيونه وهو يناظرني وقال بصوت عالي: ايش ... وش فيك انتي تستهبلين ولا خلاص شفتيني ساكت
: اقصد ماابغى شهر عسل برا مو لازم ماشبع سفر وغربه خلنا نقضيه هنا بالسعوديه احسن
حسيت خالي ارتاح لأنه غمض عيونه شوي بعدين قال : والله هذا عين العقل بس انا ابيك تروحين شهر عسل حالك حال بنات الناس انا اقول روحوا كندا وماليزيا ولا اسبانيا ولا فرنسا مافيه احلى من هالدول
: لا لا ياخالي انا ماتهمني الشكليات بالعكس هنا احلى والمفروض هو يستغل اجازته ويقضيها بالبلد مو اول ماياخذ اجازة يرجع يسافر
: هو راضي ماعليك اهم شي انتي
:انا مهمني هنا بجده بمكه برا بأي مكان عادي .. بس ارجع واقول لو مانسافر احسن
: بكيفك بس ليه انا حاس انك منتي مبسوطه
: يعني بطلع من بيتك وتبغاني اصير مبسوطه ...... قلتها ودموعي في عيوني وصوتي مخنوق ..
: هههههههههههه لا تقولين هالكلام محد بيزعل على طلعتك كثري بس هذي الحياة وانتي هنا بجده اذا بغيتي تجين ولا اشتقت لك كل مافي الأمر مشوار مايكلف عشر دقايق
: ليه بيتهم فين ..؟
: بينا وبينهم تقريباً ربع ساعه اذا مافيه زحمه
: ياالله يعني بعيد شويه
: لابعيد ولا شي اجل تبين تسكنين بجنب اهلك
: تصدق خالي ...؟ لوماكنت ماابغى افرق بينه وبين اهله كان قلت نستاجر بنفس حينا ..
: ههههههههههههههههههههههه ماعليك اذا بغيتي تجين تعالي على طول واذا ماقدرتي ولا كان مهند مشغول لايردك الا التلفون دقي علي ونجيك ناخذك ولا نزورك
: الله لايحرمني منك ويخليك لي
: ويسعدك ياديوم واشوف عيالك واربيهم مثل ماربيتك من غير شر على امهم وابوهم
: انت عزي ياخالي وسندي بهالدنيا واذا ربيت عيالي اشهد انهم بيطلعون رجال عساني ماانحرم منك
دخلت علينا هدى قالت : ماشاء الله وش هالكلام الحلو ديوم عطينا شويه ولا خالك مافيه امل ننافسك بكلامه لك ..
ضحك خالي من كلام هدى وقال : عاد انتي ياام بسام محد ماخذ من الكلام الحلو كثرك

قمت وانا اضحك قلت: بروح ابدل ملابسي وارجع اتغدى معاكم ..
: يالله ننتظرك .. قاله خالي وهو يقوم يروح للطاولة اللي حطوا عليها الشغالات الغدا

بدلت ملابسي ولبست قميص قطني لنص الساق وأكمام قصيرة ونزلت .. وتغدينا بعد ماجوا بسام وأسامه وياسمين من عند التلفزيون اللي محطوط لهم بغرفة خاصة تحت ..!


اليوم الأربعاء صحيت الساعه وحده الظهر عشان اشوف درجاتي بالنت .. اووه الحمد لله كل درجاتي روعه اقلها كانت 97 من ميه وهي مادة واحدة الباقيه مادتين 98 ومادة 100 من 100 وومادتين 99 من ميه الحمد لله رضا من ربي ..
ارسلت لخالي درجاتي كلها بأسماء المواد وآخر الرسالة كتبت وش رايك في بنتك..؟ ماقدرت اكلمه وأزعجه لأنه نايم وانا بصراحه ماحبيت اقول لأحد قبله


قمت غسلت وصليت الظهر وأخذت دوش ولبست لأن جدتي بتوصل اليوم هي وخالتي سمر مع خالي ايمن وزوجته .. وخالي محمد موجود بالطايف عشان بيحضر زواجي بس ماراح يجي الا بكره بس هند وغادة بيجون اليوم بالليل لأن عندنا عشا لجدتي اميرة ...
شفت هدى خارجة من قسمهم وهي تبتسم جايتني : مبروك ياديمه مو غريبة عليك ..
:ههههههههههههه عرفتي الله يبارك فيك
: يالله اليوم بتروحين للمشغل
: لا جدتي بتجي خليها بكرة
: مايصير لازم تروحين اليوم يابنت سوي الحمام اليوم احسن ترى المفروض انك مسويته من امس ولا قبله بس انتي كسوله عاد لازم تروحين اليوم
: وجدتي وخالتي وسهى اللي بيجون عشاني
: لاحقة عليهم بعدين هم عارفين انك عروس يالله ديمه تكفين لاتعاندين
: مو مسألة عناد ياهدى بس بجد مو حلوة اترك اهلي اللي بيجون من بعيد
: والله مافيها شي بعدين خالتك هنا بتقابلهم وانا موجوده وهند وغادة خلاص لاتشيلين هم
: اوكي بروح اجل بعد شوي
رحت للصالون وسويت حمام مغربي وبخار وسلمت نفسي ليليان اللي دايماً تنبسط على مكياجي ولا الشغل معاي تقول اني مااتعبها وان بشرتي سهل التعامل معها .. اخيراً صبغت شعري بني فاتح ودخلت معاه خصل صغيرة مرة لونها ثلجي وأكدت على ليليان انها ماتكبر الخصل وفعلاً اتقنت اللي ابغاه طلعت الخصل ناعمه وخفيه وكأنها خيوط ثلجيه ناعمه داخله على اللون البني الفاتح ..
رجعت للبيت على الساعه 9 بالليل واول ماشفت جدتي حضنتها بسرعه وخالتي نفس الشي .. وسلمت على سهى زوجة خالي ايمن اللي اعتبرها زي خالتي سمر
جلسنا مع بعض وهذي مو اول مرة يجون عندنا في بيتنا .. خاصة خالي ايمن اللي يجينا اذا حصل فرصة لأنه في الرياض ويقدر يجي بالسيارة

جلست معاهم الين جات الساعه 4 الفجر وكانت جدتي تعبانه دخلوا غرفة الضيوف وناموا ونامت معاهم غادة لأن فيها اربع سراير وغرفة خالتي فاديه فيها سريرين نامت فيها هند معاها .. انا طلعت لغرفتي وقلبي بدا يدق قربت الساعة اللي ماادري كيف راح تكون بس اللي ادري عنه انها ساعه ماراح اكون فيها مبسوطه .. وكل هاللي سويته مو عشاني فرحانه ولا لأني ابغى مهند يشوفني حلوة .. لا بالعكس انا فكرت في اهلي في اهل مهند اللي مالهم ذنب ان عروس ولدهم ماتهتم ولا تجي بشكل عادي وماتتكلف عشانه .. وفكرت بالناس اللي راح يجون ماابغاهم يتكلمون علينا خاصة انهم يدرون ان مهند دفع مهري 100 الف فما ابغاهم يقولون ان خالي مااعطاني ولا انه قصر معاي ..
حاولت انام ماقدرت .. جلست اتقلب الين الساعه 11 الصباح ارق وتفكير و مهند اللي راح ارتبط فيه وانا اكرهه .. ايوه اكرهه لأنه بإمكانه يطلبني بإسلوب احلى ..بإمكانه يتمكن من قلبي لأنه مو ناقصه شي بس هو ماحاول وشكله مايبغى ..
كنت احلم اني اتزوج انسان مهم في المجتمع .. تكون شخصيته قويه يحسسني بالحنان والأمان ويقدر ديمه اللي انا واثقة انها بنت الكل يحلم فيها .. ماني مغرورة بس انا الحمد لله فيني كل الصفات اللي يتمنونها اغلب الرجال .. ماعدا شغل البيت طبعا وهذا مو عيب اقدر اتعلمه بسهولة والشغاله تكفي .. انا جميلة ،، عاقلة ،، محترمه وخلوقة ،، مثقفة وشهادتي كبيرة ومتفوقه ،، اصل وحسب ونسب وعز الحمد لله
كان النوم قريب مني لأني حسيت بتعب بس دق الجوال وطرد النوم شفته رقم عمتي صالحه
رديت بتعب : هلا والله
: هلا ديمه كيفك يابنتي
: الحمد لله انتي كيفك ياعمه
: بخير من ربي .. ليه صوتك تعبان فيك شي
: لاعمتي بس ماقدرت انام للحين
:ههههههههههههه لاتخافين هذا يصير لأي عروس المهم الحين خذي لك ثلاث ساعات قبل تروحين للصالون حتى مايبين عليك الارهاق الليله
: ان شاء الله .. متى بتجين
: اخوك هو اللي قومني اتصل عليك وبيمشينا الحين يقول بشوفها قبل زحمة الناس
: ياعمر اخته ياعناد كيفه هو ياعمه وكيف عادل وسديم
: هذولي نعمة ربي علي كلهم بخير ياوجه الخير
: الله يسعدك ياعمه ويكتب لك الأجر ويخليك لنا ام حنون وقلبك كبير .
: ويسعدك يابنتي والله لوتدرين انهم مغيرين لي حياتي وعوضوني اللي ربي حرمني منه الحمد لله على كل حال
: ماتدرين عن امهم
: هههههههههههههه ابشرك انخطبت ووافقت وزواجها بالصيف
: شو ..؟ ومن هذا اللي خطبها ..؟
: ولد خالتها مساعد عنده حرميتن وهي الثالثه
: الله يرزقها ليتها تتزوج لاتجيك بكرة تقول هاتي عيالي
: ههههههههههههه والله هذا كلامي ..طيب يمه مااطول عليك نامي زي ماقلت لك والليلة ان شاء الله اشوفك
: على خير يارب سلمي لي على اخواني عندك خاصة عناد
: يوصل ... مع السلامه ..
: بحفظ الله

قفلت من عمتي وحطيت جوالي صامت ونمت .. كان نومي بتعب كل شوي اصحى واذا نمت اتحلم بأحلام مزعجه
صحيت وانا احسني مصدعه ومرهقة وتمنيت اني مانمت هالنومة المزعجه بس يالله اسمه اني نمت ..دقت علي عمتي قالت ان عناد جا مع عمه ياسر وقالت لي ادق عليه عشان اذا ماقابلني راح يزعل .. دقيت على عمي حصلته بالمجلس حقنا ..
كانت الساعه خمسه العصر وجاتني خالتي معصبه تقول يالله للمشغل
قمت بكسل واستحميت ولبست بنطلون جينز وبدي كحلي علاقي وقصير ولبست عبايتي ومريت المجلس سلمت على عناد اللي حضنته وكثير بعدين سلمت على عمي ياسر .. وقلت اني مشغولة قال عناد : اناا بوديك للمشغل مع السواق
قلت له : اوكي يالله نمشي انا جاهزة
ورحت مع عناد اللي ركب ورى معاي عشان اسولف معاه براحتي بدون مايسمعنا السواق
.. جلس يسولف لي طول الطريق عن عمتي وعبدالوهاب وطيبتهم وانه مرتاح نفسياً .. فرحت كثير لكلامه وقعدت اوصيه على نفسه واذكره في كلام ابوي الله يرحمه عنه
وأوصيه على عادل وسديم .. ووعدني انه راح يكون قد المسئولية وانه رجال قد الثقه . وقعد يقول لي عن مغامرتاه في الحي حقهم والمدرسة ودرجاته ..
وصلت للفندق على الساعه سته تقريباً دخلت جناح العروس ومعاي ليليان ..
اما خالتي والبنات راحوا عند الصالون يسوون مكياجهم هناك الا هدى جات معاي وسوت مكياجها قبلي بعدين بدت ليليان في مكياجي على الساعه 8 وطلبت منها تسوي لي تسريحه ناعمه تناسب الفستان وقلت لها ماترفع شعري على فوق لأني مااحب الستايل هذا .. لفت لي شعري على ورى بطريقه روعه وبيد محترفه ودخلت الشعر مع بعض كانت الصبغه بصراحه جناان .. طولت ليليان وهي تشتغل وتخلص مرحلة وتبدا مرحله بالمكياج احس كل هذا ماله داعي بس يالله مكياج العروس عشان مميز ويطول على قولتها .. اخيراً خلصت الساعه الحين 11 وماراح انزف قبل 2 او حتى 3 لبست فستاني اللي طلع مع المكياج والتسريحه روعه ..ولبست الجزمه الفضية اللامعه والعالية شويه... ولبست طقم الالماس معاه والخاتم ..تذكرت شي ... لا لا لا كيف نسيت ... ياويلي نسيت اجيب الدبلة معاي .. ورطه صدق .. اصلاً الدبه مالبستها من ليلة الملكه واذا احد سألني عنها اقول واسعه علي .. الحين اذا جا المفروض يخرج الخاتم من يدي اليسار ويحطه بيدي اليمين .. ياربي اش اقول له .. ماخطر في بالي الخاتم ونسيت شي اسمه دبله ..
دقيت على هدى لأني لو قلت لخالتي بتعصب علي وانا مو ناقصتها .. !
: هلا ديمه خلصتي
: تعالي هدى تكفين محتاجة لك بسرعه
دقيقه وحده بس الا هدى عندي : هلا ديمه خير فيك شي واو ماشاء الله تبارك الله وربي انك اجمل عروس شفتها بحياتي حصنتي نفسك
: ايوه هدى لاتخافين بس انا في ورطه ومحد بيساعدني الا انتي خالتي لو تدري بتعصب علي وتزعل
: شو فيه وقفتي قلبي ؟
: الدبلة نسيتها
: يووووه معقولة انتي
: هدى لاتعاتبين انا قلت لك عشانك ارحم من خالتي تكفين هدى ايش الحل
: مممممممممممم طيب لاتخافين بروح للبيت
: بعيد البيت اخاف يطب الحين علي وانتي ماجيتي
: لا ماعليك بكلم ناصر مايدخله لين اقول له بقوله ماخلصت اوكي ..؟
: اوكي الله يسعدك ياهدى ويخليك .
: يسعدك انتي يالله باخذ عبايتي
اخذت عبايتها اللي كانت حاطتها عندي ودقت على السواق وخرجت من عندي
كل شوي ادق عليها لين وصلت للبيت .. وعلمتها بمكانها وبأية درج ..
دخلت علي لمى وحضنتني وجابت معاها ديومة الصغنونة كنت بموت عليها احسها بنتي .. كانت صغنطوطه نظرها بكل مكان ماتقدر تثبته جلست تبكي وأخذتها امها قالت : ماعليه ديمه نفسي اجلس معاك بس بنتي شكلها بردانه عندك جليد مو تكييف
: اوكي حياتي روحي ومعذورة اهم شي ديومه لاتتعب
: يلا مبروك ويارب يسعدك ويهنيك
: الله كريم
جات منار بنت خالي محمد وامها وهنادي اختها وسلموا علي وكل وحده عبرت باعجابها عني بطريقتها .. قالت منار .: يارب اكون مكان ديمه بعد شهرين ثلاثه ..
ردت امها : بنت استحي على وجهك وش هالكلام
: يمه تعبت من العزوبية بستقر
ضحكنا من منار اللي كانت لابسه فستان كحلي قصير مطلعها رهيبة وتسريحتها كانت روعه .. قلت لها : ماشاء الله عليك منار انتي الليلة قمر
: من جد ديمه يعني اروح استعرض اقول من تخطب ..
:ههههههههههههههههههههههه
راحوا اهل خالي محمد لمن دخلوا علي صاحباتي روان وليلى وندى وزينه ولينا وعفاف سلموا علي وباركوا لي وجلسوا عندي شويه .. كانت روان جايبة معاها معجنات فطاير بالجبنه واللحمة والخضار .. وعصير الربيع حوالي ست علب ضحكت عليها لأنها معبيه شنطة البراء اكل وعصير .. قالت :هذا عشانك عارفه ماراح تاكلين ..
: تصدقين مااكلت شي من البارحه ... اصلاً مافيه وقت من اول ماصحيت وخالتي تقول تأخرتي يادووب بسرعه قمت لبست وجيت هنا
: يالله كلي .. انتي قمر ماشاء الله عليك ياديمه بجد مين قده مهند ياخذ وحده بهذا الجمال وفستانك مرة مرة يجنن .. ولا الطرجة واو عليها ..
تدخلت ليلى : بجد ياديمه فستانك ومكياجك وتسريحتك بالرغم انها ناعمه الا انها موطبيعيه بخلي الكوافيرة حقتك تسوي لاختي مكياجها وشعرها في زواجها ..
: واذا تبين الفستان حلال عليك ههههههههههههههه
: تسلمين حبيبتي فستانك جنان بس اختي امتن منك ماراح يزبط عليها بس باخذه عشان اسوي نفس الموديل
: الله يسعدها ويتمم لها على خير .
كانت خالتي تجي عندي تعدل شي فيني وتروح .. وترجع مع عاملة تجيب لي عصير ولا قهوة وحلا .. ماكنت اقدر آكل شي بس اخذت حبة فطيرة بالجبنه عشان روان وشربت شوية عصير ..
جات جدتي عندي وتصورت معاي وكمان خالتي سمر تصورت معاها هي وجدتي ولوحدنا .. الشبه بيني وبين خالتي سمر كبير سبحان الله ..
اجبرتني جدتي اشرب قهوة وآخذ حبه شكولا ... وعشانها شربت قهوة وأكلت شكولا
الحين الساعه وحده وربع اتصلت هدى قالت انها وصلت الفندق اوف اخيراً
دخلت هدى علي وفيدها العلبة حقت الدبلة اللي كنت حاطتها فيها .. اوه الحمد لله ماصدقت اني شفتها ماادري ليه مهند يخوفني هالقد ... لا لا مايخوفني بس ماابغى مشكله او انه يمسك علي شي من اول ليله

قمت شيكت على نفسي كنت واو الحمد لله وجوا البنات خالتي فادية وهند وغاده وهدى تصورنا مع بعض وأكثر وحدة تصورت معاها هدى .. وجو اهله وتصوروا معاي لوحدي
جات اللحظة الحرجة ...!
اتصل خالي قال انه جاي مع مهند وماجد وسامي وياسر وعناد
قبضني قلبي لمن سمعت سيرته وانه بيدخل الحين عندي قلت عشان ابرر لهدى توتري : اوف كل هذولا ..؟
: تكفين ديمه لاتنغصين على ناصر طلبتك لاتبكين اذا شفتي مهند .. انا حاسة انك ماترتاحين له وتتضايقين منه بس ناصر لايحس ماتدرين قد ايش يشيل همك .. طلبتك ديمه خلي ناصر الليلة يكون مبسوط وفرحان .. ترى ليلة الملكة بغى يموت عشانك ..!
: ياقلبي ياخالي .. خلاص هدى لاتشيلين هم... بعدين الله يخليك لاتقولين اللي قلتيه لي عن احساسك لاحد طلبتك هدى..
:لاتخافين ماعمري قلته الا لك كله عشان مايتضايق ناصر
: ماراح يتضايق لاتخافين
اخذت نفس عميق وهدى راحت تلبس عبايتها وطلعت وانا احسني بديت ارتجف وأحس بيغمى علي خلاص


لامارا غير متواجد حالياً   رد مع اقتباس
قديم 15-04-14, 12:08 PM   #13

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

حاولت اصير قوية اذا مو عشاني عشان اخوالي وعناد وعمي ياسر
دخل خالي اول واحد وسلم علي قال : ماشاء الله تبارك الله وش هالزين اضمن ان مهند الليلة بيطيح ومحد مسمي عليه .. مبروك ياديوم والله انه اسعد يوم بحياتي يوم شفتك عروس ...
قلت له بسرعه: استنى خالي لايدخل لين اتصور انا وياك لوحدنا
اوكي يالله وزبط نفسه وصورتنا المصورة صورتين .. بعدين راح ينادي مهند والباقين
.... دخل على طول وانا ماالتفت له ولا رفعت راسي من الأرض
جا يمشي لين وقف بجنبي قال : السلام عليكم
:..............
: كيف الدلوعه
قلت بقلبي دلوعه بعينك ومارديت عليه :...................
جو اخوالي وعمي وراه سلموا على راسي وباركوا لي بعدين جا عناد بعدهم وسلم علي وأخذ يدي قال : اسمع يامهند ديمه بنت عز .. عزها وولاتذلها تراني وصيتك .. ضحكوا اخوالي على تهديد عنااد قال خالي : كفو سند ديمه ... والله انك رجال ولد رجال .. اجل مايحتاج اوصي على ديمه دام عناد فيه الله يستر عليه ..
جا صوت مهند المختلف عن اصوات اخوالي وعمي احس فيه نبرة غريبه ارتجفت لمن سمعته : ابشر ياعمي عناد ديمه بعيوني .
ماتكلمت انا ومارفعت راسي ولا ادري كيف شكل مهند اللي اعرفه انه لابس بشت اسود لأني اشوفه من تحت ... قال خالي خل هذي تصورنا بنطلع يالله نخلي الرجال يتصور مع زوجته بهدوء تصورنا كلنا .. وانا بأمر من المصورة رفعت راسي .. قال خالي سامي انا بتصور معاها لوحدي ولو سمحتوا وخروا .. ضحكوا منه وجا خالي سامي مكان مهند وحسيت براحه وأمان ودفى قبل شوي كنت بموت من البرد بس لمن جا خالي سامي دفيت .. صورتنا بعدين جا خالي ماجد وتصورنا لوحدنا .. بعدين جا عنااد .. وعمي ياسر قال : انا مااتصور الا ومهند يكون معنا صديقي وهضمتوا حقه هنا وابي افزع معاه .. طبعاً يمزح وجا وتصور معاي .. وهم يضحكون كلهم ... احسهم كلهم مبسوطين الا انا .. ويمكن مهند .
خرجهم خالي وراح وراهم وسكر الباب .. ودخلت امه واخواته على طول ومعاهن حريم شفتهن يسلمن عليه وسلمن علي وباركن لي وانا رديت عليهم وابتسمت لهن بس كان يضايقني كل شوي يناظر فيني ... تصورن كلهن معانا ثلاث صور بعدين تصورنا مع امه واخواته .. ونادى امه قال : تعالي هنا بالوسط بنتصور معاك لوحدك .... تصورت معانا بعدين خرجوا كلهم ... وبقيت انا وياه والمصورة اللي قعدت تامرني ارفعي راسك واطلعي فيني .. وقربي منه لاتبعدين بليز .. ياعريس قرب غصب عنها .. حط ايدك على خصرها .. اطلع بعيونها ... ديمه بليز اطلعي بعيونه
ماقدرت .. وهي تامرني وكأنها طفشت مني وأخيراً قررت ارفع راسي بس بسرعه غمضت عيوني ماابغى اشوف وجهه .. ومستحيه ومقهورة من كلام المصورة . بليز اطلعي فيه ماتغمضي عيونك
فتحت عيوني كان يناظر فيني بتأمل .. يطالع بعيوني رجعت غمضت مااقدر .. اصلاً عيونه مو طبيعيه واسعه وصافيه ورموشه كثيفه وحواجبه كثيفه وطويله حسيت مر علي ساعتين ثلاث وانا متوترة بشكل فظيع وكارهه نظراته لي ماقدرت افسرها .. هل هي تنفيذ لأوامر المصورة بإتقان .. ولا يتأملني معجب ولا يفكر كيف ينتقم مني ولا كيف يربيني .. ولا نشوة انتصار علي ...ولا بس يبغى يقهرني ويغيضني .. ارتحت لمن قالت المصورة صورتين وخلاص .. خذ ايدها قربها من فمك .. اخذ يدي وانا ارتجف .. قربها من فمه .. يالله هلا بوسها .. لعنت الساعه اللي جات فيها المصورة طيب شغلها عندي . باس يدي وانا اناظر فيه مقهورة بس مااقدر اتكلم رفع عيونه وناظر في عيوني ونزلت نظري للأرض .. كان زي الريموت كنترول هي تقول سو كذا ويسوي كأنه مستانس بحرق اعصابي ...املت عليه اوامر ولف يده على خصري وأحسه يشدني ناحيته كنت بصرخ وسمعت المصورة تقول واو هيك بيجنن ديمه حطي راسك عصدره حطيته وانا رافضة حركاتي كلها بس عشان الصورة تطلع حلوة وعشان مااخلي المصورة تعصب علي لأني في وضع زي هذا مااقدر اسكتها ...... تنفست بعمق احاول اهدي نفسي .. قالت هلا بدكن تخرجوا من هون تئصوا الكيكة احنا راح نصور فيديو هلا انتبهوا لكل حركه ديمه خليك بنت مطيعه ماتعندي عيونك بتئول انو مو عاجبك الوضع .. قرب مني وحط فمه عند اذني قال :خليك مطيعه لاتعاندين سمعتي ..؟ اتركي الدلع عنك
مارديت عليه ولا كلمته ...
كان ماسك يدي بقوة وانا امشي معاه بعدين قالت المصورة لا مش هيك وجات لفت يدي على ذراعه .. احسني قربت منه كثير وريحة عطره قوية بشكل مو طبيعي بس حتى لو حسيت برجولته ولا لفت نظري هذا مهند اللي اهانني ونافخ علي وكلمني باسلوب بايخ ..لايمكن اسمح لنفسي اني اعجب بواحد مثل هذا ..ولا افكر مجرد تفكير .. قلعته ارضيت خالي ومااهنته قدام الرجال .. وهو راح اعتبر وجوده زي قلته ..
مشيت اكمل التمثيليه السخيفه .. قصينا الكيكة والبنات يصيحن تحت لمن شافونا من فوق اكلني بالشوكه وأكلت قطعه صغيرة وانا اكلته.. شربني عصير وهو ماشال عيونه من علي ... أتقنت الدور وانا اشربه العصير .. بعدين نزلنا تحت ورموا الورد علينا وجات قصيدة الزفه فيني انا وياه وكانت الموسيقى روعه مشينا لحد ماوصلنا الكوشة اللي منسقتها هدى وخالتي متماشيه مع فستاني .. وكانت بجد روعه .. قبل مانجلس قربنا من بعض ... كل هذا بأوامر المصورة طبعا ...طلع دبلتي حطها بيدي اليسار وانا احسه ربطني فيها خلاص ،، غير حياتي بهذي الدبلة للأبد ،، من لبستها وانا اسمي ديمه زوجة مهند ... مو ديمه بنت عبدالله وبنت خالها ناصر .. خرجت دبلته ودخلتها بيده اليسار وهالمرة عشان الناس هنا دخلتها كلها وانا ابتسم ..
جلسنا على الكوشة وسمعنا مشغلة الدي جي اللي جبناها عشان اغاني الزفة فقط .. تقول اغنية اهداء من ناصر ابو بسام .. خال ديمه لها
وجا صوت الجسمي لا لا تضايقون الترف لاتضايقونه .. حسيت بدموعي بتنزل والله قلبي عورني على خالي ياربي كيف بتركه ... ولا هو ادري ان خالي مايقدر يجلس في بيته بدوني يارب ارحمني ماابغى ابكي .. مسك مهند يدي وضغط عليها وقرب مني قال : لاتبكين ... فكينا من الدموع .. وخليك قوية .. سكت وانا مقهورة منه كان نفسي اسحب يدي اروح اهرب منه للأبد بس ماتكلمت .. جو اخواته وامه وحريم كبار شويه من قرايبه يرقصون عندنا .. بعدين قام مهند وخرج وخلاني عشان اهلي يسلمون علي .. سلمن البنات علي مرة ثانية وباركن لي ورقصن عندي ماطولت الا جات هدى قالت خالك يقول تطلع خلاص الساعه قربت على اربع ...
. شو ..؟ اطلع يعني شو اطلع ياربي مو قادرة استوعب اني بروح مع هذا الآدمي
اخذتني خالتي كانت لابسه عبايتها وجات جدتي اللي اصرت تسلم على مهند وتوصيه علي .. وهدى كانت معاي وانا امشي معاهم اصلاً فستاني مو كبير حتى يضايقني صحيح طويل من ورى بس اقدر اتحرك براحتي .. كنت امشي بشويش عشان طقوس العروس فقط .. وصلت بوابة القاعه ولبست عبايتي وطرحتي ولفيتها على شعري واحنا اساساً حاجزين بنفس الفندق بس لازم اخرج مع البوابه بعبايتي وندخل مع مدخل الفندق الرئيسي بالسيارة ..
كانوا اخوالي وعناد عند الباب .. وانا ماقدرت امسك دموعي كنت ابكي وانا اتذكر كلام هدى حاولت امسك نفسي .. ومااخلي خالي ينتبه لي وغطيت وجهي بطرحتي .. وسلم علي خالي وحط يدي بيد مهند قال : قلبي اللي بين اضلاعي امانتك ..
: لاتوصي ياابو بسام بعيوني الثنتين
جات جدتي وكانت بس متحجبة وسلمت على مهند اللي استغرب قال هذي اش تبغى ماكان يدري انه جدتي يحسبها من الموظفات حقات القاعه .. قهرني بكلمته هذا ماعنده اسلوب ..
.. قال خالي : هذي ام ايمن جدة ديمه
: اووه هلا هلا ام ايمن كيف الحال .. الحمد لله على السلامه
: اهلين ياابني .. بدي وصيك على ديمه .. ديمه امانتك .. بدياك تخليها بعيونك .. ياابني ديمه درة حافظ عليها ..
: لاتوصين حريص ياام ايمن ابشري ديمه بعيوني
يالله مع السلامه ..
سمعت خالي يقول : نوصلك ...؟ . قال :لا مشكور ورجاءً رجاءً لاحد يدق علينا يزعجنا . بنتكم في الحفظ والصون لاتخافون ..
ضحك خالي وراح وانا خلاص راح قلبي معاه ونزلت دموعي غصب ..


سكتنا خلال الدقيقتين اللي وصلنا فيها للفندق ووقفنا السيارة بمكان مناسب شفته ينزل وجا عندي وفتح الباب نزلت وانا مقهورة ومكسورة .. ودخل قدامي وانا امشي وراه لحد ماوصلنا الجناح .. فتح وانتظرني لحد ماوصلت وانا اصلاً كنت متعمده امشي بشويش خلاني ادخل قبله وكان حاط بشته على يده دخل ورماه على الكنب اللي بالصاله ونزل شماغه جلس على الكنب وانا عديت من عنده ودخلت الغرفه .. نزلت عبايتي وشفت وجهي بالمراية كانت عيوني باين عليها البكا اخذت منديل ومسحت الدموع وجلست ازبط شكلي .. هذا فين راح قلعته ليه اسأل عنه ..
نزلت الطرحة حقتي .. وجيت بنزل الفستان الا طل مع الباب قال : بدلي ملابسك وتعالي نتعشى
: مو مشتهيه
: لا بتتعشين وتتركين الدلع عنك .. ولو سمحتي اذا قلت لك شي قولي طيب واسمعي الكلام ..
تنهدت وقلت : ممكن تسكر الباب ..
رجع وسكر الباب وانا رحت للحمام وأخذت شور على اقل من مهلي احسني ابغى اغيظه .. خرجت بعد مالبست بيجامه لونها زهري كم طويل ومحدد بسماوي .. وبنطلون طويل ومدده اطرافه بسماوي .. جففت شعري وحطيت كريم علي وانا احسني اتحرك بهدوء ولاكأن عندي احد او قال لي شي اصلاً ..
دخل علي بعد مادق الباب قال : ساعه استنى
: قلت لك مو مشتهية ليه تستنى
: ديمة واللي يرحم ابوك تراني تعبان مااشوف لارتفعين ضغطي بحركاتك الطفولية اللي مالها داعي .
مارديت عليه مو يقولون الحقران يقطع المصران ..؟
رحت للسرير ابغى انام وجا لين مسكني بيدي قال : لمن اكلمك مو تطنشين فاهمه ..؟
: ممكن تخلي اليوم يعدي على خير ..؟
: اووووف .. اللهم طولك ياروح
وطلع من عندي وانا لبست شرشف الصلاة حقي وصليت الفجر .. ورحت للسرير دخلت تحت الغطا لأني بردانه وحسيت جسمي متكسر من التعب وقلة النوم .. دقايق بس ونمت ...
صحيت على الساعه تسعه الصباح وقشعر جسمي لمن شفته متمدد بجنبي مو متغطي وكان بثوبه مانزله وفاتح الأزارير باين انه تعبان .. ماادري فين راح هو خرج ولا لا .. ولا ادري متى نام ولا حتى حسيت فيه
قمت بشويش ورحت للصالة جلست فيها ومددت على الكنبة ونمت .. صحيت على صوته وهو يقول : ديمه قومي كل هذا ماتبين قربي قومي صلي ويالله بطلب غدا عجلي
صحيت وانا قرفانه منه مايعرف يتكلم الا بأمر . الله يعيني عليه كيف بتحمله باسلوبه هذا ..
تنهدت بقوة وقمت جلست كنت مغمضة عيوني وحاطة يدي عشان مايشوفني وانا مغمضة اخاف بعد يقول هبلة ولا شي .... من يوم ماسويت العملية ماصرت افتح عيوني بسرعه لازم استنى دقايق بعدين افتح ..


دق جوالي شفته خالي رديت عليه وانا يادوب فتحت عيوني وصوتي نايم : هلا خالي
: هلا بالعروس ..صباحية مباركة .. كيفك وكيف مهند معاك ..
: الله يبارك فيك كلنا بخير
:هو عندك الحين ..؟
: ايوه ليه ..؟ ......... خفت لايكون البارحه خرج وشافه خالي الله يستر
: ادق على جواله مايرد عطيني اياه ..
: حاضر لحظة بس
مديت جوالي عليه وكلمه وفهمت ان خالي يبارك له ويسأله عني قال اني بخير ومبسوطه ...
لاوالله شايفني مبسوطة ..؟
قمت رحت توضيت وصليت الظهر وهو دخل الحمام سمعت صوت الدوش شكله ياخذ له شاور وخرج وهو لابس بيجامه .. وجا للصاله وانا لسه بالبيجامه ماراح ابدل ولا راح البس عشانه .. كنت لامه شعري بشباصة وماحطيت مكياج ولا سويت شي .. ماابغى احسسه اني عروس .. خله يعرف اني ماابغاه وطفشانه منه وأكرهه هو وأسلوبه وشوفة نفسه
.. طلب الغدا وبعد شوي راح يفتح باب الجناح بعد مادخلت الغرفه وسكرت الباب وشويه ناداني قال : الغدا برا ولاتبين عزيمه
اوف ياربي فيه احد يكلم عروسه بالطريقه هذي
قمت ماابغى مشاكل بس مريت المرايه وفتحت شعري وابتسمت لنفسي شعري مغري وهو كثيف وناعم وطويل لأسفل ظهري خليته مفتوح وجيت جلست مقابله له احسه ناظر فيني لاشعورياً . وبلع ريقه ثم قال : اذا تغدينا بنروح لاهلي واهلك بعدها نمشي رحلتنا الساعه عشرة بالليل
: فين ..؟
: فرنسا عشرة ايام ونكمل باقي الشهر في ايطاليا ..
: لازم نسافر ..؟
: ايوه لازم ورجاءً لاتطلعين لي بقرار ولا تحاولين تفرضين رأيك بأي شي ..!
: ممكن ماتكلمني بهذي الطريقه
: مااعرف ادلع انا وماعليه تعودي على الاسلوب هذا لأني مااحب الدلع ..
قمت من على الأكل وانا لسه مااكلت دخلت الغرفة وانا ابكي ياربي هو ليه يسوي كذا .. انا اش سويت له .. ايوه صح نسيت اني رفضته ونسيت اني قلت قلبي مليان وهو ماله مكان فيه .. ونسيت اني رفضت عزيمته واحنا بأمريكا وقلت اني اكرهه .. ياربي اش هالحظ .. بكيت من قلب طلعت دموع البارحه وأمس وقبل اسبوع اللي كنت اكبتها عشان مااحزن خالي علي وهدى وخالتي وكل الناس اللي تحبني ...
دخل علي ولمن شافني ابكي وقف شويه بعدين رجع وسكر الباب ...
ياعالم انا والله ماني دلوعه بس الاسلوب هذا ماتعودته ... ومافيه عروس بالدنيا يعاملها زوجها بالشكل هذا .. المفروض يراعي اني عروس وتاركة بيت اهلي واني اهم شي مجبورة عليه .. وهو اللي اجبرني ..
جلست ابكي يمكن ساعه بعدين قمت اخذت شور سريع وخرجت البس بعد ماصليت العصر على اساس بنطلع لأهله واهلي .. لبست تنورة موف قصيرة وبلوزة وردي وداخل معاها الموف .. بأكمام قصيرة مرة وواسعه وجاي مطاط على وسطي وفيها اكسسوار اسود على الصدر والأكمام ولبست جزمه لونها وردي بخيوط تتربط على الساق .. لبست حلق موف ووردي وحطيت مكياج ثقيل شوي حطيت بودرة وبلاشر وردي وكحلت عيوني من جوا بقلم اسود .. وشادو موف ومسكرة وحددت حواجبي بعدين حطيت قلوس موف ... وفتحت شعري وبخيت عطر وخرجت من الغرفه بشوفه فين ..
الساعه قربت على خمسه متى نروح لاهله بعدين اهلي بعدين لازم نروح للمطار بدري .. ياالله على بروده ...شفته متمدد على الكنب ومغطي وجهه بذراعه وقفت عنده شوي بعدين رجعت .. ناداني والتفت له قال :بغيتي شي
: ماقلت بنروح لاهلك واهلي
: لا خلاص كنسلنا .. وهو لسه مارفع يده عن وجهه
شو كنسلنا صاحي هذا .. ؟
سألته بخوف وتردد: ليه ..؟
: كذا غيرت رايي .. ولا عندك اعتراض كالعاده ..!
بصراحة حنيت عليه .. اجل كنسل الرحلة عشاني .. نسيت كلامه لي وقلت خلني اتجرأ واكلمه اذا مو عشانه عشاني وعشان صورتنا قدام الناس .. بلعت ريقي ثلاث مرات احس حلق نشف من الخوف قلت : احم احم .. مم ممكن نتكلم ..؟
رفع يده عن وجهه وطلعني بنص عين قال : نعم تكلمي
: ط ط طيب لاتعصب
قام جلس قال : وش بغيتي ياديمه تكلمي مو ناقصك انا
: ليه فيك شي
: ايه فيني هم الدنيا ..
طالعته بقلق وخوف ... خفت ان صاير مصيبة : صاير شي ؟ اهلك فيهم شي ؟ اهلي فيهم شي ؟
: وهذا اللي همك الناس ..؟ همي انتي ياديمه فاهمه ولا لا ..؟ انا من يوم خطبتك تورطت لاتحسبيني لمن كنت ابي اكلمك وادورك حبا فيك .. لا ياديمه انا كنت ابغى شي يريحني ويطمني ويهدي بالي ابي الاقي فيك شي واحد مايخليني اندم اني تزوجتك ..
لفت الارض فيني لاااا مو معقول اللي اسمعه بس تشجعت .. ماادري فرحت انه قال كذا .. يمكن لو قال انه يحبني ويموت علي زعلت .. لأني مااحبه ومااقدر اعيش معاه ..
غمضت عيوني بقوة ادور على كلام ارد فيه عليه ... قلت وانا احسني بطيح على وجهي : انت اللي جنيت على نفسك ومحد اجبرك على الزواج مني بالعكس اجبرتني واجبرت خالي عليه ووو .............. انتهى الكلام ماعندي كلاام خلاص .
رجعت للغرفه وانا خطواتي مو قادرة اسيطر عليها .. جلست على الكنبة اللي بالغرفه ودق جوالي كان خالي ماجد سلم علي وبارك لي وسألني مبسوطه ولا لا قلت له الحمد لله مبسوطه .. بعدين قال عطيني مهند .. رحت بسرعه عند مهند وقلت بصوت واطي : خالي ماجد بيكلمك .. وفز بسرعه وسلم عليه حسيت ان مهند يكلم خالي ماجد رسمي واحترام اكثر من اخوالي ناصر وسامي اللي يمون عليهم ويمونون عليه ..سمعته يقول ابشر ابشر طال عمرك ديمه بعيوني لاتوصي حريص .... بعدما قالها .. رجعت للغرفه وانا اقول بنفسي ابشر طل ماتدري ياخالي كيف اسلوبه وكأني مسوية له شي ... ماتدري عن اللي قاله لي ..
لحقني واعطاني الجوال ووقف يناظر فيني احسه تجمد لحظات بعدين انتبه لنفسه حسيته مرتبك وعلى طول رجع ودخل الحمام ....اول ماخرج أخذ ثوبه للصاله ورجع وهو لابس ثوبه وأخذ شماغه وعقاله ولبسها على بالي انا بنروح لاهله وفكرت اقول البس عبايتي بعدين قلت لا اذا قال لي لبستها يمكن فعلاً كنسل وماابغى احرج نفسي قدامه .
وفعلاً لبس وتعطر وخرج من دون مايعبرني ..قلعته ماابغاه يعبرني ولا ابغاه يقابلني ماهمني بس والله لاوريك يامهند
اتصلت علي لمى اول ماخرج وسلمت وباركت لي قالت : ها كيف اكيد بعد ماشافك البارحه انقلب وصار يتمنى رضاك
:ههههههههههههههههههه ضحكتيني ياام ديمه
: ليه
: تصدقين مااعطاني كلمه حلوة للحين بس ينافخ ويتأمر علي وابشرك يقول انه ندمان انه تزوجني .. والحين لبس وتشيك وخرج وتركني
شهقت لمى وقالت : والله تتكلمين جد
: اجل امزح .. والله اكلمك جد
: هذا معقد ولا فيه شي .. الله ياخذه كلمي خالك لاعاد تسكتين عليه ..
: لا ماراح اكلم خالي اموري احلها بنفسي .. خليه براحته
:طيب ديوم حاولي تتكلمين معاه باسلوب حلو وتفاهمي معاه حرام تفرطون بأيام زي هذي والمشكلة مافيه سبب مقنع انه يخليكم تتعاملون مع بعض كذا
: مستحييل والله لو تشب حياتنا حريقه ماجيت اترجاه لأني ببساطة ماغلطت عليه ويحمد ربه اني متحملته وماقلت لأخوالي عن اسلوبه والا والله مايخلوني اجلس عنده دقيقه وحده .
: طيب وش بتسوين قدام الناس خاصة انك بتسكنين عند اهله
: يفرجها ربك واذا احد بيلاحظ شي بيلاحظ عليه اسلوبه انا محترمته وهو كل شوي يحذف على كلمه
: الله يوفقك ديوم ويسعدك
: وياك لمى
: يالله مع السلامه بنتي ازعجتني تبكي .... اذا حسيتي نفسك تبغين تتكلمين مع احد اتصلي اوكي
: اكيد انتي اقرب الناس لي الله لايحرمني منك ... يالله بوسي لي ديوم
: اوكي .. يالله باي
: باي الله معاك


جلست على التفزيون شوية بعدين رجعت شلت مكياجي بالكريم ولبست بيجامه لونها ابيض قميص بأزارير وكم طويل واسع وبنطلون حرير ناعم ووسيع شوية .. !
كان شعري مفتوح ورحت جلست على التلفزيون و ماحسيت بنفسي الا لمن صحيت على صوت مهند اللي كان يناديني بهدوء : ديمه قومي تعشي مااكلتي شي من امس .
صحيت وانا بجد ميته من الجوع مااكلت بعد حبة الفطيرة اللي اكلتها البارحة الا حبة شكولا غصبتني عليها جدتي .. وللحين مادخلت في معدتي شي ..
قال : مرة ثانية ديمه اصحي
: خلاص انا صاحيه
: صاحية
جلست وحطيت يدي على عيوني وقلت : الحين افتحها صاحيه انا خلاص ....!
فتحت عيوني بعد شوي مالقيته عندي ... بس رجع لابس بيجامته .. مهند طويل لونه ابيض بس مقارنه معاي انا ابيض منه بكثير ..... جسمه يجنن اكتافه عريضة ويميل للنحافة بس باين ان عنده عضلات ... شنبه خفيف وماعنده لحية وشعره ناعم وأسود طويل شوي ومرجعه كله على ورى بصراحه شكله يجنن
سمعت الباب يدق قام يفتح وانا رحت للحمام اغسل ورجعت لقيت العشا وصل
جلس قدامي يناظر فيني قلت : اتعشى لوحدي
: ايه تعشيت انا برا
سكت بعدين قال : حسبتك بتقولين ليه تروح وتتركني وانا عروس بس شكلك منتي مهتمه
: مو من حقي اتحكم فيك انت انسان فاهم مو محتاج اقولك المفروض تسوي وماتسوي
: اها يعني لو اروح اسهر كل ليلة برا على كيفي ماتعترضين
: بصفتي شو ..؟
: مممممم بصفتك زوجة ..؟
: زوجة ..؟
: ليه عندك اعتراض ..؟
: هههههههههههه لا ماعندي اعتراض بالعكس زوجة وعروس كمان ..!
: وش قصدك ..؟
: مااقصد شي بس خلنا نتعشا ترى كملت 48 ساعه مااكلت شي ..
:مامنعتك لاتتعشين .. تعشي بس قولي لي قصدك اول
: سبحان الله انت الحين دايماً كذا
: شلون كذا ..؟
: ماادري غريب
: وش لاحظتي علي يااستاذه ديمه
: والله طريقة خطبتك لي اقصد طلبك لي .. وتزوجتني وانت عارف اني موافقه غصب عشان خالي .. و.. ولا بلاش خلني اتعشى لايكبر الموضوع وتنسد نفسي ثم اموت من الجوع
: تكلمي لاتسكتين
: اش رايك بعد مانتعشى
: سولفي وانتي تاكلين انا انسان مافيني صبر
: الحين كلامنا هذا وش راح نستفيد منه
: يمكن نستفيد
: لا ماراح نستفيد ولا راح يغير شي
كانت الشوكة بيدي ابغى آكل بس اشغلني
: اللي انا ابغى اعرفه بس شي واحد
: اللي هو ..؟
: انتي ليه دلوعه ومغرورة ..
: شايفني كذا
رجع ظهره على الكرسي قال : وغرور ماله داعي بصراحه
طالعته بلا مبالاة وقلت وانا اصد عن وجهه وعيونه : الله يعينك ياتتحملني ياتتركني وترتاح
: ههههههههههههههههههههههههه هههههههههههههههه هذا اللي تبينه اتركك لكن عشم ابليس ياديمه .. بعدين مااقدر بصراحه اترك زوجتي عشان تتزوج حبيب القلب .. تحسبيني اهبل ومو حاس انك تحبين .. تلاقينك الحين لمن خرجت دقيتيها سوالف معاه وماصدقتي على الله اني اطلع ..
فتحت عيوني وعقدت حواجبي مو مستوعبه هذا اش يقول .. صاحي ولا شارب شي
سحبت نفسي من الكرسي وقمت وانا ارتجف رحت للحمام احسني ابغى استفرغ مو قادرة اسند طولي وكلامه يجيب لي الغثيان ..
وصلت الحمام وحاولت استفرغ بس مافي معدتي شي .. رجعت والغرفة تلف فيني وطحت على الأرض قبل اوصل للسرير ..

صحيت وانا على السرير وهو جالس بجنبي وحاط راسه بين يدينه وكأنه يفكر دق جوالي وتحركت بشوف مين بس كان اسرع مني واخذ الجوال حطه صامت
بعدين رن مرة ثانية ووراني الرقم كان توأم روحي .. اخذته منه وانا موطايقته ورديت بصوت مخنوق وتعبان وقرفان : الو ..
خطف الجوال مني وحطه على اذنه بس ماتكلم .. ورجعه لي
ناظرته باستحقار وحطيت الجوال على اذني ..
: الو ديمه .. ديمه وش فيك ..؟
: هلا والله لمى .. سوري طاح الجوال من يدي .
: المهم كيفك ..؟
: الحمد لله
: انتي نايمه
: ايوه
: طيب اذا صحيتي كلميني
: اوكي ادق عليك بعد شوي
: باي
:باي

كان جالس بجنبي ورجعت لي ذكرى كلامه ... جيت بتحرك واقوم للحمام احسني دايخه مافيني اتحرك ... بس مسكني بيدي بحنان : قومي افطري الساعه 9 الصباح وانتي اغمي عليك من الجوع ووووووووو كان مرتبك كثير .. حط يده جبينه ورجع دخلها في شعره قال : ديمه انا آسف .. انا واحد وقح .. انا غبي ماعندي اسلوب .. ديمه خلاااص
صديت عنه وانا احس بغثيان وقرف منه ومن كلامه امس قاطعته وقلت : لو سمحت بعد عني ..
رن جوالي مرة ثانية وكان خالي ياربي اش مصحيهم مع الصباح .. ولا هذا خالي دايما يعرف ان فيني شي من احساسه ..
رديت بضعف وألوو ترتجف ..
قال : هلا ديمه وينكم ..؟
حطيت التقلون على اذني الثانية احسني مااسمع زين من الضعف والدوخه ورديت : في الفندق
: وش اللي في الفندق
طالعت بمهند وصديت قلت : وين نروح اجل
: مو المفروض مسافرين من البارح
ارتبكت من سؤال خالي الحين بيتأكد من احساسه ويدري ان فيني شي وحطيت اصبعي بفمي ياربي شو اقول .. تشجعت وقلت : المفروض بس كنسلنا
: ليه كنسلتوا لايكون رفضتي ياديمه ..
بلعت ريقي : ها ..؟ لا ياخالي اتفقنا نقضي شهر العسل هنا
: عطيني زوجك
مديت الجوال على مهند وصديت عنه
سمعته يقول : هلا والله ابو بسام .................... بخير الله يسلمك انت وش اخبارك .............. لا بنت اختك لعبت على عقلي اللي تبيه يصير وانا اللي كنت الومك يوم تلبي لها اللي تبي اثريها ساحرتك مثل ماسحرتني ..................... هههههههههههههههههههه طيب لاتزعجونا رجاءً وتكفى طلبتك لاتخلي احد يدق على ديمه ياخي زوجتي ذبحتوني عليها جوالها مايطفي ............... هههههههههههههههه ... يالله مع السلامه


حاولت اقوم اروح للحمام وجا بيمسكني بس بعدت يده عني وانتبهت ان كفي عليها بلاستر عرفت انه اعطاني ابره لمن اغمي علي .... رحت للحمام وتوضيت وجيت اصلي الفجر صليت وانا احس برعشة وضعف .. كنت جالسه على السجادة وجا جلس بجنبي
: ديمه قولي شي لاتسكتين ..
شلت شرشفي من على راسي وصديت عنه وقلت : الله يخليك انا الحين احس اني تعبانه مالي خلقك ..
: طيب بنفطر هنا ونتغدى برا
: لا
: كذا بتموتين من الجوع
طالعته وقلت وانا مخنووقه احسني راح ابكي : احسن لي وأحسن لك اموت
طالع فيني وغمض عيونه بقوه وتأوه من اعماقه ..حسيتها من قلبه: آآآآآآآه .... قام وطلب لي فطور وبعد ماجا الفطور دخل ينام لأنه باين عليه انه مواصل
افطرت وشربت عصير ... بعد شوي حسيت معدتي بتقلب علي ورحت بسرعه للحمام ... استفرغت وغسلت وجهي .. رفعت راسي وطالعت المرايه لقيته واقف وراي قال : طبيعي تستفرغين لأن معدتك كانت فارغه ..
ماكلمته ورحت للصاله وهو جلس بالغرفه مالحقني يمكن بيرجع ينام .. وانا رجعت آكل غصب .... بعد نص ساعه تقريبا حمدت ربي لأني حسيت الحياة رجعت لي ....
شغلت التلفزيون وحطيت قناة الام بي سي ماادري وش فيها بالضبط ولا كنت معاها ..ماقدرت اهرب منه .. التفكير فيه هلكني .. لوبيدي هربت من مهند وكلامه وتعامله معاي .. وشكله .. وصوته اذا عصب ولا اذا روق ولا اذا حسيت فيه بحنان زي قبل شوي .. خلاص احسه محاصرني وانا المسكينه اللي ماعندها قدرة على أي مقاومة .. وماقدامها الا الاستسلام وانتظار الحكم ..! والفرج بيد الله ..
بعدين دقيت على لمى اللي لاحظت ان صوتي تعبان واعتذرت مني كثير لأنها دقت علي بوقت غلط بس قالت حسبتك صاحيه وكنت قلقانه عليك وابغى اشوف مهند رجع ولا لا .. قلت لها تتطمن وماقدرت اقول لها شي لأن مهند صاحي وراح يسمعني وكمان احسني تعبانه مااقدر اتكلم .. وخلاص قررت محد يعرف باللي بيني وبينه غير ربي ..
نمت بالصاله بدون غطا بعد ماتمددت على الكنبة والتلفزيون كان شغال وصحيت العصر حسيتني شبعانه نوم .. ومصحصحه ..دخلت الغرفة لقيت مهند نايم ..رحت آخذ لي ملابس ودخلت آخذ شور ..وبعد الشور حسيت مزاجي احسن من قبل الحمد لله .. لبست بنطلون جينز سماوي وبلوزة اورنج حرير وواسعه وحلقها كان واسع وبدون اكمام وجمعت شعري مسكته بشباصة من فوق وتركت الباقي مفتوح .... خرجت من الحمام وحصلت مهند صاحي ومسند ظهره على السرير وحاط يدينه ورا راسه .. التفت علي حسيته يتأملني بس ماالتفت له ورحت عند المرايه حطيت قلوس اورنج وحددت حواجبي ولبست حلق دائري و كبير لونه اورنج .. كان باين ان ملامحي تعبانه .. بس عادي احس ان التعب اللي بعيوني معطيني شكل هادي وحلو ...
خرجت من الغرفه وماحسيته تحرك .. رحت للصاله وجلست على الكنبة حطيت رجل على رجل بكل برود وقعدت ادور على قناة كويسة تريح لي اعصابي بعد مااربكني هالآدمي ...قلت ماابغى اعيش بجو نكد لاحقه عليه بالأيام الجايه ذا هذا مابيتغير ..الله يعيني ..بحاول قدر الإمكان ارفه عن نفسي الحين ..
جلست تقريباً ربع ساعه شفته خرج لابس ثوبه وجلس عندي بالصالة بعد ماطلب لنا غدا .. كان يطالع بالتلفزيون وماتكلم معاي كأنه مسرح او مهموم .. قلعته اجل انا يقول لي كل هالكلام ..
جا الغدا وانا بصراحه من النوع اللي اترك وجبتين ثلاث يبين على شكلي وأحس وزني ينزل بسرعه ..يعني لو تركت الأكل راح يلاحظون اهلي وأهله وماابغى اسئلة ولا ملاحظات من احد .. جا مهند عندي ومد يده يبغى يمسك يدي بس قمت انا ومااعطيته يدي .. جلست مقابله له وانا مارفعت له راسي حسيته يناظر فيني وهو لسه واقف ماجلس بعد .. ياليت فيه طاولة ثانية وأروح آكل فيها لوحدي مو معاه بس مضطرة اقابله .. رفعت راسي لأنه طول وهو واقف شفت عيونه تطالعني بهدوء وتأمل ياربي شو هالاحراج احرجني بس انتبه لنفسه وجلس وانا بديت آكل خفت يبدا بكلام يسد نفسي زي البارحه .. وأمس ..!واموت من الجوع .. ولا يغمى علي ..!
اكلت سلطة وسبموسة وحبة كبه وشربت لبن .. جيت بقوم قال : تغدي
: الحمد لله
: ماتغديتي
: خلاص شبعت
غمض عيونه وضغط على اسنانه كأنه يهدي نفسه حتى مايعصب قال : ديمه تغدي هذا مو غدا ..
حسيت انه يتأمر علي ياربي ماعنده طريقه ثانيه بغير هذي اللهجه وأخذت نفس عميق عشان مااتوتر .. وقلت وانا هادية بلهجتي بس : مااحب الرز واللحم بعدين اكلت كفايتي الحمد لله ..
كشر وقال : ليه ماقلتي انك ماتحبينه
: عادي ماصار شي بعدين فيه بديل اكلت وخلاص
: طيب اجلسي وين رايحه

رن جوالي بالصالة ورحت من دون ماارد عليه اوف الحمد لله انقذني ربي
شفتها الدكتورة نجوى : الو
: اهلين ديمه كيفك يابنتي
: الحمد لله بخير .. انتي كيفك يادكتورة
: بخير الحمد لله الف مبروك ياديمه .. كان نفسي احضر زواجك بس كان زواج ولد اختي بنفس يوم زواجك اعذريني وبإذن الله راح اعوضك بزيارة ببيتك
: اتشرف يادكتورة واهلا فيك بأي وقت
: متى حتسافري
: ماادري .. كنا حاجزين على فرنسا بس اجلنا كم يوم
: ان شاء الله خيرة يابنتي يالله حبيت اسلم عليك وابارك لك وبالرفاة والبنين
: تسلمين دكتورة ماتقصرين والله يبارك فيك ..
: مع السلامه
: مع السلامه هلا والله
....


لامارا غير متواجد حالياً   رد مع اقتباس
قديم 15-04-14, 12:10 PM   #14

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

التفت بشوف فينه لقيته واقف وراي ويناظر فيني .. ياربي هذا اش فيه اليوم ماشال نظره من علي .. رجعت وجلست على الكنبة .. وهو جلس على الكنب الثانية وجواله في يده .. شفته يدق على احد بعدين كلم : السلام عليكم ................. هلا والله الله يبارك فيك ويخليك لنا ذخر .............. انت شلونك عساك بخير ................. الحمد لله .................. وشلون الوالده عساها بخير ................. عطني اياها
.................... هلا والله بالغاليه ............ الله يبارك فيك ......... كلنا بخير الحمد لله ................. من عندكم .؟ ................ اها .................... لا اشوى انا ماجينا اجل .................... لا ماسافرنا قلنا نأجلها كم يوم معانا شهر كامل ان شاء الله ........................... ايه عندي خذي .. وأعطاني الجوال قال : ديمه خذي امي بتكلمك .. اخذت الجوال وانا ماطالعت فيه : هلا خالتي هلا والله
: هلا والله بديمه الف مبروك يابنتي
: الله يبارك فيك ياخالتي .. كيف صحتك بشريني عنك ..
: بخير ونعمه ماناقصنا غير وجودكم معانا
: الله يتم عافيته عليك ياخاله ويخليك لنا
: هاياديمه خذي ابو مهند بيكلمك
حسيتني بقفل مرة انحرجت وطالعت في مهند مفجوعه حتى هو استغرب يحسب امه قالت لي شي يفجع وشفته يقول اشفيك بصوت واطي مارديت عليه بس اخذت نفس ورديت على التلفون
: هلا والله
: شلونك يابنتي وعساه مبروك والله يوفقك .
: الله يبارك فيك ويسلمك ......... قلته بصوت واطي وانا مرة مستحيه منه
هو شكله لاحظ اني مستحيه بعدين قال
: ماودي اطول عليك لكن ان شاء الله تجون بالسلامه والله يوفقكم ويسعدكم
: الله يسلمك ويخليك
: يالله مع السلامه
: الله معاك .
قفلت الجوال وانا احسني ارتجف ..
طالعني وهو يبتسم قال : مستحيه من ابوي ..؟
مبسوط حضرته على شكلي قلت بعد مابلعت ريقي : ها ..؟ لا عادي
قرب مني قال بهمس : طيب يالله البسي بنطلع
بسرعه وقفت وبعدت عنه قلت : فين نروح ..؟
وقف وقال : ماطفشتي من هنا لك يومين ماطلعتي راسك
مسكت طرف البلوزة حقتي من تحت وقلت وانا منزلة راسي : اكيد طفشت
: ديمه ...... وانتي تكلميني ناظري في وجهي مو بالأرض تراني مااخرع
رفعت راسي وانا اناظر فوق بعدين طالعت في التفزيون ماالتفت له وهو كان واقف على يميني
: لاحووول ديمه اذا كلمتك ناظري فيني لاتخليني اعصب
: ممكن ماتكلمني بالاسلوب هذا ..؟
مسك يدي اليمين وكأنه بيلفها قال : انتي اللي لاتتكلمين معاي بالاسلوب هذا
رفعت راسي للسما وغمضت بقوة ياربي ماابغى اتكلم معاه ولا ابغى احتك فيه ولا حتى اجلس معاه ..
صحيح اني اقدر اصبر عليه وعلى حركاته بس انا خايفه انفجر هاليومين وأخرب كل شي ..ذكرني بزوجة ابوي .. كنت اعيش طول اليوم بنكد وكانت تدور علي ادني زلة وتخلق من اللاشيء اشياء واشياء عشان تضربني وتحبسني وتحرمني باسبابها .. ياخوفي لاارجع لنفس ايام جميلة وحياتي معاها .. وياخوفي لاتكون آخرايام السعاده والهنا لي هي ايام عيشتي في بيت خالي ناصر ..ذكرى جميلة او اني راح ارجع لايام القسوة والظلم احساس يخوف .. احس برعب ياناس ..
رميت نفسي على الكنبة ورجعت راسي ورى وانا مخنوقة بس ماابغى ابكي
جلس على ركبه قدامي قال : قومي يابنت الحلال خلينا نطلع انتي طفشانه وانا العن منك قومي
طالعته وعيوني متحجرة فيها الدموع قلت وانا اهز راسي : طيب اذا خرجنا مع بعض بيروح الطفش ... بنطفش اكثر صدقني
: اوووووووووووف .... ــ حسيتها من قلبه ــ بعدين كمل : ديمه الله يرحم ابوك ماابي اطفشك ولا اضايقك بس انتي ......... وسكت ثم قال : يالله قومي
حسيته تعبان اوطفشان من شي .. مو مني مااتذكر اني قلت له شي يخليه يطفش ويمل من الدنيا لهذي الدرجة .. قلت : اوكي خلاص
قمت ولبست عبايتي وطرحتي وأخذت شنطتي ولمن جيت اخرج مسك يدي ولفني ناحيته
شفت عيونه قريبه مني ... وجهه واكتافه وشعره اللي باين من تحت الشماغ ...وعطره الرجالي احس ريحته وصلت كل خلايا جسمي من قوته ..... تخربطت وارتبكت حاولت ابعد بس مسكني بقوة قال : سامحيني اذا ضايقتك ..
ابتسمت ومارديت عليه .. خفت اتكلم ويخلق مشكله وانا ماصدقت انه يعتذر .. هالانسان غريب اول مرة يتكلم معاي باسلوب حلو وصوت هادي بس اسامحه ..؟واذا سامحتك شو انسى كل اللي راح ..؟ لاااا يامهند اذا سامحتك مو معناتها اني راضيه عن زواجي طولت وانا ساكته واناظر بالأرض
: ديمه
ابتسمت وقلت : نمشي ..؟
خرجنا مع بعض بعد ماغطيت وجهي .. وكان مهند قمة في الشياكة والوسامه .. فتح الباب وركبت بعدين ركب هو كان الجو متوتر بالسيارة وانا للحين احسني مرتبكة وهو مسرح وأحس انه طفشان جد ..والله اني حنيت عليه .. بس تذكرت انه ممكن يقلب علي الحين قلت بنفسي قلعته ماهمني يطفش مايطفش اهم شي مايضايقني الحين بالسيارة
دقيت على خالي
: هلا والله وغلا .. هلا باللي بيتي بدونها مايسوى
ياعمري ياخالي اذا سمعت كلامه انسى هم الدنيا كلها قلت وانا اضحك :لاتقول كذا ارجع لك من اليوم ... كيفك ؟ مرة اشتقت لك .
: والله مو كثري .. بس عاد وش نسوي هذي الدنيا وانا يشهد الله ماخفف عني هم بعدك عنا غير ان اللي ماخذك هو مهند
: خاالي ... كيف صحتك وكيف هدى وعيالك ..؟
: كلنا بخير اذا انتي بخير .. كيف مهند معك
: الحمد لله
: شو الحمد لله .. قولي لي كيف معاك كويس ولا لا
: لا كويس طبعا مو انت مرتاح اني معاه .. خلاص اطمن وهدي بالك ..
:والله ماادري احس ان في كلامك شي .. بس تأكدي ان أي حياة لازم يكون فيها عدم توافق في بعض الأحيان في البداية بس بعدين تصير الأمور اوكي وخاصة مع التعود والتقبل للطرف الثاني .. والحيم كل واحد غريب على الثاني مع الوقت بتتعودون على بعض .
: والله فاهمة ياخالي .. وبالعكس مافيني شي ومبسوطة حتى شوف الحين خارجين نتمشى ..
: اوووه اجل طلعتوا .. حلو حلو الله يوفقكم .. ماقررتوا تسافرون
: ها ....؟ لسه ماقررنا ويمكن نقرر فجأة ماندري ههههههههههههههه
احسني سخيفه وانا امثل على خالي
: طيب ديوم سلمي لي على مهند ويالله عرسان مانبي نطول و نزعجكم
: الله يسلمك ياخالي .. وانت ماتزعج الله يخليك لي
حسيتني مخنوقه مشتاقه لخالي ناصر .. نفسي اقول لمهند يوديني عنده واسلم عليه وارتمي بحضنه وانسى مهند واللي جاب مهند وساعته وطاريه .. بس مااقدر اقول له ولا اروح لخالي بوقت زي هذا ...

قفلت من خالي والتفت عليه قلت :خالي يسلم عليك
مارد علي احسه مسرح ومو معاي .. سمعت صوت سيارة يدق بوري ووقف فجأة صرخت بصوت عالي بعد ماميلت بجسمي قدام .. ...كنت مرة مفجوعه ..
هدَّا السرعه وحط يده على صدري قال : ماصار شي الحمد لله لاتخافين
مارديت عليه كنت ارتجف بجد انفجعت لأن كان قدامنا باص كبير وخفت نصدم فيه
نزلنا عند كوفي شوب ودخلت معاه ..
مسكني بيدي الين جلسنا بمكان بآخر الكوفي جلسني ورجع قال :ايش قهوتك .؟
: تركي مزبوط ..
خرج من عندي وانا طلعت المراية من شنطتي ونزلت الغطا والطرحه خليتها على رقبتي وزبطت شكلي وحطيت قلوس اورنج .. ورجعتها بسرعه قبل يجي ..
: ماكنت عارف انك خوافه
قلت بقلبي ضيفها لدلوعه ومغرورة وسكت مارديت عليه ..
جات القهوة وقام جابها .. ومعاها صحنين حلا..... دق تلفونه ورد .... هلا ...... هلا مين معاي .............. اوه هلا هلا عمتي كيفك .............. الله يبارك فيك ويسلمك ..............بخير الله يعافيك .............. الاسبوع هذا صعب مانقدر .................... لا ماسافرنا اجلناها ياطويلة العمر ................. لا لا وعد نجيك ونجيب امي وريم بس خليني ادور وقت مناسب ......................... ههههههههههه لا ديمه تامر على كيفها هذي بنت عبدالله الله يرحمه وناصر لازم ندللها ....................... طيب ياعمه انا بمكان عام اعذريني ارجع اكلمك بعدين ....................... الله يسلمكم ويرزقها بالنصيب ..................... مع السلامه . شفته يقفل على طول ويرمي الجوال على الطاولة
كنت اسمعه وانا حاطة رجل على رجل وانا على جنب مسوية مو مهتمه فيه وانا بصراحة سمعت كل كلمة قالها .. شربت رشفة من القهوة ونزلت الكوب على الطاولة وتكيت ظهري على ورى .. كان مهند يطالع فيني ويتأملني.. بس ماكنت اناظر فيه سمعت صوته : تحبين خالك ناصر ..؟
طالعت فيه باستغراب وش هالسؤال
ابتسم وقال بسرعه : سؤال غبي صح
رشفت من قهوتي قلت : مو مسألة غبي .. بس غريب
ضحك بشويش وحسيتني انحرجت انا مرتبكه منه ومن شكله وضحكته وفي نفس الوقت خايفه اطلع من هنا وانا متضايقه منه ولا ابكي من كلمة يقولها ولا تريقه ولا تحدي ولا حتى اتهام زي آخر مرة آآآآآه كل ماتذكرتها ...!
: ابغى اعرف بس قد ايش تحبينه ..؟
: قد ماتحب ابوك وأكثر ..!
: يعني تعتبرينه ابوك
: مو بس ابوي خالي ناصر اهلي كلهم ام اب اخوان اخوات كل شي بحياتي
ناظرني باهتمام وكأن كلامي كان مفاجيء له بعدين رد بسرعه : الله يستر عليه ويخليه لعياله
: ويخليه لي انا كمان
: انتي خلاص ماتحتاجينه
كنت راح اكب القهوة على وجهه من كلمته بس حسيتني اجبن من كذا .. ومارديت عليه
: اشفيك
:....................
: ديمه ردي علي
: مافيني شي ..... ..
: ترى ماقلت شي يزعل وش فيك انتي ماتتحملين أي كلمه
: ادري
: هدي اعصابك طيب
حاولت اتماسك وآخذ نفس عميق اهدي نفسي وانا بقلبي اقول ياديمه تعودي على الصبر والتحمل وانتبهي لاتنهارين هذي شرارات يرسلها مهند لحريق بعدين وفري كل شي له
كنت افكر ومسرحه ومنزلة راسي على الطاولة انتبهت على صوته : فين وصلتي
رفعت راسي وعدلت جلستي ومارديت عليه
: متى تبغينا نسافر ..؟
:...............
: ديمه لوسمحتي قولي شي .. ادري انك منتي طايقتني بس تحملي مصيبتك وردي علي
: ماادري بكيفك .. مو قلت لاتطلعين بقرار ولا تفرضين رايك
تنهد بقوة بعدين قال : ياستي والحين اطلب منك تفرضين مية الف قرار قولي اللي تبين وانا انفذ
الله شو هالتغيير اللي طرأ فجأ
ابتسمت غصب قلت : بكيفك انت ماتفرق معاي كلها واحد عندي سواء سافرنا ولا ماسافرنا
: ههههههههههههههههههه قصدك اني مقابلة وجهك ونفس المشكلة
فتحت عيوني قلت : ماقلت كذا
: بس هذا قصدك
: لا لاتتوهم شي
: والله ياديمه من يوم ماخطبتك وانا ماارتحت لليوم
: خطبتني ...؟
: ايوه خطبتك ولا عندك شك ..؟ وعدل جلسته وقرب مني
:قصدك طلبتني ..... !
: طلبتك خطبتك كلها واحد
: لاطبعا مو كلها واحد خطبتك معناتها جيت زي الناس وخطبتني بشكل رسمي ومتعارف عليه .. اما طلبتني معناتها جيت تتأمر وتقول عطوني اياها وغصب عنكم
: ههههههههههههههههههههههههه ههههههههه اجل هذا اللي مضايقك .. رشف من قهوته وكمل : والله وحده رفضتني في البداية وقلبها مليان .... قالها وقرب مني وناظر في عيوني.. وكنت واثق انها ماراح توافق علي مرة ثانيه لأنها ببساطة تكرهني وانا ماادري ايش السبب ..
حسيت الأرض تلف فيني من الكلام هذا ...ياناس اعصابي تعبانه ..ماادري كيف اتصرف معاه .. ابرر له عشان افتك من مشاكله ولا ماراح ينفع خاصة انه واثق ومتأكد من كلامه ...!
كمل وهو هالمرة هادي جداً بعد مارجع لورا وكأنه ارتاح : وبصراحه ماابيك تروحين لغيري .. انا واحد اناني ماافكر الا بنفسي .. كان يكلمني ويدخن بشكل عصبي كأنه ينتقم من الزقارة وبسرعه اخذ وحده ثانيه وانا كنت متنرفزة بس سكت تفادياً لأي تطورات . يارب صبرني ووسع بالي ..
جلسنا ساكتين كان يفكر وباله مشغول وزقارة ورى زقارة لحد ماخلص البكت ..
: ماقلتي متى نسافر
مارديت بالرغم اني كنت خايفه يعلي صوته علي .. بجد محد تصرف معاي كذا من يوم جيت لبيت خالي ناصر لين طلعت منه وشكل جنتي بالدنيا هي بيت خالي ناصر والظاهر طلعت منه لجحيم جميلة ثانية ... الله يعيني اهم شي ان هذا مايضرب زي جميلة .. والله اعلم وش ينتظرني ..!
: جهزي حالك الحين بنحجز على ايطاليا ولا ماليزيا اذا ماتبين فرنسا
: ماقلت ماابغى فرنسا
: خلاص فرنسا .. اشربي قهوتك ..
مارديت عليه ولاشربت قهوة حسيت برعب لمن تخيلت نفسي مع مهند في غربة ولوحدنا واحنا هذا وضعنا ..


دق جوالي وكان رغم غريب ومميز ... مارديت المرة الأولى ودق مرة ثانية فتحت الخط بشوف مين من دون مااتكلم بس على طول جا صوته : السلام عليكم ياديمه انا رامي ولد خالك
: هـ ـ ـ ل ا والله
شفت مهند يناظر فيني مستغرب لهجتي لأني مرة مرتبكة ومتردده اكلمه ولا لا
: الف مبروك
: الله يبارك فيك .. قلتها بصوت واطي
: الله يوفقك ياديمه ويسعدك .. كل الناس اللي تعزك باركت لك الا انا وانتي يشهد الله انك بمعزة منار واكثر
: تسلم يارامي ماتقصر
شفت مهند لمن قلت يارامي فتح عيونه بقوة وعقد حواجبه ودخل يده في جيبه ماحصل الدخان وخرجها بعصبيه باينه عليه
: يالله ياديمه مع السلامه وسلمي لي على مهند انا كلمته وباركت له باقي انت بس
: الله معاك ومشكور على اتصالك
ماكنت ادري ايش اقول لرامي من الحالة اللي جات مهند
قفلت وسويت نفسي مو مهتمه فيه قال : هذا اش يبغى ..؟ مايستحي على وجهه يكلمك ..؟
: هذا رامي ولد خالي محمد اعتبره اخوي ..!
: الله يلعن شكله ذا وقته يخلص ... قالها بصوت واطي لمن دخل ديه في جيبه مرة ثانيه يقصد الدخان .. حسيته متوتر .. بصراحة رحمته من الحاله اللي هو فيها
: رامي قلبه طيب ويعتبرني اخت
: لو يعتبرك اخت ماخطبك
: مو هو اللي خطبني خالي من راسه جا وخطبني من دون مايدري رامي
: وانتي اش دراك انه مايدري ..؟
: اخته قالت لي واعتذرت مني عن رامي لأني انصدمت من رامي انه يخطبني وهو يدري اني اعتبره اخ وادري انه يعتبرني اخته ..
تنهد مهند بعمق وبقوة .. حسيتها كأنه يطلع شي من داخله
وقف ومد يده علي قال : قومي احسني مخنوق خلينا نطلع
مامديت يدي له بس لفيت طرحتي علي وغطيت وجهي وقمت اول ماكنت بطلع مسك يدي وانا عادي خليته هالمرة يمسكها ماابغى اعانده وهو بحالته هذي .. خرجنا ورجعنا للفندق وراح يحجز بالتلفون وطبعاً كلم صاحب خالي اللي بالمطار سمعته يسلم عليه ويقول انه زوج بنت اخته وان ناصر مرسله عليه .. ويبي مقعدين الليلة لفرنسا
صاحي هذا شو الليله ..؟ متى يمدينا نروح لاهله وأهلي
بعد مانزلت عبايتي وطرحتي رجعت للصاله عنده .. لمن قفل قلت : :مايمدينا نروح لأهلك واهلي
: مو لازم نروح لهم
طالعته وانا مرة متضايقه هذا مو تصرف الحين اش بيقولون سافروا مامرونا
خالي وهدى ممكن يتفهمون بس اهله مرة مستحيه منهم
: يالله البسي بدال ماتفكرين يادوب نلحق الطيارة واهلي انا اكلمهم وراح اكلم ناصر لاتخافين
: اوكي
رحت اخذت لي دش ولبست بنطلون ابيض طويل وبلوزة لونها بني علاقي وطويلة لنص الفخذ .. مافكرت احط مكياج لأني راح انزل غطاي بالطيارة ..رحت للمراية حطيت بس قلوس لحمي وحددت حواجبي .. ورجعت لشنطتي اللي رتبتها ولبست جاكيت ابيض قصير بسرعه قبل لايدخل مهند علي... لفيت بقفل شنطة مكياجي لقيته واقف وراي ويناظرني من متى الله اعلم بس تحرك ولف بسرعه قال : خلصي وانتظريني بالصالة بلبس ونخرج ...
جلست بالصالة كنت لابسه عبايتي وجوالي بيدي وشنطتي الصغيرة .. دقيت على هدى اللي سمعتني وجلست تبكي تقول مو متخيلة حياتنا بدونك .. حتى انا تأثرت وبكيت خاصة اني الحين بسافر .. سألتني عن مهند وكيفه معاي قلت الحمد لله تمام .. ماابغى اقول لاحد اني مو مرتاحه معاه ..احسني اقدر اشيل همي بنفسي وماابغى الناس تشاركني الهم ..يشاركوني الفرح ولا يشاركوني الهم بعدين خلاص تعبتهم معاي زيادة عن اللزوم ايام وفاة جدتي ثم العملية ثم وفاة ابوي الله يرحمه
كلمت خالتي فادية وعمتي صالحه اتطمن على عناد وعادل وسديم وخلصت مكالماتي بسرعه قبل يخرج مهند واعتذرت منهم اني الحين مسافره
استنيته ماخرج بعدين دقيت على لمى وبسرعه قلت لها : لموي كيفك مرة مشتاقه لك
: وانا اكثر ها بشري عسى امورك تمام
: الحمد لله على كل شي الحين مسافرين فرنسا بس اذا رجعت بقابلك ان شاء اللله اوكي
: اوكي ترجعون بالسلامه والله يهنيك
: تسلمين حياتي يالله باي وبوسي لي ديمه
: ان شاء الله .. باي
دخل عليّ بعد ماقفلت مع لمى كان لابس بنطلون اسود وقميص ابيض مقلم بأسود بس باين انه ماركه وفخم .. شعره مرجعه على ورى .. حاط من العطر اللي اذا شميته معاه احسني ادوخ .. ياربي ليه اتكهرب اذا حطيت عيوني بعيونه .. انتبهت لنفسي وانا متجمده وصديت عنه وهو كان يناظر في الشنط بعد شوي جا واحد يشيل الشنط بعد ماكلمهم مهند.. نزلنا وكان ماسك يدي اللي يشوفنا كذا يقول اسعد زوجين بالدنيا مايدرون اني بكل لحظة تمر اموت فيها عشرين مرة ..
خرجنا من الفندق وانا ركبت بعد مافتحت الباب بنفسي تأخر علي والتفت شفته يكلم بالجوال .. عرفت انه بيكلم اهله وخالي .. دق جوالي كان خالي ماجد .. عاد خالي ماجد اذا سمع صوتي فيه شي بيتجنن حتى لو ماتكلم اعرفه ودايماً هند تقول لي عنه ولمن كلمني وانا عند مايا في سوريا اثبت لي بكلامه واهتمامه ..
: هلا والله
: هلا وغلا بديمة قلوبنا
: هههههههه تسلم لي يالغالي
: اول شي مبروك .. ثانياً انا مخليك متعمد مادقيت عليك ماابغى ازعجك .. ثالثاً كيفك عساك مبسوطه وكيف مهند معك ..؟
: اولاً الله يبارك فيك .. ثانياً انت تدق بأي وقت لأني استانس اذا كلمتني .. ثالثاً انا بخير ومهند كويس معاي الحمد لله .. رابعاً مرة مشتاقه لك وزعلانة لأني الحين مسافرة وماقدرت اشوفكم
: ليه ماقدرتي ..؟
: ماحجزنا الا قبل شوي ورحلتنا بعد ثلاث ساعات مايمدينا نروح لاحد
: اها .. ماعليه لاحقين نشوف بعض اذا ربي كتب .. اهتمي بنفسك وحاولي تستانسين على قد ماتقدرين الأيام هذي ماتتعوض
: ان شاء الله انت كمان اهتم بنفسك وسلم لي على هند والعيال
: الله يسلمك يالله فمان الله
: الله معاك


،

كان مهند قد دخل وحرك السيارة وانا اقول ثانياً يعني سمعني لمن قلت انه كويس معاي .. احسن خله يدري ان اهلي يسألون عن معاملته لي واني اداري عليه يحمد ربه بالذات قدام خالي ماجد اللي مايعرف اخو صديق قريب اذا احد زعلني حتى زوجته ياويلها لو تجيب سيرتي بشي مو حلو . الله يخليه لي احسني احب خالي ماجد محبة خاصة غير عن الناس كلهم ,, صحيح مو اكثر من خالي ناصر بس كل اخوالي كل واحد احبه بطريقه تختلف عن حبي للباقين .. الله يخليهم لي عز وسند واهل ويخليهم لاهلهم وعيالهم .. ..
:هذا سامي ولا ماجد ..سألني مهند
: خالي ماجد ويسلم عليك
: الله يسلمه ...ماجد هذا يخوف دايما جاد وساكت واذا تكلم سكَّت المجلس كله حتى لو قال كلمه عادية ..
: اخوالي كلهم رجال الله يستر عليهم
: هههههههههههههههههه الحين ابي اعرف ليه ماتكلمين ياسر مثلهم باهتمام وحب .
: اخوالي هم اهلي شي طبيعي اهتم فيهم اكثر واحبهم اكثر
: وياسر تكرهينه ..؟
: انا عمري ماكرهت احد وبالعكس عمي احبه بس المحبة تفرق من شخص لشخص ..
ماالتفت علي وقال وهو يبتسم : اها قلتي ماتكرهين احد .. طيب وانا ..؟
التفت عليه وفتحت عيوني مرة متفاجأة قلت بارتباك : انت شو ..؟ قلته وصديت اناظر مع الشباك اللي بجنبي ..!
: ادري انك تكرهيني .. سكت شوي بعدين كمل ..:ديمه ماابيك تقولين شي بس ابي اعرف السبب
: ماعمري كرهت احد قلت لك
: طيب ليه قلتي لريم انك تكرهيني
: ممكن ماتفتح مواضيع زي هذي لأنها توترني ..!
: ليه تذكرتي احد
: اش قصدك ..؟
: يمكن تذكرتي الحب والكره وتذكرتي احد معين ..
: لااله الا الله .. قلتها بصوت واطي وانا اتنفس بعمق .. بعدين قلت : اذا قلت لك شي تصدقني ولا لا
حط في فمه زقارة وشفته يولعها بتوتر قال : قولي
: عمري ماحبيت ولا عشت قصة حب زي بعض البنات .. وكان ممكن تكون اول شخص احبه بس انت ماعرفت توصل لقلبي ..
مارد عليّ ..
سكتنا وهو قعد يدخن واحس انه متوتر باين عليه بالرغم اني ماالتفت له بس من كثرة حركته وطريقة تدخينه ... فتحت الدرج ادور على سي دي ، كاسيت ، شي يكسر التوتر اللي احنا فيه ..
حصلت الدرج متقفل ورجعت مكاني .. طلع المفتاح وفتح لي الدرج اللي قدامي
كان قريب مني وهو يفتح الدرج وانا احترق .. ياناس كله رجولة .. أي بنت مكاني راح تتوتر من قربه .. فتشت بالسيديهات اغلبها لفيروز ومحمد عبده وخالد عبدالرحمن ورابح صقر ونوال الكويتيه والرويشد .. ولا واحد منهم يصلح نسمعه بجو زي هذا .. بس لازم اسمع شي غير مهند
حطيت سي دي لرابح صقر ..
الصراحة قولها لي ... ماتبيني لاتعلقني معاك
مادريت البارحة... اش صار فيني ... لاسعادة عشتها او شفت راحة

ابتسمت لأنها بصراحة مرة مناسبه .. وخله يسمعها عشان يدري اني ماعشت معاه لاسعاده ولا راحه ...

رابح يغني وانا بعالم ثاني تذكرت بيت خالي وراحتي فيه .. تذكرت اهتمامهم فيني حتى بعد مارحت من بيتهم ومهند الكل واثق فيه وانه بيحطني في عيونه بس هو ماكان قد الثقة احياناً اجيب له اعذار اقول يمكن لأنه يحس اني اكرهه او اني رفضته ... بس هذا مو سبب او حجة مقنعه انه يرمي علي كلام ولا يتأمر علي بهذا الشكل .. او حتى يعاملني بعصبية ونرفزة .. معقولة مهند ماعنده اسلوب ..؟ ولا يعرف يوصل لي ..!
اتصلت علي خالتي فادية واستغربت ..انا كلمتها قبل مااخرج ورديت عليها لأنها اكيد تبغى شي قالت : تراني كلمت المصورة وقالت ان الصور جاهزة بتمرينها بطريقك ولا آخذها انا ... خفت ان مهند مايرضى يخليها تجيب صورنا لأنها اكيد بتجلس عندها شهر لحد مانرجع التفت عليه قلت نروح نجيب الصور ولا تجيبها خالتي ..بسرعه رد قال : لا نجيبها احنا الحين .. رديت على خالتي قلت : احنا نجيبها لاتتعبين نفسك .. قالت خالتي : اذا مايمديكم ترى مافيها كلافه ولا شي
: ههههههههههههههه لا لا بروح اجيبها متحمسه لصوري بشوف كيف طلعت
: اوكي اجل يالله مع السلامه وترجعين بالسلامه
: مع السلامه
سألني عن مكان المصورة وقلت له على الشارع والحمد لله كان قريب على طريقنا .. رحنا هناك واتصلت فيها وبسرعه نزلت وجبت الصور ..
ركبت السيارة وفتحت الألبوم وخرجت الصور اللي فيها خالتي وهند وغادة ومنار ووخالتي سمر وعمتي صالحه وام رامي وكل اللي مايصير مهند يشوفهم وقلبتها على بعض حطيتها بآخر الألبوم وجلست اتفرج على صورنا .. كان شكلي روعه .. وقفت شوي اطالع بصورة كان مهند ماسك خصري ويناظر بعيوني .. انا كيف خليته يمسكني كذا .. بجد ماكنت بوعيي الحين الحين اذا مسك يدي ارتبك واتخربط شلون خليته يمسك خصري كذا ... بجد ماكنت صاحيه او اني كنت مخدرة ماعندي احساس .. فتحت صورة ثانية كان يطالع بالكاميرا عيونه فيها سحر .. عيونه هذي نقطة ضعفي الوحيدة لا لا مو الوحيدة عطره كمان .. وأكتافه اذا شفتها عريضة وفيها قوة احسني اتخربط .. ياربي وش النحس بحياتي محد لفت نظري ولا اعجبني شكله قد مهند على كثر ماشفت فنانين ولاعبين وممثلين الا اني ماكنت اعجب فيهم زي بعض زملاتي اللي كنت استحقرهن .. بس الحين هذا عاجبني بس مااحبه اكرهه وأكره عنجهيته واسلوبه وأوامره وشوفة نفسه .. وانا اللي على بالي انه دلوع الماما طلع بعبع يخرعني ...!
سكر الألبوم قبل ماافتح الصورة الثالثه وسحبه مني وهو مركز على الطريق : لا تتأملين فيها كذا خلينا نشوفها مع بعض بعدين ..!
مارديت عليه وقلت بنفسي لابعدين ولا قبلين خلاص ماراح اشوفها الا اذا رجعت ولا لوحدي .. بس هذا اكيد بيصير لازق فيني اربع وعشرين ساعه هناك ..
وصلنا المطار وحط الألبوم في الشنطه ونزلنا .. جلسنا تقريباً ساعتين في المطار كنت ساكته وماتحركت من مكاني وهو اغلب وقته يدخن ولا يقوم يمشي شوي ويرجع واحيانا يكلم احد من اصحابه ....
دقت عليه ريم وسمعته يقول .. بسرعه لاتطولين فاهمه؟ ................اعطاني التلفون وكلمتها وكانت مستعجلة قالت مهند بيعصب علي قال بسرعه لاتطولين قلت اوكي براحتك وقفلت منها وانا بصراحة انقهرت منه ليه يقول لريم كذا ..؟
اخيراً وصلنا وأقلعت الطيارة لمكان بعيد مع مهند ولوحده .. الله يستر وش بيصير لي مع مهند هناك ..


لامارا غير متواجد حالياً   رد مع اقتباس
قديم 15-04-14, 12:16 PM   #15

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

في الطيارة .. كنت ساكته بجنبه بعد مانزلت عبايتي وتحجبت بحجاب بني في الحمامات وكل شوي يمد يده اليسار ويمسك يدي بس ارتبك وانحرج منه واسحب يدي غصب وهو شكله مل مني او حس اني منحرجه منه فاضطر يبطل ويتركني ...
حسيتني تعبانه ابغى انام .. رجعت راسي ورا ونمت كل ماصحيت وفتحت عيوني الاقيني لسه بالسما وارجع انام ، فجأة صحاني مهند بسرعه وكنت بفتح عيوني ماقدرت .. حطيت يدي عليها وهو يقول : قومي اشفيك ..؟
: خلاص الحين صاحيه لحظة بس ..
: ديمه يالله لاتفضحيني
: قلت لك خلاص انا صاحيه
: بتقومين ولا اسحبك بيدك قدام خلق الله ..؟
رفعت صوتي وانا قرفانه منه كل مافتحت عيوني مااشوف : ممكن تروح وتخليني خلاص اجي وراك انا ..
: ديمه هذا مو مكان دلع .. عجلي علي
وأخيرا قدرت افتحها . قمت بسرعه ومارديت عليه بس دموعي نزلت بسرعه طالع فيني ومد علي منديل .. واعطيته ظهري مااخذته منه .. خرجت منديل من شنطتي ونزلنا من الطيارة وانا نفسيتي مرة سيئة .. ياربي مو متعوده احد يتكلم معاي كذا ..؟ ياربي صبرني عليه وساعدني ..مو بيدي ياناس افتح عيوني بسرعه .. وهو بالطريقه هذي مااقدر اقول له اني مااشوف واشتكي له ..
وصلنا الفندق وانا ماكلمته ولا طالعت فيه ..دخلت بسرعه لبست بيجامه بنطلون اصفر وبلوزة صفرا فيها رسوم بنيه على الصدر ...! وكم طويل كانت ناعمه ومرة انيقه عليّ واهم شي انها ساااترة ..!
دخلت الغرفه بعد ماصليت .. كنت ابكي من قلبي يمكن لأني جيت معاه بمكان بعيد .. او لأني مشتاقه لخالي وبيت خالي .. او لأن مهند قاسي معاي واسلوبه بشع .. والأهم اني عروس اسم وبنظر الناس .. احسني تعيسه مع مهند وماراح يوصل لي او حتى يفهمني ..
تمددت على السرير ابغى انام ... ومهند بالحمام ياخذ شور خرج وماطالعت فيه قال وهو ينشف شعره بالمنشفه : لاتنامين لين تاكلين شي
مارديت عليه وغطيت وجهي بالغطا احاول انام
جا وشال الغطا عن وجهي ومسكني بيدي وجلسني غصب قال : اذا كلمتك لاتطنشيني فاهمة ولا لا
نزلت دموعي بغزارة وانا اصد عنه .. بجد انا تعبانه منه ومن نفسي ومن جيتي هنا ..
لف وجهي عليه قال : الحين ليه تبكين
: ممكن تقوم عني ماابغى اشوفك الله يخليك ماعاد فيني اتحملك
قام بسرعه وكأنه مستغرب من لهجتي واسلوبي وخرج وانا حطيت راسي على المخده وجلست اقرا المعوذات وآية الكرسي وبعض الأدعية ودعاء ماقبل النوم ابغى ربي يهدِّيني لأني خلاص تعبت من البكا وعلى كثر مابكيت في حياتي شكلي راح اسجل الرقم القياسي في موسوعة جينيس من حيث كثرة الدموع اللي نزلت مني خلال 22 سنه ..
نمت بعد مناحة طويلة وصحيت اليوم الثاني ماادري كم نممت ولا كم الساعه الحين ..
ماشفت مهند بالغرفة .. وقمت رحت للحمام استحميت وصليت شفت عيوني مرهقة وتحتها لون ازرق .. لبست بنطلون جينز وتي شيرت ابيض ضيق وأكمامه قصيرة . لفيت شعري على ورى وطالع منه كذا خصة ومسكته بشباصه وخرجت للصاله لقيته نايم ورافع رجوله على حافة الكنبة ورجعت للغرفة .. دقيت على خالي ناصر ورد علي بسرعه : كلمته وانا صوتي مخنوق حتى هو لاحظ قال : ديمه فيك شي ..؟
: لا الحمد لله
: ديمه تكلمي وش فيك مهند سوا لك شي ..؟
: لا
: اجل ..؟
جلست ابكي وحسيت ان خالي بينفجر وندمت اني دقيت عليه بعدين قلت : مافيني شي ياخالي بس بجد فاقدتكم .. ومقهورة اني سافرت ماشفتك
: غير انك مشتاقه وفاقدتنا فيك شي ياديمه ؟
: لا ياخالي تطمن مافيني الا العافية
: طيحتي قلبي الله يسامحك حسبت ان فيكم شي ... ولا مهند مزعلك
: لا بالعكس ياخالي مافينا شي ومهند مازعلني بس انا بجد مشتاقة لكم
: والله ياديوم انك رحتي وقلبي ماعاد بين اضلاعي بس مالي الا الصبر وعزاي انك مبسوطه
هالمرة بكيت من قلب اكثر وأعمق ماكنت عارفه ايش اقول بس فيه يد امتدت وأخذت مني الجوال قال : هلا ابو بسام ............. الله يسلمك بخير الحمد لله .................. توني صاحي والله ........... ياخي بنت اختك هذي مدلعه لو بكيفها ماطلعت من بيتكم ................. ابشر لاتهتم .. ولااقول وش رايك تجي تدرايها هنا عندي . ..........ههههههههههههههه اقول يالله الفاتورة بتصير في ظهري وهذي مكالمه دوليه ......................... يابن الحلال دلعتوها علي خلوني اعيش مع زوجتي مرتاح من دون ماتتصلون كل شوي وتتطمنون كأنكم مزوجينها اجنبي وماتعرفونه .............. الله يسلمك .. بامان الله
قفل الجوال ورماه علي وانا ابكي واتذكر كلامه وكلام خالي لي ... ياربي كيف اجي من النعيم للجحيم ..!
ممكن انتم تقولون صدق دلوعه وماتتحمل بس فعلاً انا مو متعودة على اسلوب مهند .. غير كذا انا حقانية عمري ماظلمت احد ومااحب احد يظلمني ولا يعاملني معاملة قاسية وبدون سبب مقنع .. يعني اترجاه ولا ابرر له ليه رفضته واني عمري ماكرهته ولا شو ..؟
ادري اني اكابر ويمكن اخسر حياتي بس مااقدر اتنازل وهو بهذي الطريقه ممكن لو يحترمني ويحسن علاقته فيني كان عادي اتنازل لأنه يستاهل بس بجد هو مايستاهل وهو بالاسلوب هذا ..
شفته لابس بنطلون جينز وقميص بيج قال : البسي بنطلع نتغدا ..
مارديت عليه وماني رايحه معاه وماراح اخرج من هنا الا للسعودية لو يموت ..
مسكني بيدي : ديمه مليون مرة قلت لاتطنشيني
مارديت عليه واعلى مافخيله يركبه . لف يدي بقوة قال : هنا مهند مو ناصر اللي يدلعك فاهمة ..؟
صرخت من الألم وبكيت بقهر .. فك يدي ورحت للحمام ابكي ومنهارة دق علي الباب ومارديت سمعته يقول : اللهم طولك ياروح .. عنك ماطلعتي قلعتك


جلست في الحمام اكثر من ساعة بعدين خرجت ومالقيته موجود جيت ادور على جوالي بكلم لمى بس وين الجوال ..؟ دورت عليه ماحصلته ... اوف وين راح ؟ آخر مرة شفته لمن رماه علي يعني هنا على السرير ..
فتشت السرير وتحته ووراه وفي الأدراج مافيه شي .. عرفت ان مهند اخذه عشان مااقلق اهلي اذا سمعوني ابكي ...
جلست عند التلفزيون اكثر من ثلاث ساعات .. بعدين دخلت انام .. مااكلت شي يالله الحين وزني بينزل والناس بتتكلم واخوالي بيقعدون يدققون .. الله يعين ..!

صحيت بعد حوالي خمس ساعات قمت للحمام آخذ لي شور وابدل لبسي لأني نمت بالجينز لبست قميص وردي قطني وقصير لنص الساق والكم حقه كت ولبست الشبشب حقه .. لقيته نايم على السرير شكله كان مرة تعبان وماصدق اني اصحى يجي ينام مكاني .. احسن فكه منه ..!ليته ينام وانا صاحيه وانا انام اذا هو صحى ..!

جلست في الصاله حصلت فيها اكل اووه اخيراً .. شكله طلب وانا في الحمام .. اكلت الين شبعت مااضمن اني آكل شي بعد كذا بسهولة ... جلست على التلفزيون مرة طفشانه ياربي لااحد اجلس معاه ولا تلفون اتكلم فيه .. كان نفسي اكلم لمى .. بس ماراح اكلمه ولا راح اجيب سيرة التلفون ..
صحى مهند بعد ساعات طويلة قضاها بالنوم وانا قضيتها بالتفكير وعند التلفزيون ..
جا وجلس عندي كان شعره متبعثر ولابس بيجامه لونها كحلي وهو لسه ماغسل غمض عيونه وحط راسه بين يدينه قال : بتطلعين ..؟
طالعته واحترت اقول لا وازيد المشاكل ولا اقول ايوه واضغط على نفسي واسوي شي ماابغاه ..
احترت كثير بعدين قررت وقلت وانا اناظر بالأرض : كيفك ..!
قال : بشرط ..
استغربت منه بس جاريته وقلت : شو ؟
: دلع ماابغى .. تنسييينه نهائي .. وتعودين نفسك انك خلاص صرتي متزوجه يعني حرمة .. وكمان تبطلين بكا ...و....
مارديت عليه ولاانتظرته يكمل وقمت دخلت الغرفه وبسرعه طفيت النور ورميت نفسي على السرير جلس فترة مالحقني بعد شوي شفته فتح النور علي اشوا مانمت لسه عشان افتح عيوني لايسوي لي سالفه .. ناظر فيني شويه .. وانا بس شفت عيونه صديت عنه .. تأملني شويه بعدين دخل الحمام وماكلمني .. سمعت صوت الدوش ونمت قبل مايخرج .. !
صحيت اليوم الثاني وماكان فيه .. فين يروح هذا ..؟ قلعته ماهمني ! شو قلعته ؟ لايكون صار فيه شي ..؟ وانا اش اسوي ماعندي جوال ..! وفرنسي ماافهم كلمة وحده
صليت وانا مرة قلقانه عليه .. وجلست استناه اكثر من ثلاث ساعات بعدين جا وهو باين انه تعبان ... يالله اهم شي ان ماصار فيه شي رجعت للغرفه اول ماشفته ... بس قهر شافني الحين بيقول مهتمه لتأخيري .. دخل الغرفه بعد ماقال السلام عليكم ورديت عليه بصوت واطي وزعلان ولا التفت عليه .. وهو دخل على طول للحمام ..
مرت اربعه ايام كنت اشوفه وهو داخل عشان ينام ويصحى يخرج او يجلس على التلفزيون وانا ادخل انام .. احيانا يحاول يكلمني بس اطنشه ..!كذا مرة حاول يصحيني وكنت الف على الجهه الثانية وماارد عليه ..ويروح ويتركني ...
بس اليوم كنت جالسة بالصالة على التلفزيون وهو كان نايم بالغرفة وجا عندي بعد ماصحا .. وجلس على نفس الكنبة اللي انا جالسة عليها قال : ديمه لمتى ..؟
مارديت عليه بعدين قال : ترى مو حياة هذي ..!
لاوالله انت مو مرتاح اجل انا ايش اقول ..؟ قلت : كل هذا بإيدك ..!
: تدرين انه مو قصدي
: اتمنى ينتهي الوضع هذا بسس ..
قاطعني بسرعه وقال : بس ايش ..؟
: انت اللي تجرح فيني وشكلك عاجبك الوضع
تنهد ثم قال : وانتي زعووولة بسرعه تزعلين
ناظرته وبسرعه صديت عنه قلت : يعني ترمي علي كلام وتتهمني وتجرحني وتبغاني اعدي واضحك لك ..؟
ناظرني وقال : قومي بنطلع ..!
ابتسمت وقلت : بشروط ولا بدون ..
حسيت مهند يرتبك لمن ابتسم له ولو اني قليل ابتسم له لأن الجو مايساعد ابداً قال بارتباك وهو مكشر وصاد عني : لا بدون بس قومي ..
رحت البس في الغرفة ..بجد ابغى اخرج واغير جو .. يمكن هالمرة مهند يتغير .. يارب نفسي انه يصير زي ماابغى .. ماابغاه يدللني ولا يقول لي كلام حب زي ماكل بنت تتمنى ..بس ابغاه يحترمني ويعاملني زي أي عروس ولا زوجة .. يتكلم معاي بدون لهجة السخرية اللي في كلامه
لحقني للغرفة وانا البس البدي حقي .. انحرجت منه بجد وتمنيت اني رحت البس في الحمام .. مسكت الجاكيت في يدي ابغى البسه بس سمعته قريب مني وهو يقول : ديمه بقول لك شي بس لاتزعلين
التفت عليه وشفته يبتسم .. قلت : قول عادي ...حسبت صاير شي وابغى اعرف بسرعه ...
حط يده على شعره ودخل اصابعه فيه وشده على ورى كأنه مرتبك قال : ترى انتي مو ذاك الجمال اللي تنغرين فيه ..تراكِ عادية وأقل من عادية .. بس تواضعي شوي ..
طالعته وابتسمت بصراحة صدمني .. انا الحمد لله واثقة من نفسي وعارفة انه مفتون فيني خاصة اللحظة هذي بس وقفت قدامه ولأول مرة اطالعه من قريب بإرادتي ورغبتي .. رديت عليه ببرود وابتسامتي لسه على وجهي قلت بدلع وانا القميص زرار القميص حقه بنعومه : ممكن اكون موحلوة وكمان ممكن اكون بشعه وودلوعه وشايفة نفسي ومغرورة ووو اللي تبغى .. بس اللي عارفته زين اني ساحرتك وتشوفني اجمل بنات الدنيا .. سويت له حركه بعيوني فيها دلع وكملت : فيه شي ثاني بتقوله ولا خلاص يادكتور .؟
حسيت ان مهند يدوخ ومو قادر يثبت بمكانه ادري حركتي ووقوفي قريبه منه خربطه .. ولبسي قدامه بالطريقة هذي البدي البيج .. والبنطلون الزيتي .. وشكل شعري المفتوح ..
شكيت انه ماسمع كلامي لأنه كان يطالعني وقرب مني مسك يديني الثنتين ولفهم على بعض قال : مدلعه ومغرورة وشايفه نفسك ووو تنهد من قلب ..
: أي وجعتني اترك يديني
لف يديني اكثر قال : حركاتك هذي غبية زيك احسن تحتفظين فيها وبلا مسخرة .. بلع ريقه وكمل : واصلاً اذا انتي واثقة من نفسك ترى ضايعه .. انا شفت اجمل وعرفت احلى منك بكل شي .. انتي مجرد وحدة تحديتها لااكثر ولا اقل والدليل اني اول ماارجع لجدة راح اخطب وانتي تشوفين .. واحلمي .. احلمي ياديمه انك توصلين لي او تفارقيني ..بخليك لاتطولين سما ولا ارض ..
لف يديني على بعض اكثر ورماني على السرير .. ورجع لبس ملابسه وخرج ولا عبرني
جلست على السرير مو عارفة اصدقه ولا اكذبه .. احسني في دوامه ومتاهه مالها أي منفذ .. ياربي انا ليه تكلمت معاه بالاسلوب هذا .. ليه احاول استفزه وهو خلقه معصب مني ..
مابكيت هالمرة ولا انقهرت يمكن لأي شفته خرج وهو مقهور وزعلان .. او لأني قرفت من شكلي وحالي وانا بس ابكي وانزل في هالدموع ..


عدت ثلاثة ايام وماكان يكلمني ... قبل مايخرج يطلب لي اكل .. واذا رجع طلب ودخل ينام .. احسه هالمرة قرفان مني شكله كرهني خلاص .. حسيت برعب لو ان كلامه حقيقي وانه ممكن يخطب ويتزوج غيري وانا بوضعي هذا ..!
لا ياربي شو اعمل له .. احاول اكسبه واتنازل .. ولا اغيره ولا اتفاهم معاه . . بس انا حاولت اكلمه قبل كذا ومااعطاني فرصة .. انسان عصبي وخلقه دايما ضيق .. وأي شي ينرفزه بسرعه ..

الساعه اربعه الفجر وانا معبية نوم من امس احسني مصحصحة ونشيطه وهذا للحين ماوصل .. ياربي لايكون صار له شي
ماعندي تلفون ادق عليه حتى لوعندي رقمه مو مخزنته بجهازي ولاني عارفته .. بس اقل شي ادق على احد من اهلي .. شو اعمل ياربي .. ماقدرت اجلس كل شوي اطل من الشباك ولا اوقف عند الباب ابغى اسمع اذا قرب ولا لا ..!
بعد ساعه انتظار وملل مرت علي كأنها سنه .. شفت الباب ينفتح ودخل وهو مغمض عيونه بشويش كأنه مو قادر يفتحها .. لااااا هذا مريض ولا شو فيه ..
طالعني بنص عين قال : ليه صاحيه ..؟
: ها ..؟ استناك تأخرت كثير
: روحي نامي
: تعبان ؟
: ديمه انقلعي من قدامي مالي خلقك اللي فيني مكفيني
حالته تقول انه مريض .. عيونه حمرا ووجهه متغير لونه احسه مو قادر يفتح عيونه .. خطر في بالي صداعي الله لايعيده .. ولايوريه احد لامهند ولا غيره .
قلت بخوف : طيب ..
قاطعني بصوت عالي : انقلعي عن وجهي لااشوفك الحين مالي خلقك .


رجعت للغرفة ووبخت نفسي ليه انا حارقة نفسي عليه .. نمت وصحيت بعد ساعه ورحت للصاله اشوفه حصلته نايم على الكنبة .. وبجنبه كيس فيه ادوية ... بعدين رجعت انام...ما صحيت الا الساعه خمسه العصر .. استحميت ولبست بيجامه لونها زهري وجلست عند التلفزيون .. وهو ماحصلته ..!
نفسي اخرج مرة طفشت خلاص بكمل عشرة ايام ماطلعت راسي من السجن الانفرادي هذا ..!
وهذا اللي خرج وهو شكله مريض ياربي فين راح ..؟
الحين حتى وهو مريض مو طايقني ليه مايخلينا نرجع لجدة والله بمووت من الطفش والقهر ..


فزيت بمكاني لمن سمعته يقول : وين وصلتي ..؟
حطيت يدي على صدري .. هذا متى رجع ولا فين كان ..؟
قرب مني ومسك يديني قال بحنية : خرعتك ..؟ بجد ياديمه انا آسف ..!
: كيفك الحين ..؟
: مافيني شي الحمد لله ... سكت شوية بعدين قال : آسف على كل شي ..
قاطعته : متى بنرجع لجدة ..؟
وقف ورمى نفسه على الكنبة اللي مقابلتني وحط راسه بين يدينه وشد شعره لورا .. ذكرني بنفس الحركة اللي سواها لمن عرف بوفاة ابويه ورفض يقول لي .... لمن شفته تخرعت قلت : صاير شي ..؟
: لا لا تشغلين بالك ..
تحجرت دموعي بعيوني وقلت : فيه احد صار له شي لاتكذب علي
: ياسر كلمني ...رفع راسه وطالعني قال : وش فيك ديمه ..؟ ليه هالدموع اللي بعيونك ..؟
احسني اختنق ماابغى اسمع خبر سيء خلاص كفاية
: مين اللي مات قول بسرعه مافيني اعصاب
: واحد من اصحابي
: لاتكذب علي زي خالي
: اقسم بالله ان خويي خالد بن سعد صار عليه حادث اليوم ... واهلك مافيهم الا العافية
: مات صح
رفع راسه يناظرني: الله يرحمه ..
اشرت عليه قلت : نفس شكلك يوم وفاة ابوي الله يرحمه
صديت بوجهي عنه ذكرى اليوم هذاك كانت تهزني ومااقدر اقاومها .. كانت تخليني اضعف وتطلع كل مشاعري ..
وقف مهند وجا عندي قال : ديمه انا تعبان الله يخليك لاتبكين تزيدين همي هم ..
مسحت دموعي : ماارح ابكي خلاص بس اش بتسوي ..؟
: ولا شي بكره بيدفنونه اهله .. وانا راح اكلم اهله من هنا مااقدر ارجع
: الله يرحمه وعظم الله اجرك
: اجرنا واجرك وجزاك الله خير ..
راح للحمام وخرج بعد شوية وهو لابس الروب بعدين بدل لبس بيجامه لونها بيج قال لي : انا للحين مواصل لو يتفجر الفندق كله لاتصحيني
: حاضر
ناظر فيني وطول وهو يتأملني وأحرجني كثير صديت عنه وسويت اني مو داريه انه يناظرني ..
صحى اليوم الثاني بدري وانا نمت في الصالة على الكنبه يمكن ساعتين وصحاني اروح انام في الغرفه .. نفس الحكاية بعيوني حطيت يدي عليها قلت :خلاص انا راح اصحى واروح
: ماسمعته رد علي .. وبعد دقيقتين تقريباً فتحت عيوني وانصدمت منه كان واقف عندي مكتف يدينه على صدره ويبتسم وهو يناظر فيني ..
طالعت فيه وانا احس وجهي بيحترق وابتسمت له وقمت جلست .. شفته لابس بنطلون اسود وقميص ابيض ومرجع شعره ورى .. شكله مرة يجنن ..
قال : تغدي قبل تنامين ..
شفت فيه اكل وراه قلت له : اوكي .. بس بتخرج ..؟
مسح باصبعه على جبيني وشال خصله من شعري رجعها ورى اذني بهدوء قال : مممم ايوه عشان ترتاحين من وجهي .
كنت بتكلم بقول له مو لهذي الدرجة .. ابغى اقوله خليك دايما كذا ومااطفش منك .. احس عندي كلام كثير ابغى الحق واقوله باللحظة هذي اللي مهند فيها رايق .. بس مااعطاني فرصة وراح ... شفته يسكر الباب.. وانا قمت غسلت ورجعت اكلت بسرعه ... فيني نووووم ومرة مكسلة .. اول ماخلصت اكل غسلت وفرشت اسناني ونمت بالغرفه .. احس صار عندي لامبالاة باللي يسويه مهند .. ماعاد يهمني يطلع يجلس أي شي يسويه صرت اتقبله عادي ..
رجع على آخر الليل وانا كنت جالسه على التلفزيون سلم ودخل يستحم وخرج لابس بيجامه سودا لمحته وهو واقف عند الكنبه اللي بجنبي كان انيق وشياكه ووسيم وبصراحه ملفت بقووة .. صديت بسرعه اخاف يكتشف اني معجبه فيه ..."آآآآآآآآآآآآه" قالها من قلبه ورمي بنفسه على الكنبه وتمدد كله التفت عليه هذا تعبان بهذا الشكل وينام هنا ...اكلمه ولا لا كنت مرة محتارة ... اخيرا قررت ابدا بالكلام لأول مرة : روح نام بالغرفه انا مافيني نوم شبعانه
: لا بتقومين تنامين .... بكرة ورانا سفر ونامي لاتوصلين عند الناس وانتي تعبانه
مارديت عليه لأني اكره اسلوب التأمر بطريقه جلفة .. بس لازم اصبر يمكن هذا طبعه وراح اتحمله لحد مايتعدل ، او اتعود عليه ..!!
دخلت تحت الغطا وانا افكر في بكرة متى بنوصل وايش راح البس ونروح عند مين اول اهله ونتبع الأصول ..؟ ولا اهلي ونتبع قلبي وشوقه لهم ..؟
طبعا ماوصلت لنتيجه لأن القرار مو بيدي وكل اللي فكرت فيه جوابه عند مهند .. ماعدا لبسي انا اللي راح احدده والله يستر لايتدخل بكره في لبسي ويحدده لي ...
نمت بعد ساعه اتقلب فيها ... وصحيت الساعه 12 الظهر على صوته : ديمه يالله مافيه وقت .
: خلاص
: نفس كل يوم خلاص روح وانا صاحيه .. قومي ماراح تنفعك هالغفوة اللي بتاخذينها
: ماراح انام اصلاً انا صاحيه ..
: يالله ترانا متأخرين فاهمه ..
اخيراً فتحت .. انا بصراحه متعودة عادي افتحها بعد مااصحى بوقت وعمري مادققت انه طويل الا اذا صحاني مهند وطلب اني اصحى على طول ..!
الحمد بنرجع .. جيت لفرنسا ورجعت ماخرجت من الفندق .. وهذي اعتبرها اسوأ سفرة بحياتي
لقيته جالس على حافة السرير .. وجوالي في يده .. ييي علينا من الحين يفتش هذا .. التفت علي اول ماوقفت .. قال وهو يرفع جوالي بيده : مافقدتيه ؟
: الا
: غريبة ماسألتيني عنه !
: مو لازم اسأل كنت عارفه انه معاك
: وعارفه ليه ماجيتي تطلبينه ؟
: ماابغى اطلب ......... وسكت ياربي ماابغى افتح معاه نقاش ولا ابغى اكلمه
: ماتبغين تطلبين مني شي ..؟
: اذا بتفتح نقاش من النوع هذا سوري عن اذنك
:بسرعه البسي ترانا مستعجلين ووقف وحط جوالي بالشاحن وانا دخلت الحمام
بعد مااخذت شور خرجت بالروب لاني نسيت آخذ ملابسي للحمام كالعادة اذا جيت استحم من يوم ماتزوجته ..
شفته لابس بنطلون جينز وقميص ابيض ويقلب في جواله ...
طالعني بنظرة غريبة ووقف وبلع ريقه قال : بتلبسين هنا ..؟
: ها ..؟ لا لا باخذ ملابسي البس داخل ..
ابتسم وقرب مني قال : تستحين مني ..؟
: ممكن شوي باخذ ملابسي
لف يدينه على ظهري وقال وهو بنفس الابتسامه : واذا قلت لا
احسني اغلي من حركته وجهي وراسي وجسمي وكلي قلت : اوووف لو سمحت بعد ... فكيت يدينه مني وتحكرت بعيد عنه .. بس هو كان اسرع ولف ذراعي وقال : ديمه اقسم بالله لو ماتغيرين طريقتك هذي معاي لاربيك من جديد .. انتي محد رباك ..
: يوووه بعد مالي خلقك
حسيت كأن فيه صاعقة نزلت على وجهي وخلعت فكي كله من مكانه من كفه
: ماتبغين قربي ياحقيييييييييييرة ..؟ كارهتني ..؟ مالك خلقي
زبطت الروب على جسمي قلت وانا منهارة : مالي خلقك واكرهك وماابي قربك لأنك تقرفني .. اكرهك واكره شخصيتك وشكلك وصوتك وكل شي له علاقة فيك .. ياخي مو بتتزوج اذا رجعنا حل عني وطلقني وفكني منك .. انا هنا ميته معاك خلني ارجع لحياتي مااطيقك ..
صفعني كف ثاني وثالث احس الدنيا تلف فيني وعظم فكي احسه انخلع .. سمعته يقول : اطلقك ها ..؟ اطلقك ..؟ اذا ماربيتك وخليتك تمشين على كيفي ماني رجال ..انا صبرت بما فيه الكفاية على دلعك ودلالك ..
كنت اصرخ وابكي ... ابغى احد من اخوالي .. احد منهم يجي يفكني من المجنون المتوحش هذا ..
مسكني من شعري بيد ولف يدي اليسار بيده الثانية ورماني على الأرض وطحت على الشنطة حقت مكياجي اللي كنت منزلتها على الأرض .. حسيت بيدي انشلت مو مني والألم اللي فيها كان فضيع مو طبيعي ..
صرخت وبكيت وهو اخذ نفسه وخرج من الجناح .. قمت ابغى البس مو قادرة احرك يدي .. ياربي شو اعمل .. لبست غصب وبتحمل غير طبيعي .. اخيراً قدرت اقفل البنطلون .. شفت وجهي بالمراية اثار وعلامات وصاير لوني بنفسجي . .. مستحيل اجلس عنده دقيقه وحده ..
وربي لاوريك يامهند ولآخذ حقي منك اضعاف .. اخذت جوالي بيدي اليمين اللي ماتألمني واستعرضت الارقام .. ادق على خالي ناصر ولا سامي ولا ماجد ..
آخر شي دقيت على لمى ..
كلمتها انا ابكي وهي انفجعت مني : ديمه حياتي وش فيك
: ضربني يالمى
شهقت لمى مفجوعه منه : شو ضربك هذا صاحي
كنت ابكي ومنهارة ويادوب اتكلم : شو اعمل يالمى يدي فيها الم غير طبيعي مو قادرة احركها ..كملت بكى وشهقت قلت : شكلها مكسوورة .
: وين انقلع هو
: ماادري اعتقد انه خرج
: اسمعي كلمتي اهلك
: لا ماقدرت اخوفهم علي
: ضروري تكلمينهم .. حبيبتي هذا ماينسكت عليه .. اذا الحين ضربك وانتي عروس بكرة وش بيسوي
: ماراح استنى بكرة معاه بس الحين كيف اتصرف يالمى .. ماابغى اكلم اهلي اقلقهم علي .. آآآآه يدي بموت من الوجع ..!
فجأة خطف مهند الجوال مني وقفله ورماه على السرير ووقف قدامي قال : وش فيها يدك ..
بسم الله هذا متى جا ومن متى وهو هنا ..؟
كنت ابكي مو قادرة اتحمل الألم وقرفانه منه ماابغى اشتكي له ولا اكلمه ..
ياربي ياليتني في جده كان اقدر اروح لاهلي على طول .. ولا الاقي احد اكلمه يوديني مستشفى ..
: قومي بوديك دكتور يشوفك اذا يدك تألمك ولا تحسين بشي ثاني ..؟
بكيت اكثر لأني ضعيفه في الموقف هذا وهو القوي .. كيف استند عليه وهو اللي كسرني ..وقفت واخذت حجابي من دون مااكلمه ولفيته بعد جهد .. شافني اتألم وأكشر بوجهي ودموعي تنزل وانا امسك طرف حجابي بيدي اليسار بشويش لأنها تألمني والفه بيدي اليمين .. وبسرعه جاني قال : يدك ولا شي ثاني ..
: ودني مستشفى
: ديمه وش اللي يوجعك بالضبط
بكيت وصرخت في وجهه من القهر : يدي كسرتها لي .. ارتحت ..؟
بلع ريقه وغمض عيونه احسه يبغى يقول شي بس مو وقته ويمكن مايدري اش يقول بالضبط ..
اخذت شنطتي الصغيرة وحطيت الجوال فيها وهو ساعدني وسكرها لي
مسك يدي اليمين وسحبتها منه .. وشفته يطلع جواله ويدق وبعد ثواني كلم واحد بالعربي ويسأله عن اقرب عيادة من السانت لازار .. وشفته يقول حلو حلو الحمد لله ومشكور ياعبدالفتاح ماقصرت ...... لا ابد المدام تعبانه شوي ..... الله يسلمك يالله في امان الله ..


التفت علي قال : فيه طبيب مغربي بنروح له
مارديت عليه عيوني مورمه وشكلي مرة غلط ... دخلنا عند الدكتور بعد ماوصلنا بسيارة كانت مع مهند .. طبعا ماادري انه استأجر لأن هذي اول مرة اخرج من الفندق وبدل مااروح للمطار وارجع لاهلي رحت للعيادة ويدي شكلها مكسورة ...
دخلت معاه عند الدكتور وسلم عليه مهند قال انا صاحب عبدالفتاح صابر .. وقعد يكلمه عنه عرفت انه زميله بالدراسه في لندن وانه هذاك مغربي عايش بفرنسا ..
سألني الدكتور وقلت له يدي تألمني . وطالعت بمهند شويه وكملت طحت على الشنطه ..
كان مهند يناظر بالأرض ورفع نظره لي على طول وبسرعه صد للدكتور قال : ياليت تسوي لها اشعه يادكتور
رد عليه الدكتور وهو يكتب : طبعاً نعمل لها اشعه بس الأهم ماتكونش حامل
طالعني مهند قال : لا لا مو حامل ..
اخذتني الممرضة ودخلتني غرفة الاشعة وبعد ساعتين طلعت من العيادة ويدي مجبسه .. قال لنا الدكتور كسر خفيف ولازم اجلس بالجبس من اسبوعين لثلاثة اسابيع ..
في السيارة ساكتين مشى مهند بالسيارة ولف بي في الشوارع بصراحه احسني مخنوقه ماابغى ارجع للفندق .. بنفس الوقت ماابغى قربه ولاابغاه يسوي لي معروف .. ياليت اللي بجنبي الحين واحد من اخوالي ولا لمى ولا أي احد غير مهند ..
قال : كيف الألم الحين
: .............
: انا قلت للدكتور يعطيك مسكن .. التفت وقال : نتعشى برا ولا ترجعين ترتاحين
كنت اناظر مع الشباك .. ومارديت عليه .. دموعي تنزل بغزارة .. مهند شرخني .. قتل فيني اشياء بضربه لي واهانته .. كسر يدي هذا اول الغيث .. وش بعد على قولة لمى ..؟
تذكرت جميلة وكابوس جميلة ..
: ديمه ..
: اش تبغى ... قلتها بصوت مبحوح وبائس ومقهور
: الله يكسر يدي ان مديتها عليك مرة ثانيه
سكت ماعلقت على كلامه .. يعتذر . .؟ مااعتقد اني راح اسامحه ولا اغفر له .. مهند الا يبغاني انصاع له وادور رضاه .. مافهم اني مو من النوع اللي يجي بالقوة .. ماتعودت على القسوة من زمان .. كنت ارفض حركات جميلة معاي واسلوبها بس مااقدر اواجهها لأنها اقوى مني .. بس الحين مهند جميلة ثانية لايمكن اسمح له يتمادى وارجع ديمه اليتيمه المكسورة اللي مالها احد ..
هالمرة لازم اوقفه عند حده ولازم انتقم منه بدون مااضره .. بس ارجع حقي منه
اخذت بلحظتها عهد على نفسي مااسمح له يقرب مني لو يعتذر مليون مرة الا اذا اثبت انه يستحقني وجدير بديمه .. لايمكن اخليه يتجاوز حدوده معاي بأي حال من الأحوال كذا رباني خالي ناصر كان دايماً يقول لاتسكتين عن حقك خليك شجاعه وحقك مايضيع .. خلي اللي يتعامل مع ديمه يخاف منها بقدر مايحبها .. ولاتصيرين سهله مهما كان ..
اليوم مهند فوقني وذكرني بكلام خالي اللي نسيته من قبل لايخطبني مهند .. لكن خلاص وقت الضعف انتهى
التفت عليه وقلت بهدوء : ممكن ترجعني للفندق ترى مو مرتاحه الحين
طالعني وياليتني ماشفت عيونه .. دموع .. ! آخر شي تمنيت اشوفها بعيون مهند
الرجولة اللي قدامي تبكي والقوة تضعف والشموخ اللي في عيونه انكسر .. ليه يامهند ..؟ ليه تخليني اشوفك .. ؟ مااحب اشوف الرجال يبكي ..! مهما كان احس الرجال هو مصدر القوة والبكا ضعف .. حتى لو كان ضعف لمدة ثواني اسمه ضعف ..
قال : برجعك واسوي اللي تبغينه من اليوم ورايح ... انا مااستاهلك ..
ماعلقت على كلامه احسني ابغى استفرغ .. حسيت ان جسمي يرتجف وراسي يلف فيني .. ودموعي تنزل اكثر واكثر واكثر ..
دقايق وكنا عند الفندق .. طالعته بتأكد هالمرة اني اللي شفته بعيونه دموع ولا من كثرة دموعي صار يتهيأ لي اني شفت في عيون مهند دموع .. التفت لي على طول كأنه ينتظرني اقول شي اوووه الحمد لله ماشفت بعيونه دموع زي قبل شوي .. تأكدت ان مهند قوي ويقدر يكبت ويداري ويتحمل .. اكيد هو مهموم بس مايبين ولا يعبر بالدموع والبكا مثلي ..
قلت اتحجج بعد ماطالعت بعيونه : ممكن تخليني لوحدي ..؟
: لا مو ممكن بنزل معاك اساعدك يدك لاتحركينها مو كويس ..
طنشته ونزلت ورحت قبله الين وصلت باب الجناح قعدت انتظره الين وصلني وفتح لي الباب ..
على طول دخلت بسرعه ورميت الحجاب حقي على التسريحه بدون اهتمام ورميت نفسي على السرير ... نفسي ابكي اكثر بس والله تعبت .. نفسيتي تعبانه وانا مليت بجد مليت .. وبكا قرفني .. وشكلي تشوه انطمست معالم وجهي من كثر البكا .. عيوني منفخة وخشمي احمر ومورم .. وشفايفي احسها حمرا ومنفوخه .. حتى اذاني صايرة حمرا ..
جلس مهند عندي ومسك يدي اليمين وبسرعه سحبتها منه .. قال : ديمه بخليك الليلة ماراح اكلمك بس بكرة لي معاك كلام طويل .. خلينا نصفي النفوس ونبدا صفحة جديدة ..
مارديت عليه ومااعطاني فرصة اصلاً لأنه سحب نفسه وخرج برا ..
يومين ثلاثه .. اسبوع .. مافتح معاي أي موضوع وماكنت اشوفه اصلاً الا قليل كان يجي ويسألني اكلت ولا لا وانا اهز راسي ولا اقول مالي نفس .. ويسألني كيف يدي واذا احس فيها بألم او لا .. كنت في البداية احس بألم بس بعد اربعه ايام حسيته خف والحين اختفى الحمد لله .. بس الجبس يضايقني احسه مقيدني لكن يالله هانت صبرت على اللي اقوى من الكسر وتحمل الجبس .. باقي اسبوع ولا اسبوعين وافكه المشكله انو باين انا ماراح نرجع الا بعد ماافك الجبس .. الله يعين بس ..!

:: ::


لامارا غير متواجد حالياً   رد مع اقتباس
قديم 15-04-14, 12:18 PM   #16

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

المغرب كنت لابسه بيجامه برمود قصيرة لونها اصفر وأكمامها مرة قصيرة وجالسه عند التلفزيون .. يدي معرقله اهتمامي بشكلي .. شعري يادوب الفه أي كلام ولبسي ادور على اخف شي واللي بدون حزام يتربط او سحاب ..
حطيت رجل على رجل وشربت من العصير اللي قدامي على الطاولة ...
سمعت الباب انفتح ودخل مهند علي قال : كيفك ..؟
ماطالعت فيه وقلت : بخير .
سمعت صوته بقوته ونبرته الغريبه اللي مثقله صوته ومبينة رجولته : ديمه
عطيتك اسبوع كامل لكن الحين لازم نتكلم ..
: نتكلم عن شو ..؟
: عن كل شي ..! حياتنا مع بعض .. وضع حد لتصرفاتنا مع بعض .. قرار نتخذه عشان حياتنا ..! اما نعيش او نشوف حل ثاني يريحك ويريحني
: اللي يريحني اني اول ماارجع لجده ارجع لبيت خالي لأني مااقدر اعيش معاك
: بس انا مااقدر ..!
طالعته ابغاه يكمل يقول شي يوضح كلامه قلت ابغى اسحب منه الكلام : ماتقدر على ايه ..؟
: مااقدر اخليك تروحين لاهلك بعد شهر مو حلوة بحقك
: لا ماعليك انا راح اقول ماابغاه ..
: هذا مو حل .. خلينا نعطي بعض فرصة ثانية يمكن نفهم بعض اكثر
: انت ماراح تفهمني وانا لايمكن اقدر اعيش معاك بالوضع هذا
: طيب قولي وش يرضيك وش المعاملة اللي تبغينه مني
: ماابغى منك شي تقدر تحترمني ..؟ بس هذا اللي ابغاه منك تحترمني ..
: صدقيني ياديمه انا آسف والله آسف ... ديمه بحياتي ماتصرفت مع احد كذا اجي اتصرف معاك انتي كذا وانتي غير عن هالناس كلهم عندي
غمضت عيوني بقوة خفت يقول انه يحبني .. صدقوني خفت .. مافيه بنت ماتحب كلمة احبك .. بس انا خايفه اني احب مهند ولا اتعلق فيه وانا مااضمنه ..
فتحت وناظرته شفته يطالعني وقلت على طول : متى بنرجع ..؟
كشر زي اللي ماحب سؤالي ومو قادر يرد علي قال وهو يأشر على يدي بعيونه وراسه : متى مابغيتي ..!
: طيب بنستنى اسبوع وافك الجبس ونرجع على طول
: ديمه رجوعنا مو حل لمشكلتنا
: انت بيدك كل شي انا موسلبيه بالعكس اناايجابية واحب اعيش بسلام وبحياتي مافكرت اهين احد او اقلل من وجوده بس انت تجبرني اسوي شي مااحبه ولا ابغاه
تنهد وقال : حتى انا ابي اعيش بسلام ومعك انتي .. انتي لو مو غالية علي ماتصرفت كذا ... عارف بتقولين تغلي احد وتسوي فيه كذا ... ماادري ياديمه انا من يوم خطبتك وانا مو قادر اوصل لك .. مو عارف كيف انتي مو معطيتني فرصه وانا ضيعت كل الاساليب معاك .. ناظرني بتوسل قال : خلينا ناخذ فرصة ثانية .. والله ياديمه لمن سمعتك تقولين لصديقتك انك ماراح تنتظرين لبكرة معاي والدنيا في عيني اضيق من ثقب ابرة .. اصبري علي واعطيني فرصة وحاولي نوصل انا وانتي لحل يريحنا كلنا ...
سكت شوي وانا ماعلقت ولارديت احس ماعندي كلام وماابغى اطول في الموضوع هذا .. قال : ترى كلنا تعبانين من بعض
قلت : خلاص نبدا من جديد بس بشرط ..
فز من مكانه وجا عندي لف يده حول ظهري وحط راسي على صدره .. اربكني ونساني وش ابغى اقول .. حاولت ابعد عنه بس كان اقوى مني وضمني بقوة على صدره .. كنت ارتجف وباس راسي وهو يقول اشرطي زي ماتبغين .. قولي اللي تبغين انا موافق .. بس لاتزعلين ولاتعيدين الخرابيط اللي قلتيها لصديقتك .. مسك راسي بيدينه وحط وجه في وجهي قال : ليه ماتبغين تفهمين انك لي انا وبس ..
وماراح تفارقني الا اذا مت انا
صديت عنه بعيونه قلت : لاتجيب سيرة الموت .. العمر لك طويل ان شاء الله ...
رجع وحط راسي على صدره قال : ولك انتي ياديوم .. بس والله والله والله ان فكرتي تفارقيني مايصير لك طيب
رفعت راسي عنه بقوة قلت : رجعنا للتهديد
: ههههههههههههههههههههه لا لا خلاص توبة يابنت الحلال طلعت عفوية ..
: انتبه لعفوياتك بعدين ..
: ننتبه ولا يهمك بس اهم شي التكشيرة اللي هنا لااشوفها .. ضغط باصبعه على الفراغ اللي بين حواجبي وهي يضحك ..
: قومي نتعشى يالله ..
قمنا وتعشينا وجلسنا على التلفزيون كان شكل مهند متغير ميه وثمانين درجه .. اذا كان رايق احس فيه جاذبية غير طبيعيه .. ياربي مايتغير ..! احس اعصابي هدت وارتحت عادي مااخرج ولا اروح اهم شي محد يعكر مزاجي ويطفشني او يضايقني ..
حط على فلم انجليزي وقام جلس قال : الفلم هذا شفته قبل اربع سنوات وانا بامريكا
اذكر كنت لوحدي بالشقه بعد ماتخرج خويي اللي كان معاي ورجع للامارات .. مرت علي ايام رهيبة .. غربة ووحده وضيق بعد عبدالرحمن فكرت كذا مرة ارجع للسعودية وابطل دراسه .. على فكرة وش رايك بشقتي .. ؟
: ممم حلوة بسس هذيك الأيام مااحب اتذكرها ..
كأنه تذكر شي قال : احسن لاتتذكرينها ..! بتنامين ؟
شكله بيغير الموضوع قلت وانا ابتسم : لا شبعانه نوم ماحنام قبل الفجر ..!
قام وراح للغرفة ورجع لي وهالمرة جلس على نفس الكنبة اللي انا جالسة عليها لاااا حسيت بكهربا في جسمي .. مااقدر اتحمل بلعت ريقي وتشجعت وقلت له : ليه ماتنام ..؟
مسك يدي قال : ماراح انام قبلك ..
هذا بجد ورطة .. قلت بارتباك : اصلاً بنام الحين ..
: طيب يالله ننام سوا
: ها ..؟ خلاص روح نام انا بنام هنا .. اشرت على الكنبة وانا وجهي يتشكل مية لون ..
شفته يضحك بخبث قال : ماسامحتيني للحين ..؟
: لا ماسامحتك .. استنى الين اضمن انك خلاص بتتغير ..!
وقف وهو يقول : امري لله نصبر ياديوم .. المهم رضاك ..!
مر اسبوع والحمد لله تمام ورواق كنا نتكلم مع بعض اكثر شي رسمي .. اهم شي فيه احترام متبادل .. طبعا هو ينام بالصالة وانا انام بالغرفة .. وأحيانا يدخل بعد الظهر ينام بالغرفة ..
رحت معاه وفكيت الجبس بعد ماسويت اشعه والحمد لله جبر الكسر .. بس على الله مهند يجبر الكسر اللي بداخلي بسببه .. !

رجعت للجناح وانا مبسوطه ان يدي تحررت من الجبس وراح آخذ راحتي اكثر من اول ..
ناداني مهند وهو بالصالة قال : عمك ياسر يبغى يكلمك .. ومد علي التلفون ..
كلمت عمي بألو وهلا ومرحبا وكيفك ... وهو يرد بالردود التقليديه على مثل هالأسئلة ..
: ديمه ابي منك شي ..!
: آمر ياعمي
: اهتمي بزوجك وبطلي الدلع والحركات حقت الأطفال
: ليه شكا لك
: مهند مايخبي شي عني .. هذا اولاً .. وثانياً انا ملاحظ انه مو مبسوط .. ترى ناصر مدلعك بزيادة وانتي المفروض تسوين زي باقي البنات .
قلت بقلبي ".. طيب يامهند مانويت تتغير .. "
: عمي
: هلا
: ممكن تقول لي مهند شو قالك بالضبط ومتى .. ههههه تعرف لازم اسوي اللي يرضيه ويعجبه بشوف وش اللي مو عاجبه فيني ... ووو كنت متخربطه ماقدرت اصف الكلام على بعض المهم اني اوصل للاجابة ..
: مهند توه قال لي انك متعبته ياديمه انا عمك مو غريب عليك ابيك تكونين مبسوطه .. وترى مهند رجال ماعليه كلام لأنه ويقول لي انه بيتزوج لو ماتغيرتي .
لفت فيني الأرض من كلام عمي .. اجل وش خليت يامهند ماقلته لعمي .. وين اللي راح يتغير وراح يبدا صفحة جديدة ..
قلت لعمي : ابشر ياعمي مالك الا اللي يرضيك انت ومهند !... شفت مهند خارج من الغرفة وجاي عندي ناظرته باستحقار ورجعت اكلم عمي : عمي الله يخليك هالأشياء لاتطلع لاحد وترى مهند يبالغ لاتصدقه تراه مبسوط ...
خطف الجوال مني قال : وش قلت لها ياخبل ..؟ ................ الله ياخذ ابليسك من قالك تكلمها ................ خربت علي الله لايعطي عدوك العافية ..
انقلع ياشيخ اوريك انا بس اصبر لين اشوفك ................. يالله يالله مع السلامه ........... اقفل بس ولا قفلت .............. والله ماتكلمها والشرهه مو عليك على اللي خلاك تكلمها .

دخلت قبل يقفل ولحقني على طول قلت قبل لايتكلم : لوسمحت ماني متحملة أي نقاش .
: ديمه اصبري
: لاااا مو صابرة ولا متكلمه معاك ولاسامعتك متى بنرجع للسعودية .؟ خلاص يدي الحين مافيها شي يدينك ويثبت عمايلك ..
: طيب هدي اعصابك خليني اشرح لك الموضوع ...
: ماابغى لاتشرح لي ولااسمع لك وبليز احجز لنا بأسرع وقت برجع لاهلي خلاص
: ابشري اليوم احجز بس انتي هدي اعصابك ولا تعصبين الله يرحم ابوك ترى ياسر ماعنده سالفه ومايدري وش يقول لك ..
سكت ورحت افتح شنطتي وارمي ملابسي فيها .. وهو اخذ التلفون وراح يحجز لنا ..


..
اخذت شور وانا مخنوقة بس رفضت ابكي بسببه تكفي الدموع اللي نزلتها بسبب مهند خلاص .. ولبست تنورة قصيرة كلوش لونها عسلي وفيها فصوص ذهبي .. وبلوزة تتربط من ورى الرقبه لونها ذهبي على عسلي وفيها فصوص ذهبي واسعه شوي ونازلة على خصري لبست حلق ذهبي وأخذت معاي مكياجي بشنطتي بعد ماسشورت شعري ولفيته من تحت وطلع شكله مرة حلو .. آخر شي لبست جزمه طويله لونها عسلي ..

ولبست عبايتي لأني خلاص رايحه ولأني لابسه تنورة قصير والبلوزة عريانه شوي ولازم البس العباية .. دخل علي مهند وكان لابس بنطلون بني وقميص سكري كان بصراحة يجنن .. بس صديت عنه لأني زعلانه منه ، وعليه ، ومن اللحظة اللي خلتني اوافق عليه .. ولا اسامحه واعطيه فرصة ثانيه ..


كنا بنطلع خلاص رحلتنا بعد شوي بس مسك يدي وسحبني بقوة ناحيته . مسك اكتافي بيدينه وناظر فيني احسني مااقدر انفك منه كان اقوى مني ،واستسلمت وانا احسني ارتجف .. اش يبغى هذا الحين .. مافيه وقت بالطيارة بس تفاجأت لمن باس راسي قال :آسف ياديمه انا ....
كانت ردة فعلي سريعه لمن نزلت يدينه من اكتافي وهو ماكمل كلامه .. مو وقت الأسف الحين خلاص ... خرجت قبله .. وهو مشى وراي وماتكلم ولا علق ..
يعني اخبي على عمايله واصبر ولاشكيت لا لأهله ولا لأهلي .. وهو يروح يشتكيني لعمي وانا مالي ذنب .. بالله ياناس مو هو اللي يغلط علي .. سواء بالكلام ولا الضرب ..

وصلنا المطار ومحد تكلم فينا وفي الطيارة قال وهو يقرا في مجلة : ترى بنروح لاهلي مسوين لنا عشا .. ناظرته وحسيتني متورطه عاد اهله مالهم ذنب في اللي يصير بيننا .. قررت انام عشان اوصل للناس وانا مصحصحه بس تذكرته كيف يصحيني واسلوبه المتهور وكل شي يبيه بسرعه .. رجعت راسي ورى وهو انتبه لي قال : نامي قبل مانوصل بصحيك وماعليك بخليك تاخذين لك غفوة
: لا مافيني نوم
والله ميته على النوم بعدين انا متعودة جميع رحلاتي لسوريا اكون نايمه في الطيارة عشان لمن اوصل اكون رايقه وماني تعبانه
انتبهت لمهند وهو يقول : ديمه يالله اصحي ..!
يووه نمت .. بجد زعلانه من نفسي حطيت يدي على عيوني شويه بعدين صحيت واشوى هو ماتكلم ..
كانت رحلتنا تمر بالكويت وانا جالسه استنى جا عندي مهند رايق ويدخن قال : خالك يقول تمشوا بالكويت ليه استعجلتوا .. اش رايك ..؟
: شو نتمشى ..؟ قلتها وانا اقلب جوالي اقرا الرسايل اللي وصلتني اليوم ..
: ديمه ارفعي راسك وانتي تكلميني تراني اكره هالحركة احسها احتقار .
رفعت راسي وهو يناظرني وانا مغطية وجهي .. : مااحتقرتك وهذا مو طبعي
: ادري انه مو طبعك بس اذا جينا عند الناس لاتخلين احد يتكلم خاصة ريم فاهمه
: لاتخاف مو انا اللي اطلع اسرارنا ..!
: ديمه لاتصدقين ياسر مزحت معاه واخذ كلامي جد
طالعته قلت : قفل على الموضوع مالي خلق اسمع فيه شي ..
: نقفل بس روقي لاتفضحينا عند اهلي ويفتحون معاي محاضر تحقيق الحين ..!

اعلنوا للرحلة وقمنا من دون ما ارد .. ماتكلمنا لحد ماوصلنا الرياض .. نزلنا بعدين طلعنا على طيارة جده وكنت بقوم للحمامات قال : ترى عماتي وخالاتي هناك عند اهلي والعشا كبير .... مارديت بس اشوى انه قال لي
رحت للحمامات ازبط مكياجي حطيت مكياج ثقيل شوية اساس وبودرة وبلاشر وشادو بني وذهبي . وكحلت عيوني من داخل ورسمت خط خفيف بالقلم الأسود تحت رموشي اللي تحت وحطيت ماسكرا وآخر شي ختمت بروج بني ولمعه .. بخيت على وجهي مثبت مكياج وزبطت شعري من جديد وخرجت بعد مالفيت طرحتي على راسي وغطيت وجهي بجزء منها حتى لا اعدم مكياجي .

...
..
.

انتظروا عودتهم لجدة واحداثهم في بيت اهل مهند

ونورة عمة مهند وبنتها فاطمه اللي تحبه وموقفهم من ديمه

والأهم علاقة ديمه بمهند

....



لامارا غير متواجد حالياً   رد مع اقتباس
قديم 15-04-14, 12:20 PM   #17

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

وصلنا جده واحنا نازلين قلت :مين بيستقبلنا...؟ خفت يكون احد من قرايبه ..
: محد .. سيارتنا بالمطار وقلت مولازم يجي احد ...
سكتّْ ووصلنا سياراتنا .. الجو ماعجبني مهند يدخن بشكل فظيع .. واحسه كثير متوتر .. خايف يبين علي شي ... انا متضايقة منه صحيح وماني مبسوطه معاه وخاصة عند اهله وعماته وخالاته موجودات وبيدققون علينا لكن ماراح احرجه بإذن الله . ..
فتحت الدرج حق السيارة وطلعت سي دي لمحمد عبده بقطع جو التوتر وكمان خايفه انه يفتح معاي نقاش يزيد الطين بله ونتأثر فيني واحنا رايحين عند الناس .. خاصة اني مو مستعده اسمع أي نقاش ... وبحالته هذي لايمكن يكون هادي ..
بدت الموسيقى وانا مو عارفه ايش الأغنية بس يالله شي نسمعه أي شي حتى لو مو حلو اهم شي مااعطي مهند فرصة للكلام معاي ...

يامن يراعيني بعينه واراعيه

بعيون قلبي كل ما لاح زوله

يفز قلبي لا تبدت مواريه

واغض عنه الطرف والناس حوله

اقعد معه في الناس مقدر احاكيه

اخشى لساني يختلف في مقوله

يغلي الحكي في خاطري مقدر احكيه

ويصرخ بصدري صمت قد طال طوله

اسرح بفكري لا جرى طاري فيه

لا اقدر ارد الهرج ولا اقدر اقوله

ولا اقدر افيض سر قلبي ولا اخفيه

ولا اقدر اداري له جروح عليله

يا من يناديني بقلبه واناديه

يا مودع ليلي ليالاً طوليه

ينسى الغفى عيني إلا جيت باغيه

يامن يلوم اللي خلا من خليله
اخذتني الأغنيه لعالمي ماراحت بعيد عني ...
شفت مهند متأثر والتفت علي قال : ابو نورة على الوتر صح ..؟
: ها ... ؟ مو دايما ..! اهم شي الأغنية كلماتها حلوة ولحنها وتكفي انها بصوت ابو نورة .. كنت مرة متخربطه خايفه يطلع لي بسالفة ولا يسوي لي مشكله ..
انا صحيح تعودت على نقاشاته المشحونه بس الحين خايفه اتأثر قدام الناس ابغى اليوم يعدي على خير يارب استر ..!
طفى مهند المسجل بعد ماشافني طلعت جوالي ابغى ادق على احد يشغلني عنه .. كنت بدق على خالي بس قال : لاتدقين على ناصر لأنه عند اهلي وفيه رجال بالمجلس لاتحرجينه ... وبعد شوي بتشوفينه اكيد ..! .
: خلاص بدق على هدى بشوفها بتجي ولا لا
دقيت على رقم هدى وردت علي : هلا بالعروس
: هلا فيك مرة وحشتيني هدى كيفك
: الحمد لله بخير انتي كيفك والحمد لله على السلامه
: الله يسلمك بتجين على العشاء
: احنا هناك ببيتكم نستاكم
: اوكي احنا خلاص قريبين من البيت
: توصولون بالسلامه
: يالله هدى باي
:باي


وصلنا البيت كان فيللا حولها اشجار بوابتها كبيرة ومن برا كانت تحفه .. دخل مهند السيارة ووقفها وقبل ماننزل مسك يدي : ديمه ماابغى الناس
قاطعته بسرعه قبل لانفتح أي موضوع ثاني : مستحيل اخلي الناس تلاحظ شي اطمن
: هذا العشم .. ماابغى نكون سيرتهم
: لاتخاف
: يالله ننزل مع بعض
نزلت وهو راح ينزل الشنط ..استنيته لحد ماجا بسرعه مسك يدي ولقينا الباب مفتوح اول مادخلنا قابلتنا ريم وصرخت لمن شافتنا وجات سلمت على مهند بعدين سلمت علي وراحت قبلنا بتعلم امها .. بس ناداها مهند قال : اصبري بنطلع لجناحنا نبدل ونادي الشغالة تطلع الشنط ...
طالعت فيه انا قلت : انا لابسه مايحتاج
: لا تعالي يمكن تبين تعدلين شي لك كم ساعه بالطيارة
: اوكي
طلعنا جناحنا كنت ساكته مااتكلم ..! دخلت الجناح حقنا كان مرة فخم .. الصالة اثاثها يذكرني بأثاث شقته بأمريكا .. قال : اش رايك
: اكيد ذوقك
: ايوه كيف عرفتي
: يشبه اثاث شقتك بأمريكا
: اووه آسف اذا ذكرتك ..
: عادي
: اذا تبين نغير كل هذا من بكرة ... وعلى ذوقك انتي ...
قاطعته قلت : لا لا مو لازم يتغير هنا شي .. بعدين عاجبك انا شو دخلني ..؟
صح اني قهرته بس ماادري ليه حبيت الحين وباللحظة هذي انرفزه .. بالرغم انه باين انه رايق ومبسوط لمن جينا عند اهله ..
اخذ يدي وغريبة ماعصب بالعكس ابتسم وكأنه ماخذ دوا يهدي الأعصاب ومايخليه ينفعل او يعصب .. معقوله هذا مهند قال بهدوء : اتركي الكلام الفاضي عنك .. هذا بيتك انتي واذا تبين تغيرين فيه شي حاضرين .. ولاتقعدين تلمحين لأن والله ياديمه ماتفارقيني بالسهل .. وانا صعب وتعرفيني ..!
بلعت ريقي ونسيت كل شي لمن شفته يبتسم .. ياناس ساحر .. احترت هل هو يقدر يخليني ارتاح وانسى من مزاجه الرايق ولا انا من النوع اللي مايحب يسوي مشكله واستنى أي شي يهدي الوضع واروق بسرعه ..
اخذني للغرفة شفتها فخمة بشكل ماينوصف اللون البني هو اللي غالب على الديكور وداخل عليه العاجي والذهبي بصراحة فن وابداع صعب وصفه كأني قدام لوحة فنية من النوع الكلاسيكي الفخم
قرب مني قال وهو يبتسم ويتودد لي بوضوح : كيف ذوقي ..؟
ابتسمت ماادري اش اقول بصراحه .. هالآدمي ارهقني .. يتحكم فيني على كيفه يعكر مزاجي ويروقه بحرفنه وسهولة .. قلت بعد مابلعت ريقي : اكيد ذوقك حلو .. طالعت فيه وصديت بسرعه وكملت بثقة : ولا مااخترت ديمه بنت عبدالله ..!
: ههههههههههههههههههههه يازين الثقة بالنفس .. قرب مني وحط عيونه بعيوني قال : ولا اسميه غرور ..؟
بعدت عنه مااقدر على قربه مني احترق .. وبنفس الوقت مااحبه يقول عني مغروره ..: قلت واناافتح عبايتي وأعلقها.. بعد مانزلت طرحتي وبطفش : سبحان الله الغرور هذا محد نبهني عليه ولاحظه الا انت .
كان بيقول شي ، يبغى يرد ، يمكن بيعتذروخايف ازعل بس قعد يناظر فيني من راسي لرجولي ..!
تأملني بشكل فظيع وانا انحرجت من نظرته لي تذكرت انه ماشاف لبسي ولا مكياجي لأني لبست عبايتي بسرعه في الفندق ولمن سويت مكياجي بالطيارة خرجت له متغطيه ... صديت عنه ومسكني بيدي وهو يتأملني قال : حصني نفسك .. عمتي وبنتها هنا وتراها يمكن تسمعك كم كلمة تحمليها
ناظرته بقهر : هو انا ناقصه
كنت احس اللي قدامي مو مهند هذا واحد ثاني .. نظراته تحرقني..حنووون ..يخاف علي ..! اليوم غير ياناس .. معقوله اهله مصدر ارتياح له وثقة واحساس بالاطمئنان ..! ووجوده قريب منهم يهديه ويحسسه بالفرح ..!؟
رحت عند التسريحه وزدت المكياج حقي وهو واقف وادري انه يطالع فيني قال : لاتطلعين لين اغسل والبس اوكي
: حاضر
كملت مكياجي وحطيت عطر وبدلت الاكسسوار اللي كنت لابسته باسواره وعقد وخاتم ذهب من لازوردي ولبست ساعتي الألماس هدية خالي بمناسبة زواجي .. دق الباب ورحت اشوف لقيتها الشغالة جايبة الشنط فتحت لها ..
قالت : ريم قالت انا ارتب ملابس وجناح بعد شويه..
: لا لا ماابغى احد يرتب الملابس انا ارتبها اذا بغيتك تساعديني اناديك .. ماتدخلين هنا اوكي
: اوكي مدام ... وخرجت من عندي
احسني مو متقبلة كلمة مدام احسها تضحك علي اجل انا ديمه صرت مدام .. بجد مو لايقه ..
خرج مهند من الحمام ولبس ثوبه الأبيض وشماغه الأحمر ياربي نفس شكله لمن شفته بالمرسم بعد ملكتنا بليلة .. هذيك الليلة تمنيت ارسمه واليوم نفس الاحساس وجهه وأكتافه وطوله كلهم يشهوني بالرسم .. بجد لو ارسمه راح اتقنه .. وسيم كثييير ورجولته تأسرني ... رميت القلوس اللامع اللي كنت احط منه على شفايفي .. قلت بنفسي لازم اتجاهله ولا اصير هبله واقعد اطالعه واسمح لنفسي اني اعجب فيه واتمادى ...
اخاف ..اخاااااف .. اخااااااااااا ف اتورط اذا اعطيته فرصة ولا حبيته وهو ماتغير ..
مافيني اتعب واندم واتحسف خلني كذا احسن لي .. لاافكر باحد ولااشغل نفسي ولا اجيب لراسي القلق ..
حط من عطره الرجالي .. لا هذا ناوي يكمل علي اليوم .. قلت له وانا احاول اخرج من اطاره وأسره وسجنه : فيه احد ..؟ البس عبايتي وانا نازله ..؟
نسف شماغه على اكتافه وهو يطالع بالمرايه ويقول : لا لاتلبسينها مافيه الا ابوي ..
: اوف صح نسيت ... قلته بصوت واطي ..وقلت بنفسي الحين ابوه كيف اسلم عليه والله احراج ياربي ساعدني ...... بس باخذ معاي الشال حقي اذا جيت اسلم عليه احطه علي ..
شفته واقف بجنبي وحط يده على كتفي قال : وين رحتي ترى ابوي ماياكل ويحبك من قبل لايشوفك من كثر كلام امي والبنات عنك ..
نزلت راسي وقلت : الله يخليه لكم ..


نزلنا مع بعض وهو لاف يده على اكتافي .. لقينا امه تحت اللي رحبت فينا وهلت وضمت ولدها ساعه وجلست تبكي مسكينه .. كل ماتذكرت كلام ابوي الله يرحمه عنها احبها اكثر .. سلمت عليها انا بعد وحضنتني وسلمت على راسها باركت لنا وهي تدعي لنا .. اخذتنا وجلسنا بالصالة وقالت لريم تجيب القهوة والشاهي بس مهند قال بيطلع للرجال وماراح يجلس وشفته يهمس لامه بكلمه ماسمعتها وهي ضحكت بعدين قالت : اصبر لين عماتك وخالاتك يجون يسلمون عليك ..
رفض مهند وقال : بروح اسلم على ابوي ودخلي ديمه عليهن وانتبهي لها.. طالع في امه بتوسل وكمل : تكفين يمه ..
: ديمه بنتي ماارضى عليها شي لاتخاف
خرج مهند بعد ماناظرني وقال :انتبهي على نفسك واذا اهل خالك راحوا بجي اسلم على عماتي وخالاتي
قلت : اوكي
اخذتني خالتي لمجلس الحريم شفت هدى وفيه حريم اتوقع اني شفتهن بالزواج وبعضهم تصوروا معانا
سلمت عليهم كلهم وحضنت هدى كثير حتى هدى كانت عيونها مليانه دموع بس تبسمت ماتبغى تقلبها نكد قالت : مرة فاقدينك وبيتنا بدونك مايسوى وخالك مايحب يجلس فيه كل شوي خارج يقول مااتخيل البيت بدونها
: انتو بركة البيت وانا شوفيني قريبة كل يومين عندك
التفت للحريم وكنت ساكته ماتكلمت الا مع هدى طبعا العيون كلها علي وانا جالسه بجنب هدى
جلسنا فترة ساكتين الجو رسمي كثير .. احيانا هدى تكلمني بصوت واطي وأرد عليها رد مختصر واسكت ..
فيه وحده جالسه متينه شوي وقصيرة وشعرها اسود مسشورته وعيونها واااو واسعه وسودا تجنن هي احلى شي فيها .. باقي ملامحها عادية ولبسها مو لذيك الدرجة مرة عادي وأقل .. ماشالت نظرها من علي قالت : هذي انتي ياديمه ماتوقعناك كذا بصراحه
ابتسمت لها قلت : ليه
وردت لي الابتسامه قالت : قلنا تدرس ماجستير وكبيرة ماتوقعتك نحيفه بالشكل هذا .. بعدين تداركت كلامها وابتسمت يعني كان سمنتي شوي لأن مهند مايحب النحيفات ..
: ههههههههه عاد هذا انا وهذا جسمي مااقدر اغيره
طالعتني هدى وضحكت عفوياً قالت : اش دخل الماجستير بجسمك ههههههههههههه
ابتسمت على عفوية هدى وبغيت اضحك بس مسكت نفسي .. حسيتها اتريقت عليها من دون ماتقصد ..!
تدخلت وحده من الحريم : لاوالله بسم الله عليك الا قمر وماشاء الله على ذوق مهند
كانت ريم عند الباب وجات تضحك وجلست بجنبي : ماني مصدقه ديوم بتسكن عندنا
ردت البنت اللي تقول اني نحيفه : صحيح انك شرطتي تسكنين معهم
: ايوه كان اهم شرط
: غريبة ليه ماتحبين الاستقلاليه .. اقل شي اذا مو عشانك عشان مهند لأنه يحب يعيش حياته بهدوء وحرية ..!
مارديت عليها وتكلمت الحرمه اللي مدحتني : ديمه بنت اصول مو من اللي يفرقون على قولة ابو مهند
تدخلت ريم : ديمه بعرفك عليهم وتأشر على آخر وحده تكلمت : اشرت على حرمة كبيرة من اول مادخلت وهي تقول ماشاء الله تبارك الله.. هذي عمتي سارة أكبر من ابوي على طول ام الجميع.. الله يخليها لنا ...وهذي خالتي مزون .. واللي بجنبها خالتي سلمى .. وبنتها مها .. وهذي عمتي نورة وهذي ... تأشر على البنت اللي تقول اني نحيفة ... بنتها فاطمة .. وهذي سامية بنت خالتي مزون ....وهذي عمتي منيرة وبناتها خلود وهديل .. تكلمت سارة
:هلا بك ياديمه عزة الله عرف يختار مهند مكملك ربي ..
: تسلمين ياخالة الله يطول بعمرك
: تعالي اجلسي عندي يابنيتي
قامت فاطمه عندها وجلست بجنبها قالت : افا ياخالتي من العصر وانا هنا وماعطيتيني وجه
: هذي ديمة عروسنا خلينا ندلعها ..
جلست سارة تسولف لي عن عيالها وبناتها المتزوجات اصغرهن فاتن متزوجه من سنه ولسه ماحملت قلت لها : الله يرزقها ولسه بدري عليها لاتستعجل .
تدخلت فاطمة اللي كانت مركزة علينا قالت : ههههههههه ماشاء الله عندك خبرة في الحمل والولادة تصدقين مااعرف شي عنهم ..
طالعت فيها وابتسمت قلت : عادي ثقافة هذي
قالت : لا حبيبتي هذي تكتسب من التجربة
ابتسمت ومارديت .. صدق سخيفه .. شكلها تبغى تستفزني بس بعيد عليها .
تكلمت خالة سارة قالت :اقول يافاطمة البسي عبايتك وتغطي وروحي جيبي لي كاس مويه ..
شفت هدى معترضه على حركات فاطمه بس ماتكلمت .. قالت ريم بصوت عالي : ماعليه ياديوم بتلاقين مؤيدين ومعارضين .. وغمزت لي وكملت : تحملي عشان الحبايب ..
ماكنت ادري اش ارد بس هدى انقذتني وقالت وهي تبتسم : اللي يعرف ديمه يحبها على طول وانا والله مااقوله عشان هي بنتنا بالعكس ديمه انا وياها عشرة عمر تدخل القلب بسرعه وعمرها ماضرت احد .. يعني مااتوقع فيه احد بيصير من معارضينها الا اذا ماعنده ذوق ..!
دخلت فاطمة بكاسة المويه في يدها قالت :اش تقصدين ..؟ واخذت نفس كأنها تهدي نفسها وابتسمت قالت : اكيد محد بيعارضها لأنها اخذت مهند ..!
اش فيها هذي كل شوي مهند مهند .. لاتكون هذي غيرانه عليه .. طيب طالما انها تحبه ليه ماتزوجها وفكني منه ..
حسيت باحساس غريب .. شعور لأول مرة يصيبني لمن تخيلت ان مهند يتزوج وحده ثانيه .. اغاااااار معقولة ..؟ لا لا لا مااعتقد ..!
مهند مااثبت وجوده بحياتي لسه .. باااقي كثير عشان اقدر احبه او اغار عليه ..
هذا مجرد احساس بالكرامه .. .ايوه طبعا كرامتي ماتسمح لي اخلي أي وحده تتكلم عن زوجي وكأنها تعرفه ويعرفها وتفهمه اكثر مني حتى وان كان مهند ..
تكلمت نورة ام فاطمه وعمة مهند : قومي ياريم نادي مهند نبي نسلم عليه .. عاد فاطمة مشتاقة له من امس وهي تنتظره على جمر ، ههههههههههه اذا ماعندك مانع ياديمه تراها تبي تسلم عليه ..! وتراه ولد خالها مو غريب ..
ابتسمت لها وقلت : ماجيت عشان اغير شي بحياتكم .. وسكت .
قالت فاطمه : هههههههههههههههه عارفين انك ماراح تغيرين شي .. حطت رجل على رجل ورفعت راسها قالت بغرور : اصلاً اللي بيني وبين مهند اكبر من انك تقدرين تغيرينه
قالت هدى : ووش اللي بينك وبين مهند لهالدرجة
اشرت لهدى تسكت وابتسمت لها وغمزت يعني خليهم يتكلمون لاتحرقين نفسك .
ناظرت بريم اللي وجهها متغير وقامت بسرعه وبعد شوي دخلت امها اللي ناظرت فيني باهتمام وانا ابتسمت اهدي الجو قلت : خالتي تعالي اجلسي لاتتعبين نفسك
قالت فاطمة : ياخالتي تخيلي ان مهند مايسلم علي والله لاموت واذبح نفسي ..
قالت خالتي : مهند من متى يسلم عليك يافاطمه .. ذكريني بس
: حرام عليكم لاتنكرون ان طفولتي انا ومهند مع بعض
ردت ريم بحرقه وعصبيه : قلتيها طفولتكم .. الحين عيب ياماما رجال ومو محرم ومتزوووج حطي تحتها خطين متزوج يافاطمه يعني خلاااص
كانوا الحريم ساكتات وانا احس ببرود مو طبيعي وهذا اللي قهر نورة وبنتها ..


قامت مزون ولحقتها سلمى ولحقتهم منيرة بعد شوي ..
سألتني هدى قالت : ها ديوم كيف عساك مبسوطه .. ابتسمت لها قلت : الحمد لله .
قربت مني اكثر وقصرت صوتها محد يسمعها غيري .. قالت : بتجينا طبعا في بيتنا
: اكيد بقول لمهند نجيكم بكرة ..
: تكفين ديوم والله مااقدر لازم تجين ابغى اتطمن عليك قلبي يقول ان ديمه فيها اشياء
ناظرتها بثقة وابتسمت قلت : هدهود تطمني قلت لك ..
جات ريم عندنا وقطعت علينا كلامنا وسكتنا .. نادت خلود وهديل عندنا .. وجلسنا نسولف اما فاطمة فقعدت تسولف مع امها بصوت واطي .. والخاله سارة قالت : من يجيب لي العريس بسلم عليه ..
قامت ريم بتدق على مهند بس رجعتها امها قالت اصبري لين الناس يروحون لأنه مايقدر يدخل وفيه حريم وأشرت على فاطمه والبنات ..
تكلمت ريم : بنات وش رايكم في زوجة اخوي
خلود : ماشاء الله عليها تهبل .. وطالعت فيني قالت : تشبهين خالتك السورية شفتها بزواجكم ..
قلت لها وانا ابتسم : تسلمين .. صحيح فيه ناس كثير يقولون اشبه لها
دق جوالي وكان خالي اول ماقلت الو .. قال اطلعي لي انا عند باب الحريم وبسرعه ..
اخذت شالي الذهبي وحطيته على اكتافي وقمت بروح .. وناديت خالتي ام مهند اسألها اقدر اخرج براحتي فيه احد ولا البس عباية ..قالت خذي راحتك ماعندنا رجال بالبيت الا عمك ابو مهند وزوجك .. خرجت عند الباب اللي دخلنا معاه انا ومهند وحصلت خالي ينتظرني ومهند معاه .. سلمت على خالي وحضنته ساعه اشتقت له ياناس .. اشتقت له كثير .. ابوي امي اخوي اختي صديقي ..الآدمي هذا كل شي بحياتي .. اخذني لصدره وهو لاف يده على اكتافي قال : الحين بس حييت .. طالع بمهند وقال : ماادري وش مسوية ديمه فينا ، البيت كله كئيب بدونها ..
طالعته وقلت بارتياح وثقه وفرح وحياااااة من جديد : حتى انا ياخالي بدونكم ولا شي .. انتم كل حياتي
التفت خالي بشك لمهند ونظرة غريبة اربكت مهند اللي طلع دخانه ورمى زقارة في فمه..
قال خالي:ههههههه اجل مهند وين راح المفروض هو الكل بالكل الحين ..
لمن شفت مهند متوتر حنيت عليه وقلت بسرعه : لاخالي انتم شي وهو شي انتم اهلي انتم اجمل شي بحياتي وهو طبعا شي ثاني .. وانا اناظر فيه وابتسم ..
تدخل مهند : ياخي انا زوج وحبيب ومستقبل .. وانتم ذكرى وحياة ماضية ومجرد اهل تعزكم وتغليكم . ولا لا ياديمه
كنت اطالع بخالي وقلت : مممممممممم كلامك فيه شي غلط هو ان اخوالي دنيتي وذكرياتي وماضي وحاضري ومستقبلي .. اما الباقي صحيح .
: اهم شي تعترفين اني الزوج والحبيب وهه بقول مستقبل مشترك مع اهلك
: طبعا هذا كلام مفروغ منه ..قلته وانا اناظر في مهند بابتسامه ونظرة استهزاء . بس خالي مشت عليه وصدقها ماانتبه الحمد لله ..
قال خالي : والله اذا كذا خلاص اجل مطمن على الديم .. وانا راضي اني اكون ذكرى وماضي بس المهم تكون هي مبسوطة بالحياة الجديده
قلت : الحمد لله ياخالي مبسوطة لاتشيل همي .. المهم انت كيفك تقول هدى انك ماتجلس بالبيت
: والله ياديمه البيت بدونك مااطيقه .. اول اذا سافرتي اقول بترجع تملا البيت علي بس الحين اقول ان جات كلها كم ساعه وترجع مو راجعه زي اول .. الله لايفرقكم ..!
مهند كان يدخن ومسرح يفكر بشي ماادري ايش يمكن قهرته بس يحمد ربه اني داريت عليه ومابينت شي ...! سمعنا صوت وكنت ابغى ادخل بس مسكني مهند بيدي قال : هذا ابوي تعالي سلمي عليه ..
جا ابو مهند وانا مرة مستحيه ومنحرجة كثير وسلمت على راسه ويادوب لمسته احسني مو متقبله ان بين يوم وليله رجال غريب يصير عمي و يجي يسلم علي ..
اول ماشافني عمي ذكر الله وابتسم لي وبارك لي وانا رديت عليه بصوت واطي كنت مرة مستحيه ..
لاحظ عمي اني منحرجه قال لخالي ومهند : تعالوا العشا جا وخلوا ديمه تدخل تتعشا
راح خالي ورا عمي وكنت برجع ادخل بس مهند ناداني : ديمه لحظة
: هلا
: احد ضايقك
: لا محد ضايقني .. ليه ..؟
: مممممم ماعليك من أي احد يلطش عليك كلام اوكي
: عادي عادي ماعليك
: ايش اللي عادي اذا احد تكلم عليك تقولين لي فاهمه ..؟
: فاهمه .. اوامر ثانيه ..؟
: لا خلاص روحي ... وطلع زقارة وجلس يدخن ..وعيونه كانت عليّْ


دخلت عند خالتي ام مهند بالمطبخ وأول ماشافتني قالت : عروسنا بالمطبخ تعالي يمه اجلسي بالمجلس
: خالتي والله عادي بجلس هنا معاكم جلسة الحريم توتر ..
: يابنتي فاطمه لاتهتمين لها ولا تاخذين على كلامها
: لا ياخالتي لاتشيلين هم مافكرت بكلامها والحمد لله انا اكبر من هالخرابيط اهم شي لاتضيقين خلقك
: الله يرضى عليك والله ان ربي رازق ولدي يوم اخذك
: تسلمين ياخاله .. الله رزقه بأم مثلك عسى الله يخليك لنا
دخلت علينا فاطمة قالت : خالتي تبين مساعده ترى انا سنعه وراعية بيت
ردت ام مهند : لا مشكورة يافاطمة ماتقصرين روحي عند الحريم
وقامت ام مهند لمن سمعت مهند ينادي .. قالت بشوف العشا وصل ..
طلعت فاطمه على طول وأنا متأكده انها سمعت مهند وعشان كذا بتطلع له
خلها قلعتها هي وياه خلهم يشبعون من بعض .. هالغبيه اللي بتستعرض عند واحد توه متزوج من كم يوم لا وأنا متأكده ان مهند مفتون فيني عرفت من نظراته لي وسرحانه اذا شافني .. ومسكته ليدي .. !
شفتها وقفت عند المرايه حقت المطبخ وطلعت وانا جالسه بالمطبخ الا صوت مهند : يمه انا ماشي اذا بغيتي شي كلموني
جات ام مهند وهي معصبة قلت لها : خير خالتي اش فيك ..؟
: البنت هذي ماتستحي ..
فهمت قصدها : خالتي ماعليك منها بعدين مهند مو محتاج يناظر فيها .. وقلت بدلع: ولا اش رايك ياخالتي ..؟
: لاوالله يابنتي مو محتاج انتي احلى واعقل وافهم بس مابيها تتعرض قدام ولدي كل شوي ، مو حلوة بحقها ولا بحقك ولا بحق مهند .
: ياخالتي مهند مااهتز للبنات اللي برا احلى من فاطمة بمية مرة وهو عزوبي مو يطالع في فاطمة وهو متزوج ... ومتزوج ديمه لاتنسين قلت آخر جملة وانا اضحك .. بغير جو خالتي ماابغاها تتضايق عشاني
: ههههههههههههههههه وانتي الصادقه يابنتي آخذ زينة البنات نظر عيني الله يرزقك يابنتي ويسعدك
: ويخليك ياخالتي ويطول لنا بعمرك
دخلت علينا فاطمة بعدين خرجت وهي تضحك بطريقه لئيمة .. ماالتفت لها ولا عطيتها اهتمام الحمد لله احسني احسن منها بكل شي بداية بالتفكير وانتهاء بالشكل ..

جا العشا وأخذتني خالتي غصب عني للمجلس وجات هي معاي وأرسلت ريم وسميرة اللي دوبها وصلت وسلمت علي بحرارة .. للمطبخ يحضرون العشا ..
جلسنا وأنا احس الجلسة رسميه عشانهم ساكتين تعشينا وانا كنت جالسه بين هدى وخاله سارة ..!
اكلت مكرونه وسلطة وأخذت تفاحه اكلتها قالت خالة سارة : ديمه ليه ماتتعشين ..
: اتعشى ياخاله
تدخلت هدى : ديمة لاتحاولون فيها لايمكن تاكل رز ولحم
" اجل مهند وش بياكل ان شا الله " قالته فاطمه بقرف وهي تاكل ..
مارديت عليها قالت خالتي ام مهند : اذا ديمه مااكلت رز خلاص مهند ماياكله
قالت نورة : مادام ماتحب الكبسة اكيد ماتعرف تسويها ..! ولا نسيت انها ماقد دخلت المطبخ راعية كتب ودراسة .
تدخلت هدى بسرعه : ديمه طول عمرها عايشة بعز ودلال وان شاء الله بيزيد دلالها عند مهند واهله ..وهذا عشمنا فيهم يوم عطيناهم ديمتنا ..!
ابتسمت لهدى احسها متأثرة بكلام خالي ناصر .. اسلوبها اليوم وكلامها عني يشبه كلام خالي ..
قالت ام مهند : تستاهل ديمتكم من يدللها ويعزها عسى الله يهنيها ويسعدها
انا ماعلقت الا بكلمه : تسلمين ياخالتي الله يخليك لنا
كنت احس ان نورة تناظر فيني بس ماالتفت لها وقمت بغسل قالت : كثر الله خيركم واكرمكم الله ... هذي حفظتها من الضيوف اللي يجونا ولا انا اول مرة احد يضيفني رسمي كذا ..
: هني وعافيه يابنيتي ..!قالته خالتي ام مهند وسارة عمة مهند ..
قمت ولحقتني هدى قالت واحنا نغسل : ديمه انتي كيف صابرة عليهن بجد ماتستحي هذي وامها ..
: عادي هدى ماعليك منهم ولاتشيلين همهم مقهورات مني غير كذا مااهتز فيني شي اذا شفتيني اعبرهن ولا اهتم لهن ازعلي ولا انقهري بس الحين ماعليك خلينا نستانس ونضحك عليهن .
: معاك حق والله مو قد انا نعطيهن اهتمام .

اخذت هدى بوريها الجناح حقي وطلعنا فوق ربع ساعه بس فرجتها عليه كان صالة و مطبخ مفتوح على الصالة .. وغرفة نوم ومجلس للحريم طبعاً... وغرفة فاضية فيها مكتب ومكتبه صغيرة وفيها استريو وسيديهات واللاب توب حق مهند وشنطته الطبيه.. وكنب لونه كموني كأنه سرير لشخص واحد شكله مريح ومعاه تكايات كأنها مخدات لونها بني ..... كانت الغرف كل وحده احلى من الثانية كأنه تحفة بصراحه ..اعجب هدى كثير ,, قعدت تمدحه وتمدح ذوق مهند لأنها توقعت انه هو اللي اختاره ... وجلسنا نسولف عن لبسي ولبسها وزبطنا مكياجنا ..بعدين نزلنا تحت
اول ماجلسنا قالت نورة : الحين اللي مأثث جناح مهند من ..؟
قالت خالتي ام مهند : هو مختاره يقول يعرف ذوق ديمه
: ياشين الوانه تجيب المرض
انا ابتسمت وطالعت بهدى اللي ابتسمت لي بدورها ياربي احسهم صغار الحمد لله ماعندنا احد يتصرف هالتصرفات ولا تعودت عليها ..
جات سميرة عند هدى وعلاقتهن ببعض صارت مرة مرة قوية .. جلسوا يسولفون وانا و ريم وخلود وهديل جلسنا نسولف الين الساعه قربت على اثنين احسني خلاص تعبانه .. اتصل خالي على هدى قال اطلعي بنمشي ..وقامت هدى راحت لبيتها .. بعدها ارسل مهند لعماته وخالاته يجن عنده بالصالة وطلعت فاطمة اول وحده للمطبخ ولحقتها سميرة وشفتها تنادي ريم وهي تضحك ... طلعن كلهن يسلمن عليه وانا جالسه مع البنات
راحوا عمات مهند ..ساره بعد ماحضنتني وسلمت على راسها .. ومنيرة وبناتها اللي مرة ماكلمتني الا يمكن كلمتين سألتني كم باقي لي واكمل دراسه وجات بجنبي قبل تروح قالت انا آسفه ياديمه على كلام فاطمه لاتواخذينها عقلها ناقص وامها مدلعتها وقلت لها ماصار شي ولاتشيلين هم مازعلت انا ... حسيتها طيوبه مرة عكس نورة اللي تحقد علي ....
وراحوا خالاته بعد ما عزموني وقلت لهم اذا جات فرصه راح ازوركم مع خالتي ...!
باقي نورة وبنتها .. وانا خلاص تعبانه حتى خالتي ام مهند مرة تعبانه .. رحمتني ريم لمن قالت ديمه كلمي مهند بالصالة .. استغربت نورة للحين مارجعت ... وقمت مريت على المرايا حقت الحمام الخاص بمجلس الحريم شيكت على شكلي .. صحيح عيوني شوي ذبلانه باين عليهم التعب بس احسني حلوة رحت لمهند كان جالس بالصالة وراسه بين يدينه .. ياويلي اذا شفته كذا احس فيه مصيبة
جيت قلت بصوت ضعيف وخايفه : خير فيه شي ...! وانا قلبي بيوقف لايكون خالي صار له شي ..!
كنت استناه يقول شي بس وقف لمن شافني وتلفت اذا احد يشوفنا ولا لا : اش فيك
: انت اللي اشفيك صاير شي ؟
: تعبان والله ياديمه وراسي بينفجر
: بسس ؟
طالعني قال : ايه تطمني كل الناس بخير الا انا ..
يووه هذا الحين فهمني غلط .. صدق ماعندي اسلوب قلت : سوري مااقصد بس انا خوافه .. واذا شفتك كذا اتخرع ..!
: قوي قلبك لاتصيرين خوافه .. قومي يالله خلينا نروح نرتاح ترى البنات هنا وو
حسيته مايقدر يقول لي عن فاطمه خايف من ردة فعلي وقاطعته قلت : ايوه شفتها .. تبسمت لمن تذكرت ان البنات حجزوها بالمطبخ .. بعدين كملت : حرام حقق لها رغبتها ترى الكبت مو حلو
ضحك مهند بصوت عالي وانا تجمدت وانا اطالع فيه صديت واخذت نفس عميق يارب لايبين علي يارب ارحمني لاينتبه لي مهند .. ياناس حتى في ضحكته رجولة وسحر غصب عني تفتني مو بيدي ..!
وقف وأخذ يدي وانا قمت معاه قلت :نمر على خالتي نقولها تصبحين على خير
قال : اوكي ..!
دخلنا عليهم بالمجلس ومهند حاط يدي بين يدينه بطريقه احسها تذوب ..
سلم عليهم وقال: يالله ياام مهند تامرينا على شي هلكانين بنروح ننام
: سلامتك يمه وياجعله نوم العافيه
: الله يسلمك ويعافيك يالغاليه
قلت انا : يالله خالتي تصبحين على خير
: الله يجعلك من اهل الخير .
قلت لنورة : تصبحين على خير ياخاله نورة
ردت علي غصب عشان مهند وامه واقفين وباسلوب جاف ومن دون ماتطالعني : وانتي من اهله ..
قال مهند : تصبحين على خير ياعمه
: وانت من اهله يالغالي ..


طلعنا مع الدرج ودخلنا الجناح .. رحت على طول للحمام احسني قرفانه من نفسي ومن الجزمة ( الله يكرمكم ) خاصة انها من امس برجولي .. دخل مهند الحمام واخذ شور على بال مااشيل مكياجي وعدساتي اللي متعبة عيوني .. وخرج وهو لابس بيجامه لونها اسود كانت روعه عليه
دخلت انا أخذت لي شور معتبر رجَّع لي النشاط والحيوية .. لبست بيجامه لونها سكري كانت حرير وناعمه مرة بنطلونها واسع شويه وقميصها كم طويل ومقلم بسكري درجة اغمق من اللون الأساسي ..
خرجت من الحمام بعد ماجففت شعري بس لسه فيه شوية موية ..لقيت مهند متمدد ومتكي بظهره على السرير ... وجواله في يده يقرا الرسايل
قال : ديمه تعالي هنا ... وهو يأشر على السرير
: ها ؟...ممممم ليه ..؟ فيه شي ..؟
: لا مافيه شي بس بوريك شي بجوالي
جيت من جهته وسحبت كرسي التسريحه قلت : شو ؟
قام جلس قال شوفي الرسالة هذي
قريتها بصراحه جلست اضحك على السخافه كان مكتوب ( مهند حبيبي يؤسفني انك تزوجت وحده بالأخلاق هذي ماتحترم امك وتكلم حرمة خالها عن حبيبها الأول وهي مالها شهر معاك .. حبيبي والله ماتستاهل تتزوج وحده خاينه .. عاشقتك للأبد )
: ههههههههههههههههههه بجد هذي سخيفه .
: تدرين مين
: ممممممممممم اشك انها فاطمه
: ايوه اكيد هي ... ياما وياما الرقم هذا ارسلي رسايل .. .. واذا دقيت عليه يفتح الخط يسمع صوتي بس ...!
: طيب طالما انها تحبك هالقد ليه ماتزوجتها
ناظر فيني بنظرة غريبة قال : هذا سؤال بالله .. خليني خليني انام جسمي متكسر وعيوني مااقدر افتحها .. بعدين فاطمه ماتناسبني وانا ماابي اتزوج الا وحده على كيفي وذوقي ..!
ماادري ليه ضحكت قلت وانا افتح شعري ابغاه ينشف اكثر : وتزوجت ديمه مو حباً بس انتقام وتكسير راس ..!
ناظر فيني بعدين ابتسم قال : ايووووه عليك نوور
: وانتقمت وأهنتني ورديت اعتبارك وكسرت راسي ... وبعدين ..؟
: ولا قبلين .. سكت بعدين قال : ديمه
: خلاص الله يخليك مانبغى نزعل من بعض اكثر من كذا ..!
: تعالي طيب نامي هنا ..
انام قريبة منه ..؟ وبعد كلامه هذا ..؟ والله انه يحلم هالمهند قلت : لا لا نام انت براحتك .
قمت من قدامه وفتحت الدولاب وأخذت بطانية وخرجت للصالة ماراح انام معاه بنفس الغرفه ..!
لحقني بسرعه قال تعالي نامي بغرفتك واذا ماتبين قربي انا اطلع عنك ..
: مو قصدي بس بخليك براحتك وخلني براحتي الله يخليك .. وبليز كلنا تعبانين ولازم نصحى بكرة مع الناس ... كانت دموعي في عيوني وماابغاها تنزل .. ياليته قال لا ياديمه .. تزوجتك لأني ابغاك، عاجبتني ، لأاني احبك ، عشان اسامحه وارتاح من العناد والانتقام بس والله يامهند لأوريك ولأخليك تدفع ثمن كلمتك هذي ..! وزي ماقهرتني من يوم ماملكنا لاقهرك وارجع لك عمايلك بإسلوبي ..!
: اوكي براحتك ياديمه ماابغى اضايقك اكثر من كذا ..!
نمت بالصالة وصحيت الساعه 3 العصر اليوم الثاني وانا مو قادرة اتحرك كان مهند يصحيني : ديمه قومي يالله تبين الغدا هنا ولا تنزلين مع اهلي تراهم ماتغدوا للحين .
: بننزل احسن ليه نجلس لوحدنا .. كنت اكلمه وانا مغمضة
: طيب قومي افتحي عيونك مو تكلميني وانتي مغمضة ولا ماتبين تشوفيني
تذكرت كلامه البارحه ولفيت راسي للجهة الثانية وحطيت الخدادية على وجهي
شالها بس هالمرة قدني فتحت عيوني وقرب مني وباس راسي قال : ماعندي عذر بس قلبك كبير
ابتسمت وماتكلمت ...ضعفت قدامه .. ماقلت لكم ساحر .. ويتحكم فيني على كيفه ..؟

سمعته يناديني : ديمه
ياربي اسمي في فمه يجنن .. كل يوم اعجب بشي جديد بمهند ..!
طالعته بكسل قلت : هلا
: الابتسامه هذي وش تعني .؟
قمت جلست وقلت : كل خير
: وانتي الخير كله ياعمـ...... يالله قومي يادوب تلبسين ولا لبسك هذا انزلي فيه
: بالله ..؟ انزل بالبيجامه ..؟
: لاصح لاتنزلين فيها الحين يتكلمون يقولون عروس ماتعرف تلبس ملابس نوم
فهمت مهند اش يقصد يعني عروس ماتلبس قمصان وبيجامات مغريه .. بس اوريك اذا ماجننتك مااكون ديمه اللي محد اهانها غيرك ..! والله لاخليك تمشي وتهذي باسمي وتدور رضاي يامهند ياللي شايف نفسك وتحسب الدنيا على كيفك ..الحين بس عرفت نقطة ضعفك .. والاسلوب اللي يناسبك ..
ابتسمت وانا احسه هالمرة يحترق كل ماابتسمت .. احسها لعبة حلوة نتبادل فيها الأدوار .. ابتسامته تذوبني وانا ابتسامتي بدلع تدوخه ادري وتخليه يعيش ثلاثين الف حاله بثواني قليله ..
قلت وأنا اناظر في بيجامتي بدلع : حرام عليك ... مو حلوة ..؟
تنفس بعمق وقال بارتباك : الا والله حلوة وانتي احلا
وقفت بدلع بعد ماتمططت قدامه ودخلت اصابعي مع شعري ورجعت كله على ورى ورجع تلقائي على ظهري بطريقه مرة حلوة .. وهو يراقبني بدقه رفعت راسي وقلت له :ترى بدق على جدتي من جوالك لأن جوالي مفصول ..!
وقف قدامي وقال : الجوال وصاحب الجوال تحت امرك ياست ديمه
: شكراً
: كتف يدينه وقال : العفو ..
حسيت اني انرفزه بابتسامتي .. ودلعي .. بس احسن عرفت الحين لمن كان ينبسط ويضحك اذا رمى علي كلمه من كلامه اللي يغث اثريه يحب يشوفني منرفزة .. يالله هذاني ارد له ..


رحت اتوضا واصلي الظهر وكويس اني صليت الفجر قبل انام .. نومي احياناً يخليني أأخر صلاتي ..!بس الله يسامحني ويغفر لي ..
لبست بنطلون زيتي وبلوزة تفاحي ماسكة علي فيها خطوط عشوائية باللون الأسود وصدرها شوي مفتوح بس اخذت معاي بروش راح اسكر صدري قد مااقدر بالبروش اذا عمي جا .
وحطيت مكياج خفيف بودرة وبلاشر وردي وشادو وردي وحطيت قلوز وردي لامع

لبست صندل زيتي ناعم وحطيت عطر وخرجت من الغرفة ومريت على مهند اللي كان متمدد على الكنبة في الصالة ويناظر فوق باين انه مسرح .. وقفت عنده وناظر فيني وقام جلس وقعد يطالع فيني بجد يحرقني بس لااااا انا اللي اوريه.. : يالله ننزل عند اهلك ..!
ابتسم بعدين قال : امر هذا ..؟
: مممممممممم اللي تحب امر .. طلب .. ترجي اختار اللي يعجبك قلتها وانا ابتسم ..
اما من يوم جيت هنا وانا ماسكه معاي الابتسامات شكله من الفرحه بالناس بعد انقطاعي عنهم شهر كله وحده ودموع وقهر ..!
ناظر بصدري قال : تعالي تعالي
جيت عنده قلت بدلع : خير
كشر وطلع سيجارة ورجع يدخلها بالعلبه شكله مايقدر يدخن لأنه مااكل شي لسه قال بعد ماتنحنح : الحين بتنزلين وصدرك كذا ؟
حطيت يدي على صدري قلت : ها ..؟ عادي اذا شفت ابوك بقفله بهذا .. وأشرت على البروش اللي في يدي ..
: وليه ماتقفلينه الحين
: اذا عمي مو هنا ماابغى اخرب الموديل .. مافيه الا زوجي وأخواته ولا نسيت .. خفت منه لمن احرقني بعيونه بعدين تكلمت جد قلت : بس اذا جا عمي راح اقفله عشان ماينقد علي .
: اها .. جلس يناظر بصدري ورقبتي وانا بسرعه رجعت ورا قلت : يالله
تمطط بكسل وكأنه مايبغى ينزل بعدين التفت لي قال : ديمه تلبسين عدسات ؟
: ايوه طبعاً
: ليه ماسويتي تشطيب ؟
: قالوا ماينفع ..!
: مين اللي قال ؟
: الدكاترة ..!
: ليه فين رحتي انتي أي مستشفى ؟
: مغربي ..!
: اها .. خليني اوديك التخصصي نشيك ماراح نخسر شي
: بعدين مو الحين .. وابتسمت بدلع وقلت :.. الحين انا عروس خلني اتهنى بلا عمليات ولا مستشفيات
مسكني بسرعه وشد على اكتافي بس بشويش قال : عروس هاه ..؟ وش سر الوناسه هذي ياحضرة العروس ..؟
: ماتبغاني انبسط خلاص عشان خاطرك اكشر وازعل شو رايك ؟
كان ماسك يديني من فوق بعدين حطني على صدره بقوة قال : ماعندنا اغلى من العروس وأكيد نبيها تنبسط ..
بسرعه وخرت عنه وانا بموت من الحيا ورحت عند الباب وجهي كان احمر وانا احس جسمي كله يرتعش هذا اللي انا جبته لنفسي . .. بس لازم اصير قويه والله لأتمادى يامهند وتشوف ..
كنت بفتح الباب قال وهو داخل الغرفة : انتظري ننزل مع بعض ..!
قلت بصوت عالي شوية : يالله بسرعه .. ترى اذا تأخرت بروح واسيبك
رجع لي لابس فنيلة بيضا وبنطلون ابيض ولسه مالبس ثوبه قال : حركات الدلع هذي اتركيها عنك واعقلي ..
رميت نفسي على الكنبة وانا مكشرة قلت : ياربي شكلك تحب النكد ..
طالعني ورجع يكمل لبس .. وبعد شوي خرج لابس ثوب ابيض وشماغه وعقاله في يده قال خذي عبايتك عشان بنطلع لاهلك بعد مانتغدى ..
: الحين آخذها ..؟ خلها اطلع بعد شوي وأجيبها لأني ابغى اخذ معاي البوم الصور اللي لسه ماشفناه .. وناظرت فيه بدلع وعتب بنفس الوقت كأني اقول انت السبب ..كملت : وكمان باخذ شنطتي
فتح عيونه كأنه مفجوع قال بسرعه وهو مكشر : أي شنطة ..؟
: بسم الله اش فيك ...؟ شنطة اليد الصغيره ..!
: اها لا هاتي الألبوم خلينا نشوفه تحت مع بعض
: اشبك مو حلوة تبغا الناس يقولون لسه ماشافوه
: اجل خلاص خليها لين نتغدى ونطلع
قرب مني قال :اش رايك نتغدى هنا ونشوف الصور هنا.. كان يطالع بصدري وشفايفي حسيت قربه يربكني وانفاسه تحرقني .. بعدت عنه وقلت : لا لا مايصير .. بعدين شهر كامل مامليت مني ..
: ليه انتي مليتي ..؟
ضحكت وانا ابعد عنه وقلت : ههههههههههههه ليه اجل احنا شفنا بعض زي الناس ولا جلس نا مع بعض زي باقي خلق الله
قال بلؤم وخبث وهو يبتسم ابتسامه واسعه : خلاص تعالي نجلس مع بعض زي الناس .. وغمز لي : ونعيش زي باقي خلق الله . ترانا للحين عرسان ..!
صحيح اني متخربطه ومرتبكه وارتجف وماانكر اني بلعت ريقي كذا مرة بس تشجعت ورديت عليه بلؤم اكثر : اوكي يالله ننزل تحت ونجلس مع بعض لوتبغى الين بكره .
مسك يدي ولفها بشويش : اتركي الدلع عنك فاهمه .. ؟ تراه مو في صالحك .
ضحكت بصوت طالع شوية وقلت : عاد تصدق ماكنت عارفه اني مغرورة او دلوعه الا منك .. نبهتني لشي ماكنت عارفته بشخصيتي .. مممم والدلع هذا بضيفه لصفاتي الحلوة ..
تأملني وهو يبتسم : اقول ديمه احنا لاجلسنا ولا خرجنا قرري وآمري خلينا نستقر ترى الوقفة كسرت رجولي .
رفعت نظري فوق كأني افكر وقلت : ممممممممم اوكي قررت انا ننزل ياحضرة الدكتور ..
: هههههههههههههههه يالله اوريك انا .
خرجنا واحنا نضحك وكان ماسك يدي اليمين بيده اليسار ولاف يده اليمين على وسطي ..


: " صدق قليلة حيا " بسم الله الرحمن الرحيم التفتنا على اللي يتكلم الا فاطمه حاطة مكياج سهرة وواقفه ورانا وانا ناظرت بمهند اللي صد عنها وأخذني بيدي ونزلنا من دون مايتكلم ..
قرب فمه من اذني وقال : تقدرين تطنشينها وماتردين
ابتسمت : حرام من البارحه وانا مطنشتها بس هي اش مقعدها للحين هنا .. دايماً تجيكم
: لا بس شكلها ناويه تخطفني منك
ضحكت بدلع : ههههههههههههههههههههههههه هه .. حلال عليها
ناظرني مهند وقال : اجل اثني ..
: لا ثلث وربع كمان ترى انت الكسبان
: وانتي ..؟
: ممممممممممممممم راح اكسب ثلاث ايام بدون محد يقولي دلوعه ومغرورة ويلطشني بالكلام البايخ
:هههههههههههههههههههههههه� �ههههههههههههه ضحك بصوت عالي بجد هذا مو صاحي اهله سمعوه
جانا صوت امه
: يالله تديم هالضحكة والوناسه عليهم ولاتغير يارب ياكريم
نزلنا لها وسلم مهند على راس امه وانا بدوري سلمت على راسها
قالت خالتي :ديمه تعالي بقولك على شي
: هههههههههههه عارفه ياخالتي قابلتنا فوق وشافها مهند
: والله يابنتي محد يبيها بس امها قالت بروح لمكه وخلوها عندكم ماعندها احد بالبيت
: ياخالتي مرة عادي ولافكرت فيها بس المشكله احسها بتنقهر اذا خرجنا بعد شوي
: ماعليك منها ولاتفكرين فيها ماتستاهل
: طيب خالتي تغديتي ولا تنتظرونا
: محد صحى غيري انا وعمك والخبلة هذي شفتها قايمه من بدري
: اجل عمي تغدا .
: ايه تغديت انا وياه وهو دخل ينام والظاهر اني بلحقه .
التفت على مهند اللي جلس يقرا الجريده وعرفت انه يسمعنا لمن قال : اجل راحت على البروش وبيجلس بجنبي .
فهمت قصده وحسيتني بختفي من الحيا قلت : ماراحت عليه الحين احطه
وجيت جلست قريب منه وفتحت البروش بقفل صدي لأنه كل شوي يطالعه بطريقه تحرجني .. سحب البروش مني قال بصوت واطي : اذا رحنا لبيت خالك تحطينه .. ! الحين خليه هنا ... اخذه وحطه على طرف الكنبه بجنبه .
انحرجت منه وابتسمت له وانا اناظر بعيونه ياناس مو طبيعيه حتى وهو صاحي من النوم فيها سحر ..
: ديمه اعقلي والا والله العظيم لاوريك ..؟
سويت نفسي متفاجأه وانا ابتسم : يوه شو عملت ..؟ قلت شي ..؟
تنهد من قلبه قال : بتندمين ياديمه على حركاتك هذي بس شغلك معاي .
جات خالتي بعد ماراحت للمطبخ وكانت بتجلس بجنب مهند من الجهه الثانيه يعني على الطرف بس انا قمت عنها وقلت : خالتي تعالي هنا
: لا لا بجلس هنا خليك انتي بجنب زوجك .
ابتسمت وانا احسني اغيض مهند قلت بدلع : خالتي بتجلسين بجنب ولدك وتتركيني تراني اغار عليك ..
ضحكت خالتي وجات بجنبي يعني بيني وبين مهند وهو يناظر فيني ويبتسم ابتسامه واسعه ماادري اش يقصد فيها وماتكلم .. قالت خالتي : يمه ديمه بطلب منك طلب ولاترديني ..!
كان مهند مهتم بطلب امه باين من نظراته قلت : آمري ياخاله مو تطلبين .. عيوني الثنتين لك ..!
: تسلم لي العيون وصاحبتها .. فاطمة لاتواخذينها ولاتخلينها تأثر على حياتكم ..!
: ابشري ياخاله ولا يهمك وانا ماتهمني التفاهات والخرابيط اللي مثل هذي .
: بيض الله وجهك وكثر الله من امثالك يابنتي .

دخلت علينا ريم وهي تضحك من مهند لمن قال لها : بسم الله حسبتك الخبلة داخلة علينا .
سلمت علينا وبعدين ناظرت فيني بعد ماعدلت جلستي بين خالتي ومهند وصفرت بقوة واعجاب قالت : مهند انت كيف ماانسحرت للحين .
التفت عليها وهو يضحك قال : اخوك رايح فيها من زمان
ضحكوا كلهم الا انا ابتسمت باحراج .. وحاولت اغير الموضوع قلت وانا اشوف خالتي تتثاوب : خالتي ليه ماتروحين تنامين .. باين عليك التعب . .
: صادقة والله بروح انام لي ساعتين .. يالله ابي امر على الشغالات اخليهم يحضرون لكم الغدا
قال مهند : لا لا والله روحي نامي ماعليك منا .. البنات هنا ويحضرنه بأنفسهن .
ضحكت ريم وقالت : لاوالله .. متأمل في زوجتك خير .. اسألها وش تعرف تطبخ
قامت خالتي وراحت تنام .. والتفت مهند علي وهو يضحك قال : بالله عليك ياديمه تعرفين تسوين شاهي
طالعته وانا منرفزة منه اجل يتريقون علي قلت : لا مااعرف .. بعدين ربي خلقني اتدلل ويخدموني الناس مو اخدمهم .
ضحك مهند بصوت عالي قال : لااا قوية هذي ياديمه وكبيرة في حقي .
: والله هذي الحقيقه عجبك كان بها ماعجبك شو اسوي لك .

قامت ريم للمطبخ وجلس مهند يناظرني قال بصوت واطي وكل شوي يناظر لريم : ديوم عمرك سمعتي بالعطشان والماء بين ايديه ..؟
ابتسمت وانا احاول اعقد حواجبي بدلع واأصغر عيوني : ينطبق على مين المثل هذا ..؟
: على المسكين اللي قدامك
: هههههههههههه ياحرام مسكين بقوة لأنك بتظل عطشان كثير
قرب مني قال : افاااا وليه وانتم راضين علينا وتبتسمون وتضحكون وباين انكم مبسوطين ..؟
التفت ناحية المطبخ اخاف ريم تجي قلت : من قال انا راضين لاااا ياعمري غلطان .. لاتحسبني رايقه واضحك واسولف خلاص بسامحك .
حط اصبعه على اذنه زي اللي ينظفها قال وهو يبتسم لي : يا أيش ماسمعتها قوليها مرة ثانيه ..
: ولاشي ..؟ ترى مو مقصودة طلعت بالغلط
ضحك بقووة قال وهو يشد شعره بشويش ويضيق عيونه : مممممممممم طيب وش رايك تسامحيني وننسى كل اللي راح ونبدا من هاللحظة ..؟
: وافرض سامحتك .. برضو بتظل عطشان كثير صدقني
: اوف اوف اجل كيف اشرب ..
: ممممممممم والله انا مااعطي احد شي غالي الا اذا حبيته ووثقت فيه ..
: وانا ماحبيتيني . ولا وثقتي فيني ..؟
هزيت راسي بمعنى لا وقلت : لسه .. استنى بخليك بفترة اختبار طويلة .
: لمتى طيب ؟
قلت وانا اضحك من شكله لأنه جاد ومهتم وفي نفس الوقت احسه مقهووور : ممممممممممم لين تراعيني بعينك واراعيك .
: ههههههههههههههههههههههههه ههههههههههههههههه هذي والله اللي بتذبحني صدق .
فتحت عيوني بدلع قلت : انا اذبحك ..؟ حرام عليك
التفت على المطبخ وقرب من صدري قال : بتذبحيني عطش .
: اها .. دور على اللي يروي عطشك بس مو عندي ..!
هز راسه قال : مافيه انتي العذب الزلال غيرك ملوث
: هههههههههههههههه انا السراب اللي تحسبه مويه وماتوصله يادكتور
: اوف قوية هذي قد التحدي ؟
: لا الله يخليك تحديك مخليته لك مااتحداك انا .
: ههههههههههههههههههههههههه ههههههههههه
دخلت ريم قالت يالله الغدا انا بروح اتغدى مع بطه وتلتفت وراها خايفه تسمعها


قمرااي likes this.

لامارا غير متواجد حالياً   رد مع اقتباس
قديم 15-04-14, 12:24 PM   #18

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

سحبني مهند مع يدي ووقفني قال : تعالي يالسراب خلينا نتغدى
قمت وانا اضحك وقلت له بهمس : حاضر يالعطشان .
ريم موفاهمه شي بس ابتسمت لنا وانسحبت راحت لفاطمة تتغدى معاها ومهند ماسك يدي لين وصلنا الطاولة قال تعالي بجنبي
: بقابلك احسن
: ماراح تتغدين لأني بطالع فيك
طالعت فيه بعدين جيت بالكرسي اللي بجنبه .. حطيت بصحني خضار وسلطه وحط لي مهند قطعة لحمة كبيرة قال هذي تاكلينها غصب عنك
نزلت الشوكة حقتي وصديت وراي قلت : يوووووه اكره اسلوبك هذا
: ديمه اشفيك انتي
: يعني تتأمر علي تحسبني ممرضة عندك
: ههههههههههههههههههههههههه هههههه لاوالله مو قصدي بس هذا اسلوبي
ابتسمت له وانا احسني ادوخ اذا سمعت ضحكته .. : طيب واذا قلت لك اني وحده تسمع الكلام اياً كان وتتفاهم معاك بدون ماتزعلك بس اذا سمعت لهجة الأمر هذي تتنرفز وتعصب وتزعل كمان
: مممممممممممم آسف ياستي خلاص ديومه الغالية ممكن تاكلين هالقطعه عشان تزيد من وزنك شوية
: ايوه صح نسيت انك ماتحب النحيفات وتحب البطات والتفت على المطبخ كأني اقصد فاطمه .
: هههههههههههههههههههههه لاوالله جسمك جنان بس زيديه شويه احس انه نزل واحنا بفرنسا بس ليلة زواجنا كان يجنن
: طيب فطومه تقول انك تحب السمينات صح .؟
: لا بس عشان هي دبه تقول لك هالكلام هذي البنت عمرها مااعجبتني الله يكفيني شرها بس
: الله يستر ماعليك منها
شفته يناظرني باهتمام وهو يبتسم .. طالعت فيه وابتسمت : ممكن تتغدى
: تصدقين ديمه ..؟ سكت بعدين قال : ولا بلاش خلينا نتغدى
: لاقول بليز اذا شي مايسد النفس قول بس اذا بتكدرني اسكت احسن
: لا بسكت خلينا ناكل بعدين روحي جيبي الألبوم
: حاضر
: لاتقولين حاضر قدامي مو في صالحك .
: خلاص لاماني رايحه ههههههههههههههههه
: تدرين لوكنت عارف انا اذا جينا للبيت بتستانسين كذا كان من اول ليلة واحنا هنا
: مو البيت السبب بس كأن التلطيش خف شويه ولو ان البارحه كسرت خاطري وقهرتني بس سامحتك خلاص .. ونسيت .
تغدينا وهو مرة ياكل ومرة يناظر فيني وكل شوي يلتفت للمطبخ اذا فيه احد يشوفنا ولا لا .
قمنا رحنا للصاله ورحت للمطبخ قلت للشغالة تجيب لنا شاهي بالصالة
جلسنا نتقهوى وريم ماجات عندنا شكلها ماتبغى تحرجنا او منحرجه من حركات اخوها او بتمسك فاطمه لاتتعرض لمهند وازعل انا ..
قال مهند : روحي جيبي الألبوم بسرعه
رحت لجناحنا وتعطرت بطريقي وحطيت قلوس لأني غسلت ومسحته بعد الغدا .. وجيت جلست بجنبه .. اول صورة كانت لي انا وياه وهو ماسك خصري جلس يتأمل صورتي قلت افتح هذي شفتها التفت لي وشاف اللي بعدها وكنا نناظر بالمصورة وباين اني مستحيه ..
وفتحنا اللي بعدها كنت بجد مذهله جلس مهند يناظر فيها بعد رجع يطالع فيني والتفت فيه احد يشوفنا ولا لا انا بصراحه مرتبكه كثير وأخذت الألبوم منه حطيته على افخاذي وجلست اتفرج وهو مسرح طالعت فيه وابتسمت قلت :مرة قليل ادب هنا
انتبه مهند للصورة كان مقربني منه مرة ولاف يده على خصري وراسي على صدره: ههههههههههههههههههههههههه هههههههههههه تدرين ان المصورة هذيك فنانه .. لواعرف رقمها شكرتها على اسلوبها ولا الحركات اللي تقول سووها فن بصراحه .. عطيني رقمها بدق عليها
: اوكي لحظة بطلعه لك واشكرها على قهري هذيك الليله
: عادي عندك اكلمها .؟
: ليه مو عادي .. اقولك لا يعني ؟
ناظر فيني : اوووووه نسيت انك ماتحبيني عشان كذا ماتغارين علي
: لاتنسى بعدين
سكت مهند ورجع يناظر بالصور كل صورنا روعه بصراحه .. مهند يجنن وانا الحمد لله طالعه حلوة .. .. طلع وحده من الصور وحطها على جنب
: ليه خرجتها
: هذي لي الباقي حلال عليك
:هههههههههههههههههههههه رجعها طيب وتصير لك لأنها بتصير عندك فين بوديها
: ها ..؟ عندك صور انتي غير هذي
: ناظرته بنص عين .. قلت بزعل : حقت الملكه
سحبني ناحيته وسلم على راسي وهو يضحك قال : هذيك الليلة قهرتيني اكثر مما قهرتك
ماحبيت ادخل معاه في تفاصيل او اسئله عن الأيام اللي راحت .. احسني الحين مبسوطه بس كل ماتذكرت انه مهند اللي اهانني وتكلم علي وكلمني باسلوب بايخ في أهم مرحلة بحياتنا ازيد اصرار اني اقهره وانتقم منه بدون طبعاً مااجرحه او اسيء له .. او حتى احرجه عند اهله ... بس بنتقم منه بطريقتي ..
التفت له وهو يبتسم من صورة امه وهي بيني وبينه قال : اجل تغارين مني على امي ..؟
: امك حبيبة لازم اكسب رضاها ..!
: تدرين اني طول عمري كنت احلم بوحده تحب امي وتحب قربها
ابتسمت له : حقق لك ربي الحلم ..!
غمز لي بعينه قال : للحين مااكتمل الحلم
ارتبكت انا وانحرجت قلت : لا اطمن انا احب امك واحب قربها
: بس هذا مو كل حلمي
: ههههههههههههههه شكلك حياتك كلها احلام
: وابشرك كلها تحققت الا واحد
: خلاص الله يحققه لك
:آآآآآآآآميييييييييين يارب .. ماتبغين تعرفينه
: مممممممم اوكي هات ولو انه عادي سواء قلت او ماقلت
: لا بقول لك لأنه بيدك تحققينه
: شو هو ..؟
: ان الانسانه اللي ترتبط فيني تحبني
: مين قال انو بيدي تحقيقه
: التفت لي بجسمه كله وقال : اجل بيد مين
: بيدك انت ..!
دخلت فاطمه علينا ومهند ناظر فيني وانا بكل برود قلت : هلا فاطمه حياك تفضلي
فتح عيونه مهند على آخر شي يناظر فيني بس ماتكلم
قالت فاطمه بميوعه بااايخه : مهند انت هنا آسفه والله ماانتبهت ...
كانت لابسه تنورة جينز ازرق وقميص اسود بزراير من قدام وتحته بدي اسود وهي كانت سمينه شوي يعني قدي مرتين ولها كرش باينه وحاطة مكياج ثقيل راسمه عيونها .. وحاطه على نص راسها طرحة سودا وحاطة لثمه وعيونها باينه روووعه .. .
وقف مهند وسحبني بيده قال : قومي معاي وهاتي الصور نكملها فوق
خرجت معاه ونادى ريم بصوت عالي وجات ريم تجري : هلا مهند ، وش فيه ؟.
: جيبي عبايه وغطا لبسيها بنت عمتك وعلميها ان فيه رجال في البيت وخليها تبطل حركاتها البايخه .
طلعنا بسرعه على فوق وأول مادخلنا حط يده من وراي وسحبني وانا احسني اضعف قدام رجولته وقوته وطريقته .
قلت له وانا وابعد عنه شوي : تعطيني جوالك الحين ؟
: لا مو الحين .
: الله يخليك بكلم جدتي قبل نروح بيت خالي وتنام ماكلمتها .
عطاني جواله ورحت اجيب جوالي اطلع رقم جدتي منه شفته يراقبني يطالع بيديني ووجهي وجسمي وصدري يوووه مرة احرجني ..! مسكت صدري قلت : اووه نسيت البروش تحت ..
: هههههههههههههههه احسن خليه عساه يضيع ماتلقينه الا اذا جا ابوي
: هههههههههههههه .
حطيت رجل على رجل وجبت شعري كله على قدام بدلع حسيتني ادوخ مهند بس حلال خلني اصير السراب اللي قلته له ..
كنت ادق على جوال جدتي ولمن ردت قمت من عند مهند للغرفة ماحبيت ازعجه بس شكله فهمني غلط يحسبني راح اقول لها شي ماابغاه يسمعه .
: الو هلا جدتي
: مين العروس لك تئبريني ان شاء الله
: حبيبة قلبي .. كيفك وكيف صحتك .
: منيحه كتر خير الله
: يارب دايما منيحه ويخليك لنا ويطول بعمرك .. كيف خالي ايمن وخالتي سمر وزوجها ..
: الحمد لله بيسلموا عليك
: الله يسلمك انتي وياهم يارب .
: ولك روحي ياديمه يابنت بنتي نور الهي يهنيك ويكتب لك بكل خطوة بطريئك سعادة ورزءه وهنا بجاه سيدك وحبيبك محمد
: أي والله ياجدتي هذي الدعوة اللي ابغاها .. ياليت كل يوم تدعينها لي ..
: كل يوم بدعي لك ياألبي .ما إلتي لي كيف مهند ان شاء الله منيح ؟
: الحمد لله بخير ويسلم عليك
: الله يسلمه .. مابدكن تيجوا لسوريا وتزورونا ..؟
: ممم الا ان شاء الله بس خلاص مهند بيرجع للعمل خلصت اجازته ..
: طيب يابنتي مابدي طول عليك .. انتبهي عحالك واهتمي بزوجك . وسلمي عليه وعلى اهلك .
: الله يسلمك يوصل ان شاء الله .
: يالله مع السلامه .. بأمان الله .
: الله معاك .. بحفظ الله .
قفلت مع جدتي وشفته واقف وراي .. بصراحه انقهرت منه ليه يجي وراي يعني يبغى يسمع كلامي ؟ فكرت اتخذ موقف بس لاااا انا الحين رااايقه وماابغى انكد عليه ولا على نفسي


... طالعته وهو متنح ومركز ومسرح ويتأمل فيني اخيراً تحرك وابتسم وابتسمت له .. بعدين وقف ورمى وحط في فمه سيجارة ولعها ومد يده لي قال : هاتي .
قلت بشك وخوف : فين ؟
رمى السيجارة من فمه وقال : بس اوقفي ماابغى منك شي .
مديت له يدي وسحبني بقوة وضمني على صدره .. كنت اتوقع كل شي الا هالحركه .
كل خلايا جسمي تتحرك وتنتفض ومرتبكه وخايفه ومبسوطه ..مشاعري مضطربة ومختلفه . . . رفض وقبول وارتباك وارتياح ..
كان ضامني بقوة وانا مافيه امل اقاومه ..صحيح كان شعور حلو وماينوصف بس لا ماابغى اخلي مهند ينتصر علي بسهوله .
مهند يخطط وينفذ وانا مالي أي رأي الا الاستسلام والضعف لاياربي خلني اصير قوية .. يكون لي رأيي وقراري ويتنفذ زي ماابغى ... مهند يجتاحني بحركاته وبعيونه وضحكته حاولت ابعده عني بس قرب فمه من اذني وقال : لاتخافين مااغصبك على شي ماتبينه ..!
قلت باحراج : خلنا نمشي لاهلي الله يخليك
تركني ومسكني بأكتافي وتأملني شويه وانا غمضت عيوني لأنه عيونه تجرفني لبحر عميق وواسع اضيع فيه وأتوه .. باس راسي بحنان قال : يالله البسي عبايتك .
رحت منه وانا احس بأنفاسه وحرارة جسمه ومسكة يدينه وقوتها آه يامهند ليه تسوي كذا .. ماكنت ابغى اضعف ولا اخلي لمشاعري باب يدخل لي عن طريقها .. مشاعري ..؟ لا لايمكن ..! انا بس كان عندي فراغ عاطفي هو اللي خلاني استسلم لمهند بالطريقه هذي .. بس الحمد لله انه متفهم وما اخذ شي غصب عني .. ليه حضني مهند معقوله يحبني ؟ ولا معجب فيني ..؟ الا صح هو باين انه معجب فيني .. مو بس معجب .. مهند مفتون فيني من ليلة ملكتنا انا شفته وشفت نظراته كان بياكلني بعيونه .. حتى اليوم اغريته بلبسي ودلعي وطريقة كلامي وهذي النتيجه شي طبيعي مهند رجال ومعاه بنت تغريه اكيد بتخليه يفكر فيها ... آه ياديمه اش سويتي .. انتقم ربي مني وانقلب السحر على الساحر ..
لبست عبايتي وحطيت الألبوم في الكيس وأخذه مني مهند .. كنت افكر ومسرحه ذهني شارد بمهند واللي سواه من باب ايه بالضبط هل لأني اغريته ولا لأنه يحبني ولا يستدرجني بالطريقه هذي عشان يوصل للأهم بالنسبه له ..
فاجأني وهو يقول : ديوم لاتفكرين .. مصيري بقولك على كل شي وأوصلك للي تدورين عليه ..
طالعته متفاجأة وقلت : ها..؟ لايكون تقرا افكاري ..؟
: انتي مكشوفه صدقيني ماتقدرين تخبين شي .
: ساذجه لهالدرجة مااقدر اخبي شي ..
تكلم بمنتهى الجدية : لا ياديمه لاتقولين كذا .. انتي انسانه واضحه جداً وصادقة جداً عشان كذا اقدر اعرف بأيش تفكرين .
ابتسمت وقلت : نمشي ..؟
رد لي الابتسامه بأحلى وقال : يالله هاتي يدك ..
كنت احس ان الحواجز بيني وبين مهند بدت تنهار وتتكسر واني خلاص راح اضعف له .. يالله اصلاً انا ابغى اعيش حياة حلوة ومبسوطه اذا هو بيترك اسلوبه الجاف وشوفة نفسه فأنا راح اتنازل عن قراراتي بس اذا رجع لها لو مرة وحده معناتها ماراح يفيد فيه الا اني اعوده فترة طويلة الين ينسى هذا الاسلوب .... ياربي تعينني وتساعدني
نزلنا مع الدرج وشفت فاطمه تمشي بالصالة اللي تحت ولا همها احد هي من جدها تحسب انها بتعجب مهند .. ؟ سبحان الله على التفكير .. الله يشفيها ويهديها بس .. ركبنا السيارة بعد ماحط الكيس حق الألبوم ورى قال : ترى بس بنتقهوى الحين ناصر بيقعد يقول العشا والعشا وشلون افتك منه ؟
: طيب خلنا نتعشى عندهم والله نفسي اجلس مع هدى وخالي .
: لا لا ياديمه مانبي نكلف على ناصر وانا بصراحه عريس وابغى اتعشى مع عروسي ويحمدون ربهم اني جبتك تجلسين معاهم شويه .
: والله احسني من زمان عنهم ..
: وانا من سنتين عنك .
ضحكت عليه وقلت وانا مفتحه عيوني : شو ؟
قال بخبث : مممممممممم اقصد ماشفتك من ايام امريكا ..
: هههههههههههههههه لاوالله ..؟ عاد لاتذكرني بأمريكا وأيامها الله لايعيد الشر .
: الا صحيح كيف راسك بعد العملية ..؟
: الحمد لله مافيني الا العافية .
: كان ناصر يجيني منهبل يقول بتموت من الألم .
: يوووه لاتذكرني احسني بستفرغ اذا بس تذكرته الحمد لله اللي فكني منه .
: تدرين انك قاعده بين يديني اكثر من 32ساعه وانتي شبه ميته ؟
: شو ..؟ انت ..؟ كم ..؟
: شو انت كم ؟؟ ههههههههههههههههههههههههه ه شو جاوبنا عليها قبل وهي انك جلستي بين يديني 32 ساعه ،، انت ايوه انا الدكتور مهند بدر ال ... ،، كم قلناها 32 ساعه .
: عن جد تتكلم ولا تمزح ؟
: والله جد
: اوف ماكنت اعرف ان لك دخل بالعملية حسبتك تجي تتدرب مع الدكتور وتروح .. وعشان خالي كنت تجي تشيك على حالتي
: عاد ماابغى اقولك ايش اللي قلتيه اول ماصحيتي من البنج
: يووووه شو قلت ..؟ امانه تقول ..
: ماني قايلك الا بشروط
خفت من شروطه قلت : بكيفك بيجي اليوم اللي تقول لي فيه
: هههههههههههههههههههه نفسي اقول لك بس اخاف احرجك
: ممممممممممممممممممم ماعندي شي يحرجني الحمد لله اذا فيه خرابيط بقولها فهي عن صاحباتي عن هدى وخالي وعياله
: هههههههههههههههههههههههه واثقة .. طيب يالواثقة عطيني رقم جوالك بسدده لانجي عند ناصر ويدري ان جوالك مفصول يقول عني بخيل
: لا لا انا اسدده سيبه .
: بالله وش قالوا لك متزوجه واحد عاطل .. ولا بخيل ..؟
: لا ماخذة دكتور قد الدنيا بس بجد انا كمان عندي فلوس وخير وماراح اكلف عليك
: ديمه لااسمع الكلام هذا بعد اليوم رجاءً ...... ناظر فيني وابتسم قال : قلت رجاءً عشان ماتقولين يتأمر ..
: ههههههههههههههههه ايوه خليك كذا عشان يصير عندك امل
: عندي امل في ايش بالضبط
: في الحياة مع ديمه
: ممممممممممممممم الحياة يعني الماء .. والحياة تعني الحب .. ممكن تتحقق لي هذي
: اذا صرت حبوب وطيوب وماتتأمر وتشوف نفسك ليه لا
:ههههههههههههههههه حرام عليك انا اصلاً حبوب وطيوب ومااشوف نفسي ولا اتأمر
: يمكن بس مع ديمه لا مو كذا
: طيب ياديمتي اناااا ... ترى وصلنا بيت خالك .
: يالله ننزل ..
: خلينا نسولف شوي .
: هههههههههه انزل انزل لايجي الحين خالي ويشوفنا .
: انتي قلتي لهم .
: لا جوالي مفصول
: اوووه نسيتيني الصراف واني اسدد لك .
: عادي ماعليك الجوال مو مهم كثير عندي ..
:خليني ادق على ناصر ونرجع نسدد من الصراف القريب بعدين نرجع لهم
: اوكي براحتك
رجعنا لصراف قريب من بيت خالي ومهند دق على خالي ومارد عليه دق مرتين ومافيه امل .. اعطاني الجوال ودقيت على البيت محد رد آخر شي دقيت على رقم هدى من تلفون مهند وردت بعد مادقيت مرتين
: الو
: هلا هدى انا ديمه
: هلا والله فينك تراني استناك اليوم
: انا قريبة من البيت خالي فينه ليه مايرد
نام هنا بالصاله وانا اللي حطيت جواله صامت
: ههههههههههههه خلاص لاتصحينه اذا هو تعبان انا ادخل اصحيه
: هههههههههههههههه اوكي صار تعالي بسرعه مشتاقة لك
: وانا اكثر والله ..يالله قريب افتحوا البوابه اوكي
: اوكي
:يالله سلام
: سلام


اخذ مهند مني رقم الحساب بعد ماوصلنا عند الصراف وسدد لي ورجعنا لبيت خالي ودخلنا مع البوابه وفتحت باب الفيللا بالمفتاح حقي ودخلت ورحت افتح لمهند باب قسم الرجال ودخل هو المجلس قال : تعالي اجلسي عندي لين ناصر يجي
قلت : بسلم على هدى اول شي
: زين لاتطولين علي
: حاضر
دخلت عند هدى وسلمت عليها وشفت خالي نايم بالصاله ورحت سلمت على راسه وهو نايم .. فتح عيونه ببطء وشافني وبسرعه فز ووقف وفتح يدينه بقوة : ياهلا وغلا بديمة هالدنيا وفرحها
: هلابك يالغالي وسلمت عليه مرة ثانيه وحضني على صدره .. اذا شفت خالي جميع المشاعر تجتمع ماادري كيف احددها بس اقول الله يجعل يومي قبل يومه .. وعساني ماابكيه ..
: مهند دخل
: ايوه بالمجلس
: بغسل واروح عنده
: اوكي انا بروح اقول له انك صحيت وبتجي عنده
مريت على هدى بالمطبخ ونزلت الألبوم عندها قلت بشوف مهند وبرجع لك
دخلت على مهند بعد مانزلت عبايتي عند هدى
طالع بصدري وضغط على اسنانه بضيق قال : ماقفلتي صدرك ليه ..
جلست قريب منه ومسكت حلق بلوزتي وقلت : اوووه نسيت البروش والله .. بس عادي آخذ من غرفتي هنا ..
طلع سيجارة ودخنها قال: خلاص ماعادت لك هنا غرفه غرفتك عندي
: لا شو هالحكي غرفتي هنا وبيتي هنا واهلي هنا لاتقول هالكلام مرة ثانيه
نفث الدخان ورمى السيجارة في الطفاية اللي على الطاولة قدامه وقال: اوكي ماابي ازعلك بس حطي في بالك اني مااقدر اخليك تنامين هنا لو ماادري ايش يصير
: لا بس تقوله الحين بعدين بيصير عادي لو انام اسبوع
: ههههههههههه طيب جربي واطلبيني .
دخل خالي علينا ومهند يكلمني وسلم عليه وانا قمت لأن مهند ناظر بصدري بمعنى غطيه ..
قال خالي : وين ديوم اجلسي خليني اشبع منك
:بروح اشيك على غرفتي واشوف هدى وبرجع لكم
: زين اجل خذي راحتك .
طلعت فوق لغرفتي وحصلتها زي ماهي اصلاً مفتاحها معاي والثاني مع خالي هدى ماعندها .. سريري اشتقت له واشتقت لملابسي القديمة .. بيجاماتي وبناطيلي والله كلها جديده بس خالتي الله يسامحها ماخلتني آخذ منها شي لبيتي ..
معقول راح ارجع هنا بيوم من الأيام واترك مهند وعيشتي معاه
لا مااعتقد مهند متمسك فيني الدليل كلامه قبل شوي
دخلت علي هدى وانا احط بروش صغير في بلوزتي واضيق فتحة صدري
قالت هدى : ماشاء الله عليك ياديمه تهبلين والبارحة كنتي ملكة جمال
: تسلمين لي ياهدهود .. عيونك الحلوة ..
: عاد تدرين لمن قلت لامي جات ديمه وماشاء الله عليه جمالها واسلوبها وعقلها قالت مو جديد على ديمه من يوم عرفناها وهي جمال وعقل وكمال
: ههههههههههههههه ياقلبي على امك والله وحشتني كيفها ؟ وكيف البنات ؟
: كلهم بخير بس انتي كيفك ؟
مسكت يدينها وقلت اطمنها : الحمد لله .. والله ياهدى مبسوطه لاتشيلين هم ..
: طيب واذا قلت لك اني ملاحظة انك في البداية مو مرتاحه وخالك نفس الشي وماجد بيتجنن ويجننا معاه كل شوي يقول كلموهم انا اخاف اعصب اذا سمعت صوتها وسامي يقول فيها شي بس يمكن عشان خايفه من الحياة الجديدة وماقدرت تتقبلها كلهم حاسين ان فيك شي وكلهم يبررون الا ماجد مو صاحي ..
: آه ياخالي ماجد الله يخليه ويسعده دايما يحبني من بعيد لبعيد .. واذا حسسني بمحبته لقيته اكثر انسان يحبني ..
: حرام عليك مافيه احد في الدنيا يحبك كثر ناصر
: خالي ناصر امي وابوي واخواني وكل شي بحياتي اذا تأكدتي ان فيه احد يحبك اكثر من امك وابوك ياهدى ساعتها اشك ان فيه احد يحبني اكثر من خالي ناصر
: الله يخليكم لبعض
: ويخليك ياام بسام صحيح فين العيال ؟
: راحوا مع عيال صالح اخوي للملاهي والله لويدري بسام انك جيتي وماشافك ليتجنن
: خلاص خليه يجيني للبيت مع السواق ..
: لاوالله مستحين من مهند واهله
: والله ياهدى اذا قلتي بعد كذا هالكلام لازعل منك وأي وقت ابغاهم يجون يجون هذاك بيتي وانتم اهلي .. ومحد راح يلومكم او يتكلم اذا زرتوني ..!
: ديمه من جد بسألك .؟
: تفضلي
: فاطمة كيف تتحملينها ماتغارين ؟
: مو مسأله مااغار ياهدى بس الحمد لله عارفه نفسي واني احسن منها بكل شي وعارفه مهند يعني بالله عريس ومتعلق فيني بيطالع في وحده زيها ؟
: لاتنسين انها قالت مايحب النحاف ويحب المتان ..
: ههههههههههههههههه تصدقينها انتي .؟ انا سألته قال لاوالله وقال ان جسمي عاجبه ..! .
: اجل مامنها خوف ؟
: الا والله اخاف تسوي فيني شي بس حركاتها وتعرضها ولا كلامها له ماهمني .
قلت لهدى عن حكاية الرساله وكلمتها لي ودخولها علينا وانها عندنا الحين
انفجعت هدى بس قالت :احمدي ربك ان مهند مايحبها هذا اهم شي .
: ماعطيتها اهتمام بس سمعت مهند يقول اللي يكفينا شرها وخوفتني الكلمه
: توكلي على ربك ولاتهتمين لها .
: ونعم بالله توكلت عليه .
نزلنا تحت بعد ماقفلت غرفتي حتى مايلعبون فيها عيالها ويعدمون اغراضي .. تقهويت مع هدى وجلسنا نسولف عن الزواج وهي تحكيني عن الناس اللي جو وشفنا الصور وخليت صوري معاهم عندها قلت اذا قابلت غادة وهند تعطيهم الصور وقلت لها ان مهند موراضي ان خالتي تاخذ صورتي عشان زوجها مايشوفها
ضحكت هدى وقالت : والله ياديمه من حقه يغار ومحد يلومه
سمعت خالي يناديني ورحت عندهم قال مهند : يالله ياديمه بنمشي
رجعت البس عبايتي وآخذ الألبوم واسلم هدى وجيت عندهم لقيت خالي يضحك مع مهند وهو يقول : ياخي هذا الحب اللي يقولونه .
سكتوا اول ماجيت ووقف مهند وخرج خالي معانا لحد ماوصلنا البوابة ومسكني خالي بيدي قال : الرجال هذا كيف معاك ؟
: مممممم للحين كويس بس اذا تغير ترى بدق عليك واقول لك عليه
: ايوه هذا اللي ابغاه منك .
تدخل مهند : ههههههههههههههههه والله بتموت مادقت عليك
التفت عليه اوف اش هالثقة فيني بعدين استطرد مهند كلامه بعد ماطالعني : لأنها ماراح تضطر انها تشكيني لك .
قال خالي بجديه : الله يوفقكم ويسعدكم استغلوا كل لحظة بحياتكم لاتفرطون فيها لأنها ماترجع وهذي اجمل ايام العمر
رد مهند : الله يجعل ايامنا وايامك كلها سعاده ياابو بسام .
: اللهم آمين
خرجنا بعد ماسلمت على راس خالي وقلت له يزورني يشوف بيتي ووعدني خالي بس قال : ارتب معاك موعد واجيك بشرط مايكون فيه احد من اهل مهند قلت له اوكي ..!
ركبنا السيارة حسيت ان مهند مبسوط قال : ديمه
: هلا
بنروح لكوفي بعدين بنتعشى بمطعم ...تدرين ...؟ بحجز على ابها اش رايك نروح هناك ..؟
: لااستنى مو الحين ...بعدين عملك . لاتنسى اجازتك خلاص انتهت ويومين وتداوم ..
: لا لا ماعليك من دوامي اقدر ازيد اسبوعين .. انتي بس متى تبغين ؟
: خلنا نرتاح يومين ثلاثه بعدين نقرر طالما عندنا فرصة اسبوعين .
رحنا لمطعم وتعشينا بس ماادري شو صار لي صدعت وجسمي مرة مكسل وتعبان حتى ماقدرت آكل ... احسني ابغى ارجع انام مافيني اجلس اكثر من كذا ..!
ماحبيت اقول لمهند اني تعبانه واخرب عليه لأنه مرة مبسوط وباين في عيونه .. حتى دخان مادخن ولا سيجارة من يوم ماطلعنا من بيت خالي . واليوم هذا حكيت لكم تفاصيله لأنه اجمل يوم مر علي مع مهند .. ويارب عسى ايامنا كلها الجاية كذا وأحلى ..!
سألني ليه عيوني حمرا ووجهي ذبلان كذا قلت شكلي مرهقة وعلى طول قام راح دفع الحساب ورجعنا للبيت بدري .. طلعنا جناحنا بعد مامرينا اهله وسلمنا عليهم
لاحظت خالتي اني تعبانه .. سألتني قلت لها بس ابغى انام مانمت كويس .
طلعت فوق وبسرعه بدلت وأزلت مكياجي وغسلت ونمت .. صحيت على صوت مهند وهو يقول : ديمه قومي خذي لك دوا حرارتك مرتفعه ،، ديمه اصحي ،
: يوه خلاص انا صاحيه شوفني
: تستهبلين انتي ..؟
: لا بس ... خلاص خلاص بقوم الحين .
كنت صاحيه بس مغمضة عيوني وانا احس ان جسمي متكسر ودايخه وقرفانه من الدنيا يمكن حمى اللي فيني .
: طيب طيب قومي خذي الدوا واتركي عنك الدلع ..
قمت جلست بعد ماقدرت افتح عيوني وأخذت الحبوب من يده حطيتها بفمي وشربت مويه .. قلت له : كم الساعه الحين ..؟
: مممم احنا اربعه الفجر .
: يووه كان خليتني انام اقل شي الين يأذن .
: شفتك تحلمين ولمن لمستك كانت حرارتك مرتفعه . قلت اصحيك تاخذين لك دوا .. بلع ريقه قال : ارجعي نامي اذا تبغين ..!
قلت : لا لا بجلس الين اصلي الفجر .. احس حرارتي مرتفعه وقمت باخذ لي شور عشان حرارتي تنزل ..


مشيت بروح للحمام بس صوت التلفزيون بالصالة كان مرتفع وماعنده احد .. ورحت له بطفيه .. شفت في الصالة صحن حلا وقهوة عندي وباين ان مهند ماكل منه استغربت كيف راح جاب له قهوة ولا مين اللي جابها له ... والله انقهرت انه كان رايق ومبسوط واني تركته ونمت بس مو بيدي كنت تعبانه وادور السرير .. ماكنت في حال احد .. ماخلاني مهند افكر كثير لأنه كان واقف وراي وقال بارتباك واضح عليه : هذ هذ هذي قهوة جابتها الشغالة قبل شوي ..
يؤ اش فيه هذا مرتبك .. يعني يحسبني راح ازعل اذا الشغالة جات عندنا ؟
كمل وهو يجلس عن القهوة قال : تبين قهوة ..؟ اجلسي تقهوي .. اصب لك ..؟
: فيه شي ..؟ انت ليه كذا ترى مافيها شي اذا تقهويت لوحدك ولا قلت للشغالة تجيب لك . بالعكس انا آسفه اني نمت وتركتك وو
: لا لا لا بالعكس بسس .. حط يده بجيبه وطلع سيجارة ودخنها بتوتر فظيع .
هزيت اكتافي ودق الباب رحت بشوف مين ..؟ بس لحقني بسرعه وسبقني وفتح وتكلم بصوت واطي ورجع لي ..
قلت : مين ..؟
: ها الشغالة تبي الأغراض وقلت لها بعدين ..
دخلت الحمام واخذت شور وخرجت وانا بردانه كثير .. ولبست بيجامه قطنية ودافيه وأخذت لي بطانيه وجيت عنده بالصالة .. طالعته قلت : في راحت القهوة ..؟
: خرجتها برا يجون ياخذونها .
نفسي اشرب شي دافي .. وقمت بجيب القهوة قبل يجون الشغالات ويشيلونها ..
فتحت الباب ماحصلت القهوة .. بس شفت شي غريب ..
كانت فاطمة لابسه قميص لونه فوشي طويل وناعم بأكمام قصيرة طالع عليها مرة حلو وجالسه في الصالة اللي فوق قدام غرفة ريم وتقرا مجله . اول ماانتبهت انه انا فزت وحطت يدها على صدرها قالت : بسم الله الرحمن الرحيم متى صحيتي انتي ..؟
اش دراها هذي اني كنت نايمه ..
طالعت مافيه قهوة وجيت بقفل بس نادتني : ديمه
طالعتها وانا قرفانه منها ومن وجودها بالبيت قلت : هلا
قالت وهي مسوية مستحية : ترى مهند طول الليل طفشان وحبيت اسليه سويت له قهوة وحلا .. ضحكت وكملت : ماتقهويتي اكيد لأني عرفت انك نايمه وماحطيت لك فنجال .
قلت لها بقرف بس وانا ابتسم لها : لا حياتي تقهويت بفنجال مهند .. بس حلا اعذريني ماقدرت آكل ... وأشرت على جسمي وكملت : مااحب وزني يزيد واصير دبه .. بعدين يضحك علي مهند يقول لي بطه ولا دبه .
شفت لونها يتغير حسيتها تمنت الأرض تنشق وتبلعها من وجهها بس دخلت وسكرت الباب .. وعديت من عند مهند اللي كان واقف ياعالم مرتبك اثريها مكلمته وشاكي لها طفشه .. قلعته هو وياها ..؟
أخذت الغطا حقي ورجعت للغرفة وجلست على السرير .. ياعالم ماعاد فيني افكر وانقهر وازعل .. انا مليت ابي حياة هادية بدون مشاكل وهموم ..
: تعالي وين رايحه .. ترى لسه مااذن ..!
مارديت عليه وانسدحت وتغطيت باللحاف .. بس جلس بجنبي وقال : ترى ياديمه ماعاد فيني صبر عليك .. وانا الظاهر اليومين اللي راحتك دلعتك زياده .. ردي علي ولا تطنشيني ..
ياربي والله مو ناقصته انا تعبانه
وكمل : الحين ليه ماتردين ولا تحسبين انك اذا طنشتي ارضيتي غرورك
لااله الا الله اللهم طولك ياروح .
: روح اشتك للي قاعدة لك برا وطول اللي الليل تهتم فيك وتقهويك وتتحنن عليك من الطفش والوحده .
بهت لونه وفتح فمه قال : انتي فاهمه غلط ووو
: لا ني فاهمه ولا ابغى افهم ولو سمحت انا تعبانه بعد عني .
قمت وانا متكسرة وأخذت اللحاف وشرشفي حق الصلاة والسجادة ودخلت الغرفه الثانيه اللي فيها مكتب وكنبه وقفلت علي بالمفتاح
دق الباب علي : ديمه
.................
:ديمه افتحي لااكسره
.. خله يسوي اللي يبغى قلعته وقلعة الساعة اللي شفته فيها .. اجل يروح للغبية هذي يكلمها عني .. استغفر الله ماابغى اظلمه يمكن هي تكذب .. بس ربكته وخوفه وكذبه هو اللي قاهرني الحين . تعوذت من الشيطان وسميت بالرحمن وقريت المعوذات وآية الكرسي ودعاء النوم .. نمت وهو راح من عند الباب .. ماعدت اسمع صوته ..احس فيني نوم مو طبيعي . ومو قادرة افكر اكثر من كذا ..!
صحيت الظهر وانا دايخه ، خرجت واخذت ملابسي واستحميت ولبست وماشفت مهند موجود .. قلعته ..
نزلت تحت عند امه وحصلت ابوه وريم وهو جالس معاهم سلمت عليهم وكلهم سألوني عن صحتي اليوم قلت لهم اني بخير ..
قالت خالتي : سألت مهند عنك قال انك تعبانه ونايمه .
: ايوه ياخالتي كانت حرارتي مرتفعه بس اخذت لي حبتين بندول وخفيت الحمد لله
جلست وانا احس اني لسه تعبانه وقمت من الصالة لمجلس الحريم ومددت على الكنبه لحقني مهند قال : اوديك للمستشفى ..؟
سكتت وطنشته خله يدري انه غلطان مو كل شوي يغلط ويجيني يراضيني بكلمته وانا ادور الراحة والهدوء .
قال بعصبيه وصوت واطي : ديمه ردي لاقص لسانك ثم اخليك تسكتين صدق
مارديت عليه : ................
: الله يعينك يامهند على هالبلوة
خرج من عندي وانا كنت تعبانه ودايخه وقرفانه من حياتي ومن اسلوبه طيب يامهند اوريك ..
نمت شويه الا جات ريم عندي وصحتني اقوم اتغدى وقالت لي انها جايبة الغدا هنا
قلت لها : اوكي حقوم الحين
شافتني حطيت يدي على عيوني قالت : ديمه فيك شي عيونك فيها شي ..؟
: الحين افتح عادي
بعد شوي فتحت عيوني وسألتني ريم باهتمام عنها اش فيها
: ماادري بس من بعد العملية والغيبوبة اللي صارت لي ماصرت افتح بسرعه لازم اجلس دقيقتين ثلاث عشان اقدر اشوف
: يابنت هذا اكيد مو شي عادي لايكون للورم اللي جاك دخل فيه ..؟
: الا ان شاء الله شي عادي وماللورم دخل فيه .. اهم شي مااحس بوجع ولا الم ولا شي هذي مشكله وبتروح مع الوقت ان شاء الله .
: مهند يدري
: لا ماقلت له ولا سألني
: غريبة أي احد لازم يلاحظ
: هو دايما يصحيني ويقول خلي الغفوة هذي اللي تاخذينها بعد ماتصحين يحسبني نايمه .. اخوك عصبي ومتسرع ومتهور ..
: طيب ليه ماتقولين له مو تنتظرين لين يسألك ..؟
: يووه ياريم مو مهم ماعليك بس انتي تغديتي .
: ايوه كلنا تغدينا كنا بننتظرك بس مهند قال ماتقدرين تنزلين ومتى ماصحيتي راح تجين .
: كنت تعبانه بس الحين احسن الحمد لله .. اقولك هذي فيه ولا انقلعت ..؟
: لا راحت امها رجعت .. لايكون قالت لك شي تراها البارحه تدخل وتطلع ولبسها مرة قليل ادب ومبسوطه .. بس دخلت علي الفجر وشكلها متغير وتبكي .
كلمتك ..؟
: خليك منها وو
سمعت مهند ينادي على ريم وسكت وهي طلعت ودخل علي بعدها كنت قد اكلت شوية خضار وسلطه ماكان لي نفس بس اكلت غصب
: يالله اطلعي جهزي بوديك المستشفى
مارديت عليه
: ديمه تعوذي من الشيطان ويالله
: الله يخليك اطلع من عندي الحين مو في حالك انا ومالي خلقك .
: مالك خلقي هاه .. قومي واقصري الشر لااشيلك الحين قدام الناس . وكلامنا بعدين مو الحين .
قمت وطلعت اخذت عبايتي ولحقتني ريم تساعدني ونزلت رحت عنده وجا بيمسكني بيدي بس مارضيت قال : امشي الشرهه مو عليك على اللي بيساعدك
ركبت وانا ماتكلمت دخلنا المستشفى وقاسوا لي الحرارة لقتها الممرضه 39 وأعطتني الدكتورة مسكن وخافض للحرارة ومضاد لالتهاب اللوز
وخرجنا من المستشفى ومهند ساكت وانا كمان ماتكلمت للحين من اول ماخرجنا الا لمن كلمت الدكتورة .
رجعت للبيت وماطلعت فوق لأني اولاً ماابغى اقابله .. ثانياً مافيني اطلع وانزل
جلست عند خالتي واضطريت اجلس عشان عمي كان موجود وظهري احسه بينكسر انتبهت لي ريم بعدين قالت : ديمة خلينا نروح نجلس داخل المجلس والتفت انا لخالتي
:خالتي تجين عندنا
: وين بتروحين ؟
: بروح انا وريم نجلس بالمجلس ابغى اتمدد هناك
: بجلس مع ابو مهند شوي واذا خرج جيتكم
: خلاص على راحتك .
رحت مع ريم وجلست بالمجلس ونمت بعد مااخذت الدوا وماصحيت الا العشا بس الحمد لله احسني احسن بكثير خرجت عند خالتي وريم ماشفت مهند وسألت ريم عنه عشان مايقولون ماتهتم فيه قالت : خرج بعد مامر عليك وشافك نايمه
: ماتدرين فين راح
: لا مارضى يقول لي يقول مشوار .. اتصلي فيه اسأليه
: ها.. لا خليه براحته اخاف عند من اصحابه يقولون بدت تزعجه ..


مر علينا ثلاثة ايام وانا ومهند وضعنا من سيء لأسوأ لاهو راضي يتعدل ويكلمني باسلوب حلو ولا انا راضيه اعطيه فرصة يكلمني بهدوء .. او افتح معاه أي حوار .
حياته مملة وانا اكثر منه ..
نزلت من الجناح وهو نايم بالغرفة لوحده لأني صرت انام بغرفة المكتب .. وجلست مع خالتي وريم .. قامت خالتي قالت بروح اصلي بعدين تكلمت ريم وهي شكلها مرة طفشانه .
:ديمه اش رايك اسجل من الاسبوع هذا بمعهد حاسب
: حلو بس ليه ماتكملين جامعه
: يوه لاتذكريني هلكت وانا احاول اجيب واسطات ادخل ومحد رضى يقبلني .. كليه ماابغاها والجامعه نسبتي 77 مايقبلوني
: ليه ماتسجلين انتساب
: لا ماابغى دوام العصر .. اذا سجلت بالجامعه يامنتظمه يابلاش ..
: اوكي جهزي اوراقك واذا بدا التسجيل ذكريني
طالعتني وقالت : ليه حضرتك بتسجليني ولا عندك واسطه ولا لاتكونين العميده ماحنا ماندري اقولك ابوي جاب لي واسطات ناس كبار محد قدر يدخلني
: ههههههههههههههه ليه منتي واثقة فيني خلصي اوراقك والباقي علي .
" وش اوراقه " سمعنا صوت مهند اللي كان واقف قريب منا .
التفتت عليه وهو كان يناظرني بس صديت عنه قالت ريم : عليكم السلام
: السلام عليكم
ردينا كلنا : عليكم السلام ورحمة الله
طالع مهند في ريم وانا قعدت اصب لي قهوة وآخذ قطعة من الكيكة اللي على الطاولة احاول اشغل نفسي حتى ماتنتبه ريم علينا بعدين قالها : أي اوراق اللي بتجهزينها
: زوجتك تقول جهزي اوراقك وتسجيلك في الجامعه علي
التفت مهند علي قال : صدق ياديمه ..؟
: ايوه صدق .. وكملت وانا اشرب قهوة من دون مااطالعه : انا اعرف مسؤولات كبار بالجامعه واذا ريم بتسجل ماعليها الا تجهز اوراقها واذا بتقدم عن طريق النت مافيه امل يقبلونها.. بس انا راح آخذ اوراقها للعمادة ووحدة القبول والتسجيل وأسجلها هناك ..
طالعني وهو يبتسم قال : واثقة من كلامك
مارديت عليه وأخذت جوالي قعدت ادور على الأرقام الين لقيت الرقم اللي ابغاه واتصلت قدامهم
: الو السلام عليكم
: اهلين .... ديمه .؟
: ايوه معاك ديمه يادكتورة .. كيف حالك .؟
: الحمد لله بألف خير .. انتي كيفك طمنيني عنك .. كذا ياديمه تقطعيني بهذا الشكل ؟
: والله يادكتورة مشاغل تعرفين الماستر والبحث والاختبارات
: والإجازة ماتكلميني ولا تنسين فيها اهلك اللي بالجامعه تعرفين ياديمه قد ايش اعزك واعتبرك مثل جيهان بالضبط
: الله يخليك يادكتوره مو انا عزمتك على زواجي وماجيتي
: اوووه والله ياديمه دوبني تذكرت .. اصلاً البطاقه ضيعتها من هذاك اليوم وكنت ابغى اتصل فيك بس نسيت الله يلعنك ياشيطان ... عن جد ياديمه آسفه والف مبروك حبيبتي .. لا لا اذا كلمتيني وانتي بشهر العسل معناتها انا اللي مقصرة مو انتي
: لايادكتورة ماتقصرين والحق لكِ انتي .. انتي بمكان امي ولازم اطمن عليها ..
: الله يسعدك يابنتي ويخليك
: كيف جيهان ودينا من زمان عنهم والله
: طيبين ودايماً يسألوني عنك .. راح اقولهم انك تزوجتي اكيد حيفرحوا لك ...
: سلمي لي عليهم يادكتورة .. ويالله حبيت بس اسلم واطمن عليك ..
: الله يسلمك حبيبتي والف مبروك مرة ثانيه .
: الله يبارك فيك .. ومااطول عليك يالله مع السلامه
: الله معك يابنتي
قفلت وهم يناظروني قال مهند : من هذي
: مديرة وحدةالقبول و التسجيل
: اوف مرة وحده
شربت من فنجالي وقلت بخبث : مشكلتك انك تستهين فيني ...
ناظرني باهتمام بس صديت بعدين التفت عليه وقلت : تبغى قهوة .؟
: هاتي فنجال ..
صبيت له قهوة وحطيت له من الكيكة ونزلتها قدامه من دون مااطالع بوجهه .
قالت ريم : ديوم ياعمري وربي لو ادخل الجامعه على يدك اني لأكون مديونة لك الين اموت ..
: ههههههههههههه بتدخلينها ان شاء الله ولاتصيرين مديونة لي ولا شي لاتنسين انك ريم الغالية وماعندي اغلى منك اخدمه ..
ضحكت ريم وقالت : تسلمين يازوجة اخي المصون .. صحيح اني انا السبب في زواجكم واني كذا مرة ارسلني مهند لك اقولك كلام بس ماقلته لأن مالي وجه منك واخوي خبل ماعنده اسلوب .. وووو
تنحنح مهند وقاطعها قال : ريم ممكن تجيبين لي كاس ماء وتتركين الهبال هذا عنك ..؟
عرفت انه بيصرف ريم قلت : اجلسي ريم خليني اتحرك انا من امس وانا نايمه
بسرعة خرجت وجبت له كاس ماء ونزلته قدامه ..
دخلت خالتي علينا قالت : ديمه يمه كلي لك شي ترى غداك اليوم مو غدا
قال مهند : بنطلع تعشا انا وياها .
تدخلت انا قلت : لاااا خلنا نتعشا هنا مالي نفس اخرج في البيت احسن .. بلعت ريقي خفت من خالتي تنتبه وكملت بسرعه : الا اذا خالتي وعمي وريم بيروحون معانا ماعندي مشكلة ..
قالت ريم : ياليت والله طفشنا من البيت لو انا في ابها كان يمديني اروح لبيت عمتي واجلس مع البنات مو هنا ملل وطفش ومانطلع .. يالله مهند خلنا نطلع .. طالعت فيه وهو يناظرني مو معاها قالت بنبرة غير وفيها احراج : ولا اقولكم بلاش البيت احسن .
هذا يناظرني ويبتسم مايتحرك .. صديت بسرعه لايبين علي الارتباك وقمت وقفت وانا اسوي نفسي مكسلة ..فتحت الشباصة ونزل شعري كله على قدام بطريقه حلوة
قالت ريم : ديمه ماشاء الله على شعرك تسشورينه كل يوم انتي ..؟
: لا والله من يوم زواجي ماسشورته الحمد لله مو محتاج
: طيب علميني انا اخت زوجك تكفين ديوم وش تسوين له .. ؟ بطول شعري خلاص .
ضحكت من ريم : ههههههههههههههههههههههه والله مااسوي له شي معين بس كلي خضار وفاكهه وسلطه واتركي الرز والبيبسي اللي اهلكتك
احس مهند مرتبك وحاول يطلع سيجارة بس تراجع شكله استحى من امه . . بعدين عدل جلسته ثم وقف كان بيطلع بس لمن تكلمت رجع وقف .. .
قلت لريم : اش رايك نطلع للحديقه ؟
قالت باستغراب : أي حديقه
: هذي حقت بيتكم ؟
: هههههههههه هذي تسمينها حديقه ؟ ياحليلك ياديمه .
: اجل شو اسميها ؟
: هذي الكم شجرة وكم ورده
: هههههههههههههههههههه لا اجل الحديقه بنظرك كيف ؟
: ماراح اقولك لين تشوفين حديقة بيتنا اللي بأبها !
: اها ومتى راح اشوفها ؟
: بقول لابوي نروح لها الاسبوع هذا تعالي انتي ومهند معانا حرام تقضون الاجازة في البيت كذا ترى محد سوا زيكم العالم تروح تتمشى وانتم محبوسين في البيت
: انا مبسوطه هنا وهذا اهم شي
كان مهند يناظر فيني وهو ماقد طلع بعدين قال : تعالي معاي انا اوديك خلي ريم عنك ..
ابتسمت وانا مقهورة ضغط علي قدام امه وماحبيت اقول لا وارفض ويلاحظون علينا شي .. واضطريت اخرج معاه بعد مامسك يدي وسحبني ...
طلعنا للحديقه كانت صغيرة فعلاً بس فيها كرسي ارجوحه كبير ومسبح وأشجار زينه وزاوية فيها ورود الوانها حلوة ذكرتني ببيت جدتي بس حديقة جدتي مرة كبيرة وأحلى .. وأشجارها اكبر وأكثر كأنها مزرعه كاملة ..
اخذني مهند عند المسبح و بعده رحنا للأرجوحه جلست فيها وجا وراي يدفني
ثبت الأرجوحه وقرب مني وقال بهمس : ديومتي زعلانه مني ؟
: لا .. وليه ازعل ..؟
: الا زعلانه .. وغيورة ..
وجا قدامي على ركبه قال : والله العظيم انها بهذلتني ... تنفس ثم كمل وانا احس انه مايبغى الكلام في الموضوع هذا : دخلتي تنامين وانامافيني نوم وطفشان .. نزلت ابي شي آكله لقيتها بوجهي ورجعت .. بعد ساعه قلت اطلع مرة ثانية ولقيتها عند الدرج كأنها تنتظرني .. قلت لها وانا مقهور : ارجعي وتستري ولا روحي لبيت اهلك .. بس قعدت تبكي وتقول مهند ابي اكلمك عطني دقيقتين اسمعني فيها .. وقالت لي خرابيط عنها ماعنت لي أي شي .. وانا قلت لها انها مثل اختي واني خلاص مو لها والله يرزقها بواحد احسن مني .. آخر شي ترجتني انها تسوي لي قهوة وحلا من يدينها .. صدقيني ياديمه تعاطفت معاها لأنها بس تبكي حسيت انها مسكينه .. وقلت اجل انا في بيتي اذا خلصتيها دقي الباب وتستري ..
ديمه والله ماكنت اقصد ازعلك .. كنت ابي الموضوع هذا يعدي بدون مشاكل .
: تدري انك لو جيت وقلت لي الكلام هذا من دون ماتكذب وتقوله هي لي مازعلت .. ترى انا اكره الانسان اللي مايصدق معاي وماعاد اثق فيه مهما كان .
: لاياديمه ثقي فيني انا لايمكن اخون مهما كان .. وفاطمة دايما قدامي بشكلها هذا عمري ماالتفت فيها وانتي مو عندي مو الحين والقمر بين يديني اطالعها ..
قرب مني وباس خدي قال : ادري ان اسلوبي اسلوب واحد غبي تحمليه لين اعدله شوي شوي .
ابتسمت وقلت : لو فكرت فيني كان عدلته من زمان .
ضرب على راسه بيده : انا سنتين ماافكر الا فيك وانتي تقولين مافكرت فيني
دخل عمي اللي ضحك بصوت عالي قال : ماشاء الله على ولدي وحركاته ههههههههههههههههههههههههه هههههههه .
وقف مهند وراح عنده سلم على راسه وانا لحقته سلمت على راس عمي قال مهند : شبل من ذاك الأسد طال عمرك .
ضحك عمي بصوت عالي اكثر قال : تعالوا ادخلوا الرطوبه عاليه الله يقطع جده وجوها ..
التفت وكمل : على فكرة حجزت لكم على طيارة بكرة لأبها لأن ساره مسوية لكم حفله ونسيت اقولكم العمل اشغلني عنكم .
قال مهند : وانتم بتروحون معنا ولا لا ..؟
: الا بنروح بس احنا حجزنا على طيارة 11 الصباح وانتم طيارة 5 العصر ماحبينا نحرجكم واحجز لكم معانا .
تكلمت انا : عمي لاتقول كذا انتم اهلنا مافيه احراج ولا شي .
:الله يسلمك يابنتي يشهد الله انك مثل سميرة وريم عندي
: تسلم ياعمي عسى الله لايحرمنا منك ..!
دخل عمي البيت واحنا وراه كان مهند حاضني بيده على جسمه وانا كل مااحاول ابعد يقربني منه اكثر اخيراً دقيته بكتفي والتفت وأشرت على عمي وضحك و تركني ومسك يدي ..

قمرااي likes this.

لامارا غير متواجد حالياً   رد مع اقتباس
قديم 15-04-14, 12:25 PM   #19

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

دخلنا كلنا البيت وراح عمي يسلم على خالتي ويمسيها بالخير بعدها دخل غرفته يبدل عشان يجي يتعشا
دق التلفون اول مادخلنا الصالة عند خالتي وردت على طول سمعت خالتي : هلا مرحبا ..............الحمد لله بخير انتم كيفكم .................. ايوه مهند هنا .................. ماتبين ارسل لك السواق خلي مهند يرتاح ................ اللي تشوفينه انا بقوله وهو مابيقصر معك ان شاء الله ..............مع السلامه
طالعت خالتي بمهند قالت : هذي عمتك نورة تقول خليه يجيني يوصلني لزواج معزومه عليه
رد مهند وهو باين انه طفشان : ارسلي لها السواق وفكيني منها .
: تقول انها ماترتاح لسواقنا رغم ان سواقنا مطوع واكثر وقته بالمسجد
: اجل خليها مادام ماترتاح للسواق تجلس في البيت مو لازم كل اسبوع وهي ساحبة بنتها وحاضرة لها عرس .
: يمه روح ودها تقول القاعه قريبة من هنا
التفت علي قال : تروحين معاي نوصلها وباخذك مشوار
هزيت اكتافي وقلت : مالي نفس احتك فيهم واجيب لراسي الوجع بس اذا تبغى اروح ...
خالتي تدخلت : يمه مهند اترك ديمه تعرف عمتك وبنتها وأشرت له بعينها ..
: يالله اجل بروح اوصلها والله يعيني .. يمه تكفين دقي عليها قولي لها لاانتظر خلها تخلص وتطلع لي برا .
: هي قالت انها جاهزة وخلها تطلع له
قام مهند والتفت علي احسه مايبغى يخرج قال : الله يكفينا شرهم
بصراحه دايما اخاف من كلمة مهند هذي اذا قالها عن عمته احسه يخاف منها تسوي له شي ....
راح مهند لعمته ودخل علينا عمي وجلس بجنب خالتي وصبت له قهوة بعد ماكنت انا بقهويه بس خالتي اخذت مني القهوة وراحت تقهوية وهي تتودد له
الله يرحم ابوي صادق بكلامه عنها باهتمامها بزوجها وحنيتها وحبها للناس
بعد شوي جات ريم جلست معانا بعد ماكلمت سميرة اختها بالجوال وسلمت على ابوها ثم قالت : يمه يبه ترى زوجة اخوي الفاضلة تبي تتوسط لي بالجامعه وادرس منتظمه
: التفت عمي علي قال : صحيح ياديمه تقدرين .؟
: ان شاء الله ياعمي لاتشيل هم .. وريوم بتدرس بإذن الله لأن علاقتي بمديرة القبول قوية تعتبرني زي بنتها وماراح ترد لي طلب وهي دايما تقول لي اطلبي مني أي شي نفسي اخدمك .
: الله يبيض وجهك يابنتي انا اشهد انك تدخلين قلب كل من عرفك
تدخلت خالتي : والله ياديمه لو ريم تدخل الجامعه انك تسوين فيها معروف ماننساه لك .
: خالتي اش هالكلام ريم اختي وانتم اهلي مابين معروف وجميل ..
دخل مهند وهو يقول: الا عمتي نوره وبنتها .. يبه شوف لك صرفة مع اختك ولا تراني بتصرف معاها بطريقتي .
تكلمت امه : بسم الله يمه مسرع تجي
: ماوديتها الله حسبي على ابليس بس
فتحت عيونها امه من شكله وهو معصب قالت : وش فيك يامهند ؟
: يمه عمتي لاتبيني اوديها ولا شي دخلت بنتها علي بعد ماغصبتني ادخل المجلس وهي طاقة مكياج ولابسة نص فستان ويوم طردت بنتها .. جات وتكلمت كلام لايرضي الله ولا خلقه ... كان يطالع فيني على آخر جملة .. وفهمت انها تكلمت علي الله يكفيني شرها .
رد عمي قال : ولد عيب مهما كان هذي عمتك ومايجوز تتكلم عليها .
تكلم مهند : يبه عمتي مالقت من يوقفها عند حدها بس الظاهر ان سنعها هي وبنتها على يدي ..!
قال عمي بصوت عالي :مهند وش هالكلام .؟
:الله يعين بس اعذرني يبه والله اختك وبنتها بيطلعون في راسي قرون من سواياهم .
قالت خالتي : انت علمنا وش هي قايله .
: خل كلامها الحين كلهن يسعن .................. وقف مهند وناظر فيني وكمل بعد ماتنهد : حسبي الله ونعم الوكيل والله يكفينا شرهن
قالت ريم تهدي الوضع :هد بالك مهند احنا تعودنا على كلامهن وسخافتهن .. ويالله قوموا تعشوا اتركوهم عنكم . الله يهديهن ويشفيهن .
رحنا تعشينا انا جلست بجنب مهند وعمي وخالتي متقابلين وريم جالسه مقابلة لي ..
كنت اشوف ريم تناظر مهند بعدين أشرت لي وانا بدوري التفت على مهند لقيته ماأكل بالمرة حتى امه لاحظت قالت له تعشى ولاتفكر بنورة وبنتها راح تتعب من كثرة التفكير ...بس هو اعتذر وقال انه ماله نفس .
قام والتفت علي قال بصوت محد سمعه غيري : اذا خلصتي تعالي للصالة ..
قمت على طول حاسة انه بيقول لي مصيبة .. واعتذرت من خالتي وعمي وريم اللي ناظروني باستغراب قلت : الحمد لله .. عن اذنكم بشوف مهند اش فيه شكله متضايق .. وابتسموا كلهم قال عمي : روحي يبه شوفي زوجك وحاولي تهدينه .. ترى الأمور هذي توافه ماتستاهل العصبية والنرفزة .
رديت على عمي وانا ابتسم وانا من جوا خايفه من حالة مهند اش وراها الله يستر: ان شاء الله عمي .
لحقته بالصالة وجلست بجنبه قلت بصوت واطي وباين اني مهتمه : هلا .. خير فيه شي ..؟ ليه ماتعشيت وليه شكلك كذا .. صاير شي ..؟
كان مكشر واسنانه على بعض وهو يتكلم عشان يمسك اعصابه احس انه بينفجر ...
: ليلة العشاء كلمتي هدى وعمتي عندكم ..!
: ممممم ايوه طول الليل اسولف مع هدى وعمتك كانت موجودة بالمجلس بس ليه تسأل ..؟
بسرعه لف يدي وهو يلتفت لغرفة الأكل خايف احد من اهله يشوفنا قال : تعرفين وحده بالجامعه اسمها سارة عبدالعزيز
: ايوه كانت من صاحباتي .. بعدين سيب يدي ولاتكلمني بهذي الطريقة .. وسارة اش فيها ..؟
: وليه كانت ومو مازالت .. ؟.... كنت احس يدي بتنكسر وهو يلفها اكثر ...
: انت اش فيك البنت لايكون فيها شي بعدين يدي انكسرت سيبها .
: تعرفين اخوها سلطان
فتحت فمي وعيوني ونسيت وجع يدي .. : شو اعرفه وضح كلامك ..!
: تعرفينه ولا لا ..؟
: سارة دايما تكلمنا عنه
: قصدك تكلمك عنه
: انت شفيك .. ؟
سحبني بيدي ووقف قال : اطلعي قدامي وانا اعرف اتفاهم معاك .
طلعت قبله للجناح وانا على اعصابي .. دخل بعدي ولحقني ومسك يدي بقوة بس انا قلت له بسرعة تفادياً لأي نقاشات تافهه وسخيفه حتى مااتعب نفسياً ويطيح من عيني : الله يخليك اذا أي احد بيجيك ويقول لك كلمتين لاتجيني تناقشني خاصة بهذي التفاهات ..
واذا بتعرف ليه سارة كانت ومو مازالت لأني زرتها ببيتها وحاولت تخلي اخوها يشوفنا وماكنت لوحدي عندها كانوا معاي ثلاث من صاحباتي وكلنا عصبناعليها ورجعنا لبيوتنا على طول وقاطعنا سارة لليوم .... وقلت لخالي بساعتها وخالي تفاهم معاه بطريقته وكسر له راسه هو ورامي ولد خالي محمد .. واسأل خالي اذا تحب ... ورجاءً اذا تلمح لشك بيت خالي قريب ودني اياه ومنت ملزم تعيش مع وحده تشك فيها او تصدق فيها كلام ناس زي اللي رحت لهم ....
كانت الصفعه القوية على وجهي هي رد مهند وانا فتحت عيوني مو مصدقه لااااا
..
كنت حاطه يدي على خدي واناظر فيه وعيني احسها مليانه دموع بالرغم اني مابكيت .
رجعت ورا بس هو لحقني بسرعه ولفني عليه وضمني على صدره حاولت افتك منه بس مهند قوي وانا ضعيفه .. تكلمت : بعد عني .. !
: ديمه
: لوسمحت بعد عني .. اكره اسلوبك ..!
فك يدينه ورحت مابكيت ولا عاتبته ولا شي دخلت الغرفه الثانيه وسكرت علي وجلست بحاول استوعب اللي صار لي ..
انا عروس لي شهر وكم يوم متزوجه اكلت منه ضرب وبدون ادنى سبب والله لو اني مسوية مصيبة ماضربني كذا ..
انا ديمه اللي من يوم فارقت جميله من 18 سنه للحين محد جرحني او تكلم علي مو يضربني .. آخر شي يجي هذا اللي داريت على كسره ليدي وضربه واسلوبه وتجريحه لي عشان اخوالي مايذبحونه يسمع فيني ويشك ..!
اروح اكلم خالي .. لا لا والله لو اكلمه لتصير سالفه بصبر كمان شويه على مهند
اصلاً حتى لو رحت عند خالي ماراح يسوي لي شي وبيحاول خالي انه يصالحني عليه .. لأنه ماراح يرضى اتطلق او احد يتكلم علي وأكيد انه بيتصرف مع مهند ويتمشكل معاه .. وانا مو مستعده اعيش بمشاكل كبيرة وادخل خالي فيها ..
ياربي صبرني وألهمني وأعني على مهند وعلى العيشة معاه


حاولت انام بس موقادرة وفكرت مااروح لابها بس المشكلة فيه حفلة وفيه ناس ينتظرونا ومتشوقين يشوفوني لأن ريم قالت لي ان كل قرايبهم هناك متحمسين لزوجة مهند خاصة انه كان رافض الزواج بالمرة وفجأه وافق وخطب .. وانه كان مصر علي وقالهم انه اذا ماتزوج ديمه ماراح يتزوج قبل ست سنوات ..
نمت بعد ماتقلبت ساعتين وانا افكر بس اهم شي مابكيت وحاولت اتناسى الشك والاهانه اللي صفعني بها مهند قبل مايصفعني بالكف ..
اخيراً نمت حتى مابدلت ونمت بملابسي ..دايماً النوم يمثل لي طريق للهروب من المشكلة لأني اتعب كثير من التفكير ومن الحزن ومن البكا فأحسن طريقة واريح حل اني اهرب للنوم اعرف ان هذا مو حل للمشكلة بس مجرد راحة مؤقته وخاصة اني وحيده ماعندي احد يساعدني بمشكلتي ومااقدر اشكي على احد لأنهم مايقدرون يحلون مشكلتي لا هدى ولا خالتي فادية ولا حتى أي احد من اخوالي بالعكس راح يزيدون المشكله ..
ولمى ..آآه يالمى نفسي اكلمها هي الوحيده اللي تريحني اذا كلمتها بس انا مقررة ماادخل أي احد في مشاكلي الا اذا عجزت عن حلها ولمى مافي يدها حل ....
نمت وطول ليلي احلام مزعجه .. وكل شوي اصحى وارجع انام غصب .. صحيت الساعه 9 الصباح لأني نايمه تقريباً الساعه وحدة احسني خلاص اكتفيت ..

رحت للحمام اوف .. كان خدي الأيسر فيه علامة زرقا وعيني كانت حمرا
ياااااااا الله الحين كيف اسوي .. اش اقول لاهله ولا للناس اللي بروح لهم اليوم ..اوووووف ......بجد انقهرت ..
دخلت الغرفة ابغى آخذ لبس شفت مهند نايم على السرير بالعرض وبثوبه ومو متغطي باين انه تعبان .. والطفاية بجنبه ومليانه زقاير ..
ياالله شوف كيف تعب نفسه بنفسه .... هو اللي جاب الحالة هذي لنفسه .. بس ابغى اعرف كيف عرف سارة واخوها .. هو محد خلاه يعصب الا عمته وبنتها ولمن جا قال انها قالت له كلام مايرضي الله ..
ياربي من فين عمته تعرف ساره ولا حتى فاطمه .. سارة مخلصة جامعه من سنتين تقريبا وقالت لي ندى بنت عمها انها تزوجت وعندها ولد كمان .. اش يجيبها لفاطمه وامها خاصة انهم مو من قبيلتنا ولا من معارفهم حتى ...
ياخبر بفلوس اليوم بكره اكيد بعرفه ... رحت للدولاب وأخذت لي بيجامه قطنية ناعمه لونها بيج وفيها رسوم على الصدر بلون احمر كم طويل وبنطلون طويل ..
لبست بعد مااستحميت .. حطيت مكياج فونديشن وبودرة وكثرت ابغى اخفي العلامه الزرقا اللي بخدي .. ومشطت شعري وفرقته من اليمين جبته على جهة وجهي اليسار عشان يغطي الندبة
ياااالله الحين اش اسوي اقعد مااقابل اهله لين يروحون ولا اخرج لهم واقولهم ولدكم جاني مجنون وضربني لأن عمته حشت راسه بكلام فاضي .. ولا ادور لي عذر واقوله عشان ماافضحه ولا اخلي اهله يزعلون منه .
توكلت على الله ونزلت بعد ماحطيت روج لحمي وبلاشر
ماحصلت احد تحت وسألت الشغالة قالت : ماما وريم يروح سوق .
احد يروح السوق في الحر هذا ..؟
حضرت لي الشغالة فطور وجلست افطر بالمطبخ .. بعد ماخلصت فطوري رحت عند التلفزيون وأخذت لي مجله قعدت اقرا فيها .. دخلت علي ريم شايلة معاها اكياس وخالتي كانت وراها
سلموا كلهم علي وبعد مارديت عليهم قالت ريم : ديومه صاحيه بدري ماشاء الله عليك لو دريت كان خليتك تروحين مع امي للسوق وتشترين لي اغراض واكمل انا نوم .
قلت لها : كان قلتي لي عادي اروح عنك بس اش عندكم بالسوق مع الصباح
: ياعروس اليوم مسوية لك عمتي سارة حفلة ولازم نروح نشتري فستان وتبعاته من اكسسوار لجزمه لشنطة ..عشان حفلة اخوي وزوجته .
: اها يعني الحفلة كبيرة ولا عشى عادي
تكلمت خالتي قالت : لايمه حفلة كبيرة ولازم تسوين مكياج سهرة والبسي فستان سهرة واذا تبين نصيحتي البسي فستان ملكتك مرة يناسب الليلة .
: عندي فساتين احلى منه بس اذا تبيني البسه لبسته عادي
: لا لا يمه البسي اللي تبينه ويعجبك اذا عندك احلى منه حلو .. ابي الناس تعرف ان زوجة ولدي مافيه اشيك منها ولا الجمال عارفين مافيه اجمل منك .
: هههههههههههههههههههه تسلمين خالتي الله يخليك لي
قمات ريم قالت : بروح اجهزالحين .. ابوي يقول الاقيكم جاهزين الساعه 11 بالضبط عشان نروح للمطار .. وفتحت عيونها بقوة وهي تقول . . ديمه شو هذا ..؟
: شو ..؟
: عينك ليه كذا حمرا .؟
: ها .. ؟ ماادري يمكن من العدسات
: عاد مالقت تحمر عينك الا اليوم ... ياشيخه روحي اكشفي من جديد وسوي تشطيب وارتاحي
: بروح مرة ثانية لمستشفى ثاني ولو ان مغربي مافيه احسن منه بس نتأكد
طلعت ريم وخالتي ساكته بعدين قربت مني قالت بهدوء : ديمه يمه ماابي اتدخل بس وجهك فيه شي وانا ملاحظته من اول مادخلت اذا مهند يمد يده عليك وانتي عروس ماني ساكته ابد .
: يمه ماصار شي ولاتشيلين هم
: لا صار ومهند مو من حقه يمد يده عليك مهما كان ..
سكت شوية بعدين قلت : خلاص يمه هو اعتذر مني وانا سامحته .
: اخ بس .. لولا اني ماابي اتدخل كان كلمته وحاسبته
: لايمه الله يخليك .. يكفيه اللي فيه ولا يدري انك منتبهه الله يجازي اللي كان السبب . وحسبي الله ونعم الوكيل .
: اها ... عرفت انها فهمت اقصد مين كانت بتتكلم الا دخل مهند بسرعه علينا كان شكله يفجع عيونه حمرا وأزارير ثوبه مفتوحه وشعره مبهذل اول ماشافني حط يده على راسه قال : انتي هنا حسبت .......... وسكت ..
التفت على خالتي وهو كان واقف قلت : يمه تبغيني اساعدك بشي عشان تجهزين
: ذكرتيني والله لو يجي ابو مهند وانا ماجهزت بيزعل .. قامت خالتي بعد ماناظرت بمهند قالت : شكلك ليه مبهذل كذا . ؟
: نمت البارحه وانا مصدع ماانتبهت الا الحين ماشفت ديمه
: تطمن ديمه عاقله بس الباقي والشرهه على المتهورين
خرجت خالتي وانا بصراحة تمنيت انها ماتكلمت لأنه حالته تكسر الخاطر وهي تزيده ...
طالع فيني قال : ديمه
وقفت وقلت : بدل ملابسك وخذ لك شور بحضر لك الفطور ..
وقفلت المجله اللي كانت بيدي وقمت رحت للمطبخ قلت للشغالة تحضر له فطور .. وانا رحت للصالة الثانية
لحقني ومسكني بيدي قال : طيحتي قلبي حسبتك مو هنا ..!
سحبت نفسي منه وصديت عنه مارديت عليه ... بعدين مسكني مرة ثانية وسحبني ناحيته شفته يناظر بوجهي ورفع شعري كله ورى كان يبحلق فيني بقوة ..
بس تركني وانا وخرت عنه ورجعت شعري . شفته يضرب على جبينه بقوة وقال كلام مافهمته شكله يوبخ نفسه لمن شاف عيني ووجهي ...
طلع فوق وبعد شوي رجع كان لابس بنطلون جينز وتي شيرت بيج وأزرق ومرجع شعره ورا وهو لسه مبلل مانشف زين .. وحاط عطر ريحته واصلتني قبله ..قرب مني وانا صديت عنه وقمت طلعت فوق
رحت ارتب اغراضي عشان اروح للمشغل قررت اسوي مكياجي بجده قبل نروح .. المصيبة لو اروح عند ليليان بتفضح فيني عند هدى وبتقعد تسألني كيف عروس وتنضربين وماادري ايش ..
رجعت لغرفتي نمت فيها ساعتين وصحيت حصلت مهند قاعد بالصالة ويتفرج على مباراة اوروبيه عديت من عنده واتصلت على ريم لقيت جوالها مقفل وعرفت انهم راحوا ..
وقفت عند مهند قلت : ترى ابغى اروح للمشغل من بدري بتوديني ولا اروح مع السواق
وقف وجا عندي قال : السواق هذا ماتركبين معاه الا اذا كنتي مضطرة فاهمه ..
رحت من عنده ودخلت لبست عبايتي ولفيت طرحتي على شعري وخرجت للصالة وأول ماشافني قام وأخذ جواله ومفاتيحه والتفت يناظر بوجهي تنهد بقوة ومشى قبلي وانا لحقته ..
في السيارة دقيت على لمى اللي عاتبتني لأني ماادق عليها واطمنها عني قلت لها ان عندي ظروف وراح ازورها قريب بإذن الله .. سألتها عن مشغل حلو غير المشغل اللي اروح له وشي واثقة فيه لأني بصراحه تعودت على المشغل حقي وباقي المشاغل مااثق بشغلهم
دلتني على مشغل تروح له زوجة اخوها وقالت ان شغلهم مرة روعه ..اخذت منها العنوان ومهند يسمعني ... قفلت من لمى قلت : فهمت الوصف
: لا
قلت له على الوصف بدون نفس وصديت عنه ،، بصراحه قاهرني وطفشانه منه ولولا اني ماابغى اضايق اهله ولا خالي كان تركته وافتكيت من همه ورجعت لجنتي بيت خالي الله يخليه لي .
كان جو السيارة كئيب وممل .. قمت دقيت على خالي ناصر مارد علي ودقيت على هدى واشوا ردت قلت لها انا اليوم بنروح لأبها وماادري كم يوم بنجلس وراح اتصل فيها .. وقفلت مع هدى بعد ماقلت لها تسلم لي على خالي وعيالها ..
كنت اموت باللحظة عشر اذا كلمت هدى وعيالها .. اذا تذكرت بيت خالي وحياتي فيه ياناس الأيام فيه تمر علي مااحس فيها من الوناسه وقلة الهم مو هنا اعد الساعات والايام .
نزلت دموعي غصب عني ورجعت راسي ورى .. ماادري يمكن مهند انتبه لي بس اللي متأكده منه انه ندمان ومقهور من نفسه ومستحقرها
: ديمه
:................
: ردي علي بقولك ليه البارحه انا منفعل
: ...............
: ديمه انا ..
قاطعته بسرعه : اسكت لو سمحت ماابغى اسمع منك شي .. من يوم عرفتك وانت تعتذر وتبرر ..
: تدرين انك تذبحيني بالدقيقه مية مرة
: هه ......
صديت قعدت اطالع بالطريق .. وصلنا للمشغل وقبل انزل اخذت منديل امسح دموعي خفت يشوفوني بشكلي هذا اكيد الحين باين اني بكيت ...
مد علي مويه وأخذتها شربت شوية بعدين نزلت قال :انا موجود هنا ماني رايح بنتظرك
: بتأخر لاتنتظر ... روح اتغدى لأن الشغالات راحوا مع اهلك ومافيه احد يسوي لك غدى ..
: لا ماني رايح بنتظرك متى ماخلصتي بتلاقيني هنا . ..

ساعة ونص قضيتها بالمشغل بعد ماحاولت الكوفيرة تغطي الكدمه الزرقا اللي بخدي ..
اضطريت البس عدسات ملونه لونها اخضر عشان انسب احمرار عيني لها لأني لولبست عدساتي العادية ماراح يلاحظونها الناس لأنها شفافه بس هذي بيشوفونها ويصدقوني اذا قلت انها هي اللي حمرت عيني ...!


ركبت السيارة مع مهند لقيته مرجع المرتبه ورى ومشغل المسجل ونايم .. انتبه لي لمن سكرت الباب وحرك ..
مرينا بارنيز وطلب لنا قهوة
ماشربت قهوتي ولا تكلمت معاه .. وصلنا للبيت وطلعت فوق وهو جلس ينتظرني تحت
دقيت على خالتي ام مهند وسألتها كم يوم بنجلس ؟ وألبس الحين ولا اذا وصلت احسن ؟ قالت بكيفكم متى مابغيتوا تمشون امشوا .. والبسي الحين لأنك بتجين عند بيت سارة على طول ..!
لبست فستاني كان لونه زيتي موديله بسيط مرة .. قصير من قدام وكان فيه كم واحد علاقي جاي على شكل سلاسل سودا ممتده من الصدر الين الكتف .. وصدره فيه اكسسوار اسود وكريستال زيتي .. كان ناعم ومنساب على جسمي ومبين تفاصيل جسمي سواء صدري ولا وسطي وخصري .. وجاي من اسفل على شكل كلوش طالع شكله روعه .. وهذا من اختيار روان صاحبتي ..
لبست جزمه لونها زيتي فيها اكسسوار ماشي مع الفستان .. ولبست اكسسواراتي
طالعت بشكلي الحمد لله راضيه بس عيني فيها احمرار حتى الندبة مو باينه الا للي راح يدقق وبقووة ..
لمن سمعت صوته جاي مع الدرج لبست عبايتي ولفيت الطرحه على شعري بشويش وعطيته ظهري ماابغاه يشوفني بالمكياج هذا وبسرعه قفلتها ورحت اجهز اغراضي
قال :جهزتي شنطتي ..؟
: لا
نزلت تحت بشنطة المكياج حقتي وشنطتي الصغيرة من دون ماالتفت عليه ورحت للمطبخ اشرب لي عصير قبل اروح للمطار ...
نزل مهند وهو يكلم السواق يقول له يجي عند باب الفيللا عشان ياخذ الشنط منه
شفته وانا بالمطبخ وهو كان يتلفت يدور علي ..كان لابس ثوب سكري وشماغ ابيض وشعره كان باين من تحت الشماغ ومعطيه طله تسحر وتجذب وتربك ... بصراحة شكله بالشماغ الأبيض يدوخ ..
ياربي ليه يربكني ... ليه اذا شفته اتخربط .. ياترى هل هو شعور طبيعي اني اتخربط اذا شفت واحد عاجبني والمسافة اللي بيني وبينه اقل من متر ولا مهند فيه شي يخربطني انا ويربكني
ناداني وبسرعه غطيت وجهي وخرجت معاه .
خرجنا واعطى السواق شنطتي يحطها بالسيارة وهو اخذ شنطته الطبية في يده وحطها في السيارة من ورا .. قلت : فين شنطة ملابسك ..؟
: مااخذت لي شنطة شنطتك تكفي ...!
بجد قهرني ليه يحط اغراضه بشنطتي ...! بيحرجني الحين معاه خاصة انه كل شوي بيفتح الشنطة ويقعد يطالع بملابسي وأغراضي الخاصة ...

بالطريق قال : بناخذ شي ناكله اش رايك
: خذ لك شي انت .. انا مالي نفس ..!
سكت ومشى ماوقف ولا اخذ شي ..
في الطيارة كنت ساكته طول الوقت.. معاي كتاب يتكلم عن الشخصية وكيف ممكن نعدل من سلوكياتنا الخطأ ..
ماكلمته وهو احسه تعبان حط راسه ونام شكله يئس اني اكلمه..!
وصلنا واستقبلنا عمي لأن مهند مارضى احد يجينا من عيال عمته وكلم ابوه قال له يجي يستقبله ولا ياخذ ليموزين .. بس عمي حلف اني مااركب ليموزين ويجي هو بنفسه ياخذنا
دخلنا بيت الخاله سارة انا وعمي ومهند كان داخله اربع سيارات وفيه جهه مليانه اشجار كبيرة ونخل وأرضيته مفروشة بزرع اخضر مغريه ... دخل مهند وعمي قسم الرجال عشان مهند يسلم على عمته ... وانا رحت لقسم الحريم واستقبلتني ريم .. اول مادخلت تذكرت بيت خالي ناصر من كبر البيت من داخل .. شفت الخاله سارة وسلمت عليها بالصالة ... مسكت يدي كانت بتوديني لمجلس الحريم قلت لها ابغى ادخل الحمام اشيك على شكلي ..وبسرعه دخلت عند المرايا والحمد لله مكياجي زي ماهو ماتغير .. بس حطيت عطر وخرجت مانزلت عبايتي خفت يكون فيه احد باين وانا ادخل المجلس .... دخلت عند الحريم وسلمت عليهم وحده وحده الين شفت اللي ماكنت اتوقعه .
نورة كانت قاعده وفاطمة بنتها بجنبها .. سلمت عليهن ببرود وشفت خالتي ام منهد وسلمت عليها ونزلت عبايتي اخذتها وحدها عرفتني عليها خالتي انها ساميه بنت سارة .. لمن شافتني خالتي ابتسمت لي حسيت برضا في وجهها قالت : ها ياام فايز وش رايك بزوجة ولدي .. هذي هي وشفتيها ؟
ردت الحرمه اللي عمرها تقريبا في الأربعين : بسم الله عليها الله يستر عليها عزة الله عرف ينقي مهند عسى الله يوفقه
ابتسمت لها وما تلكمت بالمرة لأني اغلي من نورة وبنتها حتى هنا لاحقينا .. الله يستر منهن
قامت نورة بعد ماقالت : بروح اسلم على اخوي وولده
طالعت بخالتي وشفتها تتصل من جوالها وتقوم تروح في الزاوية بحيث محد يسمعها حتى انا ماسمعت ولاكلمه
رجعت بجنبي وهي تبتسم قالت : لاتهتمين لاحد وانا معك
: تسلمين ياخالتي الله يخليك لي
جات خاله ساره اللي كانت مبسوطه وفرحانه قالت : هذي ديمه زينة بناتنا من يوم شفتها وهي متربعة بقلبي والتفتت على خالتي قالت : اخذت غلا مهند واكثر ..
قمت انا سلمت على راسها مرة ثانيه .. بجد كلامها حسيت انه من قلبها قلت لها : مااغليتي الا من يغليك ياخاله ويشهد الله اني حبيتك اول ماشفتك
التفتنا كلنا على صوت من آخر المجلس : هههههههههههههههههههه والله انكم مساكين كلكم ينضحك عليكم بسهولة ..!
كانت تناظرني باحتقار وهي مكشرة بس انا صديت عنها ورحت مكاني عند خالتي .....
جات ريم مع ساميه وعرفتني ساميه على اخواتها وبنات اخوانها اختها عزيزة وبنتها رؤى مدرسة ومخطوبة وزواجها بعد 20 يوم تقريباً ... ودلال اختها كمان عندها بنتين دانه وغدي وكلهن تقريباً في سني وحده اكبر مني بسنه والثانية اصغر بسنه .. متخرجات من الجامعه وقاعدات في البيت ماتوظفن ..
وساميه في سني كمان .. جلسوا البنات عندي وكل شوي الناس تزيد وأخذوني البنات لغرفة فوق قالت سامية هذي غرفة مهند امي مخصصتها له .. وادخلي اجلسي فيها لين نطلع الحريم في الحوش ..
: ليه بالحوش والرجال فينهم
: الرجال في الاستراحه قريبه من هنا ..


طالعت بغرفة مهند اللي تقولها ساميه كانت مرتبه وأنيقه وأثاثها باين انه غالي بس كبير مرة المراية حقت التسريحه نص الجدار والسرير من النوع الفخم بس لشخص واحد فتحت الدولاب لقيت دقلة رجالي حقت مهند اكيد .. جزمه رياضيه وبيجامات وثياب ملونه شتوية وجاكيتات .
معقولة مهند ينام هنا عند عمته .. وبنات عيال عمته عبير ورحمة وبسمه فين يروحون .. غريبة ..!
دخلت علي ساميه بعد ماجابت لي شرشف صلاة وسجاده وصليت المغرب والعشاء جمعاً وقصراً بعدين جلست معاها وجوا البنات .. قالت لي ساميه : ديمه انتبهي لفاطمه تراها مو هينه وهم جايين مخصوص عشانك ولا عمرنا ماعزمناهم وجو الا اذا كانت العزيمة بقاعه لكن بيتنا مايجون له لأن خالتي وامي مايتفقون ..
: ساميه بصراحه ماابغى احتك فيها يعني اذا جات جلست هنا اعذريني بطلع
: وين بتطلعين ؟ وتخلينها تجلس بغرفتك ؟
: واذا جلست ؟ اهم شي انا ماابغى احتك معاها وانا بصراحة ماجيت ادور المشاكل .!
: الله عليك ياديمه زي ماقالت امي تهبلين وعاقلة وفاهمه وتدخلين القلب
: ههههههههه تسلمين ياسامية والله امك هي اللي كاملة وتنحب بسرعه
: مممممممممممم اثري مهند محد يلومه فيك
: ليه ..؟
: بصراحة لمن كان يقول لي انه مجنون فيك ويمدحك لي سواء شكلك ولا اسلوبك ولا هدوءك كنت اقول مجنون وعشان يعشقها بس بصراحه الله يلوم من يلومه فيك .
فتحت فمي وعيوني انا مستغربه بس بسرعه انتبهت لنفسي وابتسمت قلت : مهند يكلمك عادي ؟
: ههههههههههههههههههههههه لاوالله تغارين ؟
: مو عن اغار بس استغرب !
: عاد تدرين ان مهند كان يعيش حالة حب قبل تمرضين الله لايعيد الشر ولمن جيتوه في امريكا كان يقول لي على كثر مازعلت على مرض ديمه على كثر مافرحت انها مرضت وجات عندي وصرت اشوفها وأكلمها لا وتجلس قدامي بالساعات
: بالساعات ..؟
: قصده بوقت العملية ثم وانتي منومه كان مزعجني يقول حبيبتي نايمه الحين .. ولا يدق يقول تنادي امها واحيانا ابوها واحيانا خالها وهي تحت تأثير البنج ..
:اوف اجل صادق فيه فضايح .... ـ قلته وانا افكر بكلام ساميه اجل مهند كان يحبني ولا ومبسوط واحنا عنده بأمريكا وفرحان فيني وانا ماعطيته وجه ـ.
: ايوه يقول قالت اشياء وهي نايمه كنت اسمعها حرف حرف وكلمه كلمه وماكنت افارقها الا لمن صحت خرجت عنها عشان ماتزعل لأنها خجولة وماجبيت احرجها
: والله ولد خالك جبان ليه ماقال لي انه يحبني ..
: ههههههههههههههههههههههههه هه خلاص الحين قالها لك اكيد .. المهم ديمه انتبهي من فاطمة
: اش اسوي طيب
: لاتخلين مهند يروح لهم تراهن جالسات يخططن وهذي شغلتهن
: الله يستر ربي معاي
دخلت ريم وبنات يوسف اخو سامية عبير ورحمة .. وبسمه بنت احمد جلسنا نسولف وجات عندنا دلال اخت سارة وبنتها رؤى وبنات عزيزة دانه وغدي كانن هن يسولفن وانا ابتسم وارد على اسئلتهن اذا سألني .. جات الساعه 9 قالت خالتي سارة انزلوا لأن الناس وصلوا .
نزلت تحت كان المكان تحفه كأني بقاعة افراح بس الجو غير عن القاعه والمنظر غير .. المكان يفتح النفس الطاولات مرتبه في الجزء الكبير من الحديقة اللي توني شفته .. الأرض مزروعه بالكامل وفيه ورود الوانها بنفسجي وأحمر وأصفر ترد الروح وفيه كنب فخم ثلاث قطع جابتني خالة سارة عليه وهي ترحب وتهلي فيني قالت تعالي هنا وجو الحريم يسلمون علي .. جابت ساميه القهوة والشاهي وجلسنا ياربي الجو خيال نفسي اقضي باقي الوقت هنا بأبها لا لا موشرط في ابها .. بس ابغى اقضيه مع الناس اللي هنا سامية وبنات يوسف ورؤى اللي احسها عاقلة ومتفهمه جات وجلست عندي سولفنا مع بعض وهي أخذت رقمي وانا اخذت رقمها .
كانت ساميه كل شوي تجيب لي شي آكله حلا معجنات ولاعصاير . كل الناس هنا مهتمه فيني مو بس عشان انا عروس وجديده لا كلهم طيبين وماخلوا جلستنا رسمية كأنهم يعرفوني من زمان ماعدا نورة وبنتها وصديقة بنتها اسمها فوزية
كانت الحفلة من اروع مايكون كل الناس احسها مبسوطة وجوا جيران خالتي سارة .. وتعرفوا علي وعزموني بس انا اعتذرت وقلت الايام جاية ويمكن نرجع جده ماراح نطول
جلسنا في جو مااقدر اوصفه حتى الإضاءة كانت خيالية .. ماعمري شفت زي هذي الحفلات الا في الأفلام .. ماناقصني الا هدى ولمى وخالتي فادية ياليتهم كانوا هنا ..
على الساعه 12 فتحوا البوفيه ونادتنا خالتي كلنا رحنا تعشينا وأكلت بشهيه مفتوحة احسني من زمان مااكلت زي الليلة ..
رجعت جلست على الكنبة المخصصة لي وجوا البنات معاي كانت دانه تذكرني برغد صاحبة مايا في سوريا دمها خفيف وطول الوقت نضحك منها ومن حركاتها واسلوبها ..
بعد ماراحوا الناس قاموا البنات يرقصن مع بعض على صوت الدي جي اللي مالي المكان .. قالت لهم دلال قوموا كلكم ارقصوا وأولهم انتي ياديمه بس رفضت اولاً مستحيه.. ثانياً مااعرف ومو متعودة وماابغى اغامر والناس كلهم مركزين علي .. اخذتهم دلال كلهم وماباقي الا انا جالسه لوحدي ....
شفت فاطمة ومعاها فوزية جوا عندي ووقفت تناظر فيني وأخذت لها كوب ورقي وهي تناظر فيني وتبتسم وصبت لها شاهي من الترمس اللي على الطاولة اللي قدامي ... شافتهم خالتي ام مهند وجات تجري على طول ..
وانا صديت عنهم للبنات وأشرت لساميه وانا ابتسم لأني كنت حاسة انها بتسوي شي من نظرتها فيني .... جات ساميه بناء على رغبتي بس فاطمه سبقت ساميه وكبت الشاهي اللي بيدها علي وانا بعدت بسرعه اول مانوت تكبه وجا على يدي من فوق وكتفي وصرخت من قلب بصوت عالي كان الشاهي حار ودوبها صبته
على طول ..سمعت خالتي تسب وهي واقفه وراها .. اما فاطمة انفجعت من خالتي وشردت وهي خايفة ومصدومه انها انكشفت وشافوها الناس .. وجات ساميه اللي شافتها يوم تكبه .. قالت : عاد لهنا وخلاص .. صبرنا كثير عليهن وعلى كلامهن وأكاذيبهن بس توصل لهنا لاوالله .
مسكتني خالتي بيدي بتشوف كنت مااقدر اتحمل احس جسمي احترق ونادت ساميه تجيب ثلج بسرعه وهي دقت على مهند سمعتها تقول : خذ سيارة ابوك وتعال ................. ديمه تعبانه عجل علينا .......... الو الو مهند
قفلت خالتي وهي ندمانه قالت : شكلي خوفته ليتني ماقلت له لين يجي .
حطت الثلج علي وانا ماسكه نفسي مااقدر اتكلم بجد الألم كان فظيع احرقتني حسبي الله عليها الحين جسمي بيتشوه ياويلي .. وغيره حسيتني ضعيفه قدامها هي وامها بأفكارهن وكلامهن وتصرفاتهن .
وقفت ريم عندي بالعباية لأن خالتي ارسلتها تجيبها .. وانا دخلت يدي اليمين اللي مافيها شي في كم العباية بس الثانيه ماقدرت لأني ماابغاها تلمسه صرخت لمن حاولت خالتي تدخل يدي
وبسرعه دخل مهند بعد ماعلمتهم ساميه ..
جا مهند عندي بسرعه وشنطته بيده قال :وش فيها
قالت له ساميه : الشاهي انكب عليها
شافني مهند وانا خلاص احس جسمي ينحرق اكثر ...قال : خليني اشيلك ادخلك جوا البيت ..
قلت له : لا لا اقدر امشي ماعليه .
التفت على ساميه وقال :ساميه هاتي الشنطة ولاحد يلحقني الا امي وعمتي
كنت بين يدينه وانا ماني في حال اقاومه ابغاه بس يحط لي شي على الحرق المشكله كبته على جسمي على طول لوفيه لبس كان ارحم شويه
حط لي مهند كريم للحروق اخذه من صيدلية عمته سارة اللي عرفت انه هو اللي مسويها لها .. وأعطاني ابرة مسكنه عشان ماأحس بالحرق قال : تطمني ديمه هذا حرق بسيط وماراح يجي له أي اثر تطمني بس ... كان يمسح على جبيني وهو يتأملني ويناظر فيني باهتمام ... حسيتني فقدت الألم وجلست اطالع في جسمي وانا ساكته مقهورة من فاطمة وش اسوي لها اسكت واصفح واتجنب المشاكل ولا آخذ حقي ..
سمعت خالتي تقول : مهند خذ زوجتك للمستشفى مو تقعد تبحلق فيها كذا ..!
ضحكت عمته سارة : ههههههههههههههههههه يبحلق غصب اجل يشوف هالزين ومايبحلق .
سمعت ساميه اللي استغربت وقفتها مع مهند وهي باللبس هذا : مهند حبيبي ماشبعت منها لسه .. اللي يشوفك يقول اول مرة يشوفها
رد مهند وضحك : ههههههههههههههههههههههههه ه الحين مو ادخلكم عندي تقعدون تعلقون وتتريقون ترى بطلعكم برا ....بعدين التفت علي مهند قال كيف انكب عليك ... ناظرت خالتي الجوهرة ( ام مهند ) قلت : ها ..؟ انكب مادريت عنه .
قالت خالتي الجوهرة : لا لا لا مو مادرت عنه .. كبته بنت عمتك المصون من كثر الحقد اللي معمي قلبها .
فز مهند واقف قال : ايش ..؟ وهذي شاللي يقربها من ديمه ..؟ وش جابهم اصلاً ماكفى كلامها امس .
والتفت علي وانا احاول التهي عن نظراته ولا مواجهته واطالع في يدي ورحت للمراية بشوف الحرق احسه للحين يألمني بس اخف بكثير طبعاً بعد المسكن ..!والكريم اللي يقول ان فيه مادة مخدرة خفيفه .
لحقني وقال بحنان : ديمه قلت لك لاتخافين
ابتسمت له عشان الناس : مو خايفه انا بس لسه يألمني ..
: يألمك كثير ولا خف عن اول
: لا خف عن اول طبعا .. بس لسه فيه الم
قالت خالتي سارة : مهند يمه اذا تبون ترتاحون ترى غرفتك مجهزينها لكم والله لو فضيت لاشتري لكم غرفه كبيرة بس انا ناوية أأثث لكم الجناح الشرقي وماابي العجله ودي احط فيه اثاث يناسبكم وعلى مهل
قام مهند وسلم على راسها : الله يخليك لي يايمه احنا لنا جناح ببيت ابوي لاتنسين ومتى ماجينا لابها بنجلس فيه
:وهذا بيتك يامهند وبإذن الله راح احط لك جناح عندي والليلة ناموا هنا بيت ابوك يبي له وقت يرتب وينظف .
: الله يخليك لنا يايمه ويديمك ذخر يالغاليه
استغربت من مهند ليه يكلم عمته كذا وساميه تقابله بالطريقه هذي اجل كل هالغيره وتقابل ساميه وتضحك معاها استغفر الله العظيم اكيد يعتبرها اخته وماابغى اظلمه .
التفت على مهند وهو يقول : ديمه انتي تدرين ان عمتي سارة تصير امي من الرضاع وان السيدة سامية اللي وراك تصير اختي
التفت لساميه وضحكت كويس اني ماظلمتهم ولا عصبت : هههههههههههههههه ليه ماقلتي لي طيب لنا ساعه نسولف مع بعض .
: يؤ حسبتك تدرين اجل ماعرفك عن نفسه الأخ مهند
رد مهند : ترى مالنا الا شهر من تزوجنا مايمدي اقولها كل شي
ضحكوا كلهم وسمعنا الباب يدق راحت ساميه تشوف مين طلعوا البنات وكلهم جوا سلموا على مهند بنات يوسف واحمد يقولون ياعمي وبنات عزيزة ودلال يقولن ياخالي تطمنوا علي وسألهن مهند عن عمته نورة وبنتها قالوا راحوا اول مادخل ...!
كانت دانه تعلق وتضحك تقول : جات فاطمه تجري كل جسمها يهتز وكلمت امها في اذنها وبسرعه امها ارسلت الشغالة تجيب عباياتهن ودقايق الا هن عند الباب شكلهن يحسبنك بتجي تضربهن .
سكتتها امها ماتبيها تقول شي على خالتها مهما كان
انا ماعلقت ولا حتى ضحكت البارحه حرق والليلة حرق بس كل حرق يفرق عن الثاني والشبه بينهم قوة الألم .. ممكن الاثنين يشوهون للأبد ..
بس ان شاء الله مايصير تشوهات ولا يصير لها اثر .
كل شوي مهند يقرب مني يشوف الحرق ويقول لا احسن الحمد لله يالله البسي بنروح للعيادة نضمده لك
: ضروري
: ايوه الحين تقدرين تلبسين عبايتك
: اجل بروح ابدل مااقدر اروح عند الدكتور وهذا شكلي .. اشرت على فستاني ومكياجي
: مممممممممممم اقولك انا اضمده لك اجل اوديك دكتور وانا دكتور
: بس هذي مو شغلة دكتور شغلة ممرضات .. قلته وانا ابتسم ..
قرب مني وابتسم قال : عادي اصير لك ممرضة مو كله طب وكله دارسه ..
طلع مهند ضمادات من الصيدليه وشاش وقطن وبلستر قال : الحين بلف كتفك كله ويدك كلها من فوق
: ياالله شغله ..!
: لاعادي بس راح تقيدك شوي ..
لف يدي بالضمادة والشاش وحط على كتفي ضمادة بعد مازاد الكريم عليه وحط قطن ولف عليه بطريقة ماهرة وحط عليه بلستر عشان يمسك الشاش
سمعنا صوت عمي عند الباب ودخل علينا وجوال مهند في يده يقول خير وش فيه وش اللي صار .. التفت على مهند قال : وش فيك فجعتني رحت ماعطيتني خبر باللي صار ورميت جوالك والله اني قلت صاير مصيبه ..
رد مهند عليه : من وين بيجي الخير واختك وبنتها في الأرض
قالت خالتي سارة لعمي السالفة وعمي كشر : حسبي الله ونعم الوكيل وصلت معهن لهالدرجه .. نورة هذي ماتربت فضحتنا في بنت الناس .. امسحيها بوجهي ياديمه ولاتشيلين بخاطرك . سودت وجهينا معك ..
رديت انا : وجهك ابيض ياعمي عسى الله يخليك لنا .... وانتم مالكم دخل في اللي صار .. فاطمة تعاني من شي كبير وكل هذا ينعكس على تصرفاتها . الله يهديها بس .
ضحك مهند وقال : تحدث علم الاجتماع الحين وطرق التحليل للتصرفات .
ضحكوا كلهم حتى عمي ضحك وقال : والله ياديمه ماياخذ لك حقك منها غيري وانا ابو مهند ..!
: الله يخليك ياعمي ويطول لنا بعمرك ... ماابي انتقم ولا ابيك تتمشكل مع اختك بسببي . جزاهم بيلاقونه عند رب العباد وانا الحمد لله ماصار فيني شي مجرد حرق بسيط ماله أي اثر بإذن الله .
كانوا البنات ساكتات يسمعوني وانا اكلم عمي قالت دانه : ديوووم
: هلا
: من فين تعلمتي الردود هذي والاسلوب هذا من الجامعه ولا كل بنات جده ؟
: ههههههههههههههههههههههههه هه الله يخلي لي اللي يعلمني كل شي .
ضحكوا كلهم منها بعدين قال مهند : لاتجيبون سيرة ناصر تسوي لنا رسالة ماجستير ودكتوراه وأبحاث في ناصر بن عبدالهادي .
جلسنا نسولف كلنا وعمي ومهند عندنا البنات كانو متجمعات في الجهه الثانية وخالتي ام مهند وخالتي سارة وبناتها دلال وعزيزة عندنا نادتني ساميه تبغاني اجي اسولف عندهن بس قال مهند لا ماتقدر تجيكم .
ابتسمت لساميه وانا منحرجه من تصرفه يعني مو داري اني زعلانه منه ولا اذا سوا هذي الحركات هنا يحسبني راح ارضى عليه ..!


لامارا غير متواجد حالياً   رد مع اقتباس
قديم 15-04-14, 12:29 PM   #20

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

قام عمي يقول بروح اصلي الفجر وانام وقام مهند معاه بيروح للمسجد وانا رحت فوق لغرفة مهند وخالتي دخلت غرفة تحت خصصتها خالتي سارة لهم .. والبنات راحن بينامن لأنهن تعبن اليوم بما فيه الكفاية ..
دخلت الغرفة ياربي شلون انام بغرفه زي كذا ياليت فيه كنبه انام عليها ولا كان السرير اعرض شوية .
كنت ابغى اتحمم بس صعب وبصراحه مااقدر على هذا الوضع .. بدلت لبسي ولبست بيجامه قطنية بنطلون اصفر وبدي سماوي وصليت ونمت على جنبي الأيمن بحيث يصير مهند ناحية ظهري اذا نام على السرير .. ياربي يقدر اني زعلانه منه واني مو متعوده انام معاه ويروح ينام بمكان ثاني .
طبعا هربت للنوم عشان مااواجه مهند ... صحيت من مهند اللي يناديني وسكت شويه مارديت عليه الين قدرت افتح عيوني.. فتحتها وتمنيت اني مافتحت كان مهند بجنبي على طول ومتغطي معاي بنفس الغطا انحرجت كثير قلت له: بغيت شي ..؟
قال : انتي نايمه ؟
: ها..؟ ليه قلت شي ..؟
: لا ماقلتي شي بس تتقلبين كثير على بالي انك صاحيه ومو نايمه ..
ابتسمت لأنه مايدري عن طبعي : انا دايما اتقلب في نومي هذا طبعي ..!
: اجل آسف اني صحيتك كملي نوم
: كم الساعه الحين
: احنا الساعه 12 الظهر باقي مااذن ومحد صاحي بهالوقت بس نامي ..!
حاولت انام والمشكله مااقدر انام الا على جنبي الايمن ولا انقلب على بطني بس مستحيه من مهند ومااقدر آخذ راحتي ابداً ..
قرب مني مهند حسيت بأنفاسه قريبه مني .. حط يده على راسي قال : ازعجتيني وازعجتك ..!
: آسفه
: بتكملين نوم ..!
مارديت عليه وقرب مني قال : ديمه زعلانه مني ؟
قلت له من دون ماالتفت عليه : لاتكلمني
: لمتى ؟
: لين انسى .
: طيب سامحيني !
: هه قديمه وسمعتها كثير خلاص صارت سامجه .
: ديمه
: ترى اذا بتطول الكلام بطلع انام بغرفة ساميه ولا عند وحده من البنات
: لا لا فكينا من الفضايح نسكت احسن .
: للأسف ماتفكر الا بالناس وكيف تصير علاقتنا قدامهم .
: ديمه
: الله يخليك نام .. ولا اقولك خلاص بقوم احسن . وقمت جلست وجلس هو كمان ومد يده لفها من تحت صدري وسحبني عنده صار ظهري قريب من صدره جمع شعري اللي كان مغطي ظهري وحطه قدام على جهتي اليمين
قال :وريني حرق الكلبـه ..؟
التفت عليه وشفته قريب مني كثير بلعت ريقي وقلت : أي حرق قصدك ..؟
: ها ..؟ كيف أي حرق فيه غير هذا ..؟
: قصدك حرقها لي البارحه واللي قبل البارحه ..؟
طالع وجهي ودقق فيه شاف العلامه اللي الزرقا قال : اليوم اخف بكثير عن امس ..وبسرعه باسني عليه .. قمت على طول من حضنه بس سحب يدي قال : تعالي ياخوافه بشوف الحرق .
مارديت عليه وفتح البلاستر وشافه قال : لا خلاص ماله داعي الشاش الحين اصلاً انا حطيته عشان مايضايقك وانتي نايمه لأن المسكن مفعوله قصير وخفت يرجع لك الألم بس الحمد لله الحين كويس .. وفتح الشاش عني ولمسه على طول حسيت بالحراره قلت : لا لاتحط يدك يألمني ....
جاب الكريم اللي طلعته معاي لمن جيت انام وحط عليه منه ..
قلت : طيب كيف استحم الحين
:ممممممممم مو لازم
: شو مولازم ..؟ الا ضروري
: اوكي ..وابتسم بلؤم بعدين قال استحمي واطلعي لهم عشان يعذورني بعد بحلقتي فيك البارحه .
طالعت فيه وبعد شويه فهمت قصده رميته بالمخدة الصغيرة وقمت وهو قعد يضحك بصوت عالي .. قلت له : لاتروح مكان عشان اذا استحميت تحط لي كمان مرة ثانية من الكريم
: مصممه تتحممين
: ايوه مااقدر انزل كذا ..!
طالع فيني وابتسم قال : اش رايك ننام شوية وبعدين تتحممين براحتك واذا تبيني اساعدك ترى ماعندي مانع ..!
مارديت عليه ودخلت الحمام وانا معصبه منه .. الحين انا زعلانه وهو مسوي الموضوع عادي .. صدق ثقيل دم . وماعنده احساس .

استحميت بحذر وطفش بس احلى شي ان الموية كانت بارده شوي لأن جو ابها بارد ويجنن مو جدة الحر والرطوبة والقرف .


خرجت من الحمام وانا لابسة الروب حقه حصلته متكي بظهره على السرير ويناظر فيني .
قلت : ممكن تروح تتوضا عشان تروح تصلي
ابتسم قال : مااذن لسه ولا بتخرجيني من البيت بحجة الصلاة ماتبين وجهي
: طيب ابغى البس ممكن تخرج
: البسي هنا
: يوووه اخرج ولا روح للحمام غسل ..! فرش اسنانك ..!اتوضا واستنى الصلاه .. اعمل أي حاجه بس اخرج ..!
ضحك بخبث قال : والله اذا انتي مستحيه البسي بالحمام .
: شو البس بالحمام من كبره الحمام حتى مرايته صغيره وفوق كيف اشوف لبسي
: لحوووول الله يعيني على دلعك وتحكمك فيني ياديمه ..
قام بيروح للحمام وقرب مني قال : الحين معصبة عشان قلت البسي عندي ..وش بتسوين طيب لو البسك انا ..؟
: عادي اصرخ وأقولهم يحاول يقرب مني ويعرفون ب.لعت ريقي وقلت وتفضح نفسك ......... ممكن تروح للحمام ..؟
: ههههههههههههههههههههههههه ههههههههههههههه كملي طيب والله منتي هينه بس شغلك عندي ..! على فكرة تراني تاركك براحتك انتي يعني مااحب اجبرك على شي ماتبينه ...!
دخل الحمام وانا ارتجف حسبته صدق بيقرب مني بسرعه لبست ملابسي الداخلية من تحت الروب بعدين لبست تنورة قصيرة كاروهات اسود وموف .. ولبست بلوزة مموجه لونها اسود وموف ماسكة على صدري والباقي واسع الين خصري وبدون اكمام بس علاقي ناعم .. كان صدري باين وأهم شي في البلوزة هذي ان كتفي باين مو متغطي عشان الحرق مايألمني .. اخذت معاي شال حرير لونه اسود ولبست جزمة سودا طويلة وسويت مكياج يغطي الكدمة اللي بوجهي الين اخفيتها .. ولبست عدسات بنيه والحمد لله اليوم الاحمرار خف بكثير .. طول مهند بالحمام وعرفت انه ياخذ دش يووه هذا كيف بيسوي الروب حقه هنا وفيه مويه مني
ناداني قال هاتي الروب وطلعي لي منشفه من الشنطة .. جبت له الروب والمنشفه لأن منشفته حقته لفيتها على شعري وطبعا مافيه امل احد يستخدمها قبل تجف .. نزلتها عند الباب ورحت بسرعه... وهو فتح الباب اخذها وسكر وطلع بعدها على طول وجا عندي يبغا ملابس من الشنطه كان ينشف شعره وطالع فيني قال : ديمه لاتلبسين كذا قدامي .تراني نبهتك ..!ولا ترى بزعلك ..!
: ها..؟ شو ..؟ اخذت الشال حطيته وكملت ..: اصلاً انا مالبست عشانك ..!
كان مرة جاد وقرب مني قال: ديمه خلينا حلوين مع بعض والله ماابغى ازعلك ولا آخذ شي غصبٍ عنك ..... ماصارت ترى ..!
كانت انفاسه قريبه مني احسها تحرقني .. بس صديت عنه وبعدت وقلت: لا صارت ونص .. لاتحسبني اني ارد عليك ولا اكلمك ولا ماني معصبة راضيه عن طريقة زواجي منك .. ولا اني نسيت ايامنا في فرنسا .. ولا سامحتك بعد الكف اللي عطيتني اياه بدون ذنب وانا عروس .. ولاتحسب لمن سكت ماكبرت الموضوع اني ضعيفه ولا مااقدر اكلم اهلي لا يادكتور غلطان ... انا صابرة لأنه من طبعي اعطي فرص للناس اللي يغلطون علي .. بس اذا مانفع خلاص معناتها صعب يجربون يرجعون علاقتهم فيني ..وحط في بالك وانا هالمرة انبهك ترى زعلي مو هذا انا اذا صديت صديت صدقني ماراح اجلس لك ثانية وحده وانت عاد تعرف اخوالي كيف يدللوني ..
سكتنا شوي بعدين قال : ديمه انتي منتي فاهمه شي صدقيني
: مايهمني افهم الدوافع ولا الاسباب ولا حتى مشاعرك .. انا من يوم جيتك وانت مرجع لي ذكرى زوجة ابوي جميلة والضرب اللي كنت آكله منها من الصباح الين الليل .. تجمعت الدموع في عيوني وكملت .. من بعد ماشفت عندها اقسى ايام حياتي عشت عندي خالي رفاهية ونعيم عارف اش معنى نعيم حتى بالكلام محد جرحني ولا تكلم علي .. عشت عند جدتي عايشه الله يرحمها البنت المدللـه والعاقلة كنت بالنسبة لاخوالي بنتهم واختهم وحبيبتهم كنت قلب خالي ناصر ونبضه وعيونه .. عمرك شفت احد يسوي لعيونه شي ولا يسمح لحد يتعرض لها ويخليها تألمه .. انا كنت عيون خالي .. كنت اهله زي ماهو هو اهلي وجنتي .. جيت انت ونغصت حياتي قلبت النعيم الى جحيم .. نكدت علي باسلوبك وخطبتك لي وبعدها كل ماتطلع لي تسبني وتتكلم علي وتضربني ماعندك اسلوب ورهبتني منك ..وخوفتني وبدل ماتقربني منك صرت ابعد الناس عنك .. انا عشت سنه كامله بحزن ماتتخيله .. ابوي وامي وجدتي كنت ابكيهم بس اني اتذكر ايامي الحلوة معاهم وأبكي عليها .. اما انت بكاي منك كان خايف .. وكره للعيشه معاك لدرجة اني فكرت كذا مرة انتقم منك .. وصدقني لولا اهلك وطيبتهم معاي اللي خففوا عني مواجهتك وعذابك لي كان ماكلمتك وكان خليت حياتك جحيم ..
جلست ابكي احسني منهارة وهو كان واقف وحاط المنشفه على شعره وجا عندي
قال : يامجنونه انا اعذب نفسي ولا اعذبك ..
: يتهيأ لك .. انهرت وقلت : ماراح تفهمني ياآدمي .. قلت لك مليون مرة الغصب عمره ماجابني .. والقسوة عمرها مالينت قلبي .. ليه ماتستوعب الدرس وتفهمه .
جلست على الأرض بجنب السرير ابكي قلت : والله حرام عليك ابغى احس اني عايشة بأمان معاك اذا ماتبي تخلي سبيلي انا عمري ماضريتك ولا سببت لك اذيه ليه انت تأذيني ..
قال بأسى وحنان وصوت هادي : ديومتي ماصارت خلاص ماتبين قربي ابشري باللي تبغين بس هدي نفسك ..
سكتت وقمت غسلت عيوني وحاولت اهدي نفسي وزبطت مكياجي مرة ثانيه وهو راح ولبس ورجع لي وقف بجنبي .. مهند بحر وتيار قوي يجرفني ناحيته .. ايوه يجرفني غصب عني .. مهند رغم عمايله معاي وقسوته قدر يسيطر علي ويربطني فيه ويتمكن مني وبجدااارة .. طالعته بالمراية قربه على قد ماكان يربكني ويخربطني على قد مايريحني الآن ويحسسني بشعور مختلف صعب افهمه بس المهم اني مرتاحه ومااتخيل حياتي بدونه .. سحبني ناحيته وحضني على صدره بقوة اول مرة احسني محتاجه انه يضمني خليته يضمني براحته وماقاومت ابداً .
:ديمه
مارديت عليه : .....
قال : عطيني فرصة اخيرة مممممممم ووعد مني مااقرب منك ولا احاول الا وانتي راضية.. ومسك اذني بشويش بقاومك الله يساعدني ... اذا وثقتي فيني راح اكون اسعد انسان بالدنيا ماوثقتي فيني لك اللي تبين .. وش رايك ؟
: مهند
فكني من يدينه وناظر بوجهي بعدين رجعني لصدره وضمني بقوة وهو يحاول مايلمس الحرق اللي بكتفي وتنفس بقوة قال : عمر مهند وروحه .. تدرين اني اول مرة اسمع اسمي منك .
: خايفه من مشاعري تغلبني يامهند .
: قصدك خايفه تحبيني .
: خايفة ..
: ماتبغين تحبيني ..
: اخاف احبك وأفشل خاصة اني للحين ماوثقت فيك .
: تدرين ان كلمة ريم لي لمن قالت ان قلبك مليان ومالي محل فيه للحين بأذني وهي اللي منغصة علي حياتي
:ههههههههههههههههه ماسألتها مين اللي مالي قلبي .
: ليه انتي قلتي لها من ؟
: طبعا اجل اقولها موضوع زي هذا ومااقولها من اللي فيه
: هو اللي امس ضربتك عشانه .
: لاااا .
: اجل ..؟
: مافي قلبي غير اهلي يامهند .. وقلت قبل كذا ان عمر ماصار لي تجارب بس ماصدقتني . سكتنا شويه بعدين كملت : مهند اذا مشاعري تحركت فأنت اول رجل في حياتي كلها يحركها واذا عندك شك ادق على لمى اقرب الناس لي واسمع كلامها لي .
: ديمه وربي اني اصدقك بأي شيء تقولينه مهما كان انتي مفروضة علي وعلى قلبي وحياتي حتى عقلي مسكين قدامك مايفكر .
: ليه ماقلت لي انك كنت تحبني من زمان
: ههههههههههههههههه اكيد ساميه اذاعت لك النشرة
: اخس عليك وقاعد تقول آخذك عشان اكسر راسك
: قهرتيني وانتي تقولين اكرهه .
: ههههههههههههه ليه تبغى تحرجني هذاك اليوم وانا خلقه منحرجه منك .
: اصبري فيه اشياء كثيرة بعدين بقولك عليها .. الحين خلينا نجتاز هالمرحلة
بعدت راسي عن صدره ورفعته اطالع بعيونه قلت وانا ابتسم: اصدقاء ..؟
قرب عيونه مني وحط جبينه على جبيني قال : عشاق ..
رجعت راسي على صدره وقلت بهمس : مهند
رد علي بنفس الهمس : عيونه
: خايفه من فاطمة كثير احسها تخطط لشي اكبر من حرقي ولا نفاقها بيني وبينك
: لاتخافين وربي اللي خلقني ماتضرك الا اذا غبت عن الدنيا
ضربته على صدره بشويش ووخرت عنه ..مااقدر اتخيل مهند مو موجود تعودت عليه خلاص . ويمكن يمكن اني حبييته ..!او بديت اتقبله في حياتي .. المهم اني مااقدر اتخيل اني بدونه .
حسيت دموعي تحجرت بعيوني وقرب مني بس قلت : لاتكلمني اذا بتجيب سيرة الموت .
: هههههههههههههههههههه ياروح مهند انتي .. ماني جايب سيرته وعساه مايجينا ولا ينغص علينا .. ممممم طيب بطلب منك طلب .
ابتسمت وغمضت عيوني وفتحتها قلت : آمر
: لا قولي اطلب انتي ديمه حبيبة مهند محد يامر عليك حتى لو كان مهند بنفسه .
: هههههههههههههههههه لا انت سامحة لك تعودت اسمح لك .
:ههههههههههههههههههه طيب ماابغى اشوف دموعك تكفين ديمه .. واذا زعلتي لاتسكتين تكلمي ردي خاصميني وهزئيني بس لاتسكتين تذبحيني ..
: مممممممممممممم مااوعدك لأني بكاية وكتوم بس بحاول اتغير عشانك
حضني بقوة قال : الله يخليك لي ولايفرق بينا
: ويخليك .... طيب ممكن اطلب انا
: آمري
: مهند اذا جيت تصحيني لاتصحيني بسرعه انا طبيعتي اجلس بعد مااصحى دقيقتين ثلاث مافتحت عيوني .. واذا شفتني اتقلب في نومي ترى هذا طبع فيني وعادة يعني لاتعصب ولا تتهور وتخاصمني .
: اوووووووه بجد ديمه آسف انا متهور بس اوعدك خلاص اقدر بعض اطباعك الغريبة هههههه لاتزعلين
: لا عادي انت صادق مافيه احد يتقلب في نومه زيي .. ومافيه احد يجلس مقفل عيونه بعد مايصحى غيري ..
دق جواله وراح اخذه وحطه صامت على طول قال : وش رايك نتغدا هنا ونطنش الدنيا كلها .. ولا نطلع انا وانتي نتمشى بالسيارة .
: اللي تبغاه .. صحيح تذكرت اش رايك اروح لبيت عمي سالم .
: اوووه ذكرتيني ياسر عازمني الليلة على العشا بس ماوعدته قلت اشوف ديمه اش رايك ؟
: ماادري احس بيني وبين عماني رسميات وحواجز كبيرة .. خلنا نسلم عليهم ونرجع لو معاي احد ممكن ، بس انا لوحدي احسها صعبه ..
: طيب خلينا ننزل الحين نتغدى ، والعصر نطلع .
: طيب ديومتي انتبهي لنفسك وزي ماقلت لك لاتعذبيني .... كان يناظر بصدري .. بسرعه لفيت الشال علي ومديت يدي عليه بدلع وهو مسكها وقرب من اذني قال : بدينا .. دلعك هذا بيجني على ولا عليك انتبهي ..
: خلاص هات يدي وانا اصير عاقلة . ..
:هههههههههههههههههه خلي يدك معاي
: اقولك البس عبايتي ؟.
: لا لاتلبسين اصبري اشوف
خرجنا مع بعض وهو نادى ساميه قال احمد ويوسف فيه قالت بقسم الرجال مع ابوك .
قال لي : البسي عبايتك وتستري هنا.. لاحد يشوفك ..!
: اكيد .. انا احرص منك لاتخاف .
رجعت للغرفه واخذت عبايتي .. ولبستها بشويش والحمد لله مافيه الم كثير بس جسمي احمر .. لفيت طرحتي على شعري وغطيت وجهي ونزلنا ..
دخلت مجلس الحريم وهو راح لقسم الرجال ..جلسنا نسولف انا والبنات اللي كلهن مكسلات لأنهن مانامن الا الساعه 8 الصباح وصحتهن خالتي سارة الساعه وحدة الظهر كان الجو رايق وانا ورؤى نسولف بالنقل وان زوجها في جده وهي محد راضي ينقلها قلت لها بكلم خالي اذا قدر ينقلك ولا لا..ووعدتها اني لاهتم في موضوعها لأن خالي الله يخليه لي علاقاته قوية ببعض الشخصيات والمسؤولين وسبق ونقل ثنتين من زوجات اصحابه وخالتي فاديه كمان نقلها لمدرسة بجنب البيت ... كل شوي دانه تعلق علينا وتقول صدق وافق شن طبقه ...
ضحكنا من دانه وخفة دمها حتى وهي نعسانه وتبغى النوم ..... فجأة وصلت الصاعقه دخلت نورة وهي حاميه وتصارخ تقول ياسااارة وين سااارة .. هذي لها وجه تقعد عندكم قمت بسرعه وأخذت عبايتي وأشرت لريم تكلم مهند يجيني ..
رحت للمطبخ وعلى طول جا مهند عندي وهو يسمع الصراخ قالت : الخاينه الملعونه اللي عندكم والله ان ماطردتوها لاذبحها ولا ماعاد ادخل بيتكم لين اموت
طلعت خالتي سارة من عند الرجال على صوتها قالت : انتي لك وجه تدخلين بيتي بعد سواتكم بديمه .
: ديمه بناخذ حقنا منها وتشوفين
فتحت عيوني وجلست اناظر بمهند وهو مسك يدي قال : هلا بعمتي اللي اتهمت زوجتي بشرفها ثم حاولت تشوها ثم الحين جاية تنصب عليها .. حطي في بالك والله لو مايقعد بالدنيا غيري انا وبنتك ماآخذها .. سمعتي ياعمه اما خليك سنعه واعقلي وعقلي بنتك ولا بيوتنا كلنا تعذرك ..عيني لاتشوفك عندنا
: انت ماتدري عن حرمتك اللي تدافع عنها
قاطعها مهند : الا ادري عنها وادري عنك انتي وبنتك واخذني مهند قال اطلعي جيبي شنطتك وجوالك بنروح نتمشى ونتغدى برا بعدين نروح لعمانك
بسرعه جبت شنطتي وجوالي لقيت نورة خارجه برا وتلعن وتسب وتقول الملعونه اللي تكلمت بشرف فاطمه والله لانتقم منها وخلق ربي يشهدون
طالعت بمهند وابتسمت ببرود قلت : لحوول هذا آخر الحلول عند عمتك تتهمني اني اتكلم في شرف بنتها
كان مهند معصب قال: ماعليك منها لاتفكرين بكلامها
: ههههههههههههههه اشبك مهند لاتحسبني تأثرت بكلامها والله اني اشفقت عليها معقولة من جدها فيه احد بيصدقها المشكله انها تغلط علي من اول ماشفتها وقدام الناس وانا اطنشها هي وبنتها ومع كذا الا بتثبت اني انا الغلطانه وهي المسكينه اللي ينغلط عليها .
طالعني وابتسم قال : يازين الناس الواثقه بس .
قلت له ابغى اغير الموضوع لأنه يحرجني بكلامه وابتسامته : مهند تخليني امر مزرعة ابوي الله يرحمه .؟
: اخاف تتأثرين .
: اكيد بتأثر اعرف نفسي ..
: اجل آسف جايبك عشان تنبسطين مو تتنكدين
: هههههههههههههههههههه والله عمتك مو مخليتني بحالي بس الله يساعدني .. :تصدق مهند ..؟
: شو ياروح مهند ؟
: ههههههههههههههههههه ممممممممممممم نسيتني خلاص
: ههههههههههههههههههه لا بجد شو كنتي بتقولين
: كنت بقول اخاف من عمتك وبنتها يسوون فيني شي .. ولا يغيرونك عليّ .
: اش قلت لك انا ؟
: تصدق اليوم لمن دخلت حسبتها بتكب على وجهي موية نار ولا شي حار على بالي انها ماقدرت تشوه وجهي البارحه والحين جاية تكمل .
: انسيها ياعمري لاتفكرين فيها
ابتسمت له وقلت : وماله ننساها لعيونك
وصلنا بيتزا هت ونزلنا تغدينا وبعد الغدا جلسنا نلف بالسيارة الين بعد اذان العصر ورحنا لبيت عمي نزلت وسلمت عليهم كانوا يعاملوني رسمي حتى عمي بنفسه سلم علي وحلف الا يعشينا بس رفض مهند اشوا .. ماارتحت عندهم ابداً وجا عمي ياسر اللي كان احسن منهم جلس معاي شوي بعدين راح لمهند .. انا طبعاً لو اقطعهم ولا اسأل فيهم ماسألوا فيني ولا تذكروني الدليل ماحضروا زواجي بس عمي ياسر حضر اتوقع عشان مهند ولو كنت متزوجه غير مهند مادرى عني ..
رجعنا انا ومهند للبيت وجلست مع البنات ومهند راح مع عمي ياسر يتمشون برا ومارجع الا الساعه 4 الفجر وانا قد نمت حسيت فيه لمن جا ولمن شفته كان تعبان بس نزل ثوبه ونام على طول حتى مابدل ..
مرت علينا ثلاثة ايام في ابها ذكرتني بالأيام اللي كنت اقضيها بسوريا بس هذي فيها مهند ومشاعره وكلامه واهتمامه ...
مهند كان في البداية يتسلل لقلبي احاول اصده بس هو اقوى ..الحين صار يقتحمني ، يخترقني وانا مافي يدي لاحول ولاقوة .. دايماً يغلبني لأنه الأقوى ...
حاولت على قد مااقدر اكبت مشاعري وأحيانا افكر اقتلها لأنه مايصير استسلم له اكثر من كذا ... لأني بصراحه مااضمنه .
رجعنا لجده .. احسني كنت اسعد من مهند لأني مبسوطه بحالي بس هو كان ينقصه اشياء .. ولو انه مالمح بس كنت اشوف في وجهه ونظراته ومسكته لي وأحيانا يستغل الفرصة حتى لوكنا تحت ويضمني بقوة على صدره ..
بس عموما هو مبسوط الحمد لله وشكل حياتنا راح تستقر وتهدا اكثر من اول .. والله لايغير علينا الا للأحسن ..


مر علينا اول اسبوع رايقيييين ومهند هادي مايكدر عليه الا اذا شافني ابتعد عنه ومااحاول اتقرب منه بإرادتي ..
الاسبوع الثاني وعلى نهايته رجع مهند لدوامه بالمستشفى كنت اصحى بدري افطر معاه هو وعمي وخالتي وأصحي ريم لحد ماتصحى معاي اجلس انا وياها الين الساعه عشرة بالليل وننام بدري ..واحيانا تجينا سميرة وتسهر معانا .. الخميس والجمعه بس هي اللي نسهر فيها..


جالسين انا وريم وسميرة وخالتي في الصالة عند التلفزيون وولد سميرة نايم في حضني .. صحيح انه مزعج واذا جانا قلب البيت حركة وازعاج وبكا والحاح على أي شي يبغاه ..واحنا متعودين على الهدوء في البيت بس احبه وانبسط اذا سميرة زارتنا ..لعبت معاه الين تعب وحطيته بحضني وشربته حليب ونام .. كانت سميرة بتاخذه بس رفضت قلت خليه انا مرتاحه وهو معاي ..
دخل علينا مهند وهو تعبان يقول ان كان عنده عملية صعبه واليوم واقف له اكثر من ثمان ساعات متواصله ..
جا تمدد بجني وحط يده تحت راسه قال : وخري هذا خليني انسدح .. ( يقصد ولد سميرة ) .
اش يقول هذا ..؟ يبي ينسدح فين ان شاء الله .؟ انا مااتحمل قربه واحنا لوحدنا مو الحين والناس هنا وبينسدح على فخذي ..
طالعت بريم وقلت : هاتي لاخوك مخدة ..!
قال : اعطي الولد امه ياديمه .
شفته تعبان وماله خلق يتكلم وانا كمان حنيت عليه واستحيت من اهله كنت بقوم وجات سميرة اخذت ولدها وهو قرب وحط راسه على فخذي ولف ذراعه على وجهه ..
وضعه كذا مربكني وكأن فيه كهربا ماسكه فيني .. رفع يده عن وجهه ورفع نظره فوق يطالعني .. وانا نزلت له راسي بشوف اش يبغى قال بصوت هادي ومحد سمعه غيري : ماني ماكلك وش فيك كذا ..؟
حطيت يدي على جبينه قلت وانا ابتسم : مافيني شي بس ارتاح .
حط يده على يدي وقعد يحركها على جبينه وشعره باين بجد انه مرهق وتعبان
قلت : مهند اش رايك اجيب لك قهوة وشاهي ولا تروح ترتاح فوق ..
: لا لا خليني هنا مرتاح اكثر من فوق .
جات سميرة بعد مانيمت ولدها اللي قام يبكي بعد مااخذته من حضني لأنا عكرنا عليه نومه بالشيل والحط .. قالت : يالله ياديمه شدي حيلك وجيبي لنا مهند الصغيرون ..!
طالعني قال : شفتي مو انا بس اللي ابي حتى الناس بس راسك يابس وعنيده .
انا احترق ومتفشلة منه ومن اهله اخاف يفهونه قلت بعد مابلعت ريقي وابتسمت : الله كريم .. التفت على سميرة وكملت قلت وانا وجهي احسه يشتعل: بدري ياسميرة ..
قال مهند بعد ماترك يدي ورجع يلف ذراعه على عيونه : اصبري لين اختبارات ديمه تخلص بعدين تشوف النتايج بعدين تقرر ..
انافهمت قصده على طول اللي هو اختباري له واذا قدرت اثق فيه او لا .. بس البنات وامه فهموا شي ثاني قالت خالتي : ياملحقنا خير الدراسه مابدت وانتم تنتظرون الاختبارات .. انتم وكلوا ربكم وسبحانه ماخاب من توكل عليه ..
تكلمت خفت من مهند يفضح فينا قلت : ياخالتي اختباراتي مرة صعبه .. خاصة ان المواد اللي آخذها الترم هذا محد يقدر يتحمل صعوبتها .. ماتنفهم بسهولة .
رفع راسه وناظرني وابتسم زين انه فهم علي قال : عاد وديمه الدلع ومتعوده على الرفاهية ماتتحمل شي صعب .. تبي كل شي سهل ويسير .
ريم كانت تقرا رسايل بجوالها ومو معانا وسميرة قعدت تناظر مهند بنظرة غريبه قالت : مهند ليه تقول كذا عن ديمه
ضحكت انا احاول اهدي الوضع ومهند تعبان وباين انه يدور شي عشان يعصب قلت : عادي ياسميرة يمزح تعرفين اخوك ومزحه .
كان بيتكلم بس حطيت يدي على فمه قلت : ليه ماتنام انت مو قبل شوي تعبان .. صحيح كيف العملية ..؟
كشر بوجهه قال : ولد شباب عمره 18عنده ورم خبيث سوينا اللي علينا والباقي على الله . لكن فيه امل 80 بالمية تكون العملية ناجحه .. مايبين الا بعد يومين .
: يارب تشفيه وتقومه بالسلامه .
قالت خالتي اللي انشغلت عنا بالتلفون اللي جاها : مهند بكرة بنروح لبيت خالك فهد وترى ديمه بتروح معانا .
قالت سميرة : وانا يمه مروني خذوني معاكم .
رد مهند : سميرة وريم يكفون ديمه لا ماتروح .
انا ماتكلمت بس خالتي عصبت قالت : انا ماودي اتدخل بس ليه ماتبيها تروح ؟
بيت خالي مليان شباب واذا بتروح ديمه لازم اكون انا معاكم وبكرة صعب ارجع بدري . خليها بعدين نروح كلنا مع بعض ولا انتظري لبعد بكرة .
ردت خالتي : مهند وش هالكلام ؟ تخاف على ديمه وماخفت على خواتك .. بعدين انت ادرى بعيال خالك .
: يمه موضوع منتهي لاتجادليني الله يخليك لي ديمه ماتروح أي مكان معاكم الا بوجودي .
طالعني قال : تبين تروحين انتي ..؟
قلت وانا صادقه : عادي اذا خالتي تبغاني اروح عادي بس اذا مو في خاطرك بلااش .
قام وجلس قال : خلاص روحي عشان امي بس انتبهي والبسي شي ساتر مو الملابس الخالعه مثل اللي عليك
طالعت بلبسي تنورة طويلة لونها فوشي ومشجرة بأسود .. وبدي اسود وجاكيت بكم طويل فوشي سادة قطني خفيف ومفتوح من قدام .. ولافه على رقبتي ربطه عنق طويلة زي الشال .
يعني مو باين مني الا صدري من فوق حتى البدي ساتر .. !
قلت : خلاص اجلس بعبايتي وطرحتي ولا يهمك ولا اقولك بلاش اروح ..
طالعتنا سميرة بنظرة غريبة .. ومهند اخذ حاله ووقف وخرج قال بروح اخذ لي دش اتنشط واذا نمت لاحد يصحيني لا لعشا ولا شي وراي قومه من الصبح .
وقفت معاه وشفت سميرة نادته وخرجت طلعت فوق ..
دخلت الحمام وفتحت الموية في البانيو تذكرت لمن اجي من الجامعه وانا تعبانه في بيت خالي واذا كانت محاضراتي في مباني متباعده عن بعض ارجع للبيت متكسرة .. وعلى طول اتحمم في موية عميقه واحط عليها زيوت عطرية وخلاصة اعشاب خاصة .
حطيت لمهند الزيوت على الموية .. وحطيت له ورود مجففه قلت يمكن يروق مزاجه اذا تحمم فيها ..
بعد شويه طلع لي ودخل الحمام وخرج قال : وش هذا اللي حطيتيه .
جيت امشي عنده قلت وانا احرك اصبعي جبينه واسوي علامه اكس : بلاش تسوي مشاكل ادخل وتحمم بترتاح فيها ويمكن تطلع وانت مروق ومزاجك عال .
ابتسم بخبث .. لااااااااااااااااا هذا وش فهم ..؟ قلت بعد ماتنحنت : احسن شي تتحمم وتنزل تتقهوى لأني متأكده انك راح تورق والتعب يطلع من جسمك .
قال : بتنزلين انتي .؟
: مممم ايوه طبعاً وانت كمان انزل الحقنا سولف معانا وكمان قابل عمي قبل تنام .
حسيته مااعجبه كلامي ودخل الحمام من دون مايرد علي .
اخذت نفسي ونزلت تحت قبل مايطلع ويجي في راسه شي . .. نادتني ريم توريني رساله غريبة وصلتها تقول ماادري من اللي ارسلها .. اول ماشفت الرقم حسيتني قد شفته لأنه مميز .. رحت دقيت عليه من جوالي بسرعه بشوف يطلع عندي اسم ولا لا واقفل قبل يدق عنده ..
لا لا لا مو معقوله .. رقم عمي ياسر معقولة يرسل لريم .. ورسايل غرامية ..
قفلت بسرعه قبل يدق عنده قلت لريم .. مو عندي شكلي مخربطه ماقد شفته ..
ومسحت الرقم حتى ماتنتبه له اذا شافت جوالي .
اخذت جوال ريم وارسلت له (عمي وش هالحركات عيب ..!
ترى ريم بنت ناس واخت صاحبك .. تعال اخطبها من بكره بدل هالحركات . ترى لو عرفت ريم انه انت بتقول لمهند وانت مايرضيك انه يدري ).
ارسلتها ومسحت الرساله بسرعه .. وانا مستغربه جرأتي بس بجد عمي يغلط على مهند قبل مايغلط على ريم ..
بعد شوي دق عمي علي وكلمته عادي قال ابيك بموضوع مهم وتكونين لوحدك بشرط . قلت له انا ادق عليك اذا لقيت فرصه .. وبينت له ان محد درا عن الموضوع غيري حتى مهند مايعرف .


لامارا غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 01:13 PM



Powered by vBulletin®
Copyright ©2000 - 2024, vBulletin Solutions, Inc.