19-04-14, 11:37 AM
| #21 | ||||
 
|  البارت الرابع.. في هالزمن مايملي عيون الحسود الا التراب ولا االـحظيظ الـطلقه الي ماتصيبه iiتذعره بالمجلس المشترك لعائله الشاهر بعد صلاه العشاء ابو عبد الرحمن كان يناظر عياله اللي ما قدروا يتكلموا بعد كلام ابوهم بس سمع صوت شاهر يقول بهدوء:يبه كل شيء بالسيف الا الزواج بالكيف يالغالي.. ابو عبد الرحمن:تعصي كلامي يا شاهر.. شاهر يتنهد داخله:ما عاش اللي يعصي كلامك يالغالي بس تري اليوم تزوجهم غصب باكر يتطلقون يالغالي.. ابو عبد الرحمن حس ان كلام ولده صح كافي انه جبر الماس علي ضاحي تنهد بتعب بس يتمني يشوفهم متزوجين ومرتاحين.. قال بهدوء:الحين بسكت بس ماراح اسكت علي طول.. شاهر تنهد وهو يناظر اخوانه اللي كانوا يشبهون ابوهم حيل غير عنه اللي ما كان يجبر عياله علي شيء المهم انه اللي يسوونه ما يتعارض مع دينهم او اخلاقهم.. عبد الرحمن كان ساكت ويفكر بموضوع شاغل باله حيل في حين ان مساعد كان تعبان فظل ساكت.. ابو عبد الرحمن بهدوء:اليوم عندي موعد مع الطبيب ابيك تاخذني يا شاهر.. مساعد وعبد الرحمن بقلق:شفيك يبه؟؟ ابوهم:كشف دوري بس يا عيالي.. شاهر نزل عيونه ما يبي يناظر ابوه ولا يبي يناظر اخوانه والوجع اللي بداخله يفتته الي اجزاء لا يعلم ان كانت ستعود الي مكانها.. @@@@@@@@@@@ قفل جواله وهو يسمع صوت ززوجته تقول بحده:عيل بنت موضي المشوهه ترفض ولدي ان علي شنو شايفه عمرها يا حسره.. ابو سعيد كان ساكت وما عرف شنو يقول لانه شخصيته حيل ضعيفه قدام زوجته المتسلطه اللي كملت:يوم انقطت بالشارع ما لقت احد ضفها غيرك هي وبناتها مالت عليها وعليهم.. منيرة كان دمها يغلي كانت تبي تقهر موضي وتاخذ بنتها وتذلها تعرف ولدها حاله عوج وما عمره بينصلح ضربت المخده بايدها بقهر.. ابو سعيد :خلاص انهي الموضوع وحسابها معي بنت الصقر.. طلع ابو سعيد وظلت زوجته غاضبه والشرر يتطاير من عيونها سمعت صوت بنتها تقول :شفيك يمه؟؟ ناظرت بنتها بفستانها الابيض فوق الركبه وشعرها الاسود جلست علي الكنبه وحطت رجل علي رجل:بنت عمتك العوبه رفضت اخوك.. مروي بنص عين:منارووووو.. امها بحده:ايه.. مروي وهي تقول بسخريه:اصلا زين منه انه فكرنا ناخذها حق سعيد هو سعيد ويخب عليها بعد.. كملت بشر مشابه لامها:ما عليك منها يمه انا مو باط كبدي الا ريهافوا ان ما خليتها تندم علي اليوم اللي نولدت فيه ما اكون انا مروي بنت امي.. مروي كانت تكره ريهاف لانه شخصيتها قويه ومن يوم كانوا صغار ما تهتم لها او حتي تصيح او تنهز فلذلك مروي ما تواطنها ابد.. سمعت صوت جوالها وكانت مسج من صديقه لها تعزمها علي عيد ميلادها.. @@@@@@@@ ببيت ابو سامي منار دخلت غرفتها وهي تتنهد فتحت الكبت وطلعت كل ثيابها اللي بالكبت وحطتهم علي السرير من يوم الحادث اللي صار وهي ما انتبهت للبسها ولا لشكلها ولا اهتمت لشيء من اجل ماذا من اجل شخص تركها وتزوج من اخري.. وهو الحين عايش حياته وهي حاكره نفسها في البيت وقفت عند المنظره وناظرت وجهها عيونها البنية الجميله وبشرتها البيضاء وذلك الخط بخدها من تحت اذنها الين خدها.. لن تسمح لهذا الاثر السخيف ان ياثر فيها فهناك من فقد جزء من جسمه ولا زال يحارب وهي لمجرد ندبه اوقفت كل حياتها.. كلام ريهاف اثر فيها حيل وخلاها تفكر في الاشياء الايجابيه في حياتها .. كانت دائما تحس ان ريهاف اكبر منها بافكارها مع انه لا يفصل بينهم سوي سنه واحده.. ابتسمت بحنان لاختها التي دائما تحاول ان تسعد من حولها بدون ان يعرفوا وكم تمنت ان تعيش باقي حياتها بسعاده مع مشاري الاثنين ذولي يحبون بعض بطريقه غريبه وجميله.. @@@@@@@@@ بالصاله.. كانت مزنة وموضي جالسات يسولفون عن العيال وعن الدنيا لتبتسم مزنه وتقول:تري الريال يخطبك للمره الثانيه.. موضي تبتسم:بناتي بيتزوجون وانا قدي افكر بالزواج اقول لا تضحكيني.. مزنة بحنان:انتي مو كبيره حيل وبعدك حلوه كنك البخت ههه وبعدين البنات بيتزوجون وكلن لاهي بحياته انا ما اقول هالشيء عشان اني ماله منك.. ضحكت موضي:ادري يا مزنه بس..... مزنه تفهم عليها من نظره فعشرتهم كانت قريبه جدا:القلب بعده لصاحبه.. موضي تتنهد:الحقوق محفوظه.. ريهاف سوت نفسها ما سمعت اخر كلامهم وهي تنزل الدرجات الاخيرة وترمي السلام.. مزنه وامها رفعوا نظرهم وانبهروا بهذه الفتاه الجميله وكانت لابسه فستان اخضر لتحت الركبه ورافعه شعرها الاشقر فوق ومكحله عيونها بالاخضر .. استغربت من نظراتهم وردت ناظرت لبسها بعفوية:شفيكم؟؟ امها تسمي عليها وتدعي لها بداخلها:الله يحفظك يمه من كل عين.. مزنه بموده:تبارك الرحمن عيني عليك بارده يمه.. قالت بخجل اخفته جيدا:مشاري بيجي بعد شوي.. سمعت صوت جاسم من وراها :وانا اقول كل هالزين والكشخه لمن اتاري الحبيب بيجي.. لفت وجهها المحمر من الخجل وهي ترد علي جوالها:هلا.......لا بس جاسم تعرفه....طيب دقايق واجيك.. اخذت جلالها بايدها وقالت بهمس وهي تناظر جاسم اللي كاتم ضحكته:تري زوجتك بذلها من الحين وبتشوف.. جاسم جلس بجانب امه وامه بالرضاعه واتسعت ابتسامته اكثر وهو يري منار تنزل من الدرج وهي ترتدي تنوره بيضاء طويله وبلوزه حريريه ورديه قال بضحكه:وانتي بعد عندك موعد والا شلون..!! موضي ومزنه صمتتا خائفتان من رده فعلها ولكنها جلست بجانب اخوها وقالت:لا بس عازمه حالي علي العشا معك عندك مانع.. جاسم بنفس الضحكه:فديت العشا اذا كان معك.. ضحك الجميع وطلعت ريهاف للمجلس وردت تقول:يمه تري جدي مريته واخذ دواه وقال انه بينام.. سمعت جاسم يقول وهي تمشي للمجلس:الله يعين مشاري عليك.. @@@@@@@ الماس قامت وهي تحس انها صارت احسن وهو للحين مارد قهرها وماتدري شنو اللي راح يبرد قهرها.. فتحت الكبت واخرجت ثوب نوم ازرق طويل وبدون اكمام اخذته ودخلت الحمام اكرمكم الله ناظرت وجهها في المنظره بعد ما حطت ثيابها بمكانهم ووجهها كان شاحب ومصفر.. غسلت وجهها بالماء البارد كي تعيد القليل من اللون الي وجهها وملامحها المرهقه.. قامت بشطف وجهها لاكثر من مره وكانها تريد غسل كل تلك الاالم التي بقلبها وروحها المثقله بالوجع.. ارتدت روبها وخرجت الي الغرفه لتتفاجا بوجوده وجلوسه بجلسه التلفزيون المكونه من كنبتين احداها فرديه واخري زوجيه باللون الاحمر والاسود.. جلست علي التسريحه بدون ان تلتفت له وهي تمشط شعرها الاسود بهدوء والذي يصل الي نصف ظهرها.. منذ ان دخل الغرفه وسمع صوت الماء عرف انها تغتسل حين خرجت لم تلتفت اليه او تنطق باي كلمه علي غير عادتها فحين يعود تستقبله ببسمه وتساعده وتنسيه كل هموم الشغل.. عرف انها موجوعه وانه سيري منها الكثير ولكنه سيتحمل من اجلها فلو كانت امراه غيرها لتركت بيتها وسببت المشاكل وبالذات لامه التي لم يعلم انه ربما كان سيتسبب في طلاقها الا الان.. كم كان مسحور او غافل يا الهي ماذا كنت سافعل بنفسي بزوجتي امي بناتي وذلك الجنين الذي ينمو باحشائها والذي لا يعلم ما كان سيحصل له ولضميره اذا خسره.. وقف وقرب منها حط ايديه علي كتفيها ليحس برجفه اخفتها بسرعه وهي لم تتحرك او حتي حاولت ان تنسحب من هذه المواجهه كعادتها حين تكون متضايقه او زعلانه.. قال بحنان حاول ان يخفيه:الماس انا اسف.. كانت تعرف ان الاعتذار اخذ منه الكثير من الجهد والقوه الذاتيه ولكن لن ارضي بهذه السهوله ساعلمك كيف تتعلم ان تحترمني.. وتبوس التراب اللي ادوس عليه كافي علي كل هالعذاب.. اخذ منها المشط ولاول مرة منذ زواجهم يقوم بتسريح شعرها اخذ يمرر المشط ولا يعرف هذا الشعور الجميل الذي تصاعد الي قلبه.. كانت تفوح رائحة جميله من شعرها وكان كانه يراها للمره الاولي.. الماس حست بقلبها بيوقف ما سواها من قبل اغمضت عينيها لن تستسلم بهذه السهوله سوف تذيقه العذاب الذي اراها ايه منذ ايام وربما منذ سنين.. شعرت بانفاسها تحترق في حلقها وجفاف في حلقها وهو يقبل شعرها.. وقفت بسرعه لانها لن تستطيع مقاومته اذا بقيت هكذا وناظرته ببرود عكس اللهيب الذي بداخلها.. مشت بخطوات سريعه الي السرير واختبئت وري اللحاف ولفت وجهها كي لا يري دموعها التي بدات بالنزول.. رد جلس علي الكرسي وتنهد كان يعلم انها تبكي لكنها لا تريده ان يعلم بذلك وهو لم يرد ان يزيد جرحا علي جروحها.. @@@@@@@@@ دخلت ريهاف المجلس وخدودها مثل حبة الفراوله حطت جلالها علي جنب واقفلت باب المجلس.. التفتت لتجده يجلس لتختنق كل الكلمات في حلقها كان يلبس بنطلون اسود وتي شرت ابيض اظهر عضلاته بطريقه مبهره.. مشت بخطوات هادئه لتجلس بجانبه:قريت علي نفسك.. ضحك ضحكه ساحره وهو من يوم دخلت وهو ينظر اليها بحب فكل يوم تزداد جمالا بعينيه.. رفع ايده لشعرها ونزله علي كتوفها وقال بمحبه وحنان مصفي خاص بها هي:كم مره اقولك بحضوري لا ترفعين شعرك احبه كذا.. ابتسمت وهي تقوم متجه للطاوله حطت له من الكيكه اللي اهيا مسويتها وحطت الصحن علي الطاوله الصغيره بجانبه مع كاس عصير فراوله.. كان شعرها الاشقر اطول من فستانها بقليل لفت وهي تبتسم له وتجلس و قالت :مشاري ادري انه ملكتنا طولت بس هانت حبيبي ابي اقولك اني ابي اتخصص جلديه بيكون دوامي صباحي وبصير اشهر طبيبة جلديه بالرياض.. كان يعلم انها كانت تريد ان تتخصص جراحه وهو يعلم ان هذه تضحيه منها فقال:ريهاف حبيبي ادري.... حطت اصبعها علي فمه وهي تقول:سعادتي بسعادتك وبس يوم اكون هنا..حطت ايدها علي قلبه.. حط ايده فوق ايدها ونظر اليه بعينيه السوداء وقال:انتي هنا من زمااااااااااان.. ضحكت بفرح وهو يطول في الكلمه وقالت بخجل:اممم.. اخذ صحن الكيكه والملعقه واكل شوي وقال بتلذذ:واوو حلو.. اخذ شوي من الكيكه بالملعقه وقربها من فمها فتحت ثغرها بخجل .. وضع اصبعه علي خدها بحنان وهو يبتسم :احبك تدرين... توها بتتكلم بس سمعوا صوت صراخ واصوات عاليه بري المجلس.. وقف مشاري بكل رجوله وهو يمشي اخذ جلالها ورماه لها وطلع من المجلس.. صدمه المنظر الذي راه... عواصف الحنين | ||||
|
|
19-04-14, 11:59 PM
| #24 | |||||||||||
| مشرفة اسرة حواءوذات الذوق الانيق وفراشة متألقة،ازياء الحب الذهبي ..طالبة مميزة في دورة الخياطة جزء1وأميرة فستان الأحلام ولؤلؤة بحر الورق وحارسة وكنزسراديب الحكايات و راوي القلوب  
| قفلية شريرة يا عواصف ياترى اشو شاف مشارى لينصدم ؟ والماس ما زالت على زعلها من ضاحى الذى تاسف لها يعطيكى العافية عواصف على الفصل الجميل وبانتظار الفصل الجاى وشكراااااااااااااااااا | |||||||||||
|
|
|
22-04-14, 08:58 PM
| #26 | ||||
| مساء الورد حبيت انزل البارت الليله لانه بكري يمكن انشغل وما اقدر وسامحوني علي القصور عواصف الحنين البارت الخامس هذي هي الدنيا متاهات وأحزان كلن يــــــدور راحته ما لقاهـــا تبي لها صبر مع شوي نسيــــان مع ضحكة تخفي دموعك وراهـا ..!! سعاد بحيره وهي تناظر زوجها يبدل ثيابه وتناظر الساعه اللي كانت تشير الي الساعه الثانية عشر ليلا.. قالت وهي ترتدي ثوبها فوق روبها الثقيل والطويل:عبد الرحمن انت وين بتروح في هالوقت.. قال بدون ما يناظرها وهو يلبس ثوبه ويقفل ازاريه:مشوار لازم اروجه الحين.. تعرفه جيدا فهو لا يخرها ابدا اين يذهب والا متي بيرد وشنو اللي بيتغير الحين تنهدت وردت جلست علي السرير وهي تعلم انه لن يغمض لها جفت الي ان يعود.. اخذ جواله ومفاتيحه وناظرها بنظره كانه يعتذر ولا تعلم لما ذكرتها هذه النظره بوقت لن تنساه ابدا.. حين خرج واقفل الباب وراءه نزلت دمعه يتيمه علي خدها لكنها كانت حارقه تمردت علي ارادتها .. افعلتها من جديد ام ماذا يا عبد الرحمن .. @@@@@@@@@ مشاري لنصدم من منظر خالته واخوها اللي كان يجرها جر كانها حيوانه اكرمكم الله.. اشتعلت النار بصدره وهو يركض ناحيته ويوخره عنها وبيد واحده حذفه بعيدا ليرفع بيده الاخري الحرمه اللي كانت تصيح بوجع.. تركها حين ناظر بجانب عينيه حمد وهو يهجم عليه مسكه من ثوبه وهو يقول:انت شنو تستقوي علي حرمه.. حمد بعصبيه:اختي ومالك خص فيها يا مشاري وابعد دام النفس عليك طيبه.. مشاري وخر ايده وهو يناظر ريهاف اللي كانت تساعد امها.. ريهاف لبست جلالها وطلعت من المجلس لتفاجئ بمنظر امها وخالها المرمي علي الارض وهي تعلم ما الذي اتي به.. حمد بحده:والله يا موضي لاخليك تندمين علي اليوم اللي رفضتي فيه ولدي .. مشاري ناظره بحده ارعبت حمد:والله ثم والله ان قربت مره ثانيه من هالبيت ليكون اخر يوم بحياتك.. حمد بحده:لي في البيت اكثر مما هو لك.. ابو جاسم دخل من الباب المشترك مع بيت ابوه مع جاسم اللي كانوا يناظرونهم باستغراب ليقول سامي وهو يناظر موضي اخته الوحيده:شصاير؟...... حمد بحده:انا اختي باخذها بيتي وبزوجها ماراح تظل علي حل شعرها عندكم.. سامي عصب من كلام اخوه ونظرته المستهزئه لاخته:حمد تري الكلام اللي ماله سنع ماله داعي.. حمد يناظره ويضحك:ناظر اللي يتكلم اللي مرته مشيته علي العجين ما يلخبطه.. سامي تنهد وهو يستغفر بداخله ما يبي يسوي شيء يندم عليه.. مشاري اللي وقف بجانب خالته وهو يسالها اذا كانت بخير وطلب من ريهاف تساعده عشان يدخلونها البيت.. ريهاف ناظرت خالها بقهر كبير ودخلت للبيت وهي تسند امها لتتقابل مع جدها الذي كان ينزل اخر درجه وكانت تعلم ان جدها هذه المره لن يصمت.. موضي بوهن:يبه.. ناظرها ابوها بحنان وطلع من الصاله الي خارج البيت وهو يسمع حمد اللي كان يشتم اخوه بابشع الكلمات ... قال بصوت جهوري اجبر الجميع علي الصمت:حمد.. جاسم اللي ما قدر يتحمل اكثر دخل البيت وبالذات بعد ما اشر له جده يدخل البيت.. ابو سامي بحده:حمد انتي مجنون والا شلون تمد ايدك علي اختك والله ثم والله يا حمد لو شفتك مرة ثانيه ببيتي لتشوف شيء بعمرك ما شفته.. كمل بالم اخفاه:تري انا للحين متحملك عشان امك الله يرحمها بس انت ما ينفع فيك ذيل الكلب ما يتعدل.. حمد يبتسم بسخريه:ههههههها ضحكتني والا تحكي عن الشركه والارض والبيت اللي تتمنن علي بهم ذولي حقي عن الثلاث السنوات اللي ضفيت فيهم بنتك ال........ سامي لم يحتما وضربه علي وجهه بقوه الي ان سقط علي الارض ليقوم حمد وهو يقول بغضب:تضربني يا سامي وانا اخوك العود.. سامي:اللي ما يسوي حشيمه حق اهله ما يستاهل الا الضرب.. طلع حمد وهو يتعود انه ماراح يتركهم وراح يتنقم منهم طال الزمن والا قصر.. تنهد ابو سامي وهو يناظر ولده ودخل البيت وهو يناظر ولده اللي كان يبي يسنده بس ما رضي نفسه عزيزه وما يرضي يظهر ضعيف حتي لو قدام عياله.. دخل البيت وناظر بنته وقال بصوت هادئ وواثق:ما ابي اشوفه مرة ثانية واللي يبي يتواصل معه يروح يعيش معه.. قال هالكلمتين وصعد داره يريح سامي جلس وهو يتنهد يعرف ابوه لا عصب ما يعرف احد عشان كذا ما تكلم.. موضي تمسح دموعها وهي تسمع اخوها يقول:خلاص يا موضي اللي صار صار والحين انتهينا منه.. ريهاف بقهر وهي تجلس بجانب امها:لو ما طمع بالاكثر ما كان تجبر.. جاسم ناظرها بحده يعني اسكتي وناظرته بنظره اغرب وكانها تقول ماراح اسكت.. مشاري حس انه حضوره صار ثقيل فقال وهو يوقف:استاذن الحين..تصبحون علي خير.. وقفت ريهاف وطلعت معاه ولما وصلوا الحديقه حاولت تبتسم وهي تقول:اسفه حبيبي ما.... حط اصبعه علي ثغرها وهو يقول:بالشده وبالرخاء يالغاليه.. قالت وهي تبتسم:ويلوموني ليش احبك.... اقتربت منه بخجل وهي تود ان تقبل خده لكنه التفت لتقع شفتيها علي ثغره والخجل ازداد ودقات قلبها تكاد ان تتوقف.. ابتعدت بخجل ولم تستطع ان ترفع نظراتها له وسمعته يقول:ما تبيني انام الليله.. مشاري استغل الفرصه وكان سيقبلها مرة اخري بس سمع صوت من وراهم يقول:شتسوون؟... قال وهو يقبل خدها ويبعدها عنه بهدوء ويضع يدها علي كتفها ويهمس:اخوانك ذولي بيجيبون لي الجلطه.. بهمس مماثل:بعيد الشر عن قلبك يا بعد قلبي.. ناظرت سعود واقف بلبس الطيران وابتسمت له وهو يفتح لها ذراعيه ابتسمت لمشاري الذي رفع يده عنها لتركض الي شقيقها وترتمي بحضنه.. قالت بحب:شفيك تاخرت؟. سعود ببسمه:بس جيت بالوقت المناسب.. بخجل:سعووود.. وخر عنها وهو يقول:ههههههههه فديت الخجلان والله.. اقترب من مشاري وسلام عليه وهو يقول:هلا والله بالنسيب.. مشاري ببسمه:هلا وغلا الحمد لله علي سلامتك.. سعود:الله يسلمك.. وخر قبعته وهو يمرر ايده بين خصلات شعره الاشقر:لا اكون خربت عليكم وغمز لمشاري.. ابتسم له وهو يقول:انت واخوك كنكم متفقين علي بس يلا كنت رايح البيت.. سعود ابتسم لهم ولوح بايده وهو يدخل بيت جده لانه شاف الليتات تشتغل.. مشاري يبتسم لحبيبته :يلا تصبحين علي خير ريفي.. كانت تحب هذه التسميه:وانت من اهل الخير حبيبي.. لوحت له وهو يركب سيارته وتلتفت بهدوء وهي تبتسم وتتمشي كفتاه في الخامسه عشر من عمرها.. @@@@@@@@@@@@ باحدي الفيلات كان صوت الاغاني يصدح باعلي صوت والبنات تتمايل علي اصوات هذه الاغاني بلباس خليع واللي بنظرهم موضه.. مروي بفستانها الازرق الملكي بدون اكمام ولين فوق ركبها كانت جالسه مع رفيجتها عبير اللي كانت لابسه شورت لنص الفخذ .. جلست مروي علي الكنبه بتعب وجلست بجانبها عبير وسالت مروي:شصار علي البنت اللي قلتي عليها؟.. عبير وهي تحرك شعرها:بجيبها يعني بجيبها وما اكون عبير ان ما جبت راسها.. مروي ببسمه خبيثه:تعجبني الثقه.. عبير :الا اقول شخبار بنت عمتك ذي شسمها؟؟؟ مروي بحقد:ريهاااف.. عبير تناظرها وهي تعرف شقد تكرهها:ايه ريهاف شرايك.... مروي بسرعه:لا لا لا تري ما نقدر عليها لا تنسين هي حفيده منو وريلها منو... عبير تضحك وهي تنفث دخان السيجاره التي اخذتها من احدي الفتيات:هههههه طيب علي راحتك يلا خليني نكمل السهره.. مروي تغمز لها:ناظري ذيك اللي لابسه الاصفر.. عبير تضحك:ايه لمحتها من اول ما دخلت.. @@@@@@@@@ صباح اليوم التالي في بيت عبد الرحمن الشاهر جالسين علي سفرة الفطور عبد الرحمن وزوجته وضاحي والماس وضاري طلع لشغله مبكر.. الماس تحاول ما تبين شيء قدام عمها ومرته وتوخر عيونها عن نظرات ضاحي اللي كان يخزها وكانه اول مره يناظرها.. كانت تشرب الحليب وتبتسم لخالتها اللي كانت تبتسم لها بعد بس ما تدري ليه حست انها شارده.. ابو ضاحي كان فكره مشغول باللي سمعه امس والاخبار اللي كان ينتظرها من سنين ضغط علي الملعقه اللي بايده وبعدها حطها مكانها وقال وهو يقوم:الحمد لله.. قامت بعد ام ضاحي وصعدت الدرج رايحه دارها وعمها اتجه للباب طالع لشغله.. ضاحي حس انه فيه شيء بس ما تكلم ما يحب يدخل بين امه وابوه سمع الماس تقول:تري بروح بيت ابوي اليوم انا والبنات وبنام عندهم.. كانت تتكلم بلهجه امر لم تعجبه لذلك قال:مرخوصه تروحين بس وانا راد من الشغل بمرك.. سكتت بغضب وهي تغرس الشوكه في البيضه اللي قدامها وسمعته يضحك ناظرته وردت تاكل.. ضاحي ببسمه:ما كنت ادري انك شينه وانتي معصبه.. قالت عفويا:صدق.. هز راسه وهو يبلع الاكل بس ما قدر يمسك نفسه وغص بالاكل وصار يكح بقوه والم.. الماس وقفت بخوف وهي تمد له كاس الماي وضربت علي ظهره و ناظرته وهو يشرب الماي وعلامات الالم مازالت مرتسمه علي وجهه.. قالت بخوف:ضاحي شفيك...قالت وهي تمسك كاس الماي:اشرب اكثر .. ضاحي صار احسن بس حب يشوفها شنو بتسوي وكان مستمتع باهتمامها ولمساتها.. كان وجهها قريب جدا منه وتلك الرائحه التي تضعها اسكرته وانسلت الي انفه وقبل ان يعلم كان يلثم ثغرها بهدوء وهو يستغل فرصه انصدامها وعدم قدرتها علي الحركه.. لا يعلم ماذا سيفعل ان كانت قد تركته صج لي قالوا ما نعرف قيمة اللي معنا الا لما نكون علي وشك ان نفقدهم.. ابتسم وهو يناظر عيونها الغاضبه وهي توخر عنه وتقول:سخيف.. ردت جلست مكانها واخذت كاس ماي شربته مره وحده تطفي النار اللي شبت في جوفها وهي تعرف انه يراقبها ولم ترد ان تظهر ضعيفه امامه وتنسحب من المكان.. وقف ضاحي بطوله الفارع ولبسه العسكري الذي يزيده سحرا وهيبه ليقترب منها ويهمس باذنها كلمه اشعلت حواسها وخرج من البيت.. وضعت يدها علي شفتيها وتنهدت بحنين موجع ولكنها لن تستلم بسهوله قالت بنفسها وهي تضحك علي منو تضحكين يا الماس.. بس ابتسمت يوم تذكرت انه قال لها انه هو بيردها دوم كان يقول لها خلي واحد من اخوانك يردك البيت.. احبه احبه واعشقه جرحني وهو بيداويني.. @@@@@@@ بيت ابو سامي نزلت منار وهي لابسه بنطلون ابيض وتي شيرت سكري ناظرت امها جالسه تتريق مع جدها قالت وهي تحب راس جدها وبعده تحب راس امها:صباحكم سعيد.. جدها:نهارك خير يا بنتي جلسي تريقي.. امها اكتفت ببسمه هادئه.. قالت وهي تحرك الكرسي عشان تجلس:ريهاف وينها؟؟ امها بهدوء:راحت الشغل من زمان مع جاسم.. بوزت منار وهي تقول:هذي وعدتني نروح السوق اليوم.. امها ضحكت غصب عنها وجدها قال:عيل عيني من الله خير ما بترد الا المغرب.. منار وهي تصب لها قهوه:شسوي ما عندي اخت غيرها.. موضي بهدوء:خلاص يمه انا بروح معك.. منار بفرحه:صدق يمه.. موضي بفرحه اكبر:صدق يمه مع الساعه 11 نروح فطري الحين يالغاليه .. ابو سامي ابتسم وهو يناظرهم ويدعي بداخله الله لا يفرق بينهم ان شاء الله:انا اليوم بروح المزرعه اشوف الزرع والنخل ويمكن انام بعد هناك.. موضي باحترام:ان شاء الله يالغالي واذا تبي شيء انا حاضره.. ابو سامي:تسلمين ما ابي الا سلامتكم وخلي جاسم ينام عندكم.. موضي ببسمه:ان شاء الله.. قام ابو سامي وطلع للمجلس وقالت منار لامها:يمه لا تغيرين رايك؟؟ امها بحنان :لا يمه ماراح اغير رايي.. @@@@@@@@@ حط سيارته بمكانها المخصص لها ككل يوم ونزل وهو ياخذ حقيبته وينزل من سيارته السوداء.. كان طوله وجسمه يلفت انظار الرجال قبل النساء بهيبته وحضوره الرجولي الفخم.. رمي السلام علي الحارس الذي كان يقف بباب الشركه وهو يرد السلام:هلا استاذ جاسر.. جاسر ابتسم له ووخر نظاراته الشمسيه ودخل الي المصعد الخاص به وضغط علي زر الطابق العاشر الذي يوجد به مكتبه.. كان بشعره الاسود وعينان بنيتان تذكر عمه ماجد وهو يقول بضحكه ساااااحر.. سمع صوت جواله رد وقال:نعم توني ما بديت شغل شتبي؟؟ ..... قال وهو يفتح باب المكتب :اوكي اذا خلصت مبكر.. ......... ابتسم بهدوء:خلاص مشعل تراني مشغول حيل اليوم يلا سلام.. .... قفل الجوال وهو يبتسم وهو يضعه علي الصامت لانه لا يريد ازعاج فعمله اليوم كثير.. @@@@@@@@ عواصف الحنين | ||||
|
|
|
22-04-14, 09:35 PM
| #27 | ||||||||
| نجم روايتي وعضو الموسوعة الماسية بقسم قصص من وحي الاعضاءوفراشة الروايات المنقولة  
| السلام عليكم ورحمة الله وبركاته مساء الخيرات ياعواصف الحنين فصل اليوم ازاح الستار عن شخصية حمد الضعيفة جدا والذي يأتمر بامر زوجته المريضة بالحقد والحسد مشاري وريهاف مشاعر وحب متميز يربط بينهم ادعو الله ان يستمر بدون تدخل هؤلاء المرضى عائلة خالها حمد اللي فهمته سعود وجاسم اخوة ريهاف ام هم اخوة بالرضاعة فقط عبد الرحمن هو والد ضاحي ماسبب نظرته تلك لزوجته هل تزوج عليها مثلا؟؟؟ جاسر اعتقد انه سيكون له دور محوري بالقصة بانتظار توضح دوره اكثر شكر لك مرة اخرى | ||||||||
|
|
|
23-04-14, 05:45 PM
| #29 | ||||
 
| السلام عليكم ورحمة الله وبركاته فصل حلو مع انه قصير شوي عبد الرحمان شنو الي مخبيه عن زوجته يا ترى مشاري و ريهاف عصافير الحب الله يكمل فرحتهم ببعضهم مروة الله يستر من اشكالها و يبعد شرها الماس و ضاحي يحبو بعضهم كثيييير لكن هو غلط في حقها و هي من حقها تتدلل عليه و تحسسه بغلطه يسلمووووووووووو | ||||
|
|
|
01-05-14, 07:19 PM
| #30 | ||||
| مرحبا ادري تاخرت عليكم والسموحه منكم وما احب ابرر الحين بس ياريت البارت يعوض هالشيء وباكر بعد فيه بارت يا حلوين... البارت السادس ذاك بس اللي يامن جيته يلخبط كياني اللي بنظره ينشف دم قلبي في وريده قبل أشوفه أجمع اله أحلى القصايد والمعاني وأن لقيته ماعرفت أقول لي جمله مفيده بيت ابو سامي كان توه بيطلع من المجلس وبيروح للمزرعه بس توقف حين سمع صوت يرمي السلام صوت ليس بغريب عنه حين رفع عينيه عرفه ورد السلام وهو ياشر للصبي يطلع. رد للمجلس وهو يقول باحترام:حياك. جلس وكل منهما ينتظر الاخر ليتحدث ولكن ابو سامي بادر بالكلام:اظن شفت حمد.. عبد الرحمن:ايه ابي بناتي يا عمي.. تنهد ابو سامي بداخله وهو يعرف ان اليوم هذا كان بيجي والحين جا:توك تذكر بناتك يا عبد الرحمن.. عبد الرحمن بعتب:انا ما تخليت عن بناتي الا للشديد القوي وابوي كان... قاطعه بهدوء:والحين راح الشديد القوي.. عبد الرحمن بالم:ابي بناتي ادري غلطت بس بعدها دورتهم وما لقيتهم سنين وانا ادور عليهم.. ابو سامي بصرامه:بس عبد الرحمن الشاهر لو بغي شيء صار له .. عبد الرحمن بنفس اللهجة:بعد عيال الصقر مو هينين.. ابو سامي بهدوء وهو يمسك عصاه بقوة:الحين البنات اكبرو وهم يقررون اللي يبونه.. ابو سامي اوجعته مجرد فكره انه سيفقد بناته صباحهم كل يوم ماليين عليه البيت.. وابو عبد الرحمن حس بروح جديده وفرح وهو ينتظر متي بيشوف بناته.. سال بلهفه :الا البنات وينهم؟يدرسون تخرجوا يشتغلون؟؟ ابو سامي توه بيتكلم بس سكت يوم سمع صوت ريهاف وهي تتكلم في التلفون وعبد الرحمن من نظراته عرف انها بنته.. قال بصوت جهوري:ريهاف يبه تعالي.. دخلت المجلس وهي مستغربه لانه جدها كان بيروح المزرعه واستغربت شلون جدها يناديها ومعه ريال اللي ما نزل عيونه من عليها بس يوم ناظرت وجهه زين اعرفته وكشرت لااراديا.. ناظرت جدها وقالت ببرود:بغيت شيء يبه.. جدها يعرفها زين وعرف انها تعرفت عليه قال:جلسي يبه.. مشت في المجلس وجلست بجانب جدها ومقابله لذلك الرجل الذي يقال انه والدها.. عبد الرحمن بحنان:ريــ......هاف ..قالها بصعوبه والم لتلك النظرات والتكشيرة التي راها علي وجه ابنتها اغمض عينيه وهو يشعر بوجع يجتاح قلبه.. كمل وهو يقول:ما عرفتيني؟؟ ريهاف بعصبيه حاولت تخفيها:الا عبد الرحمن الشاهر الاسم اللي بعد اسمي والل بكل اوراقي ومعاملاتي شلون انساه ومثل ما يقولون ابوي..قالتها ببرود.. كانت مقهورة تركهم عشرين سنة والحين جاي بكل برود ويقول هل تذكره وهي ما نسته بس الالم انه تخلي عنهم ما يهمها اللي صار المهم انه تخلي عنهم وهم صغار محتاجين حنان اب.. بس ما تكلمت ما حبت تفقد سيطرتها علي نفسها الحين ما تبي تقول شيء تندم عليه بعدين.. وقفت بقهر وهي تسمعه يقول:ما تربيتي!! وقفت وقالت ببرود:جاسم الصقر رباني وعلمني اعطي كل واحد حقه وكما تدين تدان شسويت مو طردتني مع امي واختي بنص الليل بالشارع والا نسيت يا..... لم تنطق الكلمه وظلت معلقه في الهواء.. الوجع الذي بقلبه منعه من ان يتكلم وهو يراها تخرج من المجلس.. تقابلت مع امها اللي كانت داخله مع اختها اللي قالت:رهوف تعالي شوفي شنو اشتريت؟؟ ناظرت اختها بقهر وقالت وهي تناظر امها:ادري بذوق امي حلو.. ودخلت البيت وتركتهم وامها واختها مستغربين من تصرفها بس امها عرفت سبب تصرفها وهي تناظره طالع من مجلس ابوها ردت نقابها علي وجهها بسرعه .. ما تغيرت يا عبد الرحمن بعدك مثل ما انت والعشرين سنه كانها عشرين يوم رغم كل اللي صار تحبه وحاربت كل الدنيا عشانه.. منار كانت تنقل نظرها بين امها والريال اللي طلع من المجلس واللي ناظرها بحنان وحب لدرجه انها خجلت وسمعته يقول:منار.. عبد الرحمن يوم لف ناظرها عرفها اه يا موضي ما دخل هالقلب ولا سكنه غيرك الله يلعن الشيطان اللي خلاني اتركك واترك بناتي بس من اليوم ماراح اهدكم ابد.. منار ابتسمت ابوها تعرفه من صوره بالجريده فخوره به وتحترمه حيل ولا شعوريا ارتمت في حضنه وهي تقول بعتب:يبه.. موضي نزلت دموعها وما قدرت تتحمل اكثر دخلت للبيت بسرعه فرؤيته هكذا تؤلمها وتعلم ان ابنتها الاخري لم تتساهل او تستقبله كما استقبلته منار الرقيقه والحنونة.. لا تنكر ان ريهاف حنونة لكنها تحاول ان تخفي ذلك لكنها لا تسامح بسرعه ولا تنسي.. عند عبد الرحمن اللي كان لام بنته بحنان وهو يبوس راسها شكثر اشتاق لها ولريحتها اه يا ريحة الغوالي قالها وهو يتنهد بداخله.. مسك وجهها وناظر الندبه اللي بخدها بس ما حب يعلق الحين بس اوجعه ذلك الانكسار الذي يراه بعينيها ما الذي حدث لك يا صغيرتي ما الذي رسم هذه النظره بعيونك الجميله.. وخرها عنه وهو يقول :شرايك تتغدين معي اليوم؟؟ بفرحه طفله صغيرة قالت:ايه ايه.. قال ببسمه:طيب يبه بروح وبرد لك.. طلع ابوها وهي تلوح له ودخلت البيت وهي فرحانه ناظرت امها جالسه بالصاله وسمعت اختها تقول وهي نازله من الدرج:كل هالفرحه بابوك!! منار ببسمه:وابوك بعد.. ناظرت امها وبعدين قالت لاختها وهي تمرر ايدها بشعرها:علي الورق بس..وردت قالت وهي تحط شعرها علي كتفها:انا بروح لجدي بالمجلس.. منار جلست جنب امها ما توقعت تكون رده فعلها كذا يوم تناظر ابوها لا ويعزمها علي الغدي قالت بفرح:يمه تري ابوي بيجي ياخذني علي الغدي.. امها ما حبت تكسر بخاطرها وقالت :طيب.. @@@@@@@@@@@ دخلت الشركه وقفت عند الاستقبال وبكل غرور قالت:ابي اقابل جاسر الشاهر.. الموظفه رفعت راسها وقالت:عند موعد؟؟ ناظرت رفيجتها وقالت :سمعتي الخبله قالت عندي موعد..كان صوتها واضح وما اهتمت.. الموظفه حست بالاهانة وناظرت للموظفه الجديدة اللي كانت تضحك تحت نقابها وسمعت المغرورة تقول:شهد ال......مو محتاجه مواعيد.. بلعت ريقها وهي تسمع اسمها بس قالت:السيد جاسر ما يقابل احد بدون موعد.. سمعت صديقتها تقول:شهد خلينا نطلع.. شهد ناظرتها وبعدها ناظرت الموظفه وهي تقول بحقد:تافهة.. وجلست علي الكراسي وقالت:وهذي قعده موب طالعه الين اقابله.. شهد بنت رجل معروف مغرورة واللي تبيه تاخذه حتي لو ادوس علي كل الناس متخرجه من اقتصاد.. @@@@@@@@@@ بمجلس الشاهر بعد الغدي كان الاجتماع بين الاخوان وابوهم والسبب طلب من عبد الرحمن انهم يجتمعون.. ابو مشعل اللي كان يناظر نظرة غير بعين اخوه فرح ولمعة ما شافها الا رفع عيونه لاخوه كانه يقول لقيتهم.. سمع ابوه يقول:شعندك يا عبد الرحمن.. عبد الرحمن بهدوء:يبه لقيت بناتي.. بسمه من مساعد وشاهر لانه اخوهم كان طول هالسنين يدورهم ونظرة ليس لها تفسير من ابوه اللي قال:عيل وينهم ليش ما جبتهم؟.. عبد الرحمن ارتبك:يبه ما... ابوه بحده:ما ابي تبريرات بناتك بيعيشون عندك غيره ما عندي كلام.. سكت لانه يعرف ابوه ما يحب احد يناقشه في قرارته.. وقف ابوهم وهو يقول:بروح ارتاح بغرفتي.. مساعد بقلق:شصار بموعد ابوك مع الدكتور اليوم يا شاهر؟؟ شاهر بهدوء:الضغط عنده مرتفع شوي ولازم يبعد عن الضغوط والزعل غيره صحته زينه وما عليه شر عسي الله يطول بعمره.. الكل:امين.. عبد الرحمن كان موضوع بناته شاغل باله فكيف سيقنعهم بالمجيء للعيش عنده وهل امهم ستقبل يعلم ان منار لن ترفض ولكن تلك الفتاة العنيده لن يستطيع ان يجابهها فهي تملك الكثير من ضاحي الشاهر وجزء اكبر من جاسم الصقر .. تذكر نظراتها حتي حين اتي لياخذ ابنته للغداء خرجت هي له وقالت ان اختها لن تذهب ويكون احسن لو ما يرد مرة ثانية لما كل هذا يا ريهاف لما.. شاهر كان يكلم اخوه الذي عرف حين لم يرد عليه انه يفكر في بناته وهو اكثر شخص يعلم مدي محبته لام منار ومتي المه حين افترقا وكل تلك المعاناه هو كان شاهد عليها فهو الوحيد الذي كان يزوره حين تزوجها لان والده لم يكن راضي عن هالزواجه.. تنهد بداخله لا يعلم ما الذي سيحصل بعد اليوم ولكنه يعلم ان احضار بناته لن يكون سهل ابدا.. @@@@@@@@@@@ سلمي دخلت من الباب المشترك مع بيت عمها ووقفت في الحديقه وابتسمت وهي تتذكر ايام كانوا يهال تلعب مع عهود.. ابتسمت وهي تدخل البيت بعد ما دقت وفتحت لها الشغاله الباب وقالت انه عهود بغرفتها وما فيه احد بالبيت.. صعدت الدرج ووخرت نقابها وهي تبتسم بس توها بتحط رجلها علي الدرجة الاخيرة الا تتلاقي مع احد يركض كانه اعصار شهقت وهي تقفد توازنها وحست انها خلاص بتوقع بس فيه ايد امسكتها.. وارتطامها بشيء قوي ورائحة عطره تعرفها جيدا شهقت وهي تتذكر العطر مسكت في الدرابزين ورفعت نظرها لتحس باختناق انفاسها .. فهد بعد ما تاكد انها توازنت ورجع له نفسه اهوا بعد قال بكل احترام:السموحه يا بنت العم كنت مستعجل.. كمل طريقه وترك وراءه انثي قلبها ينبض بقوة كملت الدرج بصعوبه وحين وصلت الي غرفة عهود فتحت الباب وارتمت علي السرير بقوة وهي تتنهد بصوت مسموع.. عهود اللي كانت جالسه علي كرسيها الخشبي تقرا رواية رومانسية حطت ايدها علي قلبها وهي تقول:بسم الله الرحمن الرحيم شفيك كانك طالعه من فيلم رعب لا سلام لا كلام.. سلمي بحالميه:الا قولي طالعه من حلم حلو.. حطت ايدها علي قلبها وقالت لبنت عمها اللي صارعهود بحالميه:اوه اخوي طلع رومانسي.. سلمي بواقعية:لا رومانسي ولا شيء بس تصرف باخلاق عيال الشاهر بس تدرين محلو فهوود.. عهود تضحك :ههههههههههه.. سلمي تتذكر شيء وقالت وهي تفتح شعرها وقالت:تدرين انه يوم جايه سمعت امي وامك وخالتك امض احي يقولون ان عمي عبد الرحمن لقي بناته انتي كنتي تدرين انه كان متزوج حرمه ثانية وعنده منها بنتين.. عهود تحط الرواية علي الطاوله وقالت باستغراب:ايه كاني سمعت مره امي وخالتي يحكون بس ما كنت ادري انه عنده بنات.. عهود قامت وجلست جنبها علي السرير:وناسه بيكون عندي بنات عم غيرك مليت من خشتك ذي.. سلمي مسكت المخده وخبطتها علي راسها:مالت عليك انزين تحصلين بنت عم مثلي اصلا.. عهود ضحكت وهي تفرك جبهتها:تعور يالخبله.. كملت كلامها :مشعل يقول بنروح المزرعه اشتري فرس جديد ومسوي عزيمه عشانه.. سلمي تضحك:المفروض هو وجاسر اخوي يشتروون زوجات ههههههههههه.. ضحكوا اثنينهم وكملوا سوالف وضحك.. @@@@@@@@@ دخلت كالاعصار لغرفة اختها وهي تقول:ريهاااف انتي ليش تقولين لابوي اني ما ابي اروح.. ريهاف وخرت اللحاف وجلست علي السرير وقالت بهدوء:منار نسيتي كل اللي.. قاطعتها بغضب:هذا ابوي مهما صار بيظل ابوي وايه نسيت كل شيء وسامحته قلبي مو مثل قلبك اسود.. ريهاف بصدمه:انا قلبي اسود.. منار بحده:وقاسية بعد وما يهم كالا نفسك وسعادتك وتبين كل شيء يمشي علي كيفك يا اختي..قالتها باستهزاء.. كملت وقالت:ابوي وبروح له وبشوف واذا يبي بعيش معه بعد وتدرين انه السبب في ذا كله مو ابوي عشان كذا سكتي ولا تتدخلين في شيء ما يخصك.. ريهاف ظلت صامته فكل هذا السيل الغاضب من اختها صدمها لم تتوقع انها تحمل كل هذا بقلبها.. منار بحده طلعت وقفلت الباب بقوه وراها لدرجة افزعت ريهاف المصدومه والموجوعه.. ريهاف تنهدت بالم واخذت جوالها وطلبت اول رقم لياتيها صوته بعد ثاني رنه وهو يقول:هلا حبيبتي.. لم تستطع الكلام وهي تسمعه يقول بحنان:ريهاف.. صوته الحنون هدد دموعها بالنزول لكنها لم تسمح لها وهي تقول :مشاري.. ابتسمت وهي تسمعه يقول:قلبه.. قالت بود:مشاري ابي اطلع.. مشاري رد بمحبه وفخامه:تكفيك ربع ساعه.. ريهاف وهي توخر اللحاف:اكيد حبيبي.. قفلت الجوال وقامت تغير ملابسها بسرعه فتحت الكبت وبعدها دخلت الحمام اكرمكم الله تغسل وجهها قبل ما تلبس.. ابتسمت وهي تتذكر انه باقي 28 يوم وتكون مع مشاري تحت سقف واحد.. سمعت صوت جوالها وانصدمت بالرساله اللي وصلتها وقرتها اكثر من مرة تتاكد من الكلام اللي مكتوب فيها.. @@@@@@@@@@ انتظر توقعاتكم هل موضي بترد لعبد الرحمن!! ريهاف ومشاري فهد وسلمي انتظركم.. عواصف الحنين | ||||
|
|
 |
| مواقع النشر (المفضلة) |
| الكلمات الدلالية (Tags) |
| الشموع, رومانسية, رواية, فوق لهيب, واقعية, قلوب |
| أدوات الموضوع | |
| انواع عرض الموضوع | |
|
|
.png)
.png)
.png)
العرض العادي
