صباحك دمعة طاحت على خد الوساده تنام صباحك دمعة صاحت تناديلك أبيك الحين الكاتبة / قطرة

[اسطورة !]

الفصل التاسع عشر ( والاخير )
.. صبآحك دمعـة ٍ طاحت ..
على خد الوسادهـ تنـآم ..,
.. صبآحك دمعةٍ صـاحـت ..
.. تنـآدي لـك / أبيك ألحين .. ,
.. صبـآحك سهرهـ ٍ طافت ..
.. وحفلة [ دمـع ] منسيـّه .. ,
.. تسـآمرنا اليـن الفجـر ..
.. وفجـرك .. بـ / الوسـادهـ نـآم .,
تشـاكينـا /عـذاب الجـرح ..,
وجرحـك نآسـي نـزفــه ..
من اول ما رجع للبيت وهو يقرق فوق راس امه .. صار له ساعه ونص وهو يعيد نفس الكلام .. ما عنده استعداد يتحمل اكثر .. نوى واستشار هله والكل كان مبسوط له ...
ام وليد : السلام عليكم
: وعليكم السلام والرحمة
ام وليد : ام سامي موجوده
: ايه نعم .. مين اقول لها
ام وليد : انا ام وليد
: يا هلا .. ثواني بس <<< كان ماسكة بايدها التليفون ومو مستوعبه .. ام وليد ؟؟ أي ام وليد .. معقوله يكون وليد ما غيره خوي سامي .. طيب شتبي داقه .. ؟؟؟ معقولة تكــ ؟؟؟ لالا ما اظن ..
دخلت امها للصالة وهي سرحانه وبأيدها التليفون : يمة منو عالتليفون
دانه : ها .. هاذي وحده تبغاك .. تقول انها ام وليد
اخذت ام سامي التليفون من بنتها : هلا وسهلا
ام وليد : اهلين فيك اخبارك يام سامي
ام سامي : انا بخير ربي يسلمك .. انتي طمنيني عنك ؟؟
ام وليد : الحمد لله على كل حال
ام سامي : شدعوه يا حافظ من توفى المرحوم ما عاد شفناك
ام وليد : مشاغيل وانا اختك .. بس قريب تب تشوفيني
ام سامي :تنورينا والله ..
ام وليد : نب نزوركم .. حنا وابو وليد الخميس الجاي
ام سامي : حياكم الله و يا هلا وسهلا فيكم باي وقت
ام وليد : ربي يسلمك .. اخليك اجل
ام سامي : حياك الله
>> كانت لازقه بأمها .. ما تبي يفوتها شي .. تحاول امها تبعدها عن التليفون لكن ما عوزها
دانه : شتبي ام وليد يمه
ام سامي : يعني ما سمعتي شي ما شالله عليك .. تب تزورنا
دانه : ادري .. بس شتبي تزورنا
ام سامي : تزورنا وبس اتركي اللقافة عنك وروحي لدروسك اصرف
>>> اتركتها امها وهي راحت لبعييد .. ام وليد تب تجي .. طيب شتبي .. والله عقلي بينفك .. يعني معقولة تخطبني انا .. لا وين تخطبني انا وخشتي .. وليد هذا يقط الطير من السما والف بنت تتمناه .. طيب شمعنى انا .. طيب يمكن حبني يومن شافني ذاك اليوم .. لالا ما مداه انا طلعت على طول وهو راسه بالارض ... وبعدين انا خليت فيها يشوفني .. سبيت سب مو صاحي .. يالله والله بجن ..
دخل فيصل والشر يتطاير من راسه : يا مال الصمــــــــــــخ قولي آآآآآمين
دانه : بسم الله .. خرعتني شفيك انت جنيت
فيصل : والله لوما العقل كان انتي مذبوحه على ايدي من سنين
دانه : ما عوزك .. شتبي جاي بشرك لنا
فيصل : تليفونك المزعج صار له ساعه يرن بط راسي جعل راسك البط قولي امين واذا ما تغيرين هالنغمه المزعجه والله لاكسره فوق راسك
......
دخل للبيت بعد اطول يوم بحياته .. صار له يومين ما قعد على حيله .. وده ينام شهر بحاله .. تفاجئ بالمنظر اللي شافه كان ابوه جالس بالصالة واضح عليه الانهيار .. معقولة يكون حس بالذنب .. معقولة يكون ضميره صحى بعد هالغفلة هاذي .. قرب منه اكثر ..
:نواف
نواف : سم يبه
ابوه : كاس ماي بسرعه
>> راح ركض للبراد واخذ كاس ماي وجا لابوه سند ابوه وجلسه : تفضل يبه .. خير يبة صاير لك شي
شرب الماي ورمى الكاس بوجه ولده : انقلع عني .. مابي اشوف رقعه وجهك .. روووح
.. بعد عن ابوه وقبل لا يطلع من الصالة لف عليه : ما اقول الا الله يهديك يا يبه
طلع برى وضل طول الوقت يفكر بحال ابوه .. شصاير فيه .. وشنو اللي ممكن يهزه .. ما اظن اللي صار لعبد العزيز اثر عليه
فجأة صار يسمع ابوه يتكلم عالفون وبصوت عالي .. رجع على امل انه يعرف شصاير
: انت ما تفهم .. هاذي اربع ملايين .. مو الف او الفين ... لا تقعد تبرر اللي ابي اعرفه وين راحو ... لا تقولي اختلاس هذا اهمالك انت وربعك .. والله لاقلب الدنيا فوق روسكم يا كلاااب .. عندك اسبوع .. اسبوع واحد بس اذا ما يجيني المبلغ كامل لاحولها للنيابه .. >> رمى التليفون ورجع لوضعه .. كان يتنفس بقوه وواضح التعب عليه .. اعصابه حدها منهاره ..
كان يناظره نواف من بعيد .. كاسر خاطره ابوه .. يمكن يكون هذا عقاب ... او يمكن يكون اختبار من رب العالمين .. في النهاية كل شي جايز ...؟؟
....................

ساعه وهي تناظر شاشة الجوال ... حافظة الرقم زي اسمها .. ومتاكدة منه بعد .. بس اللي مو جايه تستوعبه كيف اتصل فيها .. صار له اكثر من ثلاث شهور ما شافت هالرقم على شاشة تليفونها .. والمشكلة ان عدد انه مو مكالمة وحده او ثنتين .. خمس مكالمات وكلهم بوقت واحد ... هذا غير المسج >>> ( دندون .. امانه ردي ) ..
(( اخيرا جيت على بالك .. توك تذكرت دانه .. شنو اللي رجعك بعد كل هالمده .... وينك ؟؟ ووين كنت .. وكيف كنت عايش .. طيب هذا كله ما يهمني .. شتبي مني الحين .. شتبي داق علي .. اشتقت لي .. تبغى تطمن علي .. ولا هي مكالمة عادية بين أي عيال عم في هالدنيا .. وربي واحشني .. وربي ما نسيتك ولا ثانية .. بس اللي سويته انت ما يسويه عدو .. ادق ؟؟؟ .. ولا انطر انت تدق ... >>> شوي وتليفونها يرن .. شافت الرقم وتدودهت .. ترد ولا لاء ..
دانه : ... الو
محمد: اخيرا رديتي
دانه ( يالله شنو وحشني صوتك .. وينك كل هالمدة وينك ... وربي وحشتني يا حمود .. معقولة هنت عليك .. والله حرام عليك اللي سويته فيني حرام ) >>> ردت ببرود : التليفون كان بعيد عني
محمد: هاذي تصريفة
دانه : لا وربي جد هو كان بعيد عني
محمد: عالعموم حتى لو كانت تصريفه انا ما الومك ..؟؟
دانه : بغيت شي ..؟؟
محمد : زعلانه مني ..؟؟ شايلة بخاطرك علي .. ؟؟؟ ما وحشتك يا دندون ..؟؟
دانه : محمد اللي صار انا نسيته خلاص .. انت انسان حر ومن حقك تختار الانسانه اللي تريحك .. في النهاية كلن يدور مصلحته بهالدنيا
محمد : افهم من كلامك انــ ...
دانه : ان شنو ..؟؟
محمد : دانه ابعترفلك بشغلة كنت مخبيها بقلبي من مده
دانه : اسمعك
محمد : بعتك برخيص يا دانه .. وشريت مكانه انسانه ما تسوى وطية رجولك .. صنتها وخانتني .. عطيتها قلبي وحياتي وكل شي املكه .. وهي كانت تستغلني لمصلحتها .. عمرها ما حبتني ومصرة تخدعني لاخر يوم بحياتي .. دانه سامحيني .. ما عمري ولا عمري كله راح القى انسانه زيك .. دانه اوعدك .. وربي لاعوظك عن كل لحظة جفيتك فيها .. وربي لاعوظك عن كل لحظة نزلت فيها دموعك بسببي انا .. دندون امانه .. سامحيني .. دندون كل اللي ابغاه منك تفتحين صفحة جديدة معاي
دانه(قاطعته ) : بس محمد تكفى قطعت قلبي .. حمود انت تدري بغلاتك في قلبي .. وتدري ان اللي يحب عمره ما يكره .. احبك وببقى احبك .. مافي داعي تبرر اكثر انا مقدره موقفك .. ومن هاللحظة احنا حبايب
محمد: دندون من جد تتكلمين .. دندون سامحتيني خلاص
دانه : وانا زعلت منك في الاصل عشان اسامحك
........
طول اليوم حابسه نفسها بالغرفة ... اللي صار شي مستحيل تستوعبه .. رجولها ترتجف .. تحاول تهدي اعصابها ومو قادره .. حتى انفاسها صارت تطلع بصعوبه .. منضر الجثث وهي تتطاير مو جاي يفارقها .. كانت الدموع محبوسه بداخلها .. تبي تصيح .. تبي تصارخ .. تبي تفضفض لاي احد .. حست بضيقة ممكن تقتلها ...!! شوي وينطق باب الغرفة تبغى تتكلم تبغى تقول منو بس صوتها عيا يطلع انطق مرة ومرتين وثلاث وبعدها انفتح الباب دخل اخوها نواف للغرفه وقرب منها ..
نواف : خير فطوم فيك شي
فاطمة ) كانت تناظر فيه بقوة بس مو قادرة تنطق بولا كلمة )
نواف ( بعد البطانية عن وجهها ) : فطوم فيك شي .. تعبانه ؟؟ اخذك للمستشفى .. فاطمة جاوبني صاير لك شي .. طيب عالاقل تكلمي قولي أي شي
فاطمة ( رفعت ايدها له تبغاه يسندها ) ومامداه يرفعها الا وطبت بحضنه وانفجرت صياح .. كانت شهقاتها تطلع وحده ورى الثانية ودموعها تنزل اربع اربع .. نواف ما استوعب حالة اخته .. اول مرة يشوفها بهالحال
: فطوم قوليلي شصاير لك .. منو مأذيك .. فطوم تكفين قوليلي .. لا تصيحين تراك قطعتي قلبي
ضلت تبكي وتبكي مدة واول ما هدت : سامحني ياخوي انت مو ناقصك بلاوي
نواف : ما عليك مني انا رجال واتحمل بس قوليلي شنو صاير لك
فاطمة : كنت مكتومه شوي .. يعني مشاكل وايده جاتني ورى بعض .. جية عزوز وسالفة ابوي والحين طيحته . .. الا على طاري عزوز طمني عنه شقال الدكتور ووين امي وسارة
نواف : عزوز .. مسكين عزوز ربك كتب له عمر جديد الحمد لله ..بس راح يعيش بدون رجلين .. او بالاحرى اسم ان عنده رجلين
فاطمة : شنووو ..؟؟ شلون .. وليش ..؟؟؟ حرام عزوز ما سوى شي غلط
نواف : النزيف اللي بدماغه اثر عليه .. وبما ان السالفة فيها نزيف معناها يا انه يجن او بنشل .. ربك ستر والحمد لله .. اهم شي يعيش هالولد .. وبعدين من يقول انه غلط .. بس هالابو اللي ربي مبتلينا فيه استغفر الله العظيم والحمد لله جا اليوم اللي تبرد نار امي ونار عزوز
فاطمة : خير ابوي صار فيه شي
نواف : لا ما صار فيه شي .. بس صار بفلوسه اللي يعزهم اكثر منا .. ابوك والله اعلم .. مسروق منه اربع ملايين والله العالم وين راحو
فاطمة : الله اربع ملايين .. وشنو راح يسوي
نواف : بالطقاق يطقه هو وفلوسة .. هذا جزاه واقل من جزاه
فاطمة : نواف شفيك حاقد .. هذا مهما سوى يبقى ابوك
نواف ( فجأة انفجر وصار يتكلم بقهر ) : الابو اللي يحرم عياله من ابسط شي يتمنونه ما يسمونه ابو .. الابو اللي يطق عياله ويعيشهم بخوف من بكرة ما يسمونه ابو .. الابو اللي يكتب الشقا على عياله من صغرهم ما يسمونمه ابو .. ابوك هذا يا فاطمة عيشني بخوف من طفولتي .. حتى اللعب ما عرفته .. كنت كلما العب مع حد من البزارين بالحارة يجيني ويقولي لا اشوفك تلعب معه مرة ثانية ترى وربي اضربك .. كل البزارين في هالدنيا امتلكو لعبة في يوم من الايام .. وربي ما اكذب عليك حتى اللعبة كانت امي تخاف تشتريها لنا .. تخاف يسوي لنا سالفة او يضربنا ولما كبرنا وصرنا رجال صار يتحكم بكل صغيرة وكبيرة بحياتنا حتى بالدراسة حرمنا ندخل الاقسام اللي كنا نحلم فيها كل هذا عشان في يوم من الايام نكون موضفين عنده .. يبغانا نكون تحت رحمته العمر كله وفوق هذا كله جايني قبل كم يوم يبغى يخطب لي بنت واحد من شركاه ما همه رضاي وما همته البنت ولا حتى فكر يسال عنها المهم ان ابوها عنده خير واكيد بيطلع له مبلغ يشرف من ورى هالزيجة بس على دمي ما اخذها ولا احقق له اللي يبيه وثار عزوز على دمي ما يضيع ....؟؟؟
>> بعد عشرة ايام <<

اخيرا حددو موعد الزواج اللي راح يكون بعد اسبوعين من اليوم .. الكل كان مشغول في التحضير لهالليلة مع العلم انها راح تكون حفلة صغيرة ويادوب المعازيم الاهل واصدقا المعاريس ... ريم بدت تشطب عالمقاضي يعني حاولت تختصر قد ما فيها وتاخذ الشغلات المهمه .. فستان الزواج راح يخلص بعد اسبوع بعد جهد جهيد من ام ريم لاقناع ريم انها تفصل الفستان الابيض اضطرت ريم عشان ما تكسر بخاطر امها تفصل فستان سكري ناعم مرة يناسب حفلتها اما سامي فشبه انتهى من تجهيز الاثاث مع العلم انه راح يعيش مع هله بعد اصرار من ريم ...
انتهت الفترة الاولى من علاجه بعد اسبوعين من دخلته للمستشفى الحين يقدر يطلع بعد تقرير الطبيب بتحسن حالته ...
كان جالس بالكرسي الخاص فيه واخوه يدفه من وراه .. باله مشغول طول الوقت .. ومن اول ما طلعو من المبنى وهو ساكت .. ركبو السيارة وبالطريق ..
ام عبدالعزيز : يمة وراك ساكت فيك شي .. تعيبين يمه .. عسى ما شر ؟؟
عبدالعزيز : سلامتك يمة ..؟؟
فاطمة : عزوز اعترف منو اللي ماخذ عقلك ..؟؟
سارة : بديت تفكر ببنت الحلال من الحين ..؟؟ طيب قولي عنها يمكن اقدر اساعدك ..
عبدالعزيز ( ابتسم ) : ومنو بنت الحلال اللي ترضى تتزوج واحد زيي
ام عبدالعزيز( عصبت ) : يمة لا تقول هالكلام الف بنت تتمناك وانت مو ناقصك شي
عبدالعزيز : الله كريم يمة .. مو هذا الموضوع اللي شاغل بالي .. بصراحه انا افكر بابوي والله كاسر خاطري . . اربع ملايين مو شوية ..
نواف : والله عبالي عندك سالفه .. هذا جزاه واقل من جزاه وبعدين المفروض تستانس وتوسع سدرك مو تتضايق اقول اسهلها بس
عبدالعزيز : انت شفيك نسيت ان هذا ابوي يعني اذا يصير فيه شي بعيد الشر كلنا راح نتاذى
نواف : احنا رياييل ومو ناقصنا شي ونقدر نكون نفسنا بعيد هن ابوك
عبدالعزيز : زين انت تعرف منو مدير اعمال ابوي ؟؟
نواف : هذا اللي بيجنني ياخي شتبي فيه
عبدالعزيز : تكفى اما انك تجيبلي رقمه اليوم او الحين قبل لا تروح البيت نمر شركة ابوي وناخذ رقمه
نواف : طيب شتبي فيه
عبدالعزيز : بعدين تعرف ...
مندمجين بالسوالف .. طول اليوم يكلمون بعض .. كل واحد عنده سوالف للثاني يمكن يبغاله سنه قدام .. مبسوط فيها وطاير من الفرحه .. وهي الله العالم شنو تخطط له .. تكلمه وتنبسط مع طول اليوم واول ما تقفل الخط ( والله لاردها والله ) كذا حالهم من يوم رجعو لبعض ..
دانه : خلاص عاد تكفى والله بطني وجعني من الضحك
محمد : فديت بطنك انا ههههههههههه الا صح شخبار استعداداتك لزواج سامي
دانه : مدري والله ... فصلت الفستان وحجزت الكوافيره في النهاية انا ابغى اكون سمبل
محمد : اموت يا سمبل .. طيب وحنا متى يجي دورنا
دانه : متى ما انت بغيت
محمد : مافيني انطر اكثر اول ما نخلص من غثى سموي راح اكلم هلي فاهمة
دانه : .................
محمد : امووووووووووووووت يا حيوي انت عالعموم الليلة راح اجيك واعطيك غرض وامشي صار حبي
دانه : ها,,؟؟ لالا مو الليلة خلها وقت ثاني
محمد : امممم خلاص براحتك بس اقرب فرصة
دانه ( فجأة صار باب الغرفة ينطق بقوة ) : محمد في احد يطق الباب اكلمك بعدين
قفلت الخط وراحت تفتح الباب اللي كان فيصل على وشك يكسره لها
دانه : وجع انشالله كسرت الباب جعل ايدك الكسر
فيصل : لو متاخره ثانية وحده بس كنت كسرته لك انتي ووجهك
دانه : اخلص شتبي
فيصل : متى انشالله ناويه تردين
دانه : .... ارد على شنو ؟؟
فيصل ( عصب ومسكها من رقبتها ) : على الواد اللي اسمو ولييد .. الرجال قاعد ينطر منا رد انذبح وهو كل ساعه يدق علي يسالني وبعدين انتي وخشتج حاصلك واحد زي وليد لعنبو دارك هذا رجال ولا كل الرجاجيل هذا الف بنت تتمناه
دانه : اوه انزين فك رقبتي ذبحتني عمي ... خلاص سوو اللي تشوفونه
فيصل : يعني ابلغ امي وابوي انك موافقه
دانه : ......
فيصل : يا شينك وانتي مسويه فيها مستحيه ....

......................
دخلو البيت والفرحه مالية المكان .. كانت ريحة العود والبخور يشمها سابع جار .. الفرحة غابت عن هالبيت مدة وكاهو رجع ورجع الوناسة من جديد لهالبيت ..
امه : تو ما نور البيت يالغالي
عبدالعزيز : منور بوجودك يالغالية .. مافي داعي كلفتي على نفسك
سارة : وما بعد شفت شي انا فطوم مزهبين لك خوش عشا يعني راح يشبعك اسبوع كامل عالاقل
>> نزل من الدرج ومزاجه قافل .. كان يمشي وكان محد بهالبيت الا هو مر من عند ولده وما عبره ولا حتى بكلمة ( اخبارك )
عبدالعزيز : قوة يبة .. طيب انشالله
ابوه : دامك بعيد عني فتطمن انا بخير
امه : الله يحفظه من كل شر قولو امين
ابوه : لا ابشرك ولدك هذا له سبعة ارواح ما راح يصير فيه شي شوفيه قام بالسلامة
عبدالعزيز : وين قمت يبة .. ماتشوف هالكرسي اللي راح يظل ملازمني العمر كله
ابوه : تستاهل هذا جزا كل ولد يعصي ابوه .. ويامالك انشالله >>> طلع بعد ما خلص كلامه .. مشاعر الابوه شبه ماتت بقلبه .. على اللي سواه مو هامه حال ولده ولا حتى فكر يسال عنه طول ماهو بالمستشفى .. اما عبدالعزيز فكلام ابوه كان خنجر يحز بصدره بس حاول يتمالك اعصابه عشان امه واخوانه ...
نواف : هذا اللي تبي تساعده .. هذا اللي من يوم طلعت من المستشفى وانت مأذينا عليه .. هذا ما يستاهل حتى السلام تراكـ ..
عبدالعزيز : ( قاطعه ) خلاص نواف الف مرة قلت لك هذا مهما سوى يبقى ابوي .. خلني على راحتي وانا اعرف شغلي واذا مو حاب تساعدني خلي اسوي شغلي لحالي ....
دخل لامه والفرحة مو شايلته .. كان يمشى ويغني ويرقص زي الطفل .. صار له مده مااستانس هالوناسه .. اسبوع ونص مر وهو على نار .. اخيرا جا الخبر اللي كان ينطره كل هالمده ..
: يمـــــــــــه يمه ام وليد وينـــــــــــــك
امه : بسم الله الرحمن الرحيم خير يمة شصاير
: يمه وافقو يمه .. ولدك بصير معرس انا راح اتزوج يمه
امه : كلولولولولوش >>> سمعت الفوضى اخته ديما وجات
ديما : ها شصاير اسمع يباب عريس الغفلة طق الباب
وليد : لا عريسك مطول هاذي عريستي جات
ديما : عريستك ؟؟ شلون
وليد : دانه وافقت اخيرا هيااااااااااااااااا
ديما : هي انت استخفيت خير يا طير وافقت اصلا غصب عنها توافق ويه انت رجال والف بنت تتمناك وبعدين لا تفرح كثيير لسا باقي نتيجه التحاليل يمكن ما تظبط معاكم
وليد : طول عمرك فال نحس طسي عنا مناك .. انشالله لي غصب عنك انتي وخشتك ....

اتصال غريب ومو على عادتها دقت عليه الساعة وحدة ونص بالليل وطلبت تشوفه هو كان متوقع هالشي بس تاخرت كثير صار له اسبوع من طلب هالطلب وكان متوقع رفضها بس ليش اتصلت فيه هالوقت الله العالم ..؟؟
دخل لبيت عمه وكانت بنت عمه بانتظاره ..
دانه : كل هذا تاخير توقعت بس اقفل الخط اشوفك عند الباب
محمد : وحشتيني
دانه : تغيرت .. طولت وحلويت
محمد : ( قرب منها وحاول يمسك ايدها بس بعدت عنه ) ليه ؟؟
دانه : معليش بس انا طلبت اشوفك بعطيك غرض هالسوالف لاحقين عليها
محمد : طيب بوسة عالاقل حرام عليك
دانه : قلت لك بعدين
محمد : بتذبحيني انتي زين قوليلي شنو الغرض
دانه ( طلعت من جيبها ظرف صغير ) : تفضل
محمد ( توه كان بيفتحه ) : شنو هذا
دانه : لالالالا لاتفتحه
محمد : ليه .. شنو فيه
دانه : رسالة .. رسالة لك انت .. فيه شغلة وحده مخبيتها لك بقلبي من زمان .. بس ما ودي اقولها الحين يعني بوقتها احلى
محمد : ومتى وقتها
دانه : بكرة بس مو على طول تفتحها انطر اشارة مني وبعدين افتحها
محمد : دندون ترى حيرتيني شالسالفة وشنو فيها هالرسالة
دانه : لا تحتار ولا شي بكرة بس تجيك الاشارة افتحها ... ومافي داعي اقولك انت راح تحس .. بس حمود امانه ما ابغاك تفتحها اليوم .. ..
طول اليوم سهران .. وطول الوقت كان يفكر باللي صار بينه وبينها .. قلبة كان ناغزه وده يفتح الرسالة .. بس هو وعدها وما يبغى يكسر بكلمته .. ولما نام نسى نفسه وما حس بالوقت اللي مر الا لما صار ابوه يطق عليه باب الغرفة .. صحى من النوم مفزوع وخايف .. كان قلبة يدق بشكل مو طبيعي : سم يبة
ابوه : يلا وانا ابوك .. قوم للمسجد ترانا بنتاخر عالجماعه
محمد : طيب يبه عشر دقايق بس
ابوه : اخلص بسرعه ترى عمك صار له خمس مرات داق علي اعمامك كلهم جاو الا انا
محمد ( مو مستوعب كلام ابوه .. اعمامك .. وتاخرنا .. اكيد عمي مسوي عزيمه .. طيب واذا عزيمة ليه داق على ابوي خمس مرات .. كان لسا تحت تاثير النوم ومو مستوعب .. قام من فراشه وتوجه للباب اللي كان ابوه واقف وراه )
محمد : أي عم
ابوه : عمك ابو سامي الشيخ على وصول يلا وانا ابوك
محمد : لحظة يبه لحظة أي شيخ ,, وشعنده عمي .. يبة حبه حبه الله يخليك تراني مو فاهم شي
ابوه : الله يهداك بس .. مو ملكة بنت عمك الليلة على خوي المرحوم وليد .. فلازم نكون موجودين .. يلا وانا ابوك اخلص ولا كنك بتتاخر انا بروح مع السواق >>> خلص كلامه ومشى ومحمد كان في دوامة .. شالسالفة .. بنت عمي .. عمي ماعنده الا دندون .. شلون الليلة ملكتها .. دندون لي انا .. في شي غلط ..ا بوي اكيد غلطان ... ( تذكر الرسالة اللي عطته اياه البارح وراح ركض واخذها من تحت المخده وفتحها )
(( مرحبا .. اكيد جاك الخبر .. ايه لا تنصدم الليلة ملكتي .. وتعرف على مين .. على شيخ الرجاجيل ((وليد)) .. اللي يسواك ويسوى عشر من امثالك .. واكيد تبي تعرف انا ليه سويت كذا .. تعشان اذلك زي ما ذليتني يا محمد .. بتقول عني كذابة .. تراك كذبت علي قبل كذا .. بتقول عني خاينه .. وتراك خنتني قبل كذا يعني وحده بوحده .. مو انا البنت الرخيصة اللي ممكن تتنازل لواحد مثللك يا محمد .. سويت هاللعبة هاذي كلها عشان اعيشك نفس الشعور اللي عشته انا بيوم .. كنت تقول اقسى كلام وتدور اكثر الشغلات اللي تجرحني وتقولها .. واليوم .. اكلها .. هذا جزاك )
( تحياتي دندون )
حس انه بدى يفقد توازنه .. لالا مو دانه اللي تكتب هالكلام .. مو دانه اللي ممكن تسوي شي مثل هذا .. طاح عالارض وهو مازال يقرا الكلام مرة ومرتين وثلاث .. بصعوبة تحرك وراح لتليفونه صار يدق ويدق ويدق عليها بس مو جاية ترد .. عرف انو ماكو فايده من اللي يسويه .. نادى اختى ريم وجات بسرعه
ريم : خير حمود صاير لك شي
محمد : ريوم كاس مايي بسرعه
>>> راحت وجابت له ماي ورجت بسرعه وهي ميته خوف على حالته .. اول مرة تشوفه بهالحال .. وجه اصفر واطرافه ترجف وكأنه بيودع : ريوم ساعديني ابروح لدورة المياه
ريم : حمود فيك شي .. اناديلك ابوي
محمد : لالا بس ابي اتروش عشان امشي معه لبيت عمي
ريم : اذا تعبان مافي داعي تروح .. خلاص ارتاح
محمد : لا قلت لك ابي اروح ساعديني انتي بس ....
راح مع ابوه لبيت عمه .. بدو مراسم الملكه .. اخذ الشيخ بطاقة وليد وابو سامي وابو وليد .. بدى يسجل المعلومات المطلوبه
الشيخ : منو الشهود ( جاو سامي وابو عبدالعزيز وجلسو جنب الشيخ )
محمد : لو سمحت سامي .. انا ابغى اكون شاهد اذا ما عليك امر
.. قام سامي وجلس محمد مكانه والكل طبعا تفاجئ ومحد عرف ليه .. انتهت المراسيم وتفضلو الرجال للعشا قبل لا يطلع محمد راح لوليد يسلم عليه
محمد : الف مبروك يابو خالد .. هالله هالله فيها تراها غاليه ( طلع ورقه من جيبة طبعا اهي نفس الورقة اللي عطتها دانه لمحمد ) اتمنى انك تقراها وتفهمها زين
وليد : استغرب كثير وصارت بوجهة علامة استفهام حط الورقة على جنب وراح للعشا
شنو كان مصير هالورقة ؟؟؟ لما كان وليد يتعشى بالغلط اندفق كاس العصير بثوبه طبعا اخذ سامي وليد وغير له ثوبة بحكم اجساو وليد وسامي شبه متشابهة .. بعدها راح الثوب للمغسلة بالرسالة اللي فيه وهناك انتهى امرها .. هنا تبين وقاحة محمد ولاي حد هو كان ناوي يوصلها بس رب العالمين ما حقق له اللي يبغاه .. انتهت ذيك الليلة بعد اروع سهرة قضتها دانه مع شريك حياتها وليد .. بهالليلة تعهد كل واحد منهم انه يصون الثاني ويخلص له في حبة وبكل شي بحياته وانهم يكوننو شريكين بكل صغيرة وكبيره ...
اما عبد العزيز فمن طلع من المستشفى لليوم وهو يبحث ورى قضية ابوه اللي تنوم بالمستشفى بسبب نوبات قلبية جاته بسسب الانفعال الزايد .. طول الوقت مقضيه مع مدير اعمال ابوه طبعا هالشي كان يسويه بدون علمه
كان مدير الاعمال منبهر من شطارة عبدالعزيز .. وتوقع اذا استمرو على هالمستوى راح يتوصلون اكيد لحل ..
كان نايم بالسرير .. كل شي مو عاجبه .. وكل شوي ينادي الطبيب ويطلب منه اذن خروج طبعا الددكتور رافض لان أي انفعال راح يادي للجلطة وهذا اللي خايف منه انطق البابودخل ولده وكان يدفه مدير اعماله يعني اثنينهم مع معض شي ما يدخل المزاج واكيد ورى جيتهم قصه ...
ابو عبدالعزيز : خير شتبون جايني .. تب تتشمت على ابوك يا عبدالعزيز .. ايه تشمت .. لا فلوس ولا صحه .. بس خلني اقوم وربي لا اوريك انت واخوك لا بارك الله فيكم
عبدالعزيز : صل عالنبي يبة انا مو جاي اتشمت جاي اطمن عليك
بوعبدالرحمن ( مدير اعماله ) : وجايب لك معاه مفاجئة ما راح تتوقعها والله ان عندك خوش عيال يا بوعبدالعزيز وينا عنهم
بو عبدالعزيز : ما ابي منهم شي قلعه عني برى هذول ما يجي من وراهم الا الهم .. طلعه برى
عبد العزيز : بطلع يبة بس اول خذ هالضرف
بو عبد العزيز ( كان رافض في البداية ياخذه بس استسلم وافتحه بعد اصرار بو عبدالرحمن وهنا جات الصدمه كان بالضرف شيك قيمته اربع ملايين باسم المدير المالي للشركة ووراه مجموعه اوراق كان عليها كل عمليات الاختلاس اللي تمت من ورا هالشخص ...)

كذا نكون خلصنا اهم احداث روايتنا .. استمتعت بردودكم وانتقادكم .. انتو كنتو اكبر دافع لي .. وانطروني برواية جديده ..
الحين خلونا نرجع لاهم الاحداث اللي صارت لابطال القصة بعد مرور سنة
وليد : تزوج دانه بعد ست شهور خطوبة والحين اهم بشهر العسل في جزر المالديلف >> شعليها دندون كاشخه
عبدالعزيز : رجع يكمل دراسته لبرى بس هالمرة كان ابوه هو اللي مجهز له البعثه ومو بس دراسة .. يعني دراسة وعلاج .. على فكرة ابو عبدالعزيز قرر يفتح شركة صغيرة لنواف وعبدالعزيز بس بعد ما ينتهي عبدالعزيز من الدراسة >>> عقبال ما نفرح فيكم يا شباب
سارة وفاطمة :سارة تخرجت من الثانوية وبدت تدرس علوم صحية اما فاطمة .. فبعد كم يوم راح تكون ملكتها ... >>> ما راح اقول لكم على مين
محمد : نسى الماضي باللي فيه وفتح صفحه جديدة بحياته .. وصار ذراع ابوه اليمن واخيرا انتظم بخوش وظيفه >>> يا هيك الرجال والا فلا
واخيرا سامي : تزوج ريم والحين صار عندهم توأم سموهم عبود وريماس >>> يتربون بعزكم يا رب العالمين
وهنا نكون خلصنا اخر محطة بالرواية اشوفكم على خير ولا تنسوني بالردود ...
تحياتي ... قطرة ماي ضميانه

[لامارا]

	السلام عليكم ورحمة الله وبركاته كيف حالكم إن شاء الله دائما بخير ؟ قراءة ممتعة لكم جميعاً....... شـكــ وبارك الله فيك ـــرا لك ... لك مني أجمل تحية . موفق بإذن الله ... لك مني أجمل تحية .