آخر 10 مشاركات
ضائع في ضبابها (7) للكاتبة: Meagan Hatfield (كاملة+روابط) (الكاتـب : Gege86 - )           »          أهواكِ يا جرحي *مميزة & مكتمله* (الكاتـب : زهرة نيسان 84 - )           »          فجر يلوح بمشكاة * مميزة ومكتملة * (الكاتـب : Lamees othman - )           »          إِفْكُ نَبْض (2) *مميزة & مكتمله* .. سلسلة عِجَافُ الهوى (الكاتـب : أمة الله - )           »          بريئة بين يديه (94) للكاتبة: لين غراهام *كاملة* الجزء الثاني من سلسلة العرائس الحوامل (الكاتـب : Gege86 - )           »          أُحُبُّكِ مُرْتَعِشَةْ (1) *مميزة & مكتملة * .. سلسلة عِجافُ الهوى (الكاتـب : أمة الله - )           »          عشق السلاطين(1) *متميزة ومكتملة *.. سلسلة سلاطين الهوى (الكاتـب : serendipity green - )           »          311 - لن ينتهي الرحيل - الكسندرا سكوت (الكاتـب : سيرينا - )           »          غريب الروح * مميزة ومكتملة * (الكاتـب : Heba aly g - )           »          ودواهم العشق * مميزة ومكتملة * (الكاتـب : emy33 - )


العودة   شبكة روايتي الثقافية > قسم الروايات > منتدى الروايات والقصص المنقولة > منتدى الروايات الطويلة المنقولة الخليجية المكتملة

Like Tree224Likes
إضافة رد
 
LinkBack أدوات الموضوع انواع عرض الموضوع
قديم 09-02-15, 09:19 PM   #131

sweetmimi2

نجم روايتي وفراشة الروايات المنقولة

 
الصورة الرمزية sweetmimi2

? العضوٌ??? » 295380
?  التسِجيلٌ » Apr 2013
? مشَارَ?اتْي » 438
?  نُقآطِيْ » sweetmimi2 has a reputation beyond reputesweetmimi2 has a reputation beyond reputesweetmimi2 has a reputation beyond reputesweetmimi2 has a reputation beyond reputesweetmimi2 has a reputation beyond reputesweetmimi2 has a reputation beyond reputesweetmimi2 has a reputation beyond reputesweetmimi2 has a reputation beyond reputesweetmimi2 has a reputation beyond reputesweetmimi2 has a reputation beyond reputesweetmimi2 has a reputation beyond repute
افتراضي


فصل رائع ، ازال الكثير من الغموض
احداث رائعة كثيرة ،لكن يبقى الاروع هو حدوث الطلاق بين عماد ووعد ، من البداية ارتباطهم غلط وما كان في تفاهم او حتى محاولة للاستمرار ، زيادة على تصرفات الطرفين تجاه بعض ،
احيانا يجيني شعور انه ممكن بنتهم تجمعهم بعد انتهاء جميع المشاكل ،
لكن يبقى عساف هو الانسب لوعد
بالانتظار دائما
كل الشكر للكاتبة والناقلة
كل ودي

Maha bint saad likes this.

sweetmimi2 غير متواجد حالياً  
التوقيع
https://
رد مع اقتباس
قديم 11-02-15, 06:28 PM   #132

هدوفة الورفلي
alkap ~
? العضوٌ??? » 336460
?  التسِجيلٌ » Feb 2015
? مشَارَ?اتْي » 14
?  مُ?إني » بني وليد دردنيل طرابلس الغرب
? الًجنِس »
? دولتي » دولتي Libya
My Facebook My Twitter My Flickr My Fromspring My Tumblr My Deviantart
?  نُقآطِيْ » هدوفة الورفلي is on a distinguished road
¬» مشروبك   water
افتراضي

بصرااااااحة أصبحت انتظر يوم السبت على أحرررر من الجمر
اصبحت مولعة جدا بهذه الرواية فكرت في أحداثها و لكن الكاتبة تفاجئني بأحداث لم و لن تمر على بالي قط
بالنسبة لي وعد و عماد أعتقد عنادهما هو سبب كل مشاكلهما و عماد مناسب لها أكثر من عساف و اتمنى ان تكون إبنتهما سبب لعودتهما و توطيد علاقتهما بشكل أفضل


هدوفة الورفلي غير متواجد حالياً   رد مع اقتباس
قديم 15-02-15, 12:08 AM   #133

اسطورة !

نجم روايتي ومشرفة سابقة وفراشة متالقة بعالم الازياء

alkap ~
 
الصورة الرمزية اسطورة !

? العضوٌ??? » 120033
?  التسِجيلٌ » May 2010
? مشَارَ?اتْي » 15,367
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » اسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond repute
¬» مشروبك   pepsi
?? ??? ~
My Mms ~
افتراضي

يلا دقايق وينزل البارت الجديد

اسطورة ! غير متواجد حالياً   رد مع اقتباس
قديم 15-02-15, 12:20 AM   #134

اسطورة !

نجم روايتي ومشرفة سابقة وفراشة متالقة بعالم الازياء

alkap ~
 
الصورة الرمزية اسطورة !

? العضوٌ??? » 120033
?  التسِجيلٌ » May 2010
? مشَارَ?اتْي » 15,367
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » اسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond repute
¬» مشروبك   pepsi
?? ??? ~
My Mms ~
افتراضي

بسم الله الرحمن الرحيم..

السلام عليكم و رحمة الله و بركاتة..

مساء الخير للجميع.. ما عندي مقدمات مستعجلة مثل كل مره ^_^.. ادري طولت بالبارت بس من الصبح صاحية و عليه و ما بعد وصلت للنقطة اللي ابيه انهية فيها.. مو مشكلة وصلنا لـ نص الجلسة..!! البارت هذا انا احسة تمهيـــد لإجرام البارت اللي جاي..!! انكشف عن مجهول اللي بارت اللي فات.. و طلع لنا مجهول جديد هالبارت ^_^.. عمر الشخصية الجميلة و انحب على طول ماشاء الله عاد لو ينقلب على ليون بـ تنقلبون عليه كلكم .. اعرف حركاتكم..
توجعتوا البارت اللي فات من وعد و انتظرتوا لقائها ببنتها .. و ان شاء الله بـ تشوفونة اليوم و لا تبكون لا اوصيكم.. يمكن تبكون كم مره بـ هالبارت مين داري..!! ما ابي احرق عليكم..
< من العجلة مضيعة ويش كنت ابي اقولكم..!! ما عليش لو طرى علي بعدين بسوي تعديل على المقدمة و الا بـأجلها للبارت الجاي ان شاء الله..
اخر شيء كلمة للي متضايقين من طول الرواية..!! ما عليش اعتقد كلامي كان واضح البارت اللي فات.. و هالبارت انا اقولكم اذا انتم مو عاجبكم الوضع ترى انا ما جبرت احد فيكم يفتح الرواية كل سبت و ينتظرني.. وجود الجميع شرف لي بـ روايتي بس دام مضايقكم وما ودكم تكملون تأكدوا اماكنكم محفوظة سوا كملتوا معانا و الا تركتونا.. و الله يضايقني اقولكم كذا.. و يضايقني اكثر لما اقرأ كلام عن نهاية الرواية.. ما عليش على الأسلوب صايرة نفسية ..!!

حيـــاكـم الله جميعـــاً.. لا تنسوني من دعواتكم..


البارت الرابع و الخمسون..

قبل أعرفك ما أعرف معنى الحنين
و الحزن ما كنت أعرفه و أشبهه

أنت واحد .. لكن أشوفك : اثنين
واحد أحبه .. وواحد أكرهه !!


لـ حمد العيد..

عماد شايلها : وي جعلني فدوة لكـ ..!!
سعود : ترى بـس تصحى وعد بـ نأخذها..!!
عماد : ويش بلاكم بـ تحرموني منها..!؟ نشبتوا لي من يوم صحت ما تخلوني اتهنا تراها بنتي مثل ماهي بنتها..!!
خالد : ويش نسوي لكـ .. نبي نحافظ على العقل اللي باقي براسها.. انت استمتع الحين لين صلاة الفجر.. ما اتوقع تصحى قبلها..
عماد يبوس بنتة وده يقولة صار اختكـم براسها عقل بس عارف راح يهبون فيه مسك لسانة عشان ما يطقطق عليها قدامهم : و الله اذا بـ تجلسون كل شوي تذكروني ما راح استمتع.. (انسدح و حط بنتة عليه) خلوني مع بنتي بـ راحتي..
ابو سعود وقف : انا بـ اريح قبل الفجر.. قفلوا البيبان..!!
احمد : لا تشيل هم يبه كلنا صاحين..!!
ابو سعود : حتى لو.. اقفلوها..
وليد : ويش اخر اخباركم..؟!
مشعل : غير زواج اخواني و ندى ما صار شيء..
وليد : اهـــااا.. انا بـ اروح اشوف خواتي و امي.. و بعدها بـ اريّح.. (وقف و اتجه لـ شباك المجلس يشيك على المكان)..
سعود : ويش فيكـ ..؟!
وليد التفت له : مجرد احتياطات.. انت اللي مختار الحرس..؟!
سعود : ايه.. ليش..؟!
وليد : بس اتأكد.. عن اذنكم..
عماد يناظر وليد لين ما طلع.. و لف على سعود و اخوانة : صاير مهذب اما عن اذنكم..!! خبري فيه يصفق البيبان وراه من غير لا يستأذن..!!
مشعل : من جد.. شكله ماهو طبيعي..!!
ياسر : يمكن بعد اللي مر فيه.. اكيد انه جاب البنت ماهو شيء سهل.. يمكن يكون متوتر او خايف..!!
سعود : ما اتوقع وليد يخاطر.. اذا ماهو متأكد من ثقتهم فيه ما راح يخاطر و يجيب البنت..!!
حاتم : الا ويش بـ تسمونها صار عمرها ثلاث شهور..!!
عماد ابتسم : سميتها.. فجر..
احمد : متى سميتها..؟!
عماد يرفع بنتة فوق : من زمان سميتها بس ما قلت لأحد..!!
ياسر متنرفز : ما كان لازم تأخذ شور اختي..؟! هي بنتها بعد ماهي بنتكـ لحالكـ عدا ان لها حق اكبر منكـ يومكـ تنكرت لـ بنتكـ اول حمل وعد فيها..!!
عماد جلس وهو يناظر ياسر بـ هدوء ما يبي يتهاوش معاه..!! مو خوف .. بس خوال بنتة وما يبي يكسب عداوتهم فوق اللي صار بينه و بين وعد.. خلاص كل مين راح بـ حال سبيلة و ما بينهم الا هالبنت و بس : البنت تتبع ابوها.. و لا تجلس تعيد في الحكي.. اذا اختكـ ماهي متقبلة الإسم عادي بـ اغيره.. (ناظر بنتة) وما سميتها فجر الا عشان الأمل كل يوم يتجدد مع الفجر.. ما ابي افقد الأمل بـ رجعتها و سميتها فجر.. الفجر بداية جديدة لكل يوم..!!
خالد : كلامكـ مقنع..!! الإسم حلوو ماهو شين..!! بس دام عندكـ استعداد تغيره عشان وعد بـ نشاورها..!!
عماد : على فكرة لا عاد اسمع كلمة ان لها حق اكثر مني.. هي بنتي.. مثل ما هي بنتها.. اوكِ اختلفنا تهاوشنا و تطلقنا ما يعني تهضمون حقي في بنتي..!! ما راح امشي هالموضوع..!!
سعود : ويش شايفنا..؟! لا تخاف متى ما حبيت تعال و تسدح هنا مع بنتكـ لين تمل ان ما شالكـ البيت تشيلكـ عيونّا..
..
مقر العصابة..!!
صقر يصرخ عليهم : شلـــون يعني ماهي موجودة..!؟
صلاح : انا فتحت باب الجناح على اساس بعطيها الرضاعة حقتها وما لقيتها..!!
زياد : يعني وشو مشت على رجولها و طلعت..؟!! مين اللي له مصلحة بإنه يرد البنت لأهلها..؟!
صقر ناظر عمر الواقف بـ برود عادي الوضع عنده وما كأن الموضوع يعنية : ومين غيره..!!
عمر ناظر الصقر : خيـــر..!!
صقر : انت ما فيه غيركـ ..!!
عمر : على كيفكـ تتهمني..!! انتم كلكم تعرفون ان البنت ما تهمني.. لو تهمني رجعتها من اول ليلة جبتوها..
سطام : يعني بـ تفهمنا انكـ مو انت اللي رديت البنت عشان ما نجيب وعد..!!
عمر : لا لا لا كذا نوسع الإتهامات.. و ليش ما يكون واحد فيكم اخذ البنت لـ مكان ثاني.. و عنده هدف غير عنكم..؟!
زياد : ما فيه غيركـ هنا يخالفنا..
عمر : عاد انا اليوم ما طلعت من خير شر.. و بـ تأكدون راجعوا الكاميرات على البوابة..!!
صقر : ناصر روح جيب تسجيلات الكاميرات..
ناصر : ان شاء الله..!!
طلع ناصر لـ غرفة المراقبة الخارجية .. و هم واقفين ما جلسوا .. عدم وجود الطفلة بينهم يعني ما يقدرون يوصلون لـ وعد عشان يجبرونها تزرع ادوات تنصت بـ ملابس سعود..!!
عمر يجلس بـ هدوء بينهم و كلهم واقفين ..!! يدري انهم يتمنون امنية وحده يخنقونة لين يموت..!! وهو بعد يتمنى لهم الموت بس في ظل القانون و تحت العدالة..!! و قريب.. قريب ناويها عليهم..!!
ناصر يدخل و جلس و سحب اللاب من الطاولة و يركب نسخة من تسجيلات الكاميرات .. جلس جنبة الصقر ..
مرت ساعة و الصقر و ناصر يعجلون بالتسجيل تبع اليوم كله .. مرت ثقيلة على عمر خايف لا يشكون بـ وليد .. بس يعرف تفكيرهم الخبيث فيه اشياء غبية كثير يرتكبونها..!! و بسبب ثقة الصقر العمياء في ايمن المنذر ما راح يطري عليه انه جاسوس اساساً.. راح يشكون فيه هو.. و هو تثبت براءتة الكاميرات..!!
الصقر وقف : ماهو معقول يعني شلون البنت فص ملح و ذاب..!!
ناصر : اكيد لا... المشكلة اللي اهم..!! اذا غازي و رجالة يعرفون مكانّا..!!
زياد : مستحيـــل اذا يعرفون مكاننا ليش ما داهموا المكان..؟! ليش يضيعون عليهم الفرصة..!!
صقر : عمر انت لازم تعرف لنا التطورات بالمركز..
عمر : الحين عرفتوا قيمتي..!! من شوي لو بيدكـ رصاصة كنت حطيتها بـ راسي..!!
صقر : عميـــــر ترى ماني فايق لكـ ..!!
: خيــــر ايش فيكم..!!
وقفوا كلهم على قدم وحده..! بالأخير كلهم يشتغلون عنده..!! بداية من الصقر مروراً فيهم جميعاً لأصغر حارس هنا..
صقر : بنت عماد ماهي موجودة.. مأخذينها من المكان..!!
: اهــا .. مو مشكلة صغيرة .. نقدر نجيب عماد بـ راسة هنا ما عازة نجيب بنتة..!!
صقر : بس انت تدري ليش احنا جايبينها..
جلس بـ صدر الصالة فـــخم..!! فخــــم..!! فخامة اجرامية بعيد عن الطمأنينة و الراحة.. من تسريحة شعرة اللي غازية الشيب لـ طرف جزمتة البنية : ادري.. راح ندور لنا طريقة ثانية نجيب فيها معلومات من عند غازي و رجالة.. وين الرجال اللي عندكـ ما تعرفت عليه..!!
جلس الصقر : اخذ اجازة.. طفشتة انا هالفترة..!!
: لا تدلعة.. الا قلت لي ويش اسمة..!؟
الصقر : ايمن المنذر..!!
: اهـــا ايمن المنذر.. اسم رنان.. انا عندي شغلة بـ اصفيها بكره الصبح.. ابيكـ يا سطام انت و ناصر معاي..!! عشان لا خلصت بـ ارسلكم بـ مشوار مرتب..
سطام و ناصر : تامر طال عمركـ ..
: و بكره الساعة 2 بالضبط بالليل بـ تتم عملية التهريب.. كلكم بـ تكونون مشاركين فيها.. ما ابي ادنى غلطة .. لأن الغلطة بـ يشوفها غازي بـ بساطة.. و هالمره ما راح يكون فيها رحمة..!! بنتة عندنا من سبع شهور.. ما راح يسكت..
الصقر : لا تشيل هم.. ان شاء الله كل شيء بـ يتم مثل ماهو مخطط له..!!
وقف و وقف معاه الصقر .. : انا بـ اروح جناحي .. على ما يجي الصبح و اصفي اول حساباتي..
دخل الرئيس جناحة الخاص.. و كلهم جلسوا من بعده.. عملية بكره..!! و الغلط بـ يوديهم كلهم بـ داهية..!!
ناصر : ويش يقصد الرئيس.. بـ يصفي اول حساباتة..؟!
الصقر : اكيد مع ابراهيم..!!
..
تفتر بالجناح صلوا الفجر و حضرتة ما رجع و ما يرد على اتصالاتها..!! متنرفـــزة منه.. ماهو معطيها وجه خير شر..!! صار لها شهر و ثلاث اسابيع زوجتة..!! وما هو مهتم فيها كل اهتمامة بـ بنتة اللي ما شافها غير دقيقة..!! همست : الله يأخذها هي و امها و يريحني منهم..!! لبست عبايتها فوق البجامة الحرير و قفلت الأزارير و حطت الطرحة على راسها و طلعت.. نزلت تحت.. شافتهم مجتمعين عدا هو مو موجود..!!
البتول : صباح الخير..!!
: صباح النور..
البتول : عماد ما رجع..؟!
ام ناصر : لا يمه ماهي غريبة عليه تعالي افطري..
البتول كتفت يدينها : لا مو مشتهية..!!
انهار تهمس : يا جعلة دوم..!!
عهود ابتسمت : ناوية تحارشين احد..؟!
انهار : لا انا ما ابلش نفسي بناس بـ مستواها وع..!!
ام ناصر تهمس لـ زوجها : كلمة فضحنا ببنت اختي..!!
عامر : على اساس ولدكـ يسمع كلامي.. ما ينقدر عليه.. حاط لي رجال يتابعونة و قالوا لي البارح سهران ببيت ابراهيم..!!
ام ناصر : ويش يسوي هناكـ ..؟!
عامر : ويش دراني عنه..!!
ناصر مجلس ولده بـ حضنة و يكلم اخوه عبدالله : امي ماهو عاجبها على حساب السنيورة اللي ما تستحي..!!
عبدالله : حتى اخوكـ ما علمها السنع و الا ودي انه يطلقها قليلة الحيا.. نازلة اول ما تغطت و هي تخبر اننا نجلس الصبح هنيا و يعنها يوم شافتنا تلثمت يا عل عيونها العمى..!!
ناصر : بعطيه يومين لو ما رجع لـ عقلة و سنع حرمتة ماني عايز لا اسنعها..!!
عبدالله : ما عاد الا تفضحنا..!
: هـــــــــــاي..!!
ام عامر : لقعــــاي و صقعــــاي يا قليل الحيا..
يوسف : السلام عليكم و رحمة الله و بركاتة.. زين كذا يمه..!!
ام عامر : ما بغيت كنكـ كافر.. الطول طول نخلة و العقل عقل صخلة متعلم و دارس دينكـ و اخر شيء تسلم علينا سلام كفار..!!
يوسف : يمه خلاص سلمت لا تسوين من الحبة قبة..!!
ام يوسف : تعال يا ابوي افطر..!!
يوسف باس راس امه و جلس جنبة : يا عل يومي قبل يومكـ هاذي اللي تفهمني.. مو تسفل فيني..!!
ام عامر : عمكـ وينه البارح ما طل علينا..؟!
يوسف : البارح بـالذات كان مشغول قالي انقلع لأنه ماهو فاضي لي .. سمعت ان فيه احد متصل على وعد و قايلها اذا تبي بنتها تجيهم.. و انقلبوا..
عامر ناظر ولده : تقولة صادق..؟!
يوسف : و الله هذا اللي سمعتة منهم.. حتى يقولون هو نفس الشخص اللي خطف وعد اسمه صلاح..
مريم واقفة جنب البتول : صباح الخير..!!
: صباح النور..
ام عامر : هو صدق اللي يحكيه هالخبل.. متصلين على بنيتكـ ..؟!
مريم جلست بعد ما باست راس امها و اخوها : ايه يمه صدق..
ام ناصر : طيب ويش صار بعدها..؟!
مريم : راح سعود بـ يحققون بالموضوع و كلمت نهى قالت انها انهارت عليهم الا تبي تروح و نوموها و ما كلمتهم بعدها..
عهود : ويش هالحالة بس ينومونها ماهو زين بـ تعود عليها ما راح تنام من غيرها..!!
مريم : لها فترة هادية.. بس البارح رجعت لحالتها اول ما ولدت..!!
عامر : ناصر دق على اخوكـ شوف وينه..
انفتح الباب حتى يدخل عماد وجهة غيـــر عن دايم.. مبـــسوط.. و فجر اليوم غير عشان عاشة مع فجر.. : السلام عليكم..
: وعليكم السلام..
ام عامر : هاه يا وليدي طمنا ويش صار..؟!
عماد مبتسم : رجعوها يمه.. رجعوها .. بنتي رجعت..!!
عامر وقف : الحمدلله شلون شلون.. و .. و..
عماد عرف قصد ابوه يسأل ان كان قدروا يرجعون بنت عمه : لا يبه.. للحين..
عامر تنرفز : شلون للحين..؟! كيف رجعتوا بنتكـ و لا رجعتوها..؟!
عماد : يبه الموضوع مو مثل ما انت فاهمة.. بس ما قدرنا و بس..
ام عامر : و عمكـ ويش حالة..؟!
عماد : ما عليه يمه.. خبري فيه الساعة 2..
ام عامر : الله يفرجها عليه مثل ما افرجها عليكـ يارب ... الله يريحة و يطمنة..
ام ناصر : ليش ما جبتها معاكـ نشوفها..؟!
عماد يجلس معاهم على السفرة تجاهل البتول و يمكن ما شافها اساساً واقفة : ما بعد شافتها امها.. بعدين الوضع ماهو مطمن نطلعها من بيتهم هاليومين.. انتم اليوم روحو شوفوها..
ام يوسف : و كيف صحتها ان شاء الله زينة..؟!
عماد : الحمدلله.. خوالها شافوها و طمنوني عليها..
كانت تهز رجولها من العصبية..!! مووولعة.. من هالبنت اللي رجعت لفت و طلعت.. عماد اصلاً كان معطيها ظهرة لـ ذلكـ ما انتبة ..
ام ناصر : يا وليدي مريتكـ شكلها زعلانة..!! ما يصير اللي تسوية..
عماد يمد يده و يأكل : اللي يزعل من حالة يرضى من حالة..
ام ناصر : ناوي تطفشها مثل ما طفشت اللي قبلها..!؟
عماد : يمه تكفيـــن وعد شيء و البتول شيء ثاني.. لا تخلطينهن بـ بعضهن..
عامر : راضي البنية من يوم تزوجتها و انت مو معبرها .. صح اني ما خليتكـ تأجل زواجكـ كنت ابيكـ تغير جو عن الحالة اللي مريت فيها كنكـ منهبل.. وبغيت ازوجكـ عشان تلهى شوي.. لكنكـ حاط بنت الناس صفر على الشمال و تراكض وراء بنيتكـ و هذا هي رجعت الحمدلله .. يعني ما عاد له داعي تطنش البنية..
عماد وقف : تكفون ما ابي اخرب فرحتي بـ بنتي.. و البتول لا احد يتدخل بيني و بينها.. بـ اروح انام.. تمسون على خير..
عهود : اهم شيء البنت رجعت حمــــاس بـ نروح نشوفها..
ناصر : خير عيالنا ماهم عاجبينكـ ست عهود..!!
عهود : ما قلت كذا بس خلاص ملينا من عيالكم نبي نشوف بنت عماد شلون طالعة..
عبدالله : حتى ولدي انسحب عليه وهو توه ماله الا كم شهر..!!
عهود : ياربي خبري الغيرة للحريم مو للرجال..
في جناح عماد دخل ناظرها و عرف نفسيتها ما يحتاج واضح من ملامحها المقلوبة انها ماهي راضية.. همس : الحين بـ تخرب روقاني..!!
البتول وقفت وهي تناظرة : تو الناس كان ما شرفت يا سيد..؟!
عماد رفع حاجبة الأيمن يناظرها بإستغراب : هالإسلوب تكلميني فيه انا..؟!
البتول : شايف احد بالغرفة غيركـ معي..؟!
عماد يهز راسة : اممم طيب صحصحي و تلاحقي على نفسكـ و التزمي حدودكـ قبل لا اعلمكـ شلون تحسبين حسابي من تسمعين اسمي..!!
البتول : كان زين على الأقل اعرف انكـ معطيني من وقتكـ ... مو راميني هنا لو اني عنز كان طليت عليها كل صبح حطيت لها اكلها و شربها..!!
عماد : استغفر الله .. البتول ترى ما انتِ غافلة عني .. المرادد ما احبة..
البتول : و انا ما احب التهميش.. انت مهمشني بـ حياتكـ .. حياتكـ لـ طليقتكـ اللي ما عادت لكـ ما عادت لكـ تفهم..!!
عماد : انتِ اصلاً تلفين و تدورين عشان توصلين لـ وعد.. يا ادمية وعد صفحة و طويتها من حياتي انتهت حياتي معاها خلاص قضينا..!!
البتول : واضح ماشاء الله.. و بنتها..؟!
عماد وقف مقابلها وهو متنرفز يبي ينهي الموضوع قبل لا يطير الباقي من الترويقة : بنتي.. بنتي فجر بنت عماد.. حطي هالشيء قدام عيونكـ بنتي خط احمر يالبتول ما راح اسمح لكـ بـ حرف واحد تنطقينة بـ حقها..!!
البتول : شوف عماد انا ما تزوجتكـ عشان اكون على هامش حياتكـ و انت تراكض وراء طليقتكـ و مشاكلها.. انا لي حياتي معاكـ زوجة تطلع تروح تجي تسولف معاها .. انت مو معطيني وجه خير شر..
عماد : شوفي انا الحين مروق ومالي خلق الباقي من مزاجي تطيرينة.. لا صحيت ان شاء الله نتفاهم.. و على فكرة انا ما اراكض وراء مشاكل طليقتي.. بنتي اللي انخطفت.. ومن حقها علي القاها و أأمن لها حياتها.. ويش خانتي اب اذا بنتي تنام بين يدين عصابة و لا حميتها منهم.؟! و بما ان بنتي رجعت ان شاء الله بـ القى لكـ وقت..
دخل عماد وهو يشوفها ما خلصت كلامها و تبي تحكي و تهاوش زود..!! ما راح يضحي بـ فرحتة على حساب مشاكل عائلية بسبب غيرة البتول من وعد..!! هذا وهو مطلق وعد كيف لو هي على ذمتة للحين..!! يمكن تذبحة هالبتول..!!
البتول بعد ما سكر عماد باب غرفة النوم : الحين بيروح لها على حساب يشوف بنتة و بيقهرني !! الله يأخذها هي و بنتها اخذ عزيز مقتدر..
..


بيت ابراهيم.. الأغلبية مجتمعين على شرف حضور فجر.. عدا هي ما زالت نايمة عندهم بالصالة بعد ما خدروها..!!
ام حاتم : بسم الله عليها..!! تجنن..
جود جالسة جنب خالتها ام حاتم و تترجاها : خالتي تكفين اعطيني اياها بـ اشيلها..!!
ياسر : ليش احد قايلكـ عايفينها..؟! لا يا حبيبتي ما تشيلينها انتِ مطفوقة و تطيح منكـ ..
جود : لا و الله ما اخليها تطيح .. تكفين خالة الله يخليكـ ..
ام احمد : نوال لا تعطينها اياها و الله غير تدبغ منها تراها بزر..
انقهرت جود ماهم معبرينها : لا و الله..؟! في كل شيء تعاونون ضدي دامني بزر ليش تبون تزوجوني..؟!
احمد : ههههههههههه و الله حشرتكم..
جود جلست جنب ابوها تمسكن : شوف ادري انكـ زعلان مني بس انا مالي غيركـ .. قولهم يعطوني اياها.. الله يخليكـ ..
ابو سعود سحب جود حتى يجلسها جنبه : دانه بابا هاتيها من خالتكـ ..
دانه وقفت و شالتها ابتسمت وجود الصغيرة بينهم يخفف من اشياء كثير و رجعتها فرحة تكسر كل حزن و خوف و قلق يعيشونة طبعاً بعد موضوع سها و خطف الصغيرة.. : سم بابا..
ابو سعود : بسم الله.. (مدها لـ جود) يالله جاء دورك.. بس انتبهي لا تزحلق منكـ ..
جود مادة يدينها بـ حماس حطها بحضنها اول ما حست فيها على يدينها و ابوها ابعد يدينها ضحكت بصوت عالي : ههههههههههههههههههه ونااااااااسة..
ياسر وهو يناظرها الخبلة تضحكـ بـصوت عالي : يبه تكفى غير تأخذها..
ابو سعود : مالكـم دخل في بنتي.. ثبتيها جودي..
جود : بابا خفيفة زي الريشة..!!
شوق و صبا : السلام عليكم..
: وعليكم السلام.. صبحوا على عمهم اول ابو سعود و وقفوا يوم شافوا البيبي بـ حضن جود وهي تضحك..
شوق : مين..؟!
سعود وقف جنبها : بنت وعد..
شوق اتسعت عيونها و ابتسمت بـ فرحة : والله..!!
سعود : ايه.. رجعناها البارح بالليل..
صبا جلست بين عمها و جود على ركبها : وااااو تزنن يا حياتي..
طبعاً ياسر ارتفع مؤشر الضغط عنده للألف من هالكلمتين اللي قالتها..
جود لفت عليها وهي متربعة : تبين تشيلينها..؟!
صبا قامت على طول : لا و الله اخاف..!!
ابو سعود : اجلسي يا عمي ما فيه شيء يخوف..
صبا ابتعدت : لا و الله عمي بعدين تطيح و تبكي راح ابكي معاها..
صحت و هي تسمع اصوات ما تدري هي واقع و الا حلم تشوفة.. فيه صوت طفلة صغيرة تبكي.. و اهلها يتكلمون بـ سعادة عن هالطفلة.. ما فتحت عيونها كل اللي تعيشة حلم .. حلم من كثر ما تتمنى كل شيء ينتهي صارت تشوفة بالحلم..!! دام ما قدرت بالواقع تعيشة تجسد لها بـأحلامها رجعت بنتها..!! .. لفت و اعطتهم ظهرها تبي كل شيء يوقف احساسها سمعها نظرها قلبها كل شيء فيها يوقف..!! تسمع صوت بأذنها بكاء طفلة صغيرة بكت معاها لا شعورياً و هي تدفن وجهها بالمخدة.. ثلاث شهور تعاني.. ثلاث شهور فاقدتها.. لو هي ميتة كان ما زعلت يمكن تبكي يوم يومين لأنها ام .. بس متأكدة انها عند ربها الطف فيها منها.. لكن انهم يأخذونها من حضنها مجموعة عصابة سفاحين هالشيء ما تتحملة فـــوق طاقتها بـ كثير..!!
ام حاتم : ابو سعود ..(آشرت على وعد براسها) صحت..
وقف ابو سعود و جلس عند راسها و يمسح على شعرها : وعد..!!
وعد بصوت مكتوم لأنها ما رفعت راسها : ما ابي احد يكلمني خلااااص حتى انتم حرمتوني منها كل اللي يصير بسببكم انتم.. ما خليتوني حتى احاول ارجعها .. حتى الأمل اخذتوة مني..!!
مد يدينها لتحت اكتافها ورفعها حتى يسندها على صدره : اشش اهدي..
اخوانها منصدمين معقولة ماهي مستوعبة ان بنتها تصيح هنا..!! سعود شال البنت من يدين جود و حطها بحضن وعد اللي مغمضة و تصيح.. : بنتك هنا وعد.. فتحي شوفيها..!!
حلم..!! ايه حلم!! انا من كثر ما احلم انهم يرجعونها لي صرت اسمع اشياء انا ابيها..!! لو افتح بـ اشوف كل شيء مثل ما هو..!! انا ولدت و ثقلي راح..!! بنتي اختفت و انا ما شفتها..!! احمد و حاتم ينوموني عشان ما انهار..!! ياسر يجلس عند راسي حتى يقرأ علي..!! و خالد يذكرني بالصبر .. و مشعل يحاول يضحكني و ينسيني..!! كل شيء مثل ما هو!! خواتي مكتئبات عشاني و عشان سها..!!
ابو سعود مسك يدينها و حطها على بنتها يبيها تلمسها يمكن تفتح و تصحى.. : شوفي بنتكـ .. بنتكـ هنا يا امي..
فتحت عيونها حتى تلتقي بـ عيون سعود.. ابتسم لها يطمنها.. و ناظر بـ بنتها اللي تبكي من بكاء امها.. نزلت عيونها للي يناظرة سعود.. شافتها تبكي مغمضة عيونها و فاتحة فمها تصيح من قلب..!! شهقت : هــــئ..!!
ابو سعود : بـ هدوء بابا.. (ناظر سعود) لا تفلتها يمكن تطيح منها..
سعود هز راسة و وعد تبكي مع بكاء بنتها..!! : بابا هاذي بنتي..؟!! بنتي..؟!
اخذتها من سعود و ضمتها لـ صدرها قبل لا يرد ابوها..
ابو سعود حاضن بنتة و حفيدتة لأنها سحبتها من سعود خايف لا تطيح البنت من يدينها : يا امي اهدي.. بنتكـ بـ حضنكـ خلاص.. هدي..
وعد تشاهق : بابا بنتي..!! هاذي بنتي..!!
ابو سعود : بنتكـ و الله بنتكـ بس هدي..
حاتم جلس على ركبة جنبهم : وعد خذي نفـــس عميـــق..
وعد اصلاً مو مستوعبة كل مشاعرها و حياتها و استيعابها وقف عند نقطة ان بنتها بـ حضنها .. تتنفس من فمها حتى صوت تنفسها واضح للجميع..
حاتم حط يدها على كفوفها اللي شايلة بنتها : وعـــد..!! ركــــزي معي..!! (لكن وعد ماهي مستوعبة صياح و فرحة حتى جسدها صار يرتعش من فرحتها.. حاتم ناظر ابوة).. يبه خذها منها..
وعد تناظرهم مفزوعة : لا .. لا بابا.. لا خلاص..(تمسح دموعها بسرعة) خلاص انا هديت.. و الله بابا هديت..!
انكسر قلبة ما كان قصدة يفجعها.. يبيها تهدأ وما تنفعل .. ممكن يغمى عليها من صدمتها..!! او لـ فرط انفعالها..!! قام حاتم و ابتعد رغم خوفة عليها..
ما كانت وعد الوحيدة اللي تبكي..!! فيه من بكاء عشانها بكت..!! ما تحملوا منظرها و فرحتها شاركوها حتى دموعها.. دانه و صبا و ميار ثلاثتهن بكوا عشانها بـكت قدامهم و الا قبل كانوا هاديات ما دمعت عيونهن..
ياسر يناظرهن صبا واقفة و حاضنة كتابها و خواتة الثنتين جالسات جنب بعض : من جدكن تبكن..؟! احنا نبيها تهدأ و انتن تبكن .. تزيدنها ترى ما تنفعنها بـ دموعكن..!!
صبا انبح صوتها .. لكن بحة دلع : تكسر الخاطر..
ناظرها اول مره يسمع هالنبرة منها..!! نسى انه يكره صوتها..!! صد عنها و ناظر اختة ازين.. وهو بينه و بين نفسة يفكر لو صوتها يبقى كذا على طول ازين من المياعة اللي فيه طول الوقت..!! بس ما ينكر.. ما يتخيلها الا بـ هالصوت..!! مستغرب من وين جاتة هالميوعة كلها..!! يعني صدق هاذي طبيعتها..!! يتذكر اذا كان سمعها مره تحكي بـ نبرة غير هاذي.. اللي يتذكرة انه دايم صوتها يستفزة..!!
وعد و ما زالت بنتها بـ حضنها : خلاص و الله هديت..!!
ابو سعود : طيب ياالله يا امي قومي صلي طافتكـ الفجر..
وعد : ليش كم الساعة..؟!
ابو سعود : ست ونص..
وعد بـ قلق متفجر على بنتها : و بنتي.؟! تخليها معكـ ما تبعد عينكـ عنها..!!؟
ابو سعود اخذها منها : من عيوني .. تطمني البيت محاوط بالحرس روحي صلي و بـ تجين ان شاء الله و بـ تلقينها تنتظركـ لا تطولين عشان ما تبكي..!! يقولون صياحة..!! (قرص خدها الأيمن) طالعة عليكـ ..!!
ابتسمت : عشر دقايق و راجعة..!! نقزت تتوضأ عشان تصلي مو بس الفجر.. ركعتين شكر لله على رجعة راحة فقدتها و فرحة انسلبت منها..!! الحمدلله..
ام سعود : تأخرنا ما حطينا الفطور..
ابو سعود يجلس على الأرض و البنت مخليها بـ حضنة : ابي القهوة..
ام سعود وقفت : ان شاء الله خمس دقايق و كل شيء جاهز..
: السلام عليكم..
: وعليكم السلام .. دخل مبتسم .. متغــــير.. متغيـــــر.. لكنه هو.. "وليد".. شعرة طويل واصل لأخر رقبتة يلامس كتفة .. لبستة ضيقة عليها مبرزة تفاصيل جسدة.. حتى اكتافة عرضت عن اخر مره شافوة فيها.. عضدة.. جسمة تغيـــر.. و حتى لبسة.. لبسة غريب.!! تيشرت اسود سادة بدون اكمام.. و بنطلون اسود.. ضحك على اشكالهم المصدومة : هههههههههههههههههه ويش فيكم..؟! ما عرفتوني..؟!
ام احمد وقفت : و غبني ويش مسوي بنفسك..؟!
وليد يتقدم لها وهو يضحك : هههههههههههه بعيد الشر عنك تدعين على نفسك بالغبنة.. (يقبل رأسها) ويش اسوي انا لا انغبتني..؟!
ام احمد حطت يدها على اكتافة : ويش ذا..؟! هذا اللي مرسلك غازي له..؟!
وليد : ههههههههههه و الله كل شيء يجي بوجة الرجال الله يعين على ما بلاه.. حتى لو ماله ذنب.. بس يمه ترى ما سويت شيء.. كلها رياضة..
ام سعود : أي رياضة يا ولدي.. و الله كنك من هالدشير الصايعين..
قبل وليد رأس ام سعود : ويش بلاكم أي واحد يسوي رياضة صار داشر..؟!
ام حاتم مبتسمة : سلامة الأسفار..!!
وليد : الله يسلمكـ يا خالة..
ام حاتم : صاير كنكـ بودي قارد..!!
وليد يجلس جنب ابوة بعد ما باس راسة : و الله ناوين تسفلون فيني..!!
ام احمد : هاذي سواة مسوية بـ عمركـ ..؟! ويش ذا..؟!
وليد : يمه ويش فيكـ ما اشتقتي لي..!!
ام احمد : هو انت اشتقت لنا..! ما تقول عندي اميه انشد عنها و الا اب اطمنة علي..!! و الا اخوان يمكن احد بهم معتاز شيء..!!
سكت وليد..!! كان شيء متوقع لوم امه..!! ابو سعود ناظر ام احمد : ويش فيكـ عليه.. خفي شوي.. توه جاي ما لحق يرتاح.. بعدين هاوشية مثل ما تبين و ادبغية بعد..
ام احمد تناظر وليد بـ حنان حتى لو هو غلطان بـ نظرها و غايب عنها و لا نشد عليها : جوعان يا ابوي..؟!
وليد : واااااجد..!! مشتهي اكل من يدينكـ الحلوة..!!
مشعل : الله من الفقع..!! بس جالس تسلقها امي..
ام احمد وقفت : انت افتح كتابكـ و ادرس.. خله عنكـ ..!!
مشعل يكلم امه اللي رايحة المطبخ : ههههههههه الحين صرت كخة..!! بـ ازعل يا سوير و انا بعد با اسافر..!! (ما حس غير بـ علبة المناديل على جبهتة..! من غير لا ينشد عرف مين ما احد يجيب الضربة بـ نص الجبهة كثر ابوه..!!) احم ..
ابو سعود : حلوه هاذي سوير.. ما تستحي على وجهكـ ..!!
مشعل : نمـــزح ابو سعود .. شكلكـ حتى انت ناوي تسحب علي..(يلعب بـ حواجبة) يالله عشان اخذ راحتي شوي..!!
صبا فاتحة كتابها و جالسة جنب ياسر يقالها تراجع..!!
جود : لا بـ تجيبين الفل مارك يا دفره..
رفعت عيونها صبا و ابتسمت : ياليت و الله.. بـ انقهر لو ما جبتها الا هالدكتورة عاد لو ما جبت عندها أي بلس بـ انقهر و بـ تذبحني..!!
جود : بـ تنقهرين ابلعها تذبحكـ ليش ويش دخلها..؟!
صبا : تحبنا يا اختي .. نقصت درجة بالإختبار الدوري و زعلت.!! و البارح ارسلت لي اذا كنت محتاجة شيء و هددتني لو ما جيب الاي بلس يمكن ما ارجع..
ياسر يردد بـ نفسة فــــراغة..!! دكتورة معنية نفسها..!!
لف على صبا و هي تصبح على صاحبتها بالجوال : يا حياتي الحمدلله .. لا نمت الساعة خمسة..!!.. هههههههه ادري مو كثير بس بـ اعوض لا خلصت اختبار اليوم احس بـ انام يوم كامل.. ايوه عندي..!! اوكِ لحظة اشوفة لكـ .. (فتحت شنطتها حتى تسحب اللاب توب و تفتحة و بنفس الوقت تكلم صاحبتها و ياسر جنبها عينة على لاب توبها .. اشتغل اللاب و هي فتحت الملفات المصغرة و منسجمة مع صاحبتها) اوكِ .. خلاص لقيتة بـ اسوي لكـ منه نسخة على فلاش.. لا تشيلين هم ما راح انساه ان شاء الله .. مع السلامة..
قفلت الجوال و مدت يدها للشاشة حتى تسكر اللاب لكن وقفتها يد ياسر اليسار على الشاشة تثبتها حتى ما تسكرة صبا .. بعدها سوى تصغير للملف حتى يشوف خلفية سطح المكتب اخذ نفس و عيونة تدور بالمكان و بعدها سكر الشاشة وهو مــتنرفز ما بقى الا هي ..! تحط صورتها خلفية!! ليش ويش هي مستفيدة..؟! لو انسرق اللاب توب و صورها فيه..
وقف ياسر و صبا تحاول تتنفس طبيعي وما تبين انها خايفة..!! ليش ما طرى عليها تغير الصورة..!! لاب توبها يعني عادي ما يستاهل الموضوع يعصب عشانة..!! انتبهت لـ ياسر وقف : يالله..
ام احمد تصب الشاهي : وين يا ابوي ما افطرتوا.. مريتكـ عندها اختبار لازم تأكل..!!
صبا صوتها راح من الخوف تتمنى يسمع الكلام و يخليها لين ما يروق..!!
ياسر : بـ اجيب لها شيء تأكلة بالسيارة..!!
سحب شنطة لاب توبها يشيلها و صبا عروقها كلها تنبض وقفت و هي حاسة نفسها فضحت علاقتهم هي و ياسر..!! تحس واضح انه معصب منها و بـ يفرغ حرتة فيها بـعيد عنهم..!! طلع ياسر و هي لفت عليهم ما تشوف بس لازم تسلم قبل تطلع : مع السلامة..
: مع السلامة..!!
ام احمد : الله يحفظـكـ يمه..
جود تناظر امها بعد ما طلعت صبا : الله يحفظها من ولدكـ بتكون بـخير..!!
ام احمد بـ حزم : وشوو..!!
جود ما همها نبرة امها اللي بـ تهاوشها : انا صادقة.. البنت ذرررربة وهو اعوذ بالله جلاااافة ما ادري من وين جايبها..!!
احمد وقف : لا تدخلين عصكـ بـ شيء ما يخصكـ .. فاهمــة..!!
جود : الله و اكبر احمداني يهدد.. مو لايق عليكـ ما ينفع لا تغير اسلوبكـ اول ازين ترى..
ام احمد تناظر ولدها : خلكـ من هالبزر لو هي تعرف مصلحة نفسها كان ما ردت ولد خالها .. انت ما افطرت يا ابوي..
احمد : معزوم على فطور ملكي بالمستشفى.. عندي عملية لازم اكون بـدري هناكـ ..
نهى : يالله فيه ناس تكره تروح المستشفيات و فيه ناس تستلذ تأكل بالمستشفيات ..
ام احمد : دام عندكـ عملية كل من هالأكل الزين يا ابوي لا تأكل خرابيط هالمستشفيات و الله اكلهم ماهو من زينة الله يكرم النعمة..!!
احمد ابتسم : يمه اقولكـ معزوم يعني احد عازمني .. اذا ما سممني اكلة الله يستر بس..
جود : و هالأحد ماله اسم..؟!
احمد : لو بـ اقول اسمة كنت قلتة من غير لا تنشدين.. و توني قايلكـ لا تدخلين عصكـ بـ شيء ما يخصكـ صاير عجيز عن كل شيء تنشدين.. (رفع يدة) مع السلامة..
: مع السلامة..!!
ام احمد : ما ادري ويش بلاهم هالعيال متغيرين علي..!!
خالد : ههههههههه ويش بلانا يمه هذا احنا ويش حليلنا..!!
ام احمد : ما تشوف اخوكـ هذا اللي جالس و ما حكى شيء من يوم جاء.. و ناظر لبسة و شلون هو قايل..!!
مشعل : انتِ موسوسة يمه .. والا ويش زينة وليدان..
وليد : ما نمت زين يمه و جاي تعبان من السفر يعني غصب بـ اكون هادي.. بس اريح بـ اتشيطن عليكـ و لا يهمكـ ..
جات تجري بـسرعة و كأنها تتأكد اللي قبل دقايق ما كان حلم تشوفة.. بـ تأكد ان بنتها للحين موجودة..!! و هي تركتها مع ابوها و بـ ترجع و تلقاها مثل ما هي معاه..!! ناظرت في ابوها و شافتها بـ حضنة..
سعود يناظرها و تنفسها سريع مبين جاية جري : بسم الله عليكـ هدي..
ما انتبهت لـ وليد اتجهت لأبوها وهي واقفة تناظر ابوها الجالس على الأرض و السفرة مفروشة قدامة و بنتها بـ حضنة مثل ما تركتها بس كان جالس على الكنب و الحين مغير مكانة على الأرض..!! جلست جنبة ويدها ترتعش حطتها على بنتها : يعني صدق..!!
ابو سعود حط يده وراء ظهرها و شدها له : ايه يا امي صدق.. صدق..
بكت .!! وليد صد عنها ..!! مقهــــور ويش اللي بـ يهدي قـــهره.. الشخص اللي عذب اختة هو نفسة اللي زوجة بنتة عشان يحميها..!! يالله قد ايش هي صعبة عليه..!! يحمي بنت الصقر..!! الصقر نفسة هو اللي عذب اختة..!!
ام حاتم تناظر وعد تبكي بـ حضن ابوها : خلاص يا بنتي لا تبكين.. اهدي.. خذيها بـ حضنكـ عشان ترتاحين..!!
جود : ترى ملينا من الدموع خلاص عاد كافي..!!
نهى : انا شكلي بـ اروح بيتي .. طول الوقت صياح..!! نبي شيء يونس..!!
رند الجالسة بـ حضن ابوها : سح و الله بس تسيحون..!! ما يصير تذا..!! الأبلة بـ اللوضة دالت القوي ما يسيح..!!
جود : هـــااااه.. يسيح..!! ليش شايفتنا زبدة حاطينها على النار..!!
خالد يحضن بنتة و يتمايل معاها : و الله صادقة بنيتي القوي ما يصيح..
جود : الله و هالبنت عاد.. لو بنتي متبرية منها من زمان..!!
وعد : وليــد..!!
وليد التفت لها و ابتسم جالس جنبها .. هي اللي جات جلست بينه و بين ابوه : ايه وليدان ما عطيتية وجه..!! ما اشتقتي له..!!
وعد : ما شفتكـ و الله متى جيت..!؟
وليد باس راسها و هي باست راسة.. : البارح..!!
وعد : رجعتكـ فال خير علي..!!
ابتسم وما علق..!! عشانة رجع بـ نفس اليوم اللي رجعت فيه بنتها..!! ما درت ان هو اللي مرجعها.. كانت عنده..
نهى : اقول بنتكـم بـ يصير عمرها سنة و انتم ما سميتوها..!!
حاتم : عماد سمّاها.. فجر..!!
جود مستغـــربة : نعـــم!!! ويش ذا الإسم..!؟! فجر ظهر عصر مغرب عشا..!!!
سعود يناظر جود : فجر.. بالعكس اسم حلو و معناه حلو.. و خلي عنكـ الهلاقة..
وعد تبوس خد بنتها : ما يهمني ويش ما يسميها اهم شيء بنتي عندي..!!
خالد : تراه قال اذا ما اعجبكـ بـ يغيره.. بـ صراحة احنا كنّا بـ نعصب عليه .. بس اقنعنا بالسبب.!!
ام حاتم : ويش السبب..!!
مشعل بـ شاعرية : يقول انه مع الفجر يتجدد الأمل ..! .. وهو كان عنده امل و سمّى بنتة فجر عشان ما يفقد الأمل ..الفجر بداية جديدة لـكل يوم ..! لا لا لا لا ..
ام سعود : ما شاء الله هذا زينة الاسم و الله صادق ابو فجر..
سعود : هههههههههههه اقتنعت امي خلاص..
رند : بابا كم عمرها..؟!
خالد : ثلاث شهور..
رند : يوووه صعيرة متى تتبر عسان انا تلعب معاها..!!
جود : هيـــه انتِ جدتي ترى بينكـ و بينها سنين..
خالد : و انتِ ما انتِ جدتي يومكـ تناقرين بنتي..؟!
رند : لا بابا هازي زود مو زدتي..!!
ام احمد : وين ولدكـ ما افطر..؟!
خالد : نايم..
ام احمد : و الله اكلة ماهو زين هالولد.. ما ادري ويش بلاه..!!
وليد ناظر اخوانة : اقول عطوني ملابس ما جبت معاي بـ اروح اتحمم..
ام احمد : ازين بعد عشان تغير لبس الكفار هذا .. يا ويلكـ ان شفتة عليكـ مرتن ثانية..
وليد : هههههههه يمه مين قال انه لبس كفار بنطلون و تيشرت.. خفي علي يعني ما اشتقتي لي بس تهاوشيني من يوم جيت..!!
ام احمد : تستاهل.. هاذي سواة تسويها بـ عمركـ شوف شكلكـ كيف غادي.. شوف ويش مغبر بـ عمركـ لا يكون تأخذ ابر و الله ما اسامحكـ يا وليدان..
وليد : ويش ابره يمه..؟!
ام احمد تكمل هواشها : شوف زندكـ بـ ينفجر..!!
وقتها ما تحملوا اولهم مشعل اللي انفجر ضحكـ و كملها وليد و اخوانة.!.!
وليد يمسح دموعة من الضحكـ : يا زينكـ يمه و الله تونسين.. هاذي رياضة و الله رياضة.. اجل لو شلت اوزان اكبر و صرت ضخم مثل المصارعين ويش بـ تسوين..؟!
ام احمد : تعقب.. ما ادخلكـ بيتي من بعدها.. ما عاد الا هي تصير مصارع..!!؟
وليد : ما يحتاج تعصبين.. خلاص موقفين.. هي نفس الأثقال ما زدناها.. مكتفين كذا..!! ازين من العصقلة كذا جسم رياضي..!!
مشعل : و الله راق لي الوضع.. ويش رايكـ تعلمني ابي اصير كذا عضلات..
حاتم : ترى الوضع مو سهل..!! (ناظر وليد) انت صار لكـ قد ايش تدرب..؟!
وليد : حول التسع شهور..
حاتم : غريب تكون عضلاتكـ بـ هالشكل الا ان كنت تسوي تدريب مكثف لأن بناء العضلات ماهو شيء سهل..!!
وليد : وهو كذلكـ نتونس بالرياضة و نضيع وقت..
ام احمد : يا وليدي ويش لكـ بالشقا و تعني نفسكـ ..؟!
حاتم : بالعكس يا خالة الرياضة مفيدة.. بس لازم تنتبة لـ نفسكـ و اكلكـ مو تهلكـ نفسكـ تدريب و ما تأكل.. و توصى بالماء..
وليد وقف : ان شاء الله .. انا بروح اتحمم و انام.. و ياليت تغسلون ملابسي هاذي.. ابيها جاهزة ان صحيت.. تمسون على خير..
دنق على ابوه و باس راسة ثم امه و خالاتة و طلع..
ابو سعود ناظر جود : ما اشوفكـ تذاكرين يا هانم اختباراتكـ ماهي الإسبوع الجاي..؟! و الا ناوية تجيبين لي نسبة تجلسكـ عندي..؟!
جود : اوووه رجع ابو سعود لـ عادتة الحين فقت لنا .. لا ان شاء الله بـ اجيب نسبة تدخلني التخصص اللي ابيه..
ام سعود : ويش بلاكـ يا نهى ما تأكلين..؟!
نهى : مسوية دايت..
سعود تنرفز منها: خبـــلة انتِ ..!! من يوم عرفتكـ و انتِ تلعبين بـ نفسكـ .. ويش اللي زايد فيكـ عشان تسوين رجيم..!؟
شوق ضغطت على ذراع سعود و كأنها تقولة شوي شوي عليها..!!
ام حاتم : ويش اللي مسوية دايت..!! انتِ صار لكـ فترة ما تأكلين مثل العالم و الناس ما يصير اللي تسوينة بـ نفسكـ ..!!
ام سعود : كلي من النعمة اللي قدامكـ ما يصير تمنعين عن الأكل .. غيركـ يدور اللقمة وما يلقاها..
نهى : ويش فيكم هبيتو فيني..!! مسوية دايت.. يعني شيء لي.. (ودها تقول ما يخصكم.. بس مو اخوانها اللي تكلموا بس خالاتها)..!!
جود : ما عليكـ بس سوي اللي يريحكـ..
ميار : انتِ ما تشجعين غير على الشيء الشين..!!
جود : اوووه اخيراً تكلمت انسة صامتة.. خير صايرة لكـ فترة ما تحكين.. و اليوم نطقتي ذا الدرة المكنونة..!!
مشعل : و الله صادقة جويد.. صايرة صامتة ويش عندكـ ..!!
ميار : ويش بـ يكون عندي يعني..!! اقول قم ذاكر بس لا تجيب العيد..!!
مشعل : اووبس كأني تهزأت..!! تراني اكبر منكـ يا عيني.. لا يغركـ اني اولى جامعة..
ميار : انت اللي جبتة لـ نفسكـ ..!!
جود تناظر مشعل : و الله لسانها طايل..!!
مشعل : مـــره يبي له قص..!!
ابو سعود : انا اعلمكم الإثنين شلون لسانها طايل..!!
مشعل وقف : ما عليش عندي اختبار الساعة 1 ماني عايف عمري.. تشاااو..!!
ميار تناظر جود : بقيتي انتِ لحالكـ يعني الحين امردغكـ هنا..!!
جود تستهزء فيها : هه .. جربي يالله..!!
ميار وقفت : ماني رايقة اتهاوش مع بزارين..!!
جود : ما البزر الا انتِ.. يالشينة..!!
ابو سعود : ما بقي الا تهاوشين انتِ و اياها عندي..!! خيـــر ان شاء الله..!!
جود قامت مع ميار و انحاشت قبل لا تكبر التهزيئة..!! ما بقي على السفرة الا ابو سعود و حريمة الثلاث.. و سعود و شوق و خالد و حاتم و نهى و وعد..!!
نهى : دام كذا الجوو صار هادي (ناظرت ابوها) احنا نبي نكلمكـ بـ موضوع..
ابو سعود : انتم مين..؟!
نهى : انا و اللي جنبكـ ..!!
ابو سعود بـ هدوء : اعتقد الموضوع منتهي و حكينا فيه من قبل اكثر من مره..(احتد صوتة) ما هو اسلوبي يا نهى اعيد و ازيد بالحكي.. كلامي واضح..!!
نهى : ليش تبي تقفلها بـ وجيهنا.. احنا ما طلبنا منكـ شيء كبير..
ابو سعود : و بــعدين معـــاكـ ..!!
وعد تناظر السفرة من غير لا تلتفت لأبوها : نهى صادقة..!! الموضوع اصلاً ما يفرق معاكـ .. بس يفرق معانا احنا..!! انت لو تبي تأخذ الرابعة بـ تأخذها من غير حتى لا تشاورنا.. طيب مو الأفضل تأخذ وحده احنا نبيها..!!
ابو سعود هالمره هو اللي وقف : قلتيها لو ابي.. و لو ابي ما راح اخذ وحده على ذوقكـ انتِ و اياها.. انا ماني بزر عندكـ تمشنة على هواكن.. عشاني سكت عنكن تطاولت السنتكن علي..!! صحصحي انتِ و اياها و افتكرن من هو ابراهيم بن مساعد..!!
تركهم حتى يناظرونهم كلهم..!! متحطمات امهم من جهة و ابوهم من جهة..!! لو واحد اللي فيهم رافض اهون..!! الإثنين كلهم رافضين..!!
خالد : انتن من جدكن تقولن لأبوي تزوج..؟! غريبة..!! يوم تزوج خالتي منيره اول من زعل انتن..؟!
نهى : تخلخلت عظامها.. ايه نبيه يتزوج ويش فيها..؟!
سعود يناظرهن يستفسر ..!! : خالتي مريم..؟!
وعد : ايه..!! بس هو رافض وهي رافضة..!!
سعود : قايلات لها بعد..!! مو المفروض تأخذون رأي ابوي قبل..!!
وعد : كنّا بـ نشوف ويش رأيهم بالموضوع على بلاطة..!!
خالد ابتسم : و الله عاد خالتي مريم مــزه!!
ام احمد : ويش مزتة..!!!
خالد : ههههههههههه يمه يعني ماشاء الله عليها زين..!!
ام احمد : ايه ماشاء الله دايم مهتمة بـ نفسها اللي يشوفها ما يعطيها عمرها..!!
سعود يأشر على نهى : اصلاً انا ما اصدق هالقرد بنتها..!! المفروض اختها عشان الشبة بس..!!
شوق : حرام عليكـ ويش قرد..!! و الله تهبل نهاوي..!!
سعود : ويش تهبل الا شيفة..!!
شوق : يعني عمتي مريم شيفة..!!(سعود رفع حاجبة يناظرها) انت قلت ان بينهم شبه نهى و عمتي مريم و الحين تقولها شيفة يعني عمتي شيفة..!!
سعود : هههههههههههه لا تحجرين لي مره ثانية.. نهى شيفة و نص بس عاد خالتي مريم ما ينقدر عليها..
نهى : ان شاء الله يارب ترزقة بـ بنت تشبهني..!! عشان يعرف شلون انا قرد و شيفة بعد..!!!
وعد : خليكـ من ذا.. سعيـــدان كلم ابوي .. يعني انت الكبير و كذا يمكن يسمع منكـ ..!!
سعود : ويش تبيني اقولة..؟!
وعد : أي شيء.. تكفى عشانّا ..
خالد : كنت بـ اوقف معكم بس خلاص ما تبون مساعدتي..!!
وعد : خويـــلد لا تخفف دمكـ علينا..!! تكفـــون..!!
سعود : اصبروا فترة لأن ابوي توه مطلق خالتي منيره ما راح يفكر يتزوج الحين..!! خصوصاً هالموضوع اصلاً مو في بالة.. و انتم بعد فاجئتوة بـ هالطلب..
..
قدام بوابة الجامعة..
ما نطق حرف واحد هو اصلاً معصب منها.. دخلت السيارة سكرت الباب بـ هدوء : السلام عليكم..
: وعليكم السلام.. (التفت عليها) نقلتي اللي تبينة من اللاب توب..؟!
صبا رمشت بـ عيونها : ايه..!!
ياسر مد كفة اليمين بعد ما حرك السيارة : هاتيه..!!
صبا : ياسر الله يخليكـ و الله فيه اشياء كثير حتى لو نقلتة انا ما قدرت انقل كل شيء..
ياسر : ويش اللي ما قدرتي تنقلينة صوركـ ..؟! من بعد اختباركـ للحين ويش كنتِ تسوين..!؟
صبا : و الله كنت اشتغل عليه..!!
ياسر : كلامي كان واضح.. ما اعطيكـ الهاردسكـ حقي عشان ترجعين لي باللاب توب..!!
صبا : ويش بـ تسوي فيه..!!
ياسر صرخ فيها : صبـــــــــا..!!!
مدت شنطة اللاب وهي ترجف عادي في اللاب توب و لا فيها.. نطقت بـ صوت يرجف : بس هذا هدية من عمر..
ياسر سحب اللاب من الشنطة ورماها بالشارع..!! و حركـ عليه السيارة اكثر من مره قدام عيون صبا..!! وهي مصدوووومة!!! كل ذا الحقد على حساب كم صورة..!! يمكن يتمنى تكون هي مكان اللاب و يدهسها مثل ما يدهس اللاب الحين..!! مجنـــون تصرفاتة مجنونة..!! ما عرفت شلون تعامل معاه..!! عليه تفكــير غريب..!! احيان تشكـ انه يكرهها من زمان..!! و احيان تشوفة ما يقصر عليها بـ شيء لو يكرهها ليش يهتم بـ امرها..!! حتى يشيل عنها اغراضها خصوصاً ان كان معاها اكثر من شيء.. و عصبيتة المجنونة..!! أي شيء يستثيرها..!! تناظرة وهو وقف السيارة و نزل منها و مخلي الباب فاتح .. يبي يـتأكد ان كل اجزاءة صارت فتات شال بعض منه و رماه بـ كيس و دخل السيارة و رمى الكيس بالمرتبة اللي وراء..!! ويش تفسر تصرفاتة..!! كل ذا عشان صور لها..!! معقولة غيرة..!! غيرة هالكثر..!!
ياسر يحاول يتمالكـ اعصابة و يكلمها بـ هدوء : و الله يا صبا لو ادري ان لكـ صور بالجوال و الا باللاب ما تلومين الا نفسكـ فاهمـــة ..!! هالمره مشيتها لكـ المره الجاية ما راح اعديها..!!
ناظرتة بـ صدمة ..!! مشاها..!!؟! كل اللي سواه و يقول انه مشاها..!! الا لو ما عداها لها ويش بـ يسوي فيها..!! اكيد بـ تكون مكان اللاب..!! عشان يرتاح منها ومن صوتها اللي يضايقة..!!
..






اسطورة ! غير متواجد حالياً   رد مع اقتباس
قديم 15-02-15, 12:23 AM   #135

اسطورة !

نجم روايتي ومشرفة سابقة وفراشة متالقة بعالم الازياء

alkap ~
 
الصورة الرمزية اسطورة !

? العضوٌ??? » 120033
?  التسِجيلٌ » May 2010
? مشَارَ?اتْي » 15,367
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » اسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond repute
¬» مشروبك   pepsi
?? ??? ~
My Mms ~
افتراضي

في مكان غريب..!! انجبرت تكون فيه من يوم طلعت من بيت ابراهيم..! انجبرت وهي جات بـ رجولها له.. الرعب متملكها..!! معقولة ابراهيم يدري..!! معقولة يعرف ليش تزوجتة و ساكت عنها كل الفترة اللي فاتت..؟! كان شيء طبيعي ما توافق عليه.!! يمكن هاذي النقطة اللي شككتة عندها عيال كبار اكيد ما راح يرضون..!! لو عيالها صغار او مراهقين كان ممكن تمشي عليه..
انفتح الباب حتى تقوم واقفة مفزوعة..!! كل ما فيها يرجف..
دخل و وقفوا رجالة برا.. من غير سلام و لا تمهيد دخل بالموضوع على طول : خيـــر.. ويش اللي قلتية بالجوال..!!
منيره : قلت لكـ اللي صار.. انا سويت اللي طلبتة مني.. صح ما قدرت اجيب لكـ الأوراق بس حاولت..
: و طلقكـ ..!!
منيره : ايه.. طلقني و ما خلاني اطلع من بيتة قبل ما تنتهي العدة..!!
: ويش استفدت انا الحين من دخلتكـ بيت ابراهيم..؟! ويش كان اتفاقنا..؟!
منيره : اني اجيب لكـ الأوراق و مقابلها تطلع عيالي.. بس ما قدرت اوراقة بـ مكتبة وما احد يدخلة اذا هو مو موجود حتى عيالة..
: و انتِ صار لكـ شهور بـ بيتة وما جبتي لي اللي ابيه.. شلون انا الحين اعطيكـ اللي تبينة..؟!
منيره : انا سويت كل اللي بـ يدي.. لا انا و لا عيالي لنا ذنب.. حرام حابسهم عندكـ كل هالفترة .. مشكلتكـ مع ابراهيم.. ليش تحطنا بالنص..!!
بـ حزم : كلامي كان واضح..!! جيبي الأوراق تأخذين عيالكـ .. سؤالي الأخير عشان اقرر ويش بـ اسوي.. تقدرين ترجعين بيت ابراهيم و تجيبين اللي طلبتة منكـ قبل العصر..؟!
منيره : مستحيـــل.. اصلاً ابراهيم شاكـ فيني شلون بـ يدخلني بيتة و مكتبة بعد..!!
من غير لا يلتفت على الباب : هاتوهم..!!
دقيقة بالضبط.. و عيالها الإثنين قدامها فرحة عمرها و شقاها.. تعبها و زعلها و رضاها.. اللي انحدت توافق على ابراهيم عشان تطلعهم من يدين شخص اقتحم عيلتها الصغيرة بـ ليلة..!! او ساعة..!! و قلب حياتها كلها..!! مقابل مجموعة اوراق يبيها من بيت شخص كان في الماضي عزيز عليها..
ناظرت عيالها شفقـــانة على شوفتهم..!! : نايف.. نواف..!!
: افتح فم الصغير يا ناصر..
ناصر شال اللزقة عن فم نواف.. وهو يناظر الرئيس : تف عليكـ عساكـ ما تهنى..
الرئيس وقف و مشى لـ جهة نواف و منيره قلبها فزع تبكي من خوفها عليهم : لا لا لا ما اتفقنا على كذا..!! ما ينفع..!! ماما ما علمتكـ لازم تحترم اللي اكبر منكـ ..!! ليش كذا يا بابا..؟!
نواف : خلهم يفكوني عشان اعلمكـ ليش كذا.. اعلمكـ شلون تطاول على امي.. و الله لأذبحكـ انت و رجالكـ ..!!
الرئيس يناظر ناصر و سطام : يو يو يو مره خفنا شوفي رجالي كيف يرجفون.. خف علينا يا بطل..!! توكـ كتكوت ما فقصت من البيضة..
نواف : فكـ رباطي و اعلمكـ شلون كتكوت اللي تسوية ماهو مرجلة.. احنا ما تعدينا عليكـ ..
الرئيس بـ ملل : اقفل له فمة.. ناس بـ تسوي نفسها شيء و هي و لا شيء..!!
ناصر قفل فم نواف .. الرئيس لف على منيره : هاه بـ تروحين بـيت ابراهيم و الا لا..؟!
منيره : قلت لكـ ما يبيني في بيتة .. الرجال طلقني.. طلقني..!!
الرئيس ناظر ناصر و سطام : نفذو اللي قلت لكم عليه..
طلع الرئيس و دخلوا باقي رجالة.. و منيره صرخت و كأن قلبها ينبأها ترى ما عندهم رحمة..!! و ارواح عيالكـ رهينة مقابل مجموعة حبر على ورق..!! من خلاف قديم.. بينهم هي و عيالها صارت ضحيتهم..!! تناظرهم اعطوا عيالها ابر.!! ابرة في نايف و ابرة في نواف.. و رموهم على الأرض..!!
سحب سطام السكين من خصرة و رماها عند رجول منيره : عيالكـ دقايق و بـ يتفاعل السم في اجسامهم.. و بـ يدكـ تريحينهم..!!
طلعوا بعد ما شالوا اللزقة عن فم نايف و نواف و سكروا الباب..!! راحت لهم تجري : نايف.. نواف..!!
نايف وهو يحس بالوجع بادي ينهش خلاياة : ما عليه يمه..!! الله فوق.. الله فوق.. الله ينتقم منهم..!! الله ينتقم منهم..!!
نواف : احنا مو ظالمين هو ظلمونا.. الله لا يبيحهم و لا يحللهم..
باست راس نواف و حضنتة راسها على راسة تبكي من وجعهم تبكي معاهم..
نواف يحاول يكتم اهاتة عشان ما تعور .. يكفيها الشهور اللي عاشت بعيدة عنهم.. مع الرجال اللي عرفوا ان كان يبيها زمان قبل ابوهم لا يتزوجها و خالهم وقف في وجيههم..!! و عشان هالحب.. اللي جدده ابراهيم بـ خطبة اساساً كان معروف ردهم ويش هو..!! هم رجال .. رجال شرقيين.. تربوا على العادات و التقاليد.. شلون يرضون لأمهم الأربعينية تتزوج من بعد ابوهم..!! بـ ينقال عنهم رخوم..!! ما قدّروا لا امهم و ابوهم بعد وفاتة.. سمحوا لها تتزوج من بعده..!!
نايف يأخذ نفس قوي بين كل كلمة و الثانية : يمه.. يمه لا يكون.. ضريتيهم..!!
منيره يدها على فمها : لا .. لا .. و الله..
نايف : عشان.. نموت .. مرتاحين..!!
نواف : آآآه.. يمــــه..!!
منيره : تحمّل يا ابوي.. تحمّل تكفى..!!
نواف : ماني قادر.. يمــــه.. يمه تكفيـــن..!!
نايف يهدي اخوه..!! و الا يتحمل الوجع اللي يسري بـ عروقة و خلاياة..!! ويش بـ يدة.!! لو يقدر يفكـ اخوة من وجعة و هو يشيلة عنه ما تردد لحظة وحده..!! كيف..؟! كيف وهم حتى ما فكوا رباطهم..!! ناظر السكين المرمية على الأرض..!! يبونها تقتلهم..!! غمض عيونة بـ قوة يحاول يكتم كل آه تحاربة عشان تطلع من فمة..!! يبون يوجعونها فوق اللي سووه فيها..!!
نواف يبكي من الألم : يمــــه الله يخليكــ ماني قادر اتحمل..!! يمه سوووي شيء الله يخليكــ ...
مع كل كلمة..!! تحس نفسها تبكي دم بدل الدموع...! ويش بـ يدها..!! نزلت راس ولدها على الأرض و قامت اتجهت للكاميرا المثبتة بأعلى الجدار : تكفى الله يخليكـ اذبحني انا.. تكفـــى الا عيـــالي..!! و الله ما راح ارفض..!!
نايف بلع ريقة :آآه .. يمــــه..!!
ضربت يديها بـ افخاذها تشوفهم يتوجعون قدامها الإثنين..!! يقول بـ يدها تريحهم..!! و رموا لها السكين..!!
نواف : يمـــــه ريحيــــني.. تكفيـــــن يمــــــه..!!
نايف همس : نـــواف..!!!
نواف : انا اتقطـــع..!! مانـــي قادر اتحمـــل..!! ماني قـــادر..!!
منيره تناظر الكاميرا و تترجاة يمكن يسمعها ..!! : بـ سوي اللي تبيه.. بـ اجيب لكـ الأوراق من بيت ابراهيم.. و الله بـ اجيبها بس فكـ عيالي من وجعهم..!! تكفــــى.. و الله بـ اجيبها الحيـــن بـ اروح له.. بـ اجيب لكـ الأوراق و كل شيء تبيه..(جلست على الأرض) لو تبيه روحة جبتها لكـ ..!! بس عيالي فكـهم من وجعهم..!!
دقيقة و انفتح الباب قدامهم..!! و انوخذوا عيالها قدام عينها..!! من غير لا تطمن عليهم..!! ومن غير لا تسمع كلمة وحدة منهم..!! وقفت على الباب بعد ما سكروة تدقة و تصارخ و تبكي : و الله بـ اجيب لكـ اللي تبيه.. بــس لا تسوي بـ عيالي شيء..!! و الله بـ سوي اللي تبيه..!! و الله..!!
وجع مرأة اربعينية !! يفجعها شخص ما بـ قلبة رحمة في فلذات كبدها!! عشان حب قديم ما صار له أي وجود!!
..
بيت غازي..!!
ندى : يالله طيب مو معقولة جوالة مقفل و ما رجع من البارح..!!
امال : و الله ما قد سوّاها بس ما ادري ويش نسوي..!!
ندى جلست وهي متوترة غازي من البارح ما رجع..!! و اول مره يسوي هالحركة على حد قول امال : طيب دقي على مكتبة..!!
امال سحبت جوالها و اتصلت : السلام عليكم.. معاكـ ام شوق.. الله يبقيكـ حمد بغيت انشدكـ الفريق غازي بـ مكتبة..!؟..(ناظرت ندى) شلون يعني..؟! .. طيب شكراً (سكرت الخط) يقول ما جاء اليوم..!!
: صباح الخيـــرات.. (ناظرتهن متوترات و لا وحده ردت عليها) ايش فيكم..؟!
امال تنهدت : ابوكـ ما رجع من البارح.. بـ اكلم عماد..
ريما جلست : بابا نايم بـ غرفتي..!!
انصدمن الثنتين من الفجر وهن قلقانات : ايــــــش..!!
ريما : و الله..
امال : من متى..؟!
ريما : من البارح جاء متأخر و نام عندي..
ندى : غريبة طيب ما صحى يصلي..!!
ريما : يب اول صحى و قال بـ يقضي فرضة طافة..
امال : الله يهديكـ احنا قلقانين عليه و اخر شيء يطلع نايم عندكـ كان علمتينا...
ريما : و انا ايش عرفني حتى انا نمت لما هو نام..!!
: السلام عليكم..!!
: وعليكم السلام..!!
جلس جنب ريما حط يده على كتفها وهي ابتسمت من النقيض لـ النقيض حالتهم.. لو امس ما كان اصلاً جلس حنبها لأنه يدري ما راح تتقبلة..!! بس الحين..!! غيـــر..
امال : ايش فيكـ .. كن بكـ شيء..؟!
غازي : ما فيني الا العافية.. ما انتم مفطرينا..!!
امال : بـ تصير حزة الغداء..!!
ريما : من برا بابا تكفـــى..!!
غازي : و لا يهمكـ من برا.. و الا نتغدا برا ويش رايكـ .!!
ريما ابتسمت : حلووو نتغدا برا.. موافقة..
امال : ويش يودينا نتغدا برا.!!؟ لا نتغدا هنا ازين..!!
ريما : لا مامي بـــليز انا و بابا موافقين..!!
همس نطت بـ حضن ابوها : و انا بعد بـ اروح معاكم..!!
غازي : انت ملح الطلعة ما فيه غداء من غيركـ .. كلنا بـ نروح مع بعض..!!
امال : اللي يريحكم..
غازي ابتسم : ما بشرتكم..!! (كلهم ناظروة ينتظرون البشارة.!!) بنت عماد رجعت..
ندى : صدق..؟! يا حياتي..!!
غازي : ايه صدق رجعوها البارح بالليل..
امال : الحمدلله الله طمن قلوبهم عليها..
ريما : مره تحزن وعد.. انا شفتها من شهرين كانت هيكل عظمي و تعبانة مره..!! الحمدلله اهم شيء يسون حفلة و يعزمونا..!!
غازي : هههههههههه يسوون حفلة و يعزمونكـ ليش..؟!
ريما : عشان مشتهية اغير جوو قبل الإختبارات..!!
غازي شد اذنها : ابي درجات زينة..!! مو مثل الترم الأول..!!
ريما تناظرة : انت السبب.. مالي دخل..!!
غازي : ادري اني السبب.. بس شدي حيلكـ هالإسبوعين.. عشان تدخلين الجامعة..
ريما : طيب..!!
ندى : انا بـ اروح لأهلي..!!
امال : حتى انا بـ اروح معاكـ لازم نباركـ لـ وعد..
ريما : حتى انا بـ اروح..!!
غازي يناظر ريما : اختاري يا تروحين معاهم يا نطلع نتغدا برا.. طلعتين باليوم و عندكـ اختبارات لا..
ريما اتسعت عيونها : غشـــاش ما كان اتفاقنا كذا .. حتى انا من زمان عن البنات.. و متحمسة اشوف بنت عماد..!!
همس : لازم تذاكرين بالبيت مو تجيبين درجات فاشلة مثل دايم..!!
غازي مسكـ يدين ريما اللي بـ تضرب همس وهو يضحكـ من زمان ما ضحكـ ..!! ناقصة..!! اذا كانت قبل معدومة من عدم وجود لينا و زعل ريما.. الحين ناقصة و ناقصة حيــــل بـ فقدان لينا : وشووو بـ تضربينها و هي عندي..!!
ريما سحبت يدينها منه : عيب عليها تقولي هالحكي.. كم سنة بيني و بينها..!! يمكن عشر سنين..!!
غازي : هههههههههه يا عيني تعلمنا العيب..!! من وراي..!!
ريما : شكلكـ ناوي تزعلني.. ترى بـ اقوم..!! وما راح ارضى..!!
غازي : ماهو بـ كيفكـ .. خلاص تجهزوا مره وحده نطلع نتغدا برا و نتمشى شوي و بعدين انزلكم بـ بيت ابراهيم..
ريما : انا موافقة..!!
غازي : انتِ ما طلبت رايكـ .. معاكـ ساعة بس و بعدها راح ارجعكـ البيت..!!
ريما : لا بـ اسهر معاهم من زمان ما شفت البنات..!!
غازي : لا.. بعد الإختبارات اسهري معاهم.. الحين ما فيه .. مين جود و عندها اختبارات مثلكـ ..
ريما ابتسمت وهي تطري عليها فكرة : ايوه عشان اذاكر معاها.. انا غبت كثير هالترم و عندي كم شغلة ماني فاهمتها بـ اقولها عليها..
امال : و يمكن جود ماهي فاهمة طيب..؟!
ريما : عندها خواتها ما شاء الله بيتهم فيه كل التخصصات..!! طب انقليزي احياء رياضيات حاسب قانون كل التخصصات عندهم ماشاء الله..!!
ندى : ههههههههه و ادارة اعمال عندنا بعد..
ريما : ماشاء الله عيلة دفرة.. حتى عمانهم تخصصاتهم تفتح النفس قانون و طب و كيمياء..!!
غازي : اذكري الله ..
ريما : لا إله الا الله .. انا اؤمن بإن الدفرة وراثة.. يعني لو اني من عيلتهم تلقى نسبتي 100 ما تنقص..
ندى : مو لـ هالدرجة عاد.. و احنا مو كلنا دوافير.. بالعكس عندنا ناس فاشلة..!!
غازي : وليد و مشيعل..!! يتفاخرون بالفشل الدراسي.. واحد دارس الثانوي ست سنين و واحد خمس سنين..!! و لا بعد ما تخرجوا غير لما ابوهم هددهم يفصلهم من المدارس و يشغلهم معاه..!!
امال : المفروض سواها من زمان واضح انهم ماخذين الدراسة لعب..!!
غازي : عاد هاللي مأخذين الدراسة لعب واحد دخل ادارة اعمال و واحد قانون..!! هم كذا اذا اشتهوا ينجحون نجحوا و اذا اشتهوا يبلطون كل سنة بـ سنتين بلطوا..!!
همس : عشانهم كسلاااانين..
غازي : هههههههه ايه و الله كسلانيــــن.!! فديت اللي مخلصين دراسة..!!
همس : عشان انام على كيفي.. و اشوف تلفزيون على كيفي..!!
ريما تناظر ندى : طيب و اخوانكـ الكبار..؟! يعني قد احد منهم عاد سنة..!؟
ندى : لا.. اول من عاد مشعل اولى ثانوي.. ابوي حزتها زعل و هاوش و جات السنة الثانية هو و وليد مع بعض اولى.. و نجحوا بالقوة على الحافة.. و ينتقلون ثاني و يرسبون الإثنين و يبلطون فيها.. و ما راحو اختبروا دور ثاني قالوا بـ نعيد السنة.. و عادوها و نجحوا بالقوة و بعدها رسبوا بـ ثالث و وقتها ابوي هددهم و نجحوا بالسنة اللي بعدها..!!
ريما : ههههههههههههههههههه واضح انهم مهابيل..!! ونـــاسة كذا اخوان مهملين و يصير اكشن بالبيت وقت النتايج..!!
امال : ايه عشانهم على شاكلتكـ راقوا لكـ .. ما فكرتي ماشاء الله بالممتازين..!!
ريما : بالعكس سوو تغيير ببيتهم اخوانهم دوافير هم غير عنهم و صاروا مميزين و هذا هم يوم اشتهوا الجامعة دخلوها..!!
امال : اخوانكـ ماشاء الله كلهم يشتغلون..؟!
ندى : ايه كلهم..
امال : الله يباركـ لهم بـ رزقهم.. (لفت تناظر غازي) لي فترة ابي اكلمكـ بـ موضوع..!!
غازي : خير ان شاء الله..!!
امال متوترة..!! دامه مـروق بـ تفاتحة بموضوع لينا : لينا..!!
ناظر الطاولة..!! ما علّق.. حتى ريما دنقت!! امال تكمل اهم شيء ما عصّب : تكفى غازي مالها غيرنا.. ابي اشوفها لو ساعة..!! قولة يجيبها..!! انت سويت اللي براسكـ و خلاص..!!
ما فات ندى تغير وجيههم ابداً.. ابتداء من غازي.. مروراً بـ ريما..!! و نبرة امال تترجاة..!! فعلاً لينا توأم ريما اللي ما قد شافتها من دخلت هالبيت..!! و لا انجاب طاريها..!! و مو من طبع ندى تلقف و تسأل عنها..!! دام ما احد قالها شيء هي ما تكلم..!!
غازي وقف : انا بـ اروح اصلي الظهر بس ارجع القاكم جاهزين..!!
امال : استغفر الله العظيم.. استغفر الله..!!
همس : ماما وينها لينا طولت وهي مسافرة متى بـ ترجع..؟!
امال : لمّا ابوكـ يحن قلبة عليها..!!
"لمّا ابوكـ يحن قلبة عليها..!!" جملة صدمة ندى..!! معقولة متهاوش مع لينا بعد..؟! طيب ليش ماهي بالبيت..؟! معقولة طاردها..؟! اذا ضرب ريما ذاكـ الضرب كله و الكل سمع صراخها..!! طيب الضرب اهون بـ كثير من اه يطرد بنتة من البيت..!! وين راحت..؟! وين تعيش..!؟ لو عند عمها كان شافتها لا راحت هناكـ ..!! الرعب اللي كان من غازي و خف كثيــر الحين رجــع و بـ قوة لها خصوصاً مع خبرها اللي ما زالت مخبيتة لأنها ما لقت فرصة للحين..!!
..
مقر العصابة .. تحديداً لينا تصارخ عليه وهي تبكي متغطية بـ لحافها : انقلع عن وجهي..!! ما ابي اشوف وجهكـ .. خلاص كل شيء تبيه اخذتة..!! ويش تبي زود..!! الله يـأخذني...!!
اخذ نفس من العصر وهي نفسها حالتها ..!! من عرفت انها حامل..!! : لينا قومي خلينا نتفاهم..!!
جلست نفضت اللحاف عن وجهها المتنفخ من الصياح : اتفاهم معاكـ على شيء واحد..!! تبي تطلعني الحين و توديني لـ بيتنا بـ اسمع لكـ ..!!
عمر : بسم الله الرحمن الرحيم..! ويش ذا الشكل..!!
لينا تصارخ : تستخف دمكـ حضرتكـ ..!!
عمر : و بعدين معــاكـ .. تراني ساكت عنكـ لينا.. ما بيدي شيء اسويه الحين.. قلت لكـ قريب بـ اردكـ لأبوكـ ..!!
لينا : بعد وشو..!! بعد ما خليتني احمل..!! انت ما تحس..!! شلون ترضى اصلاً يجي لكـ ولد امه محبوسة بـ هالمكان..!! انت ما قدرت تطلعني من هنا شلون بـ تأمن له حياة..!! ما بيدكـ شيء تسوية..!! انا بـ يدي.. انا بـ يدي ..
انهبل عمر وهو يشوفها تضرب بطنها بيديها .. مسك يدينها ورفعها فوق : مجنـــــــونــــــة!! حرام عليكـ هاذي روح..!!
لينا : انت اخر واحد يتكلم عن الحلال و الحرام.. اتركــــني انا ما ابي احمل .. انا ما ابيه.. ما ابيـــه..!!
عمر الجالس وراها على ركبة ومثبت يدينها فوق.. وهي تحركـ رجولها و تحاول تفتح يدينها منه : ليــــنا لا تحديني اسوي شيء ما يرضيكـ قلت لكـ اوعدكـ اطلعكـ قريب.. اهـــدي..!!(صرخ عليها) ليــــنا..!!
لينا ثبتت لكنها ما زالت تصيح : حرام عليكـ .!! انا ايش ذنبي..!! حتى لو بابا عدوكم انا ايش ذنبي... انت تقول تحميني منهم..!! شلون تحميني ..؟! شلون انت تحميني و انا الحين حامل..!! شلون بـ ترجعني لـ بابا ..!! ويش اقولة..!! ويش اخبره..! تقولي بـ يكسرون ظهر ابوكـ فيكـ .!.! انت اللي كسرت ظهر ابوي..!! انت..
عمر جلس و لفها عليه : و الله يا لينا اني لاوفي لكـ بـ وعودي قريب.. و الله بـ اردكـ لأبوكـ اعطيني يومين.. لو ما رديتكـ فيها بـ افتح لكـ الباب و روحي انتِ ..
لينا : ما ابي اكون حامل.. ابيه ينزل..!!
عمر : ما احد يعترض على عطايا ربه.. لينا انتِ ما تعرفيني انا قلت لكـ انا مين ويش وظيفتي و كل شيء عني.. بس انتِ مو راضية تصدقيني.. انا ماني راعي شر و الله ماني راعي شر..!!
لينا : شلون ترضى يجي لكـ ولد هنا..؟! شلون ترضى..؟!
عمر : ماني راضي.. قلت لك اعطيني يومين .. اوعديني ما تسوين بـ نفسكـ شيء .. اوعديني..!!
لينا : اوعدكـ ..
عمر : انا رايح الحين عندي شغلة.. ادعي لي ربي ييسر لي و يوفقني..!!
لينا : يــــارب يوفقكـ و ييسر امركـ ..
ابتسم توها من دقايق مولعة و الحين حاس فيها مكسورة و تدعي له من قلب..!! موجوع قلبة عليها .. مسك كفها و ضغط عليها : يمكن اطول.. انتِ كلي لكـ شيء و نامي.. بس لا تنسيني كل شوي ادعي لي..!!
لينا : ان شاء الله..
وقف و طلع و سكر عليها الباب مثل كل مره..!! انسدحت على جنبها يدها اليمين تحت راسها و يدها اليسار تمسح على بطنها افرح و الا ازعل..!! افرح و الا ازعل..!! ويش يفرحني..!؟ عشان عمر ابوه..؟! و ازعل عشان انا ما عندي احد الا ابوه و بس..!! لا ام و لا اب و لا خوات.. و لا حتى دكتورة تتابع حملي.. مجرد غرفة محبوسة فيها و يمكن اولد فيها و يدعي علي ولدي اللي فكرت احمل و انا بـ هالمكان..!! (مسحت على بطنها) انا آسفة.. و الله العظيم ماهو بـ يدي.. لو بـ يدي.. كنت ما جيت هنا.. و كنت قابلت ابوكـ بـ مكان غير هذا.. كنت تزوجتة بـ رضاي و حبيتة بـ رضاي.. مو كل شيء غصباً عني.. حتى مشاعري.. مشاعري اللي اتجهت له وهو خاطفني من بين اهلي.. خانني.. حتى قلبي ما وقف معاي.. آســـفة..!!!
..
العشا في بيت ابراهيم.. مجلس الرجال تحديداً.. عيال ابراهيم.. و غازي و رجالة..
كلهم طبيعيين.. عدا هو..!! فيه شيء غريب متغير عليهم..!! وليد..!! هـــادئ.!!
ابو سعود : ما ادري ويش بلاه..!! ما غير على الدرايش ومرات يطلع فوق السطح..!! ما ارتاح حتى..!!
غازي : هدي بالكـ .. لو فيه شيء كان حكى من زمان..!!
وليد بـ هدوء : ابي اسألكم سؤال..!! و لا تفهمونة غلط..!! بس عشان اتطمن..!!
سعود : ويش عندكـ .. قول اللي تبي..!!
وليد ناظر ابوه و غازي : ابي اعرف..!! تعرفون بنات الصقر..؟!
غازي بإستغراب : نعم..!!
وليد : ابي اعرف..!! انتم تعرفون بنات الصقر..؟!
عزام : سؤالكـ غريب..!!
وليد : سؤالي لأبوي و غازي.!! تعرفونة من قبل..!؟
ابو سعود منصدم : لي انا..؟!
وليد : لا تجنوني.!! يبه !! الصقر عنده ثلاث بنات.. ثنتين انقتلن.. و الصقر قالي انه شاكـ بأشخاص وبس يتأكد ما راح يرحم بناتة..!!
غازي : و سؤالكـ يقول احنا قتلنا بناتة و الا لا..؟! صح..؟!
وليد وقف : ابي اعرف اذا لكم علاقة..!! من قالي هالشيء وهو براسي.. اختيارهم لعيلتنا و بناتنا ماهو من الباب لـ الدريشة..!!
ابو سعود : تبيني احلف لكـ عشان تصدق..؟! دامكـ ما بعد عرفتنا لسى انت جاهل فينا..!!
وليد : يبه تكفى..!! ماني بزر.!! ابي جواب واضح..!!
غازي : ما لنا علاقة بـمقتل بناتة تونا عرفنا منكـ ..!!
وليد يدور بالمكان يبي يحل و يربط..!! وقف على الشباك : عندهم عملية تهريب هالإسبوع..!! و أي يوم تحديداً ما ادري..!! بس مأجلينها من ثلاث شهور لأن غازي مشدد على الحدود..!! و اكيد دارسين الشفتات و كل شيء ..!! و مو بعيد تكون بعز النهار او تالي الليل..!! (لف على غازي) لا تفكر تغير أي شيء او تزيد الوضع .. خلهم و راقب الوضع من بعيد عشان تمسكهم.. لأن كلهم مشاركين بالعملية.. و اولهم الصقر..!!
غازي يناظر وليد!! تعلم .. بس جالس يلقي اوامر على كيفة..!! طنش اسلوبة بـ مزاجة و ما علق على كلامة..!!
وليد طلع باكيت السجاير من جيب بنطلونة و فتحة قدامهم و سحب سيجارة و لأول مره يدخن قدام ابوه..!!! لكن ابو سعود ما علق..!!
خالد مصدوم : انت تدخن..؟!
وليد : ويش تشوفني جالس ارقص..؟!
ياسر : انت صاحي..!؟ و لا بعد قدامنا و ابوي موجود..؟! من متى تدخن..؟!
وليد ما جاوب.. اللي جاوب مشعل : من زمان..!! له سنتين..
سعود ناظر مشعل : سنتيــــن..!!! توكـ تحكي...!؟
مشعل : ويش تبيني اسوي يعني..!؟ ماهو بزر عارف مصلحة نفسة..!!
ابو سعود : خـــلااااص.. نشوف ويش تاليتها دام اولها عدم احترام..!! (كان يقصد وليد اللي يدخن قدامة لكن وليد في عالم ثاني كله توتر)..
عماد : ما تعلمنا كيف طلعت بنتي من هناكـ ..؟!
وليد يولع السيجارة : مو مهم.. اهم شيء طلعتها.. و المهم انها كانت بـخير وما فيها الا العافية..!!
عماد : شلون و هي بينهم و انت متنكر يعني مالكـ حق تلمسها..؟! كيف قدرت تخدعهم..؟!
وليد : ما كانت عندي.. كانت عند بنت غازي كل الفترة اللي فاتت..!!
غازي : عندها..؟!
وليد : ايه..!!
عيال ابراهيم طبعاً ما يعرفون ويش يقصدون..!! بس مبين الموضوع فيه ان.. و لا واحد فيهم سأل او تلقف..!!
وليد جلس مقابلهم : انا قريب بـ اجيب الأوراق اللي دخلت عشانها هالمكان الوسخ.. و قريب بـ ينتهي كل شيء.. لكن هم ناس يوصلون للي يبونه حتى بأشنع الطرق..!! خطفهم لـ وعد ما جاء من فراغ.. كل شيء مدبرينة..!! المره الأولى كانت من صلاح بس الثانية.. من رجال الرئيس.. و الرئيس يعرف ابوي..!! و متقصدة..!!
ابو سعود : نعــــم..!!!
وليد : وعد ما ذكرت هالشيء بإفادتها رغم انها تعرفة..!! لما انحاشت من المزرعة ما كان بطولة من وعد..!! بـ طلب من ... (سكت يوم انتبة بـ ينطق اسم عمر) الصقر ..!! و الصقر تقصد يسمعها حكي ان السبب حقدهم على ابوي و بـ ينتقمون من ابوي فيها..!! و وعد ما قالت هالشيء.. ليش ما ادري.. وهم عرفوا ويش هي افادتها و ويش اللي سجلتة..!! اصلاً كان شيء بديهي شلون عصابة ذكية يخلون شغالة تفتح الباب لها و تتركة فاتح و تنحاش من غير لا احد يشوفها..؟!
سعود : قصدكـ وعد تدري ان الرئيس عدو لأبوي وما قالت هالشيء..!!
وليد : ايه..!! ما علينا.. مقصدهم مو بس وعد.. فيه اسم انطرى غيرها عندهم..!!
رمى وليد سيجارتة على الطاولة من غير لا يطفيها و كلهم يناظرونة..!! بـ عيونهم تساؤل قلق..!! مين..؟! وليد ناظر ياسر : زوجتكـ ..!!
ياسر اتسعت عيونة مصدوم!! صبـــا..!! : أيــــــش..! وهي ويش دخلها..؟!
وليد ما يبي يقولة عشان عمر ممكن يقهرونة فيها : و وعد ويش دخلها..؟! كلها نفس الشيء..!! لو ما تخليها تدوام ازين ..!!
ابو سعود يناظر وليد اللي يحل و يربط : البنت عندها اختبارات..!!؟
وليد يسحب سيجارة جديدة : الوقاية خير من العلاج..!!
..
لا حول و لا قوة الا بالله..

لا أحلل نقل الرواية دون ذكر اسمي..

هاشتاق #رواية_لو_سألتي_الورد

البارتات كل سبت بإذن الله..

ضحكة قهر..





اسطورة ! غير متواجد حالياً   رد مع اقتباس
قديم 23-02-15, 11:24 AM   #136

اسطورة !

نجم روايتي ومشرفة سابقة وفراشة متالقة بعالم الازياء

alkap ~
 
الصورة الرمزية اسطورة !

? العضوٌ??? » 120033
?  التسِجيلٌ » May 2010
? مشَارَ?اتْي » 15,367
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » اسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond repute
¬» مشروبك   pepsi
?? ??? ~
My Mms ~
افتراضي





بسم الله الرحمن الرحيم..

السلام عليكم و رحمة الله و بركاتة..

سوري سوري سوري و الله مالي وجه بس عاد يعني اممم ما ادري ويش اقول.. انا كنت ناوية ابدا في البارت من بدري عشان انزله لكم بدري.. و دايم الشيء اللي ابيه يصير عكسة الحمدلله.. و مره تأخرت جات الساعة 10 بالليل و انا ما كتبت الا 20 صفحة قلت يا بنت مالكـ الا تخلينه فصلين فصل اليوم و الثاني هاليومين تنزلينة اول ما تخلصينة و يقفل النت علي و انا بـ اطلع من البيت يعني الساعة 12 بـ تجي و انا ما نزلتة.. قلت خيره .. و الحمدلله يوم رجعت قدرت اخلص البارت و سلكـ الموضوع الحين ادري متأخرة 4 ساعات عليكم.. بس السموحة ان شاء الله احداث البارت تعوضكم.. بس اربطوا لي قلوبكم.. و دموعكم بعد لا تبكون..

سوري للأشخاص اللي ما رديت عليهم للحين.. مره سوووري دايم و انا مشغولة و انا عاطلة ما ادري ويش بلاي يعني احساسي ما يعرفة الا الباطل مثلي..

غيرت احداث البارت و عدت هيكلتها و هذا اللي اخرني اني كنت من قبل كاتبة شيء و رجعت غيرتة حسيتة مو مناسب للوضع.. و فيه اشياء غلط تنافي اشياء كتبتها من قبل.. لكن ان شاء الله و بإذن الله بس انتم ادعوا لي اخلص البارت الجاي بدري قبل حتى يوم السبت عشان انزلة السبت بدري.. دايم و انا متوهقة و ادري كارهين الوقت المتأخر بس مو بيدي.. و الا تبون بارت عشر صفحات ترى عادي هاذي اخلصها و احطها لكم على طول.. ما تفرق.. ما يمدي الحدث حتى يخلص.. < قرقرة..

أخيـــراً شكرا ـ لـ سها على الإهداء في الأسك الله يسعدكـ و يسلم يدكـ يارب..

حياكم الله جميعاً.. و شسمة قراءة ممتعة..


البارت الخامس و الخمسون..

ما عاد لكـ في خاطري رغبة
وفاكـ عندي مثل تقصيركـ ..
انا وصلت لمرحلة.. صعبة
ما حبّك و لا احب احد غيركـ !


لـ / أحمد المطيري..

بيت ابراهيم..
وليد جلس مقابلهم : انا قريب بـ اجيب الأوراق اللي دخلت عشانها هالمكان الوسخ.. و قريب بـ ينتهي كل شيء.. لكن هم ناس يوصلون للي يبونه حتى بأشنع الطرق..!! خطفهم لـ وعد ما جاء من فراغ.. كل شيء مدبرينة..!! المره الأولى كانت من صلاح بس الثانية.. من رجال الرئيس.. و الرئيس يعرف ابوي..!! و متقصدة..!!
ابو سعود : نعــــم..!!!
وليد : وعد ما ذكرت هالشيء بإفادتها رغم انها تعرفة..!! لما انحاشت من المزرعة ما كان بطولة من وعد..!! بـ طلب من ... (سكت يوم انتبة بـ ينطق اسم عمر) الصقر ..!! و الصقر تقصد يسمعها حكي ان السبب حقدهم على ابوي و بـ ينتقمون من ابوي فيها..!! و وعد ما قالت هالشيء.. ليش ما ادري.. وهم عرفوا ويش هي افادتها و ويش اللي سجلتة..!! اصلاً كان شيء بديهي شلون عصابة ذكية يخلون شغالة تفتح الباب لها و تتركة فاتح و تنحاش من غير لا احد يشوفها..؟!
سعود : قصدكـ وعد تدري ان الرئيس عدو لأبوي وما قالت هالشيء..!!
وليد : ايه..!! ما علينا.. مقصدهم مو بس وعد.. فيه اسم انطرى غيرها عندهم..!!
رمى وليد سيجارتة على الطاولة من غير لا يطفيها و كلهم يناظرونة..!! بـ عيونهم تساؤل قلق..!! مين..؟! وليد ناظر ياسر : زوجتكـ ..!!
ياسر اتسعت عيونة مصدوم!! صبـــا..!! : ايــــــش..! وهي ويش دخلها..؟!
وليد ما يبي يقولة عشان عمر ممكن يقهرونة فيها : و وعد ويش دخلها..؟! كلها نفس الشيء..!! لو ما تخليها تدوام ازين ..!!
ابو سعود يناظر وليد اللي يحل و يربط : البنت عندها اختبارات..!!؟
وليد يسحب سيجارة جديدة : الوقاية خير من العلاج..!!
مشعل : اذا هم بـ ينتقمون من ابوي مثل ما قلت ان الرئيس عدو لأبوي عمي سعد ويش دخلة..؟!
وليد يشغل سيجارتة و يجلس على الطاولة مقابلهم : ما ادري انا انقل لكم اللي صار هناكـ .. الحين السؤال المهم ويش الشيء اللي بسببة الرئيس حاقد على ابوي.!.! (ناظر ابوه) ويش هو يبه..؟!
ابو سعود : و انا ادري من هو الرئيس ذا اللي تحكي عنه عشان تنشدني..؟!
وليد : يبه تذكر مين صار بينكـ و بينه مشاكل بالشغل بالحياة بأي قلعة المهم انكـ احتكيت فيه و هالشيء هو اللي سبب الحقد..!!
ابو سعود : اذا بـ الشغل فاعدائي ويش كثر.. و اذا بالحياة انا ما اعادي احد الحمدلله..
مشعل : و اول اعدائكـ عامر..
عماد ناظر مشعل : ايش تقصد..؟!
مشعل : ولا شيء.. بس مجرد تذكير..!!
عماد : اخاف قصدكـ ابوي هو الرئيس..؟!
وليد : لا لو كذا ليش يضر اخوه و ولده..؟! ما احنا اغبياء عشان نشكـ بـ ابوكـ .. بس هذا ما يعني ان الرئيس يعرف ابوكـ اكيد.. مو شرط تكون علاقتهم كويسة ممكن ابوكـ بعد يكون عدو له.. لكن همهم الحين ينهون ابراهيم بن مساعد..
غازي : الحين عطنا الحكي اللي يجمد على الشارب..
وليد ينزل سيجارتة حتى يطفيها بالطاولة جنبة و من غير لا يناظر بـ أحد فيهم : الصقر عنده بنت وحده.. و من كثر ما هو ما يثق بأي احد .. يأخذها معاه حتى لـ شغلة بالعمليات اللي يسويها.. يعني اكيد بـ تكون معاه بـ عملية التهريب.. بتكون بـ سيارة بعيدة عن المكان لكن بـ نفس المنطقة.. من وسوسته بعد ما انقتلن بناتة وقت ما كان عنده عملية صار يأخذها معاه ما يخليها حتى لو حط عنده 100 حارس.. عشان اول ما يخلص يروح يطمن عليها..!!
كلهم يناظرونة مصدومين..!! الصقر يأخذ بنتة لـ عمليات ارهابية..!!
نايف : بـصراحة سؤال محيرني..!! بنتة كم عمرها..؟!
وليد ناظرة : يقول 12 سنة..
نايف : يعني كم سنة قدام ممكن تطلع مثل ابوها..!!
وليد : لا طبعاً.. اذا داهمتوا المكان بـ عملية التهريب..!! انتبهوا لـ ذا النقطة.. اقصد بنتة.. (اخذ نفس استعداد لـ تفجير قنبلتة) لا يصير لها شيء..
غازي : بنتة بزر و حتى لو كبيرة مستحيل نحاسبها على خطأ ابوها.. اكيد راح تكون معنا بأمان..
وليد : اذا اخذتوها وين بـ تحطونها..؟!
غازي : يمكن نحطها بـ دار رعاية ايتام.. نشوف وقتها ويش يصير..
وليد وقف : لا.. بـ تجيبونها هنا..
عساف : ويش اللي نجيبها هنا ..!! انت صاحي..؟!
وليد : انا .. تزوجتها..!!
لحظة .. لحظة.. يستوعبون ..!! وليد بن ابراهيم متزوج بنت الصقر..!! ما احد فيهم نطق ..!! و كأن عقولهم وقفت عن الإستيعاب..! لين صرخ مشعل : ويـــش قــــلت..؟!!
وليد : اللي سمعتوة..!!
ابو سعود وقف : انت صاحي..؟! بـ تجيب بنت واحد مجرم عندي في البيت..؟!
وليد : زوجتي يبه..!!
غازي : لا و الله ..!! شكلكـ نسيت انت ليش مضحي بـ كل شيء ..!! رايح عشان تتزوج بنت الصقر..؟!
ابو سعود : تطلقها يا وليد.. تفهم.. تطلقها.. ما تعتب باب بيتي..!! ابوها واحد من اللي افجعوا بنتي و عذبوها.. و حرموها بنتها لولا ستر الله كان من زمان فقدت عقلها..!!
وليد : يبه .. هدي شوي خليني اقولكـ اللي عندي..!!
ما كان غازي اقل نرفزة من ابراهيم بسبب هالموضوع!! صدمة لهم : ويش تبي تقول يا وليد..؟! شلون اصلاً فكرت تتزوجها..!!؟ وليد!! انا خايف انكـ ناسي ليش انت معاهم..؟! ليش انت تركت اهلكـ ليش انت تضحي بـ حياتكـ ..؟!
وليد : و عشان انا عارف ليش دخلت معهم اضطريت اتزوجها.. الصقر يعتبرني ولده..!!
ابو سعود بـ حدة : ما انت ولده..!! تفهم ما انت ولده..
وليد : يبه انا دخلت هناكـ بإسم ايمن المنذر .. بـ معلومات غير عن وليد بن ابراهيم.. و عشان الصقر واثق فيني.. و مفجوع في بناتة قال يأمن على الباقية فيهن بـ زواجها مني..!! يبه الصقر ما يخليني اشاركـ بأي عملية من خوفة علي..!! انا ادري ان الموضوع مو سهل..!! لا تحسبون انه شيء هين اشوفهم يكيدون لأبوي و لكم كلكم.. و يوجعون اختي بـ بينتها و اروح اتزوج بنتة بـ رضاي..!! انا مجبور..!! و الله انحديت..!! حاولت اقنعة ان بنتة بزر و انا ماني راعي زواج.. لكنه ما اقتنع يقول لا كبرت بـ تعقل انت..!!
سعود : بس انت بـ تجيبها بيتنا..!! استوعب يا وليد..!!
وليد بـ قهر : وين تبوني احطها..؟!
ما احد فيهم رد..!! بس اكيد الكل مو متقبل وجود بنت واحد مجرم بينهم..!! و لو مجرم ما اذاهم الموضوع اهون بـ كثير من تكون اذيتة واصلتهم..!! شلون يتقبلونها..؟!
وليد : أي مكان بـ احطها فيه بـ اضطر ابقى معاها.. انا عطيت الصقر كلمة..!! وما راح اتراجع عنها.. اوكِ ابوها مجرم.. بس هي مالها ذنب (يقنع نفسة..؟! و الا يقنعهم..؟! وده يضحكـ على كلامة ..!! ماهو طايق يشوفها..!! لكنها بـ تبقى معاه على الأقل لين يخلص كل شيء و بعدها ممكن فعلاً يحطها بـ دار ايتام اذا ابوها مات صدق..)..
ابراهيم رجع جلس جنب غازي : بـ يلهدني ذا الولد.. قايلكـ ماهو طبيعي..!! يطلع متزوج..!!
غازي : بـ يجنني..!! اذا صار فيني شيء فـ هو من ولدكـ ..!!
عساف : طيب انا فيه شيء محيرني..!! انت تزوجت بنت الصقر على انكـ ايمن المنذر.. و بما ان ابوها ينقلها معاه وين ما راح يمكن تكون شافتكـ و عرفتكـ و انت بـ تجيبها هنا .. وليد بن ابراهيم..!! شلون بـ يصير كذا..؟!
وليد يناظر جوالة و رسالة من مجهول "اليوم بداية النهاية" عرف انه عمر و انه يقصد عملية التهريب و متأمل القبض عليهم و بداية النهاية يقصد فيها نهاية العصابة : ماني غبي هالكثر.. بـ جيبها هنا و بـ حطها بالملحق وما راح اخليها تشوف احد من اهلي خير شر.. و بعدين يصير خير..
غازي وقف : انا بـ اروح المكتب .. اذا عندكـ شيء مهم كلمني بأي وقت..
وليد ناظرة : العملية اليوم..
غازي رفع حواجبة : اول ما كنت تعرف أي يوم .. ايش عرفكـ انها اليوم..؟!
وليد ابتسم : عاد عرفت.. اهم شيء لا تفوتونهم.. و على فكرة.. شغلة بـ انبهكم عليها.. لا تحطونهم بـ مركز واحد.. خلوا كل واحد بـ مركز.. عشان الرئيس لو يحب السماء ما يقدر يطلعهم..
غازي ابتسم : بمشي لكـ معرفتكـ بـ وقت العملية الحين بس تأكد بـ اجي و احقق معاكـ يا وليد ما راح اخليكـ .. و لا عاد تلقي اوامر.. فاهم...
وليد : ما القيت بس حبيت افيدكم كم مره وهم ينحاشون مننا .. وهم زياد و صلاح و طقتهم.. كيف ومعاهم الرأس الصقر ..؟!
عماد وقف : لا تشيل هم بس نمسكهم و نأخذ الأدلة بـ نرسلها للمحكمة لإصدار الحكم..
عساف : ما راح يفلتون منها ذا المره..
وليد : عساكـم ع القوة..
..
مقر العصابة.. جناح الرئيس..!!
الرئيس ما قدر يمسكـ نفسة من الضحك : هههههههههههههه ويش ذا المخ اللي عندكـ ..؟!
عمر ابتسم : بركاتكـ ..
الرئيس : من جدكـ حامل..؟!
عمر : ايه..
الرئيس : اتخيل شكل غازي وهو يشوف بنتة حامل..!! و الله و كسرتة يا عمر..
عمر : تدريبكـ .. الحين صراحة البنت صارت ثقل علي.. تدري هالفترة كلها عمليات.. و انا من ادخل الجناح هي تزعجني و بما انها حامل بـ زيادة السالفة..
الرئيس يحركـ اصباعة بإتجاة عمر : يسمونها هرمونات الحمل يا خبل..
عمر : اللي هي.. انت تعرف ان دورتي الوهمية على نهاية ذا الشهر مخلصة يعني لازم ارجع للشغل.. و تعرف ان الصقر و البقية يكرهوني و انا تبي الصدق.. ابي هالولد.. ما فحالي اربيه الحين خله لين يكبر و اخذه منها و اشكله على مزاجي..
الرئيس : ما فهمت ويش تقصد..؟!
عمر : اقصد الصقر ممكن ينتقم مني بـ هالولد.. انا ودي ارجع لينا عند ابوها منها هناكـ أأمن لـ ولدي.. و منها نضغط على جرح غازي..
الرئيس : انت من يوم ما تزوجت هالبنت ما احنا مستفيدين منها.. بس عشان خاطر ولدكـ .. انتبة من الصقر تراه نبيه.. و لا تتوقع ان بيت غازي امان لـ ولدكـ لو اشتهى الصقر دخل بيت غازي و ذبح ولدكـ و طلع..
عمر : اجل..؟! هنا ماهو امان بعد.. خصوصاً مع رجعتي للشغل..
الرئيس : لا تخبر احد انه بـ يجيكـ ولد.. خلهم على عماهم.. و رجعها لأبوها.. و ما اتوقع يوصل الصقر و الشباب خبر لأن غازي اكيد بـ يحاول يلم الفضيحة..
عمر مصدوم من موافقة الرئيس..!! بدا قلبة ينغزة من هالموافقة..!! ما توقع ان خروج لينا من هالمكان بـ ذا السهولة.. اللي كان متوقعة اقل شيء كم اصابة.. اما انه يطلع فيها من غير أي اصابات و برضا الرئيس..!! اكيد فيه ان بالموضوع.!! : طيب بـ اشوف.. لاني مشتهي اريح من صداع الراس اللي مسببتة لي..
الرئيس : ردها اليوم وقت ما يكونون هم بالعملية لأنكـ ما راح تشاركـ فيها..
عمر بإستغراب : ليـــش..؟!
الرئيس : ما ابي احد يشوفكـ و يشكـ فيكـ .. انت اخر الشهر بـ ترجع لـ وظيفتكـ و اذا اضطرينا نقدمها بـ ترجع لو بكره.. ما ابي كل رجالي اللي اثق فيهم بـ عملية وحده..
عمر : اللي تشوفة..
الرئيس بـ تأكيد : بس اكيد بـ نستغل روحتها لأبوها..!!
عمر : شلون..؟!
الرئيس : بـ تكون هي جاسوسنا الجديد.. دام خسرنا وعد.. ما راح نخسر لينا..
عمر حاول يبين الموضوع عادي : كيف بـ نستغلها البنت عنيدة بـ شكل ما تخيلة..
الرئيس : بـ تضغط عليها بـ ولدها .. بـ تهددها انكـ بتأخذة منها بس تولد و بتحرمها منه اذا ما نفذت اللي نبيه.. (بعدم اهتمام) و اللي نبيه بسيط.. مجرد اداة تنصت تحطها بـ ملابس ابوها..!! بسيطة مره..
عمر هـــدوء ما يبي ينفعل .. : اوكِ بـ اتفاهم معاها على ذا الموضوع بعدين بـ اجيب لها طاري تروح عند ابوها لأني ما اضمنها لو ساومتها على الروحة قبل..
الرئيس : حلوو خلكـ دايم كذا ذهنكـ حاضر.. شلون بـ ترجعها لأبوها..؟!
عمر استغرب من السؤال : بـ وديها لـ بيتة بـ اخليها تدخل و امشي..
الرئيس رفع حواجبة دليل على الرفض : لا .. بـ تروح بيت عمكـ ابراهيم.. و تقابل غازي هناكـ و تسلمة بنتة.. ابي حتى عمكـ يولع من الموضوع..!! فاهمني..
عمر : من جدكـ ..؟! انت ما تعرف عمي ابراهيم..؟!
الرئيس : الا اعرفة .. و عشاني اعرفة ابي اقهرة بـ كل شيء .. حتى لو موضوع تافهة.. بس هذا الشيء مو تافهة.. علاقة غازي بـ ابراهيم قوية.. و الإثنين ينقهرون مع بعض..!! يعني مشهد ينشرى بالألماس.. عدا ان ابي غازي يلهى بـ وجود بنتة عن العملية.. فهمتها يا ذكي..
عمر : اجل يبي لي اخذ سلاحي معاي.. مع وجود عساف و سعود ممكن الرصاصة يحطونها بين عيوني..
الرئيس : اذا حسيت انه الشيء بـ يصير اطلع قبل.. لسى محتاجكـ بـاقي ما خلصت حسابي مع ابراهيم.. ان ما خليتة يلف الشوارع يدور لقمة عيالة..!! راح اخذ حقي منه ثالث مثلث..
عمر : و انا ابي حق ابوي.. عمي ما قصر.. استغل هدوء ابوي و تفاهمة و طيبتة و لهف كل فلوسة.. ما خلى و لا بقى على قلبة..!!
الرئيس : انا وعدتكـ يا عمر بـ ارجع حقي منه و حق ابوكـ بس اصبر علي.. بـ تشوف عمكـ هذا اللي رافع خشمة راسة بالتراب.. و بتدوس عليه بـ رجلكـ ..
عمر وقف : قريب.. ان شاء الله قريب..


بيت ابراهيم..
ابو سعود : وين مشعل..؟!
ام احمد : طلع مع عمه راكان..
ابو سعود : طبعاً ما استأذن مني عشان ما ارفض..؟!! هايت لي مع راكان يبي لهم الإثنين مين يقضبهم القاع..
وليد : ليش ويش مسوين..؟!
خالد : ابد على ذا الإستراحات..
وليد : اها... الا من يوم جيت ما شفت سهاوي وينها..؟!
لا رد..!! السالفة اللي يتناسونها من ثلاث شهور ..!! لأن مجرد التفكير فيها قهر..!!
ام احمد تناظر ياسر : وين زوجتكـ يا ابوي..؟!
ياسر : نايمة..
ام احمد : يا عيني عليها يمديها تعبانة اليوم عندها اختبار و بكره عندها اختبار..
ياسر هو نفسة اللي حط لها منوم عشان ما تذاكر و يقنعها ما تروح الإختبار : الله يعين..!!
وليد : ليش حولتي الموضوع يمه..؟! سها وينها..؟!
رند نقزت جنب وليد و مسكت شعرة : سعركـِ تويل..!! زي البنات.. اعطيني هو انا بنت و انتِ ولد..
وليد يناظرها ناقزة عنده و هي حتى ما فكرت تسلم عليه.!.! و حاسدتة على شعرة..!! : نعم..!!
رند تناظر جدها تبيه يوقف معاها : ابوي دوله يعطيني السعر هذا حق البنات.. مو الأولاد..!!
ام احمد : صادقة بنيتي و الله هالبزر تعرف ان الشعر للبنات.. و هذا مطول لي شعرة على ويش هاه..؟!
وليد ما فاتة تحويل الموضوع لكنه يجاريهم : الحمدلله ربي منعم علي بـ شعر ناعم و الكل يتمناه ليش ما اطولة و افرح فيه..؟!
ام احمد : ان ما حشيتة لك على الصفر و انت نايم ما اكون ساره..
وليد : ههههههههههه لا عاد سوسو خصوصاً هالفترة تراه غالي علي.. لا تتهورين..
ام احمد : و نازل لي بـ هاللبس و انا ناهيتكـ عنه.. ويش قصتكـ تبي تعصيني..؟!
وليد : ما عشت و لا كنت.. مير ما جبت لي ملابس و هاللبس مريحني..
ام سعود : ويش مريحكـ فيه يا ولدي و الله يجيب الغلقة..
نزل سعود بسرعة تنحنح .. انتبهوا له اول من وقف شوق..!! لما شافت لبسة..!! بالليل.. يعني يمكن.. يكون عنده شغل خطر..!!
ام سعود ناظرتة و قلبها بـ يوقف ما قدرت توقف : انت.. وين رايح.!.!
تقدم لها سعود و جلس جنبها باس راسها : دعواتكـ ..!!
ام سعود : عندكـ عملية..!! يا ويل قلبي..!!
مسك كفها و باسها : لا تدعين على عمركـ بالنار.. يمه انا قد قايل لكـ الويل وادي في جهنم.. تكفين لا تقولينها.. و انا ان شاء الله مو مطول..
ام سعود : رايح للموت..؟!
سعود : عشان الوطن الأرواح ترخص..
بكت شوق..!! طلعت من الجلسة..!! مو متخيلة الوضع.. ابوها ما قد قالهم ان عنده عملية يروح و يجي بـ حفظ الله .. ناظرها سعود وهي تطلع من جلستهم..!! تنهد..!! اصعب مهمة هي هاذي اصعب حتى من المداهمة..!! انه يقلق امه و ابوه اخوانة و خواتة و زوجتة.. بس مضطر..!!
ام سعود : تكفى لا تطول علي.. غير تطمني من يوم تصير بأمان..
سعود : تكفين لا تنتظريني.. الله يخليكـ لي نامي و ارتاحي الشغلة بسيطة ماهي صعبة.. انتِ بس ادعي لي..
ام سعود : الله يوفقكـ و يحميكـ ..
وقف سعود و اتجه لأبوه اللي وقف له .. باس راسة : دعواتكـ ..
ابو سعود : الله يحميكم.. انتبة ..
سعود : ان شاء الله..
جود : يالله ويش هاللحظات..!! سعود رجاءاً غير هالشغلة كذا بـ نصيح..!!
شد سعود اذنها لين وقفت : كلنا للوطن فدا..
جود باست راسة : ترى من جد بـ ننتظركـ مو تسحب علينا.. ما احنا متعشين لين تجي..
سعود : انتِ بالذات تعشي و ارجعي لكتابكـ و اقضبية تراكـ مهملة.. فاهمة.. عليكـ رياضيات يوم السبت..
جود : اقولكـ خلاص نام هناكـ لا تجي..
سلموا عليه اخوانة احمد خالد ياسر حاتم و وليد.. بعدها خواتة باست وعد راسة : عمليتكـ لـ صلاح و جماعتة..!!
ناظرها شوي بعدها نطق بـ هدوء : لا.. انتبهي لـ بنتكـ صيـــاحة..
بقي اخر ثنتين اللي بكن اصلاً قبل لا يسلم عليهن.. دانه و ميار.. حضن الثنتين مع بعض : افااا الصياح ذا و انا لسى ما طلعت مع الباب..!!
ميار : الله يخليكـ طمنا عليكـ كل نص ساعة..!!
سعود : اووف كل نص ساعة..!! عز الله ما خلصنا.. روحي اقضبي كتابكـ و خلصي مادتكـ .. عليكـ هالترم مواد كثيرة عشانكـ ما درستي الترم اللي فات .. ضايفة مواد اكبر منكـ ..
ميار : ما عليكـ انا قدها..
سعود : امتياز.. اقل ما يعتبر..
ميار : طيب..
سعود : دندونة خلاص .. و الله تحسسوني اني ما عاد بـ راجع لكم.. استهدوا بالله.. ترى ما عاد اسلم عليكم.. اروح لـ شغلي و ارجع من غير لا تدرون.. كل مره بـ تصيحون كذا..؟!
دانه ابتعدت عنه بـ فشل انها تسكت.. سعود ناظرهم ناقص ندى و نهى و مشعل و اكيد سها..!! موجعة قلبة يروح و يمكن ما يرجع.. آشر لـ حاتم و ابتعد عنهم.. لحقة حاتم مستغرب.. : ايش فيكـ ..
سعود : شوف انا بـ اروح وما ادري ان كان هذا نهاية عمري.. ابي اطلب منكـ طلب..
حاتم : افا عليكـ تأمرني مو تطلب..
سعود : اذا روحي راحت .. ابيكـ تقول لـ سها اني مسامحها.. حتى لو ماني راضي عن اللي سوتة بس اختي و اعرفها قلبها رهيف لو يصير لي شيء بـ تجلس كل عمرها بـ حسرة اني رحت و انا زعلان.. عشان كذا قولها اني راضي عنها.. و لو ربي كتب لي عمر جديد راح اصلح اللي صار ان شاء الله..
باس راسة حاتم..!! سعود الأخ الكبير احيان يحسة اب ثاني للعيلة.. تقاربة من ابوه فضيع.. حتى يفهم على ابوه من غير لا يحكي.. نفس شخصية ابوه بـ كل شيء.. و مستحيل يرفض لأبوة أي شيء بالعكس ينفذ وهو راضي لأنه مقتنع ان ابوه يسوي الشيء الصح.. : الله يحميكـ و يردكـ لنا سالم.. بس لا تنسى زوجتكـ ..
ابتسم سعود : ماني ناسيها الحين بـ اطلع لها..!!
رجع حاتم للجلسة و طلع سعود فوق.. تفاجأ اول ما فتح الباب بـ شهقات شوق..!! تبكي من قلب و كأن صاير له شيء..!! اخذ نفس .. تقدم منها : الله يهديكـ ..
زاد صياحها من سماع صوتة ما رفعت عينها له بالعكس غطت وجهها و بكت زود.. ماهي متخيلة ان ممكن يصير له شيء و ما عاد تشوفة مره ثانية.. جلس جنبها : شوووقي بسم الله عليكـ ويش ذا اللي تسوينة..!!
شوق من غير لا تشيل يدينها عن وجهها : لا تروح.. ما ابيكـ تروح..!!
سحب يدينها و كشف عن وجهها .. ابتسم : ما توقعت اني غالي هالكثر.. من جدكـ هالدموع كلها عشاني بـ اروح بس..
شوق تحركـ رجولها و كأنها بـ تنقز استنكار من كلامة : و الله غالي و الله غالي لا تروح..
سعود اختفت ابتسامتة مسك يدينها بين يديه : بسم الله عليكـ اهدي.. لا تخليني اروح و قلبي يغلي عشانكـ .. تكفين هذا الوطن لو يطلبنا ما نتردد لحظة وحده.. لا توجعيني شوق..
شوق : آســـفة.. بس و الله مو قادرة اتحمل..
سعود : اعتبريني رايح الشغل عادي مثل كل مره.. انسي الموضوع و ذاكري و ان شاء الله ما تحسين الا و انا داخل عليكـ .. بس انتِ الهي نفسكـ بـأي شيء..
شوق ما ردت ..!! سعود : شوق كلميني..!!
شوق هزت راسها .. سعود شدها من معصمها : يالله قومي معاي غسلي وجهكـ ..
قامت مستسلمة..!! دخلت الحمام وهو وقف على الباب يناظرها غسلت وجهها ثلاث مرات رفعت نظرها له دموعها تخالط قطرات المويا على وجهها ما تبيه يعرف انها لسى تبكي : لا تطول..
سعود : من عيوني.. بس انتِ ذاكري و ابي ارجع الاقيكـ مخلصة المادة.. اوكِ..؟!!
هزت راسها.. طلع حتى تنهار جالسة اول مره تعيش هالوضع..!! سمعها ..!! وده يرجع بس ما عنده وقت.. نزل يجري على الدرج .. اتجه للجلسة ناظر خواتة : شوفوا شوق.. اذا جلست على ذا الوضع اعطوها منوم..!!
كلهن ما ردن استغربن..!! منوم..!! ام سعود وقفت : ليش..؟!
سعود : شوفيها يمه.. اذا ما قدرتوا عليها نوموها..!!
ابتسم ياسر لا شعورياً الحل الأول و الأمثل.. التنويم..!! هو منوم زوجتة ما يبيها تذاكر عشان ما تداوم بكره.. و الحين سعود بـ ينوم زوجتة..!! صدق شر البلية ما يضحكـ ..!!
ام سعود وقفت جنبة : خلاص يا ابوي انت روح و انا بـ اشوفها..
سعود باس راسها : فمان الله..
: مع السلامة..
ام سعود : الله يحفظكـ و يردكـ لي سالم..
ابو سعود : خالد دق لي على مشعل قولة يرجع الحين..
خالد يسحب جوالة من جيبة : ان شاء الله..
ابو سعود : هاه جودي.. وين كتابكـ ..؟!
جود تحكـ شعرها : بـ غرفتي..
ابو سعود : يالله ما ابي اشوفكـ بدون كتابكـ ..
جود : بابا ليش هالتعقيد.. شوف اول كانت عندي ريما.. و قالت انها ما فتحت المادة حتى ابوها ما هاوشها بس يعنني يقولها ذاكري وما يدري.. انت سو مثله قولي ذاكري وما عليكـ بالباقي..
ابو سعود : ريما بنت مين..؟!
جود : بنت غازي يبه ويش فيكـ .. ربيعكـ عاد غازي..
ابو سعود ابتسم : اجل بـ اهاوش غازي اخليه يقضبها كتابها.. قمي ذاكري اشوف..
ميار وقفت : انا بـ اروح اشوف شوق و اذاكر..
جود : خذيني معاكـ شكلي مطرودة من الجلسة بعدين ينادوني يقولون لي تعالي اجلسي افتحي أنفسنا ..!!
ام احمد : ذاكري ازين كود تدخلين الجامعة و الا بـ تقعدين عندي لا زواج و لا دراسة..!!
وقفت جود عند ذا النقطة اللي ما خلصت منها رغم ان ابوها رد على خالها بالرفض عشان ما تفشلة..!! : ماماتي خلصنا من ذا الموضوع..
ام احمد : لا ما خلصنا.. انتِ متى بـ تكبرين..؟!
جود : ماما انا عندي اختبارات يعني لازم نفسيتي تكون كويسة و حلوة و انتِ كذا تضغطين علي..
ابو سعود : خليها تقعد عندنا توها بزر ما تحمل مسؤولية بيت.. يبي لها دق راس للحين..
جود : احم احم.. عن اذنكم..
وليد يناظر الدرج بعد ما طلعت جود لف على امه : ليش ويش مسوية تهاوشونها..؟!
ياسر : خالي خطبها لـ مهاب و رفضتة..
وليد : اهــا.. و ليش زعلانين غيرها ردوا ناس يجي لهم قبيلة ما زعلتوا..؟! < من باب المبالغة..
ام احمد : لانها ما تعرف مصلحة نفسها بزر و تاركين امرها بـ يدها..
وليد : طيب .. متى بـ تتكرمون علي و تجاوبون ليش ما شفت سها للحين..؟!
وعد نزلت بنتها على الكنب و اتجهت لجهة ابوها و جلست جنبة.. ناظرت وليد : زين انكـ فتحت الموضوع.. عشان ما يبقى معلق..
ابو سعود : انتِ خليكـ بـ بنتكـ و لا تدخلين بـ شيء..
حاتم : يبه.. انا قايلها.. ابي احد يعاوني.. مو حرام اللي قاعد يصير..؟! ما تشوف انها تعاقبت فوق غلطها..؟!
ياسر : لا ما تعاقبت للحين..
حاتم : ياسر لا تقسي قلبكـ عليها.. مهما كان هاذي اختكـ .. الحين الكل صاد عنها لو تعتاز شيء بسيط و الله ما راح تفتح فمها بـ كلمة.. تخيل لو هي تعبانة..؟! ترضاها تألم طول الليل و انت ما تدري عنها..!؟ انا ما ادري طبعكم غير..؟! قلوبكم ما اصنفها لا قاسية و لا طيبة ويش طبيعتكم ما ادري..؟!!
وليد : ليش..؟! ويش مسوية سها..؟!
ام حاتم حاطة يدها على قلبها.. لا يكمل وليد اللي بدوه خالد و ياسر من ثلاث شهور و وتروح بنتها فيها..!! بنتها اللي منحبسة بـ غرفتها من ثلاث شهور..!! ما تدري عن أي شيء يصير بالبيت.. مجرد الشغالة تدخل لها اكلها و تطلعة.. حتى هي ما تطمنت عليها.. مجروحة منها ايه.. بس ما ترضى احد يضرها..
خالد : من ثلاث شهور.. جانا واحد يخطبها..
وليد استنكر الموضوع..!! : طيب وين الإشكالية..؟!
خالد : مصري.. و بوسط مجلسنا يقول انه يحبها و تحبة..!!
وليد ابتسم : وشو..!! هههههههههههههههه..
ياسر : ما احنا جالسين نتريق.. يحمد ربه اللي ما كنت بالجلسة و الا كنت خليت ابوه يشيلة محمل.. ما عاد الا هي..
وليد : طيب و انتم زعلتوا عشان كذا..؟!
حاتم ابتسم دام وليد ماخذ الموضوع ببساطة ممكن يوقف معاه.. و ينهون هالموضوع بالشكل الصحيح..
احمد : اللي زعلنا مو هذا.. اللي زعلنا بنتنا اللي نوديها كل يوم الجامعة تطلع عشان تشوفة..!!
وليد تفاجأ ..!! : تطلع معاه..؟!
وعد بـسرعة : لا.. لا تفهم غلط..!! مو كذا..
وليد احتد نظرتة وهو يحركـ راسة اتجاهها : اجل وشو..؟!
وعد : هو .. ولد دكتورتها.. و هالدكتورة.. يعني دايم.. تكلمها عن ولدها .. حتى هو مو ولدها ولد اخوها بس هي مربيتة.. و سها مره طلعت مع الدكتورة و شافتة.. بس و يعني.. قلبها شفق عليه..
ياسر يستهزء فيها : بس يالله..!! (تحول صوتة للحدة) انتِ يا مدمغة.. من كل عقلكـ بيجي عندنا و يقول انه يحبها و تحبة من غير لا تكلمة و لا يكلمها..؟! حتى هي ما استحت منّا جالسة بيننا و تصرخ فينا تحبة..؟! كل ذا عشان مره طلعت مع دكتورتها و شافتة..؟! ليش ماهو حرام مو المفروض تقصر نظرها عن الرجاجيل..
خالد : هي خانت ثقتنا فيها .. مودينها الجامعة عشان تدرس.. مو تعرف على الرجال..
حاتم انقهر : انتم ويش فيكم.. انا نشدت عن الرجال الكل يمدحة ماشاء الله ما يقصرة شيء.. الكل يشيد بأخلاقة..!!
ابو سعود تقدم بـ جلستة سند ذراعة على افخاذة : مين طلب منكـ تروح تنشد عنه..؟!
حاتم : ما احد انا من نفسي رحت.. يبه اللي تسوية فيها غلط.. غلط.. هذا مو اسلوب لـ حل الموضوع..
ابو سعود : تبي تعصيني يا حاتم..؟!
حاتم : لا .. بس ما يرضيني اشوف الغلط و اسكت.. اخواني كلهم مأيدينكـ على صدكـ عنها.. و كلكم صادين عنها.. يبه بس لو فكرت شوي بـ تعرف ان الموضوع ما يسوى.. اول سعود ناداني عشان ما يدري هو يرجع و الا لا.. يبيني اكلمها لو صار له شيء.. يبه تخيل الوضع و صعوبتة عليها و عليه.. هو رايح للموت ما يدري يرجع و الا لا.. و بـ خاطرة شيء عليها.. لو صار لـ سعود شيء سها ويش بـ يصير فيها..!؟ كيف.. كيف.. لو..
ابو سعود : لو انا صار لي شيء و انا زعلان منها..!!
حاتم : بعيد الشر عنكـ .. يبه تكفى الموضوع ماهو مستاهل.. غلطت ايه.. بس ماهو ذا الإسلوب اللي نسوي فيه الغلط.. يبه كلمها.. بس ابعد عنكـ الناس و الدنيا .. فكر بـ بنتكـ وبس.. سها صغيرة و تعلق بـسرعة شيء طبيعي تعلق فيه.. بس اللي مو طبيعي اللي تسوونة انتم..!!
ما علق ابو سعود..!! فعلاً لو صار له شيء.. و بنتة كذا معلقة..!! ما هو متطمن عليها حتى بين اخوانها.. "كلكم راعٍ وكلكم مسؤول عن رعيتة" ما يبي يضيع رعيتة.. هي غلطت و هو حرمها دراستها و حياتها بعد..!! ثلاث شهور هي محبوسة بـ غرفتها ما طل عليها مره.. مو شيء غريب يكون دكتورتها هي اللي ضاحكة عليها.. وقف .. وقف حاتم معاه.. ابو سعود ناظرة : اجلس هنا.. ما ابي احد يلحقني.. (ناظر ام حاتم) تعالي..
طلعوا الإثنين ام حاتم مع ابو سعود.. يحلون مشكلة تعلقت.. و يحاولون يجبرون الكسر من بنتهم..
وعد : ياااااارب ينحل ذا الموضوع ..
حاتم ناظر اخوانة : تكفون ما عندكم كلمة عدلة لا تقولونها عند ابوي.. مهما كان هاذي اختكم..
ما احد فيهم علق.. كلام حاتم عن سعود و خوفة ما يرجع و تظل سها زعلانة هز قلوبهم..!!
وليد يناظر بنت وعد تبكي : سكتي بنتكـ صدعت براسي..
وعد وقفت : و الله يا زينها و يا زين صوتها..
خالد : و الله صياحة الله يصلحها لكـ و يهديها..
بـ غرفة سها..
دخل ابو سعود.. و وقفت ام حاتم وراه.. عيونهم على السرير.. الإضاءة مقفلة.. ما تبي تشغلها و هي حاسة نفسها تعيش في ظلام..!! بعيد عن الكل..
تقدمت ام حاتم حتى تجلس على السرير حطت يدها على سها : سها..!!
قمزت سها مفزوعة لأول مره من ثلاث شهور احد فيهم يطل عليها.. و هالصوت صوت امها.. جلست شافت امها و ما كانت لـ وحدها ابوها واقف.. ناظرت الإثنين وسط الظلام مجرد ضوء خفيف يقتحم الغرفة من الباب المفتوح .. نزلت عيونها اللي امتلت دموع.. ابو سعود شغل الإضاءة..
همست بـ ضعف : و الله.. ما كلمتة.. ما خنتكم.. ما خنتكم.. و الله..
حضنتها نوال و تربت على ظهرها : لا تبكين.. اهدي..
سها تعلقت فيها : ماما .. و الله .. مو بيدي.. قلبي يعورني.. مو قادرة.. اتحمل..
جلس ابو سعود جنب سها .. سحبها من حضن نوال.. ما ناظرتة ما قدرت..!! شهقاتها كفيلة توصل له قد ايش هي موجوعة و خايفة.. : علميني سها ويش اللي غلطتي فيه لا تخبين علي..
سها : و الله ما كلمتة.. امه حاولت .. بس انا رفضت.. بس و الله غلطت.. لما اطلع اشوفة.. بس ما قدرت.. حاولت امنع نفسي.. ما قدرت.. بابا .. و الله ما خنتكم.. ما طلعت معاه.. ما كلمتة.. بابا .. بس ما قدرت.. ما قدرت ما احبه.. ما قدرت.. قلبي مو بيدي.. انت .. انت قلت تعرف.. الحب.. ما راح تحرمنا من انّا نحب..!!
تنهد ابو سعود وهو يشوفها تحكي و تناظر السرير ما تناظرة : ادري ويش قلت .. بس يا بابا مو ذا الحب.. انتِ لسى صغيرة و ينقدر عليكـ ..
سها : و الله ما طلعت معاه ليش مو مصدقني..!!
ابو سعود : مصدقكـ .. و الله مصدقكـ .. بس يا بنتي اوجعتي قلبكـ بـ طلعتكـ .. انتِ تعرفين اني مستحيل ازوجكـ اياه.. احنا غير و هم غير.. و هذا اصلاً مو حب.. بكره بـ يجيكـ واحد ينسيكـ اياه..
زاد صياحها.. يا اهلها.. يا طارق..!! او بالأصح يا اهلها و تمشي حياتها معاهم انها نست حبها.. يا اهلها و تتعذب منهم فقدان ثقة و دراسة مع حبها اللي الكل بـ يدري فيه..!! اما انها تتزوج طارق هذا من سابع المستحيلات.. شيء بديهي من قبل لا يميل قلبها.. بس ماهو بيدها حبتة.. ما احد بالدنيا يقدر يتحكم بـ قلبة مين يحب و مين يكره..!! ما احد يقدر..!!
ام حاتم : قومي يا امي صلي ركعتين و ادعي الله يشرح صدركـ و ييسر لكـ امركـ .. رددي دايم اللهم اجعل لي من كل هم فرجا و من كل ضيق مخرجا..
هزت راسها : اخواني..!!
ابو سعود باس راسها تظل ضعيفة..! كلمة توديها و كلمة تجيبها.. يكفيها هالثلاث شهور عانت لحالها.. ما راح يخليها.. لو تركها بـ تهوجس بـ طارق ما راح تنساة بـ تحبس نفسها بـ قوقعة ما تطلع منها للحياة : ما عليكـ منهم.. لكـ علي ما احد فيهم يحكي معكـ ربع كلمة.. بس ارفعي وجهكـ بابا خليني اشوفكـ ..
ما كان جوابها الا تعلقت بـ رقبتة و تشهق تترجاه : بابا لا تتركني.. الله يخليكـ .. انت توجعت قبل صح.. ما تزوجت خالة منيره و انت تحبها.. بابا لا تخليني اتوجع .. لا تخليه يوجعني.. ما راح اتحمل انا مو قوية مثلكـ .. لا تتركني..
اوجعة قلبة عليها.. شلون خلّاها ثلاث شهور لحالها تعاني.. و الله ضعيفة ماهي حمل هالشقا.. ندم انه تركها لحالها.. ما راح يخليها مره ثانية.. هي اضعف من كذا بـ كثير : خلاص بابا لا تبكين ما راح اخليكـ .. لا تبكين..
..
قدام باب بيت ابراهيم..
لينا : انت مجنون..؟!
عمر : و بعدين معاكـ ..؟! علميني ويش تبيني اسوي..؟!
لينا : تبيني ادخل عندهم و اقولهم اني منحاشة اتصلوا على ابوي..!؟ ماشاء الله يا الذكاء و انا ويش عرفني ببيت عمـكـ .؟!
عمر : ويش الحل.. علميني..!؟
لينا : عمر الله يخليكـ لا تخليني كذا.. مو انت قلت بـ ترجعني لأبوي..!!
عمر متوتر يدري ان الرئيس طلبة يروح بـ هالوقت بـ الذات عشان يلهي غازي عن العملية..!! و لينا حامل يبي لها مين يعتني فيها.. و الرئيس يبيها تتنصت على ابوها..!! ويش الحل..!! فتح الباب : يالله انزلي انا بـ اكلم عمي.. بس اسمعيني.. سالفة انكـ حامل خبيها هالفترة.. ما ادري ويش ردة فعل ابوكـ .. عشان كذا خليكـ فاهمة ان معرفة احد بـ هالحمل الحين مو بـ مصلحتنا..
مو بـ مصلحتنا..!! مصلحتة و مصلحتها..!! و مصلحة الطفل اللي صار بينهم.. قبل لا ينزل مسكتة من ذراعة لف لها يناظرها .. اما هي انبح صوتها : انت تورطت معاي.. يعني.. اذا .. ما .. ودكـ .. بـ هالطفل.. بـ انزلة.. وما راح احد يعرف.. ما راح اقول لأبوي..
عمر : و الله يا لينا لو ادري انكـ ما انتِ محافظة على اللي بـ بطنكـ ما رجعتكـ .. ما راح اخليكـ تشوفين اهلكـ لين تولدين.. انا ابي هالولد فاهمة.. ابيه..
هزت راسها من غير لا ترد عليه.. فتحت بابها و طلعت..
مشى قبلها يمكن حتى هو خايف..!! عليها على اللي بـ بطنها.. الكل اختة اهلة عمه هدف الرئيس الأول..!!
: نعم مين تبغى..!!؟
عمر ناظر الحارس : وليد.. قوله عمر برا..
: وليد مسافر..
عمر : طيب ناد لي ياسر او خالد أي احد من العيال..
الحارس : وريني بطاقتكـ ..
عمر سحب بطاقتة و مدها لـ للحارس : تفضل..
الحارس : انت ولد عمهم..؟!
عمر : ايه..
الحارس : تفضل.. حياكـ الله..
دخل عمر وهو متنرفز سعود متوصي بالحرس.. ضرب الجرس و لف على لينا : لا تخافين..
لينا : ما اعرفهم.. على طول قولهم يكلمون ابوي..
عمر : طيب لا تخافين.. اختكـ هنا..
لينا : مين..؟!
عمر : اختكـ الكبيرة مرت سعود..
لينا تمسكـ فيه : قول و الله شوق هنا..؟!
عمر يناظر الباب اللي انفتح : ايه.. خليكـ عاقلة..
طلع ياسر متفاجئ من وجود عمر : عمـــر..!!!
عمر ابتسم : ما فيه سلام..؟!
ياسر ابتسم و سلم عليه : يا هلا حيـــاكـ الله.. الحمدلله على السلامة..
عمر : الله يسلمكـ ..
ياسر فتح الباب : حياكم.. تفضلوا..
دخل عمر و بعده لينا ما كانت تبعد عنه غير 1 سم .. يمكن خايفة و تعودت على انه يكون هو أمانها..
ياسر : يا ولد درب.. درب..
اختفوا من الصالة .. وعد و ام احمد.. دخل ياسر و بعده عمر.. التقت عينة بـ وليد اللي وقف متفاجئ من وجودة..!!! مليون علامة استفهام ما لحق يلقى اجابات على اسئلة وجودة بين العصابة حتى يشوفة هنا كل اللي يعرفة انه اصلاً مو معاهم..؟! و مع عملية التهريب اللي خبرة عن موعدها بـ رسالة.. كيف مو مشاركـ فيها..؟!
عمر سلم على العيال و لينا واقفة بـعيد موقف سخـــيف انحطت فيه..!! ما يكفيها اللي فيها حتى تعيش هالوضع..!!
عمر : وين عمي ابراهيم..؟!
خالد : موجود.. استريح.. قولهم يدخلون وعد و امي بالغرفة هنا..
عمر اشر لها بـ راسة لكنها ما تحركت..!! تيبست مكانها..!! قرب منها : ايش فيكـ ..؟!
لينا : قولهم ينادون شوق.. ابيها..
عمر : ادخلي بـ تلقين وعد قولي لها تنادي لكـ شوق.. تبيني اقول للعيال نادوا مرت اخوكم..؟! انتِ وين مخكـ ..؟!
لينا : عطيتكـ اياه..!!
مشت وهو يناظرها متنرفز.. يكفية اللي فيه..
وليد ما جلس وهو يناظر عمر وده يعرف هي بنت غازي : مين..؟! هي..؟!
عمر : بنت غازي..!!
وليد مصدوم : شلون..؟!
عمر : لكل شيء ثمنة..!! كلمه قولة يجي ضروري..
وليد : تدري انت ويش عنده الحين..
عمر : لازم يتركـة و يخلي رجالة يكملون الشغل.. لازم يكون متواجد هنا..
وليد : طيب بـ اكلم سعود.. ما ادري ويش انت مسوي..!!
ياسر : ويش فيكم..؟!
عمر جلس : ناد لي عمي.. ابي اكلمة ضروري..
احمد : طيب الحين ابوي ينزل..
دقايق حتى يرجع وليد و معاه ابوه بعد ما كلم غازي و بالقوة اقنعة يجي..
ابو سعود : عمر..!!
وقف عمر و باس راس عمة بـ هدوء : كيف حالكـ يا عم..
ابو سعود : بخير يا عمي.. سلامة الأسفار..
عمر : الله يسلمكـ ..
ابو سعود : غريبة ابوكـ اليوم كان عندي ما قالي انكـ راجع..؟!
عمر : ما رحت لأبوي للحين.. جيتكـ ابيكـ بـ موضوع..
ابو سعود : اجلس يا عمي..
عمر جلس جنب وليد.. و العيال كلهم مقابلين لـ عمر و وليد.. احمد و حاتم و خالد و ياسر..
ابو سعود : خير يا عمر..
عمر اخذ نفس : خير ان شاء الله.. انا ما عندي اجابات لأسئلة.. انا جبت بنت غازي.. هي كانت عندي.. انا اللي تزوجتها..
ابو سعود بـ صدمــة : وشـــو..!!
وليد : يبه لا تفهم غلط مثلي.. حبه حبه..
ابو سعود احتد صوتة عليهم : وشو اللي ما افهم غلط..!؟ فهموني طيب..!!
عمر : عمي.. انا ما اقدر افسر لكم شيء.. بس و الله بنت غازي كانت بـامان و ما احد طالها بـ شيء.. و وليد يشهد على هالحكي..
ابو سعود : شلون صرت منهم..؟! فهمنا..!!
عمر : ما اقدر.. بس انا جبتها هنا عشان تقابل ابوها و يأخذها.. ابيكـ تكلمة .. يمكن لو كلمتة انا بـ يعصب.. معذور بس مو بيدي ارجعها من بدري..
ابو سعود : اكلمة ويش اقولة يا عمر.. بنتة صار لها شهور عارف ويش يحس فيه الرجال..؟!
وقف وليد على صوت الباب : هذا غازي..
عمر يناظر عمه حس انه فقد الأمل من انه ينال شيء من غير لا يشرح..!! ما يبي يخرب شغلة على الأخير..!!
دخل غازي : خيـــر ويش الموضوع المستعجل اهم من شغلي..؟!
ابو سعود : استريح.. عمر بـ يشرح لكـ ..
وقف عمر مهما كان غازي رئيسة بالشغل.. صحيح علاقتهم مع بعض ماهي قوية.. مثل علاقة غازي بـ عساف و سعود.. لكن غازي يعرف عمر.. و عمر يعرف غازي..
غازي جلس بعد ما سلم على عمر : ممكن سريع سريع.. عندي شغل..
عمر : ادري.. و عشان الشغل يكتمل انت لازم تكون هنا..!!
غازي : نعــم..!!
عمر : واضح اني ما لقيت لي مؤيدين و لازم اقولكم كل شيء..!!
ابو سعود : قول الحكي مثل العالم و الناس.. لا تحكي بـألغاز ما احنا حمل نفكك و نحلل و نربط..
وليد : ما يبي لها ربط و تفكيكـ يبه.. عمر كلنا نعرف وظيفتة.. وهو داخل بـ مهمة مثلي.. الفرق هو ضابط على العلن و انا سري..
غازي مستنكر : مهمة..؟! مهمة ايش..؟!
وليد : العصابة اللي انت مدخلني فيها.. عمر بعد داخل فيها.. الرجال اللي تزوج بنتكـ هو عمر..
اتسعت عيون غازي..!! عمر..!!
وليد : عمر هو اللي يحمي بنتكـ منهم..
غازي يناظر بـ عمر..!! مشاعرة مضطربة..!! لكن الأكيد فيها من الخوف و القهر و اشياء كثير ما قدر يترجمها مو فاهم اصلاً..
عمر بـ ثقة : بنتكـ كانت عندي و الله شاهد علي كنت صاينها.. ما قدرت اهربها من قبل.. مو انا اللي جبتها هناكـ بس انا اللي جبرتهم على سالفة الزواج عشان احميها منهم.. اقنعتهم ان هالشيء بـ يقهركـ و انا و الله مو قصدي قهركـ قصدي احميها منهم.. و تزوجتها كان بـ ودي اعلمكـ بس المهمة سرية.. و ما قدرت اجيبها الا اليوم.. يبون منها تتنصت عليكـ .. انا جبت اداوت التنصت.. و انتم استغلوها صح.. يعني خلوهم يسمعون حكي غير اللي انتم بـ تسوونة..
غازي : يبون بنتي تنصت علي..؟!
عمر : ايه.. تحطها بـ ملابسكـ .. اساساً كانت المهمة لـ وعد.. و فشلت بـعد ما طلعنا بنتها من هناكـ و قرر الرئيس انه يستغل بنتكـ بالمهمة..
غازي سند ظهرة على الكنب : حسبي الله و نعم الوكيل فيهم..
عمر : هو اللي اصر اني اجيبها الحين عشان يضمن انكم ما تدرون عن التهريب.. وجودكـ هنا ما راح يخليهم يشكون بـ شيء..و عندكـ رجال ماشاء الله يكفون و يوفون..
غازي : وينها..؟! بنتي..؟!
ابو سعود : داخل مع وعد.. بـ نشوف لكـ درب الحين..
غازي وقف..!! وده يذبح عمر.. و وده يشكرة..!! كل شيء بـ يتضح مع كلام لينا.. رغم انها قالت له بـ الرسالة يحميها.. بس لازم يشوفها عشان يعرف هو صدق يحميها و الا لا..!! ان كان صدق فـ وجود عمر بينهم نعمة من الله..
وليد وقف قريب من الباب : هنا مع وعد..



اسطورة ! غير متواجد حالياً   رد مع اقتباس
قديم 23-02-15, 11:32 AM   #137

اسطورة !

نجم روايتي ومشرفة سابقة وفراشة متالقة بعالم الازياء

alkap ~
 
الصورة الرمزية اسطورة !

? العضوٌ??? » 120033
?  التسِجيلٌ » May 2010
? مشَارَ?اتْي » 15,367
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » اسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond repute
¬» مشروبك   pepsi
?? ??? ~
My Mms ~
افتراضي





ابتعد وليد و دخل غازي ..جالسة متوترة الهانم شوق للحين ما نزلت..!! و عمر مو معها برا..!! يقهر يقهر يقهر..!! حتى وعد مستغربة وجودها..!! لينا على اساس مسافرة عند خوالها..؟! انتبهوا الثنتين للباب اللي انفتح على اساس شوق هي اللي داخلة.. لينا تعلقت عيونها فيه..!! بـ زية العسكري .. هيـــبة.. هيــــبة.!! افتقدتها .. امان ضاع منها.. وقفت : بابا..
فتح لها يدينة حتى تجية تجري ناسية انها حامل.. اخر شيء تفتكرة انها هي بنتة ومن زمان ما عاشت معاه مثل أي بنت طبيعية مع ابوها.. من زمان من سنتين.. وقت ما غلطت و صدقت سامي..
غازي حضنها بـقوة وده يدخلها بين ضلوعة امانها عنده.. ويش كثر حسها مفقود في حياتة.. رغم انها تغيرت اخر فترة بس لها روح موجودة حوالية.. : ليـنا..!!
لينا : بابا .. اسفة سامحني.. الله يخليكـ ..
غازي : انا اللي آسف يا امي.. الحمدلله يارب.. الحمدلله..
لينا : بابا لا تخليني.. تعبت انتظركـ تجي.. بابا صار لي فترة طويلة انتظركـ من اول يوم انا انتظركـ .. طووولت علي حيـــل..!!
غازي : مو بيدي يا روح ابوكـ .. و الله انه ما هو بيدي ما دليت لكـ درب و الا ما تنامين ليلة وحدة بعيد عن عيني..!!
ابتعدت لينا وهي تناظرة..!! يا هو وجودة امان.. طمأنينة.. حيـــاة..!! غازي مسح دموعها بيدة لو مو رجال الدموع عيب عنده كان بكى معاها : لا تبكين .. عشان خاطر غازي..
لينا : احبكـ ..
ابتسم : علميني ويش صار معاكـ .. مين اذاكـ .. قولي لي بس مين قرب منكـ ..؟!!
لينا دنقت..!! ما تنكر بـ هاللحظة خافت على عمر لو ابوها يدري انها حامل.. لازم اول شيء عمر يكسب ود ابوها بعدين يسلكـ موضوع الحمل.. : عمر حماني منهم.. حبسني عنده وما خلى احد يدخل عندي و يأذيني.. بابا هو تزوجني عشان يحميني.. هو يعرفكـ قالي..
ابتسم..!! وده يطلع و يبوس راس عمر لو يبوس راسة كل يوم صبح و مساء ما وفّاه حقة .. حضنها : جعل عيني ما تبكيكـ يا روحي..
لينا تبي تقنع ابوها بـ عمر تبي تضمن انه لقى شيء بـ خاطر ابوها : بابا .. انا اول يوم صاوبت عمر بالسلاح.. توقعت يذبحني.. مو يقرر يحميني.. انت تعرفة..؟! هو يقدّركـ حيـــل..
غازي : اعرفة .. شلون ما اعرفة.. الحمدلله.. ابتعد عنها حتى يسجد شكر لله.. هاذي نعمة تحتاج الشكر.. الحمدلله حتى يبلغ الحمد منتهاه.. بنتة ترجع له سالمة ما فيها شيء بعد اكثر من سبع شهور.. كان شايل هم شلون بـ يرجعها..؟! كيف بـ تعيش..؟! كيف هم بـ يتعايشون مع وضعها كونها متزوجة مجرم..؟! و كيف ردة فعل امال..؟! و ريما وشوق..؟!
وعد الحاضرة المصدومة..!! فيه ان بالموضوع.. مستحيل تكون مسافرة..؟! و عمر صاوبتة بالسلاح..!! و أذاء و حماية..!! كلها تدلل على شيء واحد..!! بس يحتاج جواب مباشر تبي تسمعها بالصريح..
: بابا..!!
التفت غازي لـ شوق.. اللي انصدمت لما شافت لينا..!! على اساس نازلة بعد ما قالت لها ام احمد فيه احد يبي يشوفكـ ضروري.. وقتها كل الوساوس عصفت في راسها عشان سعود.. و شوفة ابوها خلت نسبة هالوساوس تزيد رغم ان سعود ماله فترة طويلة من طلع.. : ليــنا..!!
ما كانت شوق الوحيدة اللي انصدمت بـ وجودهم.. هم انصدموا من شكلها.. مبين انها كانت تبكي..
حضنتها لينا : شوووق اشتقت لكـ يالخايسة..
شوق مصدومة..!! هي انحاشت..؟!! ابوها زوجها..!! و الحين ببيت عمها ابراهيم..؟! و ابوها هادي.. لينا تناظرها : وشو ما انتِ فرحانة بـ رجعتي..؟!
غازي سحب لينا و شوق .. ناظر لينا : ما احد يدري الا ابراهيم و عيالة و عمكـ عامر و عيالة و جدتكـ .. انا كملت على السالفة اللي قلتيها لأني ما ابي امكـ و خواتكـ يقلقون.. و قلت لهم اني زوجتكـ للي قلتِ انكـ رحتي معاه..
لينا : يا حياتي زين سويت .. ليش يقلقون سبع شهور.. يكفي انت..
شوق : انا مو فاهمة شيء..؟!
وعد ابتسمت بـ تجيها الإجابات على طبق من ذهب.. من غير لا تسأل او تتلقف..!!
غازي : انتِ ايش فيكـ ...؟! كنتِ تبكين..!؟
شوق حطت يدها على رقبتها : احم.. لا.. بس كنت انظف الغرفة و دخل الغبار بـ عيني..
لينا بـ حماس شوفة ابوها و اختها دب فيها حياة من زمان : يوووه عذر قديم.. قولي بس مين مزعلكـ اكيد سعيدان..
شوق : لا.. الحين انا ابي افهم..
غازي : تروحين معاي البيت..؟!
شوق : الحين..؟!
غازي : ايه.. ابي لينا تشوف امكـ و ريما..
شوق : لا .. انا.. ما قلت لـ سَعُود.. وهو.. مشغول.. ما اقدر اتصل عليه..
غازي : انا بـ اكلمة.. و بـ ارجعكـ الفجر..
شوق : لا .. بابا بـ انتظرة..
غازي : كنتِ تبكين عشانة..!؟
اشارة عشان تواصل بكائها من جديد ما تحملت.. اول مره تعيش هالإحساس.. و صعب صعب حيـــل التعايش معه.. كل هبة هواء و كل نسمة تبعث بـ قلبها رعب و تجدد الخوف بـ قلبها..
غازي : شـــوق..!! بابا ويش ذا..؟! من جدكـ تبكين.. انتِ كذا تفاولين عليه بالشر.. استهدي بالله..
لينا : ليش ويش مسوي لكـ ..؟! اذا مزعلكـ انا اعطيكـ دروس تخليكـ تكسبين..
غازي ابتسم مو متخيل الوضع..!! لينا متزوجة و تعطي دروس بعد..!! : ههههههههههه ماشاء الله تطورنا..؟!
لينا انحرجت : كبرنا..!!
غازي رفع حواجبة وهو مبتسم : مين يقول..؟!
لينا : انا اقول كني عجزت..!! ناقصني احفاد حوالي عشان تصدق..
غازي باس خدها و عضها : لو تجيبين لي عشرين حفيد و تزوجينهم كلهم و يصيرون اجداد تبقين بـ عيني ليون الصغيرة..
لينا ابتسمت ما عندها رد.. بس متخوفة منه ايش بـ يسوي لو عرف انها حامل..!! غازي يناظر شوق : قومي غسلي وجهكـ .. ان شاء الله شوي و بـ يجي سعود.. تبينه يجي و انتِ كذا..؟!
شوق : طيب اتصل على احد معاه خله يطمنا عليه..
وعد تنحنحت .. غازي التفت لها : انتِ هنا ما انتبهت لكـ ..
وعد : اكيد ما تنتبة لي.. لاهي مع بناتكـ .. (وقفت) لا تسوين بـ نفسكـ كذا.. هاذي طبيعة شغل سعود.. لو بـ يدري عنكـ صدقيني مو مرضية.. بـ يزعل عليكـ و يمكن ما عاد يقولكـ انه بـ يروح لـ عملية ..
لينا : وين بنتكـ ..؟!
وعد : قريب.. بـ اجيبها لكـ تشوفينها..
لينا ابتسمت : ما يحتاج اعرفها..
وعد استغربت : شلون تعرفينها و انتِ ما قد شفتيها..؟!
لينا : يقولون تشبة لكـ مره نسخة منكـ حتى بـ صياحها.. عشان كذا اتوقع لو اشوفها برا اعرف انها بنتكـ ..
وعد استغربت و يقولون بعد..؟! حقيقة هي مالها علاقة مع لينا ابد.. لأن لينا كانت عازلة نفسها تماماً عن الكل.. اما اللي تشوفة الحين شخصية ثانية.. : يقولون..!! و مين اللي يقول..؟!
لينا : ناس الله يستر علينا و عليهم..
وعد : هههههههههه مردي اعرف.. بـ اروح اجيب لكم شيء تشربونة..
لينا : ياليت شيء دافي احس اني بردت شوي..!!
غازي : أي برد..؟! بـ شهر سبعة احنا..!!
لينا : بيتهم بارد ماشاء الله..
وقف غازي : انا بـ اروح اشوف الرجال و ارجع..!!
لينا وقفت معاه مسكت عضدة..!! ترددت.. غازي يناظرها يستحثها تحكي : خير يا بابا ..!؟ خايفة..؟!
لينا : لا.. اممم.. لا تهاوش عمر..
ابتسم يحكـ طرف دقنة : اهااا لا اهاوشة..!! دفاع اجل..؟!
لينا : بابا و الله .. ما قصر معاي..!!
غازي : طيب ارتاحي انتِ و ما يخصكـ بالباقي.. ماني ناكر للجميل ريحي لي راسكـ ..
طلع غازي و بقت لينا مع شوق.. حالتهن وحده شرق و وحدة غرب.. لينا : شوق خلاص لا تبكين.. ترى وعد شكلها بـ تعلم اخوها و يزعل عليكـ .. يعنني نخاف عليه و حركات.. قد ايش صار لكم متزوجين..؟!
شوق : قريب نكمل اربعة شهور.. بس تعرفين.. يعني صدق انا يمكن خبلة.. بس تعلقت فيه و الله ما اتحمل يصير له شيء.. خايفة عليه و هم عادي متعودين يروح لـ عملياتة.. انا ما قدرت.. و الله من لما شفتة يسلم على امه احسه كأنه.. كأنه .. يودعنا..!!
ما تحملت شوق حتى تنفجر في صياح جديد..!! لينا تناظرها ما توقعتها حساسة هالكثر.. عنده عملية اكيد مداهمة..!! و عمر..!! عمر عايش بينهم..!! بين ناس يعرف هم مين..!! مو خطر..؟!! يمكن حتى هي تبكي مثل ما تبكي شوق الحين..!؟ هزت راسها ما تبي تفكر فيه.. يكفي كل الفترة اللي عاشت فيها ما تقابل الا الجدارن و وجهة.. تردد في نفسها اصلاً انا ما احبه اكرهه اكرهه بس عشان ما قابلت ادمي غيره .. الحين انا عند اهلي و بـ انساة بـ انساة.. حطت يدها على بطنها.. ولده..!! اثبات وجودة حتى لو قررت تنساة..!! فيه مين يجبرها ترجع لها ذكرى كل شيء عاشتة معاه..
بـــرا.. عمر ينبة عمه على اشياء كثير.. لين دخل غازي.. كان متوتر خايف لينا قايلة له شيء.. حتى لو هي زوجتة.. يظل هالموضوع ما كان بـ رضاها و لا رضا ابوها.. حتى هو انجبر..
غازي جلس جنب ابراهيم : مشكور يا عمر.. ما ادري كيف الحق جزاكـ ..
ابتسم عمر : العفو ما سويت شيء هذا واجبي..
ابو سعود : عمر رجال يعجبكـ رغم انه لاهدني في اشياء واجد بس ويش اسوي فيه..
عمر : عاد هي جات كذا يا عمي.. ويش اسوي..
ابو سعود : كنت بـلغت ابوكـ اقلها.. حرام عليكـ تشلع قلبة..
وليد : يبه اللي صار صار.. خلاص فيه اشياء اهم نحكي فيها..
غازي : بما انكـ كنت معاهم انا للحين ما عرفت التفاصيل .. لكن اكيد تعرف الرئيس مين هو..؟!
عمر تنهد : لا .. صار لي سنة اعرفة و زود و للحين ما اعرف اسمة.. حريص بـ شكل عمري ما شفت احد مثل نباهتة.. حقود وما ينسى شيء.. وما يهمه يسوي اللي يبيه و ينتقم من الشخص لو بـ عيلتة.. القتل عنده شيء عندي بالعكس تطور ما يحط الرصاصة و خلاص .. صار يقتل بـ تعذيب و يستلذ فيه.. عدوه الأول عمي ابراهيم.. يبي يصفي حسابة معاه..
وليد : يخسى..!!
عمر : قدر..(ناظر عمة) زوجتكـ الأخيرة.. هو اللي مخليها توافق على الزواج و غاصبها.. هو عرف انكـ تبيها من زمان.. اخذ عيالها منها و طلب منها تدخل بيتكـ عشان يوصل لـ مكتبكـ و يكون له يد هنا..
كلهم يناظرون بـعض مصدومين..!! ابو سعود كان حاس ان وراها شيء لكن ما توقع ان الموضوع فيه كل هالمضرة له..؟! كان مستغرب تغيرها المفاجئ و حكيها عن بناتة..!؟و كلامها اللي تغلط فيه..
عمر : ممكن يستغل اشخاص قريبين منكم و ما تتوقعون انكم تنضرون منهم.. لكنهم يكونون مجبورين.. مثل لما خطفوا بنت وعد كانوا يبون وعد تنصت على سعود.. و الحين يوم رجعوا بنت غازي يبونها تنصت على ابوها.. و ام نايف يبي منها شغل بـ مكتبكـ يبيها توصل لـ هناكـ واضح يدور له على شغلة عندكـ يا عم..
ابو سعود : و هي وينها الحين..؟!
عمر : عنده هي و عيالها الإثنين.. يبي يجبرها ترجع لكـ بالبيت عشان يلقى اللي يدور عليه..
غازي : تعرف المكان نداهمة و نطلعهم من هناكـ ..!!
عمر : اعرفة.. و ممكن تداهمة.. بس ممكن يكتشف قبل و يروحون فيها..
غازي : انت عطنا العنوان و خل الباقي علينا..
عمر : اوكِ بـ سجلة لكم بـ ورقة.. (وقف) انا لازم امشي..
ياسر : ويش فيه وجهكـ مكفخ سلامات..؟!
عمر ابتسم : بركات اخوكـ ..!!
وليد ابتسم : و انت ما قصرت فيني.. بغت عيني تروح بـ سبتكـ و الله لو ما لحقتني بعد ما طلعت من المطار و علمتني ان كنت ذبحتكـ ..
عمر يتذكر يوم ارتاح لـ مجرد انه شكـ ان ولد عمه جاسوس لـ غازي لـ ذلكـ لحقة للمطار و شافة يطلع مع باب الطوارئ و تفاهموا على شيء.. كل واحد اقنع الثاني ان العصابة ماهي مكانهم.. هم انظف من كذا بـ كثير لكن لهم هدف واحد.. تسليم العصابة لـ العدالة.. عمر رجع للمقر عشان ما يتركـ لينا فترة طويلة و وليد رجع لـ بيت ابوه ومن وقتها ما طلع منها حتى للصالة عشان ما احد يشوفة ابد..
ابو سعود : انتم اللي تهاوشتوا..؟!
وليد : الصقر قال ايمن شوف شغلكـ و انا منقهر من السيد عمر ليش هو معاهم و دبغت فيه بس ما بردت حرتي للحين..
عمر : ابي شوط ثاني الحين.. بس بـ شويش على ملامحي.. لا تشوهني..
وليد وقف وهو ينفض يده يسوي نفسة مستمتع و مبتسم : ابشر..!! ما طلبت الا عزكـ ..
حاتم : ايه عز صاحين انتم..؟! وين العز بـالضرب..؟!
عمر : لازم عشان الرئيس يشكـ اني متهاوش مع عمي.. بس يا ويلك يا وليد ان شديت صدقني بـ اردها لكـ على طول..
ما خلص كلمتة الا بـ لكمة من وليد قريب من عين عمر دنق وهو يغطي على عينة : يـــاكلب كلامي وين راح..؟!
وليد : ههههههههه خليني اشفي غليلي بغيت تفقع عيني..
غازي : بلا هبال انت و اياه..؟! ويش اللي تسوونة..؟! مجانين..؟!
رفع عمر نفسة حتى يفاجأة وليد بضربة من كتفة و شدة له و عمر صرخ : وليـــــــــد..!!
وليد تركـ عمر وهو يضحكـ .. عمر بعد ما كان يضغط على كتفة اليمين بـ يده اليسار حاس انه انخلع من وليد ضرب وليد بكس على بطنة.. انحنا وليد متفاجئ : يا حمــار على طلبكـ ..
عمر : خلعت كتفي ويش بـقيت قايلكـ لا تشد..
ابو سعود : ان ما وقفتوا المهزلة اللي تسوونها انتم الإثنين ما تلومون الا انفسكم.. انا بـ ادبغ فيكم بالعقال هنيا ترى ما كبرتوا عليه للحين..
عمر يضغط على كتفة : بـ اروح المستشفى الحين من سواياكـ ..
حاتم وقف : وريني خليني اشوفها اذا خلع نسويه لكـ هنا بـعدين نربطها لكـ ما يحتاج تروح..
عمر واقف جنب حاتم مسك يد عمر : ترى بـ تعوركـ شوي بس بـ تحمل.. بـ نرجع الكتف مكانة وليد ما قصر..
وليد : ههههههههههههههههههههه هو طلبني و انا لبيت..
غازي وقف : ما بغينا نشوف هالضحكـة..!! باخل علينا فيها..!!
وليد ابتسم : لا بخل و لا شيء بس ان شاء الله تنحل قريب..
عمر كتم صرختة : اخ.. ويش بلاكم علي..
حاتم : ما احد قالكـ اطلب وليد يضربكـ .. الحين نربط يدكـ و لا تحركها فترة..
عمر : ماني رابطها اما تقيدني لا ياخي ما راح احركها و خلاص..
غازي نادى بـ صوت عالي شوي عشان يبي لينا تطلع : يا بنـــات..
لحظات حتى تطلع شوق وهي مغطية حتى عيونها المفقعة من الصياح : نادي لي لينا..
طلعت لينا اول ما طلعت و اتجهة للصالة ما طاحت عينها الا عليه.. اول مره تشوفة بـ وضع غير.. بين اهله مرتاح..!! مو مثل المكان اللي اعتادت تشوفة فيه وهو معصب و متوتر طول الوقت.. لفت انتباهها انه مثبت يده قربت من ابوها و همست وهي تناظر عمر : ويش فيه..؟!
غازي ابتسم : خبل.. و لقى احد يجاري خبالة على انه ما كان كذا.. بس شكلكـ هبلتي فيه..!!
لينا : تهاوشت مع احد..؟!
غازي يمد يده على كتفها : ايه .. مع وليد..
عمر : تأمر على شيء يا عمي..
ابو سعود : لا ترمي روحكـ بالنار..
عمر ابتسم : ان شاء الله و لا يهمكـ .. نسلم عليكم.. لف حتى تلتقي عينة بـ عينها و كأنه يقولها وفيت بـ وعدي لكـ ..!! هذا انتِ جنب ابوكـ احفظي وعدي اللي بـ حشاكـ ..
: مع السلامة..
طلع عمر و بعده غازي و لينا..
احمد : يبه ويش بـ تسوي مع خالتي منيره اكيد ما راح تتركها..؟!
ابو سعود : لا.. غازي بـ يداهم المكان و يطلعهم من هناكـ و ان شاء الله كل شيء يمشي تمام اذا صار شيء غلط.. بـ اعرف منها ويش كان يبي الرئيس و بـ اعطيه اياه عساه يفكـ بلاه عنا و يريحنا..
خالد : الله لا يباركـ فيه..
ياسر : انا بـ اروح ارتاح..
ابو سعود : قبل لا تروح.. ابي اقولكم شغلة.. من بكره سها بـ تنزل و تجلس معنا.. ما ابي احد فيكم يضايقها بـ حرف مو بـ كلمة.. ما راح يرضيني لو تزعلونها.. انا عارف انها غلطت بس هي ضعيفة ولو احنا ما ساعدناها بـ تغرق ولو يصير لها شيء ما راح اسامح نفسي.. لا تضايقونها عشاني..
حاتم مبتسم اخيــراً بـ ينحل ذا الموضوع كان مأرقة كل الفترة اللي فاتت.. ناظر اخوانة ينتظر ردهم..
احمد : و لا يهمكـ يبه ما يصير خاطركـ لا طيب..
ابو سعود : و خاطرها..؟!
وليد : و خاطرها بعد..
ابو سعود ناظر خالد و ياسر : و انتم..!! اكثر اثنين قسيتوا عليها عاذركم ايه انا سويت سواتكم و اردى.. لكن ما ابيكم تحسسونها انكم متضايقين منها..
خالد : ان شاء الله..
ياسر : على امركـ ..
حاتم استغرب كان متوقع هوشة.. بس عملية سعود و كلامة اليوم هو اللي لين قلوبهم عليها.. الحمدلله..
..
المستشفى.. واقفين على ساق وحده يسمعون تهزيء من رئيسهم..
الفريق جابر بـ حدة : شلون يعني..؟!
عساف متنرفز استغرب وجود الفريق جابر و رجالة بالمكان معاهم : احنا كان معانا امر بالمداهمة.. و القينا القبض على الجميع..
الفريق جابر بـ حدة : ويش رايكـ تطردني..؟!
عساف بـ هدوء : مكانكـ فوق الراس يا سيدي..
الفريق جابر : شلون تلقون القبض على سيارة مالها دخل..؟!
نايف : الا لها دخل.. هالسيارة لـ رئيسهم و فيها بنتة..
الفريق جابر : و احنا ويش دخلنا بـبنتة الا ان كانت مشاركة مع ابوها هذا شيء ثاني..!!
عزام : يا طويل العمر احنا اخذين بنتة بـ نحميها.. ابوها متعود يأخذها معاه لـ كل مكان و احنا اخذناها..
الفريق جابر يجلس على كراسي الإستراحة بالمشفى : بـ تجنوني كل عمركم يا رجال غازي رووسكم يابسة الكلمة ما تسمعونها..
عماد ناظرهم : انا ماني عارف ويش اللي مضايقكـ بإننا اخذنا بنتة..
الفريق جابر : خلاص هاذي مو مشكلتي الحين احنا شغلتنا نحمي الناس الأبرياء و بـ نحمي بنتة حتى لو ابوها مجرم.. بلغتوا ابو سعود..؟!
عساف : لا.. بـ نبلغة اذا طلع سعود من العمليات..
الفريق جابر : استغفر الله.. قايل له لا تروح هالمكان ممكن تجيكـ رصاصة يقول لازم اقفل البوابة ..عشان ما احد يلومني ان قلت رجال غازي رووسهم يابسة..
: خيــر سعود ايش فيه..؟!
ادوا التحية العسكرية.. بداية من الفريق جابر اللي يحمل نفس رتبة الفريق غازي لكن من باب الإحترام المتبادل و الزمالة المهنية.. و رجالة عساف عماد و عزام و نايف..
عماد : جاتة رصاصة و ان شاء الله انه بـ خير..
الفريق غازي : وينه الحين..؟!
عماد : دخلوه العمليات..
الفريق غازي جلس متوتر .. بـ يدخل مقر الرئيس و يطلع منيره و عيالها من هناكـ .. و شوق ان درت عن سعود ممكن يصير فيها شيء..!! و لينا اللي قرر يوديها بيت عامر قبل بيتة عشان مضطر يطلع من البيت و يداهم محل الرئيس و بيت عامر أأمن لها.. وما عنده الوقت يشرح لأمال كل شيء.. ايش الحل..؟!
نايف : تطمن يا سيدي الحمد لله الرصاصة بـ عضدة ماهي بـ مكان خطير..
الفريق غازي وقف : انا ابي اروح لـ شغلة و ابيكم معاي.. بس ابي واحد يوقف على باب غرفة سعود يضمن ما احد يجي عنده و لا احد يبلغ ابو سعود او أي احد من عيلتة لين نرجع..
الفريق جابر حاط رجل على رجل : تبيني اقعد احرسة قعدت.. سعود غالي علي حتى انا..
الفريق غازي : لا.. ابيكـ معاي بالمهمة نحتاج خبرتكـ .. (ناظر عساف) ناد لي سلمان و كلمة يوقف على الباب عينة لا ترمش فاهمني..
عساف : ولا يهمكـ .. اصلاً سلمان قريب.. بس ما احنا عارفين لـ وين رايحين..
الفريق غازي : قريب.. دق على سلمان و بعدها نمشي..
..
بيت عامر..
ام عامر : تونسين شيء يا بنتي ..؟!
باست كتف جدتها : لا يمه.. بس مشتاقة لكـ ..
ام عامر : يا عميري تشتاق لكـ الجنة..
عبدالله و ناصر كل واحد يناظر بـ الثاني كل اللي يعرفونة ان عمهم جاب بنتة و قال لأبوهم حطها بـ عيونكـ تكفى انا عندي شغلة ضرورية.. شلون رجعت و ويش اللي صار ما يدرون.. قلوبهم تغلي ودهم يعرفون كل شيء.. ما ودهم يسألون و يدري عمهم بـعدين و يزعل عليهم.. كل واحد فيهم ماسكـ لسانة بـ العافية..
لينا : جوعانة يمه..
ام عامر : افااا يمه يخسى الجوع الحين اقولهم يسوون لكـ اكل.. عهيــــد.. يا عهيـــــد..
عهود : يا عيون عهيـــد امري..
ام عامر : قولي لـ هالخدم المسطرين بالمطبخ يسوون اكل لـ بنية عمكـ يا عوينتي على لحم بطنها من الصبح..!!
عهود : ان شاء الله..
ام يوسف ابتسمت البنت ما قالت انها على لحم بطنها من الصبح لكن هي كذا ام عامر.. تهاوش على أي شيء بس قلبها ابيض بس تحس ان الواحد فيه نص تعب قلبها يشفق عليه..
عامر : يمه خفي عليها.. خليها على راحتها..
ام عامر : مالكـ دخل بـ بنيتي..
يوسف نزل من الدرج سمع اخر كلامهم : افااا يبه انسحب عليكـ .. ام عامر تسفل فيكـ تعال صف يمي نتهزأ كل مره انا و اياكـ ..
ام عامر : اعقــب و انا ام عامر .. على وين العزم ان شاء الله..؟!
يوسف : بـ الحق الشباب طالعين استراحة.. و عشان ما تسألون مين و كذا و سوالف ويش كثر ولد ابراهيم مشعل معاهم..
عامر : ماشاء الله من متى العلاقة..؟!
يوسف : من المزرعة و مرتين قابلتة بإستراحة مع الشباب ..
ام عامر : دام ولد ابراهيم معاهم فا هم ان شاء الله مصلوحين ابراهيم ما يهيت عيالة يعرف مع مين يمشون ماشاء الله..
عامر : هههههههههههه ويش يمه تدقيني بالحكي..؟!
ام عامر : كلن ادرى بـ عمرة ما يحتاج ادق بالحكي..
يوسف : اجل بـ اتعلق بـ ذا المشعل ماني مخلية و بـ اماشي عيال ابراهيم كلهم دام بـ ينرضى علينا من المقام السامي..
ام عامر : ارضي ربكـ و والدينكـ و صاحب الناس المصلوحين و انا ارضى عليكـ ..
يوسف يجلس على اعلى الكنبة عند راس ابوه : اوووه عرفنا انكـ المقام السامي طيب يمكن اقصد امي.. عين السيح..
ام عامر : انا اشهد انها عين السيح.. وش ناوي تسوي يعني بـ تحجر لي..؟!
يوسف : هههههههههههههه و عرفنا بعد تحجر لي و الله تطورات نواره..
ام عامر : اعقــب و انا ام عامر..
يوسف : خلاص تكفين لا تنخين احد.. خلاص الحين اصلاً بـ اطلع بس حبينا نسلم على بنت العم المختفية.. كويس اختفت و عقلت اختها ذيكـ الخبلة ازين شيء اذا انرجيتوا من ريما اخفوا لينا و تهجد..!!
ام عامر تمد عصاتها عليه : انقلع .. انقلع عن وجهي لا تخليني اقوم و اكسر عصاتي على راسكـ ..
نقز يوسف : هههههههههه اوكِ زعلنا المقام السامي.. خلاص و لا يهمكـ .. دعواتكـ يا عين السيح..
ام يوسف ابتسمت فرحتها الوحيدة بالدنيا : الله يحفظكـ يا ابوي انتبة لـ دربكـ ..
ام عامر : ان ما دبغ فيها ابوه مشتري له هالسيارة الجديدة بكره تشوفونها غادية عجينة مكسرة من كل صوب.. و الله ان حتى عمكـ مدلعكـ ..
يوسف : و الله مو مدلعني الا كارفني بس عاد فدا لـ ذا العم ما عندنا الا هالواحد..
: عماد ما رجع ..؟!
يوسف التفت للأدمية اللي نزلت ومن غير لا احم و لا دستور تنشد على عماد حتى ما سلمت..!! ناظرها : نسلم عليكم..
: مع السلامة..
ام ناصر : لا يا بنتي ما بعد رجع..
لينا ناظرتها مستغربة ليش تسأل عن عماد هي ويش دخلها : ليش تسألين..؟!
البتول : نعم..!! انتِ مين اصلاً..؟!
لينا طنشتها و ناظرت عمتها مريم : مين هاذي..؟!
مريم : مرت عماد البتول..
لينا مصدومة : و وعــــد..؟!
ام عامر : طلقها يا بنيتي..
لينا : طلقـــها..!! و بنتهم..؟!
البتول تنرفزت : ويش فيها بنتهم امها ماهي عايزة عنها و جدها عنده خير يسد عين الشمس..
لينا و كأن فيها طاقة هواش : امها ماهي عايزة عنها..!! و جدها عنده خير يسد عين الشمس..!! (تحرك اصباعها يمين و يسار بـ تقرف) الحين هذا مستوى تفكيركـ ايش هالجهل..؟!!!
البتول : نعـــم..!! انتِ ببيتي و تحكين علي..!؟
لينا حطت يديها على راسها : اووه يا كبرها صار بيتكـ ..؟! من متى يا حظي خبري انه مسجل بـ إسم عمي عامر متى لهطتية..؟!
تنرفزت البتول من اسلوب لينا رغم انها ما عرفتها ممكن تقابلوا قبل بس من بعيد لـ بعيد و حدهم اسماء بس مع النقاب الحين ما عرفتها : انتِ مين اصلاً..؟!
لينا : انا لينا بنت غازي بن محمد بن حمدان.. اللي اذكرة انه البيت بيت عمي عامر.. و الا من ضمن مخططاتكـ يصير بـ إسمكـ ترى اذا داخلة على طمع عماد اكبر من انكـ تضحكين عليه.. يعني كان دورتي واحد سكانة مرتة يصير خاتم بإصباعها..
البتول صرخت فيها : لو ما انطميتي عني لا اعلمكـ حدودكـ عدل وما يهمن يمين تكونين..
عبدالله : انتِ اللي الزمي حدودكـ احشمي البيت اللي جالسة فيه.. ما بقي الا تطردين بنتنا من بيتنا..!!
البتول ميلت راسها وهي تناظر فيه بـ قوة وما كسرت عينها و كأنه شيء جايز لها : احشم البيت يعني انت واقف معاها..!!
انهار : ايش فيكـ انتِ قلبتيها هوشة.. لينا تمزح معاكـ عشان انتِ بالغتي و بس..
البتول : انا ما ابي اسمع صوتكـ يكفيني اني متحملتكـ هنا بـ وجهي كل ما اصبحت و امسيت..
انهار ما قدرت تمسكـ ضحكتها : ههههههههههههه ويش رايكـ تطردينا بالجملة..؟!
ادارت البتول ظهرها و طلعت متنرفزة منهم..!! انهار حب عماج السابق.. السوالف اللي ما تخلص عن بنت عماد فجر جعلها ما تعيش هالفجر.. و الحين اخوانة و بنت عمة..!!
مريم : ايش فيكم على البنية..؟!
لينا بـ براءة : انا ما قلت شيء هي قالت..
مريم ابتسمت : انتِ ساس البلا كله..
عبدالله : ترى هالوضع ما يعجبني.. عماد ما يهيتها و لا هامة شيء..
عامر بـ حزم : عبـــد الله..!!
ناصر : يبه عبدالله صادق.. شوف سواياها ما تسويها وحده متربية ببيت اهلها.. كان اهلها ما ربوها و زوجها ما هو مقضبها القاع ما احنا عايزين لا نربيها من جديد..
ام ناصر : ويش هالحكي يا ناصر.. هاذي بنت خالتكـ ..
ناصر : وبنت خالتي غلطانة يمه و الا ما تشوفين غلطها.. ما تستحي على وجهها .. سواياها تندر الوجه و الله لو زوجتي تسوي هالسوايا انها ما تلزمني لاردها على ابوها يربيها من جديد..
ام ناصر : ويش سوت البنية..؟! هي بس تحاتي رجلها..
ناصر : يمه ما احنا عميان.. كلنا بـ هالبيت نشوف اللي تسوية و ساكتين.. و كل خبايثها تطلع و عماد ماهو فيه وقت وجوده ما تهش و لا تنش و كن القطو يأكل عشاها..
تقدمت عهود و هي تنزل الصينية قدام لينا و تناظر اخوها معصب.. اكيد على شينة الحلايا البتول.. فعلاً تنكرة.. ندمت انها تهاوشت مع وعد او سبتها وعد درة وهاذي ما يندرى ويش ينقال عنها..!! ليتة رجع لأنهار بدل هاذي اللي ناوية تقلب بيتهم..!! ناظرت لينا : عوافي..
لينا : الله يعافيكـ ..
ام ناصر : و الله لو اخوكـ يسمع حكيكـ ان غير يزعل عليكـ ..
ناصر بـ قهر من دفاع امه عشان بنت اختها : يزعل علي اللي ما وقفت زوجتة عند حدها.. من جات بيتنا وهي هايتة.. و الله ان ولدكـ يمه غبي ضيع من يدينة ذهبة و رد نفسة على ذي..
مريم : اللي راح راح..
ناصر بـ ثقة : لا ما راح للحين هي بـ عدتها و يقدر يردها..
مريم بـ فزع : نعـــم..!!
عبدالله : ليش مستغربة..؟! بينهم بنت لازم تكون من اولوياتهم..
مريم : لا بالله انهبلتوا..!! انتم ما تدرون اخوكم ويش سوا بـ بنتي.. عماد غالي عندي ايه.. بس اللي سواه بـ بنتي ما يرضيني.. و عشان ترتاحون ابو سعود حالف ما يردها له و محرمها عليه حرمة امه و خواتة عليه..
ام عامر : اعوذ بالله ويش هالحكي..؟!
مريم : هذا الصدق يمه.. و ولدكـ يدري اصلاً لو هو يبي وعد ما طلقها كان معاه كل الفترة اللي فاتت وقت حملها و نفاسها يعدل من اللي بينهم لكنه ما يبيها.. وهي ما تبيه.. ما بينهم الا هالبنت..
عامر : لو متأكد ان حياة عماد و وعد بـ تصلح بـ رجعتهم كنت اول واحد شجعت هالموضوع حتى لو ابراهيم ماهو راضي.. بس متأكد ان ابراهيم هالمره هو اللي بـ يكسب و يحلم عماد بـ وعد.. هو اللي ضيعها من يدينة بـ سوياه ما قدّر البنية على اني انا منبهة من الأول ما يأذيها بس ما قصّر فيها..
ام ناصر : خلاص اللي صار صار كلن راح بـ حال سبيلة.. هي الله يرزقها و ولدي الله يهنية مع زوجتة..
..
في مكان اول مره يدخلونة.. يترأسهم غازي و جابر..
غازي يتكلم و الأداة مغروسة بإذنة يسمع رجالة و يسمعونة : عساف ركزوا كل شيء بـ خفة و هدو..
عساف : تأمر طال عمركـ ..
تقدم غازي و معاه جابر كل واحد معاه سلاحة و وراهم نايف و اربع رجال..جابر يعد بأصابعة لما ثلاثة و تقدم نايف و رفس الباب و اقتحموا المكان.. أي شخص يطلع بـ وجيهم كانوا يحاولون يصيبونة بـ مكان مو خطير و يبعدون السلاح عنه.. و اللي يكون خطر و تهديد وما يستسلم يموت..
غازي جنب جابر همس : عمر من رجالكـ ..؟!
انصدم جابر.. و غازي لمح تعابير وجهة تجابو على سؤالة مو محتاج يسمع الجواب بالصريح و تقدم عنه.. قابل شخص يهددهم و صابة بـ كتفة.. اتجة نايف له و سحب سلاحة منه.. : وين ام نايف و عيالها..؟!
يتألم و يضغط على كتفة بـ يدة : ما ادري..
نايف مسك سلاحة و ضغط فيه على الجرح و الرجال مطروح على الأرض يتألم.. نايف يصر على اسنانة : ما ابي اعيد و ازيد بالسؤال وينهم..؟!
: تحت .. تحت..
غازي آشر لإثنين من رجالة : خلوكم هنا احنا بـ ننزل تحت و نشوف مين فيه..
عساف طلع وهو مبتسم : خلصنا عنكـ المهمة..
غازي ناظرة : ماشاء الله..!!
عساف : لقيناهم.. الحين بـ يطلعون مع الشباب.. الحمدلله هم بـخير..
غازي : الحمدلله..
طلع نايف و نواف و امهم وراهم.. ناظرهم نايف ولد منيره فقدان امل.. كانوا يعيشون بـ فقدان امل.. كونهم يطلعون الحين شيء مو متوقع.. توقعوا يطلعون وهو ميتين.. خصوصاً بعد ما سممهم الرئيس بـ كل برود قدام امهم..
منيره همست : عسـاف..
عساف من غير لا يلتفت : لا تخافين يا خالة كل الأمور تمام و ان شاء الله ما راح يصير شيء.. الحين بـ نأمن عليكم بـ مكان وما راح يطولكم شيء بإذن الله..
نايف : شكــراً.. جزاكم الله خير انقذتونا من الموت..
الفريق غازي : واجبنا..
الفريق جابر : لازم نطلع بسرعة ما يندرى عن خفايا المكان ممكن يكون ملغم..
..
لا حول و لا قوة الا بالله..

لا احلل نقل الرواية دون ذكر اسمي..

مواعيد البارتات كل سبت بإذن الله..

هاشتاق #رواية لو سألتي الورد

ضحكة قهر..


اسطورة ! غير متواجد حالياً   رد مع اقتباس
قديم 24-02-15, 06:47 AM   #138

هدوفة الورفلي
alkap ~
? العضوٌ??? » 336460
?  التسِجيلٌ » Feb 2015
? مشَارَ?اتْي » 14
?  مُ?إني » بني وليد دردنيل طرابلس الغرب
? الًجنِس »
? دولتي » دولتي Libya
My Facebook My Twitter My Flickr My Fromspring My Tumblr My Deviantart
?  نُقآطِيْ » هدوفة الورفلي is on a distinguished road
¬» مشروبك   water
افتراضي

الصرااااااااااحة الرواية هااااذي روووووووووعه
اممممممم انتظرت البارت الجاي ع احر من الجمر
و يا ريت تعوضينا شوي هههههههه طماعين و نستاهل الكرررررم منك
يا ريت ترجعين وعد و عماد لبعض
الصراحة راح انقهر لو خذت عساف ما يستاهل ظفرها خاصة بعد خطب اختها لو يحبها ما خطب اختها
استنى البارت الجاي


هدوفة الورفلي غير متواجد حالياً   رد مع اقتباس
قديم 02-03-15, 10:07 AM   #139

اسطورة !

نجم روايتي ومشرفة سابقة وفراشة متالقة بعالم الازياء

alkap ~
 
الصورة الرمزية اسطورة !

? العضوٌ??? » 120033
?  التسِجيلٌ » May 2010
? مشَارَ?اتْي » 15,367
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » اسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond repute
¬» مشروبك   pepsi
?? ??? ~
My Mms ~
افتراضي

بسم الله الرحمن الرحيم..

السلام عليكم و رحمة الله و بركاتة..

ما عنديش مقدمة .. بس ابي انبه على حتة بسيطة.. احتمال تتغير مواعيد البارتات لـ يوم الأربعاء.. بس هالشيء مو اكيد بـ نخليه على السبت .. اذا بـ انزل بارت الأربعاء بـ اعلن لكم على الآسكـ .. عشان كذا ما ابي القى مليون سؤال يوم الأربعاء بليز كلامي واضح جداً..

عذراً ما رديت على تعليقاتكم..!!

حيــاكم الله جميـــعاً..

قراءة ممتعة..


البارت السادس و الخمسون..

قل للوصل مل الجفى صد و عناد
قل للبطى طعم اللقى يحترينا ..


لـ وحشتك .. "ناصر العنزي"..

جناح ياسر و صبا.. الصباح..
صحت راسها يعورها .. ضغطت شوي عليه.. : اوووف مو وقتة متى اروق عشان اذاكر..!! لفت للساعة و ناظرتها الساعة 7.. قامت تتوضأ و تصلي.. قرت اذكار المساء على اساس انها للحين بالليل..!! سحبت ملزمتها و دفترها و رمتها بالصالة.. انسدحت من جديد و رفعت الملزمة تناظرها..!! : ويش يخلص هالمادة تفاهة..!!
: صحيتي..!! ما بغيتي..!!
قامت جالسة و تنحنحت .. سحبت دفترها : كنت تعبانة من الإختبار اللي فات داومت سهرانة تقريباً..
ياسر ناظر الدفتر و القلم ما زال بيدها : كم الساعة..؟!
كتبت على الدفتر "اتوقع صارت 7:30"..
ياسر يشرب الكوفي بـ يده : فتحتي الستاير.؟!
استغربت السؤال هزت راسها بـ لا..
ياسر شكلها ماهي مستوعبة انه الوقت الصبح : اهاا.. انتِ الحين بـ تذاكرين لـ مادة بكره..؟!
صبا حزنت ما تنكر ان هالشيء مسبب لها ازمة طريقة التواصل العقيمة بينها و بينه "ايه المادة مليانة معلومات تلخبط"..
ياسر بـ هدوء : صبا .. انتِ ما فتحتي الستاير ما تدرين ان الوقت صار الصبح..
صبا عقدت حواجبها تحاول تستوعب مستحيل تكون نامت من الظهر لين من البكرة الصبح من غير لا تصحى ابد..!! هزت راسها بـ بلاهة و نطقت بـ صوت خافت يمكن من خوفها لا يعصب عليها : نعم..!!
ياسر : قومي صلي الفجر.. طافتكـ ..
صبا قامت فتحت الستارة و الشباكـ انصدمت..!! مستحيل..!! توترت اختبار نهائي ضاع عليها..!! تعبها كل الترم راح..!! غرقت عيونها : لا مستحيـــل .. (لفت عليه) ليش ما صحيتني..!؟ انت تدري ان عندي اختبار.. كيف تخليني نايمة كل هالوقت..؟!
ياسر : شفتكـ تعبانة قلت ترتاحين و بعدين انشغلت ما دريت انكـ ما ذاكرتي..!!
صبا حطت يدها على خدودها متوترة : يااااربي ويش اسوي الحين..!؟ كيف بـ اجاوب..!! الإختبار ما باقي له الا اقل من ساعة.؟!؟ ويش اسوي..؟!
ياسر : صلي الفجر..
صبا ضربت جبهتها : الصلاة.. صح نسيت انا ما صليت حتى العشا على بالي للحين المغرب..!! اختفت من قدامة بعد دقيقة وهي ضايعة ما بين الإختبار و الصلاة و المذاكرة..!! و التوتر في اعلى مراحلة.. طلعت بعد 15 دقيقة بالضبط وهي لابسة للجامعة جلست على الكنب هو هادي وهي ما تحملت الوضع و بكت..
ياسر : من جدكـ تبكين عشان اختبار..؟!
صبا : ما ذاكرت..!! بـ احمل المادة ..!! تعبي كله بـ يروح الإختبار عليه 70 درجة يعني لو اموت ما جبت حتى مقبول..!!
ياسر : بسم الله عليكـ لا تقولين كذا.. خلاص لا تداومين.. انا بـ اجيب لكـ عذر و تختبرين مع ذوات الأعذار..!!
صبا : بس ... الأسئلة يمكن تكون غير..!! اصلاً انا ما اعرف ليش ما صحيت..!؟
ياسر يناظرها كيف تبكي حتى بكائها دلع..!! المشكلة ان قلبة معورة..!! صدق مايعة بس دموعها حسها مثل الشيء اللي انكوى بـ قلبة : انا عطيتكـ منوم..!!
صبا حركت راسها : نعم..؟!!
ياسر : ما ابيكـ تداومين اليوم..!!
صبا مصدومة و دموعها ما زالت على وجهها : منوم..!!
ياسر : صدقيني عشان مصلحتكـ .. لأني خايف عليكـ ..
وقفت ما تحملت ماهي مصدقة .. فعلاً شيء مو طبيعي من الظهر تنام لين من البكره الصبح و ما تصحى و لا مره يطلع معطيها منوم..!! : مصلحتي.؟! مصلحتي انكـ تضيع تعبي..؟! خايف علي من اختباري..؟! من اني القى نتيجة الشيء اللي تعبت فيه أكثر من اربع شهور الترم كله..؟!.. اوكِ انا فاهمة انكـ ما تبيني و اعرف هالشيء .. و ادري ما تطيق تسمع صوتي و حرمتني من حقي حتى اني اتكلم و اسألكـ ليش.. طاوعتكـ و قلت ما يخالف بكره بـ يتغير و بيشوف انه جرحني بـ طلبة و بـ يتأسف لي.. صار لي اربع شهور الحكي بيني و بينكـ حبر و ورق.. ياليتكـ عاملت نفسكـ بالمثل و كنت تكتب لي مثل ما اكتب لكـ .. و فوق هذا تهدم مستقبلي ..؟! تهدم تعبي و تقول مصلحتكـ..؟!
ياسر وقف : انتِ م فاهمة شيء.. انا احب على قلبي تختبرين و تجيبين درجة عالية و تنجحين بـ تفوق.. بس فيه اشياء انتِ ما تعرفينها..؟!
صبا : صح ..!! فيه اشياء ما اعرفها.. ما اعرف ليش انت تزوجتني و انت مو طايقني..!؟ ما اعرف ليش جبرتني اوافق رغم انكـ ما تبيني..؟ (هزت راسها تستفسر) عمي جبركـ ..؟!
ياسر : لا.. لو جبرني كنت فرحت بـ رفضكـ لي.. و استغليت الوضع.. بس مو ياسر اللي ينرفض يا صبا..
صبا : و لا صبا اللي تنهان و تنهدم حياتها يا ياسر.. انا طاوعتكـ عشاني اخاف منكـ بس عندي من يحميني منكـ و يأخذ حقي منكـ حتى لو انت ولد عمي.. ما يهمني.. فاهم.. ما يهمني..
انصدم.!! من وين طلع اللسان هذا..؟! هاذي الهادية اللي لا تهش و لا تنش..؟! : نعم..؟!
صبا : لا تخاف ما راح يطولكـ حكي.. بقولهم اني انا السبب بالطلاق ما احد بـ يزعل منكـ و لا يحاكيكـ ..
ياسر عقد حواجبة بـ قوة : طــلاق..!!
صبا اتجهت للكنبة المرمية عليها عبايتها تلبسها : ايه طلاق.. انا ما تعودت احد يهيني.. صوتي اللي مو عاجبكـ بابا ما يحب يصحى الا على صوتي.. انا عمري ما انهنت حياتي كلها ما انهنت مثل ما انت اهنتني.. كل حياتي انا مدلعة و اميرة بـ بيت اهلي.. و من اخذتكـ و انا انحرمت من كل شيء.. حتى كلمة حلوة اسمعها.. مو حلوه على الأقل هدوء.. هدوء بس.. دايم معصب من تسمع صوتي تنجن.. ما انت مجبور تتحمل وحده ما انت طايقها..
ياسر يناظرها وهي معصبة اول مره يشوف الوجه الثاني..!! الحكي مصفصف.. وين اللي تتوتر دايم و خايفة و ترجف منه..؟! ما توقع الموضوع يوصل لـ هالشيء.. هو يبي يحميها.. ما يبيها تداوم عشانها.. وهي ما قصرت طلعت كل السلبيات ما ذكرت شيء زين شافتة معاه..؟! : و مين قال اني مو طايقكـ ..
صبا تلبس نقابها و يدها ترجف يمكن خوف و يمكن قهر و يمكن ضياع..! : كل شيء يقول.. كل شيء.. انت ما تبغاني انا و انت عايشين هنا اغراب.. حسبة زملاء سكن.. بس.. حتى اخوان ما تجي علينا لأن بينهم تواصل.. اللي بيني و بينكـ تبين شيء..؟! محتاج شيء..؟! بس هذا الشيء اللي بيني و بينكـ ..؟! اربع شهور يا ياسر..!! اربع شهور تكفي لأنها توضح لي انكـ ما تبيني بس عجزت اعرف ويش اللي جبركـ علي..؟!
تعدتة بـ تطلع .. نطق بـسرعة : وين بـ تروحين..؟!
صبا : بـ اريحكـ مني .. بـ اخلي عمي يطلقني منكـ ..
طلعت قبل لا يستوعب الجملة..!! لما استوعب انها ماهي موجودة طلع يجري وراها حتى يلقاها واقفة على الدرج.!! مترددة..!! يجزم انها خايفة..!! : صبا..!!
صبا اول ما سمعت صوتة نزلت و كأنه اعطاها دفعة للأمام نقز يجري وراها .. ما حس بـ نفسة الا واقف وراها بالصالة و الكل موجود على رأسهم ابوه..!! عدا سعود طبعاً.. همس : تعالي معاي خليني افهمكـ ..!!
صبا خافت..!! عمها ابراهيم هيبة..!! ما تتخيل انها تطلبة يطلقها من ياسر..!!
همست : بـ تطلقني..؟!
ياسر اخذ نفس وهو يشوفهم كلهم يناظرونهم مستغربين : لا..
ام احمد وقفت و اتجهت لهم : ويش فيكم ..؟!
ياسر : ما فينا شيء يمه..
صبا : امبلى .. انا بـ اروح بيتنا..!!
ابراهيم وقف يناظر ياسر بعدها ناظر صبا و وقف قدامها : انتِ تبكين..!؟
انفجرت صبا صياح..!! لكنها ما قدرت تحكي.. عن الطلاق و الحياة العقيمة اللي مع ياسر..
ام احمد : بسم الله عليكـ يمه ويش فيكـ ..؟!
ياسر سحبها حتى يوقفها جنبة : زعلانة عشانها ما ذاكرت للإختبار بس..!!
ابو سعود ناظر ياسر : بـــس..؟!!
ياسر : ايه.. انا قلت لها بـ اجيب لها عذر عشان تختبر مع ذوات الأعذار بس هي خايفة تحمل المادة..!!
ابو سعود : و لا يهمكـ يا عمي بـ اخليهم يختبرونكـ ومتى ما بغيتي ما راح تحملين المادة وعد مني..!!
صبا : انا ابي اروح بيتنا.. عمي الله يخليكـ ابي اروح..!!
ياسر سحبها : انا بـ اتفاهم معاها..
قبل لا ينتظر رد سحبها و دخلها اول غرفة قدامة كانت جنبهم..!! يعني لو يصارخون و يحتد هواشهم بـ يسمعون كله شيء اهلة..!! دخلها و سكر الباب و وقف عليه : ممكن تهدين و تخليني افهمكـ ليش ما خليتكـ تداومين..؟!
صبا : لا مو ممكن.. و الله لو عمر هنا ما كان تجرأت علي..!!
ياسر ابتسم ما تدري انه رجع البارح و انه كل الوقت يمكن قريب منهم : طيب.. تعرفين الناس اللي اخطفوا وعد..؟! (ناظرتة من غير لا ترد و ياسر يكمل كان يتمنى ما يخوفها بس هي اجبرتة) و اخطفوا بنتها بعد..؟! الحين ممكن يخطفونكـ انتِ بعد..؟!
ما ردت لأنها ما استوعبت غير اول شيء.. الناس اللي اخطفوا و وعد و وخطفوا بنتها..!! النقطة اللي بعدها ما دخلت مخها للحين..
ياسر : من خوفي عليكـ ما ابيكـ تداومين ما ابي يصير لكـ شيء.. هنا أأمن لكـ .. ما اضمن ويش ممكن يسوون يمكن تجي عليهم يقتحمون الجامعة..
صبا : و خواتكـ ..؟! ليش انا..؟! كيف بـ يدخل هالعذر مخي..!!
ياسر : هم يختارون اللي بـ يخطفونها و بـ يستفيدون من وراها شيء.. (تنهد) صبا انا ما اقدر اقولكـ كل شيء.. بس و الله لو ما احد نبهني و قالكـ انهم يبون يأذونكـ و الله ما حرمتكـ اختباركـ اليوم.. بس مضطر.. ما ابي يصير لكـ شيء.. ما ابيكـ تتأذين..
صبا نزلت نقابها : طيب ليش..؟! ليش..؟! انا ما سويت شيء.. و الله ما أذيت احد..!!
ياسر : ادري..!! بس احيان الإنسان يتعاقب بـ ذنب غيره.. فيه ناس ما عندها ذمة و لا ضمير تأذي ناس ابرياء بس عشان يوصلون لأهدافهم..!!
صبا : انت شلون عرفت..!؟ لا يكون تشتغل معاهم.؟!
ابتسم بدال ما يعصب بدا يناقض نفسة : يعني لـ هالدرجة انا انسان طالح بـ نظركـ ..؟! ماني كامل ايه.. بس هذا ما يعني اني اقتل و استيح دم و اعراض خلق الله..!!
صبا : طيب انا عندي ثلاث اختبارات الإسبوع الجاي وكلها مواد تخصص ..!! بـ تنومني بعد عشان ما اداوم..!؟
ياسر : انومكـ لا.. بس اذا حسيت ان الوضع ما هو امان لكـ ما راح تداومين من غير لا انومكـ و لا شيء.. انتِ صرتي تعرفين الموضوع الحين.. انا نومتكـ لأني ما ابي اقولكـ و اخوفكـ .. تشيلين هم اختبار ضاع عليكـ و لا تكونين خايفة..!!
صبا : بس .. انت صدق خوفتني..!!
ياسر : ما احد فيهم يقدر يعتب البوابة.. هنا أأمن لكـ من أي مكان ثاني..
صبا : ابي اكلم بابا يجي..
ياسر : عشان..!؟
صبا : عشان يحل الموضوع.. اوكـِ انت سويت هالشيء عشان تحميني و حتى بابا و فيصل يقدرون يحموني.. انت مو ملزوم فيني..!!
ياسر حط يده على خصرة : مين ولي امركـ ..؟!
صبا : بابا..
يـاسر بـحدة : صبـــا..!!! هذاكـ اول.. الحين انتِ مسؤولة مني.. فاهمة هالشيء و الا لا..؟!
صبا : اوكِ تحمل ما يجيكـ .. شروطكـ اللي شرطتها علي اول الزواج ما راح انفذها.. ما راح اسمح لكـ تهيني..!!
ياسر : اوكِ بـ نفتح صفحة جديدة من اليوم.. بننسى كل شيء صار و قلناة و بنبدأ كأننا متزوجين جدد..!! و سالفة زملاء السكن هاذي ان عدتيها ما تلومين الا نفسكـ فاهمة..!!؟!
صبا تراجعت : توكـ تقول بـ ننسى كل شيء صار و قلناه ايش معنى هاذي مسكت عليها..؟!
ياسر لف و حط يده على مسكة الباب بـ يفتحة : عشان احنا فعلاً بـ نبدأ صفحة جديدة.. البسي نقابكـ ابي افطر معاكـ ..
طلع و تركها.. بلعت ريقها جلست على الكنب تستوعب..!! من صحت للحين مجموعة عواصف مرت فيها..!! نبدأ صفحة جديدة..!!
بـرا..
جود : انا قايلة لكم.. البنت ذررربة و ياسر جـــلف اعوذ بالله ما تصلح له ابد.. المفروض ندور له وحده كذا طراز خاص..!!
ابو سعود : انتِ ان ما لميتي لسانكـ عن اللي مالكـ فيه بـ يجيكـ اللي ما يرضيكـ ..
جود تمد يدينها : اوكِ اوكِ ريلاااكس.. ريلاااكس.. شكلة مسحوب علي.. ما ادري مين اخذ مكاني..!! (تناظر بنت وعد) شكلهم بعض الناس..!!
وعد : نعم..!!
جود : و الله صدق من جات بنتكـ و انا مسحوب علي.. اكيد هي اخذت مكاني..!!
ام احمد : الا من رداكـ و سواياكـ الرفلة..!!
جود وقفت : وصلنا لـ هالنقطة اللي بـ يتشعب فيها الحديث و يوصل لـ نقطة اني بزر و ما اصلح للزواج.. اعرف و الله هالشيء لا تخافون ما راح افشلكم لأني مو متزوجة اصلاً.. الى اللقاء..!!
ام احمد تناظرها وهي تنقز على الدرج : ما ادري على مين طالعة هالبنت بـ تجنني..؟!
حاتم : عاد انا احسها مسوية جو لو بـ تتزوج صدق بـ نفقدها..
احمد : ليش ما تفطرين يا خالة..!!
ام سعود : مالي فيه.. مو كن سعود تأخر..!!
نطت شوق اللي جوالها قدام عيونها : الا تأخر..!! حتى اكلم بابا ما يرد علي..!!
ابو سعود : استغفر الله.. يا عمي سعود ماهو صغير عشان تحاتونة..؟! لا خلص شغلة ان شاء الله بـ يجي..!!
ميار : بس كنه طول صدق..!!
ابو سعود : و بعدين..؟! (قطع كلامة على صوت الجرس) مشعل قوم شوف الباب..
مشعل وقف : ان شاء الله..
خالد يناظر ولده : ليش ما تأكل..؟! البارح ما تعشيت..
ابراهيم : اكلت..
خالد : ويش اكلت..؟!
ابراهيم : جبنة و خبز..
خالد : خلص الحليب حقكـ ..
ابراهيم ابعد الكوب عنه : ما ابيه برد..
رند : سوف اسلبة بسلعة بسلعة و يخلص..!! انا حلصت حقتي..!!
مشعل : يبه هذا غازي يقول انه يبيكـ ..!!
نطت شوق قبل لا ابو سعود حتى يقوم : بابا..
ابو سعود وقف : وين..؟! اجلسي..
شوق : بس .. ابي اسألة..!!
ابو سعود : ناوية تطلعين برا..؟! اجلسي انا اكلمة..
شوق كانت على وشكـ ترجع لـ صياحها من جديد : عمــي.. تكفى..!!
ابو سعود طنشها و طلع.. و مشعل لحق ابوه..
ام سعود تناظر شوق المتحطمة : اجلسي يا بنتي.. ان شاء الله مو صاير الا الخير..
ياسر تنحنح : صباح الخير للجميع..
وليد ابتسم : تو الناس..!! صباح النور..!!
ياسر جلس من غير لا يعلق على استهزاء وليد.. : اجل ابوي وينه..؟!
احمد : مع غازي برا..
ياسر ناظر وليد يستفسر : عشان..؟!
وليد : ما ادري..؟!
ابو سعود : الحمدلله يعني بخير هي و عيالها.؟!
غازي : الحمدلله كل شيء تمام.. الحين بـ اقولكـ شيء ثاني..!!
ابو سعود : خير ان شاء الله..
غازي : خير .. امر المؤمن كله خير.. سعود تصاوب وهو بـ خير الحمدلله ما فيه الا العافية..!!
ابو سعود فزع : تصاوب..!!
غازي : قلت لكـ بـخير طلع من غرفة العمليات وهو بالإفاقة الحين.. ما فيه شيء الحمدلله و الإصابة ماهي بـ مكان خطير..
ابو سعود : وينه بـ أي مستشفى..؟!
غازي : ابراهيم اذا انت قلقت كل اللي بالبيت بـ يخافون..
ابو سعود : غازي لا تمتحني.. قولي بأي مستشفى..؟!
غازي تنهد : مستشفى ...........
ابو سعود ناظر مشعل : معاكـ مفتاح سيارتكـ ..؟!
مشعل : دف الباب : بـ اروح اجيبة بـسرعة..!! نط مشعل يجري و قفز بينهم وهم يناظرونة سحب مفتاح سيارتة.. ما حس غير بـ ام سعود واقفة بـ وجهة : سعود فيه بلا ..؟! صح..؟!
مشعل توهق..!! سكت شوي بعدها نطق وهو يتنفس بـسرعة : لا.. بس ابوي عنده شغلة مع غازي بـ يخلصها الحين ضروري..!!
وقفوا العيال كلهم..!! كان واضح جداً ان مشعل يكذب..!! مشعل تهرب و طلع حتى يلحقونة اخوانة كلهم..!!
غازي ناظرهم طالعين .. ناظر مشعل مقهور : انت بخور السوق..؟! على طول صبيتها بأذانهم ما امداكـ ..؟!
مشعل : ما قلت شيء.. بس اتوقع فهموا ما يحتاج شرح للموضوع..!!
خالد : ويش القصة..؟! مين اللي فيه شيء سعود و الا خالتي منيره..؟!
غازي كتف يدينة : سعود.. و رجاءاً انثبروا ببيتكم ابوكم يكفي هو يروح و يشوفة و يطمنكم عليه.. اصلاً بالإفاقة الحين يعني روحتكم مالها داعي..!!
احمد : شلون..؟! لا يكون اصابتة خطيرة..؟!
غازي : لا .. ماهي خطيرة الحمدلله.. بس تكفون انا تعبان ومالي خلق اجاريكم.. ما ينفع تتركون البيت كلكم..!!
وليد : بـ نروح نشوفة.. لازم نتطمن عليه..
غازي : هلا هلا.. انت بـ ذات ما تعتب الباب.. و انت ادرى ليش.. ما يحتاج اعلمكـ ..
وليد : ما يهمني شيء.. اللي يهمني اشوف سعود..
غازي : وليد لا تعاندني.. عارف خطورة الموضوع شلون.. ممكن يكونون يراقبون المستشفى..
وليد عقد حواجبة بـ حدة : ليش ما القيتوا القبض عليهم..؟!
غازي : الا الحمدلله.. بس الرئيس برا للحين..
وليد : و الرئيس ما يعرفني و لا قد شافني..
غازي : مو بعيد يكون شايف لكـ صورة .. عدا رجالة ممكن يكونون يعرفونكـ ..
كلهم ناظروا سيارة عساف اللي تدخل من البوابة..
ابو سعود : الله يستر..!!
نزل عساف بـ هيبة رغم التعب من بعد عمليتين اصيب في اولها سعود.. و انفتح الباب اللي وراء حتى تنزل خادمة ومعاها بنت صغيرة.!.! عرفها وليد..!! شلون ما يعرفها..!!؟!
عساف تقدم : امانتكـ خذها..
البنت كانت تبكي اول ما شافت ايمن المنذر صرخت..!! و اتجهت له لكن هو كان اسرع و نزل الدرج من الدرج ما يبيها تكون بـ نص المكان بينه و بين اخوانة و غازي عساف ..!! مهما كان اسمها زوجة حتى لو هي بزر : ايمــــن..!!
ايمن فاشل ..!! فاشل في تهدئة الأطفال..!! كيف يراضيها الحين..!! شلون يعاملها..؟!
شهقت وهي تبكي : هم اخذوني..!! بابا قالي خليكـ بالسيارة مع الحرس لين ارجع..!! بس ما جاء هذولي(آشرت على عساف) جوو اخذوني..!! انا خـــايفة..!!
ويش يقول..!! من وين يبدأ ..؟! بأي طريقة يتعامل معاها..؟! ماهو عارف..؟! و اللي زاد الوضع سوء وجود اهلة وراه..!! وده يبكي من القهر..!! ابتلش..! ليته قالهم ودوها دار ايتام و لا عاش بـ هاللحظة..!! هو اللي قالهم يجيبونها وهو اللي يتحمل نتيجة اقوالة و افعالة..!! نزل لـ مستواها و تنحنح حس صوتة راح من صعوبة الموقف : احم احم.. ابوكـ مو قالكـ اني انا بـ احميكـ ..؟!
هزت راسها بـ طفولة .. ماهو مصدق ان عمرها 12 ..!! يمكن الصقر يكذب عليه.. ايمن يكمل : خلاص بـ تجلسين هنا .. عشان ما احد يقرب منكـ و بتجلس معاكـ خدامة ..
هزت راسها بـ لا.. : لا انا معاي المربية حقتي..!! بس انا خايفة..!!
ايمن.. : ما فيه شيء يخوف.. و المربية حقتكـ بـ تسافر.. انا جبت لكـ وحده جديدة..!!(اكيد ما راح يثق بأي احد له علاقة بالصقر.. بـ يطلعها من هنا على المطار على طول و يسفرها.. ما راح يخليها تبقى معاها)..
: بس انا ما اعرفها..!! ما اعرف احد.. ابي بابا..!! بس بابا..!!
ايمن بـ حدة : ســـحر..!! اسمعي الكلام..
مراقبين الموقف ما احد فيهم قدر يعلق.!! بزر..!! وليد متزوج بزر..!! حتى مو عارف كيف يتعامل معاها..!! غازي ناظر في ابراهيم.. : هونها و تهون بس تنتهي القضية كل شيء يرجع مثل قبل و ازين..!!
ابتسم ابراهيم بدون نفس : تضحكـ علي و الا على نفسكـ ..!!
غازي رد الإبتسامة : الإثنين..!!
ابراهيم يناظر وليد مع بنت الصقر : تدري انه ما راح يتركها..!!
غازي : ابصم بالعشرة..!!
ابراهيم : ابصم بالعشرين.. بـ اروح اشوف سعود وهو يتحمل مسؤولية اللي سواه..
خالد : بـ اروح معاكـ يبه..
عساف : عمي اجلها للعصر.. سعود الحين بالإفاقة و دايخ خله يرتاح و ان شاء الله تجيه العصر و يكون مصحصح..
ابو سعود : لا .. لا تحاول تقنعني لازم اشوفة الحين..
احمد : حتى انا بـ اروح..
مشعل : طبعاً انا ما يحتاج تنتظروني اقول رايح رايح ان شاء الله..
عساف : و ياسر و حاتم اكيد بعد بـ يروحون.. ما ينفع كذا كلكم تطلعون من البيت..!!
ابو سعود ناظر عيالة : كلكم بـ تجلسون.. انا بـ اروح مع عساف..!!
مشعل انقهر : يـــبه..!!
ابو سعود : كلامي واضح يا مشعل.. يالله ادخلوا.. خلوا الناس تحل مشاكلها..!!(كان يقصد وليد)..
وقف وليد ولف على ابوه : ويش تقصد يبه ..؟!
ابو سعود نزل الدرج وناظر بنت الصقر : اسأل نفسكـ ..!!
سحر سحبت كف ايمن مثل ماهي تعرفة : هذا ابوكـ ..!؟ مو ابوكـ مات..؟! كيف يكون عند ابو اثنين..؟!
عساف نزل الدرج ومن غير لا يلتفت على وليد عينة على سيارتة : فعلاً مشاكلكـ يبي له حل سريع..!!
وليد ناظر سحر : تعالي..
مشى متجة للملحق و معاه سحر و وراهم المربية..
احمد : شكله شايل هم..؟!
ابو سعود لف على غازي : ياليت تتفاهم مع بنتكـ .. ام سعود تقول لا نامت و لا اكلت.. بـ تخليها لين العصر كذا..؟!
غازي : بـ أخذها معي للبيت..
ابو سعود : اللي يريحكـ ..
طلع ابو سعود مع عساف.. و غازي ناظر الشباب واقفين : ايش فيكم..؟!
ياسر : ايش صار على خالتي و عيالها..؟!
غازي يطلع جوالة عشان يدق على بنتة : طلعناهم الحمدلله بخير.. و حطيناهم بـ مكان أمن..
احمد : ومتى بـ ينتهي كل ذا..؟!
غازي : قريب .. ان شاء الله قريب.. بس انتبهوا لـ وليد.. لا يتهور و يسوي أي شيء.. يمكن يروح لـ سعود و هالشيء ماهو بـ صالحة.. حاولوا تمنعونة.. اعرفة اخر همة مصلحة نفسة..
احمد : لا تشيل هم ان شاء الله ما راح يتهور..
غازي : السلام عليكم.. بخير يا بابا.. اطلعي انا انتظركـ برا ابيكـ تروحين معاي.. يا بابا انا استأذنت لكـ من سعود ما راح يزعل .. هو بس يخلص شغلة بـ يكلمكـ ..!! .. طيب لا تتأخرين.. فمان الله..
..
مقر العصابة..
يدور بالمكان مثل المجنون : شلون قدروا عليهم..؟! هذا و الصقر معاهم..؟!
عمر : المشكلة اننا مراقبين المكان و عارفين كل شيء.؟!
: غازي كان معاكـ البارح..؟!
عمر : ايه ببيت عمي..
: كله من رجالة الكلاب.. كله منهم..!! و لا بعد مأخذ لي منيره ..!! ابي اعرف ويش اللي دراه عنها..!؟
عمر : مو يمكن تكون قايلة لـ عمي..؟!
ناظر عمر مستغرب : قايلة له..؟! و ليش ما عطاها اللي تبيه و شرى حياتها..؟!
عمر ابتسم : عمي ابراهيم ماهو غبي هالكثر.. بـ يقول لها بـ بساطة انه ما يثق فيكـ انكـ بتحرر عيالها.. و اتفق معاها عشان ترجع و تعرف اخر مكان استقروا فيه عيالة عشان عمي يساعدها..
يتنفس بـسرعة من قهرة : تجيه عليه.. ابراهيم كل شيء يجي عليه شيطان.. عليه مخ يوزن بلد..!! بس ما راح اخليها تمر كذا.. راح اذبحها هي و عيالها و ارسلهم هدايا لـ بيتة..!!
عمر : انت تعرف ان هالموضوع كله ما يهمني .. اللي يهمني استرجع الفلوس اللي عند عمي لأبوي عشان كذا ابي انتهي من كل شيء بسرعة..!!
: بـ ترجع انت للدوام .. و بـ تعرف لي كل الأخبار هناكـ .. ابي اعرف السجن اللي حطوا فيه رجالي.. و ابيكـ تكون مع عمكـ سمح و تعرف ويش اخبار منيره منه.. و وين حاطينها هي و عيالها..
عمر : تأمر .. بس يبي لها وقت.. تعرف اخبار الشغل يعني لو رجعت بكره يبي لي اقل شيء اسبوع عشان ما يحسون اني من قبل اعرف كل شيء..
: خذ راحتكـ اهم شيء بدون اخطاء يكفي الصقر و باقي الرجال بالسجن ما ابيكـ انت بعد تدخلة.. عاد انت عقوبتكـ غير.. بـ تكون اضعاف مضاعفة بما انكـ عسكري..
عمر : و لا يهمكـ اقدر اوصل للي ابيه من غير لا يحسون.. ما راح يشكون فيني و اولهم عيال عماني..
: حلوو .. اجل عساكـ ع القوة..
عمر وقف : الله يقويكـ .. انا بـ اروح البيت.. تأمر على شيء..؟!
: سلامتكـ ..
عمر : الله يسلمكـ ..!!
..
بيت غازي..!!
وسط صدمة امال و بناتها و ندى من القصة اللي يقولها غازي.. و حقيقة اختفاء لينا كل الفترة اللي فاتت..!!
امال عاقدة حواجبها : ماني مصدقة..!؟ بنتي مخطوفة كل هالوقت و انا ما ادري..؟!
غازي بـ هدوء : معرفتكـ ما راح تغير بالموضوع شيء.. هذا هي رجعت الحمدلله..!!
لينا : ماما خلاص.. و الله انا فرحت اللي بابا ما قالكم ما ابيكـ تخافين علي.. انا بخير و الله..
ريما تناظر ابوها منقهرة : و انت متى عرفت انها انخطفت و كل القصة اللي قالتها لكـ من قبل كذب..؟!
غازي : يمكن بعد اللي صار بإسبوعين..!!
ريما : و لما كنت اقولكـ ان لينا ما تسويها ما كنت تصدقني..!!
غازي ناظرها : بابا انا قلت لكـ ادري اني ظلمتها و ظلمتكـ .. بـ ترجعين تزعلين مني..؟! ما راح تكمليني..؟! ..
ريما : بس انت ما قلت لنا..! اصلاً كذبت علينا قلت انكـ زوجتها و كلمت القصة على كيفكـ .. انا كنت اخاف اجيب طاريها قدامكـ اخاف من ردة فعلكـ للموضوع.. رغم انها توأمي يعني .!! تقاسمني كل شيء.. بس ما قدرت اقولكـ .!! ما قدرت حتى اعبر عن اللي بداخلي..!!
لينا : ريمــا خلاص.. بابا ما كان عنده حل ثاني.. لازم يكذب عليكم عشان ما تخافون علي..!!
ريما وقفت : ما نخاف..!؟ تضحكين على نفسكـ و الا علينا..؟! حتى ماما قد حاولت فيه انه يكلم زوجكـ اللي ما ادري من وين اخترعتوا السالفة و يجيبكـ لنا.. حاولت فيه يرضى عليكـ .. و احنا متضايقين عشانكـ ..
لينا : يعني انا اللي كنت مبسوطة..!.؟ اذا انتِ كنتِ بأمان .. انا كنت وسط عصابة..!! اذا انتِ عندكـ ماما و بابا و شوق و همس و عمي وجدتي انا ما عندي احد اعرفة.. ما عندي..
غازي : ريما اهدي .. اجلسي خلينا نحل الموضوع بـ هدوء..
ريما : انت طلعتنا من كل شيء.. كل حياتنا انت تتحكم فيها.. تعيشنا على الشيء اللي انت تبيه.. تخبي علينا اشياء المفروض احنا اول من يدري بها..
لينا : لا تخلطين المواضيع بـ بعض.. ويش كنتِ تبين بابا يقولكم..؟!
ندى : لينا معاها حق.. ابوكـ ما خبّى الموضوع عنكم الا من خوفة عليكم.. لو بـ تدرون ان اختكم بـين عصابة هالشيء يمكن يحرمكم النوم.. احنا جربنا هالإحساس لما انخطفت وعد..!! و الله صعب.. الواحد ما وده عدوة يحس فيه كيف بـ حبيبة..!! ابوكـ كان يحميكم من احساس القهر ما وده تحسون فيه..!! مو بس قهر بـ يكون خوف و عجز و غبنة..!!
جلست ريما بـ هدوء.. اقتنعت..!! ندى جربت هالإحساس ..!! كيف يكون لكـ اخت مخطوفة..!!
شوق : ماما فيكـ شيء ..!!
امال : لا .. بس ماني قادرة استوعب كل شيء صار للحين..!!
غازي : لا تفكرين فيه.. هاذي لينا عندكـ و هذا هو المهم..!!
لينا باست راسها : ماما آسفة و الله.. ما كان بيدي.. اجبروني اقولكم هالحكي.. و اشككم فيني..!! ماما لا تزعلين مني و الله انا احبكـ ..!!
حضنتها امال : ماني زعلانة يا ماما بس خايفة عليكـ ..!!
لينا : ما فيني شيء دامني عندكم انا بخير ما اشكي باس..
امال رفعت راسها : ايش سوو لكـ ..؟!
لينا : و لا شيء.. و الله ما قدروا.. عمر حماني منهم.. و الله يا ماما حتى من بعد ما حبسني بالجناح ما شفت و لا واحد فيهم..!
امال : الحمدلله.. حتى لو انه راعي شر الله يجزاة بالخير على اللي سواه معاكـ ..!!
لينا ابتسمت عمر راعي شر..!! لايق ..!! صدق لايق عليه بس شهم.. وقفتة معاها كل الفترة اللي فاتت ما يسويها الا رجال من ظهر رجال..
امال ناظرت غازي : ويش بـ تسوي الحين..؟! بـ تخلية متزوجها..؟! صح هو ما قصر بس بعد ما يرضينا بنتنا تأخذ مجرم..!!
نطت لينا مفزوعة قبل لا ابوها يرد : لا .. عمر مو مجرم ماما .. و الله .. مو مجرم..!!
غازي : لينا .... (يحك دقنة و ناظرها بـ تمعن) صار شيء بينكـ و بينه..؟!
انصدمت..!! اخر سؤال توقعت انه يتوجه لها هذا..!! ومن ابوها..!! الصدمة تصير ثنتين..!! حست انها توقفت حتى عن التنفس..!! بلعت ريقها حست انه ناشف : كـ كـ يف يعني..!؟
غازي ما فاتة تغيرها حتى نبرة صوتها تغيرت.. ما كان هو الوحيد اللي ينتظر الإجابة .. امال حاطة يدها على قلبها : ما اتوقع انكـ بزر مو فاهمة شيء.. سؤالي واضح..!!
هزت راسها : لا.. لا بس كان يحميني..!!
امال تنهدت بـ راحة : الحمدلله .. طاح قلبي..!!
وقف غازي : انا بـ اروح ارتاح..
شوق وقفت : و سَعُود..!!
غازي : ايش فيه..؟!
شوق تترجاه : كلم احد معاه.. بابا اكيد تعرف مين معاه بالعملية الله يخليكـ ..
غازي : اكلم احد معاه ويش اقولة..؟! بالله طمني على زوج بنتي ماهي راضية تنام..!؟
شوق : لا ..بس..!!
غازي : لا بس و لا شيء.. اصلاً بالعمليات ما يروحون بالجوالات.. انتِ نامي و ارتاحي..
شوق : شلون..؟! طيب هو ما يدري اني طلعت من البيت..؟!
غازي : انا قلت لأبوه اني بـأخذكـ معاي.. وهو موافق اذا رجع سعود البيت بـ يقولون له اني اخذتكـ ..
جلست شوق قلقانة..!! و وقفت ريما قبل لا يطلع : بابا زعلت..؟!
غازي : ايش رايكـ ..؟!
ريما تقدمت منه و باست راسة و كتفة : آسفة..!!
غازي : لا عاد تطرين لي هالموضوع ممكن..؟! اعتقد تصالحنا يعني المفروض ننسى.؟! و الا انتِ للحين بـ قلبكـ شيء علي..؟!
ريما : لا والله .. بس انا خفت على لينا..
غازي : خلاص بابا انتهى هالموضوع.. افتحي كتابكـ و ذاكري..
ريما : طيب.. آسفة لا تزعل!!
غازي قرص خدها : ماني زعلان.. بس ابي اريح تعبان..
طلعت غازي .. و كل وحده تفكر بـ همها.. لينا بـ عمر و الحمل و سؤال ابوها..؟! و شوق تفكيرها محصور بـ سعود و ويش ممكن يصير له و الشيطان ما يوسوس لها الا بالأشياء الشينة.. اما ريما على اساس عندها اختبارات بس مطنشة و كأن الموضوع ما يعنيها..
وقفت ندى : عن اذنكم..
امال : اذنكـ معاكـ ..
ريما تناظرهم بعد ما طلعت ندى : و الحين..؟!
امال : وشو..؟!
ريما : ما تلاحظين بناتكـ سرحانات..؟!
امال : ما تلاحظين انكـ مهملة دروسكـ .. ترى بـ اعلم ابوكـ ..
ريما : ماما بليـــز انا مو بيبي تهدديني في بابا .. كبـــرت و الله..
امال : عاد ياليتة باين هالكبر..
لينا حضنت امها : ابي انام عندكـ تكفين..!!
امال باست خدها : اكيد بـ تنامين عندي.. الله يحفظكـ ..
ريما وقفت : طبعاً ما احد معطيني وجه لازم انخطف عشان اعرف اذا انا غالية و الا وقتها يمكن احد يزعل عشاني و يدور علي و يدعي لي بعد..!!
امال : انت ما تعرفين تستحين على وجهكـ ذا حكي ينقال..؟!
ريما : اوكِ با استحي بـ تعلمين بابا علي اوكِ بـ انحاش قبل لا ينزل غازي..


جناح ندى..
غازي حاط ذراعة على عيونة : ما توقعت تقنعين ريما بـ سهولة.. او يمكن توقعت ردة فعلها تكون غير..
ندى جالسة : بصراحة توقعتها تكسحني.. بس بنتكـ متغيرة متقبلتني شوي اهون من قبل..
غازي : نامي عندي شغل العصر..
ندى : طيب قبل ما انام.. بـ اقولكـ شيء..
غازي رفع ذراعة و ناظرها : اذا عشان موضوع لينا اجليه.. مالي خلق اتناقش بـ هالموضوع يكفي متعبني سبع شهور.. ابي انام نومة مرتاح فيها..
ندى : لا مو عشان هالموضوع.. تدري خلاص بـ وقت ثاني..
لف غازي على جنبة الأيمن : قولي اسمعكـ ..
ندى : لا .. احسن وقت ثاني..؟!
غازي : ندى قولي اللي عندكـ ما راح انام اذا ما عرفتة..
ندى : طيب..!! امممم..
غازي جلس لما حس انها مطولة : ايه و بعدين..؟!
ندى ناظرت السرير : انا.. امممم ..
غازي : وشووو اللي امممم..؟! قولي اللي عندكـ ..
ندى : طيب اصبر.. مو تعصب علي كذا..؟!
غازي بـ حدة خفيفة : ما عصبت بس ويش اللي اممممم .. مو انتِ عارفة ويش بـ تقولين.. يالله احكي اسمعكـ ..!!
ندى : انا ..
غازي : طيب انا اعرف هالنقطة انتِ .. وبعدها ويش..؟!
ندى تأزمت : شفت واضح انكـ مو فايق خلاص خله لين تفوق..
غازي : ندى لا تستفزيني.. قولي اللي عندكـ ..
ندى : انا .......حـ امل..!!
ناظرها شوي بعدها ابتسم : تقولينة صادقة..؟! متأكدة و الا شاكة بس..؟!
ندى من غير لا تناظرة : متأكدة..!!
غازي وقف .. و سجد شكر رابع خبر يتلقاه يسعدة.. لينا و رجعتها .. القاء القبض على العصابة.. سلامة سعود.. حمل ندى..!! وقف ولف لها مبتسم : الحمدلله يارب.. كنتِ ناوية تأجلين بعد.. شايفتني محتاج شيء يونسني كنتِ تقولين لي تخليني انبسط..
جلس : شلون تأكدتي..؟!
ندى : رحت مع امي و حللت.. من فترة..!!
غازي عقد حواجبة : من فترة..!! يعني لكـ فترة عارفة وما قلتِ لي..؟!
ندى : ما جات فرصة..!!
غازي : بمشيها ندى عشاني مروق .. بس شيئين حطيهم بـ راسكـ عدل.. اولاً ما احب احد يخبي علي شيء و عذرة ما لقى فرصة انا ارجع البيت كل يوم ماني مبيت بالشغل.. ثاني شيء لا تطلعين مع أي احد من غير لا تستأذنين مني.. ما اذكر انكـ كلمتيني بـ تروحين مع امكـ لأي مكان..
ندى استغربت..!! توه كان مروق و الحين يحذر : انا ما غلطت رحت مع امي و اللي ودانا حاتم ما رحت مع السواق لحالي.. و بعدين صدق ما جات فرصة لو لقيت وقت اقولكـ كنت بـ اعلمكـ بس ما لقيت يمكن صار للموضوع اربع او خمس ايام يعني مو مدة طويلة..!!
غازي : لا تقولين ما غلطتي ..!! طلعتي من غير شوري.. حتى لو مع امكـ و اخوكـ انا المسؤول عنكـ مو اخوكـ .. و هالشيء انا المفروض اروح معاكـ .. مو امكـ و لا اخوكـ ..
ندى : غازي ايش فيكـ انت تبي تهاوش معاي..؟!
غازي : لا و الله انا اللي بـ اتهاوش..!؟ انتِ ما انتِ شايفة نفسكـ غلطتي..؟!
ندى : لو رحت مع السواق لحالي من غير لا اقولكـ اوكِ يحق لكـ تزعل و تهاوشني و تدق راسي.. بس انا طلعت مع امي و اللي ودانا حاتم.. انت وقتها اصلاً ما كنت فاضي مشغول بـ خطف بنت عماد و طلعت حتى بنتكـ مخطوفة يعني ما كنت فاضي لي اصلاً..
غازي : جربتي تكلميني و تقولين لي ابي اروح لـ دكتورة و قلت لكـ لا.؟!
سكتت ندى..!!
غازي : ليش ما تردين .. قد قايلكـ انا ما احب احد يسفهني او يرد علي بإيماءات .. قلتي لي و قلت لكـ ماني فاضي..!؟
ندى : لا..
غازي : يعني انا ما اهاوش من فراغ.. انتِ غلطتِ وما تبين تعترفين بـ غلطكـ ..
ندى : طيب انا آسفة حقكـ علي ما عاد تتكرر.. لو بـ اموت من الوجع ما راح اقول لأحد غيركـ كذا تمام..؟!
يدري انها زعلت بس هي غلطانة وماهي معترفة بعد : أي تمام..
..
العصر.. المستشفى..
عزام : احمد ربك نايمين عندكـ من الفجر..
سعود : يوووه الناس اللي تسوي الجميل و تمن فيه.. خلاص سفرق اجل لا تقعد عندي..
عزام : بـ اقعد لين اشوف احد من اخوانكـ جاء و اروح ما ابي اشوف شكلكـ شهر قدام..
سعود : هذولي الشباب موجودين ما يحتاج تقعد..!!
عزام ابتسم يستهزء : ما اثق فيهم .!!
عماد استغرب : نعــم..!!
عزام : البارح قدام عيونكم يروح يسكر البوابة ما احد منعة و اخر شيء طول الوقت نأكل تهزيء من الفريق جابر..
نايف : و الله صدق شرشحنـــا .. حسيت اني ادرس بالمتوسط و اتهزئ بالطوابير..!!
اندق الباب .. سعود : تفضل..
دخل مبتسم : السلام عليكم..
انصدموا عساف و سعود بـ وجوده..!! متى رجع..؟! عساف وقف : عمـــر..!!
عمر يحضن عساف و يضحكـ : ليش يعني لـ هالدرجة نسيتني عشان تشككــ..؟!
عساف ابتعد عنه : سلامة الأسفار متى رجعت..؟!
عمر : اليوم الفجر.. (تقدم لـ سعود و سلم عليه) سلامــات ما تشوف شر ان شاء الله..
سعود : الله يسلمكـ .. ما بغيت ترجع اشتقنا لكـ مكانكـ مفقود..
عمر : ما تفقد غالي.. (اتجه عمر لـ الشباب و سلم عليهم بـ هدوء ما له علاقة فيهم من قبل لكنه يعرفهم الحين من الرئيس و حكيهم و صورهم اللي دايم يشوفها)..
نايف يناظر عساف : ماشاء الله هذا اخوكـ ..؟!
عساف : تقريباً.. ولد عمي سعد..
سعود : بعد ما تعرف نسل عيلتنا و بـ تأخذ عمتنا .. ما فيه بكره بـ نسوي لكـ مقابلة..!!
نايف : هههههههههه مملكـ يعني وشو تبيني اطلقها.؟! حامض على بوزكـ ..
عمر جلس على السرير : عمتنا..؟! مين..؟!
عساف : يووه هاذي سوالف طويلة يبي لها سهرة.. اليوم ان شاء الله..
عمر : اوكِ ما عندي مانع.. متى ما حبيت..
الطق الخفيف على الباب قاطعهم.. دخل ابراهيم الصغير و وراه جده و ابوه و غازي..
سعود : هلا بـ ذيبان..!!
سلم ابراهيم على عمة : سلامتكـ ..
سعود : الله يسلمكـ ..
سلم بعدها ابو سعود و غازي و خالد.. لكن الثلاثة ما سلموا على عمر.. و استغرب سعود..
سعود : غريبة امداكـ تشوفهم عشان تسلم عليهم.؟!
عمر مستند بـ هدوء على السرير و عيونة تدور في المكان : افااا عليكـ .. قابلتهم كلهم..
عساف مستغرب من عمر : ايش فيكـ ..؟!
عمر : و لا شيء.. (ناظر ابراهيم) هذا ولد مين..؟!
خالد : لـ هالدرجة ماهو مبين مين ابوه..؟!
عمر : انا رحت قبل سنة وما اخبر احد فيكم تزوج.. الا ان كان عمي بندر متزوج برا و راجع بـ مره هذا شيء ثاني.. تجي عليه..!!
ابو سعود : هذا الحكي قبل سنة الحين ماشاء الله عندنا اربع متزوجين.. بدو يتلحلحون..!!
عمر : ماشاء الله.. اللي اعرفة سعيدان..!! مين بعد..؟!
خالد : و ياسر و فيصل و بندر..
عمر ابتسم : يعني صدق ولد عمي بندر..؟!
خالد : لا.. ولدي..
عمر ميل راسة : نعم..؟!!!
خالد : ولدي.. ما تشوفة جميل مثلي..؟!
عمر : و انت متى تزوجت عشان يجيكـ ولد هالكبر ماشاء الله..؟!
ابو سعود : تزوج برا من غير لا احد يعرف غير حميدان اللي يدسدس بلاويهم..
عمر يناظر خالد رفع حواجبة : من جدكـ .؟! متزوج يوم كنت رايح ابتعاث ومن غير لا تقول لأحد..؟! ليش ويش اللي حدكـ ..؟!
خالد : عمر رجاءاً هالموضوع صار له فترة طويلة بـ تهاوش الحين..
عمر : لا يا شيخ..؟! على كيفكـ تغلط و تبي الكل يسكت عنكـ ..؟!
خالد : اللي صار صار و انتهى الموضوع..!! لا تجلس تعيد بـ شيء انتهى..!!
عمر منقهر من خالد : ما اشوفة انتهى و انت بحضنكـ ولد..!!
ابراهيم : ابوي صادق.. جدي خلاص سامحة.. و الموضوع انتهى..!!
عمر استغرب من الرد : انت كم عمركـ .!؟!
ابراهيم : تسعة سنوات..
عمر هز راسة ما يبي يتهاوش مع خالد قدام ولده مبين انه فاهم : طيب..!! طيب..!!
غازي يناظر رجالة : ما رحتوا بيوتكم و نمتوا..؟!
عماد : ما رحنا بيوتنا بس كلنا نمنا هنا على الأرض .. نومة يحبها قلبكـ ..!!
غازي : هههههههههه اللهم لا شماتة طيب كلكم مو مشكلة.. (آشر على عزام) انت ما رحت بيتكـ تشوف ولدكـ ..؟!
عزام : لا ..!! شفتهم بينامون كلهم و تكاسلت و نمت معاهم و الناس ماهي مقدرة تضحيتي عشانهم..!!
سعود : لا تقول انا ماني مقدر انت اللي تمن علينا بـ هالنومة.. انا قلت لكم ارجعوا بيوتكم ما يحتاج احد فيكم ينام و انتم عاندتوا...!!
عمر انتبة لـ كاميرا مثبتة على الجدار التفت على سعود : متى بـ تطلع..؟!
سعود : كلمت احمد يقول لـ الدكتور يطلعني و للحين ما رجع..
عمر وقف : اهــا.. طيب ما تشوف شر ان شاء الله..
سعود : وين تو الناس..؟!
عمر : عندي شغلة بـ اقضيها.. تأمر على شيء..؟!
سعود : سلامتكـ بس عاد لا تقطع.. !!
عمر : ان شاء الله.. (ناظر عساف حتى يلحقة) يالله نسلم عليكم..!!
: مع السلامة..
طلع عمر و طلع وراه عساف على طول..
عساف : ايش فيكـ ..؟!
عمر : طلع سعود من الغرفة فيها كاميرا..
عساف استغرب : وشو..؟!
عمر : اللي سمعتة.. طلعة من الغرفة و أي شيء قلتوه فيها غيروه من غير لا احد يحس بـ شيء..
عساف : الحين بـ اروح اطلب تغيير الغرفة..
عمر يناظر اخر الممر و شاف شخصين يتكلمون واضح انهم يراقبون بس مين..؟! غرفة سعود و الا هو..؟! : لا .. بـ تقابل احمد و تخليه يكلم الدكتور يكتب له خروج حتى لو رفض طلعوه على مسؤوليتكم.. اهم شيء ما يقعد هنا..
عساف انتبة لـ نظرات عمر : ايش فيكـ ..؟!
عمر : لا تلتفت.. فيه احد يراقب..
عساف : يراقبنا..؟!
عمر : ايه.. انا رايح ممكن يكونون يراقبوني لا تبين لهم انكـ انتبهت ممكن ما يكونون من العصابة.. وسوو اللي قلت لكـ عليه الحين..
مشى عمر حتى يستغرب عساف..!! عمر ويش عرفة عن العصابة..!! كيف وهو راجع اليوم..؟! مستحيل يعرف عن القضية..؟! ظل واقف لين شاف اثنين تخطوة لاحقين عمر.. دخل بسرعة و سحب سلاحة و جوالة و مفاتيح سيارتة.. همس بإذن رئيسة : فيه كاميرا بالغرفة طلعوا سعود من المستشفى على البيت.. على اساس الدكتور مسوي له خروج لا تسوون شوشرة و كأننا انتبهنا للكاميرا..
غازي مسكة : لحظة وين وين رايح..!؟
عساف : فيه اثنين يلحقون عمر.. بروح الحقهم..!!
طلع عساف بسرعة .. ابو سعود : وين رايح..؟!
غازي وقف : عنده شغل.. (لف على سعود) تجهز الدكتور كتب لكـ خروج.. بـ اروح اسوي الأوراق..
خالد : ارتاح انا اسويها..؟!
غازي ابتسم : ما يهمكـ ماهي مأخذة من وقتي.. انا بـ اسوي الأوراق و بـ اطلع البيت عشان بـ ودي بنتي لـ بيت ابو سعود .. اقابلكم هناكـ ..!!
كان واضح فيه ان بالموضوع..!! كانوا يناظرون بعض ما احد فيهم تكلم..!! فيه شيء غريب..!!
غازي قابل احمد : هاه كتب له الدكتور خروج..؟!
احمد : لا.. لازم نتطمن عليه لين بكره.. و بعدها يصير خير..
غازي : لازم يطلع اليوم و الحين بعد.. بـ اروح اطلعة على مسؤوليتي..
احمد : ما يصير يا ابو شوق.. الدكتور ادرى بـ حالتة..
غازي : انا ادرى باللي ما يدري فيه الدكتور..
غازي مشى و لحقة احمد يبي يقنعة يخلي سعود لين بكره على الأقل..
..
عمر بـ سيارتة و يشوف سيارتين تلحقة وحده فيها الرجالين اللي يراقبونة و الثانية لـ عساف..!! زاد بـ سرعتة و عكس الطريق اخذ طريق الرجعة تفاجأ بالسيارة اللي فيها الرجالين تطلع من فوق الرصيف و توقف بـ وجهة..!! نزلوا من السيارة و نزل هو و مجهز سلاحة بيدة اليسار داخل جيبة..
: عمر بن سعد..؟!
عمر يشوف عساف داخل سيارتة يراقب الموقف : ايه مين انتم..؟!
الرجال الأول : نبيكـ بـ موضوع..!!
عمر : مو قبل ما اعرف انتم مين..؟!
الرجال الثاني : بـ تعرف اذا جيت معانا..!!
عمر : حتى البزارين ما يمشون مع ناس اغراب..(خرج سلاحة و مده عليهم) اعطيني هويتكـ انت و اياه..
ابتسم الرجال الأول : لا ما ينفع كذا.. (سحب سلاحة) اثنين ضد واحد..!!
عمر : اعطيني هويتكـ قبل لا اطلق على واحد فيكم..؟!
الرجال الثاني : انت مو فاهم.. احنا نبيكـ بـ خدمة..!!
عمر : اعطيني هويتكـ قبل لا تطلب خدمات..
خرج الرجال الثاني بطاقتة اللي توضح مركزة و شغلة : ارتحت..؟!
عمر نزل سلاحة .. مستغرب :fbi ..؟!
الرجال اول نزل سلاحة بعد ما عمر نزل سلاحة : ايه.. و نحتاجكـ بـ خدمة..!!
عمر : كان صعب تقولون لي مين انتم من غير لا تلاحقوني..!؟
الرجال الثاني : لنا فترة ندور عليكـ وما لقيناكـ بـ سهولة..!!
عمر : طيب.. وين تبونا نحكي..؟!
الرجال الأول : فيه محل كوفي قريب من هنا.. بس صرف ولد عمكـ ..!!
عمر ابتسم : طيب.. اتجه لـ سيارة عساف .. نزل عساف القزاز وهو يشوف عمر متجه له : ايش القصة..؟!
عمر : ما فيه قصة و لا شيء.. تقدر تروح..
عساف : تستهبل علي..؟! مين هذولي..؟!
عمر : رجال اعرفهم .. انت روح و بـ نتقابل بالليل ان شاء الله..
عساف : و انت ناوي تروح معاهم..؟!
عمر : عساف عندي شغل.. الله يرضى عليكـ عندي من الشغل ما يكفيني.. ماله داعي تقلق علي.. انا بـ اخلص شغلي معاهم و بعدها بـ اكلمكـ اوكِ..؟!
عساف : ماني مرتاح..!!
عمر : عساف ماني بزر.. اعرف احل مشاكلي..
عساف : شفت يعني بينكـ و بينهم مشكلة..!! هم اثنين و انت واحد..!!
عمر : و بـــعدين..؟! اذا جاء العشا و انا ما جيت او دقيت علي و لا رديت او جوالي مقفل تصرف باللي تبيه.. تمام كذا..؟!
عساف : ماشي يا عمر.. بعد صلاة العشا القاكـ بـ بيت عمي ابراهيم لو ما جيت بـ اقلب عليكـ المدينة بـيت بيت فاهم..؟!
عمر اعتدل بـ وقفتة بعد ما كان مستند على سيارة عساف : ايه فاهم.. الحين حركـ يالله..!!
..
بيت عامر.. العصر..
: وين كنتِ من الصبح للحين..؟!
تفاجأت بـ ناصر واقف بـ وجهها و ينشدها : نعــم ..!! و انت ويش دخلكـ ..؟!
ناصر : اقسم بالله ان ما قريتي الحين و اعترفتي وين كنتِ لا تطلعين من هالبيت و لا عاد لكـ رجعة..!!
البتول عصبت : ما يخصكـ انت مو زوجي .. روح استعرض شخصيتكـ عند زوجتكـ .. ما لكـ دخل فيني..
ناصر : شوفي انا سكت عنكـ واجد.. و الله يا البتول اني ما راح اسكت زود.. بس يجي عماد بـ تشوفين شيء عمركـ ما شفتية..
البتول : وينه يا حظي تلقاه طايح بـ بيت ابراهيم ما يندرى لو انه مرجع الحية من زمان..
ناصر : كان زين.. على الأقل ما تطلع من الصبح لليل ما احد يدري وين كانت..
البتول : ما اسمح لكـ تشككـ بأخلاقي .. لم لسانكـ عني و الا اقسم بالله بـ اشكيكـ عندي عمي عامر..
ناصر : روحي تلقينة بـ مكتبة و لا تنسين تخبرينة انكـ من الصبح طالعة..
طنشتة البتول و طلعت..
ام ناصر : ويش بلاكـ عليها..؟!
ناصر : يمه .. يمه الله يرضى عليكـ لا تسمعينها الحكي.. انتِ شايفة انها غلطانة .. مستغلة غياب عماد هايتة من وراه.. شوفي لبسها شوفي حكيها و لا شيء يدل انها تربت..
ام ناصر : خلاص مالكـ دخل فيها .. زوجها يعرف يهجدها لا تحشر نفسكـ بالمشاكل..
ناصر : عماد يعرف يهجدها بس هي من وراه وجه و من قدامة وجه.. و انا ما حشرت نفسي .. الناس بـ تنقد فينا كلنا .. ماهم قايلين ان هاذي مرت عماد و البلى بأهلها..
ام ناصر : تكفى يا ابوي الله يخليكـ لي .. انا بـ اكلم اخوكـ خلاص بس لا تحط دوبكـ من دوبها..
عبدالله مستند على الباب كان ساكت يسمع الحوار كله : لا يا خالة احنا بـ نكلمة.. خليها بينا و بينه..
..
بيت ابراهيم.. بعد العشا..
ام ناصر : بسم الله عليها.. ويش فيها يا وعد ما توكلينها.. البنية ما كبرت..!!
عهود جالسة جنب خالتها اللي حاطة بنت عماد بـ حضنها من يوم جات : يمكن مجوعينها حرام عليكم ويـــه يا جعلني فدا لـ ذا الخشة..!!
ام عبدالرحمن : طالعة على اميتها..
هنادي ابتسمت : يقولة بندر كنكـ تشوفين وعد وهي صغيرة نسخة منها..
وعد : عاد انا ما احسها تشبهني..!! احط خشتها جنب خشتي بالمراية ما احسها مثلي..؟!
انهار : يمكن و انتِ صغيرة مالكـ صور و انتِ صغيرة..؟!
وعد : ما ادري اذا فيه صور اكيد عند بابا..!! يبي لي اسألة..
: السلام عليكم..
وقفوا كلهم يسلمون .. : وعليكم السلام..
امال و ندى و همس..
ام عبدالرحمن : حياكم الله..
امال : الله يحييكـ يا خالة.. كيف حالكم..؟!
ام عبدالرحمن : بخير يا وليدي الحمدلله ما نشكي باس.. انتِ ويش حالكـ ويش حال بناتكـ ..!؟
امال : بخير جعلكـ بخير يارب..
ام سعود : اجل شوق ما جات معاكم..؟!
امال : الا جات و طلعت فوق.. قلقانة على سعود..
ام سعود : سعود بالمجلس..
ندى : جاء..؟! ليش ما كلمها طيب البنت ما نامت حتى..؟!
ام سعود : متصاوب يا عوينتي.. شلع قلبي و يوم قلت له يروح مع واحد من اخوانة يجيب زوجتة قالي ان ابوها بـ يجيبها..
امال : عسى ما هي كايدة..!؟
ام سعود : الحمدلله.. ماهي بالحيل..
امال : الحمدلله على سلامتة..
ام سعود : الله يسلمكـ يارب.. (وقفت) انا بـ اقوم اشوفها و اطمنها..
نهى تكلم وعد : بسم الله عليه اخوكـ البنت من البارح ما نامت تنتظرة وهو جالس لي مع الرجال ..؟!!
وعد : يمكن متوقع ان ابوها يعلمها مو ما تدري.. و اكيد اذا شاف ابوها دخل بـ يجي ينشد عنها.. ترى سعود حنين بس ما يبين..!!
نهى : صح مره حنين..!!
وعد : طافكـ اللي سووه ياسر و صبا الصباح اجل..
نهى : ليش ويش سوو..؟!
وعد : يعني موقف كذا كان بايخ واضح ان بينهم تتش..!!
نهى : تتش بس..!! ضحكتيني..!! اتحدى اذا اخوكـ الجلف تأقلم مع دلع صبا..!!
وعد : ما ادري و الله اربع شهور و للحين ما تأقلم..؟! كان اقل شيء سمعنا اصواتهم يتهاوشون..؟!
نهى : ياربي عاد ما توقع تطوف عليكـ يالهبلة..!! تلقينه مهددها عاد هي جبانة بس تشوفة ترتجف..!!
مريم لفت على بناتها : خير على ويش المهامس..؟!
وعد ابتسمت : ابد و لا شيء..
: يمــــه.. وعــــد..!!
وعد وقفت : هذا سعود..
مريم : قولي له بـ اسلم عليه..
وعد : طيب .. (طلعت برا حتى تشوف الباب اللي يفصل المجلس و المقلط مردود.. قربت منه و وقفت وراه عشان ما تكشف على المجلس لو الباب مفتوح) هلا سعود..
سعود : وعد وين شوق..؟!
وعد : فوق بـ جناحكم.. انتظر ماما بـ تسلم عليكـ و اطلع لها شكلها البنت تعبانة بسبتكـ ..!!
سعود فتح الباب شوي : تعبانة..!؟ ليش ويش فيها..؟!
وعد : من البارح شالع قلبها يقولون حتى نوم ما نامت حرام عليكـ كنت اتصلت عليها لما طلعت من العملية و قلت لها انكـ بخير و بـ تأخر بس.. مو تتركها لين الحين ما تنشد عنها..؟!
سعود : و مين قالكـ اني ما نشدت عنها..!؟ شوفي لي الدرب بس..
مريم طلعت : وعد..
وعد : تعالي ماما ما فيه احد حولكـ ..
طلعت مريم و بعدها امال اللي سكرت باب الغرفة وراها.. سلموا الثنتين على سعود و تحمدوا له بالسلامة..
سعود : الله يسلمكـ يا خالة..
مريم : لا تختبر غلاكـ عندنا عاد..
سعود ابتسم : الله يخليكـ .. اعذروني بـ اطلع اشوف شوق..
امال : البنات فوق مع جود ريما و لينا..
وعد : انا بـ اشوفهم بـ اقولهم ما ينزلون الدور الثاني..
طلع سعود و قدامة وعد و مريم و امال رجعوا الغرفة مع باقي الحريم..
سعود قابل امه طالعة من جناحة.. : زين جيت يا ابوي من قلت لها انكـ تصاوبت و هي تبكي ما قدرت عليها..؟!
دخل سعود و وراه ام سعود و وعد.. انصدم لما شافها تشاهق و كأنها تحاول تتنفس..وجهها قالب على اسود من ضيق تنفسها.. نط عندها و مسكها بـ يده اليمين لأن اليسار معلقة بـ رقبتة بسبب الإصابة : شـــوق..!!
جلس جنبها و هي بس شافت يده مثبتة غطت عيونها و تكمل صياح من البارح وهي تنتظر اخر شيء يطلع متصاوب و هي ما تدري..!!
سعود : بسم الله عليكـ اهدي.. خلاص.. انا بـخير لا تخوفيني عليكـ ..!!
طلعت ام سعود و وعد عشان يأخذون راحتهم..
سحب يدها من وجهها واضح انها مرهقة : شوق ليش تسوين كذا.. و الله تتعبيني.. بـ تخليني احس بـ تأنيب الضمير..
شوق : من البارح.. انت متصاوب و انا ما ادري.. كل ما قلت لأحد ما يعطيني وجه.. حتى لما جاء بابا الصباح عمي ابراهيم ما خلاني اشوفة.. اكيد بابا مبلغة و انا ما دريت.. ما احد قالي شيء كلهم ما يبوني اعرف..!! ما قدرت انام و انا ما تطمنت عليكـ ..
سعود : آسف اللي اقلقتكـ .. و لا يهمكـ بـ اهاوشهم كلهم.. بس روقي..
شوق يدها على فمها وهي تشوفة بس الرباط اللي معلقة يده ما تدري وين الجرح لأنه لابس ثوب و الكن مغطي اليد كاملة : كيف .. كيف تصاوبت..!؟
سعود : بالشغل .. بس الحمدلله طلعت بـ فايدة و نجحنا بالعملية..
شوق : ما نبي هالشغل خلاص اللي يخليكـ اشتغل أي شيء ثاني..!!
سعود مقرر ما عاد يقولها ان عنده عملية ابداً مثل ما كان يسوي غازي وما يعلم اهلة : انا احب شغلي.. بس اوعدكـ بـ احاسب اكثر عشانكـ ..
شوق : لا الله يخليكـ و الله ما قدرت انام من البارح ما قدرت.. كيف لو بتروح كل يوم و الله بـ انجن..
سعود وقف وسحبها بيده اليمين : قومي معاي ابيكـ تتوضين و تصلين ركعتين عشان ترتاحين و بعدها تنامين..
وقفت دخلت تتوضأ وهو ينتظرها .. طلعت له و وجهها كله مبلل سحب علبة المناديل : تكفين لا تبكين..
سحبت من العلبة و مسحت وجهها.. لبست شرشف الصلاة حتى تصلي اول ما سجدت شهقت.. تبكي اول مره تعيش هالحالة تطول وهي خايفة و قلقانة وفوق هذا و ذاك ما احد راعاها لأنهم ما يبون يعلمونها.. سعود يناظرها ترتجف كل ما سجدت و صوت بكائها يوصلة.. خلصت صلاتها نزلت شرشفها و لفتة .. سعود وقف و رفع لها اللحاف : ابيكـ تنامين و ما تفكرين بـ شيء..
شوق : وين بـ تروح..؟!
سعود : ماني رايح مكان قبل لا تنامين..
شوق جلست : يعني بـ تخليني لين انام و تروح مره ثانية..!؟
سعود : لا .. بـ انزل للمجلس الرجال كلهم هناكـ .. بس ابي اتطمن انكـ تمام..
شوق : اوعدني ما تطلع..!!
سعود سحب الكاسة و اعطاها اياها : و الله ماني طالع قاعد.. ماني طالع لين صلاة الفجر بروح اصلي و ارجع تمام كذا..!! (هزت راسها) يالله قولي بسم الله..
همست : بسم الله..
شربت شوي و اعطتة الكاسة نزلها على الكومدينة .. انسدحت.. حط يده اليمين على راسها يقرأ عليها..





اسطورة ! غير متواجد حالياً   رد مع اقتباس
قديم 02-03-15, 10:08 AM   #140

اسطورة !

نجم روايتي ومشرفة سابقة وفراشة متالقة بعالم الازياء

alkap ~
 
الصورة الرمزية اسطورة !

? العضوٌ??? » 120033
?  التسِجيلٌ » May 2010
? مشَارَ?اتْي » 15,367
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » اسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond repute
¬» مشروبك   pepsi
?? ??? ~
My Mms ~
افتراضي

المجلس.. ابراهيم و عيالة عدا سعود.. و غازي و رجاله..
عماد يراسل عهود عشان تجيب بنتة و ما ترد على رسايلة .. اخر شيء ناظر الشباب : ويش رايكـم واحد ينقز يجيب بنتي..!؟
مشعل : ليش احنا نشتغل عندكـ انت وبنتكـ ..؟!
عماد : ياخي بس جيبها .. لكـ الشرف اصلاً انكـ تشيلها..
مشعل وقف : اوووه صدق ان القردة بـعين ابوها غزال..!!
عماد : طبعاً هذا ما ينطبق على بنتي..
عساف يطقطق بـ جوالة يتصل على عمر و عمر يرد عليه و يقولة الحين جاي و للحين حضرتة ما شرف..
غازي : ايش فيكـ ..؟!
عساف : اكلم عمر و كل مره يصرفني.. يقولي جاي و ما جاء للحين..
غازي : ما عرفت مين اللي كان يلحقة..؟!
عساف : لا ..
رجع مشعل شايل بنت عماد : كم تدفع..؟!
عماد : نعم..!؟
مشعل : كم تدفع و اعطيكـ اياها..؟!
عماد : وشو ناوي تخطف بنتي و تطلب فدية بعد..؟!
مشعل يعض خدها عشان يقهر عماد : كم عشان توصلكـ سليمة..!!
عماد : لو تعضها مره ثانية لا اكسر لكـ ضروسكـ .. بعد تهدد تسوي لها شيء..!!
مشعل يعضها مره ثانية : كلها على بعضها تفداني..!!
عماد وقف و مشعل يجري و عماد لحقة قبل لا يطلع من المجلس لأنه رفس الباب و سكره : هاتها بعد تجري فيها..!! احد قايلكـ اني عايفها..!؟
مشعل : اول شيء اعطيني حق التوصيلة طيب.. حرام ما اطلع بشيء..!!
عماد سحب بنتة من مشعل : اخذت حق التوصيلة و عضيتها مرتين حليت فيها.. يا ويلكـ ان كررتها يا مشيعل..
غازي : ايه تناقزوا كنكم بزارين..!!
مشعل يجلس جنب وليد : اوووه حركات اب يدافع عن بنتة..
عماد يوقف بنتها ويشوفها مبوزة : شفت زعلتها.. حتى اسنانكـ عليها للحين..
عزام مسك كفها الصغيرة : ماشاء الله.. خلاص حجزتها لـ ولدي يزن..!!
عماد ناظر فيه : نعم نعم..!! و مين قالكـ اني بـ اوافق..؟!
عزام : يحصل لكـ ولدي اصلاً يأخذ بنتكـ الصياحة..؟! تحب يدكـ وجه و قفى..
خالد : لا تحاول بنتنا عندها عيال خوال و عمام ما تطلع منهم..
ابراهيم : ايه اصلاً انا ابيها..!!
كلهم ناظروه مصدومين.. صرخوا عمانة يشجعونة.. و هو نفخ صدرة بإعتزاز..
ياسر : و الله رجّــــال..!!
خالد : بس خطبنها خلاص.. لـ ولدي..
مشعل يضرب ابراهيم على ظهرة : كفووو.. حركـــات..!!
نايف : ماشاء الله معلمة سوالف اكبر منه..
خالد : ماهي اكبر منه هو رجال.. يدري ان بناتنا ما يطلعون برا.. بناتنا لـ عيالنا..
عماد لف بنتة عشان تشوف الكل : هاه بابا موافقة..!؟ بس قولي لي مين تبين.. ما عليكـ من الأخ يشجع ولده و يحجر عليكـ ..!! لو تبين واحد امريكي عادي ما عندي مانع ما راح اقولكـ لا..!!
عزام : الله يخلف عليكـ بس هذا اللي اقولة بنتكـ حجر عليها ولد خالها..
ابو سعود : و الله كلمة ولدي ما تصير ثنتين.. هاه تراني اقولكم البنت لإبراهيم لين تكبر وقتها نخطبها رسمي من ابوها و جدها ان الله كتب لنا عمر و نسمع رايها منها..
عماد : تم..
عساف : مو من جدكم.. توهم صغار ويش هالحكي..؟!
ابو سعود : خلاص ولدنا خطبها.. و عماد تمم له..
عساف : عمي هو عمره تسع سنين وهي عمرها ثلاث شهور.. بدري حيــل على ذا الكلام..!!
ابراهيم : عادي حتى لو عمري تسع سنين انا بـ اتزوجها اذا كبرت وما احد يتزوجها غيري..!! انا خطبتها قبل و ابوها وافق و جدي موافق..!!
وليد ناظر عساف : رجاءاً لا تخرب على ولدنا خطبتة.. خله يفرح..
ياسر : كفوو مين يحصل له ابراهيم بن خالد بن ابراهيم و يرده..؟!
عساف مد يده لـ عماد عشان يأخذ بنتها..!! بنت وعد.. : ما عليه منقود سمي الغالي بس عاد انا اقول هالحكي بدري عليه.. اصبروا لين يدخلون مراهقتهم على الأقل..!!
ابو سعود : ما احد مزوجهم الحين.. قبل ما يصير عمرها 18 ما احنا مزوجينها وقتها ولدنا يكون عمره 27 و مكون نفسة و عنده وظيفة و ما يقصرة شيء..
عساف يناظرها نفس الملامح..!! لو يشوفها بالشارع ما حولها احد لا يأخذها و يوديها لها.. كل شيء فيها يدلل انها بنتها.. "ساعة حضنتة و الطفل على صدري مال.. شميت ريحتها على أطراف كمة.." حنيــــن لها.. راح النص من عدتها و باقي النص.. راح شهر و نص و باقي شهر و نص.. يمكن ما احد فيهم يحسب لـ عدتها مثله.. حتى هي.. جالس يعذب نفسة على ذنب حبها.!.!
مد البنت لأبوها ما تحمل انها تكون قريبة من اكثر.. : شكلها نامت..
..
ريما : وجع لكم عندكم هالحديقة الزينة و حاكرينا داخل..؟! انتن صاحيات..؟!
ميار : ما نطلع هنا كثير..
ريما : خلاص قولوا لأبوكم يسجلها بإسمي انتم مو وجه نعمة..
جود جلست على الفرشة : اقول انثبري انتِ بس كنكـ اول مره تشوفين مكان يشرح الصدر..
ريما : مقهورة يا ختي معترفة ان عندكم مكان زين و حابسينا بـ غرفكم كنها جحران..!!
ميار : وش وش وش جحران.؟! ويش تطلع هاذي.؟!
ريما لفت على لينا : فهمتيها صح..؟!
لينا : طبعاً جحران جمع جحر.. و الجحر مكان الحيوانات و الحشرات..!!
جود : يا حمارة انتِ و اياها احنا حيوانات..!!
ريما : يا غبية جحر كناية عن صغر الغرف حقتكم يعني تشبية صح تشبية..؟!!
لينا : حاست ابو اللغة العربية .. تكفين اسكتي خلاص انسوا سالفة الجحران.. علموني كيف مذاكرتكم و الدراسة..!!
ريما : انا ما افتكـ من ابو شوق يقولي ليش ما تذاكرين عشان تجي بنتة تحكي عن الدراسة .. بلـــيز بـــليز سكروا سالفة الدراسة احكوا عن أي شيء ثاني..
دانه : اتوقع اذا بنسمع كلامكـ انتِ و توأمكـ بـ نقعد ساكتين ما راح نحكي..
ريما تربعت : لقيــــتها .. ليش ما تزوجوني ابوكم ..؟!
جود و وعد و ميار بـ صوت واحد : نعــــم..!!!
ريما : و الله صدق يعني انا بنوتة جميلة و حلوة و صغيرة و ذربة و سنعة و راعية بيت و كل الصفات السنعة فيني ليش ما تزوجوني ابوكم عنده مكان شاغر..!!
وعد من وراها : احد قايلكـ عايفين بابا عشان نزوجكـ اياه..؟!
ريما تناظر لينا و تأشر على وعد وراها رغم ان وعد جلست : افااا كأنها سبتني..؟!
لينا : حيـــل مسحت فيكـ البلاط..
ريما لفت على وعد تهاوشها : انتِ هيــــه..
وعد : اشششش ترى مجلس الرجال قريب سوالفكم كلها عندهم..
ريما : بالله..!! احم .. لا ما احد يسمع بس انتِ موسوسة..!!
لينا : بالله يعني دامكـ مخططة على ابوهم.. ناوية تقولين له حبيبي و الا يبه..؟!
ريما : جدي..!! جدي انسب شيء..!! و الا ويش رايكـ ..؟!
جود : يـــا حمار تراكـ جالسة تتكلمين عن ابراهيم بن مساعد و قدام بناتة.. انتِ يحصل لكـ اصلاً بابا ..؟! يوم سعدكـ اللي بابا بس ينطق اسمكـ كيف لو يفكر انه يخطبكـ ..!!
ريما : لا و الله يوم سعده هو اللي ريما بنت غازي تنازل و توافق عليه..!! على فكرة قولوا له انا راضية بدون مهر.. و الا اقولكـ عادي نعطية احنا مهر مثل الهنود العروسة تعطي العريس..
دانه : ههههههههههه شكلكـ فصلتي..؟!
ريما : صراحة صاحية من البارح يقالي اذاكر و كنت بـ انام و لما دريت ان الكل بـ يجي هنا ما قدرت قلبي ما طاوعني يستانسون لحالهم و انا اقعد اعد جدران البيت بالحلم لازم اجي معاهم.. ما علينا مو هذا موضوعنا .. خلاص طيب مو لازم تزوجوني ابوكم.. عندكم اخوان ماشاء الله زوجوني واحد فيهم..
ميار : عندنا خمس فاضين مين تبين..!؟
ريما : اعطوني اسم كل واحد و نبذة عنه..!!
ميار : احمد دكتور..
ريما : اه هذا اللي طيب مره اطيب اخوانكم..؟!
سها : يب هذا هو..
ريما : لا لا ما ابيه دكتور يعني يشوف حريم.. بكره يتزوج علي.. لا لا ابي واحد ثاني..
دانه : طيب خالد طيار..
ريما : هذا اللي تزوج اجنبية.. تف تف تف ماشاء الله عليه كسبها بعد الإبتعاث هياتة من ديرة لـ ديرة.. لا ما ابيه يشوف حريم اشكال و الوان بعد و كذا لا لا غيروا غيروا..
جود : عندكـ حاتم دكتور بعد..!!
ريما : قلتيها دكتور يعني يشوف حريم .. و دامه دكتور يعني امتز مني و انا ما ابي اخذ واحد يقولون لي عيالي بعدين ابونا اشطر منكـ لا ابي واحد فاشل..
ميار : حلوووو وصلنا لـ مربط الفرس دامكـ تبين فاشل واحد من اثنين يا مشعل يا وليد.. واحد كار بالثانوي ست سنين و واحد خمس سنين..
وعد : على مزاجكـ عاد..
ريما : مين اللي نسبتة اعلى فيهم..؟!
وعد : كلهن الإثنين زي بعض..
ريما : اووف كذا بـ احتار أي واحد فيهم اختار...؟!!
جود : على اساس بـ نزوجكـ عاد بس نعطيكـ على جوكـ ..!!
ريما : يا هنا عينة اللي بـ يأخذني مال و جمال و دلال و حسب و نسب مين يحصل له يناسب غازي بن محمد بن حمدان بـ بنتة ريما و يقول لا..!! من جدكـ انتِ.؟! اخوانكـ اصلاً لهم الشرف بس انطق اساميهم.. كيف لو افكر اني اوافق على واحد فيهم..!! خلاص ما ابي احد فيهم بس قولوا لأبوكم يتبناني.. ابي اعيش عندكم حديقتكم تفتح النفس و بيتكم اكشن كل يوم.. ما راح اطفش..!!
لينا : من جدكـ يكفيها العلل اللي على قلبة بـ تكملينها عليه انتِ..؟!
قامت ريما منقهرة : كلووو تراب.. تتمشى لحالها بالمكان لين وصلت للملحق اللي دايم مظلم.. بس هالمره كان فيه انارة بسيطة واضحة مع الشباكـ .. قربت من المكان بـشويش و سمعت اصوات لكنها كانت واطية لأنها برا و هم داخل و كانوا يتكلمون بـ هدوء.. تراجعت خطوتين.. مصدومة مين يكون بالملحق..! رجعت تجري للبنات .. : بنـــات.. بنــــات..!!
وقفوا كلهم لما شافوها جاي تجري و تتنفس بسرعة : فيه احد.. و الله .. فيه احد..!!
وعد : وين..؟!
ريما : الملحق حقكم.. فيه احد.. انتم مسكنين احد فيه..؟!
جود : لا طبعاً قافلينة اصلاً انتِ خبلة صرتي تشوفين اشياء ماهي موجودة..
ريما : و الله ما اكذب متأكدة حتى النور شغال.. تعــالوا شوفوا..
لينا : طبعاً انا ماني عايفة عمري.. يكفي اللي عشتة.. بدخل داخل..
وعد : ريما لا يكون مقلب و الله لاذبحكـ ..
ريما : و الله مو مقلب.. ما انتِ مصدقة تعالي معاي..
دانه : انا بـ ادخل مع لينا.. مستحيل اروح..
ميار : و لا انا..!!
جود : من جدكم خايفين..!؟ مين الغبي اللي بـ يدخل بيتنا مع كل هالحرس ..!؟ و لا بعد اصحاب سعود كلهم داخل يعني عندنا كم ضابط في البيت..!!
ميار : اللي هو.. انا مستحيل اروح..
رجعت ميار جري للفيلا و وراه دانه و لينا..!! بقي وعد وجود و ريما..!!
جود : ريما سمعتي ويش يقولون.. يمكن عندهم مخططات عشان نفضحهم..؟!
ريما : لا .. تعالوا من بعيد بـ تشوفون ان فيه نور.. و اذا قربتوا بـ تسمعون حكيهم.. ما راح تميزونة بس واضح فيه ناس تحكي..
جود : طيب يمكن جن.!.!!
وعد مشت قبلهم مقتنعة ان ريما وراها مقلب تسوية فيه..
ريما سحبت عصاية من الأرض .. : بنات احموا ظهري و احمي ظهركم..!!
جود : ترى احنا نسلكـ لكـ عارفين ان وراكـ مقلب.. بإذن الله اني غير اهبدكـ بالعصا اللي معكـ ان كذبت..!! وصلوا الملحق حتى تتعلق عيونهم على الشباك..
ريما : شفتوا اني ما اكذب..!!
وعد : يمكن طيب واحد من اخواني..؟!
ريما تتقدمهم و تمشي ناحية الشباك وتهمس : تعالو.. بس بدون صوت..!!
وصلوا الثلاث و جلسوا تحت الشباك يسمعون الحكي.. ما يميزون الأصوات واطية..
جود انرعبت : يا حمارة خلتينا نجي للموت بـ رجيلنا.. ليش ما علمنا بابا..؟!
ريما : ما كنتم مصدقيني..!!
وعد : بنات اعد الين ثلاث ما ابي اشوف الا غبرتكم.. احنا مو قد هذا كله..!!
ريما : يالله نهجم عليهم..!؟
: هـــاي..!!
قفزن الثلاث واقفات.. شافن بنت صغيرة و معاها حرمة.. صرخن : آآآآآآآآآآآآآآآآآآآآآآ..
انحاشن ثلاثتهن للفيلا.. وهو يصارخون.. و لا وحده من الثلاث كانت متغطية.. حتى ريما كانت بـ عبايتها و حاطة الطرحة على كتفها..!!
ياسر وقف : هاذي مو اصوات البنات..!!
طلعوا كلهم مع اصوات صراخهم.. حتى يتفاجئون فيهم يجرون و يصارخون..!!
غازي ما انتبة الا بـ ريما متعلقة فيه.. لف على وراء حتى يخبيها عنهم..!!
و وعد و جود وراء ابوهم و متمسكات فيه..!! غازي يكلم ريما : ايش فيه..!؟
ريما تأشر على الملحق ماهي مستوعبة اللي شافتة : و الله جنية.. و الله جنية.. فيه جنية..!!
غازي مسك يدها و حضنها : اهــدي ما فيه جنية ويش هالحكي..!!
وليد لف وراء ابوه و فتح الباب ناظر خواتة : ادخلن..!!
جود : نقولكـ فيه حرمة و بنتها جنيات بـ بيتنا..!! اكيد البيت مسكون.. يمكن قبرهم تحت الملحق..!!
وعد : انت مو مصدق.. و الله شفناها حرمة و بنتها..
وليد طلع سلاحة وهو يحاول يكبت اعصابة : هذا سلاح سعود الحين بـ نروح نشوف الملحق..!!
جود : الجنية ما تموت بـ سلاح .. لا لا تروح و الله شفناها..
ابو سعود دفهن الثنتين و دخلهن : ويش هالحكي..؟!
وعد : بابا و الله ما نكذب شفنا حرمة و بنتها..
ابو سعود : طيب.. مصدقكم.. و ما ابي احد يعرف عن اللي شفتوة..!!
جود استغربت : يعني ويش..؟! انت شفتهم قبل..؟! ماهي جنية..؟!
ابو سعود : لا ماهي جنية..!!
وعد انصدمت : لا يكون زوجتكـ ..!؟ انت تزوجت..!؟
ابو سعود : لا.. ما تزوجت بس ادخلوا..!!
جود : ويش درانا يمكن انت بس تقولنا كذا عشان ما نخاف و تروح هناكـ و بعدين تأخذكم هي و بنتها..؟!
وليد : بلا هبال انتِ و اياها.. ابوي قالكمـ ما فيه شيء.. ادخلن بعدين حسابكن على صراخ اللي صرختنة و الرجال بالمجلس ما تستحن.. ان سمعت طاري للي شفتوه يا ويلكن فاهمــــات..؟!
وعد : طيب احنا مو فاهمين شيء..؟!
ابو سعود : ادخلوا و بعدين يصير خير يالله عشان تدخل بنت غازي معاكم..
لفن الثنتين و دخلن.. اما غازي يهدي بـ بنتة.. يلف طرحتها على راسها : ريمـــا ما فيه جنية .. يتهيأ لكـ يا بابا..
ريما : يعني انا يتهيأ لي و البنات..!؟! اصلاً حتى كلمتنا قالت لنا هاي..!!
غازي تنهد شكل زواجة وليد بـ تنفضح عند اهلة بدري حيـــل.. : خلاص انا بـ اروح اشوف المكان عشان تطمنين..
ريما : خلاص خلنا نروح بيتنا.. ما نبي نقعد هنا..
غازي : طيب ادخلي عند البنات الحين بس اخلص نمشي اوكِ..!!
ريما : طيب لا تطول..!!
غازي غطا لها وجهها : طيب.. دخلها و بعدها التفت للشباب اللي نازلين تحت و صادين عنهم من لما شافوا البنات كلهم صدوا عنهم.. حتى عيال ابراهيم.. : هاه وليد..؟!
وليد التفت : وشوو ..؟!
غازي : بـ تروح تشوف جنيتكـ ويش مطلعها برا..؟!
ابو سعود : شوف الحارس اللي حاطة على الباب وينه.. قلت ما انت مخليها تطلع..!!
وليد : طيب و لا يهمكم.. انتم ناقشوا شغلكم بس و انا اروح اشوف شغلي..!!
: ايش فيكم.؟!
وليد ناظرة وهو متجة لـ الملحق : الناس يوم تجي تسلم مو تسأل..!!
استغرب وجودهم برا : طيب السلام عليكم..
: وعليكم السلام..
عساف : تو الناس كان ما جيت..؟!
عمر : انشغلت.. معاي ضيف..
عساف : مين واحد من اللي اليوم.؟!
عمر : لا.. الفريق جابر..
غازي : ليش..؟!
عمر : بـ نحط النقاط على الحروف ما ينفع ذا الوضع..!!
ابو سعود : دخلة حيـــاه الله..
..
لا حول و لا قوة الا بالله..

لا أحلل نقل الرواية دون ذكر اسمي..

هاشتاق #رواية_لو_سألتي_الورد

ضحكة قهر..


اسطورة ! غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 12:14 PM



Powered by vBulletin®
Copyright ©2000 - 2024, vBulletin Solutions, Inc.