آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
28-04-14, 10:17 AM
| #11 | |||||||||
| نجم روايتي ومشرفة سابقة وفراشة متالقة بعالم الازياء  
|  ومع مرور الأيام والشهور والتغيرات اللي تصير بكل عاليه يعني مثلن العيال تخرجوا وخلصوا امتحاناتهم وشهر سته يعلن انتهاء الامتحانات والدوامات وشهر السبعه الحر والرطوبه وبعدها شهر اغسطس وتبدي اهني اعلان خبر مهم بمكالمة هاتفية بين شيخة وعلي علي : باقي يومين هاهاهااه شيخة : حمدالله والشكر بقولك شي علاوي علي : قولي يا بعد علاوي شيخة بكامل قواها العقلية والبدنية والرجفه اللي مو قادره تفارقها : أحبك مر صمت عجيب بين الطرفين كلن سرح بخياله ارتاحت شيخة يوم قالتها والفتره اللي عايشتها مع علي طويلة وقدرت تنسى خالد وخلاص ماله أي أهمية بحياتها وراح تقدر تعيش بدونه والتفكير الخايس اللي حطته من الأول انها بتاخذ علي للانتقام نسته تبي تعيش حياة كريمة مع واحد تحبه ويحبها ومستده تبذل الغالي والنفيس عشان سعادتها اهي وعلي . علي : اخيرا يا شيخة قلتيها شيخة : هذا اهو الوقت المناسب اني أقولها وما قلتها الا انا متأكده من حبي لك الا اعشقك يا علي علي : يا بعد عمري شيخة : سلامتك عمرك قلبي فداك علي : اااه يا شيوخ شنو مرتاح الحين شيخة : عساك دوووم ________-----______------________ في بيت بو خالد بدرية : يمه أحس انه النفنوف حيل طويل ام خالد : اييي عادي نروح للخياط بعد شوي باقي اسبوع عادي بدرية : أي اذا جذي أوكي خالد : السلام عليكم بدرية : أهلين أم خالد : أقول يمه خالد السايق طرشته يجيب لي اغراض وبدرية الحين ليل وانا اخاف اركب معاها تودينا الخياط خالد : انشالله بدرية تبي تغيضه : عشان بعدل نفنوفي تعرف عرس شيوخ وولد عمتي مريم لازم اكشخ خالد بعصبية : زين أم خالد : بدرية يوزي عن ولدي خالد : يالله اذا تبون تروحون لبسوا خالد يشوف تلفون بدرية وكل ما يدق اهو على شيخة جهازها مفصول راح ودور رقمها الثاني يبي يتصل عليها وشافنه واتصل من تلفون بدريه عارف انها مراح ترد عليه من رقمه ترد شيخة وكان صوتها كله نوم شيخة : الوووو خالد : قوه شيخة ولي الحين النوم مو مفارقها : بدريه صرتي ريال هههه خالد : انا خالد شيخة قامت بعصبية : خيررر ؟ خالد : افا سمعتي اسمي وصارت نفسيتج شينه شيخة : خالد اخلص شتبي وليش متصل ما افتك منك يعني خالد : انا قلت الحين تقولين مشتاقه لك شيخة بقسوه : هييي انت انا احب علي ولا يمكن اخونه ما اشوفك متصل خالد بحقد : بس انا حبيبج مو اهوو شيخة : اكرهك خالد : هين باي اهني شيخة خافت شنو هين وقامت تدعي : يارب ارحمني يارب استر علي والله اني حبيت علي ومابي غيره يارب نسي خالد ذكراي يارب افتك منه. يا ترى تتوقعون علي وخالد وشيخة شنو نهايتهم تابعوني | |||||||||
|  |
|
28-04-14, 10:20 AM
| #12 | |||||||||
| نجم روايتي ومشرفة سابقة وفراشة متالقة بعالم الازياء
| حبوني ويلي قلبي وأنا قلبي ميت فيهم وأنا اللي طول عمري كنت أحلم ألاقيهم طارت بي الدنيا عادت لي الفرحه يا فرحتي فيهم والله يا قلبي ما صدق عيوني إنهم لحظه يجوني أحبابي يبوني الله يالدنيا خلوني ياما وياما بهم حاير عيني سهرانه يوم جوني نسى قلبي كل همومه وأحزانه بحلاتوهم وطيبتهم خذوا روحي وسكنوا فيها وضحكتهم تنسيني عنا الدنيا وبلاويها في الصالون منيره : الله يا شيخة والله تيننين فديتج شيخة : فديت اللي في بطنج والله واي ما قلتي لي بنت واله صبي تكفين منور اليوم عرسي وهاذي هديتي منيره : اقولج بس حلفي والله ما تقولين لحد شيخة : والله منيره : بنت شيخة بوناسه : الله فديت شيوختي والله منيره : من قال بسميها شيخة شيخة : جب اسمي حلو والله راح تطلع حلوه صدقيني سميها شيخة كل شيخة حلوه منيره : ايي عيل بسميها شيخة وياخذها ولد شيخة انشالله شيخة : جب ولدي اصغر منها منيره : انتي تزوجي بالأول شيخة : نزين انا حلوه منيرة : مكياااجج رهيب شيخة بطرف عين : انا قلت ويهي منيره : أي حبيبتي كله من المكياج ماشاف شيفتج شيخة بمستحا : جب انا ناويه بليلة الدخله ما احط مكياج ابي اكون طبيعيه أم فيصل تدش بعد ما سمعت حوارهم : وجع شويخ استحي شيخة :يماااااااااه عادي كلنا حريم أم فيصل : يا عوووبها هالبنت منيره : عادي خالتي كبرت البنت شيخة : اقول ست عيشه والنبي يا حببتي سكري الباب وقبيلي شاي منيره : ايوه يا متولي ايييه ام فيصل : هالبنات مجنن الله يحرسكم ههههههههه ويدق تلفون شيخة ويطلع علي شيخة : تو الناس مو الحين نرد البيت هههههههههه علي : يا خبالج فديتج وفديت خبالج شيخة : مممم علي : مستعده شيخة : انطلق ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههه علي : حمدالله والشكر ينيتي انتي شيخة : أي مو مصدقه بودع العنوسه علي : أحلى عنوسه شيخة : يالله عاد استحي علي : اييي صج امي تقول وين ملابسج شيخة :يووووووووووووووووووووووو� �ووه نسيت والله نسيت والله زهبتهم بس نمت علي : يا هبالج تنامين بشنو الليله شيخة : بنفنوف العرس ههههههههههههههههه علي بخباثه : أي أي احسن شيخة : وجع ترى انا كبيره أفهم هالسوالف علي : يا خبله انتي الزوجه شيخة : أحلف علي : انتي صاحيه شيخة : أي والله صاحيه شلون اكلمك الحين ؟ علي : اقول برب بروح اتزهب واكشخ شيخة : أي يا قدع هالله هالله بالدشداشه السنعه والسبعه زين اويييلي على ابو الشباب علي : تدرين اللي محببني فيج خبالج ورقالتج والسانج العسل شيخة : عيل بخللي الساني عسل الشفااء ههههههههههههههههههههههههه هههههههههههههههه علي : باي باي لا تبيعين خضره بعد ههههههههههههههههههههه شيخة : يعني بتضغط ويه الويه هذا ويهك واله راس بصله علي : لا مكالمات لم يرد عليها أحد شيخة بصدمه : انت منو علمك الملاغه علي بالمصري : اهي واهي تيقي يا حببتشي شيخة : هههههههههه يا خبالك علي : استغفر الله وأتوب إليك برب شيخة : هههههههه تيت علي : يالله باي شيخة : هههههههههههههههههههه علي : يووووووووووووه شيخة : ههههههههه علي : وبعدين يعني شيخة : مو قادره هههههههههههههه علي : فديت هالضحكه امووووه شيخة : خلاص باي هههه علي : باي ,, علي طرش مسج لشيخة ويقول : (( أنا أحب هالغنيه وبعرف انتي تعرفينها وتحبينها مثلي واله لا بكتب لج مقطع والثاني بخليه لج ما طلبت إلا عزك وما تبقى بسنيني دامك انت تبيني أنا احبك وأبيك خذ حياتي هديا وعمري لك مو شوية خذني من عيني هاذي لين عيني هذيك شيخة تسولف مع منيره ويييها مسج تبطله وتقراه وتبتسم وتطرش (( هذا ناصر بوعلي ملك الرومانسية )) وهذا المقطع الثاني ياحبيبي هويتك وكلي لجلك فديتك اسكن القلب بيتك دام قلبي بيديك هاك عمري عشانك وياحلو اسمي بلسانك في عيوني مكانك وبأغلى شي اشتريك علي تعجب من شيخة شعرفها بالغنيه معنها مو مشهوره وايد رد عليها (( شيوخ اشك انج المعجم الوسيط هههههههه )) شيخة ترد عليه (( أي انا شلون كشفتني يا لسان العرب )) وبدت المسجات بينهم لحد ما أذن المغرب والكل استأذن يبي يروح الصاله الا شيخة بالصالون بعدين تلحق عليهم يتم العرس وكان في أحلى إطلالته وكان الفندق محجوز اسبوع كامل للمعاريس واهل المعارس ياخذون راحتهم فيه وكان عباره عن منتجع والدفع عليه كان حيييل غالي لكن على قولة علي (( مايغلى عليها ومابيها تنسى هالليله وهاذي ليلة ما تتكرر )) قبل لا تدخل شيخة وكانت شيخة واقفه عند الباب لدخول القاعه يتكلم المسؤول عن الفرقه (( في اهداء للعروس قبل دخلتها القاعه من زوجها علي )) منيره : يااااااااااي وناسه اوووو وطبعا شلة البنات ما قصرت واللي تفتح تلفونها تسجل و.... .... و .... ,,,, .... علي : احم احم صوتي واضح الكل اللي بالقاعه : وااااااااضح علي : طبعا مم أحب أشكر أمي على ذوقها الرائع وو أقول لشيوخ ألف مبروك يا أحلى عروس وهي عند الباب ابي اقولج شعر وتدخلين يا أحلى عروس أحبج يا بعد كل هالناس شيخة بمكانها وتسمع ومنصدمه وتبجي لهدرجه يحبها علي اااخ والله لا عوضك يا علي يا بعد عمري منيره : شعليييج شيوخ شيخة : سكتي بسمع علي : أحب أشكر الصدفه والوقت ذاك ولعيونك الحلوه شكرا جزيل أنا قلبي حبك وذاب في غلاك واذا قال أحبك ياروحي قليل جزاه الله رمشك جذبني لهواك وخلا حياتي ما تشبه مثيل أنا فرحتي فيك لما معاك ما ظنه يفرقنا شي مستحيل عسى ما نحرم منك ومن دفاك يا قطعه من قليبي مالك بديل فديتك فديت ارضك انت وسماك عسى عمرك انت يا عمري طويل عشتوا يالحاضرين وسمو على حبيبتي شيوخ شيخة طبعا دمعت ما توقعت هالمفاجئه أبد دخلت وكانت القاعه ظلمه والأنوار كانت متوجهه فقط لها حست انها ملكة انه الكل ينظر لها خلاص هذا يومها بتفرح بكل دقيقه فيه بتقضي كل عمرها مع علي الحنون الطيب الرومانسي كان التصوير مالي المكان وشيخة كل ماله وتحس بتوتر ومغص في بطنها (( عادي كل عروس حست بهالشعور )) كانت الغنية رومانسيى ومخصوصه باسم شيخة وكان يغنيها مطرب معروف ومشهور كانت تبي راشد الماجد اهو اللي يحيي عرسها هههههههه بس علي غار وما رضى وحلف لو عادت هالسالفه بخللي خالد الملا يغني بعرسها ومر العرس وتبطلت الليتات وتهاتفو الحريم يسلمون ويباركون وبدت يجري العرس بسعاده غامره كانت على كل طيب وميسور في العرس أما الحاقدين فكانت الشراره والحقد والحسد مفتااح حرتهم ((( ساره ))) موعد دخول المعرس كان علي في قمة الوسامه واللي يشوفه ما يقول كويتي يقول أجنبي وأله واحد من ملوك الجمال في العالم الدشداشه البيضه والبشت الأسود معطته طلته الحلوه كان يمشي وعيونه على شيخة يمشي ويسمي بالرحمن عليها وصلت لي عندها باس راسها ثم نزل لها وقال : أحبج يا أحلى عروس شيخة : وأنا بعد يا غلاي كان خالد حاقد والحقد مالي قلبه كان يحسب انه شيخة لحد الحين تموت فيه وانه اللي تسويه انتقام غيره وبس ساره لمحت خالد وكيف مبين عليه الحقد والحسره وحطت في بالها فكره تريح نفسها وتريحه بس نوت بعد العرس ويمر العرس على خير وزفو المعاريس لجناحهم الخاص .،،،،،،،،،،،،،،،،،،،،،،،،� �،،،،،،، ،،،،،،،،،،،،،،،، ،،،،،،، ،، ، بعد ما تم العرس وتمت الفرحه (( عن شيخة وعلي )) علي : محلوه شيخة : مممم علي : متوتره هه صح شيخة : يعني احس اني مره علي : ههههههههههه وانتو شنو شيخة تقوم تلف عليه وتبتدي قرقتها : شوف انا كنت مراهقه تدري عمري 19 صار يعني نايتين والتين هاذي يعني تنيجر يعني مراهقه الله يسلمك بس لمن البنت تتزوج يقولون عنها حرمه علي برومانسيه : نزين ما تبين تتعشين شيخة : خخخخخخخخخخخخخ علي : الحمدالله والشكر ليش تضحكين شيخة : لا بس تذكرت سالفة علي : نزين مممممم انا يوعان شيخة : خلاص انت تعشى وانا بغسل مكياجي واااي عاد بروحي تعبانه شفصخني هالنفنوف يا حظكم يالريايل بس تفصخ الدشداشه علي بخباثه : اساعدج شيخة تقوم وتطالعه بطرف عين : لاحق لاحق استريييح الحين وتعشى وانا ابي برتقال طازج علي : انشالله شيخة تقوم وتفصخ النفنوف وتروح تاخذ دوش بعد ما غسلت مكياجها طبعا بعد ما لعنت اللي سوت لها المكياج وهالرموش اللي طلعتهم وتتحلطم بروحها راحت لبست لها قميص نوم وردي ناعمه ستان قصيره وفلت شعرها وحطت قلوس وكحل خفيف بدون كريم الأساس خلاص تعقدت منه وراحت صوب علي وشافته يتعشى شيخة : هاي علي مبقق عيونه : هايات شيخة : ههههههههههههههههه ادري اني حلوه بس مو تبطل حلجك جذي ههههه علي : يام راس هذا عصير برتقال شيخة : وين تلفوني علي : شتبين بالتلفون شيخة : بكلم نوره علي : شيخة شقولون عنج اهلج الحين داقه عليهم هاذي ليلتنا شيخة : ههههههههه شفيك اتغشمر معاك علي : نزين مممم (( يقرب منها ويقعد يمها )) وشيخة مبتسمه وودها تموت من الضحك تذكرت منيره رفيجتها وبندر يوم قرب منها قامت منيره تصارخ وتقول ترضاها باختك واهي متزوجته على سنة الله ورسوله بس نوع منيره خجووول حيييل علي يمسك شعرها ويمدد ايده لحد ما وصل ظهرها شيخة حست بقشعريرة مو طبيعية قامت وتبلعمت : انا بروح الحمام تكرم وانت لي خلصت العشا نام زين علي بنظره رومانسية : اكيد بنام شيخة عطته ابتسامه وراحت _________ --- _____ | |||||||||
|
| |
|
28-04-14, 10:21 AM
| #13 | |||||||||
| نجم روايتي ومشرفة سابقة وفراشة متالقة بعالم الازياء
| في غرفة خالد يفكر بكلام ساره اللي طلعت من القاعه وراحت لحقت خالد وقالت له فكرتها ساره : شووف يا خالد انا ادري انك تموت بشيخة وتعرف انه شيخة خذت علي ولد مشاري صاحب الأملاك والفلوس اللي أغني من عايلتنا بعد انا الصراحه تندمت اني خذيتك مممم وحاطه عيني على علي وابيه وانت تبي شيخة تبي تكمل معاي واقولك خطتي وانت تاخذ شيخة حبيبتك ولا تخاف شيخة مهما تقولك تموت فيك تكره علي أصلن خذته انتقام يا حلو واله ماشالله عليها تهدها من صوب وتروح ترضى بخطبة على طول يا خالد الدنيا دواره وصدقني بترد لك شيخة تزحف وتحبك أكثر وهذا رقمي رقمي القديم قطيته واذا راضي دق علي واقولك الخطه وخالد تلقائيا يروح يدق عليها ساره ترد : الووو خالد : هلا ساره ساره : أهلين خالد خالد : ممكن اعرف الخطه ساره : شوف اول شي الخطه تتوقف عليك عندك صور او فيديو لشيخة بتلفونك خالد : هييي انتي شنو بتوصلينه ساره : يوووه انا مراح انشرها انا اكبر من جذي قصدي نروح لعلي ونقوووله انك انت كنت تعرفها واهي تحبك وتموت فيك وخذتك يا علي انتقااام والحين ايي دوري اني اميل له يا علي انا من كثر مو انا احبك وخايفه عليك من هالحيه مابي تضيع معاها خالد : ساره انتي من صجج ساره : انت تبي شيخة واله لا ؟ خالد : أي ابيها انا كل يوم احبها اكثر ساره : عيل نفذ اللي اقوله خالد : نزين بس مو هالوقت ساره : عيل متى ؟ خالد : على الاقل ننطر شهر شهرين ولو هاذي سمعة بنت وانا باخذها بعدين ومابي شي يكون عليها ساره : اها اوكي بس ترى التأخير مو من مصلحتنا الحين عندك صور خالد واهو متردد : عندي ساره : حلو اوكي انا باجر اكلمك خالد : باي ساره : باي ........................ ........ . بعد ما مر اسبوع على المعاريس حان وقت سفرهم لإيطاليا كانت شيخة تبي سيرلنكا متأثر من نور بس بعدين هونت وقالت اوكي ايطاليا والحين اهم في بيت بو علي والعزيمة كانت للعايلة فقط أم فيصل : يمه ما اوصيج على نفسج وعلى علي أم علي : أي يمه بنيتي يا حبيبتي أي شي يضايقج فيه قولي لي وانا اعرف اتصرف معاه شيخة تمسك ايده وتقول : علي يضايقني يا يمه ويا خالتي ما أظن علي كله حنيه علي يهمس بأذونها : أحبج شيخة تدمع عيونها خلاص حبت علي بجنون علي : مابي ولا دمعه كل دمعه منج غالية على قلبي يالله متى نسافر شيخة : هههه ساره تساسر بدرية : عمى بعينهم بدرية : هييي عيب انا بعد من صجي اقعد يمج بدرية تروح صوب شيخة وتسلم عليها : يالله حبيبتي تروحين وتردين بالسلامه الله يعينج على علي ولد عمتي واعرفله حنان شيخة : احلى حنه بدرية : شكله الحب والع الله يهنيج يا شيخة ويوفقج وانشالله تيييبين لنا بيبي وتسمينها اذا بنت بدرية شيخة : استريحي بسميها منور ومنور انشالله تيييب شيوخه هههههههه وانتي الثانيه بدرية بزعل : ما عليه المهم بنت اسمها بدرية شيخة : لا تزعلين علي : ترى عادي بدريه اقدر ايييب عشرين بدرية ويغمز لشيخة ويقول : ورانا شي شيخة ويهها أحمر وتطالع أم علي : شوفيه يا خالتي شقول ام علي : وانا ما تبو مريم يعني ام فيصل : خلااااص ويه بنتي حمر خلو البنت عنكم حصه : والله يا علي يا حظك بشيخة ترى ما تلاقي مثلها علي : اكيد اهني يدخل بوخالد وخالد وبو علي بوعلي : درب درب شيخة : وين ملفعي علي : سوري قاعد عليه شيخة تطالعه وتهمس بذونه : الملفع حار شسويت هههههههههه علي : بطقج ترى ههههههههه شيخة : اتغشمر فديتك علي يبوسها حيييل والكل يضحك شيخة وويها احمر : يالله شفايفك القص ههههههه علي : جعلج ما تعرسين شيخة : لاا هاذي كلمتي هههههههههههه بو علي هااا لبستوا بوخالد وخالد بدشووون اهني شيخة اختفت ضحكتها وتنهدت بضيج بوخالد : السلام عليكم الكل : وعليكم السلام شيخة تساسر علي : علي يالله متى نطلع أبي أزهب جناطنا علي : اوكي يالله امشي شيخة : تسلم على امها وخالتها وبدرية وساره حقرتها وراحت صوب عمها بو علي وباست راسه وقالت : يالله يا عمي احنا بنروح تبي شي بو علي يمسح على راسها : سلامتج يا بنيتي شوف يا علي شيخة بنتي بعيونك علي : افا عليك يبه شيخة بعيوني وبقلبي شيخة : احم بو خالد بنظره خبيثه : يا علي دير بالك على بنيتنا تراها بعيونك شيخة التفتت على بو خالد تبي تشوف اللي قلبه اسود شافت السواد يغطي تحت عيونه والبشره فيها اكثر من عملية تنظيف وشكله يبين من رجال الأعمال الأوغاد بو خالد شاف شيخة ما توقعها بهالجمال تبلعم وما قدر ينزل عيونه التفت على خالد ورد شاف شيخة شاف بعيونها الحقد بو خالد : نشوفك يا علي وين على الله علي : ايطاليا يا عمي بوخالد وما وده يروحون شيخة : علي حبيبي يالله خالد منصدم قالت له حبيبي يعني ما تحبني ورد يقول في نفسه لا يا خالد اهي تحبك بس تبي ترفع ضغط شيخة : يالله مع السلامه علي : يالله يا جماعه فمان الله الكل : فمان الكريم ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,, ,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,, ,,,, ,, , ياروح روحي انت عمري وحياتي فرحي وجروحي عمري وذكرياتي باقي غرامك وسط هالقلب باقي تبقى حبيبي تبقى كل امنياتي في الطياره يلتفت علي على شيخة علي : أحبج شيخة والله ما تتصورين شكثر أحبج أحس اني ودي أصرخ وأقولهم شكثر أحبج مستعد أبذل أي شي المهم اشوف ابتسامتج شيخة : انا اكثر يا علي تدري مريت بظروف صعبه حيييل وكنت وايد أفكر اني انتحر لاكن من طلعت بحياتي أحس انه الله يحبني وبعث لي قلب حنون عطوف علي : اشكي لي همومج يمكن ترتاحين شيخة في نفسها ششكي يا علي ااااه يا خوفي من باجر علي : تدرين شيوخ ودي امدد السفره اكثر من شهر شيخة : نسيت كليتي تبدي شهر 10 لازم اتزهب لها علي : ايوااه يالمحاميه شيخة تصغر عيونها وتطالعه بنظره عصبية : قلت لك محققه علي : ههههههههه ماشي شيخة : دكتور علي بقوولك سالفه وحده اسمها شيخة تقول انه قلبها يحب قلب علي وخايفه انه يوم من الايام تفقده لانها مراح تسامح عمرها لو ابتعد عنها علي : دواها تبقى يم قلبها مهما صار وتتحمل وتصبر عشانه شيخة : اااااااه يا بعد هالدنيا وهالكون أحبك يالله يا ربي لا تفرقنا علي : امين يا عمري ((((((()))))))_____()))))))))___________ لا تحاول تنسى حبي تعذب قليبك وقلبي قلتها لك الف مره منت قادر لا وربي جرب غيابي يغالي وتعب احوالك وحالي مهما دارت هالليالي يلتقي دربك ودربي انا بعدك يا حياتي والله ما تسوى حياتي كل لحظه فيها احاتي منتظر ترجع يا حبي خالد يكلم ساره سارة : الله يلعنها شلون سحرته خالد : هيي انت مو تدعين عليها ساره : مممم نزين ابي صورها خالد : اسف ما اعطيج اياها الا لمن اشوفج مع علي ساره : زين ما دريت متى ترد اهي وعلي ؟ خالد : لاااا ساره : خلاص انا بسأل وأردلك خبر بس يا خوفي اكثر من شهر خالد : ليش يعني ساره : ما فكرت انها يمكن تحمل يا الحلو خالد انصدم ما توقعها لو يدري جان امس ذبح علي : لا يساره مستحيل ما ابيها تحمل منه ساره : انا قلت يمكن شفيك خالد : الله يستر انتي بعد عكرتي مزاجي خلاص انا بسكر ساره : اوكي .................................................. .................. في بيت أم فيصل أم فيصل : البيت يا بو فيصل بدون شيخة ما يسوى شي نوره : أي والله أم فيصل : انتي شكو اكلم أبوج بوفيصل : غابت ضحكه البيت نوره : ليش اختي ارقوز خخخخخخخخخخخخ أم فيصل : والله يا بوفيصل أمس يوم شفت علي وشيخة بغيت اقوم واقرى عليهم ماشالله عليهم لايقين لبعض بوفيصل : الله يوفقهم انشالله باقي لنا عله وحده نوره : عيل زوجوني ههههههههههههههه ام فيصل : يا عوبها بوفيصل : بنات هالوقت ما يستحون بعد شنو تترييين منهم ام فيصل : روحي غرفتج نوره بزعل : من اول ما شركتو جاسم بالنادي وانا محد يلعب معاي اففففف بو فيصل : يا بوج كبرتي نوره : شنو كبرت توني عمري 16 ام فيصل : أي يا نوره اختج شيخة بعمرج تحجبت نوره : هوووب هووووب مو تحطون علي انا بتحجب بكيفي لمن اكون مقتنعه ام فيصل : الحجاب ستر للبنت بوفيصل : خليها على راحتها شيخة تحجبت من كيفها واهي اللي يت وقالت لنا لا نغصب البنت مو زين ام فيصل : والله كيفكم انا نصحت نوره : نزين يبه نبي نسافر قبل لا تييي المدرسه وععع بو فيصل : مممممم شرايكم وين نوره بصرااخ : لبنان لبنااان ام فيصل : ههههههههههههه توني احش بشيخة هاذي شبيهتها ردت نوره : يمكن الاقي نانسي اااه يا قلبي بو فيصل : خلاص انشالله ادور لكم حجز باجر قريب ونسافر نوره : تسلم يا أحلى ابو بهالدنيا ام فيصل مدت بوزها نوره : وي وي وي يالبي قلبس ولا تزعل احلى ام عطيني راسج ابوووسه فديتكم والله بوفيصل : يالله انا بروح اتوضا بعد شوي صلاة ام فيصل :حتى انا بروح اتمدد وانطر الصلاة نوره : انا بنطر جسومي ولا تخافون بصلي ام فيصل : نوره وين فيصل نوره : عشتوا ما دريتي يدرس حق رابعه ههههههههههههههههههههههههه ههههههههههههههههههههههههه ههههههههه الولد انقلب مصري زمانه ام فيصل : الله يوفقه نوره : امين وانا معاه عاد هالسنه يخيروني بعلمي او ادبي ام فيصل : وانتو شنو تبين نوره : ممممممممم علمي يبيله يعني ام فيصل : شيخة ادبي وفيصل ادبي وانتي علمي يالله تغييير نوره : شيخوه وفيصل كل واحد صماخه هالكبر شلون يحفظون ما ادري انا افهم ما احفظ ام فيصل : الله يوفقج يا بنتي وين كنتي وانشالله تكبرين وتصيرين دكتوره نوره : لا انا مهندسه انشالله ام فيصل : انشالله ... | |||||||||
|
| |
|
28-04-14, 10:24 AM
| #14 | |||||||||
| نجم روايتي ومشرفة سابقة وفراشة متالقة بعالم الازياء
| مع مرور الأيام والأسابيع في ايطاليا شيخة : بفرح واااي بشوف اهلي باجر لهم وحشه علي بزعل : ما شبعت منج شيخة تغني : والله أحبك أحبك يشهد الله علي لمن اشوفك ابتسم مافي غيره سكن روحي وانا احبه لو قالو تمنى اتمنى عمري قربه يعشقني يعشقني علي : صوووتج روعه يا شيوخ شيخة تكمل : يعشقني وعذبي مرمرني وانا مالي سواه علي : أحبج شيخة : وانا بعد واللي يسمعج بهدك بكون في بيتكم ترى علي مبتسم : وغلاتي يا عمري تعال لو يطلب عمري كله والله عمري بين اديه شيخة منصدمه : ليش ما قلت لي صوتك حلو علي : ممممم احتفظ فيه بنفسي شيخة : يهبل علي : نزين شيوخ جم مره رحتي ايطاليا شيخة : بكتاب التاريج راجعتها 6 مرات هههههههههههههههه علي : يالله عاد صج شيخة : انا ما رحت أيطاليا ولا مره بس انا احب التاريخ حيييل وخذيت عن ايطاليا ومدنها وحفظت الخريطه مثل اسمي تعرف موسيليني ؟ علي : لا منو اهو شيخة : الله يسلمك هذا واحد سوه تفرقة بايطاليا وكان ظالم حييل تحالف مع هتلر وتعاون معاه بين لهتلر حبه مع العلم موسيليني يقول عن هتلر مليغ يعني ما يواطنه بس هتلر قوي وكان له تأثير حيل كبير هذا موسيليني اهو السبب بتأخر ايطاليا عن التقدم بالدول الأوربية علي : ليش ما تبين تصيرين ابلة تاريخ شيخة :لااا انا لو بصير ابلة تاريخ باخذها هوايه علي : شلون هوايه شيخة : ممممم يعني اخوي فيصل ادبي واهو برابعه وهالسنه بجابله لان اخوي وده يدش حقوق معاي وبساعده فهمتني ؟ علي : انا اقول صايره تفهمين للإيطاليا اكثر مني معني رحتها اكثر من مره بس مو وايد على ايطاليا شيخة : افا عليك اعجبك لو تبيني ارسم لك خريطة العالم ارسمها لك علي: نزين يالله ننزل نتغدى عشان ورانا انزهب جناطتنا شيخة : اوكي حبيبي .................................................. ويوصل علي المطعم ودخل يدور خالد لقاه مع ساره علي : السلام شسالفه ؟ ساره بدلع : شلونك علي ؟ علي مستغرب : تمام خالد : ممكن تتفضل علي : ترى وترتوني شالسالفه تحجوا ؟ ساره : انا اتكلم لان خلاص معاد احتمل وما اقدر اصبر خالد : تفضلي ساره : شوف يا علي ولا تستغرب وانا صج خجوووله وايد لكن خجلي سبب فشلي انا احبك وهذا اللي خرب علاقتنا مع خالد والد كان يحب مم ما ادري شلون اقولك خلاص بقول ضميري يعذبني شيخة زوجتك قاطعها علي : لحظه لحظه شيخة تحب خالد ساره : خلني اكمل يا عمري اوووه سوري طلعت غصب علي مو داري عنهم يطالع خالد يبي يفهم منه صح الكلام واله لا ساره : ومثل ما قلت لك تبيك انتقام علي وشوي ويفقد اعصابه نهائيا : انتقااام ؟ خالد : وط صوتك احنا بكان عام علي : شللي يثبت انك وقالها غصب عنه انك بعلاقه مع شيخة زوجتي خالد : صورها ووراه التلفون علي كل الدنيا اسودت في عينه وراسه يفتر يعني اللي كانت تقوله شيخة جذب اخدعتني يعني تبيني انتقام عشان تستعد كرامتها وانا الضحيه ساره : علي علي وينك ؟ علي : انتو حقاره وأولهم انتي يا ساره ساره تبجي بجذب : لا لا حرام عليك كنت متوقعه هذا الرد سحرتك بنت الشيطانه علي : وانت يالحقير دامك تحبها ليش ما خذيتها خالد : حسن الفاظك احسن لك ولنا طلقها بهدوووء وتخلص المشكلة مشى عنهم علي وركب سيارته وهدفه شي واحد يوصل لشيخة يمكن تكون لعبه منهم اهو عارف كره خالد له من واهو صغير تذكر المدينه لمن تغير ويه شيخة وخالد معاهم وتذكرها يوم قبل السفر يوم درت باسم بوخالد وخالد تغير لونها وعصبت علي فقد احساسه بنفسه حس نبظات قلبه بطيييىء بدت تدمع عينه لا لا شيخة ما تخوني شيخة تحبني الله يلعنك يا خالد وساره الله يلعنكم يدش بيتهم ولا سلم على امه راح يركض بجنون لين ما وصل جناحهم علي بصراخ : شيخة شيييييييييييييخه شيييييييييييييييييخه شيخة وتوها قاعده من النوم : يووه حبيبي لا تقولي عزيمة واله مدري ايش علي : لا تقولين حبيبي شيخة تطالعه بصدمه : علي شفيك علي بصراااخ ومن بين دموعه : انتي تحبيني واله لا شيخة خافت : والله احبك شفيك علي لا تخوفني خالتي واله عمي فيهم شي علي بهدووء : وخالد شيخة فقدت توازنها بنفسها خلاص علي درى اكيد بهدها بيتركها راحت تسندت على الطاوله : علي انت منت فاهم شي علي : يعني صحيح كلامهم كنت بعلاقه معاه شيخة تبجي : نزين اوضح لك علي اييي عندها ويسحبها من ايدها ويضغط : شتوضحين يعني انا الضحيه تبين تنتقمين عشان تاخذين خالد شيخة : انت تعورني يا علي علي : لا تبجين جم مره قلت لج لا تبجين دموعج مابي اشوفهم شيخة : حتى وانت داري قلبك حنون يا علي احبك والله احبك وبدت تبجي بهستيريا علي : لا تقولين احبك انتي ذبحتيني يا شيخة ذبحتيني علي ركع لصوبها وقال : انا احبج بس الظاهر اني غلطت بهالشي يا شيخة انتي تقاطعه شيخة بصراخ : لا تقولها انا حامل علي منصدم : حامل شيخة : كنت ناطرتك تيي واقوم واقولها لك بس الظاهر لا انا ولا انت بنفرح ليش علي كل ما ابي اضحك تبكيني الدنيا علي : هاذي لعبتج لا تكملين التمثيل خلاص يا شيخة شيخة : واللي خلقني اني اموت في هواااك علي : وكلام خااااااالد وساااااااااره يا شيخة شيخة من بين دموعها : خالد من يوم عمري 13 يلحقني وغصبني اني اكلمه كنت طفله استمريت معاه لحد ما كملت 18 يا علي خالد يوم ابوه خيره بين الأموال وفيني اختار الفلوس وحياته وتركني تركت الجلب وقال لبدرية تبلغني بخبر فراقه تذكر علي يوم اقولكم بالطياره مريت بظروف صعبه وبس شفتك بديت انساهم يا علي انت احلى شي بدنياي واقسم بالله من اول ما خطبتني وانا تاركه خالد وغيرت خطي من سنة اتصالاته وازعاجه بدرية شاهده على كل شي تقدر تتصل عليها لا تتركني تكفى يا علي لا تتركني انا احبك والله ان هديتني اسوي بنفسي شي علي : نزين لا تبجين شيخة : خلني ابجيي والله احبك علي يمسح دموعها : قلت لج دموعج غاليه يقوم علي ويروح عنها شيخة بتموت من كثر ما تبجي وتقول : لا تعذبني بحبك اكثر من جذي انت حنون وقلبك كبير وخالد كرهته كرهته اكرهم كلهم واحبك انت لا تتركني علي : لا تقول تفارقنا قول ما جت الدنيا على ما نشتهي شيخة بصراااااخ : لا علي لا علي يطلع من عندها وينزل وكان كله دموع شيخة اول حب بحياته حس انه شيخة والدنيا من حوله خونوه كان يمشي بسرعه جنونية ما يشوف من حوله كان يبي يموت ولا يشوف اللحظه اللي يترك فيها شيخة تبجي ولا يسمع انها تخونه وكان حبهم وهم شافها تبجي وتقول احبك شلون ما صدقها علي ما قدر يتحكم بالبريك ودعم شاحنه وانقلبت السياره سيارات الاسعاف والشرطه والناس كلها حول علي كان منظر علي يقطع القلب وكل من مر صوبه دعاله بالرحمه واللي يحسب انه ميت والله يقول انه عايش انقلوووه للمستشفى وبعد ما تعرفوا على هويته دقوا على ابوه وامه وعلى البيت يبلغون بخبر الحادث ام علي تركض صوب غرفة شيخة وتشوفها مفتوحه وشيخة تبجي في داخلها ام علي : يا عمري دريتي يالله يا يمه نلحق علي بالمستشفى يالله ياويلي عليك يا ولدي شيخة ترفع راسها مو قادره تصدق علي بالمستشفى لاااااا علي لا يمكن يتركها وتموت تلبس عبايتها وملفعها وتروح مع ام علي بحاله حزينه واللي يشوف شيخة يقول انها بعد جم ساعه بتفارق حياتها تذكرت مسلسل سنوات الضياع شلون يحيى بالمستشفى ولميس متعذبه بداخلها مو قادره تعيش من غيره يا ترى بعيش علي مثل يحيى ويعيشون بعدين بحب وسعاده ؟؟؟؟؟؟؟؟؟؟؟؟؟؟؟؟؟؟؟؟؟ راحت شيخة تركض صوب الدكتور وتقوله : عليييييي وين يشوفها بوعلي وخالد اللي درى من طرف بوعلي شلون شيخة يكسر الخاطر وتصرخ على الدكاتره ويروح بو علي يمسك شيخة : يا بنتي علي بالعمليات شيخة تصارخ : ماااااابي ابي اشووووووووفه حرام عليكم علي حبيبي مابي غيره ابييه ويغمى على شيخة وبعد ما كشف عليها الدكتور طلع لبو علي بو علي : ها طمنا يا دكتور الدكتور : الصدمه كانت عليها قوية جدا ومثل ما تعرف هي بأول شهور الحمل وياليت تديروا بالكم عليها لأن أي صدمه ثانيه بتأثر على حياتها وحياة الجنين الله يطمنها عليكم ام علي كان ودها تفرح بس علي معور قلبها واهو وحيدها : يا حبيبتي حامل وينك يا علي ما دريت بمرتك خالد كره نفسه وكره ساره : باين على شيخة حيييل حبها لعلي وحتى علي بعد هدم عايلة كامله بسبب تصرفه وتأثير الشيطانه ساره عليه راح يدخل على شيخة بيتأكد منها لآخر مره اذا اهي تحبه واله لا وان كان لا بيختفي عنها للآخر شيخة واهي تبجي وتطالع الدريشه خالد : ممكن ادخل شيخة : انت شتبي هدمت حياتي الله يهدم حياتك خالد : شيخة انتي تحبينه ؟ شيخة : احبه اكثر من كل من حولي خالد : وانا شيخة : يا خالد انا عشقتك مره لكن كرهتك أكثر خالد بصدمه : وكلام ساره الانتقام وانج تحبيني شيخة : الله يسامحكم بره خالد انسحب بهدوء ورااااااااح بعيد عنها طلع من المستشفى وحلف ما يزعج بشيخة وانتهىى خالد مرت ايام ولي الحين الحاله مو مستقره لعلي قال الدكتور لهم يمكن يشفى ويمكن يظل بالغيبوبه شهور وسنين شيخة ما فارقت المستشفى ولا دقيقه كانت كل يوم تروح تقعد عنده تبجي وتتمنى من ربها يسامحها ويوفقها مع علي الدنيا تدور والدنيا وصخه والدنيا حلوه الحين اللي نبي نعرفه بعيش علي ؟ لو عاش برد لشيخة ؟ خالد وبدرية والعايلة شنو نهايتهم ؟ خلوكم معاي ? | |||||||||
|
| |
|
28-04-14, 10:29 AM
| #15 | |||||||||
| نجم روايتي ومشرفة سابقة وفراشة متالقة بعالم الازياء
| بعد مرور ثلاث اشهر شيخة : خالتي انا بروح عند علي تبين شي أم علي : أي يمه اكلي والله مو زين للياهل شيخة خنقتها العبره : ااه يا خالتي اشتقت له أم علي تلم شيخة وتقول : انا أبي من يواسيني يا شيخة بولدي لا تزيدينها علي انشالله يقوم بالسلامه ويرجع لأهله وأصحابه شيخة : يالله عن أذنج يا خالتي أم علي : طمنيني اول ما توصلين يابنتي شيخة : انشالله .............................. في بيت بو فيصل فيصل : يمه قولي لشيخة تيييني هاذي اخر سنه لي ارحموني ابي احد يجابلني ام فيصل : يا يمه خل شيخة بحالها البنت تعبانه وين تجابلك فيصل : بس التاريخ عقدني وابي شيخة تفهمني اياه بساطه ام فيصل : دق عليها وقولها فيصل يدق على شيخة شيخة ترد بصوت واضح عليه التعب : الووو فيصل : قوه شيوخ ؟ شيخة : هلا فصووول فيصل : مممم فاضيه شيخة : حبيبي ادري تبيني ادرسك انشالله اخلص من علي وايييلك اوكي فيصل : أي تكفين هاذي نص السنه وابي امتياز عشان يساعدني بآخر السنه شيخة : ولا يهمك يا أكبر محامي يا زميلي بالجامعه فيصل : هههه اوكي شيخة : يالله فمان الله فيصل : فمان الكريم .................................. في بيت بندر ومنيره بندر : شخبار شيخة الله يعينها دريت بسالفتها منيره وهي شايله شيخة بنتها : أي والله الله يعينها حسبي الله ونعم الوكيل على اللي كان السبب في تفريقهم بندر : حرام ما تستاهل منيره : الله يعين بندر : عطيني شيوخ وبدلي هدومج نبي نطلع منيره : اوكي حبيبي بندر : أحبج يا رقله منيره : هههههه يالله هاك بنتك بندر : أحلى بنية لأحلى بابا منيره : وأحلى ماما بعد .................................................. ............ في بيت بو خالد بو خالد : أي يا ام خالد ترى بسافر ويمكن أطول أم خالد : والله سفراتك زادت يا بو خالد بوخالد بعصبية : وانا اشتغل لمنو مو لكم ولعيالج أم خالد : اسفين ما قلنا شي خلاص بو خالد : اييي صج ما تطورت حالة علي طول ومسكينه شيخة كاسره خاطري ام خالد بصدمه : كاسرة خاطرك غريييبه بو خالد : كلن له قلب يا ام خالد ويحس ام خالد : كانت المفروض مرت ولدي بو خالد : ولين انا اقوم احسن ام خالد : كيفك ..................... صوب غرفة علي شيخة ماسكه ايده وتقرى عليه شيخة واهي تبجي : علي بطني كبر يالله حبيبي قوم بسك زعل والله احبك واللي خلقني اني مظلومه وفهموك غلط تدري علي حبيبي صرت ما انام الليل الا وانا حاطه ملابسك كلها على السرير علي قوم تعبت ابيك اشتقت لك يا متعب معاي قلبك انا مرضى بتعب قلبك احبك والله يا روحي احبك موت انا احبك كفاية يا روحي عتاب احبك احبك احبك احبك انا ادري الغيره ما تخليك رغم حبي تشك فيني لكن الله يخليك كفاية فراق يكفيني ابد لا يمر في بالك انا بلقى احد ثاني لأنك انت في قلبي حبيبي واغلى خلاني شيخة واهي ماسكه ايده شافت حركه بصبعه شيخة قامت ترجف تبي تتكلم خنقتها العبره مو قادره تتكلم لفت وشافت ويه علي واله دمعه تنزل من عينه شيخة : علي انت تسمعني علي يحرك اصبعه شيخة : دكتوووووووووور دكتوووور حبيبي قام دكتوووور تعااال الحمدالله يارب الحمدالله يارب الدكتور يفحص علي ويلف على شيخة ويبتسم : الحاله يا شيخة قاعده تتحسن لكن هذا مو مؤشر ثابت شيخة : بس انا شفت دمعه بعينه حرك لي اصبعه الدكتور : أحيانا المرضى يفيقون من الغيبوبه يسمعون لكن صعبه عليهم يتواصلون معانا بسهوله شيخة بفرح : يعني اهو يسمعني يحس فيني الدكتور : أي دامه حرك لج شي من اعضائه فهو يحاول يتواصل معاج شيخة : مشكوور دكتور تعبتك معاي الدكتور يبتسم : هذا واجبنا شيخة تروح صوبه تقرب منه تسمع انفاسه العذبه تقرب منه تذكرت لحظاتهم الحلوه الرومانسية اشتاااقت له موت طبعة بوسه على جبينه وقال له وهمست باذونه : أحبك يا بعد هالدنيا كلها ,,,,,,,,,,,,,,,,,,,,,,,,,,,,,,,,,,,,,, بيت بوفيصل شيخة تدش عليهم وتسلم عليهم ام فيصل : يا يمه اذا تعبانه خليه يولي شيخة : يمه شدعوه يالله فيصل امش الحوش ندرس والله احسن الجو حلو فيصل : يالله احسن راحوا يدرسون بره شيخة : شنو المنهج اللي موفاهمه فيصل : شوفي اشرحي لي الحرب العالمية الاولى والثانيه ابيها بقصه فاهمتني وابي تركزين على هتلر وموسيليني لان الاستاذ يقول اهم يركزون عليه شيخة تذكرت يوم كانت مع علي وشلون دلت روما ونابولي واهو متعجب فيصل :هووووب شيوخ شيخة : اوكي سوري شووف اول شي تحط في بالك في سبب مباشر وغير مباشر للحرب الحين بالأول شنو سووو قبل عام 1914 اللي اهو تكوين التحالفات وهذا أدى الى العدوان والتباغط بين البلدان صح ؟ فيصل : صح وبعدين واحد من طلاب صيربيا اغتال ولي عهد النمسا شيخة :صح واهني بدت النمسا ترسل التهديدات وتحط شروطها لكن صيربيا بتوافق ؟ فيصل : لا واهني تعلن النمسا الحرب شيخة تبتسم : صح وبعدين .......... و .............. ............. ويبدأ الشرح والدنيا امتحانات ونص الكورس وهاللويه وامتحانات الجامعه كانت شيخة ما عندها وقت تنام كانت تدرس من صوب وفيصل من صوب وعلي من الصوب الثاني والحمل كان ثقيل عليها بعد ما مر شهرين وكانت بداية الكورس الثاني كانت حاله علي تتحسن يوم بعد يوووم وشيخة بين الحمل عليها وقامت تاكل من سبة ام علي وامها ما خلوها بدرية قاعده تاخذ دورات تدريبية خالد يشتغل مع ابوه ساره طبعا ما درى ابوها عنها وعن بلاويها زوجها لشخص عادي مو من مقامهم علشان الفضايح وهاذي الدنيا يوم لك ويوم عليك بالمستشفى شيخة تلمس ايد علي وتمرر ايدها على بطنها وتقوله : شفته هههه يتحرك صح شيخة : تذكر علاوي لمن كنت اقولك بالطياره اني اخاف اخسر قلبك تذكر شقلت لي كنت تقول اني لازم ابذل أي شي عشان ما اخسر وانا مستعده يالغالي اسوي اللي تبيه عشان ترضى عني احبك مووووت شيخة من كثر ماهي تعبانه راحت وانسدحت يمه وماسكه ايده واحد تعبان يسمع صووت حبيبته حاول يقم يبوسها يبي يسامحها يمكن مرحله مراهقه وعدت لكن طغيان ساره وخالد اثروا علي يبي يتحدى الدنيا فتح عيونه أي نعم اهو قوي قادر على كل شي شاف حبيبتي يمه وماسكه ايده حاول يحرك ايده تدور عينه التعبانه حول المكان الغرفه بيضاء والأجهزه بكل مكان يبي يتكلم ويقول بنفسه أي انا قوي بقوم علي : ش ش ش ييي ييي ييي شششييييخة شيخة فتحت عينها بتعب واستوعبت انها سمعت صوت ومتأكده لفت على علي شافت عينه تلاقت عينها وعين علي دمعت عينها لمست عيونه شيخة :عع عع علي انت تشوفني علي : أ اأ أأ حبج شيخة تدمع عيونها مو مصدق اهي بحلم واله صدق : تكلمني علي يبتسم بتعب شيخة : علي والله ماني قادره اصدق علي اااه الحمدالله يا رب الحمدالله شيخة تروح تركض صوب الدكتور وتبطل الباب من غير استأذان شيخة : دكتور هالمره بطل عينه والله بطل عينه قالي احبج دكتور علي ردلي تعال امانه تعال الدكتور بفرحه : يالله يا سستر غرفة علي الدكتور بعد ما كشف على علي وشال الأجهزه ونقله لغرفة فخمه تليق بمستواه شيخة بفرحه : علي ماني قاره اصدق بدق على خالتي اكيد بتفرح علي : شيخة عطيني ايدج شيخة تمد له ايدها : هممم حبيبي تبي شي ؟ علي : اسف اني شكيت فيج وعذبتج وبجيتج شيخة مدمعه : يعني انت سامحتني علي : اذا الله الكبير يسامح العبد شلون البني آدم ما يسامح يطلع جاااحد شيخة : أحبك وبعد ما شيخة دقت على الكل وهالزيارات اللي ما تخلص حاولت انها تخصص لها وقت دراسه لان الكورس الثاني بدى ولازم تشد حيلها للكورس الثالث الكل انشغل بدوامه وبدراسته فيصل ومحمد اخر سنه لهم منيره وشيخة مشغولين بالامتحانات بكلية الحقوق شيخة : ااخ ظهري والله تعبت منيره : أي انتي هبله تراج بالسابع يعني ديري بالج على نفسج شيخة : أي والله منيره : تعالي بنت واله صبي ولا تقولين لي مفاجئه انا قلت لج شيخة : عيل تعالي بقولج بأذونج منيره : واااو حلفي شيخة : أي منيره : ديري بالج على عمرج حبيبتي شيخة : انشالله كلها اسبوعين ونخلص منيره : أي والله هانت شيخة : الله يستر على فصولي اخر سنه له ترى انشالله بصير زميلنا بالكليه منيره : ههههههههههههههههههه انشالله شيخة : تعالي الشله وينها منيره : تدرين الناس تغيرت يعني مثلن بندر قالي مابيج تخالطين شباب تقاطعها شيخة : انا مو قصدي الشباب انا اكيد بقطعهم حتى لو زملائي لاكن البنت دامها تكل ريال غريب عنها عيب منيره : ايوااا يالمثقفه شيخة : قصدي مها ويارا منيره : والله ما ادري بس تغيروا حييل شيخة : اها .................................................. .................................................. في بيت بو فيصل فيصل : ااخ يا ظهري تعبت شنو هذا يطلع بره غرفة ويشوف تصفيات كأس العالم عوره قلبه ودعا على المدرسه اللي تحرمه من شي حلو أهو يحبه أم فيصل: يمه شفيك تبي شي ؟ فيصل : تعبت يمه تعبت أم فيصل : يا ولدي هانت كلها اسبوع اختك اللي وعليه عندها اسبوعين وهالحمل متعبها فيصل : نزين وين نوره وجاسم ام فيصل : طالعين يا ولدي فيصل : يمه ما عليج امر مشتهي عصير برتقال مع ليمون ام فيصل : من عيني هاذي قبل هاذي جم فيصل عندي انا فيصل : واحد ويكسر الخاطر ام فيصل : يا ولدي هانت ........................... طلعت نتايج الثانويه (( العاشر والحادي عشر )) نوره : 93.5 جاسم : 90 وبطلعه الروح على قولته ههههههههههه ...................... نتايج الثانويه العامه (( الثاني عشر )) فيصل : 96.5 وكان من أوائل الشباب الكويتين بالأدبي محمد : 97 علمي البطل بطل .................... وطلعت نتاايج الجامعه وكانت جيد جدا لان شيخة مرت بظروف صعبه بس هم مستانسه بعد هالتعب يابت نسبة حلوه علي : الف مبروك حبيبتي شيخة : الله يبارك فيك حبيبي علي : هااا ما قلتي لي بنت واله صبي حبيبتي يالله عاد شيخة: نو نو نو بالولاده تعرف علي : شيوووخ يالله يالهبله يالله شيخة : مابي مابي مابي ولا تحن لا اولد عليك الحين ههههههههههههههه علي : ههههه اشتقت لج قطيعه ما بغت تخلص الامتحانات تعالي (( قالها برومانسية زياده )) قربي شيخة : أحبك علي : أنا أكثر يعل الله ما يفرقنا مره ثانيه الليالي صعبه يا شيخة بدونج شيخة : الليل بدونك يخرع علي بخباثه : بس الليل شيخة : ههههههههههه ما تيوووز .................................................. ........................... بعد مرور 5 سنوات شيخة عندها 4 أثنين توأم اللي هم : مشاري ومنيره والثالث : عبدالله الرابعه : مريم علي : يحب شيخة وعيالها حييل وصار علي من أمهر أطباء الكويت شيخة : تخرجت وصارت محققه في مخفر .......................... منيره وبندر صار عندهم 3 شيخة وبدر ومحمد يموتون في بعض .................................................. ....... عايلة بوخالد بو خالد : محكوم عليه بالسجن المؤبد بسبب التهمه بتجاره المخدرات وغسيل الأموال خالد : يدير شركه أبوه وحاول يقومها بعد ما أعلنت فلاسها وكل تمام متزوج من وحده اعجب فيها اسمها عنود وعنده بنية وحده واسمها : شيخة بدرية : مخطوبه لفيصل بعد ما اكمل فيصل الحقوق وصار محامي ام خالد : عايشه بهالدنيا محمد : خاطب نوووره ........................... عايلة بوفيصل بو فيصل : بعد ما شارك بو علي أصبح من تجار السوق ام فيصل : تداري عيالها فيصل : بعد مدة من الخطوبه تزوج بدرية وخذا حبه نوره : مخطوبه لمحمد ولد بو خالد وكلهم بكلية الطب يكملون دراستهم ويفكرون يدرسون بره جاسم : عااااااااااااااااازب وسيتم عازب ........................................ أتمنى قضيتوا معاي وقت حلو وانه الرواية اعجبتكم ومشكووورين على المتابعه أعلن فيها اليوم في تاريخ 9 |9 |2008 نهاية رواية عشقتك مره وكرهتك أكثر تقبلو تحياتي : مـ سهله ـو | |||||||||
|
| |
|
| أدوات الموضوع | |
| انواع عرض الموضوع | |
|
|
.png)
.png)
العرض العادي
