من متى والغصن يختار الطيور ؟ / للكاتبة شخصية خيالية ، مكتملة

[لامارا]

26))من متى والغصن يختار الطيور؟!!


مانليق بالحب ياسيدي..!
أنت تــكــابـر
وأنــا ما أنــحــنـي!*
..
،
،
.
الأحداث السرديه.. *
بعدما حضرت الشرطه التي استدعاها مراد ..اخذوا كل من إعتدى على لمياء بشهادة الذين كانوا بالمكان..
،
عُمر خلص من حديثه مع الشرطه وألتفت باتجاه لمياء اللي جالسه على كرسي خشبي طويل وجانبها روبين تهديها..
اتجه لها عمر وقلبه محرووق وهو يسمع اناهيدها، ويقول بخاطره(طلبتك لا تبكين)..وقف قبالها وتكلم بصوت مخنوق/اذا قلبك مابرد منهم قولي لي
لمياء ماقدرت ترفع راسها و تكلمه، منحرجه منه بعدما تكشفت/..
روبين تركت لمياء و اتجهت له بصوت ماتسمعه لمياء/اخوي انت ماقصرت وفزعتك مانقدر كيف نشكرك عليها، لكن هي خجلانه منك شوي..بعد اللي صار لها وتكشفت قدامك وقدام الناس،لو مالشرطه وقفتها تاخذ افادتها والا كان هربت للبيت من زمان.
عمر اتجه لها وقلبه يدق بجنون، وقف قرريب عندها،بدون ما يناظر فيها/ارفعي راسك يا لمياء.. مثلك يعيش ويموت وراسه فوق..
لمياء استغربت انه للحين يذكر اسمها، رفعت راسها لا شعورياً وهي مستغربه..!!
عمر كان صاد بوجهه،ولف شوي وطاحت عينه بعينها وجاه خرس مؤقت/… ..
"لحظة صمت"
لمياء تداركت الوضع وقامت وهي تصدد بوجهها عنه/انا رايحه
عمر/ لحظه بوصلكم
لمياء ودها تلتفت عليه و تناظره وهو يتكلم معها بس شي داخلها يمنعها.. مشت وتركته بدون حتى ترد عليه!!!
عُمر كبرت بعينه اكثر..
روبين لحقتها وهي تتهرب من نظرات مراد…
عمر ظل يناظرها وهي مقفيه ورايحه، ويكتم حسرته بقلبه، ومستغرب ليه هالبنت بالذات اذا شافها يتلخبط وتصير تصرفاته غريبه!!..
من اووول ما شاف بطاقة هويتها في مطار ابها وقلبه صاير غبي ويفكر بافكار غبيه.. ليه يحس نفسه يعرفها من زماان ويبي قربها بأي وسيله!!
،
مراد بعدما تركوه الشرطه اتجه لعمر/الحمد لله اخذوا هاليهود للسجن
عمر مستغرب وهو يشوف هالاجنبي/يستاهلون ..،ماتعرفنا يالبطل؟
مراد/اسمي مراد
عمر بابتسامه/ونعم يا مراد شكلك ياخي عربي ومو عربي هههه مدري كيف صاير
مراد بابتسامه/هههه صادق انا كوكتيل تركي عربي وجنسيتي كندي
عمر فهم وضعه/اهااا كذا..
مراد وهو يعدل طرف ياقته بيده اليمنى/ايوه يا خال
عمر استغرب/خال!!!
مراد/ههههههه امي سعوديه
عمر/باااين والله من رجتك ان فيك عرق سعودي
مراد/ههههههه
عمر ارتاح له/شرايك تجي نتعشى سوا الليله خويي بالسفر تركني اليوم وراح لاخته.. والله العاالم متى بيفكر فيني
مراد/دام كذا عشااك عندنا الليله..
عمر/لا يا رجاااال..ابيك توريني،كندا خلنا نروح لـ…
مراد قاطعه/مو بكيفك انت بتتعشى عندي الليله..وبكره ماعندي مانع أوريك كندا
عمر انحرج/اجل بكيفك.. تم
/
/
/
/
/
/
بيت البنات.. *
دخلوا البيت ولمياء اتجهت لغرفتها بسرعه و اتقفلت الباب.. ورمت حجابها وجاكيتها.. وشوزها و أرتمت على سريرها وهي تخبي وجهها على وسادتها، تبي تنسى هالموقف البايخ..
روبين كانت تلحقها وشافتها تسكر الباب/لموووش ليش قفلتي الغرفه؟..لمووش افتحي
لمياء/…
روبين/لمووش بلييز لا تسوين في نفسك شي..عادي ترى كلنا معرضين لمواقف مزعجه..
لمياء ما ردت عليها.. ضلت مخبيه راسها تحت الوساده/..
روبين تركتها وراحت وهي خايفه عليها/…

،
،
،
،
الساعه 11ليلاً ..
بعدما تعشى"مشعل"وخلص/تسلم يدينك يا أم ألين
الكادي بابتسامه/فيه العافيه حبيبي..بس ما اشوفك اكلت شي!!
مشعل/ماعليه شبعت الحمدلله،كثر الله خيركم
عبدالرحمن/ وخيرك يا مشعل.. كادي جيبي الشاهي
مشعل وهو يقوم/مشكووورين.. لازم امشي اللحين
عبدالرحمن/افااا. وووين.. انت بتنام عندنا
مشعل بابتسامه/خويي جاي معي والا كان جلست عندكم
الكادي/طيب اوعدني انك تجيني
مشعل/هههه ابشررري كل شوي بطل عليك لا تخافين.. يلا سلام
الكادي وعبدالرحمن وصلوه للباب/سلام
،
،
،
،
،
،
،
بنظاراتها الطبيه و أمام شاشة كمبيوترها و بين كتبها الضخمه واوراقها المبعثره ..
تحاول تركز في مذاكرتها ومو قادره، شوفتها لمشعل اليوم حركت شي داخلها قرّب يموت..و أحيت الذكرى القديمه!
تساءلت مليون مرّه"ليه قلبي عشقه دام أنا راسي مايلين ابد!! ..ليه كانت صعبه على لساني اقوله"كلمة احبك"
دخلت أحمد بهاللحظات وشافها شارده الذهن وجلس قبالها وهو يتبسم/لوجي!!
لوجين ابتسمت وهي تشوف ابتسامته ونزلت نظارتها الطبيه /اهلين سيد أحمد
أحمد ناظر ببرائه لكمية الاوراق والكتب الضخمه وتضايق/يالله يعني انا اذا كبرت بدرس بكتب نفس هذي
لوجين/ههههه ليش تقولها ووجهك معفوس كذا
أحمد مد بوزه/لوجين انا قررت ما اصير دكتور
لوجين/اجل وش تبي تصير يا حبيب لوجين انت
أحمد/قررت اصير ضابط شرطه وأعلق نجوم بعد
لوجين ابتسمت/ان شاء الله تكبر وتصير الشي اللي انت تتمناه بس بالاول لازم تذاكر وتجتهد
أحمد/ان شاء الله..
لوجين رجعت للكمبيوتر وهي تتابع دراستها/..
أحمد لاحظ بطنها بارز وتلاقي صعوبه ،وتبتعد عن الطاوله علشان بطنها/لوجين
لوجين وعينها بشاشة الكمبيوتر/هلا احمد
أحمد/متى بتولدين انتي؟
لوجين وهي مازالت تشتغل بالكمبيوتر/انت شكلك فاضي حمودي.. روح لماما والا شوف افلام كرتون، ترى ماني فاضيه
احمد/يا رب تجيبين اولاد وبس
لوجين وهي تجاريه/يارب ..بس ليش؟
احمد/ماحب البنات
لوجين ناظرته بنص عين ورجعت تناظر شاشة الكمبيوتر/هههه بكرا تندم يا خفيف
احمد/لوجين.. ليه مشعل ما سافر معنا!! بتولدين وهو ما بعد جاء يشوف اولادك
لوجين هنا تجمدت اصابعها على لوحة الكيبورد وماقدرت حتى تلتفت عليه/..
صوت أم لوجين من برا الغرفه ينادي/احممممدددد تعاااال حبيبييي
طلع احمد ركض/طيب ماما..
لوجين تنهدت واسترخت على كرسيها وسندت راسها وغمضت وهي تحط يدينها على بطنها ونزلت دمعتها وهي تتخيله وتكلم نفسها بألم ( آه يا مشعل،حتى احمد شاف بنظراتي حاجتي لك!! حسبي على قلبي الغبي ..اللي خلاني احتفظ بأولادك ببطني ، كلما شفت بطني في المرايه اتذكرك.. شلون بكرا اذا ولدت وصاروا اولادك قدام عيني شلون بنساك !!)
،
،
،
،
،
،
الفندق*
دخل "مشعل" متأخر لغرفته ورمى جاكيته ع الكرسي وفتح كل ازرار قميصه بدون يشلحه وراح جلس ع طرف السرير… وفتح جواله.. وانهالت عليه المسجات..
ناظر ساعة معصمه ثم كتب مسج ع السريع وارسله لـ عُمر.
استرخى مشعل على السرير وحاول ينام وما يفكر فيها.. لكن صورتها اليوم وهي حامل ماتفارق عيونه، هالشي يجننه ،تمنى انه ما تركها اليوم.. تمنى لو انه لحقها وعرف وين تسكن..
وده يشوفها مرّه ثانيه بس.. يبي يشوفها وهم لوحدهم.. علشان يعرف كيف ينتقم لشوقه ولحبه..!!
،
،
،
،
،

بعدما مرت يومين ع الاحداث السابقه*
بطريقهم للجامعه..
لوجين تسوق وهي سااكته وعلى يمينها لمياء اللي برضو ساكته من هذاك الموقف..!!
وراء جالسه روبين اللي ماتوقفت عن الكلام/ي بنات مستحيل اصدق اني جبت Aفي البحث.. الدكتور كان مبسوط مني مع انه بالبدايه مايعجبه شي..!.. وبعد اختباري امس كان حلو.. والاحلى انه اخر اختبار لهالماده.. يعني انتهيت من منهج.. توقعون كم بجيب نتيجه.. بنات انتم كيف اختباراتكم.. اكيد يا لوجين بتاخذين الاول.. الدكاتره كلهم عاجبهم اصرارك وطموحك..
لوجين عورها راسها/رووبي ايش كان فطورك اليوم.. لقلقلق ماتسكتين
لمياء/هي كذا كل صبح . بس انتي اول مره توصلينا الصبح
روبين وهي تنغزهم بكتوفهم/اللحين هذا رايكم فيني… انا ابي اسوي لكم جو حلو
لمياء/رووبي،حبيبتي هذا اسمه تعكير جو..فهمتتي
روبين/اووكي انا راح اسكت
لوجين/هههههه مو كذا عااااد ترى نمزح
روبين/ايوو تذكرت يا لوجين.. هذاك اليوم بالسوق.. شفنا صاحب طليقك مشعل في السوق
لمياء التفتت عليها/ما تقدرين تسكتين انتي
لوجين استغربت/وانتي يا روبي ايش عرفك انو صاحب مشعل
روبين/لمياء تعرفه
لوجين وقفت على جنب الطريق والتفتت على لمياء/ايووه غررردي.. قوولي شلون تعرفتوا ع بعض
لمياء تأففت/معرفه مررره وحده!! حسسسبي الله عليك يا روبي ..من صباح ربنا وانتي لق لق لق.
لوجين/يلا يلا بس انطقوا… ايش صار معكم وانتي كيف تعرفين عمر
لمياء وهي منحرجه/والله القصه بااايخه وما تستاهل… خلينا نروح الجامعه احسن.. ترى بنتأخر ع المحاضره
لوجين/ان شاء الله نرسب في هالماده.. يلا قولوا لي وش صار وانا ماني معكم.. بسرررعه..
لمياء باستسلام/اوكي بقولك.. بس امشي..
روبين وهي تخز لوجين/كل هذا اهتمام بمشعل.. بتضحين بمستقبل دراستك لانه بطرف سالفه!!
لوجين/روووبي ان جبتي طاري مشعل ثاني مرّه نزلتك بنص الطريق..
روبين/خلاااص،سسكتنا بتذل أمنا ع السياره
لوجين ابتسمت والتفتت على لمياء/ايووه يلا قووولي ايش صار..
لمياء بدأت تسرد للوجين كل اللي صار بالتفصيل..
،
،
،
،
،
،
في لوبي الفندق اللي نازلين فيه..
جالس مشعل يشرب قهوته ،بقميصه الابيض وبنطلونه البيج وجاكيته البني مع شاله جانبه ع الكرسي،نزل فنجانه و ناظر ساعته بتملل/وين راح هذا
بعد دقايق اقبل عُمر وهو لابس تيشرت أرماني اسود ماسك ع الجسم وبنطلون جينز كحلي وماسك جاكيته الكحلي بيده وجلس/السلام عليكم
مشعل وهو يطالعه بنص عين/وعليكم السلام… كان كملت نومك احسن..
عمر/شسووي راحت علي نومه
مشعل/نااظر الساعه كم *11*
عمر/قلنا اسفييين ياخي..
مشعل/اليوم كنا متفقين نروح شلالات نياجرا.. بس طافتني الرحله وانت السبب
عمر/بعوضك بكرا ان شاء الله لا تزعل
مشعل/ما يمديك بكرا بروح للكادي وتراك بتروح معي عبدالرحمن عزمك
عمر/لا ماني رايح يبن الحلال
مشعل/لا والله بتروح غصب عنك بعد..
عمر/ابتلشت بك ياخي. كل شي عندك بالغصب.انت شكلك متضايق من شي
مشعل/اقول اشرب قهوتك ولا تحلطم مثل البنات.
عمر شرب فنجانه و طرأت عليه السالفه/مشعل..
مشعل وروحه واصله لأنفه/خير
عمر/شفيك متنرفز ومعصب ياخي المفروض انك مبسوط بعد شوفة اختك،استغرب منك
مشعل تذكر هذيك الليله قبل يومين يومها شاف لوجين مع زياد وضاق صدره/
عمر لاحظ يدين مشعل وهي تمسك منديل الطاوله وكأنه بيقطعه تقطيع، فهم انه متوتر وفي شي مضيق صدره ومخليه يعصب، بس وشو يا ترى/مشعل فيك شي؟!
مشعل قام واخذ جاكيته وطلع مستعجل من المكان وكأنه يهرب من ضيقة صدره/…
/
/
/
/
/
/
/
السعوديه*
الجنوب بـالتحديد،
طلعت من حمامها وهي لابسه بجامه بناتيه قطنيه كلها دباديب و تنشف شعرها ..
طلعت لغرفتها و استلقت ع السرير والجوال بيدها و تنتظر تنام ..
استغربت ان الوقت تأخر وجابر للحين ما رجع!! بالعاده ما يتأخر ويروح غرفته بدري!!
راحت تطل من الشباك وتفاجأت ان سيارة. جابر مركونه تحت/وين راح هذا… صاير مثل البزر مسوي اضراب يعني بالطقاااق يا جابر اذا ما تعدلت وصرت رجال ما راح اسمح لك تدوس فراشي مره ثانيه.
بعد مرور ربع ساعه وسوس لها الشيطان وقامت من سريرها مفزوعه/معقوله يكون بالبيت كل هالوقت وما يمر علي بالغرفه!!.. الموضوع فيه إنَ..
طلعت من غرفتها وهي مرتابه من الوضع… دورت عليه بكل ركن بالبيت وما لقته… ضاق صدرها وهي تقول بخاطرها( اكيد سهران برا مع اصحابه.. خليني اخذ لي كاس مويه وارجع لغرفتي بس)
اتجهت للمطبخ وفتحت الثلاجه و اخذت علبة مويه..
طلعت تطل من الباب اللي يطل ع الحوش بعدما سمعت زخات المطر، ابتسمت ولكن لفت نظرها غرفة الخادمه المضاءه واللي تصدر منها اصوات..!!
اتجهت لها "هنادي" وهي مرتابه وشاكه في وضع هالفلبينيه، سمعت صوت مو غريب عليها وفتحت الباب بقوه ويدينها ترجف وتفاجأت بالوضعيه اللي كان عليها جابر هو الشغاله/جابر!!
جابر حاول يقوم ويلم نفسه/هنادي..
هنادي رمت علبة المويه و راحت ركض لغرفتها وسكرت الباب بالقفل وهي تحاول ما تبكي/..
جابر من وراء الباب يناديها/هنااادي افتحي الباب
هنادي/ابعد عن باب غرفتي يا مقرف.. ولك عين بعد تجي تتكلم معاي وتواجهني !! انقلللع
جابر بوقاحه/اوكي هنادي اللي شفتيه اسكتي عنه لا تقولين لابوي فاهمه.
هنادي لاعة كبدها وراحت تستفرغ…
،
جابر حس بضيق اكثر وحس بضعف وفشل عمره ماحس فيه.. نزل تحت وحضل الشغاله واقفه له بالمطبخ وكره وجهها، صد عنها واخذ له مويه ..
روزانا قربت منه بقلة ادب وتربت على كتفه/بس هبيبي مافي خوف.. انا موجود هبيبي،
جابر ابعد يدها عنه بقرف وصفعها كف/ابعد عني انتي.. لا عاد اشوف متعرضه لي ثاني مره.. فاهمه
روزانا/ليش هبيبي
جابر/انا مو حبيبك.. اشوفك مطيحه الميانه.. بكره تتعدلين وتصيرين شغاله سنعه والا سفرتك.. فاهمه
روزانا جاتها صدمه مو مصددقه ان هالكلام يجي من جابر اللي مشبكته وضامنته من سنين…!!
جابر دفها على وراء وطلع لفوق وهو متضايق…
،
،
،
،
،
،
،
يوم الجمعه*
في بيت من بيوت القريه وهو بيت الامام الشيخ راجح… ابو مشاعل الخطيبه العتيده لابو مشعل.. بيت حلو وناس متواضعه وتخاف ربها..كان يوم جمعه وكالعاده
دخلت اختها الكبيره ذات ال34عام عليها بالمطبخ/الله الله يا ريحة الاكل تششهي يا مشاعل
ألتفتت عليها مشاعل صاحبة اجمل عيون في القريه واللي ام مشعل وحريم الحاره يتكلمون عن جمالها، بأحلى ابتسامه/هههه الناس بالاول تسلم يا رهف
رهف وهي تذوق من الطبخه/الله يجنن طبخك..
مشاعل ابتسمت بغرور وبانت الغمازه/ادري ماجبتي شي جديد
رهف/ايهه بس المفروض تنسين الطبخ انتي بتتزوجين الشيخ بو مشعل ودافع فيك مهر بالشي الفلاني،تدللعي انتي متزوجه شايب
مشاعل ابتسمت وهي مو مستوعبه/قصدك بتزوج مشعل
رهف/ومن قال انك بتتزوجين مشعل.. انتي بتتزوجين ابو مشعل
مشاعل انصدمت وتركت اللي بيدها وطلعت من المطبخ واتجهت لأمها…
ام مشاعل كانت جالسه وتسبح ربها وتستغفره بمسباحها وتتفرج على قناة القرآن الكريم…
مشاعل وهي ترمي نفسها عند ررجلين أمها/يمه تكفين ريحيني.. قوولي انك ما كذبتي علي قوولي
ام مشاعل حست ان السالفه انكشفت/وش فيك يا بنت
مشاعل/رهف تقول اني بتزوج ابو مشعل… وانتي مفهمتني ان اللي خطبني هذاك اليوم مشعل!!.. قولي انها تمزح علي.. تكفين يممه..
ام مشاعل دمعت عينها وهي تشوف دموع بنتها/ماكان قدامي حل علشان اخليك توافقين وما يزعل ابوك.. انتي عارفه انه محترم من الجميع.. وصعبه يرد طلب الشيخ فيصل وانتي يا بنيتي أرمله وعندك ولد من بيتزوجك
رهف خافت/والله ماكنت ادري انكم خاشين عنها كل هالفتره..
مشاعل تذكرت نفسها وهي تتسوق وتتقضى بسعاده وترسم حياتها واحلامها مع مشعل، حلم حياتها تبخر بثواني.. قامت وتركت أمها واتجهت لغرفتها وهي منهاااره.. وبداخلها نيراان تشتعل.. بعدما حلمت فيه زوج..صارت زوجة ابوه.. آآه يا ميلت بختها.
/
/
/
/
/
/
/
/
/
/
اليوم الثاني في كندا..
الساعه 6بعد المغرب.. في بيت "الكادي"
مشعل كان يلبس جاكيته وناوي يطلع/تامرين شي وانا اخوك
الكادي/والله لولا البنات جايات بالطريق كنت قلت اجلس اسهر معي.. بس مثلك عارف
مشعل بابتسامه وهو يبوس جبينها/لا تخافين ولا تتضايقين بجيك بكراا.. باقي من اجازتي اسبووع ثاني مافي مشكله.
الكادي/حلو.. اجل اشوفك بكرا
مشعل/ان شاء الله.. يلا سلام
طلع مشعل وهو يسكر جاكيته من شدة البرد..
اتجه للشارع ووقف شوي يلتف بشاله وينتظر عمر اللي قاله يمر عليه..
اقبلت سياره لكزس سوداء ووقفت..
نزلت منها لوجين والبنات ومعهم هدى..
لمياء وهي مو مصدقه/معقوله هذا مشعل!!
لوجين ألتفتت للمكان اللي تناظر فيه لمياء وما صدقت/
هدى خافت وامتلأ قلبها رعب/الله يستر..
روبين/لولو هذا طليقك..والا بعبع..!!
لوجين بس تناظر فيه وفي تفاصيله..
،
مشعل لاحظ ان البنات واقفات يطالعون فيه التفت عليهم وطاحت عيونه عليها، وتفاجأ بوجودها هنا بنفس المكان!!
قرر يمشي بسرعه قبل ما يتهور فيها قدام العالم وهو يتذكر حلفه لـ عمر بأنه "ما يلاحق لوجين". ركب تاكسي وراح
،
لوجين لاحظت رايح وهو مستعجل وكأنه يتهرب منها،راحت تركب سيارتها وتشغلها…
امها حاولت تمنعها.. لكن ما أمداها/لوووجييين وين رااايحه..
،
لوجين ضلت وراه بالسياره… وهي عاقده حواجبها واعصابها على نار… قررت تنهي هالمهزله.. دام ان مشعل وصلها لين هنا فهو مش عجزان انه يوصلها بوسط بيتها.. لكن ليش يتحاشاها بكل مره ايتواجهون وليه ما يحاول يتكلم معها/هالمسرحيه البايخه لازم تنتهي الليله يا مشعل.
/
/
/
/
/
عند البنات…
هدى بكت وهي شايفه بنتها رايحه لمشعل برجليها/آه يا بنتي رحتي لموتك برجليك
لمياء/وحدي الله يا خاله مو كذاا.. لوجين قويه وعارفه هي ايش بتسوي
هدى/بس هي حامل.. اخاف يضايقها او يسوي فيها شي
لمياء/الدنيا مو فوضى ولا سايبه.. لا تخافين ما راح يسترجي يأذيها..
روبين/خليها ترتاح يا خاله اذا ما كلمته ماراح ترتاح..
هدى/ما اقدر ارتاح وهي معه ي بناتي ما اقدر .
..
،
،
،
،
بسيارت ابوها اللي تسوقها هي.. كانت تلاحق التاكسي اللي يستقلها "مشعل" وتشوف وين رايح؟! وتحاول تضبط اعصابها وتتحكم في تصرفاتها علشان ما تندم.. خلاص طفح الكيل عندها.. دام الموضوع وصل لشرفها.. ماتقدر تسكت والله جابك يا *مشعل* /ليش اللحين تهرب مني دامك متهدد فيني وناوي قتلي؟!!

أسئله كثيره بخاطرها وتبي اجابات لها.. ضلت وراه وراه.. لحد ما وقف مشعل عند الفندق اللي ينزل فيه..
انتظرت شوي وهي خايفه من اندفاعها، ولكنها مسحت دموعها وقررت تنزل..
،
،
،
في جناحه في الفندق..
دخل مشعل غرفته و رمى جاكيته.. كان كاره نفسه وكاره كل شي لمعت عيونه بدموع صعب نزولها .. تذكر نظرات لوجين له واتجه للثلاجه اللي بغرفته حب يشرب له شي بارد يبرد حرقة قلبه ولهيب نيرانه.. مد يده لعلبة مويه وشاف جنبها زجاجة "ويسكي"..اخذها و صبها كلها في مغسلة اليدين..مستحيل يشربها ومستحيل يخليها بالثلاجه علشان احد غيره يشربها..
سمع صوت الباب ينطق واتجه له ونسي ان الزجاجه بيده!!
فتح الباب وتفاجأ بها قدامه وجاه خرس مؤقت..!!
كانت منزله راسها ،ورفعته أول مافتح الباب.. وعيونها تنتقل من اسفل قدميه ببطء الين الزجاجه اللي بيده.. ماصدقت انه يشرب!!..رفعت ناظرها له وهي مصدومه/!!
مشعل ابعد عن الباب بإشاره منه علشان تدخل..
لوجين مادخلت وهي تشوف بيده هالزجاجه/
مشعل انتبه لعيونها اللي تناظر زجاجة الويسكي الفارغه.. ورماها بعيد عنه وعقد حاجبينه/وش جابك
لوجين حاولت تضبط مشاعرها وهي تشوفه قدامها بعد كل هالغياب/المفروض انا اللي أسألك هالسؤال
مشعل تجاهل صوتها وهي تسأله واعطاها قفاه ودخل لانه اذا بيضل واقف مقابل عيونها ما يدري وش ممكن يسوي فيها/..
لوجين مسكت يده وغصب وقفته قبل يدخل ويسكر الباب/مشعلل وقف
مشعل داس على قلبه ووقف بدون يلتفت عليها/وش تبين يا الـ.... استغفر الله بس<<كان بيشتمها ولكنه سكت
لوجين فاضت دموعها من عيونها وهي تشوف نظرات الشك بعيونه ،ضاق نفسها وحست بمغص قوي،حاولت تكتم الألم ولكنه كان فوق المحتمل.. واصدرت "آه مكتومه" ويدها تضغط على بطنهل
مشعل رحم حالها والتفت عليها/وش فيك؟
لوجين رفعت عيونها وطاحت بعيونه و بدأت تهدأ وتنظم تنفسها وهي تناظر فيه وعيونها تلمع دموع/مشعل انا مابيني وبين زياد اي شي.. اشفيك تفهم كل شي غلط
مشعل ماقدر يتحمل ورفع صوته معصب/بتفهميني ان وجوده معك هذاك اليوم بعد صدفه يعني!!
لوجين وعينها تلمع/لا مو صدفه. هو جاي علشاني
مشعل ابتسم بسخريه/اي صح نسيت انك حامل منه
لوجين انقهرت من اتهامه الصريح ومدت يدها بكف قوي على وجهه/كفايه قذف لي انت واهلك ذبحتوني حرام عليكم
مشعل مسك يدها ودخلها بالغرفه وسكر الباب ولف ذراعها لوراء/مصيري اكسرها لكن مو اللحين..بعدين لا تحاولين تلصقين عارك فيني يا بنت ..انا…
لوجين قاطعته وهي تحاول تسحب يدها/فك يدي يا غبي وش قصدك بالعار اللي ألصقه فيك؟
مشعل ثبتها غصب وهو يضغط على معصمها بقوه/انا مسوي تحاليل بزواجي الاول وعارف اني مستحيل يكون عندي أولاد ياحقيره
لوجين نزلت دموعها غزيره بعد هالتهمه وبلعة العبره اللي تخنقها في حلقها/انا حقيره يا مشعل!!!!
مشعل ما رد عليها/…
لوجين وهي تحاول تتماسك وماتنهار/دام كذا الامور وصلت بيننا ودامك ماتثق فيني، اجل عيد لي تحاليلك هنا وشوف اذا انت قادر تنجب والا لا وبعدها انا مستعده اسوي d.n.a للي ببطني..
[ورفعت اصبعها السبابه في وجهه بتهديد]لكن قبل كذا وبعده يا مشعل… عهد علي والعهد عند الله"يوفي راعيه" ان تنحرم من اللي في بطني مادمت عايشه..
مشعل وهو مشتت/يعني تبيني اصدقك واكذب كل الناس
لوجين نزلت دمعتها ومسحتها بسرعه/اللحين ماهميتني و مابيك تصدقني ولا علي منك .. لكن لان بيننا عهد ولانك ادرا الناس بطهارتي المفروض تصدقني انا.. وما تصدق ناس ماكانت تبينا مع بعض اصلاً.. لكنك صدقت الناس وكذبتني ..محد وقف معي غير عزيز اللي سفّرني من ابها ووقف بوجه حكم عمي وما نفذه
مشعل مو مستوعب اي شي/عزيز هو اللي سفرك!!
لوجين/يعني بتفهمني ان عزيز ما قالك شي
مشعل/عزيز صار له حادث وما شفته بعدما رحتي.. وللآن بغيبوبه
لوجين/وش يفيد الكلام وحتى الأدله وش تفيد.. دامك ذبحتني بشكك فيني..!! ومصدق كل الناس ومكذبني
مشعل/انتي اللي تركتيني وطعنتيني بظهري
لوجين ناظرته بقهر/خلاصة الكلام انا ماجيت اترجاك ترجعني يا مشعل.. انا جيت اثبت برائتي وبياض صفحتي.. مو علشانك، علشان اللي في بطني وبس.
مشعل رجع يمسكها من ياقتها بس هالمره بقووه/قلتلك لا تحاولين تلصقين عارك فيني.
لوجين حاولت ما تتألم وهي بين يديه،وما قاومته ابداً، تكلمت بهدوئها/مشعل اسمعني اذا سويت تحاليلك وطلع كلامي كذب تعال اذبحني ساعتها....لكن من هاللحظه كل شي بيننا انتهى رسمي يا ولد عمي.
مشعل بتحدي/وان ما سويت هالتحاليل وش بتسوين؟
لوجين بابتسامة خبث/ورقه وحده اكتبها في محضر الشرطه والشرطه ترفعها للمحكمه.. ويصدرون قرار بمنعك من السفر .. وراح تجبرك المحكمه تسوي اللي أنا أبيه ..لذلك احسسن لك تسوي اللي طلبته منك من طيب خاطر
مشعل فك ياقتها ودفعها من حرّته وصدمت بالجدار اللي وراها/انتي تمردتي واجد
لوجين صررخت من الألم وعضّة ع شفتها السفليه،حاولت تسمو ع جروحها.. عدلت حجابها واتجهت للباب تبي تطلع والتفتت عليه/حديتني على شي كنت مابيه و بتندم كثير ع اللي سويته يا مشعل.
مشعل/انا اللي راح أوريك الأذيه
لوجين بابتسامه وسط دموعها ،وهي تشوف عيون مشعل تنطق عكس كلامه ..وتقول بخاطرها( انت لو تبي تأذيني كان أذيتني من زمان… لكن فيه شي يمنعك.. وانت تكابر)..
طلعت وسكرت الباب وراها وهي تمسح دموعها وتقبر حبه في قلبها وتطوي صفحته(ان ماجبت حقي منك بالقانون ماكون لوجين ماجد)


واللي خلق "عزة النفس" فيني..
ما ألتفت لك لو اني ميته فيك..
اموت لو ان وصلك هو دواي..

((مثل ما قالوا جفى في محبه. .اهون من وصل فيه مذلّه))
،
،
،
،

يتبع…
___________
كل عام وانتم بخير
أضحى مبارك.. ♥

[فيتامين سي]

السلام عليكم ورحمة الله وبركاته
كل عام وإنت بخير شخصيه خياليه
وتسلم يمينك على العيديه بارت راااائع حبيبتي
أم مشعل
تستاهل إن ابو مشعل يتزوج عليها هذا ذنب لوجين وإن شاء الله يطلقها
يمكن تعرف إن هذا حوبة لوجين وتتغير وتندم على اللي سوته في لوجين

عمر & لمياء
أظن الحظ جمعهم مره ثانيه وهذه المره راح تكون بداية قصة حب بينهم
وإن شاء الله يتوجونها بالزواج

كادي
بحكم علاقتها بلجين وأخوتها لمشعل أعتقد راح يكون لها دور كبير بينهم
ومحاولتها جمعهم من جديد والوقوف مع لوجين
جابر & هنادي
أعتقد جابر طاح من عين هنادي وأحتقرته زود بعد الموقف الأخير له مع الخدامه
وأضاف بتصرفه الأخير سبب آخر لكره وحقد هنادي وإنتقامها منه
ونهاية جابر راح تكون على يدها بحكم قربها منه ومعرفتها اسراره راح تنكبه
وتخلص نفسها وأختها من جابر وأخوه لأن هنادي ماهي سهله اويمكن تترك
انتقامها إذا تغير وأعتدل وترك الطريق اللي ماشي فيه لكن الإحتمال الثاني
ضعيف
مشعل & لوجين
أعجبني تصرف لوجين المواجهه هي الحل الأفضل ولوجين ذكيه وقدرت تواجهه
بالعقل وأظن مشعل لما يفكر في كلامها راح يوافق على عمل التحليل وراح يندم
كثير على اتهامه لها خاصه لوطلعوا التوائم شبه أبوهم بيموت قهر وأظن لوجين
عند كلمتها وبدفعه الثمن غالي قبل ماترجع له هذا لو رجعت له
منتظرين بقية الأحداث بفارغ الصبر
يعطيك العافيه
وشكرا لامارا على النقل لا خلا ولا عدم منك يارب

[ايمي 2009]

السلام عليكم ورحمة الله
ماشاء الله موضوع رائع
جزاكي الله خيرا على المجهود الرائع
لا ننحرم منك يااحلى لامارا
شكرا لك
سلام وفي امان الله

[لامارا]

27))من متى والغصن يختار الطيور؟!
،
بقلب شبه ميت رجعت لبيتها .. كانت حيل تعبانه.. مسكت بداية الدرابزين وحطت قدمها على أول عتبه تبي تصعد الدرج وتروح لغرفتها صعدت عتبتين وعجزت انها تكمل..
جلست مكانها وهي تفصخ حجابها وينتثر شعرها ع كامل ظهرها..وضلت ساكنه شوي وهدوئها يقتل ثم بدأت تبكي براحه وهي تتذكر نظرات الشك من عيون مشعل و تزيد في بكاها.. كانت تظن انه محد بالبيت!! ..
احساس قاسي بالضعف و البرد و الوحده.. كلما تفكر بمستقبل اطفالها المنتظرين تنقهر "منبوذين" من ابوهم اللي انكرهم!! واهله اللي طعنوا في عرضها!!
ودها تفضفض وتبكي بصوت عالي بس صوتها مبحوح وما عاد فيها حيل..

سمعت صوت يناديها من بعيد بنبره دافيه تحبها/لوجين
لوجين رفعت راسها وشافت أمها واقفه قدامها والعبره خانقتها، تكلمت وهي تمسح وجهها المخضب بالدموع وتتصنع الابتسامه/أمي! ،متى جيتي؟
هدى اقبلت عليها وهي تشوف الحزن والقهر بعيونها/اول ما رحتي على طول اخذت اول تاكسي ورجعت للبيت.
لوجين استحت من اللي سوته ونزلت راسها/آسفه اني تركتك بالشارع ومشيت
هدى بابتسامه/كلنا كنا نازلين عند كادي.. انتي ما رميتيني بالشارع.
لوجين سكتت وهي تخفض راسها/..
هدى/ليش قفلتي جوالك… تعبت نفسيتي وانا اتصل فيك ويطلع لي مقفل
لوجين ماقدرت ترد/…
هدى/قابلتيه؟
لوجين أومت براسها بالإيجاب بدون تتكلم/..
هدى/جرحك؟
لوجين نزلت دمعتها بابتسامه/الجروح مو شي جديد علي..
هدى قربت منها وربتت ع كتفها/حبيبتي اش صار طيب.. تفاهمتوا؟ اتفقتوا على شي؟!
لوجين وهي تخنقها العبره/ما صار شي من اللي ببالك.
هدى/طيب ايش اللي صار
لوجين وهي تمسح دموعها اللي في تزايد/يمه، مشعل خلاني ادوس على قلبي.. حدني على شي ما كنت أبيه يمه. وهالشي يألمني كثير يمه، كثيير
هدى خافت/وش حدك عليه يا بنتي؟
لوجين والعبره تخنقها وتبعد خصلات شعرها بأصبعها لخلف أذنها/طلعت من عنده و اتجهت فوراً للشرطه وقدمت بلاغ ضده.وقلت انه اعتدى علي .
هدى استغرربت/ايششش؟!!!
لوجين بثبات واصرار/هذي الطريقه الوحيده اللي راح اثبت فيها "برائتي" واثبت فيها نسب اولادي.
هدى بخوف/بس انتي بكذا تجازفين يا بنتي
لوجين/يا أمي أنا بعد شهرين بولد.. ما حسبتي حساب هالشيء؟!!.
هدى وكأنها اقتنعت/طيب وأبوك ايش بتقولين له؟.. هو مصمم انه ما يخلي مشعل يتعرض لك ويأذيك ..بما انك اشتكيتي للشرطه عنه!!
لوجين بثقه/تطمني يا أمي.. مشعل اخر انسان ممكن يأذيني.
هدى/ايش خلاك واثقه منه لهالدرجه يعني
لوجين تكلمت بحالميه/الأمان اللي احس فيه لمن اشوفه.. يخليني آمن روحي معه
هدى وهي تبتسم/يعني ممكن بيوم من الايام ترجعون لبعض
لوجين بحزم/لا يا أمي.. استحاله ارجع للرجال اللي شكك فيني وخلاني بعز حاجتي له واتهمني.
هدى سكتت وهي تربت ع كتفها/..
،
،
،
،
،
صباح يوم جديد*
غارق بنومه..وكأن له دهر ما نام بعد سهره ونومه القليل في هالفتره....
الساعه 9صباح..
ازعجه صوت باب الغرفه،فتح عيونه وقام مزعوج ومزاجه متعكر /غرريبه وش جايب عُمر هالوقت؟!
قام وراح يفتح الباب وهو بلباس النوم "برمودا اسود فقط، فتح الباب وتفاجأ بالشرطه قدام وجهه شرطيه برتبة ملازم ومعها وكيل رقيب!!/
الشرطيه/good morning
مشعل وهو للآن مستغرب/good morning
الشرطيه وهي تخزه بنظرات ما تنتفسر، مدت عليه ورقة الاستدعاء/u have to come with us
مشعل وهو يقرأ الورقه مصدوم (سوتها لوجين و أرسلت لي الشرطه!!..وصلت معها لين هنا!!)
,
,

,
,

,
,

الجامعه.. ،
جلست روبين في الكلاس واستغربت ان لموش تأخرت عن هالمحاضره..! ولاحظت عيون الطلبه بتاكلها بنظراتهم واستغربت… بالعاده ما يسوون كذا. فقررت تلهي نفسها وفتحت كتابها تقضي وقتها وهي تنتظر حضور لمياء.. وما جات!!
دخل الدكتور وبدأ المحاضره ولمياء للآن ما حضرت!!
روبين بدأت تقلق( اكيد صار لها شي… ربي يستر)
،
،
،
،
،
،
اتجه لمقهى الجامعه بسرعه وهو يتساءل وش صار فيها..
كان كل طاري للشر يخوفه من نبرة صوت مراد اللي كان منزعج..و اللي خوفه زياده ان "لمياء" طرف في الموضوع!!
دخل عُمر وهو يتلفت يدوّر على مراد.. شافه يأشر له واتجه له وجلس وهو على آخر نفس/خير يا مراد خوفتني ..وش هالموضوع المهم اللي مناديني علشانه؟..!ووش فيها لمياء!!
مراد وهو متضايق/البنت بيضيع مستقبلها يا عمر
عمر خاف اكثر/ي رجل تكلم وش صاير
مراد فتح جواله واتجه للاستوديو وفتح الفيديو ومد الجهاز لـ عمر/شوف وتعرف اللي صاير
عمر تفاجأ بالفيديو.."ناس مصورين الاعتداء على لمياء ولحظة نزع حجابها.. ومصورين لحظة ماهو يتكلم مع لمياء ويلبسها "اسكارفه" ومركزين على نظرات عيونه لها ..وصوروه وهو يتكلم معها بعد الاعتداء..! وكأنه شي مُخطط له!! وتحت تعليقات قذره بالانجليزي تتهم لمياء كمسلمه وتشكك فيها.. وتصور ان فيه علاقه بينها وبين اللي أنقذها!!/الله لا يوفقهم.. شلون وصلت معهم القذاره لهادرجه..
مراد/هذولا يهود.. كانوا مخططين على كل شي ..بس اتركهم عنك..
عمر وفكره مشتت/توقع وس بيصير فيهم.
مراد/الكل بالجامعه انتشر عنده الفيديو اليوم ..يعني الله اعلم وش بيصير فيهم اليوم، بصراحه هي وصديقاتها من انقى البنات هنا..
عمر طرأ بباله انه يعتذر منها حتى لو ماله ذنب باللي صار.. لكن هو داخله شي يدفعه يشوفها و يتطمن عليها واتجه لها.
مراد لحقه/وين رايح.
عمر وهو يتلفت يدورها/ابي توريني جامعتكم
،
،
،
،
في دورات المياه:
واقفه لمياء امام مراية الحمام بعدما غسلت يدينها وطلعت كريم مرطب ورطبت يديها عند وهي تتساءل ليه الكل بدأ ينتبه لها بعدما لاحظت نظرات الكل لها ..
دخلت بنت شقراء وهي تتمخطر بتنوره حمراء قصيره وجاكيت اسود وتناظرها بنظرات سخريه/hi
لمياء ما طالعت فيها/hi
البنت الشقراء مدت يدها تسلم/my name is jene
لمياء ماحبت نظراتها لكنها مدت يدها تسلم/my name is ،Lamya
جيني/u want to know, why the peopl look at u like this? Writ?
لمياء استغربت/what?
جيني مدت لها جوالها بعدما اظهرت الفيديو اللي انتشر/look
لمياء شافت الفيديو ومو مصدقه انه انتشر!! جاها خرس مؤقت دارت الدنيا فيها دوره،ضاق نفسها وبردت اطرافها وحاولت انها تثبت نفسها وما تنهار هنا وما حولها احد..
رمت الجوال على صاحبته وطلعت وهي تضم كتابها على صدرها و تحاول ما ترفع نظرها وتشوف نظرات الناس، العبره خنقتها، فوق انها اتكشفت وانفضحت بالسوق اتصورت وانتشرت الفضيحه.. مع توترها وعدم تركيزها وهي طالعه برا الجامعه ..فجأه حست وكأنها صدمت في جدار ما قدرت تتماسك وطاحت من قوة الصدمه.. لكن قبل لا توصل الأرض تفاجأت بيد تمسكها من ظهرها.. ورفعت نظرها له وشهقت وهي بين يديه/عُمر!!
لمياء ما قامت تركز.. و ماتشوف غير السواد.. هي من الصبح ما فطرت،نادته بصوت يادوووب ينسمع/اتركني.
عمر كان قلبه معها ويسمعها وخايف يصير فيها شي لأن مبين من رجفتها انها مب طبيعيه !!تركها عمر و حاولت انها تبعد وتروح لكنها طاحت من طولها..تمنت انها ماتت ولا تعرضت لهالموقف/..
عمر هنا ألتف عليها وهو مو مصدق اللي شافه واتجه لها ركض و حاول يصحيها/لمياء
لمياءاجتمع فيها انخفاض السكر من الجوع مع الخجل من هالموقف البايخ الثاني مع "عمر"..ماقدرت ترفع راسها وفقدت وعيها وهي تمتم/انا امانه عندك يا عُمر..
عمر بسرعه دخل يده اليسار لتحت رجليها واليد الثانيه تحت رقبتها وحملها واتجه للشارع مستعجل..
لمياء ما كانت ناقصه احراج وضيق نفس "اغمي عليها" وصارت مثل الخيوط،بين يدينه.. وسقطت منها كتبها..
عمر وهو يشيلها بين يدينه التفت على مراد/مراد انت اخذ كتبها.. انا رايح اوديها للمستوصف ..
مراد اخذ كتبها و حاول يلحقه ولكنه راح..
،
،
،
،
،
،
قسم الشرطه*
دخل مشعل مع هالشرطيه وهو يمثل الهدوء ..اللي يطغى على شخصيته..كان يناظر المكان بنظره بانوراميه وهو مو مصدق انها بتوصل بينه وبين لوجين لأقسام الشرطه!!
*صوت الشرطيه تطلب منه يدخل للضابط..
دخل مشعل المكتب وأول شي شافه وجه لوجين اللي،جالسه بكل ثقه… وقف وهو يخزها..!
الضابط/تفضل بالجلوس لو سمحت..
مشعل جلس وما زالت عيونه تخز "لوجين"..
ضل الضابط يتكلم ويشرح القوانين والانظمه.. ومشعل كل تفكيره مشوش.. ومو مصدق اللي قاعد يصير..
صحي اخيراً على صوت الضابط يأمره/سيد مشعل العاصم.. يجب عليك ان تقف امام المحكمه غداً..بتهمة الاعتداء على زوجتك السابقه "لوجين العاصم"..
مشعل/وهل ذلك ضرورياً
الضابط/نعم.. ضروري وستكتب على نفسك تعهداً بالحضور.. والا حبسناك هنا لاخذك غداً للمحكمه..
مشعل/لا بأس،سأوقع تعهداً بالحضور
قام الضابط/ممتاز إذن وقع هذه الورقه واحضر غداً للجلسه
وقع مشعل وطلعوا بعدما انهوا الإجراءات…

طلعوا من عند الضابط…وكل واحد صاد بوجهه عن الثاني..
مشعل وقف وهو يناظرها بنظرات ناريه/وصلت معك الجرأه انك تجرجريني باقسام الشرطه..!
لوجين بقوه بقوة شخصيه/انت اللي وصلتني لهالمرحله يا مشعل..
مشعل/انتي انجنيتي اكيد
لوجين ناظرته والعبره تخنقها وتركته اتجهت لسيارتها وركبتها بسرعه/..
مشعل حاول يلحقها ولكنها كانت اسرع منه…
/
/
/
/
/
/
/
كان واقف ينتظرها في مكان صديقتها اللي دووم يلتقون فيه.. تأخرت شوي لكنها بالاخير جاءت…
روبين شافته واقف في مكانهم وتأففت(هذا مستحيل يتوب!!..بعد كل هذيك البهذله للحين يلاحقني!!)
روبين قررت تروح، وغيرت وجهتها..
شافها مراد راحت ولحقها/رووبين.. رووبين..
روبين ما ردت عليه ضلت ماشيه،و مطنشته( يا ربي ايش يبغى مني هذا؟!..مستحيل اوقف اتكلم معاه)
مراد ركض ووقف قدامها/روبين اسمعيني الموضوع مهم
روبين حاولت تتهرب وتتركه بسكات/..
مراد قرر يقولها/لمياء صاحبتك في المستشفى
روبين شهقت ولفت عليه واتجهت له/ايش تقول انت؟ غبي ليش تكذب؟
مراد/انا معاي عنوان المستشفى.. تعالي اوديك له
روبين/هالخدعه تمشي على غيري.. مو علي.. ادري انك تبي تخطفني
مراد حس بالاحباط/ايش افلام الاكشن اللي في خيالك!! ليش اخطفك
روبين صدت عنه ومشت/انقلع ما راح اصدقك
مراد انقهر منها وبنفس الوقت معجبه تصرفها/اوكي ..انا سويت اللي علي وهذي كتب صاحبتك اخذيها.. سلام،
**ترك كتب لمياء عالكرسي الخشبي و راح وتركها…
روبين التفتت عليه وشافته رايح اخذت كتب لمياء ث مشت وهي تفكر بشكل مشوش/هذي كتب لمياء!!.. يمكن انه صادق يا ليتني ع الاقل اخذت عنوان المستشفى.. اصلا هالاشكال كذابه،اللحين تكون لموش رايحه مع لوجين او يمكن بالبيت من زمان.
/
/
/
/
/
/
/
المستشفى..!
عمر كان متوهق لأنه مو عارف وش حالة البنت/شفيهم تأخروا عندها ولا احد طلع علشان أسأله…!!
لحظات وطلعت ممرضه لابسه قفازات وكمام وباين مزعوجه او معصبه من شي..!
عمر فرح واتجه لها بسرعه يسأل/نيرس ارجوك كيف حالتها؟
الممرضه بانزعاج/اسقطت الجنين.. لكن ارجوك مرة اخرى عندما تنوون اقامة علاقات عابره خذوا احتياطكم… عن اذنك…
قالت هالكلام ومشت وهي قرفانه!!!
عُمر وقف مصدوم ويناظر يدينه اللي شالتها ووصلتها لهنا وحجم القرف اللي يحس فيه تجاهها جلس ورجله ماتشيله من الصدمه/معقوله تطلع لمياء بهالقذاره!!..شلون كانت تمثل دور الشريفه المصدومه طول الوقت.
اقبل شاب كندي وباين بوجهه اللهفه،ضرب الباب بيدينه ينادي/ لورا حبيبتي ..لوووراا
طلع طبيب وهو معصب/نعم الا تعلم ان هذه مستشفى
الشاب الملهوف/حبيبتي لورا هنا اتصلت بي قبل نصف ساعه وذكرت انها هنا ..هل هي بخير؟
الطبيب/نعم بخير ولكنها اسقطت الجنين ..
الشاب سكت وجلس محزن/…
عمر حس ان فيه لخبطه واتجه للطبيب/دكتور لو سمحت.. ماذا عن المريضه لمياء الرايد
الطبيب/لمياء الرايد كان لديها انخفاض في السكر اعتقد انها لم تأكل منذ الصباح وبذلت مجهوداٍ..زودناها باللازم وهي الآن بخير في غرفة الطوارئ.. تلك.."
عمر ابتسم وهو يضحك على نفسه شلون خلال ثانيه وحده شك فيها،حمد ربه انها عدت على خير واتجه لغرفتها بدون تردد… وارسل مسج سريع لمشعل يطلب منه الحضور للمستشفى علشان ياخذه…
،
،
مستلقيه على سريرها الابيض.. وباين دايخه ومرهقه، حمدت ربها اللي حط عُمر بطريقها اليوم.. "هالانسان حبيب على هيئة غريب"..!!
تحنحن وناداها بصوت ي دوب ينسمع/لمياء
لمياء ارتبكت وماتدري شلون ترد/..!!
عمر ظن انها مب هنا او صار لها شيء ودخل يتأكد/لـمـ… <<سكت أول ما طاحت عيونه عليها
لمياء كانت تثبت حجابها مع انه مثبت و تناظر اي شي إلا عيونه كانت منحرجه ومو عارفه وش تقول بهالموقف/…
عمر وهو ينزل عيونه بالارض ويصد عنها/الحمدلله ع سلامتك
لمياء بلعة ريقها وهي مرتبكه/الله يسلمك..
عمر/الدكتور قال تقدرين تطلعين بعدما يخلص المغذي.. وقال ثاني مره لازم تاكلين قبل تطلعين لدوامك
لمياء بقمة ربكتها/طيب مشكور عمر.. خلاص روح انت
عمر ابتسم وهو ملاحظ حياها/هذي كأنها طرده! .. لكن معك حق.. وجودي هنا ماله داعي.… .سلام
لمياء رفعت عيونها له وهي تشوفه مقفي وخانها التعبير/عُمر مو قصدي..
عمر وقف والتفت عليها/!!!
لمياء تسرعت/اقصد لازم تروح لصاحبك اكيد ينتظرك.. مابي يجي اخوي اللحين ويشوفك عندي... <<ماضبطت معها الجمله وسكتت.
عمر عارف ليش ترددت/كلمتي اخوك؟
لمياء/لا
عمر ببتسامه/اجل كيف بيجي هنا دامك ما اتصلتي به؟
لمياء انحرجت وسكتت..
عمر قرر يطلع/يلا سلام
لمياء خافت تجلس لحالها بهالمكان ونادته وباين في نبرتها الخوف بعد اللي حصل لها في السوق/عمر.. لا تروح و تخليني هنا لحالي..
عمر ما يتخيل حجم سعادته بهاللحظه/طيب وانا اخوك بنتظرك برا ..وانتي اتصلي في اخوك… لكن انتبهي تذكرين اسمي
لمياء وهي تتأمله/خلك هنا لا تطلع
عمر/مايصير اقعد هنا وانا اخوك.. بنتظر برا وأوعدك ما اروح لين تقولين لي روح.. لا تخافين.. بس اذكري الله
لمياء ارتحت له بعد هالكلام واطمأنت/..
،
*
،
،
،
السعوديه*
الجنوب'
في غياهب السجون وظلمة العنابر.. ،
واقف جابر ويتكلم مع اخوه في زياره..
علي وباين على ملامحه العتب/طوولت الغيبه هالمره ي جابر
جابر وهو خجلان من نفسه/ادري اني مقصر معك ياخوي اعذرني
علي/هاه وش الاخبار؟
جابر/كل شي تمام
علي كان بيسأل عن عياله وتردد/..
جابر فتح جواله على صور اولاد علي ومد عليه الجهاز/تعرف هالولدين؟
علي جاه حنين مو مصدق ان اولاده كبروا وصاروا بهالحجم وهو ما شافهم الاو اول ما انولدوا/…
جابر لاحظ عيون علي وهو يطالعهم تلمع/كيف قلبك قسى وترك مازن ومؤيد
علي/مالك شغل
جابر/بكيفك…
علي/انت وش اخبارك ووش اخبار الوالد
جابر بعد تردد/ابوي بخير و انا تزوجت
علي استغرب/تزوجت؟!!كيف تتزوج وما تنتظرني احضر عرسك
جابر/ماسويت عرس.. كان عشاء صغير ببيت اهلها.. واخذتها
علي/طيب العروس من بنته؟
جابر خاف من ردة فعله/هنادي.. اخت نسرين
علي عبس بوجهه وهو مو مصدق/وشووو!!
،
،
،
،


نرجع لـبلاد المهجر ( كندا)…
وصلت البيت وهي تحس بتعب وارهاق فضيع.. نفسها يضيق مع المجهود اللي تبذله كلما تقدمت في مراحل الحمل.. وهي عارفه انه لازمها راحه لكنها ماراح ترتاح والسبب مشكلتها مع مشعل..
دخلت غرفتها وهي تبي توصل سريرها وبس .. رمت الحجاب والجاكيت بطريقها و كل شي مضايقها وصلت لسريرها وحطت راسها على الوساده وهي تتنفس بسرعه من التعب.
لحظات قليله وكانت يدووب تسكر عيونها..
والا ينفتح باب غرفتها بسرعه/لووجييين الحقيني
لوجين فتحت عيونها واستقعدت بصعوبه/ايش فيكِ يا أمي
هدى/النادي اتصلوا فيني من شوي وقالوا انو احمد اصيب في التمرين اليوم وودوه المستشفى
لوجين من خوفها قامت ونسيت انها حامل"هذا اخوها الوحيد" عزوتها وقوتها اللي تذخرها للايام اخوها اللي فرحت بمولده مثل فرحة امها وابوها/يلا يا أمي ايش تنتظرين
هدى راحت تلبس وطلعوا متجهين للمستشفى…
،
،
،
،
،
،
،

وصل المستشفى وكان شايل هموم الدنيا على أكتافه ولكنه تناساها لعيون عُمر" كان خايف عليه.. لا يكون صاير له شي!!
وقف ينتظره عند قسم الطوارئ وشاف وجه طفل مو غريب عليه هذا ولد عمه "اخو لوجين".. اتجه له مسرع/أحمد.. احمد
احمد انتبه لمشعل وابتسم مو مصدق انه شافه هنا/مششعل!!!
مشعل اتجه له وسلم عليه وهو مصدوم من حالته "رجله مجبسه من عند الركبه لمشط القدم/احمد من اللي سوا فيك كذا؟
احمد بابتسامه/كنت ألعب كوره بالنادي وطحت وانكسرت وجابني المدرب هنا..
مشعل وهو يمسح ع راسه/سلمات ان شاء الله
احمد/الله يسلمك..
مشعل/طيب وين اهلك؟
احمد وهو يحس بوخز/ابوي سافر من اسبوع للسعوديه وانا اعطيت رقم اهلي للمدرب علشان يكلمهم
مشعل/فيك شيء.. الكسر يوجعك والا خف؟
احمد/كان يوجعني بس خف
الممرضه جاءت وعطته ابره/..
مشعل/ما هذا؟
الممرضه/مهدئ..
مشعل تفهم الوضع وجلس عنده وقرر يتصل في عمر/…
،
لحظات ودخلت لوجين بعدما سألت عن اخوها بالريسبشن/
هدى دخلت معها و اتجهوا لأحمد اللي كان نايم/احمد يا عمري.. قوم انا ماما
لوجين خنقتها العبره وهي تشوف رجله المجبسه/ميدو حبيبي
صوت من وراهم/اعطوه ابرة منوم قبل ربع ساعه ماظن بيرد عليكم اللحين
هدى شهقت/مشعل!!
مشعل بشبه ابتسامه/الحمدلله ع سلامته
هدى وهي خايفه من وجوده/الله يسلمك ي ولدي
مشعل/انا كنت عند احمد قبل ينام، لا تخافين هو بخير
هدى ارتاحت لنبرته/ان شاء الله
لوجين اتجهت للباب وهي تخزه و مرّت من جانبه "همست له"/الحقني برا..
مشعل طلع بعدما شاافها طالعه.. ووقف بعدما وقفت بغرفة الانتظار/نعم!..طلبتيني؟
لوجين وقفت تستجمع قواها ولفت عليه وهي عاقده حواجبها/انت ماتقولي ايش جابك هنا؟!
مشعل وهو يناظرها بطرف عينه ويداعب سبحته في يدينه/اظن المستشفى مكان عام مو بيتك علشان تسأليني ليش جاي
لوجين بنظرات شك/لا يكون تراقب اخوي وناوي تقتله بعد.. يكوون بعلمك.. احمد خط احمررر بالنسبه لك فاااهم يا مشعل
مشعل ضل ساكت ويتأمل اسلوب كلامها اللي يعجبه و شكلها واستغرب حجم بطنها وبعدها نطق/انتي مو معقوله بالشهر الخامس!! شكلك وكأنك بالثامن "كبير حيل بطنك
لوجين انحرجت و حاولت تخبي بطنها بالشال/انت شلون تتجرأ وتناظر في بطني بعد
مشعل بابتسامه ساخره/مو تقولين هالولد لي
لوجين بانفلات اعصاب/لا مو لك…
مشعل عقد حواجبه/وشوو؟!!
لوجين بوجع/نسيت انك تبريت منه؟..ان كنت ناسي اذكرك،
مشعل/بكرا راح اسوي التحاليل ونشوف
لوجين اخفت سعادتها بابتسامة نصر/مبروك يا حبيب امك اجل رضوا اهلك بعدما شاورتهم تسوي التحاليل
مشعل وهو يشوف السخريه بكلامها/انا طول عمري اخذ شوري من راسي
لوجين ناظرته بسخريه وهي ماشيه رمت عليه هالكلمه/ماشي ماشي،ههه والدليل اهلك يتحكمون فيك، يعني كلمه توديك وكلمه تجيبك
مشعل مسكها وهي طالعه ولفها عليه بقوه/شقصدك
لوجين وهي تحس بدوخه وألم/مشعل أنا حالياً ماني قدك.. انا تعبانه وما ارتحت خمس دقايق من الصبح ..اترك حقدك علي لبعدين
مشعل ضغط على معصمها بقوه من حرته/ليه تتعمدين تنرفزيني بكل مره اشوفك فيها
لوجين قربت تصرخ من الألم لكنها تحاول تصبر/وانت ليه تتعمد تأذيني بكل مره تشوفني فيها!! فك يدي،كسرتها!
مشعل صحى لنفسه وترك يدها بعدما سمع صوت المفصل/…
لوجين طلعت بسرعه وهي تكتم ألمها من معصمها اللي صار لونه احمر غامق وفيه خط بنفسجي وينبض من شدة الوجع/..
،،
،
،
،
،
جاءت مستعجله واتجهت لغرفة لمياء وانتبهت لوجود عمر جالس عند باب الغرفه/عمرر!! ..وين لمياء
عمر انبسط يوم شافها/لمياء بالغرفه.. زين انك جيتي انا رايح.. سلميلي عليها..
روبين /بيوصل ان شاء الله..
عمر منع نفسه يناظر فيها نظره اخيره،لأنه حس انه هالمره بتكون الاخيره،اكيد كان حاب يناظر لكنه صد وراح بسرعه/يلا سلام..
،
دخلت روبين وهي تتفقد صديقتها/لموش حبيبتي سلامات وش صارلك
لمياء/لا تخافين.. انا بخير روبي… وين عُمر شفتيه عند الباب؟
روبين استغربت نبرة لمياء وهي تسأل عن عمر/كان عند الباب اول ما شافني استاذن وقال سلميلي على لمياء وراح ..
لمياء سكتت مبتسمه و تأملت تصرفاته من اول مره شافته وهي تجلس مكانها: معقوله في ناس للحين عندها شهامه و"نُبل" مثل عمر؟!…
روبين/والله الدنيا ماتخلى… يعني لو خُليت خُربت..
لمياء تنهدت وسكتت/…
روبين ناظرتها بنص عين/لا يكون حبيتيه يالخبله
لمياءبحالميه/شخصيته تنحب ورزانته ورجولته تستفز القلب.. لو هو احد غيره بيستغل الوضع وبيتميلح وبيفرض نفسه علي.. لكن هو ما حاول حتى محاوله!!
روبين خزتها وتخصرت بيدينها/لا يكون قلبك صار هواوي!!
لمياء وهي تتخيله قدامها ويتبسم ومابينهم اي حواجز/والله يا روبي لو يخطبني اللحين تزوجته بدون مقابل بعد.. لكن الحمدلله انه مب جاي يخطبني
روبين/لهالدرجه يعني
لمياء/واكثر يا روبي
تحنحن زياد وكان بيدخل/لمياااء
لمياء بلعة ريقها من الخوف لا يكون سمعها، أو دري باللي صار "بتكون كارثه"!!
روبين بعدما عدلت نقابها/ادخل يا زياد..
دخل زياد وهو يطالع لمياء بنظرات خلتها تتوتر/…
،
،
،
،
،
،
،
،
بعد ساعتين…
طلعت لوجين وهدى ومعهم احمد… ركبوا احمد السياره بمساعدة الممرضه.. واخذت الكرسي وراحت…
كلهم ركبوا ..لوجين ركبت وحاولت تشغل السياره وماقدرت من ألم معصمها اليمين!!
هدى استغربت/لوجين حبيبتي، ايش فيها يدك
لوجين كانت تضم معصمها بيدها اليسار/مافيني حاجه أنا كويسه يا أمي.
هدى/ ماصدقتها طيب ليش ما تشغلين السياره؟!..
لحظات وانفتح باب لوجين،وتكلم بصوت رجولي تعشقه لوجين/انزلي
لوجين بنظرات اتهام وكراهيه/ما راح انزل… ورجاءاً اطلع من حياتي
مشعل/اوكي بطلع من حياتك.. بس حاليا خليني أوصلك البيت.. شوفي يدك كيف متورمه ما راح تقدرين تسوقين
لوجين منقهره منه لانه السبب/مالك دخل..
هدى وهي تنغزها تبي تقصر الشر/خليه يودينا يا بنتي
مشعل مد يده لها/سَمّي
لوجين خافت من يده اللي ياما تمنت تنمد لها..ونزلت وراحت تركب وراء.. لأنها من جد ماتقدر تسوق ويدها توجعها…
ركب مشعل وشغل السياره ومشوا/خالتي تدلين بيتكم
هدى بابتسامه/اكيد ادله..
مشعل/اجل وصفي لي الطريق..
لوجين وراه و متجاهله وجوده..
،
،
،
،
،
،
،
،
،
وصل عُمر للفندق.. وارتاح بغرفته وهو سارح بفكره، هالدنيا من جد غريبه..كيف اللي ألاقي اللي ابيها ولا اقدر اخطفها معي..و"يتساءل" هي ارتاحت معي لأني الوحيد اللي كانت تعرفه بهذاك المكان.. و لأن وجهي مألوف عندها..
لكن لو خطبتها لي مستحيل توافق علي لأني رفيق مشعل ومشعل طليق رفيقتها.. اكيد بتوقف بصفها..!!
هههه الله عليك يا عمر… كيف تفكر بالزواج وانت توك متزوج؟!!..
بهاللحظات رن جواله.. ورد وهو قلبه معها/هلا لمياء
فاتن بالجوال قلبها قرصها/انا فاااتن يا عُمر مين لمياء؟
عمر توورط/ماقلت لمياء.. انتي تتوهمين
فاتن/انا ما اتوهم . انت وينك.. ليش ماجيت للحين
عمر استغرب لهفتها عليه/وش فيك فاتن؟صاير شي
فاتن/الكل يسألني عنك. ليش تروح وتتركني وتونا متزوجين..
عمر بابتسامه/وانتي ليه توك تسألين؟.نسيتي انك سمحتيلي اروح بدونك
فاتن مالقت رد/…
عمر/ع العموم كلها اسبوع وراجعين
فاتن/اوكي سلام
عمر سكر الخط وهو متضاااايق، ليش ما يحق له يستقر بحياته ويكون له بيت وزوجه تحبه و تخاف عليه وتنتظره وتحرق جواله اتصال اذا غاب عنها لو نص ساعه!!
كلها احلام بسيطه لكن ماتحققت لعمر…!!
/
/
/
/
/
/
/
/

بعد يومين ع الاحداث السابقه*
طلع من المستشفى وهو تايه الفكر و ضايقه فيه الدنيا.. كيف كان "مُغفل طول السنين"... معقوله أنا سليم 100% اجل كان عندي خطأ طبي في تحاليلي.. أو شي ثاني أنا ما اعرفه؟!!طيب ليه ما حملت اميره؟!!
تذكر اميره في هاللحظات و نساها مع مشكلته الحاليه..
لوجين" اللي تحملت ككثيير و ياما انجرحت مني ومن اهلي بعد.. لوجين كان معها كل الحق وانا ظلمتها مع أني أدرى الناس بطهارتها،.. تذكر لحظة ما اغتصبها وشاف أثار عذريتها.. وتندم حيييل ع اللي سواه.. بدون ما يحس لقى نفسه قدام بيتها!!
وقف عند الباب ورن الجرس;
فتحت له ام لوجين وخافت/هلا مشعل
مشعل بابتسامته الهاديه دخل وباس راسها/السلام عليكم
هدى استغربت تصرفه/وعليكم السلام ورحمة الله وبركاته. خير يا ابني فيه حاجه
مشعل/يعني ما راح تضيفيني يا خاله والا كيف؟
هدى كانت خايفه على مشاعر لوجين/اكيد يا ابني.. اتفضل..
دخل مشعل للصاله وجلس/كيف حال احمد
هدى/بخير الحمدلله
مشعل/الله يقومه بالسلامه..
هدى بابتسامه خفيفه/مشكور يا ابني..
مشعل سكت شوي وهو مو عارف كيف يبدأ…
هدى قامت/انا رايحه اسوي قهوه اخذ راحتك..
مشعل كان يتلفت يبي يلمح لوجين/خالتي وين لوجين.. حاب اتكلم معها شوي
هدى ماتبيه يقرب من بنتها بعد عذابها منهم.. لكنها ماتحب تكذب.. ومشعل كان لبق جداً علشان كذا عاملته بلطف/اشوفها اخذت شنطة الاسعافات و طلعت للجنينه الخلفيه للبيت.
،تركها مشعل وطلع…
هدى بخوف/الله يستر
،
الحديقه الخلفيه للبيت**.
شافها جالسه على المرجوحه وتدهن معصمها بمرهم علشان يسكن الألم ولفته بالضماد الطبي.. ولمحته وصدت عنه بسكات معاد تبي،تكلمه/
مشعل وقف عندها وهو حاس بالذنب/آسف
لوجين بقوة قلب، حقرته وطنشته/…
مشعل وهو خجلان/حبيت اقولك اني سويت التحاليل
لوجين قامت ولا كأنها سمعته ومرت من جنبه تبي تدخل ولمس كتفها كتفه/..
مشعل ماقدر يتحمل ومد يده ويمسك بيدها وهو وساكت/… !!
لوجين وكأنها ميته ماتحس/ابعد عني.
مشعل ضل ماسك يدها/لوجين لا تصدين بوجهك عني، حطي عينك يعيني و اصرخي بوجهي وعاتبيني قد ماتبين وامريني وش ما كان اللي تبينه بنفذه لك
لوجين فكرت والتفتت عليه/أولاً فك يديني.. ترانا منفصلين ما يجوز لك تلمسني.
مشعل/بس انا ما طلقتك
لوجين بغصه/مشعل شرعاً ورسمياً أنا وانت منفصلين، بعدين شلون تبيني اثق فيك وانت عمرك ما وعدتني بحاجه وسويتها!!! وحياتك كلن يتدخل فيها..!!
مشعل انقهر من هالنقطه بس هي صادقه/انتي جربيني هالمره وشوفي.. اقسم بالله لأسوي اللي تبينه
لوجين وعينها بعينه وتلمع/ابتعد عني.. مابيك،قربك يستفز جروح بداخلي ما تقدر تداويها
مشعل انصدم من هالطلب/وش قصدك..
لوجين/ان كانك صدق ناوي توفي بوعدك وتلبي طلبي.. هذا هو طلبي.. معاد ابي اشوفك.. و اللي ببطني مالك فيه دخل هذا لي انا وبس ..و هذا على فكره اللي بتطلبه منك المحكمه وابيك تنفذه.. هاه وش قلت؟
مشعل عوره قلبه وما قدر يرد/…
لوجين ناظرته بتحدي/أوفي معي مره وحده.. ونفذ وعدك هذا وانسى انك تزوجتني واني حامل.
مشعل بلحظه هو عارف انه بيندم عليها كثير ولكن لازم يوفي بوعده/تحت امرك.. لك اللي تبينه، تبين شي ثاني يالحبيبه؟!
لوجين ما صدقت ناظرت بعيونه تبي تتأكد/مشكور .بس هذا اللي ابيه..
مشعل ابتسم و ناظرها نظرات مودع وطلع/سلام
لوجين جلست وهي منهاره واستسلمت للدموع بعدما ضغطت على نفسها واسطنعت القوّه كثييير قدامه.. ،
[[‏ﺎقفى ولكنه تر? داخلي شيء
وانا تركت بداخلـ? ﺎلف حاجـه

مدري مصير ﺎلحي بيلاقي ﺎلحي
والا انا وياه صععب انتواجه !.]]
،

،

يتبع

[فيتامين سي]

السلام عليكم ورحمةالله وبركاته
بارت ممتع شخصيه خياليه
لمياء
يحق لك تعجبين بعمر خلوق ومحترم
عمر
لازم تنهي علاقتك بزوجتك اللي تدبست فيها
وبعدها تقدم للمياء وماراح ترفضك لأن لمياء لوعرفت
إنك متزوج ماراح ترضى تتزوجك

لوجين
قسيتي كثير على مشعل لكن الله يلوم من يلومك اتهامه
لك ماهو سهل خليه يتربى شوي لكن لاتحرمينه من أولاده
وتحرمين أولادك من أبوهم
مشعل
هل راح تقدرتوفي بوعدك للوجين اظن صعب بعدماكنت
فاقد الأمل بإنك تكون أب تتخلى عن أولادك لازم بعد
ماتهداالأمورتشوف لك حل وسط كادي بينكم
من حق لوجين عليك ترد لها كرامتها وتبرأها قدام
أهلك وما تتركهم يظلمونها أكيد أمك لماتعرف راح تندم
أنها ظلمت لوجين وتسببت في حرمانك من أولادك وهي
حرمت نفسها من أحفادها
منتظرين بقيةالأحداث يعطيك العافيه
وشكرا لاماراعلى النقل لاخلا ولا عدم منك يارب

[توين الحربي]

شـكــ وبارك الله فيك ـــرا لك ... لك مني أجمل تحية .

[marmora_95]

عزيزتىالكاتبة رواينك اكثر من رائعة وفيها سلاسةواشكرك لامار لنقل والاختيارلهزة الروايةاتمنى اتكتمل لانى زىماقلت ان وباقى الاعضاى فيةة روايات كثيرة فى انظاراكتمالهامتى نزول باقى البارتات

[لامارا]

28))من متى والغصن يختار الطيور؟!
،
،
هذا الفراق الطويل اللي طلبته...وهذا الغياب المُرّ وهذي احزاني..
عمري ما اخترت فراقه من قلبي.. لكن لابد منه.. لابد اني احترم نفسي و استرجع كرامتي اللي تبهذلت كثير، بعدما اتهموني بعرضي ولطخوا شرفي..
كنت اعاقب مشعل.. واثر العقاب يأثر فيني كثر ماهو مأثر فيه.. هو يحبني ادري به ولكني احبه اضعاف حبه لي.. بنظري هو رمز النبل والرجوله والشرف..تذكرت الشهور اللي،عشتها معه" عمره ما ارتكب تصرف حقير ضدي..عمره ماحاول مجرد محاوله انه يجرحني.. كيف ما احبه وهو حاول كثير يتقرب مني باخلاقه و بتصرفاته..وبتعبيره الصريح عن حبه لي رغم اني كنت مُتطلبه وعصيّه.. ومتحفظه بمشاعري واكبتها.. و اللي جنني اني عمري ما قلت له "أحبك" وهو اللي ياكثر ماسمعني هالكلمه…!
*قامت "لوجين" من الكرسي الخشبي اللي هي جلست تستريح عليه شوي واتجهت لبيت رفيقاتها القرريب من بيت اهلها..
،
،
،
،
*،*الاحداث السرديه*،*
الثلاث بنات مجتمعات كلهم في بيتهم...
و الحديث كالعاده كان لـ "روبين"..وسط سرحان لمياء ومذاكرة لوجين اللي حلت مشكلتها مع طليقها بالتراضي واخذت حكم من المحكمه وتعهد شخصي ورسمي منه و ارتاحت..
روبين وهي تنزل كوب قهوتها/بنات شفيكم صايرات مملات!!. ماتسولفون ولا شي.. دوم سرحانات والا تذاكرون..
لموش ليش ساكته.. لوجين يالدافوره بسك مذاكره عطوني وجه
لوجين انزعجت منها وثرثرتها/تدرين شلون… انتي ماتحسين غير بنفسك.. هالشهر كله عندي اختبارات و هالليله لازم اذاكر بس قلت اجلس معكم يوم بالاسبوع ع الاقل حتى لو ما اسولف…لكن ما تفهمين و بكرا الصبح عندي تقديم اختبار ولازم اقدم احسن مستوى خصوصا انه قريب وراي ولاده قيصريه، وبغيب قرابة اسبوعين.. انتي ماتحسين فيني ماتحسين غير بنفسك. انا كثير تعبانه و يادوب اداوم.. وانتي جالسه ببرود تحاسبيني ع تقصيري!!!
روبين ولمياء استغربوا انفجارها بعد طوول كتمان/!!!!!
قامت لوجين وهي متنرفزه وروحها واصله مناخيرها و تبي تطلع.. وصلت للباب وتذكرت نفسها وتهعوذت من الشيطان وهدأت ورجعت لهم وجلست بهدوءها المميت/
لمياء خافت عليها/لوجين فيك شيء؟!
لوجين حاولت تتكلم و ماتبكي وكانت العبره تخنقها/بنات انا اسفه.. ماقصدت اعصب عليكم وازعلكم.. اعذروني انا مضغوطه هالفتره "بكت وهي تتكلم" حاسه اني بدوامه..انا حاسه باحباط.. وقربت أولد خلاص وحيل تعبانه
روبين رحمتها وقامت تجلس جنبها وتربت على كتفها/ي عمري لوجين انا اللي اسفه ما افهم.. خلاص قررتي العمليه؟!
لوجين بضيق/ايوه
لمياء خافت/متى؟
لوجين بتملل/آخر الشهر… يااااكثر اسئلتكم يا هالبنااات
روبين بخوف/اسبوعين ماراح تكفي علشان ترتاحين فيهم بعد الولاده
لوجين بدون اهتمام/انا تكفيني الاسبوعين ويمكن اجي قبل يخلصون هالسبوعين بعد
لمياء عصبت منها/ليش انتي دوم تحبين تعاقبين نفسك
لوجين اخذت فنجانها وشربت منه ونزلته/انا ماعندي وقت
لمياء/عندك وقت لكل شي الا نفسك،ناظري نفسك انا متأكده انك تعبانه ومو محتاجه هالفتره غير لراحتك.. لكنك تكابرين
لوجين بلا مبالاة/لميااااء بسك فلسفه مالها معنى
روبين/الله يعينك حبيبتي لوجي
لوجين تنهدت/امين..
...هدوء وسكوت لدقايق…
لمياء بعد تردد/سافر مشعل؟
لوجين بلعة ريق الشوق وبتصنع اللامبالاة/ما شلت همه
لمياء ابتسمت وهي تتخيل ملامح عمر/عُمر كان جاي معه ع هنا صح؟
روبين بغباء/لا يكوون اللي هذاك اليوم وداك المستشفى وجلس عندك؟!
لمياء كانت تأشر لها تسكت ولكنها ماسكتت/غبيييييه
لوجين سكرت كتابها واتجهت للمياء بالكلام/وليش عُمر يوديك المستشفى ان شاء الله
روبين/يووه ما دريتي اغمي عليها بعدما عرفت ان الفيديو انتشر بالكليه
لوجين استغربت/اي فيديو؟
لمياء وهي تمسك روبين من رقبتها/بذبحك على غبائك شلون تتصرفين بهالغباء.. انتي من قالك تصيرين طبيبه
روبين ببراءه/اااه خنقتيني جدتي تبيني اصير دكتوره
لمياء بإحبااط/ربنا يخلف على جدتك
روبين/على طاري جدتي.. دريتوا انها بتجيني زياره
لوجين ضحكت على اشكالهم/ههههههه
،
،
،
،
،
،
،
،
بيت الكادي"
الكادي وهي تخزه بابتسامه/بتسافر بدون ما تقول لي عن اللي بقلبك
مشعل بيأس/ما عاد بقلبي شي ينقال..انتي عرفتي كل شي ، انتهت مشاكلي خلاص
الكادي حست فيه/بس شكلك متضايق ومهموم؟
مشعل تنهد وهو يتبسم يخفي حسرته/إلا احس بضياع.
الكادي/اذا حاب اتدخل.. انا مستعده اكلمها لك
مشعل قاطعها بحزم/لا وانا اخوك.. اناخلاص وعدتها و قررت اريّحها مني.. كفايه ما جاها من وراي
الكادي حزنت على حالته بس ما بينت/ومولودك المُنتظر… ماتبيه؟
مشعل خالجه شعور جميل، بأنه خلاص بيصير "أب" وتنهد/أمه أولى به مني.. مابي احد من اهلي يقرّب منها هي و الولد.. لوجين تأذت واجد من اهلي.
الكادي/شلون تحبها؟ وناوي تبتعد عنها وعن ولدك!
مشعل/اذا كان بُعدي بيداوي جروحها.. ببتعد
الكادي وهي تناظر بعيونه وتمسح بيدها على يده وهي تودعه/الله يصبرك يا حبيب اختك.. بشتاقلك
مشعل حب على راسها/هانت كلها سنتين وترجعون.. ولا تنسين العطله السنويه
الكادي/سنتييين آهه يا طولها يا مشعل..
مشعل/انتي مع زوجك وبنتك عندك، يعني عايلتك حولك ما راح تستوحشين ان شاء الله.
الكادي/عقبال ما تجتمع انت وعايلتك بعد
مشعل ابتسم/يلا عن اذنك…
الكادي/مشعل تكفى خل عزوز يدق علي اول ما يطلع من دورة الجيش هالقاطع اشتقت له
مشعل تذكر عزيز وحس بضيقته واوجاعه تزيد/ابشري.. يلا فمان الله.
الكادي/بأمان الكريم.. توصل هناك بالسلامه.
،
،
،
،
،
،
،
السعوديه* الجنوب
بطولها الانيق واقفه عند مرايتها بفستانها الازرق ومسدله شعرها البني اللي يوصل لنص ظهرها وتتأنق وتحط اللمسات الأخيره بسلسال حول رقبتها..
الليله في عزيمه ببيت الجيران و عمها ابو زوجها اللي حبها مثل بنته طلب منها انها تروح معه لان هي معزومه هناك..

*سمعت صوت تصفيرة اعجاب حلوه من اتجاه الباب وألتفتت بنص عين للشخص الحقير بنظرها ورجعت تكمل اناقتها برشه من عطرها/من الادب انك تحنحن قبل لا تدخل مو تفجع الناس بدخولك فجأه
جابر وهو يقرب منها ويدقق في عيونها بكحلها الفرنسي "صحيح عيونها مش كبيره ولكن هنادي عندها كاريزما وتعرف تبرز جمالها و تسحره"/ايش هالشياكه فدديت هالطول أنا.
هنادي بمشيتها اللي مثل مشيت عارضات الازياء اتجهت للكبت اللي تحط فيه شوزاتها كان عندها ثلاث اطقم ،واخذت الشوز الازرق وجلست على طرف السرير علشان تلبسه،كانت تتجاهل وجود جابر …
جابر قرر يكلمها واتجه لها ع السرير وجلس جنبها وحاول يلمس يدها/هنادي..
هنادي ابعدت عنه/لا تلمسني… انا قرفانه منك وماني متحمله انفاسك معايه بالغرفه.. بليز إلزم حدودك
جابر يتصنع البراءه/هنادي لا تصيرين لئيمه معي
هنادي وسعت عيونها مستنكره/اللحين صرت لئيمه هاااه!! يا بجاااحتك! …زواجي منك كان غصب عني ومع ذلك سلمتك نفسي بطواعيه ورضيت بقدري معك وكنت زوجتك .. لكنك حقير ما يملي عينك غير التراب.. روح لشغالتك هالسافله تراها من مستواك..
جابر بفقدان أمل وضعف/بس انا احبك
هنادي تقهرها هالكلمه منك/حبك برص…انت ماتعرف الحب ، الحب بنظرك وشو؟!!.. اجتياح استغلال ..تملك لا غير… ترى الحب مو بهالشكل..مو كل من حبيته لازم يحبك..او لازم تحصل عليه فااهم؟
جابر/مو بكيفك.. انتي،زوجتي فااهمه ماراح تمنعيني منك
هنادي بنظرة تحدي وثقه خزته بعيونها الحاده ووقفت قدامه مباشره وماتفصل بينهم غير سنتميترات بسييطه وكانت تتحداه بنبرتها/تبيني؟..تحبني؟ او يعجبك شكلي ولبسي؟..اذا الزواج بنظرك هو فقط علاقه جسديه قدامك جثتي ضمها جسد بليا قلب و روح.. سو اللي تبي فيها واشبع غريزتك الحيوانيه واطلع براا
جابر ماقدر حتى يحط عينه بعينها صد عنها وهو عااجز انه يسوي شيء ما يدري وش يصيبه اذا ناظرتها بنظرات الاتهام والحقد.. غير ان اسلوبها معه واختيار عباراتها يخوفه،ويعجزه عن الرد.."!
هنادي بإلحاح قربت منه/يللا وش تنتظر؟!! انا قداامك، انا ملك يدينك اللحين...
جابر حاول يمد يده لها وما قدر.. وكأنه عمره ماتعامل مع بنات!!
هنادي بابتسامه ساخره/انت عاااجز ..عاجز انك تردع نفسك عن الحرام.. لذلك يصعب عليك الحلال.. رغم انه هو عشقك ومطلبك!!
جابر فتح عيونه ع الاخر.. وبلع ريقه وعرقه يصب.. فعلاً هي صادقه.. هو قدامها عاجز!!.. خاف تكون خدرته او شي من هالقبيل… ماعرف كيف يرد.. وطلع بسرعه من الغرفه وهو يحس انه مخنوق.وتافه.. وبدون قيمه!!
هنادي تنفست الصعداء بعدما شافته يطلع، والغريب انها ما بكت.. بالعكس حاسه براحه عجيبه.. سمعت صوت تلفونها يرن وراحت ترد بابتسامه لأن هذا ابو زوجها الرجل الطيب/ايوه يا عمو…انا دحين نازله.. كلها دقيقتين وبكون عندك بالسياره..
،
،
،
،
،
،
،
كندااا*
‏يا رب هـ المرّه .. هـي آخر مرّه ،
ولا هو بـ شايفني ولا لامحني

ادري حلفت ان شارعه ما امرّه ،
لكن انا مشتاق له .. سامحني"
،
مشعل وعمر طالعين من فندقهم للمطار.. خلاص الديار طلبت اهلها.. كان كل واحد منهم يهيم في افكاره وفي الاحداث اللي صارت له.. كل واحد في قلبه اللي مكفيه..
عُمر لاحظ ان السايق غيّر وجهته وألتفت على مشعل/مشعل وش السالفه.. السايق مو كأنه غير وجهت المطار؟!
مشعل بهدوءه/تركد انا قايله يوديني مكان محدد
عُمر/وين ؟
مشعل/بيت عمي ماجد
عمر عقد حواجبه/انت رحت لهم قبل؟
مشعل/سبق وقلت لك اني وديتهم للبيت وقت ما انكسر احمد
عمر تذكر/ايهه صح.. بس وش وداك لهم اللحين
مشعل/معي اغراض بوديها للوجين قبل امشي
عمر استغرب اكثر/مششعل وش صاير؟..انت مو وعدتني انك ما عاد تلاحقها
مشعل بعصبيه/وانا ما اخلفت وعدي.. يا عمر هي اللي لاحقتني وتجاهلتها علشانك واستمرت تلاحقني..لين قدرت توقفني وتتكلم معي..
عمر استغرب/وبعدين وش صار..
مشعل وعينه تلد للشباك ولزخات المطر اللي تنزل على زجاج السياره/طلبت مني اعيد تحاليلي هنا.. وألّحت ع هالشي وسمعت كلامها و تأكدت بنفسي انها حامل بولدي أنا.. وبعدها اخذت حكم قضائي وتعهدت لها شخصياً بأني ما اتعرض لها ولا لولدي… <<<قالها بتنهيده..
عمر ابتسم فرحان له/يعني نقدر نقولك اللحين ابو نايف
مشعل بضيق/قلت لك الولد لهااا، انا مالي فيه شي.. وما استحقه اصلاً..
عمر/اجل دام خطوط الرجعه بينكم صارت مقفله ،وانت اكتشفت ان تحاليلك السابقه كانت خطأ طبي،لازم تزوج يبن الحلال وخلف لك عيال..
مشعل التفت عليه وهو عاقد حواجبه والشرار يطير من عيونه/انا من بعد لوجين مابي وحده ثانيه ابد
عمر بيحرق اعصابه/وان تزوجت لوجين بواحد غيرك.
مشعل بثقه/ما راح تتزوج من بعدي
عمر/لا تتأمل كثير يا رجل..
مشعل سكت.. وخالجه خووف من كلام عمر..
،
،
،
،
،
،

رجعت لبيتها الساعه 8ونص ونزلت من سيارتها واتجهت لباب البيت وتفاجأت بكمية الاكياس و صناديق الهدايا اللي موجوده عند الباب.. فتحت الباب ونادت أمها وهي مستغربه/أمممي..يا أمممي تعالي شوفي
هدى جاءت من المطبخ وهي تنفض يدينها من المويه/ايش صاير يا بنتي
لوجين تحمست/لمين هذي الهدايا والاغراض.. لا يكون بابا مسوي لنا مفاجأه
هدى وهي تدخل الاغراض مع لوجين/ما اظن.. ابوكِ حاليا في دبي عنده شغل كلمني قبل شوي وما قالي شي عن الهدايا
لوجين اتجهت للصندوق الكبير واخذت الكارت اللي عليه و فتحته [اول اغراض النونو وهداياه لازم تكون من ابوه قبل كل الناس….. مشعل ابو ولدك]
لوجين جلست ع اقرب كرسي و دموعها تنزل بسكات.. وفتحت الرساله اللي لقتها داخل الكرت،..
هدى استغربت دموعها/لوجين من فين الاغراض هذي
لوجين وهي تتخيل وجهه قدامها وتتبسم وسط لمعان الدموع بوسط عينها/مشعل
هدى وهي تتبسم/ليه ما جاء بنفسه..
لوجين بنبره تدل ع الحزن العميق اللي يخنق صوتها/الليله طيارته الساعه 8ونص… يعني اللحين غادر كندا.
هدى/فجأه كذا يتركك بعدما
لوجين بابتسامه أليمه وبحة حزن/هو وعدني يلبي مطلبي مهما كان…وطلبي كان الفراق.. لا اشوف وجهه ولا يشوفني.. وهذا هو وفا..
هدى مالقت لها تعليق يبرد قلب بنتها وهي تشوف هداياه للطفل اللي تمناه سنين.. وتشوف الحزن بعيون بنتها.. ماكانت بيوم تتوقع يصير للوجين هالشيء.. كيف راح تصير أم وأب بنفس الوقت لعيالها..!!
قامت هدى وتركت لوجين بوسط الهدايا..لأنها شافتها تفتح رساله/انا رايحه اشوف الطبخه..
لوجين ما كانت تسمعها.. وعينها تغرق بحروف رسالة مشعل.. قرأتها ومن بين السطور ، ابتسمت وهي تقرأ هالجمله اللي لفتت انتباهها..
[عشقتك من اللحظه اللي رفعتي فيها السكين بوجهي ليلة الدخله… حبيت تحديك وثقتك ورفضك.. حبيتك بكل حالاتك.. خليني اكون صريح معك.. بعد كل اللي صار توقعت انك تطلبين مني الفراق توقعت انك ترفضين ترجعين معي.. لأن كبريائك يالعشق ما يرضى بالاهانه ..كنت احاول رغم معرفتي انك بتطرديني من حياتك.. للأبد..ما ادري انتي حامل ببنت أو ولد.. وادري بتقولين مو من حقي اعرف.. لكن لا تكرهينه فيني..مابيك تذكريني بالشر ولا بالخير قدامه. . قولي له اني "مت" وكنت احبه.. وكنت مشتاق اشوفه بس ربك ماكتب..]
لوجين قطعت الرساله بعصبيه ورمتها/آه غبببي غببي غبببببببي
أمها شافتها ن بعيد ورحمة حالها وجات ركض ع صوت صراخها/لوجين وش فيك؟بسم الله عليك
لوجين وهي تقوم وتترك كل شي وراها/غبي ،يطلب مني انساه!! لأنه مفكر النسيان زر وبضغط عليه وبينتهي كل شي صار بيننا.. غبببي
هدى حاولت تهديها/طيب انتي وش تبين منه يعني؟
لوجين حاسه انه خلاص محد يفهم عليها، هدأت اعصابها بشكل مفاجئ وكأنها نار وانطفت وجلست/مابي منه شي.
هدى وهي تناظر فيها وتقرب منها/انتي هالايام مزاجك مو عاجبني.. ليش احسك مشتته ومنتي قادره تركزين على شي حتى في ردات فعلك
لوجين خافت/انتي شايفه كذا يا أمي
هدى جلست جنبها وتخليها تسترخي وتربت ع كتفها/أيوه يا حبيبتي.. هذا كله من هرمونات الحمل اللي تخليك متوتره ومو على بعضك.. اخذي لك فترة راحه ي حبيبتي
لوجين بواقعيه/ما اقدر يا أمي.. انا جايه هنا طالبة واتخصص جراحه ماجيت علشان استرخي في كندا
هدى ضمتها ببتسامه/الله يوفقك يا بنتي..
لوجين ارتاحت وهي تحط راسها على صدر امها/..
،
،
،
،
،
،
،

[لامارا]

،
بعد ثلاث ايام.. من الاحداث السابقه…
وصلوا الشباب لأبها.. ،
عمر وهو يتذمر/وراي سفر للرياض.. الله يعين
مشعل ألتفت على عمر ببتسامه/المفروض انك رحت من مطار جده للرياض مو تجي معي لأبها
عمر/ياخي مابي اروح هناك
مشعل وكأنه شك/افااا ليش.. هذا وانت توك عريس
عمر توتر/مو هذا السبب.. انا بس ماحب الرياض
مشعل ماصدقه/ايييه ..طيب طيب
عمر لاحظ مشعل غيّر وجهته/وينك رايح يا ولد؟!!
مشعل/رايح لعزيز بالمستشفى.. اشتقت له يا رجل
عمر/اي والله له فقده عزيز،تهقى بيقوم من غيبوبته؟
مشعل وهو يتذكر كلام لوجين ومدحها لعزيز وكيف انقذها من ابوه وسفرها ابتسم/ان شاء الله يقوم.. عزيز بطل وقدها وقدود.
عمر/الله كريم.ما قلت لي وش سويت بموضوعك انت ولوجين
مشعل وهو يحاول يكون مب متاثر/بعدين اقولك..
/
/
/
/
/
/
في ذاك القصر العالي..
زينه تمشي وتبخر البيت وهي مبسوطه لان اخوها اليوم وصل..
والليله عندهم عزيمه طويله عريضه.. بمناسبة الملكه اللي تمت
نزلت ام مشعل و شافت بنتها شاقه الابتسامه،وعقدت حواجبها/بسسسك بخووور بسسسك.. وش مبسطك ان شاء الله
زينه/الليله بيوصل اخوووي حبيبي
ام مشعل فرحت وخافت بنفس الوقت لان زواج بو مشعل قررب/ي مرحبا به حبيب أمه..
زينه ترددت/يمّه ترى الليله عندنا عزيمة
ام مشعل/وش المناسبه.. محد قال لي؟!
زينه وهي خايفه من ردة فعل امها/مناسبة ملكة أبوي على مشاعل
ام مشعل عصبت/وانتي بس تبين ترفعين ضغطي وبس
زينه/انتي سألتيني يمّه
ام مشعل/وابوك هذا ..ما لقى يحط العزيمه الا ببيتي لا ما سواها بالاستراحه والا بمكان ثاني
دخل ابو مشعل وهو يبتسم بخبث/بيتي واعزم فيه اللي ابي واللي مو عاجبه يطلع برااا
ام مشعل انكسر قلبها وانقهرت/بعد كل هالسنين والعشره اللي بيننا يا بو مشعل تسوي فيني كذا
بو مشعل/لا تحسسيني بالذنب.. مال يليق لك دور الطيبه والتضحيه.. انتي كفيتي ووفيتي.. بس عاد عجزتي ونبي نجدد ههههه
زينه ماتحب هالنقاشات العقيمه بين ابوها وامها ،قررت تطلع وتخليهم..
ابو مشعل شافها تروح/زززينه ..هاتي القهوه .ابي اكيف راسي
زينه التفتت عليه وهي رايحه/ابشر يبه…
ام مشعل تركت المكان و اتجهت لغرفتها…
،
،
،
،
،
،
،
،
المستشفى.. ،
عند عزيز بغرفته.. واقف عنده وهو يحاول يتماسك قد ما يقدر انه ما ينهار ..هذا رفيقه اخوه الصغير وعمره ما افترق عنه ولا خالف شوره وكان يخاف عليه اكثر من نفسه..
مشعل مسح على راس عزيز/عزيز.. الكادي تسلم عليك.. اشتاقتلك حيل مثلما انا اشتقتلك.. انا كذبت عليها وصلت انك رحت الجيش ودخلوك المعسكر ونويت تصير جندي علشان كذا مايقدر يرد عليك..بصراحه مالقيت كذبه ثانيه.. الله يقومك لي ولها بالسلامه..."تنهد مشعل" تبي الصدق يا عزيز اخوك انتهى.. انهار… اخوك انخدع من كل اللي حبهم ووثق فيهم.امي وابوي كانوا يتحدون بعض فيني.. من بيتحكم فيني اكثر.. صحيح يحبوني بس حبهم عذبني.. بس انت ولوجين الوحيدين اللي ما انخدعت فيكم... وانتم الاثنين اللي للأسف خسرتهم بحياتي..
*مشعل لمعت عينه وغمض ورفع راسه علشان ماتنزل الدمعه ولكنها غصب عن العين طاحت..
لحظات ودخل الدكتور يتطمن كالعاده على المريض/اهلين اخ مشعل..
مشعل تحنحن علشان صوته الباكي/هلابك دكتور..بشر كيف وضع عزيز اللحين
الدكتور ببتسامه/مثلما انت شايف غايب تماماً عن الوعي.. ولكن لاحظنا انه من اسبوعين فيه تحسن في النشاط الدماغي.. الحمدلله.. يعني انه فيه أمل كبيير انه يستعيد وعيه ويرجع لنا
مشعل انبسسط/الحمدلله.. الحمدلله.. الله يسمع منك..
الدكتور ببتسامه/عن اذنك..
مشعل طلع مع الدكتور… وشافه عمر مبسوط وابتسم..
عمر بابتسامه/الله يديم السعاده.. بشرني يا مشعل
مشعل بسعاده غابت عنه فتره/فيه تحسن في النشاط الدماغي عند عزيز.. يعني الانل بعودته كبيير
عمر/الحمدلله الله يقومه بالسلامه
مشعل/امييين و مشكور ع الدعوه الطيبه.. عن اذنك
عمر/وووين وبتخليني هنا
مشعل وهو مستعجل/عندي موضووع مههههم تووني تذكرته عن اذنك. انت دبر نفسك
عمر استغرب/هيييي يا رجال وقف..
مشعل وهو مااااشي/مشغووووول يلا سلااام
راح وتركه..
عمر قرر يدق على واحد من ربعه في المؤسسه يجون ياخذونه/الله يهديك يا مشعل..
/
/
/
مشعل طلع وهو مبسووط وسعيييد.. رغم كل شي صار له.. لكن عزيز له مكانه بقلبه ووقفته الرجوليه مع لوجين زااادت غلاه زياده… اتجه لمحلات التموين.. واخذ مواد غذائيه وتموينيه وقرر توزيعها بنفسه صدقه على الفقراء والمحتاجين.. شكر لله بعدما بدأ يتعافا عزيز… قرر مشعل انه يداوم على هالشي.. وشهريا راح يوزع نفقات تموينيه ع المحتاجين عنه وعن عزيز ولوجين واللي ببطنها..
..
.
.
.
.
.
.
.
.
حزة المغرب…
وصل مشعل البيت وكان مرررهق وناظر حوله ما حصل احد..!!
سمع صوت أمه بالتلفون/ان شاء الله بزووجه قررريب بالبنت اللي بمزااجي انقيها له.. وبفرح فيه.. مو بنت عمه الـفاشله اللي سـ…
تفاجأت بيد تمسك منها السماعه بسرعه وتسكر الخط..!!
ام مشعل التفتت عليه وتفاجأت/مشششعللل انت شلوون تسوي كذا مع امك
مشعل وهو يبوس راسها/كنت امنعك ماتخوضين في عرض بنت شريفه وتاخذين اثم
ام مشعل/بعد كل اللي صار
مشعل بهدوءه المعروف عنه/ماصار شي يممه..
ام مشعل قررت تفش خلقها/الا صار ونص.. لوجين تدري ليش هربت.. لانها اكتشفت اننا عرفنا انها حامل.. وقرر ابوك يقتلها.. لكنها هربت
مشعل وعيونه تلمع دموع رافضه تنزل/الحمدلله انها هربت
ام مشعل/بترفع ضغطي.. انت غبي
مشعل/لانكم لو قتلتوها.. عمري ماراح تشوفون وجهي،مره ثانيه.. وراح تنسون ان لكم ولد اسمه مشعل
ام مشعل/بتحرمنا،من شوفتك علشان وحده !!
مشعل بقهر مكبوت/انتم حرمتوني من ولدي طول عمري.. خليتوا مني مضحكه.. طول عمري وانا اسمع كلامكم وما اعصي لكم رأي.. لكنكم كنتم تستغلون خوفي من الله.. وتقهروني
ام مشعل بكلمات قااسيه/انت وش تهذي به.. تي ولد اللي حرمناك منه.. انت ناسي،انك عقييم
مشعل بابتسامه نزلت دمعه غصب/طول عمري كنت اظن اني عقيم وانتم تلمحون لي انكم تعرفون.. وتجرحوني في قفاي.. لين ربي كتب لي وتزوجت لوجين..
ام مشعل/شقصدك؟
مشعل/اللي حامل فيه لوجين يصير ولدي
ام مشعل/تستهبل انت
مشعل/انا سويت تحاليل جديده هناك وعرفت اني سليم 100%..
ام مشعل سكتت مذهوله ومب مصدقه/… !!!
مشعل وهو يتذكر حياته مع اميره وحياته مع لوجين/المشاعر اللي نظن انها حب ..هي حب وهمي نعيشه احيان وهو عباره عن كذبه كبيره ويستمر .. والحب الحقيقي يضيع بغمضة عين،من اتهام جارح وجرح قاتل ..وبالنهايه نظل نبكي عليه طول العمر..
ام مشعل رحمته بعدما شافت دموعه تنهمر قدامها بدوون حواجز، اتجهت له وهي خايفه عليه/مشعل حبيبي
مشعل وهو منهار للآخر/يمه انا وقعت على حكم يمنعني،من شوفت ولدي ..وانا تعهدت للوجين اني ما اتعرض له حتى لو مر من قدامي..!! يمه انا خسران يمه واحس اني انتهيت
ام مشعل وهي تهزه/اصلب طوولك.. خلك رجاال وامسح دموعك.. الرجال ما يبكي.. واذا عالحرمه بدالها اربع..اذا فعلا انت مافيك شي بتملي البيت عيال وبتنسى ولد لوجين
مشعل تكلم بضيق/"الرجال مايبكي"هالجمله قتلتني يممه.. انا حلفت ما اتزوج غير لوجين
ام مشعل/قلت لك لوجين انساها من مخك
مشعل ببتسامه رماديه/انا اصلاً تركتها خلاص والله يوفقها بحياتها.. امما اني انساها.. والله ما انساها. انا رايح غرفتس
ام مشعل/الليله عندنا عزيمه..
مشعل ما سأل لأن دوم بيت ابوه فيه عزايم/طيب
ام مشعل مسويه مو متأثره/ترى شوي وجايين الناس.. لا تتأخر فوق.. اللي جاي انساب ابوك الجداد..
مشعل استغرب نبرة أمه "يعنني مو زعلانه"..بس صعد لغرفته.. ..

،
،
،
،
،
توافدوا الناس وكانت عزيمه غير عاديه.. كانت هنادي حاضره وتعرفت على زينه....وكانوا حيل مبسوطين بهالمعرفه.. وضلوا يسولفون ..
ام مشعل كانت هالليله ثقيلة طينه.. وكئيبه كانت تتبسم وهي تخفي بداخلها حزن وحقد وغضب.. خصوصاً نظرات الشماته من عيون الحريم الحاضرات..
ام شبيب الحرمه الكبيره والمحترمه/اشوف ام العروس مشاعل ماجات.. مع ان العزيمه لهم..
ضرة ام شبيب الثانيه/اكيد مشغوله بالتحضيرات.. الزواج عقب اسبوع
ام شبيب/ماعليه يا ام مشعل.. ترى اغلب الحريم يتزوجون عليهم ازواجهم.. وانا اقرب مثال علي ثنتين
ام مشعل بغرووور وانف يلامس السماء/بس أنا مب مثلك علشان يتزوج علي كل يوم والثانيه.. لا تقارنين نفسك فيني تراني بنت حموله ..وبعدين انا اللي قلت له يتزوج وحده تخدمه تخبرون،هو رجاال شاايب ما عاد منه فاايده
ام شبيب/افاا يا ام مشعل.. ترانا مثلك بنات حمايل عيب عليك تصغرينا وحنا دايسات بساطك..
ام مشعل/لا تدخلون بشي ما يخصكم
زينه جات تبي تدارك الوضع لأن امها احرجتها/اسفه يا ام شبيب امسحيها بوجهي ترى امي ماتقصد
ام شبيب قامت/يا بنتي يا زينه.. امك لها لسان وعقل لا تعتذرين عنها.. ل. هي تبي تعتذر كان اعتذرت..
زينه باست راسها/ي خالتي ام شبيب وقفي الله يهديك علشان خاطري
ام شبيب حبت راس زينه ببتسامه/هذي علشان دمعتك وعلشان خاطرك يا بنت الشيوخ لكن مقدر اقعد يا بنتي اعذريني… سلام
زينه وهي مقهوره من تصرفات امها الصبيانيه، راحت تهمس لأمها/كذا يممه!!
ام مشعل/ابعدي عني لافشلك عند باقي المعازيم..
اقبلت هنادي وهي مستغربه تصرفات ام مشعل/زينه تعالي الحريم بهذيك الجهه ناقصهم قهوه
زينه حاولت تكون طبيعيه/يلا هنادي انا جايه.
،
،
،
،
،
،
،
،
،
،
بعد كم يوم على الاحداث السابقه.. *
وصل الرياض و دخل شقته وهو متوجس ومهموم.. فتح ازرار ثوبه من فوق وجلس يسترخي بنص كنبات الصاله.. هو يدري ان زوجته موجوده عند اهلها. لذلك كان مرتاح نوعاً ما.. غمض عيونه وهو يسند راسه على الكنبه وراه..
..تفاجأ بصوت يهمس له بنعومه/الحمدلله ع السلامه عمر
عمر فتح عيون وعدل جلسته/بسم الله!!
فاتن وهي تجلس بالكرسي القريب منه وبلبسها الجريء نوعاً ما/انت قلت انك بتوصل الليله وقلت اسوي لك مفاجأه واجي للبيت،شرايك بالمفاجاه؟
عمر وهو يتصنع الابتسامه/ا..ا..حلوه حلوه..
فاتن لاحظت ارتباكه وهو يتصدد عنها/جوعان؟
عمر وهو يقوم بدون ما يطالع فيها لانه عارف انها ماتبيه/لا ..ابي انام
فاتن وهي تتبسم على حركاته/اوكي..حتى انا بنام..
عمر اتجه للغرفه و بسرعه بدل ملابسه ونام..ع السرير لانه عاارف انها ماراح تنام معه فيه مثل بداية الزواج كانت تنام برا..!!
فاتن بدلت ملابسها واتجهت للسرير وجلست جنبه وهي تناظر فيه/
عمر انصعق واستقعد، مايدري وش فيه/!!
فاتن عصبت لكن ما بينت ووقفت/عمر وش فيك؟!
عمر وهو خايف من تصرفاتها الغريبه/اذا حابه تنامين ع السرير مو مشكله بطلع برا بالصاله
فاتن ماقدرت ترد عليه.. "وش تسوي له اكثر من هالتلميح"/ايه حابه انام ع السرير
عمر اخذ نفسه بسرعه وطلع قبل لا تتكلم معه زياده، مايبي يتعلق فيها وهي قالت له باول ليله من زواجهم انها ماتبيه.. نام عمر على كنبة الصاله وهو ضايع الفكر مشغول…!!
فاتن رجعت تنام وهي مقهوره تتذكر اللي صار بغياب عمر"وان الاطباء ايسوا من حالة خطيبها السابق.. وسمعت كلام من زميلاتها وقريباتها اللي حضروا بالزواج ان زوجها يجنن وألف وحده تتمناه..وضاعت بين حب خطيبها السابق ونبل وشهامة زوجها "عمر" اللي كان متفهم كثثير وكان احن عليها من اهلها.. وما افتعل مشكله مع انه يدري ان اهلها خدعوه بالزواج منها..!
/
/
/
/
/
/
هذا هو اليوم اللي انتظره ابو مشعل كثير.. اليوم اللي يشوف فيه العروس اللي دلته عليها زوجته بدون ماتحس!!
كان كاشخ و يتبخر..
زينه وهي متسكه البخور بيدها و بابتسامه مصطنعه/مبروك يبه..
بو مشعل/الله يبارك فيك… وين اخوك
زينه/اخوي تحت يستقبل ..الساعه قدهي3العصر يبه.. المعازيم بدأوا يوصلون..
بو مشعل/اخذ السلاح والا لا!!
زينه/لا
لحظات ودخل مشعل بكشخته واناقته بالغتره البيضاء، ولابس المجند التقليدي لأهالي المنطقه اللي يلبسونه ومحشي رصاص/هاه يبه خلصت؟
ابو مشعل/ايهه خلصت ..تعال اخذ الرشاش واشعل بالسماء..
مشعل بابتسامه/كم فيصل عندنا.. ابشرر يابو مشعل
ابو مشعل بضيق/كنت اتمنى ان عندي فيصل غيري بهالبيت ..>>>يقصد ابن لمشعل..
مشعل بابتسامه عريضه يمازحه/هههه حتى لو يجيني ولد ماني بمسميه فيصل!
بو مشعل نسى نفسه وتكلم بقسوه/اجل الحمدلله انك عقيم علشان ماتفشلني
زينه انقهرت من كلام ابوها وتمنت انها ما كانت هنا وشافت احراج مشعل/..
مشعل بلع جرحه بروح رياضيه وتبسم/ليه؟ امي ما قالت لك ان لوجين حامل وقرريب بتصير انت جد
بو مشعل عصب/تخسسي وتعقب.. يالرخمه.. تسمي ولد مب لك ولدي؟
مشعل بهدوء علشان ماتصير فضايح/يبه انا سويت تحااليل برااا واكتشفت اني سليم ومافيني الا العافيه… واللي ببطن لوجين ولدي انا.. لذلك استغفروا ربكم.. عساه يغفر لكم.
بو مشعل/انا مايشرفني هالولد ولاني ابيه.
مشعل ببرود قاتل/تطمنوا ما راح تشوفون حفيدكم لانه بيعيش مع امه..
زينه انبسسسطت ومن دون شعور ضمت اخوها وبكت/من زمان كنت حاسه ان لوجين مظلومه.. الف مبروك ياخوي،
مشعل فرح من قلبه لانه يعرف زينه ، هي الوحيده اللي صادقه من بين الكل ومشاعرها "نقيه" وعمرها ما سبت احد/الله يبارك فيك وانا اخوك..
بو مشعل طلع وهو مو مصدق للحين!!
مشعل لحق ابوه والرشاش بيده.. ووقف ع البلكونه وبدأ يطلق عياراته الناريه.. تعبيراً عن الفرحه…تذكر يوم شاف لوجين تنادي اخوها قبل الزواج ،كان بيده هالرشاش.. جذبته من اول نظره!!
/
/
/
/
/
/

نرجع لكندا… *
نزلت بصعوبه من فوق لابسه بجامة حوامل بلوزتها لين الركبه .. وكانت تتجه للمطبخ.. وبهاللحظات سمعت صوت جرس الباب يرن، ومحد موجود بالصاله وقررت تروح تشوف مين وقبل تفتح لازم تسأل/who is it?
من وراء الباب/انا الكادي..
لوجين تعرف اسمها بس ما قد سمحت الظروف انها تشوفها ،ابتسمت وفتحت الباب/اهليـ… <<تذكرت انها هي نفسها اللي كانت مع مشعل بالحديقه!!
الكادي ابتسمت وهي فاهمه صمت لوجين/ايووه انا نفس البنت اللي كانت مع مشعل بالحديقه..
لوجين ماقدرت تستوعب وماتكلمت!!
الكادي/بتخليني انتظر ع الباب كثير!!.. انا مع بنوته
لوجين ابعدت عن الباب وهي تاشر لها تدخل/تفضلي
الكادي دخلت وهي،تتبسم وجلست/اجل انتي نفسها لوجين بنت خاله هدى ورفيقة البنات
لوجين وهي واقفه قبالها وتبي تمشي/ايوه انا رايحه اجيب قهوه وانادي أمي
الكادي/انا جايه علشانك يا زوجة اخوي
لوجين كانت مقفيه ووقفت والتفتت عليها بنظرات استفهاميه/؟!!
الكادي ببتسامه/ايووه انا اخت مشعل من الرضاعه.. وبنفس الوقت اخت عزيز…
لوجين ما صدقت/كيييف؟!
الكادي/هههههه تووقعت انك هذاك اليوم فهمتي مشعل غلط ههههههههه
لوجين اخفت فرحتها بهالشي ولكن تماسكت/انا مابيني وبين مشعل شي علشان افهمه غلط والا صح…احنا انفصلنا واللي بيننا انتهى من زمان
الكادي استغربت/كيف انتهى وانتي حامل بولده
لوجين/انا رايحه اجيب ضيافتك..
الكادي/لحظه يا لوجين.. فهميني
لوجين/اذا جايه،تتكلمين عن طليقي وعلاقتي السابقه.. ماراح تلاقين احد هنا يسمعك… رجاءاً موضوع خاص فيني وما افضّل انو احد يتدخل.
الكادي/بس مشعل اخوي يا لوجين وحالته ماتعجبني… انتي السبب.. ليش تخلينه يتركك ويتعهد لك بترك الولد لك
لوجين اتجهت لها وعيونها تلمع دموع رافضه تنزل، وبنبرة قهر/انتي لو احد اتهمك انك بنتك هذي من الشارع.. وانك قليلة شرف.. ماكان قلتي لي ارجعي بهالبرود…
الكادي حست بوجعها لكن هي حاسه بعد بوجع اخوها/طيب ليه تحرمينه من شوفت ولده
لوجين/عمرك ماراح تفهمين اللي انا عشته.. لذلك لا تتكلمين بموضوع انتي ماتعرفين عنه شي
الكادي/بس….
لوجين قاطعتها/انا رايحه اجيب قهوتك…
،
الكادي وهي معصبه/مابي قهوتك… لكن تأكدي اني ما راح اسمح بعذاب اخوي..
طلعت وتركت لوجين على اعصابها… ودفعت الطاوله اللي قدام رجلها بقووه وانكسرت وانتشر الزجاج بكل مكان بالصاله..
اقبلت هدى بعدما سمعت صوت التكسير/لووجينن خيييير ايش اللي صااير
لوجين بصراخ ودموع/أممي محد له دخل في حيااتي.. انا ومشعل متفقين ليش الناس هذول يحبون يتدخلوون لييييششش؟..ليش ما يتركوني… تعععبتت
هدى اتجهت لها ومسكتها تهديها/لوجين اهدأي شوي.. رووقي
لوجين بانهيار/امي أنا تعبانه.. مابي مشعل ولا اهل مشعل ولا ابي اشوف احد يا أمي.. هذي الكادي طلعت اخت مشعل ،مابي اشوفها.. عرفت عنوان بيتي و بتعبني معاها وبتجيب لي مشاكل
هدى خافت/ومو بعيده بعد تقول لعمك عن مكانك
لوجين ارتعبت اكثر وضمت امها/اتصلي في ابوي خليه يجي بسرعه الله يخليك..
هدى/طيب ي حبيبتي.. راح اكلمه.. بس تعالي اوديك غرفتك علشان ترتاحين…
لوجين راحت معها وهي تحس بارهاق وتعب العالم يعتريها/..
وصلتها امها السرير وضلت عندها لين نامت بصعووبه…
وبقهر/لازم اتصرف بسرعه.. والا ضاعت بنتي مني.. ماراح اسكت… بكره لو عرفوا انها جابت ثلاثه ايش بيسووا فيها.. لازم اخلص امورها قبل تولد.. ماضل معي وقت
/
/
/
/
/
/
/
يتبع… ،

[فيتامين سي]

السلام عليكم ورحمة الله وبركاته
أم مشعل وأبوه
قاهريني هالإثنين توقعت لما يعرفون إن مشعل ماهو عقيم
بيفرحون له وبيندمون على ظلمهم للوجين لكن مازالواعلى
عنادهم وطغيانهم وتكبرهم أكيد بيجي يوم يعرفون قد أيش
هم غلطوا في ولدهم ولوجين
مشعل
ما أصبرك على أمك وأبوك والله يحنن قلب لوجين عليك
كيف راح تكون ردة فعلك لما تعرف إن لوجين حامل
بتوأم أكيد راح تعرف من الكادي
الكادي
لاتيأسين من لوجين وحاولي معاها وطولي بالك لاتزعلين
من كلامها
عمر وزوجته
ما أظن عمر بيتقبلها بعد كلامها له
بارات رااائع تسلم يمينك شخصيه
منتظرين بقية الأحداث يعطيك العافيه

شكرا لامارا على النقل يعطيك العافيه