من متى والغصن يختار الطيور ؟ / للكاتبة شخصية خيالية ، مكتملة

[لامارا]

29))من متى والغصن يختار الطيور؟!
،
،
كانت ترجف وهي بالغرفه بعدما زفوها.. خدودها كانت تغرق بدموعها كلما تتذكر ان اهلها خدعوها، وزوجوها شايب تنقهر..!
لكن الشكوى لله.. مالها بْد راح ترضى بنصيبها..
وقت الدخله.. دخل ابو مشعل بسعادة الكون وشاف البنت اللي مدحتها زوجته كيف حلوه وجذابه اتجه لها وهو. يتبسم /مساء الخير
مشاعل زاد خوفها وماقدرت ترد ولا توقف حتى/…
ابو مشعل وهو يمد يده ويمسكها من يدها ويقومها/مبروك يا عروسه
مشاعل وقفت بضيق الكون"تكرهه ما تطيقه"كانت تمني النفس بمشعل واحلامها كانت كلها معه بعدما فهمتها امها وكذبت انه هو اللي خاطبها/…
ابو مشعل متشوق تناظر فيه/شفيك منزله راسك، ناظريني
مشاعل قررت بهاللحظه ترفع راسها وتحط عينها بعينه،عطته نظرات بدلعها الفطري وصدت وهي تشوفه وكأنه بياكلها بعيونه/…
ابو مشعل انبهر/سبحان اللي خلقك… ما شاء الله.. بصراحه ما وفوك حقك وهم يمدحونك. الله يحفظك
مشاعل ماتأثرت بالمدح لانها متعوده تسمع كلمات الاعجاب من كل الناس اللي يشوفونها اول مره..
ابو مشعل،قرب منها/تعالي شوي
مشاعل ثبتت مكانها/لا.. لا ..لحظه..
ابو مشعل استغرب/شفيك؟
مشاعل/فيصل انا تعبانه.. ابي ارتاح
ابو مشعل وهو يفصخ بشته وشماغه ويحطهم على جنب/ياحلو اسمي بفمك ..طيب يا قمر اخذي راحتك .. انا رايح دورة المياه..
راح بو مشعل دورة المياه .*
مشاعل ضلت تبكي على حظها المايل اللي رماها عند،شايب وهي احلى وحده ببنات القريه. .لكن الحظ والقدر يا "مشاعل" ماله دخل بجمال او قبح الشخص…
تخيلت مشعل كيف بيكون لو هو بدال ابوه هالليله وتنهدت وهي تمسح دمعتها/الله يسامحكم يا اهلي..
،
،
،
،
،

في بيت بو علي.. *
دخل جابر غرفته و يتلصص مثل الحراميه.. دمه يفور وسكران وحالته بالويل.. كان متهور وناوي على هنادي نيه قشرا..
هنادي كانت جالسه على سجادتها بجلال الصلاه وبين يدينها مصحف وتقرأ القراآن بعدما انتهت من صلاة الوتر.
وكانت تقرأ بصوت جهوري نوعاً ما ..وهذ تتعمد هذا الشيء.. كانت حابه انها تأثر في جابر ويخاف ربه في حياته وابوه.. ،
جابر كان متجه لها ولكن شكلها وصوت القرآن أثروا فيه وطاح بنص الغرفه متضايق من نفسه ويبكي مثل الاطفال… كان سكران والا ما راح يبكي قدامها بهالشكل..
هنادي سكرت المصحف وقامت واتجهو له وهي متلهفه،شكله وهو يبكي يحزن.. انسان يحس بضياع جلست عنده وهي تربت على كتفه/جابر قول لا اله الا الله
جابر كان يصد بوجهه عنها علشان ريحة المشروب..
هنادي شمت الريحه وتقرف بس تحملت لازم تخليه انسان سوي.. هي وعدت عمها ودته للسرير وقربت منه وهمست له/جابر انت شكلك تعبان ولازم تنام..
جابر التف عليها ودموعه تصب/انا تعبان صح.. لكن انتي دواي.. ليش تصديني عنك وتبعديني
هنادي/بس انا ماعمري ابعدتك عني يا جابر
جابر/ليش ما قدر اوصل لك.. ليش انتي صعبه علي
هنادي كسر خاطرها دموعه/جابر لا تبكي بهالشكل.. مو حلو وانت تبكي
جابر وهو يتنهد/ضميني يا هنادي تكفين ضميني
هنادي ترددت حيل…
جابر وهو يتعهد لها/ابي تضميني بس وانام.. مابي منك شي ثاني
هنادي/ابي منك عهد
جابر/وشو
هنادي/تتغير.. تصير رجال وما تعق في ابوك.. كل شي يهون بالدنيا الا عقوق الوالدين
جابر توقعها بتطلب لنفسها شي/بس!!
هنادي/الصلاه في المسجد بوقتها.. وتعف نفسك عن الحرام
جابر/ابشري.. بس كوني معي
هنادي/اذا سويت اللي طلبته منك "الله هو اللي بيكون معك وساعتها ما راح تحتاج احد من خلقه..
جابر ارتااح لكلامها وسند راسه ع رجلها ويده تمسك يدها بقوه..
هنادي استغربت هالشيء بس مسحت دموعه وحطت يدها الثانيه على راسه وابتسمت( يارب صبرني ومدني بقوتك..علشان اخليه يتوب ويصير انسان ثاني)
،
،
،
،
،
،

ارتفع صوت الآذان.. معلناً دخول وقت صلاة الفجر..
قام كعادته وتوضأ واغتسل ولبس ثوبه وشماغه وتعطر وطلع من غرفته وهو يتمتم باذكار الصباح،..
.. تفاجأ بصوت اناهيد مكتومه وكأن احد يبكي!!
اتجه صوب الصوت اللي كان جاي من غرفة الضيوف الجانبيه اللي جانب مجلس النساء.. سمع الصوت لأن الهدوء كان يعم المكان…"ياترى من جالس يبكي"
فتح الباب و هاله منظرها وهي جالسه وتنثر دموع عمره ما شافها منها/امي!
شهقت اول ما شافته وبصوتها المبحوح من البكي/مشعل اطلع برا
مشعل ما سمع كلامها،اتجه لها وجلس عند رجليها ومسك يدينها وباسها/حبيبتي تبكي طول الليل وانا ما ادري
ام مشعل كرهت هالموقف اكثر لانه يُظهر ضعفها ماقدرت تتكلم لأنه يعرف ليش تبكي/
مشعل قام وجلس جنبها وباس راسها ومسح دموعها وهو يعرف وش مبكيها/شرايك نروح لخوالي في النماص.. نقعد عندهم كم يوم ونريح روسنا
ام مشعل وهي تشوف السعاده بعيون ولدها رغم اللي صار له، ومتحسفه انها دمرت سعادته، لكن ماتقدر تتكلم اللحين/
مشعل بابتسامته يبي يوسع خاطرها/اختاري.. بين النماص والا اي مكان تختارينه.. فكري بالسفر والوناسه.. انا بروح أصلّي وارجع وانتي بعد توضي وصلي وعيني من الله خير.. خليك مع ولدك وبتنسين الدنيا..
ام مشعل ابتسمت وهي تمسح دمعتها/فديت ولدي..
مشعل حس بسعاده لأنها ردت عليه/ايهه هذي ام مشعل،يلا انا طالع للمسجد.
قام مشعل واتجه للباب وهو يلتفت عليها ويتبسم لين طلع.. انقهرت ام مشعل لأنها سبب تعاسة ولدها.. وهو الوحيد اللي دوم يفكر بسعادتها…
/
/
/
/
/
/
/
الساعه صارت 10 وعمر نايم للحين..ماعنده دوام بالرياض، كان فاتح بيت هناك علشان العروس.. لكن بعد اللي عرفه منها قرر أنه يرجع يسكن ببيته بالجنوب ..
تحرك وهو يحس بيد نااعمه تمسح على كتفه من وراء وتهمس بأسمه… للحظه حس انه يحلم وقال بخاطره/آه يا لمياء..
استمرت فاتن وهي تهمس له/عُمر
عمر وهو مغمض عينه "يحلم بابتسامه/لمياء!
فاتن ارتفع ضغطها وصرخت لا شعورياً/عُمممرررر
عمر استقعد وهو مرعوب من صرختها وهو بعز النوم/وش صااايررر ..ليه تصرخين انتي
فاتن وهي معصبه/من هذي لمياء؟!!
عمر استغرب/وش عرفك لمياء؟..ومن جاب طاريها اللحين؟
فاتن وهي تتكتف بيدينها دلاله على العصبيه/انا اصحيك من نومك لي ساااعه وحضرتك ما على لسانك غير "لمياء"
عمر سكت مستغرب من نفسه(معقوله قمت اهذي فيها بمنامي!!..اجل لو جلست اسولف واضحك معها وشربت معها قهوه وش بيصير فيك يا عمر)
فاتن انقهرت لأنه سرح بعد اسم "لمياء/ممكن تفهمني وش بينك وبين لمياء هذي
عمر ناظرها بطرف عينه، مع اسلوبها اللي ينرفزه/لا
فاتن استغربت منه هالجواب ع بالها بيجاوب لان شخصيته بنظرها سهله دام انه ما سوا فيها نفس ما سووا اهلها/شلون تقول لي لا
عمر وهو رايح للغرفه/اقول بس جهزي لي قهوه… و ع فكره هالبيت بسلمه لأصحابه وبرجع لأبها
فاتن خافت/وأنا وين بروح
عمر وقف والتفت عليها مستغرب نبرتها الخايفه/انتي ليش مرعوبه؟!!..شفيك انقلبتي فجأه لوحده خايفه احد يقطها بالشارع!!.. انتي زوجتي.. شي طبيعي بتنتقلين معي
فاتن بخوف/بس انا ما احب الجبال والمرتفعات
عمر بلا مبالاه/اجل خليك عند اهلك.. احسن لك
فاتن/عمررر انت كأنك تبيها من الله
عمر/شوفي يا بنت الناس.. انا من البدايه كنت معك بما يرضي الله.. ولله الحمد للآن امورنا تمام.. خلينا حلوين مع بعض.. لا تصيرين حساسه.. انا ما جرحتك.. ولا طردتك.. تذكري اللي قلتيه بليلة الدخله.. وبعددين حاسبيني على تصرفاتي..
راح عمر للغرفه وتركها…
فاتن تذكرت كلامها له ليلة الدخله ... وجلست وهي متحسسفه.. شلون تسررعت وسكرت كل الابواب لعلاقه جديده..!! كانت ما تبيه لكن بعدما عرفته وعرفت اخلاقه.. ماتبي تخسره.. (آآه ع غبااائك يا فاتن)
/
/
/
/
/
/
/
..
،
نرجع لبلاد المهجر..*
كانت روبين تمشي بالبيت وتتفقد كل شي.. وتتأكد ان كل شي نظيف و على ما يرام …كانت تطالع بدقه متناهيه وهي خايفه/يارب تسترها معي بس
طلعت لمياء من غرفتها وهي تمتم باغنيه ، واستغربت من تحركات "روبين" الغريبه/رووبي.. فيك شيء!!
روبين وهي تتلفت/اتفقد نظافة البيت
لمياء/طيب تونا منظفينه شبلاك صايره موسوسه اليوم..
روبين باحباط/لانك ماتعرفين ستي"صفيّه".. تدقق في النظافه بشكل فضيييع..
لمياء/انظف من كذا وش تبين ،بعدين سويت قاتووه يحبه قلبك بيعجب "ستك" ..انتي بس روحي جهزي لها القهوه ،الا ما قلتي لي متى بتجي؟
روبين وهي تناظر بساعة معصمها توسعت عيونها بخوف/خالي عبدالقادر يقول الساعه 4بتكون عند الباب.. والساعه اللحين 3:58
لمياء/ترى فجعتيني.. ليش انتي خايفه كذا..هذي جدتك والا آنسه منشن!!
*رن الجرس*
روبين التفتت للباب بتفتحه/جاااات!!
لمياء/طيب روحي افتحي ايشفيكِ متنحه
روبين اتجهت للباب ولمحت شكلها بالمرايه وهي ماشيه وشهقت ووقفت/يـ أااامممي
لمياء خافت عليها واتجهت لها/روووبي ايش فيك ليش انرعبتي فجأه
روبين وهي تمسك اطراف شعرها المنثور ع كتفيها/ما صففت شعري يا وووويلي ..لموش بلييييززز رووحي افتحي انتي… انا رايحه امشط شعري عالسريع وراجعه..
لمياء للحين مستغربه/طيييب.. رووحي رعبتيني ع الفاضي.. مدري ليييه انتي دوم متفاجأه وخايفه
راحت روبين ركض لغرفتها…
لمياء راحت تفتح بسرعه وهي تحاول تبتسم/مييين
الجده وهي منزعجه/انا سِتك صفيه.. ساااعه وانا واقفه عند الباب
لمياء خافت وفتحت الباب/اهلين وسهلين..
الجده التفتت على ولدها/خلاص يا عبدالقادر يا ولدي.. روح انتا البنت مو متستره
لمياء خجلت و بسرعه اخذت اسكارفها القريب وحاطينه جانب الباب علشان لو هو جاي.. او غيره يكون قريب/لا ياجده خليه يدخل اتسترت
الجده خزتها ورجعت تكلمه/هيّا ادخل وخلي عينك بالارض..
لمياء كاتمه ضحكتها على تصرفات العجوز..وتخيلت عبدالقادر هذا بشكل غررريب اطوار ونحيف ولابس نظارات طبيه ومركب تقويم بأسنانه و قميصه مسكر لين اخر زر من فوق."مسستحيل هههه"
وبهاللحظات دخل "عبدالقادر" المنتظر… وتفاجأت بشكله كان شاب عادي ومو مثل ما تخيلته.. ابيض وطويل ومقصر شعره ولابس جاكيت اسود ثقيل/السلام عليكم
لمياء كتمت ضحكتها/وعليكم السلام..
سلمت ودخلت مع الجده..
عبدالقادر نزل الشنط وهو منزل راسه/يلا يا أمي انا رااايح
الجده/بالسلامه يا حبيب أمك..
طلع عبدالقادر…
جلست الجده وهي تتمقل المكان وكأنها تدور شي تهاوش عليه وتنتقده/فيين صاحبتك؟. ليه ماجت تستقبل سِتها
لمياء وهي تنزع الاسكارف وتحطه جنبها/بغرفتها يا خاله بتخلص لبس وبتجي كانت تتحمم
الجده وهي تلوي فمها بعدم اقتناع/تتحمم دحيين!!.. يلا مو مشكله.. انتي ليش يا بنتي مو ممشطه شعرك.. ترى بنات العايلات المحترمه لازم تكون مرتبه شعرها حتى لو كانت لوحدها بالبيت،عاجبك يابنتي شعرك وهو منكوش كدا!.. المفروض انك تظفريه او تربطيه بشكل حلو و… <<ظلت تتكلم…..
لمياء صددعت منها( يارربي متى تجي روبي)
اقبلت روبي وهي تبلع ريقها من الخوف اتجهت لجدتها وباست راسها ويدها مليون مره/اهلين فيكي يا ستي نورتي كندا يا ستيته..
لمياء كانت بتنفجر ضحك على شكل روبين وهي مصففه شعرها ومقسمته نصفين ومسويه ظفيرتين طوال!!
الجده وهي تتفحص روبين بنظراتها/اهلليين بحفيدتي الدكتوره.. مالك يا بنتي نحفانه كدا انتي ما بتاكلي والا ايش
روبين وهي تجلس/نحفانه كيف يا ستي.. وزني57 مناسب مع طولي 165
الجده شهقت/الكلام ده ما يمشي معايه انتي يبغالك تغذيه.. وانا هنا
روبين/الله يخليكي ليا يا ستي
لمياء وهي شاقه الابتسامه/اوكي اسيبكم علشان تتكلموا براحتكم..
روبين تخز لمياء علشان ماتضحك..!
الجده وسعت عيونها باستنكار/تسيبينا وتروحي فيين ..لا لا انتي روحي سوي لنا قهوه وتعالي نقعد سوى
لمياء جاها احباط/بس يا جده..
الجده قاطعتها/هيّا رووحي يا لمياء..وتعالي بسرعه
روبين كتمت ضحتها على لمياء وترقص حواجبها/..
لمياء راحت وهي تكتم عصبيتها/حاااضر..
/
/
/
/

[لامارا]

صعب السؤال ... ليه نفترق
صعب السؤال ... وين نلتقي
انتا الجنوب .. وانا الشمال ..
ومابيننا .. بحر ..ورمال
لكن نحب .. والله نحب .. وفوق الخيال
... صعب السؤال
ياللي اجمل من كلامي عنك واقرب من سكوتي
آه ياطول المسافه بين احساسي وصوتي
ماهو غريب ... انى اسألك
وانتى انا .. كيف اوصلك
لامستحيل .. هذا الرحيل
من يقطع الصمت الطويل
ويـــدلــنــي
قصيدتي .. وين الحروف .. جف القلم
ياضايعه .. ببرد الكفوف .. رعشه الم
قصيدتي ... الا الندم ...الاالندم
بتسافرين .. وانتى معي
قصيدتي ..لاتسمعي .. غيري قصيد
ياساكنه فـ ورق الحشا .. وحبر الوريد
،،
.
كانت متكيه على كتاب و سرحانه في شاشة جوالها تتفرج بصورتها مع مشعل وتبتسم وهي تتأمله وتتذكر ايامها معه،ولكن سرعان ما اختفت الابتسامه وهي تتكلم معه بالصوره(كلمة "احبك" مستحيل اقولها لكن تصدق كانت لايقه عليك.. تدري ان موعد ولادتي بعد اسبوعين؟ يعني بعد اسبوعين بيشرفون اولادنا على الدنيا..ماتتخيل قد ايش انا ندمانه اني احتفظت باولادك.. علمني شلون بنساك؟.بس يارب مايطلعون يشبهونك.. مابي وجوههم تاخذ من ملامحك وشكلك..)
اقبلت وئام وشافتها سارحه بالجوال/هااااي…
لوجين ما سمعتها/…
وئام نغزتها بكتفها/هاااااي نحن هنا
لوجين ابتسمت وهي تلتفت عليها/هلا وئام
وئام ببتسامه/اللي ماخذ عقلك يتهنى به
لوجين تنهدت/هو بس ماخذ عقلي!! .. قولي ماخذ عقلي وقلبي يا وئام..
وئام بابتسامه/والله هو طلب منك الرضا وانتي ما رضيتي.. وش تبينه يسوي بعد
لوجين بعاطفه غريبه وبلحظة ضعف/كان المفروض ما يسمع كلامي.. المفروض يُصر و يتعب شوي علشاني..انا ياما تعبت علشانه، هالغبي عاقب نفسه وعاقبني معه تنازل عن اولاده وعني!!
وئام رفعت حاجبها باستنكار/امرك عجيب ألحيتي عليه يطلع من حياتك وكان مطلبك انه يتنازل عن اولاده لصالحك ونفذ كل شي ووفا بعهده.. وانتي تقولين غبي!! لوجين نزلت دمعتها/هذا عقابه اللي يستحقه لكن مدري ايش فيني هالايام ،دايم افكر اني غلطانه واني ظلمت مشعل وتركته وظلمت اهلي وخليتهم يتغربون..وطلمت اولادي وحرمتهم من ابوهم واهلهم!!
وئام/هالاحاسيس علشانك قربتي تولدين تصير الوحده حساسه من كل شي.. اما احساسك باولادك احساس كل وحده حامل انها تتمنى ان ابو اولادها معها وهي بشهور حملها الصعبه وقربتي تولدين
لوجين بغرور مجروحه/بس انا ماني محتاجه احد..
وئام بابتسامه/بس مشعل مو اي احد
لوجين توترت/اصلاً مشعل آخر واحد ممكن افكر فيه،فاهمه
وئام اخذت جوال لوجين من قدامها وهي تبتسم بخبث وهي تشوف صورة مشعل/ايهه واضح واضح… وهذي وش تسمينها.. واضح ان هرمونات الحمل لاعبه في مشاعرك ومخليتك مو على بعضك
لوجين قامت واخذت جوالها ومشت/ماني فاااضيه فلسفتك انا..
وئام/هههههههههههه
،
،
،
،
،
،
،
الكادي جالسه تشرب قهوتها وهي تتمتم مع نفسها وتراجع حساباتها.. (شكلي جبت العيد مع لوجين… الظاهر العلاقه بتنهدم والسبب انا.. ما خليت من التهديدات شي الا وقلته لها…ياربي جيت بكحلها وعميتها!!
المفروض اني تقربت من البنت بالاول علشان اقدر اكسب ثقتها واصالحها مع اخوي، مو اخش عليها عرض واسبب لها رعب!!… باذن الله ارووح لها بعد اسبوعين تكون هدأت وروقت… حرام والله قسيت عليها كثير وهي بهالحاله!!
دخل عبدالرحمن وهو شايفها مسررحه وجلس قبالها/هييي نحن هنااااا… ..كـااادي وين وصلتي
الكادي انتبهت له وقررت انها تقول له/عبدالرحمن تدري ان زوجة مشعل هنا
عبدالرحمن استغررب/قصدك طليقته؟!!
الكادي/ان شاء الله يرجعها
عبدالرحمن رفع حاجب ونزل الثاني بعصبيه/ان شاء الله ماترجع له… معاد الا هي… خلت سيرتنا على كل لسان
الكادي استغررربت رده/عبدالرحمن!! لا تغلط على البنت وانت ماتعرفها..
عبدالرحمن/لو فيها خير ما طلقها مشعل… خلي عنك هالكلام الفاضي وهاتي لي قهره
الكادي/ما اصدق انك يالمبتعث المثقف تتكلم بهالسطحيه!!
عبدالرحمن خززها خزز/ان تطاولتي ثاني مره كسرت راسك.. بعدين التمسك بالعادات ماله دخل بالثقافه
الكادي ناظرته بقهر/تدري انها ام ولد مشعل.. يعني،حتى لو طلقها اسمها بيرافقه طول العمر لا تتكلم عن زوجة اخوي بهالطريقه
عبدالرحمن انصددم/وشووو حامل… لا حول ولا قوه الا بالله
الكادي/وشش فييك
عبدالرحمن/بالله هذي وحده فاشله شلون بتصلح تصير أم!! الله يعينك يا مشعل ..
الكادي انقهرت/انت وبعدين مععك!! ..انا بحاول اصالحها مع اخوي ..
عبدالرحمن/يا ووويلك لو رحتي وقابلتيها فاااهمه!!
الكادي/بس عبـ…
عبدالرحمن قاطعها/بسسس مابي ولا كلمه في هالموضوع.. لا تخربين غلاك عندي.. وانسسسي طليقة مشعل للابد.. لو انه يبيها ماتركها وهي حامل بعد.. اكيد طايبه نفسه منها
الكادي ذاب قلبها حسره على لوجين وتعاطفت معها بسبب هالنظره وهالكلام الخطير اللي قاله عنها عبدالرحمن.. مهما كان.. الظلم ظلمات يوم القيامه،تأكد لها ظلم الجميع للوجين.. وليش اخوها قرر يتركها في كندا ويرجع بدونها وبدون الولد (لك الله يالوجين ..عسى ربي يكشف كربتك ويفرج همك.. ويبين برائتك من اتهاماتهم)..
/
/
/
/
/
/
/
/
دخلت لوجين البيت وتفاجأت باللي شافته جالس يتقهوى بالصاله،توسعت عينها وارتسمت ابتسامتها واتجهت له/السلام عليكم… نوورت البيت بابا
ماجد كان جالس يناظر فيها وهو رافع حاجب ومنزل الثاني ومبين زعلان/اهلين
لوجين استغربت انه ما وقف لها ولا استقبلها مثل دايم/اشفيك بابا..
هدى اقبلت وشافت الموقف/وصلتي حبيبتي
لوجين اتجهت لراس ابوها وباسته وجلست جانبه/الحلو زعلان و الا ايش
ماجد قام وابعد عنها/ابعدي عني ولا تكلميني.. ترى انتي رافعه ضغطي لابعد درجه
لوجين غصتها العبره ولمعت عيونها بسرعه ونزلت دمعتها،ماتعودت ابوها يعاملها بهالطريقه/ابوي!!
ماجد بعصبيه/انا ما قلت لك مابي مشعل يقرّب منك؟..ليش قابلتيه ..ليش يرسل لك هدايا.. ليش تكسرين كلامي
لوجين ماقدرت ترد عليه نزلت راسها و دموعها تنزل بغزاره/…
هدى راحت تهديه/مااجد اذكر الله،هي ماسوت شي غلط..
ماجد حاول يهدأ/لا اله الا الله..
لوجين حست بمغص ولكنها ماحبت تظهر ألمها،قررت تروح غرفتها بسكات لأنها اذا تكلمت بيبان عليها التعب وبتبكي..
ماجد شافها رايحه بدون ترد عليه/هيييي وووقفي.. ليش رايحه بدون تستأذني ولا حاجه.. خلاص بتصيرين أم ما راح تسمعين كلام ابوك يعني؟
لوجين وقفت بدون تلتفت عليه وبدأت تبكي واناهيدها تعلى ووااضح انها تتألم/…
ماجد شافها تبكي بصوت قطع قلبه واتجه لها مسرع ومسكها من كتوفها وانقهر وهو يشوفها منزله راسها ومنهاره/لوجين حبيبتي لا تبكين خلاص.. والله ما اعصب عليك وازعلك ثاني مره..
لوجين بكت زياده لأن الألم قوي/
هدى وهي تمسكها مع ماجد/بنتي حبيبتي لا تبكيين ابوك مايقصد يزعلك، كان يعاتبك بس
ماجد رفع وجهها من دقنها اتجاه وجهه ومسح دموعها وضمها بحنان الأب/سامحيني يا اغلى بنوته بالدنيا
لوجين ابتسمت وسط دموعها وهي تضمه بعدما سمعت كلمته،تذكرت ايام هي صغيره..
/
/
/
/
/
/
/
/
في مطبخ البنات جالسه لمياء وتشرب قهوتها براحه مع ضيفتها وصديقتها الكنديه بالدفعه وتعرفت عليها ..
لمياء/اسفه "اماندا" استضفتك هنا هذه المره..
اماندا بابتسامه هادئه/لا بأس احب المطابخ ههههه
لمياء/بصراحه جدة روبي لا تعطينا راحه لنفعل ما نريد
اماندا/هههههههه
لمياء/ما رأيك بقهوتنا العربيه
اماندا وهي تهز راسها/مُره قليلا لكن لا بأس تعجبني مع الحلويات
لمياء/اعششقها.. وددت ان تجربيها معي
اماند وهي متردده/لمياء.. اعرفك منذ مده.. لم اشاهدك تحادثين شاباً خارج قاعات الدراسه..انتي حقاً رائعه ،حتى انني لم اصدق ذلك الفيديو السخيف الذي انتشر في الجامعه
لمياء تذكرت عمر/شكراً....
سكتوا… وكل وحده سرحت باللي في قلبها..
اماندا ودها تفضفض للمياء لأنها ارتاحت لها…
لمياء حست ان اماندا فيها شي/اماندا.. تبدين قلقه او لديك ماتقولينه لي
اماندا حست بسعاده ان احد حس فيها/هذا صحيح
لمياء/ما المشكله.. ربما استطيع ان احلها
اماندا بضيق/انا حامل
لمياء انصدمت/ماذا؟
اماندا/اعرف ان هذا الشي مقزز عندكم ان تحمل احداهن بدون زواج.. لكنني كنت مخطوبه من كريس وهذا الشي حدث ثلاث مرات فقط..
لمياء/لكنكما انفصلتما ..ماذا ستفعليت الآن؟
اماندا/لا اعلم.. انا احب كريس لكنه تركني فجأه واختفى أنا على امل ان نعود لبعضنا.
لمياء/هل رأيتي.. منع الاسلام اي علاقه بين رجل وامرأه بدون زواج لهذا السبب… الآن اان لم يعود لك كريس ماذا ستفعلين..
اماندا بخيبة أمل/سوف اقتل نفسي
لمياء/ثم ماذا؟..هو سيعيش مع اخرى غيرك ولم يكترث بك لماذا تقتلين نفسك من اجل رجل تركك؟!!
اماندا نزلت دمعتها/انا حقاً مشوشه..
لمياء/هذا الطفل ما مصيره وما ذنبه؟!
اماندا هزت راسها/لا اعلم سوف احاول ان اتصل بكريس لأخبره لعله يعود.. لم اره منذ ثلاثة شهور
لمياء/لا اظن ذلك..
اماندا/ارجوووكِ لمياء لا تحبطيني…
لمياء وهي تتبسم لها لان مجتمعهم غير/حسناً اتمنى ان تعودا لبعضكما ولكن في المره القادمه تزوجا.. واعزميني
اماندا/ههههههه ستكونين انتي اشبينتي..
لمياء بابتسامه/وانا هكذا مسلمه محجبه !!
اماندا/ذلك سيزيد زواجي تشريفاً..فقط ادعي لي.. انتي فتاه رائعه حقاً
لمياء رفعت يدينها للسماء وهي مبتسمه وتدعي بالعربي/يا رب وفقها واهدي قلبها للاسلام.
اماندا ارتااحت وابتسمت برضا/
رن جوال اماندا واظهرته من الشنطه متفاجأه/انه كريسس
لمياء/راائع ردي عليه ولكن اخبريه ان يأتي ليتزوجك
اماندا ردت وهي سعيييده..
/
/
/
/
/
/
/
مرت ايام ع الاحداث السابقه… ،
السعوديه* الجنوب"
اليوم قررت تطلع من هالغرفه.. تشوف وتستكشف هالبيت الكبير واسراره ،كانت لابسه قفطان مغربي ازرق ملكي وفاكه شعرها الاسود.. وراسمه كحله مبرزه جمال عيونها .و رشت من عطر برادا المفضل لها.. وطلعت "مشاعل' من غرفتها وسكرتها وسمعت باب ينفتح من الجهه الثانيه ويتسكر مره ثانيه..
ولكنها كملت طريقها للسلم تبي تنزل و اول ما وصلت شافته مقبل عليها من الجهه المقابله لها ووقفت مكانه متصنمه يدها ع الدرابزين وعينها عليه..
مشعل اللي كان كاشخ وناوي يطلع وشكله معزوم.. رفع ناظره بعدما لمح شي ازرق وريحة عطر يعشقها وتذكره بلوجين وتفاجأ فيها وبلع ريقه من الربكه/..
مشاعل اول ما شافته رفع راسه لها نزلت عيونها/..
مشعل ارتبك/السلام عليكم
مشاعل وروحها تنازعها، هذا اللي وافقت على الزواج لعيونه/وعليكم السلام
مشعل/مبروك الزواج.
مشاعل وبنظرة عيونها لمعه وبصوته بحه/الله يبارك فيك.
مشعل وهو يناظر ساعة معصمه/معليش انا نازل مستعجل .. عن اذنك
مشاعل/الله معك..
مشعل نزل بسرعه وهي ضلت واقفه متسمره مكانها وعينها عليه.. ماقدرت تبعدها عنه..
زينه شافتها من اسفل الدرابزين، شعور مختلط ،هذي زوجة ابوها،شلون المفروض تعاملها،قررت تتبع اخلاقها/مشاعل
مشاعل انتبهت لها ونزلت/هلا زينه
زينه بابتسامه مجامله/ماشاء الله ع الكشخه
مشاعل/من ذوقك يا زينه
زينه/تعالي جهزت الفطور والقهوه وش تبين تبدأين فيه؟
مشاعل/قهوه احسن
زينه/ابشرري.. تعالي معي للصاله اجل،ابوي يتقهوى لحاله هناك
مشاعل ضاق صدرها من طاريه/مابعد راح للعمل؟..هو نازل يقول بيطلع
زينه/لازم يتقهوى ويفطر ويقعد ساعه يستقبل رجال القبيله اللي يبي له توقيع واللي يبيه بموضوع مهم ومن هالامور..
راحوا مع بعض..
زينه جلست قباله/شرايك بقهوتي يبه
بومشعل وعينه على مشاعل/حلوه ياقلبي مثل عادتك
زينه ابتسمت وهي تشوف تصرفات ابوها اللي عمرها ما شافتها منه.. قامت وصبت لمشاعل فنجان/تفضلي
مشاعل اخذت الفنجان منها/زاد فضلك
زينه لاحظت ابوها رايح وطي/انا رايحه اقول للشغاله تحط سفرة الفطور..
بو مشعل استغل الفرصه وهو يتغزل فيها/فديت طولش وعيونش.. وش هاللبس الحلو وريحة العطر الزينه
مشاعل قررت تكون مثل مايبي وتعامله بنفس معاملته لها ،دامه صار نصيبها/الحلى بعيونك طال عمرك
بو مشعل/اله لا يحرمني هالعيون
مشاعل سبلت له بعيونها/ولا منك يا نورها
اقبلت ام مشعل وشافتهم جالسين جنب بعض/السلام عليكم
مشاعل وقفت لها احترام/وعليكم السلام
بو مشعل استغرب وقوف مشاعل/وعليكم السلام
ام مشعل راحت و جلست قبالهم/هااه شلون عظامك اللحين يا بومشعل..عسى معاد يوجعونك
بو مشعل عصب من كلامها وقرر يقهرها/ابشرك خلاص لقيت دواي
مشاعل فاهمه كلامهم..وتسوي نفسها مب فاهمه/..
ام مشعل/اي ززين عساه ينفع عاد…اخاف يضل ايام وتطفي
بو مشعل قام وهو معصب/الله يسد نفسك يا شيخه… انا طالع للمجلس برا
ام مشعل ابتسمت بنصر والتفتت على مشاعل تخزها/ وانتي يالمفعوصه وش خلاك تزوجين هالكهل وانتي بعز شبابك
مشاعل يقهرها هالسؤال بس ما راح تبين ضعفها ابد/عاجبني..
ام مشعل/وش عاجبك في هالشيبه، انتي ما تستحين على وجهك.. ارمله وعندك ولد وش تبين بعد من الزواج
مشاعل انقهرت من كلامها البايخ/جايه انكد حياتك.. انا عقوبه عليك ودعوه تحرق قلبك
ام مشعل بحقد/كنت عارفه انك عقرب ي ام اربعه واربعين
مشاعل قامت وهي تخزها/انا عقرب هااه ..يا عجوز ابليس.. انا مابي مشاكل معك نصيحتي لك اعقلي.. احسن ما اطيرك من هالبيت.. انا طيبه صح وبنت اجواد.. لكن ما ينداس لي على طرف فااهمه
ام مشعل/انتي اللي دخلتي علي بيتي وحطيتي راسك براسي
مشاعل ناظرتها بابتسامة سخريه واحتقار/ههههه اناا احط راسي براسك… ليه؟ ما عندي نظر؟ انتي شفتي وجهك بالمرايه كيف صاير يا عجوز قريح؟!!..استغفر الله
مشاعل راحت وتركتها…
ام مشعل اول مره تحس بالاهانه،مدت يدها لخدها تبي تشوف فيه تجاعيد… وخنقتها العبره/حسبي الله عليك يا فيصل.. ع اخر الزماان انهان في بيتي وانا ساكته!!

،
،
،
،
،
،
،
،

في مكتبه كعادته ويتابع شغله.. ويحاول يتناسى همه ويلهي نفسه بالعمل ليل نهار..
اجتماع عمل..
مشعل وهو الرئيس/يا اخوان شرايكم بالاقتراحات اللي سبق وطرحتها عليكم.. ؟ اظن اني شرحت لكم كيفية ومراحل التوسع.. وبعد قدمت لكم دراسة جدوى للتوسعات .شرايك يا رامي
رامي/انا بعد اطلاعي ع دراسة الجدوى موافق اذا هالتوسع بيكون على مراحل.. يعني مانبي نقفز قفزه تخلينا نرهق ميزانية الشركه..
مشعل/وهو كذلك..
حامد/طيب من وين نبي نبدأ توسعنا حاليا فروعنا تغطي كل الجنوب..
مشعل وبعينه رغبه وطموح/راح نتوجه للرياض، وراح نتعامل مع مزارع الخرج.. انتم عارفين سمعت الخرج الزراعيه ..ومن بعدها راح ندخل على اسواق الغربيه… انتم عارفين في خططنا التوسعيه راح نبدأ نصدر منتجاتنا و بعد راح نستورد مواد ومحاصيل نحتاجها
رامي/استاذ مشعل،حط بالك.. هذا مخطط كبيير ويبي له قلب جامد.. السوق مليان منافسين
حامد/صحيح.. لازم نلاقي ممولين لهذي التوسعات
مشعل بابتسامه/هذي انتهيت منها ابشركم.. البنك بعد اطلاعه على جدوى توسعاتنا.. وافق يقرضنا الحمدلله
رامي بابتسامه/ممتاز. الله يوفقنا
مشعل/امين
حامد قام/اجل انا استاذن وراي مشوار
مشعل/الله معك حامد وسلم لي ع الوالد
حامد/يوصل.. يلا سلام..
رامي قام هو الثاني/يلا بعد انا اروح مكتبي..
طلعوا من عنده واتجه للتلفون يبي يتصل…
بهاللحظات دخل "عُمر"/السلام عليييكم
مشعل فز واقف من فرحته واتجه له يسلم عليه/وعلييييكم السسسلاام يا هلاا بالخوي
عمر بابتسامه/هلابك ..
مشعل/يا ولد اشتقت لك.. ماتخيل عدم وجودك في ابها ..
عمر/ابشررك رجعت لبيتي وبضل فيه..
مشعل/حلووو ،جبت زوجتك معك؟
عمر يضيق من طاريها/ايهه
مشعل/الليله عشاك عندنا وجيب زوجتك معك خلها تعرف ع الاهل
عمر/ما يحتاج.. مشغول
مشعل ناظره بنص عين/عمررر منت طبيعي.. فيك شي؟
عمر تنهد بضيق/ابي اتمششى ..تعاال مشتاق لأبها وهواها.
مشعل رغم انه مشغول ابتسم لرفيقه/تامرني امر يا خوي الروح..
عمر ينبسط بمشعل/ما يامر عليك عدو..
،
،
،
،
،
،
،
،
،
،

كندا*
… /هذا قراري وما راح اتراجع عنه
هدى/بس دحينه مانقدر نطلع.. البنت قربت تولد
ماجد/بعد اللي قلتيه وبعد كلام البنت اللي تقول انها اخت مشعل ماني مطمن.. بنتي ما راح افرط فيها مره ثانيه.. راح افديها بروحي لو تطلب الامر..
لوجين كانت تسفط لها ملابس بشنطه صغيره وسمعتهم ..
قررت تروح تشوف ايش صاير واتجهت لابوها
ماجد شافها مقبله بهدووء وابتسم/هلا بروحي انا
هدى بمزحه/لا انا كذا اغييير
لوجين/ههه تغارين من بنتك هههه
ماجد/ههههه
هدى/الله يرزقك بنوته و..
لوجين قاطعتها/لا يمه لا تكملين… مابي بنات
ماجد وهدى/!!!
ماجد/استغفري ربك يا بنتي، البنات نعمه
لوجين بضيق/مابي اجيب بنت من مشعل.. انتم ما تعرفون كيف يعاملون بناتهم.. تدرون بناتهم مالهم قيمه عند اهاليهم و شهاداتهم للمتوسط،بسس!! تدرون انو البنت عندهم مثل العار ولازم تنستر بالزواج مالها راي ولا طموح.. ويفضلونها تضل غبيه وتابعه للرجل..
ماجد/يا بنتي اولادك اك انتي.. مشعل تعهد انه ما يتدخل باللي ببطنك
لوجين لمعة دمعتها/طيب ممكن تقولي ايش دخلهم فيك. ليش اجبروك تمنع بنتك من السفر للدراسه و زوجوها غصب… هم كذا بيوصلون لبنتي… وانا مابيهم يعذبوني في بنتي.. اتمنى كل الثلاثه اولاد وبس..
ماجد ربت على كتفها/انا اوعدك اني اضل جنبك احميك انتي واخوك وامك واولادك بعد.. لآخر العمر
لوجين لمعت عيونها/الله لا يحرمني منك ومن أمي ..ابوي. اوعدني انت وأمي انكم تربون و تهتمون باولادي مثلما اهتميتوا بي..
ماجد استغرب طلبها/اكيد بنهتم فيهم
هدى خافت من طلب بنتها/لوجين حبيبتي ايش بتقولي الله يخليك وتربيهم انتي
لوجين خالطها شعور بالخوف/انا عارفه انكم ماراح تتخلون عن اولادي بس اوعدوني
ماجد/نوعدك يا بنتي
هدى بكت وضمتها/لا تخوفيني عليك
لوجين تماسكت وما بكت/..

،
،
،
،
،
،
،
كــنـدا*.
مدينة تورنتو وبالتحديد حديقة High Park
تتمشى مع جدتها وتوريها المكان..كله اشجار وارض مفروشه باللون الاخضر وتطل على مسطح مائي جميل ..حديقه كبيره وفيها سحر يجذب الزوار…
الجده بابتسامه عريضه/ما شاء الله يا بنتي ربنا يرزقنا الجنه.. شايفه ياروبي هذي الدنيا ..اجل كيف الجنه؟
روبين حبت ردة فعل جدتها/الجنّه نعيمها مالا عين رأت ولا خطر على،قلب بشر.. اكيد هالحديقه ما تنتقارن بالجنه
الجده/بالضبط هذا اللي اقصده..
روبين سكتت شوي وهي تتأمل هالطبيعه..
الجده التفتت عليها/يابنت صبي لي قهوه.. مالك تنحتي كدا ليه؟!
روبين جاها احباط/طيب ي ستي…
الجده/دحين هذول كلهم ما يعرفوا يتكلموا عربي زي الناس.. يعني بضل احكي معك انتي وصاحبتك لمياء بس!!.. من زين كلامكم ..
روبين/ههههه تعرفي يا ستي.. انتي عسل والله
الجده/صبي لي فنجان قهوه تااني بس ..
روبين وهي تصب لها فنجان ثاني/دايما تسكتيني.. ابشري يا ست الكل ماراح ازعل منك.
لحظات ووقفت عندهم سيده محجبه محترمه في نهاية العقد الرابع من العمر، و ترسم بوجهها احلى ابتسامه/السلام عليكم
الجده فرحت و وقفت لها/وعليكم السلام…
روبين/وعليكم السلام.. تفضلي ي خاله
السيده بابتسامتها الحلوه/انا اسمي فاديه، كنت اتمشى و مريت من جنبكم وسمعتكم وحبيت اني اجلس معكم واحكي معكم اشتقت لحكيكم والله
الجده/اهلين فيكِ يا فاديه احنا اهلك
روبين لاحظت بعيون فاديه لمعه غريبه.. ونظراتها لهم حلووه وكأنها طفله ضايعه واخيراً لقت اهلها،صبت لها فنجان ومدته لها/تفضلي ي خاله
فاديه اخذته منها/ي سلام ع القهوه العربيه… تسلم يدينك يا بنتي.. صار لي سنين طوووويله ما ذقتها
الجده وروبين ضلوا يسولفون معها وهي مبسووطه بحكيهم…
،
،
،
،
،
،
،
،
،
اليوم الثاني*
الساعه 8الصباح
المستشفى..
على سرير قياس العلامات الحيويه في جسمها لتحضيرها للعمليه ..كانت تاخذ نفس زفير وشهيق… وواقفه قبالها لمياء اللي خايفه/لوجين ليش تسوين كذا
لوجين بهدوء مصطنع/مابي اقلق أمي واتلف اعصابها هي وابوي.. لا تقولين لأحد لين تنتهي العمليه بسلام.. اذا قمت بعدها بتصل فيهم بنفسي.. واذا ما قمت..
لمياء قاطعتها وسكرت فمها قبل تكمل ودموعها تسيل بغزاره/بسس..حرام عليك.. مالقيتي من بد خلق الله تقولين له غيري.. ليه انا لييه
لوجين ابتسمت وعيونها تدمع/يا غبيه ليش تبكين.. مابعد مت.. بعدين انتي عارفه روبين ما تعرف تسكت.
لمياء/انتي مجنونه..
لوجين/المفروض ما تخافين يا دكتوره
لمياء/انتي اختي.. كيف ما اخاف
دخلت الدكتوره واطلعت على كل العلامات الحيويه في الاجهزه/هل انتي جاهزه مدام ال عاصم
لوجين بابتسامه متفائله/نعم.. كم ستستغرق العمليه؟
الدكتوره/لن تستغرق الكثير من الوقت.. لا تخافي
لوجين وهي رافعه حاجب ومنزله الثاني/انا لا اخاف من العمليات..
الدكتوره ابتسمت/جميل. ستاتي الممرضات لأخذك لغرفة العمليات
لمياء بدأ خوفها يزيد.. وهي ساكته..
لوجين فاهمه سكوتها وعاذرتها وابتسمت بوجهها/يلا لموش.. برا ورانا عمليه هنا.. ولا تنسين سلميهم شنطة اغراض الاطفال..
لمياء واقفه تتأمل وجهها وصوتها وكأنها آخر مره تشوفها.. حاولت لمياء انها تكبت شعور الخوف علشان ما تربك لوجين..
الممرضه طلّعت لمياء وضلت جالسه برا لحالها وهي تدعي ربي ييسرها..
اتجهت لوجين لغرفة العمليات وهي تحاول تفكر بكل شي حلو وايجابي.. وغصب عنها هنا تتذكر "الهوى الغايب"..وتنهدت وهي تقول بداخلها (سامحني يا مشعل)..
غابت لوجين عن الوعي بسبب البنچ و ابتدأت العمليه وكان كل شي تمام..

لكن.. الدكتوره بدأت بالتوتر و… ..


يتبع.. *

[لامارا]

30))من متى والغصن يختار الطيور؟!
،
،
والحنين اللي بعد فراقه ذبحني..
علمني كيف احساس الفقد قاسي وأليم!!
،
،
،
،
الاحداث السرديه* *

رجع من برا وكان شايل بيده كيس هدايا ..تلفت بالبيت وما لقى احد… سمع اصوات من البلكونه واتجه لها..
وقف وهو يسمع زينه تتكلم عن الحبيبه سكت..
زينه وهي تشرب من كوب قهوتها/كنا نقعد هنا انا ولوجين واحيان نسهر هنا للصبح.
مشاعل/شكلها كانت عكس اللي سمعته عنها
زينه بحنين/صادقه.. عكس اللي قالوه عنها
مشاعل/يمكن لانها ما ناسبت هواهم.. او سوت شي جديد هم مو متعودين انه بنت تسويه.. علشان كذا الكل اتفق ضدها..
زينه بغصه/حتى انا بعدما راحت كنت بلحظة غضب "زعلتها"..كنت مقهوره علشان اخوي.. لكنها ما ردت علي وعرفت بعدها معدنها كيف هو نادر واصيل
مشاعل/ليش ينقهر اخوك منها
مشعل تحنحن يعنني تووني وصلت/زززينهه
زينه/هذا الامير وصل.. هلاا مشعل تعال بالبلكونه
دخل مشعل وشافهم جالسات/السلام عليكم
الكل/وعليكم السلام..
زينه بابتسامه/اجلس بروح اجيب لك كوب كوفي
مشعل وهو يجلس/خلي السكر مضبوط
زينه/ابشرر
راحت زينه ..
مشاعل بنظرات حب وصوت فيه بحه/كيفك مشعل؟
مشعل/بخير الحمدلله.. كيفك انتي؟
مشاعل تنهدت/بخير
مشعل تذكر اللي بيده وقام واتجه لها/هذي هديتك..بمناسبة زواجك من ابوي. وعساه الف مبروك مره ثانيه..
مشاعل لمعة عينها من الفرحه وابتسمت/تصدق انت الوحيد اللي تذكرني بهديه
مشعل ابتسم بصفاء نيه/انتي تستاهلين كل الهدايا
مشاعل كل يوم يعجبها اكثر/تسلم..
مشعل جلس ساكت و طلع جواله واتصل في خويه.. وجلس يكلمه عن العمل…
مشاعل ضلّت سرحانه فيه وهي تندب حظها(انسان بهالذوق والشخصيه كيف تركتيه يا لوجين.. كيييف؟!)
،
،
،
،
،
،
،
،
،

كندا*
مضى وقت وهي جالسه برا تنتظر.. نفسيتها تعبت.. ابتدأ قلبها ينبض بشكل متسارع من الخوف على رفيقتها ومصيرها.. وهي تتذكر كلماتها الاخيره.. وابتسامتها..
الدكتوره قالت ان العمليه ما راح تطول،لكن ليش طولت؟!.
،
،
،
،
،
،
،
دخل البيت ومبتسم ويناديها/هـــددى.. يا هـــددى..
هدى اقبلت وهي مبتسمه/هلا ماجد.. اشعندك تنادي وشكلك مبسوط
ماجد بسعاده/ابشرك لقيت بيت في حي ثاااني وقريب من الجامعه اكثر من هالبيت..
هدى/بهذي السرعه… الحمدلله
ماجد/دام معك كاش بتلاقين بيت بسرعه..
هدى/اكيد غالي عليك يا حبيبي
ماجد/ماعندي اغلى منكم.. والحلو ان فيه حديقه كبيييره راح نحط فيها العاب لأحفادنا..
هدى/يا عمررري عليييهم
احمد جاء وهو يتعكز بابتسامته/كأنكم نسيتوني والا كيييف
هدى اتجهت له وضمت/وحد ينسى ميدو
ماجد/هااه جاهز نفك الجبس بكرا
احمد/ايوه.. زهقت منه
هدى وماجد/هههههههه
رن تليفون البيت..
هدى استغربت/اللهم اجعله خير.. مين بيتصل فينا الوقت لوجين و صاحباتها بالجامعه
ماجد/لحظه انا برد.. يمكن اي احد
اخذ السماعه/الووه..
روبين ع الخط/السلام عليكم يا عم ابو احمد
ماجد/وعليكم السلام يا بنتي..
روبين/كيف الحال يا عم ان شاء الله بخير
ماجد/بخير يا بنتي.. كيف دراستك
روبين/تمام.. عمي انا اتصلت في لوجين ع جوالها و لقيتها مقفله لو سمحت اعطيني هيه
ماجد/لوجين مداومه.. ويمكنها مع لمياء دقي على لمياء
روبين/وكمان لمياء اتصلت فيها ومقفلته..قلت هم عندكم والا حاجه ماني عارفه ايش القصه
ماجد/ يا بنتي يمكن جدولكم مو زي بعض
روبين/ايوه صحيح لكن جدولنا اليوم نفس المحاضرات
ماجد/انتي متأكده انك ما شفتي وحده منهم اليوم
روبين/ايوه متأكده..
ماجد خاف/طيب طيب يا بنتي.. سلام
روبين/لا يكون صار فيهم حاجه بس!!
ماجد/استهدي بالله.. راح اكلمك واطمنك عليهم سلام
سكر السماعه.. والتفت على هدى/تقول ان لوجين ما داومت اليوم
هدى استغربت/مسستحييل.. لولو داومت اليوم
ماجد احتار طلّع جواله وابتدأ يتصل فيها/وين راحت طيب.. روبين ما شافتها.. وجوالها مقفل بعععد!!
هدى خافت/ماااجد لا ترعبني على بنتي..
ماجد/لا يكون صار لها شي.. المفروض ما نخليها تداوم وهي بهالحاله.. بطنها فيه ثلاثه ويادووب تمشي.. ماني عاارف ليش اخليها بمزاجها.. هي ماترحم نفسها ابد
،
،
،
،
،
،
،
،
طلعت الطبيبه وهي مرهقه....
لمياء اللي كانت تبكي بصمت اتجهت لها وهي حييل خايفه/دكتوره اين لوجين… هل هي بخير
الدكتوره/لوجين بخير.. لا تخافي.. لكن
لمياء خافت/لكن ماذا يا دكتوره اجيبي
الدكتوره/البنت ليست بخير
لمياء نزلت دموعها/اي بنت.. لوجين؟
الدكتور /لا لا ليست لوجين بل ابنتها.. وضعنا المولوده في العنايه المركزه
لمياء رق قلبها/والباقين؟
الدكتور/الولدان بخير وصحتهما جيده جداً عن اذنك
لمياء سجدت شكر لربها اللي نجا صاحبتها واختها ..
وبسرعه طلعت جوالها تبي تتصل وتبشر اهل لوجين.. ولكنها تذكرت طلب لوجين انها هي اللي تكلمهم/خلاص بعدما تفيق من البنج هي اللي بتكلمهم.. بروح انتظرها بالافاقه..
،
،
،
،
،
،
في بيت البنات..
روبين رايحه جايه.. مو قادره ترتاح/ايش القصه.. كلهم مره وحده ما بيردوا عليه!!
الجده/رووبي دوشتيني يا بنت.. اقعددي
روبين/يا ستي ماني عارفه فين راحت لمياء هي ولوجين كمان
الجده/لوجين يعني فين بتروح وهي حامل
روبين/والله ماني عارفه حاجه..
،
،
،
،

مرت ساعات.. ولوجين توها تستعيد وعيها.. وتمتم بأشياء غريبه..
لمياء السعاده مو سايعتها اتجهت لها/لوجييين
لوجين /آآه يا أمي.. وين امي؟
لمياء/مابعد اتصلت فيهم..
لوجين رجعت تغيب عن الوعي مره ثانيه.. لانها أصلاً ما صحت بالكامل..
لمياء خافت/يالله ليش أنا وعدتها اني اسكت وما اقول لأحد..الله يهديك يا لوجين..
دخلت الدكتوره وهي مرتبكه/لو سمحتي انسه هل من الممكن ان تأتي معي؟
لمياء خافت من نبرتها/مالمشكله اخبريني
الدكتوره/هنالك امر يخص احد المواليد..
لمياء خاافت وراحت معها..
،
،
،
،
،
،
،
،
رنة جوال.. حركة هدوء البيت..
اتجهت هدى لجوالها اللي كان ع الطاوله/هذي لمياء يا ماجد
ماجد/بسرعه ردي عليها
هدى ردت وهي خايفه/الوه..وعليكم السلام.. ايش صاير يا بنتي؟كيييييف؟!!!!…
فقدت توازنها وكان بيغمي عليها… !!!!
ماجد كان واقف جانبها ومسكها وثبتها/ايش صاير يا هدى
هدى وهي تبكي/لوجين ولدت.. واحد المواليد تعبان
ماجد خاف/تعالي نروح لها شتنتظرين.
احمد/اخذوني معكم
ماجد/ما يمدي يا ولدي ارتاح انت بكرا نفك الجبس وتشوف اختك..
،
،
،
،
،

،
بحلول الليل.. الامور صارت افضل..
لوجين بعيونها الذبلانه كانت مصحصحه وتتبسم لأمها ولمياء/..بطني يوجعني.
هدى/يضل فتره وتعدي يا دكتوره
لوجين ابتسمت بدون تعليق /…
لمياء بسعاده/ماني مصدقه انك ولدتي خلاص..
هدى بابتسامة حنان/صرتي أم يا حياتي مبروك والحمدلله ع سلامتك
لوجين بعيون ذابله/الله يسلمك يا أمي
لمياء وهي تتبسم/بهذلتيني معك اليوم،لعبتي باعصابي لعب
لوجين/اسسكتي لا تذكريني بشكلك كان يضحك.
لمياء بتهديد/معليه.. اردها لك
لوجين بتريقه/ماعندي مانع.. متى بتتزوجين بس
لمياء بتحدي/لا تخافين ما راح اطول..
هدى وهي تخزهم/ما في زواجات قبل تتخرجون ..يلا كل وحده تسكت..
لمياء تخصرت بيدينها/يا سلااااام وقفت علي أناااا!!!
هدى/ههههههه
لوجين حاولت تكتم ضحكتها علشان بطنها..
لمياء وهي تناظر لوجين مازحه/معليه اضحكي يام الثلاثه
لوجين بابتسامه تذكرت وتساءلت/أمي فين ابوي؟ ليش ما شفته
ام لوجين ترددت ماقدرت تقول/ا… .ابوكِ..ااا
لوجين خافت من تلعثمها/أممي ايش صااير قولوا لي
لمياء/حبيبتي لوجين اهدأي وراح اقولك ايش صاير
لوجين توترت/انا هاديه. قولي..وين ابوي
لمياء/انتي جبتي ولدين وبنت،…
لوجين/طيب انا عارفه قالت لي الممرضه.. وش فيك متوتره
لمياء بعد تردد/الولدين بخير بس.. البنت…
لوجين خااااافت ولمعت عيونها/ايش صار لها بنتي انطقي
لمياء بحزن/تعبانه كثير.. ووضعها الصحي صعب
لوجين بهاللحظات تذكرت نفسها وهي تقول"مابي بنات" وبكت/ابي اشوف بنتي
دخل ابوها وهو حزين ويسمعها تطلب بنتها/بنتي هدي شوي
لوجين بصوت باكي/ابوي.. ابوس يدك ابي اشوف بنتي واحضنها الله يخليك يا بابا..
هدى ولمياء بكوا ..
ماجد/لوجين هدي نفسك.. ماتقدرين تلمسين احد من اولادك… هم اللحين في العنايه المركزه..
لوجين انهارت بكاء وهي تترجاه/ابوي الله يخليك بشوفهم شووي بس الله يخليييك..
ماجد/لوجين انتي طبيبة امتياز وعارفه هالاشياء ما يحتاج اذكرك
لوجين بصوت مبحوح/بس انا أم .
هدى بكت معها وهي تضم يدها/حاسه فيكِ يا حبيبة امك
ماجد تأثر من دموع بنته الوحيده وحاول يهديها/خلاص حبيبتي بحاول معهم ..انتي ريحي نفسك اللحين
لوجين حاولت تهدأ شوي ..ولكن قلبها كان حيل محروق.
/
/
/
/
/
/
/
السعوديه*
كعادته..يمشي في الاحياء الفقيره و يساعد الفقراء والمحتاجين.. شاف بقاله صغيره بنص هذه الحاره ذات الشوارع الضيقه والبيوت العشوائيه وبائع البقاله ذو الجنسيه العربيه يطرد احد الزباين براا وهو يصرخ عليه/انتو بالاول ادفعوا اللي عليكم بعدين تعالوا اشتروا
مشعل اتجه له وساعد هالولد اللي طاح ع الأرض والتفت على البائع/اذا ما تبي تبيعه ماله داعي تهينه بهالشكل..
البائع/الكلام هذا ما يمشي معي.. عليهم ديون ولازم يدفعونها
مشعل وهو يناظره باحتقار بسبب اسلوبه/كم ديونهم؟
البائع/342ريال
مشعل استغرب من قلّة المبلغ و طلّع من محفظته350ريال ومدها للبائع/اشطب ديونهم بسرعه وخل الباقي معك
البائع/كذا الامور تمشي صح..
الصبي ناظر مشعل وعيونه تلمع/
مشعل بابتسامه/اسمي مشعل و اعتبرني اخوك لا تستحي وش اسمك وكم عمرك؟
الصبي/اسمي ناصر و عمري15سنه
مشعل/طيب يا ناصر وين ابوك؟
ناصر/ابوي اصيب بمرض فشل كلوي وكان يغسل دايما.. لكن خلصت فلوسنا و ماقدرت امي توديه المستشفى ومات
مشعل استغرب/ليش ما عندكم اهل؟ وليش ما تودونه مستشفيات حكوميه تعالج مجاناً
ناصر بضيق/انا مو سعودي ومالنا احد في السعوديه
مشعل رحم حاله/طيب يا ناصر تعال معي نروح مشوار ونرجع شراايك؟
ابتسم الصبي وراح معه..
مشعل وداه للسوق وتسوق له اللي يبي وزياده.. واخذ مؤونه تكفيهم شهر ...وكان كل اللي يبيه"مشعل" ان ربي يوفقه ويحمي له عايلته وزوجته والطفل اللي بتجيبه ويبعد عنهم كل شر ..
وعقبها رجعه لبيته/يلا يا ناصر سلم لي ع الاهل وهذا رقمي اذا احتجت شي اتصل فيني.. طيب يا ناصر
ناصر انبسط وكأن سعادة هالكون تسكن صدره..
نزل ناصر ومشعل ساعده بحمل الاغراض.. ونزلها معه للبيت..
ام ناصر كانت تشوفهم لانها كانت تنتظر ولدها/نااصر وين رحت يا ولدي؟ خوفتني عليك ومين اللي جاب كل هذي الاغراض
ناصر/أمي هذا واحد اسمه مشعل رجل مررره طييب،دفع دين البقاله ووداني للسوق شرالي ملابس ولأخواني بعد وكل هذا الاكل يا أمي
ام ناصر سجدة لربها شكر وهي تدعي لمشعل/يارب تحفظه لشبابه وتحفظ اهله وتخلي له اولاده واحبابه يا رب.. الله يسعده قد ما اسعدنا يا رب.
/
/
/
/
/
/
/
جالسه مع عمها… ويتقهوون"
ابو علي/ايش هالقهوه الحلوه يا بنتي والحلى الطيّب هذا
هنادي بابتسامه/كله علشانك يا عمو
ابو علي بسعاده/الله يوفقك يا بنتي ويرضى عليك
هنادي/دعواتك هذي يا عمو تسوى عندي كنوز الدنيا
ابو علي/احس البيت صاير هادي اليوم وراحه صحيح والا انا اتوهم
هنادي/فعلاً يا عمو حتى انا حاسه بهالشي
ابو علي/وين جابر من صلاة الفجر ما شفته..
هنادي هزت كتوفها/والله ما ادري يا عمو..
بهاللحظات دخل جابر وهو يتبسم/السلام عليكم
الكل/وعليكم السلام
جابر اتجه لأبوه وباسه على راسه/دعواتك يبه
ابو علي بسعاده/رضاي عليك يا ولدي
جابر قام وجلس مكانه/بالله صبي لي قهوه
هنادي صبت له فنجان قهوه/تفضل
جابر يناظرها بحب/زاد فضلك
هنادي/وين كنت فيه
جابر/رحت اقلع الشغاله خروج بلا عوده
هنادي اخفت سعادتها بهالشي وما علّقت/..
ابو علي/وانا اقول ليش البيت اليوم ونيس ويشرح الصدر
جابر /ابوي ..عمي الليله عنده استقبال.. تبي نروح من اللحين والا نقعد بعد شوي
بو علي قام/لا بنروح اللحين بروح اغير ثوبي واخذ بشتي ونروح..
جابر/طيب..
راح ابو علي لغرفته..
هنادي قامت بسرعه واتجهت لغرفتها ماتبي تختلي به لحالهم..
جابر نزل فنجانه ع الطاوله و لحقها وهو يتبسم على شكلها وهي تتهرب ..دخل وراها الغرفه/هنــادي
هنادي ألتفتت عليه/هلا
جابر قرب منها بخطوات هاديه/كأنك تتهربين مني
هنادي ترددت/لا.. من يقول
جابر قرب منها اكثر ومسكها من خصرها وقربها له بسكات/..
هنادي صدت بوجهها عنه وحاولت تبعده بلطف وهي تتذكر شكله بحضن الشغاله وتنقرف/..
جابر حس فيها تنفره/هنادي فيك شي
هنادي وهي تبعده عنها بهدوء/جابر أنا اسفه.. بس مقدر
جابر فهمها/فهمتك..انتي ماتقدرين تسامحيني،صح؟
هنادي ماتبي ينتكس/جابر..مو كذا.. بس انا محتاجه وقت علشان اقدر اتقبلك من جديد
جابر حس باحباط ولكنه عذرها و طبع على راسها قبله/لك الوقت اللي تبينه انا استاهل كل عقوبه تفرضينها علي.. بنتظرك لاخر عمري.. لو ان هالانتظار بيقتلني
هنادي/كل شي له ثمن و اللي يخطي لازم ياخذ عقوبه.. لكن المهم انه يتوب
جابر/تبت على يدينك يا هنادي صدقيني ..
هنادي/محتاجه تثبت لي هالشي
جابر/انا عارف شلون ارضيك وباذن الله برضيك
هنادي سكتت.. مالقت تعليق ..
جابر/شفيك منتي مصدقتني
هنادي بنظرة تحدي/انا تهمني الافعال.. اكثر من الاقوال
جابر/وانا اعشق شخصيتك اللي جابت راسي
هنادي استحت طبعاً/طيب يلا روح لأبوك تلاقيه ينتظرك
جابر مسك يدينه وضمها بيدينه و عينه بعينها/مافيه ولو حضن قبل اروح… بس حضن
هنادي هزت راسها بالنفي/جااابر روح لعمو ..لا تضيع وقت
جابر/ياااا بخت ابوووي باهتمااامك… يلا سلام
هنادي وهي تتنفس براحه/سلام..
/
/
/
/
/
/
/
كندا.. *
جالسه على الكرسي المتحرك..في غرفة العنايه المركزه "قسم حديثي الولاده" عند الزجاجه الموضوعه فيها بنتها.. دموع غزيره تنهمر من عيونها.. وهي تطالع تفاصيل جسدها الصغير والضعيف.. تتنفس بصعوبه.. واحتمالات الحياه بالنسبه لها ضئيله جداً..
اليوم بس حست لوجين باحساس عمرها ما حسته فيه.. الضنى غالي.. لكن الوضع مع بنتها كان مختلف شوي!!
مدت يدها المعقمه ولمست طرف يد بنتها بنعوومه وهي تهمس بصوت غير مسموع/حبيبتي.. ما كرهت بيوم من الايام يجيني بنوته حلوه مثلك.. انا ما كنت اتمنى بنت لاني ما اتحمل اشوفها تتبهذل.. الظاهر نظرتي خطأ.. والدليل ربي رزقني فيك واختبرني بمرضك..انتي مالك ذنب،الذنب كله ذنبي أنا.. ربي يشفيك يا حبيبت الماما.. انا متأكده لو بابا موجود بعد بيفرح بقدومك للحياه وبيحزن لمرضك،آه لو تعرفين"انتي عندك أب يجنن".. خليك قويه مثل امك ولا تستسلمين.. الله يحفظك لي..
الممرضه/لو سمحتي اانتهت الزياره
لوجين ودعتها بابتسامه مخضبه بالدموع وطلعت..
،
،
،
،

[لامارا]

،
تستعد للخروج هي وجدتها وبهاللحظات وصلت "فاديه" السيده اللي تعرفوا عليها بالحديقه،وشافتهم وهم طالعين/السلام عليكم
الكل/وعليكم السلام
روبين/اتفضلي ي خاله فاديه
فاديه انحرجت/بس شكلكم خارجين. انا اسفه اني ما اتصلت اعطيكم خبر.. بس كنت ماره وقلت اسلم. يلا اجيكم وقت تاني
الجده/وقفي فين رايحه.. تعالي معانا.. احنا رايحين نزور صاحبة روبي.. جالها توأم ثلاثه.. عقبال لاولادك
فاديه/صاحبتك سعوديه كمان؟
روبين هزت راسها بسعاده/ايوه لوجين ولدت البارح.. وجابت ولدين وبنت
فاديه غمرتها السعاده/دام كذا انا رايحه معاكم.. هيّا..بس قبل كذا لازم نمر السوق حابه اخذ معايه هدايا
الجده/ههههه كلنا رايحين نمر السوق اصلاً..
روبين/يلا نوقف تاكسي..
فاديه/لويش التاكسي.. اركبوا معايه.. السايق يكون ولدي لا تخجلوا
الجده/احسن برضو ،انا ما بحب التكاسي كتير
روبين انحرجت/يالله يا ستي
فاديه ربتت على كتف روبين/لا تخجلي يا بنتي،احنا حسبت اهل..
روبين استسلمت وراحت تركب هي وجدتها وتفاجأت بصوت السايق اللي تعرفه ززززين…
مراد وهو يتبسم بسعاده ويكلم الجده/اهلين يا ستي كيف حالك؟
الجده/اهلين فيك يا ولدي.. انا بخير الله يخليك لشبابك
مراد و هو نفسه يشوف ردة فعل روبين/امين..
روبين مو متخيله الوضع كانت متفاجأه وبغبائها تكلمت/اننتتتتت!!
مراد خاف تتهور و الا تزعل وتخليه يوقف وتنزل!!
الجده/انتي تعرفيه يا بنت والا حاجه؟
روبين/يا ستي دا معايه في نفس الجامعه
فاديه التفتت على مراد و فهمت انه هذي البنت اللي كلّمها عنها وعن غبائها كثييير/لا يكون يأذيك والا حاجه.. قولي لي اكسر له راسه
روبين هدأت وهي تتذكر مواقفها معه/لا لا يا خاله… لا نعرف بعض ولا حاجه مجرد زماله بالجامعه بس
الجده/كويس.. احسب انو عندك اشياء ما اعرفها
مراد كتم ضحكته وهو يسوق.. ويناظر في امه اللي على يمينه ويغمز لها "يعني هذي هي"
فاديه ابتسمت بسعاده وهزت راسها دلاله على الرضا"
،
،
،
،
،
،
في السعوديه*
كان سهران ..وقلبه ما ذاق طعم الراحه.. له كم ليله يحس انه مخنوق لأبعد الحدود؟!!
و احلامه كلها صايره كوابيس مزعجه.. نام شوي وفز من نومه وهو يسمع صراخ لوجين تناديه.. وتقول بابااا بموت!!
استقعد مشعل وهو يتنفس بسرعه وعرقه يتصبب/بسم الله الرحمن الرحيم،اعوذ بالله من الشيطان الرجيم
طلع من غرفته مخنووق.. ودخل غرفة لوجين وهو يتنفس بسرعه وكأنه كان يركض.. اتجه لدولاب ملابسها وفتحه واخذ فستان من فساتينها وضمه وهو يشمه ..اتجه للصوفا جلس و حاول يهدي نفسه (هالحلم ما قد مر علي.. شلون لوجين تناديني بابا وتقول بموت... ؟؟!!)..
اخذ جواله وهو متردد...يبي يتصل في الكادي ولكنه تراجع وسكر جواله.. واستلقى على الصوفا وفستانها بحضنه ويضمه وكأنه طفل يضم اغلى أشيائه و حاول ينام ..
،
،
،
،
كندا*
المستشفى*
كان الكل بغرفتها..
دخلت روبين وبخبالها المعهود اتجهت للوجين وضمتها/لوووولووووو الحمدلله ع سلامتك ولدتي لحالك يا بطله
لوجين انخنقت منها/ااااا ابعدوها عنييي.. يالخبله..
الكل/ههههههههههههه
روبين/ماني مصدددقه انك ولدتي لحالك كذا
لوجين ارتفع ضغطها منها/بالله.. شلون اولد يعني.. اسوي جمعيه مثلاً
الكل/هههههههه
لمياء وهي كاتمه ضحكتها/يالطييييف على غباااائك يا روبي
فاديه كانت واقف عند الباب وتتبسم من حركات روبي/السلام عليكم
الكل/وعليكم السلام..
روبي/يووه نسيت اعرفكم… هذي خاله فاديه تعرفنا عليها بالحديقه.. وطلعت أم مراد زميلنا بالكليه
لمياء خزت روبين بسكات/اهلين خاله فاديه
لوجين بابتسامه/تفضلي يا خاله.. تشرفنا فيك
فاديه سلمت على لوجين وحطت الهدايا على جنب/الحمدلله ع السلامه.. والف مبروك ما جاكِ يتربوا بعزكم
لوجين/الله يبارك فيك..كلك ذوق
الجده/مبرووك يا بنتي ..
لوجين/الله يبارك فيكم كلكم يا رب
الجده/اجل فين أمك.. ماني شايفتها
لوجين/راحت تشوف الاولاد..
روبين بحماس مخلوط بشوية لقافه/هاه قررتي ايش راح تسمينهم؟..انا اقترح تسمين الاولاد سلمان و راكان.. والبنت سميها بيان شرايك؟
لوجين ناظرتها بهدوء وتسايرها/تامرين امر سيده روبي
روبين استانست واتسعت ابتسامتها/يسسسس كنت عااارفه ان اقتراحي بيعجبك
لمياء/ياااااع وش هالاقتراح المعفن..ترى ماتوا اللي يسمون اولادهم على نفس الوزن..
روبين بغباوه/لا ما ماتوا جارتنا فوزيه تسمي اولادها نفس الوزن. سامر وثامر وساهر وماهر وهاجر
لمياء بسخريه/قلتي لي اسمها فوزيه هااه ههههههه
لوجين تتفرج ببتسامه ومستمتعه بنقاشهم العقيم/…
الجده/انتم ايش دخلكم فيها.. اسكتوا مالكم شغل فيها.. هي امهم وهي بتقرر
فاديه برزانه التفتت على لوجين/ايوه يا بنتي قررتي أسماء اولادك والا لسه
لوجين بابتسامتها الهاديه/سميتهم خلاص
لمياء ناظرتها وهي رافعه حاجب ومنزله الثاني/ومخليتنا ساعه نتهاوش انا وهالغبيه
روبين/من هي هالغبيه.. هاااه
لوجين قاطعتهم/إيمّا ونايف ..
روبين/حلوووييين بس كأنك نسيتي الثالث.. !!
لوجين وهي تتهرب من نظرات البنات/مشعل
فاديه/الله يخليهم لك يا رب
لمياء ماعجبها/وليش مشعل يعني
لوجين بابتسامه تغيضها/عاجبني الاسم
روبين/قصدك عاجبك صاحب الاسم
فاديه والجده/؟؟!!
الجده ذبحها الفضول/ ايش الهرجه يا بنات.. لوجين مين هو صاحب الاسم؟
لمياء بصوت غير مسموع/وانا اقوول روبي طالعه لمين ههه
لوجين ما توقعت انها بتنسأل هالسؤال/هذا اسم زوجي
روبين كانت بتجيب العيد/قصدك ا..
لمياء نغزتها وسكتت ..
لوجين ناظرتها بتهديد علشان تسكت..
روبين/يلا احنا بنطلع يا جده وبنزورك ثاني… سلام لوجي
لوجين/سلام..
فاديه/وانا كمان.. يلا لوجين تقومي بالسلامه
لوجين بابتسامه/شكراً يا خاله..
طلعوا…

بعد لحظات دخلت هدى بابتسامه باهته/السلام عليكم
الكل/وعليكم السلام
لوجين بلهفه/هاه يا أمي كيف صارت صحة "ايمي"
هدى/بعدها تعبانه.. بس اظن لازم نسوي لها عمليه.. برأي الدكاتره لازم نسويها باسرع وقت
لوجين سكتت ونزلت راسها والعبره تخنقها.. حاولت ماتبكي وتكون قويه بس شي داخلها ماتقدر تكبته بكت بصمت ودموع غرقت وجهها
لمياء وهدى قربوا منها ويهدونها..
،
،
،
،
،
،
،
،
،
اليوم الثاني كانت لمياء طالعه بدري من بيتها واتجهت لبيت اهل لوجين.. اخذت اغراض للوجين ولهدى وطلعت.. وتفاجأت بـ"الكادي" قدامها..!!
لمياء ارتبكت لانها ماتدري وش تقول لها وماتدري اذا لوجين حابه اهل مشعل يعرفون بالخبر أو لا/الكادي!!!
الكادي بابتسامه/السلام عليكم
لمياء/وعليكم السلام..
الكادي/كيف حالك؟
لمياء/تمام الحمدلله..كان ودي اقولك ادخلي بس للاسف اهل البيت مو موجودين
الكادي/وين راحوا؟!
لمياء/بعدما ولدت لوجين نفسيتها تعبت وقرروا ينقلون
الكادي خافت/بدري ع الولاده.. وليش نفسيتها تتعب!!
لمياء بعد تردد/المولود توفي
الكادي انصدددمت ودمعت عينها وهي تتذكر فرحة اخوها/مستحيل
لمياء/انا آسفه اذا تضايقتي بس هذي هي الحقيقه.. ولوجين كثيير تعبانه وجالسه تتعالج ومن الانسب انها ما تشوف احد هالفتره..
الكادي لفت ومشت وهي مكسورة الخاطر ومقهوره على اخوها.. ماتدري تقول له هالخبر والا لا!!
،
،
لمياء اتجهت للمستشفى وهي تعاتب نفسها/استغفر الله يارب سامحني.. ما ادري صح اللي سويته والا غلط.. اخاف تزعل لوجين.. وليش،تزعل… هي بنفسها ما عاد تبي قربه.. بس يالله سامحني هاللي سويته غلط..
دخلت الغرفه وهي تهوجس وجلست/السلام عليكم
لوجين لاحظتها سرحانه/وعليكم السلام… لموش قررت اسوي العمليه لبنتي.. الدكتوره اكدت لي ان العمليه ناجحه باذن الله.. وانا ارتحت بعدما دعيت ربي.. واثقه ان بنتي بتطيب
لمياء ماقدرت تسكت/شفت الكادي
لوجين سكتت شوي ومشاعر الخوف والتوتر/وش كانت تبي
لمياء/سألت عنك
لوجين/عرفت اني ولدت وجبت ثلاث توأم
لمياء/لوجين انا اسفه.. قلت لها انك ولدتي وخسرتي الجنين.. وانك ماتبين تشوفين احد.. لوجي ادري ان اللي سويته غلط.. بس هذا اللي طلع معي.. اسفه.. اذا حابه اروح لها واقولها الحقيقه
لوجين ضلت ساكته/…
لمياء/لوجين بليييز لا تسكتين تكلمي قولي شي..
لوجين/لا تحاسبين نفسك.. وش الجديد يعني… حتى لو عرفت بالحقيقه.. مشعل استحاله يجي
لمياء/ايش عرفك.. يمكن اذا عرف اللي صار لبنته يـ..
لوجين بحواجب معقوده ونرفزه/وانا مابيه يجيني بس علشان بنته مريضه..والا واحد من اولاده فيه شي
لمياء بهدوء/فهمتك..
رجعت لوجين تسكت/… .

،
،
،
وبين احتمالات اللقاء و إلحاحات الرحيل..
تبقى مشاعرنا مسجونه تحت حكم
ما يسمى بـ"كبرياء العاشقين"..

،

،
،
السعوديه*
في مكتبه واثناء اجتماعاته المهمه كان باله مشغول بلوجين وبالاحلام اللي يشوفها.. تعب حيل من افكاره.. وقرر يتصل بـ الكادي"..اكيد هي عندها العلم اليقين بما انه صارت بينهم معرفه.. ..اتصل بالكادي وانتظرها ترد عليه.. وكان باله مشغول وخااايف.. بعد كذا رنه ردت/السلام عليكم
الكادي بالجوال وصوتها مو نفس دايم/هلا حبيب اخته وعليكم السلام
مشعل كان مرتبك/كيف حالك.. وش اخبارك
الكادي والعبره تخنقها/حالي يسرك يا خوي.. مشتاقه للديره
مشعل يمازحها يبيها تروق/في احد يعيش بكندا ويقول هالكلام
الكادي بنبره حزينه/وطني ولو شُغلت بالفردوس عنه.. نازعتني عليه بالفردوس نفسي..
مشعل فهمها وحب يخفف عنها/الله يصبرك… ويرجعك لنا بخير.. بعدين احمدي ربك بتشوفين ولدي قبل اشوفه..
الكادي بكت ماقدرت تمسك نفسها اكثر/..
مشعل خاف/افااا تبكين و راسي يشم الهوا.. وش فيك يا بنت
الكادي حاولت تتماسك/لا مافيه شي ..بس والله اشتقت ومافيني اصبر..
مشعل ما صدقها بس مشاها/تبيني اخلي عبدالرحمن يرجعك للديره ..انتي بس وافقي..
الكادي ماحبت تثقل عليه/لا حبيبي بصبر ..كلها فتره وتعدي…
مشعل بعد تردد/كادي حبيت اسألك ..شفتي لوجين؟
الكادي خافت وفكرت وش تقول له…!!

،
،


جالسه بالبيت الكبير ..لحالها طوول الوقت.. ما تشوفه الا وقت مايجي تعبان وهلكان… ويرجع ينام…
عايشه ملل ..هي صارت تدري انه معها جسم لكن قلبه مع وحده ثانيه اكيد...
نيران تحرقها من داخل… الغيره بتقتلها من البنت اللي ماتعرف منها غير اسمها اللي يردده زوجها كل فتره..
نست انها صرحت له.. بأنها تحب غيره وفهمته ان زواجها منه غلطه!!
الساعه 12 وقت وصوله كل ليله..
دخل وهو يحط شماغه على كتفه اليمين وعقاله بيده.. ظن انها نايمه.. واتجه لاقرب كرسي في الصاله واخذ الريموت وشغل التلفزيون.. وجلس يتفرج بأي شي..
شافته وهو يدخل ..كانت تراقبه… واتجهت له وجلست بالكرسي اللي قباله/هلووو
عمر التفت عليها/داخله على يهودي انتي؟..وش هلو هذي
فاتن/طيب السلام عليكم.. شفيك معصب علي
عمر بضيق/ماني معصب..
فاتن قامت واتجهت له وجلست على ركبها عنده/طيب ليه تهجرني
عمر تفاجأ من كلامها وجرأتها واستقعد مهما كان البنت لازم يكون فيها حياء/نعم!!
فاتن/عمر ليش انت انسان قاسي كذا
عمر استغرب هالجمله/من وين حافظتها هالجمل هذي
فاتن مدت يدها ومسكت يده بنعومه/لا حياء في الدين.. وانا اطالبك بحقوقي عليك
عمر ضل متفاجأ من حديثها ونفر اكثر منها وسحب يده من يدينها وقام/انا رايح انام.. وراي دوام بدري بكره عن اذنك..
فاتن صرخت فيه/انت ليش ما تقولي وش بينك وبين لمياا
عمر انقهر من هالسؤال اللي كله اتهام/انتي كنتي دواي من كل عثره في حياتي ،خطبتك وتزوجتك بحسن نيه.. ابي اعف نفسي وانسى حب اللي حبيتها ولا اقدر اطولها.. لكنك فشلتي انك تنسيني حبها ..بكلامك اللي قلتيه ليلة الدخله…وعلى فكره انتي كنتي صادقه..القلب ما يوسع غير واحد.. وانا قلبي ما فيه غير وحده.. واكيد ماهي انتي.. انا ماكنت ابي اجرحك وكنت طول الوقت اداريك وخايف على مشاعرك.. ولاني ماحب اهين احد ولا اكسر بخاطره.. سكت كثييير على غبائك واتهاماتك.. ضليتي بس تفكرين باللي كنت احبها.. و مافكرتي كيف تنسيني حبها.. مع اني موجود وكنت مستعد انسى كل شي علشان ابدأ معك حياه جديده..
فاتن تفاجأت من هالكلام اللي قاله وضلت ساكته/..
عمر ناظرها وحواجبه معقوده/انا قلت كل اللي عندي.. اذا تبيني ضلي معي البيت بيتك ..وان بغيتي ترجعين لأهلك ماراح احد يمنعك.. شوفي اللي يريحك وسويه… ما راح اجبرك… تصبحين على خير..
صعد لغرفته ..وتركها تحت بالصاله مصدومه.. وتفكر بكلامه… يا ترى تقعد والا تروح بكرامتها…
،
،




كندا* *
ومرررت الايام.. وتعدي الاسابيع ..والوقت يمضي..
كانت لمياء "واقفه بساحة الجامعه وتسولف مع روبين ويتناقشون في موضوع دراسي.. ولمحت وجه وحده مشبهه عليها ومتجهه نحوها/معقوله هذي اماندا رفيقتنا؟!
روبين التفتت ووسعت نقابها تشوف وشهقت/ايه هي.. شفيها متحجبه؟!
لمياء قلبها رجف تتمنى ان اللي ببالها صار/اماندا؟!!
اماندا بلغه عربيه مكسره/السلام عليكم
لمياء بابتسامه/وعليكم السلام.. ماهذا يا اماندا
اماندا وعيونها تلمع/هل تذكرين حينما اتصل بي كريس؟
لمياء وقلبها يرجف/نعم اذكر.. هل قابلتيه مجددا
اماندا/كريس اخبرني انه اسلم على يد احد الطلبه العرب هنا.. وانه مرتاح و يريد مني ان نصلح ما افسدنا واخبرني ان الاسلام يجب ما قبله ويمحي الذنوب باذن الله..واقد اخبرتك انك غيرتي نظرتي عن المسلمين.. لانك فتاه رائعه ونقيه، فاتجهنا للمركز الاسلامي واعلنت هناك اسلامي وتزوجنا زواجا اسلاميا شرعيا..
لمياء مو مصدقه انها تسببت في اسلام احد.. اخيراً حلمها تحقق واسلم على يدها احد انهاااارت من البكاء وسجدت لله شكر سجده طولت وهي ساجدتها من شدت بكاء الفرحه..
روبين بكت معها ..واماندا حاولت تقومها/لمياء ارجوك لا تفعلي بي هكذا..
لمياء قامت وهي ابتسامتها تخالط دموعها وتضمها/اهلا بك في دين الله يا اختي،احبك
اماندا عمرها ما حست باحساس الاخوه مثل هاليوم ولمياء غيرت حياتها للافضل بكت من تأثرها/انا ايضاً احبك يا لمياء..
هالمشهد حصل في ساحة الجامعه على مرأى الكثير من الطلبه..
لمياء اليوم كان اعظم انجاز في حياتها اليوم اللي دعت فيه شخص للاسلام باخلاقها ونقائها..
،


،
،

،
مرت الايام طويله وحزينه على لوجين اللي بدأت تمشي من ثالث يوم بعد الولاده ..وقررت تكون قويه واقوى من قبل علشان اولادها..
بعد مرور اكثر من شهر..
طلعت من البيت بعدما تلقت اتصال من المستشفى يطلبونها الحضور بسرعه.. كانت نبضات قلبها سريعه..
اكيد (إيمّي)صارلها شي.. او ناي او ميشو.. خوف مسيطر عليها..
رن جوالها وردت/هلا ماما… انا رايحه المستشفى ..انا اسفه اني ما قلت لك .. اتصلوا فيني وطلبوا حضوري ..اذا صار شي بقولك.. سلام
سكرت الجوال واتجهت للمستشفى وقفت سيارتها ونزلت مستعجله ودخلت اتجهت للحضانه و تشوف المفاجأه…
حطت يديها على فمها دلاله على المفاجأه ولمعت عيونها..
،
،
،


يتبع
..


"استميحكم عذراً لـ تقصيري وتأخري في الرد عليكم"
..
قراءه ممتعه للجميع..

[فيتامين سي]

31))من متى والغصن يختار الطيور؟!
،


في بيتهم الجديد..
كانت هدى تستعد للخروج.. تبي تلحق "لوجين"..خايفه كثير يكون صار للاطفال شي..
اتجهت للسلّم بتنزل.. وتسمع بهاللحظات "صوت جرس الباب"/من بيجي هالوقت و كل البنات مداومات!!
وراحت تفتحه وتفاجأت/اختي حبييييبتي!!!!
دخلت ام زياد وضمتها/السلام عليكم
هدى/وعليكم السلام…
ام زياد/اشتقتلك يا هدى.. واشتقت لبنتي ولوجين قلت خلني اطب عليهم فجأه واشوف اش مسوين في الغربه واتطمن بنفسي عليكم
هدى/يا قلبي… تعالي انا رايحه اللحين للوجين.. اتصلوا فيها المستشفى و طلبوها علشان اولادها.. وانا متوتره حابه اروح بنفسي اشوفهم
ام زياد بحماس/ايش تستني.. خلينا نروح.. زياد معاي خليته بالسياره قلت خلني اشوف الوضع واناديك
هدى/يلا وش تنتظرين ..مشينا
،
،
،

،
بنبضات قلب سريعه وانفاس محبوسه.. دخلت قسم الحضانه وكان قلبها يتوق يشوف اطفالها بكامل صحتهم.. دخلت الغرفه الموجود فيها اطفالها.. وتفاجأت باللي مسوينه لها الممرضات اللي صاروا يعرفونها.. وقفت مذهوله ودموعها تفيض من محاجرها..
سرير فيه ثلاث اطفال لابسين بربتوزات بيضاء.. بكامل صحتهم..
اتجهت لهم وهي محتاره تضم هذا او تبوس هذا او تشيل هذي/الحمدلله اللي حفظكم لي
الدكتوره بابتسامه عريضه/تهانينا ..اصبحوا الآن بصحه جيده..ويستطيعون الخروج
لوجين بصوت مخنوق/الحمدلله.. انتوا بخير
احد الاطفال كان يتحرك اكثر من البقيه..
لوجين وهي تلمس يدينه بسعادة الدنيا/انتبه تأذي اخوانك بس
الدكتوره/يبدو ان "ناي" سيصبح مشاغباً
لوجين بابتسامه/نايف حبيبي خليك عاقل او بتواجه مشاكل ..ترى ميشو ما راح يسكت لك..
رن جوالها وكانت امها وردت/الوه… انتي عند الباب وماسمحوا لك تدخلين!!.. طيب بخلي الدكتوره تدخلك اللحين.. علشان بالمره تساعديني نطلعهم..
،
لوجين كلمت الدكتوره وفهمتها ..والدكتوره امرت الممرضات يسوون اللي تبيه..
لحظات ودخلوا ثلاثتهم..
لوجين تفاجأت بخالتها لكن مافرحت بشوفت زياد/هلا خاالتي
ام زياد بعدما سلمت عليها التفتت لسرير الاطفال/ماشاء الله يا لوجيين وش هالكتاكيت الحلوين، والله وصرتي أم هههه
لوجين بابتسامه/هههه شايفه يا خاله
هدى فرحت/الحمدلله صارت صحتهم احسن..
لوجين كانت تتهرب من نظرات زياد/…
زياد تقدم شوي وبدون يناظر بالاطفال اللي يحرقون قلبه/الحمدلله ع سلامتك بنت خالتي
لوجين وهي تتصدد عنه/الله يسلمك..
زياد يكاد ينفجر غيره وهو يشوفهم، واساميهم مكتوبه فوق كل واحد بالانجليزي طبعا/ Imaa.. Nay.. Meshoo
لوجين ماتبي ابد تكلمه ما ردت عليه/…
هدى/ايوه يا زياد هذي اساميهم.. بس هالكنديين يحبون يختصرون… هذي "ايمّا" وهذول "نايف" و"مشعل"
زياد فتح عيونه ع الاخر وهو يناظر اللي اسمه مشعل/..
لوجين خافت من نظراته لولدها/يلا يا امي خليني انهي اجراءات الخروج و نطلع..
هدى/طيب يا بنتي..
زياد طلع وهو معصب.. ما يدري وش يسوي.."ليش جاء" هالسؤال اللي كان يسأله نفسه.. تمنى انه ينسى انها بيوم حبها وتمناها..لكن شوفت عيالها من مشعل زادت من اشتعال النيران بقلبه…
،
،
،
،
،
،
السعوديه* *2
في الجنوب السعودي الساحر..
ليله ضبابيه بااارده كأغلب ليالي تلك المحافظه الصغيره . وشبابيك الصاله مفتوحه.. صوت انين مكتوم ..واوجاع..
كانت فاتن تضم بطنها وتتلوى و تأن من شدّة الألم ..
ناظرت ساعة معصمها "12 المفروض يوصل "عُمر" اللحين..
دخل عليها بهاللحظات واستغرب شكلها وهي تتلوى على الكنبه، واتجه لها وهو يرحمها من الوجع/فااتن!!
فاتن دموعها تغرق خدها/
عمر وهو يجلس عندها/وش يوجعك قوولي
فاتن وهي تبكي وتقطع بالصوت/الدوره ما نزلت علي من زمان وشربت "قرفه" كثير اليوم لاني تعبت وبطني انتفخ.. خفت يصير فيني شي بعدما تأخر كثير…
عمر رحمها وفعلا بطنها بارز بشكل خفيف، خاف عليها.. خاف يكون هالشي من اهماله لها،خاف يكون ظلمها بالجفى والهجر/انا رايح اجيب عبايتك واوديك حالاً للمستشفى.. لا تخافين
فاتن وهي تصيح/بسررعه الله يخليك بسررعه
،
،
،
في المستشفى*
بعد الفحوصات الأوليه والاسعاف السريع لها ..تم التعامل مع حالتها بسرعه.. لانها كانت مستعجله..
عُمر دخل بعدما سمحوله واتجه للدكتور اللي كان واقف عند سرير فاتن وهو يسأل بلهفه/خير يا دكتور وش فيها زوجتي؟
الدكتور بابتسامه/اطمن حضرتك.. الجنين حالته كويسه..
عمر استغرب/اي جنين!!!
فاتن وقفت الدنيا براسها هاللحظه.. مو مصدقه مستحيل تكون حامل/!!!
الدكتور استغرب ردة فعله/هههه الظاهر انتوا معندكوش علم ..المدام حامل ودالوقت بالشهر الرابع.. مبروك
عمر بهدوء ابتسم علشان محد يشك فيه/الله يبارك فيك دكتور اتجه بالكلام لفاتن/ماتشربيش حاجه تضرك.. انتي دالوقت عرفتي انك حامل ..لازم تنتبهي تاني
فاتن قلبها صار ينبض بسرعه وتتعرق وتنفسها يزيد سرعه.. خايفه من ردة فعل عمر ،وش بيسوي فيها.. اكيد بيذبحها ذبحة شاااه ..
عمر شاف الدكتور طلع وكلمها بدون يلتفت عليها/البسي عباتك خلينا نروح البيت
فاتن/عمر انا…
عمر قاطعها وهو يكبت عصبيته/قلت البسي عباااتك والحقيني بسررعه
طلع وهي قامت وهي تلبس عبايتها بتثاقل وهي تتذكر اللي صار ..وكيف حملت… تذكرت ليلة كانت جالسه ببيت اهلها لحالها مع خطيبها السابق..و اللي كانت تتذكره انه ماتمادى معها كثير.. وبالأصح هو ما لمسها بالشكل اللي يأذي عذريتها ..هم مخطوبين وبيتزوجون ولكن شاءت الاقدار انه يصير له حادث وهي انخطبت في نفس الشهر وتزوجت عمر..!!
،
،
وصلوا البيت وجلس عمر بنص الكنبه بالصاله.. وهو يغلي من داخل.. وهو يتذكر شريط ذكرياته معها.. بالبدايه رفضته ..وبعدها صارت تبيه وتتقرب منه ولكنه ما لمسها كانت نفسه تصد عنها كلما تقرب منه..
فاتن كانت تمشي وهي تحس رجليها مكبله بحديد ومثقله.. خايفه من هدوء عمر المخييف،بكت/عُمر تكلم قول شي.. الخوف ذبحني
عُمر التفت عليها بنظرات ناريه/انتي وش تبين بالحياه وانتي… .استغفر الله ما اقدر انطقها.
فاتن ماقدرت ترد عليه بكت اكثر /..
عمر/انتي لو تبكين قدامي من هنا لين تموتين ..ما ينمحي ذنبك وانتي ماتبتي لربك
فاتن ودموعها تعبر خدها/عمررر انا..
عمر قاطعها وهو يطالعها بقرف/من وين لاقطته
فاتن استحت من نظراته لها وزادت حسرتها/خطيبي السابق.. بس والله انا بنت بنوت ومالمسني مثلما انت تفكر.. اللي صار انه كان زايرني وبعلم اهلنا سهرانين و كان يـ… بسس ماكنت اظن اني راح احمل
عمر تقرف اكثر منها واتجه لها/وش تظنين اني بسوي فيك ..يعني ابيك تحكمين على نفسك بحكم
فاتن بخوف/راح تقتلني؟
عمر ماقدر يمسك نفسه اكثر وضربها كف وكف ثاني/بس القتل ماراح يطهرك من ذنبك....انا اللي ذابحني انك تزوجتيني بعدما لمسك غيري من دون حق!!.. لا واللي غابني اكثر اني كنت حاسس بالذنب تجاهك وكنت ناوي افتح معك صفحه جديده… يعني لو ما ربي فضحك في اخر لحظه والا انا متورط فيك يا….. بلاش اسبك.. خلاص انتي اصلاً نزلتي القاع بلا رجوع..
فاتن انهارت من البكى تحت رجليه/عمر تكفى انا تايبه لله
عمر/لا تطيحين عند رجليني...اسجدي لربك وارجعي له واطلبيه الصفح والتوبه.... اللي سويتيه ما يغتفر من البشر.. لكنه بيد رب البشر
فاتن/عمر طلبتك وش فيك ما تذبحني وتريحني
عمر وعيونه تلمع دموع القهر والغبينه/ودي اذبحك واتخلص منك.. ودي..
دفعها عن رجله وطلع وهو متوتر و ويبكي من قهره ومن حظه العاثر ،اتجه لسيارته و ركبها بسرعه فتح الدرج واخذ مسدسه وصار يحشيه بالرصاص ويدينه ترجف( اغسل هالعار بيدي قبل لا ابتلي بولد مب لي) بهاللحظات سمع اذآن الفجر يعطر مسامعه و الجو حوله ويدحر الشيطان ويهدي له اعصابه..ترك المسدس من يده واتجه للمسجد وكان متلثم بشماغه مايبي احد يشوف عيونه اللي ورمة من البكي..
،
،
بعد الصلاة خرج الكل… وضل "عُمر" مكانه ارتاح وهو يشوف المسجد فاضي ونثر دموع عينه براحه.قام وصلى ركعتين واستخار ربه وهو يبكي...خلّص صلاته ونزل راسه على الارض بوضعية السجود، كان محتاج يفضفض لاحد.. لكنه انسان انبل واشرف من انه يفضح ستر بنت ويفضح اهلها.. تربيته ومبدأه.. (من ستر مسلماً ستره الله يوم القيامه)....وهو مستحيل يقتلها لو انها تستحق القتل..!!
جلس يفكر بالمسجد ونسي العالم…
/
/
/
/
/
/
/
/

رجع من المسجد وصدره منشرح كعادته ويدينه تداعب سبحته الفضيه..تفاجأ بريحة عطرها تجذبه منتشره بالمكان...
قلبه ينبض بشكل غريب وهو يشم عطرها مستحيل!! اكيد عقلي من كثر ما افكر فيها يتخيل لي عطرها بالمكان..
…… /مششعل
وقف مشعل وتصنم مكانه عقله صور له نغمة صوتها، التفت عليها وتفاجأ بأنها مشاعل تتجه له بمياصه/هلا..
مشاعل بروب حرير لؤلؤي قصير على بياضها وع كتفها شال ..وشعرها المنثور، وعيونها اللي تناظره وبيدها كوبين كوفي ومدت له واحد/صباح الابتسامه الحلوه
مشعل بلع ريقه وهو يحاول يتصدد/صباح النور
مشاعل وهي تقرب منه/خذ الكوفي مسويته علشانك
مشعل اخذه منها/شكرا.. انا رايح لغرفتي
مشاعل/خليك معي ندردش شوي
مشعل ما ارتاح وهو واقف معها،بهاللبس ولا يبي يحرجها.. ومستغرب شلون ابوه سمح لها تطلع من الجناح كذا!! وهو كان يسب لبس لوجين للبناطيل!! /معليه بغرفتي اوراق عمل تبي ترتيب قبل اطلع للمؤسسه
مشاعل بابتسامه ساحره/حاب مساعده.. انا جاهزه وماعندي شغل
مشعل اعطاها النظره الناقده/لا مشكوره واخذي كوبك.. انا طالع مستعجل باخذ اوراقي وبطلع..
*اعطاها الكوب وراح ..
مشاعل باست الكوب من الطرف اللي لمسه مشعل وهي تنهد وتشم بقايا عطره/وووويل قلبي عليك ..
/
/
/
/
/
/
/
كندا*



حفله كبيره منظمتها أم لوجين" بصالة البيت ومزينه بالونات هيليوم ودمى كبيره وطاولات وكراسي .. ،حضروها صاحبات لوجين وبنص الصاله ثلاث اسره فاتحه وفوق كل سرير حروف بأسماء الأطفال.. *
روبين وهي تنغز لوجين بكتفها/اللحين عرفنا ميشو وايمي وش قصة "ناي" ايش هالدلع الغريب هذا
لوجين/ههههه ابداً من ممرضاته ودكتورته كانوا يسمونه كذا.. اعجبني الاختصار وبس
روبين/اهاااا هههه
لوجين وهي تلفت/شفيها لمياء جالسه بالبلكونه لحالها!!
روبين/لمياء بعدما جانا اخوها البارح وكلمها وطلع.. كان صدرها ضاايق.. مادري ايش قال لها علشان تتضايق
لوجين/ماعليك بعدما يروحون الناس بنجلس معها ونتفاهم.. روحي ناديها نبي نقطع التورته ونصور الاولاد
روبين/طيّب
،
،

ما ضمّنا موعد لقا !
خانقني إحساس إشتياق
ذابحني إحساس الأرق
وين اللقا يا راحتي.
واقفه لمياء وتطل على الحديقه الخلفيه للبيت.. قلبها مشتت عقلها فيه 160شغله وكانت منظمه بس اخوها لخبطها بعدما كلمها عن موضوع الزواج… هي ماترفض الزواج قد ماترفض اللي خاطبها… هالموضوع بالذات ذكرها بشخص تتمناه هاللحظات.. تتمنى ترجع تشوفه مره ثانيه نوع من الراحه يكتسيها قلبها اذا تذكرته،يزورها بأحلامهل كل ليل "كان يبتسم لها بسكات ويروح"، فتحت يدها على عروق معصمها وشافت اسمه اللي نقشته اليوم بدون ماتحس!!!
روبي من وراها/انتي مريضه او حرارتك مرتفعه
لمياء تروعت منها والتفتت عليها/رووبي بليييز انسسسي.. انا اصلاً ما افكر فيه مجرد عاحبني الاسم بس.. روبي انا..
روبين وهي مب فاهمه شي ولا شافت المكتوب بيدها/اي أسم اللي عاجبك.. اجل وريني اشوف يدك.. شكلك سرحانه تفكرين بأحد
لمياء وهي تسكر فم روبين/اشششش يا غبيه…لاتسمعك أمي او لوجين
روبين ابعدت يدها/طيب طيب.. تعالي لوجين تقول بنقطع كيكة البيبيز وبنكمل الحفله وحضرتك مو معانا..
لمياء/طيب طيب .يلا… بس تكفين لا تقولين لاحد عن اللي تعرفينه
روبين بغباء/ان شاء الله ما انسى واقول لاحد.. بس وريني الاسم المكتوب في معصمك
لمياء جاها احباط/لااااه… بليييز روووبي امشي لا تفقعين مرارتي
روبين/ههههههههههه
،
،
،
،
،
،
،
،
بالليل كانت واقفه بالغرفه وتناظر بأطفالها… . كل واحد بسريره وناايم برااحه… حمدت ربها على هالنعمه اللي هي فيها..
طلّعت جوالها وهي تفتح ع صورة مشعل تبوسها وتكلمه بداخلها( هذول اولادنا.. صاروا بخير يا حبيبي.. انتظرتك، قلت بقلبي راح ترجع، اكيد بترجع تدوّر علي راح تقول انك ماتستغني عني وانك تبيني… بس انت فضّلت توفي بوعدك وتهجرني ..
يا هالوعد اللي ذبحني "قل لي اذا فاض بي الشوق لك وش اسوي؟! صحيح ما اخترتك برضاي لكنك ورب الكون اجمل ما حصل لي،احبك)
سمعت صوت المطر براا مع صوت الرعد.. هالصوت ذكرها بالمكان اللي جمعها بحبيبها ..هذيك القريه اللي ما يفارقها المطر اغلب ايام الاسبوع… وقفت عند شباكها وهي تشوف اغصان الاشجار تتمايل مع الريح وتتبلل بالمطر.. وتتنهد..ولسان حالها يقول;
[[صاحبي محتاج لك شعر وشعور
وإحتياجي شي ماكان اختياري

من متى والغصن يختار الطيور
من متى والبال يختار الطواري]]
،
،
،
،
،

[فيتامين سي]

ام زياد وهي تنهره/انت غبي.. قلت لك اختك بتكمل دراستها ماتبي تتزوج اللحين، شفيك انت
زياد/يا أمي صاحبي بيجي لكندا دبلوماسي بسفارتنا هنا.. يعني بتكمل دراستها وبكون مطمن عليها
ام زياد/هذا هي ساكنه جنب بيت خالتك وزوجها وجدة روبين معهم بعد.. فين المشكله؟
زياد بعناد/غصب عليها تتزوج
ام زياد بعصبيه/وانا قلت ما راح تتزوج وثاني مره اذا بتفتح معها مواضيع زواج قبل تقول لي انا وابوك يا ويلك فاااهم
،
،



بغرفتها جالسه ع الارض وحاسه باحباااط وضيقه وهي تسمع صراخ اخوها وامها.. خافت كثير ماتدري ليه،وراها بكره اختبار وذهنها مشغول بسوالف اخوها وتهديداته.. كيف الطريقه اللي بترد اخوها ما يتحكم فيها.. مافيه غير ابوها… لكن زياد هذا اخوها الوحيد اللي ياما وقف معها وفرّح قلبها ،مستحيل انها تغيضه وتزعله او تخالف رأيه راح تشتري رضاه لأنه ياما راضاها وسمع كلامها وطيّب خاطرها... قررت تقوله انها بتوافق على رفيقه زوج لها.. لكن ايش قصّة خيال "عُمر" اللي دوم يظهر قدامها ..
تنهدت وهي تحدد ملامحه بنظرات عيونها ..تحاول تنام بس كيف بتنام؟!!
​‏​‏​‏​‏​[من : أول اللِيل !
أححاوُل ' بـ الوله ي?دآ ]
و من أول الليل ..
و هذا الشِوق يعصاني
يَ : أول الليل . . )
م' ل العشِق مَبدأ !
و : يَ آخخر الليل +
ترفق بس على شآني♡]]

/
/
/
/
/
/
/
السعوديه*
في صالة البيت جالسين بعد العشاء.. الكل مجتمع بالصاله ماعدا زينه.. .يشربون الشاهي.. ومشاعل جنب ابو مشعل وتهمس له ويتبسم..
ام مشعل ماقدرت تتحمل وقامت/انا رايحه انام
بو مشعل/لحظه.. وقفي
ام مشعل ما التفتت عليه/خييرر
بو مشعل/ترى هالخميس ملكة "زينه وخالد" بلغي البنت
ام مشعل فرحت لأن خالد ولد اختها لكن ماتبين لفيصل الوجه الحلو/ززين.. عن اذنك رايحه انام
بو مشعل/احسن لك تنامين.. السهر ما يصلح لك يالكهله
مشعل ماعجبه تعامل ابوه مع امه خصوص قدام مشاعل"..مهما كان لازم يحترم عشرتها..
مع ذلك مشعل مستحيل يتكلم مع ابوه ويحرجه قدام الغريب ،وفضّل انه يروح،وقام/عن اذنك يبه
ابو مشعل/وين يا ولدي وووين تونا
مشعل بابتسامه باهته/حاب انام بدري.. وراي سفر للرياض تدري توسعات جديده واجتماعات كثيره ومواعيد وكذا
مشاعل تناظر فيه وتقاسيم جسمه وهو يلبس تيشرت كات كحلي ماسك على جسمه وبرمودا رمادي.. كانت نظراتها ماتنتخبى عن مشعل اللي لاحظها تتعامل معه بميوعه.. وهالشي نفّره منها ومن الجلسه معها..!!
قامت مشاعل/عن اذنك حبيبي
بو مشعل/وين رايحه
مشاعل باسته ع خده/بروح اجيب جوالي من الغرفه وراجعه
بو مشعل/لا تتأخرين..
مشاعل/لا حبيبي ماراح اتأخر..
/
/
/

واقف عند طاوله صغيره بنص الغرفه عليها اوراق وبيده اوراق يرتبها بملف ويفكر انه يسافر لكندا،لكن شغله مو تارك له وقت فراغ.. مو مطمن على اخته وخاايف على لوجين، ماراح يضرها هو بس حاب يرتاح من تفكيره.. كان واقف و ظهره للباب..
دخلت وشافته بهالوقفه ،تنهدت واتجهت له بخطوات هااديه.. ووقفت وراه ومابينها وبينه غير سنتيمترات بسسيطه/…
مشعل تحرك شوي وصدم فيها وتروع ماتوقع احد يدخل عليه/بسم الله
مشاعل بتسبيلت دلع/افاا خفت؟!!
مشعل وهو رافع حاجبه الأيسر بعدم رضا/لا بس ماني متعود احد يدخل علي بغرفتي غير زوجتي..
مشاعل وهي تتأمله قدامها/اها.. اجل محظوظه
مشعل يكره نظراتها له/تبين شي؟
مشاعل/انا لاحظتك منت مرتاح تحت،قلت اكيد فيه شي.. انشغل بالي عليك
مشعل استغرب اكثر/وليش ينشغل بالك يعني
مشاعل وهي تلمس يده بنعومه/انت ماتتخيل قد ايش انت مهم بالنسبه لي
مشعل بلع ريقه وسحب يده من يدها وحاول يتجاهل ميوعتها وتغنجها قدامه/انا مافيني شي لا ينشغل بالك.. تقدرين تروحين
مشاعل وهي تشوف الاوراق بيده/شكلك محتاج مساعده
مشعل وهو يتصدد عنها/لا شكراً
مشاعل/ماقلت لي كم بتقعد بالرياض
مشعل/ليش السؤال يعني
مشاعل/حابه اعرف اذا بتطول والا لا..
مشعل كان يبي يفتك منها وتطلع/ما ادري ع حسب شغلي فيه شي ثاني؟
مشاعل مدت يدها لكتفه لمسته وضغطت عليه بنعومه/بشتاق لك.. باي
طلعت وهي تعطيه من نظراتها اللي تسحر…
مشعل حاول يتصدد عنها… تعوذ من الشيطان ومنها وسكر باب غرفته وجلس على سريره وهو يلتقط انفاسه( الله يكفيني شرها.. هذي منين جتنا..)
جلس يلتقط انفاسه ويهدي نفسه.. صعبه حيل يقول لابوه عن افعالها ..
/
/
/
/
/
/
بعد كم يوم رجع "عمر" للبيت ..
دخل وما لقاها قدامه كالعاده…!!
ماكان يبي ينطق اسمها ولا يطريه على لسانه..
جلس يحاول يجمع شتات افكاره براسه.. قرر قرار وبينفذه ،مستحيل ينسب له طفل مب من صلبه..
نزلت هاللحظات سيده لابسه عبايه ومتلثمه باين عليها اربعينيه وشافته جالس اتجهت له/السلام عليكم
عُمر استغرب وجودها ووقف/ام حازم!!
ام حازم وباين بصوتها التأثر/ايه جارتكم ام حازم.. شفيك وانا اختك تارك زوجتك تعبانه… المسكينه جالسه تحاتيك
عمر خاف يكون فاتن قالت لها عن الحمل/وش فيها؟
ام حازم/سألتها وش فيك وقالت ان عندها قولون ..الله يشفيها
عمر ارتاح/ايهه نسيت نفسي بالعمل ..بس انتي ماقصرتي يا ام حازم. .
ام حازم/هذا واجبي.. انا كنت جايه زياره.. وشفتها تعبانه وحالها مايسر ..وجلست عندها شوي بس انت وصلت.. خلاص انا رايحه بيتي وعيالي وانتبه ع زوجتك وانا اختك عن اذنك
عمر/الله معك جزاك الله خير.. ماتقصرين..
طلعت ام حازم واتجه عمر لفوق ..وهو كاره انه يشوفها.. بس مضطر يتعامل معها لين ربي يفرجها.
دخل عليها.. ولاحظ شحوب وجهها وذبول عيونها.. قرب شوي ووقف بنص الغرفه/وش مسويه بنفسك انتي
فاتن خاافت من سمعت صوته وتمسكت في غطاء السرير/عمر الله يخليك لا تعذبني نفسياً.. انا حيل ندمانه.. اصلاً كان غصب عني
عمر تقرفه هالسالفه/بسس بسسس قرفت هالعذر،مابي اي كلام في هالموضوع
فاتن سكتت وهي تترقب وش بيقول/…
عمر/انتي راح تظلين مثلما انتي زوجتي ماراح يتغير شي
فاتن استغربت/..
عمر/لين تولدين ساعتها اشوف كيف اتصرف بالمولود
فاتن ماقدرت تناقشه،، ماتدري وش ناوي عليه.. الخوف يملأ قلبها.. عمرها ما كرهت نفسها واستحقرتها مثل هاللحين كلما تتذكر اللي يسويه فيها عمر.. تستغرب.. ليه يسوي كذا وش قصده ووش ناوي عليه؟..أسئله تدور براسها ..ولكنها تمتم"ربِ اغفر لي خطيئتي وتوب علي"
وبقلبها تدعي"الله يستر على عمر دنيا وآخره مثلما ستر علي"
/
/
/
/
/
/
/
قامت "لمياء" بدري قبل وقت دوامها وهي تجهز نفسها وترتب كتبها.. واخذت جوالها واتصلت فيه وانتظرته يرد…
ما رد عليها زياد..
اخذت نفسها وطلعت ..كانت تحس براحه للي تسويه وهي تتذكر أحلامها الورديه وفارس احلامها اللي تمنته..
مع انها عمرها ما فكرت انها ممكن تفكر بفارس احلام وتتمناه بعد!!
(قد ايش انتي شطحتي يا "لمياء"..هههه قال فتى احلام وخرابيط..هههه أنا ما احب أحد.. ما احب احد وراح اتزوج صاحب اخوي.. وراح انشغل في دراسة الطب اللي تغرّبت من بلدي علشانه 3سنوات ونص باقي لي في التخصص.. مافيه وقت للمشاعر.. ومو لازم مشاعر.. ما ماتوا اللي تزوجوا زواج تقليدي)..
بدأت السماء تمطر بشكل خفيييف.. وقفت "لمياء"تتبسم وتناظر للسماء (وفقني و حقق لي السعاده يا رب لي ولقلبه… اللي احبه…الحب مو شرط الاقتراب.. الحب دعاء.. يارب اسعد "عُمر" و وفقه وين ما كان)..
رن جوالها وردت بابتسامه/هلا زيزو
زياد بالجوال وصوته فيه النوم/اتصلتي فيني؟وش تبين
لمياء/يب.. ابي اتكلم معك قبل المحاضره.. انا طلعت بدري
زياد/وش عندك يعني
لمياء/انت تعااال وراح تعرف كل شي..
زياد/طيب طيب
،
،
،
،
،
،
،
خلصت لبسها واتجهت لغرفة اولادها و تطمنت عليهم.. شافت ايمي تتبسم لها وماقدرت تقاوم اخذتها وجلست على الصوفا الكبيره وهي تحتضنها/صباح الخير ي اجمل ماخلق ربي.. ايش مصحيك بدري كذا ..حبيبت ماما انتي ..
دخلت المربيه هاللحظات ومعها أمها/..
هدى/لوجيين ليش تشيلينها بهالشكل؟ البنت توها صغيره
لوجين وهي تمد بوزها مثل الاطفال/ماما ههههه تراني صرت أم .
هدى اخذت البنت عنها/ولو ..مو معناته انك صرتي خبره… بعدين هالاطفال مسؤليتي
لوجين/ههه بصراحه انا دخلت وماكنت ناويه اشيل ايمي بس لقيتها تتبسم لي وتحرك يدها.. ما قدرت اقاوم ههه
هدى بابتسامه/كذا البنوتات.. اذكر ابوك تعلق فيك اكثر من اخوك احمد.. دايماً البنات يسحرون الأباء ..
لوجين تذكرت حال اطفالها وهم راح يعيشون من غير أب.. هالفكره ما كانت تقلقها قبل تولد.. لكنها بدأت تقلقها بعدما شافت اولادها قدامها وتعلقت فيهم.. رحمت حال مشعل وكيف،بيكون شعوره لو خبرته ..افكار بدأت تزعجها.. قامت وطلعت وتركت أمها والمربيه عند الصغار..
،
طلعت لوجين وركبت السياره وهي تفكر بطريقه تخليها تتصل في مشعل وتتواصل معه.. لعيون اولادها.. ولعيونه.
وقفت لحظه وهي تفكر بأهل مشعل شلون كانوا يعاملونها وكيف كانوا يكرهونها.. اجل كيف بيعاملون عيالها (ماراح توصلون لعيالي لو تذبحوني… اسفه يا مشعل.. صحيح احبك لكن انا أم يا مشعل.. وانت الله يهنيك بحياتك)…
،
،
،
،
،
،
،

المقهى القريب من الجامعه..
كانت تشرب قهوتها مع اخوها وتناقشه..
زياد/هاه وش عندك جايبتني من صبح هنا..
لمياء من وراء قلبها/انا موافقه
زياد اتسعت ابتسامته/وافقتي على رفيقي؟اخيراً
لمياء بابتسامه تخفي وجع،وعيون لامعه/ما راح ارفض لك طلب وانت عمرك ما رفضت لي طلب.. وانت اللي اقنعت ابوي يرسلني بعثه.. وكنت دووم معي وماتركتني… انا اذا وصلت للي انا فيه من نجاح.. فهو بعد الله منك.. انت أخ صعب اي بنت تحصل مثله..
زياد تأثر بهالكلام/انتي شايفتني ملاك يعني
لمياء وهي تدمع بابتسامه/مو كذا يا خوي.. لو تطلب افديك ما راح اقصر.. وش عاد لو طلبت مني اتزوج صديقك
زياد كبرت في عينه ولكنه عصب/لا تفكرين اني متكرم عليك بوقفاتي معك.. انا اخوك ولازم اسوي كل اللي سويته.. واذا انتي ناويه تتزوجين صديقي علشان خاطري.. فأنتي غلطانه يا لمياء.. مابيك تعيشين تعيسه علشان حضرتي انبسط وكلمتي ماتطيح عند رفيقي
لمياء انبسطت/شقصدك
زياد/يعني وانا اخوك.. ماراح تتزوجين الا الشخص اللي توافقين عليه بكامل إرادتك.. بدون اي ضغط..
لمياء اتسعت ابتسامتها/أحبك
زياد ابتسم وسكت وهو يشرب قهوته..
لمياء/طيب وانت؟
زياد/انا وش فيني
لمياء/متى بتتزوج
زياد تنهد وهو يحس بضياع/اللحين مابي اي ارتباط بأي بنت.. اخاف اظلم بنات الناس ..قلبي للحين يحمل مشاعر للوجين.. ادعي ربك اني اطيب منها بس
لمياء/دااامك فهمت انها مو لك.. خلاص كل شي بيكون ممتاز..
سكت زياد وهو يتخيل أولاد لوجين… وقلبه ينفطر..
،
،
،
،
،
،
،
،
،
مرت شهور طويله ع الاحداث السابقه..
مرت على الابطال ايام هاديه وايام صعبه.. وايام كانت عاصفه..
،

الجنوب*

كانت ليله عصيبه ..والولاده بالبيت.. .تعالت صرخاتها و زادات شهقاتها.. أوشكت على الموت.. بدون اي مساعده.. غير ممرضه جابها لها زوجها بفلوس ..
ولدت وخلصت.. الممرضه طلعت بعدما خلصت.. وداها السايق ..
عمر اخذ الولد من عندها وهو طالع..
فاتن بدموع غزيره/وين بتوديه
عمر/مالك دخل..
فاتن وهي تخنقها العبره/ابي اضمه بس ضمه وحده..
عمر طلع بسرعه وهو يناظر بساعته.. الناس تصلي صلاة الفجر نزل الطفل عند باب المسجد من داخل وهو يداريه عن البرد ودخل يصلي ..
خلصوا الناس الصلاة… وطلعوا… وهو ينتظر شوي.. وسمع اصواتهم يتكلمون عن الطفل ويتحسبون..
جاهم عمر وهو يسمع وش يقولون.. وكل واحد يقول من بياخذه..
عمر بدون تردد/يا جماعه انا بتكفل فيه وباخذه
الكل عبر عن امتنانه وشكره/مااقصررت.. مااقصررت
عمر اخذه وهو يلفه ويضمه لصدره عن البرد وكان الطفل يبكي.. وفيه مسافه دون البيت.. قرر يأذن بأذنه.. وقف وأذن بأذنه اليمين واقام باليسار.. وحس براحه تجاه الطفل… وهو يهدأ بعدما سمع الأذآن وهمس له/مالك ذنب.. انت طاهر...
دخل على فاتن ولقاها منهاره من البكئ ومغطيه راسها بيدينها..
عُمر يحتقرها لكن له قلب يحس/اخذي عبدالله رضعيه
فاتن رفعت راسها وهي مستغربه بس فرررحت وهي تشوف ولدها معه
عمر مد عليها الولد/اخذيه رضعيه..
فاتن اخذته وضمته وشمته وهي تبكي/كنت عارفه انك ماراح ترميه
عمر/الذنب ذنبك ،هو ماله ذنب… ليش ارميه؟..
جلس عمر يحكي لها اللي سواه… وفهمها ..
فاتن تناظر ولدها بحزن/
عمر/يعني هالولد لقيييط.. فااهمه.. لاقينه اند المسجد واخذناه نكسب اجره.. كل هذا علشان استرك وما احرمك من ولدك.. ولا احرم هالطفل البريء من امه.. شعور اليتم أليم....
وانا ماني وكيل الله في عباده علشان اقتلك او احكم عليك.. اللي قدرت عليه اني استرك وما افضح اهلك واربي هاللقيط.. واكسب اجره.. والا انتي.. ماني طايق اشوف وجهك..
فاتن مالامته على كرهه لها.. لكنها احترمته وكبر بعينها وحبته بعد ..اللي سواه عمر معها مسسستححيل احد يسويه.. الا واحد كريم اصل ويقدر يعفي عن الناس..!!
،
،
،
،
،
،
يوم جديد*
هنادي لاحظت جابر تغير بعدما سكر جواله/جابر وش فيك
جابر خاف من ماضيه الحقير اللي يطارده رغم انه صار مستقيم وودع كل شيء سيء/مافيه شي
هنادي/بس لونك تغير.. متأكد انك بخير
جابر فز واقف/قلت لك لا.. لا تشغلين بالك.. قومي سوي قهوه ..جايني ضيف مهم
هنادي استغربت توتره/طيب
جابر طلع باتجاه المجالس..
هنادي ما ارتااحت.. حاسه ان جابر يخبي عنها شي.. راحت تسوي القهوه وبالها مشغول.. هي تعرف جابر اذا كان يخبي عنها شي "يوضح عليه بسرعه"
حطت فناجينها والقدوع بسرعه لأنها اصلاً جاهزه فضلت انها تتجه لقسم المجالس علشان توديه من قريب وتسمع بدال الجرس..
وقفت عند الممر ..وسمعت اصوات عاليه نوعاً ماً وانصدددمتتت!!!
،
… ..بصوت عالي/شووف يا جابر انت طلبت مني اقتل مشعل ولد عمك وانا نفذت هالشي ولكنه نجى بأعجوبه من الموت.. وقلت بتعطيني فلوس…وماعطيتني غير النص وانا اللحين اطالبك بباقي المبلغ.. والا ترى بيصير عند مشعل خبر
جابر وهو يحاول يسكته/حسين انت مجنوون.. اذا قلت لمشعل انت بتروح فيها بعد
حسين/انا كذا كذا رايح فيها… بس احسن لك تدفع لي الفلوس..
جابر وهو يحس بضيقة صدر/انتظر شوي بس لين ادبر لك المبلغ..
حسين/حالتي الماديه ماتسمح لي انتظر اكثر.. وانا اشوفك عايش بهالنعمه وتقولي انتظر شوي..
جابر بترجي/حسين خلاص اوعدك هالاسبوع ادبر لك المبلغ اصبر علي
حسين لاحظ جسم جابر نحيف وهو صاير غير عن قبل/خلاص.. بنتظر… هالاسبوع بس.. مافيه زياده
جابر / زين اسبوع وتجيك الفلوس.. بس لاعاد توريني وجهك
حسين بابتسامه/افااا ما عاد تبي تشوف وجهي يا جابر.. معليه.. نمشيها لك… بس وش فيك رايح وطي ونااحف كذا.. صاير عود
جابر توتر اكثر من كلامه/انا رايح اجيب لك القهوه مع انك منت كفو قهوه..
،
،
هنادي تجمدت مكانها والقهوه بيدها.. كانت مرعوووبه من اللي سمعته ،جابر حاول يقتل ابن عمه".. هذي جريمه بحد ذاتها..
جابر تفاجأ بها واقفه عند باب المجالس من داخل و القهوه بيدها، والدمع ينهمر من عيونها/هنادي!!
هنادي عطته القهوه وتركته ودخلت تركض وكأنها تهرب منه/..
جابر فهم انها سمعت كل شي.. ترك القهوه ولحقها وطنش حسين/هنااادي… لحظه.. هنااادي
هنادي تجاهلت صوته وهربت لغرفتها وحاولت بسرعه انها تقفلها ولكن جابر كان اسرع منها وفتحه/هناادي
هنادي شافته دخل ودفته بصراخ/براااا.. اطلع براا… تخيلت انك ممكن تتوب وتتطهر من ذنوبك.
جابر ودمعته تنزل/هنادي تكفين لا تسوين فيني كذا ورب الكعبه انا تاايب… وهاللي يتكلم عنه حسين انا مالي ذنب فيه…
هنادي/انت انسان حقير ..ومستحيل تتغير
جابر/اسمعيني ..قبل تحكمين علي
هنادي سدت اذانيها وغمضت عيونها وهي تصرخ بوجهه/ما ابغى اسمع صووتك .اطلع برررااا
جابر سكر فمها بيده علشان تسمعه/اسمعيني
هنادي وهي تهمهم تبي تبعد يده وماقدرت تناظر فيه بنظرات ناريه/…
جابر وهو ساد فمها/حسين هذا، اخوي علي متفق معه يقتل مشعل ..بسبب مشاكل شخصيه بينهم.. هو يتعامل معي فقط للماده انا ما استأجرت احد يقتل احد.. وما عندي اعداء فهمتي علي هنادي
ابعد يده عن فمها*
هنادي ماصدقته وعطته مقفاها/مفكر اني بصدقك هااه!!
جابر حاول ما يبكي ولكن العبره تخنقه/انا ما اكذب عليك بهاللحظه ..بما اني بين الحياة والموت ما اقدر اكذب
هنادي استغربت البكاء بهاللحظه والتفتت عليه ماتحب شكله وهو يبكي، بس ماتعاطفت معه.. عمرها ما حبته.. زواجها منه كان رغم ارادتها/
جابر حس بارهاق ودوخه وجلس وهو يضغط على جبينه بيده ويفتح ازارير ثوبه من فوق ،يحاول يتنفس/..
هنادي لاحظت ظهر كفه اخضر ووارم..!! وفيه جروح، لاشعورياً اتجهت له وهي ترحمه/جابر وش فيك؟
جابر وهو يبعدها عنه/مافيني شي،ابعدي
هنادي مدت يدها تبي تلمس جرح يده من اثر الابره/هذا من وشو.. انت..
جابر قاطعها سحب يده قبل يدها تلمسه/ابعدي عني، لاتلمسين الجرح
هنادي استغربت منه هالتصرف وتصرفاته الغريبه طوول الشهوور الماضيه،لدرجة انه ما حاول يلمسها ولا يقرب منها مع ذلك يمووت عليها ويدلعها ويفاجأها بكل شي تحبه/انت شفيك
جابر خاف وتردد/ولا شي
هنادي والحيره بتقتلها/قبل كننت تموووت من شوقك وتلمس يدي ..اللحين لك شهور تتحاشاني وش اللي صاار؟..
جابر بصوت فيه بحة ألم/ما صار شي غير ان حبي لك.. يخليني اصبر نفسي وما ألمسك
هنادي استغربت/بالله.. هذي فلسفه جديده في الحب؟ والا انت مليت؟!!
جابر نزلت دموعه اللي معاد يقدر يحبسها اذا شاف هنادي قباله وما يلمسها نفس قبل/عمري ما اضعفني مخلوق ونزلت له دموعي غيرك!! وانتي تقولين "مليت"!!
هنادي رحمته.. باين في نبرته الصدق/..
جابر بتنهيدة/احسك طلعتي بحياتي رحمه من رب العالمين..انا كنت بغفله… وربي سخرك لي… زواجي منك وصبرك علي واصرارك على تغييري وتوبتي ورضا أبوي علي وكل شي حلو صار لي بعد زواجي منك..
هنادي اعجبها اعترافه بهالإيجابيات ولكن بقلبها سؤال محيرها" ليش هاجرها"..لكن مستحيييل تسأله هالسؤال والا حتى تلمح له/..
جابر ابتسم لها/كل شي مستعد اخسره الا انتي.. ليتني اقدر اضمك لاحضاني..مثل اي واحد يضم حبيبته
هنادي استغربت والتفتت عليه/اذا بتعترف لمشعل انك حاولت تقتل وتستسمح منه.. ساعتها اقدر احتفل فيك وافتخر واضمك طول العمر
جابر/موضوع مشعل مفروغ منه وراح اعتذر منه واطلب منه يسلمني للشرطه لو يبي وبقنع علي انه يتوب..مشعل ولد عمي الرجل الشهم.. ما يستاهل الا الطيب.. لكن اخوي نغزه الشيطان وانا بعد ما قصرت ساعدته بدل ما أوقفه عند حدّه..
هنادي للحين مافهمت هالتغير،لكن اكيد فرحانه به/ ..
جابر بعد سكوت دام دقايق/احيان الانسان ما يعرف قيمة الحياه لين تفارقه
هنادي خافت من هالجمله/شقصدك
جابر وهو يحاول يوقف/انا مرضت وطلب مني الدكتور اسوي تحاليل واكتشفت انه طلع عندي الإيدز..
هنادي خافت ورحمته بنفس الوقت، وفهمت هجره لها طوول هالشهور/ايدزز!!
جابر/لا تخافين حبيبتي وقت مالمستك ماكنت مصاب.. لكن الشغاله اللي نقلته لي كانت تعرف سايق الجيران ومسويه معه علاقه.. ونقل لها الايدز… وربي عاقبني وسويت معها علاقه وهذا انا مصاب بالايدز.. هذا عقابي بالدنيا.. عسى ربي يغفر لي بالاخره..
هنادي خنقتها العبره وهي تسمعه بدون تعلّق/..
نزلت دموعه مره ثانيه وهو يتبسم/انا مرتاح ان ربي عاقبني بالدنيا.. تخفيف ورحمه.. ادعيلي انتي تكفين
هنادي هنا رحمته وهو يحاول ما يلمسها علشان ما يعديها، اتجهت له وضمته بقوه وبسكات/…
جابر كان محتااج هالحضن من زماان ولكن حاول يبعدها/هنادي مايصير
هنادي ضمته اكثر وهي تخنقها العبره/ياغبي الحضن مايعدي..
جابر ابتسم من كلامها وضمها براحه/انا اسسف يا هنادي اسف على كل ضيقه وجرح سببته لك.
هنادي وهي تضمه اكثر/مسموح ياجابر مسموح..



/
/
/
كندا* *
حادث عنيف في ليله ثلجيه عاصفه..
صراخ ام تبكي ..وهي تشوف زوجها ميت قدامها،يبدون عائله كنديه.. وتنادي /بنتيييي
لحظات و وصلت الاسعافات والشرطه واحاطت بالمكان…
،
،
،
،
،
،
صباح احد الأيام..
صوت جرس الباب..
الجده كانت طالعه من المطبخ.. واتجهت للباب وفتحته واستغربت/نعم؟
الرجل/good morning.. Iam m,jo….
الجده قاطعته كعادتها/اسسكت ماني فاهمه منك حاجه
الرجل مافهم منها حاجه/
الجده/ي بناااات في رجاال اجنبي عند الباب ماني فاهمه ايش بيقول
اقبلت لمياء وهي تثبت حجابها/نعم سيدي
الرجل/انا المحامي جوناثان سميث.. محامي السيده اماندا كليبرسون..
لمياء تذكرت انها فاقده اخبارها من اسبوع.. وانشدت معه/نعم هي صديقتي… اين هي؟
المحامي/انا اسف ..صديقتك اماندا كليبرسون توفيت بحادث سير قبل اسبوع..
لمياء انهارت ويدها على فمها دليل الصدمه/ماااذاااااا؟!!!
المحامي/توفيت مع زوجها كريس كليبرسون.. وكانا قد كتبا وصيه قبل ذلك بشهرين بأنك انتي من سيرعى ابنتهما "ساره" اذا توفيا.. كما جرت العاده هنا.. وهذه هي الوصيه
"مد عليها ظرف بني كبير"
لمياء اخذته وهي تبكي وقرأت سطوره وتأثرت بكلام اماندا وامنياتها ان بنتها تتربى ع الاسلام/واين ساره الآن؟
المحامي/هي الآن في دار رعايه اجتماعيه.. لان اهل اماندا وكريس رفضا اخذها كونهما اعلنا اسلامهما.
الجده اتجهت للمياء ومسكتها تهديها/ايش اللي صار يا بنتي.. ليش بتبكي
لمياء ضمت الجده وبكت/..
المحامي/يجب ان تذهبي لتأخذي الفتاه او تتنازلي عنها لتربيها الملاجئ الحكوميه الكنديه..
الجده/يا بنتي الراااجل ده بيقول اييهه..
لمياء قررت بشكل سريع انها تاخذ البنت وتربيها هي تربيه اسلاميه مثلما تمنت اماندا/..بعدين اقولك يا جده..
،
،
،
،
،
،
،
،
،
،
،

السعوديه

كان واقف عند عزيز وبقلبه أسئله كثيره واجوبتها عند عزيز وبس.."مشعل"على قد ماهو قوي شخصيه ورجل اعمال ناجح وله هيبه وانسان ما يبين مشاعره.. الا انه يخبي داخله قلب موجوع تعب ينبض ألم.. واقف ويكلم عزيز بخاطره (طووولت حيييل يا عزيز… متى بتقوم وانا اخوك..تراني تعبت من مافيني،قلبي وحيد ومحد يفهم خاطري غيرك...امما تقوم معي والا تكفى خذني معك)
عزيز حرك اصابع يدينه وراسه واصدر انين خفييف وهو يتمتم بكلمات غير مفهومه
مشعل ابتسم بسعاااده/عمررر انت صحيييت.. . ماني مصددق.. عمررر
وطلع مشعل ررركض ينادي الدكتور…
كان جاي من الجهه الثاني جابر يبي يزور عزيز وبالمره يكلم مشعل ويعترف له..
وشاف مشعل طالع من غرفة عزيز مبسوط ومستعجل وينادي الطبيب. !!!

..

.
.
.
يتبع*

[قيثارة]

الله يعطيك الف عافية على الرواية

[beauty flower]

شكراااااااااااافيتامين سي جزاك الله خير علي تعبك وجهودك معنا

[فيتامين سي]

32))من متى والغصن يختار الطيور؟!

،

الليل… **
كان جالس وقام بعدما خلص كلامه وحط المسدس ع الطاوله قدام مشعل /هذا المسدس يا ولد عمي… انتقم من اللي ساعد على محاولة قتلك.. انا اعترفت لك بكل شي.. وبكل المشاكل اللي سببها لك اخوي علي..
مشعل كان يغلي لأنه عمره ما توقع ان عيال عمه يطلع منهم هالشيء مهما وصلت معهم الكراهيه،،كان مذهوول من حجم هالكراهيه!!
رفع ناظره له بنظرات ناريه واخذ المسدس و اتجه له،بسببه خربت حياته وانظلمت زوجته وافترقوا ،مسكه بياقة ثوبه ووضع المسدس برقبته/وش خلاك تعترف هالوقت؟ وش ناوي عليه؟ انطق
جابر وهو مستسلم له/تبت و ابي اتخلص من ذنوبي واريح بالي
مشعل وهو يشوف الحال الهزيل اللي عليها جابر /تغيرت وااجد يا جابر
جابر وهو يحس بخنقه/ماتغيرت ..هذا أنا لكن تايب
مشعل شك في حالته وفك ياقته/لا انت شكلك منت طبيعي جابر وش فيك وانا اخوك
جابر رفع راسه بعد هالكلمه من مشعل، وهو منقهر لظلمه له طول السنين/مشعل،انت تناديني اخوك بعد كل اللي سمعته مني اللحين!!
مشعل وهو شاك في حالته الصحيه/عفى الله عما سلف يا رجل.. انت ولد عمي والدم عمره مايصير ماء..ماراح اخليك مسخره قدام خلق الله دام انا صرت بخير وانت تبت لرب العالمين،لكن قول لي وش فيك ي جابر
جابر تنهد… ماقدر يقول له عن الايدز /مشعل انا ربي عاقبني بالدنيا قبل الآخره.. انا عندي "كانسر"..
مشعل انصدم ورحمه/وشو..!! الله يشفيك.. شد حيلك ياخوي واذا انت محتاج شي قولي
جابر باسه على راسه/انا مابي شي.. مابي منك غير تسامحني وبس.. وتدعيلي ربي يتوب علي
مشعل تعاطف معه وربت على كتفه/انا مسامحك دنيا وآخره.. عمي عنده خبر بمرضك؟
جابر هز راسه بالنفي/لا مابي اقوله.. بعدما صار متعلق في والامور صلحت بيننا..عسى ربي يقدرني واسعده قبل اموت
مشعل رحم حاله/الله يكون بعونك يا جابر..
جابر/مشعل.. ماقلت لي شلون عزيز، بشرني عن صحته
مشعل/فاق من غيبوبته ولله الحمد ..استرخى ورجع ينام.. مابعد تكلمت معه مجرد اني قعدت معه ربع ساعه ورجع ينام.. كان يحس بدوخه
جابر/الله يقومه بالسلامه.. عزيز رجال ونعم فيه.. ينحط ع الجرح ويبرى.. خلك معه دوم
مشعل ابتسم بوجهه/شرايك تعزمني ببيتكم ع قهوه.. من زمان عن عمي وعن سوالفك
جابر بابتسامه صادقه/حياك الله البيت بيتك..
/
/
/
/
/
/
/
/
/
واقفه عند بنتها بغرفتها وهي تُصِر عليها/اسسمعيني زين ولا ترفعين ضغطي بهالتكشيره ..ابيك تكشخين اللحين لازم تنزلين بعد نص ساعه تحت.خالد تووه واصل من لندن..وجاي مع خالتك يبي يشوفك،
زينه/يمه انا مابي اتزوج خالد.. افهموني
ام مشعل بإصرار/والله عااد الملكه صارت.. وانتي اللحين حلاله.. ماطلناه كثير.. اخلصي بسرعه ولا تكثرين حكي فاضي
زينه جلست وماقدرت تمنع نفسها من البكاء/يمماااه مابيه
ام مشعل بصراخ/لا تجننيني هذا ولد اختي مب حي الله، تجهزي له بس..
طلعت ام مشعل وتركت وراها بنتها تبكي قهر....
زينه وقفت قدام المرايه،تبي تحاول تجهز نفسها لكن ماقدرت.. كانت يدينها ترجف ماتبيه.حاولت تحرك يدها علشان تسوي شي.. لكنها نفسها مسدوده..
دخلت مشاعل بهاللحظات واستغربت انها للحين ماجهزت/زينه حبيبتي ليش للحين ماخلصتي؟
زينه جالسه ع كرسيها قدام المرايه وساكته وماترد عليها/..
مشاعل/خطيبك تحت.. يبي يشوفك..
زينه كانت ساكته ومو مستوعبه انه خلاص اقترانها بخالد صار شي واقع!!
مشاعل شافتها سرحانه وقرّبت منها و ربتت على كتفها/زينه
زينه استوعبت والتفتت عليها/همم
مشاعل بابتسامه/نحول تحت ينتظرك يا زينه
زينه قامت بهيئتها العاديه بدون أي رتوش.. لبسها كان بنجابي كعادتها التوب تفاحي والبنطلون فوشي وشال ازرق!! ،وشعرها كان مسدول بشكله الطبيعي وجه خالي من اي رتوش...
مشاعل مسكتها قبل تطلع/ززينه وين رايحه بدون تتزينين
زينه بفقدان امل/خلاص.. الكتاب انكتب.. و قبل يتزوجني بدون النظره الشرعيه.. يعني بيقبلني بأي شكل من الاشكال
مشاعل استغربت منطقها/بلا غباء
رن جوال زينه وكانت أمها وردت عليها/هلا يمه… ايه جاهزه انا نازله اللحين…
سكرت الجوال وطلعت ..
مشاعل تذكرت نفسها يوم عرفت ان اللي خاطبها بو مشعل مو مشعل ..حست بنيران تشتعل بصدرها ،طلعت بضيق..
،
،
،
كانت أمها جالسه وبحضور خالتها.. والخطيب العتيد "خالد"
ام خالد/كأن زينه تأخرت.. ؟
ام مشعل وهي تسب بنتها بداخلها/شوي وجايه.. يعني تعرفين البنات لازم ياخذون وقت وهم يتكشخون
خالد جالس ينتظر بلا مبالاه.. يناظر ساعته كل شوي بتملل...
ام خالد رفعت راسها وهي تسمع خطوات ع الدرج.. وتفاجأت بها/زينه!!
ام مشعل عصبت من تصرف بنتها وتوعدت فيها بداخلها/..
خالد نزل الجوال من يده ووقف لها وهو معجبه تصرفها، وهي تنزل له بدون تتزين له، حس ان الموضوع في إن/
زينه بثقه عاليه/السلام عليكم
الكل/وعليكم السلام
ام خالد/ماشاء الله كبرتي يا زينه
زينه/هذي الطبيعه الناس تكبر ي خاله ماتصغر
ام خالد/هههه اجل نخليك انا وامك شوي رايحين نتقهوى بالبلكونه..
ام مشعل/يلا ام خالد
راحوا وتركوهم.. ،
زينه عصبت وهي تشوفهم تاركينها معه ناظرته بقرف وصدت تبي تمشي/..
خالد وهو يناظرها بنظرات عاديه وهو رافع حاجب مسك يدها/ووين ويين يا عسل
زينه سحبت يدها منه/فك يدي.. من متى المعرفه علشان تمسكني
خالد/انا متملك عليك.. شفيك متنرفزه كذا، اقعدي خلينا نتعرف ع بعض اكثر.. زواجنا قرّب حاب اعرف وين تبين نسافر وش تحبين وماتحبين.. وش احب وما احب
زينه خنقتها العبره ولمعت عينها وصدت عنه/..
خالد لاحظها مو طايقته وابتسم/انتي فيك شي،قولي، مو تجين بعد الزواج و..
زينه قاطعته/انا ما اعرفك علشان اكرهك او احبك.. انا بس ماني مرتاحه ومابي اتزوجك هذا رأيي واظن من حقي اني اقبل أو ارفض
خالد ابتسم بخبث/بس انا حاب اتزوجك،من وين الواحد يلاقي هالايام وحده بسيطه وبنت يثق فيها في بيته.
زينه قهرتها كلمة "بسيطه" من نبرته باين مستسهلها/واضح ان عندك مشكلة ثقه.
خالد/ما اخفيك انا عندي خبره و علاقات واعرف البنت من نظره وحده.. اعرف اذا هي خبيثه او نقيه
زينه انقهرت و رفعت ناظرها بوجهه/اخبثهم يبحث عن اطهرهن ..ما يجتمع المتضادين ابد يا خالد
خالد عقد حواجبه/الزمي حدودك
زينه وهي تناظره باحتقار/يعني تلعب بأعراض الناس طول عمرك ووقت الزواج ماتبي غير وحده ماحد لمسها قبلك..!! هذا مو عدل، ياخي اطلب شي من مستواك
قامت زينه بنرفزه ومشت.. *
خالد قام ومسكها من ذراعها/هييي وش قصدك؟
زينه وهي تناظره بقرف/يعني نجوم السماء اقرب لك مني.
سحبت يدها منه ومشت بسرعه.. وهي تكتم بكيتها..
،
خالد جلس وهو يفكر بكلامها وحاس بالاهانه و انه انداس له على طرف( بوريك يا زينه.. ان ماخليتك تتمنيني اتزوجك ماكون خالد)
/
/
/
/
/
/
كندا*
بالسياره.. كانوا راجعين من دار الرعايه الاجتماعيه..
زياد بعدم اقتناع/اللحين قولي لي انتي ليش قبلتي تربين هالبنت
لمياء وهي تحتضن البنت بحضنها وتتبسم بدمعه/لو رفيقك وثق فيك ووصاك على ولده بتخليه بالشارع وبتمشي
زياد/لمياء انا خايف عليك.. اخاف تنسين نفسك معها وتهملين نفسك.. اعرفك انا
لمياء/بالعكس بتكون دافع قوي.. ربي بيوفقني اذا انا احسنت تربية هاليتيمه.. مستحيل اخذل أماندا الله يرحمها
زياد وهو يناظر بالبنوته بابتسامه/شقراء بس عيونها تحسينها عسليه على اسود
لمياء باست البنوته/هذا احسن شي ههههه نسخة أمها سبحان الله
زياد/اللي سويتيه وانا اخوك كبير.. اسلم على يدك نفس وبتربين يتيمه ..الله يوفقك..انا اعتبريني ابوها
لمياء وهي تناظره بنص عين/لا عزيزي انت خالها ..انت راح تتزوج و يجونك اولاد
زياد/هههه وانتي مو ناويه تتزوجين يعني
لمياء بابتسامه باهته/زياد سووق وانت ساااكت
زياد/ايه صرفيني ههههههه
/
/
/
/
/
/

في جلسة تصوير خاصه..
جالسه لوجين وتعدل اولادها مع المصوره..كانت لابسه فستان ابيض قصير بدون اكمام ومصففه شعرها طبيعي ومن تحت مموج ..كان صاير طووويل حييل لين اسفل ظهرها وكثيف،ناويه تقصه بس بعدما تصور مع عيالها..
المصوره تعبت وهي تحاول تلتقط لهم صوره.. بس حركاتهم سريعه وخاصه نايف يحرك يدينه ورجلينه ويخرب كل شي.. صورت مع كل واحد لوحده بحضنها.. وبعدها صوره جماعيه هي واطفالها..
هدى وهي تحاول تعدل وضعيات الاطفال/هههه كيف بنثبت هالولد
وئام وهي تجلّس بنتها جنبها/أنا برأيي تنتظرون لين ينام ميشو لانه حركي
لوجين وهي تحمله وتحضنه/هذا ناايف مب ميشو.. هههه للحين ماتعرفين تفرقين بينهم
وئام ناظرتهم وهي محتاره/كيف اعرف افرق بينهم نسخة بعض ههههه الحمدلله ان ايمي غير عنهم
هدى ببتسامه/ابداً اللي كثير حركه ومزعج نايف واللي هادي و رزين مشعل
وئام/ههههه الله يعينكم عليه هالنايف،بيطلع عيونكم..
لوجين/الله يعين
وئام وهي تدقق في ملامحهم/الأولاد حييل يشبهون ابوهم صح؟
لوجين التفتت عليها مستغربه كيف عرفت/!!
وئام وهي تغمز لها بابتسامه/لا تنسين اني قد شفته انا وياكِ في الحديقه
لوجين تذكرت هذيك اللحظه وهذاك اليوم وحاولت تناساه وناظرت بنايف اللي بين يدينها وهي تشوف بعيونه مشعل نفس رسمة العين و الحواجب طبعت بوسه على عيونه وهمست له/احبك
كملوا جلسة التصوير بعد تعب..وانتهوا منها..
/
/
/
/
/
،،،
المستشفى*
عزيز كان مندهش من طول الفتره اللي غاب فيها عن الوعي وهو مو مصدق ان مشعل واقف قدامه بكامل صحته وعافيته،عزيز بصوت يرجف/مشعل انت كنت بين الحياة والموت ..نزفت كثير ،الحمدلله اللي نجاك
مشعل بابتسامه/والحمدلله اللي رجعك لنا، يا شيخ فوق السنه وانت ناايم ههههه
عزيز وهو توه يتذكرها،وكأنه يحاول يسترجع ذكرياته/لوجين زوجتك ..وش صار عليها؟ رحت لها؟،كلمتها؟ وش جابت انا كنت اذكر انها كانت حامل
مشعل تذكر بألم/لوجين بخير لا تخاف
عزيز ابتسم/كنت حااس انها بريئه و انك بتروح ترجعها
مشعل قاطعه/انا ولوجين افترقنا من زمان
عزيز انصدم، وخاف يكون السبب/ليشش؟ ..مشعل انت ماشفتها وقت ما وديتها المطار.. ماكانت تبي تتركك وتسافر الا لمن ألحيت وأصريت عليها.كنت خايف عمي يتهور ويقتلها بنفسه..وقتها بلغتني اني اقولك انها بتنتظرك لآخر العمر.. وانها ماكانت تبي تتركك وانت بهالحاله..
مشعل يحترق قلبه من طاريها لكن ما بيده حيله/اللي صار صار يا عزيز وانتهينا
عزيز/طيب للحين ما قلت لي وش جابت
مشعل بضيق/ما ادري
عزيز استغرب اكثر/وشووو.. شلون ماتدري
مشعل/لوجين في كندا حالياً ..واللي ماتعرفه انت ان ابوي بعدما اعطيته توكيل طلقها مني غيابي بدوون علمي ..وبعدها صار كل شي بسرعه و ضدي..و انتهينا..
عزيز حزّن من اللي صار/يعني ماتدري اذا جالك بنت أو ولد
مشعل بابتسامه باهته/لا ..لا تتضايق علشاني
عزيز سكت وهو حزين على حاله/..
مشعل حاول يغير جوه/يلا اليوم بنطلع… ورانا شغل واجد ..ايهه و نسيت اقولك زينه انخطبت وقريب زواجها
عزيز رفع راسه وناظره مو مصدق هالخبر/زينه بتتزوج!!
مشعل استغرب نبرته/ايه
عزيز امتلت عيونه دموع ورفع راسه مايبيها تنزل وينفضح قدام مشعل/انا ابي اروح الحمام..
مشعل وهو طالع/خذ راحتك، انا رايح اجهز اوراق خروجك
عزيز نزل من سريره واتجه لدورة المياه وسكرها.. وبكى براحه وصار يشهق وهو يحاول يسكت نفسه سكر فمه بيديه يحاول يسكت وما قدر حس بدوخه ورش على وجهه مويه.. راسه ماتحمل وهو توه صاحي من غيبوبه..
/
/
/
/
/
/
بالليل.. *
على سفرة العشاء
الجده وهي متأثره/ يا حبيبتي يا لمياء.. انتي كبرتي بعيني والله.. مع اني قبل كنت احسبك مثل روبي
روبين جاها احباط/وانا ايش بيا يا ستي؟!!
لمياء حاولت تكتم ضحكتها وما قدرت/هههههه
روبين مدت بوزها/شايفه يا ستي فرحتي العذال
الجده/انتي كذا ماراح تتغيرين.. حابه لو مره تسوين شي كويس من راسك مو انا اللي قلتلك سويه
لمياء/يا ستي روبي مجتهده في دراستها كثر خيرها
الجده/ايوه بس لو ما انتي معاها كان ايش راح تسوي.. لازم احد معاها يوريها الصح والغلط..
روبين اخذت على خاطرها بس ما بينت.. (معقوله انا كذا مالي شخصيه؟!!..)
الجده وهي،تلتفت على لمياء/شوفي يا بنتي انا راح اهتم في بنتك قد مافيني…انا اغلب وقتي جالسه وانتم دايما تدرسوا ومشغولين عني
لمياء فرررحت/اكيد يا جده ما استغني عنك.. ربي يجزاك كل خير..
روبين قامت وهي متضايقه وشايله صحنها معها/الحمدلله..
الجده/بدري..
روبين/معليش يا ستي شبعت.. وورايا مذاكره..
راحت روبين.. وتركتهم
لمياء التفتت على الجده بابتسامه صغيره/جده ما كأنك قسيتي عليها وكثرتي عتب
الجده/هههههههه لا تخافي عليها.. تعبت وانا اقول لها.. روبي تنسى بسرعه
لمياء/قولتك كذا
الجده/هههه ايوه لا تشيلي هم..
رن الجرس..
لمياء/من جاينا هالوقت
الجده بابتسامه/هذا مراد ابن فاديه.. قالت بترسل لنا لبنيه مكاويّه
لمياء/ي سلام حلويات شعبيه
الجده وهي قايمه/ايوه.. انا رايحه اشوفو.

،
،
،
،
،
بغرفتها، فكت شعرها من الربطه وتحط كريم مرطب بيدها وتستعد تنام لابسه بجامه بنطلونها زهر وتيشرتها ابيض وفي نصه صورة الارنب"باكس باني" ،
جهزت مخدتها واسترخت شوي.. ناظرت الساعه بتملل/باااقي وووقت . خليني اذاكر شوي بدال هالكسل، الدروس اذا تراكمت علي صدعت راسي ورسبت..
استقعدت روبي واخذت كتابها وملازمها، هنا بدأت تتثاوب من جديد/هالنووم هذا غبي.. اذا كنت اذاكر يجي و ان رحت بالسرير طار ..
سمعت صوت المطر برا.. اخذت شالها واوراقها واتجهت للشباك وفتحته تبي تستمتع بالجو وهي تذاكر..من قوّة الهواء طارت أوراقها اللي كانت بيدها حاولت تمسكها قبل تروح لكنها كانت بتسقط وطاح شالها تحت،عصبت روبين وقررت تنزل تاخذ شالها.. لأن الاوراق راحت فيها من المطر..
نزلت و طلعت من باب المطبخ اقرب لها ..تبللت من المطر قبل توصل لشالها.. مستحيل تفرط فيه "هذا الشال من أمها"
سمعت صوت خطوات وبغت تموت من الرعب المكان ظلااام داامس.. طلعت جوالها من جيبها وحاولت تشغل النور منه ولكنه طاح منها وتبلل( اخخ قهر خرب فووني)
لحظات وحست احد يمسكها بقوه ويثبتها ويصرخ فيها/theeeeef
روبين صرخت/ااااااااااا Noooo
سكر فمها بيد وكأنه عرف صوتها، طلع جواله بيده الثانيه وشغله وكشف عليها/روبي.. انا امي ارسلتني لكم بغرض لجدتك وانا حسبتك حرامي.. ماكنت اقصد
روبين كانت مبلووله ع الآخر وترجف من البرد والرعبه، عرفته لكنها دفعته عنها وهي مستحيه من هالموقف ومتكشفه بعد..حست بضيييق لانه شافها متكشفه هربت منه ودخلت البيت بدون كلمه..
مراد ضل واقف وهو يطالع في مقفاها وهي رايحه شعرها المبلول وريحة عطرها اللي بالمكان سحرته فيها اكثر من قبل "شاف الشال مكانها نزل واخذه بسعاده ومشي..
/
/
/
/
،
يومين.. *
وصل ظرف كبير ابيض للبيت..
الشغّاله هي اللي فتحت الباب وكأنها كانت تنتظره.. تلفتت يمين ويسار.. واخذته للمطبخ وغلت مويه ومررته من فوقها تحاول تفتح الظرف بدون يبين عليه انه انفتح ..وفعلاً فتحت الظرف وتفرجت بسرعه ع الصور واخذت ثنتين منها ع السريع ..وخبتها ورجعت الظرف مثلما كان..
،
،

[فيتامين سي]

،
،

من جهتها ، لمياء كانت مو مرتاحه من فتره وتفكر بالكلام اللي قالته للكادي.. رحمة مشعل مهما كان (هالعقاب قاسي..انا عارفه لوجين غرورها بيتعبها.. وهو رجل صاحب مبدأ مستحيل يخلف وعده لها.. لكن مسألة الاولاد حرام تنتخبى عنه…. كيف أوصل لمشعل… من جد شغله صعبه.. ضميري مو مرتاح لين اصلح اللي سويته)..
رن جوالها وردت بعد كذا رنه/هلا روبي… انا مابعد رحت للحين انتظرك عند المكان ..طيييب،
مراد وقف قريب من كراسيهم وكان متعمد لمياء تشوفه.. شغل الدباب وانتظر شوي ومشي/…
لمياء انتبهت له و عطول تذكرت عُمر وتنهدت، لكن لفت نظرها الشال اللي لافه حول عنقه( منيين حصل عليه.. شال روبي مسويته خالتي ام روبي لها..!!… معقووله روبي تسوي شي من وراايا ؟!!!)
اقبلت روبين وهي مستعجله/اتأخرت عليك لمو
لمياء وهي تخزها/لا ..تأخرتي ع الحبيب
روبين ببرائه/ههههه طيب خيرها بغيرها اقابله بعدين
لمياء توسعت عيونها/ياااماااا تحت السواهي دواااهي
روبين تمازحها وماتدري بالسالفه/المهم جدتي لا تعرف بموضوع الحبيب حقي… امشي خلينا هالمره نركب باص
لمياء راحت تركب معها وهي مصدومه منها/…
،
،
،
،
،
،
نرجع للسعوديه**
الليله الكل طالع معزوم في بيت احد اعيان القريه.. ومحد فيه غير "زينه" جالسه بالبيت هي تكره العزايم الرسميه الممله .. جالسه بالصاله و تشوف فيلم كوميدي لعبله كامل.. تعشق هالممثله.. روحها تنحب..
سمعت صوت الجرس يرن واستغربت اهلها مالهم غير ربع ساعه من راحوا مايمديهم يرجعون..
نادت الشغاله تفتحه/يا عايشاااا روحي افتحي الباااب
الشغاله/تيب تيييب
،
بعد لحظات ..
زينه/مين عند الباب ي عايشاا
خالد من وراها/هذا أنا..
زينه ألتفتت ووقفت وهي مستنكره وجوده هنا/نعم !! وش جابك ببيت مافيه احد
خالد وهو يقرّب منها/زوجتي هنا وهذا يكفيني
زينه/زوجتك تلقاها بلندن مو هنا.. استحاااله اقبل بواحد يفتخر انه متعدد علاقات وله خبره بعد.. ياااع
خالد ابتسم بخبث وهو مازال يقرب منها/اذا صرتي صاحبة علاقات قبل الزواج بتتزوجيني غصب
زينه خافت من كلامه وهي تبعد عنه/حقييير.. اطلع برااااا
خالد قرب منها وقرب يلمسها/راح اكسر غرورك اللحين وبعدها بشوف شلون تفتخرين بنفسك قدامي
زينه ابعد عنه اكثر واتجهت للباب الجانبي/واطي وتفكيرك واطي وزباله
خالد وهو يلاحقها/هههههه محد هنا ينقذك مني الليله..
زينه راحت لمكان باب ما يعرفه خالد..وتنادي/الحقوووونييي.. عااايششاااا نادي عظيم الدين بسرررعه
عايشا سمعتها وجات ركض لكن خالد ضربها وطاحت/..
زينه فتحت الباب وطلعت تنادي بصراخ وبكى/عظييييييم تعاااال
خالد لحقها ووقف يناظر فيها/وبعدين معك. ما يأستي.. ترى بتموتين من البرد
زينه ضعفت وبهالظلام ووحيده/اهون علي اموت ولا تلمسني يا قذر
،
،
من جهه ثانيه في الملحق.. سمع صوتها تتكلم وتبكي ظن انه يحلم.. هذا صوتها الحزين اللي يذوبه.. تذكر ضحتها البرييه وكيف كانوا يلعبون سوى وهم صغار.. ماكان يفكر فيها بأي شي كانت تجمعهم البراءه والشقاوه..
طلع برا يشوف وش صاير ..
شاف شيء اشبه بالخيال.. هذي زينه . صحيح من زماااان ما شافها بس يعرفها ..لكن من هذا اللي يسحبها معها بهالطريقه "شكلي احلم بكابوس او الغيبوبه اثرت في راسي.. غمض عيونه.. وسمع صرختها..
ماقدر يوقف مكانه. اتجه لها ركض و بيده اقوى لكمه بوجه خالد وضرب متواصل/ي حيوان وش جايبك لهالبيت
زينه وقفت مو مصدقه ان هذا "عزيز"..صاير انحف من قبل!
عزيز ألتفت عليها وهو يتفقدها وسحبها ودخلها داخل/زينه سوالك شي هالواطي
زينه هزت راسها بالنفي وعينها عليه/لأ.. بس كان بيسوي لولاك
عزيز تذكر نفسه و صد بوجهه عنها وعطاها قفاه/هالحرامي من وين دخل؟
زينه قلبها يحس براحه دام عزيز جنبها وطيب وبخير/هذا اللي يبي يتزوجني ي عزيز
عزيز بنفاذ اعصاب/وشووو.. هالخبل هذاا.. ليش توافقين عليه.. هذا رخمه مب كفو.. اللي سواه فيك مايسويه رجل
زينه تستغل الفرصه بما انه معطيها قفاه وتناظر فيه/الحمدلله على سلامتك عزيز
عزيز بردت اعصابه من نبرة صوتها الهاديه بعد الصراخ/الله يسلمك [خجل من تواجده ]. انا طالع
زينه خافت/وش بتسوي في خالد
عزيز كان بيمشي ورجع/بتصرف فيه.. لا تشيلين همّه..بس بالله كيف بتتزوجينه هذا
زينه باصرار/افضل الموت على اني اتزوجه بعد اللي سواه الليله..
عزيز استانس/انا لازم اتصل في مشعل ..لازم يكون عنده خبر باللي صار عن اذنك
طلع وسكر الباب.. *
زينه نست اللي سواه خالد فيها.. وجلست تفكر بعزيز.. هذا كان اقرب شخص لها،لين تحجبت عنه بعد ثالث متوسط بحكم البيت الواحد تأخرت لحد ما تغطت منه…الليله بس ارتاحت.. شعور غريب خلاها تنسى هم كان جاثم على صدرها..
،
،
،
،
،
،
،
مشعل وهو يناطر خالد المربوط ع الارض باحتقار/عمررري ماتخيلتك بهالوساخه،شلون تتجرأ؟!!
خالد بوقاحه/زوجتي واجيها متى مابغيت
مشعل ماقدر يتحمل قلت ادبه/تفووه عليك انت لو حاس ان اللي سويته صح كان جيتها وحنا موجودين مو تنتظر لين يفضي البيت وتجيها مثل الحراميه، اسمع يابن الناس..مثل ما دخلنا بالمعروف نطلع بالمعروف..
خالد ناظره بتحدي/مو أنا اللي يغصبوني الناس اطلق زوجتي
مشعل حس ان هالكلام موجه له....فك رباط خالد ووقفه وضربه كف/انت اللحين بتطلق اختي غصصب عنك..
خالد/اقوول بس روح وراك.. زينه زوجتي ومحد له الحق يخليني اطلقها غصب
مشعل/ومن قال انها بتقبل فيك عقب اللي سويته
خالد/مب لازم تقبل فيني اهم شي اني زوجها،وباخذها معي وهي حماره بعد، القانون معي..
عزيز ماقدر يمسك نفسه هجم عليه ودمعه ينزل/كللللب.. لا تسبها يا وصخ..
خالد وهو يدافع عن نفسه ويضرب عزيز/ما استغرب بعد لو كان بينك وبينها علاقه.. انا ماني مغفل وافهمها وهي طايره.
عزيز جن جنونه وضربه بقوه/زينه اشرف واطهر منك،لا تحاول تلطخ سمعتها يا حيوااان
مشعل ابعد عزيز عن خالد/يا رجال اهدأ انت للحين تعبان
خالد تركهم وطلع مايبي كلام واجد…
عزيز وهو يتنفس بسرعه وكأنه كان يركض،تكلم بدون ما يحس/شوف يا مشعل.. هالآدمي ماراح يتزوج زينه الا اذا كنت انا ميت.. والله مايطولها وانا عايش والله
مشعل استغرب انفعاله وحاول يهديه/تعوذ من الشيطان
عزيز حاول يهدي.. وتذكر كلامه/اعوذ بالله من الشيطان
مشعل ابتسم وهو يشوف عزيز يتصدد عنه/وش صاير لك ي ولد
عزيز انحرج من نفسه/انا اسف يا مشعل بس انت عارف ان زينه…
مشعل قاطعه/تهمك لدرجة تنزل دموعك علشانها..؟!
عزيز ناظر فيه وصد ماقدر يرد/…
مشعل رفع حاجب ونزل الثاني وهدوء غاضب/ليه ي عزيز
عزيز خاف منه/أ..
مشعل قاطعه مره ثانيه/البنت قدامك طول السنين ليه ماخطبتها من زمان ياخي.. والا قلت لي اخطبها لك.
عزيز هنا انهد حيله/ي مشعل كيف الصبي يخطب بنت معزبه، انت عارف عمي
مشعل بابتسامه ماكره/اذا طلعت برا هالبيت واستقليت بنفسك وسويت اللي بقولك عليه ساعتها بيتغير الوضع..
عزيز/يعني انت موافق
مشعل/ي غبي انت بالنسبه لي ثقه يعني بزوجك اختي وانا مطمن… لكن بالاول انت سافر لجده باقرب رحله .. ثم انا بتصرف مع خالد وانقذ اختي منه..
عزيز/وش معنى جده؟
مشعل وهو يتذكر زوجة ابوه/حاب اني انقل الفرع الرئيسي للمؤسسه هناك وادير شغلي من هناك واخلي البقيه فروع لنا
عزيز/الظاهر صاير تطورات كبيره بغيابي
مشعل/كثييير… بعدين اقولك… يلا انا رايح لابوي.. سلام
عزيز براحه/سلام ياخوي..
/
/
/
/
/
/
/
/
في بيت ثاني بنفس هالمحافظه*
اصواتهم عاليه وهواشهم..!!
هنادي /انت غشاااش
جابر وهو يضحك/ماتعرفين تلعبين وتقولين غشاش سلامات
هنادي باحبااط/اصلاً اللعبه ما تنلعب كذا
جابر/اجل كيف يالذكيه..
هنادي وهي تخزه/انت تسرق الحبوب وانا ما احس
جابر/شلون اسرق وانتي تناظرين فيني.. هنادي بلا لعب بزران..
هنادي/طيب لا تتعدا الخط بالمضرب
جابر/ماتعديته
هنادي/شووف شووف تعديته
بو علي جاهم بعدما سمع اصواتهم ازعجته/وش فييكم.. كل هالازعاج والصراخ وانتم تلعبون "كيرم"
هنادي وهي تمد بوزها مثل الاطفال/عمو ..شوف جابر يغش
بو علي جلس ويناظر فيهم بابتسامه/افااا ي جااابر… عاد تغش في الكيرم…هههه
جابر/ابوي لا تصدقها هذي كذابه
هنادي شهقت/انت الكذاب
جابر/كذابه
هنادي/كذاب
بو علي صرخ/بسسسسسسسس.. عورتوا ررااسي.. اجل شلون اذا جونا بزارينكم
جابر سكت محروق قلبه من هالنقطه.. ضاق صدره بعد اتساعه/..
هنادي حست بوجعه وناظرت فيه بابتسامه علشان يبتسم/.
جابر ابتسم لعيونها اللي تفتح نفسه للحياه والتفت لأبوه/اسفين يبه.. ماقصدنا نزعجك.. تحمسنا باللعب شوي
هنادي قامت/ايوه يا عمو ..انا وجابر بنطلع نتمشى شوي بالحوش وبنرجع ننام.. انت ارتاح.
بو علي بابتسامه/الله يصلحكم بس.. تصبحون ع خير
الكل/وانت من اهله..
جابر اتجه لهنادي ومسك يدها وباسها/احبك
هنادي ابتسمت مجامله،وسكتت لانها ماتحبه،مجرد شفقه/اوكي نطلع نتمشى؟
جابر بابتسامه/يلا
/
/
/
/
/
/
/
/
اليوم الثاني
كندا* *
في احد مكتبات تورنتو..
لوجين تبحث عن كتاب يفيدها بمذاكرتها.. وتدوره بين الكتب..
لمياء ودها تفاتحها بالموضوع ومو عارفه/لوجين
لوجين وهي تفتح كتاب ضخم/نعم
لمياء/انا حاسه بالذنب يا لوجين
لوجين استغربت والتفتت عليها/ذنب!!
لمياء/لوجي حبيبتي انتي عارفه اني كذبت ع الكادي ومشعل.. مقدر اسامح نفسي..
لوجين يبعثرها طاريه ولكن تتماسك من برا لو هي من داخل ميته عليه/والله ع بالي عندك موضوع مهم
لمياء/وهو موضوع مهم بعد.. لوجين انتي لازم تتصلين في مشعل وتقولين له يجي حالاً..او ع الاقل تقولين له عن وجود عياله
لوجين يغيضها هالموضوع وتحاول تلهي نفسها بأي شي/الظاهر اليوم حرارتك مرتفعه،صايره تهذين
لمياء عصبت من برودها/لوجين اذا ما اتصلتي بمشعل راح ازعل منك
لوجين سكرت الكتاب اللي بيدها والتفتت عليها بعصبيه مكبوته/انتي انجنيتي تزعلين مني علشان هالـ..
لمياء قاطعتها/لا تسبين ابو عيالك.. ولا تنسين انك بيوم من الايام حبيتيه..
لوجين بضيق/غلطة عمري
لمياء/المهم ..اللي تسوينه بمشعل حرام مايجوز نخبي عنه خبر عياله.. . اتصلي فيه ولا تترددين.. طلعي اللحين رقمه
لوجين وهي تتخيل صورته تنهدت/رقمه مو معي.. كان مسجل بجوالي القديم
لمياء/طيب تعرفين رقم بيتهم؟
لوجين حاولت تتذكر/ايهه كان سهل الحفظ.
لمياء بحماس/طلعي جوالك و اتصلي بسرعه… اللحين عندهم المغرب
لوجين بعد تردد طلعت جوالها/اوكي.. ولو اني اشوف انها صعبه علي..
لمياء ربتت على كتفها/حاولي علشاني..
لوجين دقت الرقم وانتظرت احد يرد…
لحظات وردت مشاعل/هلا
لوجين استغربت الصوت/السلام عليكم
مشاعل بالجوال/وعليكم السلام..
لوجين/مين انتي؟
مشاعل/اظن انتي المتصله ،انتي اللي مين
لوجين/انا لوجين..
مشاعل سكتت شوي،تغااار من طاريها وكلام زينه عن حب مشعل لها/…
لوجين وهي شاكه/الووه فينك مين انتي ..
مشاعل بصوت وااثق/انا زوجة مشعل الجديده
لوجين انصدمت/ايشش؟!.. انتي كذابه
مشاعل بمكر/وليش اكذب ..اذا حابه اعطيك ام مشعل تقولك او اتصلي بمشعل بعد..
لوجين بدأ تنفسها يضطرب وسكرت الجوال وطلعت من المكتبه وهي تكتم بكيتها...انصدمت صدمة عمرها.. ماكانت ابداً تتوقع ان مشعل يبدلها بوحده ثانيه.. والا علشان عرف انه مافيه عيب ويقدر ينجب تزوج غيرها.. كانت تبي تبكي بس تبي مكان يصد عن الناس وتبكي فيه براحتها
لمياء لحقتها ويادووب مسكتها/لووجييين.. وقفي ..لوووجي
لوجين ما وقفت كانت تمشي بسرعه وتمثل الشموخ/…
لمياء مسكتها ووقفتها بقوه/انتي وش فيك.. ليش سكرتي الخط فجأه وطلعتي ايش صاير..
لوجين نزلت من عينها دمعه حاااره ومسحتها بسرعه/تدرين من اللي كانت معي ع الخط ..
لمياء/مين؟!
لوجين بقهر وغيره دفينه/زوجة مشعل…
لمياء انصدمت/زوجة. مشعل؟!!!!
لوجين بمشاعر غيره متأججه/هذا اللي انتي كنتي خايفه ع مشاعره ما استنى كثير وتزوج بسرعه ..اكرهه اكرهه
لمياء ضمتها وهي تحاول تهديها/لوجين اهدي خلاص
لوجين والدموع مغرقه وجهها/ماني مصدقه ان مشعل تزوج غيري ي لمياء.. احس نفسي مخنوقه بموت قهر بمووت يالمياء
لمياء وهي تربت على ظهرها/بسم الله عليك.. كله بسببي انا اسفه اني قلت لك اتصلي فيه.. ياليتني ماقلت لك
لوجين وهي تمسح دموعها الغزيره وتمثل الشموخ/بالعكس.. انا ارتحت اللحين ..ع الاقل الاقي سبب امحيه من تفكيري.. ..المفروض افهم انه مايبيني دامه عاهدني انه يتركني هنا ولا عاد يشوفني ولا يشوف عياله.. كان يبيها من الله.
لمياء/متأكده انك قادره تنسينه،النسيان ما يحتاج سبب
لوجين وهي تحاول تهدأ/اللحين ما يستحق مني شفقه ولا راح اندم بيوم اني انفصلت عنه وحرمته من اولاده
لمياء/وش قصدك
لوجين بحقد/مشعل بالنسبه لي مات
لمياء خافت من نبرتها/وش بتسوين
لوجين بحزم/من هنا و رايح ،راح اسد كل الطرق اللي ممكن توصله لي او لأولادي
لمياء سكتت ماتبي تزيدها…
لوجين مشت و بذهنها خيال مشعل يبتسم لغيرها ويضم غيرها ويحب غيرها…خيالات تزيد من نارها..
،
،
،
،
،
،
،
،
بعد كم يوم ع الاحداث السابقه
بو مشعل وهو معصب/وليش انا توني ادري هااااه
مشعل/ابوي انتظرت لين اتفاهم مع خالد وانهي الموضوع معه مابي اضيق صدرك
ام مشعل بضيق/ماني مصدقه ان خالد سوى كذا.. سوود الله وجهه
بو مشعل عصب عليها/مايجي وراء اهلك خير
ام مشعل انقهرت/دام كذا ليش خذيتني من اهلي هاااه..والا ناسي انك تزوجت علشان تكثر الاولاد و انااا الوحيده اللي جابت لك الولد..
بومشعل، نقطة الاولاد تعصبه/اسكتي ولا كلمه
ام مشعل/كلمة الحق تزعلك صح..
بو مشعل/روحي بيت اهلك وانتي طالق
مشعل اول واحد انصدم من هالقرار/يبه لا
ام مشعل قلبها ذاب من اهانات زوجها وهذا الطلاق الثاني منه زاد ضغطها وهي تمتم/خلاص هذي آخرتها يا مشعل.. انا تحملت ابوك كثير..خلّه معاد ابيه.. لكن بيتذكرني اذا طاح ومالقى من يسنده ..
اغمي عليها..
مشعل شال أمه من الارض وهو مقهور من اللي قاعد يصير له ويصير ببيت اهله/يمممه اصحي يممه.. قوومي تكفيين
طلع مشعل برا ركض للسياره وهو يشيل أمه على يدينه ويخفي انكساره.. لازم يكون قوي مهما صار..
،
،
،
بالبيت مشاعل كانت تسمع اللي صار وهي ع الدرج ويدينها ع الدرابزين.. نزلت بسرعه علشان تهدي بومشعل وتخليه بصفها،اتجهت له وجلست عنده/حبيبي فيصل وش فيك زعلان وضايق صدرك
بومشعل يدوخ منها/ضيقت صدري هالمشاكل.. وبعد طلقت ام مشعل وقلت لها تطلع من البيت،اخاف اني تسرعت
مشاعل اسعدها هالخبر طبعاً/ولا تشيل بخاطرك حبيبي انا موجوده جنبك، انا حبيبتك
بو مشعل راح وطي من غنجها/الله يطعني عنش
مشاعل سلهمت بعيونها وباسته ع خده/حبيبي ممكن اطلب منك طلب
بو مشعل/انتي تأمرين مو تطلبين.. قوولي
مشاعل/حابه اروح السوق
بو مشعل/روحي.. السايق موجود
مشاعل بخبث/لا انا حابه تكون انت معي اخاف من السايق
بو مشعل باعتراض/لا لا.. انا ماحب الاسواق وزحمتها ..
مشاعل/طيب خل مشعل يوديني
بو مشعل يغار من ولده اذا ذكرته مشاعل،بس يحاول يستغفر ربه/ابشري ..راح اقوله.. بس يمكن مايوافق
مشاعل/لا ..تككفى انت خليك مُصر عليه.. انت ابوه ..ولازم يسمع كلامك… انا ماني حابه اروح مشاوير طويله مع سايق
بو مشعل تعود ع دلعها وما كان يمنعها من شي.. هي مسيطره على جوارحه/ابشري يصير لك مشعل سايق بعد كم عندي قطوه ..بس خلي مشوار السوق الاسبوع الجاي
مشاعل انبسسسطت وطبعت بوسه ع خده/مو مشكله… ماني مستعجله عليه..
،
،
،
،
،
في فندق ..
استراحت ام مشعل ودمعها على خدها. وساكته..
مشعل يناظرها بحزن عمره ماشاف امه منكسره بهالشكل/يممه تكلمي خوفتيني عليك
ام مشعل/وش تبيني اقول يا مشعل.. وانا اشوف ربي يعاقبني ع اللي سويته
مشعل خاف/وش سويتي يممه
ام مشعل/اللي سويته في زوجتك مو شويه.. انا خربت لها بيتها.. وهذا انا اليوم اطلع من بيتي ذليله
مشعل سكت ماعنده تعليق…
ام مشعل/اخخ لو اقدر اوصل للوجين واعتذر منها، انت مو تقول حامل ..اكيد اللي ولدت من زمان.. والولد صار عمره قريب السنه
مشعل هالنقطه تثير اشجانه/صعب يممه صعب..
ام مشعل/ليش صعب يعني.. اذا هي محتاجه اعتذار راح ابوس لها راسها بعد
مشعل فتح ازرار ثوبه من فوق بضيق/حاولت قبلك..لكنها غيرت كل عناوينها اللي اعرفها وعمي ماجد قطع صلته فيني..
ام مشعل/ماتنلام لوجين ..اللي صار لها عندنا مو شويه، طيب وش ناوي تسوي انت.. بتسكت وزوجته وولدك بعيدين عنك
مشعل ابتسم بفقدان امل/مابيدي اسوي شي.. لوجين والولد مو بحاجتي ابداً، استودعتهم الله الذي لا تضيع ودائعه
ام مشعل ربتت على كتفه وضمته/حبيب أمك انت.. ياما زعلتك.. وظلمت اختك زينه
مشعل نزل راسه بحضنها/دعواتك يمه.. محتاجين توفيق من ربي..
ام مشعل/طول عمري.. وقلبي وعقلي راضين عليك يا حبيبي.. وش صار بقضية اختك
مشعل/توصلت لاتفاق مع ابو خالد و غصب ولده يطلق زينه طبعاً بعدما عرف بسوايا ولده
ام مشعل بامتعاض/انصدمت بهالخالد هذا…
مشعل/ماعليه يا أمي.. هي مرحله وعدت.. ارتاحي بس
،
،
،
،
،
،
،
،
،
*كندا… "
مرت أيام طويله.. وقربت اجازة الكريسماس.. الجده وروبين مقررين يسافرون للسعوديه يقضون الاجازه هناك ..لمياء قررت تسافر معهم اشتاقت لأبوها وأمها..
رن جرس الباب..
روبين كانت بتروح تفتح/هذي اكيد لوجين جايه تودعنا
الجده/لا هذي فاديه.. خليكي تضبي الشنط انا رايحه افتح لها الباب
روبين ترتبك من طاريها بعد هذاك الموقف البايخ مع ولدها.. قامت تكمل ترتيب الشنط وهي تتخيله هذيك الليله وهو ماسكها ومثبتها بكل قوه.. كرهت هذلك الموقف...لانها ياااما ابعدت عنه وتحاشت التواصل معه مهما كانت الاهميه.. ماتبي اي احتكاك مع اي رجل غير اللي بيتقدم لها من الباب وبيطلبها بالحلال.. غير كذا ماراح يغريها احد.. هنا تذكرت مراد وهو يقولها احبك وناوي اتقدم واخطبك… قهرها بهذاك التصرف.. وهي بعد تصرفها كان غبي وهي تعطيه كف.. وتخلي سعود يضربه…
ماتدري ليه جالسه تتذكر مراد وتفكر فيه اللحين..
خاولت تبعد خياله عنها/ولو ولووو مسستحيل.. هذا ترركي
صوت يناديها من وراها/أم التركي تحت تسأل عنك
روبي ألتفتت عليها/ستي!!
الجده وهي تناظرها بنص عين/ايوه ستك..
روبين/ايش جابك يا ستي.. فين خاله فاديه
الجده/الخاله فاديه.. موجوده بس هي ارسلت لي بطلب وبصراحه انا موافقه.. وفرحت بيه.. بس ماراح اقرر حتى اسمع رايك..
روبين استغربت/رأيي بأيش؟!!
الجده/فاديه طالبتك لولدها مراد..وتتمنى هالخطبه تتم قبل نسافر للسعوديه…
روبين تفاجأت/مراد خطبني رسمي ؟
الجده/ليش قد خطبك قبل كذا
روبين ترددت/لا..
الجده/هاااه ايش رايك.. موافقه والا نمشيهم
روبين/تمشينهم فين يا ستي.. هم بيشتغلوا عندك
الجده تمازحها بطويقه جديه/اللي ماتبغينه نطرده يا روح ستك انتي.. هاه نطردهم
روبين وهي خايفه من تهور جدتها/لا يا ستي.. بليز.. بلا حركاتك دحين..
روبين/معناته موافقه يا لمياء..
لمياء كانت تسمعهم وراء الباب و دخلت وهي تزغرد/كللللللووووشششش
روبين سكرت فمها/اششش فضحتينا العالم تحت
الجده طلعت/انا رايحه ابشرهم،
لمياء نغزتها/كنت حاااسه من بعدما اعطيتيه شال أمك انك تحبينه
روبين شهقت/شال أمي
لمياء/ايووه شفته مره لابسه..
روبين سكتت وهي تتوعد/..
لمياء/انا رايحه جدتك تناديني..
طلعت لمياء بسرعه..
روبين اتجهت للشباك وتناظر بالمكان اللي شافت فيه مراد هذيك الليله… وقت ماطاحت اوراقها وشالها وابتلت بالمطر. .. ضلّت تتبسم وتحمد ربها ان مراد ماخيب أملها. .وتقدم لها بالطريقه اللي كانت تتمناها..
صوت طق عالباب..
روبين بسعاده وو وجهها للنافذه وظهرها للباب/لمياء بلا استهبال.. يعنني اتيكيت اللحين
دخل مراد وهو يناظر المكان بنظره بانوراميه ووقفت انظاره عليها وهي توقف عند النافذه.. تنهد واتجه لها ووقف بنص الغرفه/مساء الخير
روبين ما استوعبت/مساء النـ… <<<استوعبت والتفتت
روبين ألتفتت عليه وهي متفاجاه تماماً/مراد!!
مراد مو مصدق انه يشوفها بدوون حواجز وغطاء ناظر شفايفها الصغار وانفها وتقاسيم ملامحها وجسمها،هي تعجبه من قبل لا يشوف شكلها.. واللحين زاد التعلق/احبك
روبين غطت وجهها بيدها وصدت/اطلع برااا
مراد وهو يقرب منها بهدوء/روبي بلييز خلاص انتهت اللعبه انتي اللحين خطيبتي وانتي موافقه.. وهذي نظره شرعيه.. جدتك هي اللي طلبت مني اجي واشوفك..
روبين وهي تتصنع الهدوء اخذت شالها ولفته على راسها بسرعه/خلاص روح
مراد/انتي كذا خليتيني اتمنى اني مادخلت وشفتك
روبين عصبت من هالجمله،نست نفسها والتفتت عليه بغبائها/ايش قصدك سيد مراد افندي.. ماعجبتك؟… مامليت عينك؟..وإلا ايش بالضبط هااه اتكلم قول..
مراد تصنم وهو يشوف شراستها ع الطبيعه بدون نقاب و حجاب/متى تبين الزواج؟
روبين انخرست من المفاجأه/..
/
/
/
/
/
/



كان يسلم على ابوه ويبي يطلع/انت طلبتني يبه؟
بو مشعل/ايهه
مشعل/ آمرني
بومشعل/مشاعل حابه تروح السوق ابيك انت توديها
مشعل استغرب/وليه ماتروح مع السايق هي وزينه
بو مشعل/ماتحب تروح مع سواقين.. بعدين انت سو اللي قلت لك وبس.. اللحين بتنزل وودها المكان اللي هي تبيه
مشعل حاس ان مشاعل مدبره له شيء علشان كذا ماراح يترك لها فرصه/طيب يبه خلها تنزل..
اتجه مشعل لسيارته واتصل في زينه بسرعه/الوه زينه
زينه بالجوال/هلا اخوي
مشعل/اللحين تلبسين عباتك وتنزلين لي تحت انا انتظرك بالسياره
زينه خافت/مشعل وش صاير
مشعل/حاب اسويلك مفاجأه بسرعه تعاالي ولا تكثرين حكي
زينه/طيب طيب ثوااني وانزل
بهاللحظات وصلت مشاعل وفتحت الباب وعطرها يسبقها ركبت والتفتت تناظر فيه/مساء الخير
مشعل وهو صاد بوجهه عنها ومتأذي من العطر/هلا
مشاعل وهي تشوف يده على الدركسيون وساعته وكبكات كمّه/عاش من شافك
مشعل كان لابس نظارات سوداء والتفت عليها/مو كأن عطرك مبالغ فيه
مشاعل وهي ترمش بدلع/وش رايك فيه
مشعل وهو يخزها ماقدر يقول رايه/…
مشاعل مدة يدها وسحبت النظارات من عيونه بنعومه/الشمس غابت حبيبي شيلها
مشعل استنكر هالكلمه وكان بيرد عليها.. لكن زينه اقبلت وانبسسط/
زينه ركبت/الله طالعين مشوااار
مشعل وهو يحرك السياره ويمشي/ايه حبيبت اخوها… كنت بطلعك مشوار لحالك بس في ناس دخيله خربتها
مشاعل انقهرت وولعت غضضب/وقف
مشعل/ولووو اخت مشاعل.. اخاف،ابوي يزعل لاني ما وديتك..
زينه/الله لا يحرمني منك يا اغلى اخ
مشعل التفت على زينه/وش حابه تسمعين
زينه فهمت قصد مشعل/فهد الشهراني
مشعل ابتسم وشغل فهد الشهراني..
مشاعل صارت كتلة نار من الغيض.. وتفكر شلوون توقعه.. (بسييطه ..محد يقدر يقاوم مشاعل وراح تشوف يا مشعل)…
،
،
،
،
في الطائره المتوجهه للسعوديه.
الطائره ظلام والكل نايم..
كانت ...تناظر صور لوجين وأولادها لأنها اخذت منها نسخ عن طريق الخادمه بعدما اعطتها فلوس../تعبت لين قدر اوصل لك.. سامحيني يا لوجين لكن كنت مضطره…
.
.
.
يتبع… ،


هل من توقع ؟!