حب عمري وبلسم جروحي / للكاتبة نجوم الليل والفرح ، مكتملة

[لامارا]

( البارت السابع )

عند البحر
بندر كان مروق ونسى كل كلام نغم وهو يشغل نفسه عن التفكير بمهند قرر انو يحاول شويه شويه يتقرب من نغم وهذا القرار خلاه يرتاح ويتفائل شويه طلع من افكاره وهو يسمع فهد يناديه : بــــنــــدر
بندر : هااا ؟؟؟!!
فهد : اللي ما خذ عقلك يتهنى
اكتفى بندر ببتسامه حلوه وما علق : ..........
فهد : ها كيف الاحوال معاك انت والحبيبه ؟؟؟؟
بندر : ماشي حالنا نتقدم يوم ونرجع عشره
فهد ابتسم لبندر عشان يخفف عنه وقال: الله يكون بعونك اجل
بندر : امييين وبعونك كمان
فهد : امين ان شاء الله .... الا اقول ايش اخبار الشركه ؟؟؟؟
بندر : تمام الحمد لله عندنا عقد بنوقعه بعد كم يوم
فهد : مبروك و بالتوفيق
بندر : اي والله الله يسهل وانت ايش اخبار شغلك يا مهندسنا المحترم ؟؟؟؟
فهد : عال العال الحمد لله كل شي ما شي تمام
بندر غمز له : طيب والحب كيفه و كيف اختي معاك ؟؟؟؟
فهد ابتسم وقال : هو تمام بس صرلي كم يوم ما كلمتها فمدري كيف رح يكون موقفها
بندر : هههههههه اجل الله يستر من اللي بيجيك
فهد : لا عادي ريومتي بسرعه ترضى لا تخاف
بندر : ايوه وهذا اللي حلو فيها
فهد : من جد صادق ولا والله كان رحت انا فيها
بندر : هههههههه اجل احمد ربك اللي عندك مو عندك غيرك
فهد : الحمد لله الف مره وانت بعدين لا تقول هذا الكلام ترى حتى اللي عندك مو زي اللي عند غيرك بس خلي يكون عندك صبر لانو نغم مارح تتقبلك بهذي السرعه بعد مهند
بندر تنهد : اي ادري
فهد : طيب على كل حال الحين تعال نروح لكبينه لانو الغدى جاه دوبه اوبيه داق عليه
بندر : بالله اجل يلا مشينا
وراحوا هم الاثنين لكبينه عشان يتغدوا
-----------------------------
عند الحريم
ابو رعد دق عليهم وخبرهك انو الجد ابو سلطان يبغى العيله كلها تجتمع وياكلوا مع بعض طبعا الحريم لبسوا عبيهم وقبل لا يخرجوا
الجده سميره : يا بنات يلا عجلوا
ريم : لا اسبقيني يا جده ونحن وراك لانو لسع ما لبسنا عبينا
ام بندر : طيب لا تتأخروا عشان الكل جيعان
نغم : ان شاء الله يا خاله
راحوا الحريم والبنات لبسوا عبيهم وتجهزرا بس في اخر لحظه دق جوال حلا طالعت لرقم وما ردت على المتصل
ريم بتسائل : مين اللي داق عليكي ؟؟؟؟
حلا : مدري رقم غريب
نغم : طيب ردي يمكن تكون وحده من صاحباتك غيرت رقمها
حلا : اي صح يمكن
ريم : طيب عشان تتأكدي ردي على المتصل
حلا بتفكير : امممم واذا طلع واحد من الشباب المغازلجيه ؟؟؟؟
نغم : عادي قفلي الخط في وجهه
حلا : طيب ان شاء الله
وردت عليه بسرعه وقالت : الوووو
ريم بتسائل : ها مين ؟؟؟؟
حلا : ما حد رد " وقفلت الخط في وجهه وحطته صامت "
نغم : اجل يلا يا بنات على الغدى
حلا : يلا
وقاموا بيخرجوا الا بدء جوال حلا يهز في جيبها
فقالت للبنتين : بنات اقول اسبقوني انا بحط جوالي في الشحن واجيكم
نغم : الحين يعني وقت الشحن ؟؟؟؟
حلا : ههههه تعرفين اهم شي عندي الجوال فعشاين كذا لازام يكون مليان
ريم : طيب بسرعه ولا تتأخر
حلا ببتسامه وبمزح : حاضر ماما ريم
ريم : ماما في عينك يلا نغم خلينا نمشي
راحوا البنات وسابوا حلا اللي من يوم طلعوا ردت على المتصل وقالت : الو مين معايه ؟؟؟؟
المتصل : ........
حلا بطفش : ترى شوف ان ما رديت والله لا اقفل في وجهك ولا عاد ارد
هنا جاه صوت الشباب وهو يقول : احم احم السلام عليكم
حلا : وعليكم السلام مين معايه ؟؟؟؟
الشاب : معجب ولهان
حلا : ليش متى عرفتني حتى تعجب فيني ؟؟؟؟
الشاب : مو انتي حلا زياد ال*** ولا انا غلطان
حلا بتوتر بسيط : انت من فين تعرف اسمي ؟؟؟الشاب : مو مهم المهم الحين اني لقيتك يا حبيبتي
حلا : حبتك القراده ان شاء الله انتي فين شفتني
عشان تقول اللي بتقوله
الشاب : طبعا في السوق ومن اول نظره اعجبت فيك وبجمالك
حلا في نفسها ((استغفرا الله من فين جاني هذا)) وقالت بستحقار : يا اخي انا بنت محترم طيب وما اتكلم مع الشباب اللي من امثالك انا قدري اكبر من انوا انزل لمستواك فاهم فلو سمحت انسى هذا الرقم وانسى كمان انك كلمتني
الشاب : افا عليك دحين انا قدري صغير عنك يا روحي
حلا : عسى تروح روحك قول امين وشوفني للمره الثانيه بقلك لو سمحت احترم نفسك احسنلك وقدرك ينزل كل ما جلست تغازل اكثر واكثر فيعني لو عند شوية اخلاق وكرامه سكرا الخط الحين و رقمي هذا امسح من عندك وانا حأعتبر انو ما في شيء صار وكأنوا نحن ما اجرين هذي المحادثه وننهي الموضوع بكل بساطه
الشاب : الحين كل هذا فيني طيب بس انا احبك
حلا بحزم : من دون بسبسه واذ ما عجبك كلام ترى والله بوريك شيء ما يعجبك روح دور بنات الشوارع مو اللي زي يا حثالة المجتمع
وقفلت الخط في وجهه بدون اي كلمه زياده طبعا هو جلس يدق عليه مره واثنين وثلاثه حلا طفشت منه فقفلت الجوال وراحت تتغدى وكأنوا ما صار شي ومع الوقت نسيت الموضوع
------------------------------
طبعا مرت الساعات بسرعه على ابطالنا وجاهم المغرب وبعد العشا وقاموا صلوا والبنات بعد كذا تفرقوا كل وهو في مكان وبالنسبه لريى فكانت على الشاطئ تجمع الصدف وتغني بصوتها العذب

أحبك حب يآ مجنون ولكن مااقدر احكي لك..
احبك يا بعد هالكون وروحي ما تبي غيرك..

انا يا خلي اتعذب..في بعدك عذابي شوق..
ولو اني عليك اكذب اصير انسان فاقد ذوق..

قاطعها صوت ثقيل ورجولي وهو يكمل ويقول :

احبك حب يا مجنون لكن مااقدر احكي لك..
احبك يا بعد هالكون وروحي ما تبي غيرك..

ذآيب بين ايديك القلب من غيرك عليه يمون..
حبي لك تعدى الحب كل شي فيني بك مفتون..

التفت ريم تشوف صاحب الصوت المؤلوف عندها واول ما طاحت عيونها في عيونه استحت ونزلت راسها وبغيت تمشي وتبعد عنه وتتركه بس فهد وقفها وهو يقول : ريومتي على فين رايحه ؟؟؟؟
وقفت ريم في مكانها وهي معطيته ظهرها وتفكر انها تلف ولا لأ : ........
استغرب فهد من تصرفها وقرب منها ووقف قدامها وقال : ريم يا قلبي ايش فيكي ؟؟؟؟
ريم : ما فين شيء
فهد : تراني اعرفك سيبيكي من العناد واتكلمي
ريم : ايش اقلك ليش انت اصلا فاضي لي هذي الايام ؟؟؟
فهد : انا كل وقتي لك يا عمري
ريم بزعل :بس تصرفاتك تقول عكس هذا الكلام
فهد بستغراب : حبيبتي ريم فهمني وقوليلي ليش انتي زعلانه واخذه على خاطرك مني وعن اي تصرفات بتتكلمي ؟؟؟!!
ريم بعتاب : مدري تذكر لك ثلاثه ايام مقاطعني ولا ترفع سمعاه تقول يمكن خطيبتي ماتت او فيها شيء هاا ؟؟؟
فهد بتبرير : والله يا روحي وربي يشهد عليه اني في هذي الثلاثه ايام كنت مشغول في شغل المكتب حتى النوم ما قد ذقته
ريم : عذر اقبح من ذنب ترى هذا ما يغفر لك اللي سويته
فهد : طيب ايش اسوي عشان تسامحين وتغفري لي اللي سويته ؟؟؟؟
ريم بتفكير : امممممم مدري خليني افكر شويه؟؟
فهد مسكلها يدها وباسها بحنان وقال : يلا انا مستعد ورح استحمل اللي بيجيني بس اامرينييي
ريم استحت منه وسحبت يدها من يده وقالت : خلاص بسامحك بس بشرط انك ما تتركني ثلاثه ايام من دون ما اسمع صوتك
ابتسم له فهد احلى ابتسامه وقال : اللي تشوفيه يا قلبي
وكملوا بعد كذا كلام وسوالف تعويضا عن الثلاثه ايام اللي راحت عليهم •_<
---------------------------
في كبينة الحريم
استغلت حلا فرصة غياب ريم وراحت لنغم تسألها وتشوف اشبها دقت حلا باب غرفة نغم بعدين دخلت وقالي : هاااي نغومه ممكن اجلس معاك ؟؟
نغم : ايوه تفضلي
جلست حلا على الكنبه اللي في الغرفه وقالت : ها نغومه في ايش تحبينا نتكلم ؟؟؟
نغم بتفكير : امممم في اي شي
حلا : طيب اممممممم ايوه صح في الصبح ونحن بنتكلم عن خطبتك ما حسيتك مبسوطه وكأنوا مخبيه شي علينا
نغم بضيق واضح :لالا مافي شي وقفلي الموضوع
حلا بجديه : لا مارح اقفل الموضوع فلو سمحتي اتكلمي وانتي طبعا تعرفين عنيده يعني مارح اريحك اليوم الا لمن اعرف كل شي
نغم اقتنعت بكلام حلا بعدين هي تعرفها اعند من العناد نفسه وكمان نغم كانت مضايقه فقررت تقول لحلا كل شيء و تفضفضلها لانها بحاجه لاحد يسمعها وهذي الفرصه جاتها لرجليها
نغم بتردد : طيب اسمعي واحكمي بنفسك ...... .... { وحكتها كل اللي صار من يوم الملكه لليوم } ايوه وهذا اللي صار
حلا : الحين انا امنت انك وحده مجنونه
نغم : ولــــيش ان شاء الله ؟؟؟؟
حلا بتوضيح : الحين في بنت يجيها واحد زي بندر ويقلها انو هو يحبها وهي تسوي اللي سويتيه
نغم : ايوه في بعدين انا ما سويت شي خطأ
حلا : الا سويت شي خطأ حرام كسرتي قلب الولد وهو ما سوالك شي واذ على مهند فهو مات وما تجوز عليه الا الرحمه انسيه خلاص وابدئي حياه جديد ترى والله بندر ما يتعوض وقولي بعدين حلا قالت
نغم : بــــس
حلا : لا تبسبسيلي انا ادري انو صعب عليكي تنسي مهند بس حاولي والله مارح تخسري شي
وفكري بالعقل الحين اذ بندر طلقك ايش رح يصير بحالك ؟؟؟
نغم : عادي اعيش حياتي زي اول
حلا : لا يا ماما مارح ترجع حياتك زي اول لانو الكل رح يقول انو ولد عمها طلقها عشان فيها عيب ومارح يتقدم لك احد من بعده فأحمدي ربك
نغم : مو مهم اصلا انا ما ابغى اخذ واحد غير مهند ومستعده اعيش طول عمري كذا
حلا : هذا كله كلام بس مع الايام بتحسي بالوحده وبتتحسرين على نفسك ... بعدين تعالي قوليلي هذا مهند اللي موقف حياتك عشانه اعتبري انو للحين عايش مثلا ورجع لك رح تقبلي ترجعين له بعد كل هذي السنين اللي خلاك فيها تتعذبي لفراقه ؟؟؟
نغم بتفكير : اممممم مدري يمكن ما اسامحه
ويمكن اسامحه
حلا : طيب اجل عيشي حياتك الحين ووكلي امرك لله ولا عاد تفكر في شي ونصيحه لا تضيعي بندر من بين يدينك بعدين لازم تعتذري منه حطي نفسك مكانه انت تحبي شخص بس هذا الشخص مو معبرك ايش رح يكون شعورك لا وفوق هذا يحب غيرك ويجلس يقول قدامك هذا الكلام
نغم ما قدرت تتكلم وهي بتتخيل الموقف : ........
حلا : اي شوفتي كيف ما عندك كلام .... ايوه صح واخر شي بقلك هو مهند هذا انسيه واعتبري انو مرحله وعدت بعدين اصلا ما يجوز تفكري بشخص وانتي على ذمة غيره فاهمه
نغم اكتفت بهز راسها بمعنى ايوه وبالنسبه لحلا فقامت ووقفت جنب الباب وقبل لا تطلع من الغرفه ابتسمت وقالت : اتمنى تفكري في كلامي مزبوط وتخيلي انو انتي اللي لا قد الله موتي بدل مهند هو بعد كم شهر رح يتزوج وينساك واذ ما نساك اهله رح يزوجوه بالقوه وبعد كم يوم رح يرضى وينسى انو في يوم من الايام عرفك ويتعايش مع الوضع وكأنوا انتي ما جيتي لحياته اصلا
خرج حلا من الغرفه تاركه نغم غارقه بأفكارها وتايها اكثر من اول ومحتاره بين مهند حبها القديم وبندر اللي ما تدري ايش يكون هو بالنسبه لها
------------------------

[لامارا]

( البارت الثامن )

وفي كبينة الرجال
كان الجد سلطان جالس يتكلم مع ابو رعد وابو نغم بينما بندر ورعد بس مستمعين بينهم شويه جات لرعد رسال من سعود يقول له فيها ( اسف نسيت اقلك ايش صار معايه في الظهر فأذا كنت فاضي اتصل بي الحين اخبرك واقلك ايش صار)
استأذن رعد من الرجال وخرج من المجلس وراح لبرا الكبينه و دق على سعود وهو على اعصابه من الظهر اول ما جاه صوت سعود وهو يقول : الو السلام عليكم
رعد : وعليك السلام هلا
سعود : اهلين فيك وانا اسف من جديد والله نسيت من كثرت الشغل والضغط اللي علي
رعد : لا عادي ينساك الموت يا رب بس يلا بشر ايش صار معاك ؟؟؟
سعود : سويت اللي قلتلي عليه وكلمتها
رعد : ايوه وبعدين ؟؟؟
سعود : ما شاء الله عليها ما تركت كلمه ولا دعوه الا ما قلتها والله كفو بنت عمه عندك
رعد : افهم منك يعني انها مو من انواع البنات اللي يحبوا يكلموا الشباب
سعود : اي مو منه اطمن هي باينه كلها اخلاق وما تقبل بالغلط .... بعدين دقيت عليها اكثر من خمسه مرات وجوالها دايما مغلق
رعد زفر براحه وقال : الله يطمنك ويريح قلبك والله ريحتني
سعود : امين بس اقول ايش فيك على البنت لا تكون معجبك فيها ولا تحبها ؟؟؟؟
رعد بنفي : ايش هذا الكلام حب ايش واعجاب ايش هذا اللي بتتكلم عنه
سعود : اجل ليش احسك الحين مبسوط وكأنوا كان عليك اول هم ودوبه انزاح عنك
رعد : والله انا انبسط عشان طلعت بنت عمتي محترمه وتربية جدي وعمتي ماراحت فيها وبعدين انت اشلك فيني افرح ولا ازعل ولا لازم استأذن منك مره ثانيه
سعود : ههههههه لا مو لازم وروق يا شيخ اشبك هذي اليومين صاير كبريته بسرعه تولع
رعد : والله انا كذا من زمان واذ مو عاجبك فهذا ما يخصني
سعود : طيب خلاص يا رجال هذي المره رح امشيها لك لاني عارف انو موضوع بنت عمتك وترك وانا اقص يدي من الكتف اذ ما كنت انت معجب فيها يلا الحين مع السلام ابويه يبغاني في موضوع
رعد : مع السلامه
وقفل الخط وهو مطمن ما يدري ليش يمكن يكون كلام سعود صح بس هو للحين ما يبغى يقتنع فيها وتوعد لسعود في انه يجازيه على كلمه بعد كذا رجع لرجال وجلس يكمل سماع سوالفهم مرت الساعات عليهم بسرعه والكل حس بالتعب وقام الكل لغرف النوم عشان يرتاحوا وينام
---------------------
قراءه ممتع ومعليش انا ما عاد انزل الروايه الا في يوم الجمعه ويوم السبت
واتمنى ما تزعلوا

[لامارا]

.
.
.
( تابع البارت الثامن )

في صباح اليوم التالي
بعد الغدى
عزم الجد سلطان صاحبه محمد واللي هو يكون جد حلا { ابو ابوها } هو وعيلته يجوا يزوروهم وطبعا هم قبلوا بالدعوى وجاوهم ويوم وصلوا سلموا البنات على بعض وتعرفوا و قامو يتمشوا على البحر الا نغم اللي قالت انها بتجي تتمشى معاهم بعد نص ساعه او اكثر كانوا البنات فلينها سوالف وكلام ما يخلص الا شويه وهم بيتمشوا
ريم برتباك : بنات مين هذا اللي ورانا ؟؟؟
لميس ( عمة حلا ) التفت تشوفه وقالت : والله مدري بس من اول ما مشينا وهو ورانا لا يكون بس من الشباب المغازلجيه
حلا بستغراب : فينه هذا اللي بتتكلموا عنه ؟؟؟
ريم تأشرلها بيدها : شوفيه هذا اللي معطينا ظهره
حلا ما قدرت تميز شكله فقالت : مين قصد هذا ابو بلوزه سوده
ريم اشرتلها عليه من دون ما ينتبه وحلا هنا عرفته وقالت : طيب ثواني واجيكم خليني بس اروح اوريه شغله
لميس : لا يا حلا سيبكي من المشاكل وخليه في حاله هو ما سوالنا شي
حلا بعناد : لا انا بروح اكلمه واوريه قدره انتو بس تفرجوا
وراحت حلا له وهي تحس بخوف من جوتها بس ما اظهرت هذا واول ما صارت ورى الشاب قالت له : لو سمحت انت م..ي.ن. ؟؟
وما كملت كلامها الا وداك الشاب التفت لها وهو مبتسم احلى ابتسامه :هلا وغلا بقلبي تعالي خليني اسلم عليكي و احضنك
حلا حطت يدها على فمها من كثر الصدمه :رااا .. رااا .. راااك
الشاب :ههههه ايوه راكان يا عمري اقول تعالي وحشتيني
حلا ما صدقت الا وهي ترتمي بأحضانه وتقول: فديتك يا خالي متى رجعت مو على اساس بتجينا بعد اسبوع ومدري كم يوم
راكان : افهم منك انك ما تبي تشوفيني
حلا : لا بالعكس بس والله فاجأتني واحلى مفاجأه كمان
راكان : ايوه فكرت ... اما بالنسبه لقصة رجعتي بعدين احكيكي هي الحين خلي اروح اسلم على بنات اخواني القاطعات
حلا بعدت عنه : طيب بس ترى نغم مو معانه
راكان : ليش فينها ؟؟؟؟
حلا : مدري قالت بتلحقنا وعلمي علمك
راكان : اه اجل اسلم عليها بعدين خليني الحين اشوف ريم
حلا : احم احم بس ترى ريومه مو لحالها
راكان بستغراب : ليش مين معاها ؟؟؟
حلا كانت رح تقله بس قاطعهم صوت ريم وهي تقول : حلا ليش تأخرتي ؟؟؟
التفت حلا هي وراكان في نفس الوقت لريم
ورجعت ريم قالت: ها ايش صار معاك ؟؟؟
حلا : والله ما صار شي
ريم : كيف يعني ؟؟؟
راكان : احم احم ترى انا هنا
ريم التفت له وشهقت اكبر شهقه
راكان : بسم الله ايش فيكي ؟؟؟
ريم : لا لا ما اصدق عمي راكان هنا
راكان : اي اكيد وبشحمه ولحمه
ريم حضنته وقالت : والله من زمان عنك متى وصلت لشالي ؟؟؟
راكان : توني جاي
ريم : اصلا تصدق نسيت انه عندي عم اسمه راكان
راكان :ههههه طيب وتصدق انتي انو انا زعلان منك ورح اعاقبك
ريم بستغراب : وليش ان شاء الله ايش سويت ؟؟؟
راكان بعتاب : مو هذي المشكله عشانك ما سويتي شي ياقليلة الادب ... ماتدقي ولا تسأل لك اسبوع وانتي مقاطعتيني ولاتردين علي يوم داق عليكي
حلا : لا حرام يا خالي سامحها هذا فهد السبب اخذ كل تفكيرها
راكان : لا لا انا ما افهم كدا بعدين فهد لي معاه كلام ثاني ولا تبرري لريم شوفي نغم ما شاء الله عليها كل اسبوع تكلمني وانتي يا حلا كل ثلاثه ايام تدقي علي و تكلمني في الجوال وعلى السكيب زيك زي ريم انا الحين داري انو الست نغم لما اشوفها ماراح تعرفني عشنها ولا مره فتحت الكاميرا وانا بكلمها
حلا بمزح :هدي هدي الله يهداك لا يطقلك عرق شوفك الحمد لله جيت وشفتنا خلاص
ريم :ههههه اقوول عمي قلي مالقيت وحده حلوه هناك صار لك 7 سنين عايش مع الاجنبيات ؟؟؟
راكان بنفي :لا يا ريومتي انا ما اشوف غير حبيبت قلبي بس قولي لي هي هنا ؟؟؟؟
حلا بتسائل : تصدق يا خالي انا دايما افكر من يوم كنت صغيره واقول هالحب كله لي ولا بس عشان عمتي لميس
راكان بطفش : اقول بلا كلام فاضي ويلا قوليلي هي هنا ولا ؟؟؟؟
حلا : والله مدري انا تركتها مع ريم
راكان التفت ريم وقال : ها فين راحت لميس ؟؟؟
ريم : مدري شكلها يوم شافتنا نسلم على بعض تركتنا على راحتنا وسابتنا
راكان : يلا اجل بروح ادور عليها
حلا مسكته وقالت : لا ما حزرت يا خالي
راكان : اقول يا حلا بلاشي هبل وسيبيني
حلا : مو قبل ما تسلم على جدتي وامي هم مره مشتاقين لك كتير
راكان : طيب من عيون اسلم عليهم
ريم : طيب اجل تعال معنا الكبينه عشان تسلم عليهم
راكان راح مع حلا وهو موكل امره لله لانه يعرفها عنيده بشكل
----------------------------
كبينة الحريم
راكان دخل عليهم بعد ما استأذن
الحده بتسائل : مين جا ؟؟؟
راكان وهو يدخل الصاله : لا لا ما اصدق بسرعه كده نسيتوني
ام حلا بصدمه : اخويه راكان
الجده سميره بفرح: راكان يا عمري تعال يا ولدي خليني اسلم عليك
راكان راح في حضن امه مشتاق لها كثير نزلت دمعته من الجده سميره بالغصب عنها
راكان قالها بحنان : امي اشتقت لك مووت
الجده سميره :حتى انا يا ولدي اشتقت لك اكثر من ما تتصور والحمد لله انك جيتنا بالسلامه
راكان : الله يسلمك يالغاليه
ام بندر وام زياد وام حلا : الحمدلله على سلامتك
راكان : الله يسلمكم
نغم يوم سمعت كل ذيك الرجه خرجت من عرفتها تشوف ايش فيه ويوم شافت راكان قدامها انفجعت وبغيت ترجع غرفتها وبخوف : بسم الله من هذا ؟؟؟
راكان : اقول ارجعي بسرعه ابغى اشوفك اكيد تغيرتي بعد الخطبه حقت انتي وبندر
نغم وقفت والتفت وصارت تتفحصه باستغراب : مين انت ؟؟؟؟
ريم : يا شيخه هذا
قاطعها راكان: انا عمك
قال نغم للحين مو مستوعبه و بتردد كلام راكان وقالت : عمي اي عم ؟؟؟
راكان مبتسم ينتظر ردة فعلها وفجأه نغم تذكرت وقالت بفرح : عمي راكان
راكان : بالله عليكي تو الناس يا قمر
نغم زادت ابتسامته وقالت : والله تغيررت كثيير يا ركون لدرجت اني ماعرفتك بسرعه وشويه كنت بنساك
راكان قرب منها وحضنها زي الكل وسلم عليها: هههههه يلا اقول اتركيني
نغم تعلقت فيه اكثر وقالت :ما ابغى اشتقت لك كثير يا عمي
راكان ببتسامه : ليش هو في اصلا احد يعرفني وما يشتاق لي
نغم بعدت عنه :هههههههه بدء الغرور
راكان : احم احم يحقلي والله
نغم : ادري يحقلك ونص كمان
راكان وهو يوقف : يلا الحمد لله هذا امي وشفتها وكمان اختي مروى الحين بس باقيلي اشوف ابويه واخوي ناصر واخويه ياسر
ام حلا : اقول راكان ليش ما تروح ترتاح
راكان : لا مو لازم انا مافيني نوم
حلا : طيب ايش رايك يا خالي نروح نتمشى ؟؟؟
راكان : والله فكره مو بطاله
ريم : اجل يلا مشينا
حلا تناظر نغم وتقول : نغومتي هذي المره بتجي معانه صح ؟؟؟
نغم ببتسامه : اكيد من دون سؤال
راكان : اجل اروح اسلم على الرجال ولمن اخلص القيكم جهزات
حلا : طيب
بعد كذا راح راكان وسلم على الرجال واستأذن منه وخرج و يقابل البنات عشان يتمشون
--------------------------

[لامارا]

التعريف بالشخصيات الجديده ^_^
ابو زياد (( محمد وهو صديق الجد سلطان من زمان وبينهم صلت قرابه قويه تقاعده من سنوات))
ام زياد(( ما تشتغل وجالسه في البيت تربي احفاده بعد ما زوجك اولادها ))
زياد (( اللي هو ابو حلا ))
فارس: ((عمره ٣١ سنه يشتغل محامي لاحدى الشركات وهو عم حلا متزوج عن حب ببنت عمه دانه وعمرها ٢٧ سنه وعندهم ولد اسمه قيس عمره ٩ سنين ))
لميس : ((عمرها ٢٣ سنه تشتغل مدرسه في روضه وهي مره تحب وتعشق شي اسمه اولاد وهي عمه حلا الصغيره والوحيده ومررره اموره ))
................

[لامارا]

( البارت التاسع )

وعند البحر
كانوا البنات مبسوطات براكان وبس يسولفون معاه ويقولولوا اخر الاخبار
حلا : ايوه وهذا اللي صار ما في حدث شيق غير خطبة بندر ونغم المفاجأه
راكان : اه طيب
وطالع لنغم اللي كان باين عليها السرحان راكان : نغم
التفت له نغم وقالت : هاا ؟؟؟
راكان ببتسامه : حبيت اباركلك فيس توفيس هههه مبروك الخطبه
نغم ببتسامه : الله يبارك فيك وعقبالك
راكان برجاء : امين يا رب
حلا بتسائل : الا من جد فين عمتي اقصد لميس للحين ما اشوفها فين راحت
ريم بمزح : ليكون احد خطفها
راكان بخوف : لا فال الله ولا فالك ان شاء الله تكون بخير
حلا : هههههههه والله وبان الحب
راكان : اقول اسكتي بس
وما كملوا كلامهم الا بالشباب يجوهم ويشاركوهم الحديث من دون ما ينتبهوا لراكان
الشباب : سلام
البنات وراكان : وعليكم السلام
ريم : هلا وغلا والله بأخويه
بندر : اهلين فيكي
ريم : من زمان عنك فين الغيبه ما شفتك من امس
بندر : والله كنت مع الشباب طول الوقت
ريم : والله وحشتني يا اخي
حلا بمزح : ههههههه اكيد هذا الكلام كله لفهد بس مستحيه تقولي له
فهد ابتسم بينما ريم استحت واحمرو خدودها وضربت حلا بخفه على ظهرها وقالت : اقول اسكتي شكلك اليوم ناويه على نفسك
حلا ما قدرت توقف ضحك من شافت شكل ريم وهي خجلانه : هههههههه لا مين قال كذا هههههه
راكان : المهم الحين ما قلتيلي فينها عمتك
حلا وقفت ضحك وقالت بجديه: والله مدري شكلي بدق عليها
راكان : يكون احسن
التفت فهد وبندر في نفس الوقت لراكان اللي كان بيتكلم وتوهم انتبهوا لوجوده
بندر مو عارف ايش يقول : راا . . رااكك
فهد تكلم عنه وقال بصدمه : عمي راكان
راكان : عمي بعينك ياقليل الادب الف مره اقلكم لا تقولولي عمي وتكبروني
بعد كذا سلموا على عمه وكانوا مبسوطين برجعته
فهد : تصدق يا عمي اقصد يا راكان توي انتبه انك واقف معاهم
راكان : افا عليك كل هذا الطول والجمال ولا تنتبه
بندر : ههههههه شكلنا بدأنا بالغرور
فهد : هههههههههه ايوه باين
راكان بمزح : ايت غرور يا قليل الادب انت وهو
بندر : ههههه المهم الحين ليش ما قلتلنا انك بتجي اليوم كان سوينالك احلى استقبال بس ليتك قلت
راكان : بندروا لاتكذب يالنذل قايل لك اول امس اني جاي
بندر : ايوه صح تذكرت اسف سامحني كنت ناسي الموضوع من الاصل
راكان : ايوه باين اصل من صدمتك يوم شفتني بس الحمد لله شوفتكم بخير قبل لا ارجع واكمل اختباراتي
فهد : الله يوفقك يا ركين
راكان : من ركين اصغر عيالك كاين
بندر : هدي يا راكان اشبك اليوم من اصغر كلمه تزعل
راكان : لا مين قال على كل الاحوال الحين مين شاف لميس
ريم : طبعا مو انا
راكان : وانتي مين سألك اصلا ... اقول حلا ليش ما تدقي عليها
بندر : ليش ايش صار للبنت ؟؟؟
ريم : ما ندري فجأه اختفت
راكان : يلا الحين يا حلا دق عليها وخلصيني
نغم اول مره تنطق في وجود بندر وتقول : لا ما يحتاج هي جاتنا الكبينه قبل شويه بس بعدين شافت غلا وكانت مره زعلانه فأخذتها تلعبها ويبنوا بيوت وقلاع بالرمل والاصداف
بندر بدأ قلبه يدق بسرعه وقال بصوت واطي : يا قلبي عليكي والله فديتك
فهد بتسائل : قلت شي ؟؟؟
بندر : ها لا سلامتك
راكان اطمن على لميس وقال بعتاب : الحين صرلي ساعه اسأل وتوك يا ست نغم تذكرتي تتكلمي وانا على اعصابي
حلا : معليش رورو هي ما كانت معانه من اول يلا المهم ان اطمنا على لميس و عرفنا انها بخير
وما كملت كلامها الا برعد يدخل في الكلام معاهم وهو يقول : السلام عليكم
الكل : وعليكم السلام
طبعا رعد يدري انو راكان قدم موعد سفره لانه جاه زياره وراج بعد يوم رعد هو من الاصل اللي جابه من المطار
رعد : ها شخبارك الحين يا راكان ؟؟؟
راكان : بخير .. بس لا عاد تسألني والله طفشتني
رعد : قسم انك ماتنعطى وجهه
حلا عجبها رد خالها وكيف انو ادى رعد في الجبه وكانت شويه وتضحك بس مسكت نفسها
رعد : ها ايش فيكم واقفين هنا ومسوين تجمع ؟؟؟
فهد : ابد بس كنا بنتكلم وشوفنا خلصنا
رعد : اها .... طيب والحين ايش بتسوى ؟؟؟
بندر : ما ندري
ريم ببتسامه : تكلم عن نفسك يا عمري انا عن نفسي بفلها وبرك جي تي
فهد : اي والله فكره حلوه ... ها ايش رايكم يا شباب
رعد : انا عن نفسي ما عندي مشكله
راكان : ولا انا بس خلني افكر شويه
فهد : طيب وانت يا بندر ؟؟؟؟
وفي نفس اللحظه دق جوال نغم ومن يوم شافت المتصل ابتسمت وقالتلهم استأذن وراحت تدف كرسيها بعيد عنهم عشان تتكلم
فهد عاد السؤال على بندر وقال : ها ايش قلت بتركب جي تي ولا لأ ؟؟؟
بندر تعلقت عيونه بنغم وقال : لا انا ما ابغى اركب ما فحالي
فهد : طيب براحتك اجل
تركهم بندر بعد كذا وراح ورى نغم وصار يستمع لكل كلمه تقولها
--------------------------


( تابع البارت التاسع)

عند الشاطئ أو (( البحر ))
كانت لميس جالسه تبني قلعه بالرمل لغلا وبتزينها بالاصدافه وبعد ما خلصت
لميس : اوه واخيراً خلصت
غلا بفرح : واو عمتي والله هذي احلى قلعه في العالم
لميس ببتسامه : تسلمي يا قلب عمتك انتي
غلا : عمتي
لميس : هلا
غلا تأشر لها بأصباعها : شوفي هذا الرجال مدري اشبه جالس يطالع لك
لميس التفت وقالت : مين تقصدي ؟؟؟
واول ما طاحت عينها بعينه استحت ونزلت راسها غلا بستغراب : عمتي عرفتيه ؟؟؟
لميس بخجل : ايوه طبعا هذا راكان
غلا بدهشه : مين يعني راكان ؟؟؟
لميس : هذا خالك يا عمري
غلا : من جد ؟؟؟
لميس : ايوه من جد
وما كملوا كلامهم الا براكان واقف قدامهم ويقول : سلام
لميس وغلا : وعليكم السلام
راكان : ها كيف حالها حبيبت خالها ؟؟؟
غلا ببتسامه : تمام وانت كيف حالك يا خالي ؟؟؟
راكان : الحمد لله بخير دام شفت الحبايب
ووجه نظره للميس اللي فهمت قصده وحمروا خدودها بزياده راكان يكمل : هلا بالغاليه كيفك يا لميس ؟؟؟
لميس : كويس .... والحمد لله على السلام ... وانت كيفك ؟؟؟
راكان : بالف خير والله يسلمك
غلا طالعت فيهم وقالت بدون اهتمام : خالي شوف هذي عمتي سوتلي قلعه
راكان من دون ما يطالع لغلا : ايوه ما شاء الله حلو زي اللي سوها
غلا : بس انت ما شفتها
راكان التفت لها وقال : ها الا شفتها يا قلبي
------------------------------
وعلى الطرف الثاني من الشاطئ او (( البحر ))
ريم راحت عند العامل اول وحده وقالت : لو سمحت ابغى جي تي
العامل : لا ما اقدر ممنوع البنات يسوقوا لازم في رجال معاهم
ريم بطفش : اووووف يعني ما ينفع انا بس
العامل : لا مافي ينفع
ريم بوزت وفهد سمع كل السالف وجاه عندها وقال : طيب ريومتي ايش رأيك تركبي معايه ؟؟؟
ريم بتفكير : اممممم مدري
فهد يسائل العامل : معليش اذ ركبت معايه صح
العامل : يس يس مافي مشكله
فهد رجع يكلم ريم وقال : ها ايش قلتي ؟؟؟
ريم ما عجبها الموضوع بس وافقت عشان هي مره كانت متحمسه للجي تي وما عندها فرصه غير هذي فقالت بعد تفكير طويل : امممم خلاص موافقه
فهد : اجل اختاري واحد
كان في اربعة جي تيات ملونه
ريم : ابغى اركب الاحمر
فهد : اوكي اديني الاحمر لو سمحت
العامل : طيب ان شاء الله
وقام وادهام الجي تي الاحمر وعلى بعد بعض الخطواط منهم رعد كان جالس يكلم حلا ويقول : ها يا بنت العمه رح تركبي جي تي ولا لأ ؟؟؟
حلا بطفش : لا مارح اركب
رعد بتسائل : ليش لا تقوليلي انك خايفه ؟؟؟
حلا : خايفه ... ومن ايش بخاف
رعد حب ينرفزها فقال : بالله اجل ليش ما تركبي جي تي انا متأكد انك خايفه مع انو هذا ما يليق فيكي
حلا عنادنا فيه اخفت خوفها وقالت : لا انا مو خايفه ورح تشوف كيف
راحت تكلم العامل رعد ابتسم لانه وصل للي يبغاه
وخلها تتنرفزه طبعا صارت نفس الحاله مع حلا و العامل قلها انو ما تقدر تركب بدون رجال وحلا قررت تجيب خالها معاه لانو هو الوحيد اللي حلال عليها راكان طبعا ما رفض هذا العرض من كثر اصرار حلا له وبعد كذا راحوا يختاروا اللون اللي تبغاه حلا للجي تي
حلا : ابغي الاسود
العامل : لا ما ينفع هذا في واحد مستأجره
حلا بزعل : مين هو هذا
العامل اشر لها عليه حلا التفت له والتقت عينها بعينه حلا في نفسها (( اووووف حتى على الالوان لاحقني )) وكانت متضايقة من وجوده اختياره بعد حلا عيونها عن رعد ولا ادته وجه مع انها اول ماتشوفه ماتقدر تنكر تسارع دقات قلبها
راكان : ها يا حلا خلصني ايش تبغي لون غير الاسود
رعد باستغراب : حلا تبي الجي تي الاسود ؟؟؟
ردت بقهر مكبوت : لا .. خلاص رورو يلا نركب
رعد : اذا تبيه خديه عادي
حلا بنرفزه : لا شايفني شحاته ومقطع نفسي عليه انا الحمد لله ربي غناني عنك
راكان استغرب من كلامها بس جاتهم ريم ودخلت في السالفه عرض : هههههههههههههه ايش هذا المزح يا حلا قسم بالله عليكي كلام مدري كيف يركب غلى بعضه
راكان اخذ الموضوع مزح : ههههههه صادقه والله
بينما رعد الوحيد اللي عارف قصد حلا وفاهمها
طبعا البنتين زي العاده لبسين العبي بعكس الشباب اللي كان كل واحد متشيك على ذوقه زي راكان اللي كان لابس شورت ابيض وقميص اسود ونظاره شمسيه ومسرح شعره الاسود بطريقه حلوه ياخذ فيها العقل بالنسبه لرعد فكان لابس كمان شورت بس جينز وقميص ابيض مبين جسمه وطوله وعضلاته وكان موقف شعره الاسود بالجل والنظارة مثبتها على شعره كان شكله يهبل بمعنى الكلمة واخيراً فهد كان لابس زيه زي اللي قبله شورت جينز وبلوزه بنفسجيه ولابس كاب بنفس اللون شكله يجنن وخصوصا انه مسوي حركه حلوه بالكاب المهم ركب فهد الجي تي الاحمر وركب راكان الجي تي الابيض ورعد
الجي تي الاسود
فهد مد يده لريم وقال : هاتي يدك
ريم بخوف : امسكني فهود لاني خايف اطيح
فهد : لا يا قلبي دامني معاك لا تخافي من شي
وبعد كده مسك يده وجلسها وراه وقال لها : يلا امسكي فيني مزبوط
وبالنسبه لحلا فكانت عالقة راكان بعيد عنها والرابط بينهم هو رعد يعني هو اللي قريب منها و
لازم تعدي من جهته رعد ابتسم بستهزاء وقال : هاتي يدك يلا
ومد لها يده وهو عارف ردها حلا : لا ماابى ..بعد عني خلاص
رعد بصوت واطي : يلا اقول لا تعاندي قدام الكل
راكان بطفش : حلا يلا امسك رعد وخلصيني
حلا بعناد : لا انا ما احتاج مساعد اعرف اوصلك بنفسي
و اول ما نزلت للجي تي حق رعد كانت تبى تطيح الا بيد رعد اللي تمسكها من خصرها حلا هنا وجهها حمر وبسرعة ردت عليه : اتركني
راكان هو وريم وفهد ضحك على اشكالهم : هههههههههههههههههه
حلا انقهرت وقالت : يا سخيفيــــــن بسكم
راكان وريم وفهد زادوا ضحك عليها اكثر واكثر وخصوصا لانها انحرجت اكثر: ههههههههههههه
حلا تعدلت في وقفتها وراحت للجي تي حق راكان وركبت وراه وهي مبوزه من اللي صار رعد كان مبتسم بسخريه من اللي صار بس في شي جواته فرحان
فهد : ايش رأيك نسوي سباق ؟؟؟؟
رعد : والله جبتها
حلا عناد في رعد قالت بدلع عفوي : لا رورو ما تبغى سباق و يلا خلينا نحرك
راكان : اللي تشوفيه يا قلبي
وووو
--------------------------
نرجع لنغم وبندر
بعد ما تكلمت نغم بالجوال حوالي نص ساعه
راح وقرب بندر منها
نغم : خلاص قلبو اكلمك بعدين يلا مع السلامه بندر : نص ساعه تتكلمين ما طفشتي
نغم كانت بترد عليها بس تذكرت كلام حلا واتنهدت وقالت بعفويه : بالله من جد لي نص ساعه تصدق ماحسيت بالوقت
بندر ببتسامه : طبعا مع صاحبات فكيف بتحسي بالوقت
نغم : شدراك انها وحده من صاحباتي مثلا يمكن تكون عمتي ولا اي احد ثاني ؟؟؟
بندر بتفكير: اممممم توقع مو اكثر
فهد يناديه من فوق الجي تي : بندر اقول يلا تعال
بندر : لا ماني جاي
طلعت نغم فيه وقالت : ليش ماتروح معاهم وتنبسط ؟؟؟؟
بندر : اذ تبغيني اروح اروح
نغم : لا لا على راحتك ما عندي مشكله
ابتسم بندر ابتسامه تدوخ وقال : وانا راحتي معاك
ونزل لمستواها وباس خدها وقرب من اذنها وهمس لها بهيام وقال : اشتقت لك
نغم ما تدري بس حس بالخجل منه بندر بعد عنها
ومسك ذقنها وما فارقته الابتسامه وهو يتأمل عيونها الزرقه اللي اسرته بكل حب نغم هنا حست بالخجل اكثر وقالت بهمس : بندر اا.. ااانا ااسفه
بندر : لاتعتذري ما صار شي يا قلبي
نغم : بس .. انا.. جرحــــ...
حط بندر يده على شفايفها وقال : اشششش قلتلك ما ابغى اسمع ولا كلمه زياده انسي الموضوع واعتبري انو ما صار شي
نغم نزلت راسها بحيا وقالت : ان شاء الله
بندر : ايوه كده ابغاك يا عمري
نغم في نفسها (( لا هذا مو معقول الحين انا اجرحه وهو ينسى الموضوع بسرعه والله ما اصدق انو الحب يسوي كذا ...وليش لا انا لو كنت مكانه يمكن كان سويت نفس الشي )) طلعت نغم من افكارها وهي تسمع صوت بندر وهو يناديها : نغم حبيبتي اشبك ما تردي ؟؟؟
نغم : هاا لا معاك ايش كنت بتقول ؟؟؟
بندر : لا سلامتك ولا شي بس كنت بقلك تعالي نشوف اولاد اعمامنا وهم على الجي تي يمكن رح يتسابقوا
نغم : طيب يلا
وراحو مع بعض لمكان يقدروا يشوف منه الكل
--------------------------

[لامارا]

( البارت العاشر )

عند عيال العم
رعد طالع في اخو بنظرت تحدي وقال : ها شرايك نتسابق ؟؟؟
فهد ابتسم لاخوه وقال : ما عندي مانع اذ ريومتي وافقت كمان " ووجه كلامه لريم " ها قلبي ايش قلتي ؟؟؟
ريم استحت من اللي قاله عشان كان قدام رعد وقالت : اللي تشوفه
فهد : اجل يلا خلينا نبدء
رعد : استنى خلينا اسأل راكان يمكن يبغى يتسابق معانه وغير رأيه
فهد : طيب شوفه
رعد ينادي راكان : ركين تعال عندنا
راكان قرب الجي تي حقهم من عندهم وقال : خير ايش في ؟؟؟
فهد : نحن بنتسابق بس نبغى نشوف اذ انت تبغى تتسابق معانه
راكان بحماس : ايوه اكيد ابغى " ويوم تذكر انو حلا معاه قال " بس المشكله انو حلا ما تبغي تتسابق
رعد طالع لها وقال : اكيد لانها خايفه مو قلتلك انك جبانه
حلا بنرفزه : ما خايفه ولا جبانه
رعد : اجل ليش ما تخلي عمي يشاركنا السباق؟؟
حلا حاولت تخفي خوفها وقالت : وانا اشلي هو اللي يبغى يسويه ما منعته
راكان : بالله يعني غيرتي رأيك ؟؟؟
حلا بتردد : ايوه طبعا
فهد : اجل يلا كلنا نتسابق
بعد كذا بدء السباق وكل شويه يتقدم واحد فيهم على الثاني
رعد لراكان : انسى انك تسبقني
راكان : نشوف يا رعيد
حلا نرفزتها من رعد فقالت : ولا بأحلامك رح تفوز يا بابا
رعد ابتسم وقال :ترا مابعطيكي وجه لا انتي ولا اللي معاكي ومارح اخليكم تفوزوا
حلا : هاهاهاي خوفتي تصدق
رعد بتريقه : لا الا خوفك يا شيخه
بعد كذا قاطعهم فهد وهو يمر من عندهم ويقول : ركين رعيد رح افوز عليكم
راكان ورعد يوم شافوا تقدم عليهم بدئوا يزيدوا من سرعتهم وابتدى السباق الجدي
---------------------------
في مكان ثانــــــي بعيـــد عن هالأجواء
وفي لندن تحديدا (( الجامعه ))
كانت داخل المكتبة حقت الجامعه تختار كتب لبحثها ابتسمت وهي تسحب واحد من الكتب وتقرأ عنوانه اللي جذبها اخذت الكتاب وحطته مع الكتب اللي اختارتها بعد كذا جلست على احدى الطاولات اللي موجوده في المكتبه وصارت تقرأ بصوت واطي وتكتب البحث حقها وبعد فتره مهي قصير سكت الكتاب وتركت القلم اللي في يدها وهي تحس بالتعب طالعت بتفحص بكل جهــة بخوف ما في احد غيرها في المكتبه المكان كان فاضي وما فيه احد غيرها طالعت ساعتها ولقتها ٣٠ :١٢
يعني الدوام خلص ما تدري كيف مر الوقت عليها بدون ما تحس وبكل هدوء قامت من مكانها ولمت اوراق بحثها وحطتهم في شنطتها واخذت الكتب اللي اختارتها ورجعتها مكانها وبقي معها كتاب واحد راحت للمكان اللي اخذت منها الكتاب وبغيت ترجع بس الحديث اللي سمعته خلها تتصنم في مكانها كان صوت رجولي يتكلم بالعربي ويقول ( راقبة المجتبه فيه ... لا ما خليته يشوفني ... خلاص لاتاكل هم وخلي الموضوع علي ... اوعد خلاص اني رح اكشفه واسلمه للعداله بيدي واخليه ينسجن .... طيب خلاص خلال اقل من شهر بكشفه ... يلا مع السلامه )) وقفل الخط هي ما صدقت اللي سمعته ومن الصدمه طاح الكتاب اللي في يدها وكانت خايفه مره من هذا الرجال اللي ما تدري من هو تركت الكتاب مكانه على الارض وراها وشنطتها معاه وصارت تجري لحد ما خرجت من المكتبه وبعدت عن هذا الشخص وفي النهايه استندت على احد العواميد قريب لساحه وغمضت عيونها بتعب وهي تحاول تجمع انفاسها وما حست إلاا بيـــــد تمسكها .. صرخت من الفجعه و فتحت عيونها والتفت لشخص اللي قدامها وكانت كل اوصالها ترتجف ووووو
--------------------------------
عندي خبر لكم صح اني بنزل كم يوم جمعه
وسبت بس اذ قدرت في الايام الباقيه بنزل كمان
واخيرا اتمنى اشوف ردودكم وتوقعاتكم مع تحياتي

[لامارا]

( البارت ١١)
نرجع لسعوديه
وفي البحر
حلا وهي تقاوم الدوخه اللي فيها قالت : بسرررعة يلا يا رورو باقي شويه ونسبقهم
راكان : اللي يسمعك قبل شويه وانتي تقولي ما ابغى سباق ايش يقول
حلا : ايوه وللحين انا ما ابغى السباق بس عشان ولد اخوك وافقت
راكان غمزلها : ايوه اكيد
حلا خجلت من تفكير خالها وبقهر ضربته بخفه وقالت بصراخ : لا مو هذا كان قصدي
راكان : ههههههههههههههههه اجل ايش كان ؟؟؟
رعد بتريقه : بسم الله الرحمن الرحيم حشى مو بنت
حلا بقهر : بنت وعضب عنك بنت
راكان ضحك عليها من قلبه وهو عارف انو كل اللي بتسويه قهر من كلامه : ههههههههههههه
رعد : ركين شفيك ضحكنا معاك
راكان : ما فيني شي ومين ركين هذا والله لا اربيك يا قليل الادب انت واخوك
فهد من جنب راكان : افا عليك يا عمي ليش انا ايش سويتلك
راكان : تذكر يا شيخ
رعد وهو صار في المقدم قال : ترى الكلام ما ينفع في السباق يابطات يلي ماتعرف تسوقوا
راكان : والله لولا حلا معايه لكان سبقت يا دب
رعد : اي تحجج يا شيخ
راكان : ايش ؟؟؟
ما سمع كلام رعد بعكس حلا اللي سمعته وتنرفزت
رعد : سلامتك
راكان لحلا : ايش قال ؟؟؟
حلا بلعانه : قال انك بطه وما تعرف تسوق حتى لو ما كنت انا معاك
راكان بستغراب : الحين هو قال كذا
حلا : ايوه قال كذا ولا انا بكذب عليك مثلا
راكان : اجل تمسكي مزبوط وخلينا نشوف مين البط هنا
و دعس على الاخر وباسرع ما عنده وسبق رعد حلا ابتسمت كيف انو خطتها نجحت بينما رعد وفهد رجعوا يحاولوا تخطي عمهم
---------------------------
عند الشاطئ
لميس كانت بتراقب السباق وكل شويه تقول بصوت واطي ما حد يسمعه الا هي وغلا : يا رب تفوز يا راكان يا رب تفوز
غلا : عمه لميس
لميس التفت لها وقالت : عيون عمتك نعم
غلا بتسائل : ليش انتي تشجعي خالي ؟؟؟
لميس ارتبكت : هااا... انا ... اشجعه عشان ....
عشان حلا معاه ... ايوه عشان حلا بس ليش تسألي ؟؟؟
غلا : بس كنت بعرف اذ انتي تحبي خالي زي ما هو يحبك
لميس : ليش مين قلك انو راكان يحبني ؟؟؟
غلا : دايما اسمعه وهو يكلم حلا بالجوال ويقلها انو هو يحبك
لميس بفرح : من جد ؟؟؟
غلا هزتلها براسها بمعنا ايوه لميس كانت مبسوط صح هي تحس انو راكان يحبها بس ولا مره سمعته يقلها انو هو يحبها
لميس بيتسامه : فديتك يا غلغوله
غلا ردتلها الابتسامه وقالت : عمه الحين بفهم شي
لميس : ايش هو قوليلي عشان افهمك ؟؟؟
غلا : احيانا لمن اسمع حلا وهي بتكلم خالي على السبيكر يقول خالي راكان " وقلد صوته " لا تخلي عمتك تاخذ غير لانها لي انا وبس " ورجعت تتكلم عادي " ايوه ايش يعني كلامه ؟؟؟
لميس انصدمت من كلام غلا وفي نفس الوقت فرحت بس ما اظهرت وقالت لغلا عشان تضيعلها السالفه : بكرا لمن تكبري تفهمي الحين تعالي معايه نروح الكبينه لانو يمكن فروس جاه
غلا : مين يعني قصدك عمي ؟؟؟
لميس ابتسمت وقالت : ايوه عمك طبعا وحزري مين جاب معاه ؟؟؟
غلا بفرح : اكيد جاب معاه سونه { سونه يعني قيس بس غلا تدلعه كذا }
لميس : ايوه صح جاب معاه قيس يلا حبيبتي نروح نشوفهم
غلا : يلا
وراحت هي وعمته للكبينه اما بالنسبه للي على الجانب الاخر من الشاطئ
نغم بحماس : ايوه يا راكان اسبقهم
بندر : يلا فهيد بسرعه اسرع
نغم وقفت تشجيع وقالت : الحين انت من جدك تقول انو فهد بيهزم راكان ؟؟؟
بندر التفت لها وقال : ايوه حبيبتي وليش لا
نغم بغرور : ببساطه لاني انا ما اشجعه
بندر ابتسم وقال : لا يا قلبي احلفي ؟؟؟
نغم ردتله الابتسامه وقالت : والله
بندر : اجل خلينا نشوف
نغم : اوعدك انو مارح يفوز " والتفت وكملت تشجيع " يلا يا راكان اسبقه ايوه ايوه خليك قدامه
بندر ببتسامه : تعادل ههههه
نغم بزعل : يوووووه
بندر قال لها : لا يا عمري لا تزعلي كله سباق
نغم لفت كرسيها وقالت : ماني زعلانه
وصارت تدفه وتبعد عن بندر وطبعا هو راح وراها وقال : تسمحيلي اساعدك ؟؟؟
نغم بطفش : لا انا اعرف ادف نفس بنفسي
بندر ما سمع كلامها ودفعا وقال : وانا اصر على مساعدتك
نغم : اوووووف
بندر : لا تتأففين
نغم سكت وماردت عليه عشان ما كانت تبغى تكبر السالفه اكثر وتخليه يعصب زي ما صار امس
-------------------------
نروح الحين للندن (( الجامعه ))
فتحت عيونها والتفت لشخص اللي قدامها وكانت كل اوصالها ترتجف من الخوف كان يناظرها وهو يبتسم بمكر قال بالانجليزي :
Hello I was very pleased to see you
الترجمه [ اهلين فرحت من جد لشوفتك ]
حاولت فيدال تبعد عنه والدموع بدت تتجمع في عيونها وقالت له بتسائل :
Martin What do you want from me
الترجمه [ مارتن ايش تبغى مني ؟؟؟ ]
مد يده مسح دمعتها اللي نزلت بحنية وقال :
Do not be afraid, my dear, will not hurt you
الترجمه [ لا تخافي يا عزيزتي مارح أذيكي ]
فيدال وهي تبعد يده عنها : Let me
الترجمه [ اتركني ]
قرب منها اكثر وحاصرها عند العامود وما خلها تتحرك وقرب وجهه منها وصارت أنفاسه الحارة تلفح وجهها وجات عشان تبي تتكلم بس هو رفع يده وحطها على شفايفها ومنعها عن الكلام
مارتن : أششششش
قطع عليه كلامه صــــوت وهو يقول : Martin
الترجمه [ مارتن ] وووووووو
-------------------------------
في السعوديه
وفي البحر
حلا : اووووووف تعادلنا
راكان : يلا المهم ما حد ربح على احد
حلا : بس انا حسيتك بطأت يوم وصلنا لنهايه
راكان وهو يسوق الجي تي : والله مو مني
حلا : طيب من مين ؟؟؟
راكان : .........
حلا : المهم الحين رجعنا لشاطئ
راكان : والله لو اقدر كان رجعنا من زمان
حلا : ليش ايش في ؟؟؟
راكان : مدري بس عسى حصل اللي خايف منه
حلا : وايش هو ؟؟؟
راكان : خلص الزيت
حلا : لااااااا ياربي على حظي يعني خلص
راكان : والله مو بيد الحين مالنا الا نستنى يمر احد
حلا : ..............
تركي التفت له وقال : وهذي فرصتي مدامنا لوحدنا ابغى اكلمك
حلا بطفش : يعني مو ممكن نأجر الموضوع لوقت تاني ؟؟؟
راكان بنفي : لا مو ممكن
حلا : طيب اجل تكلم يلا
راكان : في حاجة صارت في غيابي بينك وبين رعد ؟؟؟
حلا بارتباك : لا ما صار شيء
راكان : حلا انا خالك و اعرفك انتي من زمان ما كان تعاملك كذا مع رعد قوليلي الحين ايش تغير وايش صار بينكم ؟؟؟
حلا كانت شويه رح تقوله كل شي بس واول ما كانت تبغى تتكلم جاهم صوت يقول : راكـــــــان
التفتوا للصوت الجاي من رعد راكان قله : تعال قرب مننا
قرب رعد من راكان وقال : خير ايش فيكم ؟؟؟؟
راكان : مع الاسف الزيت خلص والجي تي واقف
رعد : بالله
راكان : والله زي ما بقلك
رعد : طيب لا تاكل هم دحين انا ...
قاطعتهم حلا : ااااااي
راكان و رعد : حــــلا
حلا مسكة بطنها وغمضة عيونها بقوة واسندت راسها على ظهر راكان
راكان : اشبك ؟؟؟
حلا : دايخ وحاس اني بستفرغ ( الله يعزكم )
راكان : اقول رعد خذ حلا معاك ووديها الكبينه
حلا بتضغط على نفسها : لا بس مو لازم بستنا معاك المي بسيط
راكان : لا تكابري انتي جاكي دوار البحر بس ما كنتي راضيه تقولي
حلا : لا انا بخير
راكان بحزم : لازم ترتاحي خدها يا رعد معاك
رعد : طيب هيا يا حلا قومي
حلا : مني قايمة ومني رايحة انا بخير افهموني
راكان عصب وقال : حلا بلا عناد ولا والله اوريكي شيء ما يعجبك
حلا من الالم والخوف اللي فيها قامت بعدلها رعد و رجع لورى وخلها تجلس مكانه لانو عارف اذ جلست وراه مارح تمسك فيه ورح تعاند
راكان : يلا روحوا ماوصيك رعيد انتبه عليها
رعد : ان شاء الله
رعد قام وحرك وهو مسكها عشان لا تطيح حلا اللي كانت مغمضه عيونها فتحتهم بعد ما اتحرك الجي تي وحست بقربها من رعد لان ظهرها كان لاصق في صدره وووو
-------------------------------

[لامارا]

( البارت ١٢)
وفي لندن (( الجامعه ))
مارتن غمض عيونــه بطفش .. من هذي الحاله كل مره يطلع له شي هذا ويخرب عليه الجووو
مارتن بطفش : Yes
قرب منه وهو رافعه حاجب وما انصدم لوجود "فـــــيــــــدال" معاه بس تنرفز وانقهر وصار يطالع فيهم بنظرات متفحصه شاف خوف فيدال منه تنهد وقال :
What do you do with the girl
الترجمه [ ايش بتسوي مع البنت ؟؟؟ ]
مارتن : Nothing has been fun, Frank
الترجمه [ ولاش بس كنا بنتسلى يا فرانك ]
فرانك :
But it does not seem that the girl
الترجمه [ بس هذا مو ظاهر على البنت ]
مارتن عشان يقفل الموضوع :
It does not matter now will go
الترجمه [ مو مهم بروح الحين ]
وكان يمشي ويتركهم بس فرانك مسكوا من يده ووقفه وقال :
Beware of approaching them with an iron
الترجمه [ انتيه تقرب منها من مره ثانيه ]
مارتن وهو يبعد يد فرانك عنه قال : OK
وتركه مارتن وراح بعد كذا التفت فرانك لفيدال وهو رافع حاجبه ويقول :
What are you doing with him Conti
الترجمه [ ايش كنتي بتسوي معاه ؟؟؟]
فيدال من خوفها قالت له كل شي لفرانك من يوم كانت في المكتبه حتى اللي صار معاها هنا وكلام الرجال اللي سمعته وبعد كذا بدأت تبكي وتقول :
I really did not do anything
الترجمه [ انا من جد ما سويت شي ]
فرانك يوم شاف دموعها ما قدر يستحمل وعوره قلبه عليها فمسح لها دموعها بأطراف اصابعه ورفع وجهها حتى تقابلت عيونه وقال :
.Well, I believed you do not cry all the Mavi subject is that Martin angered me a bit of his actions
الترجمه [ طيب صدقتك بس لا عاد تبكي كل ما في الموضوع انو مارتن هذا عصبتي بتصرفاته ]
فيدال سكتت ووقفت بكى وهي تطالع لعيونه الرماديه اللي تذوب وما تكلمت ولا كلمه : .........
فرانك ابتسم لها وقال :
Incidentally Feltensa story library I've been there a few minutes ago and did not see the one you imagine it might Conti Vlhma bag I brought you out of there
الترجمه [ بالنسبه لقصة المكتبه فأنسي الموضوع دوبني قبل دقايق كنت هناك وما شفت احد يمكن انتي كنتي بتتخيلي الموضوع عشان كذا جبتلك شنطتك من هناك ] ورفع لها الشنطه واعطاها هي
فيدال اخذتها منه وقالت بتسائل :
How did you know it was my bag
الترجمه [ كيف عرفت انها شنطتي ؟؟؟]
فرانك :
With ease, because I read your name on the search
الترجمه[بكل سهوله لاني قرأت اسمك على البحث]
فيدال ببتسامه حلوه : Uh Thanks anyway
الترجمه [ اه وشكرا على اي حال ]
فرانك رد لها الابتسامه وقال :
Amnesty and careful for yourself
الترجمه [ العفو وانبهي لنفسك ]
بعد كذا تركها وهو مطمن عليها بس شاكك باللي سمعته وهو يوم تركها رجعت هي على بيتها
--------------------------
وعند فهد و ريم
كان الهدوء عام المكان وكل واحد في يفكر وسرحان لعالم ثاني فهد حس بطفش قام طلع من افكاره وقال : رومتي
ريم رجعت للواقع وقالت : هلا
راعد التفت لها وبابتسامة : اللي ماخذ عقلك يتهنى
ريم : هااا ؟؟؟
فهد : مين قال ها سمع .... ها ما قلتيلي فمين كنت بتفكري اكيد فيني
ريم برتباك : هاا لا لا ما كنت بفكر فيك
فهد بستغراب : اجل في مين كنت بتفكري
ريم ترددت وما عرفت ايش تقول : ............
فهد وقف الجي تي و غمض عيونه بتعب : ........
ريم حست فيه وقالت : فهودي ايش فيك ؟؟؟
فهد فتح عيونه والتفت لها وقال : انا بس نفسي اعرف اشبك يا ريم من يوم الخطبة وانتي مو على بعض " تنهد بتعب وكمل " ترى اذ مو عاجبك الارتباط فيني قوليلي واذ احد جابرك كمان قوليلي عشان نحل الموضوع وكل واحد فينا يشوف طريقه
ريم بتبرير : لا لا الموضوع مو كذا انا اصلا ما وافقت على الخطبه عشان انفصل
فهد ركز عيونه عليها وقال : اجل اشبك ليش دايما احسك حامل هموم الدنيا على اكتافك
ريم بغصه : اااااااه بس لو تدري
فهد : كيف بدري اذ انتي ما قلتيلي ؟؟؟ يلا يا قلبي قوليلي اشبك ؟؟؟
ريم بتردد : طيب اول شي توعدني قبل ما انتكلم انك ما تتركني لو ايش ما يصير
فهد ابتسم وقال : اوعدك يا عيوني بس يلا تكلم
ريم : طيب تتذكر يوم الخطبه لمن وووووو
قبل كم اسبوع او كم يوم (( المهم يوم خطبة فهد و ريم )) وبعد الزفه وكل وهذ الكلام
دخلت ريم مع فهد غرفه من الغرفه الموجوده في القاعه عشان ياخذوا راحتهم جلست ريم على الكنبه وجلس فهد جنبها وكان مره مبسوط وطاير من الفرح
فهد : مبروك عليك انا
ريم بخجل وهي منزله راسها : الله يبارك فيك ... ومبروك لك كمان
فهد ببتسامه : الله يباك فيك ..... زعلتي عشان ما اخذنا الصاله اللي تبيها
ريم بحيا : لا اصلا كل شي عشانك يهون
ابتسم فهد وقال : متأكده
ريم هزت راسها بمعنى ايوه
فهد زادت ابتسامته وقال : طيب تحبيني ؟؟؟
ريم بخجل : بعدين اقلك
فهد : ليش تستحي مني ؟؟؟
ريم كتقت بالسكوت والخجل : ...........
فهد : فديت الخجلاني والله بعدين يا قلبي انا الحين زوجك يعني مو لازم كل هذا الخجل
ريم : والله مو بيدي
فهد : اجل اتعودي
ما كمل كلامه الا الباب يدق فهد بطفش من اللي قطع عليهم هذا اللحظه : يوووه ايش يبغوا هذول
ريم كتمت ضحكتها وقالت : طيب روح شوف ؟؟؟
فهد وهو قايم : وهذا اللي بسويه استنيني
هزت له ريم راسها مره ثاني بينما هو راح يشوف مين عند الباب وفي هذي الوقت كانت جوال فهد على الطاوله جنب جوال ريم [معلومه الجوالين نفس اللون والشكل ] الا جات رسالتين لاحد الجولات ريم اخذت الجوال وفكرته حقها وفتحت الرسالتين اللي كانت من رقم غريب بعد ما قرأتها انقلب وجهها ١٨٠ درجه وتركت الجوال مكانه ووو
نرجع لارض والواقع
ريم : ايوه هذا اللي صار
فهد : طيب وايش كان مكتبوب في الرسالتين ؟؟؟
ريم كانت خافظه الرسالتين فقالت : كان مكتوب فيه الاول
معقول
نسيت حبي لك في ثواني
نسيت كل الشوق والأماني
بسهولة حبيت غيري
خاين و بسببك أنا أعاني
وفي الثانيه
وضحلي ليه بالخيانة تجرحني
وأنا كلي لك من يوم ما عرفتني
اليوم حلا بعينك غيري
بعد ما مصيت روحي و دمي
واخر الرساله الثانيه مكتوب
مبروووك على خطبتك يا قلبي بس صدقني ما راح تتهنى في زواجك اللي جاي قريب ..
ريم بدأت تبكي اما عن فهد فكان للحين منصدم بالكلام وبعد ما طلع من الصدمه قال : ريومه عمري لا تبكي وانا اوعدك انو ما يصير اي شي من هذا الكلام واللي كتبه بروح واطلع روحه
ريم ببكى : اهئ اهئ بس الرقم غريب ويوم دقيت عليه اداني مغلق
فهد : لا تاكلي هم يا روحي هو الرقم في جوالي ولا جوالك ؟؟؟
ريم : في جوالك انت
فهد : طيب انتي ما مسحتي الرسالتين صح ؟؟؟
ريم : ايوه لساعهم عندك
فهد : طيب خلاص الحين هدي يا قلبي وصاحب الرقم هذا والله لا اوريه نجوم الظهر انت بس اطمني اصلا انا شاك في احد
ريم : لا فهودي انت بس خليك معايه والباقي مو مهم
فهد : خلاص يا حبيبتي انا وعدتك انو ابقى معاك وما يفرقنا الا الموت فعشان كذا لا تزعلي وانسي الموضوع ومره تاني اي موضوع زي كده قوليلي هو انفقنا
ريم وهي تمسح دموعها : اتفقنا
فهد يغير الموضوع : اجل اتمسكي فيني مزبوط الحين عشان بوريك قد ايش انا خطير
ريم : ههههه طيب
فهد : فديت الضحك يا ناس
وكمل سواقه بسرعه وتفننات في حركاته
---------------------------
واتمنى اشوف ردودكم وتوقعاتكم
مين هو اللي سمعته فيدال في بيتكلم بالجوال ؟
وايش بيسوي فهد فقصة الرساله الغريبه ؟
وهل رح تتحسن الاوضاع بين نغم وبندر ؟
وايش رح يصير بحال حلا ؟
وراكان ايش قصته مع لميس ؟

[لامارا]

الشخصيات الجديده

فرانك (( عمره ٢٤ سنه طالب في الجامعه اخر سنه ادارة اعمال شخصيته غامض ورح نكتشفها مع الايام في الروايه ))
مارتن (( عمره ٢٣ سنه طالب معاهم في الجامعه ودايما يحاول يتقرب من فيدال بس هي ما تعطيه وجه وهذا اللي قاهره ))
وفيدال نتعرف عليها بعدين نترك شخصيتها لقدام شويه ^_^

[لامارا]

(البارت ١٣ )

وفي الكبينه
عند الحريم
دخلت لميس وسلمت على زوجة اخوها دانه وغلا نغس الشي بعد كذا سألت عن قيس وعرفت انه عند الرجال فراحت وهي وهي مبسوط لكبينك الرجال واول ما دخلت
غلا : فين قيس ؟؟؟
الجد سلطان : عيب يا غلا اول شي سلمي
غلا بطفش : السلام عليكم
الكل : وعليكم السلام
فارس ببتسامه : كيف حالها بنت اخويه الصغير
غلا راحت عنده وسلمت عليه وقالت : الحمد لله تمام ... وانت كيفك يا عمي
فارس : كويس الحمد لله
غلا : طيب يا عمي ممكن يجي سونه اقصد قيس ويلعب معايه
فارس : ايوه ممكن
غلا باست عمها على خده وقالت له : شكرا يا احلى عم في الدنيا
فارس ببتسامه : العفور
غلا طالعت لقيس وقالت : يلا قوم يا قيس خليني ارويك القلعه حقتي
قيس وهو يقوم : طيب
وخرجوا هم الاثنين مع بعض قيس : فين القلعه حقتك ؟؟؟
غلا : عند البحر هذي عمه لميس سوتلي هي
قيس : من جد
غلا : ايوه والقلعه مره حلوه
قيس : اجل يلا نشوفها
--------------------------------
وفي مكان ثاني
في لندن
رجعت فيدال للبيت ... وكان باين عليها إن نفسيتها ما هي رايقه وكل هذا بسبب اللي صار معها في الجامعه قبل شويه فيدال حساسة كثير وكل اللي فقلبها يبان على وجهها لقت جدها و خالها وامها قاعدين ينتظرونها على طاولة الاكل عشان الكل متعودين يتغدون مع بعض يوم الثلاثاء لأنو فيدال ما عندهم محاضرات متأخرة في هذي الأيام وخالها يكون مخلص شغل بينما جدها يكون شغله قليل كمان
فيدال بالعربي : السلام عليكم
الكل : وعليكم السلام
الجد ادم : يلا يا فيدال اوه اقصد وفاء بدلي ملابس وتعالي تغدي { فيدال هو نفس وفاء بس باللغه العربيه ووفاء في البيت ما تحب احد يناديها فيدال .... بس في الجامعه ينادوها كذا عشانهم ما يعرف انو اسمها الحقيق وفاء وانو هي عربيه }
وفاء: لا يا جدي تغدوا انتو انا ما ابي حاسه نفسي تعبانه
جاتهم الجده مريم اللي كانت في المطبخ : وفاء ايش ماتبين غدى هي اصلا كلها يوم اللي نجتمعهم فيها على الغدى
[ ملاحظه : الجدة ماري او مريم سعوديه وزوجها ادم اجنبي بعد ما تزوجوا جابوا روزي اللي هي زهره ام وفاء وكمان جابوا جوزيف اللي هو يطلع يوسف خال وفاء وفي البيت الجده مريم حافظ على اللغة العربية واللهجة السعودية مع انها تعرف تتكلم انجليزي بس ممنوع عندها منعا باتا أي كلمه باللغة الانجليزية تنقال في البيت ]
و نرجع لروايه
ام وفاء : وفاء حبيبتي اشبك ايش صار معاك اليوم في الجامعه في شي ازعجك ؟؟؟
وفاء بتفاجئ : ها "ونزلت راسها للارض وقالت " لا يا الغاليه ايش اللي بيصير وبيزعجني ما في شي ابداً
قربت الجده مريم منها ورفعت راسها وقالت : وفاء
طالعلي
وفاء بعدت عنهم وقالت : خلاص لو سمحتوا اشفيكم اليوم علي انا الحمد لله طيبه مافيني شيء بس نعسانه وابي انام لانو شكلي طولت امس بالسهره
الجده مريم : وانا يعني ما اعرفك اذ نعسانه او فيكي شي ؟؟؟
خالها يوسف بمزح : اعترفي تراهم مارح يتركوكي اليوم اعترفي واخلصي احسن لك
وفاء : ترى مو وقتك الحين يا خالي
الجد ادم : ياجماعة خلوها ترتاح اخرتها رح تقلنا
وفاء : يلا عن اذنكم
وطلعت غرفتها وهي تقول في نفسها(( ايش اقلكم اني اليوم سمعت واحد مجرم مدي ايش يطلع يتكلم بالجوال وقول انه رح يمسك واحد ويدخله السجن بيده ))
نرجع للي جالسين على طاولت الغدى
ام وفاء : بنتي وانا اعرفها فيها شي مو مزبوط
يوسف : قلبتوها دراما انتي وامي خفوا علينا شويه
الجده مريم : وجع اشبك اليوم علينا والله صدقت وفاء يوم قالت مو قتك
الجد ادم : هههههههه صادقه
تغدى الكل مع انو ام وفاء هي والجده مريم كان بالهم مشغول بوفاء وحالها
-----------------------------
عند حلا ورعد
بعد ما وصلوا الشاطئ
كلم رعد العامل وقله انو الجي تي حق راكان وقف ويبغاله زيت والعامل طبعا قله انو رح يحل المشكله
نزل رعد عن الجي تي ومد يده لحلا وقال : يلا هاتي يدك عشان انزلك
حلا بعناد : ما ابغي انا بقوم بنفسي
اول ما حاولت تقاوم اترنحت وبغيت تطيح
رعد مسكها ونزلها وقال بستهزاء : ياحبك للمكابرة والعناد
حلا بطفش : بعد يدك عني قلت لك الف مره اقدر امشي مو محتاجة مساعده من واحد زيك
رعد : ليش اشبني انا ؟؟؟
حلا وهي تبعد عنه وبصوت عالي : والله يا بابا كل واحد ادري بنفسه
رعد كان شايف كيف وجهها اصفر وشويه رح تطيح فراح مسكها عندها وقال : اقول اسكتي بس وخلينا نروح المستشفى والله شكلك ما يطمن
حلا : لا يا شيخ انا بخير ومو محتاج مستشفى
حلا زاد الم راسها فمسكته بقوه رعد لاحظ تعبها وقال : بتجين معايه بالطيب ولا اسوي شي ما يعجبك
حلا قالت له من بين المها: ايش رح تسوي يعني؟؟
رعد ابتسم لها يحب يشوف نظرت التحدي منها فقال : شوفي ايش رح اسوي
فجأة حلا ما عاد حست برجولها ووقتها تأكدت انه رعد شالها
حلا بصراخ : يا مجنون ايش بتسوي نزلني يلا رعد : اشششششششش لمن نركب السياره وقتها اصرخي قد ما تبي
حلا : نزلني الله يفضحك نزلني
...... : فديت الرومنسية والله
...... : هههههههههه شوف عصافير الحب
رعد عصب وتنرفز من كلامه ولو ما كانت حلا معاه كان ضربه لحد ما شبع بس مايقد فقال بقهر : ايوه حبي مره تاني انتبهي على اللي في بطنك تعرف انتي انك يا ام الغالي
حلا من الصدمه انعقد لسانه وحمروا خدودها
وقالت في نفسها (( هذا المجنون ايش بيقول ))
...... : الله يعنك يا شيخ عليها اجل
...... : ايوه صادق زوجته حامل وفي الكباين
رعد رفع صوته وقال : والله وفديتك يا ام ولدي
حلا على قولهم دوروها ما تلاقوها من الاحراج والخجل اللي فيها
رعد وهو عند المواقف : خلاص وصلنا
فتحلها باب السياره وجلس في المقعد بعد كذا ركب هو مكان السايق وحرك وحلا في عالم ثاني والصدمه والسكوت مو مفارقينها وووو
----------------------