آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
03-05-14, 06:40 AM
| #1 | ||||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  حب عمري وبلسم جروحي / للكاتبة نجوم الليل والفرح ، مكتملة
التعديل الأخير تم بواسطة لامارا ; 05-05-14 الساعة 07:48 PM | ||||||||||||||
|  |
|
03-05-14, 06:41 AM
| #2 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  بسم الله الرحمن الرحيم السلام عليكم ورحمة الله وبركاته حبيت اليوم اقدم لكم اول روايه كتبتها واللي هي (حب عمري وبلسم جروحي) روايه يمكن افكارها مكرر لدى كل الرواية بس زي ما تعرفوا انو لكل انسان اسلوبه الخاص والمميز واتمنى روايتي تنال اعجابكم وتشجيعكم الروايه بقلمي ومن كتابتي معليش طولت عليكم المهم خلونا. نروح لروايه {البارت الاول} في أحد القصور الفخمه الموجوده في السعوديه وفي احدى الاجنحه كانت جالسه بغرفتها الورديه انسدحت على السرير وغمضت عيونها وهي ترجع بالزمن لورى ووتذكر بعد خطبة ريم وفهد باسبوع رجعت العيله واجتمعت زي العاده البنات قرروا يجلسوا في الحديقه حلا : بنات تعالوا نجلس هنا ريم : طيب بس استنيني بجيب جوالي نسيته جوا حلا بمزح : اي طبعا الا الجوال حقك عشان بعدين اذ دقوا الحبايب نرد عليهم ريم بخجل : اقول اسكتي ولا والله ما يحصلك خير حلا : ههههههه بالله روحي جيب الجوال وخلصيني نغم اللي كانت مقعده على الكرسي المتحرك : الا صح وانا كمان بجي معاك اجيب لي مويه حلا : طيب يلا استناكم تركوها البنتين ودخلوا البيت الاشبه بالقصر بينما راحت حلا تتمشى وهي مبسوطه بس وقفت في نص الطريق وهي مو مصدق اللي بتسمعه شافت رعد اللي كان مديها ظهره وكان لابس توب مفصل عليه ومبين جسمه الرياضي ومسرح شعر ورافعه وباين مره حلو وخطير قربت حلا شويه منه وهي تسمع يتكلم بالتلفون رعد بصوت يسحر : هلا وغلا والله بقلبي حلا انصدمت وانعقد لسانها ما عاد تقدر تتكلم وعيونها اتسعت وهي تقول في نفسها (( رعد من النوع اللي يكلم بنات يخسى هذا النذل راعي البنات والله وطلعت عكس اللي الكل مفكر يا خساره بس )) وطلعت من افكارها وهي تسمعه يكمل كلامه ويقول رعد : والله مشتاق لك .... وياليت اقدر اشوفك .... لا ما اقد يا روحي انا مره مشغول ..... ولا يهمك يا عمري ان شاء الله اجيك يوم اخلص ..... انتبهي على نفسك ... مع الف سلامة ابتسم وكان باين علي الفرح بس سرعان ما اتسعت ابتسامته اكثر وهو يطالع لرقم الداق على جواله مرة تانية ولما شاف الرقم رعد : هلا والله بابو الشباب ... كيفك وشخبارك ... تمام الحمد لله ... انا في بيت جدي .... بس تصدق توهم الحبايب متصلين ..... لا قال تبغى تشوفني .. قلت لها اني مشغول .... كم يوم ان شاء الله وادق عليها عشان نتقابل في السوق ... الا قول ليش ما تجي انت معايه وتجيب البنات حلا غصب عنها تجمعت الدموع في عيونها وهي تقول في نفسها ((هذا واحد حقير ماعنده دم كيف يرضى على نفسه كذا يكلم بنات الناس ويقابلهم عيني عينك لا ويعزم اصحابه كمان واحد نذل )) مسحت دموعها اللي خانتها بسرعة عشان لا تبينها لاحد وهي تقنع نفسها انو رعد ما يستاهل هذي الدموع ريم من ورها : حلا معليش اتأخرت رعد التفت للصوت ولقى ريم جاي بتدف نغم وحلا وراه طالع رعد لحلا اللي كانت عيونها مليانه كره وحقد ومشاعر كثير ثانيه حلا بكره : يلا يا بنات نمشي بلا قرف اصلا قبل شويه انسدت نفسي وبعدوا عنه نغم بتسائل : ليش ايش صار حتى انسدت نفسك حلا : ولا شيء يا قلبو نغم بعدم اتقناع : براحتك طلعت حلا من افكارها على صوت رقعت الباب ونقزت من مكانها وهي مفجوعه حلا بعصبيه : خير ايش في ؟؟؟؟؟؟ غلا : امي تقول انزلي لها عشان بتكلمك عن روحت السوق حلا بهدوء: طيب ان شاء الله بس شوفي مره ثانيه دقي الباب احسن ما اوريكي نجوم الظهر غلا مدت لسانها وقالت ببرائه : اصلا مافي نجوم في الظهر يا بلها وخرجت بسرعه وسكرت الباب وراها حلا ابتسمت على استهبال اختها الصغير وقامت تشوف امها ------------------------ نروح الحين لبيت او قصر ابو نغم وفي احدى غرف القصر كانت جالسه قدام الشباك المطل على الحديقه زي العاده تتذكر احلى الايام اللي عاشتها مع حبيبها مهند بهيام : أحبك أحبك أحبك نغم بخجل : هنووودي حاوطها وقربها اكثر لصدره وهمس في اذنها بكل حنان : عيونه نغم بحيا : تكفى لاعاد تخجلني كذا ابتسم مهند بحب وقال : فديتك والله بس اذ تبغي تفتكي مني قوليلي انك تحبيني نغم توردت خدودها وقالت : مهند خلاص انت تعرف غلاك عندي مهند بأصرار : قوليها ابغى اسمعها حرام عليكي ارحمي حالي شويه نغم بحنان : مهند انا ما احبك وبس انا اعشقك ضمها مهند لصدره اكثر وطبع بوسه على راسها طلعت نغم من افكارها وهي تحس بضيق كل ما تذكرت اللي صار مسحت دمعه حاره نزلت على خدها الناعم وخانتها وقالت في نفسها (( يا الله يا مهند من جد فراقك صعب والله اشتقت لك موووت يا عمري )) ------------------------- عند البحر كان رعد جالس على احدى الكراسي وجنبه ولد خالته وصديق عمره ومدفن اسراره و اللي هو سعود طبعا وزي عوايده رعد ما يتكلم عشان كذا كان الصمت مخيم عليهم سعود بتسائل : ها ايش فيك هذي المره ؟؟؟؟ رعد : ما فيني شيء تطمن سعود : بــــس قاطعه رعد وقال : لا بس ولا غيره انا بخير ولو سمحت يكفي اسأله سعود ما حب يضغط عليه فقال : طيب طيب خلاص هدي بس اذ احتجت بعدين من تفضفضله فأنا موجود وفي الخدمه لا تنسى رعد وهو يقوم : طيب ان شاء الله اصلا لو تدري انو انت اول واحد اقصد اذ فيني شيء فلا تاكل هم بطفشك بطفشتك سعود وهو يقوم كمان و ببتسامة غرور : احم احم ادري اصلا اني مهم عندك وما تقدر تستغنى عني حتى في ابسط الامور رعد بنص عين : ترى ما يمدحون الغرور سعود : هههههههه بس بالله مو هذي الحقيقه رعد ضربه بخفه على ظهره وقال : لا مو هذي الحقيقه يلا يا بو الشباب انا رايح اجيب الحبايب بعد كذا بنروح السوق عن اذنك سعود بابتسامه : اذنك معاك وسلملي على الحبايب " وغمز له " رعد : بالله احلف مو شكلك اليوم ناوي على نفسك الحمد لله بس انو عندك شغل وماتقدر تجي معانه سعود بستهبال : ااااه يا قلبي بس ايش اسوي انت تنبسط وتكب كل شغلك على راسي الا بالله قلي من رايح معاك غير جوري ؟؟؟؟ رعد بتفكير : امممم مدري هي قالت بتاخذ معاها رفيف و ريوف بس الله اعلم يمكن يزيدوا وتجيب لنا صديقتها كمان سعود بحسره : يا خساره والله وراحت علينا الفله بس لا تاكل هم يا رعيد مردوده والله مردوده رعد ببتسامه : احلم بس يا شيخ بعدين مين رعيد يا سعووود ؟؟؟؟ سعود : سعووود بعينك اصغر عيالك كاين رعد : اجل تقلي رعيد زي كأني بزر قدامك شوف اذ مره تانيه سمعتك تنادين كذا فلا تلوم الا نفسك سعود : ههههه طيب خف علي بس ويلا روح شوف جوري قبل لا تعصب عليك رعد بثقه : لا تخاف جوريتي ما تعصب علي بعدين لسع بدري على السوق سعود : وليش ان شاء الله ما تعصب منك ؟؟؟؟ رعد : طبعا لانها تحبني مو زي بعض الناس يلا اقول مع السلامه سعود : الله يسلمك" وبعد ما انتبه لكلام رعد قال" بعدين تعال قلي ايش قصدك ببعض الناس؟؟؟ رعد وهو يركب سيارته ويحرك : لا سلامتك ما قصدي شي مشي وترك سعود يفكر بالكلام اللي قاله له اتمنى اشوف توقعاتكم وردودكم مع تحياتي ^_^ | ||||
|
| |
|
03-05-14, 06:41 AM
| #3 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| سوووري نسيت اقلكم اسماء الشخصيات الشخصيات : الجد سلطان (( حازم وجدي وقليل ما يضحك ويمزح وعنده شركات كثير بس بعد ما تقاعد تركها لعياله )) الجده سميره (( حنون مره على عيالها وما تشتغل وتحب لمات العيله )) -------------- ابو حلا (( زياد متوفي من سنين )) ام حلا (( مروى متقاعده وهي انسانه طيبه وقلبها مبير وبعد ما مات زوجها ما خلت بناتها يحسوا بنقص و كانت لهم الاب والام في نفس الوقت وهي عايشه في بيت ابوها سلطان )) حلا : بنت عمرها ٢١ سنة ثالث جامعه داخله محاسبه حلوه مره وناعمه بس عيبها الوحيد انها عنيده >_< غلا : اخت حلا وعمرها ٧ سنين تحب تضايق اختها وتنرفزها مره وهي اموره ---------- ابو نغم (( ياسر اخذ وحده من شركات ابوه ومطورها والحين صارت بأسمه طيب وحنون على بنته الوحيده ومدلعها اخر دلع وخصوصا بعد الحادث اللي صرلها)) ام نغم (( متوفيه وبعدين تكتشفوا السبب )) نغم (( عمرها ٢٢ رابع سنه جامعه واخر سنه داخله ترجمه بس تدرس في البيت بسبب شللها اللي رح تعرف قصته في الروايه وهي بنت جميله بمعنى الكلمه وعيونها الزرقه وحدهم يكفوا ويوفوا)) --------------------- ابو رعد (( ناصر ريه زي اخوه اخذ شركه من ابوها وطورها و هو انسان شديد في اكثر الاحيان وعصبي بس هذا مو يعني انه شرير )) ام رعد (( ما تشتغل ومطلقه من ابو رعد من كم سنه )) رعد :عمره ٢٥ يشتغل مع ابوه في الشركه وهو مره وسيم ومعضل والبنات دايما وراها بس هو ما يديهم وجهه يكره البنات لانو عن اعتقاد انو كل البنات يكلموا شباب ومن هذا الكلام بس هو مره حنون وقلبه طيب بس ما يظهر الا الجمود فهد :عمره ٢٥ توأم رعد وعكسه تماما وهو مهندس وفاتح مكتب حنون ويحب التنكيت والاستهبال وهذا اللي محليه .............. ابو بندر (( احمد وهو اخو ناصر وياسر بس متوفي من سنوات )) ام بندر (( تقاعدت بعد ما ولدها صار يشتغل ام بمعنى الكلمه وقلبها ابيض وحنون مره على اولاده من بعد وفات ابوهم )) بندر (( عمره ٢٦ سنه مستلم شركه من شركات جده علما انو هو احد الورثه هو مرررره مزيون ورمنسيه كمان بس مو متزوج عشان لسع قلبه ينبض بحب بنت عمه اللي ما تدري عنه )) ريم :عمره ٢١ سنه وهي داخله محاسبه ومع حلا في نفس الجامعه وهم مره مقربات من بعض البنت مزيونه واموره وعيوونه عسليه تجننن ----------------------------- والبقيه نكتشفهم مع استمرار الروايه ان شاء الله واتمنى من حديد انكم ما تحرموني من ردودكم الحلوه •_< | ||||
|
| |
|
03-05-14, 06:42 AM
| #4 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| (البارت الثاني ) في الشركه كان جالسه ورى مكتبه الفخم وهو يتفقد الملفات زي العاده كان مزاجه رايق بعد ما خلص من الملفات اخذ فنجاج القهوه وبدء يشرب منه وهو مسترخي ويحس بالسعاده لانه اليوم بعد ما قرأ اخر اخبار الاسهم والبورصه في الجريد شاف خبر اسعده واللي هو شركه سلطان ال***** من الشركات الناجحه والمتقدمه والتي تحقق اعلى مستوى ارباح باهره في المملكه كان بندر فخور بنفسه كيف قادر بفضل الله ثم جهده انو يحافظ على اسم شركة العيله بعد وفات ابوه دق جواله وسرعان ما اختفت ابتسامته وهو يناظر للمتصل اخذ بندر الجوال ورد بسرعه وقال : السلام عليكم هلا وغلا بجدي سلطان الجد سلطان : وعليك السلام واهلا فيك ....كيفك وكيف الاهل ؟؟؟؟ بندر : الحمد لله انا تمام وهم كمان وانت كيفك يا جدي ؟؟؟؟ الجد سلطان : بخير والحمد لله الا بقلك قبل لا انسى في موضوع مهم بكلمك فيه بندر بتستغراب : عسى ما شر يا جدي لا يكون بخصوص الشركه الجد سلطان : لا لا الشركه مالها دخل بس موضوع يخصك انت وبنت عمك نغم بندر بتردد : خير ان شاء الله وايش في ؟؟؟؟ الجد سلطان : تعال لي اليوم على العصر ونتكلم في الموضوع بندر : ان شاء الله يا جدي يصير خير الجد سلطان : اي ومبروك عليك والله وطلعت كفوا وقدرت تتحمل مسؤليه الشركه بندر : الله يبارك فيك يلا توصي بشيء ؟؟؟ الجد سلطان : لا سلامتك بس لاتنسى تمر علي العصر بندر : ان شاء الله مع السلامه الجد سلطان : مع السلامه في حفظ الرحمن قفل بندر الجوال وهو يحس بضيق ويفكر بالكلام اللي رح يقوله له جده اليوم وكل ما فكر زاد ضيقه اكثر واكثر ------------------------- على العصر وفي بيت ابو جوري رعد وهو داخل :السلام عليكم الكل : وعليكم السلام رعد بتسائل : الحين ليييش اصواتكم طالعه لشارع ؟؟؟ ريوف بضحك : ههههه هذا اخوك من يوم ما جلس معانه وهو يقول نكت ما شاء الله عليه ما سكت فهد طالع لها بنص عين وقال : الحين مو انتو اللي قولتولي تعال نكت معانه وخلينا نغير جو رفيف : الا قلنا وما عليك منها يلا الحين قلنا نكته ثانيه فهد ابتسم وقال : اسمعي ذي النكته في محشش راح عند الدكتور وقال له يا دكتور انا تجيني حاله غريبه اسمع الناس بس ما اشوفهم قام سألها الدكتور وقال متى تجيك هذي الحال فجاوبه المحشش لمن اتكلم بالجوال ايوه واسمعي ذي قروي ملبس السيارة برقع ليش ؟ عشان السيارة باسم أمه الكل: ههههههه جوري :ههههه يلا فهودي قوللنا نكته ثانيه ريوف :هههه لا لا تقول والله لذبحك هذي المره فهد عنادا فيها:اجل اسمعوا هذي في واحد غبي شبت النار في امه دخل وشافه بتنحرق قام قال لها منوره يالغاليه وهذي عشان عيوون ريوفي بس في مره واحد مات حلف ما يعيدها الكل : هههههههه وبعد ما خلصوا ضحكهم دق جوال فهد واول ما طالع للاسم المتصل ابتسم من قلبه رعد بتسائل : ها خلصت تنكيت ولا لسع ؟؟؟؟ فهد : لا خلاص خلصت يلا بنات عن اذنكم اتركم الحين مع رعد جوري بزعل : لا فهودي تعال والله ما قيد شبعنه منك رفيف : اي والله صادقه فهد : طيب ايش اسوي لكم انا يعني ... بعدين ترى عندي اتصال مهم الحين اخلص منه وارجعلكم ريوف : لا يا شيخ وليش ما تتكلم قدامنا بعدين مين هذا اللي اهم مننا ؟؟؟؟ رعد : اكيد هذي ريم فهد ببتسامه : عليك نور يا اخويه رفيف بحماس : طيب تكفى كلمها قدامنه خلينا نسمع صوتها يكفي انو يوم ملكتك ما شفنها زي الناس ولا سمعنا صوتها جوري : اي والله كلام صح من كثر الخجل ما شفنها فهد ابتسم وقال : طيب ان شاء الله اخليكم تكلموها بس مو الحين خليها مره ثاني يلا بالاذن وخرج بسرعه من عندهم ريوف بتريقه : والله وشكله الحب يطير العقل رفيف : اي باين هههههههه جوري : الا قولي يا رعودي متى بنروح السوق رعد : متى ما تبغي يا قلبي ريوف : اجل خليها الحين رعد : وانتي مين طلب رايك ؟؟؟؟ رفيف : اي والله صدق بنت ملقوفه ريوف بتريقه : مو اكثر منك جوري ببتسامه : خلاص يا بنات" وطالعت لرعد وكملت" يلا يا رعودي الحين بنروح اذ ما عليك امر رعد : لا عادي ولعيونك بس كل اللي تبغيه يصير جوري ابتسمت بحب وقالت : فديتك يا احلى رعد بالدنيا ريوف : يلا بلى كترت كلام وروحي البسي عبايتك خلينا نمشي السوق وما نتأخر عشان نخلص بدري رفيف : اي تصدقي انو هذي اول مره تقولي شي مفيد في حياتك المهم بعد ما جهزوا البنات اخذهم رعد وخرجوا للحديقه وفي طريقهم شافوا فهد ووو ------------------------ وقبل هذا عند فهد وبعد ما خرج من الصاله عشان ياخذ راحته راح الحديقه ورد على ريم وجاه صوتها وكانت باينه انها معصبه وهي تقول : الووو بدري كان ما رديت فهد بتبرير : اسف حياتي بس هذول بنات خالتي السبب قال يبغوا يسمعوا صوتك ويكلموكي بس انا خصرته وخرج للحديقه عشان اكلمك ريم : ليش انت الحين في بيت زوج امك ؟؟؟؟ فهد : ايوه طبعا ريم : طيب ممكن اسألك سؤال ؟؟؟ فهد : اي تفضلي ريم بتسائل : الحين مو انت قلت انو بنات خلاتك عندكم في البيت ؟؟؟ فهد : ايوه قلت كذا ريم بتتأكد اكثر : يعني كلهم كلهم مافي وحده ما جات ؟؟؟ فهد فهم عليها وقال : لايكون قصدك سحر ؟؟؟ ريم : اممممم ايوه هي جات ولا لأ فهد حب يلعب بأعصبها فقال : وجات ولا ماجات مهو مهم يعني ايش رح تسوي انتي اذ عرفتي ؟؟ ريم بغيره واضحه : اممم والله مدري فهد حس بغيرتها وقال يطمنها : طيب اطمنك هي اليوم راحت لبيت جدتها وما جات عندنا ريم : اه من جد فهد :اي من جد اقول الحين شيلنا من هذا الموضوع و قوليلي كيفك وشخبارك ؟؟؟؟ ريم : انا تمام وماشي حالي وطفشي خلاني ادق عليك فهد : يا سلام يعني لولا الطفش ما دقتي ريم بتفكير حبت تقهره : اممممم ايوه يمكن فهد فهم عليها وقال : اجل ربي يخليلنا الطفش ريم : طيب وانت كيفك ؟؟؟ فهد : تمام دام سمعت صوتك يا قلبي ريم : دوم يارب وبعد كذا كملوا كلام وسوالف لحد ما شاف فهد رعد وهو خارج مع البنات فهد بينهي المكالمه : يلا يا عمري توصي بشي ؟؟؟ ريم : لا سلامتك فهد : الله يسلمك اكلمك بعدين مع السلامه ريم : مع السلامه وقفلت الخط جاه رعد وقال بتسائل : ها خلصت كلام ؟؟؟ فهد : ايوه اكيد رعد : طيب بتجي معانه ولا لأ ؟؟؟ فهد بطفش : خلاص مدامي فاضي وانتوا عزمتوني فرح اجي معاكم اطمنوا رفيف : بالله فهيدان جاي معانه والله وناسه فهد بثقه : احم احم طبعا وناسه اصلا لولاي انا ما كان صار في وناسه ريوف بستهزاء : تخسى الثقه الزايده رعد : اقول امشوا ولا والله لا ابطل من هذي الطلعه بكبرها جوري : لا لا تكفى لا تبطل وانتوا يا بنات اسكتوا خلاص رفيف : ان شاء الله بعد كذا ركبوا البنات كلهم مع رعد وحركوا بينما فهد ركب سيارته وحرك وراهم اتمنى تشاركوني بردودكم وقراءه ممتعه | ||||
|
| |
|
03-05-14, 06:43 AM
| #5 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| التعريف بالشخصيات الجديده ابو جوري (( دايما مسافر وما يندى عنه ويحب الفلوس كثير وعنده مصنعين )) ام جوري (( هي نفسها ام رعد بعد ما اطلقت من ابو رعد ربي زوجها بواحد نحس استغفرالله بس مع الايان تعودت عليه وهي ما تشتغل تحب اولادها كلهم نفس الحب )) جوري (( اخت رعد وفهد وعمرها ٢٠ سنه ثاني سنه جامعه وداخله تصميم ازياء رفيقه وناعمه وتموت على اخوها رعد وهو يسويلها كل اللي تبغاه بنت نعووومه لبعد درجه)) .............. سعود (( ولد خالت رعد وفهد وعمره ٢٥ ويشتغل مع رعد في نفس الشركه وهو مره مقرب من رعد ادرجه انو يعرف كل اسراره وهو قدم الحمل ويعتمد عليه )) ريوف (( عمرها ٢٠ سنه بنت خالة رعد وفهد وهي في الجامعه مع جوري و داخله علم نفس سنه ثانيه وروح قلبها التريقه والمسخره )) رفيف (( عمرها ٢٠ سنه توأم ريوف ومع جوري في نفس القسم بنت تحب الاستهبال و الفله )) .............. (تابع البارت الثاني ) في قصر الجد سلطان خرج بندر من عند جده وهو مضايقه من الكلام اللي سمعه وما حس على نفسه الا راكب سيارته حرك السياره ومشي وهو يحاول يبعد عن بيت جده كأنوا بكذا رح يهرب من الكلام اللي قاله له جده وينسى شويه بس ما قدر بالعكس كان كلام جده يرن في اذنيه وهو يذكره بداك اليوم المشؤوم يوم اللي انشلت فيه حبيبته ومات فيه اعز اصحابه رجع بندر بالذاكره لورى لقبل سنه بالزبط وفي مزرعة العيله مهند بحماس : اي والله جبتها خلينا نروح ناخذه السياره ونروح للكوفي شوب بندر : طيب بس هذي المره انا اللي اسوق مهند ببتسامه : غالي والطلب رخيص فداك السياره بس يلا نقوم ونروح لاني ما ابغى اسمع محاضرات جدك مره ثانيه بندر : ههههههه طيب امرك يا اخي وطلعوا هم الاثنين بس في طريقهم شافوا نغم بندر هنا تسارعة دقات قلبه بينما مهند ابتسم وقال : هلا وغلا بحياتي نغم بخجل : اهلين فيك مهند : ها كيف حال قلبي اليوم ؟؟؟ نغم : تمام من شفتك بندر كان كل ما يسمع كلامهم يحس بغيره من مهند وكيف انو قدر ياخذ منه حبيبته اللي عاش كل طفولته يحلم فيها بس ما كان يقدر يسوي شي لانو نغم كمان تحبه لمهند وهو ما يقدر يكسر قلب حبيبته وصاحبه عشان يسعد نفسه طلع بندر من افكاره على صوت مهند وهو يقول : بندر يلا نروح لسياره بندر : ها ايوه طيب يلا وهم ماشين انتبه بندر انو نغم معاهم ووقف واشر عليها وقال : هذي ايش بتسوي معانه ؟؟؟ نغم : ابغى اجي معاكم بندر : بس مهند : لا بس ولا غيره بعدين كله نص ساعه ونرجع خليها تجي معانه مارح ننضر بندر بعد اصرار طويل عليه : خلاص طيب وقاموا ركبوا السياره وراحوا للكوفي شوب وبعد ما فلوها سوالف وضحك رجعوا لسياره وهم متوجهي لمزرعه وطول الطريق مهند جالس يتغزل في نغم بندر ما قدر يستحمل الوضوع وهو يحس بنار وخناجر تطعن قلبه كل ما قال لها كلمة غزل لدرجه انو ما عاد شاف قدامه صحي من افكاره هذي وهو يسمع مهند يضرخ له ويقول : بننننندرررر انتتتتبببه قداااامك التفت بندر قدامه وما شاف الا نور ابيض يعمي العيون وبعد كذا ما صحي على نفسه الا في المستشفى وهو مجروح ويده مكسور و اكتشف وقتها انو مهند صاحب الطفوله مات بينما حبيبته مشلوله وفي غيبوبه بعد ما تحسنت حاله شويه خرج من المستشفى وحبس نفسه في غرفته وهو يحط كل الذنب على نفسه رجع بندر على عالم الواقع وانتبه لنفسه انو رح يدخل في عامود اناره بس تدارك الموقف ووقف سيارته على جانب الرصيف ومسك جواله ودق على اول رقم عنده في الجوال وهو رقم اكثر شخص يحتاج يكلمه ويفضفضله الحين وووو -------------------------- في السوق وبعد ما لفلفول الام وبنتيها وما تركوا محل ما دخلوه ام حلا بتعب : ااااه والله ما عاد في حالي امشي حلا : حتى انا كمان غلا بنشاط : حرام يا حلا صرتي عجوزه هههههه حلا : اسكتي يا قليلة الادب غلا خصرتها وكلمت امها وقالت : ماما ابغى ايس كريم انتي وعدتيني لمن نروح السوق بتشتريلي ام حلا : اي ادري اني وعدتك بس والله تعبت من كثر اللفلفه غلا بزعل : يعني مارح تجبلي ايس كريم ؟؟؟؟ ام حلا : ايوه انا مارح اجبلك ايس كريم عشان كذا خذي اختك وروحي معاها خليها هي تجبلك غلا بفرح : يا سلام يلا حلا قومي نروح نشتري ايس كريم حلا : والله مو فاضيتلك غلا بتكشير : ماما شوفي حلا ام حلا بأمر : الا فضيتلها يلا قومي اشتريلها ايس كريم وخلصني حلا : يووووه منك يا بلها يلا قومي خلصني راحت حلا واخذ معاها اختها الصغير لناحية المطاعم و محلات العصيرات والايس كريم عشان تجبلها اللي تبغاه | ||||
|
| |
|
03-05-14, 06:44 AM
| #6 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ( البارت الثالث ) وفي مكان ثاني بالسوق رفيف : بالله يا رعد خلينا نروح للكوفي شوب والله نفسي في ايسبرسوا ريوف : والله مو وقتك يا ستي صح يا رعد رعد بتفكير : امممممم ايش رأيك يا جوري ؟؟؟ جوري : والله رأي من رأيك يا رعودي ريوف ببتسامة انتصار : يعني مارح نروح الكوفي شوب ؟؟؟ رعد بيقهرها : والله بس جكاره فيكي بنروح رفيف : ياااااي الله لا يحرمنا منك يا رعد ريوف بطفش : اووووف منكم فهد : ههههههههه حرام طفشتوا البنت وما كمل كلامه الا بجواله يدق رد بدون ما يشرف المتصل فهد : (الوو ..... وعليك السلام مين بندر؟؟ ..... هلا والله كيفك وشخبارك ؟؟؟ ......انا تمام والحمد لله ..... يدمك ربي بس قلي ايش فيك واشبوا صوتك كذا ...... طيب خلاص بس قلي فينك ؟؟؟ ...... خلاص اجل خمسه دقايق واكون عندك مع السلامه ....) وقفل الخط طالع في رعد بتسائل فرد عليه فهد وقال : هذي بندر مدري شفيه بس صوته مو عاجبني شكله متضايق او فيه شي عشان كذا انا استأذنكم بروح اشوفه رعد : اذنك معاك بس طمني عنه بعد ما تشوفه فهد ببتسامه : ان شاء الله يلا مع السلامه رعد : الله يسلمك في حفظ الله راح فهد وتركهم وهم بعد كذا راحوا لناحية المطاعم عشان الكوفي شوب وبعد ما وصلوا هناك اخذولهم طاوله وطلبوا اللي مشروبات اللي يبغوها وجلسوا يتكلموا -------------------------- وفي مكان ما في تركي كان واقف عند البلكونه وبيده كوب القهوه وهو يقول في نفسه (( اااااااه لمتى هذا الحال والله إشتقت لاهلي وكمان حبيبتي نغم اااه وشوقي لها يزيد يوم عن يوم والله وحشني دلعها وضحكها وخجلها بس ما اقدر ارجع لهم الحين ما اقد )) -------------------------- قصر ابو نغم كانت في غرفتها زي العاده جالسه عن الشباك نزلت منها دمعه حاره دمعه قهر دمعه على حبها اللي اختفى في لحظه ودمعه على اللي رح يصير في مستقبلها المجهول ولازال كلام ابوها اللي جالس يرن في اذنها ما بيفارقها وبتتذكر قبل ساعه تقريبا دخل ابو نغم الغرفه و جلس على طرف السرير بعد ما سلم على بنته واطمن على حالها بعد كذا اخذ له نفسه وقال بجديه : نغم انا ما في حياتي جبرتك على شيء صح نغم بخوف : اي صح بس ايش في ؟؟؟؟ ابو نغم : اسمعي انا مقدر وضعك وعارف قد ايش كنتي تحبي مهند بس خلاص هو مات الله يرحمه وانتي مو لازم توقفي حياتك عشانه اصلا انا واثق انه لو يدري انك بتسوي بنفسك كذا كان زعل منك نغم بخوف اكثر : طيب وايش فايده هذا الكلام الحين ؟؟؟ ابو نغم : توه الحين جدك متصل علي ويقول انو ولد عمك بندر طلب يدك وانا وافقت عشان كذا بنكتب كتابكم اليوم بعد صلاة العشا نغم بصدمه : بس انا ما ابغى اتزوج ابو نغم بحزم : الا رح تتزوجي نغم برفض : لا تكفى يا ابويه ما ابغى اتزوج الله يخليك قدر وضعي ولا تزوجني بندر ابو نغم بحنان : انا مقدر وضعك بس انا اديت جدك وولد عمك كلمه وزي ما تعرفي انا كلمتي ما تصير اثنين بعد اذ مو عاجبك قرار يوم يجو يخطبوكي ارفضي وفشليني قدام الكل نغم بغصه : ااا... وسكتت ابو نغم : انا عارف مصلحتك يا بنتي و اذ كان بندر مو قد المسؤوليه ما كان رضيت فيه انتي بنتي الوحيده وما عندي اغلى منك في هذي الدنيا وطبعا ما رح افرط فيكي واديكي لاي واحد الا لمن يكون قد الثقه وبندر ما شاء الله عليه رجال ابن رجال وفي النهايه هو ولد عمك فأتمنى انك تعامليه بأحترام وادب يلا الحين انا استأذن بروح مكتبي واذ بغيتي مني شيء كلمني ولا تنسي تتجهزي وطلع من الغرفه تارك ورى قلب مجروح ومصدوم بالواقع اللي هو فيه ومو فاهم شي من اللي بيصير حلوله رجعت للواقع وهي تقول : اكرهك يا بندر من كل قلبي وتبكي بكل حرقه وألم ------------------------ في السوق عند حلا وبعد ما اشترت لاختها ايس كريم كان في طريقها لامها بس وقفت مكانها متصنمه يوم شافته في الكوفي شوب جالس مع بنات وقتها حست بضيق وكره له ما صدقت انو هو بهذي الحقاره يجلس مع بنات الناس لا ويضحك ويتكلم معاهم وما كأنه مسوي شيء طبعا رعد ما انتبه لها بس هي شافته وتوعدت انها لا تكشف على حقيقته قدام كل العيله بس مو الحين لانو كل شيء في وقته حلو طلعت من افكارها وهي تحس بيد تشدها التفت وشافت غلا تشدها عشان تمشي وتقول : يلا يا حلا خلينا نروح لماما حلا وهي تحس انه لو ما راحت رح تنفجر من العصبيه اللي فيه ورح تروح تضرب رعد كف بس مسكت نفسها وقالت : طيب يلا ومشيوا وراحوا لامهم وحلا طول الوقت وهي سرحانه بافكارها عن رعد ونذالته ووساخته ---------------------------- في المطعم دخل فهد وصار يدور بعيونه لمن لقى الشخص اللي يبغاه وراح عنده وجلس على الكرسي مقابله فهد ببتسامه : السلام عليكم بندر ببتسامه شفافه : وعليكم السلام فهد : ها شفيك يا ابو الشباب باين انك متضايق بندر : اسف شغلت معايه بس والله ما تصدق اللي صار معايه الحين فهد بستغراب : ايش صار قلي طيب ؟؟؟؟ بندر بضيق : جدي فهد بخوف : ايش فيه تكلم خوفتني ؟؟؟؟ بندر يطمنه : لا تخاف هو بخير بس كلمني اليوم وقاللي اجيه للقصر فهد : ايوه وبعدين بندر : وبعدين جلس يتكلم عني وعن نغم وقال لي انو لازم اتزوجها واستر عليها لانو انا كنت السبب باللي صرلها ولازم اصلح غلطي فهد بستغراب : ايوه وبعدين بندر : مافي بعدين اليوم بنكتب الكتاب بعد صلاة العشا فهد بفرح : طيب وليش كل هذا الضيق بالعكس لازم تفرح ومبرروك مقدما بندر : الله يبارك فيك بس ليش ابغى افرح ؟؟؟؟ فهد : مو انت تحبها ومن زمان كنت تبغى تتزوجها بس مهند اخذها منك شوف الحين القدر ابتسم لك وبعد كم ساعه رح تصير زوجتك بندر : اي صح انا كنت احبها واحلم اني اتزوجها بس مو وهي بهذا الحال فهد : ايش قصدك اذ كان عن اعاقتها العلم تطور وكل شي وله علاج والحمد لله يعني تقدر تخذ تحاليلها لبريطانيه واذ كان في له امل بالعلاج فتاخذها وتعالجها هناك وكمل شهر ترجع وتمشي بندر بضيق واضح : اي ادري بس المشكله مو في شللها المشكله في نفسيتها الحين هي اكيد بتكرهني عشان هي لساعها للحين تحب مهند وازيدك من الشعر بيت اكيد هي الحين تفكر اني واحد نذل يتزوج خطيبت صاحبها بعد ما قتله في الحادث المشؤوم ذاك فهد بيحاول يخفف عنه : لا تفكر كذا يا بندر تفائل بالخير بعدين حتى لو كرهتك مع الايام والعشره رح تتقبلك واكيد بتحبك انت بس اصبر عليها وبعدين لا تتشائم وانت لساعك في اول يوم بندر بدء يقتنع بكلام فهد شويه شويه وفهد بس يخفف عنه يقله اصبر وينصحه لمتى اقتنع واخيرا وقرر انو يعوض نغم عن كل اللي حصل لها ------------------------ | ||||
|
| |
|
03-05-14, 06:44 AM
| #7 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ( البارت الرابع ) بعد صلاة العشا في قصر ابو نغم تمت الخطبه عادي ونغم ما قدرت ترفض وبندر فرح واعتبر انو في تقدم في حالتها بعد كذا لبسوى الخواتم واستأذن بندر عمه عشان يشوف نغم ويجلس معاها شويه طبعا العم ياسر ما رفض بالعكس وافق وتركهم على راحتهم والجد سلطان بارك لهم بعدين راح هو والشيخ من عنده عشان ياخذوا راحتهم في المجلس وبعد ما صاروا لحالهم نغم ارتبكت وزادت نبضات قلب بندر راح وجلس على الكنبه مقابل الكرسي المتحرك حق نغم وقال ببتسامه : مبروك عليكي نغم بصوت شبه مسموع : الله يبارك فيك بندر بتسائل : ها مارح تقولي لي مبروك ؟؟؟؟ نغم ماردت : ....... بندر : يعني تبغى نجلس بدون كلام نغم في نفسها ((ايوه طبعا)) : ...... بندر : طيب بسألك انتي اي قسم داخله في الجامعه نغم بهمس : قسم الترجمه بندر : حلو نغم : اعرف بندر : هههههههه طيب اي وبخصوص هذا وهو يأشر على الكرسي المتحرك ويكمل ويقول : ما عاد رح تحتاجيه بعد اليوم نغم بستغراب : كيف يعني ؟؟؟ بندر : بكل بساطه عشان لقيت لك علاج بس مو هنا في بريطانيه نغم : يعني ؟؟؟؟ بندر : اذا حابه تسوي العمليه بعد الجامعه والتخرج فأنا ما عندي اي اعتراض نغم بفرح :والله بندر ابتسم لفرحها وقال : اي والله بس اعطيني اوراق تحاليلك عشان نرسلها لدكتور في بريطانيه وعبال ما نروح لهن يكون هم عارفين وضعك نغم :طيب بس ترى الاوراق عند بابا تقدر تاخذها منه بندر: مو مشكله طيب الحين اكلمه واخذها منه نغم : اوكي وبعد صمت دام دقائق نغم : بندر بندر : هلا نغم : ابغى اسألك بندر : طيب تفضلي نغم : الحين مو انت تقول انو في ليه علاج طيب انا ابويه دور كثير وما كان يلاقي لي اي علاج فكيف انت لقيت ؟؟؟؟ بندر بعفويه : يا قلبي الحين الطب سنه عن سنه بيتطور يعني قبل سنه ما كان في علاج والحين فيه فهمتي ؟؟؟؟ نغم : اي فهمت ماني غبيه بندر استغرب من كلامه بس سوه نفس ما سمع وقال لها : نغم نغم : خير ؟؟؟ بندر : الخير بوجهك ليش ما تطالعين لي ؟؟؟ نغم : مو لازم اطالع لك انا كذا مرتاحه بندر وهو يقوب منها مسك ذقنها ولفه لجهته حتى تقابلت عيونه وقال : وانا ما كنت مرتاح والحين صرت احسن نغم : بندر لو سمحت بعد عني بندر بهمس وهو ذايب بعيونها:اشششش ولا كلمه وخليني اتأمل عيونك الزرقه الساحره وجلس يتأملها بكل تفاصيل وجهها ويحول يحفر صورتها في عقله نغم استحت وخجلت وتوردوا خدودها من نظرات واسلوب وكلام بندر معاها بعد كذا وقف بندو وقال :يلا يا عمري انا استأذنك مع ان ماودي اتركك بس ما اقدر اطول معاك اكثر من كذا انحنى لمستوها وباس جبينها وضمها لصدره بكل حنان وبالنسبه لنغم فدوروا عنها من الخجل ما تلاقوها بعد عنها بندر وقال : يلا مع السلامة وطبعا نغم ما سمعته لانو كل تفكيرها كانوا في عالم ثاني خرج بندر من المجلس وتركها في عالمها وهو مبسوط من هذا التقارب البسيط اللي بينهم ---------------------------- بينما في قصر الجد سلطان وبعد ما رجع خبر العيله بأنو بندر خطب نغم والكل استغرب عشان وضع نغم بس انبسطوا لهم وصاروا يدقوا ويباركولهم حلا بعد ما باركت لنغم رجعت لغرفتها وعمضت عيونها عشان تنام وترتاح بس رجعتها الافكار عن رعد وعن السوق والبنات اللي كانوا معاه وحست بضيق وجلست تفكر وتفكر لحد ما غلبها النوم ---------------------------- في قصر ابو بندر بعد ما عرفت ام بندر بالخبر هذا انصدمت واغمى عليها لانو هي ما كانت تبغى تزوج ولدها الوحيد لبنت معاقه وما تقدر تمشي بس بندر جلس يفهم الموضوع وكيف انها رح ترجع تمشي ام بندر ما كانت مقتنعه بكلام ولدها بس شي وصار وما تقدر ترجع الزمن وتمنعه فتقبلت الموضوع هي صح تحب نغم بس ما فكرت ولا مره انها تزوجها لولدها الوحيد بعد اللي صار معاه وبالنسبه لريم بعد هذا الخبر باركت لاخوها وهي مبسوطه له وتتمنى له هو ونغم حياه سعيده بندر بعد ما خبر اهله طلع غرفته ينام بس كانت الافكار تاخذه وتجيبه ايش رح يصيو معاه وكيف حتكون حياته مع نغم وهل فعل حينجح علاج نغم وترجع تمشي وهل هو قادر على اسعادها وارجاع البسمه لها نام وغرق في عالم الاحلام وتنسى كل الامر ------------------------- بعد اسبوع انتشر خبر خطبة بندر ونغم وقرر ابو نغم يسوي حفله لبنته والجد سلطان وافقه الرأي وقرر هو كمان انو يسوى هذي الحفله في الشاليه على البحر وطبعا بهذي المناسبه رح يجلسون ثلاثه ايام هناك قبل ما تبدء الاختبارات النهائيه بينما بندر ارسل اوراق التحاليل لبريطانيه وهم قالوا له انو في لها علاجه ونسبته ٩٧٪ وهو من فرحته قرر انو يخذها ويسافروا في الاجازه يعني بعد اسبوعين ويعالجها واستأذن من عمه طبعا بس ما خبر احد غير عمه ابو نغم وجده ريم وفهد على حالهم بس سوالف وبسبب انشغال فهد اخر الاسبوع بشغله ما قدر يكلمها او يتصل فيها وهذا اللي خلا ريم تاخذه على خاطرها منه حلا للحين حاطه رعد في بالها وناويه تفضحه قدام الكل ورعد مو داري عن كل خططها هذي جوري وريوف ورفيف زي ماهم كل يوم يزوروا بعض و يناموا عند بعض وفالينها وناسه سعود في موضوع شغال باله بس مخفي هذا الامر عن الكل ولسع للحين ما قاله لاحد -------------------------- | ||||
|
| |
|
03-05-14, 06:45 AM
| #8 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ( البارت الخامس ) صباح يوم الثلاثاء وفي قصر ابو نغم وفي غرفة نغم بالتحديد سمعت صوت دق الباب نغم : تفضل دخلت الخدامه الغرفه ونغم انتظرتها تقول ايش فيه الخدامه : هذا مستر بندر جالس تحت في المجلس ويقول انه يبغى يشوفك نغم : يووووه هذا وقته الحين .... خلاص طيب انتي ضيفيه عبال ما ابدل واجيه الخدامه : حاضر انسه نغم وخرجت من الغرفه ونغم راحت تبدل وهي طفشانه منه ومن حركاته وتقول في نفسها ((هو في واحد يجي يزور الناس من عند الظهر استغفرالله منه بس يفرض مثلا اني نايمه ويأجل زيارته هذي )) ------------------------------ في الجامعه حلا كانت واقفه مع نور عند باب الجامعه { نور هي بنت في في الجامعه واكثر محاضراتها مع حلا بس مهم صاحبات وحلا ما تحبها ابدا } حلا بتسائل : اووووف فينه هذا السواق ؟ تأخر علي كثير نور : طيب ايش رأيك تجي معايه انا واخويه وفي طريقنا نوصلك للبيت حلا في نفسها (( لا لا الا اخوك مزون هذا المغرور استغفرالله ما ينطاق )) وقالت بتصريفه : لا عادي انا متعوده على السواق فلا تخافي شويه ويجي نور : لا يا شيخه طالعي وشوفي ربع ساعه كمان وتلاقي الجامعه فاضيه حلا : اصحي تفكري اني رح اغير رأي بستناها يعني بستناها نور : استغفرالله منك ومن عنادك ترى والله اذ جيت معانه ماننا بأكلينك حلا : ادري انك ما بتاكلوني نور : اجل ايش فيك تعالي معانه ولا انتي منحرجه من اخويه ترى انا معاكم حلا بحزم : لا ماني منحرجة بس خلاص انا قررت فعشان كذا لا تتعبي نفسك وروحي بيتك نور : طيب على راحتك ... مع السلامة وراحت نور وتركتها حلا ببتسامه: مع السلامة.... اخيرا راحت قال تبغاني اركب معاها هي واخوها السياره تخسى والله ما اركب سيارتهم وما كملت كلامها الا وهي تسمع جوالها يدق { وفي العاده السواق يدق عليها فتخرج هي له عشان كذا ما شافت مين المتصل } وابتسمت حلا: واخير جاه لفت حلا الطرحه وتلثما بعدين خرجت وصارت تتلفت يسار ويمين تدور السواق بس للاسف ما شافته وبغيت ترجع تدخل للجامعه بس لفت نظرها شاب شكله مو غريب عليها كان متكئ على سيارته الشارجر ولابس نظاره شمسيه سوده وشكله ما انتبه لها لانه كان بيطقطق على جواله حلا طالعت فيييه وما تدري ليش ما قدرت تشيل عيونها عنه رعد رفع راسه يشوف اذ هي خرجت ولا لأ ويوم شاف بنت واقفه تطالع فيه فصخ النظاره وطالع لها حلا ما تدري ليش هي استحت وبغيت ترجع وتدخل للجامعه بس صوت رعد وقفها وهو يقلها : على وين ؟؟؟؟ حلا التفت له وما عرفت ايش تقول : ............ رعد قال بصيغة أمر : اركبي السياره حلا بغيت تتكلم وترد عليه بس رعد ما تركها تتكلم وهو يقول بحده : ولا كلمه زياده اركبي وخلصني حلا خافت منه وركبت من دون اي كلمه بس مو قدام ركبت ورى طالع فيها رعد وبسخريه : ترى انا مو سواق ابوكي عشان تركبيني ورى يلا اشوف اجلسي قدام ولا والله ما يصرلك خير حلا بدون نقاش قامت وركبت قدام لانو هي ما تبغى تعلق معاه حرك رعد السياره طبعا طول الوقت كانوا ساكتين بس حلا ما قدرت تتحمل الوضع هي كان عندها اسأله كثير تبغى له اجابه تشجعت شويه وقالت بهمس : رعد رد عليها رعد وعيونه ما زالوا على الطريق : هلا حلا : ممكن اسألك سؤال ؟؟؟؟ رعد : تفضلي ؟؟؟؟ حلا : ليش انت اللي جبتني مو السواق رعد بتسائل : ليش مو عاجبك انا مثلا ؟؟؟ حلا (( هو لصدق انت عاجبني بس اخلاق لأ )) : اي مو عاجبني ..... اقصد فينه السواق ؟؟؟ رعد : والله السواق اخذ اجازه اليوم من جدي حلا بستهزاء : اها عشان كذا انت تبرعت وجيت تاخذني من الجامعه رعد بثقه : غلطانه انا ما تبرعت جدي قال لي اجيبك ولا انا عن نفسي ما كنت سويتها بس قلت حرام مافي احد يجيبك وحنيت عليكي بعدها وابتسم بسخريه وهو يشوفها مقهوره من كلامه حلا بهمس : وليتك ما سويتها ولا جبتني رعد بتسائل : قلتي شيء ؟؟؟؟ حلا بنفي : لا سلامتك بعد كذا دام الصمت بينهم لحد ما طلع للخط السريع حلا استغرب وخافت في نفسه الوقت وقالت : رعد هذا مو طريق البيت رعد ببرود : ادري انو مو طريق البيت حلا بخوف : طيب وعلى فين اخذني ؟؟؟؟ وووو ----------------------- نرجع لقصر ابو نغم وفي المجلس بندر كان سرحان بأفكاره الى ان قطع افكاره صوت ناعم الي هو طبعا"صوت نغم " نغم :السلام عليكم تقدم بندر منها وتفاجئت نغم به ينزل لمستواها ويبوس خدها بندر بحب :كيـــفك اليوم ؟؟؟؟ نغم : الحمد لله تمام وجلس بندر بالكنبه مقابل للكرسي المتحرك حق نغم وقال : انا اتصلت فيكي كثير عشان اخبرك بأنوا لقولك علاج لمشكلتك نغم الدنيا مو سيعتها من الفرح وقال ببتسامه : من جد بتتكلم ؟؟؟؟ بندر فرح لفرحها وقال : ايوه من جد وبعد اسبوعين بنسافر نغم بتسائل : بنسافر ؟؟؟؟ بندر : ايوه انا وانتي اختفت الابتسامه من وجه نغم وسكتت : ...... بندر لاخظ تغير مزاجها فقال : ها شفيك لا تكوني ما تبغيني اجي معاك ؟؟؟ نغم بتردد : لا مو كذا الموضوع بس انا لسع ما تعودت عليك بندر ما اقتنع بس ابتسم مجامله وقال : مبروك لكي مقدما نغم : بس لسع ما سويت العمليه ومتغير شيء في حالي بندر مسك يدها وباسها بحب وقال : حتى لو ما تغير شي المهم انك بخير وبعدين تفائلي بالخير نسبة العمليه مره ممتازه وان شاء الله تتحسني بسرعه نغم سحبت يدها بخجل منه بس هو شد عليها وما فك يدها فقالت نغم بتجاهل للموضوع : ان شاء الله بندر جلست يتأمل نغم ونعومتاه وهي لابسه تنوره قصير الين الركبه بيضاء ومنقطه احمر وبلوزه حمره ولابسه اكسسوارات وحاطه ميك اب خفيف ومسرحه شعره وفاردته نغم توردوا خدودها من نظرات بندر وقالت بخجل : بندر لو سمحت لا تطالعلي كذا بندر عجبه خجلها ابتسم وقال : والله انا حر زوجتي وحلالي ما حد له معايه شي صح ؟؟؟؟ نغم اضايقت من كلامه وقالت بهمس : ايوه صح بندر حس بضيقها بس مشى الموضوع دي المره كمان وابتسم لها وشد على يدها محاوله لتهديته وهنا اختفت ابتسامته وهو يحس بأنو يدها مافيها الخاتم حق الخطبه (( الدبله )) بندر بتسائل : فين الخاتم حقك ؟؟؟؟ نغم انتبهت انو الخاتم (( الدبله )) مو فيدها وما عرفت ايش تقول له الحقيقه وانو هي من يوم الملكه فصخت الخاتم عشان هي رافضه هذي الخطبه من الاصل فعشان كذا اكتفت بالسكوت : ......... بندر : ايش فيكي تكلمي فين خاتمك ؟؟؟ نغم بترقع السالفه : ااانا فصخته اليوم الصبح فييي ... الحمام ... اي في الحمام ( اكرمك الله) بندر حس بتوترها وقال : طيب وليش ما لبستيه بعد ما تذكرتي ؟؟؟؟ نغم بتوتر وارتباك واضح : اا.ااا....بندر انا..انا ما نسيت البس الخاتم والحقيقه اني من يوم الملكه وانا مفصخته بالقصد بندر بصدمه :اييييش يعني تكذبين علي ؟؟؟ نغم نزلت راسها وهي متفشله منه : ......... بندر ببرود : ادري اصلا اني مااهمك عشان كذا مو مهم تلبسي الخاتم اللي مني نغم مو عارفه ايش تقول : ........... بندر بحده وعصبيه : ايييش اسوي عشان ارضيك واسعك هااا قوليلي ؟؟؟؟ نغم : بندر مافي شي يخليك تعصب كذه خلاص انسى الموضوع بندر بنرفزه : جاوبيني يانغم ولا تضيعي السالفه هي قوليلي ايش يرضيك نغم بتسائل : ليش يعني اذ قلتلك اللي يرضيني رح تسوي مثلا ؟؟؟ انا اللي يرضيني ما يوضك وهو انك تنسحب من حياتي وتطلقني قلي رح توافق على هذا الكلام ؟؟؟؟ بندر بحزم : شوفي يا بنت الناس انا ما رضيت ووافقت اتزوجك عشان اطلقك و خلي هذا الكلام حلقه باذنك وكلمة الطلاق انسيها وشيليها من بالك الا اذا في غيري بقلبك وتبيه يتزوجك نغم : طيب انا في واحد بحياتي وكنت اتمنى اتزوجه بس بسببك ضاع هذا الحلم بندر عصب والشرر صار يطلع من عيونه وقف وقرب من لنغم ومسكها من ذقنها بقوه وقال: انتي ايش فيكي تتكلمي كذا قدامي ولا مفكرك انو كل الناس بدوا حساس بس انتي اللي في هذا العالم اللي عندك مشاعر ترى اسمعي زي ما انتي تحبي انا كمان احب فاهم نغم بستهزاء :ها ها ها والله نكته حبيتني ماشاء الله عليك وكلها بس من مرتين ولا بالله قلي وايش تسمي هذا الحب من النظره الاولى زي الافلام و المسلسلات ؟؟؟ بندر :ايوه حبيتك ومو لازم تعرفي متى ؟ وكيف؟ بس اللي لازم تعرفيه اني احبــــــــك من كل قلبي ومو من الحين من زمان نغم بحده : خلي حبك لك لأني مستحيل احبك من بعد مهند فاهم بندر بحده : اصلا انا ما جبرتك تحبيني ولا بجبرك كمان بس خذيها مني وعدا اني ماراح اطلقك مهما يصير بيننا وبعد يده عنها بعصبيه وقال : معاك خمسه دقايق لا تتأخري انا جاي اخذك لشالي ومن دون نقاش وخرج من القصر حق عمه ودخل سيارته وهو يحاول يهدي نفسه بالنسبه لنغم فكانت حاسه انها غلطت وضميره بدء يأنيها بس كانت تقنع نفسها انها على ما سوت شي وهذا اسمه دفاع عن النفس وبعد ذي الافكار رجعت للواقع وطلبت عبايتها من الخدم ولبستها وراحت له السياره هو طبعا ساعدها على الركوب بعد كذا حرك السياره وجلسوا الاثنين ساكتين ----------------------- | ||||
|
| |
|
03-05-14, 06:46 AM
| #9 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ( الجزء السادس ) نرجع لرعد وحلا وفي سياره رعد بتريقه : لا تخافي ترى انا مو خاطفك حلا بتخفي خوفها : ومين قال اني خايفه منك اصلا ما تقدر تسولي شي رعد بسخريه : ومين قال اني ما اقدر اسويلك شي ؟؟؟؟ حلا بثقه : انا قلت .... بعدين ياويلك مني اذ لمستني رعد بستهزاء :ههههههههههه ياويلي ليش ايش بتسوين مثلا حلا : بقول لجدي اكيد رعد : ههههههه لجدي ومين بيصدقك اصلا حلا ظهر عليها الخوف ابتسم رعد على خوفها وكمل وقال : بس اطمني انا ماني من ذول الشباب المنحرفين اللي ما عندهم دين ولا اخلاق عشان كذا انا اخذك لشالي بعدين من جمالك يعني عشان الواحد يعجب فيكي حلا بغرور : والله انا حلوه ومو منتظره اسمع كلام من ناس زيك ما عندهم ذوق رعد بطفش : اقول اسكتي بس ولا تكثري كلام ابركلك وبعد ربع ساعه وقف عند محطة والتفت لحلا وقال بتسائل : انا نازل للبقاله تبغي شي ؟؟؟؟ حلا بعصبيه: لا ما ابغى شي دام منك رعد بنرفزه : احسن وعمرك ان شاء الله ونزل رعد للبقاله وترك حلا سرحانه بأفكارها وهي تقول (( قال هو مو من الشباب المنحرفين اللي من دون دين ولا اخلاق اجل لمن يكلم البنات ويلعب عليهم ايش يكون اسمه هذا مو انحراف انعدام اخلاق ودين )) وطلعت من افكارها على صوت دقت الجوال ابتسمت وهي تشوف المتصل رد عليه حلا : هلا بالغالي اللي ناسي بنت اخته راكان وهو يضحك : هههههه افا .. انا انسى بنت اختي القمر مستحيل الا الحين قوليلي كيفك يا قلبي ؟؟؟؟ حلا تذكرت اللي صار معاها هي ورعد وقالت : تمام وماشي حالي راكان لاحظ انو صوتها في شيء غريب فقال : ايش فيكي يا روح خالك حلا وهي تبكي وقالت : رورو ارجع تكفى اشتقتلك راكان وهو يسمع شهقاتها يعرف بنت اخته مستحيل تبكي على شان موضوع بايخ واكيد انو ورى هذا الموضىع سالفه راكان قال يهديها : حلا لا تخوفيني عليكِ قوليلي ايش فيكي ؟؟؟؟ حلا والعبرة خانقتها من رعد وتصرفاته : ولا شي بس اشتقتلك موووت راكان للحين هو مو مقتنع من كلامها لانه كثير كان يكلمها كل اسبوع ولا مره بكيت فيها فقال يخفف عنها : الحين كل هذا الفيلم بس عشان شوقك لي حلا بابتسامه وهي توقف بكى : ايوه ابكي بسبب شوقي ووحشتي لك ولا حرام كمان راكان ببتسامه : لا مو حرام اقول حلا انا اتصلت عشان ابشركِ واقولك اني بعد اسبوع ونص رح ارجع لكم على طول حلا بفرح وهي تمسح دموعها : صدق رورو؟؟؟؟ راكان وهو فرحان لفرحها : ايوه صدق يا عمري حلا بوناسه : أحبك واموووت فيك يا رورو راكان بغرور : ادري انك تحبيني موووت ووووو -------------------------- عند رعد بعد ما اشترى شيبسات وعصيرات عشان الطريق قدامهم طويل حاسب ورجع لسيارته ولقى حلا جالس تتكلم من الجوال وتبكي قرب منه وهو مستغرب ويبغى يعرف مين بتكلم قرب بدون ما تحس فيه وقبض يده بعصبيه وهو يسمعها تقول ولا شي بس اشتقت لك ايوا ابكي بسبب شوقي ووحشتي لك ولا حرام كمان صدق رورو ؟؟؟؟ أحبك واموووت فيك يا رورو ما قدر يسمعها أكثر من كذا تقدم منها وهي يحس بعصبيه سحب منها الجوال وقفله التفت له بصدمه وقالت : رعد ؟؟؟ رعد بعصبيه : بشحمه ولحمه حلا من الصدمه انعقد لسانها : ......... رعد بحده : انتي ما تستحي على وجهك تكلمي شباب استغربت حلا من تفكيره السيء وقالت له : رعد انا .... قاطعها بنرفزه : انتي ايش قليلة ادب صح اصلا الحريم كلهم كذا نفس الطينه ولا ما كمان جلستي تتكلم بالجوال مع شباب اكيد وحده حقير زيك متعود على هذي الحركات حلا هنا قالت بتدافع على نفسها: اولا انا ما اسمح لك تتهمني باني اكلم شباب ثانيا انا ماني حقير وعندي شرف ثالثا انا كنت جالس اكلم خالي راكان واذ مو مصدق كلمه واذ ما تبغى فعمرك لا تصدق ورابعا واخير شوف نفسك قبل ما تتهم غيرك يا قليل الحيا يا راعي البنات ما مكفيك اللعب على البنات بالجوال كمان تقابلهم عيني عينك في السوق ولا تنكر انا لساعني ذاك الاسبوع شايفتك انت وثلاثه بنات يا حقير يا نذل رعد هنا صارت الشياطين تنقز قدامه وقال بعصبيه : تسكتي ولا اوريكي شي ما رح يسرك حلا بتريقه : ليش مو عاجبتك الحقيقه ولا خايف من انو يعرف الكل وساختك ؟؟؟؟ رعد خلاص فقد اعصابه وما حس بنفس الا وهو ضاربها كف على خدها و طلع لها الدم من شفايفه حلا بكره قالت : حقير اكرهك تضربني والله تشوف رعد مسك يدها بقوه وقال : شفتي اذ عرفت انو الجني الازرق عرف باللي صار اليوم والله وهذيني حلفت ما يصرلك خير يا بنت عمتي وتركها وراح لمقعد السائق وحرك وهو طول الطريق ساكته وبيحاول يهدي نفسه طبعا حلا بعد كذا خافت منه بس سوت انو ولا على بالها وارسلت رساله لخالها وقالت له فيها انو الخط قطع ... الخ ------------------------------ بيت ابو سامي وفي غرفة سحر كانت منسدحه على سريرها وهي بتكلم صاحبتها نور بالجوال سحر بتسائل : ها ايش صار اليوم في الجامعه؟؟ نور : اه يعني ما سمعتي اخر الاخبار سحر : لا ماسمعت يلا انتي قوليلي نور : اليوم صارت مضاربه بين استاذه وبنت تخيلي عشان ايش قال بس لانها تأخرت وما دخلت بدري للمحاضره سحر بملل : من جد وايش في كمان ؟؟؟؟ نور : واليوم تأخر سواق حلا وبغيت اوصلها بس ما رضيت اي وعلى فكره هي اليوم رايحه الشاليه مع اولاد خالها واظنهم الحين وصلوا سحر بحماس وقهر : اي واكيد ريم معاهم ؟؟؟؟ نور : ايوه اصلا هي اول من قال هذا الخبر سحر : الله يقطعهم كل يوم في مكان ما يجلسوا في البيت استغفر الله نور : ايوه جد ما تركوا مكان ما راحوا له الله لا يباركلهم في كل عيشتهم لا وفوق هذا يتكبرون على خلق الله عشان هم اغنياء سحر : اي والله عاد صادق بس انا اكثر وحده اكرهها ديك اللي ما تتسمى عشنها اخذت مني فهد حب الطفوله نور : مين قصدك ريم ؟؟؟ سحر بقرف : لا تنطقي اسمها قدام طيب وغير السيره نور: طيب ان شاء الله ما عاد اجبلك سيرتها بس انتي قوليلي هي كيف اخذت فهد منك ؟؟؟؟ سحر بقهر : طبعا بغرورها وتكبرها ومياعتها انا متأكده انها لعبت عليه وخلته يحبها او يعتقد انه يحبها نور بتصديق : استغفر الله العظيم ايش هذا الكلام سحر : والله هذا هو الصدق اجل في واحد زي فهد يطالع لبنت زي ريم يعني قال من زينها وهي كلها شينه اكيد مسويتله عمل بس والله لا انتقم منها واوريها قيمتها نور : طيب الله يكون بعونك ولا تقطعينا في هذي الثلاثه ايام من اخبارك سحر : ان شاء الله الا اقول نور تراني مشغوله ماما تبغاني اسعدها اكلمك بعدين مع السلامه نور : طيب مع السلامه وقفلت سحر الجوال وغمضت عيونها وهي تحاول تفكر بخطه تخرب فيها على ريم وفهد وفي نفس الوقت تنتقم من ريم ----------------------------- في الشاليه وفي كبينة الحريم دخلت حلا وهي راسمه احلى ابتسامه على شفايفها وكأنوا ما صار شيء سلمت على الحريم بعدين دخلت عند البنات حلا بفرح : كيفكم بنات ؟؟؟ نغم وريم : تمام الحمد لله وانتي كيفك ؟؟؟ حلا : تمام دام شفتكم ريم : دوم مو بيوم حلا : يديمك ربي ....والله ولكم وحشه نغم : وحشتك اكثر حلا : تسلمين نغم : الله يسلمك ريم : اي صح نغومه ما قلتيلي كيف حال اخويه معاك ؟؟؟ نغم ابتسمت عشان لا تحسسها بشيء وقالت : الحمد لله تمام الله يحفظه حلا حست بأنو نغم بتحاول تخفي شيء بس ما علقت عشان ريم لا تنتبه وقالت : اي عاد ويحفظك انتي كمان له الا تصدقون ان يبغالي اخذ شور وابدل ههههه عشان جيتكم بملابس الجامعه ريم بستغراب : طيب وليش ما قلتي لسواق ياخذك البيت ؟؟؟؟ حلا : لانو مو السواق اللي جابني نغم : اجل مين جابك ؟؟؟ حلا وهي واقفه عن الباب : رعيد ما غيره ريم شهقت وقالت : بالله احلفي حلا : والله يلا الحين بالاذن بروح اخذلي شور نغم : ايوه وبعد كذا تجي تحكينا قصتك مع رعد حلا بطفش : مع انو مافي شيء مهم بس لعيونك احكيكم ايش صار ريم : تسلم عيونك راحت حلا وتركتهم واخذت لها شور عشان تهدي اعصابها وتسترخي بعد كذا لبست فستان يوصل لركبه بنفسجي و تعطرت وحطت ميك اب وروج حاولت فيها اخفاء الجرح اللي في شفايفها بعد كذا سرحت شعرها بطريقه جنان وربطته ولبست اكسسوارات بيضه وبنفسجيه وصندل ابيض { الله يكرمكم } ورجعت لبنات وحكتهم سالفتها مع رعد بس مع اخفاء بعض الحقائق يعني ما قلتلهم كل شيء ------------------------- التعريف بالشخصيات الجديده راكان  (عمره ٢٦سنة يدرسه في الجامعه واخر سنه طب جراحه وهو اصغر عيال الجد سلطان ومزيوووون مررره يحب المزح والرومنسيه وفي وحده ساكنه قلبه <<< نتعرف عليها في الروايه ))نور (( عمرها ٢٢ وهي ما عاده السنه ولا مره بس دخلت متأخر الجامعه وهي بنت شريره مع حلا وريم في نفسه القسم وصاحبة سحر )) سحر (( عمرها ٢٣ سنه وعاده السنه مرتين وهي بنت حاقده وشريره زيها زي نور بس اللي يميزها انو هي راس الشر تحب فهد وتبغى تخرب بينه وبين ريم عشان يرجعلها قال وهي بنت عاديه ومافيها شي حلوه )) | ||||
|
| |
|
03-05-14, 06:47 AM
| #10 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ( تابع البارت السادس ) عند المواقف كان رعد مغمض عيونه بتعب وهو يتذكر المكالمه اللي اجرها قبل شويه ولازالت للحين يفكر في الكلام اللي سمعه . . قبل ربع ساعه . . وقف رعد السياره في الموقف نزلت حلا من السياره وهي ولا على بالها حتى شكرا ما شكرته اتنرفز رعد منها وبغي يوقفها ويعطيها محاضره ثانيه في الاخلاق بس طلع من افكاره على صوت رقعت باب السياره حاول رعد يروق وتعوذ من الشيطان ولا كان الحين قام وطلع كل حرته فيها مسك الجوال وما حس على نفسه الا وهو يدق على عمه راكان بعد كم رنه جاه صوت عمه وهو يقول : الوو السلام عليكم هلا والله بالقاطع اللي ما يسأل عن عمه رعد : وعليك السلام واهلين فيك وسامحني والله انا مقصر في حقك بس ايش اسوي مشاغل الحياه راكان : والله العمر يخلص والشغل ما يخلص على كل حال الله يعينك رعد : امين ويعينك انت كمان على اختباراتك راكان : امين الله يسمع منك ... الا اقول كيفك وايش اخبارك انت والاهل ؟؟؟؟ رعد : الحمد لله انا بخير والاهل كمان ويسلموا عليك وينتظروا شوفتك راكان : الله يسلمهم ان ان شاء الله اسبوع ونص اكون عندكم رعد : ان شاء الله اي صح وانت كيفك يا عمي راكان : انا ماشي حالي بعدين تعال هنا ايش عمي ذي حرام عليك والله انا صغير دوبني ادخل ال ٢٦ يعني اكبر منك بسنه بس رعد : ههههه طيب خلاص ما يصير الا اللي تبغاه يا راكان ولا اقولك رورو على قولت حلا راكان بضحك : ههههههه لا ايش رورو ذي بعدين انت ما ينفع تدلع فلو سمحت اترك الدلع لاصحابه رعد : ان شاء الله راكان هنا تذكر شيء وقال : رعد اقول انت شفت حلا اليوم ؟؟؟ رعد بستغراب : ايوه شفتها ليش ما قلتلك اننا في الشاليه ؟؟؟؟؟ راكان بتفكير : اممممم لا ما قالتلي رعد : طيب دوبك عرفت بس ليش تسأل ؟؟؟ راكان : اليوم لمن كلمتها حسيت انو فيها شيء غريب يعني كأنوا احد مزعلها رعد سوى نفسه ما يعرف وقال : من جد ومين اللي مزعلها ؟؟؟ راكان : مدري والله يبغالي اسألها رعد بينسيه الموضوع : لا لا تسألها خليها على راحتها هي بعدين اذ كان فيها شيء رح تقلك فالاحسن انو ما تضغط عليها حتى لا تزيد زعلها زعل راكان : انت كذا تقول ؟؟؟؟ رعد : ايوه راكان : اجل انا حأسيبها براحتها ونشوف لفين رح نوصل رعد : طيب عمي اقصد راكان توصي بشيء ؟؟؟ راكان : لا بس وصل سلامي للاهل و بارك عني لبندر رعد : حاضر بس اقول لك رأي احس انو احسن شيء انت اللي تباركه له تطلع حلوه منك راكان : خلاص اجل بس وصل سلامي وبندر سيبه على يلا مع السلامه رعد : الله يسلمك في امان الله . . طلع رعد من افكاره وهو يحس بالراحه لانو حلا طلعت من جد ما تكلم الشباب زي باقي البنات وهذا اللي خلها يعجب بشخصيتها وعشان يتأكد ويقطع الشك باليقين دق تلفون وبعد ما انتهى من مكالمته ابتسم لفكرته الذكيه و نزل من سيارته وهو مبسوط ومروق على الاخر ---------------------------- مع تحياتي لكم | ||||
|
| |
|
| أدوات الموضوع | |
| انواع عرض الموضوع | |
|
|
العرض العادي
